# File Name: Holy-Bible---SlavonicChurch---Church-Slavonic-Elizabeth---Standard-Edition.noia # File Size: 6244376 # File Date: 03/27/2024 23:12:56 # File Purpose: Supporting resource for the Aionian Bible project # File Location: https://resources.AionianBible.org # File Copyright: Creative Commons Attribution No Derivative Works 4.0, 2018-2024 # File Generator: ABCMS (alpha) # File Accuracy: Contact publisher with corrections to file format or content # Publisher Name: Nainoia Inc # Publisher Contact: https://www.AionianBible.org/Publisher # Publisher Mission: https://www.AionianBible.org/Preface # Publisher Website: https://NAINOIA-INC.signedon.net # Publisher Facebook: https://www.Facebook.com/AionianBible # Bible Name: Библия церковно-славянском языке # Bible Name English: Church Slavonic Elizabeth Bible # Bible Language: церковно-славянском # Bible Language English: Slavonic, Church # Bible Copyright Format: CC Attribution NoDerivatives 4.0, 2018-2024 # Bible Copyright Text: Public Domain # Bible Source: RusBible.ru with modern spelling # Bible Source Version: 8/10/2022 # Bible Source Link: https://crosswire.org/sword/modules/ModInfo.jsp?modName=CSlElizabeth # Bible Source Year: 1757 # Bible Format: Standard formatting without annotation # INDEX BOOK CHAPTER VERSE TEXT # # BOOK 001 GEN Genesis Бытие 001 GEN 001 001 В начале сотвори Бог небо и землю. 001 GEN 001 002 Земля же бе невидима и неустроена, и тма верху бездны, и Дух Божий ношашеся верху воды. 001 GEN 001 003 И рече Бог: да будет свет. И бысть свет. 001 GEN 001 004 И виде Бог свет, яко добро, и разлучи Бог между светом и между тмою. 001 GEN 001 005 И нарече Бог свет день, а тму нарече нощь. И бысть вечер, и бысть утро, день един. 001 GEN 001 006 И рече Бог: да будет твердь посреде воды, и да будет разлучающи посреде воды и воды. И бысть тако. 001 GEN 001 007 И сотвори Бог твердь, и разлучи Бог между водою, яже бе под твердию, и между водою, яже бе над твердию. 001 GEN 001 008 И нарече Бог твердь небо. И виде Бог, яко добро. И бысть вечер, и бысть утро, день вторый. 001 GEN 001 009 И рече Бог: да соберется вода, яже под небесем, в собрание едино, и да явится суша. И бысть тако. И собрася вода, яже под небесем, в собрания своя, и явися суша. 001 GEN 001 010 И нарече Бог сушу землю, и собрания вод нарече моря. И виде Бог, яко добро. 001 GEN 001 011 И рече Бог: да прорастит земля былие травное, сеющее семя по роду и по подобию, и древо плодовитое творящее плод, емуже семя его в нем, по роду на земли. И бысть тако. 001 GEN 001 012 И изнесе земля былие травное, сеющее семя по роду и по подобию, и древо плодовитое творящее плод, емуже семя его в нем, по роду на земли. И виде Бог, яко добро. 001 GEN 001 013 И бысть вечер, и бысть утро, день третий. 001 GEN 001 014 И рече Бог: да будут светила на тверди небесней, освещати землю и разлучати между днем и между нощию: и да будут в знамения и во времена, и во дни и в лета, 001 GEN 001 015 и да будут в просвещение на тверди небесней, яко светити по земли. И бысть тако. 001 GEN 001 016 И сотвори Бог два светила великая: светило великое в начала дне, и светило меншее в начала нощи, и звезды: 001 GEN 001 017 и положи я Бог на тверди небесней, яко светити на землю, 001 GEN 001 018 и владети днем и нощию, и разлучати между светом и между тмою. И виде Бог, яко добро. 001 GEN 001 019 И бысть вечер, и бысть утро, день четвертый. 001 GEN 001 020 И рече Бог: да изведут воды гады душ живых, и птицы летающыя по земли, по тверди небесней. И бысть тако. 001 GEN 001 021 И сотвори Бог киты великия, и всяку душу животных гадов, яже изведоша воды по родом их, и всяку птицу пернату по роду. И виде Бог, яко добра. 001 GEN 001 022 И благослови я Бог, глаголя: раститеся и множитеся, и наполните воды, яже в морях, и птицы да умножатся на земли. 001 GEN 001 023 И бысть вечер, и бысть утро, день пятый. 001 GEN 001 024 И рече Бог: да изведет земля душу живу по роду, четвероногая и гады, и звери земли по роду. И бысть тако. 001 GEN 001 025 И сотвори Бог звери земли по роду, и скоты по роду их, и вся гады земли по роду их. И виде Бог, яко добра. 001 GEN 001 026 И рече Бог: сотворим человека по образу Нашему и по подобию, и да обладает рыбами морскими, и птицами небесными, (и зверми) и скотами, и всею землею, и всеми гады пресмыкающимися по земли. 001 GEN 001 027 И сотвори Бог человека, по образу Божию сотвори его: мужа и жену сотвори их. 001 GEN 001 028 И благослови их Бог, глаголя: раститеся и множитеся, и наполните землю, и господствуйте ею, и обладайте рыбами морскими, (и зверми) и птицами небесными, и всеми скотами, и всею землею, и всеми гадами пресмыкающимися по земли. 001 GEN 001 029 И рече Бог: се, дах вам всякую траву семенную сеющую семя, еже есть верху земли всея: и всякое древо, еже имать в себе плод семене семеннаго, вам будет в снедь: 001 GEN 001 030 и всем зверем земным, и всем птицам небесным, и всякому гаду пресмыкающемуся по земли, иже имать в себе душу живота, и всяку траву зелену в снедь. И бысть тако. 001 GEN 001 031 И виде Бог вся, елика сотвори: и се добра зело. И бысть вечер, и бысть утро, день шестый. 001 GEN 002 001 И совершишася небо и земля, и все украшение их. 001 GEN 002 002 И соверши Бог в день шестый дела Своя, яже сотвори: и почи в день седмый от всех дел Своих, яже сотвори. 001 GEN 002 003 И благослови Бог день седмый, и освяти его: яко в той почи от всех дел Своих, яже начат Бог творити. 001 GEN 002 004 Сия книга бытия небесе и земли, егда бысть, в оньже день сотвори Господь Бог небо и землю, 001 GEN 002 005 и всякий злак селный, прежде даже быти на земли, и всякую траву селную, прежде даже прозябнути: не бо одожди Господь Бог на землю, и человек не бяше делати ю: 001 GEN 002 006 источник же исхождаше из земли и напаяше все лице земли. 001 GEN 002 007 И созда Бог человека, персть (взем) от земли, и вдуну в лице его дыхание жизни: и бысть человек в душу живу. 001 GEN 002 008 И насади Господь Бог рай во Едеме на востоцех, и введе тамо человека, егоже созда. 001 GEN 002 009 И прозябе Бог еще от земли всякое древо красное в видение и доброе в снедь: и древо жизни посреде рая, и древо еже ведети разуметелное добраго и лукаваго. 001 GEN 002 010 Река же исходит из Едема напаяти рай: оттуду разлучается в четыри начала. 001 GEN 002 011 Имя единей Фисон: сия окружающая всю землю Евилатскую: тамо убо есть злато. 001 GEN 002 012 Злато же оныя земли доброе: и тамо есть анфракс и камень зеленый. 001 GEN 002 013 И имя реце вторей Геон: сия окружающая всю землю Ефиопскую. 001 GEN 002 014 И река третия Тигр: сия проходящая прямо Ассириом. Река же четвертая Евфрат. 001 GEN 002 015 И взя Господь Бог человека, егоже созда, и введе его в рай Сладости, делати его и хранити. 001 GEN 002 016 И заповеда Господь Бог Адаму, глаголя: от всякаго древа, еже в раи, снедию снеси: 001 GEN 002 017 от древа же, еже разумети доброе и лукавое, не снесте от него: а в оньже аще день снесте от него, смертию умрете. 001 GEN 002 018 И рече Господь Бог: не добро быти человеку единому: сотворим ему помощника по нему. 001 GEN 002 019 И созда Бог еще от земли вся звери селныя и вся птицы небесныя, и приведе я ко Адаму видети, что наречет я: и всяко еже аще нарече Адам душу живу, сие имя ему. 001 GEN 002 020 И нарече Адам имена всем скотом, и всем птицам небесным, и всем зверем земным. Адаму же не обретеся помощник подобный ему. 001 GEN 002 021 И наложи Бог изступление на Адама, и успе: и взя едино от ребр его, и исполни плотию вместо его. 001 GEN 002 022 И созда Господь Бог ребро, еже взя от Адама, в жену, и приведе ю ко Адаму. 001 GEN 002 023 И рече Адам: се, ныне кость от костей моих и плоть от плоти моея: сия наречется жена, яко от мужа своего взята бысть сия. 001 GEN 002 024 Сего ради оставит человек отца своего и матерь и прилепится к жене своей, и будета два в плоть едину. 001 GEN 002 025 И беста оба нага, Адам же и жена его, и не стыдястася. 001 GEN 003 001 Змий же бе мудрейший всех зверей сущих на земли, ихже сотвори Господь Бог. И рече змий жене: что яко рече Бог: да не ясте от всякаго древа райскаго? 001 GEN 003 002 И рече жена змию: от всякаго древа райскаго ясти будем: 001 GEN 003 003 от плода же древа, еже есть посреде рая, рече Бог, да не ясте от него, ниже прикоснетеся ему, да не умрете. 001 GEN 003 004 И рече змий жене: не смертию умрете: 001 GEN 003 005 ведяше бо Бог, яко в оньже аще день снесте от него, отверзутся очи ваши, и будете яко бози, ведяще доброе и лукавое. 001 GEN 003 006 И виде жена, яко добро древо в снедь и яко угодно очима видети и красно есть, еже разумети: и вземши от плода его яде, и даде мужу своему с собою, и ядоста. 001 GEN 003 007 И отверзошася очи обема, и разумеша, яко нази беша: и сшиста листвие смоковное, и сотвориста себе препоясания. 001 GEN 003 008 И услышаста глас Господа Бога ходяща в раи по полудни: и скрыстася Адам же и жена его от лица Господа Бога посреде древа райскаго. 001 GEN 003 009 И призва Господь Бог Адама и рече ему: Адаме, где еси? 001 GEN 003 010 И рече Ему: глас слышах Тебе ходяща в раи, и убояхся, яко наг есмь, и скрыхся. 001 GEN 003 011 И рече ему Бог: кто возвести тебе, яко наг еси, аще не бы от древа, егоже заповедах тебе сего единаго не ясти, от него ял еси? 001 GEN 003 012 И рече Адам: жена, юже дал еси со мною, та ми даде от древа, и ядох. 001 GEN 003 013 И рече Господь Бог жене: что сие сотворила еси? И рече жена: змий прельсти мя, и ядох. 001 GEN 003 014 И рече Господь Бог змию: яко сотворил еси сие, проклят ты от всех скотов и от всех зверей земных: на персех твоих и чреве ходити будеши, и землю снеси вся дни живота твоего: 001 GEN 003 015 и вражду положу между тобою и между женою, и между семенем твоим и между семенем тоя: той твою блюсти будет главу, и ты блюсти будеши его пяту. 001 GEN 003 016 И жене рече: умножая умножу печали твоя и воздыхания твоя: в болезнех родиши чада, и к мужу твоему обращение твое, и той тобою обладати будет. 001 GEN 003 017 И Адаму рече: яко послушал еси гласа жены твоея и ял еси от древа, егоже заповедах тебе сего единаго не ясти, от него ял еси: проклята земля в делех твоих, в печалех снеси тую вся дни живота твоего: 001 GEN 003 018 терния и волчцы возрастит тебе, и снеси траву селную: 001 GEN 003 019 в поте лица твоего снеси хлеб твой, дондеже возвратишися в землю, от неяже взят еси: яко земля еси, и в землю отидеши. 001 GEN 003 020 И нарече Адам имя жене своей Жизнь, яко та мати всех живущих. 001 GEN 003 021 И сотвори Господь Бог Адаму и жене его ризы кожаны, и облече их. 001 GEN 003 022 И рече Бог: се, Адам бысть яко един от Нас, еже разумети доброе и лукавое: и ныне да не когда прострет руку свою и возмет от древа жизни и снест, и жив будет во век. 001 GEN 003 023 И изгна его Господь Бог из рая Сладости делати землю, от неяже взят бысть. 001 GEN 003 024 И изрину Адама, и всели его прямо рая Сладости: и пристави Херувима, и пламенное оружие обращаемое, хранити путь древа жизни. 001 GEN 004 001 Адам же позна Еву жену свою, и заченши роди Каина и рече: стяжах человека Богом. 001 GEN 004 002 И приложи родити брата его, Авеля. И бысть Авель пастырь овец, Каин же бе делаяй землю. 001 GEN 004 003 И бысть по днех, принесе Каин от плодов земли жертву Богу: 001 GEN 004 004 и Авель принесе и той от первородных овец своих и от туков их. И призре Бог на Авеля и на дары его: 001 GEN 004 005 на Каина же и на жертвы его не внят. И опечалися Каин зело, и испаде лице его. 001 GEN 004 006 И рече Господь Бог Каину: вскую прискорбен был еси? И вскую испаде лице твое? 001 GEN 004 007 Еда аще право принесл еси, право же не разделил еси, не согрешил ли еси? Умолкни: к тебе обращение его, и ты тем обладаеши. 001 GEN 004 008 И рече Каин ко Авелю брату своему: пойдем на поле. И бысть внегда быти им на поли, воста Каин на Авеля брата своего и уби его. 001 GEN 004 009 И рече Господь Бог ко Каину: где есть Авель брат твой? И рече: не вем: еда страж брату моему есмь аз? 001 GEN 004 010 И рече Господь: что сотворил еси сие? Глас крове брата твоего вопиет ко Мне от земли: 001 GEN 004 011 и ныне проклят ты на земли, яже разверзе уста своя прияти кровь брата твоего от руки твоея: 001 GEN 004 012 егда делаеши землю, и не приложит силы своея дати тебе: стеня и трясыйся будеши на земли. 001 GEN 004 013 И рече Каин ко Господу Богу: вящшая вина моя, еже оставитися ми: 001 GEN 004 014 аще изгониши мя днесь от лица земли, и от лица Твоего скрыюся, и буду стеня и трясыйся на земли, и будет, всяк обретаяй мя убиет мя. 001 GEN 004 015 И рече ему Господь Бог: не тако: всяк убивый Каина седмижды отмстится. И положи Господь Бог знамение на Каине, еже не убити его всякому обретающему его. 001 GEN 004 016 И изыде Каин от лица Божия и вселися в землю Наид, прямо Едему. 001 GEN 004 017 И позна Каин жену свою, и заченши роди Еноха. И бе зиждяй град, и именова град во имя сына своего Енох. 001 GEN 004 018 Родися же Еноху Гаидад: и Гаидад роди Малелеила: и Малелеил роди Мафусала: Мафусал же роди Ламеха. 001 GEN 004 019 И взя себе Ламех две жены: имя единей Ада и имя вторей Селла. 001 GEN 004 020 И роди Ада Иовила: сей бяше отец живущих в селениих скотопитателей. 001 GEN 004 021 И имя брату его Иувал: сей бяше показавый певницу и гусли. 001 GEN 004 022 Селла же и тая роди Фовела: сей бяше млатобиец, ковачь меди и железа: сестра же Фовелова Ноема. 001 GEN 004 023 Рече же Ламех своим женам: Ада и Селла, услышите глас мой, жены Ламеховы, внушите моя словеса: яко мужа убих в язву мне и юношу в струп мне: 001 GEN 004 024 яко седмицею отмстися от Каина, от Ламеха же седмьдесят седмицею. 001 GEN 004 025 Позна же Адам Еву жену свою: и заченши роди сына, и именова имя ему Сиф, глаголющи: воскреси бо ми Бог семя другое, вместо Авеля, егоже уби Каин. 001 GEN 004 026 И Сифу бысть сын: именова же имя ему Енос: сей упова призывати имя Господа Бога. 001 GEN 005 001 Сия книга бытия человеча, в оньже день сотвори Бог Адама, по образу Божию сотвори его, 001 GEN 005 002 мужа и жену сотвори их и благослови их: и нарече имя ему Адам, в оньже день сотвори их. 001 GEN 005 003 Поживе же Адам лет двесте тридесять и роди сына по виду своему и по образу своему, и нарече имя ему Сиф. 001 GEN 005 004 Быша же дние Адамовы, яже поживе, по еже родити ему Сифа, лет седмь сот, и роди сыны и дщери. 001 GEN 005 005 И быша вси дние Адамовы, яже поживе, лет девять сот и тридесять: и умре. 001 GEN 005 006 Поживе же Сиф лет двесте пять и роди Еноса. 001 GEN 005 007 И поживе Сиф, по еже родити ему Еноса, лет седмь сот и седмь, и роди сыны и дщери. 001 GEN 005 008 И быша вси дние Сифовы лет девять сот и дванадесять: и умре. 001 GEN 005 009 И поживе Енос лет сто девятьдесят и роди Каинана. 001 GEN 005 010 И поживе Енос, по еже родити ему Каинана, лет седмь сот и пятьнадесять, и роди сыны и дщери. 001 GEN 005 011 И быша вси дние Еносовы лет девять сот и пять: и умре. 001 GEN 005 012 И поживе Каинан лет сто седмьдесят и роди Малелеила. 001 GEN 005 013 И поживе Каинан, по еже родити ему Малелеила, лет седмь сот и четыредесять, и роди сыны и дщери. 001 GEN 005 014 И быша вси дние Каинановы лет девять сот и десять: и умре. 001 GEN 005 015 И поживе Малелеил лет сто шестьдесят пять и роди Иареда. 001 GEN 005 016 И поживе Малелеил, по еже родити ему Иареда, лет седмь сот и тридесять, и роди сыны и дщери. 001 GEN 005 017 И быша вси дние Малелеиловы лет осмь сот и девятьдесят пять: и умре. 001 GEN 005 018 И поживе Иаред лет сто шестьдесят два и роди Еноха. 001 GEN 005 019 И поживе Иаред, по еже родити ему Еноха, лет осмь сот, и роди сыны и дщери. 001 GEN 005 020 И быша вси дние Иаредовы лет девять сот и шестьдесят два: и умре. 001 GEN 005 021 И поживе Енох лет сто шестьдесят пять и роди Мафусала. 001 GEN 005 022 Угоди же Енох Богу, и поживе Енох, по еже родити ему Мафусала, лет двесте, и роди сыны и дщери. 001 GEN 005 023 И быша вси дние Еноховы лет триста шестьдесят пять. 001 GEN 005 024 И угоди Енох Богу, и не обреташеся, зане преложи его Бог. 001 GEN 005 025 И поживе Мафусал лет сто осмьдесят седмь и роди Ламеха. 001 GEN 005 026 И поживе Мафусал, по еже родити ему Ламеха, лет седмь сот осмьдесят два, и роди сыны и дщери. 001 GEN 005 027 И быша вси дние Мафусаловы, яже поживе, лет девять сот и шестьдесят девять: и умре. 001 GEN 005 028 И поживе Ламех лет сто осмьдесят осмь и роди сына, 001 GEN 005 029 и нарече имя ему Ное, глаголя: сей упокоит нас от дел наших и от печали рук наших, и от земли, юже прокля Господь Бог. 001 GEN 005 030 И поживе Ламех, по еже родити ему Ноа, лет пять сот и шестьдесят пять, и роди сыны и дщери. 001 GEN 005 031 И быша вси дние Ламеховы лет седмь сот и пятьдесят три: и умре. 001 GEN 005 032 И бе Ное лет пяти сот, и роди сыны три, Сима, Хама, Иафефа. 001 GEN 006 001 И бысть егда начаша человецы мнози бывати на земли, и дщери родишася им: 001 GEN 006 002 видевше же сынове Божии дщери человечи, яко добры суть, пояша себе жены от всех, яже избраша. 001 GEN 006 003 И рече Господь Бог: не имать Дух Мой пребывати в человецех сих во век, зане суть плоть: будут же дние их лет сто двадесять. 001 GEN 006 004 Исполини же бяху на земли во дни оны: и потом, егда вхождаху сынове Божии к дщерем человеческим, и раждаху себе: тии бяху исполини, иже от века, человецы именитии. 001 GEN 006 005 Видев же Господь Бог, яко умножишася злобы человеков на земли: и всяк помышляет в сердцы своем прилежно на злая во вся дни: 001 GEN 006 006 и помысли Бог, яко сотвори человека на земли, и размысли. 001 GEN 006 007 И рече Бог: потреблю человека, егоже сотворих, от лица земли, от человека даже до скота, и от гад даже до птиц небесных: зане размыслих, яко сотворих я. 001 GEN 006 008 Ное же обрете благодать пред Господем Богом. 001 GEN 006 009 Сия же бытия Ноева: Ное человек праведен совершен сый в роде своем, Богу угоди Ное. 001 GEN 006 010 Роди же Ное три сыны, Сима, Хама, Иафефа. 001 GEN 006 011 Растлеся же земля пред Богом, и наполнися земля неправды. 001 GEN 006 012 И виде Господь Бог землю, и бе растленна: яко растли всяка плоть путь свой на земли. 001 GEN 006 013 И рече Господь Бог Ною: время всякаго человека прииде пред Мя, яко исполнися земля неправды от них: и се, Аз погублю их и землю. 001 GEN 006 014 Сотвори убо себе ковчег от древ (негниющих) четвероуголных: гнезда сотвориши в ковчезе, и посмолиши его внутрьуду и внеуду смолою. 001 GEN 006 015 И тако сотвориши ковчег: трех сот лактей долгота ковчега, и пятидесяти лактей широта, и тридесяти лактей высота его. 001 GEN 006 016 Собирая сводом сотвориши ковчег, и в лакоть свершиши его свыше: дверь же ковчега сотвориши от страны: обиталища двокровна и трекровна сотвориши в нем. 001 GEN 006 017 Аз же, се, наведу потоп, воду на землю, погубити всяку плоть, в нейже есть дух жизни под небесем: и елика суть на земли, скончаются. 001 GEN 006 018 И поставлю завет Мой с тобою: внидеши же в ковчег ты и сынове твои, и жена твоя и жены сынов твоих с тобою. 001 GEN 006 019 И от всех скотов и от всех гад, и от всех зверей, и от всякия плоти, два два от всех введеши в ковчег, да питаеши с собою: мужеский пол и женский будут. 001 GEN 006 020 От всех птиц пернатых по роду, и от всех скотов по роду, и от всех гадов ползающих по земли по роду их, два два от всех внидут к тебе, питатися с тобою, мужеский пол и женский. 001 GEN 006 021 Ты же возми себе от всех брашен, яже имате ясти, и собереши к себе, и будут тебе и оным брашно. 001 GEN 006 022 И сотвори Ное вся елика заповеда ему Господь Бог, тако сотвори. 001 GEN 007 001 И рече Господь Бог к Ною: вниди ты и весь дом твой в ковчег, яко тя видех праведна предо Мною в роде сем: 001 GEN 007 002 от скотов же чистых введи к себе седмь седмь, мужеский пол и женский: от скотов же нечистых два два, мужеский пол и женский: 001 GEN 007 003 и от птиц небесных чистых седмь седмь, мужеский пол и женский: и от всех птиц нечистых две две, мужеский пол и женский, препитати семя по всей земли: 001 GEN 007 004 еще бо дний седмь, Аз наведу дождь на землю четыредесять дний и четыредесять нощей: и потреблю всякое востание, еже сотворих, от лица всея земли. 001 GEN 007 005 И сотвори Ное вся, елика заповеда ему Господь Бог. 001 GEN 007 006 Ное же бе лет шести сот, и потоп водный бысть на земли. 001 GEN 007 007 Вниде же Ное и сынове его, и жена его и жены сынов его с ним в ковчег, воды ради потопа. 001 GEN 007 008 И от птиц чистых и от птиц нечистых, и от скот чистых и от скот нечистых, (и от зверей, ) и от всех гадов пресмыкающихся по земли, 001 GEN 007 009 два два внидоша к Ною в ковчег, мужеский пол и женский, якоже заповеда (Господь) Бог Ною. 001 GEN 007 010 И бысть по седми днех, и вода потопная бысть на земли. 001 GEN 007 011 В шестьсотное лето в житии Ноеве, втораго месяца, в двадесять седмый день месяца, в день той разверзошася вси источницы бездны, и хляби небесныя отверзошася: 001 GEN 007 012 и бысть дождь на землю четыредесять дний и четыредесять нощей. 001 GEN 007 013 В день той вниде Ное, Сим, Хам, Иафеф, сынове Ноевы, и жена Ноева, и три жены сынов его с ним в ковчег. 001 GEN 007 014 И вси зверие земнии по роду, и вси скоти по роду, и всякий гад движущийся на земли по роду, и всякая птица пернатая по роду своему, 001 GEN 007 015 внидоша к Ною в ковчег два два, мужеский пол и женский, от всякия плоти, в нейже есть дух животный: 001 GEN 007 016 и входящая мужеский пол и женский от всякия плоти, внидоша к Ною в ковчег, якоже заповеда Господь Бог Ною: и затвори Господь Бог ковчег отвне его. 001 GEN 007 017 И бысть потоп четыредесять дний и четыредесять нощей на земли, и умножися вода и взя ковчег, и возвысися от земли: 001 GEN 007 018 и возмогаше вода, и умножашеся зело на земли, и ношашеся ковчег верху воды. 001 GEN 007 019 Вода же возмогаше зело зело на земли: и покры вся горы высокия, яже бяху под небесем: 001 GEN 007 020 пятьнадесять лактей горе возвысися вода, и покры вся горы высокия. 001 GEN 007 021 И умре всякая плоть движущаяся по земли птиц и скотов и зверей, и всякий гад движущийся на земли, и всякий человек, 001 GEN 007 022 и вся елика имут дыхание жизни, и все еже бе на суши умре. 001 GEN 007 023 И потребися всякое востание, еже бяше на лицы всея земли, от человека даже до скота и гадов и птиц небесных, и потребишася от земли: и оста Ное един, и иже с ним в ковчезе. 001 GEN 007 024 И возвысися вода над землею дний сто пятьдесят. 001 GEN 008 001 И помяну Бог Ноа, и вся звери, и вся скоты, и вся птицы, и вся гады пресмыкающыяся, елика беху с ним в ковчезе: и наведе Бог дух на землю, и преста вода. 001 GEN 008 002 И заключишася источницы бездны и хляби небесныя: и удержася дождь от небесе. 001 GEN 008 003 И вспять пойде вода идущая от земли: и умаляшеся вода по сте пятидесятих днех. 001 GEN 008 004 И седе ковчег в месяц седмый, в двадесять седмый день месяца, на горах Араратских. 001 GEN 008 005 Вода же уходящи умаляшеся даже до десятаго месяца: и в десятый месяц, в первый день месяца явишася верси гор. 001 GEN 008 006 И бысть до четыредесятих днех отверзе Ное оконце ковчега, еже сотвори, 001 GEN 008 007 и посла врана (видети, аще уступила вода от лица земли): и изшед не возвратися, дондеже изсяче вода от земли. 001 GEN 008 008 И посла голубицу по нем видети, аще уступила вода от лица земли: 001 GEN 008 009 и не обретши голубица покоя ногама своима, возвратися к нему в ковчег, яко вода бяше по всему лицу всея земли: и простер руку свою, прият ю и внесе ю к себе в ковчег. 001 GEN 008 010 И премедлив еще седмь дний, паки посла голубицу из ковчега. 001 GEN 008 011 И возвратися к нему голубица к вечеру, и имеяше сучец масличен с листвием во устех своих: и позна Ное, яко уступи вода от лица земли. 001 GEN 008 012 И премедлив еще седмь дний других, паки посла голубицу, и не приложи возвратитися к нему потом. 001 GEN 008 013 И бысть в первое и шестьсотное лето жития Ноева, в первый день перваго месяца, изсяче вода от лица земли: и откры Ное покров ковчега, егоже сотвори, и виде, яко изсяче вода от лица земли. 001 GEN 008 014 В месяц же вторый, в двадесять седмый день месяца изсше земля. 001 GEN 008 015 И рече Господь Бог Ноеви, глаголя: 001 GEN 008 016 изыди из ковчега ты и жена твоя, и сынове твои и жены сынов твоих с тобою: 001 GEN 008 017 и вся звери, елицы суть с тобою, и всяку плоть от птиц даже до скотов, и всяк гад движущийся по земли изведи с собою: и раститеся и множитеся на земли. 001 GEN 008 018 И изыде Ное и жена его, и сынове его и жены сынов его с ним, 001 GEN 008 019 и вси зверие, и вси скоти, и вся птицы и вси гади движущиися по роду своему на земли изыдоша из ковчега. 001 GEN 008 020 И созда Ное жертвенник Господеви: и взя от всех скотов чистых и от всех птиц чистых и вознесе во всесожжение на жертвенник. 001 GEN 008 021 И обоня Господь воню благоухания. И рече Господь Бог размыслив: не приложу ктому прокляти землю за дела человеческая, зане прилежит помышление человеку прилежно на злая от юности его: не приложу убо ктому поразити всякую плоть живущую, якоже сотворих: 001 GEN 008 022 во вся дни земли сеятва и жатва, зима и зной, лето и весна, день и нощь не престанут. 001 GEN 009 001 И благослови Бог Ноа и сыны его и рече им: раститеся и множитеся, и наполните землю и обладайте ею: 001 GEN 009 002 и страх и трепет ваш будет на всех зверех земных (и на всех скотех земных, ) на всех птицах небесных и на всех движущихся по земли и на всех рыбах морских: в руце вашы вдах (я). 001 GEN 009 003 И всякое движущееся, еже есть живо, вам будет в снедь: яко зелие травное дах вам все. 001 GEN 009 004 Точию мяса в крови души да не снесте. 001 GEN 009 005 Крови бо вашей, душ ваших, от руки всякаго зверя изыщу (ея): и от руки человека брата изыщу ея. 001 GEN 009 006 Проливаяй кровь человечу, в ея место его пролиется: яко во образ Божий сотворих человека. 001 GEN 009 007 Вы же раститеся и множитеся, и наполните землю, и множитеся на ней. 001 GEN 009 008 И рече Бог Ноеви и сыном его с ним, глаголя: 001 GEN 009 009 се, Аз поставляю завет Мой вам и семени вашему по вас, 001 GEN 009 010 и всякой души живущей с вами от птиц и от скот и всем зверем земным, елика с вами (суть) от всех изшедших из ковчега: 001 GEN 009 011 и поставлю завет Мой с вами: и не умрет всяка плоть ктому от воды потопныя, и ктому не будет потоп водный, еже истлити всю землю. 001 GEN 009 012 И рече Господь Бог Ноеви: сие знамение завета, еже Аз даю между Мною и вами, и между всякою душею живою, яже есть с вами, в роды вечныя: 001 GEN 009 013 дугу Мою полагаю во облаце, и будет в знамение завета (вечнаго) между Мною и землею. 001 GEN 009 014 И будет егда наведу облаки на землю, явится дуга Моя во облаце: 001 GEN 009 015 и помяну завет Мой, иже есть между Мною и вами, и между всякою душею живущею во всякой плоти, и не будет ктому вода в потоп, яко потребити всяку плоть. 001 GEN 009 016 И будет дуга Моя во облаце: и узрю ю, еже помянути завет вечный между Мною и землею, и между всякою душею живущею во всякой плоти, яже есть на земли. 001 GEN 009 017 И рече Бог Ноеви: сие знамение завета, егоже положих между Мною и между всякою плотию, яже есть на земли. 001 GEN 009 018 Быша же сынове Ноевы изшедшии из ковчега, Сим, Хам, Иафеф: Хам же бяше отец Ханаань. 001 GEN 009 019 Трие сии суть сынове Ноевы: от сих разсеяшася по всей земли. 001 GEN 009 020 И начат Ное человек делатель (быти) земли, и насади виноград: 001 GEN 009 021 и испи от вина, и упися, и обнажися в дому своем. 001 GEN 009 022 И виде Хам отец Ханаань наготу отца своего, и изшед вон поведа обема братома своима. 001 GEN 009 023 И вземше сим и Иафеф ризу, возложиша (ю) на обе раме свои, и идоша вспять зряще, и покрыша наготу отца своего: и лице их вспять зря, и наготы отца своего не видеша. 001 GEN 009 024 Истрезвися же Ное от вина, и разуме елика сотвори ему сын его юнейший, 001 GEN 009 025 и рече: проклят (буди) Ханаан отрок: раб будет братиям своим. 001 GEN 009 026 И рече: благословен Господь Бог Симов: и будет Ханаан отрок раб ему: 001 GEN 009 027 да распространит Бог Иафефа, и да вселится в селениих Симовых, и да будет Ханаан раб ему. 001 GEN 009 028 Поживе же Ное по потопе лет триста пятьдесят. 001 GEN 009 029 И быша вси дние Ноевы лет девять сот пятьдесят: и умре. 001 GEN 010 001 Сия же (суть) бытия сынов Ноевых, Сима, Хама, Иафефа. И родишася им сынове по потопе. 001 GEN 010 002 Сынове Иафефовы: Гамер и Магог, и Мадай и Иован, и Елиса и Фовел, и Мосох и Фирас. 001 GEN 010 003 Сынове же Гамеровы: Асханас и Рифаф и Форгама. 001 GEN 010 004 Сынове же Иовани: Елиса и Фарсис, Китийстии и Родийстии. 001 GEN 010 005 От сих разделишася острови языков (всех) в земли их: кийждо по языку в племенех своих и в народех своих. 001 GEN 010 006 Сынове же Хамовы: Хус и Месраин, Фуд и Ханаан. 001 GEN 010 007 Сынове Хусовы: Сава и Евила, и Савафа и Регма, и Савафака. Сынове же Регмановы: Сава и Дадан. 001 GEN 010 008 Хус же роди Неврода: сей начат быти исполин на земли: 001 GEN 010 009 сей бе исполин ловец пред Господем Богом: сего ради рекут: яко Неврод исполин ловец пред Господем. 001 GEN 010 010 И бысть начало царства его Вавилон и Орех, и Архад и Халанни на земли Сеннаар. 001 GEN 010 011 От земли тоя изыде Ассур: и созда Ниневию, и Роовоф град, и Халах. 001 GEN 010 012 И Дасем между Ниневиею и между Халахом: сей есть град великий. 001 GEN 010 013 Месраин же роди Лудиима и Неффалима, и Енеметиима и Лавиима, 001 GEN 010 014 и Патросониима и Хасмониима, отнюдуже изыде Филистиим, и Гаффориима. 001 GEN 010 015 Ханаан же роди Сидона первенца (своего) и Хеттеа, 001 GEN 010 016 и Иевусеа и Аморреа, и Гергесеа 001 GEN 010 017 и Евеа, и Арукеа и Асеннеа, 001 GEN 010 018 и Арадиа и Самареа, и Амафию. И посем разсеяшася племена Хананейская: 001 GEN 010 019 и быша пределы Хананейстии от Сидона даже приити до Герара и Газы, идуще даже до Содома и Гоморры, до Адамы и Севоима, даже до Даса. 001 GEN 010 020 Сии сынове Хамовы в племенех своих, по языком своим, в странах своих и в народех своих. 001 GEN 010 021 И Симу родися и тому, отцу всех сынов Еверовых, брату Иафефа старейшаго. 001 GEN 010 022 Сынове Симовы: Елам и Ассур, и Арфаксад и Луд, и Арам и Каинан. 001 GEN 010 023 И сынове Арамли: Ос и Ул, и Гатер и Мосох. 001 GEN 010 024 И Арфаксад роди Каинана, Каинан же роди Салу, Сала же роди Евера. 001 GEN 010 025 И родистася Еверу два сына: имя единому Фалек: во дни бо его разделися земля: и имя брату его Иектан. 001 GEN 010 026 Иектан же роди Елмодада и Салефа, и Сармофа и Иараха, 001 GEN 010 027 и Одорра и Евила и Декла, 001 GEN 010 028 и Евала и Авимаила и Совева, 001 GEN 010 029 и Уфира и Евила и Иовава: вси сии сынове Иектановы. 001 GEN 010 030 И бысть селение их от Маси даже приити до Сафира, горы восточныя. 001 GEN 010 031 Сии сынове Симовы, в племенех своих, по языком их, в странах их и в народех их. 001 GEN 010 032 Сия племена сынов Ноевых по родом их, по языком их: от сих разсеяшася острови языков на земли по потопе. 001 GEN 011 001 И бе вся земля устне едине, и глас един всем. 001 GEN 011 002 И бысть внегда поити им от восток, обретоша поле в земли Сеннаарстей и вселишася тамо. 001 GEN 011 003 И рече человек ближнему своему: приидите, сотворим плинфы и испечем их огнем. И бысть им плинфа в камень, и брение вместо мела. 001 GEN 011 004 И рекоша: приидите, созиждем себе град и столп, егоже верх будет даже до небесе: и сотворим себе имя, прежде неже разсеятися нам по лицу всея земли. 001 GEN 011 005 И сниде Господь видети град и столп, егоже созидаша сынове человечестии. 001 GEN 011 006 И рече Господь: се, род един, и устне едине всех, и сие начаша творити: и ныне не оскудеют от них вся, елика аще восхотят творити. 001 GEN 011 007 Приидите, и сошедше смесим тамо язык их, да не услышат кийждо гласа ближняго (своего). 001 GEN 011 008 И разсея их оттуду Господь по лицу всея земли: и престаша зиждуще град и столп. 001 GEN 011 009 Сего ради наречеся имя его Смешение, яко тамо смеси Господь устна всея земли, и оттуду разсея их Господь по лицу всея земли. 001 GEN 011 010 И сия бытия Симова: и бяше Сим сын ста лет, егда роди Арфаксада, во второе лето по потопе: 001 GEN 011 011 и поживе Сим, повнегда родити ему Арфаксада, лет пять сот и роди сыны и дщери: и умре. 001 GEN 011 012 И поживе Арфаксад лет сто тридесять пять и роди Каинана: 001 GEN 011 013 и поживе Арфаксад, повнегда родити ему Каинана, лет триста тридесять и роди сыны и дщери: и умре. И поживе Каинан лет сто тридесять и роди Салу: и поживе Каинан, повнегда родити ему Салу, лет триста тридесять и роди сыны и дщери: и умре. 001 GEN 011 014 И поживе Сала лет сто тридесять и роди Евера: 001 GEN 011 015 и поживе Сала, повнегда родити ему Евера, лет триста тридесять и роди сыны и дщери: и умре. 001 GEN 011 016 И поживе Евер лет сто тридесять четыри и роди Фалека: 001 GEN 011 017 и поживе Евер, повнегда родити ему Фалека, лет триста седмьдесят и роди сыны и дщери: и умре. 001 GEN 011 018 И поживе Фалек лет сто тридесять и роди Рагава: 001 GEN 011 019 и поживе Фалек, повнегда родити ему Рагава, лет двесте девять и роди сыны и дщери: и умре. 001 GEN 011 020 И поживе Рагав лет сто тридесять два и роди Серуха: 001 GEN 011 021 и поживе Рагав, повнегда родити ему Серуха, лет двесте седмь и роди сыны и дщери: и умре. 001 GEN 011 022 И поживе Серух лет сто тридесять и роди Нахора: 001 GEN 011 023 и поживе Серух, повнегда родити ему Нахора, лет двесте и роди сыны и дщери: и умре. 001 GEN 011 024 И поживе Нахор лет седмьдесят девять и роди Фарру: 001 GEN 011 025 и поживе Нахор, повнегда родити ему Фарру, лет сто двадесять девять и роди сыны и дщери: и умре. 001 GEN 011 026 И поживе Фарра лет седмьдесят и роди Аврама и Нахора и Аррана. 001 GEN 011 027 Сия же бытия Фарры: Фарра роди Аврама и Нахора и Аррана. Арран же роди Лота: 001 GEN 011 028 и умре Арран пред Фаррою отцем своим в земли, в нейже родися, в стране Халдейстей. 001 GEN 011 029 И пояста Аврам и Нахор себе жены: и имя жене Аврамли Сара, и имя жене Нахорове Мельха, дщи Арраня: сей есть отец Мельхин и отец Есхин. 001 GEN 011 030 Бяше же Сара неплоды и не раждаше детей. 001 GEN 011 031 И поят Фарра Аврама сына своего и Лота сына Арраня, сына сына своего, и Сару сноху свою, жену Аврама сына своего: и изведе я из земли Халдейския ити на землю Ханаанску: и приидоша даже до Харрана и вселишася тамо. 001 GEN 011 032 Быша же вси дние Фаррины в земли Харрани лет двесте пять: и умре Фарра в Харране. 001 GEN 012 001 И рече Господь Авраму: изыди от земли твоея, и от рода твоего, и от дому отца твоего, и иди в землю, юже ти покажу: 001 GEN 012 002 и сотворю тя в язык велий, и благословлю тя, и возвеличу имя твое, и будеши благословен: 001 GEN 012 003 и благословлю благословящыя тя, и кленушыя тя проклену: и благословятся о тебе вся племена земная. 001 GEN 012 004 И иде Аврам, якоже глагола ему Господь, и идяше с ним Лот: Аврам же бе лет седмидесяти пяти, егда изыде от (земли) Харран. 001 GEN 012 005 И поят Аврам Сару жену свою, и Лота сына брата своего, и вся имения своя, елика стяжаша, и всякую душу, юже стяжаша в Харране: и изыдоша поити в землю Ханааню. 001 GEN 012 006 И пройде Аврам землю в долготу ея даже до места Сихем, до дуба Высокаго: Хананее же тогда живяху на земли (той). 001 GEN 012 007 И явися Господь Авраму и рече ему: семени твоему дам землю сию. И созда тамо Аврам жертвенник Господу явльшемуся ему. 001 GEN 012 008 И отступи оттуду в гору на восток (лицем) прямо Вефилю, и постави тамо кущу свою в Вефили при мори, и Агге к востоком: и созда тамо жертвенник Господу, и призва во имя Господа (явльшася ему). 001 GEN 012 009 И воздвижеся Аврам, и шед ополчися в пустыни. 001 GEN 012 010 И бысть глад на земли: и сниде Аврам во Египет вселитися тамо, яко одоле глад на земли. 001 GEN 012 011 Бысть же егда приближися Аврам внити во Египет, рече Аврам Саре жене своей: вем аз, яко жена добролична еси: 001 GEN 012 012 будет убо егда увидят тя Египтяне, рекут, яко жена его есть сия: и убиют мя, тебе же снабдят: 001 GEN 012 013 рцы убо, яко сестра ему есмь, да добро мне будет тебе ради, и будет жива душа моя тебе ради. 001 GEN 012 014 Бысть же егда вниде Аврам во Египет, видевше Египтяне жену его, яко добра бяше зело, 001 GEN 012 015 и видеша ю князи фараони и похвалиша ю пред фараоном, и введоша ю в дом фараонов. 001 GEN 012 016 И Авраму добре бяше ея ради: и быша ему овцы и телцы и ослы, и рабы и рабыни, и мски и велблюды. 001 GEN 012 017 И мучи Господь казньми великими и лютыми фараона и дом его Сары ради жены Аврамли. 001 GEN 012 018 Призвав же фараон Аврама, рече ему: что сие сотворил еси мне, яко не поведал ми еси, яко жена твоя есть? 001 GEN 012 019 Вскую рекл еси, яко сестра ми есть? И поях ю себе в жену. И ныне се, жена твоя пред тобою: поемь ю отиди. 001 GEN 012 020 И заповеда фараон мужем о Авраме, проводити его и жену его, и вся, елика быша его, и Лота с ним. 001 GEN 013 001 Изыде же Аврам от Египта сам и жена его, и вся, елика его, и Лот с ним в пустыню. 001 GEN 013 002 Аврам же бяше богат зело скоты и сребром и златом. 001 GEN 013 003 И иде отнюдуже прииде, в пустыню до Вефила, до места, идеже бе ему куща первее, между Вефилем и между Агге, 001 GEN 013 004 на место жертвенника, идеже сотвори его первее: и призва тамо Аврам имя Господне. 001 GEN 013 005 И Лоту ходящу со Аврамом бяху овцы, и волы, и кущы. 001 GEN 013 006 И не вмещаше их земля жити вкупе, яко имения их бяху многа: и не можаху жити вкупе. 001 GEN 013 007 И бысть распря между пастухи скота Аврамля и между пастухи скота Лотова: Хананее же и Ферезее тогда живяху на земли (той). 001 GEN 013 008 Рече же Аврам Лоту: да не будет распря между мною и тобою, и между пастухи твоими и между пастухи моими, яко человецы братия мы есмы: 001 GEN 013 009 не се ли вся земля пред тобою есть? Отлучися ты от мене: аще ты на лево, аз на десно: аще же ты на десно, аз на лево. 001 GEN 013 010 И возвед Лот очи свои, виде всю окрестную страну Иорданскую, яко вся напаяема бяше водою, прежде неже низвратити Богу Содом и Гоморр, яко рай Божий, и яко земля Египетска, даже приити до Зогора: 001 GEN 013 011 и избра себе Лот всю окрестную страну Иорданскую, и отиде Лот от востока: и разлучистася кийждо от брата своего. 001 GEN 013 012 Аврам же вселися в земли Ханаанстей, Лот же вселися во граде окрестных стран и вселися в Содоме. 001 GEN 013 013 Человецы же сущии в Содоме зли и грешни пред Богом зело. 001 GEN 013 014 Бог же рече Авраму, повнегда разлучитися Лоту от него: воззри очима твоима и виждь от места, идеже ты ныне еси, к северу, и ливе, и к востоку, и морю: 001 GEN 013 015 яко всю землю, юже ты видиши, тебе дам ю и семени твоему во веки, 001 GEN 013 016 и сотворю семя твое, яко песок земный: аще кто может исчести песок земный, то и семя твое изочтет: 001 GEN 013 017 востав проиди землю в долготу ея и в широту: яко тебе дам ю и семени твоему во век. 001 GEN 013 018 И отселився Аврам, пришед вселися у дуба Мамврийскаго, иже бяше в Хевроне: и созда ту жертвенник Господу. 001 GEN 014 001 Бысть же в царство Амарфала царя Сеннаарска, и Ариох царь Елласарск, и Ходоллогомор царь Еламск, и Фаргал царь языческий 001 GEN 014 002 сотвориша рать с Валлою царем Содомским и с Варсою царем Гоморрским, и с Сеннааром царем Адамы и с симовором царем Севоимским, и с царем Валаки: сия есть Сигор. 001 GEN 014 003 Вси сии совещашася на юдоль Сланую: сие есть море Сланое. 001 GEN 014 004 Дванадесять лет тии работаша Ходоллогомору: третияго же надесять лета отступиша. 001 GEN 014 005 И в четвертое надесять лето, прииде Ходоллогомор, и цари иже с ним, и изсекоша Исполинов сущих во Астарофе и в Карнаине, и языки крепки вкупе с ними, и омеов, иже в Сави граде, 001 GEN 014 006 и Хорреов, иже в горах Сиирских, даже до Теревинфа Фарана, иже есть в пустыни. 001 GEN 014 007 И возвратившеся приидоша ко источнику Судному, иже есть Кадис: и ссекоша вся князи Амаликовы, и Аморреов живущих во Асасанфамаре. 001 GEN 014 008 Изыде же царь Содомский и царь Гоморрский, и царь Адаманский и царь Севоимский, и царь Валаки, сия есть Сигор: и ополчишася противу их на брань во юдоли Сланой, 001 GEN 014 009 на Ходоллогомора царя Еламска и Фаргала царя языческа, и Амарфала царя Сеннаарска и Ариоха царя Елласарска: четыри цари на пять. 001 GEN 014 010 Юдоль же Сланая имяше кладязи смоляныя. И побеже царь Содомский и царь Гоморрский, и падоша тамо: оставшиися же бежаша в горняя (и одержаша я). 001 GEN 014 011 Взяша же вся конныя Содомския и Гоморрския и вся брашна их, и отидоша. 001 GEN 014 012 Взяша же и Лота сына брата Аврамова и имение его, и отидоша: бе бо в Содомех живый. 001 GEN 014 013 Пришед же един от уцелевших, возвести Авраму пришелцу, иже живяше у дуба Мамврийскаго, Аморреа брата Есхоля и брата Авнаня, иже беша союзницы Аврамовы. 001 GEN 014 014 Слышав же Аврам, яко пленен бысть Лот братаничь его, сочте домочадцы своя триста и осмьнадесять, и погна вслед их даже до Дана. 001 GEN 014 015 И нападе на ня нощию сам и отроцы его (с ним): и порази их и гони их даже до Ховала, иже есть ошуюю Дамаска: 001 GEN 014 016 и возврати вся конныя Содомския, и Лота сына брата своего возврати, и вся имения его, и жены, и люди. 001 GEN 014 017 Изыде же царь Содомский в сретение ему, повнегда возвратитися ему от сеча Ходоллогоморскаго, и царей сущих с ним, в юдоль Савину: сие же бяше поле царево: 001 GEN 014 018 и Мелхиседек царь Салимский изнесе хлебы и вино: бяше же священник Бога Вышняго. 001 GEN 014 019 И благослови Аврама, и рече: благословен Аврам Богом Вышним, иже созда небо и землю: 001 GEN 014 020 и благословен Бог Вышний, Иже предаде враги твоя под руки тебе. И даде ему десятину Аврам от всего. 001 GEN 014 021 Рече же царь Содомский ко Авраму: даждь ми мужы, а кони возми себе. 001 GEN 014 022 Рече же Аврам к царю Содомску: воздвигну руку мою ко Господу Богу Вышнему, иже сотвори небо и землю: 001 GEN 014 023 аще от нити до ременя сапожнаго возму от всего твоего, да не речеши, яко аз обогатих Аврама: 001 GEN 014 024 кроме сих, яже снедоша отроцы, и части мужей, иже ходиша со мною, Есхол, Авнан, Мамврий: сии да возмут части (своя). 001 GEN 015 001 По глаголех же сих, бысть слово Господне ко Авраму в видении нощию, глаголя: не бойся, Авраме: Аз защищаю тя, мзда твоя многа будет зело. 001 GEN 015 002 Глагола же Аврам: Владыко Господи, что ми даси? Аз же отпущаюся безчаден: сын же масек домочадицы моея, сей Дамаск Елиезер. 001 GEN 015 003 И рече Аврам: понеже мне не дал еси семене, домочадец же мой наследник мой будет. 001 GEN 015 004 И абие глас Господень бысть к нему, глаголющий: не будет сей наследник твой, но иже изыдет из тебе, той будет наследник тебе. 001 GEN 015 005 Изведе же его вон и рече ему: воззри на небо и изочти звезды, аще возможеши исчести я. И рече: тако будет семя твое. 001 GEN 015 006 И верова Аврам Богу, и вменися ему в правду. 001 GEN 015 007 Рече же к нему: Аз (есмь) Бог изведый тя от страны Халдейския, яко дати тебе землю сию наследствовати. 001 GEN 015 008 И рече: Владыко Господи, по чесому уразумею, яко наследити ю имам? 001 GEN 015 009 Рече же к нему: возми Мне юницу трилетну и козу трилетну и овна трилетна, и горлицу и голубя. 001 GEN 015 010 Взя же он вся сия и раздели я на полы, и положи я противолична едина ко другому: птиц же не раздели. 001 GEN 015 011 Слетеша же птицы на телеса растесаная их: и седе близу их Аврам. 001 GEN 015 012 Заходящу же солнцу, ужас нападе на Аврама, и се, страх темен велий нападе нань. 001 GEN 015 013 И речено бысть ко Авраму: ведый увеси, яко преселно будет семя твое в земли не своей, и поработят я, и озлобят я, и смирят я лет четыриста: 001 GEN 015 014 языку же, емуже поработают, сужду Аз: по сих же изыдут семо со имением многим: 001 GEN 015 015 ты же отидеши ко отцем твоим в мире, препитан в старости добрей: 001 GEN 015 016 в четвертем же роде возвратятся семо: не бо исполнишася греси Аморреов до ныне. 001 GEN 015 017 Егда же бысть солнце на западе, пламень бысть: и се, пещь дымящися, и свещы огненны, яже проидоша между растесании сими. 001 GEN 015 018 В день той завеща Господь Авраму завет, глаголя: семени твоему дам землю сию от реки Египетския даже до реки великия Евфрата: 001 GEN 015 019 Кенеов и Кенезеов и Кедмонеов, 001 GEN 015 020 и Хеттеов и Ферезеов и Рафаинов, 001 GEN 015 021 и Аморреов и Хананеов, и Евеов и Гергесеов и Иевусеов. 001 GEN 016 001 Сара же жена Аврамля не раждаше ему: бяше же ей раба Египтяныня, ейже имя Агарь. 001 GEN 016 002 Рече же Сара ко Авраму: се, заключи мя Господь, еже не раждати: вниди убо к рабе моей, да чада сотворю от нея. Послуша же Аврам гласа Сарина. 001 GEN 016 003 И поимши Сара жена Аврамля Агарь Египтяныню рабу свою, по десяти летех вселения Аврамля в земли Ханаани, даде ю в жену Авраму мужу своему. 001 GEN 016 004 И вниде ко Агари, и зачат: и виде, яко во чреве имать, и укорена бысть госпожа (ея) пред нею. 001 GEN 016 005 И рече Сара ко Авраму: обида ми от тебе: аз дах рабу мою в недро твое: она же видевши, яко во чреве имать, укорена бых пред нею: суди Бог между мною и тобою. 001 GEN 016 006 Рече же Аврам к Саре: се, раба твоя в руку твоею: твори ей, якоже ти есть угодно. И озлоби ю Сара: и отбеже от лица ея. 001 GEN 016 007 И обрете ю Ангел Господень у источника воды в пустыни, у источника на пути Сур. 001 GEN 016 008 И рече ей Ангел Господень: Агарь, рабо Сарина, откуду идеши и камо грядеши? И рече: от лица Сары госпожи моея аз бегу. 001 GEN 016 009 Рече же ей Ангел Господень: возвратися к госпоже своей и покорися под руку ея. 001 GEN 016 010 И рече ей Ангел Господень: умножая умножу семя твое, и не сочтется от множества. 001 GEN 016 011 И рече ей Ангел Господень: се, ты во чреве имаши и родиши сына, и наречеши имя ему Исмаил: яко услыша Господь смирение твое: 001 GEN 016 012 сей будет селный человек: руце его на всех, и руки всех на него, и пред лицем всея братии своея вселится. 001 GEN 016 013 И призва Агарь имя Господа глаголющаго к ней: Ты Бог призревый на мя: яко рече: ибо предо мною видех явльшагося мне. 001 GEN 016 014 Сего ради прозва кладязь той: Кладязь, идеже предо мною видех: се между Кадисом и между Варадом. 001 GEN 016 015 И роди Агарь Авраму сына, и нарече Аврам имя сыну своему, егоже роди ему Агарь, Исмаил. 001 GEN 016 016 Аврам же бе лет осмидесяти шести, егда роди Агарь Авраму Исмаила. 001 GEN 017 001 Бысть же Авраму лет девятьдесят девять: и явися Господь Авраму и рече ему: Аз есмь Бог твой, благоугождай предо Мною и буди непорочен: 001 GEN 017 002 и положу завет Мой между Мною и между тобою: и умножу тя зело. 001 GEN 017 003 И паде Аврам на лицы своем, и рече ему Бог, глаголя: 001 GEN 017 004 и Аз се, завет Мой с тобою, и будеши отец множества языков: 001 GEN 017 005 и не наречется ктому имя твое Аврам, но будет имя твое Авраам: яко отца многих языков положих тя: 001 GEN 017 006 и возращу тя зело зело, и положу тя в народы, и царие из тебе изыдут: 001 GEN 017 007 и поставлю завет Мой между Мною и между тобою, и между семенем твоим по тебе в роды их, в завет вечен, да буду тебе Бог и семени твоему по тебе: 001 GEN 017 008 и дам тебе и семени твоему по тебе землю, в нейже обитаеши, всю землю Ханааню во одержание вечное, и буду им Бог. 001 GEN 017 009 И рече Бог ко Аврааму: ты же завет Мой соблюдеши, ты и семя твое по тебе в роды их. 001 GEN 017 010 И сей завет, егоже соблюдеши между Мною и вами, и между семенем твоим по тебе в роды их: обрежется от вас всяк мужеск пол, 001 GEN 017 011 и обрежете плоть крайнюю вашу, и будет в знамение завета между Мною и вами. 001 GEN 017 012 И младенец осми дний обрежется вам, всяк мужеский пол в родех ваших: и домочадец, и купленый от всякаго сына чуждаго, иже несть от семене твоего: обрезанием обрежется домочадец дому твоего и купленый. 001 GEN 017 013 И будет завет Мой на плоти вашей в завет вечен. 001 GEN 017 014 Необрезаный же мужеский пол, иже не обрежет плоти крайния своея в день осмый, погубится душа та от рода своего: яко завет Мой разори. 001 GEN 017 015 И рече Бог Аврааму: Сара жена твоя не наречется имя ея Сара, но Сарра будет имя ей: 001 GEN 017 016 благословлю же ю и дам тебе от нея чадо: и благословлю е, и будет в языки, и царие языков из него будут. 001 GEN 017 017 И паде Авраам на лице свое, и посмеяся, и рече в мысли своей, глаголя: еда столетному (мужу) родится сын? Еда и Сарра девятидесяти лет (сущи) родит? 001 GEN 017 018 Рече же Авраам к Богу: Исмаил сей да живет пред Тобою. 001 GEN 017 019 Рече же Бог ко Аврааму: воистинну, се, Сарра жена твоя родит тебе сына, и наречеши имя ему Исаак: и поставлю завет Мой с ним в завет вечен, да буду ему в Бога и семени его по нем. 001 GEN 017 020 О Исмаиле же се послушах тебе: и се благослових его, и возращу его, и умножу его зело: дванадесять языки родит: и дам его в язык велий. 001 GEN 017 021 Завет же Мой поставлю со Исааком, егоже родит тебе Сарра, во время сие, в лето второе. 001 GEN 017 022 Сконча же (Бог) глаголя к нему, и взыде Бог от Авраама. 001 GEN 017 023 И поя Авраам Исмаила сына своего, и вся домочадцы своя и вся купленыя, и весь мужеск пол мужей, иже в дому Авраамли, и обреза плоть крайнюю их во время дне того, якоже глагола ему Бог. 001 GEN 017 024 Авраам же девятидесяти девяти лет бяше, егда обреза плоть крайнюю свою. 001 GEN 017 025 Исмаил же сын его бяше лет трехнадесяти, егда обреза плоть крайнюю свою. 001 GEN 017 026 Во время (же) дне онаго обрезася Авраам и Исмаил сын его, 001 GEN 017 027 и вси мужие дому его, и домочадцы (его) и куплении от инородных языков, и обреза я. 001 GEN 018 001 Явися же ему Бог у дуба Мамврийска, седящу ему пред дверми сени своея в полудни. 001 GEN 018 002 Воззрев же очима своима, виде, и се, трие мужие стояху над ним: и видев притече в сретение им от дверей сени своея: и поклонися до земли 001 GEN 018 003 и рече: Господи, аще убо обретох благодать пред Тобою, не мини раба Твоего: 001 GEN 018 004 да принесется вода и омыются ноги ваши, и прохладитеся под древом: 001 GEN 018 005 и принесу хлеб, да ясте, и посем пойдете в путь свой, егоже ради уклонистеся к рабу вашему. И рекоша: тако сотвори, якоже глаголал еси. 001 GEN 018 006 И потщася Авраам в сень к Сарре и рече ей: ускори и смеси три меры муки чисты, и сотвори потребники. 001 GEN 018 007 И тече Авраам ко кравам, и взя телца млада и добра, и даде рабу, и ускори приготовити е. 001 GEN 018 008 И взя масло, и млеко, и телца, егоже приготова: и предложи им, и ядоша: сам же стояше пред ними под древом. 001 GEN 018 009 Рече же к нему: где Сарра жена твоя? Он же отвещав, рече: се, в сени. 001 GEN 018 010 Рече же: (се) возвращаяся прииду к тебе во время сие в часы, и родит сына Сарра жена твоя. Сарра же услыша пред дверми сени сущи за ним. 001 GEN 018 011 Авраам же и Сарра стара (беста, ) заматеревшая во днех: и престаша Сарре бывати женская. 001 GEN 018 012 Разсмеяся же Сарра в себе, глаголющи: не у было ми убо доселе, господин же мой стар. 001 GEN 018 013 И рече Господь ко Аврааму: что яко разсмеяся Сарра в себе, глаголющи: еда истинно рожду? Аз же состарехся. 001 GEN 018 014 Еда изнеможет у Бога слово? В сие время возвращуся к тебе в часы, и будет Сарре сын. 001 GEN 018 015 Отречеся же Сарра, глаголющи: не разсмеяхся: убояся бо. И рече ей: ни, но разсмеялася еси. 001 GEN 018 016 Воставше же оттуду мужие, воззреша на лице Содома и Гоморра: Авраам же идяше с ними, провождая их. 001 GEN 018 017 Господь же рече: еда утаю Аз от Авраама раба Моего, яже Аз творю? 001 GEN 018 018 Авраам же бывая будет в язык велик и мног, и благословятся о нем вси языцы земнии: 001 GEN 018 019 вем бо, яко заповесть сыном своим и дому своему по себе, и сохранят пути Господни творити правду и суд, яко да наведет Господь на Авраама вся, елика глагола к нему. 001 GEN 018 020 Рече же Господь: вопль Содомский и Гоморрский умножися ко Мне, и греси их велицы зело: 001 GEN 018 021 сошед убо узрю, аще по воплю их грядущему ко Мне совершаются: аще же ни, да разумею. 001 GEN 018 022 И обратившеся оттуду мужие, приидоша в Содом: Авраам же еще бяше стояй пред Господем. 001 GEN 018 023 И приближився Авраам, рече: погубиши ли праведнаго с нечестивым, и будет праведник яко нечестивый? 001 GEN 018 024 Аще будут пятьдесят праведницы во граде, погубиши ли я? Не пощадиши ли всего места пятидесяти ради праведных, аще будут в нем? 001 GEN 018 025 Никакоже Ты сотвориши по глаголу сему, еже убити праведника с нечестивым, и будет праведник яко нечестивый: никакоже, Судяй всей земли, не сотвориши ли суда? 001 GEN 018 026 Рече же Господь: аще будут в Содомех пятьдесят праведницы во граде, оставлю весь град и все место их ради. 001 GEN 018 027 И отвещав Авраам, рече: ныне начах глаголати ко Господу моему, аз же есмь земля и пепел: 001 GEN 018 028 аще же умалятся пятьдесят праведницы в четыредесять пять, погубиши ли четыредесяти пятих ради весь град? И рече: не погублю, аще обрящу тамо четыредесять пять. 001 GEN 018 029 И приложи еще глаголати к Нему, и рече: аще же обрящутся тамо четыредесять? И рече: не погублю ради четыредесяти. 001 GEN 018 030 И рече: что, Господи, аще возглаголю? Аще же обрящется тамо тридесять? И рече: не погублю тридесятих ради. 001 GEN 018 031 И рече: понеже имам глаголати ко Господу: аще же обрящутся тамо двадесять? И рече: не погублю, аще обрящутся тамо двадесять. 001 GEN 018 032 И рече: что, Господи, аще возглаголю еще единою? Аще же обрящутся тамо десять? И рече: не погублю десятих ради. 001 GEN 018 033 Отиде же Господь, яко преста глаголя ко Аврааму: и Авраам возвратися на место свое. 001 GEN 019 001 Приидоста же два Ангела в Содом в вечер: Лот же седяше пред враты Содомскими. Видев же Лот, воста в сретение им и поклонися лицем на землю 001 GEN 019 002 и рече: се, господие, уклонитеся в дом раба вашего и почийте, и омыйте ноги вашя, и обутреневавше отидете в путь свой. Реша же: ни, но на стогне почием. 001 GEN 019 003 И принуди я, и уклонишася к нему, и внидоша в дом его: и сотвори им учреждение, и опресноки испече им, и ядоша. 001 GEN 019 004 Пред спанием же мужие града Содомляне оыдоша дом, от юноши даже до старца, весь народ вкупе: 001 GEN 019 005 и иззываху Лота, и глаголаху к нему: где суть мужие вшедшии к тебе нощию? Изведи я к нам, да будем с ними. 001 GEN 019 006 Изыде же Лот к ним в преддверие, двери же затвори за собою. 001 GEN 019 007 Рече же к ним: никакоже, братие, не дейте зла: 001 GEN 019 008 суть же ми две дщери, яже не познаша мужа: изведу их к вам, и творите им, якоже угодно есть вам: точию мужем сим не сотворите обиды, того бо ради внидоша под кров дому моего. 001 GEN 019 009 Реша же ему: отиди отсюду: пришел еси (семо) обитати, еда ли и суд судити? Ныне убо тя озлобим паче, нежели оных. И насилствоваша мужа Лота зело, и приближишася разбити двери. 001 GEN 019 010 Простерше же мужие руки, вовлекоша Лота к себе в храмину, и двери храмины заключиша: 001 GEN 019 011 мужы же, сущыя пред дверми дому, поразиша слепотою от мала даже до велика: и разслабишася ищуще дверий. 001 GEN 019 012 Реша же мужие к Лоту: суть ли тебе зде зятие или сынове или дщери? Или аще кто тебе ин есть во граде, изведи (я) от места сего: 001 GEN 019 013 яко мы погубляем место сие, понеже возвысися вопль их пред Господем, и посла нас Господь истребити его. 001 GEN 019 014 Изыде же Лот и глагола к зятем своим, поимшым дщери его, и рече: востаните и изыдите от места сего, яко погубляет Господь град. Возмнеся же играти пред зятьми своими. 001 GEN 019 015 Егда же утро бысть, понуждаху Ангели Лота, глаголюще: востав, поими жену твою и две дщери твоя, яже имаши, и изыди, да не и ты погибнеши со беззаконми града. 001 GEN 019 016 И смутишася, и взяша Ангели за руку его, и за руку жену его, и за руки двух дщерей его, понеже пощаде и Господь. 001 GEN 019 017 И бысть егда изведоша я вон, и реша: спасая спасай твою душу: не озирайся вспять, ниже постой во всем пределе (сем): в горе спасайся, да не когда купно ят будеши. 001 GEN 019 018 Рече же Лот к ним: молюся, Господи, 001 GEN 019 019 понеже обрете раб Твой милость пред Тобою, и возвеличил еси правду Твою, юже твориши на мне, еже жити души моей: аз же не возмогу спастися в горе, да не когда постигнут мя злая, и умру: 001 GEN 019 020 се, град сей близ еже убежати ми тамо, иже есть мал, и тамо спасуся: не мал ли есть? И жива будет душа моя Тебе ради. 001 GEN 019 021 И рече ему: се, удивихся лицу твоему, и о словеси сем, еже не погубити града, о немже глаголал еси: 001 GEN 019 022 потщися убо спастися тамо: не возмогу бо сотворити дела, дондеже внидеши тамо: сего ради прозва имя граду тому Сигор. 001 GEN 019 023 Солнце взыде над землю, Лот же вниде в Сигор. 001 GEN 019 024 И Господь одожди на Содом и Гоморр жупел, и огнь от Господа с небесе. 001 GEN 019 025 И преврати грады сия, и всю окрестную страну, и вся живущыя во градех, и вся прозябающая от земли. 001 GEN 019 026 И озреся жена его вспять, и бысть столп слан. 001 GEN 019 027 Востав же Авраам заутра (иде) на место, идеже стояше пред Господем, 001 GEN 019 028 и воззре на лице Содома и Гоморра, и на лице окрестныя страны, и виде: и се, восхождаше пламень от земли, аки дым пещный. 001 GEN 019 029 И бысть егда преврати Бог вся грады страны тоя, помяну Бог Авраама и изсла Лота от среды превращения, егда преврати Господь грады, в нихже живяше Лот. 001 GEN 019 030 Изыде же Лот от Сигора, и седе в горе сам, и две дщери его с ним: убояся бо жити в Сигоре: и вселися в пещеру сам и дщери его с ним. 001 GEN 019 031 Рече же старейшая к юнейшей: отец наш стар, и никтоже есть на земли, иже внидет к нам, якоже обычно всей земли: 001 GEN 019 032 гряди убо, упоим отца нашего вином и преспим с ним, и возставим от отца нашего семя. 001 GEN 019 033 Упоиша же отца своего вином в нощи оней: и вшедши старейшая, преспа со отцем своим тоя нощи: и не поразуме он, егда преспа и егда воста. 001 GEN 019 034 Бысть же наутрие, и рече старейшая к юнейшей: се, (аз) преспах вчера со отцем нашим: упоим его вином и в сию нощь, и вшедши преспи с ним, и возставим от отца нашего семя. 001 GEN 019 035 Упоиша же и в ту нощь отца своего вином: и вшедши юнейшая преспа со отцем своим: и не поразуме он, егда преспа и егда воста. 001 GEN 019 036 И зачаша обе дщери Лотовы от отца своего: 001 GEN 019 037 и роди старейшая сына и нарече имя ему Моав, глаголющи: от отца моего. Сей отец Моавитом даже до нынешняго дне. 001 GEN 019 038 Роди же юнейшая сына и нарече имя ему Амман, глаголющи: сын рода моего. Сей отец Амманитом до нынешняго дне. 001 GEN 020 001 И пойде оттуду Авраам на землю полуденную и вселися между Кадисом и между Суром: и обита в Герарех. 001 GEN 020 002 Рече же Авраам о Сарре жене своей, яко сестра ми есть: убояся бо рещи, яко жена ми есть, да не когда убиют его мужие градстии ея ради. Посла же Авимелех царь Герарский и взя Сарру. 001 GEN 020 003 И прииде Бог ко Авимелеху нощию во сне и рече ему: се, ты умираеши жены ради сея, юже поял еси: сия же есть сожителствующая мужу. 001 GEN 020 004 Авимелех же не прикоснуся ей и рече: Господи, язык неведущий и праведен погубиши ли? 001 GEN 020 005 Не сам ли ми рече: сестра ми есть? И сия ми рече: брат ми есть? Чистым сердцем и в правде рук сотворих сие. 001 GEN 020 006 Рече же ему Бог во сне: и Аз познах, яко чистым сердцем сотворил еси сие, и пощадех тя, да не согрешиши ко Мне: сего ради не попустих ти коснутися ея: 001 GEN 020 007 ныне же отдаждь жену мужу, яко пророк есть, и помолится о тебе, и жив будеши: аще же не отдаси, веждь, яко умреши ты и вся твоя. 001 GEN 020 008 И воста рано Авимелех, и призва вся отроки своя, и глагола словеса сия вся во ушы их: убояшася же вси человецы зело. 001 GEN 020 009 И призва Авимелех Авраама и рече ему: что сие сотворил еси нам? Еда что согрешихом тебе, яко навел еси на мя и на царство мое грех велик? Дело, еже никтоже сотвори, сотворил еси мне. 001 GEN 020 010 И рече Авимелех Аврааму: что умыслив, сотворил еси сие? 001 GEN 020 011 Рече же Авраам: рекох бо: негли несть благочестия на месте сем: и убиют мя жены ради моея: 001 GEN 020 012 ибо истинно сестра ми есть по отцу, а не по матери: бысть же ми в жену: 001 GEN 020 013 и бысть егда изведе мя Бог от дому отца моего, и рех ей: правду сию сотвориши ми: во всяко место, идеже аще приидем, тамо рцы о мне, яко брат ми есть. 001 GEN 020 014 Взя же Авимелех тысящу дидрахм (сребра), и овцы, и телцы, и рабы, и рабыни, и даде Аврааму: и отдаде ему Сарру жену его. 001 GEN 020 015 И рече Авимелех Аврааму: се, земля моя пред тобою: идеже аще тебе угодно есть, вселися. 001 GEN 020 016 Сарре же рече: се, дах тысящу дидрахм брату твоему: сия будут тебе в честь лица твоего, и всем, яже суть с тобою, и во всем истинствуй. 001 GEN 020 017 Помолися же Авраам Богу, и исцели Бог Авимелеха и жену его и рабыни его, и начаша раждати: 001 GEN 020 018 яко заключая заключи Господь от внеуду всяка ложесна в дому Авимелеха, Сарры ради жены Авраамли. 001 GEN 021 001 И Господь посети Сарру, якоже рече: и сотвори Господь Сарре, якоже глагола. 001 GEN 021 002 И заченши Сарра роди Аврааму сына в старости, во время, якоже глагола ему Господь: 001 GEN 021 003 и нарече Авраам имя сыну своему рождшемуся ему, егоже роди ему Сарра, Исаак: 001 GEN 021 004 обреза же Авраам Исаака во осмый день, якоже заповеда ему Бог. 001 GEN 021 005 Авраам же бе ста лет, егда бысть ему Исаак сын его. 001 GEN 021 006 Рече же Сарра: смех мне сотвори Господь: иже бо аще услышит, обрадуется со Мною. 001 GEN 021 007 И рече: кто возвестит Аврааму, яко млеком питает отроча Сарра, яко родих сына в старости моей? 001 GEN 021 008 И возрасте отроча, и отдоено бысть: и сотвори Авраам учреждение велие, в оньже день отдоися Исаак сын его. 001 GEN 021 009 Видевши же Сарра сына Агари Египтяныни, иже бысть Аврааму, играюща со Исааком сыном своим, 001 GEN 021 010 и рече Аврааму: изжени рабу сию и сына ея: не наследит бо сын рабы сея с сыном моим Исааком. 001 GEN 021 011 Жесток же явися глагол сей зело пред Авраамом о сыне его Исмаиле. 001 GEN 021 012 И рече Бог Аврааму: да не будет жестоко пред тобою о отроце и о рабыни: вся елика аще речет тебе Сарра, слушай гласа ея: яко во Исааце наречется тебе семя: 001 GEN 021 013 сына же рабыни сея в язык велик сотворю его, яко семя твое есть. 001 GEN 021 014 Воста же Авраам заутра и взя хлебы и мех воды, и даде Агари: и возложи на плещы ея отроча и отпусти ю. Отшедши же заблуждаше в пустыни, у кладязя Клятвеннаго: 001 GEN 021 015 оскуде же вода из меха: и поверже отроча под елию единою. 001 GEN 021 016 Отшедши же седяше прямо ему издалече, якоже дострелити из лука: рече бо: да не вижду смерти детища моего. И седе прямо ему издалече. Воскричав же отроча, восплакася: 001 GEN 021 017 услыша же Бог глас отрочате от места, идеже бяше: и воззва Ангел Божий Агарь с небесе и рече ей: что есть, Агарь? Не бойся: услыша бо Бог глас отрочища от места, идеже есть: 001 GEN 021 018 востани и поими отроча, и ими рукою твоею его: в язык бо велик сотворю его. 001 GEN 021 019 И отверзе Бог очи ея, и узре кладязь воды живы: и иде, и налия мех воды, и напои отроча. 001 GEN 021 020 И бяше Бог со отрочатем, и возрасте, и вселися в пустыни, и бысть стрелец. 001 GEN 021 021 И поселися в пустыни Фаран: и поят ему мати его жену от земли Египетския. 001 GEN 021 022 Бысть же в то время, и рече Авимелех, и Охозаф невестоводитель его, и Фихол воевода силы его, ко Аврааму, глаголя: Бог с тобою во всех, яже твориши: 001 GEN 021 023 ныне убо кленися ми Богом, не обидети мене, ниже семене моего, ниже имене моего: но по правде, юже сотворих с тобою, сотвориши со мною и земли, идеже ты вселился еси на ней. 001 GEN 021 024 И рече Авраам: аз кленуся. 001 GEN 021 025 И обличи Авраам Авимелеха о кладязех водных, яже отяша отроцы Авимелеховы. 001 GEN 021 026 И рече ему Авимелех: не ведех, кто сотвори тебе вещь сию: ниже ты ми поведал еси, ниже аз слышах, токмо днесь. 001 GEN 021 027 И взя Авраам овцы и юнцы и даде Авимелеху: и завещаста оба завет. 001 GEN 021 028 И постави Авраам седмь агниц овчих единых. 001 GEN 021 029 И рече Авимелех Аврааму: что суть седмь агницы овец сих, яже поставил еси едины? 001 GEN 021 030 И рече Авраам: яко седмь сих агниц возмеши у мене, да будут ми во свидетелство, яко аз ископах кладязь сей. 001 GEN 021 031 Сего ради наименова имя месту тому кладязь Клятвенный: яко тамо клястася оба 001 GEN 021 032 и завещаста завет у кладязя Клятвеннаго. Воста же Авимелех, и Охозаф невестоводитель его, и Фихол воевода силы его, и возвратишася в землю Филистимску. 001 GEN 021 033 И насади Авраам ниву у кладязя Клятвеннаго, и призва ту имя Господа, Бога вечнаго. 001 GEN 021 034 Обита же Авраам в земли Филистимстей дни многи. 001 GEN 022 001 И бысть по глаголех сих, Бог искушаше Авраама и рече ему: Аврааме, Аврааме. И рече: се аз. 001 GEN 022 002 И рече: поими сына твоего возлюбленнаго, егоже возлюбил еси, Исаака, и иди на землю Высоку и вознеси его тамо во всесожжение, на едину от гор, ихже ти реку. 001 GEN 022 003 Востав же Авраам утро, оседла осля свое: поят же с собою два отрочища и Исаака сына своего: и растнив дрова во всесожжение, востав иде, и прииде на место, еже рече ему Бог, в третий день. 001 GEN 022 004 И воззрев Авраам очима своима, виде место издалече. 001 GEN 022 005 И рече Авраам отроком своим: сядите зде со ослятем: аз же и детищь пойдем до онде, и поклонившеся возвратимся к вам. 001 GEN 022 006 Взя же Авраам дрова всесожжения и возложи на Исаака сына своего: взя же в руки и огнь, и ножь, и идоста оба вкупе. 001 GEN 022 007 Рече же Исаак ко Аврааму отцу своему: отче. Он же рече: что есть, чадо? Рече же: се, огнь и дрова, где есть овча еже во всесожжение? 001 GEN 022 008 Рече же Авраам: Бог узрит Себе овча во всесожжение, чадо. Шедша же оба вкупе, 001 GEN 022 009 приидоста на место, еже рече ему Бог: и созда тамо Авраам жертвенник и возложи дрова: и связав Исаака сына своего, возложи его на жертвенник верху дров. 001 GEN 022 010 И простре Авраам руку свою, взяти ножь, заклати сына своего. 001 GEN 022 011 И воззва и Ангел Господень с небесе, и рече: Аврааме, Аврааме. Он же рече: се, аз. 001 GEN 022 012 И рече: да не возложиши руки твоея на отрочища, ниже да сотвориши ему что: ныне бо познах, яко боишися ты Бога, и не пощадел еси сына твоего возлюбленнаго Мене ради. 001 GEN 022 013 И воззрев Авраам очима своима виде, и се, овен един держимый рогама в саде савек: и иде Авраам, и взя овна, и вознесе его во всесожжение вместо Исаака сына своего. 001 GEN 022 014 И нарече Авраам имя месту тому: Господь виде: да рекут днесь: на горе Господь явися. 001 GEN 022 015 И воззва Ангел Господень Авраама вторицею с небесе, 001 GEN 022 016 глаголя: Мною Самем кляхся, глаголет Господь, егоже ради сотворил еси глагол сей и не пощадел еси сына твоего возлюбленнаго Мене ради: 001 GEN 022 017 воистинну благословя благословлю тя, и умножая умножу семя твое, яко звезды небесныя, и яко песок вскрай моря: и наследит семя твое грады супостатов, 001 GEN 022 018 и благословятся о семени твоем вси языцы земнии, занеже послушал еси гласа Моего. 001 GEN 022 019 Возвратися же Авраам ко отроком своим, и воставше идоша купно ко кладязю Клятвенному: и вселися Авраам у кладязя Клятвеннаго. 001 GEN 022 020 Бысть же по глаголех сих, и поведаша Аврааму, глаголюще: се, роди Мелха и та сыны брату твоему Нахору, 001 GEN 022 021 Окса первенца, и Вавкса брата его, и Камуила отца Сирска, 001 GEN 022 022 и Хазада, и Азава, и Фалдеса, и Елдафа, и Вафуила: 001 GEN 022 023 Вафуил же роди Ревекку: осмь сии сынове, ихже роди Мелха Нахору брату Авраамлю: 001 GEN 022 024 и наложница его, ейже имя Ревма, роди и сия Тавека, и Таама, и Тохоса, и Моха. 001 GEN 023 001 Бысть же житие Саррино лет сто двадесять седмь. 001 GEN 023 002 И умре Сарра во граде Арвоце, иже есть в раздолии: сей есть Хеврон в земли Ханаанстей. Прииде же Авраам рыдати по Сарре и плакати. 001 GEN 023 003 И воста Авраам от мертвеца своего и рече сыном Хеттеовым, глаголя: 001 GEN 023 004 преселник и пришлец аз есмь у вас, дадите ми убо стяжание гроба между вами, да погребу мертвеца моего от мене. 001 GEN 023 005 Отвещаша же сынове Хеттеовы ко Аврааму, глаголюще: ни, господине: 001 GEN 023 006 послушай же нас: царь от Бога ты еси в нас: во избранных гробех наших погреби мертвеца твоего: никтоже бо от нас возбранит гроба своего от тебе, еже погребсти мертвеца твоего тамо. 001 GEN 023 007 Востав же Авраам поклонися народу земли, сыном Хеттеовым, 001 GEN 023 008 и рече к ним Авраам, глаголя: аще имате в души вашей, яко погребсти мертвеца моего от лица моего, послушайте мене и рцыте о мне Ефрону Саарову: 001 GEN 023 009 и да даст ми пещеру Сугубую, яже есть его, сущую на части села его: сребром достойным да даст ми ю у вас в стяжание гроба. 001 GEN 023 010 Ефрон же седяше посреде сынов Хеттеовых. Отвещав же Ефрон Хеттейский ко Аврааму, рече слышащым сыном Хеттеовым и всем приходящым во град, глаголя: 001 GEN 023 011 у мене буди, господине, и послушай мене: село и пещеру яже в нем, тебе даю: пред всеми гражданы моими дах тебе, погреби мертвеца твоего. 001 GEN 023 012 И поклонися Авраам пред народом земли 001 GEN 023 013 и рече Ефрону во ушеса пред всем народом земли: понеже по мне еси, послушай мене: сребро села возми у мене, и погребу мертвеца моего тамо. 001 GEN 023 014 Отвеща же Ефрон Аврааму, глаголя: 001 GEN 023 015 ни, господине: слышах бо, яко земля четырех сот дидрахм сребра: но что было бы сие между мною и тобою? Ты же мертвеца твоего погреби. 001 GEN 023 016 И послуша Авраам Ефрона, и даде Авраам Ефрону сребро, еже глагола во ушеса сынов Хеттеовых, четыре ста дидрахм сребра искушена купцами. 001 GEN 023 017 И бысть село Ефроново, еже бе в Сугубей пещере, еже есть лицем к Мамврии, село и пещера яже бе в нем, и всякое древо, иже бе на селе, и все еже есть в пределех его окрест, 001 GEN 023 018 Аврааму (бысть) в стяжание пред сыны Хеттеовыми и пред всеми приходящими во град. 001 GEN 023 019 По сих погребе Авраам Сарру жену свою в пещере селней Сугубей, яже есть противу Мамврии: сия есть Хеврон в земли Ханаанстей. 001 GEN 023 020 И утверждено есть село и пещера, яже бе на нем, Аврааму в стяжание гроба от сынов Хеттеовых. 001 GEN 024 001 Авраам же бяше стар, заматеревший во днех: и Господь благослови Авраама во всех. 001 GEN 024 002 И рече Авраам рабу своему старейшему дому своего, обладающему всеми его: положи руку твою под стегно мое, 001 GEN 024 003 и заклену тя Господем Богом небесе и Богом земли, да не поймеши сыну моему Исааку жены от дщерей Хананейских, с нимиже аз живу в них: 001 GEN 024 004 но токмо на землю мою, идеже родихся, пойдеши, и ко племени моему, и поймеши жену сыну моему Исааку оттуду. 001 GEN 024 005 Рече же к нему раб: еда убо не восхощет ити жена вслед со мною на землю сию, возвращу ли сына твоего в землю, от неяже изшел еси? 001 GEN 024 006 Рече же к нему Авраам: внемли себе, да не возвратиши сына моего онамо. 001 GEN 024 007 Господь Бог небесе и Бог земли, Иже поя мя из дому отца моего и от земли, в нейже родихся, Иже глагола мне и Иже кляся мне, глаголя: тебе дам землю сию и семени твоему, Той послет Ангела Своего пред тобою, и поймеши жену сыну моему Исааку оттуду: 001 GEN 024 008 аще же не восхощет жена поити с тобою в землю сию, чист будеши от заклятия моего: точию сына моего не возврати тамо. 001 GEN 024 009 И положи раб руку свою под стегно Авраама господина своего, и кляся ему о словеси сем. 001 GEN 024 010 И взя раб десять велблюд от велблюд господина своего, и от всех благ господина своего с собою, и востав иде в Месопотамию во град Нахоров: 001 GEN 024 011 и постави велблюды вне града у кладязя воднаго под вечер, егда исходят (жены) почерпати воды, 001 GEN 024 012 и рече: Господи, Боже господина моего Авраама, благоустрой предо мною днесь, и сотвори милость с господином моим Авраамом: 001 GEN 024 013 се, аз стах у кладязя воднаго, дщери же живущих во граде исходят почерпати воды: 001 GEN 024 014 и будет девица, ейже аз реку: преклони водонос твой, да пию, и речет ми: пий ты, и велблюды твоя напою, дондеже напиются: сию уготовал еси рабу Твоему Исааку: и по сему увем, яко сотворил еси милость с господином моим Авраамом. 001 GEN 024 015 И бысть прежде неже скончати ему глаголющу во уме своем, и се, Ревекка исхождаше, яже родися Вафуилу, сыну Мелхи жены Нахора, брата же Авраамля, держащи водонос на рамех своих: 001 GEN 024 016 девица же бяше доброзрачна зело: дева бе, муж не позна ея. Сошедши же на кладязь, наполни водонос свой и взыде. 001 GEN 024 017 Тече же раб во сретение ей и рече: напой мя мало водою от водоноса твоего. 001 GEN 024 018 Сия же рече: пий, господине. И потщася, и сня водонос на мышца своя, и напои его, дондеже напися. 001 GEN 024 019 И рече: и велблюдом твоим налию, дондеже вси напиются. 001 GEN 024 020 И потщася, и испраздни водонос в поило: и тече паки на кладязь почерпнути воды, и влия велблюдом всем. 001 GEN 024 021 Человек же выразумеваше ю и помолчеваше, да уразумеет, аще благоустрои Бог путь ему, или ни. 001 GEN 024 022 Бысть же егда престаша вси велблюды пиюще, взя человек усерязи златы весом по драхме и два запястия на руки ея: десять златниц вес их. 001 GEN 024 023 И вопроси ю и рече: чия еси дщерь? Повеждь ми, аще есть у отца твоего место нам витати? 001 GEN 024 024 Она же рече ему: дщерь Вафуилева есмь (сына) Мелхина, егоже роди Нахору. 001 GEN 024 025 И рече ему: и плевы и сена много у нас, и место витати. 001 GEN 024 026 И благословив человек, поклонися Господу 001 GEN 024 027 и рече: благословен Господь Бог господина моего Авраама, Иже не остави правды Своея и истины от господина моего: и мене благоустрои Господь в дом брата господина моего. 001 GEN 024 028 И текши девица в дом матере своея, поведа по глаголом сим. 001 GEN 024 029 Ревекце же бяше брат, емуже имя Лаван: и тече Лаван к человеку вон на кладязь. 001 GEN 024 030 И бысть егда виде усерязи, и запястия на руку сестры своея, и егда слыша словеса Ревекки сестры своея, глаголющия: сице глагола мне человек: и прииде к человеку, стоящу ему у велблюд у кладязя, 001 GEN 024 031 и рече ему: гряди, вниди благословенный от Господа, почто стоиши вне? Аз же уготовах храмину и место велблюдом. 001 GEN 024 032 И вниде человек в дом, и разседла велблюды, и даде плевы и сено велблюдом, и воду умыти нозе его, и ноги мужем, иже бяху с ним: 001 GEN 024 033 и предложи им хлебы ясти, и рече: не ям, дондеже возглаголю словеса моя. И рече: глаголи. 001 GEN 024 034 И рече: раб Авраамль есмь аз: 001 GEN 024 035 Господь же благослови господина моего зело, и возвысися: и даде ему овцы и телцы, сребро и злато, рабы и рабыни, и велблюды и ослы: 001 GEN 024 036 и роди Сарра, жена господина моего, сына единаго господину моему, состаревшемуся ему, и даде ему елика имяше: 001 GEN 024 037 и закля мя господин мой, глаголя: не поймеши жены сыну моему от дщерей Хананейских, в нихже аз обитаю в земли их: 001 GEN 024 038 но в дом отца моего пойдеши, и в племя мое, и поймеши жену сыну моему оттуду: 001 GEN 024 039 рех же (аз) господину моему: а егда не восхощет жена со мною ити? 001 GEN 024 040 И рече ми: Господь Бог, Емуже благоугодих пред ним, он послет Ангела Своего с тобою и благоустроит путь твой, и поймеши жену сыну моему от племене моего и от дому отца моего: 001 GEN 024 041 тогда будеши чист от заклинания моего: егда бо дойдеши в племя мое, и не дадят ти, и будеши чист от заклинания моего: 001 GEN 024 042 и пришед днесь на кладязь, рекох: Господи, Боже господина моего Авраама, аще Ты благоустрояеши путь мой, в оньже ныне аз иду: 001 GEN 024 043 се, аз стах у кладязя воднаго, и дщери граждан исходят почерпати воды: и будет девица, ейже аще аз реку: напой мя от водоноса твоего мало водою: 001 GEN 024 044 и речет ми: и ты пий, и велблюдом твоим влию: сия (будет) жена, юже уготова Господь рабу Своему Исааку: и по сему уразумею, яко сотворил еси милость господину моему Аврааму. 001 GEN 024 045 И бысть прежде неже скончати мне глаголющу во уме своем, абие Ревекка исхождаше держащи водонос на раму, и сниде на кладязь, и почерпе воды: и рекох ей: напой мя. 001 GEN 024 046 И потщавшися сня водонос с себе на мышцу свою и рече: пий ты, и велблюды твоя напою. И напихся, и велблюды моя напои. 001 GEN 024 047 И вопросих ю и рекох: чия еси дщерь? Повеждь ми. Она же рече: дщерь Вафуилева есмь сына Нахорова, егоже роди ему Мелха. И дах ей усерязи, и запястия на руце ея, 001 GEN 024 048 и благоволив поклонихся Господу: и благослових Господа Бога господина моего Авраама, Иже благоустрои мя на пути истины пояти дщерь брата господина моего сыну его: 001 GEN 024 049 аще убо сотворите вы милость и правду к господину моему: аще же ни, поведите ми: да обращуся или на десно, или на лево. 001 GEN 024 050 Отвещавша же Лаван и Вафуил, рекоста: от Господа прииде дело сие: не возможем ти противу рещи зло или благо: 001 GEN 024 051 се, Ревекка пред тобою: поемь ю, иди: и да будет жена сыну господина твоего, якоже глагола Господь. 001 GEN 024 052 Бысть же егда услыша раб Авраамль словеса сия, поклонися до земли Господу. 001 GEN 024 053 И изнес раб сосуды златы и сребряны и ризы, даде Ревекце: и дары даде брату ея и матери ея. 001 GEN 024 054 И ядоша и пиша и той и мужие, иже бяху с ним, и почиша. И востав заутра, рече: отпустите мя, да отиду к господину моему. 001 GEN 024 055 Реша же братия ея и мати: да пребудет девица с нами яко десять дний, и посем пойдет. 001 GEN 024 056 Он же рече к ним: не держите мя, Господь бо благоустрои путь мой во мне: отпустите мя, да иду к господину моему. 001 GEN 024 057 Они же реша: призовем девицу и вопросим ея изоуст. 001 GEN 024 058 И призваша Ревекку и реша ей: пойдеши ли с человеком сим? Она же рече: пойду. 001 GEN 024 059 И отпустиша Ревекку сестру свою, и имения ея, и раба Авраамля, и иже с ним быша. 001 GEN 024 060 И благословиша Ревекку и реша ей: сестра наша еси, буди в тысящы тем, и да наследит семя твое грады супостат. 001 GEN 024 061 Воставши же Ревекка и рабыни ея, вседоша на велблюды и поидоша с человеком. И поим раб Ревекку, отиде. 001 GEN 024 062 Исаак же прехождаше сквозе пустыню у кладязя Видения: сам же живяше на земли на полудне. 001 GEN 024 063 И изыде Исаак поглумитися на поле к вечеру, и воззрев очима своима, виде велблюды идущыя. 001 GEN 024 064 И воззревши Ревекка очима своима, виде Исаака: и изскочи с велблюда. 001 GEN 024 065 И рече рабу: кто есть человек оный, иже идет по полю во сретение нам? Рече же раб: сей есть господин мой. Она же вземши ризу летнюю, облечеся. 001 GEN 024 066 И поведа раб Исааку вся словеса, яже сотвори. 001 GEN 024 067 Вниде же Исаак в дом матере своея, и поя Ревекку, и бысть ему жена: и возлюби ю, и утешися Исаак по Сарре матери своей. 001 GEN 025 001 Приложив же Авраам, поя жену, ейже имя Хеттура: 001 GEN 025 002 роди же ему Зомврана и Иезана, и Мадала и Мадиама, и Иесвока и Соиена. 001 GEN 025 003 Иезан же роди Савана и Фамана и Дедана. Сынове же Дедани быша: Рагуил и Навдеил, и Асуриим и Латусиим и Лаомим. 001 GEN 025 004 Сынове же Мадиамли: Ефар и афир, и Енох и Авида и Елдага. Вси сии быша сынове Хеттурины. 001 GEN 025 005 Даде же Авраам вся своя имения Исааку сыну своему: 001 GEN 025 006 сыном же наложниц своих даде Авраам дары и отпусти я от Исаака сына своего, еще жив сый, к востоку на землю восточную. 001 GEN 025 007 Сия же лета дний жития Авраамля, елика поживе, лет сто седмьдесят пять: 001 GEN 025 008 и ослабев умре Авраам в старости добрей, старец исполнен дний, и приложися к людем своим. 001 GEN 025 009 И погребоша его Исаак и Исмаил два сынове его в пещере Сугубей, на селе Ефронове сына Саарова Хеттеанина, еже есть прямо Мамврии, 001 GEN 025 010 на селе и в пещере, юже притяжа Авраам от сынов Хеттеовых: тамо погребоша Авраама и Сарру жену его. 001 GEN 025 011 Бысть же по умертвии Авраамли, благослови Бог Исаака сына его: и вселися Исаак у кладязя Видения. 001 GEN 025 012 Сия же бытия Исмаила сына Авраамля, егоже роди Агарь Египтяныня, раба Саррина, Аврааму: 001 GEN 025 013 и сия имена сынов Исмаилих, по именом родов его: первенец Исмаилов Наваиоф, и Кидар и Навдеил, и Массам 001 GEN 025 014 и Масма, и Дума и Масси, 001 GEN 025 015 и Ходдан и Феман, и Иетур и Нафес и Кедма. 001 GEN 025 016 Сии суть сынове Исмаили: и сия имена их в скиниях их и в селех их: дванадесять князи в языцех их. 001 GEN 025 017 И сия лета жития Исмаилова, сто тридесять седмь лет: и ослабев умре, и приложися к роду своему. 001 GEN 025 018 Вселися же от Евилата даже до Сура, иже есть в лице Египту, даже доити ко Ассириом: пред лицем всех братий своих вселися. 001 GEN 025 019 И сия бытия Исаака сына Авраамля: Авраам роди Исаака. 001 GEN 025 020 Бяше же Исаак лет четыредесяти, егда поя Ревекку дщерь Вафуила Сирина от Месопотамии Сирския, сестру Лавана Сирина, себе в жену. 001 GEN 025 021 Моляшеся же Исаак Господеви о Ревекце жене своей, яко неплоды бяше: послуша же его Бог, и зачат во утробе Ревекка жена его. 001 GEN 025 022 Играста же младенца в ней, и рече: аще тако ми хощет быти, почто ми сие? И иде вопрошати Господа. 001 GEN 025 023 И рече ей Господь: два языка во утробе твоей суть, и двои людие от утробы твоея разлучатся: и людие людий превзыдут, и болший поработает меншему. 001 GEN 025 024 И исполнишася дние родити ей, и бяху сей близнята во утробе ея: 001 GEN 025 025 изыде же сын первенец чермен, весь, яко кожа, космат: и нарече имя ему Исав: 001 GEN 025 026 и посем изыде брат его, рука же его придержася пяте Исавове: и нарече имя ему Иаков. Исааку же бе шестьдесят лет, егда роди их Ревекка. 001 GEN 025 027 Возрастоша же юноши: и бысть Исав человек ведый ловити, селный: Иаков же бысть человек нелукав, живый в дому. 001 GEN 025 028 И возлюби Исаак Исава, яко ловитва его бяше брашно ему: Ревекка же любляше Иакова. 001 GEN 025 029 Свари же Иаков варение: и прииде Исав с поля изнемог, 001 GEN 025 030 и рече Исав Иакову: напитай мя варением сочива сего, яко изнемогаю. Сего ради прозвася имя ему Едом. 001 GEN 025 031 И рече Иаков Исаву: отдаждь ми днесь первенство свое. 001 GEN 025 032 Рече же Исав: се, аз иду умрети, и вскую ми первенство сие? 001 GEN 025 033 И рече Иаков ему: кленися ми днесь. И кляся ему, и отдаде Исав Иакову первенство свое. 001 GEN 025 034 Иаков же даде Исаву хлеб и варение сочевно: яде же и пи, и востав отиде: и нивочтоже вмени себе Исав первенство. 001 GEN 026 001 Бысть же глад на земли, кроме глада бывшаго прежде во время Авраамле. Отиде же Исаак ко Авимелеху царю Филистимску в Герар: 001 GEN 026 002 явися же ему Господь и рече: не ходи во Египет, вселися же в земли, в нейже ти реку, 001 GEN 026 003 и обитай в земли той, и буду с тобою, и благословлю тя: тебе бо и семени твоему дам всю землю сию и поставлю клятву Мою, еюже кляхся Аврааму отцу твоему: 001 GEN 026 004 и умножу семя твое, яко звезды небесныя, и дам семени твоему всю землю сию: и благословятся о семени твоем вси языцы земнии: 001 GEN 026 005 понеже послуша отец твой Авраам Моего гласа и соблюде заповеди Моя и повеления Моя, и оправдания Моя и законы Моя. 001 GEN 026 006 Вселися же Исаак в Герарех. 001 GEN 026 007 Вопросиша же мужие места того о Ревекце жене его, и рече: сестра ми есть. Убояся бо рещи, яко жена ми есть, да не когда убиют его мужие места того Ревекки ради, понеже бе доброзрачна. 001 GEN 026 008 Бысть же много время тамо: и приникнув Авимелех царь Герарский окном, виде Исаака играюща с Ревеккою женою своею. 001 GEN 026 009 Призва же Авимелех Исаака и рече ему: убо жена твоя есть? Почто рекл еси, яко сестра ми есть? Рече же ему Исаак: рех бо, да не умру ея ради. 001 GEN 026 010 Рече же ему Авимелех: что сие сотворил еси нам? Вмале не бысть некто от рода моего с женою твоею, и навел бы еси на ны неведение. 001 GEN 026 011 Заповеда же Авимелех всем людем своим, глаголя: всяк, иже прикоснется мужу сему, или жене его, смерти повинен будет. 001 GEN 026 012 Сея же Исаак в земли той, и приобрете в то лето стократный плод ячменя: благослови же его Господь. 001 GEN 026 013 И возвысися человек, и преуспевая болший бываше, дондеже велик бысть зело. 001 GEN 026 014 Быша же ему скоти овец и скоти волов и земледелия многа. Позавидеша же ему Филистимляне: 001 GEN 026 015 и вся кладязи, яже ископаша раби отца его, во время отца его, заградиша я Филистимляне и наполниша тыя землею. 001 GEN 026 016 Рече же Авимелех ко Исааку: отиди от нас, яко силнейший сотворился еси от нас зело. 001 GEN 026 017 И отиде оттуду Исаак и обита в дебри Герарстей, и вселися тамо. 001 GEN 026 018 И паки Исаак ископа кладязи водныя, яже ископаша раби Авраама отца его, и заградиша тыя Филистимляне, по умертвии Авраама отца его: и прозва им имена, по именам, имиже прозва Авраам отец его. 001 GEN 026 019 И ископаша раби Исааковы в дебри Герарстей, и обретоша тамо кладязь воды живы. 001 GEN 026 020 И пряхуся пастырие Герарстии с пастырми Исааковыми, глаголюще: наша есть вода. И прозва имя кладязю тому Обида: обидяху бо его. 001 GEN 026 021 Отшед же оттуду Исаак, ископа кладязь другий. Пряхуся же и о том: и прозва имя ему Вражда. 001 GEN 026 022 Отшед же оттуду, ископа кладязь другий. И не пряхуся о том, и прозва имя ему Пространство, глаголя: яко ныне распространи Господь нам и возрасти нас на земли. 001 GEN 026 023 Взыде же оттуду ко кладязю Клятвенному: 001 GEN 026 024 и явися ему Господь в ту нощь и рече: Аз есмь Бог Авраама отца твоего, не бойся, с тобою бо есмь: и благословлю тя, и умножу семя твое Авраама ради отца твоего. 001 GEN 026 025 И созда тамо жертвенник, и призва имя Господне: и постави тамо скинию свою: ископаша же тамо раби Исааковы кладязь в дебри Герарстей. 001 GEN 026 026 И Авимелех прииде к нему от Герар, и Охозаф невестоводитель его, и Фихол воевода сил его. 001 GEN 026 027 И рече им Исаак: вскую приидосте ко мне? Вы же возненавидесте мене и отсласте мя от себе. 001 GEN 026 028 Они же реша: видевше узрехом, яко бе Господь с тобою, и рехом: буди клятва между нами и между тобою, и завещаим с тобою завет, 001 GEN 026 029 да не сотвориши с нами зла, якоже не возгнушахомся тобою мы, и якоже сотворихом тебе добро, и отпустихом тя с миром: и ныне благословен ты от Господа. 001 GEN 026 030 И сотвори им пир, и ядоша и пиша. 001 GEN 026 031 И воставше заутра, клятся кийждо ближнему: и отпусти я Исаак, и отидоша от него здравы. 001 GEN 026 032 Бысть же в той день, и пришедше раби Исааковы поведаша ему о кладязе, егоже ископаша, и рекоша: не обретохом воды. 001 GEN 026 033 И прозва его Клятва. Сего ради прозва имя граду оному кладязь Клятвенный, даже до днешняго дне. 001 GEN 026 034 Бяше же Исав лет четыредесяти: и поя жену Иудифу, дщерь Веоха Хеттеина, и Васемафу, дщерь Елона Хеттеина. 001 GEN 026 035 И быша противящеся Исаакови и Ревекце. 001 GEN 027 001 Бысть же, повнегда состаретися Исаакови, и притупишася очи его еже видети: и призва Исава сына своего старейшаго, и рече ему: сыне мой. И рече: се, аз. 001 GEN 027 002 И рече Исаак: се, состарехся, и не вем дне скончания моего: 001 GEN 027 003 ныне убо возми орудие твое, тул же и лук, и изыди на поле, и улови ми лов: 001 GEN 027 004 и сотвори ми снеди, якоже люблю аз: и принеси ми, да ям, яко да благословит тя душа моя, прежде даже не умру. 001 GEN 027 005 Ревекка же слыша глаголюща Исаака ко Исаву сыну своему. Изыде же Исав на поле уловити лов отцу своему. 001 GEN 027 006 Ревекка же рече ко Иакову сыну своему меншему: се, аз слышах отца твоего беседующа ко Исаву брату твоему, глаголюща: 001 GEN 027 007 принеси ми лов, и сотвори ми снеди, да ядый благословлю тя пред Господем, прежде неже умрети ми: 001 GEN 027 008 ныне убо, сыне мой, послушай мене, якоже аз заповедаю ти: 001 GEN 027 009 и шед во овцы, поими мне оттуду два козлища мягка и добра, и сотворю я снеди отцу твоему, якоже любит: 001 GEN 027 010 и внесеши отцу твоему, и будет ясти, яко да благословит тя отец твой, прежде даже не умрет. 001 GEN 027 011 Рече же Иаков к Ревекце матери своей: Исав брат мой есть муж космат, Аз же муж гладкий: 001 GEN 027 012 да не како осяжет мя отец мой, и буду пред ним яко презираяй, и наведу на себе клятву, а не благословение. 001 GEN 027 013 Рече же ему мати: на мне клятва твоя, чадо: точию послушай гласа моего, и шед принеси ми. 001 GEN 027 014 Шед же взя и принесе матери, и сотвори мати его снеди, якоже любляше отец его. 001 GEN 027 015 И вземши Ревекка одежду Исава сына своего старейшаго добрую, яже бысть у нея в дому, облече оною Иакова сына своего меншаго, 001 GEN 027 016 и кожицами козлячими обложи мышцы его, и нагое выи его: 001 GEN 027 017 и даде снеди и хлебы, яже сотвори, в руце Иакову сыну своему. 001 GEN 027 018 И внесе отцу своему и рече: отче. Он же рече: се, аз: кто еси ты, чадо? 001 GEN 027 019 И рече Иаков отцу: аз Исав первенец твой, сотворих, якоже рекл ми еси: востав сяди и яждь от лова моего, яко да благословит мя душа твоя. 001 GEN 027 020 Рече же Исаак сыну своему: что сие, еже скоро обрел еси, о чадо? Он же рече: еже даде Господь Бог твой предо мною. 001 GEN 027 021 Рече же Исаак Иакову: приближися ко мне, и осяжу тя, чадо, аще ты еси сын мой Исав, или ни. 001 GEN 027 022 Приближися же Иаков ко Исааку отцу своему, и осяза его и рече: глас убо глас Иаковль, руце же руце Исавове. 001 GEN 027 023 И не позна его: бесте бо руце его, яко руце Исава брата его космате. И благослови его 001 GEN 027 024 и рече: ты ли еси сын мой Исав? Он же рече: аз. 001 GEN 027 025 И рече: принеси ми, и ям от лова твоего, чадо, да благословит тя душа моя. И принесе ему, и яде, и принесе ему вино, и пи. 001 GEN 027 026 И рече ему Исаак отец его: приближися ко мне и облобызай мя, чадо. 001 GEN 027 027 И приближився лобыза его: и обоня воню риз его, и благослови его и рече: се, воня сына моего, яко воня нивы исполнены, юже благослови Господь: 001 GEN 027 028 и да даст тебе Бог от росы небесныя и от тука земли, и множество пшеницы и вина: 001 GEN 027 029 и да поработают тебе языцы, и да поклонятся тебе князи, и буди господин брату твоему, и поклонятся тебе сынове отца твоего: проклинаяй тя проклят, благословляяй же тя благословен. 001 GEN 027 030 И бысть по еже престати Исааку благословляющу Иакова сына своего: и бысть егда изыде Иаков от лица Исаака отца своего, и Исав брат его прииде с ловитвы. 001 GEN 027 031 Сотвори же и той снеди и принесе отцу своему, и рече отцу: да востанет отец мой, и да яст от лова сына своего, яко да благословит мя душа твоя. 001 GEN 027 032 И рече ему Исаак отец его: кто еси ты? Он же рече: аз есмь сын твой первенец Исав. 001 GEN 027 033 Ужасеся же Исаак ужасом велиим зело и рече: кто убо уловивый мне лов и принесый ми? И ядох от всех, прежде неже приити тебе, и благослових его, и благословен будет. 001 GEN 027 034 Бысть же егда услыша Исав глаголы отца своего Исаака, возопи гласом велиим и горьким зело, и рече: благослови убо и мене, отче. 001 GEN 027 035 Рече же ему: пришед брат твой с лестию, взя благословение твое. 001 GEN 027 036 И рече (Исав): праведно наречеся имя ему Иаков: запя бо мя се уже вторицею, и первенство мое взя, и ныне взя благословение мое. И рече Исав отцу своему: не оставил ли еси (и) мне благословения, отче? 001 GEN 027 037 Отвещав же Исаак, рече Исаву: аще господина его сотворих тебе, и всю братию его сотворих рабы ему, пшеницею и вином утвердих его: тебе же что сотворю, чадо? 001 GEN 027 038 Рече же Исав ко отцу своему: еда едино есть благословение у тебе, отче? Благослови убо и мене, отче. Умилившуся же Исааку, возопи гласом велиим Исав и восплакася. 001 GEN 027 039 Отвещав же Исаак отец его, рече ему: се, от тука земли будет вселение твое, и от росы небесныя свыше: 001 GEN 027 040 и мечем твоим жити будеши, и брату твоему поработаеши: будет же (время) егда низложиши и отрешиши ярем его от выи твоея. 001 GEN 027 041 И враждоваше Исав на Иакова о благословении, имже благослови его отец его. Рече же Исав во уме своем: да приближатся дние плача отца моего, да бых убил Иакова брата моего. 001 GEN 027 042 Возвещена же быша Ревекце словеса Исава сына ея старейшаго: и пославши призва Иакова сына своего юнейшаго и рече ему: се, Исав брат твой грозит тебе убити тя: 001 GEN 027 043 ныне убо, чадо, послушай моего гласа, и востав бежи в Месопотамию к Лавану брату моему в Харран, 001 GEN 027 044 и поживи с ним дни некия, дондеже отвратится ярость и гнев брата твоего от тебе, 001 GEN 027 045 и забудет яже ему сотворил еси, и пославши приведу тя оттуду, да не когда безчадна буду от обоих вас в день един. 001 GEN 027 046 Рече же Ревекка ко Исааку: стужих си жизнию моею дщерей ради сынов Хеттейских: аще поймет Иаков жену от дщерей земли сея, то вскую ми жити? 001 GEN 028 001 Призвав же Исаак Иакова, благослови его и заповеда ему, глаголя: да не поймеши жены от дщерей Хананейских: 001 GEN 028 002 востав отбежи в Месопотамию в дом Вафуила отца матере твоея, и поими себе оттуду жену от дщерей Лавана брата матере твоея: 001 GEN 028 003 Бог же мой да благословит тя и возрастит тя и умножит тя, и будеши в собрания языков: 001 GEN 028 004 и да даст тебе благословение Авраама отца моего, тебе и семени твоему по тебе наследити землю обитания твоего, юже даде Бог Аврааму. 001 GEN 028 005 Посла же Исаак Иакова: и отиде в Месопотамию к Лавану сыну Вафуила Сирина, к брату же Ревекки матере Иаковли и Исавли. 001 GEN 028 006 Виде же Исав, яко благослови Исаак Иакова и посла в Месопотамию сирскую пояти оттуду себе жену, егда благослови его и заповеда ему, глаголя: да не поймеши жены от дщерей Хананейских. 001 GEN 028 007 И послуша Иаков отца и матере своея, и отиде в Месопотамию сирскую. 001 GEN 028 008 Видев же Исав, яко злы суть дщери Хананейския пред Исааком отцем его, 001 GEN 028 009 отиде Исав ко Исмаилу и взя Маелефу дщерь Исмаила сына Авраамля, сестру Навеофову, жену к женам своим. 001 GEN 028 010 И отиде Иаков от кладязя Клятвеннаго и иде в Харран, 001 GEN 028 011 и обрете место и успе тамо, зайде бо солнце: и взя от камения места (того) и положи в возглавие себе, и спа на месте онем. 001 GEN 028 012 И сон виде: и се, лествица утверждена на земли, еяже глава досязаше до небесе, и Ангели Божии восхождаху и низхождаху по ней: 001 GEN 028 013 Господь же утверждашеся на ней и рече: Аз есмь Бог Авраама отца твоего и Бог Исаака, не бойся: земля, идеже ты спиши на ней, тебе дам ю и семени твоему: 001 GEN 028 014 и будет семя твое яко песок земный, и распространится на море, и ливу, и север, и на востоки: и благословятся о тебе вся колена земная и о семени твоем: 001 GEN 028 015 и се, Аз есмь с тобою, сохраняяй тя на всяком пути, аможе аще пойдеши, и возвращу тя в землю сию: яко не имам тебе оставити, дондеже сотворити ми вся, елика глаголах тебе. 001 GEN 028 016 И воста Иаков от сна своего и рече: яко есть Господь на месте сем, аз же не ведех. 001 GEN 028 017 И убояся и рече: яко страшно место сие: несть сие, но дом Божий, и сия врата небесная. 001 GEN 028 018 И воста Иаков заутра, и взя камень, егоже положи тамо в возглавие себе: и постави его в столп, и возлия елей верху его. 001 GEN 028 019 И прозва Иаков имя месту тому Дом Божий: Уламлуз же бе имя граду первее. 001 GEN 028 020 И положи Иаков обет, глаголя: аще будет Господь Бог со мною и сохранит мя на пути сем, в оньже аз иду, и даст ми хлеб ясти, и ризы облещися, 001 GEN 028 021 и возвратит мя здрава в дом отца моего, и будет Господь мне в Бога: 001 GEN 028 022 и камень сей, егоже поставих в столп, будет ми дом Божий, и от всех, яже ми даси, десятину одесятствую та Тебе. 001 GEN 029 001 И востав Иаков на нозе, иде в землю восточную к Лавану сыну Вафуила Сирина, брату же Ревекки матере Иаковли и Исавли. 001 GEN 029 002 Узре же, и се, кладязь на поли: и бяху тамо три стада овец, почивающе при нем: от того бо кладязя напаяхуся стада. Камень же велий бяше над устием кладязя. 001 GEN 029 003 И собирахуся тамо вся стада: и отваляху камень от устия кладязя и напаяху овцы: и паки полагаху камень на устии кладязя на месте своем. 001 GEN 029 004 Рече же им Иаков: братия, откуду есте вы? Они же реша: от Харрана есмы. 001 GEN 029 005 Рече же им: знаете ли Лавана сына Нахорова? Они же реша: знаем. 001 GEN 029 006 Рече же им: здравствует ли? Они же реша: здравствует. И се, Рахиль дщи его идяше со овцами. 001 GEN 029 007 И рече Иаков: еще есть дне много, не у час собирати скота: напоивше овцы, шедше пасите. 001 GEN 029 008 Они же реша: не можем, дондеже соберутся вси пастуси и отвалят камень от устия кладязя, и напоим овцы. 001 GEN 029 009 Еще ему глаголющу к ним, и се, Рахиль дщи Лаваня грядяше со овцами отца своего: она бо пасяше овцы отца своего. 001 GEN 029 010 Бысть же яко узре Иаков Рахиль дщерь Лавана брата матере своея и овцы Лавана брата матере своея, и приступив Иаков отвали камень от устия кладязя: 001 GEN 029 011 и напои овцы Лавана брата матере своея, и целова Иаков Рахиль, и возопив гласом своим, восплакася: 001 GEN 029 012 и поведа Рахили, яко брат отца ея есть и яко сын Ревеккин есть. И текши поведа отцу своему по словесем сим. 001 GEN 029 013 Бысть же яко услыша Лаван имя Иакова сына сестры своея, тече во сретение ему и объемь его лобза, и введе его в дом свой. И поведа Лавану вся словеса сия. 001 GEN 029 014 И рече ему Лаван: от костей моих и от плоти моея еси ты. И бе с ним месяц дний. 001 GEN 029 015 Рече же Лаван Иакову: понеже брат мой еси ты, да не поработаеши мне туне: повеждь ми, что мзда твоя есть? 001 GEN 029 016 У Лавана же бесте две дщери: имя старейшей Лиа, имя же юнейшей Рахиль. 001 GEN 029 017 Очи же Лиины болезненны: Рахиль же бе добра видом и красна взором зело. 001 GEN 029 018 Возлюби же Иаков Рахиль. И рече: поработаю тебе седмь лет за Рахиль дщерь твою меншую. 001 GEN 029 019 Рече же ему Лаван: лучше ми тебе дати ю, нежели иному отдати мужеви: со мною живи. 001 GEN 029 020 И работа Иаков за Рахиль седмь лет: и быша пред ним яко малы дни, занеже любяше ю. 001 GEN 029 021 Рече же Иаков Лавану: даждь ми жену мою, понеже совершишася дние, да вниду к ней. 001 GEN 029 022 Собра же Лаван вся мужы места того, и сотвори брак. 001 GEN 029 023 И бысть вечер, и поемь Лаван Лию дщерь свою, введе ко Иакову: и вниде к ней Иаков. 001 GEN 029 024 Даде же Лаван Лии дщери своей Зелфу рабыню свою, ей в рабу. 001 GEN 029 025 Бысть же заутра, и се, бяше Лиа, и рече Иаков Лавану: что сие сотворил ми еси? Не Рахили ли ради работах у тебе? Вскую же обидел мя еси? 001 GEN 029 026 Отвеща же Лаван: несть тако в нашем месте вдати меншую прежде старейшия. 001 GEN 029 027 Скончай убо седмины сея, и дам ти и сию за дело, еже делаеши у мене еще седмь лет другия. 001 GEN 029 028 Сотвори же Иаков тако: и исполни седмины сея: и даде ему Лаван Рахиль дщерь свою ему в жену. 001 GEN 029 029 Даде же Лаван Рахили дщери своей Валлу рабу свою, ей в рабу. 001 GEN 029 030 И вниде (Иаков) к Рахили: возлюби же Рахиль паче, неже Лию: и работа ему седмь лет другия. 001 GEN 029 031 Видев же Господь Бог, яко ненавидима бяше Лиа, отверзе ложесна ея: Рахиль же бяше неплоды. 001 GEN 029 032 И зачат Лиа и роди сына Иакову: нарече же имя ему Рувим, глаголя: яко призре Господь на мое смирение и даде ми сына: ныне убо возлюбит мя муж мой. 001 GEN 029 033 И зачат паки Лиа и роди сына втораго Иакову и рече: зане услыша Господь, яко ненавидима есмь, и придаде ми и сего. И нарече имя ему Симеон. 001 GEN 029 034 И зачат еще и роди сына и рече: в нынешнее время у мене будет муж мой, родих бо ему три сыны. Сего ради нарече имя ему Левий. 001 GEN 029 035 И заченши еще роди сына и рече: ныне еще сие исповем Господу. Сего ради нарече имя ему Иуда, и преста раждати. 001 GEN 030 001 Видевши же Рахиль, яко не роди Иакову, и поревнова Рахиль сестре своей и рече Иакову: даждь ми чада: аще же ни, умру аз. 001 GEN 030 002 Разгневався же Иаков на Рахиль, рече ей: еда вместо Бога аз есмь, Иже лиши тя плода утробнаго? 001 GEN 030 003 Рече же Рахиль Иакову: се, раба моя Валла: вниди к ней, и да родит на коленах моих, и чадо сотворю и аз от нея. 001 GEN 030 004 И даде ему Валлу рабу свою ему в жену: и вниде к ней Иаков. 001 GEN 030 005 И зача Валла раба Рахилина и роди Иакову сына. 001 GEN 030 006 И рече Рахиль: суди ми Бог и послуша гласа моего, и даде ми сына. Сего ради прозва имя ему Дан. 001 GEN 030 007 И зачат еще Валла раба Рахилина и роди сына втораго Иакову. 001 GEN 030 008 И рече Рахиль: подя мя Бог, и сравнихся с сестрою моею, и возмогох. И прозва имя его Неффалим. 001 GEN 030 009 Виде же Лиа, яко преста раждати, и взя Зелфу рабу свою и даде ю Иакову в жену: и вниде к ней. 001 GEN 030 010 И зачат Зелфа раба Лиина и роди Иакову сына. 001 GEN 030 011 И рече Лиа: благо мне случися. И нарече имя ему Гад. 001 GEN 030 012 И зачат еще Зелфа раба Лиина и роди Иакову сына втораго. 001 GEN 030 013 И рече Лиа: блажена аз, яко ублажат мя жены. И прозва имя ему Асир. 001 GEN 030 014 Иде же Рувим в день жатвы пшеницы и обрете яблока мандрагорова на поли, и принесе я к Лии матери своей. Рече же Рахиль к Лии сестре своей: даждь ми от мандрагоров сына твоего. 001 GEN 030 015 Рече же Лиа: не доволно ли тебе, яко взяла еси мужа моего? Еда и мандрагоры сына моего возмеши? Рече же Рахиль: не тако: да будет сея нощи с тобою за мандрагоры сына твоего. 001 GEN 030 016 Прииде же Иаков с поля в вечер, и изыде Лиа во сретение ему и рече: ко мне внидеши днесь: наяла бо тя есмь за мандрагоры сына моего. И бысть с нею тоя нощи. 001 GEN 030 017 И послуша Бог Лию, и заченши роди Иакову сына пятаго. 001 GEN 030 018 И рече Лиа: даде ми Бог мзду мою, зане дах рабу мою мужу моему. И прозва имя ему Иссахар, еже есть мзда. 001 GEN 030 019 И зачат еще Лиа и роди сына шестаго Иакову. 001 GEN 030 020 И рече Лиа: дарова ми Бог дар добр в нынешнее время: возлюбит мя муж мой: родих бо ему шесть сынов. И прозва имя ему Завулон. 001 GEN 030 021 И посем роди дщерь, и прозва имя ей Дина. 001 GEN 030 022 Помяну же Бог Рахиль, и услыша ю Бог, и отверзе утробу ея: 001 GEN 030 023 и заченши, роди Иакову сына. И рече Рахиль: отя Бог укоризну мою. 001 GEN 030 024 И нарече имя ему Иосиф, глаголющи: да придаст ми Бог сына другаго. 001 GEN 030 025 Бысть же яко роди Рахиль Иосифа, рече Иаков Лавану: отпусти мя, да иду на место мое и в землю мою: 001 GEN 030 026 отдаждь ми жены моя и дети моя, ихже ради работах тебе, да отиду: ты бо веси работу, юже работах ти. 001 GEN 030 027 Рече же ему Лаван: аще обретох благодать пред тобою: усмотрих бо, яко благослови мя Бог пришествием твоим: 001 GEN 030 028 раздели мзду свою у мене, и дам ти. 001 GEN 030 029 Рече же Иаков: ты веси, яже работах тебе, и колико бе скота твоего у мене: 001 GEN 030 030 мало бо бе елико твоего у мене и возрасте во множество: и благослови тя Господь пришествием моим: ныне убо когда сотворю и аз себе дом? 001 GEN 030 031 И рече к нему Лаван: что ти дам? Рече же ему Иаков: не даси ми ничтоже: аще сотвориши ми глагол сей, паки пасти имам овцы твоя, и сохраню: 001 GEN 030 032 оыди вся овцы твоя ныне и разлучи оттуду всякую овцу пелесую во овцах, и всяку беловатую и пеструю в козах, будет ми мзда (и будет мое): 001 GEN 030 033 и послушает мене правда моя во утрешний день, яко есть мзда моя пред тобою: все еже аще не будет пестро и беловатое в козах, и пелесо во овцах, за украденое будет мною. 001 GEN 030 034 Рече же ему Лаван: буди по словеси твоему. 001 GEN 030 035 И разлучи в той день козлы пестрыя и беловатыя, и вся козы пестрыя и беловатыя, и все еже бе пелесо во овцах, и все еже бяше белое в них: и даде в руце сыном своим: 001 GEN 030 036 и разстави путем трех дний, и между ими и между Иаковом: Иаков же пасяше овцы Лавановы оставшыяся. 001 GEN 030 037 Взя же Иаков себе жезл стиракинов зеленый, и орехов, и яворовый: и острога я Иаков пестрением белым, сострогая кору: являшеся же на жезлах белое, еже острога, пестро. 001 GEN 030 038 И положи жезлы, яже острога, в поилных корытех воды: да егда приидут овцы пити, пред жезлы пришедшым им пити, зачнут овцы по жезлом: 001 GEN 030 039 и зачинаху овцы по жезлом, и раждаху овцы беловатыя и пестрыя и пепеловидныя пестрыя. 001 GEN 030 040 Агницы же разлучи Иаков и постави прямо овцам овна беловатаго и всякое пестрое во агнцах: и разлучи себе стада по себе, и не смеси сих со овцами Лавановыми. 001 GEN 030 041 Бысть же во время, в неже зачинаху овцы во чреве приемлющя, положи Иаков жезлы пред овцами в корытех, еже зачинати им по жезлом: 001 GEN 030 042 егда же раждаху овцы, не полагаше: быша же неназнаменаныя Лавановы, а знаменаныя Иаковли. 001 GEN 030 043 И разбогате человек зело зело: и быша ему скоти мнози, и волове, и раби, и рабыни, и велблюды, и ослы. 001 GEN 031 001 Слыша же Иаков словеса сынов Лавановых, глаголющих: взя Иаков вся яже отца нашего, и от сущих отца нашего сотвори всю славу сию. 001 GEN 031 002 И виде Иаков лице Лаване, и се не бяше к нему, яко вчера и третияго дне. 001 GEN 031 003 Рече же Господь ко Иакову: возвратися в землю отца твоего и в род твой, и буду с тобою. 001 GEN 031 004 Послав же Иаков, призва Лию и Рахиль на поле, идеже бяху стада, 001 GEN 031 005 и рече им: вижду аз лице отца вашего, яко несть ко мне, якоже вчера и третияго дне: Бог же отца моего бе со мною: 001 GEN 031 006 и вы сами весте, яко всею силою моею работах отцу вашему: 001 GEN 031 007 отец же ваш обиде мя и измени мзду мою десяти агнцев, но не даде ему Бог зла сотворити мне. 001 GEN 031 008 Аще сице речет: пестрыя, будет твоя мзда: и родятся вся овцы пестрыя. Аще же речет: белыя, будет твоя мзда: и родятся вся овцы белыя. 001 GEN 031 009 И отя Бог вся скоты отца вашего и даде я мне. 001 GEN 031 010 И бысть егда зачинаху овцы во чреве приемлющя, и видех очима моима во сне: и се, козлы и овны восходяще бяху на овцы и козы, беловатыя и пестрыя и пепеловидныя пестрыя. 001 GEN 031 011 И рече ми Ангел Божий во сне: Иакове. Аз же рех: что есть? 001 GEN 031 012 И рече: воззри очима твоима и виждь козлы и овны восходящыя на овцы и козы, белыя и пестрыя и пепеловидныя пестрыя: видех бо, елика тебе Лаван творит: 001 GEN 031 013 Аз есмь Бог явивыйся тебе на Месте Божии, идеже помазал Ми еси тамо столп, и обетовал Ми еси тамо обет: ныне убо востани и изыди от земли сея, и иди в землю рождения твоего, и буду с тобою. 001 GEN 031 014 И отвещавши Рахиль и Лиа, рекосте ему: еда есть нам еще часть или наследие в дому отца нашего? 001 GEN 031 015 Не яко ли чужыя вменихомся ему? Продаде бо нас и снеде снедию сребро наше: 001 GEN 031 016 все богатство и слава, юже отя Бог от отца нашего, нам будет и чадом нашым: ныне убо, елика тебе рече Бог, твори. 001 GEN 031 017 Востав же Иаков, взя жены своя и дети своя на велблюды, 001 GEN 031 018 и забра вся имения своя и вся стяжания, яже притяжа в Месопотамии, и вся своя, еже отити ко Исааку отцу своему в землю Ханаанскую. 001 GEN 031 019 Лаван же отиде острищи овцы своя: украде же Рахиль идолы отца своего. 001 GEN 031 020 Утаи же Иаков от Лавана Сирина, не поведати ему, яко уходит, 001 GEN 031 021 и отбеже сам, и вся яже его, и прейде реку, и взыде на гору Галаад. 001 GEN 031 022 Поведася же Лавану Сирину в третий день, яко бежа Иаков: 001 GEN 031 023 и поим сыны и братию свою с собою, гна вслед его путем седмь дний: и достиже его на горе Галаад. 001 GEN 031 024 Прииде же Бог к Лавану Сирину нощию во сне и рече ему: блюди себе, да не когда возглаголеши ко Иакову зла. 001 GEN 031 025 И постиже Лаван Иакова: Иаков же постави кущу свою на горе: Лаван же разстави братию свою на горе Галаад. 001 GEN 031 026 Рече же Лаван Иакову: что сотворил еси? Вскую тайно ушел еси и окрал еси мя, и отвел дщери моя, яко пленницы оружием? 001 GEN 031 027 И аще бы ми поведал еси, отпустил бых тя с веселием и с мусикиею, и тимпаны и гусльми: 001 GEN 031 028 и не сподобихся целовати детей моих и дщерей моих: ныне же несмысленно сотворил еси: 001 GEN 031 029 и ныне рука моя может озлобити тя. Но Бог отца твоего вчера рече ко мне, глаголя: блюди себе, да не когда возглаголеши ко Иакову зла. 001 GEN 031 030 Ныне убо отшел еси: желанием бо возжелал еси отити в дом отца твоего: вскую украл еси боги моя? 001 GEN 031 031 Отвещав же Иаков рече к Лавану: понеже убояхся: рех бо, да не како отимеши дщери твоя от мене, и вся моя. 001 GEN 031 032 И рече Иаков: у негоже аще обрящеши боги твоя, да не будет жив пред братиею нашею: узнавай, что есть твоего у мене, и возми. И не позна у него ничтоже: не ведяше же Иаков, яко Рахиль жена его украде я. 001 GEN 031 033 Вшед же Лаван, оыска в кущи Лиине, и не обрете. И изыде из кущи Лиины, и оыска кущу Иаковлю и в кущи двоих рабынь, и не обрете. Вниде же и в кущу Рахилину. 001 GEN 031 034 Рахиль же взя идолы и положи оныя под седло велблюже и седе на них, 001 GEN 031 035 и рече отцу своему: не имей себе тяжко, господине: не могу востати пред тобою, яко обычная женская ми суть. Иска же Лаван по всей кущи, и не обрете идолов. 001 GEN 031 036 Разгневася же Иаков и пряшеся с Лаваном. Отвещав же Иаков рече Лавану: кая неправда моя? И кий грех мой, яко погнал еси вслед мене, 001 GEN 031 037 и яко оыскал еси вся сосуды дому моего? Что обрел еси от всех сосудов дому твоего? Положи зде пред братиею твоею и братиею моею, и да разсудят между обема нама: 001 GEN 031 038 се, двадесять лет аз есмь с тобою: овцы твоя и козы твоя не быша без плода: овнов овец твоих не поядох: 001 GEN 031 039 звероядины не принесох к тебе: аз воздаях тебе от мене самаго татбины денныя и татбины нощныя: 001 GEN 031 040 бых во дни жегомь зноем, и студению в нощи, и отхождаше сон от очию моею: 001 GEN 031 041 се, мне двадесять лет аз есмь в дому твоем, работах тебе четыренадесять лет двух ради дщерей твоих и шесть лет за овцы твоя, и преобидел еси мзду мою десятию агницами: 001 GEN 031 042 аще не бы Бог отца моего Авраама, и страх Исаака был мне, ныне тща отпустил бы мя еси: смирение мое и труд руку моею увиде Бог, и обличи тя вчера. 001 GEN 031 043 Отвещав же Лаван, рече ко Иакову: дщери дщери моя и сынове сынове мои, и скоти скоти мои, и вся елика ты видиши моя суть и дщерей моих: что сотворю им днесь, или чадом их, яже родиста? 001 GEN 031 044 Ныне убо гряди, завещаим завет аз и ты: и будет во свидетелство между мною и тобою. Рече же ему Иаков: се, никтоже с нами есть: виждь, Бог свидетель между мною и тобою. 001 GEN 031 045 И взем Иаков камень, постави его в столп. 001 GEN 031 046 Рече же Иаков братии своей: соберите камение. И собраша камение и сотвориша холм: и ядоша, и пиша тамо на холме. Рече же ему Лаван: холм сей свидетелствует между мною и тобою днесь. 001 GEN 031 047 И прозва его Лаван холм Свидетелства: Иаков же прозва холм Свидетель. 001 GEN 031 048 Рече же Лаван ко Иакову: се, холм сей и столп, егоже поставих между мною и тобою, свидетелствует холм сей и свидетелствует столп сей: сего ради прозвася имя холм Свидетелствует, 001 GEN 031 049 и Видение, еже рече: да видит Бог между мною и тобою, яко отидем друг от друга: 001 GEN 031 050 аще смириши дщери моя, аще поймеши жены над дщери моя виждь, никтоже с нами есть видяй: Бог свидетель между мною и между тобою. 001 GEN 031 051 И рече Лаван Иакову: се, холм сей свидетель и столп сей: 001 GEN 031 052 аще бо аз не прейду к тебе, ниже ты да прейдеши ко мне холма сего и столпа сего со злобою: 001 GEN 031 053 Бог Авраамль и Бог Нахоров да судит между нама. И кляся Иаков страхом отца своего Исаака, 001 GEN 031 054 и пожре Иаков жертву на горе и воззва братию свою: ядоша же и пиша и спаша на горе. 001 GEN 031 055 Востав же Лаван заутра, лобыза сыны и дщери своя и благослови я: и возвратився Лаван, отиде на место свое. 001 GEN 032 001 И Иаков иде в путь свой. И воззрев виде полк Божий воополчившийся: и сретоша его Ангели Божии. 001 GEN 032 002 Рече же Иаков, егда виде их: полк Божий сей. И прозва имя месту тому Полки. 001 GEN 032 003 Посла же Иаков послы пред собою ко Исаву брату своему в землю Сиир, в страну Едом, 001 GEN 032 004 и заповеда им глаголя: тако рцыте господину моему Исаву: тако глаголет раб твой Иаков: у Лавана обитах и умедлих даже до ныне: 001 GEN 032 005 и быша ми волове и ослы и овцы, и раби и рабыни: и послах поведати господину моему Исаву, дабы обрел раб твой благодать пред тобою. 001 GEN 032 006 И возвратишася послы ко Иакову, глаголюще: ходихом ко брату твоему Исаву, и се, сам идет во сретение тебе, и четыриста мужей с ним. 001 GEN 032 007 Убояся же Иаков зело и в недоумении бе: и раздели люди сущыя с собою, и волы и велблюды и овцы на два полка, 001 GEN 032 008 и рече Иаков: аще приидет Исав на един полк и изсечет и, будет вторый полк во спасении. 001 GEN 032 009 Рече же Иаков: Бог отца моего Авраама и Бог отца моего Исаака, Господи Боже, Ты рекий ми: иди в землю рождения твоего, и благо тебе сотворю: 001 GEN 032 010 довлеет ми от всея правды и от всея истины, юже сотворил еси рабу Твоему: с жезлом бо сим преидох Иордан сей, ныне же бех в два полка: 001 GEN 032 011 изми мя от руки брата моего, от руки Исава: яко боюся аз его, да не когда пришед убиет мя и матерь с чады: 001 GEN 032 012 ты же рекл еси: благо тебе сотворю и положу семя твое яко песок морский, иже не изочтется от множества. 001 GEN 032 013 И спа тамо нощи тоя, и взя, яже имяше дары, и посла Исаву брату своему: 001 GEN 032 014 коз двести, козлов двадесять, овец двести, овнов двадесять, 001 GEN 032 015 велблюдов дойных, и жребят их тридесять, волов четыредесять, юнцов десять, ослов двадесять и жребят десять: 001 GEN 032 016 и даде их рабом своим, (коеждо) стадо особо, и рече рабом своим: идите предо мною, и разстояние творите между стадом и стадом. 001 GEN 032 017 И заповеда первому глаголя: аще тя срящет Исав брат мой и вопросит тя глаголя: чий еси, и камо идеши, и чия сия, яже пред тобою идут? 001 GEN 032 018 Речеши: раба твоего Иакова: дары посла господину моему Исаву: и се, сам за нами (идет). 001 GEN 032 019 И заповеда первому, и второму, и третиему, и всем предидущым вслед стад сих глаголя: по словеси сему глаголите Исаву, егда обрящете его вы, 001 GEN 032 020 и рцыте: се, раб твой Иаков идет за нами: рече бо: укрощу лице его дарами предидущими его, и посем узрю лице его: негли бо приимет лице мое? 001 GEN 032 021 И предидяху дары пред лицем его, сам же преспа тоя нощи в полце. 001 GEN 032 022 Востав же тоя нощи, поя обе жены (своя) и обе рабыни и единонадесять сынов своих, и прейде брод Иавок: 001 GEN 032 023 и взя их, и прейде поток, и преведе вся своя. 001 GEN 032 024 Остася же Иаков един. И боряшеся с ним Человек даже до утра. 001 GEN 032 025 Виде же, яко не может противу ему: и прикоснуся широте стегна его: и отерпе широта стегна Иаковля, егда боряшеся с Ним. 001 GEN 032 026 И рече ему: пусти Мя: взыде бо заря. Он же рече: не пущу Тебе, аще не благословиши мене. 001 GEN 032 027 Рече же ему: что ти имя есть? Он же рече: Иаков. 001 GEN 032 028 И рече ему: не прозовется ктому имя твое Иаков, но Исраиль будет имя твое: понеже укрепился еси с Богом и с человеки силен будеши. 001 GEN 032 029 Вопроси же Иаков и рече: повеждь ми имя Твое. И рече: вскую сие вопрошаеши ты имене Моего? Еже чудно есть. И благослови его тамо. 001 GEN 032 030 И прозва Иаков имя месту тому Вид Божий: видех бо Бога лицем к лицу, и спасеся душа моя. 001 GEN 032 031 Возсия же ему солнце, егда прейде Вид Божий: он же хромаше стегном своим. 001 GEN 032 032 Сего ради не ядят сынове Израилевы жилы, яже отерпе, яже есть в широте стегна, даже до дне сего: понеже прикоснуся широте стегна Иаковли жилы, яже отерпе. 001 GEN 033 001 Воззрев же Иаков очима своима, виде: и се, Исав брат его идый, и четыриста мужей с ним. И раздели Иаков дети Лии и Рахили и двум рабыням, 001 GEN 033 002 и постави обе рабыни и сыны их в первых, Лию же и дети ея позади, а Рахиль и Иосифа в последних: 001 GEN 033 003 сам же изыде первее пред ними и поклонися до земли седмижды, дондеже приближися к брату своему. 001 GEN 033 004 И притече Исав во сретение ему: и объемь его, припаде на выю его и облобыза его: и плакастася оба. 001 GEN 033 005 И воззрев Исав, виде жены и дети и рече: что сии тебе суть? Он же рече: дети, имиже помилова Бог раба твоего. 001 GEN 033 006 И приступиша рабыни и дети их и поклонишася: 001 GEN 033 007 и приступи Лиа и дети ея и поклонишася: посем же приступи Рахиль и Иосиф и поклонистася. 001 GEN 033 008 И рече: что сия тебе суть, полцы сии вси, яже сретох? Он же рече: да обрящет раб твой благодать пред тобою, господине. 001 GEN 033 009 Рече же Исав: суть мне многа, брате: да будут тебе твоя. 001 GEN 033 010 И рече Иаков: аще обретох благодать пред тобою, приими дары от руку моею: сего ради видех лице твое, яко бы аще кто видел лице Божие: и возблаговолиши о мне: 001 GEN 033 011 приими благословение мое, еже принесох тебе, яко помилова мя Бог, и суть ми вся. И принуди его, и взя. 001 GEN 033 012 И рече: воставше пойдем прямо. 001 GEN 033 013 Рече же ему: господин мой весть, яко дети мои юны, овцы же и говяда бременны у мене: аще убо пожену я един день, измрет весь скот: 001 GEN 033 014 да предидет господин мой пред рабом своим: аз же укреплюся на пути умедлением шествия моего, еже предо мною, и якоже возмогут ити дети, дондеже прииду к господину моему в Сиир. 001 GEN 033 015 И рече Исав: оставлю с тобою от людий сущих со мною. Он же рече: вскую сие? Довлеет, яко обретох благодать пред тобою, господине. 001 GEN 033 016 Возвратися же Исав в том дни путем своим в Сиир: 001 GEN 033 017 и Иаков пойде в Кущы, и постави себе тамо храмины, и скоту своему сотвори кущы: сего ради нарече имя месту тому Кущы. 001 GEN 033 018 И прииде Иаков в салим град Сикимск, иже есть в земли Ханаанстей, егда прииде от Месопотамии Сирския, и ста пред лицем града: 001 GEN 033 019 и купи часть села, идеже постави кущу свою тамо, у Еммора отца Сихемля, стома агнцы: 001 GEN 033 020 и постави тамо жертвенник, и призва Бога Израилева. 001 GEN 034 001 Изыде же Дина дщи Лиина, юже роди Иакову, познати дщери обитателей. 001 GEN 034 002 И виде ю Сихем сын Емморов Хорреанин, князь тоя земли: и поим ю, бысть с нею и смири ю: 001 GEN 034 003 и внят душею Дине дщери Иаковли, и возлюби девицу, и глагола к ней по мысли девицы. 001 GEN 034 004 Рече же Сихем ко Еммору отцу своему, глаголя: поими мне отроковицу сию в жену. 001 GEN 034 005 Иаков же слыша, яко оскверни сын Емморов Дину дщерь его: сынове же его бяху со скоты его на поли: премолча же Иаков, дондеже приити им. 001 GEN 034 006 Изыде же Еммор отец Сихемль ко Иакову глаголати к нему. 001 GEN 034 007 Сынове же Иаковли приидоша с поля: егда же услышаша, смутишася мужие, и жалостно им бысть зело, яко не лепо сотвори во Израили, быв со дщерию Иаковлею: и не будет сице. 001 GEN 034 008 И рече им Еммор, глаголя: Сихем сын мой избра душею дщерь вашу: дадите убо ю в жену ему: 001 GEN 034 009 и сосватайтеся с нами: дщери вашя дадите нам, и дщери нашя поимите сыновом своим, 001 GEN 034 010 и у нас населитеся: и се, земля пространна пред вами: населитеся и куплю дейте на ней, и притяжите на ней. 001 GEN 034 011 Рече же Сихем ко отцу ея и ко братиям ея: да обрящу благодать пред вами, и еже аще речете, дадим: 001 GEN 034 012 умножите вено зело, и дам, якоже речете ми: и дасте ми отроковицу сию в жену. 001 GEN 034 013 Отвещаша же сынове Иаковли Сихему и Еммору отцу его с лестию, и глаголаша к ним, яко оскверниша Дину сестру их. 001 GEN 034 014 И рекоста им Симеон и Левий, братия Динины (сынове Лии): не возможем сотворити глагола сего, дати сестру нашу человеку, иже имать крайнюю плоть необрезанну: есть бо укоризна нам: 001 GEN 034 015 токмо в сем уподобимся вам и вселимся у вас, аще будете якоже мы и вы, егда обрежете весь мужеск пол: 001 GEN 034 016 и дадим дщери нашя вам, и от дщерей ваших поймем себе жены и вселимся у вас, и будем яко един род: 001 GEN 034 017 аще же не послушаете нас, еже обрезатися, поимше дщерь нашу отидем. 