## Aionian Bible ## File Name: Holy-Bible---Pohnpeian---Pohnpeian-NT-Psalms-Old-Alphabet---Source-Edition.VPL.txt ## File Usage: Holy-Bible---Pohnpeian---Pohnpeian-NT-Psalms-Old-Alphabet ## File Created: 02/23/2024 00:06:58 ## File Purpose: Supporting resource for the Aionian Bible project ## File Location: https://resources.AionianBible.org ## Publisher Name: Nainoia Inc ## Publisher Contact: https://www.AionianBible.org/Publisher ## Publisher Mission: https://www.AionianBible.org/Preface ## Publisher Website: https://NAINOIA-INC.signedon.net ## Publisher Facebook: https://www.Facebook.com/AionianBible ## Source URL: https://ebible.org/Scriptures/pon_vpl.zip ## Source Date: 02/21/2024 19:17:08 ## Source Text: unaltered below ## PSA 1:1 MEID pai ol o, me jota alialu ni padak en me doo jan Kot akan o me jo duki on me dipan akan, o me jo mondi ren me malaun akan, PSA 1:2 A me kin peren kida kapun en leowa o madamadaua duen a kapun ni ran o ni pon! PSA 1:3 A rajon tuka pot, me padedier ni kailan pilap akan me kin kapareda wa ni a anjau, o ta kan jota kin monala, a karoj a wiawia pwaida. PSA 1:4 Me doo jan Kot akan jota kin dueta, a re rajon dip me an kin iririp jili. PSA 1:5 I me doo jan Kot akan jota pan pwai kida nan kadeik, o me dipan akan nan momod en me pun kan. PSA 1:6 Pwe leowa kotin mani al en me pun kan; a al en ir, me doo jan Kot akan, pan joredi. PSA 2:1 DA me men liki kan linarinarki, o da me wei kan lamelam eki me mal akan? PSA 2:2 Nanmarki en jappa kan kin kanudi o jaupeidi kan kapukapun pena, en kaokaoe dodok en leowa o Japwilim a me keidier. PSA 2:3 Kitail en kawela ara men jaliedi o kaje jan kitail ara jal akan! PSA 2:4 A me kotikot nanlan, kotin kiparamateki, o Kaun o kotin mamale kin irail. PSA 2:5 Eu ran a pan kotin kapun on ir ni a onion; o ni a onion lapalap a pan kotin kamajak irail. PSA 2:6 A nai kajapwilada ai Nanmarki pon dol en Jion jaraui. PSA 2:7 A nai pan padaki wei duen aude pan kapun en leowa! A kotin majani on ia er: Koe nai Ol, ran wet I kaipwi uk adar! PSA 2:8 Poeki re i, I ap pan ki on uk, en jojoki men liki kan, o en aneki imwin jappa kan. PSA 2:9 Koe pan kawe irail ekidi jokon mata, o kamor irail pajan raj on dal akan. PSA 2:10 Ari, komail nanmarki kan en dukidi, o komail jaunkapun en jappa kan en lolekonala! PSA 2:11 Papan leowa ni lan o pereperen ni majak! PSA 2:12 Metik japwilim a Ol, pwe a der onion, o komail ap lokidokila pon al o, pwe a onion kak madan tapida. A meid pai ir karoj, me liki i. PSA 3:1 O IEOWA, ai imwintiti me toto, o ir me toto, me kanudi on ia! PSA 3:2 Me toto kin inda duen nen i, me dene jota jauaj pa i ren Kot. Jela. PSA 3:3 A komui Ieowa pere pa i, o komui pan kotin kalinana ia da, o kamait ia la. PSA 3:4 I kin likwiri on Ieowa ki nil laud; o a kotin mani ai nidinid jan ni japwilim a dol jaraui. PSA 3:5 I kin wonon, o mamair, o pirida, pwe Ieowa kin kotin kolekol ia. PSA 3:6 I jota kin majak jaunpei nen pak toto, me kin kapil ia pena. PSA 3:7 Kom kotida Main, Ieowa o jauaj a ia, ai Kot! Pwe kom kotin pikir ai imwintiti karoj, o kawelar ni en me japun kan. PSA 3:8 Ieowa me jauaj patail Kom kotin kamauiada japwilim omui aramaj akan! Jela. PSA 4:1 KOT kapun pa i, kom kotin mani ia ni ai likelikwir. Pwe kom kin kotin kamait ia la ni ai anjau apwal. Kom kotin maki on ia o mani ai kapakap. PSA 4:2 Komail jaumaj akan! Arai da mar ai pan jujued? Arai da omail pok on me mal kot, o omail perenki likam? Jela. PSA 4:3 Komail lolekonala, ap aja, me Ieowa kotin piladar japwilim a lelapok o. Ieowa kin kotin mani ia ni ai likelikwir on i. PSA 4:4 Ni omail makar, komail der wia dip. Komail madamadauaki monion omail ni omail wendi pon loj o ap auiaui. Jela. PSA 4:5 Komail maironki mairon pun o liki Ieowa. PSA 4:6 Me toto kin inda: Ij me pan kajale on kitail me mau kan? A Ieowa, kom kotin kamaraine kin kit marain en jilan omui! PSA 4:7 Komui kotin kaperenda monion i laud jan anjaun arail wain o korn me toto. PSA 4:8 I kin wonon o mamair ni popol; pwe komui ta Main, me kotin jauaj a ia da, pwe i en kak moleilei. PSA 5:1 IEOWA kom kotin ereki ai lokaia o kotin mani ai madamadaua. PSA 5:2 O kotin mani ai likelikwir, ai Nanmarki o ai Kot, pwe i pan potoan kapakap on komui. PSA 5:3 Main Ieowa, kotin mani nil ai nin joran, nin joran i men tu on komui o majamajan. PSA 5:4 Pwe komui kaidin Kot amen, me kin mauki tiak japun, me morjued jota pan mimieta mo ’mui. PSA 5:5 Me aklapalap akan jota pan pwaida mon jilan omui, kom kin kotin juede ki me japun kan. PSA 5:6 Kom pan kotin kamela me likam kan; Ieowa kin kotin tataki me kamela o kotaue aramaj akan. PSA 5:7 A i pan pedelon on nan tanpaj omui, pweki omui kalanan lapalap, o kaudok ni lan inen won japwilim omui im en kaudok o. PSA 5:8 Main kom kotin kalua ia ni omui pun, pweki ai imwintiti kan; kom kotin kaineneta al omui mo i. PSA 5:9 Pwe jota me melel kot ni au arail; o lol arail rokeki kaopa. Kapinwor arail rajon joujou me jo jer pena; o re kin akjanjale mauki lo arail. PSA 5:10 Kom kotin kadeik irail da, Main Kot, pwe ren pup kidi pein arail inon. Jikin ir wei, pweki arail dip lapalap, pwe re kin kanudi on komui. PSA 5:11 Karoj, me liki komui ap pan peren kida, re pan pereperen kokolata, pwe kom kin kotin jinjila irail. Irail pan pereperen, me kin pok on mar omui. PSA 5:12 Pwe komui Main kin kapaiada me pun kan. Komui kin kotin nekid ir ala ki omui kalanan dueta pere eu. PSA 6:1 MAIiN, kom der kotin kaloke kin ia omui onion, o der kame kin ia omui onion lapala! PSA 6:2 Main, kom kotin maki on ia, pwe nai me luet. Main, kom kotin kamau ia la, Main Ieowa, pwe ti kan me luetalar. PSA 6:3 Main, kom kotin jaupei don ia, dorela nen i. Kom kotin jauaja ia ni omui kalanan. PSA 6:4 Main, kom kotin jaupei don ia, dorela nen i. Kom kotin jauaja ia ni omui kalanan! PSA 6:5 Pwe murin melar jolar me pan tamanda komui; o ij me pan kapina komui wajan mela? PSA 6:6 I pana kida ai janejan jan jautik lel manjan; i kawijoki jokela ai loj pil en maj ai. PSA 6:7 Mom ai juede kilar ai injenjued, o i malar, pweki kamakama jak pai me toto. PSA 6:8 Komail aramaj morjued akan karoj kaiwei jan ia, pwe Ieowa kotin mani ai janejan. PSA 6:9 Ieowa kotin mani ai nidinid, o Ieowa kotin manier ai kapakap. PSA 6:10 Ai imwintiti karoj pan namenokela o majakada melel, re pan tanwei o madan jarodi. PSA 7:1 MAIN, i kin liki komui Ieowa, ai Kot. Kom kotin jauaja ia on ai imwintiti kan karoj, o kotin dore ia la, PSA 7:2 Pwe ren der dueta laien amen kol ia di o tapen ia pajan, pwe jota pil amen jaundor. PSA 7:3 Main, ai Kot, ma i wiadar mepukat, o ma pa i kat wiadar japun, PSA 7:4 O ma i depukki mejued en akai ar wiawia mau on ia, pwe I dorelar, me imwintiti on ia, ap jota karepa, PSA 7:5 A ma jo due, ai imwintiti en kaloke ia, o kol ia di, o tiakedi maur i nani pwel, o kawela mar ai. Jela. PSA 7:6 Main, kom kotida ni omui onion o kotin palian makar en ai imwintiti kan, o kotin opadan ia, pwe re kotin inau kidar kapun, PSA 7:7 Pwe wei kan pan pokon don ir; o re kotin purodala pweki irail. PSA 7:8 leowa iei jaunkapun en wei kan. Main, kotin jauaja ia, duen ai pun o duen ai lelapok! PSA 7:9 Re kotin kadukiedi mejued en me doo jan Kot akan, ap kotin katenedi me pun kan. Pwe komui Kot pun, kin kotin kajaui monion o mudilik kan. PSA 7:10 Kot iei pere pa i, me kin kotin jauaja me melel ni monion arail. PSA 7:11 Kot jaunkapun pun amen, me kotin onionada ni ran karoj. PSA 7:12 Ma meamen jota pan wukila, a ap kotin ada japwilim a kodlaj o onopada kajik katieu o kainene won i, PSA 7:13 O kotin pwil poa kananan kajik katieu men kamela. A kotin kaonopada japwilim a kananan kajik katieu, pwe men karonala. PSA 7:14 Kilan, a lamelam me dir en jued, a lijenaneki men kaokaoe o pan naitikedi likam. PSA 7:15 A weiradar por eu o wiadar lolia, ap pein pupedi on lole, me a weiradar. PSA 7:16 A men kamela pan japale don pein mon a, o a dodok jued pan pupedi on pein a al en wei. PSA 7:17 I pan kapina leowa, pweki a pun, o i pan kauleki mar en leowa me lapalapia. PSA 8:1 MAIN at Kaun, mar omui meid linan nan jap karoj! Irail kin kapina komui nanlan! PSA 8:2 Jan nan au en jeri pwelel, o ir me kin kankan didi, re kotin wia kidar manaman eu on omui imwintiti kan, pwe komui en kamela me imwintiti o, o me aktuau o. PSA 8:3 Ma i kilekilan lan, dodok en lim omui, jaunipon o uju kan, me re kotin wiadar: PSA 8:4 Dakot aramaj o, pwe komui kin kotin kupkupura i, de nain aramaj, pwe komui kin kotin apapwali i? PSA 8:5 Re kotin kajapwilidier i anjau kij pan tounlan kan, a re kalinanadar i, o kawauialar i. PSA 8:6 Re kajapwiladaner i wiawia en lim omui kan. Kom kotin kaloedier karoj pan na a kan: PSA 8:7 Jip o kau kan, o pil man en jap akan. PSA 8:8 O manpir en pan lan, o mam en nan jed, karoj me kin memaureki nan madau. PSA 8:9 leowa at Kaun, mar omui meid linan nan jap karoj! PSA 9:1 I MEN kapina leowa jan nan monion i meler, o kajokajoiia duen japwilim omui dodok kapuriamui kan karoj. PSA 9:2 I men pereperen o polauleki komui o kauleki mar omui; komui me lapalapia, PSA 9:3 Pwe re kotin kaloedier ai imwintiti kan, irail pupedier o melar. PSA 9:4 Pwe re kotin apwali ia ni ai pun o ai dodok. Komui kainpokedi pon mol omui duen jaunkapun pun amen. PSA 9:5 Kom kotin kapun on men liki kan o kotin kamela me japun kan, kom kotin kawelar mar arail kokolata. PSA 9:6 Imwintiti o joredier, a namenokalar melel. Komui kotin wuketedi kanim akan; o jolar, me pan taman irail ada o tou ar akan. PSA 9:7 A Ieowa pan kotin kaunda kokolata. A kotin kaonopada mol a, pwen kadeikada. PSA 9:8 O a pan kotin kadeikada jappa ni pun, o kakaunda wei kan pun. PSA 9:9 Ieowa jile pan me jamama kan, jilepa ni anjau apwal. PSA 9:10 I me irail, me aja mar omui kin liki komui, pwe komui jota kin muei jan irail, me kin rapaki komui, Main Ieowa. PSA 9:11 Kauleki Ieowa, me kin kaunda nan Jion. Komail padaki on wei kan a wiawia! PSA 9:12 Pwe a kotin taman irail ada o kotin kainoma nta ’rail. A jota kin kotin maliela likwir en me jamama kan. PSA 9:13 Main Ieowa, kom kotin maki on ia. Re kotin mani ai apwal ren ai imwintiti kan, kom kotin dore ia la jan nan wanim en mela. PSA 9:14 Pwe i en kajokajoiia duen omui dodok kapuriamui pan wanim en nain Jion, perenki jauaj pa om. PSA 9:15 Men liki kan pupedi on nan por o, me pein irail weiradar, o nil ’rail lodi on injar, me pein irail wiadar. PSA 9:16 I me kitail ajaki, Ieowa me kotin kapun pun. Me japun kan jalidi on pein ar dodok en pa ar akan. Jela. PSA 9:17 Me japun kan en lokidokila nan wajan mela, o men liki kan karoj, me kin monokela Kot. PSA 9:18 Pwe me jamama o jota pan monokinokla kokolata, o me luet akan jota pan kaporoporeki mal kokolata. PSA 9:19 Main, kom kotida! Pwe aramaj ender pwaida, a men liki kan karoj en pakadeikada mo omui. PSA 9:20 Main, kotiki on ir men kamajak, pwe men liki kan en dedeki, me re udan aramaj eta. Jela. PSA 10:1 MAIN, da me kom kotin doo jan ia, o da me kom kotin rir jan ia ni anjau apwal? PSA 10:2 Me japun kan ni ar aklapalap re kin kaloke me jamama o; re kin pokon pena o madamadaua duen ar morjued. PSA 10:3 Pwe me japun o kin juaiki a tiak jued, o me norok moni, kin muei jan Ieowa, lalaue i. PSA 10:4 Me japun o kin lamelame ni a aklapalap, me a jota kotin mani duen mepukat. Ni jon en a tiak jued karoj, a kin lamelame me jota Kot. PSA 10:5 A kin pwaida ni a dodok kan. A japwilim omui kapun me doo jan i; a kin lalaue a imwintiti kan karoj. PSA 10:6 A kin indinda nan monion i: I jota pan lodi; i jota pan diar ai apwal kot kokolata. PSA 10:7 Au a me dir en lalaue, o malaun, o kotaue, o pan lo a kin me jued o me apwal. PSA 10:8 A wonon o majamajan nan kanim akan, a kin rir kamela me makelekel o, o por en maj a kin majamajan me japai o. PSA 10:9 A kin majamajan waja rir dueta laien amen nan deu a, a kin auiaui, pwen koledi me luet o, a kin jaikidi me luet o ni a injar. PSA 10:10 A kin dairukorokedi o karakarakedi, o me japai kan pan lodi on ni kiki kon kelail akan. PSA 10:11 A kin indinda nan monion i: Kot pan monokela, a kin karirila jilan i, a iota man mani. PSA 10:12 Re kotida Main Kot, kotin pokada lim ar, kom der kotin maliela me luet akan. PSA 10:13 Menda me doo jan Kot o kin mamaleki Kot, o a kin indinda nan monion i, me dene kom jota pan kotin mani. PSA 10:14 Ari jo, kom kotin mani, pwe kom kotin ireron me luet o kankaneraner akan, pwen jauaja ir. Me japai o kin mueid on komui pein i, o komui me jauaj pa en me japoupou o. PSA 10:15 Kom kotin katip pajan pa en me japun o, o kotin depuk on mejued o a tiak jued lao jolar pan diarokada. PSA 10:16 Ieowa me Nanmarki kokolata; men liki kan en nikilar jan nan japwe. PSA 10:17 Main, kom kotin manier inon en me luet akan; kom kotin kamanada monion arail, karon omui mamani mepukat, PSA 10:18 Pwen jauaja me japoupou o jamama o, pwe aramaj en jappa en jolar kanudi. PSA 11:1 I LIKI Ieowa, a menda komail indan nen i: Piridalan pon omail nana dueta manpir amen? PSA 11:2 Pwe kilan, me doo jan Kot akan kaonopadar kajik katieu o pwilikidi ar kanan en kajik katieu pon jal o, pwen rir kajikiedi me melel ni monion arail. PSA 11:3 Pwe ma ur akan ronk pajan, da me aramaj pun en wiada? PSA 11:4 Ieowa kotikot nan tanpaj a jaraui, mol en Ieowa mimi nanlan, jilan i kin mamajani jili, kil en jilan i kin jojon aramaj akan. PSA 11:5 Ieowa kotin jon me pun, ap kotin tataki me japun o morjued. PSA 11:6 A pan kotin kamoredi on me doo jan Kot akan liol, o kijiniai, o jwepel, o a pan katine kin irail melimel. PSA 11:7 Ieowa me pun o a kotin pok on me pun. Jilan i ireron on me melel o. PSA 12:1 MAIN kom kotin jauaja, pwe me lelapok kan malaulaular, o me melel akan me malaulau ren aramaj akan. PSA 12:2 Irail kin lokaia likam, amen amen on men impa, re lokaiaki lol riapot. PSA 12:3 Ieowa pan kotin ujada kil en au karoj me linkapin o lo, me kin lokaia wei ni aklapalap. PSA 12:4 Me kin indinda: Lo atail, me kit pan pwai kida, o kil en au at me kit keleki; ij at kaun? PSA 12:5 Ieowa kotin majani: I pan uda, pweki kankaneraner en me luet akan o janejan en me jamama kan: I pan jauaja i, me kin inon ion. PSA 12:6 Majan en Ieowa me makelekeleta jilper, me kamakelekel kidar nan dal pwel en kijiniai pan pak iju. PSA 12:7 Komui Main, pan kotin pera irail, o jinjila mon di wet kokolata. PSA 12:8 Pwe me japun kan pan totolar waja karoj, ma aramaj jued pukat kin kaunda aramaj akan. PSA 13:1 MAIN arai da kom pan kotin malie ia la? Arai da komui pan kotin karirila jilan omui mo i? PSA 13:2 Arai da i en perki nan lol ai o jalo mi nan monion i ran karoj? Arai da ai imwintiti en kaurur kin ia? PSA 13:3 Main ai Kot, kom kotin majan don ia o japen ia. Kom kotin kamaraini maj ai, pwe i ender mela. PSA 13:4 Pwe ai imwintiti ender inda: I kaloedier i. O me palian ia ender perenki ai pupedier. PSA 13:5 A i kin liki omui kalanan; monion i en peren kida omui kotin jauaja ia. I pan kauleki Ieowa duen a kotin wiawia mau on ia. PSA 14:1 ME pweipwei o kin indinda nan monion i: Jota Kot. Jota katepa ’rail, o arail tiak meid jued; jota amen mia, me kin wia me mau. PSA 14:2 Ieowa kin ireron aramaj akan jan nanlan, pwen majani, ma amen mia, me lolekon o rapaki Kot. PSA 14:3 A ir karoj juedelar o karoj jota kon on, jota me kin wiada me mau, jota amen. PSA 14:4 Irail karoj me kin wiada mejued, jota ar lolekon, o me kin kawela nai aramaj akan, lao medi kila, a re jota kin likwir on Ieowa? PSA 14:5 I waja re kin majak, pwe Kot kotikot ren kadaudok en me pun kan. PSA 14:6 Komail kin kawela inon en me luet; aki Ieowa, me a kin kaporoporeki. PSA 14:7 O i men, jauaj pan Ijrael en kodo jan nan Jion, o Ieowa en kotin lapwada japwilim a jalidi kan! I me Iakop pan injenemauki o Ijrael pan pereperenki. PSA 15:1 MAIN, ij me pan kaukaujon nan tanpaj omui? Ij me pan mimieta pon japwilim omui dol jaraui? PSA 15:2 Me kin kekeitwei ni makelekel, o me kin wia me pun, o me kin lokaia melel jan nan monion; PSA 15:3 Me jota karaun mal ki lo a, o me jota kin wia mejued on men imp a; PSA 15:4 Me kin mamaleki me lokidokilar o, ap kakaki me majak Ieowa kan, o me kin kaula melel, menda ma a juedi on pein i; PSA 15:5 Me jota pan piti jan en amen na moni, o me jota pan ale kijakij, pwen kawela me pun amen. Ari, me kin apwali mepukat, jota pan luetala kokolata. PSA 16:1 MAIN Kot, kom kotin jinjila ia, pwe i liki komui. PSA 16:2 Nai potoan on Ieowa: Komui ta ai Kaun, jota eu pai, me i aja, pwe komui eta. PSA 16:3 O I kin indan jaraui kan, me kin mi nan jappa: Met akan pwin ijou, me I kin pokepoke jan ni monion i. PSA 16:4 A irail me kin idedauen amen, pan lodi on apwal toto. I jota mauki arail mairon, me doleki nta, de mar arail I jota pan inda. PSA 16:5 A Ieowa ai pai o ai peren; Komui kin kolekol ai jojo. PSA 16:6 I diaradar ai pwaij en jap kajelel eu, ei pai kajelel eu, me i jojokier. PSA 16:7 I kapina Ieowa, me kotin kalolekon ia; pil ni pon mudilik i kan kin padaki on ia. PSA 16:8 I kin ariri Ieowa anjau karoj, pwe a kotikot ni pali maun i, i ap jota pan luetala. PSA 16:9 I me monion i kin peren kida, o nen i kin popol, pwe pil pali uduk ai pan moleilei. PSA 16:10 Pwe kom jota pan kotin mauki, nen i en mimieta nan wajan mela, o kom jota pan mueid on, me japwilim omui jaraui men pan mor pajan. PSA 16:11 Kom kin kotin kaaja kin ia al maur; peren lapalap mi mon jilan omui, o meid linan ni pali maun en lim omui kokolata. PSA 17:1 MAIN kom kotin ereki me pun o kotin mani ai likwir o kotin kupura ai kapakap, me jota kin kowei jan nan kil en au likam eu. PSA 17:2 Ai pun en pwili jan re omui, o kom kotin majan don me pun. PSA 17:3 Kom kotin kajaui monion I ni pon, o komui kotin jojon ia, ap jota me kom kotin diar. I inaukidi, me i jota pan japun ni ai lokaia. PSA 17:4 I kin rukila pan majan en jilan omui jan mon tiak en aramaj o al en men kamela. PSA 17:5 Ni ai alialu wei i jota muei jan nan lip en aluwilu omui, ai kakawei jota katia jan. PSA 17:6 I likwiri on komui, Main. Kot, kom kotin mani ia, o kapaike don ia karon omui, o kotin ereki ai kapakap. PSA 17:7 Kom kotin kajaleda omui kalanan kapuriamui, pwe pali maun omui jauaj pan ir, me kin liki komui, on ir me palian ir. PSA 17:8 Jinjila ia dueta por en maj eu, o kotin pera kin ia mot en lim omui, PSA 17:9 Mon me japun kan, me men kawe ia la, mon ai imwintiti, me kin kapil ia pena. PSA 17:10 Re kin kapiridi monion arail; o jan nan au arail re kin lokaia aklapalap. PSA 17:11 Waja je kin kola ia, re kin kapil kit pena, maj arail kin majamajan, pwen kaje kit di on nan pwel. PSA 17:12 Dueta laien amen, me inon ion mana, o dueta laien pul amen, me wonon nan waja rir. PSA 17:13 Main, kom kotida, kaloedi o kanamonokla i; dorela maur i jan me japun kan ki omui kodlaj, PSA 17:14 Jan ren aramaj akan ki lim omui, Main Ieowa, jan ren aramaj en jappa wet, me pwaij arail ni maur et; kom kotin kadire kila kaped arail omui dipijo kan, me nairail jeri ol me toto, o nairail akan me pan jojoki luan arail kapwa. PSA 17:15 A i pan ariri jilan omui ni ai pun, o i pan medikila mom omui ni ai pan pirida. PSA 18:1 I KIN pok on komui Main, ai kel. PSA 18:2 Ieowa ai paip, ai kel, ai jaundor, ai Kot, ai paipalap, me i kin liki, pere pa i, menkamaur pa i o jile pa i! PSA 18:3 I kin nidinid on Ieowa, me kapin en ko on, o i pan dorela jan ai imwintiti kan. PSA 18:4 I lodi oner jal en mela kan, o pilap en Pileam akan kamajak ia er. PSA 18:5 Jal en wajan mela kol ia dier, o jal en mela kaloe ia dier. PSA 18:6 Ni ai majak i likwir on Ieowa o weriwer on ai Kot; I ap kotin ereki nil ai jan nan tanpaj a, o ai likwir lel on karon a kan. PSA 18:7 Jappa rerer o mokidedar, o pajon en nana kan ititekok o rerer, ni a kotin onionidar. PSA 18:8 Atiniai koda jan nan jilan i, o kijiniai kelail jan nan au a, ap kareda liol. PSA 18:9 O a kotikidier nanlan o kotidido, o rotorot impan aluwilu a kan. PSA 18:10 O a kotikot pon Kerup amen o kotin pirwei, o a kotin dake pa en an. PSA 18:11 Tanpaj a im pwal iei rotorot, o katau laud, o tapok rotorot, kapil pena i. PSA 18:12 Linan me mi mo a, kamueit pajan tapok kan ian akel o liol. PSA 18:13 O Ieowa kotin wiadar nanjapwe nanlan, o me Lapalapia kotin poronelar kapit i ian akel o liol. PSA 18:14 A kotin kajik wei japwilim a kanan en kajik katieu, o kotin kamueit irail pajan. A kotin wiadar liol toto o kamajak irail adar. PSA 18:15 Al en pil akan ap janjaladar, o pajon en jappa weiweidar ki ar onion Main, mon an en jilan omui. PSA 18:16 A kotikidier lim a jan nan waja ileile, a kotin kol ia di o kotin api ia dar jan nan pil kalaimun akan. PSA 18:17 A kotin dore ia la jan ai imwintiti kelail akan, jan ir, me kailon kin ia, ir me i jota itar on. PSA 18:18 Irail kaloe ia dier ni ai ran apwal, a Ieowa kotin wialar jauaj pa i. PSA 18:19 O a kotin kalua ia wajan jaladok, a kotin kamaio ia da, aki a kotin kupukupura ia. PSA 18:20 Ieowa kin kotin jauaja ia duen ai pun, a kotin katini on ia duen makelekel en pa i kan. PSA 18:21 Pwe i kin weweid nani al en Ieowa, o i jota kin katiwo on ai Kot. PSA 18:22 Pwe a majan akan mi mo i, o i jota pan kaje jan ia a kujoned akan. PSA 18:23 Pwe nai unjokalar mon jilan i o juedeki ai japun. PSA 18:24 O Ieowa kotin katini on ia duen ai pun, o duen makelekel en pa i kan mon jilan i. PSA 18:25 Komui me kalanan on me mau kan, o lelapok on me lelapok kan, PSA 18:26 O makelekel ren me makelekel akan, o japun ren me japun kan. PSA 18:27 Pwe kom kin kotin dorela aramaj luet akan, ap kadukiedi maj en me aklapalap akan. PSA 18:28 Pwe kom kin kotin kamaraini ai lamp, Ieowa ai Kot kin kamaraini ai rotorot. PSA 18:29 Pwe ni ai ian komui i kak kaloedi karij en jaunpei kan, o ni ai ian ai Kot, i kak lujwei pon kel takai. PSA 18:30 AI en Kot me unjokala; majan en Ieowa me makelekel. I pere pan karoj, me liki i. PSA 18:31 Pwe ia amen Kot impan Ieowa, de ia paip eu impan atail Kot? PSA 18:32 lei Kot, me kotin aude kin ia manaman, o kaunjokala al ai. PSA 18:33 A kin kotin wiai on na i kan dueta na en tia, o kotin kajapwil ia dan waja ileile. PSA 18:34 A kotin padaki on pa i kan tiak en mauin o, pwen kak on kaonopada kaiik katieu mata. PSA 18:35 Kom kotiki on ia pere pan maur omui, o lim omui pali maun kamana ia da, o omui opampap me kajapwil ia da. PSA 18:36 Kom kotin kaonopadar al, me i pan weweid ia, pwe nil i kan ender krijedi. PSA 18:37 I pan tan won ai imwintiti kan o kono irail edi, o i jota pan puredo, lao karoj lodier. PSA 18:38 I pan kamor irail pajan, re jota pan kak palian ia, o re pan pupedi on pan na i kan. PSA 18:39 Kom kak kamana kin ia omui manaman on ni pei; Kom kak kajedi on pan na i kan karoj me palian ia. PSA 18:40 Kom kin kotin kaloedi on ia ai imwintiti kan, pwen kawela, me kailon kin ia. PSA 18:41 Re kin likelikwir, a jota jauaj parail ren Ieowa, a jota kotin japen ir. PSA 18:42 I pan juk irail pajan dueta pwel par nan kijinian; i pan kaje ir ala dueta pwel jamin jan nani al o. PSA 18:43 Kom kin kotin dore ia jan ren akamai en aramaj, o kom kotin kajapwil ia dan men liki kan; o wei eu me i jaja kin upa on ia. PSA 18:44 Ni ar roner, re peiki on ia er, o nain men wai kan peikion ia ni linkapin. PSA 18:45 Nain men wai kan poridier o rerer o pwarado jan nan ar im kalaimun akan. PSA 18:46 Ieowa kotin ieiaj; kapin on ai paipalap; o kapin on Kot ai jaundor. PSA 18:47 Kot me kotin depuk on ai imwintiti kan, o a kotin kaloedi on ia ai imwintiti kan; PSA 18:48 Kom kotin dore ia la jan ai imwintiti kan, o kom kotin kajapwil ia dan ir, me palian ia. Kom kin kotin jauaja ia on me, morjued on ia. PSA 18:49 I me i men danke komui, Main Ieowa, nan pun en men liki kan o kauleki duen mar Omui, PSA 18:50 Komui me kotin kamaurada melel japwilim a nanmarki o a kotin jauaja mau japwilim a Dawid keiedier o kadaudok a kokolata. PSA 19:1 LAN pokon kin kajokajoi duen linan en Kot o aude pan lan kin katitiki dodok en lim a kan. PSA 19:2 Ran eu kin kajokajoi on eu ran o pon eu kin padaki on eu pon. PSA 19:3 Jota kaparok o jota lepen lokaia, ari jo, nil a kin peido. PSA 19:4 O a loua padak lel on jap karoj, o a kaparok lel imwin jappa. A kotin wiai on katipin im pwal eu pan lan; PSA 19:5 O a kin pedoi jan nan a pera dueta ol kamod amen, o kin pereperen dueta ol kamod amen ni a tanwei pon al o. PSA 19:6 A dakada ni eu imwin lan ap tanalan imwin teio, o jota me kak rir jan mon karakar a. PSA 19:7 Kapun en Ieowa me unjok o kin kainjenemauiala nen en aramaj akan. Kadede en Ieowa me melel o kin kalolekonla me lolepon. PSA 19:8 Kujoned en Ieowa me pun o kin kaperenda monion en aramaj. Kujoned en Ieowa me makelekel o kamarainiada maj en aramaj. PSA 19:9 Lomwin Ieowa me min o kin duedueta. Majan en Ieowa kan me melel, o pun kaualap. PSA 19:10 Irail me kajampwal jan kold o kold linan toto, o iau jan onik o onik kajampwal. PSA 19:11 Ir me pil kin katamanda japwilim omui ladu, o me kin kapwai ir ada, ar katin me lapalap. PSA 19:12 Ij me kak aja duen toto en a japun? Kom kotin lapwada dip ai me rir akan. PSA 19:13 Pil perewei jan japwilim omui ladu me aklapalap, pwe ren der kaloe ia di, i ap pan punala, o pan makelekel jan dip lapalap kokolata. PSA 19:14 Kom kotin kupura kaparok en au ai o lokolokaia en monion I mo ’mui, Ieowa ai paipalap o ai jaundor. PSA 20:1 IEOWA en kotin mani om kapakap ni ran apwal o; mar en Kot en Iakop en pera uk! PSA 20:2 A en kotin porone don uk jauaj pam jan nan tanpaj jaraui o kamana uk ada jan nan Jion. PSA 20:3 A en kotin kupura om mairon karoj, o om mairon ijij en konkon re a. PSA 20:4 A en kotiki on uk, me monion om anane, o kotin kapaiada om inon karoj. PSA 20:5 Je pan nijinijki omui jauaja kit, o ni mar en atail Kot kit pan kida at plak. Ieowa en kotin kapwaiada om poekipoek karoj! PSA 20:6 I ap ajaer, me Ieowa kin kotin dorela japwilim a me keiedier, o a pan mani i jan nan japwilim a lan jaraui, lim a pali maun kin jauaja kaualap. PSA 20:7 Mo kan kin kaporoporeki war o oj akan; a kit kin keleki mar en Ieowa atail Kot. PSA 20:8 Irail lodier o pupedier, a kit uda o kajinenda. PSA 20:9 Main kom kotin jauaja nanmarki o, o kotin mani at likwir on komui! PSA 21:1 MAIN Ieowa, nanmarki o kin peren kida omui manaman, o a polauleki melel omui jauaja i! PSA 21:2 Kom kotiki on i, me monion I inon ion, o kom jota kin jopeiwei jan, me kilin aua poekipoki. PSA 21:3 Pwe kom kin wudokedi on poa me mau kan; kom kotin kalijorop kidi i nin kold kajampwal eu. PSA 21:4 A kin poeki re omui maur, komui ap kotiki on i maur warai kokolata. PSA 21:5 A linan me lapalap ki omui kotin jauaja i. Kom kin kotin kapwataki i manaman o linan. PSA 21:6 Kom kotin kajapwilada i, pwen wia kamau men kokolata; kom kaperenda i mon jilan omui. PSA 21:7 Pwe nanmarki kin liki Ieowa, o a pan dadaurata ki kalanan en me lapalapia. PSA 21:8 Lim omui pan diar omui imwintiti kan karoj, o lim omui maun pan diar me kailon kin komui. PSA 21:9 Kom pan wia kin ir ala jtop en kijiniai eu, ni omui pan kotin pwarado. Ieowa pan kotin kawe ir ala ni a onion, o kijiniai pan kan ir ala. PSA 21:10 Kom pan kotin karojela kadaudok arail jan nan jappa, o wa ’rail jan nan pun en aramaj akan. PSA 21:11 Pwe irail inau kidar, me re pan wia jued on komui a re jota pan itar on. PSA 21:12 Pwe komui pan kotin kajaloe ir ada, pwe ren tan; kom pan kotin padok won ir omui jal en kajik katieu. PSA 21:13 Main kom kotida ni omui rojon kit ap kauleki o kapina omui manaman. PSA 22:1 A I Kot, ai Kot da me komui likidmalie kin ia la? I likelikwir, a jauaj pa i me doo. PSA 22:2 Ai Kot, nin ran i kin likwir, a kom jota kin japen, o ni pon I pil jota kin nenenla. PSA 22:3 Ari jo, komui ta me jaraui, komui me kotikot pan kaul en kapin en Ijrael. PSA 22:4 Jam at akan liki komui, o ni ar liki, kom kotin jauaja irail er. PSA 22:5 Irail likwir on komui, rap dorelar, re liki komui, rap jota namenokala. PSA 22:6 A nai dueta kamatol amen, a kaidin ol amen, me aramaj akan kin lalaue o mamaleki. PSA 22:7 Karoj me kilan ia, kin lalaue, ia, jara pajan au arail o tuetual mon arail: PSA 22:8 A kin liki Ieowa, i en dorela i, o kamaioda i, pwe a kin kupura i. PSA 22:9 Pwe komui kotin kaipwi ia jan nan kaped en in ai; komui ta, me i liki jan ni anjaun ai mi ni maramaran in ai. PSA 22:10 Jan nan’ kaped en in ai i lokidokilan komui; komui ta ai Kot jan ni anjaun ai mi pon kopan in ai. PSA 22:11 Kom der kotin doo jan ia, pwe anjaun kalokolok korendor, ap jolar jauaj pa i. PSA 22:12 Kau ol kalaimun kan kapil ia penaer, o kau ol en Pajan kele ia pena. PSA 22:13 Irail jara don ia dueta laien weriwer o laualo amen. PSA 22:14 Nai wudokilar dueta pil, ai kokon akan karoj muei pajaner, o monion i pei pajaner nan kaped i dueta wi. PSA 22:15 Ai kelail nalanal lar dueta diper en dal eu, o lo i pajadan pan natanat ai, o komui kin wia kin ia me melar amen. PSA 22:16 Pwe kidi kan kapil ia pena, o pwin aramaj jued eu kele ia pena, irail kapore pajan pa i o na i kat. PSA 22:17 I kak wadok kokon ai kan karoj; a irail kin kilekilan ap peren kida. PSA 22:18 Re kin nek pajan ai likau kan nan pun arail, o re doropweki ai likau pup. PSA 22:19 A komui Main ender doo jan ia! Ai kel madando o jauaja ia! PSA 22:20 Dorela maur i jan kodlaj, pwe me ta ieu, o jan nan kel en kidi! PSA 22:21 Jauaja ia jan nan au en laien, o dore ia la jan oje en man laualo! PSA 22:22 I pan padaki on ri ai kan duen mar omui, o i pan kapina komui nan momodijou. PSA 22:23 Kapina leowa komail me majak i, o kadaudok en Iakop en kalinanada i, o wan Ijrael karoj majak i. PSA 22:24 Pwe a jota kotin mamaleki de juedeki me luet akan; o a jota kotin karirila jilan i jan irail; o ni a likwir on i, a kotin erekier. PSA 22:25 I pan kapina komui nan momodijou kalaimun; i pan kapwaiada ai inau mon ir me lan i. PSA 22:26 Me luet akan en mana o medila, o me idok leowa, pan kapina i; nen omail pan me maureta kokolata. PSA 22:27 Ni imwin jap karoj re pan tamanda leowa, ap wuki on i, o di en men liki karoj pan kaudoki on i. PSA 22:28 Pwe wein leowa, o a kotin kaunda men liki kan. PSA 22:29 Me wi kan karoj nin jappa pan manamana o kelepuki; karoj, me pan wiala pwel o jota kak kolekol maur ar, pan poni i. PSA 22:30 Kadaudok eu mia, me pan papa i, re pan padaki on jeri o jeri en jeri kan duen leowa. PSA 22:31 Re pan pwarado o padaki on aramaj akan, me pan ipwidi mur duen a pun, o duen me a kotin wiadar. PSA 23:1 IEOWA jile pa i, i jota pan anane meakot. PSA 23:2 A kotin kamana ia nan moj kajelel o kalua ia won ni pil lamelamur. PSA 23:3 A kotin kamanada nen i, a kalua ia pon al pun pweki mar a. PSA 23:4 I lao weid nan mot en mela, i jota pan majak me jued kot, pwe kom kotin ieian ia, omui irar o lepin jaipali kamait ia la. PSA 23:5 Kom kotin kaonop dan ia tepel eu jalon ai imwintiti kan. Kom kotin keiekidi mon ai le, o ai dal kin wudewudok. PSA 23:6 Pai o kalanan pan idauen ia arain ai maur, o i pan mimieta nan tanpaj en leowa kokolata. PSA 24:1 JAPWILIM en leowa jappa o audepa kan, jap o meakaroj me kaujon poa. PSA 24:2 Pwe a kotin pajonedier ni kailan madau, o a kotin wiadar pon pil akan. PSA 24:3 Ij me pan kodalan pon dol en leowa? O ij me pan kak uda ni mol en Ieowa jaraiui? PSA 24:4 me pa a kan jota japun o kin mauki padak japun, o me jota kin kaula likam. PSA 24:5 I me pan kamaula ren Ieowa, o a pan pun kila ren Kot a jaunkamaur. PSA 24:6 I kainok, me kin peiki on Kot, me kin rapaki jilan omui, Kot en Iakop. PSA 24:7 Komail ritinada wanim laud o lanada wanim nin jappa, pwe Nammarki linan en kotilon! PSA 24:8 Ij Nanmarki linan men et? I Ieowa rojon o manaman, Ieowa me rajon nan mauin. PSA 24:9 Komail ritinda wanim laud o lanada wanim ni jappa, pwe Nanmarki linan en kotilon! PSA 24:10 Ij Nanmarki linan men et? I Ieowa Jepaot; I Nanmarki linan. PSA 25:1 MAIN, I kin inon ion komui. PSA 25:2 Ai Kot, I liki komui, jauaja ia, pwe I ender jarodi, o ai imwintiti kan ender peren kida. PSA 25:3 Pwe karoj me liki komui, jota pan jarodi, a me pan muei jan komui pan jarodi. PSA 25:4 Main, kom kotin kajale on ia al omui kan, o kotin padaki on ia omui tiak kan; PSA 25:5 Kalua ia ni omui melel o kalolekon ia! Pwe komui ta ai Kot, me kin jauja ia, ran karoj, I kin auiai komui. PSA 25:6 Main, kom kotin tamanada omui kalanan o omui kapunlol, me tapidar mon kaua. PSA 25:7 Re der kotin kupura dip en ai tikitik o ai jopeik; a kupure ia ni ar kupunlol o kalanan! Main Ieowa. PSA 25:8 Ieowa me mau o lelapok, I me a kotin padaki on me dipan akan pon al o. PSA 25:9 A kin kalua pun me luet akan, o a kotin padaki on me luet akan al a. PSA 25:10 Al en Ieowa kan me dir en kalanan o melel on ir, me kin kolekol a inau o majan akan. PSA 25:11 Main, kom kotin maki on ai ai japun kan me lapalap, pweki mar omui. PSA 25:12 Ij ol, me kin Ian Ieowa? A pan kotin padaki on I duen al o, me a en pilada. PSA 25:13 Nen e pan mi waja mau o kaudaudok a pan aneki jap o. PSA 25:14 Ieowa kompoke pan me kin lan i, a pan kotin padaki on I duen a inau. PSA 25:15 Maj ai kin ariri Ieowa anjau karoj, pwe a pan kotin jau karoj, pwe a pan kotin lapwada na I kat jan nan injar. PSA 25:16 Kom kotin majan don ia, pwe nai japoupou o luet. PSA 25:17 Majak en monion I laluedalar; kotin kalua ia jan nan ai apwal akan! PSA 25:18 Kom kotin mani ai luet o ai kankaneraner, o kotin maki on ia dip ai kan karoj! PSA 25:19 Kom kotin mani duen ai imwintiti kan, pwe re me toto, o re kin kailon kin ai ni ar aklapalap. PSA 25:20 Kom kotin jinjila ai maur o dore ia la, kom kotin apwali ia, pwe I der namenokala, pwe I kin liki komui. PSA 25:21 Melel o pun en jinjila ia, pwe I auiaui komui. PSA 25:22 Main Kot, kom kotin dorela Ijrael jan nan ar apwal akan karoj! PSA 26:1 IEOWA kom kotin jauaja ia, pwe I kekeit wei ni melel, I kin liki Ieowa, i jota pan luetala PSA 26:2 Main kom kotin kajaui ia da o kajonejon ia, o kamakelekele mudilik I kan o monion i. PSA 26:3 Pwe I aja duen omui kalanan, o I kin weweid ni omui melel. PSA 26:4 I jota kin mondi ren aramaj aklapalap akan, o I jota kin waroki on me morjued akan. PSA 26:5 I kin tataki pokon en mejued akan, o i jota kin mondi ren me japun kan. PSA 26:6 I omiomi ki makelekel o i kin pok on japwilim omui pei jaraui, Main, Ieowa. PSA 26:7 Waja I pan kapikapina, nil laudeta o padak duen omui manaman akan karoj. PSA 26:8 Main Ieowa, I kin pok on wajan tanpaj omui, o wajan ar linan. PSA 26:9 Kom der kotin kajapoke ia la ianaki me dipan akan, de maur I ianaki me kamela aramaj akan. PSA 26:10 Pwe pa arail me dir en morjued o re ki men ale kijakij. PSA 26:11 A nai kin weweid ni makelekel. Dore ia la o kotin maki on ia! PSA 26:12 Na I kin aluwei pun. I pan kapina Ieowa nan momodijo kan. PSA 27:1 IEOWA kamarain pa I o kamaur pa i, ij me i en majak? Ieowa kel pan maur i, ij me I en lomwinki? PSA 27:2 Ma mejued akan pan tana don ia, pwen kawela uduk ai o ai imwintiti kan, re pan dipikelkel o pupedi. PSA 27:3 Ma pwin jaunpei pan kapil ia pena, i jota pan majapwekada, o ma mauin pan wiaui on ia, I pan liki i. PSA 27:4 Iet eta, me I inon ion o men poeki ren Ieowa, I en mimita nan tanpaj en Ieowa arain ai maur, pwen kilekilan jaraui kajelel en Ieowa kan, o ududial japwilim a im en kaudok. PSA 27:5 Pwe ni anjau apwal a kotin jinila ia nan tanpaj a im pwal. A pan kotin karuk ia la nan tanpaj a im likau, o kotin kau ia da pon paip eu. PSA 27:6 A pan kotin kajapwil ia dan pon ai imwintiti kan, me kapil ia pena; i ap pan wiada mairon en kapin nan tanpaj a im pwal, i pan kaul o kapin on Ieowa. PSA 27:7 Main, kom kotin ereki nil ai, ma I pan likwir on komui, kom kotin maki on ia o mani ia. PSA 27:8 Monion i kin kataman kin komui omui majan: Komail rapakin ia! I me I pil kin rapaki jilan omui. Main Ieowa! PSA 27:9 Der karir jan jilan omui mo i, o der kajapokela japwilim omui ladu ni omui onion; pwe komui me jauja pa i. Kom der kotin kaje ia la, o ender muei jan I, Kota i jaunkamaur. PSA 27:10 Pwe jam ai in ai likimalie ia la; a Ieowa kotin japwilim anekin ia la. PSA 27:11 Main, kom kotin kajale on ia japwilim omui al o kalua ia nani al pun pweki ai imwintiti kan. PSA 27:12 Kom der kotin mueid on ai imwintiti kan en kaloe ia di; pwe jaunkadede likam palian ia, o re wia japun on ia jo majak. PSA 27:13 Ari jo, I aja, me I pan ududial kalanan en Ieowa nan jap en me memaur akan. PSA 27:14 Auiaui Ieowa! Der majak, o monion om ender majak, o auiaui Ieowa! PSA 28:1 MAIN, ai paipalap, I lao likwir won komui, kom der kotin japaimokid, pwe ma re pan japaimokid, i pan duet ir, me pan lokidokila nan por o. PSA 28:2 Kom kotin mani nil en ai nidinid, I lau likwir won komui, I lao kapa won pa I kat mol omui jaraui. PSA 28:3 Re der kotin kajapoko ia la ianaki me japun kan, ianaki me wia jued, me kin lokaia kajelel on men impa, ap lamelame jued nan monion arail. PSA 28:4 Kotin depuk on ir duen ar dodok o duen ar tiak jued; kotiki on ir duen dodok en pa arail; katini on ir duen ar wiawia. PSA 28:5 Pwe re jota injenoki dodok en Ieowa de wiawia en lim a kan; e me a pan kotin kawe ir ala, a jota kauada. PSA 28:6 Kapin on Ieowa, pwe a kotin erekier nil en ai nidinid. PSA 28:7 Ieowa kel pa i o pere pa i, monion i kin liki i, o jauaja pa i mia. Monion i liki i o i pan danke i ki ai kaul. PSA 28:8 Ieowa kelel parail; I me manaman on jauaja japwilim a me keidier. PSA 28:9 Kotin jauaja japwilim omui aramaj omui jojo, o kotin kamana ir o apwali irail ada kokolata! PSA 29:1 KOMAIL lapalap akan, wa don leowa, wa don Ieowra wau o manaman! PSA 29:2 Wa don leowa wau en mar a, poni leowa ni omail kapwat jaraui! PSA 29:3 Kapiti en leowa mi pon pil akan; Kot en linan kin wiada nanjapwe, iei leowa en pil kalaimun akan. PSA 29:4 Kapiti en leowa me manaman, kapiti en leowa me linan. PSA 29:5 Kapiti en leowa kin katip pajan jeder akan; leowa kin kotin katip pajan jeder akan en Lipanon. PSA 29:6 A kin kotin kalukaluj irail dueta kau pul amen, Lipanon o Jirion dueta kau pul ol amen. PSA 29:7 Kapiti en leowa kin lujwei dueta umpul en kijiniai. PSA 29:8 Kapiti en leowa kin kamokidada jap tan; leowa kotin kamokidada jap tan en Kadej. PSA 29:9 Kapiti en leowa kin kamokidada tia kan o kakilejauiada nana kan, o nan tanpaj a im en kaudok karoj kin kapina i. PSA 29:10 Ieowa kotikot pon pil akan o Ieowa pan Nanmarki kokolata. PSA 29:11 Ieowa pan kamanada japwilim a aramaj akan; Ieowa pan kotin kamaui japwilim a aramaj akan ki popol. PSA 30:1 I kapina komui Main, pwe komui me kotin kajapwil ia dar, o jota mueid on ai imwintiti kan ren peren kin ia da. PSA 30:2 Ieowa, ai Kot, i likwir won komui, komui ap kotin kakel ia dar. PSA 30:3 Main, kom kotin kalua nen i jan nan wajan mela. Kom kotin dore ia lar ni anjau me irail lokidokila nan pweleko. PSA 30:4 Komail lelapok kan en kapina Ieowa, o kapina mar a linan! PSA 30:5 Pwe a onion kin marep ta ieu, a a mak arain maur en aramaj amen; nin jautik re kin janejan, a ni manjan nijinij. PSA 30:6 A nai inda ni ai anjau mau: I jota pan lodi kokolata. PSA 30:7 Main, ni omui kalanan, kom kotin katenedi ai dol, a ni anjau me re karuki jan mo i jilan omui, i majapwekadar. PSA 30:8 I likwir won komui Main, o i nidinideki on Kaun. PSA 30:9 Da kadepa en nt’ ai, i lao kodila nan por o? Pwel par pan kak kapina komui, o kapakaparok duen omui kalanan? PSA 30:10 Main Ieowa, re kotin mani ia o kotin maki on ia; Ieowa jauaj pa i. PSA 30:11 Kom kotin kawukila ai injenjued on nijinij; kom koti ki janer ai tuken likau, ap id kalikauwi ia dar popol. PSA 30:12 Pwe nen i en kauli on komui, a ender nenenla. Main ai Kot, i pan kapina komui kokolata. PSA 31:1 MAIN, i liki komui, kom kotin ieian ia, pwe i ender namenokala kokolata; dore kin ia la duen omui pun. PSA 31:2 Kapaikidi don ia karon ar akan, madan jauaja ia! Kom kotin wiala ai paipalap rojon, o kele pa i, pwen jauaja ia! PSA 31:3 Pwe komui ai paip, o ai kel. Kom kotin kalua ia pweki mar omui. PSA 31:4 Kom kotin api ia jan nan injar, me re wiai on ia, pwe komui kele pa i. PSA 31:5 I kakaliki on komui nen i; kom kotin dore ia la, komui Main Kot melel. PSA 31:6 I juedeki me kin kaporoporeki dikedik en ani mal akan, a i liki Ieowa. PSA 31:7 I pan pereperen o polauleki omui kalanan, pwe komui me kotin mani ai luet, o kotin kupura nen i ni anjau apwal. PSA 31:8 O re der mueid on ai imwintiti, ren kaloe ia di. Kom kotin kajone na i kat nan waja jalatok. PSA 31:9 Ieowa, kom kotin maki on ia, pwe i majak; maj ai juedelar ki ai mamauk, pil dueta nen I o pali war ai. PSA 31:10 Pwe maur i luet kilar ai injenjued, o ai par akan malaulaular ki ai janejan, ai kelail tikitikelar pweki dip ai, o kokon aikna luetalar. PSA 31:11 Ai imwintiti kan karoj lalaue ia, o i wialar kanamenok pan men imp ai kan, o kamajak pan jau i kan; me kilan ia nani al o, kin tanwei jan ia. PSA 31:12 Aramaj monoke ia lar dueta me melar amen; nai rajon dal eu me mor pajan. PSA 31:13 Pwe i roner duen me toto kin pujerokion ia; men kamajak kapil ia pena; re kin kapun pena duen nai, pwen kae ia la. PSA 31:14 A I kin kaporoporeki komui Main, I ap inda: Komui ta ai Kot! PSA 31:15 Ai anjau mi nan lim omui, dore ai jan nan pa en ai imwintiti kan o jan me kin pakipaki ia. PSA 31:16 Kamarainki japwilim omui ladu jilan omui, dore ia ki omui, dore ia ki omui kalanan. PSA 31:17 Main, kom der kotin mueid on, i en joredi; pwe i likwiri won komui. Me japun kan en joredi, pwe irail en nenenla nan wajan mela. PSA 31:18 Kil en au en me likam akan mi nenenla, irail, me lalaue me pun kan ni laumaum, o aklapalap, o kaurur. PSA 31:19 Meid laud omui kalanan, me kom kotin nekinekid on me Ian komui kan, o me kom kin kajale on ir, me liki komui janjal mon aramaj akan. PSA 31:20 Kom kin kotin karir ir ala re omui jan karoj, me kailon kin ir, kom kin kadupal ir edi jan mon lo akamai. PSA 31:21 Kapina on Ieowa, me kotin kalanan laud on ia nan kanim teneten eu. PSA 31:22 Pwe ni ai peikajal i indindar: I lokidokilar jan mon jilan ar. Ari jo, kom kotin ereki nil en ai nidinid, ni ai potoan wer wiwer on komui. PSA 31:23 Komail japwilim a jaraui kan karoj, pok on Ieowa! Ieowa kin kotin jinjila me pojon akan, ap depuk on ir melel, me akla palap akan. PSA 31:24 Komail karoj me kaporo poreki Ieowa, en kelail o der majak! PSA 32:1 MEID pai, me dip arail lap wadar, o me ar japun pwaipwaidier! PSA 32:2 Aramaj meid pai, me Ieowa jolar pan kapokoki on dip ar, me jota likam nan monion ar. PSA 32:3 Pwe ni ai men okila, kokon ai kan ap jujueda kilar ai janojan ran karoj. PSA 32:4 Pwe lim omui katoutou ia nin ran o ni pon, o ai kelail monedier, dueta ni anjau on karakar. PSA 32:5 I me i weokadan komui dip ai kan, o jota okila ai japun kan. Nai indinda: I pan weokadan Ieowa ai katiwo kan, komui ap kotin maki on la jued en dip ai. PSA 32:6 I me jaraui kan karoj pan potoan kapakap on komui arain anjau me komui kak diarokda Lapake kalaimun pan wiaui a jota pan lel on ir. PSA 32:7 Komui me pere pa i, kom pur kotin perawei jan ia men kamajak, i ap pan dorela o kapina ni peren. PSA 32:8 I pan padaki on uk o kajale on uk al o, me koe en weweid ia; I pan kalua kin uk por en maj ai. PSA 32:9 Komail der dueta oj de aj amen me jota ar madamadaua, me mau on, kijin mata en ko on au arail, a ma jo, re jota pan duki on uk. PSA 32:10 Me japun o kin lodi on jon en madak to to, a me kaporoporeki Ieowa, kalanan en Ieowa pan kapil pena i. PSA 32:11 Polauleki Ieowa, o pereperen komail me pun kan, o kapikapina komail karoj me lelapok melel akan. PSA 33:1 KOMAIL me pun kan polauleki Ieowa, me lelapok kan en kapina i. PSA 33:2 Danke Ieowa o kapikapina ki men kajan o kaule ki on i jal en arp eijok. PSA 33:3 Kauleki on i kaul kap pot, komail kanai on arp o nil! PSA 33:4 Pwe maj an en Ieowa me inen o a wiawia kan karoj melel. PSA 33:5 A kin kotin pok on me pun o melel, jappa direki kalanan en Ieowa. PSA 33:6 Nanlan wiaui kida majan en Ieowa o audepan a karoj ki nen en jilan i. PSA 33:7 A kotin kolekol pena pil en madau dueta nan dal eu, o a kotin nekidala ad akan nan waja rir. PSA 33:8 Jappa karoj en lan Ieowa o karoj me kaukaujon nan jappa en wauneki i. PSA 33:9 Pwe ma a kotin majanta, ap pan wiaui, o ma a kotin panokada, ap pan miela. PSA 33:10 Ieowa kin kotin kawela kapun en men liki kan, o a kin kawukila madamadaua en wei kan. PSA 33:11 A me Ieowa kileledier, pan duedueta, o me a kotin kupurada, pan kokolata. PSA 33:12 Meid pai wei o, me Ieowa ar Kot, o wei, me a kotin piladan a jojo. PSA 33:13 Ieowa kin kotin ireron aramaj akan karoj jan nanlan. PSA 33:14 A kotin ireron karoj, me kaujon jappa jan mol a teneten. PSA 33:15 A kotin wiadar monion arail karoj, o a kotin mani ar wiawia kan karoj. PSA 33:16 Nanmarki amen jota pan pwai kida a karij toto, o ol komad amen jota pan dore kila a kelail. PSA 33:17 Oj akan pil jota kak jauaja ekij o a kelail melel jota kadepa. PSA 33:18 Kilan, jilan en Ieowa kin ireron on me lan i, o me kaporoporeki a kalanan. PSA 33:19 Pwen kapit ir ala jan ni mela o katekatunole ni anjau en lek. PSA 33:20 Nen atail kin auiaui Ieowa, i me jauaj patail o pere patail. PSA 33:21 Pwe monion atail kin peren kida i, pwe kitail kin liki mar a jaraui. PSA 33:22 Main, Ieowa, omui kalanan en mi po at duen at kaporoporeki komui. PSA 34:1 I PAN kapina Ieowa anjau karoj; au ai pan kapina i kokolata. PSA 34:2 Nen i en juaiki Ieowa, me luet akan pan ron, ap peren kida. PSA 34:3 Komail ian ia kapina Ieowa, pwe kitail en wiaki eu, kalanada mar a. PSA 34:4 Ni ai rapaki Ieowa, a kotin japen ia, o dore ia la jan nan ai majak karoj. PSA 34:5 Me ariri i, pan kakelada, a maj arail jota pan namenokala. PSA 34:6 Ol luot men et lao likwir, Ieowa ap kotin erekier o dorela i jan nan a apwal akan karoj. PSA 34:7 Toulan en Ieowa kotikot ren me Ian i o kotin jauaja ir. PSA 34:8 Komail jon o kilan duen kalanan en Ieowa! Meid pai, me liki i! PSA 34:9 Lan Ieowa japwilim a jaraui kan! pwe me kin lan i, jota pan anane meakot. PSA 34:10 Laien pulepul akan lekila o men manada, a me kin rapaki Ieowa, jota pan anane meakot. PSA 34:11 Jama ko, komail kodo re i, ron ia, i pan padaki on komail duen lan Ieowa: PSA 34:12 Ij me inon ion maur warai, o ij me mauki ran kajelel akan? PSA 34:13 Pere jan mejued lo om o kilin au om, pwe re der kotaue. PSA 34:14 A muei jan mejued, ap wiada me mau, rapaki popol ap dadaurata. PSA 34:15 Jilan en Ieowa mamani me pun kan, o karona ereki ar likwir; PSA 34:16 jilan en Ieowa kin palian ir, me kin wia mejued, pwen kawe ir ala jan nan jappa. PSA 34:17 Irail kin likwir, Ieowa ap kotin mani ir o kotin jauaja ir jan ni ar apwal akan karoj. PSA 34:18 Ieowa koren ion ir, me monion arail arail olar, o kotin jauja ir, me nen arail olar. PSA 34:19 Kalokolok toto lel on mo pun kan, a Ieowa kin kotin jauaja ir jan nan mepukat karoj. PSA 34:20 A kotin jinjila kokon akan karoj, pwe eu ender tip pajan. PSA 34:21 Me jued kot pan kamela mo doo jan Kot akan, o me kin kailonki me pun kan, pan kalokolok. PSA 34:22 Ieowa kin kotin dorela nen en japwilim a ladu kan, o karoj me liki i jota pan kalokolok. PSA 35:1 MAIN, kom kotin pei on ir, me kin pei on ia; o kotin palian on ir, me kin u on ia. PSA 35:2 Re kotin ale pere o tatan mauin ap kotida, pwen jauaja ia. PSA 35:3 Napekida katieu jauaja ia on ai imwintiti kan. Kotin majan don nen i: Nai jauaj pam! PSA 35:4 Me men kame ia la, en namenokala o kankaururala; o me men wia jued on ia, en pure wei o jarodi. PSA 35:5 Ren wiala dueta dip en kijin war akan mon kijinian, o tounlan en Ieowa jikin irail wei. PSA 35:6 Al arail en rotorotala o kitentel la, o tounlan en Ieowa on kotin pakipaki irail. PSA 35:7 Pwe re injenjara ia, pwen kame ia la, ap jota karepa, o re wia por on ia, a jota karepa. PSA 35:8 A en jejeinlek lodi on kalokolok; o injar me a wiadar, pein i en lodi on; o mela on lel on i waja o. PSA 35:9 A nen i en perenki Ieowa o polauleki a kotin jauaja ia. PSA 35:10 Kokon ai kan karoj pan inda: Main, ij me rajon komui? Pwe kom kotin jauaja me luet o on me a jota itar on, o kom kotin jauaja me luet o jamama on me lolap akan. PSA 35:11 Jaunkadede likam kai u on ia, kalelapok re i, me i jota aja due. PSA 35:12 Re kin depukki me mau me jued, pwen kainjenjuede kin ia. PSA 35:13 A nai, ni ar jomau, i puri on nan tuk en likau, o kaloke pein nai ni ai kaijejol, o kapakap jan monion i. PSA 35:14 Nai wiai on ir dueta on kompoke pa i o udan ri ai; nai injenjued dueta amen, me kin loleitki in a. PSA 35:15 A irail peren kida ai jikilikel o pokon pena. Men lalaue pokon penan ia o jon en aramaj, me i jaja, kin lalaue ia anjau karoj. PSA 35:16 Re ni tete on ia, irail, me kin janjalmau o lalaue pweki kijin mana. PSA 35:17 Main, arai da, me kom pan kotin majani mepukat? Dorela nen i jan arail me jued, o maur ta ieu ian laien pulepul akan. PSA 35:18 I pan kapina komui nan momodijou laud, o nan pun en aramaj toto i pan danke komui. PSA 35:19 Der mueid on ai imwintiti nin jokarepa, ren peren kin ia, o me kin kailon kin ia nin jokarepa, ren der lalaue ia ki maj arail. PSA 35:20 Pwe ar lokaia jota kin kareda popol, o re kin madamadaua, en dipi on me lelapok kan nan jap o. PSA 35:21 O re jar pajan au arail on ia indada: Io io, pein kit kilaner. PSA 35:22 Main, kom kotin mani mepukat, kom der kotin nenenla, Main, kom der doo jan ia! PSA 35:23 Kotin opala waja o kipada, pwen kapun ia la o ai dodok, ai Kot o ai Kaun. PSA 35:24 Main, ai Kot, kotin kapun ia la duen omui pun, pwe ren der peren kin ia. PSA 35:25 Der mueid on, ren inda nan monion arail: Io, io, i me je men! Der mueid on, ren inda: Kitail katalalar i. PSA 35:26 Irail karoj, me peren kida ai apwal akan, en namenokala o kankaurura la, ir me poponmajo on ia, en likau kida namenok o kankaurur. PSA 35:27 Irail me kin peren kida ai pun en nijinij o pereperen, o ren inda anjau karoj: Meid kapina on Ieowa, me kin perenki jauaja japwilim a ladu o, PSA 35:28 O lo i en kapakaparok duen omui pun, o kapina komui ran karoj. PSA 36:1 IET me i men inda jan lol en monion i duen tiak en me japun o: Jota lan Kot mi mon maj a. PSA 36:2 A kin kotaue o linkapin, pwen pein i dadaurata a dodok jued, ap tataki me tei kan. PSA 36:3 A lokaia karoj me jued o likam; a pil jota kin duki on padak, pwen wiada me mau. PSA 36:4 A kin madamadaua pon a loj. A kin weweid nani al me jota mau o jota kin juedeki me japun. PSA 36:5 Main, omui kalanan me ideda won lan, o omui melel pil lel on tapok kan. PSA 36:6 Omui pun rajon nana en Kot akan, o omui kadeik kan me rajon iluk ileile kalank; Main, komui me kotin dorela aramaj o man akan. PSA 36:7 Meid kajampwal omui kalanan Main Kot, pwe aramaj akan kin diar wajan kamaio pan mot en lim omui! PSA 36:8 Re pan jaliel kila dipijou toto nan tanpaj omui, o kom kotin kanim pil kin irail peren laud rajon pilap pot. PSA 36:9 Pwe parer on maur mi re omui, o ni omui marain, je kin kilan marain. PSA 36:10 Kom kotin dadaurata omui kalanan on mo aja komui, o omui pun on me melel jan ni monion arail. PSA 36:11 Kom der mueid on, i en tiatidi pan me aklapalap akan, o pa en me japun kan ender kapup ia di. PSA 36:12 A mejued akan en pupedi waja o, pwen ren lokidokila o jolar memaureda. PSA 37:1 KOE dor makaraki me jued akan; o dor peirinki me kin wia japun. PSA 37:2 Pwe re pan jorala madan jora lii ni, o ro pan monedi dueta tan tuka kan. PSA 37:3 Kaporoporeki Ieowa o wiada me amu, kaukaujonta nan jap o, o wiawia me pun. PSA 37:4 Plauleki Ieowa, a pan kotiki on uk, me monion om inon ion. PSA 37:5 Mueid on Ieowa om wiawia kan o kaporoporeki i, a pan kotin wia mau. PSA 37:6 A pan kapwareda on wiawia me pun dueta marain, o om tiak pun dueta nin jauaj. PSA 37:7 Kaporoporeki Ieowa ap nenenla o auiaui, o koe der makar kida pan me kin pwaida ni a wiawia kan, ol o, me kin kapwaida me jued. PSA 37:8 Muei jan makar o pwilikidi om linaranar; koe der makar, pwe koe der pil wia me jued. PSA 37:9 Pwe me jued akan pan kokoka jan, a me liki leowa, pan japaneki jap o. PSA 37:10 Anjau takij, ap jolar me japun o, o ma koe men kilan deu a, a jolar mia. PSA 37:11 A me opampap akan pan jojoki jap o, o re pan pereperen ki ar kapwa toto. PSA 37:12 Me japun o kin kamajak me pun o, o ni tete on i. PSA 37:13 A leowa kotin kiparamateki i, pwe a kotin mani a anjau. PSA 37:14 Me japun kan kin nape kida kodlaj o kaonopada kajik katieu, pwen kajikiedi me luet o jamama, o kamela me kekeit wei ni melel. PSA 37:15 A ar kodlaj pan dokodi pein monion arail, o ar kajik katieu pan tip pajan. PSA 37:16 Me malaulau en me pun amen, me mau jan dipijou toto en me japun kan. PSA 37:17 Pwe pa en me japun kan pan tip pajan, a leowa pan kotin kolekol me pun kan. PSA 37:18 leowa kotin manier ran en me lelapok kan, o ar dipijou pan duedueta. PSA 37:19 Re jota pan namenokala ni anjau apwal, o ni anjaun lok a pan itar on ir. PSA 37:20 Pwe me japun kan pan lokidokila, o imwintiti on leowa, ma re rajon jap kajelel eu, re pil pan mokonaidi duota at itiniai. PSA 37:21 Me japun kan kin pwaipwand ap jota kapunala, a me pun o kin kadek o kin kijakija wei. PSA 37:22 Pwe me paie kin i, pan jojoki jap o, a me a kotin karialar akan pan kokoka jan. PSA 37:23 Ieowa kin kotin katenetene jon en aramaj due met ar kakakewei, o a kotin peren kida a wiawia kan. PSA 37:24 Ma a pan pupedi, a jota pan lokidokila; pwe Ieowa kotin kolekidi i lim a. PSA 37:25 Nai pulepul ap malar, a i jaikenta kilaner me pun amen likidmalielar, de na kan poekipoeki prot. PSA 37:26 A kin kadek anjau karoj o kin men kijakij wei, o na kan pan paida. PSA 37:27 Muei jan me jued ap wia me mau, koe ap pan mimieta nan jap o. PSA 37:28 Pwe Ieowa kotin peren kida me pun, o a jota pan kotin likid maliela japwilim a jaraui kan; re pan nekinek kokolata, a kadaudok en me japun kan pan kokoka jan. PSA 37:29 Me pun kan pan jojoki jap o, ap mimieta kokolata. PSA 37:30 Au en me pun amen kin kida me lolekon, o lo a kaparokki me pun. PSA 37:31 Majan en a Kot mi nan monion i, a jota pan krijedi. PSA 37:32 Me japun kin majamajan me pun, pwen kamela i. PSA 37:33 A Ieowa jota pan kotin mueid on, en mi nan pa a kan, o a jota pan kotin kajela i, a lao pan pakadeikada. PSA 37:34 Auiaui Ieowa o weweid nan a al akan, a ap pan kotin kajapwil uk ada, pwe koe en jojoki jap o; koe pan kilan, me japun kan pan kokoka jan. PSA 37:35 I kilaner me doo jan Kot amen, me katiwo o pwaida o maurada dueta tuka mau pot. PSA 37:36 A ni at dauli waja o, kilan, a joer mia; i idok duen i, a a jolar kak diarokada. PSA 37:37 Dadaurata om lelapok, o wiawia me pun; pwe jon due met pan pwaida mau ni imwi. PSA 37:38 A me katiwo kan pan wiaki eu lokidokila, o me japun kan pan koka jan ni imwi. PSA 37:39 A Ieowa kotin jauaja me pun kan, i me kele parail ni ar apwal akan. PSA 37:40 O Ieowa pan kotin ieian ir o pan dore ir ala; A pan kotin dore ir ala jan me japun kan, o a pan jauaja ir, pwe re kin liki i. PSA 38:1 MAIN, der kotin kaloke ia ni omui kupur jued, o der kame ia ni omui onion. PSA 38:2 Pwe japwilim omui kananan kajik katieu lei don ia, o lim omui katoutou ia. PSA 38:3 Jota mau kot ni pali war ai pweki omui onion, o jota moleilei nan kokon ai kan pweki dip ai PSA 38:4 Pwe dip ai kin kadupaledi mon ai, re kin katoutou ia dueta meakot me toutou melel. PSA 38:5 Ai ola kan pojuedelaonanan pweki ai pweipwei. PSA 38:6 I kin koj pena o pairok wei alialu, i kin injenjued anjau karoj, PSA 38:7 Pwe lonelon ai monedier melel, o jota mau kot ni pali war ai. PSA 38:8 Nai Iuetalar melel o i wokiwok pajaner. I kin janejan, pweki monion i jota kak moleilei. PSA 38:9 Main, kom kotin mani ai inon karojo ai janejan, o ai jota rir jan komui. PSA 38:10 Monion i rerer, ai kelail ko janer i, o marain en maj ai pil rotolala. PSA 38:11 Kompoke pai o ai warok kan kin doo wei jan ia, o juedeki ai kalokolok, o jau i kan kin doo jan ia. PSA 38:12 O me kin inon ion kameia la, kin majmajan ia, o me men wia jued on ia, kin indinda duen ar pan wiada dodok jued, o re kin widwidin anjau karoj. PSA 38:13 A nai dueta me jalonepon amen, me jota ron waja, o dueta, o duata me loton, me jota kak jar pajan au a. PSA 38:14 Nai dueta ol amen me jolar ron waja, o jota depuk en lokaia mi nan au ai. PSA 38:15 A I kin awiawi Komui Main ai Kot pan kotin japen ia. PSA 38:16 Pwe i men, ren der peren kin ia. Ma na I pan krijedi, re pan peren kida melel. PSA 38:17 Pwe i koren ion pupedi, o ai kalokolok kin koren ion ia anjau karoj. PSA 38:18 Pwe I weokada dip ai kano juedeki dip ai. PSA 38:19 A ai imwintiti kan memauretat o irail me kelail; me kailon kin ia ni jota karepa me toto. PSA 38:20 O me kin depukki ai me mau me jued, kin palian ia, pweki ai dadaurata me mau. PSA 38:21 Ieowa ai Kot, kom der muei jan ia o der doowei jan ia! PSA 38:22 Kom kotin madan don ia, Main jauja pa i. PSA 39:1 Nai kan, pwe i ender wia dip ki lo i. I pan jali pena au ai arain en me japun o mi re i. PSA 39:2 I kadukiedier ai lokaia o nenenlar o jolar inda duen peren a ai kalokolok lalaudalar. PSA 39:3 Monion i karakaradar nan kapedi, o ma i pan tamanda mepukat, a rajon kijiniai lulada; i ap lokaia kida lo i. PSA 39:4 Main, kotin padaki on ia, me maur i pan imwijokela, o imwi pan ai ran akan, me i pan jamoer. PSA 39:5 Mani, ai ran akan dueta talap en pa en aramaj re omui; o maur i likamata jota meakot mo ’mui. Melel aramaj, me kin keleki pein i, kin dueta adiniai. PSA 39:6 Re kin alialu jili rajon mota, re kin katoutouki pein irail dodok mal. Re kin nanak pena ap jaja, ij me pan naineki. PSA 39:7 Ari Main, ij me i en auiaui? I kaporoporeki komui. PSA 39:8 Dore ia la jan dip ai karoj, o kom der mueid on, me pweipwei kan en kaurur kin ia. PSA 39:9 I pan nenenla o jota jar pajan au ai, pwe kom kotin wiadar. PSA 39:10 Kotin katukiedi omui kaloko ia; pwe nai dupok kilar ai kalokolok pan lim omui. PSA 39:11 Ma kom pan kaloke amen pweki dip a, mom a kajelel ap pan juedala likamada man en mot kanala. O meid mal aramaj karoj! PSA 39:12 Main kom kotin ereki ni kapakap, o mani ai likwir, o der japaimokid ni ai janejan, pwe nai japwilim omui men kairu o pweledan omui wei men dueta jam ai kan karoj. PSA 39:13 Kom kotin muei jan ia, pwe i en kelailada, mon ai pan kokowei o jolar mia. PSA 40:1 I AUIAUIER Ieowa, o a kotin iroir don ia o kotin erekier ai likelikwir. PSA 40:2 A kotin api ia da jan nan por jued o jan waja lujujur, o kotin kajonedier na i kat pon paip eu, pwen kak alu mau; PSA 40:3 O a kotiki on nan au ai kaul kap pot, pwen kapina atail Kot; i me aramaj toto pan udial ap lan Ieowa o kaporoporeki i. PSA 40:4 Meid pai ol o me kaporoporeki Ieowa o jota waroki on me aklapalap akan, de me weweid nin tiak likam! PSA 40:5 Main ai Kot, meid kapuriamui japwilim omui dodok kan o omui madamadaua, me komui kotin kajale on kit. Jota me rajon komui. I men kaparok o kajokajoi duen, a re jota mau on wadok. PSA 40:6 Kom jota kotin kupura mairon man de mairon wan tuka kan; a kom kotin kawajak pajan jalon ai; kom jota kotin mauki mairon ijij de mairon en dip. PSA 40:7 Nai ap inda: Kilan, I kokodo; nan puk o me intinidier duen nai. PSA 40:8 I men kapwaiada kupur omui, ai Kot; o japwilim omui kapun o mi nan lol en monion i. PSA 40:9 I pan padaki on momodijou laud duen me pun. Kilan, i jota pan nenenla, Main kom kotin mani. PSA 40:10 I jota okila omui pun nan monion i. I kin kapakaparok duen omui melel o maur, i jota kin okila omui kalanan o melel mon momodijou laud. PSA 40:11 A komui Main der kotiki jan ia omui kalanan, omui kalanan o melel en jinjila ia anjau karoj. PSA 40:12 Pwe ai kalokolok kapil ia pena, o re jota mau on wadok; dip ai katoutou ia, i ap jolar kilan waja; ir me toto jan pit en mon ai, ap jolar anian. PSA 40:13 Kom kotin kupura ia Main, o kotin dore ia la; Main kom kotin jauaja madan! PSA 40:14 Me kin majamajan ia, pwen kame ia la, en namenokala o lijela; me men wia jued on ia, en purewei o lijela. PSA 40:15 Ir me kin likelikwirki due ai: “Io, io!” en majak o lijela. PSA 40:16 Karoj me idok komui, en pereperen o popol. O me pok on omui maur, anjau karoj ren inda: Meid kapinan Ieowa! PSA 40:17 Pwe nai jamama o luet; a Ieowa kin kotin apwali ia. Komui jauaj pa i o ai jaundor; ai Kot, kom der kotin pwand! PSA 41:1 MEID pai me kin apwali me jamama o. Ieowa pan kotin dorela i ni ran apwal. PSA 41:2 Ieowa pan kotin apwali i o jinjila a maur, o a pan pwaida nin jappa, o a jota pan mueidala i nan pa en a imwintiti kan. PSA 41:3 Ieowa pan kotin kakelada i ni a pan mela; kom kin kotin jauaja i ni a jomau karoj. PSA 41:4 Nai inda: Main, kom kotin maki on ia; kakelada nen i, pwe nai wiadar dip on komui. PSA 41:5 Ai imwintiti kan kin lokaia jued duen nai. lad a pan mela mara pan ririla? PSA 41:6 A kin kodon kilan ia, a kin lokelokaia due. PSA 41:7 Karoj me kailon kin ai, kin lidilidumonin kin ia, o re madadaue jued duen nai. PSA 41:8 Me juedkot mi re a; a pupedier o jolar pan uda. PSA 41:9 Pil kompoke pa i, me I liki, o me ian ia manamana, kin tiaki ia di. PSA 41:10 A komui Main kotin maki on ia, o kau ia da, pwe ai imwintiti eder nijinij kin ia. PSA 41:11 I me I pan ajaki, me kom kotin kupura ia, pwe ai imwintiti ender nijinij kin ia. PSA 41:12 A kom kin kolekol ia pweki ia lelapok, o kom pan kotin kajone ia di mon jilan omui kokolata. PSA 41:13 Kapina on Ieowa, Kot en Ijrael jan met o kokolata! Amen, Amen. PSA 42:1 Duen tia amen inon ion pil iduen nen i kin inon ion komui o Kot. PSA 42:2 Nen i inon ion Kot, on Kot ieiaij. Iad I pan lel waja o, me I pan ariri jilan en Kot. PSA 42:3 Pil en maj ai, iei kan ai mana ni ran o ni pon, pwe irail kin indan ia ran karoj: ia om Kot? PSA 42:4 Ma i madamadaua duen mepukat, i ap wudokila audepan monion i on pein nai, pwe i inon ion ian pokon o kokodalan tanpaj en Kot, o i men ian pokon, me kin wiada a ran, pereperen o kapikapina. PSA 42:5 Nen i, da me koe injenjuedeki o jota moleileiki? Auiaui Kot! I pan puron kapina i. Pwe a kotin jauaja kin ia jilan i. PSA 42:6 Ai Kot, nen i me injenjued; I ap madamadaua duen komui nan jap en kailan Iordan o Ermonin, pon dol Mijar. PSA 42:7 Japwilim omui pil akan nirinirjok, pil laud akan nirinirjok; japwilim omui iluk kan karoj kadupal ia di. PSA 42:8 Ieowa kotin inaukidar a kalanan ni ran, a ni pon i kin kauli on i, o i kapakap on Kot en maur i. PSA 42:9 I kin indan Kot ai paip: Da me kom kotin likidmalie kin ia la? Da me i en weweideki ni injenjued pweki ai imwintiti kelail on ia? PSA 42:10 Likamata kokon ai kan mut pajaner, ni ai imwintiti lalaue ia. Pwe re kin indan ia ran karoj: Ia om Kot? PSA 42:11 Nen i, da me koe injenjuedeki o jota moleileiki? Auiaui Kot! Pwe i pan danke i, pwe i jauaj pan maj ai o ai Kot. PSA 43:1 MAIN Kot! Kotin jauaja ai pun, o kotin ieian ia nan kapun on aramaj jued pukat, o kotin dore ia la jan aramaj likam o morjued akan. PSA 43:2 Pwe komui Kot en ai kel; da me kom kotin kaje kin ia la? Da me kom kotin mueid on, i en weweidwei ni ai injenjued, ma ai imwintiti kelail on ia? PSA 43:3 Kom kotin kadarado omui marain o melel, pwe ira en kalua ia, o wa ia lan ni omui dol jaraui o tanpaj omui. PSA 43:4 Pwe i en pedelon on nan pei jaraui en Kot, iei Kot me kaperen pa i o kapol pa i, o i en danke komui Kot ki arp, ai Kot. PSA 43:5 Nen i, da me koe injenjuedeki o jota moleileiki? Aui aui Kot! Pwe i pan danke i, pwe i jauaj pan maj ai o ai Kot. PSA 44:1 MAIN Kot, je roner ki jalon at, jam at oko kajokajoi on kit er, me kom kotin wiadar ni ar anjau maj. PSA 44:2 Kom kotin pakiweier men liki kan ki lim omui, ap wilian ir di; kom kotin koko jan wei kan, ap id katotoe ir ala. PSA 44:3 Pwe re jota kaloedier jap o ki ar kodlaj, o pa arail jota katepa on ir, pwe pali maun omui o lim omui, o marain en jilan omui; pweki kom kotin kupura irail er. PSA 44:4 Pwe komui Kot ai Nanmarki, me inauki on, Iakop, en jauaja i. PSA 44:5 Komui, me je pan kawekila at imwintiti kan; ni mar omui me je pan tiakekidi me kin palian kit. PSA 44:6 Pwe i jota kin kaporoporeki ai kajik katieu, o ai kodlaj jota kak dore ia la. PSA 44:7 Pwe komui me kin jauaja kit jan at imwintiti kan, o kom kin kanamenokala, me kailon kin kit. PSA 44:8 Ran karoj je pan kapina Kot, o je pan danke on mar omui kokolata. PSA 44:9 Ari jo, kom kotin likidmalie kin kit ala, pwe jen lijela, o komui jota ian at karij akan. PSA 44:10 Kom kotin mueid on at imwintiti, ren paki kit wei, o me kailon kin kit, kin kulia jan at kapwa. PSA 44:11 Kom kotin mueid on ir, ren kawe kit ala dueta jip oko, o kom kotin kamueit kit pajan nan pun en men liki kan. PSA 44:12 Kom netikila japwilim omui kan ni pwai jued, a komui ap jota kapwapwa kilar. PSA 44:13 Kom kin kotin wiai on kit, jen kankaurur ren men imp at, o lalaue o jarodi ren me kapil kit pena. PSA 44:14 Kom kotin wia kin kit karajepa eu ren men liki kan o aramaj akan kin duedualok kin kit. PSA 44:15 I kin jaro nin ran karoj o maj ai me dir en namenok, PSA 44:16 Ni ai roneron aramaj morjued o lalaue, o ni ai kilekilan ai imwintiti o me kin akdepuk kan. PSA 44:17 Mepukat karoj lel don kit er, ari jo, je jota kak monokela komui, de wia dip on japwilim omui inau. PSA 44:18 Monion at jota pupwei jan komui, o je jota wuki wei jan al omui. PSA 44:19 A komui kawe kit alar ni wajan man jued, o kom kadupale kidi mot en mela. PSA 44:20 Ma je monokela mar en at Kol, o pokada pa at on amen kot, PSA 44:21 Kot jota pan kotin diarada? Pwe a kotin mani lol en monion at. PSA 44:22 Pwe kit kin kalokoloke kin komui ni ran karoj, o kit rajon jip me pan kamela. PSA 44:23 Main i, kom kotida! Da me kom kotin jaimokela? Kotin opada waja, o der kajapoke kit ala kolata! PSA 44:24 Da me kom kotin karirila jilan omui, o kotin maliela at luet o at kalokolok? PSA 44:25 Pwe nen it poridier ni pwel par; kaped it paj on pwel. PSA 44:26 Kom kotida, jauaja kit, o dore kit ala pweki omui kalanan. PSA 45:1 MONION I kin wiada kaul kajelel apot; I pan kaule ki duen Nanmarki amen, lo I rajon penjil en jaunintin koiok aman. PSA 45:2 Komui ta me kajelel jan aramaj karoj; meid kajalel jilan omui; i me Kot kapai kin komui ta kokolata. PSA 45:3 Pira won omui koldaj ni lonelon omui, komui ol komad, o kapwata kin komui! PSA 45:4 Komui en pwaida ni omui kapwat, Kom kotiwei, pwen jauaja me melel, o me luet akan, pwen kolekol on ir me pun. Lim omui maun ap pan wia dodok kapuriamui. PSA 45:5 Kananan omui kajik katieu me kon wei kan kin lodi on komui; re kin lel on nan monion en imwintiti en nanmarki. PSA 45:6 Main Kot, mol omui pan duedueta kokolata; o jokon en wei omui me jokon en pun apot. PSA 45:7 Kom kin pok on me pun ap tataki tiak jued; i me Kot, omui Kot, keie kin komui le en kaperen mon omui warok kan. PSA 45:8 Omui likau kan kin pomauki mire, aloe, o kajia ni omui pedoi jan tanpaj omui im elpenpain, komui kin polauleki kaul o arp. PSA 45:9 Japwilim en Nanmarki jeri pein ko mi nan pun en toun tanpaj omui; li Nanmarki a kotikot ni pali maun omui kapwateki kold en opir. PSA 45:10 Nai jeripein koe ron, o kilan, o kapaikedi jalon om, o monokela jap om o jau om akan. PSA 45:11 Nanmarki ap pan peren kida mom om kajelel; pwe i om Kaun, a koe en kaudoki on i. PSA 45:12 Nain Tiruj, me kapwapa re ’rail pan wado kijakij; o nidinid re om. PSA 45:13 Japwilim en Nanmarki jeripein, me mi lole, meid kajelel ni monion i, a kapwateki likau kold. PSA 45:14 A pan pakaluala ren Nanmarki ni a likau linan o a warok peinekap akan, me idauen i, kompoke pa, pan kalua don komui. PSA 45:15 Re pan kalua irail ki peren o nijinij, o re kin pedelon on nan tanpaj en Nanmarki. PSA 45:16 Noumui manakap akan pan wiliandi jam omui kan; i me kom pan kajapwiladan jaupeidi en jap akan karoj. PSA 45:17 I pan tamanda mar omui ni di kan karoj; i me wei kan karoj pan kapina komui kokolata. PSA 46:1 KOT atail kaporopor o kele patail, o jauaj patail ni atail apwal akan, me lel don kitail. PSA 46:2 I me je jota pan majak, menda ma jappa pan jorela, o nana kan pan kirila nan waron en madau. PSA 46:3 Menda ma a iluk kan pan onionida o pudopudeda, o ma a kelail on kawela nana kan. PSA 46:4 Pwe kanim en Kot pan pereperen a duedueta ianaki utun pil, me mi lole, waja me tanpaj jaraui en me Lapalap o mia ia. PSA 46:5 Kot kotikot lole, i me a pan tenetenki kokolata; Kot pan kotin jauaja i nin joran. PSA 46:6 Men liki kan kin linaranar o wei kan pan ola, jappa pan joredi, ma a pan kotin majani. PSA 46:7 leowa Jepaot kotin ieian kitail; Kot en Iakop i pere patail. PSA 46:8 Komail kodo, kilan dodok lapalap en leowa, me kotin dodok kelail nin jappa, PSA 46:9 Me kotin kadukiedi mauin lel ni imwin jap karoj o katip pajan kajik katieu, o kawela katieu, o karona kila kijiniai war en mauin akan. PSA 46:10 Komail nenenla o ajada, me Nai ta Kot. I pan kawauwi pein Nai ren men liki kan, I pan kalinanada nin jappa. PSA 46:11 leowa Jepaot kotin ieian kitail; Kot en Iakop i pere patail. PSA 47:1 KOMAIL kainok karoj lopolop o kapina Kot ki nil kaperen! PSA 47:2 Pwe leowa me lapalap kaualap, a meid kalank; i Nanmarki lapalap nin jap akan karoj. PSA 47:3 A kotin kaloedi on kitail wei kan o aramaj akan pan na atail. PSA 47:4 A kotin piladan kitail atail jojo, linan en Iakop, me a kotin pok on. PSA 47:5 Kot kotida nijinij, o leowa ki nil en koronete kelail. PSA 47:6 Kauli on Kot pjalm ko! Kaulki pjalm ko! Kauli on atail Nanmarki! Kakaul! PSA 47:7 Pwe Kot Nanmarki nan jap karoj; komail kaul ki pjalm ni lolekon. PSA 47:8 Kot Nanmarki en men liki kan; Kot kotikot pon mol a jaraui. PSA 47:9 Jaupeidi en wei kan pokon pena wiala wein Kot en Apraam; pwe pere en mauin nin jappa me japwilim en Kot. A kotin lapalap melel. PSA 48:1 IEOWA meid lapalap, o a indand mau melel nan kanim en atail Kot, pon japwilim a dol jaraui! PSA 48:2 Meid kajelel en dol Jion a uda, me jap karoj kin peren kida; ni pali apon kanim en nanamarki lapalap mimi ia. PSA 48:3 Toun im kalaimun akan aja Kot, me i pere parail. PSA 48:4 Pwe kilan, nanmarki kan pokon pena, ap daulul wei. PSA 48:5 Irail puriamui kila ni ar kilaner mepukat; irail majapwekadar o taner. PSA 48:6 Irail rerer, o re majak dueta Ii pan naitik amen. PSA 48:7 Kom kin kotin kawela jop en Tarjij ki an en maj en lan. PSA 48:8 Duen atail ronadar, iduen kitail kin kilanada nan kanim en Ieowa Jopaot, nan kanim en atail Kot; Kot kin kolekol i kokolata. PSA 48:9 Main Kot je kin tamataman da omui kalanan nan japwilim ar tanpaj im en kaudok. PSA 48:10 Main Kot duen mar omui iduen wau omui lel ni imwin jappa; pali maun omui kadeik kan. PSA 48:11 Dol en Jion en pereperen, o nan Iuda jeripein ko en injenemauki omui kadeik kan. PSA 48:12 Komail kaidon kapil pena Jion, wadok im ten kan; PSA 48:13 Kilekilan mau a kel takai kan, o kajakajaui a im kalaimun akan, pwe komail en kak kajoia on men mur akan. PSA 48:14 Me Kot me et, pan atail Kot anjau karoj kokolata, A pan kotin kalua kitail kokolata. PSA 49:1 Komail kainok kan karoj ron o dedeki, komail toun jap karoj. PSA 49:2 Ir karoj, aramaj o jaupeidi, ir karoj me kapwapwa o jamama kan! PSA 49:3 Au ai pan kaparok duen lolekon, o monion I duen lamalam pun. PSA 49:4 I pan kapaike don jalon ai lepen majan, o i pan kajaleda me rir akan ni nil en arp. PSA 49:5 Da me i en majak ni ran apwal akan, ma me japun kan kapil ia pena, PSA 49:6 Me kin kaporoporeki ar dipijou o juaiki ar kapwa toto? PSA 49:7 Pwe jota me kak dorela ri a, de tomeki i ren Kot, PSA 49:8 (Pwe meid apwal, en dorela nen ar; a jota pan pwaida kokolata). PSA 49:9 Pwen maur potopot o jota kilan joujou o. PSA 49:10 Pwe a kin kilan, me lolekon kan kin mela dueta me pweipwei o iakalar akan, o re pan mueid on amen ar dipijou kan. PSA 49:11 I me re kin peren kida, ma im arail pan duedueta, o deu ’rail pan mimieta kokolata; o re konekon melel nin jappa. PSA 49:12 Ari jo, aramaj me konekon jota kak mimieta ni mepukat, pwe a pan kokowei dueta man amen. PSA 49:13 let ar wiawia pukat meid pweipwei; ari jo, kadaudok ar kin kapina ki au arail. PSA 49:14 Re wonon nan wajan mela dueta pwin jip; mela kin kamana ir; a me lelapok kan pan kaun irail da madan, o mom ar pan joredi, o re pan doo jan deurail, mimieta nan pweleko. PSA 49:15 A Kot pan kotin dorela nen i jan nan mana en wajan mela, pwe a pan kotin japwilimane kin ia. PSA 49:16 Koe der puriamuiki, ma amen pan kapwapwala, o ma linan en im a pan laudala. PSA 49:17 Pwe a jota pan wala meakot ni a pan mela, o a linan jota pan idauenla i. PSA 49:18 A kin injenemau kila peren en maur kajelel wet, o aramaj kin kapina ir, me kin apapwali pein ir eta ni maur et. PSA 49:19 A pan idauen la jam a kan, ap jolar kilan marain kokolata. PSA 49:20 Ari, ma aramaj amen indand mau, ap jota a lamalam, a pan kokowei dueta man amen. PSA 50:1 KOT Ieowa manaman majanier o molipedo jappa jan ni tapin katipin lel ni a kiridi. PSA 50:2 Linan en Kot tapida jan Jion. PSA 50:3 Atail Kot kotido, o a jota kin kotin japaimokit. Kijiniai kelail kin tion mo a, o melimel laud kin mi impa. PSA 50:4 A kotin molipe lan o jappa, pwen kapunala japwilim a aramaj akan! PSA 50:5 Komail kapokon pena nai lelapok kan, me wiadar ar inau on ia ni anjau en mairon! PSA 50:6 Nanlan pan kajaleda a pun; pwe Kot kin kotin kadeikada. PSA 50:7 Komail nai aramaj akan ron, I pan padaki on komail. Ijrael, I pan kaparoki on komail: Nai Kot, om Kot. PSA 50:8 I jota pan kaloke uk pweki om mairon, pwe om mairon ijij kin wiaui on ia anjau karoj. PSA 50:9 Ari jo, I jota pan ale jan komail kau ol de kut o jip ol jan nan im omail. PSA 50:10 Pwe man en nan wei karoj me ai o pil man akan, me mimi pon nana kid pak toto. PSA 50:11 I aja manpir en nana karoj o jon en man karoj, me mi nan jap, kin mi re i. PSA 50:12 Ma I men manadar, I jota pan indan uk, pwe jappa me ai o audepa karoj. PSA 50:13 Da, koe lamelame, me I kin inon ion uduk en kau ol, de I men nim ntan kut ol? PSA 50:14 Maironki danke on Kot o kapunalan me Lapalap o om inau. PSA 50:15 Likwir don ia ni om injenjued, I ap pan dore uk ala, a koe pan kapina ia. PSA 50:16 A Kot kotin majani on me japun o: Da me koe kaparok duen ai kujoned akan, o lokaia kida au om duen ai inau, PSA 50:17 Pwe koe kin tateki tiak pun o mamaleki ai kujoned akan? PSA 50:18 Ma koe pan kilan lipirap amen, koe kin ian i, o koe kin waroki on me kamal akan. PSA 50:19 Au om kin lokaia kiwei me jued o lo om me likam. PSA 50:20 Koe kin wonon o lokaia likam duen ri om; o nain in om putak koe kin karaune mal. PSA 50:21 Koe wiada mepukat, a nai kin nenenla; koe ap kiki on, me nai dueta koe. A I pan kapun on uk o kajaleda mon maj om. PSA 50:22 Komail me mamaleki Kot, en aja, I pan kajor komail la o jota jauaj pamail pan mia. PSA 50:23 Me kin maironki danke, kin kapina ia; o i al o, me I pan kajale on i duen maur en Kot. PSA 51:1 MAIN Kot, kom kotin maki on ia duen omui kalanan, o kotin lapwada dip ai duen ar kalanan lapalap. PSA 51:2 Kom ketin widen ia jan ai wiawia japun, o kotin kamakel ia da jan ni dip ai. PSA 51:3 Pwe i aja duen ai wiadar me jued, o dip ai me janjal on ia anjau karoj. PSA 51:4 On komui eta me I wiai dip on, o wiadar japun mon jilan omui, pwe komui me pun eta ni omui majan akan, o komui makelekel eta ni omui pan kadeikada. PSA 51:5 Kotin majani, me I ipwidier ni japun, o in ai ape kin ia dar ni man en dip. PSA 51:6 Kotin majani, kom kin kotin mauki melel, me mi waja rir; kom kin kajale on ia lolekon rir. PSA 51:7 Kom kotin kamakele kin in Ijop, pwe i en minla, widen ia, pwe i en puetepueteta jno. PSA 51:8 Kom kotiki on ia peren o popol, pwe kokon ai kan, me kom kotin kawelar, en injenemaula. PSA 51:9 Kom kotin jopwei jan dip a kan, o kotin lapwada ai japun karoj. PSA 51:10 Main Kot, kom kotin wiai on ia monion makelekel, o kotin kawiliakapwada nen i. PSA 51:11 Kom der kaje ia la jan mon jilan omui o der kotiki jan ia ar Nen Jaraui. PSA 51:12 Kom kotin pur on kamait ia la ki omui jauaja ia, o kotiki on ia nen en kaperen. PSA 51:13 I pan padaki on me katiwo kan duen al omui kan, pwe me dipan akan en wuki on komui. PSA 51:14 Main Kot, kom kotin dore ia la jan dip en nta, pwe komui Kot ai jaunkamaur, pwe lo i en kapina omui pun. PSA 51:15 Main leowa, kom kotin kajar pajan kilen au ai, pwe au ai en kapikapina komui. PSA 51:16 Pwe kom jota kotin mauki mairon kamela a ma iei, i pan wiada o mairon ijij kom jota kotin kupura. PSA 51:17 A iet mairon, me Kot kin kotin kupura: Nen olar, o monion injenjuedalar, o karakarak, iei me komui Main Kot jota pan kotin mamaleki. PSA 51:18 Kom kotin jauaja Jion ki omui kalanan, kotin kauada kel en Ierujalem. PSA 51:19 Komui ap pan kupura mairon pun, mairon ijij o mairon unjok. I anjau me kau ol pan ijeda pon japwilim omui pei jaraui. PSA 52:1 KOE ol weit, da me koe juaikeki me jued, pwe kalanan en leowa kin duedueta ni ran karoj. PSA 52:2 Lo om inon ion me jued, o kin raj on naip kon pot, ni a wia likam. PSA 52:3 Koe kin mauki lokaia jued jan me mau, o lokaia likam jan me pun. PSA 52:4 Koe kin men lokaiaki me jued lo om likam. PSA 52:5 I me Kot pil pan kawe uk ala, o lepuk uk pajan, o waik uk jan nan im om, o koko uk jan nan jap en me maur akan. PSA 52:6 A me pun kan pan kilan o majapwekada, o re pan kaurureki i: PSA 52:7 Kilan, iei ol o, me jota kaporoporeki leowa, pwe a keleki a dipijou toto o a kelail on a wiada me jued. PSA 52:8 A nai dueta tuka oliwe pot nan tanpaj en Kot, i kaporoporeki kalanan en Kot kokolata. PSA 52:9 I pan kapina komui kokolata, pwe kom kak kotin wiada; i pan kapina mar omui, pwe a linan ren japwilim omui lelapok kan. PSA 53:1 ME pweipwei kan kin indinda nan monion arail: Jota Kot. Arail tiak meid jued. Arail japun kan jakanekan. Jota amen mia, me kin wia me mau. PSA 53:2 leowa kin ireron aramaj akan jan nanlan, pwen majani, ma amen mia, me lolekon o rapaki Kot. PSA 53:3 A ir karoj juedalar, o karoj japunalar, jota me kin wiada me mau, jota amen. PSA 53:4 Ir karoj me kin wiada me jued, jota arail lolekon, irail, me kin namala nai aramaj akan rajon prot, a re jota kin likwir on Kot. PSA 53:5 Rap majak ni jota karepa, pwe Kot kotin kamueit pajaner kokon en ir, me kin kapil uk pena. Kom kotin kanamenok ir alar, pwe Kot kotin kaje ir ala. PSA 53:6 O i men, jauaj pan Ijrael en kodo jan nan Jion, o Kot en kotin lapwada japwilim a jalidi kan! I me Iakop pan injen mauki o Ijrael pan pereperenki. PSA 54:1 MAIN Kot, kom kotin jauaj a ia ki mar omui, o kotin kajanjaleda ai pun ki omui manaman. PSA 54:2 Main Kot, kom kotin ereki ai kapakap, o kotin mani lokaia en au i. PSA 54:3 Pwe men wai kai palian ia, o me weit akan majamajan maur i, o re jota weweid mon Kot. PSA 54:4 Kilan, Kot jauaj pa i, leowa kin kolekol nen i. PSA 54:5 A pan kotin depuk on ai imwintiti kan ar me jued. Kom kotin kawe ir ala ki omui melel. PSA 54:6 I ap pan wiai on komui mairon kaperen, o kapina mar omui, pwe a me mau. PSA 54:7 Pwe a kotin dore ia la jan nan ai apwal akan karoj, o maj ai peren kidar ai imwintiti kan. PSA 55:1 MAIN Kot, kom kotin ereki ai kapakap, o kom der rirwei jan mon ai nidinid. PSA 55:2 Kom kotin mani ia o kotin japen ia. Pwe i kin janjalon jili o janejanki, PSA 55:3 Pwe nil en ai imwintiti kin kainjenjued ia o me doo jan Kot akan kin pakipaki ia; pwe re kin men wia jued on ia, o re kin kailon kin ia. PSA 55:4 Monion i majapwekada nan kapek i, o majak en mela lel on ia. PSA 55:5 Majak o rerer lel don ia; wapon kadupal ia di. PSA 55:6 I apindada: O ma pa I ka dueta pa en muroi, pwen pirwei o mi ekij waja. PSA 55:7 I ap pan pirla waja doo, o kaukajon jap tan. PSA 55:8 I pan madanlan wajan moleilei mon melimel o katau. PSA 55:9 Main Ieowa, kom kotin kawuk pajan lo arail, o kotin kajore ir ala, pwe i kilekilan, me toun kanim o kin weit o Akamai pena. PSA 55:10 Mepukat kin wiaui ni ran o ni pon pon arail kel takai, o a dir en apwal o dodok kan. PSA 55:11 Me jued akan kin kaunda kanim o; o tou a kan jota kin muei jan likam o kotaue. PSA 55:12 Ma ai imwintiti pan wia jued on ia, I jota pan injenoki, o ma me kailon kin ia pan pei on ia, I pan ruki jan mo a. PSA 55:13 A koe, ai warok, o kompole pa I o kij ai. PSA 55:14 Pwe kitail minimin penaer nan pun atail, Kitail wiaki eu nan pun en pokon nan tanpaj en Kot. PSA 55:15 Mela en madan lel won irail, pwe ren lokidokila nan wajan mela ni ar memaur; pwe im arail o lol arail me dir en morjued. PSA 55:16 A I pan likwir on Kot, o Ieowa pan kotin jauaja ia. PSA 55:17 Nin jautik, o ni manjan, o nin jauaj I pan janejan o weiwer, a ap pan kotin mani nil ai. PSA 55:18 A pan kotin dorela nen i jan ren me men palian ia, o pan kotin kamoleilei ia; pwe ir me toto, me u on ia. PSA 55:19 Kot pan kotin ereki o kanamenok ir ala, pwe a kotikot eta jan tapin kaua. PSA 55:20 A jaikidi japwilim a popol akan, o a kawela a inau. PSA 55:21 Au a me kitentel jan wi, ap lamelame duen mauin, a lokaia me muterok jan le, ap rajon kodlaj kon, me onopa dan pei. PSA 55:22 Mueid on Ieowa, me koe inon ion, a pan apwali uk ada, a jota pan kotin mueid on me pun kan en wukiwuk jili. PSA 55:23 Main Kot, kom pan kotin kaje ir Ion on nan por lol en me jued o; me inon ion nta o likam kan jota pan lel on apali en maur arail. A i pan kaporoporeki komui. PSA 56:1 MAIN Kot, kom kotin maki on ia, pwe aramaj akan nirinir on ia; re kin peipei o kamajak ia ni ran karoj. PSA 56:2 Ai imwintiti kan kin nirinir nin ran karoj, pwe me toto pei on ia ni ar aklapalap. PSA 56:3 Ni ai majak i kin kaporoporeki komui. PSA 56:4 I pan kapina majan en Kot, i pan kaporoporeki Kot o pan jota majak, da me aramaj kak wiai on ia? PSA 56:5 Ran karoj re kin kawukila ai lokaia, re kin madamadauata, duen ar pan kawe ia la. PSA 56:6 Re pokon pena, o majamajan, o kanakanai on kaimwin na i kat, duen ar pan kak kame ia la. PSA 56:7 Iaduen, re pan kak pitila ni ar morjuet? Main Kot, kom kotin kajapokala jon en aramaj due met. PSA 56:8 Kom kotin wadok pena al en ai pitilar akan, o kotin kolekol pena pil en maj ai nan japwilim omui dal o. Pwe kaidin karoj kileledier nan japwilim omui puk o? PSA 56:9 Ai imwintiti kan ap pan japale wei ni ran o me i pan likelikwir; let me i aja, me Kot jauaj pa i. PSA 56:10 I pan kapina majan en Kot; i pan kapina majan en Ieowa. PSA 56:11 I kaporoporeki Kot, ap jota majak, pwe da me aramaj akan pan kak wiai on ia? PSA 56:12 Main Kot, i inauki on komui, me i pan maironki danke on komui; PSA 56:13 Pwe kom kotin dorelar nen i jan mela o na, i kat jan ai krijidi, pwe i en weweid mon jilan en Kot nan marain en me maur akan. PSA 57:1 MAIN Kot, kom kotin maki on ia, maki on ia! Pwe nen i kin kaporoporeki komui, o pan mot en lim omui i wajan ai maur, lao anjau apwal daulier. PSA 57:2 I likwir on Kot, me lapalapia, on Kot, me kotin kaimwijokala ai kankaneraner. PSA 57:3 A kotin poronedo jan nanlan jauaj pa i on me kanamenok ia, o me kin nirinir on ia. Kot pan kotin kadarado a kalanan o melel. PSA 57:4 Nen i mi nan pun en laien akan, aramaj rajon umpul en kijiniai; ni arail rajon katieu o kananan kajik katieu, o lo arail rajon kodlaj kon o. PSA 57:5 Main Kot, kom kotida ileila jan lan, o wau omui nan jappa karoj. PSA 57:6 Irail injarai ia nan al ai kan; re kin katoutoui nen i; re weirada mo i por eu, ap pein pupedi on lole. PSA 57:7 Monion i injenemaular, Main Kot, nen i onoper on kaul o kapin. PSA 57:8 Nen i pirida! Kaul o arp pirida! I pan pirida nin joran. PSA 57:9 Ieowa, i men danke on komui nan wei kan; i pan kauli on komui nan pun en aramaj akan. PSA 57:10 Pwe omui kalanan me laud dueta nanlan, o omui melel dueta tapok kan. PSA 57:11 Main Kot, kom kotida ileila jan lan, o wau omui linan nan jappa karoj. PSA 58:1 IADUEN komail loton, pwe komail jota men lokaia me pun, o komail jota men kapun nin tiak inen, komail aramaj akan? PSA 58:2 Melel, komail kin wia me japun nan monion o, o nan jap o komail kin kelail on wiada me jued. PSA 58:3 Me doo jan Kot akan me japun jan pon kapan in ar akan; me likam kan kin janjalon jili jan nan kaped en in ar akan. PSA 58:4 Ar linaranar rajon linaranar en jerpent amen, rajon jerpent jalonepon, me penala jalon a. PSA 58:5 Pwen der ron nil en jaunwunani o kati ani men, me kadek wunani. PSA 58:6 Main Kot, kom kotin katip pajan ni nan au arail; Main Ieowa, kom kotin kawela ni en laien pulepul akan. PSA 58:7 Kom kotin kawe ir ala dueta pil me kin pwilipwili wei. Ma a kaonopada a kananan kajik katieu, re kin tip pajan. PSA 58:8 Re pan joredi dueta kamedel aman kin mon pena; re jota pan kilan katipin dueta jeri amen, me jota dar puni. PSA 58:9 Mon omial ainpot pan pam tui, a pan kotin jipet wei ni a onion. PSA 58:10 Me pun o pan peren kida a lao kilan depuk on ir, o a pan widen na a nana ntan me doo jan Kot o. PSA 58:11 Aramaj akan ap pan inda: Me pun kan pan tunole katin; pwe Kot eta jaunkadeik nin jappa. PSA 59:1 AI Kot, kom kotin dore ia la jan ai imwintiti kan, o kotin pera jan ia mon me palian ia. PSA 59:2 Dore ia la jan me morjued akan, o kotin jauaja ia jan me inon ion nta. PSA 59:3 Irail kin majamajan maur i, me kelail akan pokon pena on ia, a jota dip ai, o jota me jued kot, me i wiadar, Main leowa. PSA 59:4 Irail tan pena o kaonopada a jota dip ai. Kom kotin opada waja, o kotin ieian ia, o ireron mepukat. PSA 59:5 Main leowa, Kot Jepaot, Kot en Ijrael, kotin opada waja, o kotin kadeikada men liki kan karoj. Kom der maki on amen ir, me kin wia dip ni ar aklapalap. PSA 59:6 Nin jautik re kin puredo nunun dueta kidi kan, o re kin tanatan jili nan kanim o. PSA 59:7 Kom kotin mani, re kin lidelidu monin; kodlaj kan mi pan kilin au arail: Ij me pan ron? PSA 59:8 A komui, Main leowa, pan kotin kiparamat kin irail, o kom pan kotin kalij irail la. PSA 59:9 Kele pa i, i pan rukila re omui. Pwe Kot pere pa i. PSA 59:10 Kot kin kotin kajale on ia melel a kalanan; Kot kin kotin wiai on ia, i en peren kida ai imwintiti. PSA 59:11 Kom der kotin kame ir ala, pwe nai aramaj akan pan monokela, a kotin kamueit ir pajan ki omui mana, leowa pere pat, kajapoke ir ala. PSA 59:12 Dip eta lokaia en kilin au arail; i me re pan lokidi ni ar aklapalap; pwe re kin lokaia lalaue o likam eta. PSA 59:13 Kom kotin kawe ir ala o der maki on ir; kawe ir ala, pwe ren jolar meakot, ap aja, me Kot kotin kaunda kadaudok en Iakop o jap karoj. PSA 59:14 Nin jautik re kin puredo nunun dueta kidi kan, o re kin tanatan jili nan kanim o. PSA 59:15 Re kin tanatan jili rapaki kan ar mana, ap lipaned, ma re jota pan medila. PSA 59:16 A i pan kauleki duen omui manaman, o ni i manjan i pan kapina omui kalanan, pwe komui pere pa i o ai paip ni ran en ai apwal. PSA 59:17 I pan kauli on komui ai paip, pwe Kot pere pa i o ai Kot kalanan. PSA 60:1 MAIN Kot, kom kotin kaje kit alar, o kamueit kit pajaner ni omui onion, kom kotin pur on kamait kit ala. PSA 60:2 Kom kotin kamokitadar jap o, o kawelar i, kom kotin kamauiala waja ola kan, pwe a kin mokimokid. PSA 60:3 Pwe kom kotiki oner japwilim omui kan katoutou parail. Kom kotiki on kit er wain men kapweipwei kit alar. PSA 60:4 A kilel eu, me kom kotiki on irail er, me majak komui, i me irail kauadar, ap kelail kidar. PSA 60:5 Pwe kompoke pamui kan en jaladokala; kom kotin jauaja ki pali maun ar o kotin ereki kit. PSA 60:6 Kot kotin majanier nan japwilim a mol jaraui, i me i peren kida; i pan nek pajan Jikem o jojon jap Jukot. PSA 60:7 Kilead o Manaje iei japwe; nai kin kaunda Epraim; a Iuda iei ai jokon; PSA 60:8 Moap iei ai dal en dudu; i kin tiakedi Edom; Pilijta kin nijinij on ia. PSA 60:9 Ij me pan kalua ia nan kanim teneten eu? Ij me pan ian ia lel Edom? PSA 60:10 Kaidin komui ai Kot? Komui me kaje kit alar o jota ian at karij akan. PSA 60:11 Kom kotin jauaja kit ni at apwal akan, pwe en aramaj ar jauaje jota katepa. PSA 60:12 Ianaki at Kot kit pan kapwaiada dodok apwal akan. A pan kotin tiakedi at imwintiti kan. PSA 61:1 MAIN Kot, kom kotin ereki ai likelikwir o kotin mani ai kapakap! PSA 61:2 Jan ni imwin jappa i pan likwir won komui, ma monion i majakada, kom pan kotin kalua ia pon paip ileile eu. PSA 61:3 Pwe komui kapore pa i o imaten kelail on ai imwintiti kan. PSA 61:4 Kom kotin mueid on ia, i en mimieta nan japwilim tanpaj omui kokolata, o diar wajan kamaur pan lim omui kan. PSA 61:5 Pwe komui Kot mani duen ai inau; kom kin kotiki on ia er jojo en ir, me majak mar omui. PSA 61:6 Komui en kotiki on nanmarki maur warai, pwe a jaunpar akan en totola kokolata. PSA 61:7 Pwe a en mimieta mon Kot kokolata; kom kotin kajale on I kalanan o melel, me pan jinjila i. PSA 61:8 I ap pan kauli on mar omui kokolata, pwe i en kapwaiada ai inau kan ni ran karoj. PSA 62:1 NEN i moleileilar ren Kot, me kotin jauaja ia. PSA 62:2 Pwe i eta ai paip, o jauaj pa i, o pere pa i, pwe i en jota luetala kokolata. PSA 62:3 Arai da komail kin majamajan ol ta men, pwen kamela, me rajon did panpanla o kel me paul pajaner? PSA 62:4 Re kin madamadaua duen ar pan kak kapupedi i, re kadek likam, re kin lokaia kajelel, a nan monion arail re kin lalaue. PSA 62:5 Nen I kaporoporeki Kot, pwe I kapre pa i. PSA 62:6 I eta ai paip o jauaj pa I, o pere pa I, pwe I ender pupedi. PSA 62:7 Ai maur mi ren Kot, o ai linan, o ai paiap, o ai kel; I kaporoporeki Kot. PSA 62:8 Komail aramaj akan karoj kaporoporeki I anjau karoj kajanjale on I monion omail, Kot kapore patail. PSA 62:9 A aramaj akan jota meakot, o me lapalap akan pil kin japunala. Ni men tenok re kin kokoda, menda ma irail me toto. PSA 62:10 Komail der keleki omial dipijou japun o der kaporoporeki me komail kuliadar. Ma komail pan kapwapwala, komwail der kajampaleki! PSA 62:11 Kot kotikidar majan eu, me I roner akai anjau, iet: Kot eta me manaman. PSA 62:12 Komui Main me kalanan o komui kin pwain on amen amen duen a wiawia kan. PSA 63:1 Kot komui ai Kot, nin joran I kin piridan komui. Nen i kin inon ion komui. Pali war ai kin inon ion komui nan jap madekon o monedi, waja me jota pil mi ia. PSA 63:2 I waja i kin tamanda komui nan japwilim omui tanpaj im jaraui, pwe i men kilan omui manaman o linan. PSA 63:3 Pwe omui kalanan mau jan maur; kil en au ai kin kapina komui. PSA 63:4 I waja i inon ion kapina komui arain ai maur, o men pokada pa i kat ni mar omui. PSA 63:5 I me pan kaperen pan nen I o ai popol, ma i pan kak kapina komui ki au ai kaperen. PSA 63:6 Ni ai kin wendi pon loj, i kin madamadaua duen komui, o ni ai pirida, i kin lokelokaia duen komui. PSA 63:7 Pwe komui jauaj pa i, o pan mot en lim omui kan i kin nijinij. PSA 63:8 Nen i kin tenidi on komui; lim omui pali maun kin apapwali PSA 63:9 A irail me majamajan ia, pwen jaik ia di, pan lokidokila pan jappa. PSA 63:10 Re pan pupedi on nan kodlaj, o kidi en wel pan kan ir ala; PSA 63:11 A nanmarki pan peren kida Kot. Me kin kaula on i, pan pwaida, pwe au en me likam akan pan pena pinla. PSA 64:1 MAIN Kot, kotin ereki nil ai ni ai injenjued. Kom kotin jinjila maur i mon ai imwintiti weit. PSA 64:2 Kom kotin karuki ia la jan mon pokon en me jued akan, mon pwin en me wia japun kan. PSA 64:3 Me kin ada lo ’rail dueta kodlaj pot, o me kaonopada ar kajik katieu, iei ar lokaia jued, PSA 64:4 Pwen rir kajikiedi me lelapok o; madan re pan kajikiedi i, o jota injenoki. PSA 64:5 Irail me weit ni ar tiak jued, o re kin inda, duen ar pan injar, o re kin inda: Ij me pan kak kilan? PSA 64:6 Irail kin madamadaua duen me jued. Kitail kapwaiadar, karoj kileledier. Monion en aramaj me widin o meid koiok ni morjued. PSA 64:7 A Kot pan kotin kajik ir edi madan, pwen kamadak on ir. PSA 64:8 Pein lo arail pan kapup ir edi, o karoj, me pan kilan, pan kaurureki. PSA 64:9 O aramaj karoj pan majak o inda: Mepukat Kot kotin wiadar. O re pan aja, me i japwilim a dodok. PSA 64:10 Me pun o pan perenki Ieowa, o pan liki i, o me lelapok kan karoj pan pereperen. PSA 65:1 MAIN Kot, je kin auiaui o kapina komui nan Jion, o je kin kapwaiada at inau on komui. PSA 65:2 Komui kotin ereki at kapakap, pwe i me aramaj karoj pan pwara won komui. PSA 65:3 Dip at kin katoutoui kit kaualap. Kom kotin maki on kit dip at akan. PSA 65:4 Meid pai, me kom kotin pilada o mueid on, en pwarala re omui, pwen kaujon nan japwilim omui kel; kit pan tunetunole o medikila dipijou en tanpaj omui, japwilim omui im en kaudok jaraui. PSA 65:5 Kom kotin mani kit duen omui pun kapuriamui, Kot, at jaunkamaur, komui me kapore pan meakaroj nin jappa, o me mi waja doo ni kailan madau; PSA 65:6 Me kotin pajonedier nana kan, pwen teneten ni a kelail, I me audeki manaman. PSA 65:7 Komui katukiedi nirjok en madau, nirjok en a iluk kan, o moronaron en aramaj akan. PSA 65:8 Me kaujon ni imwin jappa, kin majakada omui kilel akan; komui kin kaperenda me kaujon ni pali maj o ni pali apon. PSA 65:9 Kom kin kotin kupura jappa o kawujokejok o kakepwapwala i melel. Parer en Kot me dir en pil kaualap. Kom kin kotin jauaja ar wantuka kan, iduen omui kotin kapaiada jap o. PSA 65:10 Kom kin kotin kapileda ar jap akan o kawujokejok ar mad akan o kamuterok kila katau o kapaiada ar tuka kan. PSA 65:11 Kom kotin kapwada kidar jaunpar omui kalanan; o lip en aluwilu ar me dir en kamau kan. PSA 65:12 Moj en nan jap tan pil pwaida mau, o dol akan kin pereperen. PSA 65:13 O mal akan me dir en pwin jip, o jap me rokeki korn, me mau on nijinij o kakaul. PSA 66:1 NIJINIJ on Ieowa nan jap karoj. PSA 66:2 Kauleki linan en mar a; kapikapina i melel! PSA 66:3 Komail potoan on Kot: Meid kapuriamui japwilim omui dodok kan! Japwilim omui imwintiti kapina komui pweki omui manaman. PSA 66:4 Jap karoj en kaudok on komui o kapina komui pweki omui manaman. PSA 66:5 Komail kodo, kilan dodok en Kot, pe a wiawia kan me kapuriamui ren aramaj akan. PSA 66:6 A kotin kawukila madau on jap madakon, pwe aramaj en kak alu pon pil o, I waja je peren kidar kaualap. PSA 66:7 A kotin kakaunda ni a manaman kokolata; jilan i kin ireron wei kan. Me kanudi kan jota kak pwaida. PSA 66:8 Komail wei kan kapina atail Kot, o komail kalaudela nil omail, pwen lel on waja doo. PSA 66:9 Me kotin kolekol on kitail maur atail, o jota mued on, na atail en krijedi. PSA 66:10 Pwe komui Kot me kotin kajonejon kit o kamakelekel kit er, dueta jilper kin kamekelekelda. PSA 66:11 Kom kotin mueid on, jen lodi ni injar o, kom katoutou kin kit men katoutou eu. PSA 66:12 Kom kotin mueid on aramaj kai, en tiakedi pon mon at; kit lel on kijiniai o pil; a kom kotin kaptiki jan kit o kakele kit adar. PSA 66:13 I me i pan pedekilon on nan tanpaj omui, pwen marion ijij, o i pan kapwaiada ai inau on komui. PSA 66:14 Duen kil en au ai inaukidar, o duen au ai inda ni ai anjau apwal. PSA 66:15 I pan mairon ijij on komui jip wi kan ianaki adiniai en jip ol, I pan maironki kau ianaki jip o kut akan. PSA 66:16 Komail karoj, me majak Kot, kodo re i, i pan kajoi on komail, duen me a kotin wiai on nen i. PSA 66:17 I likwirki on i au ai o i kapinaki i lo i. PSA 66:18 Ma i pan lamelame nan monion i, me i pan wiada me jued, Ieowa ap jota pan mani ia. PSA 66:19 A Kot kotin ereki ai kapakap, o a kotin manier ai nidinid. PSA 66:20 Kapina on Kot, me jota kotin mamaleki ai kapakap, o a jota kotiki wei jan ia a kalanan. PSA 67:1 KOT en kotin maki on kit, o kotin kapaia kin kit. A kotin kamaraine kin kit, jilan i. PSA 67:2 Pwe japwilim a al akan me janjaleda nin jappa o ren men liki kan a maur. PSA 67:3 Main Kot, wei kan pan kapina komui, wei kan karoj pan kapina komui. PSA 67:4 Wei kan pan peren kida o nijinij, pwe kom kin kotin kapun on wei kan ni tiak pun, o kom kotin kaunda aramaj akan nin jappa. PSA 67:5 Main Kot, wei kan pan kapina komui, wei kan karoj pan kapina komui. PSA 67:6 Jap o kin kapwaiada a tuka kan. Kot pan kotin kapai kit ada, at Kot. PSA 67:7 Kot pan kotin kapai kit ada, o toun jappa karoj pan majak i! PSA 68:1 KOT en kotida, pwe a imwintiti en kamueit pajan, o me kailonki i, en tan wei. PSA 68:2 Kom kotin paki irail wei dueta adiniai, dueta krij kin pei pajan nan kijiniai, iduen me doo jan Kot akan en joredi. PSA 68:3 A me pun kan en pereperen o popol mon jilan en Kot o ren pereperen melel. PSA 68:4 Kauli on Kot, kauli on mar a! Kaonopada al o on i, me kotiwei nan jap tan, a maraneki leowa komail perenki i! PSA 68:5 Pwe i Jam en me japoupou kan o jaunkapun en li odi kan. I Kot nan japwilim a tanpaj jaraui. PSA 68:6 Kot me kotin kadire kila jeri ko im en me kin kelep, me kin lapwada me jalidi kan, pwen pwaida o pereperen a me katiwo kan pan mimieta nan wajan lek. PSA 68:7 Main Kot, ni anjau kom kotiwei mon japwilim omui aramaj akan, ni omui kotiwei nan jap tan! PSA 68:8 I anjau jap o rerer, o audepan lan kan moredier mon jilan en Kot, nana Jinai mon jilan en Kot en Ijrael. PSA 68:9 Main Kot, kom kotin kamoredier katau mau, o kom kotin kamauradar japwilim omui jojo, me monedier PSA 68:10 Pwe japwilim omui pwin diar waja, me a kak kotikot ia. Main Kot, kom kotin apwalilar me luet akan duen omui kalanan. PSA 68:11 leowa kotikidier a majan ki pwin en wanporon kalaimun akan. PSA 68:12 Nanmarki en karij toto tan wei madan, o waun im akan nek pajaner, me re atia jan ar imwintiti kan. PSA 68:13 Ni omail kairu nan pun en noumail pwin man akan, komail rajon pa en muroi men, me linan dueta jilper o pa a kan dueta kold linan. PSA 68:14 Ma me Manaman o lao kotin kamueit pajan nanmarki kan, nana Jalmon rotorot ap pan marainla. PSA 68:15 Nana Pajan iei nana en Kot; Pajan nana kalaimun eu. PSA 68:16 Menda komail nana kalaimun akan kin kilekilan ap peirin on nana, me Kot kotin piladar en kotikot ia? o leowa pan kotikot waja o kokolata. PSA 68:17 War en Kot me kid toto pan pak kid; leowa kotikot re ’rail ni nana Jinai. PSA 68:18 Komui kotidalan poa o jaliedier me jalidi kan, o kom kotin ale on aramaj pai kan, pil on ir me katiwo kan, pwe leowa en kotikot waja o. PSA 68:19 Kapina leowa nin ran akan karoj; Kot kin kotiki on kitail katoutou patail, ap pil kotin jauaja kitail. PSA 68:20 Atail Kot iei jauaj patail, o leowa Kaun kin kotin dorela jan mela. PSA 68:21 Melel, Kot pan kotin kawela monan a imwintiti kan, o a pan kotin lejer pajan takain monan ir, me dadaurata ar katiwo. PSA 68:22 leowa kotin majanier: I pan kapure don ir jan nan Pajan, I pan wa ir do jan nan kapin madau. PSA 68:23 Pwe koe en tiakedi on nan ntan imwintiti kan, o noum kidi kan en tamotamo. PSA 68:24 Main Kot, a janjal duen omui kotikot jili, duen omui kotikot jili nan mol omui jarawi, ai Kot o ai Nanmwarki. PSA 68:25 Pwin en kaul kin tion, ap pwin en jaunkajan nan pun en peinakap akan, me wiadar aip. PSA 68:26 Kapina Kot Ieowa nan momodijo kan, komail me kijan parer en Ijrael. PSA 68:27 Peniamin tikitik kin kakaun nan pun ar, jaupeidi en Iuda ianaki japwilim ar akan toto, jaupeidi en Jepulon, o jaupeidi en Naptali. PSA 68:28 Omail Kot kotin kauadar omail wei; Main Kot, I me komui en kotin katenetenedi, pwe japwilim omui dodok. PSA 68:29 Nanmarki kan pan wa don uk ar kijakir pweki omail im en kaudok nan Ierujalem. PSA 68:30 Kom kotin lipor on man en nan rau, o pwin kau ol ianaki na kan, o wei kan, me kin pepei pweki kijin moni. Kotin kamueit pajan wek kan, me kin men mauin. PSA 68:31 Jaupedi en Akipten pan pwarado; men Moren pan pokadan Kot pa’rail. PSA 68:32 Komail wei kan nin jappa kauli on Kot, kakaul o kapina Ieowa. PSA 68:33 I, me kin kotikot jili nanlan, nanlan en majia! Kilan, a kin kotiki on japwilim a nanjapwe manaman. PSA 68:34 Komail kamelele mana en Kot! A linan mi ren Ijrael, o a mana mi nan tapok kan. PSA 68:35 Kot meid kapuriamui nan mole jaraui. I Kot en Ijrael. A pan kotiki on aramaj akan mana o kelail. Kapina Kot! PSA 69:1 MAIN Kot, kotin jauaja ia, pwe pil itida lel on maur i. PSA 69:2 I pan kirila nan waja lujujur lol, waja me jota kakaluak; i mi nan pil lol, o ad pan kamop ia la. PSA 69:3 I pana kila ai janejan, kapin wor ai kirkilar, maj ai juedalar, pwe a warailar ai auiaui Kot. PSA 69:4 Me kin tata kin ia nin joka repa me toto jan pit en mon ai. Me imwintiti on ia, o me kin kawe ia la, ap jota karepa, kin kelail. I en pwain, me i jota kulia jan. PSA 69:5 Main Kot, kom kotin mani ai pweipwei, o ai japun kan me jota rir jan komui. PSA 69:6 Kom der mueid on irail, me auiaui komui, en jarodi pweki nai, Main Ieowa Jepaot; kom der mueid on irail, me rapaki komui, en namenokala pweki nai, Kot en Ijrael. PSA 69:7 Pwe i kin kankaururla pweki komui, maj ai me dir en namenok. PSA 69:8 I wialar men wai amen ren ri ai kan, o nain in ai jaja ia lar. PSA 69:9 Pwe limpok on tanpaj omui kajor ia dier, o lalaue en ir, me kin lalaue komui id ko don ia. PSA 69:10 I kin janejan melel o kaijejol, ari jo, re kin lalaue ia. PSA 69:11 I likau kidar ed eu, a re kin lalaue ia. PSA 69:12 O me mondi pan wanim, kin kajekajenda ia, o wajan kan jakau, re kin kakaul kin ia. PSA 69:13 A i kin kapakap on komui Main Ieowa ni anjau me kon on; Main Kot, kom kotin mani ia pweki omui kalanan lapalap o kotin jauaja ia. PSA 69:14 Kotin dore ia la jan nan pwel, pwe i ender kirila; pwe i en piti jan, me kailon kin ia o jan nan pil lol; PSA 69:15 Pwe lapake ender kamop ia la, o waja lol ender kadala ia la, o au en por o ender pur pena on po i. PSA 69:16 Mani ia, Main Ieowa, pwe omui kalanan meid mau, kom kotin majan don ia, pweki omui kalanan lapalap. PSA 69:17 O kom der karirela jan japwilim omui ladu jilan omui, pwe i majak; kom kotin madan mani ia! PSA 69:18 Kom kotido ren nen i o dorela i, kotin dore ia la pweki ai imwintiti kan. PSA 69:19 Komui manier duen ai jarodier, o ai lijela, o ai namenok, me palian ia, kin janjal on komui. PSA 69:20 Ai jarodier kin kawela nan monion i, o i luetalar melel. i auiaui, ma jota me pan injenjuedeki mepukat, a jota man amen; o ma jota, me pan kamait ia la, a jota me i kak diar. PSA 69:21 Irail kin kamana kin ia ede, o kanim pil kin ia pinika ni ai men nim piladar kaualap PSA 69:22 Arail tepel en wiala injar arail, o lidip arail, o kapup arail. PSA 69:23 Maj arail en rotorotala, pwe ren der kilan waja, o irail en koj pena kokolata. PSA 69:24 Wudokidi on po ’rail omui onion, o omui onion melel en lel on irail. PSA 69:25 Deu ’rail en lijelipinda, o jota me pan kaujon nan im arail. PSA 69:26 Pwe re kin pakipaki, me kom kotin kaloker, o re kin indinda, me dene komui kin kaloke mal japwilim omui kan. PSA 69:27 Kom kotin kaloedi on ir ni japun toto, pwe ren der konodi omui pun. PSA 69:28 Irij jan ir nan puk en kamaur, pwe ren der ian me pun kan kileledi. PSA 69:29 A nai me luet, o i kin waiwairok. Main Kot, omui jauaja ia en jinjila ia. PSA 69:30 I pan kapina mar en Kot ki kaul pot, o i pan wauneki i melel ki danke. PSA 69:31 I me Ieowa kotin kupura jan kau ol, me oje o pat en na pualapual mia. PSA 69:32 Me luet akan kin kilan, o peren kida, o me kin rapaki Kot, monion arail pan maurada. PSA 69:33 Pwe Ieowa kotin mani me jamama kan, o a jota kotin mamaleki japwilim a jalidi kan. PSA 69:34 Nanlan en kapina i, pil jappa, o madau, o karoj me kin mokimokid lole. PSA 69:35 Pwe Kot pan kotin jauaja Jion, o a pan kauada kanim en Iuda kan, pwe aramaj en kaujon waja o, o aneki. PSA 69:36 O wan a ladu kan pan jojoki irail, o me kin pok on mar a, pan kaujon waja o. PSA 70:1 MAIN Kot kom kotin mada do, dore ia la, Main Ieowa, pwen jauaja ia! PSA 70:2 Me kin majamajan ia, en namenokala o jarodi, o me kin peren kida ai apwal akan, en ponjeker wei o lejila. PSA 70:3 Pwe irail me kin indinda due ai: Io ol o! ren namenokala. PSA 70:4 A me kin idok komui, en pereperen o popolki komui, o me kin pok on omui maur, en indinda anjau karoj: Kot meid kapinan. PSA 70:5 A nai me luet o jamama. Main Kot, kom kotin madan don ia, pwe komui ta jauaj pa i o ai jaundor; Main Ieowa, kom der kotin pwand! PSA 71:1 MAIN Ieowa, i liki komui, kom der mueid on, i en jarodi kokolata. PSA 71:2 Kom kotin dore ia la pweki omui pun, o kotin jauaja ia, o kotin kapaike don ia karon omui kan o jauaja ia. PSA 71:3 Komui en koti wiala ia paipalap, waja i pan kak pitila ia anjau karoj, pwe kom kotin inauki on ia er, me kom pan dore ia la, pwe komui ai paip o ai kel. PSA 71:4 Ai Kot, jauaja ia jan nan pa en me doo jan Kot, o jan nan pa en me japun o weit. PSA 71:5 Pwe komui kapore pa i, Main Ieowa, komui ai kel jan ni ai pulepul. PSA 71:6 I liki komui jan ni ai ipwidier, o komui me kaipwi ia jan nan kaped en in ai, i pan kapina komui kokolata. PSA 71:7 Nai dueta meakot me kapuriamui on me toto; a komui kel pa i manaman. PSA 71:8 Kom kotin kadireki au ai kapin o danke on komui. PSA 71:9 Kom der kotin kaje ia la ni ai mala, o der muei jan ia ni ai pan luetala. PSA 71:10 Pwe ai imwintiti kin palian ia ni ar lokaia, o me kin majamajan ia, kin kapakapun pena, PSA 71:11 O indinda: Kot muei janer i, komail paki o koledi i, pwe jota jauaj pa a. PSA 71:12 Main Kot, kom der kotin doo wei jan ia, Main Kot! Kom kotin madando o jauaja ia. PSA 71:13 A me palian ia en namenokala o jarodi; o me rapa kin ia, pwen kame ia la, ren kadupale kidi namenok o lalaue. PSA 71:14 A i pan auiauita, o i pan kalaudela ai kapin on komui kokolata. PSA 71:15 Au ai en kaloki jili omui pun, o omui kamau pan ran karoj, me jota kak wadawad pena. PSA 71:16 I kin weweid jili ni mana en Ieowa Kaun; i pan kapina omui pun eta. PSA 71:17 Main Kot, kom kotin padaki on ia er jan ni ai pulepul, o i kaloki jili omui manaman akan jan maj kokodo lel met. PSA 71:18 Main Kot, kom der kotin muei jan ia ni ai mala, pit en mon ai lao puetepuetala, lao i pan padaki on jeri en jeri kan omui wiawia o on me pan kokodo omui manaman. PSA 71:19 Main Kot, omui pun meid ileile, kom kin wiada dodok lapalap. Main Kot, ij me rajon komui? PSA 71:20 Pwe komui kotiki on kit er kamajak laud o toto, o kom kotin pur on kamau kit ada o wai ia dado jan nan waja lol. PSA 71:21 Komui pan kotin kaileile ia da, o kom pan kotin pur on kamait ia la. PSA 71:22 I ap pan kapinaki komui kajan, pweki omui melel, ai Kot, I pan kauleki on komui arp, on komui, me Jaraui en Ijrael. PSA 71:23 Kil in au ai o nen i, me re kotin dorelar, pan pereperen o kauli on komui. PSA 71:24 Pil lo i pan indinda duen omui pun jan manjan lel jautik. Pwe irail, me men kawe ia la, namenokala o jarodier. PSA 72:1 MAIN Kot, kom kotiki on nanmarki en kapun, o kotiki on nain nanmarki ol omui pun. PSA 72:2 Pwen kaunda japwilim omui aramaj akan nin tiak pun, o dorela japwilim omui me luet akan. PSA 72:3 Nana kan en kare don aramaj akan popol o dol akan me pun. PSA 72:4 A pan jauaja pun en me luet ren aramaj akan; a pan dorela nain me jamama kan, o pan tiakedi me morjued o. PSA 72:5 Aramaj pan majak komui jan eu kainok lel eu kainok, arain katipin o jaunipon mia. PSA 72:6 A pan kotidi dueta katau on mat kap, dueta katau me kawujokejok jap o. PSA 72:7 Me pun o pan memaurata ni a ran akan, o muei mau pan pwaida, lao jaunipon jolar mia. PSA 72:8 A pan kotin kaunda jan eu madau lel won eu, o jan pilap o lel ni imwin jappa. PSA 72:9 Me kaukaujon nan jap tan, pan dairukedi on mo a, o a imwintiti kan pan kanala pwel par. PSA 72:10 Nanmarki en Tarjij o me mi nan dake kan, pan wa don i ar kijakij; nanmarki en Arapia o Jepa pan wia nopwei. PSA 72:11 Nanmarki kan karoj pan kaudoki on i, men liki kan karoj pan upa on i. PSA 72:12 Pwe a pan dorela me jamama o, me kin weriwer, o me luet, me jota jauaj pa. PSA 72:13 A pan kupura me tikitik o jamama, o pan kotin jauaja nen en me jamama kan. PSA 72:14 A pan kotin dorela nen arail jan ren me morjued o weit, o nt’ arail me kajampwal mon jilan i. PSA 72:15 A pan ieiajata o kold jan wein Arapia pan wijik won i, o aramaj akan pan kapakapaki i anjau karoj, a pan kapaida ni anjau karoj. PSA 72:16 Wantuka kan pan pwaida mau nin jappa o pon nana kan, korn pan momand dueta Lipanon; o aramaj akan pan woj ada nan kanim akan dueta ra nan jap o. PSA 72:17 Mar a pan duedueta kokolata; arain katipin a pan mimieta, iduen warai en mar a, o re pan kapaikida i; men liki kan karoj pan kapina i. PSA 72:18 Kapin on Kot leowa, Kot en jrael, i eta, me kin wiada manaman akan. PSA 72:19 O kapin on mar a linan kokolata, o jap karoj en direki a wau! Amen, amen! PSA 72:20 Iet imwilan kapakap en Dawid nan Ijai. PSA 73:1 MELEL, Kot kompoke pan men Ijrael, irail me makelekel nan monion arail. PSA 73:2 A nai, ekij ta, a na i kat pan lodi, o I koren ion krijedi ni ai kakakawei. PSA 73:3 Pwe I juedeki me aklapalap akan, ni ai kilaner en me japun akn ar pwaidar. PSA 73:4 Pwe jota apwal kot lel on irail ni ar pan mela, re kin kelail o war arail wilar melel. PSA 73:5 Jota ar apwal kot dueta aramaj tei kan, o re jota pan kalokolok dueta aramaj tei kan. PSA 73:6 Ari aklapalap, iei kapwat en tapin wor arail, o arail likau, iei arail tiak weit. PSA 73:7 Por en maj arail tikitik o jued kilar ar wilar, o re kin wiada, me re inon ion. PSA 73:8 Re kin mamaleki meakaroj, o re kin lokelokaia me jued, o re kin lalaue o lokaia ni ar aklapalap. PSA 73:9 Dene arail lokaia tapi jan nanlan, o me irail indinda, dene I eta me pun ni jappa. PSA 73:10 I me aramaj akan lokididi on irail; o pil totoia re kin nimala. PSA 73:11 Re kin inda: Iaduen, Kot pan kotin injenoki irail? O menda ren me aklapalap irail? PSA 73:12 Kilan, iduen me doo jan Kot akan; irail meid pai nin jappa, o re pan kapwapwala. PSA 73:13 Iaduen, likamata jota katopa ai kamakelekeladar monion i o kaminela pa i kat ni me pun? PSA 73:14 Pwe ran karoj i pan kalokolok, o ni manjan karoj ai kamekam mia. PSA 73:15 Koren ion i pil pan indinda dueta irail, a jo, pwe i de pan juedeki japwilim omui jeri kan karoj jan maj kokodo lel met. PSA 73:16 I ap madamadaua duen mepukat, pwen dedeki, a i jota kak on. PSA 73:17 Nai lao pedelon on mon mol en Kot jaraui o kilaner imwin mo doo jan Kot akan. PSA 73:18 Melel kom kotin pwili kin irail edi waja likakerij; kom kotin kapup irail edi on nani pwel. PSA 73:19 Iaduen arail madan joredier. Irail lokidokila, o imwila ’rail meid kamajapwek. PSA 73:20 Main Ieowa, kom kin kotin kawela mom arail nan kanim o dueta auramen. PSA 73:21 Ni ai madak nan monion i, o waiwairok nan ai mudilik kan, PSA 73:22 I ap diaradar, me nai ol pweipwei men, me jota aja meakot; dueta man amen mo omui. PSA 73:23 Ari jo, i pan mimieta re omui kokolata, pwe komui kotin kolekol eta pa i pali maun. PSA 73:24 Komui kin kalua ia duen kupur omui, o kom pan kotin kajamo ia nan linan omui. PSA 73:25 Ma komui ta ai Kot, i jota pan anane meakot nanlan de jappa. PSA 73:26 Ma pali war ai o nen i pan dupokala, pil menda, pwe komui Main Kot kamait pa i o pwaij ai kokolata. PSA 73:27 Pwe kom kotin mani irail, me muei jan komui pan lokidokila; Kom pan kotin kajapokela karoj, me wuki wei jan komui. PSA 73:28 A iet ai peren, i en teneten on Kot, o i en kaporoporeki Kot leowa, pwen kalok jili omui wia wia kan karoj. PSA 74:1 MAIN Kot, da me kom kotin kaje kin kit ala, o da me re onioniki japwilim omui jip akan? PSA 74:2 Kom kotin kupura japwilim omui momodijou, me kom kotin pwaindar maj o, o me komui dorelar, pwen wiala japwilim omui, kotin kupura dol Jion, waja me kom kotikot ia. PSA 74:3 Kom koti don waja me lijelipin anjau warai; imwintiti me kawelar meakaroj nan im jaraui. PSA 74:4 Me palian komui, kin weriwer nan tanpaj omui o pwilikidi arail dikedik en ani mal akan lole. PSA 74:5 Irail pwaradar dueta ir, me wia palapal nan wei. PSA 74:6 Re kin kawela did kajelel akan ki jile laud o tikitik. PSA 74:7 Irail karonala tanpaj omui; irail kajaminela o tiakedi waja me mar omui kotikot ia. PSA 74:8 Irail kin inda nan monion arail: Na, kitail pan kawela! Irail karonalar wajan kaudok karoj nan jap o. PSA 74:9 Jolar manaman akai janjal on kitail, o jolar jaukop amen mia, o jota amen re atail me pan aja imwilan mepukat. PSA 74:10 O Main Kot, arai da me morjued o pan lalaue, o imwintiti o pan mamaleki mar omui? PSA 74:11 Da me komui kotiki wei jan lim omui? Kotikida pali maun omui o kaimwijokala. PSA 74:12 Pwe Kot ai Nanmarki jan maj o. I me jauaj pan meakaroj, me kin wiaui nin jappa. PSA 74:13 Kom kotin kamueit pajaner madau ki omui manaman, o kom kotin kawelar monan drake nan pil. PSA 74:14 Kom kotin kawelar monan walroj, ap kotiki on aramaj nan jap tan, pwen kanala. PSA 74:15 Komui kotin kapwaredar parer o pilap akan, o pilap kalaimun akan me kom kotin kanalanaladi. PSA 74:16 Ran o pon me japwilim omui; komui kotin wiadar jaunipon o katipin. PSA 74:17 Komui wiadar irair en jap akan; komui me kin wia anjaun karakar o kapou. PSA 74:18 Kom kotin kupura mepukat: Imwintiti o lalaue komui Main, o aramaj pweipwei kan mamaleki mar omui. PSA 74:19 Kom der kotiki on man laualo nen en japwilim omui muroi, o kom der likidmaliela pwin en japwilim omui luet akan. PSA 74:20 Kom kotin tamanda inau o, pwe jap olar waja karoj o im akan pual pajaner. PSA 74:21 Re der kotin mueid on me luet o, en namenok purela, me jamama o luet akan en kapina mar omui. PSA 74:22 Main Kot, kom kotida o kotin kaimwijokala japwilim omui dodok; kom kotin tamanda kankaurur, me kin wiaui on kmui jan ren me pweipwei kan. PSA 74:23 Kom kotin der maliela weriwer en japwlim omui imwintiti, moronoron en me palian komui kan, me kin lalaudalar karoj. PSA 75:1 Je kapina komui, Main Kot, je kapina komui, pwe mar omui me koren, o omui manaman akan kaloki jili due. PSA 75:2 Pwe ni a anjau I pan wiada kapun pun. PSA 75:3 Jap o tou a kan kin rerer; a I kin kolekol a ur akan. PSA 75:4 I indan me aklapalap akan: Komail der aklapalap! O on me doo jan Kot akan: Komail der keleki omail manaman! PSA 75:5 Komail der kaileilada mon omial, komail der kokaia jued ni omail aklapalap. PSA 75:6 Pwe jota jauajpa jan ni maj en lan de kapin lan, de jan nana en jap tan. PSA 75:7 Pwe Kot, me kin kadeikada, o me kin kajapwilidi amen, o kajapwilada amen. PSA 75:8 Pwe dal eu mi nan lim en Ieowa, me dir en wain kelail, me a kotin kodidodie; a me doo jan Kot akan karoj nan jappa pan nim jan, o re pan nimala moroke. PSA 75:9 A I pan padapadak kokolata, o kaulion Kot en Iakop. PSA 75:10 I pan kawela mana en me doo jan Kot akan karoj, a mana en me pun kan pan kakairida. PSA 76:1 KOT me indand mau ren Iuda, o mar a me linan ren men Ijrael. PSA 76:2 Tanpaj a im pwal mi nan Jalem, o tanpaj a mi Jion. PSA 76:3 I waja a kotin katip pajan ia kananan kajik katieu, o pere, o kodlaj, O tatan mauin. PSA 76:4 Komui me linan o manaman jan dol en mauin kan. PSA 76:5 Me aklapalap akan lodier on men kul akan o mela, o jaunpei komad karoj en kidi pa arail. PSA 76:6 Main Kot en Iakop oj o war kin pupekidi omui majan akan. PSA 76:7 Komui meid kamajapwek. Ij me kak u mo ’mui ni omui onion? PSA 76:8 Ni omui kotin kajaledar omui kadeik jan nanlan, jappa ap majapwekadar o nenenlar, PSA 76:9 Ni en Kot a kotidar, pwen kadeik, o jauaja me luet akan karoj nin jappa. PSA 76:10 Pwe makar en aramaj kin kalinanada komui, o ma re pan pur on moromoron, luan omui onion pan itar on irail. PSA 76:11 Komail inau on Ieowa omail Kot o kapwaiada. Komail karoj, me mi impa, wa don ren me kalom omail kijakij akan. PSA 76:12 I me pan atia jan jaupeidi kan ar komad, a meid kalom on nanmarki en jappa kan. PSA 77:1 I KIN likwirki nil ai on Kot, on Kot, me i pan likwir on, o i me kotin mani ia. PSA 77:2 Ni ai anjau apwal, i kin rapaki leowa; ni pon pa i kin u wei o jota kin dukedi, pwe wen I jota kak injenemaula. PSA 77:3 Ni ai tamanda Kot, i kin ajenokida, ni ai madamadaua, nen i kin luetala. PSA 77:4 Kom kin kotin kolekol por en maj ai, pwe ira en papat; nai inen en luet, jolar itar on lokaia. PSA 77:5 I kin lamelame duen ran en maj akan, duen par akan me jamalar. PSA 77:6 Ni pon i kin lamelame duen ai kajan arp, o monion i kin madamadaua; nen i kin raparapaki. PSA 77:7 Kalelapok, leowa pan kotin onion kokolata, o a jota pan kotin maki on? PSA 77:8 A kalanan rojelar melel, o a inau imwijokalar kokolata? PSA 77:9 Kot kotin malielar a mak on kit, o a karirikilar onion a kalanan? PSA 77:10 Ari jo, i indadar: Mepukat me mau on ia; pali maun en lim en me Lapalap pan kak dorela meakaroj. PSA 77:11 I me i kin taman kida wiawian leowa; melel i kin tamanda omui manaman akan jan maj o, PSA 77:12 O madamadaua duen omui wiawia kan karoj, o kilekilan duen omui dodok. PSA 77:13 Main Kot, al omui me pun. Ia waja amen Kot manaman mia dueta Kaun o? PSA 77:14 Komui ta Kot me kin wia manaman akan. Komui kotin kajanjaledar omui manaman nan pun en wei kan. PSA 77:15 Komui kotin dore kila japwilim omui kan omui manaman, iei jeri en Iakop o Iojep akan. PSA 77:16 Pil akan ariri komui, Main Kot, pil akan ariri komui, rap majapwekadar, o waja lol rererdar. PSA 77:17 Tapok kalaimun akan kamoredier pil, tapok kan wiadar nanjapwe, o liol piripir jili. PSA 77:18 Nanjapwe wiauier nanlan; japwilim omui liol akan kamaraini jappa; jappa mokieda o rerer. PSA 77:19 Al omui mi nan madau, al omui tatik nan pil kalaimun akan, o jota me kaan aluwilu omui. PSA 77:20 Kom kotin kalua japwilim omui kan dueta pwin eu ren Mojej o Aron. PSA 78:1 KOMAIL nai aramaj akan, ron ai kujoned; komail kapaike don jalon omail padak en au ai! PSA 78:2 I pan ki pajan au ai, pwen padak, o pan kida kajoi en maj o, PSA 78:3 Me kitail ronadar o ajaer, o jam atail kajoi on kitail er, PSA 78:4 Pwe kitail ender karirila jan kadaudok arail, me pan pwarado mur, o kaparokki wau en leowa, o a manaman o a dodok kapuriamui kan. PSA 78:5 Pwe a kotin kauada men kataman eu ren Iakop, o kotikida kapun eu ren men Ijrael, me u kotin kakaliki on jam atail akan, pwe ren ujelan nair jeri kan, PSA 78:6 Pwe di en mur en aja due, o jeri ko, me pan ipwidi; o ni ar kokoda, ren pil kajoi on nair jeri kan PSA 78:7 Pwe irail en kaporoporeki Kot, o ren der monokela en Kot a wiwia kan, o ren kapwaiada a kujoned akan. PSA 78:8 O ren der dueta jam arail akan, me kainok kanudi o katiwo eu, me monion arail jota teneten, o nen arail jota melel on Kot. PSA 78:9 Dueta kainok Epraim, me wa tatan mauin, ap purela jan nan pei. PSA 78:10 Irail jota dadaurata inau en Kot, o re jota men weweideki duen a kujoned akan. PSA 78:11 O re monokelar a wiawia kan o a manaman akan, me a kotin kajaljale on irail er. PSA 78:12 A kotin wiadar manaman akai janjal mon jam arail akan nan Akipten, nan jap Joan. PSA 78:13 A kotin palan pajan madau o kotin mueid on ir, en kotela, o wiadar pil dueta kel takai eu. PSA 78:14 A kotin kalua kin irail tapik ni ran o, o ni pon umpul en kijiniai. PSA 78:15 A kotin palan pajan paip nan jap tan o kanim pile kin irail pil toto. PSA 78:16 O a kotin kapkapwile wei pilap kai jan nan paip, pwe ren pwile wei dueta pilap laud akan. PSA 78:17 Ari jo, re dadaurata ni arail didi on I, o re kaonioni me Lapalap o nan jap tan. PSA 78:18 O re kajonejon Kot nan monion arail, ni ar inon ion kan arail mana. PSA 78:19 O re palian Kot ni ar inda: Melel Kot pan kak wiada tepel eu nan jap tan? PSA 78:20 Kilan, a poki paip o, pe pil en pwarado o pilap akan pwilepwile wei, a iaduen, a pan kak kida prot o uduk on na aramaj akan? PSA 78:21 Ieowa lao manier mepukat, ap kotin onionadar, o kijiniai wiauier ren Iakop, o onion lel on Ijrael, PSA 78:22 Pweki ar jo kamelele Kot, o jota kaporoporeki a jauaj. PSA 78:23 A ap kotin majani on tapok en poa kan, o ritinida wanim on lan akan. PSA 78:24 O kotin kamoredi on ir mana, pwe ren mana, o a kotiki on ir prot en lan. PSA 78:25 Irail kanalar prot en tounlan kan; a kotin kadar on ir kijin mana toto. PSA 78:26 A kotin kapwaredar pan lan an en maj en lan, o ni a manaman a kotin kamokidada an en pali air. PSA 78:27 O a kotin kamoredi on ir uduk dueta pwel par, o manpir dueta pik en oror. PSA 78:28 O a kotin kapup irail di waja karoj, me irail kaujon ia. PSA 78:29 Rap manamana o medilar kaualap, o a kotin mueid on ir ar inon. PSA 78:30 A ni ar kapwaiadar ar inon, o ni ar manamana. PSA 78:31 Onion en Kot ap lel on irail er, o kamelar ol lapalap re ’rail, o kotin wokiedi mana kap en Ijrael kajampwal akan. PSA 78:32 A re kalaudelar arail dip, o re jota kamelele a manaman akan. PSA 78:33 I me a kotin mueidoki ren mela, re jota paida, o ar apwal akan me toto arain ar maur. PSA 78:34 Ni a kotin kame irail la, rap idok i, o wukila, o rapaki Kot. PSA 78:35 O re tamandar, me Kot kele parail o Kot lapalap ar jaundor. PSA 78:36 O re lik janjal mau on i ni au arail o re likam on i ni lo ar. PSA 78:37 A monion arail jota teneten on i, o re jota dadaurata melel a inau. PSA 78:38 Ari jo, a kotin kalanan on ir, o kotin makeki on ir dip arail, o jota kame irail la, o katukiedi a onion pan pak toto, o jota onioni melel. PSA 78:39 Pwe a kotin kupura, me irail pali uduk, dueta kijinian, me pir wei o jolar puredo. PSA 78:40 Pan pak toto re kanudi on i nan jap tan, o kakupur juedi i nan mal. PSA 78:41 Irail pur on anjau karoj kajonejon Kot, o re akapuni on me Jaraui ren men Ijrael. PSA 78:42 Re jolar tamanda lim a manaman, me dore ir ala jan ar imwintiti kan ni ran o. PSA 78:43 Duen a kotin wiadar a manaman akan nan Akipten o a dodok kapuriamui nan Joan. PSA 78:44 A kotin kawuki on nta ar pil akan, rap jolar kak nima jan ar pilap akan. PSA 78:45 Ni a kotin kapwaredar man jued akan nan pun arail, me kan ir ala, o proj akan, me kawe ir ala. PSA 78:46 A kotiki on muedi ar tuka kan, o ar wantuka on man jiek. PSA 78:47 A kotin kawekilar akel ar wain o tuka kan ki akel tikitik. PSA 78:48 A kotin kamekila ar man akel akan o ar pwin man akan liol. PSA 78:49 A kotin onion melel o porone won ir tounlan jued kai, o mueid on ir, ren linaranar, o morjued, o kainjenjued. PSA 78:50 A kotin kaonopa dan onion al apot, o jota dorelar maur arail jan mela, o kotin mueid on kilitop ni maur arail. PSA 78:51 A kotin kamelar mejeni karoj nan Akipten, mejeni en ar kelail nan im en Am akan. PSA 78:52 A kotin kaluala japwilim a kan dueta pwin jip eu nan jap tan. PSA 78:53 A kotin kalua irail ni pun, pwe ren der majak meakot, a madau kadupaledi ar imwintiti kan. PSA 78:54 A kotin wa ir ala lel ni irair en jap jaraui, lel nana wet, me lim a pali maun kileledier. PSA 78:55 O kotin pakipaki men liki kan mo ’rail, o kotin nek on ir jap arail, pwen jojoki, o a kotiki on kainok en Ijrael akan, en kaukaujon nan im arail. PSA 78:56 A re jonejon? o kaonion Kot lapalap, o jota peiki on i, o jota duki on a majan akan. PSA 78:57 O re muei jan o mamaleki meakaroj, dueta jam arail akan, o re jota teneten, dueta kajik katieu luet eu. PSA 78:58 O re kaonion i ni ar kaudok pon dol akan, o re kupur juedeki i ki arail dikedik en ani kan. PSA 78:59 A Kot lao kotin mani mepukat, ap kotin onionada o kajapok ir ala melel. PSA 78:60 A kotin muei jan tanpaj a nan Jilo, im pwal o, waja a kotikot ia ren aramaj akan. PSA 78:61 A kotiki wei japwilim akan nan imaten, o a linan nan pa en imwintiti kan. PSA 78:62 A kotiki wei japwilim a aramaj akan ni kodlaj, o kotin onioni japwilim a jojo. PSA 78:63 Kijiniai kanala ar manakap akan, o ar peinekap akan jolar kak papaud. PSA 78:64 Arail jamero kan mekilar kodlaj, a jolar li odi kan, me kin maiei. PSA 78:65 Ieowa ap kotin opala waja dueta amen me mairelar, dueta ol komad amen kin nijinij ni a kan wain. PSA 78:66 A kotin kaloedier a imwintiti kan o kanamenok ir ala kokolata. PSA 78:67 A kotin kajelar im en Iojep, o jota piladar kainok en Epraim. PSA 78:68 Pwe a kotin piladar kainok en Iuda, kol Jion, me a koti kupura. PSA 78:69 O a kotin kauadar tanpaj a im jaraui waja ileile, dueta jappa me pan teneten ea kokolata. PSA 78:70 Ap kotin piladar japwilim a ladu Dawid, o a kotin ale i jan nan deun jip akan. PSA 78:71 A kotin kalua i jan ren jip en kadidi kan, pwen kamana japwilim a kainok en Iakop o a jojo men Ijrael. PSA 78:72 O a kotin apapwali ir ni tiak en monion melel o pun, o kakaun irail ada ni koiok en lim a kan. PSA 79:1 MAIN Kot, men liki kan tan don japwilim omui jojo; irail kajamilela japwilim omui im jaraui, o re wiaki Ierujalem kantakai eu. PSA 79:2 Re ki oner manpir en pan lan akan kalep en japwilim omui ladu kan, o uduk en japwilim omui jaraui kan on man en nan jap akan. PSA 79:3 Impan Ierujalem irail wudo kila nt’ ar dueta pil, o jota, me pan jarepedi. PSA 79:4 Kit wialar kanamenok eu on men imp at, o me kapil kit pena, kin lalaue o kaurur kin kit. PSA 79:5 Main leowa, arai da kom pan kotin onion, o inon en kupur omui pan lulada dueta kijiniai? PSA 79:6 Kom kotin wudokidi on men liki kan, me jaja komui, omui onion, o on wei kan, me jota kin likwir on mar omui. PSA 79:7 Pwe re kawelar Iakop o im ar akan. PSA 79:8 Kom der kotin tamanda dip en jam at akan; a kom kotin madan jauaja kit, pwe kit me malaulaular. PSA 79:9 Main Kot, jauaj pat, kom kotin jauaja kit, pweki wau en mar omui. Kom kotin dore kit ala o kotin maki on kit dip at akan, pweki mar omui! PSA 79:10 Da me kom kotin mueid on men liki kan en inda: Ari, ia arail Kot? Kom kotin kajale on men liki kan depuk en ntan japwilim omui ladu kan, me wudokilar, en pil janjal mo at! PSA 79:11 Kotin mani janejan en me jalidi o; kom kotin kolekol kidi lim omui manaman me kileledier on kamela. PSA 79:12 Kom kotin depukki on men imp at pan pak iju ar lalaue, me re lalaue kin komui. PSA 79:13 A kit, japwilim omui aramaj akan, o jip en japwilim omui moj, pan danke komui kokolata, kapakaparok duen omui linan anjau karoj. PSA 80:1 KOMUI jile pan Ijrael, kotin mani; komui me kin apapwali Iojep dueta jip akan. Kom kotido, me kaipokedi pon anin Kerup. PSA 80:2 Kom kotin kajaleda omui manaman mon Epraim, o Peniamin, o Manaje, o kotido, pwen jauaja kit! PSA 80:3 Main Kot Jepaot, kom kotin kamait kit ala o kotin kajaleda jilan omui, kit ap pan kelail kida. PSA 80:4 Ieowa Kot Jepaot, arai da, kom pan kotin onioniki kapakap en japwilim omui aramaj akan? PSA 80:5 Kom kin kotin kamana kin ir prot en pil en maj, o kom kin kanim pile kin irail pil en maj toto. PSA 80:6 Kom kotin wiai on kit, me men imp at kin akamaiki on kit, o imwintiti pat kin lalaue kit. PSA 80:7 Kot Jepaot, kom kotin kamait kit ala o kotin kajaleda jilan omui, kit ap pan kelail kida. PSA 80:8 Kom kotin wado janer Akipten tuka wain pot, o kom kokojan men liki kan, ap id padukedi i PSA 80:9 Kom kotin kokoi on i al a o kawojada i, pwen kadirela jap o. PSA 80:10 Nana kan mi pan mot a, o ra kan kadupaledi jedern en Kot. PSA 80:11 Kom kotin kalaudelar i lel on madau o ra kan lel ni pilap o. PSA 80:12 Da me kom kotin kawe kilar a kel, pwe karoj me dauli kin kawela? PSA 80:13 Pwik laualo dekadar, o man en nan jap kawelar. PSA 80:14 Main Kot Jepaot, kom kotin wukedoke don kit, o ireredo jan nanlan, o majani, o kotin jauaja tukan wain pot et, PSA 80:15 O kotin apapwali i, me lim omui padukedier, o me kom kotin apapwalier. PSA 80:16 A ron kilar kijiniai, a paledier, re okilar majan en jilan omui. PSA 80:17 Lim omui apwali ol en pali maun omui, o irail, me kom kotin apapwalier. PSA 80:18 Kit ap jota pan wuki wei jan komui. Kom kotin kamaur kit da, kit ap pan kapina mar omui. PSA 80:19 Ieowa Kot Jepaot, kom kotin kamait kit ala o kotin kajaleda jilan omui, kit ap pan kelail kida. PSA 81:1 KOMAIL pereperen kauli on Kot, me kel patail; nijinij on Kot en Iakop! PSA 81:2 Tapia kida kaul en kapin, o wiada tampurin, o laute kajelel ianaki arp! PSA 81:3 Ni jaunipon kap komail peuk koronete, ni maram, ni ran en im tantuka! PSA 81:4 Pwe iduen tiak en Ijrael kujoned en Kot en Iakop eu. PSA 81:5 A kotin wiadar kujoned wet on Iojep, ni a lipa jan Akipten. I roner majan pot, me i jaikenta aja: PSA 81:6 I kijaner katoutou kan pon apar a, o pa a jaladokalar jan kopu kan. PSA 81:7 Ni om likwirki don ia om apwal, I ap jauaja uk; I kajale dok uk alar, ni anjau me koe lel on nanjapwe, o on jojon uk ni pil en akamai. PSA 81:8 Komail nai aramaj akan ron ia, I pan padaki on komail! O Ijrael, ma koe pan peiki on ia! PSA 81:9 Jota amen Kot en mi re om, o koe der kaudoki on kot en men wai amen. PSA 81:10 Nai Ieowa om Kot, me kalua uk jan nan Akipten. Ki pajan au om, i pan kadirela. PSA 81:11 A nai aramaj akan joata kin peiki on nil ai, o Ijrael jota duki on ia. PSA 81:12 I ari mued on irail ere injen arail ni ar aklapalap, pwe ren kekeid wei ni pein arail lamelam. PSA 81:13 O ma nai aramaj akan pan peiki on ia, o Ijrael pan weweid nan al ai kan, PSA 81:14 I ap pan kaloedi ar imwintiti kan madan, o pa i pan u on me pali on irail akan, PSA 81:15 O irail me kailonki Ieowa, jota pan kak on irail; o anjaun arail pakadeik pan duedeuta kokolata; PSA 81:16 O I pan kamana kin irail korn kajelelia, o I pan katunole kin I onik jan nan paip o. PSA 82:1 KOT kotikot nan momodijou en Kot, o I jaunkapun en kaun akan. PSA 82:2 Arai da komail pan kadeik japun o kajampwaleki me doo jan Kot akan? PSA 82:3 Jauaja pun en jamama o japoupou kan, o jauaja me luet o jamama kan ni ar pun! PSA 82:4 Komail dorela me tikitik o jamama o, o kamaioda jan nan pa en me doo jan Kot akan. PSA 82:5 A re jota kin duki on, o jota ar lokekon; re kin weweid nan rotorot; pajon en jappa kan karoj mokimokideda. PSA 82:6 Nai indada: Komail rajon kot akan, o nain me lapalap; PSA 82:7 Ari jo, komail pan mela dueta aramaj akan, o komail pan lokidokila dueta me weit amen. PSA 82:8 Main Kot, kom kotida o kotin kadeikada jappa, pwe komui pan jojoki men liki kan karoj. PSA 83:1 MAIN Kot, kom der jo majan don, o der japaimokid, Main Kot, kom der kotin nenenla! PSA 83:2 Pwe kom kotin mani, japwilim omui imwintiti kan kin linaranar, o me kailon kin komui, me aklapalap. PSA 83:3 Irail kin widin ni ar kapakapun ki japwilim omui kan, o re kin raparapaki duen ar pan kawela japwilim omui me nekinekilar akan. PSA 83:4 Re kin inda: Na kitail, kitail kokojan irail, pwe ren jolar wei eu, o jolar me pan inda duen wein Ijrael! PSA 83:5 Pwe irail wiaki eu o re inauki pena, ren palian komui. PSA 83:6 Im pwal en Edom, o Ijmael, Moap, o Akar, PSA 83:7 O Kepal, o Anion, o Amalek, men Pilijta ianaki men Tiruj. PSA 83:8 Ajor pil waroki on ir; re kin jauaja kadaudok en Lot. PSA 83:9 Kom kotin wiai on ir dueta on men Midian, o Jijera, o lapin ni pilap Kijon. PSA 83:10 Me kamelar impan Endor, rap wia pwel la nan pwel. PSA 83:11 Kom kotin wiala ar jaupeidi kan dueta Orep o Jeep, o ar monjap akan karoj dueta Jepa o Jalmuna. PSA 83:12 Pwe re indinda: Kitail pan kaloedi im en Kot akan! PSA 83:13 Main Kot kom en kotin wia kin irail la alepip en kijinian, dueta dip en ra mon kijinian. PSA 83:14 Duen kijiniai kin karonala tuka en wei o duen umpul en kijiniai kin ijikeda nan wel, PSA 83:15 Iduen kom kotin paki kin irail japwilim omui liol ape, o kamajak kin irail omui melimel. PSA 83:16 Kadire kila maj arail namenok, pwe ren rapaki mar omui, Main leowa. PSA 83:17 Ken namenokala o majapwekada kokolata, o ren joredi o mela. PSA 83:18 Rap pan ajaki, me komui ta maraneki Kaun o me komui ta lapalap nan jap karoj. PSA 84:1 MEID kajelel tanpaj omui kan, Main Ieowa Jepaot! PSA 84:2 Nen i kin inon ion o anane pera en tanpaj en leowa kan; pali war ai o nen i kin polauleki Kot ieiaj. PSA 84:3 Pwe manpir diaradar deu a, o jwalpe paj a, waja a kin naitik ia: Japwilim omui pei jaraui kan, Main leowa Jepaot, ai Nanmarki o ai Kot. PSA 84:4 Meid pai ir, me kin kaujon nan tanpaj omui! Re kin kapina komui anjau karoj. PSA 84:5 Meid pai karoj, me kin keleki komui, o idedauen komui melel. PSA 84:6 Me kin weweid nan jap en mamaiei, waja re kin weirad parer ia; pil katau kin pwain kidi i pai kan. PSA 84:7 Re kin kakairida ni ar manaman akan, lao re pan janjalada mon Kot nan Jion. PSA 84:8 Main leowa, Kot Jepaot, kom kotin ereki ai kapakap: Main Kot en Iakop kotin mani ia! PSA 84:9 Kot pere pat, kom kotin majan don kit; kom kotin ireron maj en japwilim omui keidier men. PSA 84:10 Pwe ran ta ieu mon japwilim omui pera jaraui kan me mau jan ran kid; i mauki mimi pan wanim en tanpaj en Kot, jan kaujon nan im en me doo jan Kot akan. PSA 84:11 Pwe Kot leowa rajon katipin o pere, leowa kin kotikida mak o wau, a jota pan kotin mueid on me lelapok kan, en anane me mau kot. PSA 84:12 Main leowa Jepaot, meid pai aramaj amen, me kin liki komui! PSA 85:1 MAIN leowa, kom kotin maki oner japwilim omui jap maj o, o kom kotin dorelar jalidi en Iakop akan. PSA 85:2 Re kotin lapwadar me jued en japwilim omui aramaj akan, o kom kotin pwaidier dip arail karoj. PSA 85:3 Komui kotin kadukiedi omui onion karoj, o kotin wukidoki wei janer omui onion melel. PSA 85:4 Kom kotin puron kamait kit ala, komui Kot at jaunkamaur, o kotin katukeidi omui jokalanan on kit. PSA 85:5 Kom pan kotin onioni kit kokolata? Omui onion pan dueduata jan en kainok lel eu? PSA 85:6 Kom jota pan kotin puron kamaur kit da, pwe japwilim omui aramaj kan en peren kin komui da? PSA 85:7 Main Ieowa, kom kotin kajanjaleda ar kalanan on kit, o jauaja kit? PSA 85:8 I men ron, da me Kot Ieowa pan kotin majani; pwe a pan mamajani duen mauei mau on japwilim a aramaj o me lelapok kan, pwe ren der lodi on me pweipwei. PSA 85:9 Melel, a jauaj me koren ion ir, me majak I, pwe a linan en mi nan jap atail. PSA 85:10 Kalanan o melel pan tu pena, pun o muei mau en metik pena. PSA 85:11 Melel pan wojada jan nan jap o, o pun pan ireredo jan nanlan. PSA 85:12 Ieowa pil pan kotikido me mau, pwe jap atail en kida wa kan. PSA 85:13 Pwe pun pan ti on mo a, o a kak akan pan wiala al arail. PSA 86:1 MAIN Ieowa, kom kotin kapaike don ia karon omui kan o mani ia, pwe nai me luet o jamama. PSA 86:2 Kom kotin apali maur i, pwe nai me lelapok. Main Kot, kom kotin jauaja ia, japwilim omui ladu men et, me liki komui. PSA 86:3 Main, kom kotin maki on ia, pwe i kin likwir on komui ni anjau karoj. PSA 86:4 Kom kotin kaperenda monion en japwilim omui ladu, pwe monion i kin anane komui Main. PSA 86:5 Pwe komui Main me mau o kalanan, o kom kotin kalanan on ir karoj, me kin likwir on komui. PSA 86:6 Main Ieowa, kom kotin ereki ai kapakap, o kotin mani nil en ai nidinid. PSA 86:7 Ni ai apwal akan i kin likwir on komui, pwe kom, kotin mani ia! PSA 86:8 Main, jota me dueta komui nan pun en kot akan; o jota me kak wiawia dueta komui. PSA 86:9 Men liki kan karoj pan pwarado, pwen kaudoki on komui Main, o wauneki mar omui. PSA 86:10 Pwe komui me lapalap, me kin wiada manaman, o komui ta me Kot. PSA 86:11 Main Ieowa, re kotin kajale on ia al omui, pwe i en weweid ni omui melel, kom kotin kolekol monion i on iet eta: Majak mar omui. PSA 86:12 I men kapina komui Main, ai Kot, jan nan monion i, o wauneki mar omui kokolata. PSA 86:13 Pwe omui kalanan me laud on ia; komui dore maur i jan nan wajan mela. PSA 86:14 Main Kot, me aklapalap akan kin palian ia, o pwin en me weit akan kin majamajan maur i, o re jota kin weweid mon jilan omui. PSA 86:15 A komui Main Kot, me dir en kalanan, o mak, o kanonama, o omui kapunlol o melel me lapalap. PSA 86:16 Kom kotin wukidoki don ia, o maki on ia, o kamaui kida japwilim omui ladu omui manaman, o kotin jauaja nain japwilim omui lidu! PSA 86:17 Kom kotiki on ia kilel eu, me i pan paie kida, pwe ai imwintiti kan en kilan, rap namenok kila omui kotin jauaja ia, Main Ieowa, o kom kotin kamait ia la. PSA 87:1 A kakaudar mau pon dol jaraui kan. PSA 87:2 Ieowa kotin kupura wanim en Jion jan wajan kaujon en Iakop karoj. PSA 87:3 Kajoi kajelel mia duen koe kanim en Kot. PSA 87:4 I pan kajokajoi duen Raap o Papel, me aja ia. Kilan, Pilijta o Tiruj, o pil men Atiopia: Mepukat ipwidier waja o. PSA 87:5 A kajokajoi duen Jion indinda, me jon en aramaj karoj ipwidi waja o, o me Lapalap o pan kotin kamanada i. PSA 87:6 Ieowa pan kotin wadok, ni a pan kotin kileledi aramaj akan: Mepukat ipwidier waja o. PSA 87:7 O ni ar madomadon re pan kauleki: Ai parer karoj mi re om! PSA 88:1 MAIN Ieowa, Kot ai jaunkamaur, i kin likwir nin ran o ni pon mo ’mui. PSA 88:2 Kom kotin mueid on, ai kapakap en lelda won komui. Kom kotin kapaik don karon omui kan ai likelikwir. PSA 88:3 Pwe nen i me dir en mamauk, o maur i koren ion mela. PSA 88:4 Nai kin wadok on ir memelar, nai dueta ol amen, me jolar PSA 88:5 I wonon nan pun en me melar akan, me wonon nan joujou, me kom jolar kotin kupura, pwe re lokidokilar jan nan lim omui. PSA 88:6 Kom kotin kaje ia lar nan joujou, waja rotorot o lol. PSA 88:7 Omui onion kin katoutou ia, o kom kotin idan kin ia di omui iluk kan. PSA 88:8 Kom kotiki woner kompoke pa i kan waja doo, kom kotin wia kin ia la me jued kot on ir, i jalidier o jo kak pitila. PSA 88:9 Maj ai juede kilar ai luet, nin ran karoj i potoan on komui, Main Ieowa, o i kapa won komui pa i kat. PSA 88:10 Kom pan kotin kajaleda omui manaman ren me melar akan? De me melar akan pan maurada danke komui? PSA 88:11 Re pan kojoia duen omui kalanan nan joujou kan? O wajan mela duen omui melel? PSA 88:12 Omui manaman akan pan janjaleda waja rotorot, o omui pun nan jap en me re jolar kin lamelame? PSA 88:13 A i kin potoan likwir on komui, Main Ieowa nin manjan, ai kapakap pan lel won komui. PSA 88:14 Main Ieowa, da me kom kotin kaje ia kila, o da me kom okila ki jilan ar mo i? PSA 88:15 Nai me luet o jaliel jan ni ai pulepul; i kin kamekamki omui kalom, i koren ion jolar kaporopor. PSA 88:16 Omui onion kin kadupal ia di, omui kalom kawe ia Iar PSA 88:17 Re kapil ia pena dueta pil akan jan ni manjan lel jautik, ir karoj kapil ia pena. PSA 88:18 Kom kotiki woner kompoke pa I oai warok kan waja doo, rotorot eta ai warok. PSA 89:1 I PAN kauleki duen kalanan en Ieowa kokolata, o i pan kaparokki au ai omui melel jan eh kainok lel eu. PSA 89:2 Pwe I indinda: Mak joutik eu pan pwarado, o kom pan kotin kolekol ar melel nanlan. PSA 89:3 I inauki oner, ai pilipildar akan; I kaulki oner Dawid nai ladu. PSA 89:4 Kadoudok om pan mimieta kokolata, o I pan kauada mol om jan eu kainok lel eu. PSA 89:5 Nanlan ap kapina omui manaman akan, Main Ieowa, o omui melel nan pokon en japwelim omui jaraui kan. PSA 89:6 Pwe ij nan tapok kan me rajon Ieowa? De ij me rajon Ieowa nan pun en me lapalap akan? PSA 89:7 Kot meid manaman nan pokon en me jaraui kan, o meid kapuriamui on me kaukaujon re a. PSA 89:8 Main Ieowa, Kot Jepaot, ij me jaron komui. Omui melel kin kapil komui pena. PSA 89:9 Komui me kotin kaunda madau anian. Komui kin kamoleilei iluk kan ni ar pan kokoda. PSA 89:10 Komui me kotin tiakedi Raap dueta kamelar amen. Kom kotin kamueit pajaner imwintiti kan ki lim omui manaman. PSA 89:11 Lan o jappa me japwilim omui, jappa o audepa. Komui me kotin pajonedier. PSA 89:12 Komui me kotin wiadar pali apon o pali air, Tapor o Ermon kin nijinijki mar omui. PSA 89:13 Lim omui me mananan o kumut en lim omui me rojon, lim omui pali maun me ileile. PSA 89:14 Melel o pun iei pajon on mol omui; kalanan o melel kin tion mo omui. PSA 89:15 Meid pai aramaj kan, me aja nijinij! Ieowa, re pan weweid ni marain en jilan omui. PSA 89:16 Re kin polauleki mar omui jan ni manjan lel jautik, o re kin pwai kida omui pun. PSA 89:17 Pwe linan en ar kelail komui, o komui pan pokada oj at. PSA 89:18 Pwe Ieowa pere patail o me Jaraui en Ijrael, i atail Nanmarki. PSA 89:19 Maj o kom kotin majanier ki kajanjal kai on me lelapok kan: I kamanadar me Lapalap amen, I kajapwiladar pilipildar amen jan ren aramaj akan. PSA 89:20 I diaradar ai ladu Dawid, I keiekidier i ai le jaraui. PSA 89:21 Pa i pan kolekol i, o pa i pan kamanada i anjau karoj. PSA 89:22 Imwintiti kan jota pan kak widin on i, o me japun kan jota pan kak kaloedi. PSA 89:23 I pan kamela me palian i mo a, o I pan kaloke ir, mo kailonki i. PSA 89:24 A ai melel o kalanan pan mi re a, o ni mar ai oj a pan pokapokada. PSA 89:25 I pan ki on pa a, en kaunda madau, o pa a maun, en kaunda pil akan. PSA 89:26 A pan likwir don ia: Komui Jam ai, ai Kot, o paip en maur i. PSA 89:27 O I pan wia kila i nai mejeni, ileila jan nanmarki en jappa kan. PSA 89:28 I pan kalanan on i kokolata, o ai inau on i pan duedueta. PSA 89:29 I pan ki on i kadaudok a kokolata, o mol a pan warai dueta lan. PSA 89:30 A ma na kan pan muei jan ai kapun, o re jota pan weweid ni ai kujoned akan, PSA 89:31 Ma re pan kajaminela ai tiak kan, o jota peiki on ai kujoned akan, PSA 89:32 I ap pan kaloke kin ir ar katiwo ki jokon pot, o pan woki ir, pweki ar japun. PSA 89:33 A I jota pan kiwei jan i ai mak, o ai melel pan mimieta re a. PSA 89:34 I jota pan kawela ai inau, o I jota pan kawukila, me kowei jan nan au ai. PSA 89:35 I kaukilar ai jaraui pan me pak, me I jota pan likam on Dawid. PSA 89:36 Kadaudok a pan joutuk, o mol a dueta katipin mo i. PSA 89:37 A pan duedueta dueta jaunipon; o jaunkadede nan tapok kan me melel. PSA 89:38 A met komui kajapokela o onioni japwilim omui me keidier. PSA 89:39 Kom kotin kajela inau en omui ladu, o kom kotin kajaminela mar a. PSA 89:40 Kom kotin karonk pajan a kel akan karoj, o kawelar a im teneten kan. PSA 89:41 Karoj me daulier waja o kulia janer; a wialar kankaurur on men imp a kan. PSA 89:42 Kom kotin pokada pali maun en me palian i, o kaperen dar a imwintiti kan karoj. PSA 89:43 Kom pil kotiki janer mana en a kodlaj kon, o jota kapwaiada i ni pei. PSA 89:44 Kom kotin kaimwijokalar a linan, o kajedi on nan pwel mol a. PSA 89:45 Kom kamotomotala ran en a manakap, o kadupalekidi i namenok. PSA 89:46 Arai da, Main Ieowa, me kom pan kotin karirela pein komui; arai da omui onion pan lulada dueta kijiniai? PSA 89:47 Kom kotin tamanda duen motomot en maur i; de me mal kot omui kotin wiadar aramaj akan? PSA 89:48 Ij ol o, me maur ap jota pan lel on mela? A pan kak dorela pein i jan mana en wajan mela? PSA 89:49 Main, ia omui kalanan en maj o, me kom kotin inauki on Dawid ni omui melel? PSA 89:50 Main, kotin tamanda kan kaurur en japwilim omui ladu kan jan ni wei toto, me kin katoutoui monion i. PSA 89:51 Main Ieowa, iaduen lalauo en omui imwintiti kan, iduen ar lalaue lip en japwilim omui me keidier. PSA 89:52 Kapin on Ieowa kokolata! Amen, iei Amen! PSA 90:1 MAIN, kom me kotin nekid pat jan eu kainok on eu. PSA 90:2 Mon nana kan o jappa, o aude pan jappa a wiauiada, Kot kotin mia, jan maj kokodo o pil kokolata joutuk, Main Kot. PSA 90:3 Kom kin kotin kapurelan pwel par aramaj akan o kotin mamajani: Puredo komail aramaj akan. PSA 90:4 Pwe par kid dueta aio me jamalar mon jilan omui o rajon majamajan eu ni pon. PSA 90:5 Kom kin kotin kapwil irail wei, re rajon mair, dueata ra, me kin monedi madan. PSA 90:6 Me kin majel pajan ni manjan, a ni joutik a pan palepaledi o monedi. PSA 90:7 Omui onion me je kin jojore kidi, o omui onion melel, me je kin mekila madan. PSA 90:8 Pwe kom kotin kajanjale on pein komui dip at akan, o dip at rir akan nan marain en jilan omui. PSA 90:9 I me at ran akan karoj kin tan weiki omui onion, at par akan rajon kajoi pot. PSA 90:10 Warain at mour me jaunpar ijeijok, a ma re toto, a pan waleijok, a ma me kajampwal, a pan apwal o dodok. Pwe a kin tan wei madan, dueta kit kin pir wei. PSA 90:11 A ij me kak dedeki mana en omui onion, o ij me kin majak onion wet? PSA 90:12 Kom kotin padaki on kit, me kit pan mela, pwe jen lolekonkila. PSA 90:13 Main Ieowa, kom kotin puron wukedoke don kit; arai da omui onion? Kom kotin maki on japwilim omui ladu kan! PSA 90:14 Kom kotin kadire kin kit ala ar kalanan ni manjan, kit ap pan kapin o pereperen arain at maur. PSA 90:15 Kom kotin kaperen kit da murin at kalokoloker, o murin at kamekam warai. PSA 90:16 Kom kotin kajale on japwilim omui ladu kanomui wiawia kan o omui wau on na jeri kan. PSA 90:17 leowa at Kot, en kalanan don kit o kotin kapwaiada dodok en pa at akan re at; ei kom kotin kapwaiada dodok en pa at akan! PSA 91:1 ME kin momod pan lim en me lapalap, o me pan mimieta pan mot en