001 GEN 034 018 И угодна быша словеса пред Еммором и пред Сихемом сыном Емморовым: 001 GEN 034 019 и не премедли юноша сотворити глагол сей: любяше бо дщерь Иаковлю. Сей же бяше славнейший всех, иже в дому отца его. 001 GEN 034 020 Прииде же Еммор и Сихем сын его пред врата града своего и глаголаста к мужем града своего, рекуще: 001 GEN 034 021 человецы сии мирни суть, с нами да населятся на земли и да куплю деют на ней: земля же се пространна пред ними: дщери их да поймем себе в жены, и дщери нашя дадим им: 001 GEN 034 022 в сем точию уподобятся нам человецы, еже жити с нами, яко быти людем единем: внегда обрезати нам весь мужеск пол, якоже и тии обрезани суть: 001 GEN 034 023 и скоти их и четвероногая, и имения их не наша ли будут? Точию в сем уподобимся им, и вселятся с нами. 001 GEN 034 024 И послушаша Еммора и Сихема сына его вси исходящии из врат града своего и обрезаша плоть крайнюю свою, всяк мужеск пол. 001 GEN 034 025 Бысть же в третий день, егда бяху в болезни, взяша два сына Иаковля Симеон и Левий, братия Динины, кийждо свой мечь, и внидоша во град безопасно и изсекоша весь мужеск пол: 001 GEN 034 026 Еммора же и Сихема сына его усекнуша острием меча, и взяша Дину от дому Сихема и изыдоша. 001 GEN 034 027 Сынове же Иаковли внидоша к побиенным и разграбиша град, в немже оскверниша Дину сестру их: 001 GEN 034 028 и овцы их и говяда их и ослы их, и елика бяху во граде, и елика бяху на поли, взяша: 001 GEN 034 029 и вся чада их и вся сосуды их и жены их плениша: и разграбиша, елика бяху во граде, и елика бяху в домех. 001 GEN 034 030 Рече же Иаков к Симеону и Левии: ненавистна мя сотвористе, яко злу мне быти всем живущым на земли, в Хананеах и Ферезеах, аз же мал есмь числом: и собравшеся на мя изсекут мя, и истреблен буду аз и дом мой. 001 GEN 034 031 Они же рекоша: аки блудницу ли возимеют сестру нашу? 001 GEN 035 001 Рече же Бог ко Иакову: востав взыди на место Вефиль, и живи тамо, и сотвори тамо жертвенник Богу явльшемуся тебе, егда бежал еси от лица Исава брата твоего. 001 GEN 035 002 Рече же Иаков дому своему и всем иже с ним: поверзите боги чуждыя, иже с вами, от среды вас и очиститеся, и измените ризы своя: 001 GEN 035 003 и воставше взыдем в Вефиль и сотворим тамо жертвенник Богу послушавшему мене в день скорбения, Иже бе со мною и спасе мя на пути, в оньже ходих. 001 GEN 035 004 И вдаша Иакову боги чуждыя, иже бяху в руках их, и усерязи яже во ушесех их: и скры я Иаков под теревинфом иже в Сикимех: И погуби я до днешняго дне. 001 GEN 035 005 И воздвижеся Израиль от Сикимов, и бысть страх Божий на градех, иже окрест их: и не гнаша вслед сынов Израилевых. 001 GEN 035 006 Прииде же Иаков в Лузу, яже есть в земли Ханаанстей, яже есть Вефиль, сам и вси людие, иже бяху с ним, 001 GEN 035 007 и созда тамо жертвенник, и прозва имя месту тому Вефиль: тамо бо явися ему Бог, егда бежаше он от лица Исава брата своего. 001 GEN 035 008 Умре же Девора, доилица Ревеккина, и погребоша ю ниже Вефиля под дубом, и прозва имя ему дуб плача. 001 GEN 035 009 Явися же Бог Иакову еще в Лузе, егда прииде от Месопотамии Сирския, и благослови его Бог 001 GEN 035 010 и рече ему Бог: имя твое не прозовется ктому Иаков, но Израиль будет имя тебе. И нарече имя ему Израиль. 001 GEN 035 011 Рече же ему Бог: Аз Бог твой: расти и множися: языцы и собрания языков будут от тебе, и царие из чресл твоих изыдут: 001 GEN 035 012 и землю, юже дах Аврааму и Исааку, тебе дах ю, тебе будет, и семени твоему по тебе дам землю сию. 001 GEN 035 013 Взыде же Бог от него от места, идеже глагола с ним: 001 GEN 035 014 и постави Иаков столп на месте, идеже глагола с ним Бог, столп каменный, и пожре на нем жертву и возлия на него елей: 001 GEN 035 015 и прозва Иаков имя месту тому, идеже глагола с ним Бог, Вефиль. 001 GEN 035 016 (Востав же (Иаков) от Вефиля, и постави кущу свою далее столпа Гадер.) бысть же егда приближися к хаврафе приити до земли Ефрафа, роди Рахиль и возбедствова в рождении: 001 GEN 035 017 бысть же внегда жестоко ей родити, рече ей баба: дерзай, ибо сей тебе есть сын. 001 GEN 035 018 Бысть же егда оставляше ю душа, умираше бо, прозва имя ему Сын Болезни моея: отец же прозва имя ему Вениамин. 001 GEN 035 019 Умре же Рахиль, и погребоша ю на пути ипподрома Ефрафы: сия есть Вифлеем: 001 GEN 035 020 и постави Иаков столп на гробе ея: сей есть столп над гробом Рахилиным даже до дне сего. 001 GEN 035 021 Изыде же оттуду Израиль и постави кущу свою за столпом Гадер. 001 GEN 035 022 Бысть же егда вселися Израиль в земли той, иде Рувим и спа с Валлою, наложницею отца своего Иакова. И слыша Израиль, и зло явися пред ним. Беша же сынове Иаковли дванадесять. 001 GEN 035 023 Сынове Лиины: Рувим, первенец Иаковль, Симеон, Левий, Иуда, Иссахар, Завулон. 001 GEN 035 024 Сынове же Рахилины: Иосиф и Вениамин. 001 GEN 035 025 Сынове же Валлы, рабы Рахилины: Дан и Неффалим. 001 GEN 035 026 Сынове же Зелфы, рабы Лиины: Гад и Асир. Сии сынове Иаковли, иже родишася ему в Месопотамии Сирстей. 001 GEN 035 027 Прииде же Иаков ко Исааку отцу своему (еще живу сущу ему) в Мамврию, во Град Польный: сей есть Хеврон в земли Ханаанстей, идеже обита Авраам и Исаак. 001 GEN 035 028 Быша же дние Исааковы, яже поживе, сто осмьдесят лет: 001 GEN 035 029 и ослабев Исаак умре, и приложися к роду своему стар исполнь дний: и погребоста его Исав и Иаков, сынове его. 001 GEN 036 001 Сии же родове Исавли, сей есть Едом. 001 GEN 036 002 Исав же поя себе жены от дщерей Хананейских: Аду, дщерь Елома Хеттеина, и Оливему, дщерь Ананю сына Севегона Евеина, 001 GEN 036 003 и Васемафу, дщерь Исмаилю, сестру Навеофову. 001 GEN 036 004 Роди же Ада Исаву Елифаса, и Васемаф роди Рагуила, 001 GEN 036 005 и Оливема роди Иеуса и Иеглома и Кореа: сии сынове Исавли, иже быша ему в земли Ханаанстей. 001 GEN 036 006 Поя же Исав жены своя и сыны своя и дщери своя, и вся телеса дому своего и вся имения своя и вся скоты, и вся, елика притяжа, и вся, елика приобрете в земли Ханаанстей, и отиде Исав из земли Ханаанския от лица Иакова брата своего: 001 GEN 036 007 бяху бо имения их многа, еже жити вкупе: и не можаше земля обитания их вместити их, от множества имений их. 001 GEN 036 008 Вселися же Исав на горе Сиир: Исав той есть Едом. 001 GEN 036 009 Сии же родове Исава, отца Едомля, на горе Сиир: 001 GEN 036 010 и сия имена сынов Исавлих: Елифас, сын Ады, жены Исавли, и Рагуил, сын Васемафы, жены Исавли. 001 GEN 036 011 Быша же Елифасу сынове: Феман, Омар, Софар, Гофом и Кенез. 001 GEN 036 012 Фамна же бяше наложница Елифаса, сына Исавля, и роди Елифасу Амалика: сии сынове Ады, жены Исавли. 001 GEN 036 013 Сии же сынове Рагуиловы: Нахоф, Заре, Соме и Мозе: сии быша сынове Васемафы, жены Исавли. 001 GEN 036 014 Сии же сынове Оливемы дщере Анани сына Севегоня, жены Исавли: роди же Исаву Иеуса и Иеглома и Кореа. 001 GEN 036 015 Сии старейшины сына Исавля, сынове Елифаса, первенца Исавля: старейшина Феман, старейшина Омар, старейшина Софар, старейшина Кенез, 001 GEN 036 016 старейшина Корей, старейшина Гофом, старейшина Амалик: сии старейшины Елифаса в земли Идумейстей, сии сынове Адины. 001 GEN 036 017 И сии сынове Рагуила, сына Исавля: старейшина Нахоф, старейшина Заре, старейшина Соме, старейшина Мозе: сии старейшины Рагуиловы в земли Едомстей, сии сынове Васемафы, жены Исавли. 001 GEN 036 018 Сии же сынове Оливемы, жены Исавли: старейшина Иеус, старейшина Иеглом, старейшина Корей: сии старейшины Оливемы, дщере Анани, жены Исавли, 001 GEN 036 019 сии сынове Исавли и сии старейшины их, сии суть сынове Едомли. 001 GEN 036 020 Сии же сынове Сиира Хорреова жившаго на земли: Лотан, Совал, Севегон, Ана 001 GEN 036 021 и Дисон, и Асар и Рисон: сии старейшины Хорреова сына Сиира в земли Едомстей. 001 GEN 036 022 Быша же сынове Лотани: Хорри и Еман, сестра же Лотаня Фамна. 001 GEN 036 023 Сии же сынове Соваловы: Голам и Манахаф, и Гевил и Софар и Омар. 001 GEN 036 024 И сии сынове Севегони: Аие и Ана: сей есть Ана, иже обрете иаминь в пустыни, егда пасяше подяремники Севегона, отца своего. 001 GEN 036 025 Сии же сынове Анани: Дисон и Оливема, дщи Ананя. 001 GEN 036 026 Сии же сынове Дисоновы: Амада и Асван, и Ифран и Харран. 001 GEN 036 027 Сии же сынове Асаровы: Валаам и Зукам, и Укам и Укан. 001 GEN 036 028 Сии же сынове Рисоновы: Ос и Аран. 001 GEN 036 029 Сии же старейшины Хорриовы: старейшина Лотан, старейшина Совал, старейшина Севегон, старейшина Ана, 001 GEN 036 030 старейшина Дисон, старейшина Асар, старейшина Рисон: сии старейшины Хорриовы во областех их в земли Едомли. 001 GEN 036 031 И сии царие царствовавшии во Едоме, прежде царствования царей во Израили: 001 GEN 036 032 и царствова во Едоме Валак, сын Веоров: имя же граду его Деннава. 001 GEN 036 033 Умре же Валак, и царь бысть по нем Иовав, сын Зарин от Восорры. 001 GEN 036 034 Умре же Иовав, и царь бысть по нем Асом от земли Феманони. 001 GEN 036 035 Умре же Асом, и бысть царь по нем Адад сын Варадов, иже изсече Мадиама на поли Моавли: имя же граду его Гетфем. 001 GEN 036 036 Умре же Адад, и царь бысть по нем Самада от Массеккаса. 001 GEN 036 037 Умре же Самада, и царь бысть по нем Саул из Роовофа, иже есть близ реки. 001 GEN 036 038 Умре же Саул, и царь бысть по нем Вааленнон, сын Аховорь. 001 GEN 036 039 Умре же Вааленнон сын Аховорь, и царь бысть по нем Арад, сын Варадов: и имя граду его Фогор, имя же жене его Метевеиль, дщерь Матраифа, сына Мезоовля. 001 GEN 036 040 Сия имена старейшин Исавлих в племенех их, по месту их, во странах их и в языцех их: старейшина Фамна, старейшина Гола, старейшина Иефер, 001 GEN 036 041 старейшина Оливема, старейшина Ила, старейшина Финон, 001 GEN 036 042 старейшина Кенез, старейшина Феман, старейшина Мазар, 001 GEN 036 043 старейшина Магедиил, старейшина Зафой: сии старейшины Едомли, живущии в земли притяжания их: сей Исав отец Едомль. 001 GEN 037 001 Вселися же Иаков в земли, идеже обита Исаак, отец его, в земли Ханаани. 001 GEN 037 002 Сии же роди Иаковли. Иосиф же бяше седминадесяти лет, пасый овцы отца своего с братиею своею, юн сый, с сынми Валлы и с сынми Зелфы, жен отца своего: нанесоша же на Иосифа злу клевету ко Израилю отцу своему. 001 GEN 037 003 Иаков же любляше Иосифа паче всех сынов своих, яко сын в старости ему бысть: и сотвори ему ризу пестру. 001 GEN 037 004 Видевше же братия его, яко любит его отец паче всех сынов своих, возненавидеша его и не можаху глаголати к нему ничтоже мирно. 001 GEN 037 005 Видев же Иосиф сон, поведа и братии своей 001 GEN 037 006 и рече им: послушайте сна сего, егоже видех: 001 GEN 037 007 мнех вас вяжущих снопы среде поля: и воста мой сноп и ста прямо, ваши же снопы обратившеся поклонишася моему снопу. 001 GEN 037 008 Реша же ему братия его: еда царствуя царствовати будеши над нами, или господствуя господствовати будеши над нами? И приложиша еще ненавидети его снов ради его и ради словес его. 001 GEN 037 009 Виде же сон другий и поведа его отцу своему и братии своей, и рече: се, видех другий сон: аки бы солнце и луна и единонадесять звезд покланяхуся мне. 001 GEN 037 010 И запрети ему отец его и рече ему: что сон сей, егоже еси видел? Еда пришедше приидем аз и мати твоя и братия твоя поклонитися тебе до земли? 001 GEN 037 011 Позавидеша же ему братия его: отец же его соблюде слово сие. 001 GEN 037 012 Отидоша же братия его пасти овцы отца своего в Сихем. 001 GEN 037 013 И рече Израиль ко Иосифу: еда братия твоя не пасут в Сихеме? Гряди да послю тя к ним. Рече же ему: се, аз. 001 GEN 037 014 Рече же ему Израиль: шед, виждь, аще здравствуют братия твоя и овцы, и повеждь ми. И посла его от юдоли Хеврони. И прииде в Сихем: 001 GEN 037 015 и обрете его человек заблуждающа на поли: вопроси же его человек глаголя: чесого ищеши? 001 GEN 037 016 Он же рече: братии моея ищу: повеждь ми, где пасут. 001 GEN 037 017 Рече же ему человек: отидоша отсюду: слышах бо их глаголющих: пойдем в Дофаим. И иде Иосиф вслед братии своея и обрете я в Дофаиме. 001 GEN 037 018 Предузреша же его издалече, прежде приближения его к ним, и зле умыслиша убити его: 001 GEN 037 019 рече же кийждо к брату своему: се, сновидец оный идет: 001 GEN 037 020 ныне убо приидите, убием его и ввержим его во един от рвов, и речем: зверь лют снеде его: и узрим, что будут сония его. 001 GEN 037 021 Слышав же Рувим, отя его из рук их и рече: не убием его на души. 001 GEN 037 022 Рече же им Рувим: не пролийте крове, вверзите его во един от рвов сих, иже в пустыни, руки же не возложите на него: (тщашеся бо) яко да изымет его от рук их и отдаст его отцу своему. 001 GEN 037 023 Бысть же егда прииде Иосиф к братии своей, совлекоша со Иосифа ризу пеструю, яже на нем, 001 GEN 037 024 и поемше его ввергоша в ров: ров же тощь, воды не имяше. 001 GEN 037 025 И седоша ясти хлеб, и воззревше очима видеша, и се, путницы Исмаилтяне идяху от Галаада, и велблюды их полны фимиама и ритины и стакти: идяху же везуще во Египет. 001 GEN 037 026 Рече же Иуда ко братии своей: кая польза, аще убием брата нашего и скрыем кровь его? 001 GEN 037 027 Грядите продадим его Исмаилтяном сим: руце же наши да не будут на нем, яко брат наш и плоть наша есть. Послушаша же братия его. 001 GEN 037 028 И мимоидоша человецы Мадиамстии купцы: и извлекоша и возведоша Иосифа из рова, и продаша Иосифа Исмаилтяном на двадесять златниц. И поведоша Иосифа во Египет. 001 GEN 037 029 Возвратися же Рувим к рову и не узре Иосифа в рове: и растерза ризы своя, 001 GEN 037 030 и прииде ко братии своей и рече: отрочища несть, аз же камо иду ктому? 001 GEN 037 031 Вземше же ризу Иосифову, заклаша козлище от коз и помазаша ризу кровию: 001 GEN 037 032 и послаша ризу пеструю, и принесоша ко отцу своему и рекоша: сию обретохом: познавай, аще риза сына твоего есть, или ни? 001 GEN 037 033 И позна ю и рече: риза сына моего есть: зверь лют снеде его: зверь восхити Иосифа. 001 GEN 037 034 И растерза Иаков ризы своя, и возложи вретище на чресла своя, и плакашеся сына своего дни многи. 001 GEN 037 035 Собрашася же вси сынове его и дщери и приидоша утешити его: и не хотяше утешитися, глаголя: яко сниду к сыну моему сетуя во ад. И плакася о нем отец его. 001 GEN 037 036 Мадиане же продаша Иосифа во Египет Пентефрию евнуху фараонову, архимагиру. 001 GEN 038 001 Бысть же в то время, отиде Иуда от братии своея и прииде к человеку некоему Одолламитину, емуже имя Ирас: 001 GEN 038 002 и виде тамо Иуда дщерь человека Хананейска, ейже имя Сава: и поят ю, и вниде к ней: 001 GEN 038 003 и заченши роди сына, и нарече имя ему Ир: 001 GEN 038 004 и заченши еще роди сына и нарече имя ему Авнан: 001 GEN 038 005 и приложивши роди сына (третияго) и нарече имя Силом: сия же бе в Хасве, егда роди сих. 001 GEN 038 006 И поя Иуда жену Иру первенцу своему, ейже имя Фамарь. 001 GEN 038 007 Бысть же Ир первенец Иудин зол пред Господем: и уби его Бог. 001 GEN 038 008 Рече же Иуда Авнану: вниди к жене брата твоего и совокупися с нею, и возстави семя брату твоему. 001 GEN 038 009 Познав же Авнан, яко не ему будет семя, бысть егда вхождаше к жене брата своего, проливаше (семя) на землю, еже не дати семене брату своему: 001 GEN 038 010 зло же явися пред Богом, яко сотвори сие: и умертви и сего. 001 GEN 038 011 Рече же Иуда Фамари, невестце своей (по смерти дву сынов своих): седи вдовою в дому отца твоего, дондеже велик будет Силом, сын мой. Рече бо (во уме си): да не когда умрет и сей, якоже и братия его. Отшедши же Фамарь, седяше в дому отца своего. 001 GEN 038 012 Умножишася же дние, и умре Сава жена Иудина. И утешився Иуда, взыде к стригущым овцы его сам, и Ирас пастырь его Одолламитин, во Фамну. 001 GEN 038 013 И возвестиша Фамари невестце его, глаголюще: се, свекор твой восходит во Фамну стрищи овцы своя. 001 GEN 038 014 Она же свергши ризы вдовства с себе, облечеся в ризу летнюю и украсися, и седе пред враты Енани, яже суть на пути Фамны: ведяше бо, яко велик бысть Силом: сей же не даде ея ему в жену. 001 GEN 038 015 И видев ю Иуда, возмне ю блудницу быти: покры бо лице свое, и не позна ея. 001 GEN 038 016 Уклонися же к ней путем и рече ей: попусти ми внити к себе. Не позна бо, яко невестка ему есть. Она же рече: что ми даси, аще внидеши ко мне? 001 GEN 038 017 Он же рече: аз тебе послю козлище коз от овец моих. Она же рече: аще даси ми залог, дондеже пришлеши. 001 GEN 038 018 Он же рече: кий залог тебе дам? Она же рече: перстень твой и гривну, и жезл иже в руце твоей. И даде ей, и вниде к ней, и зача во утробе от него. 001 GEN 038 019 И воставши отиде, и сверже ризу летнюю с себе и облечеся в ризы вдовства своего. 001 GEN 038 020 Посла же Иуда козлище от коз рукою пастыря своего Одолламитина взяти залог от жены, и не обрете ея. 001 GEN 038 021 Вопроси же мужей места того и рече им: где есть блудница бывшая во Енане на распутии? И реша: не бе зде блудница. 001 GEN 038 022 И возвратися ко Иуде и рече: не обретох: и человецы места того глаголют: несть зде блудницы. 001 GEN 038 023 Рече же Иуда: да имать та: но да не когда посмеются нам: аз убо послах козлище сие, ты же не обрел еси. 001 GEN 038 024 Бысть же по трех месяцех, поведаша Иуде, глаголюще: соблуди Фамарь невестка твоя, и се, во утробе имать от блуда. Рече же Иуда: изведите ю, и да сожгут ю. 001 GEN 038 025 Она же ведома посла к свекру своему, глаголющи: от человека, егоже сия суть, аз во утробе имам. И рече: познай, чий перстень и гривна и жезл сей. 001 GEN 038 026 Позна же Иуда и рече: оправдася Фамарь паче мене, яко не дах ея Силому сыну моему. И не приложи ктому познати ю. 001 GEN 038 027 Бысть же егда раждаше, и беста близнята во утробе ея. 001 GEN 038 028 Бысть же в рождении ея, един произнесе руку: вземши же баба навяза на руку его червлень, глаголющи: сей изыдет первый. 001 GEN 038 029 Егда же вовлече руку, и абие изыде брат его. Она же рече: что пресечеся тебе ради преграждение? И прозва имя ему Фарес. 001 GEN 038 030 И посем изыде брат его, емуже бе на руце его червлень: и прозва имя ему Зара. 001 GEN 039 001 Иосиф же приведен бысть во Египет. И купи его Пентефрий евнух фараонов архимагир, муж Египтянин, от рук Исмаилтян, иже приведоша его тамо. 001 GEN 039 002 И бяше Господь со Иосифом: и бяше муж благополучен, и бысть в дому господина своего Египтянина. 001 GEN 039 003 Ведяше же господин его, яко Господь бе с ним, и елика творит, Господь благоустрояет в руку его. 001 GEN 039 004 И обрете Иосиф благодать пред господином своим и благоугоди ему: и постави его над домом своим, и вся, елика быша ему, даде в руки Иосифовы. 001 GEN 039 005 Бысть же егда постави его над домом своим и над всеми, елика имеяше, и благослови Господь дом Египтянина Иосифа ради: и бысть благословение Господне на всем имении его в дому и в селех его. 001 GEN 039 006 И предаде вся, елика быша ему, в руки Иосифовы: и не ведяше от сущих у себе ничтоже, кроме хлеба, егоже ядяше сам: и бяше Иосиф добр образом и красен взором зело. 001 GEN 039 007 И бысть по словесех сих, и возложи жена господина его очи своя на Иосифа и рече: пребуди со мною. 001 GEN 039 008 Он же не хотяше и рече жене господина своего: аще господин мой не весть мене ради ничтоже в дому своем, и вся, елика суть ему, вдаде в руце мои, 001 GEN 039 009 и ничто есть выше мене в дому сем, ниже изято бысть от мене чтолибо, кроме тебе, понеже ты жена ему еси: и како сотворю глагол злый сей и согрешу пред Богом? 001 GEN 039 010 Егда же Иосифу глаголаше день от дне, и не послушаше ея еже спати и быти с нею. 001 GEN 039 011 Бысть же сицевый некий день, и вниде Иосиф в дом делати дела своя, и никтоже бяше от сущих в дому внутрь: 001 GEN 039 012 и ухвати его за ризы, глаголющи: лязи со мною. И оставив ризы своя в руках ея, убеже и изыде вон. 001 GEN 039 013 И бысть егда виде, яко оставль ризы своя в руках ея, бежа и изыде вон: 001 GEN 039 014 и воззва сущих в дому и рече им глаголющи: видите, введе нам отрока Евреина наругатися нам: вниде ко мне, глаголя: преспи со мною: и возопих гласом великим: 001 GEN 039 015 и егда услыша он, яко возвысих глас мой и возопих, оставль ризы своя у мене, отбеже и изыде вон. 001 GEN 039 016 И удержа ризы у себе, дондеже прииде господин в дом свой. 001 GEN 039 017 И поведа ему по словесех сих, глаголющи: вниде ко мне отрок Евреин, егоже ввел еси к нам, поругатися мне, и рече ми: да буду с тобою: 001 GEN 039 018 егда же услыша, яко воздвигох глас мой и возопих, оставль ризы своя у мене, отбеже и изыде вон. 001 GEN 039 019 И бысть егда услыша господин его глаголы жены своея, елика рече к нему, глаголющи: сице сотвори ми отрок твой: и разгневася яростию, 001 GEN 039 020 и взем господин Иосифа, вверже его в темницу, в место, идеже узники царевы держатся тамо в твердыни. 001 GEN 039 021 И бяше Господь со Иосифом, и возлия на него милость, и даде ему благодать пред началным стражем темничным: 001 GEN 039 022 и вдаде старейшина стражей темницу в руце Иосифу и всех вверженых в темницу: и вся, елика творяху тамо, той бе творяй. 001 GEN 039 023 Старейшина же стражей темничных ничтоже бе ведый его ради: вся бо быша в руках Иосифовых, занеже Господь бяше с ним: и елика той творяше, Господь благопоспешаше в руку его. 001 GEN 040 001 Бысть же по словесех сих, согреши старейшина винарск царя Египетска и старейшина житарск господину своему царю Египетскому. 001 GEN 040 002 И разгневася фараон на оба евнухи своя, на старейшину винарска и на старейшину житарска, 001 GEN 040 003 и вверже их в темницу во узилище, в место, идеже Иосиф ввержен бяше. 001 GEN 040 004 И вручи их старейшина темницы Иосифу, и предста им: и беста дни (некия) в темнице, 001 GEN 040 005 и видеста оба сон во едину нощь: видение же сонное старейшины винарска и старейшины житарска, иже беста царя Египетска, суще в темнице, бяше сие. 001 GEN 040 006 Вниде же к ним Иосиф заутра и виде их, и бяху смущени: 001 GEN 040 007 и вопрошаше евнухов фараоних, иже быша с ним в темнице, у господина своего, глаголя: что, яко лица ваша уныла днесь? 001 GEN 040 008 Они же реша ему: сон видехом, и разсуждаяй его несть. Рече же им Иосиф: еда не Богом изявление их есть? Поведите убо мне. 001 GEN 040 009 И поведа старейшина винарск сон свой Иосифу и рече: во сне моем бяше виноград предо мною: 001 GEN 040 010 в винограде же три леторасли, и той цветущь произнесе отрасли, зрелы грозды лозныя: 001 GEN 040 011 и чаша фараонова в руце моей: и взях грезн, и изжах оный в чашу, и дах чашу в руку фараоню. 001 GEN 040 012 И рече ему Иосиф: сие разсуждение сему: три леторасли три дни суть: 001 GEN 040 013 еще три дни, и помянет фараон сан твой, и паки поставит тя в старейшинство твое винарско, и подаси чашу фараону в руку его по сану твоему первому, якоже был еси виночерпчий: 001 GEN 040 014 но помяни мя тобою, егда благо ти будет, и сотвориши надо мною милость, и да помянеши о мне фараону, и изведеши мя от твердыни сея: 001 GEN 040 015 яко татьбою украден бых из земли Еврейския, и зде ничто зло сотворих, но ввергоша мя в ров сей. 001 GEN 040 016 И виде старейшина житарск, яко прямо разсуди, и рече Иосифу: и аз видех сон, и мняхся три кошницы хлебов держати на главе моей: 001 GEN 040 017 в кошнице же верхней от всех родов, яже фараон яст, дело хлебенное, и птицы небесныя ядяху тая от кошницы, яже на главе моей. 001 GEN 040 018 Отвещав же Иосиф, рече ему: сие разсуждение его: три кошницы три дние суть: 001 GEN 040 019 еще три дние, и отимет фараон главу твою от тебе и повесит тя на древе, и изядят птицы небесныя плоть твою от тебе. 001 GEN 040 020 Бысть же в день третий, день рождения бяше фараоня, и творяше пир всем отроком своим: и помяну старейшинство старейшины винарска и старейшинство старейшины житарска, посреде отрок своих: 001 GEN 040 021 и постави старейшину винарска в старейшинство его: и подаде чашу в руку фараоню: 001 GEN 040 022 старейшину же житарска повеси (на древе), якоже сказа има Иосиф. 001 GEN 040 023 И не помяну старейшина винарск Иосифа, но забы его. 001 GEN 041 001 Бысть же по двою лету дний, фараон виде сон: мняшеся стояти при реце: 001 GEN 041 002 и се, аки из реки исхождаху седмь крав добры видом и избранны телесы, и пасяхуся по брегу: 001 GEN 041 003 другия же седмь крав изыдоша по сих из реки, злы видом и телесы худы, и пасяхуся с кравами по брегу речному: 001 GEN 041 004 и поядоша седмь кравы злыя и худыя телесы седмь крав добрых видом и избранных телесы: (и сия невидимы быша, яко внидоша в чресла их). Воста же фараон. 001 GEN 041 005 И виде сон вторый: и се, седмь класи исхождаху из стеблия единаго избранны и добры: 001 GEN 041 006 друзии же седмь класи тонцыи, истончени ветром, израстаху по них: 001 GEN 041 007 и пожроша седмь класи тонцыи и истончени ветром седмь класов избранных и полных. Воста же фараон, и бяше сон. 001 GEN 041 008 Бысть же заутра, и возмутися душа его: и послав, созва вся сказатели Египетския и вся мудрыя его: и поведа им фараон сон свой: и не бяше сказуяй того фараону. 001 GEN 041 009 И рече старейшина винарск к фараону, глаголя: грех мой воспоминаю днесь: 001 GEN 041 010 фараон разгневася на рабы своя и вверже нас в темницу в дому архимагира, мене и старейшину житарска: 001 GEN 041 011 и видехом сон оба единыя нощи аз и он, кийждо свой сон видехом: 001 GEN 041 012 бяше же тамо с нами юноша, отрок Евреин архимагиров, и поведахом ему, и разсуди нам: 001 GEN 041 013 бысть же, якоже сказа нам, тако и случися, мне паки быти во своем старейшинстве, а оному повешену. 001 GEN 041 014 Послав же фараон, призва Иосифа: и изведоша его из твердыни, и остригоша его, и измениша ризы ему, и прииде к фараону. 001 GEN 041 015 Рече же фараон Иосифу: сон видех, и сказуяй его несть: аз же слышах о тебе глаголющих, яко слышав сны разсуждаеши тыя. 001 GEN 041 016 Отвещав же Иосиф фараону, рече: без Бога не отвещается спасение фараону. 001 GEN 041 017 Рече же фараон Иосифу, глаголя: во сне моем мняхся стояти на брезе речнем: 001 GEN 041 018 и аки из реки исхождаху седмь кравы добры видом и избранны телесы, и пасяхуся по брегу: 001 GEN 041 019 и се, другия седмь крав исхождаху вслед их из реки, злы и недобры видом и худы телесы, яковых не виде таковых во всей земли Египетстей хуждших: 001 GEN 041 020 и изядоша седмь кравы злыя и худыя седмь крав первых добрых и избранных: 001 GEN 041 021 и внидоша во утробы их, и не явишася, яко внидоша во утробы их: и обличия их зла быша, яко и исперва. Востав же, (паки) уснух, 001 GEN 041 022 и видех паки во сне моем, и аки седмь класи исхождаху из единаго стеблия полны и добры: 001 GEN 041 023 друзии же седмь класи тонцыи и ветром истончени изницаху вслед их: 001 GEN 041 024 и пожроша седмь класи тонцыи и ветром истончени седмь класов добрых и полных. Рех убо сказателем, и не бысть поведаяй мне того. 001 GEN 041 025 И рече Иосиф фараону: сон фараонов един есть: елика Бог творит, показа фараону: 001 GEN 041 026 седмь кравы добрыя седмь лет суть: и седмь класи добрии седмь лет суть: сон фараонов един есть: 001 GEN 041 027 и седмь кравы худыя, яже изыдоша по сих, седмь лет суть, и седмь класи тонцыи и истончени ветром седмь лет суть: будут седмь лет глада: 001 GEN 041 028 слово же еже рех фараону, елика Бог творит, показа фараону: 001 GEN 041 029 се, седмь лет приходит, обилность многа во всей земли Египетстей: 001 GEN 041 030 приидут же седмь лет глада по сих, и забудут сытости будущия во всем Египте, и погубит глад землю, 001 GEN 041 031 и не познается обилие на земли от глада будущаго по сих: силен бо будет зело: 001 GEN 041 032 повторися же сон фараону дважды, яко истинно будет слово еже от Бога, и ускорит Бог сотворити оно: 001 GEN 041 033 ныне убо усмотри человека мудра и смыслена и постави его над землею Египетскою: 001 GEN 041 034 и да сотворит фараон и поставит местоначалники по земли, и да собирают пятую часть от всех плодов земли Египетския седми лет обилных, 001 GEN 041 035 и да соберут всякую пищу седми лет грядущих добрых сих: и да соберется пшеница под руку фараоню, пища во градех да хранится: 001 GEN 041 036 и будет пища соблюдена земли на седмь лет гладных, яже имут быти в земли Египетстей, да не потребится земля в гладе. 001 GEN 041 037 Угодно же бысть слово пред фараоном и пред всеми рабы его. 001 GEN 041 038 И рече фараон всем рабом своим: еда обрящем человека сицеваго, иже имать Духа Божия в себе? 001 GEN 041 039 Рече же фараон Иосифу: понеже показа Бог тебе вся сия, несть человека мудрейша и смысленнейша паче тебе: 001 GEN 041 040 ты будеши в дому моем, и уст твоих да послушают вси людие мои, разве престолом аз более тебе буду. 001 GEN 041 041 Рече же фараон Иосифу се, поставляю тя днесь над всею землею Египетскою. 001 GEN 041 042 И снем фараон перстень с руки своея, возложи его на руку Иосифову, и облече его в ризу червлену, и возложи гривну злату на выю его, 001 GEN 041 043 и всади его на колесницу свою вторую, и проповеда пред ним проповедник: и постави его над всею землею Египетскою. 001 GEN 041 044 Рече же фараон Иосифу: аз фараон: без тебе не воздвигнет руки своея никтоже во всей земли Египетстей. 001 GEN 041 045 И нарече фараон имя Иосифу Псонфомфаних: и даде ему Асенефу, дщерь Петефриа жреца Илиопольскаго, ему в жену. 001 GEN 041 046 Иосиф же бяше лет тридесяти, егда предста фараону царю Египетскому. Изыде же Иосиф от лица фараоня и пройде всю землю Египетскую. 001 GEN 041 047 И сотвори земля в седми летех обилну жатву. 001 GEN 041 048 И собра всякую пищу седми лет, в нихже бяше обилность в земли Египетстей: и положи пищу во градех: пищы поль града, сущих окрест его, положи в нем. 001 GEN 041 049 И собра Иосиф пшеницу яко песок морский многу зело, дондеже не можаху исчести: без числа бо бяше. 001 GEN 041 050 Иосифу же беста два сына, прежде пришествия седми лет гладных, ихже роди ему Асенефа, дщерь Петефриа жреца Илиопольска: 001 GEN 041 051 нарече же Иосиф имя первенцу Манассиа, (глаголя: ) яко забыти мне сотвори Бог вся болезни моя, и вся, яже отца моего. 001 GEN 041 052 Имя же второму нарече Ефраим, (глаголя: ) яко возрасти мя Бог в земли смирения моего. 001 GEN 041 053 Минуша же седмь лет обилных, яже быша в земли Египетстей, 001 GEN 041 054 и начаша седмь лет гладных приходити, якоже рече Иосиф. И бысть глад по всей земли: во всей же земли Египетстей быша хлебы. 001 GEN 041 055 И взалка вся земля Египетская: возопи же народ к фараону о хлебех. Рече же фараон всем Египтяном: идите ко Иосифу, и еже речет вам, сотворите. 001 GEN 041 056 И глад бяше на лицы всея земли. Отверзе же Иосиф вся житницы, и продаяше всем Египтяном: 001 GEN 041 057 и вся страны прихождаху во Египет, куповати ко Иосифу: обдержаше бо глад всю землю. 001 GEN 042 001 Видев же Иаков, яко купля есть (пшеницы) во Египте, рече сыном своим: почто не радите? 001 GEN 042 002 Се, слышах, яко есть пшеница во Египте: идите тамо и купите нам мало пищи, да живи будем и не умрем. 001 GEN 042 003 Идоша же братия Иосифовы десять купити пшеницы во Египет. 001 GEN 042 004 Вениамина же, брата Иосифова, не отпусти с братиею его, рече бо: да не когда случится (на пути) ему зло. 001 GEN 042 005 Приидоша же сынове Израилевы купити с приходящими: бяше бо глад в земли Ханаанстей. 001 GEN 042 006 Иосиф же бяше князь земли: сей продаяше всем людем земли (тоя). Пришедше же братия Иосифовы, поклонишася ему лицем до земли. 001 GEN 042 007 Видев же Иосиф братию свою, позна: и отчуждашеся их, и глаголаше им жестоко, и рече им: откуду приидосте? Они же реша: от земли Ханаанския купити пищи. 001 GEN 042 008 Позна же Иосиф братию свою: они же не познаша его. 001 GEN 042 009 И помяну Иосиф сны своя, яже виде он: и рече им: соглядатаи есте, соглядати путий страны (сея) приидосте. 001 GEN 042 010 Они же реша: ни, господине, раби твои приидохом купити пищи: 001 GEN 042 011 вси есмы сынове единаго человека: мирницы есмы, не суть раби твои соглядатаи. 001 GEN 042 012 Рече же им: ни, но пути земли (сея) приидосте соглядати. 001 GEN 042 013 Они же реша: дванадесять есмы братия раби твои в земли Ханаани: и се, менший (от нас) со отцем нашим днесь, а другаго несть. 001 GEN 042 014 Рече же им Иосиф: сие есть, еже рекох вам, глаголя, яко соглядатаи есте: 001 GEN 042 015 в сем явитеся: тако ми здравия фараоня, не изыдете отсюду, аще брат ваш менший не приидет семо: 001 GEN 042 016 послите от себе единаго, и возмите брата вашего: вы же держими будите, дондеже яве будут словеса ваша, аще истинствуете, или ни: аще же ни, тако ми здравия фараоня, воистинну соглядатаи есте. 001 GEN 042 017 И даде я под стражу на три дни. 001 GEN 042 018 Рече же им в день третий: сие сотворите, и живи будете: Бога бо аз боюся: 001 GEN 042 019 аще мирницы есте, брат ваш да удержится един под стражею: сами же идите и отвезите купленую пшеницу вашу, 001 GEN 042 020 и брата вашего меншаго приведите ко мне, и верна будут словеса ваша: аще же ни, умрете. И сотвориша тако. 001 GEN 042 021 И рече кийждо к брату своему: ей, во гресех бо есмы брата ради нашего, яко презрехом скорбение души его, егда моляшеся нам, и не послушахом его: и сего ради прииде на ны скорбение сие. 001 GEN 042 022 Отвещав же Рувим, рече им: не рех ли вам, глаголя: не преобидите детища? И не послушасте мене: и се, кровь его взыскуется. 001 GEN 042 023 Тии же не ведеша, яко разумеет Иосиф: толмачь бо между ими бяше. 001 GEN 042 024 Отвратився же от них, проплакася Иосиф: и паки прииде к ним и рече им. И поя Симеона от них, и связа его пред ними. 001 GEN 042 025 Повеле же Иосиф наполнити сосуды их пшеницы и возвратити сребро их комуждо во вретище свое и дати им брашно на путь. И бысть им тако. 001 GEN 042 026 И возложивше пшеницу на ослы своя, отидоша оттуду. 001 GEN 042 027 Отрешив же един вретище свое дати пищу ослом своим, идеже сташа, и виде узол сребра своего, и бе верху устия вретищнаго. 001 GEN 042 028 И рече братии своей: возвращено ми есть сребро, и се, сие во вретищи моем. И ужасеся сердце их: и возмятошася, друг ко другу глаголюще: что сие сотвори Бог нам? 001 GEN 042 029 Приидоша же ко Иакову, отцу своему, в землю Ханааню и поведаша ему вся случившаяся им, глаголюще: 001 GEN 042 030 глагола муж господин земли (оныя) к нам жестоко и вверже нас в темницу, аки соглядаюших землю: 001 GEN 042 031 рехом же ему: мирницы есмы, несмы соглядатаи: 001 GEN 042 032 дванадесять братия есмы, сынове отца нашего: единаго несть, а менший со отцем нашим днесь в земли Ханаани: 001 GEN 042 033 рече же нам муж господин земли (тоя): по сему увем, яко мирницы есте: брата единаго оставите зде у мене, а купленую пшеницу дому вашему вземше отидите 001 GEN 042 034 и приведите ко мне брата вашего меншаго: и увем, яко не соглядатаи есте, но яко мирницы есте: и брата вашего отдам вам, и куплю творите в земли. 001 GEN 042 035 Бысть же егда испраздняху вретища своя, и бяше узол сребра во вретищи коегождо их: и видеша узлы сребра своего сами и отец их, и убояшася. 001 GEN 042 036 Рече же им Иаков отец их: мене безчадна сотвористе: Иосифа несть, Симеона несть, и Вениамина ли поймете? На мя быша сия вся. 001 GEN 042 037 Рече же Рувим отцу своему, глаголя: двоих сынов моих убий, аще не приведу его к тебе: даждь его в руце мои, и аз приведу его к тебе. 001 GEN 042 038 Он же рече: не пойдет сын мой с вами, яко брат его умре, и той един оста: и случится ему зло на пути, в оньже аще пойдете, и сведете старость мою с печалию во ад. 001 GEN 043 001 Глад же одоле на земли. 001 GEN 043 002 Бысть же егда скончаша пшеницу ядуще, юже принесоша из Египта: и рече им отец их: паки шедше купите нам мало пищи. 001 GEN 043 003 Рече же ему Иуда, глаголя: клятвою засвидетелствова нам муж господин земли (тоя) глаголя: не узрите лица моего, аще брат ваш менший не приидет с вами: 001 GEN 043 004 аще убо послеши брата нашего с нами, пойдем и купим тебе пищи: 001 GEN 043 005 аще же не послеши брата нашего с нами, не пойдем: муж бо рече нам, глаголя: не узрите лица моего, аще брат ваш менший не приидет с вами. 001 GEN 043 006 Рече же Израиль: почто зло сотвористе ми, поведавше мужу, яко есть вам брат? 001 GEN 043 007 Они же реша: вопрошая вопроси нас муж и рода нашего, глаголя: аще еще отец ваш жив есть, и аще есть вам брат? И поведахом ему по вопросу сему: еда ведехом, яко речет нам: приведите брата вашего? 001 GEN 043 008 Рече же Иуда ко Израилю, отцу своему: отпусти отрочища со мною: и воставше пойдем, да живи будем и не умрем, и мы и ты и имение наше: 001 GEN 043 009 аз же возму его: от руку моею взыщи его: аще не приведу его к тебе, и поставлю его пред тобою, грешен буду к тебе вся дни: 001 GEN 043 010 аще бо быхом не умедлили, уже возвратилися бы дважды. 001 GEN 043 011 Рече же им Израиль отец их: аще тако есть, сие сотворите: возмите от плодов земных в сосуды своя и донесите человеку дары, ритину, мед, фимиама же и стакти, и теревинф и орехи: 001 GEN 043 012 и сребро сугубо возмите в руце свои, и сребро обретенное во вретищах ваших возвратите с собою, да не како неведение есть: 001 GEN 043 013 и брата своего поимите, и воставше идите к мужу: 001 GEN 043 014 Бог же мой да даст вам благодать пред мужем и отпустит брата вашего единаго, и Вениамина: аз бо якоже обезчадех, обезчадех. 001 GEN 043 015 Вземше же мужие дары сия, и сребро сугубое взяша в руце свои, и Вениамина: и воставше приидоша во Египет, и сташа пред Иосифом. 001 GEN 043 016 Виде же их Иосиф, и Вениамина брата своего единоматерня, и рече строителю дому своего: введи мужы (сия) в дом, и заколи от скота, и уготовай: со мною бо ясти имут мужие (сии) хлеб в полудне. 001 GEN 043 017 Сотвори же человек, якоже рече Иосиф, и введе мужы в дом Иосифов. 001 GEN 043 018 Видевше же мужие, яко введоша их в дом Иосифов, реша: сребра ради возвращеннаго во вретищах наших первее, вводят ны, еже бы оклеветати нас и нанести на ны, да поймут нас в рабы, и ослы нашя. 001 GEN 043 019 Приступивше же к человеку сущему над домом Иосифовым, рекоша ему при вратех дому, 001 GEN 043 020 глаголюще: молим тя, господине: приидохом первее купити пищи: 001 GEN 043 021 бысть же егда приидохом на стан и отрешихом вретища своя, и се, сребро коегождо во вретищи его: тое сребро наше весом возвратихом ныне руками нашими: 001 GEN 043 022 и сребро другое принесохом с собою купити пищи: не вемы, кто вложи сребро во вретища наша. 001 GEN 043 023 Рече же им: мир вам, не бойтеся: Бог ваш и Бог отец ваших даде вам сокровища во вретищах ваших: а сребро ваше за приятое имею. И изведе к ним Симеона: 001 GEN 043 024 и принесе воду омыти нозе им, и даде пажити ослом их. 001 GEN 043 025 Уготоваша же дары, дондеже приидет Иосиф в полудне: слышаша бо, яко тамо имать обедати. 001 GEN 043 026 Прииде же Иосиф в дом: и принесоша ему дары, яже имяху в руках своих, в дом: и поклонишася ему лицем до земли. 001 GEN 043 027 И вопроси их: здрави ли есте? И рече им: здрав ли есть отец ваш, старец, егоже рекосте, еще ли жив есть? 001 GEN 043 028 Они же рекоша: здрав есть раб твой, отец наш, еще жив есть. И рече: благословен человек оный Богу. И приникше поклонишася ему. 001 GEN 043 029 Воззрев же очима своима Иосиф, виде Вениамина брата своего единоматерня и рече: сей ли есть брат ваш юнейший, егоже рекосте ко мне привести? И рече: Бог да помилует тя, чадо. 001 GEN 043 030 Возмутися же Иосиф: подвижеся бо утроба его о брате своем, и искаше плакати: вшед же в ложницу, плакася тамо. 001 GEN 043 031 И умыв лице, изшед удержася и рече: предложите хлебы. 001 GEN 043 032 И предложиша ему единому, и оным особно, и Египтяном, иже с ним ядяху, особно: не можаху бо Египтяне ясти хлеба со Евреи: мерзость бо есть Египтяном (всяк пастух овчий). 001 GEN 043 033 Седоша же прямо ему первенец по старейшинству своему и менший по меншеству своему, и дивляхуся мужие кийждо ко брату своему: 001 GEN 043 034 и взяша части от него к себе: вящшая же бысть часть Вениаминова паче всех частей пятерицею, неже оных: пиша же и упишася с ним. 001 GEN 044 001 И заповеда Иосиф домостроителю своему, глаголя: наполните вретища мужем пищи, елико могут понести: и вложите комуждо сребро верху устия вретища: 001 GEN 044 002 и чашу мою сребряную вложите во вретище меншаго, и цену пшеницы его. Бысть же по словеси Иосифову, якоже рече. 001 GEN 044 003 Утро возсия, и мужие отпустишася сами, и ослята их. 001 GEN 044 004 Изшедше же они из града, не отидоша далече: и рече Иосиф домостроителю своему: востав гони вслед мужей и постигни их, и рцы им: что яко воздасте (ми) злая за благая? 001 GEN 044 005 Вскую украдосте чашу мою сребряну? Не сия ли есть, из неяже пиет господин мой? Он же и волхвованием волхвует в ней: злая совершисте, яже сотвористе. 001 GEN 044 006 Обрет же их, рече им по словесем сим. 001 GEN 044 007 Они же реша ему: вскую глаголет господин словеса сия? Не буди рабом твоим сотворити по словеси сему: 001 GEN 044 008 аще сребро, еже обретохом во вретищах наших, возвратихом к тебе от земли Ханаани, како быхом украли из дому господина твоего сребро или злато? 001 GEN 044 009 У негоже аще обрящеши чашу от раб твоих, да умрет: и мы будем раби господину нашему. 001 GEN 044 010 Он же рече: и ныне, якоже глаголете, тако будет: у негоже аще обрящется чаша, будет мой раб, вы же будете чисти. 001 GEN 044 011 И потщашася, и сверже кийждо вретище свое на землю, и отверзоша кийждо вретище свое. 001 GEN 044 012 Изыска же от старейшаго зачен, дондеже прииде до меншаго, и обрете чашу во вретищи Вениамини. 001 GEN 044 013 И растерзаша ризы своя, и возложиша кийждо вретище свое на осля свое, и возвратишася во град. 001 GEN 044 014 Вниде же Иуда и братия его ко Иосифу, еще ему сущу ту, и падоша пред ним на землю. 001 GEN 044 015 Рече же им Иосиф: что дело сие сотвористе? Не ведасте ли, яко несть волхвователь человек, якоже аз? 001 GEN 044 016 Рече же Иуда: что отвещаем господину, или что возглаголем, или чим оправдимся? Бог же обрете неправду рабов твоих: се, мы есмы раби господину нашему, и мы, и у негоже обретеся чаша. 001 GEN 044 017 Рече же Иосиф: не буди ми сотворити глагол сей: муж, у негоже обретеся чаша, той будет ми раб: вы же поидите в целости ко отцу своему. 001 GEN 044 018 Приступив же к нему Иуда, рече: молю тя, господине, да речет раб твой слово пред тобою, и не прогневайся на раба твоего, яко ты еси по фараоне: 001 GEN 044 019 господине, ты вопрошал еси рабов твоих, глаголя: аще имате отца, или брата? 001 GEN 044 020 И рехом господину: есть нам отец стар, и отрочищь на старость менший ему, а брат его умре, он же един остася у матере своея, отец же возлюби его. 001 GEN 044 021 Ты же рекл еси рабом твоим: приведите его ко мне, да вижду его. 001 GEN 044 022 И рехом господину: не возможет отрочищь оставити отца своего: аще же оставит отца, умрет. 001 GEN 044 023 Ты же рекл еси рабом твоим: аще не приидет брат ваш менший с вами, не приложите ктому видети лица моего. 001 GEN 044 024 Бысть же егда приидохом к рабу твоему отцу нашему, поведахом ему словеса господина нашего, 001 GEN 044 025 рече же нам отец наш: идите паки и купите нам мало пищи. 001 GEN 044 026 Мы же рекохом: не возможем ити: но аще брат наш менший идет с нами, пойдем: ибо не возможем видети лице мужа, брату нашему меншему не сущу с нами. 001 GEN 044 027 Рече же раб твой, отец наш к нам: вы весте, яко двоих роди мне жена: 001 GEN 044 028 и отиде един от мене, и рекосте, яко зверем снеден бысть, и не видех его даже до ныне: 001 GEN 044 029 аще убо поймете и сего от лица моего, и случится ему зло на пути, и сведете старость мою с печалию во ад. 001 GEN 044 030 Ныне убо аще пойду к рабу твоему, отцу же нашему, и отрочища не будет с нами: (душа же его связана есть с душею сего, ) 001 GEN 044 031 и будет егда увидит он не суща отрочища с нами, умрет: и сведут раби твои старость раба твоего, отца же нашего, с печалию во ад: 001 GEN 044 032 раб бо твой от отца взя отрочища, глаголя: аще не приведу его к тебе и поставлю его пред тобою, грешен буду ко отцу вся дни. 001 GEN 044 033 Ныне убо пребуду тебе раб вместо отрочища, раб господину: отрочищь же да идет с братиею своею: 001 GEN 044 034 како бо пойду ко отцу, отрочищу не сущу с нами? Да не вижду злых, яже обрящут отца моего. 001 GEN 045 001 И не можаше Иосиф удержатися всем предстоящым ему, но рече: отослите всех от мене. И не предстояше ни един Иосифу, егда познавашеся братии своей. 001 GEN 045 002 И испусти глас с плачем: слышаша же вси Египтяне, и слышано бысть в дому фараонове. 001 GEN 045 003 Рече же Иосиф братии своей: аз есмь Иосиф: еще ли отец мой жив есть? И не могоша братия отвещати ему: смутишася бо. 001 GEN 045 004 Рече же Иосиф братии своей: приближитеся ко мне. И приближишася. И рече: аз есмь Иосиф, брат ваш, егоже продасте во Египет: 001 GEN 045 005 ныне убо не скорбите, ниже жестоко вам да явится, яко продасте мя семо: на жизнь бо посла мя Бог пред вами: 001 GEN 045 006 сие бо второе лето глад на земли, и еще пять лет оста, в нихже не будет орания, ни жатвы: 001 GEN 045 007 посла бо мя Бог пред вами оставити вам останок на земли и препитати ваш останок велий: 001 GEN 045 008 ныне убо не вы посласте мя семо, но Бог: и сотвори мя яко отца фараону и господина всему дому его и князя всей земли Египетстей: 001 GEN 045 009 потщавшеся убо, взыдите ко отцу моему и рцыте ему: сия глаголет сын твой Иосиф: сотвори мя Бог господина всей земли Египетстей: сниди убо ко мне и не умедли: 001 GEN 045 010 и вселишися в земли Гесемли аравийстей, и будеши близ мене ты и сынове твои, и сынове сынов твоих, овцы твоя и волове твои, и елика суть твоя: 001 GEN 045 011 и препитаю тя тамо, еще бо пять лет будет глад на земли, да не погибнеши ты и сынове твои, и вся имения твоя. 001 GEN 045 012 Се, очи ваши видят, и очи Вениамина брата моего, яко уста моя глаголющая к вам: 001 GEN 045 013 возвестите убо отцу моему всю славу мою сущую во Египте, и елика видите: и ускоривше, приведите отца моего семо. 001 GEN 045 014 И напад на выю Вениамина, брата своего, плакася над ним, и Вениамин плакася на выи его. 001 GEN 045 015 И облобызав всю братию свою, плакася над ними: и по сих глаголаша к нему братия его. 001 GEN 045 016 И пронесеся глас в дому фараонове, глаголюще: приидоша братия Иосифова. Возрадовася же фараон и раби его. 001 GEN 045 017 Рече же фараон ко Иосифу: рцы братии своей: сие сотворите: наполните сосуды вашя (пшеницы) и идите в землю Ханааню, 001 GEN 045 018 и вземше отца вашего и имения ваша, приидите ко мне: и дам вам от всех благ Египетских, и снесте тук земли: 001 GEN 045 019 ты же заповеждь сия: взяти им колесницы от земли Египетския, детем их и женам их: и поимше отца своего, приидите: 001 GEN 045 020 и не пощадите очима сосудов ваших: вся бо благая Египетская вам будут. 001 GEN 045 021 Сотвориша же тако сынове Израилевы: даде же им Иосиф колесницы по повелению фараона царя (Египетска), и даде им брашно на путь: 001 GEN 045 022 и всем даде сугубы ризы, Вениамину же даде триста златниц и пятеры ризы пременныя: 001 GEN 045 023 и отцу своему посла такожде, и десять ослов везущих от всех благ Египетских, и десять мсков везущих хлебы на путь отцу его. 001 GEN 045 024 И отпусти братию свою. И отидоша. И рече им: не гневайтеся на пути. 001 GEN 045 025 Изыдоша же из Египта и приидоша в землю Ханааню ко Иакову отцу своему 001 GEN 045 026 и поведаша ему глаголюще: яко сын твой Иосиф жив есть, и он владеет над всею землею Египетскою. И ужасеся в мысли Иаков: не вероваше бо им. 001 GEN 045 027 Глаголаша же ему вся реченная от Иосифа, елика рече им. Узрев же колесницы, яже посла Иосиф, еже взяти его, оживе дух Иакова, отца их, 001 GEN 045 028 и рече Израиль: велико ми есть (сие), аще еще Иосиф сын мой жив есть: шед узрю его, прежде неже умрети ми. 001 GEN 046 001 Востав же Израиль сам и вся сущая его, прииде ко кладязю Клятвенному и пожре жертву Богу отца своего Исаака. 001 GEN 046 002 Рече же Бог ко Израилю в видении нощию, глаголя: Иакове, Иакове. Он же рече: что есть? 001 GEN 046 003 Он же рече ему: Аз есмь Бог отцев твоих, не убойся изыти во Египет: в язык бо велий сотворю тя тамо: 001 GEN 046 004 и Аз сниду с тобою во Египет, и Аз возведу тя до конца: и Иосиф возложит руки своя на очи твои. 001 GEN 046 005 Воста же Иаков от кладязя Клятвеннаго, и взяша сынове Израиля отца своего, и стяжание, и жены своя на колесницы, яже посла Иосиф, взяти его: 001 GEN 046 006 и вземше имения своя и все стяжание, еже стяжаша в земли Ханаанстей, внидоша во Египет Иаков и все семя его с ним: 001 GEN 046 007 сынове и сынове сынов его с ним, дщери и дщери дщерей его, и все семя свое введе во Египет. 001 GEN 046 008 Сия же имена сынов Израилевых вшедших во Египет купно со Иаковом отцем своим: Иаков и сынове его: первенец Иаковль Рувим. 001 GEN 046 009 Сынове же Рувимли: Енох и Фаллос, Асрон и Харми. 001 GEN 046 010 Сынове же Симеони: Иемуил и Иамин, и Аод и Ахин, и Саар и Саул, сын Хананитидин. 001 GEN 046 011 Сынове же Левиини: Гирсон, Кааф и Мерарий. 001 GEN 046 012 Сынове же Иудины: Ир и Авнан, и Силом и Фарес и Зара: умроша же Ир и Авнан в земли Ханаани. Быша же сынове Фаресу: Есром и Иемуил. 001 GEN 046 013 Сынове же Иссахаровы: Фола и Фуа, и Асум и Самвран. 001 GEN 046 014 Сынове же Завулони: Серед и Аллон и Ахоил. 001 GEN 046 015 Сии сынове Лиини, ихже роди Иакову в Месопотамии Сирстей, и Дину дщерь его: всех душ сынов и дщерей тридесять три. 001 GEN 046 016 Сынове же Гадовы: Сафон и Ангис, и Саннис и Фасован, и Аидис и Ароидис и Ареилис. 001 GEN 046 017 Сынове же Асировы: Иемна и Ессуа, и Иеул и Вариа, и Сара сестра их. Сынове же Вариины: Ховор и Мелхиил. 001 GEN 046 018 Сии сынове Зелфины, юже даде Лаван Лии, дщери своей, яже роди сих Иакову, шестьнадесять душ. 001 GEN 046 019 Сынове же Рахили, жены Иаковли: Иосиф и Вениамин. 001 GEN 046 020 Быша же сынове Иосифу в земли Египетстей, ихже роди ему Асенефа, дщи Петефриа жреца Илиопольска, Манассию и Ефрема. Быша же сынове Манассиины, ихже роди ему наложница Сира, Махира. Махир же роди Галаада. Сынове же Ефраима, брата Манассиина: Суталаам и Таам. Сынове же Суталаамли, Едом. 001 GEN 046 021 Сынове же Вениамини: Вала и Ховор и Асфил. Быша же сынове Валовы: Гира и Ноеман, и Анхис и Рос, и Мамфим и Офимим. Гира же роди Арада. 001 GEN 046 022 Сии сынове Рахилины, ихже роди Иакову, всех душ осмьнадесять. 001 GEN 046 023 Сынове же Дановы: Асом. 001 GEN 046 024 Сынове же Неффалимли: Асиил и Гони, и Иссаар и Селлим. 001 GEN 046 025 Сии сынове Валлины, юже даде Лаван Рахили дщери своей, яже роди сих Иакову: всех душ седмь. 001 GEN 046 026 Всех же душ вшедших со Иаковом во Египет, яже изыдоша из чресл его, кроме жен сынов Иаковлих, всех душ шестьдесят шесть. 001 GEN 046 027 Сынове же Иосифовы, иже быша ему в земли Египетстей, душ девять: всех душ дому Иаковля, яже приидоша со Иаковом во Египет, душ седмьдесят пять. 001 GEN 046 028 Иуду же посла пред собою ко Иосифу срести его у Иройска града в земли Рамессийстей. 001 GEN 046 029 Впряг же Иосиф колесницы своя, изыде во сретение Израилю, отцу своему, ко Ироону граду: и явився ему, нападе на выю его и плакася плачем великим. 001 GEN 046 030 И рече Израиль ко Иосифу: да умру отныне, понеже видех лице твое: еще бо ты еси жив. 001 GEN 046 031 Рече же Иосиф ко братии своей: шед повем фараону и реку ему: братия моя и дом отца моего, иже быша в земли Ханаани, приидоша ко мне: 001 GEN 046 032 они же суть мужие пастуси, мужие бо скотопитателие быша: и скоты, и волы, и вся своя приведоша: 001 GEN 046 033 аще убо призовет вас фараон и речет вам: что дело ваше есть? 001 GEN 046 034 Рцыте: мужие скотопитателие есмы, раби твои, издетска даже до ныне, и мы и отцы наши: да вселитеся в земли Гесем аравийстей: мерзость бо есть Египтяном всяк пастух овчий. 001 GEN 047 001 Пришед же Иосиф, поведа фараону глаголя: отец мой и братия моя, и скоти и волове их, и вся сущая их приидоша из земли Ханаани: и се, суть в земли Гесем. 001 GEN 047 002 От братий же своих поя пять мужей и постави их пред фараоном. 001 GEN 047 003 И рече фараон к братиям Иосифовым: что дело ваше? Они же реша фараону: пастуси овчии, раби твои, и мы и отцы наши отдетска и доселе. 001 GEN 047 004 Рекоша же фараону: обитати в земли приидохом, несть бо пажити скотом раб твоих: одоле бо глад на земли Ханаани: ныне убо да вселимся раби твои в земли Гесем. 001 GEN 047 005 И рече фараон Иосифу, глаголя: отец твой и братия твоя приидоша к тебе: 001 GEN 047 006 се, земля Египетская пред тобою есть: на лучшей земли посели отца твоего и братию твою, да вселятся в земли Гесем: аще же веси, яко суть в них мужие сильнии, постави их старейшины скотом моим. (приидоша же во Египет ко Иосифу Иаков и сынове его: и услыша фараон царь Египетский). 001 GEN 047 007 Введе же Иосиф Иакова отца своего и постави его пред фараоном, и благослови Иаков фараона. 001 GEN 047 008 Рече же фараон ко Иакову: колико лет дний жития твоего? 001 GEN 047 009 И рече Иаков фараону: дние лет жития моего, яже обитаю, сто тридесять лет: малы и злы быша дние лет жития моего: не достигоша во дни лет жития отец моих, яже дни обиташа. 001 GEN 047 010 И благословив Иаков фараона, отиде от него. 001 GEN 047 011 И всели Иосиф отца своего и братию свою, и даде им обдержание в земли Египетстей, на лучшей земли, в земли Рамессийстей, якоже повеле фараон. 001 GEN 047 012 И деляше Иосиф пшеницу отцу своему и братии своей и всему дому отца своего по числу лиц. 001 GEN 047 013 Пшеницы же не бяше во всей земли, одоле бо глад зело: скончавашеся же земля Египетская и земля Ханааня от глада. 001 GEN 047 014 Собра же Иосиф все сребро обретшееся в земли Египетстей и в земли Ханаани, за пшеницу, юже куповаху, и размеряше им пшеницу, и внесе Иосиф все сребро в дом фараонов. 001 GEN 047 015 И оскуде все сребро от земли Египетския и от земли Ханаанския: приидоша же вси Египтяне ко Иосифу, глаголюще: даждь нам хлебы, и вскую умираем пред тобою? Скончася бо сребро наше. 001 GEN 047 016 Рече же им Иосиф: пригоните скоты вашя, и дам вам хлебы за скоты вашя, аще скончася сребро ваше. 001 GEN 047 017 Пригнаша же скоты своя ко Иосифу, и даде им Иосиф хлебы за кони и за овцы, и за волы и за ослы, и прекорми их хлебами за вся скоты их в том лете. 001 GEN 047 018 Прейде же то лето, и приидоша к нему во второе лето и рекоша ему: да не како погибнем от господина нашего? Аще бо скончася сребро наше, и имение и скоты пред тобою, господине, и не остася нам пред господином нашим, точию едино тело и земля наша: 001 GEN 047 019 да не умрем убо пред тобою, и земля опустеет, купи нас и землю нашу хлебами: и будем мы и земля наша раби фараону: даждь семя, да посеем и живи будем, и не умрем, и земля не опустеет. 001 GEN 047 020 И купи Иосиф всю землю Египетскую фараону: продаша бо Египтяне землю свою фараону, ибо одоле им глад: и бысть земля фараону. 001 GEN 047 021 И люди поработи ему в рабы, от края предел Египетских даже до краев, 001 GEN 047 022 кроме земли жреческия токмо, тоя бо не купи Иосиф: даянием бо даде в дар жерцем фараон, и ядяху даяние, еже даде им фараон: сего ради не продаша земли своея. 001 GEN 047 023 Рече же Иосиф всем Египтяном: се, купих вас и землю вашу днесь фараону: возмите себе семена и сейте на земли: 001 GEN 047 024 и будут плоды ея, и да дасте пятую часть фараону, четыри же части будут вам самем в семена земли и на препитание вам и всем сущым в домех ваших. 001 GEN 047 025 И рекоша: оживил ны еси, обретохом благодать пред господином нашим, и будем раби фараону. 001 GEN 047 026 И устави им Иосиф заповедь даже до сего дне на земли Египетстей пятую часть даяти фараону, кроме земли жреческия: та точию не бяше фараоня. 001 GEN 047 027 Вселися же Израиль в земли Египетстей, на земли Гесем, и наследствоваше ю: и возрастоша, и умножишася зело. 001 GEN 047 028 Поживе же Иаков в земли Египетстей седмьнадесять лет: и быша дние Иаковли лет жизни его, сто четыредесять седмь лет. 001 GEN 047 029 Приближишася же дние Израилю еже умрети, и призва сына своего Иосифа и рече ему: аще обретох благодать пред тобою, подложи руку твою под стегно мое и сотвориши надо мною милость и истину, еже не погребсти мене во Египте, 001 GEN 047 030 но да почию со отцы моими: и изнесеши мя из Египта, и погребеши мя во гробе их. Он же рече: аз сотворю по словеси твоему. 001 GEN 047 031 Рече же: кленися мне. И клятся ему. И поклонися Израиль на конец жезла его. 001 GEN 048 001 Бысть же по глаголех сих, и поведано бысть Иосифу, яко отец твой изнемогает: и поим два сына своя, Манассию и Ефрема, прииде ко Иакову. 001 GEN 048 002 Поведаша же Иакову, глаголюще: се, сын твой Иосиф грядет к тебе. И укрепився Израиль седе на одре, 001 GEN 048 003 и рече Иаков ко Иосифу: Бог мой явися мне в Лузе, в земли Ханаани, и благослови мя 001 GEN 048 004 и рече ми: се, Аз возращу тя и умножу тя, и сотворю тя в собрания языков: и дам ти землю сию и семени твоему по тебе во одержание вечное. 001 GEN 048 005 Ныне убо два сына твоя, иже быша тебе в земли Египетстей прежде пришествия моего к тебе во Египет, мои суть: Ефрем и Манассиа, аки Рувим и Симеон будут мне: 001 GEN 048 006 сыны же, яже аще родиши по сих, будут тебе: во имя братии своея призовутся ко жребиям оных: 001 GEN 048 007 аз же егда идях от Месопотамии Сирския, умре Рахиль мати твоя в земли Ханаани, приближающуся ми ко ипподрому Хаврафы земли, еже приити во Ефрафу: и погребох ю на пути ипподрома: сей есть Вифлеем. 001 GEN 048 008 Видев же Израиль сыны Иосифовы, рече: что тебе сии? 001 GEN 048 009 Рече же Иосиф отцу своему: сынове мои суть, яже даде ми Бог зде. И рече Иаков: приведи ми я, да благословлю их. 001 GEN 048 010 Очи же Израилю тяжко видеста от старости, и не можаше видети: и приближи их к нему, и лобза их, и объят я. 001 GEN 048 011 И рече Израиль ко Иосифу: се, лица твоего не лишихся, и се, показа ми Бог и семя твое. 001 GEN 048 012 И отведе их Иосиф от колен его, и поклонишася ему лицем до земли. 001 GEN 048 013 Поим же Иосиф два сына своя, Ефрема в десницу, прямо левицы Израиля, Манассию же в левую, прямо десницы Израилевы, приближи их к нему. 001 GEN 048 014 Простер же Израиль руку десную, возложи на главу Ефремлю, сей же бяше менший, а левую на главу Манассиину, пременив руце, 001 GEN 048 015 и благослови я и рече: Бог, Емуже благоугодиша отцы мои пред ним, Авраам и Исаак, Бог, Иже питает мя измлада даже до дне сего, 001 GEN 048 016 Ангел, иже мя избавляет от всех зол, да благословит детища сия, и прозовется в них имя мое, и имя отец моих, Авраама и Исаака, и да умножатся во множество многое на земли. 001 GEN 048 017 Видев же Иосиф, яко возложи отец его руку десную свою на главу Ефремлю, тяжко ему явися: и прия Иосиф руку отца своего отяти ю от главы Ефремли на главу Манассиину, 001 GEN 048 018 и рече Иосиф отцу своему: не тако, отче: сей бо (есть) первенец, возложи руку десную твою на главу его. 001 GEN 048 019 И не хотяше, но рече: вем, чадо, вем: и сей будет в люди, и сей вознесется: но брат его менший болий его будет, и семя его будет во множество языков. 001 GEN 048 020 И благослови я в том дни, глаголя: в вас благословится Израиль, глаголюще: да сотворит тя Бог якоже Ефрема и яко Манассию. И постави Ефрема вышше Манассии. 001 GEN 048 021 Рече же Израиль Иосифу: се, аз умираю, и будет Бог с вами, и возвратит вас от земли сея на землю отец ваших: 001 GEN 048 022 аз же даю ти Сикиму избранную свыше братии твоея, юже взях из руки Аморрейски мечем моим и луком. 001 GEN 049 001 Призва же Иаков сыны своя и рече им: соберитеся, да возвещу вам, что срящет вас в последния дни: 001 GEN 049 002 соберитеся и послушайте мене, сынове Иаковли, послушайте Израиля, послушайте отца вашего. 001 GEN 049 003 Рувим, первенец мой, ты крепость моя и начало чад моих: жесток терпети и жесток упорник: 001 GEN 049 004 досадил еси яко вода, да не воскипиши: возшел бо еси на ложе отца твоего, тогда осквернил еси постелю, идеже возшел еси. 001 GEN 049 005 Симеон и Левий братия совершиста обиду от воли своея: 001 GEN 049 006 в совет их да не приидет душа моя, и к собранию их да не прилепятся внутренняя моя: яко во гневе своем избиста человеки, и в похоти своей пререзаста жилы юнца: 001 GEN 049 007 проклята ярость их, яко упорна, и гнев их, яко ожесточися: разделю их во Иакове и разсею их во Израили. 001 GEN 049 008 Иудо, тебе похвалят братия твоя, руце твои на плещу враг твоих: поклонятся тебе сынове отца твоего: 001 GEN 049 009 скимен львов Иуда: от леторасли, сыне мой, возшел еси: возлег уснул еси яко лев и яко скимен: кто возбудит его? 001 GEN 049 010 Не оскудеет князь от Иуды и вождь от чресл его, дондеже приидут отложеная Ему, и Той чаяние языков: 001 GEN 049 011 привязуяй к лозе жребя свое и к винничию жребца осляте своего, исперет вином одежду свою и кровию гроздия одеяние свое: 001 GEN 049 012 радостотворны очи его паче вина, и белы зубы его паче млека. 001 GEN 049 013 Завулон при мори вселится, и той на пристанищи кораблей, и прострется даже до Сидона. 001 GEN 049 014 Иссахар доброе возжела, почивая посреде пределов, 001 GEN 049 015 и видев покой, яко добр, и землю, яко тучна, подложи рамы свои на труд, и бысть муж земледелец. 001 GEN 049 016 Дан судити имать люди своя, яко и едино племя во Израили, 001 GEN 049 017 и да будет Дан змий на пути, седяй на распутии, угрызая пяту конску: 001 GEN 049 018 и падет конник вспять, спасения ждый Господня. 001 GEN 049 019 Гад, искушение искусит его: он же искусит того при ногах. 001 GEN 049 020 Асир, тучен его хлеб, и той даст пищу князем. 001 GEN 049 021 Неффалим стебль распущающаяся, издаяй во отрасли доброту. 001 GEN 049 022 Сын возращен Иосиф, сын возращен мой ревностный, сын мой юнейший, ко мне обратися: 001 GEN 049 023 на негоже советующе укоряху и наляцаху нань господие стреляний, 001 GEN 049 024 и сотрошася с крепостию луки их, и разслабеша жилы мышцей рук их, рукою сильнаго Иакова: оттуду укрепися Израиль от Бога отца твоего, 001 GEN 049 025 и поможе тебе Бог мой, и благослови тя благословением небесным свыше и благословением земли и имущия вся: благословения ради сосцев и ложесн, 001 GEN 049 026 благословения отца твоего и матере твоея: преодоле паче благословения гор пребывающих и благословения холмов вечных: будут на главе Иосифове и на версе (главы) братий, имиже обладаше. 001 GEN 049 027 Вениамин волк хищник, рано яст еще и на вечер дает пищу. 001 GEN 049 028 Вси сии сынове Иаковли дванадесять: и сия глагола им отец их, и благослови их: коегождо по благословению его благослови их, 001 GEN 049 029 и рече им: аз прилагаюся к людем моим: погребите мя со отцы моими в пещере, яже есть в селе Ефрона Хеттеанина, 001 GEN 049 030 в пещере Сугубей, яже прямо Мамврии в земли Ханаани, юже стяжа Авраам пещеру у Ефрона Хеттеанина в стяжание гроба. 001 GEN 049 031 Тамо погребоша Авраама и Сарру жену его, тамо погребоша Исаака и Ревекку жену его, тамо погребоша Лию, 001 GEN 049 032 в стяжании села и пещеры, яже есть в нем у сынов Хеттеовых. 001 GEN 049 033 И преста Иаков завещая сыном своим, и возложив Иаков нозе свои на одр умре, и приложися к людем своим. 001 GEN 050 001 И припад Иосиф на лице отца своего, плакася (горько) о нем и облобыза его: 001 GEN 050 002 и повеле Иосиф рабом своим погребателем погребсти отца своего. И погребоша погребателие Израиля. 001 GEN 050 003 И исполнишася ему четыредесять дний: тако бо исчисляются дние погребения: и плакася его Египет седмьдесят дний. 001 GEN 050 004 Егда же преидоша дние плача, глагола Иосиф ко вельможам фараоновым, глаголя: аще обретох благодать пред вами, рцыте о мне во ушы фараону, глаголюще: 001 GEN 050 005 отец мой закля мя прежде скончания (своего), глаголя: во гробе, егоже ископах себе в земли Ханаани, тамо мя погреби: ныне убо возшед погребу отца моего и возвращуся. И рекоша фараону по словеси Иосифову. 001 GEN 050 006 И рече фараон ко Иосифу: взыди, погреби отца твоего, якоже закля тя. 001 GEN 050 007 И взыде Иосиф погребсти отца своего. И совзыдоша с ним вси раби фараони и старейшины дому его, и вси старейшины земли Египетския, 001 GEN 050 008 и весь дом Иосифов и братия его, и весь дом отца его и сродницы его: овцы же и волы оставиша в земли Гесем. 001 GEN 050 009 И совзыдоша с ним и колесницы и конницы, и бысть полк велик зело. 001 GEN 050 010 И приидоша на Гумно Атадово, еже есть об он пол Иордана, и рыдаша его рыданием велиим и крепким зело: и сотвори плачь отцу своему седмь дний. 001 GEN 050 011 И видеша жителие земли Ханаанския плачь на Гумне Атадове и реша: плачь велик сей есть Египтяном. Сего ради наречеся имя месту тому плачь Египетск, еже есть об он пол Иордана. 001 GEN 050 012 И сотвориша ему тако сынове его, якоже заповеда им. 001 GEN 050 013 И взяша его сынове его в землю Ханааню и погребоша его в пещере Сугубей, юже стяжа Авраам пещеру в стяжание гроба от Ефрона Хеттеанина, прямо Мамврии. 001 GEN 050 014 И возвратися Иосиф во Египет, сам и братия его и вси совозшедшии погребсти отца его. 001 GEN 050 015 Видевше же братия Иосифовы, яко умре отец их, реша: да не когда воспомянет злобу нашу Иосиф и воздаянием воздаст нам за вся злая, яже показахом ему. 001 GEN 050 016 И пришедше ко Иосифу рекоша: отец твой закля прежде кончины своея, глаголя: 001 GEN 050 017 тако рцыте Иосифу: остави им неправду и грех их, яко лукавая тебе показаша: и ныне приими неправду рабов Бога отца твоего. И плакася Иосиф, глаголющим им к нему. 001 GEN 050 018 И пришедше к нему рекоша: се, мы тебе раби. 001 GEN 050 019 И рече к ним Иосиф: не бойтеся, Божий бо есмь аз: 001 GEN 050 020 вы совещасте на мя злая, Бог же совеща о мне благая, дабы было якоже днесь, и препиталися бы людие мнози. 001 GEN 050 021 И рече им: не бойтеся, аз препитаю вас и домы вашя. И утеши их, и глагола им по сердцу их. 001 GEN 050 022 И вселися Иосиф во Египте сам и братия его и весь дом отца его: и поживе Иосиф лет сто десять. 001 GEN 050 023 И виде Иосиф Ефремли дети до третияго рода: и сынове Махира сына Манассиина родишася при бедрех Иосифовых. 001 GEN 050 024 И рече Иосиф братии своей, глаголя: аз умираю, посещением же посетит вас Бог и изведет вас от земли сея в землю, о нейже клятся Бог отцем нашым Аврааму, Исааку и Иакову. 001 GEN 050 025 И закля Иосиф сыны Израилевы, глаголя: в посещении, имже посетит вас Бог, совознесите и кости моя отсюду с вами. 001 GEN 050 026 И скончася Иосиф сый лет ста десяти: и погребоша его, и положиша в раце во Египте. # # BOOK 002 EXO Exodus Исход 002 EXO 001 001 Сия имена сынов Израилевых, входящих во Египет вкупе со Иаковом отцем их, кийждо со всем домом своим внидоша: 002 EXO 001 002 Рувим, Симеон, Левий, Иуда, 002 EXO 001 003 Иссахар, Завулон и Вениамин, 002 EXO 001 004 Дан и Неффалим, Гад и Асир: Иосиф же бяше во Египте. 002 EXO 001 005 Бяше же всех душ изшедших из Иакова седмьдесят пять. 002 EXO 001 006 Умре же Иосиф, и вся братия его, и весь род оный: 002 EXO 001 007 сынове же Израилевы возрастоша и умножишася, и мнози быша и укрепишася зело зело: умножи же их земля. 002 EXO 001 008 Воста же царь ин во Египте, иже не знаше Иосифа, 002 EXO 001 009 рече же языку своему: се, род сынов Израилевых великое множество и укрепляется паче нас: 002 EXO 001 010 приидите убо, прехитрим их, да не когда умножатся: и егда аще приключится нам брань, приложатся и сии к супостатом, и одолевше нам изыдут из земли (нашея). 002 EXO 001 011 И пристави над ними приставники дел, да озлобят их в делех. И создаша грады тверды фараону: Пифо, и Рамесси, и он, иже есть Илиополь. 002 EXO 001 012 По елику же их смиряху, толико множайшии бываху и укрепляхуся зело зело. И гнушахуся Египтяне сынми Израилевыми, 002 EXO 001 013 и насилие творяху Египтяне сыном Израилевым нуждею, 002 EXO 001 014 и болезненну тем жизнь творяху в делех жестоких брением и плинфоделанием, и всеми делы, яже в полях, во всех делех, имиже порабощаху их с нуждею. 002 EXO 001 015 И рече царь Египетский бабам Еврейским: единей их имя Сепфора и имя вторей Фуа, 002 EXO 001 016 и рече (им): егда бабите Евреаныням, и суть к рождению, аще убо мужеский пол будет, убивайте его: аще же женский, снабдевайте его. 002 EXO 001 017 Убояшася же бабы Бога, и не сотвориша, якоже повеле им царь Египетский, и живляху мужеский пол. 002 EXO 001 018 Призва же царь Египетский бабы и рече им: что яко сотвористе вещь сию, и оживляете мужеский пол? 002 EXO 001 019 Рекоша же бабы фараону: не яко жены Египтяныни, тако и жены Евреаныни: раждают бо прежде неже внити к ним бабам, и раждаху. 002 EXO 001 020 Благо же творяше Бог бабам, и множахуся людие и укрепляхуся зело. 002 EXO 001 021 И понеже бояхуся бабы Бога, сотвориша себе жилища. 002 EXO 001 022 Заповеда же фараон всем людем своим, глаголя: всяк мужеский пол, иже родится Евреом, в реку ввергайте, и всяк женский пол снабдевайте и жив. 002 EXO 002 001 Бяше же некто от племене Левиина, иже поя от дщерей Левииных, и имяше ю: 002 EXO 002 002 и зача во чреве и роди мужеский пол. Видевше же его лепа, крыша его три месяцы: 002 EXO 002 003 и понеже не можаху его ктому крыти, взя ему мати его ковчежец ситовый и помаза и клеем и смолою, и вложи отроча в него, и положи его в лучице при реце: 002 EXO 002 004 и наблюдаше сестра его издалеча, да уведает, что будет ему. 002 EXO 002 005 Сниде же дщерь фараонова измытися на реку, и рабыни ея прохождаху при реце. И видевши ковчежец в лучице, пославши рабыню, взя и. 002 EXO 002 006 Отверзши же, видит отроча плачущееся в ковчежце, и пощаде е дщерь фараоня, и рече: от детей Еврейских сие. 002 EXO 002 007 И рече сестра его дщери фараонове: хощеши ли, призову ти жену кормилицу от Еврей, и воздоит ти отроча? 002 EXO 002 008 И рече ей дщерь фараонова: иди. Шедши же отроковица, призва матерь отрочате. 002 EXO 002 009 Рече же к ней дщерь фараонова: соблюди ми отроча сие и воздой ми е: аз же дам ти мзду. Взя же отроча жена и дояше е. 002 EXO 002 010 Возмужавшу же отрочати, введе е ко дщери фараонове, и бысть ей в сына, и нарече имя ему Моисей, глаголющи: от воды взях его. 002 EXO 002 011 Бысть же во дни многия оны, велик быв Моисей, изыде к братиям своим, сыном Израилевым. Разумев же болезнь их, виде человека Египтянина биюща некоего Евреанина от братии его сынов Израилевых. 002 EXO 002 012 Обозревся же семо и овамо, ни когоже виде: и поразив Египтянина, скры его в песце. 002 EXO 002 013 Изшед же во вторый день, виде два мужа Евреанина биющася и глагола обидящему: чесо ради ты биеши искренняго? 002 EXO 002 014 Он же рече: кто тя постави князя и судию над нами? Еда убити мя ты хощеши, имже образом убил еси вчера Египтянина? Убояся же Моисей и рече: аще сице явлен бысть глагол сей? 002 EXO 002 015 Услыша же фараон глагол сей и искаше убити Моисеа. Отиде же Моисей от лица фараонова и вселися в земли Мадиамстей: пришед же в землю Мадиамскую седе при кладязе. 002 EXO 002 016 Священнику же Мадиамскому беша седмь дщерей, пасущих овцы отца своего Иофора: пришедшя же черпаху, дондеже наполниша корыта, напоити овцы отца своего Иофора. 002 EXO 002 017 Пришедше же пастырие изгнаша я. Востав же Моисей избави их, и налия им и напои овцы их. 002 EXO 002 018 Приидоша же к Рагуилу отцу своему. Он же рече им: что яко ускористе приити днесь? 002 EXO 002 019 Оныя же рекоша: человек Египтянин избави нас от пастырей, и начерпа нам и напои овцы нашя. 002 EXO 002 020 Он же рече дщерем своим: и где есть? И вскую сице остависте человека? Призовите убо его, да яст хлеб. 002 EXO 002 021 Вселися же Моисей у человека: и даде Сепфору дщерь свою Моисею в жену. 002 EXO 002 022 Во чреве же заченши жена роди сына, и нарече Моисей имя ему Гирсам, глаголя: яко пришлец есмь в земли чуждей. Еще же заченши роди сына втораго, и нарече имя ему Елиезер, глаголя: Бог бо отца моего помощник мой и избави мя из руки фараоновы. 002 EXO 002 023 По днех же многих тех, умре царь Египетский, и возстенаша сынове Израилевы от дел и возопиша, и взыде вопль их к Богу от дел. 002 EXO 002 024 И услыша Бог стенание их: и помяну Бог завет Свой иже ко Аврааму и Исааку и Иакову, 002 EXO 002 025 и призре Бог на сыны Израилевы, и познан бысть ими. 002 EXO 003 001 Моисей же бяше пасый овцы Иофора тестя своего, священника Мадиамска: и гнаше овцы в пустыню, и прииде в гору Божию Хорив. 002 EXO 003 002 Явися же ему Ангел Господнь в пламени огненне из купины: и видит, яко купина горит огнем, купина же не сгараше. 002 EXO 003 003 Рече же Моисей: мимошед увижду видение великое сие, яко не сгарает купина. 002 EXO 003 004 Егда же виде Господь, яко приступает видети, воззва его Господь из купины, глаголя: Моисее, Моисее. Он же рече: что есть, Господи? 002 EXO 003 005 Он же рече: не приближайся семо: изуй сапоги от ног твоих: место бо, на немже ты стоиши, земля свята есть. 002 EXO 003 006 И рече ему: Аз есмь Бог отца твоего, Бог Авраамов и Бог Исааков и Бог Иаковль. Отврати же Моисей лице свое: благоговеяше бо воззрети пред Бога. 002 EXO 003 007 Рече же Господь к Моисею: видя видех озлобление людий Моих, иже во Египте, и вопль их услышах от дел приставников: уведех болезнь их, 002 EXO 003 008 и снидох изяти их от руку Египетску, и извести я из земли тоя, и ввести их в землю благу и многу, в землю кипящую млеком и медом, в место Хананейско и Хеттейско, и Аморрейско и Ферезейско, и Гергесейско и Евейско и Иевусейско: 002 EXO 003 009 и се, ныне вопль сынов Израилевых прииде ко Мне, и Аз видех тугу, еюже Египтяне стужают им: 002 EXO 003 010 и ныне гряди, да послю тя к фараону царю Египетскому, и изведеши люди Моя, сыны Израилевы из земли Египетския. 002 EXO 003 011 И рече Моисей к Богу: кто есмь аз, яко да пойду к фараону царю Египетскому, и яко да изведу сыны Израилевы от земли Египетския? 002 EXO 003 012 Рече же Бог к Моисею, глаголя: яко буду с тобою: и сие тебе знамение, яко Аз тя посылаю: внегда извести тебе люди Моя из Египта, и помолитеся Богу в горе сей. 002 EXO 003 013 И рече Моисей к Богу: се, аз пойду к сыном Израилевым и реку к ним: Бог отец наших посла мя к вам: и аще вопросят мя, что имя Ему, что реку к ним? 002 EXO 003 014 И рече Бог к Моисею, глаголя: Аз есмь Сый. И рече: тако речеши сыном Израилевым: Сый посла мя к вам. 002 EXO 003 015 И рече Бог паки к Моисею: тако речеши сыном Израилевым: Господь Бог отец наших, Бог Авраамов и Бог Исааков и Бог Иаковль, посла мя к вам: сие Мое есть имя вечное и память родов родом: 002 EXO 003 016 пришед убо собери старцы сынов Израилевых и рцы к ним: Господь Бог отец наших явися мне, Бог Авраамов и Бог Исааков и Бог Иаковль, глаголя: присещением присетих вас, и елика случишася вам во Египте: 002 EXO 003 017 и рече: изведу вас от озлобления Египетскаго в землю Хананейску и Хеттейску, и Аморрейску и Ферезейску, и Гергесейску и Евейску и Иевусейску, в землю кипящую млеком и медом: 002 EXO 003 018 и послушают гласа твоего, и внидеши ты и старейшины Израилевы к фараону царю Египетскому, и речеши к нему: Господь Бог Еврейский воззва нас: да пойдем убо путем трех дний в пустыню, да пожрем Господу Богу нашему: 002 EXO 003 019 Аз же вем, яко не отпустит вас фараон царь Египетский пойти, аще не рукою крепкою: 002 EXO 003 020 и простер руку Мою, поражу Египтяны всеми чудесы Моими, яже сотворю в них: и по сих отпустит вы, 002 EXO 003 021 и дам благодать людем сим пред Египтяны: егда же пойдете, не отидете тщы: 002 EXO 003 022 но да испросит жена от соседы и подруги своея сосуды сребряны и златы, и ризы: и украсите сыны вашя и дщери вашя, и оберите Египтян. 002 EXO 004 001 Отвеща же Моисей и рече: аще не уверуют ми, ниже послушают гласа моего, рекут бо, яко не явися тебе Бог, что реку к ним? 002 EXO 004 002 И рече к нему Господь: что сие есть в руце твоей? Он же рече: жезл. 002 EXO 004 003 И рече: поверзи его на землю. И верже и на землю, и бысть змий: и отбеже Моисей от него. 002 EXO 004 004 И рече Господь к Моисею: простри руку и ими за хвост. Простер убо руку, взя за хвост, и бысть жезл в руце его. 002 EXO 004 005 Да уверуют ти, яко явися тебе Господь Бог отец твоих, Бог Авраамов и Бог Исааков и Бог Иаковль. 002 EXO 004 006 Рече же ему Господь паки: вложи руку твою в недро твое. И вложи руку в недро свое, и изят ю от недра своего, и бысть рука его прокажена яко снег. 002 EXO 004 007 И рече паки ему Господь: вложи руку твою в недро твое. И вложи руку свою в недро свое, и изят ю от недра своего, и бысть паки в румянстве плоти своея. 002 EXO 004 008 Аще же не уверуют тебе, ниже послушают гласа знамения перваго, уверуют тебе ради гласа знамения втораго: 002 EXO 004 009 и будет аще не уверуют тебе двема знамениями сими, ниже послушают гласа твоего, да возмеши от воды речныя, и пролиеши на сухо: и будет вода, юже возмеши от реки, кровию на сусе. 002 EXO 004 010 Рече же Моисей ко Господу: молюся ти, Господи: недоброречив есмь прежде вчерашняго и третияго дне, ниже отнележе начал еси глаголати рабу Твоему: худогласен и косноязычен аз есмь. 002 EXO 004 011 И рече Господь к Моисею: кто даде уста человеку? И кто сотвори нема и глуха, и видяща и слепа? Не Аз ли Господь Бог? 002 EXO 004 012 И ныне иди, и Аз отверзу уста твоя и устрою тебе, еже имаши глаголати. 002 EXO 004 013 Рече же Моисей: молюся ти, Господи, избери могуща иного, егоже послеши. 002 EXO 004 014 И разгневався яростию Господь на Моисеа, рече: не се ли брат твой Аарон Левитин? Вем, яко глаголя возглаголет он вместо тебе: и се, той изыдет во сретение тебе, и узрев тя, возрадуется в себе: 002 EXO 004 015 и речеши к нему, и вдаси словеса Моя во уста его: Аз же отверзу уста твоя и уста его, и устрою вам яже имате творити: 002 EXO 004 016 и той возглаголет от тебе к людем, и той будет уста твоя: ты же будеши ему в тех, яже к Богу: 002 EXO 004 017 и жезл сей обращенный в змию, возми в руку твою, сим сотвориши знамения. 002 EXO 004 018 Пойде же Моисей, и возвратися ко Иофору тестю своему и рече: пойду и возвращуся ко братии моей, иже во Египте, и увижду, аще еще живи суть. И рече Иофор к Моисею: иди здрав. По днех же оных многих, умре царь Египетский. 002 EXO 004 019 И рече Господь к Моисею в земли Мадиамстей: иди, отиди во Египет: измроша бо вси ищущии души твоея. 002 EXO 004 020 Поим же Моисей жену свою и отрочата, всади я на ослята, и возвратися во Египет. И взя Моисей жезл, иже от Бога, в руку свою. 002 EXO 004 021 Рече же Господь к Моисею: идущу тебе и возвращающуся во Египет, зри вся чудеса, яже дах в руце твои, да сотвориши Я пред фараоном: Аз же ожесточу сердце его, и не отпустит людий: 002 EXO 004 022 ты же возглаголеши фараону: сия глаголет Господь Бог Еврейский: сын Мой первенец Израиль: 002 EXO 004 023 рех же тебе: отпусти люди Моя, да Ми послужат: аще убо не хощеши отпустити их, блюди убо, Аз убию сына твоего первенца. 002 EXO 004 024 Бысть же на пути на стану, срете его Ангел Господнь и искаше его убити. 002 EXO 004 025 И вземши Сепфора камень, обреза конечную плоть сына своего, и припаде к ногам его и рече: ста кровь обрезания сына моего. 002 EXO 004 026 И отиде от него Ангел, занеже рече: ста кровь обрезания сына моего. 002 EXO 004 027 Рече же Господь ко Аарону: изыди во сретение Моисею в пустыню. И иде, и срете его в горе Божии: и целовастася оба. 002 EXO 004 028 И поведа Моисей Аарону вся словеса Господня, яже посла, и вся знамения, яже заповеда ему. 002 EXO 004 029 Иде же Моисей и Аарон, и собраша вся старцы сынов Израилевых: 002 EXO 004 030 и глагола им Аарон вся словеса сия, яже глагола Бог к Моисею: и сотвори знамения пред людьми. 002 EXO 004 031 И вероваша людие, и возрадовашася, яко посети Бог сыны Израилевы и яко призре на их скорбение: и преклоншеся людие поклонишася. 002 EXO 005 001 И по сих вниде Моисей и Аарон к фараону и реша ему: сия глаголет Господь Бог Израилев: отпусти люди Моя, да праздник сотворят Мне в пустыни. 002 EXO 005 002 Рече же фараон: кто есть, Егоже послушаю гласа, яко отпустити имам сыны Израилевы? Не вем Господа, и Израиля не отпущу. 002 EXO 005 003 И глаголют ему: Бог Еврейский призва нас: пойдем убо путем трех дний в пустыню, да пожрем Господу Богу нашему, да не когда случится нам смерть или убийство. 002 EXO 005 004 И рече им царь Египетский: вскую, Моисей и Аарон, развращаете люди моя от дел их? Идите кийждо вас на дела своя. 002 EXO 005 005 И рече фараон: се, ныне умножишася людие сии на земли: убо не дадим почити им от дел. 002 EXO 005 006 Заповеда же фараон приставником дел людских и книгочиям, глаголя: 002 EXO 005 007 не ктому приложите даяти плев людем к плинфоделанию, якоже вчера и третияго дне: но сами да идут и собирают плевы себе: 002 EXO 005 008 и урок плинфоделания, еже они творят, на кийждо день наложите им: не уемлите ничтоже: праздни бо суть: сего ради возопиша, глаголюще: да пойдем, и пожрем Богу нашему: 002 EXO 005 009 да отягчатся дела людий сих, и да пекутся о них, и не помыслят о словесех суетных. 002 EXO 005 010 Понуждаху же их приставницы и книгочия и глаголаху людем, рекуще: сия глаголет фараон: не ктому даю вам плев: 002 EXO 005 011 сами вы шедше собирайте себе плевы, идеже аще обрящете: ибо не будет уято от урока вашего ничтоже. 002 EXO 005 012 И разыдошася людие по всей земли Египетстей собирати тростие на плевы. 002 EXO 005 013 Приставницы же понуждаху их, глаголюще: совершайте дела ваша урочная на всяк день, якоже и егда плевы даяхом вам. 002 EXO 005 014 И биени быша книгочия рода сынов Израилевых, иже быша приставлени над ними от приставников фараоновых, глаголюще: почто не совершисте урока вашего плинфеннаго, якоже вчера и третияго дне, такожде и днесь? 002 EXO 005 015 Вшедше же книгочия сынов Израилевых, возопиша к фараону, глаголюще: почто ты тако твориши рабом твоим? 002 EXO 005 016 Плев не дают рабом твоим, и плинфы нам глаголют творити: и се, раби твои мучими суть: обидиши убо людий твоих. 002 EXO 005 017 И рече им: праздни, праздни есте: сего ради глаголете: да идем, пожрем Богу нашему: 002 EXO 005 018 ныне убо шедше делайте плев бо не дам вам, урок же делания плинфеннаго да отдаете. 002 EXO 005 019 Видяху же книгочии сынов Израилевых себе во злых, глаголюще: не оставите плинфоделания урочнаго дню. 002 EXO 005 020 Сретоша же Моисеа и Аарона, идущих во сретение им, исходящым им от фараона, 002 EXO 005 021 и реша им: да видит Бог и судит вам, яко огнусисте дух ваш пред фараоном и пред рабы его, дати мечь в руки его убити нас. 002 EXO 005 022 Возвратися же Моисей ко Господу и рече: молютися, Господи, почто озлобил еси люди сия? И вскую послал еси мя? 002 EXO 005 023 И отнележе внидох к фараону, глаголати Твоим именем, (он) озлоби люди сия, и не избавил еси людий Твоих. 002 EXO 006 001 И рече Господь к Моисею: се, узриши, что сотворю фараону: рукою бо крепкою отпустит их и мышцею высокою изженет их от земли своея. 002 EXO 006 002 Глагола же Бог к Моисею и рече ему: Аз Господь, 002 EXO 006 003 и явихся Аврааму, и Исааку, и Иакову, Бог Сый их, и имене Моего Господь не явих им: 002 EXO 006 004 и поставих завет Мой с ними, яко дати им землю Ханаанску, землю пришелствия их, на нейже и обитаху: 002 EXO 006 005 Аз же услышах стенание сынов Израилевых, имже Египтяне поработиша их, и помянух завет Мой: 002 EXO 006 006 иди, рцы сыном Израилевым глаголя: Аз Господь, и изведу вас от насилия Египетска, и избавлю вас от работы (их), и отиму вас мышцею высокою и судом великим, 002 EXO 006 007 и прииму вы Себе в люди, и буду вам Бог: и уразумеете, яко Аз Господь Бог ваш, изведый вас от земли Египетския и от насилия Египетска: 002 EXO 006 008 и введу вас в землю, на нюже прострох руку Мою, дати ю Аврааму и Исааку и Иакову: и дам ю вам в наследие, Аз Господь. 002 EXO 006 009 Глагола же Моисей тако сыном Израилевым, и не послушаша Моисеа от малодушия и от дел жестоких. 002 EXO 006 010 Рече же Господь к Моисею, глаголя: 002 EXO 006 011 вниди, глаголи фараону царю Египетскому, да отпустит сыны Израилевы из земли своея. 002 EXO 006 012 Рече же Моисей пред Господем глаголя: се, сынове Израилевы не послушаша мене, и како послушает мене фараон? Аз же несловесен есмь. 002 EXO 006 013 Рече же Господь к Моисею и Аарону и завеща им внити к фараону царю Египетскому, да отпустит сыны Израилевы от земли Египетския. 002 EXO 006 014 И сии старейшины домов отечеств их: сынове Рувима, первенца Израилева, Енох и Фаллос, Асрон и Харми: сие племя Рувимово. 002 EXO 006 015 Сынове же Симеоновы: Иемуил и Иамин, и Аод и Ахин, и Саар и Саул, иже от Финиссины: сия рождения сынов Симеоновых. 002 EXO 006 016 И сия имена сынов Левииных по сродством их: Гирсон, Кааф и Мерари: лет же жития Левиина сто тридесять седмь. 002 EXO 006 017 Сии же сынове Гирсони: Ловени и Семей: домове рождения их. 002 EXO 006 018 Сынове же Каафовы: Амврам и Иссаар, Хеврон и Озиил: лет же жития Каафова сто тридесять три. 002 EXO 006 019 Сынове же Мерарины: Мооли и Омуси: сии домове рождения Левиина по сродством их. 002 EXO 006 020 И поя Амврам Иохаведу, дщерь брата отца своего, себе в жену, и роди ему Аарона и Моисеа и Мариамь сестру их: лет же жития Амврамова сто тридесять седмь. 002 EXO 006 021 Сынове же Иссааровы: Коре и Нафек и Зехри. 002 EXO 006 022 Сынове же Озииловы: Мисаил и Елисафан и Сегри. 002 EXO 006 023 Поя же Аарон Елисавету, дщерь Аминадавову, сестру Наассонову, себе в жену, и роди ему Надава и Авиуда, и Елеазара и Ифамара. 002 EXO 006 024 Сынове же Кореовы: Асир и Елкана и Авиасар: сия рождения Кореова. 002 EXO 006 025 И Елеазар, сын Ааронов, поя от дщерей Футииловых себе в жену, и роди ему Финееса: сия старейшинства отечества левитска по сродством их. 002 EXO 006 026 Сей Аарон и Моисей, имже рече Бог извести сыны Израилевы из земли Египетския с силою их. 002 EXO 006 027 Сии суть, иже глаголаста к фараону царю Египетскому, еже извести сыны Израилевы от земли Египетския: сей Аарон и Моисей, 002 EXO 006 028 в оньже день глагола Господь к Моисею в земли Египетстей. 002 EXO 006 029 И рече Господь к Моисею глаголя: Аз Господь: глаголи к фараону царю Египетскому, елика Аз глаголю к тебе. 002 EXO 006 030 И рече Моисей пред Господем: се, аз худогласен есмь, и како послушает мене фараон? 002 EXO 007 001 И рече Господь к Моисею, глаголя: се, дах тя Бога фараону, и Аарон брат твой будет твой пророк: 002 EXO 007 002 ты же возглаголеши ему вся, елика тебе заповедаю: Аарон же брат твой возглаголет к фараону, да отпустит сыны Израилевы от земли своея: 002 EXO 007 003 Аз же ожесточу сердце фараоново и умножу знамения Моя и чудеса в земли Египетстей: 002 EXO 007 004 и не послушает вас фараон, и возложу руку Мою на Египет и изведу с силою Моею люди Моя сыны Израилевы от земли Египетския, со отмщением великим: 002 EXO 007 005 и уведят вси Египтяне, яко Аз есмь Господь, простирая руку Мою на Египет, и изведу сыны Израилевы от среды их. 002 EXO 007 006 Сотвори же Моисей и Аарон, якоже заповеда им Господь, тако сотвориша. 002 EXO 007 007 Моисей же бе осмидесяти лет, Аарон же брат его осмидесяти трех лет, егда глаголаста к фараону. 002 EXO 007 008 И рече Господь к Моисею и Аарону глаголя: 002 EXO 007 009 и аще речет к вам фараон, глаголя: дадите нам знамение или чудо: и речеши Аарону брату твоему: возми жезл и повержи на землю пред фараоном и пред рабы его, и будет змий. 002 EXO 007 010 Вниде же Моисей и Аарон пред фараона и пред рабы его, и сотвориша тако, якоже заповеда им Господь: и поверже Аарон жезл пред фараоном и пред рабы его, и бысть змий. 002 EXO 007 011 Созва же фараон мудрецы Египетския и волхвы: и сотвориша и волсви египетскии чарованиями своими такожде: 002 EXO 007 012 и повергоша кийждо жезл свой, и быша змиеве: и пожре жезл Ааронов оных жезлы. 002 EXO 007 013 И укрепися сердце фараоне, и не послуша их, якоже глагола им Господь. 002 EXO 007 014 И рече Господь к Моисею: отягчися сердце фараоне, еже не отпустити людий: 002 EXO 007 015 иди к фараону заутра: се, той исходит на воды, и буди сретая его на брезе речнем: и жезл обращейся в змия возми в руку твою, 002 EXO 007 016 и речеши к нему: Господь Бог Еврейский посла мя к тебе, глаголя: отпусти люди Моя, да Ми послужат в пустыни: и се, не послушал еси доселе: 002 EXO 007 017 сия глаголет Господь: по сему увеси, яко Аз Господь: се, аз ударю жезлом, иже в руце моей, по воде речней, и преложится в кровь: 002 EXO 007 018 и рыбы, яже в реце изомрут, и возсмердится река, и не возмогут Египтяне пити воды от реки. 002 EXO 007 019 Рече же Господь к Моисею: рцы Аарону брату твоему: возми жезл твой в руку твою, и простри руку твою на воды Египетския и на реки их и на кладязи их и на езера их и на всякое собрание вод их, и будет кровь, и бысть кровь по всей земли Египетстей, в древесех же и в камениих. 002 EXO 007 020 И сотвориша тако Моисей и Аарон, якоже заповеда им Господь: и взем Аарон жезл свой, удари воду речную пред фараоном и пред рабы его, и преложи всю воду речную в кровь: 002 EXO 007 021 и рыбы яже в реце изомроша, и возсмердеся река, и не можаху Египтяне пити воды от реки, и бяше кровь по всей земли Египетстей. 002 EXO 007 022 Сотвориша же и волсви Египетстии волхвованиями своими такожде: и ожесточися сердце фараоново, и не послуша их, якоже рече Господь. 002 EXO 007 023 Возвратився же фараон вниде в дом свой, и не положи себе и сего во уме. 002 EXO 007 024 Ископаша же вси Египтяне окрест реки, да пиют воду: и не можаху пити воды от реки. 002 EXO 007 025 И исполнишася седмь дний, по ударении Господни в реку. 002 EXO 008 001 И рече Господь к Моисею: вниди к фараону и речеши к нему: сия глаголет Господь: отпусти люди Моя, да Ми послужат: 002 EXO 008 002 аще же не хощеши ты отпустити, се, Аз побиваю вся пределы твоя жабами: 002 EXO 008 003 и изрыгнет река жабы, и излезшя внидут в домы твоя и в клети ложниц твоих, и на постели твоя и в домы рабов твоих и людий твоих, и в теста твоя и в пещы твоя, 002 EXO 008 004 и на тя и на рабы твоя и на люди твоя возлезут жабы. 002 EXO 008 005 Рече же Господь к Моисею: рцы Аарону брату твоему: простри рукою твоею жезл твой на реки и на кладязи и на езера, и изведи жабы на землю Египетскую. 002 EXO 008 006 И простре Аарон руку на воды Египетския и изведе жабы: и излезоша жабы и покрыша землю Египетскую. 002 EXO 008 007 Сотвориша же и волсви Египетстии волхвованиями своими такожде и изведоша жабы на землю Египетскую. 002 EXO 008 008 Призва же фараон Моисеа и Аарона и рече: помолитеся о мне ко Господу, да отженет от мене жабы и от людий моих: и отпущу люди, и пожрут Господви. 002 EXO 008 009 Рече же Моисей к фараону: определи мне, когда помолюся о тебе и о рабех твоих и о людех твоих, да погибнут жабы от тебе и от людий твоих и от домов ваших, точию в реце да останутся. 002 EXO 008 010 Он же рече: заутра. Рече убо: якоже рекл еси, да увеси, яко несть иного разве Господа: 002 EXO 008 011 и отженутся жабы от тебе и от домов ваших и от сел, и от рабов твоих и от людий твоих, точию в реце останутся. 002 EXO 008 012 Изыде же Моисей и Аарон от фараона, и возопи Моисей ко Господу о определении жаб, якоже совеща с фараоном. 002 EXO 008 013 Сотвори же Господь, якоже рече Моисей: и изомроша жабы от домов и от сел и от нив их: 002 EXO 008 014 и собраша я в стоги стоги, и возсмердеся земля. 002 EXO 008 015 Видев же фараон, яко бысть отрада, отяготися сердце его, и не послуша их, якоже рече Господь. 002 EXO 008 016 И рече Господь к Моисею: рцы Аарону: простри рукою жезл твой и удари в персть земную, и будут скнипы в человецех и в скотех, и на фараоне и на доме его и рабех его, и весь песок земный станет скнипами во всей земли Египетстей. 002 EXO 008 017 Простре убо Аарон рукою жезл и удари в персть земную: и быша скнипы в человецех и в скотех, и во всякой персти земной быша скнипы во всей земли Египетстей. 002 EXO 008 018 Твориша же и волсви волхвованми своими такожде извести скнипы, и не возмогоша: и быша скнипы в человецех и скотех. 002 EXO 008 019 Реша убо волсви фараону: перст Божий есть сие. И ожесточися сердце фараоново, и не послуша их, якоже рече Господь. 002 EXO 008 020 Рече же Господь к Моисею: востани заутра и стани пред фараоном, и се, он изыдет на воду, и речеши ему: сия глаголет Господь: отпусти люди Моя, да Ми послужат в пустыни: 002 EXO 008 021 аще же не хощеши отпустити людий Моих, се, Аз посылаю на тя и на рабы твоя, и на люди твоя и на домы вашя песия мухи: и наполнятся домове Египетстии песиих мух и в земли, на нейже суть: 002 EXO 008 022 и прославлю в той день землю Гесемску, на нейже людие Мои сташа, на нейже не будет тамо песиих мух, да увеси, яко Аз есмь Господь, Бог всея земли: 002 EXO 008 023 и положу разлучение между людьми Моими и людьми твоими: во утрии же будет знамение сие на земли. 002 EXO 008 024 Сотвори же Господь тако: и прииде песиих мух множество в домы фараоновы и в домы рабов его и во всю землю Египетску, и погибе земля от песиих мух. 002 EXO 008 025 Воззва же фараон Моисеа и Аарона, глаголя: шедше пожрите жертву Господу Богу вашему в земли сей. 002 EXO 008 026 И рече Моисей: не может се тако быти, хулно бо се Египтяном: не положим требу Господу Богу нашему: аще бо положим требу по хулению Египетску пред ними, камением побиют ны: 002 EXO 008 027 путем триех дний пойдем в пустыню и пожрем Господу Богу нашему, якоже рече Господь нам. 002 EXO 008 028 И рече фараон: аз отпущаю вы, и пожрите Господу Богу вашему в пустыни: но не далече простирайтеся ити: помолитеся убо и о мне ко Господу. 002 EXO 008 029 Рече же Моисей: се, аз изыду от тебе и помолюся ко Господу Богу, и отидут песия мухи от тебе и от рабов твоих и от людий твоих заутра: да не приложиши еще, фараоне, прельстити, еже не отпустити людий пожрети Господу. 002 EXO 008 030 Изыде же Моисей от фараона и помолися Богу. 002 EXO 008 031 Сотвори же Господь, якоже рече Моисей, и отя песия мухи от фараона и от рабов его и от людий его, и не остася ни едина. 002 EXO 008 032 И отяготи фараон сердце свое и во время сие, и не восхоте отпустити людий. 002 EXO 009 001 Рече же Господь к Моисею: вниди к фараону и речеши ему: сия глаголет Господь Бог Еврейский: отпусти люди Моя, да послужат Мне: 002 EXO 009 002 аще убо не восхощеши отпустити людий Моих, но и еще их удержиши: 002 EXO 009 003 се, рука Господня будет на скоты твоя в полях и на кони, и на ослы и на велблюды, и на говяда и на овцы, смерть велика зело: 002 EXO 009 004 и дивна сотворю Аз во время оно между скоты Египетскими и между скоты сынов Израилевых: и не умрет от всех скотов сынов Израилевых ни едино. 002 EXO 009 005 И даде Бог предел глаголя: во утрие сотворит Господь глаголгол сей на земли. 002 EXO 009 006 И сотвори Господь глаголгол сей на утрии, и измре весь скот Египетский: от скота же сынов Израилевых не умре ни едино. 002 EXO 009 007 Видев же фараон, яко не умре от всех скотов сынов Израилевых ни едино, отягчися сердце фараону, и не отпусти людий. 002 EXO 009 008 Рече же Господь к Моисею и Аарону, глаголя: возмите вы полны руце пепела пещнаго, и да разсыплет Моисей к небеси пред фараоном и пред рабы его: 002 EXO 009 009 и да будет прах по всей земли Египетстей, и будут на человецех и на скотех гнойнии струпи, горящии на человецех и на скотех по всей земли Египетстей. 002 EXO 009 010 И взя пепел пещный пред фараоном, и разсыпа его Моисей к небеси: и быша гнойнии струпи, горящии на человецех и на скотех, 002 EXO 009 011 и не можаху волсви стояти пред Моисеом струпов ради: быша бо струпи на волсвех и на всей земли Египетстей. 002 EXO 009 012 Ожесточи же Господь сердце фараоново, и не послуша их, якоже повеле Господь Моисею. 002 EXO 009 013 И рече Господь к Моисею: востани заутра и стани пред фараоном, и рцы к нему: сице глаголет Господь Бог Еврейский: отпусти люди Моя, да послужат Мне: 002 EXO 009 014 в сей бо час Аз испущу вся казни Моя в сердце твое и рабов твоих и людий твоих: да увеси, яко несть ин, якоже Аз, во всей земли: 002 EXO 009 015 ныне бо пустив руку Мою, поражу тя и люди твоя умерщвлю, и потребишися от земли: 002 EXO 009 016 и сего ради пощаден еси доселе, да покажу на тебе крепость Мою, и яко да проповестся имя Мое по всей земли: 002 EXO 009 017 еще ли убо ты востаеши на людий Моих, еже не отпустити их? 002 EXO 009 018 Се, Аз одождю в сей же час заутра град мног зело, яков не бяше во Египте, от негоже дне создася, даже до дне сего: 002 EXO 009 019 ныне убо потщися собрати скот твой, и елика ти суть на поли: вси бо человецы и скоти, елицы аще обрящутся на полях и не внидут в дом, падет же на ня град, измрут. 002 EXO 009 020 Иже убояся слова Господня от рабов фараоновых, собра скоты своя в домы: 002 EXO 009 021 а иже не вня мыслию слову Господню, остави скоты на полях. 002 EXO 009 022 Рече же Господь к Моисею: простри руку твою на небо, и будет град по всей земли Египетстей, на человеки и на скоты и на всю траву земную. 002 EXO 009 023 Простре же Моисей руку на небо, и Господь даде громы и град, и течаше огнь по земли, и одожди Господь град по всей земли Египетстей: 002 EXO 009 024 бяше же град и огнь горящь со градом, град же мног зело зело, яков не бысть во Египте, отнележе быша люди в нем. 002 EXO 009 025 Порази же град во всей земли Египетстей от человека до скота, и всяку траву яже на поли порази град, и вся древа яже на полях сотре град: 002 EXO 009 026 токмо в земли Гесемстей, идеже бяху сынове Израилевы, не бысть град. 002 EXO 009 027 Послав же фараон, призва Моисеа и Аарона и рече им: согреших ныне: Господь праведен аз же и людие мои нечестиви: 002 EXO 009 028 помолитеся убо о мне ко Господу, и да престанут быти громи Божии и град и огнь на земли, и отпущу вы, и ктому не приложите медлити. 002 EXO 009 029 Рече же ему Моисей: егда изыду из града, простру руце мои на небо ко Господу, и громи престанут, и град и дождь не будет ктому, да увеси, яко Господня есть земля: 002 EXO 009 030 ты же и раби твои, вем, яко еще не убоястеся Господа. 002 EXO 009 031 Лен же и ячмень побит есть, ячмень бо испущаше класы, а лен семя: 002 EXO 009 032 пшеница же и жито не побиты, поздны бо бяху. 002 EXO 009 033 Изыде же Моисей от фараона из града и простре руце свои ко Господу, и громове престаша, и град и дождь не укану на землю ктому. 002 EXO 009 034 Видев же фараон, яко преста дождь и град и громи, приложи согрешати еще, и отягчи сердце свое и рабов своих: 002 EXO 009 035 и ожесточися сердце фараоново и рабов его, и не отпусти сынов Израилевых, якоже глагола Господь к Моисею. 002 EXO 010 001 Рече же Господь к Моисею глаголя: вниди к фараону: Аз бо ожесточих сердце его и рабов его, да и еще приидут знамения сия на них: 002 EXO 010 002 яко да повесте во ушеса чад ваших и чадом чад ваших, елико наругахся Египтяном, и знамения Моя, яже сотворих в них, и увесте, яко Аз Господь. 002 EXO 010 003 Вниде же Моисей и Аарон пред фараона и реста ему: сия глаголет Господь Бог Еврейский: доколе не хощеши усрамитися Мене? Отпусти люди Моя, да послужат Ми: 002 EXO 010 004 аще же не хощеши ты отпустити люди Моя, се, Аз наведу в сей час заутра пруги многи на вся пределы твоя, 002 EXO 010 005 и покрыют лице земли, и не возможеши видети земли, и поядят весь останок земли оставшийся, егоже остави вам град, и изядят всяко древо растущее вам на земли: 002 EXO 010 006 и наполнятся домове твои и домове рабов твоих, и вси домове по всей земли Египетстей: ихже никогдаже видеша отцы твои, ни прадеды их, от негоже дне быша на земли, даже до дне сего. И уклонився Моисей, изыде от фараона. 002 EXO 010 007 Рекоша же раби фараоновы к нему: доколе нам сия будет мука? Отпусти люди, да послужат Господу Богу своему: или видети хощеши, яко погибнет Египет? 002 EXO 010 008 И возвратиша Моисеа и Аарона пред фараона, и рече им фараон: идите и послужите Господу Богу вашему: кто же и кто суть идущии? 002 EXO 010 009 И рече Моисей: с юнотами нашими и с старцы пойдем, с сынми и дщерьми, и со овцами и волами нашими: будет бо праздник Господа Бога нашего. 002 EXO 010 010 И рече им фараон: да будет тако, Господь с вами: якоже отпущаю вас, еда и стяжание ваше? Видите, яко лукавство обретается в вас: 002 EXO 010 011 не тако: но да идут мужие и да послужат Богу: сего бо сами просите. И изгнаша их от лица фараонова. 002 EXO 010 012 Рече же Господь Моисею: простри руку твою на землю Египетскую, и да взыдут прузи на землю Египетскую, и снедят всю траву земную и весь плод древесный, егоже остави град. 002 EXO 010 013 И воздвиже Моисей жезл на небо, Господь же наведе ветр южный на землю во весь той день и во всю нощь: утро бысть, и ветр южный взя пруги, 002 EXO 010 014 и наведе я на всю землю Египетскую: и нападоша на вся пределы Египетския мнози зело: прежде сих не быша сицевии прузи, и по сих не будут тако, 002 EXO 010 015 и покрыша лице земное, и истле земля: и снедоша всю траву земную и весь плод древесный, иже остася от града: не остася зелено ничтоже на древех и во всей траве польней, по всей земли Египетстей. 002 EXO 010 016 Потщася же фараон призвати Моисеа и Аарона, глаголя: согреших пред Господем Богом вашим и к вам: 002 EXO 010 017 простите убо мой грех еще ныне и помолитеся Господу Богу вашему, да отимет от мене смерть сию. 002 EXO 010 018 Изыде же Моисей от фараона и помолися ко Господу: 002 EXO 010 019 и премени Господь от моря ветр велик и взя пруги, и вверже их в море Чермное: и не остася ни един пруг на всей земли Египетстей. 002 EXO 010 020 И ожесточи Господь сердце фараоново, и не отпусти сынов Израилевых. 002 EXO 010 021 Рече же Господь Моисею: простри руку твою на небо, и да будет тма по земли Египетстей, осязаемая тма. 002 EXO 010 022 Простре же Моисей руку свою на небо, и бысть тма, мрак, буря по всей земли Египетстей три дни: 002 EXO 010 023 и не виде никтоже брата своего три дни, и не воста никтоже от одра своего три дни, всем же сыном Израилевым бяше свет во всех (жилищах), в нихже пребываху. 002 EXO 010 024 И призва фараон Моисеа и Аарона, глаголя: идите, послужите Господу Богу вашему: токмо овцы и волы оставите: стяжание же ваше да идет с вами. 002 EXO 010 025 И рече Моисей: ни: но и ты нам даси всесожжения и жертвы, яже сотворим Господу Богу нашему: 002 EXO 010 026 и скот наш пойдет с нами, не оставим и копыта: от них бо возмем на службу Господу Богу нашему: мы же не вемы, чим послужим Господу Богу нашему, дондеже дойдем тамо. 002 EXO 010 027 Ожесточи же Господь сердце фараоново, и не восхоте отпустити их: 002 EXO 010 028 и рече ему фараон: отиди от мене, внемли себе ктому, да не приложиши видети лица моего: в оньже бо день аще явишися мне, умреши. 002 EXO 010 029 Рече же Моисей: якоже рекл еси, ктому не явлюся пред лицем твоим. 002 EXO 011 001 Рече же Господь к Моисею: еще едину язву Аз наведу на фараона и на Египет, и по сих отпустит вы отсюду: егда же отпустит вы со всем, изженет вас изгнанием: 002 EXO 011 002 глаголи убо отай во ушы людем, и да испросит кийждо у соседа, и жена у соседы своея сосуды сребряны и златы, и ризы. 002 EXO 011 003 Господь же даде благодать людем Своим пред Египтяны, и даша им. Человек же Моисей велик бысть зело пред Египтяны и пред фараоном, и пред рабы его и пред очима всех людий. 002 EXO 011 004 И рече Моисей: сия глаголет Господь: в полунощи Аз вниду посреде Египта. 002 EXO 011 005 И измрет всяк первенец в земли Египетстей, от первенца фараонова, иже седит на престоле, и даже до первенца рабыни, яже у жернов, и до первенца всякаго скота: 002 EXO 011 006 и будет вопль велик по всей земли Египетстей, яков не бе, и таков ктому не будет. 002 EXO 011 007 Во всех же сынех Израилевых не поскомлет пес языком своим, от человека до скота: да узриши елико прославится Господь между Египтяны и сынми Израилевыми: 002 EXO 011 008 и приидут вси отроцы твои сии ко мне и поклонятся мне, глаголюще: отиди ты, и вси людие твои, ихже ты отводиши: и по сих отиду. Изыде же Моисей от фараона со гневом. 002 EXO 011 009 И рече Господь к Моисею: не послушает вас фараон, да умножая умножу знамения Моя и чудеса в земли Египетстей. 002 EXO 011 010 Моисей же и Аарон сотвориша вся знамения и чудеса сия пред фараоном: и ожесточи Господь сердце фараоново, и не восхоте отпустити сынов Израилевых от земли Египетския. 002 EXO 012 001 Рече же Господь к Моисею и Аарону в земли Египетстей, глаголя: 002 EXO 012 002 месяц сей вам начало месяцей, первый будет вам в месяцех лета: 002 EXO 012 003 рцы ко всему сонму сынов Израилевых, глаголя: в десятый месяца сего да возмет кийждо овча по домом отечеств, кийждо овча по дому: 002 EXO 012 004 аще же мало их есть в дому, яко не доволным быти на овча, да возмет с собою соседа ближняго своего по числу душ: кийждо доволное себе сочтет на овча: 002 EXO 012 005 овча совершенно, мужеск пол, непорочно и единолетно будет вам, от агнец и от козлищ приимете: 002 EXO 012 006 и будет вам соблюдено даже до четвертагонадесять дне месяца сего: и заколют то все множество собора сынов Израилевых к вечеру, 002 EXO 012 007 и приимут от крове и помажут на обою подвою и на прагах в домех, в нихже снедят тое, 002 EXO 012 008 и снедят мяса в нощи той печена огнем и опресноки с горьким зелием снедят: 002 EXO 012 009 не снесте от них сурово, ниже варено в воде, но печеное огнем, главу с ногами и со утробою: 002 EXO 012 010 не оставите от него до утрия и кости не сокрушите от него, останки же от него до утра огнем сожжете: 002 EXO 012 011 сице же снесте е: чресла ваша препоясана, и сапози ваши на ногах ваших, и жезлы ваши в руках ваших, и снесте е со тщанием: Пасха есть Господня: 002 EXO 012 012 и пройду землю Египетскую сея нощи, и убию всякаго первенца в земли Египетстей, от человека до скота, и во всех бозех Египетских сотворю отмщение: Аз Господь: 002 EXO 012 013 и будет кровь вам в знамение на домех, в нихже вы будете тамо, и узрю кровь и покрыю вы, и не будет в вас язвы, еже погибнути, егда поражу землю Египетскую: 002 EXO 012 014 и будет вам день сей в память, и празднуйте той праздник Господу во вся роды вашя: законно вечно празднуйте его: 002 EXO 012 015 седмь дний опресноки ядите, от перваго же дне измите квас из домов ваших: всяк, иже снесть кисло, погибнет душа та от Израиля, от дне перваго даже до дне седмаго: 002 EXO 012 016 и первый день наречется свят, и седмый день нарочит свят да будет вам: всякаго дела работна да не сотворите в них, разве елика (снести) сотворятся всякой души, сия точию да сотворятся вам: 002 EXO 012 017 и сохраните заповедь сию: в сей бо день изведу силу вашу от земли Египетския: и сотворите день сей в роды вашя, законно вечно: 002 EXO 012 018 начинающе в четвертыйнадесять день перваго месяца, с вечера да снесте опресноки, до двадесять перваго дне месяца, до вечера: 002 EXO 012 019 седмь дний квас да не явится в домех ваших: всяк, иже аще снесть квасно, погубится душа та от сонма сынов Израилевых и в пришелцех и в жителех тоя земли: 002 EXO 012 020 всякаго кваснаго да не ясте, во всех же домех ваших да ясте опресноки. 002 EXO 012 021 Созва же Моисей вся старцы сынов Израилевых и рече им: шедше поимите себе овча по сродством вашым и пожрите пасху: 002 EXO 012 022 возмите же кисть иссопа, и омочивше в кровь, яже близ дверий, помажите праги, и на обою подвою, от крове, яже есть близ дверий: вы же да не изыдете кийждо из дверий дому своего до заутрия: 002 EXO 012 023 и мимо пройдет Господь избити Египтяны, и узрит кровь на празе и на обою подвою, и минет Господь двери, и не попустит погубляющему внити в домы вашя убивати: 002 EXO 012 024 и сохраните слово сие законно себе и сыном вашым до века: 002 EXO 012 025 аще же внидете в землю, юже даст Господь вам, якоже глагола, сохраните служение сие, 002 EXO 012 026 и будет егда возглаголют вам сынове ваши: что есть служение сие? 002 EXO 012 027 И рцыте им: жертва пасха сия Господу, Иже покры домы сынов Израилевых во Египте, егда поби Египтяны, домы же нашя избави. И преклоншеся людие поклонишася. 002 EXO 012 028 И отшедше сотвориша сынове Израилевы, якоже заповеда Господь Моисею и Аарону, тако сотвориша. 002 EXO 012 029 Бысть же в полунощи, и Господь порази всякаго первенца в земли Египетстей, от первенца фараонова седящаго на престоле, до первенца пленницы, яже в рове, и до первенца всякаго скотска. 002 EXO 012 030 Воста же фараон нощию, и вси раби его, и вси Египтяне, и бысть вопль велик по всей земли Египетстей, ибо не бысть дом, в немже не бе мертвеца. 002 EXO 012 031 И призва фараон Моисеа и Аарона в нощи и рече им: востаните и отидите от людий моих, и вы, и сынове Израилевы: идите и послужите Господу Богу вашему, якоже глаголете: 002 EXO 012 032 и овцы и говяда вашя поимше идите, благословите же и мене. 002 EXO 012 033 И нуждаху Египтяне людий со тщанием изринути их от земли: рекоша бо, яко вси мы измрем. 002 EXO 012 034 Взяша же людие муку свою прежде вскисения теста своего, и ввязавше в ризы, (возложиша) на рамы своя. 002 EXO 012 035 Сынове же Израилевы сотвориша, якоже заповеда им Моисей: и испросиша от Египтян сосуды сребряны и златы, и ризы: 002 EXO 012 036 и даде Господь благодать людем Своим пред Египтяны: и даша им, и обраша Египтян. 002 EXO 012 037 Воздвигошася же сынове Израилевы от Рамессы в Сокхоф до шести сот тысящ пеших мужей, кроме домочадства: 002 EXO 012 038 и пришелцы мнози изыдоша с ними, и овцы, и волы, и скоти мнози зело. 002 EXO 012 039 И испекоша тесто, еже изнесоша из Египта, опресноки не кислы, не вскисоша бо: ибо изгнаша их Египтяне, и не возмогоша помедлити, ниже брашна сотвориша себе на путь. 002 EXO 012 040 Обитания же сынов Израилевых, иже обиташа в земли Египетстей и в земли Ханаани сии и отцы их, лет четыреста тридесять. 002 EXO 012 041 И бысть по четырех стех и тридесяти летех, изыде вся сила Господня от земли Египетския в нощи. 002 EXO 012 042 Стражба есть Господу, еже извести их от земли Египетския: оная нощь самая стражба Господу, яко всем сыном Израилевым быти в роды их. 002 EXO 012 043 И рече Господь к Моисею и Аарону: сей закон Пасхи: всяк иноплеменник да не яст от нея, 002 EXO 012 044 и всякаго раба или купленаго обрежеши его, и тогда да яст от нея: 002 EXO 012 045 пришлец или наемник да не яст от нея: 002 EXO 012 046 в дому единем да снестся: не оставите от мяс на утрие, и не изнесите мяс вон из дому, и кости не сокрушите от него: 002 EXO 012 047 весь сонм сынов Израилевых сотворит сие: 002 EXO 012 048 аще же кто приидет пришлец к вам сотворити Пасху Господню, обрежеши его всяк мужеский пол, и тогда приступит сотворити ю, и будет аки житель земли тоя: всяк же необрезаный да не яст от нея: 002 EXO 012 049 закон един да будет тоя земли жителю и пришелцу пришедшему в вас. 002 EXO 012 050 И сотвориша сынове Израилевы, якоже заповеда Господь Моисею и Аарону, тако сотвориша. 002 EXO 012 051 И бысть в день он, изведе Господь сыны Израилевы от земли Египетския с силою их. 002 EXO 013 001 И рече Господь к Моисею глаголя: 002 EXO 013 002 освяти Ми всякаго первенца перворожденнаго, разверзающаго всякая ложесна в сынех Израилевых от человека до скота, яко Мне есть. 002 EXO 013 003 Рече же Моисей к людем: помните день сей, в оньже изыдосте от земли Египетския, из дому работы: рукою бо крепкою изведе вас Господь отсюду: и не ядите квасна, 002 EXO 013 004 понеже в днешний день исходите в месяце плодов новых: 002 EXO 013 005 и будет, егда введет тя Господь Бог твой в землю Хананейску и Хеттейску, и Аморрейску и Евейску, и Иевусейску и Гергесейску и Ферезейску, еюже клятся ко отцем твоим, дати тебе землю точащую млеко и мед, и сотвориши службу сию сего месяца: 002 EXO 013 006 шесть дний ядите опресноки, в седмый же день праздник Господу, 002 EXO 013 007 опресноки ядите седмь дний: да не явится тебе квасное, ниже будет тебе квас во всех пределех твоих, 002 EXO 013 008 и возвестиши сыну твоему в день он, глаголя: сего ради сотворил Господь Бог мне, егда исхождах из Египта: 002 EXO 013 009 и будет тебе знамение на руце твоей, и воспоминание пред очима твоима, яко да будет закон Господнь во устех твоих, рукою бо крепкою изведе тя Господь Бог из Египта: 002 EXO 013 010 и сохраните закон сей по временом уставленым, от дний до дний, 002 EXO 013 011 и будет егда введет тя Господь Бог твой в землю Хананейску, якоже кляся отцем твоим, и даст ю тебе: 002 EXO 013 012 и отлучиши всякое разверзающее ложесна, мужеск пол Господу: всякое разверзающее ложесна от стад или от скот твоих, елика будут тебе, мужеск пол освятиши Господу: 002 EXO 013 013 всякое разверзающее утробу ослю премениши овцею: аще же не премениши, искупиши е: и всякаго первенца человеча сынов твоих да искупиши: 002 EXO 013 014 аще же вопросит тя сын твой по сих, глаголя: что сие? И речеши ему: яко рукою крепкою изведе нас Господь из земли Египетския, из дому работы, 002 EXO 013 015 егда бо ожесточися фараон отпустити нас, изби Господь всякаго первенца в земли Египетстей, от первенца человеча до первенца скотия: сего ради аз в жертву приношу всякое разверзающее ложесна, мужеск пол Господу, и всякаго первенца сынов моих искуплю, 002 EXO 013 016 и будет в знамение на руце твоей, и непоколебимо пред очесы твоими: рукою бо крепкою изведе тя Господь из Египта. 002 EXO 013 017 Егда же отпусти фараон люди, не поведе их Бог путем земли Филистимския, яко близ бяше, ибо рече Бог: да не когда раскаются людие, видевше рать, и возвратятся во Египет. 002 EXO 013 018 И обведе Бог люди путем, иже в пустыню к Чермному морю. Пятаго же рода изыдоша сынове Израилевы от земли Египетския. 002 EXO 013 019 И взя Моисей кости Иосифовы с собою: клятвою бо закля Иосиф сыны Израилевы, глаголя: присещением присетит вас Господь, и изнесете отсюду кости моя с собою. 002 EXO 013 020 Воздвигшеся же сынове Израилевы от Сокхофа, ополчишася во Офоме при пустыни. 002 EXO 013 021 Бог же вождаше их, в день убо столпом облачным, показати им путь, нощию же столпом огненным, светити им: 002 EXO 013 022 и не оскуде столп облачный во дни и столп огненный нощию пред всеми людьми. 002 EXO 014 001 И рече Господь к Моисею глаголя: 002 EXO 014 002 рцы сыном Израилевым, и обратившеся да ополчатся прямо придворию, между Магдолом и между Морем, прямо Веельсепфону: пред ними ополчишися при мори: 002 EXO 014 003 и речет фараон людем своим о сынех Израилевых: заблуждают сии по земли, затвори бо их пустыня: 002 EXO 014 004 Аз же ожесточу сердце фараоново, и поженет созади их, и прославлюся в фараоне и во всем воинстве его: и уразумеют вси Египтяне, яко Аз есмь Господь. И сотвориша тако. 002 EXO 014 005 И возвещено бысть царю Египетскому, яко бежаша людие, и превратися сердце фараоново и рабов его на люди, и рекоша: что сие сотворихом, отпустивше сыны Израилевы, да не работают нам? 002 EXO 014 006 Впряже убо фараон колесницы своя, и вся люди своя собра с собою: 002 EXO 014 007 и поят шесть сот колесниц избранных, и вся кони Египетския, и тристаты над всеми. 002 EXO 014 008 И ожесточи Господь сердце фараона царя Египетскаго и рабов его, и погна созади сынов Израилевых. Сынове же Израилевы исхождаху рукою высокою. 002 EXO 014 009 И погнаша Египтяне вслед их, и обретоша их ополчившихся при мори: и вся кони и колесницы фараоновы, и конницы, и воинство его прямо придворию, противу Веельсепфона. 002 EXO 014 010 И фараон приближашеся. Воззревше же сынове Израилевы очима, видеша: и се, Египтяне ополчишася вслед их: и убояшася зело, и возопиша сынове Израилевы ко Господу 002 EXO 014 011 и рекоша к Моисею: за еже не быти гробом во Египте, извел еси нас умертвити в пустыни: что сие сотворил еси нам, извед нас из Египта? 002 EXO 014 012 Не сей ли бяше глагол, егоже рекохом к тебе во Египте, глаголюще: остави нас, да работаем Египтяном: лучше бо бяше нам работати Египтяном, нежели умрети в пустыни сей. 002 EXO 014 013 Рече же Моисей к людем: дерзайте, стойте и зрите спасение еже от Господа, еже сотворит нам днесь: имже бо образом видесте Египтян днесь, не приложите ктому видети их в вечное время: 002 EXO 014 014 Господь поборет по вас, вы же умолкните. 002 EXO 014 015 И рече Господь к Моисею: что вопиеши ко Мне? Рцы сыном Израилевым, и да путешествуют, 002 EXO 014 016 ты же возми жезл твой и простри руку твою на море, и расторгни е: и да внидут сынове Израилевы посреде моря по суху: 002 EXO 014 017 и се, Аз ожесточу сердце фараоново и всех Египтян, и внидут вслед их: и прославлюся в фараоне и во всем воинстве его, и в колесницах и в конех его, 002 EXO 014 018 и уведят вси Египтяне, яко Аз есмь Господь, егда прославляюся в фараоне и в колесницах и в конех его. 002 EXO 014 019 Взятся же Ангел Божий ходяй пред полком сынов Израилевых и пойде созади их, взятся же и столп облачный от лица их и ста созади их. 002 EXO 014 020 И вниде посреде полка Египетска и посреде полка сынов Израилевых и ста: и бысть тма и мрак, и прииде нощь, и не смесишася друг с другом во всю нощь. 002 EXO 014 021 Простре же Моисей руку на море, и возгна Господь море ветром южным сильным всю нощь, и сотвори море сушу, и разступися вода. 002 EXO 014 022 И внидоша сынове Израилевы посреде моря по суху, и вода им стена бысть одесную и стена ошуюю. 002 EXO 014 023 Погнаша же Египтяне и внидоша вслед их, и всяк конь фараонов, и колесницы, и всадники посреде моря. 002 EXO 014 024 Бысть же в стражу утреннюю, и воззре Господь на полк Египетский в столпе огненнем и облачнем, и смяте полк Египетский, 002 EXO 014 025 и связа оси колесниц их, и ведяше их с нуждею. И рекоша Египтяне: бежим от лица Израилева, Господь бо поборает по них на Египтяны. 002 EXO 014 026 И рече Господь к Моисею: простри руку твою на море, и да совокупится вода и да покрыет Египтяны, колесницы же и всадники. 002 EXO 014 027 Простре же Моисей руку на море, и устроися вода ко дню на место: Египтяне же бежаша под водою, и истрясе Господь Египтяны посреде моря: 002 EXO 014 028 и обратившися вода покры колесницы и всадники и всю силу фараонову, вшедши вслед их в море: и не оста от них ни един. 002 EXO 014 029 Сынове же Израилевы проидоша по суху посреде моря: вода же им стена (бысть) одесную и стена ошуюю, 002 EXO 014 030 и избави Господь Израиля в день он из руки Египетския: и видеша сынове Израилевы Египтян измерших при краи моря. 002 EXO 014 031 Виде же Израиль руку великую, яже сотвори Господь Египтяном, и убояшася людие Господа и вероваша Богу и Моисею угоднику Его. Тогда воспе Моисей и сынове Израилевы песнь сию Господви, и рекоша глаголюще: 002 EXO 015 001 Поим Господви, славно бо прославися: коня и всадника вверже в море: 002 EXO 015 002 Помощник и Покровитель бысть мне во спасение: Сей мой Бог и прославлю Его, Бог отца моего и вознесу Его: 002 EXO 015 003 Господь сокрушаяй брани, Господь имя Ему, 002 EXO 015 004 колесницы фараоновы и силу его вверже в море, избранныя всадники тристаты потопи в Чермнем мори, 002 EXO 015 005 пучиною покры их, погрязоша во глубине яко камень: 002 EXO 015 006 десница Твоя, Господи, прославися в крепости, десная Твоя рука, Господи, сокруши враги: 002 EXO 015 007 и множеством славы Твоея стерл еси сопротивных, послал еси гнев Твой, пояде я яко стеблие, 002 EXO 015 008 и духом ярости Твоея разступися вода: огустеша яко стена воды, огустеша и волны посреде моря: 002 EXO 015 009 рече враг: гнав постигну, разделю корысть, исполню душу мою, убию мечем моим, господствовати будет рука моя: 002 EXO 015 010 послал еси духа Твоего, покры я море, погрязоша яко олово в воде зелней: 002 EXO 015 011 кто подобен Тебе в бозех, Господи, кто подобен Тебе? Прославлен во святых, дивен в славе, Творяй чудеса: 002 EXO 015 012 простерл еси десницу Свою, пожре я земля, 002 EXO 015 013 наставил еси правдою Твоею люди Твоя сия, яже избавил еси, утешил еси крепостию Твоею во обитель святую Твою: 002 EXO 015 014 слышаша языцы и прогневашася, болезни прияша живущии в Филистиме: 002 EXO 015 015 тогда потщашася владыцы Едомстии и князи Моавитстии, прият я трепет: растаяша вси живущии в Ханаане: 002 EXO 015 016 да нападет на ня страх и трепет: величием мышцы Твоея да окаменятся, дондеже пройдут людие Твои, Господи, дондеже пройдут людие Твои сии, яже стяжал еси: 002 EXO 015 017 введ насади я в гору достояния Твоего, в готовое жилище Твое, еже соделал еси, Господи, святыню, Господи, юже уготовасте руце Твои: 002 EXO 015 018 Господь царствуяй веки, и на век, и еще: 002 EXO 015 019 егда вниде конница фараонова с колесницами и всадники в море, и наведе на них Господь воду морскую: сынове же Израилевы проидоша сушею посреде моря. 002 EXO 015 020 Взя же Мариам пророчица, сестра Ааронова, тимпан в руце свои, и изыдоша вся жены вслед ея со тимпаны и лики: 002 EXO 015 021 преднача же им Мариам, глаголющи: поим Господви, славно бо прославися: коня и всадника вверже в море. 002 EXO 015 022 Поят же Моисей сыны Израилевы от моря Чермнаго и веде их в пустыню Сур: и идяху три дни в пустыни, и не обретаху воды пити. 002 EXO 015 023 Приидоша же в Мерру, и не можаху пити воды от Мерры, горька бо бе: сего ради наречеся имя месту тому Горесть. 002 EXO 015 024 И роптаху людие на Моисеа, глаголюще: что пием? 002 EXO 015 025 Возопи же Моисей ко Господу, и показа ему Господь древо, и вложи е в воду, и усладися вода: тамо положи ему оправдания и судбы, и тамо его искуси, 002 EXO 015 026 и рече: аще слухом услышиши глас Господа Бога твоего, и угодная пред ним сотвориши, и внушиши заповедем Его, и сохраниши вся оправдания Его: всяку болезнь, юже наведох Египтяном, не наведу на тя: Аз бо есмь Господь Бог твой исцеляяй тя. 002 EXO 015 027 И приидоша во Елим, и бяху тамо дванадесять источников вод, и седмьдесят стеблий финиковых: и ополчишася тамо при водах. 002 EXO 016 001 Воздвигошася же от Елима, и прииде весь сонм сынов Израилевых в пустыню Син, яже есть между Елимом и между Синою. В пятый же надесять день втораго месяца изшедшым им от земли Египетския, 002 EXO 016 002 возропта весь сонм сынов Израилевых на Моисеа и Аарона, 002 EXO 016 003 и рекоша к ним сынове Израилевы: о дабы быхом измерли мы уязвени от Господа в земли Египетстей, егда седяхом над котлы мясными и ядохом хлебы до сытости: яко изведосте ны в пустыню сию уморити весь сонм сей гладом. 002 EXO 016 004 Рече же Господь к Моисею: се, Аз одождю вам хлебы с небесе: и изыдут людие, и соберут доволное дню, на (всяк) день, яко да искушу их, аще пойдут в законе Моем, или ни. 002 EXO 016 005 И будет в день шестый, и уготовят, еже внесут, и да будет сугубо, еже собираша на всяк день. 002 EXO 016 006 Рече же Моисей и Аарон ко всему сонму сынов Израилевых: в вечер (сей) увесте, яко Господь изведе вы от земли Египетския, 002 EXO 016 007 и заутра узрите славу Господню, внегда услышати Господу роптание ваше на Бога: мы же что есмы, яко ропщете на ны? 002 EXO 016 008 И рече Моисей: егда даст Господь вам в вечер мяса ясти и хлебы заутра до сытости, понеже услыша Господь роптание ваше, имже ропщете на ны: мы же что есмы? Не на нас бо роптание ваше, но точию на Бога. 002 EXO 016 009 И рече Моисей ко Аарону: глаголи ко всему сонму сынов Израилевых: приидите пред Бога, услыша бо роптание ваше. 002 EXO 016 010 Егда же глаголаше Аарон всему сонму сынов Израилевых, и обратишася в пустыню, и слава Господня явися во облаце, 002 EXO 016 011 и рече Господь к Моисею глаголя: 002 EXO 016 012 слышах роптание сынов Израилевых: рцы к ним глаголя: к вечеру да снесте мяса и заутра насытитеся хлебов, и увесте, яко Аз есмь Господь Бог ваш. 002 EXO 016 013 Бысть же вечер, и приидоша крастели и покрыша полк. Заутра же бысть спадшей росе около полка, 002 EXO 016 014 и се, на лицы пустыни мелко яко кориандр, бело аки лед на земли. 002 EXO 016 015 Узревше же то сынове Израилевы, реша друг ко другу: что есть сие? Не ведяху бо, что бяше. Рече же Моисей к ним: сей хлеб, егоже даде Господь вам ясти: 002 EXO 016 016 сей глаголгол, егоже завеща Господь: соберите от него кийждо на домашния, гомор поглавно по числу душ ваших, кийждо вас с домашними своими соберите. 002 EXO 016 017 И сотвориша тако сынове Израилевы, и собраша ов много, ов же мало: 002 EXO 016 018 и измеривше гомором, не преизбыточествова иже много, и иже мало, не мнее прият: кийждо на домашних своих собраша. 002 EXO 016 019 И рече Моисей к ним: никтоже да оставит на утрие от него. 002 EXO 016 020 И не послушаша Моисеа, но оставиша нецыи от него на утрие, и воскипе червми и возсмердеся. И оскорбися на них Моисей. 002 EXO 016 021 И собираша оное рано рано, кийждо надлежащее себе: егда же огреваше солнце, растаяваше. 002 EXO 016 022 Бысть же в день шестый, собраша потребное сугубо, два гомора комуждо. Приидоша же вси князи сонма и поведаша Моисею. 002 EXO 016 023 Рече же Моисей к ним: сие слово есть, еже глагола Господь: суббота покой свят Господу заутра: елика аще печете, пецыте, и елика аще варите, варите, все же избыточное оставите в скрове на утрие. 002 EXO 016 024 И оставиша от того до утрия, якоже заповеда им Моисей: и не возсмердеся, ниже червь бысть в нем. 002 EXO 016 025 Рече же Моисей: ядите днесь, есть бо суббота покой Господу: днесь не обрящете на поли: 002 EXO 016 026 шесть дний собирайте, в седмый же день суббота: яко не будет в нем. 002 EXO 016 027 Бысть же в седмый день, изыдоша нецыи от людий собирати, и не обретоша. 002 EXO 016 028 Рече же Господь Моисеови: доколе не хощете послушати заповедий Моих и закона Моего? 002 EXO 016 029 Зрите: Господь бо даде вам субботу день сей: сего ради Той даде вам в день шестый хлеба на два дни: седите кийждо вас в дому своем у себе, никтоже да исходит от места своего в день седмый. 002 EXO 016 030 И субботствоваша людие в день седмый. 002 EXO 016 031 И прозваша сынове Израилевы имя тому манна: бяше же яко семя кориандрово бело, вкус же его аки мука с медом. 002 EXO 016 032 Рече же им Моисей: сей глаголгол, егоже завеща Господь: наполните гомор от манны в скров в роды вашя: да видят хлеб, егоже ядосте вы в пустыни, егда изведе вас Господь от земли Египетския. 002 EXO 016 033 И рече Моисей ко Аарону: возми стамну златую едину и вложи в ню гомор полный от манны, и положиши тую пред Богом в соблюдение в роды вашя. 002 EXO 016 034 Якоже заповеда Господь Моисею, положи ю Аарон пред свидением в соблюдение. 002 EXO 016 035 Сынове же Израилевы ядоша манну лет четыредесять, дондеже приидоша в землю обитаемую, и ядоша манну, дондеже приидоша во страну Финикийскую: 002 EXO 016 036 гомор же десятая часть трех мер бяше. 002 EXO 017 001 И воздвижеся весь сонм сынов Израилевых от пустыни Син по полком своим словом Господним и ополчишася в Рафидине. Не бяше же воды людем пити, 002 EXO 017 002 и хуляху людие Моисеа, глаголюще: даждь нам воду, да пием. И рече им Моисей: что хулите мя? И что искушаете Господа? 002 EXO 017 003 Возжаждаша же тамо людие воды и роптаху на Моисеа, глаголюще: вскую сие? Извел еси нас из Египта уморити нас и чада наша и скоты жаждею? 002 EXO 017 004 Возопи же Моисей ко Господу глаголя: что сотворю людем сим? Еще мало, и побиют мя камением. 002 EXO 017 005 И рече Господь к Моисею: пойди пред людьми сими, и поими с собою от старец людских, и жезл, имже пресекл еси море, возми в руку твою, и пойди: 002 EXO 017 006 Аз же стану тамо прежде пришествия твоего у камене в Хориве: и удариши в камень, и изыдет из него вода, и да пиют людие. Сотвори же Моисей тако пред сыны Израилевыми, 002 EXO 017 007 и прозва имя месту тому Искушение и Похуление, хулы ради сынов Израилевых, и занеже искусиша Господа, глаголюще: аще есть в нас Господь, или ни? 002 EXO 017 008 Прииде же Амалик и воева на Израиля в Рафидине. 002 EXO 017 009 Рече же Моисей ко Иисусу: избери себе мужы сильны и изшед ополчися на Амалика заутра: и се, аз стану на верху горы, и жезл Божий в руце моей. 002 EXO 017 010 И сотвори Иисус, якоже рече ему Моисей, и изшед ополчися на Амалика: Моисей же и Аарон и Ор взыдоша на верх горы. 002 EXO 017 011 И бысть егда воздвизаше Моисей руце, одолеваше Израиль: егда же опускаше руце, одолеваше Амалик: 002 EXO 017 012 руце же Моисеовы тяжки беша: и вземше камень, подложиша ему, и седяше на нем: Аарон же и Ор поддержаста руце ему, един отсюду, а другий оттуду: и быша Моисеови руце укреплены до захождения солнца: 002 EXO 017 013 и преодоле Иисус Амалика и вся люди его убийством меча. 002 EXO 017 014 Рече же Господь к Моисею: впиши сие на память в книги и вдай во ушы Иисусу, яко пагубою погублю память Амаликову от поднебесныя. 002 EXO 017 015 И созда Моисей олтарь Господу и прозва имя ему Господь Прибежище мое: 002 EXO 017 016 яко рукою тайною ратует Господь на Амалика от рода в род. 002 EXO 018 001 Услыша же Иофор, иерей Мадиамский, тесть Моисеов, вся, елика сотвори Господь Израилю Своим людем, яко изведе Господь Израиля из Египта: 002 EXO 018 002 и поя Иофор, тесть Моисеов, Сепфору, жену Моисеову, по отпущении ея, 002 EXO 018 003 и два сына ея: имя единому от них Гирсам, глаголя: пришлец бых в земли чуждей, 002 EXO 018 004 и имя второму Елиезер, глаголя: Бог бо отца моего помощник мой и избави мя из руки фараони. 002 EXO 018 005 И прииде Иофор, тесть Моисеов, и сынове и жена к Моисею в пустыню, идеже ополчися при горе Божией. 002 EXO 018 006 Возвестиша же Моисею, глаголюще: се, Иофор, тесть твой, идет к тебе, и жена твоя, и оба сына твоя с ним. 002 EXO 018 007 Изыде же Моисей во сретение тестю своему и поклонися ему и целова его, и приветствоваша друг друга: и введе их Моисей в кущу. 002 EXO 018 008 И поведа Моисей тестю своему вся, елика сотвори Господь фараону и всем Египтяном Израиля ради, и весь труд бывший им на пути, и яко избави их Господь от руки фараони и от руки Египетския. 002 EXO 018 009 Ужасеся же Иофор о всех благих, яже сотвори им Господь, яко избави их Господь от руки Египетския и от руки фараони, 002 EXO 018 010 и рече Иофор: благословен Господь, яко избави люди Своя из руки Египетския и из руки фараони: 002 EXO 018 011 ныне уведех, яко велик Господь паче всех богов, сего ради, яко налегоша на них. 002 EXO 018 012 И взя Иофор тесть Моисеов всесожжения и жертвы Богу: прииде же Аарон и вси старцы Израилевы ясти хлеба с тестем Моисеовым пред Богом. 002 EXO 018 013 И бысть на утрие, седе Моисей судити люди: стояху же пред Моисеом вси людие от утра до вечера. 002 EXO 018 014 Видев же Иофор вся, елика творяше людем, рече: что сие, еже ты твориши людем? Почто ты един седиши, вси же людие предстоят тебе от утра до вечера? 002 EXO 018 015 Рече же Моисей тестю: понеже приходят людие ко мне просити суда от Бога: 002 EXO 018 016 егда бо бывает им распря, и приходят ко мне, разсуждаю коемуждо и сказую им повеления Божия и закон Его. 002 EXO 018 017 Рече же тесть Моисеов к нему: не право ты твориши глагол сей: 002 EXO 018 018 трудом утрудишися несносным и ты, и вси людие сии, иже суть с тобою: тяжек тебе глагол сей, не возможеши творити ты един: 002 EXO 018 019 ныне убо послушай мене и присоветую тебе, и будет Бог с тобою: буди ты людем в тех яже к Богу, и донесеши словеса их к Богу, 002 EXO 018 020 и засвидетелствуй им повеления Божия и закон Его, и повеждь им пути Его, имиже пойдут, и дела, яже сотворят: 002 EXO 018 021 ты же усмотри себе от всех людий мужы сильны, Бога боящыяся, мужы праведны, ненавидящыя гордости, и поставиши их над ними тысященачалники и стоначалники, и пятьдесятоначалники и десятоначалники и писмовводители, 002 EXO 018 022 и судят людий по вся часы: слово же неудоборешителное донесут к тебе: малыя же суды да судят они, и облегчат тя и спомогут тебе: 002 EXO 018 023 аще слово сие сотвориши, укрепит тя Бог, и возможеши настоятелствовати, и вси людие сии приидут во свое место с миром. 002 EXO 018 024 Послуша же Моисей гласа тестя своего и сотвори вся, елика рече ему: 002 EXO 018 025 и избра Моисей мужы сильны от всего Израиля, и сотвори я над ними тысященачалники и стоначалники, и пятьдесятоначалники и десятоначалники и писмовводители: 002 EXO 018 026 и суждаху людем по вся часы: всякое же слово неудоборешителное доносиша к Моисею, всякое же слово легкое суждаху сами. 002 EXO 018 027 Отпусти же Моисей тестя своего, и отиде в землю свою. 002 EXO 019 001 Месяца же третияго изшествия сынов Израилевых от земли Египетския, в сий день приидоша в пустыню Синайскую: 002 EXO 019 002 и воздвигошася от Рафидина и приидоша в пустыню Синайскую, и ополчися тамо Израиль прямо горы. 002 EXO 019 003 Моисей же взыде на гору Божию, и воззва его Бог от горы глаголя: сия возглаголеши дому Иаковлю и повеси сыном Израилевым: 002 EXO 019 004 сами видесте, елика сотворих Египтяном, и подях вас яко на крилех орлих и приведох вас к Себе: 002 EXO 019 005 и ныне аще слухом послушаете гласа Моего и сохраните завет Мой, будете Ми людие избранни от всех язык: Моя бо есть вся земля: 002 EXO 019 006 вы же будете Ми царское священие и язык свят: сия словеса да речеши сыном Израилевым. 002 EXO 019 007 Прииде же Моисей и призва старцы людския и предложи им вся словеса сия, яже завеща им Бог. 002 EXO 019 008 Отвещаша же вси людие единодушно и рекоша: вся, елика рече Бог, сотворим и послушаем. Донесе же Моисей словеса сия к Богу, 002 EXO 019 009 и рече Господь к Моисею: се, Аз прииду к тебе в столпе облачне, да услышат людие глаголюща мя к тебе и да тебе веруют во веки. Поведа же Моисей словеса людий ко Господу. 002 EXO 019 010 Рече же Господь Моисею: сошед засвидетелствуй людем и очисти я днесь и утре, и да исперут ризы, 002 EXO 019 011 и да будут готовы в день третий: в третий бо день снидет Господь на гору Синайскую пред всеми людьми: 002 EXO 019 012 и устроиши люди окрест глаголя: внемлите себе не восходити на гору и ни чимже коснутися ея: всяк прикоснувыйся горе смертию умрет: 002 EXO 019 013 не коснется ей рука, камением бо побиется или стрелою устрелится, аще скот, аще человек, не будет жив: егда же гласи и трубы и облак отидет от горы, сии взыдут на гору. 002 EXO 019 014 Сниде же Моисей с горы к людем, и освяти я, и испраша ризы своя: 002 EXO 019 015 и рече людем: будите готови, три дни не входите к женам. 002 EXO 019 016 Бысть же в третий день бывшу ко утру, и быша гласи и молния и облак мрачен на горе Синайстей, глас трубный глашаше зело: и убояшася вси людие, иже в полце: 002 EXO 019 017 изведе же Моисей люди во сретение Богу из полка, и сташа под горою. 002 EXO 019 018 Гора же Синайская дымяшеся вся, схождения ради Божия на ню во огни, и восхождаше дым, яко дым пещный: и ужасошася вси людие зело. 002 EXO 019 019 Быша же гласи трубнии происходяще крепцы зело: Моисей глаголаше, Бог же отвещаваше ему гласом. 002 EXO 019 020 Сниде же Господь на гору Синайскую на верх горы, и воззва Господь Моисеа на верх горы, и взыде Моисей: 002 EXO 019 021 и рече Бог к нему глаголя: сошед засвидетелствуй людем, да не когда приступят к Богу уразумети, и падут от них мнози: 002 EXO 019 022 жерцы же приступающии ко Господу Богу да освятятся, да не когда погубит от них Господь. 002 EXO 019 023 И рече Моисей к Богу: не возмогут людие взыти на гору Синайскую: Ты бо завещал еси нам глаголя: определи гору и освяти ю. 002 EXO 019 024 И рече ему Господь: иди, сниди и взыди ты и Аарон с тобою: жерцы же и людие да не нудятся взыти к Богу, да не когда погубит от них Господь. 002 EXO 019 025 Сниде же Моисей к людем и поведа им. 002 EXO 020 001 И глагола Господь вся словеса сия к Моисею глаголя: 002 EXO 020 002 Аз есмь Господь Бог твой, изведый тя от земли Египетския, от дому работы: 002 EXO 020 003 да не будут тебе бози инии разве Мене. 002 EXO 020 004 Не сотвори себе кумира и всякаго подобия, елика на небеси горе и елика на земли низу, и елика в водах под землею: 002 EXO 020 005 да не поклонишися им, ни послужиши им: Аз бо есмь Господь Бог твой, Бог ревнитель, отдаяй грехи отец на чада до третияго и четвертаго рода ненавидящым Мене, 002 EXO 020 006 и творяй милость в тысящах любящым Мя и хранящым повеления Моя. 002 EXO 020 007 Не возмеши имене Господа Бога твоего всуе: не очистит бо Господь приемлющяго имя Его всуе. 002 EXO 020 008 Помни день субботный, еже святити его: 002 EXO 020 009 шесть дний делай и сотвориши (в них) вся дела твоя: 002 EXO 020 010 в день же седмый, суббота Господу Богу твоему: да не сотвориши всякаго дела в онь ты и сын твой и дщерь твоя, и раб твой и раба твоя, и вол твой и осля твое и всякий скот твой, и пришлец обитаяй у тебе: 002 EXO 020 011 зане в шести днех сотвори Господь небо и землю, море и вся яже в них, и почи в день седмый: сего ради благослови Господь день седмый и освяти его. 002 EXO 020 012 Чти отца твоего и матерь твою, да благо ти будет и да долголетен будеши на земли блазе, юже Господь Бог твой дает тебе. 002 EXO 020 013 Не убий. 002 EXO 020 014 Не прелюбы сотвори. 002 EXO 020 015 Не укради. 002 EXO 020 016 Не послушествуй на друга своего свидетелства ложна. 002 EXO 020 017 Не пожелай жены искренняго твоего, не пожелай дому ближняго твоего, ни села его, ни раба его, ни рабыни его, ни вола его, ни осла его, ни всякаго скота его, ни всего, елика суть ближняго твоего. 002 EXO 020 018 И вси людие зряху глас и свещы, и глас трубный и гору дымящуюся: и убоявшеся вси людие сташа издалече, 002 EXO 020 019 и рекоша Моисею: глаголи ты с нами, и да не глаголет к нам Бог, да не когда умрем. 002 EXO 020 020 Рече же им Моисей: дерзайте: искушения бо ради прииде Бог к вам, яко да будет страх Его в вас, да не согрешаете. 002 EXO 020 021 Стояху же вси людие издалече: Моисей же вниде во мрак, идеже бяше Бог. 002 EXO 020 022 Рече же Господь к Моисею: сия речеши дому Иаковлю и возвестиши сыном Израилевым: вы видесте, яко с небесе глаголах к вам: 002 EXO 020 023 не сотворите себе сами богов сребряных и богов златых не сотворите самым себе: 002 EXO 020 024 олтарь из земли сотворите Ми и пожрете на нем всесожжения ваша и спасителная ваша, и овцы и телцы вашя, на всяком месте, идеже нареку имя Мое тамо, и прииду к тебе и благословлю тя: 002 EXO 020 025 аще же олтарь от камений сотвориши Ми, да не устроиши их тесаных: сечиво бо твое аще возложиши на них, то осквернятся: 002 EXO 020 026 да не взыдеши по степенем ко олтарю Моему, яко да не открыеши срамоты твоея на нем. 002 EXO 021 001 И сия оправдания, яже да положиши пред ними: 002 EXO 021 002 аще стяжеши раба Евреина, шесть лет да поработает тебе, в седмое же лето отпустиши его свободна туне: 002 EXO 021 003 аще сам един внидет, то един и изыдет: аще же жена внидет с ним, то и жена отидет с ним: 002 EXO 021 004 аще же господин даст ему жену, и родит ему сыны или дщери, жена и дети да будут господину его, сам же един да отидет. 002 EXO 021 005 Аще же отвещав раб речет: возлюбих господина моего и жену мою и дети моя, не отхожду свободен: 002 EXO 021 006 да приведет его господин его пред судище Божие, и тогда приведет его пред двери на праг, и да провертит ему ухо господин его шилом, и да поработает ему во веки. 002 EXO 021 007 Аще же кто продаст свою дщерь в рабыню, да не отидет, якоже отходят рабыни: 002 EXO 021 008 аще не угодит пред очима господина своего, юже он взяти в жену обеща, да отпустит ю: языку же чуждему господин да не продаст ея, понеже отверже ю: 002 EXO 021 009 аще же сыну своему обещал ю, по обыкновению дщерей да сотворит ей: 002 EXO 021 010 аще же другую поймет себе, потребных и одежд и союбщения ея да не лишит: 002 EXO 021 011 аще же сих трех не сотворит ей, да отидет без сребра туне. 002 EXO 021 012 И аще кого кто ударит, и умрет, смертию да умрет (и той): 002 EXO 021 013 аще же не хотя, но Бог предаде в руце его, дам тебе место, в неже убежит тамо убивый: 002 EXO 021 014 аще же кто приложит убити ближняго своего лестию и прибегнет ко олтарю, от олтаря Моего да возмеши того умертвити. 002 EXO 021 015 Иже биет отца своего или матерь свою, смертию да умрет. 002 EXO 021 016 Иже злословит отца своего или матерь свою, смертию да умрет. 002 EXO 021 017 Аще кто кого украдет от сынов Израилевых, и соодолев сему продаст его, и обрящется у него, смертию да скончается. 002 EXO 021 018 Аще же сварятся два мужа, и ударит един другаго каменем или пястию, и не умрет, но сляжет на одре: 002 EXO 021 019 аще востав человек походит вне о жезле, неповинен будет ударивый его: точию за неделание его да даст цену и на цельбу. 002 EXO 021 020 Аще же кто ударит раба своего или рабу свою жезлом, и умрет от руки его, судом да отмстится: 002 EXO 021 021 аще же преживет день един или два, да не мстится: сребро бо его есть. 002 EXO 021 022 Аще же биются два мужа, и поразят жену непраздну, и изыдет младенец ея неизображен, тщетою да отщетится: якоже наложит муж жены тоя, подобающее да отдаст: 002 EXO 021 023 аще же изображен будет, да даст душу за душу, 002 EXO 021 024 око за око, зуб за зуб, руку за руку, ногу за ногу, 002 EXO 021 025 жжение за жжение, язву за язву, вред за вред. 002 EXO 021 026 Аще же кто исткнет око рабу своему или око рабыни своей и ослепит, свободны да отпустит я за око их: 002 EXO 021 027 аще же зуб рабу своему или зуб рабе своей избиет, свободны да отпустит я за зуб их. 002 EXO 021 028 Аще же вол убодет мужа или жену, и умрет, камением да побиется вол той, и да не снедят мяса его, господин же вола неповинен будет: 002 EXO 021 029 аще же вол бодлив будет прежде вчерашняго и третияго дне, и возвестят господину его, и не заключит его, и убиет мужа или жену: вол камением да побиется, и господин его купно да умрет: 002 EXO 021 030 аще же окуп наложится ему, да даст окуп за душу свою, елико наложат ему: 002 EXO 021 031 аще же сына или дщерь убодет, по сему же суду да сотворят ему: 002 EXO 021 032 аще же раба или рабу убодет вол, сребра тридесять дидрахм да даст господину их, и вол камением да побиется. 002 EXO 021 033 Аще же кто отверзет яму или ископает яму и не покрыет ея, и впадется в ню телец или осля, 002 EXO 021 034 господин ямы отдаст (цену), сребро даст господину их: умершее же ему да будет. 002 EXO 021 035 Аще же чий вол убодет вола ближняго, и умрет, да продадут вола живаго, и да разделят цену его, и вола умершаго да разделят: 002 EXO 021 036 аще же знаемь есть вол, яко бодлив есть прежде вчерашняго и третияго дне, и глаголаша господину его, и той не заключит его: да отдаст вола за вола, мертвый же ему да будет. 002 EXO 022 001 Аще же кто украдет телца или овцу, и заколет или продаст, пять телцев да воздаст за телца и четыри овцы за овцу. 002 EXO 022 002 Аще же в подкопании обрящется тать, и язвен умрет, несть ему убийство: 002 EXO 022 003 аще же взыдет солнце над ним, повинен есть, умрет за него: аще же не имать имения, да продастся за татьбу: 002 EXO 022 004 аще же ят будет, и обрящется в руце его украденое от осляте до овцы живо, сугубо да отдаст я. 002 EXO 022 005 Аще же кто потравит ниву или виноград, и пустит скот свой пастися на чужей ниве, да даст от нивы своея по плоду его: аще же всю ниву потравит, лучшая нивы своея и лучшая винограда своего да отдаст. 002 EXO 022 006 Аще же изшед огнь обрящет терние и запалит гумно, или класы, или ниву, да отдаст, иже возже огнь. 002 EXO 022 007 Аще же кто даст другу сребро или сосуд сохранити, и украдется из дому мужа того, аще обрящется украдый, да воздаст сугубо: 002 EXO 022 008 аще же не обрящется украдый, да приидет господин дому пред бога и да кленется, яко поистинне не слукавствова он о всем положении дружнем. 002 EXO 022 009 По всей реченней неправде, о теляти и о осляти и о овце, и о ризе и о всей гибели нанесенней, что убо ни было бы, пред богом да приидет суд обоих, и обвиненный богом да отдаст сугубо ближнему. 002 EXO 022 010 Аще же кто даст другу осля или телца, или овцу, или всяк скот хранити, и умрет или погибнет, или пленено будет, и никтоже увесть, 002 EXO 022 011 клятва да будет Божия между обоими, яко поистинне не слукавствова он о всем ближняго положении, и тако приимет господин его, и да не отдаст: 002 EXO 022 012 аще же украдено будет от него, да отдаст господину: 002 EXO 022 013 аще же зверь снеде, да ведет его на звероядину, и не отдаст: 002 EXO 022 014 аще же кто испросит у друга, и погибнет, или умрет, или пленится, господин же его не будет с ним, отдаст: 002 EXO 022 015 аще же господин его будет с ним, да не отдаст: аще же наемник есть, да будет ему вместо мзды его. 002 EXO 022 016 Аще же прельстит кто не обручену девицу, и будет с нею, веном да отвенит ю, (и поймет ю) себе в жену: 002 EXO 022 017 аще же возбраняя возбранит и не восхощет отец ея дати ю ему в жену, сребро да воздаст отцу, елико есть вено девическо. 002 EXO 022 018 Волхвом живым быти не попустите. 002 EXO 022 019 Всякаго со скотом бывающа смертию убиете его. 002 EXO 022 020 Иже жертву приносит богом, смертию да потребится, но точию Господу единому. 002 EXO 022 021 И пришелца не озлобите, ниже оскорбите его: пришелцы бо бесте в земли Египетстей. 002 EXO 022 022 Всякия вдовы и сироты не озлобите: 002 EXO 022 023 аще же злобою озлобите Я, и возстенавше возопиют ко мне, слухом услышу глас их 002 EXO 022 024 и разгневаюся яростию, и побию вы мечем, и будут жены вашя вдовы, и чада ваша сироты. 002 EXO 022 025 Аще же даси сребро взаем брату нищему иже у тебе, не буди его понуждаяй, ниже наложиши ему лихвы. 002 EXO 022 026 И аще заложит в залог ризу друг твой, до захождения солнца отдаси ему: 002 EXO 022 027 есть бо сия покровение ему, сия едина риза стыдения его, в чем спати будет: аще убо возопиет ко Мне, услышу его: милостив бо есмь. 002 EXO 022 028 Богов да не злословиши и князю людий твоих да не речеши зла. 002 EXO 022 029 Начатки от гумна и от точила твоего да не косниши принести (Мне): первенцы сынов твоих да даси Мне: 002 EXO 022 030 тако сотвориши телцу твоему, и овце твоей, и ослу твоему: седмь дний да будет у матери, в осмый же день да отдаси оное Мне. 002 EXO 022 031 Люди святи будете Ми, и мяса звероядиннаго да не снесте, псом повержете е. 002 EXO 023 001 Да не приимеши слуха суетна, да не приложишися с неправедным быти свидетель неправеден: 002 EXO 023 002 да не будеши со многими на злобу, да не приложишися ко множеству уклонитися со множайшими, яко превратити суд, 002 EXO 023 003 и нищаго да не помилуеши на суде. 002 EXO 023 004 Аще же срящеши говядо врага твоего или осля его заблуждающее, обратив да отдаси ему: 002 EXO 023 005 аще же узриши осля врага твоего падшее под бременем его, да не мимоидеши е, но да воздвигнеши е с ним. 002 EXO 023 006 Да не превратиши суда нищему в суде его. 002 EXO 023 007 От всякаго слова неправеднаго да отступиши: неповинна и праведна да не убиеши, и не оправдиши нечестиваго даров ради, 002 EXO 023 008 и да не возмеши даров: дары бо ослепляют очи видящым и погубляют словеса праведна. 002 EXO 023 009 И пришелца не оскорбляйте, ни стужите (ему): вы бо весте душу пришелчу, понеже сами бесте пришелцы в земли Египетстей. 002 EXO 023 010 Шесть лет да сееши землю твою и да собереши плоды ея: 002 EXO 023 011 в седмое же оставление да сотвориши и опустиши ю, и да ясти будут убозии языка твоего, останки же да снедят зверие дивии: тако да сотвориши винограду твоему и масличию твоему. 002 EXO 023 012 В шесть дний да сотвориши дела твоя, в седмый же день покой: да почиет вол твой и осел твой, и да почиет сын рабы твоея и пришлец. 002 EXO 023 013 Вся, елика глаголах вам, сохраните, имен же богов инех не поминайте, ниже да слышатся изо уст ваших. 002 EXO 023 014 Три краты в лете сотворите Ми праздник: 002 EXO 023 015 праздник опресноков сохраните творити, седмь дний ядите опресноки, якоже заповедах тебе, во время месяца новых плодов, в той бо изшел еси из Египта, да не явишися предо Мною тощь: 002 EXO 023 016 и праздник жатвы первородных жит сотвориши от дел твоих, яже посееши на ниве твоей: и праздник скончания при исходе лета в собрании дел твоих, яже от нив твоих. 002 EXO 023 017 Три краты в лете да явится всяк мужеск пол твой пред Господем Богом твоим. 002 EXO 023 018 Егда бо изжену языки от лица твоего и разширю пределы твоя, да не пожреши на квасе крове жертвы Моея, ниже да долежит тук праздника Моего до утрия. 002 EXO 023 019 Начатки первых жит земли твоея да внесеши в дом Господа Бога твоего. Да не свариши ягняте во млеце матере его. 002 EXO 023 020 И се, Аз послю Ангела Моего пред лицем твоим, да сохранит тя на пути, яко да введет тя в землю, юже уготовах тебе: 002 EXO 023 021 вонми себе и послушай Его, и не ослушайся Его: не обинется бо тебе, имя бо Мое есть на Нем: 002 EXO 023 022 аще слухом послушаеши гласа Моего и сотвориши вся, елика Аз заповедаю тебе, и сохраниши завет Мой, будете Ми люди избранни от всех язык: Моя бо есть вся земля, вы же будете Ми царское священие и язык свят. Сия словеса да речеши сыном Израилевым. Аще слухом послушаеши гласа Моего и сотвориши вся, елика реку тебе, враг буду врагом твоим и сопротивлюся сопротивником твоим. 002 EXO 023 023 Пойдет бо Ангел Мой наставляяй тя и введет тя ко Аморрею и Хеттею, и Ферезею и Хананею, и Гергесею и Евею и Иевусею, и потреблю их (от лица вашего): 002 EXO 023 024 да не поклонишися богом их, ниже послужиши им: да не сотвориши по делом их, но разорением разориши и сокрушением сокрушиши капища их, 002 EXO 023 025 и да послужиши Господу Богу твоему: и благословлю хлеб твой и вино твое и воду твою, и отвращу болезнь от вас. 002 EXO 023 026 Не будет безчаден, ниже неплоды на земли твоей: число дний твоих исполняя исполню. 002 EXO 023 027 И страх послю ведущий тя, и устрашу вся языки, в няже ты входиши к ним, и дам вся сопротивники твоя в бегуны: 002 EXO 023 028 и послю шершни пред тобою, и изжену Аморреи и Евеи, и Иевусеи и Хананеи и Хеттеи от тебе: 002 EXO 023 029 не изжену их в лете единем, да не будет земля пуста, и мнози будут на тя звери земнии: 002 EXO 023 030 помалу помалу изжену их от тебе, дондеже возрастеши и наследиши землю. 002 EXO 023 031 И положу пределы твоя от Чермнаго моря до моря Филистимля, и от пустыни до реки великия Евфрата, и предам в руце ваши седящих на земли и изжену их от тебе: 002 EXO 023 032 да не смесишися с ними, и с боги их да не завещаеши завета, 002 EXO 023 033 и да не останутся на земли твоей, да не сотворят тя согрешити ко Мне: аще бо поработаеши богом их, сии будут тебе в соблазн. 002 EXO 024 001 И Моисею рече: взыди ко Господу ты и Аарон, и Надав и Авиуд и седмьдесят старец Израилевых, и да поклонятся издалече Господу: 002 EXO 024 002 и да приступит Моисей един к Богу, они же да не приступят: и людие с ними да не взыдут. 002 EXO 024 003 Прииде же Моисей и поведа людем вся словеса Божия и оправдания. Отвещаша же вси людие гласом единым, глаголюще: вся словеса, яже глагола Господь, сотворим и послушаем. 002 EXO 024 004 И написа Моисей вся словеса Господня: обутрев же Моисей заутра, созда олтарь под горою, и дванадесять камений в дванадесять племен Израилевых: 002 EXO 024 005 и посла юношы сынов Израилевых, и принесоша всесожжения, и пожроша жертву спасения Господу Богу телцы. 002 EXO 024 006 Взем же Моисей половину крове, влия в чашы, половину же крове возлия на олтарь, 002 EXO 024 007 и взем книгу завета, прочте людем во ушы. И рекоша: вся, елика глагола Господь, сотворим и послушаем. 002 EXO 024 008 Взем же Моисей кровь, окропи люди и рече: се, кровь завета, егоже завеща Господь к вам о всех словесех сих. 002 EXO 024 009 И взыде Моисей и Аарон, и Надав и Авиуд и седмьдесят от старец Израилевых, 002 EXO 024 010 и видеша место, идеже стояше Бог Израилев: и под ногама Его яко дело камене сапфира, и яко видение тверди небесныя чистотою. 002 EXO 024 011 И от избранных Израилевых не повредися ни един: и явишася на месте Божии, и ядоша, и пиша. 002 EXO 024 012 И рече Господь к Моисею: взыди ко Мне на гору и стани тамо, и дам ти скрижали каменныя, закон и заповеди, яже написах законоположити им. 002 EXO 024 013 И востав Моисей и Иисус предстоявый ему, взыдоша на гору Божию 002 EXO 024 014 и старцем реша: пождите в молчании зде, дондеже возвратимся к вам: и се, Аарон и Ор с вами: аще кому случится суд, да идут к ним. 002 EXO 024 015 И взыде Моисей на гору, и покры облак гору, 002 EXO 024 016 и сниде слава Божия на гору Синайскую, и покры ю облак шесть дний. И воззва Господь Моисеа в день седмый из среды облака: 002 EXO 024 017 обличие же славы Господни, яко огнь пламенуя на версе горы, пред сыны Израилевы. 002 EXO 024 018 И вниде Моисей в среду облака и взыде на гору, и бе тамо на горе четыредесять дний и четыредесять нощей. 002 EXO 025 001 И рече Господь к Моисею, глаголя: 002 EXO 025 002 рцы сыном Израилевым, и да возмут Ми начатки от всех, яже угодна будут сердцу их, да возмете начатки Моя. 002 EXO 025 003 Сей же есть начаток, егоже возмете от них: злато и сребро и медь, 002 EXO 025 004 и синету и багряницу, и червленицу сугубу (пряденую), и виссон сканый, и власы козия, 002 EXO 025 005 и кожы овни очервленены, и кожы сини, и древа негниющая, 002 EXO 025 006 и елей в свещение, фимиам во елей помазания и в сложение фимиама, 002 EXO 025 007 и камени Сардийския, и камени в ваяние на епомиду и подир. 002 EXO 025 008 И да сотвориши Ми освящение, и явлюся в вас: 002 EXO 025 009 и сотвориши ми по всему, елика Аз покажу тебе на горе, образ скинии и образ всех сосудов ея: сице да сотвориши. 002 EXO 025 010 И сотвориши кивот свидения от древ негниющих, двою лактий и пол в долготу, и лактя и пол в широту, и лактя и пол в высоту: 002 EXO 025 011 и позлатиши его златом чистым, внутрьуду и внеуду позлатиши его, и сотвориши верху его венец злат витый окрест: 002 EXO 025 012 и слиеши ему четыри колца злата, и возложиши на четыри страны его, два колца на едину страну, и два на другую страну. 002 EXO 025 013 Сотвориши же носила от древа негниюща и позлатиши я златом чистым: 002 EXO 025 014 и вложиши носила в колца, яже на странах кивота, носити ими кивот: 002 EXO 025 015 в колцах кивота да будут носила не зыблющеся: 002 EXO 025 016 и вложиши в кивот свидения, яже дам тебе. 002 EXO 025 017 И да сотвориши очистилище покров от злата чиста, двою лактий и пол в долготу, лактя же и пол в широту: 002 EXO 025 018 и сотвориши два херувима злата изваянна, и возложиши я от обоих стран очистилища: 002 EXO 025 019 да сотворятся херувими, един от страны сея и другий от страны другия очистилища, и сотвориши два херувима на обоих странах: 002 EXO 025 020 да будут херувими распростирающе крила верху, соосеняюще крилами своими над очистилищем, и лица их ко другъдругу, на очистилище будут лица херувимска: 002 EXO 025 021 и да возложиши очистилище на кивот верху, и в кивот да вложиши свидения, яже дам тебе. 002 EXO 025 022 И познан буду тебе оттуду, и возглаголю тебе с верху очистилища между двема херувимы, иже суть над кивотом свидения, и по всем, елика аще заповем тебе к сыном Израилевым. 002 EXO 025 023 И сотвориши трапезу от древ негниющих, двою лактий в долготу, и лактя в широту, и лактя и пол в высоту: 002 EXO 025 024 и позлатиши ю златом чистым, и сотвориши ей витое обложение златое окрест, и сотвориши ей венец длани окрест, 002 EXO 025 025 и сотвориши витое обложение венцу окрест. 002 EXO 025 026 И сотвориши четыри колца злата, и возложиши четыри колца на четыри страны ног ея под венец: 002 EXO 025 027 и да будут колца на влагалища носилам, яко воздвизати ими трапезу. 002 EXO 025 028 И сотвориши носила ея от древ негниющих, и позлатиши я златом чистым, и воздвизатися будет на них трапеза. 002 EXO 025 029 И сотвориши блюда ея и фимиамники, и возливалники и чашы, имиже возливати будеши: от злата чиста да сотвориши я. 002 EXO 025 030 И возлагати будеши на трапезу хлебы предложения предо Мною присно. 002 EXO 025 031 И да сотвориши светилник от злата чиста, изваян да сотвориши светилник: стебль его и ветви, и чашы и крузи и крины от него да будут: 002 EXO 025 032 шесть же ветвий исходящих от стран, три ветви светилника от страны его единыя и три ветви светилника от страны вторыя: 002 EXO 025 033 и три чашы во образ ореха, на единей ветви круг и крин: тако шести ветвам исходящым от светилника: 002 EXO 025 034 и на светилнике четыри чашы во образ ореха, на единей ветви крузи и крины его: 002 EXO 025 035 круг под двема ветвми от него, и круг под четырми ветвми от него: тако шести ветвам исходящым от светилника: и на светилнике четыри чашы во образ ореха: 002 EXO 025 036 крузи и ветви от него да будут: весь изваян от единаго злата чиста. 002 EXO 025 037 И да сотвориши светил его седмь, и поставиши светила его, и светити будут от единаго лица его: 002 EXO 025 038 и щипцы его, и подставы его от злата чиста сотвориши: 002 EXO 025 039 талантом злата чиста да сотвориши вся сосуды сия. 002 EXO 025 040 Виждь, да сотвориши по образу показанному тебе на горе. 002 EXO 026 001 Скинию же да сотвориши от десяти опон от виссона сканаго и синеты, и багряницы и червленицы сканыя: херувимы делом тканым да сотвориши я. 002 EXO 026 002 Долгота опоны единыя двадесять и осмь лактий, и широта четырех лактий, опона едина да будет: мера таяжде да будет всем опонам. 002 EXO 026 003 Пять же опон да будут взаим придержащяся едина от другия, и пять опон да будут содержащяся друга о друзей. 002 EXO 026 004 И да сотвориши им петли из синеты у края опоны единыя, от единыя страны в сложение: и сице сотвориши на краю опоны внешния к сложению второму. 002 EXO 026 005 Пятьдесят же петлей сотвориши единей опоне, и пятьдесят петлей да сотвориши от края опоны по сложению вторыя, лицем к лицу сходящыяся между собою каяждо. 002 EXO 026 006 И сотвориши пятьдесят крючков златых и совокупиши опоны едину ко друзей крючками: и будет скиния едина. 002 EXO 026 007 И да сотвориши опоны власяныя в покров над скиниею, единонадесять опон сотвориши их. 002 EXO 026 008 Долгота опоны единыя да будет тридесяти лактий, и четырех лактий широта опоны единыя: таяжде мера да будет единонадесяти опонам. 002 EXO 026 009 И совокупиши пять опон вкупе, и шесть опон вкупе: и усугубиши опону шестую ко входу скинии. 002 EXO 026 010 И да сотвориши петлей пятьдесят на краи опоны единыя, яже среде по сложению, и пятьдесят петлей да сотвориши на краи опоны совокупляющияся вторыя. 002 EXO 026 011 И сотвориши крючков медяных пятьдесят: и совокупиши крючки с петлями, и да совокупиши опоны, и будет едино. 002 EXO 026 012 И да подложиши излишнее от опон скинии: полуюпоною оставшеюся да покрыеши излишнее опон скинии: да прикрыеши созади скинии. 002 EXO 026 013 Лакоть (един) от сего, и лакоть (един) от другаго, от излишняго опон, в долготу опон скинии: да будет покрывающее на стране скинии, сюду и сюду да покрывает. 002 EXO 026 014 И да сотвориши покров скинии от кож овних червленых, и прикрывала от кож синих сверху. 002 EXO 026 015 И да сотвориши столпы скинии от древ негниющих: 002 EXO 026 016 десяти лактий (в высоту) да сотвориши столп един, лактя же единаго и пол широта столпа единаго: 002 EXO 026 017 два закройца (на краях) столпу единому, противу стояща другъдругу: тако сотвориши всем столпом скинии. 002 EXO 026 018 И да сотвориши столпы скинии, двадесять столпов от страны яже к северу: 002 EXO 026 019 и четыредесять стоялов сребряных да сотвориши двадесятим столпом: два стояла единому столпу на обоих краех его и два стояла другому столпу на обоих краех его: 002 EXO 026 020 и в стране вторей южней двадесять столпов: 002 EXO 026 021 и четыредесять стоялов им сребряных: два стояла столпу единому на обоих краех его и два стояла столпу другому на обоих краех его. 002 EXO 026 022 И созади скинии по стране яже к морю да сотвориши шесть столпов, 002 EXO 026 023 и два столпа сотвориши во углах скинии созади. 002 EXO 026 024 И будут равни от долу: по томужде да будут равни от глав в состав един: тако да сотвориши обоим двум углам: равни да будут. 002 EXO 026 025 И да будут осмь столпы и стояла их сребряна шестьнадесять: два стояла единому столпу и два стояла другому столпу, на обоих краех его. 002 EXO 026 026 И да сотвориши вереи от древ негниющих: пять верей столпу единому от единыя страны скинии, 002 EXO 026 027 и пять верей столпу единому вторей стране скинии, и пять верей столпу заднему стране скинии, яже к морю: 002 EXO 026 028 и верея средняя посреде столпов да проходит от единыя страны в другую страну. 002 EXO 026 029 И столпы да позлатиши златом: и колца сотвориши злата, в няже вложиши вереи: и позлатиши вереи златом. 002 EXO 026 030 И возставиши скинию по образу показанному тебе на горе. 002 EXO 026 031 И да сотвориши завесу от синеты и багряницы, и червленицы сканыя и виссона пряденаго: делом тканым да сотвориши ю херувимы. 002 EXO 026 032 И возложиши ю на четыри столпы негниющыя позлащены златом: и верхи их златы, и стояла их четыри сребряна. 002 EXO 026 033 И повесиши завесу на столпех, и внесеши тамо внутрь завесы кивот свидения: и разделяти будет завеса вам посреде святилища и посреде Святая святых, 002 EXO 026 034 и закрыеши завесою кивот свидения во Святая святых. 002 EXO 026 035 И поставиши трапезу вне завесы, и светилник прямо трапезы на стране скинии, яже к югу: и трапезу поставиши на стране скинии, яже к северу. 002 EXO 026 036 И да сотвориши закров в дверех скинии от синеты и багряницы, и червленицы сканыя и виссона сканаго, делом пестрящаго. 002 EXO 026 037 И да сотвориши завесе пять столпов от древ негниющих, и позлатиши их златом, и верхи их златы: и да слиеши им пять стоял медяных. 002 EXO 027 001 И да сотвориши олтарь от древ негниющих, пяти лакот в долготу и пяти лакот в широту: четвероуголен да будет олтарь, и трех лактий высота его. 002 EXO 027 002 И да сотвориши роги на четырех углех: из него да будут роги, и покрыеши я медию. 002 EXO 027 003 И да сотвориши венец олтарю: и покров его, и фиалы его, и вилицы его, и кадилник его, и вся сосуды его да сотвориши медяны. 002 EXO 027 004 И да сотвориши ему огнище на подобие мрежи медяно: и сотвориши огнищу четыри колца медяна на четыри страны, 002 EXO 027 005 и подложиши я под огнище олтаря снизу, и будет огнище до среды олтаря. 002 EXO 027 006 И да сотвориши олтарю носила от древес негниющих, и окуеши я медию, 002 EXO 027 007 и вложиши носила в колца: и да будут носила олтарю по бокам, еже подимати его. 002 EXO 027 008 Тощь, дощатый сотвориши его: по показанному тебе на горе, тако сотвориши его. 002 EXO 027 009 И да сотвориши двор скинии: на стране, яже к югу, завесы двора из виссона сканаго: долгота сто лакот стране единей: 002 EXO 027 010 и столпы их двадесять, и стояла их двадесять медяна, и крючки их, и верхи их сребряны. 002 EXO 027 011 Такожде на стране, яже к северу, завесы сто лакот в долготу, и столпы их двадесять, и стояла их двадесять медяна, и крючки их, и верхи столпов, и стояла их посребрена сребром. 002 EXO 027 012 Широта же двора, яже к морю, опоны пятьдесят лакот: столпы их десять, и стояла их десять. 002 EXO 027 013 И широта двора, яже к востоку, завесы пятьдесят лактий: столпы их десять, и стояла их десять. 002 EXO 027 014 И пятьнадесять лакот высота опон стране единей: столпы их три, и стояла их три: 002 EXO 027 015 и стране вторей опон пятьнадесять лакот высота: столпы их три, и стояла их три. 002 EXO 027 016 И вратам двора завеса двадесять лакот в высоту, от синеты и багряницы, и червленицы сканыя и виссона сканаго пестрением швенным: столпы их четыри, и стояла их четыри. 002 EXO 027 017 Вси столпы двора окрест окованы сребром, и верхи их сребряны, и стояла их медяна. 002 EXO 027 018 Долгота же двора сто на сто, и широта пятьдесят на пятьдесят, и высота пяти лактий от виссона сканаго: и стояла их медяна. 002 EXO 027 019 И все устроение, и вся орудия, и гвозди двора медяны. 002 EXO 027 020 И ты заповеждь сыном Израилевым, и да возмут тебе елей от масличия без дрождей чист изжат в светение, да горит светилник всегда. 002 EXO 027 021 В скинии свидения вне завесы, яже над заветом, возжигати будет его Аарон и сынове его, от вечера даже до утра, пред Господем, законно вечно в роды вашя от сынов Израилевых. 002 EXO 028 001 И ты приведи к себе Аарона, брата твоего, и сыны его от сынов Израилевых, да священнодействуют Мне Аарон и Надав, и Авиуд и Елеазар и Ифамар, сынове Аарони. 002 EXO 028 002 И да сотвориши ризу святу Аарону брату твоему в честь и славу. 002 EXO 028 003 И ты возглаголи ко всем премудрым умом, ихже наполних духа мудрости и смышления: и да сотворят ризу святу Аарону, в нейже имать священнодействовати Мне во святилищи. 002 EXO 028 004 И сия суть ризы, ихже сотворят: наперсник и ризу верхнюю, и долгую ризу и ризу тресновиту, и наглавие и пояс: и да сотворят ризы святы Аарону и сыном его, во еже священнодействовати Мне. 002 EXO 028 005 И сии да возмут злато и синету, и багряницу и червленицу и виссон, 002 EXO 028 006 и да сотворят ризу верхнюю от виссона сканаго, дело тканно пестрящаго. 002 EXO 028 007 Две ризы верхния да будут ему придержащяся едина друзей, на обе стране связаныя. 002 EXO 028 008 И ткание риз верхних, еже есть на них, по сотворению их да будет от злата чиста и синеты, и багряницы и червленицы пряденыя и виссона сканаго. 002 EXO 028 009 И возмеши два каменя, камене смарагда, и изваяеши на них имена сынов Израилевых: 002 EXO 028 010 шесть имен на камени единем и шесть имен прочиих на камени друзем по родом их, 002 EXO 028 011 дело каменныя хитрости: ваянием печати изваяеши оба каменя имены сынов Израилевых. 002 EXO 028 012 И положиши оба каменя на раменах верхния ризы: камени в память суть сыном Израилевым: и воздвигнет Аарон имена сынов Израилевых пред Господем на оба рамена своя в память о них. 002 EXO 028 013 И да сотвориши щитцы от злата чиста, 002 EXO 028 014 и да сотвориши две тресновицы от злата чиста, смешены цветами, дело плетения: и возложиши тресновицы сплетеныя на щитцы по нарамником их сопреди. 002 EXO 028 015 И да сотвориши слово судное, дело пестрящаго: по составу ризы верхния да сотвориши сие от злата и синеты, и багряницы и червленицы пряденыя и виссона сканаго: 002 EXO 028 016 сотвориши е четвероуголно: да будет сугубо, пяди долгота его и пяди широта, 002 EXO 028 017 и нашиеши на нем швение каменное в четыри ряда. Ряд камений да будет: сардий, топазий и смарагд, ряд един: 002 EXO 028 018 и ряд вторый, анфракс и сапфир и иаспис: 002 EXO 028 019 и ряд третий, лигирий и ахат и амефист: 002 EXO 028 020 и ряд четвертый, хрисолиф и вириллий и онихий: объяты златом, исплетены в злате да будут по ряду своему. 002 EXO 028 021 И камение да будут от имен двунадесяти сынов Израилевых пред Господем: на дву раменах его дванадесять по именам их и по родом их, изваяни печатми, коегождо по имени да будут в дванадесять племен. 002 EXO 028 022 И да сотвориши на слове тресны сплетены, делом верижным, от злата чиста. 002 EXO 028 023 И да сотвориши на словеси два колца злата: и возложиши два колца злата на оба края словесе. 002 EXO 028 024 И возложиши тресны и чепи златы на два колца от обоих краев словесе. 002 EXO 028 025 И два края двух тресн наложиши на две чепочки, и возложиши на рамена верхних риз лицем ко другъдругу. 002 EXO 028 026 И сотвориши два колца злата, и возложиши на обе страны словесе на край от края задняго верхних риз, отвнутрь. 002 EXO 028 027 И сотвориши два колца злата, и возложиши на оба рамена верхния ризы снизу его, лицем по согбению свыше соткания верхних риз. 002 EXO 028 028 И стягнеши слово колцами, яже на нем, с колцами верхних риз сложеными, из синеты плетеными во ткание верхних риз, да не низпускается слово с верхних риз. 002 EXO 028 029 И да возмет Аарон имена сынов Израилевых на слове суднем на персех, входящь во святое на память пред Богом. И да положиши на словеси суднем тресны: плетения на оба края словесе возложиши, и оба щита возложиши на обе раме нарамника на лице. 002 EXO 028 030 И да возложиши на слово судное явление и истину: и да будет на персех Аарону, егда внидет в святое пред Господа: и да носит Аарон суды сынов Израилевых на персех пред Господем всегда. 002 EXO 028 031 И да сотвориши ризу внутреннюю подир всю синю. 002 EXO 028 032 И да будет устие посреде его, ожерелие имущо кругом устия делом тканым, сгиб сошвен от него, да не раздерется. 002 EXO 028 033 И да сотвориши на омете ризнем снизу, аки шипка цветущаго, пугвицы из синеты и багряницы, и червленицы пряденыя и виссона сканаго, на омете ризы кругом: в тойже образ пугвицы златы, и звонцы между сими окрест. 002 EXO 028 034 При пугвице злат звонец, и цвет на омете ризнем, кругом. 002 EXO 028 035 И да будет Аарону, егда служит, слышан глас его, входящу во святое пред Господа, и исходящу, да не умрет. 002 EXO 028 036 И да сотвориши дщицу злату чисту: и изобразиши на ней образ печати, Святыня Господня, 002 EXO 028 037 и да возложиши ю на синету сканую, и да будет на увясле, спреди увясла да будет, 002 EXO 028 038 и да будет на челе Аарони: и отимет Аарон согрешения святых, елика освятят сынове Израилевы от всякаго даяния святых своих, и да будет на челе Аарони всегда приято ими пред Господем. 002 EXO 028 039 И тресны риз от виссона: и сотвориши клобук виссонный, и пояс да сотвориши дело пестрящаго. 002 EXO 028 040 И сыном Аароновым да сотвориши ризы и поясы, и клобуки да сотвориши им в честь и славу: 002 EXO 028 041 и облечеши в ня Аарона брата твоего и сыны его с ним, и да помажеши их, и исполниши руце их и освятиши их, да Ми священнодействуют. 002 EXO 028 042 И да сотвориши им надраги льняны покрывати стыдения плоти их, от бедр даже до стегн будут, 002 EXO 028 043 и да имать Аарон и сынове его, егда входят в скинию свидения, или егда приходят служити к жертвеннику святыни: и да не наведут на ся греха, да не умрут: законное вечное (да будет) ему и семени его по нем. 002 EXO 029 001 И сия суть, яже сотвориши им: освятиши я, яко священнодействовати им Мне: да возмеши же телца единаго от говяд и овна два непорочна: 002 EXO 029 002 и хлебы пресны смешены с елеем, и опресноки помазаны елеем: из муки пшеничны сотвориши я: 002 EXO 029 003 и да вложиши я в кош един, и принесеши я в коши, и телца и два овна. 002 EXO 029 004 И Аарона и сыны его приведеши пред двери скинии свидения, и измыеши я водою: 002 EXO 029 005 и взем ризы святыя, облечеши Аарона брата твоего, и в хитон подир, и в ризу верхнюю, и в слово: и совокупиши ему слово к нарамнику: 002 EXO 029 006 и возложиши на главу его клобук: и возложиши дщицу освящение на увясло: 002 EXO 029 007 и да возмеши от елеа помазания, и да возлиеши и на главу его и помажеши его. 002 EXO 029 008 И сыны его приведеши и облечеши я в ризы: 002 EXO 029 009 и опояшеши я поясы, и возложиши на них клобуки, и будет ими священство мне во веки: и совершиши руце Аарони и руце сынов его. 002 EXO 029 010 И да приведеши телца пред двери скинии свидения, и возложат Аарон и сынове его руце свои на главу телца пред Господем у дверий скинии свидения. 002 EXO 029 011 И да заколеши телца пред Господем у дверий скинии свидения: 002 EXO 029 012 и да возмеши от крове телчи и помажеши на рогах олтаревых перстом твоим: останок же весь крове пролиеши у стояла олтарнаго: 002 EXO 029 013 и да возмеши весь тук, иже на утробе, и препонку печени, и обе почки, и тук иже на них, и возложиши на олтарь: 002 EXO 029 014 мяса же телча, и кожу, и мотыла да сожжеши на огни вне полка: за грех бо есть. 002 EXO 029 015 И овна да поймеши единаго, и да возложат Аарон и сынове его руки своя на главу овню: 002 EXO 029 016 и заколеши его, и взем кровь пролиеши у олтаря окрест: 002 EXO 029 017 и овна да разсечеши на уды и измыеши внутренняя и ноги в воде, и возложиши на разсеченныя части со главою: 002 EXO 029 018 и вознесеши всего овна на олтарь, всесожжение Господу в воню благоухания: жертва Господу есть. 002 EXO 029 019 И да поймеши овна втораго, и возложит Аарон и сынове его руки своя на главу овню: 002 EXO 029 020 и заколеши его, и возмеши от крове его, и возложиши на край ушесе Аароня деснаго и на край руки десныя и на край ноги десныя, и на край ушес сынов его десных и на край рук их десных и на край ног их десных: 002 EXO 029 021 и да возмеши от крове, яже на олтари, и от елеа помазания, и да воскропиши на Аарона и на ризу его, и на сыны его и на ризы сынов его с ним: и освятится сам и ризы его, и сыны его и ризы сынов его с ним: кровь же овню да пролиеши у олтаря окрест. 002 EXO 029 022 И да возмеши от овна тук его, и тук покрывающий утробу его, и препонку печени, и обе почки, и тук иже на них, и рамо десное: есть бо совершение сие: 002 EXO 029 023 и хлеб един с елеем, и опреснок един от коша опресноков, предложенных пред Господем: 002 EXO 029 024 и возложиши вся на руки Аарони и на руки сынов его, и отделиши я отделение пред Господем: 002 EXO 029 025 и да возмеши я от рук их, и вознесеши на олтарь всесожжения в воню благоухания пред Господем: приношение есть Господу. 002 EXO 029 026 И да возмеши грудь от овна совершения, яже есть Аарону, и отделиши ю отделение пред Господем, и будет тебе в часть: 002 EXO 029 027 и освятиши грудь отделение, и рамо отлучения, еже отделися, и яже отяся от овна совершения от Аарона и от сынов его, 002 EXO 029 028 и будет Аарону и сыном его законно вечно от сынов Израилевых: есть бо отделение сие, и отятие будет от сынов Израилевых от жертв спасителных сынов Израилевых, отделение Господу. 002 EXO 029 029 И ризы святы, яже суть Аарону, да будут сыном его по нем, помазатися им в них и совершити руки своя. 002 EXO 029 030 Седмь дний да облачится в ня иерей великий, иже вместо его от сынов его, иже внидет в скинию свидения служити во святилищи. 002 EXO 029 031 И овна совершения да возмеши и испечеши мяса на месте святе, 002 EXO 029 032 и да ядят Аарон и сынове его мяса овня, и хлебы, яже в коши у дверий скинии свидения: 002 EXO 029 033 да ядят сия, имиже освятишася в них, совершити руки своя, освятити я: и иноплеменник да не снест от них, суть бо свята. 002 EXO 029 034 Аще же останется от мяс жертвы совершения и от хлебов до утрия, да сожжеши останки огнем: да не снедятся, освящение бо есть. 002 EXO 029 035 И сотвориши Аарону и сыном его тако по всем, елика заповедах тебе: седмь дний совершиши руце их. 002 EXO 029 036 И телца греха ради да сотвориши в день очищения: и да очистиши олтарь, егда освящаеши на нем: и помажеши его, яко освятити его. 002 EXO 029 037 Седмь дний очистиши олтарь и освятиши его, и будет олтарь святая святых: всяк прикасаяйся олтарю освятится. 002 EXO 029 038 И сия суть, яже сотвориши на олтари: агнца единолетна непорочна два на всяк день на олтари присно жертву непрестанную: 002 EXO 029 039 агнца единаго да сотвориши рано, и втораго агнца да сотвориши в вечер: 002 EXO 029 040 и десятую часть муки пшеничны с елеем смешены, в четвертую часть ина, и возлияние четвертую часть меры ина вина единому овну. 002 EXO 029 041 И агнца втораго да сотвориши в вечер, якоже утреннюю жертву, и возлияние его: сотвориши в воню благоухания приношение Господу. 002 EXO 029 042 Жертву всегдашнюю в слухи и в роды вашя пред дверми скинии свидения пред Господем, в нихже познан буду тебе тамо, якоже глаголати к тебе. 002 EXO 029 043 И завещаю тамо сыном Израилевым, и освящуся во славе Моей, 002 EXO 029 044 и освящу скинию свидения и олтарь, и Аарона и сыны его освящу, священнодействовати Мне, 002 EXO 029 045 и нарекуся в сынех Израилевых, и буду им Бог: 002 EXO 029 046 и уведят, яко Аз есмь Господь Бог их, изведый их из земли Египетския, нарещися им и быти им Бог. 002 EXO 030 001 И да сотвориши олтарь кадилный от древ негниющих: 002 EXO 030 002 и сотвориши и лактя в долготу и лактя в широту, четвероуголен да будет, и двою лактий в высоту: от него да будут роги его. 002 EXO 030 003 И позлатиши златом чистым огнище его, и стены его около, и роги его: и да сотвориши ему витый венец злат около. 002 EXO 030 004 И два колца злата чиста да сотвориши под витым венцем его на обою углу, да сотвориши на обоих странах: и будут колца носилам, якоже подимати оный ими. 002 EXO 030 005 И да сотвориши носила от древес негниющих, и позлатиши я златом: 002 EXO 030 006 и да положиши его прямо завесы, сущия у кивота свидения, в нихже познан буду тебе оттуду. 002 EXO 030 007 И да кадит над ним Аарон фимиамом сложеным благовонным рано рано: егда устрояет светила, да кадит над ним: 002 EXO 030 008 и егда вжигает Аарон светила с вечера, да кадит над ним: фимиам всегдашний присно пред Господем в роды их: 002 EXO 030 009 и да не принесеши над него фимиама инаго: приношения, жертвы и возлияния да не пролиеши на него. 002 EXO 030 010 И да очистит над ним Аарон у рогов его единою в лето: от крове очищения грехов умилостивления единою в лето да очистит его в роды их: святое святых есть Господу. 002 EXO 030 011 И рече Господь к Моисею, глаголя: 002 EXO 030 012 аще возмеши исчисление сынов Израилевых в пресмотрении их, и дадят кийждо искупление за душу свою Господу, и не будет в них падения в пресмотрении их. 002 EXO 030 013 И сие есть, еже дадят, елицы аще приступят в пресмотрение, полдидрахмы, еже есть по дидрахме святей: двадесять цат дидрахма: пол же дидрахмы, дань Господу. 002 EXO 030 014 Всяк входяй в пресмотрение от двадесяти лет и вышше, да дадут дань Господу: 002 EXO 030 015 богатый да не приложит, и нищий да не умалит от полудидрахмы, егда дают дань Господу (от сынов Израилевых), еже умоляти о душах ваших. 002 EXO 030 016 И да возмеши сребро дани от сынов Израилевых, и даси е на соделание скинии свидения: и да будет сыном Израилевым память пред Господем, еже умоляти о душах ваших. 002 EXO 030 017 И рече Господь Моисею, глаголя: 002 EXO 030 018 сотвори умывалницу медяну и стояло ей медяно, еже умыватися, и да поставиши ю между скиниею свидения и между олтарем, и да влиеши в ню воду: 002 EXO 030 019 и да умывает Аарон и сынове его из нея руки своя и ноги водою: 002 EXO 030 020 егда входят в скинию свидения, да омыются водою, и не умрут: или егда приходят ко олтарю служити и приносити всесожжения Господу, 002 EXO 030 021 умыют руце и нозе водою, егда входят в скинию свидения, да не умрут, и да будет им законно вечно, ему и родом его по нем. 002 EXO 030 022 И рече Господь к Моисею, глаголя: 002 EXO 030 023 и ты возми ароматы, цвет смирны избранныя пять сот сиклев, и киннамома благовонна пол сего, двести пятьдесят, и трости благовонныя двести пятьдесят, 002 EXO 030 024 и касии пять сот сиклев святаго, и елеа от маслин (меру) ин, 002 EXO 030 025 и сотвориши сей елей помазание святое, миро помазателное художеством мироварца: елей помазание святое будет, 002 EXO 030 026 и да помажеши от него скинию свидения, и кивот скинии свидения, 002 EXO 030 027 и вся сосуды ея, и светилник и вся сосуды его, и олтарь кадилный, 002 EXO 030 028 и олтарь всесожжения и вся его сосуды, и трапезу и вся ея сосуды, и умывалницу и стояло ея, 002 EXO 030 029 и освятиши я, и будут святая святых: всяк прикасаяйся им освятится: 002 EXO 030 030 и Аарона и сыны его помажеши, и освятиши я священнодействовати Мне: 002 EXO 030 031 и сыном Израилевым да речеши, глаголя: елей масть помазания свят да будет сей вам в роды вашя: 002 EXO 030 032 плоть человеча да не помажется (им), и по сложению сему да не сотворите сами себе иного сице: свят есть и освящение будет вам: 002 EXO 030 033 иже аще сотворит сице, и иже аще даст от него иноплеменнику, потребится от людий своих. 002 EXO 030 034 И рече Господь к Моисею: возми себе ароматы, стакти, ониха и халвана благовонна и ливана чистаго: все то в равну меру да будет: 002 EXO 030 035 и да сотворят в нем фимиам мироварный, дело мироварца смешеное, чисто, дело сто: 002 EXO 030 036 и раздробиши от сих по тонку, и положиши прямо свидению в скинии свидения, отюнудуже познан буду тебе тамо: святое святых будет вам фимиам: 002 EXO 030 037 по сложению сему да не сотворите себе сами, освящение будет вам от Господа: 002 EXO 030 038 иже аще сотворит сице, еже обоняти от него, погибнет душа того от людий своих. 002 EXO 031 001 И рече Господь к Моисею, глаголя: 002 EXO 031 002 се, нарекох именем Веселеила сына Урии, сына Орова, от племене Иудина, 002 EXO 031 003 и наполних его Духом Божиим премудрости и смышления и ведения, во всяком деле разумети 002 EXO 031 004 и архитектонствовати, делати злато и сребро и медь, и синету и багряницу, и червленицу прядену и виссон сканый, 002 EXO 031 005 и каменное дело, и различная древоделства делати во всех делех: 002 EXO 031 006 и Аз дах его и Елиава сына Ахисамахова от племене Данова, и всякому смысленному сердцем дах смысл, и потрудятся, и сотворят вся, елика заповедах тебе: 002 EXO 031 007 скинию свидения и кивот завета, и очистилище еже верху его, и утварь скинии, 002 EXO 031 008 и жертвенники, и трапезу и вся сосуды ея, и светилник чистый и вся сосуды его, 002 EXO 031 009 и умывалницу и стояло ея, 002 EXO 031 010 и ризы служебныя Аароновы и ризы сынов его, еже священнодействовати Мне, 002 EXO 031 011 и елей помазания, и фимиам сложения святаго: по всем, елика заповедах тебе, сотворят. 002 EXO 031 012 И рече Господь к Моисею, глаголя: 002 EXO 031 013 и ты заповеждь сыном Израилевым, глаголя: смотрите и субботы Моя сохраните: есть бо знамение между Мною и вами в роды вашя, да увесте, яко Аз Господь освящаяй вас: 002 EXO 031 014 и сохраните субботу, яко свята сия есть Господу и вам: осквернивый ю смертию умрет: всяк, иже сотворит в ню дело, потребится душа та от среды людий своих: 002 EXO 031 015 шесть дний да сотвориши дела, в день же седмый суббота, покой свят Господу: всяк, иже сотворит дело в седмый день, смертию умрет: 002 EXO 031 016 и да сохранят сынове Израилевы субботы держати я в роды их: 002 EXO 031 017 завет вечен во Мне и в сынех Израилевых, знамение есть во мне вечное: яко в шести днех сотвори Господь небо и землю, в седмый же день преста, и почи. 002 EXO 031 018 И даде (Бог) Моисею, егда преста глаголя ему на горе Синайстей, две скрижали свидения, скрижали каменны написаны перстом Божиим. 002 EXO 032 001 И видевше людие, яко умедли Моисей снити с горы, восташа людие на Аарона и глаголаша ему: востани и сотвори нам боги, иже пойдут пред нами: Моисей бо сей человек, иже изведе нас от земли Египетския, не вемы, что бысть ему. 002 EXO 032 002 И рече им Аарон: измите усерязи златыя, яже во ушесех жен ваших и дщерей, и принесите ко мне. 002 EXO 032 003 И изяша вси людие усерязи златы, яже во ушесех жен их, и принесоша ко Аарону. 002 EXO 032 004 И взя от рук их и слия их делом литым, и сотвори им телца литаго. И рекоша: сии бози твои, Израилю, иже изведоша тя из земли Египетския. 002 EXO 032 005 И видев Аарон, созда олтарь прямо ему, и проповеда Аарон, глаголя: праздник Господнь утре. 002 EXO 032 006 И обутреневав наутрие, вознесе всесожжения и принесе жертву спасения. И седоша людие ясти и пити и восташа играти. 002 EXO 032 007 И рече Господь к Моисею глаголя: иди скоро, сниди отсюду, беззаконноваша бо людие твои, ихже извел еси из земли Египетския: 002 EXO 032 008 преступиша с пути скоро, егоже заповедал еси им: сотвориша себе телца, и поклонишася ему, и пожроша ему, и реша: 002 EXO 032 009 сии бози твои, Израилю, иже изведоша тя из земли Египетския: 002 EXO 032 010 и ныне остави Мя, и возярився гневом на ня, потреблю их, и сотворю тя в язык велик. 002 EXO 032 011 И помолися Моисей пред Господем Богом и рече: вскую, Господи, яришися гневом на люди Твоя, ихже извел еси из земли Египетския крепостию великою и мышцею Твоею высокою? 002 EXO 032 012 Да не когда рекут Египтяне, глаголюще: с лукавством изведе их погубити в горах и потребити их от земли: утоли гнев ярости Твоея и милостив буди о злобе людий Твоих, 002 EXO 032 013 помянув Авраама и Исаака и Иакова, Твоя рабы, имже клялся еси Собою, и рекл еси к ним, глаголя: зело умножу семя ваше, яко звезды небесныя множеством, и всю сию землю, юже рекл еси дати семени их, и обладают ею во веки. 002 EXO 032 014 И умилостивися Господь о зле, еже рече сотворити людем Своим. 002 EXO 032 015 И возвратився Моисей, сниде с горы: и две скрижали свидения в руку его, скрижали каменны написаны от обою страну их, сюду и сюду быша написаны: 002 EXO 032 016 и скрижали дело Божие быша, и написание, написание Божие изваяно на скрижалех. 002 EXO 032 017 И услышав Иисус глас людий кричащих, рече к Моисею: глас ратный в полце. 002 EXO 032 018 И рече Моисей: несть глас начинающих одолевати, ниже глас начинающих бежати, но глас начинающих напиватися вином аз слышу. 002 EXO 032 019 И егда приближашеся к полку, узре телца и лики: и возярився гневом Моисей, поверже из руку своею обе скрижали, и сокруши я под горою: 002 EXO 032 020 и взем телца, егоже сотвориша, сожже его во огни и сотре его подробну, и разсыпа его по воде, и напои ею сыны Израилевы. 002 EXO 032 021 И рече Моисей Аарону: что сотвориша тебе людие сии, яко навел еси на них грех велик? 002 EXO 032 022 И рече Аарон к Моисею: не гневайся, господине: ты бо веси людий сих устремление. 002 EXO 032 023 Глаголаша бо ми: сотвори нам боги, иже пойдут пред нами: Моисей бо сей человек, иже изведе ны от Египта, не вемы, что бысть ему: 002 EXO 032 024 и рекох им: иже имать злато, измите: и изяша, и даша мне, и ввергох е во огнь, и излияся телец сей. 002 EXO 032 025 Видев же Моисей люди, яко разделишася, раздели бо их Аарон в порадование супостатом их: 002 EXO 032 026 ста же Моисей во вратех полка и рече: аще кто есть Господнь, да идет ко мне. Снидошася убо к нему вси сынове Левиины. 002 EXO 032 027 И рече им: сия глаголет Господь Бог Израилев: препояшите кийждо свой мечь при бедре и пройдите, и возвратитеся от врат до врат сквозе полк, и убийте кийждо брата своего и кийждо ближняго своего и кийждо соседа своего. 002 EXO 032 028 И сотвориша сынове Левиины, якоже глагола им Моисей: и паде от людий в той день до трех тысящ мужей. 002 EXO 032 029 И рече им Моисей: наполнисте руки вашя днесь Господу, кийждо в сыне своем и в брате своем, да дастся на вас благословение. 002 EXO 032 030 И бысть на утрие, рече Моисей к людем: вы согрешисте грех велик: и ныне взыду к Богу, да умолю о гресе вашем. 002 EXO 032 031 И возвратися Моисей ко Господу и рече: молюся ти, Господи: согрешиша людие сии грех велик и сотвориша себе боги златы: 002 EXO 032 032 и ныне, аще убо оставиши им грех их, остави: аще же ни, изглади мя из книги Твоея, в нюже вписал еси. 002 EXO 032 033 И рече Господь к Моисею: аще кто согреши предо Мною, изглажу его из книги Моея: 002 EXO 032 034 ныне же иди, сниди и возведи люди сия на место, еже рех тебе: се, Ангел Мой предидет пред лицем твоим: в оньже день присещу, наведу на них грех их. 002 EXO 032 035 И порази Господь люди за сотворение телца, егоже сотвори Аарон. 002 EXO 033 001 И рече Господь к Моисею: предиди, взыди отсюду ты и людие твои, ихже извел еси от земли Египетския на землю, еюже кляхся Аврааму и Исааку и Иакову, глаголя: семени вашему дам ю: 002 EXO 033 002 и послю купно Ангела Моего пред лицем твоим, и изженет Хананеа, Аморреа и Хеттеа, и Ферезеа и Гергесеа, и Евеа и Иевусеа: 002 EXO 033 003 и введу тя в землю текущую млеком и медом: Сам бо не пойду с тобою, яко людие жестоковыйнии суть, да не убию тебе на пути. 002 EXO 033 004 И услышавше людие слово сие страшное, восплакашася в плачевных (ризах). 002 EXO 033 005 И рече Господь к Моисею: глаголи сыном Израилевым: вы людие жестоковыйнии, блюдитеся, да не язву другую наведу на вы и потреблю вы: ныне убо сымите ризы славы вашея и утварь, и покажу, яже сотворю вам. 002 EXO 033 006 И отяша сынове Израилевы утварь свою и ризы от горы Хорива. 002 EXO 033 007 И взем Моисей кущу свою, потче ю вне полка, далече от полка, и прозвася скиния свидения: и бысть, всяк взыскуяй Господа исхождаше в скинию, яже вне полка. 002 EXO 033 008 Егда же вхождаше Моисей в скинию вне полка, стояху вси людие смотряще кийждо пред дверми кущи своея, и зряху отходящу Моисею даже внити ему в скинию. 002 EXO 033 009 Егда же вниде Моисей в скинию, сниде столп облачный и ста пред дверми скинии, и глагола (Господь) Моисею. 002 EXO 033 010 И видяху вси людие столп облачный стоящь пред дверми скинии: и ставше вси людие, поклонишася кийждо из дверий кущи своея: 002 EXO 033 011 и глагола Господь к Моисею лицем к лицу, якоже аще бы кто возглаголал к своему другу, и отпущашеся в полк: слуга же Иисус, сын Навин, юноша не исхождаше из скинии. 002 EXO 033 012 И рече Моисей ко Господу: се, Ты мне глаголеши: изведи люди сия: Ты же не явил ми еси, кого послеши со мною: Ты же мне рекл еси: вем тя паче всех и благодать имаши у Мене: 002 EXO 033 013 аще убо обретох благодать пред Тобою, яви ми Тебе самаго, да разумно вижду тя, яко да обрет буду благодать пред Тобою, и да познаю, яко людие Твои язык велик сей. 002 EXO 033 014 И глагола (ему Господь): Аз Сам предиду пред тобою и упокою тя. 002 EXO 033 015 И рече к Нему Моисей: аще Сам Ты не идеши с нами, да не изведеши мя отсюду: 002 EXO 033 016 и како ведомо будет воистинну, яко обретох благодать у Тебе аз же и людие Твои, точию идущу Ти с нами? И прославлен буду аз же и людие Твои паче всех язык, елицы суть на земли. 002 EXO 033 017 Рече же Господь к Моисею: и сие тебе слово, еже рекл еси, сотворю: обрел бо еси благодать предо Мною, и вем тя паче всех. 002 EXO 033 018 И глагола Моисей: покажи ми славу Твою. 002 EXO 033 019 И рече (Господь к Моисею): Аз предиду пред тобою славою Моею и воззову о имени Моем, Господь пред тобою: и помилую, егоже аще милую, и ущедрю, егоже аще щедрю. 002 EXO 033 020 И рече: не возможеши видети лица Моего: не бо узрит человек лице Мое, и жив будет. 002 EXO 033 021 И рече Господь: се, место у Мене, и станеши на камени: 002 EXO 033 022 егда же прейдет слава Моя, и положу тя в разселине камене, и покрыю рукою Моею над тобою, дондеже мимоиду: 002 EXO 033 023 и отиму руку Мою, и тогда узриши задняя Моя: лице же Мое не явится тебе. 002 EXO 034 001 И рече Господь к Моисею: истеши себе две скрижали каменны, якоже и первыя, и взыди ко Мне на гору: и напишу на скрижалех словеса, яже бяху на скрижалех первых, яже сокрушил еси: 002 EXO 034 002 и буди готов заутра, и взыдеши на гору Синайскую и предстанеши Мне тамо на версе горы: 002 EXO 034 003 и да никтоже взыдет с тобою, ниже да явится на всей горе: и овцы и говяда да не пасутся близ горы тоя. 002 EXO 034 004 И истеса две скрижали каменны, якоже и первыя: и утренневав Моисей заутра, взыде на гору Синайскую, якоже завеща ему Господь: и взя Моисей с собою две скрижали каменныя. 002 EXO 034 005 И сниде Господь во облаце, и предста ему тамо Моисей, и призва именем Господним. 002 EXO 034 006 И мимоиде Господь пред лицем его и воззва: Господь, Господь Бог щедр и милостив, долготерпелив и многомилостив и истинен, 002 EXO 034 007 и правду храняй, и творяй милость в тысящы, отемляй беззакония и неправды и грехи, и повиннаго не очистит, наводяй грехи отцев на чада, и на чада чад, до третияго и четвертаго рода. 002 EXO 034 008 И потщався Моисей, приник на землю, поклонися Богу 002 EXO 034 009 и рече: аще обретох благодать пред Тобою, да идет Господь мой с нами: людие бо жестоковыйнии суть: и отимеши ты грехи нашя и беззакония наша, и будем Твои. 002 EXO 034 010 И рече Господь к Моисею: се, Аз полагаю тебе завет пред всеми людьми твоими, и сотворю славная, яже не быша по всей земли и во всех языцех: и узрят вси людие, в нихже еси ты, дела Господня, яко чудна суть, яже Аз сотворю тебе: 002 EXO 034 011 внемли ты вся, елика Аз заповедаю тебе: се, Аз изжену пред лицем вашим Аморреа и Хананеа, и Хеттеа и Ферезеа, и Евеа и Гергесеа и Иевусеа: 002 EXO 034 012 внемли себе, да не когда завещаеши завет седящым на земли, в нюже внидеши, да не будет соблазн в вас: 002 EXO 034 013 капища их разорите и кумиры их сокрушите, и дубравы их посецыте, и изваяная богов их сожжите огнем, 002 EXO 034 014 не бо поклонитеся богом иным: ибо Господь Бог ревниво имя, Бог ревнив есть: 002 EXO 034 015 да не когда завещаеши завет седящым на земли, и соблудят вслед богов их, и пожрут богом их, и призовут тя, и снеси от жертв их: 002 EXO 034 016 и поймеши от дщерей их сыном твоим, и от дщерей твоих даси сыном их, и соблудят дщери твоя вслед богов их, и сынове твои соблудят вслед богов их: 002 EXO 034 017 и богов слияных да не сотвориши себе: 002 EXO 034 018 и праздник опресночный да сохраниши: седмь дний да яси опресноки, якоже заповедах тебе, во время в месяце новых плодов: в месяце бо новых плодов изшел еси от земли Египетския: 002 EXO 034 019 всяко разверзающее ложесна мужеск Мне пол (да будет), всяко первородное телца и первородное овцы: 002 EXO 034 020 и первородное осляте искупиши овцею: аще же не искупиши е, цену да даси его: всякаго первенца от сынов твоих да искупиши, да не явишися предо Мною тощь: 002 EXO 034 021 в шесть дний да делаеши, в седмый же день да почиеши, от сеятвы и жатвы да почиеши, 002 EXO 034 022 и праздник седмиц да сотвориши ми, начало жатвы пшеницы, и праздник собрания посреде лета: 002 EXO 034 023 в три времена лета да явится всяк мужеск пол твой пред Господем Богом Израилевым: 002 EXO 034 024 егда бо изжену языки от лица твоего и разширю пределы твоя, никтоже возжелает земли твоея, егда приидеши явитися пред Господем Богом твоим в три времена лета: 002 EXO 034 025 да не заколеши с квасом крове жертв Моих, и да не прележит до утрия жертва праздника Пасхи: 002 EXO 034 026 первородная жит земли твоея да внесеши в дом Господа Бога твоего: да не свариши агнца во млеце матере его. 002 EXO 034 027 И рече Господь к Моисею: напиши себе словеса сия, в словесех бо сих положих тебе завет и Израилю. 002 EXO 034 028 И бе тамо Моисей пред Господем четыредесять дний и четыредесять нощей: хлеба не яде и воды не пи: и написа (Моисей) на скрижалех словеса сия завета, десять словес. 002 EXO 034 029 Сходящу же Моисею с горы Синайския, и обе скрижали в руку Моисеову: сходящу же ему с горы, и Моисей не ведяше, яко прославися зрак плоти лица его, егда глаголаше с ним. 002 EXO 034 030 И виде Аарон и вси сынове Израилевы Моисеа, и бяше прославлен зрак плоти лица его: и убояшася приступити к нему. 002 EXO 034 031 И воззва их Моисей, и обратишася к нему Аарон и вси князи сонма: и глагола Моисей к ним. 002 EXO 034 032 И по сих приидоша к нему вси сынове Израилевы: и заповеда им вся, елика глагола к нему Господь на горе Синайстей. 002 EXO 034 033 И егда преста глаголя к ним, возложи на лице свое покров. 002 EXO 034 034 Егда же вхождаше Моисей пред Господа глаголати к Нему, снимаше покров, дондеже исхождаше: и изшед глаголаше ко всем сыном Израилевым, елика заповеда ему Господь. 002 EXO 034 035 И видеша сынове Израилевы лице Моисеово, яко прославися: и возлагаше Моисей покров на лице свое, дондеже внидет глаголати с Ним. 002 EXO 035 001 И собра Моисей весь сонм сынов Израилевых и рече к ним: сия словеса, яже глагола Господь творити я: 002 EXO 035 002 шесть дний сотвориши дела, в день же седмый почиеши, свята суббота, покой Господу: всяк творяй дело в ню, да умрет: 002 EXO 035 003 да не возгнетите огня во всех домех ваших в день субботный: Аз Господь. 002 EXO 035 004 И рече Моисей ко всему сонму сынов Израилевых, глаголя: сие слово, еже завеща Господь глаголя: 002 EXO 035 005 возмите от себе самих участие Господу: всяк по воли сердца своего да принесет начатки Господу, злато, сребро, медь, 002 EXO 035 006 синету, багряницу, червленицу сугубу спрядену, и виссон сканый и волну козию, 002 EXO 035 007 и кожы овни очервлены, и кожы сини, и древеса негниюща, 002 EXO 035 008 и елей во свещение, и фимиам в елей помазания, и в сложение фимиама: 002 EXO 035 009 и камени сардийски, и камени в ваяние на ризу верхнюю и на подир: 002 EXO 035 010 и всяк премудрый сердцем в вас шед да делает вся, елика заповеда Господь: 002 EXO 035 011 скинию и завесы, и покровы и разворы, и колки и вереи, и столпы и стояла: 002 EXO 035 012 и кивот свидения и носила его, и очистилище его и завесу, (и опоны двора, и столпы его, и камени смарагдовы, и фимиам и елей помазания, ) 002 EXO 035 013 и трапезу и носила ея, и вся сосуды ея, и хлебы предложения, (и олтарь и вся сосуды его, ) 002 EXO 035 014 и светилник света и вся сосуды его, и светила его и елей светилный, 002 EXO 035 015 и олтарь кадилный и носила его, и елей помазания, и фимиам сложения, и завесу дверий скинии, 002 EXO 035 016 и олтарь всесожжения, и огнище его медяно и носила его, и вся сосуды его, и умывалницу, и стояло ея, 002 EXO 035 017 и опоны двора, и столпы его и стояла его, и завесу дверий двора, 002 EXO 035 018 и колки скинии, и колки двора, и ужы их: 002 EXO 035 019 и ризы святыя Аарона жерца, и ризы, в нихже служити имут во святем, и ризы сыном Аароновым священства (и елей помазания, и фимиам сложения). 002 EXO 035 020 И изыде весь сонм сынов Израилевых от Моисеа. 002 EXO 035 021 И принесоша кийждо, яже возлюби сердце их, и якоже возмнеся души их, принесоша участие Господу на вся дела скинии свидения, и на вся сосуды ея, и на вся ризы святилища: 002 EXO 035 022 и принесоша мужие от жен своих, кийждо, якоже помысли умом, принесоша печати и усерязи, и перстни и пленицы, и мониста и всяк сосуд злат: и вси елицы принесоша участие злата Господу, 002 EXO 035 023 и всяк у негоже обретеся синета и багряница, и червленица и виссон, и кожы сини и кожы сини очервлены, (и кожы козия) принесоша: 002 EXO 035 024 всяк отделяяй участие, сребро и медь, принесоша участия Господу: и у нихже обретошася древеса негниющая, на вся соделования сосудов принесоша: 002 EXO 035 025 и всяка жена мудрая умом рукама прясти, принесе пряденая, синету и багряницу и червленицу и виссон: 002 EXO 035 026 и вся жены, имже возлюбися во уме их, хитростию спрядоша волну козию: 002 EXO 035 027 и князи принесоша камени смарагдовы и камени на совершение ризе верхней, и на слово, 002 EXO 035 028 и на сложение, и на елей помазания, и на сложение фимиама: 002 EXO 035 029 и всяк муж, или жена, имже наносяше ум их, вшедшим творити вся дела, елика заповеда Господь творити я Моисеом, принесоша сынове Израилевы участие Господу. 002 EXO 035 030 И рече Моисей сыном Израилевым: се, нарече Бог именем Веселеила сына Уриина, сына Орова, от племене Иудина, 002 EXO 035 031 и наполни его Духа Божия, премудрости и разума, и умений всех, 002 EXO 035 032 архитектонствовати во всех делесех древоделания, творити злато и сребро и медь, 002 EXO 035 033 и ваяти камени, и делати древо, и творити по всему делу премудрости: 002 EXO 035 034 и преуспевати даде во уме ему и Елиаву Ахисамахову, от племене Данова: 002 EXO 035 035 и наполни их премудрости, ума, еже разумети творити вся дела святыни, ткания и пестрения ткати червленицею и багряницею и виссоном, творити всякое дело художества различна. 002 EXO 036 001 И сотвори Веселеил и Елиав, и всяк мудрый умом, емуже дана есть премудрость и хитрость в них, разумети творити вся дела, яже ко святыни надлежащая, по всем, елика заповеда Господь. 002 EXO 036 002 И призва Моисей Веселеила и Елиава и вся имущыя премудрость, имже даде Бог разум в сердцы, и вся волею хотящыя приходити к делам, еже совершати я: 002 EXO 036 003 и взяша от Моисеа вся участия, яже принесоша сынове Израилевы на вся дела святыни творити я: и тии приимаху еще приносимая от приносящих заутра заутра. 002 EXO 036 004 И прихождаху вси мудрии, иже творяху дела святыни, кийждо по своему делу, еже сами делаху: 002 EXO 036 005 и рекоша Моисею, яко много приносят людие свыше дел, елика заповеда Господь сотворити. 002 EXO 036 006 И повеле Моисей, и проповеда в полце, глаголя: муж и жена ктому да не делают на начатки святыни. И возбранени быша людие ктому приносити. 002 EXO 036 007 И дела быша им доволна на строение творити, и преизбыша. 002 EXO 036 008 И сотвори всяк премудрый в делающих ризы святыни, яже суть Аарону иерею, якоже заповеда Господь Моисею. 002 EXO 036 009 И сотвориша ризу верхнюю от злата и синеты, и багряницы и червленицы прядены и виссона сканаго: 002 EXO 036 010 и изрезаша дщицы златы аки власы, еже соткати с синетою и с багряницею, и с червленицею пряденою и с виссоном сканым: дело тканое сотвориша е. 002 EXO 036 011 Ризы верхния придержащыяся от обоих стран, 002 EXO 036 012 дело тканно, между собою сплетено: от него сотвориша е по его творению, от злата и синеты, и багряницы и червленицы спрядены и виссона сканаго, якоже заповеда Господь Моисею. 002 EXO 036 013 И сотвориша оба камени смарагдовы состеганы вервию и обложены златом, изваяны и вырезаны ваянием печати, от имен сынов Израилевых: 002 EXO 036 014 и возложиша я на рамена ризы верхния камение в память сынов израилевых, якоже заповеда Господь Моисею. 002 EXO 036 015 И сотвориша слово, дело тканно пестротою, по делу ризы верхния, от злата и синеты, и багряницы и червленицы спрядены и виссона сканаго, 002 EXO 036 016 четвероуголно сугубо сотвориша логион пяди в долготу, и пяди в широту, сугубо: 002 EXO 036 017 и сшиста на нем швением по три камени четырми ряды: ряд камений: сардий и топазий и смарагд, ряд един: 002 EXO 036 018 и ряд вторый, анфракс и сапфир и иаспис: 002 EXO 036 019 и ряд третий, лигирий и ахат и амефист: 002 EXO 036 020 и ряд четвертый, хрисолиф и вириллий и онихий, окованы около златом и всаждени в злате: 002 EXO 036 021 и камение бяху от имен сынов Израилевых дванадесять, по именам их изваяно в печати, кийждо своим именем в дванадесять племен. 002 EXO 036 022 И сотвориша над логионом тресны сплетены, дело плетеное от злата чиста: 002 EXO 036 023 и сотвориша два щитца злата и два колца злата, и возложиша два колца злата на оба конца логиона: 002 EXO 036 024 и вложиша плетеницы златы в колца, со обоих стран логиона, 002 EXO 036 025 и в два сложения две плетеницы, и возложиша на два щитца: и возложиша на рамена ризы верхния, противу лицем к лицу. 002 EXO 036 026 И сотвориша два колца злата, и возложиша на два крила на край логиона, и на край созади верхния ризы, внутрьуду: 002 EXO 036 027 и сотвориша два колца злата, и положиша на оба рамена ризы верхния с низу его на лице по согбению свыше состава ризы верхния: 002 EXO 036 028 и стягнуша логион колцами, яже на нем, с колцами верхния ризы сложеными, из синеты сплетенными, во ткание ризы верхния, да не низпускается логион от ризы верхния, якоже заповеда Господь Моисею. 002 EXO 036 029 И сотвориша исподнюю ризу, яже под верхнюю, дело тканно, все синее: 002 EXO 036 030 ожерелие же во внутренней ризе, на среде швенно, сплетено, ометы имущо около ожерелие неразлучено. 002 EXO 036 031 И сотвориша на омете ризы внутренния долу яко процветающаго шипка пугвицы от синеты и багряницы, и червленицы прядены и виссона сканаго. 002 EXO 036 032 И сотвориша звонцы златы, и возложиша звонцы на ометы ризы внутренния окрест между пугвицами: 002 EXO 036 033 звонец злат и пугвица на омете внутренния ризы окрест, к служению, якоже повеле Господь Моисею. 002 EXO 036 034 И сотвориша ризы виссонныя дело тканно, Аарону и сыном его, 002 EXO 036 035 и клобуки из виссона, и увясло из виссона, и надраги из виссона сканаго, 002 EXO 036 036 и поясы их из виссона и синеты, и багряницы и червленицы прядены, дело пестрящаго, якоже заповеда Господь Моисею. 002 EXO 036 037 И сотвориша дщицу злату, отделение святыни от злата чиста, и написаша на ней писмена изваяна печатию: освящение Господу: 002 EXO 036 038 и возложиша ю на омет синь, еже бы лежати на увясле свыше, якоже заповеда Господь Моисею. 002 EXO 037 001 И сотвориша скинии десять опон: 002 EXO 037 002 двадесять и осмь лакот долгота единыя опоны, таяжде бяше всем, и четырех лакот широта опоны единыя. 002 EXO 037 003 И сотвориша завесу от синеты и багряницы, и червленицы спрядены и виссона сканаго, дело швенно херувимы: 002 EXO 037 004 и возложиша ю на четыри столпы негниющыя позлащены златом, и верхи их златы, и стояла их четыри сребряна. 002 EXO 037 005 И сотвориша завесу дверем скинии свидения от синеты и багряницы, и червленицы спрядены и виссона сканаго, дело швенно херувимы, 002 EXO 037 006 и столпы их пять и крючки их: и главицы их и верхи их позлатиша златом, и стояла их пять медяна. 002 EXO 037 007 И сотвориша двор к югу, опоны двора из виссона сканаго, сто на сто: 002 EXO 037 008 и столпы их двадесять, и стояла их двадесять медяна: 002 EXO 037 009 и страна к северу, сто на сто: и страна к югу, сто на сто, и столпы их двадесять, и стояла их двадесять медяна: 002 EXO 037 010 и страна к морю, опоны пятидесят лактей, столпы их десять, и стояла их десять: 002 EXO 037 011 и страна к востоку пятидесят лактей, 002 EXO 037 012 опоны пятинадесяти лактей, яже созади, и столпы их три, и стояла их три. 002 EXO 037 013 И на вторей задней стране сюду и сюду у дверий двора, опоны пятинадесяти лактей: столпы их три, и стояла их три. 002 EXO 037 014 Вся опоны скинии из виссона сканаго, 002 EXO 037 015 и стояла столпов их медяна, и петли их сребряны, и главицы их посребрены сребром, и столпы их посребрены сребром, вси столпи двора. 002 EXO 037 016 И завеса дверий двора дело пестрящаго, из синеты и багряницы, и червленицы прядены и виссона сканаго: двадесяти лактей долгота, и высота и широта пяти лактей, равны опонам двора: 002 EXO 037 017 и столпы их четыри, и стояла их четыри медяна, и петли их сребряны, и главицы их посребрены сребром: 002 EXO 037 018 и вси колки двора около медяны, и тии посребрены сребром. 002 EXO 037 019 И сие сочинение скинии свидения, якоже заповедано бысть Моисею, служению быти левитов чрез Ифамара сына Аароня иереа: 002 EXO 037 020 и Веселеил, сын Уриев, от племене Иудина, сотвори, якоже заповеда Господь Моисею, 002 EXO 037 021 и Елиав, сын Ахисамахов, от племене Данова, иже созидаше тканыя вещи и швеныя и пестрыя, еже ткати из червленицы и виссона. 002 EXO 038 001 И сотвори Веселеил кивот 002 EXO 038 002 и позлати его златом чистым внутрьуду и внеуду, 002 EXO 038 003 и сотвори ему злат обвод обоюду: и слия ему четыри колца злата на четыри страны его: два на стране единей, и два на стране друзей, 002 EXO 038 004 широки носилам, яко носити его ими. 002 EXO 038 005 И сотвори очистилище над кивотом от злата чиста, 002 EXO 038 006 и два херувима златы: 002 EXO 038 007 херувима единаго на стране очистилища, и херувима втораго на стране вторей очистилища, 002 EXO 038 008 осеняющыя крилами своими над очистилищем. 002 EXO 038 009 И сотвори трапезу предложения от злата чиста, 002 EXO 038 010 и слия ей четыри колца злата: два колца на стране единей, и два колца на стране вторей, широки яко носити носилами в них. 002 EXO 038 011 И носила кивоту и трапезе сотвори, и позлати их златом. 002 EXO 038 012 И сотвори сосуды трапезе, блюда и фимиамники, и чашы златы и возливалники, имиже возливати будет, от злата. 002 EXO 038 013 И сотвори светилник, еже светити, златый, крепок стеблом, 002 EXO 038 014 и ветви от обоих стран его: 002 EXO 038 015 и от ветвий его отрасли исходящыя, три от единыя и три от вторыя страны, равны друг другу: 002 EXO 038 016 и светила их, яже на верху их, во образ ореха, от них: и цветцы от них, (и крузи их, ) да будут светила на них: и цветец седмый, иже на краю светила, на верху свыше, крепкий весь злат: 002 EXO 038 017 и седмь светил на нем златых, и щипцы его златыя, и подставы их златы. 002 EXO 038 018 Сей посребри столпы и слия столпом колца злата, и позлати вереи златом, и позлати столпы завесе златом, и сотвори петли златы: 002 EXO 038 019 сей сотвори и крючки скинии златы, и крючки двора, и крючки на распрострение завесы сверху медяны: 002 EXO 038 020 сей слия главицы сребряны скинии, и главицы медяны дверий скинии, и двери двора, и петли сотвори сребряны на столпах: сей посребри их: 002 EXO 038 021 сей сотвори колки скинии и колки двора медяны. 002 EXO 038 022 сей сотвори олтарь медян из кадилниц медяных, яже быша мужем вскрамолившымся с Кореовым сонмищем: 002 EXO 038 023 сей сотвори вся сосуды олтаря и кадилник его, и стояло его и чашы, и вилицы его медяны: 002 EXO 038 024 сей сотвори олтарю окрест обложение делом мрежным, снизу огнища под ним даже до среды его, и положи на нем четыри колца от четырех стран обложения олтаря медяны, широки носилам, еже носити олтарь на них: 002 EXO 038 025 сей сотвори елей помазания святый, и сложение фимиама, дело чистое мироварца: 002 EXO 038 026 сей сотвори умывалницу медяну и стояло ея медяно из зерцал постниц, яже постишася у дверий скинии свидения, в оньже день постави ю: 002 EXO 038 027 и сотвори умывалницу, да омывают из нея Моисей и Аарон и сынове его руце свои и нозе, входящым им в скинию свидения: или егда приходят ко олтарю служити, омывахуся из нея, якоже заповеда Господь Моисею. 002 EXO 039 001 Все злато, еже соделано бысть в деле по всякому деланию святых, бяше злата начатков двадесять девять талантов и седмь сот тридесять сиклев, по сиклю святому: 002 EXO 039 002 и сребра участие от исчисленных мужей сонма, сто талантов и тысяща седмь сот седмьдесят пять сиклев: 002 EXO 039 003 драхма едина с главы пол сикля, по сиклю святому: всяк приходяй к пресмотрению от двадесяти лет и вышше, на шестьдесят тем и на три тысящы пять сот и пятьдесят. 002 EXO 039 004 И быша сто талант сребра на слияние ста главиц скинии и на главицы завесныя, сто главиц на сто талант, талант на главицу: 002 EXO 039 005 и тысящу седмь сот седмьдесят пять сиклев сотвори на петли столпам, и позлати главицы их, и украси я. 002 EXO 039 006 И медь участия, седмьдесят талант и две тысящы и четыреста сиклев. 002 EXO 039 007 И сотвориша из нея стояла дверная скинии свидения, 002 EXO 039 008 и стояла двора окрест, и стояла дверий двора, и колки скинии, и колки двора окрест, 002 EXO 039 009 и обложение медяно окрест олтаря, и вся сосуды олтаря, и вся орудия скинии свидения. 002 EXO 039 010 И сотвориша сынове Израилевы, якоже заповеда Господь Моисею, тако сотвориша. 002 EXO 039 011 От избывшаго же злата участия сотвориша сосуды, еже служити в них пред Господем: 002 EXO 039 012 и от оставшия синеты и багряницы, и червленицы и виссона, сотвориша ризы служебныя Аарону, еже служити в них во святилищи. 002 EXO 039 013 И принесоша ризы к Моисею, и скинию и сосуды ея, и вереи ея и столпы и стояла ея, 002 EXO 039 014 и кивот завета и носила его, 002 EXO 039 015 и олтарь и вся сосуды его, и елей помазания и фимиам сложения, 002 EXO 039 016 и светилник чистый и светила его, светила вжигания и елей светения: 002 EXO 039 017 и трапезу предложения и вся сосуды ея, и хлебы предложенныя: 002 EXO 039 018 и ризы святыя, яже суть Аарони, и ризы сынов его на жречество: 002 EXO 039 019 и опоны двора, и столпы, и стояла его, и завесу дверий скинии и дверий двора: и вся сосуды скинии и вся орудия ея: 002 EXO 039 020 и покровцы кожы овни очервлены, и покровы кожы синия, и прочих опоны: 002 EXO 039 021 и колки, и вся орудия на дела скинии свидения: 002 EXO 039 022 елика заповеда Господь Моисею, тако сотвориша сынове Израилевы все устроение. 002 EXO 039 023 И виде Моисей вся дела, и бяху сотворена та, якоже заповеда Господь Моисею, тако сотвориша я, и благослови их Моисей. 002 EXO 040 001 И рече Господь к Моисею, глаголя: 002 EXO 040 002 в день первый месяца перваго, в новомесячие поставиши скинию свидения: 002 EXO 040 003 и да положиши кивот свидения, и покрыеши кивот завесою: 002 EXO 040 004 и внесеши трапезу, и предложиши предложение ея: и внесеши светилник, и поставиши светила его: 002 EXO 040 005 и положиши олтарь златый, в каждение пред кивотом свидения, и возложиши покров завесы над дверию скинии свидения: 002 EXO 040 006 и олтарь приношений поставиши у дверий скинии свидения, 002 EXO 040 007 и поставиши умывалницу между скиниею свидения и между олтарем, и влиеши в ню воду: 002 EXO 040 008 и поставиши двор окрест и даси завесу дверий двора: 002 EXO 040 009 и возмеши елей помазания и помажеши скинию и вся яже в ней, и освятиши ю и вся сосуды ея, и будут свята: 002 EXO 040 010 и да помажеши олтарь приношений и вся сосуды его, и освятиши олтарь, и будет олтарь святый святых: 002 EXO 040 011 и помажеши умывалницу и стояло ея и освятиши ю: 002 EXO 040 012 и да приведеши Аарона и сынов его пред двери скинии свидения и измыеши их водою: 002 EXO 040 013 и да облечеши Аарона в ризы святыя и помажеши его, и освятиши его, и да жрет Мне: 002 EXO 040 014 и сыны его да приведеши и облечеши я в ризы, 002 EXO 040 015 и да помажеши я, якоже помазал еси отца их, да жрут Мне: и будет, еже быти им помазанию жречества во век, в роды их. 002 EXO 040 016 И сотвори Моисей вся, елика заповеда ему Господь, сице сотвори. 002 EXO 040 017 И бысть в первый месяц во второе лето исходящым им от Египта, в новомесячии ста скиния. 002 EXO 040 018 И постави Моисей скинию, и подложи стояла ея, и возложи главицы, и вложи разворы, и постави столпы, 002 EXO 040 019 и простре опоны на скинию, и возложи покрывало скинии на ню с верху, якоже заповеда Господь Моисею: 002 EXO 040 020 и взем свидения, вложи в кивот, и подстави ноги под кивотом, и возложи очистилище над кивотом: 002 EXO 040 021 и внесе кивот в скинию, и возложи покров завесы, и закры кивот свидения, якоже заповеда Господь Моисею: 002 EXO 040 022 и постави трапезу в скинии свидения, на страну скинии свидения, яже к северу, внеуду завесы скинии: 002 EXO 040 023 и возложи на ню хлебы предложения пред Господем, якоже заповеда Господь Моисею: 002 EXO 040 024 и постави светилник в скинии свидения прямо трапезы, на страну скинии, яже к югу: 002 EXO 040 025 и постави свещники его пред Господем, якоже заповеда Господь Моисею: 002 EXO 040 026 и постави олтарь златый в скинии свидения противу завесы, 002 EXO 040 027 и покади над ним фимиамом сложения, якоже заповеда Господь Моисею: 002 EXO 040 028 и положи завесу дверий скинии, 002 EXO 040 029 и олтарь приношений постави у дверий скинии покрова свидения, и вознесе на нем всесожжение и жертву, якоже заповеда Господь Моисею: 002 EXO 040 030 и сотвори умывалницу между скиниею свидения и между жертвенником, 002 EXO 040 031 и влия в ню воду, да умывают от нея Моисей и Аарон и сынове его руки своя и ноги, входящым им в скинию свидения: 002 EXO 040 032 или приходяще к жертвеннику служити, умывахуся от нея, якоже заповеда Господь Моисею: 002 EXO 040 033 и постави двор окрест скинии и олтаря и положи завесу двора. И сконча Моисей вся дела. 002 EXO 040 034 И покры облак скинию свидения, и славы Господни исполнися скиния, 002 EXO 040 035 и не можаше Моисей внити в скинию свидения, яко осеняше над нею облак, и славы Господни исполнися скиния: 002 EXO 040 036 егда же восхождаше облак от скинии, воздвизахуся сынове Израилевы со имением своим: 002 EXO 040 037 аще же не взыде облак, не воздвизахуся даже до дне, в оньже взыдет облак: 002 EXO 040 038 облак бо Господнь бяше над скиниею в день, и огнь бяше над нею в нощь пред всем Израилем во всех путешествиих их. # # BOOK 003 LEV Leviticus Левит 003 LEV 001 001 И воззва Господь Моисеа, и рече ему из скинии свидения, глаголя: 003 LEV 001 002 глаголи сыном Израилевым, и речеши к ним: человек от вас аще принесет дары Господу, от скотов и от говяд и от овец да принесете дары вашя: 003 LEV 001 003 аще всесожжение дар его, от говяд мужеск пол непорочен принесет, пред двери скинии свидения да принесет е приятно пред Господем, 003 LEV 001 004 и да возложит руку на главу приношения, приятно ему, умилостивити о нем: 003 LEV 001 005 и да заколют телца пред Господем: и да принесут сынове Аароновы жерцы кровь, и да пролиют кровь на олтарь окрест, иже у дверий скинии свидения, 003 LEV 001 006 и одравше всесожжение, да раздробят е на уды, 003 LEV 001 007 и да возложат сынове Аарони жерцы огнь на олтарь, и да вскладут дрова на огнь: 003 LEV 001 008 и да вскладут сынове Аарони жерцы раздробленая, и главу, и тук на дрова сущая на огни яже на олтари, 003 LEV 001 009 утробу же и ноги да измыют водою: и да возложит жрец вся на олтарь: приношение есть жертва, воня благоухания Господу. 003 LEV 001 010 Аще же от овец дар свой Господви (принесет) от агнец и от козлищ во всесожжение, мужеск пол непорочен да принесет и, 003 LEV 001 011 и да возложит руку на главу его, и да заколют е в стране олтаря к северу пред Господем: и да пролиют сынове Аарони жерцы кровь его на олтарь окрест: 003 LEV 001 012 и да раздробят его на уды, и главу, и тук его, и да вскладут я жерцы на дрова сущая на огни яже на олтари, 003 LEV 001 013 и утробу и ноги измыют водою: и принесет жрец вся, и да возложит на олтарь: приношение есть жертва, воня благоухания Господу. 003 LEV 001 014 Аще же от птиц приношение принесет дар свой Господу, и принесет от горлиц или от голубов дар свой, 003 LEV 001 015 и да принесет и жрец ко олтарю, и да отторгнет главу его, и да возложит жрец на олтарь и исцедит кровь у стояла олтаря: 003 LEV 001 016 и да отлучит гортань с перием, и извергнет ю от олтаря на восток на место пепела: 003 LEV 001 017 и да изломит его от крил, и да не разделит: и да возложит е жрец на олтарь на дрова, яже на огни: приношение есть жертва, воня благоухания Господу: 003 LEV 002 001 Аще же душа принесет дар жертву Господу, мука пшенична да будет дар его, и да возлиет на ню елей, и возложит на ню ливан: жертва есть: 003 LEV 002 002 и да принесет ю к сыном Аароним жерцем, и возмет от нея полну горсть муки пшеничны с елеем и весь ливан ея, и да возложит жрец память ея на олтарь: жертва воня благоухания Господу: 003 LEV 002 003 и останок от жертвы Аарону и сыном его: святое святых от жертв Господних. 003 LEV 002 004 Аще же принесет дар жертву печену в пещи от муки пшеничны, хлебы пресны спряжены с елеем и опресноки помазаны елеем. 003 LEV 002 005 Аще же жертва от сковрады дар твой, мука пшенична смешена со елеем, пресна да будут: 003 LEV 002 006 и да разломиши я на укрухи, и возлиеши на на елей: жертва есть Господу. 003 LEV 002 007 Аще же жертву от огнища дар твой, мука пшенична с елеем да сотворена будет: 003 LEV 002 008 и принесет жертву, юже аще сотворит от сих Господу, и да принесет к жерцу: 003 LEV 002 009 и приступив ко олтарю, да отимет жрец от жертвы память ея, и да возложит жрец на олтарь: приношение воня благовония Господу: 003 LEV 002 010 останок же от жертвы Аарону и сыном его: святая святых от приношений Господу. 003 LEV 002 011 Всяку жертву, юже аще приносите Господу, не сотворите квасну: всяк бо квас и всяк мед да не принесете от него, еже приносити Господу дар. 003 LEV 002 012 От начатков да принесете я Господу: на олтарь же да не вознесутся в воню благовония Господу. 003 LEV 002 013 И всяк дар жертвы вашея солию да осолится: да не отставите соли завета Господня от жертв ваших, во всяком даре вашем да принесете Господу Богу вашему соль. 003 LEV 002 014 Аще же принесеши жертву от начатков жит Господу, новы спряжены зелены класы истлачены Господу, и принесеши жертву от начатков жит: 003 LEV 002 015 и да возлиеши на ню елей, и да возложиши на ню ливан: жертва есть: 003 LEV 002 016 и да вознесет жрец память ея от спряженых с елеем, и весь ливан ея: принос есть Господу. 003 LEV 003 001 Аще же жертва спасения дар его Господу, аще убо от говяд е принесет, аще мужеск пол или женск, непорочен да принесет и пред Господа: 003 LEV 003 002 и возложит руце свои на главу дара, и да заколет и пред Господем у дверий скинии свидения: и да возлиют сынове Аарони жерцы кровь на олтарь всесожжений окрест, 003 LEV 003 003 и да принесут от жертвы спасения принос Господу, тук покрывающий утробу, и весь тук иже на утробе, 003 LEV 003 004 и обе почки, и тук иже на них и иже на стегнах, и препонку, яже на печени, с почками отимет: 003 LEV 003 005 и да вознесут я сынове Аарони жерцы, на олтарь во всесожжения на дрова сущая на огни, яже на олтари: принос воня благовония Господу. 003 LEV 003 006 Аще же от овец дар его жертва спасения Господу, мужеск пол или женск, непорочен да принесет, 003 LEV 003 007 аше агнца принесет дар свой, да приведет его пред Господа, 003 LEV 003 008 и да возложит руку на главу дара своего, и да заколет его у дверий скинии свидения: и да пролиют сынове Аарони жерцы кровь на олтарь окрест, 003 LEV 003 009 и да принесет от жертвы спасения принос Господу, тук и чресла чиста с лядвиями да отлучит и: и весь тук покрывающий утробу, и весь тук иже на утробе, 003 LEV 003 010 и обе почки, и тук иже на них, иже на стегнах: и препонку, яже на печени, с почками отемь, 003 LEV 003 011 да вознесет жрец на олтарь: воня благоухания, принос Господви. 003 LEV 003 012 Аще же от козлов дар его Господу, да принесет пред Господа: 003 LEV 003 013 и возложит руце на главу его, и да заколют е пред Господем у дверий скинии свидения: и да пролиют сынове Аарони жерцы кровь на олтарь около: 003 LEV 003 014 и да вознесет от него принос Господу тук покрывающий утробу, и весь тук иже на утробе, 003 LEV 003 015 и обе почки, и весь тук, иже на них, иже на стегнах, и препонку, яже на печени, с почками отлучит: 003 LEV 003 016 и да вознесет жрец на олтарь, принос воня благовония Господу: весь тук Господу. 003 LEV 003 017 Законное в веки в роды вашя, во всяком обитании вашем: всякаго тука и всякия крове да не ясте. 003 LEV 004 001 И рече Господь к Моисею, глаголя. 003 LEV 004 002 Рцы к сыном Израилевым, глаголя: душа аще согрешит пред Господем не хотящи от всех повелений Господних, ихже не леть есть творити, и сотворит едино что от них: 003 LEV 004 003 аше убо архиерей помазанный согрешит, во еже людем согрешити, и да приведет о гресе своем, имже согрешил, телца от говяд непорочна Господви от гресе: 003 LEV 004 004 и да приведет телца к дверем скинии свидения пред Господа, и да возложит руку свою на главу телца пред Господем, и да заколет телца пред Господем: 003 LEV 004 005 и взем жрец помазанный совершен руками от крове телца, и да внесет ю в скинию свидения, 003 LEV 004 006 и да омочит жрец перст в крови, и да покропит от крове седмижды перстом пред Господем, у завесы святыни: 003 LEV 004 007 и да возложит жрец от крове телчи на роги олтаря фимиама сложения иже пред Господем, иже есть в скинии свидения, и всю кровь телчу да излиет у стояла олтаря всесожжений, иже есть у дверий скинии свидения, 003 LEV 004 008 и весь тук телца, иже от гресе, да отимет от него, тук покрывающий утробу, и весь тук иже на утробе, 003 LEV 004 009 и обе почки, и тук иже на них, иже есть на стегнах, и препонку, яже на печени, с почками отимет е, 003 LEV 004 010 якоже отемлется оное от телца жертвы спасения, и да вознесет жрец на олтарь приношения: 003 LEV 004 011 и кожу телчу, и всю его плоть со главою, и с крайними частми, и со утробою, и с мотылы: 003 LEV 004 012 и да изнесут всего телца вне полка на место чисто, идеже изсыпают пепел, и да сожгут его на дровах огнем: на месте изсыпания пепела да сожжен будет. 003 LEV 004 013 Аще же весь сонм сынов Израилевых согрешит не хотящь, и утаится глагол от лица сонма, и сотворят едину от всех заповедий Господних, еяже не леть есть творити, и согрешат, 003 LEV 004 014 и увестся им грех, имже согрешиша в нем: и да приведет сонм телца от волов непорочна от гресе, и приведет и пред двери скинии свидения: 003 LEV 004 015 и да возложат старцы сонма руки своя на главу телца пред Господем, и да заколют телца пред Господем, 003 LEV 004 016 и да внесет жрец помазанный от крове телчи в скинию свидения, 003 LEV 004 017 и да омочит жрец перст свой в крови телчи, и да покропит седмижды пред Господем, пред завесою святыни: 003 LEV 004 018 и от крове да возложит жрец на роги олтаря фимиамов сложения, иже есть пред Господем, иже есть в скинии свидения: и всю кровь да излиет у стояла олтаря приношений, иже есть у дверий скинии свидения, 003 LEV 004 019 и весь тук его да возмет от него, и вознесет на олтарь: 003 LEV 004 020 и сотворит телцу сему, якоже сотвори телцу, иже о гресе, тако сотворится: и да помолится от них жрец, и оставится им грех: 003 LEV 004 021 и да изнесут телца всего вне полка, и да сожгут телца, якоже сожгоша телца перваго: грех (бо) сонма есть. 003 LEV 004 022 Аще же князь согрешит, и сотворит едину от всех заповедий Господа Бога своего, не хотя, иже не леть есть творити, и согрешит, и преступит, 003 LEV 004 023 и увестся ему грех, имже согреши в нем: да принесет дар свой козла от коз мужеск пол непорочен греха ради, 003 LEV 004 024 и возложит руку свою на главу козла: и да заколют его на месте, идеже закалают всесожжения пред Господем: о гресе (бо) есть: 003 LEV 004 025 и да возложит жрец от крове, яже от гресе, перстом на роги олтаря всесожжений, и всю кровь его да излиет у стояла олтаря всесожжений, 003 LEV 004 026 и весь тук его вознесет на олтарь, якоже тук жертвы спасения: и да помолится о нем жрец греха ради его, и оставится ему. 003 LEV 004 027 Аще же душа едина согрешит не хотящи от людий земли, внегда сотворити едину от всех заповедий Господних, еже не леть есть творити, и согрешит, 003 LEV 004 028 и увестся ему грех, имже согреши в нем, и да принесется дар свой козу от коз женск пол непорочну, да принесет греха ради, имже согреши: 003 LEV 004 029 и да возложит руку свою на главу греха своего: и заколют козу, яже греха ради, на месте, идеже закалают всесожжения: 003 LEV 004 030 и да возмет жрец от крове ея перстом, и да возложит на роги олтаря всесожжений, и всю кровь ея излиет у стояла олтаря: 003 LEV 004 031 и весь тук да отимет, якоже отемлется тука от жертвы спасения, и да вознесет жрец на олтарь в воню благовония Господу: и да помолится жрец о нем, и оставится ему. 003 LEV 004 032 Аше же овцу принесет дар свой греха ради, женск пол непорочен да принесет ю: 003 LEV 004 033 и да возложит руку свою на главу яже о гресе, и да заколют ю греха ради на месте, на немже закалают всесожжения (на месте святе): 003 LEV 004 034 и взем жрец от крове, яже о гресе, перстом своим, да возложит на роги олтаря всесожжения: и всю кровь ея да излиет у стояла олтаря всесожжения, 003 LEV 004 035 и весь тук ея да отимет, якоже отемлется тук овцы от жертвы спасения: и да возложит его жрец на олтарь на всесожжение Господне: и да помолится за него жрец о гресе, имже согреши, и оставится ему. 003 LEV 005 001 Аще же душа согрешит, и услышит глас клятвы, и сей свидетель или виде или сведа, аще не возвестит, приимет грех. 003 LEV 005 002 Душа она, яже аще прикоснется ко всякой вещи нечистей, или мертвечине, или звероядине нечистей, или мертвечинам гнусностей нечистых, или мертвечинам скотов нечистых, и мертвечине гад нечистых, и забыв их осквернится: 003 LEV 005 003 или прикоснется нечистоте человечи, от всякия нечистоты его, ейже прикоснувся осквернится, и забудет, посем же увесть, повинен будет греху. 003 LEV 005 004 Душа беззаконная, аще обещает устнама своима зле или добре сотворити, по всем, елика изречет человек с клятвою, и утаится его пред очесы, и сей увесть, и согрешит едино что от сих, 003 LEV 005 005 и исповесть грех, имже согреши противу себе: 003 LEV 005 006 и да принесет Господу о гресе, имже согреши, женск пол, от овец агницу, или козу от коз греха ради: и да помолится о нем жрец греха ради его, имже согреши, и оставится ему грех. 003 LEV 005 007 Аще же не может рука его доволства имети на овцу, да принесет греха ради своего, имже согреши, две горлицы, или два птенца голубина Господу, един греха ради и един во всесожжение: 003 LEV 005 008 и принесет я к жерцу, и приведет жрец еже за грех прежде, и да отторгнет жрец главу его созади, но да не отлучит: 003 LEV 005 009 и да покропит от крове, яже за грех, на стену олтаря, останок же крове да исцедит на стояло олтаря: о гресе бо есть: 003 LEV 005 010 и вторым да сотворит всесожжение, якоже подобает, и да помолится от нем жрец греха ради его, имже согреши, и оставится ему. 003 LEV 005 011 Аще же не обрящет рука его супруга горлиц, или двух птенцев голубиных, и принесет дар свой за грех, десятую часть меры ефимуки пшеничны за грех: да не возлиет на ню елеа, ниже да возложит на ню ливана, понеже о гресе есть: 003 LEV 005 012 и да принесет ю к жерцу, и взем жрец о нея полну горсть в память его, возложит на жертвенник всесожжения Господня: о гресе (бо) есть: 003 LEV 005 013 и да помолится о нем жрец греха ради его, имже согреши отединаго сих, и оставится ему: останок же будет жерцу, якоже жертва муки пшеничны. 003 LEV 005 014 И рече Господь к Моисею, глаголя: 003 LEV 005 015 душа яже аще забудет забвением, и согрешит не хотящи от святынь Господних, и да принесет о преступлении своем Господу овна непорочна от овец, емуже цена сребра сиклев, по сиклю святых, о немже согреши: 003 LEV 005 016 и еже согреши от святых, да отдаст е, и пятую часть приложит нань, и даст е жерцу: и жрец да помолится о нем овнов преступления его, и оставится ему. 003 LEV 005 017 И душа яже аше согрешит, и сотворит едину от всех заповедий Господних, ихже не леть есть творити, и не уведе, и согрешит, и приимет грех свой, 003 LEV 005 018 и да принесет овна непорочна от овец, ценою сребра греха ради, к жерцу и да помолится о нем жрец, о неведении его, егоже не веде, и сам не ведяще, и оставится ему: 003 LEV 005 019 согреши бо согрешением пред Господем. 003 LEV 006 001 И рече Господь к Моисею, глаголя: 003 LEV 006 002 душа яже аще согрешит, и презрев презрит заповеди Господня, и солжет к другу о вдании, или о общине, или о хищении, или преобиде чим ближняго, 003 LEV 006 003 или обрете погубленое, и солжет о нем, и кленется в неправду о единем от всех, яже аще сотворит человек яко согрешити в них: 003 LEV 006 004 и будет егда согрешит и преступит, и отдаст похищеное, еже похити, или обиду, еюже преобиде, или вдание, еже вдано бысть ему, или погибшее, еже обрете: 003 LEV 006 005 от всякия вещи, еяже ради кляся в неправду, и да отдаст самое то истое, и пятую часть свою приложит ктому: егоже есть, тому да отдаст, в оньже день обличится: 003 LEV 006 006 и о преступлении своем да принесет Господу овна от овец непорочна, ценою в немже прегреши: 003 LEV 006 007 и да помолится жрец о нем пред Господем, и оставится ему за едино от всех, яже сотвори и преступи в нем. 003 LEV 006 008 И рече Господь к Моисею, глаголя: 003 LEV 006 009 заповеждь Аарону и сыном его, глаголя: сей закон всесожжения: сие всесожжение на горении его на олтари всю нощь до заутра, и огнь олтаря да горит на нем, и не угасает: 003 LEV 006 010 и да облечется жрец в срачицу льняну, и надраги льняны да возвлечет на тело свое, и да изнесет принос, егоже аще изжжет огнь всесожжения от олтаря, и да поставит близ олтаря: 003 LEV 006 011 и да совлечет ризы своя, и да облечется в ризы ины, и да изнесет принос вне полка на место чисто: 003 LEV 006 012 и огнь на олтари да горит на нем и не угасает: и да возжжет на нем жрец дрова по вся утра, и да возкладет нань всесожжение, и да возложит нань тук спасения: 003 LEV 006 013 и огнь всегда да горит на олтари, не угасает: 003 LEV 006 014 сей закон жертвы, юже принесут сынове Аарони жерцы пред Господем, прямо олтаря: 003 LEV 006 015 и да возмет от него (жрец) горсть муки пшеничны жертвенныя с елеем ея и со всем ливаном ея, сущими на жертве: и да вознесет на олтарь принос в воню благовония, в память ея Господу: 003 LEV 006 016 оставшееся же от нея снест Аарон и сынове его: пресна да снедятся в месте святе, в притворе скинии свидения да снедят я: 003 LEV 006 017 да не испечется квасна: часть сию дах им от приносов Господних: святая святых суть, якоже еже о гресе, и якоже еже о преступлении: 003 LEV 006 018 всяк мужеск пол жреческ да снедят ю: законно вечно в роды вашя от принос Господних: всяк, иже аще прикоснется им, освятится. 003 LEV 006 019 И рече Господь к Моисею, глаголя: 003 LEV 006 020 сей дар Аарону и сыном его, егоже принесут Господу в день, в оньже аще помажеши его: десятую часть меры ефи муки пшеничны в жертву всегда, пол ея заутра и пол ея в вечер: 003 LEV 006 021 на сковраде в елеи да сотворится, спряжену да принесет ю витую жертву от укрухов, жертву в воню благовония Господу: 003 LEV 006 022 жрец помазанный, иже вместо его от сынов его, да сотворит ю: законно вечно, все да совершится: 003 LEV 006 023 и всяка жертва жреческа всесожженна да будет и да не снестся. 003 LEV 006 024 И рече Господь Бог Моисею, глаголя: 003 LEV 006 025 рцы Аарону и сыном его, глаголя: сей закон согрешения: на месте, на немже закалают всесожжения, да закалают яже греха ради пред Господем: святая (бо) святых суть: 003 LEV 006 026 жрец приносяй ю да снест ю: в месте святе да снестся, в притворе скинии свидения: 003 LEV 006 027 всяк прикасайся мяс ея освятится: и емуже аще воскропится от крове ея на ризу, яже аще воскропится на ню, да исперется на месте святе: 003 LEV 006 028 и сосуд глинян, в немже варится, да разбиется: аще же в медян сосуде сварится, да изтрет его, и измыет водою: 003 LEV 006 029 всяк мужеск пол в жерцех да снест ю: святая (бо) святых суть Господу: 003 LEV 006 030 и вся, яже от гресе аще принесутся от крове их в скинию свидения, ко очищению во святыни, да не снедятся, огнем да сожгутся. 003 LEV 007 001 И сей закон овна иже о преступлении: святая святых суть: 003 LEV 007 002 на месте, на немже закалают всесожжение, да заколют овна иже о преступлении пред Господем, и кровь да пролиют на стояла олтаря окрест: 003 LEV 007 003 и весь тук его да принесет от него, и чресла, и весь тук покрывающий утробу, и весь тук иже на утробе, 003 LEV 007 004 и обе почки, и тук иже на них, иже на стегнах, и препонку, яже на печени, с почками да отимет я: 003 LEV 007 005 и вознесет я жрец на олтарь, принос в воню благовония Господу: о преступлении (бо) есть: 003 LEV 007 006 всяк мужеск пол от жрец да снест я, на месте святе да снедят я: святая святых суть: 003 LEV 007 007 якоже греха ради, тако и преступления ради, закон един их: жрец иже помолится о нем, ему да будет: 003 LEV 007 008 и жрец приносяй всесожжение человечо, кожа всесожжения, еже приносит он, ему да будет: 003 LEV 007 009 и всяка жертва, яже сотворится в пещи, и всяка, яже сотворится на огнищи, или на сковраде, жерцу, иже приносит ю, тому да будет: 003 LEV 007 010 и всяка жертва спряжена с елеем, и яже не спряжена, всем сыном Аароним комуждо равно да будет. 003 LEV 007 011 Сей закон жертвы спасения, юже принесут Господу: 003 LEV 007 012 аще убо похваления ради принесет ю, и принесет на жертву хваления хлебы от муки пшеничны пряжены в елеи, и опресноки помазаны елеем, и муку пшеничну смешену с елеем: 003 LEV 007 013 с хлебы квасными да принесет дар свой на жертву хваления спасителнаго: 003 LEV 007 014 и да принесет един от всех даров своих участие Господу: жерцу возливающему кровь жертвы спасения, тому да будет: 003 LEV 007 015 и мяса жертвы хваления спасителнаго тому да будут, и в оньже день принесутся, да снедятся: да не оставят от него на утрие: 003 LEV 007 016 и аще обет будет, или вольный пожрет дар свой, в оньже аще день жертву свою принесет, да снестся, и на утрие: 003 LEV 007 017 и оставшееся от мяс жертвы до дне третияго на огни да сожжется: 003 LEV 007 018 аще же ядый снест от мяс в день третий, не приимется приносящему ю, ниже вменится ему: осквернение есть: душа же, яже аще снест от них, грех приимет: 003 LEV 007 019 и мяса, яже аще прикоснутся всякому нечисту, да не снедятся, на огни да сожгутся: всяк чистый да снест мяса: 003 LEV 007 020 душа же, яже аще снест от мяс жертвы спасения, яже есть Господу, и нечистота его на нем, погибнет душа она от людий своих: 003 LEV 007 021 всякой вещи нечистей, или от нечистоты человечи или от четвероногих нечистых, или всякой мерзости нечистей, и снест от мяс жертвы спасения, яже есть Господня, погибнет душа та от людий своих. 003 LEV 007 022 И рече Господь к Моисею, глаголя: 003 LEV 007 023 рцы сыном Израилевым, глаголя: всякаго тука говяжа и овча и козия да не снесте: 003 LEV 007 024 и тук мертвечинен и звероядный да сотворится на всяко дело, в ядении же да не снестся: 003 LEV 007 025 всяк ядый тук от скотов, от нихже принесет дар Господу, погибнет душа та от людий своих: 003 LEV 007 026 всякия крове да не снесте во всех селениих ваших и от скотов и от птиц: 003 LEV 007 027 всяка душа, яже аще снест кровь, погибнет душа та от людий своих. 003 LEV 007 028 И рече Господь к Моисею, глаголя: 003 LEV 007 029 и сыном Израилевым речеши, глаголя: приносяй жертву спасения Господу да принесет дар свой Господу, и от жертвы спасения: 003 LEV 007 030 руце его да принесут принос Господу: тук иже на грудех, и препонку печени да принесет я, якоже возложити дар пред Господа: 003 LEV 007 031 и да вознесет жрец тук иже на грудех, на олтарь, и груди да будут Аарону и сыном его, 003 LEV 007 032 и рамо десное да дастся участие жерцу от жертв спасения вашего: 003 LEV 007 033 приносящему кровь спасения и тук от сынов Аароновых, тому да будет рамо десное во участие: 003 LEV 007 034 грудь бо возложения и рамо участия взях от сынов Израилевых от жертв спасения вашего, и дах я Аарону жерцу и сыном его, законно вечно от сынов Израилевых. 003 LEV 007 035 Сие помазание Аароне и помазание сынов его от приносов Господних, в оньже день приведе я жрети Господу: 003 LEV 007 036 якоже заповеда Господь дати им, в оньже день помаза я от сынов Израилевых: законно вечно в роды их. 003 LEV 007 037 Сей закон всесожжений и жертвы, и о гресе и о преступлении, и совершении и жертве спасения: 003 LEV 007 038 якоже заповеда Господь Моисею на горе Синайстей, в оньже день заповеда сыном Израилевым приносити дары своя пред Господа, в пустыни Синайстей. 003 LEV 008 001 И рече Господь к Моисею, глаголя: 003 LEV 008 002 поими Аарона и сыны его, и ризы его, и елей помазания, и телца иже за грех, и два овна, и кошницу опресноков, 003 LEV 008 003 и весь сонм собери пред двери скинии свидения. 003 LEV 008 004 И сотвори Моисей, якоже повеле ему Господь: и собра сонм пред двери скинии свидения. 003 LEV 008 005 И рече Моисей к сонму: сие есть слово, еже завеща Господь сотворити. 003 LEV 008 006 И приведе Моисей Аарона и сыны его и измы я водою: 003 LEV 008 007 и облече его в срачицу, и опояса его поясом, и облече его в исподнюю ризу, и возвлече нань верхнюю ризу: 003 LEV 008 008 и опояса его по устроению ефуда, и стисне его им: и возложи нань слово, и возложи на слово явление и истину: 003 LEV 008 009 и возложи увясло на главу его, и возложи на увясло против лица его дщицу златую освященную святую, якоже повеле Господь Моисею. 003 LEV 008 010 И взя Моисей от елеа помазания, 003 LEV 008 011 и воскропи от него на олтарь седмижды, и помаза олтарь и освяти его и вся сосуды его, и умывалницу и стояло ея, и освяти я, и помаза скинию и вся сосуды ея, и освяти ю, 003 LEV 008 012 и возлия Моисей от елеа помазания на главу Аароню, и помаза его, и освяти его. 003 LEV 008 013 И приведе Моисей сыны Аарони, и облече я в срачицы, и опояса я поясы, и возложи на ня клобуки, якоже повеле Господь Моисею. 003 LEV 008 014 И приведе Моисей телца иже за грех, и возложи Аарон и сынове его руки на главу телца иже за грех, 003 LEV 008 015 и закла его ю взя Моисей от крове, и возложи на роги олтаря окрест перстом, и очисти олтарь: и кровь пролия на стояло олтаря, и освяти его, еже молитися у него. 003 LEV 008 016 И взя Моисей весь тук иже на утробе, и препонку яже на печени, и обе почки, и тук иже на них, и вознесе Моисей на олтарь: 003 LEV 008 017 телца же и кожу его, и мяса его и мотылы его, сожже я огнем вне полка, якоже повеле Господь Моисею. 003 LEV 008 018 И приведе Моисей овна иже во всесожжение, и возложи Аарон и сынове его руки своя на главу овню. 003 LEV 008 019 И закла Моисей овна, и пролия Моисей кровь на олтарь окрест: 003 LEV 008 020 овна же раздроби на уды его, и вознесе Моисей главу и уды и тук, и утробу и ноги измы водою: 003 LEV 008 021 и вознесе Моисей всего овна на олтарь: всесожжение есть в воню благовония: принос есть Господу, якоже заповеда Господь Моисею. 003 LEV 008 022 И приведе Моисей овна втораго, овна совершения: и возложи Аарон и сынове его руки своя на главу овню, 003 LEV 008 023 и закла его: и взя Моисей от крове его, и возложи на край уха Аароня деснаго, и на край руки его десныя, и на край ноги его десныя. 003 LEV 008 024 И приведе Моисей сыны Аарони, и возложи Моисей от крове на край ушес их десных, и на край рук их десных, и на край ног их десных: и пролия Моисей кровь на олтарь окрест: 003 LEV 008 025 и взя Моисей тук и чресла, и тук иже на утробе, и препонку печени, и обе почки, и тук иже на них, и рамо десное, 003 LEV 008 026 и от кошницы совершения, яже есть пред Господем, и взя хлеб един пресный, и хлеб елеен един, и опреснок един, и возложи на тук, и рамо десное: 003 LEV 008 027 и возложи вся на руце Аарони и на руце сынов его, и вознесе я участие пред Господа. 003 LEV 008 028 И взя Моисей от рук их и вознесе на олтарь на всесожжение совершения, еже есть воня благоухания: принос есть Господу. 003 LEV 008 029 И взем Моисей грудь, отлучи ю возложение пред Господем от овна совершения: и бысть Моисею в масть, якоже заповеда Господь Моисею. 003 LEV 008 030 И взя Моисей от елеа помазания и от крове яже на олтари, и воскропи на Аарона и на ризы его, и на сыны его и на ризы сынов его с ним: и освяти Аарона и ризы его, и сыны его и ризы сынов его с ним. 003 LEV 008 031 И рече Моисей Аарону и сыном его: сварите мяса во дворе скинии свидения на месте святе, и тамо да снесте я, и хлебы иже в кошнице совершения, якоже заповедано бысть мне глаголя: Аарон и сынове его да снедят я: 003 LEV 008 032 и останок мяс и хлебов на огни да сожжете: 003 LEV 008 033 и из дверий скинии свидения да не изыдете седмь дний, дондеже день скончается, день совершения вашего: в седмь бо дний совершит руки вашя: 003 LEV 008 034 якоже сотвори в день сей, в оньже заповеда Господь сотворити, яко молитися о вас: 003 LEV 008 035 и у дверий скинии свидения седите седмь дний, день и нощь, и сохраните повеления Господня, да не умрете: тако бо заповеда мне Господь Бог. 003 LEV 008 036 И сотвори Аарон и сынове его вся словеса, яже завеща Господь Моисею. 