me manaman o. PSA 91:2 Iei me kin indan leowa: Ai paip, o ai kel, ai Kot, me i liki. PSA 91:3 Pwe a pan kotin dore uk jan injar en jauninjar, o jan ni kilitop jued. PSA 91:4 A pan kotin kadupal kin uk edi lim a, o koe pan moleilei pan lim a kan; a melel rajon kadauk o pere eu. PSA 91:5 Koe jota pan majak kalom en ni pon, de kananan kajik katieu, me kin tan wei nin ran, PSA 91:6 De kilitop, me kin wawai jili pon, de eu jon en kilitop me kin kaukawela nin jauaj. PSA 91:7 Kid pan mela imp om, o nen ni pali maun om, ap jota pan lel on uk. PSA 91:8 Koe pan kilanki maj om kan, o koe pan kilan duen a pan depuk on me doo jan Kot akan. PSA 91:9 Pwe komui Main leowa, kapore pa i. Koe piladar me lapalap o, pwen om kel. PSA 91:10 Jota me jued kot pan lel on uk, o jota kalokolok pan lel on im om. PSA 91:11 Pwe a kotin kakaliki on japwilim a tounlan kan, en apapwali uk o jinjila uk nan al omui kan karoj. PSA 91:12 Re pan wa kin uk ala lim ar akan, pwe na om ender dipikelekel nin takai eu. PSA 91:13 Koe pan tiakedi laien o oter kai, laien pulepul o jerpent, me koe pan jok poa. PSA 91:14 A kin peren kin ia, I ap pan jauaja i, a aja mar ai, I ap pan jinjila i. PSA 91:15 A pan likwir don ia, I ap pan japen i, I pan ian i ni waja apwal, I pan kapitila i o kalinanada i. PSA 91:16 I pan kamedi kin i maur warai, o I pan kajale on i ai jauaj. PSA 92:1 IET me kajampwal: Danke leowa, o kauleki pjalm akan on mar omui, ir me kotin lapaplap. PSA 92:2 Ni manjan omui kalanan o ni pon omui melel en lolok jili. PSA 92:3 Jan kajan jal eijok o arp o laute. PSA 92:4 Pwe kom kotin kaperen kin ia, Main leowa ki ar wiawia; i pan nijinijki dodok en lim ar akan. PSA 92:5 Meid laud ar wiawia kan, Main leowa! O meid lol kupur omui! PSA 92:6 Aramaj pweipwei men jota kak dedeki mepukat, o me rotorot amen jota kin injenoki. PSA 92:7 Me doo jan Kot akan kin wojada dueta ra, o me katiwo kan karoj kin majal pajan, lao re pan lokidokila kokolata. PSA 92:8 A komui ta Main leowa, me lapalapia, o komui pan duedueta. PSA 92:9 Pwe kom kotin mani duen ar imwintiti kan, Main leowa, kom kotin mani, ar imwintiti kan pan joredi, o me morjued akan en kamueit pajan. PSA 92:10 A ai oje pan pwaida dueta oj en man oje tapot, o i pan keikidier le kap. PSA 92:11 O por en maj ai pan perenki ai imwintiti kan, o jalon ai pan polauleki me morjued akan, me kin palian ia. PSA 92:12 Me pun o pan pwaida mau dueta ni pot, a pan kakairida dueta jeder en Lipanon. PSA 92:13 Me patidier nan tanpaj en leowa, pan pwaida mon pera jaraui en atail Kot. PSA 92:14 Menda ma re pan mala, pwe re pan pil majal pajan, o wa, o kelail. PSA 92:15 Pwe re pan kajaleda, me Kot me pun, i ai paip o jota japun mi re a. PSA 93:1 IEOWA kotin kaunda, a kotin kapwateki pein i manaman, leowa kotin kalikauwiada pein i, a kotin piraki pein i manaman; pil jappa me teneten o jota pon mokimokid. PSA 93:2 Jan maj lel met mol omui mo teneten; komui me joutuk. PSA 93:3 Main leowa pil akan lalaudala, pil akan nirinirjok, pil akan pil pan kokodo o nirinirjok. PSA 93:4 leowa kotikot waja ileile. A manaman jan nil en pil kalaimun akan o iluk en madau kalaimun akan. PSA 93:5 Omui majan akan meid pun. Tanpaj omui me linanaki jarawi kokolata, Main leowa. PSA 94:1 MAIN Kot, komui jaundepuk, leowa Kot jaundepuk, kom kotin janjaleda! PSA 94:2 Kom kotida, komui jaunkapun en jappa, kom kotin depuk on wiawia en me aklapalap akan. PSA 94:3 MAIN Ieowa, arai da me doo jan Kot akan, arai da me doo jan Kot, akan pan poponmaju, PSA 94:4 O pudupudada lokaia jued o arai da, me japun kan karoj en juauki ar morjued? PSA 94:5 Re kin tiakedi japwilim omui aramaj akan, o re kame omui jojo. PSA 94:6 Re kin kamela li odi o men wai, o patik takain wor en me japoupou kan. PSA 94:7 Re inda: Ieowa jota kak kilan, o Kot en Iakop jota pan aja due. PSA 94:8 Komail me pweipwei nan pun en aramaj akan, en dedeki! O komail lolepn akan, iad me komail pan lolekonala? PSA 94:9 Me kotin wiada jalon, o a jota pan ereki? Me kotin wiadar por en maj o, a jota pan kak majani? PSA 94:10 Me kin kotin Kaunda wei kan, o jota pan kaloke? Pwe I me kotin kalolekoni aramaj. PSA 94:11 Ieowa kotin mani lamelam en aramaj akan, me re aklapalap. PSA 94:12 Meid pai ol o, me kom kotin kaloke, Main, Ieowa, o me kom kotin padaki on jan nan ar majan akan. PSA 94:13 Pwen kanonama ni a apwal akan, lao jaujau en me doo jan Kot akan pan weweida. PSA 94:14 Pwe Ieowa jota pan kotin kajela japwilim a araman akan, o a jota pan muei jan a jojo. PSA 94:15 Pwe me pun, pan punpuneta, i me lelapok kan karoj pan weweideki. PSA 94:16 Ij me pan jauaja ia on me morjued akan? O ij me pan jauaje ia on me dipan akan? PSA 94:17 Ma Ieowa jota kotin jauaja ia, metar ekij nen i pan kolan wajan kapormen. PSA 94:18 Ni ai indada: Na i pan krijedi, omui kalanan, Main Ieowa, pan kolekol ia. PSA 94:19 Ai injenjued laud nan monion i, a omui kotin kamait ia la kaperenda nen i. PSA 94:20 Kom jota man paroki on mol o, me kin kajapunala japwilim omui majan. PSA 94:21 Re kin onop on kamela me pun amen, o re kin kadeikada nta makelekel. PSA 94:22 A Ieowa ai paip lapalap, o Kot iei paip, me i pan rukila ia. PSA 94:23 A pan kotin depuk on ir ar me jued, o a pan kotin kame ir ala, pweki ar katiwo, Ieowa atail Kot pan kame ir ala. PSA 95:1 KOMAIL kodo, pwe kitail pan kapina Ieowa o nijinij on paip en maur atail. PSA 95:2 Kitail pan kola tuki on i kapin. Kitail en nijinijki on I pjalm! PSA 95:3 Pwe Ieowa Kot lapalap amen, o Nanmarki lapalap amen pon anin kot akan karoj. PSA 95:4 Pan jappa mi ni lim a, o pon komon nana me japwilim a. PSA 95:5 Madau me japwilim a, pwe i me kotin wiadar, o lim a kan wiadar waja madekon. PSA 95:6 Komail kodo, kitail pan kaudok, o dairukedi, o kelepuki mon Ieowa, me kotin wia kitail dar. PSA 95:7 Pwe i atail Kot, a kitail aramaj en japwilim a wajan kamana o pwin en lim a. Ran wet, ma komail pan ron kapitie, PSA 95:8 Komail der kapitakaila monion omail, duen a wiauier Meripa o ni ran en Maja nan jap tan. PSA 95:9 Ni jam omail akan jonejon ia o kajau ia da, pwe re kilaner ai dodok kan. PSA 95:10 Par paeijok I juede kilar di wet, o I indada: Monion en jon en aramaj duen met kin wukiwuk jili, o re jota men aja duen al ai kan. PSA 95:11 I ap kaula ni ai makar: Irail jota pan konodi ai kamol. PSA 96:1 KAKAULEKI on Ieowa kaul kap pot, jap karoj en kakauli on Ieowa! PSA 96:2 Kakaul on Ieowa o kapina mar a; padapadak jan eu ran lel eu duen a maur! PSA 96:3 Kajokajoi on men liki kan wau i, o on wei kan a manaman akan! PSA 96:4 Pwe Ieowa meid lapalap o meid kapinan, o meid kalom mon kot akan karoj. PSA 96:5 Pwe Kot en aramaj akan me mal a Ieowa kotin kapikadar lan akan. PSA 96:6 Wau o linan mi mon jilan i, manaman o linan kin kadirela nan tanpaj a im jaraui. PSA 96:7 Komail men liki kan, ki on Ieowa, ki on Ieowa linan o manaman. PSA 96:8 Komail ki on Ieowa linan en mar a; komail ko don mon japwilim a pera jaraui ianaki kijakij. PSA 96:9 Komail kaudoki on Ieowa ni omail kapwat jaraui, toun jappa karoj en majak i. PSA 96:10 Komail kaireki on men liki kan: Ieowa ta Nanmarki! Pil jappa me teneten o jota pan mokimokid. A pan kotin kaunda kainok kan ni tiak pun. PSA 96:11 Lan en peren kida, o jappa en popol; madau en nirnirjok o audepa! PSA 96:12 Jap en pereperen o audepa karoj, o tuka en nan wei karoj en nijinij. PSA 96:13 On Ieowa, ni a kotido, ni a kotido, en kadeikada jappa. A pan kotin kaunda jappa ni tiak pun, o kainok kan ni a melel. PSA 97:1 IEOWA ta Nanmarki, i me jappa en polaule kida o dako kan karoj en pereperen! PSA 97:2 Tapok o rotorot mi imp a, pun o melel iei pajon en mol a. PSA 97:3 Kijiniai kin tion mo a, o ijikeda japwilim a imwintiti kan karoj. PSA 97:4 Japwilim a liol akan kin kamaraini jappa, toun jappa kin kilan ap majapwekadar. PSA 97:5 Nana kan pei pajan duata krij mon Ieowa, Kaun en jap karoj. PSA 97:6 Lan akan kaparokki a pun, o kainok karoj kin kilan a linan PSA 97:7 Me kaudoki on dikedik en mal kan en jarodi, o me kin juaiki ani kan; kot akan karoj dairukedi on mo a! PSA 97:8 Jion kin ron mepukul tip peren kida, o peinekap en Iuda kan kin polauleki omui kapun kan, Main Ieowa. PSA 97:9 Pwe komui ta Main Ieowa me lapalap nan jappa karoj, komui meid ileila jan Kot akan karoj. PSA 97:10 Komail me kin pok on Ieowa en tataki me jued. A kin kotin apwali nen en japwilim a lelapok kan. A pan kotin dore ir ala jan nan pa en me doo jan Kot akan. PSA 97:11 Marain pan dakadan me pun kan, o peren on me lelapok melel. PSA 97:12 Komail me pun kan perenki Ieowa o kapina mar a jaraui! PSA 98:1 KAKAULEKI on Ieowa kaul kap pot; pwe a kotin wiadar dodok kapuriamui. A kotin kaloe kidi lim a pali maun o lim a jaraui. PSA 98:2 Ieowa kotin kajaledar a kamaur, o mon maj en kainok kan a koti kajanjaledar a pun. PSA 98:3 A kotin kolekol on men Ijrael a kalanan o melel; imwin jap karoj kin kilan pai en atail Kot. PSA 98:4 Jap karoj en nijinij on Ieowa! Popol o kauleki pjalm! PSA 98:5 Kauleki on Ieowa pjalm ianaki laute, wiada laute o kaul! PSA 98:6 Ian trompete o nil en koronete, komail nijinij on Nanmarki Ieowa! PSA 98:7 Madau en nirinirjok o audepa, jappa o tou akan. PSA 98:8 Pilap akan en lopolopeki pa arail; o nana kan en pereperenki. PSA 98:9 Ieowa, ni a kotidon kadeikada jappa. A pan kotin kadeikada jappa nin tiak pun o kainok kan nin tiak inen. PSA 99:1 IEOWA ta kotin kakaunda, kainok kan kin rerer; a kotikot nan pun en Kerup akan, jappa kin mokimokid. PSA 99:2 Ieowa me lapalap nan jion, o lapalap melel jan wei kan karoj. PSA 99:3 Ren kapina mar omui, me lapalap o kalom, i me jaraui. PSA 99:4 O manaman en Nanmarki me kin pok on me pun. Kom kotin katenedier tiak pun. Komui me kotin wiadar me pun o inen nan kadaudok en Iakop. PSA 99:5 Kapina Ieowa atail Kot o poridier on ni utipa, pwe i me jaraui! PSA 99:6 Mojej o Aron kijan japwilim a jamero kan o Jamuel nan pun en ir, me kin likwir on mar a, re likwir woner Ieowa, i ap kotin mani ir. PSA 99:7 A kotin majan on irail jan nan ur en tapok; irail peiki on a majan o kujoned akan, me a kotiki on irail er. PSA 99:8 Ieowa at Kot, kom kotin japen irail er. Main Kot kom kotin maki on irail er, o kotin depuk on ir ar japun kan. PSA 99:9 Kapina Ieowa atail Kot, o poridier ni japwilim a nana jaraui, pwe Ieowa atail Kot me jaraui. PSA 100:1 NIJINIJ on Ieowa jap karoj! PSA 100:2 Papan Ieowa ki peren; koki don mon jilan i nijinij! PSA 100:3 Komail en aja, me Ieowa Kot. I me kotin wia kitail dar a kaidin pein kitail pwen japwilim a aramaj o jip en japwilim a pwin. PSA 100:4 Pedelon on nan japwilim a wanim laud ki danke, o kaul en kapin mon japwilim a pera jaraui. Danke i o kapina mar a! PSA 100:5 Pwe leowa me mau, a kalanan joutuk, o a melel pan duedueta kokolata. PSA 101:1 I pan kauleki duen kalanan o pun; i pan kauleki pjalm akan on komui. Main leowa. PSA 101:2 I men inen eweita ni al pun iad kom pan koti don ia? i men weweid ni melel ren toun im ai. PSA 101:3 I jota men wia morjued; i tataki wiawian me dipan akan, a jota pan pat on ia. PSA 101:4 Monion japun pan muei jan ia; i jota men aja duen me jued. PSA 101:5 Me kin rir karaunemali men impa, i pan kamela; i juedeki me aklapalap ni maj ar o monion arail. PSA 101:6 Maj ai pan apapwali me melel akan nan jap o, pwe ren kaujon re i; me kin weweid ni al pun, pan papa ia. PSA 101:7 Me kin kotaue, jota pan kaujon nan im ai, me kin likam, jota pan pwaida mon maj ai. PSA 101:8 Ni manjan karoj i pan kawela me katiwo nan jap o, pwen kokojan kanim en leowa karoj, me kin wia japun. PSA 102:1 IEOWA, kom kotin ereki ai kapakap, o ai weriwer en lel on komui! PSA 102:2 Kom der kotin karirala jilan ir mo i ni ran en ai apwal; kom kotin kapaike don ia karon omui kan; ni ran o, me i likelikwir, kom kotin mani ia madan! PSA 102:3 Pwe ai ran akan kin tanwei dueta adiniai, o kokon ai kan ronalar dueta nan kijiniai. PSA 102:4 Kapedi monedier dueta ra, I me i monoke kila ai manamana. PSA 102:5 Kokon o uduk ai mon penaer pweki ai weriwer o janejan. PSA 102:6 Nai rajon pelikan nan jap tan, o rajon daap nan waja lijelipin. PSA 102:7 I kin papad o rajon manpir kelep amen, me mondi pon oj en im o. PSA 102:8 Ai imwintiti kin lalaue ia jan ni manjan lel ni jautik, o me palian ia, kin kaula kin ia. PSA 102:9 Pwe i kin kankan paj dueta prot, o lim ai pil kin doloki pil en maj ai. PSA 102:10 Pweki omui onion o onion melel; pwe kom kotin pok ia da, ap kaje ia di. PSA 102:11 Ai ran akan tanwei dueta mota, o i monedier dueta ra. PSA 102:12 A komui Main leowa pan kotikoteta kokolata, o kupur omui pan jan eu kainok lel eu potopoteta. PSA 102:13 Kom pan kotida o kupurela Jion, pwe anjau leler, mo kom pan kotin mak on i, a auer leler. PSA 102:14 Pwe japwilim omui ladu kan kin pok on takai (en Jion), o re injenjuedeki moan im akan, PSA 102:15 O men liki kan pan majak mar en leowa, o Nanmarki en jap akan karoj omui linan. PSA 102:16 Pwe leowa kotin kauadar Jion. A kotin pwarada ni a linan. PSA 102:17 A kotin wukedoke don kapakap en me jamama o, o a jota kotin mamaleki a kapakap. PSA 102:18 Mepukat pan kileledi on kainok en mur akan; o wei eu, me pan wiaui, pan kapina Ieowa. PSA 102:19 Pwe a kotin ireron jan mol a jaraui ileile; Ieowa kotin ireron jappa jan nanlan. PSA 102:20 Pwen ereki janejan en me jalidi kan, pwen lapwada, me kiledi oner kamela. PSA 102:21 Pwe mar en Ieowa en lolok jili nan Jion, o a kapinapa nan Ierujalem. PSA 102:22 Kainok kan lao pokon pene o wei kan, pwen papa on Ieowa. PSA 102:23 A kotiki janer ai kelail pon al o, a kamotemotelar ai ran akan. PSA 102:24 I potoan on: Ai Kot, kom der kotikiwei jan ia ni apali en ai ran akan. Omui par akan kin jan eu kainok lel eu kokolata. PSA 102:25 Kom kotin kajonedier jappa maj o, o lan pokon me dodok en lim omui. PSA 102:26 Irail pan jorela, a kom pan kotikot eta. Irail pan marinala rajon tuk en likau eu. Kom pan kotin kawuk ir ala likamata likau eu, irail ap pan wukila. PSA 102:27 A kom pan deudeuta o anjaun omui rojon jota pan tukedi. PSA 102:28 Nain japwilim omui ladu kan pan mimieta, o kadaudok a pan pwaida re omui. PSA 103:1 Neni i kapina Ieowa o lol i mar a jaraui! PSA 103:2 Neni i kapina Ieowa, o der monokela a kotin wiawia mau on uk! PSA 103:3 Me kotin makeki on uk dip om karoj, ap kotin kamauiala om jomau kan. PSA 103:4 Me kotin dore uk ala jan ni waja apwal, me kotin ninie kin uk mak o kalanan. PSA 103:5 Me kotin kapai uk adar ni om malar, o kotin kapulpul uk ala dueta adler. PSA 103:6 En Ieowa a wiawia me pun, o a kotin kapunala, me mi ni kalokolok japun. PSA 103:7 A kotin kajale on Mojej al en a meakaroj, o on men Ijrail a wiawia kan. PSA 103:8 Ieowa me dir en kalanan o mak, a kin kotin kanonama, o a kalanan me lapalap. PSA 103:9 A jota kin kotin kaloke aramaj anjau karoj, o pil jota onion kokolata. PSA 103:10 A jota kotin pwain on kitail duen dip atail, o jota depuk on kitail duen atail japun kan. PSA 103:11 A duen ileile en lan jan jappa, iduen a mak lapalap on ir, me kin majak i. PSA 103:12 Duen maj en lan o kapin lan ara doo pajan, iduen a kotin kadooana wei jan kitail dip atail. PSA 103:13 Duen jam amen pokepoko na jeri, iduen Kot kotin kupukupura irail, me lan i. PSA 103:14 Pwe a kotin mani, da me kitail wiaui kida, a kotin mani, me kitail me pwel par. PSA 103:15 Aramaj amen kin rajon ra, a kin majal pajan dueta wan tuka nan jap o. PSA 103:16 Ma kijinian pan leler, a joer mia, o a jolar aja deu a. PSA 103:17 A kalanan en Ieowa pan duedueta kokolata on ir, me lan i, o a melel on jeri en jeri kan, PSA 103:18 On ir, me kin kolekol a inau, o madamadaua duen a majan kan, pwen kapwaiada. PSA 103:19 Ieowa kotin kauada mol a nanlan, o a kotin kaunda meakan karoj. PSA 103:20 Kapikapina Ieowa, komail japwilim a tounlan kan, komail me lapalap akan ni manaman, me kin kapwaiada a majan kan, o peiki on moat en a majan! PSA 103:21 Kapikapina Ieowa japwilim a pokon akan karoj, o japwilim a ladu kan, me kin kapwaiada kupur a! PSA 103:22 Kapikapina Ieowa japwilim a dipijou kan ni waja karoj, me a kotin kakaun, nen i kapina Ieowa! PSA 104:1 NEN i kapina Ieowa! Ieowa ai Kot, komui meid lapalap, komui me kapwateki linan o manaman. PSA 104:2 Japwilim ar likau iei marain, me komui kot lole; kom kotin pak pajan nanlan dueta likau eu. PSA 104:3 Kom kin kotin wia kida pil pali poa en ponepon, a tapok kan wiala tan war omui, me kom kin kotikot jili ki pa en an. PSA 104:4 Kom me kotin wia kila japwilim omui tounlan kan kijinian o japwilim ar ladu kan umpul en kijiniai. PSA 104:5 A kotin kajonedier jappa pon a pajon, a jota pan mokid kokolata. PSA 104:6 Kom kotin kadupale kidi i dueta likau eu, pil akan ileilada jan nana kan. PSA 104:7 Re tan wei mon ar majan, re madan wei mon nil en omui nanjapwe. PSA 104:8 Nana kan kokodar, a wau kan kokodier on waja, me kom kotin kileledier on ir. PSA 104:9 Kom kotiki on ir irair eu, me re jota pan dauli wei; re jolar pan pur on kadupaledi jappa. PSA 104:10 Kom kin kotin wiada, parer en kujukujda nan wau kan; re kin pwilipwil wei nan pun en nana kan. PSA 104:11 Re kotin kanim pileda man en nan jap akan o man en nan wei. PSA 104:12 Manpir en pan lan kin kaukaujon ni kail a, re kin kakaul nin tuka kan. PSA 104:13 Komui me kin kotin kanim pileda nana kan jan japwilim omui pera poa. Kom kin kotin kadire kila wa kan jappa, me kom kotin wiadar. PSA 104:14 Komui me kotin kawojadan man akan ra, o wan tuka me mau on aramaj, pwen kapwareda jan nan pwel mana on aramaj akan. PSA 104:15 O wain en kaperenda monion en aramaj, o le en kalinanada maj en aramaj, o prot en kakelada war en aramaj. PSA 104:16 Japwilim en Ieowa tuka kan pan medila, jeder en Lipanon akan, me a kotin padukedier. PSA 104:17 Waja manpir kin paj kin ia, o raier kaujon nan jeder. PSA 104:18 Nana ileile iei deun kemjo, a paip akan deun repit en wel. PSA 104:19 A kotin wiadar jaunipon i, pwen kilelekidi anjau kan, ketipin aja waja me a pan kirila ia. PSA 104:20 Kom kin kotin wiada pon, man en nan wel rap mokidada. PSA 104:21 Laien pulepul weriwerki kan arail mana, re kin idok ren Kot, me re pan kan. PSA 104:22 Katipin lao dakada, re kin purela wonon nan por ar akan. PSA 104:23 Aramaj ap kolan ar dodok, wia japajap lel nin jautik. PSA 104:24 Main leowa, ar wiawia kan me dodok melel! Kom kotin kajone irail di ki omui erpit o jappa me direki japwilim omui dipijou kan. PSA 104:25 Madau me kalaimun o dalap in pali karoj; i waja me dir en mam, me jota kak wadawad, man tikitik o kalaimun. PSA 104:26 I waja me jop akan kin tanatan ia, o walroj, me komui kotin wiadar, kin madomadon lole. PSA 104:27 lr karoj kin auiaui komui, pwe komui en kotin katunole kin ir kan arail ni ar anjau. PSA 104:28 Kom kin kotiki on ir, rap nanak pena; komui kotiki pajan lim omui, rap pan medi kila me mau kan. PSA 104:29 Ni omui pan karirila jilan omui, rap pan majapwekada, kom kin kotiki jan ir anian arail, rap pan mela o purelan ar pwel par. PSA 104:30 Kom kin kotin kadarala an omui, ran pan wiauiada, o komui kin kawilikapada maj en jap o. PSA 104:31 Linan en leowa pan duedueta. leowa pan kotin peren kida japwilim a wiawia kan. PSA 104:32 A lau kotin ireron toun jappa, jappa ap rerer; a lao kotin jair nan kan, rap adida. PSA 104:33 Arain ai maur i pan kakauli on Ieowa, o arain ai mi jappa er, i pan kauleki pjalm kan on ai Kot. PSA 104:34 I men, ai kajokajoi en kaperenda kupur a; i pan polauleki leowa. PSA 104:35 Me dipan akan en niki jan jappa, o me doo jan Kot akan en jola mia. Nen i kalinaila leowa! Aleluia! PSA 105:1 KAPINA leowa, likwir won mar a, kapakaparoki on kainok kan duen a wiawia kan. PSA 105:2 Kauli on i, kauliki on i pjalm akan, kajokajoi duen a manaman akan karoj; PSA 105:3 Peren kida mar a jaraui; monion en me rapaki leowa, en popol. PSA 105:4 Komail inon ion leowa o a manaman; rapaki jilan i anjau karoj. PSA 105:5 Tamatamanda japwilim a dodok kapuriamui, me a kotin wiadar, o a manaman akan o majan en kadeik jan nan jilan i. PSA 105:6 Kadaudok en Apraam koe japwilim a ladu, o nain Ijrael komail, me a kotin piladar! PSA 105:7 I leowa atail Kot; a kotin kaunda nan jap karoj. PSA 105:8 A kin kotin tamanda japwilim a inau kokolata, majan o me a kotin inauki oner di kid. PSA 105:9 Inau me a kotin wiadan Apraam, o a kaula, me a kotin kauki on Ijaak. PSA 105:10 O a kotiki on Iakop kujoned eu, o on Ijrael inau joutuk, PSA 105:11 Ni a kotin majanier: I pan ki on uk Kanaan, iei me I kileledier, en pwaij omail jojo; PSA 105:12 I anjau, me irail pwin tikitik eu, o men kairu nan jap o. PSA 105:13 Ni ar kokola jan eu kainok lel eu, o jan eu wei lel eu. PSA 105:14 A jota kotin mueid on amen aramaj, en katoutou irail, o a kotin kaloke nanmarki kai pweki irail. PSA 105:15 Komail der jair nai me keidier akan, o der wiai on ai jaukop akan me jued kot! PSA 105:16 A lao kotiki on jap o anjaun lek; o kotin kawelar wajan kaporopor en mana, PSA 105:17 A kotin poronelar ol amen mo ’rail; Iojep, me netilar, pwen wiala ladu men. PSA 105:18 Na a kan kalokolokki jal mata, o pali war a wonon nan mata, PSA 105:19 Lao anjau me japwilim a majan pwarado; majan en Ieowa kamakelekeleda i. PSA 105:20 Nanmarki ap ilakila, pwen lapwada i, iei kaun en wei kan, me kotin kamaioda i. PSA 105:21 A kajapwiladan i pein im a, o kaun en a dipijou karoj. PSA 105:22 Pwen jaliedi a jaupeidi kan duen me a mauki, o padaki on japwilim a lapalap akan lolekon. PSA 105:23 O Ijrael lipalan Akipten, o Iakop wiala men kairu nan jap en Am. PSA 105:24 I anjau Kot kotin kapara irail ada madan, o kotin kakelail ir ada jan a imwintiti kan. PSA 105:25 A kotin kawukila kupur a, pwen kailonki japwilim a aramaj akan, o widiwidin on japwilim a ladu kan. PSA 105:26 A ap kotin poronela Mojej, japwilim a ladu, o Aron, me a kotin piladar. PSA 105:27 Ira wiadar manaman akai nan pun ar, o dodok kapuriamui nan jap en Am. PSA 105:28 A kotin kadarado rotorot, ap pon pena, o re jota injenoki a majan kan. PSA 105:29 A kotin kawuk on nta ar pil akan, o kamelar ar man akan. PSA 105:30 Jap arail me direki proj lao lel on nan pera en ar nanmarki kan. PSA 105:31 A kotin majanier, Ion jued ap rokilar, o amuje nan jap karoj. PSA 105:32 A kotiki on ir akel wiliandi katau, umpul en kijiniai nan jap ar. PSA 105:33 A kotin kawelar ar tuka en wain akan o tuka en paiken, o kotin katip pajan tuka en jap ar akan. PSA 105:34 A kotin majanier, manjiok o Ion ap pwarada, rap pwaradar o re jota kak wadawad. PSA 105:35 Rap kanala tuka kan karoj nan jap o, o kanala wan tuka kan nan matuel o. PSA 105:36 O a kotin kamelar mejeni karoj nan jap arail, mejeni karoj en ar kelail. PSA 105:37 O a kotin kalua irail jan nan jap o ianaki jilper o kohl, o jota me luet nan pun en ar kainok kan. PSA 105:38 Akipten peren kida ar jamalar, pwe re majapwekadar. PSA 105:39 A kotin wiada tapok en kadupal irail edi, o kijiniai en jereda irail ni pon. PSA 105:40 Irail poekipoeki, i ap kotin kadarado manpir akan; o a kotin kamana kin ir prot en nanlan. PSA 105:41 A kotin palan pajan paip o, pil akan ap kujkuj wei jan, re pwilipwile wei nan jap tan dueta pilap pot. PSA 105:42 Pwe a kotin tamanda majan jaraui, o japwilim a ladu Apraam. PSA 105:43 A kotin kaluaki peren japwilim a aramaj akan jan nan jap o, o nijinij japwilim a pilipildar akan! PSA 105:44 A ap kotiki on ir jap en men liki kan, o re aleer dipijou en kainok kan. PSA 105:45 Pwe ren peiki on japwilim a majan kan o kolekol a kujoned akan. Aleluia! PSA 106:1 KAPINA Ieowa, pwe i me mau, pwe a kalanan pan potopot PSA 106:2 Ij me kak inda duen dodok manaman en Ieowa, o ij me kak kapina japwilim a dodok kajapwal? PSA 106:3 Meid pai, me kolekol me pun, o me kin wiada me pun anjau karoj! PSA 106:4 Main Ieowa, kom kotin taman ia da duen ar kalanan, me kom kotin inauki on japwilim omui aramaj akan, kajanjanle don kit omui jauaj! PSA 106:5 Pwe i en kilan pai en japwilim omui pilipildar akan o peren kidar peren en japwilim omui aramaj akan, o kapina ian omui jojo. PSA 106:6 Kit ian jam at oko wiadar dip, je wiadar japun, je kawelar kujoned o kapwaiada tiak en me pun kan. PSA 106:7 Jam at akan nan Akipten jota injenoki japwilim omui manaman akan, pwe re jota tamanda omui kalanan lapalap, o re katiwo on me lapalap o ni kailan madau ni jed waitata. PSA 106:8 Ari jo, a kotin dore ir ala pweki mar a, pwen kajaleda a manaman. PSA 106:9 A kotin majani on jed waitata, ap nalanaledier; o a kotin kalua irail waja lol dueta jap tan eu. PSA 106:10 Iduen a kotin dore ir ala jan nan pa en me kailon kin ir, o a kotin jauja ir jan nan pa en imwintiti. PSA 106:11 Pil kadupaledi arail imwintiti kan, jota amen pitila. PSA 106:12 Irail ap kamelele a majan akan, o kaul en kapin on i. PSA 106:13 A re pil madan monokelar a wiawia kan, o re jota auiaui a majan. PSA 106:14 Irail dire kila inon jued, ap kajonejon. Kot nan jap tan, PSA 106:15 Ap kotin mueid on injen arail, o kotiki on ir, lol ar lao juedala. PSA 106:16 Re ap kanudi on Mojej nan deu ’rail, on Aron me jaraui en Ieowa men. PSA 106:17 Jap ap jar pajan katalala Datan, o pur penan pon pwin en Apiram. PSA 106:18 O kijiniai eu kamajikada nan pun en arail pwin, umpul en kijiniai eu karonalar me doo jan Kot akan. PSA 106:19 Re wiadar kau pul amen ni Orep, o dairukedi jan mon kilel kold eu. PSA 106:20 O re kawilianeki arail linan kilel en kau ol amen, me kin kankan ra. PSA 106:21 Re monokelar Kot, arail jaunkamaur, me kotin wiadar dodok lapalap nan Akipten. PSA 106:22 O manaman akan nan jap en Am, o men kamajak ni jed waitata. PSA 106:23 I ap kotin kupukupura, me a pan kame ir ala, ma Mojej japwilim a pilipildar amen jota pan pukoki dip arail, pwen kotiki wei jan japwilim a onion, pwe ren der mela. PSA 106:24 A re mamaleki jap kajelel, o jota kamelele a majan kan. PSA 106:25 O re lipaned nan im arail, o jota peiki on majan en Ieowa. PSA 106:26 I ap kotin kaula on ir, me a pan kame ir ala nan jap tan. PSA 106:27 O kadaudok ar en wowokidi nan pun en men liki kan, o kamueit ir pajan nan jap akan. PSA 106:28 O re wuki on PalPeor, o kanala kijan mairon en ani mal. PSA 106:29 O re kupur jued kin i ar wiawia kan, kalokolok eu ap lel on ir. PSA 106:30 Pineaj ap kotida, kadeik irail ada, kalokolok ap imwijokalar. PSA 106:31 Mepukat me a wadekida ni pun, jan eu kainok lel eu kokolata. PSA 106:32 O re kupur juede kin i ni pil en Meripa, i me irail kareki on Mojej apwal laud. PSA 106:33 Pwe re kapataui nen i, ap kotin japunala ekij ni a majan kan. PSA 106:34 Re jota pil kanikiala wei kan, me Ieowa kotin majani on ir. PSA 106:35 O re dolola men liki kan, o padakki arail tiak kan. PSA 106:36 O re kaudoki on arail dikedik en ani kan, rap wialar injar arail. PSA 106:37 O re maironki on tewil jued akan nairail putak o jeripein kan. PSA 106:38 O re kamelar mal aramaj, iei udan nair putak o jeripein oko, me re maironki on ani mal en Kanaan, a jap o kajamin kila nta. PSA 106:39 O re kajamine kila pein irail ar wia kan, o nenekki ar dodok jued. PSA 106:40 Ieowa ap kotin onioni on japwilim a aramaj akan o kotin juedeki japwilim a jojo. PSA 106:41 A kotin mueid on ir nan pa en men liki kan, o me kailon kin ir, wialar ar kaun. PSA 106:42 O ar imwintiti katoutoui ir, o re namenokalar pan pa ’rail PSA 106:43 A kotin dore ir ala pan pak toto, a re duedueta ni ar inon jued o madamadaua, o re malaulau kilar ar japun. PSA 106:44 A a kotin ireron ar kan kaneraner, ni a kotin ereki ai weriwer. PSA 106:45 O a kotin tamanda japwilim a inau, o a kotin kalukila duen a kalanan lapalap. PSA 106:46 O a kotin maki on ir mon karoj, me jali irail weier. PSA 106:47 Ieowa at Kot, kom kotin dore kit ala, jan ren men liki kan, pwe kit en danke mar omul jaraui o japwilim ar dodok mau kan. PSA 106:48 Kapin on Ieowa, Kot en Ijrael, jan maj kokodo o pil kokolata! 0 aramaj karoj en inda: Amen, Aleluia! PSA 107:1 KAPIiNA Ieowa, pwe i me mau, pwe a kalanan pan potopot eta. PSA 107:2 Iduen me dorelar ren Ieowa kan pan indinda, irail me a kotin dorelar jan nan pa en arail imwintiti; PSA 107:3 Me a kotin kapokon pena jan jap en maj en lan, o kapin lan, o pali apan, o jan madau. PSA 107:4 Irail janjalon jili nan jap tan, pol al apwal, re jota diarada deurail. PSA 107:5 Re men manadar o men nim piladar, o kaped arail luetalar. PSA 107:6 Rap weriwer won Ieowa ni ar kankaneraner, o a kotin dore ir jan nan ar apwal akan. PSA 107:7 O a kotin kalua ir on al pun, pwe ren lele on wajan kaukaujon. PSA 107:8 Ren kapina Ieowa, pweki a kalanan o pweki a dodok manaman on aramaj akan. PSA 107:9 Pwe a kotin kamede kilar kaped en me men nim piladar, o kadir kila me mau kan kaped en me men manadar. PSA 107:10 Me mi ni waja rotorot o mot en mela, me jalikidi luet o mata. PSA 107:11 Pweki ar katiwo on majan en Kot, o ar mamaleki kujoned en ma lapalap o. PSA 107:12 I ap kaloke kin ir apwal akan, re wonon, a jota jauaj parail. PSA 107:13 Rap weriwer won Ieowa ni ar apwal akan, i ap kotin dore ir ala jan katoutou parail. PSA 107:14 A kotin kalua ir jan nan rotorot, o mot en mela, o kotin kamueit pajan ar jal akan. PSA 107:15 Ren kapina Ieowa, pweki a kalanan o pweki a dodok manaman on aramaj akan. PSA 107:16 Pwe a kotin kawela wanim mata, o a kotin juk pajan katen mata pan wanim akan. PSA 107:17 Me pweipwei kan pan kalokolokki al en ar katiwo o ar japun kan. PSA 107:18 Kaped arail kin juedeki jon en mana karoj, o re lel on kalian mela. PSA 107:19 Rap weriwer won Ieowa ni ar apwal akan, i ap kotin dore ir ala jan katoutou parail. PSA 107:20 A kotin kadarado japwilim a majan, o kotin kamaur irail da, o kotin jauaja ir jan nan ar por akan. PSA 107:21 Ren kapina leowa pweki a kalanan o pweki a dodok mau on aramaj akan. PSA 107:22 O ren maironki mairon en kapin o kajokajoia duen a wiawia kan ki peren! PSA 107:23 Me kin mi pon madau o dake jop akan, o me kin netinet pon pil kalaimun akan, PSA 107:24 Irail pukat kin kilekilan wiawian leowa kan, o a manaman akan nan madau. PSA 107:25 A kotin majan eta, melimel ap wiaui, me kin kalaudela iluk kan. PSA 107:26 Re kin koda ileile o kodi loledi, likamata kaped arail pei pajan ni ar majak. PSA 107:27 Re rarauk jili dueta me jakaular, o ar lolekon karoj pan joredi. PSA 107:28 Rap weriwer won leowa ni ar apwal akan, i ap kotin dore ir ala jan katoutou parail. PSA 107:29 A kotin kawuki on mole melimel, iluk kan ap moledi. PSA 107:30 Rap peren kida, ma re pan moledi, o a kotin kalua ir nan kapitau me re inon ion. PSA 107:31 Ren kapina leowa, pweki a kalanan, o pweki a dodok manaman on aramaj akan. PSA 107:32 O ren kapina i nan pokon en aramaj, o ren kapina i nan momod en jaumaj akan. PSA 107:33 A kotin kawuki on jap tan pilap akan, o utun pil akan on jap madekon. PSA 107:34 O jap kajelel eu wiala jap tan en jol, pweki dip en me kaukaujon waja o. PSA 107:35 A kotin kawuki on len pil jap tan, o jap jued on utun pil. PSA 107:36 O a kotin mueid on me men manadar akan, en kaukaujon waja o, o re wiadar deu arail. PSA 107:37 O re kin wia japajap o padukedi mat en wain, me kin wa ni a anjau. PSA 107:38 O a kotin kamau irail la, rap kin totolar, o a kotin kanederela arail man akan. PSA 107:39 O irail malaulaular o namenok kilar me jued, o japai o luet akan. PSA 107:40 A kotin wudokidi om jaupeidi kan namenok, o mueid on ir, ren janjalon jili nan jap tan, waja me jota al mia ia. PSA 107:41 O a kotin pokada me jamama o jan ni a luet, o katotolar kadaudok a dueta pwin akai. PSA 107:42 Me melel akan pan kilan, ap peren kida, o japun kan karoj pan kaku pena au arail. PSA 107:43 Me lolekon kan pan kajampwale ki mepukat, o re pan dedeki kalanan en Ieowa. PSA 108:1 MAIN Kot, monion i kin moleilei; i men kakaul o kakauleki pjalm akan, o pil nen i. PSA 108:2 Koma arp o laute pirida! I pan paurida nin joran. PSA 108:3 I pan kapina komui nan pun en kainok kan, Main Ieowa, o i pan kaule kin komui nan pun en aramaj akan. PSA 108:4 Pwe omui kalanan me laud, ileila jan nanlan, o omui melel lelada won tapok kan. PSA 108:5 Re kotida ponanin nanlan, Main Kot, o omui linan en kipadi jappa. PSA 108:6 Pwe kompoke pamui kan en jaladokala; kom kotin jauajaki pali maun ar, o kotin ereki kit. PSA 108:7 Kot kotin majanier nan japwilim a mol jaraui, i me i peren kida; i pan nek pajan Jikem o jojon jap Jukot. PSA 108:8 Kilead o Manaje iei jap ai, nai kin kaunda Epraim; a iuda iei ai jokon. PSA 108:9 Moap iei ai dal en dud; i kin tiakedi Edom; i pan nijinijiki men Pilijta. PSA 108:10 Ij me pan kalua ia nan kanim teneten eu? Ij me pan ian ia Iel Edom? PSA 108:11 Kaidin komui ai Kot? Komui me kaje kit ala, o jota ian at karij akan. Main Kot. PSA 108:12 Kom kotin ieian kit ni ul apwal akan, pwre en aramaj jauaja jota katepa. PSA 108:13 lanaki at Kot kit pan kapwaiada dodok manaman akan. A pan kotin tiakedi at imwintiti kan. PSA 109:1 MAIN Kot, me i kin kapikapina, kom der kotin japaimokid! PSA 109:2 Pwe au en me doo jan Kot, o me kin kotaue jara don ia, re lokelokaia on ia ki lo likam. PSA 109:3 Re lokaia jued on ia waja karoj, o pei on ia ni jo karepa PSA 109:4 Ni ai pok on ir, re kin imwintiti on ia; a nai kin poten kapakap. PSA 109:5 Irail depukki ai me mau me jued, o re kin tata kin ia ni ai pok on ir. PSA 109:6 Kotin kajapwiladan i me doo jan Kot amen, pwen a jaunkapun o me palian I, en mi ni pali maun a. PSA 109:7 Ma a pan pakajau, a pan pakadeikada, pil a kapakap en kadipala i. PSA 109:8 A ran akan en malaulaula, o a koa en ko on amen. PSA 109:9 Na jeri kan en japoupou, o a paud en li odi amen. PSA 109:10 Na jeri kan en janjarwaru jili o wia poekipoek, o re rapaki kan ar mana, doo jan nan moan im arail. PSA 109:11 Me norok moni en pitia jan i a meakoaroj, o men wai en kulia jan i a dipijou kan. PSA 109:12 O jota me pan kadek on i, o jota me pan jauja na japoupou kan. PSA 109:13 Kadaudok a en kokoka jan; o mar arail en niki jan nin di kaieu. PSA 109:14 Japun en jam a ko en janjal mon Ieowa, o dip en in a ender lapwada. PSA 109:15 Ieowa en kotin majamajan irail ajau karoj, o kataman parail en niki jan in jappa. PSA 109:16 Pweki a jota man kadek, pwe a pakipaki me luet o jamama, o me injenjued, pwen kamela i. PSA 109:17 O a inon ion en riala; ari en lel on! O a jota injenoki kapai, ari, en doo jan i! PSA 109:18 A kapwateki me jued duata a likau, ari me jued en kolon lole dueta pil o nan kokon akan dueta le. PSA 109:19 Me jued en rajon a likau pup, me a kin likauwiada, o rajon men pirapir me a kin pirapireki. PSA 109:20 Iduen Ieowa pan kotin pwain on me palian ia, o me kin lokaia jued duen nai. PSA 109:21 A komui, Main Ieowa ai Kot kotin wiawia ia, pweki mar omui; pwe omui kalanan kajampwal, dore ia la! PSA 109:22 Pwe nai me luet o jamama, o nan monion i olar. PSA 109:23 I kin tanwei dueta mota, o i pan kamajak wei dueta manjiek amen. PSA 109:24 Na i kat luete kilar kaijejol, o uduk ai tikitikilar; PSA 109:25 O i wialar men lalaue re ’rail; ni ar kilan ia, re kin due duailok! PSA 109:26 Main Ieowa, ai Kot, kom kotin dore ia la duen omui kalanan! PSA 109:27 Pwe ren aja, mepukat tapi jan ni lim omui, me komui Ieowa kotin wiadar mepukat. PSA 109:28 Menda, ma re lalaue, kom kotin kapai ia da. Ma re palian ia, ren namenokala, pwe japwilim omui ladu en pereperen. PSA 109:29 Re kotin wiai on ai imwintiti, ren likau kida namenok, o ren purion nan me jued dueta likau pup. PSA 109:30 I pan danke Ieowa melel ni au ai, o i pan kapina i nan pun en me toto. PSA 109:31 Pwe a kotikot ni pali maun en me jamama, pwen dorela i jan ir, me kadeikada i, en kamela. PSA 110:1 IEOWA kotin majani on ai Kaun, mondi on ni pali maun i, lao I pan wia kida om imwintiti utipan na om. PSA 110:2 Ieowa pan kotin kadarado jokon en wei omui jan nan Jion; kakaun nan pun en omui imwintiti kan. PSA 110:3 Murin omui poedier, japwilim omui kan pan pereperen, wia mairon on komui ni ar kapwat jaraui. Japwilim omui jeri kan pan ipwidi on komui dueta poik en ni manjan. PSA 110:4 Ieowa kotin kaula, o a jota pan kalula: Komui jamero joutuk amen, duen al en Melkijedek. PSA 110:5 Kaun o kotikot ni pali maun om a pan kamela nanmarki kan ni ran en a onion. PSA 110:6 A pan kotin kaunda nan pun en men liki kan, a pan kadir kila kalep akan waja karoj, a kotin palan pajan tapwi en wei lapalap. PSA 110:7 A pan nima jan pil ni kailan al, i me a pan jara kida. PSA 111:1 I PAN kapina Ieowa jan nan monion i nan pun en me lelapok kan o nan momodijou. PSA 111:2 Meid laud wiawian Ieowa kan, ir me injenoki, pan dedeki due. PSA 111:3 A wiawia kan me pun o linan, o a pun pan duedueta kokolata. PSA 111:4 A manaman akan men kataman eu. Ieowa me dir en mak o kalanan. PSA 111:5 A kotin kamana ir, me majak i, a kin kolekol japwilim a inau kokolata. PSA 111:6 A kotin kajanjale on japwilim a aramaj akan mana en a wiawia kan, pwen kotiki on ir jojo en men liki kan. PSA 111:7 Dodok en lim a kan me melel o pun; japwilim a majan kan karoj me melel. PSA 111:8 Re pan duedueta kokolata, o re wiauier ni melel o pun. PSA 111:9 A kotiki on japwilim a kan jaunkamaur, o a kupureda, me a inau pan duedueta kokolata; mar a me jaraui o kalom. PSA 111:10 Majak Ieowa iei tapin lolekon; irail meid pai, me kin wia due met, pwe a pai potopot eta. PSA 112:1 MEID pai ol o me majak Ieowa, me kin peren kola a kujoned akan. PSA 112:2 Kadaudok a pan kelail nan jap o; kainok en me melel akan pan pwaida. PSA 112:3 Im a pan dir en dipijou melel o a pun pan potopot eta. PSA 112:4 Marain kin daka dan me melel akan nan waja rotorot, a kin dir en mak o kalanan o pun. PSA 112:5 Meid pai ol o me kalanan, o kin kijakija wei; a pan pwaida ni anjaun kadeik. PSA 112:6 Pwe a jota pan luetala kokolata; me pun amen iei men kataman joutuk eu. PSA 112:7 A jota pan majak ron jued monion i me kelail ni a kaporoporeki Ieowa. PSA 112:8 Monion i me kelail, a jota km majak, lao a pan peren kida a imwintiti kan. PSA 112:9 A kin kamoredi o kijakij on me jamama kan; a pun pan potopot eta; oj a pan kokoda o indand mau. PSA 112:10 Me doo jan Kot pan kilan ap makara kida; a pan teterokki ni akan ap joredi; inon en me doo jan Kot akan pan nikila. PSA 113:1 KOMAIL ladun Ieowa kapina mar en Ieowa! PSA 113:2 Mar en Ieowa en pakapinala jan met o kokolata! PSA 113:3 Mar en Ieowa en pakapinala jan wajan katipin a dakada ia lel won waja me a kin kirila ia! PSA 113:4 Ieowa me ileila jan men liki kan karoj, a linan mi ponanin nanlan. PSA 113:5 Ij me rajon Ieowa atail Kot, me kotikot pon mol a ileile melel? PSA 113:6 Me kotin ireron me tikitik me tikitik kan nanlan o nin jappa? PSA 113:7 Me kotin kajapwilada me tikikit o jan nan pwel par, o jan nanpwel me jamma o. PSA 113:8 Pwen komondi i ren me lapalap en japwilim a aramaj akan. PSA 113:9 Me kotin jauja li dapwan men, pwen wiala en ol oko ar nono pere amen. Aleluia! PSA 114:1 Ni anjau men Ijrael lipa jan Akipten, kadaudok en Iakop jan nan wai. PSA 114:2 I anjau men Iuda wiala japwilim a jaraui kan, o men Ijrael japwilim a wei. PSA 114:3 Madau kilaner, ap tanwei, o Iordan pal pajaner. PSA 114:4 Nana kan lujiluj dueta jip ol, o dol akan dueta jippul akan. PSA 114:5 Madau, da me koe tanweier ki? Koe Iordan, da me koe palki pajaner? PSA 114:6 Komail nan kan, da me komail lujilujki dueta jip ol, o komail dol akan dueta jippul akan? PSA 114:7 Jappa, koe en rere mon Ieowa, mon Kot en Iakop. PSA 114:8 Me kotin kawuki on len pil paip o, o kantakai on utun pil. PSA 115:1 KAIDIN kit Ieowa, kaidin kit, pwe mar omui, kom kotiki on waui, pweki omui kalanan o melel! PSA 115:2 Menda men liki kan en inda: Ia arail Kot? PSA 115:3 Atail Kot kotikot nanlan, a kak kotin wia karoj, me a kupura. PSA 115:4 Arail dikedik en ani kan, me wia kidar jilper de kold, iei dodok en pa en aramaj. PSA 115:5 Au arail mia, ap jaja lokaia, por en maj arail mia, ap jota kak kilan waja. PSA 115:6 Jalon arail mia, ap jota ron waja; tum arail mia, ap jota ned waja. PSA 115:7 Pa arail mia, ap jota kak koledi meakot; na arail mia, ap jota kak alu; re jota kak lokaiaki kapin wor arail. PSA 115:8 Me kin wiada pukat, me duet a irail, o pil karoj, me kin liki irail. PSA 115:9 A koe Ijrael, liki Ieowa; i jauaj o pere parail. PSA 115:10 Komail, kadaudok en Aron, liki Ieowa, i jauaj o pere parail. PSA 115:11 Komail, me kin majak Ieowa, liki Ieowa, i jauaj o pere parail. PSA 115:12 Ieowa kotin kupura kitail er, o a pan kotin kapai kitail la; a pan kotin kapaida kadaudok en Ijrael, kapaida kadaudok en Aron; PSA 115:13 A pan kotin kapaida, me majak Ieowa, me tikitik o me laud akan. PSA 115:14 Ieowa en kotin kapai komail da kokolata, pein komail o nou mail jeri kan! PSA 115:15 Komail me kapaidar ren leowa, me kotin kapikadar lan o jappa. PSA 115:16 Lan me japwilim en leowa, a jappa me a kotiki oner aramaj akan. PSA 115:17 Me melar akan jolar pan kapina leowa, pil karoj, me kodi wajan kaporemen. PSA 115:18 A kitail pan kapina leowa jan met o kokolata. Aleluia! PSA 116:1 I KIN pok on leowa, pwe a kotin ereki nil ai o ai nidinid. PSA 116:2 Pwe a kotin kapaike don ia karon a, i me i pan likwir won i arain maur i. PSA 116:3 Jal en mela jali ia dier, o kamajak en pajed lel on ia, i lel oner kalokolok o mamauk. PSA 116:4 I ap likwir won mar en leowa: Main leowa, kom kotin dorela maur i! PSA 116:5 leowa me dir en mak o pun, o atail Kot me dir en kalanan. PSA 116:6 leowa kin kotin apapwali me opampap akan; nai luetalar, i ap kotin dore ia lar. PSA 116:7 Nen i pur on om moleilei, pwe leowa kotin jauaja uk mau. PSA 116:8 Pwe kom me kotin dorelar maur i jan nan mela, o por en maj ai jan janejan, o na i jan a pan krijedi. PSA 116:9 I pan weweid mon leowa nan jap en me maur akan. PSA 116:10 I liki, o i karepen ai padapadak; a i kin kalokolok laud. PSA 116:11 I indinda ni ai injenjued: Aramaj karoj me likam! PSA 116:12 Iaduen i pan kak depuk on leowa a kapai ia kan? PSA 116:13 I pan ale dal en kamaur, o likwir on mar en leowa. PSA 116:14 I pan kapwai on Ieowa ai inau janjal mon japwilim a aramaj akan karoj. PSA 116:15 Meid kajampwal ren Ieowa melan japwilim a lelapok kan. PSA 116:16 O Main leowa, nai japwilim omui ladu men, nai japwilim omui ladu, nain omui lidu; kom kotin kamueit pajan ai jal akan PSA 116:17 I pan maironki on komui danke, o likwir on mar en Ieowa. PSA 116:18 I pan kapwai on Ieowa ai inau janjal mon japwilim a aramaj akan karoj. PSA 116:19 Mon pera en tanpaj omui im jaraui, nan waron en Ierujalem Aleluia! PSA 117:1 MEN liki kan karoj kapina leowa! O kainok karoj kapina i! PSA 117:2 Pwe a kalanan me janjal melel on kitail, o melel en leowa pan potopot eta. Aleluia! PSA 118:1 DANKE leowa, pwe i me man, pwe a kalanan pan potopot eta. PSA 118:2 Ijrael en indinda: A kalanan pan potopot eta. PSA 118:3 Kadaudok en Aron en indinda: A kalanan pan potopot eta. PSA 118:4 Me majak Kot akan en inda: A kalanan pan potopot eta. PSA 118:5 Ni ai apwal akan i likwir won leowa; leowa kotin mani ia er o kotin kajone ia dier waja jaledok. PSA 118:6 leowa kin kotin ieian ia, i jota majak, da me aramaj akan kak wiai on ia? PSA 118:7 Ieowa kin kotin ieian ia nan pun en me jauaja ia, o i pan peren kida, me kailon kin ia. PSA 118:8 Me mau, en liki Ieowa, jan kaporoporeki aramaj akan. PSA 118:9 Me mau en liki Ieowa, jan kaporoporeki jaupeidi kan. PSA 118:10 Men liki kan karoj kapil ia penaer; a ni mar en Ieowa i kaloe ir edier. PSA 118:11 Re kapil ia penaer waja karoj, a ni mar en Ieowa i pan kaloe irail edier. PSA 118:12 Re kapil ia penaer dueta lonlap akan, a re kunlar dueta kinjiniai nan tuka; ni mar en Ieowa i kaloe irail edier. PSA 118:13 Re woki ia, pwe i ne pupedi, a Ieowa kotin jauaja iaer. PSA 118:14 Ieowa iei ai kel o ai kaul, o i me kotin wiala ai jaunkamaur. PSA 118:15 Kaul en kaperen o kamaur kin wiaui nan im en me pun kan, lim en Ieowa pali maun kin kapwaiada dodok manaman. PSA 118:16 Pali maun en Ieowa me ileile, pali maun en Ieowa kin kapwaiada dodok manaman. PSA 118:17 I jota pan mela, pwe memaur eta o padaki duen wiawian Ieowa. PSA 118:18 Ieowa kotin kaloke ia laud, ap jota meuid on, i en mela. PSA 118:19 Komail ritinadan ia wanim en pun, pwe i waja me i pan pedelon ia, pwen danke Ieowa. PSA 118:20 Iet wanim en Ieowa, waja me pun kan pan pedelon ia. PSA 118:21 I danke komui, pwe kom kotin erekier ai kapakap o jauaja ia. PSA 118:22 Takai o me pwin jauje kajelar, wialar takain pukakaim. PSA 118:23 Mepukat wiauier ian ron Ieowa, meid kapuriamui ni maj at! PSA 118:24 let ran o, me Ieowa kotin wiadar, kitail en popol o peren kida i. PSA 118:25 O Main Ieowa, kom kotin jauaja! O Main Ieowa, kom kotin kapwaiada! PSA 118:26 Meid kapinan me kotido ni mar en Ieowa! Kit kapai komail da, me kijan toun tanpaj en Ieowa. PSA 118:27 Ieowa iei Kot, o i me kotin kamarain kitail er; jaliedi men mairon ni oj en pei jaraui! PSA 118:28 Komui ai Kot, o i pan danke komui; ai Kot, i pan kalinanada komui. PSA 118:29 Danke Ieowa, pwe i me mau, pwe a kalanan pan potopot eta. PSA 119:1 RE meid pai, me jota kin japun ni al arail, me kin weweid ni kapun en Ieowa! PSA 119:2 Re meid pai, me kin kolekol a kadede akan, me kin rapaki i jan nan monion arail! PSA 119:3 Me jota kin wia me jued, a weweid nan a al akan. PSA 119:4 Pein komui kotikidar japwilim omui kujoned akan, pwe jen porijok kapwaiada. PSA 119:5 O ma al ai kan inen wei, pwen kapwaiada omui kujoned akan. PSA 119:6 I ap jota pan jarodi, ni ai pan apapwali japwilim omui kujonod akan karoj. PSA 119:7 I danke komui jan nan monion i melel, pwe kom kotin padaki don ia duen omui majan pun. PSA 119:8 I pan kanai on japwilim omui kujoned akan, kom der likidmaliela. PSA 119:9 Iaduen, manakap amen pan kak weweid ni makelekel? Ma a pan wiawia duen ar majan akan. PSA 119:10 I raparapa kin komui jan nan monion. i; kom der kotin mueid on, i en pup wei jan ni omui kujoned akan. PSA 119:11 I kolekol omui majan nan monion i, pwe i ender wia dip on komui. PSA 119:12 Kapin en ko on komui, Main Ieowa! Kom kotin padaki don ia omui kujoned akan. PSA 119:13 I kajokajoi ki au ai duen kujoned en jilan omui karoj. PSA 119:14 I kin peren kita al en omui kadede kan, dueta dipijou toto. PSA 119:15 I pan madamadaua duen omui kujoned akan, o kanai on omui al akan. PSA 119:16 I kin peren kida omui kujoned akan, i jota pan monokela omui majan akan. PSA 119:17 Kom kotin kamauiada japwilim omui ladu, pwe i en memaur eta; i ap pan kapwaiada omui majan o. PSA 119:18 Kom kotin kapad pajan maj ai, pwe i en kilan manaman akan nan japwilim omui kapun o. PSA 119:19 Nai men kairu men nin jappa; kom der kotin karir jan mo i omui kujoned akan. PSA 119:20 Nen i okilar ai inon ion omui kujoned akan anjau karoj. PSA 119:21 Kom kotin onioni me aklapalap o, me pan wuki wei jan omui kujoned akan, en riala. PSA 119:22 Kom kotin katoror jan ia namenok o me jued; pwe i kin apapwali ar kadede kan. PSA 119:23 Pil jaupeidi kan kin momod pena, kaokao ad ai; japwilim omui ladu kin madamadaua duen omui kujoned akan. PSA 119:24 Melel, i kin peren kida omui kadede kan, pwe ir me jaua pa i. PSA 119:25 Nen i onon nan pwel; kamana ia duen omui majan. PSA 119:26 I potoan on komui duen al ai kan, komui ap kotin mani ai er; kotin padaki on ia omui kujoned akan. PSA 119:27 Kom kotin padaki on ia duen al en japwilim omui kujoned akan, i ap pan madamadaua duen ar manaman akan. PSA 119:28 Monion i luet kilar ai injenjued; kom kotin kamana ia da duen ar majan. PSA 119:29 Re kotin pera wei jan ia al en likam, o kotiki on ia ar majan. PSA 119:30 I piladar al en melel; i kin madamadaua duen omui kujoned. PSA 119:31 I kin teneti on omui kadede kan; Main Ieowa, kom der mueid on, i en namenokala. PSA 119:32 Ma kom pan kotin kamaitala monion i, i pan tan wei nan al en omui kujoned akan. PSA 119:33 Main Ieowa, kom kotin kawewe on ia al en omui kujoned akan, pwe i en apapwali lao lel imwi. PSA 119:34 Kotin padaki on ia, pwe i en kolekol omui kapun o peiki on jan nan monion i. PSA 119:35 Kalua ia nan al en omui kujoned akan, pwe i kin peren kin irail. PSA 119:36 Kainonion monion i omui kadede kan, a der norok moni. PSA 119:37 Pirer wei maj ai, pwen der kilan me jued kot; a re kotin kakel ia da pon al omui. PSA 119:38 Kolekol omui inau on japwilim omui ladu, pwe i en majak komui. PSA 119:39 Kotiki jan ia namenok, me i juedeki; pwe omui kujoned akan me mau. PSA 119:40 Kotin mani, i kin inon ion ar majan akan; kakele kin ia omui pun. PSA 119:41 Main Ieowa, kom kotin maki on ia, o kotin jauja ia duen omui inau. PSA 119:42 Pwe i en aja, japen ir, me mamale kin ia, pwe i kin liki omui inau. PSA 119:43 O kom der kotiki jan au ai majan en omui melel; pwe i kapororporki omui kujoned akan. PSA 119:44 I pan kolekol omui kapun o anjau karoj kokolata. PSA 119:45 I pan weweid ni peren, pwe i raparapaki omui kujoned akan anjau karoj. PSA 119:46 O i pan kajokajoi on nanmarki kan duen omui kadede kan, ap jota namenok. PSA 119:47 Pwe I kin peren kida omui kujoned akan, o i kin pok on ir. PSA 119:48 I kin pokadan pa i kat omui kujoned akan, me i pok on, o i pan madamadaua duen omui kujoned akan. PSA 119:49 Kotin tamanda japwilim omui ladu, duen omui majan, me i kin kaporoporeki. PSA 119:50 I me kin kamait ia la ni ai luet; omui ianu kan kin kakel ia da. PSA 119:51 Me aklapalap akan kin mamale kin ia; ari jo, i jota kin meui jan omui kapun o. PSA 119:52 Main Ieowa, ma I lamelame duen omui kujoned akan jan nin tapin jappa, i ap injenamau kila. PSA 119:53 I makar kila me doo jan Kot akan, me kin mui jan japwilim omui kapun o. PSA 119:54 Omui kujoned akan, iei ai kaul en kapin nan ai im en kairu. PSA 119:55 Main leowa, ni pon i kin madamadaua duen mar omui, o peiki on omui kapun. PSA 119:56 Mepukat wiaui on ia er, pweki ai peiki on omui kujoned akan. PSA 119:57 Main leowa, iet pwaij ai, en kolekol omui majan kan. PSA 119:58 I kin nidinid on komui jan nan monion i; kom kotin maki on ia duen omui inau o. PSA 119:59 I kin madamadaua duen al ai, ap kainen won omui kadede kan na i kat. PSA 119:60 I kin nantion o jota pwapwand kolekol omui kujoned akan. PSA 119:61 Pwin en me doo jan Kot akan kapil ia pena, ari jo, i jota monokela omui kapun kan. PSA 119:62 Ni ailep en pon i kin paurida, pwen danke komui, pweki omui kujoned pun. PSA 119:63 I kin waroki on ir karoj, me majak komui o ir, me apapwali omui kujoned akan. PSA 119:64 Main leowa, jappa direki omui kalanan; padaki on ia omui kujoned akan. PSA 119:65 Main leowa, komui me kotin wiai on japwilim omui ladu kamau kan duen omui inau o. PSA 119:66 Padaki on ia tiak mau o lolekon, pwe i kin liki omui kujoned akan. PSA 119:67 Mon ai aktikitikila, i kin japujapun, a met i kin apapwali omui majan. PSA 119:68 Komui me mau o kapunlol, kotin padaki don ia japwilim omui kujoned akan. PSA 119:69 Me aklapalap akan kin kalikama ia; a nai kin apapwali omui kujoned akan jan nan monion i. PSA 119:70 Monion arail majul kila wi; a i kin peren kida omui kapun. PSA 119:71 Meid mau on ia omui kaopampap ia la, pwe i en padakki omui kujoned akan. PSA 119:72 Kapun jan nan jilan omui mau on ia, jan kold o jilper kid toto. PSA 119:73 Lim omui kan kapik o wia ia dar, padaki on ia, pwe i en aja omui kujoned akan. PSA 119:74 Me kin majak komui, pan kilan ia, ap peren kida, pwe i auiaui omui majan. PSA 119:75 Main Ieowa, i aja, me omui kadeik kan me pun, o kom kotin kaopampap ia la ni omui melel. PSA 119:76 Omui mak pan kamait ia la, duen me kom kotin inauki on japwilim omui ladu. PSA 119:77 Kom kotin kupura ia, i ap pan memaur eta, pwe i kin peren kida omui kapun. PSA 119:78 Me aklapalap akan en jarodi, pwe re japun on ia ni jokarepa; a nai madamadaua duen omui kujoned akan. PSA 119:79 Me majak komui, ren waroki on ia, o me aja duen omui kadede kan. PSA 119:80 Monion i en pun ni omui kujoned akan, pwe i ender jarodi. PSA 119:81 Nen i kin inon ion omui dore ia la, i auiaui omui majan. PSA 119:82 Por en maj ai kin anane omui inau, kalelapok: lad me kom pan kotin kamait ia la? PSA 119:83 Pwe i luetalar rajon deun pil eu nan adiniai, i jota monokela omui kujoned akan. PSA 119:84 Arai da, japwilim omui ladu pan memaurada? lad me kom pan kotin kadeikada ai imwintiti kan? PSA 119:85 Me aklapalap akan weiradan ia por akai, irail me jota kin duki on japwilim omui kapun o. PSA 119:86 Japwilim omui kujoned akan karoj me melel. Irail raparapakin ia ni jota karepa; kom kotin jauaja ia! PSA 119:87 Me ekij, re pan kame ia la jan nin jappa, a nai jota mui jan omui kujoned akan. PSA 119:88 Kamaur ia da duen omui kalanan, a nai pan kolekol kadede en jilan omui. PSA 119:89 Main Ieowa, omui majan pan potopot eta nanlan. PSA 119:90 Omui melel kin jan eu kainok lel eu; komui me kotin kajonedier jappa o a pan mimieta. PSA 119:91 Irail karoj mimieta lao leI ran wet, duen omui kujoned akan, pwe karoj kin upa komui. PSA 119:92 Ma omui kapun jota pan kaperen pa i, i pan mela ni ai luet. PSA 119:93 I jota pan monokela omui kujoned akan kokolata, pwe ir me komui kakela kin ia da. PSA 119:94 Nai japwilim omui, kom kotin jauaja ia! Pwe i inon ion japwilim omui kujoned akan. PSA 119:95 Me doo jan Kot akan mamajan ia, pwen kame ia la; i kin apwali omui kadede kan. PSA 119:96 I kilaner imwin meakaroj, a japwilim omui kujoned pan mimieta. PSA 119:97 Ia wan ai pok on japwilim omui kapun! Nin ran karoj i kin kajokajoi due. PSA 119:98 Kom kin kalolekon kin ia omui kujoned akan jan ai imwintiti kan, pwe irail pan ieian ia kokolata. PSA 119:99 Nai lolekon jan ai jaunpadak kan karoj, pe I kin madamadaua duen omui kadede kan. PSA 119:100 Nai lolekon jan me ma kan, pwe I kin apapwali japwilim omui kujoned akan. PSA 119:101 I jota mued on na i, en weweid pol al japun, pwe i en kolekol omui majan. PSA 119:102 I jota wuki wei jan omui kujoned akan, pwe kom kotin padaki on ia er. PSA 119:103 Omui majan me iau jan onik nan au ia. PSA 119:104 Omui kujoned akan kin kalolekon ia, i me i kin tataki al japun karoj. PSA 119:105 Japwilim omui majan me jer pan na i, o kamarain pan al ai. PSA 119:106 I kaukilar, me i pan kolekol omui kujoned pun kan, o i pan kapwaiada. PSA 119:107 I injenjued melel; Main Ieowa, re kin kotin kamaur ia da duen omui inau. PSA 119:108 Main Ieowa, kom kotin kupura kijakij en au ai, o kotin padaki on ia omui kujoned akan. PSA 119:109 I kin wewa maur i nan pa I kat; i jota monokela omui kapun. PSA 119:110 Me doo jan Kot akan injenjare ia, a i jota wuki wei jan omui kujoned akan. PSA 119:111 Omui kadede kan iei ai jojo joutuk, pwe re kaperenda monion i. PSA 119:112 Monion i kin inon ion kapwaiada omui kujoned akan anjau karoj kokolata. PSA 119:113 I kin kailonki me lol riapot, o i kin pok on omui kapun. PSA 119:114 Komui ai kadauk o pere pa i, i kaporoporeki omui majan. PSA 119:115 Komail me jued akan en muei jan ia! I men apapwali kujoned en ai Kot akan. PSA 119:116 Jauaja ia duen omui inau, i ap pan memaur eta; o kom der kotin mueid on, i en namenokala ni ai kaporopor. PSA 119:117 Kamana ia da, i ap pan kelailada, i ap pan apapwali omui kujoned akan anjau karoj. PSA 119:118 Kom kin kotin tiakedi karoj, me pan wuki wei jan omui kujoned akan; pwe arail japun me dir en likam. PSA 119:119 Kom kin kotin kaje jan jappa me doo jan Kot akan karoj dueta jamit; i me i kin pok on ki omui kadede kan. PSA 119:120 I kin majak komui, i me i kin mujerereki, o i kin majak omui kadeik kan. PSA 119:121 I kin apapwali me inen o pun; kom der kotin pan ia lan ren me kin wia jued on ia. PSA 119:122 Jauaja japwilim omui ladu o kamaitala i; me aklapalap akan ender jued on ia. PSA 119:123 Por en maj ai inon ion omui kamaur ia, o omui inau pun. PSA 119:124 Wia on japwilim omui ladu duen omui kalanan, o kotin padaki on ia omui kujoned akan. PSA 119:125 Nai japwilim omui ladu; kotin padaki on ia, pwe i en dedeki japwilim omui kujoned kan. PSA 119:126 Anjau leler, me Ieowa pan kotin wiawia; pwe irail kawala japwilim omui kapun. PSA 119:127 I me i kin pok ki on japwilim omui kujoned akan, jan kold o kold linan. PSA 119:128 I me i kin kajampwaleki japwilim omui kujoned akan karoj, i tata ki al en likam karoj. PSA 119:129 Omui kadede kan meid kapuriamui, i me monion, i apapwali kin ir. PSA 119:130 Ma omui majan pan janjalada, a pan kareda peren o lolekon on me opampap akan. PSA 119:131 Au ai kin jar pajan o inon ion japwilim omui kujoned akan; pwe i kin anane ir. PSA 119:132 Kom kotin wukedoke don ia, o maki on ia, duen me kom kin wiai on ir, me pok on mar omui. PSA 119:133 Kotin kainenela al ai nan japwilim omui majan, o der mueid on, me jued kot en wiawia ia. PSA 119:134 Kotin dore ia la jan mor jued en aramaj akan, a i ap pan kolekol omui kujoned akan. PSA 119:135 Kotin kamarainiki omui ladu jilan omui, o kotin padaki on ia duen omui kujoned akan. PSA 119:136 Por en maj ai me dir en pil, pweki ar jota peiki on omui kapun. PSA 119:137 Main Ieowa, komui me kotin pun, o omui kujoned akan me pun. PSA 119:138 Komui me kotiki on kit er kadede pan omui pun o melel, pwe i en nantion kapwaiada. PSA 119:139 I injenjued melel, koren ion mela, pweki ai imwintiti kan monokela omui majan akan. PSA 119:140 Omui majan meid makelekel, o japwilim omui ladu kin pok on. PSA 119:141 Nai me tikitik o mo inn I amen, a i jota kin monokela omul kujoned akan. PSA 119:142 Omui pun me pun joutik eu, o omui kapun me melel. PSA 119:143 Majak o apwal lel don ia omui kujoned akan ai peren. PSA 119:144 Pun en japwilim omui kadede kan me joutuk, padaki on ia, i ap pan memaur eta. PSA 119:145 I nidinid jan nan monion i, Ieowa kom kotin mani ia! I pan apapwali omui kujoned akan. PSA 119:146 I likwir won komui, kom kotin jauaja ia, a i ap pan kolekol omui kadede kan. PSA 119:147 Nin joran i kodo o nidinid, i auiaui omui majan. PSA 119:148 I kin pirida ni ailep en pon, pwen madamadaua duen omui majan. PSA 119:149 Ereki nilai duenar kalanan; Main Ieowa, kamaur ia da duen omui kujoned akan. PSA 119:150 Ai imwintiti jued akan koren ion ia, a re doo jan japwilim omui kapun. PSA 119:151 Main Ieowa, komui me koren ion ia, o omui kujoned akan karoj me melel. PSA 119:152 I aja jan maj o, me komui kajonedier japwilim omui kadede kan, pwen potopot eta. PSA 119:153 Kom kotin ireron ai luet, o kamaio ia da! Pwe i jota monokela omui kapun. PSA 119:154 Kotin apapwali ia, o dore ia la, o kamaur ia da duen omui inau. PSA 119:155 Me doo jan Kot akan kin doo jan maur, pwe re jota kin ijenoki omui kujoned akan. PSA 119:156 Omui kalanan meid laud, Main Ieowa; kom kotin kamaur ia da duen omui kujoned akan. PSA 119:157 Me pakipaki ia, o palian ia me toto; ari jo, i jota wuk wei jan omui kadede kan. PSA 119:158 I kin kilekilan me mor jued akan, ap pokela, o i kin juedeki, pwe re jota kin peiki on omui kujoned o. PSA 119:159 Kotin majando, me i kin pok on japwilim omui kujoned akan; Main Ieowa, kotin kakel ia da, duen omui kalanan. PSA 119:160 Omui majan me dir en melel, o majan en omui kapun pan duedueta. PSA 119:161 Jaupeidi kan kin majamajan ia ni jokarepa; a monion i kin makaj omui majan akan. PSA 119:162 I kin peren kida omui inau dueta amen, me diarada pai kajapwal eu. PSA 119:163 I kailonki likam o juede kin irail, a i kin pok on japwilim omui kapun. PSA 119:164 Pan ije pak i kin kapina komui ni ran ta ieu, pweki kujoned en omui kapun kan. PSA 119:165 Me kin pok on japwilim omui kapun, kin popol melel, re jota pan jalonala. PSA 119:166 Main Ieowa, i kin auiaui omui kamaur, o i kin peiki on japwilim omui kujoned akan. PSA 119:167 Monion i kin kolekol japwilim omui kadede kan, o kin pok on irail melel. PSA 119:168 I kin kolekol japwilim omui kujoned o kadede kan, pwe al ai kan karoj me janjal momui. PSA 119:169 Main Ieowa, kotin mani ai nidinid, o kotin padaki on ia duen omui majan. PSA 119:170 Re kotin mani ai kapakap, o dore ia la duen omui inau. PSA 119:171 Komui lao padaki on ia omui kujoned akan, kil en au ai ap pan kapina komui. PSA 119:172 Lo i pan kauleki duen omui majan, pwe omui kujoned akan karoj me pun. PSA 119:173 Lim omui en jauaja ia, pwe i piladar omui kujoned akan. PSA 119:174 Main Ieowa, i kin inon ion omui kamaur, o i kin peren kida omui kapun. PSA 119:175 Kom kotin ieian nen i, pwen memaur eta ap kapina komui, o lim omui pali maun en jauaja ia. PSA 119:176 Nai raj on jip amen me janjalon jili o jalonala; kom kotin rapaki japwilim omui ladu, pwe i jota monokela omui kujoned akan. PSA 120:1 NI ai apwal akan i likwir won Ieowa, a ap kotin mani ia. PSA 120:2 Main Ieowa, kotin dore ia la, jan au en me kin likam, o lo en kotaue. PSA 120:3 Da me lo likam kak wiai on uk, o da me a kak kapwaiada! PSA 120:4 A rajon kananan kajik katieu kon kan ren me kelail amen, dueta kijiniai nan alek. PSA 120:5 Meid apwal on ia, ai kairu nan Mejek, o ai kaujon impan im en men Kedar! PSA 120:6 Meid warai on ai kaukaujon ren aramaj akan me kin tataki muei mau. PSA 120:7 I inon ion muei mau, a ni ai pan lokaia, re kin mauki mauin. PSA 121:1 I JARADAN nana kan, waja jauaj pa i pan pwarado jan ia. PSA 121:2 Jauaj pa i pan pwarado jan ren Ieowa, me kotin kapikadar lan o jappa. PSA 121:3 A jota pan kotin mueid on na om, en krijedi; o me kin jinjila uk, jota kin jaimokala. PSA 121:4 Kilan, jile pan Ijrael jota kin jaimok de jaimok kalik. PSA 121:5 Ieowa iei jile pa om, Ieowa iei motan pa om pali maun. PSA 121:6 Katipin jota pan dakar uk nin ran de maram ni pon. PSA 121:7 Ieowa pan kotin pera wei jan uk jon en jued karoj, a pan kotin jinjila nen om. PSA 121:8 Ieowa pan kotin jinjila uk ni om pedoi o pedelon, jan met o kokolata. PSA 122:1 I PEREN kida ar indai on ia: Kitail en kolan nan tanpaj en Ieowa! PSA 122:2 Na at akan pan mi ni wanim en kel en Ierujalem. PSA 122:3 Ierujalem kanim eu me kakaudar, pwen kanim kelail eu. PSA 122:4 Waja me kainok kan kin momaitala ia, kainok en Ieowa kan, jaunkadede en Ijrael, pwen kapina mar en Ieowa. PSA 122:5 Pwe i waja me mol en kadeik mi ia, mol en kadaudok en Dawid. PSA 122:6 Poeki on Ierujalem a pai kan! Me kin pok on uk, en paida! PSA 122:7 Muei mau en mi ni om kel, o pai nan om im akan! PSA 122:8 I pan kapakapa kin uk pweki ri ai o kompoke pai kan. PSA 122:9 I pan rapaki on uk me mau melel, pweki tanpaj en Ieowa at Kot. PSA 123:1 I KIN jarada won komui, me kotikot nanlan. PSA 123:2 Kilan, duen maj en ladu kan kin kilekilan lim en ar jaumaj akan, o duen maj en lidu kan kin kilekilan a jaumaj li, iduen maj at kin ariri Ieowa at Kol, a lao kotin maki on kit. PSA 123:3 Main Ieowa, kom kotin maki on, kotin maki on kit! Two kit me dir en namenok. PSA 123:4 Monion i toutouki en me jued akan ar mamale kin kit o en me aklapalap akan ar kanamenok kin kit. PSA 124:1 IJRAEL en inda: Ma Ieowa jota pan kotin ieian kit. PSA 124:2 Ma Ieowa jota pan kotin ieian kit, ni en aramaj akan ni palian kit. PSA 124:3 Re pan katala kit ala ni at memaur, ni ar linaranar kin kit. PSA 124:4 Pil akan ap pan kamop kit ala, pilap akan kadupwaledi nen it. PSA 124:5 Pil akan itida melel lao kadupwaledi nen it. PSA 124:6 Kapin on Ieowa, me jota mueid on, ni arail en ter kit pajan! PSA 124:7 Nen it piti jan injar en jaun injar dueta manpir amen; injar ola, a kit pitila. PSA 124:8 Jauaj pat iei mar en Ieowa, me kotin kapikadar lan o jappa. PSA 125:1 Me liki Ieowa kin rajon dol Jion, me jota kin mokid, a pan potopot eta. PSA 125:2 Duen dol akan kin kapil pena Ierujalem, iduen Ieowa kin kotikot ren japwilim a aramaj akan, jan met o kokolata. PSA 125:3 Pwe jokon en me doo jan Kot akan jota pan mimieta ren kijin pwin en me pun kan, pwe me pun kan ender kapa won pa ar an nin japun. PSA 125:4 Main Ieowa, kotin kajanjaleda omui kalanan on me mau kan o on ir, me melel nan monion arail. PSA 125:5 A me kin wuki won ni al japun, Ieowa pan kotin paki irail wei ianaki me jued akan, Ijrael en popol! PSA 126:1 NI anjau Ieowa kotin kapuredor me jalidi en Ijrael akan, kit rajon ir, me auramen. PSA 126:2 I anjau au at me dir en kaurur, o Io at me dir en nijinij. I anjau men iki kan ap inda: Meid laud dodok en Ieowa re ’rail! PSA 126:3 Melel, dodok en Ieowa meid Iaud on kit er, o i me je kin peren kida. PSA 126:4 Main Ieowa, re kotin kapuredo at jalidi kan dueta pilap en jap en pali air akan. PSA 126:5 Me kamore kidi pil en maj arail, pan dolun ni peren. PSA 126:6 Re kin weweidki janejan, o kin wewa wa kajampwal, a ni ar puredo, re pan peren, wad oar kap en wa kan. PSA 127:1 MA Ieowa jota pan kauada im o, dodok en pwin jauje jota pan katepa; ma Ieowa jota pan jinjila kanim o, jaunmajamajan pan majamajan mal. PSA 127:2 Jota katepa on komail, ma komail pan paurida nin joran, ap pil pwand kamol ni pon, o toutouki okotme, ni omail manamana, pwe a kin kakepwapwala japwilim a kompokepa kan ni ar mamair. PSA 127:3 Kilan, jeri ko iei kijakij eu jan ren Ieowa, o wan aramaj pai eu. PSA 127:4 Duen kananan kajik katieu nan pa en ol komad amen, iduen putak ko ar pan pwaida. PSA 127:5 Meid pai ol o, me a lepan me direki mepukat! Re jota pan jarodi, ni ar kapun pena ren ar imwintiti kan. PSA 128:1 MEID pai karoj, me kin majak Ieowa, me kin weweid nan japwilim a al akan! PSA 128:2 Pwe koe pan memauroki dodok en pa om akan, koe meid pai o pwaida mau. PSA 128:3 Om paud pan rajon tuka en wain pot, me wa mau nan im om, o noum jeri kan pan dueta paini, me kapwata om tepel. PSA 128:4 Kilan, iduen ol o, me majak Ieowa, a pan pwaida. PSA 128:5 Ieowa pan kapai uk ada jan nan Jion, pwe koe en kilan pai en Ierujalem arain om maur. PSA 128:6 O koe pan kilan jeri eu noum jeri ko. Ijrael en popol! PSA 129:1 IJRAEL en inda: Re katoutou ia melel jan ni ai tikitik lel met pak toto. PSA 129:2 Pan pak toto re katoutou ia melel jan ni ai tikitik lel met; ari jo, re jota kak kaloe ia di. PSA 129:3 Men japajap weirada pon tinjau ai, wiadar warawar reirei. PSA 129:4 A Ieowa me pun, a kotin lepuk pajaner jal en me doo jan Kot akan. PSA 129:5 Karoj me kin tataki Jion, en jarodi o tanwei! PSA 129:6 Ren rajon ra pon oj en im o, me kin mon pena mon a pan ujujda! PSA 129:7 Me jota kin kadirela kumut en pa en jaundolun, de pa en me kin pir pena kap akan. PSA 129:8 Pwe me kin daulul waja o, ren der inda: Kot en kotin kupura maui komail! Kit kapai komail da ni mar en Ieowa! PSA 130:1 MAIN Ieowa, i kin likwirda won komui jan nan waja lol. PSA 130:2 Main, kotin ereki nil ai! Karon omui en mamani ai nidinid! PSA 130:3 Ma komui Ieowa, pan kotin kapokonki on aramaj dip akan, Main, ij me ap pan kak kajinenda mo ’mui? PSA 130:4 A komui kin kotin mak, pwe aramaj en majak komui. PSA 130:5 I kin auiaui Ieowa, nen i kin auiaui, o i kin auiaui a inau. PSA 130:6 Nen i kin auiaui Kaun o, jan jaunmajamajan kin auiaui manjan, jaunmajamajan kin auiaui manjan. PSA 130:7 Ijrael auiaui Ieowa, pwe Ieowa me kalanan, o waja en kamaio mi re a. PSA 130:8 A pan kotin dorela Ijael jan dip a kan karoj. PSA 131:1 MAIN Ieowa, monion i jota aklapalap, o por en maj ai jota aklapalap; i jota kin inon ion dodok, me i jota itar on. PSA 131:2 Melel, i kamoleileilar monion i dueta kijin jeri me muei jan didi en a nono; duen jeri me muei jan didi en a nono, iduen monion i moleileilar. PSA 131:3 Ijrael, auiaui Ieowa jan met o kokolata! PSA 132:1 MAIN Ieowa, kom kotin tamanda Dawid o a apwal akan karoj. PSA 132:2 Me kauki on Ieowa, o a inauki on Kot manaman en Iakop. PSA 132:3 I jota pan pedelon on nan im ai, o i jota pan wendi pon loj. PSA 132:4 I jota pan mueid on maj ai en mair, de por en maj ai, en mair pena. PSA 132:5 Lao i pan diar ekij waja on Ieowa, wajan tanpaj en Kot manaman en Iakop. PSA 132:6 Melel, je roner duen i nan Eprata; je diaradar i nan jap en laar. PSA 132:7 Je pan pedelon on nan tanpaj a o kaudok ni utipa. PSA 132:8 Kotida, Main Ieowa, koti don omui kamol, komui o kopan omui kalanan. PSA 132:9 Japwilim omui jamero kan en likau kida pun, o japwilim omui me jaraui kan en pereperen. PSA 132:10 Re der jopwei jan maj en japwilim omui me keidier, pweki Dawid japwilim omui ladu. PSA 132:11 Ieowa kotin kaula on Dawid kaula melel eu, o a jota pan kawukila: I pan kajapwildan mol om kijan kadaudok om. PSA 132:12 Ma noum jeri ko pan kolekol ai inau, o ai kujoned akan, me I pan kawewe on irail, nairail jeri ko ap pil pan mondi pon mol om kokolata. PSA 132:13 Melel Ieowa kotin pilada Jion, o a kotin men kotikot waja o. PSA 132:14 Iet wajan ai kamol kokolata; wata et, me I pan kaukaujon ia, pwe waja et I kin mauki. PSA 132:15 I pan kapaiada kan a mana, o pan ki on me jamma re’rail prot toto. PSA 132:16 O I pan kalikauwi kida maur arail, jamero kan, o me lelapok re’rail pan nijinij laud. PSA 132:17 I waja mana en Dawid pan pwaida mau, I kaonopadan nai, me kedier, marain eu. PSA 132:18 I pan kalikauwi kida namenok a imwintiti kan a kapwat en nanmwarki pan mi pon mona. PSA 133:1 KILAN, meid kajelel, ma pirien eu kaujon pena ni limpok! PSA 133:2 A dueta le pon kadokenmai, me kin kerekeredi nan alij en Aron, me kin kon keredi ni imwin a likau. PSA 133:3 Dueta poik en Ermon, me kin moredi pon dol en Jion kan; pwe i waja, me Ieowa pan kotin kapaiada o kamaurada kokolata. PSA 134:1 KILAN, kapina Ieowa komail ladun Ieowa karoj, me kin mi nan tanpaj en Ieowa ni pon kan! PSA 134:2 Komail pokada pa omail nan pera jaraui o kapina Ieowa! PSA 134:3 Ieowa kotin kapai uk ada jan nan Jion, i me kotin kapikadar lan o jappa. PSA 135:1 KAPINA mar en Ieowa, papan Ieowa, komail kapina! PSA 135:2 Komail me mi nan tanpaj en Ieowa, nan pera moa en tanpaj en atail Kot. PSA 135:3 Kapina Ieowa, pwe Ieowa me kalanan; kauleki mar a, pwe I me mau. PSA 135:4 Pwe Ieowa kotin piladar Iakop, o Ijrael, pwen japwilim a. PSA 135:5 Pwe i aja, Ieowa meid lapalap, o atail Kot me lapa jan kot akan karoj. PSA 135:6 Karoj me Ieowa kotin kupura, a kin wiada nanlan o pil ni jappa, nan madau o pajed. PSA 135:7 A kin kotin wiai on tapok kan, ren dauda jan ni imwin jappa, me kin kotin wiada liol o pil katau, me kin kotin kadatala kijinian jan nan a peril kan. PSA 135:8 A kotin kamelar mejeni kan nan Akipten karoj ren aramaj o man akan. PSA 135:9 O kotikidan uk, Akipten, kilel o manaman akan, on Parao o na ladu kan karoj. PSA 135:10 Me kotin kaloedi wein men liki kalaimun akan o kamelar nanmarki kelail akan. PSA 135:11 Jion, nanmarki en Amon, o Ok, nanmarki en Pajan, o wei en Kanaan karoj. PSA 135:12 O kotiki on japwilim a men Ijrael jap arail, pwe ren jojoki. PSA 135:13 Ieowa, mar omui pan potopot eta; Main Ieowa, kataman pa omui pan jan eu kainok lel eu. PSA 135:14 Pwe Ieowa pan kotin kapun japwilim a aramaj akan, o a pan kotin maki on japwilim a ladu kan. PSA 135:15 Dikedik en ani mal en men liki kan wiaui kida jilper o kold, me pa en aramaj wiadar. PSA 135:16 Au arail mia, ap jaja lokaia, por en maj arail mia, ap jota kak kilan waja; PSA 135:17 Jalon arail mia, ap jota kak ron waja, pil jota an mi nan au ar. PSA 135:18 Me kin wiada pukat me dueta irail, o pil karoj, me kin liki irail. PSA 135:19 Kadaudok en Ijrael en kapina Ieowa! Kadaudok en Aron en kapina Ieowa. PSA 135:20 Kadaudok en Lewi en kapina Ieowa! Komail me majak Ieowa, en kapina Ieowa! PSA 135:21 Kapin on Ieowa jan nan Jion, me kotikot Ierujalem! Aleluia! PSA 136:1 DANKE Ieowa, pwe i me mau, pwe a kalanan pan potopot eta. PSA 136:2 Danke on Kot en kot akan, pwe a kalanan pan potopot eta. PSA 136:3 Danke on Kaun en kaun akan, pwe a kalanan pan potopot eta. PSA 136:4 Pwe i ta me kin wiada manaman akan, pwe a kalanan pan potopot eta. PSA 136:5 Me kotin wiadar lan akan ni a erpit, pwe a kalanan pan potopot eta. PSA 136:6 Me kotin pak pajaner jappa pon pil, pwe a kalanan pan potopot eta. PSA 136:7 Me kotin wiadar marain laud akan, pwe a kalanan pan potopol eta. PSA 136:8 Pwe katipin en kaunda ran, pwe a kalanan pan potopot eta. PSA 136:9 Jaunipon o uju kan en kaun da pon, pwe a kalanan pan potopot eta. PSA 136:10 Me kotin kaloedi Akipten, ni a kamelar ar mejeni kan, pwe a kalanan pan potopot eta. PSA 136:11 O kotin kalua Ijrael jan waja o, pwe a kalanan pan potopot eta. PSA 136:12 Ki lim a manaman o, ni a kotin kapa wei lim a, pwe a kalanan pan potopot eta. PSA 136:13 Me palan pajan jed waitata, wia pali ria pali, pwe a kalanan pan potopot eta. PSA 136:14 O mueid on Ijrael, en kotelu nan waron a, pwe a kalanan pun potopot eta. PSA 136:15 Me kotin kajedi on nan jed waitata Parao o na karij akan, pwe a kalanan pan potopol eta. PSA 136:16 Me kotin kalua japwilim a aramaj akan nan jap tan, pwe a kalanan pan potopot eta. PSA 136:17 Me kotin kamelar nanmarki lapalap akan, pwe a kalanan pan potopot eta. PSA 136:18 O kotin kamelar nanmarki kelail kan, pwe a kalanan pan potopot eta. PSA 136:19 Jiion, nanmarki en Amon, pwe a kalanan pan potopot eta. PSA 136:20 Ok, nanmarki en Pajan, pwe a kalanan pan potopot eta. PSA 136:21 O wiakila jap arail men jojo, pwe a kalanan pan potopot eta. PSA 136:22 Jojo en japwilim a ladu Ijrael, pwe a kalanan pan potopot eta. PSA 136:23 Pwe a kotin kupura kit ni at kankaneraner, pwe a kalanan pan potopot eta. PSA 136:24 O kotin dore kitail la jan atail imwintiti kan, pwe a kalanan nan pan potopot eta. PSA 136:25 Me kotin kamana me maur akan karoj, pwe a kalanan pan potopot eta. PSA 136:26 Danke on Kot en nanlan, pwe a kalanan pan potopot eta. PSA 137:1 KIT momoder ni kailan pilap en Papel o janejan, ni ni tamanda Jion. PSA 137:2 Kit lanadar at arp akan nin tuka kan, me mi waja o. PSA 137:3 Pwe me jali kit edi inda, jen kaul, o jen pereperen ni at mamaiei: Komail wiai on kit kaul apot duen Jion. PSA 137:4 Iaduen at pan kak wiada kaul nil leowa nan jap en men wai? PSA 137:5 Ma i pan monoke uk ala Ierujalem, pa i pali maun ap pil pun monokinokla. PSA 137:6 Lo i pan paj on pan natanat ai, ma i jolar pan taman uk adar, ma i jolar pan peren kida Ierujalem mon meakaroj. PSA 137:7 Main leowa, kom kotin tamanda en men Edom ar lokolokaia ni ran apwal en lerujalem Kawela, kawela lao Iel on nan pwel! PSA 137:8 Toun Papel, morjued koe, re meid pai, me pan wiai on uk duen me koe wiadar! PSA 137:9 Meid pai ir, me pan koledi noum jeri pwelel o kajuk pajan nin takai! PSA 138:1 I KAPINA komui jan nan monion i, i pan kakaule kin komui mon dikedik en ani kan. PSA 138:2 I pan kakaudok inen won japwilim omui im en kaudok jaraui, o kapina mar omui, pweki omui kalanan o melel, pwe kom kotin kalinanada mar omui jan meakaroj ki omui majan. PSA 138:3 Ni ai likwir won komui, komui ap kotin mani ia, o kom kamanada monion i melel. PSA 138:4 Main leowa, nanmarki en jappa karoj pan kapina komui, ni ar pan ron majan en jilan ir. PSA 138:5 O re pan kauleki al en leowa kan, pwe linan en leowa meid laud. PSA 138:6 Pwe leowa me lapalap ap kotin ireron me tikitik kan, o a kotin mani me aklapalap, jan ni waja doo. PSA 138:7 Ni ai weweid nan kamajak melel, kom kin kotin kolekol on ia maur i, o kom kin kapa won lim omui pan makar en ai imwintiti kan, o kom jaunja ia da ki lim omui maun. PSA 138:8 leowa pan kotin wiawia ia. Main leowa, omui kalanan me pan potopot eta; Kom der kotin muei jan dodok en lim omui kan. PSA 139:1 MAIN, leowa, kom kotin kadiarokada lol i, ap kotin mam ia. PSA 139:2 Kom pil kotin mani ma i momod de uda, ap kotin mani ai lamelam ni ar kotin doo jan ia. PSA 139:3 Ir me kotin kupura ia ni ai potopoto jili, o ni ai wonon, ap kotin mani ai tiak kan karoj. PSA 139:4 Melel Main leowa, jota ai poto jan ni lo i, me kom jota kotin mani. PSA 139:5 Kom kin kotin ieian ia waja karoj, o kom kin kapado lim omui po i. PSA 139:6 Mepukat meid kapuriamui on ia, meid apwal, i jota kak dedeki. PSA 139:7 Ia waja, i pan kak ko jan mon nen ar ia? O ia waja, i pan kak piti jan jilan ar ia? PSA 139:8 Ma i piridala nanlan, kom kotikot waja o, o ma i onop on wendi nan wajan mela, kom pil kotikot ia. PSA 139:9 Ma i ale pan pir en umpul en katipin, ap mimieta ni kailan madau. PSA 139:10 Lim ar pil pan kare ia waja o, o lim ar maun pan kolekol ia. PSA 139:11 Ma i pan inda: Rotorot en kadupwal ia di, pon ap pil pan marainla imp ai. PSA 139:12 Pwe rotorot jo kin rotorot mo omui, o pon i kin marain dueta nin ran, rotorot kin dueta marain. PSA 139:13 Pwe kom me kotin wiadar mudilik i, o kom kotin wia ia da nan kaped en in ai. PSA 139:14 I danke komui, duen kapuriamui en ai wiaui ia da, meid kapuriamui japwilim ar dodok kan, nen i pil dedeki melel mepukat. PSA 139:15 Kokon ai kan me janjal on komui ni ai wiauier waja rir, ni ai wiauier waja lol en jappa. PSA 139:16 Jilan ir mani ia ni ai jaikenta wiauier, o ran karoj me kokodo, ap jaikenta mia, me kileledier nan iapwilim omui puk o. PSA 139:17 Main Kot, meid kajampwal on ia duen meakan karoj, me komui kin kupukupura! PSA 139:18 Ma i pan wadok ir, i jota pan kak on, pwe re me toto jan pik en oror, ni ai pirida, i kin mimieta re omui. PSA 139:19 O Main Kot, kom jota men kamela me doo jan Kot akan; o me kin inon ion nta, en muei jan ia! PSA 139:20 Pwe re kin lokaia jued duen komui, o japwilim omui imwintiti kan kin kanudi ni jokarepa. PSA 139:21 I kin kailonki, Main leowa, me kin kailonki komui, o i juedeki ar palian komui. PSA 139:22 I kin kailon kin ir melel, re wialar ai imwintiti. PSA 139:23 Main Kot, kom kotin kajaui ia, o mani duen monion i, kotin rapaki duen me i kin lamelame, PSA 139:24 O kom kotin majani, ma i mi pon al jued, o kotin kalua ia pon al joutuk. PSA 140:1 MAIN leowa kom kotin dore ia la jan aramaj jued akan; pera jan ia aramaj morjued akan. PSA 140:2 Me lamelame jued nan monion arail, o kareda pei nin ran karoj. PSA 140:3 Irail kin ada lo arail dueta jerpent; poijen en jerpent mi pan lo arail. PSA 140:4 Pera wei jan ia pa en me doo jan Kot akan, o aramaj morjued akan, me kin madamadaua duen in pan kawe ia la. PSA 140:5 Me aklapalap akan kin rir injare ia, o uk pot, me re wiai on ai liman al o; o jon, en men kol ia di, me re wiadar. PSA 140:6 A nai indan Ieowa: Komui ai Kot; kom kotin ereki ai nidinid, Main Ieowa! PSA 140:7 Ieowa Kaun, iei jauaj pa i kelail; ni anjau en pei komui peraer mon ai. PSA 140:8 Main Ieowa, kom der kotin mueid on me doo jan Kot akan ar inon; o der kotin kapwaiada injen ar, pwe re de aklapalapala. PSA 140:9 Me jued kot, me ai imwintiti kuonopadan ia en japal won pein irail. PSA 140:10 Kijiniai en moredi on po rail; A en kotin kaje irail di nan kijiniai, nan lapake, pwe ren jolur pitila. PSA 140:11 Me lo a jued, ender pwaida nan jap o, ol morjued, me jued en pakipaki i, lao a pan pupedi. PSA 140:12 I aja, me Ieowa pan kotin apapwali me luet akan, o jauaj pun en me jamama kan. PSA 140:13 Melel, me pun kan pan kapina mar omui, me melel akan pan mimieta mon jilan ar. PSA 141:1 MAIN leowa, i kin likwir won komui, kom kotin madan don ia; kom kotin ereki nil ai, ni ai pan likwir won komui. PSA 141:2 Kom kotin kajampwaleki ai kapakap dueta mairon ijij; o pokadan pa i kat dueta mairon eu ni jautik. PSA 141:3 Main Ieowa, kom kotin jinjile au ai, o pera kil en au. PSA 141:4 O der kotin kainon on me jued kot monion i, pwe i ender ian me doo jan Kol, akan wiada me jued, o i ender ian ir kankan, me re kin iauki. PSA 141:5 Me pun amen en kame ia ni a kadek, o kapun ia, pwe iei me pan mau on ia dueta le on mon ai, mepukat i jota pan kan, o i kin kapakap anjau karoj, pwe ren der wiai on ia me jued. PSA 141:6 Kalua parail en pijikendi jan pon paip; irail ap pan duki on ai padak o aja, me ir me mau. PSA 141:7 Duen amen pan wera pajan jap, iduen ti ’t akan, melokidokila ni kailan wajan mela. PSA 141:8 Ari jo, maj ai kin ariri komui, Main ai Kot, i liki komui, kom der kotin kajapokela maur i. PSA 141:9 Pera wei jan ia injar, me re kaonop on ia, o jon en men kol ia di ren me morjued akan. PSA 141:10 Me doo jan Kot akan en pein lodi on arail injar, a nai en dauli. PSA 142:1 I LIKWIRKI nil laud on Ieowa, Ki nil ai i kin nidinideki on Ieowa. PSA 142:2 I kin kajanjale on i ai apwal akan, o i padaki on i katoutou pa i kan. PSA 142:3 Nen i lao luetala, kom ap pan kotin apapwali. Irail rir wiai on ia injar eu liman al, me i kin weid ia. PSA 142:4 I kilan ni pali maun i, ari jota, me men jauaja ia; i jota kak pitila, pwe jota me kill idok ia. PSA 142:5 Main Ieowa, i likwir won komui, o potoan: Komui me ai paip, o pwaij ai nan jap en me maur akan. PSA 142:6 Kom kotin mani ai weriwer, pwe nai meid luet; dore ia la jan me kin pakipaki ia, pwe nai jota itar on ir. PSA 142:7 Kalua jan nen i nan imaten, pwe i en kapina mar omui. Me pun kan pan pokon don ia, ma kom pan kotin jauaja ia. PSA 143:1 MAIN Ieowa, kom kotin ereki ai kapakap, o karon ar en mani ai nidinid; mani ia ni ar melel o ar pun. PSA 143:2 Kom der kotin kadeikada japwilim omui ladu, pwe mo ’mui jota me maur men me pun. PSA 143:3 Pwe imwintiti kin majamajan ia, o kin tiakedi maur i; a kin kaje ia di waja rotorot dueta ir me melar maj o. PSA 143:4 Nen i kin luetala, o monion i ponla. PSA 143:5 I kin tamanda anjau maj akan, o madamadaua duen ar wriawia kan; i kin lamelame duen dodok en lim omui kan. PSA 143:6 I kin kapa won komui pa i kat, duen jap madekon eu, me kin inon ion katau, iduen nen i kin inon ion ir. PSA 143:7 Main Ieowa, kom kotin mani ia madan, nen i kin dupokala. Kom der kotin karirala jilan omui jan mo i, pwe i ender dueta ir, me pan lokidokila. pj. 28.1 PSA 143:8 Nin joran omui kalanan en pwara don ia, pwe i kin liki komui; kom kotin kajale on ia al, me i en weid ia, pwe nen i kin auiaui komui. PSA 143:9 Main Ieowa, kom kotin doro ia la jan ai imwintiti kan, i kin kaporoporeki komui. PSA 143:10 Padaki on ia, pwe i en dodok duen kupur omui; pwe komui ni Kot; nen omui mau en kotin kalua ia pon al pun. PSA 143:11 Main Ieowa, kom kotin kamau ia da pweki mar omui; kalua ia jan nan waja apwal ni omui pun. PSA 143:12 O kotin kawela ai imwintit i kan, pweki omui kalanan; o kotin kamela karoj me kin katoutoui nen i, pwe nai japwilim omui ladu. PSA 144:1 KAPIN on Ieowa ai paip, me kin padaki on pa i kat pei, o jondin pa i kat mauin. PSA 144:2 Komui ai mak, o ai kel, o ai imaten ileile, o ai jaundor, o pere pa i, i me i kin liki, me kin kaloedi on ia nai aramaj akan. PSA 144:3 Dakot aramaj o, pwe komui kin kotin kupukupura i, de nain aramaj, pwe komui kin kotin apapwali i? PSA 144:4 Aramaj amen dueta jota meakot, a anjau kin tanwei dueta mota. PSA 144:5 Main Ieowa, kotikidi japwilim ar lan akan o kotidi don kit, kotin jair nana kan, pwe adiniai en kujuda. PSA 144:6 O kotin kadarado liol, pwen kamueit ir pajan, kajiki wei japwilim ar kananan kajik kan, pwen kamajak ir wei. PSA 144:7 Kapawei lim ar akan jan ni mol omui waja ileile o dore ia la, o kotin kamaur ia da jan nan pil kalaimun o jan nan pa en nain men wai. PSA 144:8 Me au arail kin lokaia likam o ar wiawia kan me japun. PSA 144:9 MAIN Kot, i pan kaule kin komui kaul kap pot, i pan kajanki on komui arp, pjalter me jal eijok. PSA 144:10 Komui me kotiki on nanmarki kan, ren poedi, o dorela japwilim omui ladu Dawrid jan ni kodlaj en me jued. PSA 144:11 Re pil kotin dore ia la jan nan pa en nain men wai, me au arail kin lokaia likam o ar wiawia kan me japun. PSA 144:12 Pwe nait putak kan en kakairida dueta tuka mau kan, o nait jeripein dueta maj en did en nan kaim en im linan eu. PSA 144:13 Pwe at pera en nak en dir en kijin mana, en itar on kikiwei jon karoj, o at jip akan en kaparapar mau, wiala kid o nen pon at moj o. PSA 144:14 O at kau ol en kak on dodok toto, pwe jota me jued kot de men kuli, de janejan en wiaui nan al at akan. PSA 144:15 Meid pai wei eu, me kin due met! Meid pai wei eu, me Ieowa arail Kot! PSA 145:1 I PAN kapina komui, ai Kot o Nanmarki, o kapina mar omui anjau karoj kokolata. PSA 145:2 I pan kapina komui ni ran akan karoj, o kapina mar omui anjau kan karoj kokolata. PSA 145:3 Ieowa meid lapalap, o kapina pan, o jota me kak dedeki duen a lapalap. PSA 145:4 Jeri en jeri kan pan kapina omui dodok kan, o kajokajoi duen omui manaman. PSA 145:5 I pan kajokajoia duen linan en omui kapwat, o i pan kaulki duen omui manaman akan. PSA 145:6 O re pan kajokajoia duen manaman en omui dodok kan, o pan kapakaparok duen omui lapalap. PSA 145:7 Irail pan kajokajoia duen omui kalanan lapalap, o pere peren o kapina duen omui pun. PSA 145:8 Ieowa me dir en mak o kapunlol, kanonama o limpok. PSA 145:9 Ieowa me kalanan on karoj o a kapunlol on a wiawia kau karoj. PSA 145:10 Japwilim omui wiawia kan en kapina komui. Main Ieowa, o japwilim omui lelapok kan en kapina komui. PSA 145:11 O ren kajokajoia duen linan en wei omui, o ren kapaka parokki duen omui manaman. PSA 145:12 Pwe aramaj akan en dedeki duen omui manaman o linan on wei omui. PSA 145:13 Wei omui wei joutuk eu, o omui kakaun pan duedueta kokolata. PSA 145:14 Ieowa kin kotin kolekol karoj, me pan pupedi, o kainjeu maula karoj, me mamauk. PSA 145:15 Por en maj karoj kajikajik komui, o kom kotiki on ir kan ar kijin mana ni ar anjau. PSA 145:16 Kom kotiki pajan Lim omui o kadirela karoj, me memaur, duen kupur omui. PSA 145:17 Ieowa me pun ni al karoj o jaraui ni a wiawia kan karoj. PSA 145:18 Ieowa kotikot ren karoj, me likwir on i, karoj, me likwir melel. PSA 145:19 A kotin wiai on, me majak i duen ar inon. A kotin mani ar nidinid, ap kotin jauaja ir. PSA 145:20 Ieowa kin kotin jinjila karoj, me pok on i, a pan kamela me doo jan Kot akan karoj. PSA 145:21 Au ai pan kapina Ieowa, o uduk karoj kapina mar a jaraui anjau kan karoj kokolata. PSA 146:1 EN i kapina Ieowa! PSA 146:2 I pan kapina Ieowa arain ai maur, i pan kauleki pjalm akan on ai Kot arain maur i. PSA 146:3 Der kaporoporeki jaupeidi kan, pwe irail aramaj o jota kak jauaja. PSA 146:4 Pwe nen en aramaj udan a pan kokola, o a pan pur on wiala pwel, i rah ota a jolar kak madamadaua meakot. PSA 146:5 Meid pai me jauaj parail Kot en Iakop, me kin kaporoporeki Ieowa a Kot. PSA 146:6 Me kotin kapikadar lan o jappa, o madau, o audeparail karoj, me kin melel potopot eta. PSA 146:7 Me kotin jauaja pun en me lodi on kalokolok mal, me kamana me men manadar. Ieowa kin kotin lapwada me jalidi kan. PSA 146:8 Ieowa kin kotin kapad pajan maj en me majkun akan. Ieowa kin kotin kainjenemaula me mauk; Ieowa kin kotin pok on me pun kan. PSA 146:9 Ieowa kin kotin jinjila men wai kan, o jauaja me japoupou o li odi kan, ap kotin kawela al en me doo jan Kot akan. PSA 146:10 Ieowa iei Nanmarki joutuk, om Kot Jion kokolata. Aleluia! PSA 147:1 KAPINA Ieowa! Pwe meid kajampwal, en kapina atial Kot; pwe mak eta en kauleki kaul en kapin. PSA 147:2 Ieowa kin kotin kauada Ierujalem, o a kin kapokon pena me jalonala ren men Ijrael. PSA 147:3 A kotin kamauiala me lol olar akan, o kotin kitim pena ar olar akan. PSA 147:4 A kin kotin wadok pena uju kan, o kin kida ad arail karoj. PSA 147:5 Atail Kaun me lapalap o meid manaman, o jota me kak dedeki duen a erpit. PSA 147:6 Ieowa kin kotin kamanada me luet akan, ap jikendi me doo jan Kot akan nan pwel. PSA 147:7 Komail kakaul on Ieowa, en wia pwin pajan o danke o kapina atail Kot ian arp. PSA 147:8 Me kin kotin pena kila lan tapok kan, o kotin kamoredi katau on jappa; me kotin kawojada ra pon dol akan. PSA 147:9 Me kin kotiki on man akan kan ar, rape pulepul akan, me kin likwir on i. PSA 147:10 A jota kin kotin kupura kelail en oj o, de na en ol amen. PSA 147:11 Ieowa kin kotin kupura, me majak i, me kin kaporoporeki a kalanan. PSA 147:12 Ierujalem, kapina Ieowa! Jion, kapina om Kot! PSA 147:13 Pwe i me kin kotin katenetenedi jal mata en om wanim akan, o kotin kapaiada noum jeri ko, me mimi lole. PSA 147:14 A kin kotiki on irair en jap om muei mau, o kin kotin kamana kin uk korn kajampwalia. PSA 147:15 A kin kotin kadardi on jappa a majan akan, a kujoned kin lokok jili madan. PSA 147:16 A kin kotikidi jno dueta koten o kamoredi poik dueta paj. PSA 147:17 A kin kotin kajedi akel: IJ me kak injenemau ni a kapou? PSA 147:18 A kin majani, ap pan pei pajan, a kin kotin kadar wei an, ap kin pwilewei. PSA 147:19 A kotin kajanjale on Iakop a majan o on Ijrael a kujoned o pun. PSA 147:20 A jota kin kotin wia due on eu wei, i me re jota kin aja ki a pun. Aleluia! PSA 148:1 KOMAIL kapina Ieowa nanlan, kapina i nan waja ileile! PSA 148:2 Komail japwilim a tounlan, karoj kapina i, komail japwilim a men en kadar karoj, kapina i! PSA 148:3 Koma katipin o jaunipon, kapina i, o komail uju piripir karoj, kapina i! PSA 148:4 Komail lan pokon, o pil komail pil akan pon ira pan lan, kapina i! PSA 148:5 Irail en kapina mar en Ieowa, pwe a me kotin panok, ap miala. PSA 148:6 Ap kotiki on ir, ren mimieta kokolata, o kotiki on ir kujoned eu, me re jota pan kawela. PSA 148:7 Toun jappa, kapina Ieowa, walroj o man akan karoj, o pil en madau kan karoj. PSA 148:8 O kijiniai, o akel, o jno, o tokoi, o melimel, me kin kaloki jili a kujoned akan. PSA 148:9 Komail nana o dol akan karoj, tuka me wa mau o jeder karoj. PSA 148:10 Man laualo o mand akan karoj, man korop o manpir akan. PSA 148:11 Komail nanmarki en jappa o wei kan karoj, jaupeidi o jaunkadeik kan. PSA 148:12 Manakap o peinekap, me ma o jeri kan. PSA 148:13 Irail karoj en kapina mar en Ieowa; pwe i eta mar, me lapalap, a manaman mi pon anin jappa o lan. PSA 148:14 A kotin jauaja oj en japwilim a kan. Japwilim a lelapok kan en kapina i, kadaudok en Ijrael, iei wei, me kin upa i. Aleluia! PSA 149:1 KAULEKI kaul kap pot on Ieowa; pokon jaraui en kapina i. PSA 149:2 Ijrael en peren kida i, me kotin wia irail da; jeri en Jion en peren kida arail Nanmarki. PSA 149:3 Ren kapina mar a ni pwin en pokol; ren wia aip o arp. PSA 149:4 Pwe Ieowa kotin peren kida japwilim a aramaj akan; a kotin kapwate kin me luet akan linan. PSA 149:5 Lelapok kan en pereperen o kapina, o nijinij pon ki arail akan. PSA 149:6 Au arail en kapina Kot, o kodlaj kon en mi nan pa arail. PSA 149:7 Pwe ren depuk on men liki kan, o kaloke wei kan. PSA 149:8 Pwen jalie kidi arail nanmarkikan jal, o me kajampwal re ’rail ki jal mata. PSA 149:9 Pwe ren kapwaiada kalokolok, me kileledi on irail er maj o. Iduen wau en japwilim a lelapok kan. Aleluia! PSA 150:1 KAPINA Kot nan japwilim a tanpaj jaraui; kapina i duen a manaman akan. PSA 150:2 Kapina i duen a wiawia kan; kapina i ni a linan lapalap! PSA 150:3 Kapina i ki trompete; kapina i ki arp o laute! PSA 150:4 Kapina i ki aip o pwin en pokol; kapina i ki jal en kajan o pilote. PSA 150:5 Kapina i ki jimpel; kapina i ki jimpel kajelel! PSA 150:6 Karoj, me kin memaur, en kapina leowa! Aleluia! MAT 1:1 PUK en di kan, me Iejuj Krijtuj, me japwilim en Dawid, me japwilim en Apraam, tapi jan ia. MAT 1:2 Apraam me wiadar Ijaak, a Ijaak me wiadar Iakop, a Iakop me wiadar Iuda o ri a ol akan; MAT 1:3 A Iuda me wiadar Parej i Jara ren Tamar; a Parej me wiadar Ejrom, a Ejrom me wiadar Aram; MAT 1:4 A Aram me wiadar Aminadap, a Aminadap me wiadar Naajon, a Naajon me wiadar Jalmon; MAT 1:5 A Jalmon me wiadar Poaj ren Raap, a Poaj me wiadar Oped ren Rud, a Oped me wiadar Ieje: MAT 1:6 A Ieje me wiadar nanmarki Dawid, a Dawid me wiadar Jalomo ren li odi en Uriaj; MAT 1:7 A Jalomo me wiadar Reapeam, a Reapeam me wiadar Apia, a Apia me wiadar Aja; MAT 1:8 A Aja me wiadar Iojapat, a Iojapat me wiadar Ioram, a Ioram me wiadar Ujia; MAT 1:9 A Ujia me wiadar Iotam, a lotam me wiadar Aaj, a Aaj me wiadar Ijkia; MAT 1:10 A Ijkia me wiadar Manaje, a Manaje me wiadar Amon, a Amon me wiadar Iojia; MAT 1:11 A lojia me wiadar Iekonia o ri a ol akan ni anjaun arail jalilan Papilon. MAT 1:12 Murin arail jalidi nan Papilon Iekonia me wiadar Jealtiel, a Jealtiel me wiadar Jerupapel; MAT 1:13 A Jerupapel me wiadar Apiud, a Apiud me wiadar Eliakim, a Eliakim me wiadar Ajor; MAT 1:14 A Ajor me wiadar Jadok, a Jadok me wiadar Akim, a Akim me wiadar Eliud; MAT 1:15 A Eliud me wiadar Eliajer, a Eliajer me wiadar Matan, a Matan me wiadar Iakop; MAT 1:16 A Iakop me wiadar Iojep, me likondeki Maria, me kaipwiedi Iejuj, me maraneki Krijtuj. MAT 1:17 Di karoj jan ren Apraam lei Dawid me eijokpaieu; a jan Dawid lei arail jalidi nan Papilon di eijokpaieu; a jan arail jalidi nan Papilon lei Krijtuj di eijokpaieu. MAT 1:18 Nan iet duen Krijtuj a kotin ipwidier: Ni anjau me in a Maria kijin nin on Iojep, a diarokadar, me a lijeanekier Nen jaraui mon ara tu pena. MAT 1:19 A a warok Iojep ol pun amen, ap jota men kanamenokala i, ap kupukupura, en rir muei jan i. MAT 1:20 A ni a kotin madamadaue duen mepukat, kilan, tounlan en Kaun o pwara don i ni a aliman masani: lojep nain Dawin I koe, der majak, en ale om wurok Maria, pwe Nen jaraui me a liean kidar. MAT 1:21 A pan kaipwiedi jeri ol amen, mo koe pan ki on mar a lejuj, pwe a pan dorela japwilim a aramaj akan jan nin dip arail. MAT 1:22 Mepukat karoj wiauier, pwen pwaida me lokido jan Kaun ren jaukop o, me majani: MAT 1:23 Kilan jeripein makelekel o pan lijeanda, ap kaipwiedi jeri ol amen, irail ari pan ki on mar aImanuel; iet wewe: Kot me kotin ioian kitail. MAT 1:24 lojep lao pirida jan a jaimok, ap kapwaiadar, me tounlan on Kaun o kotin kakalik on i o apapwali a likond. MAT 1:25 A ap jota pweidi re a, lao a kaipwiedier japwilim a mejeni ol, ap kotiki on mar a lejuj. MAT 2:1 A IEJUJ lao ipwidier Petleem nan ludiia ni muein nanmarki Erodej, kilan ol lolekon kei ap pwarado jan ni maj en Ian ko don Ierujalem, kalelapok: MAT 2:2 la Nanmarki en Juj akan, me apton ipwidier, kotikot ia? Pwe je kilaner a uju ni jap en maj en lan ap pwarado, pwen poni i. MAT 2:3 A nanmarki Erodej lao ronadar mepukat, ap landar o toun Ierujalem karoj, MAT 2:4 Ap kupokon pena jamero lapalap karoj o jounkawewe en aramaj akan kainoma re’rail, wasa Krijtuj pan ipwidi ia. MAT 2:5 Petleem en Iudaa; pwe iduen a intinidi ren jaukop o: MAT 2:6 A koe Petleem, jap en Iuda, kaidin me tikitik nan pun en jaupeidi en Iuda kan; pwe Kaun amen pan tapi jan uk, me pan kaunda nai aramaj en Ijrael akan. MAT 2:7 Erodej ap kawai pena ol lolekon kan, kalelapok mau re ’rail anjau o, me uju o pwarado. MAT 2:8 I ari porone ir alan Petleem majani: Komail kowei raparapaki mau jeri o; a komail lao diaradar, en kaireki don ia, pwe I en pil kola poni i. MAT 2:9 Irail lao roner nanmarki o ap koieila. A kilan uju o, me irail kilaner nan jap en maj en lan, ti on mo ’rail, a lao udi on waja o, me jeri pwelel kotikot ia. MAT 2:10 Irail lao kilaner uju o, re ap peren kida kaualapia. MAT 2:11 Irail lao pedelon on nan im o, re ap majanier jeri pwelel o in a Maria, re ap kaipokedi o poni i, o kapwaredar arail kapwa kan, ap maironki on i kold, o men pomau, o mire. MAT 2:12 Kot ap kotin panoki on irail ni arail auramen, en der purelan Erodej, re ap weidwei ni apot al purelan jap arail. MAT 2:13 Irail lao jamalar, kilan tounlan en Kaun amen ap pwara don ren lojep ni a aliman majani: Paurida, ale jeri pwelel en o in a tanwei lan Akipten o kaukaujon waja o, I lao kaire kin uk, pwe Erodej pan rapaki jeri pwelel o pwen kamatala. MAT 2:14 I ari kipada, aleer jeri pwelel o in a ni pon, kotilan Akipten; MAT 2:15 O kaukaujon ia, lao en Erodej a matala, pwen pwaida, me lokido jan Kaun o, ren jaukop o me majani: Jan nan Akipten me I ekeredo nai ol o. i MAT 2:16 Erodej lao manier, me a jarokidier ol lolekon kan, ap onion kidar kaualap o poronelan, kamela jeri ol karoj, me mi Petleem o nan jap jalon karoj, me jaunpar riau o tikitik jan, duen anjau me a kalelapok mau ren me lolekon kan. MAT 2:17 I dokan a pwaidar me lokido ren jaukop Ieremia me majani: MAT 2:18 Nil eu wiauier nan Rama, janejan o maiei laud; Rael janejanki na jeri kan, a kan injenemaula, pwe irail joer mia. MAT 2:19 A Erodej lao matalar, kilan tounlan en Kaun amen ap pwara don ren Iojep nan Akipten ni a aliman, MAT 2:20 Majani: Paurida ale jeri pwelel en o in a, ko won nan jap en Ijrael, pwe irail melar, me rapaki, pwen kamela jeri pwelel o. MAT 2:21 I ari kipadar, ale jeri pwelel o in a, pure don jap en Ijrael. MAT 2:22 A lao mani, me Arkelauj kaunda Iudaa wiliandi jam a Erodej, ap lan kotilan waja o. Kot ap kotin panoki on i ni a aliman, ap kotilan jap enKaliliia kai. MAT 2:23 O kotido kotikot nan kanim eu me adaneki Najaret, pwen pwaida, me lokido ren jaukop akan: A pan maraneki men Najaret. MAT 3:1 A ni ran pukat Ioanej jaun paptaij pwarado, padapadahk nan jap en Iudaa, MAT 3:2 Majani: Komail kalula, pwe wein nanlan korendor. MAT 3:3 Pwe iei i, me jaukop Iejaia katitiki, majani: Nil en jaunkair amen nan jap tan: Komail kaonopada al en Kaun o, kainenela al a! MAT 3:4 A i Ioanej me a likau wun en kamel o a pirapireki kil in man, a jak a manjiek o oni en nan wel. MAT 3:5 Toun lerujalem, o toun Iudaa, o toun jap akan liman Iordan ap koieila re a; MAT 3:6 O irail paptaijela re a nan Iordan, ni ar weokada dip arail akan. MAT 3:7 A lao majanier Parijar o Jadu jar me toto ko don a paptaij, ap majani on irail: Dakot wan oter komail! Ij me padaki on komailer, en piti jan ni kamekam me kokodo? MAT 3:8 Ari, komail kapwareda wan kalula mau! MAT 3:9 A komail depa lamelame, me komail pan indan pein komail: Nan Apraam jam atail. Pwe i indai on komail, me Kot kotin kak on wiaki on Apraam na jeri kai takai pukat. MAT 3:10 Jile o mier ni tapin tuka kan; a tuka karoj me jo wa mau, pan paledi o lokidokila nani iai. MAT 3:11 Melel, i paptaij kin komail pil on kalula, a me kotido muri, nan me laude jan ia, nai jowar on, en wa japwilim a jut; i me pan paptaij kin komail Nen jaraui o kijiniai. MAT 3:12 Japwilim a tanir mi ni lim a; a pan kotin koko melel japwilim a pera, ap nekid pena japwilim a wan korn nan im en nak, a dip akan a pan kotin karon kila kijiniai joutuk. MAT 3:13 Iejuj ap kotido jan Kalilaa, koti don Iordan ren Ioanej, pwen paptaijela re a. MAT 3:14 A Ioanej kotin kan, ap potoan on: Mak eta i en paptaijela re ir, a iaduen ir me kotido re i? MAT 3:15 A Iejuj kotin japen majani on i: Wiada maj, pwe me kon on kita, kapwuiada pun kan karoj; a ah duki on i. MAT 3:16 Iejuj Iao paptaijelar, ap kotin madanada jan nan pil o. A kilan, nanlan ap ritidan i, I ari kotin majani Nen en Kot kotidido ni mom en mwuroi men a kaipokedi po a. MAT 3:17 O kilan, nil eu jan nanlan majani: Iet nai nl kompok, me I kin polaule kida! MAT 4:1 Iejuj ap kotin kakaluadala ren Nen nan jap tan, pwen jonejon ren tewil. MAT 4:2 A lao kotin kaijejolar ran panaul o pon panaul ap men jak. MAT 4:3 Men kajonejon ap pwara don I indada: Ma komui Japwilim en Kot, en majani, takai pukat en wiala prot. MAT 4:4 A kotin japen majani: A intinidier: Kaidin prot eta, me aramaj kin memaureki, pwe majan akan karoj, me kin pwili jan nin jilan in Kot. MAT 4:5 Tewil ap kalualan i nan kanim jaraui o kauada i pon konkon en kaudok, MAT 4:6 Indan i: Ma komui Japwilim en Kot, kajedi pein komui, pwe a intinidier: A pan kajilaki japwilim a tounlan kan komui, o irail pan wa komui ni lim ar akan, pwe aluwilu omui ede dipikelekel ni takai eu. MAT 4:7 Iejuj kotin majani on i: A pil intinidier: Koe der kajonejon Kot om Kaun. MAT 4:8 Tewil ap pil kaluadalan i pon nana ileile kaualapia eu o kajale on i wein jappa karoj o a linan, MAT 4:9 Indan i: Mepukat karoj i pan ki on komui, ma komui men poridi o poni on ia. MAT 4:10 Iejuj ap kotin majani on i: Ko jan ia Jatan, pwe a intinidier: Koe en poni on Kot om Kaun, i eta koe en papa. MAT 4:11 Tewil ap muei jan i, a kilan, tounlan kan ap pwarado papa on i. MAT 4:12 A lao manier, me Ioanej jalidier, ap kotilan Kalilaa, MAT 4:13 O a kotin muei jan Najaret, kotido kaukaujonla Kapernaum, me mi ni kailan jed impan jap Jepulon o Naptalim; MAT 4:14 Pwen pwaida, me lokido ren jaukop Iejaia me majani: MAT 4:15 Jap Jepulon o jap Naptalim, me jal on jed, palilan Iordan, o Kalilaa en men liki kan, MAT 4:16 Aramaj akan, me momod nan rotorot, kilaner marain lapalap eu, o irail me momod nan jap en mot en mela, marain eu dakar irail adar. MAT 4:17 I dokan Iejuj kotin tapiadar padapadak o mamajani: Kalula, pwe wein nanlan korendor. MAT 4:18 A lao kotikot jili pon oror en lein Kalilaa, ap majanier pirien eu, Jimon, me adaneki Petruj, o ri a Andreaj, me kadukaduedi ara uk nan jed, pwe ira me jaujed. MAT 4:19 A ap kotin majani on ira: Idauen ia do, I pan wia kin koma jaujed en aramaj! MAT 4:20 Ira madan muei jan uk akan o idauenla i. MAT 4:21 A ni a kotila jan waja o, ap pil majani eu pirien, Iakopuj, nain Jepedauj o ri a Ioanej, me mi nin jop ren jam ara Jepedauj, wonewone ara uk akan. I ari kotin molipe ira do. MAT 4:22 Ira madan muei jan jop o jam ara ap idauenla i. MAT 4:23 Iejuj ari kotin kakan jili nan Kalilaa kaukawewe nan arail jinakoke kan o padapadak ronamau en wei, o kotin kakelada jon en jomau o luet akan karoj nan pun en aramaj akan. MAT 4:24 I ari indant jili nan Jirien pon. O irail wa don i me jomau kan karoj, me aneki jon en jomau o wairok kai, o me tewil ti poa kan, o me pwepwe kan, o me rerer akan, i ari kotin kakela ir ada. MAT 4:25 Pokon kalaimun me idauenla i jan Kalilaa o Dekapolij, o Ierujalem, o Iudaa, o jan palilan Iordan. MAT 5:1 A LAO majani pokon o, ap kotida pon dol eu; a lao kaipokedi, japwilim a tounpadak kan ap kai don i. MAT 5:2 I ari kotin dauaja pajan jilan i kawewe on irail majani: MAT 5:3 Meid pai, me jamama ni nen ir, pwe nairail wein nanlan. MAT 5:4 Meid pai, me mauk, pwe re pan kamaitala. MAT 5:5 Meid pai, me opampap, pwe re pan jojoki jappa. MAT 5:6 Meid pai, me kin men mana o men nim me pun, pwe re pan medila. MAT 5:7 Meid pai, me kadek, pwe re pan diar kadek. MAT 5:8 Meid pai, me nan monion arail makelekel, pwe re pan ariri Kot. MAT 5:9 Meid pai, me kin tom pena, pwe re pan adaneki jeri en Kot. MAT 5:10 Meid pai, me kamekameki pun, pwe nairail wein nanlan. MAT 5:11 Komail meid pai, ma irail lalaue o paki komail o palian komail ni arail lokaia jued o likam pweki nai. MAT 5:12 Komail injenemau o perenda kaualap; pweki katine pamail me lapalap nanlan. Pwe iduen irail paki jaukop oko, me mo ’mail. MAT 5:13 Jol pan jappa komail. A ma jol jara jan, da me a pan joleki? Nan a pan me mal kot, men lokidokila, o aramaj en tiak pajan. MAT 5:14 Marain pan jappa komail, Kanim eu, me mi pon dol eu, jota kak rirla. MAT 5:15 Aramaj pil jota kin ijikeda lamp eu, ap ki on pan kajak, pwe pon deu a, o a kin kamaraini toun im karoj. MAT 5:16 Iduen omail marain en janjal mon aramaj, pwe irail en udial omail wiawia man kan, ap kapikapina Jam omail, me kotiluit nanlan. MAT 5:17 Eder kikion me I kodon, tiakedi kapun de jaukop akan. I jota kodon tiakedi, a pwen kapwaiada. MAT 5:18 Pwe melel, I indai on komail, lao lan o jappa pan poula, jota iota eu de kijin muai en kapun eu pan lokidokila, lao karoj pan pwaida. MAT 5:19 Ari, meamen me tiakedi eu kijin kujoned tikitik pukat, ap pil padaki on aramaj, ren tiakedi, nan a pan tikitik nan wein nanlan. A meamen, me oke o padaki on aramaj, ren oke, i me pan lapalap nan wein nanlan, MAT 5:20 Pwe I indai on komail, ma omail pun jo man jan pun en jaunkawewe o Parijar, akan, komail jota pan kak pedelon on nan wein nanlan. MAT 5:21 Komail ronadar, mo a loki, on men kaua: Koe der kamela aramaj I A me pan kamela aramaj, pan panalan kadeik o. MAT 5:22 A I indai on komail, meamen makarada mal pan ri a ol, pan panalan kadeik. A me pan indan ria ol: Raka, pan panalan kapun. A me pan inda: Koe me pweipwei, pan lokidokila nan le en pweleko. MAT 5:23 Ari, ma koe wa don pei jaraui om mairon, ap tamanda waja o, me ri om ol injenjued pa om. MAT 5:24 Pwilikidi maj om mairon impan pei jaraui, ap kola kadeke ri om ol, ap kodo kapwaiada om mairon. MAT 5:25 Madan materoki on me paliaan uk ni om ian i pon al o, pwe me palian on uk ender pnalan oni uk ren jaunkapun, a jaunkapun uk ren papa o, o koe pan lokidokila nan imaten. MAT 5:26 Melel I indai on uk, koe jota pan ko jan waja o, koe lao kapunala lua karoj. MAT 5:27 Komail ronadar, me a lokido: Koe der kamal! MAT 5:28 A I indai on komail, meamen ninar li amen, pwen norok, nan a kamal on i nan monion i. MAT 5:29 O ma pali maun en maj om kamakar uk, waikada jan o kaje jan uk, pwe a mau on uk, kijan war om en ola, jan war om pon en lokidokila nan pweleko. MAT 5:30 O ma pali maun en pa om kamakar uk, waika jan o kaje jan uk, pwe a mau on uk, kijan war om en ola, jan war om pon en lokidokila nan pweleko. MAT 5:31 A pil lokido: Meamen me pan kajela a paud, i en ki on i Kijin likau en kamueit. MAT 5:32 A I indai on komail, meamen me pan kajela a paud, me jo nenek nan a kin kamal eki i; a meamen, me paudeki me lokido kilar, nan i me kamal. MAT 5:33 Komail pil ronadar, me a loki on men kaua: Koe der kaula likam; a koe kapwaiada om kaula on Kaun o! MAT 5:34 I indai on komail, der man kaula! Der kaukila nanlan, pwe mol en Kot; MAT 5:35 Pil der jappa, pwe utipa; pil der Ierujalem, pweki kanim en Nanmarki lapalap. MAT 5:36 Koe pil der kaukila mon om, pwe koe jota kak on wiada pit en mona eu, en puetepuet de tontol. MAT 5:37 Omail kajokajoi pena en: Ei ei; jo, jo; pwe me dauli mepukat, kin tapi jan ni me jued. MAT 5:38 Komail ronadar, me a lo kido: Por en maj en depukki por en maj; o ni pot en depukki ni pot. MAT 5:39 A I indai on komail, komail der palian me jued. A meamen pikir uk ni pali maun en likin jap om, pil ki on i pali teio. MAT 5:40 O meamen, me men wa uk ala ni kapun, pwen adia jan om jakit, en pil ki on i om likau pup. MAT 5:41 O ma meamen nidinid kin uk, en ian i mail eu, koe en ian mail riau. MAT 5:42 Kijakijai on me kin nidinid re om, o koe der jaupei jaw me poekipoeki re om! MAT 5:43 Komail ronadar, me a lokidor: Koe en pok on men imp om ap kailonki om imwintiti! MAT 5:44 A I indai on komail, pok on omail imwintiti kan. o kapakap kin irail me paki komail: MAT 5:45 Pwe komail en japwilim en Jam omail, me kotikot nanlan. Pwe a kin kapwareda japwilim a katipin pon me jued o me mau kan, o kotin kamoredi katau pon me pun o me japun kan. MAT 5:46 Pwe ma komail pok on, me kin pok on komail, da me pan katin pa ’mail? Jaunopwei jota kin wia due met? MAT 5:47 O ma komail ranamau ri omail akan, da me komail jikiki jan me tei kan? Men liki kan jota kin wia due met? MAT 5:48 Komail ari en unjokela dueta Jam omail, me kotikot nanlan, a unjok. MAT 6:1 KOMAIL kalaka, pwe komail der kijakij janjal mon aramaj, pwe ren udial; pwe ede jota pwain omail ren Jam omail, me kotikot nanlan. MAT 6:2 Ari, koe lao kijakij, ede peuk jaui mo om, duen me malaun akan kin wia nan jinakoke kan o nani al akan, pwe ren indand ren aramaj. Melel I indai on komail, re aleer arail pwain. MAT 6:3 A koe lao kijakij, der kajale on pali main om, me pali maun om kin wiada. MAT 6:4 Pwe om kijakij enrir; a Jam om, me kin majani waja rir, pan kotin katini uk. MAT 6:5 Koe lao wia kapakap, koe der raj on me malaun akan, pwe re men kapakap nan jinakoke kan, o nani al akan, pwe ren janjal mon aramaj. Melel I indai on komail, re aleer arail pwain. MAT 6:6 A koe lao wia kapakap, ko on nan om pera, a koe lao ritinidier wanim o, ap kapakap on Jam om, me kotikot waja rir, a Jam om, me kin majani waja rir, pan kotin katini uk. MAT 6:7 Komail lao kapakap, komail depa purepur on lokaia mal, duen men liki kan, pwe re kiki on, me re pan pwai kida ar lokaia toto. MAT 6:8 Komail ari ender dueta irail, pwe Jam omail kotin mani meakan, me mau on komail, mon omail poeki re a. MAT 6:9 A iet duen omail pan win kapakap: Jam at, me kotikot nanlan. Mar omui en jaraui MAT 6:10 Wei omui en pwaida. Kupur omui en wiaui jappa dueta nanlan. MAT 6:11 Kotikido ran wet at tunol kaukaule. MAT 6:12 Lapwa jan kit dip at, dueta kit me kin lapwada koroj, me wia dipi on kit. MAT 6:13 Eder kaluan kit ren me katikatiamau kan, a nekid kit jan ni me jued akan, MAT 6:14 Pwe ma komail pan makeki on aramaj dip ar akan, Jam omail nanlan pan pil makeki on komail. MAT 6:15 A ma komail jota pan makeki on aramaj dip ar akan, nan Jam omail jota pil pan makeki on komail dip omail akan. MAT 6:16 Komail lao kaijejol, eder maj en jan duen me malaun akan, pwe re kin kawukila maj arail, pwe aramas en likan arail kaijejol. Melel I indai on komail, re aleer arial pwain. MAT 6:17 a koe lao kaijejol, ujor inon om o opinok. MAT 6:18 Pwe koe dor kajale on aramaj om kaijejol, a on Jam om, mi kotikot waja rir, a Jam om, me kin majani nan waja rir, pan kotin katini uk. MAT 6:19 Komail der ki pena omail pai kan nin jappa, waja man en mot o mir pan kawela ia, o men pirap kin weirada o pirapala. MAT 6:20 A komail ki pena omail pai kan nanlan, waja man en mot de mir jota pan kawela, o men pirap jota kin weirada de pirapala. MAT 6:21 Pwe waja om pai mia ia, iei waja monion om kin pil mia ia. MAT 6:22 Por en maj iei marain en pali war. Ari, ma maj om makelekel, war om karoj pan dir en marain; MAT 6:23 A ma maj om me jued, war om karoj pan dir en rotorot. A ma marain, me mi lol om, pan rotorot, daduen wan rotorot! MAT 6:24 Jota amen me pan kak papa jaumaj riamen, pwe a pan kailonki amen, ap pok on me teio, de a pan kajampwaleki amen, ap mamaleki me teio. Komail jota pan kak papa Kot o mamon. MAT 6:25 I me I indaiki on komail: Eder nononki on maur omail, me komail pan kan o me komail pan nim, pil jota on war omail, me komail pan likau kida. Pwe maur jo kajampwal jan kijin mana, o pali war jan likau? MAT 6:26 Kalelapok on manpir pan Ian; re jote, kin kamoredi, re join kin dolun, re jota kin nak pena; ari jo, Jam omail nanlan kotin kamakamana irail; a ia duen, komail jo kajampwal jan irail? MAT 6:27 A ij nan pun omail, ni a nonki, me pan kak uje pajan pein i ki tipon en pa eu? MAT 6:28 O menda komail nonki likau? Kalelapok on kiop akan, me mi nan jap, duen ar kakairida. Re jota kin dodok o jota monkol pena. MAT 6:29 A I indai on komail: Nan Jalomo ni a linan karoj jota a likau dueta apot irail. MAT 6:30 Ari, ma iduen Kot kotin kapwataki dip, me mi nan jap, me kin mi ran wet, a lakap pan lokidokila nan kijiniai, dadue a jota pan kotin kalikauwi komail da, me pojon tikitik? MAT 6:31 I me komail der nononki indinda: Da me je pan kan? De da me je pan nim? De da me je pan likau kida? MAT 6:32 Pwe mepukat men liki kan kin raparapaki; pwe Jam omail nanlan kotin mani, me mepukat karoj mau on komail. MAT 6:33 Rapaki maj wein Kot o a pun, a mepukat karoj pan poujelan komail. MAT 6:34 Eder nonki on lakap; pwe lakap pan nonki on pein i; a itar on ran eu pein a jued. MAT 7:1 DER kadeikada, pwe komail der pakadeikada. MAT 7:2 Pwe duen kadeik, me komail kadeikekida aramaj, iduen komail pan pakadeikada, o duen men jon, me komail kin jonki, iduen a pil pan jon on komail, MAT 7:3 A menda koe kilikilan diper ni maj en ri om ol, a jota kan ataut o ni maj om? MAT 7:4 De iaduen koe pan indan ri om ol: Aui maj, i pan ki jan diper ni maj om. A kilan, ataut apot mi ni pein maj om? MAT 7:5 Malaun amen koe, ki jan maj ataut ni maj om, koe ap pan kak kilan, duen om pan kak ki jan diper ni maj en ri om ol, MAT 7:6 Komail der ki on kidi me jaraui kot! O omail pai kan der kajedi on mon pwik kan, pwe ren de tiak pajan, ap jaupeido nalij komail pajan. MAT 7:7 Poeki, a komail pan tunole; rapaki, a komail pan diarada; letelet, a a pan ritida mo omail. MAT 7:8 Pwe karoj, me poekipoeki, kin tunole; o me kin raparapaki, kin diarada; o me kin letelet, nan a pan ritida mo a. MAT 7:9 De ij aramaj nan pun omail, ma na putak pan poeki kijin prot, pan ki on i takai eu? MAT 7:10 De ma a poeki mam amen, pan ki on i jerpent amen? MAT 7:11 Ari, ma komail me jon jued, ap aja, ki on noumail jeri kan kijakij mau, melel kaualap Jam omail, me kotikot nanlan, pan kotiki on, me poeki re a me mau kan. MAT 7:12 Ari meakaroj, me komail men, aramaj en wiai on komail, i me komail en wiai on irail, pwe iei kapun o jaukop akan, MAT 7:13 Pedelon on nan wanim tatik! Pwe wanim me walek o al me talap, me kodilan mela, o irail me toto, me kin pedelon on Waja O. MAT 7:14 A wanim me watikitik, o al me tatik, me ko on maur o irail me malaulau, me kin diarada. MAT 7:15 Komail kalaka jaukop likam akan, me kin pwara don komail ni likau en jip, a lole irail jon en kidi komad. MAT 7:16 Komail pan aja kin irail ni arail wa. Pwe da, aramaj pan kak dolun jan wain ni karer, de pik jan ni tuka kamadak? MAT 7:17 Nan iduen tuka mau karoj kin wa mau, a tuka jued kin wa jued. MAT 7:18 Tuka mau jota kak wa jued, o tuka jued jota kak wa mau. MAT 7:19 Ari tuka karoj, me jo wa mau pan paledi o lokidokila nuni ini. MAT 7:20 Ari, komail pan aja kin irail ni arail wa. MAT 7:21 Kaidin karoj, me kin kajokajoi on ia: Main, Main, pan pedelon on nan wein nanlan, a me kin wiawia kupur en Jam ai, me kotikot nanlan. MAT 7:22 Me toto pan kajoi on ia ni ran o: Main, Main, kit, jo koko padar ni mar omiu. o ni mar omui kaujaki tewil akan, o ni mar omui wia. kidar manaman toto? MAT 7:23 I ap pan indai on irail: I jota mail aja komail. kowei jan ia, komail me kin wiada me jued. MAT 7:24 A meumen ronada ai padak pukut ap peiki on, I pan karajai on i ol lolokon amen, me kauada im a pon paip, MAT 7:25 Katau lau moredi, o lakape pwilipwiledo, o an me iripokidon im o, a jota ronki pajan, pweki a kakauda im a pon paip. MAT 7:26 O meamen ronaada ai padak pukat, ap jota kapwaiada, nan a pan rajon ol pweipwei men, me kauada im a pon pik en oror. MAT 7:27 Katau lao moredi o lapake pwilipwilido, o an ma irepoki don im o, a ronki pajan; o a ronklaud melel, MAT 7:28 Kadekadeo Iejuj lao kaimwijokela majan pukat, pokon o ap puriamuiki kaualap japwilim a padak o. MAT 7:29 Pwe a kotin kawewe on irail ni manaman, a jota dueta arail jaunkawewe kan. MAT 8:1 A LAO kotido jan nin dol o, pokon kalaimun idauendo i. MAT 8:2 A kilan, ol tuketuk amen ap kodo poni i indada: Main, ma re kotin kupura, re pan kak on kamakele ia da. MAT 8:3 I ari kotin kapawei lim a, jair i, majani: I men, koe en makelekel; ari, a tuketuk ap madan modi jan. MAT 8:4 Iejuj ap kotin majani on i: Kalaka, koe de kaireki amen; a kola kajale on jamero pein uk, o kida mairon eu, me Mojej majani, pwen kadede on irail. MAT 8:5 A lao kotilon on nan Kapernaum, jenturion amen apedon i poeki re a. MAT 8:6 Indada: Main, ai ladu wonon nan deu a jomau kokon madak ap wairok kaualap. MAT 8:7 Iejuj ap kotin majani on i: I pan kola kakelailada i. MAT 8:8 Jenturion japen potoan on: Main, i jowar ren kotilon on nan im ai; a ren majani eta, ai ladu up pan kelailada, MAT 8:9 Pwe aramaj amen nai, me mi pan mana en kaun akan, ap kaunda jaunpei kai. A ma i pan indan amen: Kowei, a pan kola, o on amen: Kodo, a pan kodo, o on ai ladu: Wiada met, a pan wiada. MAT 8:10 Iejuj lao mani mepukat, ap kotin puriamuiki, majani on irail me idauendo: Melel I indai on komail, jon en pojon wet I jo diaradar, jota nan Ijrael. MAT 8:11 A I indai on komail, me toto pan kodo jan maj en lan, o kapin lan, ian Apraam, o Ijaak, o Iakop ni tepel nan wein nanlan. MAT 8:12 A me pweledan wei pan lokidokila nan rotorot liki, iei wajan maiei o teterok. MAT 8:13 Iejuj ap kotin majani on Jenturion o: U kowei, a pan wiaui on uk duen om pojon. A ladu o ap kelailadar ni auer ota. MAT 8:14 Iejuj lao kotilon on nan im en Petruj, ap majani, me jaulap a wonon jomau karakar. MAT 8:15 I ari kotin jair pa a, a karakar ap ko jan. I ari pauridar papa i. MAT 8:16 A lao jautik penaer re wa don i me toto, me tewil oko ti poa. I ari kotin kaujeki jan nen akan a majan o kakelada me jomau kan karoj. MAT 8:17 Pwen pwaida, me lokido ren jaukop Iejaia, me majani: A kotin ale on pein i atail luet akan, o wa atail jomau kan. MAT 8:18 Iejuj lao kotin majani aramaj toto pokon don i, ap kotin majani, ren kotela palio palilan jed O. MAT 8:19 Jaunkawewe men ap pwara do potoan on i: Jaunpadak i pan idedauen ir waja karoj re pan kotila ia. MAT 8:20 Iejuj kotin majani on i: Pokj akan por arail mia, o manpir en pan law paj arail mia, a Nain aramaj jota wajan kaulawei mon a. MAT 8:21 O amen jan nan pun en japwilim a tounpadak kan potoan on i: Main re kotin mueid on ia en kola maj jarepedi ai papa. MAT 8:22 A Iejuj kotin majani on i: Idauen ia do! Me melar akan en jarepedi pein ar melar akan. MAT 8:23 A lao kotida pon jop o, japwilim a tounpadak kan idauenla i. MAT 8:24 A kilan, ap onionidar nan jed, iluk kan ari kadupaledi jop o, a i kotin jaimokelar. MAT 8:25 Japwilim a tounpadak kan ap kai don i, kaupada i, potoan on: Main, re kotin dore kit ala, kit pan mela! MAT 8:26 A ap kotin majani on irail: Komail me pojon tikitik, da me komail majak ki? I ari kotin kipadar majani on an o jed, ap molelar kaualap. MAT 8:27 Aramaj akan puriamuiki indada: Daduen men et, me an o jed kin peiki on? MAT 8:28 A lao kotin lei on palio nan jap en men Kerkajin, ol riamen, me tewil oko ti poa, ap tu on i; ira kodado jan nan joujou kai, me makar kaualap, o jota me kak weid waja o. MAT 8:29 A kilan, ira weriwer indada: Iejuj Japwilim en Kot, da me kit en wia re omui? Kom kotido kame kit mon anjau o leler? MAT 8:30 A pwin pwik kalaimun mi kaila wei manamana jili. MAT 8:31 Tewil oko ap poeki re a indada: Ma kom pan kauje kit ala, ap mueid on kit, en tilon nan pwin pwik o. MAT 8:32 I ari kotin majani on irail: U ko on! Irail keredi jan, rap tilon nan pwin pwik o. A kilan, pwin pwik o tandaui, tanedi on waja ukedi nan jed, irail ari mopelar nan pil o. MAT 8:33 Jilepa kan ap tandaui tanlon on kanim o kakaireki meakaroj, duen me wiaui on me tewil ti poa ko. MAT 8:34 A kilan, toun kanim koiei jan pokon don Iejuj. Irail lao kilaner i, rap poeki, a en kotila jan jap arail. MAT 9:1 I ARI kotida pon jop o, kotela pur on japwilim a kanim. MAT 9:2 A kilan, re wa don i me jomau kokon madak, me wonon pon pet. Iejuj lao kotin majani ar pojon, ap majani on me jomau kokon madak: Nai, kaporopor mau, dip om akan me lapwadar. MAT 9:3 A kilan, jaunkawewe kai monemoneloleki: Lap o kin lalaue. MAT 9:4 A Iejuj lao mani arail lamelam, ap kotin, majani: Menda komail lamelam jued nan monion omail? MAT 9:5 Pwe ia me monai ren inda: Dip om akan lapwadar! De inda: Uda aluwei? MAT 9:6 A pwe komail en aja, me Nain aramaj me manaman on lapwada dip nin jappa iei me a kotin majanieki on me jomau kokon madak: Uda, ale ki om ko on deu om! MAT 9:7 I ari udar, koieilar deu a. MAT 9:8 Pokon lao kilaner mepukat, rap malamalauak kila kapina Kot, me kotiki on aramaj manaman due met. MAT 9:9 Iejuj lao kotiwei jan waja o, ap majani aramaj amen, me ad a Matauj, me momod nan deun nopwei, ap kotin majani on i: Idauen ia do! I ari uda idauenla i. MAT 9:10 Kadekadeo a lao kaipokedi konot nan im o, kilan jaunopwei o me dipan me toto ian Iejuj o japwilim a tounpadak kan konokonot. MAT 9:11 Parijar akan lao kilaner met, ap indan japwilim a tounpadak kan: Da me omail Jaunpadak ianki jaunopwei o me dipan akan konokonot? MAT 9:12 Iejuj lao mani mepukat, ap kotin majani: Me kelail akan jota mau on jaunwini, pwe me jomau eta. MAT 9:13 A komail kola, padakki wewen kajoi pot et: I kin polauleki kadek a kaidin mairon ijij. I kodon eker don kalula me dipan akan, a kaidin me pun kan. MAT 9:14 En Ioanej a tounpadak kan ap pwara don re a potoan on: Da me kit o Parijar akan kin kaijejol pan pak toto, a japwilim omui tounpadak kan jota kin kaijejol? MAT 9:15 Iejuj ap kotin majani on irail: Da, toun kamadip en kapapaud pan kak kamauk ni anjau ol kamot mi re ’rail? A kadekadeo eu ran ol kamod pan peukawei jan irail, re ap pan kaijejol. MAT 9:16 Jota amen me kin deipinaki likau kap likau marin, pwe me depin a pan teirok jan likau o, a por o pan laudela. ioa. MAT 9:17 Pil jota amen me kin kodie on wain kap nan ed marin, a ma ei ed akan pan ola, a wain pan wudokela, o ed akan pan ola. A re kin kodie on wain kap nan ed kap, ira karoj ap nekinek man MAT 9:18 Ni a kotin majani on irail mepukat, kilan jaupeidi amen ap pedelon, poridi on i potoan on: Nai jeripein apton melar, a ren kotido, pwil po a lim ar, a ap pan maureda. MAT 9:19 Iejuj ari kotida idauenla i, o japwilim a tounpadak kan pil ian. MAT 9:20 A kilan, li amen, me nta pwilipwil par naulriau, a kai on pon palikia o jair imwin japwilim a likau. MAT 9:21 Pwe a lamelame: Ma i doke japwilim a likau, i pan kelailada. MAT 9:22 A Iejuj kotin jaupeila; a lao majani i, ap kotin majani: Jeripein kaporopor mau, om pojon me kakelail uk ada. A lio kelailadar ni auer ota. MAT 9:23 A Iejuj lao kotilon on nan im en jaupeidi o, ap majani jaunkajan o moromoron en aramaj akan, MAT 9:24 Ap kotin majani: Kowei san, pwe jeripein en jota melar, pwe a mamair. Irail ap kaurureki MAT 9:25 Aramaj akan lao kokok jan, i ap kotilon on, ale pa a, jeripein ap paurida. MAT 9:26 Mepukat ap lolok jili nan jap karoj. MAT 9:27 Iejuj lao kotila jan waja o, ol majkun riamen idauenla i, weriwer indada: Kupura kit, Komui japwilim en Dawid! MAT 9:28 A Iau kotilon on nan im o, me majkun ko ap ko don i. Iejuj ari majani ira: Koma kamelele me I kak on wiada met? Ira patoan on: Ei Main. MAT 9:29 I ap kotin jair maj ara majani: Duen oma pojon a pan wiaui on koma. MAT 9:30 Maj ara ari pad pajan. Iejuj ap kotin kalik ira di majani: Kalaka, pwe meamen de aja? MAT 9:31 A ira koieilar katiti jili ni jap karoj. MAT 9:32 Ira lao koieilar, kilan, irail ap wa don i aramaj amen, me loton o tewil ti poa. MAT 9:33 Tewil lao pakauja jan, me loton o ap lokaia; pokon o ap malamalauak kila indada: Nan dueta met a jaikenta wiauier nan Ijrael. MAT 9:34 A Parijar indada: Nan jaumaj en tewil akan me a kaujaki jan tewil akan. MAT 9:35 Iejuj ap kotin kakan jili nan kanim laud o me tikitik kan kawewe nan ar jinakoke kan o padapadaki ronamau en wei, o kotin kakelada jon en jomau o luet akan karoj. MAT 9:36 A lao majani pokon o, ap kotin kupuro kin irail, pwe irail joanianalar o dupokalar dueta jip akan, me jota jile parail. MAT 9:37 I ap kotin majani on japwilim a tounpadak kan: Nan melel rak me kalaimun, a men dodok me malaulau. MAT 9:38 Komail ari poeki ren Kaun en rak, en kadarala toun dodok kan nan a rak. MAT 10:1 A LAO kotin molipe penaer japwilim a tounpadak ekriamen ap kotiki on irail manaman, en poedi nen jaut akan, pwen kauj ir wei o kamauiala jon en jomau o luet karoj. MAT 10:2 A iet mar en wanporon ekriamen: Men maj Jimon, me maraneki Petruj, o ri a Andreaj, o lakopuj nain Jepedauj, o ri a loanej; MAT 10:3 Pilipuj o Partolomauj, Tomaj o Matauj jaunopwei men, Iakopuj nain Alpauj, Lepauj, me pil adaneki Tadauj; MAT 10:4 Jimon men Kana o Iudaj Ijkariot men panala i. MAT 10:5 Ekriamen pukat, me Iejuj kotin poronela, kotiki on irail kujoned eu majani: Komail der weweid nani al en men liki kan o der pedelon on nan kanim en Jamaria. MAT 10:6 A kola ren jip akan en jaun Ijrael, me jalonalar MAT 10:7 A in omail kokola komail padapadak indada: Wein nan lan korendor. MAT 10:8 Kakeada me jomau kan, o kamauroda, me melar akan, kamakelekeleda, me tuketuk kan, o kauje wei tewil akan; a duen komail aleer ni tiak en kijakij, iduen komail pan kijakij weita. MAT 10:9 Komail der wewa kold, de jilper, de mata nan omail ed akan. MAT 10:10 Pil der ed en jailok, de jakit riau, de jut, de jokon, pwe toundodok me war on kan a kijin mana. MAT 10:11 A ma komail pan pedelon on nan kanim laud de tikitik eu, raparapaki, ma meamen mi lole, me war on; ari, komail pan mondi re a, lao komail pan ko wei jan. MAT 10:12 A ma komail pan pedelon on nan im o, komail pan ranamau on tou a kan. MAT 10:13 O ma re war on, omail popol pan ko on irail; a ma re jowar, omail popol pan pure don komail. MAT 10:14 A waja kij meamen jota pan kajamo komail, de jota men ron omail padak, komail ari pedoi jan nan im o de kanim, ap jepede jan pwel ni na omail. MAT 10:15 Melel I indai on komail, nan a pan monai on jap en Jodom o Komora ni ran en kadeik o jan kanim o. MAT 10:16 Kilan I kadar komail la duete jip akan nan pun en kidi en wel: komail ari lolekon dueta jerpent, a tiak mau dueta muroi. MAT 10:17 Perki aramaj, pwe re pan panalan komail kapun kan, o re pan kame komail nan ar jinakoke kan. MAT 10:18 O Komail pan wijike won kaun o nanmarki kai pweki nai, pwen kadede on irail, o on men liki kan. MAT 10:19 Irail lao panala komail, ede madamadaua duen tiak en omail pan lokaia; pwe a pan ko on komail, ni auer o me komail pan inda. MAT 10:20 Pwe kaidin komail, me lokaia, a Nen en Jam omail, me pan kalokaia komail. MAT 10:21 A pirien eu, amen pan panala amen, pwen kamela, a jam na jeri, a jeri ko pan u on ar papa o nono, o jauaja, pwe ira on kamela. MAT 10:22 O komail pan tantat ren aramaj karoj pweki ad ai; a me pan dadaurata, lei imwi i me pan dorola. MAT 10:23 A ma re pan kame komail nan eu kanim, komail ari tanala nan eu. Pwe melel I indai on komail, komail jota pan kanikiala kanim en Ijrael karoj, Nain aramaj lao pwarador.? MAT 10:24 Tounpadak jota kin laude jan a jaunpadak, de ladu laude jan a monjap. MAT 10:25 A itar on tounpadak, en paroki on a jaunpadak o ladu dueta a monjap. Ma re kaadaneki kaun en im o Peeljepup, nan melel kaualap, re pil pan wiai on toun im akan dueta. MAT 10:26 Komail ari der majak irail, pwe jota me rir kot, me jo pan janjaleda, o me okiok, me jo pan kadiarokad MAT 10:27 Me I indai on komail nan rotorot, i me komail katiti nan marain; o me pan ko on nan jalon omail, i me komail pan kalok jili pon im akan. MAT 10:28 Komail der majak irail, me kin kemela pali war, ap jota kak on kamela pali nen. A komail majak melel i, me kak on kajopokela pali war o nen nan pweleko. MAT 10:29 Jiok riamen jota kin netila ni denar eu? Ari jo, jota amen ira pan pupedi nan pwel, ma jota pwilijan Jam omail. MAT 10:30 Ari pit en mon? omail karoj me wadawad penaer. MAT 10:31 Komail ari der majak, pwe komail me mau jan jiok toto. MAT 10:32 Meamen pan ponaja ia mon aramaj, nan i me I pan ponaja ren Jam ai me ketiket, nanlan. MAT 10:33 A meamen ponjaja ia mon aramaj nan i me I pil pan ponjaja ren Jam ai, me ketiket nanlan. MAT 10:34 Eder kiki on, me Ikodon kamuei maula jappa; kaidin muei mau, me I kokido, a kodlaj pot. MAT 10:35 Pwe I kodon kaliak toror pajan aramaj on jam a, o jeripein on in a, a li o on en a paud a nono. MAT 10:36 O pein toun im en aramaj amen pan a imwintiti. MAT 10:37 Me pok on jam de in a lapa jan a pok on ia, nan a jowar ia. O me pok on na putak de jeripein lapa jan a pok on ia, nan a jowar ia. MAT 10:38 A me jo ale a lopu o idauen ia do, nan a jowar ia. MAT 10:39 Me pan diar maur, i me pan katia jan, a me kajela maur a pweki nai, i me pan diarada. MAT 10:40 Meamen kajamo komail, kin kajamo ia, a me kin kajamo ia, nan a kin kajamo i, me kadar ia do. MAT 10:41 Meamen kajamo jaukop amen ni mar en jaukop, pan ale pwain en jaukop amen. Me kajamo pun amen ni mar en me pun amen pan ale pwain en me pun amen. MAT 10:42 O meamen pan ki on dal en pil lamelamur eu, pwe amen tikitik pukat en nim, ni mar en tounpadak amen, melel I indai on komail, a jota pan katia jan pwain a. MAT 11:1 KADEKADEO Iejuj lao kaimwijokela a majan on japwilim a tounpadak ekriamen, ap kotila jan waja o, pwen kaukawewe o padapadak nan ar kanim akan. MAT 11:2 A Ioaneij lan roner nan imaten wiawian Krijtuj, ap poronela a tounpadak kai. MAT 11:3 Kalelapok re a: Ir me pan kotido, de jen auiaui amen? MAT 11:4 Iejuj kotin japen majani on irail: Komail kowei kaireki Ioanej, me komail ron o kilan: MAT 11:5 Me majkun akan kin kilan waja, o me danidan kan kin alu, o me tuketuk kan kin makeladar, o me jalonepon kan kin ron waja, o me melar akan kin maureda, o ronamau kin loloki on me jamama kan. MAT 11:6 O meid pai, me jota pan makar kin ia. MAT 11:7 Mepukat lao kokola, Iejuj ap kotin tapiadar mamajani on pokon o duen Ioanej: Da me komail koieila en kilan nan jap tan? Alek pot, me kin duedualokki an? MAT 11:8 De da me komail koieila en kilan? Aramaj amen nan likau muterok? Kilan, me kin likau kida likau muterok, kin mi nan im en nanmarki kan. MAT 11:9 De da me komail koieila en kilan? Jaukop amen? Ei I indai on komail a laude jan jaukop amen. MAT 11:10 Pwe iei i, me intinidier: Kilan I kadarala mo ’mui ai men kadar, me pan koko al mo ’mui. MAT 11:11 Melel I indai on komail, jota me ipwidi jan ren li akan, me laude jan Ioanej jaunpaptaij. Ari jo, me tikitik nan wein nanlan, iei me laude jan i. MAT 11:12 A jan ni muein Ioanej jaunpaptaij kokodo lei met wein nanlan kokido eta manaman, ari me manaman akan kin koledi on irail. MAT 11:13 Pwe jaukop karoj o kapun kokopadar lao lei Ioanej. MAT 11:14 O ma komail men duki on, nan iei Eliaj, me pan kodo. MAT 11:15 Me jalon a mia, men ron, i en ron! MAT 11:16 A da me I en karajai on di wet? A raj on jeri kan, me kin momod nan wajan net akan o likelikwir on kij arail, MAT 11:17 Indada: Kit kajan on komail, a komail, jota kakalek; kit kauleki on komail kaul en mamauk, a komail jota janejan. MAT 11:18 Pwe Ioanej pwarado, ap jota kan o nim, a re kin inda: Nan tewil kin ti poa. MAT 11:19 Nain aramaj pwarado, manamana o nim, a re kin inda: Kilan, me kaped en mana o kamom jakau, kompoke pan jaunopwei o me dipan akan, a lolekon o kin diarok kida na jeri ko. MAT 11:20 A kotin tapiada kidaueda kanim akan, me a wiai oner manaman to to, aki re jota kalula: MAT 11:21 Juedi on uk Korajin! Juedi ON uk Petjaida! Pwe ma manaman akan, me wiaui on uk er, wiauier on Tiruj o Jidon, nan melel re pan pitipit kalula nan tuk en likau o nan paj. MAT 11:22 A I indai on komail, a pan monai on Tiruj o Jidon ni ran en kadeik jan komail. MAT 11:23 A koe Kapernaum, me paidar lel nanlan, pan pijikindi nun pweleko; pwe ma manaman akan, me wiaui on uk er, wiauier on Jodom, nan a pan mimieta lau lel ran wet. MAT 11:24 A I indai on komail, a pan monai on jap en Jodom ni ran mi kadeik jan koe. MAT 11:25 Ni anjau ota Iejuj kotin tapiadar majani: I kapina komui Jam, Kaun pan lan o jappa, me komui okila mepukat jan me lolekon o koiok kan, ap kajale on jeri pwelel akan. MAT 11:26 Ei Jam ai, pwe iduen me komui kupukupura. MAT 11:27 Meakaroj muei on ia er jan ren Jam ai, o jota amen, me aja japwilim a Ol, pwe Jam eta, o jota amen, me aja Jam, pwe japwilim a Ol eta, o me japwilim a Ol pan kajale on. MAT 11:28 Komail karoj, me panadar o toutoular kodo re i I pan kamolielei komail la. MAT 11:29 Ale on komail ai iok, o padakki jan ia; pwe Nai me opampap o karakarak melel, komail ari pan diarada kamol pan nen omail. MAT 11:30 Pwe ai iok me manai, o katoutou pai me marara. MAT 12:1 I anjau o Iejuj kotila nan mat en korn ni ran en japat, a sapwelim a a tounpadak kan men manadar, rap doluna jan wan korn o Kankan. MAT 12:2 Parijar lau kilaner mepwukat, rap patoan on i: Majani, japwilim omui tounpadak kan kin wiada, me jota pun, en wiaui ni ran en japat. MAT 12:3 A kotin majani on irail: kumail jota doropwe, me Dawid wiadar ni a o ian akan men manadar? MAT 12:4 Duen a pedelon on nan im en Kot o Kankan prot en kajanjal, me jota pun, I o ian akan en kan, pwe jamero akan eta. MAT 12:5 De komail jota wadoker nan kapun o, duen jamero akan ar kin kaupali ran en japat nan im en kaudok ni ran en japat, ap jota dip arail? MAT 12:6 A I indai on komail, i, me laude jan im en kaudok, mi waja kij et. MAT 12:7 A ma komail pan aja wewen kajoi pot et: I kin polauleki kadek a kaidin mairon ijij, komail jota pan kadeikada me makelekel akan. MAT 12:8 Pwe nain aramaj pil udan Kaun en japat. MAT 12:9 A kotila jan waja o, ap kotilon on nan ar jinakoke. MAT 12:10 A kilan, aramaj amen mia, me pa a motorlar. Irail idok re a indada: Me pun, en kakelailada ni ran en japat? Pwe ren kadipa i. MAT 12:11 I ari kotin majani on irail: Ij aramaj nan pun omail, me na jip amen mia, ma a pupedi on nan por ni ran en japat, a jo pan poridi on, kida jan? MAT 12:12 A iaduen aramaj amen jota kajampwal kaualap jan jip amen? I me aramaj amen kak wia kida me mau ni ran en japat. MAT 12:13 I ap kotin majani on aramaj o: Kapa wei pa om! I ari kapa wei, ap maular dueta pali teio. MAT 12:14 Parijar ap pedoi jan o kapukapun pena, duen ar pan kamatala i. MAT 12:15 Iejuj lao mani met, ap kotila jan waja o, a pokon kalaimun idauenla i; i ari kakelailadar irail karoj. MAT 12:16 O majani on irail, ren der kalok jili i. MAT 12:17 Pwen pwaida, me lokido ren jaukop Iejaia, me majani: MAT 12:18 Kilan, i ai ladu, me I piladar, o kompokepa i, me I kin polaule kida. I pan aude kin i Nen i, o a pan kajale on men liki kan duen kadeik o. MAT 12:19 Nan a jota pan akamai de weriwer, o jota amen me pan ron nil a pon al akan, MAT 12:20 A jota pan katip pajan alek luet o, o a jota pan kakundi wik inkinkon o, lao a pan kaimwijokala kadeik o. MAT 12:21 O men liki kun pan kaporoporoki mar a. MAT 12:22 Me tewil ti poa men, me majkun o loton ap wijike don i; I ari kakelailada i, a me majkun o loton ap lokaia o kilan waja. MAT 12:23 Aramaj karoj ap malamalauak kila indada: Kaidin i japwilim en Dawid? MAT 12:24 A Parijar akan lao ronadar, rap indada: Nan jota, me lap en kaujeki wei tewil akan, Peelje pup eta, jaumaj en tewil akan. MAT 12:25 I ari ani ar lamelam majani on irail: Wei karoj, ma tou a kan pan u pena nan pun ar, a pan ola, o ma toun kanim de toun im eu pan u pena nan pun ar, a jota pan pwaida. MAT 12:26 O ma Jatan pan kauje wei Jatan, a pan u on pein i, a iaduen a wei pan kak pwaida? MAT 12:27 Ma I kin kaujeki wei Peeljepup tewil akan, a ij me noumail jeri kan kin kauje kin irail? Irail ari pan omail jaunkapun. MAT 12:28 A ma I kaujaki wei Nen en Kot tewil akan, nan wein Kot lel on komail er. MAT 12:29 De iaduen, ij me pan kak kolon on nan im en me kelail amen, kulia jan a kapwa, ma a jo jaliedi maj me kelail o? A ap pan kak kulia jan a kapwa. MAT 12:30 Meamen me jota ian ia, iei me palian ia; o me jota kin dolun penan ia, iei me kin kajapoka pajan. MAT 12:31 I me Nai indai on komail, dip karoj o lalaue pan kak lapwa jan aramaj, a lalaue on Nen jota pan lapwa jan aramaj. MAT 12:32 O me pan lalaue Nain aramaj, a pan lapwa jan i; a me pan lalaue Nen jaraui, a jota pan lapwa jan i, jota nan muei met pil jota nan muei kokodo. MAT 12:33 Padukedi tuka mau pot, a wa pan mau; de padukedi tuka jued apot, a wa pan jued. Pwe tuka kin diarok kida wa. MAT 12:34 Wan jerpent komail, iaduen komail kak lokaia mau, pwe komail me jued? Pwe aua kin lokaia jan nan audepan monion o. MAT 12:35 Aramaj mau kin kida me mau jan nan pai mau en monion i, a aramaj jued kin kida me jued jan nan pai jued en monion i. MAT 12:36 A I indai on komail, lokaia mal karoj, me aramaj inda, pan puk on ir ni ran en kadeik o. MAT 12:37 Pwe jan ni om kajokajoi koe pan kapun kila, o jan ni om kajokajoi koe pan pakadeikada. MAT 12:38 Jaunkawewe o Parijar kui ap japen i indada: Jaunpadak, je men kilan kilel eu jan re omui MAT 12:39 A i me kotin japen majani on irail: Di jued o kamal o kin rapaki kilel eu, a jota kilel eu, me pan janjal on irail, pwe kilel en jaukop Iona eta. MAT 12:40 Pwe duen Iona a mimi nan kaped en mam kalaimun amen ran jilu o pon jili pon, iduen Nain aramaj pan mimi nan monion en jappa ran jilu o pon jili pon. MAT 12:41 Ol en Niniwekan pan u on di wet ni kadeik lapalap o pan kadeikada, pwe re kalula ni ar ronadar padak en Iona, a kilan, me laude jan Iona mi met. MAT 12:42 Li nanmarki en pali air amen pan u on di wet ni kadeik lapalap o pan kadeikada; pwe a pwurado jan ni imwin jappa, pwen ron lolekon en Jalomo. A kilan me laude jan Jalomo mi met. MAT 12:43 Nen jaut lao kowei jan ren aramaj o, a kin tanata jili nan jap tan akan, rapaki wajan kamol, a jota, me a diarada. MAT 12:44 I ap kin inda: I pan purelon nan im ai, me i pedoi janer. A lau puredo, a diar me a tan, kokok, o kapwater. MAT 12:45 I ari mi koieila, ale on i nen ijimen jued jan pein i; irail Iau pedelon on lole, rap kaukauson ia, a aramaj pan jued jan maj. Iduen a pan wiaui on di jued wet MAT 12:46 A ni a kotin majani pokon o mepwukat, kilan, in a o ri a ol akan u liki, re men lokaia on i. MAT 12:47 Amen ap potoan on i: Re kotin mani, in ar o ri ar ol akan mimi liki o men lokaia on ir. MAT 12:48 A a kotin japen majani on, me kaireki on i: Ij in ai o ir ri ai ol akan? MAT 12:49 Ap kotin kapawei lim a pon japwilim a tounpadak kan majani: Kilan, in ai o ri ai ol pukat! MAT 12:50 Pwe meamen, me kin wia kupur en Jam ai, me kotikot nanlan, nan i me ri ai ol, o ri MAT 13:1 NI ran ota Iejuj kotila jan nan im o, ap kaipokedi ponoror. MAT 13:2 A pokon kalaimun pokon don i, i ari kotidan pon jop pot, kaipokedi, a pokon o udar pon oror o. MAT 13:3 I ari karajerajeki on me toto majani: Kilan, jaunkamor o kolan kamorok. MAT 13:4 Ni a kamokamorok, akai ap moredier on pon kailan al, manpir ap pirido nam ir ala. MAT 13:5 A akai moredier waja takain, waja pwel pedeped; ir ari pitipit wojadar pweki jota pwel lole. MAT 13:6 A katipin lao dakaradar, re motoredier o monelar, pweki jota kalau ar. MAT 13:7 A akai moredier nan tuka teketek; a tuka teketek wojadar kajoka ir ala. MAT 13:8 A akai moredier nan pwel mau o wadar: Akai pan me epuki, akai me woneijok, akai me jileijok. MAT 13:9 Me jalon a mia, men ron, i en ron! MAT 13:10 Tounpadak kan ap pwarado potoan on i: Da me re kotin kaukawewe on irail ni karajeraj akan? MAT 13:11 A kotin japen majani on irail: A muei on komail er, en aja, me rir en wein nanlan, a ap jota muei on mepukat. MAT 13:12 Pwe me a. mia, ekij pan ko on, pwen aneki me land; a me jota a mia, nan a pan katia jan, me mi re a. MAT 13:13 I me I padaki on irail ni karajeraj. Pwe re kilan waja, ap jota kin kilan, o ron waja, ap jota kin ron, pwe re jota kin dedeki. MAT 13:14 Nan irail kapun pan kokop en Iejaia, me majanier: Komail pan ronki jalon omail, ap jota dedeki, o kilanki maj omail, ap jota weweki. MAT 13:15 Pwe monion en aramaj pukat kapitakailar, o jalon arail ponlar, o re kamair pena maj arail. Pwe kadekadeo re de kilanki maj arail, o ronki jalon arail, o lolokonki monion arail, o wukila, a I de kakel irail ada. MAT 13:16 A maj omail meid pai, pwe re kilan waja, o jalon omail, pwe re ron waja. MAT 13:17 Pwe melel I indai on komail, jaukop o me pun akan me toto, me anane en kilan, me komail kin kilekilan, ap jota kilaner, o en ron, me komail kin roneron, a re jota ronadar. MAT 13:18 Komail ari ron karajepa wet duen jaunkamorok: MAT 13:19 Meamen ron majan duen wei o ap jota dedeki, me jued ap pwarado, katia jan, me kamoremoredier nan monion i, a iei i, me ale war akan pon kailan al o. MAT 13:20 A me kamoremoredier waja takain, iei i, me kin ronada majan o, ap pitipit peren kida ale; MAT 13:21 A jota kalau a re a, pwe a lol majaran, pwe anjau apwal o kamekam lao pwaida pweki majan o, a ap madan makar kida. MAT 13:22 A me kamoremoredi on nan tuka teketek, iei i, me kin ronada majan o, a anan en pai en jappa o widin en dipijou kan kin kajokela majan o, ap jo wa. MAT 13:23 A me kamoremoredi nan pwel mau, iei i, me kin ronada majan o, ap dedeki o wada; akai kin pan me epuki, a akai me woneijok, a akai jileijok. MAT 13:24 A kotiki on irail er pil apot karajeraj majani: Wein nanlan rajon aramaj amen, me kamoredi war mau nan japwe. MAT 13:25 A aramaj lao mairelar, a imwintiti ap pwarado kamoredier dip nan pun en korn ap koieila. MAT 13:26 A tuka lao wojadar o wadar, dip ap pil pwaradar. MAT 13:27 Ladu en kaun pan im o kan ap pwara don i potoan on i: Main, kaidin war mau, me kom kotin kamoredier nan jap omui? A iaduen dip, a ko jan ia? MAT 13:28 A majani on irail: Aramaj mor jued amen me wiadar. Ladu kan ap potoan on i: Kom kotin mauki, jen kola matiada jan? MAT 13:29 A majani: Iermen, pwe komail der matia jan dip ianaki korn. MAT 13:30 A karoj pan mimieta lao anjaun rak; ni anjaun rak i pan indan men dolun kan: Ki pena maj dip akan, pira pena ni kap akan, pwe aramaj en karonala, a korn ki pena nan ai im en nak. MAT 13:31 A kotiki on irail pil apot karajeraj majani: Wein nanlan rajon wan tuka eu, me aramaj amen ale, padukedi on nan japwe, MAT 13:32 Me tikitik jan war karoj, a a lao wojada, a kalaimun jan dip akan, o wiala tuka laud apot, manpir en pan lan akan ap pokon pena o mimi nan ra a kan. MAT 13:33 A pil apot karajeraj me a kotin majani on irail: Wein nanlan raj on kalep kij, me li amen ale okila nan kajak en plaua jilu, Karoj lao mutala. MAT 13:34 Mepukat karoj Iejuj kotin padapadanki ni karajeraj on pokon o, o jota, me a kotin padaki on irail, ma jota ni karajeraj. MAT 13:35 Pwen pwaida me lokido ren jaukop o, me majani: I pan ki pajan au ai, pwen karajeraj o pan kasanjaleda me rir akan jan ni tapin kaua. MAT 13:36 A ap kotin kadar pajan pokon o, kotilon on nan tanpaj o. Japwilim a tounpadak kan ap kai don i potoan on: Re kotin kawewe on kit karajepan dip nan mutual o. MAT 13:37 A kotin japen majani: Me kamoredi war mau, iei Nain aramaj. MAT 13:38 Matuel iei jappa. War mau iei toun wei. Dip iei nain mejued. MAT 13:39 Imwintiti, me kin kamor ir edi, iei tewil. Rak me kaimwijoke pan jappa. Jaundolun pene iei tounlan kan. MAT 13:40 A duen dip akan a kin uja jan ron kila kijiniai, iduen a pan wiaui ni imwin kaua. MAT 13:41 Nain aramaj pan kadarala na tounlan kan, o re pan kijan nan wei men kamakar karoj, o me kin wiawia me jued. MAT 13:42 O re pan kajapok ir alan Ien kijiniai iei wajan mamaiei o teterok. MAT 13:43 Me pun kan ap pan linalin dueta katipin nan wein Jam arail. Me jalon a mia, men ron, i en ron! MAT 13:44 Wein nanlan rajon pai eu, me rir nan matuel, me aramaj amen diaradar ap okila, o peren kida, koieila, netikilar karoj, me a naineki, ap netiadar matuel o. MAT 13:45 Wein nanlan pil rajon jaunet amen, me raparapaki takai kajampwal kai. MAT 13:46 A lao diaradar eu, me kajampwalia, ap koieila netikilar a dipijou karoj, netiada i. MAT 13:47 Wein nanlan pil rajon uk apot, me kin kadudi nan jed, pwen oro pena jon karoj. MAT 13:48 A lao direla, re kin apiadado pon oror, ap mondi pena, deuk on me mau akan nan dal akan, a me jued akan re kin kajela. MAT 13:49 Nan iduen a pan wiaui ni imwin kaua: Tounlan kan pan koieila, katoror jan me jued akan me pun kan. MAT 13:50 O kajapok ir alan len kijiniai, iei wajan maiei o teterok. MAT 13:51 Iejuj kotin majani on irail: Komail weweki mepukat karoj? Re potoan on: Ei Main. MAT 13:52 A ap kotin majani on irail: I me jaunkawewe karoj, me jukujukuleki wein nanlan me rajon kaun pan im eu, me kin kapwareda jan a pai me kap o me marin. MAT 13:53 Kadekadeo Iejuj lao kaimwijokela karajeraj pukat, ap kotin koieila jan waja o. MAT 13:54 A koti don udan japwe kawewe on irail nan ar jinakoke. Irail ari puriamui kila indada: Lolekon en ol men et o a manaman akan ko jan ia? MAT 13:55 Kaidin i nain kapenta? In a jota adaneki Maria? O ri a ol akan Iakop, o Iojep, o Jimon, o Iudaj? MAT 13:56 O ri a li akan, kaidin irail karoj mi re atail? Ari, ia waja mepukat ko jan. MAT 13:57 O irail makar kin i. A Iejuj kotin majani on irail: Jota waja me jaukop jo waui ia, nan japwe ota o ren jau i ko. MAT 13:58 I ari jota wiadar manaman toto waja o pweki ar jopojon. MAT 14:1 DOKAN nanmarki Erodej roner duen wiawia en Iejuj. MAT 14:2 Ap majani on japwilim a ladu kan: Nan i Ioanej jaunpaptaij, a mauredar jan ren me melar akan, i me a wia kida manaman pukat. MAT 14:3 Pwe Erodej koledier Ioanej o jaliedier on nan imaten pweki Erodiaj en ri a Pilip a paud. MAT 14:4 Pwe Ioanej me majani on i: A jota muei on komui en ale i. MAT 14:5 O a men kamela i, a a majak aramaj akan, pwe re wiakin i jaukop amen. MAT 14:6 A en Erodej a ran en ipwidi wiauier, nain Erodiaj jeripein ap kakalek mo ’rail, i me Erodej peren kidar. MAT 14:7 I ari inauki on i, me a pan ki on i, meakaroj, me a pan poeki, ap kotin kaula, MAT 14:8 A lao pwili jan in a, ap potoan on: Kotiki don ia