003 LEV 009 001 И бысть в день осмый, призва Моисей Аарона и сыны его и старцы Израилевы, 003 LEV 009 002 и рече Моисей ко Аарону: возми себе телца от говяд греха ради и овна на всесожжение, непорочны, и принеси я пред Господа: 003 LEV 009 003 и старцем Израилевым речеши, глаголя: возмите козла от коз единаго от гресе, и овна, и телца и агнца единолетна, в приношение, непорочны: 003 LEV 009 004 и телца от говяд, и овна на жертву спасения пред Господа, и муку пшеничну спряжену с елеем: зане днесь Господь явится в вас. 003 LEV 009 005 И взяша, якоже заповеда Моисей пред скиниею свидения: и прииде весь сонм, и сташа пред Господем. 003 LEV 009 006 И рече Моисей: сие слово, еже рече Господь, сотворите, и явится в вас слава Господня. 003 LEV 009 007 И рече Моисей Аарону: приступи ко олтарю и сотвори еже греха ради твоего, и всесожжение твое, и помолися о себе и о доме твоем: и сотвори дары людския, и помолися о них, якоже заповеда Господь Моисею. 003 LEV 009 008 И приступи Аарон ко олтарю, и закла телца, иже греха ради его. 003 LEV 009 009 И принесоша сынове Аарони кровь к нему: и омочи перст свой в кровь, и возложи на роги олтаря, и кровь излия у стояла олтаря: 003 LEV 009 010 и тук, и обе почки, и препонку печени, яже греха ради, возложи на олтарь, якоже заповеда Господь Моисею: 003 LEV 009 011 мяса же и кожу сожже на огни вне полка, 003 LEV 009 012 и закла всесожжение. И принесоша сынове Аарони кровь к нему: и пролия на олтарь окрест. 003 LEV 009 013 И всесожжение принесоша к нему по удам: сия и главу возложи на олтарь, 003 LEV 009 014 и измы утробу и ноги водою, и возложи во всесожжение на олтарь. 003 LEV 009 015 И принесе дар людский: и взя козла, иже греха ради людска, и закла его, и очисти его, якоже и перваго, 003 LEV 009 016 и принесе всесожжение, и сотвори е, якоже достоит. 003 LEV 009 017 И принесе жертву, и наполни руце от нея, и возложи на олтарь кроме всесожжения утренняго, 003 LEV 009 018 и закла телца и овна жертвы спасения людска. И принесоша сынове Аарони кровь к нему: и пролия на олтарь окрест. 003 LEV 009 019 И тук телчий, и овняя чресла, и тук покрывающий утробу, и обе почки, и тук иже на них, и препонку печени: 003 LEV 009 020 и возложи туки на груди, и вознесе туки на олтарь: 003 LEV 009 021 и груди и рамо десное отя Аарон участие пред Господем, якоже повеле Господь Моисею. 003 LEV 009 022 И воздвиг Аарон руце к людем, благослови я: и сниде сотворив приношение греха ради, и всесожжение, и яже о спасении. 003 LEV 009 023 И вниде Моисей и Аарон в скинию свидения, и изшедше благословиста вся люди. И явися слава Господня всем людем: 003 LEV 009 024 и изыде огнь от Господа, и пояде яже на олтари, и всесожжения и туки. И видеша вси людие, и ужасошася, и падоша на лице. 003 LEV 010 001 И вземше два сына Аароня, Надав и Авиуд, кийждо свою кадилницу, вложиста в ня огнь и возложиста нань фимиам, и принесоста пред Господа огнь чуждь, егоже не повеле има Господь. 003 LEV 010 002 И изыде огнь от Господа, и пояде я, и умроста пред Господем. 003 LEV 010 003 И рече Моисей ко Аарону: сие есть, еже рече Господь, глаголя: в приближающихся Мне освящуся и во всем сонме прославлюся. И умилися Аарон. 003 LEV 010 004 И призва Моисей Мисаила и Елисафана, сыны Озиилевы, сыны брата отца Аароня, и рече им: приступите и возмите братий своих от лица святых вне полка. 003 LEV 010 005 И приступиша, и взяша их в ризах их, (и изнесоша) вне полка, якоже рече Моисей. 003 LEV 010 006 И рече Моисей ко Аарону и Елеазару и Ифамару, сыном его оставшымся: глав ваших не открывайте и риз ваших не раздирайте, да не умрете, и на весь сонм будет гнев: кратия же вашя весь дом Израилев да плачутся запаления, имже запалишася от Господа: 003 LEV 010 007 и из дверий скинии свидения не исходите, да не умрете: елей бо помазания, иже от Господа, на вас есть. И сотвориша по словеси Моисеову. 003 LEV 010 008 И рече Господь ко Аарону, глаголя: 003 LEV 010 009 вина и сикера не пийте, ты и сынове твои с тобою, егда входите в скинию свидения, или приступающым вам ко олтарю, да не умрете: (и будет сие) законно вечно в роды вашя: 003 LEV 010 010 отлучити между вещми святыми и между сквернавыми, и между нечистыми и между чистыми, 003 LEV 010 011 и устроити сыном Израилевым вся законная, яже глагола Господь к ним рукою Моисеовою. 003 LEV 010 012 И рече Моисей ко Аарону, и Елеазару и Фамару, сыном, его оставшымся: возмите жертву оставшуюся от приносов Господних и ядите опресноки у олтаря: яко святая святых суть: 003 LEV 010 013 и ядите я на месте святе: законно бо тебе есть, и законно сыном твоим, сие от приносов Господних: сице бо ми заповеда Господь: 003 LEV 010 014 и груди участия и рамо участия ядите на месте святе ты и сынове твои, и дом твой с тобою: законно бо тебе, и законно сыном твоим дадеся от жертв спасении сынов Израилевых: 003 LEV 010 015 рамо участия и груди участия в приносех тучных да принесут, участие еже приносити пред Господа: и да будет тебе и сыном твоим и дщерем твоим с тобою законно вечно, якоже повеле Господь Моисею. 003 LEV 010 016 И козла, иже греха ради, взыскуя взыска Моисей: и сей сожжен бяше. И разгневася Моисей на Елеазара и Ифамара, сыны Аарони оставльшыяся, глаголя: 003 LEV 010 017 почто не снедосте на месте святе, еже греха ради, яко святая святых суть, сие даде вам ясти, да отимете грех сонма и помолитеся о них пред Господем: 003 LEV 010 018 не внесеся бо от крове его в святое: пред лицем внутрь да ясте е на месте святе, якоже повеле мне Господь. 003 LEV 010 019 И рече Аарон к Моисею, глаголя: аще днесь принесоша яже греха ради своего и всесожжения своего пред Господа, и случишася мне сицевая, и снем, яже греха ради, днесь, еда угодно будет Господу? 003 LEV 010 020 И слыша Моисей, и угодно ему бысть. 003 LEV 011 001 И рече Господь к Моисею и Аарону, глаголя: 003 LEV 011 002 рцыте сыном Израилевым, глаголюще: сии скоти, ихже имате ясти от всех скотов, иже на земли: 003 LEV 011 003 всяк скот раздвояющь копыто и пазнокти имеющь на двое, и отрыгаяй жвание в скотех, сия да ясте: 003 LEV 011 004 токмо от сих да не снесте от отрыгающих жвание и от раздвояющих копыта и делящих пазнокти: велблюда, яко сей износит жвание, но пазноктей не делит на двое, нечист сей вам: 003 LEV 011 005 и хирогриля, яко износит жвание, а пазноктей не делит, нечист сей вам: 003 LEV 011 006 и заяца, иже отрыгает жвание, но пазноктей не делит на двое, нечист сей вам: 003 LEV 011 007 и свинии, яко делит пазнокти на двое и копыто раздвояет, но не отрыгает жвания, нечиста сия вам: 003 LEV 011 008 от мяс их да не ясте и мертвечине их да не прикасаетеся, нечиста сия вам. 003 LEV 011 009 И сия да ясте от всех, яже в водах: вся, имже суть перия и чешуя в водах, и в морях и в езерах, сия да ясте: 003 LEV 011 010 и всем, Имже несть перие ни чешуи в водах, и в морях и в езерах, от всех, яже износят воды, и всяка душа живущая в воде, скверна есть, и скверна да будут вам: 003 LEV 011 011 от мяс их да не ядите и мертвечины их гнушайтеся: 003 LEV 011 012 и вся, имже несть перия и чешуи, иже в водах, скверна сия суть вам. 003 LEV 011 013 И сих гнушайтеся от птиц, и да не ясте их, гнусни суть: орла и грифа и морскаго орла, 003 LEV 011 014 и неясыти и иктина и подобных сим: 003 LEV 011 015 и струфа и совы, и сухолапля и подобных им: 003 LEV 011 016 и всякаго врана и подобных ему: и ястреба и подобных ему: 003 LEV 011 017 и врана нощнаго и лилика и ивина, 003 LEV 011 018 и порфириона и пелекана и лебедя, 003 LEV 011 019 и еродиа и харадриона и подобных ему: и вдода и нощнаго нетопыря. 003 LEV 011 020 И вся гады птичия, иже ходят на четырех, мерзость есть вам: 003 LEV 011 021 но сия да ясте от всех гад птичных, иже ходят четвероножны, иже имут голени выше плесну своею, скакати ими по земли: 003 LEV 011 022 и сия да ясте от сих: вруха и подобная ему, и аттака и подобная ему, офиомаха и еже подобно к нему, и акриду и подобная ей: 003 LEV 011 023 и всяк гад от птиц, имже суть четыри ноги, мерзость есть вам, и в сих да не осквернитеся: 003 LEV 011 024 всяк прикасаяйся мертвечине их нечист будет до вечера: 003 LEV 011 025 и всяк вземляй мертвечину их да измыет ризы своя и нечист будет до вечера. 003 LEV 011 026 Во всех скотех, иже раздвояет копыто и пазнокти имеет, а жвания не отрыгает, нечиста да будут вам: всяк прикасаяйся мертвечине их нечист будет даже до вечера: 003 LEV 011 027 и всяк иже ходит на лапах, во всех зверех, иже ходят на четырех, нечиста будут вам: всяк прикасаяйся мертвечине их нечист будет до вечера: 003 LEV 011 028 и вземляй мертвечину их да исперет ризы своя и нечист будет до вечера: нечиста сия будут вам. 003 LEV 011 029 И сия вам нечиста от гад плежущих по земли: ласица и мыш и крокодил земный, 003 LEV 011 030 мигали и хамелеон, и халавотис и ящер и кроторыя: 003 LEV 011 031 сии нечисти вам от всех гад плежущих по земли: всяк прикасаяйся мертвечине их нечист будет до вечера. 003 LEV 011 032 И всяко, в неже аше впадет от них нечто от мертвечины их, нечист будет всяк сосуд древян, или риза, или кожа, или вретище: всякий сосуд, в немже творится дело, в воде погрузится и нечист будет до вечера, и по сих чист будет: 003 LEV 011 033 и всяк сосуд глинян, в оньже аще впадет от сих внутрь, елика суть в нем, нечиста будут, и сосуд да разбиется. 003 LEV 011 034 И всяка снедь юже ясте, на нюже аще возлиется вода, нечиста будет вам: и всякое питие, еже пиете во всяком сосуде, нечисто будет (вам): 003 LEV 011 035 и все, еже аще впадет в не от мертвечины их, нечисто будет: пещи и огнища да сокрушатся, нечиста сия суть и нечиста будут вам. 003 LEV 011 036 Кроме источник водных и поток, и собраний водных, будут чисти: а иже прикасается мертвечинам их, нечист будет. 003 LEV 011 037 Аще же впадет от мертвечины их на всяко семя семянное, еже сеется, чисто будет: 003 LEV 011 038 аще же возлиется вода на всяко семя, и впадет от мертвечины их на не, нечисто будет вам. 003 LEV 011 039 Аще же умрет от скота, егоже вам ясти, прикасаяйся мертвечине его, нечист будет до вечера: 003 LEV 011 040 и ядый от мертвечин сих да исперет ризы своя и нечист будет до вечера: и вземляй мертвечину их да измыет ризы своя и измыется водою, и нечист будет до вечера. 003 LEV 011 041 И всяк гад плежущий по земли мерзость вам есть сие, да не снестся. 003 LEV 011 042 И всяко ходящее на чреве, и всяко ходящее на четырех всегда, и (всяко) многоножное во всех гадех, иже плежут по земли, да не снесте е, яко мерзость вам есть: 003 LEV 011 043 и да не омерзите душ ваших во всех гадех плежущих по земли, и да не осквернитеся ими, и да не будете нечисти в них, 003 LEV 011 044 яко Аз есмь Господь Бог ваш: и да освятитеся и будете святи, яко свят есмь Аз Господь Бог ваш: и да не оскверните душ ваших во всех гадех движущихся по земли, 003 LEV 011 045 яко Аз есмь Господь, изведый вас из земли Египетския, да буду вам Бог, и будете святи, яко свят есмь Аз Господь. 003 LEV 011 046 Сей закон о скотех и о птицах, и всякой души движущейся в водах и всякой души пресмыкающейся по земли, 003 LEV 011 047 разлучити между нечистыми и между чистыми, и научити сыны Израилевы между оживляющими ядомая и между оживляющими не ядомая. 003 LEV 012 001 И рече Господь к Моисею, глаголя: 003 LEV 012 002 глаголи сыном Израилевым и речеши к ним, глаголя: жена, яже аще зачнет и родит мужеск пол, нечиста будет седмь дний: по днем (естественнаго) разлучения скверны ея, нечиста будет: 003 LEV 012 003 и в день осмый да обрежет плоть конечную его: 003 LEV 012 004 и сидети будет тридесять и три дни в крови нечистей своей: всякой вещи святей да не прикоснется и в святилище да не внидет, дондеже скончаются дние очищения ея. 003 LEV 012 005 Аще же женск пол родит, и нечиста будет четыренадесять дний по (естественней) скверне ея, и шестьдесят и шесть дний сидети будет в крови нечистоты своея. 003 LEV 012 006 И егда исполнятся дние очищения ея о сыне ея или дщери, да принесет агнца непорочна единолетна во всесожжение, и птенца голубина или горлицу греха ради, пред двери скинии свидения к жерцу, 003 LEV 012 007 и да принесет е пред Господа: и помолится о ней жрец и очистит ю от тока крове ея: сей закон раждающия мужеск пол или женск. 003 LEV 012 008 Аще же не обрящет рука ея доволнаго на агнца, и да возмет две горлицы или два птенца голубина, единаго на всесожжение и другаго греха ради: и помолится о ней жрец, и очистится. 003 LEV 013 001 И рече Господь к Моисею и Аарону, глаголя: 003 LEV 013 002 человеку емуже аще будет на кожи плоти его струп знамения или блеск, и будет на кожи плоти его язва прокажения, да приведется ко Аарону жерцу или ко единому от сынов его жерцов: 003 LEV 013 003 и узрит жрец язву на кожи плоти его, и влас в язве изменится в бело, и взор язвы умален от кожи плоти его, язва проказы есть: и узрит жрец, и осквернит его. 003 LEV 013 004 Аще же и блеск бел будет на кожи плотней его, и не менший будет взор его от кожи, и влас его не изменися во влас бел, и той есть темен, и отлучит жрец язву на седмь дний: 003 LEV 013 005 и узрит жрец язву в день седмый, и се, язва пребывает пред ним, и не изменися язва на кожи, и отлучит его жрец на другия седмь дний: 003 LEV 013 006 и узрит его жрец в седмый день вторицею, и се, язва потемне, и не изменися язва на кожи, и очистит его жрец: знамение бо есть: и измыв ризы своя, чист будет. 003 LEV 013 007 Аще же изменяющееся изменится знамение на кожи, повнегда видети его жерцу еже очистити его, и явится второе жерцу: и узрит его жрец, и се, изменися знамение в кожи, 003 LEV 013 008 и да осквернит его жрец: проказа бо есть. 003 LEV 013 009 И язва прокажения аще будет на человеце, и приидет к жерцу: 003 LEV 013 010 и узрит жрец, и се, струп бел на кожи, и сей изменил влас бел, и от здравыя плоти живыя в струпе: 003 LEV 013 011 проказа ветха есть на кожи плоти его, и осквернит его жрец и отлучит его, яко нечист есть. 003 LEV 013 012 Аще же процветая процветет проказа на кожи, и покрыет прокажение всю кожу язвою, от главы да ногу его, по всему взору жерцову: 003 LEV 013 013 и узрит жрец, и се, покрыло прокажение всю кожу плоти его, да очистит жрец язву: яко вся изменися в бело, чист есть. 003 LEV 013 014 И в оньже день аще явится на нем плоть жива, осквернится: 003 LEV 013 015 и узрит жрец плоть здраву, и осквернит его плоть здрава, яко нечиста есть, прокажение есть. 003 LEV 013 016 Аще же составится плоть здрава, и изменится в бело, и приидет к жерцу: 003 LEV 013 017 и узрит жрец, и се, изменися язва в бело, и очистит жрец язву, чист есть. 003 LEV 013 018 И тело аще будет на кожи его болячка гнойна, и исцелеет, 003 LEV 013 019 и будет на месте болячки струп бел, или блеск белеющься или рдящься, и явится жерцу: 003 LEV 013 020 и узрит жрец, и се, взор нижае кожи, и влас его изменися в бело, и осквернит его жрец, яко блеск прокажения есть, на болячке процвете. 003 LEV 013 021 Аще же увидит жрец, и се, несть в нем влас бел, и не нижае есть от кожи плотския, и сей есть темен, и отлучит его жрец на седмь дний. 003 LEV 013 022 Аще ли разсыпанием разсыплется по кожи, и осквернит его жрец, блеск прокажения есть, на болячке процвете. 003 LEV 013 023 Аще ли на месте своем пребывает блеск и не разсыпается, струп болячки есть, и очистит его жрец. 003 LEV 013 024 И плоть аще будет на кожи его жжение огнено, и будет на кожи его исцелевшее от жжения блещащееся бело или червлено или пробелующееся: 003 LEV 013 025 и узрит его жрец, и се, пременися влас бел в блещащийся, и взор ему нижае от кожи, прокажение есть, во жжении процвете, и осквернит его жрец, язва прокажения есть. 003 LEV 013 026 Аще же увидит его жрец, и се, несть на блещащемся влас бел, и не нижае есть от кожи, само же темно, и отлучит его жрец на седмь дний: 003 LEV 013 027 и узрит его жрец в день седмый, и аще разсыпанием разсыплется по кожи, и осквернит его жрец: язва прокажения есть, бо гной процвете. 003 LEV 013 028 Аще же на месте пребудет блещание и не разсыплется по кожи, сие же темно есть, струп сожжения есть, да очистит его жрец: образ бо сожжения есть. 003 LEV 013 029 Мужу же или жене, аще будет на них язва прокажения на главе или на браде, 003 LEV 013 030 и узрит жрец язву, и се, обличие ея глубочае кожи, в нейже влас желтуяся тонок, и осквернит его жрец: вред есть, прокажение главы или прокажение брады есть. 003 LEV 013 031 И аще увидит жрец язву вреда, и се, не будет обличие нижае кожи, и влас желтуяся не будет в нем, да отлучит жрец язву вреда на седмь дний: 003 LEV 013 032 и узрит жрец язву в день седмый, и се, не разсыпася вред, и влас желтуяся несть в нем, и обличие вреда несть нижае кожи: 003 LEV 013 033 и острижет кожу, вред же да не острижется, и отлучит жрец вред на седмь дний второе: 003 LEV 013 034 и узрит жрец вред в день седмый, и се, не разсыпася вред по кожи по острижении его, и обличие вреда несть нижае кожи, и очистит его жрец, и измыв ризы, чист будет. 003 LEV 013 035 Аще же разсыпанием разсыплется вред по кожи по очищении его: 003 LEV 013 036 и узрит его жрец, и се, не разсыпася вред по кожи, да не присетит жрец о власе желтеющемся, яко нечист есть. 003 LEV 013 037 Аще же пред ним будет на месте вред, и влас черн явится в нем, исцеле вред, чист есть, и очистит его жрец. 003 LEV 013 038 Мужу же или жене, аще будут на кожи плоти его блещания блещащая белеющаяся: 003 LEV 013 039 и увидит жрец, и се, на кожи плоти его блещания и блещащая белеющаяся, лишай есть, процвете на кожи плоти его, чист есть. 003 LEV 013 040 Аще же кому облезе глава, плешив есть, чист есть: 003 LEV 013 041 аще же спреди облезе глава, взлыс есть, чист есть: 003 LEV 013 042 аще же будет на плеши его или на взлысине его блеск бел или червленуяся, прокажение процветающее на плеши его или на взлысине его: 003 LEV 013 043 и увидит его жрец, и се, обличие блеска бело или червлено на плеши его или на взлысине его, яко обличие прокажения на кожи плоти его: 003 LEV 013 044 человек прокажен есть, осквернением осквернит его жрец, на главе его блеск его. 003 LEV 013 045 И прокажен, на немже есть язва, ризы его да будут раздраны, и глава его не покровена, и около уст своих да обвиется, и нечист прозовется: 003 LEV 013 046 вся дни, в няже будет на нем язва, нечист сый, нечист будет: отлучен да седит, вне полка да будет ему пребывание. 003 LEV 013 047 И риза аще будет на ней язва прокажения, на ризе сукняне, или на изгребийней, 003 LEV 013 048 или на прядене, или на кроках, или на льнех, или на волне, или на кожи, или на всякой кожи деланей, 003 LEV 013 049 и явится язва зелена или червленуяся на кожи, или на ризе, или на пряденех, или на кроках, или на всяком деле кожанем, язва прокажения есть, и покажет жерцу: 003 LEV 013 050 и увидит жрец язву, и отлучит жрец язву на седмь дний. 003 LEV 013 051 И да увидит жрец язву в день седмый: аще же разсыпася язва по ризе, или по прядене, или по кроках, или по кожи, по всему елика творятся кожы в делании, прокажение исто есть язва, нечист есть: 003 LEV 013 052 да сожжет ризу, или прядения, или кроки, или на волне, или на льне, или на всяком сосуде кожане, на немже аще будет язва: понеже прокажение исто есть, на огни да сожжется. 003 LEV 013 053 Аще ли узрит жрец, и не разсыплется язва по ризе, или по прядене, или по кроках, или по всякому сосуду кожану: 003 LEV 013 054 и повелит жрец, и измыет, на немже будет язва, и да отлучит жрец язву на другия седмь дний: 003 LEV 013 055 и увидит жрец по измытии его язву, и аще не изменила язва лица своего, и язва не разсыпася, нечисто есть, на огни да сожжется: утвердися бо на ризе, или на прядене, или на кроках. 003 LEV 013 056 И аще увидит жрец, и будет темна язва по испрании ея, да отторгнет е от ризы, или от прядена, или от крок, или от кожи. 003 LEV 013 057 И аще явится еще на ризе или на прядене, или на кроках, или на всяком сосуде кожане, прокажение процветающее есть, на огни да сожжется, на немже есть язва. 003 LEV 013 058 И риза, или прядено, или кроки, или всяк сосуд кожан, еже исперется, и отступит от него язва, и измыется второе, и чисто будет. 003 LEV 013 059 Сей закон язве прокажения ризы сукняны, или изгребийны, или прядены, или куделныя, или всякаго сосуда кожана, во еже очистити е, или осквернити е. 003 LEV 014 001 И рече Господь к Моисею, глаголя: 003 LEV 014 002 сей закон прокаженному, в оньже день аще очистится, и приведется к жерцу: 003 LEV 014 003 и да изыдет жрец вне полка, и узрит жрец, и се, исцеле язва прокажения от прокаженнаго: 003 LEV 014 004 и повелит жрец, да возмутся очищенному два птичища жива чиста и древо кедрово, и соскана червленица и иссоп: 003 LEV 014 005 и повелит жрец, да заколют птичище едино в сосуд глинян, над водою живою, 003 LEV 014 006 и живое птичище да возмет, и древо кедрово и соскану червленицу и иссоп, и да омочит их и птичище живое в крови закланаго птичища над водою живою: 003 LEV 014 007 и да воскропит на очистившагося от прокажения седмижды, и чист будет: и да отпустит птичище живое на поле: 003 LEV 014 008 и да исперет очистивыйся ризы своя и да острижет вся власы своя и да измыется водою, и чист будет: и по сих да внидет в полк и да пребудет вне дому своего седмь дний. 003 LEV 014 009 И будет в день седмый, обриются вси власы его, глава его и брада и брови, и всяк влас его да обриется: и да измыет ризы своя, и да омыется тело его водою, и чист будет. 003 LEV 014 010 И в день осмый да возмет два агнца единолетна непорочна и овцу едину единолетну непорочну, и три десятины муки пшеничны на жертву смешаныя с елеем и меру елеа едину: 003 LEV 014 011 и да поставит жрец очищаяй человека очищаемаго и сия пред Господем, у дверий скинии свидения: 003 LEV 014 012 и возмет жрец агнца единаго и приведет его преступления ради, и чашу елеа, и отлучит я жрец во отлучение пред Господем: 003 LEV 014 013 и заколют агнца на месте идеже закалают всесожжения и яже греха ради, на месте святе: есть бо еже греха ради, якоже и преступления ради есть жерцу: святая святых суть: 003 LEV 014 014 и возмет жрец от крове яже преступления ради, и возложит жрец на обушие уха очищаемаго деснаго, и на край руки его десныя, и на край ноги его десныя: 003 LEV 014 015 и взем жрец от чаши елеа, возлиет на руку левую свою: 003 LEV 014 016 и да омочит жрец перст свой десный в елей, иже есть в руце его левей, и да воскропит от елеа перстом седмижды пред Господем: 003 LEV 014 017 оставшийся же елей, иже в руце его, да возложит жрец на обушие уха очищаемаго деснаго, и на край руки его десныя, и на край ноги его десныя, на место крове яже преступления ради: 003 LEV 014 018 оставшийся же елей, иже в руце жерца, да возложит жрец на главу очищенному: и помолится о нем жрец пред Господем: 003 LEV 014 019 и сотворит жрец еже греха ради, и помолится жрец от очищающемся от греха своего: и по сем заколет жрец всесожжение: 003 LEV 014 020 и вознесет жрец всесожжение и жертву на олтарь пред Господем, и помолится о нем жрец, и очистится. 003 LEV 014 021 Аще же убог есть, и рука его не достигнет, да возмет агнца единолетнаго единаго, в оньже преступил на отлучение, яко помолитися о нем, и десятину муки пшеничны смешаны с елеем в жертву, и чашу елеа едину, 003 LEV 014 022 и два горличища, или два птенца голубина, елика обрете рука его, и да будет един греха ради, и другий во всесожжение: 003 LEV 014 023 и да принесет я в день осмый, во еже очистити его, к жерцу, пред двери скинии свидения пред Господа: 003 LEV 014 024 и взем жрец агнца иже преступления ради, и чашу елеа, возложит я возложение пред Господем, 003 LEV 014 025 и заколет агнца иже преступления ради, и возмет жрец от крове яже преступления ради, и возложит на обушие уха очищаемаго деснаго, и на край руки его десныя, и на край ноги его десныя: 003 LEV 014 026 и от елеа возлиет жрец на руку свою левую, 003 LEV 014 027 и воскропит жрец перстом своим десным от елеа, иже в руце его левей, седмижды пред Господем: 003 LEV 014 028 и возложит жрец от елеа сущаго в руце его на обушие уха очищаемаго деснаго, и на краи руки его десныя, и на край ноги его десныя, на месте крове яже преступления ради: 003 LEV 014 029 оставшееся же от елеа, еже есть в руце жерца, да возложит на главу очистившемуся: и помолится о нем жрец пред Господем, 003 LEV 014 030 и сотворит едину от горлиц, или от птенцев голубиных, якоже обрете рука его, 003 LEV 014 031 едину греха ради, и другую во всесожжение с жертвою: и помолится жрец о очищаемем пред Господем. 003 LEV 014 032 Сей закон в немже есть язва прокажения, и не обретающему рукою во очищение свое. 003 LEV 014 033 И рече Господь к Моисею и Аарону, глаголя: 003 LEV 014 034 егда внидете в землю Ханаанску, юже Аз даю вам в притяжание, и дам язву прокажения в домех земли притяжанныя вам: 003 LEV 014 035 и приидет, егоже дом, и повесть жерцу глаголя: аки язва является в дому моем. 003 LEV 014 036 И повелит жрец испразднити сосуды дому, прежде неже внити жерцу видети язву, и да не будут нечиста вся яже в дому. По сих же внидет жрец соглядати дом: 003 LEV 014 037 и узрит жрец язву, и се, язва на стенах дому удолия зеленеющаяся или червленеющаяся, и обличие их худее стен: 003 LEV 014 038 изшед жрец из дому к дверем дому, и отлучит жрец дом на седмь дний. 003 LEV 014 039 И возвратится жрец в седмый день, и узрит дом, и се, разсыпася язва по стенам дому: 003 LEV 014 040 и повелит жрец, да изимут камение, на нихже есть язва, и да изнесут е вон из града на место нечисто: 003 LEV 014 041 и да постружут извнутри дом окрест, и изсыплют персть состроганую вне града на место нечисто: 003 LEV 014 042 и да возмут камение ино острогано, и вложат я вместо камения: и персть ину да возмут, и помажут дом. 003 LEV 014 043 Аще же паки найдет язва, и явится в дому но изнесении камения и по острогании дому и по помазании, 003 LEV 014 044 и внидет жрец, и узрит аще разсыпася язва в дому, прокажение пребывающее есть в дому, нечист есть: 003 LEV 014 045 и разорят дом, и древа его и камение его и всю персть дому изнесут вне града, на место нечисто. 003 LEV 014 046 И входяй в дом вся дни, в няже есть отлучен, нечист будет до вечера: 003 LEV 014 047 и спяй в дому да исперет ризы своя и нечист будет до вечера: и ядый в дому да исперет ризы своя и нечист будет до вечера. 003 LEV 014 048 Аще же пришедый внидет жрец, и увидит: и се, разсыпанием не разсыпася язва в дому но помазании дому, да очистит жрец дом, яко исцеле язва: 003 LEV 014 049 и возмет очистити дом, два птичища жива чиста и древо кедрово, и соскану червленицу и иссоп: 003 LEV 014 050 и да заколет птичище едино в сосуд глинян над водою живою: 003 LEV 014 051 и возмет древо кедрово и соскание червленое, и иссоп и птичище живое, и да омочит е в кровь птичища закланаго над водою живою, и да окропит ими в дому седмижды: 003 LEV 014 052 и очистит дом кровию птичищною и водою живою, и птичищем живым и древом кедровым, и иссопом и сосканою червленицею: 003 LEV 014 053 и да отпустит птичище живое вне града на поле и помолится о доме, и чист будет. 003 LEV 014 054 Сей закон о всякой язве прокажения и вреда, 003 LEV 014 055 и прокажения ризы и дому, 003 LEV 014 056 и струпа, и знамения, и блещащагося, 003 LEV 014 057 и поведати в оньже день нечисто, и в оньже день очистится: сей закон прокажения. 003 LEV 015 001 И рече Господь к Моисею и Аарону, глаголя: 003 LEV 015 002 глаголи сыном Израилевым и речеши к ним: мужу, мужу, емуже аще будет излияние от тела его, излияние его нечисто есть. 003 LEV 015 003 И сей закон нечистоты его: изливаяй семя из тела своего, от излияния, имже составлено есть тело его излиянием, сия нечистота его в нем: вся дни излияния тела его, имже составлено тело его излиянием его, нечистота его есть: 003 LEV 015 004 всяко ложе, на немже аше ляжет изливаяй семя, нечисто есть: и всяк сосуд, на немже аще сядет верху его изливаяй семя, нечист будет: 003 LEV 015 005 и человек, иже аще прикоснется ложа его, да исперет ризы своя и да омыет тело свое водою, и нечист будет до вечера: 003 LEV 015 006 и седяй на сосуде, на немже аще сядет верху его изливаяй семя, да исперет ризы своя и да омыется водою, и нечист будет до вечера: 003 LEV 015 007 и прикоснувыйся к плоти изливающаго семя да исперет ризы своя и да омыется водою, и нечист будет до вечера. 003 LEV 015 008 Аще же плюнет изливаяй семя на чистаго, да исперет ризы своя и да измыется водою, и нечист будет до вечера: 003 LEV 015 009 и всяко седло ослее, на неже аще всядет верху его изливаяй семя, нечисто будет до вечера: 003 LEV 015 010 и всяк прикоснувыйся всем, яже суть под ним, нечист будет до вечера: и вземляй я да исперет ризы своя и омыется водою, и нечист будет до вечера: 003 LEV 015 011 и еликим аще коснется изливаяй семя и рук своих не омыет водою, да исперет ризы своя и омыет тело водою, и нечист будет до вечера: 003 LEV 015 012 и сосуд глинян, емуже аще прикоснется изливаяй семя, да разбиется: а сосуд древяный да измыется водою, и чист будет. 003 LEV 015 013 Аще же очистится изливаяй семя от излияния своего, и изчислит себе седмь дний на очищение свое, и исперет ризы своя и омыет тело свое водою живою, и чист будет: 003 LEV 015 014 и в день осмый да возмет себе два горличища или два птенца голубина, и да принесет я пред Господа к дверем скинии свидения, и даст я жерцу: 003 LEV 015 015 и сотворит я жрец един греха ради, и другий во всесожжение: и да помолится о нем жрец пред Господем о излиянии его. 003 LEV 015 016 И человек, емуже аще изыдет от ложа его семя, и да омыет водою все тело свое, и нечист будет до вечера: 003 LEV 015 017 и всяка риза и всяка кожа, на нейже аще будет ложе семенное, да измыется водою, и нечиста будет до вечера. 003 LEV 015 018 И аще ляжет муж с женою своею на ложи семене, да измыются водою, и нечисты будут до вечера. 003 LEV 015 019 И жена яже аще будет кровь точащи, и будет течение ея в телеси ея, седмь дний да будет в скверне своей: и всяк прикасаяйся ей нечист будет до вечера: 003 LEV 015 020 и все, на немже аще седит в течении своем, нечисто будет, и всяко, на неже аще присядет (она), нечисто будет: 003 LEV 015 021 и всяк, иже аще прикоснется ложа ея, да исперет ризы своя и да измыет водою тело свое, и нечист будет до вечера: 003 LEV 015 022 и всяк прикасаяйся всякому сосуду, на немже аще сядет, да исперет ризы своя и да измыется водою, и нечист будет до вечера: 003 LEV 015 023 аще же на ложи ей сущей, или на сосуде, на немже аще сядет (она), егда прикоснется кто ей, нечист будет до вечера. 003 LEV 015 024 Аще же кто будет на ложи с нею, и будет нечистота ея на нем, нечист будет седмь дний: и всяко ложе, на немже аще ляжет, нечисто будет. 003 LEV 015 025 И жена аще точит течение крове дни многи, не во время скверны ея, аше и течет по осквернении ея, вся дни течения нечистоты ея, якоже дни скверны ея, нечиста будет: 003 LEV 015 026 и всяко ложе, на немже аще ляжет вся дни течения ея, по ложи скверны ея будет ей: и всяк сосуд, на немже аще сядет, нечист будет по нечистоте скверны ея: 003 LEV 015 027 и всяк прикасаяйся ей нечист будет, да исперет ризы своя и омыет водою тело свое, и нечист будет до вечера. 003 LEV 015 028 Аще же очистится от течения своего, да сочтет себе седмь дний, и по сих чиста будет: 003 LEV 015 029 и во осмый день да возмет себе два горличища или два птенца голубина, и принесет я к жерцу к дверем скинии свидения, 003 LEV 015 030 и да сотворит жрец, един греха ради и другий во всесожжение, и да помолится о ней жрец пред Господем о течении нечистоты ея. 003 LEV 015 031 И благоговейны сотворите сыны Израилевы от нечистот их: и да не умрут нечистоты ради своея, внегда осквернити им скинию Мою яже в них. 003 LEV 015 032 Сей закон изливающему семя, и аще кому изыдет из него ложе семенное, якоже осквернитися в нем, 003 LEV 015 033 и точащей кровь в скверне своей, и изливающему семя во излиянии своем мужеску полу или женску, и мужу, иже аще поспит со сквернавою. 003 LEV 016 001 И глагола Господь к Моисею, по умертвии двух сынов Аароних, егда принесоста огнь чуждий пред Господа и скончастася. 003 LEV 016 002 И рече Господь к Моисею: глаголи Аарону, брату твоему, да не входит по вся часы в святое внутрь завесы, пред лице очистилища, еже есть над кивотом свидения, и да не умрет: во облаце бо явлюся над очистилищем: 003 LEV 016 003 сице внидет Аарон в святое: с телцем от говяд греха ради, и со овном на всесожжение, 003 LEV 016 004 и в ризу льняну освящену да облечется, и надраги льняны да будут на теле его, и поясом льняным да опояшется, и клобук льнян да возложит, ризы святы суть: и да омыет водою все тело свое, и да облечется в ня: 003 LEV 016 005 и от сонма сынов Израилевых да возмет два козла от коз греха ради, и овна единаго во всесожжение, 003 LEV 016 006 и да приведет Аарон телца, иже греха ради своего, и да помолится о себе и о доме своем, 003 LEV 016 007 и да возмет два козла, и поставит я пред Господем у дверий скинии свидения: 003 LEV 016 008 и да возложит Аарон на оба козла жребия: жребий един Господу и жребий другий отпущению. 003 LEV 016 009 И да приведет Аарон козла, на немже паде жребий Господу, и да принесет греха ради: 003 LEV 016 010 и козла, на немже паде жребий отпущения, да поставит его жива пред Господем, яко помолитися над ним и яко отпустити его во отпущение, и да отпустит его в пустыню: и возмет козел на ся беззакония их в землю непроходиму. 003 LEV 016 011 И да приведет Аарон телца, иже греха ради своего, и да помолится о себе и о доме своем: и да заколет телца, иже греха ради своего. 003 LEV 016 012 И да возмет кадилник полн углия огненна от олтаря, иже пред Господем, и да наполнит руце фимиама сложения чиста, и да принесет внутрь завесы: 003 LEV 016 013 и да возложит фимиам на огнь пред Господем, и покрыет дым фимиамный очистилище еже на свидениих, и не умрет. 003 LEV 016 014 И да возмет от крове телца, и да воскропит перстом на очистилище на востоки: пред лицем очистилище да воскропит седмижды от крове перстом своим. 003 LEV 016 015 И да заколет козла иже греха ради, иже за люди, пред Господем: и да внесет от крове его внутрь завесы, и да сотворит крови его, якоже сотвори крови телчи, и да воскропит кровию его на очистилище прямо очистилищу, 003 LEV 016 016 и очистит святое от нечистот сынов Израилевых и от неправд их, о всех гресех их: и тако сотворит скинии свидения сотворенней в них посреде нечистоты их. 003 LEV 016 017 И всяк человек да не будет в скинии свидения, егда входит молитися во святое, дондеже изыдет: и да помолится о себе и о доме своем и о всем сонме сынов Израилевых. 003 LEV 016 018 И изыдет ко олтарю, иже есть пред Господем, и помолится на нем, и да возмет от крове телца и от крове козла, и возложит на роги олтаря окрест: 003 LEV 016 019 и да воскропит перстом своим нань седмижды от крове, и очистит его и освятит его от нечистот сынов Израилевых. 003 LEV 016 020 И совершит очищая святое и скинию свидения и олтарь, и от жерцех очистит, и приведет козла живаго: 003 LEV 016 021 и да возложит Аарон обе руце свои на главу козла живаго, и да исповесть на нем вся беззакония сынов Израилевых и вся неправды их и вся грехи их: и возложит я на главу козла живаго, и отпустит рукою человека уготованнаго в пустыню: 003 LEV 016 022 и возмет козел на ся неправды их в землю непроходиму: и да отпустит козла в пустыню. 003 LEV 016 023 И да внидет Аарон в скинию свидения, и да совлечет ризы льняны, в няже оболчен бяше, входящу ему во святое, и положит я тамо: 003 LEV 016 024 и омыет тело свое водою на месте святе и да облечется в ризы своя, и изшед да сотворит всесожжение свое и всеплодие людское, и да помолится о себе и о доме своем, и о людех якоже и о жерцех: 003 LEV 016 025 и тук иже грехов ради да вознесет на олтарь. 003 LEV 016 026 И отпустивый козла отпущенаго во отпущение да исперет ризы своя и да омыет плоть свою водою, и по сих да внидет в полк. 003 LEV 016 027 И телца иже греха ради, и козла иже греха ради, ихже кровь внесеся на очищение во святое, да изнесут я вне полка и да сожгут я на огни, и кожы их и мяса их и мотыла их: 003 LEV 016 028 сожигаяй же я да исперет ризы своя и да омыет тело свое водою, и по сем да внидет в полк. 003 LEV 016 029 И будет сие вам законное вечное: в месяц седмый, в десятый день месяца, покорите душы вашя, и всякаго дела да не сотворите, ни туземец, ни пришлец прилежай в вас: 003 LEV 016 030 в той бо день помолится о вас, еже очистити вас от всех грехов ваших пред Господем, и чисти будете: 003 LEV 016 031 суббота суббот покой да будет сия вам, и покорите душы вашя, законно вечно. 003 LEV 016 032 Помолится жрец, егоже аще помажут и егоже аще совершат руце его, еже жрети ему по отце своем, и да облечется в ризу льняну свою, ризу святу, 003 LEV 016 033 и да очистит Святое святаго и скинию свидения, и олтарь да очистит, и о жерцех и о всем сонме да помолится. 003 LEV 016 034 И будет сие вам законное вечное, еже молитися о сынех Израилевых о всех гресех их, единою в лето да сотворится, якоже заповеда Господь Моисею. 003 LEV 017 001 И рече Господь к Моисею, глаголя: 003 LEV 017 002 глаголи Аарону и сыном его и ко всем сыном Израилевым, и речеши к ним: сие слово еже заповеда Господь, глаголя: 003 LEV 017 003 человек человек от сынов Израилевых или от пришелец, иже прилежат в вас, иже аще заколет телца или овцу или козу в полце, и иже аще заколет вне полка 003 LEV 017 004 и пред двери скинии свидения не принесет, якоже сотворити е во всесожжение или спасение Господу приятно, в воню благовония: и иже аще заколет вне и пред двери скинии свидения не принесет его, яко принести дар Господу пред скинию Господню: и вменится человеку тому кровь: кровь пролиял, да потребится душа она от людий своих: 003 LEV 017 005 яко да принесут сынове Израилевы жертвы своя, елики аще сии заколют на поли, и да принесут я ко Господу к дверем скинии свидения к жерцу, и пожрут я в жертву спасения Господу. 003 LEV 017 006 И да возлиет жрец кровь на олтарь окрест пред Господем у дверий скинии свидения: и да вознесет тук в воню благоухания Господу: 003 LEV 017 007 и да не пожрут ктому жертв своих суетным, имже сами блудодействуют вслед их: законное вечное будет вам в роды вашя. 003 LEV 017 008 И речеши к ним: человек человек от сынов Израилевых или от сынов пришелцов прилежащих в вас, иже аще сотворит всесожжение или жертву, 003 LEV 017 009 и к дверем скинии свидения не принесет сотворити е Господви, потребится душа та от людий своих. 003 LEV 017 010 И человек человек от сынов Израилевых или от пришелец прилежащих в вас, иже аще яст всякую кровь, и утвержу лице Мое на душу ядущую кровь, и погублю ю от людий своих: 003 LEV 017 011 зане душа всякия плоти кровь его есть, и Аз дах ю вам у олтаря умоляти от душах ваших: кровь бо его вместо души умолит. 003 LEV 017 012 Сего ради рекох сыном Израилевым: всяка душа от вас да не снест крове, и пришлец прилежащий в вас да не снест крове. 003 LEV 017 013 И человек человек от сынов Израилевых или от пришлец прилежащих в вас, иже аще уловит ловитву зверя или птицу, еже ястся: пролиет кровь ея, и покрыет ю землею: 003 LEV 017 014 душа бо всякия плоти кровь его есть. И рекох сыном Израилевым: крове всякия плоти да не снесте, яко душа всякия плоти кровь его есть: всяк ядый ю потребится: 003 LEV 017 015 и всяка душа яже яст мертвечину или звероядину, от туземец или от пришелец, да исперет ризы своя и да омыет тело водою, и нечист будет до вечера, по сем же чист будет: 003 LEV 017 016 аше же не исперет риз своих, ни омыет тела водою, то приимет беззаконие свое. 003 LEV 018 001 И рече Господь к Моисею, глаголя: 003 LEV 018 002 глаголи сыном Израилевым и речеши к ним: Аз Господь Бог ваш: 003 LEV 018 003 по делом земли Египетския, в нейже обитасте, да не сотворите, и по начинанием земли Ханаанския, в нюже Аз веду вы тамо, не сотворите, и по законом их не ходите: 003 LEV 018 004 судбы Моя сотворите, и повеления Моя сохраните и ходите в них: Аз Господь Бог ваш: 003 LEV 018 005 и сохраните вся повеления Моя и вся судбы Моя, и сотворите я: Сотворивый та человек жив будет в них: Аз Господь Бог ваш. 003 LEV 018 006 Человек человек ко всякому ближнему плоти своея да не приступит открыти срамоты: Аз Господь. 003 LEV 018 007 Срамоты отца твоего и срамоты матере твоея да не открыеши: мати бо твоя есть, да не открыеши срамоты ея. 003 LEV 018 008 Срамоты жены отца твоего да не открыеши: срамота отца твоего есть. 003 LEV 018 009 Срамоты сестры твоея яже от отца твоего или от матере твоея, в дому рожденныя или вне рожденныя, да не открыеши срамоты их. 003 LEV 018 010 Срамоты дщере сына твоего или дщере дщере твоея, да не открыеши срамоты их, яко твоя срамота есть. 003 LEV 018 011 Срамоты дщере жены отца твоего да не открыеши, единоотча сестра ти есть, да не открыеши срамоты ея. 003 LEV 018 012 Срамоты сестры отца твоего да не открыеши, своя бо отцу твоему есть. 003 LEV 018 013 Срамоты сестры матере твоея да не открыеши, своя бо матери твоей есть. 003 LEV 018 014 Срамоты брата отца твоего да не открыеши и к жене его да не внидеши, сродник бо ти есть. 003 LEV 018 015 Срамоты невестки твоея да не открыеши, жена бо сына твоего есть, да не открыеши срамоты ея. 003 LEV 018 016 Срамоты жены брата твоего да не открыеши, срамота брата твоего есть. 003 LEV 018 017 Срамоты жены и дщере ея, да не открыеши, дщере сына ея, и дщери дщере ея да не поймеши открыти срамоты их, ближнии бо ти суть, нечестие есть. 003 LEV 018 018 Сестру жены твоея да не поймеши в наложницу, открыти срамоту ея пред нею, еще живе сущей ей. 003 LEV 018 019 И к жене во отлучении нечистоты ея да не внидеши открыти срамоты ея. 003 LEV 018 020 И к жене ближняго твоего да не даси ложа семене твоего, осквернитися с нею. 003 LEV 018 021 И от семене твоего да не даси служити Молоху, да не оскверниши имене Святаго: 003 LEV 018 022 и с мужеским полом да не ляжеши женским ложем, мерзость бо есть. 003 LEV 018 023 И всякому четвероногому да не даси ложа своего в семенение, осквернитися с ним: и жена да не станет ко всякому четвероногому снитися, гнусно бо есть. 003 LEV 018 024 Не оскверняйтеся во всех сих: во всех бо сих осквернишася языцы, ихже Аз отжену пред лицем вашим: 003 LEV 018 025 и осквернися земля, и воздах неправду им ея ради: и возненавиде земля седящих на ней. 003 LEV 018 026 И сохраните вся законы Моя и вся повеления Моя, и не сотворите от всех гнусностей сих, туземец и прибывший пришлец в вас: 003 LEV 018 027 вся бо сия гнусности сотвориша человецы земнии, бывшии прежде вас, и осквернися земля. 003 LEV 018 028 И да не вознегодует на вас земля, внегда осквернити вам ю, имже образом вознегодова на языки иже прежде вас: 003 LEV 018 029 яко всяк, иже аще сотворит от всех гнусностей сих, потребятся душы творящыя сие от людий своих. 003 LEV 018 030 И сохраните повеления Моя, яко да не сотворите от всех закон гнусных, иже беша прежде вас: и да не осквернитеся в них, яко Аз Господь Бог ваш. 003 LEV 019 001 И рече Господь к Моисею, глаголя: 003 LEV 019 002 глаголи всему сонму сынов Израилевых, и речеши к ним: святи будите, якоже Аз свят (есмь) Господь Бог ваш. 003 LEV 019 003 Вийждо отца своего и матере своея да боится, и субботы Моя сохраните: Аз Господь Бог ваш. 003 LEV 019 004 Не последуйте идолом, и богов слияных не сотворите себе: Аз Господь Бог ваш. 003 LEV 019 005 И аще пожрете жертву спасения Господу, приятну вам пожрите: 003 LEV 019 006 в оньже день аще пожрете, (в той день) да снестся, и на утрие: и аще останется до третияго дне, на огни да сожжется: 003 LEV 019 007 аще же ли ядением сястся в день третий, не жертвенно есть, не приимется: 003 LEV 019 008 и иже яст е, грех приимет, яко святая Господня оскверни: и потребятся душы ядущыя от людий своих. 003 LEV 019 009 И пожинающым вам жатву земли вашея, да не скончаете жатвы вашея, нивы твоея пожинания: и падающих клас от жатвы твоея да не собереши: 003 LEV 019 010 и винограда твоего вторицею да не обереши, ниже грезн винограда твоего да собереши: нищему и пришелцу да оставиши я: Аз есмь Господь Бог ваш. 003 LEV 019 011 Не украдите, ни солжите, ниже да оклеветает кийждо ближняго. 003 LEV 019 012 И не кленитеся именем Моим в неправде, и да не оскверните имене святаго Бога вашего: Аз Господь Бог ваш. 003 LEV 019 013 Да не обидиши ближняго: и да не отимеши, и да не прележит мзда наемника твоего у тебе до утрия. 003 LEV 019 014 Зла да не речеши глухому, и пред слепым да не положиши претыкания: и да убоишися Господа Бога твоего: Аз Господь Бог ваш. 003 LEV 019 015 Не сотворите неправды в суде: да не приимеши лица нищаго, ниже почудишися лицу могущаго: по правде да судиши ближнему твоему. 003 LEV 019 016 Да не ходиши лестию во своем языце, и не востанеши на кровь ближняго твоего: Аз Господь Бог ваш. 003 LEV 019 017 Да не возненавидиши брата твоего во уме твоем, обличением да обличиши ближняго твоего: и не приимеши ради его греха. 003 LEV 019 018 И да не отмщает рука твоя, и да не враждуеши на сыны людий своих, и возлюбиши ближняго своего яко сам себе: Аз Господь Бог ваш. 003 LEV 019 019 Закон Мой сохраните: и скота твоего да не смесиши со скотом инаго рода, и винограда твоего да не насадиши различна: и ризы из двух (вещей) сотканыя гнусныя да не возложиши на ся. 003 LEV 019 020 И аще кто будет с женою ложем семене, и сия бяше раба хранима мужу, и ценою не искуплена или свобода не дана ей, наказаны да будут: не умрут, яко не свободися: 003 LEV 019 021 и да приведет за преступление свое Господу к дверем скинии свидения овна преступления, 003 LEV 019 022 и да помолится о нем жрец овном преступления пред Господем о гресе имже согреши, и оставится ему грех, егоже сотвори. 003 LEV 019 023 Егда же внидете в землю, юже Господь Бог ваш дает вам, и насадите всяко древо снедное, и очистите нечистоту его, плод его три лета нечист да будет вам, да не снестся: 003 LEV 019 024 в лето же четвертое будет всяк плод его свят, похвален Господу: 003 LEV 019 025 в лето же пятое да снесте плод его, прибыток вам плоды его: Аз Господь Бог ваш. 003 LEV 019 026 Не ядите на горах, и не вражите, и ни сряща смотрите от птиц. 003 LEV 019 027 Не сотворите обстрижения кругом от влас глав ваших, ниже бриете брад ваших. 003 LEV 019 028 И кроения не сотворите на теле вашем о души: и язв настреканных да не сотворите в вас: Аз Господь Бог ваш. 003 LEV 019 029 Да не оскверниши дщере твоея еже блудити ей: и да не прелюбы деет земля, и наполнится земля беззаконий. 003 LEV 019 030 Субботы Моя сохраните, и от святых Моих убойтеся: Аз Господь. 003 LEV 019 031 Не последуйте утробным баснем, и к волхвом не прилепитеся, осквернитися в них: Аз Господь Бог ваш. 003 LEV 019 032 Пред лицем седаго востани и почти лице старчо, и да убоишися Господа Бога твоего: Аз Господь Бог ваш. 003 LEV 019 033 Аще же кто приидет к вам пришлец в землю вашу, не стужите ему: 003 LEV 019 034 якоже туземец будет в вас пришлец, иже приидет к вам, и возлюбиши его яко сам себе: яко (и вы) пришелцы бесте в земли Египетстей: Аз Господь Бог ваш. 003 LEV 019 035 Не сотворите неправды в суде, в мерах и в весах и в мерилех: 003 LEV 019 036 мерила праведна и весы праведны и мера праведна да будет в вас: Аз есмь Господь Бог ваш, изведый вас от земли Египетския. 003 LEV 019 037 И сохраните весь закон Мой и вся повеления Моя, и сотворите я: Аз Господь Бог ваш. 003 LEV 020 001 И рече Господь к Моисею, глаголя: 003 LEV 020 002 рцы сыном Израилевым, глаголя: аще кто от сынов Израилевых, или от прибывших пришелцев во Израили, иже аще даст от семене своего Молоху, смертию да умрет: людие земли да побиют его камением: 003 LEV 020 003 и Аз утвержу лице Мое на человека того и погублю его от людий его, яко от семене своего даде Молоху, да осквернит святыню Мою и осквернит имя освященных Мне. 003 LEV 020 004 Аще же презрением презрят туземцы земли очима своима от человека того, внегда дати ему от семене своего Молоху, еже не убити его: 003 LEV 020 005 и утвержу лице Мое на человека того и на сродники его, и погублю его и всех единомыслящих с ним, еже соблуждати ему со идолы от людий своих. 003 LEV 020 006 И душа яже аще последует утробным баснем или волхвом, яко соблудити вслед их, утвержу лице Мое на душу ту и погублю ю от людий ея. 003 LEV 020 007 И будете святи, яко Аз свят Господь Бог ваш. 003 LEV 020 008 И сохраните повеления Моя и сотворите я: Аз Господь освящаяй вас. 003 LEV 020 009 Человек человек, иже аше зло речет отцу своему или матери своей, смертию да умрет: отцу своему или матери своей зле рече, повинен будет. 003 LEV 020 010 Человек человек, иже аще прелюбы содеет с мужнею женою, или кто прелюбы содеет с женою ближняго своего, смертию да умрут прелюбодей и прелюбодейца. 003 LEV 020 011 И иже аще пребудет с женою отца своего, срамоту отца своего открыл есть, смертию да умрут оба, повинни суть. 003 LEV 020 012 И аще кто будет с невесткою своею, смертию да умрут оба, нечествоваша бо, повинни суть. 003 LEV 020 013 И аще кто будет с мужеским полом ложем женским, гнусность сотвориша оба, смертию да умрут, повинни суть: 003 LEV 020 014 иже аще поймет жену и матерь ея, беззаконие есть, огнем да сожгут его и оныя, и не будет беззаконие в вас. 003 LEV 020 015 И иже аще даст ложе свое четвероножному, смертию да умрет, четвероножное же убиете. 003 LEV 020 016 И жена яже аше приступит ко всякому скоту, еже быти с ним, да убиете жену и скот, смертию да умрут, повинни суть. 003 LEV 020 017 Иже аще поймет сестру свою от отца своего или от матере своея, и увидит срамоту ея, и она увидит срамоту его, укоризна есть, да потребятся пред сыны рода их: срамоту сестры своея откры, грех приимут. 003 LEV 020 018 И муж иже будет с женою сквернавою и открыет срамоту ея, течение ея откры, и она откры течение крове своея, да потребятся оба от рода их. 003 LEV 020 019 И срамоту сестры отца твоего и сестры матере твоея да не открыеши: ужичество бо откры, грех понесут. 003 LEV 020 020 Иже аще будет со сродницею своею, срамоту сродства своего откры, безчадни измрут. 003 LEV 020 021 И человек иже аще поймет жену брата своего, нечистота есть: срамоту брата своего открыл есть, безчадни измрут. 003 LEV 020 022 И сохраните вся повеления Моя и вся судбы Моя и сотворите я, и не вознегодует на вас земля, в нюже Аз введу вы тамо вселитися на ней. 003 LEV 020 023 И не ходите в законы языческия, ихже Аз изгоню от вас: яко сия вся сотвориша, и возгнушахся ими. 003 LEV 020 024 И рех к вам: вы наследите землю их, и Аз дам вам ю в притяжание, землю текущую медом и млеком, Аз Господь Бог ваш, отлучивый вас от всех язык. 003 LEV 020 025 И отлучите себе между скоты чистыми и между скоты нечистыми, и между птицами чистыми и нечистыми: и не оскверните душ ваших в скотех и в птицах и во всех гадех земных, яже Аз отлучих вам в нечистоте, 003 LEV 020 026 и будете Ми святи, яко Аз свят есмь Господь Бог ваш, отлучивый вас от всех язык быти Моими. 003 LEV 020 027 И муж или жена иже аще будет от них чревобасник или волшебник, смертию да умрут оба: камением да побиете их, повинни суть. 003 LEV 021 001 И рече Господь к Моисею, глаголя: рцы жерцем сыном Аароним, и речеши им: над душами да не осквернятся в языце своем, 003 LEV 021 002 но разве в дому ближняго своего, над отцем и материю, и сынами и дщерьми, над братом 003 LEV 021 003 и над сестрою своею девою, яже есть ближняя ему, не дана мужу, над сими да осквернятся: 003 LEV 021 004 да не осквернится внезапу в людех своих, во осквернение свое. 003 LEV 021 005 И да не обриете главы по мертвем, и обличия брады да не обриют, и на плотех своих да не сотворят язв: 003 LEV 021 006 святи да будут Богу своему и не осквернят имене Бога своего: жертвы бо Господни дары Бога своего сами приносят, и будут святи. 003 LEV 021 007 Жены блудницы и осквернены да не поймут, и жены изгнаныя от мужа ея да не поймут: яко святи суть Господу Богу своему: 003 LEV 021 008 и да освятиши его: дары Господа Бога вашего сей приносит, свят будет: яко свят Аз есмь Господь Бог ваш освящая их. 003 LEV 021 009 И дщерь человека жерца аще осквернится, еже соблудити, имя отца своего сия оскверняет: огнем да сожжется. 003 LEV 021 010 И жрец великий от братий своих, емуже возлиян на главу елей помазания, и совершенный, еже облачитися в ризы, главы да не открыет, и риз своих да не раздерет, 003 LEV 021 011 и ко всякой души умершей да не приидет: над отцем своим и над материю своею да не осквернится, 003 LEV 021 012 и от святых да не изыдет, и да не осквернит имене святаго Бога своего, яко святый елей помазания Бога его на нем: Аз Господь. 003 LEV 021 013 Сей в жену деву от рода своего да поймет: 003 LEV 021 014 вдовицы же и изгнаныя, и оскверненыя и блудницы, сих да не поймет: но девицу от племене своего да поймет в жену: 003 LEV 021 015 и да не осквернит семене своего в людех своих: Аз Господь Бог освящаяй его. 003 LEV 021 016 И рече Господь к Моисею, глаголя: 003 LEV 021 017 рцы ко Аарону, глаголя: человек от рода твоего в родех ваших, аще коему будет на нем порок, да не приступит приносити дары Бога своего: 003 LEV 021 018 всяк человек, емуже аще будет на нем порок, да не приступит: человек слеп, или хром, или корносый, или ухорезан, 003 LEV 021 019 или человек, емуже есть сокрушение руки или сокрушение ноги, 003 LEV 021 020 или горбат, или гноеточив очима, или бельмоочен, или человек, на немже суть красты дивия, или лишаи, или единоятрный: 003 LEV 021 021 всяк, емуже аще будет на нем порок от семене Аарона жерца, да не приступит принести жертв Богу твоему, зане порок на нем: даров Божиих да не приступит приносити: 003 LEV 021 022 дары Бога своего святая святых, и от святых да снест: 003 LEV 021 023 обаче к завесе да не приступит, и ко олтарю да не приближится, яко порок имать: и да не осквернит святилища Бога своего, яко Аз Господь освящаяй их. 003 LEV 021 024 И глагола Моисей ко Аарону и сыном его, и ко всем сыном Израилевым. 003 LEV 022 001 И рече Господь к Моисеовы, глаголя: 003 LEV 022 002 рцы Аарону и сыном его, да внимают от святынь сынов Израилевых, и да не осквернят имене святаго Моего, елика они освящают Ми: Аз Господь. 003 LEV 022 003 Рцы им: в роды вашя всяк человек, иже аще приступит от всякаго семене вашего ко святым, елика аще освятят сынове Израилевы Господу, и нечистота его на нем будет, потребится душа оная от Мене: Аз Господь Бог ваш. 003 LEV 022 004 И человек от семене Аарона жерца, и сей прокажен, или семя изливает, от святых да не снест, дондеже очистится: и прикасаяйся всякой нечистоте души, или человек, емуже аще изыдет от его ложа семя, 003 LEV 022 005 или иже аще прикоснется всякому гаду нечисту, иже осквернит его, или человеку, иже осквернит его, по всякой нечистоте его: 003 LEV 022 006 душа, яже аще прикоснется их, нечиста будет до вечера: да не снест от святых, аще не омыет тела своего водою, 003 LEV 022 007 и зайдет солнце, и чист будет: и тогда да снест от святых, яко хлеб его есть. 003 LEV 022 008 Мертвечины и звероядины да не снест, еже осквернитися ему в них: Аз Господь. 003 LEV 022 009 И да сохранят повеления Моя, да не приимут сих ради греха, и измрут за них, аще осквернят их: Аз Господь Бог освящаяй их. 003 LEV 022 010 И всяк иноплеменник да не снест святынь: приселник иереев или наемник да не снест святынь. 003 LEV 022 011 Аще же жрец пристяжет душу пристяжаную сребром, сия да снест хлебы его: и домочадцы его, и сии да снедят хлебы его. 003 LEV 022 012 И дщерь человека жерца, аще посягнет за мужа иноплеменника, сия от начатков святых да не снест. 003 LEV 022 013 И дщерь жерца аще будет вдова или отпущена, плода же не будет ей, возвратится в дом отца своего, по юности своей, от хлебов отца своего да снест: всяк же иноплеменник да не снест от них. 003 LEV 022 014 И человек, иже аще яст святая по неведению, и да приложит пятую свою часть ко истому, и да даст сие жерцу святое. 003 LEV 022 015 И да не осквернят святынь сынов Израилевых, ихже они отделяют Господу: 003 LEV 022 016 и да не наведут на себе беззаконие преступления, внегда ясти им святыню их, яко Аз Господь освящаяй их. 003 LEV 022 017 И рече Господь к Моисею, глаголя: 003 LEV 022 018 глаголи Аарону и сыном его и всему сонму Израилеву и речеши к ним: человек человек от сынов Израилевых, или от пришлец прилежащих к ним во Израили, иже аще принесет дары своя по всякому исповеданию своему, или по всякому изволению своему, елика аще принесут Господу на всесожжение, 003 LEV 022 019 приятны вам непорочны мужеск пол от стад волов, или от овен и от коз: 003 LEV 022 020 всех, елика аще имут порок на себе, да не принесут Господу, понеже неприятно будет вам. 003 LEV 022 021 И человек иже аще принесет жертву спасения Господу, отлучив обет или по изволению, или в праздники вашя, от стад волов или от овец, непорочно да будет в приятие, всяк порок да не будет на нем: 003 LEV 022 022 слепо, или сокрушено, или язык урезан имущо, или червиво, или крастово, или лишаво, да не принесут тех Господу, и в жертву не дадите от них на олтарь Господви: 003 LEV 022 023 и телца или овцу ухорезну, или безхвостну, в заколение сотвориши я себе (по изволению), в обет же твой да не приимется: 003 LEV 022 024 емуже суть ятра сокрушена, и емуже раздавлена, и изрезана, и исторжена, да не принесете сих Господу, и в земли вашей да не сотворите. 003 LEV 022 025 И от руки иноплеменника да не принесете даров Богу вашему от всех сих, яко вреждения суть на них, порок на них, не приимутся сия от вас. 003 LEV 022 026 И рече Господь к Моисею, глаголя: 003 LEV 022 027 телец, или овча, или козля, егда родится, да будет седмь дний под материю своею, в день же осмый и далее принесется в дар, принос Господу: 003 LEV 022 028 и телца и овчате вкупе с материю да не заколете в един день, 003 LEV 022 029 аше же пожреши жертву обет радования Господви, приятно вам пожрите е: 003 LEV 022 030 сия в тойже день да снестся, да не оставите от мяс на утрие: Аз есмь Господь. 003 LEV 022 031 И сохраните заповеди Моя и сотворите я: Аз Господь: 003 LEV 022 032 и не оскверните имене Святаго, и освящуся посреде сынов Израилевых: Аз Господь освящаяй вас, 003 LEV 022 033 изведый вы из земли Египетския, яко быти вам в Бога: Аз Господь. 003 LEV 023 001 И рече Господь к Моисею, глаголя: 003 LEV 023 002 глаголи сыном Израилевым и речеши к ним: праздницы Господни, яже наречете нарочитыя святыя, сии суть праздницы Мои: 003 LEV 023 003 в шесть дний да сотвориши дела, и в день седмый суббота, покой нареченный свят Господви, всякаго дела да не сотворите: суббота есть Господви во всем обитании вашем. 003 LEV 023 004 Сии праздницы Господу наречены святи, яже наречете сия во времена их: 003 LEV 023 005 в первем месяце в четвертыйнадесять день месяца, между вечерними, Пасха Господу: 003 LEV 023 006 и в пятыйнадесять день месяца перваго праздник опресноков Господу: седмь дний опресноки да ясте. 003 LEV 023 007 И день первый наречен свят будет вам: всякаго дела работня не сотворите: 003 LEV 023 008 и да принесете всесожжения Господу седмь дний, и день седмый наречен свят будет вам: всякаго дела работня не сотворите. 003 LEV 023 009 И рече Господь к Моисею, глаголя: 003 LEV 023 010 глаголи сыном Израилевым и речеши к ним: егда внидете в землю, юже Аз даю вам, и пожнете жатву ея, и принесете снопы начаток жатвы вашея к жерцу, 003 LEV 023 011 и вознесет сноп пред Господа приятен вам: на утрие перваго дне субботы да вознесет его жрец. 003 LEV 023 012 И сотворите в день, в оньже аще принесете сноп, овча непорочно единолетно во всесожжение Господу: 003 LEV 023 013 и жертву его две десятины муки пшеничны спряжены в елеи: жертва Господу, в воню благовония Господу: и возлияние его вина четвертую часть ина. 003 LEV 023 014 И хлеба, и пряженых класов новых да не снесте, даже до того дне самаго, дондеже принесете вы дары Богу вашему: законно вечно в роды ваша во всем населении вашем. 003 LEV 023 015 И сочтите себе от наутрия суббот, от дне, в оньже аще принесете снопы возложения, седмь седмиц целых 003 LEV 023 016 даже до наутрия последния седмицы да сочтете пятьдесят дний, и да принесете жертву нову Господу. 003 LEV 023 017 От вселения вашего да принесете хлебы возложение, два хлеба: от двух десятин муки пшеничны да будут, квашены да испекутся от первых плодов Господу: 003 LEV 023 018 и да принесете со хлебами седмь агнцев непорочных единолетных, и телца единаго от стад, и овна два непорочна: и будут во всесожжение Господу, и жертвы их, и возлияния их, жертва воня благовония Господу. 003 LEV 023 019 И сотворите козла от коз единаго о гресе, и два агнца единолетна в жертву спасения с хлебами первых жит. 003 LEV 023 020 И да возложит я жрец с хлебами первых жит, возложение пред Господем со обема агнцы: свята будут Господу, жерцу иже приносит я, тому да будут. 003 LEV 023 021 И прозовете сей день, нарочит свят будет вам: всякаго дела работня не сотворите в онь: законно вечно в роды вашя во всем населении вашем. 003 LEV 023 022 И егда жнете жатву земли вашея, не потребите останка жатвы нивы своея, егда жнете, и от падающих от жатвы вашея да не собереши: нищему и пришелцу оставиши я: Аз Господь Бог ваш. 003 LEV 023 023 И рече Господь к Моисею, глаголя: 003 LEV 023 024 рцы сыном Израилевым, глаголя: месяца седмаго, в первый день месяца, да будет вам покой, память труб: наречен свят будет вам: 003 LEV 023 025 всякаго дела работня не сотворите, и принесете всесожжение Господу. 003 LEV 023 026 И рече Господь к Моисею, глаголя: 003 LEV 023 027 и в десятый день седмаго месяца сего день очищения, наречен свят да будет вам: и смирите душы вашя, и принесите всесожжение Господу: 003 LEV 023 028 всякаго дела не сотворите в самый день сей: есть бо день очищения сей вам, Їмолити о вас пред Господем Богом вашим: 003 LEV 023 029 всяка бо душа, яже не покорится в день той, потребится от людий своих: 003 LEV 023 030 и всяка душа, яже сотворит дело в самый день сей, погибнет душа та от людий своих: 003 LEV 023 031 всякаго дела не сотворите, законно вечно в роды вашя, во всех селениих ваших. 003 LEV 023 032 Субботы суббот будут вам: и смирите душы вашя, от девятаго дне месяца от вечера, даже до десятаго дне месяца, до вечера, субботствуйте субботы вашя. 003 LEV 023 033 И рече Господь к Моисею, глаголя: 003 LEV 023 034 рцы сыном Израилевым, глаголя: в пятыйнадесять день месяца седмаго сего, праздник кущей седмь дний Господу: 003 LEV 023 035 и день первый наречен свят будет: всякаго дела работня не сотворите: 003 LEV 023 036 седмь дний да принесете всесожжения Господу: и день осмый наречен свят будет вам, и принесете всесожжения Господу: исходное есть, всякаго дела работня не сотворите. 003 LEV 023 037 Сии праздницы Господни, яже наречете нарочиты святы, еже приносити приносы Господу: всесожжения и жертвы их, и возлияния их от дне до дне, 003 LEV 023 038 кроме суббот Господних и кроме даров ваших, и кроме всех обетов ваших и кроме благовольных ваших, яже аще дадите Господу. 003 LEV 023 039 И в пятыйнадесять день месяца седмаго сего, егда скончаете жита земли, празднуйте Господу седмь дний: в день первый покой, и в день осмый покой: 003 LEV 023 040 и да возмете себе в день первый плод древа красен, и ветвь финическую, и ветви древа частыя, и вербы, и агновы ветви от потока, и возвеселитеся пред Господем Богом вашим седмь дний в лето: 003 LEV 023 041 законно вечно в роды вашя, в месяц седмый празднуйте его: 003 LEV 023 042 в кущах да пребудете седмь дний: всяк туземец во Израили да пребудет в кущах: 003 LEV 023 043 яко да уведят роды вашя, яко в кущах вселих сыны Израилевы, внегда извести мне их из земли Египетския: Аз Господь Бог ваш. 003 LEV 023 044 И поведа Моисей праздники Господни сыном Израилевым. 003 LEV 024 001 И рече Господь к Моисею, глаголя: 003 LEV 024 002 заповеждь сыном Израилевым, да возмут ти елей от масличия чист исцежен в светение, да горит светило всегда, 003 LEV 024 003 вне завесы в скинии свидения, и возжигати будут его Аарон и сынове его от вечера до заутра пред Господем непрестанно, законно вечно в роды вашя: 003 LEV 024 004 на светилнице чистем возжигати будете светила пред Господем даже до утра. 003 LEV 024 005 И возмете муки пшеничны, и сотворите от нея дванадесять хлебов: дву десятин да будет хлеб един: 003 LEV 024 006 и возложите их на два положения, по шести хлебов едино положение на трапезе чисте пред Господем: 003 LEV 024 007 и возложите на едино положение ливан чист и соль, и да будут хлебы в память предлежащыя пред Господем: 003 LEV 024 008 в день субботы да предлагаются пред Господем всегда от сынов Израилевых, завет вечный: 003 LEV 024 009 и да будут Аарону и сыном его, и да снедят я на месте святе, суть бо святая святых: сие им от жертв Господу в закон вечный. 003 LEV 024 010 И изыде сын жены Израилтяныни, и сей бе сын Египтянина в сынех Израилевых: и пряхуся в полце иже от Израилтяныни и муж Израилтянин: 003 LEV 024 011 и нарек сын жены Израилтяныни имя (Господне) прокля. И приведоша его к Моисею. Имя же матере его Саломииф, дщерь Давриина, от племене Данова. 003 LEV 024 012 И ввергоша его в темницу, разсудити о нем повелением Господним. 003 LEV 024 013 И рече Господь к Моисею, глаголя: 003 LEV 024 014 изведи клявшаго вне полка, и да возложат вси слышавшии руце свои на главу его, и да побиют его камением весь сонм: 003 LEV 024 015 и сыном Израилевым глаголи и речеши к ним: человек человек, иже аще прокленет Бога своего, грех приимет: 003 LEV 024 016 нарицаяй же имя Господне смертию да умрет: камением да побиют его весь сонм израильский: аще туземец, или пришлец, егда наречет имя Господне, да умрет: 003 LEV 024 017 и человек, иже аще поразит всяку душу человечу, и умрет, смертию да умрет: 003 LEV 024 018 и иже аще ударит скота, и умрет, да воздаст душу вместо души: 003 LEV 024 019 и аще кто сотворит порок ближнему, якоже сотвори ему, такожде и ему да сотворят: 003 LEV 024 020 изломление за изломление, око за око, зуб за зуб: якоже сотворил порок человеку, такожде да сотворят и ему: 003 LEV 024 021 иже аше ударит человека, и умрет смертию да умрет: 003 LEV 024 022 оправдание едино будет пришелцу и туземцу, яко Аз есмь Господь Бог ваш. 003 LEV 024 023 И глагола Моисей к сыном Израилевым, и изведоша клявшаго вне полка, и побиша его камением весь сонм: и сынове Израилевы сотвориша, якоже заповеда Господь Моисею. 003 LEV 025 001 И рече Господь к Моисею на горе Синайстей, глаголя: 003 LEV 025 002 глаголи сыном Израилевым и речеши к ним: егда внидете в землю, юже Аз даю вам, и почиет земля, юже Аз даю вам, субботы Господу. 003 LEV 025 003 Шесть лет да сееши ниву твою, и шесть лет да режеши виноград твой и собереши плод его: 003 LEV 025 004 в седмое же лето суббота, покой да будет земли, суббота Господня: нивы твоея сеяти и винограда твоего резати не будеши, 003 LEV 025 005 и сама собою произрастающая нивы твоея да не пожнеши, и винограда отлучения твоего да не собереши: лето покоя будет земли. 003 LEV 025 006 И будут субботы земли яди тебе, и рабу твоему и рабыни твоей, и наемнику твоему и обиталнику прилежащему к тебе, 003 LEV 025 007 и скотом твоим и зверем сущым на земли твоей да будет всяк плод его в снедь. 003 LEV 025 008 И исчислиши себе седмь лет покоя, седмь лет седмижды: и будут тебе седмь седмин лет, четыредесять девять лет. 003 LEV 025 009 И возвестите трубным гласом во всей земли вашей месяца седмаго в десятый день месяца: в день очищения возвестите трубою во всей земли вашей. 003 LEV 025 010 И освятите лето, пятьдесятое лето, и разгласите оставление на земли всем живущым на ней: лето оставления знамение сие будет вам: и да отидет кийждо вас в притяжание свое, и кийждо во отечество свое отидете. 003 LEV 025 011 Оставления знамение сие будет вам, лето пятьдесятое, лето будет вам: ни сеяти, ниже жати будете, еже само произникнет на ней, и да не объемлеши освященных (Богу) ея: 003 LEV 025 012 яко оставления знамение есть, свято да будет вам: от нив ядите плоды ея: 003 LEV 025 013 и в лето оставления знамения сего да возвратится кийждо в притяжание свое. 003 LEV 025 014 Аще же отдаси куплею ближнему твоему, или аще притяжеши от ближняго твоего, да не оскорбляет человек ближняго: 003 LEV 025 015 по числу лет по знамении, да притяжеши от ближняго, по числу лет плодов да продастся тебе. 003 LEV 025 016 Якоже аще более лет, умножит притяжание его, и якоже аще мнее лет, уменшит притяжание его: яко число плодов его, тако да продаст тебе. 003 LEV 025 017 Да не оскорбит человек ближняго, и да убоишися Господа Бога твоего: Аз Господь Бог ваш. 003 LEV 025 018 И сотворите вся оправдания Моя и вся суды Моя, сохраните же и сотворите я, и вселитеся на земли уповающе. 003 LEV 025 019 И даст земля плоды своя, и снесте в сытость, и вселитеся на ней уповающе. 003 LEV 025 020 Аще же речете: что ясти будем в седмое лето сие, аще не сеем, ни собираем плодов своих, 003 LEV 025 021 и послю благословение Мое вам в лето шестое, и сотворит плоды своя на три лета: 003 LEV 025 022 и посеете в лето осмое, и снесте от плодов ветхих даже до лета девятаго: дондеже приспеют плоды ея, снесте ветхая ветхих. 003 LEV 025 023 И земля да не продастся во утверждение: Моя бо есть земля, яко пришелцы и приселницы вы есте предо Мною: 003 LEV 025 024 и по всей земли одержания вашего, искуп дадите земли. 003 LEV 025 025 Аще же нищетствует брат твой, иже с тобою, и продаст от одержания своего, да приидет ужик ближний ему и искупит продание брата своего. 003 LEV 025 026 Аще же не будет кому ужика, и возможет рука его обрести доволен искуп его, 003 LEV 025 027 и исчислит лета продания его, и воздаст еже излише имать, человеку емуже продано бе оное, и возвратится во одержание свое. 003 LEV 025 028 Аще же не обрящет рука его доволное, еже отдати ему, да будет проданое купившему е даже до шестаго лета оставления, и изыдет во оставление, и возвратится во одержание свое. 003 LEV 025 029 Аще же кто продаст дом обитаемый во граде огражденнем, и будет искупление его, дондеже исполнится: лето дний будет искупление его. 003 LEV 025 030 Аще же не искупит, дондеже скончается лето все, да укрепится дом сущий во граде имущем ограждение в твердость купившему его, в роды его, и не возвратится во оставление. 003 LEV 025 031 Домы же иже на селех, имже несть окрест их ограждения, к селу земли да приложатся: искупуемы всегда да будут, и во оставление да возвратятся. 003 LEV 025 032 И гради левитстии, домы градов одержания их, искупуемы да будут всегда левитом. 003 LEV 025 033 И иже аще искупит от левит: и изыдет продание домов града одержания их во оставление, яко домы градов левитских одержание их, посреде сынов Израилевых. 003 LEV 025 034 И села отделеная градом их да не продадутся, яко одержание вечное сие их есть. 003 LEV 025 035 Аще же нищетствует брат твой, иже с тобою, и изнеможет руками у тебе, заступи его яко пришелца и приселника, да поживет брат твой с тобою: 003 LEV 025 036 да не возмеши от него лихвы, ниже более (данаго), и убоишися Бога твоего: Аз Господь: и поживет брат твой с тобою. 003 LEV 025 037 Сребра твоего да не даси ему в лихву, и ради прибытка не даси ему пищей твоих. 003 LEV 025 038 Аз Господь Бог ваш, изведый вы из земли Египетския, еже дати вам землю Ханаанску, яко быти Мне Богу вашему. 003 LEV 025 039 Аще же оубожает брат твой у тебе, и продастся тебе, да не поработает тебе работы рабския: 003 LEV 025 040 аки наемник или пришлец да будет тебе, даже до лета оставления делати будет у тебе, 003 LEV 025 041 и да изыдет от тебе, и дети его с ним в лето оставления, и да отидет в род свой, и во одержание отчее свое возвратится, 003 LEV 025 042 понеже раби Мои суть сии, ихже изведох из земли Египетския, да не продастся проданием рабиим: 003 LEV 025 043 да не отяготиши его трудом, и убоишися Господа Бога твоего. 003 LEV 025 044 И раб и рабыня, иже ще будут у тебе от язык, иже окрест тебе суть, от тех да притяжете раба и рабыню. 003 LEV 025 045 И от сынов приселничих, иже суть в вас, от сих притяжете, и от сродников их, елицы аще будут в земли вашей, да будут вам во одержание, 003 LEV 025 046 и да разделите я детем вашым по вас, и да будут вам во одержание во век: братии же вашея, сынов Израилевых, кийждо брата своего да не отяготит его в трудех. 003 LEV 025 047 Аще же обрящет рука пришелца или приселника иже у тебе, и обнищав брат твой продастся к пришелцу или приселнику иже у тебе, или родившемуся от рода пришелча, 003 LEV 025 048 по продании ему, искуп да будет ему, един от братий его да искупит его: 003 LEV 025 049 брат отца его, или сын брата отца его, да искупит его, или от свойственных плоти племене его искупит его: аще же возможет рука его, искупит себе, 003 LEV 025 050 да сочтется с притяжавшим его, от лета в неже продася ему даже до лета оставления, и будет сребро продания его аки день наемника: от лета до лета да будет с ним. 003 LEV 025 051 Аще же кому множае лет будет, против тех отдаст искуп свой, от сребра продания своего. 003 LEV 025 052 Аще же мало останется от лет до лета оставления, и да сочтет ему по летом его, и отдаст искуп его аки наемник: 003 LEV 025 053 от года до года да будет с ним: да не отяготиши его трудом пред тобою. 003 LEV 025 054 Аше же не искупится по сим, да изыдет в лето оставления сам и дети его с ним: 003 LEV 025 055 яко Мои сынове Израилевы раби суть, отроцы Мои сии суть, ихже изведох из земли Египетския: Аз Господь Бог ваш. 003 LEV 026 001 Не сотворите себе (образов) рукотвореных, ниже изваяных, ниже столпа поставите себе, ниже камене поставите в земли вашей во знамение, ко еже покланятися ему: Аз есмь Господь Бог ваш. 003 LEV 026 002 Субботы Моя сохраните, и от святых Моих убойтеся: Аз есмь Господь. 003 LEV 026 003 Аще в повелениих Моих ходите, и заповеди Моя сохранитеи сотворите я: 003 LEV 026 004 и дам дождь вам во время свое, и земля даст плоды своя, и древеса селная отдадят плод свой: 003 LEV 026 005 и постигнет вам млачение (жит) обрание вина, и обрание вина постигнет сеятву, и снесте хлеб ваш в сытость, и вселитеся с твердостию на земли вашей, и рать не пройдет сквозе землю вашу: 003 LEV 026 006 и дам мир в земли вашей, и уснете, и не будет устрашаяй вас: и погублю звери лютыя от земли вашея: 003 LEV 026 007 и рать сквозе землю вашу не пройдет, и поженете враги вашя, и падут пред вами убиением: 003 LEV 026 008 и поженут от вас пять сто, и сто вас поженет тмы, и падут врази ваши пред вами мечем: 003 LEV 026 009 и призрю на вас и благословлю вас, и возращу вас и умножу вас, и поставлю завет Мой с вами: 003 LEV 026 010 и снесте ветхая и ветхая ветхих, и ветхая от лица новых изнесете: 003 LEV 026 011 и поставлю завет Мой в вас, и не возгнушается душа Моя вами: 003 LEV 026 012 и похожду в вас, и буду вам Бог, и вы будете Ми людие: 003 LEV 026 013 Аз есмь Господь Бог ваш, изведый вас из земли Египетския, сущым вам рабом: и сокруших узы ярма вашего, и изведох вас со дерзновением. 003 LEV 026 014 Аше же не послушаете Мене, ниже сотворите повелений Моих сих, 003 LEV 026 015 но ни покоритеся им, и о судбах Моих вознегодует душа ваша, яко не творити вам всех заповедий Моих, яко разорити завет Мой, 003 LEV 026 016 и Аз сотворю сице вам, и наведу на вас скудость и красту, и желтяницу вреждающую очи ваша и душы вашя истаевающую: и посеете вотще семена ваша, и поядят я супостаты вашя: 003 LEV 026 017 и утвержу лице Мое на вас, и падете пред враги вашими, и поженут вы ненавидящии вас, и побегнете ни комуже гонящу вас. 003 LEV 026 018 И аще до сего не послушаете Мене, и приложу наказати вы язвами седмижды за грехи вашя: 003 LEV 026 019 и сокрушу досаждение гордыни вашея, и положу небо вам аки железно, и землю вашу аки медяну: 003 LEV 026 020 и будет вотще крепость ваша, и не даст земля ваша семене своего, и древа села вашего не дадут плода своего. 003 LEV 026 021 И аще по сих пойдете страною и не восхощете послушати Мене, приложу вам язв седмь по грехом вашым, 003 LEV 026 022 и послю на вы звери лютыя земныя, и изядят вы и потребят скоты вашя, и умалены сотворю вы, и пусты будут путие ваши. 003 LEV 026 023 И аще сими не накажетеся, но пойдете ко Мне страною, 003 LEV 026 024 пойду и Аз с вами в ярости страною, и поражу вы и аз седмижды грех ради ваших, 003 LEV 026 025 и наведу на вы мечь мстяй месть завета, и вбегнете в грады вашя: и послю на вы смерть, и предани будете в руце враг ваших: 003 LEV 026 026 внегда скорбети вам скудостию хлебов, и испекут десять жен хлебы вашя в пещи единей, и отдадят хлебы вашя весом, и ясти будете, и не насытитеся. 003 LEV 026 027 Аще же в сих не послушаете Мене и пойдете ко Мне страною, 003 LEV 026 028 и Аз пойду с вами в ярости страною, и накажу вы аз седмижды по грехом вашым: 003 LEV 026 029 и ясти будете плоти сынов ваших, и плоти дщерей ваших ясти имате, 003 LEV 026 030 и сотворю пустая капища ваша и потреблю древяная рукотворения ваша, и положу трупы вашя на трупех кумир ваших, и возненавидит вас душа Моя: 003 LEV 026 031 и сотворю грады вашя пусты, и опустошу святая ваша, и не обоняю вони жертв ваших: 003 LEV 026 032 и сотворю пусту аз землю вашу, и удивятся о ней врази ваши, живущии на ней: 003 LEV 026 033 и разсыплю вы в языки, и потребит вы находяй мечь, и будет земля ваша пуста, и грады ваши будут пусты. 003 LEV 026 034 Тогда возблаговолит земля субботы своя, во вся дни запустения своего, и вы будете в земли враг ваших: тогда воспразднует земля и возблаговолит субботы своя: 003 LEV 026 035 во вся дни опустения своего воспразднует, яже не празднова в субботах ваших, егда живясте на ней. 003 LEV 026 036 И оставльшымся от вас вложу страх в сердца их в земли враг их, и поженет их глас листа летяща, и побегнут яко бежащии от рати, и падут ни кимже гоними. 003 LEV 026 037 И презрит брат брата аки на рати, ни кому нападающу, и не возможете противустати врагом вашым: 003 LEV 026 038 и погибнете в языцех, и потребит вас земля враг ваших. 003 LEV 026 039 И оставльшиися от вас истлеют за грехи своя и за грехи отец своих, в земли враг своих истают, 003 LEV 026 040 и исповедят грехи своя и грехи отец своих, яко преступиша и презреша Мя, и яко ходиша предо Мною страною: 003 LEV 026 041 и Аз пойду с ними в ярости страною и погублю их в земли врагов их: тогда усрамится сердце их необрезаное и тогда познают грехи своя: 003 LEV 026 042 и помяну завет Иаковль и завет Исааков, и завет Авраамль помяну, 003 LEV 026 043 и землю помяну, и земля останется от них. Тогда приимет земля субботы своя, внегда опустети ей их ради: и они приимут своя беззакония, ихже ради презреша судбы Моя, и о повелениих Моих вознегодова душа их: 003 LEV 026 044 обаче сущым им в земли врагов своих, не презрех их, ниже вознегодовах о них, яко потребити я и разорити завет Мой иже к ним: Аз бо есмь Господь Бог их. 003 LEV 026 045 И помяну завет их первый, егда изведох их из земли Египетския, из дому работы пред языки, еже быти Мне Богу их: Аз есмь Господь. 003 LEV 026 046 Сия судбы Моя и повеления Моя, и закон, егоже даде Господь между Собою и между сыны Израилевы, на горе Синайстей, рукою Моисеовою. 003 LEV 027 001 И рече Господь к Моисею, глаголя: 003 LEV 027 002 глаголи сыном Израилевым и речеши к ним, глаголя: человек, иже аще обещает обет, яко цену души своея Господу, 003 LEV 027 003 да будет цена мужеска полу от двадесяти лет до шестидесяти лет, да будет цена его пятьдесят дидрахм сребра весом святым, 003 LEV 027 004 женска же полу да будет цена тридесять дидрахм: 003 LEV 027 005 аще же от пяти лет до двадесяти лет, да будет цена мужеску полу двадесять дидрахм, женску же полу десять дидрахм: 003 LEV 027 006 от месяца же единаго до пяти лет, да будет цена мужеска полу пять дидрахм сребра, женска же полу три дидрахмы сребра: 003 LEV 027 007 аще же от шестидесяти лет и вышше, аще убо мужеск пол будет, да будет цена его пятьнадесять дидрахм сребра, аще же женск пол, десять дидрахм. 003 LEV 027 008 Аще же убог будет ценою своею, да станет пред жерцем, и да оценит его жрец: якоже может рука обещавшагося, тако оценит его жрец. 003 LEV 027 009 Аще же от скотов приносимых от них дар Господу, иже аще даст от сих Господу, будет свято. 003 LEV 027 010 Да не пременит добра злым, ниже зла добрым: аще же изменяя изменит оный скот скотом, да будет и той и пременение свята. 003 LEV 027 011 Аще же всяк скот нечист, от нихже не приносится дар Господу, да поставит скота пред жерцем, 003 LEV 027 012 и оценит его жрец между добрым и между злым: и якоже оценит его жрец, тако да будет. 003 LEV 027 013 Аще же искупуя искупит его, да приложит пятую часть к цене его. 003 LEV 027 014 И человек, иже аще освятит дом свой свят Господу, и оценит его жрец между добрым и между злым: якоже оценит его жрец, тако да станет. 003 LEV 027 015 Аще же освятивый его искупит дом свой, да приложит к сему пятую часть сребра цены его, и будет ему. 003 LEV 027 016 Аще же от нив одержания своего освятит человек Господу, и да будет цена его по сеянию его, за спуд ячменя пятьдесят дидрахм сребра. 003 LEV 027 017 Аще же от лета оставления освятит ниву свою, по цене ея да станет. 003 LEV 027 018 Аще же напоследок по оставлении освятит ниву свою, да причтет ему сребро жрец к летом оставшымся даже до лета оставления, и отимется от цены его 003 LEV 027 019 аще же искупит ниву освятивый ю, да приложит пятую часть сребра к цене ея, и да будет ему. 003 LEV 027 020 Аще же не искупит нивы, и отдаст ниву человеку иному, не ктому да искупит ю: 003 LEV 027 021 но да будет нива минувшу лету оставления, свята хвална Господу, якоже земля отлученая: жерцу да будет во одержание его. 003 LEV 027 022 Аще же от нивы, юже стяжа, яже несть от села одержания его, освятит Господу, 003 LEV 027 023 да сочтет ему жрец останок цены от лета оставления, и да отдаст цену в той день святу Господу: 003 LEV 027 024 и в лето оставления да отдастся нива человеку, от негоже притяжа ю, егоже бе одержание земли. 003 LEV 027 025 И всяка цена да будет весами святыми, двадесять пенязей будет дидрахма. 003 LEV 027 026 И всяк первенец, иже аще родится в скоте твоем, да будет Господу, и да не освятит его никтоже: аще телец, аше овча, Господу есть. 003 LEV 027 027 Аще же от четвероножных нечистых, да пременит по цене его, и да приложит пятую часть его к сему, и да будет ему: аще же не искупится, да продастся по цене его. 003 LEV 027 028 Всяк же обет, егоже аше обещает человек Господу от всех, елика ему суть, от человека даже до скота, и от нив одержания его, не продастся, ниже искупится всякий обет свят святых будет Господу. 003 LEV 027 029 И всяк обет, иже аще обещан будет от человек, не искупится, но смертию да умертвится. 003 LEV 027 030 Всяка десятина земли, от семене земнаго и от плода древянаго Господу есть, свято Господу. 003 LEV 027 031 Аще же искупуя искупит человек десятину свою, пятую часть его да приложит к нему, и да будет ему. 003 LEV 027 032 И всяка десятина волов и овец, и всяко, еже аще приидет в число под жезл десятое, будет свято Господу. 003 LEV 027 033 Не премениши добраго злым, ниже добрым злаго: аще же пременяя премениши е, то и пременение его будет свято, да не искупится, 003 LEV 027 034 сия суть заповеди, яже заповеда Господь Моисею к сыном Израилевым на горе Синайстей. # # BOOK 004 NUM Numbers Числа 004 NUM 001 001 И глагола Господь к Моисею в пустыни Синайстей, в скинии свидения, в первый день месяца втораго, втораго лета изшедшым им от земли Египетския, глаголя: 004 NUM 001 002 возмите сочтение всего сонма сынов Израилевых по сродством их, по домом отечества их, по числу имен их, по главам их: 004 NUM 001 003 всяк мужеск пол от двадесяти лет и вышше, всяк исходяй с силою Израилевою, соглядайте их с силою их, ты и Аарон созирайте их: 004 NUM 001 004 и с вами да будут с силою своею кийждо, кийждо по племени коегождо от князей, по домом отечеств да будут. 004 NUM 001 005 И сия имена мужей, иже станут с вами: от Рувима Елисур сын Седиуров, 004 NUM 001 006 от Симеона Саламиил сын Сурисадаев, 004 NUM 001 007 от Иуды Наассон сын Аминадавль, 004 NUM 001 008 от Иссахара Нафанаил сын Согаров, 004 NUM 001 009 от Завулона Елиав сын Хелонь, 004 NUM 001 010 от сынов Иосифовых, иже от Ефрема, Елисам сын Семиудов, от Манассии Гамалиил сын Фадассуров, 004 NUM 001 011 от Вениаминя Авидан сын Гадеониев, 004 NUM 001 012 от Дана Ахиезер сын Амисадаев, 004 NUM 001 013 от Асира Фагаиил сын Ехранов, 004 NUM 001 014 от Гада Елисаф сын Рагуилов, 004 NUM 001 015 от Неффалима Ахирей сын Енань. 004 NUM 001 016 Сии нареченнии сонма князи от племен, по отечествам их, тысященачалницы Израилевы суть. 004 NUM 001 017 И поя Моисей и Аарон мужы сия нареченныя именем. 004 NUM 001 018 И весь сонм собраша в первый день месяца втораго лета, и соглядаша я по родом их, по отечествам их, по числу имен их, от двадесяти лет и вышше, всяк мужеск пол по главам их, 004 NUM 001 019 якоже повеле Господь Моисею: и соглядашася сии в пустыни Синайстей. 004 NUM 001 020 И быша сынове Рувима, первенца Израилева, по сродством их, по сонмом их, по домом отечеств их, по числу имен их, по главам их, всяк мужеск пол от двадесяти лет и вышше, всяк исходяй с силою, 004 NUM 001 021 соглядание их от племене Рувимля четыредесять шесть тысящ и пять сот. 004 NUM 001 022 Сынов Симеоновых по сродством их, по сонмом их, по домом отечеств их, по числу имен их, по главам их, всяк мужеск пол от двадесяти лет и вышше, всяк исходяй с силою, 004 NUM 001 023 соглядание их от племене Симеоня пятьдесят девять тысящ и триста. 004 NUM 001 024 Сынов Иудиных по сродством их, по сонмом их, по домом отечеств их, по числу имен их, по главам их, всяк мужеск пол от двадесяти лет и вышше, всяк исходяй с силою, 004 NUM 001 025 соглядание их от племене Иудина седмьдесят четыри тысящы и шесть сот. 004 NUM 001 026 От сынов Иссахаровых по сродством их, по сонмом их, по домом отечеств их, по числу имен их, по главам их, всяк мужеск пол от двадесяти лет и вышше, всяк исходяй с силою, 004 NUM 001 027 соглядание их от племене Иссахарова пятьдесят и четыри тысящы и четыре ста. 004 NUM 001 028 От сынов Завулоних по сродством их, по сонмом их, по домом отечеств их, по числу имен их, по главам их, всяк мужеск пол от двадесяти лет и вышше, всяк исходяй с силою, 004 NUM 001 029 соглядание их от племене Завулоня пятьдесят седмь тысящ и четыре ста. 004 NUM 001 030 От сынов Иосифовых, сынов Ефремлих по сродством их, по сонмом их, по домом отечеств их, по числу имен их, по главам их, всяк мужеск пол от двадесяти лет и вышше, всяк исходяй с силою, 004 NUM 001 031 соглядание их от племене Ефремля четыредесять тысящ и пять сот. 004 NUM 001 032 От сынов Манассииных по сродством их, по сонмом их, по домом отечеств их, по числу имен их, по главам их, всяк мужеск пол их от двадесяти лет и вышше, всяк исходяй с силою, 004 NUM 001 033 соглядание их от племене Манассиина тридесять и две тысящи и двести. 004 NUM 001 034 От сынов Вениаминовых по сродством их, по сонмом их, по домом отечеств их, по числу имен их, по главам их, всяк мужеск пол их от двадесяти лет и вышше, всяк исходяй с силою, 004 NUM 001 035 соглядание их от племене Вениаминя тридесять и пять тысящ и четыре ста. 004 NUM 001 036 От сынов Гадовых, по сродством их, по сонмом их, по домом отечеств их, по числу имен их, по главам их, всяк мужеский пол их от двадесяти лет и вышше, всяк исходяй с силою, 004 NUM 001 037 соглядание их от племене Гадова четыредесять пять тысящ и шесть сот пятьдесят. 004 NUM 001 038 От сынов Дановых по сродством их, по сонмом их, по домом отечеств их, по числу имен их, по главам их, всяк мужеск пол их от двадесяти лет и вышше, всяк исходяй с силою, 004 NUM 001 039 соглядание их от племене Данова шестьдесят и две тысящы и седмь сот. 004 NUM 001 040 От сынов Асировых по сродством их, по сонмом их, по домом отечеств их, по числу имен их, по главам их, всяк мужеск пол их от двадесяти лет и вышше, всяк исходяй с силою, 004 NUM 001 041 соглядание их от племене Асирова четыредесять едина тысяща и пять сот. 004 NUM 001 042 От сынов Неффалимлих по сродством их, по сонмом их, по домом отечеств их, по числу имен их, по главам их, всяк мужеск пол их от двадесяти лет и вышше, всяк исходяй с силою, 004 NUM 001 043 соглядание их от племене Неффалимля пятьдесят и три тысящы и четыре ста. 004 NUM 001 044 Сие сочисление, еже соглядаша Моисей и Аарон и князи Израилевы, дванадесять мужей, муж един от племене единаго, по племени домов отечества их быша. 004 NUM 001 045 И бысть всего соглядания сынов Израилевых с силою их, от двадесяти лет и вышше, всяк исходяй ополчатися во Израили, 004 NUM 001 046 шесть сот тысящ и три тысящы и пять сот и пятьдесят. 004 NUM 001 047 Левити же от племене отечества их не сочислишася в сынех Израилевых. 004 NUM 001 048 И рече Господь к Моисею, глаголя: 004 NUM 001 049 виждь, плеюмене Левиина да на сочислиши, и числа их да не приимеши среди сынов Израилевых: 004 NUM 001 050 и ты пристави левиты к скинии свидения и ко всем сосудом ея, и ко всем, елика суть в ней: да носят сии скинию и вся сосуды ея, и тии да служат в ней, и окрест скинии да ополчаются: 004 NUM 001 051 и внегда воздвизати скинию, да снимают ю левити, и внегда поставити скинию, да возставят: и иноплеменник приступаяй да умрет. 004 NUM 001 052 И да ополчаются сынове Израилевы, всяк в своем чине и всяк по своему старейшинству, с силою своею: 004 NUM 001 053 левити же да ополчаются сопротив, окрест скинии свидения, и не будет согрешения в сынех Израилевых, и да стрегут левити сами стражу скинии свидения. 004 NUM 001 054 И сотвориша сынове Израилевы по всем, елика заповеда Господь Моисею и Аарону, тако сотвориша. 004 NUM 002 001 И рече Господь к Моисею и Аарону, глаголя: 004 NUM 002 002 человек держайся по чину своему, по знамениям, по домом отечеств своих, да ополчаются сынове Израилевы пред Господем, окрест скинии свидения да ополчаются сынове Израилевы. 004 NUM 002 003 И ополчающиися первии на восток чин полка Иудина с силою их, и князь от сынов Иудиных Наассон сын Аминадавль: 004 NUM 002 004 сила его согляданая седмьдесят и четыри тысящы и шесть сот. 004 NUM 002 005 И ополчающиися близ от племене Иссахарова, и князь сынов Иссахаровых Нафанаил сын Согаров: 004 NUM 002 006 сила его согляданая пятьдесят и четыри тысящы и четыре ста. 004 NUM 002 007 И ополчающиися близ от племене Завулоня, и князь сынов Завулоних Елиав сын Хелонь: 004 NUM 002 008 сила его согляданая пятьдесят седмь тысящ и четыре ста. 004 NUM 002 009 Всех сочтеных от полка Иудина сто осмьдесят шесть тысящ и четыре ста, с силою их первии да воздвизаются. 004 NUM 002 010 Чины полка Рувимля к югу с силою его, и князь сынов Рувимлих Елисур сын Седиуров: 004 NUM 002 011 сила его согляданая четыредесять и шесть тысящ и пять сот. 004 NUM 002 012 И ополчающиися близ его от племене Симеоня, и князь сынов Симеоних Саламииль сын Сурисадаин: 004 NUM 002 013 сила его сочтеная пятьдесят и девять тысящ и три ста. 004 NUM 002 014 И ополчающиися близ его от племене Гадова, и князь сынов Гадовых Елисаф сын Рагуиль: 004 NUM 002 015 сила его согляданая четыредесять и пять тысящ и шесть сот и пятьдесят. 004 NUM 002 016 Всех же сочтеных полка Рувимля сто пятьдесят едина тысяща и четыре ста и пятьдесят, с силою их втории да воздвизаются. 004 NUM 002 017 И да воздвигнется скиния свидения и полк левитский посреде полков: якоже ополчатся, тако и да воздвигнутся, кийждо держася по чину своему. 004 NUM 002 018 Чин полка Ефремля к морю с силою их, и князь сынов Ефремлих Елисама сын Емиудов: 004 NUM 002 019 сила его сочтеная четыредесять тысящ и пять сот. 004 NUM 002 020 И ополчающиися близ племя Манассиино, и князь сынов Манассииных Гамалиил сын Фадассуров: 004 NUM 002 021 сила его согляданая тридесять две тысящы и двести. 004 NUM 002 022 И ополчающиися близ от племене Вениаминя, и князь сынов Вениаминих Авидан сын Гадеониев: 004 NUM 002 023 сила его сочтеная тридесять пять тысящ и четыре ста. 004 NUM 002 024 Всех сочтеных полка Ефремля сто осмь тысящ и сто, с силою их гретии да воздвизаются. 004 NUM 002 025 Чин полка Данова к северу с силою их, и князь сынов Дановых Ахиезер сын Амисадаин: 004 NUM 002 026 сила его согляданая шестьдесят две тысящы и седмь сот. 004 NUM 002 027 И ополчающиися близ его племя Асирово, и князь сынов Асировых Фагаиил сын Ехранов: 004 NUM 002 028 сила его согляданая четыредесять едина тысяща и пять сот. 004 NUM 002 029 И ополчающиися близ племя Неффалимле, и князь сынов Неффалимлих Ахирей сын Енань: 004 NUM 002 030 сила его согляданая пятьдесят три тысящы и четыре ста. 004 NUM 002 031 Всех сочтеных полка Данова сто пятьдесят седмь тысящ и шесть сот, с силою их последнии да воздвизаются по чину своему. 004 NUM 002 032 Сие сочтение сынов Израилевых по домом отечеств их: вся соглядания полков с силами их шесть сот три тысящы и пять сот пятьдесят. 004 NUM 002 033 Левити же не соглядашася среди сынов Израилевых, якоже заповеда Господь Моисею. 004 NUM 002 034 И сотвориша сынове Израилевы вся, елика заповеда Господь Моисею: тако ополчахуся по чином своим, и тако воздвизахуся кийждо близ по сонмом своим, по домом отечеств своих. 004 NUM 003 001 И сия рождения Аарона и Моисеа, в день в оньже глагола Господь Моисею на горе Синайстей: 004 NUM 003 002 и сия имена сынов Аароних: первенец Надав и Авиуд, и Елеазар и Ифамар: 004 NUM 003 003 сия имена сынов Аароних, жерцы помазаныя, имже совершишася руце их жрети: 004 NUM 003 004 и скончашася Надав и Авиуд пред Господем, приносящым им огнь чуждь пред Господем в пустыни Синайстей, и чад не бе им: и жречествоваху Елеазар и Ифамар со Аароном, отцем своим. 004 NUM 003 005 И рече Господь к Моисею, глаголя: 004 NUM 003 006 поими племя Левиино, и поставиши я пред Аароном жерцем, и да служат ему: 004 NUM 003 007 и да стрегут стражбы его и стражбы сынов Израилевых пред скиниею свидения, делати дела скинии: 004 NUM 003 008 и да хранят вся сосуды скинии свидения и стражбы сынов Израилевых по всем делом скинии: 004 NUM 003 009 и да даси левиты Аарону брату твоему и сыном его жерцем: в дар даны сии Мне суть от сынов Израилевых: 004 NUM 003 010 и Аарона и сыны его поставиши над скиниею свидения, и да хранят жречество свое, и вся яже у олтаря и внутрь завесы: иноплеменник же прикасаяйся умрет. 004 NUM 003 011 И рече Господь к Моисею, глаголя: 004 NUM 003 012 и се, Аз взях левиты от среды сынов Израилевых, вместо всякаго первенца, отверзающаго ложесна от сынов Израилевых: искупления их будут, и да будут Мне левити: 004 NUM 003 013 Мне бо всяк первенец: в оньже день побих всякаго первенца в земли Египетстей, освятих Себе всякаго первенца во Израили, от человека до скота Мне да будут: Аз Господь. 004 NUM 003 014 И рече Господь к Моисею в пустыни Синайстей, глаголя: 004 NUM 003 015 соглядай сынов Левииных по домом отечеств их по сонмом их, по рождению их: всяк мужеск пол от месяца единаго и вышше да соглядаете их. 004 NUM 003 016 И сочте их Моисей и Аарон повелением Господним, якоже повеле им Господь. 004 NUM 003 017 И бяху сии сынове Левиины от имен их: Гирсон, Кааф и Мерари. 004 NUM 003 018 И сия имена сынов Гирсоних по сонмом их: Ловени и Семей. 004 NUM 003 019 И сынове Каафовы по сонмом их: Амрам и Иссаар, Хеврон и Озиил. 004 NUM 003 020 И сынове Мерарины по сонмом их: Мооли и Муси: сии суть сонми Левитстии по домом отечеств их. 004 NUM 003 021 От Гирсона сонм Ловениин и сонм Семеинь: сии суть сонми Гирсоновы. 004 NUM 003 022 Соглядание их по числу всего мужеска полу, от месяца единаго и вышше, соглядание их седмь тысящ и пять сот. 004 NUM 003 023 И сынове Гирсоновы за скиниею да ополчаются к морю. 004 NUM 003 024 И князь дому отечества сонма Гирсоня Елисаф сын Даиль. 004 NUM 003 025 И стражба сынов Гирсоновых в скинии свидения, скиния и покров ея, и покров дверий скинии свидения, 004 NUM 003 026 и опоны двора, и завеса дверий двора, иже есть у скинии, и прочая всех дел его. 004 NUM 003 027 От Каафа сонм Амрамль един и сонм Иссааров един, и сонм Хевронь един и сонм Озиил един: сии суть сонми Каафовы: 004 NUM 003 028 по числу всяк мужеск пол от месяца единаго и вышше осмь тысящ и шесть сот, стрегущии стражбы Святых. 004 NUM 003 029 Сонми сынов Каафовых да ополчаются от страны скинии к югу, 004 NUM 003 030 и князь дому отечеств сонмов Каафовых Елисафан сын Озиил: 004 NUM 003 031 и стражба их кивот и трапеза, и светилник и олтари, и сосуды святаго, в нихже служат, и покров, и вся дела их. 004 NUM 003 032 И князь над князи левитскими Елеазар сын Аарона жерца, поставлен стрещи стражбы святых. 004 NUM 003 033 От Мерара же сонм Мооли и сонм Муси: сии суть сонми Мерарины, 004 NUM 003 034 соглядание их по числу, всяк мужеск пол от месяца единаго и вышше, шесть тысящ и двести. 004 NUM 003 035 И князь дому отечеств сонма Мерарина Суриил сын Авихеов: от страны скинии да ополчаются к северу, 004 NUM 003 036 соглядание стражбы сынов Мерариных главицы скинии и вереи ея, и столпы ея и стояла ея, и вся сосуды их и вся дела их, 004 NUM 003 037 и столпы двора окрест и стояла их, и колки их и верви их. 004 NUM 003 038 Ополчающиися сопреди скинии свидения на востоки Моисей и Аарон и сынове его, стрегуще стражбы святаго, в стражбах сынов Израилевых: и иноплеменник прикасаяйся да умрет. 004 NUM 003 039 Все соглядание левитов, ихже согляда Моисей и Аарон повелением Господним по сонмом их, всяк мужеск пол от месяца единаго и вышше, двадесять и две тысящы. 004 NUM 003 040 И рече Господь к Моисею, глагола: соглядай всякаго первенца мужеска полу сынов Израилевых от месяца единаго и вышше, и возми число их по имени, 004 NUM 003 041 и да поймеши Мне левиты за вся первенцы сынов Израилевых: Аз Господь: и скоты левитски вместо всех первенцев в скотех сынов Израилевых. 004 NUM 003 042 И согляда Моисей, якоже заповеда ему Господь, всякаго первенца в сынех Израилевых. 004 NUM 003 043 И быша вси первенцы мужескаго полу, по числу имен от месяца единаго и вышше, от соглядания их двадесять две тысящы двести и седмьдесят три. 004 NUM 003 044 И рече Господь к Моисею, глаголя: 004 NUM 003 045 поими левиты вместо всех первенцев сынов Израилевых, и скоты левитски вместо скотов их, и будут Мне левиты: Аз Господь: 004 NUM 003 046 и искуп дву сот седмидесяти трех, иже преизбывают сверх левитов от первенцов сынов Израилевых: 004 NUM 003 047 и да возмеши по пяти сикль на главу, по сиклю святому возмеши двадесять пенязей сикль, 004 NUM 003 048 и даси сребро Аарону и сыном его искуп от преизбывающих в них. 004 NUM 003 049 И взя Моисей сребро искупное от преизбывающих в них на искуп левитом: 004 NUM 003 050 от первенец сынов Израилевых взя сребра тысящу три ста шестьдесят пять сиклев, по сиклю святому. 004 NUM 003 051 И даде Моисей окуп от преизбывших Аарону и сыном его, повелением Господним, якоже заповеда Господь Моисею. 004 NUM 004 001 И рече Господь к Моисею и Аарону, глаголя: 004 NUM 004 002 возми сочисление сынов Каафовых от среды сынов Левииных, по сонмом их, по домом отечеств их, 004 NUM 004 003 от двадесяти и пяти лет и вышше, даже до пятидесяти лет, всяк входяй служити, творити вся дела в скинии свидения. 004 NUM 004 004 И сия дела сынов Каафовых от среды сынов Левииных, по сонмом их, по домом отечеств их, в скинии свидения Святое Святых. 004 NUM 004 005 И да внидут Аарон и сынове его, егда воздвигнется полк, и да снимут завесу осеняющую, и да обвиют в ню кивот свидения, 004 NUM 004 006 и да покрыют его покровом кожаным синим, и да возложат нань одежду всю синетную сверху, и да вложат носила: 004 NUM 004 007 и на трапезе предложения да положат на ней одежду всю багряную и блюда, и кадилницы и чашы, и возливалницы, имиже возливают, и хлебы на ней всегда да будут: 004 NUM 004 008 и да возложат на ню одежду червлену, и да покрыют ю покровом кожаным синим, и да вложат носила ея: 004 NUM 004 009 и да возмут одежду синю, и покрыют светилник светящий и свещы его, и щипцы его и очищала его, и вся сосуды елеа его, имиже служат в них: 004 NUM 004 010 и да вложат его и вся сосуды его в покров кожан синий, и да возложат его на носила: 004 NUM 004 011 и на олтарь златый да положат одежду синю, и да покрыют его покровом кожаным синим, и да вложат носила его: 004 NUM 004 012 и да возмут вся сосуды служебныя, еликими служат в них во святых, и вложат во одежду синю, и да покрыют их покровом кожаным синим, и да возложат на носила: 004 NUM 004 013 и покров да возложат на олтарь, и покрыют его одеждою всею багряною: 004 NUM 004 014 и да возложат на него вся сосуды его, еликими служат на нем в них, и кадилники, и вилицы и чашы, и покров и вся сосуды олтаря, и да возложат на него покров кожан синь и да вложат носила его: и да возмут одежду багряну, и да покрыют умывалницу и стояла ея: и да вложат ю в покров кожаный синий, и да возложат на носила. 004 NUM 004 015 И совершат Аарон и сынове его, покрывающе святая и вся сосуды святыя, внегда воздвизатися полку: и по сих да внидут сынове Каафовы воздвизати, и да не прикоснутся святых, да не умрут. Сия да воздвизают сынове Каафовы в скинии свидения. 004 NUM 004 016 Надсмотритель Елеазар, сын Аарона жерца, елей светилный, и фимиам сложения, и жертва яже по вся дни, и елей помазания, надсмотрение всея скинии и елика суть в ней во святем, во всех делех. 004 NUM 004 017 И рече Господь к Моисею и Аарону, глаголя: 004 NUM 004 018 не потребите сонм племене Каафова от среды левитов: 004 NUM 004 019 сие сотворите им, и живи будут и не умрут: приходящым им ко Святым Святых, Аарон и сынове его да внидут и да устроят их коегождо по ношению его, 004 NUM 004 020 и да не внидут внезапу видети святая, и умрут. 004 NUM 004 021 И рече Господь к Моисею, глаголя: 004 NUM 004 022 возми сочисление сынов Гирсоних, и иже по домом отечеств их, по сонмом их и по племенем их, 004 NUM 004 023 от двадесяти и пяти лет и вышше, даже до пятидесяти лет, соглядайте я, всяк входяй служити и творити дела в скинии свидения. 004 NUM 004 024 Сия служба сонма Гирсонова, служити и воздвизати. 004 NUM 004 025 И да воздвигнет опоны скинии и скинию свидения, и покров ея и покров синий сущий сверх ея, и опону дверий скинии свидения, 004 NUM 004 026 и опоны двора, и завесу дверий двора, елика над скиниею свидения, и яже окрест олтаря, и прочая их, и вся сосуды служебныя, еликими служат в них, да сотворят. 004 NUM 004 027 По слову Аарона и сынов его да будет вся служба сынов Гирсоновых по всем службам их и по всем делам их: и да соглядаеши их по именам, вся носимая ими. 004 NUM 004 028 Сия служба сонма сынов Гирсоновых в скинии свидения, и стражба их рукою Ифамара, сына Аароня жерца. 004 NUM 004 029 Сынове Мерарины по сонмом их, по домом отечеств их, соглядайте их, 004 NUM 004 030 от двадесяти и пяти лет и вышше, даже до пятидесяти лет, соглядайте их, всяк входяй служити дела скинии свидения. 004 NUM 004 031 И сия хранения воздвизаемых ими, по всем делом их в скинии свидения: главицы скинии и вереи ея, и столпы ея и стояла ея, и покров и стояла их, и столпы их, и покров дверий скинии, 004 NUM 004 032 и столпы двора окрест и стояла их, и столпы завесы дверий двора и стояла их, и колки их и верви их, и вся сосуды их и вся служения их: по именам соглядайте их и вся сосуды стражбы воздвизаемых ими. 004 NUM 004 033 Сия служба сонма сынов Мерариных во всех делех их, в скинии свидения рукою Ифамара, сына Аароня жерца. 004 NUM 004 034 И согляда Моисей и Аарон и князи Израилевы сыны Каафовы по сонмом их, по домом отечеств их, 004 NUM 004 035 от двадесяти и пяти лет и вышше, даже до пятидесяти лет, всяк входяй служити и творити дела в скинии свидения. 004 NUM 004 036 И бысть соглядание их по сонмом их, две тысящы седмь сот пятьдесят. 004 NUM 004 037 Сие сочтение сонма Каафова, всех служащих в скинии свидения, якоже согляда Моисей и Аарон повелением Господним, рукою Моисеовою. 004 NUM 004 038 И соглядани быша сынове Гирсони по сонмом своим, по домом отечеств своих, 004 NUM 004 039 от двадесяти и пяти лет и вышше, даже до пятидесяти лет, всяк входяй служити и творити дела в скинии свидения. 004 NUM 004 040 И бысть соглядание их по сонмом их, по домом отечеств их, две тысящы шесть сот тридесять. 004 NUM 004 041 Сие соглядание сонма сынов Гирсоновых, всех служащих в скинии свидения, ихже соглядаша Моисей и Аарон по глаголу Господню, рукою Моисеовою. 004 NUM 004 042 Соглядани же быша сынове Мерарины по сонмом своим, по домом отечеств своих, 004 NUM 004 043 от двадесяти и пяти лет и вышше, даже до пятидесяти лет, всяк входяй служити на дела скинии свидения. 004 NUM 004 044 И бысть сочтение их по племеном их, по сонмом их, по домом отечеств их, три тысящы и двести. 004 NUM 004 045 Сие сочисление сонма сынов Мерариных, ихже согляда Моисей и Аарон по глаголу Господню, рукою Моисеовою. 004 NUM 004 046 Вси согляданнии левиты, ихже согляда Моисей и Аарон и князи сынов Израилевых, по сонмом их и по домом отечеств их, 004 NUM 004 047 от двадесяти и пяти лет и вышше, даже до пятидесяти лет, всяк входяй на дело дел, и к делам воздвизаемым в скинии свидения. 004 NUM 004 048 И быша согляданнии осмь тысящ пять сот осмьдесят. 004 NUM 004 049 Повелением Господним соглядаше их Моисей, мужа по мужу над делы их, и яже воздвизаху сии, и соглядани суть, якоже повеле Господь Моисею. 004 NUM 005 001 И рече Господь к Моисею, глаголя: 004 NUM 005 002 повели сыном Израилевым, и да изгонят из полка всякаго прокаженнаго, и всякаго проливающаго семя, и всякаго нечистаго душею: 004 NUM 005 003 от мужеска полу до женска, изгоните вне полка, и да не осквернят полков своих, в нихже Аз пребываю. 004 NUM 005 004 И сотвориша сынове Израилевы тако, и изгнаша их вне полка: якоже глагола Господь Моисею, тако сотвориша сынове Израилевы. 004 NUM 005 005 И рече Господь к Моисею, глаголя: 004 NUM 005 006 рцы сыном Израилевым, глаголя: муж или жена, иже аще сотворит от всех грехов человеческих и презирая презрит Господа, и преступит душа она: 004 NUM 005 007 да исповесть грех, егоже сотвори, и да отдаст преступление истое, пятую часть его да приложит к тому, и да отдаст, емуже согреши. 004 NUM 005 008 Аще же несть человеку ужика, яко отдати ему преступление, преступление отдаемое Господу, жерцу да будет, кроме овна очищения, имже помолится о нем. 004 NUM 005 009 И всяк начаток, и вся освящаемая в сынех Израилевых, елика аще приносят Господу, жерцу самому да будут: 004 NUM 005 010 и коегождо освященая, тому да будут и муж аще даст жерцу, тому да будет. 004 NUM 005 011 И рече Господь к Моисею, глаголя: 004 NUM 005 012 глаголи сыном Израилевым и речеши к ним: мужа, мужа аще преступит жена его, и презирающи презрит его, 004 NUM 005 013 и будет кто с нею ложем семене, и утаится от очию мужа ея, и укрыется, она же будет осквернена, и свидетеля не будет на ню и сия несть ята, 004 NUM 005 014 и приидет на него дух ревнования, и возревнует к жене своей, она же осквернена есть, или приидет ему дух ревнования, и возревнует к жене своей, она же не будет осквернена, 004 NUM 005 015 и да приведет муж жену свою к жерцу, и да принесет дар за ню, десятую часть меры ефи муки ячныя: да не возлиет на ню елеа, ниже да возложит на ню ливана: жертва бо ревнования есть, жертва памяти воспоминающая грех. 004 NUM 005 016 И приведет ю жрец и поставит ю пред Господем: 004 NUM 005 017 и да возмет жрец воду живу чисту в сосуде глиняне, и от персти на земли сущия у скинии свидения, и взем жрец да всыплет в воду: 004 NUM 005 018 и да поставит жрец жену пред Господем, и да открыет главу жене, и да даст в руце ея жертву памяти, жертву ревнования: в руце же жерца да будет вода обличения клятвенная сия. 004 NUM 005 019 И да закленет ю жрец и речет жене: аще никтоже бысть с тобою, и неси преступила осквернитися под мужем твоим, невинна буди от воды обличения клятвенныя сея: 004 NUM 005 020 аще же преступила еси, мужата сущи, или осквернена еси, и даде кто тебе ложе свое, кроме мужа твоего. 004 NUM 005 021 И закленет жрец жену клятвами клятвы сея, и речет жрец жене: да даст тя Господь в клятву и проклятие среди людий твоих, внегда дати Господу стегну твоему отпасти и чреву твоему разсестися: 004 NUM 005 022 и внидет вода клятвенная сия во чрево твое, еже расторгнути утробу твою, и отпасти стегну твоему. И отвещает жена: 004 NUM 005 023 и да напишет жрец клятвы сия в книзе, и изгладит в воде обличения клятвеннаго: 004 NUM 005 024 и напоит жену водою обличения клятвенною, и внидет в ню вода клятвенная обличения. 004 NUM 005 025 И да возмет жрец от руки женски жертву ревнования, и да возложит жертву пред Господем, и да принесет ю ко олтарю: 004 NUM 005 026 и да возмет жрец горстию от жертвы память ея, и да принесет ю на олтарь, и по сем напоит водою жену. 004 NUM 005 027 И будет аше есть осквернена, и аще утаением утаися от мужа своего, и внидет в ню вода клятвенная обличения, и надмет чрево ея, и отпадет стегно ея, и будет жена в проклятие в людех своих: 004 NUM 005 028 аще же не будет осквернена жена, и чиста есть, и невинна будет, и плодствовати будет семя. 004 NUM 005 029 Сей закон ревнования, комулибо аще преступит жена, мужата сущи, и осквернится: 004 NUM 005 030 или человек, емуже аще найдет нань дух ревнования, и возревнует к жене своей, и поставит жену свою пред Господем, и да сотворит ей жрец весь закон сей: 004 NUM 005 031 и чист будет человек от греха, и жена та возмет грех свой. 004 NUM 006 001 И рече Господь к Моисею, глаголя: 004 NUM 006 002 глаголи сыном Израилевым и речеши к ним: муж или жена, иже аше обещается зело обетом, еже очиститися чистотою Господу, 004 NUM 006 003 да воздержится от вина и сикера, и оцта винна и оцта от сикера да не пиет: и, елика делаются от грозд винных, да не пиет, и гроздия свежаго и сухаго да не снест. 004 NUM 006 004 Во вся дни обета своего от всех, елика бывают от винничины вина, от кости и до скорлупы да не пиете, ниже ясте от всего. 004 NUM 006 005 Во вся дни обета очищения своего бритва да не взыдет на главу его, дондеже скончаются дние, елики обещал есть Господу: свят будет растяй власы главы своея. 004 NUM 006 006 Во вся дни обета своего Господу, ко всякой душе скончавшейся да не внидет. 004 NUM 006 007 Над отцем и над материю, и над братом и над сестрою, да не осквернится над ними, умершым им, яко обет Бога его на главе его. 004 NUM 006 008 Вся дни обета его свят будет Господу. 004 NUM 006 009 Аше же кто смертию внезапу умрет у него, абие осквернится глава обета его, и обриет главу свою, в оньже день очистится, в день седмый да обриется, 004 NUM 006 010 и в день осмый да принесет два горличища или два птенца голубина к жерцу пред двери скинии свидения: 004 NUM 006 011 и да сотворит жрец едину греха ради, и другую во всесожжение, и да помолится о нем жрец, о нихже согреши, о души, и освятит главу свою в той день, в оньже освятися Господу, во дни обета своего. 004 NUM 006 012 И да приведет агнца единолетна в преступление, и дние прежнии да не будут ему в число, понеже осквернися глава обета его. 004 NUM 006 013 И сей закон обещавшагося, в оньже день скончает дни обета своего, да принесет сам к дверем скинии свидения: 004 NUM 006 014 и да приведет дар свой Господу агнца единолетна непорочна единаго во всесожжение, и агницу единолетну едину непорочну греха ради, и овна единаго непорочна во спасение, 004 NUM 006 015 и кош опресноков от муки пшеничны, хлебы смешаны с елеем, и опресноки помазаны елеем, и жертву их и возлияние их. 004 NUM 006 016 И да принесет жрец пред Господа, и да сотворит еже греха ради его, и всесожжение его, 004 NUM 006 017 и овна сотворит жертву спасения Господу на кошнице опресноков, и да сотворит жрец жертву его и возлияние его. 004 NUM 006 018 И да обриет обещавый пред дверми скинии свидения главу обета своего, и да возложит власы на огнь, иже есть под жертвою спасения: 004 NUM 006 019 и да возмет жрец рамо варено от овна, и хлеб един опресночный от кошницы, и опреснок един, и да возложит на руки обещавшемуся, по обритии главы его, 004 NUM 006 020 и да принесет я жрец возложение пред Господа: свято да будет жерцу на грудех возложения и на раме участия: и по сих обещавыйся да пиет вино. 004 NUM 006 021 Сей закон обещавшагося, иже аще обещает дар Господу о обете, кроме сих яже обрящет рука его: по силе обета его, егоже аще обещает, по закону очищения. 004 NUM 006 022 И рече Господь к Моисею, глаголя. 004 NUM 006 023 Рцы Аарону и сыном его, глаголя: сице благословите сыны Израилевы, глаголюще им: 004 NUM 006 024 да благословит тя Господь и сохранит тя: 004 NUM 006 025 да просветит Господь лице Свое на тя и помилует тя: 004 NUM 006 026 да воздвигнет Господь лице Свое на тя и даст ти мир: 004 NUM 006 027 и да возложат имя Мое на сыны Израилевы, и Аз Господь благословлю я. 004 NUM 007 001 И бысть в день в оньже сконча Моисей, якоже поставити скинию, и помаза ю, и освяти ю и вся сосуды ея, и олтарь и вся сосуды его, и помаза я. 004 NUM 007 002 И приведоша князи Израилтестии дванадесять, князи домов отечеств своих, сии князи коегождо племене, сии предстоящии над согляданием: 004 NUM 007 003 и приведоша дары своя пред Господа шесть колесниц покрытых и дванадесять волов: колесницу едину от двоих князей, и телца от коегождо и приведоша пред скинию. 004 NUM 007 004 И рече Господь к Моисею, глаголя: 004 NUM 007 005 возми от них, и да будут на дела служебная скинии свидения: и даси я левитом, коемуждо по его служению. 004 NUM 007 006 И взем Моисей колесницы и волы, даде я левитом: 004 NUM 007 007 две колесницы и четыри волы даде сыном Гирсоним по службам ихже, 004 NUM 007 008 и четыри колесницы и осмь волов даде сыном Мерариным по службам их, чрез Ифамара, сына Аарона жерца: 004 NUM 007 009 и сыном Каафовым не даде, яко службы святаго имеют: на раменах да воздвизают я. 004 NUM 007 010 И принесоша князи на обновление олтаря в день, в оньже помаза его, и принесоша князи дары своя пред олтарь. 004 NUM 007 011 И рече Господь к Моисею: князь един на день, князь на день да принесут дары своя на обновление олтаря. 004 NUM 007 012 И бяше приносяй дар свой в первый день Наассон сын Аминадавль, князь племене Иудина: 004 NUM 007 013 и принесе дар свой, блюдо сребряно едино, вес его сто и тридесять сикль: чашу едину сребряну седмьдесят сикль, по сиклю святому: обоя полны муки пшеничны спряжены с елеем на жертву: 004 NUM 007 014 фимиамник един десяти златник, полн фимиама: 004 NUM 007 015 телца единаго от волов, овна единаго, агнца единаго единолетна во всесожжение: 004 NUM 007 016 и козла от коз единаго греха ради: 004 NUM 007 017 и на жертву спасения юницы две, овнов пять, козлов пять, агниц единолетных пять: сей дар Наассона сына Аминадавля. 004 NUM 007 018 Во вторый день принесе Нафанаил сын Согаров, князь племене Иссахаря: 004 NUM 007 019 и принесе дар свой, блюдо сребряно едино, вес его сто и тридесять сикль: чашу едину сребряну седмьдесят сикль, по сиклю святому: обоя полны муки пшеничны спряжены с елеем на жертву: 004 NUM 007 020 фимиамник един десяти златник, полн фимиама: 004 NUM 007 021 телца единаго от волов, овна единаго, агнца единаго единолетна во всесожжение: 004 NUM 007 022 и козла от коз единаго греха ради: 004 NUM 007 023 и на жертву спасения юницы две, овнов пять, козлов пять, агниц единолетных пять: сей дар Нафанаила сына Согарова. 004 NUM 007 024 В третий день князь сынов Завулоних, Елиав сын Хелонов: 004 NUM 007 025 дар его блюдо сребряно едино, вес его сто и тридесять сикль: чашу едину сребряну седмьдесят сикль, по сиклю святому: обоя полны муки пшеничны спряжены с елеем на жертву: 004 NUM 007 026 фимиамник един десяти златник, полн фимиама: 004 NUM 007 027 телца единаго от волов, овна единаго, агнца единаго единолетна во всесожжение: 004 NUM 007 028 и козла от коз единаго греха ради: 004 NUM 007 029 и на жертву спасения юницы две, овнов пять, козлов пять, агниц единолетных пять: сей дар Елиава сына Хелонова. 004 NUM 007 030 В четвертый день князь сынов Рувимлих, Елисур сын Седиуров: 004 NUM 007 031 дар его блюдо сребряно едино, вес его сто и тридесять сикль: чашу едину сребряну седмьдесят сикль, по сиклю святому: обоя полны муки пшеничны спряжены с елеем на жертву: 004 NUM 007 032 фимиамник един десяти златник, полн фимиама: 004 NUM 007 033 телца единаго от волов, овна единаго, агнца единаго единолетна во всесожжение: 004 NUM 007 034 и козла от коз единаго греха ради: 004 NUM 007 035 и на жертву спасения юницы две, овнов пять, козлов пять, агниц единолетных пять: сей дар Елисура сына Седиурова. 004 NUM 007 036 В пятый день князь сынов Симеоних, Саламиил сын Сурисадаиль: 004 NUM 007 037 дар его блюдо сребряно едино, вес его сто и тридесять сикль: чашу едину сребряну седмьдесят сикль, по сиклю святому: обоя полны муки пшеничны спряжены с елеем на жертву: 004 NUM 007 038 фимиамник един десяти златник, полн фимиама: 004 NUM 007 039 телца единаго от волов, овна единаго, агнца единаго единолетна во всесожжение: 004 NUM 007 040 и козла от коз единаго греха ради: 004 NUM 007 041 и на жертву спасения юницы две, овнов пять, козлов пять, агниц единолетных пять: сей дар Саламиила сына Сурисадаиля. 004 NUM 007 042 В шестый день князь сынов Гадовых, Елисаф сын Рагуилев: 004 NUM 007 043 дар его блюдо сребряно едино, вес его сто и тридесять сикль: чашу едину сребряну седмьдесят сикль, по сиклю святому: обоя полны муки пшеничны спряжены с елеем на жертву: 004 NUM 007 044 фимиамник един десяти златник, полн фимиама: 004 NUM 007 045 телца единаго от волов, овна единаго, агнца единаго единолетна во всесожжение: 004 NUM 007 046 и козла от коз единаго греха ради: 004 NUM 007 047 и на жертву спасения юницы две, овнов пять, козлов пять, агниц единолетных пять: сей дар Елисафа сына Рагуилева. 004 NUM 007 048 В седмый день князь сынов Ефремлих, Елисама сын Емиудов: 004 NUM 007 049 дар его блюдо сребряно едино, вес его сто и тридесять сикль: чашу едину сребряну седмьдесят сикль, по сиклю святому: обоя полны муки пшеничны спряжены с елеем на жертву: 004 NUM 007 050 фимиамник един десяти златник, полн фимиама: 004 NUM 007 051 телца единаго от волов, овна единаго, агнца единаго единолетна во всесожжение: 004 NUM 007 052 и козла от коз единаго греха ради: 004 NUM 007 053 и на жертву спасения юницы две, овнов пять, козлов пять, агниц единолетных пять: сей дар Елисамы сына Емиудова. 004 NUM 007 054 В осмый день князь сынов Манассииных, Гамалиил сын Фадассуров: 004 NUM 007 055 дар его блюдо сребряно едино, вес его сто и тридесять сикль: чашу едину сребряну седмьдесят сикль, по сиклю святому: обоя полны муки пшеничны спряжены с елеем на жертву: 004 NUM 007 056 фимиамник един десяти златник, полн фимиама: 004 NUM 007 057 телца единаго от волов, овна единаго, агнца единаго единолетна во всесожжение: 004 NUM 007 058 и козла от коз единаго греха ради: 004 NUM 007 059 и на жертву спасения юницы две, овнов пять, козлов пять, агниц единолетных пять: сей дар Гамалиила сына Фадассурова. 004 NUM 007 060 В девятый день князь сынов Вениаминих, Авидан сын Гадеонин: 004 NUM 007 061 дар его блюдо сребряно едино, вес его сто и тридесять сикль: чашу едину сребряну седмьдесят сикль, по сиклю святому: обоя полны муки пшеничны спряжены с елеем на жертву: 004 NUM 007 062 фимиамник един десяти златник, полн фимиама: 004 NUM 007 063 телца единаго от волов, овна единаго, агнца единаго единолетна во всесожжение: 004 NUM 007 064 и козла от коз единаго греха ради: 004 NUM 007 065 и на жертву спасения юницы две, овнов пять, козлов пять, агниц единолетных пять: сей дар Авидана, сына Гадеонина. 004 NUM 007 066 В десятый день князь сынов Дановых, Ахиезер сын Амисадаин: 004 NUM 007 067 дар его блюдо сребряно едино, вес его сто и тридесять сикль: чашу едину сребряну седмьдесят сикль, по сиклю святому: обоя полны муки пшеничны спряжены с елеем на жертву: 004 NUM 007 068 фимиамник един десяти златник, полн фимиама: 004 NUM 007 069 телца единаго от волов, овна единаго, агнца единаго единолетна во всесожжение: 004 NUM 007 070 и козла от коз единаго греха ради: 004 NUM 007 071 и на жертву спасения юницы две, овнов пять, козлов пять, агниц единолетных пять: сей дар Ахиезера сына Амисадаина. 004 NUM 007 072 В первыйнадесять день князь сынов Асировых, Фагаиил сын Ехрань: 004 NUM 007 073 дар его блюдо сребряно едино, вес его сто и тридесять сикль: чашу едину сребряну седмьдесят сикль, по сиклю святому: обоя полны муки пшеничны спряжены с елеем на жертву: 004 NUM 007 074 фимиамник един десяти златник, полн фимиама: 004 NUM 007 075 телца единаго от волов, овна единаго, агнца единаго единолетна во всесожжение: 004 NUM 007 076 и козла от коз единаго греха ради: 004 NUM 007 077 и на жертву спасения юницы две, овнов пять, козлов пять, агниц единолетных пять: сей дар Фагаиила сына Ехраня. 004 NUM 007 078 Во вторыйнадесять день князь сынов Неффалимлих, Ахирей сын Енань: 004 NUM 007 079 дар его блюдо сребряно едино, вес его сто и тридесять сикль: чашу едину сребряну седмьдесят сикль, по сиклю святому: обоя полны муки пшеничны спряжены с елеем на жертву: 004 NUM 007 080 фимиамник един десяти златник, полн фимиама: 004 NUM 007 081 телца единаго от волов, овна единаго, агнца единаго единолетна во всесожжение: 004 NUM 007 082 и козла от коз единаго греха ради: 004 NUM 007 083 и на жертву спасения юницы две, овнов пять, козлов пять, агниц единолетных пять: сей дар Ахиреа сына Енаня. 004 NUM 007 084 Сие обновление олтаря, в оньже день помаза его, от князей сынов Израилевых, блюд сребряных дванадесять, чаш сребряных дванадесять, фимиамников златых дванадесять: 004 NUM 007 085 по святу и тридесяти сикль в коемждо блюде, и по седмидесяти сикль чаша едина: всего сребра в сосудех две тысящы четыреста сиклев, по сиклю святому: 004 NUM 007 086 фимиамников златых дванадесять полных фимиама, по десяти златник в коемждо фимиамнике, по сиклю святому: всего злата в фимиамницех сто и двадесять златник. 004 NUM 007 087 Всех говяд во всесожжение, телцов дванадесять, овнов дванадесять, агнцев единолетных дванадесять, и жертвы их и возлияния их: и козлов от коз дванадесять, греха ради: 004 NUM 007 088 всех говяд на жертву спасения, юниц двадесять четыре, овнов шестьдесят, козлов единолетных шестьдесят, агниц единолетных непорочных шестьдесят. Сие обновление олтаря, по исполненнии рук его и по помазании его. 004 NUM 007 089 Егда вхождаше Моисей в скинию свидения глаголати ему, и услыша глас Господа, глаголюща к нему свыше очистилища, еже есть над ковчегом свидения между двема херувимы: и глаголаше к нему. 004 NUM 008 001 И рече Господь к Моисею, глаголя: 004 NUM 008 002 глаголи Аарону и речеши к нему: егда поставиши светила, от страны спреди светилника да светят седмь светила. 004 NUM 008 003 И сотвори тако Аарон: от единыя страны спреди светилника возжже светила его, якоже повеле Господь Моисею. 004 NUM 008 004 И сие устроение светилника: слияно злато стебль его и крины его, слияно все: по образу, егоже показа Господь Моисею, тако сотвори светилник. 004 NUM 008 005 И рече Господь к Моисею, глаголя: 004 NUM 008 006 поими левиты от среды сынов Израилевых, и да очистиши я: 004 NUM 008 007 и сице да сотвориши им очищение их: покропиши на них воду очищения, и да взыдет бритва на все тело их, и исперут ризы своя, и чисти будут: 004 NUM 008 008 и да возмут телца единаго от волов, и сего жертву муки пшеничны, спряжены с елеем, и телца единолетна от волов да возмеши греха ради: 004 NUM 008 009 и да приведеши левиты пред скинию свидения, и собереши весь сонм сынов Израилевых: 004 NUM 008 010 и приведеши левиты пред Господа, и да возложат сынове Израилстии руки своя на левиты: 004 NUM 008 011 и да отлучит Аарон левиты отдание пред Господа от сынов Израилевых, и да служат службы Господви: 004 NUM 008 012 левити же да возложат руки на главы телцев: и да сотвориши единаго от гресе и единаго во всесожжение Господу, умилостивити о них: 004 NUM 008 013 и поставиши левиты пред Господем и пред Аароном и пред сынми его, и отдаси я отдание Господу: 004 NUM 008 014 и да отлучиши левиты от среды сынов Израилевых, и будут Мне: 004 NUM 008 015 и по сих да внидут левиты делати дела скинии свидения: и да очистиши их, и отдаси я пред Господем: яко отдание отданы сии Мне суть от среды сынов Израилевых: 004 NUM 008 016 вместо отверзающих всяка ложесна первенцев всех от сынов Израилевых, приях я Себе: 004 NUM 008 017 яко Мне есть всяк первенец от сынов Израилевых, от человека до скота: в день в оньже поразих всякаго первенца в земли Египетстей, освятих я Себе, 004 NUM 008 018 и взях левиты вместо всякаго первенца сынов Израилевых, 004 NUM 008 019 и отдах левиты отданием Аарону и сыном его от среды сынов Израилевых делати дела сынов Израилевых в скинии свидения и умилостивляти о сынех Израилевых: да не будет язва на сынех Израилевых, внегда приступати им к святым. 004 NUM 008 020 И сотвори Моисей и Аарон и весь сонм сынов Израилевых левитом, якоже заповеда Господь Моисею о левитех, тако сотвориша им сынове Израилевы. 004 NUM 008 021 И очистишася левити и испраша ризы своя: и отдаде я Аарон отдание пред Господем, и помолися о них Аарон, очищения ради их. 004 NUM 008 022 И но сих внидоша левити служити службы своя в скинии свидения пред Аароном и пред сыны его: якоже повеле Господь Моисею о левитех, тако сотвориша им. 004 NUM 008 023 И рече Господь к Моисею глаголя: 004 NUM 008 024 сие есть еже о левитех: от двадесяти пяти лет и вышше, да внидут служити служение в скинии свидения: 004 NUM 008 025 и от пятидесяти лет да отстанут от служения и не служат ктому. 004 NUM 008 026 И да служат братия его в скинии свидения еже стрещи стражи, дел же да не делают. Тако сотвориши левитом в стражах их. 004 NUM 009 001 И глагола Господь к Моисею в пустыни Синайстей, во второе лето изшедшым им из земли Египетския, в первый месяц, глаголя: 004 NUM 009 002 рцы да сотворят сынове Израилстии Пасху во время ея, 004 NUM 009 003 в четвертыйнадесять день месяца перваго к вечеру, и сотвориши ю во время ея: по закону ея и по уставу ея сотвориши ю. 004 NUM 009 004 И рече Моисей сыном Израилтеским сотворити Пасху. 004 NUM 009 005 И сотвориша Пасху, начинающуся первому месяцу в четвертыйнадесять день в пустыни Синайстей: якоже повеле Господь Моисею, тако сотвориша сынове Израилевы. 004 NUM 009 006 И приидоша мужие, иже бяху нечисти о души человечи, и не можаху сотворити Пасхи в той день: и приидоша пред Моисеа и Аарона в той день. 004 NUM 009 007 И рекоша мужие Онии к нему: мы нечисти есмы о души человечи: еда убо лишимся принести дар Господу во время свое посреде сынов Израилевых? 004 NUM 009 008 И рече Моисей к ним: станите ту, да яслышу, что повелит Господь о вас. 004 NUM 009 009 И рече Господь к Моисею, глаголя: 004 NUM 009 010 рцы сыном Израилевым, глаголя: человек человек, иже аще будет нечист о души человечи, или на пути далече, или в вас, или в родех ваших, и да сотворит Пасху Господу, 004 NUM 009 011 в месяц вторый, в четвертыйнадесять день (месяца) к вечеру да сотворят ю, со опресноки и с горьким зелием да снедят ю: 004 NUM 009 012 да не оставят от нея на утрие, и кости да не сокрушат от нея, по всему закону Пасхи да сотворят ю. 004 NUM 009 013 И человек, иже аще чист будет, и на пути далече несть, и оставит сотворити Пасху, потребится душа та от людий своих: яко дара Господви не принесе во время свое, грех свой приимет человек той. 004 NUM 009 014 Аще же приидет к вам пришлец в землю вашу и сотворит Пасху Господу, по закону Пасхи и по чину ея, тако сотворит ю: закон един да будет вам и пришелцу и туземцу. 004 NUM 009 015 И в день, в оньже поставися скиния, покры облак скинию и дом свидения: от вечера же бяше над скиниею аки вид огнен до заутрия: 004 NUM 009 016 тако бываше всегда: облак покрываше ю в день, и вид огнен нощию: , 004 NUM 009 017 и егда восхождаше облак от скинии, и по сих воздвизахуся сынове Израилтестии: и на месте, на немже стояше облак, тамо ополчахуся сынове Израилевы. 004 NUM 009 018 По повелению Господню да ополчаются сынове Израилевы и повелением Господним да воздвизаются: во вся дни, в няже осеняет облак над скиниею, да ополчаются сынове Израилевы: 004 NUM 009 019 и егда премедлит облак над скиниею дни многи, да стрегут сынове Израилтестии стражу Господню и да не воздвижутся: 004 NUM 009 020 и будет егда покрыет облак дни числа над скиниею, глаголголом Господним да ополчаются и повелением Господним да воздвижутся: 004 NUM 009 021 и будет егда пребудет облак от вечера до заутрия, и аще воздвигнется облак заутра, да воздвигнутся днем или нощию, 004 NUM 009 022 и аще воздвигнется облак, да пойдут: или день или месяц дний умножит облак осеняющь над нею, да ополчатся сынове Израилевы, и да не воздвизаются: во отступлении его, воздвизахуся: 004 NUM 009 023 яко повелением Господним да ополчаются и повелением Господним да воздвизаются: стражу Господню стрежаху по повелению Господню рукою Моисеовою. 004 NUM 010 001 И рече Господь к Моисею, глаголя: 004 NUM 010 002 сотвори себе две трубы сребряны: кованы сотвориши я, и будут тебе на созвание сонма и возставляти полки: 004 NUM 010 003 и да вострубиши ими, и да соберется к тебе весь сонм пред двери скинии свидения 004 NUM 010 004 аще же единою трубою вострубят, да приидут к тебе вси князи и тысященачалники Израилтестии: 004 NUM 010 005 и вострубите в знамение, и воздвигнутся полцы ополчающиися на востоки: 004 NUM 010 006 и вострубите в знамение второе, и воздвигнутся полцы ополчающиися от юга: и вострубите в знамение третие, и да воздвигнутся полцы ополчающиися от моря: и вострубите в знамение четвертое, и воздвигнутся полцы ополчающиися от севера: знамением да вострубят в воздвижение их. 004 NUM 010 007 И егда соберете сонм, вострубите, не в знамение. 004 NUM 010 008 И сынове Аарони жерцы да вострубят трубами: и да будет вам законно вечно в роды вашя. 004 NUM 010 009 Аще же изыдете на брань в земли вашей к супостатом супротивящымся вам, и вострубите и назнаменуйте трубами, и воспомянетеся пред Господем и избавитеся от враг ваших. 004 NUM 010 010 И во днех веселия вашего и в праздницех ваших и в новомесячиих ваших вострубите трубами на всесожжения и на жертвы спасений ваших, и будет вам воспоминание пред Богом вашим: Аз Господь Бог ваш. 004 NUM 010 011 И бысть во второе лето, во вторый месяц, в двадесятый месяца, вознесеся облак от скинии свидения, 004 NUM 010 012 и воздвигошася сынове Израилевы со имениями своими от пустыни Синайския, и ста облак в пустыни Фарани. 004 NUM 010 013 И воздвигошася первии по гласу Господню рукою Моисеовою: 004 NUM 010 014 и воздвигоша знамя полка сынов Иудиных первии с силою своею: и над силою их Наассон сын Аминадавль: 004 NUM 010 015 и над силою племене сынов Иссахаровых Нафанаил сын Согаров: 004 NUM 010 016 и над силою племене сынов Завулоних Елиав сын Хелонь. 004 NUM 010 017 И сложиша скинию, и воздвигоша сынове Гирсони и сынове Мерарины, носящии скинию. 004 NUM 010 018 И воздвигоша знамя полка Рувимля с силою своею: и над силою их Елисур сын Седиуров: 004 NUM 010 019 и над силою племене сынов Симеоних Саламиил сын Сурисадаев: 004 NUM 010 020 и над силою племене сынов Гадовых Елисаф сын Рагуилев: 004 NUM 010 021 и воздвигошася сынове Каафовы, воздвизающии святая: и поставиша скинию, дондеже приидоша. 004 NUM 010 022 И воздвигоша знамя полка Ефремля с силою своею: и над силою их Елисама сын Емиудов: 004 NUM 010 023 и над силою племене сынов Манассииных Гамалиил сын Фадассуров: 004 NUM 010 024 и над силою племене сынов Вениаминих Авидан сын Гадеонин. 004 NUM 010 025 И воздвигоша знамя полка сынов Дановых, последнии всех полков с силою своею: и над силою их Ахиезер сын Амисадаев: 004 NUM 010 026 и над силою племене сынов Асировых Фагаиил сын Ехрань: 004 NUM 010 027 и над силою племене сынов Неффалимлих Ахирей сын Енань. 004 NUM 010 028 Сии полцы сынов Израилевых, и воздвигошася с силою своею. 004 NUM 010 029 И рече Моисей Иоваву сыну Рагуилеву Мадианитину, тестю Моисеову: воздвизаемся мы на место, о немже Господь рече: сие дам вам: пойди с нами, и сотворим тебе добро, яко Господь добрая глагола о Израили. 004 NUM 010 030 И отвеща к нему: не пойду, но в землю мою и в род мой иду. 004 NUM 010 031 И рече: не остави нас, понеже был еси с нами в пустыни, и будеши в нас старейшина: 004 NUM 010 032 и будет аще пойдеши с нами, и будут благая оная, елика благосотворит Господь нам, благосотворим и тебе. 004 NUM 010 033 И отидоша от горы Господни в путь трех дний: и кивот завета Господня предидяше пред ними в путь трех дний, соглядати им стана. 004 NUM 010 034 И бысть егда воздвизаху кивот, и рече Моисей: востани, Господи, и да разсыплются врази Твои, и да бежат вси ненавидящии Тебе. 004 NUM 010 035 И в поставлении (кивота) рече: возвращай, Господи, тысящы тем во Израили. 004 NUM 010 036 И облак Господнь бысть осеняющь над ними в день, егда воздвизахуся из полка. 004 NUM 011 001 И быша людие ропщуще злая пред Господем: и слыша Господь и разгневася гневом, и разгореся в них огнь от Господа и потреби часть некую от полка. 004 NUM 011 002 И возопиша людие к Моисею: и помолися Моисей к Господу, и преста огнь. 004 NUM 011 003 И прозвася имя месту тому Запаление: яко разгореся в них огнь от Господа. 004 NUM 011 004 И общий народ иже в них похотеша похотением: и седше плакахуся сынове Израилевы и рекоша: кто ны напитает мясы? 004 NUM 011 005 Помянухом рыбы, яже ядохом в земли Египетстей туне, и огурцы и дыни, лук и червленый лук и чеснок: 004 NUM 011 006 ныне же душа наша изсохла, ничтоже точию манна пред очима нашима. 004 NUM 011 007 Манна же бяше аки семя кориандрово, и вид ея яко вид кристалла: 004 NUM 011 008 и исхождаху людие и собираху, и меляху в жерновах и толцаху в ступах, и варяху в горшках и творяху из нея потребники: и бяше вкус ея, яко вкус муки пряжены с елеем: 004 NUM 011 009 и егда схождаше роса на полк нощию, схождаше манна нань. 004 NUM 011 010 И услыша Моисей плачущихся их в сонмех своих, коегождо их пред своими дверми: и разгневася Господь гневом зело, и пред Моисеом бяше зло. 004 NUM 011 011 И рече Моисей ко Господу: вскую озлобил еси раба Твоего? И почто не обретох благодати пред Тобою, еже возложити устремление людий сих на мя? 004 NUM 011 012 Еда аз во утробе зачах вся люди сия? Или аз родих я? Яко глаголеши ми: возми их в недра твоя, якоже доилица носит доимыя, в землю, еюже клялся еси отцем их: 004 NUM 011 013 откуду мне мяса дати всем людем сим? Яко плачут на мя, глаголюще: даждь нам мяса, да ядим: 004 NUM 011 014 не возмогу аз един водити людий сих, яко тяжко мне есть слово сие: 004 NUM 011 015 аще же тако Ты твориши мне, то убий мя убиением, аще обретох благодать пред Тобою, да не вижу озлобления моего. 004 NUM 011 016 И рече Господь к Моисею: собери Ми седмьдесят мужей от старец Израилевых, ихже ты сам веси, яко тии суть старцы людстии и книгочия их: и да приведеши я ко скинии свидения, и да станут тамо с тобою: 004 NUM 011 017 и сниду и возглаголю тамо с тобою, и уйму от Духа, иже в тебе, и возложу на ня: да подимут с тобою устремление людий, и не будеши водити их ты един: 004 NUM 011 018 и людем речеши: очиститеся наутрие, и снесте мяса, яко плакастеся пред Господем, глаголюще: кто ны напитает мясы? Яко добро нам бысть во Египте: и даст Господь вам мяса ясти, и снесте мяса: 004 NUM 011 019 не един день ясти будете, ни два, ни пять дний, ни десять дний, ниже двадесять дний: 004 NUM 011 020 до месяца дний ясти будете, дондеже изыдет из ноздрий ваших: и будет вам в мерзость, яко не покористеся Господу, Иже есть в вас, и плакастеся пред Ним, глаголюще: вскую бе нам изыти из Египта? 004 NUM 011 021 И рече Моисей: шесть сот тысящ пеших людий, в нихже Аз есмь, и Ты рекл еси: мяса им дам ясти, и будут ясти месяц дний: 004 NUM 011 022 еда овцы и волы заколются им, и доволно будет им? Или вся рыбы морския соберутся им, и доволно будет им? 004 NUM 011 023 И рече Господь к Моисею: еда рука Господня не доволна будет? Ныне уразумееши, аще постигнет тя слово Мое, или ни. 004 NUM 011 024 И изыде Моисей и глагола людем словеса Господня: и собра седмьдесят мужей от старец людских, и постави я окрест скинии. 004 NUM 011 025 И сниде Господь во облаце и глагола к нему: и уя от Духа, иже на нем, и возложи на седмьдесят мужей старец: егда же препочи Дух на них, и пророчествоваша, и ктому не приложиша. 004 NUM 011 026 И осташася два мужа в полце: имя единому Елдад, и имя второму Модад: и препочи на них Дух. И сии беша от вписанных, и не приидоша ко скинии, и пророчествоваша в полце. 004 NUM 011 027 И притек юноша возвести Моисею, и рече, глаголя: Елдад и Модад пророчествуют в полцех. 004 NUM 011 028 И отвещав Иисус Навин, предстояй Моисею избранный ему, рече господи мой Моисею, запрети им. 004 NUM 011 029 И рече ему Моисей: еда ревнуеши ты мне? И кто даст всем людем Господним (быти) пророки, егда даст Господь Духа Своего на них? 004 NUM 011 030 И иде Моисей в полк сам и старцы Израилтестии. 004 NUM 011 031 И дух изыде от Господа, и изведе крастели из моря и наведе на полк день ходу отсюду и день ходу отюнуду, окрест полка яко на два лактя от земли. 004 NUM 011 032 И воставше людие весь день и всю нощь, и весь день наутрие, и собраша крастели: иже мало, собра десять спуд: и иссушиша себе сушаницы окрест полка. 004 NUM 011 033 И мяса бяху им еще в зубех их, прежде оскудения, и Господь разгневася зело на люди, и порази Господь люди язвою великою зело: 004 NUM 011 034 и прозвася имя месту тому Гробы Похотения: яко тамо погребоша людий похотевших. 004 NUM 011 035 (И) воздвигошася людие от Гробов Похотения во Асироф, и быша людие во Асирофе. 004 NUM 012 001 И возглаголаста Мариам и Аарон на Моисеа жены ради Ефиопляныни, юже поя Моисей, ибо жену поя Ефиопляныню, 004 NUM 012 002 и рекоста: еда Моисею единому глагола Господь? Еда и нам не глаголаше? И услыша Господь. 004 NUM 012 003 И человек Моисей кроток зело паче всех человек сущих на земли. 004 NUM 012 004 И рече Господь внезапу к Моисею и Аарону и Мариаме: изыдите вы трие в скинию свидения. 004 NUM 012 005 И изыдоша трие в скинию свидения. И сниде Господь в столпе облачне ста над дверми скинии свидения: и призва Аарона и Мариам. И изыдоста оба. 004 NUM 012 006 И рече к ним: послушайте словес Моих: аще будет в вас пророк Господнь, в видении ему познаюся, и во сне возглаголю ему: 004 NUM 012 007 не тако якоже раб Мой Моисей, во всем дому Моем верен есть: 004 NUM 012 008 усты ко устом возглаголю ему яве, и не гаданием, и славу Господню виде: и почто не убоястеся глаголати на раба Моего Моисеа? 004 NUM 012 009 И гнев ярости Господни (бысть) на них. И отиде. 004 NUM 012 010 И облак отступи от скинии, и се, Мариам прокажена бысть яко снег: и воззре Аарон на Мариам, и се, прокажена. 004 NUM 012 011 И рече Аарон к Моисею: молю тя, господи, не возлагай на ны греха, понеже не ведяхом, яко согрешихом: 004 NUM 012 012 да не будет сия яко мертва, яко изверг извержен из ложесн матерних, и (се, уже) пояде пол плоти ея. 004 NUM 012 013 И возопи Моисей ко Господу, глаголя: Боже, молютися, исцели ю. 004 NUM 012 014 И рече Господь к Моисею: аще бы отец ея плюя заплевал в лице ея, не посрамится ли седмь дний? Да отлучится седмь дний вне полка, и по сих да внидет. 004 NUM 012 015 И отлучися Мариам вне полка на седмь дний: и людие не воздвигошася, дондеже очистися Мариам. 004 NUM 012 016 И по сих воздвигошася людие от Асирофа и ополчишася в пустыни Фарани. 004 NUM 013 001 И рече Господь к Моисею, глаголя: 004 NUM 013 002 посли от себе мужы, и да соглядают землю Ханаанску, юже Аз даю сыном Израилевым во одержание: мужа единаго от племене, по сонмом отечеств их, да послеши их всякаго старейшину от них. 004 NUM 013 003 И посла я Моисей от пустыни Фарани глаголголом Господним: вси мужи старейшины сынов Израилевых сии, и сия имена их: 004 NUM 013 004 от племене Рувимля Самуил сын Закхуров: 004 NUM 013 005 от племене Симеоня Сафат сын Сурин: 004 NUM 013 006 от племене Иудина Халев сын Иефонниин: 004 NUM 013 007 от племене Иссахаря Игал сын Иосифль: 004 NUM 013 008 от племене Ефремля Авсис сын Навин: 004 NUM 013 009 от племене Вениаминя Фалтий сын Рафуов: 004 NUM 013 010 от племене Завулоня Гудиил сын Судин: 004 NUM 013 011 от племене Иосифля сынов Манассииных Гадди сын Сусин: 004 NUM 013 012 от племене Данова Амиил сын Гамалин: 004 NUM 013 013 от племене Асирова Сафур сын Михаиль: 004 NUM 013 014 от племене Неффалимля Навий сын Савинь: 004 NUM 013 015 от племене Гадова Гудиил сын Махииль. 004 NUM 013 016 Сия имена мужей, ихже посла Моисей соглядати землю: и прозва Моисей Авсиа сына Навина Иисус. 004 NUM 013 017 И посла я Моисей от пустыни Фарани соглядати земли Ханаанския, и рече к ним: взыдите пустынею сею, и взыдете на гору. 004 NUM 013 018 И узрите землю, какова есть, и люди седящыя на ней, аще сильни суть, или немощни, мало ли их есть, или много? 004 NUM 013 019 И какова земля, на нейже сии седят, добра ли есть, или зла? И какови гради, в нихже живут сии, ограждени ли суть, или не ограждени? 004 NUM 013 020 И какова земля, изюбилна ли, или не изюбилна? Суть ли на ней древеса, или ни? И укрепившеся, возмите от плодов земли. Дние же бяху весенни, предваряющии ягоды. 004 NUM 013 021 И шедше соглядаша землю от пустыни Син даже да Роова, до входов Емаф. 004 NUM 013 022 И идоша по пустыни, и приидоша до Хеврона: и тамо (живяше) Ахиман и Сессий и Феламин, роды Енаковы: и Хеврон создася седмию леты прежде Танина (града) Египетскаго. 004 NUM 013 023 И приидоша до дебри Гроздныя, и соглядаша ю: и урезаша оттуду ветвь, и грозд винограда един на ней, и воздвигоша ю на жердь, и от шипков, и от смоквей. 004 NUM 013 024 И место оно назваша дебрь Гроздная, грозда ради, егоже урезаша оттуду сынове Израилтестии. 004 NUM 013 025 И возвратишася оттуду, соглядавше землю по четыредесяти днех. 004 NUM 013 026 И ходивше приидоша к Моисею и Аарону и ко всему сонму сынов Израилевых в пустыню Фараню в Кадис: и поведаша им слово и всему сонму, и показаша им плод земный., 004 NUM 013 027 и поведаша ему, и рекоша: ходихом на землю, на нюже посылал еси нас, на землю кипящую млеком и медом, и сий плод ея: 004 NUM 013 028 кроме яко людие сильни зело, иже на ней живут, и гради утверждени ограждением велицы зело, и род Енаков видехом тамо: 004 NUM 013 029 и Амалик живет в земли к югу: и Хеттей и Евей, и Иевусей и Аморрей живут в горах: и Хананей живет при мори и при Иордане реце. 004 NUM 013 030 И утиши Халев люди пред Моисеом, и рече ему: никакоже, на восходя взыдем и приимем ю в наследие, яко сильни есмы преодолети им. 004 NUM 013 031 И человецы ходившии с ним рекоша: не идем, яко не можем изыти противу языку (сему), яко крепльший есть паче нас. 004 NUM 013 032 И изнесоша ужас земли, юже соглядаша, к сыном Израилевым, глаголюще: землю юже проидохом соглядающе, земля есть поядающи живущыя на ней, и вси люди, ихже видехом на ней, мужи превысоцыи: 004 NUM 013 033 и тамо видехом исполины, сыны Енаковы, и бехом пред ними яко прузи, и тако бехом пред ними. 004 NUM 014 001 И взем весь сонм, даде глас: и плакахуся людие всю нощь ту: 004 NUM 014 002 и роптаху на Моисеа и Аарона вси сынове Израилтестии, и рекоша к ним весь сонм: 004 NUM 014 003 о дабы умерли быхом в земли Египетстей, или в пустыни сей да быхом умерли: и вскую вводит нас Господь в землю сию, еже пасти на брани? Жены нашя и дети наша будут в разграбление: ныне убо лучше есть нам возвратитися во Египет. 004 NUM 014 004 И рече друг ко другу: поставим себе старейшину, и возвратимся бо Египет. 004 NUM 014 005 И падоста Моисей и Аарон ниц пред всем сонмом сынов Израилевых. 004 NUM 014 006 Иисус же сын Навин и Халев сын Иефонниин от соглядавших землю, растерзаста ризы своя. 004 NUM 014 007 И рекоста ко всему сонму сынов Израилевых, глаголюще: земля, юже соглядахом, добра есть зело зело: 004 NUM 014 008 аще любит нас Господь, введет нас в землю ту и даст ю нам: земля же есть кипящая медом и млеком: 004 NUM 014 009 но от Господа не будите отступницы: вы же не убойтеся людий земли тоя, понеже в снедь нам есть: отступило бо время от них, Господь же с нами: не убойтеся их. 004 NUM 014 010 И рече весь сонм побити их камением: и слава Господня явися во облаце над скиниею свидения всем сыном Израилевым. 004 NUM 014 011 И рече Господь к Моисею: доколе преогорчевают Мя людие сии? И доколе не веруют Мне во всех знамениих, яже сотворих в них? 004 NUM 014 012 Поражу их смертию и погублю их: и сотворю тя и дом отца твоего в язык велик и мног паче нежели сей. 004 NUM 014 013 И рече Моисей ко Господу: иуслышат Египтяне, яко возвел еси крепостию Твоею люди Твоя сия от них: 004 NUM 014 014 но и вси живущии на земли сей слышаша, яко Ты еси Господь в людех сих, иже очима ко очесем являешися, Господи, и облак Твой ста над ними, и столпом облачным идеши Ты пред ними в день, и столпом огненным в нощи: 004 NUM 014 015 и потребиши люди сия аки единаго человека: и рекут вси языцы, елицы слышаша имя Твое, глаголюще: 004 NUM 014 016 занеже не возможе Господь людий Своих ввести в землю, о нейже клятся им, погуби их в пустыни: 004 NUM 014 017 и ныне да вознесется рука Твоя, Господи, якоже рекл еси, глаголя: 004 NUM 014 018 Господь долготерпелив и многомилостив и истинен, отемляй беззакония и неправды и грехи, и очищением не очистит повиннаго, отдая грехи отцев на чада, до третияго и четвертаго рода: 004 NUM 014 019 остави грех людем сим по велицей милости Твоей, якоже милостив был еси им от Египта даже до ныне. 004 NUM 014 020 И рече Господь к Моисею: милостив им есмь по словеси твоему: 004 NUM 014 021 но живу Аз, и присно живет имя Мое, и наполнит слава Господня всю землю: 004 NUM 014 022 яко вси мужие видящии славу Мою и знамения, яже сотворих во Египте и в пустыни сей, и искусиша Мя, се, десятое, и не послушаша гласа Моего, 004 NUM 014 023 истинно не узрят земли, еюже кляхся отцем их: разве чадом их, яже суть со Мною зде, иже не ведят добра и зла, всяк юноша не ведый, сим дам землю: вси же разгневавшии Мя не узрят ю: 004 NUM 014 024 раб же Мой Халев, яко бысть дух ин в нем, и возследова Мне, введу его в землю, в нюже ходил тамо, и семя его наследит ю: 004 NUM 014 025 Амалик же и Хананей живут во юдоли: утре возвратитеся и подвигнитеся вы в пустыню путем моря Чермнаго. 004 NUM 014 026 И рече Господь к Моисею и Аарону, глаголя: 004 NUM 014 027 доколе сонм сей злый? Яже они ропщут противу Мне, роптание сынов Израилевых, имже возропташа о вас, слышах: 004 NUM 014 028 рцы им: живу Аз, глаголет Господь: истинно, якоже глаголасте во ушы Мои, тако сотворю вам: 004 NUM 014 029 в пустыни сей падут телеса ваша, и все соглядание ваше, и сочтения ваша, от двадесяти лет и вышше, елицы ропташа на Мя: 004 NUM 014 030 аще вы внидете в землю, на нюже прострох руку Мою, вселити вас на ней, разве Халев сын Иефонниин и Иисус сын Навин: 004 NUM 014 031 и чада ваша, ихже ресте в разграблении быти, введу Я в землю, и наследят землю, от неяже вы отвергостеся: 004 NUM 014 032 и телеса ваша падут в пустыни сей: 004 NUM 014 033 сынове же ваши пасоми будут в пустыни четыредесять лет, и носити имут блужение ваше, дондеже потребятся телеса ваша в пустыни: 004 NUM 014 034 по числу дний, в нихже соглядасте землю, четыредесять дний, за день лето целое, понесете грехи вашя четыредесять лет, и увесте ярость гнева Моего: 004 NUM 014 035 Аз Господь глаголах вам: истинно тако сотворю сонму сему злому, воставшему на Мя: в пустыни сей потребятся, и тамо измрут. 004 NUM 014 036 И мужие, ихже посыла Моисей соглядати землю, и пришедше возропташа на ню к сонму, еже бы изнести словеса зла о земли, 004 NUM 014 037 и изомроша мужи, глаголавшии о земли зло, язвою пред Господем: 004 NUM 014 038 и Иисус сын Навин и Халев сын Иефонниин живы остастася от мужей тех ходивших соглядати землю. 004 NUM 014 039 И глагола Моисей словеса сия ко всем сыном Израилевым: и восплакашася людие зело, 004 NUM 014 040 и воставше заутра, взыдоша на верх горы, глаголюще: се, мы взыдем на место, еже рече Господь, яко согрешихом. 004 NUM 014 041 И рече Моисей: вскую вы преступаете слово Господне? Не благопоспешно будет вам: 004 NUM 014 042 не восходите: несть бо Господь с вами: и падете пред лицем враг ваших: 004 NUM 014 043 зане Амалик и Хананей тамо пред вами, и падете мечем, понеже отвратистеся, не покаряющеся Господу, и не будет Господь с вами. 004 NUM 014 044 И понудившеся взыдоша на верх горы: кивот же завета Господня и Моисей не двигнушася из среды полка. 004 NUM 014 045 И сниде Амалик и Хананей седяй в горе той, и сотроша их, и изсекоша их даже до Ермана: и возвратишася в полк. 004 NUM 015 001 И рече Господь к Моисею, глаголя: 004 NUM 015 002 глаголи сыном Израилевым и речеши к ним: егда внидете в землю вселения вашего, юже Аз даю вам, 004 NUM 015 003 и сотворите принос Господу во всесожжение или жертву, еже возвеличити мольбу, или благовольну, или в праздники вашя в воню благовония Господу, аще убо от волов, или от овец: 004 NUM 015 004 и да принесет приносяй дар свой Господу жертву, муки пшеничны десятую часть ефи (меры), вмешены в елей четвертыя части ина (меры): 004 NUM 015 005 и вина на возлияние четвертую часть ина сотворите во всесожжение или в жертву: агнцу единому да сотвориши толико, принос воню благовония Господу. 004 NUM 015 006 И овну, егда творите его во всесожжение или в жертву, да сотвориши жертву муки пшеничны две десятины вмешаны в елеи, третию часть ина (меры): 004 NUM 015 007 и вина на возлияние третию часть ина принесете в воню благовония Господу. 004 NUM 015 008 Аще же творите от волов во всесожжение или в жертву, еже возвеличити мольбу, или во спасителное Господу, 004 NUM 015 009 и принесет с телцем принос муки пшеничны три десятины вмешаны в елей, пол ина (меры): 004 NUM 015 010 и вина на возлияние пол ина (меры), принос в воню благовония Господу. 004 NUM 015 011 Тако да сотвориши телцу единому, или овну единому, или агнцу единому от овец или от коз: 004 NUM 015 012 по числу их, яже аще сотворите, тако сотворите единому по числу их. 004 NUM 015 013 Всяк туземец да сотворит тако сицевая принести приношения в воню благовония Господу: 004 NUM 015 014 аще же пришлец в вас прибудет в земли вашей, или иже аще будет в вас в родех ваших, и сотворит принос в воню благовония Господу, якоже творите вы, тако да сотворит. 004 NUM 015 015 Сонме Господнь, закон един да будет вам и пришелцем прилежащым в вас, закон вечный в роды вашя: якоже вы, (тако) и пришлец да будет пред Господем: 004 NUM 015 016 закон един да будет и оправдание едино да будет вам и пришелцу прилежащему в вас. 004 NUM 015 017 И рече Господь к Моисею, глаголя: 004 NUM 015 018 глаголи сыном Израилевым и речеши к ним: егда внидете в землю, в нюже Аз ввожду вас тамо, 004 NUM 015 019 и будет егда ясте от хлебов земли (тоя), отложите участие во отделение Господу: начаток теста вашего, 004 NUM 015 020 хлеб отлучите участие оное: якоже участие от гумна, 004 NUM 015 021 тако отделите той хлеб, начаток теста вашего, и дадите Господу участие в роды вашя. 004 NUM 015 022 Егда же согрешите и не сотворите всех заповедий сих, ихже глагола Господь Моисею, 004 NUM 015 023 якоже повеле Господь Бог к вам рукою Моисеовою, от дне в оньже повеле Господь к вам, и потом в роды вашя, 004 NUM 015 024 и будет аще от очес сонма сотворится неволею, и да сотворит весь сонм телца единаго непорочна от волов во всесожжение, в воню благовония Господу, и жертву сего, и возлияние его по уставлению, и козла единаго от коз греха ради: 004 NUM 015 025 и да помолится жрец от всем сонме сынов Израилевых, и оставится им, яко нехотение есть: и сии принесоша дар свой, принесение Господу греха ради своего пред Господем, нехотений ради своих, 004 NUM 015 026 и оставится всему сонму сынов Израилевых и пришелцу прилежащему в вас, яко всем людем нехотенное. 004 NUM 015 027 Аще же душа едина не хотящи согрешит, да приведет козу едину единолетну греха ради: 004 NUM 015 028 и да помолится жрец о души нехотевшей и согрешшей нехотением пред Господем, и да помолится о ней, и оставится ей. 004 NUM 015 029 Населнику (земли) сынов Израилевых и пришелцу прилежащему в них, закон един да будет им, иже аще сотворит не хотящь. 004 NUM 015 030 И душа яже сотворит рукою гордости от туземец или от пришелцев, Бога сия разгневает, и потребится душа та от людий своих: 004 NUM 015 031 яко слово Господне презре и заповеди Его разсыпа, сотрением да сотрется душа та: и грех ея на ней. 004 NUM 015 032 И бяху сынове Израилевы в пустыни, и обретоша мужа собирающа дрова в день субботный, 004 NUM 015 033 и приведоша его обретшии собирающа дрова в день субботный к Моисею и Аарону и ко всему сонму сынов Израилевых, 004 NUM 015 034 и ввергоша его в темницу: не совещаша бо, что сотворят ему. 004 NUM 015 035 И рече Господь к Моисею, глаголя: смертию да умрет человек сей, да побиете его камением весь сонм вне полка. 004 NUM 015 036 И изведоша его весь сонм вне полка, и побиша его камением весь сонм вне полка, якоже глагола Господь Моисею. 004 NUM 015 037 И рече Господь к Моисею, глаголя: 004 NUM 015 038 глаголи сыном Израилевым и речеши им: и да сотворят себе рясны на воскрилиих риз своих в роды своя: и возложите на рясны воскрилий прядение синее, 004 NUM 015 039 и будет вам на ряснах: и узрите их, и воспомянете вся заповеди Господни и сотворите я, и не развратитеся вслед мыслей своих и вслед очес ваших, имиже вы соблудисте вслед их: 004 NUM 015 040 яко да помянете и сотворите вся заповеди Моя, и будете святи Богу вашему: 004 NUM 015 041 Аз Господь Бог ваш, изведый вас из земли Египетския, быти вам Бог: Аз Господь Бог ваш. 004 NUM 016 001 И глагола Корей, сын Иссаара сына Каафа сына Левиина, и Дафан и Авирон, сынове Елиавли, и Авнан сын Фалефа сына Рувимля: 004 NUM 016 002 и восташа на Моисеа, и мужи сынов Израилевых двести и пятьдесят началницы сонма, сигклитики совета и мужи именити. 004 NUM 016 003 Совосташа на Моисеа и Аарона и реша к ним: довлеет вам, яко весь сонм вси святи, и в них Господь: и чесо ради востаете на сонм Господнь? 004 NUM 016 004 И слышав Моисей, паде ниц. 004 NUM 016 005 И глагола к Корею и ко всему сонму его, глаголя: согляда и позна Господь сущих Его и святых, и приведе к Себе: и ихже не избра Себе, не приведе к себе: 004 NUM 016 006 сие сотворите: возмите себе сами кадилники, Корей и весь сонм его, 004 NUM 016 007 и вложите огнь в ня, и вложите в ня фимиам пред Господем утре: и будет муж, егоже аще изберет Господь, сей свят: да довлеют вам сынове Левиины. 004 NUM 016 008 И рече Моисей Корею: послушайте мене, сынове Левиини: 004 NUM 016 009 еда мало есть сие вам, яко отлучи вас Бог от сонма Израилева и приведе вас к Себе служити службы в скинии Господни и стояти пред сонмом Господним, еже служити им? 004 NUM 016 010 И приведе тя и всю братию твою, сыны Левиины с тобою, и просите священствовати? 004 NUM 016 011 Тако ты и весь сонм твой собравшийся на Бога: и Аарон кто есть, яко ропщете нань? 004 NUM 016 012 И посла Моисей призвати Дафана и Авирона, сыны Елиавли. И реша: не идем: 004 NUM 016 013 еда мало се, яко извел еси ны из земли кипящия млеком и медом, еже погубити нас в пустыни, яко владееши нами? Князь еси: 004 NUM 016 014 и ты ли в землю кипящую медом и млеком ввел еси нас и дал еси нам часть села и винограда? Очи человек тех изткнул еси: не идем. 004 NUM 016 015 И отягча Моисей гневом зело и рече к Господу: не внемли на жертву их: ни единаго похотения от них приях, ниже озлобих кого от них. 004 NUM 016 016 И рече Моисей к Корею: освяти сонм твой, и будите готови пред Господа ты и Аарон и они заутра: 004 NUM 016 017 и возмите кийждо кадилник свой, и возложите на ня фимиам, и принесите пред Господа кийждо кадилник свой, двести и пятьдесят кадилников, и ты и Аарон кийждо кадилник свой. 004 NUM 016 018 И взяша кийждо свой кадилник, и возложиша на ня огнь, и вложиша в ня фимиам, и сташа пред дверми скинии свидения Моисей и Аарон. 004 NUM 016 019 И собра на ня Корей весь сонм свой пред дверми скинии свидения: и явися слава Господня всему сонму. 004 NUM 016 020 И рече Господь к Моисею и Аарону, глаголя: 004 NUM 016 021 отступите кийждо от среды сонма сего, и потреблю Я абие. 004 NUM 016 022 И падоста на лица своя и рекоста: Боже, Боже духов и всякия плоти: аще человек един согреши, на весь ли сонм гнев Господнь? 004 NUM 016 023 И рече Господь к Моисею, глаголя: 004 NUM 016 024 рцы сонму, глаголя: отступите окрест от сонма Кореева и Дафаня и Авироня. 004 NUM 016 025 И воста Моисей, и иде к Дафану и Авирону: и идоша с ним вси старцы Израилтестии. 004 NUM 016 026 И рече к сонму, глаголя: отступите от кущ человек жестокосердых сих, и не прикоснитеся ко всем, елика суть им, да не погибнете купно во всем гресе их. 004 NUM 016 027 И отступиша от кущ Кореа и Дафана и Авирона окрест: Дафан же и Авирон изыдоста и стаста пред дверми кущ своих, и жены их, и дети их и имение их. 004 NUM 016 028 И рече Моисей: в сем познаете, яко Господь посла мя сотворити вся дела сия, яко не от себе (аз творю сия): 004 NUM 016 029 аще смертию всех людий умрут сии, и аще по присещению всех человек посещение будет их, то не Господь посла мене: 004 NUM 016 030 но явно покажет Господь, и отверзши земля уста своя пожрет я и домы их, и кущы их и вся, елика суть их, и снидут живи во ад, и уведите, яко разгневаша человецы сии Господа. 004 NUM 016 031 Егда же преста глаголя вся словеса сия, разседеся земля под ногами их: 004 NUM 016 032 и разверзеся земля, и пожре я и домы их, и вся люди сущыя с Кореом, и скоты их: 004 NUM 016 033 и снидоша тии, и вся, елика суть их, живи во ад, и покры их земля, и погибоша от среды сонма: 004 NUM 016 034 и весь Израиль, и иже окрест их, отбегоша от вопля их, зане рекоша, глаголюще: да не пожрет нас земля. 004 NUM 016 035 И огнь изыде от Господа и пояде двести и пятьдесят мужей принесших фимиам. 004 NUM 016 036 И рече Господь к Моисею. 004 NUM 016 037 И ко Елеазару сыну Ааронову жерцу: соберите кадилники медяныя от среды изгоревших, и огнь чуждий сей разсыплите тамо, яко освятишася кадилницы грешных сих в душах их: 004 NUM 016 038 и сотворите я дщицы кованы, обложение у олтаря, яко принесошася пред Господа и освятишася, и быша в знамение сыном Израилевым. 004 NUM 016 039 И взя Елеазар сын Аарона жерца кадилники медяныя, елики принесоша изгоревшии, и обложиша я во обложение олтаря, 004 NUM 016 040 в память сыном Израилевым яко да никтоже приидет иноплеменник, иже несть от семене Аароня, еже возложити фимиам пред Господем, и да не будет, якоже Корей и советницы его, якоже глагола ему Господь рукою Моисеовою. 004 NUM 016 041 И возропташа сынове Израилтестии на утрие на Моисеа и Аарона, глаголюще: вы избисте люди Господни. 004 NUM 016 042 И бысть егда нападе сонм на Моисеа и Аарона, и устремишася к скинии свидения: 004 NUM 016 043 и покры оную облак, и явися слава Господня: и вниде Моисей и Аарон пред скинию свидения. 004 NUM 016 044 И рече Господь к Моисею и Аарону, глаголя: 004 NUM 016 045 уступите от среды сонма сего и потреблю я единицею. И падоста на лица своя. 004 NUM 016 046 И рече Моисей ко Аарону: возми кадилник, и вложи в него огнь от олтаря, и возложи нань фимиам, и понеси скоро в полк, и помолися о них: изыде бо гнев от лица Господня, и нача губити люди. 004 NUM 016 047 И взя Аарон, якоже глагола ему Моисей, и тече в сонм, уже бо начася пагуба в людех: и возложи фимиам, и помолися о людех: 004 NUM 016 048 и ста между мертвыми и живыми, и преста пагуба. 004 NUM 016 049 И бысть умерших в пагубе четыренадесять тысящ и седмь сот кроме умерших Кореа ради. 004 NUM 016 050 И возвратися Аарон к Моисею, к дверем скинии свидения, и преста пагуба. 004 NUM 017 001 И рече Господь к Моисею, глаголя: 004 NUM 017 002 глаголи сыном Израилевым, и возми от них но единому жезлу, жезл от всех князей их, по домом отечества их, дванадесять жезлов, имя же коегождо напиши на жезле его, 004 NUM 017 003 и имя Аароне напиши на жезле Левиине: есть бо жезл един: по племени дому отечеств своих да дадят: 004 NUM 017 004 и да положиши их в скинии свидения, прямо свидению, в нихже явлюся тебе ту: 004 NUM 017 005 и будет человек, егоже аще изберу, жезл его прозябнет: и отиму от мене роптание сынов Израилевых, елика сии ропщут на вы. 004 NUM 017 006 И глагола Моисей сыном Израилевым: и даша ему вси князи их по жезлу, князя единаго жезл, по княжению, по домом отечеств их, дванадесять жезлов: и жезл Ааронь посреде жезлов их. 004 NUM 017 007 И положи Моисей жезлы пред Господем в скинии свидения. 004 NUM 017 008 И бысть на утрие, и вниде Моисей и Аарон в скинию свидения: и се, прозябе жезл Ааронь в дому Левиине, и израсти ветвь, и процветоша цвети, и израсти орехи: 004 NUM 017 009 и изнесе Моисей вся жезлы от лица Господня ко всем сыном Израилевым: и видеша, и взя кийждо жезл свой. 004 NUM 017 010 И рече Господь к Моисею: отложи жезл Ааронь пред свидением в сохранение, в знамение сынов ослушливых: и да престанет роптание их от Мене, и не измрут. 004 NUM 017 011 И сотвори Моисей и Аарон, якоже повеле Господь Моисею, тако сотвориша. 004 NUM 017 012 И рекоша сынове Израилевы к Моисею, глаголюще: се, потребихомся, погибохом, исчезохом: 004 NUM 017 013 всяк прикасаяйся ко скинии свидения Господня умирает: даже до конца ли умирающе погибнем? 004 NUM 018 001 И рече Господь ко Аарону, глаголя: ты и сынове твои, и дом отца твоего с тобою, возмите грехи святых, ты же и сынове твои возмите грехи жречества вашего: 004 NUM 018 002 и братию твою, племя Левиино, сонм отца твоего приведи к себе, и да приложатся к тебе, и да служат тебе, и ты и сынове твои с тобою пред скиниею свидения, 004 NUM 018 003 и да блюдут стражбы твоя и стражбы скинии: токмо к сосудом святым и ко олтарю да не приступают, да не измрут и сии, и вы: 004 NUM 018 004 и приложатся к тебе и да блюдут стражбы скинии свидения по всем службам скинии, и иноплеменник да не приступит к тебе, 004 NUM 018 005 и соблюдете стражбы святых и стражбы олтаря, и не будет ктому гнева на сынех Израилевых: 004 NUM 018 006 и Аз взях братию вашу левиты от среды сынов Израилевых в дар данный Господу служити службы скинии свидения. 004 NUM 018 007 И ты и сынове твои с тобою сохраните жречество ваше по всему образу олтаря, и еже внутрь завесы, и да служите службы в дар жречества вашего: и иноплеменник приступаяй умрет. 004 NUM 018 008 И рече Господь ко Аарону: и се, Аз дах вам снабдение начатков моих от всех освященных Мне от сынов Израилевых: тебе дах я в честь, и сыном твоим по тебе законно вечно: 004 NUM 018 009 и сие да будет вам от освященных святых приношений, от всех даров их и от всех жертв их, и от всякаго преступления их и от всех грех их, елика отдают Мне, от всех святынь, тебе да будут и сыном твоим. 004 NUM 018 010 Во святем святых ядите я: всяк мужеский пол да яст я, ты и сынове твои: свята будут тебе. 004 NUM 018 011 И сие да будет вам от начатков даяний их, от всех возложений сынов Израилевых: тебе дах я, и сыном твоим и дщерем твоим с тобою, законно вечно: всяк чистый в дому твоем да яст я. 004 NUM 018 012 Всяк начаток елеа, и всяк начаток вина и пшеницы, начаток их, елика аще отдадят Господу, тебе дах я: первородная вся елика в земли их, елика аще принесут Господу, тебе да будут: 004 NUM 018 013 всяк чистый в дому твоем да яст я. 004 NUM 018 014 Всяко освященное в сынех Израилевых тебе да будет, 004 NUM 018 015 и всякое разверзающее всяка ложесна от всякия плоти, елика приносят Господу, от человека до скота, тебе да будут: но токмо искуплением искупятся первенцы человечестии, и первенцы скотов нечистых да искупятся: 004 NUM 018 016 и искуп его от единаго месяца, сценение пять сикль, по сиклю святому: двадесять медниц есть: 004 NUM 018 017 обаче первородная телцев и первородная овец и первородная коз да не искупятся: свята суть: и кровь их пролиеши у олтаря, и тук принесеши принос в воню благовония Господу. 004 NUM 018 018 И мяса тебе да будут, якоже и груди возложения: и по раму десному тебе да будут. 004 NUM 018 019 Всяко участие святых, елика аще отлучат сынове Израилтестии Господу, тебе дах и сыном твоим и дщерем твоим с тобою, законно вечно: завет соли вечныя есть пред Господем, тебе и семени твоему по тебе. 004 NUM 018 020 И рече Господь ко Аарону: в земли их да не наследиши наследия, и части да не будет тебе в них: яко Аз часть твоя и наследие твое посреде сынов Израилевых. 004 NUM 018 021 И сыном Левииным, се, дах всю десятину во Израили в жребий за службы их, елико служат тии служение в скинии свидения: 004 NUM 018 022 и да не приступают по сем сынове Израилтестии к скинии свидения прияти грех смертоносный: 004 NUM 018 023 и да служат левити сами службу скинии свидения, и тии возмут грехи их: законно вечно в роды их: и посреде сынов Израилевых да не наследят наследия: 004 NUM 018 024 яко десятины сынов Израилевых, елики аще отлучат Господу, участие дах левитом в жребий: сего ради рекох им: среди сынов Израилевых да не наследят жребия. 004 NUM 018 025 И рече Господь к Моисею, глаголя: 004 NUM 018 026 и левитом да глаголеши и речеши к ним: аще возмете десятину от сынов Израилевых, юже дах вам от них во жребий, и отделите вы от нея участие Господу, десятину от десятины ея, 004 NUM 018 027 и вменятся вам участия ваша яко пшеница от гумна и яко участие от точила: 004 NUM 018 028 тако отделите их и вы от всех участий Господних, от всех десятин ваших, елики аще возмете от сынов Израилевых, и дадите от них участие Господу, Аарону жерцу: 004 NUM 018 029 от всех даяний ваших отделите участие Господу, или от всех начатков освященное от него, 004 NUM 018 030 и речеши к ним: егда отделите начаток от него, и вменится левитом аки жито от гумна и яко участие от точила: 004 NUM 018 031 и ядите то во всяком месте вы и сынове ваши и домове ваши, яко мзда сия вам есть за службы вашя, яже в скинии свидения: 004 NUM 018 032 и не приимете за сие греха, яко аще отлучите начаток от него: и святынь сынов Израилевых не оскверните, да не умрете. 004 NUM 019 001 И рече Господь к Моисею и Аарону, глаголя: 004 NUM 019 002 се, расположение закона, елика заповеда Господь, глаголя: глаголи сыном Израилевым, и да приведут к тебе юницу рыжу непорочну, яже не имать на себе порока, и на нюже не бе возложено иго: 004 NUM 019 003 и даси ю ко Елеазару жерцу: и да изведут ю вне полка на место чисто, и да заколют ю пред ним: 004 NUM 019 004 и да возмет Елеазар от крове ея и да покропит спреди скинии свидения от крове ея седмижды: 004 NUM 019 005 и да сожгут ю пред ним, и кожу ея и мяса ея и кровь ея с мотылы ея да сожгут: 004 NUM 019 006 и да возмет жрец древо кедрово, и иссоп, и соскание червленое, и да вложат в средину сожжения юницы: 004 NUM 019 007 и да измыет ризы своя жрец и да омыет тело свое водою, и потом да внидет в полк, и нечист будет жрец до вечера: 004 NUM 019 008 и иже сожигает ю, да исперет ризы своя и да омыет тело свое водою, и нечист будет до вечера: 004 NUM 019 009 и да соберет чистый человек пепел юницы и да изнесет вне полка на место чисто, и да будет сонму сынов Израилевых в сохранение: вода окропления очищение есть: 004 NUM 019 010 и собираяй пепел юницы да исперет ризы своя, и нечист будет до вечера: и да будет сыном Израилевым и пришелцем прилежащым посреде вас законно вечно. 004 NUM 019 011 Прикасаяйся мертвому всякия души человечи нечист будет седмь дний: 004 NUM 019 012 сей да очистится (сею водою) в день третий и в день седмый, и чист будет: аще же не очистится ею в день третий и в день седмый, нечист будет. 004 NUM 019 013 Всяк прикасаяйся мертвому от всякия души человечи, аще умрет, и не очистится, скинию Господню оскверни: потребится душа та от Израиля, яко вода окропления не воскропися нань, нечист есть, еще нечистота его на нем есть. 004 NUM 019 014 И сей закон: человек аще умрет в дому, всяк входяй в дом, и елика суть в дому, нечиста будут седмь дний. 004 NUM 019 015 И всяк сосуд непокровен, и елики обвязанием не обвязаны, нечисти суть. 004 NUM 019 016 И всяк иже аще прикоснется на поли язвенному, или мертвому, или кости человечи, или гробу, седмь дний нечист будет: 004 NUM 019 017 и да возмут нечистому от пепела сожженнаго очищения, и да возлиют нань воду живу в сосуд: 004 NUM 019 018 и да возмет иссоп и омочит в воду муж чист, и да воскропит на дом и на сосуды и на душы, елики суть тамо, и на коснувшася кости человечей, или язвенному, или мертвечине, или гробу: 004 NUM 019 019 и да воскропит чистый на нечистаго в день третий и в день седмый, и очистится седмаго дне: и да исперет ризы своя и да омыет тело свое водою, и нечист будет до вечера. 004 NUM 019 020 И человек, иже аше осквернится, и не очистит себе, потребится душа та от среды сонма, яко святая Господня осквернави, яко вода окропления не воскропися Нань, нечист есть. 004 NUM 019 021 И да будет вам законно вечно, и окропляяй водою окропления да исперет ризы своя, и прикасаяся воде окропления нечист будет до вечера. 004 NUM 019 022 И всякое, емуже прикоснется нечистый, нечисто будет: и душа прикасающаяся нечиста будет до вечера. 004 NUM 020 001 И приидоша сынове Израилтестии, весь сонм, в пустыню Син, в месяц первый, и пребываху людие в Кадисе: и скончася ту Мариам, и погребеся тамо. 004 NUM 020 002 И не бяше воды сонму: и собрашася на Моисеа и Аарона, 004 NUM 020 003 и ропташа людие на Моисеа, глаголюще: о, дабы умерли быхом в погибели братии нашея пред Господем: 004 NUM 020 004 и вскую введосте сонм Господнь в пустыню сию, погубити ны и скоты нашы? 004 NUM 020 005 И вскую сие? Изведосте ны из Египта, еже приити (нам) на место злое сие, место, в немже не сеется, ни смокви, ни винограды, ниже яблоки, ниже вода есть пити. 004 NUM 020 006 И прииде Моисей и Аарон от лица сонма пред двери скинии свидения, и падоста ниц: и явися слава Господня над ними. 004 NUM 020 007 И рече Господь к Моисею, глаголя: 004 NUM 020 008 возми жезл твой и созови сонм ты и Аарон, брат твой, и рцыте ко каменю пред ними, и даст воды своя: и изведете им воды из камене, и напойте сонм и скоты их. 004 NUM 020 009 И взя Моисей жезл иже пред Господем, якоже повеле Господь. 004 NUM 020 010 И созва Моисей и Аарон сонм пред камень, и рече к ним: послушайте мене, непокоривии: еда из камене сего изведем вам воду? 004 NUM 020 011 И воздвиг Моисей руку свою, удари в камень жезлом дважды: и изыде вода многа, и напися сонм (весь) и скоты их. 004 NUM 020 012 И рече Господь к Моисею и Аарону: понеже не веровасте освятити Мя пред сынми Израилтескими, сего ради не введете вы сонма сего в землю, юже дах им: 004 NUM 020 013 сия вода Пререкания, яко возропташа сынове Израилтестии пред Господем, и освятися в них. 004 NUM 020 014 И посла Моисей послы от Кадиса к Царю Едомскому, глаголя: тако глаголет брат твой Израиль: ты веси весь труд обретший нас: 004 NUM 020 015 и снидоша отцы наши в Египет, и жихом во Египте дни многи, и озлобиша нас Египтяне и отцев наших: 004 NUM 020 016 и возопихом ко Господу, и услыша Господь глас наш, и послав Ангела, изведе ны из Египта: и ныне есмы в Кадисе граде, на конце предел твоих: 004 NUM 020 017 да прейдем сквозе землю твою: не пройдем сквозе села, ни сквозе винограды, ни пием воды в потоцех твоих: путем царским пойдем, не совратимся ни на десно, ни на лево, дондеже прейдем пределы твоя. 004 NUM 020 018 И рече к ним Едом: не пройдеши сквозе мене: аще же ни, ратию изыду противу тебе. 004 NUM 020 019 И рекоша к нему сынове Израилевы: под горою пройдем: аще же от воды твоея испием аз и скоты моя, дам цену тебе: но вещь сия ничтоже есть, под горою да пройдем. 004 NUM 020 020 Он же рече: не пройдеши сквозе мене. И изыде противу им Едом с народом тяжким и рукою крепкою. 004 NUM 020 021 И не восхоте Едом дати Израилю проити сквозе пределы своя, и уклонися Израиль от него. 004 NUM 020 022 И воздвигошася от Кадиса, и приидоша сынове Израилтестии, весь сонм, в гору Ор. 004 NUM 020 023 И рече Господь к Моисею и Аарону в горе Ор у предел земли Едомли, глаголя: 004 NUM 020 024 да приложится Аарон к людем своим, яко не внидете в землю, юже дах сыном Израилевым в наследие, понеже преогорчисте Мя у воды Пререкания: 004 NUM 020 025 возми Аарона брата твоего и Елеазара сына его, и возведи я на Ор гору пред всем сонмом: 004 NUM 020 026 и совлецы Аарону ризы его и облецы Елеазара сына его, и Аарон приложився да умрет тамо. 004 NUM 020 027 И сотвори Моисей, якоже повеле ему Господь: и возведе я на Ор гору пред всем сонмом, 004 NUM 020 028 и совлече Аарона с риз его, и облече в ня Елеазара сына его: 004 NUM 020 029 и умре Аарон тамо на версе горы: и сниде Моисей и Елеазар с горы. И виде весь сонм, яко умре Аарон: и плакашася по Аароне тридесять дний весь дом Израилев. 004 NUM 021 001 И услыша Хананей царь Арадский живый при пустыни, яко прииде Израиль путем Афаримским, и ратова противу Израиля, и взя от них плен. 004 NUM 021 002 И обещася Израиль обетом Господу и рече: аще мне предаси люди сия подручны, погублю их и грады их. 004 NUM 021 003 И услыша Господь глас Израилев и предаде Хананеа подручна ему: и опустоши его и грады его, и прозва има месту тому Запустение. 004 NUM 021 004 И воздвигшеся от Ора горы путем иже к морю Чермному, обыдоша землю Едомлю: и малодушествоваша людие на пути, 004 NUM 021 005 и роптаху людие на Бога и на Моисеа, глаголюще: вскую извел еси ны из Египта убити нас в пустыни, яко несть хлеба, ни воды? И душа наша негодует о хлебе сем тщем. 004 NUM 021 006 И посла Господь на люди змиев умерщвляющих, и угрызаху людий: и умроша люди мнози от сынов Израилевых. 004 NUM 021 007 И пришедше людие к Моисеови глаголаша: согрешихом, яко роптахом на Господа и на тя: помолися убо ко Господу, да отженет от нас змии. И помолися Моисей ко Господу о людех. 004 NUM 021 008 И рече Господь к Моисею: сотвори себе змию (медяну) и положи ю на знамя: и будет аще угрызет змия человека, всяк угрызенный видев ю жив будет. 004 NUM 021 009 И сотвори Моисей змию медяну и постави ю на знамени: и бысть егда угрызаше змия человека, и взираше на змию медяну, и оживаше. 004 NUM 021 010 И воздвигошася сынове Израилевы, и ополчишася во Овофе: 004 NUM 021 011 и воздвигшеся от Овофа, ополчишася во Ахалгеи об ону страну пустыни, яже есть пред лицем Моавитским, на восток солнца: 004 NUM 021 012 и оттуду воздвигошася, и ополчишася в дебри Заред: 004 NUM 021 013 и оттуду воздвигшеся, ополчишася об ону страну Арнона в пустыни, яже исходит от предел Аморрейских: есть бо Арнон предел Моавль между Моавом и между Аморреом. 004 NUM 021 014 Сего ради глаголется в книзе брань Господня: Зоову попали, и потоки Арнони, 004 NUM 021 015 и потоки устрои в селение Ир, и прилежит пределом Моавлим. 004 NUM 021 016 И оттуду (воздвигошася) ко Кладязю: сей есть кладязь, о немже рече Господь к Моисею: собери люди, и дам им воду пити. 004 NUM 021 017 Тогда воспе Израиль песнь сию у кладязя: начинайте ему: 004 NUM 021 018 кладязь, ископаша его князи, изсекоша его царие язычестии во царствии их, внегда обладати ими. И от кладязя (воздвигошася) в Манфанаил: 004 NUM 021 019 и от Манфанаила в Наадиил, и от Наадиила в Вамоф: 004 NUM 021 020 и от Вамофа в Напин, иже есть на поли Моавли, от верха Изсеченаго, зрящаго пред лице пустыни. 004 NUM 021 021 И посла Моисей послы к Сиону царю Аморрейску, словесы мирными глаголя: 004 NUM 021 022 да пройдем сквозе землю твою, путем пойдем: не уклонимся ни на села, ни на винограды, не испием воды от кладязь твоих: путем царским пойдем, дондеже пройдем пределы твоя. 004 NUM 021 023 И не даде Сион Израилю проити сквозе пределы своя: и собра Сион вся люди своя, и изыде ополчитися на Израиля в пустыню: и прииде во Иассан, и ополчися на Израиля. 004 NUM 021 024 И порази его Израиль убийством меча, и обладаше землею его от Арнона до Иавока, даже до сынов Амманих: яко Иазир пределы сынов Амманих суть. 004 NUM 021 025 И взя Израиль вся грады сия: и вселися Израиль во всех градех Аморрейских, во Есевоне и во всех подлежащих ему: 004 NUM 021 026 есть бо Есевон град Сиона царя Аморрейска: и сей повоева царя Моавля прежде и взя всю землю его от Ароира даже до Арнона. 004 NUM 021 027 Сего ради рекут приточницы: приидите во Есевон, да соградится и созиждется град Сион: 004 NUM 021 028 яко огнь изыде от Есевона и пламень от града Сиона, и пояде даже до Моава, и пожре столпы Арнонския: 004 NUM 021 029 горе тебе, Моаве, погибосте, людие Хамосовы: продани быша сынове их в заключение и дщери их пленницы царю Аморрейскому Сиону: 004 NUM 021 030 и семя их погибнет, Есевон даже до Девона: и жены их еще разожгоша огнь на Моава. 004 NUM 021 031 Вселися же Израиль во вся грады Аморрейски: 004 NUM 021 032 и посла Моисей соглядати Иазира: и взяша его и села его, и изгнаша Аморреа живущаго тамо: 004 NUM 021 033 и возвратившеся, приидоша путем в Васан. И изыде Ог, царь Васанский, противу им и вси людие его на брань во Едраин. 004 NUM 021 034 И рече Господь к Моисею: не убойся его, яко в руце твои предах его и вся люди его и всю землю его: и сотвориши ему, якоже сотворил еси Сиону царю Аморрейску, иже живяше во Есевоне. 004 NUM 021 035 И порази его и сыны его и вся люди его, даже не оста в них живый: и наследиша землю его. 004 NUM 022 001 И воздвигшеся сынове Израилтестии, ополчишася на запады Моава у Иордана ко Иерихону. 004 NUM 022 002 И видев Валак сын Сепфоров вся, елика сотвори Израиль Аморрею, 004 NUM 022 003 и убояся Моав людий зело, яко мнози бяху, и оскорбе Моав от лица сынов Израилевых, 004 NUM 022 004 и рече Моав старейшинам Мадиамлим: ныне потребит сонм сей всех, иже окрест нас, якоже потребляет телец злак на поли. И Валак, сын Сепфоров, бяше царь Моавль в то время, 004 NUM 022 005 и посла послы к Валааму, сыну Веорову, во Фафуру яже есть у реки земли сынов людий его, призвати его, глаголя: се, людие изыдоша из Египта, и се, покрыша лице земли, и сии седят при одержании моем: 004 NUM 022 006 и ныне прииди, проклени мне люди сия, понеже крепльшии суть паче нас, аше возможем сих избити, и изжену их из земли: яко вем, ихже аще благословиши ты, благословени суть, и ихже аще прокленеши ты, прокляти. 004 NUM 022 007 И идоша старейшины Моавли и старейшины Мадиамли, и волхвования в руках их: и приидоша к Валааму и глаголаша ему словеса Валакова. 004 NUM 022 008 И рече к ним: препочийте зде нощь (сию), и отвещаю вам деяния, яже аще возглаголет Господь ко мне. И пребыша князи Моавли у Валаама. 004 NUM 022 009 И прииде Бог к Валааму и рече ему: что человецы сии у тебе? 004 NUM 022 010 И рече Валаам к Богу: Валак сын Сепфоров, царь Моавль, посла их ко мне, глаголя: 004 NUM 022 011 се, людие изыдоша из Египта и покрыша лице земли, и сии седят при одержании моем: и ныне прииди, проклени ми их, негли возмогу избити их и изгнати я от земли. 004 NUM 022 012 И рече Бог к Валааму: да не идеши с ними, ниже да кленеши людий: суть бо благословени. 004 NUM 022 013 И востав Валаам заутра, рече князем Валаковым: возвратитеся к господину своему: не попущает ми Бог ити с вами. 004 NUM 022 014 И воставше князи Моавли приидоша к Валаку и рекоша ему: не хощет Валаам приити с нами. 004 NUM 022 015 И приложи Валак еще послати князи множайшии и честнейшии сих. 004 NUM 022 016 И приидоша к Валааму и глаголаша ему: сия глаголет Валак, сын Сепфоров: молю тя, не обленися приити ко мне: 004 NUM 022 017 честне бо тя почту, и вся, елика аще речеши ми, сотворю тебе: и прииди, и проклени ми люди сия. 004 NUM 022 018 И отвеща Валаам и рече князем Валаковым: аще ми даст Валак полну храмину свою злата и сребра, не могу преступити слова Господа Бога, еже сотворити то мало или велико в разуме моем: 004 NUM 022 019 и ныне потерпите зде и вы нощь сию, и увем, что приложит Господь глаголати ко мне. 004 NUM 022 020 И прииде Бог к Валааму нощию и рече ему: аще звати тя приидоша человецы сии, востав иди вслед их, но слово, еже аше реку тебе, то да сотвориши. 004 NUM 022 021 И востав Валаам заутра, оседла осля свое и иде со князи Моавли. 004 NUM 022 022 И разгневася яростию Бог, яко иде сей: и воста Ангел Божий препяти ему на пути. Сей же седяше на осляти своем и два раба его с ним. 004 NUM 022 023 И узрев осел Ангела Божия супротив стояща на пути, и мечь извлечен в руце его, и совратися осел с пути и идяше на поле: и бияше (Валаам) осля жезлом своим, еже направити е на путь: 004 NUM 022 024 и ста Ангел Божий на броздах виноградных: ограждение отсюду, и ограждение отюнуду: 004 NUM 022 025 и узрев осел Ангела Божия, приложися ко ограде и прижме ногу Валааму ко ограде, и приложи еще бити его: 004 NUM 022 026 и приложи Ангел Божии, и шед свята в месте узком, в немже не бяше уклонитися ни на десно, ни на лево: 004 NUM 022 027 и видя осля Ангела Божия, паде под Валаамом: и разгневася Валаам, и бияше осля жезлом. 004 NUM 022 028 И отверзе Бог уста осляти, и рече Валааму: что сотворих тебе, яко се, в третие биеши мя? 004 NUM 022 029 И рече Валаам осляти: яко поругалося ми еси: и аще бых мечь имел в руку моею, пробол бых тя. 004 NUM 022 030 И рече осля Валааму: не аз ли ослица твоя, на нейже ты ездиши от юности своея до днешняго дне? Еда презорством презревши сотворих тебе сие? Он же рече: ни. 004 NUM 022 031 Отверзе же Бог очи Валааму, и узре Ангела Божия противостояща на пути, и мечь извлечен в руце его: и приклонився поклонися ему лицем своим. 004 NUM 022 032 И рече ему Ангел Божий: почто биеши осля твое сие в третие? И се, Аз приидох на препятие твое, яко неприятен путь твой предо Мною: и видя мя ослица, совратися от Мене се третие: 004 NUM 022 033 и аще бы не уклонилася от Мене, ныне тя убо убил бых, сию же сохранил бых. 004 NUM 022 034 И рече Валаам ко Ангелу Господню: согреших, не ведех бо, яко Ты мне противостоял еси на пути: и ныне аще Тебе не угодно, возвращуся. 004 NUM 022 035 И рече Ангел Божий к Валааму: иди ты с человеки: обаче слово, еже аще реку тебе, сие сохрани глаголати. И иде Валаам со князи Валаковы. 004 NUM 022 036 И услышав Валак, яко приходит Валаам, изыде во сретение ему во град Моавль, иже есть в пределех Арноних, иже есть на краи пределов. 004 NUM 022 037 И рече Валак к Валааму: не послах ли к тебе звати тя? Почто не пришел еси ко мне? Или не возмогу почтити тебе? 004 NUM 022 038 И рече Валаам к Валаку: се, прихожду к тебе ныне: мощен ли буду глаголати что? Слово, еже аще вложить Бог во уста моя, сие реку. 004 NUM 022 039 И иде Валаам с Валаком, и внидоша во Грады Селныя. 004 NUM 022 040 И закла Валак телцы и овцы, и посла Валааму и князем иже с ним. 004 NUM 022 041 И бысть заутра, и взяв Валак Валаама, возведе его на столп Ваалов, и показа ему оттуду часть некую людий. 004 NUM 023 001 И рече Валаам к Валаку: созижди мне зде седмь требищ, и уготовай мне зде седмь телцев и седмь овнов. 004 NUM 023 002 И сотвори Валак, якоже рече ему Валаам: и вознесе телца и овна на требище. 004 NUM 023 003 И рече Валаам к Валаку: стани у требы своея, и пойду, аще явится мне Бог в сретение, и слово, еже мне укажет, повем тебе. И ста Валак у требы своея. 004 NUM 023 004 И Валаам иде вопросити Бога, и иде прямо: и явися Бог Валааму. И рече к нему Валаам: седмь требищ изготових и возложих телца и овна на требище. 004 NUM 023 005 И вложи Бог слово во уста Валааму и рече: возвратився к Валаку тако глаголи. 004 NUM 023 006 И возвратися к нему: он же стояше у всесожжений своих, и вси князи Моавли с ним: и бысть Дух Божий на нем. 004 NUM 023 007 И восприим притчу свою рече: от Месопотамии приведе мя Валак царь Моавль, от гор восточных, глаголя: гряди, проклени ми Иакова, и гряди, проклени ми Израиля: 004 NUM 023 008 что проклену, егоже не кленет Господь? Или что зло реку, егоже не злословит Бог? 004 NUM 023 009 Яко от верха гор узрю его и от холм проуразумею его: се, людие едини населятся и со языки не вменятся: 004 NUM 023 010 кто изследит семя Иаковле? И кто изочтет сонмы Израиля? Да умрет душа моя в душах праведных, и буди семя мое, якоже семя их. 004 NUM 023 011 И рече Валак к Валааму: что сотворил еси ми? На проклятие враг моих призвах тя, и се, благословил еси (я) благословением. 004 NUM 023 012 И рече Валаам к Валаку: не елика ли вложит Бог во уста моя, сие сохраню глаголати? 004 NUM 023 013 И рече к нему Валак: пойди еще со мною на место ино, с негоже не узриши их оттуду, но разве часть некую их узриши, всех же не узриши, и проклени ми их оттуду. 004 NUM 023 014 И поя его на стражу села, на верх Истесанаго, и созда тамо седмь требищ, и возложи телца и овна на требище. 004 NUM 023 015 И рече Валаам к Валаку: стани у требы своея, аз же пойду вопросити Бога. 004 NUM 023 016 И срете Бог Валаама, и вложи слово во уста ему и рече: возвратися к Валаку, и речеши сия. 004 NUM 023 017 И возвратися к нему: он же стояше у всесожжений своих, и вси князи Моавли с ним. И рече ему Валак: что глагола Господь? 004 NUM 023 018 И восприим притчу свою, рече: востани, Валак, и послушай, внуши свидетель, сыне Сепфоров: 004 NUM 023 019 не яко человек Бог колеблется, ниже яко сын человеческий изменяется: Той глаголаше, не сотворит ли? Речет, и не пребудет ли? 004 NUM 023 020 Се, благословляти приведен есмь: благословлю, и не отвращу: 004 NUM 023 021 не будет труда во Иакове, ниже узрится болезнь во Израили: Господь Бог его с ним, слава царская на нем: 004 NUM 023 022 Бог изведый его из Египта, якоже слава единорога в нем: 004 NUM 023 023 несть бо вражбы во Иакове, ниже волхвования во Израили: во время наречется Иакову и Израилю, что совершит Бог: 004 NUM 023 024 се, людие яко львичища востанут, и яко лев вознесется: не уснет, дондеже снест лов и кровь посеченых испиет. 004 NUM 023 025 И рече Валак к Валааму: ни клятвами мне клени их, ниже благословением благослови их. 004 NUM 023 026 И отвещав Валаам, рече к Валаку: не рех ли ти, глаголя: слово, еже аще возглаголет Бог, сие сотворю? 004 NUM 023 027 И рече Валак к Валааму: гряди, пойму тя на место ино, аще угодно будет Богу, и проклени ми их оттуду. 004 NUM 023 028 И поя Валак Валаама на верх Фогора, простирающася в пустыню. 004 NUM 023 029 И рече Валаам к Валаку: созижди мне зде седмь требищ, и уготовай мне зде седмь телцев и седмь овнов. 004 NUM 023 030 И сотвори Валак, якоже рече ему Валаам: и вознесе телца и овна на требище. 004 NUM 024 001 И видев Валаам, яко добро есть пред Господем благословляти Израиля, не иде по обычаю своему в сретение волхвованием, и возврати лице свое в пустыню. 004 NUM 024 002 И возвед Валаам очи свои, узре Израиля ополчившася по племеном: и бысть Дух Божий на нем. 004 NUM 024 003 И восприим притчу свою рече: глаголет Валаам, сын Веоров, глаголет человек истинно зряй, 004 NUM 024 004 глаголет слушаяй словеса Крепкаго, иже видение Божие виде во сне: отверсты очи его: 004 NUM 024 005 коль добри доми твои, Иакове, и кущы твоя, Израилю: 004 NUM 024 006 яко дубравы осеняющыя и яко садие при реках, и яко кущы, яже водрузи Господь, и яко кедри при водах: 004 NUM 024 007 изыдет человек от семене его, и обладает языки многими: и возвысится паче Гога царство его, и возрастет царство его: 004 NUM 024 008 Бог изведе его из Египта, якоже слава единорога ему: пояст языки враг своих и толщы их измождит, и стрелами своими устрелит врага: 004 NUM 024 009 возлег почи яко лев и яко скимен: кто возбудит его? Благословящии тя благословени, и проклинающии тя прокляти. 004 NUM 024 010 И разгневася Валак на Валаама, и плесну руками своими, и рече Валак к Валааму: кляти тя врага моего призвах, и се, благословил еси их в третие: 004 NUM 024 011 ныне убо бежи на место свое: рекох, почту тя: и ныне лиши тя Господь славы. 004 NUM 024 012 И рече Валаам к Валаку: и послом твоим, ихже послал еси ко мне, не рекох ли, глаголя: 004 NUM 024 013 аще ми даст Валак храмину свою полну сребра и злата, не могу преступити слова Божия, еже сотворити е зло или добро от мене самаго: елика аще речет ми Бог, сия возглаголю? 004 NUM 024 014 И ныне, се, иду до места своего: гряди, присоветую тебе, что сотворят людие сии людем твоим, в последняя дни. 004 NUM 024 015 И восприим притчу свою рече: глаголет Валаам сын Веоров, глаголет человек истинно зряй, 004 NUM 024 016 слышай словеса Божия, умея умение Вышняго и видение Божие видевый во сне: отверсты очи его: 004 NUM 024 017 покажу ему, и не ныне: ублажаю, и не приближается: возсияет звезда от Иакова, и востанет человек от Израиля и погубит князи Моавитския, и пленит вся сыны Сифовы: 004 NUM 024 018 и будет Едом наследие, и будет наследие Исав враг его, и Израиль сотвори крепость: 004 NUM 024 019 и востанет от Иакова, и погубит спасаемаго от града. 004 NUM 024 020 И видев Амалика и восприим притчу свою, рече: начало языков Амалик, и семя их погибнет. 004 NUM 024 021 И видев Кенеона и восприим притчу свою, рече: сильно селение твое: и аще положиши на камени гнездо твое, 004 NUM 024 022 и аще будет Веору гнездо коварства, Ассириане пленят тя. 004 NUM 024 023 И видев Ога и восприим притчу свою, рече: горе, горе, кто жив будет, егда положит Бог сия? 004 NUM 024 024 И изыдут из рук Китиейских, и озлобят Ассура, и озлобят Евреов, и сами вкупе погибнут. 004 NUM 024 025 И востав Валаам отиде, возвратився на место свое: и Валак отиде к себе. 004 NUM 025 001 И живяше Израиль в Саттиме, и осквернишася людие блужением со дщерми Моавли: 004 NUM 025 002 и призваша я в требы кумир своих, и ядоша людие требы их и поклонишася кумиром их: 004 NUM 025 003 и причастися Израиль Веельфегору, и разгневася яростию Господь на Израиля. 004 NUM 025 004 И рече Господь к Моисею: поими вся князи людския, и обличи я Господу прямо солнцу, и отвратится гнев ярости Господни от Израиля. 004 NUM 025 005 И рече Моисей к племенем Израилским: избийте кийждо ужика своего служившаго Веельфегору. 004 NUM 025 006 И се, человек от сынов Израилевых пришед приведе брата своего к Мадианитыне пред Моисеем и пред всем сонмом Израилевым: сии же плакахуся пред дверми скинии свидения. 004 NUM 025 007 И видев Финеес, сын Елеазара сына Аарона жерца, воста из среды сонма, и взем сулицу в руку, 004 NUM 025 008 вниде вслед человека Израилтянина в блудилище, и прободе обоих, и человека Израилтянина, и жену сквозе ложесна ея: и преста вред от сынов Израилевых. 004 NUM 025 009 И быша умершии язвою двадесять четыри тысящы. 004 NUM 025 010 И рече Господь к Моисею, глаголя: 004 NUM 025 011 Финеес сын Елеазара сына Аарона жерца утоли гнев Мой от сынов Израилевых, егда возревнова ревность Моя в них, и не потребих сынов Израилевых в ревности Моей: 004 NUM 025 012 тако рцы: се, Аз даю ему заветзавет Мой мирный, 004 NUM 025 013 и будет ему и семени его по нем завет жречества вечный, понеже возревнова по Бозе своем и умилостиви о сынех Израилевых. 004 NUM 025 014 Имя же человеку Израилтянину, егоже уби с Мадианитынею, Замврий сын Салмонь, князь дому отечества сынов Симеоних: 004 NUM 025 015 и имя жене Мадианитыне прободеной Хазви, дщи Сура, князя рода Соммофова, дому отечества есть Мадиамля. 004 NUM 025 016 И рече Господь к Моисею, глаголя: рцы сыном Израилевым, глаголя: 004 NUM 025 017 враждуйте Мадианитом и бийте я: 004 NUM 025 018 зане враждуют вам сии лестию, елико прельщают вас Фогором и Хазвиею дщерию князя Мадиамля, сестрою своею прободеною, в день язвы Фогора ради. 004 NUM 026 001 И бысть но язве, и рече Господь к Моисею и Елеазару жерцу, глаголя: 004 NUM 026 002 возми начало всего сонма сынов Израилевых от двадесяти лет и вышше, но домом отечеств их, всяк исходяй вооружитися во Израили. 004 NUM 026 003 И глагола Моисей и Елеазар жрец к ним во Аравофе Моавли при Иордане у Иерихона, глаголя: 004 NUM 026 004 от двадесяти лет и вышше, якоже заповеда Господь Моисею: и сынове Израилтестии изшедшии из Египта: 004 NUM 026 005 Рувим первенец Израилев. Сынове же Рувимли: Енох и сонм Енохов, Фаллу сонм Фаллов, 004 NUM 026 006 Асрону сонм Асронов, Харму сонм Хармиин. 004 NUM 026 007 Сии сонми Рувимли: и бысть соглядание их четыредесять три тысящы и шесть сот и тридесять. 004 NUM 026 008 И сынове Фалловы Елиав. 004 NUM 026 009 И сынове Елиавли Намуил и Дафан и Авирон: сии нарочитии сонму: сии суть воставше на Моисеа и Аарона в сонме Кореове в крамоле на Господа: 004 NUM 026 010 и отверзши земля уста своя пожре их и Кореа в смерти сонма его, егда пояде огнь двести и пятьдесят, и быша в знамение. 004 NUM 026 011 Сынове же Кореовы не измроша. 004 NUM 026 012 И сынове Симеони, сонм сынов Симеоних: Намуилу сонм Намуилов, Иамину сонм Иаминов, Иахину сонм Иахинов, 004 NUM 026 013 Заре сонм Зарин, Саулу сонм Саулов. 004 NUM 026 014 Сии сонми Симеони от соглядания их двадесять две тысящы и двести. 004 NUM 026 015 Сынове же Иудины Ир и Авнан и Силом, и Фарес и Зара: и умре Ир и Авнан в земли Ханаани. 004 NUM 026 016 И быша сынове Иудины по сонмом своим: Силому сонм Силомль, Фаресу сонм Фаресов, Заре сонм Зарин. 004 NUM 026 017 И быша сынове Фаресовы: Асрону сонм Асронов, Иамуилу сонм Иамуилов. 004 NUM 026 018 Сии сонми Иудины по согляданию их седмьдесят шесть тысящ и пять сот. 004 NUM 026 019 И сынове Иссахаровы по сонмом своим: Фоле сонм Фолин Фуеви сонм Фуин, 004 NUM 026 020 Иасуву сонм Иасувин, Амвраму сонм Амврамль. 004 NUM 026 021 Сии сонми Иссахаровы но согляданию их шестьдесят и четыри тысящы и четыреста. 004 NUM 026 022 Сынове Завулони по сонмом своим: Сареду сонм Саредин, Аллону сонм Аллонин, Аллилу сонм Аллилин. 004 NUM 026 023 Сии сонми Завулони по согляданию их шестьдесят тысящ и пять сот. 004 NUM 026 024 Сынове Гадовы по сонмом их: Сафону сонм Сафонин, Аггину сонм Аггинов, Сунину сонм Сунинов, 004 NUM 026 025 Азену сонм Азенин, Адду сонм Аддин, 004 NUM 026 026 Ароаду сонм Ароадин, Ариилу сонм Арииль. 004 NUM 026 027 Сии сонми сынов Гадовых но согляданию их четыредесять и четыри тысящы и пять сот. 004 NUM 026 028 Сынове Асировы по сонмом их: Иамину сонм Иаминов, Иесую сонм Иесуинь, 004 NUM 026 029 Вариаю сонм Вариаинь, Ховеру сонм Ховерин, Мелхиилу сонм Мелхиилин, 004 NUM 026 030 имя же дщери Асирове Сара, 004 NUM 026 031 сии сонми Асировы но согляданию их четыредесять три тысящи и четыреста. 004 NUM 026 032 Сынове Иосифли по сонмом их: Манассиа и Ефрем. 004 NUM 026 033 Сынове Манассиины: Махиру сонм Махирин: и Махир роди Галаада, Галааду сонм Галаадин. 004 NUM 026 034 И сии сынове Галаадины: Ахиезеру сонм Ахиезеров, Хелеку сонм Хелеков, 004 NUM 026 035 Есриилу сонм Есриилов, Сихему сонм Сихемль, 004 NUM 026 036 Симаеру сонм Симаерин, и Оферу сонм Оферов. 004 NUM 026 037 И Салпааду сыну Оферову не быша ему сынове, но токмо дщери. И сия имена дщерем Салпаадовым: Маала и Нуа, и Егла и Мелха и Ферса. 004 NUM 026 038 Сии сонми Манассиины по согляданию их пятьдесят и две тысящы и седмь сот. 004 NUM 026 039 И сии сынове Ефремли: Суфалу сонм Суфалин, Танаху сонм Танахин. 004 NUM 026 040 Сии сынове Суфаловы: Едену сонм Еденин. 004 NUM 026 041 Сии сонми Ефремли по согляданию их тридесять две тысящы и пять сот. Сии сонми сынов Иосифовых по сонмом их. 004 NUM 026 042 Сынове Вениамини по сонмом их: Валу сонм Валин, Асивиру сонм Асивиров, Иахирану сонм Иахиранин, Софану сонм Софанин. 004 NUM 026 043 И быша сынове Валу Адерь и Ноеман: 004 NUM 026 044 Адеру сонм Адерин, и Ноеману сонм Ноеманин. 004 NUM 026 045 Сии сынове Вениамини по сонмом их по согляданию их четыредесять и пять тысящ и шесть сот. 004 NUM 026 046 И сынове Дановы по сонмом их: Самею сонм Самеин: сии сонми Дановы но сонмом их. 004 NUM 026 047 Вси сонми Самеини по согляданию их шестьдесят четыри тысящы и четыреста. 004 NUM 026 048 Сынове Неффалимли по сонмом их: Асиилу сонм Асиилев, Гоину сонм Гоинин, 004 NUM 026 049 Иесрию сонм Иесриев, Селлиму сонм Селлимов. 004 NUM 026 050 Сии сонми Неффалимли по согляданию их четыредесять пять тысящ и четыреста. 004 NUM 026 051 Сие соглядание сынов Израилевых шесть сот едина тысяща и седмь сот тридесять. 004 NUM 026 052 И рече Господь к Моисею, глаголя: 004 NUM 026 053 сим разделится земля в наследие по числу имен: 004 NUM 026 054 множайшым да умножиши наследие, и малейшым да умалиши наследие их: коемуждо, якоже суть соглядани, да дастся наследие их: 004 NUM 026 055 по жребием да разделится земля именам, по племенем отечеств своих да наследят: 004 NUM 026 056 от жребия да разделиши наследие их между многими и малыми. 004 NUM 026 057 И сынове Левиини но сонмом их: Гирсону сонм Гирсонов, Каафу сонм Каафов, Мераре сонм Мерарин. 004 NUM 026 058 Сии сонми сынов Левииных: сонм Ловенин, сонм Хевронин, и сонм Мусин, и сонм Кореов. И Кааф роди Амрама. 004 NUM 026 059 Имя же жене Амрамли Иохавеф, дщи Левиина, яже роди сих Левии во Египте, и роди Амраму Аарона и Моисеа и Мариам сестру их. 004 NUM 026 060 И родишася Аарону Надав и Авиуд, и Елеазар и Ифамар. 004 NUM 026 061 И умре Надав и Авиуд, егда принесоста огнь чуждий пред Господем в пустыни Синайстей. 004 NUM 026 062 И быша от соглядания их двадесять три тысящы, всяк мужеск пол от единаго месяца и вышше: не быша бо соглядани посреде сынов Израилевых, яко не дадеся им жребий посреде сынов Израилевых. 004 NUM 026 063 И сие соглядание Моисеа и Елеазара жерца, иже соглядаша сынов Израилевых во Аравофе Моавли, у Иордана при Иерихоне. 004 NUM 026 064 И в сих не бяше человек от согляданых Моисеом и Аароном, ихже соглядаша сынов Израилевых в пустыни Синайстей. 004 NUM 026 065 Понеже рече Господь им: смертию измрут в пустыни. И не остася от них ни един, кроме Халева сына Иефонниина и Иисуса сына Навина. 004 NUM 027 001 И пришедшя дщери Салпаада сына Оферова, сына Галаадова, сына Махирова, сонма Манассиина, сынов Иосифовых, и сия имена их: Маала и Нуа, и Егла и Мелха и Ферса, 004 NUM 027 002 и ставшя пред Моисеом и пред Елеазаром жерцем, и пред князи и пред всем сонмом у дверий скинии свидения, глаголаша: 004 NUM 027 003 отец наш умре в пустыни, и сей не бе среде сонма воставшаго на Господа в сонме Кореове, яко греха ради своего умре, и сынове не быша ему: 004 NUM 027 004 да не погибнет имя отца нашего от среды сонма своего, яко несть сына ему: дадите нам наследие посреде братии отца нашего. 004 NUM 027 005 И принесе Моисей суд их пред Господа. 004 NUM 027 006 И рече Господь к Моисею, глаголя: 004 NUM 027 007 право глаголаша дщери Салпаадовы: даяние да даси им одержание наследия посреде братий отца их, и да приложиши им жребий отца их: 004 NUM 027 008 и сыном Израилевым да речеши, глаголя: человек аще умрет, и не будет сына ему, дадите наследие его дщери его: 004 NUM 027 009 аще же дщери не будет ему, дадите наследие его брату его: 004 NUM 027 010 аще же не будут ему братия, дадите наследие брату отца его: 004 NUM 027 011 аще же не будут братия отца его, дадите наследие ужику ближнему его от племене его наследити яже его: и да будет сие сыном Израилевым оправдание суда, якоже заповеда Господь Моисею. 004 NUM 027 012 И рече Господь к Моисею: взыди на гору, яже об ону страну Иордана, сия гора Навав, и виждь землю Ханааню, юже Аз даю сыном Израилевым во одержание: 004 NUM 027 013 и узриши ю, и приложишися к людем своим и ты, якоже приложися Аарон брат твой на горе Ор: 004 NUM 027 014 понеже преступисте слово Мое в пустыни Син, внегда супротивитися сонму освятити Мя, не освятисте Мене у воды пред ними: сия есть вода Пререкания в Кадисе в пустыни Син. 004 NUM 027 015 И рече Моисей ко Господу: 004 NUM 027 016 да изберет Господь Бог духов и всякия плоти человека над сонмом сим, 004 NUM 027 017 иже изыдет пред лицем их, иже внидет пред лицем их, и иже изведет их и иже введет их, и да не будет сонм Господень, яко овцы не имущя пастыря. 004 NUM 027 018 И рече Господь к Моисею, глаголя: поими к себе Иисуса сына Навина, человека, иже имать Духа в себе: и да возложиши руце твои на него: 004 NUM 027 019 и поставиши его пред Елеазаром жерцем, и заповеждь ему пред всем сонмом, и заповеждь о нем пред ними: 004 NUM 027 020 и даси на него от славы твоея, яко да послушают его вси сынове Израилевы: 004 NUM 027 021 и пред Елеазаром жерцем да станет, и да вопросят от него суда явленных пред Господем: по словеси его да исходят, и по словеси его да входят сам и сынове Израилевы вкупе, и весь сонм. 004 NUM 027 022 И сотвори Моисей, якоже повеле ему Господь Бог: и взем Иисуса постави его пред Елеазаром жерцем и пред всем сонмом: 004 NUM 027 023 и возложи руце свои на него, и устрои его, якоже повеле Господь Моисею. 004 NUM 028 001 И рече Господь к Моисею, глаголя: 004 NUM 028 002 заповеждь сыном Израилевым, и речеши к ним, глаголя: дары Моя, даяния Моя, приносы Моя, в воню благовония соблюдите приносити Мне на праздники Моя. 004 NUM 028 003 И да речеши к ним: сия приношения, яже принесете Господу, агнцев единолетных непорочных два на день во всесожжение выну: 004 NUM 028 004 агнца единаго сотворите рано, и агнца втораго сотворите в вечер: 004 NUM 028 005 и да сотвориши десятую часть ефи (меры) муки пшеничны на жертву, вмешану в елеи четвертую часть (меры) ина: 004 NUM 028 006 всесожжение непрестанное, якоже бысть в горе Синайстей, в воню благовония Господу. 004 NUM 028 007 И возлияние его четвертую часть (меры) ина агнцу единому: во святем да возлиеши возлияние сикеру Господу: 004 NUM 028 008 и агнца втораго сотвориши к вечеру: по жертве его и по возлиянию его да сотвориши, в воню благовония Господу. 004 NUM 028 009 И в день суббот приведете два агнца единолетна непорочна и две десятины муки пшеничны вмешаны в елеи на жертву и возлияние, 004 NUM 028 010 всесожжения субботы в субботах, на всесожжение всегдашнее и возлияние его. 004 NUM 028 011 И в новомесячиих да принесете во всесожжение Господу телца два от говяд и овна единаго, агнцев единолетных седмь непорочных: 004 NUM 028 012 три десятины муки пшеничны вмешаны в елеи телцу единому, и две десятины муки пшеничны вмешаны в елеи овну единому, 004 NUM 028 013 по десятине муки пшеничны вмешаны в елеи агнцу единому: жертву в воню благовония принос Господу. 004 NUM 028 014 Возлияние их от вина пол (меры) ина да будет телцу единому: и третия часть (меры) ина да будет овну единому: и четвертая часть (меры) ина да будет агнцу единому: сие всесожжение от месяца до месяца в месяцы лета. 004 NUM 028 015 И козла единаго от коз греха ради Господу на всесожжение присное сотворите и возлияние его. 004 NUM 028 016 И в месяце первем в четвертыйнадесять день месяца Пасха Господу: 004 NUM 028 017 и в пятыйнадесять день месяца сего праздник: седмь дний опресноки да ясте. 004 NUM 028 018 И день первый нарочит свят да будет вам: всякаго дела служебна да не сотворите. 004 NUM 028 019 И принесете всесожжения принос Господу, телца от волов два, овна единаго, агнцев единолетных седмь: непорочни будут вам. 004 NUM 028 020 И жертва их мука пшенична вмешана в елеи: три десятины телцу единому и две десятины овну единому да сотворите: 004 NUM 028 021 по десятине сотвориши агнцу единому, седми агнцем: 004 NUM 028 022 и козла единаго от коз греха ради, во еже умолити о вас. 004 NUM 028 023 Кроме всесожжения всегдашняго утренняго, еже есть всесожжение всегдашнее, сотворите сия. 004 NUM 028 024 По сему сотворите на (всяк) день, в седмь дний, дар, принос в воню благовония Господу: на всесожжение всегдашнее сотвориши возлияние его. 004 NUM 028 025 И день седмый нарочит свят да будет вам: всякаго дела служебнаго да не сотворите в онь. 004 NUM 028 026 И день новых (плодов), егда принесете Господеви жертву нову седмиц, нарочит свят будет вам: всякаго дела служебна да не сотворите. 004 NUM 028 027 И да принесете всесожжения в воню благовония Господу, телца от волов два, овна единаго, агнцев единолетных седмь непорочных. 004 NUM 028 028 Жертва их мука пшенична вмешана в елеи: три десятины телцу единому и две десятины овну единому: 004 NUM 028 029 по десятине агнцу единому, седми агнцем: 004 NUM 028 030 и козла единаго от коз греха ради, во еже умолити о вас. 004 NUM 028 031 Кроме всесожжения всегдашняго, и жертву их сотворите Мне, непорочни да будут вам, и возлияния их. 004 NUM 029 001 И в месяц седмый, первый (день) месяца нарочит свят да будет вам: всякаго дела служебна да не сотворите: день знамения будет вам. 004 NUM 029 002 И сотворите всесожжения в воню благовония Господу, телца от волов единаго, овна единаго, агнцев единолетных седмь непорочных: 004 NUM 029 003 жертва их мука пшенична вмешана в елеи: три десятины телцу единому и две десятины овну единому: 004 NUM 029 004 по десятине агнцу единому, седми агнцем: 004 NUM 029 005 и козла от коз единаго греха ради, во еже умолити о вас: 004 NUM 029 006 кроме всесожжений новомесячия и жертвы их, и возлияния их, и всесожжение всегдашнее: и жертвы их и возлияния их, по уставу их, в воню благовония Господу. 004 NUM 029 007 И десятый день месяца сего нарочит свят да будет вам: и озлобите душы вашя, и всякаго дела служебна да не сотворите, 004 NUM 029 008 и принесете всесожжение в воню благовония Господу, приносы Господу: телца единаго от говяд, овна единаго, агнцев единолетных седмь: непорочны да будут вам: 004 NUM 029 009 жертва их мука пшенична вмешана в елеи: три десятины телцу единому и две десятины овну единому: 004 NUM 029 010 по десятине агнцу единому, на седмь агнцев: 004 NUM 029 011 и козла единаго от коз греха ради, во еже умолити о вас: кроме еже греха ради очищения, и всесожжение всегдашнее: жертва его и возлияние его, по уставу его в воню благовония принос Господу. 004 NUM 029 012 И пятыйнадесять день седмаго месяца сего нарочит свят да будет вам: всякаго дела служебна да не сотворите, и празднуйте той праздник Господеви седмь дний, 004 NUM 029 013 и принесите всесожжения принос в воню благовония Господу: в первый день телцев от говяд тринадесять, овна два, агнцев единолетных четыренадесять: непорочны да будут вам: 004 NUM 029 014 жертвы их мука пшенична вмешана в елеи: три десятины телцу единому, тремнадесяти телцем, и две десятины овну единому, на два овна: 004 NUM 029 015 по десятине агнцу единому, на четыренадесять агнцев: 004 NUM 029 016 и козла единаго от коз греха ради: кроме всесожжения всегдашняго, жертвы их и возлияния их. 004 NUM 029 017 И в день вторый телцев дванадесять, овна два, агнцев единолетных четыренадесять непорочных: 004 NUM 029 018 жертва их и возлияния их телцем и овном и агнцем по числу их, по уставу их: 004 NUM 029 019 и козла единаго от коз греха ради: кроме всесожжения всегдашняго, жертвы их и возлияния их. 004 NUM 029 020 В день третий телцев единнадесять, овна два, агнцев единолетных четыренадесять непорочных: 004 NUM 029 021 жертва их и возлияния их телцем и овном и агнцем по числу их, по уставу их: 004 NUM 029 022 и козла от коз единаго греха ради: кроме всесожжения всегдашняго, жертвы их и возлияния их. 004 NUM 029 023 В день четвертый телцев десять, овна два, агнцев единолетных четыренадесять непорочных: 004 NUM 029 024 жертвы их и возлияния их телцем и овном и агнцем по числу их, по уставу их: 004 NUM 029 025 и козла от коз единаго греха ради: кроме всесожжения всегдашняго, жертвы их и возлияния их. 004 NUM 029 026 В день пятый телцев девять, овна два, агнцев единолетных четыренадесять непорочных: 004 NUM 029 027 жертвы их и возлияния их телцем и овном и агнцем но числу их, по уставу их: 004 NUM 029 028 и козла от коз единаго греха ради: кроме всесожжения всегдашняго, жертвы их и возлияния их. 004 NUM 029 029 В день шестый телцев осмь, овна два, агнцев единолетных четыренадесять непорочных: 004 NUM 029 030 жертвы их и возлияния их телцем и овном и агнцем по числу их, по уставу их: 004 NUM 029 031 и козла от коз единаго греха ради: кроме всесожжения всегдашняго, жертвы их и возлияния их. 004 NUM 029 032 В день седмый телцев седмь, овна два, агнцев единолетных четыренадесять непорочных: 004 NUM 029 033 жертвы их и возлияния их телцем и овном и агнцем по числу их, по уставу их: 004 NUM 029 034 и козла от коз единаго греха ради: кроме всесожжения всегдашняго, жертвы их и возлияния их. 004 NUM 029 035 И в день осмый исход будет вам: всякаго дела служебна да не сотворите в онь, 004 NUM 029 036 и да принесете всесожжения в воню благовония Господу, телца единаго, овна единаго, агнцев единолетных седмь непорочных: 004 NUM 029 037 жертвы их и возлияния их телцу и овну и агнцем по числу их, по уставу их: 004 NUM 029 038 и козла от коз единаго греха ради: кроме всесожжения всегдашняго, жертвы их и возлияния их. 004 NUM 029 039 Сия сотворите Господу в праздники вашя, кроме обетов ваших, и вольная ваша, и всесожжения ваша, и жертвы вашя, и возлияния ваша, и спасителная ваша. 004 NUM 029 040 И глагола Моисей сыном Израилевым по всем, елика заповеда Господь Моисею: 004 NUM 030 001 и глагола Моисей князем племен сынов Израилевых, глаголя: сие слово, еже повеле Господь. 004 NUM 030 002 Человек человек, иже аще обещает обет Господу, или закленется клятвою, или определит пределом о души своей, не осквернавит словесе своего: вся, елика изыдут из уст его, да сотворит. 004 NUM 030 003 Аще же обещает жена обет Господу, или определит определение в дому отца своего в юности своей, 004 NUM 030 004 и услышит отец ея обеты ея и определения ея, яже определи на душу свою, и премолчит отец ея, и да состоятся вся обеты ея, и вся определения, яже определи на душу свою, да пребудут ей. 004 NUM 030 005 Аще же возбранением возбранит отец ея, в оньже день услышит вся обеты ея и определения, яже определи на душу свою, не состоятся: и Господь очистит ю, яко возбрани отец ея. 004 NUM 030 006 Аще же посягла за мужа, и обеты ея на ней, по определении уст ея, елика определи на душу свою, 004 NUM 030 007 и услышит муж ея, и премолчит ей, в оньже день услышит, и тако состоятся вся обеты ея, и определения ея, яже определи на душу свою, да состоятся. 004 NUM 030 008 Аще же возбранением возбранит муж ея, в оньже день услышит вся обеты ея и определения ея, яже определи на душу свою, да не пребудут, яко муж возбрани ей: и Господь очистит ю. 004 NUM 030 009 И обет вдовицы и пущеницы, елика аще обещают на душу свою, да пребудут им. 004 NUM 030 010 Аще же в дому мужа ея обет ея или определение, еже на душу ея с клятвою, 004 NUM 030 011 и услышит муж ея, и премолчит ей, и не возбранит ей, и состоятся вся обеты ея, и вся определения ея, яже определи на душу свою да состоятся на ню. 004 NUM 030 012 Аще же отлучая отлучит муж ея, в оньже день услышит, вся елика изыдоша из уст ея по обетом ея и по определением ея яже на душу ея, не пребудут ей: муж бо ея отлучил есть, и Господь очистит ю. 004 NUM 030 013 Всяк обет и всяка клятва соуза во еже озлобити душу, муж ея поставит ей, и муж ея отимет. 004 NUM 030 014 Аще же молча премолчит ей день от дне, и поставит ей вся обеты ея, и определения яже на ней, поставит ей, яко умолча ей в день, в оньже услыша. 004 NUM 030 015 Аще же отлучая отлучит муж ея по дни, в оньже услыша, и приимет грех свой. 004 NUM 030 016 Сия оправдания, елика заповеда Господь Моисею, между мужем и между женою его, и между отцем и дщерию в юности ея, в дому отчи. 004 NUM 031 001 И рече Господь к Моисею, глаголя: 004 NUM 031 002 отмсти месть сынов Израилевых от Мадианитов, и последи приложишися к людем своим. 004 NUM 031 003 И рече Моисей к людем, глаголя: вооружите от вас мужы и ополчитеся пред Господем на Мадиама, отдати отмщение от Господа Мадиаму: 004 NUM 031 004 тысящу от племене и тысящу от племене, от всех племен сынов Израилевых, послите ополчитися. 004 NUM 031 005 И сочтоша от тысящ Израилевых, по тысящи от племене, дванадесять тысящ вооруженых на брань. 004 NUM 031 006 И посла я Моисей тысящу от племене и тысящу от племене с силою их, и Финееса сына Елеазарова сына Аарона жерца: и сосуды святыя, и трубы знаменныя в руках их. 004 NUM 031 007 И ополчишася на Мадиама, якоже повеле Господь Моисею, и избиша весь мужеск пол: 004 NUM 031 008 и царей Мадиамских убиша вкупе с язвеными их, и Евина и Рокома, и Сура и Ура и ровока, пять царей Мадиамлих: и Валаама сына Веорова убиша мечем с язвеными их: 004 NUM 031 009 и плениша жен Мадиамлих и имения их, и скоты их и вся притяжания их, и силу их плениша: 004 NUM 031 010 и вся грады их, яже во обитаниих их, и веси их пожгоша огнем, 004 NUM 031 011 и взяша весь плен их и вся корысти их, от человека до скота: 004 NUM 031 012 и приведоша к Моисею и ко Елеазару жерцу и ко всем сыном Израилевым плен и корысти и имение в полк, во аравоф Моавль, иже есть у Иордана при Иерихоне. 004 NUM 031 013 И изыде Моисей и Елеазар жрец и вси князи сонма в сретение им вне полка. 004 NUM 031 014 И разгневася Моисей на надзирателей силы, тысященачалников и стоначалников идущих от ополчения брани. 004 NUM 031 015 И рече им Моисей: вскую жив остависте весь женск пол? 004 NUM 031 016 Тыя бо быша сыном Израилевым, по словеси Валаамлю, еже отступити и презрети слово Господне Фогора ради, и бысть язва в сонме Господни: 004 NUM 031 017 и ныне избийте всяк мужеск пол во всяком возрасте, и всяку жену, яже позна ложе мужеско, избийте: 004 NUM 031 018 и всяк возраст женск, яже не познаша ложа мужеска, живых оставите я: 004 NUM 031 019 и вы станите вне полка седмь дний: всяк убивый душу и прикоснувыйся убиеному да очистится в третий день и в день седмый, вы и плен ваш: 004 NUM 031 020 и всяку одежду, и всяк сосуд кожан, и всяко соделаное от козличины, и всяк сосуд древян очистите. 004 NUM 031 021 И рече Елеазар жрец к мужем силы приходящым от ополчения ратнаго: сие оправдание закона, еже заповеда Господь Моисею: 004 NUM 031 022 кроме сребра и злата, и меди и железа, и касситера и олова, 004 NUM 031 023 всяка вещь, яже пройдет сквозе огнь, и (огнем) очистится, но и водою очищения очистится: и вся, елика аще не пройдут сквозе огнь, да пройдут сквозе воду: 004 NUM 031 024 и исперите ризы вашя в день седмый, и очиститеся: и по сих внидете в полк. 004 NUM 031 025 И рече Господь к Моисею, глаголя: 004 NUM 031 026 возмите сочисление корыстей плена от человека до скота, ты и Елеазар жрец и князи отечеств сонма, 004 NUM 031 027 и разделите корысти между воины ходившими на брань и между всем сонмом, 004 NUM 031 028 и отлучите дань Господу от людий военных ходивших на брань, едину душу от пяти сот, от человек и от скотов, и от волов и от овец и от ослят, 004 NUM 031 029 и от половины их да возмете, и даси Елеазару жерцу начатки Господни: 004 NUM 031 030 и от половины сынов Израилевых да возмеши едино от пятидесяти человек, и от волов и от овец, и от ослят и от всех скотов, и даси я левитом, иже стрегут стражбы в скинии Господни. 004 NUM 031 031 И сотвори Моисей и Елеазар жрец, якоже повеле Господь Моисею. 004 NUM 031 032 И бысть множество плена, егоже плениша мужи воинстии, от овец шесть сот седмьдесят пять тысящ, 004 NUM 031 033 и волов седмьдесят две тысящы, 004 NUM 031 034 и ослов шестьдесят едина тысяща, 004 NUM 031 035 и душ человеческих от женска полу, яже не познаша ложа мужеска, всех душ тридесять две тысящы: 004 NUM 031 036 и бысть половина часть ходивших на брань, от числа овец триста тридесять седмь тысящ и пять сот: 004 NUM 031 037 и бысть дань Господу от овец шесть сот седмьдесят пять: 004 NUM 031 038 и волов тридесять шесть тысящ, и дань Господу седмьдесят и два: 004 NUM 031 039 и ослов тридесять тысящ пять сот, и дань Господу шестьдесят един: 004 NUM 031 040 и душ человеческих шестьнадесять тысящ, и дань от сих Господу тридесять две души. 004 NUM 031 041 И даде Моисей дань Господу, участие Божие Елеазару жерцу, якоже повеле Господь Моисею. 004 NUM 031 042 От половины сынов Израилевых, ихже раздели Моисей от мужей военных: 004 NUM 031 043 и бысть половина от сонма, от овец триста и тридесять седмь тысящ и пять сот: 004 NUM 031 044 и волов тридесять шесть тысящ: 004 NUM 031 045 ослов тридесять тысящ и пять сот: 004 NUM 031 046 и человечих душ шестьнадесять тысящ: 004 NUM 031 047 и взя Моисей от половины сынов Израилевых, едино от пятидесяти, от человек и от скотов, и даде я левитом стрегущым стражбы скинии Господни, якоже повеле Господь Моисею. 004 NUM 031 048 И приидоша к Моисею вси поставленнии над тысящами силы, тысященачалники и стоначалники, 004 NUM 031 049 и рекоша к Моисею: отроцы твои взяша сочтение от мужей воинских, иже суть у нас, и никтоже погибе от них: 004 NUM 031 050 и принесохом дар Господу, муж еже обрете, сосуд злат и обручие, и гривну и перстень, и усерязи и чепь златую, умолити о нас пред Господем. 004 NUM 031 051 И взя Моисей и Елеазар жрец злато от них, всяк сосуд соделан. 004 NUM 031 052 И бысть всего злата участие, еже отлучися Господу, шестьнадесять тысящ и седмь сот и пятьдесят сикль от тысященачалников и от стоначалников. 004 NUM 031 053 И мужи воинстии плениша кийждо себе. 004 NUM 031 054 И взяша Моисей и Елеазар жрец злато от тысященачалников и от стоначалников и внесоша е в скинию свидения, в память сынов Израилевых пред Господем. 004 NUM 032 001 И скота множество бяше сыном Рувимлим и сыном Гадовым, много зело. И видеша страну Иазирову и страну Галаадову, и бяше место, место скотно. 004 NUM 032 002 И пришедше сынове Рувимли и сынове Гадовы рекоша к Моисею и ко Елеазару жерцу и ко князем сонма, глаголюще: 004 NUM 032 003 Атароф и Девон, и Иазир и Намра, и Есевон и Елеали, и Севама и Навав и Веан, 004 NUM 032 004 земля, юже предаде Господь пред сыны Израилевыми, земля скотопитателна есть, рабом же твоим скот есть. 004 NUM 032 005 И реша: аще обретохом благодать пред тобою, да дастся нам земля сия рабом твоим во одержание, и не преводи нас чрез Иордан. 004 NUM 032 006 И рече Моисей сыном Гадовым и сыном Рувимлим: братия вашя пойдут на брань, и вы ли сядете ту? 004 NUM 032 007 И вскую развращаете сердце сынов Израилевых, не прейти на землю, юже дает Господь им? 004 NUM 032 008 Не тако ли сотвориша отцы ваши, егда послах я от Кадис-Варни соглядати землю? 004 NUM 032 009 И взыдоша до дебри Грезновныя, и соглядаша землю, и отвратиша сердце сынов Израилевых, яко да не внидут в землю, юже даде им Господь? 004 NUM 032 010 И разгневася яростию Господь в день Он и клятся, глаголя: 004 NUM 032 011 аще узрят человецы сии изшедшии из Египта, от двадесяти лет и вышше, ведущии добро и зло, землю, еюже кляхся Аврааму и Исааку и Иакову: не последоваша бо вслед Мене, 004 NUM 032 012 точию Халев сын Иефонниин Отлученный и Иисус сын Навин, яко последоваша вслед Господа. 004 NUM 032 013 И разгневася яростию Господь на Израиля, и томи я в пустыни четыредесять лет, дондеже потребися весь род творящий злая пред Господем. 004 NUM 032 014 Се, востасте вместо отец ваших, сокрушение человек грешников, приложити еще к ярости гнева Господня на Израиля: 004 NUM 032 015 яко отвратитеся от Него, приложити еще оставити его в пустыни, и возбеззаконнуете на весь сонм сей. 004 NUM 032 016 И приидоша к нему и глаголаша: ограды овцам да соградим зде скотом своим, и грады имением нашым: 004 NUM 032 017 и мы вооружени пойдем на стражбу первии сыном Израилевым, дондеже введем я в место их: и да вселятся имения наша во градех утвержденых ради живущих на земли: 004 NUM 032 018 не возвратимся в домы нашя, дондеже разделятся сынове Израилтестии, кийждо в наследие свое: 004 NUM 032 019 и ктому не наследим в них об ону страну Иордана и далее, яко прияхом жребия нашя сию страну Иордана на востоки. 004 NUM 032 020 И рече к ним Моисей: аще сотворите по словеси сему, аще вооружитеся пред Господем на брань, 004 NUM 032 021 и прейдет всяк оружник ваш Иордан пред Господем на брань, дондеже потребится враг Его от лица Его, 004 NUM 032 022 и обладана будет земля пред Господем, и посем возвратитеся, и будете безвинни пред Господем и от Израиля: и будет земля сия вам во одержание пред Господем: 004 NUM 032 023 аще же не сотворите тако, согрешите пред Господем, и увесте грех ваш, егда вас постигнут злая: 004 NUM 032 024 и соградите вы себе грады имению вашему и ограды скотом вашым: и исходящее из уст ваших сотворите. 004 NUM 032 025 И рекоша сынове Рувимли и сынове Гадовы к Моисею, глаголюще: раби твои сотворят, якоже Господь наш повелел есть: 004 NUM 032 026 имение наше, и жены наши, и весь скот наш да будут во градех Галаадовых: 004 NUM 032 027 раби же твои прейдут вси вооружени и уготовани пред Господем на брань, якоже глаголет Господь. 004 NUM 032 028 И пристави им Моисей Елеазара жерца и Иисуса сына Навина, и князи отечеств племен сынов Израилевых. 004 NUM 032 029 И рече к ним Моисей: аще прейдут сынове Рувимли и сынове Гадовы с вами чрез Иордан, всяк вооружен на брань пред Господем, и обладаете землею пред собою, и дадите им землю Галаадову во одержание. 004 NUM 032 030 Аще ли не прейдут вооружени с вами на брань пред Господем, то предпослите имение их и жены их и скоты их прежде вас на землю Ханааню, и да наследят купно с вами в земли Ханаани. 004 NUM 032 031 И отвещаша сынове Рувимли и сынове Гадовы, глаголюще: елика глаголет Господь рабом Своим, тако сотворим мы: 004 NUM 032 032 прейдем вооружени пред Господем в землю Ханааню, и дадите нам во одержание страну сию Иордана. 004 NUM 032 033 И даде им Моисей сыном Гадовым и сыном Рувимлим и полуплемени Манассиину сынов Иосифовых царство Сиона царя Аморрейска и царство Ога царя Васанска, землю и грады с пределы ея, грады окрестныя земли. 004 NUM 032 034 И соградиша сынове Гадовы Девон и Атароф и Ароир, 004 NUM 032 035 и Софан и Иазир, и вознесоша их, 004 NUM 032 036 и Намрам и Вефаран грады тверды, и ограды овцам. 004 NUM 032 037 И сынове Рувимли соградиша Есевон и Елеали и Кариафаим, 004 NUM 032 038 и Навон и Веельмеон ограждены, и Севама: и прозваша по именом своим имена градом, яже соградиша. 004 NUM 032 039 И иде ур сын Махиров, внук Манассиев, в Галаад, и взя его, и погуби Аморреа живущаго в нем: 004 NUM 032 040 и даде Моисей Галаад Махиру сыну Манассиину, и вселися ту. 004 NUM 032 041 И Иаир сын Манассиев иде и взя села их, и прозваша я села Иаирова. 004 NUM 032 042 И Навав иде и взя Каафа и села его, и именова я Навоф от имене своего. 004 NUM 033 001 И сии станове сынов Израилевых, егда изыдоша из земли Египетския с силою своею рукою Моисеовою и Ааронею. 004 NUM 033 002 И написа Моисей воздвижения их и станы их, по словеси Господню. И сии станове шествия их: 004 NUM 033 003 воздвигошася от Рамессы в месяц первый, в пятыйнадесять день перваго месяца: наутрие Пасхи изыдоша сынове Израилтестии рукою высокою пред всеми Египтяны: 004 NUM 033 004 и Египтяне погребаху умершыя от них вся, яже изби Господь всякаго первенца в земли Египетстей: и в бозех их сотвори отмщение Господь. 004 NUM 033 005 И воздвигшеся сынове Израилевы от Рамессы, ополчишася в Сокхофе: 004 NUM 033 006 и воздвигшеся от Сокхофа, ополчишася в Вуфане, иже есть часть некая пустыни: 004 NUM 033 007 и воздвигошася от Вуфана, и ополчишася во устии Ирофа, иже есть прямо Веельсепфону, и ополчишася прямо Магдолу: 004 NUM 033 008 и воздвигошася прямо Ирофу, и проидоша среди моря в пустыню: и идоша путем три дни в пустыни тии, и ополчишася в Горькостех. 004 NUM 033 009 И воздвигошася от Горькостей и приидоша в Елим: и в Елиме (быша) дванадесять источники вод, и седмьдесят стеблий фиников, и ополчишася у воды тамо. 004 NUM 033 010 И воздвигошася от Елима и ополчишася у моря Чермнаго: 004 NUM 033 011 и воздвигошася от моря Чермнаго и ополчишася в пустыни Син: 004 NUM 033 012 и воздвигошася от пустыни Син и ополчишася в Рафаке: 004 NUM 033 013 и воздвигошася от Рафака и ополчишася в Елусе: 004 NUM 033 014 и воздвигошася от Елуса и ополчишася в Рафидине: и не бысть тамо воды людем пити. 004 NUM 033 015 И воздвигошася от Рафидина и ополчишася в пустыни Сина: 004 NUM 033 016 и воздвигошася от пустыни Сина и ополчишася во гробех Похотения: 004 NUM 033 017 и воздвигошася от Гробов Похотения и ополчишася во Асирофе: 004 NUM 033 018 и воздвигошася от Асирофа и ополчишася в Рафаме: 004 NUM 033 019 и воздвигошася от Рафама и ополчишася в Ремнон-Фаресе: 004 NUM 033 020 и воздвигошася от Ремнон-Фареса и ополчишася в Лемвоне: 004 NUM 033 021 и воздвигошася от Лемвона и ополчишася в Рессане: 004 NUM 033 022 и воздвигошася от Рессана и ополчишася в Макеллафе: 004 NUM 033 023 и воздвигошася от Макеллафа и ополчишася во Арсафафе: 004 NUM 033 024 и воздвигошася от Арсафафа горы и ополчишася в Харадафе: 004 NUM 033 025 и воздвигошася от Харадафа и ополчишася в Макидофе: 004 NUM 033 026 и воздвигошася от Макидофа и ополчишася в Катаафе: 004 NUM 033 027 и воздвигошася от Катаафа и ополчишася во Фарафе: 004 NUM 033 028 и воздвигошася от Фарафа и ополчишася в Мафекке: 004 NUM 033 029 и воздвигошася от Мафекка и ополчишася во Аселмоне: 004 NUM 033 030 и воздвигошася от Аселмона и ополчишася в Масуруфе: 004 NUM 033 031 и воздвигошася от Масуруфа и ополчишася в Ванаккане: 004 NUM 033 032 и воздвигошася от Ванаккана и ополчишася в горе Гаддад: 004 NUM 033 033 и воздвигошася от горы Гаддад и ополчишася во Етевафе: 004 NUM 033 034 и воздвигошася от Етевафа и ополчишася во Евроне: 004 NUM 033 035 и воздвигошася от Еврона и ополчишася в Гесион-Гавере: 004 NUM 033 036 и воздвигошася от Гесион-Гавера и ополчишася в пустыни Син: и воздвигошася от пустыни Син и ополчишася в пустыни Фарани, яже есть Кадис: 004 NUM 033 037 и воздвигошася от Кадиса и ополчишася в горе Ор близ земли Едомли. 004 NUM 033 038 И взыде Аарон жрец на гору Ор повелением Господним, и умре тамо в четыредесятое лето изшествия сынов Израилевых из земли Египетския, месяца пятаго в первый день месяца. 004 NUM 033 039 И Аарон бяше ста двадесяти трех лет, егда умре в горе Ор. 004 NUM 033 040 И услыша Хананей царь Арадский, и сей живяше в земли Ханаани, егда вхождаху сынове Израилевы. 004 NUM 033 041 И воздвигошася от горы Ор и ополчишася в Селмоне: 004 NUM 033 042 и воздвигошася от Селмона и ополчишася в Финоне: 004 NUM 033 043 и воздвигошася от Финона и ополчишася во Овофе: 004 NUM 033 044 и воздвигошася от Овофа и ополчишася в Гаи, об ону страну предел Моавлих: 004 NUM 033 045 и воздвигошася от Гаи и ополчишася в Девон-Гаде: 004 NUM 033 046 и воздвигошася от Девон-Гада и ополчишася в Гелмон-Девлафаиме: 004 NUM 033 047 и воздвигошася от Гелмон-Девлафаима и ополчишася в горах Аваримлих прямо Нававу: 004 NUM 033 048 и воздвигошася от гор Аваримлих и ополчишася на западе Моавли, у Иордана при Иерихоне: 004 NUM 033 049 и воздвигошася от запада Моавля и ополчишася у Иордана, между Есимофом, до Велсаттима на запады Моава. 004 NUM 033 050 И рече Господь к Моисею в западе Моава у Иордана при Иерихоне, глаголя: 004 NUM 033 051 глаголи сыном Израилевым и речеши к ним: вы преходите Иордан в землю Ханааню, 004 NUM 033 052 и погубите вся живущыя на земли от лица вашего, и разрушите стражбы их, и вся идолы излиянныя их сокрушите я, и вся капища их разрушите, 004 NUM 033 053 и погубите вся живущыя на земли, и вселитеся в ню: вам бо дах землю их по жребию: 004 NUM 033 054 и наследите землю их жребием по племенам вашым: многим умножите одержание их, и малым умалите одержание их: в неже изыдет имя его, тамо да будет жребий его: по племенам отечествий ваших наследите: 004 NUM 033 055 аще же не погубите живущих на земли от лица вашего, будут, ихже оставите от них, остны во очесех ваших и стрелы в ребрах ваших, и совраждуют вам на земли, на нейже вы вселитеся: 004 NUM 033 056 и будет якоже умыслих сотворити онем, то сотворю вам. 004 NUM 034 001 И рече Господь к Моисею, глаголя: 004 NUM 034 002 заповеждь сыном Израилевым, и речеши к ним: вы входите в землю Ханааню, сия будет вам в наследие, земля Ханааня с пределы ея: 004 NUM 034 003 и будет вам страна, яже к ливе от пустыни Син даже до Едома: и будут вам пределе к ливе, от края моря Сланаго от востоков, 004 NUM 034 004 и обыдут вас пределы от ливы до возшествия Акравиня, и пройдут Еннак, и будет исход его к ливе Кадис-Варни, и изыдет на село Арад, и пройдет Аселмона: 004 NUM 034 005 и обыдут пределы от Аселмона водотечу Египетскую, и будет исход море (великое): 004 NUM 034 006 и пределы морстии будут вам, море великое определит, сие будет вам пределы морстии: 004 NUM 034 007 и сие будет вам предел к северу: от моря великаго измерите сами себе при горе Гору: 004 NUM 034 008 и от горы Гору измерите сами себе, входяще во Емаф, и будут преход его пределы Садада: 004 NUM 034 009 и изыдут пределы Зефрона, и будет исход его Арсенаин: сие будет вам пределы от севера: 004 NUM 034 010 и измерите сами себе пределы восточныя от Арсенаина до Сепфамара: 004 NUM 034 011 и снидут пределы от Сепфамар-Вила от восток на источники, и снидут пределы Вилы, и пройдут на хребет моря Хенереф, от восток: 004 NUM 034 012 и снидут пределы на Иордан, и будет преход его море Сланое: сия будет земля вам, и пределы ея окрест. 004 NUM 034 013 И заповеда Моисей сыном Израилевым, глаголя: сия земля, юже приимете в наследие по жребию, якоже повеле Господь, дати ю девяти племеном и полуплемени Манассиину: 004 NUM 034 014 яко взя племя сынов Рувимлих и племя сынов Гадовых, по домом отечеств их, и пол племене Манассиина восприяша жребия своя: 004 NUM 034 015 два племена и пол племене прияша жребия своя за Иорданом при Иерихоне от полудня на востоки. 004 NUM 034 016 И рече Господь к Моисею, глаголя: 004 NUM 034 017 сия имена мужей, иже разделят вам землю: Елеазар жрец и Иисус Навин: 004 NUM 034 018 и по князю единому от племене возмете разделити вам землю. 004 NUM 034 019 И сия имена мужем: племене Иудина Халев сын Иефонниин, 004 NUM 034 020 племене Симеоня Саламиил сын Семиудов, 004 NUM 034 021 племене Вениаминя Елдад сын Хаслонь, 004 NUM 034 022 племене Данова князь Воккор сын Иеклинин, 004 NUM 034 023 сынов Иосифовых племене сынов Манассииных князь Аниил сын Суфидов, 004 NUM 034 024 племене сынов Ефремлих князь Камуил сын Сафтанов, 004 NUM 034 025 племене Завулоня князь Елисафан сын Харнахов, 004 NUM 034 026 племене сынов Иссахаровых князь Фалтиил сын Озаин, 004 NUM 034 027 племене сынов Асировых князь Ахиор сын Селемиин, 004 NUM 034 028 племене Неффалимля князь Фадаил сын Амиудов. 004 NUM 034 029 Сим заповеда Господь разделити сыном Израилевым в земли Ханаани. 004 NUM 035 001 И рече Господь к Моисею на западе Моавли у Иордана при Иерихоне, глаголя: 004 NUM 035 002 заповеждь сыном Израилевым, да дадят левитом от жребий одержания своего грады вселитися, и предградия градская окрест их да дадят левитом: 004 NUM 035 003 и будут им грады вселятися, и участия их да будут скотом их и всем четвероножным их: 004 NUM 035 004 и прилежащая градом, ихже дадите левитом, от стены града и вне, две тысящы лакот окрест: 004 NUM 035 005 и да измериши страну вне града, яже на восток, две тысящы лакот, и страну, яже к ливе, две тысящы лакот, и страну, яже к морю, две тысящы лакот, и страну, яже к северу, две тысящы лакот, и град посреде сего будет вам, и пределы градов: 004 NUM 035 006 и грады яже дадите левитом, шесть градов (да будут) убежных, ихже дадите убегати в ня убившему, и к сим четыредесять и два града: 004 NUM 035 007 всех градов дадите левитом четыредесять и осмь градов, сия и предградия их: 004 NUM 035 008 и грады, ихже дадите от одержания сынов Израилевых, от многих многа, а от малых мала: кийждо по наследию своему, еже наследят, да дадят от градов левитом. 004 NUM 035 009 И рече Господь к Моисею, глаголя: 004 NUM 035 010 глаголи сыном Израилевым и речеши к ним: вы преходите Иордан в землю Ханааню: 004 NUM 035 011 и разделите сами себе грады убежища да будут вам убегати в ня убийце, всяк убивый душу нехотяй: 004 NUM 035 012 и будут гради вам убежища от ужика крове, и да не умрет убивый, дондеже станет пред сонмом на суде: 004 NUM 035 013 и грады, яже дадите, шесть градов, убежища да будут вам. 004 NUM 035 014 Три грады дадите об ону страну Иордана, и три грады дадите в земли Ханаани: 004 NUM 035 015 убежище да будет сыном Израилевым, и пришелцу, и обиталнику иже в вас, да будут гради сии во убежище убегати тамо всякому убившему душу нехотением. 004 NUM 035 016 Аще же орудием железным убиет его, и умрет, убийца есть: смертию да умрет убийца. 004 NUM 035 017 Аще же камением из руки убиет его, и умрет от него, убийца есть: смертию да умрет убийца. 004 NUM 035 018 Аще же орудием древяным из руки, от негоже умрет, убиет его, и умрет, убийца есть: смертию да умрет убийца. 004 NUM 035 019 Ужик крове, сей да убиет убившаго: егда усрящет его, сей да убиет его. 004 NUM 035 020 Аще же вражды ради ринет его и вержет на него всяк сосуд по навету, и умрет, 004 NUM 035 021 или от ненависти поразил его рукою, и умрет, смертию да умрет убивый, убийца есть: смертию да умрет убиваяй: ужик крове да убиет убийцу, егда сретится с ним. 004 NUM 035 022 Аще же внезапу не вражды ради ринет его, или вержет на него всяк сосуд не по навету, 004 NUM 035 023 или всяким каменем, имже вержет не ведый, и падет на него, и умрет, он же враг его не бе, ниже ищяй зла ему творити, 004 NUM 035 024 и да судит сонм между убившим и между ужиком крове, по судбам сим, 004 NUM 035 025 и избавит сонм убившаго от ужика крове, и да возвратит его сонм во град убежища его, в оньже убежа, и да поживет тамо, дондеже умрет жрец великий, егоже помазаша елеем святым. 004 NUM 035 026 Аще же исходом изыдет убивый вне предел града, в оньже убежа тамо, 004 NUM 035 027 и обрящет его ужик крове вне предел града убежища его, и убиет ужик крове убившаго, несть повинен: 004 NUM 035 028 во граде бо убежания да живет, дондеже умрет жрец великий, и по умертвии жерца великаго да возвратится убивый в землю одержания своего. 004 NUM 035 029 И да будут сия вам во оправдание суда в роды вашя во всех селениих ваших. 004 NUM 035 030 Всякаго убившаго душу, пред свидетелми да убиеши убившаго: и свидетель един да не свидетелствует на смерть души. 004 NUM 035 031 И да не возмете искупа за душу от убившаго, повинна суща убиению: смертию бо умрет: 004 NUM 035 032 ниже да возмете искупа убежания во град убежища, да паки живет на земли, дондеже умрет жрец великий. 004 NUM 035 033 И да не убиете земли, на нейже вы обитаете: кровь бо сия убивает землю, и не очистится земля от крове пролиянныя на ней, но токмо кровию проливающаго: 004 NUM 035 034 и да не оскверните земли, на нейже живете, на нейже Аз вселяюся посреде вас: Аз бо есмь Господь вселяяйся посреде сынов Израилевых. 004 NUM 036 001 И приидоша князи племене сынов Галаадовых, сына Махирова сына Манассиина от племене сынов Иосифовых, и глаголаша пред Моисеом и пред Елеазаром жерцем и пред князи домов отечеств сынов Израилевых, 004 NUM 036 002 и рекоша: господину нашему повеле Господь отдати землю наследия по жребию сыном Израилевым: и господину нашему заповеда Господь дати наследие Салпаада брата нашего дщерем его: 004 NUM 036 003 и будут единому от племен сынов Израилевых в жены, и отлучится жребий их от одержания отец наших, и приложится к наследию племене, имже будут в жены, и от жребия наследия нашего отлучится: 004 NUM 036 004 аще же будет оставление сынов Израилевых, и приложится наследие их к наследию племене, имже аще будут в жены, и от наследия племене отечества нашего отимется наследие их. 004 NUM 036 005 И заповеда Моисей сыном Израилевым по повелению Господню, глаголя: сице племя сынов Иосифовых глаголют: 004 NUM 036 006 сие слово, еже заповеда Господь дщерем Салпаадовым, глаголя: идеже угодно им, да будут в жены, токмо от сонма отечества своего да будут в жены, 004 NUM 036 007 и не превратится наследие сынов Израилевых от племене в племя ино: яко кийждо в наследии племене отечества своего женитися имут сынове Израилевы: 004 NUM 036 008 и всяка дщи, ужичествующая наследие от племен сынов Израилевых, единому сущих от сонма отца ея да будет жена: да ужичествуют сынове Израилевы кийждо наследие отца своего: 004 NUM 036 009 и не превратится жребий от племене в племя ино, но кийждо в наследии своем да женятся сынове Израилевы. 004 NUM 036 010 Якоже повеле Господь Моисею, тако сотвориша дщери Салпаадовы. 004 NUM 036 011 И быша Маала и Ферса, и Егла и Мелха и Нуа, дщери Салпаадовы, сыном братии своея, от сонма Манассиина сынов Иосифовых, быша в жены: 004 NUM 036 012 и бысть наследие их в племени сонма отца их. 004 NUM 036 013 Сия заповеди и оправдания и суды, яже заповеда Господь рукою Моисеовою на западе Моавли при Иордане прямо Иерихону. # # BOOK 005 DEU Deuteronomy Второзаконие 005 DEU 001 001 Сия словеса, яже глагола Моисей всему Израилю об ону страну Иордана, в пустыни на запады, близ Чермнаго моря, между Фараном и Тофолом, и Ловоном и Авлоном и златыми рудами: 005 DEU 001 002 единонадесяти дний от Хорива путь чрез гору Сиир даже до Кадис-Варни. 005 DEU 001 003 И бысть в четыредесятое лето, в первыйнадесять месяц, в первый день месяца глагола Моисей ко всем сыном Израилевым, по всему елико заповеда ему Господь к ним, 005 DEU 001 004 по убиении Сиона царя Аморрейска, жившаго во Есевоне, и Ога царя Васанска, жившаго во Астарофе и во Едраине, 005 DEU 001 005 об ону страну Иордана в земли Моавли, нача Моисей изясняти закон сей, глаголя: 005 DEU 001 006 Господь Бог наш глагола нам в Хориве, глаголя: да довлеет вам жити в горе сей: 005 DEU 001 007 обратитеся и воздвигнитеся вы, и внидите в гору Аморрейску, и ко всем населником Аравы, в гору и поле, и к югу и в приморскую землю Ханааню, и во Антиливан, даже до реки великия, реки Евфрата: 005 DEU 001 008 видите, предах пред вами землю, вшедше наследите землю, еюже клятся Господь отцем вашым, Аврааму и Исааку и Иакову, дати ю им и семени их по них. 005 DEU 001 009 И рекох к вам во время оно глаголя: не возмогу един водити вас: 005 DEU 001 010 Господь Бог ваш умножил вы есть, и се, есте днесь яко звезды небесныя множеством: 005 DEU 001 011 Господь Бог отец ваших да приложит вам, яко да будете тысящами сугубо, и да благословит вас, яко же глагола вам: 005 DEU 001 012 како возмогу един носити труды вашя и тяжести вашя и пререкания ваша? 005 DEU 001 013 Изберите себе мужы мудры и уметелны и смысленны в племенех ваших, и поставлю их над вами старейшины вам. 005 DEU 001 014 И отвещасте ми и рекосте: добро слово, еже глаголал еси сотворити. 005 DEU 001 015 И взях от вас мужы мудры и уметелны и смысленны, и поставих их владети над вами тысященачалники и стоначалники, и пятьдесятоначалники и десятоначалники, и писмовводители судиям вашым. 005 DEU 001 016 И заповедах судиям вашым во время оно, глаголя: разслушайте посреде братий ваших, и судите праведно посреде мужа и посреде брата его и посреде пришелца его: 005 DEU 001 017 да не познаете лица в суде, малому и великому судиши, и не устыдишися лица человеча, яко суд Божий есть: и речь, яже аще жестока будет у вас, донесете ю ко мне, и услышу ю. 005 DEU 001 018 И заповедах вам во время оно вся словеса, яже сотворите. 005 DEU 001 019 И воздвигшеся от Хорива, проидохом всю пустыню великую и страшную ону, юже видесте, путь горы Аморрейски, якоже заповеда нам Господь Бог наш: и приидохом до Кадис-Варни. 005 DEU 001 020 И рекох вам: приидосте до горы Аморрейски, юже Господь Бог наш дает вам: 005 DEU 001 021 видите, предаде Господь Бог ваш пред лицем вашим землю: вшедше наследите, якоже глагола Господь Бог отец ваших вам: небойтеся, ни ужасайтеся. 005 DEU 001 022 И приидосте ко мне вси и рекосте: да послем мужы пред нами, и да соглядают нам землю, и да поведят нам ответ, путь, имже дойдем ея, и грады, в няже внидем. 005 DEU 001 023 И угодно бысть слово предо мною, и поях от вас дванадесять мужей, мужа единаго от коегождо племене. 