monan Ioanej jaunpaptaij pon dal wet. MAT 14:9 Nanmarki ap kupur juedelar; a pweki a kaula o pweki irail, me ian i kot ni tepel o, a majani ren ki on i. MAT 14:10 I ari poronelar en lepuk jan manan Ioanej nan imaten. MAT 14:11 Mona ap wijikedor pon dal eu, ap panalan jeripein o, i ap wala ren in a. MAT 14:12 A tounpadak kan ap pwarador, ale kalep a, jarepedier, rap kola kaireki Iejuj. MAT 14:13 Iejuj lao mani mepukat, ap kotin iawalar jop pot, kotilan jap tan eu. Pokon lao ronadar, rap idauenla i japajapal jan nan kanim akan. MAT 14:14 A lao kotila jan waja o, ap kotin majani pokon kalaimun, ap kupuro kin ir ala, o kotin kakelada, me jomau re ’rail. MAT 14:15 A lao jautik penaer japwilim a tounpadak kan kaidon i potoan on: Jap tan eu met o anjau daulier; re kotin kadar pajan pokon o, pwe ren kola nan kanim akan, netiada kan ar mana. MAT 14:16 A Iejuj kotin majani on irail: Jota kare pan ar kola, komail pan katunole irail. MAT 14:17 A irail potoan on i: Jota at tunol met, lopon en prot eta limau o mam eta riamen. MAT 14:18 A a kotin majani: Wa don ia! MAT 14:19 A ap kotin majani, pokon en mondi nan ra, ap kotikida lopon en prot limau o mam riamen, ap kotin majanda nanlan, laolao ki pilitiki pajan o kotiki on tounpadak kan lopon en prot oko a tounpadak kan ap nek on pokon o. MAT 14:20 Irail karoj ari mana o medier; rap deuk pena kopou en maremor eijok riau luan kamadip o. MAT 14:21 A irail, me manaer, me ol limekid a li o jeri kan jota ian wadawader. MAT 14:22 A ap kotin pain tounpadak kan, ren keredi pon jop pot, pwe ren madan wei mo a lel palio, lao a pan kotin kadar pajan pokon o. MAT 14:23 A lao kotin kadar pajan ponkon o, ap kotin kelepelar pon nana eu, pwen laolao. A lao, Jautik penaer i eta, me kotikot waja o. MAT 14:24 A jop o mi ni ailepan jed o lujilujeki iluk kan pwe an udo jan moa. MAT 14:25 A kadekadeo nan lukepan pon Iejuj ap kotikot ko don irail pon jed o. MAT 14:26 A tounpadak kan lao kilaner ikotikot jili pon jed o, ap majapwekadar indada: Ani amen! Irail ap weriwer pweki ar majak. MAT 14:27 A Iejuj kotin madan kajoi on irail majani: Kaporopor mau, pwe Nai met, der majak. MAT 14:28 A Petruj japen I patoan on: Main, ma ir, re kotin majan don ia, ie en kowei re ir pon pil o. MAT 14:29 A ap kotin majani: Ukedo! Petrus ap keredier jan nan jop o, weweid pon pil o, pwen kola ren Iejuj. MAT 14:30 A lau kilaner an ma, ap majapwekadar, a ni a pan kirila, a weriwer indada: Main kupwura ia! MAT 14:31 Iejuj kotin madan kapawei lim a koledi i, majani on i: O koe meid pojon tikitik da me koe jo pojonki? MAT 14:32 Ira lao kotidar pon jop o an ap moledier. MAT 14:33 A toun jop o ap kaion i, poridier potoan on: Melel ir me Japwilim en Kot! MAT 14:34 Irail lao kotin kotela, rap kotilan jap Kenejaret. MAT 14:35 Toun jap o lao aja i, rap kadar jili waja karoj, o re wa don i me jomau kan karoj, MAT 14:36 O poeki re a, ren potoan jair ta imwin japwilim a likau. A karoj, me jair i kelailadar melel. MAT 15:1 PARIJAR o jaunkawewe kan ap ko don i jan Ierujalem, kalelapok re a: MAT 15:2 Menda japwilim omui tounpadak kan tiakedi padok en kaua ko? Pwe re jota kin omiom ni ar pan kan prot. MAT 15:3 A i kotin japen majani on irail: Menda komail pil tiakedi kujoned en Kot pweki omail padok kan? MAT 15:4 Pwe Kot kotin kujonedadar majanier: Kakaki jam om o in om, o meamen lalaue jam a de in a, i en kamela. MAT 15:5 A komail kin inda: Meamen indan jam a o in a: Korpan, iet wewe: Mairon eu, me koe men aneki jan ia; komail inda, dene jota dip a; i ari jota pan kakaki jam a o in a. MAT 15:6 Iduen omail tiakedi kujoned en Kot pweki omail padok kan. MAT 15:7 Malaun akan komail, nan melel, me Iejaia kokopadar iran komail, ni a majani: MAT 15:8 Aramaj pukat kin kaka kin ia au arail, a monion arail me doo jan ia; MAT 15:9 Ari, me mal ar kaudok ia, pwe kujoned en aramaj eta, me re kin kaukawewe. MAT 15:10 I ari molipe pena aramaj akan majani on irail: Ron o weweki! MAT 15:11 Kaidin me kin ko on nan aua kin kajaminela aramaj, a me kin ko jan nan aua, i me kin kajaminela aramaj. MAT 15:12 Tounpadak kan ap kodo, potoan on i: Re kotin mani, me Parijar akan makar kida ni ar ronadar majan o? MAT 15:13 A kotin japen majani: Tuka karoj, me kaidin Jam ai nanlan, padukedier, pan weiweida. MAT 15:14 Puei jan irail; irail me majkun, ap kalua me majkun akan. A ma me majkun amen pan kalua me majkun, nan ira karoj pan pupedi on nan por o. MAT 15:15 Petruj ap japen potoan on i: Re kotin kawewe on kit karajeraj pot et. MAT 15:16 I ari kotin majani: Komail pil jota lolekon? MAT 15:17 Komail jaikenta weweki, meakaroj, me kin ko on nan aua kin kodilon on nan kaped o ap kin kajapokela? MAT 15:18 A me kin ko jan nan aua, kin tapida jan nan monion, o i me kin kajaminela aramaj. MAT 15:19 Pwe jan nan monion o lamelam jued kin tapi jan ia: Kamela aramaj, o kamal, o nenek, o pirap, o kadede likam, o lalaue. MAT 15:20 Jon pukat, me kin kajaminela aramaj. A jo omiom ap mana jota kin kajaminela aramaj. MAT 15:21 Iejuj ap kotila jan waja o, kotilan wein Tiruj o Jidon. MAT 15:22 A kilan, li en Kanaan amen, me kodo jan waja o, likelikwir on i, potoan on: Kupura ia! Main, ir me japwilim en Dawid! Nai jereipein waiwairokki tewil. MAT 15:23 A a jota kotin japen i meakot. Japwilim a tounpadak kan ap kai don i poeki re a potoan on: Re kotin kadarala i, pwe a kin likelikwir don kitail. MAT 15:24 A kotin japen majani: Jota me I pakadara don, pwin jip en jaun Ijrael eta, me jalonalar. MAT 15:25 A a kodo, poridi on i potoan on: Main, re kotin kupura ia! MAT 15:26 A kotin japen majani: A jota mau, en ale en jeri ar tunol prot ap kajedi on ren kijin kidi kan. MAT 15:27 A potoan on: Melel Main, ari jo, kijin kidi kan kin namenam maremor akan, me kin pupedi jan ni tepel en ar jaumaj. MAT 15:28 Iejuj ap kotin japen majani on i: O li, om pojon mo laud! A pan wiaui on uk duen me koe inon ion. Na jeripein ap kelailadar ni auer ota. MAT 15:29 Iejuj ari kotila jan waja koti don liman jed en Kalilaa a lao kotida pon dol eu ap kaipokedi waja o. MAT 15:30 O pokon kalaimun pokondon i, me wado me danidan kai, o me majkun, o me loton, o me jikilikil, o jon toto, ap pwilikidi ni aluwilua. A ap kotin kakelail ir ada. MAT 15:31 Pokon o ap puriamwuiki ni ar kilan, me loton akan lokolokaia, o me jikilikil akan kelailadar, o me danidan kan alialu, o me majkun akan kilan waja; rap kapina Kot en Ijrael. MAT 15:32 Iejuj lao molipe pena japwilim a tounpadak kan a kotin majani: I ap pokela pokon en, pwe re mi re i ran jilu ap jota kan ar mana, a I jota pan kadar ir ala ni ar jota manaer, pwe ren der dupokala pon al o. MAT 15:33 Japwilim a tounpadak kan ap potoan on i: Je pan kijan ia prot toto, men kamedela pokon et nan jap tan wet? MAT 15:34 lejuj kotin majani on irail: lopon en prot me depa mi re omail? Irail potoan on: Me iju o kijin mam kij. MAT 15:35 I ari kotin majani on pokon ii, on mondi on nan pwel o, MAT 15:36 Ap kotikidar lopon en prot iju o kijin mam akai, laolaoki, pwilitiki pajan o kotiki on sapwilim a tounpadak kan, a tounpadak kan ap nek on pokon o. MAT 15:37 Irail karoj ari manaer, o medier; irail ap deuk pena kopou iju luan kamadip o. MAT 15:38 A irail, me manaer, me ol pakid, a li o jeri kan jota ian wadawader. MAT 15:39 A lao kotin kadar pajan pokon o, a kotilan pon jop pot, koti don impan Maktala. MAT 16:1 Parijar o Jadujar akan ap kodo, kajonejon i o poeki i kilel eu jan nanlan. MAT 16:2 A ap kotin japen majani on iral: A lao jautiker komail kin inda: Lakap a pan ran kajelel eu, pwe lan me waitata. MAT 16:3 A ni manjan: A pan katau, pwe lan me waitata o rotorot. Komail kak on kajauiada mom en lan, a komail jota kak kajauiada kilel en anjau. MAT 16:4 Di jued o kamal o kin nonki kilel eu, a jota kilel eu, me pan janjal on irail, pwe kilel en Iona eta. I ari kotin muei jan irail o koti wei. MAT 16:5 Japwilim a tounpadak kan lao kotela lel palio, ap jota arail prot, pwe re monokelar. MAT 16:6 A Iejuj kotin majani on irail: Kalaka o pereki kalep en Parijar o Jadujar akan! MAT 16:7 Irail ari kajokajoi nan pun arail indada: Nan pweki jota atail prot, me je wado. MAT 16:8 Iejuj lao mani mepukat, ap kotin majani: Komail meid jopojon, menda komail kajokajoi nan pun omail, iran omail jota wado prot oko? MAT 16:9 Komail jaikenta dedekila o komail jota tamanda lopon en prot limau ren aramaj limekid o kopou depa, me komail deuk penaer? MAT 16:10 Pil jo lopon prot iju ren aramaj pakid, o kopou depa, me komail deuk penaer? MAT 16:11 Daduen, komail jo lolekonki, me kaidin kijin mana, me i kajokajoi; pwe komail en pereki kalep en Parijiir o Jadujar akan, MAT 16:12 Irail ap weweki, me a kaidin majanier, me ren kalaka kalep en prot, pwe ren kalaka padak en Parijiir o Jadujiir. MAT 16:13 Iejuj lao koti don wein Jajarea Pilipi, ap kotin kainoma ren japwilim a tounpadak kan majani: Da me aramaj kin inda, ij me nai, Nain aramaj? MAT 16:14 Irail potoan on: Akai: Ioanej jaunpaptaij, a akai: Eliaj, o pil akai: Ieremiaj de amen ren jaukop oko. MAT 16:15 Ap kotin majani on irail: A komail, ij me komail kin inda me nai? MAT 16:16 Jimon Petruj ap japen potoan on: Ir me Krijtuj, Japwilim en Kot ieiaj! MAT 16:17 Iejuj ap kotin japen majani on i: Koe meid pai Jimon nain Iona, pwe kaidin uduk o nta, me kajale on uk met, pwe Jam ai, me kotikot nanlan, MAT 16:18 A I pil indai on uk, koe Petruj, a I pan kauada pon paip wet ai momodijou a wanim en pweleko kan jota pan kak kawela MAT 16:19 I pan ki on uk kapiri pan wein nanlan kan. A meakot koe pan jaliedi nin jappa, pan jalidi nanlan; o meakot, koe pan lapwada nin jappa, pan lapwada nanlan. MAT 16:20 A ap kotin majani on japwilim a tounpadak kan, me ren der indan meamen, me i me Krijtuj. MAT 16:21 I anjau me Iejuj kotin tapiadar kajale on japwilim a tounpadak kan, me a pan kotilan Ierujalem o kalokolok laud ren jaumaj akan, o ren jamereo lapalap akan o ren jaunkawewe kan, ome a pan kalokolok toto o kamela o ni ran kajilu a pan maureda, MAT 16:22 Petruj ap ukadar I, kapukapun I indada: Main re kotin kupure pein ir, mepukat jota pan pai on ir! MAT 16:23 A ap kotin jaupoido majani on Petruj: Kola muri Jatan! Koe men kamakar on ia, pwe om lamelam kaidin en Kot, a en aramaj, MAT 16:24 Iejuj ap kotin majani on japwilim a tounpadak kan: Meamen pan idauen ia en tounmeteki pein i, ap wada a lopu, idauen ia. MAT 16:25 Pwe meamen dorela maur a, pan pupe jan, a meamen kajela maur a pwreki nai, i me pan diarada. MAT 16:26 Pwe da kadepa on aramaj o, ma a aneki jappa pon, ap kajela maur a? De da me aramaj pan kak kida, pwen kajapaledo maur a? MAT 16:27 Pwe Nain aramaj pan kokido linan en Jam a, o japwilim a tounlan kan pan ian i; i ari pan pwain on aramaj akan duen ar wiawia kan. MAT 16:28 Melel I indai on komail, akai me ian mimi met, me jota pan mela, irail lao kilan Nain aramaj a kodo nan a wei. MAT 17:1 MURIN pon wonu pon Iejuj ap kotin ukadar Petruj, o Iakopuj, o ri a Ioanej kalua ir dalan pon nana ileila eu kalapuk. MAT 17:2 I ari kotin linanla mo ’rail jilan i linalin dueta katipin, o japwilim a likau o puetpuet eta marain eu. MAT 17:3 A kilan, Mojej o Eliaj pwaradon ir, kajokajoi on i. MAT 17:4 Petruj ap japen potoan on Iejuj: Main, meid mau ataill kotikot met. Ma re kotin mauki, je pan kauada kijin im jili kij: Tanpaj ar, o eu japwilim en Mojej, o eu japwilim en Eliaj. MAT 17:5 Ni a kajokajoidar, kilan, pali en dapok pali ap kadupal irail edi; o kilan, nil eu peidido jan nan dapok o, me majani: let nai ol kompok, me I kin polaule kida! Komail ron i! MAT 17:6 Tounpadak kan lao ronadar met, rap pupedier pon maj arail, majapwekadar kaualap. MAT 17:7 Iejuj ap kotido, jair ir, majani: Uda, der majak! MAT 17:8 Irail lao jaradar, jota amen, me re kilaner, pwe Iejuj eta. MAT 17:9 Ari, ni arail kotikot kodido jan ni nana o, Iejuj ap kotin majani on irail majani: Komail depa indai on meamen duen kajanjal o, Nain aramaj lao mauredar jan ren me melar akan. MAT 17:10 Japwilim a tounpadak kan kalelapok re a indada: Da me sounkawewe kan kin indinda, dene Eliaj pan kotido maj? MAT 17:11 A kotin japen majani on irail: Nan melel, Eliaj pan Pwarado maj kapunala karoj. MAT 17:12 A nai indai on komail, Eliaj me pwaradoer, a re jaja i, pwe irail wiai on i meakan, me re men wiada. Iduen Nain aramaj pan kamekam re ’rail. MAT 17:13 Tounpadak kan ap ajadar, me a kotin majani on irail duen Ioanij Jaunpaptaij o. MAT 17:14 Irail lao lel don pokon o, aramaj amen poto don I kelepuki mo a jakaradar: MAT 17:15 Main kupura nai ol o, pwe a pweipwei o madak kaualap, pwe pan pak toto a kin pupedi nan iai o nan pil, MAT 17:16 Nai ari wa don i ren japwilim ar tounpadak kan, a irail jota kak kakelada i. MAT 17:17 Iejuj ap kotin japen majani: Di wet me id jopojon o katiwo. la arain ai pan mi re omail? Ia arain ai pan kokoa komail? Wa don ia! MAT 17:18 Iejuj ap kotin kidaua i, tewil ari kodi jan lole; putak o ap kelailadar ni auer ota. MAT 17:19 A tounpadak kan ap kelep poto don Iejuj potoan on: Da me kit jo kak kaujeki wei jan i? MAT 17:20 A ap kotin majani on irail: Aki omail jopojon. Pwe melel I indai on komail, ma omail pojon pan laude on wan katirin, komail pan kak indan nana wet: Koda jan waja en, kola monen! I ap pan kola, jota me jota pan kak pa omail. MAT 17:21 Jon wet jota kin koki jan meakot, kapakap o kaijejol eta. MAT 17:22 A ni ar kotikot jili nan wein Kalilaa, Iejuj kotin majani on irail: Nain aramaj pan panalan nan pa en aramaj. MAT 17:23 Irail pan kamela i, a ni ran kajilu a pan maureda. Irail ari mamauk kaualap. MAT 17:24 Irail lao kotilon on nan Kapernaum, jaunopwei kai ap ko don Petruj indan i: Omail Jaunpadak jota kin ian nopwei? MAT 17:25 A majanier: Ei. A lao pedelon on nan im o, Iejuj ap kotin madan majani: Jimon, da me koe lamelame, nanmarki en jappa kin ale takjij de nopwei jan ren ij? Jan ren nairail jeri de jan men liki kan. MAT 17:26 Petruj potoan on i: Jan ren men liki kan. Iejuj kotin majani on i: Ari, jeri kan me jaladok. MAT 17:27 Ari jo, pwe kitail der kamakar irail ada, kola ni oror kajedi kaj, a mam men maj, me pan lodi, apiada, kajara pajan au a, koe pan diar lepen moni lep; i me koe pan ale o kida ai o noum. MAT 18:1 NI auer ota tounpadak kan poto don Iejuj potoan on: Iaduen ij me pan lapalap nan wein nanlan? MAT 18:2 Iejuj lao kotin molipeido kijin amen, ap kotin kotiki on nan pun arail, MAT 18:3 Majani: Melel I indai on komail, ma komail jota pan wukila, wiala jon en kijin jeri, komail jota pan kak ko on nan wein nanlan. MAT 18:4 Ari, meamen pan kajapwiledi pein i, dueta kijin jeri men et, i me pan lapalap nan wein nanlan. MAT 18:5 O ma amen apwali kijin jeri men due met ni ad ai, i me kin apwali ia. MAT 18:6 A meamen me pan kamakar amen ir, me tikitik, me pojon ia, a mau on, takai en plaua eu en jali on tapin wor a, ap kamopela nan madau waja me lol. MAT 18:7 Juedi on jappa pweki a men kamakar akan, Ari jo, men kamakar akan udan mia; juedi on aramaj o, me men kamakar pan tapi jan ia. MAT 18:8 A ma apali en pa om de apali en ne om pan kamakar uk, lepuke jan, o kaje jan uk, pwe a mau on uk ko on maur ni om danidan de jikilikil, jan om pa de na pokon mia, ap ko on kijiniai joutuk. MAT 18:9 O ma apali en maj om pan kamakar uk, waikada jan o kaje jan uk, pwe a mau on uk, ko on maur ni om maj pali, jan maj om pokon mia ap lokidokila nan iai en pweleko. MAT 18:10 Kalaka, pwe komail der mamaleki amen tikitik pukat; pwe I indai on komail, me arail tounlan kan, me mi nanlan, kin ariri Jam ai, me kotikot nanlan. MAT 18:11 Pwe Nain aramaj kodon dorela, me jalonalar akan. MAT 18:12 Da me komail lamelame, ma aramaj amen, naineki jip epuki, a amen irail pan jalonala, a jo pan pwilikidi duekduamen pon nana, ap kola raparapaki me jaloriala? MAT 18:13 A ma a pan diar, melel I indai on komail, a pan peren kida, me men en jan duekduamen, me jota jalonalar. MAT 18:14 Iduen Jam omail, me kotikot nanlan, jota kotin men, amen kijin jeri pukat en jalonala. MAT 18:15 A ma ri om ol wia dip on uk, en kelep kila i, kapun on i dip a; ma a pan ron uk, nan koe kajapaledo ri om. MAT 18:16 A ma a jota pan ron uk, ap ukada amen de riamen, pwe meakaroj en mi ren jaunkadede riamen de jilimen. MAT 18:17 A ma a kan ron irail, ap kaireki momodijou, a ma a pil kan ron momodijou, ap wia kin i men liki o jaunopwei men. MAT 18:18 Melel I indai on komail, me komail pan jaliedi nin jappa, pan jalidi nanlan, o me komail pan lapwada nin jappa, pan lapwada nanlan. MAT 18:19 I pil indai on komail, ma riamen nin jappa pan minimin pene ni meakot, me re men poeki, a pan pwai on ira jan Jam ai, me kotikot nanlan. MAT 18:20 Pwe waja kij, me riamen de jilimen pokon pena ni ad ai, i waja I kin mi nan pun arail. MAT 18:21 Petruj ap kai don i potoan on: Main, pan pak depa i en makeki on ri ai ol o, me wia dip on ia? A itar ma a pan me Ijepak? MAT 18:22 lejuj kotin majani on i: I indai on uk, kaidin ijepak eta, a pan pak iju wad ijeijok. MAT 18:23 I me wein nanlan rajon nanmarki amen, me pan kapukapun na ladu kan. MAT 18:24 A ni a tapiada kapukapun, amen ap wijike don i, me pwaipwaimdeki talent nen. MAT 18:25 A ni jota a men pwain, a monjap ap majanier, me a pan netila, o a paud, o na jeri kan, o karoj, me a aneki, pwen pwainda. MAT 18:26 A ladu o ap poridi mo a poni, potoan on: Main kom kotin kanonama on ia, i pan pwain on komui karoj. MAT 18:27 A monjap en ladu o ap pokela, ap lapwada o makeki on i a pwaipwand. MAT 18:28 A ladu ota ap koieila, diaradar kij a ladu amen, me pwaipwand on i denar epuki; i ari koledi i, padik pena tapin wor a indada: Kapunala, ma om pwaipwand mia. MAT 18:29 Ladu ap poridi mo a, poeki indada: Kom kotin kanonama on ia, i pan pwain on komui. MAT 18:30 A a kan, ap koieila, kajedi on nan imaten lao a kapunala a pwaipwand. MAT 18:31 A kij a ladu kan lao kilaner me wiauier, rap mauk kaualap, koieila kaireki arail monjap karoj, me wiauier. MAT 18:32 A monjap ap ekere don i, majani on i: Koe meid ladu jued amen! I make ki on uk er om pwaipwand karoj pweki om poeki re i. MAT 18:33 Menda koe jota kadek on ri om ladu, duen i kin kadek on uk er? MAT 18:34 A monjap ap makar kidar o panalan i ren jaun kalokolok lao a kapunalar a pwaipwand karujia. MAT 18:35 Iduen Jam ai nanlan, pan pil wia on komail, ma komail jota pan makeki jan nan monion omail on ri omail. MAT 19:1 KADEKADEO lejuj lao kaimwijokela padak pukat, ap kotila jan Kalilaa, koti don wein Iudaa palilan Iordan. MAT 19:2 O pokon kalaimun idauendo i. I ari kotin kakelail ir adar waja o. MAT 19:3 Parijar akai ap kodo kajonejon i indada: Me pun, ol en kajela a paud pweki okotme? MAT 19:4 A ap kotin japen majani: Komail jota doropwe, me i, me wia ir adar ni tapio, a kotin wiadar ol o li? MAT 19:5 A ap kotin majani: I me aramaj amen pan pweidedi jam a in a pat on eta a paud; ira ari pan udukala eu; MAT 19:6 Ira ari jolar riamen pwe uduk eu. Ari, me Kot kotin kapad penaer, aramaj depa kamueit pajan. MAT 19:7 Irail ap indai on i: A da me Mojej majaniki, kijin likau en kamueit en koda, ol ap pan muei jan a paud? MAT 19:8 A kotin majani on irail: Mojej mueid on komail er, en kajela omail paud akan pweki monion omail kapitakailar. A jan ni tapi o a jota kin due. MAT 19:9 A nai indai on komail: meamen kajela a paud, ma jota pweki nenek, ap paudekida amen; nan a kamal, o me pan paudeki, me lokidokilar o, a kin kamal. MAT 19:10 Japwilim a tounpadak kan ap potoan on i: Ma iduen kujoned, me ol o en kapwaiadan a paud, a jota mau on papaud. MAT 19:11 A ap kotin majani on ir: Kaidin karoj, me pan kak weweki padak pot et, irail eta, me a muei on er. MAT 19:12 Pwe akai mia, me udan jota unjok, a akai, me aramaj ki janer, a pil akai, me wia kapwat pweki wein nanlan. Meamen kak on weweki, i en weweki. MAT 19:13 Kijin jeri kai ap wijike don i, pwen pwil po ’rail lim a kan o laolaoki, a tounpadak kan kapoui irail. MAT 19:14 A Iejuj kotin majani: Mueid on kijin jeri kan, en ko don ia. Der kalik irail edi! Pwe iei jon en me udan wein nanlan. MAT 19:15 I ari kotikida po ’rail lim a kan. ap kotila jan waja o. MAT 19:16 O kilan, amen poto don i potoan on: Jaunpadak da me mau kot, i en wiada, pwe i en aneki maur joutuk? MAT 19:17 A ap kotin majani on i: Menda koe idok re i duen me mau? Pwe amen ta me mau. A ma koe men ko on maur, dadaurata kujoned akan! MAT 19:18 A ap potoan on: Kujoned da? A Iejuj kotin majani, iet akan: Koe der kamela aramaj; Koe der kamal; Koe der pirap; Koe der kadede likam; MAT 19:19 Kakaki jam om o in om; o pok on men imp om dueta on pein uk. MAT 19:20 Manakap ap potoan on i: Mepukat karoj i kapwaiadar; a da me i en pil wia? MAT 19:21 Iejuj kotin majani on i: Ma koe men unjokela, u kowei, netikila om dipijou, ap kijakijaki on me jamama kan, koe ap pan aneki om pai nanlan, o kodo idauen ia do. MAT 19:22 Manakap lao roner majan pot et, ap mamauk koieila, pwe a dipijou me toto. MAT 19:23 Iejuj ap kotin majani on japwilim a tounpadak kan: Melel I indai on komail, meid apwal on me kapwapwa kan, en pedelon on nan wein nanlan. MAT 19:24 I pil katitiki on komail, me manai, kamel en tilon nan au en dikok eu, jan me kapwapwa en ko on nan wein Kot. MAT 19:25 Japwilim a tounpadak kan lao ronadar met, ap puriamuiki kaualap indada: Ari, ij me pan kak kamaurela? MAT 19:26 Iejuj ap kotin jaupei won irail, ap kotin majani on irail: A jo kak pan aramaj, a ren Kot meakoj me kak. MAT 19:27 Petruj ap japen poto don i: Majani, kit likidmaliela meakaroj, ap idedauen komui, a da me pan katini kit MAT 19:28 Iejuj ap kotin majani on irail: Melel I indai on komail, komail me idedauen ia do ni Ipwi japal, Nain aramaj lao mondi pon mole linan, komail pil pan mondi pon deun kadeik, kakaunda kainok en Ijrael ei jokriau. MAT 19:29 O meamen kajela im a kan, de ri a ol o li akan, de jam a, de in a, de a paud, de jeri, de sap pweki ad ai, nan a pan ale pak epuki o jojoki maur joutik. MAT 19:30 A me toto men moa, pan muri; a men muri pan moa. MAT 20:1 Pwe wein nanlan rajon kaun pan im amen, me jankonai on raparapaki toundodok kai nan a mat en wain. MAT 20:2 Irail lao inauki pena, me denar eu ni ran eu, ap kadar ir ala nan a mat en wain. MAT 20:3 A pil kotila ni auer kajilu, ap majani akai, me momod mal nan deun jaunet akan, MAT 20:4 Ap majani on irail: Komail pil kola nan mat en wain o, o meakot me pun, i pan pwain on komail; irail ari kola. MAT 20:5 A pil kola ni auer kawonu o kaduau o wiadar dueta. MAT 20:6 A pil kotila ni auer eijokeu, ap diaradar akai, me momod mal, ap majani on irail: Da me komail momodeki mal ranpon? MAT 20:7 Irail potoan on: Aki jota amen, me kadokeki kit. Ap majani on irail: Komail pil kola nan mat en wain o, komail pan ale me pun. MAT 20:8 A lao jautik penaer monjap en mat en wain majani on a jaunkoa: Kapokon pena toundodok kan o pwain on irail. Tapiada jan ren men pwand oko lao kokodo lei men madan kan, MAT 20:9 Me kadodokier ni klok eijokeu kan ap kodo, amen amen ap ale denar eu. MAT 20:10 A men maj akan lao kodo, rap kiki on, me re pan ale jiki jan, a re pil aleer denar ta ieu. MAT 20:11 Irail lao ale, rap lipaned on monjap o. MAT 20:12 Indada: Mepukat dodok auer ta ieu, a komui karajai kit pena; kit me dodokki apwal en ran o karakar en katipin. MAT 20:13 A ap kotin japen majani on amen re ’rail: Kompoke pai, kaidin me japun, me i wiai on uk. Kita jota inauki pena denar eu? MAT 20:14 Ale me om, kowei, i men pwain on me pwand pukat rajon uk. MAT 20:15 De iaduen, a jota pun, i en wiaki me udan ai, me i mauki? De por en maj om me jued pweki ai kadek? MAT 20:16 Ari, me pwand akan pan moa, a me moa kan pan pwand, pwe me toto paeker, a me malaulau me piladar. MAT 20:17 Iejuj lao kotin kodala Ierujalem, a kotin kelepe kila tounpadak ekriamen pon al a, majani on irail: MAT 20:18 Kilan, kitail kin kodalan Ierujalem o Nain aramaj pan ko on ren jamero lapalap o jaunkawewe kan, o irail pan kadeikada, en kamela i. MAT 20:19 O re pan panala i ren men liki kan, pwen kapikapiti i, o kaloke, o kalopuela, a ni ran kajilu a pan maureda. MAT 20:20 In en nain Jepedauj ap poto don i, a na putak riamen ian i, poni i o poeki okotme re a. MAT 20:21 A ap kotin majani on i: Da me koe mauki? A potoan on i: Re kotin mueid on ai tunol putak riamen, en mondi re ir, amen ni pali maun omui, amen ni pali main omui nan omui wei. MAT 20:22 A lejuj kotin japen majani: Koma jota aja, me koma poeki. Koma kak nim dal me I pan nim? Ira potoan on: Je kak. MAT 20:23 A kotin majani on ira: Melel, komail pan tunole ai dal, a momod ni pali maun o main i, I jota kak mueid on, pwe pwaij en irail me a onop oner jan ren Jam ai. MAT 20:24 Ni en ek oko ar ronadar, ap juede kidar pirien o. MAT 20:25 A lejuj kotin molipe ir do majani: Komail aja, duen jaupeidi en wei pokon ar kin poe irail edi, o me lapalap akan kin manaman on irail. MAT 20:26 A duen met a jota pan wiaui nan pun omail. A me men laud nan pun omail, en papa komail. MAT 20:27 O meamen re omail, me men jaumaj, i en lidui komail. MAT 20:28 Dueta Nain aramaj, me kaidin kodo, pwe aramaj en papa, a pwii i on papa o kida maur a wiliandi mo toto. MAT 20:29 Ni arail kotila jan Ieriko, pokon kalaimun idauen la i. MAT 20:30 A kilan, ol majkun riamen momod ni kailan al o. Ni ara ronadar, me lejuj kotin daulul, ira ap likelikwir indada: Main kupura kit, ir me japwilim en Dawid! MAT 20:31 A pokon o kidau ira da, pwen nenenla. A ira kalaudela ara likelikwir indada: Main, kupura kit, ir me japwilim en Dawid! MAT 20:32 lejuj ari kotin udi, molipe ira do majani: Da me koma mauki, I en wiai on koma? MAT 20:33 Ira potoan on: Main, maj at en kapad pajan! MAT 20:34 lejuj ari kupuro kin ira dar o kotin jair maj ara. Maj ara ari madan pad pajaner; ira ap idauenla i. MAT 21:1 NI arail koren ion Ierujalem o lel on Petpake impan dol Oliwe, lejuj ap kotin poronela tounpadak riamen. MAT 21:2 Majani on ira: Koma ko on nan kanim monen, a madan koma pan diar ejel amen, me jalidi, o na pul mi imp a, lapwa ira da, ap kare don ia! MAT 21:3 A ma meamen pan indan koma meakot, koma pan indada: Kaun o men dake, i ari pan madan kadar ira do. MAT 21:4 A mepukat karoj wiauier, pwen pwaida, me lokido ren jaukop o me majani: MAT 21:5 Kaireki nain Jion jeripein: Kilan, om Nanmarki kotido re om. A kotin opampap o kaipokedi pon ejel li amen. MAT 21:6 A tounpadak ko lao kolar, o wiadar duen Iejuj kotin majani on ira MAT 21:7 Ira ap wado ejel o na, ap irepadi po ’ra arail likau kan a ap kotin kaipokedi poa. MAT 21:8 O pokon kalaimunia irepadi arail likau kan nani al o, a akai paledier ran tuka kan irepadi nani al o. MAT 21:9 A pokon o, me tion moa, o me idauen, nijinij indada: Ojiana on japwilim en Dawid! Meid iajanai me kotido ni mar en Kaun, ojiana nanlan. MAT 21:10 A lao kotilon on nan Ierujalem, toun kanim ap mokimokid indada: Ij i? MAT 21:11 Pokon o katitiki: Nan i Iejuju, jaukop en Najaret en kalilaa. MAT 21:12 Iejuj ap kotilon on nan im ni kaudok en Kot, ap kotin kajejan karoj, me kin netinet nan im en kaudok, o kotin wukededi tepel en jaunkawilian moni ko, o deun men netin muroi. MAT 21:13 O kotin majani on irail: A Intinidi: Im ai pan adaneki im en kapakap, a komail wia kilar deu en lipirap. MAT 21:14 A me majkun o me jikil akan poto don i nan im en kaudok o; i ari kotin kakel irail adar. MAT 21:15 A jamero lapalap o jaunkawewe kan lao kilaner manaman akan, me a kotin wiadar, o jeri kan nan im en kaudok, me nijinij indada: Ojiana on japwilim en Dawid! Irail ap makarakidar, MAT 21:16 lndai on i: Kom jota mani, mepukat katitiki? A Iejuj kotin majani on irail: Ei, komail jaikenta doropwe: Jan nan au en jeri o me kin kan didi, ir me kotin kapwaiadar kapin eu? MAT 21:17 I ari kotin muei jan irail, kotila jan nan kanim o, koti don Petanien o pweiokidi waja o. MAT 21:18 A ni manjan ni a kotin purlan kanim o, ap men konotedar: MAT 21:19 A kotin majani tuka pik pot ni kailan al o, ap kotilan i. A jota, me a kotin diaradar, pwe ta eta, ap kotin majani on i: Koe jolar pan wa kokolata! A tuka pik ap madan monedier. MAT 21:20 Tounpadak kan lao kilaner, irail ap puriamui kidar indada: Daduen tuka pik o madan monelar. MAT 21:21 A Iejuj kotin japen majani on irail: Melel I indai on komail, ma komail pojon, ap jota peikajal, kaidin met eta, me wiaui on tuka pik en, me komail pan kak wiada, pwe ma komail pan indan nana wet: Mokid wei lokidokila nan madau, nan a pan pwaida. MAT 21:22 O meakaroj komail pan poeki ni omail kapakap, ap pojon komail pan ale. MAT 21:23 A lao kotilon on nan im en kaudok o, jamero lapalap akan o jaumaj en toun jap o ap ko don I ni a kotin kaukawewe indada: Manaman en ij, me komui wiaki mepukat? O ij me ki on komui manaman wet? MAT 21:24 A Iejuj kotin japen majani on irail: I pan pil kalelapok meakot re omail, ma komail pan japen ia, I pil pan indan komail manaman en ij, me I wiaki mepukat. MAT 21:25 En Ioanej a paptaij a tapi jan ia? Men nanlan de me ren aramaj? Irail ap lamelame nan pun arail katiti, ma kitail pan inda men nanlan, a pan majani on kitail: Da me komail jo pojonki i? MAT 21:26 A ma kitail inda, me ren aramaj, kitail majak pokon o, pwe karoj kin wia jaukopki loanej, MAT 21:27 Irail ari japen lejuj potoan on: Kit jota potoan. I ari pil majani on irail: I jota pil pan indai on komail, manaman en ij, me I wiaki mepukat. MAT 21:28 A iaduen omail lamelam? Aramaj amen naineki ol riamen. A kola ren amen indan i: Lao, kola ran wet dodok nan ai mat en wain. MAT 21:29 A japen indada: I jota mauki; a mur ekij a kalukila, ap koieila. MAT 21:30 O a kola ren me teio indai on pil dueta. I me japen indada: Ei main; ap jota kola. MAT 21:31 Ari, ij re ’ra, me wiadar injen en jam a? Irail potoan on i: Men maj o. lejuj kotin majani on irail: Melel I indai on komail, jaunopwei o me nenek kan pan mo ’mail pedelon on nan wein Kot. MAT 21:32 Pwe loanej pwara don komail, padapadak on komail duen al pun, a komail jota kamelele i; a jaunopwei o me nenek kan kamelele i. A komail lao kilaner, komail jota kalukila, pwen kamele i. MAT 21:33 Komail ron pil apot karajaraj! Kaun pan im amen padukedier mat en wain eu o kelepene, ap weiradar deun men wunid wan wain, o kauada im en daulik eu, ap kajile kin i on jaumat akai, o momaitelar nan wai. MAT 21:34 A lao anjau en rak, a kadaralan jaumat akan a ladu kai, pwen ale a wan wain. MAT 21:35 Jaumat akan ap jaikedi a ladu kan; re woki amen, kamela amen, a amen me re kate. MAT 21:36 A pil kadarala ladu kai, toto jan men maj, Irail ari wiai on irail pil dueta. MAT 21:37 A ikmuri a kadara won irail na ol majani: Nan re pan majak nai ol. MAT 21:38 A jaumat akan lao kilaner ol o, irail ap kajokajoi nan pun arail: I me pan ale jojo, ukodo kitail en kamela i, a kitail pan id ale a jojo. MAT 21:39 Irail ari jaikedi i o kajapoke jan i nan mat en wain o, o kamela i. MAT 21:40 Ari, monjap en mat en wain lao pwarado, da me a pan wiai on jaumat pukat? MAT 21:41 Irail potoan on i: A pan kamela aramaj jued pukat, ap pan neki on akai jaumat a mat en wain o, me pan ki on i wan wain ni anjau me kon on. MAT 21:42 lejuj ap kotin majani on irail: Komail jaikenta doropwer nan kijin likau kan: Takai o, me jauje kan kajapokelar, ap id wialar takai en pukakaim. Me pukat wiauier ren Kaun o, men kapuriamui patail? MAT 21:43 I me I indai on komail, wein Kot pan japadoke jan komail, ap ko on eu kainok, me pan kida wa. MAT 21:44 O meamen pupedi on pon takai wet, pan ola, a meamen me a pan pupedi on poa, a pan pitaki pajan i. MAT 21:45 A jamero lapalap o Parijar akan lao ronadar a karajeraj akan, re mulikiadar, me a kotin karajeraje kin irail. MAT 21:46 Irail ari majamajan jili en jaikidi i, a re majak aramaj akan, pwe re wia kin i jaukop amen. MAT 22:1 A IEJUJ kotin japen o pil karajeraj on irail majani: MAT 22:2 Wein nanlan raj on nanmarki amen, me kamadipe na ol ni ran en a kapapaud. MAT 22:3 O a kadarala na ladu kan, pwen luke don kamadip o, me kileledier akan; a re kan kodo. MAT 22:4 A pil kadarala akai ladu majani: Kaireki me kileledier akan: Kilan, i kaonopadar ai kamadip o: nai kau ol o man wi kan me kamelar, o karoj nikier, ko don kamadip en kapapaud! MAT 22:5 A irail jota injenoki, ap kowei, amen nan japwe, o amen ko on dodok. MAT 22:6 A me tei kan jaikidi a ladu kan kaloke o kame ir ala. MAT 22:7 Nanmarki ap makara kidar, kadarala a jaunpei kan, kamela me lolap oko o ijikedar ar kanim MAT 22:8 A ap indan a ladu kan: Ari, kamadip onoper, a me kileledier akan jota war on. MAT 22:9 Komail ari kowei nan al akan, a karoj me komail diar, en kalua don kamadip o. MAT 22:10 Ladu kan ap kola nani al akan, kapokon pena karoj, me irail diaradar, me jued o me mau kan kamadip ari tounlar. MAT 22:11 A nanmarki lao pwarado, en kilan toun kamadip, ap diaradar aramaj amen, me jota a kapwat, MAT 22:12 A ap majani on i: Kompoke pai, iaduen om kak pedelon, pwe jota om kapwat? I ari japai mokid. MAT 22:13 Nanmarki ap majani on papa kan: Jaliedi i pa o na akan, ale o kajapokela nan rotorot liki iei wajan maiei o teterok. MAT 22:14 Pwe me toto paekeredo, a me malaulau piladar. MAT 22:15 Parijar ap pokon pena, kaparok pena duen ar pan kajapuna i jan a majan; MAT 22:16 Irail ap kadaralan i nairail tounpadak kan ianaki ladun Erodej kan, potoan on: Jaunpadak, je aja, ir me kotin melel, o kotin kawewe melel duen al en Kot o re jota kotin kupuroki meamen, pwe re jota kotin kajampwaleki janjal en aramaj. MAT 22:17 Ari, re kotin majani on kit kupur ar. Me pun, en nopwei on nanmarki de jo? MAT 22:18 A Iejuj lao kotin mani ar me juet, ap majani: Malaun komail, da me komail kajonejon kin ia? MAT 22:19 Kajale don ia moni en nopwei! Irail ap potoan on i denar eu. MAT 22:20 A kotin majani on irail: Mom en ij o intin wet? MAT 22:21 Irail potoan on i: En nanmarki, a i kotin majani on irail: Ari, komail ki on nanmarki, me nain nanmarki, o on Kot, me japwilim en Kot. MAT 22:22 Irail lao ronadar met, rap puriamuiki o muei jan i, o koin lar. MAT 22:23 Ran ota Jadujar akai ko don i, me kin inda, me dene me melar akan jolar pan maureda, ap kalelapok re a. MAT 22:24 Indada: Jaunpadak, Mojej majani, ma meamen melar o jota na jeri, ri a ol en id paudeki a paud, pwen kaipwi on ri a kadaudok a. MAT 22:25 Ari, pwin pirien eu mi re at, ol ijimen. Mejeni paudeki li amen, ap melar, a jota kadaudok a, ap kakaliki on ri a ol a paud; MAT 22:26 Pil dueta kariamen o kajili men kokola lao kaijimen. MAT 22:27 A ikmuri li o pil melar. MAT 22:28 Ari; ni en me melar akan ar pan iajada, a pan en ij a paud ren me ijimen, pwe irail karoj me paudekidar i? MAT 22:29 A Iejuj kotin japen majani on irail: Komail meid japun pwe komail jo weweki kijin likau kan de mana en Kot. MAT 22:30 Pwe me mauredar akan jolar pan papaud de kapapaud, pwe irail dueta tounlan en Kot akan, me mimi nanlan. MAT 22:31 Komail jaik doropwe duen en melar akan ar pan maureda, me lolok on komail jan ren Kot, me kotin majani: MAT 22:32 Nai Kot en Apraam o en Ijaak o en Iakop? A kaidin Kot en me melar akan, pwe en me maur akan. MAT 22:33 A pokon o lao ronadar met, irail ap puriamuiki a padak. MAT 22:34 A Parijar akan lao ronadar, me a kotin kadukiedier Jadujar akan, ap pokon pena. MAT 22:35 Amen irail, jaunkawewe men, kajonjon i potoan on: MAT 22:36 Jaunpadak, kujoned da me lapalap nan kapun o? MAT 22:37 A Iejuj kotin majani on i: Koe en pokeki on Kot om Kaun monion om unjok, o nen om unjok, o om lamelam unjok. MAT 22:38 lei met me moa en kujoned akan. MAT 22:39 O me kariau me dueta: Koe en pok on men imp om dueta on pein koe. MAT 22:40 Kujoned riau met me audepan kapun o jaukop akan. MAT 22:41 Ni en Parijar akan ar momod pena, Iejuj ap kotin kainoma re ’rail. MAT 22:42 Majani: Da me komail lamelame duen Krijtuj, nain ij i? Re potoan on: Japwilim en Dawid. MAT 22:43 A kotin majani on irail: A iaduen da me Dawid kaadaneki i Kaun ren Nen ni a majani: MAT 22:44 Kaun o kotin majani on ai Kaun, mondi on ni pali maun i, lao I pan wia kida om imwintiti utipan na om? MAT 22:45 A iaduen, ma Dawid kaadaneki i Kaun, a pil pan kak na ol? MAT 22:46 A jota amen, me kak japenki i meakot, o jolar me idok meakot re a kokolata. MAT 23:1 IEJUJ ap kotin kaparok on pokon o japwilim a tounpadak kan, MAT 23:2 Majani; Jaunkawewe o Parijar akan kin mondi nan deun Mojej. MAT 23:3 Ari, karoj me re indan komail, i me komail en wia o kapwaiada, a dor ale jaw ar wiawia kan; pwe irail kin indada, ap jota kapwaiada. MAT 23:4 Re kin pira pena kapwa en wijik me toutou melel, ap kidan pon apar en aramaj, a irail jota men jairki jondin pa arail. MAT 23:5 O re kin kapwaiada ar wiawia kan karoj, pwe aramaj en ududial. Pwe irail kin kadalape ar kijin likau en kataman o kalaudela ni kailan ar likau. MAT 23:6 Irail kin nonki mondi ni tapin tepel ni kamadip o, o leppandam nan jinakoke kan. MAT 23:7 O re kin mauki, aramaj en ranamau on irail nan deun net, o aramaj en wia kin ir Rapi, Rapi, MAT 23:8 A komail der wonki, aramaj en wia kin komail Rapi, pwe me ta men omail Jaunpadak, a komail pirien pena. MAT 23:9 O komail der kaadaneki meamen jam nan jappa, pwe amen Jam omail, me kotikot nanlan. MAT 23:10 O komail der nonki, aramaj en wia kin komail jaumaj, pwe me ta men omail Jaumaj: Krijtuj. MAT 23:11 A me lapalap re omail, en omail papa. MAT 23:12 Pwe me pan kajapwilada pein i, pan japwilidi, a me pan Kujapwilidi pein i, pan kajapwilada. MAT 23:13 Juedi on komail jaunkawewe o Parijar akan, malaun komail! Komail kin ritinidi wein nanlan mon aramaj akan, pwe komail jota pan pedelon, a me men pedelon, komail jota kin mueid on. MAT 23:14 Juedi on komail jaunkawewe o Parijar akan, malaun komail! Komail me nopur jan im en li odi kan ap liliajoj kapakap reirei. Omail kalokolok pan laud melel. MAT 23:15 Juedi on komail jaunkawewe o Parijar akan, malaun komail! Komail kin pidipidaki jed o jap, pwen wiada projelit amen, a lao wialar, komail ap pan wia kin i toun pweleko amen, me jued jan komail. MAT 23:16 Juedi on komail jaunkalua majkun, komail me kin inda: Meamen kin kaukila im en kaudok, dene jota katepa, a me kin kaukila kold en im en kaudok, i me pun. MAT 23:17 Komail pweipwei o majkun, pwe da me kajampwal ren kold de im en kaudok o, me kin kajarauiala kold? MAT 23:18 O meamen kin kaukila pei jaraui, dene jota katepa, a me kaukila mairon, me mi poa dene I me pun, MAT 23:19 Komail pweipwei o majkun, pwe da me kajampwal ren mairon de pei jaraui, me kin kajarauiala mairon? MAT 23:20 Ari, meamen kaukila pei jaraui, kin kaukila i o meakan, me mi poa. MAT 23:21 O meamen kaukila im en kaudok, kin kaukila i ianaki i me kotikot lole. MAT 23:22 O me kaukila nanlan, kin kaukila mol en Kot o me kin kaipokedi on poa. MAT 23:23 Juedi on komail jaunkawewe o Parijar akan, malaun komail! Komail kin maironki eijokkij eu en minje, o til, o kimel, ap jota injenoki kujoned en kapun kajampwal akan: Pun, o kadek, o pojon. Komail wiada mepukat, ap pil kapwaiada me tei kan! MAT 23:24 Jaunkalua majkun komail, me kin ijenoki kijin am enwel, ap katalala kamel! MAT 23:25 Juedi on komail jaunkawewe o Parijar akan, malaun komail! Pwe komail kin kamakelekel kajak o dal liki, a lol me dir en me re kuliada o me jued. MAT 23:26 Parijar majkun koe, kamakelekele maj lol en kajak o dal akan, pwe pali liki en pil makelekeleda! MAT 23:27 Juedi on komail jaunkawewe o Parijar akan, malaun komail! Komail rajon joujou kan, me jementen, me kin janjal kajelel, a lole me dir en ti en me melar akan o jow en jaut karoj. MAT 23:28 I duen komail, me janjal pun mon aramaj, a lole komail me dir en malaun o japun. MAT 23:29 Juedi on komail jaunkawewe o Parijar akan, malaun komail! Pwe komail kin apapwali joujou en jaukop akan o kapwataki joujou en me pun kan. MAT 23:30 Ap inda: Ma kit mia ni muein jam atail akan, kit jota pan ian irail kamela jaukop akan. MAT 23:31 Ari, pein komail kin kadede, me komail nain me kamelar jaukop akan. MAT 23:32 A komail kaunjokala wiawia en jam omail akan! MAT 23:33 Komail jerpent o wan oter akan! Pala komail pan piti jan kadeik en nan pweleko? MAT 23:34 Kilan, i me I kadara don komail jaukop akai, o me lolekon kai, o jaunkawewe kai; a akai irail, me komail pan kamela, o kalopuela, o akai komail pan kaloke nan omail jinakoke kan, o komail pan paki irail jan nan eu kanim on nan eu. MAT 23:35 Pwen kapokon on komail nta makelekel karoj, me kapwilipwilidier nan jappa jan ntan Apel pun kokodo lei ntan Jakariaj, nain Parakiaj, me komail kamelar nan pun en im en kaudok o pei jaraui. MAT 23:36 Melel I indai on komail, mepukat pan pwai on di wet. MAT 23:37 O Ierujalem, Ierujalem, me kin kamela jaukop akan o kate me pakadara don uk kan; pan pak toto. me I pan kapokon pena noumail akan, duen litok kin kompwal pena na purok kan pan pa a, a komail kan. MAT 23:38 Kilan, im omail pan tanla. MAT 23:39 Pwe I indai on komail, komail jolar pan kilan ia jan ni anjau wet, lao komail pan inda: Meid iajanai, me kotido ni mar en Kaun o! MAT 24:1 IEJUJ ap kotila kotiwei jan nan im en kaudok o, japwilim a tounpadak kan ari poto don i, pwen kajanjale on i im en kaudok o. MAT 24:2 Iejuj ari kotin japen majani on irail: Komail jo ududial mepukat karoj? Melel I indai on komail, jota eu takai pan mimi pon eu, me jota pan karonk pa jan. MAT 24:3 Ni a kotin kaipokedi pon dol Oliwe, tounpadak kan kelep poto don i potoan on: Re kotin majan don kit anjau da, mo mepukat pan pwaida o da kilel pan ar pan kotin puredo, o imwin kaua? MAT 24:4 Iejuj ari kotin japen majani on irail: Kalaka, pwe jota amen en kotaue komail. MAT 24:5 Pwe me toto pan kodo ni ad ai katiti: Nai me Krijtuj o kotauo me toto. MAT 24:6 Komail pan ronada duen mauin o kajokajoi pan mauin; Komail kalake, der majak; pwe mepukat pan wiaui maj, a imwi jaikenta mia. MAT 24:7 Pwe eu jap pan u on eu, o eu wei on eu; o anjaun lek, o kilitop, o rerer en jap akai pan wiaui. MAT 24:8 Mepukat karoj tapin kalokolok. MAT 24:9 Irail ap pan pan komail lan kamakam o kame komail la; o komail pan tantat pan kainok karoj pweki ad ai. MAT 24:10 Me toto ap pan makarada, o amen pan panala amen, o re pan tataki nan pun arail. MAT 24:11 O jaukop likam toto pan pwarada o kotaue me toto. MAT 24:12 A limpok en me toto pan luula, aki japun, me pan pwaida kaulap. MAT 24:13 A me pan dadaurata lei imwi, i pan dorela. MAT 24:14 A ronamau en wei o pan kalok jili nan jappa karoj, pwen kaded on wei karoj, iei anjau, me imwi korendo. MAT 24:15 A komail lao kilan jaut akan, o ola laud mi nan waja jaraui, duen me jaukop Daniel kopadar, meamen doropwe, i en weweki. MAT 24:16 Me kin mi nan jap en Iudaa, ap tanala pon nana; MAT 24:17 me mi pon im, ender ko on lole, pwen ale a kapwa jan; MAT 24:18 O me mimi nan jap, ender puren ale a likau. MAT 24:19 O me juedi on irail me lijean o me kin kadidi ni ran oko! MAT 24:20 Komail ari kapakap, pwe komail depa pitila ni anjaun kapau, o pil der ni ran en japat. MAT 24:21 Pwe i anjaun kamakam kaualap, jota me dueta jan ni tapin kaua kokodo lei met, pil jota pan wiaui kokolata. MAT 24:22 O ma ran oko jo kamalaulau la, jota uduk eu me pan dorela; a pweki me piladar akan ran oko pan kamalaulaula. MAT 24:23 O ma meamen pan indan komail: Kilan iet Krijtuj de monen, komail der kamelele. MAT 24:24 Pwe Krijtuj likam kai o jaukop likam kai pan pwarada, o kapwareda kilel o manaman akan, pwen pil kotaueda me piladar akan, ma re kak on. MAT 24:25 Kilan, nai me kop on komail er. MAT 24:26 Ari, ma re pan katiti on komail: Kilan, a kotikot nan jap tan o, der koieila; kilan, a kotikot waja rir o, derkamelele. MAT 24:27 Pwe duen liol a tapida jan ni maj en lan linanla lei kapin lan, iduen en Nain aramaj a pan pwarado. MAT 24:28 Pwe waja man melar mia ia, i waja ikel pan pokon pena ia. MAT 24:29 A murin kamakam o katipin pan madan rotorotala o maram pan jolar linan, o uju kan pan moredi jan nanlan, o katen pan nanlan pan mokidada. MAT 24:30 Kadapakilene pan Nain aramaj ap pan pwarada nanlan, o kainok karoj en jappa ap pan mamaiei, o irail pan kilan Nain aramaj a kokido dapok en lan linan akan, me manaman o kaualap. MAT 24:31 O a pan kadarala na tounlan kan peuk pojaune lapalap, re pan kapokon pena na me piladar akan jan pali paieu, jan ni maj en lan lei on kapi. MAT 24:32 Jan ni tuka pik o komail padakki karajeraj en: Ra kan lao pilen o ta pwarada, komail ajaki, me rak korendor. MAT 24:33 Pil dueta komail, komail lao diar mepukat, en aja, me a korendor, a leler liman wanim. MAT 24:34 Melel I indai on komail, di wet jota pan mela, lao mepukat karoj pan pwaida. MAT 24:35 Lan o jappa pan poula, a ai padak jota pan poula. MAT 24:36 A duen ran o auer jota amen, me aja, pil tounlan kan jaja, Jam ai ta me mani. MAT 24:37 A duen ni muein Noa iduen en Nain aramaj a pan pwarado. MAT 24:38 Pwe duen ni ran akan mon nolik lapalap re mana o nim, re papaud o kapapaud, lao lei ran en Noa a pedelon on nan warim o. MAT 24:39 O re jota dedeki lao lel nolik pwaida o kamop ir ala karoj, iduen en Nain aramaj a pan pwarado. MAT 24:40 I ran o riamen pan mi nan jap; amen pan peuka jan o amen luadi. MAT 24:41 Riamen pan irij nan im en plaua, amen pan peuka jan a amen luadi. MAT 24:42 Komail ari majamajan, pwe komail jaja auer, me omail Kaun pan pwarado. MAT 24:43 A met komail en aja, ma jaumaj en im o ajaer auer en men lipirap pan kodo, a pan majamajan, a jota pan mueid on kawela im a. MAT 24:44 Komail ari pil majamajan, pwe Nain aramaj pan kodo ni auer, me komail jota lamelame. MAT 24:45 Ari, ij ladu lelapok o lolekon o, me a monjap kajapwilada pon im a, pwen nene on irail ni anjau me kon on. MAT 24:46 Ladu o meid pai, me a monjap pwara diarada i a wiawia due met! MAT 24:47 Melel I indai on komail, a pan kajapwilada i pon a dipijou karoj. MAT 24:48 A ma ladu jued o pan lamelame nan monion i: Ai monjap pwapwand kodo; MAT 24:49 Ap kame a warok kan o nam o nim nan pun en me kamom jakau; MAT 24:50 Monjap en ladu o ap pan pwarado ni ran eu, me a jota lamelame o ni klok, me a jaja. MAT 24:51 O a pan palan pajan i o katororalan i ren me malaun akan, iei wajan maiei o teterok. MAT 25:1 ANJAU o wein nanlan mE rajon li ek, me ale ar lamp akan, ap koieilan ol kamod. MAT 25:2 Me limen me lolekon a me limen me lolepon. MAT 25:3 Me lolepon oko wa ar lamp akan ap jota ianaki kadirepa. MAT 25:4 A me lolekon ko wa ar lamp akan ianaki kadirepa. MAT 25:5 A ni en ol kamod a pwapwand ir karoj men mair ap mairelar. MAT 25:6 A lao nan lukepan pon a lok jili: Kilan, ol kamod kotido, komail koieilan i! MAT 25:7 Li karoj ap pauridar kaonop adar ar lamp akan. MAT 25:8 Me lolopon ap indan me lolekon kan: Komail ki don kit kijan omail le, pwe nait lamp akan pan kunla. MAT 25:9 A me lolekon kan japen indada: O iermen, pwe ede jola itar on kit o komail, komail kola ren jaunet netiada pein omail. MAT 25:10 Ni arail kokolan net, ol kamod ap jamador. Irail me onoper ian i pedelon on nan kamadip o, wanim ap ritidier. MAT 25:11 Murin anjau kij li tei ko ap pwarado indada: Main, main, re kotin ritinadan kit! MAT 25:12 A ap japen indada: Melel i indan komail, i jaja komail. MAT 25:13 Komail ari majamajan, pwe komail jaja ran de auer. MAT 25:14 Pwe a raj on aramaj amen, me pan momaitela nan wai. Ap kapokon pena na ladu kan o neke on irail a dipijou kan. MAT 25:15 A ki on amen talent limau, a on amen riau, a on amen eu, duen me re itar on, a ap madan jiimalar. MAT 25:16 Me aleer talent limau, ap koieila dodokki o diaradar pil talent limau. MAT 25:17 A me aleer riau, pil dueta, a diarada pil riau. MAT 25:18 A me aleer eu, ap koieilar jarepedier nani pwel, okilar moni en monjap o. MAT 25:19 A kadekadeo a warailar monjap en ladu pukat ap puredo o kainene irail adar. MAT 25:20 Me aleer talent limau ap patodo wado pil talent limau indada: Main komui kotiki on ia er talent limau, kom kotin majani, iet pil talent limau, me netia kidar. MAT 25:21 A monjap ap indan i: Meid mau, me koe wiadar, ladu lelapok o melel amen koe. Koe apapwali mau me tikitik o, i ap pan kajapwiladan uk pon dipijou toto, ko on nan peren en om monjap! MAT 25:22 A me aleer talent riau ap pil potodo indada: Main komui kotiki don ia er talent riau, kom kotin majani, iet pil talent riau, me i netia kidar. MAT 25:23 A monjap ap indan i: Meid mau, me koe wiadar, ladu lelapok o melel amen koe. Koe apapwali mau me tikitik o, i ap pan kajapwiladan uk pon dipijou toto ko on nan peren en om monjap! MAT 25:24 A me aleer talent eu ap pil potodo indada: Main, i ajaer komui, me komui ol padik amen, me kin dolun jan waja, me kaidin komui padukedier ia, o nak pena, waja me kaidin komui kamorok ia; MAT 25:25 Nai ari majak, o koieila o okilar japwilim omui talent nani pwel, majani, iet japwilim omui. MAT 25:26 A monjap ap japen indan i: Ladu jued o ponkake men koe, ma koe ajaer, me i kin dolun waja, me kaidin nai padukedier, o nak pena waja, me kaidin nai kamorokier. MAT 25:27 Menda koe jota ki on jaun kawilian moni nai moni, a nai lao puredo, i ap pan ale me udan ai ianaki moni me a naitikadar. MAT 25:28 Komail ari ki jan re a a talent, ap ki on, me a talent eijok. MAT 25:29 Pwe me a mia, ekij pan ko on, pwen aneki me laud; a me jota a mia, nan a pan katia jan me mi re a. MAT 25:30 A ladu me jota katepa, komail kajela nan rotorot liki, iei wajan maiei o teterok. MAT 25:31 A Nain aramaj lao kodo ni a linan, o tounlan jaraui kan ian i, a pan mondi pon mol en a linan; MAT 25:32 O toun jappa karoj pan kapokon pena mo a. A ap pan katoror irail pajan dueta jilepa o kin katorore jip ol ren li akan. MAT 25:33 A pan kila na jip li akan ni pali maun, o na jip ol akan ni pali main. MAT 25:34 Nanmarki ap pan majani on toun pali maun: Ukodo, komail kompoke pan Jam ai, jojoki wei o, me onop on komail er jan ni tapin kaua! MAT 25:35 Pwe nai men manadar, a komail ap kamana ia; nai men nim piladar. a komail ap kanim pil ia; nai men kairu men, a komail ap kajamo ia. MAT 25:36 Kilijo, a komail ap kalikauwi ia dar, nai jomaudar, a komail ap pwara don ia; nai jalidier, a komail ap pwara don ia. MAT 25:37 Me pun kan ap pan japen i potoan on: Main, iad me je potoan ir men konot, ap potoan don ir konot, de men konot pil, ap id konote don ir? MAT 25:38 Iad kit potoan ir men kairu, ap kajamo ir? De kilijo, ap kalikauwi ir adar? MAT 25:39 Iad kit potoan ir lomum, de jalidi, ap poto don ir? MAT 25:40 Nanmarki ap pan japen majani on irail: Melel i indai on komail, meakot komail wiai on amen, ri ai ol tikitik pukat, i me komail wiai on ia er. MAT 25:41 A ap pil pan indan irail toun pali main: Komail me riala, kowei jan ia, ko on nan kijiniai joutuk, me onoper on tewil o nal kan. MAT 25:42 Pwe nai men manadar, a komail jota kamana ia, o men nim piladar, a komail jota kanim pil ia, MAT 25:43 Nai men kairu men, a komail jota kajamo ia, kilijo, a komail jota kalikauwi ia dar, o jomau, o jalidi, a komail jota pwara don ia. MAT 25:44 Irail ap pil pan potoan on: Main, iad me je potoan ir men konot, de men konot pil, de men kairu men, de kilijo, de lomum, de jalidi, ap jota papa on ir? MAT 25:45 A ap pan japen irail majani: Melel i indai on komail, meakot komail jota wiai on amen tikitik pukat, i me komail jota wiai on ia. MAT 25:46 Mepukat ap pan kolan kalokolok joutuk, a me pun kan pan maur joutuk. MAT 26:1 KADEKADEO Iejuj lao kaimwijokela padak pukat karoj, ap kotin majani on japwilim a tounpadak kan: MAT 26:2 Komail aja, pon ria pon paja pan wiaui o Nain aramaj pan panala, en kalopula. MAT 26:3 Jamero lapalap akan o jaumaj akan en tounjap o ap pokon pena nan im en jamero lapalap, me maraneki Kaipaj. MAT 26:4 O kapukapun pena duen ar pan widinadi Iejuj en kamatala. MAT 26:5 A irail inda: Iermen ni ran en kamadip, pwe aramaj edo moromoronada. MAT 26:6 Iejuj lao kotikot Petanim nan im en Jimon tuketuk, MAT 26:7 Li amen ap poto don i, wa kijin potel alapajta audaud en mem kei kajampwalia ap kieledier on pon kadokenmai, ni a kotin konot. MAT 26:8 A tounpadak kan lao kilaner, ap juede kidar indada: Menda kei wet olar mal? MAT 26:9 Pwe a pan netila, kareda pwai laud ap nek on jamama kan. MAT 26:10 Iejuj lao mani met, ap kotin majani on irail: Da me komail kainjenjuedeki li o? Pwe me inau, me a wiai on ia er. MAT 26:11 Pwe me jamama kan kin mi re omail anjau karoj, a nai jota anjau karoj. MAT 26:12 Pwe ni a wudok kidi pil wet pon war ai, a kaonopadar ai jaredi. MAT 26:13 Melel I indai on komail, waja karoj, me ronamau wet pan kalok ia, panada jappa pon, me a wiaer et, pil pan kaloki, pwen katamanpa. MAT 26:14 Amen ekriamen, me adaneki Iudaj Ijkariot, ap koieila ren jamero lapalap akan, MAT 26:15 Indada: Da me komail pan ki don ia, i pan pana don komail i? Irail ari inauki on i jip en moni jileijok. MAT 26:16 A jan ni anjau o a jojon duen a pan manai on en panala i. MAT 26:17 Ni ran kaieu en prot jomut tounpadak kan poto don Iejuj j patoan on: Ia waja re kotin kupura, jen kaonopadan ir kamadip en paja? MAT 26:18 A kotin majani: Kola nan kanim ren ol amen indai on i: Jaunpadak o majani: Ai anjau korendor, I pan wiada kamadip en paja re om, o ai tounpadak kan pan ian ia. MAT 26:19 Tounpadak kan ap wiadar duen majan en Iejuj, kaonopadar paja. MAT 26:20 A lao jautik penaer, a kaipokedi ni tepel, a ekriamen akan ian i. MAT 26:21 Ni arail konokonot, a kotin majani: Melel I indai on komail, amen komail pan pan ia la. MAT 26:22 Irail ap injenjued o amen amen potoan on i indada: Main nai i? MAT 26:23 A kotin japen majani: Me ian ia kaduedi nan dal o, i me pan pan ia la. MAT 26:24 Pwe Nain aramaj pan kokola duen a intinidier. A juedi on aramaj o, me Nain aramaj panala re a, me mau on aramaj o, ma a jota ipwidier. MAT 26:25 A ludaj, me panala i ap japen potoan on indada: Rapi, nai i? A kotin majani on i: Koe me indada. MAT 26:26 Ni arail wiadar konot. Iejuj kotin limadar prot laolaoki, o pilitiki pajan, kotiki on toupadak kan majani: Ale tunole, war ai metet. MAT 26:27 A pil kotikida dal o laolaoki kotiki on irail majani: Komail karoj nim jan; MAT 26:28 Pwe nt? ai metet, udan inau kap, me pan kapwilipwilidi on me toto, men lapwada dip. MAT 26:29 A I indai on komail, me I jolar pan nim jan wan wain jan anjau wet lao lei ni ran o, me I pan pil nim nan wein Jam ai ianaki komail! MAT 26:30 Irail lao melkakaki melkaka en kapin, rap kotila pon dol Oliwe. MAT 26:31 Iejuj ap kotin majani on irail: Komail karoj pan makar kin ia ponpon wet, pwe a intinidier: I pan kame jilepa o, a pwin jip o pan more pajan. MAT 26:32 A murin ai maureda, I pan ti on mo ’mail kola Kalilaa. MAT 26:33 A Petruj japen potoan on i: Ma karoj pan makar kin ir a nai jota pan makar. MAT 26:34 Iejuj kotin majani on i: Melel I indai on uk, ponpon wet mon malek a kakorot, koe pan kamam kin ia pan jilepak. MAT 26:35 Petruj potoan on i: Ma i ian ir matala, i jota pan man kamam kin ir; iduen en tounpadak kan karoj ar indinda. MAT 26:36 Iejuj ap kotilan waja o me adaneki Ketjemane, a irail ian i, ap kotin majani on tounpadak kan: Komail mondi met, lao I pan kola kapakap monen. MAT 26:37 O a kotin ukadar Petruj o nain Jepedauj ol riamen, ap kotin tapiadar kupur olar o patau kaualap. MAT 26:38 Iejuj ap kotin majani on irail: Nen i ap injenjuedelar kaualap on mela. Komail pan mimieta met, ian ia majamajan. MAT 26:39 O a kotila ekij waja, ap kotin pupekidi jilan i laolaoki majani: Jam ai, ma a kak, kom kotiki jan ia dal wet; ari jo, kaidin nai, komui ta en wiawia. MAT 26:40 I ari kotin pure don tounpadak kan, diar ir adar mamair, ap kotin majani on Petruj: Komail jo kak ian ia majamajan auer ta ieu? MAT 26:41 Majamajan o kapakap, pwe komail de ko on nan jonejon. Nen me peik, a uduk me luet. MAT 26:42 A pil kotila kariapak laolaoki majani: Jam ai, omui kupur eta, me dal wet jota kak kowei jan ia, ari I pan tunole. MAT 26:43 A lao kotin puredo diar ir adar pil mamair, pwe maj arail me toutou. MAT 26:44 A a kotin muei jan irail, pil kotilar laolaoki kajilepak ni majan Ota. MAT 26:45 Ap kotin pure don tounpadak kan majani on irail: Komail ari mamair o kamol. Kilan, auer leler, me Nain aramaj pan panalan pa en me dipan akan. MAT 26:46 Paurida, kitail en kola, kilan, a jamador, me pan pan ia la. MAT 26:47 Ni a kotin mamajandar, kilan, Iudaj, amen ir ekriamen oko, pwarador, pokon lapalap ian i, me wa kodlaj o jokon jan ren jamero lapalap akan o jaumaj akan en toun jap o. MAT 26:48 Men panala i ki on ir kilel eu indada: Me I pan metik, iei I komail pan koledi. MAT 26:49 I ap madan don Iejui indada: Pon mau Rapi ap metik i. MAT 26:50 A Iejuj kotin majani on i: Kompoke pai, menda koe pwarador? Irail ap por on Iejuj, jaikidi i. MAT 26:51 A kilan, amen irail, me ian Iejuj, kapawei pa a, ujadar na kodlaj, pale jan jalon en ladu en jamero lapalap o.? MAT 26:52 lejuj ap kotin majani on i: Kapure ion om kodlaj nan deu a! Pwe karoj, me ale kodlaj, pan kamekila kodlaj. MAT 26:53 De koe lamelame, me I jota kak poeki ren Jam ai en kadara don ia tounlan toto jan lekion eijokriau jama; MAT 26:54 A iaduen kijin likau kak pwaida? A udan a pan wiaui due met. MAT 26:55 Ni auer ota lejuj kotin majani on pokon o: Da, nai lolap amen, me komail ko don aeki kodlaj o jokon akan? Ni ran akan karoj I mier re omail, kauwewe nan im en kaudok, a komail jota kol ia dier. MAT 26:56 A mepukat karoj wiauier, pwe kijin likau en jaukop akan en pwaida. Tounpadak kan karoj m ap muei jan i tandaui. MAT 26:57 A me jaikidier lejuj, ap kauan i ren jamero lapalap kaipaj, waja jaunkawewe o jaumaj akan pokon pena ia. MAT 26:58 A Petruj idauendo i doowei jan lel tanpaj en jamero lapalap o pedelon on mondi ren papa kan, pwen kilan imwin mepukat. MAT 26:59 A jamero lapalap akan, o jaumaj akan, o pwin en kapun o roporop kadede likam on I Iejuj, pwen kamatala; MAT 26:60 Ari jota me irail diar. Jounkadede likam me toto, me pwarado, ari jo, jota me irail diar. Ikmuri jaunkadede riamen pwarado, MAT 26:61 Indada: Lap en me inda: I kak on kawela im en kaudok en Kot ap id kauada ni pon jili pon. MAT 26:62 Jamero lapalap ap kajinenda majani on i: Kom jota japenki meakot, me mepwukat kin kadede on komui? MAT 26:63 A lejuj kotin nenenlata. Jamero lapalap ap majani on i: I kakau kin komui la ren Kot ieiaj, komui en indan kit, ma komui Krijtuj Japwilim en Kot. MAT 26:64 lejuj ap kotin majani on i: Komui me inda. A I pil men kaire kin komail, jan ni anjau wet, komail pan kilan Nain aramaj a pan kaipokedi ni pali maun en manaman o kokido dapok en lan akan. MAT 26:65 Jamero lapalap ap ter pajan, a likau kan indada: A lalaue. Menda pil akai jaunkadede? Kilan, komail apton ronadar a lalaue, MAT 26:66 Da me komail lamelame? Irail japen potoan on: A mau on kamela. MAT 26:67 Irail ap kondipi on jilan i o pakir i, o akai pikir i ni jilan i, MAT 26:68 Indada: Krijtuj, kokop on kit, ij me pikir uk? MAT 26:69 Petruj momod liki panakepir; lidu men ap ko don i indada: Koe me pil ian lejuj en Kalilaa. MAT 26:70 A i me kamamaki mo ’rail karoj indada: I poneponeki me koe inda. MAT 26:71 A ni a pedoi wei jan nan wanim, amen lidu ap kilan i indan irail, me mi waja o: Lap men et me pil ian lejuj en Najaret. MAT 26:72 A pil kamamki ap kaula: I jaja aramaj en. MAT 26:73 Mur ekij irail me u impa pil kaido indan Petruj: Melel koe amen irail, pwe nil om kadiarok kin uk ada. MAT 26:74 I ap lalaue o kaula indada: I jaja aramaj en. Malek ap kakorot. MAT 26:75 Petruj ap tamanda majan en Iejuj, me kotin majani on i Mon malek a kakorot, koe pan kamam kin ia pan jilepak. A ap koieila janejan laud. MAT 27:1 A LAO ran pajaner, jamero lapalap akan o jaumaj akan en toun jap o kapukapunada duen Iejuj pwen kamatala MAT 27:2 Irail lao jaliedi i, ap wawei, ki on ren kopina Pontiuj Pilatuj. MAT 27:3 A Iudaj, me panala i lao kilaner me a pakadeikadar, en kamatala, ap kalukila o purekido moni jileijok ren jamero lapalap akan o jaumaj akan. MAT 27:4 Indada: Nai me wiadar dip, ni ai panalar nta makelekel. A irail inda: Menda re at? Koe en pein wia. MAT 27:5 I ari kajedi moni ko nan im en kaudok, ap koieilar lujiamalar. MAT 27:6 A jamero lapalap akan ale moni ko indada; A jota pun kitail en ki on nan deun mairon, pwe pwain pan nta. MAT 27:7 Irail ari kapukapun, ap netiadar jap en jaun wia dal, waja me men liki pan jeredi ia, MAT 27:8 I me waja o adaneki jap en nta kokodo lei ran wet. MAT 27:9 I dokan a pwaidar, me lokidor ren jaukop Ieremia, me majani: Irail ari aleer moni jileijok i pwaine pan i, me re netiada ren men Ijrael. MAT 27:10 O pwaine kida jap en jaun wia dal, duen me Kaun o kotin majani on ia. MAT 27:11 Iejuj ari kotikot mon kopina; kopina ap kainoma re a majani: Nanmarki en Juj akan komui? A Iejuj kotin majani on i: Komui me majani. MAT 27:12 Jamero lapalap akan o jaumaj akan lao karaune kin i, a jota kotin japen. MAT 27:13 Pilatuj ap majani on i: Komui jota ron duen ar karakarauni komui kaualap? MAT 27:14 I ari jota kotin majani on i meakot. Kopina ap poneponeki kaualap. MAT 27:15 Ari, ni kamadip o kopina kin lapwa on irail amen me jalidi, meamen, me re mauki, MAT 27:16 A i anjau o ol amen, ad a Parapaj, me jalidi re ’rail. MAT 27:17 Irail lao pokon penaer, Pilatuj ap majani on irail: Ij me komail mauki, i en lapwa dan komail, Parapaj de Iejuj, me maraneki Krijtuj? MAT 27:18 Pwe a ajaer, ar peirin, me re pan kilar i. MAT 27:19 A lao kaipokedi pon deun kadeik, a paud ilokilan i indada: Komui der wia meakot on ol pun men et, pwe i auramandar duen i, me i lokelokeki laud ran wet. MAT 27:20 A jamero lapalap akan o jaumaj akan jairen kila pokon o, ar poekipoeki Parapaj o kamatala Iejuj. MAT 27:21 A kopina japen majani on irail: Ij re ’ra, me komail mauki, i en lapwadan komail? Irail potoan on: Parapaj. MAT 27:22 Pilatuj ap majani on irail: Da me i en wiaki Iejuj, me maraneki Krijtuj? Irail karoj potoan on: A en kalopuela! MAT 27:23 A kopina majani: Pwe sued da, me a wiadar? A re kalaudela ar weriwer: A pan kalopuela! MAT 27:24 Pilatuj lao kilan, me a jota kak wiada meakot, pwe moromoron pan wiaui, ap ale pil, omiom mo ’rail majani: Nai makelekel jan ntan ol pun men et, komail pan wia. MAT 27:25 Aramaj karoj ap wiaki eu japen indada: Nta en kapokon on kit o nait jeri kan! MAT 27:26 A ap lapwa don irail Parapaj, a Iejuj me a woki ap mueid on irail, en kalopuela i. MAT 27:27 Nain kopina jaunpei kan ap ale Iejuj kalualon on nan im en kadeik o, ap kapokon pena jaunpei karoj; MAT 27:28 Irail ap ki jan i japwilim a likau kan, ap id kalikauwie kida i likau waitata; MAT 27:29 Ap pada al en tek eu, ap kida pon kadokenmai, o ki on iokon apot ni lim a maun, o kelepukidi mo a o kapikapidi i indada: Ion Nanmarki en Juj akan! MAT 27:30 Irail kondipe on i, o re ale jokon o, o pokieki kadokenmai. MAT 27:31 Irail lao kapiti I, ap kijan likau waitata, ap kapure on I udan japwili a likau o kaluawei, pwen kalopuela. MAT 27:32 Ni arail lao kotikot kokola, rap diarada aramaj en Kirene men, en wadala japwelim a lopu. MAT 27:33 Irail lao lel on waja o, me ad a Kolkata iet wewe: Waja en pondal en mona. MAT 27:34 Irail ki on I pinika, me doleki edi. A lao kotin jon kij, a jota urak MAT 27:35 Irail lao kalopuelar i, ap nek pajan japwilim a likau kadoropwe kidar. MAT 27:36 Irail ari mondi on waja o majamajan i. MAT 27:37 O ponanin kadokenmai re pajuredier intin o, me a pukoki: let Nanmarki en Juj akan. MAT 27:38 Lolap riamen ian i lopuelar, amen mi ni pali maun, a amen ni pali main. MAT 27:39 Me dadaulul akan lalaue i, duedualok. MAT 27:40 Katiti: Koe me kin kawela im en kaudok ap id kauada pon jili pon, en pein dore uk ala; ma Japwilim en Kot koe, en keredi jan nin lopu en! MAT 27:41 A jamero lapalap, o jaunkawewe, o jaumaj akan pil dueta kapikapiti i indada: MAT 27:42 A dorelar akai, ap jota kak dorela pein i; ma i Nanmarki en Ijrael, i en keredi jan ni lopu en, a kitail pan kamelele i. MAT 27:43 A liki Kot, i en kotin dorela, ma a kotin kupura i, pwe a indada: Nai Japwilim en Kot. MAT 27:44 Lolap oko, me ian i lopuelar, pil lalaue i. MAT 27:45 Jan ni auer kawonu lel auer kaduau rotorot kipadi jap o. MAT 27:46 Ni auer kaduau Iejuj ap kotin nil laud majani: Eli, eli lama ajaptani! let wewe: Ai Kot, ai Kot, da me komui likitmalia kin ia la? MAT 27:47 Akai me u waja o, ronadar me, ap indada: A eker Eliaj. MAT 27:48 A amen irail pitipit tan ale lim eu, kaduedi on nan pinika kauon ni alek apot, kidan i en urak, MAT 27:49 A akai me inda: Iermen, kitail en kilan maj, ma Eliaj pan pwarado dorela i. MAT 27:50 Iejuj pil kotin nil laud, ap kadarala nen e. MAT 27:51 A kilan, perepa likau en im en kaudok o ap dei pajan, jan pali poa lei pa, o jap rereda, o paip akai ronkilar, MAT 27:52 O joujou kai jara pajan, o war en me jaraui kan toto, me mamair, ap iajadar. MAT 27:53 O murin ar iajadar, irail koda jan nan joujou kan, kolan kanim jaraui, pwara don me toto. MAT 27:54 Jenturion o me ian i jinjila Iejui, kilaner jap a rereda, o meakan, me wiauier, rap majakadar kaualap, katiti: Melel i, me Japwilim en Kot! MAT 27:55 O li toto mi kailewei, kilekilan me wiaui, iei irail, me idauendo Iejuj jan Kalilaa papa i. MAT 27:56 Maria men Makdala, o Maria in en Iakopuj i Iojej, o in en nain Jepedauj akan mi nan pun arail. MAT 27:57 A lao jautik penaer, ol kapwapwa men pwarado, men Arimatia, me ad a Iojep, me pil tounpadak en Iejuj amen. MAT 27:58 I ari poto don Pilatuj poeki kalep en Iejuj. Pilatuj ap majani, a en panalan i. MAT 27:59 Iojep ari ale kalep o, kidimiki pena likau makelekel o kajelel; MAT 27:60 Ap nekidedi nan pein a joujou kap, me a weiradar nan paip; i ap kadapure on takai kalaimun eu nan au en joujou o, up kotila jan, MAT 27:61 A Maria men Makdala, o Maria teio momod jal on joujou o. MAT 27:62 A mandan ran o, ran en kaonop, jamero lapalap o Parijar akan pokon pena ren Pilatuj. MAT 27:63 Indada: Main, kit tamandar, me ol jued men et katitiki ni a memaur: I pan maureda murin ranjilu. MAT 27:64 Komui ari majani, me ren jinjila joujou o lel ran kajilu, pwe a tounpadak kan de kodo pirapela, ap indan aramaj: A kotin iajadar jan ren me melar akan, pwe pakotau wet pan jued jan men maj, MAT 27:65 Pilatuj majani on irail: let jilepa ko, komail kowei jinjila joujou o duen komail kak on. MAT 27:66 Irail ari koieila, kileledier takai o, o kajilaki joujou o jaunpei kai. MAT 28:1 RAN en japat lao daulier, ni manjan en at en wik, Maria men Makdala, o Maria teio ap kodon ududial joujou o. MAT 28:2 A kilan, jap rereda kaualap, pwe tounlan en Kaun amen, pwaradido jan nanlan o katapur jan takai o, ap kaipokedi on poa, MAT 28:3 Mom a dueta liol o a likau puetepueteta jno. MAT 28:4 Jilepa ko ap majapwekadar, o re likamata mela. MAT 28:5 A tounlan o kotin japen majani on li oko: Komail der majak pwe i aja, me koma rapaki Iejuj, me lopuelar. MAT 28:6 A joer met, pwe a iajadar, duen a kotin majanier. Kodo udial waja, me Kaun nekinekidi maj o, MAT 28:7 O tanwei kaireki japwilim a tounpadak kan, me a kotin iasadar jan ren me melar akan. A kilan a pan kotin tion mo ’mail kotilan Kalilaa. I waja komail pan diarada i. Kilan, i kop on komail er. MAT 28:8 Irail ari madan jan ni joujou o majak o peren kaualap, o tanwei kaireki on japwilim a tounpadak kan. MAT 28:9 A ni ara kola, kaireki japwilim a tounpadak kan, kilan, Iejuj ao tu on ira majani: Ran mau! Ira ap kai on poridi ni aluwilu a o poni i. MAT 28:10 Iejuj ap kotin majani on ira: Der majak, kowei kaireki ri ai ol akan, pwe re en koieilan Kaliliia. I waja re pan diar ia. MAT 28:11 Ni ara kokola, kilan jilepa kai lui kon kanim o kaireki jamero lupuliip akan karoj me wiauier. MAT 28:12 rail ari pokon pena ianaki jaumaj akan o kapukapun, ap ki on jaunpei moni toto. MAT 28:13 Indai on irail: Komail pan inda: A tounpadak kan pwarador pon pirapela i ni at mamair. MAT 28:14 A ma kopina pan ronadaduen mepukat, kit ap pan jauaja komail re a. MAT 28:15 Irail ari aleer moni kan o wiadar duen me re katiti on irail. A kajoi pot et lolok jili ren Juj akan kokodo lei ran wet. MAT 28:16 A tounpadak ekamen kowei on Kalilaa, pon nana eu, me Iejuj kotin kakalik on irail er. MAT 28:17 Irail lao diaradar i, re poni on i, a akai me peikajal. MAT 28:18 Iejuj ap kotido majani on irail: Manaman en nanlan o jappa karoj muei on ia er. MAT 28:19 Komail ari kola o padaki on toun jappa karoj o paptaij ir ala ni mar en Jam o Na o Nen jaraui. MAT 28:20 Padaki on irail, me ren dadaurata meakan, me I kakalik on komail er. O kilan, I pan daudaulole komail jili kokolata, lao lel jappa imwijokela. MAR 1:1 TAPIN ronamau en Iej uj Krijluj, Japwilim en Kot. MAR 1:2 Duen a intinidi ren jaukop Iejaia Kilan, i kadarala moui men kadar me pan kaonopada al omui! MAR 1:3 Nil eu likelikwir jili nan jap tan: Komail kaonopada al en Kaun o kaineneda al a! MAR 1:4 Ioanej kotido wia paptaij nin jap tan o padapadak duen paptaij en kalula on lapwa dip akan. MAR 1:5 Toun jap en Juj akan o toun Ierujalem karoj pokon don re a; irail paptaijela re a nan pilap Iordan, weokada dip arail akan. MAR 1:6 Ioanej kin likauwi wun en kamel, o perapirki kil en man, o kin kankan manjiek o oni en nan wel. MAR 1:7 O padapadak majani: Meamen laud jan ia kotido mur i. Jal en a jut i jota war on idiokidi lapwada. MAR 1:8 I paptaij kilar komail pil. A a pan paptaij kin komail Nen jaraui! MAR 1:9 Kadekadeo ni ran oko Iejuj ap kotido jan Najaret en Kalilaa ap paptaijela ren Ioanej nan Iordan. MAR 1:10 A madan kotida jan nan pil o, ap kotin majani nanlan kan ar ritida, o Nen mom en muroi piridi don poa. MAR 1:11 Nil eu ap peidido jan nanlan kan: Nai kompok komui, me I perenki! MAR 1:12 A madan Nen kalua won jap tan. MAR 1:13 A ap kotikoteki jap tan ran panaul wia jonejon pan Jatan, ieian man laualo; a tounlan kan me papa on i. MAR 1:14 Murin en Ioanej a panalar, Iejuj ap koti don Kalilaa, padapadak ronamau en wein Kot. MAR 1:15 Majani: Anjau o leler wein Kot mier! Komail kalula! Kamelele ronamau! MAR 1:16 Ni a kotikot jili liman jed en Kalilaa, a ap majani Jimon o ri a ol Andreaj ara lalaid jili, pwe ira jaujed. MAR 1:17 Iejuj ap kotin majani on ira: Koma idauen ia do! Pwe I pan wia kin koma la jaujed en aramaj! MAR 1:18 Ira ari madan kajedi ara uk eko, ap idauenla i. MAR 1:19 Ari, ni a kotila jan waja o, a ap kotin majani Iakopuj, nain Jepedauj o ri a ol Ioanej mimi pon jop pot wonewone ara uk oko. MAR 1:20 I ari kotin molipe ira madan, ira ari pededi jam ara Jepedauj nin jop o ren toun dodok ko o idauen la i. MAR 1:21 Irail ap koti don Kapernaum. A madan kotilon on nan jinakoke ni ran en japat o kawewe. MAR 1:22 Re ap puriamuiki a padak, pwe a kotin kawewe on irail ni manaman jota dueta jaunkawewe kan. MAR 1:23 Aramaj amen ian mi nan jinakoke o, me nen jaut mi lole, ap weriwer, MAR 1:24 Indada: Ko jan kit! Menda re omui kit, Iejuj en Najaret? Komui kotido en kawe kit ala? I aja komui, Jaraui en Kot. MAR 1:25 Iejuj ari ononida, majani: Nenenla o kowei jan i! MAR 1:26 Nen jaut lao kapururada ap weriwer laudeda, a ap koiei jan i. MAR 1:27 Irail karoj puriamui, pepeidok nan pun arail indada: Dakot met? Padak kap, dakot met? Pwe ni manaman a majani on nen jaut akan, irail ari peiki on i. MAR 1:28 I ari madan indand jili nin jap karoj impan Kalilaa. MAR 1:29 Irail ari madan koti jan nan jinakoke, ap ian Iakopuj o Ioanej kotilon on nan im en Jimon o Andreaj, MAR 1:30 Jaulap en Jimon wononeki jomau karakar. Irail ap kaireki i madan duen i. MAR 1:31 I ari koti won ale pa a, kauada. Jomau karakar ap madan ko jan; i ari papa irail. MAR 1:32 A lao jautik penaer, ni katipin kirila, re ap wa pena on I karoj me jomau o me tewil ti po arail. MAR 1:33 O toun kanim o pokon don ni im o. MAR 1:34 A ap kotin kakelailada me toto me jomauki jon en jomau toto, kauja jan tewil toto, ap kulikedi tewil akan, ren der lokaia, pwe re aja i. MAR 1:35 A kotin kipada nin joran, kotilan jap tan, pwen laolao wuja o. MAR 1:36 Jimon o me ian ko ap idauen i. MAR 1:37 Ni arail diar i, re ap potoan on i: Irail karoj raparapa kin komui. MAR 1:38 A ap kotin majani on irail: Kitail daulul won jap tei ko, pwe I en pil padak waja o, pwe i me I kokido. MAR 1:39 A ap kotin padapadak jili nan arail jinakoke kan nan jap en Kalilaa karoj o kakauj tewil akan, MAR 1:40 Ol tuketuk amen ap poto don i kolepuki poeki potoan on i: Ma re kotin kupura, re kotin I kamwakeke ia da! MAR 1:41 Iejuj ari kupuro kila, kapawei lim a jair i majani on i: I pan, mwakekelada! MAR 1:42 A ni a majani eta, ari a tuketuk ko jan madan, a ap makelekel lar. MAR 1:43 I ari kalikedi i, ap madan kadarala. MAR 1:44 Majani on i: Kalaka! Koe depa indai on meamen; a kowei kajale on koe jamero o, o kida, pweki om makelekelada, me Mojej majani, pwen kadede on irail. MAR 1:45 Ari, a kolata kaloki jili, juaiki jili o ari, kareda en Iejuj a jola janjal koti don kanim o, kotikot eta liki nan jap tan, irail ap pokon don re a jan pali karoj. MAR 2:1 MURIN ran akai a ap pil kotilon on Kapernaum, ap loki jili me a kotikot nan im o. MAR 2:2 Me toto ap madana pena, im o lao koidala o pil likin im o. A ap kotin kawewe on ir majan o. MAR 2:3 Irail ari poto don re a, wa kodo me jomau rerer men, roan pa men. MAR 2:4 Irail jota kak kai don impa pweki pokon o. Re ap palan pajan pon im o, waja a kotikot ia; irail lao palan pajan ap kakiredi ro o, me jomau o mi poa. MAR 2:5 Iejuj lao mani ar pojon, ap majani on me jomau rerer o: Nai, dip om akan lapwa jan uk er! MAR 2:6 Ari, jaunkawewe kai momod waja o, monemonloleki: MAR 2:7 Da me men et lokelokaia? A lalaue. Ij me kak lapwada dip akan, pwe amen ta, Kot? MAR 2:8 Iejuj ari madan aniada nan kupur a duen ar monemonlole, ap kotin majani on irail: Da me komail monemonloleki? MAR 2:9 la me manai ren indai on me jomau rerer: Dip om akan lapwa jan uk er, de inda: Uda, ale ki om, kowei? MAR 2:10 A pwe komail en aja, me Nain aramaj me manaman on lapwada dip akan nin jappa, iei me a kotin majanieki on me jomau rerer: MAR 2:11 I indai on uk: Uda! Al eki om! U ko on ni im om! MAR 2:12 I ari madan uda, ale ki aluwei mo rail karoj. Irail karoj ari malamalaua kila, kapina Kot inda: Je jaikenta man kilan meakot et! MAR 2:13 I ari pil kotila liman jed o. Irail karoj ap pokon don i, i ari kotin kawewe on irail. MAR 2:14 A lao kotin daulul waja o, ap majani Lewi, nain Alpauj, a momod ni wajan nopwei, ap majani on i: Idauen ia do! I ari uda idauenla i. MAR 2:15 Kadekadeo a lao kaipokedi konot nan im a, jaunopwei o me dipan akan me toto ian Iejuj o japwilim a tounpadak kan konokonot; pwe irail me toto me idauen i. MAR 2:16 Ari, ni en jaunkawewe Pari jar akan ar kilan a kotin ian me dipan o jaunopwei kan konokonot, irail ap indai on japwilim a tounpadak kan: Da me a ianki jaunopwei o me dipan akan konot o kaker eki? MAR 2:17 Ni en Iejuj aniada, ap kotin majani on irail: Me kelail akan jota mau on jaunwini pwe me jomau ta. I jota kodon ekeredo me pun kan, a me dipan akan. MAR 2:18 Irail ari kodo potoan on i: Da me en Ioanej a tounpadak kan kin kaijejol, o en Parijar ar tounpadak kan, a japwilim omui tounpadak kan jota kin kaijejol? MAR 2:19 Iejuj ap kotin majani on irail: Da, toun kamadip en kapapaud pan kak kaijejol ni en ol kamod a ian irail? Ni en ol kamod a ian irail, re jota pan kak kaijejol. MAR 2:20 A anjau kokodo, me ol kamod pan wijike jan irail, iei ran o, me re pan kaijejol. MAR 2:21 Jota amen me pan deik on likau kap ni likau marin, pwe likau kap pan dei jan likau marin, por o ap pan laudela. MAR 2:22 Pil jota amen me kin deuke kida ed marin wain kap, pwe wain o de ter pajan ed o, wain o ari wudokila, ed o ola. A wain kap mau on nan ed kap. MAR 2:23 Kadekadeo a kotin weid nan mat en korn ni ran en japat. Japwilim a tounpadak kan ap dondolun kowei wan korn. MAR 2:24 Parijar oko ap indai on i: Kilan, da me irail wia ni japat. me jota pun, en wiaui? MAR 2:25 A kotin majani on irail: Komail jota wadoker, me Dawid wiadar, ni a men kaualap, o a men mana, i o me ian i? MAR 2:26 Duen a pedelon on nan tanpaj en Kot ni muein Apiulm jamero lapalap, o kanala prul mairon o nek on irail, me ian i, me jota pun aramaj en tunole, jamero kan eta? MAR 2:27 A ap kotin majani on irail: Japat me wiaui on aramaj a kaidik aramaj on japat. MAR 2:28 I me Nain aramaj pil udan kaun en japat. MAR 3:1 KADEKADEO a pil kotin pur on nan jinakoke. Ari, aramaj amen mia, me pa a motor. MAR 3:2 Irail ari majamajaneki, ma a pan kakelada i ni ran en japat, pwe irail en karaun i. MAR 3:3 I ari kotin majani on aramaj o, me pa a motor: Uda kodo met! MAR 3:4 A ap kotin majani on irail: Me pun, wia mau ni ran en japat de wia jued? Kamaur de kamela? Ir ari nenenla. MAR 3:5 I ari anian aupwili jili po rail, kupurokila ar kapitakai, ap kotin majani on aramaj o: Kapawei pa om! I ari kapawei. Pa a ap kelailada. MAR 3:6 Parijar oko ap madanalan ren ian en Erodej. Re ap kapakaparok duen ar pan kamatala i. MAR 3:7 A lejuj kotin kapitawei jan pein i o japwilim a tounpadak kan, koti won liman jed. Pokon kalaimun ap idauen i jan Kalilaa, o Iudaa. MAR 3:8 O jan Ierujalem, o jan Idumaa, o jan palilan Iordan, o toun liman Tiruj o Jidon, pokon kalamun, re ronada duen a kotin wiada manaman kaualap, re ap pokon don re a. MAR 3:9 A kotin majani on japwilim a tounpadak kan, kijin jop kij en kaunop on I, pweki pokon o, pwe re de koi don re. MAR 3:10 Pwe a kotin kakelada me toto, irail ari pakoideda, pwe me jomau ko me jair i. MAR 3:11 O ni en nen akan nar I, re pupedi mo I, weriwer, indada: Japwil en Kot komui! MAR 3:12 I ari kotin kalik irail edi, ren der kaireki i. MAR 3:13 I ari kotidala nan nana o, ap molipei don i, me a kotin kupura, re ap poto don re a. MAR 3:14 I ari kotin kileledi ekriamen, pwe re en ieian i, pwen poroporone ir jili padapadak. MAR 3:15 O manamanla kakelada me jomau kan o kakauj tewil akan; MAR 3:16 Jimon a kotiki on ad a Petruj. MAR 3:17 O Iakopuj nain Iepedauj, o Ioanej ri en Iakopuj, a kotiki on ad ara Poanerkej. let wewe: Nain nanjapwe. MAR 3:18 O Andreaj, o Pilipuj, o Partolomauj, o Matauj, o Tomaj, o Iakopuj, nain Alpauj, o Tadauj, o Jimon men Kana, MAR 3:19 O ludaj Ijkariot, me panala i. MAR 3:20 Irail ari kodon nan im eu. Pil pokon eu pokon pena. Irail ari jola kak mana. MAR 3:21 Ni kompokepa ko ronada, re kodo, pwen wala jan i; pwe re inda, me a iakala. MAR 3:22 A jaunkawewe ko, me kodido jan Ierujalem inda: A katia Peeljepup o jaumaj en tewil akan; iei me a kakaujeki tewil akan. MAR 3:23 I ari molipe ir do, majani on irail ni karajeraj akan: la pan duen Jatan a kaujawei Jatan? MAR 3:24 O ma toun wei eu u pena nan pun ar, wei o jota pan kak pwaida. MAR 3:25 O ma penainai eu u pena nan pun ar, penainai o jota pan kak pwaida. MAR 3:26 O ma Jatan u on pein i, a jota pan kak pwaida, a pan imwijokela. MAR 3:27 Jota amen me pan kak ko on nan im en kelail amen kulia a kapwa, ma a jo jaliedi maj me kelail o. A ap pan kak kawela im a. MAR 3:28 Melel I indai on komail: Dip akan karoj pan lapwa jan nain aramaj akan, o laue, me re lalaueki. MAR 3:29 A meamen lalaue Nen jaraui jota pan lapwada, a a pan puk on kamekam joutuk. MAR 3:30 Pweki ar inda: A katia nen jaut. MAR 3:31 Ari in a, o ri a ol akan ap kodo, mi liki o iloke don. MAR 3:32 A pokon me momod impa o ap potoan on i: Re mani, in ar o ri ar ol akan mimi liki kainoma komui. MAR 3:33 A ap kotin japen irail majani: Ij in ai de ri ai kan? MAR 3:34 A ap kotin aupwil jili po rail, me mod impa ko, majani: Kilan, in ai o ri ai ol akan! MAR 3:35 Pwe meamen wiawia kupur en Kot, iei me ri ai ol o ri ai li o in ai. MAR 4:1 KADEKADEO a pil kotin tapiada kawewe liman jed o. Pokon kalaimun eu ap ko pena re a. A ap kotidan pon jop pot kotikot pon jed o. A pokon o mi nan jap pon oror. MAR 4:2 A kotin kawewe on irail me toto ni i karajeraj akan, majani on irail ni a padak: MAR 4:3 Ron! Kilan, jaunkamor o kolan kamorok. MAR 4:4 Ni a kamokamorok akai ap moridi on pon kailan al, manpir ap pirido nam ir ala. MAR 4:5 A akai moredi on waja takain, waja pwel petepet; irail ari madan wojada, pweki jota pwel lole. MAR 4:6 Ni en katipin dakarada, re ap monela o mela pweki jota kalau ar. MAR 4:7 A akai moredi nan tuka teketek; o tuka teketek wojada, kajokiala, re ap jota wa. MAR 4:8 A akai moredi nan pwel mau o pwaida wa; akai pan me jileijok; a akai me woneijok, a akai me epuki. MAR 4:9 A kotin majani: Me jalon a mia men ron, i en ron! MAR 4:10 A lao kotin kalapukela, men imp a ianaki ekriamen ap kalelapok re a duen karajeraj pukat. MAR 4:11 A ap kotin majani on irail: A muei on komail, en aja duen me rir en wein Kot. A men liki re pan aja meakaroj jan ni karajeraj akan. MAR 4:12 Pwe re kilan, ari jota kilan, o roneron, ap jota dedeki; pwe re de pan wukila o dip ar lapwa jan irail. MAR 4:13 A ap kotin majani on irail: Komail jota dedeki karajeraj pot et? A iaduen, omail pan aja karajeraj tei ko? MAR 4:14 Jaunkamor me kamorok jili majan. MAR 4:15 A mepukat me mi pon kailan al, waja majan moredi on, a re lao ronadar, Jatan ap madanado, ki jan majan, me kamoremoredi on nan monion arail. MAR 4:16 O mepukat mo moredi on waja takain, re lao ronadar majan o ap madan peren kida ale. MAR 4:17 A jota kalaua re rail apdadaur eta ekij, lao jonejon o kamakam wiaui pweki majan o, re ap madan makar kida. MAR 4:18 A mepukat me moredi on nan tuka teketek, me ronada majan. MAR 4:19 A anan en pai en jappa o inon kapwa, o norok en okotme pweida, kajokela majan, ap jota wa. MAR 4:20 A mepukat irail, me moredi on nan pwel mau, me ronada majan o, ale o wa, akai pan me jlei ijok, a akai me woneijok, a akai me epuki. MAR 4:21 A kotin majani on irail: Kandel pan wijikedo, pwen ko on pan kajak de pan men wendi? A Jote koda won nin deun kandel. MAR 4:22 Pwe jota me rir kot, me jo pan janjalada, pil jota me okiok kot, me jota pan lok jili. MAR 4:23 Meamen me jalon a mia men ron, i en ron! MAR 4:24 A ap kotin majani on irail: komail kalaka, me komail ron! pwe men jon, me komail jonki iduen a pil pan jon, on komail. MAR 4:25 Pwe me a mia, ekij pan ko on, a me jota a mia, me ekij mie, me ekij mi re a pan katia san. MAR 4:26 A kotin majani: let duen wein Kot, raj on aramaj amen, me kamoredi on nan pwel war en tuka. MAR 4:27 Ap mairela, pirida, pon ran; a war o wojada ap kakairida a ap jota aja due. MAR 4:28 Pwe pwel kin pein kawojada tuka. Maj katoka, mur mpok, mur war en korn nan mpok ap pwarada. MAR 4:29 A ni wa ma, a ap madan ki on men lepukedi, pwe rak mier. MAR 4:30 A pil kotin majani: Da me kitail en karajai on wein Kot? De da me kitail en kajojon on? MAR 4:31 A raj on wan tuka, me pan kamoremoredi on nan pwel, me tikitik jan war karoj, me mi nan jap. MAR 4:32 A lao kamoredi, ap wojada laude jan dip karoj, ap kajan pajan laud; manpir en pan lan ap kin wendi pan mot a. MAR 4:33 I jon en karajeraj akan toto a kotiki on irail ni a kawewe on irail majan o duen ar weweki. MAR 4:34 Jota a majan, ma jo karajeraj. Ni arail kelepala, a ap kotin kadede on japwilim a tounpadak kan meakan. MAR 4:35 Ni ran ota, lao jautik penaer, a kotin majani on irail: Kitail daulul won palio! MAR 4:36 Ari, ni ar kadar pajan pokon o, re kamajalada nin jop o. Pil akai kijin jop mi re a. MAR 4:37 Melimel ap koda, iluk ap punedi on nan jop o kadirela. MAR 4:38 A a kotikot nan murin jop o, jaijaimok pon uluna. Irail ap kaopada. potoan on i: Jaunpadak, kom jota kupurai kit, pweki at pan mela? MAR 4:39 I ari kotin kipada, anianida melimel, o kotin majani on jed o: Moledi! An ap dukedi o molela kaualap. MAR 4:40 A ap kotin majani on irail: Da me komail majapwekeki? Iadue, jota omail pojon? MAR 4:41 Irail majapwekada kaualap, ap indada nan pun arail: Iaduen ol men et, me an o jed peiki on? MAR 5:1 IRAIL ari kotela jed o koti don nan wein Katara; MAR 5:2 A lao kotidi jan nin jop, aramaj me nen jaut ti poa, madan ap tan don i jan nin joujou kan. MAR 5:3 Pwe a kin kaukaujon nin joujou kan, jota amen, me kak jaliedi i, jal mata jota pil kak. MAR 5:4 Pwe pan toto a jalikidi jal en na o jal mata, ari a kin kamueit pajan jal mata o jal en na; jota amen me kak kamandala i. MAR 5:5 Anjau karoj, pon o ran, a kin mimi nan joujou kan o nana, weriwer o pein lokeki i takai. MAR 5:6 A ni a kilan Iejuj waja doo, a ap tanalan dairukedi. MAR 5:7 Weriwer laudeda indada: Menda re omui nai Iejuj, Japwilim en Kot lapalap? I kaukilan komui Kot, komui ender kawairok ia! MAR 5:8 Pwe a kotin majani on i: Koti jan aramaj en, nen jaut koe! MAR 5:9 I ari kotin kainoma re a: Ij ad om? A ap japen potoan on i: let ad ai lekion, pwe kit me toto. MAR 5:10 A ap poeki, ender kotin kauj ir ala nin jap o. MAR 5:11 Ari, pwin pwik kalaimun eu mimi impan nana o, manamana jili. MAR 5:12 Irail ap poekipoeki potoan on: Re kotin kadar kit ala, pwe jen til on nan pwik oko. MAR 5:13 Iejuj ari kotin mueid on. Nen jaut akan ap koiei jan, ko on nan pwik oko. Pwik oko ap tanedi wei ni aul on nan jed ap mopila nan jed. Irail impan riakid. MAR 5:14 Jilepa kan ap tandaui, kaireki jili nan kanim o nan jap; re ap koieila pwen kilan duen me wiaui; MAR 5:15 Irail ari poto don ren Iejuj, kilan, me tanwar en tewil o a momod, o likauer, o lolekonlar; iei i me lekion mier re a. Re ap majapwekada, MAR 5:16 Irail me kilaner ap indai on irail duen me wiaui on me tanwar en tewil o, o duen pwik akan. MAR 5:17 Re ap poekipoeki, a en koti wei jan jap arail. MAR 5:18 Ni a koti don nin jop o, me tanwar en tewil o poeki re a en ian i. MAR 5:19 A i jota mueid on i, ap majani on i: Ko on ni im om ren jau om, kaire kin ir duen manaman lapalap, me Kaun o wiai on uk er o poke uk alar. MAR 5:20 I ari kola, kaloki jili nan Dekapolij duen manaman lapalap, me Iejuj kotin wiai on i; irail karoj ap puriamui kila. MAR 5:21 Iejuj lao pil kotela jed o on palio, pokon kalaimun eu ap ko pena re a. A kotikot pon oror. MAR 5:22 Ari, jaumaj en jinakoke amen, me ad a Iairuj kotido. Ni a tu on i, ap dairukedi jan. MAR 5:23 Poekipoeki kaualap, potoan on: Nai kijin jeripein kij koren ion mela; i poeki, komui en kotido en pwil lim omui poa, pwen kelailada, ap pan maurela. MAR 5:24 I ap kotin ianala, aramaj toto ap idaunla, koi don pena. MAR 5:25 Li aman, me nta pwilipwil par naulriau. MAR 5:26 O lokolokki me toto ren jaunwini toto o kida a kapwa karoj, ap jota katepe, pwe a totorela ete. MAR 5:27 Ni a ronada duen Iejuj, a ap dilonedo muri nan pokon o, o jair japwilim a likau. MAR 5:28 Pwe a inda: ma I jair japwilim a likau eta, I pan kelailda. MAR 5:29 Ari, pwilipwil en nta madan matata. I ari pamada nan war a, me a kelada janer jomau o. MAR 5:30 Iejuj ap madan kotin kaanda, me rojon kij ko janer. A ap jaupei don pokon o majani: Ij me jair ai likau? MAR 5:31 A japwilim a tounpadak kan potoan on: komui majani: pokon et koi don komui penaer; majani: Ij me jair ia? MAR 5:32 I ari kotin aupwil jili, pwe a men majani, me wia me o. MAR 5:33 Li o ari majapwekada, rerer, ajaer me wiaui on I ap pototo, dairukedi mo a, potoan on duen melel en me wiaui o. MAR 5:34 A ap kotin majani on i: Nai om pojon me kakelail uk adar. Ukowei popol, o kelada jan om jomau. MAR 5:35 Ni a kotin mamajan, irail kodo jan ren jaumaj en jinakoke indada: Noum jerepein o melar. Menda kom kaniri jaunpadak en? MAR 5:36 Ni en Iejuj a ani kair o, ap majani on jaumaj en jinokoke o: Kom der majak pojon eta! MAR 5:37 A ap jota kotin mueid on meamen en idauenla i, Petruj eta, o Iakopuj o Ioanej ri en Iakopuj. MAR 5:38 Irail koti don ni im en jaumaj en jinokoke o, ap majani arail moromoron o mamaiei kaualap. MAR 5:39 A ni a kotilon, a majani on irail: dame komail moromoronki o mamaukeki? Jeri en jota melar, a mamair eta. MAR 5:40 Re ap kakaurureki i. I ari kotikiiei jan irail karoj, ap kotin ukada jam o in en jeri o me ian I ko; a ap pedelon on waja, me jeri o wonon ia; MAR 5:41 I ari kotin ale pa en jeri o majani on i: Talita kumi! let wewe: Jeripein i indai on uk, paurida! MAR 5:42 Jeripein ap madan paurida, alu; pwe a jaunpar eijokriau; irail ap malamalaua kila kaualap. MAR 5:43 I ari kotin kalik irail edi, pwe meamen de ajada, ap majani, kijin mana en ko on. MAR 6:1 A AP kotila jan waja o, ap koti don ni udan japwe, o japwilim a tounpadak kan idauenla i. MAR 6:2 Lao lel ran en japat a kotin tapiada kawewe nan jinakoke; me toto, me ron puriamui kila, inda: la me lap en ale mepukat? O lolekon da eu, me mi re a, me a kak wiaki manaman pukat? MAR 6:3 Kaidin i kaponta o, nain Maria, o ri en lakopuj, o lojej, o ludaj, o Jimon? A kaidin ri a li akan kin mi re atail? Re ap makar kida i. MAR 6:4 Iejuj ap kotin majani on irail: Jota waja, me jaukop jota wau ia; nan jap we ta o ren jau i ko o toun im a. MAR 6:5 A ap jota kak wia manaman eu waja o, me jomau kai ta, me a kotin pwil po ar lim a ko o kakelail ir ada. MAR 6:6 I ari pone kida ar jopojon, ap kotin paan jili kanim akan, kaukawewe. MAR 6:7 A ap kotin molipe don re a ekriamen oko, o kotin kadar ir pajan riamen me eu o kotiki on irail manaman, en poedi nen jaut akan. MAR 6:8 Ap majani on irail, re depa wa meakot ni ar koko jili, jokon eta pot; iermen ed, de prot, pil jota moni nan ed. MAR 6:9 A re ko on eta nan jut, o der mi nan jakit riau. MAR 6:10 A ap kotin majani on irail: Waja kij, me komail pedelon oner ni im eu, komail mimieta, komail lao kowei jan waja o. MAR 6:11 A waja eu, me kan kajamo o ron komail, komail jipede jan pwel ni na omail, ni omail ko jan, pwen kadede on irail. MAR 6:12 Irail ap kola o padapadaki me ren kalula. MAR 6:13 Re pil kauje jan tewil toto o keie me jomau toto, kakela ir ada. MAR 6:14 Erodej nanmarki maniada pwe mar a indandjili, a ap majani: lei Ioanej jaunpaptaij o, me mauredar jan ren me melar akan; iei i me a wia manaman pukat. MAR 6:15 Akai inda, me i Eliaj; a akai, me i jaukop amen de amen me due jaukop akan. MAR 6:16 Ni en Erodej maniada, a ap majani: Ioanej, me i lepuke jan mon a; ari, a mauredar. MAR 6:17 Pwe pein Erodej me poron won, jaikidi Ioanej, o jaliedi on nan imaten pweki Erodiaj, en ri a ol Pilip a paud, pwe a id paude kida i. MAR 6:18 Pwe Ioanej me kapun on Erodej: Me jota pun omui atia jan en ri omui ol a paud! MAR 6:19 lei, me Erodiaj kailon kila i, ap men kamela i; ari, a jota kak. MAR 6:20 Pwe Erodej laan Ioanej, pwe a aja, me i ol pun o jaraui amen, i ari tataakata i, ap peiki on o mamani pereneki. MAR 6:21 Ari ran mau eu, ran en Erodej a ipwidi, a ap kotin kamadipa a jaupedi ko, o a jaumaj oko, o na me lapalap en wein Kalilaa kan. MAR 6:22 Ari, nain Erodiaj jeripein ap kodo kakalek, kamakamait Erodej o me momod re a ko ni tepel. Nanmarki ap majani on jeripein o: Poeki re i meakot, me koe mauki; i pan ki on uk. MAR 6:23 I ari kotin kaula: Meakot koe poeki re i, i pan ki on uk, lao lel apali en ai wei. MAR 6:24 A ap pedoi wei indan in a: Da me i pan poeki? I ari inda: Mona en Ioanej jaunpaptaij o. MAR 6:25 I ari puredo, madan don ren nanmarki o, poeki, inda: I men, komui en madan kotikido mona en Ioanej jaunpaptaij nan eu dal en! MAR 6:26 Nanmarki ap topwaila kaualap, a pweki a kotin kaula o pweki ir, me ian i ni tepel ko a jota men kapapalawei. MAR 6:27 Nanmarki o ap madan poronela jaunpei amen, majani, mona en wijikedo. MAR 6:28 A ap kola, lepuke jan mona nan imaten, ap wa kodo mona o nan dal ap kion jeripein o ap kion in a. MAR 6:29 A tounpadak kan lao ronadar, re ap kodo ale kalep a, nekidala nan joujou o. MAR 6:30 Wanporon oko kapokon irai pena ren Iejuj, potoan on i meakaroj, me re wia o me re kawewedar. MAR 6:31 A ap kotin majani on irail: komail kelepe don jap tan; komol maj. Pwe me toto purepure ir; irail ari jota pijokki on mana. MAR 6:32 Re ap takeda jop kelep kolan jap tan. MAR 6:33 A mo toto kilan ar majalwei; me toto aja irail. Ir ari japal jan kanim karoj audi mo a ap pokonn pena re a. MAR 6:34 A Iejuj lao keredi jan nan jop o, ap majani aramaj toto, ap kupura ir ala; pwe likamata irai jip, me jota jile parail. A ap kotin tapiada kawewe on irail me toto. MAR 6:35 Wiija lao jautik penaer, japwilim a tounpadak kan ap poto don a, potoan on: Jap tan eu met, ap waja jautiker; MAR 6:36 Re kotin kadar ir pajan; pwe re en paanewei jap koren kan o kijin kanim akan o pein netiada kan ar prot, pwe jota man ar tunole meakot. MAR 6:37 A ap kotin japen majani on irail: Komail katunole ir! Re ap potoan on i: Je en kola en netiada prot me denar riepuki, ap ki on irail ren tunole? MAR 6:38 A ap kotin majani on irail: lopon en prot depa mi re omail? Kowei kalelapok! Re lao kalelepok, rap patoan: Me limau o mam riamen. MAR 6:39 A majani on irail, re en wia pwini ir pajan, kamodan ir di on nan ra. MAR 6:40 Re ap mondi ni pwin akai; wad epuki o limek ni pwin ko. MAR 6:41 A ap kotikidar lopon en prot limau o mam riamen majandan nanlan laolaoki pwilitiki pajan o ari, kotiki on japwilim a tounpadak kan, pwe re en nek on irail. O mam riamen oko pil nene on irail karoj. MAR 6:42 Irail karoj ari manaer o medier. MAR 6:43 Rap deuk pena kopou ei jokriau maremor en kamadip o luan mam oko. MAR 6:44 Irail me tunoler prot oko me ol limekid. MAR 6:45 I ari kotin madan pain japwilim a tounpadak kan, irail en ko on nin jop o, tion won Petjaida palio, pwe a pan kotin kadar pajan pokon o MAR 6:46 A lao kotin kadar ir pajan, ap kotidalan nan nana eu, pwen laolao. MAR 6:47 A lao jautik penaer, jop o mi nan ailep en jed. A a kotin kalakalapuk nan jap. MAR 6:48 l ari majani arail wiawia roro, pwe me an maton irail. A nin joran a koti don irail, weid pon jed, a pan dauli ir wei. MAR 6:49 Ari, ni arail kilan a kotin weweid pon jed, re kiki on, me ani amen. Re ap weriwer. MAR 6:50 Pwe irail karoj kilan i, ap majapwekada i ari madan majani on irail, majani: Komail perenda! Nai met! Der majak! MAR 6:51 I ari keredan pon jop o ap moledi. Re ap puriamui kila kaualap o ponepone kida. MAR 6:52 Pwe re jota lamelame prot oko; pwe monion arail kakaluakalar. MAR 6:53 Irail lao kotido, re ap inen don wein Kenejaret, ap kai on liman jap o. MAR 6:54 Irail lao keredi jan nan jop o, re ap madan ajada i. MAR 6:55 Re ap tan pajan waja karoj tapiada wa don i me jomau pon ro ’rail waja re ron, me a kot ia. MAR 6:56 O waja, me a kot ia, kijin kanim laud akan de jap, re kin pwilikidi nani al akan me jomau kan, ap poekipoeki, pwe re en jair kailan japwilim a likau ta. Ari, me doke ko karoj ap kelailada. MAR 7:1 PARIJAR akan o jaunkawewe kai ap pokon don re a, me kodo jan Ierujalem. MAR 7:2 Ni ar kilan japwilim a tounpadak kai kan proteki pa jamin, jo omiom, MAR 7:3 Pwe Parijar o Juj akan jota kin mana, ma re jo omiom maj; pwe re wiawia padok en men kaua ko. MAR 7:4 O ni ar kin puredo jan wajan net, re jota kin mana, ma re jo omiom maj o tiak to to, me re aledi, re kin wiawia: Widen dal tikitik, dal laud, dal praj, o men momod. MAR 7:5 Parijar o jaunkawewe ko ap kalelapok re a: Da me japwilim omui tounpadak kan jota wiaki padok en men kaua kan? A re manata prot jo omiom? MAR 7:6 A kotin japen majani on irail: Melel eta en Iejaiaj a kopadar, me komail malaun akan, iduen a intinidi: Aramaj pukat kin kaka kin ia au arail a monion arail me doo jan ia. MAR 7:7 Ari, me mal ar kaudok ia, pwe kujoned en aramaj eta, me re kin kaukawewe. MAR 7:8 Pwe komail kin kajela kujoned en Kot, ap id wiawia padok en aramaj; iet widen dal laud o tikitik ape; o pil akai, me komail kin wiawia. MAR 7:9 A ap kotin majani on ir, melel me komail kajela kujoned en Kot, pwe komail en apwaliela pein omail padok. MAR 7:10 Pwe Mojej majani: Kakaki jam om o in om; o meamen me lalaue jam a de in a en kamela! MAR 7:11 A komail kin inda, ma aramaj amen indai on jam de in a: Korpan (iet we we: Mairon eu), me koe men aneki jan ia, komail inda, me jota dip a. MAR 7:12 Komail ari jola mueid on i, en wiai on jam a de in a meakot. MAR 7:13 Ap kawe kila maj an en Kot omail padok, me komail pein wiada. O pil me toto me duo met, me komail kin wiawia. MAR 7:14 Ni a kotin molipe pena pokon o re a, a kotin majani on irail: Komail karoj ron ia o weweki! MAR 7:15 Jota meakot men likin aramaj, me pan ko on lole, kajaminela i. A meakan, me koda jan lole, iei eta, me kin kajaminela aramaj. MAR 7:16 Meamen me jalon a mia men ron, i en ron! MAR 7:17 Ni a kotilon on nan im eu jan ren aramaj oko, japwilim a tounpadak kan ap kalelapok re a duen karajeraj o. MAR 7:18 A ap kotin majani on irail: Da, komail me pil jo lolekon? Komail jota dedeki, me meakot men likin aramaj kin ko on lole, jota kak kajaminela? MAR 7:19 Pwe a jota ko on nan monion; pwe nan kaped eta, ap pidok wei jan, koko jan meakaroj? MAR 7:20 A ap kotin majani: Meakan me koda jan lol en aramaj, iei me kin kajaminela aramaj. MAR 7:21 Pwe jan lol en aramaj, jan nan monion, lamelam jued kin tapida jan ia: Kamal, nenek, kamela aramaj. MAR 7:22 Pirap, norok, jarjued, widin, poojued, lalaue, lemai, joukoti. MAR 7:23 Mejued pukat karoj tapida jan lole, ap kajaminela aramaj. MAR 7:24 I ari kotila jan waja o, kotilan wein Tiruj o Jidon, a lao kotilon on nan im eu, ap jota men, aramaj en aja i. Ari, a jota kak rirala. MAR 7:25 Pwe li amen, me na jeripein nen jaut ti poa, madan ronada i, ap kodo dairukedi on ni uluwllu a. MAR 7:26 Li en Krik amen, kijan jap en Jiro-Penijia, potoan on, poekipoeki re a, en kauja jan na jerepein tewil o. MAR 7:27 lejuj ap kotin majani on i: Jeri ko pan med maj. Pwe a jota mau, ale en jeri ar tuno prot, ap kajedi on ren kiti. MAR 7:28 A ap japen potoan on i: Melel Main! Ari, kiti kin tunole maremor en jeri ar tunol prot pan tepel. MAR 7:29 A ap kotin majani on i: Pweki en lokaia en, kowei! TewiI o ko janer ren noum jerepein o! MAR 7:30 Ari, a kolan im a, a ap diarada, me tewil o ko janer, o na jerpein wonon nan deu a. MAR 7:31 A lao pil kotin purela jan wein Tiruj o Jidon ap koti don ni le en Kalilaa, weidedo nan wein Dekapolij. MAR 7:32 Re ap wa don i jalonepon amen, me loton; irail ari poeki re a, en kotin pwil poa lim a. MAR 7:33 I ari kotin ukala jan i ni pokon o, ap kilon on jondin lim a nan jalon a o likidi jair lo a. MAR 7:34 A ap majandan nanlan, aj mamarada, majani on i: Epata! (iet wewe: Wajok pajan). MAR 7:35 Jalon a ap madan wajok pajan o al en lo a lapwada. A ap lokaia mau. MAR 7:36 I ari kalik irail edi re depa indai on meamen. A kainapwi irail; ari, re ap kalaudela ar kaloki jili. MAR 7:37 Re puriamui kila kaualap, inda: Me mau, me a wia dar kan! Pwe a kakaronada me jalonepon, ap kalokaiada, me loton. MAR 8:1 NI ran oko pil pokon kalaimunia mia, ap jota me re tunole; a ap kotin molipedo japwilim a tounpadak kan, majani on irail: MAR 8:2 I pokela pokon et, pwe re ieian ia ran jilu, ap jota ar tunol. MAR 8:3 O ma I kadar ir won ni im ar dupok, re pan liponmaj nani al, pwe akai ir kodo jan waja doo. MAR 8:4 A japwilim a tounpadak kan ap japen potoan on i: la waja, me amen pan kak ki jan ia prot, men kamedela pokon et nan jap tan et? MAR 8:5 A ap kotin kainoma re irail: Prot depa mi re omail? Re ap japen potoan on: Me iju. MAR 8:6 I ari kotin majani on pokon o, en mondi on nan pwel, ap kotikida lopon en prot iju, laolaoki, pilitiki pajan o ari, ap kotiki on japwilim a tounpadak kan, pwe ren nek. Irail ari nek on pokon o. MAR 8:7 Kijin mam kai pil mia, i ari laolaoki o majani, ren pil neki on irail. MAR 8:8 Irail ari mana o medier. Irail ap deuk pena kopou en maremor iju luan kamadip, MAR 8:9 Me manaer me koren ion pakid. A ap kotin kadar ir pajan. MAR 8:10 Io japwilim a tounpadak kan ap madan kotidan pon jop pot, kotelan nan wein Dalmanuta. MAR 8:11 Parijar akai ap kodo, tapiada akamai on i, men kilan re a kilel jan nanlan, pwe re kajonejon i. MAR 8:12 A ap kotin kaananala nan nen i, majani: Menda di wet nonki kilel eu? Melel I indai on komail: Jota kilel eu pan ko on di wet. MAR 8:13 I ari kotila jan irail, pil pur on nin jop o, kotilan palio. MAR 8:14 Irail ap monokela prot oko, men kapinwar arail, lopon prot ta ieu mimi re rail nin jop o. MAR 8:15 I ari kapun on irail majani: Kalaka en Parijar ko ar kalap o on Erodej a kalap. MAR 8:16 Irail ap lamelame nan pun irail: Jota atail prot oko. MAR 8:17 Ni en Iejuj a kotin maniada, a majani on irail: Da me komail toutouki a jota kan omail prot? Komail jaikenta dedekila o weweki? Monion omail kapikapitakaita? MAR 8:18 Maj omail mia, ap jota kilan; jalon omail mia, ap jota ron. O komail jota tamataman, MAR 8:19 Ni ai pilinon me limekid lopon en prot limau o, kopou en maremor depa, me komail deukada? Re ap potoan on i: Me eijokriau. MAR 8:20 O iju nan pun en me pakid, kopou en maremor depa, me komail deukada? Re ap potoan: Me iju. MAR 8:21 A ap kotin kainoma re ’rail: A da me komail jota dedeki? MAR 8:22 A ap koti don Petjaida. Re ap wa don i majkun amen, poekipoeki en jair i. MAR 8:23 A ap kotin ale pa en me majkun o kaluala jan ni kijin kanim o; A ap likidi on ni maj a o pwil poa lim a ko ap kainoma re a, ma a kilanada waja de jo? MAR 8:24 I ari jarada potoan: I kilan aramaj akan likamada tuka kai, me alialu jili. MAR 8:25 A pil pwil pon maj a lim a ko, ap kajaradakeda. I ari kelailada ap kilanada mau. MAR 8:26 A ap kotin kadaralan nin im a majani: Koe depa pur won ni kijin kanim o, o pil depa indai on meamen nin kanim o MAR 8:27 Iejuj i japwilim a tounpadak kan ap kotieila nan kanim en Jajarea Pilipi ko. Ari, ni u kotikot kowei, ap kotin kainoima ren japwilim a tounpadak kan majani on irail: Ij me aramaj inda me Nai? MAR 8:28 irail japen i potoan on: Ioanej jaunpaptaij; a akai inda, a akai, me Eliaj; a akai me amen jan ren jaukop akan. MAR 8:29 A ap kotin kainoma re irai: l A komail, ij me komail kin inda me nai? Petruj ap japen patoan on i: Komui Krijtuj! MAR 8:30 I ari kotin kalik irail edi, re depa indai on meamen MAR 8:31 A ap kotin tapiada kawewe kin irail, me Nain aramaj en kalokolok toto o jokonekonla pan jaumaj akan, o jamero lapalap akan, o jaunkawewe kan, o pan kamela, ap pan maureda murin ran jilu. MAR 8:32 Majan wet a kotin majani janjal. Petruj ap ukada i tapiada kapun on i. MAR 8:33 Iejuj ap kotin jaupeido aupwil jili pon japwilim a tounpadak kan, kapun on Petruj majani: Kola muri, Jatan! Pwe om lamalam kaidin en Kot, a en aramaj. MAR 8:34 A kotin molipedo pokon o japwelim a tounpadak kan, a majani on irail: Meamen pan idauen ia, en tounmeteki pein i, ap wada a lopu, idauen ia. MAR 8:35 Pwe meamen kanakanai mour i, pan pupe jan. A meamen kajela mauri pweki nai o ronamau, pan dorela i. MAR 8:36 Pwe da me katepan aramaj a aneki jappa u, ap kajela maur? MAR 8:37 O da me aramaj pan wiliankidi maur i? MAR 8:38 Pwe meamen namenok kin ia o ai padak kan nan pun en di en kamal o jued wed, i me Nain aramaj pil pan ailaki, ni a pan kodo ni linan en Jam a ian tounlan jaraui kan. MAR 9:1 A AP kotin majani on irail: Melel I indai on komail: Akai me ian mi met, jota pan mela, lao kilan wein Kot a kokido manaman. MAR 9:2 Murin pon wonu pon Iejuj ap kotin ukada Petruj o Iakopuj o Ioanej kalua ir dalan pon nana ileile eu, ir kalapuk. I ari kotin wukila mo ’rail. MAR 9:3 Japwilim a likau ko linalinala, puetepueteta jno. Jota jaunlopolop nan jappa kak kapuete puetetala dueta. MAR 9:4 Eliaj i Mojej ap pwara don ir, ari, ira o Iejuj ap mamajan pena. MAR 9:5 Petruj ap japen potoan on Iejuj: Rapi, me mau on kitail en kotikot met. Kitail en kauada kijin im jilikij: Tanpaj ar, o en Mojej o en Eliaj. MAR 9:6 Pwe a jaja, da me a pan inda, pwe re majapwekada. MAR 9:7 Pali en dapok pali ap kadupwal irail edi; o nil eu peidido jan nan dapok o: I met nai ol kompok! Komail ron i! MAR 9:8 Ari, re jaliokeda, jolar amen me re kilan, Iejuj ta, me kotikot re ’rail. MAR 9:9 Ari, ni arail kotikot kotido jan nin nana o, a kotin kalik irail edi, re depa indai on meamen, me re kilan ko, lao Nain aramaj mauredar jan ren me melar akan. MAR 9:10 Re ap edie pena majan pot et nan pun ar, ap peipeidokki pena, da wewe en maureda jan ren me melar akan? MAR 9:11 Irail ap peidok re a potoan on: Da me jaunkawewe kan indaki, Eliaj pan pwarado maj? MAR 9:12 I ari kotin japen, majani on irail: Melel Eliaj kodo maj, kamauiada meakan. O iaduen intinidi duen Nain aramaj? Me pan kolokolok toto o jokonekon. MAR 9:13 A I indai on komail, Eliaj pwarer, o re wiai on i, me re mauki duen a intinidi due. MAR 9:14 A lao koti don tounpadak kan, a majani pokon kalaimunia eu kapil ir pena o jaunkawewe kan peipeidok re irail. MAR 9:15 Ni ar kilanadar i, pokon o ap puriamuiki la tanado ranamau on i. MAR 9:16 A ap kotin kainoma re irail: peidok da kai, me komail idedok re ’rail? MAR 9:17 Amen toun pokon o japen i potoan on: Jaunpadak, i potoan don komui nai putak o, me nen loton mi poa. MAR 9:18 Ari, waja karoj me a kin tiada poa, a kin kapururada; a ap kin pudopud o katekatete ni o tonetonela. I potoan on japwilim omui tounpadak kan, pwe re en kauja jan i, ari, re jota kak. MAR 9:19 A ap kotin japen irail majani: Di wet meid jopojon. Ia arain ai pan mimi re omail, ia arain ai pan kokoa komail? Wadoniai! MAR 9:20 Irail ap poto don i. Ni a kotin majani i, nen o ap madan kupururada i; a ap pupedi on nan pwel, wia pudopud taputapur jili. MAR 9:21 A ap kainoma ren jam a: I me a arain me kot et a lel? A ap potoan on: Jan ni a jeri. MAR 9:22 Pan me toto a kin kajedi on i nan iai o nan pil, pwen kamela i. Ari, ma re kotin kak on, re kotin kupura kit ala jauaja kit! MAR 9:23 Iejuj ap kotin majani on i: Ma koe me pojon; meakaroj me kak ren me pojon. MAR 9:24 Madan jam en kijin jeri ap weriwer, janejan, potoan: Main, i pojon. Kom kotin katinaiada jan ai jopojon. MAR 9:25 Ni en Iejuj a kotin majani ar tanetan pena, a ap anianiada nen jaut o kotin majani on nen loton o jalonepon: I indai on uk, koieido jan lole! Koe depa pure won i! MAR 9:26 A ap weriwer, kapururada kaualap, ap koiei jan. I ari likamata a melar. Akai ap inda, a melar. MAR 9:27 Iejuj ap kotin ale pa a kauada, i ari uda. MAR 9:28 Ni a koti don ni im o, japwilim a tounpadak kan ap okiok peidok re a potoan on: Da me je jota kak kaujeki jan? MAR 9:29 A ap kotin majani on irail: Jon wet jota kin koki jan meakot kapakap o kaijejol eta. MAR 9:30 Re ap kotila jan waja o, weidala nan Kalilaa. A jota men, meamen en aja. MAR 9:31 Pwe a men kotin kawewe on japwilim a tounpadak kan ap majani on irail: Nain aramaj pan panalan ni pa en aramaj. Irail pan kamela i a murin a kamela a pan maureda murin ran kajilu. MAR 9:32 A irail jota dedeki majan o; a re majak kalelapok re a. MAR 9:33 A ap koti don Kapernaum; ni a kotikot nan im o a ap kotin kainoma re ’rail: Da me komail akakamaiki nani al o? MAR 9:34 Irail ari nenenla, pwe re akamaiki nani al o, ij me pan laud re ’rail. MAR 9:35 I ari kotin, molipedo ekriamen oko, ap majani on irail: Meamen men moa, a en mi muri o papa on karoj. MAR 9:36 I ari kotin ale kijin jeri amen, kotitidi on nan pun arail: A Iau palodi i ap majani on irail. MAR 9:37 Meamen me apwali amen jan ren kijin jeri pukat ni ad ai, a pil apwali ia. A me apwali ia, kaidik nai, me a apwali, a inn kadar ia do. MAR 9:38 Ioanej ap japen i, potoan on: Jaunpadak, je kilan amen, me kakauj tewil akan ni mar omui, a ap jota kin ian kit. Kit ari inapiedi, pweki a kaidin kij at. MAR 9:39 lejuj ap kotin majani: Der inapiedi! Pwe meamen me wia manaman ni ad ai, jota pan kak en lalaue ia. MAR 9:40 Pwe meamen jota u on kitial, i kijan atail pali. MAR 9:41 Pwe meamen, me pan ki on komail dal en pil eu ni ad ai, pweki omail kijan Krijtuj, melel I indai on komail, katin i jota pan jalon jan. MAR 9:42 O meamen, me kamakar amen ir me tikitik, me pojon ia, a mau on takai en ir plaua eu en paudoki on ni tapin wor a; a ap lokidokila nan madau. MAR 9:43 Ma apali en pa om kamakar uk, lopuke jan! A mau on uk, ko on maur, ni om danidan jan om pa pokon mia, ap ko on nan pweleko, nan kijiniai jokun. MAR 9:44 Waja ar muaj jota kin mela o kijiniei jota kin kunla. MAR 9:45 O ma apali en na om kamakar uk, lepuka jan! A mau on uk, ko on maur ni om jikilikil jan om pat en na pokon mia, ap lokidokila nan pweleko, nan kijiniai jokun. MAR 9:46 Waja ar muaj jota kin mela o kijiniai jota kin kunla. MAR 9:47 Ma apali maj om kamakar uk, kapida jan! Me mau on uk, maj pali pedelon on nan wein Kot jan maj unjok lokidokila nan kijiniai en pweleko. MAR 9:48 Waja ar muaj jota kin mela, o kijiniai jota kin kunla. MAR 9:49 Pwe amen amen pan joleki kijiniai, dueta mairon karoj kin joleki jol. MAR 9:50 Me mau jol. A ma jola nam en jol, nam a pan ko jan ia? Jol en mi re omail o komail popol pena! MAR 10:1 IEJUJ ap kotila jan waja o, koti don wein Iudaa, palila jan Iordan. Aramaj ap pil pokon don re a. A ap pil pur on padak kin ir, due me a kin wiawia. MAR 10:2 Parijar kai ap kodo peipeidok re a: Me pun, ol en muei jan a paud? Irail ari kajonejon i. MAR 10:3 A ap kotin japen majani on irail: Da me Mojej majani on komail? MAR 10:4 Re ap japen: Mojej mueideda kijin likau en kamueit en wiaui, ap muei jan. MAR 10:5 lejuj ap kotin japen majani on irail: pweki omail kapitakai, me a intinie kida kujoned wet. MAR 10:6 A nin tapin jappa a wiauiata: Kot a kotin wia ira da ol o li. MAR 10:7 I me aramaj amen pan pededi jam a in a, pat on eta a paud. MAR 10:8 Ira ari pan uduk eta eu, ira joer riamen, a uduk eta eu. MAR 10:9 Ari, meakot Kot kapad penaer, aramaj der kamueit pajan! MAR 10:10 Nan im o japwilim a tounpadak kan pur on kalelapok re a due. MAR 10:11 I ari kotin majani on irail: Meamen, me muei jan a paud li, ap ale amen, a kamal i. MAR 10:12 O ma li amen muei jan a paud, ap ale amen, a kin kamal. MAR 10:13 Re ap poto don re a kijin jeri kai, pwen kotin jair ir. Tounpadak kan ap kapoui irail me wado ko. MAR 10:14 Ni en Iejuj a kotin majani, a ap kotin juede kida, ap majani on irail: Mueid on kijin jeri akan, en ko don re i. Der kalik irail edi! Pwe iei jon en, me udan wein Kot. MAR 10:15 Melel I indai on komall, meamen, me jota ale wein Kot rajon kijin jeri men, a jota pan pedelon on lole. MAR 10:16 A kotin palo irail edi, pwil po ’rail lim a ko, kapai irail ada. MAR 10:17 Ni a kotiieilan nani al o, meamen ap tan don i, kelepukedi, kalelapok re a: Jaunpadak mau, da me i en wia, pwe i en joki maur joutuk? MAR 10:18 Iejuj ap kotin majani on i: Da me koe indaki, me I mau? Jota meamen me mau, Kot eta. MAR 10:19 Koe kin aja kujoned akan: koe der kamal! Koe der kamela! Koe der pirap! Koe der kinakine mal! Koe der morjued! Wauneki jam om o in Om! MAR 10:20 A ap japen potoan on i: Jaunpadak, mepukat i kin wiawiada jan ni ai tikitik kokodo. MAR 10:21 Iejuj ap kotin mamajani i o kupura, ap majani on i: Me takij me lua, kowei, netikila meakaroj, me koe aneki, ki on me jamama kan; om pai ap pan mi nanlan; ap kodo, ale om lopu idauen ia! MAR 10:22 I ari patau kila majan pot et, kokola injenjued, pwe a kapwa me toto. MAR 10:23 Iejuj ap kotin aupwili jili, ap majani on japwilim a tounpadak kan: Meid apwal on me kapwapwa, en pedelon on nan wein Kot. MAR 10:24 Tounpadak kan ap puriamui kila a majan oko. Iejuj ap pil kotin japen majani on irail: Jeri ko! Meid apwal on irail, me keleki kapwa, en pedelon on nan Wein Kot. MAR 10:25 Me manai on kamel en tilon nan por en dikok, jan me kapwapwa en ko on nan wein Kot. MAR 10:26 Irail ari waponda kaualap, indinda nan pun arail: A ij me kak kamaurela? MAR 10:27 Iejuj ap kotin mamajani won irail majani: A jo kak pan aramaj, a kaidin pan Kot; pwe ren Kot meakaroj me kak. MAR 10:28 Petruj ap tapiada potoan on: Re majani, je likidmaliela meakaroj, ap idedauen komui jili. MAR 10:29 Iejuj ap kotin japen majani! Melel I indai on komail: Jota meamen, me likidmaliela im, de ri a ol, de li akan, de jam, de in, de a paud, de jeri ko, de jap pweki nai o ronamau, MAR 10:30 Me jo pan id aneki pan me epuki anjau wet im, o ri a ol, o li akan, o nono, o jeriko, o jap, ianaki kamekam, o maur joutuk nan muei kokodo. MAR 10:31 A me toto men moa, pan men murla, o men mur pan moala. MAR 10:32 Ni arail kotikot kodalan Ierujalem, Iejuj me kotin tion mo ’rail; a irail puriamui kila, idedauen wapon. A ap kotin ale ekriamen oko, ap kotin tapiada majani on irail, me pan wiaui on i ko: MAR 10:33 Kilan, kitail kodalan Ieruialem. Nain aramaj pan panalan jamero lapalap o jaunkawewe kan; re ap pan kadeikada, en kamela, ap id kilan ren me kijan men liki kan. MAR 10:34 Re ap pan kapikapit i, o woki, o kondipi, o kamela. A ap pan maureda murin ran jilu. MAR 10:35 Iakopuj i Ioanej nain Jepedauj akan potodo, potoan on i: Jaunpadak, je men, komui en kotin wiai on kit meakot, me je mauki. MAR 10:36 A ap kotin majani on ira: Da me koma mauki, I en wiai on koma? MAR 10:37 Ira ap potoan on i: Re kotin in mueid on kit, amen kit en mod pali maun omui, a amen pali Imain nan omui linan. MAR 10:38 A Iejuj kotin majani on ira: Koma jaja, me koma poekipoeki en. Koma pan kak nim dal, me I nim, de paiptaijeki paptaij me I paptaijeki? MAR 10:39 Ira ap potoan on i: Je kak. Iejuj ap kotin majani on ira: Ei, koma pan nim dal me I nim, paptaijeki paptaij, me I paptaijeki. MAR 10:40 A mod pali maun i o pali main i, I jota kak mueid on; pwe on irail eta, me a onop on. MAR 10:41 Ni en ek oko ar ronada, re ap juedekida Iakopuj i Ioanej. MAR 10:42 Iejuj lao molipe ir do, ap kotin majani on irail: Komail aja duen jaupeidi en wei pokon ar kin poe irail edi o ar jaumaj akan kin manaman on ir. MAR 10:43 Ari, due met jota pan wiaui nan pun omail. A me men laud nan pun omail, a en omail papa. MAR 10:44 Meamen re omail, me men jaumaj, en ladu en karujia. MAR 10:45 Pwe pil Nain aramaj jota kotido, pwe en papa i, a pwen papa on irail, kida maur i wiliandi me toto. MAR 10:46 Irail ap ko don Ieriko. Ari, ni i o japwilim a tounpadak kan o pokon kalaimun kotiiei jan Ieriko, Partimauj majkun, nain Timauj, momod liman al o, wia poekipoek. MAR 10:47 A ni a ronada, me iei Iejuj en Najaret, a ap weriwer indada: Iejuj, japwilim en Dawid, kupura ia! MAR 10:48 Me toto ap kidaue, pwen nenenla. Ari, a ap kalaudela a weriwer: Japwilim en Dawid kupura ia! MAR 10:49 Iejuj ari kotin udi, majani en peekek kodo. Ir ari ekeredo ol majkun o indai on i: Injenemau, uda! A kotin molipe uk! MAR 10:50 I ari kajola a likau madan uda ap poto don Iejuj. MAR 10:51 Iejuj ap kotin japen majani on i: Da me koe mauki, I en wiai on uk? Me majkun o ap potoan on: Rapuni, i men potoan kilan waja. MAR 10:52 Iejuj ap kotin majani on i: Ukkewei! om pojon me kakelail uk ada. I ari madan kilanada waja, ap idauen la Iejuj. MAR 11:1 NI arail koren ion Ierujalem, kokolan Petpake o Petanien impan dol Oliwe, a ap kotin poronela japwilim a tounpadak riamen. MAR 11:2 Majani on ira: Koma ko on nan kijin kanim en, me palilan komail. Ari, ni oma pedelon on lole, koma pan madan diar ejel pul amen a janjal, me aramaj amen kaikenta dake. Lapwada i o kaluado met! MAR 11:3 A ma meamen indai on koma: Da me koma wiaki met? A koma japen: Kaun o men en upa. Ari, a pan madanada kadarado. MAR 11:4 Ira ari kola, diar ejel pul o, a janjal likin im o nan au en al riau; ira ap lapwada. MAR 11:5 Akai ir u waja o indai on ira: Da me koma lapwakida ejel pul en? MAR 11:6 Ira ari japen kin irail, me lejuj majani on ira. Irail ari kadar on ira. MAR 11:7 Ira ari potoan don ejel pul o ren Iejuj, pwilidi on ar likau ko poa. I ari kaipokedi on poa, MAR 11:8 Me toto perokida jan ar likau nani al, akai paledi ran tuka, irepakidi nani al o. MAR 11:9 Irail me tion o me idauen ap nijinij, inda: Ojiana! Meid iajunai me kotikido ni mar en Kaun! MAR 11:10 Meid pai wei kokodo, en jam atail Dawid! Ojiana nanlan! MAR 11:11 A ap kotilon on Ierujalem o im en kaudok. A lao kotin mamajani jili meakan, a ap kotilan Petanien pwe a waja ponier, ianaki eikriamen. MAR 11:12 Pweidi jonada, irail ap kotin puredo jan Petanien. A ap kotin men konotada. MAR 11:13 A lao kotin majani tuka pik apot jan waja doo, ta mia. A ap koti don, ma a jo pan diar meakot ia. Ni a lel don, a ap kotin diarada ta eta, pwe jaiken ta anjau en pik. MAR 11:14 I ap kotin japen majani on i: Jota meamen pan kan jan uk wan tuka kokolata. A japwilim a tounpadak kan ron. MAR 11:15 Irail ap koti don Ierujalem. Iejuj lao kotilon on nan im en kaudok, a ap kotin tapiada kaje jan irail, me netinet nan im en kaudok, ap wukidedi en jaun kawil moni ko ar tepel o en men netin muroi ko ar men momod. MAR 11:16 Ap jola mueid on meamen, en wala dal eu nan im en kaudok. MAR 11:17 I ari kotin kawewe majani on irail: A jo intinidi, me im ai adaneki, im en kapakap on toun jappa karoj? A komail wia kila deun men pirap! MAR 11:18 Jamero laplap akan o jaun kawewe kan ronada, ap lamelame duen ar pan kamela i, pwe re majak i, pwe aramaj karoj puriamuiki a padak. MAR 11:19 Ni a jautik pena, a ap kotiieila jan kanim o. MAR 11:20 Ni manjan, ni arail kotikot kowei, re ap majaniada tuka pik o a monedar jan nin tapi. MAR 11:21 Petruj ap katamaneki potoan on i: Rapi, re kotin majani tuka, me re kotin kariala o a monelar. MAR 11:22 Iejuj ap kotin japen majani on irail: Komail pojon Kot! MAR 11:23 Pwe melel, I indai on komail, ma meamen pan indai on nana wet: Mokidewei lokidokila nan madau! Ap jota peikajal nan monion i, a pojon me meako, me a inda, pan pwaida, a pan wiaui on, me a inda. MAR 11:24 lei me I indaki on komail: Meakaroj, me komail inon ion ni omail kapakap, kamelele, me komail pan ale, a ap pan pwai don komail. MAR 11:25 Ari, ni omail kapakap maki on, ma kajuede kai mi re omail on amen, pwe Jam omail, me kotikot nanlan, en pil makeki omail japun kan. MAR 11:26 A ma komail jota mak, Jam omail, me kotikot nanlan, jota pil pan makeki on komail omail japun kan. MAR 11:27 Re ap pil pure don Ierujalem. Ni a kotikot jili nan im en kaudok o, jamero lapalap akan, o jaunkawewe kan, o jaumaj akan ko don re a. MAR 11:28 Ap potoan on: Manaman en ij, me komui wiawiaki mepukat? O ij me kiwei manaman om, en wiawia mepukat? MAR 11:29 Iejuj ap kotin japen majani on irail: I pan pil idok peidok eu re omail. Komail japen ia, I ap pan id indai on komail, manaman en ij, me I wiaki mepukat. MAR 11:30 En Ioanej a paptaij, men nanlan de me ren aramaj? Japen ia! MAR 11:31 Irail ap lamelame nan pun arail inda: Ma kitail inda, men nanlan, a pan majani: Da me komail jo kameleleki? MAR 11:32 A ma kitail inda, me ren aramaj irail majak pokon o, pwe irail karoj lamelame, me Ioanej jaukop melel amen. MAR 11:33 Re ap japen potoan on Iejuj: Je jaja. Iejuj ap kotin majani on irail: I jota pil pan indai on komail, man en ij me I wiaki mepukat. MAR 12:1 A AP kotin tapiada padaki irail ni karajeraj akan: Aramaj amen me padukedi mat en krep eu o kele pena, ap weirada deun wunit krep eu, o kauada im en jilajil eu, ap mueidalan jaumat akai, ap momaitelan nan wai. MAR 12:2 Kadekadeo anjaun rak, a ap kadaralan jaumat oko ladu amen, pwen ale ren jaumat oko kijan wan matuel o. MAR 12:3 Re ap jaikidi, kame o ari, kadarala kaip. MAR 12:4 A ap pil kadaralan irail amen ladu, re ap kate, pwalan on mona, ap kadarala i kajaroela. MAR 12:5 A ap pil kadarala amen; re ap kamela; pil me toto re woki akai, a re kamela akai. MAR 12:6 Ari, na ieroj eu, me a pokepoke, i me a kadarala ikmuri, a majani: Re pan wauneki nai ol. MAR 12:7 A jaumat pukat inda pena nan pun arail: Jeri en jojo met; na, kitail en kamela! Ari, kitail ap pan id aneki jojo o; MAR 12:8 Re ap ale, kamela, kajewei jan nan mat en krep. MAR 12:9 Ari, da me jaumaj en mat o pan wia? A pan kodo, kamela jaumat oko; a ap pan mueid on akai matuel o. MAR 12:10 Komail jota wadoker kijin Iikau et: Takai, me jauje kan kajapokelar ap id wialar takai en pukakaim? MAR 12:11 Mepukat wiauier ren Kaun o, men kapuriamui patail. MAR 12:12 Irail ari jojon pwen jaikidi i, a re majak aramaj akan, pwe re aja, me a karajeraje kin irail. Irail ari kokola jan re a. MAR 12:13 Irail ap kadaralan re a Parijar o ian en Erodej akai, pwen kajapune i jan ni a majan. MAR 12:14 Ari, ni ar kodo, re potoan on i: Jaunpadak, je aja, me komui me melel o jota injenoki meamen. Pwe komui jota lipilipil maj en aramaj, a kom kaukawewe al en Kot ni me pun. Me pun, en nopweiki moni on nanmarki de jo? Je en kida, de je ender kida? MAR 12:15 A a kotin mani ar malaun majani on irail: Menda komail jonejon ia? Wa don ia eu denar en, pwe I en kilan. MAR 12:16 Irail ap wado. A ap kotin majani on irail: Mom o intin en ij met akan? Irail potoan on i: En nanmarki. MAR 12:17 lejuj ap kotin japen, majani on irail: Ari, komail ki on nanmarki me nain nanmarki, o on Kot me japwilim en Kot. Re ap puriamui kila i. MAR 12:18 Jadujar akai ap ko don re a, me kin inda me dene jota me pan maureda jan mela. Re ap peidok re a indada: MAR 12:19 Jaunpadak, Mojej intine don kit er, ma ri en ol amen mela, kidi a paud, jota na jeri ko, a ri a ol ap pan id ale a paud, pwen wiada kadaudok a on ri a ol o. MAR 12:20 Ari pirien, ol ijimen mia. Men maj re ’rail paude kida li amen ap melar, jota kadaudok a. MAR 12:21 Men muri ap id ale, ap melar, pil jota kadaudok a. A kajilimen pil dueta. MAR 12:22 A irail ijimen oko paude kida i, jota kadaudok a. Ari, murin karoj li o ari pil melar. MAR 12:23 Ran en iajada ni ar pan maureda, ij me pan paudeki i re ’rail, pwe irail ijimen oko paude kier i? MAR 12:24 lejuj ap kotin japen, majani on irail: Omail jota lelapokki kijin likau kan o rojon en Kot, kaidik iei me kareda omail jaj kida? MAR 12:25 Pwe irail pan lao maureda jan ren me melar akan, re jola pan papaud de kapapaud. A re pan duela tounlan kan me mimi nanlan. MAR 12:26 Ari, duen me melar akan ar pan maureda, komail jota wadoker nan puk en Mojej, duen Kot a kotin majani on i nan wel en tuka o: Nai Kot en Apraain, o Kot en Ijaak, o Kot en Iakop! MAR 12:27 Kaidin i Kot en me melar akan, pwe Kot en memaureta! Iei, me komail jaj kida kaualap. MAR 12:28 Ari, amen ren jaunkawewe kan ap potodo, me roner duen ar kapakaparok pena, ap kajauiada, me a pajapen me inen, ap idok re a: Ia mo en kujoned karoj? MAR 12:29 lejuj ari majani on i: Iet mo en kujoned akan: Ron Ijrael! Kaun patail Kot me Kaun me ta men. MAR 12:30 Ari, koe en poke ki on Kaun, om Kot, monion om unjok, o nen om unjok, o om lamelam unjok, o om kel unjok! lei met me mo en kujoned akan. MAR 12:31 A kariau me dueta. let et: Koe en pok on men imp om due pein koe! Jota eu kujoned me lapajan mepukat. MAR 12:32 Jaunkawewe ap potoan on i: Me mau Jaunpadak! Melel me kom majani en! Pwe i me ta men, a jota pil amen, pwe i ota! MAR 12:33 O poke ki on i monion unjok, o lamelam unjok, o nen unjok, o kel unjok, o pok, on men impa due pein i, mau jan mairon ijij o mairon tei kan. MAR 12:34 Ni en Iejuj a kotin majani a pajapen a inen, a ap majani on i: Kom jota doo jan wein Kot. Ari, ap jolar, me men pil idok re a meakot. MAR 12:35 Iejuj ap pil kotin japen majani ni a kotin kaukawewe nan im en kaudok o: Da me jaunkawewe kan indaki, me Krijtuj nain Dawid? MAR 12:36 Pwe pein Dawid majaniki ren Nen jaraui: Kaun o kotin majani on ai Kaun: Kom kotidi on pali maun i, I lao wia kida wutipan aluwilu omui om imwintiti kan! MAR 12:37 Ari, Dawid pein kaadaneki I Kaun; a daduen a wia na? Aramaj akan ap mauki a padak. MAR 12:38 A ap kotin majani on irail ni a padak: Kalaka jaunkawewe kan, me mauki mi nan likau reirei o men, re en ranmaui ir nan wajan net. MAR 12:39 O men mod leppantam nan jinakoke kan o kamadip. MAR 12:40 O noper jan li odi im ar, ap liliajoj kapakap reirei. Irail pan lodi on kadeik lapalap. MAR 12:41 Iejuj ap kotikot jal on deun moni en mairon, ap mamajani, en aramaj ar kajedi on moni nan deu o. A me toto, me kapwapwa, kajedi on me toto. MAR 12:42 Li odi jamama ap kodo o kajedi on kijin moni riakij, me wiada kwadranj eu. MAR 12:43 A ap kotin molipedo japwilim a tounpadak kan, majani on ir: Melel I indai on komail, me liodi jamama men et kajedi on me laude jan irail karoj, me pil kajedi on nan deun moni o. MAR 12:44 Pwe karoj kajedi on jan ni ar pai. A i me kajedi on jan ni a jamama, karoj me a, i eta a mana. MAR 13:1 NI a kotieila jan ni im en kaudok, amen japwilim a tounpadak kan potoan on i: Jaunpadak, kom kotin majani takai o im pukat! MAR 13:2 A Iejuj kotin japen, majani on i: Koe kilekilan im kalaimun pukat? Jota takai eu pan mi pon eu, me jo pan lokidoki jan. MAR 13:3 Ari, ni a kotikot pon dol Oliwe jal don im en kaudok, Petruj, o Iakopuj, o Ioanej, o Andreaj, re ap kelep potoan on i: MAR 13:4 Re kotin majani on kit, iad mepukat pan wiaui o da pan kadapakilene en mepukat karoj a pan pwaida? MAR 13:5 Iejuj ap kotin japew irail majani: Kalaka, pwe meamen de kotaue komail! MAR 13:6 Pwe me toto pan kodo ni ad ai, inda: Nai i. Re ap pan kotaueda me toto. MAR 13:7 O ni omail pan ron mauin o ron en mauin, komail depa majak! Pwe mepukat udan wiaui; a jaikenta imwi. MAR 13:8 Pwe wei eu pan u on eu wei o pil wei en nanmarki ko, o jap rerer pan wiaui jili, o lek, o injenjued, mepukat kamoe en patau. MAR 13:9 A komail kalaka pein komail! Pwe re pan pan komail la on kapun o jinakoke kan; o komail pan kamekame o wijike don mon monjap o nanmarki kan pweki nai, pwen kadede on irail. MAR 13:10 O ronamau en kaloki on maj nan jap karoj. MAR 13:11 A ni arail wa komail la o panla komail, der lamelame maj, me komail pan inda, pil der madamadaua maj. A iei me o, me pan ko on komail ni klok ota, I me komail en inda! Pwe kaidin komail me lokaia a Nen jaraui. MAR 13:12 Pwe ol pan panala ri a ol, pwen kamela; o jam na jeri, o jeri ko pan u on jam, in, o pan kare on ir, en kamela. MAR 13:13 Komail ap pan kaliwariwarla pan aramaj karoj pweki ad ai. A me dadaurata lao imwi lel, a pan dorela. MAR 13:14 Ni omail kilan wiawi jued ni kao lapalap, me a pan wiaui waja, me a jo kon on meamen wudok a en dedeki me mimi Iudaa, re en jopo won nan nana ko. MAR 13:15 O me mi pon im, depa ko dido nan im; a depa pil pedelon on lole, pwen ki jan meakot. MAR 13:16 O me mi nan jap, depa japaledo ale a likau. MAR 13:17 A pan non juede on me lijean o on ir, me kadidi ni ran oko. MAR 13:18 Komail kapakapeki, pwe omail japola de wiaui ni anjau en pou. MAR 13:19 Pwe ni ran oko kainjenjued pan wiaui, me jota due jan ni tapin jappa, ni en Kot a kotin wiada kokodo kokolata. MAR 13:20 Ma Kaun o jota kotin kamotola ran oko, jota uduk, me pan dorela. A pweki me pilipildar akan, me a kotin piladar, iei me a kotin kamoto kila ran oko. MAR 13:21 Ma meamen indai on komail ni anjau o: Kilan, iet et Krijtuj! De ionen! Der kamelele. MAR 13:22 Pwe Krijtuj likam o jaukop likam akai pan koda o re pan kajaleda kilel o manaman, pwen pil kotaue ir, me pilipildar akan ma re kak on. MAR 13:23 Komail ari kalaka! Pwe I kop on komail er meakaroj! MAR 13:24 Ari, ni ran oko murin kain jenjued katipin pan rotala maram pan jolar linan. MAR 13:25 O uju en lan pan pupedi o kelail en lan akan pan mokimokid. MAR 13:26 Ari, re ap pan kilan Nain aramaj pan kotikot kodo nan dapok ni a rojon melel o ni a linan. MAR 13:27 A ap pan kadar pajan na tounlan kan, kapokon pena jan pali en lan paieu japwilim a pil pildar akan, jan imwin jappa Iel imwin lan. MAR 13:28 Komail en aja karajraj en tuka pik. Ni ra kan ar ponj o pepe pwarado, komail kin aja, me rak korenier. MAR 13:29 O pil komail; ni omail kilan wiawia pukat a pan pwaida, komail en aja, me a korendor, a mier pan wanim. MAR 13:30 Melel, I indai on komail: Di wet jota pan imwijokela, lao wiawia pukat pwaida. MAR 13:31 Lan o jappa pan joredi, a ai majan jota pan joredi. MAR 13:32 A duen ran o klok jota amen me aja. Tounlan kan, me mi lan, pil jota aja; Na pil jo, Jam eta. MAR 13:33 Komail kalaka! Majamajan o kapakap! Pwe komail jaja anjau o! MAR 13:34 Due aramaj amen, me wia jailok doo, me kidi im a, ap ki on manaman ren a ladu kan, pil ki on karoj ar dodok, ap pil majani on jilepan wanim o, en majmajan. MAR 13:35 lei me komail en majamajaneki, pwe komail jaja anjau, jaumaj en im o a purodo, ma jautik, de ailep en pon, de ni malek kakorot, de ni manjan. MAR 13:36 Pwe a depa madanedo, diarada omail mamair. MAR 13:37 O me I indai on komail, I pil indai on karoj, majamajan! MAR 14:1 KADEKADEO pon ria pon mon paja o kamadip en prot, jomut, Jamero lapalap akan n jaunkawewe kan jojon duen widinadi i kamatala. MAR 14:2 Pwe irail inda: Iermen ni ran en kamadip, pwe de kamoroada aramaj akan. MAR 14:3 Ari, ni a kotikot Petanien nan im en Jimon tuketuk, ni a kotin kaipokedi ni tepel, li amen ap potodo, wa kijin kopa ala pajta audaud en men kei, inen en pil en narde, me kajampwal. A ap kawela kopa o keiedi on tapwi. MAR 14:4 Akai re irail ap juedeki, monemoneloleki: Menda men kei wet ola mal? MAR 14:5 Pwe a pan netila kareda laude jan denar jilipuki, ap pan ko on me jamama. Re ap lipelipanede li o. MAR 14:6 Iejuj ap kotin majani: Komail ko jan! Menda komail kainjenjued i? Dok mau on ia, me a wiada et. MAR 14:7 Pwe jamama kin mi re omail anjau karoj. Ari, anjau me komail mauki, komail kak kadek on. A nai jota kin ieian komail anjau karoj. MAR 14:8 A wiaer me a kak on. A kanopedier a keie war ai ni jaredi. MAR 14:9 Melel I indai on komail: Waja karoj me ronamau wet pan kalok ia panada jappa u, re pil pan lokolokaia duen me a wiadar, pwen katamanpa. MAR 14:10 Iudaj Ijkariot, amen ekriamen oko, ap kolan ren jamero lapalap akan, pwen pan on irail i. MAR 14:11 Irail lao ron, re ap peren kida, ap inauki, me re pan ki on moni. I ari jon duen a pan monai on en panala i, MAR 14:12 Ni kaieu en ran en prot jomut, ni ar kin kamela jippul en paja, japwilim a tounpadak kan ap potoan on i: Ia waja re kotin men, jen potolan kaonopada, pwe re en kotin konot paja? MAR 14:13 A ap kotin poronela japwilim a tounpadak riamen majani on ira: Koma ko on nan kanim o; aramaj amen ap pan tu on komail, wa men deun pil eu. Idauen i! MAR 14:14 Waja a pan pedelon on, koma indai on kaun en im: Jaunpadak o majani, ia pera en men kairu kan, waja me I pan tunole paja ia ian ai tounpadak kan? MAR 14:15 A ap pan kajale on koma pera laud poa kajonjoner o onoper. lei waja koma onop on kitail. MAR 14:16 Japwilim a tounpadak kan ap kola, lei don kanim o, o diaradar duen me a kotin majani on ira ko; ira ari kaonopada paja. MAR 14:17 A lao jautik penaer, a ap kotido ian ekriamen ko. MAR 14:18 A ni arail kotidi ni tepel konokonot, Iejuj ap kotin majani: Melel I indai on komail, amen komail me ian ia manamana et, pan pan ia la. MAR 14:19 Re ap tapiada injenola ap potoan on i amen amen: Nai i? A pil amen inda: Nai i? MAR 14:20 A ap kotin japen majani on irail: Amen ekriamen oko me ian ia kadukadu nan dal et. MAR 14:21 Ari jo, Nain aramaj kokola duen a intinidi on er; o non juede on aramaj o, me Nain aramaj panpanala re a. Me mau on, ma aramaj men et jota ipwidi. MAR 14:22 Ari, ni arail konokonot, Iejuj ap kotikida prot o laolaoki, ap pilitiki pajan kotiki on irail majani: Ale, tunole! War ai metet, MAR 14:23 A ap kotikida dal o murin a kotin laolaoki; a ap kotiki on irail; irail karoj ap nim. MAR 14:24 A ap kotin majani on irail: Nt’ ai metet, ntan inau kap, me kapwilipwilikidi me toto. MAR 14:25 Melel I indai on komail, I jolar pan nim jan wan wain, lao ran en ai pil pan nim nan wein Kot. MAR 14:26 Murin arail kauleki kaul pot, re ap kotilan dol Oliwe. MAR 14:27 Iejuj ap kotin majani on irail: Komail karoj pan makarada; pwe a intinidi: I pan kame jilepa, ari pwin jip ap pan mui pajan. MAR 14:28 A murin ai pan maurla, I pan tion wei mo ’mail ow Kalilaa. MAR 14:29 A Petruj potoan on i: Karujia pan makar kila, a nai jo. MAR 14:30 Iejuj ap kotin majani on i Melel I indai on uk, ran wet, ponpon wet, mon malek a pan kakorot pan riapak, koe pan kamam kin ia pan jilipak. MAR 14:31 I ari kalaudela a japen: Ma I ian komui matala i jota pan man kamam kin komui. Irail karoj pil inda dueta. MAR 14:32 Irail ap kotilan waja, me ad a Ketjemane, a ap kotin majani on japwilim a tounpadak kan: Komail mondi on met, ni ai pan wia kapakap. MAR 14:33 A ap kotin ukada Pelrnj, ti Iakopuj, o Ioanej, ap knlln laualoda kaualap o pataulu, MAR 14:34 A ap kotin majani on irail Nen i ap injenjuedela kaualap on mela. Komail mimi met o majamajan. MAR 14:35 A ap kotila ekij, ap pupedi on nan pwel, ap laolaoki, ma a kak auer en dauliela. MAR 14:36 A ap kotin majani: Apa Jam ai, meakaroj me kak pa omui! Kotikiwei jan ia dal wet! Ari jo, kaidik me I men, a me komui men. MAR 14:37 I ari kotido diar ir maimair, ap kotin majani on Petruj: Jimon koe men mair, koe jota kak majamajan auer eu?! MAR 14:38 Komail majamajan o kapakap, pwe komail de ko on nan jonojon. Nen me okok, a uduk me luet. MAR 14:39 A ap pil kotila o laolao pil majani majan ko ota. MAR 14:40 A ni a kotin japaledo, pil diar ar mamair, pwe majarail me toutou; irail jaja, me re en japenki. MAR 14:41 A ap kotido ni kajilepak, majani on irail: Komail kananata omail mair en o kamola? Arier, auer leler! Kilan, Nain aramaj panapanalaner ni pa en me dipan akan! MAR 14:42 Paurida! Kitail kokola! Kilan, me pan ia la me korendor. MAR 14:43 Madan ni a kotin mamajan, ari, ludaj kodo, amen ekriamen oko; pokon kalaimunia eu ian, wado kodlaj o jokon, kodo jan ren jamero lapalap akan o jaunkawewe kan o jaumaj akan. MAR 14:44 A me panala i, ki on irail kilel eu inda: Meamen i metik, iei i. Ale, kaluawei, kanai on! MAR 14:45 A pwarado eta ap madan inen don Iejuj inda: Rapi, Rapi, ap metik i. MAR 14:46 Irail ari por pena on ale. MAR 14:47 Amen ir, me u waja o, ujada na kodlaj, ap pale ladu en jamero lapalap amen, ap lepuka jan jalon a. MAR 14:48 Iejuj ap kotin japen majani on irail: Komail ko don ia due lipirap amen, wado kodlaj o jokon, pwen koledi ia. MAR 14:49 I kin ieian komail ta ran karoj nan im en kaudok o kaukawewe. A komail jota ale ia. A pwe kijin likau kan en punala. MAR 14:50 Irail karoj ap pededi, tana jan. MAR 14:51 Manakap amen ap idauen i, pineki pena war a likau linen kajelel eu. Manakap akai ap parokidi. MAR 14:52 I ari kajela a likau linen kajelel o, ap jopola kilijo. MAR 14:53 Re ap kalualan Iejuj ren jamero lapalap o. Jamero lapalap akan, o jaumaj akan, o jaunkawewe kan, karoj pokon don re a. MAR 14:54 Petruj idauendo i doowei jan lao lei nan tanpaj en jamero lapalap. A ap mondi on ren ladu ko, wia raneran. MAR 14:55 Jamero lapalap akan o pwin en kadeik roporop kadede, pwen kine on Iejuj, pwen kamela. Ari, jota me re diar. MAR 14:56 Pwe me to to me kine on i mal. Ari, ar kinakin jota dupeneta. MAR 14:57 Akai uda, kine on i mal inda: MAR 14:58 Je ron, a inda: I pan kawela im en kaudok wet, me pa wiadar, ap id kauada eu ni ran jilu, me jota pa wiada. MAR 14:59 Ari, ar kinekin jota pil kon pena. MAR 14:60 Jamero lapalap ap kajinenda nan pun ar ap idok ren Iejuj, majani: Kom jota japenki meakot, me mepukat kine on komui? MAR 14:61 A a kotin nenenlata, jota japen. Jamero lapalap ap pil idok majani on i: Komui Krijtuj japwilim en men Kapin kaualap? MAR 14:62 Iejuj ap kotin majani: Nai i! Komail pan kilan Nain aramaj a kaipokedi ni pali maun en me rojon o kokido dapok en lan. MAR 14:63 Jamero lapalap ap ter pajan a likau ap inda: Menda re atail pil eu kinakin? MAR 14:64 Komail roner a lalaue. Da me komail lamelame? A irail karoj ap kadeikada, me a war on kamela. MAR 14:65 Akai tapi on kondipi on i o pwaindi jilan i, ap pikir, ap indai on i: Kopada! Papa ko pil pikir i. MAR 14:66 Ni en Petruj a mimi panakepir en tanpaj, lidu en jamero lapalap amen ap kodo. MAR 14:67 Ni a kilan Petruj a wiawia raneran, a ap kankakil i o ari, inda: Koe me pil ian Iejuj, men Najaret! MAR 14:68 A a kamama kida inda: I jaja. I pil jota dedeki, me koe indinda en! I ari koieilan nan katipar; malek ap kakorot. MAR 14:69 A lidu lao kilan i, ap pil indan irail, me mimi waja o: Amen irail met et. MAR 14:70 A ap pil kamama kida. Mur ekij irail me u impa ko; pil indan Petruj: Melel me amen irail koe, pwe koe pil men Kalilaa amen. MAR 14:71 I ari lalaue o kaula: I jaja aramaj men et, me komail indinda en! MAR 14:72 Ap kariapak en malek a kakorot. Petruj ap tamanda en Iejuj a kotin majani on i: Mon malek a pan kakorot pan riapak, koe pan kamam kin ia pan jilipak; ni a lamelamela a ap janejan. MAR 15:1 MADAN jankonai jamero lapalap akan, ianaki jaumaj akan, o jaunkawewe kan, o pil jaunkapun karoj kapunada ap jaliedi Iejuj, ap wawei panalan Pilatuj. MAR 15:2 Pilatuj ap idok re a: Komui Nanmarki en Juj akan? A kotin japen majani on i: Komui me majani. MAR 15:3 Jamero lapalap akan karauneki i me toto. MAR 15:4 Pilatuj ap pil idok re a majani: Komui jota japen? Kom majani, me re kinakine on komui me toto. MAR 15:5 Iejuj pil jota kotin japen Pilatuj ap ponepone kida. MAR 15:6 Ari, ni kamadip o a kin lapwa on ir me jenjal amen, me re mauki. MAR 15:7 Ol amen, ad a Parapaj, me ian janjal ren me ian i kamela aramaj ni ar kauadar moron eu. MAR 15:8 Pokon ap moronada, nidi nideki, en wiai on irail, me a kin wiai on irail maj. MAR 15:9 Pilatuj ap japen irail majani: Komail men, i en lapwadaa komail Nanmarki en Juj akan? MAR 15:10 Pwe a aja, me jamero lapalap akan wakido i ar peirin. MAR 15:11 A jamero lapalap akan kapururada pokon o, pwe en mauki lapwa on irail Parapaj. MAR 15:12 Pilatuj ap japen pil majani on irail: Da me komail mauki i en wiai on me komail kaadaneki Nanmarki en Juj akan? MAR 15:13 Irail ap wer laudeda: Kalopuela i! MAR 15:14 Pilatuj ap majani on irail: Pwe jued da, me a wiadar? Re ap kalaudela ar wer: Kalopuela i! MAR 15:15 Ari, Pilatuj men kainjenemaui aramaj oko, ap lapwa don irail Parapaj, ap kida lejuj murin a woki, pwen kalopuela. MAR 15:16 Jaunpei ko ap kalualan i nan pera eu me ad a pretorium. Re ap eker pena ar pwin. MAR 15:17 Re ap kalikauwie kida i purpur o pidada al en tek, ap lanelanie kida. MAR 15:18 Ap tapi on kepwene: Ion Nanmarki en Juj akan! MAR 15:19 Re ap wokieki tapwi alek, o kondipe i, ap kelepuki, poridi jan. MAR 15:20 A lao nek ar kapailok, re ap ki jan i purpur, ap kapur on udan japwilim a likau, kaluaieila, pwe ren kalopuela i. MAR 15:21 Re ap iton on Jimon, men Kirene amen, me jam en Alek jander o Rupuj, me dauli irail ni a kodo jan nan jap, pwen wada a lopu. MAR 15:22 Re ap walan i Kolkata. let wewe: Waja en pontal en mon. MAR 15:23 Re ap ki on i, en kakere wain dol mir. Ari, a jota kotin urak. MAR 15:24 Ni arail kalopuedar i, re ap ter pajan japwilim a likau ko. Re ap kadoropwe, da me amen amen pan aneki. MAR 15:25 Ari, ni auer kajilu, me re kalopuela i. MAR 15:26 O intin en poa me a pukoki due met: Nanmarki en Juj akan. MAR 15:27 Lolap en pirap riamen ian i kalopuela; amen pali maun i, amen pali main i. MAR 15:28 Iei me kijin likau pun kila, me inda: A wadawad on ren me dipan. MAR 15:29 Ir me kin dauli, kin lalaue, duedualok inda: Ei, koe me pan kawela im en kaudok, ap id kaua kida ran jilu. MAR 15:30 Pein dore uk ala, o kodido jan nin lopu en! MAR 15:31 Jamero lapalap akan pil dueta, kapailoke, inda nan pun ar ian jaunkawewe kan: A dorelar akai, a pein i a jota kak on. MAR 15:32 Krijtuj Nanmarki en Ijrael, kodido jan nin lopu en, pwe je en kilan o pojon. O ira, me ian i lopu la ko, pil lalaue. MAR 15:33 Ari, auer kawonu lel, rotorot ap kipadi jap lao lel auer kaduau. MAR 15:34 Ni auer kaduau lejuj ap kotin weriwer laudeda majani: Eloi, Eloi, lama japaktani! let wewe: Ai Kot, ai Kot! Da me re kotin kajekin ia la! MAR 15:35 Akai me u impa, ni arail ron inda: Kilan, a ekeker Eliaj. MAR 15:36 Amen ap tanala, ale lim en pinika eu, ki on ni alek apot, ap kida on en kakere, ap inda: Udi maj! Kitail kilan, ma Eliaj pan kodo en kidi jan. MAR 15:37 lejuj ap kotin weriwer laudeda kadarala Nen e. MAR 15:38 Pera likau nan im en kaudok ap dei pajan, janeda pali poa lei pa. MAR 15:39 O ni en jenturion o, me u jaledon, a kilan a wer laudeda due mo, ap kadarala Nen e, a ap inda: Nan melel Japwilim en Kot aramaj men et. MAR 15:40 Li akai pil mimi waja doo, kilekilanedo; Maria men Magdala, me mi nan pun ar, o pil Maria, in en Iakopuj, me tik, o en Iojej, o Jalome. MAR 15:41 Me pil kin idauen papa i maj o, ni a kotikot Kalilaa; o pil me toto, me ian i kotida don Ierujalem. MAR 15:42 Ari, ni a jautik penaer, pweki kaonop iei ran mon japat. MAR 15:43 lojep, men Arimatia amen, ap kodo, me jaunkapun ijou amen, me kin pil auiaui wein Kot, me jo majak koti don Pilatuj, poeki kalep en Iejuj. MAR 15:44 Pilatuj ap puriamuiki, me a matalar, ap molipe don i jenturion o, ap kainoma re a, ma a matalar warai. MAR 15:45 A lao mani jan ren jenturion o, a ap ki on kalep a ren lojep. MAR 15:46 A ap netiada likau linen mau, ap lapwadi i, kidimeki pena likau o, nekidedi i nan joujou eu, me weiweida nan paip, ap kadapuri on takai eu ni au en joujou o. MAR 15:47 O Maria men Magdala o Maria in en Iojej kilan waja, re nekidedi i. MAR 16:1 JAPAT lao daulul, Maria men Magdala o Maria in en Iakopujo Jalome netiada men kei pomau kai, pwe re en kodon keieki i. MAR 16:2 Nin joran nin tapin wik, re ap ko don nin joujou o, ni katipin a pwarada, MAR 16:3 Irail ap indinda nan pun arail: Ij me pan kadapure jan au en joujou o takai o re atail? MAR 16:4 Ari, ni ar kilan, re ap kilanada, me takai o tapure janer, pwe me kalaimun kaualap. MAR 16:5 Ni ar pedelon on joujou o, re ap kilan manakap amen momod pali maun, likauki likau puetepuet. Re ap majakada. MAR 16:6 A ap indan irail: Komail der majak! Iejuj, men Najaret me komail roporop, me kalopular, u iajadar. A jolar kot met. Kilan waja, re nekidedi ia. MAR 16:7 Komail kowei, kaireki a toun padak kan o Petruj, me a pan tion mo omail koti won Kalilaa. I waja, komail ap pan kilani, duen a kotin majani on komail. MAR 16:8 Re ap madaniei jan o tan jan nin joujou o, pwe re majapwe kada rerer, re pil jota indai on meakot meamen, pwe re majupwekada. MAR 16:9 Ari, murin a iajada jankonai nin tapin wik a ap kotin pwar on maj Maria men Magdala, me a kotin kauje jan tewil ijimen. MAR 16:10 A ap kola indai on irail me ian i ko maj, ni ar mamaiei o janejan. MAR 16:11 Ni arail roner, me a iajadar, o me a kotin pwar oner i, ro jota kamelele. MAR 16:12 Muri a kotin pwar on riamen irail ni eu mom, ni ara kokolan nan jap. MAR 16:13 Re ap kola indai on me tei kan. A re jota pil kamelele ira. MAR 16:14 Mur a pil kotin pwar on ir ekamen oko ni ar momod tunotunol, ap kotin kapun on irail ar jopojon o kapitakai, pweki ar jota kamelele ir me kilan i murin a iajadar. MAR 16:15 A ap kotin majani on irail: Komail ko on jappa u, padaki on aramaj karoj ronamau! MAR 16:16 Meamen me pojon o paptaijola, pan dorela. A me jo pojon pan kariala. MAR 16:17 A kilel pukat pan idauen ir, mo pojon: Ni ad ai re pan kau jaki jan tewil akan, re pan lokaia toror. MAR 16:18 Re pan kawela jerpent; ma re nimala men kamela kot, a jota pan kawe ir ala; irail pan pwil pa ar pon me jomau, re ap pan kelailada. MAR 16:19 Ari, Kaun o lao kotin majani on irail mepukat, a ap peukadala nanlan o kotido on pali maun en Kot. MAR 16:20 Irail ap kola, padapadak jili waja karoj. A Kaun o kotin ian dodok, kameleleki majan manaman me ian. LUK 1:1 MURIN me toto ar intiniedier kajoi pan meakan, me kitail kin kamelele, LUK 1:2 Duen ir, me kajokajoi on kit, me jaunkakede o papa pan majan jan ni tapi o, LUK 1:3 I ap pil lamedar, me mau, i en intin won komui, Main Tiopiluj, pwe i lelepokki karoj jan in tapi o kokodo. LUK 1:4 Pwe komui en aja duen meakan me komui aleer, me pun melel. LUK 1:5 Ni muein Erodej nanmarki en ludiia, jamoro amen mia, kijan pwin on Apia, me mar a Jakariaj, o a paud amen jan nain Aron jeripein oko, me mar a Elijapet. LUK 1:6 Ira karoj me pun mon Kot, o ira ineneweita ni en Kaun a kujoned o tiak kan karoj. LUK 1:7 A jota naira jeri, pwe Elijapet li dapwan amen, o ira karoj likailapalar. LUK 1:8 A kadekadeo ni a kapwaiada a dodok en jamero mon Kot ni anjau o, me a pwin pwaijaneki, LUK 1:9 Duen a kin wiaui ren jamero kan, o anjau en ijik mairon lao leler, a kotilon on nan im en kaudok en Kaun o. LUK 1:10 A pokon kalaimun mi liki, wiawia kapakap ni klok en ijij. LUK 1:11 A tounlan en Kaun amen pwara don i, kotikot ni pali maun en pei jaraui en potik. LUK 1:12 Jakariaj lao majani, ap lujikida o majapwekada. LUK 1:13 A tounlan o majani on i: Jakariaj, der majak, pwe om kapakap pwaidar, om paud Elijapet pan naitikeda jeri ol amen, a koe pan ki on mar a Ioanej. LUK 1:14 O a pan kare on uk peren o popol, o me toto pan perenki a ipwidi. LUK 1:15 Pwe a pan lapalap ren Kaun o, a jota pan nim wain, pil jo eu jon en joko; a pan dir en Nen jaraui nan kupur en in a. LUK 1:16 A me toto ren nain Ijrael akan, me a pan kawuki on Kaun ar Kot. LUK 1:17 A pan tion mo a ni nen o rojon en Eliaj, pwen kawuki on jeri kan monion en jam arail akan o me jopeik kan on lamalam en me pun kan, pwen kaonopadan Kaun o pwin aramaj lelapok eu. LUK 1:18 A Jakariaj majani on tounlan o: Da me i en ajaki me wet? Pwe I ol laudalar amen, o ai paud pil likailapalar. LUK 1:19 A tounlan japen majani on i: Nai Kapriel, me kin ariri Kot, o me pakadarado, en lokaia on uk, o wa don uk ronamau pukat. LUK 1:20 Kilan, koe pan loton la, o jaja lokaia lao lel ran o, me mepukat pan pwaida, pweki om jota kamelele ai kajoi, me pan pwaida ni a anjau. LUK 1:21 A pokon o auiaui Jakariaj, puriamuiki a pwapwand nan im ni kaudok. LUK 1:22 A lao pedoi jan, a jolar kak majan on irail. Irail ap dedeki, me e udial manaman eu nan im en kaudok o. A olol on irail o lotonlar. LUK 1:23 Kadekadeo ran akan en a dodok lao nikier, a kotin purelan japwe koieilan im a. LUK 1:24 Murin ran pukat a paud Elijapet lijeanda o mimieta nan deu a jaunipon limau indada: LUK 1:25 Iduen Kaun o kotin wiai on ia ni ran oko, ni a kotin majan don ia, pwen kotiki jan ia kanamenok pai ren aramaj. LUK 1:26 Ni kawonu en jaunipon tounlan Kapriel pakadarala jan ren Kot on nan kanim en Kalilaa eu, me ad a Najaret, LUK 1:27 Ren jeripein makelekel amen, me kijin nin on ol amen, me mar a Iojep, kijan kadaudok en Dawid; jeripein makelekel o adaneki Maria. LUK 1:28 Tounlan o kotilon on nan deu a majani on i: Kajelelia Main, kom meid pai, Kaun o kotikot re omui! Kom meid pai nan pun en li akan! LUK 1:29 A lao kilaner i, o ronadar a majan, ap majapwekadar madamadaua: Duen jon en ranamau o. LUK 1:30 A tounlan majani on i: Maria, ender majak, pwe komui me konekonelar ren Kot. LUK 1:31 A kilan, komui pan lijeanda o naitikeda jeri ol amen, a komui pan ki on mar a Iejuj. LUK 1:32 Nan i me pan lapalap, o a pan maraneki Japwilim en Kaun lapalap, o Kaun Kot pan kotiki on i mol en jam a Dawid. LUK 1:33 O a pan kakaunda kadaudok en Iakop kokolata, o japwilim a wei jota pan imwila. LUK 1:34 Maria ap majani on tounlan o: Daduen mepukat pan kak wiaui, aki i jaja ol amen? LUK 1:35 Tounlan o kotin japen majani on i: Nen jaraui pan kotin ti po omui o rojon en Kaun lapalap pan kipa komui di, i me jaraui o, me pan ipwi jan komui, pan marenki: Japwilim en Kot. LUK 1:36 O majani, ri om Elijapet pil lijeandar ni a likailapala, a pan neitikeda jeri ol amen, a kawonu en jaunipon anjau wet; iei i me dapwan, LUK 1:37 Pwe jota meakot, me Kot jota kak on. LUK 1:38 A Maria potoan on: Majani, nai lidu en Kaun o; en wiaui on ia duen omui majan. Tounlan o ap kotila jan re a. LUK 1:39 I ran oko Maria madan kotila pon nana o nan kanim en luda eu, LUK 1:40 Ap pedelon on nan im en Jakariaj o ranamau on Elijapet. LUK 1:41 Kadekadeo Elijapet lao roner en Maria a ranamau on i, jeri o ap mokideda nan kaped a; a Elijapet ap direkila Nen jaraui, LUK 1:42 O nil laudeda majani: Komui meid pai ren li akan, o meid iajanai ipwin kupur omui! LUK 1:43 A iaduen pai wet a ko jan ia, pwe in en ai Kaun koti don ia? LUK 1:44 Majani, ni ai roner omui ranamau, jeri o ap mokideda nan kaped i aki a peren. LUK 1:45 O komui meid pai, pweki komui pojon! Pwe a pan pwaida, me Kaun o kotin majani on komui. LUK 1:46 Maria ap majani: Lol ai kapina Kaun o, LUK 1:47 O nen i perenki Kot ai Jaunkamaur. LUK 1:48 Pwe a kotin kupurala japwilim a lidu tikitik o. Kilan, jan met o kokolata di karoj pan kapai kin ia, LUK 1:49 Pwe a kotin wiaer jon en manaman on ia, me lapalap o mar a me jaraui. LUK 1:50 A kotin kalanan on di karoj kokolata, on irail me kin lan i. LUK 1:51 O a kotin wia kida lim a manaman akan. O a kotin kara wan pajan, me kin lemai nan monion arail. LUK 1:52 A kotin jikin wei jaupeidi kan jan mol ar, ap id kajapwilada me tikitik kan. LUK 1:53 A kotin kamede kida kapwa me men manadar akan, ap kotin kadarala kaip me kapwapwa kan. LUK 1:54 A kotin upor kin japwilim a ladu Ijrael, o kotin tamataman a kalanan, LUK 1:55 Duen a kotin majani on jam atail akan, on Apraam o kadaudok a kokolata. LUK 1:56 A Maria kotikot re a jaunipon jilu, ap purelan im a. LUK 1:57 Ari, anjaun Elijapet leler pwen naitik, a naitikeda jeri ol amen. LUK 1:58 O men imp a kan o jau i ronadar, me Kaun o kotin kupura i, rap ian i peren kida. LUK 1:59 Kadekadeo auel en ran o re pwara don jirkomjaij jeri o; ir ari ki on mar en jam a Jakariaj. LUK 1:60 A in a japen indada: O kaidin, pwe a pan maraneki Ioanej. LUK 1:61 lrail ap indan i: Nan jota jau om men me maraneki met. LUK 1:62 Irail ap olol on jam a, duen me a mauki, jeri en adaneki. LUK 1:63 I ari poeki jlet eu, ap intiniedier o majani: A pan adaneki loanej. Irail karoj ap puriamuiki. LUK 1:64 A madan jilan i wajok pajan o tenap a japadokada; i ari majani o kapina Kot. LUK 1:65 A majak kipadi karoj, me kaukaujon imp ar, o wiawia pukat lolok jili pon nana en Iudaa karoj. LUK 1:66 A karoj me ronadar, kin nekinekid nan monion arail, indada: Da me jeri men et pan wiala? Pwe lim en Kaun o kotin ian i. LUK 1:67 A jam a Jakariaj direkila Nen jaraui ap kokopada majani: LUK 1:68 Kapina on Kaun Kot en Ijrael, pwe a kotidier ren japwilim a aramaj akan dore ir ala. LUK 1:69 O kotin wiadan kitail kamaur patail jan nan kadaudok en japwilim a ladu Dawid. LUK 1:70 Duen a kotin majanier ren japwilim a jaukop jaraui kan, jan tapin kaua kokodo, LUK 1:71 Me a pan kotin dore kitail la jan ren atail imwintiti o jan nan pa en me kailon kin kitail, LUK 1:72 O kotin kalanan on jam atail akan, o kotin kupureda a inau jaraui, LUK 1:73 O kaula eu, me a kotin kauki on jam atail Apraam, en kotiki on kitail. LUK 1:74 Pwe jen dore jan nan pa en atail imwintiti, ap papa i jo majak, LUK 1:75 Nin tiak lelapok o pun mon jilan i ran karoj kokolata. LUK 1:76 A koe nai jeri pan adaneki: Jaukop en me lapalap o, pwe koe pan tion mon jilan en Kaun o, pwen kuonopada japwilim a al akan LUK 1:77 Pwen kawewe on japwilim a aramaj kamaur, iei lapwa pan dip ar akan; LUK 1:78 Pweki en atail Kot a kalanan melel, me marain dakaraki don kitail jan poa. LUK 1:79 Pwen kamaraini toun pali rotorot o mot en mela, o kainen on na atail nan al en popol. LUK 1:80 A jeri o kakairida, o kelail ni nen e, o a kin mimi nan jap tan, lao a pan janjal on Ijrael. LUK 2:1 A KADEKADEO ni ran oko nanmarki Aukujtuj majani, toun jap akan pan wadawad pena. LUK 2:2 I wadawad kaieu, me wiauier ni muein Kireniuj kopinaen Jirien. LUK 2:3 Amen amen koieilan udan jap we, pwen ian wadawad. LUK 2:4 Iojep ari pil kotila jan Najaret nan Kalilaa, kotilan Iudaa nan kanim Petleem, me udan kanim en Dawid, pwe i kijan kadaudok en Dawid, LUK 2:5 Pwen wadawad ianaki Maria, me kijin nin on i o me lijean. LUK 2:6 Kadekadeo ira lao kot waja o, a anjau ap leler pwen naitik. LUK 2:7 I ari naitikeda na mejeni men, ap kitimki pena likau en jeri kai, o pwilikidi on nan deun kamana, man aki im en kairu a koitalar. LUK 2:8 Jilepan jip kai mi nan jap o jinjila ar pwin jip ni pon. LUK 2:9 A kilan, tounlan en Kaun amen pwara don ir, o linan en Kaun dakar irail ada, ir ari majapwekadar kaualap. LUK 2:10 A tounlan o majani on irail: Komail der majak, kilan, i wa don komail ronamau, me pan kaperenda aramaj karoj. LUK 2:11 Pwe Jaunkamaur ipwidi on komail ran wet nan kanim en Dawid iei Kaun Krijtuj. LUK 2:12 A iet kilel on komail: Komail pan diar jeri o a kidi kidiki pena likau en jeri o wonon nan deun kamana man. LUK 2:13 A madan pwin en tounlan nederenia mi ren tounlan o, me kapina Kot majani: LUK 2:14 Kapina on Kot waja ileile o jappa en popol; o aramaj konekonelar! LUK 2:15 Kadekadeo tounlan kan lao kotila jan ir, kotidala nanlan, jilepan jip akan ap inda nan pun arail: Kitail pan kola Petleem pwen kilan me wiauier waja o, me Kaun o kotin kajale on kitail er. LUK 2:16 Irail ari madanedo, ap diardar Maria i Iojep o jeri o, a wonon nan deun kamana man. LUK 2:17 Irail lao kilaner, rap kalok jili me re kajokajoi on ir duen kijin jeri o. LUK 2:18 A karoj, me ronadar, puriamuiki en jilepan jip oko ar kajokajoi on irail. LUK 2:19 A Maria nekinekid majan pukat karoj o madamadauaki nan monion i. LUK 2:20 O jilepa ko puredo kalinanada o kapina Kot duen karoj, me irail ronadar o kilaner, duen a loloke don irail er. LUK 2:21 Kadekadeo murin pon walu pon, ran en a jirkomjaij, re ki on mar a lejuj, duen me tounlan kotiki on mon a kotin ipwidier. LUK 2:22 Ran akan en a kamakelekel Iao daulier duen kapun en Mojej, ira ap wa don i Ierujalem, pwen mueid on Kaun o. LUK 2:23 Duen a intinidier nan kapun en Kaun o: Mejeni ol karoj me jaraui on Kaun o. LUK 2:24 O pwen kida mairon eu, duen me intinidier nan kapun en Kaun: Turtel muroi riamen de muroi pulepul riamen. LUK 2:25 A kilan, aramaj amen mi Ierujalem, mar a Jimeon, iei aramaj o me pun o majak Kot, o auiaui kapol pan Ijrael, o Nen jaraui kotikot re a. LUK 2:26 A Nen jaraui kotin kajale on i, me a jota pan mela, mon a pan kilan japwilim en Kaun Krijtuj. LUK 2:27 O Nen jaraui kotiki on i, en kolan im en kaudok. A jam o in a lao walon on nan im en kaudok jeri o, pwen kapwaiada duen tiak en kapun o, LUK 2:28 I ap koledi i kapina Kot indada: LUK 2:29 Main, re kotin kajamo japwilim omui ladu popol duen omui majan, LUK 2:30 Pwe maj ai udialer omui kamaur, LUK 2:31 Me re kotin kauada janjal mon aramaj karoj. LUK 2:32 Pwen marain eu, me kama raineki men liki kan, o kalinanada japwilim omui men Ijrael. LUK 2:33 A jam a o in a puriamuiki meakan, me re indinda duen i. LUK 2:34 Jimeon ari kapai ir ada indan Maria in a: Kom kotin mani, men et me japwile don kapupedi o kamaureda me toto ren men Ijrael, kilel eu, me re pan kaundenkoma. LUK 2:35 Nan kodlaj pan dokodi nen omui, pwe monion en me toto en mulekiada. LUK 2:36 O li jaukop amen mia, mar a Ana, nain Panuel kijan kadaudok en Ajer, me likailapalar, me papaud jaunpar iju jan ni anjaun a makelekel. LUK 2:37 I ari li odi men jaunpar waleijok paieu tauer poa, ap jota kin pedoi jan nan im en kaudok, papa Kot kaijejol o kapakap ni ran o ni pon. LUK 2:38 I me pil pwarado ni klok ota, kapina Kaun o kajokajoi duen i on toun Ierujalem karoj, me auiaui jaunkamaur. LUK 2:39 Irail kanikiela karoj duen kapun en Kaun o, re ap purelan Kalilaa nan kanim Najaret. LUK 2:40 A jeri o kakairida, o nenin, o dire kila erpit, o kalanan en Kot kotin ieian i. LUK 2:41 Ni par karoj jam a o in a kotilan Ierujalem ian kamadip en paja. LUK 2:42 A lao jaunpar eijokriau, irail ap kotilan Jerujalem, duen re kin wia, pwen ian kamadip en paja. LUK 2:43 Ran oko lao daulier, irail purelan jap arail, a jeri Iejuj kotikot eta Ierujalem, a jam o in a jota mani. LUK 2:44 A ira kiki on, me a kotin ian kapar o tion mo ’ra. Ira kokola ran eu, ap rapaki i nan pun en jau ’ra o ren men imp arail akan. LUK 2:45 Ni ara jota diaradar i, ira ap purelan Ierujalem rapaki i. LUK 2:46 Kadekadeo murin pon jili pon ira diaradar i nan im en kaudok, kaipokedi nan pun en jnunpadak kan, kotin mamani ir o kaikainoma irail. LUK 2:47 A karoj me ronadar i puriamuiki a kupurokon o a japajapen LUK 2:48 Ira lao diaradar i, ap puri amuiki. In a ap majani on i: Nai jeri, da me kom wiaki on kit met? Mani, jam omui o nai raparapa kin komui janejan. LUK 2:49 A kotin majani on ira: Menda koma rapa kin ia? Koma jota aja, me I en mimieta nan me Jam ai? LUK 2:50 Ira ari jota weweki a majan on ira. LUK 2:51 A ap kotin ian ira kotidilan Najaret papa ira, a in a nekinekid majan pukat karoj nan monion i. LUK 2:52 Iejuj ari kupurokon, kokoda, lalaudela, o majamaj ren Kot o aramaj akan. LUK 3:1 PAR eijoklimau murin nanmarki Tiperiuj a japwiledu ni muein Pontiuj Pilatuj kopina en Iudaa, o Erodej nanmarki en Kalilaa, o ri a ol Pilipuj nanmarki en Ituraa o Trakonitij, o Lijaniaj nanmarki en Apilene, LUK 3:2 Ni muein Anaj o Kaipaj jamero lapalap, majan en Kot ap pwara don Ioanej nain Jakariaj nan jap tan. LUK 3:3 I ari kotikot jili nan jap karoj ni kail en Iordan, padapadak duen paptaij en kalula on lapwada dip akan, LUK 3:4 Duen a intinidier nan puk en majan akan en jaukop Iejaia, me majani: Nil eu likelikwir jili nan jap tan: Komail kaonopada al en Kaun o, kaineneda al a! LUK 3:5 Wau karoj pan audaud o nana o dol karoj pan patapatedi, o me pirok, pan inenla, o mo ululen, pan patapatela. LUK 3:6 Uduk karoj pan udial kamaur on Kot. LUK 3:7 A ap majani on aramaj akan, me koieila, pwen paptaijla re a: Dakot, wan oter komail; ij me padaki on komail, eh piti jan ni kamakam, me kokodo? LUK 3:8 Ari komail kapareda wan kalula mau. A komail depa lamelame, me komail pan indan pein komail: Nan Apraam jam atail. Pwe i indai on komail, me Kot kotin kak on wiaki on Apraam na jeri kai takai pukat. LUK 3:9 Jile o mier ni tapin tuka kan. Ari, tuka karoj, me jo wa mau, pan palepaledi o lokidokila nan iai. LUK 3:10 Pokon o ap idok re a indada: A da me kit en wia? LUK 3:11 A kotin japen majani on irail: Meamen, me a jakit riau, I en ki on, me jota a. O me kan a kijin mana mia, i en wia dueta. LUK 3:12 A jaunopwei kan pil pwara don i pwen paptaij, irail potoan on i: Jaunpadak, a da me kit en wia? LUK 3:13 A majani on irail: Komail der ale laude jan me kileledier. LUK 3:14 Jaunpei kan ap pil kalelapok re a indada: A da me kit en wia? A majani on irail: Komail der kaloke mal meamen, o der wia japun on meamen, a komail ale pwain omail o injenemau kila. LUK 3:15 Aramaj akan lao kiki on o monemoneloleki, me Ioanej me Krijtllj, LUK 3:16 Ioanej ap japen majani on irail karoj: I paptaij kin komail pil, a me laude jan ia kotido muri, me i jowar on, en lapwada jal en japwilim a jut, i me pan paptaij kin komail Nen jaraui o kijiniai. LUK 3:17 Tanir mi nan lim a, a pan kotin koko melel japwilim a pera, ap nekid pena wan korn nan japwilim a im en nak, a dip a pan kotin karon kila kijiniai jokun. LUK 3:18 O jon toto, me a kotin panaui aramaj akan o padaki on pokon o ronamau. LUK 3:19 A nanmarki Erodej, me Ioanej kapun pweki Erodiaj en ri a ol a paud, o pweki jued karoj, me Erodej wiadar, LUK 3:20 Kalaudela dip a ni a jaliedi Ioanej nan imaten. LUK 3:21 A kadekadeo aramaj karoj lao paptaij elar, o Iejuj pil paptaijelar o kotin laolaoki, nanlan ap ritida, LUK 3:22 O Nen jaraui kotidi don i ni mom en muroi men, o nil eu jan nanlan majani: Koe nai ol kompok, me I kin peren kida. LUK 3:23 Iejuj impan jaunpar jileijok ni a kotin tapiada jaunpadak, o re kikion me i nain Iojep, me nain Eli, LUK 3:24 Me nain Matat, me nain Lewi, me nain Melki, me nain Ianej, me nain Iojep, LUK 3:25 Me nain Matatia, me nain Amoj, me nain Naum, me nain Ejli, me nain Nakai, LUK 3:26 Me nain Maat, me nain Matatia, me nain Jimei, me nain Iojep, me nain Iuda, LUK 3:27 Me nain Ioanan, me nain Reja, me nain Jerupapel, me nain Jalatiel, me nain Neri, LUK 3:28 Me nain Melki, me nain Adi, me nain Kojam, me nain Elmodam, me nain Er, LUK 3:29 Me nain Iojej, me nain Eliejer, me nain lorim, me nain Matat, me nain Lewi, LUK 3:30 Me nain Jimeon, me nain Iuda, me nain Jojep, me nain Ionam, me nain Eliakim, LUK 3:31 Me nain Melia, me nain Mena, me nain Matatan, me nain Natan, Me nain Dawid, LUK 3:32 Me nain Ieje, me nain Oped, me nain Poaj, me nain Jala, me nain Naajan, LUK 3:33 Me nain Aminadap, me nain Aram, me nain Ejron, me nain Perej, me nain Iuda, LUK 3:34 Me nain Iakop, me nain Ijaak, me nain Apraam, me nain Tara, me nain Naor, LUK 3:35 Me nain Jeruk, me nain Reku, me nain Palek, me nain Eper, me nain Jala, LUK 3:36 Me nain Kainan, me nain Arpakjad, me nain Jem, me nain Noa, me nain Lamek, LUK 3:37 Me nain Metujala, me nain Enok, me nain Iared, me nain Maalaleel, me nain Kainan, LUK 3:38 Me nain Enos, me nain Jet, me nain Adam, me japwilim en Kot. LUK 4:1 A IEJUJ, me dir en Nen jaraui, puredo jan Iordan, o Nen kotin kalualan i nan jap tan. LUK 4:2 O wia jonejon pan tewil ran panaul. A jota kotin konot ni ran oko. Ran akan lao imwi jokela ap men konot. LUK 4:3 Tewil ap indai on i: Ma komui japwilim en Kot, en majani on takai wet, a en wiala prot. LUK 4:4 A Iejuj kotin japen i majani: A intinidier: Kaidin prot eta, me aramaj en memaureki, pwe majan en Kot akan. LUK 4:5 Tewil ap kaluadalan i pon nana ileile eu o kajala on i wein jappa karoj ni marep taieu. LUK 4:6 Tewil indan i: I pan ki on komui manaman pukat karoj o a linan, pwe a muei on ia er, a i pan ki on, me i mauki. LUK 4:7 Ari, ma komui pan poni ia, karoj ap pan japwilim omui la. LUK 4:8 Iejuj kotin japen i majani: A intinidier: Koe en poni on Kaun om Kot; i eta, koe en papa. LUK 4:9 I ap kalualan i Ierujalem o kauada i pon konkon en im en kaudok o indai on i: Ma komui japwilim en Kot, kajedi pein komui, LUK 4:10 Pwe a intinidier: A pan kajilaki japwilim a tounlan kai komui, pwen apapwali komui. LUK 4:11 O wa komui nan lim ar akan, pwe aluwilu omui der dipikelekel ni takai eu. LUK 4:12 Iejuj kotin japen majani on i: A lolokido, koe ender kajone jon Kaun om Kot! LUK 4:13 Tewil lao kanikiela jonejon karoj, ap muei jan i anjau kij. LUK 4:14 Iejuj ap kotin pure don Kalilaa ni rojon en Nen, ap indand jili nan jap karoj me mi imp a. LUK 4:15 A kotin kaukawewe nan ar jinakoke kan, o karoj kapina i. LUK 4:16 A kotin lel Najaret, waja a kotin kakairida ia, ap kotilon jon nan jinakoke duen a kin wiada ni ran en japat o kotida, pwen wadok. LUK 4:17 Puk en jaukop Iejaia an wijike don i a lao lim pajan puk o ap diarada waja o me intinidier: LUK 4:18 Nen en Kaun kotikot re i, I me a keie kin ia da, pwen padaki on me jamama kan ronamau. A kadar ia do, pwen kaloki on me jalidi kan, me ren jaladokela, o me majkun akan pan kilan waja, o me patau kan pan maioda, LUK 4:19 O kaloki jaunpar mau en Kaun o. LUK 4:20 A kotin lim pena puk o ap kupure on me papa men o kotidi. Maj en karoj nan jinakoke kankakil i. LUK 4:21 I ari tapiada majani on irail: Kijin likau wet pwaidar mo ’mail ran wet. LUK 4:22 Ir karoj ap kadede o puriamuiki majan kompok kan, me pwili jan jilan i, ap indada: Kaidin i nain Iojep? LUK 4:23 A ap kotin majani on irail: Nan melel, komail pan indan ia karajeraj wet: Jaunwini, jauaja pein uk! Pwe re ronadar duen ion kapuriamui, me wiauier nan Kapernaum; ari kom pil wiada iliieta waja et nan jap omui. LUK 4:24 A kotin majani: Melel I indai on komail, jota jaukop amen me konekon nan japwe. LUK 4:25 A melel I indai on komail, li odi toto mi nan Ijrael ni muein Kliaj, ni anjau nanlan matata par jilu o jaunipon wonu, ni lek In pal ap kipadi jap karoj; LUK 4:26 A jota amen, me Eliaj pakadar won, pwe ren li odi men nan Jarepta nan jap Jidon. LUK 4:27 O me tuketuk kan me toto nan Ijrael ni muein jaukop Kliaj, a jota amen re ’rail, me kelailadar, pwe Naeman eta men Jirien. LUK 4:28 Karoj, me mi nan jinakoke ni ar ronadar mepukat, ap makar kida kaualap, LUK 4:29 Re udar jikonlar i jan kanimo, o kalualan i pon kailan dol o, waja ar kanim kakaudar ia, pwen kajedi jan ia, LUK 4:30 A i kotin weid nan pun ar, kotila jan irail. LUK 4:31 I ari kotilan Kapernaum kanim en Kalilaa, o kotin kawewe on irail ni ran en japat akan. LUK 4:32 Irail ari puriamuiki a padak, pwe a majan me manaman. LUK 4:33 A aramaj amen mi nan jinakoke, me nen en tewil jaut amen ti po a, me weriwer laud, LUK 4:34 Inda: Ko jan kit, menda re omui kit Iejuj en Najaret! Kom kotido, en kawe kit ala. I aja, me komui nain Kot jaraui. LUK 4:35 Iejuj ap kidaue i majani: Nenenla o ko jan re a. Tewil lao kajedi i nan pun arail, ap koiei jan re a, jota me jued kot a wiai on i. LUK 4:36 Irail karoj ap puriamui kila, kajokajoi nan pun arail indada: Dakot majan pot et? Pwe a majan manaman o rojon on nen jaut akan, irail ap kin ko wei jan. LUK 4:37 I ari indand jili nin jap karoj waja o. LUK 4:38 I ap kotida jan nan jinakoke, ap kotilon on nan im en Jimon. A jaulap en Jimon me jomau karakar. Irail ari poekipoeki i re a. LUK 4:39 I ari koti don i majani on jomau o, ap madan ko jan, i ari madan paurida papa irail. LUK 4:40 Katipin lao kirilar, rap wa don i ar luet akan karoj. I ari kotikidan amen amen lim a kan, kakelail ir ada. LUK 4:41 O tewil akan pil kowei jan ren me toto, me weriwer indada: Komui japwilim en Kot. I ari kotin kidau ir ada, o jota mueid on irail, en lokaia, pwe re aja, me i Krijtuj. LUK 4:42 A lao waja ran a kotilan waja rir, a pokon o raparapaki i, re pokon don i o kolekol i pwen der koti wei jan irail. LUK 4:43 A i kotin majani on ir: I pil pan padaki ronamau en wein Kot nan kanim tei ko, pwe i me I pakadar kidor. LUK 4:44 A i kotin padapadak nan jinakoke en Kalilaa kan. LUK 5:1 A KADEKADEO ni en aramaj toto ar tana don imp a, pwen roneron majan en Kot, a kotikot pon kailan le en Kalilaa, LUK 5:2 Ap majani kijin jop riapot, me peipei nan le o, a jaujed akai keredi janer widen ar uk kai. LUK 5:3 I ari kotida pon apot ren jop oko, war en Jimon, kotin poeki re a, en kaiieila ekij jan ni jap o. I ari kaipokedi, kawewe on aramaj jan nan jop o. LUK 5:4 I lao kaimwijokela a majan, ap majani on Jimon: Jeijei kowei waja lol, ap kaduedi oma uk kan, pwe koma en jaikidi. LUK 5:5 A Jimon japen potoan on i: Main, je laiter pon lao lei waja ran, ap jota jaik at, ari jo ar majan, me i pan kaduekidi uk en. LUK 5:6 Irail lao wiadar met, rap oro pena mam toto; ara uk ari ola. LUK 5:7 Irail ari olole kij arail oko, me mi nin apot jop, pwe re en kodo jauaja irail. Irail ari kodo, kadirela jop riapot, ira ari pan mauidi. LUK 5:8 Jimon Petruj lao kilaner mepukat, ap poridi jan Iejuj, potoan on: Main, re kotiwei jan ia, pwe aramaj jued amen nai. LUK 5:9 Pwe a puriamuiki o ir karoj, me ian i, pweki jaik ar, me re jaikidi. LUK 5:10 A pil dueta Iakopuj o Ioanej nain Jepedauj ol oko, me ian Jimon. Iejuj ap kotin majani on Jimon: Koe der majak, pwe jan anjau wet kokola koe pan jaikidi aramaj. LUK 5:11 Irail kaikilon on liman jap ar jop oko, re ap kajela karoj, idauendo i. LUK 5:12 Kadekadeo ni a kotikot nan eu kanim, kilan, ol amen mia, me dir en tuketuk. A lao kilaner Iejuj, ap pupekidi maj a, poeki re a potoan on: Main, ma re kotin kupura, re pan kak on kamakel ia da. LUK 5:13 I ari kotin kapawei lim a jair i majani: I men, koe en makelekel. Ari, a tuketuk ma dan modi jan. LUK 5:14 I ari kotin inapwiedi i, der indan meamen; a kola kajale on pein uk jamero ko, o kida mairon, pweki om makelekeladar, me Mojej majanier, pwen kadede on irail. LUK 5:15 A a madan indand jili o po kon kalaimun pokon pena, pwen ron i o kelailada janar jomau kan LUK 5:16 I ari kotin kelepela nan jap tan, pwen laolao. LUK 5:17 Kadekadeo eu ran ni a kotin kaukaweweda, Parijilr o jaunkawewe kan, me mod imp a, irail pwarado jan kanim en Kalilaa o Iudaa karoj o jan Ierujalem; a rojon en Kaun o pwili wei jan i, kakelada amen amen. LUK 5:18 A kilan, ol akai roado aramaj amen me kokon madak, rap raparapaki duen ar pan kak walan lole, pwilikidi mo a. LUK 5:19 A ni ar jota kak diar waja, me re pan kai don impa pweki pokon o, rap dauda pon im o, kakiridi i nan oj ianaki pet, lao nan pun arail mon Iejuj. LUK 5:20 A lao mani arail pojon, ap kotin majani: Aramaj o, dip om akan lapwa jan uk er. LUK 5:21 A jaunkawewe o Pari jar akan ap monemoneloleki indada: Ij men et, me kin lalaue? Ij me kak lapwada dip akan, pwe Kot eta? LUK 5:22 A Iejuj lao mani ar monemonelol, ap kotin japen majani on irail: Da me komail kin monemoneloleki lol omail? LUK 5:23 Da me monai ren inda, dip om akan lapwa jan uk er, de inda, uda, aluwei? LUK 5:24 A pwe komail en aja, me Nain aramaj manaman on lapada dip akan nin jappa, iei me a kotin majanieki on me kokon madak: I indai on uk, uda, aleki om kola deu om! LUK 5:25 A madan uda mo ’rail, kida a pet, me a wonon poa, koieilan im a kapikapina Kot. LUK 5:26 Ir karoj ap puriamui kida o kapikapina Kot, o direkila majak indada: Ran wet kitail kilaner me kapwuriamui mele LUK 5:27 Murin mepukat a kotila jan waja o, ap majani jaunopwei amen ede Lewi momod nan wajan nopwei, ap majan on i: Idauen ia do! LUK 5:28 I ari kajela a meakaroj, uda, idauenla i. LUK 5:29 Lewi ari wiada kamadip lapalap on i nan im a; a jaunopwei ape me toto, me ian i ni tepel. LUK 5:30 A Parijar o arail jaunkawewe kan lipaned on japwilim a tounpadak kan indada: Da me komail ianaki jaunopwei o me dipan akan mana o nim. LUK 5:31 Iejuj ap kotin japen majani on irail: Me kelail jota mau on jaunwini, pwe me jomau kan. LUK 5:32 I kodon ekeker don kalula me dipan akan a kaidin me pun kan. LUK 5:33 Irail ap potoan on i: Da me tounpadak en Ioanej akan kaijejol pan pak toto o re kapakap toto, o pil dueta en Parijar akan, a japwilim omui kan kin tunole o nim? LUK 5:34 A Iejuj kotin majani on irail: O komail jota kak ki on toun kapar en kamadip en kapapaud en kaijejol arain ol kamod mi re ’rail! LUK 5:35 A eu ran ol kamod pan peuka wei jan irail, i ran oko re ap pan kaijejol. LUK 5:36 A kotin majani on irail karajeraj eu: Jota me kin deik on likau kap ni likau marin; a ma ei, a pan ter pajan likau kap; a kijan likau kap pil jota pan paroki on likau marin. LUK 5:37 A jota me kin kodie on wain kap nan ed marin; a ma ei, wain kap pan ter pajan ed akan, ap wudokila o ed akan pan ola. LUK 5:38 A re kin kodie on wain kap nan ed kap, ira karoj ap nekinek mau. LUK 5:39 O jota, me kin nim jan wain marin, pan mauki wain kap, pwe a kin inda: Me marin o me mau jan. LUK 6:1 KADEKADEO ni ran en japat kariau a kotin weid nan mat en korn o japwilim a tounpadak kan ap dolun wan korn o irririj nan pa arail, ap kankan. LUK 6:2 A Pari jar akai indan irail: Menda komail kin wiada, me jota pun, en wiaui ni ran en japat? LUK 6:3 Iejuj ari kotin japen majani on irail: Komail jota wadoker, me Dawid wiadar ni a men manadar, i o me ian i? LUK 6:4 Duen a pedelon on nan tanpaj en Kot, o ale prot en kajanjal, o kankan o pil ki on me ian i, me jota pun, aramaj en tunole, jamero kan eta? LUK 6:5 O majani on irail: Nain aramaj pil kaun en japat. LUK 6:6 A kadekadeo ni eu japat a kotilon on nan jinakoke kaweweda. A aramaj amen mia, me pa a pali maun motorla. LUK 6:7 A jaunkawewe o Parijar akan majamajan i, ma a pan kakelada i ni ran en japat, pwe re en kadipa i. LUK 6:8 A kotin ani ar lamelam ap majani on aramaj o, me pa a motorla: Uda kodo met! A ap uda ko on waja o. LUK 6:9 Iejuj ap kotin majani on irail: I men idok re omail, da me pun en wiada ni ran en japat n o me mau de me jued? En kolekol de kawela maur en aramaj? LUK 6:10 I ari kotin aupwil jili po ’rail majani on i: Kapawei pa om! A ap wiada, pa a ap kelailada, a maula dueta me teio. LUK 6:11 Irail ap makaradar kaualap o kapukapun pena, da me re pan wiai on Iejuj. LUK 6:12 Kadekadeo ni ran oko, a kotidala pon nana pwen laolao. I ari kotin laolao on Kot lao waja ran. LUK 6:13 A lao ran pajan, ap kotin molipei pena japwilim a toun padak kan. A kotin piladar ekriamen, me a kamareki wanporon. LUK 6:14 Jimon me a kotin kaadeaneki Petruj, o ri a Andreaj, o Iakopuj, o Ioanej, o Pilipuj, o Partolo mauj, LUK 6:15 O Matauj, o Tomaj, o Iakopuj nain Alpauj, o Jimon, me adaneki Jelotej, LUK 6:16 O Iudaj nain Iakopuj, o Iudaj Ijkariot, me panala i. LUK 6:17 A lao kotin ian ir kotidi don waja kij nan jap patapat o, jap wilim a tounpadak kan toto o aramaj nederenia pokon don i jan nan Iudaa, o Jerujalem, o Tiruj, o Jidon, re mi pon oror, pwen ron i o kakelailada jan nr jomau kan; LUK 6:18 O me kalokolok ren nen jaut akan ap kelailadar. LUK 6:19 A aramaj karoj men doke I, pwe rojon kin pwiliwei jan i, kakel irail karoj. LUK 6:20 A ap kotin aupwil jili pon japwilim a tounpadak kan majani: Meid pai komail, me jamama, pwe noumail wein nanlan. LUK 6:21 Meid pai komail, me men manadar anjau wet, pwe komail pan medila. Meid pai komail, me kin janejan anjau wet, pwe komail pan kaurur. LUK 6:22 Komail meid pai, ma aramaj akan kailon kin komail, o kaje komail la, o kidaue komail, o kawela ad omail, pwe dene me jued, pweki Nain aramaj. LUK 6:23 Komail en peren ni ran o, o lujiluj, pwe kilan, pwain omail me lapalap nanlan, pwe iduen me jam arail akan wiai on jaukop akan. LUK 6:24 A me juedi on komail kapwapwa kan, pwe komail anekier omail peren. LUK 6:25 Juedi on komail, me medier, pwe komail pan dupokala. Juedi on komail, me kin peren anjau wet, pwe komail pan mauk o janejan. LUK 6:26 Juedi on komail, ma aramaj akan karoj pan lokaia mau kin komail; pwe iduen me jam arail akan wiai on jaukop likam akan. LUK 6:27 A I indai on komail, me kin roneron, pok on omail imwintiti, wiawia mau on me kin kailon kin komail, LUK 6:28 Kapaiada, me kin karia komail la, kapakapa kin ir, me kainjenjuede kin komail; LUK 6:29 O me pikir uk ni apali en lilk in jap om, pil ki on i pali teio, o me pan kijan om likau pup, pil mueid on i noum jakit. LUK 6:30 K ion karoj, me kin poeki re om, o me pan atia jan om, koe der poeki re a, a kapuredo. LUK 6:31 A duen me komail men, aramaj en wia on komail, iduen me komail en wiai on irail. LUK 6:32 Pwe ma komail pok on, me kin pokepoke komail, da me pan katin pamail? Pwe me dipan akan pil kin pok on kompoke parail. LUK 6:33 A ma komail wiawia mau on, me wia mau on komail, da me pan katin pamail? Pwe me dipan akan kin wia pil dueta. LUK 6:34 A ma komail pan ki on irail, me komail akpwainonki, da me pan katin pamail? Pwe me dipan akan pil kin wiai on me dipan, pwen ale me duete. LUK 6:35 A pok on omail imwintiti, o wiawia mau, o ki on jo akapwainok, a pwain omail pan lapalap, o komail pan jeri en me lapalap o. Pwe a kupura, me jo danke o me jued akan. LUK 6:36 Komail ari kadek rajon Jam omail me kalanan. LUK 6:37 Ender kadeikada a komail jota pan pakadeikada. Ender kariala, a komail jota pan kariala. Lapwada, a komail pan lapwada. LUK 6:38 Kijakija wei, a a pan depuk on komail dal mau eu, me idan pena, o itik pena, o dir kaualap, me pan ko on komail. Pwe men jon ota, me komail kin jonki, iduen a pil pan jon on komail. LUK 6:39 A kotin pil majani on irail karajeraj eu: Da, me majkun pan kak kare me majkun? Ira karoj jota pan pupedi nan por o? LUK 6:40 Tounpadak jota kin laude jan a jaunpadak. Ma tounpadak paroki on a jaunpadak, nan a unjokala. LUK 6:41 A menda koe kilekilan pul ni maj en ri om ol, ap jota kan ataut o ni pein maj om? LUK 6:42 De iadue, koe pan indan ri om: Ri ai, aui maj, i pan ki jan pul ni maj om, ap jota kilan ataut o ni maj om? Malaun amen koe, ki jan maj ataut o ni maj om, a koe ap pan kak kilan, duen om pan kak kijan pul, me mi ni maj en ri om. LUK 6:43 Pwe tuka mau jota pan wa jued. Pil jota tuka jued pan wa mau. LUK 6:44 Tuka karoj kin diarok kida a wa. Pwe aramaj jota kak dolun jan pik ni tuka kamadak, aramaj pil jota kin dolun jan wan wain ni tuka mal. LUK 6:45 Aramaj mau amen kin kapwareda me mau jan nan a pai mau en monion i, a me jued amen kin kapwareda me jued jan nan a jued, pwe aua kin kida jan nan audepan monion o. LUK 6:46 A iaduen, komail kin indan ia: Main, Main, ap jota kin wiada, me I kin inda? LUK 6:47 Meamen ko don ia o roneron ai maj an kan, o kapwaiada, nan I pan kajale on komail, me a raj on. LUK 6:48 Nan i me rajon aramaj amen, me kauada im eu o weirada lol, o pajonedi pon paip. A lapake lao pwilido, ad ap maimai on im o, ap jo kak kamokidedala, pwe a kakau pon paip o. LUK 6:49 A meamen roneron, ap jota kapwaiada, nan a rajon aramaj amen, me kauada im eu nan pwel jo pajonedi. A lapake pwil maiai on, a ap madan ronk pajan, o ola en im o me laud. LUK 7:1 A LAO kotin erela a majan akan karoj on pokon o, a ap kotilan Kapernaum. LUK 7:2 Ladun jenturion amen mia, me kajampwal re a, me jomau, a pan mela. LUK 7:3 A lao ronada duen Iejuj, ap poronelan i jaumaj en Juj akan, poeki re a, en kotido kakelailada a ladu. LUK 7:4 Irail lao pwara don Iejuj, ap nidinideki i potoan on: A war on, ren kotin wiai on i mepukat. LUK 7:5 Pwe a kin pok on toun jap atail o kauadan kit jinakoke o. LUK 7:6 Iejuj ap kotin ian ir ala. A ni jolar non doo jan im o, jenturion ap poronelan i kompok kai, potoan on: Main re der kanerel. I ir kotido, pwe i jowar, ren ketlon nan im ai. LUK 7:7 Nai ari jota kin aka, me i war on poto don ir. A re kotin majaniata; a ai ladu pan kelailada. LUK 7:8 Pwe nai pil aramaj amen, me mi pan manaman akan, ap kaunda jaunpei kai. A ma i pan, indan amen: Kowei! A pan kola; o on amen: Kodo! A pan kodo; o on ai ladu: Wiada met! A pan wiada. LUK 7:9 Iejuj lao mani mepukat, ap kotin puriamui kila, jaupei don pokon o, me idauendo i, majani: I indai on komail, me I jaik diar pojon lapalap duen met, jota ren men Ijrael. LUK 7:10 A me pakadarala kan lao purelon on nan im o, re ap diarada, me ladu o kelailada. LUK 7:11 Kadekadeo murin mepukat a kotilan kanim eu ad a Nain; japwilim a tounpadak kan toto ian i; o aramaj pil me toto. LUK 7:12 A lao koren ion wanim en kanim o, kilan, melar amen, me re wawei, ieroj en in a, a iei li odi amen; a toun kanim me toto ian i. LUK 7:13 Kaun o lao majani i, ap kotin kupurela, majani on i: Eder janejan. LUK 7:14 I ari koti on, doke kopa o, a me roa kan ap udi. I ap kotin majani: Manakap, I indai on uk, paurida! LUK 7:15 A me melar o ap modada, pikekidi lokaia. Iejuj ap kotiki on i ren in a, LUK 7:16 Majak ap kipa ir edi, o kapikapina Kot indada: Nan jaukop lapalap amen, me pwarado re atail, o Kot me kotier ren japwilim a aramaj akan. LUK 7:17 A kajoi pot et duen i lolok jili nan Iudaa o jap karoj, me mi imp a. LUK 7:18 En loanej a tounpadak kan kaire kin i mepukat karoj. LUK 7:19 loanej ap molipeido japwilim a tounpadak kan riamen, porone ira lan Iejuj, majanlan i: Ir me pan kotido, de jen auiaui amen? LUK 7:20 Ol oko lao poto don i, ap potoan on: loanej jaunpaptaij kadar kit don ir potoan kalelapok: Ir me pan kotido, de jen auiaui amen? LUK 7:21 A ni auer ota a kotin kake lada me toto jan ar jomau, o luet, o nen jued akan, o kotin kapad pajan maj en me majkun toto. LUK 7:22 Iejuj ap kotin japen majani on irail: Koma u kowei, kaireki loanej, meakan komail kilaner o roner: Me majkun akan kilanada waja, o me luet akan kin alialu, o me tuketuk kan makelekeleda, o me jalonepon kin ron waja, o me melar akan kin maureda, o ronamau me lolok on me jamama kan. LUK 7:23 O meid pai, me jota pan makar kin ia! LUK 7:24 A men kadar en loanej lao purela, Iejuj ap kotin tapiada majani on pokon o duen loanej: Da me komail koieila en kilan nan jap tan? Komail men kilan alek pot, me kin duedualokki an? LUK 7:25 De da me komail koieila en kilan? Komail men kilan aramaj amen, me likau kida likau muterok? Kilan, me kin likau kida likau linan, o kaped en mana, kin mi nan im en nanmarki kan. LUK 7:26 De da me komail koieila en kilan? Jaukop amen? Ei, I indai on komail, a laude jan jaukop amen. LUK 7:27 Pwe iei i me intinidier due: Kilan, I kadarala mo mui nai men kadar amen, me pan koki al mo ’mui. LUK 7:28 Pwe I indai on komail, jota jaukop amen me ipwi jan ren li akan, me laude jan loanej jaunpaptaij, ari jo, me tikitik nan wein Kot, iei me laude jan i. LUK 7:29 A aramaj karoj, me roneron i, o jaunopwei kan kapina Kot ni ar ian paptaijeki paptaij en loanej. LUK 7:30 A Parijar o jaunkawewe kan japai on pein irail ni ar mamaleki kupur en Kot, ap jota ian paptaij re a. w LUK 7:31 A da me I en karajai on aramaj en di wet? O da me irail rajon? LUK 7:32 Irail me rajon jeri kai, me kin momod nan wajan net akan o likelikwir nan pun arail indinda: Kit kajakajan, a komail jota kakalek; kit kamamauke kin komail, a komail jota janejan. LUK 7:33 Pwe Ioanej jaunpaptaij pwarado, ap jota kan prot, o jota nim wain, a komail kin inda: Nan tewil kin di poa. LUK 7:34 Nain aramaj pwarado, mana o nim, a komail kin inda: Kilan, me kaped en mana o kamom jakau, kompoke pan jaunopwei o me dipan akan! LUK 7:35 A lolekon kin diarok kida na jeri kan karoj. LUK 7:36 A Parijar amen poeki i, en konot re a. I ari kotilon on nan im en Parjar o kaipokedi ni tepel. LUK 7:37 A kilan, li amen mi nan kanim o, me dipan amen, a lao aja, me Iejuj kotikot konot nan im en Parijar o, ap wado kokon en alapajta, LUK 7:38 O poridi mur i ni aluwilu a janejan o pikekidi widenki pil en maj a aluwilu a, o limwieki a pwilipeipei, o metik aluwilu a kan o keieki alapajta. LUK 7:39 A Parijar o, me lukedo i lao kilaner, ap monemoneloleki indada: Ma ol men et jaukop amen, a pan aja, ij li o, me jair i, pwe me dipan amen. LUK 7:40 Iejuj ap kotin japen majani on i: Jimon, I men indai on uk meakot. I ari indada: Jaunpadak, majania do! LUK 7:41 Ol amen mia, me aramaj riamen pwaipwand on. Amen ira pwaipwandeki denar limepuki, a amen limeijok, LUK 7:42 A n i ara jota men kapunala, a kijakija kin ira la karoj. Indan ia, ij re ’ra, me pan pok on i laud? LUK 7:43 Jimon japen potoan on: I lamelame i, me a kijakij laud on. A kotin majani on i: Koe meid pun kajauiada. LUK 7:44 I ari jaupei don li o majani on Jimon: Koe kilan li men et, I pedelon on nan im om, a koe jota ki on ia pil men widen na i kat, a i me widenki pil en maj a na i kat, o limwieki a pwilipeipei. LUK 7:45 Koe jota metik ia, a i jota tukedi jan metik nai kat, jan ni a pedelon lao lei met. LUK 7:46 Koe jota ujore kin ia le, a met keiekier na i kat alapajta. LUK 7:47 Nan i me I indaki on uk: Dip a kan me toto me lapwadar, pwe a kin limpok laud; a me dip a jota non lapwada, nan a kin limpok tikitik. LUK 7:48 I ari majani on li o: Dip om akan me lapwadar. LUK 7:49 A me ian mod ni tepel o ap tapiada inda nan pun ar: Ij men et, me pil kin lapwada dip akan? LUK 7:50 I ap kotin majani on li o: Om pojon me dore uk ala, kowei popol! LUK 8:1 KADEKADEO murin mepukat a kotin kakan jili nan kanim laud o me tikitik kan, padapadak o kaloki ronamau en wein Kot, o ekriamen ian i. LUK 8:2 O pil li akai, me a kotin kakelailada jan nen jued o jomau kan, iet akan: Maria, me pil adanek i men Makdala, me tewil ijimen koiei jan. LUK 8:3 O Ioana iei likond en Kujaj en Erodej a jaunkoa men, o Jujana, o me toto, me papaki I ar kapwa kan. LUK 8:4 A aramaj totoia lao pokon don i jan nan kanim akan, karoj, ap kotin karajeraj majani: LUK 8:5 Jaunkamor kolan kamor a war akan. Ni a kamokamorok akai ap moredi on pon kailan al ap tiatidi o manpir en pan lan nam ir ala. LUK 8:6 A akai moredi on pon paip. A lao wojada, a monedi, pweki a jota lamelamur. LUK 8:7 Akai moredi nan tuka teketek, a tuka teketek wojada, kajoka ir ala. LUK 8:8 A akai moredi nan pwel mau, ap wojada o wada pan me epuki. Ni a kotin majanier mepukat, ap majan laudeda: Me jalon a mia, men ron, i en ron! LUK 8:9 A japwilim a tounpadak kan ap kalelapok re a: Ia wewe en karajeraj wet? LUK 8:10 I ari kotin majani: A muei on komail er, en aja me rir en wein Kot, a met akan en aja ni karajeraj akan pwe ren kilan, ap jota kilan, o ron, ap jota weweki. LUK 8:11 A iet wewe en karajeraj o: Majan en Kot iei war akan. LUK 8:12 A me mi pon kailan al o, iei ir, me ronadar, a muri tewil pwarada katia jan majan en Kot nan monion arail, pwe ren der pojon, rap maurela. LUK 8:13 A me mi pon paip, iei ir, me kin ron majan o ap pereperen ale, a jota kalau re ’rail. Anjau kij re kin pojon, a ni anjaun jonejon, irail kin pupe jan. LUK 8:14 A me moredi nan tuka teketek, iei irail me kin ron, ap koieila tiropeki anan o pai, o inon jued en maur et, rap jokekila, ap jota wa. LUK 8:15 A nan jap mau, iei irail, me kin ron majan o, ap nekinek nan monion ar inen o mau, o wada nin tiak en kanonama. LUK 8:16 Jota me kin ijikeda lamp, ap pwainekidi kopa eu, de ki on pan men wendi a pon deu a, pwe me pan pedelon on en kilan marain o. LUK 8:17 Pwe jota me rir kot, me jo pan janjaleta, pil jota me okiok kot, me jo pan kalok jili. LUK 8:18 Komail ari kalaka duen omail kin roneron, pwe me a mia, ekij pan ko on; a me jota a mia, i, me a kiki on, me a, pan katia jan. LUK 8:19 In a o ri a kan ap ko don i, a re jota kak kaion impa pweki pokon o. LUK 8:20 A ap loki on i: In ar o ri ar akan poto liki. re men udial ir. LUK 8:21 A kotin japen majani on irail: In ai o ri ai mepukat, me kin roneron majan en Kot o apapwali. LUK 8:22 Kadekadeo ni eu ran a kotilan pon apot jop, a japwilim a tounpadak kan ian i. A kotin majani on irail: Kitail en kotela le en: Irail ari tanetan koieila. LUK 8:23 O ni ar tanetan kokowei, a kotin jaimokela; melimel ap koda nan jed. A jop o pwilipwil, a pan mauidi. LUK 8:24 Irail ap kai don i, kaopada i, potoan on: Main, Main, kit pan mela! I ari kipada majani on an o iluk en jed akan, rap tikitikala o molelar. LUK 8:25 I ap kotin majani on irail: Ia omail pojon? A irail majakada inda nan pun ar: Daduen, ij men et, pwe a kin majani on an o jed, ir ari duki on. LUK 8:26 Irail ap lele don jap en Kadara, me jal on Kalilaa. LUK 8:27 I lao kotidi jan, ol amen tu on i, me kodo jan kanim o, me tan war en tewil jan maj kokodo, o me kilijo, o a jota kin kaujon nan im, pwe a kin mimi nan joujou kan. LUK 8:28 I lao kilan Iejuj, ap werida, poridi jan mo a indaki nil laud: Menda re omui nai, Iejuj Japwilim en Kot lapalap? I men poeki re omui, kom der kalok ia la! LUK 8:29 Pwe a kotin majani on nen jaut o, en koiei jan ren aramaj o, pwe pan pak toto a jaikidi i; i ari kin jali kidi jal mata o jal en na kai. A i kamueit ir pajan, o tewil paki i lan jap tan. LUK 8:30 Iejuj kotin kainoma re a majani: Ia ad om? A potoan on: Lekion; pwe tewil toto mi re a. LUK 8:31 Ir ari poeki re a, ender majani on irail, me ren kodilan pweleko. LUK 8:32 Ari, pwin pwik kalaimun mi waja o manamana jili nin nana o. Irail ari poeki i, en kotin mueid on irail re en til on irail. I ari kotin mueid on irail. LUK 8:33 Tewil oko ap kodi jan ren aramaj o, ap tilon nan pwin pwik o. Pwin pwik o ap tanedi wei ni aul on nan jed ap mopila. LUK 8:34 Jilepa ko lao kilaner me wiauier, rap tandaui, kolan kanim laud o tikitik kan, kaireki jili. LUK 8:35 Irail ap koieila, kilan me wiauier, re ap kola ren Iejuj, diarada aramaj o, me tewil oko keredi jan lole, momod ni aluwilu en Iejuj, likauda o lolekonlar; irail karoj majakadar. LUK 8:36 Me ian udialer, ap kaire kin irail duen tanwar en tewil a kakeladar. LUK 8:37 Men Kadara karoj ap poe kipoeki i, en koti wei jan re ’rail, pwe re majakadar kaualap. I ari kotida pon jop o, ap kotin purelar. LUK 8:38 A ol o, me tewil oko kodi janer, poeki re a, en ian i; a Iejuj jota kotin mueid on i majani: LUK 8:39 Purelan deu om, kalok jili duen manaman lapalap, me Kot wiai on uk er! I ari kola, kalok jili nan kanim o duen manaman lapalap, me Iejuj kotin wiai on i. LUK 8:40 Kadekadeo Iejuj lao kotin puredo, aramaj akan ap kajamo i, pwe irail karoj auiaui i. LUK 8:41 A kilan, ol amen, ad a Iairuj, jaumaj en jinakoke, kotido poridi ni aluwilu en Iejuj o poeki i, en kotilon on nan im a. LUK 8:42 Pwe na ieroj jeripein amen, me a par naulriau, me koren ion mela. A ni a kotikot kokodo, pokon o koi don i. LUK 8:43 A li amen, me nta pwilipwil par naulriau, me pwaineki on jaunwini kan a dipijou karoj. A jota me kak kakelailada i. LUK 8:44 I me apedo mur i, doke ni kailan japwilim a likau. A pwilipwil en nta madan madada. LUK 8:45 Iejuj ap kotin majani: Ij I me jair ia? A karoj lao inda me jota, Petruj o me ian i ap potoan on: Main, pokon o kin kapil pena o koi don ir, a iaduen, re kotin majani: ij i me jair ia? LUK 8:46 A Iejuj kotin majani: Nan meamen jair ia, pwe I pam, me kel eu ko jan er. LUK 8:47 A li o lao ajaer, me a jo kak rirala, ap majapwekada, apedi poridi jan mo a, ap katitiki mon aramaj karoj, karepan a jair i, o duen a kelailada madan. LUK 8:48 A ap kotin majani on i: Jeripein popoleta, om pojon me kakel uk ada, kowei popol. LUK 8:49 A ni a kotin majaniata, amen potodo jan ren jaumaj en jinakoke o katitiki on i: Japwilim omui jeripein melar. Men da kom kanirieki jaunpadak o. LUK 8:50 A Iejuj lao mani mepukat, ap kotin japen i majani: Koe der majak, koe pojon ta, a ap pan maureda. LUK 8:51 A lao kotilon on nan im o, a jota kotin mueid on amen en ian pedelon on nan pera, Petruj, o loanej, o Iakupuj eta, o jam en jeripein o in a. LUK 8:52 A irail karoj janejan o mamaukeki i. A i kotin majani: Komail der janejan! Pwe a jota melar, a mamair eta. LUK 8:53 Rap kaururki, pwe re aja, me a melar. LUK 8:54 I ari kotikiiei jan ir nan pera O, a ap kotin ale pa a waron on I majani: Jeripein, paurida! LUK 8:55 Nen en jeripein ap pure don i, i ari madan uda. I ap kotin majani, kijin mana en ko on. LUK 8:56 A jam a in a puriamui kila. I ari kotin inapwiedi irail ren der indan meamen me wiauier. LUK 9:1 A LAO kotin molipe pena ekriamen oko, ap kotiki on irail kel o manaman, en kaloedi tewil akan karoj o kakelada me jomau kan. LUK 9:2 I ari kotin porone ir ala, pwen padapadak duen wein Kot o kakelada me jomau kan. LUK 9:3 O a kotin majani on irail: Komail der wala meakot pon al o: Jota jokon, de ed, de prot, de moni, amen pil jo pan wa jakit riau. LUK 9:4 O waja kij me komail pan pedelon on nan im eu, komail pan mimieta waja o, komail lao kowei jan ia. LUK 9:5 O meamen kan kajamo komail, komail japalewei jan kanim o, o jipede jan pwel ni na omail, pwen kadede on irail. LUK 9:6 Irail ari kokola, kakan jili nan kijin kanim akan, padaki ronamau o kakelada me jomau kan waja karoj. LUK 9:7 A nanmarki Erodej lao mani duen meakan, me wiauiki i, ap pinidar, pweki akai katitiki, me dene loanej iajadar jan ren me melar akan. LUK 9:8 A akai indada, me dene Eliaj pwarado, o akai me inda, me dene jaukop en kaua men iajadar, LUK 9:9 A Erodej majani: loanej, i me i lepuke jan mon a, a ij men et, me i kin roneron due? A ap men udial i. LUK 9:10 A wanporon akan lao pure doer, ap kaireki i karoj, me re wiadar. I ari kotin uk irail ada, kotilan waja rir, nan kanim eu, me ad a Petjaida. LUK 9:11 Toun jap o lao ajaer, rap idauenla i, i ari kotin kajamo irail, o kotin padaki on irail duen wein Kot, o kotin kakelada me mau on. LUK 9:12 A lao pan waja ponier, ekriamen potodo potoan on i: Re kotin kadar pajan pokon en, pwen kola nan kijin kanim akan o nan jap, en rapaki wajan pweidi o kan ar kijin mana, pwe kitail kotikot nan jap tan wet, LUK 9:13 A a kotin majani on irail: Komail pan ki on irail kan ar mana! Re potoan on: Lopon prot eta limau o mam eta riamen mi re at. De je pan kola netie don pokon kalaimun wet mana? LUK 9:14 Pwe irail me ol impan lime kid. A a kotin majani on japwilim a tounpadak kan: Komail pwini ir pajan wad limek o limek! LUK 9:15 Irail ari wiada o kamod irail edi. LUK 9:16 A kotin limada lopon prot limau o mam riamen, majanda nanlan, laolaoki, pilitiki pena, kotiki on japwilim a tounpadak kan, pwe ren nene on pokon o. LUK 9:17 Irail jak, o karoj medier, ap rikada dodo eijokriau luan kama dip O. LUK 9:18 Kadekadeo ni a kotin laolao kelep, japwilim a tounpadak kan ian i. A kotin kainoma re ’rail majani: Ij me aramaj kin inda me nai? LUK 9:19 Irail japen potoan on: Ioanej jaunpaptaij, a akai me inda Eliaj, o pil akai kin inda, me dene jaukop en kaua men iajadar. LUK 9:20 A kotin majani on irail: A da me komail kin inda ij nai? Petruj ap japen potoan on: Ir me Krijtuj japwilim en Kot. LUK 9:21 A i me kotin padik inapwiedi irail, ren der indan meamen mepukat, LUK 9:22 Majani: Nain aramaj pan kalokolok laud, o lokidokila ren jaumaj, o jamero lapalap, o jaunkawewe kan, o a pan kamela, o ni ran kajilu a pan maureda, LUK 9:23 Ap kotin majani on irail karoj: Meamen men idauen ia I en tonmeteki pein i o ale a lopu ni ran karoj, o idedauen ia do. LUK 9:24 Pwe meamen kanakanai on maur a, pan pupe jan. A meamen kajela maur a pweki nai, pan diarada. LUK 9:25 Pwe da me pan mau on aramaj amen, me aneki pena jappa karoj, ap kajela pein i o kajapokela pein I? LUK 9:26 Pwe me kin namenok kin ia o ai padak kan, i me Nain aramaj pil pan namenokki, a lao kodo ni a linan, o linan en Jam a, o na tounlan jaraui kan. LUK 9:27 A melel I indai on komail, akai irail, me mi met, jota pan mela, irail lao udial wein Kot. LUK 9:28 A kadekadeo murin pon walu pon murin majan pukat i ap ukada Petruj, o Ioanej, o Jakopuj kotidala pon nana o pwen laolao. LUK 9:29 A ni a kotin laolao mom en jilan i ap wukila o japwilim a likau puetepuetela o linalin. LUK 9:30 A kilan, ol riamen ian i majan pena! Ira me Mojej o Eliaj. LUK 9:31 Ira pwarado ni ara linan o mamajani duen a pan kamatala nan Ierujalem. LUK 9:32 A Petruj o me ian i me toutouki mair. Ira lao pirida, re ap udial a linan o ol riamen kotikot impa. LUK 9:33 Kadekadeo ira lao kotiwei jan re a, Petruj ap indan Iejuj: Main, meid mau atail kotikot met. Kit en kauada kijin im jilikij: Tanpaj ar, o en Mojej, o en Eliaj; a jaja me a kajokajoi. LUK 9:34 Ni a kajokajoi mepukat, pali en dapok kadupal irail edi, irail ari majakadar ni ar tilon nan dapok o. LUK 9:35 O nil eu peidido jan nan dapok o majani: let nai ol kompok, komail en ron i! LUK 9:36 A nil wet lao wiauier, re ap diaradar Iejuj ta. Ir ari nenen lata; o ni ran oko re jota kaireki meamen duen me re kilaner. LUK 9:37 A kadekadeo manda en ran o irail lao kotidido jan nana o, pokon kalaimun ap poto don i, LUK 9:38 A kilan, ol amen nan pokon o nil laudeda potoan on: Jaunpadak, i poeki re ir, re kotin majani don ai tunol putak o, pwe iei ai ieroj. LUK 9:39 Re kotin mani, nen o lao koledi i, a kin madan weriwer, a kin jenjeroki jili, a ap kin pudopud o meid apwal ni a kin koiei jan i. LUK 9:40 Nai ari poeki ren japwilim ar tounpadak kan, ren kauje wei jan i, a re jota kak. LUK 9:41 A Iejuj kotin japen majani: o di wet meid jopojon o japun, ia arain ai pan mimi re omail? la arain ai pan kokoa komail? Wa don ia noum putak! LUK 9:42 A ni a kokodo, tewil ap kapururada o jeroki jili i, a Iejuj kotin kidaueda nen jaut o, o kakelada putak o, ap kapure on i ren jam a. LUK 9:43 A irail karoj puriamuiki manaman en Kot. A ni ar puriamuiki en Iejuj a wiawia kan ap kotin majani on japwilim a tounpadak kan: LUK 9:44 Majan pukat en kaloledi nan jalon omail: Nain aramaj pan panala ni pa en aramaj. LUK 9:45 A irail jota weweki majan wet, pwe a rir jan irail, i me irail jajaki. Irail ari majak kalelapok re a duen majan pot et. LUK 9:46 Irail ap pil lamelame, ij me pan lapalap re ’rail? LUK 9:47 A Iejuj lao kotin mani ar lamelam nan monion arail, ap ale jeri men, kida impa a, LUK 9:48 O majani on irail: Meamen pan apwali kijin jeri men et ni ad ai, nan a kin apwali ia, a meamen pan apwali ia, nan a kin apwali, me kadar ia do; a me tikitik re omail, nan i me pan lapalapala. LUK 9:49 Ioanej ap japen potoan on: Main, je kilaner amen, me kau jewei tewil akan ni mar ar. Kit ari inapwiedi, pwe a jota kin ian kit idedauen ir. LUK 9:50 A Iejuj kotin majani on i: Eder inapiedi, pwe me jo kin palian komail, nan a kin ian komail. LUK 9:51 A kadekadeo a lao anjau, me a pan peukadala, a ap kotin jaupeilan kotilan inen won Ierujalem. LUK 9:52 A kotin poronela men kadar akan, me pan tion mo a. Irail ari kokola lele don kijin kanim en Jamaria eu, pwen rapaki waja, me a pan pweiokidi ia. LUK 9:53 A re jota kajamo i aki a kotin jaupeila kotilan inen won Ierujalem. LUK 9:54 Japwilim a tounpadak kan Iakopuj o Ioanej lao kilaner mepukat, ap potoan on: Main, ma re kotin kupura, je pan poeki, kijiniai en moredi jan nanlan, kan irail la, duen Eliaj wiadar. LUK 9:55 A i kotin jaupeido, kapun on ira majani: Koma jota aja ij Nen, me naina kin koma? LUK 9:56 Irail ap daulul wei nan eu kijin kanim. LUK 9:57 Kadekadeo ni arail kotikot kokodo amen ap potoan on i: Main i pan idedauen ir waja karoj me re pan kotila ia. LUK 9:58 Iejuj kotin majani on i: Pokj akan por ar mia, o manpir en pan lan paj ar mia, a Nain aramaj jota waja en kaula wei mon a. LUK 9:59 A kotin majani on amen: Idauen ia do! A i indada: Main, komui kotin mueid on ia maj, i en purela jarepedi jam ai. LUK 9:60 A Iejuj kotin majani on i: Me melar akan en jarepedi ar melar akan, a koe kowei kalok jili wein Kot! LUK 9:61 Pil amen potoan: Main, i pan idedauen ir jili, a re kotin mueid on ia maj, i en kamurimuri on toun im ai. LUK 9:62 A Iejuj kotin majani on i: Jota me pan koledi men weirada pwel, ap kilan muri, a jota koiok on wein Kot. LUK 10:1 MURIN mepukat Kaun o pil kotin piladar ijiakan o porone irail wei mo a ni wad riamen, en kakan jili nan kanim laud o tikitik kan, waja me a pein pan kotilan ia. LUK 10:2 A kotin majani on irail: Rak me kalaimun, a toun dodok me malaulau; poeki ren Kaun en rak, en kadarala toun dodok nan a rak. LUK 10:3 Komail kola; kilan, I kadar komail la dueta jippul akan nan pun en kidi en wei akan. LUK 10:4 Komail der wewa ed en moni, de ed en jailok, de jut, o der ranamau on meamen nani al o. LUK 10:5 A ma komail pan pedelon on nan im eu, komail pan inda maj: Popol en mimi nan im wet! LUK 10:6 A ma popol amen mi waja o, omail popol pan mimieta re a, a ma jo, omail popol pan pure don komail. LUK 10:7 A komail pan mimieta nan im ota, o mana o nim, me mi re ’rail pwe toun dodok me waron pwain a. Komail der pedoi jan nan eu im ap kolon on nan eu. LUK 10:8 A ma komail pan pedelon nan eu kanim, o re pan kajamo komail, i waja komail pan tunole, me pan wijike don komail. LUK 10:9 O kakelada me jomau kan, me mi waja o, o kaire kin irail: Wein Kot koren don komail. LUK 10:10 A ma komail pan pedelon nan eu kanim, o re jota pan kajamo komail, i waja komail pan pedoi nani al indada: LUK 10:11 Pil pwel par, me ko don kit nan omail kanim, jipede don komail; ari jo, komail en aja, me wein Kot koren don komail. LUK 10:12 I indai on komail, nan a pan manai on Jodom ni ran o jan kanim o. LUK 10:13 Juedi on uk Korajim! Juedi on Petjaida! Pwe ma manaman akan, me wiaui on uk er, wiaui on Tiruj o Jidon, nan melel, re pan kalula nan tuk en likau o nan paj. LUK 10:14 A a pan manai on Tiruj o Jidon ni kadeik o jan komail. LUK 10:15 A koe Kapernaum, me paidar nanlan, pan pijikondi on nan pweleko. LUK 10:16 Me roneron komail, nan a kin roneron ia; o me mamaleki komail, nan a kin mamaleki ia. O me mamaleki, ia, nan a kin mamaleki, me kadar ia do. LUK 10:17 Me ijiakan ap puredo, pereperen potoan on: Main, pil tewil akan udi on kit ni mar omui. LUK 10:18 A kotin majani on irail: I kilaner Jatan likamata liol a pupedi jan nanlan. LUK 10:19 Kilan, I ki on komail manaman, en tiakedi jerpent o jkorpion, o en poedi kel en imwintiti karoj. O jota meakot pan kajuedi on komail, LUK 10:20 Ari jo, komail der peren kida, me nen akan kin udi on komail, a komail peren kida me ad omail intinidier nanlan. LUK 10:21 Ni auer ota Iejuj kotin perenda ni nen e majani: I kapina komui, Jam ai, kaun pan lan o jappa, me komui okila mepukat jan me lolekon o koiok kan, ap kajale on jeri pwelel akan! Ei Jam ai, pwe iduen me komui kupukupura. LUK 10:22 Meakaroj muei on ia er jan ren Jam ai, o jota me aja japwilim a ol, pwe Jam eta. O jota me aja Jam, pwe japwilim a ol eta, o me japwilim a Ol pan kajale on. LUK 10:23 I ap kotin jaupei don tounpadak kan, majani on irail eta: Meid pai por en maj akan me udial, me komail udialer. LUK 10:24 Pwe I indai on komail, jaukop o nanmarki kan toto anane udial, me komail kin ududial, a re jota kilaner; a re men ronada, me komail kin roneron, ap jota ronadar. LUK 10:25 A kilan, jaunkawewe men ap uda, kajonejon i potoan on: Jaunpadak, da me i en wiada. Pwen jojoki maur ioutuk? LUK 10:26 A kotin majani on i: Da me intinidier nan kapun o? Daduen om dondoropwe? LUK 10:27 A japen indada: Koe en pokon Kaun om Kot monion omunjok, o nen om unjok, o kel om unjok. o om Iamelam unjok, o men imp om dueta pein koe. LUK 10:28 A kotin majani on i: Koe meid japen inen, wiada mepukat, a koe pan maurela. LUK 10:29 A ap men ak kapunki pein I indan Iejuj: A ij men imp ai? LUK 10:30 A Iejuj kotin japen majani: Aramaj amen momait jan Ierujalem kodila leriko ap lodi on lolap akai, me ter jan a likau kan, o kame i, rap koieila; i ari pan mela. LUK 10:31 A jamero amen momaitela nani al ota. A ni a kilan i, ap daulul wei jan. LUK 10:32 A leap amen pil dueta. Ni a leler waja o, kilan i, ap daulul wei jan. LUK 10:33 A ol en Jamaria amen jailok jili ap pil weid waja o. Ni a kilaner i ap pokela, LUK 10:34 Kola re a, o kidim pena a pwal akan, ap ki on le o wain lole o kamondi i pon dake pa man o, wala nan im en kairu eu, apapwali i. LUK 10:35 Manda a pan jamala, ap ki on kaun en im o denar riau indan i: Apapwali i! A ma mekij pan dauli, i pan kapunala, ni ai pan puredo. LUK 10:36 A ij ren ir jilimen, me koe wiaki men impan ol o, me lodi on lolap oko? LUK 10:37 A japen: Me wiadar dodok kadek on i. Iejuj ap kotin majani on i: Ari, kowei alajan! LUK 10:38 A kadekadeo ni ar kotin jailokela, a kotilon on nan kijin kanim eu. Li amen mi waja o, ad a Marta, me kajamo i Ion on nan im a. LUK 10:39 Ri a li amen mia, me ad a Maria, me momod ni aluwilu en Iejuj, roneron a majan. LUK 10:40 A Marta kajopijokki pein i a papa i. I ari potodo potoan on: Main, re jota kotin kupuroki ri ai li, me jota kin ian ia dodok? Re kotin padaki on i, en jauaja ia. LUK 10:41 A Iejuj kotin japen majani on i: Marta, Marta, koe meid nonki o jopijokki okotme. LUK 10:42 A me ta kot me kajampwal. Maria piladar pwaij mau, me jota pan katia jan. LUK 11:1 Kadekadeo ni a kotikot waja kij pwen laolao, a lao kotin erelar, amen japwilim a tounpadak kan ap potoan on i: Main re kotin padaki on kit kapakap, dueta Ioanej kin padaki on a tounpadak kan. LUK 11:2 A ap kotin majani on irail: Komail lao wia kapakap, ap inda: Jam at, mar omui en jaraui, wei ’mui en pwaida, LUK 11:3 Kotikido ran wet at tunol kaukaule. LUK 11:4 Lapwa jan kit dip at, dueta kit, me kin lapwada karoj, me wia dipi on kit, eder kaluan kit ren me katikatiamau kan. LUK 11:5 I ap kotin majani on irail: Ij re omail, me a kompok amen mia o me pan kola re a ni ailep en pon indan i: Kompoke pai, ki on ia lopon prot jilu, LUK 11:6 Pwe kompoke pai men pwarado jan a jailok o, ap jota, me i pan kak ki on i. LUK 11:7 A me mi nan im o pan japen inda: Koe der kadiropa ia, pwe wanim ritidier, o nai jeri ko ian ia nan wajan mair; i jo kak paurida o ki on uk meakot. LUK 11:8 I indai on komail, ma a jota pan paurida o ki on i aki kompokepa a, nan a pan paurida o ki on, me itar on i aki a nidinid. LUK 11:9 I indai on komail, poeki, a komail pan tunole; rapaki, a komail pan diarada; letelet, a a pan ritida mo’mail. LUK 11:10 Pwe karoj me poekipoeki, kin tunole; o me kin rapaki, kin diarada; o me kin letelet, nan a pan ritida mo a. LUK 11:11 De ij jam amen nan pun omail, ma na putak pan poeki na kijin prot, pan ki on i takai eu? Da ma a poeki mam, pan ki on I jerpent amen? LUK 11:12 De ma a pan poeki kitor eu, pan ki on i jkorpion amen? LUK 11:13 Ma komail, me jon jued, aja duen kijakij mau on noumail jeri kan, nan melel kaualap, Jam omail nanlan pan ki on Nen jaraui ren me poeki re a. LUK 11:14 A ap kotin kauje wei tewil amen, me loton. A kadekadeo tewil lao koiei janer, me loton o ap lokelokaia, a aramaj puriamuiki. LUK 11:15 A akai ir katitiki: Nan Peeljepup, jaumaj en tewil akan, me a kaujeki jan tewil akan. LUK 11:16 A akai kajonejon i, poeki poeki kilel eu jan nanlan. LUK 11:17 A ap kotin ani ar lamelam, majani on irail: Wei karoj ma a pan u pena nan pun a, a pan ola; o ma toun im eu pan u pena nan pun a, a jota pan pwaida. LUK 11:18 A iaduen, ma Jatan u on pein i, a wei pan kak pwaida? Aki komail indinda me dene nai kauje wei tewil akan ki Peeljepup. LUK 11:19 Ma I kin kaujeki wei Peeljepup tewil akan, a ij me noumail ol akan kin kauje kin irail? Irail ari pan omail jaunkapun. LUK 11:20 A ma I kaujeki wei lim en Kot tewil akan, nan wein Kot lel on komail er. LUK 11:21 Ma me kelail o, me audeki kapwa en pei, pan jinjila im a, nan a kapwa nekinekid mau. LUK 11:22 A ma amen, me kelail jan i, pan palian i o kaloedi i, ap pan atia jan a kapwa en pei, me a kelekier, o nek pajan kapwa en kul. LUK 11:23 Meamen, me jota ian ia, iei me palian ia, o me jota kin dolun penan ia, iei me kin kajapoka pajan. LUK 11:24 Nen jaut lao kowei jan ren aramaj, a kin tanatan jili nan jap tan akan, rapaki wajan kamol, a jota, me a diarada, i ap kin inda: I ap pan purelon on nan im ai, me i pedoi janer. LUK 11:25 A lao puredo, a diar, me a kokok o kapwater, LUK 11:26 I ari koieila, ale on i nen ijimen, me jued jan pein i. Irail ap pedelon on lole, rap kakaujon ia; a aramaj pan jued jan maj. LUK 11:27 A kadekadeo ni a kotin mamajani mepukat, li amen, kijan pokon o, ap potoan on i: Meid pai kupur o, me wia ir adar, o didi kan, me re kotiki! LUK 11:28 A i kotin majani: Ei, meid pai, me kin ron majan en Kot ap kapwaiada. LUK 11:29 A pokon o lao teneten pena, a kotin majani: Di wet meid jued! Re kin rapaki kilel eu, a jota kilel pan janjal on ir, pwe kilel en Iona eta. LUK 11:30 Pwe duen Iona kilel eu on men Niniwe, iduen Nain aramaj on di wet. LUK 11:31 Li nanmarki en pali air amen pan u on ol akan en di wet ni kadeik o pan kari ir ala, pwre a pwrarado jan ni imwin jappa, pwen ron lolekon en Jalomo. A kilan, me laude jan Jalomo mi met. LUK 11:32 Ol en Niniwe kan pan u on di wet ni kadeik, o pan kariala i, pwe re kalula ni ar ronadar padak en Iona. A kilan, me laude jan Iona mi met. LUK 11:33 Jota me kin ijikeda lamp, ap kila waja rir, pil jo pan kopa, a pon deu a, pwe me pan pedelon on, en kilan marain o. LUK 11:34 Por en maj marain en pali war. Ma maj om makelekel, war om karoj pan dir en marain. A ma maj om me jued, war om karoj me pil dir en rotorot. LUK 11:35 En kalaka, pwe marain mi lol om, der rotorot! LUK 11:36 Ma war om dir en marain kaualap, o jota kijan rotorot mia, karoj pan dir en marain dueta linan en lamp, me kin jenjere uk ada. LUK 11:37 A ni a kotin kaparok, Parijar amen luke i, en konot re a. I ari kotilon kotidi nin tepel. LUK 11:38 A Parijar lao udial, ap puriamuiki, me a jota kotin omiom mon konot. LUK 11:39 A Kaun o kotin majani on i: Nan komail Parijar akan kin widen likin dal o plet, a lol omail me dir en me re kuliada o me jued. LUK 11:40 Nan pweipwei komail, kaidin I me wiadar pali liki, pil wiadar pali lole? LUK 11:41 A kijakij weita duen komail kak on! A kilan, karoj pan makelekel on komail. LUK 11:42 Juedi o n komail Parijar akan, pwe komail, kin maironki eijokkij eu en minje, o raute o jon en kijin tan tuka kai, ap jota injenoki kadeik o limpok en Kot! Wiada mepukat ap pil kapwaiada me tei kan. LUK 11:43 Juedi on komail Parijar akan, pwe komail men mondi leppantam nan jinakoke kan o mauki, ren ranamau on komail nan waja en netinet akan. LUK 11:44 Juedi on komail, pwe komail rajon joujou kan, me jo janjal, o aramaj alialu poa, ap jaja ir! LUK 11:45 Jaunkawewe men ap japen potoan on i: Jaunpadak, komui pil kin juede kin kit majan pukat. LUK 11:46 A i kotin majani: Pil juedi on komail jaunkawewe! Pwe komail kin katoutou kila kapwa en wijik toutou aramaj akan, ap jota jairki jondin pa omail. LUK 11:47 Juedi on komail! Pwe komail kin apapwali joujou en jaukop akan, a jam omail akan kame ir ala. LUK 11:48 Komail ari kin kadede o peren kida wiawia en jam omail akan. Pwe re kame ir ala, a komail apapwali ar joujou kan. LUK 11:49 I me erpit en Kot indada: I pan kadar won irail jaukop o wanporon akan, a akai irail re pan kamela o pwaki irail jili. LUK 11:50 Pwe ntan jaukop akan, me kapwilipwili weier jan ni tapin kaua kokodo, en kapokon o di wet. LUK 11:51 Jan ntan Apel lei ntan Jakariaj, me kamelar nan pun en pei jaraui o im en kaudok, ei I indai on komail, a pan kapokon on di wet. LUK 11:52 Juedi on komail jaunkawewe! Pwe komail atia jan men kapir pan lolekon. Komail jota pan pedelon, ap inapwiedi, me men pedelon on. LUK 11:53 A ni a kotin mamajani on irail mepukat, jaunkawewe o Parijar akan ap tapiada palian i kaualap, kalekalelapok re a jon toto, LUK 11:54 O re majamajan i, o raparapaki, ma re jota kak diar meakot jan ni a majan akan, pwe ren kadipa i. LUK 12:1 ARAMAJ toto ap pokon pena lao kidalar, irail lao it pena, I ap kotin tapiada majani on japwilim a tounpadak kan: Komail kalaka kalep en Parijar akan, me malaun. LUK 12:2 Pwe jota me rir kot, me jota pan janjalada. Pil jota me okiok kot, me jo pan kalok jili. LUK 12:3 Ari, me komail pan indada ni waja rotorot, i me pan janjal nan marain. O me komail pan monininin nan pera kan, i me pan kalok jili pon im akan. LUK 12:4 A I indai on komail, kompok pai kan, komail der majak irail, me kin kamela pali war, ap jolar kak wia meakot. LUK 12:5 A I pan kaaja kin komail, me komail en majak: Majak i, me manaman on kamela aramaj ap kak kajela nan pweleko. Melel I indai on komail, i me komail en majak. LUK 12:6 Jiok limen jota kin netila ni denar riau? Ari jo, jota amen irail me Kot kin maliela. LUK 12:7 Ari, pil pit en mon omail karoj me wadawad penaer. Komail ari der majak, pwe komail me mau jan jiok toto. LUK 12:8 A I indai on komail, meamen ponaja ia mon aramaj, i me Nain aramaj pan ponaja ren tounlan en Kot akan. LUK 12:9 A meamen kamam kin ia mon aramaj, i me pan kamamaki mon tounlan en Kot akan. LUK 12:10 O meamen me pan lokaia jued duen Nain aramaj, a pan kak lapwada. A me lalaue Nen jaraui, a jota pan lapwada. LUK 12:11 A ma re pan wa komail la nan ar jinakoke kan mon kapun o ren me manaman akan, komail depa lamelame, da me komail pan japenki de me komail en inda. LUK 12:12 Pwe Nen jaraui pan kapame kin komail ni klok ota, me komail en’lnda. LUK 12:13 A amen toun pokon potoan on i: Jaunpadak, kom kotin majani on ri ai ol o, en nek pajan at jojo. LUK 12:14 A kotin majani on i: Aramaj o, ij me kajapwil ia da, en jaunkapunla o jaunnene re oma? LUK 12:15 O kotin majani on irail: Kalaka norok jued, pwe kaidin kapwa toto, me aramaj amen kin memaur kida LUK 12:16 A kotin majani on irail kara jeraj eu: ol kapwapwa amen mia, me jap we kaparapar kaualap. LUK 12:17 I ari lamelame indada: Da me i en wiada? Pwe jolar waja en nekinek ia ai kapwa kan. LUK 12:18 I ari indada: Nan iet me i pan wiada: I pan palan pajan ai im en nak kan, ap kauada me laude jan kai; i waja me i pan nekidala me wojadan ia o ai dipijou karoj; LUK 12:19 A i pan indan nen i: Nen i, dipijou toto on par toto, me nekineki on uk er. En moleilei, o mana, o nim o perenta! LUK 12:20 A Kot ap majani on i: Pweipwei men koe, pwe ponpon wet nen om pan ilakido. A ij me pan aneki kapwa pukat, me koe nanak penaer? LUK 12:21 Nan iduen me kin roporop pena dipijou on pein i, ap jota kapwapwa ren Kot. LUK 12:22 A a kotin majani on japwilim a tounpadak kan: I me I indai on komail, eder lamelame maur omail, me komail pan tunole, pil iermen pali war, me komail pan likauki! LUK 12:23 Maur me kajampwal jan mana, o war me mau jan likau. LUK 12:24 Kalelapok on rape kan! Re jota kin kamorok, re pil jota kin nak pena, pil jota arail pera de im en nak, a Kot kin kotin katunole ir. A komail jo kajampwal jan manpir kaualap? LUK 12:25 A ij nan pun omail, ni a nonki, me pan kak uje pajan pein i ki tipon en pa eu? LUK 12:26 Ari, ma komail jota kak on wiada me manai, a da me komail kin nonki okotme? LUK 12:27 Kalelapok on kiop akan, me mi nan jap, duen ar kakairida! Re jota kin dodok, o re jota kin monkol pena. A I indai on komail, pil Jalomo ni a linan karoj jota a likau dueta apot irail. LUK 12:28 Ari, ma iduen Kot kotin kapwataki dip, me mi nan jap ran wet, a lakap pan lokidokila nan jtop, iaduen a jota pan madan kalikauwiada komail, me pojon tikitik? LUK 12:29 A komail, ender nonki, me komail pan mana o nim, o komail der injenjued! LUK 12:30 Pwe mepukat men liki kan kin nononki. Pwe Jam omail, me kotikot nanlan, mani, me mepukat karoj mau on komail. LUK 12:31 A rapaki japwilim a wei, a mepukat pan poujalan komail. LUK 12:32 Der majak pwin tikitik koe, pwe iet kupur en Jam omail: En ki on komail wei o. LUK 12:33 Netikila omail kapwa kan, ap kijakija wei, wiai on komail ed ko, me jota pan marinala, o pai nanlan, me jo pan ola, waja me lipirap men jo kak on, o man en mot jo kak kawela ia. LUK 12:34 Pwe waja omail pai mi ia, iei waja monion omail pil kin mia, LUK 12:35 Nan luke pamail en katenten pena o omail jer en ijij LUK 12:36 O komail en dueta aramaj akan, me auiaui ar monjap ni a pan kodo jan kamadip en papaud, pwe i lao kodo letelet, re en madan ritinada mo a. LUK 12:37 Ladu ko meid pai, me monjap o ni a pan pwarado, diar ar majamajan. Melel I indai on komail, a pan kaiada a likau o kamod irail edi on mana, ap pan apapwali irail. LUK 12:38 O ma a pwarado ni auer kariau, de kajilu, ap diar ir majamajan, nan meid pai ladu pukat. LUK 12:39 A komail en aja, ma kaun pan im o ajaer anjaun lolap o pan pwarado, a pan majamajan o jo pan mueid on, im a en kulia jan. LUK 12:40 Komail ari pil ononop, pwe Nain aramaj pan pwarado ni anjau me komail jaja. LUK 12:41 Petruj ap potoan on i: Main, re kotin majani don kit karajeraj wet, de on irail karoj? LUK 12:42 A Kaun o kotin majani: Ari ij jaunkoa lelapok o lolekon, me a mon jap kajapwilada, en kaunda a ladu kan, pwen nek on irail kan ar mana ni anjau me kon on? LUK 12:43 Meid pai ladu o, me a monjap pan diarada wiawia duen met ni a pan pwarado! LUK 12:44 Melel I indai on komail, a pan kajapwiladan i pon a dipijou karoj. LUK 12:45 A ma ladu o pan lamelame nan monion i: Ai monjap pwapwand, o a pan tapiada kame ladu o lidu kan, o mana o nim, o kamom jakau, LUK 12:46 Monjap en ladu o ap pan pwara do ni ran o, me a jo auiaui i, o ni auer, me a jaja, o a pan lepuk pajan i, o kajapokalan nan pun en me jopojon akan. LUK 12:47 A ladu o, me aja kupur en a monjap, a jota kaonopada pein i, pil jota wiada kupur a, nan i me pan kamekam kaualap. LUK 12:48 A me jaja, ap wiadar me mau on kalokolok, nan i me pan kalokolok tikitik. Pwe me aleer me toto, i me pan kida me toto; o me koaki me toto, pan purokido me toto. LUK 12:49 I kodon jaundi kij iniai j appa, a da me I en wiada, ma a jaundier? LUK 12:50 A maj I pan paptaije kila paptaij eu; I ap patau kila melel, a lao daulier. LUK 12:51 Komail lamelame, me I kodon ki on jappa popol? I indai on komail: Jo! a pwen kumuei juedala. LUK 12:52 Pwe jan met kokola limen toun im eu pan liak toror pajan; jilimen pan palian riamen, o riamen pan palian jilimen. LUK 12:53 Jam pan palian na putak, a putak o pan palian jam a; in pan palian na jeripein, a jeripein pan palian in a; a li amen pan palian na ol a paud, o en na ol a paud pan palian li o. LUK 12:54 A kotin majani on pokon o: Komail lao udial dapok jan kapin lan, komail kin inda: A pan katau; o a pan pwaida LUK 12:55 O ma komail kin kilan an a ujan ni pali air, komail kin inda: A pan karakar; o a pan wiaui. LUK 12:56 Malaun komail! Komail aja kajaui maj en jappa o lan, a da me komail jajaki kajauida anjau wet? LUK 12:57 A da me pein komail jota kajauia kida me pun? LUK 12:58 A ma koe pan ian me palian uk kolan kapun o, en nantion pon al o, en kapunala re a, pwe a de pan uk alan jaunkapun, a jaunkapun pan uk ala ren jilepan imaten, a jilepan imaten pan kaje uk ala nan imaten. LUK 12:59 I indai on uk: Koe jota pan koda jan waja o, koe lao kapunala lua karoj. LUK 13:1 NI anjau o akai mia, me potoan on i duen men Kaliaa kai, me Pilatuj doleki nt’ arail ar mairon. LUK 13:2 A kotin japen majani on irail: Komail kiki on, me men Kalilaa pukat me dipan akan mon men Kalilaa tei kan, pweki ar kalokolok o? LUK 13:3 Na, i me indai on komail: Jo! A ma komail jota pan kalula, komail karoj pan mela dueta. LUK 13:4 De irail ekwalemen ko, me im en ruk en Jiloa pupedi on poa, kame ir ala, komail kiki on, me irail me jued jan aramaj akan, me kaukaujon lerujalem? LUK 13:5 Nai me indai on komail: Jo! A ma komail jota pan kalula, komail karoj pan mela dueta. LUK 13:6 A kotin karajeraj on irail majani: Aramaj amen mia, me a tuka pik apot padedi nan a mat en wain, ap kodon rapaki wa, a jota me a diarada. LUK 13:7 A ap indai on jaumat en wain: Kilan, par jilu i kodon rapaki wan pik pot et, a jota, me i diarada; paledi, da me a pinaki mal waja o! LUK 13:8 A a japen indan i: Main, pui jan pil par wet, pwe i en weirada ni tapi, o ki on pwel mau. LUK 13:9 A ma a pan wa, ari me mau, a ma jo, komui ap pan paledi jan. LUK 13:10 A kotin padapadak nan jinakoke eu ni ran en japat. LUK 13:11 A kilan, li amen mia, me nen en jomau ti poa par naulwalu, a koj pena o jota man kak uda. LUK 13:12 Iejuj lao kotin majani i, ap molipei won i majani on i: Li, koe en maioda jan om jomau! LUK 13:13 I ap kotin pwil po a lim a kan, i ari madan kajinenda, kapikapina Kot. LUK 13:14 A jaumaj en jinakoke o makara kida pan Iejuj a kake lada i ni ran en japat, ap japen indan pokon o: Ran wonu, aramaj en dodok, i anjau me komail kodon kakelada, a iermen ni ran en japat! LUK 13:15 Kaun o ap kotin japen i majani: Malaun koe, kaidin komail karoj kin lapwada kau o ejel jan deu a kalualan nim pil ni ran en japat? LUK 13:16 A li men et, me nain Apraam jeripein, me Jatan jaliedi par naulwalu, me jo mau, en lapwada ni ran en japat? LUK 13:17 Ni a kotin majani mepukat, karoj me palian i, ap namenokala o aramaj karoj peren kida wiawia mau kan karoj, me wiauier pa a. LUK 13:18 A a kotin majani: Wein Kot rajon da? O da me I en karajai on i? LUK 13:19 A rajon wantuka eu, me aramaj amen kajela nan matuel ap wojada, wiala tuka kalaimun pot, o manpir en pan lan kaukaujon nan ra kan. LUK 13:20 A pil kotin majani: Da me I en karajai on wein Kot? LUK 13:21 A rajon kalep kij, me li amen ale, okila nan kajak en plaua jilu, karoj lao mutala. LUK 13:22 Ni a kotilan lerujalem, a kotin padapadak jili nan kanim laud o tikitik kan. LUK 13:23 Amen ap potoan on i: Main, me malaulau pan maurela? A kotin majani on irail: LUK 13:24 Niani en pedelon on nan wanim tatik, pwe I indai on komail, me toto pan jojon pedelon on, a jota pan kak. LUK 13:25 A kaun pan im o lao udar ritinidier wanim o, komail ap pan pikikidi letelet ni wanim o indada: Main, ritinida jan kit! A ap pan japen indan komail: I jaja komail, o waja me komail ko jan ia. LUK 13:26 Komail ap pan pikikidi indada: Kit me mana o nim imp omui, o komui pil kaukawewe nan atail al akan. LUK 13:27 A i me pan inda: I indai on komail, I jaja komail o waja komail ko jan ia, ko wei jan ia, komail karoj me wiawia jued. LUK 13:28 Janejan o teterok ap pan wiaui, komail lao kilan Apraam, o Ijaak, o Iakop, o jaukop akan karoj nan wein Kot, a komail pijikonla jan. LUK 13:29 Nan re pan kodo jan nan maj en lan, o jan nan kapin lan, o jan nan apan, o jan air en lan, o re pan mondi ni tepel nan wein Kot. LUK 13:30 A kilan, me pwand akai mia, me pan madan, o me madan kai mia, me pan pwand. LUK 13:31 Ni auer ota Parijar akai kodo indai on i: Koti wei jan met, pwe Erod pan kame komui la. LUK 13:32 A kotin majani on irail: Komail u kowei, indai on pokj ota: Kilan I kin kauje wei tewil oko o kamakamaureda ran wet o lakap, a ni kajilu en ran I pan imwijokela. LUK 13:33 I en kokola ran wet, pil lakap, pil pali, pwe jota jaukop amen me pan kamela likin lerujalem. LUK 13:34 lerujalem, lerujalem, me kin kamela jaukop akan o kajuk, me pakadara don uk, pan pak loto I men kapokon pena noum jeri kan dueta lituk amen kin kompwal pena na kan pan pa a, a komail kaner, LUK 13:35 Kilan, im omail pan tanla, pwe I indai on komail, komail jolar pan kilan ia, lao a pan pwaida omail pan inda: Kapina on me kotido ni mar en Kaun! LUK 14:1 KADEKADEO ni a kotilon on nan im en kaun pan Parijar amen, pwen konot ni ran en iapat; a irail majamajan i. LUK 14:2 A kilan, aramaj amen mia waja o, me lijonepo. LUK 14:3 Iejuj ap kotin japen majani on jaunkawewe o Parijiir akan: Me pun, en kakelada ni ran en japat? LUK 14:4 Irail nenenla. I ap kotin jair i, kakelada o kadara wei. LUK 14:5 Ap kotin japen majani on irail: Ij re omail, me na aj de kau pupedi on nan por o, me jo pan madan apiada jan ni ran en japat? LUK 14:6 A irail jota kak japenki i meakot. LUK 14:7 A kotin majani on toun kapar karajeraj eu, ni a kotin mani, me re inon ion en mondi ni tapin tepel, majani on irail: LUK 14:8 Koe lao pan luke don kamadip en kapapaud ren meamen, ender mondi on leppantam, pwe ele amen, me lapa jan koe lukedor. LUK 14:9 O me luk uk edo o pil i, pan kodo indai on uk: Ki on ol men et deu om! A koe pan namenok kodido on nan roulap. LUK 14:10 A koe lao paluke, kola mondi on nan roulap, pwe me luke uk lao pwarado, en indai on uk: Kompoke pai, kotidato! Koe ari pan kaindand nan pun en ir, me ian uk ni tepel. LUK 14:11 Pwe karoj me kin kajapwilada pein i, pan kajapwilidi, o me kin kajapwilidi pein i, pan kajapwilada. LUK 14:12 Ap pil kotin majani on me lukedo i: Kom lao wiada konot en ni jauaj de nin jautik, eder lukedo kompokepa om ko, de ri om akan, de jau om, de men imp om kapwapwa kan, pwe re de pil luke uk, o depuk on uk. LUK 14:13 A ma koe pan wia kamadip, en lukedo me jamama o me pali duk kai, o me jikilikil, o me majkun akan. LUK 14:14 Koe ari pan meid pai, pwe irail jota pan kak depuk on uk, a a pan depuk on uk ni ran o, me pun kan pan maureda. LUK 14:15 A amen ir, me ian ni tepel o lao ronadar mepukat, ap potoan on i: Meid pai, me pan jak prot nan wein Kot. LUK 14:16 A a kotin majani on i: Aramaj amen mia, me wiadar kamadip lapalap o luke pena me toto. LUK 14:17 O kadarala na ladu o ni dokan kamadip, pwen kaire kin irail, me pan toun kapar: Komail ukedo, pwe meakaroj onoper. LUK 14:18 Irail ap wiaki eu ikidiki okotme. Men maj indai on i: I netiada jap eu, i pan kola kilan; i poeki re om, koe en kadar ia la. LUK 14:19 A amen inda: I pwainda kau ol ek, a met i pan kola kilan ir; i poeki re om, koe en kadar ia la. LUK 14:20 A amen inda: I paudeki li amen, i me i jota kak kokila. LUK 14:21 Ladu o ari purodo, kaireki a monjap meakan. Monjap o ap makara kidar indai on a ladu: Tane wei nani al laud o al tikitik en kanim o wado me jamama kan, o me pali duk, o me jikilikil, o me majkun akan. LUK 14:22 A ladu o indada: Main, a wiauier duen omui majan, a deun akai pil pil mia. LUK 14:23 Monjap o ap indai on a ladu: Kakan jili nani al o ni kailan kel akan, papain ir do, pwe im ai en tounla! LUK 14:24 A i indai on komail, nan jota amen ren ol oko, me paluke, pan jon ai kamadip. LUK 14:25 A pokon kalaimun idauenla i. I ari jaupei on irail majani: LUK 14:26 Meamen kodo re i, ap jo maliela jam a, o in a, o a paud, o na jeri kan, o ri a ol, o li akan, o pil pein maur a, nan a jota pan kak ai tounpadak. LUK 14:27 A meaen jo kida a lopu o idauen ia do, a jota pan kak ai tounpadak. LUK 14:28 Pwe ij re omail, me pan kauada im en taulik eu, me jota pan mondi maj ap lamelame duen pwain a, ma a pan kak on de jo? LUK 14:29 Pwe a de pajonedi, ap jota kak kanikiel; a karoj, me udial, pan kaurureki i, LUK 14:30 Indada: Aramaj men et pikikidi kauada im, ap jota kak kanikiela. LUK 14:31 De ij nanmarki o, me pan mauin on amen nanmarki, me jota pan mondi maj ap lamelame, ma a pan kak kaloekidi aramaj nen aramaj rianen? LUK 14:32 A ma jo, a pan kadarala men kadar akai, poekipoeki muei mau ni ara non doo pajan. LUK 14:33 Nan iduen amen amen komail, me jo muei jan meakaroj, nan a jota pan kak ai tounpadak. LUK 14:34 Jol me mau, a ma jol jarajan, da me a pan kanomanom mau kida? LUK 14:35 A jolar mau on nan jap, pil jo nan pwel, pwe aramaj kin kajela. Me jalon a mia men ron, I en ron! LUK 15:1 A JAUNOPWEI o me dipan akan karoj ap kai don i pwen ron i. LUK 15:2 A Parijar o jaunkawewe kan lipaned indada: Ol men et kin kompokeki me dipan akan o ian irail jakajak. LUK 15:3 A a kotin majani on irail karajeraj wet: LUK 15:4 Ij aramaj re omail me na jip epuki, a ma amen irail jalonalar me jo pan pwilikidi ir duekduemen nan wel ap raparapaki me jalonalar, lao a pan diarada i? LUK 15:5 A lao diarada i, a kidan pon pop a pereperen. LUK 15:6 A lao pure don deu a, a kin eker pena kompokepa kan o men imp a kan indai on irail: Komail ian ia perenda, pwe i diaradar nai jip me jalonalar. LUK 15:7 I indai on komail, nan iduen peren pil pan mi nanlan pweki me dipan me ta men, me kalula, jan duekduemen me pun ap jota mau on kalula. LUK 15:8 O ij li o me na denar eijok, eu ap jalonala jan, me jo pan ijikada lamp o koke im o, o raparapaki mau, lao a pan diarada? LUK 15:9 A lao diaradar i, a kin eker pena kompokepa kan o men imp a kan indai on irail: Komail ian ia perenda, pwe i diarada ai denar o, me jalonalar. LUK 15:10 Nan I indai on komail, iduen peren mi ren tounlan en Kot akan, pweki me dipan me ta men, me kalula. LUK 15:11 A kotin majani: Aramaj amen mia, me na ol riamen. LUK 15:12 A me tikitik re ’ra indai on jam a: Jam ai, kotiki don ia pwaij ai en jojo, me udan ai. I ari nene on ira ara dipijou kan. LUK 15:13 A murin ran akai me tikitik ren ol oko ki pena a dipijou karoj, ap jailokalan jap doo, waja a kajela mal a kapwa kan nin tiak jued. LUK 15:14 A lao kamuje weita a kapwa karoj, lek lapalap ap pwaida jap o, i ari dupokalar. LUK 15:15 I ap koieila dodok ren me pweledan jap o men. I ap kadarala i, pwen kamana na pwik kan. LUK 15:16 I ari inon ion, kankan wan tuka kai, me pwik kin namenam, a jota me mueid on i. LUK 15:17 A kadekadeo i lao lolekonalar, ap indada: Ladu me depa mi ren jam ai, me kan ar mana me rak, a nai pan mekila jo kan ai mana. LUK 15:18 I pan uda purela ren jam ai indai on i: Jam ai, i wiadar dip on nanlan o on komui. LUK 15:19 I jolar waron adaneki noumui putak, komui ari wia kin ia ladu ’mui men. LUK 15:20 I ari uda purela ren jam a. A ni a mi waja doo, jam a kilanada i, ap pokela, pitipiti don i o polodi i, metik i. LUK 15:21 A putak o indai on i: Jam ai, i wiadar dip on nanlan o on komui, i jolar war on adaneki noumui putak. LUK 15:22 A jam majani on na ladu kan: Wado likau kajampwal o kalikauwia kida i, o ki on rin ni jendin pa a, o jut ni na a kan. LUK 15:23 O wado kau pul wi o kamela, pwe kitail en kan o pereperen. LUK 15:24 Pwe nai putak men et melar ap mauredar, a jalonalar ap diarokadar. Irail ari perendar. LUK 15:25 A na putak laud mi nan jap o. Ni a pure don koren ion im o, ap ronadar kakaul o kakalek, LUK 15:26 Ap kalelapok ren ladu men duen ar wiawia. LUK 15:27 A indan i: Ri omui ol puredo, jam omui ap kamela kau pul wi o, pwe a diaradar I memaur o kelail. LUK 15:28 A ap makara kida o jota men pedelon, jam a ap pedoi don re a poekipoeki. LUK 15:29 A a japen indan jam a: Kom mani, par toto me i papa komui, o i jaikenta kawela eu omui majan akan, a kom jota kotiki on ia kijin kut amen, i en kamadipeki kompoke pai kan. LUK 15:30 A noumui putak men et lao kodo, murin a kamuje wei a dipijou ren me jued akan, komui ap ijik on i kau pul wi o. LUK 15:31 Jam a ap majani on i: Nai jeri, koe kin mimieta re ian jau karoj, o ai meakaroj me om. LUK 15:32 Me mau, koe en peren o injenemau. Pwe ri om ol men et melar, ap mauredar, a jalonalar ap diarokadar. LUK 16:1 A PIL kotin majani on tounpadak kan: Ol kapwapwa men mia, me a jaunkoa men indandeki, a peitlakit a koa kapwa kan. LUK 16:2 I ari eker don i indan i: Iaduen ai ronadar duen koe? Kaineneta noum kijin likau duen om dodok! Pwe koe jolar kak jaunkoa. LUK 16:3 Jaunkoa ap madamadaua indada: Da me i en wia, pwe ai monjap pan ki jan ia ai koa, nan I jota kak weweir, a poekipoeki me i namenokki. LUK 16:4 I ap ajada, me i pan wia, i lao japwilidi jan ai koa, pwe irail en kajamo ia Ion on nan im ar akan. LUK 16:5 I ari ekeredo me pwaipwand on a monjap, ap idok ren men maj: Da me om pwaipwand on ai monjap? LUK 16:6 A inda: Potel en le epuki. A indai on i: Ale noum puk mondi pitipit intiniedi me limeijok! LUK 16:7 Ap pil indai on amen: A koe, da me om pwaipwand? A inda: Kopa en wan korn epuki. A indan i: Ale noum puk intiniedi me waleijok! LUK 16:8 Monjap ap kapina jaunkoa japun, pweki a dodok lolekon. Pwe jeri en jappa kan me lolekon ni jon ar jan jeri en marain akan. LUK 16:9 I ap indai on komail, komail wia kompoke pamail ki mamon japun pwe komail lao jama malar, ren kajamolon on nan deu potopot. LUK 16:10 Meamen apwali mau me tikitik o, nan i me pil kin apwali mau me lapalap. A me kin japun ni me tikitik o, nan i me pil japun ni me toto. LUK 16:11 Ma komail jota apwali mau ai pali pa, ij me pan liki on omail pai pali poa? LUK 16:12 O ma komail jota apwali mau en amen a kapwa, ij me pan liki on komail me udan omail? LUK 16:13 Jota ladu men me pan kak papa jaumaj riamen; pwe a pan kailonki amen o pok on me teio. De kajampwaleki amen o mama leki me teio. Komail jota pan kak pariai pena Kot o mamon. LUK 16:14 Pari jar akan, me kin pok on moni, pil ronadar mepukat, ap kaurureki i. LUK 16:15 A kotin majani on irail: Nan komail me kin akapunki pein komail ren aramaj, a Kot kin mani nan monion omail. Pwe me kajampwal ren aramaj, kin me mal ren Kot. LUK 16:16 Kapun o jaukop akan kokoper lel ni muein Ioanej. A jan ni anjau o ronamau en wein Kot kin lolok jili, a karoj kin pedelonki manaman. LUK 16:17 Nan me monai, lan o jappa pan jorela, jan ekij kijan kapun en lokidokila. LUK 16:18 Meamen kajela a paud, ap paudeki amen li, nan i me kamal, o meamen me paudekida me lokidokila jan ren ol amen, nan i me kamal. LUK 16:19 Ol kapwapwa men mia, me a likau waitata o materok o a kin kamadip o peren ni ran karoj. LUK 16:20 O pil amen ol me jamama, ad a Lajaruj, me kin wonon pan wanim en ol kapwapwa o; a kenjela kili karoj. LUK 16:21 Ap men tunole maremor akan, me kin pupedi ni tepel en me kapwapwa; a kidi kan kin tamotamo a kenj akan. LUK 16:22 A kadekadeo me jamama o mela o tounlan kai ap wadala pon kapa en Apraam. A me kapwapwa o pil mela o jaredier. LUK 16:23 Ni a mi nan pweleko, wajan waiwairok, ap jarada, udial Apraam ni waja doo o Lajaruj mondi pon kapa, LUK 16:24 Ap likwirda indada: Jam (ai) Apraam, kom kotin kupura ia, poronedo Lajaruj en kaduedi jondin pa a nan pil, ki on pon lo i, pwe i kin waiwairok nani iai wet. LUK 16:25 A Apraam kotin majani: Nai, tamanda, me koe tunoler om mau kan karoj ni maur om, a Lajaruj a me jued akan; ari a pan pereperenta, a koe pan kalokolok. LUK 16:26 A pil eu me kawela, wau kalaimun eu mi nan pun atail, pwe ma amen kit men japale won re omail, a jota pan kak, pil jota amen komail pan kakedo. LUK 16:27 A ap inda: I ap men poeki, jam ai, komui en kotin poronelan Lajaruj nan im en jam ai. LUK 16:28 Pwe ri ai ol me limen, me a pan kaajaki irail; pwe ren de lel on waja apwal wet! LUK 16:29 A Apraam majani on i: Mojej o jaukop akan mi re ’rail, ren nok ron irail. LUK 16:30 A ol o potoan on: Kaidin jam (ai) Apraam, a ma amen jan ren me melar akan pan pwara don irail, rap pan kalula. LUK 16:31 A ap majani on i: Ma re jota pan ron Mojej o jaukop akan, re pil jota pan pojon la, ma amen pan maureda jan ren me melar akan. LUK 17:1 A KOTIN majani on japwilim a tounpadak kan: Nan jota kak, men kamakar kan en jo pwaida, a juedi on me kokido. LUK 17:2 A mau on, takai en ir plaua eu en paudoki on ni tapin wor a, ap lokidokila nan madau, jan a kamakar amen tikitik pukat. LUK 17:3 Kalaka pein komail! Ma ri om ol wia dipi on uk, en kapun on i, a ma a pan kalukila, maki on i. LUK 17:4 A ma a wia dipi on uk pan ijepak ni ran eu o pure don uk pan ijepak indada: I kalula, koe en maki on i! LUK 17:5 A wanporon akan potoan on Kaun o: Re kotin kalaudela at pojon! LUK 17:6 A Kaun o kotin majani: Ma omail pojon laudi on wan katirin, komail pan kak indai on tuka pik pot et: Kai jan, kajau on nan madau, a pan oke komail. LUK 17:7 A ij re omail, me a ladu men, me kin matimat o kamakamana man akan, pan indan i ni a puredo jan matuel o: Madan kodo mondi o mana? LUK 17:8 A jota pan indan i: Kaonopada me i pan mana nin jautik o, kaiada om likau, papa ia, lao i manaer o nim, a muri koe pan mana o nim. LUK 17:9 De a pan danke ladu pweki a wiada, me a majani on i? I lamelam jo. LUK 17:10 Pil dueta komail, komail, lao wiadar meakan me kakaliki on komail er, komail ap pan inda: Kit ladu mal, pwe i eta, me je wiadar, me kakalik on kit er. LUK 17:11 Kadekadeo ni a kotilan Jerujalem, a kotin weid nan wein Jamaria o Kalilaa. LUK 17:12 O ni a kotin kotilon on nan kijin kanim eu, purai kit! LUK 17:13 Irail nil laudeda indada: Main Iejuj, kupurai kit! LUK 17:14 A lao kotin majanier, ap majani on irail: Komail koieila kajanjale on pein komail on jamero kan. Kadekadeo ni arail kokola irail kelailada. LUK 17:15 A amen irail ni a kilaner me a kelailadar, ap puredo nil laudeda, kapikapina Kot. LUK 17:16 O poridi jan aluwilu a, danke i; ari, i men Jamaria men. LUK 17:17 Iejuj kotin japen majani: Kaidin me ek, me kelailadar, a ia me duemen oko? LUK 17:18 Jota me pure don kapina Kot, ol en liki men et eta? LUK 17:19 A majani on i: Uda ko wei, om pojon me kakel uk ada! LUK 17:20 Parijar akai lao kalelapok re a: Dokan da me wein Kot pan pwaida? A kotin japen majani: Nan wein Kot jota kin janjal kokodo. LUK 17:21 Irail jota pan indada: Kilan met, de kilan monen, pwe kilan, wein Kot mi lol omail. LUK 17:22 A kotin majani on japwilim a tounpadak kan: Ran oko pan kodo, me komail pan men kilanada ran eu en Nain aramaj, a komail jota pan kak kilan. LUK 17:23 Irail pan indai on komail: Kilan monen, de kilan met! A der kola o der idauen ir ala! LUK 17:24 Pwe duen liol kin linalin jan apali en lan lel pali teio en lan, iduen Nain aramaj ni a ran o. LUK 17:25 A maj a pan kalokolok toto o lokidokila ren di wet. LUK 17:26 O duen a wiaui ni muein Noa, iduen a pan wiaui ni ran oko en Nain aramaj: LUK 17:27 Irail mana, irail nim, irail papaud, irail kapapaud, lao lei ran en Noa a pedelon on nan war im o, o nolik pwaida kamom ir ala karoj. LUK 17:28 Pil dueta ni muein Lot: Irail mana, irail nim, irail netinet, irail japajap, irail kauadar im, LUK 17:29 A ni ran o, me Lot koiei jan Jodom, kijiniai o jwepel ap moredi jan nanlan, kame ir ala karoj. LUK 17:30 Nan iduen a pan wiaui ni ran, me Nain aramaj pan janjaledo. LUK 17:31 Ni ran o meamen mi pon im, o a kapwa mi nan im, a ender kodi on ale. O pil dueta me mimi nan jap, i ender puredo. LUK 17:32 Tamatamanda en Lot a paud! LUK 17:33 Pwe meamen kanakanai on maur a, pan pupe jan, a me pan kajela, nan i me pan maureta. LUK 17:34 I indai on komail, ni pon ota ol riamen pan wonon pon pet eu, amen pan peuka jan, a me teio pan mimieta. LUK 17:35 Li riamen pan irij pena plaua, amen pan peuka jan, a me teio pan mimieta. LUK 17:36 Ol riamen pan mi nan jap, amen pan peuka jan, a me teio pan mimieta. LUK 17:37 Irail japen potoan on i: Ia Main? A kotin majani on irail: Waja me man mat mi ia, nan i waja pwin ikel pan pil pokon pena ia. LUK 18:1 A PIL kotin majani on irail karajeraj eu, me ren poden kapakap o der panada. LUK 18:2 A kotin majani: Jaunkapun amen mi nan kanim eu, me jota lan Kot, o jota injenoki aramaj amen. LUK 18:3 A li odi men mi nan kanim ota, me poto don i potoan on: Kom kotin jauaja ia on me kailon kin ia! LUK 18:4 A a kan maj o, a kadekadeo a monemoneloleki: Nan i jota lan Kot, o pil jota injenoki aramaj, LUK 18:5 A pweki li odi men et a kadiropa ia. i pan jauaja i. pwender purodo kadiropa ia. LUK 18:6 Kaun o ap kotin majani: Komail ron, me jaunkapun japun indada! LUK 18:7 A iaduen Kot, a jota pan kotin jauaja japwilim a pilipildar akan, me kin likelikwir on i ni ran o ni pon? Pala a pan kotin pwapwand? LUK 18:8 I indai on komail: nan a pan madan jauaja ir. Ari jo, Nain aramaj lao pwarado, da, a pan diar pojon ni jappa? LUK 18:9 A pil kotin karajai on irail me kin aka punki pein irail, ap aka japunki me tei kan: LUK 18:10 Aramaj riamen kodala on nan im en kaudok pwen kapakap. Amen ira Parijar, a amen jaunopwei men. LUK 18:11 Parijar o kajinenda kelepela ekij waja kapakap due met: Main Kot, i danke ir, me i jota dueta aramaj tei kan: Lolap, japun, kamal, de dueta jaunopwei men et. LUK 18:12 I kin kaikaijole pan riapak ni wik eu o koleireki eijokkij eu en ai kapwa karoj. LUK 18:13 A jaunopwei u doo jan ekij waja, ap jota men jarada nanlan, a a pikir maramar a indada: Main Kot, re kotin kupura ia me dipan! LUK 18:14 I indai on komail, ol men et kodila deu a punala mon me teio. Pwe me kin kajapwilada pein i, pan kajapwilidi, a me kin kajapwilidi pein i pan kajapwilada, LUK 18:15 Irail ap wa don i kijin jeri kai, pwen kotin jair ir. A japwilim a tounpadak kan lao kilaner, re ap kapoui irail. LUK 18:16 A Iejuj kotin molipe ir majani: Mueid on kijin jeri kan, en kodo re i! Der kalik irail edi! Pwe irail me udan wein Kot. LUK 18:17 Melel I indai on komail, meamen, me jota ale wein Kot rajon kijin jeri men, a jota pan pedelon on lole. LUK 18:18 A monjap amen idok re a majani: Jaunpadak mau, da me I en wiada, pwen jojoki maur joutuk? LUK 18:19 Iejuj ari kotin majani on i: Da me koe indaki, me I me mau? Jota me mau men, Kot eta. LUK 18:20 Koe kin aja kujoned akan: Koe der kamal; koe der kamela aramaj; koe der pirap, koe der kinekine mal, kakaki jam om LUK 18:21 I ari indada: Nan mepukat karoj i kin wiawia jan ni ai tikitik kokodo. LUK 18:22 Iejuj lao mani mepukat, ap majani on i: Me ta kij me lua, netikila om kapwa karoj, o nene on me jamama kan, a om pai pan mi nanlan, ap kodo idauen ia do. LUK 18:23 A lao ronadar met, ap injenjuede kila melel, pwe a kapwapwa kaualap. LUK 18:24 A Iejuj lao kotin majani, me a injenjuedela, ap majani: Nan me apwal on me kapwapwa kan, en pedelon on nan wein Kot. LUK 18:25 Pwe me manai, kamel en tilon nan por en dikok, jan ol kapwapwa men pedelon on nan wein Kot. LUK 18:26 Irail me roneron indada: Ari, ij me kak on maur? LUK 18:27 A kotin majani: Me aramaj akan jo kak on, Kot me pan kak on. LUK 18:28 Petruj ap potoan on: Re kotin mani, kit me likid maliela meakaroj ap idauen la ir. LUK 18:29 A kotin majani on irail: Melel I indai on komail, nan jota me likidmaliela im a, de jam, de in a, de ri a ol akan, de a paud, de na jeri kan pweki wein Kot, LUK 18:30 Me jo pan id aneki me lapalap ni anjau wet o ni muei kokodo maur joutuk. LUK 18:31 A kotin ukala ekriamen ko majani on irail: Kilan, kitail kin kodalan Ierujalem, o karoj pan pwaida, me intinidier ren jaukop akan duen Nain aramaj. LUK 18:32 Pwe a pan panala ren men liki kan, pwe re pan kapikapiti I o ki jan wau i, o kondipi on i. LUK 18:33 O re pan woki i o kamela, a ni kajilu en ran a pan maureda. LUK 18:34 Irail ari jota man weweki mepukat, o majan pot et me rir jan irail. Re pil jaja, me a kotin majani. LUK 18:35 A kadekadeo ni a koren ion Ieriko, ol majkun amen momod pon kailan al, poekipoeki. LUK 18:36 I lao ronadar pokon o me daudaulul, ap idok due. LUK 18:37 Irail ari indan i, me Iejuj men Najaret kotin daulul. LUK 18:38 I ari nil laudeda potoan on: Iejuj, japwilim en Dawid, kotin kupura ia! LUK 18:39 A me tion moa kidekidaue i, en nenenla: a i ap kalaudela a poekipoeki: Japwilim en Dawid, kotin kupura ia! LUK 18:40 Iejuj ap kotin udi on waja o, majani, ol o en wijike don i. A lao koren ion imp a, ap kotin kainoma re a. LUK 18:41 Majani: Da me koe men, I en wiai on uk? A potoan on: Main, i men potoan narada waja. LUK 18:42 A Iejuj kotin majani on i: Kilan waja, om pojon me kakel uk ada! LUK 18:43 Ap pitipit kilanada waja, o idauenla i, o kapina Kot, o aramaj karoj, me udial met, ap kapikapina Kot. LUK 19:1 I ARI kotilon on nan kanim Ieriko, ap kotin daulula. LUK 19:2 A kilan, ol kapwapwa men mia, ad a Jakauj, me jaumaj en jaunopwei kan. LUK 19:3 A men kilan Iejuj, pwen aja, ij i, ap jota kak, pweki pokon o, o a jakakair. LUK 19:4 I ari tion mo ’rail, dauda nin tuka pot, pwen kak kilan i, pwe a pan kotin daulul waja o. LUK 19:5 A lao lel waja o Iejuj ap kotin majanda diar i, majani on i: Jakauj, madan daudi, pwe I pan pedelon on nan im om ran wet. LUK 19:6 I ari madan daudi kajamo i pereperen. LUK 19:7 Irail lao kilaner met, karoj ap lipanedeki inda: A pedeloner, pwen kairu ren ol dipan amen. LUK 19:8 A Jakauj potodo potoan on Kaun o: Main re kotin mani, apali en ai kapwa i pan kijakijaki me jamama kan, o ma i kotaue amen, i kin kajapal won i pan pa pak laude jan. LUK 19:9 Iejuj kotin majani on i: Maur me pwara don nan im wet ran wet, pwe a pil nain Apraam amen. LUK 19:10 Pwe Nain aramaj pwara don rapaki o kamaureda me jalonalar. LUK 19:11 A ni ar ronadar mepukat, a pil kotin majani karajeraj eu, aki koren ion Ierujalem, o re kiki on, me wein Kot pan madan janjaleda. LUK 19:12 A kotin majani: Ol lapalap amen kolan jap doo eu, pwen nine mar a, ap pan puredo. LUK 19:13 I me eker pena na ladu ek, o ki on irail paun eijok, indan irail: Komail dodokki, i lao puredo. LUK 19:14 A na aramaj akan kailonki i, kadarala mur i kaireki lan i: Je jota mauki, ol men et en kaun kit. LUK 19:15 Kadekadeo a lao puredo, murin a aleer wei o, ap ilakelan ladu kan, me a ki on na moni, pwen aja duen en amen amen ar kalaudelar na moni. LUK 19:16 Men maj ap pwarado indada: Main, omui paun kareda paun eijok. LUK 19:17 A indan i: Meid pai ladu mau koe, aki om apapwali mau me tikitik, koe pan id kaunda kanim eijok. LUK 19:18 O kariamen ap pwarado indada: Main, omui paun me kareda paun limau. LUK 19:19 A pil indan i: Koe pan kaunda kanim limau. LUK 19:20 O pil amen pwarado indada: Main, mani, ietet japwilim omui paun, me i nekidala nan lim en pudo. LUK 19:21 Pwe i majak komui, pwe I petik amen komui. Komui kin aleda, me kaidin komui kidier, o dolun jan, me kaidin komui padukedier. LUK 19:22 A indan i: Jan nan au om I pan kadeik kin uk ada ladu jued koe. Koe ajaer, me ol petik amen nai, me kin ale, me kaidin nai kidier o dolun jan, me kaidin nai padukidier. LUK 19:23 Menda koe jota wala nai moni wajan kanaitik, o i lao puredo, i pan ale me udan ai ianaki moni naitik. LUK 19:24 A indai on irail me u impa: Ale jan i paun o, ki on ren me a paun eijok! LUK 19:25 Irail indai on i: Main, nan a nainekier paun eijok. LUK 19:26 Pwe I indai on komail, meamen, me a mia, ekij pan ko on, a me jota a mia, nan a pwitikatik pil pan katia jan. LUK 19:27 A ir, ai imwintiti, me kan, I en kakaun ir, wa ir do, o kame ir ala mo i! LUK 19:28 A lao kotin kaimwijokala a majan pukat, ap kotiwei kotidala Ierujalem. LUK 19:29 Kadekadeo a lao koti don Petpake o Petanien impan dol me ad a Oliwe, ap kotin poronela japwilim a tounpadak riamen, LUK 19:30 Majani: Koma ko on nan kanim monen, koma lao pedelon, koma pan diarada ejel pul amen jalidi, me aramaj amen jaik mohdi poa. Lapwada i, ap karedo! LUK 19:31 A ma meamen pan idok re oma: Da me koma lapwa kida i? Koma ap pan inda: Kaun o men dake. LUK 19:32 A ira me pakadara wei, ap kola o diarada, duen a kotin majani on ira. LUK 19:33 A ni ara lawada ejel pul o, ol oko, me naineki, ap indan ira: Da me koma lawa kida ejel pul en? LUK 19:34 Ira ap indada: Kaun o men dake. LUK 19:35 Ira ari wado ren Iejuj, ap irepadi pon ejel pul arail likau kan ap potoan dan Iejuj poa. LUK 19:36 Ni a kotikot kokowei, irail ap irepakidi arail likau kan nani al. LUK 19:37 A lao kotin korendor kotidila dol Oliwe tounpadak kan karoj ap wiaki eu nil laudeda kapina Kot, pweki manaman akan karoj, me re kilaner, LUK 19:38 Indada: Kapina on Nanmarki, me kotido ni mar en Kaun! Nanlan en popol o linan waja ileile! LUK 19:39 A Parijar kai kijan pokon o indai on i: Jaunpadak, kotin kidaue japwilim omui tounpadak kan. LUK 19:40 I ari kotin japen majani on irail: I indai on komail, ma mepukat pan nenenla, takai pan id kadededa. LUK 19:41 A lao kotin korendor, ap majani kanim o, ap tontonireki, LUK 19:42 Majani: O i men, koe en dedeki om ran mau wet, me pan kare on uk popol: Ari, a rir janer mon maj om. LUK 19:43 Pwe ran apwal ko pan lei on uk, me om imwintiti pan kele kin uk pena o it pena jan ni pali karoj; LUK 19:44 O irail pan kaje uk ala ianaki noum jeri kan, o re pan karonk uk ala; jota eu takai pan mimieta pon eu, pweki om jota dedeki anjaun om kajojon. LUK 19:45 I ari kotilon on nan im en kaudok, ap jikon jan me netinet lole, LUK 19:46 Majani on ir: Nan a intinidier: Im ai im en kapakap, a komail wiaki deun lolap akan. LUK 19:47 I ari kotin kaukawewe nan im en kaudok ran karoj. A jamero lapalap, o jaunkawewe, o me lapalap akan ren aramaj raparapaki, en kamatala i. LUK 19:48 A re jota kak diar, me ren wiada, pwe aramaj karoj apwali i kaualap o men ron i. LUK 20:1 KADEKADEO eu ran ni a kotin kawewe on aramaj akan nan im en kaudok o, o padaki ronamau, jamero lapalap, o jaunkawewe, ianaki jaumaj akan ap ko don i. LUK 20:2 Potoan on i indada: Majani on kit, manaman en ij, me komui wiaki mepukat? De ij me ki on komui manaman wet? LUK 20:3 A kotin japen majani on irail: I pil pan kalelapok meakot re omail, komail en japen ia! LUK 20:4 En Ioanej a paptaij men nanlan, de me ren aramaj? LUK 20:5 Irail ap lamelame nan pun arail indada: Ma kitail pan inda, men nanlan, a pan majani on kitail: Da me komail jo pojonki i? LUK 20:6 A ma kitail inda, me ren aramaj, aramaj karoj ap pan kate kit, pwe re kin wia jaukopki Ioanej. LUK 20:7 Irail ari japen, me re jaja, waja me a kojan ia. LUK 20:8 Iejuj ap kotin majani on irail: Ari, I pil jota pan indai on komail, manaman en ij, me I wiaki mepukat. LUK 20:9 A ap kotin tapiada majani on pokon o karajeraj wet: Aramaj amen padukedier mat en wain eu, ap liki on jaumat akai, o kokola nan wai anjau warai. LUK 20:10 A lao anjau, a kadaralan jaumat akan ladu men, pwe ren ki on kijan wan wain. A jaumat akan woki i, o kadarala i kaip. LUK 20:11 A murin met a pil kadarala amen ladu, a re pil woki i, o wia juedi on, o kadarala i kaip. LUK 20:12 A murin met a kadarala kajilimen. A re pil kame i o jiken wei jan. LUK 20:13 Monjap en mat en wain o ap majani: Da me i en wiada? I pan kadarala nai ol kompok, ele re pan majak, ni ar pan kilan i. LUK 20:14 A jaumat akan lao kilaner i, rap lamelame nan pun ar indada: Iei i, me pan ale jojo, kitail pan kamela, pwen id aneki a jojo. LUK 20:15 Irail lao kajapoka jan i nan matuel o, ap kamela i. Da me monjap en mat en wain pan wiai on irail? LUK 20:16 A pan kodo kamela jaumat pukat, ap liki on akai a mat en wain. Irail lao roner mepukat, rap indada: O mepukat jota pan wiaui! LUK 20:17 A kotin jaupei won irail ap kotin majani: Iaduen wewe en intin wet: Takai o, me jauje kajapokela, id wiala takai en pukakaim? LUK 20:18 Meamen, me pupedi pon takai wet pan ola. A me a pupedi on poa, a pan kapitaka pajan i. LUK 20:19 I dokan o jaunkawewe o jamero lapalap akan raparapaki en jaikidi i. A re majak aramaj akan, pwe re muilikiada, me a karajeraj kin irail. LUK 20:20 Irail ari majamajan i o kadarala liparok kai, me pan wia kin pein irail aramaj pun, pwe ren jaikikidi i a majan akan ap panalan jaunkapun o manaman en kopina. LUK 20:21 Irail ari kalelapok re a potoan on: Jaunpadak, kit potoan aja, me ar majan o padak kan me pun, o re jota kotin kupuroki janjal en aramaj. Pwe re kin kotin kaukaweweda melel duen al en Kot. LUK 20:22 Me pun kit en nopwei on nanmarki, de jo? LUK 20:23 A i kotin mani ar widin, ap majani on ir: Da me komail kajonejon kin ia? LUK 20:24 Kajale don ia denar eu! Mom en ij o intin wet? Re japen potoan on: En nanmarki. LUK 20:25 A i kotin majani on irail: Ari komail ki on nanmarki, me nain nanmarki, o on Kot, me japwilim en Kot! LUK 20:26 Irail ari jota kak jaikikidi I a majan akan mon pokon o. Irail puriamuiki me a kotin japen, o nenenlata. LUK 20:27 Jadujar akai, me kin inda, me dene melar akan jolar pan maureda, ap kai don i kalelapok re a, LUK 20:28 Potoan on: Jaunpadak, Mojej intinie don kit, ma ri ol en amen pan mela, me a paud li dapwan men, ri a ol ap pan paudekida i, pwen kaipwi on ri a ol na jeri kai. LUK 20:29 Ari, pwin pirien, ol ijimen mia, men maj paudeki li amen, ap mela, a jota na jeri ko. LUK 20:30 A kariamen paude kida li o ap mela a jota na jeri ko. LUK 20:31 A kajilimen paude kida i, iduen ir ijimen karoj, re mela, ap jota nairail jeri ko. LUK 20:32 A ikmuri li o pil mela. LUK 20:33 Ari, ni en me melar akan ar iajada, a pan en ij a paud? pwe ir ijimen karoj paude kida i. LUK 20:34 Iejuj kotin majani on irail: Jeri en jappa et kin papaud o kapapaud. LUK 20:35 A me war on ale eu jap o konodi maureda jan ren me melar akan, re jota kin papaud de kapapaud. LUK 20:36 Pwe re pil jolar kak mela. Pwe re paroki on tounlan kan, o re jeri en Kot akan, pwe re jeri en kamaur. LUK 20:37 A duen en me melar akan ar pan maureda, Mojej pil kadededa, ni a udial tuka o, ni a kaadaneki Kaun o: Kot en Apraam, o Kot en Ijaak, o Kot en Iakop. LUK 20:38 Pwe Kot kaidin Kot en me melar akan, a en me maur akan, pwe karoj memaur on i. LUK 20:39 A Jaunkawewe kai japen indada: Jaunpadak, ar majan me pun. LUK 20:40 Irail ap jolar kak peidok re a okotme, LUK 20:41 I ari kotin majani on irail: Iaduen ar indinda, me Krijtuj nain Dawid? LUK 20:42 A pein Dawid katitiki nan puk en Pjalm: Kaun o kotin majani on ai Kaun: Mondi on ni pali maun i. LUK 20:43 Lao I pan wia kida om imwintiti utepan na om. LUK 20:44 Dawid ari wia kin i a Kaun, a iaduen a pan kak na ol? LUK 20:45 A ni aramaj karoj ronadar, a kotin majani on japwilim a tounpadak kan: LUK 20:46 Kalaka jaunkawewe kan, me kin mauki momait jili nan likau reirei o mauki, aramaj en ranamau on irail nan waja en netinet akan, o men mondi leppantam nan jinakoke kan o ni tapin tepel. LUK 20:47 Me kin nopur im en li odi kan, liajojki kapakap reirei, mepukat pan panalan kadeik apwal. LUK 21:1 A KOTIN aupwil jili ap majani, me kapwapwa kan kajedi on ar mairon nan deun mairon. LUK 21:2 A pil kotin majani, me li odi jamama men kajedi on lepta riau. LUK 21:3 A kotin majani: Melel I indai on komail, li odi jamama men et kajedi on laude jan irail karoj LUK 21:4 Pwe mepukat karoj kajedi on mairon en Kot jan ni ar pai, a li men et kajedi jan ni a jamama, a dipijou karoj, me a naineki. LUK 21:5 Akai lao kajokajoiadar duen im en kaudok, me kapwata kida takai kajampwal akan o kapwa en mairon kai, ap kotin majani: LUK 21:6 Ran oko kokodo, karoj, me komail ududial, pan karank pajan, jota eu takai pan mi pon eu. LUK 21:7 Irail kalelapok re a potoan on: Jaunpadak iad mepukat pan pwaida? O da pan kilel en mepukat pan wiaui? LUK 21:8 A kotin majani: Komail kalaka, pwe meamen de kotaue komail! Pwe me toto pan kodo ni ad ai o pan inda: Nai I o anjau korendor! A komail der idauen ir ala. LUK 21:9 A komail lao ron duen mauin o muei jued, ender majak, pwe mepukat pan wiaui maj, a jaikenta imwi. LUK 21:10 A kotin majani on irail: Toun jap eu pan u on eu jap, o wei eu pan u on eu wei. LUK 21:11 O rerer laud en jap akan pan wiaui, o lek, o jon en jomau pan pwaida, o pil janjal kama japwek kai, o kilel lapalap akan pan pwarada jan nanlan. LUK 21:12 A mon mepukat re pan jaik komail edi, o kame komail, o pana komail la nan jinakoke kan o imaten pwen kalualan ren nanmarki o jaumaj akan pweki ad ai. LUK 21:13 A mepukat pan wiaui on komail, pwen kadede kin ia. LUK 21:14 Komail ari inauki on pein komail nan monion omail, me komail jota pan patauki, me komail pan japenki. LUK 21:15 Pwe nai me pan kalokaia komail, o kalolekonla, pwe me kailon kin komail, en jota kak kalikama, o jo palian. LUK 21:16 A jam o in omail, o ri ol akan, o jau omail, o kompokepa kan pan pana komail la, o akai komail me re pan kamela. LUK 21:17 O aramaj karoj pan kailon kin komail pweki ad ai. LUK 21:18 A jota pit en mon omail pit pan lokidokila. LUK 21:19 Dore kila kanonama maur omail: LUK 21:20 A komail lao udial, me jaunpei kan kapili pena Ierujalem, komail ap ajaki, me a ola korendor. LUK 21:21 A me mimi Iudaa, ni anjau o, en tandala nan nana; o me mi nan waron a, en pitila jan; o me mimi nan jap, ender purelan i. LUK 21:22 Pwe i anjaun depuk, pwe karoj, me intinidier, en pwaida. LUK 21:23 Juedi on me lijean o me kadidi jeri ni ran oko! Pwe kalokolok pan lapalapia nan jap et o onion on aramaj pukat. LUK 21:24 O re pan kame kila kodlaj, o jalilan wei karoj, o lerujalem pan tiak pajan ren men liki kan, lao anjau en men liki kan, pan lel. LUK 21:25 O kilel akan pan wiaui ni katipin, o jaunipon, o uju kan, o aramaj nan jappa pan majak onpan pinidar, o madau o iluk kan pan anian nil laudeda; LUK 21:26 O aramaj akan pan okila ar majak o auiaui me pan wiaui nan jappa; pwe kel en lan akan pan mokideda. LUK 21:27 Irail ap pan kilanada Nain aramaj a kodido ni dapok ki rojon o linan kaualap. LUK 21:28 Mepukat lao pikikidi wiaui, komail ap jarada o kajinenda, pwe a leler omail kamaioda. LUK 21:29 A kotin majani karajeraj eu on irail: Kilan tuka pik o tuka karoj! LUK 21:30 Ni omail kilan me irail wiliada, komail kin ajaki, me rak o me korendor. LUK 21:31 Iduen komail, komail lao kilan mepukat lao wiaui, komail ajaki, me wein Kot korendor. LUK 21:32 Melel I indai on komail, di wet jota pan imwila mon mepukat karoj pan pwaida. LUK 21:33 Lan o jappa pan jorela, a ai majan akan jota pan poula. LUK 21:34 Komail ari kalaka pein komail, pwe monion omail de toutouki kaped en mana, o kamom jakau, o nononki maur et, o ran o ap madan lel don komail. LUK 21:35 Pwe likamata injar eu, a pan ko don karoj, me kin kakaujon jappa. LUK 21:36 Komail ari majamajan o poden kapakap, pwe komail en war on en piti jan mepukat karoj, me pan wiaui, o en pat on Nain aramaj. LUK 21:37 Ni ran o a kotin kaukawewe nan im en kaudok o, a ni pon a kotieila kotikot pon dol o me adaneki Oliwe. LUK 21:38 O aramaj karoj jankonai pokon don i nan im en kaudok o, pwen ron i. LUK 22:1 A KAMADIP en prot jomut korendor, me adaneki paja. LUK 22:2 Jamero lapalap o jaunkawewe kan raparapaki, pwen kamatala i, pwe irail majak aramaj akan. LUK 22:3 A Jatan tilon on Iudaj me adaneki Ijkariot, me kijan ekriamen ko. LUK 22:4 I ari koieila ren jamero lapalap o jaumaj akan, kalelapok duen a pan panalan ir i. LUK 22:5 Irail ari peren kida, wiaki eu en ki on i moni. LUK 22:6 I ari inauki on irail, o raparapaki, duen a pan panalan ir i jo moromoron. LUK 22:7 Ran en prot jomut ap leler, anjaun kamela paja. LUK 22:8 I ari poronela Petruj o loanej majani: U kowei, kaonopadan kitail paja, pwe kitail en mana. LUK 22:9 Irail idok re a: la waja, re kotin kupura, jen kaonopada? LUK 22:10 A kotin majani on irail: Kilan, koma lao pedelon kanim o, aramaj amen pan tu on koma, me wa pakit en pil eu, idauen i nan im o, me a pedelon on lole! LUK 22:11 Koma ap indan kaun pan im o: Jaunpadak o majanie don komui: Ia pera en kairu, waja I pan mana paja ia ianaki ai tounpadak kan? LUK 22:12 I ari pan kajale on koma weip poa eu, me audeki men momod, i waja koma pan kaonopada! LUK 22:13 Ira lao koieila, ap diarada, duen a kotin majani on ira; ira ap kaonopada paja. LUK 22:14 Auer lao leler, i ap kaipokedi ni tepel o wanporon ekriamen ian i. LUK 22:15 I ap kotin majani on irail. I anane melel ian komail mana paja wet mon ai pan kalokolok. LUK 22:16 Pwe I indai on komail, I jolar pan kan jan met kokolata, a lao kapunala nan wein Kot. LUK 22:17 I ari kotikida dal o laolaoki a majani: Ale met, nek nan pun omail! LUK 22:18 Pwe I indai on komail, I jolar pan nim jan kijan wan wain, wein Kot lao pwaidar. LUK 22:19 A kotin limada prot, laolaoki o pilitiki pena, ap kotiki on irail majani: War ai metet, me panalan komail! Komail en wia me wet, men kataman kin ia. LUK 22:20 O pil dal en nim murin kajipon majani: Dal wet kadede kap ni mom en nt’ ai, me kapwilepilidi on komail. LUK 22:21 A kilan, pa en me pan pan ia la, me ian ia ni tepel o. LUK 22:22 Nan melel, Nain aramaj pan kokola duen a kileledier, a juedi on aramaj o, me a pan pankila! LUK 22:23 Irail ari pikikidi idok nan pun arail, ij re irail, me pan wiada met? LUK 22:24 Irail pil akamaiki nan pun arail, duen ij me pan lapalap re irail. LUK 22:25 A kotin majani on irail: Nanmarki en wei pokon akan kin poe irail edi o me manaman akan kin adaneki monjap kalanan. LUK 22:26 A komail jota pan dueta, a me lapalap re omail, i en dueta me tikitik, o me kin kaunda, en dueta me kin papa. LUK 22:27 Pwe ij me lapalap ren me mondi ni tepel de me kin papa? Kaidin i, me mondi ni tepel? A nai dueta ladu pamail. LUK 22:28 Nan komail me ian ia ni ai jonejon. LUK 22:29 Nai ari kileledi on komail wei eu, duen Jam ai kileledi on ia er; LUK 22:30 Pwe komail en mana o nim ni ai tepel nan ai wei o mondi pon men mondi ko, kakaun kainok en Ijrael eijokriau. LUK 22:31 Kaun ap kotin majani: Jimon, Jimon, kilan, Jatan non kin komail, pwen koko komail dueta wan prot. LUK 22:32 A nai me kapakapa kin uk, pwe om pojon de nikila. A koe lao japaledo kakelada ri om ol akan! LUK 22:33 A a potoan on i: Main, i pan idauen ir lel nan imaten o matala. LUK 22:34 A kotin majani: Petruj, I indai on uk, nan malek jota pan kakorot ran wet, koe lao kamamki pan jilepak, me koe aja ia. LUK 22:35 A kotin majani on irail: Ni ai kadar komail wei jo ed en moni, o jo ed en jailok, o jo jut, meakot komail lekekilar? Re ap potoan on: Jota. LUK 22:36 I ari kotin majani on irail: A met, me a ed en moni mia, en ale o pil ed en jailok, o me jo a, i en netekila a likau, ap id netiada kodlaj pot. LUK 22:37 Pwe I indai on komail, me intinidier, pil pan pwai on ia: A wadawad on me dipan akan, pwe me intinidier duen nai, pan kaimwijokala. LUK 22:38 Irail indada: Main, kotin majani, iet kodlaj riapot. A kotin majani on irail. Ari, i eta. LUK 22:39 I ari kotilan dol Oliwe, duen a kin wia; tounpadak kan idauenla i. LUK 22:40 I lao lei on waja o, ap kotin majani on irail: Komail kapakap pwe komail de ko on nan jonejon. LUK 22:41 I ari tororela jan irail doo weita kapir won takai eu, ap kelepuki laolao. LUK 22:42 Majani: Jam (ai), ma komui mauki, koti ki wei jan ia dal wet, ari jo, kaidin injen ai, pwe kupur omui ta en wiaui. LUK 22:43 Nan tounlan amen pwarado jan nanlan katinada i. LUK 22:44 A ni a kotin pador on mela, ap nianian a laolao, lao pudo a likamata nta, me dinedinedi on nan pwel. LUK 22:45 A kotida jan a laolao o kotin pur on tounpadak kan, ir mamair aki ar mamauk. LUK 22:46 Majani on irail: Da me komail mamairki? Paurida o kapakap, pwe komail de ko on nan jonejon! LUK 22:47 A ni a kotin majani mepukat, kilan, pokon o, o me adaneki ludaj, amen ir ekriamen, tion mo ’rail, kaikai don Iejuj, pwen metik i. LUK 22:48 A Iejuj kotin majani on i: ludaj, koe pan pan kila metik eu Nain arama? LUK 22:49 Irail me ian i lao kilaner me pan wiaui, rap indai on i: Main, je jo pan wokieki ir kodlaj? LUK 22:50 Amen ir pala ladun jamero lapalap amen o jara jan jalon a pali maun. LUK 22:51 Iejuj ap kotin japen majani: Arier! I ap kotin jair jalon a, kakelada i. LUK 22:52 Iejuj ap kotin majani on jamero lapalap akan, o kaun pan im en kaudok, o jaumaj akan, me ko don i: Dueta lolap amen, me komail koko don, wa kodlaj o katiu kai? LUK 22:53 Ni ran karoj nai ian komail nan im en kaudok, a komail jota man jair ia, pwe anjau wet omail anjau o manaman en rotorot. LUK 22:54 Re ap jaikidi i o kalualon on nan im en jamero lapalap o, a Petruj idauenla doowei jan. LUK 22:55 Irail ap jaunda kijiniai eu nan waron en kel o mod pena, a Petruj mondi nan pun arail. LUK 22:56 A lidu men kilan i a momod impan kijiniai o kankakil i indada: LUK 22:57 let et pil ian i. I ari kamam kin i indada: Li, i jaja i. LUK 22:58 A mur kij amen kilan i indada: Koe pil amen irail. A Petruj indada: O kaidin nai! LUK 22:59 Kadekadeo murin auer eu amen katitiki indada: Melel i men et ian i, pwe i kijan men Kaliaa. LUK 22:60 A Petruj indada: O i poneponeki om kajokajoi! A pitipit ni a lokelokaia malek ap kakoroteda. LUK 22:61 Kaun ap kotin jaupeido majani Petruj. Petruj ap tamanda majan en Kaun, duen a kotin majani on i: Mon malek kakorot, koe pan kamam kin ia pan jilepak. LUK 22:62 Petruj ari koieila janejan kaualap. LUK 22:63 A ol oko, me kolekol i, lalaue o woki i. LUK 22:64 Irail lao perala jilan i, ap idedok re a indada: Kopada, ij i, me pikir uk ada? LUK 22:65 O jon en lalaue toto, me re ki on i. LUK 22:66 A lao ran pajan jaumaj akan o jamero lapalap o jaunkawewe kan ap pokon pena o kalua i don nan arail kapun. LUK 22:67 Indada: Ma koe Krijtuj, ap katiti on kit! A kotin majani on irail: Ma I pan indai on komail, komail jota pan kamelele; LUK 22:68 A ma I pan idok, komail jota pan japen, o pil jota lapwa ia da. LUK 22:69 Ari, jan met Nain aramaj pan mondi ni pali maun en rojon en Kot. LUK 22:70 Ir karoj ap idok: Ari, japwilim en Kot koe? A a kotin majani on irail: Komail me indada, pwe nai i. LUK 22:71 Irail indada: Ari, menda apot kadede? Pwe pein kitail rona jan nan au a. LUK 23:1 TOUN pokon karoj ap kajinenda kalualan i ren Pilatuj. LUK 23:2 Irail ari pikikidi impimpa i indada: Je diarada lap men et, me a kin kaweid japun aramaj akan o inapwiedi, ender nopwei on nanmarki, ap inda, me dene pein i Krijtuj o nanmarki. LUK 23:3 Pilatuj ari idok re a majani: Nanmarki en Juj akan komui? A kotin japen i majani: Komui me inda. LUK 23:4 Pilatuj ap majani on jamero lapalap akan o pokon o: Jota dip, me i diar ren aramaj men et. LUK 23:5 A irail nidinideki i indada: A kin kapeida aramaj ni a kaukawewe jili nan Iudaa, tapiada Kalilaa kokodo lel jap wet. LUK 23:6 Pilatuj lao ronadar Kalilaa, ap idok, ma i aramaj en Kalilaa men. LUK 23:7 A i lao ronadar, me kijan toun wein Erodej, ap kadarala I en Erodej, me pil kotikot Ierujalem ni ran oko. LUK 23:8 Erodej lao majani Iejuj, ap perenda kaualap, pwe me warai a kin anane udial i, pweki me toto a ronadar iran i, o a pil kaporoporeki, me a pan udial kilel eu jan re a. LUK 23:9 I ari kalelapok re a ni majan toto. A i jota kotin man japen i. LUK 23:10 A jamero lapalap o jaunkawewe kan kajinenda o impimpa I kaualap. LUK 23:11 A Erodej o na jaunpei kan mamaleki i o likauki i likau puetepuet o kapure won i ren Pilatuj. LUK 23:12 A ni ran ota Pilatuj o Erodej injenemau pena, pwe maj o ira imwintiti pena. LUK 23:13 A Pilatuj kapokon pena jamero lapalap, o monjap, o aramaj akan, LUK 23:14 Ap majani on irail: Komail wa don ia aramaj men et, dene kaweid japun aramaj akan. A kilan, i kalekalelapok re a mo ’mail, ap jota dip, me i diar ren aramaj men et, duen me komail katikatipiaki i. LUK 23:15 Erodej pil jo, pwe i kadar won i komail. A kilan, jota me a wiadar pwen kame kila i. LUK 23:16 Ari, i pan woki i ap lapwada. LUK 23:17 Pwe a pan udan lapwa dan irail meamen nin kamadip o. LUK 23:18 Irail karoj ap likelikwir indada: Kajapokela men et o lapwa don kit Parapaj! LUK 23:19 Me lokidokilar nan imaten aki moromoron eu o kamela en aramaj amen, me wiauier nan kanim o. LUK 23:20 Pilatuj ari men lapwada Iejuj, ap pil majani on irail. LUK 23:21 A irail likelikwir indada: Kalopuela, kalopuela i! LUK 23:22 A majani on irail kajilepak: Pwe me jued da, me a wiadar? Jota me i diaradar re a, me i en kamata kila. Ari, i pan woki i ap lapwada. LUK 23:23 A irail nantion weriwereda nidinidiki i, me a en lopuela; o ar weriwer o en jamero lapalap akan lalaudelar. LUK 23:24 Pilatuj ap inda, me ar poeki poek en pwaida, LUK 23:25 Ap lapwada i, me lokido kilar nan imaten aki moromoron eu o kamela en aramaj amen, me irail poeki, ap mueid on irail Iejuj, en wiai on i duen injen arail. LUK 23:26 O ni arail kalua wei i, re ap jaikidi Jimon men Kirene, me kodo jan nan jap o. Ir ari kidan po a lopu, pwen wala murin Iejuj. LUK 23:27 O pokon kalaimun idauenla i, o li kai me janejan o mamaukeki i. LUK 23:28 Jejuj kotin jaupei don irail majani: Li en Ierujalem akan, ender janejan kin ia, a janejan kin pein komail o noumail jeri kan. LUK 23:29 Pwe kilan, ni ran oko kokodo aramaj pan indinda: Meid pai li dapwan o irail me jota naitik, o didi kan, me jota kadidi! LUK 23:30 Re ap pan pikikidi ekeker on nana kan: Pupedi on po at! O on dol akan: Kadupal kit edi! LUK 23:31 Pwe ma re wiadar mepukat on tuka maur, da me re pan wia on tuka monedi? LUK 23:32 A pil lolap riamen ian i kalua wei kamela. LUK 23:33 Irail lao lei waja, me adaneki pondal en mon, ap kalo puela i o me lolap oko, amen ni pali maun o amen ni pali main. LUK 23:34 Iejuj ap kotin majani: Jam (ai), Kom kotin maki on irail, pwe irail jaja, me re wiawia. Irail ari nene pajan japwilim a likau kan o kadoropwa kida. LUK 23:35 Aramaj me u kankakil o monjap akan ian irail kapikapiti I indada: A kamaureda akai, i en kamaureda pein i, ma i Krijtuj japwilim en Kot. LUK 23:36 A jaunpei kan pil kapikapiti i, kai on i, ki on i pinika, LUK 23:37 Indada: Ma koe Nanmarki en Juj akan, en kapitila pein uk. LUK 23:38 A pil intin eu, me intinidier ponanen i ni lokaia en Krik, o Latain, o Ipru: let Nanmarki en Juj akan. LUK 23:39 A amen ren lolap oko, me lanadar, lalaue i indada: Kaidin koe Krijtuj Kapit i jan pein uk o kit! LUK 23:40 Me teio ap japen, kapun on i indada: Koe pil jota majak Kot ni om ian kadeik wet? LUK 23:41 Pwe ata kalokolok me pun, pwe iduen ata wiawia kan, a ol men et jota wiadar meakot me jued. LUK 23:42 Ap potoan on Iejuj: Main, re kotin kupura ia, lao re kotida nan wei ar. LUK 23:43 Iejuj ap kotin majani on i: Melel I indai on uk, ran wet koe pan ian ia mi nan paradij. LUK 23:44 Ni auer kawonu ap rotorotala nan jap karoj lao lel auer kaduau, LUK 23:45 O katipin rotorotala, o likau en pera en im en kaudok o dei pajan jan poa lei pa. LUK 23:46 Iejuj ap kotin kapitie laudeda majani: Jam (ai), i muei dalan nen i nan lim omui kan. A lao kotin majanier met, ap kotin poular. LUK 23:47 A jaumaj en jaunpei o, ni a kilaner me wiauier, ap kapikapina Kot indada: Melel, aramaj men et me pun. LUK 23:48 O aramaj karoj me pokon penaer pwen ian kilan, lao kilaner me wiauier, ap pikir maramar arail o pure pajan. LUK 23:49 A kompokepa kan karoj o li akan, me idauendo i jan Kalilaa, u kailawei, kilekilan mepukat. LUK 23:50 O kilan ol amen, me mar a Iojep, jaunkapun amen, ol mau o pun amen, LUK 23:51 Me jota apali on irail ni ar kapukapun o wiawia kan, men Arimatia, kanim eu en ludiia, me pil auiaui wein Kot, LUK 23:52 I me poto don Pilatuj poekipoeki kalep en Iejuj. LUK 23:53 I ari kidi jan i o kidimki pena likau linen kajelel o kidi on nan joujou, me weiweida nan paip, waja me jaikenta amen jaredi ia. LUK 23:54 A ran o ran en kaonop o japat korendor. LUK 23:55 A li akan, me ian i kodido jan Kalilaa, pil ian udial joujou o, waja me kalep a nekinekid ia. LUK 23:56 Irail ap purer o kaonopada potik kai o men ujor, re ap kamol ni ran en japat duen kujoned o. LUK 24:1 A NIN tapin wik, nin joran kaualap re pwara don joujou o, wado potik kai me re kaonopadar; LUK 24:2 Irail ari diaradar, me takai o kadapura jan joujou o, LUK 24:3 O irail lao pedelon on lole, ap jota diarada kalep en Kaun Iejuj. LUK 24:4 Kadekadeo irail lao injenjued kidar, kilan, ol riamen, me likau kida likau linan, ap pwara don irail. LUK 24:5 Irail lao majapwekadar o ikiokidi nan pwel, ira ap majani on irail: Da me komail raparapaki me maur amen ren me melar akan? LUK 24:6 A joer kotikot met, a iajadar. Tamanda, me a kotin majani on komail ni a kotikoteta Kalilaa, LUK 24:7 Mamajani: Nain aramaj pan panalan ni pa en me dipan akan, o lopuela, o ni ran kajilu a pan iajada. LUK 24:8 Ir ari tamanda a majan akan. LUK 24:9 O purodo jan nin joujou o, ap kaireki mepukat on ekamen ko o on me tei kan karoj. LUK 24:10 Maria men Makdala, o Ioana, o Maria in en Iokopuj, o me tei ko me ian irail, me kaireki mepukat on wanporon akan. LUK 24:11 A arail kajoi likamata kajoi likam pot re ’rail, ap jota kamelele. LUK 24:12 Petruj ap uda tanalan joujou o, rukedi on lole, ap diarada, me likau linen akan ta wonon waja kij, ap purodo jan o puriamui kida me wiauier. LUK 24:13 A kilan ni ran ota riamen re ’rail momaitelan kijin kanim eu ad a Emaulj; a doo jan lerujalem mail wonu de iju. LUK 24:14 Ira ari kajokajoi penaer duen mepukat karoj. LUK 24:15 Kadekadeo ni ara kajokajoi o idedok pena, pein Iejuj ap kotin pwara don ira o ian ira kotila. LUK 24:16 A maj ara me atiat, pwe re de aja i. LUK 24:17 I ari kotin majani on ira: Da me koma kajokajoi pena ni oma alialu, o da me koma injenjued kila? LUK 24:18 Amen ira, me ad a Kleopaj, ap japen indan i: Koe men wai ta men nan lerujalem, me jaja, me wiauier waja o ni ran pukat? LUK 24:19 A kotin majani on ira: Pwe dakot? Ira ap indan i: Duen Iejuj en Najaret, me jaukop manaman amen ni a wiawia o majan akan mon Kot o aramaj karoj. LUK 24:20 O duen jamero lapalap o atail jaumaj akan ar panala i pwen pakadeikada on matala o kalopuela i. LUK 24:21 A je kiki on, me a pan kotin kamaioda wein Ijrael. Ari ran wet pon jili pon murin mepukat wiauier. LUK 24:22 O pil kij at li akai kamajak kin kit ar pwaralan joujou o jankonai. LUK 24:23 Ni ar jota diar kalep a, rap puredo indada, me re diaradar janjal en tounlan kai, me katitiki, me a iajadar, LUK 24:24 O kij at kai kolan joujou o, ap diaradar, duen li oko kajoka joida, a i me re jota diarada. LUK 24:25 A kotin majani on ira: O koma meid lolepon o pwand nan monion omail, en kamelele meakan, me jaukop akan kopadar. LUK 24:26 Kaidin i, me udan Krijtuj en kalokolok ap kodalan a linan? LUK 24:27 A ap kotin kawewe on ira kijin likau kan duen pein i, tapiada ni Mojej kokodo lel jaukop akan. LUK 24:28 Irail ap koren ion kanim, me irail koko on. I ari kajonejon ira, dene a pan kotin daulul. LUK 24:29 Ira ap nidinidiki i potoan on: Kom kotikoteta re at, pwe a pan waja ponier o ran wet koren ion imwijokela. A ap kotilon on nan im o, pwen mimieta re ra. LUK 24:30 Kadekadeo ni a kotin ian ira ni tepel o, a kotin limada prot, laolaoki, a lao pilitiki pena, a kotiki on ira. LUK 24:31 Maj ara ap pad pajaner, ira ap aja i. A ap kotin joredi jan mo ’ra. LUK 24:32 Ira ap inda nan pun ara: Monion ata jota mokimokid ni a kotin mamajani on kita pon al o, ni a kotin kawewe on kita kijin likau kan? LUK 24:33 Ira ari uda ni auer ota o purelan lerujalem, o diarada ekamen ko, o me ian ir, kot pena waja takij, LUK 24:34 Katitiki: Nan melel Kauno kotin iajadar o pwara don Jimon, LUK 24:35 Ira ap kajokajoi, me wiauier nani al o, o duen ara ajaki i a pilitiki pajan prot. LUK 24:36 A ni ar majan pena mepukat, pein Iejuj ap kotin pwara don nan pun arail majani on ir: Komail popol! LUK 24:37 Irail ari majapwekadar o wapondar, o re kiki on, me ani men, me re udial. LUK 24:38 A kotin majani on irail: Da me komail majak ki? O menda lamelam pukat mi nan monion omail? LUK 24:39 Komail kilan pa i kat o nai kat, pwe pein nai ta. Doke ia o kilan, pwe ani jota kin uduk o ti, duen omail kilan ia. LUK 24:40 A lao majani mepukat, ap kajale on irail lim a o aluwilu a kan. LUK 24:41 A ni ar jota non kamelele pweki ar peren o puriamuiki, ap kotin majani on irail: Jota kan omail met? LUK 24:42 Rap ki on i kijan mam inin o onik. LUK 24:43 I ari konot mo ’rail. LUK 24:44 A kotin majani on irail: I majan akan, me I ki on komail er, ni ai mimieta re omail, pwe karoj en pwaida, me intinidier duen nai nan kapun en Mojej, o jaukop akan, o pjalm akan. LUK 24:45 I ap kotin kalolikoni irail, pwe ren dedeki kijin likau kai. LUK 24:46 O kotin majani on irail Iduen a intinidier, o iduen udan kalokolok en Krijtuj, ap maureda jan ren me melar akan ni ran kajilu, LUK 24:47 O padapadaki on wei karoj ni mar a, ren kalula, pwe dip akan en lapwada, a pan tapida nan Ierujalem. LUK 24:48 A komail me jaunkadede en mepukat. LUK 24:49 A kilan, I pan kadara don komail, me Jam ai inaukidar. A komail pan mimieta nan kanim o, komail lao audaudekier manaman jan poa. LUK 24:50 A kotin kalua ir alan Petanien, kotikida lim a, kapai irail ada. LUK 24:51 Kadekadeo ni a kotin kapal ir ada, a kotiwei jan irail, kotidala nanlan. LUK 24:52 Irail ari kaudok on i, ap pure don Ierujalem perenda kaualap; LUK 24:53 O re potopot nan im en kaudok kapina o kaudok on Kot. JOH 1:1 MAJAN kotier ni tapi o, a majan kotier ren Kot, a majan me udan Kot. JOH 1:2 I me kotikot ren Kot ni tapi o. JOH 1:3 I me dipijou karoj tapi kidar, o jota man meakot mia, me kaidin i kotin wiadar JOH 1:4 Maur mi re a; o iei maur o marain en aramaj. JOH 1:5 A marain o me dakarada rotorot, a rotorot jota linan kila. JOH 1:6 Aramaj amen me pakadarador jan ren Kot ad a loanej! JOH 1:7 I me pwara don kadede, pwen kadede marain o pwe karoj en pojon pweki i. JOH 1:8 Kaidin i me marain o, a a kin kadede marain o. JOH 1:9 Iei marain melel, me pwara don jappa, ap kamaraini aramaj karoj. JOH 1:10 I me kotier jappa, o i me jappa tapi kidar, a jappa jaja i. JOH 1:11 A koti don udan japwilim a, a japwilim a kan me jan i. JOH 1:12 Karoj, me kajamo i, a kotiki on ir manaman, en wiala jeri en Kot, ir, me pojon mar a, JOH 1:13 Me kaidin ipwidi jan nta, de inon en uduk, de inon en ol o, pwe ipwidier jan ren Kot. JOH 1:14 Majan me wia uduk ala okotikot re atail, o kitail kilaner a linan, linan dueta linan en leroj eu jan ren Jam o, me dir en mak melel. JOH 1:15 loanej me kadede i nil laudeda indada: lei i, me i padaki wei: Me pan kotido mur i, iei me mier mo i, pwe a kotikotier mo i. JOH 1:16 Pwe kitail karoj ale jan nan audepa a mak japan potopot. JOH 1:17 Pwe kapun me kokido jan Mojej, a mak o melel jan Iejuj Krijtuj. JOH 1:18 Jota me kilaner Kot kokodo, o ieroj ta, me kin kotikot pan kupur en Jam o, i me kotin kajaledar i. JOH 1:19 A met en Ioanej a kadede, ni men Juj kadarala jan Ierujalem jamero o lepit oko, pwen idok re a: Ij koe JOH 1:20 I ari kotin kadede; a jota likam; a kotin kadede: Kaidin Krijtuj nai. JOH 1:21 Irail idok re a: A ij? Eliaj komui? A majani: Kaidin nai i. Komui jaukop o? A japen: Kaidin. JOH 1:22 Irail ap indan i: A ij komui? Pwe jen japen irail me kadar kit dor. Da me komui kadedeki pein komui? JOH 1:23 A majani: Nai nil eu, me likelikwir jili nan jap tan: Kaineneda al en Kaun o, duen jaukop Iejaia majanier! JOH 1:24 A irail pakadaradoer jan ren Parijar akan. JOH 1:25 Irail ap idok re a indada: Da me komui wia paptaijiki, ma komui kaidin Krijtuj, o kaidin Eliaj, o pil kaidin jaukop o? JOH 1:26 Ioanej japen irail majani: Nai me paptaijiki pil, a amen kin kotikot nan pun omail, me komail jaja. JOH 1:27 lei i me kotido mur i, me nai jowar on, en lapwada jal en japwilim a jut. JOH 1:28 Mepukat wiauier Petapara palilan Iordan, waja Ioanej kin wia paptaij ia. JOH 1:29 Mandan ran o a majani Iejuj a koti don i ap majani: Kilan Jippul en Kot, me kin wawei dip en jappa! JOH 1:30 lei i, me i padaki wei: ol amen pan kotido mur i iei, me mier mo i, pwe a kotikotier mo i. JOH 1:31 A nai jo aja i, a pwe i en janjal don Ijrael, iei me i kokido paptaijiki pil. JOH 1:32 A Ioanej kadede majani: I kilaner Nen o kotidido jan nanlan ni mom en muroi kotikot re a. JOH 1:33 A nai jo aja i, a me porone ia don wia paptaijiki pil, iei me kotin majani on ia: Me koe pan kilan. Nen piridi jok poa, o kotikoteta re a, iei i, me kin wia paptaijiki Nen jaraui. JOH 1:34 A i kilanadar ap kadedeki, me iei Japwilim en Kot. JOH 1:35 Mandan ran o Ioanej pil kotida waja o, o na tounpadak riamen ian i. JOH 1:36 A ni a udial Iejuj kotikot kokodo, ap majani: Kilan Jippul en Kot! JOH 1:37 A tounpadak riamen ronadar a majan, ap idauen wei Iejuj. JOH 1:38 Iejuj ap kotin jaupeido majani ara idedauen, ap kotin majani on ira: Da me koma rapaki? Ira potoan on: Rapi (iet wewe: Jaunpadak), ia waja re kin kotikot ia? JOH 1:39 A kotin majani on ira: Kodo kilan! Ira ap poto don kilaner waja, me a kotikot ia, ap mimieta re a ni ran o. Mepukat wiauier impan auer kaeijok. JOH 1:40 Andreaj, ri en Jimon Petruj amen re ra, me ronadar jan ren Ioanej ap idedauen i. JOH 1:41 I me diaradar maj udan ri a Jimon, indai on i: Je diaradar Mejiaj (iet wewe: Krijtuj). JOH 1:42 I ap kalualan i ren Iejuj. A Iejuj lao majani i, ap majani: Jimon, koe nain Iona, koe nok adaneki Kepaj (iet wewe: Paip). JOH 1:43 Mandan ran o a pan kotilan Kalilaa, Iejuj ap kotin diaradar Pilipuj, majani on i: Idauen ia do! JOH 1:44 Pilipuj men Petjaida, kanim en Andreaj o Petruj. JOH 1:45 Pilipuj diaradar Natanael, ap indan i: Je diaradar i, duen me Mojej intiniedier nan puk en kapun o jaukop akan: Iejuj men Najaret, japwilim en Iojep. JOH 1:46 A Natanael indai on i: Pala maukot pan kak pwarada jan Najaret? Pilipuj indan i: Kodo kilan! JOH 1:47 Iejuj kotin majani Natanael koko don i, ap majani duen i: Kilan, ol melel en Ijrael amen, me jota kin widin. JOH 1:48 Natanael potoan on i: Re kotin mani ia jan ia? Iejuj kotin japen majani on i: Mon Pilipuj a eker uk edo, ni om mod pan tuka pik o, I kilan uk ada. JOH 1:49 Natanael japen potoan on i: Rapi, ir me Japwilim en Kot, ir me Nanmarki en Ijrael. JOH 1:50 Iejuj kotin japen majani on i: Pweki I indai on uk, me I kilan uk ada pan tuka pik o, iei me koe pojonki, a koe nok kilan me lapa jan mepukat. JOH 1:51 A kotin majani on i: Melel, melel I indai on komail, jan met komail pan kilan nanlan a ritida o tounlan en Kot akan dauda o daudi pwarado ren Nain aramaj. JOH 2:1 A NI kajilu en ran kamadip en kapapaud wiaui Kana nan Kaliliia; a in en Iejuj kot waja o. JOH 2:2 Iejuj o japwilim a tounpadak kan me pil luke don kamadip o. JOH 2:3 Arail wain lao rojelar, in en Iejuj ap majani on i: Jolar arail wain. JOH 2:4 Iejuj kotin majani on i: Li, menda re om? Ai anjau jai kenta leler. JOH 2:5 In a ap majani on papa kan: Komail wiada meakaroj, me a pan kotin majani on komail. JOH 2:6 Ari, potel takai wonu mi waja o, en Juj akan ar men dopedop lole. Eu me laude on metreten riau de jilu. JOH 2:7 Iejuj kotin majani on irail: Komail idip on pil en potel akan! Irail ari kodiada lel au ar. JOH 2:8 A ap kotin majani on irail: Deukada, wala ren me kaun en konot i Irail ap wala. JOH 2:9 Kaun en konot lao jon kij pil, me wia wain la, o jo aja, a idipi jan ia, a papa kan, me idip pil da, aja. Kaun en konot ap ekeredo ol kamod o, JOH 2:10 Indan i: Aramaj karoj kin kida maj wain mau, toun kamadip lao medilar, re kin kida, me jota non mau. A komui kin nekinekid wain mau lel met. JOH 2:11 I met tapidan kilel akan, me Iejuj kotin wiadar Kana nan Kaliliia, o kotin kajaleda a linan, o japwilim a tounpadak kan pojonla i. JOH 2:12 A murin met a kotidilan Kapernaum, i o in a, o ri a ol akan, o japwilim a tounpadak kan, ari, jota non ran toto, me re kotikot waja o. JOH 2:13 A paja en Juj akan me korendor, a Iejuj kotidalan Ierujalem. JOH 2:14 A kotin majani nan im en kaudok men netinet en kau, o jip, o muroi, o men wiliandi moni me momod ia. JOH 2:15 Ap kotin wiakida men wokiwok jal akai, ap woki ir jan nan im en kaudok ianaki jip o kau akan, o moni en jaunwiliandi a kotin kajapokela o kotin wuke didi tepel akan. JOH 2:16 Ap kotin majani on men netinet en muroi kan: Wawei jan met met akan, o der wiakidar tanpaj en Jam ai im en net eu! JOH 2:17 A japwilim a tounpadak kau tamanda me intinidier: Limpok on tanpaj omui me kajor ia dier. JOH 2:18 Juj oko ap japen indan i: Kilel da, me kom kadedeki on kit, me komui manaman on, en wiada mepukat? JOH 2:19 Iejuj kotin japen majani on irail: Palana pajan im en kaudok wet, a pon jili pon I pan kauada. JOH 2:20 Juj oko ap indada: Par naulwonu me im en kaudok wet wiaui kidar, a pon jili pon komui pan kaua kida? JOH 2:21 Ari, tanpaj en pali war a, me a kotin majanie kida. JOH 2:22 A lao iajadar jan a matalar, japwilim a tounpadak kan ap tamandar, me a kotin majanier mepukat. Irail ari pojon kijin likau kan o majan, me Iejuj kotin majaniadar. JOH 2:23 Ni a kotikot Ierujalem ni paja, ni kamadip o, me toto pojonla mar a, ni ar kilaner kilel akan, me a kotin wiadar. JOH 2:24 A Iejuj jota kotin liki on ir pein i, pwe a kotin mani irail karoj. JOH 2:25 O a jota mau on, meamen en kadede on i aramaj amen, pwe pein i kotin mani lol en aramaj. JOH 3:1 ARAMAJ amen mia, kijan Parjar akan, me mar a Nikodemuj, me jaumaj amen ren Juj akan, JOH 3:2 Me poto don i ni pon o, katiti on i: Rapi, je aja, me komui jaunpadak amen, me tapido jan ren Kot, pwe jota, me kak wia kilel akan due me komui kotin wiada, ma Kot jo ian. JOH 3:3 Iejuj kotin japen majani on i: Melel, melel I indai on uk, meamen jo ipwi japal, jota pan kak kilan wein Kot. JOH 3:4 Nikodemuj potoan on i: laduen aramaj laud pan kak ipwidi? A pan kak pur on nan kaped en in a, ipwidi jan? JOH 3:5 Iejuj kotin japen: Melel, melel I indai on uk, meamen jo ipwiki pil o nen, a jota kak pedelon on nan wein Kot! JOH 3:6 Me ipwiki uduk, iei uduk, a me ipwiki Nen, iei nen. JOH 3:7 Koe der puriamuiki, me I katitiki on uk: Komail en ipwi japal. JOH 3:8 An kin pein ipip jili, o koe kin ron nil a, a koe jaja, waja a tapi jan ia o waja a ko on ia; iduen amen amen, me ipwiki Nen. JOH 3:9 Nikodemuj japen indai on i: Iaduen mepukat kak wiaui? JOH 3:10 Iejuj kotin japen majani on i: Jaunpadak en Ijrael amen koe, a koe jaja duen mepukat? JOH 3:11 Melel, melel I indai on uk, me je ajadar, iei me je kin indada, o me je kilaner, iei me je katitiki, a komail jota kin kamelele at kadede. JOH 3:12 Ma I katitiki on komail men pa, a komail ap jota kamelele, a iaduen, komail pan kamelele, ma I katitiki on komail men nanlan? JOH 3:13 Jota meamen, me kodala nanlan, i eta, me kodido jan nanlan, Nain aramaj, me kin mimieta nanlan. JOH 3:14 Duen Mojej me kauadar jerpent amen nan jap tan, iduen Nain aramaj pan kakauda. JOH 3:15 Pwe meamen pojonla i, jota pan lokidokila, a en aneki maur joutuk. JOH 3:16 Pwe iet duen Kot kotin kupura jappa, me a kotikidoki japwilim a Ieroj, pwe karoj, me pojonla i, ender jalonala, a en aneki maur joutuk. JOH 3:17 Pwe Kot me kotin porone don jappa japwilim a ol, kaidin en kadeikada jappa, a pwe jappa en kamauri kila i. JOH 3:18 Me pojon i, jota pan pakadeikada, a me jo pojon i, iei pakadeikadar, pweki a jota pojon mar en japwilim en Kot ieroj. JOH 3:19 A iet kadeik o, marain pwara don jappa, a aramaj pok on rotorot mon marain, pweki ar wiawia kan me jued. JOH 3:20 Pwe amen amen, me wiawia jued, kin kailonki marain, o jota kin pwara don marain, pwe a wiawia kan de janjaleda. JOH 3:21 A me wiawia melel, kin ko don marain, pwe a wiawia kan en janjaleda, me re tapi jan ren Kot. JOH 3:22 Murin mepukat Iejuj o japwilim a tounpadak kan kotilan jap en Iudaa ap kotikot ia wia paptaij. JOH 3:23 A Ioanej pil wia paptaij Enon koren ion Jalim, aki pil toto mi waja o, irail ari koieila paptaij ela. JOH 3:24 Pwe Ioanej jaikenta lokidokilar nan imaten. JOH 3:25 En Ioanej a tounpadak kan o ol en Juj amen ap akamaiki pena duen kamakelekel. JOH 3:26 Irail ari ko don ren Ioanej indan i: Rapi, me kot re omui palilan Iordan, me komui kin kadede, majani, a kin wia paptaij o karoj kin pwarala re a. JOH 3:27 Ioanej japen majani: Aramaj amen jota kak aneki meakot, ma a jo aneki jan nanlan. JOH 3:28 Komail pein kadede kin ia, me i indada: Kaidin Krijtuj nai, pwe nai me pakatarador mo a. JOH 3:29 Me li amen kijin nin on, iei oI kamod. A kompoke pan ol kamod kin u roneron perenki nil en ol kamod; ari, iei ai peren unjokala. JOH 3:30 I en kakairida, a nai en kakairidi. JOH 3:31 Me kotido jan poa, i me poedi karoj, a me kijan jappa, iei men jappa, o a kin kajokajoia duen jappa. A me kotido jan nanlan, me poedi karoj, JOH 3:32 O me a kilanada o ronada, iei me a kin kadedeki, a jota me kamelele a kadede. JOH 3:33 A me kamelele a kadede, kin kadede, me Kot me melel. JOH 3:34 Pwe i, me Kot kotin poronedor, kin kida en Kot a majan, pwe Kot jota kotikida Nen ki men jon. JOH 3:35 Jam me kotin kupura japwilim a ol o kotiki oner ni lim a meakaroj. JOH 3:36 Me pojon japwilim a ol, aneki maur joutuk. A me jota pojon japwilim a ol, jota pan kilan maur, a onion en Kot pan mimieta re a. JOH 4:1 KAUN lao kotin mani, me Parijar akan ronadar, me Iejuj kin wiada tounpadak kan o paptaij toto jan Ioanej, JOH 4:2 Ari, pwe jota me pein Iejuj kotin paptaij, japwilim a tounpadak kan ta, JOH 4:3 Ap kotila jan Iudaa, kotin purelan Kalilaa. JOH 4:4 A a kotin weid nan wein Jamaria. JOH 4:5 I ap kotilan kanim en Jamaria eu, me adaneki Jikar, koren ion jap, me Iakop ki on na ol Iojep. JOH 4:6 lei waja en Iakop a parer eu mia. Iejuj ari nirekila a japajapal, ap kaipokedi pon parer o, ari mepukat wiauier impan auer kawonu. JOH 4:7 A li en Jamaria amen ap kodon idip pil ia. Iejuj kotin majani on i: Kido lim ai kij pil en! JOH 4:8 Pwe japwilim a tounpadak kan ko on nan kanim, pan netiada jak arail. JOH 4:9 Li en Jamaria ap indan i: Iaduen, komui kijan men Juj, ap poeki pil re i? Pwe nai li en Jamaria amen, pwe Juj akan jota kin waroki on men Jamaria. JOH 4:10 Iejuj kotin japen majani on i: Ma koe aja duen kijakij jan ren Kot o ij i, me indan uk: Kido lim ai kij pil en, koe pan poeki re a, a ap pan ki on uk pil memaur. JOH 4:11 Li o indan i: Main, jota japwilim omui men idip pil, a parer me lol, a ia waja, kom pan idip jan ia pil memaur? JOH 4:12 De komui lapa jan jam at Iakop, me kotiki on kit er parer en, o pein nima jan, o na kan, o na man akan? JOH 4:13 Iejuj kotin japen majani on i: Karoj, me nima jan pil wet, pan pur on men nim pilada. JOH 4:14 A meamen, me nima jan pil, me I ki on i, pan jolar men nim pilada kokolata, pwe pil, me I kin ki on, pan pot loli kujukujudan maur joutuk. JOH 4:15 Li o ap indai on i: Main, kom kotiki on ia kijan pil o, pwe I en jolar men nim pil, o jolar kodo o idipa jan met! JOH 4:16 Iejuj kotin majani on i: Kowei ukedo om paud! JOH 4:17 Li o japen indada: Jota ai paud. Iejuj kotin majani on i: Melel om lokaia: Jota ai paud. JOH 4:18 Pwe om paud me limen maj kokodo, a kaidik om paud, me koe paudeki met; iei melel, me koe indada. JOH 4:19 Li o indan i: Main, i ap ajaer, me jaukop amen komui. JOH 4:20 Jam at akan kaukaudok pon nana wet, a komail kin inda dene Ierujalem eta waja me aramaj en kaudok ia. JOH 4:21 Iejuj kotin majani on i: Li, kamelele ia, a korendor anjaun omail pan jolar kaukaudok on Jam pon nana wet, pil jota Ierujalem. JOH 4:22 Komail kin jaja, me komail kin kaukaudok on. A kit aja, me je kaukaudok on, pwe kamaur pwarado jan ren men Juj akan. JOH 4:23 A anjau korendor, ari a leler, me toun kaudok melel akan pan kaudok on Jam ni Nen o melel, pwe iei ta jon en toun kaudok kan, me Jam pil kotin kupura. JOH 4:24 Nen eu Kot, a me kaudok on i, ren kaudokki Nen o melel. JOH 4:25 Li indai on i: I aja, me Mejiaj pan kotido, me maraneki Krijtuj. I lao kotido, a pan katiti on kit meakaroj. JOH 4:26 Iejuj kotin majani on i: Nai i, me lokelokaia on uk. JOH 4:27 A japwilim a tounpadak kan ap purodo, puriamui a majan on li amen. Ari jo, jota me indada: Da me re kotin kainoma, de da me re kotin mamajani on i? JOH 4:28 Li o ap pwilikidi potel en pil o, ap koieilan kanim o kajoi on aramaj akan: JOH 4:29 Kodo, kilan aramaj amen, me kajale on ia karoj, me i wiadar, ma i kaidin Krijtuj? JOH 4:30 Rap koieila jan nan kanim o potodo re a. JOH 4:31 Ni anjau ota japwilim a tounpadak kan poeki re a, potoan on: Rapi, re kotin konot! JOH 4:32 A kotin majani on irail: Kan ai kijin mana mia, me