005 DEU 001 024 И обратившеся взыдоша на гору, и приидоша до дебри Грезновныя, и соглядаша ю: 005 DEU 001 025 и взяша в руце свои от плода земли и принесоша к нам, и глаголаху: блага земля, юже Господь Бог наш дает нам. 005 DEU 001 026 И не восхотесте взыти, но преслушасте глаголгол Господа Бога вашего: 005 DEU 001 027 и возроптасте в кущах своих и рекосте: ненависти ради изведе ны Господь из земли Египетския предати нас в руки Аморрейския, потребити нас: 005 DEU 001 028 камо мы взыдем? Братия же вашя отвратиша сердца ваша, глаголюще: язык велик и мног и крепчае нас, и грады велицы и ограждени даже до небесе, но и сыны Исполинов видехом тамо. 005 DEU 001 029 И глаголах к вам: не ужасайтеся, ниже убойтеся от них: 005 DEU 001 030 Господь Бог ваш предходяй пред лицем вашим, Той повоюет их с вами, по всему елико сотвори вам в земли Египетстей пред очима вашима, 005 DEU 001 031 и в пустыни сей, юже видесте: яко воспита тебе Господь Бог твой, якоже некий человек питает сына своего, по всему пути в оньже ходисте, дондеже приидосте на место сие. 005 DEU 001 032 И в словеси сем не веровасте Господеви Богу вашему, 005 DEU 001 033 иже предходит пред вами в путь избрати вам место, путеводя вас огнем нощию, показуя вам путь, имже ити по нем, и облаком во дни. 005 DEU 001 034 И услыша Господь (Бог) глас словес ваших, и разгневався клятся, глаголя: 005 DEU 001 035 аще узрит кто от мужей сих землю благую сию, еюже Аз кляхся отцем их, 005 DEU 001 036 разве Халев сын Иефонниин, сей узрит ю, и сему дам землю, на нюже взыде, и сыном его, понеже прилежит Господеви. 005 DEU 001 037 И на мя разгневася Господь вас ради, глаголя: ниже ты внидеши тамо: 005 DEU 001 038 Иисус сын Навин, иже стоит пред тобою, сей внидет тамо: сего укрепи, яко сей даст ю в наследие Израилю: 005 DEU 001 039 и отрочата ваша, о нихже глаголасте, яко в пленении имут быти, и всяко отроча младо, еже не весть днесь добра или зла, сии внидут тамо, и сим дам ю, и сии наследят ю: 005 DEU 001 040 и вы обратившеся ополчистеся в пустыню, путем к Чермному морю. 005 DEU 001 041 И отвещасте и рекосте мне: согрешихом пред Господем Богом нашим: мы шедше повоюем, по всему елико заповеда Господь Бог наш нам. И вземше кийждо орудия ратная своя и собравшеся взыдосте на гору. 005 DEU 001 042 И рече Господь ко мне: рцы им: не восходите, ниже ратуйте, несмь бо с вами, и да не будете сотрени пред враги вашими. 005 DEU 001 043 И глаголах к вам, и не послушасте мене: и преступисте слово Господне, и понудившеся взыдосте на гору. 005 DEU 001 044 И изыде Аморрей живущий на горе той противу вам, и прогна вас, аки бы пчелы творили, и уязвляху вас от Сиира даже до Ермы. 005 DEU 001 045 (И возвратистеся, ) и седше плакасте пред Господем, и не послуша Господь гласа вашего, ниже внят вам: 005 DEU 001 046 и седесте в Кадисе дни многи, елики дни тогда седесте. 005 DEU 002 001 И возвратившеся воздвигохомся в пустыню, путем моря Чермнаго, якоже глагола Господь ко мне: и обходихом гору Сиир дни многи. 005 DEU 002 002 И рече Господь ко мне: 005 DEU 002 003 довлеет вам обхождати гору сию: возвратитеся убо к северу: 005 DEU 002 004 и людем заповеждь, глаголя: вы пройдите сквозе пределы братии вашея, сынов Исавовых, живущих в Сиире, и убоятся вас и ужаснутся зело: 005 DEU 002 005 не сотворите с ними рати: не дах бо вам от земли их ниже стопы ноги, яко во жребий дах сыном Исавовым гору Сиир: 005 DEU 002 006 сребром пищу купите себе у них и ядите, и воду в меру возмите от них на цене и пийте: 005 DEU 002 007 ибо Господь Бог твой благослови тебе во всяком деле руку твоею: разумей, како прошел еси пустыню великую и страшную сию: се, четыредесять лет Господь Бог твой с тобою, и не востребовал еси словесе. 005 DEU 002 008 И минухом братию свою сыны Исавли, живущыя в Сиире, у пути Аравскаго от Елона и от Гесион-Гавера, и возвратившеся преидохом путь в пустыню Моавлю. 005 DEU 002 009 И рече Господь ко мне: не совраждуйтеся Моавитом и не сотворите с ними рати: не дах бо вам от земли их во жребий, сыном бо Лотовым дах Ароир наследити. 005 DEU 002 010 Оммины прежде седяху на ней, народ велик и мног и крепок якоже Енакими: 005 DEU 002 011 Рафаины глаголются и сии, якоже и Енакими: и Моавити прозывают я Оммины. 005 DEU 002 012 И в Сиире седяше Хорреи прежде, но сынове Исавовы потребиша я и искорениша я от лица своего: и вселишася вместо их, имже образом сотвори Израиль земли наследия своего, юже даде Господь им. 005 DEU 002 013 Ныне убо вы востаните и воздвигнитеся, и пройдите дебрь Заретову. 005 DEU 002 014 И дни, в няже отидохом от Кадис-Варни дондеже преидохом дебрь Заретову, тридесять и осмь лет, дондеже паде весь род мужей воинских от полка, якоже клятся им Господь Бог. 005 DEU 002 015 И рука Божия бяше на них, погубити я от полка, дондеже падоша. 005 DEU 002 016 И бысть внегда падоша вси мужи воинстии умирающе от среды людий, 005 DEU 002 017 и рече Господь ко мне, глаголя: 005 DEU 002 018 ты прейдеши днесь пределы Моавлими Ароир: 005 DEU 002 019 и пришедше близ сынов Амманих, не совраждуйтеся им и не сотворите с ними рати: не дам бо тебе от земли сынов Амманих во жребий, яко сыном Лотовым дах ю во жребий. 005 DEU 002 020 Земля Рафаинска возименуются: Рафаини бо на ней прежде живяху: Амманитяне же прозывают их Зоммин: 005 DEU 002 021 язык велик и мног и крепок, якоже и Енакими: и погуби я Господь от лица их, и прияша наследие и вселишася вместо их даже до сего дне: 005 DEU 002 022 якоже сотвориша сыном Исавовым живущым в Сиире, имже образом потребиша Хорреа от лица своего и наследиша их, и вселишася вместо их даже до сего дне: 005 DEU 002 023 и Евее живущии во Асирофе даже до Газы, и Каппадоки изшедшии из Каппадокии потребиша я, и вселишася вместо их. 005 DEU 002 024 Ныне убо востаните и воздвигнитеся, и прейдите вы дебрь Арноню: се, предах в руце твои Сиона царя Есевоня Аморрейска и землю его: начни наследовати, сотвори с ним рать днешний день: 005 DEU 002 025 начинай даяти трепет твой и страх твой пред лицем всех языков сущих под небесем, иже слышавше имя твое возмятутся, и болезнь приимут от лица твоего. 005 DEU 002 026 И послах послы от пустыни Кедамоф к Сиону царю Есевоню словесы мирными, глаголя: 005 DEU 002 027 да пройду сквозе землю твою: по пути пройду, не совращуся ни на десно, ни на лево: 005 DEU 002 028 пищу на цене даси ми, и ям: и воду на цене даси ми, и пию: точию ногама моима да прейду: 005 DEU 002 029 якоже сотвориша ми сынове Исавли живущии в Сиире и Моавити живущии во Ароире, дондеже прейду Иордан на землю, юже Господь Бог наш дает нам. 005 DEU 002 030 И не восхоте Сион цар Есевонь, да пройдем сквозе его, яко ожесточи Господь Бог наш дух его и укрепи сердце его, да предастся в руце твои якоже во днешний день. 005 DEU 002 031 И рече Господь ко мне: се, начах предаяти пред лицем твоим Сиона царе Есевоня Аморрейска и землю его, и начинай наследити землю его. 005 DEU 002 032 И изыде Сион царь Есевонь противу нам сам и вси людие его на брань во Иассу: 005 DEU 002 033 и предаде его Господь Бог наш пред лицем нашим в руце наши: и убихом его, и сыны его и вся люди его: 005 DEU 002 034 и одержихом вся грады его во оно время, и разорихом всяк град, ктому и жены их и дети их не оставихом живы: 005 DEU 002 035 токмо скот пленихом себе, и корысти градов взяхом. 005 DEU 002 036 Из Ароира, иже есть при устии водотечи Ариони, и град иже есть в дебри, и даже до горы Галаадовы, не бысть град уцелевый от нас: вся предаде Господь Бог наш в руце наши: 005 DEU 002 037 токмо в земли сынов Амманих не приступахом ко всем прилежащым к водотечи Иавокове и ко градом иже в горах, якоже повеле нам Господь Бог наш. 005 DEU 003 001 И обратившеся взыдохом путем иже к Васану: и изыде Ог царь Васанский противу нам, сам и вси людие его с ним на брань во Едраим. 005 DEU 003 002 И рече Господь ко мне: не убойся его, яко в руце твои предах его, и вся люди его, и всю землю его: и сотвориши ему, якоже сотворил еси Сиону царю Аморрейску, иже живяше во Есевоне. 005 DEU 003 003 И предаде его Господь Бог наш в руце наши, и Ога царя Васанска, и вся люди его: и избихом его, дондеже не остася от него семя: 005 DEU 003 004 и одержахом вся грады его во время оно, не бысть града, егоже не взяхом от них: шестьдесят градов, вся пределы Аргова царя Ога в Васане, 005 DEU 003 005 вся грады тверды, стены высоки, врата и вереи, кроме градов ферезейских многих зело: 005 DEU 003 006 потребихом их, якоже сотворихом Сиону царю Есевоню, и потребихом вся грады, вкупе и жены их и чада: 005 DEU 003 007 и вся скоты, и корысти градныя пленихом себе, 005 DEU 003 008 и взяхом в то время землю от рук двух царей Аморрейских, иже быша об оны пол Иордана, от водотечи Арнони, даже и до горы Аермона. 005 DEU 003 009 Финикиане прозывают Аермон Саниором, Аморрей же прозва его Саниром. 005 DEU 003 010 Вси грады мисоровы, и весь Галаад, и весь Васан даже до Елхи и Едраима, грады царствия Огова в Васане: 005 DEU 003 011 яко точию Ог царь Васанский остася от Рафаинов: се, одр его одр железен, се, той есть в Краеградии сынов Аммановых: девять лакот долгота его и четыри лакти широта его лактем мужеским. 005 DEU 003 012 И землю ту наследихом во оно время от Ароира, иже есть у устия водотечи Ариони, и пол горы Галаадовы: и грады его дах Рувиму и Гаду: 005 DEU 003 013 и оставшее Галаадово, и все Васанское царство Огово дах полуплемени Манассиину, и весь предел Аргова, весь Васан оный, земля Рафаиня вменится. 005 DEU 003 014 И Иаир сын Манассиин взя вся пределы Аргова, даже до предел Гаргасинских и Махафинских: прозва я по имени своему Васан Авоф Иаир, даже до сего дне: 005 DEU 003 015 и Махиру дах Галаад, 005 DEU 003 016 и Рувиму и Гадови дах от Галаада даже до водотечи Арнони, среди водотечи предел, и даже до Иавока: водотеча предел сынов Амманих: 005 DEU 003 017 и арава и Иордан предел от Махенерефа и даже до моря Аравскаго, моря Сланаго, под асидофом Фазги от востока. 005 DEU 003 018 И повелех вам во время оно, глаголя: Господь Бог ваш даде вам землю сию во жребий: вооружени поидите пред лицем братии вашея сынов Израилевых, всяк сильный: 005 DEU 003 019 точию жены вашя и дети вашя и скоти вашя, вем, яко скот мног есть вам, да пребудут во градех ваших, яже дах вам: 005 DEU 003 020 дондеже упокоит Господь Бог наш братию вашу, якоже и вас, и наследят и сии землю, юже Господь Бог ваш дает им об ону страну Иордана: и возвратитеся кийждо в наследие свое иже дах вам. 005 DEU 003 021 И Иисусу заповедах во время оно, глаголя: очи ваши видеша вся, елика сотвори Господь Бог наш обоим царем сим, тако сотворит Господь Бог наш всем царством, ихже сквозе ты пройдеши тамо: 005 DEU 003 022 не убойтеся от них, яко Господь Бог наш Сам поборет по вас. 005 DEU 003 023 И молихся Господви во оно время, глаголя: 005 DEU 003 024 Господи Боже, Ты начал еси показовати Твоему рабу крепость Твою и силу Твою, и руку крепкую и мышцу высокую: кто бо есть бог на небеси или на земли, иже сотворит, якоже сотворил еси Ты, и по крепости Твоей? 005 DEU 003 025 Прешед убо увижду землю благую сию, яже об ону страну Иордана, гору сию благу и Антиливан. 005 DEU 003 026 И презре мя Господь вас ради, и не послуша мене, и рече Господь ко Мне: довлеет ти, не приложи к сему глаголати словесе сего: 005 DEU 003 027 взыди на верх горы Изсеченыя и воззри очима твоима к морю и северу, и югу и на востоки, и виждь очима твоима, яко не прейдеши Иордана сего: 005 DEU 003 028 и заповеждь Иисусу, и укрепи его, и утеши его: яко сей прейдет пред лицем людий сих, и сей разделит им в наследие всю землю, юже еси видел. 005 DEU 003 029 И пребыхом во юдоли близ дому Фогорова. 005 DEU 004 001 И ныне, Израилю, послушай оправданий и судов, елика аз учу вас днесь делати, да поживете и умножитеся, и вшедше наследите землю, юже Господь Бог отец ваших дает вам в наследие: 005 DEU 004 002 да не приложите к словеси, еже аз заповедаю вам, ниже да отимете от него: сохраните заповеди Господа Бога нашего, елика аз заповедаю вам днесь. 005 DEU 004 003 Очи ваши видеша вся, елика сотвори Господь Бог наш Веельфегору: яко всяк человек иже иде вслед Веельфегора, потреби его Господь Бог наш от вас: 005 DEU 004 004 вы же, прилежащии Господеви Богу вашему, живете вси до днесь: 005 DEU 004 005 видите, показах вам оправдания и суды, якоже заповеда мне Господь Бог мой сотворити сице на земли, в нюже вы идете тамо, наследити ю: 005 DEU 004 006 и сохраните, и сотворите, яко сия премудрость ваша и смышление пред всеми языки, елицы аще услышат вся оправдания сия и рекут: се, людие премудрии и уметелны: язык великий сей. 005 DEU 004 007 Кий бо язык тако велий, емуже есть бог, приближаяйся ему, яко Господь Бог наш во всех, в нихже аще призовем Его? 005 DEU 004 008 И кий язык велик, емуже суть оправдания и суды правы по всему закону сему, егоже аз даю пред вами днесь? 005 DEU 004 009 Вонми себе и снабди душу твою зело, и не забуди всех словес, яже видеста очи твои, и да не отступят от сердца твоего вся дни живота твоего: и да наставиши сыны твоя и сыны сынов твоих, 005 DEU 004 010 в день в оньже стоясте пред Господем Богом вашим в Хориве в день собрания, егда рече Господь ко мне: собери ко Мне люди, и да слышат словеса Моя, да научатся боятися Мене вся дни, в няже сии живут на земли, и сыны своя да научат. 005 DEU 004 011 И приидосте, и стасте под горою: и гора горяше огнем даже до небесе, тма, мрак, и вихр. 005 DEU 004 012 И глагола Господь к вам на горе из среды огня: глас словес Его вы слышасте, и образа не видесте, токмо глас: 005 DEU 004 013 и возвести вам завет Свой, егоже заповеда вам творити, десять словес, и написа я на двоих скрижалех каменных: 005 DEU 004 014 и мне заповеда Господь во время оно, научити вас оправданием и судам, творити вам я на земли, в нюже вы входите тамо наследити ю. 005 DEU 004 015 И снабдите душы своя зело, яко не видесте всякаго подобия в день, в оньже глагола Господь к вам в горе Хориве из среды огня: 005 DEU 004 016 не беззаконнуйте, и не сотворите себе самим подобия ваянна, всякаго образа подобия мужеска пола или женска: 005 DEU 004 017 и подобия всякаго скота, иже есть на земли, подобия всякия птицы пернатыя, под небесем парящия: 005 DEU 004 018 подобия всякаго гада, иже плежет по земли: подобия всякия рыбы, елики суть в водах под землею: 005 DEU 004 019 да не когда воззрев на небо и видев солнце и луну и звезды, и всю красоту небесную, прельстився поклонишися им и послужиши им, яже раздели Господь Бог твой всем языком, иже под небесем. 005 DEU 004 020 Вас же взя Господь Бог и изведе вас от пещи железны из Египта, да будете Ему людие в жребий, якоже в днешний день. 005 DEU 004 021 И Господь Бог разгневася на мя о словесех ваших, и клятся, да не прейду Иордана сего и да не вниду в землю, юже Господь Бог твой дает тебе в наследие: 005 DEU 004 022 аз бо умру в сей земли, и не прейду Иордана сего, вы же прейдете и наследите землю благую сию. 005 DEU 004 023 Вонмите вы, да не когда забудете завета Господа Бога вашего, егоже завеща к вам, и да не сотворите сами себе изваянна подобия всех, яже заповеда тебе Господь Бог твой, 005 DEU 004 024 яко Господь Бог твой огнь потребляяй есть, Бог ревнитель. 005 DEU 004 025 Аще же родиши сыны и сыны сынов твоих, и умедлите на земли, и возбеззаконнуете, и сотворите изваянно подобие всякаго, и сотворите злое пред Господем Богом, вашим, еже раздражити Его, 005 DEU 004 026 засвидетелствую вам днесь небесем и землею, яко пагубою погибнете от земли, на нюже вы преходите чрез Иордан тамо наследити ю: не пребудете много дний на ней, но потреблением потребитеся: 005 DEU 004 027 и разсыплет вы Господь во всех языцех, и останетеся мали числом во языцех, в няже введет вы Господь тамо, 005 DEU 004 028 и послужите тамо богом иным, делом рук человеческих, древу и камению, иже не узрят и не услышат, ни ядят, ни обоняют: 005 DEU 004 029 и взыщете тамо Господа Бога вашего, и обрящете Его, егда взыщете Его от всего вашего сердца и от всея души вашея в скорби вашей. 005 DEU 004 030 И постигнут тя вся сия словеса в последняя дни, и обратишися к Господеви Богу твоему, и услышиши глас Его, 005 DEU 004 031 яко Бог щедр и милосерд Господь Бог твой, не оставит тебе, ниже потребит тебе, не забудет завета отец твоих, имже клятся им. 005 DEU 004 032 Вопросите дний первых, бывших прежде вас, от дне в оньже сотвори Бог человека на земли, и от края небесе даже до края небесе, аще бысть по словеси великому сему, аще слышано бысть сицево: 005 DEU 004 033 аще (кий) язык слыша глас Бога живаго глаголюща от среды огня, имже образом слышал еси ты, и жив был еси: 005 DEU 004 034 аще искуси бог вшед взяти себе язык от среды языка искушением, и знамении и чудесы, и бранию и рукою сильною, и мышцею высокою и видении великими, по всему елико сотвори Господь Бог наш во Египте пред тобою зрящим, 005 DEU 004 035 яко да разумееши ты, яко Господь Бог твой сей Бог есть, и несть разве Его. 005 DEU 004 036 От небесе слышан сотвори тебе глас Свой, еже научити тя, и на земли показа тебе огнь Свой великий, и глаголголы Его слышал еси из среды огня: 005 DEU 004 037 занеже возлюби отцы твоя, избра семя их по них вас, и изведе тя Сам силою Своею великою из Египта 005 DEU 004 038 потребити языки великия и крепчайшыя тебе пред лицем твоим, ввести тя, дати тебе землю их в наследие, якоже имаши днесь. 005 DEU 004 039 И увеси днесь, и обратишися умом, яко Господь Бог твой Сей Бог на небеси горе и на земли долу, и несть разве Его, 005 DEU 004 040 и да сохраниши заповеди Его и оправдания Его, елика аз заповедаю тебе днесь, да благо тебе будет и сыном твоим по тебе, яко да будете долголетни на земли, юже Господь Бог твой дает тебе вся дни. 005 DEU 004 041 Тогда отдели Моисей три грады об ону страну Иордана на восток солнца, 005 DEU 004 042 еже убегати тамо убийце, иже аще убиет ближняго не ведый, и сей не ненавидя его прежде вчера и третияго дне, и да вбегнет во един град от сих и жив будет: 005 DEU 004 043 Восор в пустыни в земли селней Рувиму, и Раммоф в Галааде Гадду, и Гавлон в Васане Манассии. 005 DEU 004 044 Сей закон, егоже предложи Моисей пред сыны Израилтескими: 005 DEU 004 045 сия свидения и оправдания и суды, елика глагола Моисей сыном Израилевым в пустыни, изшедшым им из земли Египетския, 005 DEU 004 046 об он пол Иордана, в дебри, близ дому Фогорова, в земли Сиона царя Аморрейска, иже живяше во Есевоне, егоже изби Моисей и сынове Израилевы, изшедшым им из земли Египетския. 005 DEU 004 047 И наследиша землю его и землю Ога царя Васанска, дву царей Аморрейских, иже бяху об он пол Иордана на восток солнца, 005 DEU 004 048 от Ароира, иже есть во устии водотечи Арнони и у горы Сиона, яже есть Аермон, 005 DEU 004 049 всю араву об ону страну Иордана, на восток солнца под асидофом Тесаным. 005 DEU 005 001 И призва Моисей всего Израиля и рече к ним: слыши, Израилю, оправдания и суды, елика аз глаголю во ушы ваши во днешний день, и научитеся их, и сохраните творити я. 005 DEU 005 002 Господь Бог ваш завеща вам завет в Хориве: 005 DEU 005 003 не отцем вашым завеща Господь завет сей, но токмо вам: вы же зде вси живи днесь. 005 DEU 005 004 Лицем к лицу глагола Господь к вам на горе из среды огня, 005 DEU 005 005 и аз стоях между Господем и вами во время оно возвестити вам глаголголы Господня, яко убоястеся от лица огня и не взыдосте на гору, глаголя: 005 DEU 005 006 Аз есмь Господь Бог твой, изведый тя из земли Египетския, от дому работы: 005 DEU 005 007 да не будут тебе бози инии пред лицем Моим. 005 DEU 005 008 Да не сотвориши себе кумира, ни всякаго подобия, елика на небеси горе, и елика на земли низу, и елика в водах под землею, 005 DEU 005 009 да не поклонишися им, ниже послужиши им: яко Аз есмь Господь Бог твой, Бог ревнив, отдаяй грехи отцев на чада до третияго и четвертаго рода ненавидящым Мене, 005 DEU 005 010 и творяй милость в тысящах любящым Мене и хранящым повеления Моя. 005 DEU 005 011 Да не приимеши имене Господа Бога твоего всуе: не очистит бо Господь Бог твой приемлющаго имя Его всуе. 005 DEU 005 012 Снабди день субботный святити его, якоже заповеда тебе Господь Бог твой: 005 DEU 005 013 шесть дний делай, и да сотвориши вся дела твоя, 005 DEU 005 014 в день же седмый суббота Господу Богу твоему: да не сотвориши в онь всякаго дела, ты и сын твой и дщерь твоя, раб твой и раба твоя, вол твой и осел твой и всяк скот твой, и пришлец обитаяй у тебе, да почиет раб твой и раба твоя, и осел твой, якоже и ты: 005 DEU 005 015 и да помянеши, яко (и ты) раб был еси в земли Египетстей и изведе тя Господь Бог твой оттуду рукою крепкою и мышцею высокою: сего ради повеле тебе Господь Бог твой, еже хранити день субботный и святити его. 005 DEU 005 016 Чти отца твоего и матерь твою, якоже заповеда тебе Господь Бог твой, да благо ти будет и да долголетен будеши на земли, юже Господь Бог твой дает тебе. 005 DEU 005 017 Не убий. 005 DEU 005 018 Не прелюбодействуй. 005 DEU 005 019 Не укради. 005 DEU 005 020 Не послушествуй на ближняго твоего свидетелства ложна. 005 DEU 005 021 Не пожелай жены ближняго твоего, не пожелай дому ближняго твоего, ни села его, ни раба его, ни рабыни его, ни вола его, ни осляте его, ни всякаго скота его, ниже всех, елика ближняго твоего суть. 005 DEU 005 022 Сия словеса глагола Господь ко всему сонму вашему на горе из среды огня: тма, мрак, буря, глас велик, и не приложи: и написа я на двоих скрижалех каменных, и даде мне. 005 DEU 005 023 И бысть яко услышасте глас из среды огня, и гора горяше огнем, и приидосте ко мне вси началницы племен ваших и старейшины ваши, 005 DEU 005 024 и ресте: се, показа нам Господь Бог наш славу Свою, и глас Его слышахом из среды огня: во днешний день видехом, яко возглаголет Бог человеку, и жив будет: 005 DEU 005 025 и ныне да не измрем, яко потребит нас огнь великий сей, аще приложим мы слышати глас Господа Бога нашего ктому, и умрем: 005 DEU 005 026 кая бо плоть, яже слыша глас Бога жива, глаголюща из среды огня, якоже мы, и жива будет? 005 DEU 005 027 Приступи ты, и послушай вся, елика к тебе речет Господь Бог наш, и ты речеши к нам вся, елика речет Господь Бог наш к тебе, и услышим, и сотворим. 005 DEU 005 028 И услыша Господь глас словес ваших, глаголющым вам ко мне, и рече Господь ко мне: слышах глас словес людий сих, елика глаголаша к тебе: право вся, елика глаголаша: 005 DEU 005 029 кто даст еже быти тако сердцу их в них, яко боятися Мене и хранити заповеди Моя во вся дни, да благо будет им и сыном их во веки? 005 DEU 005 030 Гряди, рцы им: возвратитеся в в домы своя: 005 DEU 005 031 ты же зде стани со Мною, и возглаголю к тебе вся заповеди и оправдания и суды, еликим научиши их: и да сотворят сице в земли, юже Аз даю им в жребий: 005 DEU 005 032 и сохраните творити, якоже заповеда тебе Господь Бог твой: не совратитеся ни на десно, ни на лево, 005 DEU 005 033 по всему пути, егоже заповеда тебе Господь Бог твой ходити в нем, да тя упокоит, и благо тебе будет: и многи дни будете на земли, юже наследите. 005 DEU 006 001 И сия заповеди и оправдания и суды, елика заповеда Господь Бог ваш научити вас творити тако на земли, в нюже вы входите тамо, наследити ю: 005 DEU 006 002 да боитеся Господа Бога вашего, хранити вся оправдания Его и заповеди Его, яже аз заповедаю тебе днесь, ты и сынове твои, и сыны сынов твоих, во вся дни живота твоего, да многи дни пребудете. 005 DEU 006 003 И послушай, Израилю, и снабди творити, да благо ти будет, и да умножитеся зело, якоже глагола Господь Бог отец ваших, дати тебе землю кипящую млеком и медом. И сия оправдания и суды, елика заповеда Господь (Бог) сыном Израилевым в пустыни, изшедшым им из земли Египетския. 005 DEU 006 004 Слыши, Израилю: Господь Бог наш Господь един есть. 005 DEU 006 005 И возлюбиши Господа Бога твоего от всего сердца твоего и от всея души твоея и от всея силы твоея. 005 DEU 006 006 И да будут словеса сия, яже Аз заповедаю тебе днесь, в сердцы твоем и в души твоей, 005 DEU 006 007 и да накажеши ими сыны твоя, и да возглаголеши о них седяй в дому и идый путем, и лежа и востая: 005 DEU 006 008 и навяжеши я в знамение на руку твою, и да будут непоколеблема пред очима твоима: 005 DEU 006 009 и да напишете я на празех храмине ваших и врат ваших. 005 DEU 006 010 И будет егда введет тя Господь Бог твой в землю, еюже клятся отцем твоим, Аврааму и Исааку и Иакову, дати тебе грады велики и добры, ихже не создал еси, 005 DEU 006 011 домы полны всяких благ, ихже не наполнил еси, потоки ископаны, ихже не ископал еси, винограды и маслины, ихже не насадил еси: и ядый и насытився, 005 DEU 006 012 вонми себе, да не разширится сердце твое, да не забудеши Господа Бога твоего, изведшаго тебе из земли Египетския, от дому работы. 005 DEU 006 013 Господа Бога твоего да убоишися, и тому единому послужиши, и к Нему прилепишися, и именем Его кленешися. 005 DEU 006 014 Да не ходите вслед богов иных, богов языческих, иже окрест вас: 005 DEU 006 015 яко Бог ревнив Господь Бог твой посреде тебе: да не разгневався яростию Господь Бог твой на тя, потребит тя от лица земли. 005 DEU 006 016 Да не искусиши Господа Бога твоего, якоже искушасте во Искушении. 005 DEU 006 017 Храня да сохраниши заповеди Господа Бога твоего, свидения Его и оправдания Его, елика заповеда тебе: 005 DEU 006 018 и да сотвориши угодное и благое пред Господем Богом твоим, да благо будет тебе, и внидеши и наследиши землю благую, еюже клятся Господь отцем вашым, 005 DEU 006 019 отгнати вся враги твоя от лица твоего, якоже глагола Господь. 005 DEU 006 020 И будет егда вопросит тя сын твой утре, глаголя: что суть свидения и оправдания и суды, елика заповеда Господь Бог наш нам? 005 DEU 006 021 И речеши сыну твоему: раби бехом фараону в земли Египетстей, и изведе нас Господь Бог оттуду рукою крепкою и мышцею высокою: 005 DEU 006 022 и даде Господь (Бог) знамения и чудеса велика и зла во Египте на фараона и на дом его и на силу его пред нами, 005 DEU 006 023 и нас изведе Господь Бог наш оттуду, да введет нас дати нам землю сию, еюже клятся Господь Бог наш отцем нашым, дати ю нам: 005 DEU 006 024 и заповеда нам Господь творити вся оправдания сия, боятися Господа Бога нашего, да благо будет нам во вся дни, да живем, якоже и днесь, 005 DEU 006 025 и милосердие будет нам, аще сохраним творити вся заповеди закона сего пред Господем Богом нашим, якоже заповеда нам. 005 DEU 007 001 И будет егда введет тя Господь Бог твой в землю, в нюже входиши тамо наследити ю, и изженет языки великия и многия от лица твоего, Хеттеа и Гергесеа, и Аморреа и Хананеа, и Ферезеа и Евеа и Иевусеа, седмь языков великих и многих, и крепчае вас: 005 DEU 007 002 и предаст их Господь Бог твой в руце твои, и избиеши я, пагубою погубиши я, да не завещаеши к ним завета, ниже да помилуеши их, 005 DEU 007 003 ниже сватовства сотвориши с ними: дщери своея не даси сыну его, и дщере его да не поймеши сыну твоему: 005 DEU 007 004 отвратит бо сына твоего от Мене, и послужит богом инем: и разгневается Господь гневом на вы, и потребит тя вскоре. 005 DEU 007 005 Но сице да сотворите им: требища их разсыплете, и столпы их да сокрушите, и дубравы их да посечете, и ваяния богов их да сожжете огнем: 005 DEU 007 006 яко люди святи есте Господеви Богу вашему: и вас избра Господь Бог ваш, да будете Ему люди избранни паче всех языков, елицы на лицы земли. 005 DEU 007 007 Не яко мнози есте паче всех язык, предприя вас Господь и избра вас Господь, вы бо есте меншии от всех языков: 005 DEU 007 008 но яко возлюби Господь вас, и храня клятву, еюже клятся отцем вашым, изведе Господь вас рукою крепкою и мышцею высокою, и избави тя от дому работы, от руки фараона царя Египетска, 005 DEU 007 009 и да увеси, яко Господь Бог твой Сей Бог: Бог верный, храняй завет Свой и милость любящым Его и хранящым заповеди Его в тысящы родов: 005 DEU 007 010 и воздаяй ненавидящым Его в лице потребити я, и не умедлит ненавидящым, в лице воздаст им. 005 DEU 007 011 И да сохраниши заповеди и оправдания и суды сия, елика аз заповедаю тебе творити днесь. 005 DEU 007 012 И будет егда послушаете вся оправдания сия, и сохраните и сотворите я, сохранит и Господь Бог твой тебе завет и милость, якоже клятся отцем вашым, 005 DEU 007 013 и возлюбит тя, и благословит тя и умножит тя, и благословит плод чрева твоего и плод земли твоея, пшеницу твою и вино твое и елей твой, и стада волов твоих и паствы овец твоих на земли, юже клятся Господь отцем твоим дати тебе: 005 DEU 007 014 и благословен будеши паче всех язык и не будет в вас безчадный, ниже неплоды, и в скотех твоих: 005 DEU 007 015 и отимет Господь Бог твой от тебе всяко разслабление и всяку язю Египетскую злую, яже видел еси и елика веси: не возложит на тя, но возложит я на вся ненавидящыя тебе: 005 DEU 007 016 и ясти будеши вся корысти языков, яже Господь Бог твой дает тебе: да не пощадит их око твое, и да не послужиши богом их, яко претыкание тебе есть сие. 005 DEU 007 017 Аще же речеши во уме твоем: яко язык сей множае паче мене, како возмогу аз потребити я? 005 DEU 007 018 Не убоишися их: памятию да помянеши, елика сотвори Господь Бог твой фараону и всем Египтяном, 005 DEU 007 019 искушения великая, яже видеста очи твои, знамения она и чудеса великая, руку крепкую и мышцу высокую, якоже изведе тя Господь Бог твой: тако сотворит Господь Бог ваш всем языком, ихже ты боишися от лица их: 005 DEU 007 020 и шершни послет Господь Бог твой на них, дондеже потребятся оставшиися и сокрывшиися от тебе: 005 DEU 007 021 не повредишися от лица их: яко Господь Бог твой в тебе, Бог великий и крепкий: 005 DEU 007 022 и погубит Господь Бог твой языки сия от лица твоего, помалу малу: не возможеши погубити их вскоре, да не будет земля пуста, и умножатся зверие дивии на тя: 005 DEU 007 023 и предаст их Господь Бог твой в руце твои, и погубиши их погублением великим, дондеже искорените их: 005 DEU 007 024 и предаст цари их в руце твои, и погубите имя их от места онаго: ниже един постоит пред лицем твоим, дондеже погубиши их. 005 DEU 007 025 Ваяния богов их да сожжете огнем, да не похощеши злата и сребра взяти себе от них, да не когда согрешиши того ради, яко мерзость есть Господеви Богу твоему: 005 DEU 007 026 и да не внесеши мерзости в свой дом, и проклят будеши якоже сия: ненавидением да возненавидиши, и омерзением да омерзиши, яко проклятие есть. 005 DEU 008 001 Вся заповеди, яже аз заповедаю вам днесь, снабдите творити, да живете, и умножитеся, и внидете, и наследите землю благую, еюже клятся Господь Бог отцем вашым. 005 DEU 008 002 И да помянеши весь путь, имже проведе тебе Господь Бог твой, сие четыредесятое лето в пустыни, да искусит тя и озлобит тя, и уразумеются яже в сердцы твоем, аще сохраниши заповеди Его или ни. 005 DEU 008 003 И озлоби тя, и гладом замори тя, и напита тя манною, еяже ты не уведел еси, ни отцы твои: да возвестит тебе, яко не от хлебе единем жив будет человек, но о всяком словеси исходящем из уст Божиих жив будет человек. 005 DEU 008 004 Ризы твоя не обетшаша на тебе: нозе твои не язвишася, се, четыредесять лет. 005 DEU 008 005 И уразумееши сердцем твоим, яко имже образом аще кий человек накажет сына своего, тако Господь Бог твой накажет тя. 005 DEU 008 006 И сохраниши заповеди Господа Бога твоего ходити в путех Его и боятися Его. 005 DEU 008 007 Господь бо Бог твой введет тя в землю благую и многу, идеже водотечи водныя и источники бездны исходящыя по полям и горам, 005 DEU 008 008 в землю пшеницы и ячменя, (идеже) виногради, смокви и щипцы, в землю масличия елеа и меда: 005 DEU 008 009 в землю на нейже не с нищетою снеси хлеб твой, и ничесого востребуеши на ней: в землю в нейже камение железно, и от гор ея ископаеши медь: 005 DEU 008 010 и ясти будеши, и насытишися, и благословиши Господа Бога твоего на земли блазей, юже даде тебе. 005 DEU 008 011 Вонми себе, не забуди Господа Бога твоего, еже не сохранити заповеди Его и судбы и оправдания Его, елика аз заповедаю тебе днесь: 005 DEU 008 012 да не когда ядый и насытився, и домы добры соградив и вселився в ня, 005 DEU 008 013 и волом твоим и овцам твоим умножившымся тебе, сребру и злату умножившымся тебе, и всем, елика тебе будут, умножившымся тебе, 005 DEU 008 014 вознесешися сердцем твоим, и забудеши Господа Бога твоего, изведшаго тя из земли Египетския, из дому работы: 005 DEU 008 015 проведшаго тя сквозе пустыню великую и страшную ону, в нейже змии угрызающыя, и скорпии, и жажда, в нейже не бяше воды: изведшаго тебе из камене несекома источник водный: 005 DEU 008 016 питавшаго тя манною в пустыни, еяже не ведел еси ты, ниже ведяху отцы твои, да озлобит тя и да искусит тя, и благо тебе сотворит на последок твой: 005 DEU 008 017 да не речеши в сердцы твоем: крепость моя и сила руки моея сотвори мне силу великую сию, 005 DEU 008 018 и помянеши Господа Бога твоего, яко Той даде тебе крепость, еже сотворити силу, и да уставит завет Свой, имже клятся отцем твоим, якоже днесь. 005 DEU 008 019 И будет аще забвением забудеши Господа Бога твоего, и пойдеши вслед богов иных, и послужиши им, и поклонишися им, засвидетелствую вам днесь небесем и землею, яко пагубою погибнете: 005 DEU 008 020 якоже и прочии языцы, яже Господь Бог погубляет от лица вашего, тако погибнете, занеже не послушасте гласа Господа Бога вашего. 005 DEU 009 001 Слыши, Израилю, ты преходиши Иордан днесь, внити еже наследити языки великия и крепчайшы паче вас, грады велики и ограждены до небесе, 005 DEU 009 002 люди велики и многи и предолги, сыны Енаковы, яже ты веси, и ты слышал еси: кто противу станет сыном Енаковым? 005 DEU 009 003 И увеси днесь, яко Господь Бог твой Сей предидет пред лицем твоим: огнь попаляяй есть: Сей потребит я, и Сей отвратит я от лица твоего, и потребит я вскоре, якоже рече тебе Господь. 005 DEU 009 004 Не рцы в сердцы твоем, егда потребит Господь Бог твой языки сия пред лицем твоим, глаголя: правд ради моих введе мя Господь наследити землю благую сию: 005 DEU 009 005 не ради правды твоея, ниже преподобия ради сердца твоего ты входиши наследити землю их, но нечестия ради и беззакония языков сих Господь от лица твоего потребит я, и да уставит завет, имже клятся Господь отцем вашым, Аврааму и Исааку и Иакову: 005 DEU 009 006 и да увеси днесь, яко не ради правды твоея Господь Бог твой дает тебе землю благую сию наследити: яко людие жестоковыйнии есте. 005 DEU 009 007 Помни, не забуди, колико разгневасте Господа Бога своего в пустыни: от негоже дне изыдосте из земли Египетския, даже внидосте в место сие, не покаряющеся совершасте яже противу Господа: 005 DEU 009 008 и в Хориве разгневасте Господа, и разгневася Господь на вы, потребити вас, 005 DEU 009 009 восходящу мне на гору, взяти скрижали каменныя, скрижали завета, яже завеща Господь к вам: и пребых в горе четыредесять дний и четыредесять нощей: хлеба не ядох и воды не пих. 005 DEU 009 010 И даде ми Господь две скрижали каменны, написаны перстом Божиим, и на них бяху написана вся словеса, яже глагола Господь к вам в горе из среды огня в день собрания: 005 DEU 009 011 и бысть но четыредесяти днех и по четыредесяти нощех, даде ми Господь две скрижали каменны, скрижали завета, 005 DEU 009 012 и рече Господь ко мне: востани и сниди скоро отсюду, яко беззаконноваша людие твои, яже извел еси из земли Египетски: соступиша скоро с пути, егоже заповедал еси им, и сотвориша себе слияние. 005 DEU 009 013 И рече Господь ко мне: глаголах тебе единою и дважды, глаголя: видех люди сия, и се, людие жестоковыйнии суть: 005 DEU 009 014 остави Мя, да потреблю Я, и погублю имя их под небесем, и сотворю тя в язык велик и крепок и мног паче сих. 005 DEU 009 015 И возвратився снидох с горы, и гора горяше огнем: и две скрижали свидений во обою руку моею: 005 DEU 009 016 и видев, яко согрешисте пред Господем Богом вашим, и сотвористе себе телца слияна, и соступисте с пути скоро, егоже заповеда Господь вам творити, 005 DEU 009 017 и взем обе скрижали, повергох я из руку моею и сокруших их пред вами. 005 DEU 009 018 И молихся пред Господем второе, якоже и первое, четыредесять дний и четыредесять нощей, хлеба не ядох и воды не пих, всех ради грехов ваших, имиже согрешисте, творяще злое пред Господем Богом вашим, еже разгневати Его: 005 DEU 009 019 и боязнен бех гнева ради и ярости, яко разгневася Господь на вы, да потребит вас: и послуша мене Господь и в то время. 005 DEU 009 020 И на Аарона разгневася Господь зело, еже погубити его: и молихся и за Аарона во время оно. 005 DEU 009 021 И грех ваш, егоже сотвористе, телца, взях его и сожгох его на огни, и избих его и сотрох его зело, даже бысть дробен, и бысть яко прах, и изсыпах прах в водотечу сходящую с горы. 005 DEU 009 022 И в Запалении, и во Искушении, и во гробех Похотения разгневасте Господа Бога вашего. 005 DEU 009 023 И егда посла вас Господь от Кадис-Варни, глаголя: взыдите и наследите землю, юже Аз даю вам: и сопротивитися глаголголу Господа Бога вашего, и не веровасте Ему, и не послушасте гласа Его: 005 DEU 009 024 и не покаряющеся бысте Господу от дне, в оньже познася вам. 005 DEU 009 025 И молихся пред Господем четыредесять дний и четыредесять нощей, в няже молихся: рече бо Господь погубити вас. 005 DEU 009 026 И молихся Богу и рекох: Господи, Господи Царю богов, не погуби людий Твоих и наследия Твоего, еже избавил еси крепостию Твоею великою, яже извел еси из земли Египетския крепостию Твоею великою и рукою сильною и мышцею Твоею высокою: 005 DEU 009 027 помяни Авраама и Исаака и Иакова, рабы Твоя, имже клялся еси Собою: не призирай на жестокость людий сих, и на нечестие их и на грехи их: 005 DEU 009 028 да не когда рекут живущии на земли, отнюдуже извел еси нас, глаголюще: не могий Господь ввести их в землю, юже им обеща, и ненавидя их Господь, изведе погубити их в пустыни: 005 DEU 009 029 и сии людие Твои и жребий Твой, ихже извел еси из земли Египетския крепостию Твоею великою и мышцею Твоею высокою. 005 DEU 010 001 Во оно время рече Господь ко мне: истеши себе две скрижали каменны якоже первыя, и взыди ко Мне на гору, и да сотвориши себе ковчег древян: 005 DEU 010 002 и напишу на скрижалех словеса, яже бяху на скрижалех первых, ихже сокрушил еси, и да вложиши я в ковчег. 005 DEU 010 003 И сотворих ковчег от древ негниюших, и истесах две скрижали каменны якоже и первыя, и взыдох на гору: и обе скрижали во юбою руку моею: 005 DEU 010 004 и написа на скрижалех по писанию первому десять словес, яже глагола Господь к вам на горе от среды огня, и даде я Господь мне. 005 DEU 010 005 И обратився снидох с горы, и вложих скрижали в ковчег, егоже сотворих: и беста ту, якоже повеле ми Господь. 005 DEU 010 006 И сынове Израилевы воздвигошася от Вирофа сынов Иакимлих в Мисадай: тамо умре Аарон, и погребен бысть ту, и бысть жрец Елеазар сын его вместо его. 005 DEU 010 007 Оттуду же воздвигошася в Гадгад, и от Гадгада до Етавафа, земли водотечи вод. 005 DEU 010 008 Во оно время отдели Господь племя Левиино носити ковчег завета Господня, предстояти пред Господем, служити и молитися и благословляти о имени Его до днешняго дне: 005 DEU 010 009 сего ради несть левитом части и жребия в братии их: Господь Сам жребий их, якоже рече им. 005 DEU 010 010 И аз стоях на горе четыредесять дний и четыредесять нощей, и послуша Господь мене и во время сие, и не восхоте Господь погубити вас. 005 DEU 010 011 И рече Господь ко мне: гряди, воздвигнися пред людьми сими, и да внидут и наследят землю, еюже кляхся отцем их, дати ю им. 005 DEU 010 012 И ныне, Израилю, что просит Господь Бог твой у тебе, точию еже боятися Господа Бога твоего и ходити во всех путех Его, и любити Его и служити Господу Богу твоему от всего сердца твоего и от всея души твоея, 005 DEU 010 013 хранити заповеди Господа Бога твоего и оправдания Его, елика аз заповедаю тебе днесь, да благо тебе будет? 005 DEU 010 014 Се, Господа Бога твоего небо и небо небесе, земля и вся елика суть на ней: 005 DEU 010 015 обаче отцы вашы произволи Господь любити их, и избра семя их по них, вас, паче всех язык, в день сей. 005 DEU 010 016 И обрежите жестокосердие ваше, и выи вашея не ожесточите ктому: 005 DEU 010 017 ибо Господь Бог ваш сей Бог богов и Господь господей, Бог великий и крепкий и страшный, иже не дивится лицу, ниже вземлет дара: 005 DEU 010 018 творяй суд пришелцу и сиру и вдовице, и любит пришелца дати ему хлеб и ризу. 005 DEU 010 019 И возлюбите пришелца: пришелцы бо бесте в земли Египетстей. 005 DEU 010 020 Господа Бога твоего да убоишися, и Тому (единому) послужиши, и к Нему прилепишися, и именем Его кленешися: 005 DEU 010 021 Той хвала твоя и Той Бог твой, иже сотвори тебе великая и славная сия, яже видесте очи твои: 005 DEU 010 022 в седмидесятих и пяти душах снидоша отцы твои во Египт: ныне же сотвори тя Господь Бог твой яко звезды небесныя множеством. 005 DEU 011 001 И да возлюбиши Господа Бога твоего, и сохраниши стражбы Его и оправдания Его и заповеди Его и суды Его во вся дни. 005 DEU 011 002 И увесте днесь, яко не чада ваша, елицы не сведеша, ниже видеша наказания Господа Бога твоего и величества Его, и руки сильныя и мышцы высокия, 005 DEU 011 003 и знамений Его и чудес Его, елика сотвори посреде Египта фараону царю Египетску и всей земли его, 005 DEU 011 004 и елика сотвори силе Египетстей: колесницы их и кони их како потопи вода моря Чермнаго, пред лицем их, гонящым им вслед вас, и погуби их Господь Бог до днешняго дне: 005 DEU 011 005 и елика сотвори вам в пустыни, дондеже приидосте на место сие: 005 DEU 011 006 и елика сотвори Дафану и Авирону сыном Елиава сына Рувимля, яже отверзши земля уста своя пожре их, и домы их, и кущы их, и все их имение с ними, среди всего Израиля: 005 DEU 011 007 яко очи ваши видеста вся дела Господня великая, елика сотвори в вас днесь. 005 DEU 011 008 И сохраните вся заповеди Его, елики аз заповедаю вам днесь, да живете и умножитеся, и внидете и наследите землю, на нюже вы преходите чрез Иордан тамо наследити ю: 005 DEU 011 009 да многи дни будете на земли, еюже клятся Господь отцем вашым дати им и семени их по них землю кипящую млеком и медом. 005 DEU 011 010 Есть бо земля, на нюже вы идете тамо наследити ю, не яко земля Египетска есть, отнюдуже изыдосте, егда сеют семя и напаяют ю ногами своими, аки вертоград зелейный: 005 DEU 011 011 земля же, в нюже ты входиши тамо наследити ю, земля нагорная и равная, от дождя небеснаго напаяется водою: 005 DEU 011 012 земля, на нюже Господь Бог твой присещает всегда, очи Господа Бога твоего на ней от начала лета и до конца лета. 005 DEU 011 013 Аще же слухом послушаете всех заповедий Его, яже аз заповедаю тебе днесь, любити Господа Бога твоего и служити Ему от всего сердца твоего и от всея души твоея, 005 DEU 011 014 и даст дождь земли твоей во время ранный и поздный, и собереши жита твоя и вино твое и елей твой: 005 DEU 011 015 и даст пищу на селех скотом твоим. 005 DEU 011 016 И ядый и насытився, внемли себе, да не разширится сердце твое, и преступите, и послужите богом иным, и поклонитеся им: 005 DEU 011 017 и яростию разгневается Господь на вы и затворит небо, и не будет дождя, и земля не даст плода своего, и погибнете вскоре от земли благия, юже Господь даде вам. 005 DEU 011 018 И вложите словеса сия в сердца ваша и в душу вашу, и наважите я в знамение на руку вашу, и будут непоколебима между очима вашима, 005 DEU 011 019 и научите сим чада своя глаголати сия, седящу тебе в дому и идущу тебе в пути, и возлежащу ти и востающу ти: 005 DEU 011 020 и напишите я на празех домов ваших и врат ваших, 005 DEU 011 021 да умножатся дние ваши и дни сынов ваших на земли, еюже клятся Господь отцем вашым дати им, якоже дние неба на земли. 005 DEU 011 022 И будет аще слухом послушаете всех заповедий сих, яже аз заповедаю вам днесь творити, любити Господа Бога вашего и ходити во всех путех Его и прилепятися к Нему, 005 DEU 011 023 тогда изженет Господь вся языки сия от лица вашего, и одержите языки великия и крепкия паче вас. 005 DEU 011 024 Всякое место, на немже станет стопа ног ваших, вам будет: от пустыни и Антиливана, и от реки великия Евфрата, и даже до моря, еже на западе, будут пределы ваши: 005 DEU 011 025 никтоже противостанет пред лицем вашим: и трепет ваш и страх ваш возложит Господь Бог ваш на лице всея земли, на нюже аще взыдете, якоже глагола Господь к вам. 005 DEU 011 026 Се, Аз даю пред вами днесь благословение и клятву: 005 DEU 011 027 благословение, аще послушаете заповедий Господа Бога вашего, елики аз заповедаю вам днесь: 005 DEU 011 028 и клятву, аще не послушаете заповедий Господа Бога вашего, елики аз заповедаю вам днесь, и совратитеся с пути, егоже заповедах вам, идуще послужити богом иным, ихже не весте. 005 DEU 011 029 И будет егда введет тебе Господь Бог твой в землю, в нюже преходиши тамо наследити ю, да даси благословение на горе Гаризин и клятву на горе Гевал: 005 DEU 011 030 не се ли сия суть об ону страну Иордана, за путем иже на западе солнца, в земли Ханаана обитающаго на западе солнца близ Галгала у дуба Высокаго? 005 DEU 011 031 Вы бо преходите Иордан, вшедше наследити землю, юже Господь Бог ваш дает вам в жребий вся дни, и приимете ю, и вселитеся в ню: 005 DEU 011 032 и да сохраните творити вся заповеди Его и суды Его, яже аз даю пред вами днесь. 005 DEU 012 001 И сия заповеди и суды, яже снабдите творити на земли, юже Господь Бог отец ваших дает вам в жребий во вся дни, в няже вы жити будете на земли: 005 DEU 012 002 пагубою погубите вся места, в нихже служиша тамо языцы богом своим, яже вы приимете, на горах высоких и холмех и под древом сеновным: 005 DEU 012 003 и да раскопаете требища их и сокрушите столпы их, и дубравы их ссечете, и ваяние богов их сожжете огнем, и погубите имя их от места того. 005 DEU 012 004 Да не сотворите тако Господу Богу вашему, 005 DEU 012 005 токмо на месте, идеже изберет Господь Бог ваш, во единем от племен ваших, нарещи имя Его тамо и призвати, и взыщете, и внидете тамо: 005 DEU 012 006 и принесете тамо всесожжения ваша, и жертвы вашя, и начатки ваши, и обеты ваши, и вольная ваша, и исповедания ваша, первенцы волов ваших и овец ваших, 005 DEU 012 007 и ясти будете тамо пред Господем Богом вашим и возвеселитеся о всех, на няже возложите руки вашя вы и домове ваши, якоже тя благословил есть Господь Бог твой. 005 DEU 012 008 Да не сотворите тамо всех, елика вы творите зде днесь, кийждо угодное пред собою: 005 DEU 012 009 не приидосте бо до ныне в покой и в наследие, еже Господь Бог ваш дает вам. 005 DEU 012 010 И егда прейдете Иордан и вселитеся на земли, юже Господь Бог ваш даст в наследие вам, и упокоит вас от всех враг ваших, иже окрест вас, и вселитеся со утверждением: 005 DEU 012 011 и будет место, иже изберет Господь Бог ваш призвати има Его тамо, ту принесете вся, елика аз заповедаю вам днесь: всесожжения ваша и жертвы вашя, и десятины вашя и начатки рук ваших, и всяк избран дар ваш, елика обещаете Господеви Богу вашему: 005 DEU 012 012 и возвеселитеся пред Господем Богом вашим вы и сынове ваши и дщери ваши, и рабы ваши и рабыни ваши, и левити, иже у врат ваших: яко несть им части ни жребия с вами. 005 DEU 012 013 Внемли себе, да не принесеши всесожжений твоих на всяком месте, еже аще узриши, 005 DEU 012 014 токмо на месте, еже изберет Господь Бог твой, в единем от племен твоих, тамо да принесеши всесожжения твоя и тамо сотвориши вся, елика аз заповедаю тебе днесь. 005 DEU 012 015 Но токмо всем желанием души твоея да пожреши, и снеси мяса по благословению Господа Бога твоего, еже даде тебе во всяком граде: нечистый при тебе и чистый вкупе да яст я, яко серну, или еленя. 005 DEU 012 016 Токмо крове да не снесте: на землю пролиете ю, аки воду. 005 DEU 012 017 Не возможеши ясти в градех твоих десятины пшеницы твоея и вина твоего и елеа твоего, первенцов волов твоих и овец твоих, и всех обетове, елики обещаете, и исповеданий ваших, и начатков рук ваших: 005 DEU 012 018 токмо пред Господем Богом твоим да снеси я на месте, еже изберет Господь Бог твой Себе, ты и сын твой и дщерь твоя, и раб твой и раба твоя, и левит, и пришлец иже во градех твоих, и возвеселишися пред Господем Богом твоим во всех, на няже возложиши руку твою. 005 DEU 012 019 Внемли себе, да не оставиши левитина во все время, дондеже еси жив на земли. 005 DEU 012 020 Аще же разширит Господь Бог твой пределы твоя, якоже глагола тебе, и речеши: снем мяса, аще вожделеет душа твоя, яко ясти мяса, во всем желании души твоея да снеси мяса. 005 DEU 012 021 Аще же далече отстоит место от тебе, иже изберет Господь Бог твой призывати имя Его тамо, и заколеши от волов твоих и от овец твоих, яже даст тебе Бог твой, якоже заповедах тебе, и снеси во градех твоих по желанию души твоея. 005 DEU 012 022 Якоже ястся серна и елень, тако да снеси е: нечистый при тебе, и чистый такожде да снест. 005 DEU 012 023 Вонми крепце, еже не ясти крове: кровь бо есть душа его: да на снестся душа с мясы: 005 DEU 012 024 да не снесте ея, на землю пролиете ю аки воду: 005 DEU 012 025 да не снеси ю, да благо тебе будет и сыном твоим по тебе во веки, аще сотвориши се, еже добро и угодно есть пред Господем Богом твоим. 005 DEU 012 026 Разве святая твоя, яже аще будут тебе, и обеты твоя взем да приидеши на место, еже изберет Господь Бог твой оное себе призвати имя Его тамо: 005 DEU 012 027 и сотвориши всесожжения твоя: мяса да вознесеши на олтарь Господа Бога твоего, кровь же жертв твоих да пролиеши пред степени олтаря Господа Бога твоего, мяса же да снеси. 005 DEU 012 028 Снабди и послушай, и да сотвориши вся словеса, яже Аз заповедаю тебе, да благо тебе будет и сыном твоим во веки, аще сотвориши добро и угодно пред Господем Богом твоим. 005 DEU 012 029 Аще же потребит Господь Бог твой языки, в няже входиши ты тамо, наследити землю их, от лица твоего, и приимеши ю в наследие, и вселишися в земли их: 005 DEU 012 030 внемли себе, да не взыщеши последовати им, по потреблении их от лица твоего, не взыщи богов их, глаголя: якоже творят языцы сии богом своим, сотворю и аз: 005 DEU 012 031 да не сотвориши Господу Богу твоему тако: мерзостна бо Господеви, яже возненавиде, сотвориша богом своим, яко сыны своя и дщери своя жгут огнем богом своим. 005 DEU 012 032 Всяко слово, еже аз заповедаю тебе днесь, сие снабди творити: да не приложиши к сему, ни отимеши от него. 005 DEU 013 001 Аще же востанет в тебе пророк, или видяй соние, и даст тебе знамение или чудо, 005 DEU 013 002 и приидет знамение или чудо, еже рече к тебе, глаголя: идем да послужим богом иным, ихже не весте: 005 DEU 013 003 да не послушаете глагол пророка того, или видящаго сон той: яко искушает Господь Бог твой вас, иже уведети, аще любите Господа Бога вашего всем сердцем вашим и всею душею вашею: 005 DEU 013 004 вслед Господа Бога вашего ходите, и Того бойтеся, и заповеди Его сохраните, и гласа Его послушайте, и Тому служите, и к Нему прилепитеся: 005 DEU 013 005 и пророк той или видяй сон да умрет: глагола бо, иже прельстити тя от Господа Бога твоего изведшаго тя из земли Египетския, избавльшаго тя из работы, еже совратити тя с пути, егоже заповеда тебе Господь Бог твой ходити по нему: и погубите сами злое от вас самих. 005 DEU 013 006 Аще же помолит тя брат твой от отца твоего или от матере твоея, или сын твой, или дщерь твоя, или жена твоя яже на лоне твоем, или друг твой, равен души твоей, отай глаголя: идем и послужим богом иным, ихже не видел еси ты и отцы твои, 005 DEU 013 007 от богов языков, иже окрест вас, близ сущих тебе, или дальних от тебе, от конца земли до конца земли, 005 DEU 013 008 да не соизволиши ему и не послушаеши его, и да не пощадит его око твое, и не возлюбиши его, ниже прикрыеши его: 005 DEU 013 009 возвещая да возвестиши о нем, и рука твоя да будет на нем в первых убити его, и руки всех людий послежде: 005 DEU 013 010 и побиют его камением, и умрет, яко взыскал есть отвратити тебе от Господа Бога твоего, изведшаго тя из земли Египетския, от дому работы: 005 DEU 013 011 и весь Израиль услышав убоится, и не приложит ктому сотворити по словеси сему злому еже в вас. 005 DEU 013 012 Аще же услышиши в единем от градов твоих, яже Господь Бог дает тебе, вселитися тамо, глаголющих: 005 DEU 013 013 изыдоша мужи беззаконнии от вас и отвратиша вся живущыя во граде их, глаголюще: идем, да послужим богом иным, ихже не весте, 005 DEU 013 014 и да взыщеши и вопросиши и обыщеши зело, и се, истинно слово яве, сотворися мерзость сия в вас: 005 DEU 013 015 убивая да убиеши вся живущыя во граде онем убийством меча, проклятием проклените его, и вся яже в нем, 005 DEU 013 016 и вся корысти его собереши на распутия его, и зажжеши град огнем, и вся корысти его всенародно пред Господем Богом твоим, и будет пуст во веки, не возградится по сем: 005 DEU 013 017 и да ничтоже прилепится от проклятия руце твоей, да отвратится Бог от ярости гнева Своего: и даст тебе милость и помилует тя, и умножит тя, якоже глагола тебе, якоже клятся Господь отцем твоим, 005 DEU 013 018 аще послушаеши гласа Господа Бога твоего, еже хранити вся заповеди Его, яже аз заповедаю тебе днесь, творити доброе и угодное пред Господем Богом твоим. 005 DEU 014 001 Сынове есте Господа Бога вашего: да не нарезуетеся и не возложите плеши между очима вашима над мертвым: 005 DEU 014 002 яко людие святи есте Господеви Богу вашему, и вас избра Господь Бог ваш быти вам людем избранным Ему от всех языков иже на лицы земли. 005 DEU 014 003 Да не снесте всякия мерзости. 005 DEU 014 004 Сия скоты ядите: телца от говяд и агнца от овец и козла от коз: 005 DEU 014 005 еленя и серну, и буйвола и ланя, и зубря и онагра и сайгака. 005 DEU 014 006 Всяк скот на двое деля пазнокти, и копыто на двое копыта, и отрыгая жвание в скотех, да ясте. 005 DEU 014 007 И сих да не снесте от отрыгающих жвание и от делящих пазнокти на двое, но копыт не раздвояющих: велблюда и заяца и хирогрилля: яко отрыгают жвание сии, но копыт не раздвояют, нечиста сия вам суть. 005 DEU 014 008 И свинии, яко на двое делит пазнокти и копыта раздвояет, и сия жвания не отрыгает, нечиста сия вам есть: от мяс их да не ясте, и мертвечинам их да не прикоснетеся. 005 DEU 014 009 И сия да ясте от всех яже в воде: вся, имже суть перие и чешуя, ядите. 005 DEU 014 010 И всех, имже несть перия, на чешуи, да не ясте: нечиста суть вам. 005 DEU 014 011 Всяку птицу чисту да ясте. 005 DEU 014 012 И сих да не ясте от них: 005 DEU 014 013 орла и грифа и орла морскаго, 005 DEU 014 014 и неясыти и иктина и подобных сим: 005 DEU 014 015 и врана и врабия, и выпелицы и сухолапля, и ястреба и подобных сим: 005 DEU 014 016 и врана нощнаго и лилика и подобных сим: 005 DEU 014 017 и еродиа и лебедя, и ивина и катаракта, и вдода 005 DEU 014 018 и нощнаго нетопыря, и сыча и теслоноса, и харадриона и подобных сим, и порфириона. 005 DEU 014 019 Вся гады птичия нечиста суть вам: да не ясте от них. 005 DEU 014 020 Всяку птицу чисту да ясте. 005 DEU 014 021 Всякия мертвечины да не ясте: приселнику, иже во градех твоих, да дасте, и да яст, или да продасте страннику: яко людие святи есте Господеви Богу вашему. Да не свариши ягняте во млеце матере его. 005 DEU 014 022 Десятины да даси от всего плода семене своего, плод нив твоих от года до года, 005 DEU 014 023 и да снеси я пред Господем Богом твоим на месте, идеже изберет Господь Бог твой призывати имя Его тамо: да принесеши десятину пшеницы твоея и вина твоего и елеа твоего, и первенцы волов твоих и овец твоих, да научишися боятися Господа Бога твоего вся дни. 005 DEU 014 024 Аще же далече будет путь от тебе и не возможеши донести их, яко далече место от тебе, еже изберет Господь Бог твой призывати имя Его тамо, яко да благословит тя Господь Бог твой: 005 DEU 014 025 и продаси сие на цене, и возмеши сребро в руку твою, и пойдеши на место, иже изберет Господь Бог твой, 005 DEU 014 026 и даси сребро за все, на неже пожелает душа твоя, на волы и овцы, или на вино, или на сикеру, или на все, егоже желает душа твоя, и да снеси тамо пред Господем Богом твоим, и возвеселишися ты и дом твой. 005 DEU 014 027 И левит иже во градех твоих, не оставивши его, яко несть ему части ни жребия с тобою: 005 DEU 014 028 по трех летех да изнесеши всю десятину жит твоих в лето оно, да положиши ю во градех твоих: 005 DEU 014 029 и приидет левит, яко несть ему части ни жребия с тобою, и пришлец, и сирота и вдова, яже во градех твоих, да ядят и насытятся: да благословит тя Господь Бог твой во всех делех твоих, яже аще сотвориши. 005 DEU 015 001 В седмое лето да сотвориши отпущение. 005 DEU 015 002 И сице заповедь отпущения: да оставивши весь долг твой, имже должен ближний тебе, и от брата своего не истяжеши, яко наречеся отпущение Господу Богу твоему. 005 DEU 015 003 От чуждаго да истяжеши, елика суть твоя у него: брату же твоему отпущение да сотвориши долга твоего. 005 DEU 015 004 Яко не будет у тебе недостаточен: сего ради словесе благословением благословит тя Господь Бог твои в земли, юже тебе Господь Бог дает во жребий прияти ю. 005 DEU 015 005 Аще же слухом послушаете гласа Господа Бога вашего хранити и творити вся заповеди сия, яже аз заповедаю тебе днесь, яко Господь Бог твой благословил тя есть, якоже глагола тебе, 005 DEU 015 006 и взаим даси языком многим, ты же не займеши, и обладати будеши ты языки многими, тобою же не возобладают. 005 DEU 015 007 Аще же брат от братии твоея будет тебе недостаточен во единем от градов твоих в земли, юже Господь Бог твои дает тебе, да не отвратиши сердца твоего, ниже сожмеши руки твоея пред братом твоим требующим: 005 DEU 015 008 отверзая да отверзеши руку твою ему, и взаим да даси ему, елико просит, и елико ему не достанет. 005 DEU 015 009 Внемли себе: да не будет слово тайно в сердцы твоем беззакония, глаголя: близ есть седмое лето, лето отпущения, и возлукавнует око твое брату твоему требующему, и не даси ему, и возопиет на тя ко Господу, и будет тебе грех велик: 005 DEU 015 010 даянием да даси ему, и взаим да даси ему, елико воспросит, якоже требует: и не опечалися в сердцы своем, дающу ти ему, яко сего ради слова благословит тя Господь Бог твой во всех делех твоих, и во всем, на неже возложиши руку твою: 005 DEU 015 011 ибо не оскудеет недостаточный от земли твоея, сего ради аз заповедаю тебе творити слово сие, глаголя: отверзая отверзи руце твои брату твоему нищему и просящему на земли твоей. 005 DEU 015 012 Аще же продастся тебе брат твой Евреанин, или Евреаныня, да поработает тебе шесть лет, и в седмое да отпустиши его свободна от себе: 005 DEU 015 013 егда же пустиши его свободна от себе, да не отпустиши его тща: 005 DEU 015 014 напутное ему да уготовиши от овец твоих и от пшеницы твоея и от вина твоего: якоже благослови тя Господь Бог твой, да даси ему, 005 DEU 015 015 и помяни, яко раб и ты был еси в земли Египетстей, и свободи тя Господь Бог твой оттуду: сего ради аз заповедаю тебе творити слово сие. 005 DEU 015 016 Аще же речет к тебе: не отиду от тебе, яко возлюбих тя и дом твой, яко добро есть есть у тебе: 005 DEU 015 017 да возмеши шило, и провертиши ему ухо пред дверми у степени, и будет ти раб во веки: и рабе твоей сотвориши такожде. 005 DEU 015 018 Да не будет жестоко пред тобою, отпущаемым им от тебе свободным, понеже годовую мзду наемничу работа тебе шесть лет: и благословит тя Господь Бог твой во всем, еже твориши. 005 DEU 015 019 Всяко первородное, еже родится от волов твоих и от овец твоих, мужеск пол да освятиши Господеви Богу твоему: да не делаеши первородным телцем твоим и да не стрижеши первенца во овцах твоих. 005 DEU 015 020 Пред Господем Богом твоим да яси я от лета до лета, на месте, идеже изберет Господь Бог твои, ты и дом твой. 005 DEU 015 021 Аще же будет на нем порок, хромота, или слепота, и всякий порок зол, да не пожреши его Господу Богу твоему. 005 DEU 015 022 Во градех твоих да снеси я: нечистый и чистый у тебе такожде да яст, яко серну или еленя. 005 DEU 015 023 Токмо крове да не снесте: на землю проливай ю аки воду. 005 DEU 016 001 Храни месяц новых (плодов), и да сотвориши Пасху Господеви Богу твоему, яко в месяце новых изшел еси из Египта нощию. 005 DEU 016 002 И да пожреши Пасху Господеви Богу твоему, овцы и говяда на месте, еже изберет Господь Бог твой призывати имя Его тамо. 005 DEU 016 003 Да не снеси в ню кваснаго: седмь дний да яси в ню опресноки, хлеб озлобления, яко со тщанием изыдосте из Египта, да поминаете день исхода вашего от земли Египетския вся дни жития вашего: 005 DEU 016 004 да не явится тебе квасно во всех пределех твоих седмь дний, и да не преноществует от мяс, яже пожреши в вечер в первый день, до утрия. 005 DEU 016 005 Не возможеши жрети Пасхи ни в единем от градов твоих, яже Господь Бог твой дает тебе: 005 DEU 016 006 но токмо на месте, еже изберет Господь Бог твой призывати имя Его ту, тамо пожреши Пасху в вечер при захождении солнца, во время в неже изшел еси из земли Египетския: 005 DEU 016 007 и свариши, и испечеши, и снеси на месте, идеже изберет Господь Бог твой: и возвратишися заутра, и пойдеши в дом твой. 005 DEU 016 008 Шесть дний да яси опресноки, в седмый же день исходный праздник Господеви Богу твоему: да не сотвориши в нем всякаго дела, кроме яже суть души. 005 DEU 016 009 Седмь седмиц всецелых да сочтеши себе: в начало же твоего серпа на жатву начни исчисляти седмь седмиц, 005 DEU 016 010 и да сотвориши праздник седмиц Господеви Богу твоему, якоже рука твоя может, елика даст тебе, якоже благослови тя Господь Бог твой. 005 DEU 016 011 И возвеселишися пред Господем Богом твоим ты и сын твой и дщерь твоя, и раб твой и раба твоя, и левит иже во градех твоих, и пришлец, и сирота и вдова, яже в вас, на месте, идеже изберет Господь Бог твой призывати имя Его тамо: 005 DEU 016 012 и помянеши, яко раб был еси (ты) в земли Египетстей, и сохраниши и сотвориши заповеди сия. 005 DEU 016 013 Праздник кущей да сотвориши себе седмь дний, егда собереши от нивы твоея и от точила твоего: 005 DEU 016 014 и да возвеселишися в празднице твоем ты и сын твой и дщи твоя, раб твой и раба твоя, и левит и пришлец, и сирота и вдова, яже во градех твоих: 005 DEU 016 015 седмь дний да празднуеши Господеви Богу твоему на месте, еже изберет Господь Бог твой призывати имя Его тамо: аще же благословит тя Господь Бог твой во всех плодех твоих и во всяком деле рук твоих, и будеши веселяся. 005 DEU 016 016 В три времена лета да явится всяк мужеск пол пред Господем Богом твоим, на месте, еже изберет Господь Бог твой: в праздник опресноков, и в праздник седмиц, и в праздник кущей: да не явишися пред Господем Богом твоим тощь: 005 DEU 016 017 кийждо по силе рук своих, по благословению Господа Бога твоего, еже даде тебе. 005 DEU 016 018 Судии и книгочии поставиши себе во всех градех твоих, яже Господь Бог твой дает тебе по племенам, и да судят людем суд праведный: 005 DEU 016 019 да не уклонят суда, ниже познают лице, ниже да возмут даров: дары бо ослепляют очи мудрых и отмещут словеса праведных. 005 DEU 016 020 Праведне праведное гоните, да поживете, и вшедше наследите землю, юже Господь Бог твой дает вам. 005 DEU 016 021 Да не насадиши себе дубравы: всякаго древа близ олтаря Господа Бога твоего да не сотвориши себе, 005 DEU 016 022 да не поставиши себе капища, еже возненавиде Господь Бог твой. 005 DEU 017 001 Да не пожреши Господеви Богу твоему телца или овчате, на немже есть порок, всяк глагол зол: яко мерзость Господеви Богу твоему есть. 005 DEU 017 002 Аще же обрящется у тебе во единем от градов твоих, яже Господь Бог твои дает тебе, муж или жена, иже сотворит лукавое пред Господем Богом твоим, преступити завет Его: 005 DEU 017 003 и шедше послужат богом иным и поклонятся им, солнцу, или луне, или всякому яже от красоты небесныя, ихже не повелех тебе: 005 DEU 017 004 и возвестится тебе, и взыщеши зело, и се, истинно бысть слово, мерзость сотворися сия во Израили: 005 DEU 017 005 да изведеши человека того, или жену ту, иже сотвориша дело злое сие, пред двери, и побиете их камением, и да умрут. 005 DEU 017 006 При двою свидетелех или при трех да умрет: умираяй да не умрет при единем свидетели: 005 DEU 017 007 и рука свидетелей да будет на нем в первых, умертвити его, и рука всех людий послежде: и измите злое от вас самех. 005 DEU 017 008 Аще же неудоборешимо слово у тебе в суде между кровию и кровию, и между судом и судом, и между язвою и язвою, и между прением и прением, словеса судная в градех твоих, и востав взыдеши на место, еже изберет Господь Бог твой призвати имя Его тамо: 005 DEU 017 009 и приидеши к жерцем левитом, и к судии, иже будет в тыя дни, и взыскавше возвестят тебе суд: 005 DEU 017 010 и сотвориши по словеси, еже возвестят тебе от места, еже изберет Господь Бог твой призывати имя Его тамо, и да сохраниши зело творити вся, елика законоположатся тебе: 005 DEU 017 011 по закону и по суду, егоже рекут тебе, сотвориши, да не уклонишися от словесе, еже известят тебе, ни на десно, ни на лево. 005 DEU 017 012 И человек, иже сотворит в гордости, еже не послушати жерца предстоящаго служити во имя Господа Бога твоего, или судии, иже в тыя дни будет, да умрет человек той, и да измеши злое от Израиля: 005 DEU 017 013 и вси людие услышавше убоятся, и не будут нечествовати ктому. 005 DEU 017 014 Аще же внидеши в землю, юже Господь Бог твой дает тебе в жребий, и приимеши ю, и вселишися на ней, и речеши: поставлю князя над собою, якоже и прочии языцы, иже окрест мене: 005 DEU 017 015 поставляя да поставиши над собою князя, егоже изберет Господь Бог твой, от братии твоея да поставиши над собою князя, не возможеши поставити над собою князя человека чуждаго, яко не брат твой есть. 005 DEU 017 016 Обаче да не умножит себе коней, ниже да возвратит людий во Египет, яко да не умножит себе коней: Господь же рече вам: не приложите возвратитися путем сим ктому: 005 DEU 017 017 и да не умножит себе жен, да не превратится сердце его: и сребра и злата да не умножит себе зело. 005 DEU 017 018 И будет егда сядет на престоле власти своея, да напишет себе второзаконие сие в книзе от жерцев левитов, 005 DEU 017 019 и будет с ним, и да чтет ю во вся дни жития своего, да научится боятися Господа Бога своего и хранити вся заповеди сия и оправдания сия, творити я: 005 DEU 017 020 да не возвысится сердце его от братии его, да не преступит от заповедий ни на десно, ни на лево яко да будет многа лета во власти своей, той и сыны его с ним, в сынех Израилевых. 005 DEU 018 001 Да не будет жерцем левитом всему племени Левиину части ниже жребия со Израилем: приношения Господу жребий их, да ядят я: 005 DEU 018 002 жребий же да не будет ему в братии его: Господь Сам жребий его, якоже рече ему. 005 DEU 018 003 И сей суд жерцев, яже от людий, от приносящих жертвы, аще телца, аще овцу: и даси жерцу рамо, и челюсти, и утробу: 005 DEU 018 004 и начатки пшеницы твоея и вина твоего и елеа твоего, и начаток стрижения овец твоих да даси ему: 005 DEU 018 005 яко того избра Господь Бог твой от всех племен твоих предстояти пред Господем Богом твоим, служити и благословити во имя Господне, той и сынове его во вся дни. 005 DEU 018 006 Аще же приидет левит от единаго градов ваших, от всех сынов Израилевых, идеже той обитает, якоже желает душа его, на место, еже изберет Господь, 005 DEU 018 007 да служит имени Господа Бога вашего, якоже и вся братия Его левити предстоящии тамо пред Господем: 005 DEU 018 008 часть отделеную да яст, кроме продажи яже по отечеству. 005 DEU 018 009 Аще же внидеши в землю, юже Господь Бог твой дает тебе, да не навыкнеши творити по мерзостем языков тех: 005 DEU 018 010 да не обрящется в тебе очищая сына своего и дщерь свою огнем, волхвуя волхвованием и чаруяй и птицеволшебствуяй, 005 DEU 018 011 чародей обавая обаванием, утробоволхвуяй и знаменосмотритель, и вопрошаяй мертвых: 005 DEU 018 012 есть бо мерзость Господеви Богу твоему всяк творяй сия: сих бо ради мерзостей потребит я Господь Бог твой от лица твоего. 005 DEU 018 013 Совершен да будеши пред Господем Богом твоим. 005 DEU 018 014 Языцы бо сии, ихже ты наследиши, сии чарований и волхвований послушают: тебе же не тако даде Господь Бог твой. 005 DEU 018 015 Пророка от братии твоея, якоже мене, возставит тебе Господь Бог твой, Того послушайте: 005 DEU 018 016 по всему, елико просил еси от Господа Бога твоего в Хориве в день собрания, глаголюще: да не приложим слышати гласа Господа Бога нашего, и огня великаго сего не увидим по сем, да не измрем. 005 DEU 018 017 И рече Господь ко мне: право вся, елика глаголаху к тебе: 005 DEU 018 018 Пророка возставлю им от среды братии их, якоже тебе: и вдам слово Мое во уста Его, и возглаголет им, якоже заповедаю Ему: 005 DEU 018 019 и человек той, иже не послушает словес Его, елика возглаголет Пророк оный во имя Мое, Аз отмщу от него: 005 DEU 018 020 обаче пророк, иже вознечествует глаголати во имя Мое слово, егоже не повелех ему глаголати, и иже аще возглаголет во имя богов инех, да умрет пророк той. 005 DEU 018 021 Аще же речеши в сердцы своем: како познаем слово, егоже не глагола Господь? 005 DEU 018 022 Елика аще возглаголет пророк во имя Господне, и не сбудется, и не случится слово сие, егоже не рече Господь: в нечестии глагола Пророк той, не убойтеся его. 005 DEU 019 001 Егда же погубит Господь Бог твой языки, ихже Господь Бог твой дает тебе землю, и наследиши их и вселишися во градех их и в домех их, 005 DEU 019 002 три грады да отлучиши себе среди земли твоея, юже Господь Бог твой дает тебе в наследие. 005 DEU 019 003 Уготови себе путь, и на трое раздели пределы земли твоея, юже разделяет тебе Господь Бог твой: и да будет убежище тамо всякому убийце. 005 DEU 019 004 Сие же да будет заповедание убийце, иже аще убежит тамо, и жив будет: иже аще убиет ближняго своего не ведя, и сей не ненавиде его прежде вчерашняго дне и третияго, 005 DEU 019 005 и иже аще пойдет с подругом своим в лес собирати дрова, и поползнется рука его с секирою секущаго дрова, и спадши секира с топорища улучит подруга его, и умрет, сей да убежит во един от градов сих, и жив да будет: 005 DEU 019 006 да не погнав ужик крове вслед убившаго, яко разгорится сердце ему, и постигнет его, аще должайший будет путь, и убиет душу его, и умрет: и сему несть суд смертный, понеже не бе ненавидя его прежде вчерашняго и третияо дне: 005 DEU 019 007 сего ради заповедаю аз тебе слово сие, глаголя: три грады да отлучиши себе. 005 DEU 019 008 Аще же разширит Господь Бог твой пределы твоя, якоже клятся отцем твоим, и даст тебе Господь всю землю, юже рече дати отцем твоим, 005 DEU 019 009 аще послушаеши творити вся заповеди сия, яже аз заповедаю тебе днесь, любити Господа Бога твоего, ходити во всех путех Его вся дни: и да приложиши себе еще три грады к сим трием градом, 005 DEU 019 010 и да не пролиется кровь безвинна в земли твоей, юже Господь Бог твой дает тебе в жребий, и да не будет в тебе крови повинен. 005 DEU 019 011 Аще же будет у тебе человек ненавидяй ближняго своего, и навет сотворит нань, и востанет нань, и поразит душу его, и умрет, и вбегнет во един от градов сих, 005 DEU 019 012 да послют старейшины града того, и возмут его оттуду, и да предадят его в руце ужиков крове, и да умрет: 005 DEU 019 013 да не пощадит его око твое, и да очистиши кровь неповинную от Израиля, и благо будет тебе. 005 DEU 019 014 Да не предвижеши пределов ближняго своего, яже поставиша отцы твои в наследии твоем, еже наследовал еси в земли, юже Господь Бог твой дает тебе во жребий. 005 DEU 019 015 Да не пребудет свидетель един во свидетелство на человека по всякой обиде и по всякому преступлению и по всякому греху, имже аще согрешит: при устех двою свидетелей и при устех триех свидетелей да станет всяк глагол. 005 DEU 019 016 Аще же востанет свидетель неправеден на человека, глаголя на него нечестие, 005 DEU 019 017 да станут оба человека, имже есть пря, пред Господем и пред жерцы и пред судиями, иже будут в тыя дни, 005 DEU 019 018 и да испытают их судии прилежно, и се, свидетель неправеден свидетелствова неправду, воста на брата своего: 005 DEU 019 019 да сотворите ему, якоже и он умысли сотворити супротив брата своего, и измите злое от вас самех: 005 DEU 019 020 да и прочии услышавше убоятся, и не приложат ктому творити словесе злаго сего в вас: 005 DEU 019 021 да не пощадит его око твое: душу за душу, око за око, зуб за зуб, руку за руку, ногу за ногу, якоже аще кто даст порок на ближняго своего, сице воздастся ему. 005 DEU 020 001 Аще же изыдеши на брань на враги твоя, и узриши кони и всадники и люди множайшыя тебе, да не убоишися их: яко Господь Бог твой с тобою, изведый тя из земли Египетския. 005 DEU 020 002 И будет егда приближишися к рати, и приступив жрец да возглаголет к людем и речет к ним: 005 DEU 020 003 послушай, Израилю, вы исходите днесь на рать ко врагом вашым: да не ослабеет сердце ваше, ни убойтеся, ниже устрашитеся и не уклонитеся от лица их: 005 DEU 020 004 яко Господь Бог ваш идый пред вами споборствует вам на враги вашя и спасет вас. 005 DEU 020 005 И да рекут книгочия к людем, глаголюще: кий человек создавый храмину нову, и не обнови ея? Да идет, и да возвратится в дом свой, да не умрет на рати, и человек ин обновит ю: 005 DEU 020 006 и кии человек, иже насади виноград, и не веселися от него? Да идет, и возвратится в дом свой, да не умрет на рати, и человек ин возвеселится от него: 005 DEU 020 007 и кий человек, иже обручи себе жену, и не понял ю? Да идет, и возвратится в дом свой, да не умрет на рати, и ин человек поймет ю. 005 DEU 020 008 И да приложат книгочия глаголати к людем, и да рекут: кий человек страшлив и слаб сердцем? Да идет, и возвратится в дом свой, да не устрашит сердца брата своего, аки сердце свое. 005 DEU 020 009 И будет егда умолкнут книгочия глаголюще к людем, и поставят воеводы воинства вожды людий. 005 DEU 020 010 Аще же приидеши ко граду воевати нань, и воззовеши я с миром: 005 DEU 020 011 аще убо мирное отвещают ти, и отверзут тебе (град), вси людие обретшиися во граде да будут тебе дань дающе и послушающии тебе: 005 DEU 020 012 аще же не покорятся тебе, и сотворят с тобою рать, да обсядеши его, 005 DEU 020 013 дондеже предаст я Господь Бог твой в руце твои: да избиеши всяк мужеск пол в нем убийством меча, 005 DEU 020 014 кроме жен и имения, и вся скоты, и вся елика суть во граде, и все стяжание да плениши себе, и да снеси весь плен врагов твоих, яже Господь Бог твой дает тебе. 005 DEU 020 015 Тако да сотвориши всем градом, иже суть далече от тебе зело, иже не суть от градов языков сих, ихже Господь Бог дает тебе наследити землю их: 005 DEU 020 016 от них да не оставите жива всякаго дыхания: 005 DEU 020 017 но и проклятием проклените их, Хеттеа и Аморреа, и Хананеа и Ферезеа, и Евеа и Иевусеа и Гергесеа, якоже заповеда тебе Господь Бог твой: 005 DEU 020 018 да не научат вас творити всякия мерзости своя, елики твориша богом своим, и согрешите пред Господем Богом вашим. 005 DEU 020 019 Аще же обсядеши град един дни многи воевати его в приятие себе, да не истребиши садовия его, возложив железо нань, но токмо да яси плод от них, самого же да не посечеши: еда древо, еже в дубраве, человек есть, иже внити от лица твоего в забрала? 005 DEU 020 020 Но древо, еже веси, яко не ястся плод его, сие потребиши и посечеши, и сотвориши лествицы на град, иже творит на тя рать, дондеже предастся. 005 DEU 021 001 Аще же обрящется убиеный на земли, юже Господь Бог дает тебе наследити, лежащь на поли, и не ведят убившаго и: 005 DEU 021 002 да изыдут старцы и судии твои и да измерят до градов, иже окрест убиенаго: 005 DEU 021 003 и будет град приближаяйся убиеному, и да возмут старейшины града того юницу от говяд, еюже не делано, и яже ярма не понесе: 005 DEU 021 004 и да изведут старейшины града того юницу в дебрь суху, яже не оранна, ниже насеяна, и да пресекут жилы юницы в дебри: 005 DEU 021 005 и да приступят жерцы Левити: яко сих избра Господь Бог твой предстояти Ему и благословляти во имя Его: и во устех их да будет всякое прекословие и всякая язва: 005 DEU 021 006 и вси старейшины града того, приближающиися убиеному, да омыют руце над главою юницы, ейже пресечены суть жилы в дебри, 005 DEU 021 007 и отвещавше да рекут: руце наши не пролияша крове сея, и очи наши не видеша: 005 DEU 021 008 милостив буди людем Твоим Израилю, ихже извел еси, Господи, из земли Египетския, да не будет кровь неповинна на людех Твоих Израили: и очистится им кровь: 005 DEU 021 009 ты же отимеши кровь неповинну от среды себе, аще сотвориши доброе и угодное пред Господем Богом твоим. 005 DEU 021 010 Аще же изыдеши на брань противу врагом твоим, и предаст я Господь Бог твой в руце твои, и плениши плен от них, 005 DEU 021 011 и узриши в плене добру обличием, и возлюбиши ю, и поймеши ю себе в жену, 005 DEU 021 012 и введеши ю внутрь в дом твой, и да обриеши главу ея, и да обрежеши ногти ея, 005 DEU 021 013 и да совлечеши ризы пленныя ея с нея: и да сядет в дому твоем, и да плачется отца своего и матере своея месяц дний: и но сем внидеши к ней, и совокупишися с нею, и будет тебе жена. 005 DEU 021 014 И будет аще не восхощеши ея, да отпустиши ю свободну, продажею же да не продаси ея на цене: да не отринеши ея, понеже смирил еси ю. 005 DEU 021 015 Аще же будут мужу две жены, едина от них люба, и другая не люба, и породят ему любая и нелюбая, и будет сын перворожденный от нелюбимыя: 005 DEU 021 016 и будет в оньже день разделит сыном своим имение свое, не возможет первенцем быти сын любимыя, презрев сына нелюбимыя первенца: 005 DEU 021 017 но сына нелюбимыя за первенца да признает, и даст ему сугубо от всего, еже обрящется ему, яко сей есть начало чад его, и сему достоит первенство. 005 DEU 021 018 Аще же кому будет сын непокорив и грубитель, не послушаяй гласа отца своего и гласа матере своея, и накажут его, и не послушает их, 005 DEU 021 019 да возмут его отец его и мати его, и да изведут его пред старейшины града своего и пред врата места своего, 005 DEU 021 020 и да рекут к мужем града своего: сын наш сей непокорив есть и грубитель и не слушает речи нашея, сластолюбствуя пиянствует: 005 DEU 021 021 и да побиют его мужие града того камением, и да умрет: и измите злое от себе самих, да и прочии слышавше убоятся. 005 DEU 021 022 Аще же будет на ком грех, суд смертный, и да умрет, и повесите его на древе, 005 DEU 021 023 да не пренощует тело его на древе, но во гробе погребите его в тойже день: яко проклят есть от Бога всяк висяй на древе: и да не оскверните земли, юже Господь Бог твой дает тебе во жребий. 005 DEU 022 001 Видев телца брата твоего или овцу его заблуждающыя на пути, да не презриши я: но возвращением возвратиши я к брату твоему, и да отдаси ему. 005 DEU 022 002 Аще же несть близ тебе брат твой, ниже увеси его, собери я внутрь дому твоего, и да будут у тебе, дондеже взыщет их брат твой, и отдаси их ему. 005 DEU 022 003 Такожь сотвориши осляти его, и тако да сотвориши ризе его, и тако да сотвориши всему погубленому брата твоего: елика аще погибнут от него, и обрящеши я, да не возможеши пренебрещи я. 005 DEU 022 004 Аще увидиши осля брата твоего или телца его падшыя на пути, да не презриши я: возставляя да возставиши я с собою. 005 DEU 022 005 Да не будет утварь мужеска на жене, ни да облачится муж в ризу женску: яко мерзость есть Господеви Богу твоему всяк творяй сия. 005 DEU 022 006 Аще же улучиши гнездо птичие пред лицем твоим на пути, или на древе некоем, или на земли, и в нем птенцы или яица, и мати седит на птенцех или яицех, да не возмеши матере со птенцы: 005 DEU 022 007 отпущением да отпустиши матерь, птенцы же возмеши себе, да благо тебе будет и долгоденствен будеши. 005 DEU 022 008 Аще же созиждеши дом нов, и сотвориши ограждение дому твоему, и да не сотвориши убийства в дому твоем, аще падет падый от него. 005 DEU 022 009 Да не насееши винограда твоего различна, да не освятится плод, и семя, еже насееши с плодом винограда твоего. 005 DEU 022 010 Да не ореши юнцем и ослятем вкупе. 005 DEU 022 011 Ниже да облечешися в ризу разноличну от льна и волны вкупе ткану. 005 DEU 022 012 Тресны да сотвориши себе на четырех краях одежды своея, в нюже облечешися. 005 DEU 022 013 Аще же кто поймет жену и будет с нею, и возненавидит ю, 005 DEU 022 014 и наложит на ню обвинителная словеса, и нанесет на ню имя злое, и возглаголет: жену сию поях, и пришед к ней, не обретох ю девицею: 005 DEU 022 015 и взем отец девицы и матерь, да изнесут девическая отроковицы пред старейшины ко вратом, 005 DEU 022 016 и речет отец отроковицы ко старейшинам: дщерь мою сию дах мужу сему в жену, и ныне возненавидев ю сей, 005 DEU 022 017 возлагает ей обвинителная словеса, глаголя: не обретох дщере твоея девою: и се, девическая дщере моея: и да разгнут ризы пред старейшины града онаго, 005 DEU 022 018 и да возмут старейшины града онаго мужа того и накажут его, 005 DEU 022 019 и да обвинят его стом сиклей, и дадят отцу отроковицы, яко изнесе имя зло на девицу Израилтеску, и (паки) да будет ему жена: не возможет отпустити ю во вся лета. 005 DEU 022 020 Аще же будет воистинну слово сие, и не обрящутся девическая отроковице, 005 DEU 022 021 и да изведут девицу пред врата дому отца ея, и побиют ю камением мужие градстии, и да умрет, яко сотвори безумие в сынех Израилевых, оскверни дом отца своего: и измите злое от себе самих. 005 DEU 022 022 Аще же обрящется человек лежай с женою мужатою, убийте обоих, человека лежащаго с женою и жену: и измите злое от Израиля. 005 DEU 022 023 Аще же будет дева обрученая мужу, и обрет ю человек (другий) во граде, будет с нею, 005 DEU 022 024 изведите обоих пред врата града их, и побийте (обоих) камением, и да умрут: отроковицу, понеже не вопила во граде, и мужа, понеже обиде жену ближняго своего: и измите злое от себе самих. 005 DEU 022 025 Аще же на поли обрящет человек деву обрученую, и насиловав будет с нею, убийте человека единаго бывшаго с нею: 005 DEU 022 026 а отроковице ничтоже сотворите: несть бо деве греха смертнаго: якоже аще кто бы востал на ближняго своего, и убил бы душу его, тако сие дело: 005 DEU 022 027 понеже на селе обрете ю, возопи отроковица обрученая, и не бе помогаяй ей. 005 DEU 022 028 Аще же кто обрящет отроковицу деву, яже несть обручена, и насиловав будет с нею, и обличится: 005 DEU 022 029 да даст человек бывый с нею отцу отроковицы пятьдесят дидрахм сребра, и тому да будет жена, понеже обиде ю: не возможет отпустити ю во все время. 005 DEU 022 030 Да не поймет человек жены отца своего, и да не открыет покровения отца своего. 005 DEU 023 001 Да не входит каженик и скопец в сонм Господень. 005 DEU 023 002 Ниже да внидет блудородный во храм Господень до десятаго рода. 005 DEU 023 003 Да не внидет Амманитин и Моавитин в храм Господень: и даже до десятаго рода да не входит в храм Господень, и даже до века, 005 DEU 023 004 понеже не сретоша они вас с хлебы и водою на пути, исходящым вам из земли Египетския, и яко наяша на тя Валаама сына Веорова от Месопотамии, да тя прокленет: 005 DEU 023 005 и не восхоте Господь Бог твой послушати Валаама, и обрати Господь Бог твой клятвы в благословение, зане возлюби тя Господь Бог твой: 005 DEU 023 006 да не совещаеши мирная им и полезная им во вся дни твоя во веки. 005 DEU 023 007 Да не возгнушаешися Идумеанином, яко брат твой есть: да не возгнушаешися Египтянином, яко пришлец был еси в земли его: 005 DEU 023 008 сынове аще родятся им, в роде третием да внидут в храм Господень. 005 DEU 023 009 Аще же изыдеши ополчитися на враги твоя, и да сохранишися от всякаго слова зла. 005 DEU 023 010 Аще будет у тебе человек, иже не будет чист от излияния его нощию, и да изыдет вне полка, и да не внидет в полк: 005 DEU 023 011 и егда будет к вечеру, да омыет тело свое водою, и зашедшу солнцу да внидет в полк. 005 DEU 023 012 И место тебе да будет вне полка, и изыдеши тамо вон: 005 DEU 023 013 и рылец да будет тебе за поясом твоим, и будет егда сядеши вне, и да ископаеши им (яму), и навратив покрыеши стыдение твое в ней: 005 DEU 023 014 яко Господь Бог твой ходит в полце твоем избавляти тя и предати враги твоя в руце твои пред лицем твоим: и да будет полк твой свят, и да не явится у тебе стыдение вещи, и отвратится от тебе. 005 DEU 023 015 Да не предаси раба господину его, иже прииде к тебе от господина своего: 005 DEU 023 016 с тобою да обитает, с вами да живет во всяком месте, идеже угодно будет ему: да не оскорбиши его. 005 DEU 023 017 Да не будет блудница от дщерей Израилевых, и да не будет блудник от сынов Израилевым. 005 DEU 023 018 Да не принесеши мзды блудничи, ниже цене песии в дом Господа Бога твоего на всяк обет, яко мерзость суть Господеви Богу твоему и обоя. 005 DEU 023 019 Да не даси брату твоему в лихву сребра и в лихву пищей и в лихву всякия вещи, емуже аще взаим даси: 005 DEU 023 020 чуждему да даси в лихву, брату же твоему да не даси в лихву, да благословит тя Господь Бог твой во всех делех твоих на земли, в нюже входиши тамо наследити ю. 005 DEU 023 021 Аще же обещаеши обет Господеви Богу твоему, да не умедлиши воздати его, яко взыская взыщет Господь Бог твой от тебе, и будет на тебе грех: 005 DEU 023 022 аще же не восхощеши обещати, несть ти греха. 005 DEU 023 023 Исходящая на уст твоих сохрани и сотвори, имже образом обещал еси Господеви Богу твоему дар, егоже глаголал еси устами твоими. 005 DEU 023 024 Аще же внидеши на ниву ближняго своего, и собереши в руце свои класы, а серпа да не возложиши на ниву ближняго. 005 DEU 023 025 Аще же внидеши в виноград ближняго своего, да яси гроздие, елико души твоей насытитися, в сосуд же да не вложиши. 005 DEU 024 001 Аще же кто поймет жену и поживет с нею, и будет аще не обрящет благодати пред ним, яко обрете в ней срамное дело, да напишет ей книгу отпущения и вдаст в руце ея, и да отпустит ю из дому своего, 005 DEU 024 002 и отшедши будет (жена) мужу иному: 005 DEU 024 003 и аще возненавидит ю муж вторый, и напишет ей книгу отпущения и даст ей в руце ея, и отпустит ю из дому своего, или умрет муж ея вторый, иже бе ю поял себе в жену: 005 DEU 024 004 не возможет муж первый, отпустивый ю, возвратив пояти ю себе в жену, по осквернении ея, яко гнусно есть пред Господем Богом твоим: и да не осквернавите земли, юже Господь Бог ваш дает вам в наследие. 005 DEU 024 005 Аще же кто поймет жену внове, да не идет на брань, и да не наложится ему ни каяже вещь: неповинен будет в дому своем лето едино, да веселит жену свою, юже поял есть. 005 DEU 024 006 Да не возмеши в залог жерновных каменей, яко душу сей дает в залог. 005 DEU 024 007 Аще же ят будет человек крадый душу от братии своея сынов Израилевых, и насилием продает ю, да умрет тать той, и измите злое от вас самих. 005 DEU 024 008 Внемли себе в язве проказы, и храни зело творити по всему закон, егоже возвестят вам жерцы левити: якоже заповедах вам, да храните творити: 005 DEU 024 009 помяни, елика сотвори Господь Бог твой Мариаме на пути, исходящым вам из Египта. 005 DEU 024 010 Аще же долг есть на ближнем твоем, долг каковый либо, да не внидеши в дом его взяти залог его: 005 DEU 024 011 вне станеши, и человек той, на немже есть долг твой, изнесет залог вон. 005 DEU 024 012 Аще же человек убог есть, да не преноществует залог его у тебе: 005 DEU 024 013 отданием да отдаси ризу его до захождения солнца, и да почиет в ризе своей, и благословит тя, и будет тебе милость пред Господем Богом твоим. 005 DEU 024 014 Да не лишиши мзды убогаго и требующаго от братии твоея, или от пришлец иже во градех твоих: 005 DEU 024 015 в той же день да отдаси мзду ему, да не зайдет солнце ему, яко убог есть, и в том имать надежду, и да не возопиет на тя к Господеви, и будет тебе грех. 005 DEU 024 016 Да не умрут отцы за сыны, и сынове да не умрут за отцы: кийждо за свой грех да умрет. 005 DEU 024 017 Не уклониши суда пришелцу и сиру и вдове, и да не вземлеши в залог ризы вдовичи, 005 DEU 024 018 и помянеши, яко раб (и ты) был еси в земли Египетстей, и свободи тя Господь Бог твой оттуду: сего ради аз тебе заповедаю творити сие слово. 005 DEU 024 019 Аще же пожнеши ниву твою на селе твоем, и забудеши сноп на ниве твоей, да не возвратишися взяти его: пришелцу и убогу, и сиру и вдове да будет, да благословит тя Господь Бог твой во всех делех руку твоею. 005 DEU 024 020 Аще же масличие собираеши, да не возвратишися останков собрати яже за тобою: пришелцу и сиру и вдове да будут: и воспомянеши, яко раб был еси в земли Египетстей: сего ради аз тебе заповедаю творити слово сие. 005 DEU 024 021 Аше же обираеши виноград твой, да не собираеши останков яже за тобою: пришелцу и сиру и вдове да будут: 005 DEU 024 022 и помянеши, яко раб был еси в земли Египетстей: сего ради аз тебе заповедаю творити сие слово. 005 DEU 025 001 Аще же будет пря между человеки, и приидут на суд, и да судят, и оправдят праваго, и осудят нечестиваго: 005 DEU 025 002 и будет, аще достоин есть ран нечестивый, да поставиши его пред судиями, и да биют его пред ними по нечестию его: 005 DEU 025 003 и числом четыредесять ран да наложат ему, и да не приложат к сему: аще же приложат паче ран сих бити его множае, срам будет брату твоему пред тобою. 005 DEU 025 004 Да не обротиши вола молотяща. 005 DEU 025 005 Аше же живут братия вкупе, и умрет един от них, семене же не будет ему, да не будет жена умершаго иному мужу несродну: брат мужа ея да внидет к ней и поймет ю себе в жену, и да поживет с нею: 005 DEU 025 006 и будет очроча, еже аще родится, да поставится во имя умершаго, и не погибнет имя его от Израиля. 005 DEU 025 007 Аще же не восхощет человек пояти жены брата своего, да приидет жена ко вратом пред старейшины и речет: не хощет брат мужа моего возставити имя брата своего во Израили, не восхоте брат мужа моего: 005 DEU 025 008 и да призовут его старейшины града того и рекут ему, и став речет: не хощу пояти ю: 005 DEU 025 009 и приступивши жена брата его к нему пред старейшины, и изует сапог его един от ноги его, и да плюнет на лице его, и отвещавши речет: сице да сотворят человеку, иже не созиждет дому брата своего во Израили: 005 DEU 025 010 и прозовется имя его во Израили дом изутаго из сапога. 005 DEU 025 011 Аще же биются человека два вкупе, человек с братом своим, и приступит жена единаго от них отяти мужа своего от руки биющаго и, и простерши руку свою, имет за ятра его, 005 DEU 025 012 да отсечеши руку ея: да не пощадит око твое ея. 005 DEU 025 013 Да не будет во влагалищи твоем мерило и мерило, великое и малое, 005 DEU 025 014 да не будет в дому твоем мера и мера, велика и мала: 005 DEU 025 015 мерило истинно и праведно да будет тебе, и мера истинна и праведна да будет тебе, да многи дни будеши на земли, юже Господь Бог твой дает тебе в жребий, 005 DEU 025 016 яко мерзость Господеви Богу твоему всяк творяй сия, всяк творяй неправду. 005 DEU 025 017 Помяни, елика тебе сотвори Амалик на пути, исходящу тебе из Египта: 005 DEU 025 018 како сопротивоста тебе на пути и посече задний полк твой утружден за тобою: ты же алчен был еси и утружден: и не убояся Бога: 005 DEU 025 019 и будет егда упокоит тя Господь Бог твой от всех враг твоих, иже окрест тебе на земли, юже Господь Бог твой дает тебе в жребий, еже наследити ю, да погубиши имя Амаликово от земли, яже под небесем, и да не забудеши. 005 DEU 026 001 И будет аще внидеши в землю, юже Господь Бог твой дает тебе в жребий еже наследити ю, и вселишися на ней, 005 DEU 026 002 и да возмеши от начатка плодов земли твоея, юже Господь Бог твой дает тебе в жребий, и вложиши в кошницу, и пойдеши на место, еже изберет Господь Бог твой призывати имя Его тамо: 005 DEU 026 003 и приидеши к жерцу, иже будет в тыя дни, и речеши к нему: возвещаю днесь Господеви Богу твоему, яко внидох в землю, еюже клятся Господь отцем нашым дати нам: 005 DEU 026 004 и да возмет жрец от руку твоею кошницу и да положит ю пред олтарем Господа Бога твоего: 005 DEU 026 005 и отвещав речеши пред Господем Богом твоим: Сирию остави отец мой и сниде во Египте и обита тамо в числе малем, и бысть тамо в язык велик и во множество много и велико: 005 DEU 026 006 и озлобиша нас Египтяне, и смириша ны, и возложиша на ны дела жестокая: 005 DEU 026 007 и возопихом ко Господу Богу отец наших, и услыша Господь вопль наш и виде смирение наше и труд наш и скорбь нашу, 005 DEU 026 008 и изведе ны Господь из Египта Сам крепостию Своею великою и рукою сильною и мышцею высокою, и в видениих великих и в знамениих и в чудесех, 005 DEU 026 009 и введе ны в место сие, и даде нам землю сию, землю кипящую медом и млеком: 005 DEU 026 010 и ныне се, принесох начатки от плодов земли, юже дал ми еси, Господи, землю кипящую медом и млеком. И оставиши е пред Господем Богом твоим, и поклонишися тамо пред Господем Богом твоим, 005 DEU 026 011 и возвеселишися о всех благих, яже даде тебе Господь Бог твой, и дом твой, и левит, и пришлец иже у тебе. 005 DEU 026 012 Егда же совершиши одесятити всю десятину плодов земли твоея в лето третие, вторую десятину да даси левиту и пришелцу и сироте и вдове, и ядят во градех твоих и насытятся: 005 DEU 026 013 и речеши пред Господем Богом твоим: очистих святая из дому моего, и дах я левиту и пришелцу и сироте и вдове, по всем заповедем Твоим, яже заповедал еси мне: не преступих заповеди Твоея и не забых, 005 DEU 026 014 и не ядох в болезни моей от них, не принесох от них в нечистое, ниже дах от них умершему: послушах гласа Господа Бога моего, сотворих, якоже заповедал еси мне: 005 DEU 026 015 призри с небесе от храма святаго Твоего, и благослови люди Твоя Израиля и землю, юже дал еси им якоже клялся еси отцем нашым, дати нам землю кипящую медом и млеком. 005 DEU 026 016 В сей день заповеда тебе Господь Бог твой сотворити вся оправдания сия и судбы: и сохраните и сотворите я от всего сердца вашего и от всея души вашея. 005 DEU 026 017 Господа избрал еси днесь быти тебе в Бога, и ходити во всех путех Его и хранити оправдания и заповеди и судбы Его, и послушати гласа Его. 005 DEU 026 018 И Господь избра вас днесь, да будете Ему люди избраннии, якоже рече тебе, хранити вся заповеди Его, 005 DEU 026 019 и быти тебе вышше всех язык, иже сотвори тя именита и хвальна и славна, быти вам людем святым Господу Богу вашему, якоже глагола. 005 DEU 027 001 И заповеда Моисей и старейшины сынов Израилевых, глаголя: сохраните вся заповеди сия, елики аз заповедаю вам днесь. 005 DEU 027 002 И будет в оньже день прейдете Иордан на землю, юже Господь Бог твой дает тебе во жребий, и поставиши себе камение велико и обелиши я мелом, 005 DEU 027 003 и напишеши на каменех тех вся словеса закона сего, егда прейдете Иордан, егда внидете в землю, юже Господь Бог твой дает тебе, землю кипящую медом и млеком, якоже рече Господь Бог отец твоих тебе. 005 DEU 027 004 И будет егда прейдете Иордан, да поставите камение сие, яже аз повелеваю вам днесь, в горе Гевал, и побелиши их мелом: 005 DEU 027 005 и да созиждеши тамо олтарь Господеви Богу твоему, олтарь от камения: да не возложиши на них железа: 005 DEU 027 006 камением всецелым да созиждеши олтарь Господеви Богу твоему и вознесеши на нем всесожжения Господеви Богу твоему, 005 DEU 027 007 и пожреши жертву спасения: и яси, и насытишися тамо, и возвеселишися пред Господем Богом твоим, 005 DEU 027 008 и напишеши на камениих сих весь закон сей яве зело. 005 DEU 027 009 И глагола Моисей и жерцы левити всему Израилю, глаголюще: молчи и слыши, Израилю, в день сей стался еси в люди Господеви Богу твоему: 005 DEU 027 010 и да послушаеши гласа Господа Бога твоего, и да сотвориши вся заповеди Его и оправдания Его, яже аз заповедаю тебе днесь. 005 DEU 027 011 И заповеда Моисей людем в той день, глаголя: 005 DEU 027 012 сии да станут благословляти люди на горе Гаризин, прешедше Иордан: Симеон, Левий, Иуда, Иссахар, Иосиф и Вениамин: 005 DEU 027 013 и сии да станут на клятву на горе Гевал: Рувим, Гад и Асир, Завулон, Дан и Неффалим. 005 DEU 027 014 И отвещавше рекут левити всему Израилю гласом великим: 005 DEU 027 015 проклят человек, иже сотворит изваяние и слияние, мерзость Господеви, дело рук художника, и положит е в сокровении. И отвещавше вси людие рекут: буди. 005 DEU 027 016 Проклят безчестяй отца своего или матерь свою. И рекут вси людие: буди. 005 DEU 027 017 Проклят прелагаяй пределы ближняго своего. И рекут вси людие буди. 005 DEU 027 018 Проклят прельщаяй слепаго в пути. И рекут вси людие: буди. 005 DEU 027 019 Проклят, иже уклонит суд пришелцу и сироте и вдове. И рекут вси людие: буди. 005 DEU 027 020 Проклят лежай с женою отца своего, яко открыл есть покровение отца своего. И рекут вси людие: буди. 005 DEU 027 021 Проклят лежай со всяким скотом. И рекут вси людие: буди. 005 DEU 027 022 Проклят лежай с сестрою своею, дщерию отца своего или дщерию матере своея и рекут вси людие: буди. 005 DEU 027 023 Проклят лежай с тещею своею. И рекут вси людие: буди. Проклят лежай с сестрою жены своея. И рекут вси людие: буди. 005 DEU 027 024 Проклят бияй ближняго с лестию. И рекут вси людие: буди. 005 DEU 027 025 Проклят, иже возмет дары поразити душу крове неповинныя. И рекут вси людие: буди. 005 DEU 027 026 Проклят всяк человек, иже не пребудет во всех словесех закона сего, еже творити я. И рекут вси людие: буди. 005 DEU 028 001 И будет егда прейдете Иордан в землю, юже Господь Бог ваш дает вам, аще слухом послушаете гласа Господа Бога вашего хранити и творити вся заповеди Его, яже аз заповедаю тебе днесь, и даст тя Господь Бог твой вышше всех язык земли: 005 DEU 028 002 и приидут на тя вся благословения сия и обрящете тя. Аще слухом послушаеши гласа Господа Бога твоего, 005 DEU 028 003 благословен ты во граде и благословен ты на селе, 005 DEU 028 004 благословена исчадия чрева твоего и плоды земли твоея, и стада волов твоих и паствы овец твоих, 005 DEU 028 005 благословены житницы твои и останцы твои, 005 DEU 028 006 благословен ты внегда входити тебе и благословен ты внегда исходити тебе. 005 DEU 028 007 Да предаст тебе Господь Бог враги твоя, сопротивящыяся тебе, сокрушены пред лицем твоим: путем единем изыдут на тя и седмию путьми побежат от лица твоего. 005 DEU 028 008 Да послет Господь на тя благословение в хранилищах твоих и на вся, на няже возложиши руку твою на земли, юже Господь Бог твой дает тебе. 005 DEU 028 009 Да возставит тя Господь Бог твой Себе люд свят, якоже клятся отцем твоим. Аще послушаеши гласа Господа Бога твоего и ходити будеши в путех Его, 005 DEU 028 010 и узрят тя вси языцы земнии яко имя Господа (Бога твоего) призвася на тя, и убоятся тебе, 005 DEU 028 011 и умножит тя Господь Бог твой во благая во исчадиех утробы твоея и во исчадиех скотов твоих, и в плодех земли твоея, на земли твоей, юже клятся Господь отцем твоим дати тебе. 005 DEU 028 012 Да отверзет тебе Господь сокровище Свое благое, небо, иже дати дождь земли твоей во время свое, да благословит вся дела рук твоих: и даси взаим языком многим, ты же не одолжишися: и обладаеши ты многими языки, тобою же не возобладают. 005 DEU 028 013 Да поставит тя Господь Бог твой во главу, а не в хвост: и будеши тогда выше, и не будеши ниже, аще послушаеши заповедий Господа Бога твоего, елика аз заповедаю тебе днесь хранити и творити: 005 DEU 028 014 да не преступиши от всех словес, яже аз заповедаю тебе днесь, на десно ниже на лево, ходити вслед богов иных служити им. 005 DEU 028 015 И будет аще не послушаеши гласа Господа Бога твоего хранити и творити вся заповеди Его, елики аз заповедаю тебе днесь, и приидут на тя вся клятвы сия и постигнут тя: 005 DEU 028 016 проклят ты во граде и проклят ты на селе, 005 DEU 028 017 прокляты житницы твои и останки твои, 005 DEU 028 018 проклята исчадия утробы твоея и плоды земли твоея, стада волов твоих и паствы овец твоих, 005 DEU 028 019 проклят ты внегда входити тебе и проклят ты внегда исходити тебе. 005 DEU 028 020 Да послет тебе Господь скудость и глад и истребление на вся, на няже возложиши руку твою, елика аще сотвориши, дондеже потребит тя и дондеже погубит тя вскоре, злых ради начинаний твоих, зане оставил еси Мя. 005 DEU 028 021 Да прилепит Господь к тебе смерть, дондеже потребит тя от земли, в нюже ты входиши тамо наследити ю. 005 DEU 028 022 Да поразит тя Господь неимением и огневицею, и стужею и жжением, и убийством и ветром тлетворным и бледостию, и поженут тя, дондеже погубят тя. 005 DEU 028 023 И будет небо над главою твоею медяно и земля под тобою железна. 005 DEU 028 024 Да даст Господь дождь земли твоей прах, и персть с небесе снидет на тя, дондеже сокрушит тя и дондеже погубит тя. 005 DEU 028 025 Да даст тя Господь на изсечение пред враги твоими: путем единем изыдеши к ним и седмию пути побежиши от лица их, и будеши в разсеяние во всех царствах земных, 005 DEU 028 026 и будут мертвецы ваши снедь птицам небесным и зверем земным, и не будет отгоняяй. 005 DEU 028 027 Да поразит тя Господь вредом Египетским в седалищах и крастою дивиею и свербом, яко не мощи тебе исцелитися. 005 DEU 028 028 Поразит тя Господь неистовством и слепотою и изступлением ума, 005 DEU 028 029 и будеши осязаяй в полудни, якоже осязает слепый во тме, и не исправит путий твоих: и будеши тогда обидим и расхищаемь во вся дни, и не будет помогаяй тебе. 005 DEU 028 030 Жену поймеши, и ин муж возимеет ю: дом созиждеши, и не поживеши в нем: виноград насадиши, и не обереши его: 005 DEU 028 031 телец твой заклан пред тобою, и не снеси от него: осля твое отято от тебе, и не отдастся тебе: овцы твоя отданы (будут) врагом твоим, и не будет тебе помогаяй: 005 DEU 028 032 сынове твои и дщери твоя отданы (будут) языку иному, и очи твои узрят истаевающе на сия, и не возможет рука твоя: 005 DEU 028 033 плоды земли твоея и вся труды твоя пояст язык, егоже не веси, и будеши обидимь и сокрушаем во вся дни, 005 DEU 028 034 и будеши изумлен, видений ради очес твоих, яже узриши. 005 DEU 028 035 Да поразит тя Господь вредом злым на коленах и на голенех, яко не мощи исцелитися тебе от стоп ног твоих даже до верха (главы) твоея. 005 DEU 028 036 Да отведет тя Господь и князи твоя, яже поставиши себе, в язык, егоже не веси ты и отцы твои, и послужиши тамо богом иным, древу и камению, 005 DEU 028 037 и будеши тамо в гадание и в притчу и повесть во всех языцех, в няже введет тя Господь (Бог) тамо. 005 DEU 028 038 Семя много изнесеши на поле, и мало внесеши, яко поядят я прузи: 005 DEU 028 039 виноград насадиши и возделаеши, и вина не испиеши, ниже возвеселишися от него, яко пояст я червь: 005 DEU 028 040 маслины будут тебе во всех пределех твоих, и елеем не помажешися, яко истечет маслина твоя: 005 DEU 028 041 сыны и дщери родиши, и не будут тебе, отидут бо в плен: 005 DEU 028 042 вся древесная твоя и вся жита земли твоея потребит ржа: 005 DEU 028 043 пришлец, иже есть у тебе, взыдет над тя выше выше, ты же низидеши низу низу: 005 DEU 028 044 сей взаим даст тебе, ты же ему взаим не даси: сей будет глава, ты же будеши хвост. 005 DEU 028 045 И приидут на тя вся клятвы сия, и поженут тя и постигнут тя, дондеже потребят тя и дондеже погубят тя: яко не послушал еси гласа Господа Бога твоего, еже хранити заповеди Его и оправдания Его, елика заповеда тебе. 005 DEU 028 046 И будут на тебе знамения и чудеса, и в семени твоем до века, 005 DEU 028 047 понеже не послужил еси Господеви Богу твоему с веселием и благим сердцем, множества ради всех (благих), 005 DEU 028 048 и послужиши врагом твоим, яже послет Господь Бог твой на тя с гладом и жаждею, и наготою и оскудеением всех: и возложит ярем железен на выю твою, дондеже сокрушит тя. 005 DEU 028 049 И наведет Господь на тя язык издалеча от края земли аки устремление орле, язык, егоже не уразумееши глагола, 005 DEU 028 050 язык безстуден лицем, иже не удивится лицу старчу и юна не помилует: 005 DEU 028 051 и пояст плоды скотов твоих и плоды земли твоея, яко не оставит тебе пшеницы, ни вина, ни елеа, стад волов твоих и паств овец твоих, дондеже погубит тя: 005 DEU 028 052 и сокрушит тя во всех градех твоих, дондеже разорятся стены твоя высокия и крепкия, на нихже ты уповаеши, во всей земли твоей: и озлобит тя во всех градех твоих, яже даде тебе Господь Бог твой. 005 DEU 028 053 И снеси чада утробы твоея, плоть сынов и дщерей твоих, ихже даде тебе Господь Бог твой, в тесноте твоей и в скорби твоей, еюже оскорбит тя враг твой. 005 DEU 028 054 Юный в вас и младый зело позавидит оком своим брату своему и жене яже на лоне его, и оставшымся чадом, яже аще останутся ему: 005 DEU 028 055 яко дати единому их от плотей чад своих, ихже ял еси, понеже ничто остася ему в тесноте и скорби твоей, еюже оскорбят тя врази твои во всех градех твоих. 005 DEU 028 056 И юная в вас (жена) и млада зело, еяже не обыче нога ея ходити по земли юности ради и младости, позавидит оком своим мужу своему иже на лоне ея, и сыну и дщери своей, 005 DEU 028 057 и блоне своей изшедшей из чресл ея, и чаду своему еже аще родит: снест бо я тайно, скудости ради всех в тесноте и скорби своей, еюже оскорбит тя враг твой во всех градех твоих. 005 DEU 028 058 Аще не послушаете творити вся словеса закона сего, написанная в книзе сей, еже боятися имене чуднаго и чуднаго сего, Господа Бога твоего, 005 DEU 028 059 и удивит Господь язвы твоя и язвы семене твоего, язвы великия и дивныя, и болезни злыя и известныя, 005 DEU 028 060 и обратит на тя всю болезнь Египетскую злую, еяже ты боялся еси от лица их, и прилепятся к тебе: 005 DEU 028 061 и все разслабление, и всю язву ненаписанную и всю писаную в книзе закона сего наведет Господь на тя, дондеже потребит тя: 005 DEU 028 062 и останетеся в числе малем, вместо того егда бысте яко звезды небесныя множеством, яко не послушасте гласа Господа Бога вашего. 005 DEU 028 063 И будет, якоже возвеселися Господь о вас благотворити вам и умножити вас, тако возвеселится Господь о вас потребити вас: и возметеся от земли, в нюже вы входите тамо наследити ю, 005 DEU 028 064 и разсеет тя Господь Бог твой во вся языки, от края земли даже до края ея, и послужиши тамо богом иным, древу и камению, ихже не знал еси ты и отцы твои: 005 DEU 028 065 но и во языцех онех не упокоит тя, ниже будет стояния стопе ноги твоея: и даст тебе Господь тамо сердце печальное и оскудевающая очеса и истаявающую душу: 005 DEU 028 066 и будет живот твой висящь пред очима твоима, и убоишися во дни и в нощи, и не будеши веры яти житию твоему: 005 DEU 028 067 заутра речеши: како будет вечер? И в вечер речеши: како будет утро? От страха сердца твоего, имже убоишися, и от видении очес твоих, имиже узриши: 005 DEU 028 068 и возвратит тя Господь Бог во Египет в кораблех, и на пути егоже рекох, не приложите ксему видети его: и продани будете тамо врагом вашым в рабы и в рабыни, и не будет купующаго. 005 DEU 029 001 Сия словеса завета, яже завеща Господь Моисею уставити сыном Израилевым в земли Моавли, кроме завета, егоже завеща им в Хориве. 005 DEU 029 002 И призва Моисей вся сыны Израилевы и рече к ним: вы видесте вся, елика сотвори Господь в земли Египетстей пред вами фараону и всем слугам его и всей земли его, 005 DEU 029 003 искушения великая, яже видеста очи твои, знамения и чудеса великая оная, руку крепкую и мышцу высокую: 005 DEU 029 004 и не даде Господь Бог вам сердца разумети и очес видети и ушес слышати, даже до дне сего: 005 DEU 029 005 и водил вас четыредесять лет по пустыни: не обетшаша ризы вашя, и сапози ваши не сотрошася на ногах ваших: 005 DEU 029 006 хлеба не ядосте, вина и сикера не писте, да познаете, яко Сей Господь Бог ваш: 005 DEU 029 007 и приидосте до сего места: и изыде Сион царь Есевонский и Ог царь Васанский во сретение нам на брань, 005 DEU 029 008 и поразихом их на брани, и прияхом землю их: и дах ю во жребий Рувиму и Гаду и полуплемени Манассиину. 005 DEU 029 009 И сохраните творити вся словеса завета сего творити я, да разумеете вся, елика сотворите. 005 DEU 029 010 Вы стасте вси днесь пред Господем Богом вашим, племеноначалницы ваши и старейшины ваши, и судии ваши и писмовводители ваши, всяк муж Израилтеск, 005 DEU 029 011 и жены вашя и чада ваша, пришлец иже посреде полка вашего, от древосечца вашего даже до водоносца вашего, 005 DEU 029 012 еже прейти в завет Господа Бога вашего и в клятвы Его, елика завещает Господь Бог твой к тебе днесь: 005 DEU 029 013 да поставит тя Себе в люди, и Той будет тебе Бог, якоже тебе рече и якоже клятся отцем твоим, Аврааму и Исааку и Иакову. 005 DEU 029 014 И не вам единем аз завет сей и клятву сию завещаваю, 005 DEU 029 015 но и зде сущым с вами днесь, пред Господем Богом вашим, и не сущым с вами зде днесь. 005 DEU 029 016 Яко вы весте, како жихом в земли Египетстей и како проидохом посреде языков, ихже преидосте, 005 DEU 029 017 и видесте мерзости их и кумиры их, древо и камение, сребро и злато, яже суть у них. 005 DEU 029 018 Еда кто есть в вас муж или жена, или отечество или племя, егоже сердце уклонися от Господа Бога вашего, ити еже служити богом языков оных? Еда кий есть в вас корень горе прорастающь в желчи и горести? 005 DEU 029 019 И будет аще услышит словеса клятвы сея и похвалится в сердцы своем, глаголя: преподобно мне да будет, яко в прельщении сердца моего пойду, да не погубит грешник безгрешнаго (с собою): 005 DEU 029 020 не восхощет Бог милостив быти ему, но тогда разгорится гнев Господень и ревность Его на человека того: и прилепятся ему вся клятвы завета сего, писанныя в книзе закона сего: и потребит Господь имя его от поднебесныя, 005 DEU 029 021 и отлучит его Господь на злая от всех сынов Израилевых, по всем клятвам завета написаннаго в книзе закона сего. 005 DEU 029 022 И речет род ин, сынове ваши, иже востанут по вас, и чуждый иже приидет от земли далекия, и узрят язвы земли оныя и недуги ея, яже посла Господь на ню, 005 DEU 029 023 жупел и соль сожженную: вся земля ея не насеется, ни прозябнет, ниже возникнет на ней всяк злак: якоже опровержеся Содом и Гоморр, Адама и Севоим, яже опроверже Господь в ярости и гневе Своем. 005 DEU 029 024 И рекут вси языцы: почто сотвори Господь сице земли сей? Кая ярость гнева великая сия? 005 DEU 029 025 И рекут: яко оставиша завет Господа Бога отец своих, егоже завеща отцем их, егда изведе их от земли Египетския, 005 DEU 029 026 и шедше послужиша богом иным, и поклонишася им, ихже не ведяху, и не даде им ничтоже ни един: 005 DEU 029 027 и разгневася яростию Господь на землю ту, еже навести на ню по всем клятвам завета, писанным в книгах закона сего: 005 DEU 029 028 и изят их Господь от земли их яростию и гневом, и прогневанием великим зело, и изверже их в землю ину якоже ныне. 005 DEU 029 029 Тайная Господеви Богу нашему, нам же явленная и чадом нашым во веки, творити вся словеса закона сего. 005 DEU 030 001 И будет егда приидут на тя вся словеса сия, благословение и клятва, юже дах пред лицем твоим, и приимеши в сердце твое во всех языцех, в няже расточит тя Господь Бог твой тамо, 005 DEU 030 002 и обратишися ко Господу Богу твоему, и послушаеши гласа Его по всем, елика аз заповедаю тебе днесь, ты и сын твой, от всего сердца твоего и от всея души твоея, 005 DEU 030 003 и исцелит Господь грехи твоя и помилует тя, и паки соберет тя от всех языков, в няже разсыпа тя Господь Бог тамо. 005 DEU 030 004 Аще будет разсеяние твое от края небесе даже до края небесе, оттуду соберет тя Господь Бог твой и оттуду возмет тя, 005 DEU 030 005 и введет тя Господь Бог твой оттуду в землю, юже наследиша отцы твои, и наследиши ю: и благо тебе сотворит, и умножит тя паче отец твоих 005 DEU 030 006 и очистит Господь сердце твое и сердце семене твоего, любити Господа Бога твоего от всего сердца твоего и от всея души твоея, да живеши ты: 005 DEU 030 007 и даст Господь Бог твой клятвы сия на враги твоя и на ненавидящыя тя, иже изгнаша тя: 005 DEU 030 008 и ты обратишися и послушаеши гласа Господа Бога твоего и сотвориши заповеди Его, елики аз заповедаю тебе днесь. 005 DEU 030 009 И благословит тя Господь Бог твой во всяком деле руку твоею, в плодех утробы твоея и в плодех скотов твоих и в житех земли твоея, яко обратится Господь Бог твой возвеселитися о тебе во благих, якоже возвеселися от отцех твоих: 005 DEU 030 010 аще послушаеши гласа Господа Бога твоего хранити и творити вся заповеди Его и оправдания Его и суды Его, написанныя в книзе закона сего: аще обратишися ко Господу Богу твоему от всего сердца твоего и от всея души твоея. 005 DEU 030 011 Яко заповедь сия, юже аз заповедаю тебе днесь, не тяжка есть, ниже далече есть от тебе: 005 DEU 030 012 не на небеси есть, глаголя: кто взыдет от нас на небо и возмет ю нам, и услышавше ю сотворим? 005 DEU 030 013 Ниже об ону страну моря есть, глаголяй: кто прейдет нам на юну страну моря и возмет ю нам, и услышавше ю сотворим? 005 DEU 030 014 Близ тебе есть глагол зело, во устех твоих и в сердцы твоем и в руку твоею, творити его. 005 DEU 030 015 Се, дах пред лицем твоим днесь жизнь и смерть, благо и зло. 005 DEU 030 016 Аще послушаеши заповедий Господа Бога твоего, яже аз заповедаю тебе днесь, любити Господа Бога твоего, ходити во всех путех Его и хранити оправдания Его и заповеди Его и суды Его, и поживеши, и умножишися, и благословит тя Господь Бог твой на всей земли, в нюже входиши наследити ю тамо. 005 DEU 030 017 И аще превратится сердце твое, и не послушаеши, и заблудив поклонишися богом иным и послужиши им, 005 DEU 030 018 возвещаю вам днесь, яко погибелию погибнете, и не многодневни будете на земли, юже Господь Бог дает тебе, в нюже вы преходите Иордан тамо наследити ю. 005 DEU 030 019 Засвидетелствую вам днесь небом и землею: живот и смерть дах пред лицем вашим, благословение и клятву: и избери живот, да живеши ты и семя твое, 005 DEU 030 020 любити Господа Бога твоего, послушати гласа Его и прилепитися к Нему: яко сие живот твой, и долгота дний твоих, жити на земли, еюже клятся Господь Бог отцем твоим, Аврааму и Исааку и Иакову, дати им. 005 DEU 031 001 И сконча Моисей глаголя вся словеса сия ко всем сыном Израилевым 005 DEU 031 002 и рече к ним: ста и двадесяти лет аз есмь днесь: не возмогу ксему входити и исходити: Господь же рече ко мне: не прейдеши Иордана сего: 005 DEU 031 003 Господь Бог твой предидый пред лицем твоим, Той потребит языки сия от лица твоего, и наследиши их: и Иисус предидый пред лицем твоим, якоже глагола Господь: 005 DEU 031 004 и сотворит им Господь, якоже сотвори Сиону и Огу, двум царем Аморрейским, иже быша об он пол Иордана, и земли их, якоже потреби их 005 DEU 031 005 и предаде их Господь в руце ваши: и сотворите им, якоже заповедах вам: 005 DEU 031 006 мужайся и крепися, не бойся, ни ужасайся, ни устрашайся от лица их: яко Господь Бог твой, Сей предидый с вами, и не отступит от тебе, ниже оставит тя. 005 DEU 031 007 И призва Моисей Иисуса и рече ему пред всем Израилем: мужайся и крепися: ты бо внидеши пред лицем людий сих в землю, юже клятся Господь отцем вашым дати им, и ты в наследие разделиши ю им: 005 DEU 031 008 и Господь, идый с тобою, не отступит от тебе, ниже оставит тя: не бойся, ни ужасайся. 005 DEU 031 009 И вписа Моисей вся словеса закона сего в книгу и даде жерцем сыном Левииным, воздвижущым ковчег завета Господня, и старцем сынов Израилевых. 005 DEU 031 010 И заповеда им Моисей в той день, глаголя: по седми летех во время лета оставления, в праздник кущей? 005 DEU 031 011 Егда сходится весь Израиль явитися пред Господем Богом твоим на месте, еже изберет Господь, читайте закон сей пред всем Израилем во ушы их: 005 DEU 031 012 соберите люди, мужы и жены и дети, и пришелца, иже во градех ваших, да услышат и научатся боятися Господа Бога вашего, и послушают творити вся словеса закона сего: 005 DEU 031 013 и сынове их, иже не ведят, услышат и научатся боятися Господа Бога вашего во вся дни, елики поживут на земли, на нюже вы преходите Иордан тамо наследити ю. 005 DEU 031 014 И рече Господь к Моисею: се, приближишася дние смерти твоея: призови Иисуса, и станите пред дверми скинии свидения, и заповем ему и иде Моисей и Иисус ко скинии свидения, и счаста пред дверми скинии свидения. 005 DEU 031 015 И сниде Господь в столпе облачне, и ста у дверий скинии свидения: и ста столп облачный у дверий скинии свидения. 005 DEU 031 016 И рече Господь к Моисею: се, ты почиеши со отцы твоими, и воставше людие сии соблудят вслед богов чуждих земли, в нюже входят сии тамо, и оставят Мя, и разорят завет Мой, егоже завещах им: 005 DEU 031 017 и разгневаюся яростию на ня в той день, и оставлю я, и отвращу лице Мое от них, и будут в снедь: и обрящут я зла многа и скорби, и рекут в день той: понеже несть Господа Бога в нас, постигнуша ны злая сия: 005 DEU 031 018 Аз же отвращением отвращу лице Мое от них в той день, злоб ради всех яже сотвориша, яко обратишася к богом чуждим: 005 DEU 031 019 и ныне напишите словеса песни сея, и научите ей сыны Израилевы, и вложите ю во уста их, да будет Мне песнь сия во свидетелство в сынех Израилевых: 005 DEU 031 020 введу бо их в землю благую, еюже кляхся отцем их, дати им землю кипящую медом и млеком, и ядят, и насытившеся утолстеют, и обратятся к богом чуждим, и послужат им, и разгневают Мя, и разорят завет Мой, егоже завещах им: 005 DEU 031 021 и будет егда постигнут их многа зла и скорби, и противостанет песнь сия пред лице их свидетелствующи, яко не забвена будет от яст их и от уст семене их: Аз бо вем злобу их, елика творят днесь зде, прежде введения их в землю благую, еюже кляхся отцем их. 005 DEU 031 022 И написа Моисей песнь сию в той день и научи ей сыны Израилевы и заповеда Моисей Иисусу сыну Навину и рече ему: 005 DEU 031 023 мужайся и крепися: ты бо введеши сыны Израилевы в землю, еюже клятся им Господь, и Той будет с тобою. 005 DEU 031 024 Егда же сконча Моисей пиша вся словеса закона сего в книгу даже до конца, 005 DEU 031 025 и заповеда левитом воздвижущым ковчег завета Господня, глаголя: 005 DEU 031 026 вземше книгу закона сего, положите ю от страны ковчега завета Господа Бога вашего, и будет тамо вам во свидетелство: 005 DEU 031 027 яко аз вем рвение твое и выю твою жестокую: еще бо мне живу сущу с вами днесь, преогорчающе бысте Господа, кольми паче по смерти моей? 005 DEU 031 028 Соберите ко мне племеноначалники вашя и старцы вашя, и судии вашя и книговводители вашя, да возглаголю во ушы их вся словеса сия и засвидетелствую им небом и землею: 005 DEU 031 029 вем бо, яко по скончании моем беззаконием собеззаконнуете и уклонитеся от пути, егоже (аз) заповедах вам, и срящут вас злая в последния дни, яко сотворите злое пред Господем Богом, прогневати Его в делех рук ваших. 005 DEU 031 030 И глагола Моисей во ушеса всего сонма Израилева словеса песни сея даже до конца: 005 DEU 032 001 Вонми, небо, и возглаголю, и да слышит земля глаголы уст моих, 005 DEU 032 002 да чается яко дождь вещание мое, и да снидут яко роса глаголи мои, яко туча на троскот и яко иней на сено: 005 DEU 032 003 яко имя Господне призвах, дадите величие Богу нашему. 005 DEU 032 004 Бог, истинна дела Его, и вси путие Его суд: Бог верен, и несть неправды в Нем: праведен и преподобен Господь. 005 DEU 032 005 Согрешиша, не Того чада порочная: роде строптивый и развращенный, 005 DEU 032 006 сия ли Господеви воздаете, сии людие буии и не мудри? Не Сам ли сей Отец твой стяжа тя, и сотвори тя, и созда тя? 005 DEU 032 007 Помяните дни вечныя, разумейте лета рода родов: вопроси отца твоего, и возвестит тебе, старцы твоя, и рекут тебе. 005 DEU 032 008 Егда разделяюще Вышний языки, яко разсея сыны Адамовы, постави пределы языков по числу ангел Божиих, 005 DEU 032 009 и бысть часть Господня, людие Его Иаков, уже наследия Его Израиль: 005 DEU 032 010 удовли его в пустыни, в жажди зноя в безводне: обыде его и наказа его, и сохрани его яко зеницу ока: 005 DEU 032 011 яко орел покры гнездо свое, и на птенцы своя возжеле: простер криле свои и прият их, и подят их на раму своею. 005 DEU 032 012 Господь един вождаше их, и не бе с ними бог чуждь: 005 DEU 032 013 возведе я на силу земли, насыти их жит селных: ссаша мед из камене и елей от тверда камене, 005 DEU 032 014 масло кравие и млеко овчее с туком агнчим и овним сынов юнчих и козлих, с туком пшеничным, и кровь гроздову пияху вино. 005 DEU 032 015 И яде Иаков и насытися, и отвержеся возлюбленный: уты, утолсте, разшире: и остави Бога сотворшаго его, и отступи от Бога спаса своего. 005 DEU 032 016 Прогневаша Мя о чуждих, и в мерзостех своих преогорчиша Мя. 005 DEU 032 017 Пожроша бесовом, а не Богу, богом, ихже не ведеша: нови и секрати приидоша, ихже не ведеша отцы их. 005 DEU 032 018 Бога рождшаго тя оставил еси и забыл еси Бога питающаго тя. 005 DEU 032 019 И виде Господь, и возревнова, и раздражися за гнев сынов их и дщерей, 005 DEU 032 020 и рече: отвращу лице Мое от них и покажу, что будет им напоследок, яко род развращен есть, сынове, имже несть веры в них: 005 DEU 032 021 тии раздражиша Мя не от бозе, прогневаша Мя во идолех своих: и Аз раздражу их не о языце, от языце же неразумливе прогневаю их: 005 DEU 032 022 яко огнь возгорится от ярости Моея, разжжется до ада преисподняго, снест землю и жита ея, попалит основания гор: 005 DEU 032 023 соберу на них злая, и стрелы Моя скончаю в них: 005 DEU 032 024 тающе гладом и снедию птиц, и горб неисцелен: зубы зверий послю в на, с яростию пресмыкающихся по земли: 005 DEU 032 025 отвне обезчадит их мечь, и от храмов их страх: юноша с девою, ссущее с совершенным старцем. 