komail jaja. JOH 4:33 Tounpadak kan ap kajokajoi nan pun arail: Muein amen wa don i jak. JOH 4:34 Iejuj kotin majani on irail: Wiawia kupur en me kadar ia do, o kapwaiada japwilim a dodok, iei kan ai, JOH 4:35 Komail jota kin indada: Jaunipon paieu mi mon rak? Kilan, I indai on komail, jarada, kilan matuel o pwe a malar. JOH 4:36 Me dolun kin pwaipwai o nanak on maur joutuk, pwe ira karoj, me kamorok o me dolun en peren pena. JOH 4:37 Pwe ni mepukat kajoi o pwaidar: Amen me kin kamo kamorok, a amen me kin dolun. JOH 4:38 I kadar komail wei, en dolun pena, me komail jo doke, Akai me dodoker, a komail me id aneki arail rak. JOH 4:39 Men Jamaria toto kijan kanim o pojonla i pweki kajoi en li o, me kadede: A kotin kajale on ia karoj, me i wiadar. JOH 4:40 Men Jamaria kan lao pokon don i, rap poeki re a, en kotikot re ’rail. I ari kotikot ia pon ria pon. JOH 4:41 A me toto me pojonlar pweki a majan, JOH 4:42 Ap indan li o: Je pojon kila kaidin om kajoi, pwe je pein ronadar o weweki, me i melel Jaunkamaur pan jappa. JOH 4:43 Murin ran riau Iejuj kotila ian waia o, kotilan Kalilaa. JOH 4:44 Pwe pein Iejuj kotin kadedeki, me jaukop amen jota kin mau nan udan japwe. JOH 4:45 A lao kotilan Kalilaa, men Kalilaa me kajamo i, pwe re ian kilaner me a kotin wiadar Ierujalem ni kamadip o, pwe re toun ian kamadip. JOH 4:46 Iejuj ari kotin pure don Kana nan Kalilaa, waja a kotin kapikila pil wain. A monjap amen mia, me na ol jomau nan Kapernaum. JOH 4:47 A lao ronadar, me Iejuj koti don Kalilaa jan Iudaa, ap poto don re a, poeki i en kotidi, kakelada na ol, pwe a koren ion mela. JOH 4:48 Iejuj ap kotin majani on i: Ma komail jo kilan kilel o manaman akan komail jota pan pojon. JOH 4:49 Monjap potoan on i: Main kotidi mon nai jeri mela! JOH 4:50 Iejuj kotin majani on i: U kowei, noum ol memaur. Ari aramaj o pojon majan o, me Iejuj kotin majani on i ap koieila. JOH 4:51 A ni a kodila, a ladu kan me tu on i, kajoi on i, me na putak mauredar. JOH 4:52 I ap kalelapok re ’rail: Anjau da me a pikikidi maur? Irail indan i: Aio ni auer kaiju karakar ko janer. JOH 4:53 Jam o ap ajadar, me i anjau, me Iejuj kotin majani on i: Noum ol memaur. I ari o na kan me pojonla i. JOH 4:54 let kilel kariau, me Iejuj kotin wiadar ni a koti don Kaliliia jan Iudaa. JOH 5:1 MURIN mepukat ran lapalap eu en Juj oko pwaida; Iejuj ap kotilan Ierujalem. JOH 5:2 Len pil eu mi Ierujalem impan im en jip, me ad a Petejda ni lokaia en Ipru; im limau mi impa, JOH 5:3 Me jomau toto mi lole: Me majkun, o me danidan, o me motor mia, auiaui lao pil o pan mokimokid. JOH 5:4 Pwe akai anjau tounlan amen kin koti don le o kamokideda pil o, a meamen me madan tion maj nan pil o ni a mokimokid, iei me kin maureda jan a jomau kan karoj, me mi re a. JOH 5:5 A aramaj amen mia, me jomauki par jileijokwalu. JOH 5:6 Iejuj lao kotin majani men et a wonon, ap kotin mani, me u wonon anjau warai, ap kotin majani on i: Koe jo men kelailada? JOH 5:7 Ol jomau potoan on i: Main, jota nai aramaj, me pan wa ia di won ni pil o anjaun a mokideda. Pwe ni ai kokodi, amen kin madan mo i. JOH 5:8 Iejuj ap kotin majani on i: Uda, ale ki om, kokowei! JOH 5:9 Aramaj o ap madan kelailadar, kida ki e, alu wei, a ran o ran en japat. JOH 5:10 Juj oko ap indai on me kelailadar: Ran wet ran en japat. A jota pun koe en wewa jili ki om. JOH 5:11 A japen irail: Me kakela ia da, majani on ia: Ale ki om koko wei! JOH 5:12 Irail ap kalelapok re a: Ij aramaj o me indai on uk: Ale ki om kokowei? JOH 5:13 A me kelailadar jaja i, pwe Iejuj kotila janer, pwe pokon mi waja o. JOH 5:14 Kadekadeo Iejuj kotin diaradar i nan im en kaudok o ap kotin majani on i: Kilan, koe kelailadar, koe der pil wia dip, pwe me jued kot jan maj de ko don uk! JOH 5:15 Aramaj o ap koieila, kaireki Juj oko, me Iejuj kakeladar i. JOH 5:16 I me Juj oko ap raparapaki Iejuj, o majamajan, pwen kamela i, pweki a kotin wiadar meakan ni ran en japat. JOH 5:17 Iejuj kotin japen irail: Jam ai kin dodok kokodo, a nai pil ian dodok. JOH 5:18 I me Juj oko ap majamajan melel, en kamatala i, pweki a kotin kawela ran en japat o pil majani, me dene Kot Jam a, o a kaparoki on pein i Kot. JOH 5:19 Iejuj ap kotin japen majani on irail: Melel melel I indai on komail, a jota kak, Na en pein wia meakot, pwe i eta, me a kilan ren Jam, me a wiada. Pwe me a kin wiada, iei me Na pil kin wiada. JOH 5:20 Pwe jam pok on Na o kajan jale on i karoj, me pein i kin wiada. O a pan kajale on i wiawia kan, me lapa jan met akan, pwe komail en puriamui kila. JOH 5:21 Pwe duen Jam kin kapikapirida me melar akan, kamaur ir ada, iduen Na pil kamaureda me a mauki. JOH 5:22 Pwe jota me Jam kin kadeikada, pwe a kotiki on Na kadeik o. JOH 5:23 Pwe karoj en wauneki Na, dueta ar wauneki Jam. Me jota wauneki Na, jota kin wauneki Jam, me kadar i dor. JOH 5:24 Melel, melel I indai on komail, meamen ron ai padak o pojon, me kadar ia do, a aneki maur joutuk. A a jota pan panalan kadeik o, pwe a japale jan mela japal on maur. JOH 5:25 Melel, melel I indai on komail, anjau kokodo, iei a leler, me melar akan pan ronada nil en Nain Kot, a me ronadar pan maureda. JOH 5:26 Pwe duen Jam a udan maur, iduen a ki on Na, en pil udan maur. JOH 5:27 O a kotiki on i manaman, en kaunda kadeik o, pweki Nain aramaj i. JOH 5:28 Der puriamuiki met, pwe anjau kokodo me irail, me mi nan joujou kan, pan ron nil a. JOH 5:29 Irail ap pan pwarada: Me wiadar me mau, en maureda, pwen memaur, a me wiadar mejued, en maureda, pwen panalan kadeik O. JOH 5:30 Jota me I kak wiada jan pein nai, duen me I kin ron, iduen I kin kadeikada, o ai kadeik me pun, pwe I jota kin rapaki injen ai, pwe kupur en i, me kadar ia do. JOH 5:31 Ma I kadede pein nai, ai kadede jota melel. JOH 5:32 Amen me kadede ia, a I aja melel, me a kadede ia me melel. JOH 5:33 Komail me ilakilan Ioanej, I ari me kadede melel. JOH 5:34 A I jota kin ale kadede ren aramaj, a iet me I indawei, pwe komail en dorola. JOH 5:35 I me jer umpul o marain eu, a komail men perenki a marain anjau kij. JOH 5:36 A ai kadede me lapa jan en Ioanej. Pwe dodok kan, me Jam o kotiki on ia, I en kapwaiada, iei dodok kan, me I kin wiawia, me kadede ia, me Jam kadar ia dor. JOH 5:37 A Jam, me kadar ia dor, pein i kadede ia. Komail jota ronadar nil a, o jota kilan mom a. JOH 5:38 O a majan jota kin kot re omail, pwe komail jota pojon, me a kadarador. JOH 5:39 Komail kin kalelapok nan kij in likau kan, pwe komail lamelame, me maur joutuk mi lole. Ari, iei irail, me kin kadede ia. JOH 5:40 A komail kan ko don ia, pwe komail en aneki maur. JOH 5:41 I jota kin mauki ale wau ren aramaj akan. JOH 5:42 I aja komail, limpok en Kot jota kin mi re omail. JOH 5:43 I kodo ni mar en Jam ai, a komail jota kin kajamo ia. A ma amen pan kokido pein ad a, komail pan kajamo i. JOH 5:44 Pala komail kak pojon ni omail nononki wau ren aramaj, ap jota rapaki wau jan ren Kot. JOH 5:45 Der kiki on, me I pan mpakin komail ren Jam, amen me kin mpakin komail: Mojej, me komail kin kaporoporeki. JOH 5:46 Pwe ma komail pojonla Mojej, komail pan pojon ia, pwe i me intiniedier duen nai. JOH 5:47 A ma komail jo kamelele a intin kan, pala komail pan kamelele ai padak kan? JOH 6:1 MURIN mepukat Iejuj kotin kotela le en Tiperiaj nan Kalilaa. JOH 6:2 A pokon kalaimun me idedauen i pweki ar kilaner kilel akan, me a kotin wiai on me jomau kan. JOH 6:3 Jejuj ap kotidala pon dol o, kaipokedi waja o ren japwilim a tounpadak kan. JOH 6:4 A paja o, ran lapalap en Juj oko me korendor. JOH 6:5 Iejuj lao kotin majanda majani pokon kalaimun koko don i, ap kotin majani on Pilipuj: Ia waja, jen neti jan ia kijin mana, pwe mepukat en mana? JOH 6:6 A kotin majani mepukat, pwen kajonejon i. Pwe pein i mani, me a pan wiada. JOH 6:7 Pilipuj potoan on i: Prot me denar riepuki jota pan itar on irail, pwe amen amen en tunole ekij. JOH 6:8 Andreaj, japwilim a tounpadak amen, ri en Jimon Petruj potoan on i: JOH 6:9 Kijin putak amen mia, me a lopon en prot limau o mam riamen, a jota katepa ren me toto. JOH 6:10 Iejuj kotin majani: Kamod on irail edi! Ari, waja o me reen. Impan ol limekid ap mondi. JOH 6:11 Iejuj ap kotikida lopon ko, a lao laolaoki, ap kotin nek on irail me mondier, pil dueta mam oko, irail lao metilar. JOH 6:12 Irail lao metier, a kotin majani on japwilim a tounpadak kan: Ki pena me lua, pwe ekij der lokidokila! JOH 6:13 Irail ap ki pena kopou eijokriau kijan lopon ko, me luadi murin arail mana. JOH 6:14 Aramaj akan lao kilaner kilel o, me Iejuj kotin wiadar, re ap indada: Melel i Jaukop o, me pan pwara don jappa. JOH 6:15 Iejuj lao kotin mani, me re pan poto don i, pwen kajapwila dan i Nanmarki, ap pil koti dalan nin dol o, kotin kelepala. JOH 6:16 A lao jautik pena, japwilim a tounpadak kan ap kotilan ni oror, JOH 6:17 Kereda pon jop pot, kotela kokolan Kapernaum. A lao waja ponier, Iejuj jaikenta ian irail. JOH 6:18 A jed me iluken, pwe an me ma. JOH 6:19 Irail jeijei kila mail eijok limau de rieijok, rap kilanada Iejuj a kotikotido pon jed koren ion jop, irail ap majapwekadar. JOH 6:20 A kotin majani on irail: Nai i komail der majak! JOH 6:21 lrail ap men kajamo i pon jop o, a jop o madan milar ni jap o, me re ko on ia. JOH 6:22 A mandan ran o pokon o, me mi palilan le, lao kilaner, me jota apot jop mi waja o, pwe i eta, me japwilim a tounpadak kan keredan poa, o me Iejuj jota ian japwilim a tounpadak kan kotidan pon jop o, pwe a tounpadak kan kola kelep. JOH 6:23 A pil akai kijin jop me pwarado jan Tiperiaj, tana don waja o, me re manamana ia, murin Kaun o kotin laolao. JOH 6:24 Aramaj akan lao kilaner, me Iejuj jolar kotikot ia, o japwilim a tounpadak kan pil jo, rap dake jop pot kolan Kapernaum, raparapaki Iejuj. JOH 6:25 Irail lao diaradar i palilan le, ap potoan on: Rapi iad me re kotido? JOH 6:26 Jejuj kotin japen irail majani: Melel, melel I indai on komail, komail kin rapakin ia kaidin pweki kilel akan, me komail kilan, a pweki komail kanala kijin prot ap metier. JOH 6:27 Komail der dokki mana, me kin ola, a dokki mana me kin mimieta on maur joutuk, me Nain aramaj pan ki on komail, pwe i me Kot Jam kileledier. JOH 6:28 Irail ap potoan on i: Da me jen wiada, pwen kapwaiada en Kot a dodok kan? JOH 6:29 Iejuj kotin japen majani on irail: let en Kot a dodok: Komail en pojon i, me a kadarado. JOH 6:30 Irail ari potoan on i: Kilel da, me re kotikida, pwe jen kilan o pojon ir? Da me re kotin wiada? JOH 6:31 Jam at akan me kanala mana nan jap tan o, duen a intinidier: A kotiki on irail prot jan nanlan, en kanala. JOH 6:32 lejuj ap kotin majani on irail: Melel, melel I indai on komail, kaidin Mojej, me ki on komail prot jan nanlan, a Jam ai kin ki on komail prot melel jan nanlan. JOH 6:33 Pwe me kodido jan nanlan, o ki on jappa maur, iei prot en Kot. JOH 6:34 Irail ap indan i: Main, kotiki don kit prot wet kaukaule! JOH 6:35 Iejuj kotin majani on irai: Prot en kamaur nai, me ko don ia jolar pan men manadar, o me pojon ia, jolar men nim niladar. JOH 6:36 A I indai on komail er, komail kiian ia er, ap jo pojon la. JOH 6:37 Karoj me Jam ki on ia, pan ko don ia, a me ko don ia, I jota pan kajela. JOH 6:38 Pwe nai kodido jan nanlan, kaidin pwen wiada injen ai, pwe kupur en i, me kadar ia do. JOH 6:39 Pwe iet kupur en me kadar ia do, karoj me a ki on ia er, I ender kajela amen, pwe I en kamaureda ni ran nik o. JOH 6:40 A iet kupur en Jam ai, amen amen, me kin kilan Na o pojon i, en aneki maur joutuk, a I pan kamaureda i ni ran nik o. JOH 6:41 Juj oko ap lipanedeki i, pweki a kotin majani: Nai prot, me kodi jan nanlan. JOH 6:42 Irail indada: Kaidin i Iejuj nain Iojep? A jam a o in a je aja. Ari, daduen a indada: I kodido jan nanlan? JOH 6:43 Iejuj kotin japen majani on irail: Komail der lipaned nan pun omail! JOH 6:44 Jota me pan kak ko don ia, ma Jam, me kadar ia dor, jota kainonido i. A I pan kamaureda I ni ran nik o. JOH 6:45 A intinidier nan jaukop akan: Irail karoj pan ale padak jan ren Kot. Amen amen me ronadar o padakki ren Jam, kin ko don ia. JOH 6:46 Ari, kaidin pweki meamen kilan Jam; i eta, me kodo jan ren Kot, i me kilaner Jam. JOH 6:47 Melel, melel I indai on komail, me pojon ia, iei me aneki maur joutuk. JOH 6:48 Prot en maur nai. JOH 6:49 Jam omail oko, me kanala mana nan jap tan o, ir ari melar. JOH 6:50 Met prot, me kodido jan nanlan, meamen kin kan jan i, jota pan mela. JOH 6:51 Nai prot maur, me kodido jan nanlan, meamen kan jan prot wet, pan memaur kokolata. Prot, me I pan kida, iei uduk ai, me i pan kida en kamaur kida jappa. JOH 6:52 Juj oko ari akamaiki pena indada: Iaduen men et pan kak ki on kit uduk a jen kan? JOH 6:53 Iejuj ap kotin majani on irail: Melel, melel I indai on komail, ma komail jota pan kan uduk en Nain aramaj o nim nta, jota maur omail. JOH 6:54 Me kin kan uduk ai o nim nt’ ai, iei me aneki maur joutuk, a I pan kamaureda i ni ran nik o. JOH 6:55 Pwe mana melel uduk ai, o pil melel nt’ ai. JOH 6:56 Me kin kan uduk ai o nim nt’ ai, iei me podidi on ia o nai podidi on i. JOH 6:57 Duen Jam ieiaj kadar ia do, o nai memaureki Jam, iduen me kan uduk o nt’ ai, pan meaureki nai. JOH 6:58 let prot, me kodido jan nanlan, kaidin duen jam omail akan, me kanala mana ap mela, a meamen kin kan prot wet, pan memaur kokolata. JOH 6:59 Mepukat a kotin majani wei nan jinakoke, ni a kotin kawewe nan Kapernaum. JOH 6:60 Ari, me toto ren japwilim a tounpadak kan, me ronadar mepukat indada: Padak pot et meid apwal! Ij me kak ron? JOH 6:61 Iejuj lao kotin ani nan kupur a, me japwilim a tounpadak kan lipanedeki mepukat, ap kotin majani on irail: Komail makaraki mepukat? JOH 6:62 A ma komail pan kilan Nain aramaj kodala waja, me a kaujon ia maj o? JOH 6:63 Nen me kin kamaureda, a uduk jota katepa. Padak kan, me I kin padapadaki on komail, iei Nen o maur. JOH 6:64 A akai mi re omail, me jo pojon. Pwe Iejuj kotin mani, me jo pojon o me pan panala i. JOH 6:65 A kotin majani: I me I indaki on komail, jota me kak ko don ia, ma Jam jota kainonido. JOH 6:66 Jan ni anjau o japwilim a tounpadak kan toto mueiwei jan o jolar idauen i. JOH 6:67 Iejuj ap kotin kainoma ren ekriamen oko: Komail pil pan kola? JOH 6:68 A Jimon Petruj ap japen i: Main, ij me je en ko on? pwe ar majan akan iei maur joutuk. JOH 6:69 A kit pojonlar o ajaer, me ir me Jaraui en Kot. JOH 6:70 Iejuj kotin japen irail: Kaidek komail ekriamen, me I piladar, a amen komail me tewil amen. JOH 6:71 A kotin majaniada duen Iudaj Ijkariot nain Jimon, pwe i amen ren ekriamen oko, me pan pawala i. JOH 7:1 MURIN mepukat Iejuj kotin kakan jili Kalilaa, pwe a jolar men kakan jili Iudaa, pweki Juj oko majamajan kamatala i. JOH 7:2 A ran lapalap en Juj oko; iei ran en im en tan tuka korendor. JOH 7:3 Ri a ol akan ap indai on i: Kom kotiwei kotilan Iudaa, pwe omui tounpadak kan en pil udial omui wiawia kan, me kom kin wiawia. JOH 7:4 Pwe jota me kin wiada meakot waja rir, ma a men indand jili. Ma komui wia mepukat, en kajanjale on jappa. JOH 7:5 Pwe ri a ol akan pil jota pojon i. JOH 7:6 Iejuj ap kotin majani ow irail: Ai anjau jaikenta leler, a omail anjau mia anjau karoj. JOH 7:7 Jappa jota kak kailonki komail, a nai me a kin kailonki, aki I kin kadede, me a wiawia kan me jued. JOH 7:8 Komail kodalan kamadip et, I jota pan kodalan kamadip et, pwe ai anjau jaikenta leler. JOH 7:9 A kotin majani on irail mepukat, ap kotikotita Kalilaa. JOH 7:10 A ri a ol akan lao jamalar, i ap pil kotidalan kamadip, ap jo janjal a duen me rir. JOH 7:11 Juj akan ari rapaki i ni kamadip o indada: Ari, ia waja a kotikot ia? JOH 7:12 A aramaj akan lokolokaia toto duen i, pwe akai indada: Me mau men. A akai me indada: Kaidin, pwe a kin kaweid japun aramaj. JOH 7:13 Jota me lokaia janjal duen i, pweki ar majak Juj oko. JOH 7:14 Lao lel ailepan kamadip o, Iejuj ap kotin kodalan im en kaudok o kaukaweweda. JOH 7:15 A Juj akan ap puriamui kila indada: Da duen men et aja wewe en kijin likau, pwe a jota ian padakki. JOH 7:16 Iejuj ap kotin japen irail majani: Kaidin ai padak, me I kin kida a en me kadar ia do. JOH 7:17 Meamen wiawia kupur a, pan weweki ai padak, ma a ren Kot, de jan ren pein nai. JOH 7:18 Me kin padapadak jan ni pein i, kin rapaki pein wau i, a me kin rapaki wau en me kadarala i, iei me melel o jota man jued kot pit. JOH 7:19 Kaidin Mojej, me ki on komail kapun o, a jota amen komail kin kapwaiada kapun o? A da me komail rapakiki kame ia la? JOH 7:20 Aramaj oko japen indada: Koe me tanwar en tewil, ij me rapaki kame uk ala? JOH 7:21 Iejuj kotin japen majani on irail: Dok taieu, me I wiadar, a komail puriamui kila. JOH 7:22 Mojej ki on komail er jirkomjaij, a kaidin tapi jan ren Mojej, pwe jan ren jam akan, a komail kin jirkomjaij aramaj ni ran en japat. JOH 7:23 Ari ma aramaj amen ale jirkomjaij ni ran en japat, pwe kapun en Mojej ender japunala, a komail kin juede kin ia, pweki ai kakelailada aramaj pon ni ran en japat? JOH 7:24 Der kadeikada duen pali liki, a komail kajaui nin tiak en kadeik pun. JOH 7:25 Men Ierujalem kai ap inda: Kaidin i, me re raparapaki en kamela? JOH 7:26 A kilan, a padapadak janjal, a re jota man lokaia on i, de muein jaumaj akan ajaer mau, me i Krijtuj? JOH 7:27 Ari, je ajaer, waja men et ko jan ia, a Krijtuj lao kotido jota me pan aja waja, me a pwarado jan ia. JOH 7:28 Iejuj ap kotin kapitie laudeda kawewe nan im en kaudok majani: Komail aja ia o waja I ko jan ia. Ari, kaidin pein nai, me I kokido, a me kadar ia dor, me melel, me komail jaja. JOH 7:29 A I aja i, pwe I kodo jan re a, o i me kadar ia dor. JOH 7:30 Irail ap jon jaikidi i, a jota me jair i, pwe a anjau kaikenta leler, JOH 7:31 Aramaj toto jan nan pokon o pojonla i indada: Iaduen, Krijtuj lao pwarado, a pan wia kilel toto jan mepukat, me men et wiadar? JOH 7:32 Parijar akan ronadar, me aramaj akan lokelokaia mepukat duen i. Jamero lapalap o Parijar akan ap kadarala papa kan, en jaikidi i. JOH 7:33 Iejuj ap kotin majani: I pan mi re omail anjau motomot. I ap pan kola ren me kadar ia do. JOH 7:34 Komail pan rapakin ia, ap jota diar, a waja, me I pan mi ia, komail jota pan kak on. JOH 7:35 Juj oko ap inda nan pun arail: A pan kola ia, pwe jen jolar diar i? A pan kola ren me jalonalar ren men Krik kan, kaukawewe on men Krik? JOH 7:36 Iaduen majan en, me a indada: Komail pan rapakin ia, ap jota diar, a waja, me I pan mi ia, komail jota pan kak on? JOH 7:37 Ni ran en kamadip a nikilar, ni ran lapalap o, Iejuj kotida, kapitie laudeda majani: Meamen men nim piladar, i en ko don ia nim. JOH 7:38 Me pojon ia, duen kijin likau kan indada, jan nan war a pil memaur pan pwilipwili jan JOH 7:39 Mepukat a kotin majani duen Nen, me irail, me pojon i, en tunole; pwe Nen jaikenta pakadarado, aki Iejuj jaikenta linanlar. JOH 7:40 Ari, akai jan nan pokon o ni ar ronadar majan pukat ap indada: Melel Jaukop o. JOH 7:41 A akai indada: Krijtuj men et! A akai indada: Da, Krijtuj pan pwarado jan Kalilaa? JOH 7:42 Kaidin kijin likau me inda, me Krijtuj pan wan Dawid o kijan men Petleem, kanim o, me Dawid kotikot ia? JOH 7:43 Irail ap liak toror pajan pweki i. JOH 7:44 A akai men jaikidi i, a jota me jair i. JOH 7:45 A papa ko ap pure don ren jamero lapalap o Parijar akan. Irail ari idok re irail: Da me komail jota wakido? JOH 7:46 A papa ko japen: Jota man aramaj amen padapadak duen men et. JOH 7:47 Parijar oko ap japen irail: Komail pil pakodauelar? JOH 7:48 Iaduen jaumaj de Parijar amen pojonla i? JOH 7:49 A aramaj pukat, me jo aja kapun o, re rialar. JOH 7:50 Nikodemuj kij arail ap indan irail: JOH 7:51 Iaduen, atail kapun pil kin kadeikada aramaj amen mon a ron o aja jan pein i duen a wiawia? JOH 7:52 Irail japen indan i: Iaduen, komui pil kijan men Kaliliia? Rapaki o kilan, me jota jaukop amen ko jan Kalilaa. JOH 7:53 Amen amen ap purelan deu a. JOH 8:1 IEJUJ ap kotidala pon dol Oliwe. JOH 8:2 A nin joran a kotin pure don on nan im en kaudok. Aramaj karoj ap pokon don i. I ari kaipokedi kaukawewe on irail. JOH 8:3 A jaunkawewe o Parijar akan wa don i li amen, me diarokadar ni a kamal. Irail kidan i nan pun arail. JOH 8:4 Ap indan i: Jaunpadak, li men et diarokadar ni a kamal. JOH 8:5 A Mojej majani on kitail nan kapun o, jen kate jon en. A komui, da me komui majani? JOH 8:6 A mepukat re indan i, pwen kajonejon i, pwe ren kak impimpaiki i meakot. A Iejuj kotin idiokidi, intiniekidi on nani pwel jondin lim a. JOH 8:7 A ni ar poden kalekalelapok re a, a ap kotin denida majani on irail: Ari, me jota dip a nan pun omail, a pan tapiada kate i. JOH 8:8 A pil kotin idiokidi intiniedi on nan pwel. JOH 8:9 Irail lao ronadar met, rap mulikidar tentelwei, me laud maj lel me tikitik o. A Iejuj kelepela, li eta, me mi re a. JOH 8:10 Iejuj lao kotin denida o jota majani meamen, li eta, ap majani on i: Ia me karaun uk edi kan? Jota me kadeik uk ada? JOH 8:11 A potoan on: Jota Main. Iejuj ap kotin majani on i: I jota pil pan kadeik uk ada. Kowei, koe der pil wiada dip! JOH 8:12 Iejuj ap pil kotin padaki on irail majani: Nai marain en jappa. A me kin idauen ia, jota pan weid ni rotorot, pwe marain en maur pan mi re a. JOH 8:13 Parijar oko ap indai on i: Komui kadede pein komui; ari, omui kadede jota melel. JOH 8:14 Iejuj kotin japen majani on irail: Ma I kadede pein nai, ari melel ai kadede, pwe I aja, waja I kodo jan ia o waja I koko on ia, a komail jaja, waja I ko jan ia o waja I koko on ia. JOH 8:15 Komail kin kadeikada duen pali uduk, a jota meamen, me I kin kadeikada. JOH 8:16 Ari jo ma I kadeikada, ai kadeik pan melel, pwe I jota kin kelep, pwe nai o Jam, me kadar ia dor. JOH 8:17 A pil intinidier nan omail kapun, me kadede en aramaj riamen me melel. JOH 8:18 Nai me kin kadede pein nai o Jam, me kadar ia dor, kin kadede ia. JOH 8:19 Irail ap indai on i: Ia Jam omui? Iejuj kotin japen: Komail jota aja nai, pil jota Jam ai. Ma komail aja ia, komail pil pan aja Jam ai. JOH 8:20 Majan pukat Iejuj kotikida nan pera en moni, ni a kotin kaukawewedar nan im en kaudok o. A jota me koledi i, pwe a anjau jaikenta leler. JOH 8:21 Iejuj pil kotin majani on irail: I kokola, a komail pan rapakin ia o mela ni omail dip akan, a waja, me I pan kola ia, komail jota pan kak on. JOH 8:22 Juj oko ap indada: A pan kamela pein i, pweki a inda: A waja, me I pan kola ia, komail jota pan kak on? JOH 8:23 A kotin majani on irail: Komail kijan men pa, a nai kijan men poa. Komail kijan jappa et, a nai kaidin kijan jappa et. JOH 8:24 Iei me I indaki on komail, komail pan mela ni omail dip akan, pwe ma komail jota kamelele ia, komail pan mela ni omail dip akan. JOH 8:25 Irail ap indai on i: Ij koe? Iejuj kotin majani on irail: Me I indawei maj o, i eta. JOH 8:26 Me toto I men padaki on komail o kadeikada, ari jo, me kadar ia do me melel. A I kin kajoia on komail, me I ronadar re a. JOH 8:27 Irail ari jaja, me a kotin kajoia on irail duen Jam a. JOH 8:28 Iejuj ap kotin majani on irail: Komail lao kauadar Nain aramaj, komail ap pan aja, me nai i, o me I jota wia meakot jan pein nai. A duen Jam, me padaki on ia er, iduen I kin kajoia wei. JOH 8:29 Me kadar ia do, kin ieian ia, a jota lokit ia la, pwe I kin potin wia, me a kupura mauki. JOH 8:30 Ni a kotin majani mepukat, me toto ap pojonla i. JOH 8:31 Iejuj ap kotin majani on Juj oko, me pojon i: Ma komail pan podidi on ai padak, nan ai tounpadak melel komail. JOH 8:32 O komail pan ajala melel, o melel pan kamaio komail da. JOH 8:33 Irail japen i: Wan Apraam kit, jota me je lidui jan maj kokodo. A iaduen, komui indada: Komail pan maioda? JOH 8:34 Iejuj kotin japen irail majani: Melel, melel I indai on komail, meamen; me wiawia dip, i me ladun dip. JOH 8:35 A ladu o jota pan mimieta nan im o, na eta pan mimieta. JOH 8:36 Ari, ma Na pan kamaio komail da, komail pan maioda melel. JOH 8:37 I aja, me wan Apraam komail, a komail kin rapaki, en kame ia la, pwe ai padak jota kin podidi on komail. JOH 8:38 Me I kilan ren Jam ai, iei me I inda wei, a komail kin wiawia, me komail ronada ren jam omail. JOH 8:39 Irail japen indan i: Jam at Apraam. Iejuj kotin majani on irail: Ma komail nain Apraam, jeri kan, komail pan wia duen en Apraam a wiawia kan. JOH 8:40 Ari, met komail kin rapaki kame ia la, aramaj amen, me kajoi on komail melel, me I ronadar ren Kot, i me Apraam jota wiadar. JOH 8:41 Komail kin kapwaiada wiawia kan en jam omail. Irail ap indan i: Kaidik kit ipwin nenek. Jam at me ta men Kot. JOH 8:42 Iejuj kotin majani on irail: Ma Kot Jam omail, komail pan pok on ia, pwe I kodo jan ren Kot, kaidik jan pein nai, me I kokido, pwe i me kadar ia do. JOH 8:43 Da me komail jota weweki ai padak? Pweki omail jota kak ron ai padak. JOH 8:44 Komail tapi jan ren jam omail tewil, o inon en jam omail, me komail men wiada. Nan i men kamela men jan ni tapi o, o a jota dadaurata melel, pwe jota man melel mi re a, ni a lalal likam, a kin kida jan pein audepa, pwe i me likam men o jam en likam o. JOH 8:45 A komail jota kamelele ia, pweki I padaki on komail melel. JOH 8:46 Ij re omail, me kak indan ia, me dip ai mia? A ma I kajoi melel, menda komail jo pojon? JOH 8:47 Men ren Kot kin ron en Kot a majan akan. Komail ari jota ron, pwe kaidin me ren Kot komail. JOH 8:48 Juj oko japen indan i: Kaidik meid melel, koe men Jamaria amen o tanwar en tewil. JOH 8:49 Iejuj kotin majani: Kaidik tanwar en tewil nai, pwe I wauneki Jam ai, a komail kin kijan ia wau i. JOH 8:50 I jota kin rapaki pein wau i, amen mia, me kin raparapaki o kadeikada. JOH 8:51 Melel, melel I indai on komail, meamen kapwaiada ai padak, jota pan mela kokolata. JOH 8:52 Juj oko ap indai on i: Je ap ajaer, me koe tanwar en tewil. Apraam melar, pil jaukop akan, a koe me inda: Meamen kapwaiada ai padak, jota pan mela kokolata, JOH 8:53 Da, komui me lapa jan jam at Apraam, me matalar, pil jaukop akan, me matalar? Ij me komui pein wia kin uk? JOH 8:54 Iejuj kotin japen: Ma I pein kaka kin ia, ai kaka me mal. A Jam ai, me kaka kin ia, me komail kin inda: I atail Kot. JOH 8:55 Komail ari kaikenta aja i, a I aja i, a ma I inda, me I jaja i, I pan me likam amen dueta komail. A I aja i o kapwaiada a majan akan. JOH 8:56 Jam omail Apraam peren kida, me a pan kilan ai ran. I ari kilaner ap peren kidar, JOH 8:57 Juj oko ap indan i: Par limeijok kaik dau po ’mui, a kom kilaner Apraam? JOH 8:58 Iejuj kotin majani on irail: Melel, melel I indai on komail, I mier mon Apraam. JOH 8:59 Irail ap rik takai, pwen kajuk i, i ap kotin oki jan irail pein i, kotila jan nan im en kaudok o. JOH 9:1 IEJUJ lao kotin daulul, ap majani aramaj amen me majkun jan a ipwidi. JOH 9:2 Japwilim a tounpadak kan ap idok re a potoan on: Rapi, ij me wiadar dip, i de jam a in a, pweki a ipwidi majkun? JOH 9:3 Iejuj kotin japen: Kaidik i me wiadar dip, pil kaidik in a de jam a, a pwe en Kot a wiawia kan en kajanjal kida i. JOH 9:4 I en kapwaiada wiawia kan en me kadar ia do arain anjaun ran, pwe pon pan kodo, i anjau jolar amen kak dodok. JOH 9:5 Arain ai mi jappa, nai marain en jappa. JOH 9:6 A lao kotin majanier met, ap likidi nani pwel, wiakida pwel madak irijki maj a. JOH 9:7 Majani on i: Kolan pil en Jiloa (iet wewe: Pakadarado), opinok ia! I ari kola opinok, ap puredo kilanada waja. JOH 9:8 A men imp a kan, o me ian kilanadar, me a men poekipoek amen maj o, rap indada: Kaidik i, me wonon poekipoeki? JOH 9:9 Akai me inda: I met; a akai me inda: Likamata i, a pein i indada: Nai i. JOH 9:10 Irail ari indan i: Iaduen por en maj om akan a kapad pajan? JOH 9:11 A japen indada: Aramaj amen me adaneki Iejuj, me wiadar pwel madak, irijki maj ai, majani on ia: Kolan pil en Jiloa, opinok ia! I ari kola opinok, ap kilanada waja. JOH 9:12 Irail ap idok re a: Ia i? A japen: I jaja. JOH 9:13 Irail ap kalualan ren Parijar akan me majkun maj. JOH 9:14 Ari, ni ran en japat, me Iejuj kotin wiadar pwel, kapad pajan por en maj a kan. JOH 9:15 Parijar akan pil idok duen me a kilan kida waja. A japen irail: A ki on pwel ni por en maj ai, i ap opinok, nai ari kilanada waja. JOH 9:16 Parijar kai ap inda: Aramaj men et kaidik men ren Kot, aki a jota apwali ran en japat. Akai indada: Daduen, aramaj dipan amen kak wia kilel pukat? Irail ari liak toror pajan. JOH 9:17 Irail pil kalelapok ren me majkun o: Da me koe lamelame duen i? Pwe a kapad pajan maj Om? A japen: Jaukop amen i. JOH 9:18 Men Juj oko ap jota kamelele, me a ipwiki wei majkun, ap kilanada waja. Irail lao ekeredo jam o in en me kilanada waja. JOH 9:19 Irail idok re ’ra: Nouma ol men et, me komail indinda, me a ipwiki wei majkun? Iaduen a narada waja anjau wet? JOH 9:20 Jam a in a japen ir indada: Je aja, me nait ol et, me ipwiki wei majkun. JOH 9:21 A je jaja duen a narada waja o me kapad pajan por en maj a. A malar, kainoma re a, a pan pein jakaraki i. JOH 9:22 Jam o in a inda mepukat, pweki ar majak Juj oko. Pwe Juj oko inauki pena, ma meamen pan kadede me i Krijtuj a pan lokidokila jan nan jinakoke. JOH 9:23 I me jam o in a indada kida: A malar, kainoma re a. JOH 9:24 Irail ap eker aramaj majkun kariapak indai on i: Wauneki Kot, je aja, me aramaj men et me dipan amen, JOH 9:25 A japen ir indada: I jaja, ma i me dipan amen de jo. I eta me i aja, me nai me majkun maj o, i ap potoan naradar waja. JOH 9:26 Irail ap pil idok re a: Da me a wiai on uk? Iaduen a kapad pajan maj om? JOH 9:27 A japen irail: I indai on komail er, a komail jota ron? Da me komail pil men ronki? Komail pil pan a tounpadak ala? JOH 9:28 Irail kaurureki indada: A tounpadak amen koe, a kit tounpadak en Mojej akan. JOH 9:29 Kit aja, me Kot majani on Mojej. A lap o je jaja, waja a ko jan ia. JOH 9:30 Aramaj o japen indan irail: Meid kapuriamui! I me kapad pajan maj ai kat, a komail jaja, waja a koti jan ia. JOH 9:31 Kitail aja, me Kot jota kin mani me dipan akan. A meamen, me ian Kot, o dadaurata kupur a, iei me a kin kotin mani, JOH 9:32 Jan maj kokodo jota me ronadar, me meamen kapad pajan maj en me ipwiki wei majkun. JOH 9:33 Ma men et jota me ren Kot, a jota pan kak wia meakot. JOH 9:34 Irail japen indan i: Koe me ipwiki wei dip akan a koe ap padaki on kit? Irail ari kajela i. JOH 9:35 Iejuj lao kotin manidar, me re kajela i, a lao majani i, ap kotin majani on i: Koe kin pojon Nain Kot? JOH 9:36 A japen potoan on: Main, ij i pwe i en pojon i? JOH 9:37 Iejuj kotin majani on i: Koe me kilan i. A iet i, me kajokajoi on uk. JOH 9:38 A japen i: Main, i pojonlar, i ari kaudok on i. JOH 9:39 Iejuj kotin majani: I kodon kadeik nan jappa et, pwe me jo kilan waja, en kilanada, a me kilan waja, en majkunla. JOH 9:40 A Parijar akan, me mi re a, ronadar a majan pukat, re ap peidok re a: Da, kit me pil majkun? JOH 9:41 Iejuj kotin majani on irail: Ma komail majkun, jota pan dip omail. A komail indada: Je kilekilan waja, iei me omail dip pan mimietaki. JOH 10:1 MELEL, melel I indai on komail, me jo weid nan wanim, pedelon on nan deun jip, a dauda waja toror, iei men lipirap o men kuli. JOH 10:2 A me kin pedelon pan wanim, iei jilepan jip o. JOH 10:3 Iei me jilepan wanim o kin ritinada mo a; a jip akan kin ron nil a; i me ekereki na jip akan ad arail, kare irail wei. JOH 10:4 A kin kapedoi na jip akan, ap tion mo ’rail, o jip akan kin idedauen i, pwe re anlar nil a. JOH 10:5 A re jota pan idauen, me re jan, pwe re pan tan jan, pwe re jan nil arail. JOH 10:6 Jejuj kotin majani on irail karajeraj pot et, a irail jota weweki mepukat, me a kotin majani on irail. JOH 10:7 Iejuj pil kotin majani on irail: Melel, melel I indai on komail: Nai wanim en jip akan. JOH 10:8 Karoj, me pwarador mo i, iei lipirap o men kuli, o jip akan jota kin ron irail. JOH 10:9 Nai wanim o, a meamen pedelon re i, pan kamaurela o diar mana purepure. JOH 10:10 Lipirap kin kodon pirapela, o kamela, o kaokaoe, a nai kodo, pwe irail en ale maur, kakairida kokolata. JOH 10:11 Nai jilepa mau; a jilepa mau kin tonmeteki on na jip akan maur i. JOH 10:12 A me kin pwaipwai o me jota udan jilepa, o me kaidin udan na jip oko, iei me ninar kidi eu wel kokodo, ap kajela jip oko, tandaui, a kidi en wel jaikidi jip oko, kamueit ir pajan. JOH 10:13 Me pwaipwai o kin tandaui, aki a pwaipwai, o jota injenoki jip oko. JOH 10:14 Nai jilepa mau, o I aja nai kan, o nai kan pil aja ia. JOH 10:15 Duen Jam o aja ia, iduen I aja Jam, o I tonmeteki on jip akan maur i. JOH 10:16 A pil akai nai jip, me jo kijan nan kel wet, mepuko I pil pan wado, o re pan ron nil ai, o a pan pwin taieu o jilepa me ta men, JOH 10:17 Iei me Jam pok on ia, pwe I kidi maur i, pwe I en pur on ale. JOH 10:18 Jota me ki jan ia, pwe pein nai kidi. I manaman on kidi maur i, I pil manaman on kapure don ia. Kujoned pot et I aleer jan ren Jam ai. JOH 10:19 Iei me Juj oko ap pil liak toror pajan pweki majan pukat. JOH 10:20 Me toto re ’rail indada: A tanwar en tewil o iakalar. Menda komail ron i? JOH 10:21 Akai me indada: Kaidik padak en tanwar en tewil pukat, da, tewil pan kak kapad pajan maj en me majkun amen? JOH 10:22 A ran en ijimaj en im en kaudok wiaui nan Ierujalem, i anjaun kapau. JOH 10:23 A Iejuj kotikot jili nan im en kaudok, nan palan en Jalomo. JOH 10:24 Juj oko kapili pena i indan i: Arai da komui pan okioki jan kit? Ma komui Krijtuj, en kadede on kit janjal! JOH 10:25 Iejuj kotin majani on irail: I indai on komail er, a komail jota pojon dodok kan, me I wiadar ni mar en Jam ai, iei me kin kadede ia. JOH 10:26 A komail jota pojon, pwe komail kaidik kijan nai jip, duen me I indai on komail er. JOH 10:27 Nai jip oko kin ron nil ai, I aja irail a re kin idauen ia. JOH 10:28 A I ki on irail maur joutuk, a re jota pan jalonala kokolata, o jota, me pan ki jan irail nan pa i. JOH 10:29 Jam ai, me ki on ia irail, me lapa jan meakaroj, o jota me pan kak ki jan irail ni lim en Jam ai. JOH 10:30 Nai o Jam me ta men. JOH 10:31 Juj oko ap pil rik takai, pwen kajuk i. JOH 10:32 Iejuj kotin japen irail: Dodok mau toto, me I kajale on komail er jan ren Jam o, a menia dodok ren mepukat, me komail kate kin ia? JOH 10:33 Juj oko ap japen i: Kaidik dodok mau eu, me je kate kin komui, a pweki lalaue, o pweki aramaj amen koe, me wia kin pein uk Kot, JOH 10:34 Iejuj kotin japen irail: A jo intinidier nan omail kapun: I indada, komail kot akan, JOH 10:35 Ari, ma a kin wia kin ir kot, me aleer majan en Kot, pwe kijin likau kan jota kak japunala; JOH 10:36 A komail kin inda kin i, me Jam a kajarauialar, o kadara don jappa, koe lalaue, pweki ai indada: Japwilim en Kot nai? JOH 10:37 Ma I jo wiawia dodok kan en Jam ai, komail der kamelele ia. JOH 10:38 A ma I kin wiawia, komail en pojonki dodok kan, ma komail jota pojon ia, pwe komail en aja pojon, me Jam ai podidi on ia, o nai podidi on i. JOH 10:39 Irail ap pil jon jaikidi i. I ari piti jan ni pa ’rail. JOH 10:40 O kotin purelan palilan Iordan, waja Ioanej kin wia paptaij ia maj; I ari kotikot waja o. JOH 10:41 A me toto pokon don i indada: Ioanej jota wiadar kilel eu; a melel eta karoj, me Ioanej majanieki men et. JOH 10:42 A me toto pojonla i waja o. JOH 11:1 Ol amen jomaudar ad a Lajaruj, men Petanien, kanim en Maria o ri a li Marta. JOH 11:2 Iei Maria, me keieki potik Kaun o, o limwieki a pwilipeipei aluwilu a, me ri a ol Lajaruj jomaudar. JOH 11:3 Ri a li ko ari kadar won i kaireki won i: Main, kotin mani, me re pok on me jomaudar. JOH 11:4 Iejuj lao mani, ap kotin majani: Kaidik jomau en mela eu met, a pweki linan en Kot, pwe Nain Kot en kalinana kila. JOH 11:5 Iejuj kotin kupura Marta, o ri a li, o Lajaruj. JOH 11:6 A lao kotin manier, me a jomaudar, i ari kotikoteta waja o pon ria pon. JOH 11:7 Ap kotin majani on japwilim a tounpadak kan: Kitail pan purelan Iudaa. JOH 11:8 Japwilim a tounpadak kan potoan on i: Rapi, Juj oko apton men kajuk ir, a re pan kotin purelan ia? JOH 11:9 Iejuj kotin majani: Jo auer eijokriau ni ran eu? Meamen alialu ni ran, jota pan dipikelekel, aki a ninar marain en jappa. JOH 11:10 A meamen alialu ni pon, a pan dipikelekel, aki marain jota mi re a. JOH 11:11 A kotin kajoiada mepukat, ap majani on irail: Kompoke patail Lajaruj mairelar, a I kokolan kapirida i. JOH 11:12 A japwilim a tounpadak kan indan i: Main, ma a mairelar, a pan maureda. JOH 11:13 Ari, Iejuj kotin majanieda duen a melar, a irail kiki on, me a majanieda duen a mair en kamol. JOH 11:14 Iejuj ap janjal majani on irail: Lajaruj melar, JOH 11:15 A I peren kida, me I jota mi waja o pweki komail, pwe komail en pojonla. Ari, kitail en koko wei re a! JOH 11:16 Tomaj, me pil ad a Didimuj, ap indai on warok tei kan: Kitail en pil kokola, pwen ian i mela. JOH 11:17 Iejuj lao kotido, ap kotin diarada, me a mi nan joujou pon pa pon. JOH 11:18 Petanien me koren ion Ierujalem impan mail riau. JOH 11:19 A Juj oko me toto ko don Marta o Maria, pwen kamait ira la pweki ri ara ol o. JOH 11:20 Marta lao ronadar, me Iejuj kotido, ap koieila tu on i. A Maria momod nan im o. JOH 11:21 Marta ap potoan on Iejuj: Main, ma re kotikot met, ri ai ol jota pan mela. JOH 11:22 Ari jo, i aja meakot re pan kotin poeki ren Kot, Kot pan kotiki on ir. JOH 11:23 Iejuj kotin majani on i: Ri om ol pan maureda. JOH 11:24 Marta potoan on i: I aja, me a pan maureda ni iaj en ni ran nik o. JOH 11:25 Iejuj kotin majani on i: Nai kamaur o maur, me pojon ia, pan memaureta pil murin a mela. JOH 11:26 A meamen me maur o pojon ia, jota pan mela kokolata; koe kamelele mepukat? JOH 11:27 A potoan on i: Ei Main, i pojon, me ir me Krijtuj Japwilim en Kot, me udan pwara don jappa. JOH 11:28 A lao indada met, ap koieila ren Maria ri a li, moninki on i: Jaunpadak kotidor kainoma uk. JOH 11:29 A lao ronadar, ap uda, madan wei re a, JOH 11:30 A Iejuj jaikenta lel on kanim o, pwe a kotikoteta waja Marta tu on i ia. JOH 11:31 Juj oko, me mi re a nan im o, pwen kamait i ala, lao kilanada, me Maria madan uda tan wei, rap idauenla i, indinda: A pan ko on ni joujou, pwen janejan ia. JOH 11:32 Maria lao lel waja o, o kilan i, ap poridi on ni aluwilu a indan i: Main, ma re kotikot met, ri ai ol jota pan mela. JOH 11:33 Iejuj lao majani i janejan, o Juj oko, me ian i kokodo pil janejan, ap kupurola, JOH 11:34 Majani: Komail pwilikdi ia i? Irail potoan on i: Main, kotido majani. JOH 11:35 Iejuj kotin tontonir. JOH 11:36 Juj oko ap inda: Kilan duen a pok on i! JOH 11:37 A akai ir me indada: A jo kak pan men et me kapad pajan maj en me majkun o, me ol men et ender mela? JOH 11:38 Iejuj pil kupurola koti don joujou o. A por o ulon nan kijin dol o takai eu mi poa. JOH 11:39 Iejuj kotin majani: Katapure wei takai en! A Marta, en me melar ri a li, indada: Main, a matalar, pwe a mi met pon pa pon. JOH 11:40 Iejuj kotin majani on i: I jo indai on uk, ma koe pojon, koe pan kilanada linan en Kot. JOH 11:41 Irail ap katapure jan takai o. A Iejuj kotin majanda majani: Jam, I danke komui, me komui mani ia er. JOH 11:42 A i aja, me komui kin mani ia anjau karoj, a pweki pokon o, me u jili, I indaki mepukat, pwe irail en pojon, me komui, me kadar ia do. JOH 11:43 A lao kotin majani met, ap kapitie laudeta majani: Lajaruj, koieido! JOH 11:44 A me melar o ap pedoido, likau en joujou kidim pena na o pa kan, o maj a me pirapinki pena lim en puto. A Iejuj kotin majani on irail: Lapwada kapitila i! JOH 11:45 Men Juj toto, me ko don Maria, o kilaner, me Iejuj kotin wiadar, pojonla i. JOH 11:46 A akai ir kowei ren Parijiir oko, kaire kin irail me Iejuj kotin wiadar. JOH 11:47 Jamero lapalap o Parijiir akan ap pokon pena kapun indada: Da me kitail en wiada? Pwe aramaj men et kin wia kilel toto. JOH 11:48 Ma kitail jota pan mokidi on i, karoj pan pojonla i, o men Rom pan kodo, ki jan kitail wei o atail kainok. JOH 11:49 A amen irail ad a Kaipaj, me jamoro lapalap ni par o, indan irail: Komail meid jo lokekon. JOH 11:50 O jota lamelame, mea mau on komail, aramah ta men en kam kila aramaj akan, pwe kainok pokon ender lokidokila. JOH 11:51 A kaidik jan pein I, me a katitiki met, o i me jamero lapalap ni par o, I ari kopada, me Iejuj pan kamataki kainok o. JOH 11:52 A kaidik kainok eta, pwe a pil pan kapokon pene jeri en Koht akan, me muei pajan nin jap akan. JOH 11:53 Jan ni ran o irail raparapaki en kamatala i. JOH 11:54 Iejuj ap jolar kotikot jili janjal ren Juj ako, pwe a kotilan eu jap impan jap tan ni kanim eu ad a Epren, o kotikot ia ian japwilim a tounpadak kan. JOH 11:55 A paja en Juj oko me korendor, o me toto koeie jan nan jap karoj, kodalan Ierujalem mon paja, pwen kamaui pein irail. JOH 11:56 Irail ari raparapaki Iejuj idedok nan pun arail, ni ar pokopokon nan im en kaudok: DA me komail lamelame, a jota pan ko don kamadip o? JOH 11:57 A jamero lapalap o Parijar akan wiadar kujoned eu, meakmen me aja waja a kot ia, I en kajaleda, pwe ren jaikidi i. JOH 12:1 Pon wonu pon mon paja Iejuj kotilan Petanien, waja Lajaruj me melar, kaujon ia, me Iejuj kotin kamauredar jan ren me melar akan. JOH 12:2 Irail ari kaonopada konot, pwe a en kotin kajipon re’rail; Marta papa, a Lajaruj amen irail me ian I kotikot ni tepel. JOH 12:3 Maria ap wado paun en men kajampwalia keiedi on ni aluwilu en Jejus o limwieki a pwilikila po en men kei. JOH 12:4 Iudaj Ijkariot, amen ren japwelim a tounpadak kan, nain Jimon, me panala I, ap indada: JOH 12:5 Da men kei wet jota netilar, kareda denar jilepuki, ap nek on jamma kan? JOH 12:6 Kaidik a pok on me jamma kan, me a idokki met, a pweki lipirap amen i, o jaunkanikid en moni, wewa moni, me aramaj kidar. JOH 12:7 Iejuj ap kotin majani: Deri mokidi on i! Pwe a kaunopadan ran en ai pan jaredi. JOH 12:8 Pwe me jamma kan kin potopot re omail, a nai jota jota kin potopot re omail. JOH 12:9 Juj oko me toto ari ajaer, me a kot waja o, irail kodo pweki Iejuj o pil, pwen kilan Lajaruj, me a kotin kamauradar jan ren me melar akan. JOH 12:10 Jamero lapalap akan pil raparapaki, en pil kamela Lajaruj. JOH 12:11 Pwe Juj oko toto kola o pojon Iejuj pweki i. JOH 12:12 Mandan ran o aramaj toto, me toun ian kamadip o, lao ron, me Iejuj pan kotilan Ierujalem, JOH 12:13 Ap paledi ran tuka kan o koieila tu on I, nijinijida: Ojiana! Meid iajanai me kotido ni mar en Kaun o Nanmwarki en Israel! JOH 12:14 A Iejuj lao kotin majani ejel pul amen, ap kaipokedi poa, duen a intinidier: JOH 12:15 Der majak nain Jion jeripein! Kilan om Nanmarki kotido, kaipokedi pon nain ejel amen. JOH 12:16 A japwilim a tounpadak kan jota madan weweki mepukat. A Iejuj lao linanlar, irail ap tamanda mepukat, me indinidier duen i, o me ir wiai on i mepukat. JOH 12:17 A pokon o, me ian i ni a kotin molipei Lajaruj jan nan joujou o, ni a kotin kamauredar i jan ren me melar akan, kadede i! JOH 12:18 Iei me aramaj kokiieilan i, pwe irail ronadar, me a kotin wiadar kilel wet. JOH 12:19 Parijar oko ap indada nan pun ar: Komail kilan, me komail jota kak wia meakot. Kilan, toun jap akan idauenla i. JOH 12:20 Akai men Krik ian irail, me koda don kamadip o, pwen kaudok. JOH 12:21 Mepukat ko don Pilipuj, men Petjaida en Kaliliia, poeki re a indada: Main, je men udial Iejuj. JOH 12:22 Pilipuj ap kodo kaireki Andreaj, a Andreaj o Pilipuj kaireki Iejuj. JOH 12:23 A Iejuj kotin japen irail majani: Anjau leler, me Nain aramaj pan kalinanla. JOH 12:24 Melel, melel I indai on komail, ma wan korn jo moredi on nan pwel o mela, a pan kelepata, a ma a pan mela, a pan kaparapar wa toto. JOH 12:25 Me pokepoke maur i, pan jalonala; a me tounmeteki maur i pali pa, pan diarada maur joutuk. JOH 12:26 Meamen papa ia, i en idauen ia! A waja I mi ia, i waja me papa ia, pan pil mi ia. Ma meamen papa ia, i me jam o pan kajapwilada. JOH 12:27 I ap lol olar, a da me I en inda? Jam kamaio wei jan ia anjau wet, ari jo, i me I koki don anjau wet. JOH 12:28 Jam, kalinanada mar omui! Nil eu ap peidido jan nanlan indada: I kalinanadaer, o I pan pil kalinanada. JOH 12:29 A aramaj akan me u jili me ronadar, indada: A nanjapwe. A akai indada: Tounlan amen me kajoia on i. JOH 12:30 Iejuj kotin japen majani: Kaidik pweki nai, me nil wet wiauikier a pweki komail. JOH 12:31 Met anjau en kadeik en jappa wet. Met kaun en jappa et pan lokidokila. JOH 12:32 A nai lao lanada jan jappa, I pan kainona don ia karoj. JOH 12:33 I me a kotin kokop kidar duen a pan kamatala. JOH 12:34 Aramaj akan japen i: Je ronadar jan nan kapun o, me Krijtuj pan potopoteta, a iaduen, kom kajoiada, me Nain aramaj en kakauda. Ij Nain aramaj menet? JOH 12:35 Iejuj ap kotin majani on irail: Marain mi re omail anjau kij. Weweid, ni anjau marain mi re omail, pwe rotorot ender kono komail edi. Pwe me kin weweid nan rotorot, kin jaja waja, me a ko on ia. JOH 12:36 Pojon marain, ni a mimi re omail, pwe komail en jeri en marainla. Iejuj kotin majani mepukat, ap kotila karukila pein i jan irail. JOH 12:37 A i me kotin wiadar kilel toto mo ’rail, ari jo, irail jota pojon i, JOH 12:38 Pwe kokop en jaukop Iejaia en pwaida, me a majani: Kaun o, ij me pojon at kajoi? O ij me lim en Kaun kajanjal on? JOH 12:39 Irail ari jota kak pojon, pwe Iejaia pil katitiki: JOH 12:40 A kotin karotonala maj arail o kakekaluakala monion arail, pwe ren jo kilanki maj arail, o ajaki monion arail, o wukila, o I en kakel ir ada. JOH 12:41 Mepukat Iejaia majanier, ni a kilaner a linan o katitiki i. JOH 12:42 Ari ren jaumaj lapalap me toto, me pojon i, a pweki Parijar akan re jota ponaja i, pwe ren der lokidokila jan nan jinakoke. JOH 12:43 Pwe re mauki konekon ren aramaj akan mon konekon ren Kot. JOH 12:44 Iejuj kotin kapitie laudeda majani: Me pojon ia, kaidin nai, me a kin pojon, a me kadar ia dor. JOH 12:45 A me kilan ia, a pil kilan, me kadar ia dor. JOH 12:46 I kodon kamaraini jappa, pwe amen amen me pojon ia, ender mimieta nan rotorot. JOH 12:47 A ma meamen ron ai padak kan, ap jota apapwali, I jota kin kadeikada i, pwe I jota kodon kadeikada jappa, a pwen kamaurida jappa. JOH 12:48 Me kaje ia la o jo oke ai padak kan, nan kadeikapa mia: Ai padak, me I kida, i me pan kadeikada i ni ran nik o. JOH 12:49 Pwe I jota padaki wei jan pein nai. A Jam, me kadar ia dor, i me ki on ia er kujoned eu, me I en inda o padakieki. JOH 12:50 O I aja, maur joutuk a kujoned o. Ari, karoj me I padaki wei, I kin padaki duen Jam majani on ia. JOH 13:1 MON kamadip en paja Iejuj lao kotin manier, me anjaun a pan kotila jan jappa, kotila ren Jam a korendor, duen a kotin kupuramauki japwilim a kan, me mi jappa, iduen a kotin kupura irail lel imwi, JOH 13:2 Ni ar kotin kajipon anjau me tewil ki on er nan monion en Iudaj Ijkariot nain Jimon, en panala i. JOH 13:3 Iejuj lao kotin manier, me Jam kotiki oner ni lim a kan meakaroj, o me a kotido jan ren Kot, o me a pan kotila ren Kot, JOH 13:4 Ap kotida jan ni kajipon, kotikidi japwilim a likau en liki ap ale dauel eu pirakidi pein i, JOH 13:5 A wutoki pil nan dal, ap pikikidi widen na en japwilim a tounpadak kan, o limwieki dauel, me a piraki pena. JOH 13:6 A lao kotin lel Jimon Petruj, a ap potoan on i: Main, re pan kotin widen na i kat? JOH 13:7 Iejuj kotin japen majani on i: Koe kin jaja, me I wia metet, a mur koe pan ajala. JOH 13:8 Petruj potoan on i: Re jota pan kotin widen na i kat kokolata. Iejuj kotin japen i: Ma I jota widen uk, nan jota pwaij om re i. JOH 13:9 Jimon Petruj ap potoan on i: Main, kaidin na eta, a pil pa o mon ai! JOH 13:10 Iejuj kotin majani on i: Me duduer, jolar mau on omiom o opinok, pwe a makelekeler, a na eta, me pan wideut; komail me makelekel, a kaidin karoj. JOH 13:11 Pwe a kotin mani, me pan panala i; i me a kotin majanieki: Kaidin komail karoj me makelelkel. JOH 13:12 A lao kotin widener na ar akan, a kotin pur on japwilim a likau en liki. A pil kaipokedi ni tepel majani on irail: Komail ajaer me I wiai on komail er? JOH 13:13 Komail kin adane kin ia Jaunpadak o Kaun, ari me pun, pwe iei nai. JOH 13:14 Ari, ma nai, Kaun o Jaunpadak widen na omail, komail ari pil widen na omail pena. JOH 13:15 Pwe I ki on komail er janjal mau eu, pwe komail en kaalemoni ia, o wia, duen I wiai on komail. JOH 13:16 Melel, melel I indai on komail, ladu me jota laude jan a jaumaj, de me pakadarado me jota laude jan me kadarado i. JOH 13:17 Ma komail aja mepukat, komail meid pai, ma komail wiada. JOH 13:18 Kaidin komail karoj, me I indinda. I aja, me I piladar. A pwe kijin likau en pwaida: Me ian ia kankan prot, kin tiaki ia di. JOH 13:19 Anjau wet I indai on komail mepukat mon a pan wiaui, pwe a lao wiaui, komail en pojon, me nai i. JOH 13:20 Melel, melel I indai on komail, meamen me kajamo, me I kadar wei, kin kajamo ia, a me kin kajamo ia, kin kajamo, me kadar ia do. JOH 13:21 Iejuj lao kotin majani wei mepukat, ap kupurola kadede majani: Melel, melel I indai on komail, amen komail pan pan ia la. JOH 13:22 Japwilim a tounpadak kan ap joupei pena o jaja, ij i, me a kotin majanieki. JOH 13:23 A amen japwilim a tounpadak kan, me Iejuj kotin kupura mauki, momod ni tepel impan Iejuj. Jimon Petruj ap olol on i, en idok, ij i me a kotin majani. JOH 13:24 Jimon Petruj ap olol on i, en idok, ij i me a kotin majani JOH 13:25 I ap kai on pan kupur en Iejuj potoan on i: Main, ij i? JOH 13:26 Iejuj kotin japen: Iei i, me I pan ki on kijin prot i lao kaduedier nan dal o. A lao kotin kaduedier kijin prot o, a kotiki on Iudaj Ijkariot nain Jimon. JOH 13:27 A lao tunole kijin prot o, Jatan ap tilon lole. Iejuj ap kotin majani on i: Wiada madan, me koe pan wiada! JOH 13:28 A jota, ren me momod ni tepel, aja, da me a kotin majanieki on i met. JOH 13:29 Pwe akai kiki on, me Iejuj kotin majani on i: Netie don kitail kapwa en kamadip o, de a en ki on me jamama ko meakot, pwe a kin wewa ed en moni. JOH 13:30 A lao tunoler kijin prot, ap madan pedoi wei, a waja ponier. JOH 13:31 A lao pedoi janer, Iejuj ap kotin majani: Nain aramaj ari linanlar, o Kot me linana kilar i. JOH 13:32 Ma Kot linan kilar i, Kot ap pan pil kalinanaki pein i. A pan madan kalinanada i. JOH 13:33 Jeri ko, I pan ieian komail anjau kij, komail pan rapa kin ia, a duen I indai on Juj akan: Waja me I pan kola ia, komail jota pan kak on lei duen I pil indai on komail anjau wet. JOH 13:34 I ki on komail kujoned kap eu, pwe komail en poke pena, duen I pok on komail er, iei duen komail en poke pena! JOH 13:35 Pwe i me karoj pan ajaki, me komail ai tounpadak kan, ma komail limpok pena. JOH 13:36 Jimon Petruj potoan on i: Main, re pan kotila ia? Jejuj kotin japen i: Waja me I pan kola ia, koe jota kak idauen ia anjau wet, a koe pan idauen ia euran. JOH 13:37 Petruj potoan on i: Main, da me i jo kak idauen ir ki met? I pan kajela maur i pweki komui. JOH 13:38 Iejuj kotin majani on i: Koe pan kajela maur om pweki nai? Melel, melel I indai on uk, mon malek pan kakorot, koe pan kamam kin ia pan me jili pak. JOH 14:1 MONION omail der padau! Komail kin pojon Kot; en pil pojon ia! JOH 14:2 Nan tanpaj en Jam ai pera toto mia. Ma jo I pan indai on komail. Pwe I kokolan kaonopada deu ’mail, JOH 14:3 Ma I kola kaonopada deu ’mail, I pan puredo, uk komail don ia. Pwe waja I kin mi ia, komail en pil mi ia. JOH 14:4 A komail aja, waja I kola ia, o komail aja al o. JOH 14:5 Tomaj potoan on i: Main, je jaja, waja re pan kotila ia, o pala je pan aja al o? JOH 14:6 Iejuj kotin majani on i: Nai me al, o melel, o maur, jota me kak kodon Jam, ma jo nai. JOH 14:7 Ma komail aja ia er, komail pil aja Jam ai. A komail aja i jan anjau wet kokolata o kilanadar i. JOH 14:8 Pilipuj potoan on i: Main, kotin kajale don kit Jam, kit ap pan nenenla! JOH 14:9 Iejuj kotin majani on i: Pilipuj, I ieian komail er anjau warai, a koe jo wewe kin ia? Me kilan ia er i me kilanadar Jam. A iaduen om indada: Kajale on kit Jam? JOH 14:10 Koe jo kamelele, me nai podidi on Jam o Jam podidi on ia? A padak kan, me I ki on komail, kaidin pein ai, a en Jam, me mi re i, i me kin wiawia dodok pukat. JOH 14:11 Kamelele ia, nai podidi on Jam, o Jam kin podidi on ia; a ma jo, komail kamelele ia pweki ai wiawia kan. JOH 14:12 Melel, melel I indai on komail, meamen pojon ia, a pil pan wiawia dodok kan me I kin wiawia, o a pan wiada, me lapa jan mepukat, pweki I kokola ren Jam. JOH 14:13 A meakot komail pan poeki ni ad ai, iei me I pan wia, pwe Jam en linana kida Na. JOH 14:14 Ma komail pan poeki maekot ni ad ai, I pan wia. JOH 14:15 Ma komail pok on ia, en kapwaiada ai kujoned akan! JOH 14:16 A I pan poeki ren Jam, a i me pan porone don komail amen jaunkamait, pwen mi re omail kokolata. JOH 14:17 Nen en melel, me jappa jo kak ale, pwe re jota kilan i pil iota aja i. A komail aja i pwe a kin mi re omail, o a pan mi lol omail. JOH 14:18 I jota pan mueid on komail, en japoupou, I pan ko don komail. JOH 14:19 Anjau kij jappa jolar pan kilan ia, a komail kin kilan ia. Nai me maur, o i me komail pil pan memaureki. JOH 14:20 Ni ran o komail pan aja, me nai podidi on Jam ai o komail podidi on ia o nai on komail. JOH 14:21 Me aleer ai kujoned akan o kapwaiada, iei me kin pok on ia, a me kin pok on ia, kin konekon ren Jam ai, a I pan pok on i, o kajanjale on i pein nai. JOH 14:22 Iudaj, kaidik Ijkariot, potoan on i: Main, iaduen re pan kotin kajanjale on kit pein ir, a on jappa jo? JOH 14:23 Iejuj kotin japen majani on i: Ma meamen pok on ia, a pan kapwaiada ai padak kan, a Jam ai pan pok on i, a je pan ko on re a kaukaujon re a. JOH 14:24 A me jo pok on ia, jota kin kapwaiada ai padak kan. A kaidik ai padak, me komail kin ron, a en Jam o, me kadar ia dor. JOH 14:25 Mepukat I padaki on komail er ni ai mi re omail. JOH 14:26 A jaunkamait, Nen jaraui, me Jam o pan poronedo ni ad ai, i me pan kawewe on komail meakaroj o kataman kin komail me I padaki on komail er. JOH 14:27 I mueid on komail popol. Ai popol me ki on komail, kaidin duen jappa kikida, me I ki on komail. Monion omail der patau, pil der majak. JOH 14:28 Komail ronadar, me I indai on komail er, I koko wei o pan pure don komail. Ma komail pok on ia, komail pan perenki, me I kokola ren Jam, pwe Jam o me lapa jan ia. JOH 14:29 Anjau wet I indai on komail er mepukat, mon a pan wiaui, pwe a lao wiaui, komail en pojon. JOH 14:30 I jolar pan kajokajoi toto on komail, pwe kaun en jappa o kokodo, a jota a meakot re i. JOH 14:31 A pwe jappa en aja, me I kin pok on Jam, o me I kin wiawia duen me Jam majani on ia er, kitail en uda kokowei! JOH 15:1 Nai wain melel pot a Jam ai joumat JOH 15:2 Ra karoj, me podidi on ia, ap jota wa, a kin lepuke jan, a karoj me wa, a kin koko, pwen wa totola. JOH 15:3 Komail ari makelekel kidar padak, me I ki on komail er. JOH 15:4 Komail podidi on ia o nai on komail. Ra jota kak pein wa, ma a jo podidi on wain, iduen komail, ma komail jo podidi on ia. JOH 15:5 Nai wain pot, a ra kan komail. Me podidi on ia o nai on i, iei i, me kin wawa toto; pwe komail jota kak wia meakot ma jota nai. JOH 15:6 Meamen jo podidii on ia, pan lokidokila dueta ra, ap monedi; aramaj kin waja ir pena, kaje ir ala nani iai, ir ari pan ronala. JOH 15:7 Ma komail podidi on ia, o ai padak kan podidi on komail, komail pan poeki meakot, me komail mauki, a a pan pwai on komail. JOH 15:8 Nan i me Jam ai kalinana kila, omail wawa toto, o komail pan wiala ai tounpadak kan. JOH 15:9 Due Jam o pok on ia er, iduen I pil pok on komail; komail podidi on ai limpok! JOH 15:10 Ma komail pan peiki on ai kujoned akan, komail pan podidi on ai limpok, duen I kin peiki on en Jam ai kujoned akan, o podidi on a limpok. JOH 15:11 Mepukat I padaki on komail er, pwe ai peren en podidi on komail, o omail peren en unjokela. JOH 15:12 Nan iet ai kujoned: Komail en poke pena, duen i pok on komail er. JOH 15:13 Jota me a limpok laude jan met, me pan mueid kila maur i kompokepa kan. JOH 15:14 Komail me kompokepa i, ma komail wiawia, me I indai on komail. JOH 15:15 I jolar kaadaneki komail ladu, pwe ladu jaja, me a jaumaj kin wia. A I kaadane kin komail kompokepa i kan, aki I kajale on komail er karoj, me I ronadar jan ren Jam ai. JOH 15:16 Kaidin komail me pil ia dar, a nai me piladar komail o kilele on komail, en kokowei kapareda wa, o omail wa en mimieta, pwe karoj, me komail pan poeki ren Jam ni ad ai, a pan kotiki on komail. JOH 15:17 A iet me I panaui kin komail, komail en poke pena! JOH 15:18 Ma jappa kailon kin komail, komail en aja, me a kailon kin ia mo omail. JOH 15:19 Ma kijan jappa komail, jappa pan pok on me a; a komail Kaidin kijan jappa, pwe I pil komail dar jan jappa, iei me jappa kailon kin komail. JOH 15:20 Tamatamanda kajoi o, me I kajoia on komail er: Ladu me jota laude jan a jaumaj ma re kame ia er, re pil pan kame komail. A ma irail pan kapwaiada ai padak, re pil pan kapwaiada omail. JOH 15:21 A mepukat karoj re pan wiai on komail pweki ad ai, aki ar jo aja me kadar ia dor. JOH 15:22 Ma I jo kodo o padaki on irail, nan jota pan dip arail, a met jota peikid pan dip arail. JOH 15:23 Me kailon kin ia, pil kin kailonki Jam ai. JOH 15:24 Ma I jo wiadar dodok kan nan pun arail, me jota amen wiadar, nan jota pan dip arail. A met irail kilaner o kailon kin ia er o pil Jam ai. JOH 15:25 A mepukat wiauier pwe majan o en pwaida, me intinidier nan arail kapun: Irail kailon kin ia, a jota karepa. JOH 15:26 A jaunkamait lao kodoer, me I pan kadarado jan ren Jam, iei Nen en melel, me kin kodo jan ren Jam, i me pan kadede nai. JOH 15:27 A komail pil pan kadede, pwe komail ian ia er jan ni tapi o. JOH 16:1 MEPUKAT I padaki on komail er pwe komail der makarada. JOH 16:2 Irail pan kaje komail la jan nan jinakoke, a eu anjau kokodo, meamen kame komail la, pan kiki on, me a papa Kot. JOH 16:3 A mepukat re pan wiai on komail, pweki ar jaja Jam o nai. JOH 16:4 A mepukat I padaki on komail er, pwe anjau lao leler, komail en tamanda, me I indai on komail er. A mepukat I jota indai on komail er ni tapi o, pwe I ieian komail. JOH 16:5 A met I kola ren me kadar ia do, a jota amen komail kin idok re i: Ia waja kom pan kola ia? JOH 16:6 A pweki ai padaki on komail mepukat, monion omail me dir en injenjued. JOH 16:7 Ari jo, I kajoi on komail melel, me mau on komail I en kola. Pwe ma I jo kola jaunkamait jota pan pwara don komail. A ma I kola, I pan kadara don komail i. JOH 16:8 A i lau kodo, a pan kajaui on jappa dip, o pun, o kadeik. JOH 16:9 Duen dip, pweki irail jota pojon ia. JOH 16:10 Duen pun, pweki I kola ren Jam, o komail jolar pan kilan ia. JOH 16:11 A duen kadeik o, pweki kaun en jappa wet me pakadeikadar. JOH 16:12 I men padaki on komail me toto, a met komail jota kak on. JOH 16:13 A Nen en melel lao pwarado, a pan padaki on komail melel akan karoj. Pwe a jota pan padaki wei jan nan pein i, a meakot a pan ron, i me a pan indada. O a pan kajale on komail meakan me pan wiaui. JOH 16:14 A pan kalinana ia da, pwe a pan ale me ai o kajale on komail. JOH 16:15 Japwilim en Jam meakaroj, iei me pil udan ai. I me I indakier, me a pan ale me ai o kajale on komail. JOH 16:16 Murin anjau kij komail jolar pan kilan ia; o pil murin anjau kij, a komail pan kilan ia, pwe I kola ren Jam. JOH 16:17 Japwilim a tounpadak kai ap indada nan pun ar: Dakot met, me a kotin majani on kitail: Murin anjau kij komail jolar pan kilan ia, o pil murin anjau kij, a komail pan kilan ia, pwe I kokola ren Jam? JOH 16:18 Irail ap indada: Dakot murin anjau kij, me a kotin majanieki? Kitail jota weweki, me a kotin majani. JOH 16:19 A Iejuj kotin ani, me re men idok re a, ap kotin majani on irail: Komail kakaaki nan pun omail, me I indada: Murin anjau kij komail jolar pan kilan ia, o pil murin anjau kij, a komail pan kilan ia. JOH 16:20 Melel, melel I indai on komail, komail pan janejan o mamaiei, a jappa pan pereperen; komail pan mamauk, a omail mauk pan wiki on popol. JOH 16:21 Li o ni a pan naitik kin injenjued, aki a anjau leler; a a lao naitikidier jeri o, a jolar kin tamanda a injenjued, aki a peren kida, me aramaj amen ipwidi on jappa. JOH 16:22 Pil dueta komail kin injenjued anjau wet. A I pil pan kilan komail o monion omail pan pereperen. A jota me pan atia jan Komail omail peren. JOH 16:23 A lao ni ran o komail jota pan idok re i meakot. Melel, melel I indai on komail, ma komail pan poeki meakot ren Jam ni ad ai, a pan kotiki on komail. JOH 16:24 Jan maj kokodo komail jota poeki meakot ni ad ai. Poeki, a komail pan ale; pwe omail peren en unjokela. JOH 16:25 Mepukat I padaki on komail er ni karajeraj akan. A eu anjau kokodo me I jolar pan padapadak ni karajeraj, pwe I pan janjal padaki on komail duen Jam. JOH 16:26 Lao ran o komail pan poeki ni ad ai. A I jota indai on komail, me I pan kapakapa kin komail ren Jam. JOH 16:27 Pwe Jam pein pok on komail, pweki komail pok on ia er o kamelele, me I kodo jan ren Kot. JOH 16:28 I kodo jan ren Jam o kodido jappa; I pil kokola jan nin jappa, kokola ren Jam. JOH 16:29 Japwilim a tounpadak kan potoan on i: Majani, anjau wet re kin kotin janjal padaki on kit o jolar ni karajeraj. JOH 16:30 Kit ap ajaer, me re kotin manier meakaroj, o re jota mau on, amen en idok meakot re omui. I me je pojonki, me re kotido jan ren Kot. JOH 16:31 Iejuj kotin japen irail: Komail pojonlar met? JOH 16:32 Kilan, anjau kokodo, ari a leler, me komail pan kamueit pajan, amen amen nan udan deu a o kaje ia la. I ap pan kelep; ari jo, I jota kin kelep, pwe Jam o ieian ia. JOH 16:33 Mepukat I padaki on komail, pwe komail en popole kin ia. Nan jappa komail kin kalokolok, ari jo, komail popol, pwe I kaloedier jappa. JOH 17:1 IEJUJ kotin majani wei mepukat, ap kotin majanda nanlan majani: Jam ai, anjau o leler, en kalinanada japwilim omui ol pwe japwilim omui ol en pil kalinanada komui. JOH 17:2 Duen komui kotiki on i er manaman, en poedi uduk karoj, pwe a en ki on karoj, me komui ki on i er, maur joutuk. JOH 17:3 A iet maur joutuk: Ren aja komui la, me komui ta Kot melel, o Iejuj Krijtuj, me komui kadarador. JOH 17:4 I kalinana komui dar nin jappa, I kanikialar dodok, me komui kotiki don ia, I en wiada. JOH 17:5 A met Jam ai, kom kotin kalinana kin ia pein omui linan, me I linanakier, ni ai mi re omui, ni jappa jaikenta mia. JOH 17:6 I kajanjale on aramaj akan mar omui, me komui ki on ia er jan nin jappa. Irail udan noumui, a komui ki on ia er irail; a re kin kapwaiada omui majan. JOH 17:7 A met re ajalar, me karoj, me komui ki on ia er, pwili jan komui. JOH 17:8 A majan akan, me komui ki on ia er, i me I ki on irail er, o irail aleer o wewekilar melel, me I pwarado jan komui, o re pojonlar, me komui kadar ia dor. JOH 17:9 I kin kapakapa kin ir, I jota kin kapakapa kin jappa, a irail, me komui ki on ia er, pwe noumui irail. JOH 17:10 Pwe karoj me ai, iei noumui; a karoj me noumui, iei ai o I linan kin irail lar. JOH 17:11 I jolar mi jappa, a mepukat mi jappa. I kola re omui. Jam ai jaraui, kanikid irail ni mar omui, me komui ki on ia er, pwe irail en me ta men dueta kita. JOH 17:12 Ni ai mi re irail, I nikid irail er ni mar omui, me komui ki on ia er; I nikid irail er; jota amen ir jalonalar, jeri jalonala eta, pwe kijin likau en pwaida. JOH 17:13 A met I koko wei re omui. I padaki wei mepukat nan jappa, pwe ai peren unjok en mi re ’rail. JOH 17:14 I ki on irail er omui majan, o jappa kailon kin irail er, pwe irail kaidin kij an jappa, dueta, nai kaidin kijan jappa. JOH 17:15 I jota kin poeki, komui en wa irail jan nin jappa, a pwe komui en pera wei jan irail me jued. JOH 17:16 Irail kaidin kijan jappa, dueta nai kaidin kijan jappa. JOH 17:17 Kajaraui kin ir ala melel, pwe me melel omui majan. JOH 17:18 Duen komui kadar ia don jappa, iduen I kadar ir alan jappa. JOH 17:19 I kajarauila pein nai pweki irail, pwe irail kajaraui kila melel. JOH 17:20 A kaidin mepukat eta, me I kapakapaki, a pil irail, me pan pojon ia pweki arail padak. JOH 17:21 Pwe irail karoj en me ta men, duen komui Jam podidi on ia o nai on komui, pwe irail en pil me ta men re ata, pwe jappa en pojon, me komui kadar ia dor. JOH 17:22 A linan, me komui ki on ia er, I ki on irail er, pwe irail en me ta men, dueta kita me ta men. JOH 17:23 Nai on irail, o komui on ia, pwe re en jon laieu, pwe jappa en aja, me komui kadar ia dor, o pok on irail, dueta komui pok on ia er. JOH 17:24 Jam, I men, irail, me komui ki on ia er, en pil mi waja, me I kin mi ia, pwe ren ududial ai linan, me komui ki on ia er, pwe komui pok on ia er mon jappa a tapidar. JOH 17:25 Jam ai pun, jappa jaja komui, a nai me aja komui, a mepukat ajaer, me komui kadar ia dor. JOH 17:26 O I kajale on irail er mar omui. O I pan pil kajaleda i, pwe limpok ota, me komui poke kin ia er, en podidi on ir o nai on irail. JOH 18:1 IEJUJ lao kotin majanier mepukat, ap kotila palilan pil Kidron, o japwjlim a tounpadak kan ian i: Matuel eu mi waja o, me i o japwilim a tounpadak kan kotilon on lole. JOH 18:2 A ludaj me panala i, pil aja waja o, pwe Iejuj o japwilim a tounpadak kan kin purepure Waja o. JOH 18:3 ludaj lao aleer pokon o papa kan jan ren jamero lapalap o parijar akan, ap kokiieila lamp, o jer akan. o kapwa en pei kan. JOH 18:4 A Iejuj me kotin manior meakaroj, me pan pit i, kotiei won irail majani on irail: Ij me komail rapaki? JOH 18:5 Re japon i: Iejuj men Najaret. Iejuj kotin majani on irail: Nai i. A ludaj, me panala i, pil u ian irail. JOH 18:6 Iejuj lao kotin majani on irail: Nai i, re ap puioki jan, pupodi on nan pwel. JOH 18:7 A pil kotin kainoma re irail. Ij me komail rapaki? Irail inda: Iejuj men Najaret. JOH 18:8 Iejuj kotin majani: I indai on komail er, me nai i. Ari, ma komail rapakin ia, en purewei jan mepukat! JOH 18:9 Pwe lepen majan en pwaida, me a kotin majanier: Jota amen irail, me komui ki on ia er, me jalonalar. JOH 18:10 A Jimon Petruj, me na kodlaj mia, ap uja pajan, paleki en jamero lapalap a ladu, pale pajan jalon a pali maun. A ladu o me ad a Malkuj. JOH 18:11 Iejuj ap kotin majani on Petruj: Kapure on om kodlaj nan deu a! Da, dal o, me Jam o kotiki on ia er, i ender nim? JOH 18:12 Ari, pokon o, o ar kaun, o papa en men Juj akan jaikidi Iejuj o jaliedi i. JOH 18:13 O kalua maj ren Anaj, pwe I jam en Kaipaj a paud o jamero lapalap ni par o. JOH 18:14 Iei i Kaipaj, me indai on Juj oko: Me mau, aramaj ta men en kam kila aramaj akan. JOH 18:15 A Jimon Petruj o pil amen tounpadak idauenla Iejuj. A tounpadak men et, me jamero lapalap ajaer, ian Iejuj kotilon on nan matuel en jamero lapalap. JOH 18:16 A Petruj u liki impan wanim o. Tounpadak teio, me jamero lapalap ajaer, pedoi jan kajokajoi on me jinjila wanim o ukelon on Petruj lole. JOH 18:17 Jeripein o, me jinjila wanim, ap indai on Petruj: Kaidin amen ren tounpadak kan en aramaj men et koe? A inda: Nai jo. JOH 18:18 A ladu o papa kan u waja o, jaunda kijiniai, pwe a kapau; irail raneran ia, a Petruj pil ian u raneran. JOH 18:19 Jamero lalalap ap kalelapok ren Iejuj duen japwilim a tounpadak kan o duen a padak. JOH 18:20 Iejuj kotin japen i: I padapadak janjal on jappa; anjanu karoj I kaukawewedar nan jina koke o nan im en kaudok, waja me Juj oko karoj kin pokon pena ia; a jota man meakot, me I padak waja rir. JOH 18:21 Da me kom peidokki re i? Kalelapok ren me ron ia er, me I padaki on irail er, kilan, re aja, me I indada. JOH 18:22 Ni en Iejuj a kotin majani met, amen jan ren papa ko, me uda impa, ap pikir jilan en Iejuj indada: Iduen om japen on jamero lapalap? JOH 18:23 Jejuj kotin japen i: Ma ai lokaia jued, koe ap kadede ki duen a jued, a ma me pun menda koe pikir ia? JOH 18:24 A Anaj ap kadar won jenjal ren jamero lapalap Kaipaj JOH 18:25 A Jimon Petruj u, raneran irail ap indai on i: Ele koe pil amen a tounpadak kan? A kamamada indada: Nai jo. JOH 18:26 Ladun jamero lapalap amen, me jauneki ol o, me Petruj pale jan jalon a, ap indada: Kaidin koe me i kilaner re a nan matuel o? JOH 18:27 Petruj ap pil kamamada. Malek madan kakorotada, JOH 18:28 Irail ap kalua jan Iejuj ren Kaipaj, walan nan im en kadeik. Ari, me jankonai. A irail jota pedelon on nan im en kadeik, pwe re de kajaminela pein irail, pwe re en kak on tunole paja. JOH 18:29 Pilatuj ap pedoi won re irail indada: Da me komail karauneki aramaj men et? JOH 18:30 Irail japen indan i: Ma men et jota me jued amen, je jota pan panalan komui i. JOH 18:31 Pilatuj ap majani on irail: Pein komail ale i, kadeikada i duen omail kapun. Juj oko ap indai on i: A jota muei on kit, jen kamela amen. JOH 18:32 Pwe majan en Iejuj en pwaida, me a kotin majanieda, pwen kajaleda, duen a pan kamatala. JOH 18:33 A Pilatuj pur on nan im en kadeik ekeredo Iejuj, kalelapok re a: Komui Nanmarki en Juj akan? JOH 18:34 Iejuj kotin japen i: Kom indada mepukat jan nan pein omui pam? De akai indai on komui duen nai? JOH 18:35 Pilatuj japen: Da, men Juj amen nai? Toun jap omui o jamero lapalap akan pana don ia komui; da me komui wiadar? JOH 18:36 Iejuj kotin japen: Ai wei kaidin men jappa et. Ma ai wei men jappa et, nan ai papa kan pan pepeita, pwe I ender pan panalan Juj akan; a kaidin ai wei anjau wet, JOH 18:37 Pilatuj ap indai on i: Ari, Nanmarki amen komui? Iejuj kotin japen: Komui me inda, me Nanmarki amen nai. I me I ipwikidier o pwara kidon jappa pwe I en kadede melel. Kijan melel akan kin roneron nil ai. JOH 18:38 Pilatuj indai on i: Dakot melel? A lao indawei mepukat, ap pil pedoi on ren men Juj indai on irail: I jota man diar dip a. JOH 18:39 A tiak eu mi re omail, i en lapwada meamen ni paja. Komail jo men, i en lapwadan komail Nanmarki en Juj akan? JOH 18:40 Irail karoj pil weriwereda indada: Kaidik men et, a Parapaj! A Parapaj me lolap amen. JOH 19:1 PILATUJ ap ale Iejuj wokida i. JOH 19:2 A jaunpei ko irada el en tek eu, rap kidan pon kadokenmai o kapwataki i likau waitata. JOH 19:3 Re ap kai don i indada: Ion Nanmarki en Juj akan! O re pikir jilan i. JOH 19:4 Pilatuj ap pil pedoi indai on irail: Kilan, i wa don komail i, pwe komail en aja, me i jota diaradar dip a. JOH 19:5 Iejuj ap kotieila, kapwataki el en tek o likau pup waitata. A indai on irail: Kilan, jon en aramaj o! JOH 19:6 Jamero lapalap o papa ko lao udial i, irail ap weriwereda indada: Kalopuela i! Kalopuela i! Pilatuj indai on irail: Pein komail ale i kalopuela i! Pwe i jota diar dip a. JOH 19:7 Juj oko japen i: At kapun mia, a duen at kapun a pan kamatala, pwe a wiaki japwilim en Kot pein i. JOH 19:8 Pilatuj lao ronadar mepukat, ap majapwekadar kaualap, JOH 19:9 O purelon on nan im en kadeik o, kalelapok ren Iejuj: Komui koti jan ia? A Iejuj jota kotin japen i. JOH 19:10 Pilatuj ap indai on i: Komui jota japen ia? Komui jota aja, me i manaman on kapiti uk ala o pil manaman on kalopue uk ala? JOH 19:11 Iejuj kotin japen: Jota man om manaman en kaoe ia, ma a jo muei on komui jan poa. Ari, dip en me pana ia don komui er me lapa jan. JOH 19:12 Ari, Pilatuj ap jon kapitila i, a Juj oko weriwer indada: Komui kaidin kompoke pan Jija, ma komui pan kapitila men et. Meamen kajapwiladan nanmarki pein i kin palian Jija. JOH 19:13 Pilatuj lao ronadar kajoi pukat ap kapwareda Iejuj, kaipokedi pon deun kadeik, waja me adaneki Pepment, a ni lokaia en Ipru: Kapata, JOH 19:14 A i ran en onop on paja impan auer kawonu. I ari majani on Juj oko: Kilan, omail Nanmarki! JOH 19:15 A re weriwereda: Jikenewei! Jikenewei! Kalopuela i! Pilatuj majani on irail: Da, i en kamela omail Nanmarki? Jamero lapalap akan japen: Jota at nanmarki, Jija eta. JOH 19:16 I ari panalan irail i, pwen lopuela. Rap koledi Iejuj kaluala. JOH 19:17 A pein i kotin wa a lopu, kotilan waja me adaneki wajan pondal, a ni lokaia en Ipru: Kolkata, JOH 19:18 Waja re kalopuela i ianaki riamen, amen ni pali maun, a amen ni pali main, a Iejuj nan pun ara. JOH 19:19 Pilatuj ap pil wiadar intin eu, kakonei on pon lopu o. A iet intin: Iejuj en Najaret, Nanmarki en Juj akan. JOH 19:20 Juj akan me toto, me wado kedi intin wet, pwe waja Iejuj kotin lopuela ia, me jalon kanim o. A intin o wiauier ni lokaia en Ipru o Krik o Latain. JOH 19:21 Ari, jamero lapalap oko potoan on Pilatuj: Der intiniedi: Nanmarki en Juj akan, a me a indada: Nai Nanmarki en Juj akan! JOH 19:22 Pilatuj japen: Me i intiniedier, i eta ai intin. JOH 19:23 Jaunpei ko lao kalopuela Iejuj, rap ale japwilim a likau kan, lepuk pajan, wiakida pakij paieu, pakij eu on amen amen en jaunpei ko o pil japwilim a jakit, me jo deidei pena, a pon ta jan poa lei pa. JOH 19:24 Irail ap kajoi nan pun arail: Kitail ender ter pajan i, a kadoropwaki, me pan aneki, pwe kijin likau en punala, me indinda: Irail nek pajan ai likau kan nan pun ar o kadoropwa ai jakit. lei me jaunpei ko wiakida mepukat. JOH 19:25 A in en Iejuj u ni tapin lopu en Iejuj, o ri en in a Maria, en Kleopaj a paud, o Maria men Makdala. JOH 19:26 Iejuj lao kotin majani in a o tounpadak men u imp a me a kotin kupura mauki, ap kotin majani on in a: Li, kilan noum ol! JOH 19:27 Ap kotin majani on tounpadak o: Kilan in om! Ari, jan ni auer ota tounpadak o apwali i. JOH 19:28 Iejuj lao kotin manier, me meakaroj nikier, ap kotin majanier: I men nim pilada, pwe kijin likau en punala. JOH 19:29 A kajak mi waja o, me audeki pineka. Irail kaduedi lim eu nan pineka, ki on ni alek apot, kidalan ni jilan i. JOH 19:30 Iejuj lao kotin uraker pineka, ap kotin majani: A nikier. I ari kotin kamotauiedi kadoken mai, kadarala nen e. JOH 19:31 Juj oko up poeki ren Pilatuj, me na irail ni katipitip pajan o ren wijiki jan, pwe war arail ender lanelan nin lopu ran en japat. Pwe iei ran o ran en Imiiiup, pwe iei ran en japat o me lapalap. JOH 19:32 Jaunpei ko ap kai on, katip pajan na en me pali et o en me teio, me ian lopuelar. JOH 19:33 A re lao kai on Iejuj o diaradar, me a matalar, rap jota katip pajan aluwilu a kan. JOH 19:34 A jaunpei men dokoki katieu pot panepan a; madan nta o pil kujekujewei. JOH 19:35 A me udial mepukat, kin kadede o a kadede me melel, o e aja, me a kin kadede, iei me melel, pwe komail en pil pojon. JOH 19:36 Pwe mepukat wiauier, pwe kijin likau en punala: Aluwilu a jota pan tip pajan. JOH 19:37 O pil eu kijin likau kin inda: Irail pan kankakil i, me re dokodi. JOH 19:38 Murin mepukat Iojep men Arimatia, tounpadak en Iejuj amen, ari me rir, pweki a majak Juj oko, ap poeki ren Pilatuj, en mueid on i kalep en Iejuj. Pilatuj ari mueid on i. I ari waiki jan kalep en Iejuj. JOH 19:39 Nikodemuj me poto don Iejuj ni pon, pil kodo, wado paun epuki en potik en mire o aloj. JOH 19:40 Irail ap ale kalep en Iejuj, kidimki pena likau linen kai ianaki pomau kan, duen tiak en Juj akan, ni ar kin jarepedi. JOH 19:41 A waja me a kotin lopuela ia, matuel eu mia ia, a nan matuel joujou kap eu mia, me jaikenta amen jaredi ia. JOH 19:42 I waja me ira nekidala Iejuj, pweki ran en kaonop en Juj akan, o joujou me koren. JOH 20:1 NI ran kaieu en wik Maria men Makdala pwara don joujou o nin joran, a jaikenta ran pajan, ap diaradar, me takai o katapur janer mon joujou o. JOH 20:2 I ap tana wei, ko don Jimon Petruj o tounpadak teio, me Iejuj kotin kupura mauki, indai on ira: Irail wa janer Kaun o nan joujou o, a je jaja, waja re kidi on ia i. JOH 20:3 Petruj ari koieila o tounpadak teio ap ko don joujou o. JOH 20:4 Ira wiaki eu tana wei, a tounpadak teio me madan mon Petruj lel joujou maj. JOH 20:5 A lao itiokidi, ap kilanada likau linen wonon, ap jota pedelon on lole. JOH 20:6 Jimon Petruj ap kokodo idauen i, ap pedelon on nan joujou o, diarada likau linen ko wonon. JOH 20:7 O lim en pudo me pira a kadokenmai, me jota ian likau linen ko; a lim pena waja toror. JOH 20:8 A tounpadak teio me tion don joujou o, ap pil ko on lole; I ari diarada o pojonla. JOH 20:9 Pwe ira kaikenta weweki kijin likau, me a en iajada jan a matala, JOH 20:10 Tounpadak ko ap pur oner nan deu ’ra. JOH 20:11 A Maria u liki jal on joujou o janejan. O ni a janejan a poridi, kilanlon on nan joujou o, JOH 20:12 Kilanada tounlan riamen momod ia, kapwateki likau pwetepwet, amen liman kadokenmai a amen liman aluwilu a kan waja kalep en Iejuj kotikot iaer, JOH 20:13 Ira ari majani on i: Li, da me koe janejanki? A indai on ira: Aki irail wa janer ai Kaun, a i jaja, waja re kidi on ia i. JOH 20:14 A lao indada met, ap joupei wei kilaner Iejuj kotia u o jaja, me i Iejuj. JOH 20:15 Iejuj kotin majani on i: Li, da me koe janejanki? Ij me koe kin raparapaki? A kiki on, me i me jaumat o, ap indan i: Main, ma komui wa janer i, indai on ia, waja komui kidi on ia i, I ap pan wala jan i. JOH 20:16 Iejuj ap kotin majani on i: Maria! I ari joupei on, potoan on i: Rapuni! let wewe: Jaunpadak. JOH 20:17 Iejuj kotin majani on i: Der jair ia, pwe I kaikenta pwarala ren Jam ai, a kola ren ri ai kan, kaire kin irail, I kokodala ren Jam ai o Jam omail, ren ai Kot o omail Kot, JOH 20:18 Maria men Makdala kodo kaireki tounpadak kan, me a kilanadar Kaun o, o me a kotin majani on i mepukat. JOH 20:19 Lao nin jautik en ran ota, ni ran kaieu en wik, ni wanim ko me ritidier, waja tounpadak kan pokon pena ia, pweki ar majak Juj oko, Iejuj ap kotido u nan pun arail, majani on irail: Komail popol! JOH 20:20 A lao majaniada met, ap kajale on irail lim a kan o panepan a. Tounpadak kan ap perenda ni ar kilanada Kaun o. JOH 20:21 Iejuj ap pil kotin majani on irail: Komail popol! Duen Jam o kadar ia do, iduen I kadar komail la. JOH 20:22 A lao majanier met, ap nidi on irail majani: Komail ale Nen jaraui! JOH 20:23 Me komail pan lapwada dip ar akan, re lapwadar; o me komail katenedie dip ar akan, pan tenedier. JOH 20:24 A Tomaj amen ekriamen, me adaneki Didimoj, jota ian irail, ni Iejuj kotin pwarador. JOH 20:25 Tounpadak teio ap indai on i: Je kilaner Kaun o. A i me indai on irail: Ma i jota pan kilan lip en mata nan lim a kan, o kilon on nan lip en mata jondi en pa i, o kilon on pa ni panepan a, i jota pan pojon. JOH 20:26 Murin ran walu japwilim a tounpadak kan pil pokon pena, o Tomaj ian irail. Wanim ko lao ritidier, Iejuj ap kotido, u nan pun arail majani: Komail popol! JOH 20:27 Ap kotin majani on Tomaj: Kido jondin pa om o kilan pa I kat, o kido pa om, kilon on nan panepan ai, o der jopojon, a pojon ta! JOH 20:28 A Tomaj japen indan i: Ai Kaun o ai Kot! JOH 20:29 Iejuj kotin majani on i: Pweki om kilan ia er, koe pojon kilar, a meid pai, me kaikenta kilan ap pojon. JOH 20:30 Kilel toto me jo intinidier nan puk wet, me Iejuj kotin wiadar nan pun en japwilim a tounpadak kan. JOH 20:31 A mepukat me intinidier, pwe komail en pojon, me Iejuj me Krijtuj japwilim en Kot ol. O komail en pojon ap aneki maur pweki mar a. JOH 21:1 A MURIN mepukat Iejuj pil kajale on tounpadak kan pein i pon le en Tiperiaj; a iet duen a kajaledar: JOH 21:2 Jimon Petruj o Tomaj, me adaneki Didimoj, o Natanael men Kana nan Kalilaa, o nain Jepedauj ol oko, o pil japwilim a tounpadak riamen me pokon pena, JOH 21:3 Jimon Petruj indai on irail: I pan kola laid. Irail indai on i: Je pil pan ian uk. Irail ari koieila, kereda pon kijin jop pot. A ni pon o re jota jaikidi meakot. JOH 21:4 A lao waja ranier, Iejuj ap kotikot ni oror, a japwilim a tounpadak kan jaja, me i Iejuj. JOH 21:5 Iejuj ap kotin majani on irail: Jeri ko, jota kan omail? Re japen i: Jota. JOH 21:6 A kotin majani on irail: Kaduiedi uk o pali maun en jop o, a komail pan diarada. Irail ap kaduedi; re ap jolar kak apiada pweki mam toto. JOH 21:7 Tounpadak o, me Iejuj kotin kupura mauki, ap indai on Petruj: Iei Kaun o. Jimon Petruj loa ronadar, me i Kaun o, ap pira on a jakit en liki pwe a kilijo, ap lujedi on nan le o. JOH 21:8 A tounpadak tei kan jeijei kodo nan kijin jop, pwe re jo doo jan jap o, ele tipon en pa riepuki, urakido uk o mam oko. JOH 21:9 Irail leler jap, rap diaradar kijiniai o mam oko nji poa o prot. JOH 21:10 Iejuj ap kotin majani on irail: Wado kijan jaik omail! JOH 21:11 Jimon Petruj ap koda waike lon don nan jap uk o, me dir en mam kalaimun epuki limek jilimen; mam me toto, ari jo, uk jota olar. JOH 21:12 Iejuj kotin majani on irail: U kodo mana! A jota amen ren tounpadak kan kak idok re a: Ij komui? Pwe re ajaer, me i Kaun o. JOH 21:13 Iejuj ap kotido limada prot, nek on irail o pil mam oko. JOH 21:14 A i me kajilepak en Iejuj a kotin kajale on japwilim a tounpadak kan pein i, murin a iajada jan a matalar. JOH 21:15 Irail lao manaer. Iejuj ap kotin majani on Jimon Petruj: Jimon, nain Iona, koe kin pok on ia mon mepukat? A i potoan on i: Ei Main, ir me mani, me i kin pok on ir. A kotin majani on i: Apwali nai jippul akan! JOH 21:16 A pil majani on i kariapak: Jimon, nain Iona, koe kin pok on ia? A japen i: Ei Main, ir me kotin mani, me i kin pok on ir. A kotin majani on i: Apwali nai jip akan! JOH 21:17 A kotin majani on i kajilepak: Jimon, nain Iona, koe kin pok on ia? Petruj ap mamauki a peidok pan jilepak: Koe pok on ia? A potoan on i: Main, ir me kotin mani meakaroj, re kotin mani, me i kin pok on ir. Iejuj kotin majani on i: Apwali nai jip akan! JOH 21:18 Melel, melel I indai on uk, ni om manakap koe pein pirai uk pena, ap alu wei waja, me koe mauki. A koe lao likailapala, koe nek kida wei pa om akan, a amen pan pirai uk edi o kalualan waja, me koe kan kola ia. JOH 21:19 I me a kotin kokop kidar, duen a pan kapinaki Kot a matala. A lao kotin majanier met, ap majani on i: Idauen ia! JOH 21:20 Petruj ap joupewei, kilan tounpadak o idauen ira, me Iejuj kotin kupura mauki o me pil mi pan kupur a ni kamadip o kalelapok: Main, ij i, me pan pan komui la? JOH 21:21 Petruj lao kilaner i, ap indai on Iejuj: Main, menda men et? JOH 21:22 Iejuj kotin majani on i: Ma I mauki, a en mimieta I lao puredo, menda re om? Koe en idauen ia! JOH 21:23 Kajoi pot et ap loloki jili nan pun en jaulan kan, me dene tounpadak o jota pan mela. A Iejuj jota kotin majanier, me a jota pan mela, a: Ma I mauki, a en mimieta I lao puredo, menda re om? JOH 21:24 let tounpadak, me kadele mepukat o intiniedier mepukat; a je aja, me a kadede me melel. JOH 21:25 A jon toto, me Iejuj kotin wiadar a ma irail karoj pan intinidi, i lamelame, me jappa jota itar on koledi puk kan, me pan intinidi. ACT 1:1 MAIN Teopiluj, i wiadar tapin kajoi duen meakan, me Iejuj kotin tapiadar, duen a wiawia o kaukawewe karoj, ACT 1:2 Lao lel ran en a peukedala mon a kotin kakalik on wanporon akan, me a kotin piladar ren Nen jaraui, ACT 1:3 Me a pil kotin kajanjale on pein i ieiaj ki kilel melel toto murin a kalokolok o a pwara don irail ran paeijok o kapakaparokeki duen tiak en wein Kot. ACT 1:4 A ni a kotikot re ’rail, a kotin kakalikion irail, ren der kowei jan Ierujalem, a ren auiaui, inau en Jam lao pwaidar, me komail rona jan ia er. ACT 1:5 Pwe Ioanej wia paptaij ki pil, a komail pan paptaij kila Nen jaraui ni eu ran me koren. ACT 1:6 Irail lao pokon penaer, rap kalelapok re a potoan on: Main, anjau wet re pan kotin kapure don Ijrael wei o? ACT 1:7 A kotin majani on irail: Menda re omail, en aja anjau de auer, me Jam okila nan pein a manaman? ACT 1:8 A komail pan ale manaman en Nen jaraui, me pan di po omail; komail ap pan ai jaunkadede kan nan Ierujalem, o ludaa pon o Jamaria, o lel won irepan jappa. ACT 1:9 A lao majanier mepukat, ap peukedalar ni ar kankakil, pali en dapok pali idandalar i jan mon maj arail. ACT 1:10 Ni ar kilekilan nanlan, ni anjaun a kotidala, kilan, ol riemen mi nan likau pwetepwet, kotikot re ’rail. ACT 1:11 Me pil majani: ol en Kalilaa komail, da me komail jarakidan nanlan? lel Iejuj, me peukedala nanlan jan komail, a pan kotin puredo, duen komail udialer a kotidalar. ACT 1:12 Irail ap purelan lerujalem jan dol o, me ad a Oliwe, me koren ion lerujalem; a doo jan al en japat pot. ACT 1:13 Irail lao kotilon on, ap kotidan nan pera poa, waja re kin kotikoteta, irail karoj: Petruj, o loanej, o Iakopuj, o anreaj, o Pilipuj, o Tomaj, o Partolomauj, o Matauj, o Iakopuj nain Alpiiuj, o Jimon Jelotej, o Iudaj ri en Iakopuj. ACT 1:14 Mepukat karoj wiaki eu podidi on kapakap, li akai pil ian irail, o pil Maria in en Iejuj o ri a ol akan. ACT 1:15 Ni ran oko Petruj ap uda nan pun en jaulan kan majani (irail me impan epukiriek) ACT 1:16 Ri ai kan, kijin likau en punala, me Nen jaraui kalokaia ki Dawid maj o iran Iudaj, me karedo, me jaikidi Iejuj oko. ACT 1:17 Pwe a pil wadawad on kitail, er o aleer pwaij a dodok wet. ACT 1:18 Nan ol men et pwaine kidar pwain en a japun jap eu, a ni a dikaudi, ap lop pajan o kananan kaped a ap poie jan. ACT 1:19 Toun lerujalem karoj ajada met. Ari, jap o adanekila akeldama ni pein arail lokaia; iet wewe: Jap en nta. ACT 1:20 Pwe a intinidier nan puk en pjalm: Im a en lijelipinala o jolar, me pan kaujon lole, a amen me pan ale a koa. ACT 1:21 Ari, amen jan ren ol akan, me poden ian kitail er, ni anjau me Kaun Iejuj kotikot re atail, ACT 1:22 Jan ni muein paptaij en loanej kokodo lel ni ran o, me a kotin peukada jan kitail er, pan ian kitail wiala jaunkadede en a kotin iajada. ACT 1:23 Irail ari kileledi riamen: Iojep iei Parjapaj, me pil ad a Iojtoj o Matiaj. ACT 1:24 Irail ap kapakap majani: Main, ir me kotin mani monion en amen amen, re kotin kajanjaleda, ij me re kotin pilada ren me riamen et, ACT 1:25 Pwe i en ale pwaij a dodok wet o koa en wanporon, me Iudaj pupe jan, pwen kolan deu a. ACT 1:26 Irail ap kadoropwada. A doropwa ko on Matiaj; i ari ian wadawad on wanporon ekamen oko. ACT 2:1 RAN en pentikoj lao leler, irail karoj kot pena waja ta kij. ACT 2:2 A madan nil laud eu likamata nil en melimel peidido jan nanlan o kadirela im o waja, re kot pena ia. ACT 2:3 A lo jiraneran akai likamata kijiniai pwarado jokedi pon amen amen. ACT 2:4 Irail karoj ap dire kila Nen jaraui ap pikikidi padaki wei ni lokaia toror, duen Nen kotin kamajan irail ada. ACT 2:5 Men Juj, ol lelapok ko jan nan wei karoj pan lan kaikairu lerujalem. ACT 2:6 Irail lao roner duen mepukat karoj, ap pokon penaer o puriamui kila, aki amen amen roner udan a lokaia. ACT 2:7 Irail karoj poneponeki o puriamuiki indada: Kilan, kaidin mepukat karoj men Kalilaa, me kin padapadak? ACT 2:8 A daduen, kit kin ron irail amen amen ni udan nil atail? ACT 2:9 Men Partien, men Medien, men Elam, o toun Mejopotamien, o Iudaa, o Kapadojien, o Pontuj, o Ajien, ACT 2:10 O Prikien, o Pampilien, o Akipten, o liman Lipien; jalon Kirene, o men Rom, me mi waja et, karoj Juj oko o Projelit oko, ACT 2:11 Men Kreta o men Arapien, iaduen kitail kin ron kin irail udan nil atail ar katitiki manaman en Kot akan? ACT 2:12 Irail karoj ari pinidar o ponepondar, indada nan pun arail: Dakot met? ACT 2:13 Akai lalaue indada: Irail dire kila wain kap. ACT 2:14 A Petruj ianaki ekamen oko ap kotida, kapitie laudeda majani on irail: Ol en Iudaa kan o komail karoj, me kaujon Ierujalem, komail en aja duen met, o komail ron maj ai padak! ACT 2:15 Pwe mepukat kaidin jakaular, duen omail kiki on, pwe apton auer kajilu en ran wet; ACT 2:16 Pwe iei mepukat, me lolok ren jaukop Ioel: ACT 2:17 Kot kotin majanier: Ieteten me pan wiaui ni imwilan ran akan: I pan kamoredi Nen i pon uduk karoj. Noumail ol o li akan ap pan deideikop, o noumail manakap akan pan kilekilan kaudial akan, o noumail di ma kan pan auramenda; ACT 2:18 A ni ran oko I pil pan kamoredi Nen i pon ai ladu o lidu kan, rap pan deideikop. ACT 2:19 O I pan kapwareda manaman akai nanlan pali poa, o kilel akai nin jappa pali pa: Nta, o kijiniai, o adiniai; ACT 2:20 A katipin pan wukila rotorotala, a jaunipon pan wiala nta mon ran lapalap o linan en Kaun o pan pwarado. ACT 2:21 O a pan wiaui ma meamen likwir on mar en Kaun o, a pan dorela. ACT 2:22 Ari ol en Ijrael, komail ron kajoi pot et: Iejuj men Najaret ol amen, me Kot kotin kilele kidar nan pun omail dodok kelail akan o manaman akan, o kilel akan, me Kot kotin wiaki i nan pun omail, duen me komail pein aja; ACT 2:23 I lao panalar duen kupur en Kot erpit, komail ap jaikikidi pa en me japun kan, ap pajuredi on ni lopu o kamatalar. ACT 2:24 I me Kot kotin kaiajadar, ni a kotin lapwada jal en a matala, pwe a jota kak on, en kolekol i. ACT 2:25 Pwe Dawid majanier duen i: I ninar Kaun o potopot mo i; pwe a kotikot ni pali maun i, pwe i ender mokid. ACT 2:26 I me monion i peren kida, o lo i popoleki; pil uduk ai pan kamoledi ni kaporopor. ACT 2:27 Pwe re jota pan kotin likidmaliela nen i nan wajan mela pil jota kotin mueid on, me japwilim ar Jaraui o pan mor pajan. ACT 2:28 Re kotin kajanjale on ia er al en maur akan; re pan kotin kadir kin ia la popol mon jilan ar. ACT 2:29 Ri ai kan mueid on ia, en aima padaki on komail duen jam atail Dawid, me pil matalar o jaredier, o japwilim a joujou mi re atail lao lel ran wet. ACT 2:30 A jaukop amen, ap mani, me Kot kotin kaula inauki on i me kijan wa men pan kaipokedi pon mol a. ACT 2:31 Ari, ni a mamani duen en Iejuj a iajada, ap kotin majani, me a jota likidmalielar nan wajan mela, o pil uduk a jota mor pujan. ACT 2:32 I lejuj, me Kot kotin kaiajadar, kit karoj jaunkadede en mepukat. ACT 2:33 A lao japwilekidar pali maun en Kot, a kotin aleer jan ren jam, en kapwaiada inau duen Nen jaraui, ap kotin kamoredi, me komail kin udial o roneron. ACT 2:34 Pwe kaidin Dawid, me kotidala nanlan kan, a pein i kotin majani: Kaun o kotin majani on ai Kaun: Mondi ni pali maun i! ACT 2:35 I lao wiaki om imwintiti utipan na om akan. ACT 2:36 Ari, men Ijrael karoj en aja melel, me Kot kotin kajapwilada i, en Kaun o Krijtuj i Iejuj me komail kalopuelar. ACT 2:37 Irail lao ronadar met, ap lel on nan monion arail, re ap indai on Petruj o wanporon tei kan: Ri at oko, da me jen wiada? ACT 2:38 Petruj ap majani on irail: Komail kalula, o amen amen en paptaij on ni mar en Iejuj Krijtuj, pwe dip omail akan en lapwada. A komail pan tunole Nen jaraui. ACT 2:39 Pwe nan inau wet on komail o noumail jeri kan, o on irail karoj men iluwei, mo Kaun, atail Kot, pan kotin molipo. ACT 2:40 O pil jon en majan toto, me a kadede on irail, o panaui kin irail, majani: Komail en dorela pein komail jan nan di jued wet! ACT 2:41 Irail me duki on a majan ap paptaijela; ari, ni ran o aramaj impan jilekid me jaulanalar. ACT 2:42 Irail dadaurata padak en wanporon akan, o ar minimin pena, o kamadip jaraui, o kapakap akan. ACT 2:43 Lomwi ap kipadi aramaj karoj o manaman o kilel akan toto wiauier ren wanporon akan. ACT 2:44 O karoj me pojonla, kin pokopokon o aneki pena kapwa takij. ACT 2:45 O netikila ar kapwa kan o nene on irail karoj, duen ar jamama amen amen. ACT 2:46 Irail ari kaukaule wia minimin eu nan im en kaudok o, o pilitiki pena prot nan im ar akan, o re manamana ni popol, o lolepot pena, ACT 2:47 Kapikapina Kot o konekon ren aramaj karoj. A Kaun o kotiki on momodijou, me dorola kan ni ran karoj. ACT 3:1 A PETRUJ o Ioanej wiaki on kotidalan nan im on kumlok ni auer en kapakap, auor kmlinui. ACT 3:2 A ol amen me tikida na a danidan, me kin wijikedo pwiledi liman wanim on im en kumlok, me ad a Iinan, ni ran karoj, pwen wia poekipoeki ren me kin kolon on nan im en kaudok. ACT 3:3 A lao kilaner Petruj i Ioanej, ni ara pan kotilon on nan im en kaudok, ap poeki, pwen ale meakot. ACT 3:4 A Petruj i Ioanej majani i, ap majani on: Jaradan kit! ACT 3:5 I ari jaradan ira, kajikajiki, me a pan tunole meakot re ’ra. ACT 3:6 Petruj ap kotin majani: Jota ai jilper de kold, a meakot mi re i, me i pan ki on uk: Ukida mar en Iejuj Krijtuj en Najaret o alu! ACT 3:7 I ari koledi pa a maun o kauada i, a na a o tikil en na ap madan kelailadar. ACT 3:8 Ap lujada o alu ian ira lan nan im en kaudok, majimajiok jili, kapikapina Kot. ACT 3:9 O aramaj karoj kilan a alialu jili o kapikapina Kot. ACT 3:10 A irail aja, me i, me kin poekipoeki liman wanim linan en im en kaudok, irail pinkidar o poneponeki duen me wiaui on i er. ACT 3:11 A ni a ian Petruj, o Ioanej, aramaj karoj puriamuiki, ap tan penan irail nan palank, me ad a palank en Jalomo. ACT 3:12 Petruj lao majani mepukat, ap kotin majani on pokon o: Ol en Ijrael, da me komail puriamui kila met? De da me komail kilekilan kin kit, likamata kit me kakelada i ni pein at kel de lelapok? ACT 3:13 Kot en Apraam, o Ijaak, o Iakop, Kot en jam atail akan kalinanada japwilim a ladu Iejuj, me komail panala o likidmaliela ren Pilatuj ni a kileledier, me a pan lapwada i. ACT 3:14 A komail likidmaliela me Jaraui o, o me Pun, ap poeki lolap amen, en lapwa don komail. ACT 3:15 A komail kamatalar tapin maur, me Kot kotin kaiajadar jan ren me melar akan, kit kin jaunkadede en mepukat. ACT 3:16 Aki pojon mar a, mar a ap kakelada men et, me komail kin kilan o aja, o a pojon kare on i kelail melel wet mo omail karoj. ACT 3:17 Ari ri ai kan, i ajaer, me omail jaja, me komail wiaki met, pil dueta omail jaumaj akan. ACT 3:18 A ni mepukat Kot kotin kapwaiadar, me a kotin majanier ren jaukop akan karoj, me Krijtuj pan kalokolok. ACT 3:19 Komail ari kalula o wukila, pwe dip omail akan en joredi jan, pwe muein kamaur en pwaida jan wajailen Kaun o. ACT 3:20 A lao kotin poronedo, me loki on komail er: Iejuj Krijtuj, ACT 3:21 Me pan kotikot nanlan lao lel anjau, me meakaroj pan punala, duen me Kot kotin majanier ren japwilim a jaukop jaraui kan jan maj kokodo. ACT 3:22 Pwe pil Mojej kotin majanier: Kaun omail Kot pan kaipwi on komail Jaukop amen, ipwin ri omail akan dueta nai, i me komail en rona jan meakaroj, me a pan kotin majani on komail. ACT 3:23 A iet me pan wiaui: Aramaj karoj, me kan peiki on jaukop o, pan kajapokela jan ren aramaj. ACT 3:24 A jaukop karoj irerokedo jan Jamuel, karoj me padapadak pil kokoper duen ran pukat. ACT 3:25 Komail japwilim en jaukop akan o en inau, me Kot kotin wiai on jam atail akan ni a kotin majani on Apraam: Kainok kuroj nan jappa pan paieki anen kadaudok om. ACT 3:26 Kot kotin porone don komail japwilim a ladu maj ni a kotin molipe i; pwen kapaia kida komail, en kawuki jan komail kuroj dip omail akan. ACT 4:1 A NI ara padapadaki on aramaj akan, jamero kan, o jaumaj en im en kaudok, o jadujar akai, ap pokon don ira; ACT 4:2 Pwe re makaraki ara kawewe on aramaj akan o ar padapadaki, me Iejuj pan kotin kaiajada me melar akan. ACT 4:3 Irail ap kol ira di o kila ira nan imaten lao manda, pwe a waja ponier. ACT 4:4 A me toto, me ian ronadar majan o, pojonlar; ari, toto en ol akan impan limekid. ACT 4:5 A mandan ran o jaumaj, o monjap, o jaunkawewe kan pokon pene nan Ierujalem. ACT 4:6 A jamero lapalap Anaj, o Kaipaj, o Ioanej, o Alekjander, o karoj, me kijan kainok en jamoro lapalap, ACT 4:7 Irail pwiliki ira di nan pun arail, ap kainoma re ’ra: Ni kel en ij, de ni mar en ij, me komail wiaki met? ACT 4:8 Petruj me dir en Nen jaraui ap majani on irail: Main ko, jaumaj en wei o monjap en Ijrael komail, ACT 4:9 Ma je pan pakadeikada, o komail kainoma re at ran wet, pweki dok man on aramaj jomau men, o da me a kelaile kida, ACT 4:10 Komail o aramaj en Ijrael karoj en mani, me mar en lejuj Krijtuj men Najaret, me komail kalopuelar, me Kot kotin kaiajadar jan ren me melar akan, nan i eta, me men et uki o kelail kidar. ACT 4:11 I takai o, me lokidokila ren komail jauje kan, me id wiala takai en pukakaim. ACT 4:12 O jota amen, me maur mi re a, pwe pil jota eu mar pan lan, me pakadara don aramaj, me kitail pan maur kida. ACT 4:13 A ni ar kilekilaner en Petruj I Ioanej ara pereperen o jo majak, rap puriamui kila, pwe re ajaer, me ira aramaj mal me jota ian jkul, o jota non audaud, rap ajaer, me ira ianer lejuj. ACT 4:14 A ni ar kilaner aramaj o, me kelailadar, uda imp ara, rap jajalar lokaia. ACT 4:15 Irail lao kadar ira jan nan kapun, re ap kapukapun pena indada: ACT 4:16 Da me kitail en wiai on aramaj pukat, pwe toun Ierujalem ajaer, me ira wiadar kilel janjal eu, a kitail jota kak kalikama. ACT 4:17 A pwe ede lolokjili nan pun en aramaj akan, kitail en padik inapwi ira di, me ira de padaki on aramaj amen ni mar wet. ACT 4:18 Irail lao eker ira do re ap inapwiedi me ira der pan padaki de kawewe ni mar en lejuj. ACT 4:19 A Petruj o Ioanej japen majani on irail: Iaduen, me pun pan kupur en Kot, jen pwili jan komail mon Kot? Pein komail kajaui! l. ACT 4:20 Pwe je jo kak jo katitiki, me je kilaner o ronadar. ACT 4:21 Irail ap kainapwi ira di kalaudela, re ap kadar ira la, pwe jota me re diaradar, me ira en kamekameki, pweki aramaj akan, pwe karoj, kapina Kot, duen me wiauier. ACT 4:22 Pwe aramaj o, me manaman en kakelada wiaui on, daulier jaunpar paeijok. ACT 4:23 Ira lao lapwadar, ap kola ren ian ara ko, kaireki meakan, me jamero lapalap o jaumaj akan katiti on ira. ACT 4:24 A irail lao ronadar, rap wiaki eu potoan on Kot: Main ir me Kot, me kotin kapikadar lan o jappa, o madau o audepa ’ra karoj. ACT 4:25 Ir me kotin majani ren Dawid, japwilim ar ladu: Da me men liki kan linaranaraki, o da me wei kan lamelameki me mal akan? ACT 4:26 O nanmarki en jappa kan kanudier o jaumaj akan pokon pena, en palian Kaun o japwilim a Krijtuj. ACT 4:27 Pwe melel nan kanim wet irail karoj pokon penaer, iet akan: Erodej, o Pontiuj Pilatuj, ianaki men liki kan, o men Ijrael akan pwen palian japwilim ar ladu jaraui Iejuj, me re kotin keiedier, ACT 4:28 Pwen kapwaiada meakan, me lim ar o kupur ar kileledier, en wiaui. ACT 4:29 Ari Main, re kotin mani arail linaranar, kotiki on japwilim ar ladu kan, en kaloki ar majan ni peren. ACT 4:30 O kotin kapa wei lim ar, pwen kakelada, o kilel, o manaman akan en wiauiki mar en japwilim ar ladu jaraui Iejuj. ACT 4:31 Ar kapakap apton nikier, waja me re kot pena ia, ap mokimokid. Irail karoj ap direkila Nen jaraui, ap padapadaki majan en Kot ni pereperen. ACT 4:32 A monion o nen en ir karoj me pojonlar, kin lamalam ta pot, o jota me indada duen ar kapwa: Ai met, pwe re aneki pena kapwa takij. ACT 4:33 A wanporon akan me kelail ni arail kadede me Kaun Iejuj kotin iajadar, a mak lapalap ian irail karoj. ACT 4:34 O jolar amen irail, me jo a tunol, pwe karoj, me jap de im arail mia, ap netikilar o wado pwain en me netilar akan. ACT 4:35 O pwilikidi ni aluwilu en wanporon akan, o nek on amen amen duen ar jamama. ACT 4:36 A Iojej me wanporon akan ki on mar a Parnapaj, (iet wewe: Nain kapol), kadaudok en Lewi amen, men Jipern, ACT 4:37 Me jap we mia, ap netikilar o wado pwain a, pwilikidi ni aluwilu en wanporon akan. ACT 5:1 A ol amen ad a Ananiaj o a paud Japira netikila jap eu, ACT 5:2 Ap okijan kijan pwain a, me a paud ian aja, o wado lu en moni, pwilikidi ni aluwilu en wanporon akan. ACT 5:3 A Petruj majani: Ananiaj menda Jatan kadirela monion om, pwen likam on Nen jaraui o okijan kijan pwain en jap o? ACT 5:4 Kaidin udan om, ma a jota pan netila? O kaidin injen om ni a netilar? A menda koe inauki on nan pein monion om mepukat? Kaidin aramaj, me koe likam on, pwe on Kot. ACT 5:5 Ananiaj lao ronadar majan pukat, ap pupedi mela. A karoj, me roneron mepukat, majakadar kaualap. ACT 5:6 A manakap oko ap udar, kidim pena i, wala jan, jarepedier. ACT 5:7 Kadekadeo murin auer jilu a paud pwarado, a jota aja, me wiauier. ACT 5:8 Petruj ap majani on i: Katiti on ia, ma koma netikila jap o ni pwain wet? A japen: Ei i eta. ACT 5:9 Petruj ap majani on i: Menda koma inauki pena, en kajonejon Nen on Kaun o? Kilan, na en me jaropedier om paud miermon wanim o, o re pan wa uk ala. ACT 5:10 I ap madan pupedi ni aluwilu a mela. A manakap oko lau pedelon on, rap kilanada, me a melar, re ap wala jan o jarepedi i impan a paud. ACT 5:11 Lomui kaualap kipadi momodijou karoj, o karoj me roneron mepukat. ACT 5:12 A kilel o manaman akan toto wiauiki lim en wanporon akan nan pun en aramaj akan. Irail karoj kot pena nan palank en jamolo ni lamalam ta pot. ACT 5:13 A jota amen jan ren men liki kan kak pat on irail, pwe karoj waune kin irail. ACT 5:14 A me toto, me pojonlar wuki on Kaun o irail me totoia, ni o Ii akan. ACT 5:15 Irail wala me jomau kan pon al akan, pwiliki irail edi pon pet, o ro akan, pwe mot en Petruj en lel on amen irail, a Iau kotido. ACT 5:16 A toun kanim akan, me mi impa, pwaradon Ierujalem, wado me jomau o me kalokolokki nen jaut, akai, irail karoj ap kelailadar. ACT 5:17 A jamero lapalap o karoj me ian i, me pwin en jadujar, ap uda makar kida kaualap, ACT 5:18 Koledi wanporon akan o ki irail la nan imaten. ACT 5:19 A tounlan en Kaun o kotin ritinada wanim en imaten oko ni pon, o kotin kalua irail la liki majani: ACT 5:20 Komail kola janjal mon aramaj, padaki on irail nan im en kaudok duen majan kan karoj en maur wet. ACT 5:21 Irail lao ronadar met, rap jankonai on nan im en kaudok o kaweweda. A jamero lapalap o ian oko ap kodo, eker pena kapun, o jaumaj en men Ijrael akan karoj, o ilakwei on imaten o, pwe irail en wijikedo. ACT 5:22 A ladu kan lao pwarado, rap diaradar, me re jolar mi nan imaten o, re ap purodo katitiki, ACT 5:23 Indada: Je diaradar imaten a ritidier mau, o pwin jilepa ar uda mon wanim oko, a je lao ritinadar, jota amen me je diar lole. ACT 5:24 A kapin en im en kaudok, o jamero lapalap akan lao ronada duen lokaia pukat, re ap ponepon kidar o jota aja, da imwin mepukat. ACT 5:25 Amen ap pwarado kaire kin irail: Kilan, ol oko, me komail kilan nan imaten, u nan im en kaudok, padapadaki on aramaj akan. ACT 5:26 Kapin ianaki ladu kai ap koieila uk irail do, a re kadek on irail, pwe re majak aramaj akan, pwe re de kate irail. ACT 5:27 Irail wa ir do, ap kidi on mon kapun o, a jamero lapalap idok re ’rail. ACT 5:28 Majani: Kit jo inapwi komail edi kaualap, me komail ender kawewe ni mar wet? A kilan, komail kadire kila Ierujalem omail lamalam o, o komail kin men kapokon on kit ntan aramaj men et. ACT 5:29 Petruj o wanporon akan ap japen majani: Kitail en oke Kot mon aramaj. ACT 5:30 Kot en jam atail akan kaiajadar Iejuj, me komail kamatalar, pwe komail pajuredier I on ni lopu eu. ACT 5:31 Nan i me Kot kotin kajapwila kidar pali maun a, pwen Kaun o Jaunkamaur, pwen kotiki on men Ijrael, en kalula o lapwa pan dip akan. ACT 5:32 A kit me japwilim a jaunkadede ni mepukat, pil Nen jaraui me Kot kotiki oner ren me peiki on i. ACT 5:33 Irail lao ronadar met, re ap linaranar kaualap o kapikapiki pena, en kame ir ala. ACT 5:34 Amen ap uda nan kapun o, Parijar amen ad a Kamaliel, jaunkawewe amen, me majamaj ren aramaj karoj, me majani, ren kila liki ol oko anjau kij. ACT 5:35 A majani on irail: Ol en Ijrael komail, kalaka aramaj pukat, me komail pan wia! ACT 5:36 Pwe ni ran tei ko Teudaj udar ponmajoki, me a me lapalap, a ol impan papuki ianala i, I ari kamelar o karoj, me peiki on i, muei pajan o joredier. ACT 5:37 A murin ol o Iudaj en Kalilaa ap uda ni anjaun wadawad o kaweid japun aramaj toto, ren tuki on i. Ari, a pil melar o karoj, me ian i, muei pajaner. ACT 5:38 I ap panaui komail, en jopwei jan aramaj pukat, o der doke irail, pwe ma lamalam o wiawia en me ren aramaj, a pan joredi, ACT 5:39 A ma ren Kot, komail jota kak kawe ir ala, pwe komail de kadiarokada, me kin palian Kot. ACT 5:40 Irail ari peiki on i. Re lao ekeredo wanporon akan o woki irail, re ap inapwiedi, ren der padak ni mar en Iejuj, o kadar ir ala. ACT 5:41 Irail ari koiei jan ni momod en kadeik o, o peren kida, me re war on kamekameki mar a. ACT 5:42 A ran karoj re jota dukedi jan arail kawewe nan im en kaudok o nan deu arail akan, o re padapadaki me Iejuj me Krijtuj. ACT 6:1 A TOUNPADAK kan lao totolar ni ran pukat men Krik kai ap lipaned on men Ipru, aki jota me apwali ar li odi kan ni ar dodok en ran akan. ACT 6:2 Ekriamen oko ap molipe pena tounpadak kan majani: A jota mau on, jen muei jan majan en Kot, pwen papa ni tepel. ACT 6:3 Ari ri (at) akan, rapaki jan nan pun omail ol ijimen, me kalok mau, me dir en Nen (jaraui) o lolekon, me jen kajapwiladan dok wet! ACT 6:4 A kit pan apapwalita kapakap o dodok pan majan o. ACT 6:5 Pokon o ari peren kida kaparok pot et. Re ap piladar Jtepanuj, ol amen, me dir en pojon o Nen jaraui, pil Pilipuj, o Prokoruj, o Nikanor, o Timon, o Parmenaj, o Nikolauj, projelite jan Antiokien amen. ACT 6:6 Re kidan irail mon wanporon akan. Re lao kapakaper ap kidan po ’rail lim ar. ACT 6:7 Majan en Kot ari pwaida kaualap, o tounpadak kan madan totolar nan lerujalem, o jamero toto pil ian lamalam o. ACT 6:8 A Jtepanuj, me dir en pojon o kelail, ap wiadar manaman o kilel laud kai nan pun en aramaj akan. ACT 6:9 A akai me udar, me kijan jinakoke en Liperti o men Kirene, omen Alekjandrien, o men Jilijia, o Ajien akamai on Jtepanuj. ACT 6:10 A re jota kak palian en Jtepanuj a kupurokon o Nen o, me audeda i. ACT 6:11 Irail ari pwain on ol akai, pwen katiti: Je roner, me a lalaue mojej o Kot. ACT 6:12 I rail pil kamakarada aramaj, o jaumaj akai, o jaunkawewe, re ap jaikidi i o koledi, re ap wa don i mod en kadeik o, ACT 6:13 O kapwareda jaunkadede likam akai, me katitiki: Aramaj men et jota kin dukedi jan a lulaue waja jaraui et o kapun. ACT 6:14 Pwe je roner, me a katitiki, me Iejuj en Najaret pan kawela waja et o kawilianla lamalam kan, me Mojej kotiki on kitail er. ACT 6:15 A karoj, me ian mod on kapun o, kankakil i, kajauiada, me jilan a dueta jilan en tounlan amen. ACT 7:1 JAMERO lapalap ap majani: I Melel mepukat? ACT 7:2 A majani: Ri ai o jam ai kan, komail ron, Kot en linan kotin pwara don jam atail Apraam ni a kotikot Mejopotamien, ni a jaikenta kotikot Aran, ACT 7:3 O kotin majani on i: Kowei jan nan jap om o jan ren jau om, ko won eu jap, me I pan kajale on uk! ACT 7:4 I ap lipa jan nan jap en Kaltiia o kotikot Aran. Jam a lao matalar, a kotin kalua won i jap wet, waja komail kotikot anjau wet. ACT 7:5 I ari jota kotin mueid on i, en japaneki jap o, jota waja, me laude on pat en na eu, ap kotin inauki on i, ni anjau jaikenta japwilim a jeri, me a pan kotiki on i o kadaudok a, en japaneki. ACT 7:6 A iet duen me Kot kotin majani: Kadaudok a pan kakairu nan jap en men wai, o re pan lidula, o kanaudokala jaunpar papuki. ACT 7:7 O Kot kotin majani: I pan kadeikada toun wei o, me re kin liduliduwi. A murin met re pan lipa jan jap o, ap kaudok on ia jap wet. ACT 7:8 I ari kotiki on irail inau en jirkomjaij. A ap wiadar Ijaak o jirkomjaij i ni ran kawalu, a Ijaak wiadar Iakop, a Iakop jam atail ekriamen oko. ACT 7:9 A jam atail oko peirinki Iojep ap netikilan i Akipten. A Kot me kotin apwali i, ACT 7:10 O kotin dorela i jan ni a apwal akan karoj, o kotiki on I konekon on kupurokon mon Parao, nanmarki en Akipten. I ap kajapwilada i, en kaun en Akipten o a dipijou karoj. ACT 7:11 Muein lek ap kipadi jap en Akipten karoj o Kanaan; i anjau o me apwal melel, o jam atail akan jota diaradar jak ar kijin jak. ACT 7:12 A Iakop lao mani, me mana mi Akipten, ap kotin poronelar maj jam atail akan. ACT 7:13 A lao kariapak Iojep ap diarokadar ren ri a ol akan, o jau en Iojep janjaledo ren Parao. ACT 7:14 Iojep ap ilake don jam a Iakop, pwen kotilan re a o jau i kan karoj, irail me ijiakan limen. ACT 7:15 Iakop ap kotidilan Akipten o matalar, i o jam atail akan. ACT 7:16 Irail ari wijikelan Jikem o jaredier nan joujou o, me Apraam netiekida moni kai jan ren nain Emor oko, jam en Jikem. ACT 7:17 A anjau, me inau en Kot on Apraam pan pwaida, lao korendor, men Ijrael apkaparapar o totolar nan Akipten. ACT 7:18 A lao lel amen nanmarki kaunda Akipten, me jaja Iojep, ACT 7:19 I me widiwidina kainok atail oko, o wia jued on jam (atail) akan, pwe ren kajela nairail kijin jeri kan, pwe re de memaurata. ACT 7:20 I anjau me Mojej ipwidier, me jeri kajelel amen, ap apapwalieta nan im en jam a jaunipon jilu. ACT 7:21 A lao lokidokilar, japwilim en Parao jeripein ap dorela i o kakairada dueta udan na. ACT 7:22 Mojej ari padakeda ni jon en lolekon en men Akipten karoj; a i me manaman ni a majan o wiawia kan. ACT 7:23 A lao jaunpar paeijok dauer poa, ap lamedar, en tu on ri a ol akan men Ijrael. ACT 7:24 A lao majani amen, me kalokolok mal, ap jauaja i o depuk on, me kaloke mal, ap kotin kamelar ol en Akipten. ACT 7:25 Pwe a kupura, me ri a ol akan pan dedeki, me Kot pan kotin kapiti kin ir jan lim a; a re jota dedeki, ACT 7:26 A mandan ran o a kotila re ’rail ni ar akamai pena, ap men kotin kapol ira la, majani: Koma pirien eu, menda koma wia japun nan pun oma? ACT 7:27 A me wiada japun on men imp a o jikon wei i, inda: Ij me kajapwil uk adar, pwen at jaumaj o jaunkapun? ACT 7:28 Koe pan kame ia la dueta koe kamela men Akipten aio? ACT 7:29 Mojej ap tanki jan lokaia pot et o kakairu jili nan jap en Midian eu, waja a kanaitikieda ol riamen. ACT 7:30 Kadekadeo lao par paeijok dauer poa, tounlan amen ap pwara don i ni nana Jinai nin tuka teketek umpumpul pot. ACT 7:31 Mojej lao majani, ap kotin puriamuiki kajanjal o. A ni a koti on, pwen majani, kapitie en Kaun o ap pei don i: ACT 7:32 Nai Kot en jam om akan, Kot en Apraam, o Ijaak, o Iakop. Mojej ap kotin rerereda o majak udial i. ACT 7:33 Kaun o ap kotin majani on i: Kijan jut ni na om akan, pwe waja koe u ia me jaraui! ACT 7:34 I kilaner kankaneraner en nai aramaj akan, o I roner ar janejan, ap kodi don kamaio wei ir ala. Ari kodo, I pan kadar uk alan Akipten! ACT 7:35 I Mojej, me irail mamaleki ni ar indinda: Ij me kajapwil uk ada, pwen at jaumaj o jaunkapun? I me Kot kotin poronela, en jaumaj o jaunkamaur ki lim en tounlan o, me kotin pwara don i nan tuka teketek. ACT 7:36 Iei i, me kalua ir jan o wiadar manaman o kilel akan nan jap Akipten, o nan jed waitata, o nan jap tan jaunpar paeijok. ACT 7:37 I Mojej, me majani on men Ijrael: Kot pan kotiki on komail Jaukop amen jan nan ipwin ri omail ol akan dueta nai, i me komail en peiki on! ACT 7:38 Iei i, me mi nan momodijou nan jap tan ren tounlan o, me kotin mamajani on i pon nana Jinai, o me kotin ieian jam atail akan me kotin aleer majan en kamaur, pwen uje don kit. ACT 7:39 Me jam atail akan kan peiki on, ap jiken wei jan irail i, o nan monion arail re men japalan Akipten, ACT 7:40 Potoan on Aron: Wiai on kit at kot akan, me pan tion mo at, pwe je jaja, da me wiaui on Mojej, me kalua kit jan nan Akipten! ACT 7:41 Irail ari wiadar dikedik en kapul amen ni ran oko, o mairon on kilel en ani mal o, n perenki, wiawia kan en pa arail. ACT 7:42 Kot ap kotin jaupei jan irail o kotin mueid on irail ren kaudok on uju pan lan akan duen a intinidier nan puk en jaukop akan: Iaduen komail men Ijrael, komail maironki on ia man akan nan jap tan ni par Paoijok? ACT 7:43 Melel komail waroki on mol on Molok, o uju en omail kot Rempan, dikedik kai, me komail wiadar, pwen poni; a I pan kajapoke komail la palila jan Papilon. ACT 7:44 Mol en kadede mi ren jam atail akan nan jap tan duen majan en i, me kotin mamajani on Mojej, me ren wiada duen kilel o, me a kotin udialer. ACT 7:45 Me jam atail akan pil aleer, ap ian Iojua wala ni ar japaneki jap en men liki kan me Kot kotin koko wei mon jilan en jam atail akan lao lei muein Dawid. ACT 7:46 Me konekon ren Kot o kotin anane kauadan Kot en Iakop mol eu. ACT 7:47 A Jalomo me kotin kauada tanpaj eu. ACT 7:48 A Waja lapalap jota kin kotikot nan mol, me pa en aramaj wiadar duen jaukop o kin katitiki: ACT 7:49 Nanlan deu i, o jappa utipa i, me Kaun o kotin majani. A im da, me komail men kauadan ia, de ia waja, I en kamol ia? ACT 7:50 Kaidin pa i, me wiadar mepukat karoj? ACT 7:51 Komail me katiwo o jo jirkomjaij nan monion o jalon omail, komail kin kaokaoe Nen jaraui anjau karoj, komail kin dueta jam omail akan. ACT 7:52 Ij ren jaukop akan me jam omail akan jota kaloke? O re kamata ir ala, me kopador Pun men et, me komail panalar o kamatalar. ACT 7:53 Komail me aleer kapun ren tounlan kan, ap jota kapwaiada. ACT 7:54 Irail ronadar mepukat, ap olar nan monion arail o re teterok ni on i. ACT 7:55 A Jtepanuj dir en Nen jaraui kankakil nanlan o udial en Kot a linan o Iejuj a kotikot ni pali maun en Kot, ACT 7:56 Ap katitiki: Kilan, i ududial nanlan kan ar ritida, o Nain aramaj a kotikot ni pali maun en Kot. ACT 7:57 Irail ap weriwereda o pinale jalon arail o wiaki eu tana don i. ACT 7:58 Irail lao jikenewei jan nan kanim o, rap kate i. A jaunkadede kan pwilikidier ar likau ni na en manakap amen, me ad a Jauluj. ACT 7:59 Irail ari kate Jtepanuj ni a kapakap o inda: Main Iejuj, re kotin kajamo nen i! ACT 7:60 I ari kelepuki o nil laudeda: Main re der kapokon on irail dip wet. A inda met, ap mairedi o ari. ACT 8:1 A JAULUJ pil peren kida a kamela. A ni ran ota anjaun kamekam en momodijou en Ierujalem tapida; karoj ap muei pajan nan jap en Iudaao Jamaria, wanporon akan me jo. ACT 8:2 A ol lelapok kai jarepedi Jtepanuj o maieiki i kaualap. ACT 8:3 A Jauluj me kamueit pajan momodijou o kuli on im karoj, wala ol o li karoj, kajedi on irail nan imaten. ACT 8:4 A irail me muei pajaner, kakan jili padapadak duen majan o. ACT 8:5 Pilipuj ap kotilan kanim en Jamaria eu o padaki on irail duen Krijtuj. ACT 8:6 A aramaj akan wiaki eu peiki on meakan, me Pilipuj padaki on irail. Re roneron i o kilan kilel akan me a wiadar. ACT 8:7 Pwe nen jaut keredi jan ren me toto ni ar weriwer laud. O me kokon madak o na danidan toto me kelailadar. ACT 8:8 O peren me lapalap nan kanim o. ACT 8:9 A ol amen ad a Jimon, me kin wun ani maj o, kotokotaue men Jamaria, me inda duen pein i, me i me lapalap. ACT 8:10 A irail karoj peiki on i, me tikitik o me lapalap akan katitiki: Men et iei manaman en Kot me lapalap. ACT 8:11 A re kin peiki on i, pweki a kin kotokotaue irail jan maj kokodo. ACT 8:12 A re lao kamelele Pilipuj, me padaki duen ronamau en wein Kot o duen mar en Iejuj Krijtuj, rap paptaijela, ol o li akan. ACT 8:13 Jimon pil ian pojonlar, I lao paptaijelar, ap waroki on Pilipuj. A lao udial kilel o manaman akan, me wiauier, ap puriamuiki. ACT 8:14 Wanporon akan me kotikot Ierujalem lao mani, me Jamaria ian duki on majan en Kot, rap poronelan irail Petruj o Ioanej. ACT 8:15 Ira lao kotido, ap kapakapa kin irail, pwe re en tunole Nen jaraui. ACT 8:16 Pwe a jaikenta moredi on amen irail. Re paptaijelar eta ni mar en Kaun Iejuj. ACT 8:17 Ira ari kotiki on po ’rail lim ar akan, irail ap aleer Nen jaraui. ACT 8:18 Jimon lao kilaner, me Nen jaraui kokido en wanporon oko ara pwil po ’rail lim ar akan, ap men ki on ira kijin moni. ACT 8:19 Indada: Koma pil kotiki don ia manaman wet, pwe ma I pan pwiI pon amen pa i kat, i en ale Nen jaraui. ACT 8:20 A Petruj majani on i: Noum moni en ian uk lokidokila! pweki om kiki on, me mana en Kot kokido moni. ACT 8:21 Nan jota pwaij om de om tunol ni dodok wet, pwe monion om jota inen mon Kot. ACT 8:22 Ari, kalukila om jued wet, poeki ren Kaun o, ma a jota pan kotin makeki lamelam jued nan monion om. ACT 8:23 Pwe i kilaner, me koe me dir en edi katik o teniten ni me japun. ACT 8:24 Jimon ap japen indada: Koma kotin kapakapa kin ia ren Kaun o, pwe mepukat, me koma majani on ia, ender pwai don ia. ACT 8:25 A ira lao katitiki o kotikida majan en Kaun o, ap purelan Ierujalem, o padak jili ronamau nan kijinkanim en Jamaria toto. ACT 8:26 A tounlan en Kaun o majani on Pilipuj: Uda kola pali air pon al o, me kodi jan Ierujalem, ko on Kaja me tan! ACT 8:27 I ari uda japalewei. A kilan, ol en Etiopia, jaumaj manaman en Kandaje, li nanmarki en Etiojiia, me kokoaki a dipijou karoj, mo kotido, pwen kaudok nan Ierujalem. ACT 8:28 A ni a purela jap we, a kotikot pon dakepa o dondoropwe jaukop Iejaia. ACT 8:29 Nen o ap kotin majani on Pilipuj: Kai on o ianala dakepa! ACT 8:30 Pilipuj ap tana won i, ap ronadar a dondoropwe jaukop Iejaia majani: Komui weweki, me komui doropwe? ACT 8:31 I ari majani: Pala i pan aja, ma jota, me pan kawewe on ia? I ari poeki ren Pilipuj en kereda mondi re a. ACT 8:32 A iet waja nan kijin likau o me a wadoker: Duen jip amen, me pakara wei, pwen kamela, o duen jippul, me kin nenenlata pan me kote jan wun a, iduen a jota kotin dauaja pajan jilan i. ACT 8:33 A ni a karakarak a jolar pakadeikadar. A ij me pan kak kaweweda duen jau i kan? Pwe a ieiaj wijike janer jappa. ACT 8:34 Jaumaj ap japen Pilipuj majani: I men poeki re omui, ij me jaukop katitiki met? Duen pein i de duen amen? ACT 8:35 Pilipuj ap kotiki pajan au a, padaki on i ronamau en lejuj, tapiada nan kijin likau wet. ACT 8:36 A ni ara kokowei, ira lel on pil apot, a jaumaj o majani: Kilan pil o, da me karompa, me I jota paptaij ki? ACT 8:38 I ap majani dakepa en udi. Ira karoj ap kodi on pil o, Pilipuj o jaumaj o; i ari paptaij i. ACT 8:39 Ira lao kodado jan nan pil o, Nen en Kaun o ap pokada jan Pilipuj. Jaumaj o ap jolar kilan i. I ari daulul kokowei popol. ACT 8:40 Pilipuj ap diarokadar Ajdod; a dadaulular, padak jili ronamau nan kanim karoj lao a lele don Jajarea. ACT 9:1 A JAULUJ dadaurata a linaranaraki tounpadak en Kaun akan, ap pan kame ir ala, o kola ren jamero lapalap o, ACT 9:2 Poeki re a kijin likau on jinakoke en Damajkuj akan, pwe ma a pan diar meamen, me ianala lamalam, ol de li i en jali irail edi o kalualan Ierujalem. ACT 9:3 A ni a japajapal kokola koren ion Damajkuj, marain eu kodido jan nanlan, jereda i. ACT 9:4 Ni a pupedi nani pwel, ap ronada nil eu, me majani on i: Jaul, Jaul, da me koe kame kin ia? ACT 9:5 A ap inda: Ij komui Main? A kotin majani: Nai Iejuj, me koe kin kame. ACT 9:6 Paurida, kolan nan kanim en, nan a pan loki on uk, me koe en wiada. ACT 9:7 A ol oko, me ian i kokola, japaimokid, pwe re ronadar nil o, ap jota amen me re kilanadar. ACT 9:8 Jauluj paurida jan nan pwel, maj a papad eta, ap jota kilan meamen. A re kolokol pa a, kalualan I Damajkuj. ACT 9:9 I ari jota kilan waja pon jili pon. A jo kan de nim meakot. ACT 9:10 A tounpadak amen mi Damajkuj, ad a Ananiaj me Kaun o kotin majani on ni kajanjal eu: Ananiaj! I ari potoan on: let nai Main! ACT 9:11 Kaun o ap kotin majani on i: Paurida kowei on nani al o, me ad a Inen, ap idok nan im en Iudaj amen, me mar a Jauluj enTarjuj. Pwe kilan, a kapakap ACT 9:12 A kilaner ol amen ni kajanjal eu, me ad a Ananiaj, me ko don i o pwil poa pa a kan, pwe a en kilanki waja. ACT 9:13 A Ananiaj potoan on: Main, i ronadar ren aramaj toto duen ol men et, duen a kin kaokaoe japwilim ar jaraui kan, me mi Ierujalem. ACT 9:14 O a aleer jan ren jamero lapalap akan manaman, en jaliedi karoj, me kin likwir on mar omui. ACT 9:15 A Kaun o kotin majani on i: U kowei, pwe iei ol o, me I piladar, en wala mar ai ren men liki o nanmarki kan o men Ijrael. ACT 9:16 Pwe I pan kajanjale on i duen won a pan kamekameki mar ai. ACT 9:17 Ananiaj ari kola, pedelon on nan im o, pwil poa pa a pokon, indada: Ri (ai) Jaul, Kaun o me kotin porone ia do; iei Iejuj, me kotin pwara don komui nani al o ni omui kokodo, pwe komui en kilanada waja o dire kila Nen jaraui. ACT 9:18 A madan likamata un en mam akai, me pupedi jan ni maj a, i ari kilanadar waja o udar paptaijelar. ACT 9:19 I lao manaer, ap kelailadar, ap mimieta ren tounpadak en Damajkuj akan ran akai. ACT 9:20 A madan padapadak nan jinakoke kan duen Iejuj, me i japwilim en Kot. ACT 9:21 A karoj, me roneron i, puriamui kila indada: Kaidin i, me kin kaokaoe ir, me kin likwir on mar wet nan Ierujalem o kodo waja et, pwen jali ir edi, kalua ren jamero lapalap akan? ACT 9:22 A Jauluj me manaman kokoda o kapinada Juj oko, me kaujon Damajkuj ni a kawewedar, me i me Krijtuj. ACT 9:23 Kadekadeo murin ran toto Juj oko kapun pena en kamela i. ACT 9:24 A Jauluj roner, me re majamajan i; irail pil majamajan wanim akan ni ran o ni pon, pwen kamela i. ACT 9:25 A tounpadak kan ale i ni pon apiekidi kopou eu jan pon kel o. ACT 9:26 A Jauluj lao pwara don Ierujalem a jojon waroki on tounpadak kan, irail karoj majak i, pwe irail jota kamelele, me i tounpadak amen. ACT 9:27 A Parnapaj ale i o kare don i ren wanporon akan, o katiti on irail, duen a kilanadar Kaun o nani al o, o me a kotin majani on i. o duen a jo majak padapadaki ni mar en Iejuj nan Damajkuj. ACT 9:28 I ari ian irail er kotin pedepedoi jan o pedepedelon on nan lerujalem o padaki aima ni mar en Kaun o. ACT 9:29 I o men Krik kai majan o akamai pena, a re jon kamela i. ACT 9:30 Jaulan kan lao ajaer, ap ian i kolan Jajarea, ap kadaralan i Tarij. ACT 9:31 A momodijou kan ap popol o pwaidar nan Iudaa, o Kalilaa, a Jamaria, o re weweid ni majak en Kaun o, o toto kilar popol en Nen jaraui. ACT 9:32 A Petruj lao kakan jili nan jap akan, a pil kotila ren me jaraui kan, me kaukaujon Lida. ACT 9:33 A diaradar aramaj amen waja o, me ad a Aneaj, me wonon par walu, pwe me kokon danidan. ACT 9:34 Petruj ari majani on i: Aneaj, Iejuj Krijtuj kakel uk ada. Paurida, pein lim pena ki om! I ari paurida madan. ACT 9:35 A karoj me kaukaujon Lida o Jaron, kilanada i, re ap wuki on Kaun o. ACT 9:36 A tounpadak li amen mi Ioppe, me ad a Tapea (iet wewe: Torkaj), i me dir en wiawia mau kan o kijakij wei. ACT 9:37 A kadekadeo ni ran oko a Jomaudar o melar. Irail lao duper i, ap nekidala nan pera poa. ACT 9:38 A Lida me koren ion lope. Tounpadak kan lao roner, me Petruj kotikot waja o, rap kadarala ol riamen re a, poekipoeki: Kom der peikajal, koti don kit! ACT 9:39 Petruj ari kotida ian ir ala. I lao pwarado, re ap ukadala i pera poa, o li odi karoj u impa, janejan o kapwareda jakit o likau kan, me Torkaj wiadar ni a mimi re ’rail. ACT 9:40 A Petruj kiiei jan ir karoj, ap kelepuki kapakap, ap jaupei on kalep o majani: Tapea. paurida! I ari pad pajan, kilanada Petruj, ap modadar. ACT 9:41 I ari koledi pa a, kauada i. A lao eker pena me jaraui o li odi kan, ap kajale on irail i a maureda. ACT 9:42 Ari a loki jili nan lope, o me toto pojonla Kaun o. ACT 9:43 I ari kotikoteta lope ran toto ren jaun me wiada kil en man amen, me ad a Jimon. ACT 10:1 OL amen mi Jajarea ad a Korneliuj, me jaumaj en pwin en jaunpei eu, me ad a men Italien, ACT 10:2 Me lelapok o majak Kot ianaki toun im a karoj, me poden kijakij on aramaj, o kapakap on Kot anjau karoj. ACT 10:3 A majani ni kajanjal eu tounlan en Kot amen, me pwara don i ni klok jilu, majani on i: Korneliuj! ACT 10:4 A kankakil i o majakadar, potoan on: Main, dakot? A kotin majani on i: Om kapakap akan o koleir leler wajailen Kot. ACT 10:5 Koe ari kadar won lope ol akai, ukedo Jimon, me pil ad a Petruj, ACT 10:6 Me kin kairu ren Jimon jaun wia kil en man, me im a jal on jed; ACT 10:7 A tounlan o, me kotin mama jani on i, lao kotilar, ap ekeredo na ladu riamen o jaunpei lelapok amen, me kin mi re a anjau karoj. ACT 10:8 A lao majani on irail mepukat karoj, ap kadar ir alan lope. ACT 10:9 A mandan ran o ni ar japa japalwei o koren ion kanim o, Petruj ap kotila pon im o, pwen kapakap impan klok eijokriau. ACT 10:10 Ap men jakadar o a pan jak. A ni ar kaonopadan i, ap majani kajanjal eu: ACT 10:11 A kilaner nanlan a ritidar o ed eu likamata tein pwainok kalaimun kokodi, me imwi kan pukopuk pena o pwilidi on nani pwel. ACT 10:12 Jon en man en jappa karoj mi lole, me kin aluki pa, o me laualo, o man korop kai, o manpir en pan lan. ACT 10:13 O nil eu peidi don i majanier: Petruj, paurida, kamela o mana! ACT 10:14 A Petruj potoan on: Kaidin Main, pwe i kaikenta mana me mal kot, de me jamin. ACT 10:15 A nil o majani on i kariapak: Meakot, me Kot kamakelekeladar koe der mamaleki! ACT 10:16 Mepukat wiauier pan jilepak! Ed o ap kapuredalan nanlan. ACT 10:17 A Petruj ni a kotin ponepon kidar wewe en kajanjal o, me a majanier, kilan, ol oko me paka darado jan ren Korneliuj, ap rapaki im en Jimon o uda pan wanim o, ACT 10:18 O likilikwir pepeidok, ma Jimon, me pil mar a Petruj kotikot waja o. ACT 10:19 A Petruj ni a kotin madamadaua duen kajanjal o, Nen ap kotin majani on i: Kilan ol jilimen raparapa kin uk. ACT 10:20 Uda o kodiwei ian irail o jo peikajal, pwe Nai me kadar irail do. ACT 10:21 Petruj ap kodilan ren ol oko, majani: Kilan, iet nai, me komail raparapaki. Da karepen omail kodo? ACT 10:22 Irail inda: Korneliuj jaumaj en jaunpei amen, ol pun amen, me majak Kot, o kalok mau ren Juj akan karoj, me manier jan ren tounlan jaraui en Kot amen, en poron don komui, en kotido nan tanpaj a, pwen mani jan komui majan akan. ACT 10:23 I ari kajamo ir Ion o kinte kin irail er. A mandan ran o a kotin ian ir wei; o jaulan en lope kai pil ian i. ACT 10:24 A mandan ran o re leler Jajarea. A Korneliuj kapokon pena jau i o kompokepa kan ap auiaui irail. ACT 10:25 A Petruj lao pedelon on, Korneliuj ap tu on i o pupedi on ni aluwilu a o kaudok on i. ACT 10:26 A Petruj kauada i indada: Uda, pwe nai pil aramaj amen. ACT 10:27 A ni ara majan pena, ap pedelon on, diaradar me toto momod pena. ACT 10:28 I ari majani on irail: Komail aja, me a jota inen, ol en Juj amen en pat on men liki amen de kola re a. A Kot kotin kajale on ia, i ender mamaleki de jauteki amen aramaj. ACT 10:29 I me i koki do o jo peikajal ni ar idok ia. Ari, i men kalelapok, da karep en omail eker ia do? ACT 10:30 Korneliuj ap majaniada: Mon pon pa pon nai kaijejol lel auer wet. A ni klok duau i kapakap nan im ai. A kilan, ol amen me kot mo i, mi nan likau linalin, ACT 10:31 O majani: Korneliuj, om kapakap me pwaida, o om koleir leler kupur en Kot. ACT 10:32 Ari, ilakilan lope, pwe Jimon me pil ad a Petruj, en kodo. A kaikairu nan im en Jimon jaun wia kil en man, me jal on jed. A lao pwarado, a pan padapadaki uk. ACT 10:33 Nai ari pitipit ilakilan komui, a meid mau omui pwarador. Ari iet kit karoj janjal mon Kot, pwe jen ron meakan, me Kot majani on komui. ACT 10:34 Petruj ap kotiki pajan jilan I indada: Melel, i ajaer, me Kot jota kin kotin lipilipiliki aramaj, ACT 10:35 A nan jap karoj meamen majak i o wiawia me pun, nan i me konekon re a. ACT 10:36 Majan o me a kotin kadara don men Ijrael, en kaire kin irail popol ren Iejuj Krijtuj. (Nan i me Kaun pan meakaroj). ACT 10:37 Komail aja majan me kalok jili me tapidar nan Kalilaa lel ludaa pon murin paptaij, me loanej wiada padak due. ACT 10:38 Duen en Kot a kotin keiekier Iejuj en Najaret Nen jaraui o manaman, me kotin kakan jili wiawia mau o kakeladar me tanwar en tewil, pwe Kot kotin ieian i. ACT 10:39 A kit karoj me jaunkadede en meakaroj, me a kotin wiadar nan jap en Juj akan o pil Ierujalem, me re pajuredi on nin tuka o kamatalar. ACT 10:40 Nan i me Kot kotin kaiajadar ni ran kajilu o kajaleda i. ACT 10:41 Kaidin on aramaj karoj, pwe on jaunkadede kai, me pilipildar ren Kot, kit me ian I jak o urak murin a iajadar jan ren me melar akan. ACT 10:42 I ari majani on kit, jen padapadak on aramaj o kadede melel, me i, me Kot kotin piladar, pwen Jaunkapun pan me maur o me melar akan. ACT 10:43 A jaukop karoj kin kadede duen i, me dip en ir karoj, me pojon i, pan lapwada pweki mar a. ACT 10:44 A ni Petruj kotikida majan pukat Nen jaraui ap moredi pon karoj, me roneron padak o. ACT 10:45 A me pojon akan, kijan jirkomjaij, karoj me ian Petruj pwarador, puriamuiki, me Nen jaraui pil moredi pon men liki kan. ACT 10:46 Pwe re ronadar ar lokaia kida nil toror kapina Kot. Petruj ap majanier: ACT 10:47 Ij me pan inapwriedi pil, me mepukat ender paptaijela, pwe re aleer Nen jaraui dueta kitail? ACT 10:48 I ari majani, me ren paptaijela ni mar en Iejuj Krijtuj. Irail ap poeki, a en mimieta re ’rail ran akai. ACT 11:1 WANPORON o jaulan kan, me mi Iudaa, ronadar, me men liki kan pil aleer majan en Kot. ACT 11:2 Petruj lao pwara don Ierujalem, me kijan jirkomjaij oko ap akamai on i indada: ACT 11:3 Kom pwarala ren ol akai me jo jirkomjaij oko o mana re ’rail. ACT 11:4 A Petruj pikikidi majani on irail karoj me wiauier irerokedo majani: ACT 11:5 Nai mi nan kanim lope wia kapakap. O ni ai wukilar, i kilaner kajanjal eu: Ed eu kodido jan nanlan likamata tein pwainok kalaimun eu, me imwi kan pukopuk pena o a kodido imp ai. ACT 11:6 Ni ai kankakil, i ap diar o kilaner man aluki pa en jappa kai, o man laoalo, o man korop, o manpir en pan lan. ACT 11:7 Nai ari ronadar nil eu, me majani on ia: Petruj, paurida, kamela o mana! ACT 11:8 A nai potoan on: Kaidin Main, pwe jota me mal kot, de me jaut kin ko on nan au ai. ACT 11:9 A nil kariapak japen jan nanlan: Meakot me Kot kamakelekeledar, koe der mamaleki! ACT 11:10 Mepukat wiauier pan jilepak, ap apdar nanlan. ACT 11:11 A kilan, madan ol jilimen kajinenda mon im, me i mi lole, me pakadara don ia jan Jajarea. ACT 11:12 A Nen kotin majani on ia, i en ian irail wei jo peikajal; a jaulan wonemen pukat pil ian ia. Kit ari pedelon on nan im en ol o. ACT 11:13 I ari kaire kin kit, duen a kilaner tounlan o kotikot nan im a, majani on i: Kadara won lope ol akai, me pan ukedo Jimon me pil ad a Petruj, ACT 11:14 Me pan padaki on uk, me koe o noumui kan karoj pan maur kila. ACT 11:15 Ni ai pikikidi padak, Nen jaraui ap moredi on po ’rail, dueta a kotin moredi on po ’tail ni tapi o. ACT 11:16 Nai ari tamanda majan en Kaun o, me a kotin majani: Melel, pil me Ioanej paptaij kier, a komail pan paptaij kila Nen jaraui. ACT 11:17 Ari, ma Kot kotin kijakija irail dueta a kotin kijakija kitail er, kitail me pojonlar Kaun Iejuj Krijtuj, ij nai, pwe i en kak palian Kot? ACT 11:18 Irail lao ronadar mepukat ap nenenla o kapina Kot indada: Nan Kot pil kotiki on men liki kan en kalula, pwen maurela. ACT 11:19 A me muei pajan ni anjau en kamekam en Jtepanuj, kakan jili lel Ponijien, o Jipern, o Antiokien o jota padaki on meamen pwe Juj akan eta. ACT 11:20 A nan pun arail ol akai mia, men Jipern o Kirene, me pwara don Antiokien, ap pil padaki on men Krik ronamau en Kaun Ieiuij. ACT 11:21 A lim en Kaun o ieian irail o me toto pojonlar wuki on Kaun o. ACT 11:22 Ron en mepukat ap peidon momodijou en Ierujalem. Ir ari poronelar Parnapaj, pwen kokola lel Antiokien. ACT 11:23 I lao pwarador o kilaner mak en Kot, ap peren kidar o panaui irail karoj, ren kelail ni monion arail o podidi on Kaun o. ACT 11:24 Pwe i me ol kelail o mau amen, me dir en Nen jaraui o pojon. A aramaj toto me wuki on Kaun o. ACT 11:25 A ap kola Tarjuj rapaki Pauluj. ACT 11:26 A lao diaradar i, ap ukedo i Antiokien. Ira ap mimi ren momodijou par eu o padapadaki on me toto. A nan Antiokien tounpadak kan tapidar adaneki japwilim en Krijtuj akan. ACT 11:27 A ni ran pukat jaukop akai ko don Antiokien jan Ierujalem. ACT 11:28 A amen irail, me ad a Akapuj me u kokopki Nen, me muei lek lapalap pan kipadi jappa; ari a pwaidar ni muein Klaudiuj. ACT 11:29 A irail inauki pena, me re pan kijakia jaulan kan, me mi Ierujalem duen ar kapwapwa amen amen. ACT 11:30 Mepukat re wiadar; re kadar won jaunkoa kan Parnapaj o Pauluj me wala. ACT 12:1 I ANJAU nanmarki Erodej pikikidi kame akai nan momodi jou. ACT 12:2 I ari kamata kila kodlaj Iakopuj ri en Ioanej. ACT 12:3 A lao kilaner, me Juj oko peren kidar, ap pil jaikidi Petruj. Nan i unjaun prot jomut. ACT 12:4 A jaikidi i o kilan i nan imaten, o kajilaki i pwin en jaunpei paieu. Pamen me wia eu pwin, pwe murin paja a men kajale on pokon i. ACT 12:5 Petruj ari jenjal nan imaten amomodijou poden kapakapki I ren Kot. ACT 12:6 Ponpon mon Erodej pan kajanjaleda i, a jaimokela nan pun en jaunpei riamen, jalikidi jal mata riapot. A jilepa ko majamajan imaten mon wanim ko. ACT 12:7 A kilan, amen tounlan en Kaun o pwarado o marain eu jarada nan imaten o. I ari pikir Petruj ni panepan o kapaurida i majani: Paurida pitipit! Jal mata ko ap pupedi jan ni lim a kan. ACT 12:8 A tounlan majani on i: Pirapirada o juteda! I ari wiadar met. A ap majani on i: Upupedi o idauen ia do! ACT 12:9 I ari pedoido jan o idauenla i, o a jota dedeki, me melel en tounlan a wiawia. Pwe a kiki on, me a auramandar. ACT 12:10 Ira lao kotin daulier pwin en jilepa kaieu, o kariau, ira ap lel on wanim mata, me jalon kanim, i me pein ritida mo ’ra. Ira ari kotila pon al apot. A tounlan ap madan kotin rir jan mo a. ACT 12:11 A Petruj lao dedeki me wiauier, ap majaniada: I ap aja melel, me Kaun o kotin poronedo japwilim a tounlan o kapit ia jan ni pa en Erodej o jan en Juj akan ar majamajan. ACT 12:12 A ni a kotin madamadaua, ap lel on im en Maria in en Ioanej, me pil ad a Markuj, waja me toto pokon ia wia kapakap. ACT 12:13 A ni en Petruj a letelet ni wanim o, lidu men, ad a Rode, ap pwara don ron. ACT 12:14 A lao aja kapitie en Petruj, a jota ritinada wanim o pweki a peren. A a tanlon katitiki, me Petruj kot mon wanim o. ACT 12:15 A irail indai on i: Koe iakala. A i kelail indada, me melel. Re ap inda: Kaidin i, a japwilim a tounlan o. ACT 12:16 A Petruj wiawia leteleteta. Irail lao ritinada o kilaner i, re ap puriamui kilar. ACT 12:17 A i olole irail, en nenenla. A ap majani on irail duen Kaun o, me kotin kalua i jan nan imaten o, o pil majanier: Kaireki Iakopuj o jaulan kan mepukat! I ap kotiei jan kotilan ekij waja. ACT 12:18 A lao ran pajaner, jaunpei kan ap puriamuiki kaualap en Petruj a pitilar. ACT 12:19 A Erodej lao idok o jo diaradar, ap itetokenkone jilepa ko o majani, ren kamela. I ari kotilan Jajarea jan Ierujalem kaukaujon ia. ACT 12:20 A Erodej onionidar pan men Tiruj o Jidon, re ap wiaki eu poto don i kadekadeke Plajtuj jaunkoa en nanmarki o poeki muei mau, pwe re kin memaureki jap en nanmarki. ACT 12:21 A kadekadeo eu ran Erodej ap purion likau en nanmarki, kaipokedi pon mol o kapakaparok on irail. ACT 12:22 A aramaj akan nijinij indada: Nan i kapitie en kot amen, a kaidin en aramaj. ACT 12:23 A madan amen tounlan en Kaun o poki i, pweki a jo wauneki Kot. A maaj akan me kanala i; i ari mela. ACT 12:24 A majan en Kot pwaida o lok jili. ACT 12:25 Parnapaj i Pauluj puredo jan Ierujalem, ira lao kanikielar ar dodok, o ira pil ukedo Ioanej, me ad a Markuj. ACT 13:1 NAN momodijou en Antiokien jaukop o jaunpadak kai mia. let akan: Parnapaj, o Jimeon me pil ad a Niker, o Lujiuj men Kirene, o Manaen, me ian monjap Erodej apwalidar, o Jauluj. ACT 13:2 A ni arail papa on Kaun o, o kaijejol, Nen jaraui ap kotin majani: Katorore jan on ia Parnapaj o Jauluj, pwen wia dok eu, me I ki on ira er! ACT 13:3 Irail ap kaijejol o kapakap o kidan po ’ra pa ar, re ap kadar ira wei. ACT 13:4 Ira ari me pakadara kila Nen jaraui ap kotila Jeloijia, waja ira kereda pon jop pot tanalan Jipern. ACT 13:5 Ira lao mi Jalamij, ap padaki duen majan en Kot nan jinakoke en Juj akan. A Ioanej papa men pil ian ira. ACT 13:6 Irail lao kakan jili nan dake lel kanim Papoj, rap diaradar ol amen, me kin kati ani, jaukop likam amen, kijan men Juj, ad a Par Iejuj, ACT 13:7 Me kin mi ren Jerkiuj Pauluj ol lelapok amen. I me ekere don i Parnapaj o Jauluj, pwe a men roneron majan en Kot. ACT 13:8 A Elimaj widinak (pwe i wewe en ad a) palian ira, pwen kapure jan jaumaj ni pojon o. ACT 13:9 Jauluj, me pil adaneki Pauluj, dir en Nen jaraui, kankakil i, ACT 13:10 Indada: Koe meid dir en widin o mejued, o nain tewil o me kailonki me pun karoj. Koe jota pan dukedi jan palian al inen en Kaun akan. ACT 13:11 A kilan met, lim en Kaun o mi po om. A koe pan majkun, ap jolar kilan katipin anjau kij. Ari, a madan ediedelar o rotalar; I ap raparapaki jili men ale pa a, en kaweid i. ACT 13:12 Jaumaj lao majani me wiauier, ap pojonlar, pwe a puriamuiki padak en Kaun o. ACT 13:13 Pauluj o a warok kai ap kotila jan Papoj tanatan ko don Perke nan wein Pampilia. A Ioanej muei jan ira, purelan Ierujalem. ACT 13:14 A ira majalewei jan Perke o kotilan Antiokien en Pijidien o kotilon on nan jinakoke ni ran en japat kaipokedi. ACT 13:15 A lao nikier ar dondoropwe kapun o jaukop akan jaumaj en jinakoke kai ap ilakilan ira majani: Ri (at) oko ma majan en panau nan pot on aramaj pukat mi re oma, koma ari kida! ACT 13:16 Pauluj ap kotida ololeki lim a majani: Ol en Ijrael komail o me kin majak Kot, komail en ron! ACT 13:17 Kot en men Ijrael pukat, me kotin piladar jam atail akan o kapakapaiada aramaj oko ni ar kaikairu jili Akipten, o lim a manaman, me a kotin kalua kin irail jan waja o. ACT 13:18 A impan jaunpar paeijok a kotin apapwali irail nan jap tan. ACT 13:19 Kadekadeo a lao kotin koko jan wei iju nan Kanaan, ap kotin nek on irail jap arail. ACT 13:20 O murin met a kotiki on irail jaunkapun kan irerokedo par papuki limeijok lel on jaukop Jamuel. ACT 13:21 A jan ni anjau o re inon ion nanmarki amen. Kot ap kotiki on ir. Jaul nain Kij, ol en kadaudok en Peniamin amen, jaunpar paeijok. ACT 13:22 A lao kajapokelar, ap kotiki on irail Dawid, pwen nanmarki, me a pil kotin kileledier majani: I diaradar Dawid nain leje, ol amen duen inon eti monion i, me pan wiada injen ai karoj. ACT 13:23 Jan nan kadaudok a Kot kotikido Iejuj, pwen Jaunkamaur pan men Ijrael, duen japwilim a inau. ACT 13:24 Murin Ioanej a kotin padaki on men Ijrael karoj duen paptaij en kalula mon a kotido. ACT 13:25 A Ioanej lao kapwaiada japwilim a dodok, ap kotin majani: Ij me komail lamelame me nai? Kaidin nai i. A kilan amen kotido, kijin jal en japwilim a jut i jowar en lapwada. ACT 13:26 Komail ol o ri ai kan, komail kadaudok en Apraam, o meamen me majak Kot re omail, padak en kamaur pot et pakadara don komail. ACT 13:27 Pwe me kaukaujon Ierujalem o ar jaumaj akan kapwaiada kokop en jaukop akan, me kin wadawad ni japat akan karoj, ni ar kadeikada i, pweki re jaja i. ACT 13:28 A jota me re diaradar, me a kak kamata kila. Ari jo, re poeki ren Pilatuj, me a en kamatala i. ACT 13:29 Irail lao kapwaiada karoj, me intinkidi i, re ap kidi jan I nin tuka o kidi i nan joujou o. ACT 13:30 A Kot me kotin kaiajada I jan ren me melar akan. ACT 13:31 O ran toto me a kotin pwara don me ian i kotilan Ierujalem jan Kalilaa, me japwilim a jaunkadede on aramaj akan. ACT 13:32 A kit padaki on komail ronamau duen inau on jam atail akan, ACT 13:33 Me Kot kotin kapwai on kitail nairail jeri kan, ni a kotin kaiajadar lejuj duen a intinidier nan pjalm kariau: Koe nai Ol, I kanaitik uk adar ran wet. ACT 13:34 A duen a kotin kaiajada i jan ren me melar akan, pwen der mor pajan, i me a kotin majanieki met: I pan ki on komail pai melel en Dawid akan. ACT 13:35 I me a pil majanieki ekij waja: Re jota pan kotin mueid on, japwilim ar Jaraui o pan mor pajan. ACT 13:36 Pwe Dawid lao kapwaiada a papa on kupur en Kot ni a anjau, ap jaimokelar, a jaredier impan jam a ko, ap mor pajan. ACT 13:37 A i me Kot kotin kaiajadar, nan a jota kotin mor pajan. ACT 13:38 Ari ri ai kan, komail aja, me lapwa pan dip akan ren men et kin kaloki on komail. ACT 13:39 A me pan pojon i, nan i me punalar jan meakaroj, me komail jota kak pun kila kapun en Mojej. ACT 13:40 Ari, komail kalaka, pwe a depa pwai on komail, me jaukop akan majanier: ACT 13:41 Kilan, komail me kin lalaue, puriamuiki o joredi, pwe I pan wia dodok eu ni omail anjau, me komail jota pan kamelele, ma amen pan kajokajoi on komail due. ACT 13:42 Irail lao pedoi jan ap poekipoeki, kajoi pukat en kalok on irail ni ran en japat kokodo. ACT 13:43 A jaraui lao nikier, men Juj o Projelit lelapok toto idauenla Pauluj o Parnapaj, me mamajani on irail o panaui irail, ren pod id i on mak en Kot. ACT 13:44 A ni japat kokodo karoj toun kanim o pokon pena, pwen ron majan en Kot. ACT 13:45 A Juj akan lao kilaner pokon o, ap pepeirinki o lidere meakan, me Pauluj kaweweda; re palian o lalaue. ACT 13:46 A Pauluj o Parnapaj ap jo majak katitiki: Majan en Kot en loki don komail maj, a pweki omail kaje jan, o wia kin komail jowar on maur joutuk, kilan, je jope wei on men liki kan. ACT 13:47 Pwe iet duen me Kaun o kotin majani on kit: Nai me kajapwil uk adar, pwen marain pan men liki kan, pwe koe en kamaur jili lei jap karoj. ACT 13:48 Men liki kan lao ronadar met, ap peren kidar, o kapina majan en Kot o karoj, me kileledi on maur joutuk, pojonlar. ACT 13:49 A majan en Kaun o lolok jili nan wei kan karoj. ACT 13:50 A Juj oko kamakarada li jaupeidi lelapok o jaumaj en kanim kan, o kapei on Pauluj o Parnapaj aramaj o kajapoke ir jan nan jap arail, ACT 13:51 A ira jipede jan ni aluwilu ar pwel, pwen kadede on irail, ap kotilan Ikonien. ACT 13:52 A tounpadak kan me dir kila peren o Nen jaraui. ACT 14:1 A IET me wiauier nan Ikonien: Ira karoj kotilon on nan jinakoke en Juj oko, ap padapadak kelail, lao kijan men Juj o Krik toto pojonla. ACT 14:2 A Juj oko, me jo pojon, kamokimokid men liki kai o kalolap irail on jaulan kan. ACT 14:3 A ira mimieta warai waja o, o aima padapadak duen kupur en Kaun o, me kotin kapwaiada majan kupur a, ni a kotin kajaleda kilel o manaman akan ki lim ara. ACT 14:4 A toun kanim liak toror pajan. Akai me ian Juj oko, a akai ian wanporon akan. ACT 14:5 A moromoron lao wiauier jan ren men liki kan o pil Juj oko ianaki ar jaumaj akan, pwen kame o kate ira, ACT 14:6 Ira lao manier, ap pitilan kanim Likaonien, o Lijtra, o derpe, o jap me mi imp a, ACT 14:7 Waja o ira padapadak ronamau. ACT 14:8 A ol amen momod Lijtra, me pat en na luet o kokon danidan jan ni a tikitik, me jaikenta alu. ACT 14:9 I me kin roneron en Pauluj a padak. A lao majani i, ap kotin kajauiada, me a pojon itar on en kakelailada, ACT 14:10 Ap kotin kapitie laudeda majani: Ukida na om! I ari liuijinkadar o aluwei. ACT 14:11 Aramaj lao kilaner, me Pauluj kotin wiadar, rap nilada kapitiki nin lokaia en Liakonien: Kot akan wia aramajala ap kot i don kitail. ACT 14:12 Irail ari ki on mar en Parnapaj lupiter, a Pauluj Merkuriuj, pweki a kaunda kaparok. ACT 14:13 A jamero en lupiter, me kin mi mon kanim o, ap wado kau ol o al en tuka kai mon kanim o, ap men ian pokon o wia mairon ijij. ACT 14:14 A wanporon oko Parnapaj i Pauluj lao mani mepukat, ira ap ter pajan ara likau o tan won nan pun en aramaj akan likelikwir: ACT 14:15 Main ko, da me komail wiawiaki mepukat? Kit aramaj dueta komail, ap padaki on komail, pwe komail en wuki jan kot mal pukat, wuki on Kot ieiaj, me kotin kapikadar lan, o jappa, o jed, o audepa ’rail karoj. ACT 14:16 Me kotin mueid on toun jap karoj en wia pein injen ar maj o. ACT 14:17 Ari jo, a jota kotin okila pein i, pwe a kotin wiawia mau o kotiki on komail katau jan nanlan o rak o, o kadireki nan monion omail mana o peren. ACT 14:18 Ira kotin majani mepukat, a ekij ta, ira jota kak katukiedi en pokon o ar pan mairon on ira. ACT 14:19 A Juj oko ap kodo jan Antiokien o Ikonien, kamakarada aramaj. Ir ari kate Pauluj o uradokilan likin kanim o, re ap kiki on, me a matalar. ACT 14:20 A ni en tounpadak kan ar kapil pena i, a kotida ap kolon on nan kanim o, a manda a ian Parnapaj koieila Derpe. ACT 14:21 Ira lao padapadak ronamau nan kanim o, o kajaulanaiar me toto, ira ap purela Lijtra, o Ikonien, o Antiokien. ACT 14:22 Ira kakelada nen en tounpadak kan o panaui irail, me ren dadaurata pojon, o me kitail en leleki wein Kot kamekam toto. ACT 14:23 Ira lao kajapwilada jaunkoa kai nan momodijou karoj, ap kapakap o kaijejol, ap kapakapa ki irail ren Kaun o me re pojonlar. ACT 14:24 Ira kakan jili Pijidien ap lel on Pampilien. ACT 14:25 Ira lao padaki duen majan o nan Perke, ap kotilan Atalien. ACT 14:26 A jan ni waja o ira tanalan Antiokien, waja ira japwile kidar mak en Kot on dodok o me ira kapwaiadar. ACT 14:27 Ira lao pwarador, ap kapokon pena momodijou, rap kotin kajoia on irail duen en Kot a kotin wiaki ira, o duen a kotin ritinada wanim en pojon en men liki kan. ACT 14:28 Ira ap kotikot warai ren tounpadak kan. ACT 15:1 A AKAI me kodido jan Iudaa, ap padaki on jaulan kan: Ma komail jota jirkomjaij duen tiak en Mojej, komail jota pan kak maurela. ACT 15:2 A irail lao liak toror pajan o akakamai on Pauluj o Parnapaj, re ap inauki pena, me Pauluj o Parnapaj, o pil akai irail en kotidalan Ierujalem ren wanporon o jaunkoa kan pweki mepukat. ACT 15:3 Momodijou ap likid ir wei lao ekij waja. Irail ap weweid nan Ponijien o Jamaria o kajokajoiada duen en men liki ar wukila. Irail ari kaperenda melel jaulan kan karoj. ACT 15:4 Irail lao lel Ierujalem, momodijou o wanporon, o jaunkoa kan ap kajamo ir. Irail ap katitiki meakan, me Kot kotin wiaki irail er. ACT 15:5 A akai kijan pwin en Parijar, me jaulanalar, me uda indada: Me pun, en jirkomjaij ir ala, o kapi on irail, en wiawia kapun en Mojej. ACT 15:6 A wanporon o jaunkoa kan pokon pena, pwen kaparok duen met. ACT 15:7 Irail lao kapukapun pena warailar, Petruj ap kotida majani on irail: Ri ai kan, komail aja, me maj o Kot kotin pil ia dar jan nan pun omail, pwe men liki kan en rona jan nan au ai majan en ronamau o pojonla. ACT 15:8 A Kot me kotin ereki monion en aramaj, kotin kadede irail o kotiki on irail Nen jaraui dueta kitail, ACT 15:9 O a jota kotin wiada irair eu nan pun en kitail o irail ni a kotin kamakel monion arail ki pojon. ACT 15:10 Ari, da me komail kajonejonki Kot, en kidan pon pop en tounpadak kan lopu eu, me jam atail akan o pil kitail jota kak wa. ACT 15:11 A kitail kin kamekamelele, me kitail pan kamaureki mak en Kaun Iejuj Krijtuj dueta irail kai. ACT 15:12 A pokon o nenenlata o roneron en Parnapaj i Pauluj ara katiti duen manaman oko o kilel kai, me Kot kotin wia kidar lim ara nan pun en men liki kan. ACT 15:13 Irail lao nenenlar, Iakopuj ap kaparok majanida: Ri ai kan komail ron ia! ACT 15:14 Jimon me kajoiada duen en Kot a kotin pwara don men liki kan ni tapi o pwen pili jan irail kainok eu on mar a. ACT 15:15 Pwe iduen majan en jaukop akan duen a intinidi: ACT 15:16 Murin mepukat I pan puredo o kawiliakapada im en Dawid, me ronki pajaner, o pur on kauada waja me olar. ACT 15:17 Pwe luan aramaj akan en raparapaki Kaun o, pil men liki kan, me wan ad ai, iei me Kaun o majaniadar, me kin kotin wiawia. ACT 15:18 Mepukat me lolok jan ni tapi o. ACT 15:19 Ari iet me i kajauiada, kitail ender katoutoui irail me wuki on Kot jan ren men liki kan. ACT 15:20 A jen intine won irail, ren liki jan kajaut en kot mal akan, o nenek, o man mopelar akan, o nta. ACT 15:21 Pwe jan maj kokodo jaun kawewe en Mojej kin mi nan kanim karoj, pwe re kin padapadak duen i nan jinakoke kan ni ran en japat akan karoj. ACT 15:22 Wanporon o jaunkoa kan, o momodijou ap maukidar, en pilada ol akai jan ar pokon o porone ira wei ian Pauluj i Parnapaj, en kotila Antiokien: Iudaj, me pil ad a Parnapaj o Jilaj, ol pukat, me kaun pan jaulan kan. ACT 15:23 A iet eten, me re intiniedier ap kadar won irail: let kit wanporon o jaunkoa kan o jaulan kan kadar won komail, ri at akan, me ko jan ren men liki kan nan Antiokien, o Jirien, o Jijilia at ranamau. ACT 15:24 Aki at roner, me akai, me koiei jan re at, kin kaponepone kin nen omail ar padak kan ni ar kajapune komail lar indada: Komail en jirkomjaij o kapwaiada kapun o; a je jota ki on irail kujoned akan. ACT 15:25 Kit ap wiaki eu ni at maukidar en piladar ol akai, ap kadar won komail ianaki kompoke pat Parnapaj o Pauluj. ACT 15:26 Ol oko me tonmeteki maur ara on mar en Kaun Iejuj K rijtui. ACT 15:27 Kit ari kadar wei Iudaj o Jilaj, me pil pan kajoi on komail mepukat. ACT 15:28 Pwe Nen jaraui o kit kin kupukupura, me mau, je ender ki on komail eu lopu; mepukat eta me kajampwal: ACT 15:29 Komail liki jan uduk, me mairon on kot likam, o nta, o man mopelar, o nenek. Ma komail liki jan mepukat, nan komail kin wiawia me mau. Ran kajelel! ACT 15:30 Irail lao pakadarala, ap kotilan Antiokien, re ap kapokon ir pena, ki on irail kijin likau o. ACT 15:31 Irail lao wadoker, ap peren kidar kamait parail. ACT 15:32 A Iudaj i Jilaj, me pil jaukop oko panaui kin jaulan kan kajoi toto o pil katinai ir ada. ACT 15:33 Irail mi waja o lao ran akai, ap pakadarala popol jan ren jaulan kan, pwe ren kola ren me kadar ira ala. ACT 15:35 A Pauluj i Parnapaj kotikoteta Antiokien, kawewedar o padapadaki majan en Kaun o. o me toto pil ian. ACT 15:36 Kadekadeo murin ran akai Pauluj majani on. Parnapaj: Kita pan purela ren jaulan kan, me mi kanim akan, waja kita padakier duen majan en Kaun o, o kalekalelapok due ’rail. ACT 15:37 A Parnapaj men ukada Ioanej, me pil ad a Markuj. ACT 15:38 A Pauluj kupura, me a jota mau, ira en ukada i, me muei jan ira nan Pampilien o jolar ian ira kolan dodok. ACT 15:39 Ira ari akamai pena lao ira muei pajan. Parnapaj ari ukada Markuj tana won Jipern. ACT 15:40 Pauluj piladar Jilaj ap kotila. A jaulan kan mueidela ira ni mak en Kot. ACT 15:41 I ari kakan jili nan Jirien o Jilijia katinada momodijou kan. ACT 16:1 PAULUJ ari kotilan Derpe o Lijtra. A kilan tounpadak amen mi waja o, me ad a Timoteuj, nain li en Juj me pojon amen, a jam a men Krik. ACT 16:2 Nan i kalok mau jili ren jaulan en Lijtra o Ikonien akan. ACT 16:3 Pauluj kotin men, i en waroki on i. I ari uk i o jirkomjaij i, pweki Juj oko, me mi waja o, pwe irail ajaer, me jam a men Krik amen. ACT 16:4 A ni arail kotikot jili nan kanim akan, re padaki on irail me ren kapwaiada kujoned oko, me wiauier ren wanporon o jaunkoa kan nan Ierujalem. ACT 16:5 Momodijou kan ari kelailada ni pojon o re totolar ni ran karoj. ACT 16:6 A Nen jaraui kotin inapwiedi, me ren der padak duen majan nan Ajien, re ap kakan jili Prikien o Kalatien. ACT 16:7 Irail lao pwara don Mijien, re jon daulul wei on Pitinien, a Nen en Iejuj jota kotin mueid on. ACT 16:8 Irail lao daulul lar Mijien, ap kodilan Troaj. ACT 16:9 A kajanjal eu pwara don Pauluj ni pon: Ol en Majetonien amen me uda, poekipoeki i indada: Kom koti don Majetonien, jauaja kit! ACT 16:10 A lao udialer kajanjal o, kit madan kolan Majetonien, pwe je ajaer, me Kaun o kotin molipe kit, en kolan padaki on irail ronamau. ACT 16:11 Kit ari majel wei jan Troaj o inen won Jamotrajien, a manda lel on Neapolij, ACT 16:12 O jan waja o lel Pilipi, kanim lapalap ni apali en Majetonien, me kijan jap en men Rom. Kit ari mimieta nan kanim o ran akai. ACT 16:13 Ni ran en japat je koiei jan kanim o, kolan pon pilap pot, waja re kin kapakap ia. Kit ari mondi o kawewe on li akai, me kin pokopokon waja o. ACT 16:14 A li amen ad a Lidia, men jaunet en likau waitata, men Tiatira amen, me kin kaudok on Kot. Nan i me roneron kit. A Kaun o kotin ritinada monion i, pwen apapwali meakan, me Pauluj majanier. ACT 16:15 I o a penainai lao paptaijelar, ap poeki re at indada: Ma komail kajau ia da, me i pojonlar Kaun o, komail pan pedelon on nan im ai o kotikot ia; i ari nidinide kin kit. ACT 16:16 Kadekadeo ni at kolan kapakap lidu amen, me kin wun ani, ap tu on kit, me kin kare on moni toto ren a jaumaj kan ki a wun ani. ACT 16:17 I me idauen Pauluj o kit weriwer indada: Aramaj pukat me japwilim en Kot lapalap ladu ko, me kin padaki on komail duen al en maur. ACT 16:18 A mepukat a wiadar ran toto. A Pauluj kupurola kaualap ap kotin jaupeila majani on nen o: Ni mar en Iejuj Krijtuj me i indai on uk, keredi jan i! I ap keredi jan ni auer ota. ACT 16:19 A jaumaj akan lao diarada, me jolar kaporopor en ar men wiaki moni, ap jaikidi Pauluj o Jilaj, wai ira Ion don wajan net ron jaumaj akan. ACT 16:20 O kalua ira wei ren jaun kapun kan katitiki: Aramaj pukat kijan men Juj kin kaokaoe atail kanim, ACT 16:21 O padapadaki tiak me jota pun je en ale de wiada, pwe Kit nil men Rom. ACT 16:22 Aramaj karoj ap uda por on ira, o jaunkapun ko dere jan ara likau kan o kapi, ren woki ira. ACT 16:23 Irail wokiwoki ira pan pak toto, rap kaje ira di nan imaten o kapiedi jilepa o, en kateneten ira di. ACT 16:24 A lao aleer kujoned wet ap kaje ira di on nan waron, en imaten o jaliedi aluwilu ’ra nin tuka kai. ACT 16:25 A lao ni ailep en pon Pauluj o Jilaj kapakap o melkaka mi Kot, o me jalidi ko roneron Ira, ACT 16:26 A jap o madan rerereda, kajukajuk en imaten mokidedar, wanim ko ap madan ritida o ar jal akan karoj lapwadar. ACT 16:27 A jilepan imaten lao pirida jan a mair o kilan wanim ko ar ritidar, ap napekida a kodlaj o, a pan kamela pein i, pwe a kiki on, me jalidi ko me pitila. ACT 16:28 A Pauluj kapitie laudeda majani: Kom der kame uk ala, pwe kit karoj mia. ACT 16:29 A ap idok lamp eu o tan rerer o dairukedi jan Pauluj n Jilaj. ACT 16:30 O wa ira wei jan indada: Main ko, da me i en wiada, pwen kamaurla? ACT 16:31 Ira ap majani: Pojon Kaun Iejuj, a koe o toun im om pan maurola. ACT 16:32 Ira ari kawewe on i o toun im a karoj majan en Kaun o. ACT 16:33 I ari uk ira ni auer ota 11 i pon o, widen ara pwal oko. I o na kan karoj ap madan paptaij elar. ACT 16:34 I ap kalua won ira nan im a, ap kida mo ’ra kijin mana, o peren kidar a pojonla Kot, i o ian a kan. ACT 16:35 A lao ran pajan, jaupeidi ko poronela papa ko indada: Lapwada aramaj pukat! ACT 16:36 Jilepan imaten o ap kaireki Pauluj majan pukat indada: Jaupeidi ko me ilakido, koma en lapwada. Koma ari kotila popol. ACT 16:37 A Pauluj kotin majani on irail: Irail janjal kadeike kit adar o woki kit men Rom, ap kaje kit ale nan imaten, a met re men kadar kit ala jo janjal. A jo, irail en pein kodo, wa kit wei. ACT 16:38 A papa ko kaireki jaupeidi kan majan pukat. Irail ap majakadar ni ar ronadar, me ira men Rom. ACT 16:39 Irail ari kodo, poeki re ’ra o wa ira la jan, o nidinideki ira, en japal wei jan nan kanim o. ACT 16:40 Ira ari pedoido jan nan imaten o, ap kotila ren Lidia. Ira lao tu on jaulan kan, ap panaui irail o jipale wei. ACT 17:1 IRA kotin weid nan Ampipolij o Apolonia, ap pwara don Tejalonik, waja jinakoke en Juj oko mi ia. ACT 17:2 Pauluj ap kotilon on re ’rail duen a kin wiawia o ian ir kapakaparok pena jan kijin likau kan ni ran en japat jilu. ACT 17:3 A kotin padaki o kajaleda, me Krijtuj udan kalokolok o iajada jan ren me melar akan, o me Iejuj men et, me i kawewe on komail, me Krijtuj. ACT 17:4 O akai irail me pojonla ap waroki on Pauluj i Jilaj, o pil men Krik lelapok me toto, o li jaupeidi me kaidin me malaulau. ACT 17:5 A Juj oko pepeirindar, ap ukada ol jued kai, o kapokon irail pena o kapeida kanim o, o kapil pena im en Iajon, pwen wa ira don pokon o. ACT 17:6 Irail lao jo diar ira da re ap waikelon don jaumaj akan en kanim o Iajon o jaulan kai indada: Mepukat kamokimo kidadar jappa, nan ira pil pwara dor met. ACT 17:7 A Iajon kajamo ira er, o irail karoj kin tiakedi majan en Jija ni ar katitiki, me dene amen Nanmarki Iejuj. ACT 17:8 Irail ari kamakaradar aramaj o jaumaj akan nan kanim o ni ar ronadar mepukat. ACT 17:9 Irail lao aleer jan ren Iajon o me tei kan ar kapwa, re ap kadar ira la. ACT 17:10 A jaulan kan madan kadarala Pauluj i Jilaj ni pon Peroa. Irail lao pwarado, ap kotilon on nan jinakoke en Juj oko. ACT 17:11 Mepukat me mau jan irail nan Tejalonik, pwe re pitipit aleer majan o pereperen kalelapokki kijin likau ni ran karoj, ma melel mepukat. ACT 17:12 Ari, me toto irail pojonlar, li o ol en Krik kan kijan jaupeidi me toto ian. ACT 17:13 A men Juj en Tejalonik ko lao roner, me Pauluj pil padapadak nan Peroa majan en Kot, irail ap kodo o kamakaradar aramaj akan. ACT 17:14 A jaulan kan madan kadarala Pauluj, dene a pan kotidila ni oror. A Jilaj i Timoteuj mimieta waja o. ACT 17:15 O me pelikid Pauluj akan kalua i lel Aten. Irail lao aleer kujoned on Jilaj o Timoteuj, me ira en pitipit ko don i, re ap jamalar. ACT 17:16 A ni en Pauluj a kotin auiaui ira nan Aten kupura ap ola ni a majani nan kanim o dikedik en ani rok ia. ACT 17:17 I ari kotin padaki on Juj oko o me toun kaudok kan nan jinakoke pil wajan net, me a kotin padaki on, me kin pokon pena waja o ni ran akan karoj. ACT 17:18 A jaunpadak en Epikurioj o Jtoik kai ap akamai on i o akai indada: Da paupaulap men et men inda? O akai indada: Likamata i jaunpadak en kot en wai akan aki a padaki on irail ronamau en Iejuj o en aramaj ar pan maureda. ACT 17:19 Irail ari ukada i o wai an Areopak indada: Kit jota pan kak ron duen padak kap pot et, me koe kin kaweweda? ACT 17:20 Pwe kajoi en wai pot, me kom wa don kit, kit ari men weweki duen mepukat. ACT 17:21 Pwe toun Aten o men wai kan, me mi waja o, kin jopijokki ar kajokajoi o roneron duen meakaroj me kap. ACT 17:22 A Pauluj kotida pon dol en marj majani: Komail ol oko en Aten, i kajauiadar, me komail kin majak kaualap kot likam akan, ACT 17:23 Pwe ni ai koko jili met, o kilekilaner omail jaraui kan, i ap diaradar pei jaraui eu, me intinidier poa: Japwilim en kot me jo diarokadar, me komail kin kaudoki on ap jaja i, i me I kin padapadaki on komail. ACT 17:24 Kot me kotin wiadar jappa o audepa karoj i me Kaun en nanlan o jappa, nan a jota kotikot nan im en kaudok kan me aramaj wiadar. ACT 17:25 O jota me kin upaki i p a en aramaj likamata a kotin anane meakot; pwe pein i kin kotin nene on karoj maur, o ajinok o meakaroj. ACT 17:26 O a kotin wiadar wein aramaj en jappa karoj kaparapar jan nta ta ieu, pwen kaukaujon nan jap karoj, o a kotin kiledier warai o wajan ar kaujon. ACT 17:27 Pwe ren raparapaki Kot, ma ir kak pam o diar i, pwe a jota kin doo jan amen amen kitail. ACT 17:28 Pwe i me kitail kin memaureki, o mokideki, o mimiaki, duen akai omail jaunkaul pil indadar: Pwe kij a kitail karoj. ACT 17:29 Ari, ma kitail kijan Kot, kitail ender lamelame, me Kot rajon kold, de jilper, de takai, de dikedik eu, me aramaj lolekon diaradar. ACT 17:30 Ari, kot kotin kanonama on kitail ni anjaun atail rotorot. A anjau wet a kotin majani on aramaj karoj, ren kalula waja karoj. ACT 17:31 Pwe a kotin kileledier ran eu, me a pan kotin kadeika kida jappa Ol amen, me a kotin katororedar ni tiak pun. A iet kilel, me a kotiki on aramaj karoj: A kotin kaiajadar i jan ren me melar akan. ACT 17:32 Irail lao ronadar duen mauredan me melar akan akai ap lalaue, a akai inda: Je men pur on ron jan komui duen met. ACT 17:33 Pauluj ari kotila jan re ’rail. ACT 17:34 A ol akai waroki on i o pojonlar. Amen ir Dionijiuj kijan jaunkapun kan; a li amen, me ad a Damarij, o pil akai ian irail. ACT 18:1 MURIN mepukat a kotila jan Aten o kotilan Korint, ACT 18:2 A lao diaradar Juj amen me ad a Akwila me ipwidier Pontuj, me apton kodo jan Italien o a paud Prijila, aki Klaudiuj majani, me Juj oko karoj en kokoke jan Rom, i ari kotilan re ’ra. ACT 18:3 O kotikot re ’ra, ian dodok, pwe ira jon ta ieu wiada im likau. ACT 18:4 O ni ran en japat karoj a kin kotin padapadak nan jinakoke o kalekalolekone men Juj o men Krik kan. ACT 18:5 A Jilaj o Timoteuj lao kodido jan Majetonien, Pauluj kotin jopijokki kaualap padak o, pwe a kadede on Juj akan, me Iejuj me Krijtuj. ACT 18:6 A irail lao akamai o lalaue, a ap jipededi japwilim a likau majani on irail: Dip omail en kapokon on pein komail. Nai me makelekel jan met, i pan kola ren men liki kan. ACT 18:7 I ari kotila jan waja o ap kotilan nan im en amen me ad a Jujt me kin kaudok on Kot, me im a pat on jinakoke. ACT 18:8 A Krijpuj, jaumaj en jinakoke pojonla Kaun o, ianaki karoj toun im a; toun Korint me toto lao ronada, ap pojonla o paptaijela. ACT 18:9 Kaun o ap kotin majani on Pauluj ni a auramen ni pon: Der majak, padapadak ender nenenla! ACT 18:10 Pwe Nai ian uk, o jota me pan jair uk, pwen kame uk, pwe nai aramaj me toto nan kanim wet. ACT 18:11 I ari kotikot waja o par eu o jaunipon wonu kaweweda majan en Kot nan pun arail. ACT 18:12 Ni muein Kalion kakaundar Akaia, Juj akan ap wiaki eu, jaikidi Pauluj o wa don i mon mol en kadeik o, ACT 18:13 Indada: Lap men et kin pitipiti aramaj, ren kaudok on Kot ap palian kapun. ACT 18:14 Pauluj lao men majanda, Kalion ap majani on Juj oko: Komail Juj oko, ma japun eu de me jued kot, i pan ron komail. ACT 18:15 A ma akamai duen lamalam, o ad akan, o omail kapun, nan pein komail pan wia, pwe nai jota men jaunkapun pan mepukat. ACT 18:16 I ari jiken ir wei jan ni mol en kadeik o. ACT 18:17 A karoj ap jaikidi Jojtenej, jaumaj en jinakoke o woki i mon mol en kadeik o. A Kalion jota injenoki mepukat karoj. ACT 18:18 Pauluj lao kotikot waja o ran toto, ap kotin kamurimuri on jaulan kan o ianala jop pot kotilan Jirien; Prijila i Akwila ian i. Maj a kotin kotedar tapwi nan Kenkraa, pwe a inau mia. ACT 18:19 I ari jupi on Epijuj, pwilikidi on ira waja o, a pein i kotilon on nan jinakoke o kaparok on Juj oko. ACT 18:20 Irail poeki i, en mimieta re ’rail anjau warai, a jota kotin duki on. ACT 18:21 O a kotin kamurimuri on irail majani: I udan ian kamadip kokodo nan Ierujalem. A ma Kot pan kotin mueid on ia, i pan pure don komail. A ap kotin maj el jan Epijuj. ACT 18:22 A lao kotin keredi Jajarea, ap kotidala ranamau on momodijou ap kotilan Antiokien. ACT 18:23 A kotikot waja o anjau kij, ap kotila kakan jili nan wein Kalatia, o Prikien, kakelada tounpadak kan karoj. ACT 18:24 A men Juj amen, me ad a Apoluj, me tikidar Alekjandrien, iei ol kadek lokaia, o me ereki kijin likau kan, a ko don Epijuj. ACT 18:25 Men et aleer padak ni al en Kaun o, o a kelail ni nen e, a padapadak o kaweweda mau meakan duen Iejuj; a paptaij en Ioanej me a aja. ACT 18:26 I ari tapiada aima padapadak nan jinakoke. A Akwila o Prijila lao ron i, ap uke don ira i, kawewe on i al en Kot. ACT 18:27 A lao men kola Akaia, jaulan kai ap intin won tounpadak kan, poeki re ’rail, ren kajamo i. I lao pwarado, ap jauaja irail, me pojon kilar mak en Kot. ACT 18:28 Pwe a manaman on Juj akan, kajale on irail jan kijin likau kan me Iejuj me Krijtuj. ACT 19:1 Ani anjau Apoluj mi Korint, Pauluj kotin kakan jili jap en pali poa kan, ap lele don Epijuj waja a diarada tounpadak kai. ACT 19:2 A kotin majani on irail: Komail aleer Nen jaraui ni omail pojonlar? Irail potoan on i: Je jota man ron, me Nen jaraui mia. ACT 19:3 A ap kotin majani: A ij, me komail paptaij on? Irail inda: on paptaij en Ioanej. ACT 19:4 Pauluj majani: Ioanej paptaij ki paptaij en kalula, ni a majani on aramaj akan, me ren pojon i me pan pwarado mur i, i Iejuj. ACT 19:5 Irail lao ronadar met, re ap paptaij on mar en Kaun Iejuj. ACT 19:6 Pauluj lao kotin pwil po ’rail lim a kan, Nen jaraui ap kotidi po ’rail, irail ari lokaia nil toror pajan o deideikop. ACT 19:7 A ir ol oko me ekriamen. ACT 19:8 I ari kotin purepure nan jinakoke o aima padapadak jauni pon jilu, kapakaparok o kawewedar meakan duen wein Kot. ACT 19:9 A akai lao kapitakailar, o jo pojon, o lokelokaia jued on aramaj akan duen lamalam, a ap jaupei jan irail o katorela tounpadak kan, o padapadaki on irail nan im en padak en Tiranuj. ACT 19:10 Mepukat wiauier jaunpar riau; toun Ajien karoj ari ronada majan en Kaun o, men Juj o men Krik karoj. ACT 19:11 O Kot me kotin wia kida Iim en Pauluj manaman kapuriamui akan. ACT 19:12 Re pil aleer lim en pudo o likau an moa jan pali war a, pwilikidi on me jomau kan, jomau o ap jare jan, o nen jued akan keredi jan. ACT 19:13 Men Juj widinok kai, me kin koko jili kati ani, ap jon jakaraki don irail, me tanwar en nen jued kai, mar en Kaun Iejuj, indada: Kit kaukilan komail Iejuj, me Pauluj kin padapadak due. ACT 19:14 A ol ijimen mia nain jamaro lapalap Jkepaj, ol en Juj amen, me wiadar mepukat. ACT 19:15 A wen jued japen irail indada: I aja Iejuj, o i aja duen Pauluj, a komail, ij komail? ACT 19:16 A aramaj o, me nen jued mi poa, ap luje don irail o kaloe irail edi. Ir ari tana jan nan im o kilijo o kili olar. ACT 19:17 A met lok jili ren men Juj o Krik akan, me kaujon Epijuj. O majak kipa irail edi, o mar en Kaun Iejuj me lomuinlar kaualap. ACT 19:18 O me ian pojonlar me toto kodo weokadar o kajaledar arail wiawia kan. ACT 19:19 O pil me toto, me kati ani, wa pena nairail puk o ijik ir ada mon karoj; ir ari wadok pwain ar o diar, me a dok on moni limenen. ACT 19:20 Majan en Kaun ari pwaidar kaualap. ACT 19:21 Murin mepukat Pauluj ap kotin inon ion ni nen e kakan jili wein Majetonien o Akaia, ap kotilan Ierujalem majanidar: I lao milar waja o, i pil pan kilan Rom. ACT 19:22 I ari kadarala Majetonien riamen, kijan me papa i: Timoteuj o Erajtuj. A pein i kotikoteta maj nan Ajien. ACT 19:23 I anjau me moromoron laud wiauier pweki lamalam. ACT 19:24 Pwe amen, me ad a Demetriuj, jaunmata amen, me kin wiada im en kaudok jilper kan on Diana, me kare on irail, me kin wiawiada, moni toto. ACT 19:25 I ap kapokon irail pena o toun dodok en jon ota indada: Main ko, komail aja, me dodok wet meid kadepa on kitail, pwe i me kitail kapwapwaki. ACT 19:26 A komail kilekilan o roneron, me Pauluj men et kin kaloedi o kawukila aramaj toto a kaidin nan Epijuj eta, pwe pil koren ion nan Ajien pon, ni a kin padaki on aramaj akan, me dene kaidin irail kot akan, me wiaui pan pa en aramaj akan. ACT 19:27 Mepukat meid apwal on kitail. Pwe kaidin atail dodok eta me pan kamala, pwe pil im kaudok en kot Diana lapalap o a linan, me toun Ajien o jappa karoj kin kaudoki on pan jorela. ACT 19:28 Irail lao roner mepukat, re ap makara kida kaualap o weriweradar indada: Meid lapalap Diana en men Epijuj! ACT 19:29 A karoj toun kanim o ap pinidar, wiaki eu, tanalan im en madon, tanaki Kaioj o Arijtar kuj men Majetonien, me waroki on Pauluj oko. ACT 19:30 A Pauluj lao pan kotilon nan pokon o, tounpadak kan ap jota mueid on i. ACT 19:31 O jaumaj en Ajien kai, me kompokepa kan, ilake don i, panaui i, ender kotilan im en madon o. ACT 19:32 Ari, akai wia eu jon en lokaia, a akai eu, pwe pokon o pinidar. A me toto re ’rail jaja karep en ar pokon pena. ACT 19:33 Irail jikon jan nan pokon o Alekjander; Juj oko me jikonla i. A Alekjander olol on irail, ap men japen pokon o. ACT 19:34 Irail lao aja, me i kijan Juj oko, re ap wiaki eu weriwerada auer riau: Meid lapalap Diana en men Epijuj! ACT 19:35 A jaunintin en kanim o lao kadukiedi pokon o, ap indada: Komail ol oko en Epijuj, ij aramaj, me jaja, me kanim en men Epijuj kin kaukaudoki on Diana lapalap o dikedik, me pupedi jan nanlan? ACT 19:36 A ma jota, me pan kak kalikame mepukat, komail en nenenla o der wiada me japun! ACT 19:37 Pwe komail ukedo ol pukat, me jota kin kuliada im en kaudok o, pil jota lalaue omail kot li. ACT 19:38 A ma Demetriuj o ian a kan mauki meakot ren amen, kapun ap pan wiaui, pwe jaunkapun kai mia, ren kapukapun re ’rail. ACT 19:39 A ma komail mauki eu jon toror, i me pan kapunala nan kapun o. ACT 19:40 Pwe kitail pan pukoki moron en ran wet, pwe jota karepen, me kitail en kapunki pokon wet ar tanatan pena. ACT 19:41 A lao majani on irail mepukat, ap kadar pajan pokon o. ACT 20:1 MORON lao dukedier, Pauluj ap molipe pena tounpadak kan, ap kotin kamurimuri on irail o kotila, pwen jailokelan Majetonien. ACT 20:2 A lao kakan jili jap oko, o panapanaui irail kaualap, ap kotilan wein Krik. ACT 20:3 A lao kotikot waja o jaunipon jilu, ap men kotilan Jirien, ari jo, a kotin pure don Majetonien, pwe Juj oko majamajan i. ACT 20:4 A iet akan, me likid i lel Ajien: Jopater nain Piruj men Peroa, a Arijtarkuj o Jekunduj men Tejalonik, a Kaiuj men Derpe, o Timoteuj, o Tikikuj, o Tropimuj men Ajien. ACT 20:5 Mepukat tion maj ap aui kit nan Troaj. ACT 20:6 Murin kamadip en prot jomut je jerok wei jan Pilipi, tanatanki ran limau kokola re ’rail Troaj, waja je mimi ia ran iju. ACT 20:7 A ni ran kaieu en wik. ni at pokon pena, pwen pilitiki pena prot, Pauluj ap kotin padaki on irail. A mandan ran o a pan jamala. A kotin kawarailar a padak lao lel ajlep en pon. ACT 20:8 A lamp toto mi nan kokon waja je pokon pena ia. ACT 20:9 A manakap amen, me ad a Eutikuj, me momod nan wanimtuk, me mair kalikala. A ni en Pauluj a padak warai, i ari mair kalikala melel, ap pupedi jan ni kajilu en kokon poa, o re pokada, a melar. ACT 20:10 A Pauluj me kotidi kipedi on poa o polodi i majani: Komail der mauk, pwe a memaur! ACT 20:11 I lao kotidala o pilitiki pena prot., o konoter, o padapadak warai lao lel waja ran, ap kotilar. ACT 20:12 A irail wado manakap me maur ap pereperen kaualap. ACT 20:13 A kit me madan ian jop o, tanatan kolan Ajoj, waja je pan uk ia Pauluj, pwe i me a kakalik on kit. A pein i pan japal. ACT 20:14 A lao tu on kit nan Ajoj, je ap uk i, tanalan Mitelene. ACT 20:15 Kit tanatan kodo jan waja o manda je lel on likin Kioj, o manda je lele don Jamoj, o je mondi Trokilion, a manda je pwara don Miletuj. ACT 20:16 Pwe Pauluj kileledier en dauli Epijuj, pwe a der pwapwand nan Ajien, pwe a kotin karawaru, ma a pan kak, a pan lel on Ierujalem ni ran en Pentikoj. ACT 20:17 A jan Miletuj a kotin ilakilan Epijuj molipe jaunkoa en momodijou kan. ACT 20:18 Irail lao pwara don i, a kotin majani on irail: Komail aja duen ai wiawia re omail anjau karoj jan ni tapin ran o, me i lel Ajien, ACT 20:19 Duen i papa Kaun o ni aktikitik, o janejan, o kamekam nan pun en Juj oko, ni ar rukiruki ia di. ACT 20:20 O duen i jota oki janer meakot me katepan, pwe i kaireki komail karoj, o padapadaki komail janjal o nan im akan. ACT 20:21 O i kadede on men Juj o pil men Krik kalula on Kot o pojon atail Kaun Iejuj Krijtuj. ACT 20:22 A kilan, i ap kokodalan Ierujalem, nen i jalidi o i jaja, da me pan pid ia waja o. ACT 20:23 A Nen jaraui kin kotin kadede on ia nan kanim karoj, me jal akan o kamekam kin auiaui ia. ACT 20:24 Ari jo, i jota kin injenoki mepukat, i pil jota kajampwaleki maur i, pwe i en kaimwijokela ai koa dodok, me i aleer jan ren Kaun Iejuj, en kadede ronamau en mak en Kot. ACT 20:25 A kilan, i ap ajaer, me komail karoj, me i padapadaki oner wein Kot, pan jolar udial maj ai. ACT 20:26 I me i kadede on komail ran wet, me i makelekel jan ntan komail karoj. ACT 20:27 Pwe i padaki on komail duen kupur en Kot, o jota man meakot me i okijan komail. ACT 20:28 Komail ari kalaka komail o momodijou karoj waja, me Nen jaraui kotin kajapwil komail dan jilepa ko, pwen apapwali momodijou en Kot me a kotin pwainiki pein nta. ACT 20:29 Pwe i ajaer, me murin ai jamalar kidi komad akai pan pwara don komail, me jota pan kajampwaleki pwin o. ACT 20:30 A ol akai pan uda jan nan pein komail, me pan padak japun, pwen wiaki tounpadak kan pein ar warok kan. ACT 20:31 Komail ari majamajan o tamanda, me i jota dukedi, panaui amen amen, janejan ni ran ni pon jaunpar jilu. ACT 20:32 Ari, i pan mueid on komail Kot o majan en kupur a, me manaman on kapwai komail ada, o kotiki on komail jojo eu ren me jaraui kan. ACT 20:33 I jota noroke en amen a jilper, de kold de likau. ACT 20:34 Pein komail aja, me pa i kat kin papa ia o ai warok kan. ACT 20:35 I kajale on komail er meakan duen komail en dodok, pwen jauaja me luet akan o tamatamanda majan en Kaun Iejuj akan, duen a pein kotin majani: Kiki wei me kaperen jan ale. ACT 20:36 A lao kotin majanier mepukat, a kelepuki ian irail karoj kapakap. ACT 20:37 Irail ari janejan kaualap o polodi tapin wor en Pauluj o metik i. ACT 20:38 Re injenjuedekier kaualap a majan, me dene re jolar pan udial jilan i. Irail ari likid i koti on pon jop o. ACT 21:1 KADEKADEO kit lao majelwei jan murin at kamurimuri on irail je tanatan inen won Kuj, a manda lel on Roduj, a jan waja o je tanalan Patara. ACT 21:2 Kit lao diaradar jop pot, me pan kola Ponijien, je ap keredan poa majelwei. ACT 21:3 Kit lao kilaner Jipern, je dauli ni pali maun, tanatan kolan Jirien ap jupi on Tiruj, pwe i waja audepan jop o pan pwilidi ia. ACT 21:4 Je lao diaradar tounpadak kan, kit ap mimieta waja o ran iju. Irail ap majanki Nen, Pauluj ender kodalan Ierujalem. ACT 21:5 Kadekadeo kit lao kaimwijokila ran oko, je ap majel kokola. Irail karoj me likid kit lel likin kanim, li o jeri kan pil ian; kit ap kelepuki ni oror, o kapakap. ACT 21:6 Kit lao kamurimur pena, je ap kereda pon jop o, a irail purelan deu ’rail. ACT 21:7 Kit tanatan kodo jan Tiruj ap ko don Ptolomaij; kit ap ranamaui jaulan kan o kairu re ’rail ran eu. ACT 21:8 A mandan ran o je majeler, ap lel on Jajarea, kit ap pedelon on nan im en jaunpadak Pilipuj, me kijan ijimen oko, o mimieta re a. ACT 21:9 Amen et na jeripein makelekel pamen mia, me kin deideikop. ACT 21:10 A ni at kaukaujon waja o ran toto, jaukop amen ap kodido jan Iudaa, me ad a Akapuj. ACT 21:11 A lao pwara don kit, ap ale japwilim en Pauluj pirapir pira pena pein pa a o na a kan, ketitiki: let me Nen jaraui kotin majani: let duen men Juj oko, me mi Ierujalem, pan jaliedi ol o, me a pirapir wet, o panalan i nan pa en men liki kan, ACT 21:12 Kit lao ronada mepukat, kit o pil irail karoj toun waja o ap poekipoeki a ender kotidalan lerujalem. ACT 21:13 A Pauluj kotin japen: Da me komail janejanki o kawekila nan monion i? Pwe kaidin jalidi eta, me i kak on, pwe pil mela nan Ierujalem pweki mar en Kaun Iejuj. ACT 21:14 A lao jota duki on, kit ap nenenla indada: Kupur en Kaun o en pwaida. ACT 21:15 Murin ran pukat je ki pena at kapwa kan o daululan Ierujalem. ACT 21:16 A tounpadak en Jajarea kai pil ian kit, o re ukado Mnajon men Jipern, tounpadak ma amen, me je pan kairu re a. ACT 21:17 Kit lao lel Ierujalem, jaulan kan kajamo kit popol. ACT 21:18 A mandan ran o Pauluj ian kit kotila ren Iakopuj o jaunkoa karoj pokon pena waja o. ACT 21:19 A lao ranmaui irail, ap kotin kajokajoia meakan, me Kot kotin wiai on men liki kan ki a dodok. ACT 21:20 Irail lao ronadar mepukat, re ap kapinaki Kot indai on i: Ri at kilan men Juj me totoia me ian pojonlar, o irail karoj kin kesempwali kapun o. ACT 21:21 Nan a loki on irail duen komui, me dene komui kin kaukawewe men Juj, me dondole men liki kan, ren kajela Mojej o padapadaki, re ender jirkomjaij jeri kan, o pil der dadaur tiak kan. ACT 21:22 A iaduen, pokon pan wiaui, o re pan ronada, me komui jamador. ACT 21:23 Ari, komui pan wiada met, me je pan indai on komui: Ol pamen mi re at, me ar inau mia. ACT 21:24 Uk irail ada o kamakelekel komui da ianaki irail, o pwain irail pwe mon arail en jeijei, o karoj pan kilan, me likam pot, me re roner duen komui, o me komui pil kin kapwaiada kapun o. ACT 21:25 A duen me pojonlar jan ren men liki kan, je intiniedier o kujoned edar, me ren der kapwaiada mepukat. A iet eta: Ren liki jan uduk me mairon on kot likam, O nta, o man mopelar, o nenek. ACT 21:26 Pauluj ap kotin ukada ol oko, a manda a kamakelekelada pein i ap ian irail kotilon on nan im en kaudok o kotin kajaledar ran en arail kamakelekel, lel mairon en amen amen wiauier. ACT 21:27 A ran iju lao koren ion nikier, men Juj en Ajien ap kilaner i nan im en kaudok o, rap kamoromoroda aramaj karoj o jaikidi i, ACT 21:28 Weriwerada indada: Ol en Ijrael, komail jauaja, iet aramaj o me kin kaukawewe on karoj waja karoj, ren palian Juj akan, o kapun, o waja kij et, o a pil kalua don nan im en kaudok men Krik kai, o kajaminela waja jaraui wet. ACT 21:29 Pwe maj o re kilanadar, me Tropimuj men Epijuj ian i nan kanim o, re ap kiki on, me Pauluj kalualon on i nan im en kaudok. ACT 21:30 A kanim o moromoronada kaualap o aramaj akan tan pena. Re ap jaikidi Pauluj o waike jan i nan im en kaudok o, a wanim ko ap madan ritidi. ACT 21:31 Irail pan kamela i, a ron ap lel on jaumaj en jaunpei kan, me Ierujalem moromoronda. ACT 21:32 I ari madan ukada jaunpei o jaumaj akai ap tanadi won irail Ir lao kilan jaumaj o jaunpei ko, re ap jolar woki Pauluj. ACT 21:33 Jaumaj o ap kai on, koledi i majani, i en jalikidi jal mata riapot, o idok: Ij i, o da me a wiadar? ACT 21:34 A akai jan nan pokon o weriwer wiada eu jon en lokaia a akai eu. A ni a jota kak weweki, me re moromoronki, ap majani, a en wijikelan nan im en jaunpei. ACT 21:35 A lao lel on kandake o, jaunpei ap wewa i, pweki pokon o koiden pena i. ACT 21:36 Pwe pokon o, me idauen, weriwer indada: Jiken wei i! ACT 21:37 A ni en Pauluj a pan wiji kelon on nan im en jaunpei, a ap majani on kaun lapalap o: A jota muei on ia, en indan komui meakot? A ap majani: Komui aja lokaia en Krik? ACT 21:38 Ari, kaidin komui ol en Akipten, me kapeida aramaj oko mon ran akai, ap kalualan jap tan ol lolap pakid? ACT 21:39 A Pauluj majani: Nai ol en Juj amen, men Tarjuj, kanim indand en Jilijia eu, i men poeki re omui, en mueid on ia, en kapakaparok on aramaj pukat. ACT 21:40 I ari mueid on i. Pauluj ap kotida pon kandake o olol on aramaj akan. A lao molelar kaualap, Pauluj ap kaparok on irail ni nor en Ipru majani: ACT 22:1 RI ai ko, jam ai ko komail, ron maj ai japen komail. ACT 22:2 Irail lao roner, me a majani on irail ni lokaia en Ipru, re ap nenenla kaualap. I ari kotin majani. ACT 22:3 Ol en Juj amen nai, me tikidar Tarjuj en Jilijia, a i kakairida nan kanim wet ni aluwilu en Kamaliel, padapadakki kapun en jam atail akan, o nantion poni poni Kot dueta komail kin wia ran wet. ACT 22:4 O i kawelar al pot et lel on kamelar aramaj, ni ai jaliedi o panalan imaten ol o li akan. ACT 22:5 Pwe iduen me jamero lapalap o jaumaj akan kin kadede kin ia, pwe i aleer jan irail kijin likau, on ri (atail) akan. I ap kolan Damajkuj, pwen pil jaliedi o wa don Ierujalem, me mi waja o, pwe ren kamekame. ACT 22:6 A ni ai koko wei korendor Damajkuj, nin jauaj, marain eu kodido jan nanlan, jare ia da. ACT 22:7 Nai ari pupedi nani pwel o ronada nil eu, me majani on ia: Jaul, Jaul, da me koe kame kin ia? ACT 22:8 Nai ari potoan on: Ij komui Main? A kotin majani on ia: Nai Iejuj en Najaret, me koe kin kame. ACT 22:9 A me ian ia udialer marain o, ap majapwekadar, a re jota ron kapit en me majan don ia. ACT 22:10 Nai potoan on: Da me i en wiada Main? Kaun o ap kotin majani on ia: Paurida u kowei on Damajkuj, nan a pan kapare on uk waja o, me kaonop on uk er, en wiada. ACT 22:11 A i jolar kak kilan waja, aki linan en marain o, i ap daululan Damajkuj; me ian ia kalua kin ia pa i. ACT 22:12 Ananiaj, ol lelapok amen duen kapun o, me kalok mau jli ren Juj akan karoj, me kaujon waja o, ACT 22:13 Ap ko don ia kajikajinen imp ai indai on ia: Ri ai Jauluj, kilanada waja! Ari, ni auer ota i jaradan i. ACT 22:14 I ari katitiki: Kot en jam atail akan, me pil uk adar, pwe koe en lolekonki a kupur, o udial me Pun o, o ron kapit en jllan i. ACT 22:15 Pwe koe pan japwilim a jaunkadede on aramaj karoj, duen me koe kilanadar o ronadar. ACT 22:16 Ari, da me koe auiaui? Paurida o paptaijela, pwe dip om akan en widen jan, o jakarkidan mar a. ACT 22:17 A kadekadeo i lao pwara don Ierujalem o kapakap nan im en kaudok o, i ap wukilar. ACT 22:18 O i kilan i, me kotin majani on ia: Kananata, madana wei jan Ierujalem, pwe irail jota pan duki on om kadede kin ia. ACT 22:19 Nai ari potoan on: Main, pein irail aja, me i panalan nan imaten o woki nan jinakoke kan me kin pojon komui. ACT 22:20 A ni japwilim ar jaunkadede Jtepanuj kamatalar, nai pil u impa o peren kidar a kamatalar, nekinekid likau en me kamatalar i ko. ACT 22:21 A ap kotin majani on ia: U ko wei, pwe I pan kadar uk ala waja doo ren men liki kan. ACT 22:22 Irail roneron i lel on majan pot et, ap nil laudeda indada: Jiken wei jan jappa lap men et! Pwe a jota mau on, i en momaureta! ACT 22:23 A ni arail weriwerada, o kajelar ar likau, o kajadar pwelpar, ACT 22:24 Kaun lapalap o ap majani, i en wijikelan nan im en jaunpei o majani, ren woki i, pwe i en lelapok kila, da me re weiwei lokeki i. ACT 22:25 Irail lao jaliedi i, Pauluj ap idok ren kaun o, me u impa: Me pun, en woki aramaj en Rom amen, me kaikenta pakadei kadar? ACT 22:26 Kaun o lao ronada met, ap kola ren kaun lapalap o indada: Da me kom pan wiada, pwe aramaj men et men Rom amen. ACT 22:27 Kaun lapalap o ap kodo indai on i: Katitiki on ia, ol en Rom amen komui? A japen: Ei. ACT 22:28 Kaun lapalap o japen: Pwai laud me i jaladok kilar. A Pauluj majani: A nai me tikidar jaladok. ACT 22:29 Me kodo kadeikada i, ap madan pure jan i, o kaun lapalap lao ajadar, me i ol en Rom amen, a pil majakadar, pweki a jaliedi i. ACT 22:30 A mandan ran o a inon ion melel aja karep en Juj oko ar panala i, ap lapwada i o kapokon pena jamero lapalap o toun kapun o, ap wadila Pauluj o kotikidi on i mo ’rail. ACT 23:1 A PAULUJ kotin aupwil jili nan kapun o ap majani: Ri ai ko, i dadaurata me mau on Kot lao lel ran wet. ACT 23:2 A jamero lapalap Ananiaj majani on men impa, ren pikir au a. ACT 23:3 Pauluj ap majani on i: Kot pan kotin pikir uk malaun men koe, pwe koe momod waja en, en kadeik ia da duen kapun o, ap tiakedi kapun o ni om indada, ren pikir ia. ACT 23:4 A men impa indada: Koe pan lalaue japwilim en Kot a jamero lapalap? ACT 23:5 Pauluj ap majanier: Ri ai ko, i jaja, me i jamero lapalap o, pwe a intinidier: Koe der nan au jued duen omail kaun lapalap o! ACT 23:6 A Pauluj lao diaradar, me akai irail Jadujar, a akai Parijar, ap kapitie laud nan kapun o majani: Ri ai ko, nai Parijar amen o nain Parijar amen, ai kaporopor en me melar akan ar pan maureda, i me i pan paka deikada. ACT 23:7 A lao majanier met, Parijar o Jadujar akan ap akamai pena; ari momod o muei pajan. ACT 23:8 Pwe Jadujar kin inda, me dene jota me pan maureda, o pil dene jota tounlan, pil jo nen, a Parijar kin kamelele karoj. ACT 23:9 A weriwer laud wiauier. A jaunkawewe kan, me kijan Parijar kajinenda kaparok katitiki: Jota me jued kot en aramaj men et, me je diar. A ma nen eu de tounlan amen majani on i, kitail der palian Kot! ACT 23:10 A lao moromoron kaualap, kaun lapalap o ap majak, me Pauluj pan dapenok pajan, ap majani, me jaunpei kai en kodilan koledi i, wado jan nan pun ar o wa don nan im en jaunpei. ACT 23:11 A pon pena jan ran o kaun o kotikot re a majani: Kaporopor mau, pwe duen om kadede ia nan Ierujalem, iduen koe pil pan kadede ia nan Rom. ACT 23:12 A lao ran pajan, Juj akai ap inauki pena o kaukila, me re pan jolar kan o nim meakot, re lao kamelar Pauluj. ACT 23:13 A irail, me wiadar inau wet, me paek jama. ACT 23:14 Irail kodo ren jamero lapalap o jaumaj akan katitiki: Je inauki pena o kaukila, me je jolar pan kan o nim meakot, je lao kamelar Pauluj. ACT 23:15 Komail o toun kapun ari poeki ren kaun lapalap o, a en kadara don komail i. Dene komail pan raparapaki melel re a, a kit pan majamajan kamela i, mon a pan pwara don komail. ACT 23:16 A wawan Pauluj jeri amen lao roner ar ruki i, ap pedelon on im en jaunpei kai kaireki Pauluj. ACT 23:17 Pauluj ap ekeredo kaun amen, majani on i: Kare won manakap men et ren kaun lapalap o, pwe meakot mia, me a men kaireki i. ACT 23:18 I ari ukada i kare won i ren kaun lapalap o indada: Pauluj me jalidi, eker ia don i o poeki re i, i en wa don komui manakap men et, pwe meakot mia, me a men kaire kin komui. ACT 23:19 Kaun lapalap ap koledi pa a o koieila waja rir kalelapok: Da me koe men kaire kin ia? ACT 23:20 I ari katitiki: Juj akai inauki pena, en poeki re omui, en kadara don kapun Pauluj lakap, dene komui men pur on raparapaki mau due. ACT 23:21 A komui der duki on irail, pwe ol paek jama, me rukiruki i, me inauki pena o kaukilar, me re jolar pan kan o nim re lao kamela i. A irail auiaui anjau wet, me komui en mueid on irail i. ACT 23:22 Kaun lapalap o ap kadarala manakap o majani on i: Der indan meamen, me koe kaire kin ia met! ACT 23:23 A lao ekeredor kaun riamen, ap majani: Kaonopada jaunpei riepuki, pwen kola Jajarea, o pil me dake oj ijiakan, o me wa katieu riepuki jan ni klok duau en ponpon wet. ACT 23:24 O pil kaonopada man akai, me re en kida poa Pauluj, o ren kanakanai on walan i ren kopina Peliki. ACT 23:25 A pil intiniedier kij in likau duen met: ACT 23:26 Nai Klaudiuj Lijiaj kadar won komui main kopina Pelikj ai ranamau. ACT 23:27 Ol men et, me Juj oko jaikidier, o metar kij a pan kamela re ’rail. A nai ukada jaunpei kei dorela i ni ai ronada, me i men Rom amen. ACT 23:28 A ni ai men kalelapok, da me re weiweilokedi i, i ap wadila ren ar kapun o. ACT 23:29 Nai ari diaradar, me a panapanla pweki peidok en ar kapun. A jota me i diar, me a pun kak kame kila de jalikidi. ACT 23:30 I lao ajadar, me Juj oko rukiruki ol o, i ap madan kadar won komui i, o i kakaliki on me panala i kai, en kaireki won komui duen i. Ran kajelel! ACT 23:31 Jaunpei ko ap ukada Pauluj kalua i Antipatrij ni pon o duen a kawad kin irail. ACT 23:32 Mandan ran o re ki on me dake oj akan, ren wala i, ap purelan im en jaunpei. ACT 23:33 Mepukat lao lel on Jajarea, ap ki on kijin likau ren kopina, o pil kajale on i Pauluj. ACT 23:34 A lao wadoker o idok, menia i, o manier, me a kijan men Jilijia, ap majani: ACT 23:35 I pan ron uk, lao me pan uk ala pil pwarador. I ari majani, i en nekinek nan tanpaj en Erodej. ACT 24:1 A MURIN ran limau jamero lapalap Ananiaj kotido ianaki jaumaj akai, o jaunlokaia men, me ad a Tertuluj; irail weiwei loke Pauluj ren kopina. ACT 24:2 A lao wijikedo, Tertuluj ap pikikidi weiweiloke i indada: ACT 24:3 Kit ajaer duen muein popol re omui o duen kamau toto kan on toun wei wet, pweki omui kalanan main Pelikj. O i me j e kapikapina kin komui anjau o waja karoj. ACT 24:4 A i jota men kapanai komui, iet eta me i poeki re omui: Komui en kotin mani kit duen omui kalanan. ACT 24:5 Pwe je diaradar, me ol men et me morjued o me kin kapeida Juj akan karoj, me mi jappa, o i me jaumaj en pwin likam en Najaret, ACT 24:6 Me pil jon kajaminela im en kaudok o, i me je koledi i, pwen kadeikada, duen at kapun o. ACT 24:7 A monjap Lijiaj kotin pwarado, kotiki jan i nan pa at ki a manaman lapalap, ACT 24:8 Majani on me weiweiloke i, en poto don re omui, a komui lao kalekalelapok re irail, kom pan pein mani duen meakan, me je pan kila i. ACT 24:9 A Juj oko pil weiweiloke Pauluj indada: Mepukat melel! ACT 24:10 A kopina lao olol on Pauluj, en kaparok, a ap kotin japen majani: Ni ai ajaer, me komui jaunkapun pan toun wei wet jaunpar toto, i peren kida, ai pan indinda duen pein nai. ACT 24:11 Pwe komui pan mani, me pon naul ria pon eta, me i kodalan Ierujalem pwen kaudok. ACT 24:12 A irail jota diar ia da lokaia on amen nan im en kaudok, de kapeida aramaj oko nan jinakoke kan de nan kanim o. ACT 24:13 O re pil jota kak kadede, me re pan kin ia la met. ACT 24:14 A iet eta, me i men kadede on komui, ni ai kin kamelele karoj, me intinidier nan jaukop akan o kapun o, i kin kaudoki on Kot en jam ai kan duen tiak en ir, me re kaadaneki pwin likam. ACT 24:15 O i kaporoporeki Kot me irail pil kamelele me melar akan pan maureda, me pun o me japun kan. ACT 24:16 A i me i kin jojonki pein nai, pwe lol i en pun mon Kot o aramaj akan. ACT 24:17 A murin par toto i kodon wa don toun jap wet kijakij eu o wiadar mairon. ACT 24:18 I anjau, me re diar ia makelekeladar nan im en kaudok o jota weriwer de moromoron. ACT 24:19 A ir pukat Juj akai nan Ajien menda re jota mi met mo ’mui, kadede nai, ma re diar me jued kot re i? ACT 24:20 De mepukat en pein kajanjaleda japun da, me re diar re i ni ai mi mon kapun o. ACT 24:21 A iet eta lepen lokaia, me i kida ni ai udar nan pun ar indada: En me melar akan ar pan maureda, i pan pakadeikki ran wet re omail. ACT 24:22 A Pelikj lao ereki mepukat, pwe a mani mau duen al pot et, ap kajau ir wei majani: Kaun Lijiaj lao kotido, i ap pan kaimwijokela omail kapun. ACT 24:23 I ap majani on kaun en kolekol Pauluj o kajaladokela i, o ender inapwiedi ian a kan, en kodon papa i. ACT 24:24 A murin ran akai Pelikj pwarado, a paud Drujila ian i, iei li en Juj amen, ap molipedo Pauluj o karone i duen lamalam en Krijtuj. ACT 24:25 A ni a kapakaparok duen pun, o makelekel, o kadeik, me pan wiaui, Pelikj ap majapwe kadar o japen: U kowei anjau wet, i lao pijokalar, i pan eker uk do. ACT 24:26 A pil kaporoporeki, me Pauluj pan kotiki on i moni, pwen lapwada i; i me a purepure ekeker kido i o kajokajoi on i. ACT 24:27 A murin par riau Porjiuj Pejtuj japwiladar wiliandi Pelikj. A Pelijk men konekon ren Juj oko, ap jota lapwada Pauluj. ACT 25:1 PEJTUJ lao pwarador nan wei, ap kotidalan Ierujalem jan Jajarea ni ran kajilu. ACT 25:2 Jamero lapalap o jaumaj akan en Juj oko ap pwara don re a weiweiloke Pauluj o poekipoeki re a, ACT 25:3 O inon ion konekon re a, pwen palian Pauluj, pwe a en wa don Ierujalem i, a re majamajani i, pwen kamele ni a kotikot kodo. ACT 25:4 A Pejtuj majani, me Pauluj pan mimieta Jajarea, a pein i pan madan majel wei. ACT 25:5 A me lapalap re omail pan kak ian ia kodila o kadede ol o, ma dip a mia. ACT 25:6 A lao kotikot re ’rail pon walu pon de naul, ap kotidilan Jajarea o mandan ran o a kaipokedi pon mol en kadeik o majani, Pauluj en wijikedo. ACT 25:7 A lao pwarador, Juj oko, me kodido jan Ierujalem, ap kapil pena i o kadipe i kaualap, ap jota kak kadededa. ACT 25:8 Pwe Pauluj kotin japen majani duen pein i: I jota wiadar dipi on kapun en Juj oko, de on im en kaudok o, de on Jija. ACT 25:9 A Pejtuj men konekon ren Juj oko, ap japen Pauluj majani: Koe men kodalan Ierujalem, pwen pakadeikada re i waja o? ACT 25:10 A Pauluj kotin majani: I mi mon mol en kadeik en Jija, waja me mau on, i en pakadei kada. Jota me japun eu, me i wiai on Juj oko, duen me pein komui mani. ACT 25:11 Ma i wiadar japun eu de mekot me waron kamela, i jota pan kan mela. A ma jo melel, me mepukat kine kin ia, jota me pan kak pan ia lan irail. I dorolan Jija! ACT 25:12 Pejtuj lao kalelapok ren momod en kadeik o, ap majani: Koe dorolan Jija, ari koe pan pwarala ren Jija. ACT 25:13 Murin ran akai nanmarki Akripa o Pernije koti don Jajarea, pwen ranamau on Pejtuj. ACT 25:14 Ira lao kotikot waja o pon loto, Pejtuj ap kaireki nanmarki duen Pauluj majani: Ol jenjal amen mi met, me Pelikj jaliedi ap jamalar. ACT 25:15 A jamero lapalap o jaumaj en Juj akan kaire kin ia duen i ni ai potopot Ierujalem inon ion I en kadeikada i. ACT 25:16 A nai japen irail: Kaidin duen tiak en men Rom, en panala aramaj amen, en kamela, mon me panala i kan jaikenta janjal mo a, o a muei on i er, en japen duen me re pan kila i. ACT 25:17 Irail lao pokon don met, a mandan ran o i madan mondi pon mol en kadeik o inda, ol o en wijikedo. ACT 25:18 A me panala i kan lao pwarado, re jota katitiki mejued kot, duen i kiki on. ACT 25:19 A akai peipeidok mia duen pein arail lamalam o duen ol mela amen me ad a Iejuj, me Pauluj kin inda, me dene a memaureta. ACT 25:20 Nai ari poneponeki duen mepukat, i ap idok re a, ma a jota men kodalan Ierujalem, pwen pakadeikada waja o duen mepukat. ACT 25:21 A Pauluj lao dorolan kadeik en Aukujtuj, nai ap inda, ren koledi i, i lao kadarala i ren Jija. ACT 25:22 Akripa ap majani on Pejtuj: I pil men roneron aramaj o. A majani: Lakap kom pan ron i. ACT 25:23 A mandan ran o Akripa i Pernije lao kotin pwarado ni ar kapwat linan kaualap o kotilon on nan im en kapun, o ol lapalap akan ianaki kaun en kanim o, Pejtuj ap majani, Pauluj en wijikedo. ACT 25:24 A Pejtuj majani: Main nanmarki Akripa o komail ol akan karoj, me ian kit kotikot waja et, komail majani, pweki men et, Juj akan karoj kin poekipoeki re i nan Ierujalem o pil met; ni ar palian i indada, me dene a jowar on memaureta. ACT 25:25 A i lao diarada, me jota me a wiadar, me war on kamela o pein i dorolan Aukujtuj, nai ap kileledier me i pan kadarala i. ACT 25:26 A jota me i aja, en intiniedi won nai jaupeidi. I me i waki don komail i, mo ’mui ta main nanmarki Akripa, pwe kapun lao nikier, i en aja, da me i en intinieki wei. ACT 25:27 Pwe i lamelame, me japun, en kadarala me jalidi amen, ap jota kaireki duen karep en jalidi. ACT 26:1 AKRIPA ap majani on Pauluj: Koe me jaladoklar en kapakaparok ki pein uk. Pauluj ap kapa wei lim a, kadededar pein i: ACT 26:2 I ap peren kidar main nanmarki Akripa, me i pan kapakaparok mo ’mui ran wet duen meakan, me Juj oko pan kin ia la, ACT 26:3 Pwe komui me erekilar en Juj oko ar lamalam o peipeidok kan, i ap poeki re omui, en kotin kanonama mamani ia. ACT 26:4 Ai wiawia kan arain maur i, me tapida Ierujalem ren jau i kan, Juj akan karoj aja due. ACT 26:5 Irail me aja ia jan maj kokodo, ma re men kadede ia, me nai kijan pwin kelail en at lamalam, me ad a Parijar. ACT 26:6 Nai ari mi mon kadeik, pweki ai kaporoporeki inau o, me Kot kotiki on jam at akan. ACT 26:7 Nan i inau o, me at kainok eijokriau kin kaporoporeki, me re pan pwaiki on ar nantion kaudok on Kot ni ran o ni pon. Main nanmarki Akripa iei kaporopor me i pan kila ren Juj oko. ACT 26:8 Da me komail jota kamelele, me Kot kotin kaiajada me melar akan? ACT 26:9 Maj o i kiki on, me i en wiada meakan, me kaokaoe mar en lejuj en Najaret. ACT 26:10 I me i pil wiadar nan Ierujalem; o me jaraui kan toto me I jaliedier on nan imaten murin ai aleer manaman jan ren jamero lapalap akan o irail lao kamelar, nai pil jauaja. ACT 26:11 I kame irail pan pak toto nan jinakoke kan karoj, o koidon on irail, re en lalaue, o nai linaranar kaualap pa ’rail; i kin kame irail lel on kanim en wai kan. ACT 26:12 A ni ai wiawia mepukat, o kokolan Damajkuj ni manaman en jamero lapalap, ACT 26:13 Main nanmarki, nin jauaj i ap kilanadar nani al o marain eu jan nanlan, me linan jan katipin, me jenjereda imp ai o me ian ia kai. ACT 26:14 Kit karoj lao pupedier nani pwel, i ap ronadar nil eu, katitiki on ia ni lokaia en Ipru: Jaul, Jaul da me koe kamekame kin ia? Nan a pan apwal on uk, en tametame tek o. ACT 26:15 Nai ari idok: Ij komui Main? Kaun o ap kotin majani: Nai lejuj, me koe kin kame. ACT 26:16 Koe ari paurida, kajinenda, pwe i me I pwaraki don uk, pwen kajapwil uk ada, pwe koe en papa o jaunkadede men en meakan, me koe kilanada, o meakan, me I pan kapwara don uk. ACT 26:17 O l pan dondore jan uk ni pa en aramaj akan o men liki kan me I pan kadar uk wei on, ACT 26:18 Pwen kapad pajan maj arail, pwe re en wuki jan rotorot, wuki on marain, o jan ni manaman en Jatan on Kot, pwe re en lapwa jan dip ar akan, o ren ale ar jojo ren me kamakelekele kidar pojon. ACT 26:19 Ari main nanmarki Akripa, I jota jopeiki on kajanjal en nanlan o. ACT 26:20 Pwe maj i padaki on toun Damajkuj o Ierujalem, o jap en ludaa kan, o men liki kan, en kalula o wiiki on Kot, o kapwaiada wan kalula mau. ACT 26:21 Nan i me Juj akan jaik ia kidi nan im en kaudok o, o re jon kame ia la. ACT 26:22 Ari jo, en Kot a kotin ieian ia, me i mimieki lao lel ran wet, padapadaki me tikitik o me laud akan, o jota me i inda, i eta, me jaukop akan o Mojej pil majanier, me pan wiaui: ACT 26:23 leteten, Krijtuj en kamekam, o me a pan men maj en me pan iajada jan ren me melar akan, o padaki on toun wei o pil on men liki kan duen marain o. ACT 26:24 A ni a kapun kila mepukat, pein i Pejtuj ap nil laudeda majani: Pauluj, koe iakalar! om jukujukul toto me kapwepwe uk adar. ACT 26:25 A Pauluj kotin majani: I jota iakalar main ijou Pejtuj, a kin kida kajoi melel o pun. ACT 26:26 Pwe nanmarki kotin mani duen mepukat; i me i pil aima padapadakieki on i, pwe i aja, jota meakot, me a jota kotin ereki, pwe kaidin waja rir, me mepukat wiauier. ACT 26:27 Nanmarki Akripa, komui pojon jaukop akan? I aja, me komui kin pojon. ACT 26:28 Akripa ap majani on Pauluj: Me tar kij, a komui pan kainon on ia en jaulanala. ACT 26:29 Pauluj majani: I nonki on Kot, me komui o karoj, me roneron ia ran wet, en dueta nai, a iermen jal mata pot et. ACT 26:30 Nanmarki, o kopina, o Pernije, o me ian irail kaipokedi waja o, ap kotida, ACT 26:31 O kelepala, ap kapakaparok nan pun ar mamajani: Aramaj men et jota kin wiada me war on kamela de jalidi. ACT 26:32 Akripa ap majani on Pejtuj: Aramaj men et pan lapwada, ma a jota dorolan Jija. ACT 27:1 A LAO kileledier, me je pan jerokelan Italien, re kajilaki Pauluj, o akai me jalidi, kaun en jaunpei amen, me ad a Iuliuj, kijan pwin en Aukujtuj. ACT 27:2 Kit ari kereda pon jop en Adramitien pot, me pan jupi on kanim en Ajien akan, me mi pon oror, ap tan wei. Ari, Arijtarkuj, men Majetonien amen jan Tejalonik ian kit. ACT 27:3 Mandan ran o je leler Jidon. A Iuliuj me kadek on Pauluj, ap mueid on i, en kotila ren kompokepa ko pwen kajarloleit. ACT 27:4 Kit ari majelar jan waja o, ap tanatan pananen Jipern, aki an me u don kit. ACT 27:5 Kit tanatan kotela lepen jed en Jilijia o Pampilien, je ap lel on Mira en Lijia, ACT 27:6 I waja kaun en jaunpei o diarada jop en Alekjandrien pot, me pan majelan Italien, i ari kajau on kit poa. ACT 27:7 A kit pwapwand kokola, pon toto meid apwal on kit lel on Kniduj, pwe an me kawela; kit ari tanatan pananen Kreta, tan won Jalmone. ACT 27:8 A meid apwal at dauli waja o; kit ari lel on jap eu, me ad a Kapitau mau koren ion kanim Lajaa. ACT 27:9 A anjau lao daulier o a apwalar on jailok jili, aki ran en kaijejol daulier, Pauluj ap kotin panaui o ACT 27:10 Majani on irail: Ol oko, i ajaer me jailok wet pan juedela a pan apwal kaualap, kaidin on audepan jop o jop eta, pwe pil on maur atail. ACT 27:11 A kaun en jaunpei o liki jaunilil o jaumaj en jop o jan majan en Pauluj. ACT 27:12 A kapitau me jota non mau on jop en mimieta ni anjaun kapau. Koren ion karoj ari men jamala jan waja o, o re jon, ma re jota kak on lel Ponikj, pwen mimita waja o ni anjaun kapau, I kapitau en Kreta eu, me mi ni pali air o pali apan. ACT 27:13 A an lao udo jan pali air, re ap kiki on, me re pan pwaida, ap apiada paipun ko tanala liman Kreta. ACT 27:14 A madan melimel udo jan Kreta, me ad a alepip en kijinian. ACT 27:15 A an lao kapeila jop o, o jop jolar kak on, kit ap nenenla o peila. ACT 27:16 Ni at tanala pananen dake tikitik eu, me ad a Klauda, me tar kij, a je jolar kak on koledi pot o. ACT 27:17 Irail apiada i, pwen kak piradi on ni jop o, ap lilidi, pwe re majak re de jerada nan Jirte, ap punipunidok jili. ACT 27:18 Kit lao punipunidok jili kaualap, manda ap kamararadar jop o. ACT 27:19 A ni ran kajilu irail kaje kila pein pa arail kapwa en jop o. ACT 27:20 Kadekadeo ran totola jota katipin o jota uju, o melimel kalaimun u don kit, ap jolar at kaporopor en pitila. ACT 27:21 A kit lao kaijejol warailar, Pauluj ap pwarada nan pun arail majani: Ol oko mak eta, komail en peiki on ia er o jo majel jan Kreta, pwe kitail ender lel don kaupatail. ACT 27:22 A met i panaui komail, en kaporopor mau, pwe jota me pan mela, jop eta me pan ola. ACT 27:23 Pwe tounlan en Kot, me japwilim a nai, o me i kin papa, me kotida imp ai pon, ACT 27:24 Kotin majani: Pauluj, koe der majak, koe pan wijike won ren Jija. A kilan, Kot me kotiki on uk er karoj me ian uk. ACT 27:25 Ari ol oko komail kaporopor mau, pwe i kin pojon Kot, me a majan pan pwaida. ACT 27:26 A kitail pan jerada nin dake eu. ACT 27:27 A lao pon naul pa pon lar, kit peipei jili nan jed Adria. Ni ailep en pon toun jop o kajauiada, me je koren ion jap eu. ACT 27:28 A irail lao kajedi men jon, re ap diaradar, me nap rieijok, o re kaila ekij waja o kajedi men jon, re ap diaradar, me nap eijoklimau. ACT 27:29 A re majak, je de jerada pon mut, rap kajedi paipon paieu jan in murin jop, ap mauki en ran pajan, ACT 27:30 A toun jop o lao men pitila jan nin jop o, o re apiedi pot apot nan jed, dene re pan kajedi paipon kai ni mon jop o, ACT 27:31 Pauluj ap majani on kaun o jounpei kan: Ma mepukat jota pan mimieta pon jop o, komail jota pan kak dorela. ACT 27:32 Jaunpei kan ap leke jan pot o kajela o ari. ACT 27:33 A lao pan ran pajan, Pauluj ap panaui irail, ren mana, majani: Nan a pon naul pa pon lar, me komail kin auiaui o kaijejol o jota mana. ACT 27:34 Nai ari panauki komail, en mana, pwe i me komail pil pan piti kila. Pwe jota pit en mon pit pan pupedi jan amen komail. ACT 27:35 A lao majanier met, ap ale prot, danke Kot mo ’rail karoj. I lao pilitiki pajan ap jak. ACT 27:36 Irail karoj ap kaporopor maular o pil mana. ACT 27:37 A kit karoj me mi nan jop o, me riepuki ijiakan wonumen. ACT 27:38 Irail lao medier, rap kamaradar jop o, kajedi on nan madau korn. ACT 27:39 A lao waja ran pajan, re jaja jap o, A re diaradar kapitau me mad mia; i waja re lamedar en walan jop ia, ma re pan kak on. ACT 27:40 Irail lao leke jan paipon ko, rap kaje ir ala nan madau, o lapwada padil akan, o apiadar p jerok en moa ni an o, ap tanala ni oror. ACT 27:41 Irail lao lel on mad eu, jop o jerada o jolar mokid. Mon jop o tenela, a muri ola nan iluk kan. ACT 27:42 Jaunpei ko ap men kamela me jalidi kan, pwe amen de pan pitila jan. ACT 27:43 A kaun en jaunpei o men dorela Pauluj, ap jota mueid on irail me re men wia o majani: Me aja pampap, en lujedi on nan madau pap won jap o. ACT 27:44 A me tei kan pon tenap de kijan jop o. A ap pwaida, me irail karoj dorelar o lel on jap o. ACT 28:1 KIT lao pitilar, je ap ronadar, me dake o adaneki Melite. ACT 28:2 A men liki kan me kadek on kit kaualap, pwe irail jaunda kijiniai o kajamo kit karoj, pweki katau moremor o pweki kapau. ACT 28:3 Pauluj lao wajai tui pena o kidi on nani iai, jerpent men ap lujadar jan nani iai pweki karakar o ten on ni lim a. ACT 28:4 A men liki ko lao udial man o a teneten ni lim a, re ap kajokajoi nan pun arail: Melel aramaj men et me kamelar aramaj, a piti janer nan madau, ap rialar. ACT 28:5 I ari jipede won man o nani iai o jota mejued kot lel on i. ACT 28:6 Irail majamajan, ma a jota pan umpojada de pupedi matala, a re lao majamajan warai o kilan, me a jo juedi on, re wuki dalar ar lamelam o katitiki, me dene kot amen. ACT 28:7 Jaupeidi en dake o, me maraneki Pupliuj, kin japaneki waja o, kajamo o apapwali kit ran jilu. ACT 28:8 A jam en Pupliuj wononeki jomau karakar o jomau nta. I me Pauluj koti don re a kapaka paki, pwil lim a kan po a, kakeladar i. ACT 28:9 Men en lao wiauier, karoj me jomau nin dake, ap kodo kakelailadar. ACT 28:10 O re pil kaka kin kit kaualap. Kit lao majeldar, irail ari kidan pon jop o at kapinwar kajampwal. ACT 28:11 A murin jaunipon jilu je ian jop en Alekjandrien pot, me mimi ni dake o ni anjaun kapau, me kilel en mpor. ACT 28:12 A je keredi Jerakuj o kairu waja o pon jili pon. ACT 28:13 O jan waja o je pidok tanatan lela don Rekium, o manda an air irepokedo o pon ta pon je lel on Puteoli. ACT 28:14 I waja o je tuon ia jaulan kai, me poeki re at, jen mondi re ’rail pon iji pon. Kit ari tanatan kokolan Rom. ACT 28:15 O jaulan kan en waja o lao ronadar duen kit, re ap kodo tu on kit Apipor o Tretapern; Pauluj lao diar ir ada, ap kapina Kot o kaporopor maular. ACT 28:16 Kit lao lel Rom, kaun en jaunpei ap panalan kaun en jilepa kan me jalidi ko, a Pauluj me jaladok kotikot waja toror, jaunpei men me jinjila i. ACT 28:17 Kadekadeo murin ran jilu Pauluj ap molipe pena jaumaj en Juj akai. Irail lao pokon penaer, a ap majani on irail: Ri ai ko, nan jota mejued kot, me i wiadar on aramaj, de on lamalam en jam atail akan, ari jo, nai me jalidi o pakadara don ni pa en men Rom akan jan Ierujalem. ACT 28:18 Irail lao kalekalelapoki ia, ap men lapwa ia dar, pwe jota dip ai, me i en kame kila. ACT 28:19 A Juj oko lao palian ia, i ap dorolan Jija, kaidin ai men mpimpaki toun jap ai. ACT 28:20 I me i ekera komail ki pena, i en kilan komail o kajokajoi on komail, pweki en Juj akan ar kaporopor, me i jalikidi jal mata pot et. ACT 28:21 Irail japen i: Jota kijin likau, me je ale jan Iudaa duen komui, pil jota jaulan amen, me kodiao, me kaire kin kit o kadedeki, me dip omui mia. ACT 28:22 A je men rona jan komui duen omui lamelam, pwe je roner duen pwin wet, me re kin palian waja karoj. ACT 28:23 Irail ari kileledi on i ran eu, ap pokon don re a nan im en kairu. I ari kawewe on irail o katitiki duen wein Kot, kapakaparok ki on irail Iejuj jan nan kapun en Mojej o jaukop akan, jan ni manjan lel nin jautik. ACT 28:24 Akai irail me kamelele a padak a akai jo. ACT 28:25 Irail ari jota minimin pena nan pun arail, re ap pur pajan ni en Pauluj a katitiki majan pot et: Melel, jaukop Iejaia kopadar ren Nen jaraui on jam atail akan. ACT 28:26 Majani: Ko won ren aramaj pukat indada: Komail kin ron ap jo lelapok ki o ninar, ap jota dedeki. ACT 28:27 Pwe monion en aramaj pukat juedalar, o jalon arail ponlar, o maj arail mair penaer, pwe re de nar kida waja maj ar, o ron kida waja jalon arail, o ajaki nan monion arail o japaledo, o I en kakele ir ada. ACT 28:28 Komail ari en aja, me maur wot jan Kot mueidalan men liki Kan o re pil pan peiki on. ACT 28:29 I lao majanier mepukat, Juj oko ap ko pajan o kapakaparok nan pun ar kaualap. ACT 28:30 A Pauluj kotikot nan im eu, me a kin ijeja par riau, o kajamo karoj, me ko don i, ACT 28:31 Kaweweda wein Kot o aima padapadaki duen Kaun Iejuj Krijtuj pwe jota me inapwiedi. ROM 1:1 PAULUJ ladun Iejuj Krijtuj men, me paeker, en wiala wanporon amen, me katoror on papa ronamau en Kot, ROM 1:2 Me a kotin kopekidor japwilim a jaukop akan nan kijin likau jaraui kan. ROM 1:3 Duen japwilim a Ol me kijan kadaudok en Dawid ni tiak en puli uduk, ROM 1:4 O me kadede kidar, me a Japwilim en Kot a manaman, duen a kotin iajadar jan ren me melar akan ki Nen jaraui, Iejuj Krijtuj atail Kaun, ROM 1:5 Me kit ale janer mak o koa en wanporon, pwen padaki on men liki kan karoj ni mar a, pwe irail en pojon o peik, ROM 1:6 Pwe komail pil kijan irail, me paaeker don Iejuj Krijtuj. ROM 1:7 Komail karoj kompoke pan Kot, me paeker me jaraui kan, me mimi Rom mak o popol jan ren Kot Jam atail o Kaun Iejuj Krijtuj en mi re omail! ROM 1:8 let kaieu, i kin kapina ai Kot ki Iejuj Krijtuj pweki komail karoj; pwe omail pojon me kalok jili lel penan jap karoj. ROM 1:9 Pwe Kot, me i kin papa on ni nen i ni ai padapadaki wei ronamau en japwilim a Ol, me jaunkadede pai, me i kin tamataman kin komail anjau karoj, nidinid ni ai kapakap akan. ROM 1:10 Nidinideki anjau karoj, ma I jota pan kak pwarala re omail, ma iduen kupur en Kot. ROM 1:11 Pwe i inon ion udial komail, pwe i en katunole kin komail ekij pwaij nenin, pwe komail en tinainda. ROM 1:12 Pwe i en kajarloleid re omail, pweki atail pojon ta ieu. ROM 1:13 Ari, ri ai ol akan, i jota men, me komail en jaja duen ai kileledier pan pak toto, en pwar won komail, ap jaik pijoki on, pwen diar ekij wan ai dodok re omail, dueta ren wei tei kan. ROM 1:14 Pwe nai me pwaipwand on men Krik o men liki kan, o on me lolekon o me jo lolekon kan. ROM 1:15 Pwe duen a pan kak pai, i men pil padaki on komail men Rom ronamau. ROM 1:16 Pwe i jota kin namenok ki ronamau, pwe i manaman en Kot, me kin kamaurela me pojon akan karoj, Juj oko maj, ap pil men Krik. ROM 1:17 Pwe i me kin kajanjaleda pun en Kot, me kin pwili jan pojon, pwen pojon duen a intinidier: Me pun o pan memaureki pojon; ROM 1:18 Pwe onion en Kot pan janjaleda jan nanlan on me doo jan Kot akan o me japun en aramaj akan, me kin kawela melel ni arail japun. ROM 1:19 Pwe duen me pwarada jan ren Kot me janjal on irail, pwe Kot me kotin kajanjale on irail, ROM 1:20 Pwe meakan me jo janjal duen i, iet akan, a manaman joutuk o pil duen a udan Kot jan ni anjaun jappa wiauier, kin janjal kida japwilim a dodok kan, pwe jolar pekid parail, ROM 1:21 Pweki irail ajadar Kot, a re jota wauneki i duen me kon on Kot pil jota majak tol a, a re aklemai on i, monion japun arail ap rotorotalar. ROM 1:22 Irail akereki pein irail ap lamponlar. ROM 1:23 Irail kawukilar linan en Kot me jo kak mor pajan, on mom en aramaj me kin mor pajan o mom en manpir akai, o man aluki pa, o man korop akan. ROM 1:24 I me Kot kotin mueide kila irail, en inon ion kajaminlar monion arail ni ar kajautela pein war arail nan pun arail, ROM 1:25 Me kawukila melel en Kot on likam, ap poni o papa on dipijou mon Jaun wia meakaroj, me iajanai potepoteta amen. ROM 1:26 Nan i me Kot mueidela kin ir on inon jued akan, en lel on arail li akan, en wuki jan ira ’rail, kaokaoe ira rail. ROM 1:27 Pil dueta ol akan liki jan iran li, ap kalel nan pun arail; ol ajada ol, me jo kon, ap pein kapokala nan war arail manidi en ar wiawia kan. ROM 1:28 Nan duen irail kan kataman on Kot, Kot ap mueidalan irail, en kapitakaila kamom on wia meakan me jued, ROM 1:29 Me dir en japun karoj, morjued, norok kapwa, jempok, dir en peirin, lolap, akamai, widin, weid, lidu monin, ROM 1:30 Pil en pan moli, likinekine, kajenta Kot, kan kapunlol, aklapalap, ponmajo, me kin diar me jued akan, jo oke jam ar o in ar, ROM 1:31 Lampon, inaujopoujok, jempok, jomak. ROM 1:32 Re aja duen kapun pun en Kot, me kin wia mepukat, pan mau on mela, a kaidin i eta, pwe re pil kin perenki irail, me kin wia mepukat. ROM 2:1 NAN i jota pakid pa om, aramaj amen koe, amen amen me kin kadeikada, pwe ni om kadeikada amen, pein koe me koe kin kariala, pwe koe me kin kadeikada, kin wiawia me dueta. ROM 2:2 A kitail ajaer, me kadeik en Kot me melel on ir, me kin wiada mepukat. ROM 2:3 A dadue aramaj amen koe me kin kadeikada, me kin wiewia mepukat, ap wiada dueta, koe kiki on, me koe pan piti jan kadeik en Kot? ROM 2:4 De koe mamaleki kalanan en Kot japan, o a kanonama o papadake; koe jota aja, me kalanan en Kot kamaterok uk alan kalula? ROM 2:5 A koe ni monion om me katiwo o kakaluak, me koe ki penan uk onion on ni ran en onion o kajanjal pan kadeik pun en Kot, ROM 2:6 Me pan kotia depuk on amen amen duen a wiawia kan. ROM 2:7 Irail me kin dadaurata ni ar wiawia mau kan o linan, o indand, o me jo kin mor pajan, maur joutuk. ROM 2:8 A kamekam o wairok on irail me katiwo o jo oke melel, a me kin oke japun. ROM 2:9 O kanaudok o kalokolok on aramaj karoj, me wiadar jued, maj on Juj akan ap lel on men Krik. ROM 2:10 A linan, o wau, o popol on amen amen, me kin wia mau, maj on Juj akan o pil on men Krik. ROM 2:11 Pwe Kot jota kin lipilipil aramaj amen. ROM 2:12 Pwe karoj me wiada diplikin kapun, pan lokidokila likin kapun, pil karoj, me aja kapun, ap wiada dip, pan pakadeikada pan kapun. ROM 2:13 Pwe kaidin me roneron kapun kan pahn pun kila mon Kot, a me kin anada kapun pan pun kila. ROM 2:14 Pwe ma men liki, me jota arail kapun, ap pil wiawia tiak en kapun jan nan pein irail, iei me irail, me jota arail kapun pein kapun arail. ROM 2:15 Me kin kajanjaleda wiawia en kapun me intinidier nan monion arail, i me injen arail pil kadedeki o ar lamalam, me irail jakara kida de kalole mau ki nan pun arail. ROM 2:16 Lao ran o, me Kot pan kotiki on Iejuj en kadeikada dip okiok kan ren aramaj akan, duen ai ronamau. ROM 2:17 A ma koe adaneki Juj amen, me kin liki kapun o juaiki Kot, ROM 2:18 O ajada kupur a, o koe pun kila lamalam, ni om padapadaki jan nan kapun, ROM 2:19 Koe me lameda, me koe itar on, en kalua wei me majkun akan, o kamarain pan me rotorot akan, ROM 2:20 O jaunkaian pan me lampon kan, o jaunpadak en kijin jeri kan, me aja tiak en lolekon o melel en kapun. ROM 2:21 Ari, koe kin kawewe on amen, ap jota kin kawewe on pein uk, o koe kin padaki me ren der pirap, a koe kin pirap; ROM 2:22 Koe kin inda, me aramaj ender kamal, a koe kin kamal? Koe kin juedeki dikedik en ani mal akan, a koe kin pirap me japwilim en Kot? ROM 2:23 Koe kin juaiki kapun, a koe kin kijan Kot waui ni om tiakedi kapun? ROM 2:24 Pwe mar en Kot kin mamale kila komail ren men liki kan, duen a intinidier. ROM 2:25 Pwe jirkomjaij me mau, ma koe aneda kapun; a ma koe tiakedi kapun, om jirkomjaij pan jojirkomjaij. ROM 2:26 Nan i, me jojirkomjaij, anada pun en kapun, daduen a jojirkomjaij jo pan wadok on i jirkomjaij? ROM 2:27 Ari, ma me udan jojirkomjaij akan pan kapwaiada kapun, re jota pan kadeik uk ada? Pwe koe kin mi pan kijin likau o jirkomjaij, ap tiakedi kapun o. ROM 2:28 Pwe kaidin i Juj amen, ma pali liki ta, o pil kaidin i jirkomjaij, me jirkomjaij liki nan uduk eta. ROM 2:29 A i Juj amen, me Juj en lole, o i jirkomjaij, me mi nan monion i, ni nen e, a kaidin ni intin; me a kapinepa jota mi ren aramaj akan pwe ren Kot. ROM 3:1 ARI, da me Juj akan paieki mon me tei kan de da kadepan jirkomjaij? ROM 3:2 O me toto, ni jon karoj; iet kaieu: Majan en Kot akan kanikid on irail. ROM 3:3 A ma akai jopojon a pil menda? Pwe ar jopojon pan kak kawela kalanan en Kot? ROM 3:4 O jo! Pwe Kot udan melel, a aramaj karoj me likam duen a intinidier: Ir eta me pun ni ar majan akan, o komui pan kotin poedi ni ar pakadeikada. ROM 3:5 A ma atail japun kaindinda pun en Kot, da me kitail en inda? Dadue, Kot me pil japun, pweki a kotin onion kida? I kin lokaia ni tiak en aramaj. ROM 3:6 O jo! Pwe ma iduen, Kot pan kak kadeikada jappa? ROM 3:7 Pwe ma melel en Kot pwai kida ai likam kan, pwen kalinanada i, menda i pan pakadeikada, dene dipan amen nai? ROM 3:8 A jo mau on duen at indand jued, pwe akai kin inda, me dene kit kin padaki wei: Kitail en wiada me jued, pwen kareda me mau? Nan arail kalokolok me pun. ROM 3:9 Iaduen atail pai mau jan arail? Kaidin, pwe je kadededar, me Juj o men Krik karoj mi pan dip, ROM 3:10 Duen a intinidier: Jota me pun amen, jota amen. ROM 3:11 Jota me lolekon amen, jota me kin rapaki Kot. ROM 3:12 Karoj me japunlar, irail wiaki eu mamalar, jota meamen, me kin wiada me mau, jota amen. ROM 3:13 Tapin wor arail me rajon joujou eu, me jaikenta jarep pena, lo arail me re liliapaki, wini en kamela mimi ni oton ni arail; ROM 3:14 Au ar me dir en lalaue o katik, ROM 3:15 Na arail me marara on kamela aramaj; ROM 3:16 Nan al arail me dir en jued omauk; ROM 3:17 A al en popol me re jaja; ROM 3:18 Re jota kin majak Kot. ROM 3:19 A kitail ajaer, me kapun o lolok on, me kin papa kapun pwe au karoj en japaimokid o jappa pon lodi on kadeik en Kot. ROM 3:20 Ari mon Kot jota uduk me pan pun kila a wiawia kapun, pwe kapun me dip kadiarokidar; ROM 3:21 A anjau wet pun en Kot janjaledar likin kapun o kadedekidar kapun o jaukop akan. ROM 3:22 A pun en Kot me pwili jan pojon Iejuj Krijtuj, ap lel on karoj me pojon. ROM 3:23 Pwe jota lipilipil, karoj me wiadar dip o jota kak konodi linan en Kot. ROM 3:24 Irail pan pun kila a mak japan, pweki en Krijtuj Iejuj a kotin dore kitail lar, ROM 3:25 Me Kot kotin kajanjaledar ni wiala mol en kalanan ni pojon nt’a, pwen kajanjaleda a pun nia kotin lapwada dip en maj akan, miier pan papadake en Kot. ROM 3:26 A anjau wet a kotin kadededa a pun. Ieteten, me pein i me pun, ap pan kotin kapunala Karoj me pojon Iejuj. ROM 3:27 Ari, ia men juaiki? A lokidokilar! Ren kapun da? En wiawia kan? Kaidin, a ren kapun en pojon. ROM 3:28 Ari, iet me je inda: Aramaj en pun kila pojon a kaidin wiawia en kapun kan. ROM 3:29 De Kot en men Juj akan arail Kot eta? Kaidin pil Kot en men liki kan? Ei melel, pil en men liki! ROM 3:30 Ari, Kot me ta men, me kin kapun kila me jirkomjaij akan pweki pojon, pil jojirkomjaij akan pweki pojon. ROM 3:31 laduen, kitail kin tiakedi kapun pweki pojon? O jo! pwe kitail kin kapwaiada kapun o. ROM 4:1 ARI da me kitail en inda duen Apraam jam atail ni pali uduk, da me a diaradar? ROM 4:2 Pwe ma Apraam pun kilar a wiawia kan, nan a men juaiki mia, a kaidin mon Kot. ROM 4:3 Pwe da me kijin likau majanier? Apraam pojon Kot, o i me wadok on i kapuna pa. ROM 4:4 A me kin keleki a wiawia kan, nan pwain a pan wad on i nin tiak en kujoned a kaidin ni mak. ROM 4:5 A me jota kin keleki a wiawia kan, ap pojon i, me kin kapunala me doo jan Kot akan, nan a pojon me wadok on i kapuna pa i. ROM 4:6 Duen Dawid kapaiaki aramaj amen, me Kot kotin kapunala likin a wiawia kan: ROM 4:7 Meid pai, me ar japun kan lapwadar, o me dip ar akan pwaipwaidier! ROM 4:8 Meid pai ol o, me Kaun o jolar pan kapokoki on dip a! ROM 4:9 Ari, me jirkomjaij eta, me pai wet kin ko on, de a pil itar on me jojirkomjaij? Pwe kit me indada: En Apraam a pojon me wadok on i kapune pa. ROM 4:10 Ari, iaduen a wadok on i? Ni a jirkomjaijelar de ni a jojirkomjaijelar? Kaidin ni jirkomjaij, pwe ni a jojirkomjaij. ROM 4:11 A a aleer kilel en jirkomjaij, men kadede a pun kilar pojon, me a anekier ni a jojirkomjaij, pwen wiala jam en me pojon ap jojirkomjaij akan karoj, pwe pun wet en pil wadok on irail. ROM 4:12 O pil wiala jam en me jirkomjaij akan. A kaidin arail me jirkomjaij akan eta, pwe pil en irail, me aluki pojon ota, me mi ren jam atail Apraam ni a jojirkomjaij. ROM 4:13 Pwe kaidin ki kapun o me Apraam o kadaudok a aleer inau o, me a pan jojoki jappa, a ki pojon pun. ROM 4:14 Pwe ma irail, me men kapwaiada kapun o, pan ale jojo, nan pojon me mal kot, o inau olar. ROM 4:15 Pwe kapun o kin kareda onion, pwe ma jota kapun, a pil jota japun. ROM 4:16 I me pun pan tapi jan ni pojon, pwe karoj en tapi jan mak; o inau on kadaudok o en teneten. A kaidin ir eta, me mi pan kapun o, pwe pil karoj, me mi pan pojon en Apraam, me jam en kitail karoj. ROM 4:17 Duen a intinidier: I wia kin uk alar jam en wein jappa toto mon Kot, me a pojon me kin kamaureda me melar akan o molipei ir, me jaikenta mia, pwen miala. ROM 4:18 I me pojon, ap jota kaporopor mia, pwen wiala jam en wein jappa toto, duen a lokido: Nan iduen kadaudok om. ROM 4:19 Ap jota luetalar ni a pojon o jo lamelame, me war a melar, pwe a koren ion jaunpar epuki; pil jota lamelame war en Jara a melar. ROM 4:20 Pwe a jota peikajaleki inau en Kot ki jopojon, a a kakairida ni pojon, o i me a kin kapinaki Kot. ROM 4:21 A aja melelia, me i kotin inauki on i, a pan kotin kapwaiada. ROM 4:22 Nan i wadok on i kapuna pa. ROM 4:23 Mepukat jota intinidier pweki i eta, me a wadok on i mepukat, ROM 4:24 A pil pweki kitail, me a pan wadok on, ma kitail pan pojon i, me kotin kaiajadar Iejuj atail Kaun jan ren me melar akan. ROM 4:25 Pwe i me panalar pweki dip atail, o a kotin iajadar pwen kapun patail. ROM 5:1 KITAIL ari pun kilar pojon, ap popol ren Kot, pweki atail Kaun Iejuj Krijtuj, ROM 5:2 Me kotin kajamo kitail ki pojon on mak wet, me kitail aleer, ap kaporopor o juaiki linan en Kot, ROM 5:3 A kaidin i eta, pwe kitail pil juaiki at apwal akan, pwe kitail aja, me at apwal akan kin kareda kanonama; ROM 5:4 A kanonama kin kareda kakairida, a kakairida kin kareda kaporopor; ROM 5:5 A kaporopor jota kin kanamenokala, pwe limpok en Kot me wudokidi on nan monion atail ki Nen jaraui, me kitail aleer. ROM 5:6 Pwe ni atail luet Krijtuj mata kin kitail, me doo jan Kot akan ni anjau me kileledier. ROM 5:7 Pwe iaduen, amen pan mekila me pun amen? Ele pweki me mau amen, me amen pan mekila. ROM 5:8 A Kot kotin kajanjalada a limpok on kitail ni en Krijtuj a mata kin kitail lar, ni anjaun atail dipan. ROM 5:9 Melel kaualap, anjau wet kitail kapun kilar nta; kitail ap kamaur kila i jan ni onion. ROM 5:10 A ma kitail kalolamaui on Kot ki en japwilim a Ol a matala ni atail imwintiti, nan melel kaualap murin atail kalolamaui kitail pan dorela ki a ieiaj, ROM 5:11 A kaidin i eta, pwe kitail pil juaiki Kot ren atail Kaun Iejuj Krijtuj, me kitail paieki tom patail. ROM 5:12 Ari, duen aramaj ta men, me dip tapiki don jappa, ap tialan mela, o mela lel penan aramaj akan karoj, pwe karoj me wiadar dip, ROM 5:13 Pwe dip mi nan jappa mon kupun, a jota kapun pan dip, ma jota kapun, ROM 5:14 Ari jo, mela wiauiada jan Adam lel Mojej, pil ren me jo wiadar dip laud dueta japun en Adam, iei me mom en me pan pwarado. ROM 5:15 A pai en mak kaidin dueta dip, pwe ma dip en meta men me toto mekila, nan melel kaualap mak en Kot o pai en mak jan ren aramaj ta men lejuj Krijtuj itar on me toto. ROM 5:16 A pai o kaidin dueta met, me wiauier ren amen, me wiadar dip, pwe kadeik o tapi janer me ta men, pwen kalokolok, a pai en mak o kin lapwada dip toto, pwen punala. ROM 5:17 Pwe ma dip en me ta men mela poekidier, nan melel kaualap, irail me pan ale mak o pai en pun, pan poedi o mamaureki me ta men: lejuj Krijtuj. ROM 5:18 A duen dip en me ta men aramaj akan karoj me kadeik ki on mela, i dueta pun ta ieu itar on kapun kila aramaj akan karoj, en kamaurela. ROM 5:19 Pwe duen jopeik en aramaj ta men me toto wia kilar dipan, iduen peik en meta men me toto pun kilar. ROM 5:20 A kapun pil wiauier, pwe dip en kadiarok kidar, a waja me dip paraparada ia, iei waja mak o laude janer. ROM 5:21 Pwe duen dip dialan mela, iduen mak o pun pan dialan maur joutuk ki lejuj Krijtuj atail Kaun. ROM 6:1 ARI, da me kitail en inda? Kitail en dadaurata dip, pwe mak en lalaudala? ROM 6:2 O jo! Pala kitail pan dadaurata dip, me kitail mela janer? ROM 6:3 De komail jota aja, me karoj, me paptaije on Krijtuj lejuj, paptaije on a matala? ROM 6:4 Kitail ari ian i jaredier ni paptaij on mela, pwe duen Krijtuj kaiaja kidar linan en Jam jan ren me melar akan, iduen kitail en pil weweideki ni maur kap. ROM 6:5 Pwe ma kitail kaparoki on i ni a matala, nan kitail pil pan paroki on i ni a iajadar. ROM 6:6 Pwe kitail ajaer, me atail aramaj marin ian kalopuelar, pwe war en dip en mokonaidier, pwe kitail jolar papa dip. ROM 6:7 Pwe me melar, maiodar jan dip. ROM 6:8 A ma kitail ian Krijtuj matalar, nan kitail kamelele, me kitail pil pan ian i ieiajata. ROM 6:9 Kitail aja, me Krijtuj kotin iajadar jan ren me melar akan, ap jolar pan pur on matala; mela jolar pan poedi i. ROM 6:10 Pwe ni a kotin matalar, a kotin matalar pan metapak pweki dip, a ni a kotin ieiajata, a kotin ieiajadan Kot. ROM 6:11 Iduen komail, komail en wia kin komail me melar jan dip, ap memaur on Kot ren Krijtuj Iejuj. ROM 6:12 Ari, komail ender mueid on dip, en kaunda war omail luet; pwen papa a inon jued akan. ROM 6:13 Komail pil der mueid on dip o kokon omail akan, pwen men wia japun a komail mueid on Kot pein komail, duen me kamauradar jan ren me melar akan, o kokon omail akan en papa me pun on Kot. ROM 6:14 Pwe dip jota pan kak poe komail edi, pwe komail jolar mi pan kapun, pwe pan mak. ROM 6:15 Ari da, kitail en wia dip, pwe kitail jolar mi pan kapun, a pan mak? O jo! ROM 6:16 Komail jota aja, ma komail pan wiala pein komail ladu en peik, ari komail pan ladu en me komail kin pepeiki on? Ma dip komail pan mekila, a ma peik, komail pan pun kida. ROM 6:17 A danke on Kot pwe komail jolar ladu en dip; pwe met komail kin peiki on tiak en padak me komail ianer jan monion omail. ROM 6:18 Komail ari maioda jan dip, komail id wiala ladun pun. ROM 6:19 Nai me inda met nin tiak en aramaj, pweki luet en uduk omail. Pwe duen omail panalan kokon omail akan, en ladun jamin o japun kan, pwen palian kapun, iduen komail en pan on kokon omail, en lidui me pun, pwen jarauila. ROM 6:20 Pwe ni anjau me komail ladun dip, komail maio jan me pun. ROM 6:21 A iaduen wan mepukat ni anjau o, me komail kin namenokki anjau wet? Pwe imwi pan mepukat mela. ROM 6:22 A met komail maiodar jan ni dip, ap id wialar ladun Kot, o omail wan jaraui mia o imwi pan maur joutuk. ROM 6:23 Pwe pwain en dip mela, a pai en mak en Kot maur joutuk ren Krijtuj Iejuj atail Kaun. ROM 7:1 DE ri ai kan, komail jota aja i kin peidok ren me aja kapun o me kapun o kin poedi aramaj arain a memaur? ROM 7:2 Pwe li amen, me a warok mia, kin kaupinki kapun en a warok arain a memaur. A ma a warok melar, a muei janer kapun en a warok. ROM 7:3 A ma a pan paudeki amen ol ni a warok memaur, a pan adaneki kamal amen; a ma a warok melar, a muei janer kapun, ap jota pan kamal amen, ma a pan pur on amen ol. ROM 7:4 Ari ri ai kan, iduen pil komail mekilar kapun o pweki war en Krijtuj, pwen wiala nain amen, iet, me iajadar jan ren me melar akan, pwen kaparapar on Kot. ROM 7:5 Pwe ni at kekeideki tiak en pali uduk, inon en dip me kelail nan kokon atail pweki kapun o, pwen kaparapar on mela. ROM 7:6 A met kitail muei janer kapun o, pwe jal pat on mela olar, pwe kitail en papa on tiak kap en nen, a kaidin on tiak marin en intin. ROM 7:7 Ari, da me kitail en inda? Me dip kapun o? O jo! A i pan jaja dip, ma jo kapun. Pwe I pan jaja duen inon jued, ma kapun jo kalok kidar: Koe der norok! ROM 7:8 A dip kadiarok kidar kujoned, ap kainon on ia jon en inon jued karoj, pwe ma jota kapun dip mela. ROM 7:9 Pwe maj o i jota mi pan kapun, ap mamaureta, a kujoned lao mia, dip ai ap diarokadar. ROM 7:10 A nai melar; kujoned, me loki don ia, pwe i en maure kida, kare on ia mela. ROM 7:11 Pwe dip kadiarok kidar kujoned liapai ia dar, ap kame ia lar. ROM 7:12 Ari, kapun o me jaraui o kujoned me jaraui, a pun o mau. ROM 7:13 A iaduen me mau kot kare on ia mela? O jo! A dip en janjale kida me kamau o ni a kare on ia mela, pwe dip en janjale kida kujoned. ROM 7:14 Pwe kitail aja, me kapun o me nenin, a nai me uduken o netilan dip. ROM 7:15 Pwe i jota aja, da me i en wia. Pwe kaidin me i mauki, me i kin wiada, a me i kin juedeki, iei me i kin wia. ROM 7:16 Ari, ma i kin wiada, me i kan wia, nan i kin kajanjaleda, me kapun me mau. ROM 7:17 A ma i wiadar, me i jota men wia, kaidin nai me wiadar, a dip me mimi lol i. ROM 7:18 Pwe i aja, me jota mau kot mi lol i nan uduk ai, pwe i kin men wiada me mau, a en anada me pun i jota kak on. ROM 7:19 Pwe me mau o, me i men wiada, i jota kin kapwaida, a me jued, me i kan, i me i kin wiada. ROM 7:20 A ma i wiada, me i jo men wiada, kaidin nai me wiada, a dip me mi lol i. ROM 7:21 let me kapun kadiarok on ia: Ni ai men wiada me mau, me jued mimi re i. ROM 7:22 Pwe i kin mauki kapun en Kot pali lol en aramaj. ROM 7:23 I ap diaradar eu kapun ni ai kokon akan, me kin palian kapun en loli, ap kalua ia di pan kapun en dip, me mi nan ai kokon akan. ROM 7:24 O nai aramaj luet amen! Ij me pan kamaio wei ia jan ni war mela wet! ROM 7:25 I danke Kot pweki Iejuj Krijtuj atail Kaun. Nan lol i i kin papan kapun en Kot, a ni pali uduk kapun en dip. ROM 8:1 ARI, jolar me mau on pakadeikada, me mi ren Krijtuj Iejuj. ROM 8:2 Pwe kapun en Nen en maur ren Krijtuj Iejuj kamaio ia da jan ni kapun en dip o mela. ROM 8:3 Pwe me kapun jota kak on, aki a luete kila pali uduk, iei me Kot kotin wiada ni a kotin poronedo japwilim a Ol ni mom en uduk en dip, pweki dip, pwen kadeikada dip ni pali uduk. ROM 8:4 Pwen kapwaiada pun en kapun re atail, me jota weideki pali uduk a pali Nen. ROM 8:5 Pwe me kijan pali uduk, kin lamelame duen inon en uduk, a me kijan pali Nen, kin lamelame duen inon en Nen. ROM 8:6 Pwe tiak en uduk iei mela, a tiak en Nen maur o popol. ROM 8:7 Pweki tiak en uduk kin palian Kot, pwe a jota kin duki on kapun en Kot, pwe a pil jota kak on. ROM 8:8 A me kijan pali uduk, jota kak konekon ren Kot. ROM 8:9 A komail kaidin kijan pali uduk, pwe kijan pali Nen, ma Nen en Kot kotikot lol omail. A me jota aneki Nen en Krijtuj, i kaidin japwilim a. ROM 8:10 A ma Krijtuj kotikot lol omail, war mekilar dip, a wen memaureki pun. ROM 8:11 A ma Nen o, me kaiajadar Iejuj jan ren me melar akan, kotikot lol omail, nan i me kaiajadar Krijtuj jan ren me melar akan, pil pan kamaureda war omail mela ki Nen e, me kotikot lol omail. ROM 8:12 Ari ri ai kan, kitail jolar pwaipwand on pali uduk, pwen kapwaiada inon en uduk, ROM 8:13 Pwe ma komail memaureki uduk, komail pan mela, a ma komail pan kamela wiawia en pali war ki Nen, komail pan memaureta. ROM 8:14 Pwe karoj me weweideki Nen en Kot, nan irail jeri en Kot akan. ROM 8:15 Pwe kaidin nen en ladu, me komail aleer, pwen pur on majak, a Nen en jeri, me komail aleer, me kitail kin eker kida: ROM 8:16 Pein nen o kotin ian nen atail kadedeki, me kitail jeri en Kot akan. ROM 8:17 A ma kitail jeri kan, nan kitail pil jeri en jojo, jeri en jojo en Kot o kijan toun jojo en Krijtuj, ma kitail ian kamekam, kitail pil pan ian linanla. ROM 8:18 Pwe i ajaer, me kamekam en anjau et jota mau on en kaparoki on linan kokodo, me pan kajanjaledan kitail, ROM 8:19 Pwe audepan jappa poden anane kaualap papajan en jeri en Kot ar pan maioda. ROM 8:20 Pwe audepan jappa o panalan mela, kaidin pweki pein injen arail, a pweki i, me pan ir alan kaporopor. ROM 8:21 Pwe audepan o pil pan maioda jan ni a lidulidui on tiak en joredi, on maio en linan on jeri en Kot akan. ROM 8:22 Pwe kitail ajaer, me audepan jappa karoj kin janejanlol o mimi pan wairok en naitik lao lel met. ROM 8:23 A kaidin irail eta, pwe kitail pil ian, me mejenin Nen, pil pein kitail kin janejan, auiaui lao anjau en pali war atail ar kawili kapada. ROM 8:24 Pwe kitail kamaurelaner kaporopor. A kaporopor me janjal, i kaidin kaporopor; pwe me amen kin ududial, menda en kaporoporeki? ROM 8:25 A ma kitail kaporoporeki, me kitail jota udial, kitail kin kanonama auiauieta. ROM 8:26 Pil Nen o kotin jauaja kitail ni atail luet akan, pwe kitail jaja, da me kitail en poeki, o da me kon on, pwe pein Nen o janejanelol o laolao kin kitail. ROM 8:27 A me kin kotin kajauiada monion akan, mani duen kupur en Nen, pwe a kin kotin laolaoki jaraui kan duen tiak en kupur en Kot. ROM 8:28 A kitail aja, me karoj kin kamauiala me pok on Kot akan, irail me paeker duen ar kileledier. ROM 8:29 Pwe me a kotin piladar maj o, iei me a pil kotin kileledier, en tialan mom en japwilim a Ol, pwe a en mejeni nan pun en ri a kan. ROM 8:30 A me a kotin kileledier maj o, a pil kotin warone irail edo, a me a kotin waronedor, a pil kapun irail alar, a me a kapunalar, a pil kotin kalinan irail adar. ROM 8:31 Ari, da me kitail en japenki mepukat? Ma Kot ian kitail, ij me pan kak palian kitail? ROM 8:32 I me jota kotin kajampwaleki japwilim a Ol, pwe a kotiki wei en wiliandi kitail, dadue, a jo pan kotin japan ianaki don kitail meakaroj? ROM 8:33 lj me pan kapun on en Kot a piladar akan? Pwe Kot eta, me kotin kapunada; ROM 8:34 Ij me pan kadeikada? Pwe Krijtuj me matalar, me pil koiajada o me pil kaipokedi ni pali maun en Kot, o me pil kin laolao kin kitail. ROM 8:35 lj me pan irawei jan kitail ni limpok en Krijtuj? Anjau apwal, de majak, de kamekam, do ijejol, de kilijo, de kamajak, do kodlaj? ROM 8:36 Duen a intinidier: Pweki komui kit kamekame kilar kaukaule, kit me wadok on jip akan, me kileledier on kamela. ROM 8:37 A ni mepukat karoj kitail me poedier kaualap pweki i, me pok on kitail er. ROM 8:38 Pwe i aja, me kaidin mela, de maur, pil kaidin tounlan kan, de jaupeidi, pil kaidin men met, de men mur, de me manaman akan, ROM 8:39 Pil kaidin men poe, de men pa, de okotme pan kak irawei jan kitail ni limpok en Kot, me mi ren Krijtuj Iejuj atail Kaun. ROM 9:1 NAI kin lokaia melel ren Krijtuj, o i jota kin likam, pwe injen ai o Nen jaraui kadede ia da, ROM 9:2 Me i kin patautau o injenjued nan monion i kaukaule. ROM 9:3 Pwe pein nai inon ion en riala, pwen dooki wei jan Krijtuj pweki ri ai kan ni pali uduk. ROM 9:4 lei men Ijrael me udan jeri en Ko t, me ar linan, o inau kan, o kapun, o upa Kot, o kokop akan mia, ROM 9:5 Me jamaneki jam atail akan me Krijtuj pil tapi jan ia ni pali uduk a, me poedi meakaroj, iei Kot me iajanai kokolata, amen. ROM 9:6 Pwe kaidin dene majan en Kot jo pwaida, pwe kaidin karoj men Ijrael, me tikidar Ijrael; ROM 9:7 Pil kaidin karoj jeri kan, me kijan kadaudok en Apraam; pwe jan ren Ijaak kadaudok om pan tapi jan ia. ROM 9:8 Ari, kaidin irail jeri en Kot akan, me jeri kan ni tiak en uduk, a jeri en inau kan pan wad on kadaudok o. ROM 9:9 Pwe i majan, majan en inau eu: Ni anjau o I pan kodo, a Jara pan naitikada jeri ol amen. ROM 9:10 A kaidin i eta, pwe pil Repeka lao lijean on jam atail Ijaak. ROM 9:11 Pwe ni anjau jeri ko kaikenta ipwidier, o pil kaikenta wiadar meakot mau de me jued, o pwe kupur en Kot en pwaida, kaidin ni wiawia a ni lipilipil ren me piladar o, ROM 9:12 A kotin majani on i: Me laud o pan papa me tikitik! ROM 9:13 Duen a intinidier: lakop me I pok on er, a Ejau me I likidmalielar. ROM 9:14 Ari, da me kitail en inda? Kot me japun? O jo! ROM 9:15 Pwe a kotin majani on Mojej: I pan maki on, me I men maki on, o I pan pokepoke, me I men pokepoke. ROM 9:16 Ari, jota katepa, ma amen pan pein inon ion de tane wei, a ma Kot pan kotin maki on amen. ROM 9:17 Pwe kijin likau me katitiki on Parao: Nan iet me I kilele uk adar, pwe I en kajale kida uk ai manaman, o pwe mar ai en indandeki jili ni jap akan karoj. ROM 9:18 Ari, a kin kotin maki on, me a kotin kupura, ap kapitakaila, duen me a kotin mauki. ROM 9:19 Koe ap pan indan ia: Ari da me a kailon kin ia? Pwe ij me kak palian kupur a? ROM 9:20 Ei melel aramaj koe, ij koe, me men palian Kot? Da, dipijou pan indai on me wiadar i: Menda koe wiai on ia momuei? ROM 9:21 Pala jaun wiada dal jota manaman on, en wia kida lopon en pwel ota dal eu me kajelel, de eu me jakanekan? ROM 9:22 A Kot kotin kanonama on dal jued akan, me wiauier on lokidokila, ni a men kajaleda a onion o manaman, ROM 9:23 O a pil men kotin kajaleda a dir en linan ki dal en a mak kan, me a kotin kaonopadar maj o en linanla. ROM 9:24 Iei kitail, me a kotin waron do, kaidin jan ren Juj akan eta, a pil jan ren men liki kan. ROM 9:25 Duen a pil kotin majanier nan puk en Ojea: I pan kaadaneki irail, me kaidin nai, nai aramaj akan, o me jo kompoke pai, kompoke pai. ROM 9:26 A pan wiaui waja o me a loki on irail: Komail kaidin nai aramaj, i waja re pan adaneki jeri en Kot ieiaj. ROM 9:27 A Iejaia likelikwir duen men Ijrael: Ma jeri en Ijrael akan pan raj on pik en oror, lua ta pan maurela. iej. ROM 9:28 Pwe a pan kotin kairela japwilim a dodok o kamode kila ni a pun, pwe Kaun o pan kotin wiada dok motomot nin jappa. ROM 9:29 O duen Iejaia majanier maj o: Ma Kaun Jepaot jo nikideki on kitail kaparapar, kitail pan dueta Jodom o Komora. ROM 9:30 Ari, da me kitail en inda duen men liki kan me jota rapaki pun, re diaradar pun, a pun eu, me tapi jan pojon. ROM 9:31 A men Ijrael me inon ion kapwaiada kujoned en pun, ap jota konodi kujoned wet. ROM 9:32 Pwekida? Pwekia jota tapi jan ni pojon a ni wiawia kan, pwe irail dipikelekeleki takai en dipikelekel. ROM 9:33 Duen a intinidier: Kilan, I pajonedi takai eu nan Jion, takai en dipikelekel eu o paip en kamakar. A me pan pojon i, a jota pan jarodi. ROM 10:1 RI ai kan, inon en monion i, o ai nidinid kin irail on Kot pan dore ir ala. ROM 10:2 Pwe nai kadede parail me re kin nantion Kot ap jaja tiak. ROM 10:3 Pwe re jaja pun en Kot, ap jojon kapwaiada pein arail pun ap jota duki on pun en Kot. ROM 10:4 Pwe Krijtuj kaimwijok pan kapun o; karoj me pojon en pun kila. ROM 10:5 Pwe Mojej majanier duen pun en me pwili jan kapun o: Aramaj o, me kapwaiada jon pukat, a pan maur kila. ROM 10:6 A iet me pun, me pwili jan pojon, kin inda: Der inda nan monion om: Ij me pan daudala nanlan? let wewe: En wadido Krijtuj. ROM 10:7 De ij me pan daudi waja lol? let wewe: En wadado Krijtuj jan ren me melar akan. ROM 10:8 A da me a kin inda? Majan me koren ion uk, a kin mi nan au om o nan monion om; iei majan en pojon, me je kin padaki wei. ROM 10:9 Pwe ma koe pan kadedeki au om Iejuj, me i me Kaun, ap pojon nan monion om, me Kot Kotin kaiajadar i jan ren me melar akan, koe ap pan doro kila. ROM 10:10 Pwe pojon kin tapi jan nan monion o, pwen pun kila, o kadede kin tapi jan nan au o, pwen maurkila. ROM 10:11 Pwe kijin likau me majan i: Amen amen me pan pojon i, jota pan joredi. ROM 10:12 Pwe jota irair eu nan pun en men Juj o men Krik, pwe Kaun en irail karoj me ta men, me dir en kalanan on karoj, me kin likwir on i; ROM 10:13 Pwe amen amen me likwir on mar en Kaun o pan dore kila. ROM 10:14 A iaduen, irail pan likwirlan i, me irail jota pojon? A iaduen, irail pan kak pojon i, me re jaikenta ron? A iaduen irail pan kak ron, ma jota jaunpadak? ROM 10:15 A iaduen, irail pan kak padaki wei, ma re jota pan pakadarala? Duen a intinidier: Meid pai na en me padaki ronamau en popol, me padaki ronamau en me mau kan! ROM 10:16 A kaidin karoj me peiki on ronamau. Pwe Iejaia majani: Main, ij me kamelele at padak? ROM 10:17 Ari, pojon kin pwili jan padak, a padak kin pwili jan majan en Kot. ROM 10:18 A nai me inda: Irail jota ronadar? O ei! Pwe nil arail leler jap karoj, o ar padak lel on irair en jappa. ROM 10:19 A nai me inda: Ijrael jota wewekier? Pwe iet kaieu, me Mojej majani: I pan kajarowei kin komail, me kaidin nai aramaj, o I pan kamakara kin komail aramaj pweipwei kan. ROM 10:20 A Iejaia kelail majani: Nai me kadiarokada jan ren me jota rapakin ia, o Nai me pwara don, me jota idok ia. ROM 10:21 A kotin majani duen Ijrael: Kaukaule I kapawei pa i kat on aramaj katiwo o kanudi kan. ROM 11:1 ARI, iet me i men inda: Kot kalikalar japwilim a kan? O jo! Pwe nai pil kijan men Ijrael, o kadaudok en Apraam, o kainok en Peniamin. ROM 11:2 Kot jota kalikalar japwilim a kan, me a kotin piladar maj o. De komail jota aja, da me kijin likau majanier duen Eliaj ni a kadipa men Ijrael mon Kot majani: ROM 11:3 Main, irail kamelar japwilim ar jaukop akan, o karonk pajan japwilim ar pei jaraui kan, a nai ta me lua, a irail pil rapakin ia, pwen kame ia la. ROM 11:4 A da me Kot kotin japenki i? Nai me kanikidi on ia ol ijikid me jo kelepuki on Paal. ROM 11:5 Nan iduen anjau wet: Luan me piladar akan mia pweki mak en Kot. ROM 11:6 A ma pweki mak, nan kaidin pweki wiawia kan; pwe ma iduen, mak jolar pan mak. ROM 11:7 Ari, iaduen mepukat? Me men Ijrael raparapaki, re jota diaradar, a me piladar akan diaradar, a me tei kan kapitakailar. ROM 11:8 Duen a intinidier: Kot kotiki on irail nen en men mair, o por en maj akan, pwe ren der kilan waja, o jalon akan, pwe ren der ron waja lao lel ran wet. ROM 11:9 O Dawid majani: Arail tepel en wiala injar parail, o litip arail, o kapup parail, o karia parail. ROM 11:10 Maj arail en rotorotala, pwe ren der kilan waja, o irail en kakoj pena kokolata. ROM 11:11 Ari, iet me i men inda: Irail dipikelekel pwen pupedi? O jo! A pweki arail pupedi, en id kamaurela men liki kan, pwen kapopot kin irail do. ROM 11:12 Ari, ma arail pupedi id pai on jappa, a arail momalar id pai on men liki kan, ia wan pai, ma irail karoj pan japaledo! ROM 11:13 Pwe men liki komail, me i men padaki on, pwe nai wanporon en men liki kan, i men kaindinda ai dodok. ROM 11:14 Pwe ma i kak on, i pan kainon irail, me kit eu ni pali uduk pwe akai re ’rail en dorela. ROM 11:15 Pwe ma arail kalikilar id kalamalam maula jappa, arail kajapaledo jo pan kamaurela jan ren me melar akan? ROM 11:16 A ma kalap me jaraui, plaua amaj pil pan jaraui; o ma kalaua me jaraui, ra kan pil pan dueta; ROM 11:17 A ma ra kai tapenok jan, a koe ni om woj mal id peuj ion, ap ian nim pil en tuka o ian maurki kalaua, ROM 11:18 Koe ap der juaiki on ra kan! A ma koe juaiki on irail, kaidin koe me kin wa kalaua, a kalaua kin wa uk. ROM 11:19 Koe ap pan indada: Ra kan tapenok wei jan, pwe i en id peuj on. ROM 11:20 Me pun; jopojon, me re tapenok kilar, a pojon, me koe maur kila, koe der aklapalap a majak! ROM 11:21 Pwe ma Kot kotin muei jan udan ra kan, kalaka, pwe ele a pil pan muei jan uk! ROM 11:22 Ari, kilan kalanan o onion en Kot; onion on irail, me jalonalar, a kalanan on uk, ma koe pan dadaurata a kalanan, a ma jo, koe pil pan tapenok jan. ROM 11:23 A pil irail, ma irail jota pan mimieta ni arail jopojon, re ap pan peuj japal, pwe Kot kotin kak on kapure irail do. ROM 11:24 Pwe ma koe lepuk jan ni tuka olip mal, ap peuj japal on tuka olip mau, a iaduen udan ra mau kan, re jota pan kak pur on udan ar tuka? ROM 11:25 Ri ai kan, i men, komail en lelapok ki kaponepon wet, pwe komail de aklolekon, duen apali en Ijrael me kapitakailar, lao lel anjaun irail me pilipildar ren men liki kan pwarador. ROM 11:26 Men Ijrael karoj ap pan maureda, duen a intinidier: Amen pan kotido jan Jion, me pan kawela karoj me doo jan Kot akan ren Iakop. ROM 11:27 Pwe iet ai inau on irail, i lao lapwa jan irail dip arail akan. ROM 11:28 Iran ronamau irail me imwintiti pweki komail, a iran lipilipil irail me kompokepa kan pweki jam akan. ROM 11:29 Pwe Kot jota kin kalukila a pai en mak akan de me a kotin piladar. ROM 11:30 O duen komail, me pil jota pojon Kot maj o, a met komail aleer mak, pweki arail jopojon. ROM 11:31 Iduen irail me jota pojon mak, me komail diaradar, iei me re pil jota diaradar mak en Kot. ROM 11:32 Pwe Kot me kotin kapata pena irail karoj ni jopojon, pwen mak pena on karoj. ROM 11:33 O meid laud erpit en Kot o a kotin mani meakaroj, jota me kak weweki a kadeik kan, de pameda al en a wiawia kan! ROM 11:34 Pwe ij me ajaer kupur en Kaun o, de ij me padaki on i meakot? ROM 11:35 De ij me ki on i meakot, pwen depuk on i? ROM 11:36 Pwe meakaroj tapi jan re a, o mia pweki i, o wiai on i, linan en ko on i kokolata! Amen. ROM 12:1 Rl ai kan, i ap panaui komail pweki kalanan en Kot, komail en kida war omail, pwen wiala mairon maur, me jaraui o kaperenda kupur en Kot, iei omail kaudok me pun. ROM 12:2 Komail der kaalemonin jappa, a komail en kawilikapada lol omail, pwe komail en kak kajauiada, da me kupur en Kot, me mau o kaperen, o unjok. ROM 12:3 Ki mak, me i aleer, i indan amen amen nan pun omail, ender inon ion pein i, laude jan me kon on, a en lamelame me a en pun, duen Kot kotin nek on amen amen wan a pojon. ROM 12:4 Pwe duen ni pali war atail kokon toto mia, a dodok en kokon akan kaidin dupeneta, ROM 12:5 lduen kitail me toto, war ta ieu ren Krijtuj, kitail ap kokon pena nan pun atail. ROM 12:6 Atail pai en mak akan mia ap toror pajan, duen mak o me kitail aleer: Ma deideikop kitail en kokopada duen wan pojon, ROM 12:7 O ma dodok eu, kitail en kolekol atail dodok; o ma jaunpadak amen, i en wiada padak, ROM 12:8 Ma amen kin panaui, i en panaui, ma amen kin kijakij wei, a en opampap, ma kaun amen, a en kanekanaion, ma amen, kin kalanan, a en peren kida. ROM 12:9 Omail limpok ender japun, tateki me jued, teneten ni me mau. ROM 12:10 Omail limpok pena en tapi jan monion omail; wauneki amen, mon a pan waune kin uk. ROM 12:11 Der tanana ni omail dodok; nen omail en inon ion dodok on Kaun O. ROM 12:12 Peren ni kaporopor; kanonama ni anjau apwal; podidi on kapakap. ROM 12:13 Kijakij on jaraui jamama kan; kajamo ki peren. ROM 12:14 Kapaiada me kin paki komail; kapaiada o der kariala. ROM 12:15 Perenda ren me popol akan; o janejan ren me janejan kan. ROM 12:16 Komail minimin pena ni omail lamelam, der inon ion meakot me lapalap, a inon ion me tikitik; komail der aklolikon. ROM 12:17 Komail der depukki on en amen a me jued me jued, a inon ion me kon on aramaj akan karoj. ROM 12:18 Ma a pan kak pa omail, polaul on aramaj akan karoj. ROM 12:19 Kompoke pai ko, komail der pein depuk, o komail der madan makar, pwe a intinidier: Ai depuk, Nai me pan depuk, me Kaun o kotin majani. ROM 12:20 Ari, ma om imwintiti amen men manadar, kamana i; ma a men nim piladar, kanim pileda, pwe ma koe pan wia mepukat, nan koe ap pan ki penan mon a kol moluj. ROM 12:21 Koe der lodi on me jued, a poekidi me jued me mau. ROM 13:1 AMEN amen en upa kaun akan, me kin poe irail edi, pwe jota kaun akan me jota jan ren Kot, a waja kaun akan mia, nan irail me ren Kot. ROM 13:2 Ari, me pan katiwo on kaun akan kin katiwo on kujoned en Kot, a me katiwo kan, pan lodi on kapun. ROM 13:3 Pwe jaupeidi kan jota kin kamajakki, me kin wia mau, pwe me kin wia me jued. A ma koe jota men majak kaun akan, en wiada me mau, koe ap pan indandeki pa ’rail. ROM 13:4 Pwe a papan Kot o iei me mau on uk, a ma koe wia me jued, majak, pwe a jota kin wa mal kodlaj. Pwe a papan Kot o, pwen kame me wia jued. ROM 13:5 lei me komail en peiki on, a kaidin pweki kamekam a pweki injen omail. ROM 13:6 Iei me komail pil wiai on nopwei, pwe irail me papan Kot, me kin kaukaule papa wet. ROM 13:7 Komail ari kapunala omail pwaipwand on amen amen! Takjij on me takjij kin wiaui on, nopwei on me nopwei kin wiaui on; majak, me majak kin ko on; ki on wau, me wau kin ko on. ROM 13:8 Der pwaipwandeki meakot on amen; iet eta: Omail limpok pena, pwe me kin pok on amen, kin kapwaiada kapun o. ROM 13:9 Pwe iet akan: Koe der kamal! Koe der kamela aramaj! Koe der pirap! Koe der norok! o ma pil eu kujoned mia, iet orlepa: Koe en pok on men imp om due pein uk! ROM 13:10 Limpok jota kin wia jued on men imp a. Ari, limpok audepan kapun. ROM 13:11 O pil met: Kitail en dedeki duen anjau o, pwe auer leler, me kitail en pirida jan mair, pwe anjaun atail dorela me koren jan ni tapin atail pojon. ROM 13:12 Ponpon daulier, a ran me korendor. Kitail en pwilikidi wiawian rotorot akan, ap ale tatan marain. ROM 13:13 Kitail en kekeid ni tiak mau, pwe ni ran; der kaped en mana de kamom joko, der jamin de jaut, de luak, de peirin. ROM 13:14 A komail ale Kaun lejuj Krijtuj, o der kanonala pali uduk, pwen aneda a inon jued. ROM 14:1 KOMAIL apwali me luet ni pojon o der kapin irail ada. ROM 14:2 Amen kin lamelame, en kankan jon karoj, a me luet kin kankan wan tuka. ROM 14:3 Meamen me kin kankan, ender mamaleki, me jota kin kan; o me jo kin kankan, ender kadeikada me kin kan, pwe Kot kin apapwali i. ROM 14:4 Pwe ij koe, me kin kadeikada en amen a ladu, pwe ma a pan uda de pupedi a pan nain a jaumaj eta. Melel, a pan pil uda, pwe Kaun o me kotin kak on kauada i. ROM 14:5 Amen kin pilada a ran kajampwal mon me tei kan, a amen ran karoj dupeneta re a; a amen amen en pun ni a lamelame. ROM 14:6 Meamen me moaki ran eu, Kaun o me a moaki on, me kin mana, Kaun o me a mana on, pwe a kin danke Kot, o me jota mana, nan Kaun o me a jo mana on, ap kin danke Kot. ROM 14:7 Pwe jota meamen re ’tail kin memaur ion pein i, o jota me kin mela on pein i. ROM 14:8 Pwe ma kitail memaur, Kaun o me kitail kin memaur ion, o kitail mela, Kaun o me kitail pan mela on, ari, kitail memaur de mela, japwilim en Kaun o kitail. ROM 14:9 Pwe i me Krijtuj matalar ap iajadar, pwen kaunda me melar o memaur akan. ROM 14:10 Ari, menda koe kin kadeikada ri om? De koe, menda koe mamaleki ri om? Pwe kitail karoj pan wijikelan mol en kadeik en Kot; ROM 14:11 Pwe a intinidier: Kaun o kaukila pein i majani: Na karoj pan kelepuki on ia, o lo karoj kadede Kot. ROM 14:12 Nan i kitail karoj pan weokada pein kitail on Kot. ROM 14:13 Kitail ari ender kadeikada amen amen; a mak eta, kitail en kadeikada iet akan, ender ki on ri atail kajajepa de men kamakar. ROM 14:14 Nai me lamedar o ajadar pan Kaun lejuj, me jota okotme me udan jamin; a meamen, me kajamineki meakot, nan i me jamin on. ROM 14:15 Pwe ma ri om pan injenjuedeki om kijin mana, koe jota kin weweid nin tiak en limpok; ender kawe kila om mana i, me Krijtuj mata kilar. ROM 14:16 Komail ari kalaka, pwe omail wiawia mau de kalok jued: ROM 14:17 Pwe wein Kot kaidin mana o nim, a pun, o popol, o peren ren Nen jaraui. ROM 14:18 Pwe me kin papa Krijtuj ni mepukat, i me pun ren Kot o pil konekon ren aramaj akan. ROM 14:19 Kitail ari en inon ion meakan, me kin kareda popol o kamakamaui kitail pena amen amen. ROM 14:20 Koe ender kawe kila kijin mana wiawia en Kot. Ari, karoj me min, ap jued on aramaj amen, me luet ap manamana. ROM 14:21 Me mau, koe ender kan uduk de nim wain, de wia meakot, me ri om ol pan pupe kidi, de makaraki, de kaluete kila. ROM 14:22 A ma om pojon mia ni mepukat, ari kamaui pein uk mon Kot Meid pai, me jota kin kadeikada pein i ki meakan, me a kin kajampwaleki. ROM 14:23 A meamen, me peikajal ap mana, me pakadeikadar, pwe a jota tapi jan pojon. A karoj me jota kin tapi jan pojon, iei dip. ROM 15:1 A MAK eta, kitail kelail akan, en jauaja me luet akan, ap der peren ki pein kitail. ROM 15:2 Amen amen kitail en pok on men impa, pwen kamauiala i. ROM 15:3 Pwe Krijtuj pil jota kin pok on pein i, a duen intinidier: Pakainak en me kainaki komui, me I dikidier raui. ROM 15:4 Pwe karoj me intinidier maj o, me intinidier, pwen padaki don kitail, pweki kanonama o kamait en kijin likau kan kitail en kaporopor. ROM 15:5 Ari, Kot en kanonama o kamait en kaminimin komail pena duen Krijtuj Iejuj. ROM 15:6 Pwe komail en kalinanada Kot o Jam en atail Kaun Iejuj Krijtuj ni lamalam ta pot o au ta ieu. ROM 15:7 I me komail en apapwali pena dueta Krijtuj me kotin kajamo komail on linan en Kot. ROM 15:8 Pwe nai inda, me Iejuj Krijtuj wialar papan jirkomjaij pweki melel en Kot, pwen kapwaiada inau kan on jam akan. ROM 15:9 Pwe men liki kan en kalinanada Kot pweki a mak duen a intinidier: I me I pan kadedede komui ren men liki kan o kauleki mar omui. ROM 15:10 O pil eu me a kotin majan i: En popol komail men liki kan ianaki japwilim a aramaj! ROM 15:11 O pil eu: Kapina Kaun o, komail men liki kan karoj o kalinanada i, komail wei karoj! ROM 15:12 O pil eu me Iejaia majani: Ip en Ieje pan pwarado, a pan pwarado, pwen kaunda men liki kan, i me men liki kan pan kaporoporeki. ROM 15:13 Ari, Kot en kaporopor en kadire kin komail peren o popol karoj ni pojon, pwe omail kaporopor en laudeki manaman en Nen jaraui. ROM 15:14 A nai aja mau duen komail ri ai kan, me komail dir en kamau o audaudeki erpit, o koiokki on panapanaui pena amen amen. ROM 15:15 Ari jo, ri ai kan, i intin won komail er duen met, pwen kataman kin komail mak eu, me Kot kotiki on ia er. ROM 15:16 Pwe i en papan Krijtuj Iejuj on men liki kan, padapadaki won ir ronamau en Kot, pwe men liki en wiala mairon eu, me konekon, me kajaraui kila Nen jaraui. ROM 15:17 I me i kak juaiki pan Krijtuj Iejuj pweki meakan me japwilim en Kot. ROM 15:18 Pwe i jota pori on inda meakot, me Krijtuj jota kotiki on ia, i en kalua men liki on peik, ki ai padak o wiawia kan. ROM 15:19 O kilel o manaman akan, en Nen jaraui. Ari, i me i kadire kila ronamau en Krijtuj jap karoj, tapiada Ierujalem, ap lel on Ilirien. ROM 15:20 Nai nantion ni ai padaki ronamau waja me jaikenta aja duen Krijtuj pwe i de kauada pon pajon en amen. ROM 15:21 A duen a intinidier: Me jaik kalok on irail pan kilan, o me jota ron, re pan weweki. ROM 15:22 Nan i me karompwa ia pan pak toto, pwen jota kak pwar won komail. ROM 15:23 A met jolar wajan dodok ni jap pukat, a par toto me i inon ion en pai won komail. ROM 15:24 I lao jailokelan Jpanien, i pan pwar won komail, pwe i kaporoporeki, me i pan jup waja o ap kilan komail, a komail pan kalua ia lan waja o murin ai kajerloleit re omail. ROM 15:25 A met i pan jailokelan Ierujalem, pwen papa jaraui kan. ROM 15:26 Pwe men Majetonien o Akaia kan mauki kijakija wei on jaraui jamama kan, me mi Ierujalem. ROM 15:27 Irail mauki pwe re pil pwaipwand on irail, pwe ma men liki kan pwaijanekier arail pai nenin, nan me kon on, irail en pakijakij don irail ar pai pali war. ROM 15:28 I lao kapwaiadar mepukat oki on irail er kijakij japan wet, I ap pan jup re omail o daululan Jpanien. ROM 15:29 A i ajadar, i lao pwaralan komail, i pan dir pai ki en Krijtuj. ROM 15:30 A ri ai kan, i ap poeki komail pan atail Kaun Iejuj Krijtuj o limpok en Nen pwe komail en dauki pena on ia omail kapakap kin ia on Kot. ROM 15:31 Pwe i en piti jan men Iudaa jopojon akan, o pwe ai dodok on Ierujalem en jauaja jaraui kan. ROM 15:32 Pwe i en perenki lel on komail pan kupur en Kot o ian komail tapwenda. ROM 15:33 Ari, Kot en popol en kotikot re omail karoj! Amen. ROM 16:1 I ap kakaliki on komail ri atail li Pepe. me kin papan momodijou en Kenkrea, ROM 16:2 Pwe komail en kajamo i pan Kaun duen me kon on jaraui kan, o komail jauaja i ni meakaroj, pwe i me jauaj pan me toto o pil nai. ROM 16:3 Ai ranamau on Prijila o Akwila, me jauaj pai ren Krijtuj Iejuj. ROM 16:4 Me inepai ia da, me kaidin nai eta, me kin danke ira pwe pil momodijou akan karoj nan pun en men liki kan. ROM 16:5 Pil momodijou nan im ara. Ranamau on kompoke pai Epenetuj me tapiada momodijou en Krijtuj nan Ajien. ROM 16:6 Ranamau on Maria, me kadek papa kit. ROM 16:7 Ranamau on Andronikuj o Iuniaj, kompoke pai kan o me ian ia jalidi, me majamaj ren wanporon akan, me jau on Krijtuj mo i. ROM 16:8 Ranamau on Apliaj, me kompoke pai ren Kaun o. ROM 16:9 Ranamau on Urpan, jauaja pat ren Krijtuj, o Jtakij kompoke pai. ROM 16:10 Ranamau on Apelej, me dadaurata ren Krijtuj, ranamau on toun im en Arijtopuluj. ROM 16:11 Ranamau on Erodion kompoke pai. Ranamau on toun im en Narjijuj, me papa Kaun o. ROM 16:12 Ranamau on Tripana o Tri poja, me papa Kaun o. Ranamau on kompoke pai Perjij, me porijok ni a dodok on Kaun o. ROM 16:13 Ranamau on Rupuj, me pilipildar ren Kaun o o in a pil in ai. ROM 16:14 Ranamau on Ajinkrituj, Plekon, Ermaj, Patropaj, Ermej o ri atail akan, me mi re ’rail. ROM 16:15 Ranamau on Pilolokuj, o Iulia, o Nereuj, ri ai li, o Olimpaj, o jaraui kan karoj, mi re ’rail. ROM 16:16 Komail ranamauki pena metik jaraui. Momodijou en Krijtuj akan kin ranamau on komail. ROM 16:17 Ari, ri ai kan, i panaui komail, komail en kileledi, me kin kamueit pajan o kamakar momodijou palian padak o me komail aleer; komail ari muei jan irail. ROM 16:18 Pwe jon pukat jota kin papa atail Kaun Iejuj Krijtuj, a pein kaped arail o kotaueki ar kadek lokaia o widin monion en me lelapok kan. ROM 16:19 Pwe omail peik me indand jili lel penan aramaj karoj. I me I peren kida komail. A i men, komail en koiokki on me mau kan, ap jokoiokki on me jued akan. ROM 16:20 A Kot popol pan kajuk pajan Jatan pan na omail eden. Mak en atail Kaun Iejuj Krijtuj en mimieta re omail! ROM 16:21 Timoteuj ai warok en dodok, o kompoke pai ko Lujiuj, o lajon, o Jojipater kin ranamau on komail. ROM 16:22 let nai Tertiuj me intiniedier kijin likau wet, ranamau on komail pan Kaun o. ROM 16:23 Kaiuj me kin apapwali ia o momodijou, a ranamau on komail. Erajtuj, jile pan kanim wet, a ranamau on komail, o ri atail Kwartuj. ROM 16:24 Mak en atail Kaun Iejuj Krijtuj en mimieta re omail karoj! Amen. ROM 16:25 A me manaman on katinada komail duen ai ronamau, o duen padak iran Iejuj Krijtuj, me kin kajaleda, me jota janjal jan nin tapin kaua kokodo lel met, ROM 16:26 A met a janjaledar, pwe kijin likau en jaukop akan kaloki on men liki kan karoj duen kujoned en Kot ieiaj, pwe ren pojon o peik; ROM 16:27 I Kot eta me erpit, linan en ko on i ki Iejuj Krijtuj kokolata! Amen. 1CO 1:1 PAULUJ me paeker, en wiala wanporon en Iejuj Krijtuj amen pan kupur en Kot o ri atail Jojtenej, 1CO 1:2 On momodijou en Kot me mi Korint, me jaraui kila Krijtuj Iejuj, me paeker en jaraui o karoj me kin likwir on mar en atail Kaun Iejuj Krijtuj ni deu arail o deu at. 1CO 1:3 Mak o popol jan ren Kot Jam atail a atail Kaun Iejuj Krijtuj en mi re omail! 1CO 1:4 I kin danke ai Kot kaukaule pweki mak en Kot on komail, me papana don komail jan ren Krijtuj Iejuj, 1CO 1:5 Pwe komail me pai kidar i ni meakaroj, ni majan karoj o lolekon karoj; 1CO 1:6 Duen kadede iran Krijtuj a teniten re omail; 1CO 1:7 Pwe jota pai en mak eu, me komail jaik pai kidar; ni omail auiaui kajanjal en atail Kaun Iejuj Krijtuj. 1CO 1:8 Me pil pan kotin kajone komail di lao lel imwi, pwe en jolar dip omail lao lel ni ran en atail Kaun Iejuj Krijtuj. 1CO 1:9 Kot me melel, me komail paekerdo, pwen jau pena ren japwilim a Ol Iejuj Krijtuj atail Kaun. 1CO 1:10 Ri ai kan, i panaui komail ni mar en atail Kaun Iejuj Krijtuj, komail en wiaki eu ni omail kajoi kan, pwe komail de wuki pajan nan pun omail, a komail en mi ni lamalam ta pot o kapun ta ieu. 1CO 1:11 Ri ai kan a kalok don ia jan toun im en Kloe, me dene komail kin akamai pena nan pun omail. 1CO 1:12 A iet me i men inda, amen komail kin inda: Nai nain Pauluj amen; a nai nain Apoloj amen; a nai nain Kepaj amen; a nai nain Krijtuj amen. 1CO 1:13 Iaduen, Krijtuj me lop pajan? Iaduen, Pauluj me lopu kin komail er? De komail paptaijekier ni mar en Pauluj? 1CO 1:14 Nai me danke Kot, me jota meamen re omail, me i paptaijela, Krijpuj eta o Kaiuj; 1CO 1:15 Pwe amen de inda, me nai wia paptaije on ni pein ad ai. 1CO 1:16 A toun im en Jtepanaj i pil paptaijela; a jolar me i aja, me i paptaijela. 1CO 1:17 Pwe kaidin en wia paptaij, me Krijtuj poron kin ia la, a pwen padaki ronamau, kaidin ni tiak kadek lokaia, pwe lopun Krijtuj de mal la. 1CO 1:18 Pwe majan duen lopu me mal kot ren me lokidokilar akan, a manaman en Kot on ir, me pan dorela. 1CO 1:19 Pwe a intinidier: I pan tiakedi lolekon en me lolekonkan, o karotonala marain en me marain akan. 1CO 1:20 Ia me lolekon o? O ia jaunkawewe o? Ia me lolekon o en pali pa? Dadue, Kot jota wia lamponki me erpit en pali pa? 1CO 1:21 Aramaj akan jota aja Kot pweki udan ar lolekon. Kot ap kupureda, en kamaur kida, me pojon akan padak monai. 1CO 1:22 Pwe Juj akan kin poeki kilel akan, a men Krik kin roporop lolekon. 1CO 1:23 A kit kin padaki Krijtuj me lopuedar, men kamakar on Juj akan o on men liki kan kajoi mal. 1CO 1:24 A on me paeker akan, men Juj o pil men Krik, je kaweweda Krijtuj manaman en Kot o erpit en Kot. 1CO 1:25 Pwe joerpit en Kot me jikida jan en aramaj akan ar lolekon, o luet en Kot me kelail jan en aramaj akan ar kelail. 1CO 1:26 Ri ai kan, komail kilan duen omail paeker. Pwe kaidin me toto ren me lolekon en pali uduk kan. Pil kaidin me toto ren me poe kan, pil kaidin toto ren me majamaj akan, me pilipildar. 1CO 1:27 A Kot kotin piladar me jo lolekon nin jappa, pwen kapoui ala me lolekon kan; o Kot me kotin piladar me luet nin jappa kan, pwen kapouiala me kelail akan. 1CO 1:28 O me mal nin jappa, o me jo konekon, i me Kot kotin piladar, o me jota meakot, pwen kawela me lapalap. 1CO 1:29 Pwe uduk der akjuaiki mon Kot. 1CO 1:30 A komail tapi jan i ren Krijtuj Iejuj, me wialar atail erpit jan ren Kot, o pun, o jaraui, o maur patail. 1CO 1:31 Pwe duen a intinidier: Mo men juaiki, i en juaiki Kaun o. 1CO 2:1 RI ai kan, ni ai pwara won komail er, kaidin ni kadek lokaia de lolekon en aramaj, me I padaki on komail er kadede en Kot. 1CO 2:2 Pwe i jota wia kin ia, en aja meakot nan pun omail, Iejuj Krijtuj eta o a kalopuela. 1CO 2:3 O nai mimi re omail ni ai luet, o majak, o rerer toto. 1CO 2:4 O ai kajoi o ai padak kaidin ni kadek lokaia en lolekon, a ni kadede en Neno manaman. 1CO 2:5 Pwe omail pojon de pajoneki lolekon en aramaj akan, a manaman en Kot. 1CO 2:6 Ari jo, me kit kin padapadaki me lolekon ren me unjok kan, a kaidin lolekon en jappa et, o pil kaidin en jaupeidi kan en jappa et, me pan jarodi, 1CO 2:7 A kit kin padaki duen erpit en Kot me rir, iei me jo janjal, me Kot kotin kileledier ni en jappa jaik mia, pwen kalinanada kitail, 1CO 2:8 Me jota jaupeidi en jappa men ajadar, pwe ma re ajaer i, re jota pan kalopuela Kaun en linan. 1CO 2:9 A duen a intinidier: Me jota maj udialer, o me jota jalon eu ronadar, o me jota ko on nan monion en aramaj amen, iei me Kot kotin kaonop on, me pok on i. 1CO 2:10 A Kot kotin kadiarok on kitail ki Nen e, pwe Nen kin kotin rapaki meakaroj, pil duen kupur en Kot. 1CO 2:11 Pwe ij aramaj, me kin aja duen lol en aramaj akan, pwe nen en aramaj eta me mi re a? Iduen Kot, jota me aja meakan me udan Kot, pwe Nen en Kot eta. 1CO 2:12 A kaidin nen en jappa, me kit aleer, a Nen en Kot, pwe kit en ajada meakan, me Kot kotiki on kitail er. 1CO 2:13 I me kit pil kin padaki wei, kaidin ni lokaia o manin pan lolekon en aramaj, a ni majan akan, me Nen kotin kaweweda, kareda dipijou wenin akan. 1CO 2:14 A aramaj ip pwel jota kin ale meakot ren Nen en Kot, pwe me mal kot on i, pwe a jota kak on, pwe mepukat kin kajauiada ren Nen. 1CO 2:15 A me wenin kin kajauiada meakaroj, ap jota amen me pan kak kajauiada i. 1CO 2:16 Pwe ij me aja duen kupur en Kaun o, de ij me pan kak padaki on i meakot? A Nen en Krijtuj kotikot lol atail. 1CO 3:1 ARI ri ai kan i jota kak padaki on komail dueta on aramaj wenin, a on me uduken o kijin jeri en Krijtuj akan. 1CO 3:2 I kamana kin komail pil en didi, a kaidin kijin mana, pwe komail jaikenta kak on, o komail pil jota kak on anjau wet. 1CO 3:3 Pwe komail non uduken pwe iaduen, ma peirin o akamai, mi re omail, komail jo uduken o weweid ni tiak en aramaj akan? 1CO 3:4 Pwe amen kin inda: Nai nain Pauluj amen, a amen: Nai nain Apoloj amen. Komail jo kin mi nin tiak en aramaj? 1CO 3:5 Pwe ij Apoloj? O ij Pauluj, kaidin papa kai, me komail aja janer lamalam duen Kaun o kotin pan on amen amen? 1CO 3:6 Nai me padukedier, a Apoloj me kalamu ir adar, a Kot me kotin kaparadar. wiaw. 1CO 3:7 Ari kaidin i meakot, me padukedi, pil kaidin i, me kalamu ir adar, a Kot eta, me kotikidar wa kan. 1CO 3:8 Ari, me kin padukedi o me kin kalamu ir adar, ira dupeneta, o amen pan katinki iran ara dodok. 1CO 3:9 Pwe kit me jauaj pan dodok en Kot, a komail japajap en Kot, o japwilim en Kot a kakau im. 1CO 3:10 Nai me wiadar pajon ki mak en Kot me i aleer duen jauje lolekon amen, a amen ujewei kakau poa, a amen amen en kalaka duen a kakau pon pajon wet! 1CO 3:11 Pwe jota me pan kak wia eu pajon, me pan toror jan me wiauier, i eta: Iejuj Krijtuj. 1CO 3:12 Ari, ma amen pan kauada pon pajon wet kold, jilper, takai, kajampwal, tuka, ra, pain kit akan, 1CO 3:13 Nan wiawia en amen amen pan janjaleda, pwe ran o pan kapareda due, pwe a pan kadiarok kida kijiniai. Pwe kijiniai pan kaialeda wiawia en amen amen. 1CO 3:14 Ma wiawia en amen, me a kauadar poa, pan mimieta, a pan katin. 1CO 3:15 A ma wiawia en amen pan ronala, a jota pan katin. A pein i pan dorela duen amen, me pitila jan nan kijiniai. 1CO 3:16 Komail jota aja, me komail tanpaj en Kot, o Nen en Kot kotikot lol omail? 1CO 3:17 A ma amen kawela tanpaj en Kot, nan Kot pan kawela i, pwe tanpaj en Kot me jaraui, ari iei komail. 1CO 3:18 Jota amen en kotaue pein i! Ma amen nan pun omail lamelame anjau wet, me a lolekon, mak eta, en wiala ol pweipwei men, pwen wiala lolekon amen. 1CO 3:19 Pwe lolekon en jappa et me jon en pweipwei ren Kot, pwe a intinidier: A kin kaloe kidi me aklolekon pein ar widiwidin. 1CO 3:20 Pil eu! Kaun o kotin mani, lamalam en me aklolekon kan, me mal. 1CO 3:21 Ari, jota amen en akkeleki aramaj akan, pwe omail meakaroj; 1CO 3:22 Ma Pauluj, de Apoloj, de Kepaj, de jappa, de memaur, de mela, de ma men met, de men mur, pwe karoj me omail. 1CO 3:23 A komail japwilim en Krijtuj, a Krijtuj japwilim en Kot. 1CO 4:1 ARAMAJ akan en wia kin kit papa en Krijtuj o jaunkoa pan me rir akan ren Kot. 1CO 4:2 A iaduen jaunkoa kan? Amen amen en lelapok. 1CO 4:3 I jota injenoki, me komail de kapun en aramaj kajaui ia da. Pein nai pil jota kajaui ia da. 1CO 4:4 Pwe jota me i pein aja, a kaidin met, me i pun kila, a Kaun o me kin kajaui ia da. 1CO 4:5 Ari, komail depa kajaui okot me mon a anjau, a lao Kaun o pan kotido, me pan kajanjale dan marain okiok en me rotorot akan o kadiarokada lamalam en nan monioin akan, amen amen ap pan indandeki ren Kot. 1CO 4:6 Ri ai kan, mepukat i kin inda duen nai o Apoloj, pwe komail en ale jan kit, pwe amen ender lamelame, me a jiki jan me intinidier, pwe komail ender aklapalapaki amen, ap palian me teio. 1CO 4:7 Pwe ij me mone kin uk? A jota, me mi re om, me koe jota aleer. A ma koe aleer meakaroj, menda koe kin juaiki, likamata koe jota aleer? 1CO 4:8 Komail medier o kapwapwalar, o komail kin kaunda, ap jota ale jan kit. I men, komail en kaunda, pwe kit ap pil pan ian komail kaunda. 1CO 4:9 Pwe i lamelame, me Kot kotin wiai on kit wanporon akan, en tikitik melel, me mau on mela, pwe kit wialar men kapuriamui eu ni jappa mon tounlan o aramaj akan. 1CO 4:10 Kit me jon en pweipwei pweki Krijtuj, a komail me lolekonki Krijtuj; kit me luet, a komail me kelail; komail me indand mau, a kit me indand jued. 1CO 4:11 Kokodo lel auer met kit mm manadar, o pil men nim piladar, o kilijo, o je kin kalokolok, o jota deu at. 1CO 4:12 O dodok ni pein pa at; kit me kalok jued, a je kin kapaiada, kit me kalokolok, a je kin nenen la; Ni at pakaraun mal, kit kin kapakap. 1CO 4:13 Kit wialar tatan kid o kopataun aramaj karoj. 1CO 4:14 I intiniedier mepukat kaidin pwen kanamenok komail, a pwen panaui komail nai jeri kompok kan. 1CO 4:15 Pwe ma omail jaunpadak pan Krijtuj me nen, nan jam omail akan me jota non toto, pwe nai me kaipwi komail ren Krijtuj Iejuj ki ronamau. 1CO 4:16 I ari poeki re omail komail en idauen ia do. 1CO 4:17 Pwe i me i kadarki won komail Timoteuj nai jeri kompoke o lelapok pan Kaun o pwen kataman kin komail duen al ai kan pan Krijtuj, duen me i kawewedar ni momodijou karoj. 1CO 4:18 Akai komail me aklapalap likomata i jota pan pwar won komail. 1CO 4:19 A i pan pwar won komail madan, ma Kaun o pan kotin kupura. I ap pan kilan kaidin padak en me aklapalap akan, a me manaman. 1CO 4:20 Pwe wein Kot jota mi ni kajoi a ni manaman. 1CO 4:21 Da me komail mauki? I en pwar won komail wa jokon, de limpok o nen en opampap? 1CO 5:1 I PIL ronadar, me nenek kin wiaui nan pun omail. A eu jon on nenek, me jota kin wiaui ren men liki kan; pwe dene amen paudeki on a papa a paud. 1CO 5:2 A komail me aklapalap, ap jota injen juedeki o kajapokela jan komail, me wiadar met. 1CO 5:3 A ni ai doo jan komail ni pali war, ap koren ion komail ni pali nen i iet me i kapunadar, dueta amen, me mi re omail, 1CO 5:4 Ni mar en atail Kaun Iejuj, ni atail pokon pena re omail ni pali nen atail, ki manaman en atail Kaun Iejuj. 1CO 5:5 Me wiadar met i panalan Jatan, pwen kawela uduk o, pwe nen o en kamaurela ni ran en Kaun Iejuj. 1CO 5:6 Kaidin me mau omail juaiki. Komail jota aja, me kalap kij kin kamutala dolepa karoj? 1CO 5:7 Ari, kokowei jan kalap kitai, pwe komail en wiala plaua amaj kap, pwe komail udan plaua amaj kap, pwe atail paja Krijtuj kamatalar. 1CO 5:8 Kitail ari en wiada atail paja, kaidin ni kalap kitai, pil kaidin ni kalap lemai de me jued, a ni plaua amaj kap ni pun o melel. 1CO 5:9 Na, i intin won komail er nan kijin likau o, pwe komail ender waroki on me nenek kan. 1CO 5:10 Ari mepukat i jota kin inda duen me nenek ren men liki kan, de me norok kapwa, de me lolap akan, de me wun ani, pwe ma idue, komail en katoror wei jan jappa. 1CO 5:11 A met i intin won komail er ender waroki on amen, me adaneki jaulan, ap nenek, de me norok kapwa, de kati ani mal, de lalaue amen, de kamom joko, de me lolap; komail ender ian I mana. 1CO 5:12 Pwe menda re i men liki? Kaidin ai dodok en kadeik irail ada. Komail jota kin kadeikada nan pun omail? 1CO 5:13 A me mi liki ko, Kot pan kotin kajapoke wei jan re omail me jued o! 1CO 6:1 A MA amen wia japun on amen, menda komail kapun pena mon men liki kan, a jo mon me jaraui kan? 1CO 6:2 De komail jota aja, me jaraui kan pan kadeikada jappa? A ma jappa pan pakadeikeki komail, iaduen, komail jota itar on kadeikada kijin dodok tikitik kan? 1CO 6:3 Komail jota aja, me kitail pan kadeikada tounlan kan? Nan melel kaualap pil kijin tiak tikitik en maur et. 1CO 6:4 A ma komail kin kadeikeki tiak en maur et iaduen, komail kin kapukapun ianaki me jota indand mau ren momodijou? 1CO 6:5 Mepukat i indai on komail, pwen kanamenok komail. Pwe jota amen re omail, me lolekon? Jota amen me itar on en wiada kapun nan pun en ri a kan? 1CO 6:6 A amen kin akamai on amen ri a mon me jopojon akan. 1CO 6:7 Ari, omail akamai nan pun omail pil udan japun. Menda komail jota mueidala meakot? Menda komail jota kin nenenla? 1CO 6:8 A komail kin japun o kotaue on ri omail akan. 1CO 6:9 De komail jota aja, me japun kan jota pan jojoki wein Kot? Kalaka pein komail! pwe me nenek de me kati ani likam akan, de me kamal, de me dir en inon jued, de me madon jaut on ol oko. 1CO 6:10 De men pirap, de me norok kapwa, de kamom joko, de kinekine mal, de kuli kapwa kan jota pan jojoki wein Kot. 1CO 6:11 Iduen akai komail maj o, a met komail wideudier, o kajarauialar, o pun kilar mar en Kaun Iejuj o Nen en atail Kot. 1CO 6:12 A muei on ia meakaroj, a kaidin karoj me kin kamau ia la; a muei on ia meakaroj, a jota, me pan poe ia di. 1CO 6:13 Melel, kijin mana me mau on kaped o, o nan kapedi wajan kijin mana en ko on ia. A Kot pan kotin kawe ira la karoj. A pali war o wiaui on Kaun o, a kaidin on nenek, a Kaun kotin apapwali pali war o. 1CO 6:14 A Kot me kotin kaiajadar Kaun o, a pil pan kotin kaiaja kida kitail manaman. 1CO 6:15 Komail jota aja, me war omail kokon en Krijtuj? A iaduen, i en ale kokon en Krijtuj, wia kin ir kokon en li nenek amen? O jo! 1CO 6:16 De komail jota aja, meamen me waroki on li nenek amen, me ira pan wiala war ta ieu? Pwe a kotin majanier: Ira pan wiala uduktaieu. 1CO 6:17 A me waroki on Kaun o nan a pan nen ta ieu re a. 1CO 6:18 Komail tane wei jan nenek, pwe dip karoj, me aramaj kin wia, kin wiaui likin war a, a me kin nenek, kin wiada dip on pein war a. 1CO 6:19 De komail jo aja, me war omail tanpaj en Nen jaraui me kotikot lol omail, me komail aleer jan ren Kot, a kaidin uta ’mail komail. 1CO 6:20 Pwe komail neti kidar pai eu, komail ari kalinanada Kot ki war omail. 1CO 7:1 A IET duen me komail intine don ia, a mau on aramaj amen, a ender jair li amen. 1CO 7:2 Ari jo, amen amen en ale pein a warok li, o amen amen en ale pein a warok ol, pwen der dender. 1CO 7:3 Ol o en wiai on a warok li me inen, a pil dueta li on a warok ol. 1CO 7:4 Li o jota kak poedi pein war a, a a warok. Pil dueta ol o jota kak poedi pein war a, a a warok. 1CO 7:5 Der jo oke amen amen, ma jo, pweki inau anjau kij, pwen mot ijejol rer ekij o kapakap, ap pur pena, pwe Jatan de kajonejon komail omail jo oke pena. 1CO 7:6 Mepukat kaidin kujoned eu, pwe pein ai lamelam. 1CO 7:7 A i men aramaj akan karoj en dueta nai. A amen amen aleer pein a pai en mak jan ren Kot duen amen amen. 1CO 7:8 A nai indai on me jo papaud o li odi kan, me mau irail en dadaur dueta nai. 1CO 7:9 A ma irail jota kak on, irail en papaud; me mau papaud jan dender. 1CO 7:10 O on me papaud akan nai me ilaki wei, a kaidin nai pwe Kauno: Li papaud ender kamuei wei jan a warok! 1CO 7:11 A ma a muei wei janer, i en dadaurete a kirip de kadeke a warok, o ol ender kajela a warok. 1CO 7:12 Kaidin Kaun o, pwe nai men indan me tei kan: Ma ri atail ol amen mia, me a paud jopojon amen, ap men mimieta re a, a ender kajela li o. 1CO 7:13 Pil dueta li amen, ma a warok jopojon amen o a men mimieta re a, a ender kajela ol o, 1CO 7:14 Pwe ol jopojon me kajaraui kilar li o, o li jopojon kajaraui kilar ol o, pwe ma a jo due met, noumail jeri kan me jamin, a met irail me jaraui. 1CO 7:15 A ma me jopojon o pan muei wei jan, ari i en muei wei jan; ri ol de ri li jota kin kaupindi ni mepukat. A Kot me kotin molipe kitail, pwen popol pena. 1CO 7:16 Pwe iaduen, koe li o, koe aja, me koe pan kak kamaurela ol o? De koe ol, koe pan kamaurela li o? 1CO 7:17 A duen Kaun o pan on amen amen, duen Kot molipe on amen amen, iduen dadaurata; nan iduen nai ilakilan momodijou akan karoj. 1CO 7:18 Ma amen me paeker ni jirkomjaij, i en dadaurata a jirkomjaij, a ma amen me paeker ni jojirkomjaij, i ender ian jirkomjaij. 1CO 7:19 Pwe kaidin meakot jirkomjaij, o pil kaidin meakot jojirkomjaij, a wiawia kujoned en Kot akan. 1CO 7:20 Amen amen en dadaurata udan a koa ni a paeker. 1CO 7:21 Ma koe paeker ni om ladu, koe der injenjuedeki, a ma koe pan kak maioda jan, ari pil me mau. 1CO 7:22 Pwe ladu men, me paeker on Kaun o, nan a maio ren Kaun o; o pil dueta me maio men paeker ap pan ladun Krijtuj men. 1CO 7:23 Komail me neti kidar pai eu, der wiala ladun aramaj akan. 1CO 7:24 Ri ai kan, amen amen dadaurata ut arail ren Kot. 1CO 7:25 A duen peinekap akan, jota kujoned eu jan ren Kaun o; a pein ai lamelam mia, pwe i aleer mak en Kaun, pwen kak melel. 1CO 7:26 let me i lameda, me mau on aramaj jota papaud, pwe ni anjau apwal wet. 1CO 7:27 Ma koe kapapaud on li amen, ender men muei jan, a ma jo om paud mia, ender rapaki li amen. 1CO 7:28 A kaidin dip eu, ma koe pan papaud; o ma jeripein amen pan papaud, kaidin dip. A a pan apwal on mepukat ni pali uduk arail. A nai jota men, me apwal kot en lel on komail. 1CO 7:29 A ri ai kan, mepukat i indada, pweki anjau o me motomot. A pil eu: Me mau on me ar warok mier, en wia dene jota ar warok; 1CO 7:30 O me kin janejan, dene jota janejan; o me kin pereperen, dene jota ar peren; o me kin netinet, dene jota ar kapwa. 1CO 7:31 O me dodokki jappa, ren kalaka, pwe eder wiaki me jued. Pwe mom en jappa et pan rojala. 1CO 7:32 A i men, komail ender lodi on me apwal. Me jota papaud, kin apwali me japwilim en Kaun o, duen a pan kaperenda Kaun o. 1CO 7:33 A me papaud, kin lamelame, me kon on jappa, duen a pan kaperenda a paud. 1CO 7:34 A nan pun en li papaud o peinekap me wuk pajan: Me jota papaud, kin apwali me japwilim en Kaun o, pwen jaraui ni pali war o pil ni pali nen; a me papaud, kin inon ion me kijan jappa, duen a pan kak kaperenda a warok. 1CO 7:35 Mepukat i inda wei, pwen kamaui komail, a kaidin pwen jaliedi komail, a pwen jauaja komail, pwe karoj en inen o pun re omail, o pwe komail en papa Kaun o. 1CO 7:36 A ma amen lamelame, me japun, ma a jota pan mueid on na jeripein, me mau on papaud, en papaud; ari, a pan wia duen me a mauki, pwe kaidin dip, ma a pan mueid on i en papaud. 1CO 7:37 A ma amen me kelail ni monion i, pil kelail on kaunda, pein injen a, ap inauki on nan monion i en kolekol na jeripein, I me mau. 1CO 7:38 Ari, ma amen pan papaud me mau, a ma amen jota pan papaud, me mau jan. 1CO 7:39 Li papaud amen me kaupina kidi pun en papaud arain a warok memaur; a ol o lao mela, nan a maio on kapapaud, me a mauki, i eta; a en wiaui ren Kaun. 1CO 7:40 Meid pai, ma a pan dadaurata a kirip duen me i lameda, A nai aja, me Nen en Kot pil kotikot re i. 1CO 8:1 A kitail ajaer duen mairow on ani mal, pwe kitail karoj me lolekow. A lolekow eta kin kaaklapalapiela, a limpok kin kamauiela. wiaw. in. iu 1CO 8:2 A ma amen aklapalapaki a lolekon, nan a jota non dedeki duen me itar on en aja. 1CO 8:3 A ma amen pok on Kot, nan Kot me mani i. 1CO 8:4 A kitail dedekier duen mana uduk en mairon on ani mal akan, pwe ani mal amen jota katepa nin jappa, o jota amen Kot, pwe I me ta men. 1CO 8:5 Pwe ma akai mia, me adaneki kot, me kin mimi nanlaw de nin jappa, pwe kot toto o monjap toto mia; 1CO 8:6 A atail Kot me ta men, me Jam, me dipijou karoj tapi jan re a, o me kitail wiaui on. O atail Kaun me ta men: Iejuj Krijtuj, me wiadar meakaroj, o me kitail pil wiaui kidar i. 1CO 8:7 A kaidin karoj me aja mepukat, pwe akai mia, me lamelame, me ani mal meakot, ap kankan uduk en mairon on ani mal, o iei injen luet arail kin jamin kila. 1CO 8:8 A kijin mana jota kin jauaja kitail ren Kot. Ma kitail jota pan mana, kitail jota pan jued kila, a ma kitail pan mana, kitail jota pan mau kila. 1CO 8:9 A kalaka komail, pwe omail jaladokalar ender kadipikelekel on me luet akan! 1CO 8:10 Pwe ma koe, me aja tiak, ap manamana nan im en ani mal o, a me luet amen pan kilan om manamana, ap aima kida nan injen a, ap ian manamana mairon en ani mal akan, 1CO 8:11 Iduen ri atail luet amen, me Krijtuj mata kilar, pan mekila om jaladok. 1CO 8:12 A ma iduen omail dip ion ri atail akan, me kin kawela injen luet arail, nan komail kin wia dip ion Krijtuj. 1CO 8:13 Ari ma kijin mana kamakar ri ai, i jolar pan mana uduk kokolata, pwe i de kamakar ri ai. 1CO 9:1 KAIDIN nai maiodar? Kaidin wanporon amen nai? I jota udialer Iejuj atail Kaun? Kaidin ai wiawia pan Kaun o komail? 1CO 9:2 Ma i jota wanporon amen on me tei ko, a on komail; pwe komail kajale pan ai koa en wanporon pan Kaun o. 1CO 9:3 Iduen i kin japenki, ma meamen kin kalelapok re i. 1CO 9:4 A jota muei ow kit er, en mana o nim? 1CO 9:5 A jota muei on kit er, en paudeki li amen, me pan ian kit jailok jili, duen me wanporon tei kan, o ri en Kaun o, o Kepaj kin wiada? 1CO 9:6 De nai o Parnapaj eta me a jota muei on liki jan dodok en pa at? 1CO 9:7 Ij me kin ian mauin ap pwain pein i? Ij me wiada mat en wain eu, me jota kin kan kijan wa? Ij me kin kamana pwin man akan me jota kin kan pil en didi en man oko? 1CO 9:8 Mepukat i jota kin inda nin tiak en aramaj akan, pwe kaidin kapun o me pil majanier due? 1CO 9:9 Pwe a intinidier nan kapun en Mojej: Koe der pira pena au en kau ol amen, me kin tiaka pajan korn. Iaduen, Kot kin apapwali kau ol akan? 1CO 9:10 De kaidin pweki kit, me a kotin majaniekier mepukat? Pwe me kin japajap, en kaporoporeki a dodok; o me kin dolun en kaporoporeki, me a pan ian ale kijan wa. 1CO 9:11 Pwe ma kit wiai on komail japajap nenin, a kaidin me kajampwal kot, me komail pan apwali kit ni pali uduk. 1CO 9:12 A ma a muei on me tei kan, ale jan omail dipijou kan, nan kit me jo mau on jan irail? Ari jo, kit jota kol on kit tiak wet, a je men mia ni at apwal akan, pwe jen de karompwa ronamau en Krijtuj. 1CO 9:13 Komail jota aja, me irail, me jopijokki jaraui, pil manamana jan nan im en kaudok, o me irail, me kin papan pei jaraui, pil aleki pwaij ar jan pei jaraui? 1CO 9:14 Iduen Kaun o kotin majani, me irail, me padaki ronamau, pil pan manaki ronamau. 1CO 9:15 A nai jota kin kol on ia eu ren mepukat, o i jota intin wei mepukat, pwe komail en kapwai on ia mepukat, pwe a mau on ia en mela, mon amen pan kawela mar ai. 1CO 9:16 Pwe ma i padaki ronamau, jota me i en juaiki, pwe i en udan wiada; pwe jued on ia, ma i jota padaki ronamau. 1CO 9:17 Pwe ma i peren kida dodok wet, i pan ale katin, a ma i kan wiada, nan kujoned mia, i en wiada. 1CO 9:18 Ari, ia katin pai ni ai padaki ronamau ap jota pwaipwai, pwe i ender akapwaipwaiki jan ronamau meakot. 1CO 9:19 Pwe nai me udan maiodar jan amen amen, ari jo, i wia kin ia ladun amen amen, pwe i en kamaurela me toto duen i kak on. 1CO 9:20 I wia kin ia Juj amen on Juj akan, pwen kamaurela Juj akan; o on irail, me mi pan kapun, dueta pan kapun amen, pwen kamaur ir ala, me mi pan kapun; ari jo, nai jolar mi pan kapun. 1CO 9:21 On irail me jota mi pan kapun, i wia kin ia me jota mi pan kapun amen; ari jo, kaidin nai me likin kapun mon Kot, pwe I kin mi pan kapun en Krijtuj, pwen kamaurela me jota mi pan kapun. 1CO 9:22 On me luet akan, i wia kin ia me luet amen, pwen kamaurela me luet akan. Nai wiala jon karoj on amen amen, pwen kamaurela akai waja karoj. 1CO 9:23 I me i kin wiawia pweki ronamau, pwe i en ian i pwai jaijki. 1CO 9:24 Komail jota aja, duen men weir en tan, irail karoj kin tan, a amen ta, me pan ale pai? Komail ari en tan idipok, pwe komail en ale. 1CO 9:25 A amen amen me aktan idipok, kin ijejol pokon. Irail kin wia me, pwen ale mar kamon a kitail, pwen ale me jo kamon. 1CO 9:26 Arai ari aktan jopuiok; nai kin pepei, a kaidin dueta me woki nan wawa; 1CO 9:27 Pwe i kin jok pon war ai, pwen katenedi, pwe i de padaki on akai, ap pein lokidokila. 1CO 10:1 PWE ri ai kan, i men, komail en aja duen jam atail akan, me mi pan palin dapok eu o kotela madau o. 1CO 10:2 Irail karoj ap paptaij on Mojej ni palin dapok o ni madau o, 1CO 10:3 O karoj tunoler jak nenin, 1CO 10:4 O karoj nim jan pil nenin; pwe irail nim jan paip nenin, me kotikot re ’rail, iei paip o Krijtuj. 1CO 10:5 A me toto re ’rail, me Kot jota kak kupuramauki, pwe irail lokidokilar nan jap tan. 1CO 10:6 A mepukat wiauier, pwe kitail de kaalemoni, pwe kitail ender inon ion me jued akan duen irail inon ion. 1CO 10:7 Komail pil ender kati ani mal due irail, duen a intinidier: Aramaj pukat mondi penan nam o nim ap uda madomadon. 1CO 10:8 Kitail pil der wia nenek, duen me akai irail wiadar, ap rianen jilekid mekilar ni ran ta ieu. 1CO 10:9 Kitail pil der kajonejon Krijtuj, duen akai irail kajonejon i, ap mekilar jerpent kai. 1CO 10:10 Komail pil der lipaned, duen akai ir lipanededar, ap kame kilar men kamekam men. 1CO 10:11 Mepukat karoj wiaui on irail men kaalemoni; ap intinidier, pwe men panaui kin kitail, pwe kitail leler imwin kaua. 1CO 10:12 Ari ma amen lamelame, me a kajinenda, en kalaka pein i, pwe a de pupedi. 1CO 10:13 Jota jonejon eu lel on komail, i eta, me aramaj itar on pwe Kot me melel, me jota kin mueid on komail Jonejon eu me komail jota itar on, A ni jonejon a pan kotin kaimwijokela duen me pan kak pa omail 1CO 10:14 Ari kompoke pai kan, komail tane jan kati ani mal! 1CO 10:15 Mepukat i indai on komail, pwe komail me lolekon; a pein komail kajauiada, me i inda. 1CO 10:16 Dal en pai me kit kin kapaiada, kaidin i dal en atail jaupena ren ntan Krijtuj? O prot me kit kin pilitiki pajan, kaidin i atail jaupena en war en Krijtuj? 1CO 10:17 Pwe kitail me toto me lopon ta ieu, o war ta ieu, pwe kitail karoj tunole jan lopon ta ieu. 1CO 10:18 Komail kilan Ijrael pali uduk. Irail me kin kan jan mairon, kaidin irail pil minimini on pei jaraui? 1CO 10:19 A da me i en inda? I en inda me mairon on ani mal meakot? De dikedik en ani mal meakot? 1CO 10:20 A karoj me men liki kan maironki, re kin maironki on tewil akan a kaidin on Kot. A I jota mauki, komail en minimin on tewil akan. 1CO 10:21 Komail jota kak nima jan dal en Kaun o pil jan dal en tewil akan; komail jota kak ian tepel en Kaun o pil tepel en tewil akan. 1CO 10:22 De kitail en palian Kaun o? Kitail me kelail jan i? 1CO 10:23 A muei oner meakaroj, a kaidin karoj me kin kamaula; a muei oner meakaroj, a kaidin karoj me kin kapunla. 1CO 10:24 Jota amen me pan apwali pein a dipijou, a en amen. 1CO 10:25 Karoj me kin netila nan wajan netikila uduk, komail kan, ap der kalelapok duen jon ar, pwe komail der katoutouki injen omail. 1CO 10:26 Pwe japwilim en Kaun jappa o audepa kan. 1CO 10:27 A ma amen, me jopojon pan luke komail, en toun kapara kamadip, o ma komail men ian, ari, karoj me pan nek on komail, komail en kan, ap der kalelapok duen jon a, pwe komail der ka toutouki injen omail. 1CO 10:28 A ma amen pan indan komail: Met kijan mairon en ani mal, komail der kan pweki i, me kajaledar, pwe komail der kawela injen arail. 1CO 10:29 A met i jolar inda duen pein injen om a duen injen en amen. Pwe menda injen en amen pan kajauiada ai jaladokelar? 1CO 10:30 Pwe ma i ian kan ki danke, menda i en kalok jued, pwe i tunole ni ai danke? 1CO 10:31 Ari, ma komail kan de nim de wia meakot, komail en wia meakaroj, pwen wauneki Kot. 1CO 10:32 Komail der kadipikelekel men Juj, de men Krik, de momodijou en Kot, 1CO 10:33 Duen i kin pok on amen amen ni ai wiawia kan karoj, o jo moneki me pein ai, pwen jauaja me toto, pwe irail en dorela. 1CO 11:1 KOMAIL idauen ia do duen I kin idauen Krijtuj. 1CO 11:2 I kin kapinaki komail omail tamataman ia ni meakan karoj, o dadaurata pun kan, duen i kakalikidi on komail er. 1CO 11:3 A i men, komail en ajadar, me Krijtuj tapwin ol akan, a ol me tapwin li, a Kot me tapwin Krijtuj. 1CO 11:4 A ma amen amen ren ol akan wia kapakap de kokop ap lijoropedi, a kin kajuedeki pein mon a. 1CO 11:5 A ma li amen wia kapakap de kokop, ap jota lijoropedi, nan I kin kajuedeki pein mon a, pwe a rajon me pit en mon a jeijei jan. 1CO 11:6 Pwe ma li amen jota lijoropedi, en koteda, a ma a kanamenok li en kotedar o kotokot, i en pwaindi mon a. 1CO 11:7 A ol o ender lijoropedi, pwe i me kajanjal o linan en Kot, a li o me linan en ol o. 1CO 11:8 Pwe ol jo tapi jan li, a li jan ol o. 1CO 11:9 Pwe ol jota wiaui on li, a li wiaui on ol o. 1CO 11:10 I me li o en kida manaman eu pon mon a pweki tounlan kan, 1CO 11:11 Ari jo, li amen jota kak mia ma jota ol; o ol amen jota kak mia, ma jota li, a mepukat ren Kaun o. 1CO 11:12 Pwe duen li o a tapi jan ol, iduen ol o wiaui kida li, a karoj wiauier ren Kot. 1CO 11:13 Komail en pein kajauiada, ma a janjal mau, ma li amen kapakap on Kot, ap jo lijoropedi. 1CO 11:14 De pein komail aja, me kanamenok pan ol, ma a pwili peipei. 1CO 11:15 A linan en li a pwilipeipei, pwe pid en mon a en ko on i, en pwaindi i. 1CO 11:16 A ma amen re omail men akamai, a en aja, me kit jota kin wia due, momodijou en Kot akan pil jo. 1CO 11:17 A ni ai kujonededa me pukat i jota kin kapina omail pokon pena, me jota kin ka maui a kajuedeki komail, 1CO 11:18 Pwe ni omail pokon pena nan momodijou, i ronadar, me komail kin liak toror pajan, o i mur kamelele. 1CO 11:19 Pwe komail en liak toror pajan, pwe me pun kan en janjal kida re omail. 1CO 11:20 Komail lao pokon pena waja kij, kaidin i jak kamadip en Kaun o. 1CO 11:21 Pwe ni kamadip toun kapar kin amatan maj, a amen men manadar, a amen jokolar. 1CO 11:22 Jota im omail, waja en mana o nim? De komail kin mamaleki momodijou en Kot o kanamenok ir ala, me jota ar tunol? Da me i en inda? I en kapin komail? Ni mepukat i jota pan kapina. 1CO 11:23 Pwe i aleer jan ren Kaun o, me i pwiliki on komail er, me Kaun Iejuj pon ota en a panala, a limada prot, 1CO 11:24 Murin a laolaoki, kamauieda, pilitiki pajan, majani: Ale tunole war ai met et, me pilitiki on komail, en wia, pwen katakataman kin ia. 1CO 11:25 A murin jak, a pil kotin limada dal majani: Dal wet iei inau kap, me wiaui kidar nt’ ai. Pan pak en omail nima jan, komail wiaki men kataman kin ia. 1CO 11:26 Pwe pan pak en omail kan prot wet o nima jan dal wet, Komail kajanjaleda en Kaun a matala, lao a kotido. 1CO 11:27 Ari me kan prot wet o nim jan dal en Kaun o ap jo war on iei me dip ion war o ntan Kaun o. 1CO 11:28 Amen amen en kajauiada pein i, ap kan jan prot o nima jan dal o. 1CO 11:29 Pwe me kan o nim jowar, kin kan o nim kadeik on pein i, pwe a jota kajampwaleki war o. 1CO 11:30 Nan i me toto nan pun omail me luetalar o jomaudar, o me toto mairedier. 1CO 11:31 Pwe ma kitail kajauiada pein kitail, kitail jota pan pakadeikada. 1CO 11:32 A ma kitail pan pakadeikada, kitail pan kalokolok ren Kaun o, pwe kitail de ian men liki lokidokila. 1CO 11:33 Ari ri ai ol akan, komail lao pokon pena pwen jak, en papajan pena amen amen. 1CO 11:34 A ma amen men manadar, i en mana maj nan im a; pwe komail de pokon penan kadeik o. A me lua kan i pan kapunala ni ai pwara won. 1CO 12:1 RI ai kan, i jota men, komail en jaja duen pwaij nenin akan. 1CO 12:2 Komail ajaer, me komail tikidar men liki, ap kakalua ren dikedik en ani loten akan, duen komail kakaluaer. 1CO 12:3 I me i men kaaja kin komail, jota amen, me lokaiaki Nen en Kot, kak kariala Iejuj. o jota amen me pan kak inda: Main Iejuj, ma jo ren A Nen jaraui. 1CO 12:4 A pai en mak akan me wuki pajan, a Nen me ta men. 1CO 12:5 A jon en dodok me toto, a kaun me ta men. 1CO 12:6 O akai jon en manaman mia, a Kot me ta men, me kotin wiawia meakaroj ren amen amen. 1CO 12:7 A pwaij en Nen jaraui me pan on amen amen, pwen men kamauiada. 1CO 12:8 Pwe amen ereki majan en erpit ren Nen, a amen majan en kaparok ren Nen ota. 1CO 12:9 O on amen, en pojon, a ren Nen ota, o on amen pai kan, men kakelada me jomau kan, a ren Nen ota. 1CO 12:10 O on amen, en wiada manaman, o on amen, en deideikop, o on amen, en kajaui nen akan, o on amen, en lokaia nil wuki pajan, o on amen, en kawukila nil akan. 1CO 12:11 A mepukat karoj wiawian Nen ota, nene on amen amen duen kupur a. 1CO 12:12 Pwe duen war eu ta ap kokon toto mia, a kokon en war karoj wiala war ta ta ieu, iduen Krijtuj. 1CO 12:13 Pwe Nen ta ieu, me kitail paptaijeki on war ta ieu, ma kitail men Juj de men Krik, ma ladu de me maioda, kitail karoj me paptaijeki Aen ta ieu. 1CO 12:14 Pwe war kaidin kokon ta ieu, pwe kokon toto. 1CO 12:15 A ma pat en na pan inda: Nai kaidin kumut eu, o i me nai jota kijan war; a iaduen, i me a jota pan kak kijan war o? 1CO 12:16 A ma jalon o pan inda: Kaidin nai kijan war o, pwe kaidin por en maj eu nai; a iaduen, i me a jota kijan war o? 1CO 12:17 Ma war pokon por en maj eu, da me pan jalon o? A ma war pokon pan jalon o, da me pan tuma? 1CO 12:18 Ari, Kot me kotin kokon penan war ta ieu kajon akan, duen a kotin kupureda. 1CO 12:19 A ma kokon karoj wiala kokon ta ieu, ia pan war o? 1CO 12:20 Ari, kokon akan me toto, a war o me ta ieu. 1CO 12:21 Por en maj eu jota kak indan kumut: Kaidin meakot re i koe; de pil tapwi jota kak indai on pat en na kan: Kaidin meakot re i koma. 1CO 12:22 Pwe kokon en war kai likamata re me luet, a jo, pwe re me kajampwal. 1CO 12:23 O kokon en war kai, me kitail kin lamelame, me re jota non mau, kitail kin apapwali jan me tei kan, o irail me jota non janjal mau, kitail kin kapwataki. 1CO 12:24 Pwe irail me janjal mau, jota kin mau on en kapwataki. A Kot kotin kapad pena war o kapwataki me luet oko jan me tei kan, 1CO 12:25 Pwe war de japarok pajan, a kokon akan en apapwali pena. 1CO 12:26 O ma kajan ta ieu matakada, kajan karoj ap ian matakada; o ma kajan ta ieu pan kalinanada, kokon karoj pan ian polauleki. 1CO 12:27 A komail war en Krijtuj o kokon akan amen amen duen pwaij a. 1CO 12:28 A iet akan, me Kot kotiki on momodijou: Kaieu wanporon akan, ap jaukop akan, a kajilu jaunpadak kan, ap me wiada manaman akan, ap pai kan men kakelada me jomau kan, ap men jauaja, o jaumaj akan, o jon en lokaia. 1CO 12:29 Iaduen irail karoj me wanporon akan? Karoj me jaukop akan? Karoj me jaunpadak kan? Karoj me men wia manaman akan? 1CO 12:30 Karoj ar pai en mak kan, men kakelada me jomau kan mi ren karoj? Karoj kin lokaia nil pajan? Karoj kin kajiriwuk lokaia? 1CO 12:31 A komail inon ion pai en mak lapalap akan, i ap pan kajale on komail al apot, me mau jan mepukat karoj. 1CO 13:1 MA i aja lokaia en aramaj akan o tounlan kan, ap jota limpok, nan i rajon nil en mata mal de nil en jimpel. 