005 DEU 032 026 Рех: разсею их, уставлю же от человек память их: 005 DEU 032 027 токмо за гнев врагов, да не долголетствуют, и да не налягут супостати, да не рекут: рука наша высока, и не Господь сотвори сия вся: 005 DEU 032 028 яко язык погубивый совет есть, и несть в них художества, не смыслиша разумети: 005 DEU 032 029 сия вся да приимут во грядущее лето. 005 DEU 032 030 Како поженет един тысящы, и два двигнета тмы, аще не Бог отдаде их, и Господь предаде их? 005 DEU 032 031 Не суть бо бози их, яко Бог наш: врази же наши неразумливи. 005 DEU 032 032 От виноградов бо Содомских виноград их, и розга их от Гоморры: грозд их грозд желчи, грозд горести их: 005 DEU 032 033 ярость змиев вино их, и ярость аспидов неисцельна. 005 DEU 032 034 Не сия ли вся собрашася у Мене и запечатлешася в сокровищах Моих? 005 DEU 032 035 В день отмщения воздам, во время егда соблазнится нога их: яко близ день погибели их, и предстоят готовая вам: 005 DEU 032 036 яко судити имать Господь людем Своим, и о рабех Своих умолен будет: виде бо их разслабленны и истаявшя во время и изнемогшя. 005 DEU 032 037 И рече Господь: где суть бози их, на нихже уповаша, 005 DEU 032 038 ихже тук жертв их ядясте, и пиясте вино треб их? Да воскреснут и помогут вам, и будут вам покровители. 005 DEU 032 039 Видите, видите, яко Аз есмь, и несть Бог разве Мене: Аз убию и жити сотворю: поражу и Аз исцелю, и несть иже измет от руку Моею: 005 DEU 032 040 яко воздвигну на небо руку Мою, и кленуся десницею Моею, и реку: живу Аз во веки: 005 DEU 032 041 яко поострю якоже молнию мечь Мой, и приимет суд рука Моя, и воздам месть врагом и ненавидящым Мя воздам: 005 DEU 032 042 упою стрелы Моя от крове, и мечь Мой снест мяса от крове язвеных и пленения, от глав князей языческих. 005 DEU 032 043 Возвеселитеся, небеса, купно с Ним, и да поклонятся Ему вси Ангели Божии: возвеселитеся, языцы, с людьми Его, и да укрепятся ему вси сынове Божии: яко кровь сынов Своих отмщает и отмстит, и воздаст месть врагом и ненавидящым Его воздаст: и очестит Господь землю людий Своих. 005 DEU 032 044 И написа Моисей песнь сию в той день, и научи ей сыны Израилевы: и вниде Моисей к людем и глагола вся словеса закона сего во ушы людем, сам и Иисус Навин. 005 DEU 032 045 И сконча Моисей глаголя словеса сия вся всему Израилю, 005 DEU 032 046 и рече к ним: внемлите сердцем вашим вся словеса сия, яже аз засвидетелствую вам днесь, яже да заповесте сыном вашым, хранити и творити вся словеса закона сего, 005 DEU 032 047 яко не тщетно слово сие вам, зане сия жизнь ваша, и ради слова сего долги дни будете на земли, на нюже вы преходите Иордан тамо наследити ю. 005 DEU 032 048 И рече Господь к Моисею в день сей, глаголя: 005 DEU 032 049 взыди на гору Аварим, сия гора Навав, яже есть в земли Моавли прямо Иерихону, и виждь землю Ханааню, юже аз даю сыном Израилевым во обдержание: 005 DEU 032 050 и скончайся тамо на горе, на нюже восходиши, и приложися к людем твоим, якоже умре Аарон брат твой на горе Ор и приложися к людем своим: 005 DEU 032 051 понеже не покористеся словеси Моему в сынех Израилевых у воды Пререкания Кадис в пустыни Син, понеже не освятисте Мене в сынех Израилевых: 005 DEU 032 052 яко прямо узриши землю, и тамо не внидеши, юже даю сыном Израилевым. 005 DEU 033 001 И сие благословение, имже благослови Моисей человек Божий сыны Израилевы прежде скончания своего, 005 DEU 033 002 и рече: Господь от Синаи прииде, и явися от Сиира нам, и приспе от горы Фарани, и прииде со тмами святых, одесную Его ангели с ним, 005 DEU 033 003 и пощаде люди Своя: и вси освященнии под руками Твоими, и сии под Тобою суть. 005 DEU 033 004 И прия от словес Его закон, егоже заповеда нам Моисей, наследие сонму Иаковлю: 005 DEU 033 005 и будет в Возлюбленнем князь, собравшымся князем людским купно с племены Израилевыми. 005 DEU 033 006 Да живет Рувим, и да не умрет, и Симеон да будет мног числом. 005 DEU 033 007 И сие Иуде: услыши, Господи, глас Иудин и в люди его вниди: руце его поборют по нем, и помощник на враги его да будеши. 005 DEU 033 008 И Левию рече: дадите Левию явленная Его, и истину Его мужу преподобну, егоже искусиша Искушением, укориша его у воды Пререкания: 005 DEU 033 009 глаголяй отцу своему и матери своей: не видех тебе: и братии своея не позна, и сынов своих не уведе: сохрани словеса Твоя и завет Твой соблюде: 005 DEU 033 010 явят оправдания Твоя Иакову и закон Твой Израилю: возложат фимиам во гневе Твоем всегда на олтарь Твой: 005 DEU 033 011 благослови, Господи, крепость его и дела руку его приими: порази чресла воставших на него врагов его, и ненавидящии его да не востанут. 005 DEU 033 012 И Вениамину рече: возлюбленный Господем уповаяй вселится (в Нем), и Бог осеняет его во вся дни, и посреде рамен Его почи. 005 DEU 033 013 И Иосифови рече: от благословения Господня земля его, от красот небесных и росы, и от бездн источников низу, 005 DEU 033 014 и во время плодов солнечных обращений, и от схождений месячных, 005 DEU 033 015 и от верха гор начала, и от верха холмов вечных, 005 DEU 033 016 и по времени земли исполнения: и приятная Явившемуся в купине, да приидут на главу Иосифу, и на версе прославивыйся в братии. 005 DEU 033 017 Первородный юнца доброта его, рози единорога рози его: ими языки избодет вкупе даже до края земли: сия тмы Ефремовы, и сия тысящи Манассиины. 005 DEU 033 018 И Завулону рече: возвеселися, Завулоне, во исходе твоем, и Иссахаре в селениих твоих: 005 DEU 033 019 языки потребят: и призовете тамо, и пожрете тамо жертву правды: яко богатство морское воздоит тя, и купли от язык при мори живущих. 005 DEU 033 020 И Гаду рече: благословен разширяяй Гада: яко лев почи, сокрушивый мышцу и князя: 005 DEU 033 021 и виде начатки своя, яко тамо разделися земля, князей собранных вкупе с началники людскими: правду Господь сотвори и суд Свой со Израилем. 005 DEU 033 022 И Дану рече: Дан, скимен львов, и изскочит от Васана. 005 DEU 033 023 И Неффалиму рече: Неффалиму насыщение приятных, и да насытится благословением от Господа: море и юг наследит. 005 DEU 033 024 И Асиру рече: благословен от чад Асир, и будет приятен братии своей: омочит в елей ногу свою: 005 DEU 033 025 железо и медь сапог его будет, и аки дни твоя крепость твоя. 005 DEU 033 026 Несть якоже Бог Возлюбленнаго: восходяй на небо помощник твой, и великолепый в тверди: 005 DEU 033 027 и покрыет тя Божие начало, и под крепостию мышцей вечных: и отженет от лица твоего врага, глаголя: да погибнеши: 005 DEU 033 028 и вселится Израиль уповая един на земли Иаковли в вине и пшенице: и небо ему облачно росою. 005 DEU 033 029 Блажен еси, Израилю: кто подобен тебе, людие спасаемии от Господа? Защитит помощник твой, и мечь хвала твоя: и солжут тебе врази твои, и ты на выю их наступиши. 005 DEU 034 001 И взыде Моисей от аравофа Моавля на гору Навав, на верх Фазга, яже есть прямо Иерихону: и показа ему Господь всю землю Галаадску даже до Дана, 005 DEU 034 002 и всю землю Неффалимлю, и всю землю Ефремову и Манассиину, и всю землю Иудину даже до моря последняго, 005 DEU 034 003 и пустыню и окрестная (села) Иерихона, град Фиников даже до Сигора, 005 DEU 034 004 и рече Господь к Моисею: сия земля, еюже кляхся Аврааму и Исааку и Иакову, глаголя: семени вашему дам ю: и показах ю очесем твоим, и тамо не внидеши. 005 DEU 034 005 И скончася тамо Моисей раб Господень в земли Моавли словом Господним. 005 DEU 034 006 И погребоша его в земли Моавли близ дому Фогорова. И не уведа никтоже погребения его даже до дне сего. 005 DEU 034 007 Моисею же бе сто и двадесять лет, егда скончася: не отемнесте очи его, ни истлеста устне его. 005 DEU 034 008 И плакашася сынове Израилевы Моисеа во Аравофе Моавли у Иордана близ Иерихона тридесять дний. И скончашася дние плача сетования о Моисей. 005 DEU 034 009 И Иисус сын Навин наполнися духа разума: возложи бо Моисей руце свои на него. И послушаша его сынове Израилевы, и сотвориша якоже заповеда Господь Моисею. 005 DEU 034 010 И не воста ктому пророк во Израили якоже Моисей, егоже позна Господь лицем к лицу, 005 DEU 034 011 во всех знамениих и чудесех, егоже посла Господь сотворити я в земли Египетстей фараону и рабом его и всей земли его, 005 DEU 034 012 дивная великая, и руку крепкую (и мышцу высокую), яже сотвори Моисей пред всем Израилем. # # BOOK 006 JOS Joshua Книга Иисуса Навина 006 JOS 001 001 И бысть по скончании Моисеа раба Господня, и рече Господь Иисусу сыну Навину, служителю Моисеову, глаголя: 006 JOS 001 002 Моисей раб Мой скончася: ныне убо востав прейди Иордан ты и вси людие сии в землю, юже Аз даю им: 006 JOS 001 003 всякое место, по немуже прейдете стопою ног ваших, вам дам е, якоже глаголах Моисею: 006 JOS 001 004 пустыню и Антиливан сей даже до реки великия реки Евфрата, всю землю Ефеоню, и даже до моря последняго: от запада солнца будут пределы ваши: 006 JOS 001 005 не супротивится человек пред вами во вся дни живота твоего, и якоже бех с Моисеом, тако буду и с тобою: и не оставлю тебе, ниже презрю тя: 006 JOS 001 006 крепися и мужайся: ты бо разделиши людем сим землю, еюже кляхся отцем вашым дати им: 006 JOS 001 007 крепися убо, и мужайся зело, хранити и творити, якоже тебе заповеда Моисей раб Мой, и не уклонися от них ни на десно, ни на лево, да смыслиши во всех, яже твориши: 006 JOS 001 008 и да не отступит книга закона сего от уст твоих, и да поучаешися в ней день и нощь, да уразумееши творити вся писанная: тогда благоуспееши и исправиши пути твоя, и тогда уразумееши: 006 JOS 001 009 се, заповедаю тебе: крепися и мужайся, ни ужасайся, ниже убойся: яко с тобою Господь Бог твой во всех, аможе аще пойдеши. 006 JOS 001 010 И заповеда Иисус книгочиям людским, глаголя: 006 JOS 001 011 внидите посреде полка людий и заповедайте людем, глаголюще: уготовайте брашно, яко еще три дни, и вы прейдете Иордан сей, вшедше прияти землю, юже Господь Бог отец ваших дает вам в причастие. 006 JOS 001 012 И Рувиму и Гаду и полуплемени Манассиину рече Иисус: 006 JOS 001 013 помяните слово, еже заповеда вам Моисей раб Господень, глаголя: Господь Бог ваш упокои вас и даде вам землю сию: 006 JOS 001 014 жены ваши и дети ваши и скоти ваши да живут на земли, юже даде вам Моисей у Иордана: вы же прейдете вооружени пред братиею вашею, всяк крепок, и споборствуете им, 006 JOS 001 015 дондеже упокоит Господь Бог ваш братию вашу, якоже и вас, и наследят и сии землю, юже Господь Бог ваш дает им: и отидете кийждо в наследие свое, и наследите е, еже даде вам Моисей об Ону страну Иордана от востоков солнца. 006 JOS 001 016 И отвещавше Иисусу, реша: вся, елика заповеси нам, сотворим, и во всякое место, аможе послеши нас, пойдем: 006 JOS 001 017 по всем, елика слушахом Моисеа, тебе послушаем: токмо да будет Господь Бог наш с тобою, якоже бе с Моисеем: 006 JOS 001 018 человек же, иже аще не покорится тебе и иже не послушает словес твоих, якоже заповеси ему, да умрет: точию крепися и мужайся. 006 JOS 002 001 И посла Иисус сын Навин из Саттина два юношы соглядати втай, глаголя: взыдите и видите землю и Иерихон. И шедша два юношы внидоста во Иерихон и внидоста в дом жены блудницы, ейже имя Раав: и витаста тамо. 006 JOS 002 002 И поведаша царю Иерихонскому, глаголюще: се, мужие внидоша семо (в сию нощь) от сынов Израилевых соглядати землю. 006 JOS 002 003 И посла царь Иерихонский и рече к Рааве, глаголя: изведи мужы вшедшыя в дом твой нощию: соглядати бо землю приидоша. 006 JOS 002 004 И поемши жена два мужа, сокры их: и рече им, глаголющи: приидоша ко мне мужие, но не вем откуду быша: 006 JOS 002 005 егда же врата затворяху в сумраки, и мужие изыдоша: не вем камо поидоша: пожените скоро вслед их, аще постигнете их. 006 JOS 002 006 Она же возведе я на храмину и сокры я в паздере льняне собранем у нея на храмине. 006 JOS 002 007 И мужие гнаша вслед их путем ко Иордану к преходом, и врата затворены быша. 006 JOS 002 008 И бысть егда изыдоша женущии вслед их, и сии прежде неже уснути им, и она взыде к ним на храмину и рече к ним: 006 JOS 002 009 вем, яко предаде Господь землю (сию) вам: нападе бо страх ваш на ны, и ужасошася вси обитающии на земли от лица вашего: 006 JOS 002 010 слышахом бо, яко изсуши Господь Бог море Чермное пред лицем вашим, егда исхождасте из Египта, и елика сотвористе двоим царем Аморрейским, иже быша об ону страну Иордана, Сиону и Огу, ихже потребисте: 006 JOS 002 011 и слышавше мы ужасохомся в сердцы нашем, и не ста ктому дух ни во единем от нас от лица вашего: яко Господь Бог ваш, Бог на небеси горе и на земли доле: 006 JOS 002 012 и ныне кленитеся мне Господем Богом (вашим), яко аз творю милость вам, да сотворите и вы милость в дому отца моего, и дадите ми знамение истинно: 006 JOS 002 013 и оживите дом отца моего, и матерь мою, и братию мою, и сестры моя, и вся, елика суть им, и измите душы нашя от смерти. 006 JOS 002 014 И рекоша ей мужие: душа наша вместо вас на смерть, аще ныне не объявиши нас. Она же рече: и будет егда предаст Господь вам град (сей), сотворите мне милость и истину. 006 JOS 002 015 И свеси их на верве окном: яко дом ея при стене, и при стене сия живяше: 006 JOS 002 016 и рече им: отидите в гору, да не срящут вас гонящии, и скрыйтеся тамо три дни, дондеже возвратятся гонящии вслед вас: и по сих отидете в путь ваш. 006 JOS 002 017 И реша к ней мужие: неповинни есмы клятве сей твоей, еюже закляла еси нас: 006 JOS 002 018 се, мы входим в часть града, и поставиши знамение, вервь червлену, сию да обяжеши у окна, имже спустила еси нас: отца же твоего и матерь твою, и братию твою и весь дом отца твоего да собереши к себе в дом твой: 006 JOS 002 019 и будет всяк, иже аще изыдет из дверий дому твоего вон, сам себе повинен будет, мы же неповинни (будем) клятве твоей сей: и елицы аще с тобою будут в дому твоем, мы будем повинни, аще рука прикоснется их: 006 JOS 002 020 аще же кто нас обидит, или открыет словеса наша сия, будем неповинни клятве твоей сей, еюже закляла еси нас. 006 JOS 002 021 И рече им: по словеси вашему тако да будет. И отпусти их, и отидоша: и привяза вервь червлену у окна. 006 JOS 002 022 И отидоша, и проидоша в гору, и пребыша тамо три дни, дондеже возвратишася гнавшии. И искаша гонящии по всем путем, и не обретоша. 006 JOS 002 023 И возвратистася два юношы и снидоста с горы: и преидоста (Иордан) ко Иисусу сыну Навину, и поведаста ему вся случившаяся има: 006 JOS 002 024 и реста ко Иисусу: яко предаде Господь Бог наш в руце наши всю землю, и убояшася вси живущии на земли той от нас. 006 JOS 003 001 И воста заутра Иисус, и воздвигошася из Саттина, и приидоша до Иордана той и вси сынове Израилевы, и сташа тамо прежде неже прейти. 006 JOS 003 002 И бысть по триех днех, проидоша книгочия чрез полк, 006 JOS 003 003 и заповедаша людем, глаголюще: егда узрите кивот завета Господа Бога нашего, и жерцы нашя, и левиты воздвизающыя его, да воздвигнетеся и вы от мест ваших и пойдете вслед его: 006 JOS 003 004 но подалее да будет между вами и оным, елико две тысящы лакот станете: не приближитеся к нему, да увесте путь, по немуже пойдете: не ходисте бо путем тем ни вчера, ни третияго дне. 006 JOS 003 005 И рече Иисус к людем: очиститеся наутрие, яко заутра сотворит в вас Господь чудная. 006 JOS 003 006 И рече Иисус к жерцем: воздвигните кивот завета Господня и предидите пред людьми. И взяша жерцы кивот завета Господня и идоша пред людьми. 006 JOS 003 007 И рече Господь ко Иисусу: в сей день начинаю возвышати тя пред всеми сынми Израилевыми, да уведят, якоже бех с Моисеом, тако буду и с тобою: 006 JOS 003 008 и ныне заповеждь жерцем воздвизающым кивот завета, глаголя: егда внидете на часть воды Иордана, и во Иордане станете. 006 JOS 003 009 И рече Иисус сыном Израилевым: приступите семо, и слышите слово Господа Бога вашего: 006 JOS 003 010 в сих увесте, яко Господь живяй в вас и потребляяй потребит от лица вашего Хананеа и Хеттеа, и Ферезеа и Евеа, и Гергесеа и Аморреа и Иевусеа: 006 JOS 003 011 се, кивот завета Господа всея земли преходит Иордан: 006 JOS 003 012 изберите себе дванадесять мужей от сынов Израилевых, единаго от коегождо племене, 006 JOS 003 013 и будет егда почиют нози жерцев воздвизающих кивот завета Господа всея земли в воде Иордана, вода Иорданова оскудеет, вода же низтекущая станет. 006 JOS 003 014 И бысть егда воздвигнушася людие от кущ своих прейти Иордан, жерцы же воздвигоша кивот завета Господня пред людьми: 006 JOS 003 015 егда же внидоша жерцы воздвижуще кивот завета Господня во Иордан, и нози жерцев воздвизающих кивот завета Господня омочишася в части воды Иордана, Иордан же наполняшеся во вся краи своя, якоже во дни жатвы пшеницы: 006 JOS 003 016 и сташа воды текущыя свыше, ста огустение едино отлучившееся далече зело зело от Адами града даже до страны Кариафиарима: низтекущая же низтече в море Аравско, в море Сланое, дондеже до конца оскуде. 006 JOS 003 017 И людие стояху прямо Иерихону. И сташа жерцы воздвизающии кивот завета Господня на сусе посреде Иордана: и вси сынове Израилевы прехождаху по суху, дондеже скончаша вси людие преходяще Иордан. 006 JOS 004 001 И егда скончаша вси людие преходяще Иордан, и рече Господь к Иисусу, глаголя: 006 JOS 004 002 поими дванадесять мужей от людий, мужа единаго от коегождо племене, 006 JOS 004 003 повели им, глаголя: возмите от среды Иордана, идеже стояша нози жречестии, готовых дванадесять каменей, и изнесше я с собою, положите в полце вашем, идеже станете тамо в нощи. 006 JOS 004 004 И призвав Иисус дванадесять мужей славных от сынов Израилевых, единаго от коегождо племене, рече им: 006 JOS 004 005 идите предо мною пред лицем Господним в средину Иордана: и взем оттуду кийждо камень един да возложит на рамена своя, по числу племен (сынов) Израилевых: 006 JOS 004 006 да будут вам сии в знамение посреде вас лежаще всегда, да егда вопросит тебе утро сын твой, глаголя: что суть камение сие вам? 006 JOS 004 007 И ты возвестиши сыну твоему, глаголя: яко оскуде Иордан река от лица кивота завета Господа всея земли, егда прехождаше его, и изсяче вода Иорданова: и будут вам камение сие в память сынов Израилевых даже до века. 006 JOS 004 008 И сотвориша тако сынове Израилевы, якоже заповеда Господь Иисусу: и вземше дванадесять каменей от среды Иордана, якоже заповеда Господь Иисусу в скончании прехождения сынов Израилевых, и принесоша их с собою в полк, и положиша их тамо. 006 JOS 004 009 Постави же Иисус и другия дванадесять каменей в самем Иордане на месте, идеже стояху нози жерцев воздвизающих кивот завета Господня, и суть тамо даже до сего дне. 006 JOS 004 010 Стояху же жерцы воздвизающии кивот завета Господня во Иордане, дондеже сконча Иисус вся, елика заповеда Господь Иисусу поведати людем, по всем, елика заповеда Моисей Иисусу: и потщашася людие, и преидоша. 006 JOS 004 011 И бысть егда скончаша вси людие преходити (Иордан), прейде и кивот завета Господня, и камение пред ними. 006 JOS 004 012 И преидоша сынове Рувимли и сынове Гадовы и пол племене Манассиина устроены пред сынми Израилевы, якоже заповеда им Моисей: 006 JOS 004 013 четыредесять тысящ вооружени на рать преидоша пред Господем на брань ко граду Иерихону. 006 JOS 004 014 В той день возвеличи Господь Иисуса пред всем родом Израилевым: и бояхуся его, якоже бояхуся Моисеа, елико время поживе. 006 JOS 004 015 И рече Господь ко Иисусу, глаголя: 006 JOS 004 016 заповеждь жерцем, воздвизающым кивот завета свидения, изступити из Иордана. 006 JOS 004 017 И заповеда Иисус жерцем, глаголя: изыдите из Иордана. 006 JOS 004 018 И бысть егда изыдоша жерцы воздвизающии кивот завета Господня от среды Иордана, и поставиша ноги на сусе, и устремися вода Иорданова на место и пойде якоже вчера и третияго дне по всему краю. 006 JOS 004 019 И людие взыдоша от Иордана в десятый день перваго месяца: и ополчишася сынове Израилевы в Галгалех на стране, яже на восток солнца от Иерихона. 006 JOS 004 020 И дванадесять камения сия, яже взя от Иордана, постави Иисус в Галгалех, и рече к сыном Израилевым, глаголя: 006 JOS 004 021 егда вопросят вас сынове ваши, глаголюще: что суть камение сие? 006 JOS 004 022 Возвестите сыном вашым: яко по суху прейде Израиль Иордан сей, 006 JOS 004 023 изсушившу Господу Богу вашему воду Иорданю пред ними, дондеже преидоша, якоже сотвори Господь Бог ваш Чермному морю, еже изсуши Господь Бог ваш пред вами, дондеже преидохом: 006 JOS 004 024 да уведят вси языцы земнии, яко рука Господня крепка есть, и вы да чтете Господа Бога вашего во всякое время. 006 JOS 005 001 И бысть егда услышаша царие Аморрейстии, иже бяху об ону страну Иордана, и царие Финическии, иже бяху близ моря, яко изсуши Господь Бог Иордан реку пред сыны Израилевыми, внегда преходити им, и истаяша мысли их, и ужасошася, и не бяше в них смышления ни единаго от лица сынов Израилевых. 006 JOS 005 002 В сие же время рече Господь Иисусу: сотвори себе ножи каменны от камене остраго, и сед обрежи сыны Израилевы второе. 006 JOS 005 003 И сотвори Иисус себе ножи каменны остры и обреза сыны Израилевы на месте нареченнем Холм обрезания. 006 JOS 005 004 И тако обреза Иисус сыны Израилевы: елицы тогда родишася на пути, и елицы тогда не обрезани быша от изшедших из Египта, всех сих обреза Иисус: вси людие изшедшии из Египта мужеска полу, вси мужие ратнии измроша в пустыни на пути, внегда изыдоша из Египта: 006 JOS 005 005 яко обрезани быша вси людие изшедшии, вси же людие, иже родишася в пустыни на пути, егда изыдоша из Египта, не обрезани быша: 006 JOS 005 006 четыредесять бо и два лета хождаше Израиль в пустыни Мавдаритиде: сего ради не обрезани быша мнози от тех воинов изшедших из земли Египетския, не послушавшии заповедий Господних, имже и определи Господь не видети земли, еюже клятся Господь отцем их дати нам землю кипящую медом и млеком: 006 JOS 005 007 вместо же сих постави сыны их, ихже обреза Иисус, яко скончаныя плоти бяху им, яко родишася на пути не обрезани: 006 JOS 005 008 обрезавшеся же покой имяху тамо седяще в полце, дондеже исцелишася. 006 JOS 005 009 И рече Господь Иисусу: в днешний день отях поношение Египетско от вас. И нарече имя месту тому Галгала, даже до сего дне. 006 JOS 005 010 И ополчишася сынове Израилевы в Галгалех и сотвориша Пасху в четвертыйнадесять день месяца от вечера на западе на поли Иерихонстем, 006 JOS 005 011 и ядоша от пшеницы земли оноя опресноки и новая: 006 JOS 005 012 в той день преста манна, повнегда ядоша от пшеницы земли, и ктому не бысть сыном Израилевым манны: но ядоша от плодов земли Финическия в лето оное. 006 JOS 005 013 И бысть егда бяше Иисус у Иерихона, и воззрев очима своима, виде человека стояща пред ним, и мечь его обнажен в руце его. И приступив Иисус, рече ему: наш ли еси, или от сопостат наших? 006 JOS 005 014 Он же рече ему: аз архистратиг силы Господни, ныне приидох (семо). И Иисус паде лицем своим на землю и поклонися ему, и рече: господи, что повелеваеши рабу твоему? 006 JOS 005 015 И рече архистратиг Господень ко Иисусу: иззуй сапог с ногу твоею: место бо, на немже ты стоиши, свято есть. И сотвори Иисус тако. 006 JOS 006 001 Иерихон же заключен и огражден бысть от лица сынов Израилевых: и никтоже из него исхождаше, ниже вхождаше. 006 JOS 006 002 И рече Господь ко Иисусу: се, Аз предаю тебе в руце Иерихон и царя его, и сущыя в нем, сильны крепостию: 006 JOS 006 003 и обходите град окрест вси мужие крепцыи единою (на день), тако сотворите шесть дний: 006 JOS 006 004 и седмь жерцы да возмут седмь труб рожаных пред кивотом: и в седмый день оыдите град седмижды, и жерцы да вострубят в трубы рожаны: 006 JOS 006 005 и будет егда вострубите трубою рожаною, внегда услышати вам глас трубы, да воскликнут вси людие: и воскликнувшым им, падут сами стены града во основании своем, и внидут вси людие устремившеся кийждо прямо себе во град. 006 JOS 006 006 И вниде Иисус сын Навин к жерцем сынов Израилевых и рече им глаголя: возмите кивот завета Господня, и седмь жерцы да возмут седмь труб рожаных пред лицем кивота Господня. 006 JOS 006 007 И рече им глаголя: повелите людем оыти и окружити град, и воини да предидут вооружени пред кивотом Господним. 006 JOS 006 008 И бысть егда рече Иисус к людем, и седмь жерцы имуще седмь труб священных да предидут такожде пред Господем, и да вострубят доброгласно: и кивот завета Господня вслед по них да идет: 006 JOS 006 009 воини же да предидут напреди, и жерцы трубяще в трубы, и последующии созади кивота завета Господня бяху идуще и трубяще трубами. 006 JOS 006 010 Людем же заповеда Иисус, глаголя: не вопите, ниже да слышит кто гласа вашего, ниже да изыдет из уст ваших слово до дне, в оньже повелю вам сам воскликнути, и тогда воскликните. 006 JOS 006 011 И обшед кивот завета Божия окрест града (единою), абие иде в полк, и ста тамо. 006 JOS 006 012 Во вторый же день воста Иисус заутра, и воздвигоша жерцы кивот завета Господня. 006 JOS 006 013 И жерцы седмь носящии седмь труб предидяху пред кивотом Господним и трубиша трубами, и воини вооружени идяху, и прочии людие вслед кивота завета Господня идуще, и жерцы вострубиша трубами рожаными. 006 JOS 006 014 И обыдоша град в день вторый единою, и поидоша паки в полк: сице творяху шесть дний. 006 JOS 006 015 И бысть в седмый день, восташа в востание утреннее, и обыдоша град в той день седмижды. 006 JOS 006 016 И бысть во обхождении седмем вострубиша жерцы трубами, и рече Иисус к сыном Израилевым: воскликните, предаде бо Господь вам град: 006 JOS 006 017 и будет град сей проклят, и вся, елика суть в нем, Господу сил: токмо Раав блудницу снабдите ю, и вся, елика суть в дому ея, яко сокры прелагатаи, ихже посылахом: 006 JOS 006 018 но вы соблюдитеся от клятвы, да не когда помысливше вы возмете от клятвы, и сотворите полк сынов Израилевых клятву, и потребите ны: 006 JOS 006 019 злато же все и сребро, и медь и железо свято да будет Господу: в сокровище Господне да внесется. 006 JOS 006 020 И вострубиша жерцы трубами: егда же услышаша людие глас трубный, воскликнуша вси купно людие гласом великим и сильным: и падоша вся стены града окрест, и внидоша вси людие во град, кийждо противу себе, и прияша град. 006 JOS 006 021 И прокля и Иисус, и елика быша во граде, от мужеска полу и до женска, от юноши и до старца, и от телца до овцы и до осляте, все под мечь. 006 JOS 006 022 И двоим юношам соглядавшым землю рече Иисус: внидите в дом жены блудницы, и изведите ю оттуду, и вся, елика суть ея, якоже клястеся ей. 006 JOS 006 023 И внидоста два юношы соглядавшии град в дом жены, и изведосте Раав блудницу, и отца ея и матерь ея, и братию ея и все сродство ея, и вся елика быша ей, изведоста и постависта я вне полка Израилева. 006 JOS 006 024 И град сожгоша огнем со всем, еже бе в нем, кроме злата и сребра, меди и железа, яже отдаша в дом Господень внести Господеви. 006 JOS 006 025 И Раав блудницу и весь дом ея отеческий остави живы Иисус, и обитати сотвори во Израили даже до дне сего, понеже сокры прелагатаи, ихже посла Иисус соглядати Иерихона. 006 JOS 006 026 И прокля Иисус в той день, глаголя: проклят человек пред Господем, иже поставит и созиждет град сей Иерихон: на первенце своем оснует его, и на меншем своем поставит врата его. И сице сотвори Азан, иже от Вефиля: на Авироне первенце своем основа и, и на меншем спасенем постави врата его. 006 JOS 006 027 И бяше Господь со Иисусом, и бе имя его по всей земли. 006 JOS 007 001 И прегрешиша сынове Израилевы прегрешением великим, и взяша от клятвы: взя бо Ахар сын Хармии, сына Замврии, сына Зары, от племене Иудина, от клятвы. И разгневася Господь яростию на сыны Израилевы. 006 JOS 007 002 И посла Иисус мужы от Иерихона в Гай, иже есть противу Вифавн на восток Вефиля, и рече им, глаголя: шедше соглядайте землю. И идоша мужие и соглядаша Гай. 006 JOS 007 003 И возвратишася ко Иисусу и рекоша ему: да не идут вси людие, но яко две тысящы или три тысящы мужей да идут и да воюют Гай: да не ведеши тамо всех людий, мало бо есть их (тамо). 006 JOS 007 004 И идоша от людий тамо, аки три тысящы мужей, и побегоша от лица мужей Гайских: 006 JOS 007 005 и убиша от них мужие Гайстии яко тридесять и шесть мужей, и отгнаша их от врат, дондеже сокрушиша их на стремнине: и ужасеся сердце людий, и бысть яко вода. 006 JOS 007 006 И растерза Иисус ризы своя, и паде на земли на лице свое пред Господем даже до вечера, сам и старцы Израилевы: и посыпаша персть на главы своя. 006 JOS 007 007 И рече Иисус: молюся, Господи Господи, вскую преведе раб Твой люди сия чрез Иордан предати их Аморреом на погубление? От, да быхом пребыли и вселилися у Иордана: 006 JOS 007 008 Господи, что реку? Понеже отврати Израиль выю свою пред враги своими: 006 JOS 007 009 и услышав Хананей и вси живущии на земли обыдут нас и потребят нас от земли: и что сотвориши имени Твоему великому? 006 JOS 007 010 И рече Господь ко Иисусу: востани, вскую ты пал еси на лице твое? 006 JOS 007 011 Согрешиша людие и преступиша завет Мой, егоже завещах к ним, и украдше от клятвы, скрыша в сосудех своих: 006 JOS 007 012 сего ради не могут сынове Израилевы стати пред лицем врагов своих, но хребет обратят пред враги своими, яко клятвою сташася: не приложу ксему быти с вами, аще не измете клятвы от себе самих: 006 JOS 007 013 востав очисти люди и рцы: очиститеся на утро: яко сия глаголет Господь Бог Израилев: клятва есть в вас, не возможете стати пред враги вашими, дондеже измете от себе самих клятву: 006 JOS 007 014 и соберитеся вси заутра по племеном (вашым), и будет племя, еже покажет Господь, да приведете по сонмом: и сонм, егоже покажет Господь, да приведете по домом: и дом, егоже покажет Господь, да приведете по мужем: 006 JOS 007 015 и иже обличится, да сожжется огнем, сам и вся елика суть его, яко преступи завет Господень и сотвори беззаконие во Израили. 006 JOS 007 016 И воста Иисус заутра, и приведе людий по племеном: и обличися племя Иудино. 006 JOS 007 017 И приведеся по сонмом, и обличися сонм Зараин: и приведеся сонм Зараин по мужем, и обличися дом Замвриин. 006 JOS 007 018 И приведеся дом его по мужем, и обличися Ахар сын Хармиин сына Замвриина, сына Зараня, от племене Иудина. 006 JOS 007 019 И рече Иисус Ахару: сыне мой, даждь славу днесь Господу Богу Израилеву, и даждь Ему исповедание, и исповеждь ми, что сотворил еси, и не утай от мене. 006 JOS 007 020 И отвеща Ахар Иисусу и рече: поистинне аз согреших пред Господем Богом Израилевым: сице и сице сотворих: 006 JOS 007 021 видех в плене ризу красну и добру и двести дидрахм сребра, и сосуд един злат, пятьдесят дидрахм вес его: и помыслив на ня взях: и се, сия сокровенна суть в земли в кущи моей, и сребро сокровенно под ними. 006 JOS 007 022 И посла Иисус послы, и идоша в кущу в полк: и сия бяху сокровенна в кущи его, и сребро под ними, 006 JOS 007 023 и изнесоша я из кущи, и принесоша ко Иисусу и к старцем Израилевым, и положиша я пред Господем. 006 JOS 007 024 И взя Иисус Ахара сына Зараня, и сребро и ризу и сосуд златый, и возведе его в дебрь Ахор, и сыны его и дщери его, и телцы его и ослята его и вся овцы его, и кущу его и вся имения его, и весь Израиль по нем: и возведе я (со всем) во емек Ахор. 006 JOS 007 025 И рече Иисус Ахару: почто потребил еси нас? Да потребит тя Господь, якоже и днесь. И побиша его камением весь Израиль, и сожгоша вся огнем, и наметаша их камением, 006 JOS 007 026 и наметаша на нем громаду камения велику. И преста Господь от ярости гнева Своего. Сего ради прозвася имя месту тому емек Ахор даже до дне сего. 006 JOS 008 001 И рече Господь ко Иисусу: не бойся, ниже ужасайся: поими с собою вся мужы воинския, и востав взыди в Гай: се, предах в руце твои царя Гайска и землю его, и люди его и град его: 006 JOS 008 002 и да сотвориши Гаю и царю его, якоже сотворил еси Иерихону и царю его: и плен его и скоты его да плениши себе: устрой же себе подсаду граду за собою. 006 JOS 008 003 И воста Иисус и вси мужие воинстии, да внидут в Гай: и избра Иисус тридесять тысящ мужей воинских сильных крепостию и посла их нощию, 006 JOS 008 004 и заповеда им, глаголя: вы скрыйтеся за градом: не далече будите от града зело, и будите вси готови: 006 JOS 008 005 аз же и вси людие иже со мною приступим ко граду: и будет егда изыдут живущии в Гаи в сретение нам, якоже и прежде, и побегнем от лица их: 006 JOS 008 006 и егда изыдут вслед нас, отторгнем их от града: и рекут: бежат сии от лица нашего, якоже и прежде: 006 JOS 008 007 вы же востанете от подсады, и пойдете во град, и предаст его Господь Бог наш в руце ваши: 006 JOS 008 008 и будет егда возмете град, запалите его огнем, по словеси сему сотворите: се, заповедаю вам. 006 JOS 008 009 И посла их Иисус, и идоша в подсаду: и седоша между Вефилем и между Гаием, от моря Гаиа. 006 JOS 008 010 И востав Иисус заутра, согляда люди: и взыде сам и старцы Израилтестии пред людьми в Гай. 006 JOS 008 011 И вси людие воинстии с ним взыдоша, и идуще приидоша сопротив града от востоков: и подсады града от моря. 006 JOS 008 012 И ополчишася от севера Гаиа, и (бысть) дебрь между ими и между Гаием. И взя яко пять тысящ мужей, и положи их на подсаду между Вефилем и Гаием от запада Гаиа. 006 JOS 008 013 И поставиша людие весь полк от севера града, а прочая его от моря града. И пойде Иисус в нощь ону посреде дебри. 006 JOS 008 014 И бысть егда увиде царь Гайский, потщася, и воста рано и изыде в сретение им прямо на брань, сам и вси людие его с ним во время, пред лицем подсады: он же не ведяше, яко подсада ему есть за градом (его). 006 JOS 008 015 И увиде, и отиде Иисус и весь люд от лица их, и побеже путем пустыни, 006 JOS 008 016 и укрепися весь люд гнати вслед их, и погнаша вслед сынов Израилевых, и отступиша от града. 006 JOS 008 017 (И) не остася никтоже в Гаи и Вефили, иже не погна вслед Израиля: и оставиша град отверст, и гнаша вслед Израиля. 006 JOS 008 018 И рече Господь ко Иисусу: простри руку твою с копием, еже в руце твоей, на град, зане в руку твою предах его: и подсады востанут вскоре от места своего. И простре Иисус руку свою и с копием на град. 006 JOS 008 019 И подсады восташа скоро от места своего: и изыдоша, егда простре руку, и внидоша во град, и взяша его: и потщавшеся запалиша град огнем. 006 JOS 008 020 И озревшеся обитатели Гайстии вспять себе, узреша дым восходящь от града до небесе, и ктому не имеша камо побегнути, семо или овамо: людие же бегущии в пустыню обратишася на гонящих. 006 JOS 008 021 Иисус же и весь Израиль увидеша, яко взяша подсады град, и яко восходит дым градный до небесе: и обратившеся избиша мужей Гайских. 006 JOS 008 022 И сии изыдоша из града противу им, и быша посреде полка Израилева, сии отсюду и сии отюнуду: и избиша их, дондеже не остася ни един от них цел, ни убежа. 006 JOS 008 023 И царя Гайска яша жива, и приведоша его ко Иисусу. 006 JOS 008 024 И бысть егда престаша сынове Израилевы секуще всех сущих в Гаи и сущих на полях и на горе исхода, идеже гониша их, и падоша вси острием меча на ней до конца: и обратися Иисус в Гай и посече их мечем. 006 JOS 008 025 И быша вси падшии в той день от мужеска полу и до женска дванадесять тысящ, вси живущии в Гаи. 006 JOS 008 026 Иисус же не обрати руки своея, юже простре с копием, дондеже прокля всех обитающих в Гаи. 006 JOS 008 027 Кроме скотов (их) и имения, яже во граде онем, вся плениша себе сынове Израилевы по повелению Господню, якоже повеле Господь Иисусу. 006 JOS 008 028 И запали град Иисус огнем: землю необитаему во век положи его даже до сего дне. 006 JOS 008 029 И царя Гайска повеси на древе сугубем: и бяше на древе до вечера: и заходящу солнцу повеле Иисус, и сняша тело его с древа, и повергоша и в ров пред враты града: и насыпа над ним громаду велику камения даже до сего дне. 006 JOS 008 030 Тогда созда Иисус олтарь Господу Богу Израилеву на горе Гевал, 006 JOS 008 031 якоже заповеда Моисей раб Господень сыном Израилевым, и якоже написася в законе Моисеове, олтарь от камений всецелых, на нихже не возложися железо: и вознесе тамо всесожжения Господу и жертву спасения. 006 JOS 008 032 И написа Иисус на камениих вторый закон, закон Моисеов, егоже написа пред сыны Израилевыми. 006 JOS 008 033 И весь Израиль, и старцы их и судии их и книгочия их предходяху сюду и сюду пред кивотом, и жерцы и левити воздвизаша кивот завета Господня, пришелец же и туземец: иже быша половина их близ горы Гаризин, и половина их близ горы Гевал, якоже заповеда Моисей раб Господень благословити людий Израилевых в первых. 006 JOS 008 034 И по сих тако прочте Иисус вся словеса закона сего, благословения и клятвы, по всему написанному в законе Моисеове. 006 JOS 008 035 Не бяше словесе от всех, яже заповеда Моисей Иисусу, егоже не прочте Иисус во уши всего сонма сынов Израилевых, мужем и женам, и детем и пришелцем приходящым ко Израилю. 006 JOS 009 001 Егда же услышаша вси царие Аморрейстии, иже об ону страну Иордана, иже в горней и иже в равней, и иже во всем примории моря великаго и иже при Антиливане, и Хеттеи и Аморреи, и Гергесеи и Хананеи, и Ферезеи и Евеи и Иевусеи, 006 JOS 009 002 снидошася вкупе сещися со Иисусом и со Израилем единомысленно. 006 JOS 009 003 И живущии в холме в Гаваоне слышаша вся, елика сотвори Господь Иерихону и Гаю, 006 JOS 009 004 и сотвориша и сии с лукавством, и шедше уготоваша брашна и уготовашася: и вземше вретища ветха на ослы своя, и мехи вина ветхи и разседшыяся завязаны: 006 JOS 009 005 и сапоги ветхи и заплачены на ногу их, и ризы обветшаны на них, и хлебы брашна их беша пресохли и сплеснели и сдроблени. 006 JOS 009 006 И приидоша ко Иисусу в полк Израилев в Галгалы, и рекоша ко Иисусу и всему Израилю: от земли дальния приидохом, и ныне завещайте нам завет. 006 JOS 009 007 И рекоша сынове Израилевы к Хоррею: виждь, не посреде ли нас живеши, и како тебе завещаю завет? 006 JOS 009 008 И рекоша ко Иисусу: раби есмы твои. И рече к ним Иисус: откуду есте? И откуду приидосте? 006 JOS 009 009 И рекоша к нему: от дальния земли зело приидохом раби твои во имя Господа Бога твоего: слышахом бо имя Его и вся, елика сотвори во Египте, 006 JOS 009 010 и вся, елика сотвори двоим царем Аморрейским, иже быша об ону страну Иордана, Сиону царю Есевонску и Огу царю Васанску, иже живяше во Астарофе и во Едраине. 006 JOS 009 011 И слышавше рекоша к нам старцы наши и вси живущии на земли нашей, глаголюще: возмите себе брашно на путь и идите противу им, и рцыте к ним: раби есмы ваши, и ныне завещайте нам завет: 006 JOS 009 012 сии хлебы наши, теплыя на путь взяхом их от домов наших, в оньже день изыдохом приити к вам: ныне же пресхоша и быша содроблени: 006 JOS 009 013 и сии меси вина, ихже налияхом новы, и сии разседошася: и ризы нашя сия и обувища наша обетшаша от долгаго пути зело. 006 JOS 009 014 И взяша князи брашно их, а Господа не вопросиша. 006 JOS 009 015 И сотвори Иисус с ними мир, и устави к ним завет, еже снабдети их: и кляшася им князи сонма. 006 JOS 009 016 И бысть по триех днех по завещании к ним завета, услышаша, яко близ их суть и яко посреде их живут. 006 JOS 009 017 И восташа сынове Израилевы и внидоша во грады их в третий день: гради же их (бяху) Гаваон и Кефира, и Вирот и град Иарим. 006 JOS 009 018 И не сотвориша с ними рати (Иисус и) сынове Израилевы, яко кляшася им вси князи сонма Господем Богом Израилевым. И ропташа весь сонм Израилев на князей. 006 JOS 009 019 И рекоша вси князи всему сонму: мы кляхомся им Господем Богом Израилевым, и ныне не возможем коснутися их: 006 JOS 009 020 сие сотворим им, еже живити их, и снабдим их, и не будет на нас гнева клятвы ради, еюже кляхомся им. 006 JOS 009 021 И рекоша им князи: да живут сии, и будут древосечцы и водоносцы всему сонму. И сотвори весь сонм, якоже рекоша им князи. 006 JOS 009 022 И созва их Иисус и рече им, глаголя: почто прельстисте мя, глаголюще: далече есмы от тебе зело? Вы же населницы есте от живущих в нас: 006 JOS 009 023 и ныне прокляти есте: и не оскудеет от вас раб, ниже древосечец, ниже водоносец мне и Богу моему. 006 JOS 009 024 И отвещаша Иисусу, глаголюще: понеже возвестися нам (рабом твоим), елика заповеда Господь Бог твой Моисею рабу Своему, дати вам землю сию и потребити нас и вся живущыя на ней от лица вашего, сего ради убояхомся зело от душах наших от лица вашего, и сотворихом дело сие: 006 JOS 009 025 и ныне, се, мы подручни вам, якоже угодно есть вам, и якоже вам мнится, творите нам. 006 JOS 009 026 И сотвориша им сице: и избави я Иисус в той день от руку сынов Израилевых, и не убиша их. 006 JOS 009 027 И постави я Иисус в той день древосечцы и водоносцы всему сонму и олтарю Божию. Сего ради быша живущии в Гаваоне древосечцы и водоносцы олтарю Божию, даже до днешняго дне, и на месте еже аще изберет Господь. 006 JOS 010 001 Егда же услыша Адонивезек царь Иерусалимский, яко взя Иисус Гай и потреби его, якоже сотвори Иерихону и царю его, тако сотвори и Гаю и царю его, и яко сами вдашася живущии в Гаваоне ко Иисусу и ко Израилю, и быша в них, 006 JOS 010 002 и убояшася сами в себе зело: ведяху бо, яко град бяше велик Гаваон, яко един от великих градов, и вси мужие иже в нем крепцы. 006 JOS 010 003 И посла Адонивезек царь Иерусалимский к Еламу царю Хевронску и Фераану царю Иеримуфску, и ко Афию царю Лахисску, и к Давиру царю Одолламску, глаголя: 006 JOS 010 004 приидите, взыдите ко мне и помозите ми, да повоюем Гаваона: вдашася бо сами ко Иисусу и к сыном Израилевым. 006 JOS 010 005 И собрашася и взыдоша пять царей Иевусейских: царь Иерусалимский и царь Хевронский, и царь Иеримуфский и царь Лахисский и царь Одолламский, сами и вси людие их, и обседоша Гаваона и воеваша на него. 006 JOS 010 006 И послаша живущии в Гаваоне ко Иисусу в полк Израилев в Галгалы, глаголюще: не отрешай руки твоея от раб твоих: взыди к нам скоро и помози нам, и изми нас: яко собрани суть на ны вси царие Аморрейстии, живущии в горней. 006 JOS 010 007 И взыде Иисус от Галгал, сам и вси людие воинстии с ним, всяк сильный крепостию. 006 JOS 010 008 И рече Господь ко Иисусу: не убойся их, яко в руце твои предах я: не останет от них ни един пред вами. 006 JOS 010 009 И прииде на них Иисус внезапу: всю бо нощь иде от Галгал. 006 JOS 010 010 И ужаси я Господь от лица сынов Израилевых: и сокруши я Господь сокрушением великим в Гаваоне: и погнаша я путем восхода Вифоронска, и сечаху их даже до Азика и до Макида. 006 JOS 010 011 Внегда же бежати им от лица сынов Израилевых до восхода Вифоронска, и Господь верже на ня камение великое града с небесе даже до Азика, и бысть множае умерших от града каменна, неже убиенных от сынов Израилевых мечем на брани. 006 JOS 010 012 Тогда глагола Иисус ко Господу, в оньже день предаде Господь Бог Аморреа под руку Израилеву, егда сокруши их в Гаваоне, и сокрушишася от лица Израилева: и рече Иисус: да станет солнце прямо Гаваону, и луна прямо дебри Елон. 006 JOS 010 013 И ста солнце и луна в стоянии, дондеже отмсти Бог врагом их. Не сие ли есть писано в книгах Праведнаго: и ста солнце посреде небесе и не идяше на запад в совершение дне единаго? 006 JOS 010 014 И не бысть день таковый ниже прежде, ниже последи, еже послушати Богу тако гласа человеча, яко Господь споборствова Израилю. 006 JOS 010 015 И возвратися Иисус и весь Израиль с ним в полк в Галгалы. 006 JOS 010 016 И убегоша пять царие сии и скрышася в пещере яже в Макиде. 006 JOS 010 017 И поведаша Иисусу, глаголюще: обретошася пять царие скрывшиися в пещере яже в Макиде. 006 JOS 010 018 И рече Иисус: привалите камение велие ко устию пещеры и приставите над ними мужы стрещи их: 006 JOS 010 019 вы же не стойте зде, гоняще вслед врагов ваших, и постигните останок их, и не дадите внити им во грады их, предаде бо я Господь Бог наш в руце наши. 006 JOS 010 020 И бысть егда преста Иисус и вси сынове Израилевы секуще их сечением великим зело даже до конца, и уцелевшии от них внидоша во грады тверды. 006 JOS 010 021 И возвратишася вси людие в полк ко Иисусу в Макиду здрави, и не возскомле никтоже от сынов Израилевых языком своим. 006 JOS 010 022 И рече Иисус: отверзите устие пещеры и изведите ко мне пять царей сих из пещеры. 006 JOS 010 023 И сотвориша тако, и изведоша к нему пять царей из пещеры: царя Иерусалимска и царя Хевронска, и царя Иеримуфска и царя Лахисска и царя Одолламска. 006 JOS 010 024 И егда изведоша их ко Иисусу, и созва Иисус всего Израиля и началники воинския ходящыя с ним, глаголя к ним: приступите и наступите ногами вашими на выи царей сих. И приступивше наступиша ногами своими на выи их. 006 JOS 010 025 И рече к ним Иисус: не бойтеся их, ни ужасайтеся: мужайтеся и крепитеся, яко сице сотворит Господь всем врагом вашым, ихже вы повоюете. 006 JOS 010 026 И уби я Иисус, и повеси я на пяти древесех: и быша висяще на древах даже до вечера. 006 JOS 010 027 И бысть при захождении солнца, повеле Иисус, и сняша я с древес, и ввергоша я в пещеру, в нюже вбегоша тамо: и завалиша камением великим пещеру до днешняго дне. 006 JOS 010 028 Взяша же и Макиду в той день, и избиша ю острием меча и царя ея, и потребиша их и все дышущее еже бяше в ней: и не остася никтоже в ней цел и избегший. И сотвориша царю Макидску, якоже сотвориша царю Иерихонску. 006 JOS 010 029 И отиде Иисус и весь Израиль с ним от Макиды в Левну, и облеже Левну. 006 JOS 010 030 И предаде ю Господь в руце Израилю: и взяша ю и царя ея, и избиша ю острием меча, и все дышущее в ней: и не остася в ней ни един цел и избегший. И сотвориша царю ея, якоже сотвориша царю Иерихонску. 006 JOS 010 031 И отиде Иисус и весь Израиль с ним от Левны в Лахис, и облеже его, и воеваше нань. 006 JOS 010 032 И предаде Господь Лахис в руце Израилевы: и взя его в день вторый, и избиша его острием меча (и все дышущее в нем), и потребиша его, якоже сотвориша Левне. 006 JOS 010 033 Тогда взыде Орам царь Газерск, помогаяй Лахису: и порази его Иисус острием меча, и люди его, дондеже не остася от них ни един цел и избегший. 006 JOS 010 034 И отиде Иисус и весь Израиль с ним от Лахиса во Аглон, и облеже и, и воева на него. 006 JOS 010 035 И предаде и Господь в руце Израилю: и взя и в той день, и изби и острием меча, и все дышущее в нем уби, и сотвори ему якоже и Лахису. 006 JOS 010 036 И отиде Иисус и весь Израиль с ним в Хеврон, и обсяде и: 006 JOS 010 037 и взя его, и порази его острием меча, и царя его, и вся веси его, и вся дышущая елика бяху в нем: не бе уцелевый: якоже сотвориша Аглону, потребиша и и все дышущее, елика в нем бяху. 006 JOS 010 038 И обратися Иисус и весь Израиль с ним в Давир: и обседше и, 006 JOS 010 039 взяша его и царя его и вся веси его, и поразиша и мечем, и потребиша и и все дышущее в нем, и не оставиша в нем ни единаго уцелевша: якоже сотвориша Хеврону и царю его, тако сотвориша Давиру и царю его, и якоже сотвориша Левне и царю ея. 006 JOS 010 040 И порази Иисус всю землю горную и Нагев, и равную и Асидоф, и вся цари его: не оставиша в нем ни единаго уцелевша: и все дышущее потребиша, якоже заповеда Господь Бог Израилю. 006 JOS 010 041 И изби их Иисус от Кадис-Варни даже до Газы, и всю землю Госом даже до Гаваона: 006 JOS 010 042 и вся цари сия и землю их взя Иисус единою: яко Господь Бог Израилев помогаше Израилю. 006 JOS 010 043 И возвратися Иисус и весь Израиль с ним в полк в Галгалы. 006 JOS 011 001 Егда же услыша Иавин царь Асорск, посла ко Иоваву царю Мадонску, и к царю Семеронску и к царю Ахиавску, 006 JOS 011 002 и к царем иже в Сидоне велицем и в горней, и в Араву прямо Хенерефу, и на поляну, и в Нафеддор, 006 JOS 011 003 и к приморским Хананеам от восток, и к приморским Аморреом и Хеттеом, и Ферезеом и Иевусеом, иже на горе, и Евеом, и иже под Аермоном, в землю Массифа. 006 JOS 011 004 И изыдоша сии и царие их с ними, людие мнози, яко песок иже при краи моря множеством, и кони и колесницы многи зело. 006 JOS 011 005 И снидошася вси царие сии, и приидоша вкупе, и ополчишася при воде Маррон воевати на Израиля. 006 JOS 011 006 И рече Господь ко Иисусу: не убойся от лица их, яко заутра в сей час Аз предам их язвенных пред сыны Израилевы: конем их жилы пресечеши и колесницы их да сожжеши огнем. 006 JOS 011 007 И прииде Иисус и вси людие воинстии с ним на них к воде Марронстей внезапу, и нападоша на ня в горней. 006 JOS 011 008 И предаде их Господь под руце Израилевы: и секуще их, прогнаша даже до Сидона великаго и до Масрефоф-Маима и до поль Массифских к востоком: и изсекоша их, дондеже не остася в них ни един цел и избегший. 006 JOS 011 009 И сотвори им Иисус, якоже заповеда ему Господь: конем их жилы пресече и колесницы их сожже огнем. 006 JOS 011 010 И обратися Иисус в то время, и взя Асор, и царя его уби мечем: Асор бо бе прежде обладающий всеми царствы сими: 006 JOS 011 011 и изби все дышущее, еже в нем бысть, острием меча, и потребиша вся, и не остася в нем все дышущее: и Асор запалиша огнем. 006 JOS 011 012 И вся грады царств сих и вся цари их взя Иисус и изби я мечем, и потреби их, якоже повеле им Моисей раб Господень. 006 JOS 011 013 Но вся грады крепки не запали Израиль, точию Асор един запали Иисус. 006 JOS 011 014 И вся корысти их и вся скоты их плениша себе сынове Израилевы: людий же всех потребиша мечем, дондеже погубиша их, и не оставиша от них ни единаго дышущаго. 006 JOS 011 015 Якоже повеле Господь Моисею рабу Своему, тако Моисей заповеда Иисусу: и тако сотвори Иисус, не преступи ни единаго же от всех, яже заповеда Господь Моисею. 006 JOS 011 016 И взя Иисус всю землю горную и всю землю нагев, и всю землю Госомску, и равную, и яже на запад, и гору Израилеву, и поля яже при горе, 006 JOS 011 017 от горы Хелха, и яже восходит к Сеиру, и даже до Валгада, и поле Ливана под горою Аермон: и вся цари их взя и изби. 006 JOS 011 018 И многи дни сотвори Иисус с цари сими брань: 006 JOS 011 019 и не бе ни единаго града, егоже не предаде Господь сыном Израилевым, кроме Евеа обитающаго в Гаваоне: всех взяша бранию: 006 JOS 011 020 яко Господем бысть укрепитися их сердцу, сопротивитися на брани противу Израиля, да потребят их, яко да не дастся им милость, но да потребятся, якоже глагола Господь к Моисею. 006 JOS 011 021 И прииде Иисус в то время, и потреби (вся) Енакимы от горныя, от Хеврона и от Давира и от Анова, и от всея горы Израилевы и от всея горы Иудины, с грады их, и потреби я Иисус: 006 JOS 011 022 не остася ни един Енаким от сынов Израилевых, но точию в Газе и в Гефе и во Асидофе осташася. 006 JOS 011 023 И взя Иисус всю землю, якоже заповеда Господь Моисею: и даде ю Иисус в наследие Израилю, разделением по племеном их. И преста земля воюема быти. 006 JOS 012 001 И сии царие земли, ихже избиша сынове Израилевы и наследиша землю их об ону страну Иордана, от восток солнца, от дебри Арнонския даже до горы Аермон, и всю землю араву от восток: 006 JOS 012 002 Сиона царя Аморрейска, иже живяше во Есевоне, обладаяй от Ароира, иже есть в дебри Арнонстей от страны дебри, и пол (земли) Галаада даже до Иавока, (идеже) пределы сынов Аммоних: 006 JOS 012 003 и арава даже до моря Хенереф на востоки, и даже до моря арава, моря Солищнаго от восток, путем иже ко Вифсимофу, и от Фемана иже под Асидоф-Фасгою: 006 JOS 012 004 и Ог царь Васанский остася от Исполинов, иже обита во Астарофе и во Едраине, 006 JOS 012 005 обладаяй от горы Аермон, и от Селхи, и всею землею Васан даже до предел Гесури, и Махафи, и пол Галаада до предел Сиона царя Есевонска. 006 JOS 012 006 Моисей раб Господень и сынове Израилевы поразиша я: и даде ю Моисей раб Господень в наследие Рувиму и Гаду и полплемени Манассиину. 006 JOS 012 007 И сии царие Аморрейстии, яже изби Иисус и сынове Израилевы об ону страну Иордана, при мори Валгад на поли Ливана, и даже до горы Алок, восходящих в Сиир: и даде ю Иисус племеном Израилевым в наследие по жребию их, 006 JOS 012 008 на горе и на поли, и во Араве и во Асидофе, и в пустыни и во нагеве, Хеттеа и Аморреа, и Хананеа и Ферезеа, и Евеа и Иевусеа: 006 JOS 012 009 царя Иерихонска и царя Гайска, иже есть близ Вефиля, 006 JOS 012 010 царя Иерусалимска, царя Хевронска, 006 JOS 012 011 царя Иеримуфска, царя Лахисска, 006 JOS 012 012 царя Еглонска, царя Газерска, 006 JOS 012 013 царя Давирска, царя Гадерска, 006 JOS 012 014 царя Ермафска, царя Адерска, 006 JOS 012 015 царя Левнска, царя Одолламска, 006 JOS 012 016 царя Макидска, царя Вефилска, 006 JOS 012 017 царя Апфуска, царя Оферска, 006 JOS 012 018 царя Афекска, царя Хесаромска, 006 JOS 012 019 царя Самвронска, царя Фувска, 006 JOS 012 020 царя Маронска, царя Ахсафска, 006 JOS 012 021 царя Фанахска, царя Магдедонска, 006 JOS 012 022 царя Кедесска, царя Иеконама Хермела, 006 JOS 012 023 царя Адорска Нафеддоря, 006 JOS 012 024 царя Гоимска Гелгеля, царя Ферска. Вси сии царие тридесять един. 006 JOS 013 001 Иисус же состареся прошед дни. И рече Господь ко Иисусу: ты состарелся еси денми, и земля остася многа в наследие: 006 JOS 013 002 и сия земля оставшаяся: пределы Филистимли, Гесури и Хананей, 006 JOS 013 003 от Необитаемыя, яже от лица Египта даже до предел Аккаронских ошуюю Хананеов, причисляется пятим областем Филистимским: Газеу и Азотию, и Аскалониту и Гетфею, и Аккарониту и Евею: 006 JOS 013 004 от Феман и всей земли Ханаанстей прямо Газе, и Сидонии даже до Афека, даже до предел Аморрейских: 006 JOS 013 005 и всю землю Гавли Филистимлю, и весь Ливан от восток солнца, от Галгал под горою Аермон даже до входа Емаф: 006 JOS 013 006 всяк обитающий в горней от Ливана даже до Масрефофмаима, всех Сидонян Аз потреблю от лица Израилева: но раздай ю во жребий Израилю, якоже заповедах тебе: 006 JOS 013 007 и ныне раздели землю сию в наследие девяти племеном и полплемени Манассиину от Иордана даже до моря великаго, к западу солнца даси ю: море великое предел будет. 006 JOS 013 008 Дву же племеном и полуплемени Манассиину, Рувиму и Гаду, даде Моисей об ону страну Иордана: к востоком солнца даде им Моисей раб Господень, 006 JOS 013 009 от Ароира, иже есть на устии водотечи Арнони, и град иже посреде дебри, и весь Мисор от Медавана: 006 JOS 013 010 вся грады Сиона царя Аморрейска, иже царствова во Есевоне, даже до предел сынов Аммоних: 006 JOS 013 011 и Галаад, и пределы Гесури, и Махафи, всю гору Аермон, и всю Васанитску до Елхи: 006 JOS 013 012 все царство Огово в Васанитиде, иже царствова во Астарофе и во Едраине: сей остася (един) от Исполинов, и уби его Моисей, и потреби. 006 JOS 013 013 И не потребиша сынове Израилевы Гесура и Махафа и Хананеа: и живяше царь Гесури и Махафи в сынех Израилевых даже до сего дне. 006 JOS 013 014 Токмо племени Левиину не дадеся наследие: Господь Бог Израилев, сам наследие их, якоже рече им Господь. И сие разделение, еже раздели Моисей сыном Израилевым (по племеном их) во Аравофе Моавли об ону страну Иордана противу Иерихона. 006 JOS 013 015 И даде Моисей племени сынов Рувимлих по сонмом их: 006 JOS 013 016 и быша им пределы от Ароира, иже есть прямо дебри Арнонския, и град, иже есть в дебри Арнонстей, 006 JOS 013 017 и всю землю Мисорску даже до Есевона, и вся грады иже суть в мисоре, и Девор, и Вамоф-Ваал, и домы Веелмони, 006 JOS 013 018 и Иасса и Кедимофа и Мифааф, 006 JOS 013 019 и Кариафем и Севама, и Сарф и Сиор на горе Енак, 006 JOS 013 020 и Веффогор и Асидоф-Фасга и Вифсимуф, 006 JOS 013 021 и вся грады Мисорски, и все царство Сиона царя Аморрейска, егоже уби Моисей самаго, и старейшины Мадиамли, и Евиа и Рокома, и Сура и Ура и ровека, князи Сиорския, и живущих на земли (той): 006 JOS 013 022 и Валаама сына Веорова волхва убиша мечем сынове Израилевы в сражении. 006 JOS 013 023 Быша же пределы Рувимли, Иордан предел. Сие наследие сынов Рувимлих по сонмом их, грады их и села их. 006 JOS 013 024 Даде же Моисей сыном Гадовым по сонмом их, 006 JOS 013 025 и быша им пределы Иазир: вси гради Галаади и полземли сынов Аммоних до Ароира, иже есть пред лицем Раввафа: 006 JOS 013 026 и от Есевона до Рамофа к Масфе, и Вотаниму, и Манаиму до предел Давировых, 006 JOS 013 027 и во емеке Вифарам и Вифнамра, и Сохоф и Сафон, и прочее царство Сиона царя Есевонска: и Иордан определяет даже до страны моря Хенереф, об ону страну Иордана от восток. 006 JOS 013 028 Сие наследие сынов Гадовых по сонмом их и по градом их и селам их. 006 JOS 013 029 И даде Моисей полуплемени Манассиину по сонмом их, 006 JOS 013 030 и быша пределы их от Манаима, и все царство Васанско, и все царство Ога царя Васанска, и вся веси Иаира, яже суть в Васанитиде, шестьдесят градов: 006 JOS 013 031 и пол Галаада, и во Астарофе, и во Едраине, грады царства Огова в Васанитиде: и дашася сыном Махировым, сыном Манассииным, и половине сынов Махировых по сонмом их. 006 JOS 013 032 Сии суть, имже даде наследие Моисей об ону страну Иордана во Аравофе Моавли, прямо Иерихона на востоки. 006 JOS 013 033 Племени же Левиину не даде Моисей наследия: понеже Сам Господь Бог Израилев наследие Его есть, якоже глагола им. 006 JOS 014 001 И сии наследовавшии от сынов Израилевых в земли Ханаанстей, имже разделиша ю в наследие Елеазар жрец и Иисус сын Навин и князи отечеств племен сынов Израилевых: 006 JOS 014 002 по жребием наследиша, якоже заповеда Господь Моисеом дати девяти племеном и полплемени (Манассиину), 006 JOS 014 003 даде бо Моисей наследие дву племеном и полплемени Манассиину об ону страну Иордана: левитом же не даде жребия в них: 006 JOS 014 004 занеже быша сынове Иосифовы два племена, Манассиино и Ефремле: и не дадеся части в земли левитом, но токмо грады обитати, и предградия скотом их, и скоты их. 006 JOS 014 005 Якоже заповеда Господь Моисею, тако сотвориша сынове Израилевы и разделиша землю. 006 JOS 014 006 И приидоша сынове Иудины ко Иисусу в Галгалы. И рече к нему Халев Иефонниин Кенезей: ты веси слово, еже глагола Господь к Моисею человеку Божию о мне и о тебе в Кадис-Варни: 006 JOS 014 007 четыредесяти бо лет бех, егда посла мя Моисей раб Господень от Кадис-Варни соглядати землю: и отвещах ему слово по сердцу его: 006 JOS 014 008 братия моя ходившии со мною превратиша сердце людий, аз же приложихся последовати Господеви Богу моему: 006 JOS 014 009 и клятся Моисей в той день, глаголя: земля, на нюже возшел еси, тебе будет в жребий и чадом твоим во век, яко приложился еси последовати Господу Богу моему: 006 JOS 014 010 и ныне препита мя Господь, якоже рече, сие четыредесять и пятое лето, отнележе глагола Господь слово сие к Моисею, и хождаше Израиль в пустыни: и ныне се, ми днесь осмьдесят и пять лет: 006 JOS 014 011 еще есмь днесь могий, якоже егда посла мя Моисей: тако и ныне могу входити и исходити на брань: 006 JOS 014 012 и ныне прошу у тебе горы сея, якоже рече Господь в день он, яко ты слышал еси слово сие в день оный: ныне же Енакими тамо суть, грады тверды и велицы: аще убо будет Господь со мною, потреблю их, якоже рече ми Господь. 006 JOS 014 013 И благослови его Иисус, и даде Хеврон Халеву сыну Иефонниину, сыну Кенезеину в жребий. 006 JOS 014 014 Сего ради бысть Хеврон Халеву Иефонниину Кенезеину в жребий даже до дне сего: понеже возследова повелению Господа Бога Израилева. 006 JOS 014 015 Имя же Хеврону прежде бяше Град Аргов: Митрополь Енакимлян сей. И почи земля от брани. 006 JOS 015 001 И быша пределы сынов Иудиных по сонмом их, от предел Идумейских, от пустыни Син к ливу даже до Кадис к югу: 006 JOS 015 002 и быша пределы их от полудне до части моря Сланаго, от верха клонящагося к югу, 006 JOS 015 003 и проходят прямо восхождению Акраввим, и обходят Сена, и восходят от юга до Кадис-Варни: и исходят из Есрона, и восходят во Аддару, и исходят на запады Кадис, обходят Аккарки, 006 JOS 015 004 и исходят во Асемону, и преходят даже до дебри Египетския: и будет исход пределов его к морю. Сии суть пределы их от юга. 006 JOS 015 005 И пределы от восток, все море Сланое даже до части Иордана, и пределы их к северу, и от верха моря, и от части Иордански: 006 JOS 015 006 восходят пределы (тии) в Вифаглу и преходят от севера к Вефару, и восходят пределы к камени Веора сына Рувимля, 006 JOS 015 007 и восходят пределы к Девиру дебри Ахоровы, и нисходят до Галгалы, яже есть прямо схождению Адоммин, иже есть к югу дебри, и восходит предел к воде источника Солнечна, и будет исход его источник Рогиль: 006 JOS 015 008 и восходят пределы в дебрь Енном, созади Иевуса от полудне, сей есть Иерусалим: и исходят пределы на верх горы, яже есть пред лицем дебри Енном к морю, яже есть от части земли Рафаин к северу: 006 JOS 015 009 и преходит предел от верха горы ко источнику воды Наффо и преходит к горе Ефрони, и изведет предел в Ваал, сей есть Град Иарим: 006 JOS 015 010 и обыдет предел от Ваала к морю и прейдет в гору Сиир, и прейдет созади града Иарима от севера, сей есть Хасалон: и снидет ко граду Солнечну и прейдет к югу: 006 JOS 015 011 и преходит предел созади Аккарона до севера, и преходят пределы в Сакхарон, и прейдут гору земли Валаани, и преходят ко Иавнилу, и будет исход пределов к морю, и пределы их от моря, море великое определит. 006 JOS 015 012 Сии пределы сынов Иудиных окрест по сонмом их. 006 JOS 015 013 И даде (Иисус) Халеву сыну Иефонниину часть посреде сынов Иудиных повелением Божиим, и даде ему Иисус Град Арвок, отца Енакова: сей есть Хеврон. 006 JOS 015 014 И потреби оттуду Халев сын Иефонниин три сыны Енаковы, Сусиа и Фолмаи и Ахима: 006 JOS 015 015 и взыде оттуду Халев на живущих в Давире: имя же прежде бяше Давиру Град Писмен. 006 JOS 015 016 И рече Халев: иже аще возмет кто Град Писмен и возобладает им, дам ему Асхань дщерь мою в жену. 006 JOS 015 017 И взя его Гофониил сын Кенеза, брата Халевова, юнейший: и даде ему Асхань дщерь свою в жену. 006 JOS 015 018 И бысть внегда отходити ей, и совеща с ним, глаголющи: попрошу у отца моего села. И воззва со осляти. И рече ей Халев: что ти есть? 006 JOS 015 019 И рече ему: даждь ми благословение, яко в землю полуденную отдал еси мя: даждь ми Голаф-Маим. И даде ей Халев Голаф-Маим вышний и Голаф нижний. 006 JOS 015 020 Сие наследие племене сынов Иудиных по сонмом их: 006 JOS 015 021 быша же гради их гради племене сынов Иудиных к пределом едомлим в пустыни, Кавсеил и Едраим и Иагур, 006 JOS 015 022 и Кина и Димона и Адада, 006 JOS 015 023 и Кедес и Асор и Ифнаксиф, 006 JOS 015 024 и Телем и Валоф, 006 JOS 015 025 и Асор Новый и Град Асером (сей есть Асор): 006 JOS 015 026 Амам и Самаа и Модада, 006 JOS 015 027 и Асергадда и Веффалеф, 006 JOS 015 028 и Асарсула и Вирсавее (и села их и предградия их): 006 JOS 015 029 и Ваала и Авим и Асем, 006 JOS 015 030 и Елфолад и Хесил и Ерма, 006 JOS 015 031 и Сикелег и Ведевина и Сансанна, 006 JOS 015 032 и Лавоф и Селеим, и Аин и Реммон: всех градов двадесять и девять, и села их. 006 JOS 015 033 В напольней, Есфаол и Сараа, и Асна (и Рамен), 006 JOS 015 034 и Зано и Ингоним, и Фаффуа и Инаим, 006 JOS 015 035 и Иеримуф и Одоллам, (и Немра) и Сохо и Азика, 006 JOS 015 036 и Сагарим и Адиафаим, и Гадира и села ея: гради четыренадесять и веси их. 006 JOS 015 037 Сеннам и Адаса и Магдалгад, 006 JOS 015 038 и Далаан и Масфа и Иекфаил, 006 JOS 015 039 и Лахис и Васхаф и Еглом, 006 JOS 015 040 и Хаввон и Ламас и Хафлос, 006 JOS 015 041 и Гадироф и Виф-Дагон, и Нома и Макида: гради шестьнадесять и веси их. 006 JOS 015 042 Левна и Афер и Асан, 006 JOS 015 043 и Иеффа и Асенна и Несив, 006 JOS 015 044 и Кеила и Ахзев, и Мариса (и Едом): гради девять и веси их. 006 JOS 015 045 Аккарон и села его и предградия его. 006 JOS 015 046 (И) от Аккарона, иемне и вси елики суть близ Асдофа, и веси их: 006 JOS 015 047 Асдоф и веси его и предградия его: Газа и веси ея и предградия ея, даже до водотечи Египетския, и море великое определяет. 006 JOS 015 048 И в горней, Сафир и Иефер и Сохо, 006 JOS 015 049 и Ренна, Град Писмен (сей есть Давир), 006 JOS 015 050 и Анов и Есфемо и Аним, 006 JOS 015 051 и Госом и Хилуон и Гилон: градов единонадесять и веси их. 006 JOS 015 052 Ерев и Есан и Рума, 006 JOS 015 053 и Ианум и Веф-Фапфуе и Афака, 006 JOS 015 054 и Хаммата и Град Арво (сей есть Хеврон) и Сиор: градов девять и села их. 006 JOS 015 055 Маон и Хермел, и Зиф и Иетта, 006 JOS 015 056 и Иездраель и Иекдаам и Зано, 006 JOS 015 057 Аким и Гаваа и Фамна: гради десять и веси их. 006 JOS 015 058 Алул и Вефсур и Гедор, 006 JOS 015 059 и Мароф и Вефанон и Елфекен: гради шесть и веси их: Феко и Ефрафа (сей есть Вифлеем): и Фагор и Етам, и Кулон и Татами, и Сорис и Карем, и Галлим и Вефир и Манохо: градов единонадесять и веси их. 006 JOS 015 060 Кариаф-Ваал (сей Град Иарим) и Аревва: гради два, и села их и предградия их. 006 JOS 015 061 Ваддаргис и Вифарава, (и) Мадон и Сохоха, 006 JOS 015 062 и Невсан и град Соли и Ингадди: гради шесть и веси их. 006 JOS 015 063 И Иевусей обиташе во Иерусалиме, и не возмогоша сынове Иудины погубити их: и обиташа Иевусее с сынми Иудиными во Иерусалиме даже до дне онаго. 006 JOS 016 001 И быша пределы сынов Иосифовых от Иордана иже ко Иерихону от восток, и восходят от Иерихона в горную пустыню в Вефиль, 006 JOS 016 002 и исходят от Вефиля в Лузу, и преходят к пределом Ахиатарофа: 006 JOS 016 003 и прейдут к морю к пределом Иефалтимским, даже до предел Вефорона нижняго и даже до Газера, и будет исход их к морю. 006 JOS 016 004 И наследствоваша сынове Иосифовы Ефрем и Манассий, 006 JOS 016 005 и быша пределы сынов Ефремлих по сонмом их: и быша пределы наследия их от восток Атароф и Адар, даже до Вефорона вышняго и Газары, 006 JOS 016 006 и преходят пределы к морю в Махфоф от севера, и идут на восток во Финаф-Силом, и прейдут от восток во Ианоха, 006 JOS 016 007 и от Ианоха снидут во Атароф и в Наарафа и веси их: и приходят ко Иерихону и исходят ко Иордану, 006 JOS 016 008 и от Тапфу пойдут пределы к морю к водотечи Кана, и будет исход его к морю. Сие наследие племене сынов Ефремлих по сонмом их. 006 JOS 016 009 И грады отлученныя сыном Ефремлим посреде наследия сынов Манассииных, вси гради и веси их. 006 JOS 016 010 И не погуби Ефрем Хананеа живущаго в Газере: и обиташа Хананее посреде Ефрема, дающе ему дани до днешняго дне, дондеже взыде фараон царь Египетский, и взя град, и запали его огнем: и Хананеев и Ферезеев и живущих в Газере избодоша: и даде его фараон в вено дщери своей. 006 JOS 017 001 И быша пределы племене сынов Манассииных, яко сей первенец Иосифу, Махирови первенцу Манассиину, отцу Галаадову, (сей бо бысть муж храбр) в Галаадитиде и Васанитиде. 006 JOS 017 002 И быша сыном Манассииным прочым по сонмом их: сыном Ахиезеровым и сыном Елековым и сыном Есриилевым, и сыном Сехемовым и сыном Семираеловым и сыном Оферовым: сии суть сынове Манассиины, сына Иосифова, мужеск пол по племеном своим. 006 JOS 017 003 И Салпааду сыну Оферову, сына Галаадова, сына Махирова, сына Манассиина, не быша сыны, но токмо дщери: и сия имена дщерем Салпаадовым: Маала и Нуа, и Егла и Мелха и Ферса. 006 JOS 017 004 И сташа пред Елеазаром жерцем и пред Иисусом сыном Навиным и пред князи, глаголющя: Бог заповеда рукою Моисеовою дати нам наследие посреде братии нашея. И дадеся им наследие повелением Господним, жребий в братии отца их. 006 JOS 017 005 И паде жребий Манассию поле лавеково кроме земли Галаадовы и Васани, яже есть об ону страну Иордана, 006 JOS 017 006 понеже дщери сынов Манассииных наследиша жребий посреде братий своих: земля же Галаадова бысть сыном Манассииным прочым. 006 JOS 017 007 И быша пределы сынов Манассииных от Асир-Махфофа, и данаф, яже есть пред лицем Сихема, и идут пределы на Иамин и на Иасиф ко источнику Фаффоф. 006 JOS 017 008 Манассию будет земля Фаффоф: и Фаффоф над пределы Манассииными сыном Ефремлим: 006 JOS 017 009 и снидут пределы к дебри Кана на юг по дебри Иарим: Теревинф Ефрему посреде града Манассиина. И пределы Манассиины к северу на водотечь, и будет исход его море: 006 JOS 017 010 от юга Ефрему, и к северу Манассии, и будет море предел им: и ко Асиру совокупятся к северу, и Иссахару от восток. 006 JOS 017 011 И будет Манассию (предел) между Иссахаром и между Асиром Вефсан и веси их, и Иевлаам и веси его, и живущыя в Доре и веси его, и живущыя в ендоре и веси его, и живущыя в Магедде и веси его, и живущыя в Танахе и веси его, и третия часть Нафефа и веси его. 006 JOS 017 012 И не возмогоша сынове Манассиины потребити градов сих: и нача Хананей жити в земли сей. 006 JOS 017 013 И бысть егда укрепишася сынове Израилевы, и сотвориша Хананеов послушных, потреблением же не потребиша их. 006 JOS 017 014 Противореша же сынове Иосифовы Иисусу, глаголюще: почто наследствовал еси нас жребием единым и ужем единым? Аз же люд мног есмь, и благослови мя Бог (даже доселе). 006 JOS 017 015 И рече им Иисус: аще люд мног еси, взыди в дубраву и отреби себе тамо место в земли Ферезеа и Рафаима, аще утесняет тя гора Ефремля. 006 JOS 017 016 И реша сынове Иосифовы: не доволно нам горы Ефремли: и конь преизбранный и железо всему Хананею живущему в земли емек, в Вефсане и в весех ея, и во юдоле Иезраель. 006 JOS 017 017 И рече Иисус к сыном Иосифовым, Ефрему и Манассию, глаголя: аще люд мног еси и силу велику имаши, не будет ти жребий един: 006 JOS 017 018 зане дубрава будет тебе, понеже дубрава есть, и отребиши ю, и будет тебе, и концы ея, егда потребиши Хананеа, аще конь преизбранный ему есть: (и сам силен, ) ты бо пресилиши его. 006 JOS 018 001 И собрася весь сонм сынов Израилевых в Силом, и водрузиша тамо скинию свидения: и земля одержася от них. 006 JOS 018 002 И осташася сынове Израилевы, иже не наследиша наследия своего седмь племен. 006 JOS 018 003 И рече Иисус сыном Израилевым: доколе вы разслабляетеся внити наследити землю, юже даде вам Господь Бог отец ваших? 006 JOS 018 004 Дайте от вас по три мужы от племене, и послю их, и воставше да пройдут землю и да опишут ю предо мною, якоже есть лепо разделити ю. И приидоша к нему. 006 JOS 018 005 И раздели им на седмь частей: Иуда да поставит предел своим от лива, и сынове Иосифли да поставят предел своим от севера: 006 JOS 018 006 вы же разделите землю на седмь частей, и принесите ко мне семо, и изнесу вам жребий пред Господем Богом вашим: 006 JOS 018 007 несть бо части у вас сыном Левииным, зане жречество Господне часть их: Гад же и Рувим и полплемене Манассиина взяша наследие свое об ону страну Иордана на востоки, еже даде им Моисей раб Господень. 006 JOS 018 008 И воставше мужие поидоша. И заповеда Иисус мужем идущым описати землю, глаголя: идите и обыдите землю, и опишите ю, и приидите ко мне, и изнесу вам зде жребий пред Господем в Силоме. 006 JOS 018 009 И идоша мужие, и обыдоша землю и соглядаша ю, и описаша ю по градом ея на седмь частей в книгу, и принесоша ко Иисусу в полк в Силом. 006 JOS 018 010 И верже им Иисус жребий пред Господем в Силоме: и раздели тамо землю Иисус сыном Израилевым по разделению их. 006 JOS 018 011 И изыде жребий племене сынов Вениаминовых первый по сонмом их: и изыдоша пределы жребия их посреде сынов Иудиных и посреде сынов Иосифовых. 006 JOS 018 012 И быша пределы их от севера: от Иордана взыдут пределы созади Иерихона к северу и взыдут к горе к морю, и будет исход его Мавдарит Вефавн: 006 JOS 018 013 и пройдут оттуду пределы Лузы созади Лузы от юга: сия есть Вефиль: и снидут пределы сии от Атароф-Аддар на горную, яже есть к ливу Вефорон нижний, 006 JOS 018 014 и прейдут пределы, и обыдут к стране зрящи к морю от ливы, от горы к лицу Вефорон Лива, и будет исход его в Кариаф-Ваал: сей есть Кариафиарим, Град сынов Иудиных. Сия есть часть яже к морю. 006 JOS 018 015 И часть яже к ливу от части Кариаф-Ваал: и пройдут пределы морския в Гаин, на источник воды Наффоновы, 006 JOS 018 016 и снидут пределы на страну горы, яже есть пред лицем дубравы, сына Енома, яже есть от части емек Рафаин от севера, и снидут к Геенному созади Иевуса от юга, и снидут на источник Рогиль, 006 JOS 018 017 и пройдут сквозе от севера, и пройдут на источник Самеса, и пройдут на Галилоф, иже есть прямо к восходу Едомим: и снидут на камень Ваан сынов Рувимлих, 006 JOS 018 018 и пройдут созади вефаравы от севера, и снидут ко араве, 006 JOS 018 019 и снидут с Аравы (на) пределы созади Вефагла от севера, и будет исход пределов на холм моря Сланаго от севера в страну Иорданову от ливы. Сии пределы суть от юга: и Иордан определит ю от страны востока. 006 JOS 018 020 Сие наследие сынов Вениаминовых, пределы его окрест по сонмом их. 006 JOS 018 021 И быша грады племене сынов Вениаминовых по сонмом их, Иерихо и Вифагла и Амеккасис, 006 JOS 018 022 и Вефарава и Семрим и Вифил, 006 JOS 018 023 и Авим и Афара, и Афра (и Екарен), 006 JOS 018 024 и Кафираммин и Афни и Гаваа: грады дванадесять и веси их: 006 JOS 018 025 Гаваон и Рама и Вироф, 006 JOS 018 026 и Масфа и Хефира и Амоса, 006 JOS 018 027 и Рекем и Иерфаил и Фарала, 006 JOS 018 028 и Силалеф и Иевус (сей есть Иерусалим), и Гавааф и Град Иарим: грады тринадесять и веси их. Сие наследие сынов Вениаминовых по сонмом их. 006 JOS 019 001 И изыде вторый жребий Симеону, племени сынов Симеоновых по сонмом их, и бысть наследие их посреде жребия сынов Иудиных. 006 JOS 019 002 И бысть жребий их Вирсавее и Савее и Молада, 006 JOS 019 003 и Асерсуал и Вафул, и Велвола и Асом, 006 JOS 019 004 и Елфулад и Ерма, 006 JOS 019 005 и Секелаг и Вефаммаргасвоф, и Асерсусим 006 JOS 019 006 и Вефалваф, и села их: грады тринадесять и веси их. 006 JOS 019 007 Аин и Реммоф, и Еефер и Асам, грады четыри и веси их: 006 JOS 019 008 и вся предградия, яже окрест градов сих даже до Ваалферирраммоф, идущих во Иамеф к ливу. Сие наследие племен сынов Симеоновых по сонмом их. 006 JOS 019 009 От жребия Иудина наследие племене сынов Симеоновых, яко бысть часть сынов Иудиных болшая нежели их: и наследиша сынове Симеоновы посреде жребия их. 006 JOS 019 010 И изыде жребий третий Завулону по сонмом их: и будут пределы наследия их до Сарида: 006 JOS 019 011 и восходят пределы их к морю и Мариле, и дойдут к Давасефу, и снидутся в дебрь, яже есть к лицу Иекнама, 006 JOS 019 012 и обратятся от Сарида противу от востоков Самес на пределы Хасалоф-Фавор, и пройдут к Даврафу, и взыдут к Иафаги: 006 JOS 019 013 и оттуду обыдут супротив на востоки в Гефаефер, во град Касим, и пройдут на Реммонам Мафарим Аннуа, 006 JOS 019 014 и обыдут пределы к северу на Еннафоф, и будет исход их к Гаю Иеффаил, 006 JOS 019 015 и Каттаф и Наалол, и Семрон и Иадила и Вифлеем: грады дванадесять и веси их. 006 JOS 019 016 Сие наследие племене сынов Завулоновых по сонмом их, грады их и веси их. 006 JOS 019 017 И Иссахару изыде жребий четвертый, сыном Иссахаровым по сродством их, 006 JOS 019 018 и быша пределы их Иезраель и Ахаселоф и Сунам, 006 JOS 019 019 и Аферарим и Сиан, (и Ренаф) и Анахареф, 006 JOS 019 020 и Раввоф и Кесион и Аеме, 006 JOS 019 021 и Рамаф и Инганним, и Инадда и Веффасис: 006 JOS 019 022 и снидутся пределы к Фавору и к Сасимафу к морю, и вефсмас, и будет его исход предел Иордан: грады шестьнадесять и веси их. 006 JOS 019 023 Сие наследие племене сынов Иссахаровых по сонмом их, грады и предградия их. 006 JOS 019 024 И изыде жребий пятый племене сынов Асировых по сонмом их, 006 JOS 019 025 и быша пределы их Хелкаф и Ооли, и Ватне и Ахсаф, 006 JOS 019 026 и Елимелех и Амад и Масал: и приближатся к Кармилу к морю, и Сиору и Лаванафу, 006 JOS 019 027 и обратятся от восток солнца в Виф-Дагон, и приближатся к Завулону, и в Гай Иеффаил к северу, (и внидут пределы Асафа) в Виф-Аемек, и да идут по долине Аниила, и пройдут в Хавол ошуюю, 006 JOS 019 028 и Ахран и Роов, и Аммон и Кана, даже до Сидона великаго: 006 JOS 019 029 и возвратятся пределы в Раму, и даже до града тверда Тириан, и возвратятся пределы до Сусы, и будет исход его море, и от ужа в Ахзиф, 006 JOS 019 030 и Амма и Афек и Раов: грады двадесять два и веси их. 006 JOS 019 031 Сие наследие племене сынов Асировых по сонмом их, грады их и веси их. 006 JOS 019 032 И Неффалиму изыде жребий шестый, сыном Неффалимлим по сонмом их, 006 JOS 019 033 и быша пределы их Меелеф и Милон, и Весенаним и Арме, и Накев и Иавнил, даже до Лаккун: и быша исходи их Иордан: 006 JOS 019 034 и возвратятся пределы к морю в Азаноф-Фавор, и пройдут оттуду во Икок, и приткнутся к Завулону от юга, и Асиру приближатся к морю, и ко Иуде Иордан от восток солнца. 006 JOS 019 035 И грады ограждени Тириан, Тир и Амаф, и Реккаф и Хенероф, 006 JOS 019 036 и Адами и Рама и Асор, 006 JOS 019 037 и Кедес и Едраи и источник Асор, 006 JOS 019 038 и Иарион и Магдалиил, Оран и Вефанаф и Фасмус: грады девятьнадесят и веси их. 006 JOS 019 039 Сие наследие племене сынов Неффалимлих по сродству их, грады и предградия их. 006 JOS 019 040 И Дану и племени сынов Дановых по сонмом их изыде жребий седмый, 006 JOS 019 041 и быша пределы их Сараа и Есфаол и грады Самес, 006 JOS 019 042 и Саламинь и Еалон и Иефла, 006 JOS 019 043 и Елон и Фамна и Аккарон, 006 JOS 019 044 и Елфеко и Гавафон и Ваафоф, 006 JOS 019 045 и Иуф и Ваниварак и Гефреммон, 006 JOS 019 046 и от моря Иераконска, и Ираккон, предел близ Иоппы, и изыде предел сынов Дановых от них. 006 JOS 019 047 И изыдоша сынове Дановы и воеваша Ласем, и взяша его и поразиша его острием меча: и обиташа в нем, и нарекоша имя его Ласендан, по имени Дана отца своего. И Аморрей остася жити во Еломе и в Саламине: и отяготе рука Ефремля на них, и быша им данницы. 006 JOS 019 048 Сие наследие племене сынов Дановых по сонмом их, грады их и веси их. И не истребиша сынове Дановы Аморреа озлобляющаго их на горе, и не даяху им Аморрее исходити на юдоль, и утесниша от них предел части их. 006 JOS 019 049 И совершиша разделяти землю в пределех ея: и даша сынове Израилевы жребий Иисусу сыну Навину повелением Господним среде себе, 006 JOS 019 050 и даша ему град, егоже проси, Фамнаф-Сараи, иже есть в горе Ефраим: и созда град, и вселися в нем. 006 JOS 019 051 Сия разделения, яже разделиша Елеазар жрец и Иисус Навин и князи отечеств в племенех Израилевых по жребиям в Силоме пред Господем, у дверий скинии свидения. И скончаша делити землю. 006 JOS 020 001 И рече Господь ко Иисусу, глаголя: 006 JOS 020 002 рцы сыном Израилевым, глаголя: дадите грады убежений, яже рекох к вам Моисеом: 006 JOS 020 003 убежище убийце поразившему душу неволею: и будут вам грады убежище, и не умрет убийца от ужика крове, дондеже предстанет пред сонмом на суд. 006 JOS 020 004 И (аще кто) убегнет во един от градов сих, и станет во вратех града, и исповесть во уши старцем града того словеса своя: и приимут его сонм к себе, и дадят ему место жити с ними: 006 JOS 020 005 и егда поженет ужик крове вслед его, и не дадут убившаго в руце его: яко не ведый уби ближняго своего и не ненавидя той его от вчера и третияго дне: 006 JOS 020 006 и да вселится в той град, дондеже станет пред лицем сонма на суд, и дондеже умрет жрец великий, иже будет в тыя дни: тогда да обратится убийца, и внидет во град свой и в дом свой, и во град, отнюдуже избеже. 006 JOS 020 007 И отделиша Кедес в Галилеи, в горе Неффалимли, и Сихем в горе Ефремли, и Град Арво (сей есть Хеврон) в горе Иуде: 006 JOS 020 008 и об ону страну Иордана ко Иерихону на восток, даша Восор в пустыни в поли от племене Рувимля, и Рамоф в Галааде от племене Гадова, и Голан в Васанитиде от племене Манассиина: 006 JOS 020 009 сии грады избраны быша всем сыном Израилевым и пришелцу прилежащему в них, еже убежати тамо всякому убивающему душу неволею, да не умрет от руку ужика крове, дондеже станет пред сонмом на суд. 006 JOS 021 001 И приидоша старейшины отечеств сынов Левииных к Елеазару жерцу и ко Иисусу сыну Навину и к старейшинам отечеств от племен сынов Израилевых, 006 JOS 021 002 и реша к ним в Силоме в земли Ханаани, глаголюще: заповеда Господь рукою Моисеовою дати нам грады еже обитати, и окрестная их предградия скотом нашым. 006 JOS 021 003 И даша сынове Израилевы левитом от участий своих по повелению Господню грады сия и окрестная предградия их. 006 JOS 021 004 И изыде жребий сонму Каафову, и бысть сыном Аароним жерцем левитом от племене Иудина и от племене Симеоня и от племене Вениаминя по жребием грады тринадесять: 006 JOS 021 005 и сыном Каафовым оставшымся от (сродства) племене Ефремова и от племене Данова и от полуплемене Манассиина по жребию грады десять: 006 JOS 021 006 и сыном Гирсоним от племене Иссахарова и от племене Асирова, и от племене Неффалимля и от полуплемене Манассиина (еже) в Васане, по жребию грады тринадесять: 006 JOS 021 007 и сыном Мерариным по сонмом их, от племене Рувимля и от племене Гадова и от племене Завулоня, по жребию грады дванадесять. 006 JOS 021 008 И даша сынове Израилевы левитом грады сия и окрестная их, якоже заповеда Господь Моисею, по жребию. 006 JOS 021 009 И даде племя сынов Иудиных и племя сынов Симеоновых и племя сынов Вениаминовых грады сия: и нарекоша по имени. 006 JOS 021 010 И быша сыном Аароновым от сонма Каафова сынов Левииных, яко сим бысть жребий первый. 006 JOS 021 011 И даде им Кариафарвок, Митрополь сынов Енаковых (сей есть Хеврон в горе Иудине), и окрестная их. 006 JOS 021 012 И села града (сего) и веси его даде Иисус Халеву сыну Иефонниину во обдержание его. 006 JOS 021 013 И сыном Аарона жерца даде град убежище убившему Хеврон и отлученная яже к нему: 006 JOS 021 014 и Левну и отлученная яже к ней: и Иефер и отлученная яже к нему: и Есфемо и отлученная яже к нему: 006 JOS 021 015 и Олон и отлученная яже к нему: и Давир и отлученная яже к нему: 006 JOS 021 016 и Аин и отлученная ему: и Иетта и отлученная ему: и Вефсамис и отлученная ему: грады девять от дву племен сих. 006 JOS 021 017 И от племене Вениаминя Гаваон и отлученная ему: и Гавее и окрестная его: 006 JOS 021 018 и Анафоф и окрестная его: и Алмон и окрестная его: грады четыри. 006 JOS 021 019 Вси грады сынов Аароновых жерцев, грады тринадесять и окрестная их. 006 JOS 021 020 И сонмом сынов Каафовых левитом, оставлшымся от сынов Каафовых, и бысть град пределов их от племене Ефремова. 006 JOS 021 021 И даша им град убежище убившему Сихем и окрестная его в горе Ефремли: и Газер и окрестная его: 006 JOS 021 022 и Кавсаим и окрестная его: и Вефорон и окрестная его: грады четыри. 006 JOS 021 023 И от племене Данова Елфеко и окрестная его: и Гавефон и окрестная его: 006 JOS 021 024 и Елон и окрестная его: и Гефреммон и окрестная его: грады четыри. 006 JOS 021 025 И от полуплемене Манассиина Фаанах и окрестная его: и Вефсам и окрестная его: града два. 006 JOS 021 026 Вси грады десять и окрестная их сонмом сынов Каафовых оставлшымся. 006 JOS 021 027 И сыном Гирсоним сродником левитским, от полуплемене Манассиина, грады отлученныя убившым, Голан в Васанитиде и окрестная его: и Веесфера и окрестная его: града два. 006 JOS 021 028 И от племене Иссахарова Кисион и окрестная его: и Девраф и окрестная его: 006 JOS 021 029 и Иермоф и окрестная его: и Источник Писмен и окрестная его: грады четыри. 006 JOS 021 030 И от племене Асирова Масаал и окрестная его: и Авдон и окрестная его: 006 JOS 021 031 и Фелкаф и окрестная его: и Роов и окрестная его: грады четыри. 006 JOS 021 032 И от племене Неффалимова град определенный убившему Кедес в Галилеи и окрестная его: и Емафдор и окрестная его: и Ноеммон и отлученная его: грады три. 006 JOS 021 033 Вси грады Гирсоновы по сонмом их, грады тринадесять и отлученная их. 006 JOS 021 034 И сонму сынов Мерариных левитом прочым, от племене сынов Завулоних, Иекнаам и окрестная его: и Карфа и окрестная его: 006 JOS 021 035 и Дамна и окрестная его: и Наалол и окрестная его: грады четыри. 006 JOS 021 036 И об ону страну Иордана ко Иерихону от племене Рувимова даде град убежище убившему Восор в пустыни Мисор и окрестная его: и Иазир и окрестная его: 006 JOS 021 037 и Гедсон и окрестная его: и Масфа и окрестная его: грады четыри. 006 JOS 021 038 И от племене Гадова град убежища убившему Рамоф в Галааде и окрестная его: и Манаим и окрестная его: 006 JOS 021 039 и Есевон и окрестная его: и Иазир и окрестная его: грады четыри. 006 JOS 021 040 Вси грады сыном Мерариным по сонмом их, оставлшихся от племене Левиина, и быша пределы их грады дванадесять. 006 JOS 021 041 Вси грады левитстии посреде обдержания сынов Израилевых четыредесять и осмь градов и окрестная их, окрест градов сих: 006 JOS 021 042 град и окрестная окрест града: тако всем градом сим. И соверши Иисус разделивый землю в пределех ея: и даша сынове Израилевы часть Иисусу повелением Господним: даша ему град, егоже проси: Фамнасахар даша ему на горе Ефремове. И созда Иисус град, егоже проси, и вселися в нем. И взя Иисус ножы каменныя, имиже обрезова сыны Израилевы, родившыяся на пути в пустыни, яко не обрезашася в пустыни, и положи я во Фамнасахаре. 006 JOS 021 043 И даде Господь Израилю всю землю, юже клятся дати отцем их: и наследиша ю и вселишася в ней. 006 JOS 021 044 И упокои Господь их окрест, якоже клятся отцем их: не воста никтоже противу им от всех врагов их: и вся враги их предаде им Господь в руки их. 006 JOS 021 045 Не оскуде слово (ни едино) от всех глаголгол благих, яже рече Господь сыном Израилевым: вся собышася. 006 JOS 022 001 Тогда созва Иисус сыны Рувимли и сыны Гадовы и полплемене Манассиина, и рече им: 006 JOS 022 002 вы слышасте вся, елика заповеда вам Моисей раб Господень, и послушасте гласа моего, по всему елика заповедах вам: 006 JOS 022 003 не остависте братии вашея в сия дни и множайшыя, даже до дне сего: сохранисте заповедь Господа Бога вашего: 006 JOS 022 004 ныне же упокои Господь Бог ваш братию вашу, якоже рече им: ныне убо возвратившеся отидите в домы вашя и в землю обдержания вашего, юже даде вам Моисей раб Господень об ону страну Иордана: 006 JOS 022 005 но сохраните зело творити заповеди и закон, егоже заповеда вам Моисей раб Господень, любити Господа Бога вашего и ходити во всех путех Его, хранити заповеди Его и прилежати Ему и служити Ему от всего сердца вашего и от всея души вашея. 006 JOS 022 006 И благословив их Иисус отпусти их: и отидоша в домы своя. 006 JOS 022 007 И полу (племене) Манассиину даде Моисей (обдержание) в Васане, и половине даде Иисус с братиею их у Иордана к морю. И егда отпусти их Иисус в домы их, и благослови их: 006 JOS 022 008 и со имением многим отидоша в домы своя: и скоты многи зело, и сребро и злато, и медь и железо, и ризы многи зело, и разделиша плен врагов своих с братиею своею. 006 JOS 022 009 И возвратившеся отидоша сынове Рувимли и сынове Гадовы и полплемене Манассиина от сынов Израилевых, от Силома земли Ханаани, отити в землю Галаадску, в землю обдержания своего, юже наследиша по повелению Господню рукою Моисеовою. 006 JOS 022 010 И приидоша в Галилоф Иорданск, иже есть в земли Ханаани: и создаша сынове Рувимли и сынове Гадовы и полплемене Манассиина тамо олтарь у Иордана, олтарь велик еже видети. 006 JOS 022 011 И услышаша сынове Израилевы глаголющих: се, создаша сынове Рувимли и сынове Гадовы и полплемене Манассиина олтарь у пределов земли Ханаани, в галилофе у Иордана об ону страну сынов Израилевых. 006 JOS 022 012 И услышаша сынове Израилевы, и собрашася вси сынове Израилевы в Силон, еже возшедше воевати их. 006 JOS 022 013 И послаша сынове Израилевы к сыном Рувимлим и к сыном Гадовым и к полуплемени Манассиину в землю Галаадску Финееса сына Елеазара, сына Аарона жерца, 006 JOS 022 014 и десять князей с ним: князь един от дому отечества, от всех племен сынов Израилевых: мужие князи домов отечеств их, иже суть тысященачалницы Израилевы. 006 JOS 022 015 И приидоша к сыном Рувимлим и к сыном Гадовым и к полуплемени Манассиину в землю Галаадову, и реша к ним, глаголюще: 006 JOS 022 016 сия глаголет весь сонм Господень: кое прегрешение сие, имже согрешисте пред Господем Богом Израилевым, отвратитися днесь от Господа Бога Израилева, создавше себе требище, еже отступником вам быти днесь от Господа? 006 JOS 022 017 Еда мал вам грех Фогоров, яко не очистихомся от него даже до сего дне? И бысть язва в сонме Господни: 006 JOS 022 018 и вы отвратистеся днесь от Господа: и будет егда отступите днесь от Господа, и заутра на всем Израили будет гнев Господень: 006 JOS 022 019 и ныне аще мала вам земля обдержания вашего, прейдите вы в землю обдержания Господня, идеже пребывает скиния Господня, и наследите среде нас, и не будите отступницы от Господа, и от нас не отступите, за еже создати вам требище кроме олтаря Господа Бога нашего: 006 JOS 022 020 не се ли Ахар сын Заранов прегрешением прегреши от проклятия, и бысть на весь сонм Израилев гнев? Аще и един бяше, но не един умре грехом своим. 006 JOS 022 021 И отвещаша сынове Рувимли и сынове Гадовы и полплемене Манассиина, и реша тысященачалником Израилевым, глаголюще: 006 JOS 022 022 Бог бог, Господь есть, и Бог бог Господь Сам весть, и Израиль сам познает, аще во отступлении прегрешихом пред Господем, да не избавит нас во днешний день: 006 JOS 022 023 и аще создахом себе требище, еже отступити нам от Господа Бога нашего, или вознести нам нань жертву всесожжений, или еже сотворити на нем жертву спасения, Сам Господь взыщет: 006 JOS 022 024 но ради благоговения глагола сотворихом сие, глаголюще: да не рекут заутра чада ваша чадом нашым, глаголюще: что вам и Господеви Богу Израилеву? 006 JOS 022 025 И пределы постави Господь между вами и нами, сынове Рувимли и сынове Гадовы, Иордан, и несть вам части Господни: и отчуждят сынове ваши сынов наших, яко да не служат Господу: 006 JOS 022 026 и рекохом сотворити сице, еже создати требище сие, не приношений ради, ниже жертв ради, 006 JOS 022 027 но да будет свидетелство сие между вами и нами и между роды нашими по нас, еже служити службу Господеви пред ним в приношениих наших и в жертвах наших и в жертвах спасений наших: и да не рекут чада ваша заутра чадом нашым: несть вам части Господни. 006 JOS 022 028 И рекохом: аще будет когда, и возглаголют к нам или к родом нашым заутра и рекут: зрите подобие жертвенника Господня, егоже сотвориша отцы наши, не приношения ради, ниже жертв ради, но свидетелство есть между нами и между вами и между сыны нашими: 006 JOS 022 029 да не будет убо нам отступити от Господа, еже отвратитися во днешний день от Господа, еже сотворити нам жертвенник приношением и жертвам саламин и жертве спасения, кроме олтаря Господа Бога нашего, иже есть пред скиниею Его. 006 JOS 022 030 И услышавше Финеес жрец и вси князи сонма, и тысященачалницы Израилевы, иже быша с ним, словеса сия, яже глаголаша сынове Рувимли и сынове Гадовы и полплемене Манассиина, и угодно им бысть сие. 006 JOS 022 031 И рече Финеес жрец сыном Рувимлим и сыном Гадовым и полуплемени Манассиину: днесь познахом, яко с нами есть Господь, иже не погрешисте пред Господем прегрешения, но днесь избависте сыны Израилевы от руки Господни. 006 JOS 022 032 И возвратися Финеес жрец и князи отечеств от сынов Рувимлих и от сынов Гадовых и от полуплемене Манассиина от земли Галаадовы в землю Ханааню к сыном Израилевым: и отвещаша им словеса сия. 006 JOS 022 033 И угодно бысть слово сие сыном Израилевым, и благословиша Бога сынове Израилевы и рекоша: ктому да не изыдем к ним на брань потребити землю сынов Рувимлих и сынов Гадовых и полуплемене Манассиина. И вселишася на ней. 006 JOS 022 034 И нарече Иисус требище сынов Рувимлих и сынов Гадовых и полуплемене Манассиина и рече: яко свидение есть между ими, яко Господь бог Бог их есть. 006 JOS 023 001 И бысть по днех мнозех, егда упокои Господь Бог Израиля от всех врагов его иже окрест, и Иисус состареся прошед дни. 006 JOS 023 002 И созва Иисус вся сыны Израилевы и старейшины их, и князи их и судии их и книгочия их, и рече к ним: аз состарехся и проидох дни: 006 JOS 023 003 вы же видесте вся, елика сотвори Господь Бог ваш всем языком сим от лица вашего, зане Господь Бог наш споборствовавый нам: 006 JOS 023 004 видите, яко низвергох вам языки оставшыяся вам сия во жребиих племеном вашым, от Иордана вся языки потребих, и от моря великаго, еже определит на запад солнца: 006 JOS 023 005 Господь же Бог ваш Сам потребит их от лица вашего, дондеже погибнут, и послет на ня звери дивия, дондеже потребит их и цари их от лица вашего, и наследите землю их, якоже глагола вам Господь Бог ваш: 006 JOS 023 006 укрепитеся убо зело хранити и творити вся написанная в книгах закона Моисеова, да не уклонитеся от него на десно или на лево: 006 JOS 023 007 яко да не внидете во языки оставшыяся сия, и имена богов их да не возименуются в вас, ниже да кленетеся ими, ниже да послужите им, ниже поклонитеся им: 006 JOS 023 008 но токмо Господу Богу вашему прилепитеся, якоже твористе до сего дне: 006 JOS 023 009 и потреби Господь от лица вашего языки велики и сильны, и никто противоста вам до сего дне: 006 JOS 023 010 един от вас прогна тысящы, яко Господь Бог ваш споборствоваше вам: 006 JOS 023 011 и сохраните зело любити Господа Бога вашего: 006 JOS 023 012 аще бо отвратитеся и приложитеся ко оставшымся языком сим, иже с вами, и браки сотворите с ними, и смеситеся с ними, и они с вами, 006 JOS 023 013 ведением уведите, яко не приложит Господь потребити языки сия от лица вашего: и будут вам в сети и в соблазны, и в гвоздия в пятах ваших и в стрелы во очесех ваших, дондеже погибнете от земли благия сея, юже даде вам Господь Бог ваш: 006 JOS 023 014 аз же днесь отхожду в путь, якоже и вси иже на земли: и познаете всем сердцем вашим и душею вашею, яко ни едино слово отпаде от всех словес благих, яже рече Господь Бог ваш к вам: вся приходят вам, и не разнствова от них ни едино слово: 006 JOS 023 015 и будет, имже образом приходят на вас вся словеса добрая, яже глагола Господь Бог к вам, тако наведет Господь на вы вся словеса злая, дондеже потребит вы от земли благия сея, юже даде вам Господь Бог ваш: 006 JOS 023 016 внегда преступите завет Господа Бога вашего, егоже заповеда вам, и шедше послужите богом иным и поклонитеся им: и разгневается яростию Господь на вы, и погибнете скоро от земли благия, юже даде Господь вам. 006 JOS 024 001 И собра Иисус вся племена Израилева в Сихем, и созва старейшины Израилевы и князи их, и судии их и книгочия их, и сташа пред Господем Богом. 006 JOS 024 002 И рече Иисус ко всем людем, глаголя: сия глаголет Господь Бог Израилев: об ону страну реки жиша отцы ваши исперва, Фара отец Авраамов и отец Нахоров, и служиша богом иным: 006 JOS 024 003 и поях отца вашего Авраама от об ону страну реки, и водих его во всей земли Ханаанстей: и умножих семя его, и дах ему Исаака: 006 JOS 024 004 Исааку же дах Иакова и Исава и дах Исаву гору Сиир наследие ему: Иаков же и сынове его снидоша во Египет, и быша тамо в язык велик и крепок и мног, и озлобиша их Египтяне: 006 JOS 024 005 и послах Моисеа и Аарона, и поразих Египта во знамениих, яже сотворих в них, и по сем изведох вас, 006 JOS 024 006 и изведох отцы вашя из Египта, и внидосте в море Чермное: и погнаша Египтяне вслед отец ваших на колесницах и на конех в море Чермное: 006 JOS 024 007 и возопихом ко Господу, и даде облак и мглу между нами и между Египтяны, и наведе на них море, и покры их: и видеша очеса ваша, елика сотвори Господь в земли Египетстей: и бысте в пустыни дни многи: 006 JOS 024 008 и приведе вас в землю Аморреов живущих об ону страну Иордана, и ополчишася на вы: и предаде я Господь в руки вашя, и наследисте землю их, и потребисте их от лица вашего: 006 JOS 024 009 и воста Валак сын Сепфоров, царь Моавль, и ополчися противу Израиля, и послав призва Валаама сына Веорова кляти вас: 006 JOS 024 010 и не восхоте Господь Бог погубити тя, но благословением благослови вас и избави вас от рук их: 006 JOS 024 011 и преидосте Иордан и приидосте во Иерихон, и бишася с вами живущии во Иерихоне, Аморрей и Ферезей, и Хананей и Хеттей, и Гергесей и Евей и Иевусей, и предаде их Господь в руки вашя: 006 JOS 024 012 и посла пред вами шершни, и изгна от лица вашего два царя Аморрейска, не оружием твоим, ниже луком твоим, 006 JOS 024 013 и даде вам землю, о нейже не трудистеся на ней, и грады, ихже не создасте, и пожисте в них, и винограды и масличие, ихже не насадисте вы, ядосте: 006 JOS 024 014 и ныне убойтеся Господа, и послужите Ему в правде и правоте: и отвержите боги чуждыя, имже служиша отцы ваши об ону страну реки и во Египте, и служите Господеви: 006 JOS 024 015 аще же не угодно вам служити Господеви, изберите сами себе днесь, кому послужите, или богом отец ваших, иже быша об ону страну реки, или богом Аморрейским, в нихже вы живете на земли их: аз же и дом мой служити будем Господеви, яко свят есть. 006 JOS 024 016 И отвещавше людие, реша: не буди нам оставити Господа, еже служити богом иным: 006 JOS 024 017 Господь бо Бог наш Той Бог есть, Той изведе нас и отцы нашы от земли Египетския, от дому работы, иже сотвори пред очима нашима знамения велия, и сохрани нас во всем пути, по немуже идохом, и во всех языцех, ихже сквозе проидохом: 006 JOS 024 018 и изгна Господь вся языки и Аморреа живущаго на земли от лица нашего: но и мы послужим Господеви, Сей бо есть Бог наш. 006 JOS 024 019 И рече Иисус к людем: не возможете служити Господеви Богу, яко Бог свят есть и ревнитель сей: не оставит грех ваших и беззаконий ваших: 006 JOS 024 020 егда оставите Господа и послужите богом чуждим, и пришед озлобит вас и потребит вас, вместо еже благо сотвори вам. 006 JOS 024 021 И рекоша людие ко Иисусу: ни, но Господеви послужим. 006 JOS 024 022 И рече Иисус к людем: свидетели вы сами на ся, яко вы избрасте служити Господеви Самому. И рекоша: свидетели мы. 006 JOS 024 023 И ныне отвержите боги чуждыя, иже суть в вас, и исправите сердца ваша ко Господу Богу Израилеву. 006 JOS 024 024 И рекоша людие ко Иисусу: Господеви Богу нашему послужим, и гласа Его послушаем. 006 JOS 024 025 И завеща Иисус завет к людем в день он, и даде им закон и суд в Сихеме, пред скиниею Господа Бога Израилева. 006 JOS 024 026 И вписа Иисус словеса сия в книгу закона Божия: и взя камень велий, и постави его под теревинфом, иже есть пред Господем. 006 JOS 024 027 И рече Иисус к людем: се, камень сей будет вам во свидение: яко сей слыша вся глаголголанная от Господа, елика глагола к вам днесь, и сей будет вам во свидение в последния дни, и егда солжете Господеви Богу вашему. 006 JOS 024 028 И отпусти Иисус люди, коегождо в места своя. 006 JOS 024 029 И послужи Израиль Господеви во вся дни Иисусовы и во вся дни старцев, иже препроводиша время со Иисусом и иже видеша вся дела Господня, елика сотвори Израилю. 006 JOS 024 030 И бысть по сих, и умре Иисус сын Навин раб Господень, (пожив) сто и десять лет. 006 JOS 024 031 И погребоша его в пределех жребия его во Фамнасахаре, в горе Ефремли, от севера горы Гаасовы, и положиша тамо с ним во гробе, в немже погребоша его, ножы каменныя, имиже обреза сыны Израилевы в Галгалех (Иисус), егда изведе их из Египта, якоже повеле Господь: и тамо суть даже до дне сего. 006 JOS 024 032 И кости Иосифовы изнесоша сынове Израилевы из Египта и закопаша их в Сихемех, в части села, еже притяжа Иаков от Аморрей живущих в Сихемех стом агниц, и даде ю Иосифу в часть. 006 JOS 024 033 И бысть по сих, и Елеазар сын Ааронов архиерей скончася: и погребен бысть в Гаваафе Финееса сына своего, егоже даде ему в горе Ефремове. # # BOOK 007 JDG Judges Книга Судей израилевых 007 JDG 001 001 И бысть по скончании Иисусове, и вопрошаху сынове Израилевы Господа, глаголюще: кто взыдет нам к Хананею воевода, ратовати на них? 007 JDG 001 002 И рече Господь: Иуда взыдет: се, дах землю в руку его. 007 JDG 001 003 И рече Иуда к Симеону брату своему: взыди со мною в жребий мой, и ополчимся на Хананеа: и пойду и аз с тобою в жребий твой. И пойде с ним Симеон. 007 JDG 001 004 И взыде Иуда, и предаде Господь Хананеа и Ферезеа в руце их: и избиша их в Везеце до десяти тысящ мужей. 007 JDG 001 005 И обретоша Адонивезека в Везеце, и секошася с ним: и избиша Хананеа и Ферезеа. 007 JDG 001 006 И побеже Адонивезек: и гнаша вслед его, и яша его, и отсекоша краи рук его и краи ног его. 007 JDG 001 007 И рече Адонивезек: седмидесяти царем обсекох краи рук их и краи ног их, и быша собирающе (от крупиц) под трапезою моею: якоже убо сотворих, тако воздаде ми Бог. И приведоша его во Иерусалим, и умре тамо. 007 JDG 001 008 И воеваша сынове Иудины на Иерусалим, и взяша его, и поразиша его острием меча, и град сожгоша огнем. 007 JDG 001 009 И по сих снидоша сынове Иудины воевати на Хананеа живущаго в горней к югу и в равней. 007 JDG 001 010 И пойде Иуда на Хананеа живущаго в Хевроне. И изыде Хеврон со страны: имя же бе Хеврону прежде Кариафарвок-Сефер: и убиша Сесина и Ахимана и Фолмиа, роды Енаковы. 007 JDG 001 011 И взыдоша оттуду к живущым в Давире: имя же Давиру бе прежде Кариафсефер, Град Писмен. 007 JDG 001 012 И рече Халев: иже аще поразит Град Писмен и возмет его, дам ему Асхань дщерь мою в жену. 007 JDG 001 013 И взя его Гофониил сын Кенеза брата Халевова юнейший, и даде ему Халев Асхань дщерь свою в жену. 007 JDG 001 014 И бысть внегда отходити ей, и подвиже ю Гофониил просити у отца своего села, и ропташе (седящи) на осляти, и вопияше со осляти: на землю южную отдал мя еси. И рече ей Халев: что ти есть? 007 JDG 001 015 И рече ему Асхань: даждь ми благословение: яко на землю южную отдал еси мя, да даси мне и исходища водная. И даде ей Халев по сердцу ея исходища вышних и исходища нижних. 007 JDG 001 016 И сынове Иофора Кинеева, ужика Моисеова, взыдоша от града Финическа к сыном Иудиным в пустыню сущую на юг Иуды ко исходу Аредову, и поидоша, и вселишася с людьми. 007 JDG 001 017 И пойде Иуда с Симеоном братом своим, и изби Хананеа живущаго в Сефефе, и потребиша его: и прозваша имя граду Потребление. 007 JDG 001 018 И взя Иуда Газу и предел ея, и Аскалона и предел его, и Аккарон и предел его, и Азот и окрестная его. 007 JDG 001 019 И бяше Господь со Иудою. И взя гору, яко не возмогоша потребити живущих во юдоли, зане Рихав противоста им, и колесницы железныя бяху там. 007 JDG 001 020 И даша Халеву Хеврон, якоже глагола Моисей: и наследствова тамо три грады сынов Енаковых, и изгна оттуду три сыны Енаковы. 007 JDG 001 021 И Иевусеа живущаго во Иерусалиме не изгнаша сынове Вениаминовы, и живяше Иевусей с сынми Вениамини во Иерусалиме даже до сего дне. 007 JDG 001 022 И взыдоша сынове Иосифли и сии в Вефиль: и Господь бяше с ними. 007 JDG 001 023 И ополчишася, и соглядаша (сынове Иосифовы) Вефиль: имя же бе прежде граду Луза. 007 JDG 001 024 И видеша стрегущии мужа исходящаго из града, и яша его и рекоша ему: покажи нам вход во град, и сотворим с тобою милость. 007 JDG 001 025 И показа им вход градный: и поразиша град острием меча, мужа же и сродство его отпустиша. 007 JDG 001 026 И отиде муж в землю Хеттиим, и созда тамо град, и прозва имя ему Луза: сие имя ему даже до дне сего. 007 JDG 001 027 И не разори Манассий Вефсана, иже есть Скифский град, ниже дщерей его, ниже окрестных (предел) его, ниже Фанаха, ниже дщерей его, ниже живущих в Доре, ниже дщерей его, ниже живущих во Иевламе, ниже окрестных его, ниже дщерей его, и живущих в Магеддоне, ниже окрестных его и дщерей его. И нача Хананей жити на земли сей. 007 JDG 001 028 И бысть егда укрепися Израиль, и сотвори Хананеа данника: изгнанием же не изгна его. 007 JDG 001 029 И Ефрем не изгна Хананеа живущаго в Газере: и живяше Хананей среде его в Газере, и бысть ему в данника. 007 JDG 001 030 И Завулон не изгна живущих в Хевроне и живущих во Аммане: и вселися Хананей посреде их и бысть ему данник. 007 JDG 001 031 И Асир не изгна живущих во Акхоре, (и бысть ему данник, ) ни живущих в Доре, ни живущих в Сидоне, ни живущих в Далафе и во Ахазиве, и во Елве и во Афеке и в Роове. 007 JDG 001 032 И вселися Асир посреде Хананеа живущаго на земли (той), зане не возможе изгнати его. 007 JDG 001 033 И Неффалим не изгна живущих в Вефсамисе, ниже живущих в Вефанахе: и вселися Неффалим среде Хананеа живущаго на земли (сей): живущии же в Вефсамисе и в Вефанахе быша ему данницы. 007 JDG 001 034 И утесни Аморрей сыны Дановы в горе, яко не попусти им низходити во юдоль. 007 JDG 001 035 И нача Аморрей жити в горе Чрепней, идеже медведи и лисицы, в Мирсиноне и в Салавине: и отяготе рука дому Иосифля на Аморреа, и бысть ему данник. 007 JDG 001 036 И предел Аморрейский идумей от восхода Акравиня, от Камене и выше. 007 JDG 002 001 И взыде Ангел Господень от Галгал к месту Плача и к Вефилю и к дому Израилеву, и рече к ним: сия глаголет Господь: изведох вас из Египта, и введох вас в землю, еюже кляхся отцем вашым дати вам: и рекох: не разорю завета Моего, иже с вами, во веки: 007 JDG 002 002 и вы не завещайте завета с седящими на земли сей, ниже богом их да поклонитеся, но изваянная их сокрушите, и олтари их раскопайте: и не послушасте гласа Моего, яко сия сотвористе: 007 JDG 002 003 и Аз рех: не приложу преселити людий, ихже рех изгнати, ниже отиму их от лица вашего, и будут вам в терние, и бози их будут вам в соблазн. 007 JDG 002 004 И бысть егда глагола Ангел Господень словеса сия ко всем сыном Израилевым, и воздвигоша людие глас свой, и восплакашася. 007 JDG 002 005 И сего ради прозвася имя месту тому Плачь: и пожроша тамо Господеви. 007 JDG 002 006 И отпусти Иисус люди, и отидоша сынове Израилевы кийждо в домы своя и кийждо в наследие свое наследити землю. 007 JDG 002 007 И работаша людие Господеви во вся дни Иисусовы и во вся дни старейшин, елицы пожиша многи дни со Иисусом, елицы разумеша все дело Господне великое, еже сотвори Израилю. 007 JDG 002 008 И скончася Иисус сын Навин раб Господень, сын ста и десяти лет. 007 JDG 002 009 И погребоша его в пределех наследия его в Фамнафаресе, в горе Ефремли, от севера горы Гаас: 007 JDG 002 010 и весь род он приложишася ко отцем своим. И воста род другий по сих, иже не познаша Господа и дела, еже сотвори во Израили. 007 JDG 002 011 И сотвориша сынове Израилевы злое пред Господем и послужиша Ваалу, 007 JDG 002 012 и оставиша Господа Бога отец своих, изведшаго их из земли Египетски, и поидоша вслед богов иных, от богов языческих, Иже окрест их, и поклонишася им: и разгневаша Господа, 007 JDG 002 013 и оставиша Его, и послужиша Ваалу и Астартом. 007 JDG 002 014 И разгневася яростию Господь на Израиля и предаде его в руки пленяющих, и плениша их: и отдаде их в руки врагов их, иже окрест их, и не возмогоша ктому противостати пред лицем врагов своих, во всех в нихже прохождаху. 007 JDG 002 015 И рука Господня бяше на них во злая, якоже глагола Господь и якоже клятся Господь им, и озлоби их зело. 007 JDG 002 016 И возстави (им) Господь судии, и избави их Господь от руки пленяющих я. 007 JDG 002 017 Но и судий не послушаша, яко соблудиша вслед богов иных и поклонишася им, и разгневаша Господа: и уклонишася с пути скоро, по немуже ходиша отцы их послушати заповедий Господних: не сотвориша тако. 007 JDG 002 018 И яко возстави им Господь судий, и бяше Господь с судиею, и спасе я от руки врагов их во вся дни судии: яко умилися Господь от воздыхания их, от лица воюющих на ня и озлобляющих я. 007 JDG 002 019 И бысть егда умираше судия, и отвращахуся, и паки растлевахуся паче отец своих, идуще вслед богов иных служити им и покланятися им: не отвергоша начинаний своих и не отступиша от путий своих жестоких. 007 JDG 002 020 И разгневася яростию Господь на Израиля и рече: понеже остави род сей завет Мой, егоже заповедах отцем их, и не послушаша гласа Моего, 007 JDG 002 021 и Аз не приложу изгнати мужа от лица их от сих языков, ихже остави Иисус сын Навин на земли и умре, 007 JDG 002 022 еже искушати в них Израиля, аще сохранят путь Господень ходити в нем, якоже сохраниша отцы их, или ни. 007 JDG 002 023 И остави Господь языки сия не истребити их вскоре, и не предаде их в руку Иисусову. 007 JDG 003 001 И сия языки, яже остави Господь, да искусит ими Израиля, вся неведущыя браней Ханаанских, 007 JDG 003 002 токмо ради родов сынов Израилевых, еже научити я брани, обаче иже прежде их не уведаша их: 007 JDG 003 003 пять воеводств иноплеменнических, и всего Хананеа и Сидония, и Евеа живущаго в Ливане от горы Ваал-Ермон до Лавоемафа. 007 JDG 003 004 И бысть да искусит ими Израиля, да увесть, аще послушают заповедий Господних, яже заповеда отцем их рукою Моисеовою. 007 JDG 003 005 И сынове Израилевы обиташа посреде Хананеа и Хеттеа, и Аморреа и Ферезеа, и Евеа и Гергесеа и Иевусеа, 007 JDG 003 006 и пояша дщери их себе в жены, и дщери своя даша сыном их, и послужиша богом их. 007 JDG 003 007 И сотвориша сынове Израилевы злое пред Господем и забыша Господа Бога своего, и послужиша Ваалу и Дубравам. 007 JDG 003 008 И разгневася яростию Господь на Израиля и предаде их в руки Хусарсафема царя Месопотамии Сирския: и работаша сынове Израилевы Хусарсафему лет осмь. 007 JDG 003 009 И возопиша сынове Израилевы ко Господу. И возстави Господь спасителя Израилю, и спасе их, Гофониила, сына Кенеза брата Халевова юнейшаго его. 007 JDG 003 010 И бысть на нем Дух Господень, и суди Израиля. И изыде на рать к Хусарсафему: и предаде Господь в руце его Хусарсафема царя Сирска, и укрепися рука его над Хусарсафемом. 007 JDG 003 011 И бысть в покои земля четыредесять лет. И умре Гофониил сын Кенезов. 007 JDG 003 012 И приложиша сынове Израилевы сотворити злое пред Господем: и укрепи Господь Еглома царя Моавля на Израиля, занеже сотвориша злое пред Господем. 007 JDG 003 013 И собра к себе вся сыны Аммони и Амаликовы: и иде, и порази Израиля, и взя град Финическ. 007 JDG 003 014 И работаша сынове Израилевы Еглому царю Моавлю лет осмьнадесять. 007 JDG 003 015 И возопиша сынове Израилевы ко Господу: и возстави им Господь спасителя, Аода сына Гираня, сына Иемениина, мужа ободесноручна: и послаша сынове Израилевы дары рукою его Еглому царю Моавлю. 007 JDG 003 016 И сотвори себе Аод нож обоюдуостр, на пядь едину долгота его, и припояса его под ризу по бедре десней своей. 007 JDG 003 017 И иде, и принесе дары Еглому царю Моавлю: Еглом же муж добротелесен бе зело. 007 JDG 003 018 И бысть егда сконча Аод принося дары, и отсла носящих дары: 007 JDG 003 019 и Еглом обратися от идол иже в Галгалех. И рече Аод: слово мне есть к тебе тайно, царю. И рече Еглом к нему: молчи. И отсла от себе всех предстоящих пред ним. 007 JDG 003 020 И Аод вниде к нему. Сей же седяше в горнице летней своей един. И рече Аод: слово Божие мне к тебе, царю. И воста Еглом со престола близ его. 007 JDG 003 021 И бысть егда воста, и простре Аод руку левую свою, и извлече нож, иже над стегном его десным, и вонзе во чрево егломово: 007 JDG 003 022 и втисне и рукоять за острием, и заключи тук за острием, яко не извлече ножа из чрева его, (и изыде лайно). 007 JDG 003 023 И изыде Аод в притвор, и пройде стрегущих, и затвори двери горницы за собою и заключи, 007 JDG 003 024 и сам изыде. И раби его приидоша и узреша, и се, двери горницы заключены, и реша: еда у потребы седит во отлучении ложа? 007 JDG 003 025 И преждаша дондеже посрамишася: и се, не бысть отверзаяй двери горницы. И взяша ключь, и отверзоша: и се, господин их лежит на земли мертв. 007 JDG 003 026 И Аод спасеся внегда смущахуся, и не бе помышляющаго о нем: а он прейде идолы, и спасеся в Сетирофе. 007 JDG 003 027 И бысть егда прииде Аод в землю Израилеву, и воструби рогом в горе Ефремли: и снидоша с ним с горы сынове Израилевы, и той пред ними. 007 JDG 003 028 И рече к ним: идите вслед мене, яко предаде Господь Бог враги нашя Моавляны в руки нашя. И идоша вслед его, и предвзяша преходы Иордана Моавля, и ни единому мужу попустиша преити. 007 JDG 003 029 И избиша Моава в то время яко десять тысящ мужей, вся воины, иже в них, и всякаго мужа сильна: и ни един муж спасеся. 007 JDG 003 030 И пременися Моав в той день под руку Израилеву, и бысть в покои земля осмьдесят лет: и суди их Аод дондеже умре. 007 JDG 003 031 И по нем воста Самегар сын Анафов: и изби иноплеменников шесть сот мужей ралом воловым: и спасе и сей Израиля. 007 JDG 004 001 И приложиша сынове Израилевы сотворити злое пред Господем: и Аод умре. 007 JDG 004 002 И отдаде их Господь в руку Иавина царя Ханаанска, иже царствова во Асоре. И воевода силы его Сисара, и той живяше во Арисофе языков. 007 JDG 004 003 И возопиша сынове Израилевы ко Господу, яко девять сот колесниц железных бяше ему: и той озлоби Израиля зело лет двадесять. 007 JDG 004 004 И Деввора, жена пророчица, жена Лафидофова, сия судяше Израилю в то время: 007 JDG 004 005 и сия живяше под Фиником Деввора между Рамою и между Вефилем, в горе Ефремли: и восхождаху сынове Израилевы к ней тамо на суд. 007 JDG 004 006 И посла Деввора, и призва Варака сына Авинеемля из Кедеса Неффалимова, и рече к нему: не заповеда ли тебе Господь Бог Израилев? И пойдеши в гору Фавор, и поймеши с собою десять тысящ мужей от сынов Неффалимлих и от сынов Завулоних: 007 JDG 004 007 и приведу к тебе в водотечь Кисонь Сисару воеводу силы Иавини, и колесницы его, и множество (вой) его, и предам его в руки твоя. 007 JDG 004 008 И рече к ней Варак: аще пойдеши со мною, пойду, и аще не пойдеши со мною, не пойду: яко не вем дне, в оньже благоустроит Господь Ангела со мною. 007 JDG 004 009 И рече Деввора к нему: идущи пойду с тобою: обаче веждь, яко не будет тебе слава на пути, в оньже ты идеши: понеже в руку женску предаст Господь Сисару. И воста Деввора и пойде с Вараком до Кадиса. 007 JDG 004 010 И воззва Варак Завулона и Неффалима до Кадиса, и поидоша вслед его десять тысящ мужей, и иде с ним Деввора. 007 JDG 004 011 И Хавер Киней отлучися от Кены и от сынов Иовава, ужика Моисеова: и потче кущу свою под дубом Почивающих, иже есть при Кедесе. 007 JDG 004 012 И возвестиша Сисаре, яко взыде Варак сын Авинеемль на гору Фавор. 007 JDG 004 013 И созва Сисара вся колесницы своя, девять сот колесниц железных, и вся люди иже с ним, от Арисофа языков в водотечь Кисонь. 007 JDG 004 014 И рече Деввора к Вараку: востани, яко сей день, в оньже предаде Господь Сисару в руку твою, зане Господь изыдет пред тобою. И сниде Варак с горы Фавор, и десять тысящ мужей вслед его. 007 JDG 004 015 И сотре Господь Сисару и вся колесницы его и весь полк его острием меча пред Вараком. И сниде Сисара с колесницы своея и побеже ногами своими. 007 JDG 004 016 И Варак гоняй вслед колесниц его и вслед полка, даже до Дубравы языков. И паде весь полк Сисарин острием меча: не остася ни един. 007 JDG 004 017 И Сисара убеже ногами своими в кущу Иаили, жены Хавера Кинеева: яко мир бяше между Иавином царем Асорским и между домом Хавера Кинеева. 007 JDG 004 018 И изыде Иаиль во сретение Сисаре и рече к нему: уклонися, господине мой, уклонися ко мне, не бойся. И уклонися к ней в кущу: и покры его одеждею своею. 007 JDG 004 019 И рече Сисара к ней: напой мя мало воды, яко возжаждах. И отреши мех млечный, и напои его, и покры его. 007 JDG 004 020 И рече к ней Сисара: стани во дверех кущи, и будет аще кто приидет к тебе, и вопросит тя, и речет: есть ли зде муж? И речеши: несть. 007 JDG 004 021 И взя Иаиль, жена Хаверова, кол кущный, и взя млат в руку свою, и вниде к нему тихо, и водрузи кол во скрании его, и пронзе до земли: и сей утруждся спаше, и издше. 007 JDG 004 022 И се, Варак гоняй Сисару. И изыде Иаиль во сретение ему и рече ему: прииди, и покажу тебе мужа, егоже ты ищеши. И вниде к ней, и се, Сисара лежаше мертв, и кол во скрании его. 007 JDG 004 023 И покори Господь Бог в той день Иавина царя Ханааня пред сыны Израилевыми: 007 JDG 004 024 и хождаше рука сынов Израилевых ходящи, и ожесточися на Иавина царя Ханаанска, дондеже истребиша его. 007 JDG 005 001 И воспе Деввора и Варак сын Авинеемов в той день, и рече: 007 JDG 005 002 внегда начати вождом во Израили, и в произволении людий, благословите Господа. 007 JDG 005 003 Услышите, царие, и внушите, князи: аз Господеви воспою и пою Богу Израилеву. 007 JDG 005 004 Господи, во исходе Твоем от Сиира, внегда воздвизатися Тебе от села Едомова, земля потрясеся, и небо возмутися, и облацы искапаша воду: 007 JDG 005 005 горы подвигошася от лица Господа Елои, тая Сина от лица Господа Бога Израилева. 007 JDG 005 006 Во дни Самегара сына Анафова, во дни Иаили, оскудеша путие, и идоша в пути кривы, и идоша в пути развращенны: 007 JDG 005 007 оскудеша жнвущии во Израили, оскудеша дондеже воста Деввора, дондеже воста мати во Израили: 007 JDG 005 008 избраша боги новы, яко хлеб ячен, тогда воеваша грады князей: щит не явися, ниже копие в четыредесяти тысящах во Израили. 007 JDG 005 009 Сердце мое на учиненная во Израили: сильнии людий, благословите Господа. 007 JDG 005 010 Ездящии на ослятех белых в полудне, и седящии на судищи, и ходящии на пути сонмов, провещайте. 007 JDG 005 011 Глас плещущих посреде веселящихся: тамо дадят правду. Господи, правды укрепи во Израили: тогда разыдошася во грады своя людие Господни. 007 JDG 005 012 Востани, востани, Деввора: востани, востани, глаголи с песнию: востани, Вараче, и плени плен твой, сыне Авинеемль. 007 JDG 005 013 Тогда возвеличися сила Его: Господь смири мне крепльшыя мене. 007 JDG 005 014 Людие Ефремли утомиша их в долине: брат твой Вениамин в людех твоих: от мене Махир снидоша взыскующии, и от Завулона укрепляющиися в скиптре повествования писменника. 007 JDG 005 015 И началницы во Иссахаре с Девворою и Вараком: тако Варак отпусти пеших своих в долину, в разделения Рувимова, велика испытания сердца. 007 JDG 005 016 Вскую ми седиши посреде мосфафемов, слышати звиздание воставающих проити в разделения Рувимля? Велия испытания сердца. 007 JDG 005 017 Галаад, об ону страну Иордана вселися: и Дан, вскую обитаеши в кораблех? Асир обита при брезех морских, и в разделениих своих вселися. 007 JDG 005 018 Завулон, людие укориша душу свою на смерть: и Неффалим на высотах села. 007 JDG 005 019 И приидоша к нему царие, и ополчишася, тогда воеваша царие Ханаанстии во Фанаахе, у воды Магеддо: множества сребра не взяша. 007 JDG 005 020 От небесе ополчишася звезды, от чина своего ополчишася с Сисарою. 007 JDG 005 021 Водотечь Кисонов изверже их, водотечь Кадимин, водотечь Кисонов: поперет его душа моя сильная. 007 JDG 005 022 Тогда отсекошася копыта конская от топтания сильных его. 007 JDG 005 023 Проклинайте Мазора, рече Ангел Господень, проклятием проклените живущих в нем, яко не приидоша в помощь Господню, в помощь (Господню) в сильных. 007 JDG 005 024 Да благословится в женах Иаиль, жена Хавера Кинеева, от жен в кущи да благословится: 007 JDG 005 025 воды проси у нея, и даде ему млеко в чаши: преимущих принесе масло кравие: 007 JDG 005 026 руку свою левую к колу простре, и десницу свою ко млату работающих, и уби Сисару: разби главу его, и порази, прободе скрания его: 007 JDG 005 027 между ногама ея повалися: паде утружден, и умре посреде ног ея, и тамо паде бедне. 007 JDG 005 028 Оконцем взираше мати Сисарина, окном сквозе решетку, что замедли колесница его приити? Вскую умедлиша стопы колесниц его? 007 JDG 005 029 Мудрии началствующии ея отвещаша ей, и сама отвещаваше словеса своя себе: 007 JDG 005 030 не обрящут ли его разделяюща корысти, удружающа другом на главу мужа сильна? Корысти шаров Сисаре, корысти шаров различия, шары испещренных, сия выи его корысти. 007 JDG 005 031 Тако да погибнут вси врази Твои, Господи: и любящии Его, якоже восток солнца в силе своей. И бысть в покои земля четыредесять лет. 007 JDG 006 001 И сотвориша сынове Израилевы злое пред Господем, и предаде их Господь в руку Мадиамлю седмь лет. 007 JDG 006 002 И укрепися рука Мадиамля на Израиля: и сотвориша себе сынове Израилевы от лица Мадиамля ограды в горах и в пещерах и в твердынех. 007 JDG 006 003 И бысть егда сеяше муж Израилев, и восхождаше Мадиам и Амалик и сынове восточнии, и восхождаху на него, 007 JDG 006 004 и ополчахуся на них, и разоряху плоды земныя, дондеже внити в Газу: и не оставляху бытия жизненнаго во Израили, и стад и телца и осла: 007 JDG 006 005 яко сами и скоти их восхождаху, и кущы их преношаху, и прихождаху яко прузи множеством, и самем и велблюдом их не бяше числа: и прихождаху на землю Израилеву разорити ю. 007 JDG 006 006 И обнища Израиль зело от лица Мадиамля. 