1CO 13:2 O ma i aja deideikop o ereki me rir akan karoj, o tiak kan karoj, o nai dir en pojon, me itar on en kamokid wei nana kan, ap jota limpok nan jota meakot nai. 1CO 13:3 O ma i pan kijakija wei ai dipijou karoj, pwen katunoleki me jamama kan, o ma i kida war ai, pwen karonala, ap jota limpok, nan jota katepa on ia. 1CO 13:4 Limpok kin kanonama o kadek, limpok jota kin peirin limpok jota kin akmomo o jo kejej. 1CO 13:5 A jota kin aklemai, a jota kin roporop on pein i, a jo jerkailon, a jota kin depuk on en amen a jued. 1CO 13:6 A jota kin peren me japun, a a kin perenki me melel. 1CO 13:7 A kin kak pa meakaroj, o kin pojon karoj, a kaporoporeki karoj, o lolin on meakaroj. 1CO 13:8 Limpok jota pan tukedi, a deideikop akan pan tukedi, o lokaia kan pan jola, o lolekon pan kunla. 1CO 13:9 Pwe kitail me er pali ta, o kokop pali ta. 1CO 13:10 A lao kaunjokala, me pali ta pan momela. 1CO 13:11 Ni ai jeri i kin lokaia dueta jeri amen o i lamelame dueta jeri amen, o kajaui dueta jeri amen, a i lao wiala ol amen, i muei jan tau en jeri. 1CO 13:12 Pwe anjau wet kitail kin ireron nan klaj edied eu, a mur a pan janjal mau. Anjau wet i ekij lolekonlar, a mur i pan aja duen a aja ia. 1CO 13:13 Ari jon jilu pukat: Pojon, kaporopor o limpok pan mimieta, a me lapalap re ’rail limpok. 1CO 14:1 KOMAIL anane limpok, pil inon ion pai nenin akan, a iet me kajampwal re ’rail, kokopada! 1CO 14:2 Pwe me kin lokaia kida nil en wai, kaidin aramaj akan, me a kin lokaia on, a on Kot, pwe jota amen kin dedeki; ari jo, ni nen o a kin lokaia kida me rir akan. 1CO 14:3 A me kin kokop, kin padaki on aramaj akan, pwen kamaui, o panau o kamait ir ala. 1CO 14:4 A me lokaiaki nil en wai, kin kamaui pein i, a me kin kokop, kin kamaui momodijou. 1CO 14:5 I men, komail karoj en aja lokaia ki nil toror, a mak eta, komail en kokopada, pwe me kin kokopada, me lapa jan me kin kaparok ki nil toror, ma a jo kak kajiriwukila, pwe momodijou en kamaukila. 1CO 14:6 Ari ri ai kan, ma i pwara won komail, ap lokaia ki nil toror, da katepa on komail, ma I jota kaweweda de kajanjaleda, de kokopada, de padak? 1CO 14:7 Iduen meakan, me kin lokolokaia ap jota memaur, ma men kwai de arp jota pan nor pajan, ij me pan kak dedeki, da me ira kauleki? 1CO 14:8 O ma koronete pan popeuk pin, ij me pan onopadan mauin? 1CO 14:9 A iduen komail, ma komail pan lokaia ki nil toror, ap jota kaweweda, ij me pan dedeki? Pwe omail lokaia pan me mal kot. 1CO 14:10 Jon en lokaia toto nan jappa, a jota eu me jo puloi. 1CO 14:11 A ma i jaja wewe en lokaia eu, i pan rajon men wai men on me kin kaparok, o me kin kaparok, pan rajon men wai men on ia. 1CO 14:12 A pil dueta komail, pwe komail kin anane pai nenin akan, komail ari pil nonki kakairida ni mepukat, pwen kamauie kila momodijou. 1CO 14:13 A ma amen lokaia kida nil en wai, i en kapakap ap pil kajiriwukila. 1CO 14:14 Pwe ma i wia kapakap ki lokaia nil en wai eu, nen i kin kapakap ap jota katepa on amen. 1CO 14:15 Ari, da me i pan wia? I pan kapakap ni nen i ap pil pan kapakap ni ai lamelam; i pan kapina ni nen i ap pil kapina ni ai lamelam. 1CO 14:16 A ma koe pan kapaiada ki nen o, iaduen me jota dedeki pan kak inda amen murin om kapina? Pwe a jaja me koe indinda. 1CO 14:17 Ei me mau melel om kapikapina, a jota kadepa on me teio. 1CO 14:18 I kin danke Kot, pweki i kin lokaiaki nil toror jan komail. 1CO 14:19 Ari jo nan momodijou i men kida lep in lokaia limau, me pwili jan ai lamelam jan lep in lokaia nen ni nil toror, pwen padaki on me tei kan. 1CO 14:20 Ri ai kan, komail der wiala jeri ni omail lamelam, a ni me jued komail en rajon kijin jeri, a ni omail lamelam komail en unjokela. 1CO 14:21 A intinidier nan kapun: Lokaia o kil en aua toror, me I pan lokaiaki on kainok wet, a re pil jota pan duki on ia, me Kaun o kotin majani. 1CO 14:22 Nan i me lokaia toror mia, pwen kileledi kaidin me pojon akan, a me jopojon akan; a deideikop kaidin on me jopojon akan, pwe on me pojon akan. 1CO 14:23 A ma momodijou pan pokon pena waja kij, o ma karoj pan lokaia ni nil toror, a ma akai ian me jota dedeki, de akai me jopojon, irail jota pan inda, me komail iakalar? 1CO 14:24 A ma karoj kin kokop, o amen pan pwarado, me jopojon, o me jota dedeki, karoj pan kajanjale on i dip a, o a pan pakajaui ren karoj. 1CO 14:25 Iduen a me rir akan nan monion i pan janjaleda, o a pan tairokedi ni maj a, kaudoki on Kot, o pan inda, melel Kot kotikot re omail. 1CO 14:26 Ri ai kan, iaduen komail ni omail pokon pena, kaidin amen amen kin kida pjalm eu? A amen kin kawewe, a amen nil toror, a amen kajanjal eu, a amen kin kajiriwukila; a karoj en wiaui, en kamauiada. 1CO 14:27 A ma amen pan wia nil en wai, me ta riamen, de ma me toto, re pan jilimen, a irail pan irok wei a amen en kajirawukila. 1CO 14:28 A ma jota men kajiriwuk mia, i en nenenla nan momodijou; a en kajoi on pein i o Kot. 1CO 14:29 A riamen de jilimen ren jaukop akan pan kak kaparok, a me tei kan en kajauiada. 1CO 14:30 A ma amen, ren me momod waja o, pan diar kajanjal eu, men maj ap pan nenenla. 1CO 14:31 A komail karoj kak kokop, irok weida, pwe karoj en padakki o kamaitala. 1CO 14:32 A nen en jaukop akan kin duki on jaukop akan. 1CO 14:33 Pwe kaidin komoan me pin men Kot, a en popol duen ni momodijou en jaraui akan karoj. 1CO 14:34 Omail li akan en nenenla nan momodijou kan, pwe a jota muei on irail, en kaparok; a irail en papa, duen kapun me pil majani. 1CO 14:35 A ma irail men aja okotme, irail en kalelapok ren arail warok kan ni deu ’rail, pwe me kanamenok, li en kaparok nan momodijou. 1CO 14:36 De majan en Kot tapi jan komail? De a ko won komail eta? 1CO 14:37 A ma amen lamelame, me a jaukop amen, de me a nenin, a en aja wewe en me i intinki won komail, pwe mepukat kujoned en Kaun o. 1CO 14:38 A ma amen lolepon, i en lolepon. 1CO 14:39 Ari ri ai kan en inon ion kokop, o ender kainapwi lokaia nil toror. 1CO 14:40 A meakaroj en wiaui nin tiak mau o pun. 1CO 15:1 RI ai kan i men kataman kin komail ronamau, me i padaki on komail er, me komail pil aleer o pil tinain kidar. 1CO 15:2 O me komail pil dore kila, ma komail pan dadaurata majan o, me i padaki on komail er, ma komail jo pojon mal. 1CO 15:3 Pwe i ujaki on komail er, me i pil aleer duen Krijtuj, me kamata kilar dip atail akan duen kijin likau kan. 1CO 15:4 O me a jaredier o kaiajadar ni kajilu en ran duen kijin likau kan, 1CO 15:5 O me a pwara won Kepaj, ap on irail me ekriamen ko, 1CO 15:6 Ap kotin pwara won jaulan limepuki jama ni anjau takij; kij arail me toto mimieta lei met, a akai mairedier. 1CO 15:7 Murin met a kotin pwara won Iakopuj, ap on wanporon akan karoj. 1CO 15:8 A ikmuri a kotin pwara don ia mon ai ip japal, 1CO 15:9 Pwe pokindidi ren wanporon akan nai, me jota war on kaindinda wanporon amen, pweki ai pei on momodijou en Kot. 1CO 15:10 A mak en Kot, me i wanoron kilar. A kaidin mak mal eu on ia, pwe i dodok laud jan irail karoj, ari kaidik nai, pwe mak en Kot, me mi re i. 1CO 15:11 Ari, ma nai de irail, pwe iduen at padaki wei, o iduen komail pojonlar. 1CO 15:12 A ma i aude pan at padak, me Krijtuj iajadar jan ren me melar akan, a da me akai re omail kin inda, dene me melar akan jolar pan mauredar? 1CO 15:13 A ma me melar akan jota pan maureda, nan Krijtuj pil jota iajadar. 1CO 15:14 O ma Krijtuj jota iajadar, at padak me mal, o omail pojon pil me mal. 1CO 15:15 O kitail pil pan diarokada, me je jaunkadede likam ren Kot, aki at kadededar, me Kot kotin kaiajadar Krijtuj, me a jo kaiajadar, ma me melar akan jota pan kamaureda. 1CO 15:16 Pwe ma me melar akan jota pan kamaureda, nan Krijtuj pil jo kaiajadar. 1CO 15:17 A ma Krijtuj jo kaiajadar, omail pojon me mal, o komail mimieta ni dip omail. 1CO 15:18 Iduen pil irail, me melar ren Krijtuj akan, lokidokila. 1CO 15:19 A ma kitail kaporoporeki Krijtuj nan maur et eta, nan kitail me jued jan aramaj akan karoj. 1CO 15:20 A melel, Krijtuj kaiajadar jan ren me melar akan, ap wiala mejeni nan pun en ir me mamair akan. 1CO 15:21 Pwe mela tapi jan aramaj ta men, iduen maureda jan ren me melar akan tapi jan aramaj ta men. 1CO 15:22 Pwe duen karoj me mela ki Adam, nan iduen karoj pan kamaurela ren Krijtuj, 1CO 15:23 A amen amen ni kakairokdo: Krijtuj maj ap me japwilim en Krijtuj, ni a pan kotin pwarado; 1CO 15:24 A murin mepukat pan imwi, a lao kotiki on Kot o Jam a wei, a lao kaloedier kaun akan karoj, o me poe kan, o manaman akan. 1CO 15:25 Pwe a pan kotin kaunda, lao a imwintiti karoj lodi on pan aluwilu a kan. 1CO 15:26 A ikmurin imwintiti iei mela. 1CO 15:27 Pwe a kotin mueid on meakaroj pan aluwilu a. Ari ni a kotin majanier me karoj lodier a janjaledar, me i jota ian me kotin kaloedi on i meakaroj. 1CO 15:28 A meakaroj lao lodi on i, Na ap pil pan upan i, me kotin kaloedi on i meakaroj, pwe Kot en kotin poedi meakan karujia. 1CO 15:29 A ma me melar akan jolar pan kamaureda, da me irail en wia, me kin paptaijeki on me melar akan? Menda re paptaijeki on irail? 1CO 15:30 O menda kit kin kalokolok anjau karoj? 1CO 15:31 Pwe ran karoj i kin mela, pweki kapin pa i, me i aleer ren Krijtuj Iejui atail Kaun. 1CO 15:32 A ma i pei on man laualo nan Epijuj, duen aramaj akan kin wiada, da kadepa on ia, ma me melar akan jota pan kamaureda? Kitail en mana o nim, pwe lakap kitail pan mela. 1CO 15:33 Der duki on, me kajonejon komail! Kajoi jued kin kawela tiak mau. 1CO 15:34 Komail ari punala, o pirida o der wiada dip! Pwe akai jaja duen Kot. Mepukat i indai on komail, pwen kanamenokki komail. 1CO 15:35 A ele amen pan inda: Iaduen me melar akan ar pan kamaureda? O iaduen war ar, me re pan maur kida? 1CO 15:36 Pweipwei men koe! Pwe me koe kin kamoredi, jota pan maureda, ma a jota pan mela. 1CO 15:37 O me koe kamoredi, kaidin war ota me pan para, pwe wan korn eu ta, ele wan wit de eu wa toror. 1CO 15:38 A Kot pan kotiki on war a, duen a kotin kupura, o eu eu en war akan pan ale udan mom a. 1CO 15:39 Uduk karoj kaidin jon ta ieu, pwe eu jon uduk en aramaj akan, a eu jon uduk en man akan, a eu jon en manpir akan, a eu jon en mam akan. 1CO 15:40 A war lan o war pwel akan mia, a linan en war lan eu jon o linan en war pwel eu jon. 1CO 15:41 A eu jon linan en katipin, o eu linan en maram, o eu linan en uju kan, pwe nan uju kan me wuki pajan ki ar linan eu eu. 1CO 15:42 Nan iduen en me melar akan ar pan maureda. A kin kamoremoredi ap mor pajan, o pan kamaureda jo mor pajan. 1CO 15:43 A kin kamoremoredi ni jo linan, o pan maureda ni linan; a kin kamoremoredi ni luet, o pan maureda ni manaman; 1CO 15:44 A pan kamoremoredi war pwel o pan kamaureda war nenin; pwe ma war pwel mia, nan a pil pan war nenin. 1CO 15:45 Duen a intinidier: Tapin aramaj Adam wiauier, pwen nen maur amen, a Adam tia mur, pwen nen en kamaur. 1CO 15:46 A war nenin kaidin i men maj pwe war pwel, a muri me nenin. 1CO 15:47 Tapin aramaj wiaui kida pwel, a aramaj kariamen kotido jan nanlan. 1CO 15:48 A duen tapin aramaj wiauiki pwel, iduen karoj me wiauiki pwel o duen men nanlan o, iduen men nanlan kan. 1CO 15:49 O duen kitail wa mom en pwel, iduen kitail pil pan wa mom en lan. 1CO 15:50 Ri ai kan, iet me i men inda: Uduk o nta jota kak jojoki wein Kot; o me mor pajan kan jota pan jojoki me jo mor pajan. 1CO 15:51 Kilan, nai me kadiarok on komail kaponepon eu: Kaidin kitail karoj pan mela, a kitail karoj pan nitwilida. 1CO 15:52 Madan ni marep ta ieu, koronete en muri lao popeuk. Pwe koronete pan popeuk, a me melar akan ap pan kamauredan jomor pajan a kitail pan kawilikapada. 1CO 15:53 Pwe mor pajan wet pan kiawikilan jo mor pajan; o mela wet kiawikilan jomela. 1CO 15:54 A mor pajan wet lao kia wikilan jo mor pajan o mela wet kiawikilan jomela, majan o ap pan pwaida, me intinidier: Maur kadalala mela. 1CO 15:55 Mela koe, ia om tata? Mela ia om poedi? 1CO 15:56 Mana en mela dip, a manaman en dip kapun. 1CO 15:57 Danke on Kot, pwe a kotiki on kitail, en poediki atail Kaun Iejuj Krijtuj. 1CO 15:58 Ari ri ai kompok kan, komail kelail kaukaule o der wukiwuk jili, a kakairida ni omail wiawia en Kaun o, pwe komail aja, me omail dodok on Kaun o kaidin dodok mal. 1CO 16:1 A DUEN kijakij on jaraui kan, me komail pan ki pena, i men, komail en wiada, duen i kakaliki on momodijou en Kalejia kan. 1CO 16:2 Ni at en ran en wik kan amen amen re omail en nikidala ekij, o ki pena duen wan a kak on pwe onop de wiaui, i lao pwara won. 1CO 16:3 I lao pwara weilar, meakai, me komail pan kileledi, irail me i pan ilakewei, en walan Ierujalem omail kijakij ianiaki kijin likau. 1CO 16:4 O ma a kon on, i en pil jailok wei; irail ap pan ian ia jailokala. 1CO 16:5 A i pan pwara won komail ni ai dauli Majetonien, pwe i pan weid nan Majetonien. 1CO 16:6 Ele i pan mimieta re omail, anjaun kapau lao nikier, pwe komail en kalua ia la waja, me i pan jailokala ia. 1CO 16:7 Pwe anjau wet i jota pan jup re omail, pwe i kaporoporeki, me I pan mimieta re omail anjau kij, ma Kaun pan kotin mueid on ia. 1CO 16:8 A i pan mimieta Epijuj lao pentikoj. 1CO 16:9 Pwe wanim talap ritida mo i, me kareda wa toto; a imwintiti me toto. 1CO 16:10 A Timoteuj lao pwara won komail, apwali i, pwen jondi mau re omail, pwe a kin ian ia wiawia dodok en Kaun o. 1CO 16:11 Jota amen en mamaleki i, a kalua i don ia popol, pwe nai o ri atail akan kin auiaui i. 1CO 16:12 A duen ri atail Apoloj, nai me poeki re a pan pak toto, en ian ri atail akan pwara won komail, a a kan pwara wei anjau wet; a a pan pwara wei lao anjau mau. 1CO 16:13 Komail majamajan o dadaurata ni pojon, komail wia duen ol melel, o komail en kelail. 1CO 16:14 Meakaroj en wiaui ni limpok 1CO 16:15 I ari panaui komail, ri ai kan, pwe komail aja penainai en Jtepanaj, me ir tapida jaulan en Akaia, o me pein irail inon ion dodok on jaraui kan, 1CO 16:16 Pwe komail en peiki on irail, o on irail karoj me ian ni ar wiawia o dodok. 1CO 16:17 I peren kida en Jtepanaj, o Portunatuj, o Akaiuj ar pwarador, pwe mekij, me komail jo ki on ia mepukat ki don ia. 1CO 16:18 Irail kaperenda nen i o pil nen omail; komail ari wauneki me due met. 1CO 16:19 En momotijou en Ajien akan ar ranamau won komail. A Akwila o Prijila kin ranamau won komail pan Kaun o momodijou nan im ara. 1CO 16:20 Ri atail ol akan karoj kin ranamau won komail. Komail ranamauki pena metik jaraui. 1CO 16:21 Nai Pauluj me intin kilan komail ai ranamau ki pein pa i. 1CO 16:22 Ma amen jota kin pok on Kaun Iejuj Krijtuj, a pan anatema! Maranata! let wewe; A pan riala! Atail Kaun kotido. 1CO 16:23 Mak en Kaun Iejuj Krijtuj en mimieta re omail! 1CO 16:24 Ai limpok on komail pan Krijtuj Iejuj pan mimieta re omail! Amen. 2CO 1:1 PAULUJ wanporon en Iejuj Krijtuj amen pan kupur en Kot o ri atail Timoteuj on momodijou en Kot, me mi Korint o jaraui kan karoj, me mi Akaia. 2CO 1:2 Mak o popol jan ren Kot Jam atail o atail Kaun Iejuj Krijtuj en mi re omail. 2CO 1:3 Meid iajanai Kot o Jam en atail Kaun Iejuj Krijtuj, o Jam en kalanan, o Kot en kamait pokon, 2CO 1:4 Me kin kamakamait kit ni at kamekam kan karoj, pwe kit en pil kak kamait ir ala, me mi nan jon en kamekam akan karoj, ki kamait, me kit kamait kila ren Kot. 2CO 1:5 Pwe duen Krijtuj a kamekam me muladok on kit, iduen kamait ren Krijtuj pil itar penan kit. 2CO 1:6 A ma kit pai olar, nan a kin wiaui, pwen kamait o kamaur komail la, mepukat kin wiaui ni omail kanonama ni kalokolok ota, me kit kin kalokolokki. 2CO 1:7 O at kaporopor kin komail me teneten, pwe je aja, ma komail ian kamekam, komail pil pan ian kamaitala. 2CO 1:8 Ri ai ol akan, je jota men, komail en jaja duen at kamekam nan Ajien o at patau kaualap, lao jolar kaporopor en maur at. 2CO 1:9 Ari, kit lamedar, me je pan mela. A mepukat wiauier, pwe jen der keleki pein kit, pwe Kot eta, me kin kaiajada me melar akan. 2CO 1:10 Me kotin dore kit ala jan mela wet, o a pil pan dore kit ala; o je kaporoporeki, me a pil pan kotin dore kit ala kokolata. 2CO 1:11 Komail pil jauaja kit ni omail nidinid, pwe me toto en danke pweki at pai me je aleer. 2CO 1:12 Pwe iet kapin pat: Injen at kin kadede on kit, me je weweideki karakarak o melel en Kot nin jappa o nan pun omail, kaidin ni lolekon en pali uduk, a ki mak en Kot. 2CO 1:13 At intin won komail kaidin toror jan me komail kin wadok o kamelele. A i kaporoporeki me komail pan kamelele kit kokolata duen akai komail kamelele kit er. 2CO 1:14 Pwe kit me kapin pa omail, dueta komail me kapin pat ni ran en Kaun Iejuj. 2CO 1:15 A ni kaporopor wet, me i men pwar kilan komail maj o, pwe komail en pur on pereperen. 2CO 1:16 I ap pan daulul lan komail ni ai pan kolan Majetonien, ap pil puredo re omail jan Majetonien, a komail pan kalua ia lan Iudiia. 2CO 1:17 A iaduen, nai me japun ni ai kileledier mepukat? De i kin kileledi mepukat ni tiak en pali uduk, pwen ei ei o jo jo tapi jan pein nai? 2CO 1:18 A Kot me melel, pwe me je indan komail me jota ei o jo. 2CO 1:19 Pwe japwilim en Kot Iejuj Krijtuj, me kit padaki on komail er, nai, o Jilwanuj, o Timoteuj, I kaidin ei o jo, a ei eta re a, 2CO 1:20 Pwe inau en Kot akan karoj me ei eta re a o me amen re a, pwe kit en kaliwanada Kot. 2CO 1:21 A me kin katinai kit o komail pan Krijtuj o keie kitail er, iei Kot, 2CO 1:22 Me pil kotin kileledier kitail o kotiki on kitail er komoan Nen nan monion atail. 2CO 1:23 A i kin likwir on Kot me jaunkadede en nen i, me i jaikenta pwara wow komail nan Korint, pwe i de katoutoui komail. 2CO 1:24 Kit jota men poedi omail pojon, a kit men jauaja ta omail peren, pwe komail keleki pojon. 2CO 2:1 IET me pein wai kileledier, i jolar men pwar won komail ni ai injenjued. 2CO 2:2 Pwe ma i kainjenjuedi komail, ij me pan kak kainjenemau ia la? Ma kaidin i eta, me kainjenjuedelar re i. 2CO 2:3 Mepukat i intin won komail er, pwe i ender injenjuede kin irail, me i en peren kida, ni ai pan pwara won komail. A i kamelele komail karoj, me ai peren pil pan omail karoj. 2CO 2:4 Pwe ni lokolok o majak en nan monion i me lapalap, me i intin kilan janejan, kaidin pwen kamauki komail, a pwe komail en ajada, duen ai limpok on komail kaualapia. 2CO 2:5 A ma meamen wiada kainjenjued eu, kaidin nai eta, me a kainjenjuedi, pwe i ender non kapun on, a ele komail karoj. 2CO 2:6 A kalokolok jan ren me toto itar on i. 2CO 2:7 Mak eta komail en maki on I o kamaitala, pwe a de lodi on injenjued laud. 2CO 2:8 I ari panaui komail, komail en kajale on i omail limpok. 2CO 2:9 I karepen ai intin won komail, pwe i en aja, ma komail me pun o peiki on ni meakaroj. 2CO 2:10 A ma komail pan makeki ow meamen meakot, nai pil pan maki on i. A ma i makeki on amen meakot, i makekier pweki komail wilianti Krijtuj. 2CO 2:11 Pwe Jatan ender kotaue kitail, pwe kitail ajaer duen a lamelam. 2CO 2:12 A ni ai pwaralawer Troaj, pwen padaki ronamau en Krijtuj, o wanim eu me ritida mo i on Kaun O, 2CO 2:13 I jota injenemaula, ni nen i, pweki ai jota diar ri ai Tituj. I ap kamurimur on irail daulul won Majetonien. 2CO 2:14 A danke on Kot, me kotin kaloe kitail di pan Krijtuj, ap kajanjaleki kitail pomau en a erpit waja karoj. 2CO 2:15 Pwe kit me pomau en Krijtuj on Kot ren me pan dorela o ren me pan lokidokila kan. 2CO 2:16 On iet akan po en mela on kamela, a on me tei kan po en maur on kamaurela. A ij me kon on mepukat? 2CO 2:17 Pwe kit jo dueta me toto, me kin liliajojaki majan en Kot; a at padak me melel, o a pwili jan Kot, o kin wiaui mon Kot pan Krijtuj. 2CO 3:1 A IADUEN kit pil kaindan deki pein kit? De nai me mau on kijin likau en kapin on komail de jan komail? 2CO 3:2 At kijin likau komail, me intinidi on nan monion it, me aramaj akan karoj kin aja o wadok. 2CO 3:3 Pwe komail janjaleda, me komail kijin likau en Krijtuj, me wiauier re at ni at papa, me kaidin intinidier ki ink, a Nen en Kot ieiaj; pil kaidin pon jlet takai, pwe jlet uduken en monion akan. 2CO 3:4 lel atail kaporoporeki Krijtuj mon Kot. 2CO 3:5 Pwe kaidin udan at koiok, me je kak lamelameki meakot, me tapi jan pein kit, pwe at koiok tapi jan ren Kot, 2CO 3:6 Me pil kotin kaiane kin kit, en papa en inau kap kaidin inau, me intinidier, a inau en nen. Pwe intin kin kamela, a nen kin kotin kamaureda. 2CO 3:7 A ma dodok en mela, me intinidier nan pali en takai, me linan, pwe jeri en Ijrael akan jota kak kilan jilan en Mojej, pweki linan en jilan i, a linan wet eu, me pan joredi, 2CO 3:8 Daduen, dodok en nen a jota pan linan jikida jan? 2CO 3:9 Ari, ma dodok en kadeik o me linan, nan melel kaualap, dodok en pun me lman melel. 2CO 3:10 Pwe men moa me kalinanadar jota kak paroki on linan wet. 2CO 3:11 A ma linan mia ren me pan jorela, iaduen wan linan en me pan mimieta! 2CO 3:12 Ni at kaporoporeki mepukat, kit kin aima melel. 2CO 3:13 O kaidin dueta Mojej, me pera kila likau eu jilan i, pwe jeri en Ijrael akan ender kilan imwi en me pan nikila. 2CO 3:14 A monion arail me kapitakailar. Pwe lao lel ran wet pera o mimieta anjaun ar wadawadok inau marin; ari, pera o me jaroka janer ren Krijtuj. 2CO 3:15 A lao lel ran wet ni arail wadawadok Mojej, pera mimieta mon monion arail. 2CO 3:16 A ma re pan wuki on Kaun o, pera o pan jaroka jan. 2CO 3:17 Kaun o iei Nen, a waja me Nen en Kaun kotikot ia, nan i wajan maio. 2CO 3:18 A kitail karoj, me maj atail jo perapa, kin ududial linan en Kaun o, ap wuki on ni mom ota o kakairida ni linan pweki Kaun iei Nen. 2CO 4:1 KIT jota kin panada, pweki at koa dodok me je aleer ki mak o. 2CO 4:2 Pwe kit muei janer jued okiok kan o je jota weweideki widin o jota liajoja ki majan en Kot; pwe ni at kapwareda melel kit kin kamaui pein kit on injen en aramaj karoj mon Kot. 2CO 4:3 A ma at ronamau me malar, nan a malan men lokidokila kan. 2CO 4:4 Me kot en jappa wet karotonal a nan monion en me jopojon akan, pwe ren der kilan marain en ronamau duen linan en Krijtuj me mom en Kot. 2CO 4:5 Pwe kit jota kin padaki duen pein kit, a duen Krijtuj Iejuj, me i Kaun, a kit ladu ’mail pweki Iejuj. 2CO 4:6 Pwe Kot me majanier, marain en pwarada jan ni rotorot, me kotin kamarainiedar nan monion it, pwe jen maraineki o dedeki linan en Kot ni jilan en Iejuj Krijtuj. 2CO 4:7 A kit kin kolekol pai wet ni dal pwel, pwe manaman en kaindinda Kot a jo kit. 2CO 4:8 At apwal akan me andere kit pena, a je jota kin majak; jota waja, me je pan kak pitila ia ap jota lodi. 2CO 4:9 Pan kamekam, ap jota kamela; pan kalokolok, ap jota mela; 2CO 4:10 O kit kin wewa jili ni war at en Iejuj a matala, pwe maur en Iejuj en pil janjal ni war at. 2CO 4:11 Pwe kit, me memaur, kin kilele on mela anjau karoj pweki Iejuj, pwe maur en Iejuj en pil janjaleda ni uduk atail. 2CO 4:12 Nan i mela kin kelail on kit, a maur on komail, 2CO 4:13 A kit aleer nen en pojon ota, duen a intinidier: Nai me pojon, I me i padaki wei. Kit me pil pojonlar ap padapadaki. 2CO 4:14 Je ajaer, me i, me kotin kaiajadar Kaun Iejuj, pan pil kotin kaiajada kitail ian Iejuj, o pan kotin kajanjaleda kitail o komail mo a. 2CO 4:15 Meakaroj wiauier pweki komail, pwe mak o ni a laude kilar me toto, en kalaudela melel danke, pwen kaliwanada Kot. 2CO 4:16 I me je jota kin panada, a ma at pali liki en aramaj pan joredi, pali lol it kin kokoda ni ran karoj. 2CO 4:17 Pwe atail anjau apwal me motomot o tikitik; ap kare on kitail linan joutuk eu me lapalap melel, 2CO 4:18 Pwe kitail jota kin kilekilan meakan me janjal, a meakan me jo janjal. Pwe me janjal me katuk, a me jo janjal me joutuk. 2CO 5:1 PWE kitail ajaer, impwal atail jappa a lao ola, kitail pan id imaneki im eu jan ren Kot, im eu me kaidin wiaui kida pa, pwe a me joutuk nanlan. 2CO 5:2 I me kitail kin janejan o inon ion im jan nanlan en kalikau kitail da. 2CO 5:3 Pwe ma kitail likaudar, kitail jolar pan kilijo. 2CO 5:4 Pwe ni atail deula impwal wet kitail kin janejan o patau, pwe kitail jota men pure jan atail likau, a je men kadupaledi, pwe maur en katalala mela. 2CO 5:5 A me wia kin kitail on mepukat, i Kot me pil kotiki on kitail er komoan Nen. 2CO 5:6 Kitail ari injenemau anjau karoj o ajaer, ni atail kaujon ki war, kitail kin doo wei jan Kaun. 2CO 5:7 Pwe kitail kin weweid ni pojon a kaidin ni kilan. 2CO 5:8 Ari jo, kitail kin injenemau o inon ion muei jan war atail, ap mimi nan deu atail ren Kaun o. 2CO 5:9 Nan i me kitail kin nantion kaperen i, ma ni deu ’tail de ni at doo wei jan. 2CO 5:10 Pwe kitail karoj pan janjal mon mol en kadeik en Krijtuj, pwe amen amen en ale pwain en a wiawia arain a maur ni pali war, ma me mau de me jued. 2CO 5:11 Kit ajaer, me jen majak Kaun o, i me je kin kanekanai on at dodok on aramaj akan, ap kin janjal on Kot. A i pil kaporoporeki me je pil janjal on nan injen omail. 2CO 5:12 Pwe kit jota japal juaiki pein kit on komail, a je pan on komail, en kapin pat, pwe peikite pamail en mia on irail, me kin juaiki maj arail, a jo monion arail. 2CO 5:13 Pwe ni at mi likin war at. a kin wiaui on Kot a ma jo, je kin dodok on komail. 2CO 5:14 Pwe iduen limpok on Krijtuj kanon kin kit, pwe je kaiauiadar me amen mata kila karoi i me irail karoi mekilar. 2CO 5:15 A i mata kilan karoj, pwe irail me memaur, der memaur on pein irail, a on i, me mata kin irail lar o me kaiajadar. 2CO 5:16 I me je jolar aja amen ni pali uduk. Ei, maj o je ajaer Krijtuj ni pali uduk eta, a met je jolar aja i due. 2CO 5:17 Ari ma amen mi ren Krijtuj, nan a wilikapadar; men maj momelar, kilan, karoj wilikapada. 2CO 5:18 A meakan karoj jan ren Kot, me kotin kalolamaui on pein i kitail ki lejuj Krijtuj, me kotiki on kit at koa dodok, duen padak en kalolmau. 2CO 5:19 Pwe Kot kotikot ren Krijtuj o kotin kalokalolamau on pein i jappa, o jolar kapokon on irail dip arail akan, o kotiki on kitail maj an en kalolamau. 2CO 5:20 Ari, kit men en kadar en Krijtuj, pwe Kot kin panaui ki kit. Kit wiliandi Krijtuj ap poekipoeki kin komail: Komail kalolamau pein komail on Kot! 2CO 5:21 Pwe Kot kotin kapokonki on, me jo dip a, dip atail, pwe kitail en pun kila pa ren Kot. 2CO 6:1 KIT men jauaja kai, men panaui komail, pwe komail de ale mal mak en Kot. 2CO 6:2 Pwe a kotin majani: I ron uk er ni anjau mau, o ni ran en kamaur I katoi uk adar. Kilan anjau wet anjau mau; anjau wet ran en kamaur. 2CO 6:3 Kit jota kadipikelekel on meakot, pwe at koa dodok ede kalok jued. 2CO 6:4 A ni meakaroj kit kin wia janjal en papa en Kot akai: Ni kanonama melel, ni kamekam, ni paiio kan, ni kamajak kan, 2CO 6:5 Ni wokwok, nan imaten, n i moromoron, ni dodok, ni majamajan, ni ijejol. 2CO 6:6 Ni makelekel, ni lolekon, ni lolin, ni kadek, ni Nen jaraui, ni limpok melel, 2CO 6:7 Ni majan melel, ni manaman en Koht, ki tatan mauin en pun pali maun o pali main 2CO 6:8 Ni kaka, o jokaka, nikalok jued, o kalok mau, dene kaweid japun, ari jo, me melel, 2CO 6:9 Dene pajaje, ari jo, kit me indand; koren ion mela, a kilan kit memaureta; me kin kamekam, ap jota kamela, 2CO 6:10 Ni injenjued, ap pereperen anjau karoj, me jamama, ap kakepwapwala me toto, jota at meakot, ap aneki meakaroj. 2CO 6:11 Men Korint, au at ritidan komail, o nan monion it me laudi on komail. 2CO 6:12 Kaidin me tikitik deu ’mail nan monion it, a monion omail me tikitik. 2CO 6:13 I kin padaki on komail dueta on jeri kan, pwe komail en pil wiai on ia dueta, o kalaudela nan monion omail. 2CO 6:14 Komail ender paroki on me jo pojon akan, pwe iaduen, pun kak minimin on japun? De marain pan kak waroki on rotorot? 2CO 6:15 De iaduen Krijtuj o Pelial ara kak parok pena? De da pwaij en me pojon ren me jopojon? 2CO 6:16 De tanpaj en Kot pan kak pat on ani mal akan? Pwe tanpaj en Kot ieiaj iei komail, duen Kot kotin majanier: I pan kaujon re ’rail o daudaulole irail, o Nai pan arail Kot, a irail pan nai aramaj akan. 2CO 6:17 Komail ari muei jan. irail o katoror jan pein komail, me Kaun o kotin majani, o ender doke me kajaut kot, Nai ap pan apwali komail, 2CO 6:18 Ol pan Jam omail, o komail pan nai ol o li akan, me Kaun lapalap kotin majani. 2CO 7:1 KOMPOKE pai kan, pweki inau pukat kitail en muei jan kajaut en uduk o nen atail karoj, o kitail en dadaurata atail kajarauila ni wauneki Kot. 2CO 7:2 Komail apwali kit, jota amen me je wia japun on, jota amen me kit kawelar, jota amen me kit kulia jan okotme. 2CO 7:3 Mepukat i inda kaidin pwen kadeikada, pwe i apton indada, me deu omail nan monion it, pwen ian mela o ian memaur. 2CO 7:4 Nai ari aima on komail, o ai kapina komail me lapalap, o I direki kamait; nai me peren kida melel ni at kalokolok karoj. 2CO 7:5 Pwe ni at leler Majetonien, uduk at jota diar kamol, pwe je kalokolok waja karoj: Pali liki pepei o pali lole majak. 2CO 7:6 A Kot me kin kamaitala me karakarak kan, a kotin kamait kit ala ki en Tituj a pwarador. 2CO 7:7 A kaidin a pwarador eta, pwe pil kamait o, me pein a kamait kila komail, ni a kajanjaledan kit omail anane, o omail janejan o omail lolete kin ia; i me kalaudela ai peren. 2CO 7:8 Pwe ma i kainjenjuedi kin komail er kijin likau o, i jota kalula, a ma i kalular maj o, pwe i diaradar me kijin likau kainjen juede kidar komail anjau kij, 2CO 7:9 A met i peren kidar, kaidin pweki omail injenjued, a pweki omail injenjued on kalula, pwe omail injenjued duen kupur en Kot, pwe komail ender ale me jued kot re at. 2CO 7:10 Pwe injenjued duen kupur en Kot kareda kalula on maur, me aramaj jota pan kalu kila, a inienjued en jappa kareda mela. 2CO 7:11 Pwe kilan, omail injenjued duen kupur en Kot, kare on komail jon toto: Porijok, o pukoki, o makar, o majak, o anane, o inon ion, o depuk! A komail kajanjaledar ni jon karoj, me komail makelekel ni mepukat. 2CO 7:12 I intin won komail er, kaidin pweki i, me kainjenjued, pil kaidin pweki i, me a kainjenjued on, a pweki at apapwali komail en janjal re omail mon Kot. 2CO 7:13 Kit ari kamaitalar; kit peren kida kaualap en Tituj a peren, pwe nen e dapwenda komail. 2CO 7:14 Pwe ni ai kapinaki komail re a, i jota namenokki, pwe duen ai lokaia karoj on komail me melel, iduen at juaiki mon Tituj pwaidar melel. 2CO 7:15 O a kin pok on komail melel ni a tamatamanda omail oke, duen omail kajamo i ni majak o rerer. 2CO 7:16 I peren kida, me i kak kamelele komail ni jon karoj. 2CO 8:1 RI ai kan, je men padaki on komail duen mak en Kot en momodijou en Majetonien akan, duen ar kikiwei; 2CO 8:2 Pwe ar kalokolok meid laud, o irail pil meid jamama, ari jo, mepukat imwilan peren o mairon laud, 2CO 8:3 Pwe ai kadede irail, me re kida duen me re kak on o laude juri. 2CO 8:4 Pein irail inon ion ap nidenideki on kit, en ale ar kijakij, o ar ian jauaja kijakij wet on jaraui kan. 2CO 8:5 O re wiadar mepukat, kaidin duen at kaporoporeki, a re ki on Kaun o pein irail maj, ap pil on kit pan kupur en Kot. 2CO 8:6 Kit ari panaui Tituj en kanikiela mak wet re omail duen a tapiadar maj o. 2CO 8:7 A duen omail kapwapwaki jon karoj: Ni pojon o majan, o lolekon, o porijok, o omail limpok on kit, iduen komail pil inon ion, en kapwapwa ni mak wet. 2CO 8:8 I indai on komail met, kaidin kujoned eu, a pweki porijok en me tei kan, o i kin kajonejon omail limpok, ma a pun de jo. 2CO 8:9 Pwe komail ajaer mak en atail Kaun Iejuj Krijtuj, duen a kapwapwa, ap jamamalar pweki komail, pwe komail en kapwapwa kila i. 2CO 8:10 A iet ai lamelam me i men kajaleda, a meid katepa on komail, pwe komail tapiadar inon ion ap pil kapwaiada dodok mau wet ni par jamalar. 2CO 8:11 Komail ari kanikiela dodok wet, pwe duen omail men ian onop, iduen komail en wiada jan ni omail kapwapwa. 2CO 8:12 A ma amen inon ion, ian dodok wet, a pan konekonela duen me a pan kak on, kaidin duen me a jota kak on. 2CO 8:13 Pwe irail ender mararaki, a komail id toutouki; a karoj en parok pena. 2CO 8:14 Pwe anjau wet omail kapwapwa en kaitar arail jamama, a arail kapwapwa en kaitar omail jamama, pwe karoj en parok pena. 2CO 8:15 Duen a intintidier: Me rik penaer mo toto, a jota men nak, o me rik penaer me malaulau, a jota kin dupok. 2CO 8:16 Danke on Kot, me kotin kainon ion monion en Tituj; 2CO 8:17 Pwe a duki on at poeki, a pil pein i inon ion madan pwar won komail. 2CO 8:18 A kit pil kadar wei ri atail ol ian i, me indandeki a padaki wei ronamau ni momodijou kan karoj. 2CO 8:19 A kaidin i eta, pwe momodijou kan pil piladar i, en ian kit papaki mak wet, me kit kin apapwali on kalinanada Kaun o kapina omail inon ion mau. 2CO 8:20 Kanakanai on, pwe amen de kajapune kin kit at paki kijakij laud wet, 2CO 8:21 Kit pil kin majamajan, pwe karoj en inen, kaidin mon Kaun eta, pwe pil mon aramaj akan. 2CO 8:22 A kit kadar ir wei ianaki ri atail o, me diarokadar ni jon toto, me a porijok, a anjau wet a porijok jan maj ni a liki komail. 2CO 8:23 Ari, ma amen pan idok duen Tituj, i ai warok o jauaja pai re omail; a duen ri atail akan, irail me men en kadar en momodijou kan o linan en Krijtuj. 2CO 8:24 Komail ari kajanjale on irail mon momodijou kan omail limpok ni omail apapwali irail duen i kapina kin komail. 2CO 9:1 A DUEN dodok on me jaraui kan, i jolar pan intin won komail. 2CO 9:2 Pwe i aja, me omail inon ion me mau, me i kin juaiki on men Majetonien, me men Akaia inon ion mepukat jan ni par jamalar, a komail kainon ion me toto. 2CO 9:3 I ap ilakiawei ri atail akan, pwe at kapin pa omail ender mal la ni mepukat, pwe komail en onop duen me i inda. 2CO 9:4 Pwe ma men Majetonien kai pan ian ia, ap konodi komail ni omail jo onop, kit, je jota men inda komail, ap pan natnenok kila ni at liki wet. 2CO 9:5 Ari, i ap lamedar, en poeki ren ri atail akan, ren tion mo at kolan komail, pwen kaonopada pai wet, me komail inaukidar maj o, pwen pai melel eu, a iermen norok jued. 2CO 9:6 A iet me i inda: Me kin kamorok tikitik, pan dolun tikitik, a me kin kamorok toto, pan dolun me toto. 2CO 9:7 Amen amen duen a kileledier nan monion i; der kija kol, de akpatik, pwe Kot kotin pok on me kin pein perenki kijakij. 2CO 9:8 A Kot me kotin manaman on en kalaudelan komail jon en mak kan karoj, pwe komail en kapwapwa ni jon karoj o anjau karoj, ap kak on jon en wiawia mau karoj, 2CO 9:9 Duen a intinidier: A kamoredier, a kijakij a wei on me jamamakan; a pun pan mimieta kokolata. 2CO 9:10 A me kin kotiki on jaumat kijin war akan, o prot men mana, a pan katotoela omail war akan, o a pan kotin kawojada omail wan pun kan, 2CO 9:11 Pwe komail en kapwapwala ni jon karoj, pwen wiawia mau karoj, me kin karedan kit, en danke Kot. 2CO 9:12 Pwe wiawia pan dodok wet kaidin jauaj pan jaraui kan ta, pwe me toto kin danke Kot. 2CO 9:13 Arail kapwaiada dodok wet kin kalinanada Kot pweki omail upai on kadede en ronamau en Krijtuj, o omail japan kijakij on irail o on karoj, 2CO 9:14 O ni arail nidinide kin komail, re kin anane komail pweki mak lapalap en Kot on komail. 2CO 9:15 Daken on Kot pweki a pai lapalap! 2CO 10:1 ARI pein nai Pauluj men panaui komail nin tiak en opampap o limpok en Krijtuj; pwe ni ai mi nan pun omail, i kin aktikitik, a ni ai doo wei ian komail, i kin kelail on komail 2CO 10:2 A i kin kapakapeki, pwe i ender kelail ni ai pan korendo; pwe i kileledier o lamelame, me I pan kelail on akai, me kin wia kin kit men kekeideki tiak en pali uduk. 2CO 10:3 Pwe melel, je kin mimita nan uduk, ap jota pepei ni tiak en uduk. 2CO 10:4 Pwe kapwa en at pei kaidin men ni pali uduk, pwe me manaman mon Kot, me mau on kawela waja teneten kan. 2CO 10:5 Ni at kin kawela me akapun o me aklapalap, me kin palian erpit en Kot; o kit kin jaliedi jon en lamelam karoj, pwen oke Krijtuj. 2CO 10:6 O audaude on kaloedi me katiwo karoj, omail peik lao pwanokadar. 2CO 10:7 Komail kin kilekilan meakan me janjal? Ma amen lamelame, me pein i japwilim en Krijtuj, I en pein lameda, me kit pil japwilim en Krijtuj dueta i. 2CO 10:8 Pwe ma i pan juaiki laude jan at manaman, me Kaun o kotiki on kit, pwen kamaui a kaidin kawe komail la, i jota pan namenokki. 2CO 10:9 Pwe ender janjal duen amen me men kamajak kin komail nai kijin likau kan, 2CO 10:10 Pwe irail me inda: Kijin likau kan me kajampwal o manaman, a janjal en pali war a me luet, o a padak me mal kot. 2CO 10:11 A me duen met a en aja duen at kin inda nan kijin likau kan ni at doo wei jan komail, iduen pein kit ni at wiawia kan nan pun omail. 2CO 10:12 Pwe kit jota man mauki waroki on me kin juaiki pein irail; a irail me jololekon, pweki ar jojon pein irail nan pun arail. 2CO 10:13 A kit jota men juaiki me laud jan me kon on, a duen men jon eu, me Kot kotin ’pan on kit, jon eu, me itar lel on komail. 2CO 10:14 Pwe kit jota inon ion, me jota kon on, dene je jota pwar won komail er, a je pil walan komail ronamau en Krijtuj. 2CO 10:15 Kit jota kin juaiki me laud jan me kon on, dene je juaiki en amen a dodok. A je kaporoporeki omail pojon lao kakairida, at dodok pil pan laud jan re omail, 2CO 10:16 Pwen pil padaki ronamau nin jap akan palila jan komail, a kaidin wajan dodok on amen o jota juaiki me wiauier. 2CO 10:17 A ma amen men juaiki, I en juaiki Kaun o. 2CO 10:18 Pwe kaidin i meakot, me kin kapina pein i, pwe i eta, me Kaun o kin kapina. 2CO 11:1 I mauki, komail en mueid on ia kijin pweipwei, iei ta komail pan mueid on ia. 2CO 11:2 Pwe nai me per kin komail dueta Kot, pwe nai me kileledier komail on ol amen, pwe i en kajale komail on Krijtuj duen jeripein makelekel amen. 2CO 11:3 A i majak jerpent widinok, me kotaue Ewa, ma a jota pan pil kawela omail lamelam jan ni opampap en Krijtuj. 2CO 11:4 Pwe ma amen pan pwarado, me kin padaki duen amen Iejuj, me je jota padaki, de ma komail pan ale eu nen, me komail jota aleer, de eu ronamau, me komail jota wuki on, kaidin komail pan peren kida? 2CO 11:5 Pwe i lamelame, me nai kaidin tikitik jan wanporon lapalap akan. 2CO 11:6 A ma i jota koiok on lokaia a kaidin ni ai dedeki, pwe kit janjal on komail ni jon o waja karoj. 2CO 11:7 De nai me wiadar dip eu ni ai akmalkila pein nai? Pwe komail en indandala ki ai padaki on komail ronamau en Kot jo pwaipwai. 2CO 11:8 I atia jan momotijou tei kan ni ai aleer pwain en dodok, pwe I en kak dodok on komail. 2CO 11:9 O ni ai mimi re omail o lao jamamala, kaidin amen, me i uki pa meakot, pwe ni ai jolar ai meakot, ri atail akan me kodo jan Majetonien me kija don ia; nai ari jota katoutoui komail ni meakot, o i pil pan due! 2CO 11:10 A duen melel en Krijtuj mimi lol i, iduen i jota pan mueid on amen, en kawela kapin wet nan jap en Akaia kan. 2CO 11:11 Pwekida? Pweki ai jo pok on komail? Kot me kotin manier. 2CO 11:12 A me i kin wia, i me i pan wiada, pwen kawela karep en akai me inon ion karep en ar juaiki dene irail dueta kit, jota lipilipil ij i. 2CO 11:13 Pwe wanporon likam pukat o toun dodok likam akan irail, kin kawukilan wanporon akan en Krijtuj pein irail. 2CO 11:14 A kaidin kapuriamui eu, pwe iduen Jatan kin kawukila pein i, wuki on tounlan en marain amen. 2CO 11:15 I me kaidin kapuriamui eu, ma na papa kan pil pan wukilan papa en pun kan; a imwilar pan duen ar wiawia kan. 2CO 11:16 I puron indada, jota amen en akpweipwei kin ia, a ma iei, komail ap maki on ia ai pweipwei, pwe i en juai kin ia ekij. 2CO 11:17 A me i inda, kaidin Kaun o me i pwili jan, pwe a tapi jan ni tiak en pweipwei, pwe i juaiki pein nai; 2CO 11:18 Pwe me toto kin juaiki ni pali uduk, i pil pan juaiki pein nai. 2CO 11:19 Pwe komail kin mauki me lolepon kan, pweki komail me lolekon. 2CO 11:20 Pwe komail kin mueid on amen, en wia kin komail ladu kan, de ma amen kaloke komail, de ma amen kuli komail edi, de ma amen aklapalap, de ma amen pikir komail. 2CO 11:21 Mepukat i indan komail, pwen kanamenok ki komail, dene kit luetalar. A ma meamen aima, nai pil aima, i kin lokaia nin tiak en pweipwei. 2CO 11:22 Irail men Ipru, pil nai; irail men Ijrael, pil nai; irail kadaudok en Apraam, pil nai; 2CO 11:23 Irail me papan Krijtuj, i kin lokaia dueta me iak amen, nai me lapa jan; ai dodok laud jan, i kalokolok laud jan; i jalidier toto jan, i koren ion mela pan pak toto. 2CO 11:24 Pan me limpak Juj oko ki on ia wok paeijok, eu katoror jan, 2CO 11:25 A pan me jilepak re woki kin ia jokon; pan mepak me i pakajuk; pan me jilepak takepa i jop olar; pon o ran, me i pepe jili nan madau. 2CO 11:26 Ai jailok me toto; i diar ai apwal nan pilap akan; i diar ai apwal ren lolap akan; i diar ai apwal ren ai kainok; i diar ai apwal nan jap tan; i diar ai apwal nan madau; i diar ai apwal ren jaulan likam akan; 2CO 11:27 Ni dodok apwal, ni jonjonemaj, ni men manadar o men nim piladar, ni ijejol pan pak toto, ni pou o jo kidi pa; 2CO 11:28 O me pil kin lel on ia ni ran karoj, o ai apapwali momodijou akan karoj. 2CO 11:29 Ij me luet, a nai jota pan luet? Ij me kin kamakar, a nai jo? 2CO 11:30 Ma i en juaiki, i pan juaiki ai luet. 2CO 11:31 Kot o Jam en Kaun Iejuj, me iajanai kokolata, kin mani, me i jota kin likam. 2CO 11:32 Nan Damajkuj nain nanmarki Aretaj kopina amen jinjila kanim en men Damajkuj ni a inon ion jaik ia di. 2CO 11:33 I ap apikidi kopou eu jan ni wanim tuk en kel o, ap piti jan ni pa a kan. 2CO 12:1 ARI, ai juaiki jota katepa on ia. Ari jo, i pan kapareda kaudial akai o kadiarok kai ren Kaun o. 2CO 12:2 I aja duen aramaj amen ren Krijtuj, mon jaunpar eijok paieu; i jaja, ma a mi nan war a, de ma a mi likin war a, i pil jaja, Kot me kotin mani, i aramaj o, me peukadala lel nanlan kajilu. 2CO 12:3 O i aja, iei aramaj o, ma a mi nan war a de likin war a, i jaja, Kot me kotin mani. 2CO 12:4 I me peukadalan paradij, waja a ronadar kajoi kai, me jota muei on aramaj amen en inda. 2CO 12:5 I me i pan juaiki; a pein nai jota pan juaiki meakot, ai luet eta. 2CO 12:6 A ma i men juaiki pein nai, I jota pan pweipwei, pwe i pan lokaia melel. Ari jo, i jota pan wia, pwe amen ender wia kin ia me lapa jan duen a kin kilan ia o duen a kin ron ia. 2CO 12:7 A pwe i ende aklapalapaki kaudial kapuriamui kai, tuka teketek pot mi nan uduk ai, iei nain Jatan, me kin dokodoko ia, pwe i ende aklapalap. 2CO 12:8 Pan jile pak i nidinid on Kaun o, en kotiki jan ia me. 2CO 12:9 I ari majani on ia: Ai mak itar on uk, pwe manaman ai kin janjal ren me luet akan. Nan i me i pan juaiki ai luet akan, pwe manaman en Krijtuj en kotikot re i. 2CO 12:10 I me i perenki ai luet akan, o jo konekon, o anjau apwal, o kamekam, o patau pweki Krijtuj, pwe ma i luet, nai me kelail. 2CO 12:11 Nai wialar pweipwei men, I me komail kare on ia, mak eta, komail en kapina kin ia, pwe i jota tikitik jan wanporon lapalap akan; ari jo, jota meakot nai. 2CO 12:12 Pwe manidi en wanporon wiauier nan pun omail ni kanonama melel o ni kilel akan, o ni men kapuriamui kan, o ni manaman akan. 2CO 12:13 Pwe nin da, me komail tikitikki jan momodijou tei kan, ele iet eta: I jota katoutoui kin komail meakot? Komail ari makeki on ia japun wet. 2CO 12:14 Kilan, i onoper pwar won komail kajilepak, o i jota pan kaponede komail, pwe i jota kin rapaki me noumail, a komail. Pwe kaidin jeri kan en naka penan me wia ir ada, a me wia ir da on jeri kan. 2CO 12:15 A i mauki melel kiki wei meakaroj, pil pein nai on nen omail, i jota injenoki, ma omail pok on ia tikitik jan ai limpok lapalap on komail. 2CO 12:16 Ari i eta, i jota kaponedeer komail; a pweki ai lolekon, i kaloedier komail. 2CO 12:17 De iaduen, i adia jan amen komail ekij ren me i kadar won komail er? 2CO 12:18 I poeki ren Tituj ap kadar won komail pil ri atail ian i. Ari da, Tituj pitia jan komail meakot? Kit jo aluki nen ota de ni lip ota? 2CO 12:19 Anjau warai me komail kiki on me je pan pur on, kapunala pein kit on komail. Kit kin lokaia ki Krijtuj mon Kot. Kompok kan, mepukat karoj kin wiaui, pwen kamauiada komail. 2CO 12:20 Pwe i majak ni ai pan pwar won komail, me i jota pan diar komail, duen me i mauki, o komail pil jota pan diar ia, duen me komail mauki. Ele kapei lokaia, o peirin, o makar, o akamai, o kawaikoto, o lidou monin, o aklapalap, o moromoron mi re omail. 2CO 12:21 Pwe ni ai pan pure won komail, ele Kot pan kotin kanamenok kin ia komail, o i pan injenjuedeki me toto, me wiadar dip maj o, ap jota kalukila ar jamin, o nenek, o dodok jued, me re wiadar. 2CO 13:1 METET ai pwar won komail kajilepak, karoj ap pan pun kila jaunkadede riamen de jilimen. 2CO 13:2 A duen me i inda maj o o pil ni ai pwar won komail er kariapak iduen i pil indan komail anjau wet, mon ai pan mi re omail, irail me wiadar dip maj o, o pil me tei kan karoj, i lao pwar won komail kajilepak, i jota pan dukedi, karoj lao punier. 2CO 13:3 Pwe komail kin rapaki kilel eu, duen me Krijtuj kotin kalokaia ia, me jota luet nan pun omail, a a kin manaman nan pun omail, 2CO 13:4 Pwe a kamatala ni a luet, ap id ieiajki manaman en Kot, a ma kit ian i luet, kit ap pan ian i memaureki manaman en Kot nan pun omail. 2CO 13:5 Komail jojon pein komail, ma komail kin weweideki pojon; komail kajaui pein komail; de komail jo aja duen pein komail, me Iejuj Krijtuj kotikot lol omail? A ma jo, komail me japun. 2CO 13:6 A i kaporoporeki, me komail pan dedeki, me kaidin kit me japun. 2CO 13:7 A je kin kapakap ren Kot, komail ender wia me jued. Kaidin pweki kit en indand mau a pwe komail en wia me pun a kit en dueta me jo katepa. 2CO 13:8 Pwe kit jota kak palian melel, a kapwaiada me melel. 2CO 13:9 Pwe kit peren, ma je me luet, a komail me kelail, o i me je men, komail en unjokala. 2CO 13:10 Ari, i me i intinki wei mepukat ni ai doo wei, pwe i de nil patik ni ai koren, duen manaman, me Kaun o kotiki on ia, pwen kamaui, a kaidin pwen kawela. 2CO 13:11 Ari ri ai kan, komail en pereperen o unjokala, o injenemau pena, komail lol ta pot o popol! Kot en limpok o popol ap pan kotikot re omail. 2CO 13:12 Komail ranamauki pena metik jaraui. En jaraui kan karoj ar ranamau won komail. 2CO 13:13 Mak en Kaun Iejuj Krijtuj, o limpok en Kot, o atail jaupena ren Nen jaraui en kotikot re omail karoj! Amen. GAL 1:1 PAULUJ wanporon amen kaidin jan ren aramaj akan, pil kaidin pan aramaj akan, a pan Iejuj Krijtuj o Kot Jam, me kotin kaiajadar i jan ren me melar akan, GAL 1:2 O ri atail akan karoj, me mi re i, at ranamau on momodijou en Kalejia kan: GAL 1:3 Mak o popol jan ren Kot Jam o atail Kaun Iejuj Krijtuj en mi re omail; GAL 1:4 Me kotin jokonpaude ki pein i ki dip atail, pwen dore kitail jan ni me jued akan mi jappa, duen kupur en Kot o Jam atail. GAL 1:5 Linan en ko on i kokolata! Amen. GAL 1:6 I puriamuiki omail madan wuki jan i, me molipe komail pan mak en Krijtuj, ap wuki on eu ronamau; GAL 1:7 A jota eu mia. Ari jo, akai mia, me kin kapinada komail, o irail men kalikame ronamau en Krijtuj. GAL 1:8 A ma kit de tounlan amen jan nanlan pan padaki on komail eu ronmau, me toror jan ronamau, me je padaki on komail er, i en riala. GAL 1:9 Duen me je indada maj o, iduen je pil puron inda: Ma amen pan padaki on komail eu ronamau, me toror jan me komail aleer, i en riala. GAL 1:10 Iaduen, i kin men kaperenda aramaj akan de Kot? De i kin rapaki konekon ren aramaj akan? Ma i men konekon ren aramaj akan, i ap jota ladun Krijtuj. GAL 1:11 I katitiki on komail ri ai kan, ronamau me i padakier, a jota tapi jan ren aramaj. GAL 1:12 Pwe i jota ale jan ren aramaj amen, o jota me padaki on ia, a a koki don ia kajale pan Iejuj Krijtuj. GAL 1:13 Pwe komail roner duen ai wiawia en maj nan pun en men Juj akan, duen i kin morouo on momodijou en Kot lapalapia o kawe ir ala. GAL 1:14 O i kakairida nin lamalam en Juj akan madan jan me toto, me kit ti ta ieu o toun jap ta ieu, o i nantion kapwaiada padok en jam at akan. GAL 1:15 A Kot lao kupureda, me kotin kilele ia di jan ni kaped en in ai, o me kotin molipe ia ki a mak, GAL 1:16 En kajale on ia japwilim a Ol, pwe i en padaki on men liki kan duen i, i ap pitipit wiada o jota kalelapok ren uduk o nta. GAL 1:17 O i pil jo pwar lan Ierujalem ren irail, me wanporon akan mo i, a i kolan Arapien ap pil pure don Damajkuj. GAL 1:18 Ari, murin par jilu i ap kodalan Ierujalem, pwen kilan Kepaj. I ap mimieta re a ran eijoklimau. GAL 1:19 A jota amen ren wanporon akan, me i kilan, Iakopuj ta, ri en Kaun o. GAL 1:20 A me i intin won komail, Kot me kotin mani, me i jota likam. GAL 1:21 Muri i ap kola nan wein Jirien o Jilijia. GAL 1:22 A momodijou en Iudaa kan me mi pan kupta en Krijtuj jaja ia. GAL 1:23 A i eta, irail roner, me i me kin morouo on kit maj o, i me kin padaki pojon anjau wet, me a kin kaokaoe maj o. GAL 1:24 Irail ap kalinanda Kot pweki nai. GAL 2:1 KADEKADEO murin par eijok paieu nai pil kodalan Ierujalem ian Parnapaj o Tituj pil ian ia. GAL 2:2 A i kokidala kajalepa eu; padaki on irail duen ronamau, me i kin padaki on men liki kan, ap katoror on ir, me kalok mau, pwe i ender tan mal, ma met de mur. GAL 2:3 A pil Tituj, me ian ia, men Krik amen, re jota kakaliki on i, en jirkomjaijela, GAL 2:4 A pweki akai jaulan likam, me wailon, pwen majamajan at jaledokalar, me je aleer ren Krijtui Iejuj, pwen kalidui kit ala. GAL 2:5 A je jota man peiki on irail, pwe melel en ronamau en mimieta re omail. GAL 2:6 A irail me kalok mau, i jota aja duen ar tiak en maj o, a pil menda re i, pwe Kot jota kin lipilipil aramaj amen, irail me indand mau, jota ki on ia eu padak toror. GAL 2:7 A irail lao kilaner, me i aleer ai koa, en padaki on me jojirkomjaij ronamau, dueta Petruj on me jirkomjaij. GAL 2:8 A me kamanada Petruj, pwen kapwaiada a koa en wanporon ren jirkomjaij i me i pil keleki ni ai dodok ren men liki kan. GAL 2:9 A Iakopuj, o Kepaj, o Ioanej, me re wiaki ur oko, re lao kilaner mak o me i aleer, rap itipa ki on nai o Parnapaj pali maun en pa, o kit karoj wiaki eu, me kit en kola ren men liki kan, a irail ren jirkomjaij. GAL 2:10 A re kakaliki on kit, me jen apapwali me jamama kan. Nai ari nantion kapwaiada. GAL 2:11 A Kepaj lao pwaralan Antiokien, i ap palian i pwe kalok jued mi re a. GAL 2:12 Pwe mon akai pwarado jan ren Iakopuj, a jakajak ren men liki kai, a ni ar pwarador, a puei jan katororela pein i, pwe a majak men jirkomjaij. GAL 2:13 O pil Juj tei ko ian i malamalaundar, o Parnapaj lodi on pil wia malaun. GAL 2:14 A ni ai kilaner, me re jota inen weita, duen melel en ronamau, i ap indai on Kepaj mon irail karoj; ma koe men Juj amen kin wia tiak en men liki kan, a jo tiak en men Juj, menda koe kin kakaliki on men liki kan, ren wiada tiak en men Juj? GAL 2:15 Kita udan men Juj a jota dipan dueta men liki kan, GAL 2:16 Ap aja, me aramaj amen jota kak pun kila wiawia en kapun kan, pwe a pojon Iejuj Krijtuj eta i me kitail pil pojoneki Krijtuj Iejuj, pwe kitail en pun kila pojon Krijtuj, a kaidin wiawia en kapun kan; pwe uduk jota kak pun kila wiawia en kapun kan. GAL 2:17 A ma kitail men pun kila Krijtuj, ap diarokada, me kitail me dipan, daduen, Krijtuj me papan dip? O jo! GAL 2:18 Pwe ma i pan pur on kauada, me i kawelar, nan i pan wia kin ia me dipan amen. GAL 2:19 Pwe i mekilar kapun, ap jolar memauri on kapun, pwen mauri on Kot; nai lopular ian Krijtuj. GAL 2:20 Kaidin nai me memaur, pwe Krijtuj kotin ieiajata lolei. Pwe arain ai maur en pali uduk, I kin memaureki pojon Japwilim en Kot, me kotin pok on ia o jokonpaudeki on ia pein i. GAL 2:21 I jota kajamal la mak en Kot; pwe ma aramaj kak pun kila wiawia en kapun kan, Krijtuj ap matala mal. GAL 3:1 O komail men Kalejia pweipwei, ij me kotaue komail? Pwe mom en Iejuj Krijtuj a lopular wiauier mon maj omail. GAL 3:2 let eta me i men kalelapok re omail: Komail aleer Nen ni wiawia en kapun kan, de ni padak en pojon? GAL 3:3 Iduen omail lolepon? Komail tapia kidar Nen, a komail men kaimwijok kilar uduk? GAL 3:4 Komail kalokolok laud, ap jota pan katepa? Ma idue met a jota kak wiaui. GAL 3:5 Me kotiki on komail er Nen, o wia manaman akan nan pun omail daduen, wiawian kapun kan me kareda, de padak en pojon? GAL 3:6 Dueta Apraam me pojon Kot, ap wadok on I kapuna pa. GAL 3:7 Komail ap aja duen irail me kin pojon, irail jeri en Apraam. o wia manaman akan nan pun omail daduen, wiawian kapun kan me kareda, de padak en pojon? GAL 3:8 A kijin likau o ajaer maj o, me Kot, pan kotin kapunala men liki kan ki pojon, i me a padaki on Apraam ronamau maj o: Wein jappa karoj pan paie kin GAL 3:9 Pwe karoj me pojon, pan ian Apraam pojon kapaida. GAL 3:10 Pwe me kin kaporoporeki wiawia en kapun kan, pan kariala. Pwe a intinidier: Karoj me riala, me jota pan dadaurata meakaroj, me intinidier nan puk en kapun, pwen kapwaiada. GAL 3:11 A janjal, me jota amen kak pun kila kapun ren Kot; pwe me pun amen pan memaureki pojon. GAL 3:12 A kapun jota tapi jan ni pojon, pwe meamen kapwaiada mepukat, pan memaur kida. GAL 3:13 Krijtuj me kotin do re kitail jan ni karia pan kapun, ni a ria kin kitail lar; pwe a intinidier: Amen amen me lanalon nin tuka o me riala. GAL 3:14 Pwe pai en Apraam, me tapi jan ren Krijtuj Iejuj, en lel penan men liki kan; pwe kitail en ale inau en Nen ki pojon. GAL 3:15 Ri ai kan, i pan lokaia ni tiak en aramaj akan. Iaduen inau en aramaj eu me kileledier, jota amen me pan kawela de ekij, me a pan pouje on. GAL 3:16 Ari, inau o wiauier on Apraam o kadaudok a. A jota majanier: Kadaudok a to to, pwe duen me ta men: Kadaudok om me ta men, iei Krijtuj. GAL 3:17 let me i inda: Inau me Kot kotin kileledier, a jota kak okila kapun o, me wiauier jaunpar papuki jileijok murin inau o, pwe inau ede pwaida. GAL 3:18 Pwe ma jojo tapi jan kapun, a jota kak tapi jan inau; a Kot kotiki on Apraam ki inau. GAL 3:19 A menda kapun? A wiauier pweki japun kan, kadaudok o lao pwarado, me inau wiaui on, me wiauier ren tounlan kan ki pa en jaunkapun. GAL 3:20 Ari, jaunkapun jota kin kelep eta, a Kot me kelep eta. GAL 3:21 A iaduen, kapun o kin palian inau en Kot akan? O jo! A ma kapun eu pan wiaui, me pan kak kamaurela, nan melel, pun ap pan tapi jan nan kapun. GAL 3:22 A kijin likau o me kol penan dip meakaroj pwe inau en tapi jan ni pojon Iejuj Krijtuj, en pai on irail, me pojon. GAL 3:23 Ni anjau pojon jaikenta pwarado, kitail nikinik o jalidier pan kapun, lao pojon pan kajanjaleda. GAL 3:24 Ari, kapun atail jaunpadak, lao Krijtuj pwarado, pwe kitail en pun kila pojon. GAL 3:25 A pojon lao pwarador, kitail jolar mi pan jaunpadak o. GAL 3:26 Pwe komail karoj jeri en Kot, ki pojon Krijtuj Iejuj. GAL 3:27 Pwe komail me paptaijer on Krijtuj, komail likaui kidar Krijtuj. GAL 3:28 Jolar men Juj de Krik, jolar ladu de me maioda, jolar ol de li komail karoj dupeneta ren Krijtuj Iejuj. GAL 3:29 A ma komail japwilim en Krijtuj, nan komail pil kadaudok en Apraam, o jeri jojo duen inau o. GAL 4:1 A iet me i men inda: Jojo men arain a jeri, a jo toror jan ladu men, ari jo, a kaun en meakaroj. GAL 4:2 A kin upa on jaunpadak o jaunkoa kan lao lel anjau me jam a kileledier. GAL 4:3 Iduen kitail ni atail kijin jeri, kitail kin upai on padak en jappa kan. GAL 4:4 A anjau lao leler, Kot ap kotin poronedo japwilim a Ol, me ipwidi jan ren li amen, ap mi pan kapun o. GAL 4:5 Pwen kajaledoka ir ala, me mi pan kapun, pwe kitail en wiala japwilim a jeri. GAL 4:6 Komail ari jeri kan, i me Kot ap kotin poronedo Nen en japwilim a Ol nan monion atail, me kin likelikwir: Apa Jam! GAL 4:7 Ari, jolar ladu men, pwe jeri ta; a ma jeri nan pil jeri jojo en Kot. GAL 4:8 A ni anjau o me komail jaja Kot, komail papaer me kaidin udan kot akan. GAL 4:9 A metet komail ajalar Kot, o Kot me kotin mani komail melel, menda komail pil japal lan lamalam jued o jakanekan, me komail men pur on papa? GAL 4:10 Komail kin kajarauiela ran akai, o jaunipon kai, o anjau kai, o jaunpar kai. GAL 4:11 I non kin komail, pwe ele ai dodok on komail jota pan kadepa. GAL 4:12 Ri ai kan, i nidinidi kin komail, en dueta nai, pwe nai kin dueta komail, pwe jota me jued kot, me komail wiai on ia er. GAL 4:13 A komail aja due i maj o, me i padaki on komail er ronamau ni ai luet en pali uduk. GAL 4:14 O komail jota mamaleki ai jonejon ni uduk ai o tata kin ia; a komail apwali ia la dueta nai tounlan en Kot amen, de dueta Iejuj Krijtuj. GAL 4:15 Iaduen wan omail pai ni anjau o! Pwe i kadede duen komail, ma a kak pa omail. komail pan pwadika jan por en maj omail ap ki on ia. GAL 4:16 Iaduen, i wiala omail imwintiti, pweki ai lokaia melel on komail. GAL 4:17 Arail nanantion rapaki komail me jota mau; irail men kamueit kitail pajan, pwe komail en id idauen irail. GAL 4:18 Me mau anjau karoj en nantion me mau kan, a kaidin ta ni ai mi re omail. GAL 4:19 Nai jeri kan! I naitik japal komail ki madak, lao Krijtuj kawuk komail la on pein mom a. GAL 4:20 I men mi re omail anjau wet o men kawukila nil ai, pwe I jajalar ir omail. GAL 4:21 Komail, me kin men mi pan kapun o, indan ia, ma komail jota kin ron kapun o? GAL 4:22 Pwe a intinidier, me nain Apraam putak riamen mia, amen jan ren na lidu, a amen jan ren me maioda. GAL 4:23 A me jon ren lidu ipwiki uduk, a me jan ren me maioda, ipwiki inau en Kot. GAL 4:24 Mepukat karajepa eu, pwe met inau riau, eu jan ni nana Jinai, me kin naitiki on na kan papa, i me Akar. GAL 4:25 Pwe Akar nana Jinai nan Arapien, me raj on Ierujalem en met, o kin lidilidui ian na jeri kan. GAL 4:26 A Ierujalem, me mi poa, me maioda iei in atail. GAL 4:27 Pwe a intinidier: Pereperen koe me li dapwan, me jota kin naitik, kadailon o werida koe, me jo kaipwi on, pwe nain li dapwan jeri kan me toto jan me a warok mia. GAL 4:28 A komail ri ai ol akan, me rajon Ijaak, me jeri en inau kan. GAL 4:29 A duen maj o, me ipwiki uduk, me kailonki me ipwiki Nen o, iduen anjau wet. GAL 4:30 A da me kijin likau o majani? Kajela li lidu o na putak! Pwe putak en lidu jota pan ian nain li me maioda jojoki. GAL 4:31 Ari ri ai kan, kitail jota jeri en lidu, pwe nain me maioda. GAL 5:1 KOMAIL ari dadaurata en Krijtuj a kotin kamaioda kitail, komail ari kalaka pein komail, pwe komail der pur on ni omail kanaudok. GAL 5:2 Kilan, nai Pauluj indai on komail, ma komail pan ian jirkomjaij, nan Krijtuj jota pan katepai on komail. GAL 5:3 I pil kadede on aramaj karoj, me pan jirkomjaijela, i en kapwaiada kapun pokon. GAL 5:4 Komail, me men pun kila kapun o, muei janer Krijtuj o pup wei janer mak. GAL 5:5 A kit kin auiaui ren Nen ki pojon kaporopor en pun. GAL 5:6 Pwe ren Krijtuj Iejuj jirkomjaij de jojirkomjaij jota meakot, pwe pojon ta, me kin janjaleki dodok en limpok. GAL 5:7 Komail taner mau, ij me karompwa komail, pwe ender peiki on melel? GAL 5:8 I jon en kaweid jota kin tapi jan me molipe komail er. GAL 5:9 Kalap kij kin kamutala dolepa karoj; GAL 5:10 I kaporoporeki ren Kaun o me komail jota pan wia eu lamalam toror. A me kin kapin komail da, pan lodi on kapun o, jota lipilipil ij i. GAL 5:11 A nai, ri ai kan, ma i poden padaki duen jirkomjaij, menda I kankaneranirla? Pwe ma iduen, a jolar men kamakar pan lopu. GAL 5:12 I men irail me kin kawe komail la, ren pil kawela pein irail. GAL 5:13 A ri ai kan, komail paeker on maio, komail der men maio, pwe tiak en pali uduk en pwaida, a komail papa amen amen ni limpok. GAL 5:14 Pwe kapun pon kapwai pan majan ta ieu: Koe en pok on men imp om due pein uk. GAL 5:15 A ma komail pakolok kaokaoe amen o amen, kalaka, pwe komail de momela. GAL 5:16 A nai inda: Aluki Nen komail ap jota pan kapwaiada inon jued en uduk. GAL 5:17 Pwe uduk kin inon ion me toror jan Nen, a Nen kin kotin inon ion toror jan uduk, a ira paronaron pena, iei me komail jota wia kida, me komail kin men wia. GAL 5:18 A ma Nen pan kotin kalua komail, komail jota mimi pan kapun. GAL 5:19 Wiawia kan en uduk me janjal. Ietakan: Nenek, jamin, monepil, GAL 5:20 Poni on ani mal, wun ani, kailuk, akatat, luak, makar, akamai, kamauouo, padak likam. GAL 5:21 Peirin, kamom joko, kaped en mana ape. Iran mepukat i padaki on komail er maj o, me irail, me kin kapwaiada mepukat, jota pan jojoki wein Kot. GAL 5:22 A iet akan wa en Nen: Limpok, peren, popol, kanonama. kadek, kamau, pojon, opampap liki jan me jued. GAL 5:23 Jota kapun pan mepukat. GAL 5:24 A me japwilim en Krijtuj, kalopuelar uduk ianaki tiak jued o inon jued akan. GAL 5:25 Ma kitail memaureki Nen, kitail en pil alualuki Nen o. GAL 5:26 Kitail der inon ion wau ren aramaj, o der kamoronada on amen amen, o der peipeirin amen amen. GAL 6:1 RI ai kan ma aramaj amen pan lodi on me jued kot, komail, me nenin kajapaledo i ni nen en opampap, ap majamajan pein uk, pwe koe ender pil lodi on jonejon. GAL 6:2 Pelikitki pena nan pun omail katoutou pamail, pwe iduen komail pan kapwaiada kapun en Krijtuj. GAL 6:3 Pwe ma amen lamelame, me i meakot, nan a kin kotaue pein i, pwe jota i meakot. GAL 6:4 A amen amen en kajajon on pein a wiawia, ap pan juaiki pein i, a kaidin amen aramaj. GAL 6:5 Pwe amen amen en pein wa audepa. GAL 6:6 A me kin padakki majan o, en kida jon en mau karoj on i, me kin padaki i. GAL 6:7 Komail der kiki on, me komail pan kak piti Kot, pwe meakot aramaj kin kamoredi on, i me a pan dolun jan. GAL 6:8 Pwe me kin kamoredi on ni uduk a, a pan dolun jan ni uduk a men joredi; a me kin kamoredi on Nen, a pan tunole jan ren Nen maur joutuk. GAL 6:9 Kitail der panaki atail wiawia mau kan, pwe ni anjau me kon on, kitail pan dolun, ma kitail jota pan panadar. GAL 6:10 Ma a kak pa atail, kitail en wia mau on karoj, a maj on kijan me pojon akan. GAL 6:11 Kilan duen kijin likau laud, me i intin won komail er ki pein pa i. GAL 6:12 Ir me kin men lolok mau ni uduk, kin inon ion komail en jirkomjaijelar; pwe irail ender kamekame ki lopu en Krijtuj. GAL 6:13 Pwe pein irail me jirkomjaijela, jota kin kapwaiada kapun, a irail kin men, komail en jirkomjaijela, pwen juaiki uduk omail. GAL 6:14 A duen nai, i jota man mauki juaiki, a iet eta iran lopu en atail Kaun Iejuj Krijtuj, pweki i jappa katia jan ia o nai katia jan jappa. GAL 6:15 Pwe jirkomjaij de jojirkomjaij jota meakot, ame kawilikapadar. GAL 6:16 Irial karoj me inen ki wei ta padak pot et, en popol o kalanan, o on Ijrael en Kot. GAL 6:17 Jan met kokolata jota amen en morouo on ia, pwe iwa jili ta nan war ai lip en Iejuj akan. GAL 6:18 Mak en atail Kaun Iejuj Krijtuj en kotikot ren nen omail ri ai kan! Amen. EPH 1:1 PAULUJ wanporon en Iejuj Krijtuj amen pan kupur en Kot on me jaraui o lelapok kan ren Krijtuj Iejuj me mi Epijuj. EPH 1:2 Mak o popol jan ren Kot Jam atail o atail Kaun Iejuj Krijtuj en mi re omail! EPH 1:3 Meid iajanai Kot o Jam en atail Kaun Iejuj Krijtuj, me kapaia kin kitail lar jon en pai nenin karoj jan nanlan ren Krijtuj. EPH 1:4 A kotin pil kitail dar re a, mon jappa jaikenta pajondier, pwe kitail en jaraui o minla mo a ni limpok. EPH 1:5 Me pil kileledier, me kitail, en wiala japwilim a jeri ki Iejuj Krijtuj, duen a kotin kupura mauki. EPH 1:6 Pwen kalinanada a mak lapalap, me a kotin make kin kitail ren Kompoke pa a, EPH 1:7 Me kotin dore kin kitail la nta o lapwadan dip akan ki a mak lapalap. EPH 1:8 Me a kotiki on kitail ni jon en lolekon o koiok karoj, EPH 1:9 Ni a kotin diarok on kitail er me rir en kupur a duen a kotin kupuramauki o duen a kileledier ren pein i. EPH 1:10 Pwen pwaida anjau lao leler en wijik penan tapwi ta ieu meakaroj, ren Krijtuj, men nanlan kan o men jappa kan on pein i. EPH 1:11 Me pil kare on kitail jojo eu, kitail me kileledier duen kupur en i, me kin wiada meakan karoj, duen a kotin kupura, EPH 1:12 Pwe kitail en wiala men kalinanada i, kitail, me kaporoporeki Krijtuj, EPH 1:13 Me komail pil kaporoporeki murin omail roner maj an en melel o ronamau en kamaur; me pil kilele komail kidier Nen jaraui en inau, ni omail pojonlar. EPH 1:14 lei men kamelele en atail jojo, lao lel anjau en atail konodi maur joutuk, pwen wiala japwilim en Kot o men kapina a linan. EPH 1:15 Ari, i lao ronadar duen omail pojon Kaun Iejuj o duen omail limpok on jaraui kan karoj, EPH 1:16 I jota kin dukedi jan ai danke pweki komail, o i kin tamatamanda komail ni ai kapakap akan; EPH 1:17 Pwe Kot en atail Kaun Iejuj Krijtuj, Jam en linan, en kotiki on komail nen en erpit o kaudial, pwen ajada i, EPH 1:18 O kotin kamaraini maj en monion omail, pwe komail en kak dedeki kaporopor en omail paeker, o linan laud en jojo, me onoper on jaraui kan, EPH 1:19 O a manaman kaualap on kitail, me pojonlar, duen a dodok manaman, EPH 1:20 Me a kotin kajanjaledar ren Krijtuj ni a kotin kaiajada i jan ren me melar akan, ap kajapwiladan pali maun nanlan, EPH 1:21 Ilela jan meakan karoj, o manaman karoj, o kelail o men poa kan o mar karoj, kaidin ni muei wet eta, pwe pil ni muei kokodo. EPH 1:22 O a kotiki on meakaroj pan aluwilu a kan, o kotin kajapwiladan tapwin meakaroj ren momodijou, EPH 1:23 lei war a, iei kadir pan me kadirela meakaroj. EPH 2:1 PIL dueta komail ni omail melaki japun o dip akan, EPH 2:2 Me komail dadaureki maj duen tiak en jappa et, o duen wiawia en jaupeidi o, me manaman pan lan, iei nen o, me kin dodok ren jeri jopeik kan anjau wet. EPH 2:3 A kitail karoj pil weweid nan pun arail maj o ni inon en uduk atail, o kapwaiada inon en uduk o lamelam, o kitail me udan jeri en onion akan dueta me tei kan. EPH 2:4 A Kot, me dir en kalanan, pweki a limpok me a kotin pok on kitail lar, EPH 2:5 Nin dokan atail melaki japun kan, nan a kamauri kitail dar ki Krijtuj, pwe mak o, me komail dore kila, EPH 2:6 O pil kotin kamaur kitail dar o kotin kajapwil kitail dan nanlan ren Krijtuj Iejuj, EPH 2:7 Pwe a en kotin kajanjaleda a mak o kalanan lapalap ni muei kokodo on kitail ren Krijtuj Iejuj. EPH 2:8 Pwe ni pojon komail kamaur kilar mak; a kaidin pweki pein komail, a pai eu ren Kot, EPH 2:9 Kaidin ki wiawia kan, pwe jota amen en akjuaiki. EPH 2:10 Pwe japwilim a dodok kitail, me wiauier ren Krijtuj Iejuj on wiawia mau kan, me Kot kotin kaonopadan kitail er, pwe kitail en dadaurata. EPH 2:11 Komail ari tamatamanda, me komail men liki maj o, me aluki uduk pwel, men kaindinda jojirkomjaij ren me jirkomjaij, me kin wiaui ni uduk manin pa. EPH 2:12 Pwe ni anjau o komail likin Krijtuj, o likin pai en Ijrael, o likin inau en jojo kan; i me jota omail kaporopor o jota omail Kot ni jappa wet. EPH 2:13 A komail me doo wei jan mepukat maj o, a anjau wet komail me korendor o mi ren Krijtuj Iejuj pweki ntan Krijtuj. EPH 2:14 Pwe i atail popol, me wia kin ira eu, o me kotin kawela kel o, me mi nan pun ara, EPH 2:15 Ni a kotiki jan imwintiti re ’ra ki pali uduk a. Iel kapun o me audekier kujoned akan, pwe en kotin wia kin ir ala aramaj kap ta men on pein i. EPH 2:16 Pwen kalolamaui on Kot ira ni war ta ieu pan lopu murin a kotin tiakedi imwintiti ki lopu. EPH 2:17 O a kotidoer padaki popol on komail, me doo wei jan, o popol on me koren akan. EPH 2:18 Nan pweki i kita karoj kak tu on Jam ki Nen ta ieu. EPH 2:19 Komail ari jolar men liki o men wai, a me pweledan akan ianaki jaraui kan o kijan penainai en Kot. EPH 2:20 Me kakauda pon pajon en wanporon o jaukop akan, a pein Iejuj Krijtuj me takain pukakaim. EPH 2:21 I waja kajukajuk kin koda jan ia, wiala tanpaj jaraui en Kaun o, EPH 2:22 Me komail pil ian kokon penan mol en Kot ren Nen. EPH 3:1 I me nai Pauluj en Iejuj Krijtuj a jalidi men pweki komail men liki kan, EPH 3:2 Due me komail ronadar iran ai koa dodok en mak en Kot, me i aleer pweki komail. EPH 3:3 A kaudial eu, me kajanjale on ia, me rir akan, duen ai intin motomot on komail er nin tapi o EPH 3:4 Ari, ma komail pan wadok, komail ap pan diar, duen ai lolekon ni me rir akan ren Krijtuj. EPH 3:5 Me jota kadiarok on aramaj akan ni muein maj O, ap kadiarok on japwilim a wanporon o jaukop jaraui kan ren Nen. EPH 3:6 Pwe men liki kan en ian jojo o ian kijan war a, o ian a inau ren Krijtuj Iejuj ki ronamau, EPH 3:7 Me nai wiala papa men duen ai pai en mak en Kot, me i aleer ki a manaman lapalap. EPH 3:8 Nai, me tikitik jan jaraui kan karoj, aleer mak wet, en padaki on men liki kan duen kapwapwa lapalapia en Krijtuj. EPH 3:9 O pwen kamaraini amen amen duen koa dodok en rir akan, me nekinek jan nin tapin kaua ren Kot, me kotin kapikadar meakan karoj, EPH 3:10 Pwe anjau wet men poa kan o me manaman akan, me kotikot nanlan, en ereki momodijou jon en erpit en Kot karoj. EPH 3:11 Duen kupur a, me a kotin kileledier ni tapin kaua ren Krijtuj Iejuj atail Kaun. EPH 3:12 Pweki i me kitail pil kak aimaki tu on Kot ni atail kaporopor o pojon i. EPH 3:13 Nan i me i men poeki, komail ender motot ki ai kamekam kin komail, pwe men kalinanada komail. EPH 3:14 I me i kin kelepuki on Jam en atail Kaun Iejuj Krijtuj, EPH 3:15 Me mar en penainai pokon nanlan o jappa tapi jan ia. EPH 3:16 Pwen kotiki on komail manaman, duen a kapwapwa en a linan, en kelaileki Nen i nan pali lol en aramaj, EPH 3:17 Pwe Krijtuj en kotikot nan monion omail pweki omail pojon, pwe komail en tenedi o jondi ni limpok, EPH 3:18 Ap kak on ian jaraui kan karoj dedekida talap, o aned, o lol, o ile; EPH 3:19 O en pil ajada limpok en Krijtuj, me jikida jan erpit karoj, pwe komail en direki kupur en Kot karoj. EPH 3:20 A i, me manaman on wiada, me lapa jan atail poeki o lamelame duen o manaman o, me kin dodok lol atail. EPH 3:21 Linan en ko on i ni momodijou pan Krijtuj Iejuj kokolata joutuk. Amen. EPH 4:1 NAI en Kaun a jalidi men, kin panaui komail, pwe komail en kekeid inenweita ni koa eu, me komail paeker on, EPH 4:2 Ni karakarak melel, o opampap, o kanonama, o limpok pena nan pun omail. EPH 4:3 Ankelail on wia minimin eu ni Nen jaupena ki jal en popol. EPH 4:4 War ta ieu, o Nen ta ieu, duen me komail paeker on ni kaporopor ta ieu, en omail paeker on. EPH 4:5 Kaun ta men, pojon ta ieu, paptaij ta ieu, EPH 4:6 Kot o Jam en karoj me ta men me kotin poedi meakaroj o daudaulole, o me kotikot lol atail karoj. EPH 4:7 A kitail karoj aleer atail pai en mak duen jon en kupur en Krijtuj. EPH 4:8 I me a kotin majani: Ni a kotidalan poa, a kotin jaliedi me jalidi kan, o a kotiki on aramaj pai kan. EPH 4:9 A iaduen, ma a kotidalan poa, kaidin a pil jo kotidilar pa jed, waja lolia maj o? EPH 4:10 Me kotidila, i ota, me kotida wei ileila jan nanlan kan karoj, pwen kadirela waja karoj. EPH 4:11 O a kotin kajapwilada akai, en wanporon akan o akai en jaukop akan, o akai en waronamau kan, o akai en jilepa o jaunpadak kan. EPH 4:12 Pwen kapunala jaraui kan on wiawia dodok eu, me pan kauada war en Krijtuj. EPH 4:13 Kitail karoj lao lel on pojon ta ieu, o lolekon ki Japwilim en Kot, o wiala ol melel, me paroki on Krijtuj ni a unjokela, EPH 4:14 Pwe kitail en jolar tau en jeri pwelel, me mokimokideki jili padak likam, me kin pwai kida kotaue en aramaj akan o ar likam, o widiwidin me re kin wiada, pwen kaweid japun. EPH 4:15 A kitail en melel ni limpok, ap kakairida ni jon karoj on Krijtuj, me tapwi o. EPH 4:16 Me war pon kakauda jan o kokon akan karoj kateneten pena ia; a kokon pukat papa pena, duen dodok en kokon akan eu eu, duen ar itar on, iduen war o kin kakairida o maular ni limpok. EPH 4:17 I me i indai on komail o kadede kila Kaun o, me komail ender weweid dueta men liki kan kin wia ni aklapalap en nen ir. EPH 4:18 Me nen arail rotorotalar, o re jan maur en Kot, pweki ar jololekon me mi lol arail o pweki monion arail kapitakailar. EPH 4:19 Me jolar pam waja, ap mueid on pein irail, en dender o inon ion kapwaiada jon en jaut akan karoj. EPH 4:20 A kaidin iduen, me komail ajadar ren Krijtuj. EPH 4:21 Ma komail roner duen i o padakki i, me tiak melel mi ren Iejuj. EPH 4:22 Komail ari muei jan tiak en maj o aramaj marin, me kin kawe kila pein i inon jued. EPH 4:23 A komail en kawilikapada nen omail! EPH 4:24 O danwar anekila aramaj kap, me wiauier duen kupur en Kot, ni melel o pun o jaraui. EPH 4:25 I me komail en kajela likam amen amen ap lokaia melel on men impa, pwe kitail jau ta ieu. EPH 4:26 Ni makar komail der wia dip, o katipin der kirila mon omail injenemaula. EPH 4:27 Ender duki on tewil o! EPH 4:28 Me pirap, ender pur on pirap, a mak eta, en dodok, kadokeki pa kan dipijou mau, pwen kaonop da kijakij on me jamama kan. EPH 4:29 Kajoi jaut ender ko wei jan nan au omail, a men kamau, pwen papaki on me karon akan me mau. EPH 4:30 Komail der kamauke Nen jaraui en Kot, me komail kilelekier on ran en kajapaledo! EPH 4:31 A limelimek jued, o linaranar, o makar, o men pei, o lalaue en doo wei jan komail, o pil jon en jued karoj. EPH 4:32 A komail en kadek pena, o poka pena, o mak pena amen amen, dueta Kot kotin maki on komail ren Krijtuj. EPH 5:1 KOMAIL kaalemoni Kot dueta jeri kompok kan. EPH 5:2 O kekeid ni limpok dueta Krijtuj, me kotin, pok on kitail, ap kotin jokonpaude kin kitail, pwen wiala kijakij o mairon eu, me kin pomau on Kot. EPH 5:3 A nenek, o jon en jaut karoj, o norok kapwa ender man pwaida re omail, duen me kon on jaraui kan. EPH 5:4 Pil der lokaia jued, o kaman, o lokaia mal, me jota kon on, a iet: Komail en danke. EPH 5:5 Mepukat komail en aja o dedeki, me jota me nenek, de jamin, de me norok kapwa, me poni ani tikitik, pan kak jojoki wein Krijtuj o Kot. EPH 5:6 Jota amen en kotau ki komail lokaia mal, pwe mepukat kin kareda onion en Kot on jeri jopeik kan. EPH 5:7 Komail ender kij arail. EPH 5:8 Pwe maj o komail me rotorot, a met komail marainlar ren Kaun o; weweid wei duen jeri en marain akan. EPH 5:9 Pwe wan marain mepukat: Kamau, o pun o melel. EPH 5:10 O kajauiada, me kin kaperenda kupur en Kaun o. EPH 5:11 O der waroki on wiawia jued en me rotorot akan, a mak eta, en kapun on irail. EPH 5:12 Pwe me re kin wiada waja rir, me jued o jota mau on, en inda. EPH 5:13 A karoj me pan kajanjaleda, pan kadiarok kida marain, pwe marain kin kajanjaleda meakaroj. EPH 5:14 I me a kotin majani: Pirida koe me mamair, o paurida jan ren me melar akan, a Krijtuj pan kamarain uk ada. EPH 5:15 Kalaka, pwe komail en keid ineneweita, kaidin duen me lolepon a duen me lolekon kan. EPH 5:16 Audaud anjau mau, pweki ran akan me jued. EPH 5:17 Komail ari ender lamponla, a en lolekon, pwe i duen kupur en Kaun. EPH 5:18 Ender kamom wain, pwe a kin kareda tiak jued, a komail en direki Nen. EPH 5:19 O jauaj pena ki pjalm, o kaul en kapin, o kaul nenin; komail kaul o kajan on Kaun o nan monion omail. EPH 5:20 Danke kaukaule Kot o Jam ni mar en atail Kaun Iejuj Krijtuj. EPH 5:21 O papa komail pena amen amen ni majak dol en Krijtuj. EPH 5:22 Komail li akan, udi on pein omail warok kan dueta on Kaun. EPH 5:23 Pwe ol o me tapwin a paud, dueta Krijtuj me tapwin momodijou, o i me Jaunkamaur pan war a. EPH 5:24 A duen momodijou kin udi on Krijtuj, iduen li akan en udi on ar warok kan ni meakaroj. EPH 5:25 Komail ol akan pok on pein omail warok kan, dueta Krijtuj kotin pok on momodijou o kotiki don i pein i. EPH 5:26 Pwen kajarauiala i, o kamakelekeleda i ki pil o, iei a majan. EPH 5:27 Pwen kajanjale don pein i momodijou linan, me jota topala o omrok ape, a me jaraui o jo kaopa kot. EPH 5:28 Nan iduen ol akan en pok on ar warok kan dueta pein war arail akan. Me kin pok on a warok, kin pok on pein i. EPH 5:29 Jota amen kin juedeki pein uduk a; pwe a kin kamana o kanainai eta, dueta Krijtuj kin kotin apwali momodijou. EPH 5:30 Pwe kitail me kajan en war a, o uduk a, o a kokon akan. EPH 5:31 I me aramaj o pan muei jan jam a o in a, ap muei on a paud, ira ari pan uduk ta ieu la. EPH 5:32 Meid kaponepon lapalap eu; a nai kaparokki duen Krijtuj a warokeki on momodijou. EPH 5:33 Pil dueta komail, amen amen komail en pok on a warok dueta pein i, a li o en kakaki a warok. EPH 6:1 KOMAIL jeri kan peiki on me wia komail ada pan Kaun o, pwe i me pun. EPH 6:2 Kakaki jam om o in om, iei tapin kujoned, me inaupa mia, EPH 6:3 Pwe koe en injenemau o pil maur warai nin jappa. EPH 6:4 Komail jam akan der kamakar mal noumail jeri kan, kakair irail ada ni kaian mau o panau on Kaun o. EPH 6:5 Komail ladu kan en oke omail jaumaj akan ni pali uduk ni majak o rerer o pil ni tiak en karakarak en monion omail dueta on Krijtuj. EPH 6:6 Kaidin janjal mon aramaj eta, pwen konekon re ’rail, a en dueta ladu en Krijtuj, me kin pereperen wiawia kupur en Kot jan monion omail. EPH 6:7 O komail en papa mau, pwe on Kaun o, a kaidin on aramaj akan. EPH 6:8 Pwe komail aja, me mau kot, me amen pan wiada, Kaun pan katini on i jota lipilipil ij i, ma ladu de me maioda amen. EPH 6:9 O komail jaumaj akan en wia dueta on irail, o der jakone irail, pwe komail aja, me arail o pil omail Jaumaj kotikot nanlan, o a jota kotin lipilipil aramaj amen. EPH 6:10 Ikmuri ri ai kan komail kelaileki Kaun o ni a manaman. EPH 6:11 Purion tatan mauin karoj en Kot, pwe komail en kak kelail palian tewil a widiwidin kan. EPH 6:12 Pwe kaidin uduk o nta, me kitail en pei on, a on jaupeidi o manaman akan, o on jaumaj en jappa kan, me kin kakaunda nan rotorot wet, o on kaun nenin en lan akan. EPH 6:13 Ari, pweki mepukat komail en ale tatan mauin karoj en Kot, pwe komail en kak kelail ni ran jued, o kajinenda murin omail kapwaiadar meakaroj. EPH 6:14 Komail ari kajinenda, luke pamail en katenetenki melel o pereki pere pan maramara me pun. EPH 6:15 O na omail en kitekit pena, pwen onop on wa jili ronamau en popol. EPH 6:16 A pil eu pan ko on mepukat: Komail ale perepa en pojon, pwen kakun kila katieu kijiniai en me jued o. EPH 6:17 Komail pil ale lijorop en kamaur o kodlaj en Nen, me majan en Kot. EPH 6:18 O podidi on kapakap o wia poekipoeki. Nidinidiki Nen ni meakaroj. O majamajan, o poden kapakapaki jaraui kan karoj. EPH 6:19 O kapakapa kin ia, pwe i en nil meledok o au ai en jar a pajan ai ainar en kaweweda me rir en ronamau. EPH 6:20 Me nai jaunpadakepa, me jalidier, pwe i en kelail on padapadaki, duen me kon on. EPH 6:21 A pwe komail en aja ir ai kan, o me i kin wiada, ri atail kompok Tikikuj o papa lelapok en Kaun o, pan padaki on komail meakaroj. EPH 6:22 I me i kadarala, pwe komail en ajadar ir at akan, o pwe i en kamait monion omail. EPH 6:23 Popol on ri atail, o limpok ianaki pojon jan ren Kot Jam o Kaun Iejuj Krijtuj! EPH 6:24 Mak en mimi ren karoj, me kin pok on atail Kaun Iejuj Krijtuj kokolata! PHI 1:1 PAULUJ o Timoteuj ladun Iejuj Krijtuj on me jaraui kan karoj en Krijtuj Iejuj o pijop o jaunkoa kan nan Pilipi. PHI 1:2 Mak o popol jan ren Kot Jam atail o Kaun Iejuj Krijtuj en mi re omail! PHI 1:3 I kin danke ai Kot ni ai tamatamanda komail. PHI 1:4 I me i kin wiada ni ai kapakap kin komail anjau karoj, o i kin kapakap ni pereperen. PHI 1:5 Pweki omail dadaurata ronamau jan ni tapi o kokodo lel met. PHI 1:6 O i kamelele me I, me tapidar wiawia mau on eu re omail pil pan kanikiela lan lel ran en lejui Krutul. PHI 1:7 Me pun i en kamelele mepukat duen komail karoj, pwe i kin kolekol komail nan monion i ni ai jalidi wet, waja i kin kaweweda o kadededa ronamau; a komail karoj kin ian ia kapwaiada mak wet. PHI 1:8 Pwe Kot ai jaunkadede, duen i kin loleiteki komail pan kupur en Krijtuj Iejuj. PHI 1:9 O me i pil kapakapaki pwe omail limpok en lapalapala kakairida ni lolekon o lamalam akan. PHI 1:10 Pwe komail en kajauiada, da me mau jan karoj, pwe komail en melel o pun lao lel ran en Krijtuj. PHI 1:11 O direki wan pun kan, me kin wiaui ren Iejuj Krijtuj men kalinanada o kapina Kot. PHI 1:12 Ri ai kan, i men, komail en aja ir ai, me dialan kaindindar ronamau, PHI 1:13 Nan i ai jalidi kan pweki Krijtuj, me pwarapwaradar nan im en monjap o waja karoj. PHI 1:14 O ri atail toto pan kupur en Kaun, me ainar kidar ai jalidi kan, ap aima jan maj o, en padaki maj an en Kot ap jo majak. PHI 1:15 A akai kin padaki duen Krijtuj akpeirin, o akamai, o akai jan nan ar inon mau. PHI 1:16 A met akan ni limpok, pwe re aja, me nai jalidier, pwen kadede pan ronamau. PHI 1:17 Irail kin padaki duen Krijtuj kapei lokaia o jo melel, re kiki on, me re pan kalaudela ai jalidi kan; PHI 1:18 A pil menda? Pwe Krijtuj kin lolok jili ni jon karoj, ma ni akamai de ni melel, i me i peren kida, ei i pan pereperen. PHI 1:19 Pwe i aja, mepukat pan kare on ia maur joutuk ki omail kapakap o jauaj pan Nen en Iejuj Krijtuj. PHI 1:20 Duen ai inon ion, o auiaui, o kaporoporeki, me i jota pan namenokala ni eu jon. A duen maj o, iduen anjau wet Krijtuj en kapinan laud ni war ai, ma ni ai pan memaurata de mela. PHI 1:21 Pwe Krijtuj, i maur i, o mela ai pai. PHI 1:22 A ma i pan memaurata ni pali uduk, ai wiawia kan pan kadepa; ari i ap jaja, da me i en pilada. PHI 1:23 Pwe i mauki ira karoj: I inon ion mela, pwen mila ren Krijtuj, pwe i eta me mau. PHI 1:24 A ai mimieta ni pali uduk me mau jon pweki komail. PHI 1:25 Ari, i ap aja, me i pan mimieta re omail karoj, pwen jauaja omail peren o pojon, PHI 1:26 Pwe omail kapin en lapalapala ren Krijtuj Iejuj ki ai pwaralan komail. PHI 1:27 Ari, komail weweid duen me waron ronamau en Krijtuj, pwe ma i pwaralan komail, de ni ai doo, i en ron, me komail keleki nen ta ieu, o komail lamalam ta pot, i ian kelail dodok on ronamau ki pojon. PHI 1:28 O komail ender waponki, me kin palian komail akan, pwe i kajanjale pan arail pan lokidokila, a omail pan maurela; a mepukat jan ren Kot. PHI 1:29 Pwe a muei on komail er pan kupur en Krijtuj, kaidin pojon eta, pwen pil kalokolokeki i, PHI 1:30 Pwe komail kin wia pei ota, me komail kilaner re i, o me komail kin ron duen nai. PHI 2:1 MA panapanau eu ren Krijtuj mia, ma kamait en limpok, ma jau pena en Nen, ma limpok melel, o kadek jan nan nen omail, PHI 2:2 Komail ap kaunjokela ai peren ni omail lamalam ta pot, o limpok ta ieu, o min ta ieu, o inon ion jon ta ieu, PHI 2:3 O der aklemai o der wia meakot ni aklapalap a ni karakarak, amen en kakaki amen mo a. PHI 2:4 Amen amen ender apwali pein a dipijou kan, a amen amen en apwali en akai ar dipijou. PHI 2:5 Pwe i tiak en mi re omail, me pil mi ren lejuj Krijtuj. PHI 2:6 Me mom en Kot, ap jota men ale on pein i en dueta Kot. PHI 2:7 Ap akamaleki pein i o wiala ladu men o jon en aramaj akan. PHI 2:8 O kotin janjaleda ni mom en aramaj, o kajapwilidi pein i, o ni a kotin peiki on lel mela, ei lel mela ni lopu. PHI 2:9 Nan i me Kot kotin kajapwilada i waja ileile, o kotiki on i mar eu, jikida jan mar karoj. PHI 2:10 Pwe karoj en kelepukidi ni mar en Iejuj, me mi nanlan o nin jappa o pan jappa. PHI 2:11 O lo karoj en kadedeki, me Iejuj Krijtuj me Kaun pwen kalimmada Kot Jam. PHI 2:12 Ari kompoke pai kan, duen omail okoke kokodo, kaidin ni omail wokaren ia do, a me jikidar anjau wet ni ai doo, en pere ki, o lomwiniki kadokedoke kamaur pamail. PHI 2:13 Pwe Kot me kotin wiada karoj nan lol omail: Inon o kapwaiada duen kupur a. PHI 2:14 Komail wiada meakaroj jo lipanede o jo peikajal. PHI 2:15 Pwe komail en pun o melel o jeri en Kot akan, me jo lol riapot nan pun en di jued o japun, me komail jer janjal nan pun arail, dueta jer en jappa kan. PHI 2:16 Kajanjaleda majan en maur, pwen kapin pa i ni ran en Krijtuj, pwe i ender tan mal de dodok mal. PHI 2:17 A ma i dueta mairon urak eu wudoki on mairon o dodok en omail pojon, i kin peren kida, o i pan ian komail karoj pereperen. PHI 2:18 I me komail en pil perenki o komail en ian ia pereperen. PHI 2:19 A i kaporoporeki Kaun Iejuj, me i pan madan kadar won komail Timoteuj, pwe i en pil injenemau, i lao aja ir omail. PHI 2:20 Pwe jota amen mi re i, me dueta i, me kin apwali komail melel. PHI 2:21 Pwe karoj kin rapaki me pein ar, a kaidin me japwilim en Krijtuj. PHI 2:22 A komail aja, me a tiak me pun, pwe a jauaja ia ni ronamau dueta jeri men on a papa. PHI 2:23 I me i kaporoporeki, me i pan kadarala eden, i lao aja ir ai. PHI 2:24 A i liki Kaun o, me pein nai pil pan pwara wei madan. PHI 2:25 A i lamedar, me mau en kadarlan i komail ri ai Epaprotuj me ai warok ni ai dodok o ai peipei, iei omail men en kadar, o me papa ia ni ai jamama. PHI 2:26 Pwe komail aja, a non kin komail melel, o a patauki melel omail ronadar, me a jomau. PHI 2:27 Melel, a jomau meid laud, koren ion mela. A Kot me kotin kupuredar i; a kaidin i eta, pwe pil nai, pwe i de paiola pokon. PHI 2:28 A i madan kadarala i, pwe komail en kilan i, ap peren kida, o ai injenjued en pil tikitikela. PHI 2:29 Komail ari kajamo i ni Kaun o popol, o wauneki me dueta i kan. PHI 2:30 Pweki wiawia en Krijtuj a koren ion mela, ni a jota kajampwaleki pein maur i, pwen jauaja ia wiliandi komail. PHI 3:1 A PIL eu ri ai kan, komail en perenki Kaun o! I kin intin won komail jon ta ieu anjau karoj, ari jo, i me i jota injenjuedeki, pwe a kin kakelaile kin komail. PHI 3:2 Kalaka kidi kan! Kalaka toun dodok jued akan! Kalaka jon en jirkomjaij jued! PHI 3:3 Pwe kitail, me kaudok on Kot ki nen o juaiki Krijtuj Iejuj, o jo kaporoporeki uduk, me jirkomjaij. PHI 3:4 Ari jo, men juaiki uduk pil, mi re i. O ma amen kin lamelame, me a kak juaiki uduk, a nai kak laud jan. PHI 3:5 Pwe nai jirkomjaijelar ni auel en ran, nai kijan men Ijrael o kainok en Peniamin, o men Ipru amen me tapi jan men Ipru, a nin tiak en kapun Parijar amen. PHI 3:6 A nai nantion mepukat lao lel on kaloke momodijou kan, o ni ai kapwaiada tiak en kapun, nai me pun melel. PHI 3:7 A me pai on ia, i mamaleki pweki Krijtuj. PHI 3:8 lei melel, i mamaleki meakaroj pwe meid kajampwal on dedoki Krijtuj Iejuj ai Kaun, i me i muei jan karoj o wia pwel kilar, pwe i en anekila Krijtuj. PHI 3:9 O i en kadiarokada re a, me jota pein ai pun, me pwili jan kapun, a me pwili jan pojon Krijtuj, iei pun, me Kot kotin wadok on pojon. PHI 3:10 Pwe i en dedeki i o manaman en a iajadar, o ai warok ki on kalokolok pwe i en duela a matala. PHI 3:11 Pwe i en konodi maureda jan ren me melar akan. PHI 3:12 Kaidin likamata i konodier de nai unjokelar; a i kin dadaurata, pwe i en konodi murin Krijtuj Iejuj kotin kono ia dier. PHI 3:13 Ri ai kan i jota lamelame, me i konodier, PHI 3:14 A iet eu, me i kin wiada: I likidmaliela men likin jakeri ap inon ion meakan, me mi moa, o i kilekilan ap tan won kilel o, me mi moa, iei katin, me Kot kotin kileledi on ia ren Krijtuj Iejuj. PHI 3:15 Ari karoj me unjokelar, en lamelame due met. A ma komail wuki jan meakot ni lamalam, Kot pan kotin kadiarok on komail. PHI 3:16 A me kitail konotier, kitail en inenki wei eta ni lip ota. PHI 3:17 Ri ai kan idauen ia do, o ale jan me kin kekeid wei duen me komail kilaner re at. PHI 3:18 Pwe pan pak toto i indan komail er duen me toto, me kin kekeid wei, a met i indan komail ki janejan, me irail imwintiti pan lopu en Krijtuj, PHI 3:19 Me pan lokidokila ni imwi ’rail, me wia aniki kaped arail, me ar wau pan joredi, me kin paieki dipijou en jappa. PHI 3:20 A deu atail mi nanlan, waja me je kin auiaui Kaun Iejuj Krijtuj atail Jaunkamaur pan pwarado jan ia. PHI 3:21 Me pan kotin kalinanada war atail pwel, pwen raj on war a linan ki manaman, me a pan kotin kaloe kidi meakan karoj. PHI 4:1 ARI ri ai kompok kan, ai peren o ai linan komail, katenetendi ren Kaun o kompoke pa i kan! PHI 4:2 I panaui Ewodia o i panaui Jintike, pwe ira en minimin pena ren Kaun o. PHI 4:3 O i pil poeki re omui ai warok melel, jauaja ira, me ian ia er dodok ni ronamau, ianaki Klemenj o ai warok tei kan, me arail mar akan mi nan puk en maur. PHI 4:4 Komail peren ki Kaun o anjau karoj! I pil pan indada: Komail pereperen! PHI 4:5 Komail kadek on aramaj akan karoj, Kaun o me kotin korendor. PHI 4:6 Komail der patauki meakot, a komail kajale on Kot meakaroj me komail inon ion ni omail kapakap o nidinid ki danke. PHI 4:7 O popol en Kot, me lapa jan lolekon, pan apapwali monion omail o omail lamelam ren Krijtuj Iejuj. PHI 4:8 Pil eu ri ai kan, karoj me melel, karoj me kon on, karoj me pun, karoj me min, karoj me kajelel, karoj me kalok mau, o ma pil eu tiak mau de men kapin, komail ap madamadaua due! PHI 4:9 Meakan, me komail padakier o aleer, o ronadar, o kilaner re i, i me komail wia, a Kot en popol ap pan kotikot re omail. PHI 4:10 A nai me perenki Kaun o kaualap, pweki ni anjau wet omail apwali ia me tapwendar; ari jo, komail apwali ia anjau karoj, a anjau kij komail jota kak on PHI 4:11 I jota inda mepukat pweki ai jamamalar, pwe i kin injenemau in ai jamama o ni ai kapwapwa. PHI 4:12 I ajada duen tiak en jamama o duen tiak en kapwapwa. Nai koiokki meakaroj o jon karoj, i kak metier o men manadar, o muei met o tutupok. PHI 4:13 I kak on meakaroj, pweki ime katin ia da. PHI 4:14 Ari jo, me mau omail apwali ia la ni ai paiolar akan. PHI 4:15 A komail men Pilipi pil ajaer, me jota momodijou apapwali ia ni meakaroj dueta komail jan ni tapin ronamau, ni ai ko wei jan Majetonien. PHI 4:16 Pwe komail kijakij don ia pan riapak ni ai jamamalar nan Tejalonik. PHI 4:17 Kaidin kijakij, me i kin rapaki, a i kin rapaki wa, pwen kalaudela noumail kij in likau. PHI 4:18 Pwe me mi re i itar on ia, op il laud jan. Muei met mi re i, ni ai aleer omail kijakij ren Epaprotituj. Meakan raj on pomau eu o mairon mau eu, me kon on Kot. PHI 4:19 A ai Kot pan kotin kaitar omail jamama duen a kapwapwa ni linan ren Krijtuj Iejuj. PHI 4:20 A linan en ko on Kot o Jam atail kokolata! Amen. PHI 4:21 Ai ranamau on jaraui kan karoj ren Krijtuj Iejuj. Ri atail akan, me mi re i, kin ranamau won komail. PHI 4:22 Jaraui kan karoj kin ranamau won komail, pil toun im en Jija mon karoj. PHI 4:23 Mak en atail Kaun Iejuj Krijtuj en mi ren nen omail! Amen. COL 1:1 PAULUJ wanporon en Krijtuj Iejuj amen pan kupur en Kot o ri atail Timoteuj, COL 1:2 Oni ri at jaraui o lelapok ren Krijuj akan, me mi Koloje; mak o popol jan ren Kot Jam atail o Kaun Iejuj Krijtuj! COL 1:3 Kit kin danke Kot o Jam en atail Kaun Iejuj Krijtuj o kapakapa kin komail kaukaule. COL 1:4 Kit lao ronadar duen omail pojon Krijtuj Iejuj, o omail limpok on jaraui kan karoj, COL 1:5 Pweki kaporopor eu, me nekineki on komail nanlan, duen me komail ronadar maj o ni padak melel en ronamau, COL 1:6 Me lei won komail o pil jap akan karoj, o a kin wada o kakairida dueta re omail jan ni ran o, me komail ronadar o dedekier melel mak en Kot; COL 1:7 Duen omail padakki jan ren Epapraj at warok kompok amen, me papa lelapok en Krijtuj on komail amen, COL 1:8 Me pil kaireki don kit duen omail limpok pena ni Nen. COL 1:9 I me je jota kin dukedi jan at kapakapa kin komail o poekipoeki jan ni ran en at ronadar, pwe komail en direki erpit en kupur a, o komail en lolekon o koiok nenin, COL 1:10 O kekeid wei duen me kon on Kaun o, o kapareda wan wiawia mau karoj, o kakairida ki aja Kot, COL 1:11 O keleki kel karoj duen manaman en a linan pwen dadaurata o kanonamalu peren, COL 1:12 Danke Jam o, me kotin kamau kitail lar, en ian pwaijaneki iojo en me jaraui kan nan marain. COL 1:13 Me kotin kapiti jan kitail manaman en rotorot, ap kotin kajau kitail don nan wein Na kompokepa, COL 1:14 Me kotin dore kitail la iei lapwan dip atail, COL 1:15 I me kajale pan Kot, me jo janjal, me mejeni en audepa karoj. COL 1:16 Pwe karoj wiauiki i, karoj me mi nanlan o jappa, me janjal o me jo janjal, ma me poe kan, de jaumaj akan, de wei kan, de manaman akan, meakaroj wiauiki i o on i. COL 1:17 O i me kotikot mon meakaroj o meakaroj memaureki i. COL 1:18 O i tapwin war a, iei momodijou, o i me tapi o mejeni en me iajadar jan ren me melar akan, pwe i en mon meakaorj. COL 1:19 Pwe Kot kotin kileledier me mau kan karoj en mi re a. COL 1:20 I ari kalolamau penan pein I meakan karoj, ma ni jappa de nanlan, ni a kotin wiada muei mau ki ntan a lopu. COL 1:21 O komail, me doo wei jan o imwintiti maj o ni omail lamelame o wiawia jued akan, COL 1:22 A kotin kalolamau komail lar ki war a uduk ni a matala, pwen kapware kin komail da jaraui o pun o jo kadeik pa omail mo a. COL 1:23 Ma komail dadaurata pojon o teneten o jo mokid wei jan ni kaporopor ki ronamau, me komail ronadar, o me lolok on audepa karoj me mi pan lan, me nai Pauluj wialar papa men. COL 1:24 I ap perenki ai kalokolok ki komail o men kaimwijok kila uduk ai me luedi ni kamekam en Krijtuj, pweki war a, iei momodijou, COL 1:25 Me i wialar papa men duen koa dodok en Kot, me i aleer pweki komail pwen ujela maj an en Kot. COL 1:26 Iei me rir kot, me rir jan nin tapin kaua o men kaua, a met a kadiarok on japwilim a jaraui kan, COL 1:27 Me Kot men kajanjaleda kapwapwa en linan en rir wet on men liki kan, iei Krijtuj me kotikot lol omail, i kaporopor en linan. COL 1:28 I me kit kin padaki o pane panaui aramaj karoj, o padapadaki aramaj karoj ni lolekon karoj, pwe kit en kapwareda aramaj karoj ni unjoki on Krijtuj. COL 1:29 I me i pil dodok kelail, duen wiawia en i me kin dodok kelail lol i. COL 2:1 A I men, komail en aja iran ai pei laud pweki komail, o men Laodijaa, o irail karoj, me jota kilan maj ai ni uduk o. COL 2:2 Pwe monion arail en kamaitala o irail en warok pena ni limpok o irail en kakairida ni ar dedeki melel duen me rir en Kot. COL 2:3 Pwe pai en erpit o dedeki, me okiok re a. COL 2:4 I me i inda mepukat, pwe aramaj amen ede kotau ki komail lokaia widin kan. COL 2:5 A ni pali uduk o nai me doo, a ni pali nen i nai mi re omail, i poronki o kilan omail jondi mau, o omail pojon kelail Krijtuj. COL 2:6 A duen omail wuki on Krijtuj lejuj Kaun o, iduen komail en weweideki i, COL 2:7 O podidi on i, o kakau kida i, o komail kelail ni pojon, duen nir komail padak kidar, o nantion COL 2:8 Kalaka pwe amen ede jali kin komail padak mal o padok en kauada duen tiak en aramaj akan en jappa, a kaidin tiak en aramaj akan en jappa, a kaidin tiak en Krijtuj. COL 2:9 Pwe aude pan me udah Kot karoj kotikot re a, nan pein war a. COL 2:10 O komail me unjok kilar I, me tapwin wei karoj o manaman karoj. COL 2:11 Me komail pil jirkomjaijeki on jirkomjaij eu, me jo manin pa, a duen pwilikidi war en uduk ni jirkomjaij eu, me ren Krijtuj. COL 2:12 Ni atail ian I jerkidi paptaij, o me komail pil maur kida pojon manaman en Kot, me kaiajada I jan ren me melar akan. COL 2:13 O ni anjaun omail mela ni dip o jojirkomjaij en uduk omail, a kotin kamaur komail da ianaki I, ni a kotin maki on kitail japun kan karoj. COL 2:14 O a kotin iroj wei jan intin o, me kapokon on kitail, me audekier kujoned akan, ap palian kitail, I me a kotin kawelar ni a pajurede on I nin lopu. COL 2:15 A lau kaloedier wei kan o manaman akan, ap kajanjanle irail ada o wia kin ir kilel en kaperen eu. COL 2:16 Jota amen en kadeik komail da pweki kijin mana, de pil nim, de ran a akai, de maram pul, de japat akan. COL 2:17 Pwe mepukat mot en me pan pwarado, a war o iei Krijtuj. COL 2:18 Jota me pan kataue jan komail katin pamail; pwe iei i me kin wiawia pein injen a ni a karakarak o poni on tounlen kan, me a jota kilaner o me aklapalap o perenki pein i ni tiak en uduk a. COL 2:19 O a jota kin keleki tapwi, me war pon ale jan kijin mana ki kokon akan, iduen a pan kakairida ni kupur en Kot COL 2:20 A ma komail ian Krijtuj melar jan tiak en jappa, menda komail pil lodi on tiak kan likamata komail memaureta nin jappa. COL 2:21 Re kin inda: Koe der doke, koe der jon, koe der jair! COL 2:22 A mepukat karoj pan okila kadokepa; ari kijin kujoned mal akan, me aramaj akan ta wiadar. COL 2:23 Me janjal en lolekon ni ar wiada pein ar kaudok o karakarak o ar kaloke pali war arail; a mepukat kin kapwaiada pali uduk eta. COL 3:1 ARI, ma komail ian Krijtuj iajadar, en rapaki me pali poa kan, waja Krijtuj kotikot ia ni pali maun en Kot. COL 3:2 Inon ion me mi pali poa a kaidin me mi nin jappa. COL 3:3 Pwe komail melar, o maur omail rirlon Krijtuj ren Kot. COL 3:4 Krijtuj, iei maur atail, lao pwarado, kitail pan pil ian i pwarado ni linan o. COL 3:5 Komail ari kamela kokon omail, me mi jappa: Nenek, jamin, tiak jued, inon jued, norok kapwa, pwe iei kaudok jued. COL 3:6 Pweki mepukan onion en Kot kin lel on jeri jopeik kan. COL 3:7 Me komail pil kekeideki maj o, anjaun omail akmemaurki. COL 3:8 A metet komail pwilikidier meakaroj: Makar, linaranar, katantat, lalaue, kajoi kajaut nan au omail; COL 3:9 Ender likam nan pun omail, pwe komail pwilikidier aramaj marin ianaki a wiawia kan, COL 3:10 Ap aleer me kap, me wilikapadan lolekon duen mom en me kaujedar i. COL 3:11 Wajan jota men Krik, jota Juj, jota jirkomjaij, pil jota jojirkomjaij, jota men liki, jota Jite, jota ladu o jota me maioda men, a Krijtuj eta me kotikot ni karoj. COL 3:12 Pwil po omail duen en Kot a pilidar akan, me jaraui o kompok, limpok en nan monion, o kadek, o karakarak, o opampap, o kanonama, COL 3:13 Apwali amen amen, o mak pena, ma amen kainjenjuedi amen, duen Krijtuj kotin mak on komail er, iduen komail. COL 3:14 O moneki limpok, me ora pena kamau pokon. COL 3:15 O popol en Krijtuj en kaunda nan monion omail, me komail pil paeker pena ni war ta ieu, o komail danke. COL 3:16 Komail nantion dodokiki majan en Krijtuj nan pun omail ni lolekon karoj; padapadaki o panapanaui komail pena, ki pjalm, o kaul en kapin, o kaul nenin, o kakaul on Kot nan monion omail ki mak. COL 3:17 O karoj, me komail kin wia ni lokaia, o wiawia kan, en wiada ni mar en Kaun Iejuj, o danke Kot o Jam pweki i. COL 3:18 Komail li akan udi on omail warok kan ni Kaun o, duen me kon on. COL 3:19 Komail ol akan, pok on omail warok kan o der makar pa ’rail. COL 3:20 Komail jeri kan, peiki on me wia komail da ni meakaroj, pwe i me kon on Kaun o. COL 3:21 Komail jam akan, der kamakar mal noumail jeri kan, pwe ren der jan komail la. COL 3:22 Komail ladu kan, peiki on omail jaumaj ni uduk ni meakaroj kaidin ni dodok mon aramaj, pwen konekon ren aramaj, a ni impimpai en monion o, o lan Kaun o. COL 3:23 O karoj, me komail wiada en lolin on wiada, dueta on Kaun o a kaidin on aramaj akan. COL 3:24 Ap aja, me komail pan ale katin en jojo ren Kaun o, pwe komail kin papa Kaun Krijtuj. COL 3:25 A me wia japun, pan pein pukoki japun me a wiadar pwe Kot jota kin lipilipil aramaj amen. COL 4:1 KOMAIL jaumaj akan, pwain on omail ladu kan me pun o me mau, pwe komail aja, me pil omail Jaumaj kotikot nanlan. COL 4:2 Podidi on kapakap o majamajan o danke. COL 4:3 O pil kapakapa kin kit, pwe Kot en kotin ritinidan kit wanim on majan eu, en kaweweda en Krijtuj a me rir kot, me nai jali kidier, COL 4:4 Pwe i en kaparoki duen me pun. COL 4:5 Kekeid lelapok wei mon men liki kan, kadokedoke anjau mau. COL 4:6 Omail kajoi en wiaui ni mak o doleki jol anjau karoj, pwe komail en ajada, duen me komail pun japenki amen amen. COL 4:7 Ri atail kompok Tikikuj o pupa lelapok o ladu en Kaun amen pan kaire kin komail ir ai karoj. COL 4:8 Pwe i me i kadar won komail er, pwen aja ir omail, o kamait monion omail, COL 4:9 Onejimuj pil ian i, i ri atail lelapok kompok amen, me kij omail. Ira pan kaire kin komail karoj, me wiauier met. COL 4:10 Arijtarkuj, me ian ia jalidi, kin ranamau won komail, o Markuj nain ri en Parnapaj pwe komail ale er kujoned akan duen i; a lao pwara won komail, komail kajamo i; COL 4:11 O Iejuj, me ad a Iujt, me kijan jirkomjaij. Irail eta ai warok en dodok ni wein Kot; ira me kamait pa i. COL 4:12 Epapraj, me kij omail, o me ladun Krijtuj Iejuj amen, kin ranamau won komail, a nidinide jauaja komail ni a kapakap akan kaukaule, pwe komail en dadau rata o unjokila o direki kupur en Kot. COL 4:13 Nai me kadede i, me a porijok melel ni a apapwali komail o irail nan Laodijea o lrapolij. COL 4:14 En jaunwini Lukaj kompok oDemaj ara ranamau won komail. COL 4:15 Ranamau won ri atail akan en Laodijea o Nimpaj o momodijou nan im a. COL 4:16 A kij in likau kij et lao wadawader re omail, komail kanaion, pwen pil wadawad ren momodijou en Laodijea, o komail pil pan wadok, me i kadaralan Laodijea. COL 4:17 Komail indai on Arkipuj: Kanekanai on dodok, me koe aleer jan ren Kaun o, pwe koe en kapwaiada. COL 4:18 let nai Pauluj intinki pa i ai ranamau. Tamatamanda ai jalidi. Mak en mimieta re omail! 1TH 1:1 PAULUJ, o Jilwanuj, o Timoteuj on momodijou en Tejalonik, me ren Kot Jam o Kaun Iejuj Krijtuj. Mak o popol en mi re omail! 1TH 1:2 Je kin poden danke Kot ki komail karoj o tamataman kin komail ni at kapakap akan. 1TH 1:3 O je kin tamatamanda omail wiawia kan ni pojon, o omail dodok ni limpok, o omail kanonama ni kaporoporeki atail Kaun Iejuj Krijtuj janjal on Kot o Jam atail. 1TH 1:4 Pwe ri ai kan o kompoke pan Kot akan, je aja duen omail lipilipil re a, 1TH 1:5 Pwe at ronamau lel on komail er, kaidin nin lokaia ta, a pil ni manaman o Nen jaraui, o ni kamelelepa kaualap, pwe komail aja jon en aramaj da kit re omail pweki komail. 1TH 1:6 A komail ale janer kit o jan Kaun o, ni omail aleer majan o ni kamekam kaualap o ni peren en Nen jaraui. 1TH 1:7 Komail wialar kilel en jaulan karoj mi Majetonien o Akaia. 1TH 1:8 Pwe jan re omail majan en Kaun o kaparaparalar, kaidin nan Majetonien o Akaia eta, pwe pil waja karoj omail pojon Kot lokila ia; ari, jolar me je pan inda. 1TH 1:9 Pwe pein irail kaire kin kit, duen at pwaralan komail me pwaida, o duen omail wuki on Kot jan dikedik en ani kan, pwen papan Kot, me udan maur o melel. 1TH 1:10 O auiaui japwilim a Ol jan nanlan, me a kotin kaiajada jan ren me melar akan, Iejuj, me kotin dore kitail jan ni onion en Kot, me pan janjaldo. 1TH 2:1 PWE pein komail aja, ri ai kan, duen at pwaralan komail kaidin me jo kadepa. 1TH 2:2 A murin at kamekam nan Pilipi o at kalokolok waja o, duen me komail aja, kit aimaki atail Kot padaki on komail ronamau en Kot ni apwal laud. 1TH 2:3 Pwe at panapanaui komail jota wiaui ni kotaue, de jamin, de widin. 1TH 2:4 Pwe duen kit ale jan ren Kot en padaki ronamau, iduen at padak kin wiaui, kaidin pwen konekonlar ren aramaj akan, a Kot me kotin kajauiada monion it. 1TH 2:5 Jota eu anjau me je linkapina komail, duen me komail aja, de norok kapwa, Kot me jaun kadede en mepukat. 1TH 2:6 Je pil jota rapaki konekon ren aramaj akan, ma re omail de ren akai. A je pan kak katoutoui komail, pwe kit wanporon en Krijtiij akan. 1TH 2:7 Ari jo, kit kin materok nan pun omail dueta li en kamait amen, me kin apwali na jeri kan. 1TH 2:8 Iduen at non kin komail melel, je mauki katunole kin komail ronamau en Kot, a kaidin i eta, a pein maur at, pwe komail wialar kompoke pat. 1TH 2:9 Ri ai kan, komail kin tamanda duen at dodok o at apwal akan. Pwe je dodok ni ran o ni pon, pwen der katoutoui amen komail, o je padaki on komail ronamau en Kot. 1TH 2:10 Komail o Kot at jaunkadede duen at makelekel, o pun, o inen re omail me pojon akan. 1TH 2:11 O duen komail aja, me kit panaui o kamekamait amen amen re omail dueta papa men wia on na jeri kan. 1TH 2:12 O je padaki on komail er, me komail en alu inen wei ta, duen me kon on Kot, me kotin molipe komail on pein a wei o pein a linan 1TH 2:13 I me je kin poden danke Kot, pwe ni omail aleer majan en Kot, komail aleer kaidin dueta padak en aramaj akan, pwe duweta majan en Kot melel, me pil kin dodok nan lol omail me pojon akan. 1TH 2:14 Pwe ri ai kan, komail ale janer momodijo en Kot akan nan Iudaa reh Krijtuj Iejuj; pwe komail kamekame reh toun omail wei, dueta irail me kamekame ren Juj akan. 1TH 2:15 me pil kamatalar Kaun Iejuj, o jaukop akan, me re kaloke, o re jota konekon ren Kot, o re kin palian aramaj akan karoj. 1TH 2:16 O re kainapwi jan kit, ender padak on men liki kan, pwe ren der maurela, pwe re kin kadirela dip arail anjau karoj, a onion mi po ’rail. 1TH 2:17 A kit ri ai kan ni at doo wei jan komail anjau kij ni pali war at, a kaidin ni monion it, je ap nantion o inon ion melel kilan maj omail. 1TH 2:18 I me je men pwar won komail, nai Pauluj pan mepak o pan riapak, a Jatan karompa kit. 1TH 2:19 Pwe ij me kapore pat, de kaperen pat, de kapina pat? Kaidin komail mon Kaun patail Iejuj ni a kotido 1TH 2:20 Pwe komail kalina pat o kaperen pat. 1TH 3:1 I ME je jolar kak nenen la, pwe je maukida kelepala nan Aten, 1TH 3:2 Ap kadar won komail Timoteuj ri atail o papan Kot ni ronamau en Krijtuj, pwen katene komail o kamait komail la iran omail pojon. 1TH 3:3 Pwe jota amen en luet kila kamekam wet, pwe pein komail aja, mepukat kiloledier on kitail. 1TH 3:4 Pwe ni at mimi re omail, je kokopki don komail kamekam; duen me komail aja. 1TH 3:5 I me I jolar kak nenenla, a i ilakila, pwe i en aja, duen omail pojon, ma men kajonejon jo kajonejon komail, a ma at dodok jota pan dodok mal. 1TH 3:6 A metet no en Timoteuj pwara don kin jan re omail, o padaki on kit ron mau duen omail pojon o limpok, o duen omail tamataman kit anjau karoj, o duen komail men kilan kit, I dueta kit kin inon ion kilan komail. 1TH 3:7 Ri ai kan, kit ap kamait kilar komail ni at kamekam o apwal akan ki omail pojon. 1TH 3:8 Pwe anjau wet kit maureda, ma komail poden tenedi on Kaun o. 1TH 3:9 Pwe ia danke me jen dankeki Kot pweki komail, me pan raj on peren, me je peren kida mon Kot ki komail? 1TH 3:10 Je kin poden kapakapa kin komail ni pon ni ran o nidinidiki, jen kilan maj omail o kaunjokala omail pojon. 1TH 3:11 Ari, pein Kot, o Jam atail, o atail Kaun Iejuj en kotin kalua kit won komail. 1TH 3:12 A Kaun o en kotin kanedere komail la o kalaudela omail limpok nan pun omail o on amen amen dueta kit on komail. 1TH 3:13 O kotin kateneten monion omail pwen mau melel, ni jaraui mon Kot o Jam atail on ni ran en atail Kaun Iejuj, me pan kotido o japwilim a jaraui kan karoj ian i. 1TH 4:1 ARI, ri ai kan, je pil poeki re omail o panaui kin komail Kaun Iejuj, duen me komail aleer jan kit, o duen me komail en kekeideki wei, o kaperenda Kot, iduen omail kakairida. 1TH 4:2 Pwe komail aja duen kujoned akan, me je pan on komail ren Kaun Iejuj. 1TH 4:3 Pwe iet kupur en Kot, omail jarauila, pwe komail en liki jan nenek. 1TH 4:4 Amen amen en kanai on pein war a, pwen jaraui o wau o liki jan inon jued, 1TH 4:5 Kaidin ni dender on inon jued duen men liki kan, me jo aja Kot; 1TH 4:6 O jota me pan piti de kajapuni on ri a ni meakot, pwe Kaun o pan kotin iki on i, duen me kit inda o kadede on komail er maj o. 1TH 4:7 Pwe Kot jota molipei kitail on jamin, a pwen jaraui. 1TH 4:8 A ma amen komail pan mamaleki mepukat, kaidin aramaj me a pan mamaleki pwe Kot, me pil kotiki on komail er japwilim a Nen jaraui. 1TH 4:9 A duen limpok en jaulan, menda i en intinki won komail, pwe pein komail padakki jan ren Kot, me komail en pokepena. 1TH 4:10 Nan met komail kin wiai on jaulan karoj, me mimi Majetonien pon. A je panaui kin komail ri at akan, komail en kakairida. 1TH 4:11 O komail nenenla o inon ion apwali pein omail dodok, kadokeki pein pa omail, duen me je padaki on komail er, 1TH 4:12 Pwe komail en janjal mau mon me mi liki kan, o komail der mau on amen en apwali komail. 1TH 4:13 Ri ai kan, je jota men oki jan komail duen me mairelar akan, pwe komail der injenjued dueta irail, me jota ar kaporopor. 1TH 4:14 Pwe ma kitail kamelele, me Iejuj matala ap iajadar, nan iduen me mairelar ren Iejuj, Kot pil pan kalua ir ala re a. 1TH 4:15 Pwe ieteten me je indan komail ni majan en Kaun o, kit me memaureta lao Kaun o pan kotin pwarado, jota pan ko wei mon me mair akan. 1TH 4:16 Pwe pein Kaun o pan kotido jan nanlan ki majan laud, o kapiti en toulan lapalap amen, o koronete en Kot; me melar akan ren Krijtuj ap pan maureda maj. 1TH 4:17 Kit me memaureta luadi ap pan ian ir peukadala nan dapok kan, ko on ren Kaun o nan wawa, kitail ap pan mimieta ren Kaun o kokolata. 1TH 4:18 Komail ari kamaiteki komail la padak pot et. 1TH 5:1 A DUEN anjau o auer, ri ai kan, menda i en intin won komail. 1TH 5:2 Pwe pein komail aja mau, me ran en Kaun o pan pwarado dueta lipirap amen ni pon. 1TH 5:3 Pwe irail lao pan inda: A muei mau, o jota apwal kot mia, I anjau kaupa pan lel on irail dueta li lijean amen; a irail jota pan pitila. 1TH 5:4 A komail ri ai kan, jolar mi ni rotorot, pwe ran o de konodi komail duen lipirap amen. 1TH 5:5 Komail karoj jeri en marain, o jeri en ran. Kitail jo kijan pon o rotorot. 1TH 5:6 Kitail ari ender mamair dueta me tei kan, a kitail en majamajan o daulikin. 1TH 5:7 Pwe me mair, kin mamair ni pon, o me jokolar, kin jokolar ni pon. 1TH 5:8 A kitail, me kijan ran, en liki jan, til won nan pere pan marmar en pojon o limpok, o lijoropeki kaporopor pan maur. 1TH 5:9 Pwe kaidin onion, me Kot kotin kileledi on kitail, a jen konodi maur joutuk ki atail Kaun Iejuj Krijtuj, 1TH 5:10 Me mata kin kitail er, pwe ma kitail papat de mamair, en maur pena re a. 1TH 5:11 Komail ari panau o jauaj pena nan pun omail duen me komail kin wia. 1TH 5:12 A je poeki re omail, ri ai kan, komail, en apwali me kin dodok nan pun omail, o me kaun komail da pan Kaun o, o me kin panaui komail. 1TH 5:13 Komail kaka kin ir kaualap ni limpok, pweki ar wiawia; o komail popol pena. 1TH 5:14 Je panaui kin komail, ri ai kan, komail en kapun on me katiwo kan, o kamait, me ar pojon tikitik, o apapwali me luet akan, o kanonama on karoj. 1TH 5:15 Komail majamajan, pwe amen ender depukki on amen me jued me jued, a en inon ion me mau eta nan pun omail o on amen amen. 1TH 5:16 Komail pereperen anjau karoj. 1TH 5:17 Kapakapta joutuk. 1TH 5:18 Komail danke ni meakaroj, pwe iduen kupur en Kot ren Krijtuj Iejuj on komail. 1TH 5:19 Der kakundi Nen. 1TH 5:20 Der mamaleki deideikop akan. 1TH 5:21 Kajojon on meakan karoj, ap koledi me mau. 1TH 5:22 Liki jan jon en jued karoj. 1TH 5:23 A Kot en popol en kajaraui komail la kaualap, nen omail, o monion omail, o war omail en nekinek mau on en atail Kaun Iejuj Krijtuj a pwarado. 1TH 5:24 Melel i, me kotin molipe komail er, me pan pil wiada. 1TH 5:25 Ri ai kan kapakapa kin kit. 1TH 5:26 Ranamauki ri at akan karoj metik jaraui. 1TH 5:27 I kauki on Kaun, me komail pan wadok kijin likau kij et on jaulan jaraui kan karoj. 1TH 5:28 Mak en atail Kaun Iejuj Krijtuj en mi re omail! 2TH 1:1 PAULUJ o Jilwanuj, o Timoteuj on momodijou en Tejalonik me ren Kot Jam atail, o atail Kaun Iejuj Krijtuj. 2TH 1:2 Mak o popol jan ren Kot Jam atail o atail Kaun Iejuj Krijtuj en mi re omail! 2TH 1:3 Mak eta jen poden danke Kot pweki komail, ri ai kan, pwe omail pojon kin laudela kaualap, o omail limpok pena pwaida kaualap. 2TH 1:4 I me kit juai kin komail on momodijou en Kot akan pweki omail kanonama o pojon ni omail kalokolok o kamekam, me lel on komail. 2TH 1:5 lei me kajanjal pan kadeik pun en Kot, komail ap pan kon on wein Kot, me komail kamekamki. 2TH 1:6 Pwe me pun ta on Kot en depukki on irail me moromorouo on komail. 2TH 1:7 A komail, me kalokolok, pan ian kit meleileila, ni kajale pan Kaun Iejuj jan nanlan ian japwilim a tounlan manaman akan, 2TH 1:8 Janjaldo ni kijiniai umpumpul, kapukapun on irail me poponjaja Kot, o on irail, me jo peiki on ronamau en atail Kaun Iejuj Krijtuj. 2TH 1:9 O me pan lokidokilan kamekam joutuk jan mon jilan en Kaun o jan mon a manaman linan. 2TH 1:10 Ni a pan kotido o linan kila japwilim a jaraui kan, ni ran o, o ujun kin ir karoj, me pojonlar i, pwe komail kamelele atail kadede. 2TH 1:11 I me je kin pil poden kapakapa kin komail, pwe Kot en kotin kakonekon komail on paeker o a kotin kaerela omail kapunlol o kapwaiada wiawia en pojon ki manaman. 2TH 1:12 Pwe mar en atail Kaun Iejuj Krijtuj en kalinanada re omail, o komail en konekonla re a duen mak en atail Kot o atail Kaun Iejuj Krijtuj. 2TH 2:1 JE men poeki re omail ri at akan iran atail Kaun Iejuj Krijtuj a pan kotin pwarado, o atail pan peukedalan i, 2TH 2:2 Komail der wukiwuk jili o der wapon kida nen eu, de kajoi pot, de kijin likau, me dene kit kadar won komail, me dene ran en Kaun o mier. 2TH 2:3 Jota amen en kotau komail la ni meakot. Pwe ran o jota pan pwarado, lao wiawia en maj more wei jan, o aramaj en dip janjal la, nain me jued. 2TH 2:4 Me pan palian meakaroj o kajapwilada pein i, en ileila jan karoj, me udan Kot de men kaudok kan, A pan mondi nan tanpaj en Kot o mome on pein i Kot. 2TH 2:5 Komail jota tamanda ni ai mimi re omail, i katiti on komail mepukat? 2TH 2:6 Ari met komail ajaer, me meakot mia, me kin kapwandela a pan pwarado. 2TH 2:7 A rir en japun kan ap mur pwaida met. Ari jo, a mimieta me kin kapwandela, lao a pan poioki wei jan; 2TH 2:8 I anjau me likin kapun o pan janjaleda, me Kaun Iejuj pan kotin kame kila an en jilan i, o kawe kila linan en a pan pwarado. 2TH 2:9 I me pan pwara kido mana en Jatan, ianaki manaman o kilel akai o kapuriam ni likam kai. 2TH 2:10 O ianaki widin en japun karoj on irail, me pan lokidokila, pwe re kan limpok on melel, pwe ren dorela. 2TH 2:11 I me Kot kotin mueid on irail ni manaman jued eu men kapin ir ada, pwe ren kamelele likam. 2TH 2:12 Pwe karoj pan pakadeikada me jo kamelele majan melel, a me mauki me japun. 2TH 2:13 A mak eta, jen danke Kot anjau karoj pweki komail, ri ai kompok kan, o pwe jan nin tapi o Kot me kotin pila kidar komail on maur potopot ni jaraui la pan Nen o ni pojon melel o. 2TH 2:14 Pwe on mepukat a kotin molipei komail er pan at ronamau, pwe komail en pwaij aneki linan en atail Kaun Iejuj Krijtuj. 2TH 2:15 Ari ri at akan, tenedi on o apwali padak, me komail padakkier, ma jan ni kajoi de at kijin likau. 2TH 2:16 A pein atail Kaun Iejuj Krijtuj o Kot o Jam atail, me pok on kitail o kupura don kitail kamait joutuk o kapor mau pan mak, 2TH 2:17 I en kamaitala monion omail, o katini komail on ni wiawia mau karoj o padak. 2TH 3:1 ARI ri at akan, komail kapakapa kin kit, pwe majan en Kaun o en pwaida o linanla duen a wiauier re omail. 2TH 3:2 O pwe kit en japedokala jan aramaj jolelapok kan; pwe pojon kaidin pwaij en aramaj karoj. 2TH 3:3 A Kaun o me melel, me pan katene komail o nikid jan ni me jued. 2TH 3:4 Je kaporoporeki Kaun o re omail, me komail kin dadaurata o pan wiada, me je kakaliki on komail er. 2TH 3:5 A Kaun o en kotin wiawia monion omial, pwe komail en direki limpok en Kot o kanonama en Krijtuj. 2TH 3:6 Ri ai kan, je kakaliki on komail ni mar en atail Kaun Iejuj Krijtuj, me komail en muei jan jaulan karoj, me kin dadaurata padak, me komail roner jan kit. 2TH 3:7 Pwe komail aja duen idedauen kit, pwe kit jota wiadar japun nan pun omail. 2TH 3:8 O je jota ale jan amen kan at mana, ap jota pwaipwai, pwe je dodok apwal ni pon o ni ran, pwe jen der katoutouki amen komail. 2TH 3:9 A kaidin pwe a jota muei on kit, a pwe jen wia kin kit kilel en me komail en alale jan. 2TH 3:10 Pwe ni at mimi re omail, iet me je kakaliki on komail, meamen me kan wia dodok, a pil jota pan mana. 2TH 3:11 Pwe je roner, me akai mi re omail, me kin weweid ni mejued ni ar jolar kin dodok, a re apwali kijin tiak mal. 2TH 3:12 Ari, irail me due met, je indai on o panaui irail, pan Kaun Iejuj Krijtuj, me irail en dodok, o nennenla o tunole pein kan ar mana. 2TH 3:13 A komail, ri ai kan, der panki omail wiawia mau. 2TH 3:14 A ma amen kan oke at padak nan kijin likau et, I me komail en kileledi, o komail der apwali i, pwe I en namenokela. 2TH 3:15 A komail der wiaki I imwintiti amen, a jaueja I duata ri omail amen. 2TH 3:16 A Kaun en popol en pein kotiti on komail popol anjau karoj o ni jon karoj! Kaun o en kotikot re omail karoj! 2TH 3:17 Nai Pauluj ranamau ni manin pa i, me kijin likau karoj kilelekidi, iduen ai intin. 2TH 3:18 Mak en atail Kaun Ieju Krijtuj en mi re omail karoj! 1TI 1:1 PAULUJ wanporon en Iejuj Krijtuj amen pan kujoned en Kot Jaunkamaur patail o Krijtuj Iejuj, me kitail kaporoporeki, 1TI 1:2 On Timoteuj nai jeri melel ni pojon mak o limpok, o popol jan ren Kot Jam o Krijtuj Iejuj atail Kaun. 1TI 1:3 Duen ai poeki re om, en mimieta Epijuj ni ai pan kola Majetonien, pwe koe en kapun on akai, ren der wia padak toror. 1TI 1:4 Pil der kamelele kajoi mal o padok en di to to, me kareda Akamai ap jota jauja koa dodok en Kot, me tapi jan pojon. 1TI 1:5 Pwe aude pan kujoned limpok jan nan monion makelekel, o injen mau, o pojon melel. 1TI 1:6 Jan mepukat akai muei janer, rap wuki on poupoulap. 1TI 1:7 Re men wiala jaunpadak en kapun, ap jo weweki, me re inda, o me re kin men padaki kaualap. 1TI 1:8 A kitail aja, kapun me mau, ma amen jo kajapune. 1TI 1:9 O je aja, me jota kapun en wiaui on me pun amen, a on me japun kan, o katiwo kan, o me doo jan Kot akan, o me dipan akan, o me jo jaraui kan, o me jan Kot akan, o me kin kaloke jam ar in ar, o me kamela aramaj akan. 1TI 1:10 O me nenek kan, o me madon jaut on ol oko, o me kin pirap aramaj akan, o me likam kan, o me kaula likam akan, o ma pil meakot mia, me jo kon on padak en kamour. 1TI 1:11 Duen ronamau en linan en Kot iajanai me pan don ia. 1TI 1:12 I ap danke Krijtuj Iejuj atail Kaun, me kotin kamane ia da o kamelel ia ni a kotin kajapwil ia dan dodok. 1TI 1:13 pwe maj o nai lalaue amen, o kaloke jaulan kan, ao lolap amen, ari jo I diaradar mak o, pwe I wiadar mepukat ap jaja o ni ai jopojon. 1TI 1:14 A mak en atail Kaun me lapalap alar kaualap ni pojon o limpok, me mi reh Krijtuj. 1TI 1:15 Melel lepen kajoi lep, o me mau on kamelele: Krijtuj Iejuj pwara don jappa, pwen dorela me dipan akan; a nai me jued jan karoj. 1TI 1:16 Ari jo, I diaradar mak o, pwe Iejuj Krijtuj en kotin kajaleda a kanonama lapalap re i, pwe men kaalemoni on me pan pojon, pwen maur joutuk. 1TI 1:17 A nanmarki potpot, me jo kak mor pajan, o jo janjal, I Kot eta. Wau o linan en ko on I potopoteta! Amen. 1TI 1:18 Kujoned wet I men pan on uk, nai jeri Timoteuj, duen deideikop akan, me wiaui on uk er, pwe ren jauaju uk, en wia pei mau eu. 1TI 1:19 Ni om dadauata pojon o kanakanai on injen om mau, me akai pein kaje jan irail, ap peila jan nin pojon. 1TI 1:20 Amen irail Imenauj o amen Alekjander, me panalan Jatan, pwe ren lelapok ki kalokolok, ap jolar lalaue. 1TI 2:1 Iet me I men panaui maj: Komail nidinideki o kapakapki, o poekipoeki aramaj akan karoj, o wia danke. 1TI 2:2 Kapakapki nanmarki o jaumaj akan karoj, pwe jen meleilei o injamamau, wiawia me kon on Kot o mehlel. 1TI 2:3 Pwe I me mau o kon on atail Jaunkamaur Kot. 1TI 2:4 Me kotin men, aramaj akan karoj en dorela o lolekon kila melel. 1TI 2:5 Pwe Kot me ta men o wilia patail me ta men pun en Kot o aramaj akan, iet Aramaj Krijtuj Iejuj. 1TI 2:6 Me kotin wiala en aramaj karoj men pwaipwai, kadede en met, en lolok jili ni anjau me kon on. 1TI 2:7 I me i wia kila jaunkair o wanporon amen, i kin lokaia melel o jo likam, o jaunpadak on men liki kan ni pojon o melel. 1TI 2:8 I me i men, ol akan en kapakap ni waja karoj, ni ar pokada pa ar jaraui, jo makar o jo peikajal. 1TI 2:9 Pil dueta li akan, ren kapwadeki likau makelekel o lelapok, o tiak mau, a kaidin ni inid pit en mona, de kold, de manaman akan, de likau linan, 1TI 2:10 A me kon on li akan, me men kajaleda ar majak Kot ni ar wiawia mau kan. 1TI 2:11 Li akan en nenenla, ap padapadakki ni tiak en impimpai. 1TI 2:12 I jota mueid on li amen, en wiada padak, de kaunda ol, a en nenenla. 1TI 2:13 Pwe Adam me wiauier maj, a muri Ewa. 1TI 2:14 A kaidin Adam, me katiamaula, a li o me katiamaular, ap pupedi ni me japun. 1TI 2:15 A a pan dorela ni a naitik ma a pan podidi on pojon, o limpok, o jaraui, o tiak mau. 1TI 3:1 MELEL kajoi pot et: Ma amen rapaki koa en pijop, a kin inon ion wiawia mau eu. 1TI 3:2 A pijop o en pun, o warok en li ta men, o jo kowei kodo, a lelapok, o tiak mau, o apwali men kairu, o koiok on padak; 1TI 3:3 A der kamom joko, o jo pamara, a en materok, o der inon ion akamai, o der pok on moni. 1TI 3:4 Me kin kaunda mau pein toun im a, o me na jeri kan kin peiki on ni tiak pun. 1TI 3:5 A ma amen, me jokoiok on kaunda pein toun im a, iaduen a pan kak kaunda momodijou en Kot? 1TI 3:6 Pil kaidin jaulan kap amen, pwe a ende aklapalap, ap lodi on kadeik en tewil. 1TI 3:7 O en pil kalok mau ren me mi liki, pwe a de lodi on kanamenok o katikatiamau pan tewil. 1TI 3:8 Pil dueta jaunkoa kan en lelapok, jo lo riapot, jo kamom joko, jo noroke moni. 1TI 3:9 Me kin kolekol nan injen arail makelekel rir en pojon. 1TI 3:10 Mepukat en kajojonla maj, irail ap pan papa, ma irail me pun. 1TI 3:11 Pil dueta en jaunkoa ar warok kan, ren wia me kon on, o jo likinekine, o jo kowei kodo, o melel ni meakaroj. 1TI 3:12 Jaunkoa kan en warok en li ta men o ren kaunda mau nair jeri kan o toun im arail. 1TI 3:13 A me papa mau, kin kalok maui pein irail, o re pan pereperenki melel pojon me mi ren Krijtuj Iejuj. 1TI 3:14 Mepukat i intin won uk, o i kaporoporeki, me i pan pwarala re om madan. 1TI 3:15 A ma i pwapwand, koe en aja duen me koe pan wia nan tanpaj en Kot, iei momodijou en Kot ieiaj, o ur o pajon en melel. 1TI 3:16 Meid lapalap rir en pai ren Kot: Kot janjaleda ni uduk, ap diarokada me pun amen ren Nen, ap pwaralan tounlaw kan, ap lolok on men liki kan, ap kamelel lar ren toun jappa, ap peukadalan waja linan. 1TI 4:1 A NEN me kotin kokop melel, ni imwin kaua akai pan pupe wei jan pojon, ap id wuki on nen widin o padak en tewil akan, 1TI 4:2 Me kin janjale mau ki liki, ap likilikam o injen arail kakaluakalar ki kijin mata karakar. 1TI 4:3 Re kin inapwiedi kapapaud, o dene ren liki jan jon en mana, me Kot kotin wiadan irail, me danke, o pojon, o dedekila melel 1TI 4:4 Pwe audepa karoj, en Kot me mau, o jota meakot me mal, ma aramaj pan tunole ap danke. 1TI 4:5 Pwe a pan kajaraui kila majan Kot o kapakap. 1TI 4:6 Ma koe pan padaki on ri atail akan, koe ap pan papa en Krijtuj Ieiuj mau amen, me kin keleki majan en pojon o padak mau, me koe dadaureta mau lel met. 1TI 4:7 Ma koe pan kan kajoi likam en li laud akai o kaianeki pein uk me kon on Kot. 1TI 4:8 Pwe kaiane kin uk pali war, a jota non katopa, a meid mau paieki Kot ni meakoaroj, pwe iei kaporopor en maur et o pil maur kokodo 1TI 4:9 Nan melel kojoi pot et o a war on kitail en apwaliea. 1TI 4:10 Pwe iet me je kin dodok on o kalokolokki, at kaporoporeki Kot ieiaj, me Jaunkamour en aramaj akan karoj, a maj on irail me pojon. 1TI 4:11 Mepukat koe en katitiki o kaukaweweki. 1TI 4:12 Jota amen me pan mamaleki om manakap, a wiala men kaalemoni on jaulan kan, ni om lokaia o wiawia kan, o limpok, o pojon, o makelekel. 1TI 4:13 O nantion wadok, o panaui, o padak lao i pan pwar wei. 1TI 4:14 Der kajamal la pai en mak o, me koe aleer ki deideikop o ni en jaunkoa kan ar pwil pa ar po om. 1TI 4:15 Koe en podidi o jopijokki mepukat, pwe om lolekon en janjal on karoj. 1TI 4:16 Kalaka pein uk o padak o, tenedi on jon pukat, pwe ma koe pan wiada due, koe ap pan dorela pein uk o pil, me kin ron uk. 1TI 5:1 KOE der lokaia kelail on ol laud amen, a panaui i due jam amen, a me pulepul due ri om akan, 1TI 5:2 Li laud due in akan, a me pulepul due ri om li akan ni makelekel melel. 1TI 5:3 Kakaki li odi kan, me li odi melel. 1TI 5:4 A ma li odi na jeri kan mia, de wa en na jeri ko, re pan padakki maj apwali pein ar penainai, o depuk on ar papa o nono, pwe i me mau o kon on Kot. 1TI 5:5 A iet li odi melel amen, me kelep, me kin kaporoporeki Kot, o podidi on nidinid o kapakap akan ni pon o ni ran. 1TI 5:6 A me kin kapwaiada a inon jued nan i melar ni a memaur. 1TI 5:7 Mepukat padapadaki, pwe ren jota karaunepa. 1TI 5:8 A ma amen jota kin apwali na kan, a maj toun im a kan, i me kajela pojon, o a jued jan me jopojon amen. 1TI 5:9 Li odi men pan kileledi, ma a jota pulepul jan jaunpar woneijok o ma a warok en ol ta men. 1TI 5:10 O me kalok mau ki a wiawia mau, o me wiada jeri, o me apwali men kairu, o me widen na en jaraui kan, o me kadek on me kamekame kan, o me kapwaiada jon en wiawia mau karoj. 1TI 5:11 A der tuki on li odi pulepul akan, pwe irail lao inon wei jan Krijtuj, re men pur on papaud. 1TI 5:12 A irail pan pakadeikada, pwe re muei janer tapin pojon. 1TI 5:13 A re pil ponkake o papan jili im akan, a kaidin ponkaka ta, pwe re pil poupou jili, o pil uja jili en amen a wiawia, o ar lokelokaia me jota mau. 1TI 5:14 A i men, li odi pulepul en papaud, o naitik, o apwali im ar, o der kare on me jued o, en lalaue. 1TI 5:15 Pwe akai me wuki wei, wuki on Jatan. 1TI 5:16 A ma li odi men mi ren ol me pojon amen de ren li me pojon amen, a en pein apapwali i o der katoutoui momodijou, pwen itar on me li odi melel. 1TI 5:17 Jaunkoa kan me kin dodok mau, pan waunla melel, ir me kin jauaja ni padak o kawewe. 1TI 5:18 Pwe kijin likau o majani: Koe der penadi au en kau ol, me tiakedi wan wit. O toun dodok me war on pwain en dodok. 1TI 5:19 Karaun pan jaunkoa men der kamelele, ma jo jaunkadede riamen de jilimen mia. 1TI 5:20 Ir me wia dip, kapun on mon karoj, pwe me tei kan en majakala. 1TI 5:21 I kakaliki on uk mon Kot Krijtuj Iejuj o tounlan lipilipil akan, koe en wiada mepukat, o jo lipilipil, o jo pwen konekon ren aramaj. 1TI 5:22 Der madan pokadan pon amen pa om, o pil der dipane kila dip en amen kai, a pein koe en makelekel. 1TI 5:23 Koe der nim pil, a wain kij me kon on kaped om o pweki om jomau pan pak toto. 1TI 5:24 Dip en akai aramaj me janjal ap mau on kadeikada anjau wet, a dip en me tei kan pan janjal eu ran. 1TI 5:25 Pil dueta en akai ar wiawia mau me janjal metet, a me tei kan jota kak rirala. 1TI 6:1 LADU kan karoj en wauneki melel ar jaumaj akan, pwe mar en Kot o lamalam der lalauela. 1TI 6:2 A irail me ar jaumaj akan kin pojon ren der mamale kin ir aki ar jaulan, a mak eta ren peiki on irail, pweki ar lelapok o kompokelar. Mepukat padapadakiki o panauiki. 1TI 6:3 A ma amen kin wia eu padak toror, o a jota pan dadaurata majan mau en atail Kaun Iejuj Krijtuj o lamalam, me kon on Kot, 1TI 6:4 Nan a aklapalap o jota weweki meakot, a jomauki akamai o lokaia jued, me kin kareda peirin, kapei lokaia, lalaue, o karaune mal. 1TI 6:5 O jon en akamai en aramaj akan, me kin juedela ni lol arail, re liki jan melel, re kiki on, me pai ren Kot pan kareda kapwa. 1TI 6:6 A pai ren Kot o lolapot, iei me pai kajampwalia. 1TI 6:7 Pwe jota, me kitail wa don jappa a janjal, me kitail pil jota pan wawei jan meakot. 1TI 6:8 A ma kan atail kijin mana o at Iikau mia, kitail en injenemauki. 1TI 6:9 A irail, me inon ion kapwapwala, pan lodi on jonejon, o kotauepa kan, o inon jued, o kamatok, me kakirdilan aramaj akan, wajan kamekam o jued. 1TI 6:10 Pwe limpok on moni me tapin jon jued karoj, me akai inon ion, rap jalonala jan pojon o kare on pein irail kamadak toto. 1TI 6:11 A koe aramaj en Kot amen, tan wei jan mepukat, a inon ion me pun o pai ren Kot, pojon, limpok, kanonama, opampap en Nen. 1TI 6:12 Wiada pai mau en pojon, aneki maur joutuk, me koe pil peaker on o kadededa kadede mau o mon jaunkadede toto. 1TI 6:13 I kakaliki on uk mon Kot, me kotin kamaureda meakaroj o mon Krijtuj Iejuj, me kotin kadededa mon Pontiuj Pilatuj kadede mau o. 1TI 6:14 Koe en kanikid kujoned, o jo jamin, o jo japun, lao en atail Kaun Iejuj Krijtuj a kotin pwarado, 1TI 6:15 Me Kaun iajanai pan kajanjaleda ni a anjau, iei Nanmarki en nanmarki kan o Kaun en kaun akan, 1TI 6:16 Pwe i eta ieiaj joutuk, me kotikot nan marain, me jota meamen kak on, me jota aramaj kilaner, o jo kak kilan, i en waunla manaman joutuk! Amen. 1TI 6:17 Koe en kapun on me kapwapwaki dipijou en jappa et, me re der aklapalap o pil der kaporoporeki kapwa jomelel, a Kot, me kupurai on kitail japan meakan karoj, pwe kitail en paie kida. 1TI 6:18 Irail en dadaureta ni arail wiawia mau kan, o ren rokekila dok mau kan, o nek pajan, o japan men jauaja. 1TI 6:19 Wiawia on pein irail pajon mau eu o ki pena on anjau kokodo pwe irail en konodi maur melel. 1TI 6:20 O Timoteuj, pereki pai, me panalan re om, ni om liki jan poupou mal kai o padak likam en me aklolekon. 1TI 6:21 Me akai lodi on ap jalonala jan pojon. Mak o en me re om! 2TI 1:1 PAULUJ, wanporon en Iejuj Krijtuj pan kupur en Kot, duen inau en maur ren Krijtuj Iejuj 2TI 1:2 On Timoteuj nai jeri kompoke pai: Mak o kapunlol, o popol jan ren Kot Jam, o Krijtuj Iejuj atail Kaun en mi re om. 2TI 1:3 I danke Kot, me i kin papaki injen ai min jan ren jam ai ko maj due i kin poden lamelame uk ni ai kapakap akan ni pon o nin ran. 2TI 1:4 O inon ion kilan uk ni ai tamatamanta duen om janejan, pwe i en direki peren. 2TI 1:5 O ni ai tamanda pojon melel, me mi re om, me mi maj ren in om liakalap Loij o in om Oinike o i aja, me a pil mi lol om. 2TI 1:6 Ari, i me i men kataman kin uk, koe en kamakamaur pai en Kot, me mi lol om ki pwil pa 2TI 1:7 Pwe Kot jota kotiki on kitail nen en majak, a en manaman, o limpok o lelapok. 2TI 1:8 Koe ari der namenokki om kadedeki atail Kaun, de nai japwilim a jalidi men, a koe en ian ia kamekameki ronamau duen manaman en Kot. 2TI 1:9 Me kotin kamanr kitail da o worone kin kitail woron jaraui, kaidin iran atail wiawia kan, a pweki pein a kupur o mak me a kotin kupura on kitail ren Krijtuj Iejuj mon tapin kaua. 2TI 1:10 A majan wet a janjaleda ni en atail Jaunkamaur Iejuj Krijtuj, me kotin kapuiala mana en mela, ap kapwareda maur o jo mor pajan ki ronamau. 2TI 1:11 I me i kajapwiladan, pwen jaunkair o wanporon, o jaunpadak en men liki kan. 2TI 1:12 I me i pil kin kalokolok ki. A i jota kin namenok kila, pwe I aja me i kin kamelele; o i aja, me a kak nekinekid ai pai, me i aleer, lao lei ran o. 2TI 1:13 Dadaurata jon en padak en kamaur, me koe ron jan ia er, o pojon o limpok ren Krijtuj Iejuj. 2TI 1:14 Pai mau o me pwilidier re om, pera ki Nen jaraui, me kotikot lol atail. 2TI 1:15 Koe aja, me irail karoj, me mi Ajien, wuki jan ia; kijan ir Pikeluj o Ermokenej. 2TI 1:16 Kaun o en kotin maki on toun im en Onejiporuj, pwe pan pak toto a kadek on ia, o a jota namenok ki ai jal mata. 2TI 1:17 Pwe ni a mi Rom, a nantion rapa kin ia, ap diar ia da. 2TI 1:18 Kaun o en kotin kupura on I kalanan en Kaun o ni ran kokodo. A koe aja mau, duen a papa nan Epijuj. 2TI 2:1 ARI nai jeri keleki mak o, me mi ren Krijtuj Iejuj. 2TI 2:2 O me koe roner jan ia impan jaunkadede toto, koe en ujai on aramaj lelapok kan, me koiok on padaki me tei kan. 2TI 2:3 Koe ian ia kamekam duen jaunpei en Krijtuj Iejuj mau amen. 2TI 2:4 Jaunpei amen jota kin kadoki pein kan a mana, pwen kon on me ale i. 2TI 2:5 O ma amen pan weir, a jota pan ale katin, ma a jota weir mau. 2TI 2:6 A jaumat amen, me kin japajap en tunole maj wa kan. 2TI 2:7 Madamadaue duen me i inda, pwe Kaun o pan kotin kalolekon kin uk ni meakaroj. 2TI 2:8 Tamataman Iejuj Krijtuj, me aijada jan ren me melar akan, kadaudok en Dawid duen ai ronamau, 2TI 2:9 Me i kamekameki o jalikidi dueta me jued amen, a majan en Kot me jo jalidier. 2TI 2:10 Mepukat karoj i kin kamekameki me piladar akan, pwe ren pil konodi maur joutuk ren Krijtuj Iejuj ianaki a linan joutuk. 2TI 2:11 Meid melel, ma kitail ian matala, kitail pil pan ian ieiajata; 2TI 2:12 Ma kitail dadaurata, kitail pan ian kaunda; ma kitail ponjaja, a pil pan ponjaja kitail; 2TI 2:13 Ma kitail jota pan dadaurata, a pn kotin melel weita, pwe a jo kak kalikame pein i. 2TI 2:14 Kataman kin irail mepukat, kadede on irail mon Kaun o, ren der akamai ki jip en lokaia kan, me jota pan katepai on meakot, pwe a pan kajapune ir ala, me karon akan. 2TI 2:15 Nantion konekonela ren Kot dueta toun dodok amen, me jo karepen namenokala mia, me kin padak weita pun majan melel. 2TI 2:16 A koe en kan poupou mal akan, pwe ar japun pan lapalapala. 2TI 2:17 Arail padak me pan paraparada due kinj. Kijan irail Imenauj o Piletuj, 2TI 2:18 Me pirok jan melel ni a inda me dene mauredan aramaj wiauier, rap kawela pojon en akai. 2TI 2:19 A pajon en Kot pan duedueta, a iet kilel: Kaun o kotin mani japwilim a kan, o: Karoj, me aja mar en Kaun o, en muei jan me japun. 2TI 2:20 Nan im lapalap kaidin dal kold o jilper eta me mia, pwe pil dal tuka o dal pwel, akai men kalinan, o akai kaidin men kalinan. 2TI 2:21 A ma amen pan muei jan jon en aramaj due met, a pan rajon dal men kalinan me kajarauiala, o katepa on Kaun o mau on jon en wiawia mau karoj. 2TI 2:22 Tan wei jan inon jued en manakap, ap tan won pun, o pojon o limpok, o popol ianaki karoj, me kin kapakapaki on Kaun o jan nan monion ar makelekel; 2TI 2:23 A padak mal o likam kan kan, pwe koe aja, me re pan naitikada akamai. 2TI 2:24 Ladu en Kaun men endor akamai, a en kadek on karoj, o koiok on padak o kanonama on me jued akan. 2TI 2:25 O opampap ni a kapun on me katiwo kan, pwe ele Kot pan kotin jauaja ir, pwe ren wukilan lolekon en melel. 2TI 2:26 O ren pil piti jan ni injar en tewil, me a injara kin ir di on injen a. 2TI 3:1 A IET me koe en aja, ni imwi en ran akan anjau apwal pan pwaida. 2TI 3:2 Pwe aramaj akan pan kajampwaleki pein irail, o norok moni, o ponmaju, o aklapalap, o lalaue, o jota peiki on me wia ir adar, o jo danke, o me jued. 2TI 3:3 O jempok, o jaja mak, o likinekine, o weit, o jo kadek, jo pok on me mau kan, 2TI 3:4 O me kin panala me jaraui, o me katil la, o kala, o inon ion 2TI 3:5 Me janjalki lelapok ap jaja a manaman; muei wei jan mepukat. 2TI 3:6 Pwe akai irail kin wailon on nan im akan o kaloedi li akai, me toutouki dip, o me inon jued kin kaua ir jili. 2TI 3:7 Me kin jukujukul anjau karoj, ap jota lolekon kila melel. 2TI 3:8 A duen Ianej o Iamprej palian Mojej, iduen mepukat kin palian melel, i jon en aramaj akan me juedelar ni lol arail, o me jota mau on pojon. 2TI 3:9 A re jota pan pwaida, pwe ar lolepon pan janjal on karoj dueta a wiauier ren irail. 2TI 3:10 A koe ala jan ai padak o ai tiak, o ai lamalam o pojon, o dadaurata, o limpok, o kanonama, 2TI 3:11 O kamakam akan, o kalokolok kan, me lel on ia nan Antiokien, o Ikonien, o Lijtra; jon en kalokolok toto, me lel on ia. A Kaun o kotin dore ia lar jan ir karoj. 2TI 3:12 A karoj me men dadaurata duen me kon on Kot ren Krijtuj Iejuj, pan kamekameki. 2TI 3:13 A aramaj jued o malaun akan pan kakairida ni ar jued, irail pan kotaue aramaj akan o re pan kotaue irail. 2TI 3:14 A koe dadaurata, me koe padakkier pwe koe ajaer, me koe padakki jan er. 2TI 3:15 O koe aja kijin likau jaraui kan jan ni om jeri, me kak kalolekoni uk on maur potopot ki pojon me mi ren Krijtuj Iejuj. 2TI 3:16 Pwe majan en kijin likau kan karoj tapi jan ren Nen en Kot, me mau on padak, o kapun, o kamau, o kainene on me pun. 2TI 3:17 Pwe aramaj en Kot en unjokela o koiok on wiawia mau karoj. 2TI 4:1 I KAKALIKI on uk melel mon Kot o Krijtuj Iejuj, me pan kadeikada me maur o me melar akan ni a pan kotido ni a wei, 2TI 4:2 Padaki majan nantion eta ni anjau mau o ni anjau me jued kajaleda dip, o kapunada, o panaui ni kanonama, o kaukawewe. 2TI 4:3 Pwe eu anjau kokodo re jota pan mauki padak en kamaur, a duen pein arail inon kajapwilada jaunpadak kai, me pan wiada padak duen me re mauki. 2TI 4:4 O re pan kawuki jan melel jalon arail, ap kawuki on kajoi mal akan. 2TI 4:5 A koe en majamajan ni meakaroj. Peren ki kamekam, kapwaiada wiawia en wanporon amen. Kapwaiada mau om koa. 2TI 4:6 Metet nai kamekamela o anjau en ai mela leler. 2TI 4:7 I wiadar pei mau eu, i kanikielar ai weir en tan, i dadaurata pojon. 2TI 4:8 Ari, nin en me pun nekinek on ia, me Kaun o pan kotiki on ia ni ran o, iei jaunkapun pun, a kaidin on nai ta, pwe on Karoj, me anane a pwarado. 2TI 4:9 Kaporijokki uk, pwen madan kodo re i. 2TI 4:10 Pwe Demaj me kaje ia lar pwe a pok on jappa et, ap jamalaner Tejalonik, Krejenj Kalejia, Tituj Dalmatien, 2TI 4:11 Lukaj eta mi re i, ukada Markuj, pwen ian kodo met, pwe a katepa on ia ni ai dodok. 2TI 4:12 A Tikikuj i kadaralan Epij uj. 2TI 4:13 Likau pup, me i pwilikidier Trouj ren Karpuj, wado ni om pan pwarado, o puk kan o kijin likau kan. 2TI 4:14 Alekjander jaunmata wia on ia me jued toto, Kaun o en kotin depuk on i duen a wiawia kan! 2TI 4:15 Koe pil kalaka i, pwe a kin nantion palian at padak. 2TI 4:16 Ni tapin ai pan pakadeikada, jota amen me jauaja, pwe karoj tan jan ia, mepukat ender pwaipwai on irail. 2TI 4:17 A Kaun o kotin ieian ia o kamana ia da, pwe i en kak kanikiela ai padapadak o men liki kan karoj en ron. I dorelar jan au en laien. 2TI 4:18 A Kaun o pan kotin kapit ia la jan ni wiawia jued karoj, o kotin kalua won ia wein nanlan, I en linan kokolata! Amen. 2TI 4:19 Ranamau, won Prijka o Akwila o toun im en Onejiporuj. 2TI 4:20 Erajtuj mondi Korint, a Tropimuj jomaudar, i ap pwilikidi Miletuj. 2TI 4:21 Kaporijokki uk, pwen kodo mon anjaun kapau. En Eupuluj a ranamau won uk, o pil en Pudenj, o Linuj, o Klaudia, o ri atail karoj. 2TI 4:22 Kaun o en kotikot ni nen om! Mak en mi re omail! TIT 1:1 PAULUJ ladun Kot o wanporon en Iejuj Krijtuj amen, duen pojon en me pilipildar en Kot akan o duen erpit en melel on pai ren Kot; TIT 1:2 O kaporoporeki maur joutuk, me Kot jo likam inaukidar mon tapin kaua. TIT 1:3 A ni a anjau a kotin kajanjaledar a majan ki padak, me ko on ia, duen kujoned en Kot atail Jaunkamaur. TIT 1:4 On Tituj nai jeri melel ni ata pojon ta ieu: Mak o popol jan ren Kot Jam o Krijtuj Iejuj atail Jaunkamaur en mi re om! TIT 1:5 let karepen ai kamodan uk edi Kreta, pwe koe en kapwaiada, me kaikenta wiauier o kajapwilada jaunkoa kan ni kanim karoj, due i kakaliki on uk. TIT 1:6 Jaunkoa amen en indand mau, o warok en li ta men, o me na jeri kan pojonla, o jo kaindandeki, me re kamom de jopeik. TIT 1:7 Pwe pijop en punla, duen jaunkoa en Kot amen, der katiwo, der purianikom, der kamom wain, der pamara, der norok moni. TIT 1:8 A ren apwali men kairu o pok on me mau, o kanonama, o pun, o jaraui, o makelekel. TIT 1:9 Kolekoleta majan, me udan pun o koiok on padak, pwen kak on panauiki padak en kamaur o kapun on me katiwo kan. TIT 1:10 Pwe ir me toto me malaun o kapei lokaia o me kaweid japun, iet eten, kijan men jirkomjaij. TIT 1:11 Me mau on au ar en pinapinla, pwe re kin kawukila toun im toto, o me kin padapadaki, me jota mau, pweki moni. TIT 1:12 Amen irail, pein arail jaukop amen inda: Men Kreta me kalap likam, man jued o laualo, nain mana. TIT 1:13 Kadede pot et me melel. Ari, i me koe en kapun kelail on irail, pwe ren kelailada ni pojon. TIT 1:14 O ren der injenoki en Juj oko ar kajoi mal akan o kujoned en aramaj akan, me muei jan melel. TIT 1:15 Karoj me kon on makelekel akan, a jota me kon on me jamin o jo pojon akan, pwe arail lamelame o pil injen arail me jamin. TIT 1:16 Re kin inda, me re aja Kot, a ni ar wiawia kan re kin ponjaja i. Irail meid jued, o jopeik, o jo koiok on jon en wiawia mau karoj. TIT 2:1 A KOE en padapadakeki duen me kon on lamalam en kamaur. TIT 2:2 Padaki on ol ma kan, ren der wukiwuk jili, a ren indand mau o nenin, o kelail ni pojon, o ni limpok, o ni kanonama. TIT 2:3 Pil dueta li ma kan, ren wiawia duen me kon on jaraui kan, ren der likinekine der lidun wain, a ren jaunpadak en me mau, TIT 2:4 Pwe ren panaui li pulepul akan, en apapwali ar paud o pok on nair jeri kan. TIT 2:5 Ren lelapok, min, apwali nan im ar akan, kadek, peiki on ar warok kan, pwe majan en Kot ender lalauela. TIT 2:6 Pil dueta manakap akan, panaui ir, ren lelapok. TIT 2:7 Ni wiawia mau kan karoj koe kajaleda pein uk kaalemoni mau amen, ni om padak melel o lelapok. TIT 2:8 Kida padak en kamaur o namenokala, pwe me palian kitail en namenokala, o jota diar me jued kot men karaune kitail. TIT 2:9 Padaki on ladu kan, me ren peiki on ar jaumaj ni meakaroj ren kaperen ir ada, o ren der ketiwo. TIT 2:10 Ren der pirap, a irail en mau o melel on irail, pwe ren kalinanada lamalam en Kot atail Jaunkamaur ni meakaroj. TIT 2:11 Pwe mak en Kot pwarado kamaureda aramaj akan karoj. TIT 2:12 O padapadaki on kitail, me kitail en muei jan meakan me doo jan Kot o inon jued en jappa, ap lelapok, o pun, o dadaureta me kon on ni jappa et. TIT 2:13 O auiauiki kapor mau, o janjal linan en atail Kot lapalap o atail Jaunkamaur Krijtuj Iejuj. TIT 2:14 Me jokonpaudeki pein i ki kitail, pwen dore jan kitail japun karoj, o kamakelekel on pein i aramaj, me a pan japwilim aneki, me kin nantion wiawia mau karoj. TIT 2:15 Mepukat padake kida, o panauiki, o kapun kelail on; jota amen me pan mamale kin uk. TIT 3:1 KATAMAN kin irail ren peiki on monjap o me manaman akan, o ren apwali wiawia mau karoj. TIT 3:2 Der lalaue amen, der akamai, a en kamantik, o opampap on aramaj akan karoj. TIT 3:3 Pwe kitail pil pweipwei maj o, o jopeik, o jalonala, o papa jon en inon o madon jued akan, kokoa me jued, o peirin, pakailok, o kailonki amen amen. TIT 3:4 A kalanan o limpok en Kot atail Jaundor lao pwarado, TIT 3:5 A kotin dore kitail la kaidin pweki pein atail wiawia pun, a pein a kupur ki paptaij en kaipwi kap o kawilia kap ren Nen jaraui. TIT 3:6 Me a kotin kupura don kitail kaualap ren Iejuj Krijtuj atail Jaundor. TIT 3:7 Pwe kitail en pun kila a mak, pwen jojoki maur joutuk duen at kaporopor. TIT 3:8 Melel padak pot et o i men, koe en nantion kaweweda, pwe irail, me pojonla Kot, en kadoke kin ir wiawia mau, mepukat me mau o kon on aramaj akan. TIT 3:9 A liki jan peidok mal akan, o padok en tiak kan, o akamai, o akamai ki kapun, pwe mepukat jota kadepa o me mal. TIT 3:10 Aramaj likin panau amen, panaui pan mepak de ria pak ap muei jan i. TIT 3:11 Pwe koe aja, me i me japun o kin wia dip, a kadeikada pein i. TIT 3:12 I lao kadar won uk Artemaj de Tikikuj, koe madan don ia, Nikopolij, pwe i kileledier me i pan kaujon waja o ni anjaun kapau. TIT 3:13 Jaunkawewe Jenaj o Apoloj kadara don ia madan. Jauaja ira, pwe ira de anane meakot. TIT 3:14 O naitail akan en porijok o koiokki on wiawia mau, pwe ren der jo wa ’rail. TIT 3:15 Karoj, me mi re i, kin ranamau won uk. Ranamau won karoj, me kin pok on kit ni pojon. Mak o en mi re omail karoj! PHM 1:1 PAULUJ jalidi en Krijtuj Iejuj amen, o ri atail Timoteuj on Pilemon kompoke pat o at warok ni dodok kan. PHM 1:2 O ri atail li Apia, o jauaj pat Arkipuj, o momodijou, me mi nan tanpaj omui; PHM 1:3 Mak o popol jan ren Kot jam atail o atail Kaun Iejuj Krijtuj en mi re omui! PHM 1:4 I kin danke ai Kot ni ai kapakap kin komui anjau karoj. PHM 1:5 Pwe i roner duen omui limpok o pojon on Kaun Iejuj o on jaraui kan karoj. PHM 1:6 Pwe pojon o me mi retail en kakairida re omui, ni omui dedeki duen me mau kan karoj, me mi reatail jan ren Krijtuj. PHM 1:7 Kit peren kidar o kamait kilar omui limpok, pwe monion en jaraui kan en kelail kilar komui, ri ai. PHM 1:8 I me i aimaki ren Krijtuj kujoned eki on komui duen me pan wiaui. PHM 1:9 Ari jo, pweki ai limpok on komui i men poeki ta re omui, pwe nai Pauluj likailapalar o jalidi en Krijtuj amen. PHM 1:10 I poeki re omui nai jeri Onejimuj, me i wiadar ni ai jalidi. PHM 1:11 Me jo katepa on komui maj o, a met a katepa on komui o nai. PHM 1:12 I me i kapure on komui, komui ari apwali i, dueta pein monion i. PHM 1:13 Pwe i mauki a en mimieta re i, pwen papa ia ni ai jaliekidi ronamau, wiliandi komui, PHM 1:14 A i jota men wia meakot, me jota pwili jan kupur omui, pwe omui wia mau ender man jairen a jomanjairen. PHM 1:15 Ele a tan jan re omui anjau kij, pwe komui en pur on naineki i kokolata. PHM 1:16 Kaidin due ladu amen, a mau jan ladu amen, pwe due ri omui kompok amen; iduen re i, a re omui pan laud jan ni pali uduk a o ni pali en Kaun. PHM 1:17 Ma komui akawarok kin ia, apwali i dueta pein nai. PHM 1:18 A ma a wia japun on komui er, de pwaipwand on komui, i pan kapunala. PHM 1:19 Met nai Pauluj intinkier pein pa i, i pan pwain, ari jo, i jo pan inda, me komui pwaipwand ki on ia pein komui. PHM 1:20 Ei ri ai, i men paiekin komui ren Kaun o, kainjenemauda monion i ren Krijtuj. PHM 1:21 I kaporoporeki om peik, ap intin won komui. A i aja, me komui pan wia laud jan, me inda. PHM 1:22 I men, komui en kaonopada deu i, pwe i kaporoporeki, me i pan lapwadan komail ki omail kapakap. PHM 1:23 En Epapraj, ai warok ni ai jalidi pan Krijtuj Iejuj, a ranamau won komui. PHM 1:24 O Markuj, o Arijtarkuj, o Demaj, o Lukaj ai warok en dodok kan. PHM 1:25 Mak en atail Kaun Iejuj Krijtuj kin ian nen omail! Amen. HEB 1:1 MURIN majan toto, me Kot kotin kadedeki jaukopakan ni tapin kuua on jam atail akan, HEB 1:2 A ni imwin kaua o ran pukat, a kotin majan kidon kitail Na, me a kotin kajapwilada, pwen jojoki meakan karoj, o me a kotin wia kida wei pokon, HEB 1:3 Me kijan a linan o wewe mau on mom a, o kotin kaun kida meakoroj a majan manaman, a lao kotin kamakelekele ki jan dip atail ki pein I, ap kaipokidi ni pali maun en Kaun Lapalap poe. HEB 1:4 I me a lapalapalar kaulap jan tounlan kan, pwe a aleer mar eu, me lap jan mar arail. HEB 1:5 Pwe ij ren tounlan kan, me a kotin majani on: Koe nai Ol, ran wet I kaipwi ukadar? O pil eu: I pan wiala Jam a, o a pan wiala nai Ol? HEB 1:6 O pil eu: A lao pan pil kare don jappa Mejeni o, a kotin majani: Tounlan en Kot karoj pan poni i. HEB 1:7 A duen tounlan kan a kotin majani: A wiaki japwilim a tounlan kan man en kadar o a papa kan umpul en kijiniai. HEB 1:8 A duen Japwilim a a kotin majani: Mol omui, Main Kot, pan potopot eta. O jokon en pun, iei jokon en wei omui. HEB 1:9 Komui pok oner me pun, ap kailonki tiak japun; iei me omui Kot keie kin komui Main Kot, potik kaperen, pwen lapa jan nanmarki kan karoj. HEB 1:10 O pil eu: Komui Main pajonedier jappa nin tapi o, o lan akan wiawia en lim omui kan. HEB 1:11 Irail pan momela, a komui pan kotikot eta, o irail karoj pan marinalar dueta likau eu, HEB 1:12 Komui pan kotin wilitik ir pena dueta likau eu, o irail pan wukila, dueta likau eu; a komui pan duedueta o omui par akan jota pan rojela. HEB 1:13 A ij ren tounlan kan, me a kotin majani on: Mondi on ni pali maun i, I lao kaloedi om imwintiti kan pan na om? HEB 1:14 Kaidin irail karoj nen en men papa me kin pakadarala pwen papa irail, me pan jojoki maur joutuk? HEB 2:1 I ME kitail en nantion madamadaua, duen me kitail ronadar, pwe kitail ender jo konoti. HEB 2:2 Pwe ma majan o, me pouja jan ren tounlan kan, me inen o kaopa karoj o katiwo karoj kalokoloker duen kapun o, HEB 2:3 Iaduen atail pan kak pitila, ma kitail mamaleki kamaurpa lapalap wet, me tapida ni a kalok jan ren Kaun o ap pil jan ren me ronoron i kan! HEB 2:4 A pil Kot, me kotin kadedeki ni kilel akan, o manaman akan, o jon en wiawia kelail akan, o kijakij en Nen jaraui, duen pein kupur a. HEB 2:5 Pwe a jota kotiki on tounlan kan, en koaki jappa kokodo, duen me je indinda. HEB 2:6 A amen me kadede o inda ekij waja: Dakot aramaj o, pwe komui kin kotin kupura i, de nain aramaj amen, pwe komui kotin apwali i? HEB 2:7 Komui kotin kajapwilidi i anjau kij pan tounlan kan, ap kotin nine kin i linan o wau. HEB 2:8 Kom kotin kaloedier karoj pan aluwilu a kan. A ni a kotin kaloedi on i meakaroj, jolar, me jota lodi on i. A met kitail jaikenta kilan, me karoj lodi on i. HEB 2:9 A kitail kilan Iejuj, me kajapwilidi anjau kij pan tounlan kan, pweki a kalokolok on kamatala, ap nine kida linan o wau, pwen mata kila amen amen duen mak en Kot. HEB 2:10 Pwe me mau on i, me dipijou kan karoj wiaui oner o wiaui kidar, ni a kotin kalua won linan jeri toto, en kaunjokala Tapin maur arail ki kamekam, HEB 2:11 Pwe i, me kin kajaraui, o irail, me pan kajarauila, karoj tapi jan me ta men, i me a jota kotin namenokki riane kin irail, HEB 2:12 Duen a kotin majani: I pan padaki on ri ai kan mar omui, o nan pun en momodijou I pan kaul kapin on komui. HEB 2:13 O pil eu: Ipanliki i. O pil eu: Majani, iet nai o jeri kan, me Kot kotiki on ia er. HEB 2:14 A duen jeri kan, me kijan pali nta o uduk, i me a pil kotin ale on pein i mepukat, pwe ni a matala i en kaloedi i, me kaun en mela, iei tewil o, HEB 2:15 O kotin lapwada irail karoj, me lodi on majak mela, ap lidulidu arain arail maur. HEB 2:16 Pwe kaidin tounlan kan, me a kotin apapwali, pwe a kotin apapwali kadaudok en Apraam. HEB 2:17 I me a kotin udan duela ri a kan ni meakaroj, pwen kalanan o wiala jamero lapalap melel amen, mon Kot, pwen tomki dip en aramaj akan, HEB 2:18 Pwe duen pein i kanaudokalar o jonejon, a kotin mani duen jauaja irail, me jonejoner. HEB 3:1 ME, ri ai jaraui kan, komail me pwaijanekier en lan a eker, komail madamadaua duen wanporon o jamero lapalap en atail lamalam: Iejuj. HEB 3:2 Me melel on i me kajapwilada i dueta Mojej me melel waja karoj mi nan tanpaj en Kot. HEB 3:3 Pwe linan en Ol menet me lapa jan linan en Mojej, dueta dueta amen, me wiadar im eu, me kaka jan im o. HEB 3:4 Pwe im karoj wiauieda ren aramaj amen, a me wiadar meakan karoj, mi karoj, iei Kot. HEB 3:5 A Mojej me melel ni a koaki tanpaj en Kot, dueta papa amen, pwen jaunkadede en meakan me pan lokido. HEB 3:6 A Krijtuj me udan Na, ap melel nan pein tanpaj a. A tanpaj a iei kitail, ma kitail kolekoleta pojon o peren en kaporopor lau lel imwi. HEB 3:7 I me Nen jaraui kotin majani: Ran wet, ma komail pan ron kapitie, HEB 3:8 Komail der kapitakaila monion omail, due ni anjau en kaonion ni ran en jonejon nan jap tan. HEB 3:9 Waja me jam omail akan kakaudud o kajojon ia o irail kilaner ai wiawia kan jaunpar paeijok. HEB 3:10 Iei me I makaraki pan ti o, ap inda: Monion arail kin poden japunla. A irail jolelapokki ai al akan. HEB 3:11 Iei me I kaukila ni ai makar: Irail jota pan konodi ai moleilei. HEB 3:12 Kalaka ri ai kan, pwe monion en amen de juedela, ap jo pojon o muei wei jan Kot ieiaj. HEB 3:13 A komail panau pena ran karoj arain omail kak inda: Ran wet; pwe amen de kapitakai kila widin en dip. HEB 3:14 Pwe kitail wialar kijan Krijtuj, ma kitail kolekoleta tapin atail liki lao imwijokela. HEB 3:15 Duen a lokido: Ran wet, ma komail pan ron kapitie, komail de kapitakaila monion omail, due ni anjau en kaonion. HEB 3:16 A ij irail, me kaudud on i ni ar ronadar? Kaidin irail karoj, me ko wei jan Akipten ren Mojej? HEB 3:17 A ij irail, me a kotin onion kidar par paeijok? Kaidin irail, me wiadar dip, me war arail pupedi nan jap tan? HEB 3:18 A ij irail, me a kotin kaukila, me re jota pan konodi a moleilei? Kaidin irail eta, me jota peiki on i. HEB 3:19 Ari, kitail diarada, me re jota kak, konodi, aki ar jo pojon. HEB 4:1 KITAIL ari kanakanaion pein kitail, pwe inau pan pedelon on nan a moleilei mimieta, pwe amen re omail ender diarokada duen amen, me jota konodier. HEB 4:2 Pwe ronamau pil lolok don kitail er dueta on irail; a arail ron majan o jota kadepa on irail, aki a jota doleki pojon ren me ronadar akan. HEB 4:3 A kitail me pojonlar, pan pedelon on nan moleilei o, duen a kotin majanier: I kaular ni ai makar: Re jota pan pedelon on nan ai moleilei. Ari jo, wiawia kan unjokalar ni a kotin kapikadar jappa, HEB 4:4 Pwe ekij waja a kotin majanier duen ran kaiju: Kot kotin moleilei jan a wiawia kan karoj ni ran kaiju. HEB 4:5 O waja et a pil kotin majani: Irail jota pan pedelon on nan ai moleilei. HEB 4:6 Ari, a kak ren akai en pedelon on nan moleilei o; a irail, me aleer ronamau maj o, jota pedelon on, pweki ar jopeik. HEB 4:7 Kot ap pil kotin kileledier ran eu: Ran wet! Ni a kotin majanier ren Dawid murin anjau warai, duen a majan moa: Ran wet, ma komail pan ron kapitie, komail der kapitakaila monion omail. HEB 4:8 Pwe ma Iojua kamoleilei ir ala, a jota pan kotin katitiki duen eu ran. HEB 4:9 Ari kamol en japat pan japwilim en Kot akan mia. HEB 4:10 Pwe i, me pedelon on nan a moleilei, a pein pil moleileila jan a wiawia kan, dueta Kot jan japwilim a kan. HEB 4:11 Kitail ari kaporijoki pein kitail, en pedelon on nan moleilei o, pwe amen ender lodi on jon en jopeik ota. HEB 4:12 Pwe majan en Kot me maur, o manaman, o kon jan kodlaj au riau, o kin til won, lao a kajare pajan maur o nen, pil kokon akan o kanan en ti o; o kadeikada lamelam o inon en monion o, HEB 4:13 O jota man me maur kot me rir jan i, pwe meakaroj me janjal o kadiarokada mon jilan i. Kitail en kapunala pein kitail re a. HEB 4:14 Ari, pweki atail jamero lapalap kajampwal Iejuj, Japwilim en Kot, me kotidala nanlan, kitail en dadaurata lamalam. HEB 4:15 Pwe atail jamero lapalap kaidin i amen, me jota kin kotin pam atail luet akan. A i amen me jonejon ni jon karoj dueta kitaill ap jota dip a. HEB 4:16 lei me kitail en aima kodon mol en mak, pwe kitail en tunole kalanan o mak, pwen jauaj patail ni anjau me mau on. HEB 5:1 PWE jamero lapalap karoj, me pilipildar jan ren aramaj akan, pan kajapwilada, pwen jauaj a aramaj akan ren Kot, pwen wiada kijakij o mairon pweki dip; HEB 5:2 Me kak pamada duen me japun o jalonala kan, pwe i pil me lued. HEB 5:3 I me a udan kida mairon pein dip a, dueta a kin tomeki dip en aramaj akan. HEB 5:4 O jota amen, me kin kajapwilada pein i, pwe a pan kajapwilada jan ren Kot dueta Aron. HEB 5:5 Pil dueta Krijtuj, me jota kalinanada pein i, pwen wiala jamero lapalap, a i me wiadar me majani on i: Koe nai Ol, ran wet I kaipwi uk adar. HEB 5:6 Duen a pil kotin majani ekij waja: Koe jamero duen al en Melkijedek kokolata. HEB 5:7 O ni ran akan, me a kotikot ni pali uduk, a kotin maironki laolao, o nidinid, o kaukauwet, o tontonir on i, me pan kak dorela i jan a pan matala, o pweki a wauneki Kot, a laolao pil pwaidar. HEB 5:8 I me Japwilim a, ari jo, a kotin padakki peik ni a kalokolok. HEB 5:9 O ni a unjokalar a kotin wnilar kamaur pan maur joutuk on irail karoj, me kin oke i. HEB 5:10 O Kot pil kotin kamare kin i jamoro lapalap duen al en Melkijedek. HEB 5:11 Iran mepukat kajoi toto mi re at, a me apwal en kaweweda, aki omail jota dedeki. HEB 5:12 Nan a daulier anjau, me komail en wiala jaunpadak, ari jo, me pil mau on, amen en kawewe on komail tapin lamalam en majan en Kot, wialar jon dueta irail, me kin tunole pil en didi, e kaidin kijin mana. HEB 5:13 Pwe amen amen me kin tunole didi, me man jalon ni majan en pun, pwe a rajon jeri pwelel. HEB 5:14 A me unjokalar akan me mau on kijin mana, pwe irail me anlar lamalam pweki ar laudelar, ap aja duen me mau o me jued. HEB 6:1 Ime kitail pan muei jan tapin padak en Krijtuj, ap kakairi da o unjokela, a kaidin pur on wia pajon ni at kalukila wiawia en mela kan, de pojon Kot, HEB 6:2 De padak duen paptaij, o pokada pa kan poa, o duen en me melar akan ar pan maureda, o duen kadeik joutuk. HEB 6:3 A i me kitail pan wiada, ma Kot pan kotin mueid on. HEB 6:4 Pwe a jo kak pa ’rail, me marainlar, o me wewekier kijakij jan lan, o audaudkier Nen jaraui, HEB 6:5 O lolekon kilar majan en Kot mau, o manaman en muei mau kokodo, HEB 6:6 Ma irail pan pup wei jan, re jolar pan kak pur on kalula, pwe irail pein kalopuela Japwilim en Kot o kanamenokalar i. HEB 6:7 Pwe jap me lamelamur ki katau, me kin purepure moredi on, o me kawojadan irail, me kin wia japajap kapwa mau, iei jap o me kin ale pai ren Kot. HEB 6:8 A ma a kin kawojada tuka teketek o dip, iei me jued o mau on kariala o ni imwi a pan karon ala. HEB 6:9 A kompoke pat akan, jo aja, me komail jota kin duota ni meakan me kareda maur, ari jo, iduen at kin padapadak. HEB 6:10 Pwe Kot jota japun, o a jota kak maliela omail wiawia kan o omail dodok limpok, me komail kajanjale on mar a ni omail papaer me jaraui kan, o ni omail kin papa. HEB 6:11 A kit kin inon ion, amen amen komail en nantion duedueta kajanjaleda kaporopor melel lao lel imwi. HEB 6:12 Pwe komail der tananala, a komail alale jan irail, me pojon o kanonama ap jojoki inau kan. HEB 6:13 Pwe ni en Kot a kotin inauki on Apraam, a kotin kaukila pein i, pwe jota me lap jan en kau kila, HEB 6:14 Majani: Melel I pan kapai uk ala o kaneder uk ala. HEB 6:15 I ari auiauieta ni kanonama ap pwaida inau o. HEB 6:16 Pwe aramaj akan kin kaukila me lapa jan ir, o kaula kin kaimwijokala akamai karoj. HEB 6:17 I me Kot pil kotin kaukila, pwen kajale on irail, me pan jojoki pai en a inau o, me a inau jota kak wukila. HEB 6:18 Pwe jon riau me jo kak wuk, pwe Kot jota kak likam, en kamait kit ala melel, pwe kitail en tan won kaporopor, me mi mo atail. HEB 6:19 Kaporopor wet me raj on paipon en nen atail, me melel o ten, me kak lel won nan pera jaraui. HEB 6:20 lel waja atail jaunkair kotila ia pweki kitail, Iejuj, me wiala jamero lapalap ni al en Melkijedek kokolata. HEB 7:1 IEI Melkijedek nanmarki en Jalem o jamero en Kot lapalap amen, me kotilan tu on Apraam, ni a pure do jan a kaloedi nanmarki kai, ap kapaida I. HEB 7:2 Me Apraam pil kotiki on eijok kij eu jan ni a dipijou karoj. let wewe kaieu en mar a Nanmarki en pun; ap pil: Nanmarki en Jalem, iet wewe: Nanmarki en popol; HEB 7:3 Me jota jam a, jota in a, jota a kainok, jota tapin a ran akan, pil jota imwin maur. A a raj on Japwilim en Kot, o a pan jamero kokolata. HEB 7:4 Komail kilan ol lapalap men et, me jam atail Apraam kotiki on eijok kij eu en a dipijou, me lodier. HEB 7:5 Melel eta kadaudok en Lewi, me kajapwiladan dodok en jamero, arail kujoned mia, me ren ale jan ren aramaj akan, iei ri arail akan, eijok kij eu, duen kapun, a ir pil kijan kadaudok en Apraam. HEB 7:6 A i, me jota kijan irail, ale eijok kij eu jan ren Apraam o kapaiada i, me aleer inau o. HEB 7:7 Nan melel kaualap me tikitik o kin paida jan ren me lapalap. HEB 7:8 Ari met, aramaj akan me udan mela, kin ale eijok kij eu, a mo amen, me kadedepa mia, duen a ieiajata. HEB 7:9 Ari melel, pil kadaudok en Lewi me kin ale eijok kij eu, kida eijok kij eu on (Melkijedek) ki Apraam. HEB 7:10 Pwe a mimieta nan lonelon en jam a, ni anjau Melkijedek kotilan tu on i. HEB 7:11 Ari, ma dodok en jamero Lewi unjokela pwe i anjau irail aleer kapun o da katepan amen jamero en pwarado ni al en Melkijedek, a kaidin ni al en Aron? HEB 7:12 Pwe ma dodok en jamero wukila, nan kapun pan pil wukila. HEB 7:13 A i, me je indinda, i kijan eu kainok, a jota amen jan nan kadaudok wet apwalier pei jaraui. HEB 7:14 Pwe meid janjal, me Kaun patail tapi jan luda. Ari, iran jau wet Mojej jota katitiki meakot duen jamero. HEB 7:15 Mepukat janjal melel, ma amen jamero pan kotido ni al en Melkijedek, HEB 7:16 Me jota kajapwiladar pan tiak en kujoned uduken, pwe pan manaman en maur joutuk. HEB 7:17 Pwe iet kadedepa: Komui jamero joutuk amen duen al en Melkijedek. HEB 7:18 Pwe i me kujoned en maj nikier, pwe me luet o jota katepa, HEB 7:19 Pwe kapun jota kak kaun jokkala meakot, a kaporopor me mau jan men maj, pan id pwarado, me kitail kak tuki on Kot. HEB 7:20 O iet pil eu kajampwal: Pwe a kajapwil kida kaula a irail wiala jamero ni jota kaula. HEB 7:21 A men et japwilikida kaula ren i, me kotin majani on i: Kaun o kaular, a ap jota pan kalukila: Komui jamero joutuk amen duen al en Melkijedek. HEB 7:22 Iei me lejuj pil wiala kapun pan inau, me mau jan men maj. HEB 7:23 A irail me toto, me wialar jamero, pweki ar matalar, kareda, me irail jota kak mimieta. HEB 7:24 A i me potopoteta, pwe a kotin aleer dodok en jamero joutuk. HEB 7:25 Ari, i me a kotin kak kamaureda melel ir karoj, me kai ki on Kot i, pwe a kotin ieiajata, pwen laolao kin ir. HEB 7:26 Pwe iduen jamero lapalap me mau on kitail, me jaraui, o jo japun, o jo jamin, o me liki jan me dipan akan, o ileila jan nanlen. HEB 7:27 Me jota rajon jamero lapalap akan, me kin kida maj mairon pweki pein dip arail ap pweki en aramaj akan ni ran karoj. Pwe i me a kotin wiadar pan pak ta ieu, ni a kotin mueid on Kot pein i. HEB 7:28 Pwe kapun kin kajapwiladan jamero aramaj luet akan, a majan en kaula, me wiauier murin kapun, kajapwiladar Japwilim a, me unjokalar joutuk. HEB 8:1 A iet orlepan me je indinda: Atail jamero lapalap, me kotikot ni pali maun en mol en Kaun lapalap nanlan. HEB 8:2 lei papa en pera jaraui o im likau melel, me Kaun kotin kauada, kaidin aramaj amen; HEB 8:3 Pwe jamero lapalap karoj pan kajapwilada, en kida kijakij o mairon kan. I me udan pun men et en pil kida meakot, me a pan kotin maironki. HEB 8:4 Ma a kotikot jappa, a jota pan kak jamero, pwe jamero kan mia, me kin kidan kijakij duen kapun o, HEB 8:5 Me kin alale jan meakai mi lan, duen Mojej, me Kot kotin kalolekonla, ni a pan kauada im likau. Pwe a kotin majani on i: Kanai on, o wiada meakaroj, duen me kajanjale on uk er nin nana! HEB 8:6 A i me aleer papa eu, me mau jan arail, pwe i kapwai pan inau, me mau jan men maj, pwe a tapi jan majan en inau, me mau jan men maj o. HEB 8:7 Pwe ma inau en maj o unjokalar, jota me pan rapaki waja en eu inau. HEB 8:8 Pwe a kotin kupur jued kin irail majani: Kilan, ni ran oko, me pan kodo, I pan ki on men Ijrael o kainok en Iuda inau kap eu; iei me Kaun o kotin majani. HEB 8:9 Kaidin dueta inau o, me I ki on jam ar akan, ni ran o, me I koledi pa arail, pwen kalua irail do jan nan jap en Akipten, pwe re jota podidi on ai inau; ari, I ap jota injeno kin irail, me Kaun o kotin majani. HEB 8:10 A iet inau o, me I pan wiai on men Ijrael murin ran oko, me Kaun o kotin majani: I pan audeki nen arail ai kapun, o intiniedi nan monion arail, I pan wiala arail Kot, o re pan wiala nai aramaj. HEB 8:11 Jota amen me pan padaki on men imp a, o ri a indinda: Lelapokki Kaun! Pwe amen amen pan lelapok kin ia jan ren me tikitik o lel on me lapalap re ’rail. HEB 8:12 Pwe I pan makeki on ir ar japun kan, o dip arail I jolar pan tamanda. HEB 8:13 Ni a kotin majani: Inau kap, a kotin kamariwala men maj o. A me marinalar o malar, me mau on lokidokila. HEB 9:1 A inau kaieu pil a kujoned en wia jaraui mia, o pera jaraui me janjal. HEB 9:2 Pwe im likau eu wiauier, a ni pali liki lamp mia, o tepel, o prot en kajanjal; iei waja, me adaneki waja jaraui; HEB 9:3 A palila jan pera, ilolon, i waja me adaneki waja jaraui melel. HEB 9:4 Iei wajan pei jaraui kold en kijiniai o kopa en inau, me kitimeki pena kold waja karoj, a dal kold ianaki mana, o en Aron a jokon, me majel pajan, o jlet en inau. HEB 9:5 A ponanin kopa o Kerupin en linan mia, me kompwaledi wajan tom. A anjau wet i jota pan padaki on komail due. HEB 9:6 A mepukat karoj lao onoper, jamero kan kin pedelon on nan im likau moa kapwaiada dodok on Kot anjau karoj. HEB 9:7 A nan im likau kariau jamero lapalap eta kotilon on kelep pan me pak nan par eu ianaki nta, me a tom kida pein dip a o dip en aramaj akan. HEB 9:8 I me Nen jaraui kotin kajanjale kida, me al en nan pera jaraui melel jaikenta wiauier, arain im likau moa mia. HEB 9:9 Mepukat karajepa eu en anjau wet, pwe kijakij o mairon en wiaui lole, a re jota kak kapunala nan injen en i, me kin kapwaiada dodok on Kot wet. HEB 9:10 Pwe met akan wiauita, pwen pil ian mana o nim, o jon en kamakelekel akan, o tiak en kamaui pali uduk, me pan wiaui, lao lel anjau me mau jon. HEB 9:11 A Krijtuj me kotido, pwen jamero lapalap en dipijou en mur, ap kotin weid nan im likau eu, me lapa jan o mau jan men maj o, me kaidin wiaui kidar pa, o me jota udan pali pa et, HEB 9:12 Pil jota kotikilon ntan kut ol de kau pul a pein nta pan mepak, me a kotikilon nan pera jaraui melel, pwen lapwapan dip joutuk. HEB 9:13 Pwe ma ntan kut o kau ol o paj en kau li ujupeki me jamin kan ap kaminela o kajarauiala pali uduk o, HEB 9:14 Daduen ntan Krijtuj jo mau jan kaualap, me tonmeteki pein on Kot ren Nen joutuk, me jota me HEB 9:15 I me a kotin wiala jauntom en inau kap; a matala wiauier, pwen lapwada japun kan, me wiauier pan inau kaieu, pwe irail me paeker akan en ale inau en jojo joutuk. HEB 9:16 Pwe ma inau en jojo en pwaida, i me wiadar inau o, pan mela maj. HEB 9:17 Pwe inau en jojo kak pwaida murin aramaj a mela, ma jo, a join pan kareda meakot, arain mour en i, me wiadar inau o. HEB 9:18 I me inau kaieu jota pan pwaida, ma nta jo ian. HEB 9:19 Pwe kujoned en kapun karoj lau loki on aramaj karoj renMojej, a ap ale ntan kau o kut ianaki pil o wunen man waitata ijop, ap ujupeki puk o aramaj akan karoj, majani: HEB 9:20 Iet ntan inau, me Kot kotiki on komail er. HEB 9:21 A pil ujupeki nta im likau o kapwa en papa kan. HEB 9:22 O koren ion karoj panmakele kida nta duen kapun o, a ma jo inta, nan jota dip me pan lapwada. HEB 9:23 I me a mau on mom en dipijou en nanlan kan en kamakelekele kida mepukat. A dipijou en nanlan en kamakele kida mairon eu, me mau jan mepukat. HEB 9:24 Pwe Krijtuj jota kotolon on nan pera jaraui, me pa wiaui kida pwe i mom en me melel, a a kotilon on nan nanlan, pwen pwaralan mon jilan en Kot pweki kitail. HEB 9:25 A jota kotilon on, pwen tomki pein i pan pak toto dueta jamero lapalap, me kin pedelon on nan pera jaraui ni par karoj ianaki ntan man oko. HEB 9:26 Ma iduen, nan a pan matala pan pak toto jan nin tapin aramaj akan, a met ni imwin anjau kan, a kotin pwarado pan mepak, pwen lapwada dip akan ki pein a mairon. HEB 9:27 A duen a kileledier on aramaj akan, en mela pan mepak, a muri kadeik o, HEB 9:28 Iduen Krijtuj me matalar pan mepak, pwen lapwada dip en me toto. A ni a pan kotin puredo, a pan pwara don ir, me kin auiaui i, a kaidin pweki dip, a pwen kamaur ir ala. HEB 10:1 PWE kapun o iei motan dipijou en mur, a kaidin pein mom en dipijou, a jota kak kaunjok kilar mairon ota irail, me kin wia ir ada ni par karoj. HEB 10:2 A ma iei, arail mairon pan dukedi, pwe jolar kataman pan dip en irail, me apwali mairon; HEB 10:3 Pwe mepukat kin wiaui, pwen katamanda dip ni par karoj. HEB 10:4 Pwe ntan kau ol o kut jota kak wa jan dip akan. HEB 10:5 Ari, ni a kotin pwara don jappa, majani: Mairon o kijakij komui jota kotin mauki, a komui kotiki on ia er pali war ai. HEB 10:6 Kom jota peren kida mairon ijij o mairon men tom. HEB 10:7 I ap inda: Kilan, I kokodo, nan puk o me intinidier duen nai, pwen kapwaiada kupur omui, Main Kot. HEB 10:8 Maj a majanier: Mairon, o kijakij, o mairon ijij, o mairon men tom, kom jota kotin mauki, o kom jota kupur peren ki mepukat, me wiauier duen kapun o. HEB 10:9 Ap pil majanier: Kilan, I pwara don kapwaiada kupur omui. A kotiki jan men maj, pwen kapwaiada men mur. HEB 10:10 Ni kupur wet kitail kajarauilar ki mairon en war en Iejuj Krijtuj pan me pak. HEB 10:11 Jamero karoj me kajapwiladar, pwen apwali dodok ni ran karoj o purepure mairon ota, me jo kak lapwada dip akan. HEB 10:12 A men et, me kotin maironki pan mepak dip akan, ap kaipokedi ni pali maun en Kot kokolata. HEB 10:13 O a kotin auiaui, lao a imwintiti pan wiala utipan aluwilu a kan. HEB 10:14 Pwe a kotin kaunjokila tom ta ieu karoj, me pan kajarauila. HEB 10:15 Nen jaraui pil kotin kadede on kitail duen mepukat, pwe murin a kotin majanier: HEB 10:16 let inau, me I pan wiai on irail murin ran pukat, me Kaun o kotin majanier: I pan ki on monion arail ai kapun, o I pan intiniedi on nan nen arail. HEB 10:17 Dip arail, o arail japun kan I jolar pan tamanda. HEB 10:18 A ma re lapwadar, ap jolar mairon en dip pan wiaui. HEB 10:19 Ari ri ai kan, ma a muei on kitail er, en pedelon on nan pera jaraui ki ntan Iejuj, HEB 10:20 Pwe a kotin wiai on kitail er al en maur kap pot et lel pali lan likau ki uduk a. HEB 10:21 A ma atail jamero kajampwal en tanpaj en Kot mia. HEB 10:22 Kitail ap pan pwaralan i ni melel en monion atail, o pojon melel, o ujupeki monion atail, o maio jan injen jued, o widenki pil makelekel war atail, HEB 10:23 O kitail en tenedi on atail kadede en kaporopor o kder wukiwuk jili, pwe i me melel, me kotikida inau o. HEB 10:24 O kitail en apwali nan pun atail ni atail kainon ion limpok o wiawia mau kan. HEB 10:25 O kitail ender dukedi jan atail mod on kandok pena, duen me kin wiaui ren akai. A kitail en nantion panau pena, pwe komail kilan, me ran o me korendor. HEB 10:26 Pwe ma kitail inon ion wia dip, murin atail marainiki melel, jolar mairon men tom ki dip atail, HEB 10:27 A kitail pan mimieta ni atail majak kadeik apwalia o onion en kijiniai, me pan karojela imwintiti kan. HEB 10:28 Ma amen pan tiakedi kapun en Mojej, a jota pan diar mak, pwe a pan kamela, ma jaunkadede riamen de jilimen mia. HEB 10:29 Ari, da me komail lamelame, duen me pan tiakedi Japwilim en Kot, o kajaminela ntan inau kap, me a kajarauilar o lalaue Nen en mak, a jo pan kalokolok laud jan irail? HEB 10:30 Pwe kitail ajai, me majanier: Ikepa ai dok, I pan depuki on. O pil eu: Kaun o pan kotin kapun on japwilim a aramaj akan. HEB 10:31 Nan meid kalom, en lodi on ni lim en Kot ieiaj. HEB 10:32 A komail tamanda ran en maj oko murin omail marainlar, ap dadaurata ni omail kalokolok laud. HEB 10:33 Ni omail kenkaurur janjal o pan kidau o kamekam, o ni omail riane kin ir, me pil lel mojued. HEB 10:34 Pwe komail ianaki me jalidi kan ni ar kalokolok, o komail pil pereperen ni omail kapwa kan kulia wei jan, pwe komail aja, me komail aja, me komail aneki dipijou en lan, me mau jan o me jota pan jorala. HEB 10:35 Komail ari der kajela omail liki, me pan kareda katinpa Iapalap. HEB 10:36 Pwe kanonama me mau on komai, pwen kapwaiada kupur en Kot o konodi inau o. HEB 10:37 Anjau tar kij, me onoper pan pwarado, a jota pan pwand. HEB 10:38 A me pun o pan maureki pojon, a nen i jota pan peren kida, ma a pan pure wei jan. HEB 10:39 A kitail jota kijan ir, me pure wei jan, ap lokidokila, a kijan irail, me kin pojon ap kamaurr nen arail. HEB 11:1 POJON me pajon en me kadede kin kaporoporeki o kadede pan me jo janjal. HEB 11:2 Pwe me men kaua aleer kadede parail. HEB 11:3 Ni pojon kitail aja, me lan o jappa majan en Kot, iei me dipijou kan, me kitail kin kilan, jo wiauiki meakai me janjal. HEB 11:4 Ni pojon Apel maironiki on Kot me mau jan Kain, ap dede kilar, me i me pun, pwe Kot kotin kupukupura a kijakij. O i me a kin padapadaki murin a melar lao lel met. HEB 11:5 Ni pojon Enok peukadala, pwen der kilan mela, ari, a joer diarokada, pwe Kot kotin ukadala i, a mon a peukadala kadedepa mia, duen a kon on Kot. HEB 11:6 A ma jo pojon, jota me pan kak kon on Kot. Pwe me men tu on Kot, en pojon, me a kotin mia, o me a pan kotin katini on ir, me rapaki i. HEB 11:7 Ni pojon Noa majakadar, ni a kauada war im, pwen kamaureda toun im a, ni a aleer majan en Kot, duen me jaikenta janjal, o i me a kadeikada jappa, o jojoki pun, me pwili jan pojon. HEB 11:8 Ni pojon Apraam peiki on Kot, ni a paeker, en lipalan eu jap, me a pan jojoki; i ari lipalan o jota aja, waja me a pan kotila ia. HEB 11:9 Ni pojon a wiala men wai amen nan jap en inau, o kotikot nan im likau kai, a Ijaak o Iakop, me pan pil ale jojo en inau ota, ian i, HEB 11:10 Pwe a auiaui kanim eu, me a pajon mia, me wiauieda ren Kot. HEB 11:11 Pil Jara keleki pojon ni a pan lijeanda, ap naitikada jeri amen, ni a li dapwan, pwe a aja, me i melel amen, me kotiki on i inau o. HEB 11:12 I me jan me ta men, me rajon mela amen, me toto tapida jan, due uju en lan me totoia, o me rajon pik en ni oror, me jota kak wadawad. HEB 11:13 Mepukat karoj matalar nin pojon o kaikenta paieki inau o, a re kilaner jan ni waja doo, ap peren kidar o kadededar, me re men kairu o men wai in jappa. HEB 11:14 A ni ar wia due met, re kin kajaleda, me re rapaki udan jap arail. HEB 11:15 A ma irail nonki jap o, me re ko janer, irail pan kak purelan. HEB 11:16 A jo, pwe re inon ion eu jap, me mau jan jappa, me mi nanlan, I me Kot jota kotin nanlan, i me Kot jota kotin namenokki wiala arail Kot, pwe a kotin kaonop on irail er kanim eu. HEB 11:17 Ni pojon Apraam maironki Ijaak, ni a kajonejon o mueidala na ieroj, murin a aleer inau o. HEB 11:18 Iran I a lokido: Jan Ijaak kadaudok om me pan irerok wei. HEB 11:19 Pwe a aja, me Kot pil kotin kak kamaurada i jan ren me melar akan, I me a pil pur on naine kin i, pwen wia karajepa eu. HEB 11:20 Ni pojon Ijaak kapaiadan Iakop o Ejau meakan me pan wiaui. HEB 11:21 Ni pojon Ijaak kapaiadan nain Iojep putak riamen, ni a pan matala, o a pairukila pon a jokon. HEB 11:22 Ni pojon Iojep, ni a pan matala, a kokopada duen kadaudok en Ijrael ar pan lipala, o a kakalik on ir duen ti a kan. HEB 11:23 Ni pojon Mojej, ni a ipwidier, okiokilar ren jam a in a jaunipon jilu, pwe ira kilaner, me a jeri kajelel amen, o ira jota majak en nanmwarki a kujoned. HEB 11:24 Ni pojon Mojej lao laudala, kan inaneki nain Parao jeripein. HEB 11:25 O a piladar en ian japwilim en Kot aramaj akan kamekam, jan peren mal en dip me motomot. HEB 11:26 O a kajampwaleki kanamenok en Krijtuj jan kapwa en Akipten, pwe a kupukupura katinpa. HEB 11:27 Ni pojon a lipa jan Akipten, jota lomwiki onion en nanmarki, pwe a kotin kaporoporeki, me a jota kilaner, dueta a kilan i. HEB 11:28 Ni pojon a wia paja o ujup en nta, pwe me pan kamela mejeni kan, ender kai on ir. HEB 11:29 Ni pojon irail kotela jed waitata, likamata nan jap madekon, me men Akipten oko pil jon, rap mopelar. HEB 11:30 Ni pojon kel en kanim Ieriko ronki pajan murin ar pidaki ran iju. HEB 11:31 Ni pojon Raap, li jued amen, jota ian ir, me jopojon, kamela, pweki a popol apwali liparok kan. HEB 11:32 O da me i en pil kajoiada? Pwe anjau me tikitik en wia kajoi duen Kideon, o Parak, o Jimjon, o Iepta, o Dawid. o Jamuel, o jaukop akan. HEB 11:33 Duen ar kaloekidi wei kan pojon, kapwaiada lamalam pun, paieki inau kan, kaku pena au en laien, HEB 11:34 Kakunla kel en kijiniai, piti jan au en kodlaj, luetalar rap kelail lar, komad ni mauin, kaloedier jaunpei en wai kan. HEB 11:35 Li akai pil aleer nair me melar akan, pwen mauredar. A akai kalokoloker o kan maiolar, pwe re men konodi maureda jan ren me melar akan me mau melel. HEB 11:36 Pil akai wewelokelar, o wokiwok, o pil jalidi, o lodi on nan imaten. HEB 11:37 Irail pakajuk, de rajaraj pajan, de kame kila kodlaj; re janjarawaru jili, likauiki kil en jip o kut, jamamalar, kaanka mekam, o apwal akan. HEB 11:38 A men liki jota war on mepukat. Irail koko jili nan jap tan, nin nana kan, pan paip o pnr kai. HEB 11:39 Mepukat karoj lok mau kilar ni pojon, a jota paieki inau o. HEB 11:40 Pwe Kot kotin kaonopadan kitail me mau jan arail pai, pwe irail ender unjokalar mo atail. HEB 12:1 ARI, pweki jaunkadede pukat raj on dapok kalaimun me raj on dapok kalaimun eu, me kapil pena kitail, kitail en meui jan katoutou patail o dip, me kin kolekole kitail, ap dadauta tan ni weir, me mi motail. HEB 12:2 Ududial Iejuj, me tapi pan o kaimwijoke pan atail pojon, me jota kotin kupukupure peren me moa, ap kotin kanonama ni lopu, mamleki kanamenokpa, ap kotidi ni pali maun en mol en Kot. HEB 12:3 Komail tamanda I, me wonewei ni kaupa ren me dipan akan, pwe komail eder panada o nen omail ender luetala. HEB 12:4 Pwe komail jaikenta kelail on en palian dip, me kareda kamela. HEB 12:5 O komail monokelar kamait pa ’mail, me padaki on komail ni tiak en jeri: Nai ol, koe der ronaronan joreki kapun en Kaun o, o der luetalar ni a pan kotin kapun uk ala. HEB 12:6 Pwe Kaun o kin kotin kame, me a kin pok on o kin kaloke jeri karoj, me a pan japwilimaneki. HEB 12:7 A ma komail pan kanonama on kalokolok, nan Kot kin kotin wiai on komail duen on japwilim a kan. Pwe ia jeri men, me jam a jota kin kaloke? HEB 12:8 A ma komail jota pan kalokolok dueta irail karoj, nan kaidin komail jeri, pwe jota jam omail. HEB 12:9 A ma jam atail en pali uduk kaloke kitail er, o kitail majak irail, iaduen, kitail jota pan peik kaualap on Jam en nen akan, pwen memaur kila? HEB 12:10 Pwe irail kaloke kitail ran me malaulau, duen injen arail, a i pwen kamaui kitail la, pwe kitail en tunole kijan a jaraui. HEB 12:11 A kalokolok karoj kaidin likamata peren, ni a pan lel on kitail, pwe injenjued, a mur a pan kareda wan pun o popol on ir me anlar. HEB 12:12 Komail ari kakelada pa o pukie omail luet akan. HEB 12:13 O kakeki wei na omail, pwe me jikilikil ender pirokala jan al o, a ren kelailada. HEB 12:14 Nantion popol on amen amen o jaraui; a ma jo, jota me pan kak kilan Kaun o. HEB 12:15 O kalaka, pwe amen depa jota konodi mak en Kot, pwe karepen me jued ende pwaida, kawe komail, o me toto pan jamin kila. HEB 12:16 Pwe jota me pan nenek, de me jued amen due Ejau, me netikila a jo jo ni kijin mana ta ieu. HEB 12:17 Pwe komail aja, duen muri, ni a men ale pai, a lokidokilar, pwe a jota kak diar anjaun kalula, me a roporopeki pil en maj a. HEB 12:18 Pwe komail jota lel nana, me aramaj kak doke, o me inkinkon, o pil jota lel waja rotorot, o waja pon, o melimel. HEB 12:19 Pil jota lel nil laud en koronete, de maod en lokaia, me irail, me ronadar, poeki, ender pur on. HEB 12:20 Pwe re jota kak on ron: o pil man amen, ma a pan jair nana o, a pan pakajuk. HEB 12:21 Iduen kajanjal a kamajak melel, pwe Mojej majanier: I ap lomwineki o rerer. HEB 12:22 A komail leler nana Jion, o kanim en Kot ieiaj, Ierujalem en lan, o pokon en tounlan nederenia, HEB 12:23 O momodijou mejeni, me mar arail kileledier nanlan, o ren Kot jaunkapun en karoj, o ren nen en me pun kan me unjokelar. HEB 12:24 O ren Iejuj jauntom en inau kap o ntan ujup, me mau jan en Apel. HEB 12:25 Komail kalaka, pwe komail depa jikinwei, me kin mamajani. Pwe ma irail jota kak pitila, me jikin wei i, me kotin padapadak on irail nin jappa, nan melel, kitail jota pan kak pitila, ma kitail pan jikin wei i, me majan don kitail jan nanlan. HEB 12:26 I anjau o kapitie kamokidada jappa. A met a kotin inauki majani: I pan pil kamo kidada kaidin jappa eta, pwe pil nanlan. HEB 12:27 A iet wewe en: I pan pil: Me mokidadar pan kawukila, pwe iei dipijou me wiauier, pwen ir, me jota kamokidada, en mimieta. HEB 12:28 Kitail pan ale wei eu, me jota pan kak mokidada, i me kitail en dodok on Kot duen me kon on i, ni makelekel o majak. HEB 12:29 Pwe atail Kot kijiniai nkon. HEB 13:1 KOMAIL tewedi on limpok en jaulan! HEB 13:2 Komail der monokela, en apwali men kairu kan. Pwe i me akai kajamoki tounlan kai, ap jaja. HEB 13:3 Komail tamanda me jalidi kan, due pein komail jalidier, o irail me kaankamekam, due pein komail, me memaureki pali war. HEB 13:4 Karoj en wauneki inau en papaud o loj en jojamin, a me nenek o kamal akan Kot me pan kotin kadeik on irada. HEB 13:5 Komail der norok moni, a komail injenemauki me mi re omail. Pwe a kotin majanier: I jota pan muei jan uk de kaje uk ala. HEB 13:6 Ari, kitail ap aima on indinda: Kaun o jauaj pa i, i jota pan majak, pwe da me aramaj amen pan kak wiai on ia? HEB 13:7 Tamatamanda omail jaunpadak kan, me kawewe on komail er majan en Kot, alale jan arail pojon, o madamadaua imwin arail wiawia. HEB 13:8 lejuj Krijtuj me duedueta, aio, ran wet, o kokolata. HEB 13:9 Komail ender wukiwukki jili padak likam akai; pwe pai kajampwal eu, monion atail en tenetenela, me kin wiauiki mak, it kaidin ni kijin mana, me jo kadopa on, me kin apapwali. HEB 13:10 Atail pei jaraui mia, me jota mau on, irail en tunole jan, me kin papa nan im likau. HEB 13:11 Pwe war en man akan, me ntar wijikilon on nan pera jaraui ren jamero lapalap aki dip, Ijijer likin kanim. HEB 13:12 Iduen lejuj, pwen kajaraula aramaj akan ki nta, kamela likin kanim. HEB 13:13 Kitail ari en koie lan re a likin kanim o ian i kankaururla. HEB 13:14 Pwe jota atail kanim potopot met, a kitail raparapaki eu, me mi mo ’tail. HEB 13:15 Kitail ari poden maironki kapin on Kot ren (lejuj); iei wan kilin aua, me kadededa mar a. HEB 13:16 Wiawia mau o kijakij, komail der monokela, pwe i mairon me Kot kotin kupura. HEB 13:17 Peiki on omail kaun akan o duki on irail! Pwe re kin tauli kin nen omail, duen me pan pakajaui ren Kot, pwe ren wiawia mepukat ni peren, a jo ni injenjued, pwe i me japai on komail. HEB 13:18 Kapakapa kin kit. Je kin peren kida atail injen mau, o je kin nantion wiawia mau ren aramaj karoj. HEB 13:19 I panaui komail en porijok wia met, pwe i en kak pitipit pwaralan komail. HEB 13:20 A Kot en popol, me kotin kaiajadar Jilepan jip lapalap, iei atail Kaun lejuj jan ren me melar akan, ki ntan inau joutuk, HEB 13:21 I en kotin kamaui komail en kapwaiada kupur a o jon en wiawia mau ren lejuj Krijtuj. I me udan linan kokolata! Amen. HEB 13:22 Ri ai kan, i panaui komail, peiki on ai panau wet. Pwe I intin won komail er motomot. HEB 13:23 Komail aja, ri atail Timoteuj jaladokelar; ma a pan madan don ia, i pan ian i kilan komail. HEB 13:24 Ranamau on omail kaun akan karoj o me jaraui kan karoj. Men Italien kan ar ranamau won komail. HEB 13:25 Mak en mi re omail karoj! JAM 1:1 IET nai Iakopuj ladu en Kot o Kaun Ieiuj Krijtnj on kainok eijok riau, me pakajar pajaner; komail perenda! JAM 1:2 Ri ai ko, komail perenki ma komail lel on kajonejon. JAM 1:3 O aja, ma omail pojon me pun, a pan kareda kanonama. JAM 1:4 A kanonama pan duedueta lao lel imwi, pwe komail en anla o unjok, o jolar anane meakot. JAM 1:5 A ma amen re omail jota a lolekon, i en poeki ren Kot, me kin kotiki on amen amen ni jo kidaue, ari, a pan ale. JAM 1:6 A i en poeki ni pojon, der peikajal, pwe me kin peikajal, me raj on iluk en madau, me an kin ipir wei pukepuk. JAM 1:7 Pwe i aramaj ender lamelame, me a pan tunole meakot jan ren Kaun o. JAM 1:8 A ol amen me peikajal, kin koweikodo ni a dodok karoj. JAM 1:9 A ri atail amen, me jamama, en juaiki a kapwapwa. JAM 1:10 A me kapwapwa en juaiki a jamama, pwe duen majal en ra a pan monedi. JAM 1:11 Pwe katipin dakada, ap karakar, ap kamonedi ra kan o majal en ra pupedier, o mom a kajelel olar, iduen me kapwapwa o pan jora jan ni a wiawia kan. JAM 1:12 Meid pai ol o, me wonweita ni jonapa, pwe murin a poedi, a pan ale nin in maur, me Kot kotin inauki on me pok on i. JAM 1:13 Ma amen pan jonejon, a depa inda, me a jonejon ren Kot. Pwe Kot jota kak mi pan jonejon en mejued, o a pil jota kin kajonejon amen. JAM 1:14 A amen amen kin jonejon ni a inon jued. JAM 1:15 A inon jued lao wiauier, ap naitikadar dip; a dip, ni a unjokelar, kin naitikada mela. JAM 1:16 Ri ai kompok kan, komail der ponepon kida. JAM 1:17 Kijakij mau karoj o a japan kodido jan poa, jan ren Jam en marain akan, me akan, me jota man jon toror o jota man wukila. JAM 1:18 A kotin kanaitik kida kitail majan melel, pwe kitail en wiala mejeni en japwilim a kan. JAM 1:19 Ri ai kompok kan, komail aja, aramaj karoj en madan ron, a pwand en lokaia, o pwand en makar. JAM 1:20 Pwe makar en ol o jota kin kapwareda pun en Kot. JAM 1:21 I me komail en kajela pwel karoj o me jued karoj, ap ale on komail majan o, me padedier lol omail nin tiak en karakarak, i me kak on kamaureda nen omail. JAM 1:22 A komail en kapwaiada majan o kaidin ron eta, a ma iduen, komail kin kotaue pein komail. JAM 1:23 Pwe ma meamen kin ron majan o, ap jota kapwaiada, nan a raj on ol amen, me kin kilekilan maj en pali war a nan klaj, JAM 1:24 Pwe murin a kilekilaner duen pein i, a koie la o pitipit monokela duen a janjal. JAM 1:25 A me kin kilekilan melel nan kapun unjok o kajaledok, o kapwaiada, o ma a jota pan monokela, me a roner, a kapwaiada, nan i pan pai kida a wiawia kan. JAM 1:26 Ma amen lamelame, me a kin papa Kot, ap jota kaineneda lol a, o ma a piti pein monion i, nan a dodok on Kot me mal kot. JAM 1:27 A dodok min o pun mon Kot o Jam me wet: En apapwali jopoupou o li odi kan ni ar apwal akan, o pera ki pein i jan jappa. JAM 2:1 Ri ko, komail pojon atail Kaun Iejuj Kriituj en linan er lipiliki aramaj amen. JAM 2:2 Pwe ma ol amen pan ian omail jaraui, me kapwateki rin kold likau linan, o pil jamama amen, me a tuken likau o jakanekan pedelon, JAM 2:3 A ma komail pan kilekilan me mi nan likau linan, o komail pan indan i: Re kotido kaipokedi met, waja mau, ap indan me jamama: Koe en uda mo, de met impan utipa! JAM 2:4 Iaduen komail lipilipil nan pun omail, o komail wiala jaunkapun kan ni omail lamalam jued? JAM 2:5 Ri ai kompok kan, komail ron! Kot jota kotin pilada me jamama nan jappa et, me kapwapwaki pojon, o me pan jojoki wei, me a kotin inauki on irail, me pok on i? JAM 2:6 A komail mamaleki me jamama o. Kaidin me kapwapwa kan kin wia jued on komail o panalan komail mol en kadeik kan? JAM 2:7 Irail jota kin lalaue mar ijou, me komail maranekier? JAM 2:8 Ma komail kapwaiada kapun ijou duen majan o: Koe en pok on men imp om dueta pein uk, nan komail wia me mau. JAM 2:9 A ma komail pan lipilipiliki aramaj, komail kin wia dip, o kapun pan kadiarok on komail, me komail me dipan. JAM 2:10 Pwe meamen kapwaiada kapun pon, ap kawela kujoned eu, nan i me tiakedi karoj. JAM 2:11 Pwe me kotin majanier: Koe der kamal, i me pil majanier: Koe der kamela aramaj! Ari, ma koe jota kamal, a ma koe kamela aramaj, nan koe me tiakedier kapun o. JAM 2:12 Komail ari lokaia o wiawia duen irail, me pan pakadeikada ren kapun en kamaio. JAM 2:13 A me jota kin kadek, pan lodi on kadeik apwal, a me kadek, kin juaiki kadeik o. JAM 2:14 Ri ai ko, da katepan aramaj amen, me pan inda, me a pojon mia, ap jota a wiawia mau kan? Iaduen pojon pan kak dorela i? JAM 2:15 Ma ri atail ol de li amen mia, me jolar a likau, o jolar kan ar kijin mana kaukaule, JAM 2:16 A ma amen komail pan indan i: Kola popol raneran o manamana! Ap jota, me komail pan ki on i, me mau on pali war a, da katepa? JAM 2:17 Iduen pojon, ma a kelep o jota wiawia ian, nan a melar. JAM 2:18 A ele amen pan inda: Om pojon mia, a ai wiawia kan mia; kajale on ia om pojon, me jota wiawia kan mia, a nai pan kajale on uk ai pojon ni ai wiawia kan. JAM 2:19 Koe kamelele me Kot me ta men mia, me mau, nan tewil akan pil kin kamelele ap majakada. JAM 2:20 A koe aramaj aklapalap, ma koe men dedeki, me pojon me mal kot, ma jota wiawia kan ian? JAM 2:21 Iaduen jam atail Apraam? A jota pun kila a wiawia kan, ni a pan maironki japwilim a kijin putak Ijaak pon pei jaraui? JAM 2:22 I me koe kilan, me pojon jauaja a wiawia kan, o pojon unjok kilar a wiawia kan. JAM 2:23 Ari majan o pwaidar: Apraam pojon Kot, o i me a pun kilar o a maraneki: Kompoke pan Kot. JAM 2:24 Komail ari kilaner, me aramaj amen pan pun kila a wiawia kan a kaidin pojon ta. JAM 2:25 Pil dueta Raap, li jued amen, kaidin a wiawia kan, me a pun kilar, ni a kajamo men en kadar, o kadar ir ala ni apot al toror? JAM 2:26 Pwe duen pali war mela, ma jota nen, iduen pojon a mela, ma jota wiawia kan ian. JAM 3:1 RI ai ko, me jota mau, ma komail me toto inon ion jaunpadakala, pwe komail aja, me kitail pan lel on kadeik laud. JAM 3:2 Pwe pan pak toto kitail kin japun, a ma amen jota kin japunki lokaia kij, nan i ol melel amen, o a kak koaki pali war a pokon. JAM 3:3 Kilan, kitail kin ki on nan au en oj kijin mata, pwe ren peiki on kitail, o kitail kin kawuk jili war arail pokon. JAM 3:4 Kilan, pil jop akan! Irail me kalaimun o an kin ipir wei, ari jo, men ilil tikitik kak kawuki on waja, me kaptin kin inon ion ia. JAM 3:5 Iduen lo me kokon tikitik eu, a a juaijuai lapalap. Kilan, duen kijiniai tikitik kin ijikada nana kalaimun! JAM 3:6 Iduen lo en aramaj, a raj on kijiniai o aude pan japun karoj. Lo o kijan kokon atail, ap kajaminela war pon, a kin ijikada wiawia en nan maur atail karoj, a pein i ijij jan nan pweleko. JAM 3:7 Pwe jon en man laualo karoj, o manpir, o me karop, o man akan, me kin memaur nan jed, kin kamandala o kaloedi ren aramaj akan. JAM 3:8 A lo o jota aramaj amen me kak kaloedi, nan me jued kot, me dir en men kamela. JAM 3:9 I me kitail kapinaki Kaun o Jam, o kitail kariaki i aramaj akan, me wiauier ni mom en Kot. JAM 3:10 Jon ni au ota kapai o kariu kin tapi jan ia. Ri ai ko, me jota pun, mepukat en wiaui due. JAM 3:11 Daduen utun pil pot, a kin ki wei pil iau o jadik jan ni por ta ieu? JAM 3:12 Ri ai ko, pik pot pil kak wu wan le, de wain pan kak wan pik? Pil dueta parer jol eu jota kak kida pil. JAM 3:13 Ij me lolekon re omail, o erekila padak? I en kajaleda ni lamalam mau a wiawia kan ni impai o lolekon. JAM 3:14 A ma peirin o akamai mier nan monion omail, komail der juaiki palian melel o der kalikame me melel. JAM 3:15 Pwe lolekon wet, me jota tapi jan poa a udan pa et, pali uduk, pali tewil. JAM 3:16 Pwe waja peirin o akamai mia, nan i wajan jaminimin o dodok jued karoj kin wiauiaui ia. JAM 3:17 A lolekon, me tapi jan ni pali poa, maj a kin makelekel, ap pil kaminimin, o kampai, o matarok, o dir en kadek, o wa mau, o jo peikajal, o jo malaun. JAM 3:18 A wan pun pan kamoredi ni popol ren ir, me kin tom pena. JAM 4:1 IA waja akamai o pei nan pun omail kin tapi jan ia? Kaidin jan nan omail inon jued akan, me kin pepei nan omail kokon akan. JAM 4:2 Komail kin inon ion, ap jota aneki, komail kin kamela o kailonki, ap jota me komail pan ale; komail kin akamai o mauin. A jota omail meakot, pwe komail jota omail meakot, pwe komail jota kin poeki. JAM 4:3 Komail kin poeki, ap jota pwaida, pwe komail kin poeki japun, pwe komail kin poeki japun, pwe komail kin kapwaida kida omail inon jued akan. JAM 4:4 Komail kamal akan, komail jota aja me waroki on jappa et, kin imwintiti on Kot? Ari meamen, me men kompoke pan jappa, nan i imwintiti en Kot amen. JAM 4:5 De komail kiki on, me puk jaraui majani mal: Nen o me kotikot lol omail, kin inon ion o nantion dodok on Kot. JAM 4:6 A meid laud a mak on kitail. I me a kotin majanieki: Kot kin kotin palian me aklapalap, ap mak on me opampap. JAM 4:7 Komail ari duki on Kot a palian tewil, a ap pan tan wei jan komail. JAM 4:8 Kakondak monion on Kot, a ap pan kupukupera komail, kamakelekel pa omail, komail me dipan; o kaminela monion omial, komail me lol riapot. JAM 4:9 Kainjinom, o maiei, o janejan; omail kaukaurur en wuki on me mauk, o omail peren on injenjued. JAM 4:10 Akitikitik ki pein komail mon Kaun o, a ap pan kjapwil komail da. JAM 4:11 Ri ai ko komail de lokaia jued nan pun omail. Pwe me kin lokaia jued duen ri a, de kadeikada ri a, a kin lokaia jued on kapun o kin kadeikada kapun o, A ma koe kadeikada kapun, pwe jaunkapun amen koe. JAM 4:12 Amen ta jaunkapun o jaunkadeik, me kak on kamaurela o kariala. A ij koe, me kin kadeikada men im pa? JAM 4:13 Iet pil eu, komail me kin inda: Ran wet de lakap je pan kolan kanim wet o kaujon waja o par eu, o netinet ap kapwapwala. JAM 4:14 A komail kin jaja, da me pan wiaui lakap, pwe da omail maur? Pwe komail kin raj on tokoi, me kin mi anjau kij, ap mokonaidi. JAM 4:15 Mak eta komail en inda: Ma Kaun o kotin kupura, o ma kitail memaureta, kitail pan wiada met de mo. JAM 4:16 A jo, komail kin perenki omail jujuai, nan jujuai due met me jued. JAM 4:17 Ari, melel ta, meamen me lelapok ki me mau, ap jota wia, nan i me dip on i. JAM 5:1 A KOMAIL kapwapwa kan, janejanki o weriwereki, kampamail pan lel on komail! JAM 5:2 Omail kapwa kan olar, o man en mot kanalar omail likau kan. JAM 5:3 Omail kold o jilper mirelar, ari, ar mir me pan kadede on komail, o pan war pajan uduk omail due kijiniai. Nan komail nakier kapwa ni imwin ran akan. JAM 5:4 Komail war, pwain en toun dodok, me kop penaer dipijou en jap omail, me komail kulia janer, kin weriwer; o likwir en jaundolun akan lel on karona en Kaun Jepaot. JAM 5:5 Komail ipuepuarok kier me jued nin jappa, dender on, komail kamue matier monion omail rajon man wi, me pan kamela. JAM 5:6 Komail kadeikada o kamela me pun o, a a jota palian komail er. JAM 5:7 Ari ri ai ko, komail kononama lao lel en atail Kaun a pan kotin pwarado. Kilan, jaumat amen kin auiaui wa mau en jap o, o a kin kanonama lao katau en maj o mur moredier. JAM 5:8 Komail ari pil kanonama eta, katene monion omail, pwe en atail Kaun a pwarado me korendor. JAM 5:9 Ri ai ko, komail der pilipil en pan moli ki amen amen, pwe komail ender pakadeikada. Kilan, jaunkadeik o mi pan wanim. JAM 5:10 Ri ai ko, ni omail kalokoloko kanonama komail alale jan jaukop akan, me kokopeki ni mar en Kaun o. JAM 5:11 Kilan, kitail kin kapina me dadauratar. Komail roner duen kanonama en lop, o kilaner imwin Kaun O, pwe Kaun o kin kupukupura o kapunlol kaualap. JAM 5:12 Ri ai ko, komail kalaka, pwe komail der kaula; der kaukila lan de jappa, o der wia eu jon en kaula; a omail japen en ei ta, o omail jo en jo, pwe komail de lodi on kadeik o. JAM 5:13 Ma amen re omail kamekam, a en kapakap, a ma amen injenemau, a en kauleki pjalm. JAM 5:14 Ma amen mi re omail me jomau, en ukado jaunkoa en momodijou kan, pwe irail en kapakapa kin i, murin ar keie kin i le ni mar en Kaun o. JAM 5:15 Ari, kapakap pojon pan kamaureda me jomau o, o Kaun o pan kakelada i, o ma a wiaer dip kai, re pan japedokalar jan. JAM 5:16 I me komail en weok pena dip omail o kapakapaki amen amen, pwe komail en kelail la. Kapakap melel en me pun amen kin kareda me toto. JAM 5:17 Eliaj aramaj amen dueta kitail, a kapakapaki katau ender moredi, ari jolar katau moredi on jappa ni par jilu o jaunipon wonu. JAM 5:18 O a kotin pur on kapakap, nanlan ap kamoredier katau, o jap kapareda wa kan. JAM 5:19 Ri ai ko, meamen mi re omail, me jalonala ni melel, o amen kajapaledo i, JAM 5:20 I en aja, me kajapaledo me dipan amen jan ni a jalonala, a kamaureda jan mela nen eu, me a pan pwain kidi dip toto. 1PE 1:1 IET nai Petruj wanporon en lejuj Krijtuj amen on me pilipildar ren me kaikairu pakajar Ian Pontuj, Kalejia, Kapadojien, Ajien o Pitinien. 1PE 1:2 Me pilipildar pan kupur en Kot Jam, ap kajaraui kila Nen, pwen peik o makelekeleda pan ntan lejuj Krijtuj. Mak o popol ni rok re omail! 1PE 1:3 I Kapin on Kot, o Jam en Kaun patail lejuj Krijtuj, me kotin kaipwi kap kitail on kapopor maur, pweki a kalanan lapalap pan lejuj Krijtuj aijadar jan ren me melar akan, 1PE 1:4 On jojo eu, me jota pan dukedi o jo jamin, o jo monedi, me nekinekid on komail nanlan. 1PE 1:5 Komail me pakolekoleki mana en Kot ni pojon on maur potopot, me pan janjaldo ni imwin ran akan. 1PE 1:6 Iran met komail kin peren kida, murin omail injenjuedeki jonejon kai anjau motomot, ma I duen kupur a. 1PE 1:7 Pwe omail pojon en diarokada ni pun o, pan kajampwal jan kold jor, a me kin diarok kida kijiniai, men kapin, o linan, o wau, ni en lejuj Krijtuj a pan janjaleda. 1PE 1:8 Me komail jota kilaner, ari jo, komail kin pok on i, o komail kin pojon i, me komail jota kin kilan anjau wet, a i me komail kin peren kida peren laud kaualapia. 1PE 1:9 I me pan kare on komail imwin omail pojon, iei dorelan nen omail. 1PE 1:10 lel maur o, me jaukop oko raparapaki o kalekalelapok, me kokop kida mak, me pan pwara don komail. 1PE 1:11 O re raparapaki, iad anjau o duen anjau me Nen en Krijtuj me kotikot re ’rail, kotin kajaledar, o me kotin kokopkido kamekam en Krijtuj o a linan, me mi muri. 1PE 1:12 A pakair pwara don irail, kaidin pwen papa pein irail, a komail, rap kalok on komail er jan ren me padaki on komail ronamau ki Nen jaraui, me pakadarado jan nanlan, me pil tounlan kan inon ion kilan. 1PE 1:13 I me komail en katenedi lonelone en nen omail. Komail majamajan o kaporoporeki melel mak en Kot, me pan wijike don komail ni en Iejuj Krijtuj a pan janjaleda. 1PE 1:14 Komail dueta jeri en peik kan, komail der paroki on inon jued en maj o, me mi re omail ni anjaun omail rotorot. 1PE 1:15 A duen i, me kotin molipe komail er, me jaraui, iduen komail en pil jaraui ni jon en wiawia karoj. 1PE 1:16 Pwe a intinidier: Komail en jaraui, pwe nai me jaraui. 1PE 1:17 O ma komail pan kapakap on Jam, me jota kotin lipilipil aramaj amen, pwe a pan kotin kadeikada duen dodok en amen amen, komail ari kekeide ki ni majak arain omail kaikairu nin jap pa et. 1PE 1:18 Pwe komail aja, kaidin kapwa jor: Jilper de kold, me komail kamaio kila jan omail dadaurata kaudok o, me men kaua padokedi on komail, 1PE 1:19 A ki ntan Krijtuj kajampwal dueta jippul amen, me jo jamin o jo muaimuai. 1PE 1:20 Me kileledier mon jappa pajonedier, ap janjaleda ni imwin ran akan pweki komail. 1PE 1:21 Komail me pojon Kot ki i, me Kot kotin kaiajadar jan ren me melar akan, ap kotin kaliwanada i, pwe komail en pojon o kaporoporeki Kot. 1PE 1:22 O komail kamakelekeleki nen omail ni peik o melel, pwen pokepoke melel ri omail akan. Komail ari teneten limpok pena jan monion omail makelekel. 1PE 1:23 Dueta ir, me ip japal, kaidin jan ni wa mor, a jan ni me jomor, iet: Jan nan majan maur en Kot, me pan duedueta. 1PE 1:24 Pwe uduk karoj me rajon ra, o ar linan karoj me rajon majal en wan ra. Ra o monidin o majal en wan ra moredier. 1PE 1:25 A majan en atail Kaun pan potopoteta kokolata, i majan, me kalok on komail ni ronamau. 1PE 2:1 KOMAIL ari muei jan jon on jued karoj o widin karoj, o malaun, o peirin o karaun mal karoj. 1PE 2:2 A komail en dueta jeri pwelel, me apton ipwidier, ap inon ion pil en didi mau o melel, pwe komail en kakairi kida i, 1PE 2:3 Ma komail diaradar, me Kaun o me kalanan. 1PE 2:4 Komail waroki on i me rajon takai maur, me aramaj akan kajelar, ap lipilipiler o kajampwal ren Kot. 1PE 2:5 O pein komail en kakautla duen takai memaur, wiala im nenin o pwin en jamero jaraui, pwen kida mairon, me pwili jan Nen o, me Kot kotin kupura ki Iejuj Krijtuj. 1PE 2:6 I me intinidier nan puk jaraui: Kilan, I kidi on nan Jion takai en pukakaim, me lipilipil o kajampwal, o me pojon i, jota pan namenokala. 1PE 2:7 Komail ari, me liki i, pan ale pai kajampwal o; a ren me jopojon akan, a rajon takai eu, me men kau im akan kajelar; ari jo, a wialar takai en pukakaim, 1PE 2:8 O takai en kapupedi, o paip en kamakar, irail kin dipikelekel, aki re jota peik ion majan o, i me pil kileledi ow irail. 1PE 2:9 A komail jau lipilipil eu, jamero ijou kan, pokon jaraui, aramaj me netier, pwen kaparajili manaman akan en me kotin molipedo komail jan nan rotorot on a marain kapuriamui. 1PE 2:10 Maj komail jota wei eu, a met komail wein Kot; o maj komail jota konekonela, a met, komail konekonelar. 1PE 2:11 Kompok kan, i panaui komail pwe komail men kairu o men wai, komail muei jan inon jued en uduk, me kin palian nen. 1PE 2:12 Omail wiawia kan nan pun en men liki kan en pun, pwe ni ar kine likam on komail, dene komail me jued kai, ir lao kilan omail wiawia me mau, ren kapina Kot ni ran en kajanjal. 1PE 2:13 Komail ari duki on kaun pan aramaj akan karoj pweki Kaun; Ma nanmarki, pwe i ta Kaun lapalap. 1PE 2:14 A ma jaumaj akan, me pakadarado jan re a, pwen depuk on me japun kan, ap kapina me kin wiawia mau. 1PE 2:15 Pwe iet eten duen kupur en Kot: Komail en kadukie kidi omail wiawia mau dodok en aramaj pweipwei kan. 1PE 2:16 Duen me jaladokalar, ap jota wia kin arail jaladok, men pwaindki dip arail, a duen ladun Kot. 1PE 2:17 Kakaki amen amen, pok on jaulan kan, lan Kot, wauneki nanmarki! 1PE 2:18 Komail papa kan, upai on omail kaun akan ni majak, kaidin on me mau o kalanan eta, a pil on me kin kowei kodo. 1PE 2:19 Pwe mak eta, amen en kamekameki a pun ren Kot, o kanonama pan me jued. 1PE 2:20 Pwe da kadepa, ma komail pan pukoki pein dip omail? A ni omail wiawia me mau, ap kamekam ki o kanonama, nan I me mak ren Kot. 1PE 2:21 pwe I me komail paeker kido, pwe pil Krijtuj kamekam kin komail, wiala kilel pa’mail, pwe komail komail en idauen wei lip a. 1PE 2:22 me jota wia dip, pil jota widin diarok nin jilan i. 1PE 2:23 Kajuedi, a jo juedeki kaankamekam, ap jota akdepuk, a a meuid on i, me kin kadiekada pun. 1PE 2:24 Pein I tomki dip atail nan war a nin tuka o, pwe kitail en mela jan dip atail akan, ap pan maur ion me pun, me moun lip a komail kelail kidar. 1PE 2:25 Pwe komail rajon jip, me jalonalar, a met komail japale don jilepa’mail o Kaun pan nen omail. 1PE 3:1 PIL dueta komail li akan, udi on pein omail warok kan, pwe irail me jo pojon majan o, en pil dore kila wiawia mau en li akan o arail nenenla. 1PE 3:2 Ni arail kilekilan omail wiawia min ianaki lan. 1PE 3:3 Arail kapwat ender ni pali liki ni arail inid pena pit en mona de kapwat ki kold, de dilion nan likau linan. 1PE 3:4 A kapwat me jo janjal mi nan monion en aramaj, me jo jor, impai, opampap, iei me kajampwal ren Kot. 1PE 3:5 Pwe iduen kapwat en li jaraui en kaua kan, me kaporoporeki Kot o duki on pein arail warok kan. 1PE 3:6 Duen Jara, me peiki on Apraam o kamare kin i: Ai kaun; a komail wiala na jeri kan, ma komail pan wiawia mau o jota majak. 1PE 3:7 Pil dueta komail ol akan, lelapoki on omail warok kan, kaka kin irail, pwe koma jojoki pena mak en maur, pwe omail kapakap ender poula. 1PE 3:8 A iet imwin mepukat: Komail karoj en lamalam ta pot, o pokepok pena, o pok on ri omail akan, o kadek, o aktikitik. 1PE 3:9 Komail der depukki me jued me jued, de lokaia jued lokaia jued, a kapaiada, ap aja, me a kilele on komail, en jojoki pai kan. 1PE 3:10 Pwe me men pok on maur o inon ion ran mau akan, i en pera jan jued lo a, o kil en au a, pwe re depa kotaue. 1PE 3:11 A en muei jan me jued, ap wia me mau, en rapaki popol, ap dadaurata. 1PE 3:12 Pwe jilan in Kaun o kin pera me pun kan, o karon a me mani ar kapakap. A jilan in Kaun o kin palian irail me wia jued. 1PE 3:13 Ij i me pan kaokaoe komail, ma komail dadaurata me mau? 1PE 3:14 A ma komail kamekameki me pun, komail meid pai; komail der majak irail o der waponda. 1PE 3:15 A komail en kajarauiki nan monion omail Kaun Krijtuj. Anjau karoj komail en kak japen on amen amen me kalelapok re omail duen kaporopor o, me mi lol omail. 1PE 3:16 A mepukat en wiaui nin tiak en opampap, o majak, o injen makelekel, pwe irail, me kinekine likam on komail ni omail wiawia mau ren Krijtuj, ren namenokala ni ar karaun kin komail likam. 1PE 3:17 Me mau, ma i kupur en Kot, komail kamekameki me mau, jan omail kamekameki me jued. 1PE 3:18 Pwe pil Krijtuj kamekame ki dip pan mepak, me Pun wiliandi me japun kan; pwen kalua kitail don Kot. Pali uduk kamekamelar ap kaiaja kida Nen. 1PE 3:19 I me a kotidilan waja teneten, pwen padaki on nen akan, 1PE 3:20 Me jota peik maj o, ni anjau me Kot kotin auiaui o kanonama on ir ni muein Noa, ni anjau, me war im wiauier, me malaulau, ir me walemen, maure kila pil o. 1PE 3:21 I me pil kin kamaur komail la anjau wet ni paptaij a kaidin kaminela pali uduk, pwe inau en injen mau on Kot eu, ki en Iejuj Krijtuj a iajadar. 1PE 3:22 A kotidalan nanlan, kotikot ni pali maun en Kot. Tounlan kan, o lapalap akan, o manaman akan upai on i. 1PE 4:1 ARI, pweki Krijtuj kamekame ki kitail ni pali uduk a, i me komail en pil ale on komail lamelam ota, pwe me kin kamekame ni pali uduk, muei janer dip. 1PE 4:2 Pwe a der poden dadaurata inon jued en aramaj akan, a dadaurata kupur en Kot arain a memaur ni uduk. 1PE 4:3 Pwe a itarer, omail wiawia en maj duen lamalam en men liki kan, ni omail kekeid ni tiak jued, o inon jued, o jokolar, o kaped en mana, o kamom joko, o kaudoki on ani jakanekan. 1PE 4:4 I me re puriamuiki, me komail jolar kin ian irail ni ar wia jued o kaped en mana, o lalaue. 1PE 4:5 A re pan weokadan i, me pan kadeikada me maur o me melar akan. 1PE 4:6 Pwe i me ronamau pil loloki on me melar akan, pwe irail en maurela. Ari jo, ni pali war arail re lodi oner kadeik o duen a kin wiaui ren aramaj akan, a ni pali nen arail re memaur duen kupwur en Kot. 1PE 4:7 A imwin meakaroj me korendor, komail ari majamajan o nantion kapakap. 1PE 4:8 A met eta, komail dadaurata omail poke pena, pwe limpok kin pwaindi dip toto. 1PE 4:9 Komail apapwali men kairu o der lipalipaned. 1PE 4:10 Duen omail aleer omail pai en mak kan, iduen omail papa pene duen jaunkoa mau en mak en Kot, 1PE 4:11 Ma amen pan wiada padak, a en wiada duen majan en Kot, e ma amen kin papa, a en papa duen Kot kotin kupurai on i a mana, pwe kapin en ko on Kot ni meakan karoj, ren Iejuj Krijtuj, me wau o manaman en ko on kokolata joutuk! Amen. 1PE 4:12 Kompok kan, komail der puriamuiki jonapa’mail karakar, me pan lel on komail, pwen kajonjon komail, der lamelame, me komail ta lel on mepuka. 1PE 4:13 A komail peren kida, pwe komail pwaijaneki en Krijtuj a kamekam, pwe ni a linan janjaldo, komail pil pan perenda kaualapia. 1PE 4:14 Komail meid pai, ma aramaj pan kaurur kin komail pweki mar en Krijtuj! Pwe Nen en linan o en Kot kotikot re omail. 1PE 4:15 A jota amen re omail en kamekameki kamela aramaj, de lipirap, de me wia jued, de kauntenkoma en aramaj a wiawia kan. 1PE 4:16 A ma a kamekameki a jaulan, a ender namenokki; a en kapina Kot ni mepukat. 1PE 4:17 Pwe a leler anjaun kamekam, me pan tapida jan ni tanpaj en Kot; a ma a tapida re ’tail, ia pan imwi en me jota pojon ronamau en Kot? 1PE 4:18 A ma me apwal, en kamaureda me pun o, a ia waja, me jan Kot o me dipan akan pan pwaralan ia? 1PE 4:19 Ari, irail me kamekam pan kupur en Kot, ren liki on Kot melel nen arail, ni arail wiawia mau. 1PE 5:1 I panaui jaunkoa kan, me mi nan pun omail, pwe nai pil kijan jaunkoa kan o jaunkadede en kamekam en Krijtuj, o pil ian pwaijaneki linan, me pan kajanjaleda. 1PE 5:2 Komail kamana pwin ijou en Kot, me mi re omail, a kaidin manjairen, pwe ni injenemau ni omail ariri Kot, kaidin pweki moni, a ni peren o limpok. 1PE 5:3 O kaidin akajaupeidi on momodijou, a men kaalemoni, pwe pwin ijou en ale jan. 1PE 5:4 Ari, ni en jilepa lapalap a pan pwarado, komail pan ale mar en linan, me jota pan monela. 1PE 5:5 Pil dueta komail me pulepul akan, peiki on me laud akan. Komail karoj upa pena o tenedi on opampap. Pwe Kot kin kotin palian me aklapalap akan, ap kotin maki on me karakarak kan. 1PE 5:6 Komail ari karakarak pan lim en Kot manaman, pwe a en kotin kajapwil komail ada, ni eu anj au me kon on 1PE 5:7 Kadakadar on i omail inon karoj, pwe a kin kotin kupuro kin komail. 1PE 5:8 Komail lelapok o majamajan, pwe omail imwintiti tewil koko jili dueta laien weriwer amen o raparapaki, me a pan katalala. 1PE 5:9 Komail ari kelail palian i o teneten ni pojon, o aja, me kamekam ota kin lel on ri omail akan nin jappa, 1PE 5:10 A Kot en mak karoj, me kotin molipe komail won a linan joutuk, ren Krijtuj, pan kotin kaunjokala, o kakelada, o kamanada, o pajonedi, me pan kalokolok anjau motomot. 1PE 5:11 I me udan manaman potopoteta! Amen. 1PE 5:12 I intin won komail kijin likau kij et ren Jilwanuj ri omail melel, duen me i kin lamelame, pwe i men panaui komail o katiti on komail, me i eta mak melel en Kot, me komail en keleki. 1PE 5:13 Irail, me ian komail pilipildar nan Papilon o nai ol Markuj ara ranamau won komail. 1PE 5:14 Komail ranamauiki pena metik en limpok. Popol en mi re omail karoj, me warok ki on er Krijtuj! Amen. 2PE 1:1 IET nai Jimon Petruj ladu o wanporon en Iejuj Krijtuj on irail, me paikier pojon kajampwal ota dueta kit, me kitail aleer ki pun en atail Kot o Jaunkamaur Iejuj Krijtuj. 2PE 1:2 Mak o popol en roklan komail ki erpit en Kot o Iejuj atail Kaun. 2PE 1:3 Jon en manaman en Kot karoj, me itar on maur o lelapok, kijakij don kitail er, ki kupurkon en i, me kotin molipe kitail ki pein a linan o manaman. 2PE 1:4 Ni mepukat a kotin kijakij ki don kitail inau lapalapia o kajampwalia kan, pwen kare on komail maur en Kot, o tan wei janer me jued akan, me mi jappa ki inon jued. 2PE 1:5 Komail ari nantion eta, kida jar mau ni omail pojon, o ni jar mau lolekon. 2PE 1:6 O ni lolekon koton, o ni koton kanonama, o ni kanonama lelapok. 2PE 1:7 O ni lelapok limpok on jaulan kan, o ni limpok on jaulan kan limpok on amen amen. 2PE 1:8 Pwe ma mepukat mi re omail, o pwaida re omail, komail ap jota pan tanana de jo wa ni lolekonki atail Kaun Iejuj Krijtuj. 2PE 1:9 A me jota pwaijaneki mepukat, nan i majkun, o a kin dedam jili waja, aki a monokela a wideud jan ni dip a dip en maj. 2PE 1:10 Ri ai ko, i me komail nantion katenedi omail paeker o pilipil, pwe ma komail pan wiada mepukat, komail jota pan pupedi. 2PE 1:11 Pwe i me komail pan pedelonki peren nan wei joutuk en atail Kaun o Jaunkamaur Iejuj Krijtuj. 2PE 1:12 I me i pan kataman kin komail anjau karoj, menda ma komail aja mepukat, o komail keleki melel. 2PE 1:13 I lamelame, a pun, i en kataman kin komail o kamana komail da, arain ai pan mimieta nan im pwal 2PE 1:14 Pwe i aja, eten I pan pwilikidi war ai duen atail Kaun Iejuj Krijtuj kotin majani on ia er. 2PE 1:15 A I pan nantion, pwe komail en poden tamatamanda mepukat murin ai jamala. 2PE 1:16 Pwe je jo idauenda kajoi widin ni at padaki on komail duen manaman en atail Kaun Iejuj Krijtuj o a kotin pan japaledo, a pein kit kilaner a linan. 2PE 1:17 Pwe ni a kotin aleer wau o linan jan ren Kot Jam ni anjau nil eu peidido jan nan linan lapalap katitiki: let nai Ol kompok, me I kin peren kida. 2PE 1:18 Nil wet, me peidido jan nanlan, je roner ni at ian i mimieda pon dol jaraui. 2PE 1:19 Ari maj an en kokop me pun melel re atail, o meid mau, komail en kajampwaleki dueta marain eu, me kin dakareda waja rotorot lao ran pajan o uju ran pan pwara dan monion omail. 2PE 1:20 let me komail en aja maj: Jota kokop nan puk jaraui me tapida jan ren aramaj. 2PE 1:21 Pwe jota man kokop pwili jan ni injen en aramaj amen, pwe aramaj jaraui en Kot akan kokopada mokimokidedi Nen jaraui. 2PE 2:1 Aren men ljrael jaukop likam kai pil mia, duen jaunpadak likam me pan mi re omail, me pan kawailon. do pwin jued kai, o re kin kamamki Kaun o, me dore ir ala, a i me re pan kare on pein irail kaopar madan. 2PE 2:2 O me toto pan idauen ar padak japun, i me lamalam melel me pan kaankaururla. 2PE 2:3 O pweki ar nonorok ni lokaia widin re pan paie kin komail; ari, kadeik par duen men maj jota pan pwand, o ar pakamekam jota kin moleilei. 2PE 2:4 Pwe, ma Kot jota kotin kupura tounlan ko, me wiadar dip, a a kotin kaje ir di lan nan pweleko, ap jalie kidi jal mata en rotorot, nekineki on ran en kadeik. 2PE 2:5 O ma a jota kupura men kaua kan, a kamaureda Noa, jaunpadak en lamalam pun, ianaki pil ijimen, ni a kotikl on toun jappa jued nolik lapalap. 2PE 2:6 O a kotin wia kila paj kanim Jodom o Komora, o wukidedi, o kadeik ira da en ola, o wia kin ira kilel eu on me jan Kot akan, me pan pwarado mur. 2PE 2:7 O a kotin kapitala Lot pun amen, me aramaj jued wiai on jon en me jued karoj ni ar tiak jued. 2PE 2:8 Pwe i ol pun o kaukaujon nan pun arail, kilekilan o roneron ar wiawia, kupur a pun ap lokelokki ar wiawia japun kaukaule. 2PE 2:9 A Kaun o kotin kak on kamaiola jan ni jonapan lelapok kan o nekinekid on ran en kadeik me japun kan, pwe ren kalokolok. 2PE 2:10 A irail eta, me weweid ni inon jamin en pali uduk, o mamaleki monjap akan, o laumaum, o katiwo, o jomajak, o lalaue me linan akan. 2PE 2:11 A tounlan kan, me lapalap o kelail jan irail, jota kin lalaue o kadeik irail da mon Kaun o. 2PE 2:12 A mepukat rajon man akan, me jota ar lamelam, me udan kileledier on jalidi o kamela, pwe re lalaue, me re jaja, o re pan mekila ar wiawia jued. 2PE 2:13 Re pan ale katin en ar japun. Re kin kajampwaleki kaped en mana ni ran o. Irail men kajamin, o kanamenok, o kin ponmajuki omail mairon, o jokraui omail kapwa. 2PE 2:14 O por en majarail me dir en kamal, o re jota kak dukedi jan wia dip, kotakotaue ir, me monion ar jo ten, o monion arail nonorok, iei jeri en rialar akan. 2PE 2:15 Me kajela al inen, ap jalonala, idedauen al en Pileam, nain Peor, me pok on pwain en me japun. 2PE 2:16 A a pokoki dip a, man aj loton lokelokaia ki nil en aramaj, kapueoki jan jaukop o ni a wiawia japun. 2PE 2:17 Irail me rajon utun pil matada, o dapok me melimel kin iririp jili; nan rotorot lapalap me nekinekid on irail. 2PE 2:18 Pwe re kin kida padak aklapalap, me jota kadepa, o ni ar wiawia jamin, re kin kainon ion inon jued en uduk, irail me apton muei jan me japunki padak likam. 2PE 2:19 Re inauki on irail, ren jaledokala, a pein irail ladu en kajuedpar. Pwe melel, me amen lodi oner, i me a kin liduie kila. 2PE 2:20 Pwe ma re pitila jan nan pwel en jappa, ki ar ajaer Kaun o Jaunkamaur Iejuj Krijtuj, rap pur on lijelepin kila o lodi on I nan ar wiawia en mur me jued jan men maj. 2PE 2:21 Mak eta, ma re jota aja duen al en pun, jan ar aja, ap wuki wei jan kujoned jaraui, me re aleer. 2PE 2:22 Pwe, karajeraj o pwaida re’rail, me inda: Kiti men kin pur on kan a muj, o pwik, me duduer, pur on uledok nan pwel. 2PE 3:1 IET kijin likau kariau, me i intin won komail, kompok kan, pwen kataman kin komail O kapirada nen omail makelekel. 2PE 3:2 Pwe komail en tamanda majan en jaukop jaraui kan, kujoned en Kaun o Jaunkamaur, me wanporon oko, me pakadar won komail, wa don komail. 2PE 3:3 O iet eta komail en aja, ni imwin ran akan aramaj lalaue pan pwarado, me pan weweid ni pein ar inon jued. 2PE 3:4 Indada: la kilel en a pan kotido? Pwe jan ni ran o, jam akan melar kokodo lel met, meakaroj kin dueta nin tapi o. 2PE 3:5 Pwe irail kin men ponjaja, me majia lan akan o jappa eu mia nan pil o, ap pwarada jan nan pil ki majan en Kot. 2PE 3:6 I me jappa en maj o okilar nolik lapalap. 2PE 3:7 Pil dueta lan akan o jappa en met nekinek kita majan ota on kijiniai ni ran en kadeik o kampan aramaj me jan Kot akan. 2PE 3:8 Kompok kan, iet eta komail ni aja, me ran ta ieu o par kid raj pena ta ren Kaun o, o par kid o ran eu dupeneta. 2PE 3:9 Kaun o j ota kotin kapwandela inau o, duen akai kin kiki on, pwe a kotin kanonama on komail, pwe a jota kotin mauki, akai en lokidokila, pwe karoj en wilikapala. 2PE 3:10 A ran en Kaun o pan pwarado dueta lipirap amen. I dokan lan akan pan mor pajan ni moron lapalap o tapipa kan pan pei pajan ki kijiniai kel, o jappa o a dipijou kan pan ronala. 2PE 3:11 Ari, ma mepukat karoj pan ola, iaduen a pan re omail ni omail wiawia mau o lelapok, 2PE 3:12 Pwe komail kin auiaui o inon ion ran en Kot, me lan akan pan ron kila kijiniai, o tapipa kan pei pajan, pwe karakar muletok. 2PE 3:13 A kitail kin auiaui lan kap akan o jappa kap, waja me lamalam pun pan wiaui, duen a kotin inaukidar. 2PE 3:14 Kompok kan, pweki omail auiaui mepukat, komail en nantion, pwe komail en diarokada re a jo jamin, o jo japun ni popol. 2PE 3:15 Pwe komail aja duen kanonama en atail Kaun, pwe i kamaur pa ’mail, duen ri atail Pauluj kompok intin won komail er ni lolekon, me ko on i. 2PE 3:16 Duen a kajokajoi nan a kijin likau karoj, a akai waja me apwal en dedeki, me jololekon o jo lolin akan kin kawukila, dueta ar pil kawukila majan tei kan, me pan kare on irail pein ar lokidokila. 2PE 3:17 Kompok kan, pweki omail aja mepukat, komail kalaka, pwe komail der japun kila padak en me jued akan, ap pupedi jan kateneten komail. 2PE 3:18 A komail kairida ni mak o lolekonki padak en atail Kaun o Jaunkamaur Iejuj Krijtuj. I me kon on en ale wau metet o kokolata lel on ni ran joutuk. 1JO 1:1 ME kin mia jan ni tapi o, me je ronadar, me je kilan kier pein maj at, me je ududialer, o me pa at dokeer, iei majan en maur; 1JO 1:2 O maur janjaledar, o je kilaner, o kadede, o padaki on komail maur joutuk, me kotikot ren Jam, a ap janjal don kitail. 1JO 1:3 Me je kilaner, o roner, iei me je pil katitiki on komail, pwe komail en pil waroki on kit. A kitail waroki on Jam o Japwilim a Iejuj Krijtuj. 1JO 1:4 Mepukat je intiniedi, pwe at peren en unjokala. 1JO 1:5 A ietet padak, me je ron jan i, ap katitiki on komail: Kot marain eu, o jota man rotorot mi re a. 1JO 1:6 Ma kitail inda, me kitail waroki on i ap weweid ni rotorot, kitail kin likam, ap jota wia melel. 1JO 1:7 A ma kitail weweid ni marain, dueta i me kotikot ni marain, kitail warok penaer, o ntan Iejuj Krijtuj japwilim a Ol kamakele kitail jan ni dip karoj. 1JO 1:8 Ma kitail inda: Jota dip atail, kitail piti pein kitail, o melel jota mi re atail. 1JO 1:9 A ma kitail weokada dip atail, i me melel o pun, en makeki on kitail dip atail o kamine jan me japun karoj. 1JO 1:10 Ma kitail inda: Kitail jota wiadar dip, kitail kalikame i, o a majan jota mi re atail. 1JO 2:1 JAMA ko, mepukat i intin won komail, pwe komail de wia dip, a ma amen wia dip, jauaja patail mia ren Jam, Iejuj Krijtuj, me pun. 1JO 2:2 Iei me tom en dip atail, a kaidin atail ta, pwe pil en toun jappa karoj. 1JO 2:3 I me kitail dedeki, me kitail ajaer i, ma kitail kapwaiada kujoned akan. 1JO 2:4 Me inda: I aja i, ap jota kapwaiada a kujoned akan, i me likam amen, melel jota mi re a. 1JO 2:5 A me kapwaiada a majan, i me limpok en Kot unjokelar re a, i me kitail ajaki, me kitail udan japwilim a. 1JO 2:6 Me kin inda: I potopot re a, mak eta, i en weweid wei dueta a kotin weweidier. 1JO 2:7 Kompok kan, kaidin kujoned kap eu, me i intin won komail, a kujoned en maj o, me mi re omail jan ni tapi o. Kujoned en maj, iei majan o, me komail roner. 1JO 2:8 Pil eu kujoned kap, me i intin won komail, me melel re a o re omail, pwe rotorot mur tikitikla, a marain melel ap dakadar. 1JO 2:9 Me inda, me a mi ni marain, ap kailon kin ri a, nan a mimieta ni rotorot lel met. 1JO 2:10 Me kin pok on ri a, pan mimieta ni marain, ap jolar men kamakar mi re a. 1JO 2:11 A me kin tataki ri a, ni rotorot, o weweid ni rotorot, ap kin jaja, waja a kin ko on ia, pwe rotorot karotonala maj a kan. 1JO 2:12 I intin won komail, jama ko, pwe dip omail lapwadar ki mar a. 1JO 2:13 I intin won komail, jam atail, pwe komail aja i, me kotikot eta jan ni tapi o. I intin won komail manakap akan, pwe komail kaloedier me jued o. I intin won komail er, jama ko, pwe komail ajaer Jam. 1JO 2:14 I intin won komail er, jam akan, pwe komail aja i, me kotikot jan ni tapi o. I intin won komail er, manakap akan, pwe komail me kelail, o majan en Kot en mimieta re omail, o komail kaloedier me jued o. 1JO 2:15 Der pok on jappa, de dipijou mimi jappa. Ma amen pok on jappa, limpok en Jam me jota mi re a. 1JO 2:16 Pwe meakaroj mi jappa, inon en ni uduk, o inon en ni maj oko, o linan mal en maur, a jota lapida jan ren Jam, a jan ni jappa. 1JO 2:17 A jappa pan jorola o a me jued akan, a me wia kupur en Kot, pan mimieta kokolata. 1JO 2:18 Jama ko, metet imwin auer o, o duen omail roner, me krijtuj likam pan pwarado, nan anjau wet krijtuj likam me toto, me pwaradar, i me kitail ajaki, met imwin auer leler. 1JO 2:19 Irail me kola jan kitail, a kaidin kij atail, pwe ma irail kij atail, re pan mimieta re atail. A irail kola jan kitail, pwen janjal, me kaidin irail karoj kij atail. 1JO 2:20 A komail keidier ren me jaraui, o komail ajaer meakaroj. 1JO 2:21 I jota intin won komail er, dene jota aja duen melel, a pwe komail aja, o likam jo tapida jan ni melel. 1JO 2:22 Ij me likam amen? Kaidin i, me kamamada me Iejuj udan Krijtuj. I me krijtuj likam, me kamama kida Jam o Na. 1JO 2:23 Amen amen, me kamam kida Na, nan Jam pil jota mi re a, a me ponaja Na, i me pil japwilim en Jam. 1JO 2:24 Me komail roner jan ni tapi o, en potopoteta re omail. Ma a pan mimi re omail, me komail roner jan ni tapi o, komail ap pil pan potopot ren Na o Jam. 1JO 2:25 A iet inau o, me a kotin inauki on kitail er: Maur joutuk. 1JO 2:26 Mepukat me i intin won komail er duen irail, me kajapune komail. 1JO 2:27 A omail kei, me komail aleer re a, pan mimieta re omail. Komail ap jolar mau on, amen en padaki on komail. A duen kei wet kin padaki on komail meakaroj, iduen me melel, a kaidin likam pot, o duen a padaki on komail er, iduen komail en dadaurata. 1JO 2:28 Ari jama ko, podidi on i, pwe ni a pan kotin pwarado, kitail en aima, a jo namenok mo a, ni a kotin pwarado. 1JO 2:29 Ma komail aja, me i me pun, komail en pil aja, meamen, me wia me pun, me ipwi jan i er. 1JO 3:1 KILAN jon en limpok lapalap, me Jam kotiki don kitail er, pwe kitail en adane kila jeri en Kot, ari, iei kitail. I me jappa jaja kin kitail, pwe re kin jaja i. 1JO 3:2 Kompok kan, kitail ari jeri en Kot, ap jaikenta janjal, da me kitail pan wiala. Ari jo, kitail aja, ni a pwarado, kitail pan duala i, pwe kitail pan kilan i ni udan mom a. 1JO 3:3 O amen amen, me kaporopor due met, a en kamakelekele pein i duen i me makelekel. 1JO 3:4 Amen amen me kin wia dip, pil kin palian kapun, pwe iei dip palian kapin. 1JO 3:5 O komail aja, i me a pwarado, pwen lapwada dip akan. A dip jota kin mi re a. 1JO 3:6 Meamen, me pot re a, jota kin wia dip; meamen wia dip, jota kilan i o jota dedeki. 1JO 3:7 Jama ko, kalaka, pwe amen de kajapuna komail. Me kin wia pun, nan i me pun amen, due i me pun. 1JO 3:8 Me kin wia dip, i nain tewil, pwe tewil me wia dip jan ni tapi o. I me Japwilim en Kot kotin pwarado, pwen kawela wiawia en tewil. 1JO 3:9 Meamen me ipwi jan Kot, jota kin wia dip, pwe war a mi re a, o a jo kak wia dip, pwe a ipwi jan ren Kot. 1JO 3:10 I me jeri en Kot o jeri en tewil janjale kida, me jo wia me pun, i me jo jan ren Kot, o me jo pok on ri a. 1JO 3:11 Pwe iet padak, me komail roner jan ni tapi o, kitail en pokepoke pena. 1JO 3:12 Kaidin due Kain, me udan me jued amen, ap kamela ri a. Ari, menda a kamela i? Aki a wiawia me jued, a en ri a me pun. 1JO 3:13 Ri ai ko, der puriamuiki, ma men jappa kin tata kin komail. 1JO 3:14 Kitail aja, me kitail daulier mela, ap ko on maur, pwe kitail kin pok on ri atail akan. Ari, me jo limpok, pan mimieta nan mela. 1JO 3:15 Meamen, me kin tata ki ri a, nan i me kamela men. A komail aja, maur joutuk jota kin mi ren me kamela men. 1JO 3:16 I me kitail diar kida limpok. A kotiki wei maur pweki kitail; kitail ari pwaipwandeki maur atail on ri atail akan. 1JO 3:17 Meamen me muei met ap kilan ri a dupokala, ap jota jauaja i, iaduen limpok en Kot pan kak mi re a? 1JO 3:18 Jama ko, kitail der pok pena ni lokaia ta o lo, a ni wiawia o melel pot. 1JO 3:19 I me kitail pan ajaki, me kitail kijan melel, o kainjenemauiela monion atail re a, 1JO 3:20 Pwe ma monion atail kadeikada kitail, nan Kot me lapa jan monion atail o lelapokki meakan karoj. 1JO 3:21 Kompok kan, ma monion atail jo kadeikada kitail, nan kitail aima on Kot. 1JO 3:22 O meakot kitail poeki re a, kitail pan tunole jan i, pwe kitail nekinekid a kujoned akan, o wiada meakan, me a kin pole kila. 1JO 3:23 Ietet a kujoned: Kitail en pojon mar en japwilim a Ol Iejuj Krijtuj, o poke pena, duen a kotiki on kitail kujoned o. 1JO 3:24 A me kin nekinekid a kujoned akan, pan pot re a, o i I pan kotikot re a; o iet me kitail ujaki, a kotikot re atail: Nen o, me a kupurai don kitail er. 1JO 4:1 KOMPOK kan, komail der pojon nen karoj, a kajaui jon en nen akan, ma re tapida jan ren Kot. Pwe jaukop likam me toto kaparapar jili jappa. 1JO 4:2 let me komail ajaki Nen en Kot: Nen karoj, me kadede, me Iejuj Krijtuj koti don uduk, nan i me tapida jan ren Kot. 1JO 4:3 O nen karoj, me jo kadede, Iejuj a jota tapida jan ren Kot, Nan i krijtuj likam, duen me komail roner, me a pan pwarado, nan a mier jappa metet. 1JO 4:4 Jama ko, komail tapi jan ren Kot o kaloe irail edi, pwe i, me kotikot re omail, me lapa jan i, me mi ni jappa. 1JO 4:5 Irail me udan jappa, iei me irail lokaiaki jappa, o jappa kin ron irail. 1JO 4:6 Kitail tapi janer ren Kot, me aja Kot, kin ron kitail. A me jo jan ren Kot, jota kin ron kitail. Iei me kitail ajaki Nen en melel, o me udan likam. 1JO 4:7 Kompok kan, kitail kin poke, pwe limpok tapi jan ren Kot, A amen amen, me kin limpok, ipwi jan ren Kot, o a aja Kot. 1JO 4:8 Me jo kin limpok, jaja Kot, pwe Kot udan limpok. 1JO 4:9 Ni met limpok en Kot janjal don kitail: Kot kotin porone don jappa japwilim a Ieroj eu, pwe kitail en maur ki i. 1JO 4:10 Ietet pajon en limpok, kaidin kitail me tapin limpok on Kot, pwe a tapin pok on kitail, o poronedo japwilim a Ol, wiala jauntom pan dip atail. 1JO 4:11 Kompok kan, ma Kot kin limpoki on kitail due met, kitail en pil limpok pena. 1JO 4:12 Jota me kilaner Kot ni anjau eu. Ma kitail limpok pena, nan Kot pan kotikot re atail, o a limpok me unjokelar re atail. 1JO 4:13 I me kitail ajaki, me kitail mimieta re a, o a kotikot re atail, pwe a kotin kupurai don kitail er Nen i. 1JO 4:14 O je kilaner o kadededa, me Jam poronedo japwilim a Ol, en wiala Jaunkamaur pan jappa. 1JO 4:15 Meamen me ponaja Iejuj, me Japwilim en Kot, nan Kot me kotikot re a, o i ren Kot. 1JO 4:16 O kitail dedekier o kamelele limpok, me Kot kotin wiai on kitail. Kot me limpok, o me kin potopot ni limpok, kin potopot ren Kot, o Kot kotikot re a. 1JO 4:17 let unjok en atail limpok: Kitail pan aima ni ran en kadeik, pwe duen i, iduen kitail nin jappa et. 1JO 4:18 Jota majak ni limpok, pwe limpok melel kin kauja jan majak, pwe majak kin kareda kamekam. Ari, me kin majak, nan a limpok jaikenta unjokala. 1JO 4:19 Kitail kin limpok, pwe i me kotin tapiadar pok on kitail. 1JO 4:20 Ma amen kin inda: I kin pok on Kot, ap kin jempok on ri a, nan i me likam amen, pwe me kin jempok on ri a, me a kilaner, da a pan kak pok on Kot, me a jota kilaner? 1JO 4:21 A kujoned pot et kitail aleer jan re a, me i, me pok on Kot, en pil pok on ri a. 1JO 5:1 MEAMEN me kamelele, me Iejuj me Krijtuj, nan i me ipwi jan ren Kot, o me kin pok on me kaipwidi i, kin pil pok on, me ipwi janer. 1JO 5:2 I me kitail ajaki, me kitail pok on jeri en Kot akan, ni atail pok on Kot o oke a kujoned akan. 1JO 5:3 let limpok on Kot, atail kapwaiada a kujoned akan, a a kujoned akan me jota apwal. 1JO 5:4 Pwe meamen, me ipwi jan ren Kot, kin kaloedi jappa. let pai en pei, me kaloedier jappa, atail pojon. 1JO 5:5 Ij me kaloedi jappa, kaidin I eta, me kamelele, me Iejuj Japwilim en Kot? 1JO 5:6 I met, me kokido pil o nta, Iejuj Krijtuj; kaidin pil eta, pwe pil o nta. Nen me kadedeki, pwe Nen melel. 1JO 5:7 Irail me jilimen me kadede: 1JO 5:8 Nen, o pil, o nta; irail kin minimin pena. 1JO 5:9 Ma kitail kamelele kadede en aramaj akan, nan kadede en Kot me lap jan, pwe i en Kot a kadede me a kotin kadedeki japwilim a Ol. 1JO 5:10 Me kamelele Japwilim en Kot, a men kadede mi lole, me jo kin kamelele Kot, kin kalikame i, pwe a jota kamelele kadede en Kot duen japwilim a Ol. 1JO 5:11 A iet kadede o: Kot me kotiki on kitail er maur joutuk; a i jon en maur mi ren japwilim a Ol. 1JO 5:12 Me aneki Na, i me aneki maur, a me jota aneki Japwilim en Kot, a pil jota aneki maur. 1JO 5:13 Mepukat i intin won komail er, pwe komail en aja, me maur joutuk mi re omail, a komail, me pojon mar en Japwilim en Kot. 1JO 5:14 O iet at kaporopor kaperen: Meakot kitail poeki re a duen kupur a, a kotin mani kitail. 1JO 5:15 A ma kitail aja, me a kotin mani kitail, iran meakot kitail poeki re a, kitail ap aja, me kitail pwaij anekier, me kitail kapakapaki. 1JO 5:16 Meamen me kilanada ri a wia dip, me jo imwilan mela, i en kapakapaki, Kot ap pan kotiki on i maur, on ir, me jo wia dip, me udan mela. A eu jon en dip mia, me imwilan mela, duen jon en i jota inda, meamen en kapakapaki. 1JO 5:17 Japun karoj me dip, a jon en dip mia, me jota imwilan mela. 1JO 5:18 Kitail aja, meamen me ipwi jan ren Kot, jota kin wia dip; a me ipwi jan ren Kot, apapwali pein i, a men jued o jota pan doke i. 1JO 5:19 Kitail aja, me kitail tapi jan ren Kot, a jappa karoj mi ni me jued. 1JO 5:20 A kitail aja, me Japwilim en Kot pwarador, kalolekon kitail er, pwe kitail en aja i me melel, o kitail kijan i me melel, iei japwilim a Iejuj Krijtuj. I me Kot melel o maur joutuk. 1JO 5:21 Jama ko, kalaka pein komail jan dikedik en ani kan! 2JO 1:1 IET nai me laud o ranamau won li lipilipil o na jeri kan, me i kin pokepoke melel; a kaidin nai ta, pwe pil irail karoj, 2JO 1:2 Pweki melel o, me mi re atail, o a pan mi re atail kokolata. 2JO 1:3 Mak o kalanan, o popol pan mi re atail jan ren Kot Jam, o jan ren Iejuj Krijtuj, me Japwilim en Jam ni melel o limpok. 2JO 1:4 I ap peren kida kaualap, pwe i diaradar, me akai noum jeri kan alialu wei ta ni melel, duen atail aleer kujoned jan ren Jam. 2JO 1:5 Ari, i poeki re omui, Main, kaidin kujoned kap pot, me i intin won komui, a me kitail iileer jan ni tapi o kitail en pololol 2JO 1:6 A iet limpok, pwe jen alu weitu duen a kujoned akan. A met kujoned o, duen komail roner jan ni tapi, jen alialuta ia. 2JO 1:7 Men kotaue me toto pwara don jappa, me jota kin kadede, me Iejuj Krijtuj wia uduk ala, i men kotaue o krijtuj likam o. 2JO 1:8 Komail kalaka pein komail, pwe omail pai, me komail dodok on er, de jalonala a komail en ale pwaipwai pokon. 2JO 1:9 Meamen me dauli mepukat, o me jota tenedi on padak en Krijtuj, a jota paieki Kot; a me tenedi on padak o, i me paiekier karoj, Jam o japwilim a Ol. 2JO 1:10 Ma amen ko don komail, me jota wado padak et, der kajamo Ion on nan im omail, o der ranamau i i. 2JO 1:11 Pwe me kin ranamaui i, a pan pwaijaneki a wiawia jued. 2JO 1:12 Kajoi me toto mi re i, me I men intin won komail, a i jota pan wiaki ki kijin likau o ink, pwe i kaporoporeki, me i pan pwara won komail, kitail ap pan kajoi pena, pwe atail peren en unjokela. 2JO 1:13 Ari, nain ri om li lipilipil jeriko me ranamau won komui. Amen. 3JO 1:1 IET nai me laud o ranamau won Kaiuj kompok, me i kin pokopoke melel. 3JO 1:2 Kompoke pa i, i kin men, koe en pwaida o rojon ni wiawia karoj duen nen om me pwaida. 3JO 1:3 Pwe i peren kida kaualap, ri atail oko lao pwarado, katitiki on ia duen om melel o duen om kin alialu wei ta ni melel. 3JO 1:4 Jota ai peren me lapa jan met, ni ai ron duen nai jeri kan, me kin alu wei ta ni melel. 3JO 1:5 Kompoke pa i, me mau, me koe kin wiai on ri atail o pil men kairu kan, 3JO 1:6 Me katitiki on momodijou duen om limpok; me mau, ma koe pan jauaja irail, duen me kon on Kot. 3JO 1:7 Pweki mar a re kin koko wei ta, jota tunole meakot ren men liki kan. 3JO 1:8 I me kitail en jauaja jon due met, pwe kitail en wia jauaj pan melel. 3JO 1:9 Meakot i intinki woner momodijou, a Diotrepej me akajaumaj on irail, jota duki on kit. 3JO 1:10 Ari, i lao pwara wei, i pan katamanki i a wiawia kan, me a kin wiada, pwe a kin lokaia jued duen kit. A kaidin i eta, pwe pein i jota kin kajamo ri atail ko, ap pil inapwiedi, me kin men apwali ir, o kajapok ir ala jan nan momodijou. 3JO 1:11 Kompoke pa i, der idauen me jued a me mau. Me kin wia me mau, me jan ren Kot, a me kin wia me jued, jota kilaner Kot. 3JO 1:12 Demetriuj indand ren amen amen o pil ni melel. O kit pil kadededa, a koe aja, me at kadede me melel. 3JO 1:13 Kajoi toto me mi re i, me i kak intin won uk, a i jota men intinki ink o men intin. 3JO 1:14 A i kaporoporeki, me koren, me i pan kilan uk, kita ap pan kajokajoi pena. 3JO 1:15 Popol en mi re om. Kompok kan kin ranamau won uk. Ranamauieki kompok kan mar arail. JUD 1:1 IUDAJ, ladu en Iejuj Krijtuj amen, o ri en Iakopuj, ranamau won irail, me pilipildar o me kompoke pan Kot Jam, o me nekinek ren Iejuj Krijtuj. JUD 1:2 Kalanan, o popol, o limpok en rokalan komail! JUD 1:3 Kompok kan, ni ai nonki kaualap, intin won komail ekij, duen atail dorela ni lamalam ta pot, i men intin won komail o panaui komail, en upaliki pojon, me udan panalan jaraui kan. JUD 1:4 Pwe aramaj akai wailon on, me ar pakadeik mia jan maj o: Irail me doo jan Kot, o re kawukila mak en Kot, on kapwaiada inon jued en uduk, o re kamameki Kot o atail Kaun Iejuj Krijtuj, me iei eta Kaun. JUD 1:5 Komail ajaer meakaroj, ari jo, i men kataman kin komail, me Kaun o kotin jauaja japwilim a aramaj akan ren men Akipten, a mur a kotin kame ir ala, me jota pojon. JUD 1:6 O tounlan kai, me jota kajampwaleki arail koa, ap muei jan udan deu arail, a kotin nekid kin arail jal mata joutik ni waja rotorot on ran en kadeik lapalap. JUD 1:7 Dueta Jodom, O Komora, o kanim akan, me mi imp ara, me pil nenenek ni tiak ota, dueta ira, o inon ion uduk toror, ap wiala kilel eu, ni ar kamekameki kijinieai joutik. JUD 1:8 I dueta mepukat, me kalap auramen, kin kajaminela uduk, o jota duki on kaun o, lalue me linan akan. JUD 1:9 A Mikael, tounlan lapalap amen, ni a Akamai on tewil, akakamaiki kalep en Mojej, a jota kotin ainar on lalaue o kadeikada i, pwe a kotin majanier: Kaun en kotin kapun on uk! JUD 1:10 A mepukat kin lalaue, me re jaja; a meakan me re udan aja, dueta man akan, me jota ar lamalam, kawela pein irail. JUD 1:11 Juedi on irail! Irail weweid kier al en Kain, o re lodi on pakotaue en Pileam pweki moni, o ni ar kanudi dueta Kora, re mekilar. JUD 1:12 Ir pukat me kaopan omail kamadip limpok kan, ni ar jokrau jomajak o kamana pein irail. Re rajon dapok madekon kan, me an kin wewa jili, o rajon tuka, me jo ta o jo wa kan mia, me melar pan riapak, o jolar due’rail. JUD 1:13 Re rajon iluk en matau, me punpun pototeta, kapwereda pein ar kanamanok kan, rajon moal en uju, ap nekinek on rotorot joutuk. JUD 1:14 Enok kaijimen murin Adam pil kokop duen irail majanier: Kilan, Kaun o kotido ian japwilim a jaraui kan, me kid neder. JUD 1:15 Pwen kadeikada karoj, o kapunada me jan Kot akan karoj, pweki ar dodok o wiawia jued akan, me re wiadar ni ar doo jan Kot, o pil ar lokaia jued, me irail dipan akan wiai on i. JUD 1:16 Mepukat kin lipaned o pilipil en pan moli anjau karoj, aki ar kapwaiada ar inon jued, o irail aklapalap ni ar lokaia, o lipilipil jan jal en aramaj pweki moni. JUD 1:17 A komail, kompok kan, tamanda majan akan, me wanporon en atail Kaun Iejuj Krijtuj akan majanier maj o. JUD 1:18 Ni ar majani on komail, me aramaj lalaue pan pwarado ni imwin anjau, me jan Kot, ap kekeideki pein ar inon jued. JUD 1:19 Ir pukat kin kamueit pajan jaulan kan, irail me pali uduk eta, a jota nen arail. JUD 1:20 A komail kompok kan, kaua kida pein komail omail pojon melel, o jaraui, o kapakapaki Nen jaraui. JUD 1:21 Nekinek pein komail ni limpok en Kot, o kaporoporeki kalanan en atail Kaun Iejuj Krijtuj on maur joutuk. JUD 1:22 O akai irail me peikajal, komail kadek on, JUD 1:23 Jaro kin ir wei jan nan kijiniai o dore ir ala. O kadek on me tei kan ni majak. O komail pil juedeki likau jamin en pali uduk. JUD 1:24 A i me kak pera komail, jan omail pan depikelekel, o kamotan di on komail mon a linan, makelekel, o pereperen, JUD 1:25 I Kot eta Jaunkamaur patail, ren Iejuj Krijtuj atail Kaun linan, lomin, o wiawia, o manaman en ko on, met o potopot eta kokolata! Amen. REV 1:1 IET kajale pan Iejuj Krijtuj, me Kot kotiki on i, en kajale on japwilim a ladu kan meakai, me pan wiaui met koren. A kotin poronela japwilim a tounlan, me a kotin kajaleki on japwilim a ladu Ioanej. REV 1:2 Me kadedeki majan en Kot, o kadede pan Iejuj Krijtuj karoj, me a kilaner. REV 1:3 Meid pai, me wadokedi o ir, me ron majan en kokop akan, o nekinekid me intinidier lole, pwe anjau me koren. REV 1:4 let nai Ioanej, on momodijou iju nan Ajien: Mak o popol on komail jan ren i, me kotikot met, o me kotikot maj o, o me pan kotido, o jan ren Nen iju, me kotikot mon mol a, REV 1:5 O jan ren Iejuj Krijtuj, me jaunkadede melel, me mejeni ren me iajadar jan ren me melar akan, o Kaun en nanmarki en jappa kan, me kotin kupura kitail o widen jan kitail dip atail ki nta, REV 1:6 O kotin wia kin kitail er jamero on Kot o Jam a. Linan o manaman en mi re a kokolata! Amen. REV 1:7 Kilan, a kotido nan dapok kan, o maj karoj pan kilan i, o irail me doke i, o kainok en jappa karoj pan janejanki i. Melel, Amen. REV 1:8 Nai Alpa o Omeka, me Kaun Kot kotin majani, me kotikot eta, o me kotikot maj o, o me pan kotido, iei Dinkel amen. REV 1:9 Nai Ioanej, ri omail, o omail warok ni kamekam, o ni wei, o ni atail auiaui Iejuj, i lel don nin dake o, me ad a Patmoj, ki majan en Kot o kadede pan Iejuj. REV 1:10 Nen jaraui kotikot po i ni ran en Kaun, i ap ronadar mur i nil laud eu, me rajon nil en koronete majani: REV 1:11 Me koe kilan, intiniedi nan puk eu, ap kadar won momodijou iju en Epijuj, o Jmirna, o Perkamuj, o Tiatira, o Jardej, o Piladelpia, o Laodijea. REV 1:12 I ap joupei on, en kilan nil o, me kajoi on ia. A i lao joupeilar, i kilan lamp kold iju. REV 1:13 O nan pun en lamp akan amen mia, me rajon Nain aramaj, likauie kida likau eu, me leldi on aluwilu a, o lukom kida ni maramar waiwai kold eu. REV 1:14 A kadokenmai o pit en peipei puetepueteta wun en jip puetepuet, o rajon jno, o jilan i rajon umpul en kijiniai, REV 1:15 O aluwilu a rajon praj linan likamata a linalin nan kijiniai, o kapitie rajon wirjok en pil toto. REV 1:16 O ni lim a pali maun uju iju mia, o jan nan jilan i kodlaj kon o au a riau u wei jan, o jilan i rajon katipin, jiran kelailia. REV 1:17 A ni ai kilan i, i ap pupedi ni aluwilu a dueta mela amen. O a kotikidan po i lim a pali maun mamajani: Ender majak, nai men maj o men mur. REV 1:18 O me maur men, o ai melar amen, ari kilan, i memaureta kokolata, o men kapir en mela o wajan mela mi re i. REV 1:19 Koe ari intiniedi meakan, me koe kilaner, o me mier, o me pan wiaui mur. REV 1:20 Wewe en uju iju, me koe kilaner nan pa i pali maun, o lamp kold iju. Uju iju, iei tounlan en momodijou iju, o lamp iju, iei momodijou iju. REV 2:1 INTIN won tounlan en momodijou en Epijuj: let majan en i, me kolekoleta ni lim a pali maun uju iju, o me kin weweid nan pun en lamp kold iju. REV 2:2 I aja om wiawia kan, o om dodok, o om dadaurata, o duen om jota kin mauki me jued akan, o koe kajaui ir adar, me aka wanporon, a me jo, ap diar ir ada me likam. REV 2:3 O koe kin kanonama on o kadokeki mar ai, ap jota panadar. REV 2:4 A iet me I juedeki re om: Koe muei janer tapin om limpok. REV 2:5 Koe ari tamanda, me koe pupe wei janer, o kalula, o kapwaiada wiawia en maj o; a ma jo, I pan ko don uk, kajau wei jan om lamp jan ni deu a, ma koe jota kalula. REV 2:6 A iet me koe kin wia, koe kin juedeki wiawia en nain Nikolauj akan, me I pil kin juedeki. REV 2:7 Me jalon a mia, i en ron, me Nen o majani on momodijou kan! Me dadaurata, I pan ki on i, en tunole jan tuka en kamaur, me mi nan paradij en Kot. REV 2:8 Intin won tounlan en momodijou en Jmirna: let majan en men maj o men mur, me melar ap mauredar. REV 2:9 I aja om kamekam, o om jamama ari. jo, koe me kapwapwa, o lalaue en ir, me kin inda, dene irail men Juj, a kaidin irail men Juj, pwe pwin en Jatan eu. REV 2:10 Koe der majak, me koe pan kalokolokki. Kilan, tewil o pan kajelon on nan imaten akai komail, pwe komail en kajonejon, o komail pan kalokolok ran eijok. Dadaurata lel mela, I ap pan ki on uk mar en maur joutuk. REV 2:11 Me jalon a mia, i en ron, me Nen o majani on momodijou kan! Me dadaurata, jota pan kamekam kila mela kariau. REV 2:12 Intin won tounlan en momodijou en Perkamuj: let majan en me na kodlaj kon o au riau mia: REV 2:13 I aja, waja koe kaujon ia, ni wajan mol en Jatan, o koe kin podidi on mar ai, o koe jota kamama kida om pojon ia pil jo ni ran oko, me Antipaj, ai jaunkadede melel men, kamekamelar nan pun omail, waja Jatan kin kaujon ia. REV 2:14 A ekij tikitik ta, me I juedeki re om: Akai mi re om, me kin apwali lamalam en Pileam, me padaki on Palak, en kajedi on mon kadaudok en Ijrael kajapun par, ren tunole kijin man, me olu oner dikedik en ani kan, o ren nenek. REV 2:15 O pil akai mi re om, me pil apwali lamalam en nain Nikolauj akan. REV 2:16 Ari, kalula! A ma jo, I pan madan won uk o pepei on irail ki kodlaj en au ai. REV 2:17 Me jalon a mia, i en ron, me Nen o majani on momodijou kan! Me dadaurata, I pan ki on i mana jojanjal, o I pan ki on I takai puetepuet eu o nan takai mar kap intinidier, jota amen me dedeki, i eta, me pan ale. REV 2:18 Intin won tounlan en momodijou en Tiatira: let majan en me Japwilim en Kot, me jilan I rajon umpul en kijiniai o aluwilu a rajon praj linan. REV 2:19 I aja om wiawia kan, o om limpok, o om pojon, o om papa, o om kanonama, o duen om wiawia men mur, me to to jan men maj. REV 2:20 A iet me I juedeki re om: Koe kin mueid on li Ijepel, me kin inda duen pein i, dene i jaukop amen, me kin padaki o kotaue nai ladu kan, ren nenek, o ren tunole, me olu on dikedik en ani. REV 2:21 O I ki on i er anjau en kalula, a a kan kalukila a nenek. REV 2:22 Kilan, I pan kajedi i nan loj, o irail me kin kamal re a, nan kamekam lapalap, ma re jota pan kalukila wiawia en Ijepel akan. REV 2:23 O I pan kamekila na jeri kan kamekam eu. Ari, momodijou karoj pan ajaki, me nai i, me kin ireron nan mudilik o monion kan, o I pan ki on amen amen komail iran omail wiawia kan. REV 2:24 A I indai on komail tei kan, me mi Tiatira, karoj me jota apwali lamalam wet, me jo dedeki widin en Jatan, duen ar lokaia. I jota pan ki on komail eu katoutou pa ’mail. REV 2:25 A me mi re omail, kolekoleta, I lao pwarado. REV 2:26 O me dadaurata o me kanekid ai wiawia kan lel imwi, i me I pan kajapwilada pon wei kan. REV 2:27 A pan kaun kida ir jokon mata, due dal en jaupal kin ola kaualap, o due I pil aleer mana jan ren Jam ai, REV 2:28 I ap pan ki on i uju ran. REV 2:29 Me jalon a mia, i en ron me Nen o majani on momodijou kan! REV 3:1 INTIN won tounlan en momodijou en Jardej: let majan en me Nen en Kot iju o uju iju mi re a: I aja om wiawia kan, o me mar en maur mi re om, a jo, koe melar. REV 3:2 Pirida, katene me lua, me nok mela, pwe I jota diaradar, me om wiawia kan unjokela ren ai Kot. REV 3:3 I me koe en tamanda, duen koe tunoler, o roner, o kanekid, o kalula. Ma koe jota pan pirida, I pan pwarado due lipirap amen, o koe pan jaja auer, me I pan pwara don uk. REV 3:4 A mar malaulau mi re om nan Jardej, me jota kapwelepwel lar ar likau kan, re pan alialu re i nan likau puetepuet, pwe re kon on. REV 3:5 Me dadaurata, pan kapwad kida likau puetepuet, o I jota pan irije jan nan puk en maur mar a. O I pan kadede mar a mon Jam ni o mon na tounlan kan. REV 3:6 Me jalon a mia en ron, me Nen o majani on momodijou kan! REV 3:7 Intin won tounlan en momodijou en Piladelpia: let majan en me jaraui, me melel, me men kapir en Dawid mi re a, me kin ritinida, o jota amen, me kak ritinidi, o me kin ritinidi, o jota amen, me kak ritinida. REV 3:8 I aja om wiawia kan. Kilan, I ki on uk er wanim ritidar eu o jota amen, me kak ritinidi, pwe om kel me tikitik, o koe kin Kanekid ai majan, o koe jota kamam kidar mar ai. REV 3:9 Kilan, I kanain kin uk akai, me udan pwin en Jatan, kijan irail, me akajuj, a jo, re likam. Kilan, I pan kainon ir do, en poni ni na om, o ren aja, me I kin pok on uk. REV 3:10 Aki om kanekid ai majan en kanonama, I pil pan kanekid uk ni auer en kajonejon, me pan udon toun jappa karoj, en kajonejon irail, me kaujon jappa. REV 3:11 I pan pwarado madan. Kolekol, me koe anekier, pwe jota amen en kulia jan mar om. REV 3:12 Me dadaurata, I pan wiaki i ur eu nan tanpaj en ai Kot, o a jolar pan pedoi jan kokolata. I pan intin po a mar en ai Kot, o ad en kanim en ai Kot, Ierujalem kap, me peidido jan ai Kot nanlan o mar ai kap. REV 3:13 Me jalon a mia, en ron, me Nen o majani on momodijou kan! REV 3:14 Intin won tounlan en momodijou en Laodijea: let majan en me maraneki Amen, me jaunkadede lelapok melel, me tapin dodok en Kot. REV 3:15 I aja om wiawia kan, koe jota karakar o pil jota lamelamur. i men, koe en lamelamur de karakar! REV 3:16 Ari, koe me lou, a kaidin karakar de lamelamur, I ap pan muj kin uk wei jan nan au ai. REV 3:17 Pwe koe inda: Nai kapwapwa, i anekier kapwa kan, o i jota kin anane meakot, ap jaja, me koe jakanekan, o jo konekon, o jamama, o majkun, o kilijo. REV 3:18 I panaui uk, koe en neti jan ia kold linan, aki kijiniai, pwe koe en kapwapwala, o likau puetepuet, pwe koe en likauie uk, o kanamenok pan om kilijo der janjal, o wini en maj o, men elieliki maj om, en kilan waja. REV 3:19 I kin kapun on o kaloke karoj, me I pokepoke. Koe nantion kaula! REV 3:20 Kilan, I kin u pan wanim o letelet. Meamen pan ron nil ai, ap ritinida wanim o, I pan pedelon re a, ap ian i mot on raj jaraui, o a ian ia. REV 3:21 Me dadaurata, I pan ki on i, en ian, ia mondi pon mol ai, dueta nai pil dadaurata, ap ian Jam ai mondi pon mol a. REV 3:22 Me jalon a mia, i en ron, me Nen o majani on momodijou kan! REV 4:1 MURIN mepukat i kilaner kajanjal eu: Kilan, wanim eu ritidar nanlan, o nil, me I roner maj, dueta koronete eu kajokajoi on ia: Koda don met! I pan kajale on uk, me pan wiaui mur en mepukat. REV 4:2 Nai pitipit katia Nen. A kilan, mol eu mi nanlan, o amen kotidi pon mol o. REV 4:3 A janjal en me kotidi poa rajon takai Iajpij o Jardij o aia me liteui mol o, me janjal dueta takai jmarakd. REV 4:4 O mol o kapilki pena mol rieijok paieu, o lapalap riek pamen kotikot poa, likau kida likau puetepuet o nin kida nin kold. REV 4:5 O jan ni mol o liol, o nil akai, o nanjapwe kai uje wei jan, o lamp iju umpumpul mon mol o, iei Nen iju en Kot. REV 4:6 O mon mol o dueta jed eu, me rajon klaj o krijtal, o nan waron en mol o, o impan mol o man maur pamen, me rok ki por en maj mo ar o mur ir. REV 4:7 Man en maj me rajon laien amen, o man kariamen rajon kau ol amen, o man kajilimen kar i rajon aramaj, o man kapamen rajon manpir ikel. REV 4:8 O man maur pamen ko pa en pir wonu mi ren amen amen, me rokki por en maj ni kaila o lole, o re jota nenenla ni ran o ni pon, indinda: Me jaraui, me jaraui, me jaraui, Kaun Kot, Kaun en meakaroj, me kotikot maj, o me kotikot met, o me pan kotin pwarado. REV 4:9 Ari man maur oko, lao pan kalinanada, o kakaki, o danke i me kotidi pon mol o, me ieiaj joutuk, REV 4:10 Me lapalap riek pamen ap pan poridi on i, me kotidi pon mol o, o re pan poni i, me ieiaj ata kokolata, o re pan pwilikidi mar ar mon mol o, indada: REV 4:11 Komui Main, at Kaun, o at Kot, me kon on, en linanla, o kakala, o manaman, pwe ir me kotin kapikadar meakan karoj o pweki kupur omui re mia kier o wiaui kidar. REV 5:1 O i kilaner nan lim pali maun, en me kotidi pon mol o, puk eu, intinidier lole o liki o kateneki pena men katen iju. REV 5:2 O i kilan tounlan kelail amen, pepeidokki nil laud: Ij me kon on pak pajan puk o, o lapwada a men katen kan? REV 5:3 A jota amen, me mi nanlan de nin jappa, de pan jappa, me kak on pak pajan puk, o udial i. REV 5:4 Ari, i ap janejan kaualap, aki jota amen, me diarokadar, me kon on, en pak pajan puk o, de udial i. REV 5:5 O amen ren me lapalap akan majani on ia: Koe der janejan! Kilan, Laien, me udan kainok en Iuda, tapin Dawid, me pwaidar ni a peipei, pwen kon on, pak pajan puk o, o lapwa jan men katen iju. REV 5:6 O i kilan nan waron en mol o nan pun en man pamen o nan pun en lapalap akan Jippul amen u due kamekamelar, me oje iju o por en maj a iju mia, iei Nen en Kot iju me pakadaralan dol en jappa karoj. REV 5:7 A kotido, ap kotiki jan puk o ni lim a maun en me kaipokedi pon mol o. REV 5:8 A ni a kotin aleer puk o, man maur pamen, o lapalap riek pamen poridi on mon Jippul o. Amen amen re irail kolekol a arp o dal kold, me dir en potik en ijij, iei kapakap en jaraui kan. REV 5:9 Irail kauleki kaul kap pot indinda: Ir me kotin kon on, kotikida puk o, o lapwada a men katen ko, pwe komui kamatalar o neti ki on Kot nt’ omui jan ni kainok karoj, o lokaia karoj, o men liki karoj, o wei karoj. REV 5:10 O kotin wia kin irail la wei eu on atail Kot, pwen jamero kan, o re pan nanmarki nin jappa. REV 5:11 O i kilaner o i roner nil en tounlan toto impan mol o, o man maur ko, o lapalap oko; irail me nederenie nen nen o kid kid, REV 5:12 Irail indinda ni nil laud: Jippul o me kamekamelar, me kon on aineki manaman, o kapwa, o orpit, o kel, o kaka, o linan, o pai kan. REV 5:13 Ir karujia nanlan, o jappa, o pan jappa, o pon madau, o aude pan arail karoj, i roner me re indinda: Me kotidi pon mol o, o lippul en kapinanla, o kakala, o kalinanada o manaman kokolata. REV 5:14 Man maur pamen majani: Amen, O lapalap akan poridi on poni i. REV 6:1 I kilan ni en Jippul a lauad pajan eu ren katen iju, o i roner amen ren man pamen majanieki nil me raj on nanjapwe: Kodo! REV 6:2 I ap kilaner oj puetepuet amen, o me mondi poa kajik katieu mi re a, o mar eu ko on i, i ari koti wei, pwen kalokaloedi. REV 6:3 Ni a lauad pajan katen kariau, i ap roner man kariamen majanier: Kodo! REV 6:4 Amen oj me waitata ap pwarado, a me mondi poa a muei on i, en kawela muei mau nin jappa, o tou a kan pakamekam pena, a kodlaj kalaimun me panalan i. REV 6:5 Ni a lauad pajan katen kajilu, i roner man kajilimen majani: Kodo! I ap kilaner oj tontol amen, o me mondi poa, men tenok mi ni lim a. REV 6:6 O i roner nil eu nan pun en man pamen indinda: Jon en wit eu denar eu, o jon en korn jilu denar eu, a le o wain der kawela! REV 6:7 A ni a lauad pajan katen kapaieu, i roner nil en man kapamen majani: Kodo! REV 6:8 I ap kilaner oj pajaj, o me mondi poa, mar a Mela, o wajan mela me idauen i. A kapi on i en kaunda pakij eu en jappa, en kamekila kodlaj, o ijejol, o mela, o ren man laualo en jappa kan. REV 6:9 A ni a lauad pajan katen kalimau, i kilaner pan pei jaraui nen en me kamekila majan en Kot, o ar kadede, me re wia. REV 6:10 Irail likelikwirki nil laud indinda: Arai da, Main, Kaun jaraui o melel, komui jo kadeikada o iki kin nt’ at on irail, me kaujon jappa? REV 6:11 Likau puetepuet me panalan irail karoj, o a kotin majani on irail, ren moleiloi maj ekij, a lao ian ar o ri ar akan unjokelar, me pan kamekamela dueta pein irail. REV 6:12 O i kilaner ni a lauad pajan katen kawonu, rerer en jappa lapalap ap wiaui, katipin rotala dueta likau tontol, wunen eu o maram waitatala dueta nta. REV 6:13 O uju en lan akan pupedi on jappa, due tuka pik pot kajedi wa kan me pul, ni a tualok ki an ma, REV 6:14 O lan kajaula dueta kijin likau ni a limlim pena, o nana karoj o dake karoj torak jan deu ar, REV 6:15 O nanmarki en jappa kan, o monjap, o jaumaj akan, o kapwapwa kan, o me kelail, o ladu kan karoj, o maio kan rukila nan por o pan paip en nana kan. REV 6:16 Ap indan nana o paip akan: Pupedi po at o pwain kidi jan mon jilan en i me kotidi pon mol o, o jan ni onion en Jippul. REV 6:17 Pwe a leler ran lapalap en a onion; o ij me pan kak pwaida? REV 7:1 MURIN met i kilaner tounlan pamen uda ni kaim en jappa paieu kolekol an paieu en jappa, pwe an ender ipuip don jappa, de pon jed, de nin tuka pot. REV 7:2 O i kilaner amen tounlan pwarada jan ni maj en lan, kilelekidi kilel en Kot ieiaj. A likwirki nil laud on tounlan pamen, me udan kawela jap o jed, REV 7:3 Indinda: Der kawela jappa de madau, de tuka kan, a lao kileledier ladu en at Kot akan ni tam ar! REV 7:4 Nai ari ronadar arail wadok me kileledier me lop panen pakid jan nin kainok en Ijrael akan karoj. REV 7:5 Jan ni kainok en Iuda nen riakid kileledier, jan ni kainok en Rupen nen riakid, jan ni kainok en Kat nen riakid, REV 7:6 Jan ni kainok en Ajer nen riakid, jan ni kainok en Naptali nen riakid, jan ni kainok en Manaje nen riakid, REV 7:7 Jan ni kainok en Jimeon nen riakid, jan ni kainok en Lewi nen riakid, jan ni kainok en Ijajar nen riakid, REV 7:8 Jan ni kainok en Jepulon nen riakid, jan ni kainok en Iojep nen riakid, jan ni kainok en Peniamin nen riakid. REV 7:9 Murin mepukat i kilaner pokon kalaimunia, jota amen me kak wadokedi jan ni wei karoj, o kainok karoj, o men liki karoj, o lokaia karoj, o mon mol o, o mon Jippul likau kida likau puetepuet o paini ni lim ar, REV 7:10 O re nil laudeda indinda: Kot kamaur pat, me kaipokedi pon mol o o Jippul. REV 7:11 Tounlan karoj u kapil pena mol o, o lapalap akan, o man pamen, irail pori kidi maj ar mon mol o, poni Kot, REV 7:12 Indinda: Amen! Pai, o linan, o erpit, o danke, o wau, o rojon, o manaman on atail Kot kokolata! Amen. REV 7:13 O amen ren me lapalap akan japen majani on ia: Ij irail me likau kida likau puetepuet, o irail kodo jan ia? REV 7:14 I ap potoan on i: Main, komui manier. A japen ia: Ir me pwaida jan ni kaan kamekam, o re lope ar likau, o kapwad kida ntan Jippul. REV 7:15 I me re mikier mon mol en Kot, o papa i ni ran o ni pon nan japwilim a im en kaudok, o me kaipokedi pon mol o, pan apapwali irail. REV 7:16 Irail jolar pan men mana potopoteta, o jolar men nim pilada, o katipin jolar pan daker ir, de eu jon en karakar pan lel. REV 7:17 Pwe Jippul ni waron en mol o pan kotin wia jile parail, o a pan kalua ir won ni pil en maur, o Kot pan lim wei jan pil en maj arail. REV 8:1 NI a lauad pajan katen kaiju, kaporamen wiaui nanlan alep en auer. REV 8:2 O i kilaner tounlan ijimen, me uda mon Kot, o koronete iju panalan irail. REV 8:3 Amen tounlan me kotido u pon pei jaraui, dal kold, men ijik potik, mi re a; potik ijij toto panalan re a, pwen kamanada kapakap en jaulan kan, me mi mon mol o. REV 8:4 Ad in ijik ianaki kapakap en me jaraui kan adidalan Kot jan ni lim en tounlan o. REV 8:5 Tounlan ari aleda dal en potik o, ap aude kida kijiniai en pei jaraui, ap kajedi on jappa; ari, nanjapwe, o nil akan, o liol, o rerer en jappa wiauier. REV 8:6 A tounlan ijimen, me ar koronete iju mia, kaonopatian pepeuk. REV 8:7 Men maj pepeuk koronete, akel o kijiniai ianaki nta ap wiauier o pijikindi lan jappa; a jilekij eu en jappa ronala, o jilekij eu en tuka ronala, o ra karoj ronala. REV 8:8 O tounlan kariamen pepeuk koronete ap likamata nana lapalap eu ijijiki kijiniai ap pijikindi lan madau; a jilekij eu en madau ap wialar nta. REV 8:9 O jilekij eu en tou a maur melar nan jed, o jilekij eu en jop akan olar. REV 8:10 A tounlan kajilimen pepeuk koronete, uju lapalap ap pupedi jan nanlan likamata jer umpumpul eu pupedi pon jilekij eu en pilap akan o utun pil akan. REV 8:11 Ad en uju o Jadik; jilekij eu en pil akan ap jadikalar, o aramaj toto mekilar pil aki ar jadik. REV 8:12 A tounlan kapamen pepeuk koronete, jilekij eu en katipin, o jilekij eu en maram, o jilekij eu en uju kan ap olar. Jilekij eu ari rotonala o ran jolar marain ni a jilekij eu o pil dueta pon. REV 8:13 O i kilaner o roner ikel amen pipir nan waron en lan, indindaki nil laud: Apwal, apwal, apwal on irail, me kaukaujonta jappa, pweki nil en koronete en tounlan jilimen, me pan pepeuk mur. REV 9:1 TOUNLAN kalimen pepeuk koronete, i ap kilan uju en lan eu, me pupedi on jappa, o ki en waja lol me panalan i. REV 9:2 A ritinida au en waja lol, adiniai ap adida jan nan waja lol o, dueta adiniai en um kalaimun, o katipin o pan lan rotorotala, pweki adiniai en waja lol. REV 9:3 O manjiek kan me pwarado jan nan adiniai, rap paraparalan jappa, o manaman panalan irail dueta jkorpion en jappa. REV 9:4 A majani on irail, ren der kawela ra nan jap, de tuka ta tontol, o pil jo tuka laud, a aramaj akan ta, me jo kileleki kilel en Kot ni tam arail. REV 9:5 A jo muei on irail, en kame ir ala, a ren kaloke irail jaunipon limau; o ar wairok me laud dueta lip en jkorpion, ma a pan ke aramaj amen. REV 9:6 Ni ran puko aramaj pan rapaki mela, ap jota pan diarada; o re pan inon ion mela, a mela pan tan wei jan irail. REV 9:7 Mom en manjiek kan dueta oj, me onoper mauin, o pon mon arail meakot, me rajon mar kold, o maj ar dueta maj en aramaj. REV 9:8 Pit en mon arail rajon pit en mon en li, o ni arail dueta ni en laien. REV 9:9 Pere me mi re ’rail dueta pere mata, o nirjok en pa arail dueta nirjok en war, me oj to to me tanaki won nan mauin. REV 9:10 O iki ’rail dueta jkorpion, o oje ar mia, o re keleki iki ’rail, o re kin kame aramaj jaunipon limau. REV 9:11 O arail nanmarki ani en kadar en waja lol, ad a ni lokaia en Ipru Apadon, a ad a ni lokaia en Krik Apolion. REV 9:12 Ari, tapin apwal akan daulier, a kilan, pil riau pan pwarado mur. REV 9:13 Tounlan kawonemen pepeuk koronete, i ap ron nil eu, me tapida jan nan oje paieu en pei jaraui, me mi mon Kot. REV 9:14 Amen indan tounlan kawonemen, me a koronete mia: Lapwada tounlan pamen, me jalidier ni kailan pilap Oiprat. REV 9:15 Ari, tounlan pamen oko japdokalar, me onoper on auer, o ran, o jaunipon, o par, pwe ren kamela jilekij eu en aramaj akan. REV 9:16 Wadawad en tounpei, me dake oj riajap; o i roner duen toto ar. REV 9:17 Iduen ai kilaner oj akan ni kajanjal o, o irail, me mod po arail, pere praj arail dueta kijiniai, me meimei o dueta jwepel, o mon en oj oko dueta mon en laien; o jan ni au arail kijiniai, o ad, o jwepel kin adewei. REV 9:18 Kariapa jilu pukat jilekij eu en aramaj akan, me kamekilar, kijiniai, o ad, o jwepel, me adewei jan ni au arail. REV 9:19 Kelail en oj akan mi nan au ar, o ni padaik arail, pwe padaik arail dueta jerpent kan, o mon ar mia, o re kamekamki ir padaik ar. REV 9:20 A luan aramaj akan, me jo kamekilar kamekam pukat, kan kaluki wiawia en pa arail, pwe ender poni on tewil akan o dikedik en ani, me wiaki kold, o jilper, o praj, o takai, o tuka, me jo kak nar waja, o jo ron waja, O jo alialu. REV 9:21 Irail jota kaluki ar kamela, o ar wun ani, o ar nenek, o ar lipirap. REV 10:1 O I kilaner amen tounlan kelail, me kotidido jan nanlan, me likauida dapok eu, o aia mi pon kadokenmai, o jilan i dueta katipin, o aluwilu a dueta ur kijiniai. REV 10:2 Ni lim a kijin puk mia, me papak pajan, o aluwilu a pali maun jokedi pon inadau, a pali main pon jappa, REV 10:3 O a kotin molipe kida nil laud, due laien amen ni a weriwer, o ni a molipeer, nanjapwe iju ap nirinir. REV 10:4 A nanjapwe iju niriniridar, i men intin, i ap ron nil eu jan nanlan majani: Katene meakan, me nanjapwe iju majanier, der intin ir edi! REV 10:5 Tounlan o, me i kilaner u pon madau o jappa, puekada lim a pali maun, REV 10:6 Ap kauki i, me ieiajata joutuk, me kotin kapikadar lan o meakan mi lole, o jappa o meakan mi lole, o madau o meakan mi lole, me jolar pan anjau. REV 10:7 A ni dokan nil en tounlan kaijimen ni a pan pepeuk, iei anjau karir pan Kot kaunjokalar, duen a kotin kokop on japwilim a ladu jaukop akan ronamau o. REV 10:8 Nil o, me i roner jan nanlan, a pil majani on ia er majani: U ko wei, aleda kijin puk, me papak pajaner, ni lim en tounlan, me uda pon madau o pon jappa! REV 10:9 Ari, i ap ko won tounlan o, potoan on i, en ki don ia kijin puk o. A majani on ia: Ale, ap kanala, a pan kajadikala kaped om, a ni au om a pan iau dueta onik. REV 10:10 I ap aleer kijin puk o jan ni lim en tounlan ap kanalar. Ari, nan au i me iau due onik, a murin i kaner, kaped i ap jadikalar. REV 10:11 A majani on ia: Koe nok pil kokopada iran men liki kan, o aramaj akan, o lokaia kan, o nanmarki toto. REV 11:1 O MEN jon dueta jokon pot pan don ia. Amen inda: Uda, jon im en kaudok en Kot, o pei jaraui, o irail me kaukaudok lol! REV 11:2 A kapil penan im en kaudok kajela liki o der jon, pwe a panalaner men liki kan o kanim jaraui re pan kakaue jaunipon paeijok riau. REV 11:3 O I pan kamanada nai jaunkadede riamen, o ira pan kokop wei ran kid riepuki woneijok, likau kida likau tol. REV 11:4 Ira tuka olip riapot o lamp riau, me mimi mon Kaun en jappa. REV 11:5 Ma amen men kame ira, kijiniai pan luj wei jan nan au ara, ap karonala naira imwintiti kan. Oma amen men kame ira, a pan kamela. REV 11:6 Ira manaman on en pinala lan, pwe ede katau arain ara kokopada, o ira kaun en pil, ira kak kawuk on nta pil akan o kame ki jappa jon en kamekam karoj, due ira inon ion. REV 11:7 Ira lao kanikiela ara kadede, man o, me pan pwarada jan waja lol, pan pel on ira, kaloe ira di, kame ira la. REV 11:8 O kalep ara pan wonon nani al en kanim lapalap, me ad a ni karajeraj Jodom o Akipten, waja ar Kaun pil kalopular. REV 11:9 Ari, me toto jan ren men liki kan, o kainok, o lokaia, o aramaj akan pan kilan kalep ara ran jilu alep, o irail jota pan mueid on, me ara kalep pan jaredi nan joujou. REV 11:10 O irail, me kaukaujon jappa, kaneket kin ira o pereperen, re pan pakijakij pena, pwe jaukop riamen et kin kaloke irail, me kaukaujon jappa. REV 11:11 A murin ran jilu alep maur jan ren Kot pil til won lol ara, rap u ni na ara, a irail, me kilan ira, majakada kaualap. REV 11:12 O i roner nil laud eu jan lan mamajani on ira: Koma koda don met! Ira ap kokidalan dapok, o imwintiti ara kilan ira. REV 11:13 Ni auer ota jappa rerer kaualap, eijokkij eu en kanim olar ni rerer, o mar ijekid en aramaj mekilar, me tei kan majakalar, rap landar Kot en lan. REV 11:14 Kamekam kariau wiauier. Kilan kamekam kajilu me pan pitipit wiaui. REV 11:15 Tounlan kaijimen pepeuk koronete. Nil laud ap wiauier nanlan indinda: Wein jappa id wialar wein atail Kaun o japwilim a Krijtuj. A pan kotin kaunda kokolata. REV 11:16 A lapalap riek pamen, me ariri Kot pon mol arail, rap pupedi ni jilan ir poni Kot majani: REV 11:17 Je danke komui, Main Kot, Kaun en meakaroj, me kotikot metet, o me kotikot maj o, pwe re kotin aleer ar manaman lapalap, o kotin Nanmarki lar. REV 11:18 O wei kan makaradar, a ar onion leler, o a leler anjaun melar akan pakadeik, o a leler anjau en katini japwilim omui ladu jaukop akan o jaraui kan; irail, me lomwineki mar ar, tikitik kan o lapalap akan, o en kawe irail. me kin kawela jappa. REV 11:19 Im en kaudok en Kot, mi nanlan, ritidar, o kopa en inau pinnar nan im en kaudok o; a liol, o nil akan, o nanjapwe kan, o rerer en jappa, o akel lapalap wiauiedar. REV 12:1 KILEL lapalap eu pinnar nanlan: Li amen linaneki katipin, o maram pan na a, o a mareda uju eijokriau. REV 12:2 A lijeanlar, a weriwer en naitik, waiwairok en japedokla jan. REV 12:3 Pil eu kilel pinnar nanlan: Kilan, drake lapalap waitata, mona me iju, o jalon a eijok, o mar iju pon mon a. REV 12:4 O a padaik urakiwei jilekij eu en uju en lan, ap jipedi ir on jappa. O drake uda mon li o, me pan naitik, pwe lao a naitiker, a en katalala na jeri. REV 12:5 Ari, a naitikadar na jeri ol, me pan kaun kida kainok karoj jokon mata; ari, na jeri peukadalan Kot on mol a, REV 12:6 Li o tan won jap tan, me deu a onoper ren Kot, iei waja o re kin kamana i ran kid riepuki woneijok. REV 12:7 Mauin pwaidar nanlan. Mikael o japwilim a tounlan kan mauini on drake o, o drake o na kan mauini on. REV 12:8 A re jo pwaida o jolar deu ar nanlan. REV 12:9 O drake lapalap pijikindila, iei jerpent, me ad a Tewil o Jatan, katiamau pan jappa karoj, i me pijikindi lan jappa, o na kan ian i pijikindila. REV 12:10 O i roner nil lapalap eu nanlan indinda: Metet me pwaidar kamauapan, o wiauipan, o wei en atail Kot, o manaman en japwilim a Krijtuj, pwe karaune pan ri atail pijikindila, me kin karaun kin irail mon Kot ni ran o ni pon. REV 12:11 A re kaloedi i aki ntan Jippul o, o pweki majan en ar kadededa lamalam; o re jo pok on maur arail lao lel on mela. REV 12:12 I me lan en perenda, o komail me kaukaujon lole! A mejued on jappa o madau, pwe tewil me kodilan komail, makarada kaualap, pwe a aja, me a anjau me motomot. REV 12:13 Drake o ni a kilaner, me a pijikindier jappa, a kanjore li, me naitiker jeri ol. REV 12:14 Pa riau en manpir ikel lapalap, me panalan li o, pwen pirlan deu a nan jap tan, waja o a pan nekinek ia anjau eu, o anjau kan, o alep en anjau, doo jan maj en jerpent o, waja a pan kamana ia. REV 12:15 A jerpent o kujepoke wei jan nan au a on li o pil, dueta pilap pot, pwen kapwiliki wei li o. REV 12:16 A jappa puporki li o, o jappa jara pajan au a nimala pilap o, me drake o kujepoke wei jan nan au a. REV 12:17 O drake makar pan li o, ap kola, en mauini on luan kadaudok a, me kin nekidala kujoned en Kot akan o koledi kadede pan Iejuj. A nai uda pon pik en oror. REV 13:1 I AP kajinenda pon pik en oror o kilaner man amen pwaradar jan nan madau, me a oje ek o mona iju mia, o mar eijok mier pon oje kan, o ni mona ad en lalaue kan. REV 13:2 Man o, me i kilaner, dueta parder amen, o na a dueta na en par amen, o au a raj on au en laien. O drake ki on i a kelail, o mol a, o a manaman lapalap. REV 13:3 O i kilaner mona eu dueta kamekamelar, ari jo, a kamekam motier, a toun jappa karoj puriamuiki man o. REV 13:4 Irail ari poni on drake, pwe a kapieki man o a kelail, o re poni on man o indinda: Ij me rajon man o? O ij me pan kak mauini on i? REV 13:5 O a pan on i au en juai lapalap, o en lalau eu, o a pan on i, en mimieta jaunipon paeijok riau. REV 13:6 Ari, a jara pajan au a, en lalaue Kot, en laue mar a o tanpaj a jaraui, o irail me kotikot nanlan. REV 13:7 O a kapieki i, en mauini on jaraui kan o kaloe irail edi; o a kapieki i, en kaunda wei karoj, o men liki kan, o lokaia, o kainok kan. REV 13:8 O irail karoj, me kaukaujon jappa, pan poni on i karoj, me mar arail jota intinidier nan puk en maur en Jippul, me kamekamelar jan nin tapin jappa. REV 13:9 Meamen jalon a mia, en ron. REV 13:10 Ma amen pan kaloedi, nan pein i pan lodila; o ma amen pan kamekila, kodlaj, nan a pan kamekila kodlaj. Nan iet en jaraui kan ar kononama o ar pojon. REV 13:11 O i kilaner, amen man pwarado jan nan pwel, oje riau mia, rajon jippul amen, o a kajoi dueta drake amen. REV 13:12 O man o kin wia manaman akan karoj dueta men maj mon por en maj a. O a wiada, me toun jappa en poni on man o, me kelailadar jan a kamekam. REV 13:13 A wiadar kilel lapalap, kamoredi jan lan kijiniai pon jappa mon aramaj akan. REV 13:14 O a kotaue kin ir, me kaukaujon jappa a kilel akan, me kapi on i, en wiada mon man o, indai on irail, me kaujonta jappa, ren wiai on man o, me a lop en kodlaj mier, ap mauredar, dikedik eu. REV 13:15 O a kapi on i, en kamaureda dikedik en man o, pwe dikedik en man o en pil lokaia, o en wiai on irail, me kan poni dikedik en man, en kamekamela. REV 13:16 O wiai on karoj, me tik o me lap akan, o kapwapwa kan, o jamama kan, o me maio, o ladu kan, ren wia kilel eu ni pa ar pali maun de ni tam ar. REV 13:17 Pwe jota amen en kak net de netikila, pwe ir eta, me kileledier, kilelekidi mar en man de wad en mar a. REV 13:18 Iet lolekon. Me lolekon kan en wadokdi mar en man o, pwe a raj on wad en aramaj amen; iet a wad: Wonepuki woneijok REV 14:1 O I kilaner Jippul o kotikot pon dol en Jion o me ian i lop panen pakid, o mar a o mar en Jam a intinidier ni tam ar. REV 14:2 O i roner nil eu jan nanlan dueta punupun en pil toto o dueta nirnir lapalap en nanjapwe; nil o, me i ronadar, dueta nil en jaunkaul pikipikir ar arp akan. REV 14:3 Irail kauleki kaul kap pot mon mol o, o mon man pamen o lapalap akan; o jota amen me kak koledi kaul o, irail lop panen pakid eta, irail me net japal jan nin jappa. REV 14:4 lei irail, me jo jamin kila li, pwe irail me makelekel. lei irail me idedauen Jippul o, waja a kin kotila ia. Mepukat net japal jan ren aramaj akan, me mejeni on Kot o Jippul. REV 14:5 O nan au ar jota likam me diarokadar, nan jota ar jamin. REV 14:6 O i kilaner amen tounlan, pipir ni waron en lan, ronamau joutuk mi re a, pwen padaki on irail, me kaujon jappa, o on wei karoj, o kainok karoj, o lokaia o aramaj akan. REV 14:7 A majani ki nil laud: Landa Kot, o waui i, pwe auer en a pan kotin kadeikada me pwarer; o poni i, me kotin wiadar lan, o jappa, o madau, o utun pil akan. REV 14:8 O amen tounlan, kariamen, idauen i majani: A ronkilar, a ronkilar, Papilon lapalap, me kare on kainok karoj kamekam, aki ar nenek re a! REV 14:9 O amen tounlan, kajilimen, me idauen ir katitiki nil laud: Ma amen poni man o kilel en man, o ale kilel ni tam a o ni pa a, REV 14:10 A pan tunole en Kot a onion, me wiauier jokadolepa dal en onion en Kot, o a pan kalokeki kijiniai o jwepel mon tounlan jaraui kan o mon Jippul o. REV 14:11 O adiniai en ar lokolok peipeidala potopoteta, re jo moleilei ni ran de ni pon, irail me poni man o o a kilel, o irail me kilelekidar mar a. REV 14:12 let en jaraui kan ar kanonama, me kin nekinekid kujoned en Kot akan o pojon on Iejuj. REV 14:13 O i ron nil eu jan lan majani: Intiniedi: Meid pai irail me mela ren Kaun o, met o kokotata! lei, Nen o me kotin majani, irail en moleilei jan ar wiawia kan, pwe ar wiawia kan ian irail. REV 14:14 O i kilaner dapok puetepuet eu, o Amen kotikot pon dapok o, me rajon Nain aramaj, marakier mar kold, o ni lim a naip kon apot. REV 14:15 O amen tounlan pedoi wei jan nan im en kaudok, ekekerki nil laud on i, me kotidi pon dapok o: Komui kadar om naip paledi, pwe a leler auer en paledi, pwe rak en jappa mater kaualap! REV 14:16 Me kotidi pon dapok kajadi jappa a naip, rak kiri jan jappa. REV 14:17 O amen tounlan pedoi wei jan nan im en kaudok, me mi nanlan, pil naip kon apot mi re a. REV 14:18 O amen tounlan me pwarado jan impan pei jaraui, me kin kakaun kijiniai, likwir on i, me a naip kon mia, majani: Paledi! Toluna jan wan wain en jappa, pwe wa me matier. REV 14:19 Ari, tounlan o paleki jappa naip, o tolun jan wan wain en jappa, o kajedi on nan kopa laud en onion en Kot eu. REV 14:20 Irail tiakedi nan kopa en wain likin kanim, a nta kujewei ian nan kopa o lel on jal en oj, Iel lan jtadien kid wonepuki. REV 15:1 O I kilaner pil kilel eu nanlan, me lap o kalom: Tounlan ijimen, a kalokolok iju mi re ’rail, pwe onion en Kot kaimwijokki ir la. REV 15:2 O i kilaner jed klaj eu, me doleki kijiniai o irail me kaloedi man o dikedik en man, o wadawad eh mar a, uda ni kailan jed o, o arp en Kot mi re arail, REV 15:3 O irail kauleki kaul en Mojej ladu en Kot amen, o kaul en Jippul indinda: Omui wiawia kan me lapalap o kalom. Main Kot, me pun o melel omui wiawia kan, komui Nanmarki en wei kan, Kaun en meakaroj. REV 15:4 Ij me jo pan landa komui, Main, o wauneki mar omui? Pwe komui ta me jaraui, pwe wei karoj pan pwrarado poni komui, pwe omui wiawia pun me janjaleda. REV 15:5 Murin mepukat i kilaner nan im en kaudok kadedepa mi nanlan me ritida. REV 15:6 O tounlan ijimen pedoi wei jan nan im en kaudok kalokolok iju re ’rail, kapwateki likau min o puetepuet, o ir piraki ni pan ati waiwai kold. REV 15:7 O amen ren man pamen panalan tounlan ijimen dal kold iju, direki onion en Kot, me ieiajata joutuk. REV 15:8 O im en kaudok me topkila adiniai tapida jan linan en Kot o a manaman; o jota amen me kak pedelon on nan im en kaudok o lao kalokolok iju en tounlan ijimen wiuuier. REV 16:1 O I roner nil laud eu jan nan im en kaudok o, mamajani on tounlan ijimen: Komail kowei, wudokedi on jappa dal iju, me audekier onion en Kot. REV 16:2 Men maj ap kotiwei wudokila on jappa a dal, ap wiala kinj jued on aramaj akan, me kilelekidi kilel en man o, o me poni a kilel. REV 16:3 O kariamen wudokila a dal on nan madau ap wiala nta due nt’en melar amen, ari me maur karoj nan madau ap melar. REV 16:4 O kajilimen wudokila a dal pon pilap o utun pil akan, rap ntalar. REV 16:5 I roner tounlan en pil akan majani: Komui me pun, me kotikot, o me kotikot maj, me jaraui, pwe komui kadeikada due met. REV 16:6 Pwe irail kieledier ntan me jaraui o jaukop akan, ari, kom kotin katunole kin ir nta; ari, me mau on irail. REV 16:7 I roner me pei jaraui o majani: Ei, Main Kot, Kaun en meakaroj, melel o me pun omui kadeik kan. REV 16:8 A kapamen wudokila a dal pon katipin, a kapi on i, en ijiki kijiniai aramaj akan. REV 16:9 Ari, aramaj ronkila karakar kaualap, o re lalaue mar en Kot, me Kaun pan kamekam pukat; a re jota kalukila, pwen wauneki i. REV 16:10 O tounlan kalimen wudokila a dal pon mol en man o; ari a wei rotorotala; o re ke pajan lo arail pweki motakan madak. REV 16:11 O irail lalaue Kot en lan, aki ar madak o ar kinj akan, o re jota kalukila arwiawia kan. REV 16:12 O tounlan kawonemen wudokila a dal pon pilap Oiprat, a pil ap nalenaledi, pwen kaonopada al mon nanmarki, me kotido jan ni pali maj en lan. REV 16:13 O i kilaner, me jan nan au en drake, o jan nan au en man o, o jan nan au en jaukop likam nen jamin jilu dueta proj kai koda jan. REV 16:14 Ir nen en tewil kai, wiawia kilel kai, me kin pwaralan nanmarki en jappa kan, en kapokon ir penan mauin en ran lapalap en Kot manaman. REV 16:15 Kilan, I pwarado dueta lipirap amen; meid pai, me kin majamajan, nekinekid a likau kan, pwe a de kilijola, rap kilan a kanamenok. REV 16:16 O re kapokon ir penan waja, me ad a ni lokaia en Ipru Armakedon. REV 16:17 O tounlan kaijimen wudokila a dal nin wawa, nil laud ap pwaradar jan im en kaudok nanlan, jan ni mol o mamajani: A wiauier. REV 16:18 Ari, liol o nil kai o nanjapwe wiauier, o jappa rerer kaualap, jota due jan tapin aramaj mi jappa, pwe me lapalap o mulatok. REV 16:19 Ari, kanim lapalap pal pajan wiala jilekij jilu, o kanim en jap akan ronk pajan, o Kot kotin tamanda kanim Papilon, pwen kotiki on i dal en wain en a onion lapalap. REV 16:20 O dake karoj mokid wei jan o nana kan iolar janjal. REV 16:21 O akel lapalap, toutouki paun epuki, me moredi jan lan lel aramaj akan, o aramaj lalaue Kot pweki kamekam akel, pwe iei kamekam me lapalapia. REV 17:1 TOUNLAN amen, kijan ijimen me ar dal iju mia, pwara do, majani on ia: Kodo, i pan kajale on uk en li jued, me kaunda pil toto, a pan kalokolok. REV 17:2 Me nanmarki en jappa kan nenekier, o me kaukaujon jappa pweipweikier wain en a nenek. REV 17:3 Ari, a uke ia lan nan jap tan ren nen. I ap kilaner li amen, mondi pon man waitata amen, ad a laue toto mia, mona iju o a oje eijok mia. REV 17:4 Li o likau kida likau tontol o waitata, o kapwat kida kold o takai kajampwal, o manaman kai, o ni pa a dal kold eu mia, me dir kila me jamin o me jaut en a nenek. REV 17:5 O ni tam a mar eu intinidier, iet: Okiok pot, Papilon lapalap in en me nenek kan o jaut akan en jappa. REV 17:6 O i kilan li o a pweipweiki nt’ en jaraui kan o nt’ en jaunkadede en Iejuj akan. Ari, ni ai kilaner i, i ap puriamui kaualap. REV 17:7 A tounlan o majani on ia: Mend a koe waponki? I pan kajale on uk karajepan om waponki li o, o man o, o me a kin dake, me a mona iju o a oje eijok mia. REV 17:8 Man o, me koe kilaner, a mia maj, ap joer mia, a nok pwaradado jan waja lol, ap pan kolan wajan kamekam; o irail, me kaukaujon jappa, pan wapon ki irail, me mar arail jo intinidier nan puk en maur jan nin tapin jappa, ni ar kilan man o, due a mier maj, ap joer mia, ap nok pwarado. REV 17:9 Ari, iet lolekon: Mona iju rajon nana iju, me li o mondi poa. REV 17:10 O irail nanmarki ijimen. Limen nikilar, me ta men mia, a amen kaikenta pwarado, a a lao pwrarado, a pan japwilada anjau kij. REV 17:11 A man o men maj, ap joer mia, i kawalemen, kijan ijimen, ap pan kalokolok. REV 17:12 A oje eijok, me koe kilaner, rajon nanmarki ek, me kaikenta ar wei, a re aleer manaman dueta nanmarki kan, pwen japwileda auer ta ieu ren man o. REV 17:13 Ir pukat kin wia injen ta ieu, o re pan ki on man o ar manaman paki i ar anianin o. REV 17:14 Ir pan mauini on Jippul, a Jippul pan kaloe ir edi; pwe i ta Kaun en kaun akan o Nanmarki en nanmarki kan. O me ian i, me paeker, o pilier, o melel. REV 17:15 A majani on ia: Pil oko, me koe kilaner, waja me li jued o mondi ia, iei irail men liki, o kainok kan, o aramaj akan, o lokaia kan. REV 17:16 O oje eijok, me koe kilaner, o man o, irail me pan tataki li jued o, o kajamaliala i, o kakili jauia ta, o re pan kanala uduk a, karonki i kijiniai. REV 17:17 Pwe Kot kotin kainonada monion ar, en wia kupur a, o en wia lamalam ta pot o en upai man o, a lao majan en Kot pwaida. REV 17:18 Li o, me koe kilaner, iei kanim lapalap, me kakaun nanmarki kan nan jappa. REV 18:1 MURIN mepukat i kilaner amen tounlan kodido jan lan, me manaman kaualap, o jappa marain kila a linan. REV 18:2 A kotin molipeki kapitie laud majani: A ronk pajan, o ronk pajan, Papilon lapalap, ap id wiala deun tewil akan, o deun nen jaut karoj, o deun manpir jamin, o katantat. REV 18:3 Pwe wei karoj nim jan wain makar en a nenek, o nanmarki en jappa neneker re a, o jaunet en jappa kapwapwakier a kapwa kajampwal akan. REV 18:4 O i roner eu nil jan lan majani: Ko wei jan i nai aramaj akan, pwe komail der ainekida dip ar kan, pwe komail der pukoki kompar akan. REV 18:5 Pwe dip a kan lel oner lan, o Kot kotin tamanda a jued akan. REV 18:6 Depuk on i, duen pein i wiadar! O depuk on i pan ria pak, duen a mau on a wiawia kan; dal o, me a audedar, i dal ota komail aude on i pan riapak! REV 18:7 Duen a kin kalinanda pein i, o kamuei matier, iei due ki on I kalokepa o kajonlolpa, pwe a moneloleki: Nai nanmarki li amen, o i jo pan li odi, o i jota pan kilan mejued kot. REV 18:8 I me kompa kan pan lel on i ni ran ota: Mela, o maiei, o lek, o a pan ron kila kijiniai, pwe Kaun Kot me manaman, me kadeikada i; REV 18:9 O nanmarki en jappa kan, me nenek re a, o muei mat jan i, re pan maieiki, o weriwereki i ni ar kilan adiniai en a ronala. REV 18:10 O re pan u waja doo waponki a kamekam indada: Apwal, apwal Papilon, kanim lapalap, Papilon kanim kelail! Ni aur ta ieu kadeik paom pwaida. REV 18:11 O jaunet en jappa kan maiei o janejanki i, pwe jota amen me neti ar kapwa kan. REV 18:12 Kapwa kold, o jilper, o takai kajampwal akan, o manaman akan, o likau linen kajelel, o likau tol, o likau jilk, o likau waitata, o jon en tuka pomau karoj, o jon en dal karoj, me wia kidar ni en elepant, o dal akan, wia kidar tuka kajampwal, o mata praj, o mata, o marmor, REV 18:13 O jimet, o potik, o men ijij, o me pomau, o pomau en ijij, o wain, o le, o plaua kajampwal, o wan wit, o man akan, o man jip, o oj akan, o dake pan oj, o ladu kan, o nen en aramaj akan, REV 18:14 O wan tuka kan, me kaped om kin iauki, roje jan uk er, o dipijou linan o kajelel roje jan uk er, a jolar pan diarokada kokolata. REV 18:15 Jaunet en mepukat, me kapwapwadar re a, me pan u waja doo, wapon kida a kamekam janejan o mamaiei. REV 18:16 Indinda: Apwal, apwal kanim lapalap, me kapwadeki likau ankotitik, o tol, o waitata, o kapwadeki kold, o takai kajampwal, o manaman! REV 18:17 Pwe ni auer ta ieu kapwa toto pukat olar. O jaupal en jop, o ir, me toun jop, o jeler akan, o jaunet en nan madau, ir uda waja doo. REV 18:18 O weriwereda, ni ar kilaner adiniai en a ijij, indinda: Ia kanim, me rajon kanim lapalap wet! REV 18:19 Irail tukatuk en mon wereda, janejan, mamaiei, indinda: Apwal apwal kanim lapalap! Tou a, me ar jop akan mi nan madau, kapwapwalar, pwe a neti re a mulatokia. Ni auer ta ieu a mokonaidier. REV 18:20 Kaneketeki i lan, o jaraui kan, o wanporon kan, o jaukop akan, pwe Kot me kotin iki on I komail. REV 18:21 Tounlan rojon amen pokada takai due takai lap men irij plaua, ap kajedi on madau, majani: Iduen Papilon kanim lap pan karonk pajan, ap pan jolar mia. REV 18:22 Nil en me wia arp akan o kakaul akan, o me peuk kajan plote, o me peuk koronete, pan jolar me pan ron re a, o jolar jaupal, me pan diarok lol om, o nirjok en takai irij plaua jolar me pan ron lol om. REV 18:23 O marain en lamp pan jolar jenjer lol om, o nil en ol kamod o li kamod jolar me pan ron lol om, pwe noum jaunet akan, jaumaj en jappa, kainok karoj pakotaue kilar om widin kan. REV 18:24 O ntan jaukop o jaraui kan me diarokadar lol om, o ntan karoj, me kamekamelar jappa. REV 19:1 MURIN mepukat i roner likamada moron en pokon kalaimun nanlan, majani: Aleluia, kamaur, o linan, o manaman udan atail Kot! REV 19:2 Pwe melel o me pun ar kadeik kan; pwe a kotin kadeikadar li jued lapalap, me kajuedie kilar toun jappa a nenek kan o a ikier ntan na ladu kan. REV 19:3 Pil kariapak re inda: Aleluia! A adiniai adidala kokolata. REV 19:4 O lapalap riekpamen o man pamen rap poridi poni on Kot, me kaipokedi pon mol a, majani: Amen Aleluia! REV 19:5 O nil, me peido jan mol o majani: Kapina atail Kot, komail japwilim a ladu kan, komail, me lan i, me tikitik o me lapalap akan! REV 19:6 O i roner moron en pokon kalaimun, o due nil en pil toto, o due nirinir en nanjapwe kan indinda: Aleluia, pwe Kaun atail Kot, me Kaun en meakaroj a wialar Nanmarki. REV 19:7 Kitail en injenemau, o pereperen, o wauneki i, pwe a leler en Jippul a kapapaud, o li kamod onopadar. REV 19:8 O a muei on i, en likauwia kida likau linen, me min o makelekel; pwe likau linen makelekel iei kadeik pun en me wiaui pweki jaraui kan. REV 19:9 A majani on ia: Intiniedi: Re meid pai, me luke don kamadip en kapapaud en Jippul o. O a majani on ia: Mepukat majan melel akan en Kot. REV 19:10 I ap pupedi ni aluwilu a, en poni i. A majani on ia: Koe der, nai jau om, o ri om, me aneki kadede pan lejuj; poni Kot. A nen en kokop iei kadede pan lejuj. REV 19:11 O i kilaner lan a ritidar o oj puetepuet amen, o me kaipokedi poa, me oroneki Pun o Melel; a kadeikada o mauinda ni me pun. REV 19:12 Por en jilani me rajon umpul en kijiniai, o mar a toto mia ni tapwi, a mar eu intinidier, me jota amen me aja, pein i ta. REV 19:13 A likau kida likau eu, me kadueki nta, o mar a oroneki: Majan en Kot. REV 19:14 O karij en jaunpei en nanlan idauen i pon oj puetepuet akan, likau kida linen puetepuet o min. REV 19:15 O jan nan jilan i kodlaj kon luj da jan, men kamekameki wein jappa. A pan kotin kaun kida jokon mata pot; o a tiakedi kopa en wain, me onion en Kot, Kaun en meakaroj. REV 19:16 Ni a likau o ni lanelane a mar a intinidier: Nanmarki en nanmarki o Kaun en kaun akan. REV 19:17 O i kilaner tounlan amen uda nan katipin; a molipeiki nil laud majani on manpir akan, me pipir nan waron en lan: Kodo, pokon don kamadip lapalap en Kot. REV 19:18 Pwe komail en kan uduk en nanmarki kan, o uduk en kaun akan, o uduk en manaman akan, o uduk en oj akan, o me mondi po arail, o uduk en me maio ko o ladu kan, me tikitik o me lapalap akan. REV 19:19 O i kilaner man o, o nanmarki en jappa kan, o nair karij akan pokon penan mauini on i, me kaipokedi pon oj o na karij akan. REV 19:20 Man o lodi on ianaki jaukop likam, me wia kilel kai mo a, me a kotaue kida irail, me kilele kidi kilel en man o, o ir me poni a kilel. Ira karoj lokidokilan nan le en kijiniai, me roneronki jwepel ni ara memaur. REV 19:21 Me lu akan kamekame kila kodlaj en i, me kaipokedi pon oj o, iei kodlaj, me luj a jan nan jilan i; ari manpir akan muei mat kilar uduk arail. REV 20:1 I kilaner tounlan amen kotido jan lan, ki en waja lol mi re a nan lim a o jal mata lapalap. REV 20:2 A jaikidi drake o jerpent en kaua, iei Tewil o Jatan, ap jaliedi i par kid. REV 20:3 O kajedi on nan waja lol jo kapi, ritiniedi o kileledi poa, pwe ender katikatiamau toun jappa, a lao par kid imwijokala. Muri a nok japadokala anjau kij. REV 20:4 O i kilaner mol akan, o ir me kaipokedi poa, kadeikada; o i kilaner nen en ir, me mon ar lepuki janer pweki kadedepan Iejuj o majan en Kot, o ir, me jo poni man o, o a kilel, o jo kilelekida a kilel ni tam ar o ni pa ar. Irail mauredar ap ian Krijtuj kakaun par kid. REV 20:5 A me melar tei kan jota maureda lao par kid imwijokala, iei iajada kaieu. REV 20:6 A meid pai o jaraui, me pan konodi iaj kaieu; mela kariau jo kokoa irail, pwe irail wiala jamero en Kot o en Krijtuj akan, o re pan ian i kakaun par kid. REV 20:7 Par kid lao imwijokela, Jatan ap pan japedokla jan a im en katen. REV 20:8 A ap pan parwei katikatia mau toun jap akan, me mi ni kaim paieu en jappa, Kok o Makok, kapokon ir penan mauin; ir me nederenia rajon pik en oror. REV 20:9 Irail paraparalan nan jappa, rap kapil pena pokon en jaraui kan, o kanim kapai; kijiniai ap moredi jan lan, karon ir ala. REV 20:10 O tewil, me kotaue ir, lokidokila nan le en kijiniai o jwepel, waja me man o jaukop likam mia ia, o re pan kalokolok ni ran o ni pon kokolata joutuk. REV 20:11 O i kilaner mol puetepuet lapalap eu, o i me kaipokedi poa jappa o lan tan wei jan mon jilan i, ap jolar deu ara me diarokadar. REV 20:12 O i kilaner melar akan tikitik o lapalap akan u mon mol o, o puk kan pak pajaner, o pil eu puk me pak pajaner, me puk en kamaur. Melar akan ap pakadeik kidar meakan, me intinkier nan puk kan duen ar wiawia kan. REV 20:13 O madau kapeida melar akan, me mimi lole, o mela o wajan mela kidaer, me mi lol ir. Ir karoj pakadeikadar iran ar wiawia kan. REV 20:14 Mela o wajan mela me pijikindi lan le en kijiniai; iei mela kariau. REV 20:15 O meamen, me jo intinidier nan puk en kamaur, a pijikindi lan le en kijiniai. REV 21:1 O I kilaner lan kap o jappa kap, pwe lan maj o jappa maj jolar mia, o jolar madau. REV 21:2 O i kilaner kanim ijou, Ierujalem kap, peidido jan lan ren Kot, kapwater due li kamod kapwater on a paud ol. REV 21:3 O i roner nil laud jan mol o majani: Kilan, tanpaj en Kot mi ren aramaj akan, o a pan kotikot re ’rail, o irail pan wia japwilim a aramaj ala, o pein Kot pan kotikot re ’rail. REV 21:4 O a pan kotin limwi jan pil en maj ar karoj; o mela pan jolar, pil jolar maiei, o jolar janejan, madak kokolata, pwe men maj jolar mia. REV 21:5 O me kaipokedi pon mol o majani: Kilan, I pan kawilikapada meakan karoj. O a kotin majani: Intiniedi; pwe majan pukat me pun o melel! REV 21:6 A kotin majani on ia: A pwaidar. Nai Alpa o Omeka, Tapi o Imwi. I pan ki on, me men nim pil adar, en nim jan utun pil en maur japan. REV 21:7 Me pan dadaurata, a pan jojoki mepukat, o I pan wia na Kot la, o a pan wiala nai jeri. REV 21:8 A me majak, o jokamelele, o jaut akan o men kamela kan, o nenek kan, o wun ani kan, o me poni dikedik en ani kan, o likam kan karoj deu ar nan le, me roneronki kijiniai o jwepel, iei mela kariau. REV 21:9 O tounlan amen, kijan ijimen, me dal en kalokolok iju en kaimwijokela mi re a, pwarado majani on ia: Ko don met, i pan kajale on uk li kamod, warok en Jippul o. REV 21:10 Ari a kotin kalua kin ia la ren nen pon nana lapalap eu o ileile, ap kajale on ia kanim ijou lerujalem, peipeidido jan lan ren Kot; REV 21:11 Linaneki linan en Kot; a marain me raj on takai kajampwal, rajon iajpij linan eu, REV 21:12 A kel lapalap ileile mia, o wanim eijokriau, o tounlan ekriamen mi ni wanim ko, o mar akan intinidier, me mar en nain Ijrael ekriamen. REV 21:13 Ni maj en lan wanim jilu, o ni apon wanim jilu, o ni air wanim jilu, o ni kapi wanim jilu. REV 21:14 Pajon en kel en kanim o me eijokriau, o mar en wanporon en Jippul o ekriamen intinidier po ar. REV 21:15 Me majani on ia mepukat, men jon jokon kold mi re a, pwen jon kanim o, o a wanim akan o a kel o. REV 21:16 Pali en kanim pali paieu, o anet a dueta talap a; a jonki kanim men jon o, me anet a jtadien nenriakid. Anet a o tiilap o ileile duepeneta. REV 21:17 A jojon kel o, ari me tipon en pa epuki paeijok paieu, duen men jon en aramaj o, me mi ren tounlan o. REV 21:18 A kel o wia kidar iajpij, a kanim o wia kidar kold eta, me rajon klaj makelekel. REV 21:19 Pajon en kel en kanim o ujunakier jon en takai kajampwalia karoj. Tapin pajon takai iajpij, a kariau japir, a kajilu kaljedonia, a kapaieu jmarakd, REV 21:20 A kalimau jardonikj, a kawonu jardij, a kaiju krijolit, a kawalu peril, a katuau topaj, a kaeijok krijopraj, a kaeijokeu iajint, a kaeijokriau ametijt. REV 21:21 O wanim eijokriau manaman eijokriau; ari, wanim eu iei manaman eu; o al en kanim o me kold makelekel, linan due klaj. REV 21:22 O i jota kilaner im en kaudok lole, pwe Kaun Kot, Kaun en meakaroj o Jippul iei ar im en kaudok. REV 21:23 O kanim jota mau on katipin de maram, pwen dakedaker, pwe linan en Kot kamaraini i, o Jippul iei arail lamp. REV 21:24 O wei kan pan weid wei ni a linan; o nanmarki en jappa kan pan walan i ar linan. REV 21:25 O a wanim akan jota pan ritidi ni ran, pwe jolar pon waja o. REV 21:26 O irail pan wa don i linan o wau en wei kan, REV 21:27 Jota me pan pedelon on me jamin, de me kin wia jaut, de likam, a irail eta, me mar arail intinidier nan puk en maur en Jippul. REV 22:1 O A kotin kajale on ia pilap en kamaur pot, makelekel due krijtal, me u wei jan ni mol en Kot o Jippul. REV 22:2 Ni kailan pilap pali karoj tukan kamaur mia, me kin wa jon en wa eijokriau, me wa jaunipon kaukaule; o tan tuka kan men kamaur toun jappa. REV 22:3 O jolar men kariala kokolata; a mol en Kot o Jippul me mi lole; o japwilim a ladu kan pan upa i, REV 22:4 O re pan kilan jilan i, o mar a pan mi ni tam ar. REV 22:5 O jolar pon ni waja o kokolata; re jolar anane marain en lamp, pil jolar marain en katipin, pwe Kaun Kot pan kotin kamaraini ir, o re pan nanmarki kokolata. REV 22:6 A majani on ia: Majan me pun o melel, o Kaun Kot en nen en jaukop akan poronedo japwilim a tounlan, en kajale on japwilim a ladu kan, me pan wiaui ni anjau koren. REV 22:7 Kilan, I pan madan pwarado, meid pai, me kanekid majan akan en kokop en puk wet! REV 22:8 Nai Ioanej, me roner o kilaner mepukat, o ni ai roner o kilaner, I ap poridier poni mon aluwilu en tounlan, me kajale on ia mepukat. REV 22:9 O a majani on ia: Koe der, nai pil ian uk papa amen o ian ri om jaukop akan, o ian ir, me kanekid majan en puk wet, poni Kot! REV 22:10 O a majani on ia: Koe der katene majan en kokop en puk wet, pwe anjau o korendor. REV 22:11 Me jo pun, en japejapuneta, o me jamin, en jamijamineta, o me pun, en punepuneta, o me jaraui en jaraui ta. REV 22:12 Kilan, i madan pwarado o ai pwain mi re i, en pwain on amen amen duen ar wiawia kan. REV 22:13 Nai Alpa o Omeka, men Maj o Men mur, Tapi o Imwi. REV 22:14 Re meid pai, me lope ar likau, pwe ren kon on tuka en kamaur, o pedelon on nan wanim en kanim akan! REV 22:15 Liki kiti kan mia, o widinok kan, o nenek kan, o kamela kan, o me poni dikedik en ani, o amen amen me mauki o me wiada likam. REV 22:16 Nai Iejuj kadar doer nai tounlan, en kadede on komail mepukat, mon momodijou kan. Nai tapin kadaudok en Dawid, uju ran umpumpul. REV 22:17 Nen o li kamod majani: Kodo! O me pan ron, en inda: Kodo! O me men nim, en kodo, meamen me inon ion, en tunole pil en kamaur japan. REV 22:18 I kadede on amen amen me ron majan en kokop en puk wet, ma amen pan ujai on, Kot pan kotiki on i kampa kan, me intinidier nan puk wet. REV 22:19 O ma amen pan kaje jon ekij majan en kokop wet, Kot pan kotiki jan pwaij a nin tukan kamaur o kanim ijou, me intinidier nan puk wet. REV 22:20 Me kin kadede mepukat, majanier: Iei I pan madan pwarado. Amen, kotido Main Iejuj! REV 22:21 Mak en Kaun Iejuj Krijtuj en mi ren jaraui kan karoj! Amen.