007 JDG 006 007 И возопиша сынове Израилевы ко Господу: и бысть егда возопиша сынове Израилевы ко Господу Мадиама ради, 007 JDG 006 008 и посла Господь мужа пророка к сыном Израилевым, и рече им: сия глаголет Господь Бог Израилев: Аз есмь изведый вас из Египта, и изведох вас из дому работы: 007 JDG 006 009 и избавих вас от руки Египетския и от руки всех стужающих вам: и изгнах я от лица вашего, и дах вам землю их, 007 JDG 006 010 и рекох вам: Аз есмь Господь Бог ваш, не убойтеся богов Аморрейских, в нихже вы живете в земли их: и не послушасте гласа Моего. 007 JDG 006 011 И прииде Ангел Господень, и седе под дубом, иже есть во Ефрафе, иже бысть Иоаса отца Езри. И Гедеон сын его млачаше пшеницу на гумне его, бежати от лица Мадиамля. 007 JDG 006 012 И явися ему Ангел Господень и рече к нему: Господь с тобою, сильный крепостию. 007 JDG 006 013 И рече к нему Гедеон: во мне, Господи мой: и аще есть Господь с нами, и вскую обретоша ны вся злая сия? И где суть вся чудеса Его, елика поведаша нам отцы наши, глаголюще: не из Египта ли изведе нас Господь? И ныне отверже нас Господь и предаде нас в руку Мадиамлю. 007 JDG 006 014 И воззре на него Ангел Господень и рече ему: иди в крепости твоей сей, и спасеши Израиля от руки Мадиамли: и се, послах тя. 007 JDG 006 015 И рече к нему Гедеон: во мне, Господи, в чесом спасу Израиля? Се, тысяща моя хуждша в Манассии, и аз есмь мний в дому отца моего. 007 JDG 006 016 И рече к нему Господь: понеже Аз буду с тобою, и избиеши Мадиама яко мужа единаго. 007 JDG 006 017 И рече к Нему Гедеон: и аще обретох благодать пред очима Твоима, и да сотвориши мне днесь знамение, яко Ты глаголеши со мною: 007 JDG 006 018 не отиди отсюду, дондеже приити мне к Тебе, и принесу жертву мою, и пожру пред Тобою. И рече: Аз есмь, премедлю, дондеже обратишися ты. 007 JDG 006 019 И Гедеон вниде, и сотвори козлище от коз, и четверть ифи муки опресноков, и мяса вложи в кошницу, и юху влия в горнец: и изнесе к Нему под дуб, и поклонися. 007 JDG 006 020 И рече к нему Ангел Господень: возми мяса и хлебы пресныя, и положи у камене онаго, и юху близ излий. И сотвори тако. 007 JDG 006 021 И простре Ангел Господень конец жезла, иже в руце его, и прикоснуся мясом и хлебом пресным: и возгореся огнь из камене, и пояде мяса и опресноки: и Ангел Господень отиде от очей его. 007 JDG 006 022 И виде Гедеон, яко Ангел есть Господень, и рече Гедеон: увы мне, Господи, Господи, яко видех Ангела Господня лицем к лицу. 007 JDG 006 023 И рече ему Господь: мир тебе, и не бойся, не умреши. 007 JDG 006 024 И созда тамо Гедеон жертвенник Господу, и назва его Мир Господень, даже до дне сего, еще сущу ему во Ефрафе отца Езри. 007 JDG 006 025 И бысть в ту нощь, и рече ему Господь: возми телца упитаннаго (от скотов) отца твоего, и телца втораго седми лет, и разориши олтарь Ваалов, иже есть отца твоего, и дубраву, яже у него, да посечеши: 007 JDG 006 026 и да соградиши олтарь Господеви Богу твоему явившемуся тебе на верху (горы) маози во предчинии: и да поймеши телца втораго и вознесеши всесожжения на древех дубравы, юже посечеши. 007 JDG 006 027 И поя Гедеон десять мужей от рабов своих, и сотвори, якоже заповеда ему Господь. И бысть яко убояся дому отца своего и мужей града, еже сотворити во дни, и сотвори нощию. 007 JDG 006 028 И обутреневаша мужие градстии заутра: и се, раскопан олтарь Ваалов, и дубрава яже у него посечена, и видеша телца втораго вознесена на всесожжение на олтарь новосогражденный. 007 JDG 006 029 И рече муж к ближнему своему: кто сотвори вещь сию? И вопрошаху и искаху, и познаша, яко Гедеон сын Иоасов сотвори вещь сию. 007 JDG 006 030 И рекоша мужие градстии ко Иоасу: изведи сына твоего, и да умрет, яко раскопа олтарь Ваалов и яко посече дубраву яже над ним. 007 JDG 006 031 И рече Иоас к мужем воставшым на него: еда вы ныне суд глаголете о Ваале? Или вы его спасете? Иже аще кто сотвори обиду, да умрет до заутрия: аще Бог есть, да мстит себе, яко раскопа олтарь его. 007 JDG 006 032 И прозва его в той день Иероваалом, глаголя: да отмстит на нем Ваал, яко раскопа олтарь его. 007 JDG 006 033 И весь Мадиам и Амалик и сынове востоков снидошася вкупе, и преидоша (реку), и ополчишася в долине Иезраель. 007 JDG 006 034 И Дух Божий укрепи Гедеона, и воструби рогом, и возопи Авиезер вслед его. 007 JDG 006 035 И посла послы ко всему Манассию, и созвася и сей вслед его. Посем посла послы во Асир и в Завулон и в Неффалим, и взыдоша во сретение им. 007 JDG 006 036 И рече Гедеон к Богу: аще Ты спасаеши рукою моею Израиля, якоже глаголал еси, 007 JDG 006 037 се, аз положу руно овчее на гумне: и аще будет роса на руне точию, и по всей земли суша, уразумею, яко спасеши рукою моею Израиля, якоже глаголал еси. 007 JDG 006 038 И бысть тако: и урани Гедеон наутрие, и исцеди руно, и истече роса из руна, исполнен окрин воды. 007 JDG 006 039 И рече Гедеон к Богу: да не разгневается ярость Твоя на мя, и возглаголю еще единою, и искушу еще единою руном: да будет суша на руне токмо, и по всей земли да будет роса. 007 JDG 006 040 И сотвори Бог тако в нощи той: и бысть суша на руне токмо, и по всей земли бысть роса. 007 JDG 007 001 И обутренева Иероваал, сей есть Гедеон, и вси людие иже с ним, и ополчишася у источника Арад: и полк Мадиамль и Амаликов бяше ему с севера на холме Мосе Гавааф-Аморе в долине. 007 JDG 007 002 И рече Господь к Гедеону: мнози людие иже с тобою, сего ради не предам Мадиама в руку их, да не когда похвалится Израиль на Мя, глаголя: рука моя спасе мя: 007 JDG 007 003 и ныне рцы во ушы людем, глаголя: кто боязлив и ужастив, да возвратится и да отидет от горы Галаадовы. И возвратишася от людий двадесять две тысящы, и десять тысящ осташася. 007 JDG 007 004 И рече Господь к Гедеону: еще людие мнози суть: сведи я на воду, и искушу тебе их тамо: и будет егоже аще реку тебе, сей да идет с тобою, той да пойдет с тобою: и всяк егоже аще реку тебе, сей да не пойдет с тобою, той да не пойдет с тобою. 007 JDG 007 005 И сведе люди на воду, и рече Господь к Гедеону: всяк иже полочет языком своим от воды, якоже лочет пес, да поставиши его особь: и всяк иже на колену падет пити, отлучи его особь. 007 JDG 007 006 И бысть число в горстех локавших языком триста мужей: и вси оставшии людие преклонишася на колена своя пити воду. 007 JDG 007 007 И рече Господь к Гедеону: треми сты мужей локавшими воду спасу вас, и предам Мадиама в руку твою: и вси людие да пойдут, кийждо на место свое. 007 JDG 007 008 И взяша себе брашно от людий в руку свою и роги своя: и всякаго мужа Израилтеска отпусти коегождо в кущу свою, а триста мужей удержа: полк же Мадиамль бяше ниже его в долине. 007 JDG 007 009 И бысть в ту нощь, и рече к нему Господь: востав сниди отсюду скоро в полк, яко предах их в руку твою: 007 JDG 007 010 и аще боишися ты снити, сниди ты и Фара раб твой в полк, 007 JDG 007 011 и услышиши, что возглаголют: и по сем укрепятся руце твои, и снидеши в полк. И сниде сам и Фара раб его в часть пятьдесятников, иже быша в полце. 007 JDG 007 012 И Мадиам и Амалик и вси сынове востоков стояху в долине яко прузи множеством, и велблюдом их не бяше числа, но бяху яко песок на краи морстем множеством. 007 JDG 007 013 И вниде Гедеон, и се, муж поведаше сон подругу своему, и рече: сей сон егоже видех, и се, тесто хлеба ячна валяющееся в полце Мадиамли, и привалися к кущи Мадиамли, и поби ю, и преврати ю, и паде куща. 007 JDG 007 014 И отвеща подруг его и рече: несть (сие тесто), но мечь Гедеона сына Иоасова мужа Израилева: предаде Бог в руку его Мадиама и весь полк. 007 JDG 007 015 И бысть яко услыша Гедеон поведание сна и разсуждение его, и поклонися Господеви, и возвратися в полк Израилев и рече: востаните, яко предаде Господь в руки нашя полк Мадиамль. 007 JDG 007 016 И раздели триста мужей на три началства, и вдаде роги в руце всем, и водоносы тщы, и свещы среде водоносов, 007 JDG 007 017 и рече им: мене смотрите, и такожде творите: и се, аз вниду в часть полка, и будет якоже сотворю, такожде сотворите: 007 JDG 007 018 и аз вострублю рогом, и вси иже со мною, да вострубите и вы в роги окрест всего полка, и да речете: (мечь) Богу и Гедеону. 007 JDG 007 019 И вниде Гедеон и сто мужей иже с ним в часть полка в начале стражи средния: и убужением возбудиша стрегущих, и вострубиша в роги, и сразиша водоносы иже в руках их. 007 JDG 007 020 И вострубиша три началства в роги и сокрушиша водоносы, и удержаша в левых руках своих свещы, и в десных руках их роги, в няже трубити: и возопиша: мечь Господеви и Гедеону. 007 JDG 007 021 И сташа кийждо о себе окрест полка: и смятеся весь полк, и возопиша, и побегоша. 007 JDG 007 022 И вострубиша в триста рогов: и положи Господь мечь мужа на подруга его во всем полце, и пробеже полк до Вифасетта, и собрася до страны Авелмаула и к Тавафу. 007 JDG 007 023 И возопиша мужие Израилтестии от Неффалима и от Асира и от всего Манассии, и погнаша вслед Мадиама. 007 JDG 007 024 И посла послы Гедеон во всю гору Ефремлю, глаголя: снидите во сретение Мадиаму и удержите им воду до Вефира и Иордана. И воззва всяк муж Ефремль, и предотяша воду до Вефира и Иордана, 007 JDG 007 025 и яша два князя Мадиамля, Орива и Зива: и убиша Орива в Суре, и Зива убиша во Иакефзиве: и погнаша Мадиама, и главу Орива и Зива принесоша к Гедеону от оноя страны Иордана. 007 JDG 008 001 И рекоша к Гедеону мужие Ефремли: что сие сотворил еси нам, яко не позвал еси нас, егда ходил воевати на Мадиама? И пряхуся с ним сильно. 007 JDG 008 002 И рече к ним (Гедеон): что сотворих ныне якоже вы? Не лучше ли гроздец Ефремль, нежели обрание винограда Авиезерова? 007 JDG 008 003 В руку вашу предаде Господь князи Мадиамли, Орива и Зива: и что возмогох сотворити якоже вы? Тогда утолися дух их от него, егда глагола им слово сие. 007 JDG 008 004 И прииде Гедеон ко Иордану, и прейде сам и иже с ним триста мужей, алчни и утруждени гоняще. 007 JDG 008 005 И рече мужем Сокхофским: дадите хлебы на пищу мужем сим иже со мною, яко алчни суть: аз же гоню вслед Зевеа и Салмана, царей Мадиамских. 007 JDG 008 006 И рекоша князи Сокхофстии: еда рука Зевеа и Салмана ныне в руце твоей, яко дадим воем твоим хлебы? 007 JDG 008 007 И рече Гедеон: не тако: но егда предаст Господь Зевеа и Салмана в руку мою, аз сотру плоти вашя тернием пустынным и волчцами. 007 JDG 008 008 И взыде оттуду во Фануил и глагола к ним такожде. И отвещаша ему мужие Фануили, якоже отвещаша ему мужие Сокхофстии. 007 JDG 008 009 И рече Гедеон мужем Фануилским, глаголя: егда возвращуся с миром, раскопаю столп сей. 007 JDG 008 010 И Зевей и Салман быша в Каркаре, и полк их с ними до пятьнадесяти тысящ (мужей) оставшихся от всего полка сынов восточных: и умерших бяше сто и двадесять тысящ мужей держащих оружие. 007 JDG 008 011 И взыде Гедеон путем живущих в кущах от востоков прямо Навы и Иегевала: и изби полк, полк же бяше надежен. 007 JDG 008 012 И побегоста Зевей и Салман: и гна вслед их, и поима оба царя Мадиамля, Зевеа и Салмана, и весь полк их смяте. 007 JDG 008 013 И возвратися Гедеон сын Иоасов от рати прежде восхода солнца, 007 JDG 008 014 и ят отрочища от мужей Сокхофских и вопроси его: и вписа от него имена князей Сокхофских и старейшин их, седмидесяти и седми мужей. 007 JDG 008 015 И прииде Гедеон ко князем Сокхофским и рече им: се, Зевей и Салман, ихже ради укористе мя, глаголюще: еда рука Зевеа и Салмана ныне в руце твоей, яко дадим мужем твоим утруждшымся хлебы? 007 JDG 008 016 И поя князи и старейшины града, и терние от пустыни и волчцы, и сотре ими мужы Сокхофски: 007 JDG 008 017 и столп Фануилев раскопа, и изби мужы градския. 007 JDG 008 018 И рече к Зевею и Салману: какови мужие, ихже избисте в Фаворе? И реша: якоже ты, тако они, подобен ты еси им, яко подобие сынов царевых. 007 JDG 008 019 И рече Гедеон: братия моя и сынове матере моея суть: жив Господь, аще бысте живили их, не убил бых вас. 007 JDG 008 020 И рече Иеферу первенцу своему: востав убий их. И не извлече отрочищь меча своего: зане убояся, яко млад бяше. 007 JDG 008 021 И рече Зевей и Салман: востани убо ты, и сопротивися нам: зане яко муж сила его. И воста Гедеон, и уби Зевеа и Салмана: и взя украшения, яже на выях велблюдов их. 007 JDG 008 022 И рекоша мужие Израилстии ко Гедеону: владей нами и ты, и сынове твои, и сынове сынов твоих, яко ты спасл еси нас от руки Мадиамли. 007 JDG 008 023 И рече к ним Гедеон: не возобладаю аз вами, и не возобладает сын мой вами: Господь да владеет вами. 007 JDG 008 024 И рече к ним Гедеон: попрошу у вас прошения, и да даст мне всяк муж усерязь от плена своего: яко усерязи златы (мнози) и бяху им, зане Исмаилтяне бяху. 007 JDG 008 025 И рекоша: дающе дадим. И простре ризу, и ввергоша ту мужие по и усерязю от плена своего. 007 JDG 008 026 И бысть вес усерязь златых, ихже испроси, тысяща и седмь сот сикль злата, кроме плениц и монист (енфофовых), и риз багряных, яже на царех Мадиамлих, и кроме чепей златых, яже на выях велблюдов их. 007 JDG 008 027 И сотвори от них Гедеон ефуд, и постави его во граде своем во Ефрафе. И соблуди весь Израиль по нем тамо: и бысть Гедеону и всему его дому в соблазн. 007 JDG 008 028 И смирися Мадиам пред сыны Израилевыми, и не приложиша воздвигнути главы своея. И бысть в покои земля четыредесять лет, во дни Гедеоновы. 007 JDG 008 029 И иде Иероваал сын Иоасов, и седе в дому своем. 007 JDG 008 030 И Гедеону быша седмьдесят сынов, изшедшии от чресл его, яко жены бяху многи ему. 007 JDG 008 031 И подложница его яже в Сикиме и сия роди ему сына, и нарече имя ему Авимелех. 007 JDG 008 032 И умре Гедеон сын Иоасов в старости блазе, и погребеся во гробе Иоаса отца своего, во Ефрафе, отца Езриева. 007 JDG 008 033 И бысть егда умре Гедеон, и совратишася сынове Израилевы и соблудиша вслед Ваалима, и сотвориша себе со Ваалверифом завет, да им будет бог: 007 JDG 008 034 и не воспомянуша сынове Израилевы Господа Бога своего, избавльшаго их из руки всех враг их окрестных: 007 JDG 008 035 и не сотвориша милости с домом Иеровааловым, сей есть Гедеон, по всей благостыни его, юже сотвори со Израилем. 007 JDG 009 001 И пойде Авимелех сын Иероваалов в Сихем ко братии матере своея и глагола к ним и ко всему сродству дому отца матере своея, глаголя: 007 JDG 009 002 глаголите во ушы всех мужей Сихемских: что лучше вам, еже владети вами седмидесяти мужем всем сыном Иеровааловым, или владети вами мужу единому? И помяните, яко кость ваша и плоть ваша есмь аз. 007 JDG 009 003 И глаголаша братия матере его о нем во ушы всех мужей Сихемских вся словеса сия. И уклонися сердце их вслед Авимелеха, рекоша бо: брат наш есть. 007 JDG 009 004 И даша ему седмьдесят сребреник от дому Ваалверифа: и ная ими Авимелех мужей праздных и скитающихся, и поидоша вслед его. 007 JDG 009 005 И вниде в дом отца своего во Ефрафу, и изби братию свою, сыны Иеровааловы, седмьдесят мужей, на камени единем, и остася Иоафам сын Иеровааль юнейший, зане скрыся. 007 JDG 009 006 И собрашася вси мужие Сихемстии и весь дом Маалов, и поидоша, и поставиша Авимелеха царем у дуба стана, иже в Сихемех. 007 JDG 009 007 И поведаша Иоафаму, и пойде, и ста на версе горы Гаризин: и воздвиже глас свой, и воззва, и рече им: послушайте мене, мужие Сихемстии, и да услышит вас Бог. 007 JDG 009 008 Идуще идоша древа помазати себе царя и реша масличине: буди нам царь. 007 JDG 009 009 И рече им масличина: еда оставивши тучность мою, юже во мне прослави бог и человецы, пойду владети древами? 007 JDG 009 010 И рекоша древа смоковнице: прииди, царствуй над нами. 007 JDG 009 011 И рече им смоковница: еда оставивши мою сладость и плод мой благий, пойду владети древами? 007 JDG 009 012 И рекоша древа к лозе виноградней: прииди, буди нам царь. 007 JDG 009 013 И рече им лоза виноградная: еда оставивши вино мое, веселящее бога и человеки, пойду владети древами? 007 JDG 009 014 И рекоша вся древа тернию: прииди, буди нам царь. 007 JDG 009 015 И рече терние ко древам: аще по истине помазуете себе царя мене над вами, приидите и внидите под сень мою: аще ли же ни, да изыдет огнь из терния и пояст кедры Ливанския. 007 JDG 009 016 И ныне аще по истине и по совершенству сотвористе, и постависте Авимелеха царем, и аще благо сотвористе со Иероваалом и с домом его, и аще по воздаянию руки его сотвористе ему, 007 JDG 009 017 якоже воева отец мой по вас, и поверже душу свою в страну, и избави вас от руки Мадиамли: 007 JDG 009 018 и вы востасте на дом отца моего днесь и избисте сыны его, седмьдесят мужей, на единем камени, и постависте царем Авимелеха сына рабыни его над мужи Сикимскими, яко брат ваш есть: 007 JDG 009 019 и аще по истине и по совершенству сотвористе со Иероваалом и домом его днесь, благословени вы будите, и возвеселитеся о Авимелесе, и той о вас да возвеселится: 007 JDG 009 020 аще же ни, да изыдет огнь от Авимелеха и пояст мужы Сикимски и дом Мааллонь: и да изыдет огнь от мужей Сикимских и от дому Мааллоня и да пояст Авимелеха. 007 JDG 009 021 И избеже Иоафам, и побеже, и пойде в Виру, и вселися тамо от лица Авимелеха брата своего. 007 JDG 009 022 И облада Авимелех во Израили три лета. 007 JDG 009 023 И посла Бог дух зол между Авимелехом и между мужи Сикимскими: и возгнушашася мужие Сикимстии домом Авимелеховым, 007 JDG 009 024 еже навести неправду седмидесяти сынов Иероваалих и крови их возложити на Авимелеха брата их, иже уби их, и на мужы Сикимски, яко укрепиша руце его избити братию свою: 007 JDG 009 025 и поставиша нань мужие Сикимстии подсады на версех гор, и разграбляху всех идущих к ним на пути. И возвестися сие Авимелеху. 007 JDG 009 026 И прииде Гаал сын Аведов и братия его, и преидоша в Сикиму, и уповаша на него мужие Сикимстии: 007 JDG 009 027 и изыдоша на село, и обраша винограды своя, и изгнетоша, и сотвориша лики: и ходиша во храм богов своих, и ядоша и пиша, кленуще Авимелеха. 007 JDG 009 028 И рече Гаал сын Аведов: кто есть Авимелех, и кто есть сын Сихемль, яко да поработаем ему? Не сын ли Иеровааль, и Зевул страж его раб его с мужи Еммора отца Сихемля? И почто имамы работати ему? 007 JDG 009 029 И кто даст люди сия в руку мою? И преставлю Авимелеха, и реку ко Авимелеху: умножи силу твою, и изыди. 007 JDG 009 030 И услыша Зевул князь града словеса Гаала сына Аведова, и разгневася яростию: 007 JDG 009 031 и посла послы ко Авимелеху отай, глаголя: се, Гаал сын Аведов и братия его приидоша в Сихему, и се, сии обседят на тя град: 007 JDG 009 032 и ныне востани нощию ты и людие иже с тобою, и засяди до заутрия на селе: 007 JDG 009 033 и будет рано, егда взыдет солнце, обутрееши и протягнешися ко граду: и се, той и людие иже с ним изыдут к тебе, и сотвориши ему, елико возможет рука твоя. 007 JDG 009 034 И воста Авимелех и вси людие, иже с ним, нощию, и заседоша на Сихем на четыри части. 007 JDG 009 035 И бысть заутра, и изыде Гаал сын Аведов и ста пред дверию врат градских. И воста Авимелех и людие, иже с ним, от засады. 007 JDG 009 036 И виде Гаал сын Аведов люди и рече к Зевулу: се, народ людий исходит с верхов гор. И рече к нему Зевул: стень гор ты видиши яко мужы. 007 JDG 009 037 И приложи еще Гаал глаголати и рече: се, людие исходят при мори от высоты земли, и полк един идет путем дубравы Маоненим. 007 JDG 009 038 И рече к нему Зевул: и где суть ныне уста твоя глаголющая: кто есть Авимелех, яко поработаем ему? Не сии ли суть людие, яже ты уничтожил еси? Изыди убо ныне, и ополчися противу их. 007 JDG 009 039 И изыде Гаал пред мужы Сихемски, и ополчися противу Авимелеху: 007 JDG 009 040 и погна его Авимелех, и побеже от лица его: и падоша язвеннии мнози даже до врат градских. 007 JDG 009 041 И вниде Авимелех во Ариму: и Зевул изгна Гаала и братию его, да не живут в Сихеме. 007 JDG 009 042 И бысть наутрие, и изыдоша и людие на поле, и поведаша Авимелеху: 007 JDG 009 043 и взя людий, и раздели их на три части, и засяде на селе: и виде, и се, людие изыдоша из града, и воста на ня, и изби их. 007 JDG 009 044 И Авимелех и началницы, иже с ним, протягошася и сташа у дверий врат градских: и две части пролияшася на вся, яже на селе, и избиша я. 007 JDG 009 045 Авимелех же добываше града весь день той, и взя град, и люди иже в нем изби, и разори град, и посея в нем соль. 007 JDG 009 046 И услышаша сие вси мужие столпа Сихемля и внидоша в твердь дому (бога) Вефилвериф. 007 JDG 009 047 И возвестися Авимелеху, яко собрашася вси мужие столпа Сихемска. 007 JDG 009 048 И взыде Авимелех на гору Селмон сам и вси людие, иже с ним: и взя Авимелех секиру в руку свою, и усече ветвь от древа, и воздвиже ю, и возложи на раму свою: и рече людем иже с ним: еже видесте мя творяща, сотворите скоро якоже и аз. 007 JDG 009 049 И усекоша вси людие ветвия и взяша, и поидоша вслед Авимелеха, и возложиша на твердыню, и запалиша на них твердыню огнем: и изомроша вси людие столпа Сихемска до тысящи мужей и жен. 007 JDG 009 050 И иде Авимелех в Фивис и обсяде его, и взя его: 007 JDG 009 051 и столп бе тверд среде града, и вбегоша ту вси мужие и жены и вси старейшины града, и заключишася и взыдоша на кров столпа: 007 JDG 009 052 и прииде Авимелех до столпа, и супротивишася ему: и приступи Авимелех ко вратом столпа, еже запалити его огнем: 007 JDG 009 053 и сверже жена едина уломок жерновный на главу Авимелеха, и сокруши ему темя: 007 JDG 009 054 и возопи скоро Авимелех ко отроку носящему сосуды его и рече ему: извлецы мечь твой и убий мя, да не рекут, яко жена уби его. И прободе его отрок его, и умре. 007 JDG 009 055 И видеша мужие Израилстии, яко умре Авимелех: и отидоша кийждо на свое место. 007 JDG 009 056 И воздаде Бог зло Авимелеху, еже сотвори отцу своему, убив седмьдесят братий своих: 007 JDG 009 057 и всяку злобу мужей Сихемлих обрати Бог на главы их: и взыде на ня клятва Иоафама сына Иеровааля. 007 JDG 010 001 И воста по Авимелесе спасти Израиля Фола сын Фуи, сын брата отца его, муж от Иссахара: и сей живяше в Самире в горе Ефремове, 007 JDG 010 002 и суди Израиля лет двадесять три, и умре, и погребен быти в Самире. 007 JDG 010 003 И воста по нем Иаир Галаадитин, и суди Израиля лет двадесять два: 007 JDG 010 004 и быша ему сынове тридесять два ездящии на тридесяти двух ослех: и грады им тридесять два: и прозываху их грады Иаировы, даже до днесь, иже суть в земли Галаадове: 007 JDG 010 005 и умре Иаир, и погребен бысть в Камоне. 007 JDG 010 006 И приложиша сынове Израилевы творити злое пред Господем и послужиша Ваалимам и Астарофам и богом Сирским и богом Сидонским и богом Моавлским и богом сынов Аммоних и богом иноплеменников: и оставиша Господа и не работаша Ему. 007 JDG 010 007 И разгневася Господь яростию на Израиля и предаде их в руку Филистимску и в руку сынов Аммоних. 007 JDG 010 008 И озлобиша, и сокрушиша сынов Израилевых в то время осмьнадесять лет, всех сынов Израилевых, иже об ону страну Иордана в земли Аморреа иже в Галааде. 007 JDG 010 009 И преидоша сынове Аммони Иордан воевати на Иуду и Вениамина и на дом Ефремов: и оскорблени быша сынове Израилевы зело. 007 JDG 010 010 И возопиша сынове Израилевы ко Господу, глаголюще: согрешихом Тебе, яко оставихом Бога нашего и работахом Ваалиму. 007 JDG 010 011 И рече Господь к сыном Израилевым: не от Египта ли и от Аморреа и от сынов Аммоних и от Филистима 007 JDG 010 012 и от Сидонян и от Амалика и от Мадиама, иже стужиша вам, и возописте ко Мне, и спасох вы от руки их? 007 JDG 010 013 Вы же остависте Мене и работасте богом иным: сего ради не приложу спасти вас: 007 JDG 010 014 идите и возопийте к богом, ихже избрасте себе, и тии да спасут вы во время скорби вашея. 007 JDG 010 015 И реша сынове Израилевы ко Господу: согрешихом, сотвори ты нам по всему, елико угодно пред очима Твоима: точию избави нас в сей день. 007 JDG 010 016 И извергоша боги чуждыя от среды себе и послужиша Господеви единому: и сжалеся душа Его о утруждении Израилеве. 007 JDG 010 017 И взыдоша сынове Аммони, и ополчишася в Галааде: и собрашася и сынове Израилевы, и ополчишася в Массифе. 007 JDG 010 018 И реша людие князи Галаадстии кийждо ко ближнему своему: муж, иже начнет битися с сынми Аммоновыми, той будет князь всем живущым в Галааде. 007 JDG 011 001 И бяше Иеффай Галаадитянин силен крепостию: и той бысть сын жены блудницы, яже роди Галааду Иеффая. 007 JDG 011 002 И роди жена Галаадова сынов ему: и возмужаша сынове жены и изгнаша Иеффая, и рекоша ему: не наследиши в дому отца нашего, яко сын жены блудныя еси ты. 007 JDG 011 003 И отбеже Иеффай от лица братии своея и вселися в земли Тов: и собирахуся ко Иеффаю мужие праздни, и хождаху с ним. 007 JDG 011 004 И бысть по днех сих, и воеваша сынове Аммони на Израиля. 007 JDG 011 005 И егда воеваша сынове Аммони на Израиля, и поидоша старейшины Галаадовы пояти Иеффая от земли Тов, 007 JDG 011 006 и рекоша ко Иеффаю: прииди и буди нам началник, и ополчимся на сыны Аммони. 007 JDG 011 007 И рече Иеффай старейшинам Галаадским: не вы ли возненавидесте мя, и изгнасте мя из дому отца моего, и отпустисте мя от себе? И почто приидосте ко мне ныне, егда нужду возиместе? 007 JDG 011 008 И рекоша старейшины Галаадстии ко Иеффаю: сего ради ныне приидохом к тебе, да пойдеши с нами, и ополчимся на сыны Аммони: и будеши нам князь всем живущым в Галааде. 007 JDG 011 009 И рече Иеффай ко старейшинам Галаадовым: аще возвращаете мя ополчитися на сыны Аммони, и предаст их Господь предо мною, и аз вам буду ли князь? 007 JDG 011 010 И рекоша старейшины Галаадстии ко Иеффаю: Господь да будет послух между нами, аще по слову твоему тако не сотворим. 007 JDG 011 011 И пойде Иеффай со старейшинами Галаадскими, и поставиша его людие над собою главу и князя: и глагола Иеффай вся словеса своя пред Господем в Массифе. 007 JDG 011 012 И посла Иеффай послы к царю сынов Аммоних, глаголя: что мне и тебе, яко пришел еси ко мне воевати на земли моей? 007 JDG 011 013 И рече царь сынов Аммоних к послом Иеффаевым: яко взя Израиль землю мою, егда изыде из Египта, от Арнона даже до Иавока и до Иордана: и ныне возврати ю с миром, и отиду. 007 JDG 011 014 И возвратишася послы ко Иеффаю. И приложи еще Иеффай, и посла послы к царю сынов Аммоних, и рекоша ему: 007 JDG 011 015 тако глаголет Иеффай: не взя Израиль земли Моавли и земли сынов Аммоних, 007 JDG 011 016 понеже егда исхождаше из Египта, пойде Израиль по пустыни до моря Чермнаго, и прииде до Кадиса: 007 JDG 011 017 и посла Израиль послы к царю Едомску, глаголя: да прейду сквозе землю твою: и не послуша царь Едомск: такожде посыла и к царю Моавску, и не восхоте: и седе Израиль в Кадисе: 007 JDG 011 018 и иде пустынею, и обыде землю Едомлю и землю Моавлю, и прииде на востоки солнца земли Моавли, и ополчися об ону страну Арнона, и не вниде в пределы Моавли, яко Арнон бяше предел Моавль: 007 JDG 011 019 и посла Израиль послы к Сиону царю Аморрейску, царю Есевонску, и рече к нему Израиль: да прейдем по земли твоей до места нашего: 007 JDG 011 020 и не восхоте Сион Израилю преити по пределом своим, и собра Сион вся люди своя, и ополчися во Иасе, и воева на Израиля: 007 JDG 011 021 и предаде Господь Бог Израилев Сиона и вся люди его в руки Израиля, и изби их: 007 JDG 011 022 и наследова Израиль всю землю Аморреа живущаго на земли той: и взя весь предел Аморрейск от Арнона даже до Иавока, и от пустыни до Иордана: 007 JDG 011 023 и ныне Господь Бог Израилев изгна Аморреа от лица людий Своих Израиля, и ты ли хощеши наследити его? 007 JDG 011 024 Ни, но елико даде в наследие тебе Хамос бог твой, сия да наследиши: а всех, ихже изгна Господь Бог наш от лица нашего, сия мы наследим: 007 JDG 011 025 и ныне еда лучший еси ты Валака сына Сепфорова, царя Моавля? Не бранию ли боряшеся со Израилем, или воюя воева его? 007 JDG 011 026 Егда вселися Израиль во Есевоне и в пределех его, и во Ароире и в пределех его, и во всех градех, иже у Иордана, триста лет, и почто не избавил еси их во время оно? 007 JDG 011 027 Аз же не согреших тебе, и ты твориши со мною зло, воюя на мя: да судит Господь судяй днесь между сыны Израилевыми и между сыны Аммони. 007 JDG 011 028 И не послуша царь сынов Аммоних словес Иеффаевых, яже посылаше к нему. 007 JDG 011 029 И бысть на Иеффаи Дух Господень, и прейде Галаада и Манассию, и прейде Стражбу Галаадову, и от Стражбы Галаадовы иде на ону страну сынов Аммоних. 007 JDG 011 030 И обеща Иеффай обет Господеви и рече: аще преданием предаси сыны Аммони в руку мою, 007 JDG 011 031 и будет исходяй, иже аще изыдет из врат дому моего во сретение мне, егда возвращуся с миром от сынов Аммоних, и будет Господеви, и вознесу его во всесожжение. 007 JDG 011 032 И прииде Иеффай к сыном Аммоним воевати на ня: и предаде я Господь в руце его 007 JDG 011 033 и изби их от Ароира, дондеже приити в Мениф, двадесять градов, и даже до Авеля Виноградов, язвою великою зело. И покорени быша сынове Аммони пред лицем сынов Израилевых. 007 JDG 011 034 И прииде Иеффай в Массифу в дом свой: и се, дщерь его исхождаше во сретение его с тимпаны и лики: и сия бяше единородна ему возлюбленна: и не бе ему сына, ни другия дщере, кроме ея. 007 JDG 011 035 И бысть егда увиде ю сам, растерза ризы своя и рече: о, дщи моя, смущающи смутила мя еси: и ты ныне в претыкание была еси пред очима моима: аз бо отверзох уста моя на тя ко Господу и не возмогу вспять возвратити. 007 JDG 011 036 И рече к нему: отче, аще отверзл еси уста твоя ко Господу, сотвори мне, якоже изыде изо уст твоих, занеже сотвори тебе Господь месть врагом твоим от сынов Аммоних. 007 JDG 011 037 И рече ко отцу своему: сотвори, отче мой, сие слово: остави мя два месяца, да пойду и взыду на горы и плачуся девства моего аз и другини мои. 007 JDG 011 038 И рече: иди. И отпусти ю на два месяца: и иде сама и другини ея, и плакася девства своего на горах. 007 JDG 011 039 И бысть в конце двою месяцу, и возвратися ко отцу своему: и сотвори на ней обет свой, имже обещася: и сия не позна мужа. И бысть в повеление во Израили: 007 JDG 011 040 от дний до дний исхождаху дщери Израилевы плакати о дщери Иеффая Галаадитина четыри дни в лете. 007 JDG 012 001 И собрашася мужие Ефремли и приидоша в Сефину, и реша Иеффаю: почто ходил еси ополчитися на сыны Аммони, и нас не позвал еси ити с тобою? Дом твой с тобою сожжем огнем. 007 JDG 012 002 И рече к ним Иеффай: имех прю аз и людие мои, и сынове Аммони оскорбиша мене зело: и воззвах вас, и не избависте мене от руки их: 007 JDG 012 003 и видех, яко не бяше спасающаго, и положих душу мою в руку мою, и приидох к сыном Аммоним, и предаде я Господь в руку мою: и вскую приидосте ко мне днесь, ополчити ли ся на мя? 007 JDG 012 004 И собра Иеффай вся мужы Галаадски и ополчися на Ефрема: и избиша мужие Галаадстии Ефрема, понеже глаголаху: уцелевшии от Ефрема, вы Галаад среде Ефрема и среде Манассии. 007 JDG 012 005 И засяде Галаад проходы у Иордана Ефремовы. И бысть егда реша уцелевшии от Ефрема: прейдем: и рекоша им мужие Галаадстии: еда ли от Ефрема вы? И реша: несмы. 007 JDG 012 006 И реша им: рцыте, клас. И не управиша рещи тако: и имаху их, и закалаху у преходов Иорданих: и падоша в то время от Ефрема четыредесять и две тысящы. 007 JDG 012 007 И суди Иеффай Израилеви лет шесть: и умре Иеффай Галаадитин, и погребен бысть во граде своем в Галааде. 007 JDG 012 008 И суди по нем Израилеви Есевон от Вифлеема: 007 JDG 012 009 и быша ему тридесять сыны и тридесять дщери, яже отдаде вон (мужем), и тридесять жен приведе сыном своим отвне: и суди Израилеви седмь лет: 007 JDG 012 010 и умре Есевон, и погребен бысть в Вифлееме. 007 JDG 012 011 И суди по нем Израилеви Елон Завулонянин десять лет: 007 JDG 012 012 и умре Елон Завулонянин, и погребен бысть во Елиме в земли Завулони. 007 JDG 012 013 И суди по нем Израилеви Авдон сын Еллихов Фарафонитин: 007 JDG 012 014 и быша ему четыредесять сынове и тридесять внуцы, ездящии на седмидесяти ослех: и суди Израилеви осмь лет: 007 JDG 012 015 и умре Авдон сын Еллихов Фарафонитин, и погребен бысть в Фарафоне, в земли Ефремли, в горе Амаликове. 007 JDG 013 001 И приложиша еще сынове Израилевы творити зло пред Господем: и предаде я Господь в руку Филистимску четыредесять лет. 007 JDG 013 002 И бяше муж един от Сараи, от племене Данова, имя же ему Маное: и жена ему бяше неплоды и не раждаше. 007 JDG 013 003 И явися Ангел Господень к жене и рече к ней: се, ты неплоды и не раждала еси, и зачнеши и родиши сына: 007 JDG 013 004 и ныне блюдися, и не пий вина и сикера, и не яждь всякаго нечистаго: 007 JDG 013 005 яко се, ты во утробе приимеши и родиши сына: и железо на главу его не взыдет, яко назорей Богови будет сие отроча от чрева: и сей начнет спасати Израиля из руки Филистимли. 007 JDG 013 006 И вниде жена и рече мужу своему, глаголющи: человек Божий прииде ко мне, и образ его яко образ Ангела Божия, страшен зело: и вопрошах его, откуду еси? И имене своего не поведа ми, 007 JDG 013 007 и рече мне: се, ты во утробе зачнеши и родиши сына: и ныне не пий вина, ни сикера, и не яждь всякаго нечистаго, яко назорей Богу будет отрочищь от утробы даже до дне смерти своея. 007 JDG 013 008 И помолися Маное ко Господу и рече: во мне, Господи, человек Божий, егоже послал еси, да приидет еще к нам и наставит ны, что сотворим отрочати раждающемуся. 007 JDG 013 009 И послуша Бог молитвы Маноевы: и прииде паки Ангел Божий к жене, сия же седяше на селе, и Маное муж ея не бяше с нею. 007 JDG 013 010 И потщася жена, и текши скоро поведа мужу своему, и рече к нему: се, явися мне муж, иже приходил в день он ко мне. 007 JDG 013 011 И востав иде Маное вслед жены своея, и прииде к мужу и рече ему: ты ли еси муж глаголавый к жене (моей)? И рече Ангел: аз. 007 JDG 013 012 И рече Маное: ныне убо да приидет слово твое, кий будет суд отрочате, и что дела его? 007 JDG 013 013 И рече Ангел Господень к Маною: от всех, яже глаголах к жене, да сохранится: 007 JDG 013 014 от всего, еже исходит из винограда, да не яст, и вина и сикера да не пиет, и всякаго нечистаго да не яст: и вся, елика заповедах ей, да хранит. 007 JDG 013 015 И рече Маное ко Ангелу Господню: да удержим тя зде, и сотворим пред тобою козлище от коз. 007 JDG 013 016 И рече Ангел Господень к Маною: аще мя понудиши, не буду ясти хлеба твоего: но аще сотвориши всесожжение Господеви, то вознеси е. Не ведяше бо Маное, яко Ангел Господень той. 007 JDG 013 017 И рече Маное ко Ангелу Господню: что имя твое? Да егда сбудется слово твое, прославим тя. 007 JDG 013 018 И рече ему Ангел Господень: почто сие вопрошаеши имене моего? И то есть чудно. 007 JDG 013 019 И взя Маное козлища от коз и жертву, и вознесе на камень Господеви чудная творящему: Маное же и жена его зряста. 007 JDG 013 020 И бысть егда пламень взыде выше олтаря даже до небесе, и взыде Ангел Господень в пламени олтаря: Маное же и жена его смотряста, и падоста лицем своим на землю. 007 JDG 013 021 И не приложи ктому Ангел Господень явитися Маною и жене его. Тогда уведе Маное, яко Ангел Господень есть. 007 JDG 013 022 И рече Маное к жене своей: смертию умрем, яко Бога видехом. 007 JDG 013 023 И рече ему жена его: аще бы хотел Господь умертвити нас, не бы взял от рук наших всесожжения и жертвы, и не бы показал нам сих всех, и не бы слышана сия сотворил нам якоже ныне. 007 JDG 013 024 И роди жена сына, и нарече имя ему Сампсон. И возмужа отроча, и благослови е Господь: 007 JDG 013 025 и нача Дух Господень ходити с ним в полце Данове, посреде Сараи и посреде Есфаола. 007 JDG 014 001 И сниде Сампсон во Фамнафу и виде жену во Фамнафе от дщерей Филистимских, и угодна бысть пред ним. 007 JDG 014 002 И взыде и поведа отцу своему и матери своей, и рече: жену видех во Фамнафе от дщерей Филистимских, и ныне поимите ю мне в жену. 007 JDG 014 003 И рече ему отец его и мати его: еда несть дщерей от братии твоея и от всех людий моих жены, яко ты идеши пояти жену от дщерей иноплеменников необрезанных? И рече Сампсон ко отцу своему: сию поими мне, яко та угодна есть пред очима моима. 007 JDG 014 004 Отец же его и мати его не разумеша, яко сие от Господа есть, яко отмщения он ищет от Филистимлян: в то бо время владяху Филистимляне сыны Израилевыми. 007 JDG 014 005 И сниде Сампсон и отец его и мати его во Фамнафу, и приидоша до винограда Фамнафа: и се, львичищь рыкающь во сретение ему. 007 JDG 014 006 И сниде на него Дух Господень, и растерза его яко козлища от коз, и ничтоже бяше в руку его: и не поведа отцу своему и матери своей, еже сотвори. 007 JDG 014 007 И поидоша и рекоша жене, и угодна бысть пред очима Сампсона. 007 JDG 014 008 И возвратися по днех пояти ю, и обратися видети труп львов, и се, рой пчел во устех львовых и мед: 007 JDG 014 009 и изя его от уст его в руце свои, и идяше идый и ядый: и пойде ко отцу своему и матери своей, и даде им, и ядоша: и не поведа им, яко от уст львовых изя сей мед. 007 JDG 014 010 И сниде отец его к жене, и сотвори Сампсон тамо пир седмь дний, яко тако творят юношы: 007 JDG 014 011 и бысть внегда боятися им его, приставиша к нему тридесять другов, и быша с ним: 007 JDG 014 012 и рече им Сампсон: предлагаю ныне вам гадание, и аще отгадающе поведите мне сие в седмь дний пира и обрящете, дам вам тридесять поняв и тридесять риз одежд: 007 JDG 014 013 аще же не возможете сие поведати мне, дадите вы мне тридесять поняв и тридесять риз изменных. И рекоша ему: предложи гадание твое, и услышим е. 007 JDG 014 014 И глагола им: от ядущаго ядомое изыде, и от крепкаго изыде сладкое. И не могоша поведати гадания до трех дний. 007 JDG 014 015 И бысть в день четвертый, и рекоша жене Сампсонове: прельсти мужа своего, и да повесть тебе гадание, да не сожжем тя и дом отца твоего огнем: или оубожити призвасте ны? 007 JDG 014 016 И плакася жена Сампсонова пред ним и рече: разве возненавидел еси мене и не возлюбил еси мене, яко гадания, еже еси предложил сыном людий моих, не поведал еси его мне. И рече ей Сампсон: се, отцу моему и матери моей не поведах сего, и тебе ли повем? 007 JDG 014 017 И плакася пред ним седмь дний, в няже бе им пир. И бысть в день седмый, и поведа ей, яко стужи ему: и та поведа сыном людий своих. 007 JDG 014 018 И рекоша ему мужие градстии в день седмый прежде зашествия солнца: что слаждше меда? И что креплее льва? И рече им Сампсон: аще не бысте орали юницею моею, не бысте уведали гадания моего. 007 JDG 014 019 И нападе на него Дух Господень, и сниде во Аскалон, и изби тамо тридесять мужей, и взя ризы их, и даде ризы поведавшым гадание. И разгневася яростию Сампсон, и взыде в дом отца своего. 007 JDG 014 020 Жена же Сампсонова иде за инаго мужа, иже бысть един от другов его. 007 JDG 015 001 И бысть по днех во дни жатвы пшеницы, и посети Сампсон жену свою, несый козлище от коз, и рече: да вниду к жене моей в ложницу. И не даде ему отец ея внити. 007 JDG 015 002 И рече отец ея, глаголя: рех, яко ненавидя возненавидел еси ю, и отдах ю единому от другов твоих: не се ли сестра ея меншая добрейши ея есть? Да будет тебе ныне вместо ея. 007 JDG 015 003 И рече ему Сампсон: чист есмь ныне от Филистимлян, яко сотворю аз с ними зло. 007 JDG 015 004 И пойде Сампсон, и ят триста лисиц, и взя свещы, и связа ошиб ко ошибу, и устрои едину свещу между двема ошибома: 007 JDG 015 005 и разжже огнь в свещах, и пусти я в нивы Филистимски: и запали нивы от гумен и даже до класов простых и до винограда и масличия. 007 JDG 015 006 И рекоша иноплеменницы: кто сотвори сия? И рекоша: Сампсон зять Фамнафеев, яко взя жену его и даде ю единому от другов его. И взыдоша иноплеменницы и сожгоша ю и дом отца ея огнем. 007 JDG 015 007 И рече им Сампсон: аще и сотвористе вы тако ей, аз не благоизволю, но отмщение мое единому комуждо вас сотворю, и посем почию. 007 JDG 015 008 И порази их голени до бедр язвою велиею: и сниде, и вселися у водотечи в пещере камене Итама. 007 JDG 015 009 И изыдоша Филистимляне, и ополчишася во Иуде, и разсеяшася в Лехи. 007 JDG 015 010 И рече им всяк муж Иудин: почто приидосте на ны? И рекоша иноплеменницы: связати Сампсона приидохом и сотворити ему, якоже сотвори нам. 007 JDG 015 011 И снидоша три тысящы мужей от Иуды к пещере камене Итама и рекоша к Сампсону: не веси ли, яко владеют нами Филистимляне? И вскую сия сотворил еси нам? И рече им Сампсон: якоже ми сотвориша, тако сотворих им. 007 JDG 015 012 И рекоша ему: связати тебе приидохом и предати тя в руце иноплеменником. И рече им Сампсон: кленитеся мне, да не убиете мене вы. 007 JDG 015 013 И рекоша ему, глаголюще: ни, но токмо соузом свяжем тя и предадим тя в руки их, смертию же не умертвим тебе. И связаша его двема ужы новыми и изведоша его от камене того. 007 JDG 015 014 И той прииде до Челюсти: иноплеменницы же воскликнуша и текоша противу ему. И сниде на него Дух Господень, и быша ужя на мышцах его яко изгребие, егда зажжется огнем: и разрешишася узы его от руку его: 007 JDG 015 015 и обрете челюсть ослю повержену, и простре руку свою, и взя ю: и изби ею тысящу мужей. 007 JDG 015 016 И рече Сампсон: челюстию ослею потребляя потребих их, яко челюстию ослею избих тысящу мужей. 007 JDG 015 017 И бысть егда преста глаголя, и поверже челюсть от руки своея: и нарече место тое Избиение Челюстное. 007 JDG 015 018 И возжажда зело, и возопи ко Господу, и рече: Ты благоволил еси в руце раба Твоего спасение великое сие, и ныне умираю жаждею, и впаду в руки необрезанных. 007 JDG 015 019 И разверзе Бог язву на Челюсти, и изыде из нея вода, и пи: и возвратися дух его, и оживе: сего ради прозвася имя ей Источник призывающаго, иже есть в Челюсти, даже до дне сего. 007 JDG 015 020 И суди Израилю во дни Филистимлян двадесять лет. 007 JDG 016 001 И иде Сампсон в Газу, и виде тамо жену блудницу и вниде к ней. 007 JDG 016 002 И поведаша Газяном, глаголюще: прииде Сампсон семо. И обыдоша и подседоша ему всю нощь у врат градных, и утаишася всю нощь, глаголюще: дондеже осветает утро, и убием его. 007 JDG 016 003 И спа Сампсон до полунощи: и воста в полунощи, и восхити двери у врат града со обеими вереями, и подя оныя с заворою, и возложи я на рамена своя, и вознесе я на верх горы, яже пред лицем Хеврона, и положи их тамо. 007 JDG 016 004 И бысть по сем, и возлюби жену от водотечи Сориховы: имя же ей Далида. 007 JDG 016 005 И взыдоша к ней князи иноплеменничи и рекоша ей: прельсти его, и виждь, в чем есть крепость его великая, и чим преможем его, и свяжем его, яко смирити его: и мы тебе дадим кийждо тысящу и сто сребреников. 007 JDG 016 006 И рече Далида к Сампсону: повеждь ми ныне, в чем крепость твоя (тако) великая, и чим свяжешися и смиришися? 007 JDG 016 007 И рече ей Сампсон: аще свяжут мя седмию тятивами сырыми неистлевшими, и изнемогу, и буду яко един от человек. 007 JDG 016 008 И принесоша ей князи от иноплеменник седмь тятив мокрых неистлевших, и связа его ими: 007 JDG 016 009 и подсада ему седяше в храмине. И рече ему: иноплеменницы на тя, Сампсоне. И расторже тятивы, аки бы кто расторгнул соскание изгребий, егда коснется ему огнь: и не уведася крепость его. 007 JDG 016 010 И рече Далида к Сампсону: се, прельстил еси мя, глаголя ко мне лжу: ныне убо повеждь ми, чим свяжешися? 007 JDG 016 011 И рече к ней: аще вяжуще свяжут мя ужы новыми, имиже не делано, и изнемогу, и буду яко един от человек. 007 JDG 016 012 И взя Далида ужы новы и связа его ими, и рече ему: иноплеменницы на тя, Сампсоне. Подсада же седяше в храмине. И расторже я от руку своею аки нить. 007 JDG 016 013 И рече Далида к Сампсону: даже до ныне прельщал мя еси и глаголал ко мне лжу: повеждь ми убо, чим свяжешися? И рече ей: аще сплетеши седмь плениц влас главы моея спрядением и вбиеши колом в стену, и буду немощен яко един от человек. 007 JDG 016 014 И успи Далида его на коленех своих, и бысть внегда уснути ему, взя Далида седмь плениц влас главы его и сплете спрядением и вонзе колом в стену, и рече: иноплеменницы на тя, Сампсоне. И возбну от сна своего и исторже кол сплетением из стены, и не уведася крепость его. 007 JDG 016 015 И рече к нему Далида: како глаголеши, возлюбих тя, и сердце твое несть со мною? Се, третие прельстил еси мя, и не поведал еси мне, в чем крепость твоя великая. 007 JDG 016 016 И бысть егда стужи ему словесы своими по вся дни, и убеди его, и изнеможе даже до умертвия. 007 JDG 016 017 И поведа ей все сердце свое, и рече к ней: железо не взыде на главу мою, яко назорей есмь аз Господу от утробы матере моея: аще убо обриюся, отступит от мене крепость моя, и изнемогу, и буду якоже вси человецы. 007 JDG 016 018 И виде Далида, яко поведа ей все сердце свое, посла и призва князи иноплеменничи, глаголющи: взыдите еще единою, яко поведа ми все сердце свое. И взыдоша к ней вси князи иноплеменничи, и принесоша сребро в руках своих. 007 JDG 016 019 И успи Далида Сампсона на коленех своих: и призва стригача, и остриже седмь плениц влас главы его: и нача смирятися, и отступи крепость его от него. 007 JDG 016 020 И рече Далида: иноплеменницы на тя, Сампсоне. И возбудися от сна своего и рече: изыду якоже и прежде, и отрясуся. И не разуме, яко Господь отступи от него. 007 JDG 016 021 И яша его иноплеменницы, и избодоша ему очи, и введоша его в Газу, и оковаша его путы медяны: и бяше меля в храмине темничней. 007 JDG 016 022 И начаша власы главы его расти по острижении. 007 JDG 016 023 И князи иноплеменничи собрашася пожрети жертву велику Дагону богу своему и возвеселитися, и рекоша: предаде бог наш в руки нашя Сампсона врага нашего. 007 JDG 016 024 И видеша его людие, и похвалиша бога своего, яко реша: предаде бог наш в руки нашя врага нашего, опустошившаго землю нашу, и иже умножи язвенных наших. 007 JDG 016 025 И бысть егда возблажа сердце их, и рекоша: призовите Сампсона из дому темничнаго, и да играет пред нами. И призваша Сампсона из дому темничнаго, и играша пред ними: и заушаху его, и поставиша его между столпы. 007 JDG 016 026 И рече Сампсон ко юноши держащему его за руку: остави мене, да осяжу столпы, на нихже дом сей утвержден есть, и опруся на них. Юноша же сотвори тако. 007 JDG 016 027 Дом же бяше полн мужей и жен, и тамо вси князи иноплеменничи: на крове же том до трех тысящ мужей и жен, зряще ругаемаго Сампсона. 007 JDG 016 028 И воззва Сампсон ко Господу и рече: Адонаи Господи, Господи Сил, помяни мя ныне, и укрепи мя еще единою, Боже, да воздам мщение едино за два ока моя Филистимом. 007 JDG 016 029 И объя Сампсон оба столпа средния, на нихже храмина бяше утверждена, и опреся на них, держя един рукою десною, а другий левою. 007 JDG 016 030 И рече Сампсон: да умрет душа моя со иноплеменники. И преклонися крепостию, и паде храмина на князи и на вся люди иже в ней: и бысть мертвых, ихже умертви Сампсон при смерти своей, множае неже ихже умертви в животе своем. 007 JDG 016 031 И снидоша братия его и весь дом отца его, и взяша его: и взыдоша, и погребоша его между Сараи и между Есфаолом во гробе Маноя отца его. И сей суди Израилю лет двадесять. (и воста по Сампсоне Емегар сын Енань, и уби от иноплеменников шесть сот мужей кроме скота, и спасе и он Израиля.) 007 JDG 017 001 И бысть муж от горы Ефремли, и имя ему Миха: 007 JDG 017 002 и рече матери своей: тысяща и сто сребреников иже украдены у тебе, и заклинала мя еси и глаголала еси во ушы мои: се, сребро у мене, аз взях е. И рече мати его: благословен сын мой Господеви. 007 JDG 017 003 И отдаде тысящу и сто сребреников матери своей. И рече мати его: освящающи освятих сребро Господеви от руки моея, тебе сынови моему сотворити (кумир) изваян и слиян, и ныне отдам е тебе. 007 JDG 017 004 И отдаде сребро матери своей. И взя мати его двести сребреников и даде их среброделю, и сотвори тое (кумир) изваян и слиян: и бысть в дому Михи. 007 JDG 017 005 И дом Михин ему дом Божий. И сотвори ефуд и ферафин: и наполни руку единому от сынов своих, и бысть ему жрец. 007 JDG 017 006 В тыя же дни не бяше царя во Израили: кийждо муж, еже право видяшеся пред очима его, творяше. 007 JDG 017 007 И бысть юноша от Вифлеема Иудина и от рода племене Иудина, и сей левитин, и обиташе тамо: 007 JDG 017 008 и пойде сей муж от града Вифлеема Иудина обитати, идеже обрящет место: и прииде до горы Ефремли и даже до дому Михина, еже сотворити путь свой. 007 JDG 017 009 И рече ему Миха: откуду идеши? И рече ему левитин: аз есмь от Вифлеема Иудина, и иду обитати, идеже обрящу место. 007 JDG 017 010 И рече ему Миха: седи со мною и буди ми отец и жрец, и аз дам тебе сребреников десять в год и двои ризы, и яже на житие тебе. 007 JDG 017 011 И пойде левит, и нача обитати у мужа. И бысть юноша ему яко един от сынов его. 007 JDG 017 012 И наполни Миха руку левитину, и бысть ему юноша жрец, и бяше в дому Михи. 007 JDG 017 013 И рече Миха: ныне уведех, яко благосотворит мне Господь, яко бысть мне левитин жрец. 007 JDG 018 001 В тыя дни не бяше царя во Израили: и в тыя дни племя Даново искаше себе наследия вселитися, яко не паде ему наследие до дний оных среде племен сынов Израилевых. 007 JDG 018 002 И послаша сынове Дановы от сонмов своих пять мужей от части своея, мужы сильны от Сараи и Есфаола, соглядати землю и изследити ю, и рекоша к ним: идите и изследите землю. И приидоша до горы Ефремли, до дому Михина, и сташа тамо в дому Михи. 007 JDG 018 003 И тии познаша глас юноши левитина, и уклонишася тамо, и рекоша ему: кто тя приведе семо? И что твориши в месте сем? И что тебе зде? 007 JDG 018 004 И рече им: сице и сице сотвори мне Миха, и ная мя, и бых ему жрец. 007 JDG 018 005 И рекоша ему: вопроси убо Бога, и увемы, аще благопоспешится путь наш, в оньже мы идем. 007 JDG 018 006 И рече им жрец: идите с миром: пред Господем путь ваш, в оньже идете. 007 JDG 018 007 И идоша пять мужие и приидоша в Лаис: и видеша людий живущих в нем, седящих со упованием по обычаю Сидонян, в тишине и надежде, и не бе устрашаяй, или посрамляяй словесе на земли, наследник истязуяй сокровища: зане далече бяху от Сидонян, и не имяху словесе с киим либо человеком. 007 JDG 018 008 И приидоша пять мужей ко братии своей в Сараю и Есфаол и рекоша братии своей: что вы седите? 007 JDG 018 009 И реша: востаните, и взыдем на ня, зане видехом землю, и се, блага зело, и вы молчите: не обленитеся ити и внити еже наследити землю: 007 JDG 018 010 и егда приидете, внидете в люди живущыя со упованием, а земля пространна: яко предаде ю Бог в руки вашя, место на немже несть скудости во всем еже на земли. 007 JDG 018 011 И воздвигошася оттуду от племене Данова, от Сараи и Есфаола, шесть сот мужей препоясани во оружие ополчения, 007 JDG 018 012 и взыдоша и ополчишася в Кариафиариме во Иуде: сего ради наречеся место то полк Данов и до сего дне: се созади Кариафиарима. 007 JDG 018 013 И преидоша оттуду в гору Ефремлю и приидоша до дому Михина. 007 JDG 018 014 И отвещаша пять мужей ходившии соглядати землю Лаис и рекоша ко братии своей: разуместе ли, яко есть в дому сем ефуд и ферафин, и изваяно и слияно? И ныне уведите, что сотворите. 007 JDG 018 015 И уклонишася тамо и внидоша в дом юноши левитина, в дом Михин, и вопросиша его в мире. 007 JDG 018 016 И шесть сот мужей препоясани во оружие ополчения своего, стояще у дверий вратных, иже от сынов Дановых. 007 JDG 018 017 И взыдоша пять мужей ходивших соглядати землю: и вшедше тамо взяша изваяно, и ефуд и ферафин, и слияное: жрец же стояше у дверий вратных, и шесть сот мужей препоясани во оружие воинско: 007 JDG 018 018 и сии внидоша в дом Михин и взяша ефуд и ферафин, и слияно и изваяно. И рече к ним жрец: что вы творите? 007 JDG 018 019 И реша ему: умолчи, положи руку твою на уста твоя и пойди с нами, и буди нам отец и жрец: еда уне есть тебе быти жерцу единаго мужа дому, нежели быти жерцу племени и дому и сонма Израилева? 007 JDG 018 020 И возблажа сердце жреческо, и взя ефуд и ферафин, и изваяное и слияное, и вниде посреде людий. 007 JDG 018 021 И возвратишася и отидоша, и пустиша пред собою чада и притяжание свое честное. 007 JDG 018 022 Удалившымся же им от дому Михина, и се, Миха и мужие иже в жилищах, яже с домом Михиным быша, воззваша и постигоша сыны Дановы, 007 JDG 018 023 и возопиша к сыном Дановым: и обратиша сынове Дановы лица своя и реша к Михе: что есть тебе, яко воззвал еси? 007 JDG 018 024 И рече Миха: яко изваяное мое, еже сотворих, взясте, и жерца, и поидосте: и что мне еще? И что сие глаголете мне: что вопиеши? 007 JDG 018 025 И рекоша ему сынове Дановы: да не услышится ныне глас твой вслед нас, да не востанут на вы мужие лютою душею, и положиши душу твою и душу дому твоего. 007 JDG 018 026 И идоша сынове Дановы в путь свой. И виде Миха, яко сильнейшии суть паче его, и возвратися в дом свой. 007 JDG 018 027 И сынове Дановы взяша, елика сотвори Миха, и жерца, иже бяше у него, и приидоша в Лаис, к людем молчащым и уповающым надеждею, и избиша их острием меча, и град сожгоша огнем: 007 JDG 018 028 и не бяше избавляяй, яко далече бяху от Сидонян, и словесе не бяше им с человеком: и сей (град бысть) во удолии Дому Роовля: и соградиша град и вселишася в нем, 007 JDG 018 029 и нарекоша граду имя Дан, во имя Дана отца своего, иже родися Израилю: и бяше прежде имя граду Лаис. 007 JDG 018 030 И поставиша себе сынове Дановы изваяное: Ионафан же сын Гирсонь сын Манассиин, той и сынове его бяху жерцы племени Данову до дне преселения земли: 007 JDG 018 031 и поставиша себе изваяное, еже сотвори Миха, во вся дни, в няже бяше дом Божий в Силоме. 007 JDG 019 001 И бысть в тыя дни не бяше царя во Израили: и бысть муж левитин живый во стране горы Ефремовы, и поя себе жену подложницу от Вифлеема Иудина: 007 JDG 019 002 и разгневася нань подложница его, и отиде от него в дом отца своего в Вифлеем Иудин, и бе тамо четыри месяцы: 007 JDG 019 003 и воста муж ея и иде вслед ея глаголати в сердце ея, обратити ю к себе и привести паки к себе: и отрок его с ним, и двое ослят: она же введе его в дом отца своего: 007 JDG 019 004 и виде его отец отроковицы и изыде с веселием во сретение его, и удержа его тесть его отец отроковицы, и пребысть с ним три дни, и ядоша и пиша, и спаша тамо. 007 JDG 019 005 И бысть в день четвертый, и обутреша заутра, и воста поити. И рече отец отроковицы к зятю своему: укрепи сердце твое укрухом хлеба, и по сем пойдете. 007 JDG 019 006 И седоша, и ядоша оба вкупе и пиша. И рече отец отроковицы к мужу: иди ныне и преспи, и возблажает сердце твое. 007 JDG 019 007 И воста муж поити: и понуди его тесть его, и седе, и пребысть тамо. 007 JDG 019 008 И воста рано в пятый день да идет. И рече отец отроковицы: укрепи убо сердце твое хлебом, и пребуди дондеже преклонится день. И ядоша и пиша оба. 007 JDG 019 009 И воста муж да идет сам и подложница его и отрок его. И рече ему тесть его отец отроковицы: се, уже преклонися день к вечеру, пребуди зде, и возблажает сердце твое, и обутреете утро в путь ваш, и отидеши в селение свое. 007 JDG 019 010 И не изволи муж пребыти, и воста и отиде: и прииде даже прямо Иевусу, сей есть Иерусалим, и с ним двое ослят с бремены, и подложница его с ним. 007 JDG 019 011 И приидоша до Иевуса, и день преклонися к вечеру зело: и рече отрок ко господину своему: гряди убо, да уклонимся во град сей Иевус и пребудем в нем. 007 JDG 019 012 И рече к нему господин его: не уклонимся во град чуждь, в немже несть от сынов Израилевых, но прейдем до Гаваона. 007 JDG 019 013 И рече ко отроку своему: гряди, да приступим ко единому от мест Гаваонских и пребудем в Гаваоне или в Раме. 007 JDG 019 014 И минуша, и идоша, и зайде им солнце близ Гаваона, иже есть Вениаминь: 007 JDG 019 015 и уклонишася тамо внити превитати в Гаваоне, и внидоша и седоша на стогнах града: и не бе муж вводяй их в дом превитати. 007 JDG 019 016 И се, муж стар идяше с дела своего из поля в вечер, и сей муж от горы Ефремли, и той обиташе в Гаваоне: и мужие места сынове Вениамини. 007 JDG 019 017 И возвед очи свои, виде мужа путника на стогнах градных, и рече муж старец: камо идеши и откуду грядеши? 007 JDG 019 018 И рече к нему: грядем мы от Вифлеема Иудина даже до стран горы Ефремли, отюнудуже аз есмь: и ходих до Вифлеема Иудина, и иду аз в дом мой: и несть мужа вводящаго мя в дом: 007 JDG 019 019 а плевы и пища ослятом нашым есть, и мне хлеб и вино есть, и отроковице и отроку: рабом твоим несть скудно ни коея вещи. 007 JDG 019 020 И рече муж стар: мир тебе: и весь недостаток твой на мне, обаче на стогнах не лязи. 007 JDG 019 021 И введе его в дом свой, и даде место ослятом его: и омыша ноги своя, и ядоша и пиша. 007 JDG 019 022 Егда же возвеселися сердце их, и се, мужие градстии сынове беззаконников обыдоша дом биюще в двери, и реша мужу господину дому старцу, глаголюще: изведи мужа иже вниде в дом твой, да познаем его. 007 JDG 019 023 И изыде к ним муж господин дому и рече: ни, братия, не сотворите зла мужу сему повнегда внити ему в дом мой, и не сотворите безумия сего: 007 JDG 019 024 се, дщерь моя дева, и подложница его: изведу их, и смирите их, и сотворите им еже благо пред очима вашима: а мужу сему не сотворите словесе безумия сего. 007 JDG 019 025 И не изволиша мужие послушати его. И взя муж подложницу его и изведе ю к ним вон: и познаша ю и ругашася над нею всю нощь даже до утра, и отпустиша ю, егда взыде денница. 007 JDG 019 026 И прииде жена к заутрию, и паде у дверий дому, идеже бяше муж ея, до разсветания. 007 JDG 019 027 И воста муж ея заутра, и отверзе двери дому и изыде поити в путь свой: и се, жена его подложница лежаше при дверех дому, и руце ея на преддверии. 007 JDG 019 028 И рече к ней: востани, да идем. И не отвеща ему, бяше бо мертва. И возложи ю на осля, и воста муж и пойде на место свое. 007 JDG 019 029 И прииде в дом свой, и взя нож, и взя подложницу свою, и раздроби ю по удесем ея на дванадесять частей, и посла я во вся племена Израилева. 007 JDG 019 030 И бысть всяк видящий глаголаше: не бысть, ни видено бе сице от дне изшествия сынов Израилевых от земли Египетския даже до дне сего. И заповеда мужем, ихже посла, глаголя: сице глаголите ко всему Израилю: аще бысть по словеси сему? Уставите сами себе о ней совет и глаголите. 007 JDG 020 001 И изыдоша вси сынове Израилевы, и собрашася весь сонм яко един муж, от Дана и до Вирсавии, и земля Галаадска к Господеви в Массифу, 007 JDG 020 002 и сташа пред лицем Господним вся племена Израилева в сонме людий Божиих, четыреста тысящ мужей пеших воздвизающих оружия. 007 JDG 020 003 И услышаша сынове Вениамини, яко взыдоша сынове Израилевы в Массифу, и рекоша сынове Израилевы: глаголите, где бысть злоба сия? 007 JDG 020 004 И отвеща муж левитин, муж жены умореныя, глаголя: в Гаваон Вениаминь приидох аз и подложница моя витати: 007 JDG 020 005 и восташа на мя мужие Гаваонстии и обыдоша мя во дворе нощию, и хотеша мя убити, и подложницу мою обидеша и обругаша, и умре: 007 JDG 020 006 и взях подложницу мою и раздробих ю, и послах ю во вся пределы наследия Израилева, яко сотвориша безумие во Израили: 007 JDG 020 007 се, вси вы сынове Израилевы, дадите себе слово и совет зде. 007 JDG 020 008 И восташа вси людие яко един муж, глаголюще: не отидет муж в селение свое, и не возвратится муж в дом свой: 007 JDG 020 009 и ныне слово сие, еже сотворим Гаваону: взыдем на него по жребию, 007 JDG 020 010 токмо возмем по десяти мужей от ста во всех племенех Израилевых, и сто от тысящи, и тысяща от тмы, взяти брашно людем исходящым в Гаваю Вениаминю, сотворити ему по всему согрешению, еже сотвори во Израили. 007 JDG 020 011 И собрашася вси мужие Израилевы ко граду, яко един муж из градов исходяще, 007 JDG 020 012 и послаша племена Израилева мужей во все племя Вениамине, глаголюще: кая злоба сия бывшая в вас? 007 JDG 020 013 И ныне дадите мужей беззаконных, иже в Гаваи, сынов велиаловых, и умертвим их, и очистим зло от Израиля. И не изволиша сынове Вениамини послушати гласа братии своея сынов Израилевых. 007 JDG 020 014 И собрашася сынове Вениамини от градов своих в Гаваю, изыти на брань к сыном Израилевым. 007 JDG 020 015 И сочтошася сынове Вениамини от градов в той день двадесять и пять тысящ мужей воздвизающих оружия, кроме живущих в Гаваи: 007 JDG 020 016 ихже сочтеся седмь сот мужей избранных от всех людий ободесноручных: сии вси пращницы мещуще камение ко власу и не погрешающе. 007 JDG 020 017 И всех мужей Израилевых сочтеся, кроме сынов Вениаминовых, четыреста тысящ мужей воздвизающих оружие: вси сии мужие воини. 007 JDG 020 018 И восташа, и взыдоша в Вефиль, и вопросиша Бога, и рекоша сынове Израилевы: кто от нас взыдет в начале воевати на сыны Вениамини? И рече Господь: Иуда в начале да взыдет вождь. 007 JDG 020 019 И восташа сынове Израилевы заутра и ополчишася на Гаваю. 007 JDG 020 020 И изыде всяк муж Израилев на брань с Вениамином, и сразишася с ними мужие Израилевы на брани у Гаваи. 007 JDG 020 021 И изыдоша сынове Вениаминовы из Гаваи, и избиша во Израили в той день двадесять две тысящы мужей на земли. 007 JDG 020 022 И укрепися всяк муж Израилев, и приложиша снитися на брань на место, идеже снидошася в день первый. 007 JDG 020 023 И взыдоша сынове Израилевы и плакашася пред Господем до вечера, и вопросиша Господа, глаголюще: аще приложим еще приступити на брань к сыном Вениаминим братиям нашым? И рече Господь: взыдите к ним. 007 JDG 020 024 И приидоша сынове Израилевы к сыном Вениаминим в день вторый. 007 JDG 020 025 И изыдоша сынове Вениамини противу им от Гаваи в день вторый, и избиша еще от сынов Израилевых осмьнадесять тысящ мужей на земли: сии вси воздвизающии оружие. 007 JDG 020 026 И взыдоша вси сынове Израилевы и вси людие, и приидоша в Вефиль, и плакашася, и седоша тамо пред Господем, и постишася в той день даже до вечера: 007 JDG 020 027 и вознесоша всесожжение спасения пред Господем, яко тамо кивот завета Господа Бога во дни оны, 007 JDG 020 028 и Финеес сын Елеазара сына Аароня предстоя пред ним в тыя дни. И вопросиша сынове Израилевы Господа, глаголюще: аще приложим взыти еще на брань к сыном Вениаминим братиям нашым, или оставим? И рече Господь: взыдите, заутра предам их в руки вашя. 007 JDG 020 029 И поставиша сынове Израилевы подсаду окрест Гаваи. 007 JDG 020 030 И взыдоша сынове Израилевы к сыном Вениаминим в день третий: и ополчишася на Гаваю яко единою и единою. 007 JDG 020 031 И изыдоша сынове Вениамини противу людем и протягошася из града, и начаша убивати людий уязвленых, якоже первое и второе на путех, от нихже есть един сходяй в Вефиль, а другий в Гаваю на селе, яко тридесять мужей во Израили. 007 JDG 020 032 И рекоша сынове Вениамини: падают пред нами якоже и прежде. И сынове Израилевы рекоша: побежим и отторгнем их от града на пути. И сотвориша тако. 007 JDG 020 033 И вси мужие Израилевы восташа от места своего и снидошася в Ваал-Фамаре: подсада же Израилева нахождаше от места своего от запада Гаваи. 007 JDG 020 034 И приидоша противу Гаваи десять тысящ мужей избранных от всего Израиля, и брань бяше тяжка: и тии не разумеша, яко постизает их зло. 007 JDG 020 035 И порази Господь Вениамина пред сыны Израилевыми: и избиша сынове Израилевы от Вениамина в той день двадесять пять тысящ и сто мужей: сии вси воздвизаху оружие. 007 JDG 020 036 И видеша сынове Вениамини, яко поражени суть. И даша место сынове Израилевы Вениамину, понеже уповаша на подсаду, юже подсадиша у Гаваи: 007 JDG 020 037 и подвижеся подсада, и устремися на Гаваю, и избиша весь град острием меча. 007 JDG 020 038 И Израилтяне имяху знамение с подсадою брани, явити знамение дыма из града. 007 JDG 020 039 И возвратися Израиль на брань, и Вениамин нача убивати язвеных во Израили до тридесяти мужей, яко рекоша: паки падением падают пред нами, якоже и первая брань. 007 JDG 020 040 И знамение взыде наипаче над градом, аки столп дыма: и озреся Вениамин вспять, и се, взыде скончание града до небеси. 007 JDG 020 041 И муж Израилев возвратися: и потщашася мужие Вениамини, видеша бо, яко постиже их зло, 007 JDG 020 042 и побегоша пред сыны Израилевыми на путь пустыни, брань же постиже их, и иже из градов избиваша их среде себе: 007 JDG 020 043 и побиваху Вениамина, и гнаша его от Нуа вслед его до Гаваи без опочивания, и поразиша его даже противу Гаваи на восток солнца. 007 JDG 020 044 И падоша от Вениамина осмьнадесять тысящ мужей, сии вси мужие сильнии. 007 JDG 020 045 И озрешася оставшии, и побегоша в пустыню к каменю Реммоню: и пожаша от них сынове Израилевы по стезям яко стеблие пять тысящ мужей, и гнаша вслед их до Гадаама и избиша от них две тысящы мужей. 007 JDG 020 046 И быти всех падших от Вениамина в той день двадесять пять тысящ мужей воздвизающих оружие, вси сии мужие сильнии. 007 JDG 020 047 И озрешася оставшии, и вбегоша в пустыню к каменю Реммоню шесть сот мужей, и седеша в камени Реммони четыри месяцы. 007 JDG 020 048 Сынове же Израилевы возвратишася к сыном Вениаминим, и избиша я оружием от града вне, даже и до скота, и все еже обретеся во всех градех, и грады вся обретшыяся пожгоша огнем. 007 JDG 021 001 И сынове Израилевы кляшася в Массифе, глаголюще: муж от нас да не даст Вениамину дщере своея в жену. 007 JDG 021 002 И приидоша людие в Вефиль и седеша тамо до вечера пред Богом: и воздвигоша глас свой, и плакашася плачем велиим, и рекоша: 007 JDG 021 003 вскую, Господи Боже Израилев, бысть сице днесь во Израили, еже оскудети от Израиля племени единому? 007 JDG 021 004 И бысть на утрия, и обутреша людие, и соградиша тамо олтарь, и вознесоша всесожжение спасения, и рекоша сынове Израилевы: 007 JDG 021 005 кто не взыде в сонм от всех племен Израилевых ко Господу? Яко велика клятва бяше не вшедшым ко Господу в Массифу, глаголюще: смертию да умрет. 007 JDG 021 006 И умилишася сынове Израилевы о Вениамине брате своем, и рекоша: изсечено днесь едино племя от Израиля: 007 JDG 021 007 что сотворим оставшымся о женах? И мы кляхомся Господем не дати им от дщерей наших в жены. 007 JDG 021 008 И рекоша: кто един от племен Израилевых, иже не взыде ко Господу в Массифу? И се, ни един прииде в полк от Иависа Галаадова в сонм. 007 JDG 021 009 И соглядаша людий, и се, не бяше тамо мужа от живущих во Иависе Галаадове. 007 JDG 021 010 И послаша тамо сонм дванадесять тысящ мужей от сынов силы и заповедаша им, глаголюще: идите и избийте живущыя во Иависе Галаадове оружием жены и народы: 007 JDG 021 011 и сие сотворите: всяк мужеский пол и всяку жену, познавшую ложе мужеско, побиете: девицы же снабдите. И сотвориша тако. 007 JDG 021 012 И обретоша от живущих во Иависе Галаадове четыре ста отроковиц дев, яже не познаша ложа мужеска: и приведоша я в полк в Силом, иже есть в земли Ханаани. 007 JDG 021 013 И послаша весь сонм и глаголаша к сыном Вениаминовым, иже в камени Реммони, и призваша их с миром. 007 JDG 021 014 И возвратися Вениамин к сыном Израилевым в то время, и даша им сынове Израилевы жены, яже живо сохраниша от дщерей Иависа Галаадова: и угодно бысть им тако. 007 JDG 021 015 И людие умилишася о Вениамине, яко сотвори Господь истребление в племенех Израилевых. 007 JDG 021 016 И рекоша старейшины сонма: что сотворим оставшым о женах? Яко погибе от Вениамина жена: 007 JDG 021 017 и како будет наследие уцелевших от Вениамина, да не погибнет племя от Израиля? 007 JDG 021 018 И мы не возможем дати им жен от дщерей наших, яко кляшася сынове Израилевы, глаголюще: проклят даяй жену Вениамину. 007 JDG 021 019 И рекоша: се, праздник Господень в Силоме от дний во дни, иже есть от севера Вефиля, на восток солнца на пути восходящем от Вефиля в Сихем, и от юга Левоны. 007 JDG 021 020 И заповедаша сыном Вениаминим, глаголюще: идите и засядите в виноградех, 007 JDG 021 021 и узрите, и се, егда изыдут дщери живущих в Силоме плясати в лики, да изыдете из виноградов и восхитите муж жену себе от дщерей Силомлих, и идите на землю Вениаминю: 007 JDG 021 022 и будет егда приидут отцы их или братия их судитися к нам, и речем им: помилуйте нас ими, яко не взя муж жены своея в полце: понеже вы не дали есте им яко жребий, согрешисте. 007 JDG 021 023 И сотвориша тако сынове Вениамини, и пояша жены по числу своему от пляшущих, яже восхитиша: и отидоша и возвратишася в наследие свое, и создаша грады и вселишася в них. 007 JDG 021 024 И отидоша оттуду сынове Израилевы в то время, муж во племя свое и в род свой: и изыде оттуду муж в наследие свое. 007 JDG 021 025 И в тыя дни не бяше царя во Израили: муж еже угодно пред очима его, творяше. # # BOOK 008 RUT Ruth Книга Руфи 008 RUT 001 001 И бысть внегда судяху судии, бысть глад на земли. И иде муж от Вифлеема Иудина обитати в селе Моавли, сам и жена его, и два сыны его: 008 RUT 001 002 имя же мужеви Елимелех, имя же жене его Ноемминь и имя двема сынома его Маалон и Хелеон, Ефрафейстии от Вифлеема Иудина. И приидоша в село Моавле, и беша тамо. 008 RUT 001 003 И умре Елимелех муж Ноемминин, и остася она и оба сыны ея: 008 RUT 001 004 и пояста себе жены Моавитския: имя единей Орфа и имя вторей Руфь: и жиша тамо до десяти лет. 008 RUT 001 005 И умроста оба сыны ея, Маалон и Хелеон, и остася жена от мужа своего и от обоих сынов ея. 008 RUT 001 006 И воста она и обе снохи ея, и возвратишася с села Моавля: зане услыша на селе Моавли, яко присети Господь людий Своих дати им хлебы. 008 RUT 001 007 И отиде от места, идеже бе, она и обе снохи ея с нею, и идяху в путь возвратитися в землю Иудину. 008 RUT 001 008 И рече Ноемминь обема снохама своима: идите убо, возвратитеся каяждо в дом отца своего: да сотворит Господь с вами милость, якоже сотвористе со умершими и со мною: 008 RUT 001 009 да даст Господь Бог вам обрести покой коейждо в дому мужа своего. И целова я: они же воздвигоша гласы своя и плакашася, 008 RUT 001 010 и рекоша ей: ни, но идем с тобою в люди твоя. 008 RUT 001 011 И рече Ноемминь: обратитеся убо, дщери мои, вскую идете со мною? Или еще мне сынове во утробе моей, и будут вам мужи? 008 RUT 001 012 Возвратитеся убо, дщери мои и отидите, яко состарехся, и не буду мужу: аще же бых и рекла, яко у мене есть надежда, да буду мужу и рожду сыны, 008 RUT 001 013 вы ли пождете их, дондеже возрастут? И вы ли удержитеся, да не будете иному мужу? Ни, дщери мои, яко горько бысть мне паче вас, яко изыде на мя рука Господня. 008 RUT 001 014 И воздвигоша гласы своя, и плакаша паки. И целова Орфа свекровь свою, и возвратися в люди своя, Руфь же последова ей. 008 RUT 001 015 И рече Ноемминь к Руфе: се, возвратися ятровь твоя к людем своим и к богом своим, возвратися убо и ты вслед ятрове своея. 008 RUT 001 016 И рече Руфь: не срящи мене то, еже оставити тебе или обратитися мне от тебе, но идеже идеши ты, и аз пойду, и идеже водворишися ты, водворюся и аз: людие твои людие мои, и Бог твой Бог мой: 008 RUT 001 017 и идеже аще умреши, умру и тамо погребуся: тако да сотворит мне Господь, и сия да приложит, яко смерть разлучит между мною и тобою. 008 RUT 001 018 Видевши же Ноемминь, яко укрепися она ити с нею, умолче глаголати к ней ктому. 008 RUT 001 019 Идосте же обе, дондеже приидосте в Вифлеем. И бысть егда приидосте они в Вифлеем, и возгласи весь град о них, и рекоша: еда сия есть Ноемминь? 008 RUT 001 020 И рече к ним: не зовите убо мене Ноемминь, но зовите мене Горька: яко исполни мя горести Вседержитель зело: 008 RUT 001 021 аз исполнь отидох, и ныне тщу мя возврати Господь: и вскую мя нарицаете Ноемминь, Господь смири мя и Вседержитель озлоби мя? 008 RUT 001 022 И возвратися Ноемминь и Руфь Моавитиня сноха ея с нею, обращающыяся с села Моавля: и приидосте в Вифлеем в начале жатвы ячменя. 008 RUT 002 001 И бе муж знаемый мужу Ноемминю: муж же силен от рода Елимелехова, имя же ему Вооз. 008 RUT 002 002 И рече Руфь Моавитиня к Ноеммини: да иду убо на ниву и соберу класы вследствующи, идеже аще обрящу благодать пред очима его. Рече же ей: иди, дщи (моя). 008 RUT 002 003 И иде, и пришедши собираше на ниве вследствующи жателем: и прииде по случаю в часть нивы Воозовы, иже от сродства Елимелехова. 008 RUT 002 004 И се, Вооз прииде от Вифлеема и рече жнущым: Господь с вами. И реша ему: да благословит тя Господь. 008 RUT 002 005 И рече Вооз отроку своему стоящему над жатели: чия отроковица сия? 008 RUT 002 006 И отвеща отрок стояй над жнущими, и рече: отроковица Моавитиня есть, пришедшая с Ноемминою от села Моавля: 008 RUT 002 007 и рече: да соберу ныне и сложу в снопех по следу жнущих: и прииде, и ста от утра даже и до вечера, и ни мало почи на ниве. 008 RUT 002 008 И рече Вооз к Руфе: слыши, дщи, не ходи собирати на ниву ину, и ты да не отидеши отсюду: но зде прилепися ко отроковицам моим, 008 RUT 002 009 и очи твои да будут на ниве, идеже жнут, и да ходиши вслед их: се, заповедах отроком не коснутися тебе: и егда возжаждеши, и да идеши к сосудом, и пиеши отнюдуже черплют отроцы. 008 RUT 002 010 И паде (отроковица) ниц и поклонися до земли, и рече ему: что яко обретох благодать пред очима твоима, еже познати мя, аз же есмь странна? 008 RUT 002 011 И отвеща Вооз и рече к ней: возвещением возвестися мне, елика сотворила еси со свекровию твоею по умертвии мужа твоего, и како оставила еси отца твоего и матерь твою и землю рождения твоего, и пришла еси в люди, ихже не ведала от вчера и третияго дне: 008 RUT 002 012 да воздаст Господь дело твое, и да будет мзда твоя исполнь от Господа Бога Израилева, к Немуже пришла еси уповати под крилома Его. 008 RUT 002 013 Она же рече: обретох благодать пред очима твоима, господине мой, яко утешил мя еси, и яко глаголал еси в сердце рабы твоея, и се, аз буду яко едина от рабынь твоих. 008 RUT 002 014 И рече ей Вооз: уже час ясти, приближися убо семо, да яси хлеб мой, и омочи укрух твой во оцет. И сяде Руфь от страны жателей: и подаде ей Вооз пряжмо, и яде и насытися, и оста: 008 RUT 002 015 и воста собирати. И заповеда Вооз отроком своим, глаголя: среде снопов да собирает, и не посрамите ю: 008 RUT 002 016 и носяще носите ей, и отлагающе отлагайте ей от снопов, и оставите ю собирати и ясти, и не возбраните ей. 008 RUT 002 017 И собира до вечера на ниве, и измлати еже собра, и бысть яко ифи мера ячменя: 008 RUT 002 018 и взя, и прииде во град. И виде свекровь ея еже собра: и иземши Руфь от недр своих, даде свекрови своей, еже оставила, от нихже насытися. 008 RUT 002 019 И рече к ней свекровь ея: где еси собирала днесь, и где работала? Да будет благословен познавый тя. И поведа Руфь свекрови своей, где работала, и рече: имя мужу Вооз, у негоже работах днесь. 008 RUT 002 020 Рече же Ноемминь снохе своей: благословен есть Господем, яко не остави милости своея с живыми и со умершими. И рече ей Ноемминь: ужик есть нам муж той, и есть от ужик наших. 008 RUT 002 021 И рече Руфь ко свекрови своей: и мне убо рече: ко отроковицам моим пристани, дондеже скончают всю жатву, яже есть мне. 008 RUT 002 022 И рече Ноемминь к Руфе снохе своей: благо, дщи, яко ходила еси со отроковицами его, и не сопротивятся тебе на иней ниве. 008 RUT 002 023 И приста Руфь ко отроковицам Воозовым собирати (класы), дондеже скончася жатва ячменя и пшеницы: и седе со свекровию своею. 008 RUT 003 001 Рече же ей Ноемминь свекровь ея: дщи (моя), не поищу ли тебе покоя, да благо ти будет? 008 RUT 003 002 И ныне Вооз не ужик ли нам, идеже со отроковицами его была еси? Се, той веет на гумне ячмень сея нощи: 008 RUT 003 003 ты же измыйся, и помасти лице твое, и облецыся в ризы твоя (светлыя), и изыди на гумно: не явися мужу, дондеже скончает ясти и пити: 008 RUT 003 004 и будет внегда уснути ему, и познаеши место, где ляжет, тамо да внидеши, и открыеши у ног его, и ляжеши: и той повесть тебе, яже имаши творити. 008 RUT 003 005 И рече Руфь к ней: вся елика речеши мне, сотворю. 008 RUT 003 006 И иде на гумно, и сотвори по всему, елика заповеда ей свекровь ея. 008 RUT 003 007 И яде Вооз и пи, и возблажа сердце его, и иде спати со страны стога: она же прииде втай, и откры яже у ног его, и ляже. 008 RUT 003 008 И бысть в полунощи, ужасеся муж и возмятеся, и се, жена лежит у ног его: 008 RUT 003 009 и рече (ей Вооз): кто еси ты? Она же рече: аз есмь Руфь раба твоя, да возложиши крило твое на рабу твою, яко ужик ты еси. 008 RUT 003 010 И рече Вооз: благословена ты Господем Богом, дщи, яко разблажила еси милость твою последнюю паче первыя, еже не ити тебе вслед юнот, аще убог, аще богат: 008 RUT 003 011 и ныне, дщи, не бойся: вся елика речеши, сотворю тебе: весть бо все племя людий моих, яко жена силы ты еси: 008 RUT 003 012 и ныне поистинне ужик есмь аз: но еще есть ужик ближший мене: 008 RUT 003 013 прележи сию нощь, и будет заутра аще приимет тя, то благо: да поймет: аще ли не восхощет пояти тебе, то поиму тя аз, жив Господь: прележи до заутрия. 008 RUT 003 014 И лежа у ног его до заутрия: она же воста, прежде неже познати мужу подруга своего. И рече Вооз: да не увестся, яко приходила жена на гумно. 008 RUT 003 015 И рече ей: принеси покрывало еже на тебе, и держи е. Она же держа е, и намери ей шесть мер ячменя, и заде ей: и иде во град. 008 RUT 003 016 И прииде Руфь ко свекрови своей. Она же рече ей: что есть, дщи? И поведа ей вся, елика сотвори ей муж. 008 RUT 003 017 И рече ей: шесть мер сих ячменя даде ми, глагола бо ко мне: да не идеши тща ко свекрови своей. 008 RUT 003 018 Она же рече: седи, дщи, дондеже увеси, како падет слово: не умолчит бо муж, дондеже совершится слово днесь. 008 RUT 004 001 И Вооз прииде ко вратом и седе тамо: и се, ужик мимоидяше, о немже глагола Вооз. И рече ему Вооз: уклонився сяди зде. Он же уклонися и седе. 008 RUT 004 002 И поя Вооз десять мужей от старейшин града, и рече: сядите зде. И седоша. 008 RUT 004 003 И рече Вооз ужику: часть села, яже есть брата нашего Елимелеха, яже дадеся Ноеммине возвратившейся от села Моавля: 008 RUT 004 004 аз же рекох: явлю тебе сие во ухо твое, глаголя, пристяжи пред седящими и пред старейшины людий моих: и аще ужичествуеши, ужичествуй: аще же не ужичествуеши, повеждь ми, да ведаю: яко несть разве тебе еже ужичествовати ближший, и аз есмь по тебе. Он же рече: аз есмь, ужичествую. 008 RUT 004 005 И рече Вооз: в день в оньже пристяжеши село от руки Ноеммини, и от Руфы Моавитяныни жены умершаго, и сию достоит ти пояти, да возставиши имя умершаго в наследие его. 008 RUT 004 006 И рече ужик: не возмогу ужичествовати себе, да не разсыплю наследия моего: ужичествуй себе ты ужичество мое, аз бо не возмогу ужичествовати. 008 RUT 004 007 И сие управление бысть прежде во Израили о ужичествовании и о пременении, еже укрепити всякое слово: и иззуваше муж сапог свой, и даяше подругу своему ужичествующу ужичество его: и сие бяше свидетелство во Израили. 008 RUT 004 008 И рече ужик Воозу: пристяжи себе ужичество мое. И иззув сапог свой, даде ему. 008 RUT 004 009 И рече Вооз старейшинам и всем людем: свидетеле вы днесь, яко пристяжах днесь вся, яже Елимелехова, и вся елика суть Хелеонова и Маалонова, от руки Ноеммини: 008 RUT 004 010 ксему же Руфь Моавитяныню жену Маалоню поемлю себе в жену возставити имя умершаго в наследие его, да не погибнет имя умершаго от братии его и от племене людий его: свидетеле вы днесь. 008 RUT 004 011 И отвещаша вси людие иже у врат: свидетеле есмы. И старейшины реша: да даст Господь жене твоей, входящей в дом твой, якоже Рахили и яко Лии, яже создаша обе дом Израилев, и сотвориша силу во Ефрафе, и будет имя в Вифлееме: 008 RUT 004 012 и буди дом твой якоже дом Фаресов, егоже роди Фамарь Иуде, от семене твоего даст тебе Господь от рабы сея чада. 008 RUT 004 013 И поя Вооз Руфь, и бысть ему жена, и вниде к ней: и даде ей Господь зачати, и роди сына. 008 RUT 004 014 И рекоша жены к Ноеммине: благословен Господь, Иже не разсыпа ужика твоего днесь, и прозовется имя твое во Израили, 008 RUT 004 015 и будет тебе во обращающаго душу и в прекормление старости твоея, яко сноха твоя, возлюбившая тебе, роди сына, яже есть блага тебе паче седми сынов. 008 RUT 004 016 И взя Ноемминь отроча, и положи е на лоне своем, и бысть ему кормилица. 008 RUT 004 017 И прозваша соседи имя его, глаголюще: родися сын Ноеммине. И нарекоша имя ему Овид: сей есть отец Иессеа, отца Давидова. 008 RUT 004 018 И сия родства Фаресова: Фарес роди Есрома: 008 RUT 004 019 Есром же роди Арама: Арам же роди Аминадава: 008 RUT 004 020 Аминадав же роди Наассона: Наассон же роди Салмона: 008 RUT 004 021 Салмон же роди Вооза: Вооз же роди Овида: 008 RUT 004 022 Овид же роди Иессеа: Иессей же роди Давида. # # BOOK 009 1SA 1 Samuel Первая книга Царств 009 1SA 001 001 И бысть человек от Армафем Сифы, от горы Ефремли, и имя ему Елкана сын Иеремииль, сына Илиина, сына Фокеля в Насиве от Армафема от горы Ефремли: 009 1SA 001 002 и сему две жены (быша): имя единей Анна и имя вторей Феннана: и бяху Феннане дети, Анне же не бяше отрочате. 009 1SA 001 003 И восхождаше человек от дне до дне из града своего Армафема покланятися и жрети Господу Богу Саваофу в Силом. И тамо бе Илий и два сына его Офни и Финеес, жерцы Господни. 009 1SA 001 004 И бысть день, и пожре Елкана и даде Феннане жене своей и сыном ея и дщерем ея части: 009 1SA 001 005 Анне же даде часть едину, яко не бе ей чада, обаче Анну любляше Елкана паче Феннаны. И Господь затвори ложесна ея: 009 1SA 001 006 занеже не даде ей Господь чада по скорби ея и по сетованию оскорбления ея, и сетоваше сего ради, яко затвори Господь утробу ея не дати ей чада. 009 1SA 001 007 Тако творяше от года до года, внегда приходити ей в дом Господень: (укоряше ея тако, ) и сетоваше, и плакаше, и не ядяше. 009 1SA 001 008 И рече ей Елкана муж ея: Анна. И рече ему: се, аз, господи. И рече ей: что ти есть, яко плачешися? И почто не яси? И почто биеши сердце твое? Несмь ли аз тебе добрее паче десяти чад? 009 1SA 001 009 И воставши Анна по ядении их в Силоме, и ста пред Господем. Илий же жрец седяше на престоле, при празе двери храма Господня. 009 1SA 001 010 И та умиленна душею, и помолися Господу и плачущи проплака, 009 1SA 001 011 и обеща обет Господу, глаголющи: Адонаи Господи Елои Саваоф, аще призирая призриши на смирение рабы Твоея и помянеши мя, и даси рабе Твоей семя мужеско, то дам е пред Тобою в дар до дне смерти его: и вина и пиянственнаго не испиет, и железо не взыдет на главу его. 009 1SA 001 012 И бысть егда умножи молящися пред Господем, Илий же жрец смотряше на уста ея. 009 1SA 001 013 И та глаголаше в сердцы своем, токмо устне ея двизастеся, а глас ея не слышашеся: и мняше ю Илий пияну сущу. 009 1SA 001 014 И рече ей Илий: доколе пияна будеши? Отими вино твое и иди от места Господня. 009 1SA 001 015 И отвеща Анна и рече: ни, господи: жена в жесток день аз есмь, вина и пиянства не пих, но изливаю пред Господем душу мою: 009 1SA 001 016 не даждь рабы твоея во дщерь погибели, яко от множества глумления моего и от множества сетования моего истаях даже доселе. 009 1SA 001 017 И отвеща Илий и рече к ней: иди с миром, Бог Израилев да даст ти все прошение твое, еже просила еси от Него. 009 1SA 001 018 И рече Анна: обрете раба твоя благодать пред очима твоима. И иде жена в путь свой, и вниде во обитель свою, и яде с мужем своим и пи, и лице ея не испаде ктому. 009 1SA 001 019 И утреневаша заутра, и поклонишася Господу, и идоша путем своим. И вниде Елкана в дом свой во Армафем и позна Елкана жену свою Анну: и помяне ю Господь, и зачат. 009 1SA 001 020 И бысть во время дний, и роди Анна сына и нарече имя ему Самуил: и рече: яко от Господа Бога Саваофа испросих его. 009 1SA 001 021 И взыде человек Елкана и весь дом его в Силом пожрети жертву дний и обеты своя и вся десятины земли своея. 009 1SA 001 022 Анна же не взыде с ним, яко рече мужеви своему: дондеже взыдет отроча, и аще отдою е, тогда явится лицу Господню и пребудет тамо до века. 009 1SA 001 023 И рече ей Елкана муж ея: твори благое пред очима твоима, седи дондеже отдоиши е: но да утвердит Господь (слово твое), изшедшее из уст твоих. И седе жена, и млеком питаше сына своего, дондеже отдои его. 009 1SA 001 024 И взыде с ним в Силом, егда отдои его, с телцем трилетным и с хлебы и со ефи муки пшеничны и мехом вина: и внидоша в дом Господень в Силом, и отроча с ними. 009 1SA 001 025 И приведоша е пред Господа: и закла отец его жертву, юже творяше от дний на дни Господеви: и приведоша отроча, и закла телца. И приведе Анна мати отроча ко Илию 009 1SA 001 026 и рече: во мне, господи, да живет душа твоя, господине мой, аз жена стоявшая пред тобою, о сем помолитися Господу: 009 1SA 001 027 о отрочати сем молихся, и даде ми Господь прошение мое, еже просих у Него: 009 1SA 001 028 и аз отдаю е Господеви во вся дни живота его на служение Господеви. И поклонися тамо Господеви. 009 1SA 002 001 И помолися Анна и рече: утвердися сердце мое в Господе, вознесеся рог мой в Бозе моем, разширишася уста моя на враги моя, возвеселихся о спасении Твоем: 009 1SA 002 002 яко несть свят яко Господь, и несть праведен яко Бог наш, и несть свят паче Тебе: 009 1SA 002 003 не хвалитеся и не глаголите высокая в гордыни, ниже да изыдет велеречие из уст ваших: яко Бог разумов Господь, и Бог уготовляяй начинания Своя: 009 1SA 002 004 лук сильных изнеможе, и немощствующии препоясашася силою: 009 1SA 002 005 исполненнии хлеба лишишася, и алчущии пришелствоваша землю: яко неплоды роди седмь, и многая в чадех изнеможе: 009 1SA 002 006 Господь мертвит и живит, низводит во ад и возводит, 009 1SA 002 007 Господь убожит и богатит, смиряет и высит, 009 1SA 002 008 возставляет от земли убога и от гноища воздвизает нища посадити его с могущими людий, и престол славы дая в наследие им: 009 1SA 002 009 даяй молитву молящемуся и благослови лета праведнаго, яко не в крепости силен муж: 009 1SA 002 010 Господь немощна сотвори сопостата Его, Господь свят: да не хвалится премудрый премудростию своею, и да не хвалится сильный силою своею, и да не хвалится богатый богатством своим: но о сем да хвалится хваляйся, еже разумети и знати Господа, и творити суд и правду посреде земли: Господь взыде на небеса и возгреме: той судит концем земли, праведен сый, и даст крепость царем нашым и вознесет рог христа Своего. 009 1SA 002 011 И оставиша его тамо пред Господем и отидоша во Армафем в дом свой: отроча же бе служа лицу Господню пред лицем Илии жерца. 009 1SA 002 012 Сынове же Илии жерца (быша) сынове погибелнии, не ведуще Господа, 009 1SA 002 013 ни оправдания жреческа пред людьми всеми жрущими. И прихождаше отрок жреческ, егда варятся мяса, и удица трезубна в руку его, 009 1SA 002 014 и влагаше ю в коноб великий, или в медяный сосуд, или горнец, и все еже вонзеся на удицу, взимаше е себе жрец: и тако творяху всему Израилеви приходящему пожрети Господеви в Силоме. 009 1SA 002 015 И прежде каждения тука, прихождаше отрок жреческ и глаголаше мужеви жрущему: даждь мяса испещи жерцу, и не возму от тебе мяса варенаго от коноба. 009 1SA 002 016 И глаголаше муж жряй: да покадится первее тук, якоже подобает, и тогда возмеши себе от всех, еже хощет душа твоя. И рече: ни, ныне даждь: аще же не даси, возму силою. 009 1SA 002 017 И бе пред Господем грех отроков велий зело, яко отметаху жертву Господню. 009 1SA 002 018 И Самуил бе служа пред Господем, отрочищь сый опоясан во ефуд льнян. 009 1SA 002 019 И хламиду малу сотвори ему мати его, и приношаше ему от дний во дни, егда восхождаше с мужем своим пожрети жертву дний. 009 1SA 002 020 И благослови Илий Елкану и жену его, глаголя: да воздаст ти Господь семя от жены сея за дар, егоже даровал еси Господеви. И отиде человек в место свое. 009 1SA 002 021 И посети Господь Бог Анну, и зача, и роди еще три сыны и дщери две. И возвеличися отрок Самуил пред Господем. 009 1SA 002 022 Илий же состареся зело: и услыша, яже творяху сынове его всем сыном Израилевым, и яко бываху с женами предстоящими у дверий скинии свидения, 009 1SA 002 023 и рече им: почто творите по глаголу сему, егоже аз слышу из уст всех людий Господних (о вас)? 009 1SA 002 024 Ни, чада, ни: яко не благ слух, егоже аз слышу о вас: не творите тако, яко не добры слухи, яже аз слышу, еже не работати людем Богу: 009 1SA 002 025 аще согрешая согрешит муж мужеви, помолятся о нем ко Господу: аще же Господеви согрешит, кто помолится о нем? И не послушаста гласа отца своего, яко хотяй восхоте Господь погубити я. 009 1SA 002 026 Отрок же Самуил хождаше предуспевая, и бе благ пред Господем и человеки. 009 1SA 002 027 И прииде человек Божий ко Илию и рече: сия глаголет Господь: открываяся открыхся в дому отца твоего, сущым им в земли Египетстей рабом в дому фараони, 009 1SA 002 028 и избрах дом отца твоего от всех домов Израилевых Мне служити, еже восходити ко олтарю Моему и кадити кадилом и носити ефуд, и дах дому отца твоего вся, яже огня жертвенная сынов Израилевых, в снедь: 009 1SA 002 029 и почто ты воззрел еси на фимиам Мой и на жертву Мою безстудным оком, и прославил сыны твоя паче Мене, еже благословляти начаток всякия жертвы Израилевы предо Мною? 009 1SA 002 030 Сего ради сия глаголет Господь Бог Израилев, глаголя: рекох, дом твой и дом отца твоего прейдет предо Мною до века: а ныне глаголет Господь: никакоже Мне, зане токмо прославляющыя Мя прославлю, и уничижаяй Мя безчестен будет: 009 1SA 002 031 се, дние идут, и потреблю семя твое и семя дому отца твоего, и не будет старца в дому твоем во вся дни, 009 1SA 002 032 и узриши державу Мою во всех, имиже разблажает Израиля, и не будет старца в дому твоем во вся дни: 009 1SA 002 033 и мужа не истреблю тебе от олтаря Моего, во еже оскудети очесем его и истаяти души его: и вси прочии дому твоего падут оружием мужеским: 009 1SA 002 034 и сие тебе знамение, еже приидет на оба сына твоя сия Офни и Финееса: в день един умрут оба: 009 1SA 002 035 и возставлю Себе жерца верна, иже вся яже в сердцы Моем и яже в души Моей сотворит, и созижду ему дом верен, и предидет пред христом Моим во вся дни: 009 1SA 002 036 и будет всяк оставшийся в дому твоем приидет поклонитися ему с цатою сребра и хлебом единым, глаголя: приими мя к единому от священнослужений твоих, еже ясти хлеб. 009 1SA 003 001 И отрочищь Самуил бе служа Господеви пред Илием иереем, и глаголгол Господень бе честен в тыя дни, не бе видение посылаемо. 009 1SA 003 002 И бысть в день он, и Илий спаше на месте своем, и очи его начаста тяжце быти, и не можаше зрети: 009 1SA 003 003 и прежде неже угасе светилник Божий, и Самуил спаше в церкви Господни, идеже кивот Божий, 009 1SA 003 004 и воззва Господь: Самуиле, Самуиле. И рече: се, аз. 009 1SA 003 005 И тече ко Илию и рече: се, аз, яко звал мя еси. И рече (Илий): не звах тебе, возвратися и спи. И возвратися и спа. 009 1SA 003 006 И приложи Господь и воззва еще: Самуиле, Самуиле. И воста Самуил и иде ко Илию вторицею, и рече: се, аз, яко звал мя еси. И рече: не звах тебе, чадо мое, возвратися, спи. 009 1SA 003 007 Самуил же в то время еще не познаваше Бога, прежде откровения ему гласа Господня. 009 1SA 003 008 И приложи Господь призвати Самуила третицею: и востав, и иде ко Илию и рече: се, аз, яко звал мя еси. И разуме Илий, яко Господь призывает отрочища, и рече: возвратися и спи, чадо: 009 1SA 003 009 и будет аще воззовет тя Зовый, и речеши: глаголи, Господи, яко слышит раб Твой. И иде Самуил, и спа на месте своем. 009 1SA 003 010 И прииде Господь и ста и воззва его якоже первое и второе: Самуиле, Самуиле. И рече Самуил: глаголи (Господи), яко слышит раб Твой. 009 1SA 003 011 И рече Господь к Самуилу: се, Аз творю глаголголы Моя во Израили, яко всякому слышащему сия пошумит во обоих ушесех его: 009 1SA 003 012 в день той воздвигну на Илиа вся, елика глаголах на дом его: начну и скончаю: 009 1SA 003 013 и возвестих ему, яко отмщу Аз на доме его до века в неправдах сынов его, о нихже ведяше, яко злословиста Бога сынове его, и не наказа их: 009 1SA 003 014 и сего ради кляхся дому Илиину, яко не очистится неправда дому Илиина в кадилах и жертвах его до века. 009 1SA 003 015 И спа Самуил до утра, и утренева заутра, и отверзе двери храма Господня. Самуил же убояся поведати видения Илию. 009 1SA 003 016 И рече Илий к Самуилу: Самуиле чадо. И рече: се, аз. 009 1SA 003 017 И рече (Илий): что глаголгол глаголголанный к тебе? Не скрый убо от мене: сия да сотворит тебе Бог и сия да приложит, аще утаиши от мене слово от всех словес глаголголанных к тебе во ушеса твоя. 009 1SA 003 018 И поведа Самуил Илию вся словеса, и не утаи от него (ни единаго глаголгола). И рече Илий: Господь Сам, еже благо пред Ним, да сотворит. 009 1SA 003 019 И возвеличен бысть Самуил, и Господь бе с ним, и не паде от всех словес его на земли (ни един глагол). 009 1SA 003 020 И разумеша вси Израилтяне от Дана даже и до Вирсавии, яко верен Самуил Господу во пророцех. 009 1SA 003 021 И приложи Господь явитися в Силоме, яви бо Ся Господь Самуилу: и уверися Самуил пророк быти Господеви во всем Израили, от конца до конца земли. Илий же состареся зело, и сынове его ходяще хождаху, и лукав путь их пред Господем. 009 1SA 004 001 И бысть во дни оны, и собрашася иноплеменницы противу Израиля на брань: и изыде Израиль во сретение им на брань, и ополчишася во Авенезере, и иноплеменницы ополчишася во Афеце: 009 1SA 004 002 и сразишася иноплеменницы на брани со Израилтяны, и преклонися брань, и падоша мужие Израилевы пред иноплеменники, и убиени быша в брани на селе четыри тысящы мужей. 009 1SA 004 003 И приидоша людие в полк, и реша старейшины Израилевы: почто порази нас Господь днесь пред иноплеменники? Возмем кивот Бога нашего от Силома, и изыдет посреде нас и спасет ны от руки враг наших. 009 1SA 004 004 И послаша людие в Силом, и взяша оттуду кивот Господа седящаго на херувимех: и (быша) тамо оба сына Илиина с кивотом Божиим, Офни и Финеес. 009 1SA 004 005 И бысть егда прииде кивот Господень в полк, и возопи весь Израиль гласом великим, и возшуме земля. 009 1SA 004 006 И услышаша иноплеменницы глас вопля и реша: что сей вопль великий в полце Еврейсте? И уразумеша, яко кивот Господень прииде в полк. 009 1SA 004 007 И убояшася иноплеменницы и реша: сии бози приидоша к ним в полк: горе нам, изми ны, Господи, днесь: яко не бысть тако вчера и третияго дне: 009 1SA 004 008 горе нам, кто ны измет от руки богов крепких сих? Сии суть бози, побившии Египта всякими язвами и в пустыни: 009 1SA 004 009 укрепитеся и будите в мужы, иноплеменницы, яко да не поработаете Евреом, якоже поработаша нам, будите убо в мужы и бийтеся с ними. 009 1SA 004 010 И бишася с ними: и падоша мужие Израилевы пред иноплеменники, и побеже кийждо в селение свое, и бысть язва велика зело: и паде от Израиля тридесять тысящ чинов: 009 1SA 004 011 и кивот Божий взят бысть, и оба сыны Илиины умроша, Офни и Финеес. 009 1SA 004 012 И тече муж от брани Иеминей, и прииде в Силом в день он, и ризы своя растерзав, и персть бе на главе его. 009 1SA 004 013 И прииде, и се, Илий седяше на престоле своем у дверий, смотря на путь, яко бе сердце его во ужасе (велице) о кивоте Божии. И человек вниде во град возвещая: и возопи весь град гласом великим: 009 1SA 004 014 и слыша Илий глас вопля и рече: что есть глас вопля сего? И человек потщався вниде и поведа Илию. 009 1SA 004 015 И бе Илий девятидесяти осми лет, и очи его изнемогоста, и не видяше. 009 1SA 004 016 И рече Илий мужем предстоящым себе: что глас вопля сего? И муж потщався вниде ко Илию и рече ему: аз есмь пришедый из полка, и аз прибежах от брани днесь. И рече Илий: что бывший глагол, чадо? 009 1SA 004 017 И отвеща отрочищь и рече: побежаша мужие Израилевы от лица иноплеменников, и язва велия бысть в людех, и оба сыны твоя умроша, и кивот Божий взят есть. 009 1SA 004 018 И бысть егда помяну о кивоте Божии, и паде (Илий) с престола взнак близ дверий, и сокрушися хребет его, и умре, яко стар бе человек и тяжек: и той суди Израилеви четыредесять лет. 009 1SA 004 019 И сноха его жена Финеесова заченшая родити, и слыша весть, яко взят бысть кивот Божий и яко умре свекор ея и муж ея, и восплакася (горько), и роди, яко обратишася на ню болезни ея. 009 1SA 004 020 И во время, внегда умираше, реша ей жены предстоящыя ей: не бойся, яко сына родила еси. И не отвеща, и не разуме сердце ея. 009 1SA 004 021 И нарече отрочища Уехавоф: и реша о кивоте Божии и о свекре ея и о мужи ея: преселися слава от Израиля, яко взятся кивот Господень, и яко умре свекор ея и муж ея. 009 1SA 004 022 И рече: преселися слава Израилева, яко взят бысть кивот Божий. 009 1SA 005 001 И взяша иноплеменницы кивот Божий и изнесоша его от Авенезера во Азот: 009 1SA 005 002 и взяша иноплеменницы кивот Господень и внесоша его в храм Дагонов, и поставиша его близ Дагона. 009 1SA 005 003 И обутреневаша Азотяне наутрие и внидоша в храм Дагонов: и увидеша, и се, Дагон паде на землю на лице свое пред кивотом Божиим. И воздвигоша Дагона, и поставиша его на месте своем. 009 1SA 005 004 И бысть егда восташа заутра, и се, Дагон лежаше лицем на земли пред кивотом завета Господня: глава же Дагонова и обе плесне ног его отяты на празе особо каяждо, и обе длани рук его лежаще при дверех, точию труп Дагонов остася. 009 1SA 005 005 Того ради не вступают жерцы Дагоновы и вси входящии в храм Дагонов на праг дому Дагонова во Азоте даже до дне сего: яко преступающе преступают. 009 1SA 005 006 И отяготе рука Господня на Азоте, и наведе на них, и воскипе им на седалищах их, во Азоте и в пределех Его, и посреде страны его умножишася мышы: и бысть смущение смерти велико во граде. 009 1SA 005 007 И видеша мужие Азотстии, яко тако (бысть), и глаголаша: яко не пребудет кивот Бога Израилева с нами, яко жестока рука Его на ны и на Дагона бога нашего. 009 1SA 005 008 И пославше собраша воевод иноплеменничих к себе и глаголаша: что сотворим кивоту Бога Израилева? И реша Гефее: да прейдет кивот Бога Израилева к нам в Геф. И прейде кивот Бога Израилева в Геф. 009 1SA 005 009 И бысть по прешествии его, и бысть рука Господня на граде, мятеж велий зело: и порази мужы града от мала до велика, и порази их на седалищах их. И сотвориша Гефее себе седалища (злата), 009 1SA 005 010 и отпустиша кивот Божий во Аскалон. И бысть егда вниде кивот Бога Израилева во Аскалон, и возопиша Аскалонитяне глаголюще: почто возвратисте кивот Бога Израилева к нам, уморити ны и люди нашя? 009 1SA 005 011 И послаша и собраша вся воеводы иноплеменничи и реша: отпустите кивот Бога Израилева, и да поставится на месте своем, и да не уморит нас и людий наших. Яко бысть мятеж смерти во всем граде тяжек зело, егда вниде кивот Бога Израилева тамо. 009 1SA 005 012 И живущии и не умершии уязвишася на седалищах, и взыде вопль града до небесе. 009 1SA 006 001 И бе кивот Господень на селе иноплеменников седмь месяц: и воскипе земля их мышами. 009 1SA 006 002 И призваша иноплеменницы жерцев и волхвов и обаянников своих, глаголюще: что сотворим кивоту Господню? Скажите нам, како послем его на место его? 009 1SA 006 003 И реша: аще отпущаете вы кивот завета Господа Бога Израилева, да не послете его тща, но отдающе отдадите Ему за муки (дары), и тогда исцелитеся, и умилостивится вам: еда ли не отступит рука Его от вас? 009 1SA 006 004 И глаголаша: что Ему за муки отдадим? И реша: по числу воевод и иноплеменничих пять седалищ златых и пять мышей златых, яко прегрешения в вас и в князех ваших и в людех: 009 1SA 006 005 и сотворите подобие седалищ ваших и подобие мышей ваших, растлевающих землю, и воздадите славу Богу (Израилеву), яко да облегчит руку Свою от вас и от богов ваших и от земли вашея: 009 1SA 006 006 и почто отягощаете сердца ваша, якоже отягчи Египет и фараон сердце свое? Не егда ли поругася им, отпусти их, и отидоша? 009 1SA 006 007 И ныне возмите и сотворите колесницу нову едину и две кравы первородившыя без телят, на нихже не бяше ярмо: и впрязите кравы в колесницу, а телята их возвратите вспять в дом: 009 1SA 006 008 и возмите кивот Господень, и возложите и на колесницу, и сосуды златыя отдадите Ему за муки, и положите в ковчежце от страны его: и отпустите его, да идет: 009 1SA 006 009 и узрите, аще путем пределов своих пойдет в Вефсамис, той сотвори нам зло великое сие: аще же ни, то уразумеем, яко не рука его прикоснуся нас, но приключение сие бысть нам. 009 1SA 006 010 И сотвориша иноплеменницы тако, и взяша две кравы первородившыя, и впрягоша я в колесницу, телята же их затвориша в доме: 009 1SA 006 011 и возложиша кивот Господень на колесницу, и ковчежец, и мышы златыя, и подобия седалищ своих: 009 1SA 006 012 и управишася кравы на пути в путь Вефсамский, на пути имже идяху, и труждахуся, и не совращахуся на десно, ниже на шуе: и воеводы иноплеменничи идяху вслед его даже до предел Вефсамских. 009 1SA 006 013 И иже в Вефсамисе жняху жатву пшеницы во юдоли: и возведоша очи свои, и видеша кивот Господень, и возвеселишася во сретение ему. 009 1SA 006 014 И колесница вниде в село Осиево сущее в Вефсамисе, (и ста тамо, ) и поставиша тамо при нем камень велий: и иссекоша древеса колесничная, и кравы вознесоша на всесожжение Господу. 009 1SA 006 015 Левити же вознесоша кивот Господень, и ковчежец иже с ним, и яже в нем сосуды златы, и положиша на камени велицем: мужие же Вефсамстии вознесоша всесожжения и пожроша жертву в той день Господу. 009 1SA 006 016 И пять воевод иноплеменничи зряху, и возвратишася во Аккарон в день той. 009 1SA 006 017 И сия седалища златая, яже воздаша иноплеменницы за муку Господу: Азотско едино, Газско едино, Аскалонско едино, Гефско едино, Аккаронско едино. 009 1SA 006 018 И златыя мышы по числу всех градов иноплеменничих пяти воевод, от града утвержена и даже до веси ферезеовы и до камене великаго, на немже положиша кивот завета Господня, иже есть даже до сего дне, на селе Осии Вефсамиситянина. 009 1SA 006 019 И не порадовашася сынове Иехониины в мужех Вефсамских, яко видеша кивот Господень: и уби в них пятьдесят тысящ и седмьдесят мужей. И плакашася людие, яко порази Господь людий язвою великою зело. 009 1SA 006 020 И реша мужие иже от Вефсамиса: кто возможет поити пред Господем Богом святым сим? И к кому взыдет кивот завета Господня от нас? 009 1SA 006 021 И послаша послы к живущым в Кариафиариме, глаголюще: возвратиша иноплеменницы кивот Господень, снидите и вознесите его к себе. 009 1SA 007 001 И приидоша мужие Кариафиаримстии и взяша кивот завета Господня, и внесоша его в дом Аминадавль иже на холме: и Елеазара сына его освятиша сохраняти кивот завета Господня. 009 1SA 007 002 И бысть от негоже дне бе кивот в Кариафиариме, умножишася дние, и быти двадесять лет: и воззре весь дом Израилев вслед Господа. 009 1SA 007 003 И рече Самуил ко всему дому Израилеву, глаголя: аще всем сердцем вашим вы обращаетеся ко Господу, отимите боги чуждыя от среды вас, и Дубравы, и уготовайте сердца ваша ко Господу, и поработайте Ему единому, и избавит вас от руки иноплеменничи. 009 1SA 007 004 И отвергоша сынове Израилевы Ваалима и дубравы Астарофа, и поработаша Господу единому. 009 1SA 007 005 И рече Самуил: соберите ко мне всего Израиля в Массифаф, и помолюся о вас ко Господу. 009 1SA 007 006 И собрашася людие в Массифаф, и почерпаху воду и проливаху пред Господем на землю: и постишася в той день, и реша: согрешихом пред Господем. И судяше Самуил сыны Израилевы в Массифафе. 009 1SA 007 007 И услышаша иноплеменницы, яко собрашася вси сынове Израилевы в Массифаф, и взыдоша воеводы иноплеменничи на Израиля. И слышаша сынове Израилевы и убояшася от лица иноплеменник: 009 1SA 007 008 и реша сынове Израилевы к Самуилу: не премолчи о нас вопия ко Господу Богу нашему, да избавит ны от руки иноплеменничи. И рече Самуил: не буди мне еже отступити от Господа Бога моего и не вопити о вас с молением. 009 1SA 007 009 И взя Самуил ягня едино ссущее, и принесе е на всесожжение со всеми людьми Господеви: и возопи Самуил ко Господу о Израили, и послуша его Господь. 009 1SA 007 010 И бяше Самуил возносяй всесожжение, и иноплеменницы приближишася на брань на Израиля: и возгреме Господь гласом велиим в день он на иноплеменники, и смятошася и падоша пред Израилем: 009 1SA 007 011 и изыдоша мужие Израилевы от Массифафа, и погнаша иноплеменников, и биша их даже до подолия Вефхор. 009 1SA 007 012 И взя Самуил камень един и постави его между Массифафом и между Ветхим: и нарече имя ему Авенезер, сиречь камень помощи, и рече: до зде поможе нам Господь. 009 1SA 007 013 И смири Господь иноплеменники, и не приложиша ктому ити в пределы Израилевы: и бысть рука Господня на иноплеменников во вся дни Самуиловы. 009 1SA 007 014 И отдашася грады, ихже взяша иноплеменницы от сынов Израилевых, и отдаша их Израилю, от Аккарона даже до Гефа, и пределы Израиля свободишася от руки иноплеменничи: и бе мир между Израилем и между Аморреем. 009 1SA 007 015 И судяше Самуил Израилю во вся дни живота своего. 009 1SA 007 016 И хождаше от года до года, и окрест Вефиля и Галгалы и Массифафа, и суждаше Израиля во всех священных сих. 009 1SA 007 017 Бяше же ему возвращение во Армафем, яко тамо бяше дом его: и судяше тамо Израиля, и созда тамо олтарь Господеви. 009 1SA 008 001 И бысть егда состареся Самуил, и постави сыны своя судити Израилеви. 009 1SA 008 002 И сия имена сыном его: первенец Иоиль, и имя второму Авиа, судии в Вирсавеи. 009 1SA 008 003 И не поидоша сынове его путем его: и уклонишася вслед лихоимания, и приимаху дары, и развращаху суды. 009 1SA 008 004 И собрашася мужие Израилевы, и приидоша к Самуилу во Армафем 009 1SA 008 005 и реша ему: се, ты состарелся еси, сынове же твои не ходят по пути твоему: и ныне постави над нами царя, да судит ны, якоже и прочии языки. 009 1SA 008 006 И бысть лукав глагол пред очима Самуиловыма, яко реша: даждь нам царя, да судит ны. И помолися Самуил ко Господу. 009 1SA 008 007 И рече Господь Самуилу: послушай гласа людий, якоже глаголют к тебе, яко не тебе уничижиша, но Мене уничижиша, еже не царствовати Ми над ними: 009 1SA 008 008 по всем делом, яже сотвориша Ми, от негоже дне изведох их из земли Египетски до днешняго дне, и оставиша Мя, и послужиша богом иным, тако тии творят и тебе: 009 1SA 008 009 и ныне послушай гласа их: обаче засвидетелствуя засвидетелствуеши им и возвестиши им правду цареву, иже царствовати будет над ними. 009 1SA 008 010 И рече Самуил вся словеса Господня к людем просящым от него царя, 009 1SA 008 011 и глагола (им): сие будет оправдание царево, иже царствовати имать над вами: сыны вашя возмет и поставит я колесничники своя, и на кони всадит их, и предтекущих пред колесницами его: 009 1SA 008 012 и поставит я себе сотники и тысящники и жателми жатвы своея, и оымут оыманием гроздия его, и творити орудия воинская его и орудия колесниц его: 009 1SA 008 013 и дщери вашя возмет в мироварницы и в поварницы и в хлебницы: 009 1SA 008 014 и села ваша и винограды вашя и масличины вашя благия возмет и даст рабом своим: 009 1SA 008 015 и семена ваша и винограды вашя одесятствует и даст скопцем своим и рабом своим: 009 1SA 008 016 и рабы вашя и рабыни вашя и стада ваша благая и ослы вашя отимет и одесятствует на дела своя: 009 1SA 008 017 и пажити вашя одесятствует, и вы будете ему раби: 009 1SA 008 018 и возопиете в день он от лица царя вашего, егоже избрасте себе, и не услышит вас Господь в день он, яко вы сами избрасте себе царя. 009 1SA 008 019 И не восхотеша людие послушати Самуила и реша ему: ни, но царь да будет над нами, 009 1SA 008 020 и будем и мы якоже вси языцы: и судити имать нас царь наш, и изыдет пред нами, и поборет поборением о нас. 009 1SA 008 021 И слыша Самуил вся глаголы людий и глагола я во ушы Господеви. 009 1SA 008 022 И рече Господь к Самуилу: послушай гласа их, и постави им царя. И рече Самуил к мужем Израилевым: да идет кийждо вас во свой град. 009 1SA 009 001 И бе муж от сынов Вениаминовых, емуже имя Кис, сын Авиилов, сына Иаредова, сына Вахирова, сына Афекова, сына мужа Иеминеова, муж силен крепостию. 009 1SA 009 002 И сему бе сын, имя ему Саул, добровеличен, муж благ: и не бе в сынех Израилевых благ паче его, от рамен и выше высок паче всех людий. 009 1SA 009 003 И заблудиша ослята Киса отца Саулова. И рече Кис к Саулу сыну своему: возми с собою единаго от отрок, и воставше идите и поищите ослят. 009 1SA 009 004 И проидоша гору Ефремлю, и проидоша землю Селха, и не обретоша: и проидоша землю Сегалимлю, и не бе: и проидоша землю Иаминю, и не обретоша. 009 1SA 009 005 И пришедшым им в землю Сифову, и рече Саул ко отроку своему иже с ним: гряди и возвратимся, да не како отец мой оставя ослята, печется о нас. 009 1SA 009 006 И рече ему отрок: се, зде человек Божий во граде сем, и человек славен: все еже аще речет приходящым к нему, будет им: и ныне пойдем тамо, да возвестит нам путь наш, имже пойдем. 009 1SA 009 007 И рече Саул отроку своему иже с ним: се, пойдем, и что принесем к человеку Божию? Яко хлебы оскудеша от вретищ наших, и ктому несть у нас, еже внести к человеку Божию от имения нашего. 009 1SA 009 008 И приложи отрок отвещати Саулу и рече: се, обретается в руце моей четвертая часть сикля сребра, и даси человеку Божию, и возвестит нам путь наш. 009 1SA 009 009 Прежде бо во Израили сице глаголаше кийждо, егда кто идяше вопрошати Бога: гряди, да идем к прозорливцу: яко пророка нарицаху людие прежде прозорливцем. 009 1SA 009 010 И рече Саул отроку своему: добр глагол твой: гряди, да идем. И идоша во град, идеже бе человек Божий. 009 1SA 009 011 Восходящым же им на восход града, и се, обретоша девиц изшедших почерпсти воды, и реша им: есть ли зде прозорливец? 009 1SA 009 012 И отвещаша им девицы, глаголющя: есть, се пред лицем вашим: ныне же потщитеся, яко дне ради грядет во град, яко жертва днесь людем в ваме: 009 1SA 009 013 и егда внидете во град, тако обрящете его во граде, прежде неже взыти ему в ваму ясти: яко не имут ясти людие, дондеже внидет сей, яко той благословит жертву, и по сих ядят страннии: и ныне взыдите, яко дне ради обрящете его. 009 1SA 009 014 И взыдоша во град. Имже входящым среди града, и се, Самуил изыде во сретение им, еже взыти в ваму. 009 1SA 009 015 И Господь откры во ухо Самуилу днем единым прежде пришествия к нему Сауля, глаголя: 009 1SA 009 016 якоже время сие, утро послю к тебе мужа от племене Вениаминова, и да помажеши его царя над людьми Моими Израилем, и спасет люди Моя от руки иноплеменничи: яко призрех на смирение людий Моих, яко взыде вопль их ко Мне. 009 1SA 009 017 И виде Самуил Саула, и Господь рече к нему: се, человек, о немже рекох ти: сей будет в людех Моих царствовати. 009 1SA 009 018 И приближися Саул к Самуилу посреде града и рече: возвести ми, который дом прозорливца. 009 1SA 009 019 И отвеща Самуил Саулу и рече: аз сам есмь: взыди предо мною в ваму, и яждь со мною днесь, и отпущу тя заутра, и вся яже в сердцы твоем возвещу ти: 009 1SA 009 020 и о ослятех твоих заблудивших днесь третий день, не помышляй в сердцы своем о них, ибо обретошася: и кому красная Израилева? Не тебе ли и дому отца твоего? 009 1SA 009 021 И отвеща Саул и рече: не сын ли есмь аз мужа иеминеа, меншаго скиптра племене Израилева? И племене малейшаго от всего скиптра Вениаминова? И отечество мое меншее паче всех отечеств Вениаминовых? И вскую глаголал еси ко мне по глаголу сему? 009 1SA 009 022 И поят Самуил Саула и отрока его, и введе я во обиталище, и даде им тамо место в первых званых, яко в седмидесяти мужех. 009 1SA 009 023 И рече Самуил повару: даждь ми часть, юже дах ти, и о нейже рех ти положити ю у себе. 009 1SA 009 024 И взя повар плече, и предложи е Саулови. И рече Самуил Саулу: се, избыток, предложи пред ся и яждь, яко во свидетелство предложися тебе паче иных, прикоснися. И яде Саул с Самуилом в той день. 009 1SA 009 025 И сниде от вамы во град, и постлаша Саулови на горнице, и спа. 009 1SA 009 026 И бысть егда приближашеся утро, и воззва Самуил Саула на горнице, и рече: востани, и отпущу тя. И воста Саул, и изыде сам и Самуил вон. 009 1SA 009 027 Имже исходящым в часть града, и рече Самуил к Саулу: рцы юноши, да предидет пред нами: а ты стани якоже днесь, и слышан сотворю тебе глаголгол Божий. 009 1SA 010 001 И взя Самуил сосуд с елеем, и возлия на главу его, и лобыза его, и рече ему: не помаза ли тебе Господь на царство людем Своим иже во Израили? И ты царствовати будеши в людех Господних, и ты спасеши я от руки враг их окрест: и сие тебе знамение, яко помаза тя Господь над наследием Своим в князя: 009 1SA 010 002 егда отидеши днесь от мене, обрящеши два мужа при гробех Рахилиных в пределех Вениаминих в Силоме, в Вакалафе скачущих зелно, и рекут тебе: обретошася ослята, ихже ходисте искати: и се, отец твой отверже глагол о ослятех и зело печется вас ради, глаголя: что сотворю о сыне моем? 009 1SA 010 003 И отидеши оттуду, и далее приидеши до дубравы Фавора, и обрящеши тамо три мужы восходящыя к Богу в Вефиль, единаго ведуща трое козлят, а другаго несуща три вретища хлебов, а третияго несуща мех вина: 009 1SA 010 004 и вопросят тя яже о мире, и дадут ти два начатка хлебов, и возмеши от рук их: 009 1SA 010 005 и по сих да взыдеши на холм Божий, идеже есть собрание иноплеменник, тамо началницы иноплеменничи: и будет егда внидеши тамо во град, срящеши лик пророков исходящих от вамы, и пред ними свирели и тимпаны, и сопели и гусли, и тии прорицающии: 009 1SA 010 006 и снидет на тя Дух Господень, и воспророчествуеши с ними, и обратишися в мужа иного: 009 1SA 010 007 и будет егда приидут знамения сия на тя, твори вся, елика обрящет рука твоя, яко Бог с тобою: 009 1SA 010 008 и снидеши прежде мене в Галгалы, и се, аз сниду к тебе вознести всесожжение и пожрети жертвы мирны: седмь дний пождеши, дондеже прииду к тебе, и покажу ти, что сотвориши. 009 1SA 010 009 И бысть внегда отвратити ему плещы своя отити от Самуила, преложи ему Бог сердце на ино. И приидоша вся знамения сия в день он. 009 1SA 010 010 И взыде оттуду на холм, и се, лик пророческий противу ему: и взыде нань Дух Божий, и прорицаше среде их. 009 1SA 010 011 И быша вси видевшии его вчера и третияго дне, и видеша, и се, той посреде пророк прорицаяй. И реша людие кийждо ко искреннему своему: что сие бывшее сыну Кисову? Еда и Саул во пророцех? 009 1SA 010 012 И отвеща некто от них и рече: и кто отец ему? Не Кис ли? И сего ради бысть в притчу: еда и Саул во пророцех? 009 1SA 010 013 И сконча пророчествуя, и прииде оттуду на холм. 009 1SA 010 014 И рече ужик его к нему и ко отрочищу его: камо ходисте? И реша: ослят искати, и видехом, яко несть их, и внидохом к Самуилу. 009 1SA 010 015 И рече ужик к Саулу: возвести ми ныне, что ти рече Самуил? 009 1SA 010 016 И рече Саул ужику своему: вестию возвести ми, яко обретошася ослята. Словесе же о царстве не возвести ему, еже рече Самуил. 009 1SA 010 017 И заповеда Самуил всем людем приити ко Господу в Массифаф. 009 1SA 010 018 И рече Самуил к сыном Израилевым: сия рече Господь Бог Израилев, глаголя: Аз изведох отцы вашя сыны Израилевы из Египта, и изях вы от руки фараона царя Египетскаго и от всех царств оскорбляющих вы: 009 1SA 010 019 и вы днесь уничижисте Бога вашего, Иже Сам есть спасаяй вы от всех зол ваших и скорбей ваших, и ресте: ни, но царя да поставиши над нами: и ныне станите пред Господем по хоругвам вашым и по племенем вашым и по тысящам вашым. 009 1SA 010 020 И приведе Самуил вся колена Израилева, и паде жребий на хоругвь Вениаминю. 009 1SA 010 021 И приведе хоругвь Вениаминю по племенам, и паде жребий на племя Маттариино: и приведоша племя Маттариино по мужем, и паде жребий на Саула сына Кисова: и искаху его, и не обреташеся. 009 1SA 010 022 И вопроси Самуил еще Господа, глаголя: аще приидет семо муж еще? И рече Господь: се, той сокрыся в сосудех. 009 1SA 010 023 И тече Самуил, и взя его оттуду, и постави его посреде людий: и бысть вышше всех людий, от рамен и вышше. 009 1SA 010 024 И рече Самуил ко всем людем: видесте ли, егоже избра себе Господь, яко несть подобен ему во всех вас? И познаша вси людие и реша: да живет царь. 009 1SA 010 025 И рече Самуил к людем оправдания царствия, и написа в книзе, и положи пред Господем. 009 1SA 010 026 И отпусти Самуил вся люди, и идоша кийждо во своя си, и Саул иде в дом свой в Гаваю: и идоша с ним сынове сил, ихже коснеся Господь сердец их, с Саулом. 009 1SA 010 027 Сынове же погибелнии реша: кто спасет нас, сей ли? И безчествоваша его, и не принесоша ему даров. 009 1SA 011 001 И бысть аки по месяце, и взыде Наас Аманитянин, и ополчися на Иавис Галаадский. И реша вси мужие Иависстии к Наасу аманитянину: положи нам завет, и поработаем ти. 009 1SA 011 002 И рече к ним Наас Аманитянин: сей завет положу вам, изверчу комуждо вас око десное, и положу поношение на Израиля. 009 1SA 011 003 И реша ему мужие Иависа Галаадскаго: остави нам седмь дний, да послем вестники во вся пределы Израилевы: и аще не будет спасающаго нас, изыдем к вам. 009 1SA 011 004 И приидоша вестницы в Гаваю к Саулу и поведаша словеса сия во ушы людий: и воздвигоша вси людие глас свой и плакашася. 009 1SA 011 005 И се, Саул прииде по заутрии от села, и рече Саул: что яко плачут людие? И поведаша ему глаголы мужей Иависских. 009 1SA 011 006 И сниде Дух Господень на Саула, егда услыша словеса сия, и разгневася на них зело: 009 1SA 011 007 и взя две кравы, и раздроби я на уды, и посла во вся пределы Израилевы руками вестников, глаголя: иже не будет идый вслед Саула и вслед Самуила, по сему сотворят говядом его. И сниде ужас Господень на Израилтян, и изыдоша яко един муж. 009 1SA 011 008 И сочте их в Везеце, в ваме, и бысть всех мужей Израилтеских шесть сот тысящ, и мужей Иудиных седмьдесят тысящ. 009 1SA 011 009 И рече вестником пришедшым: сия поведите мужем Иависа Галаадскаго: заутра будет вам спасение восходящу солнцу. И приидоша вестницы во град и возвестиша мужем Иависским: и возрадовашася, 009 1SA 011 010 и реша мужие Иависстии к Наасу аманитянину: утро изыдем к вам, и сотворите нам, еже благо пред очима вашима. 009 1SA 011 011 И бысть по заутрии, и Саул раздели люди на три начала: и внидоша посреде полка в стражу утреннюю, и бияху сынов Аммонитских, дондеже разогреся день: и бысть, и оставшиися разбегошася, и не осташася ни два от них вкупе. 009 1SA 011 012 И реша людие к Самуилу: кто есть рекий, яко да Саул не воцарится над нами? Предаждь мужей, и избием их. 009 1SA 011 013 И рече Саул: да не умрет ни един в днешний день, яко днесь сотвори Господь спасение во Израили. 009 1SA 011 014 И рече Самуил к людем, глаголя: приидите да идем в Галгалы и обновим тамо царство. 009 1SA 011 015 И идоша вси людие в Галгалы, и помаза тамо Самуил Саула на царство пред Господем в Галгалех. И пожроша тамо жертвы и мирная пред Господем, и возвеселися тамо Саул и вси мужие Израилевы зело. 009 1SA 012 001 И рече Самуил ко всем мужем Израилевым: се, послушах гласа вашего о всех, елика ми ресте, и поставих над вами царя: 009 1SA 012 002 и се, ныне царь предходит пред вами, аз же состарехся и седети буду, и сынове мои се с вами: и аз се, ходих пред вами от юности моея и даже до днешняго дне: 009 1SA 012 003 се, аз, отвещайте на мя пред Господем и пред христом Его, еда у кого телца взях, или осля, или кого от вас насилствовах, или кого утесних, или от руку некоего приях мзду, или обущу? Извещайте на мя, и возвращу вам. 009 1SA 012 004 И реша к Самуилу: не обидел еси нас, ниже насилствовал еси нам, ниже утеснил еси нас, ниже взял еси от руки чиея что. 009 1SA 012 005 И рече Самуил к людем: свидетель есть Господь в вас, и свидетель христос Его днесь в сей день, яко ничтоже обретосте в руку моею. И реша людие: свидетель. 009 1SA 012 006 И рече Самуил к людем, глаголя: свидетель Господь сотворивый Моисеа и Аарона и изведый от земли Египетския отцы нашя: 009 1SA 012 007 и ныне предстаните, и разсуждуся с вами пред Господем и возвещу вам вся оправдания Господня, яже сотвори вам и отцем вашым: 009 1SA 012 008 егда вниде Иаков и сынове его во Египет, и смириша их Египтяне: и возопиша отцы наши ко Господу, и посла Господь Моисеа и Аарона, и изведе отцы нашя из Египта и всели их на месте сем: 009 1SA 012 009 и забыша Господа Бога своего, и вдаде я в руце Сисаре архистратигу Иавина царя Асорска, и в руки иноплеменничи, и в руки царя Моавска, и воеваша их: 009 1SA 012 010 и возопиша ко Господу и реша: согрешихом, яко оставихом Господа и поработахом Ваалиму и Дубравам, и ныне изми ны от рук враг наших, и поработаем Тебе: 009 1SA 012 011 и посла Господь Иероваала и Варака и Иеффая и Самуила, и изят вы из рук враг ваших окрестных, и обитасте уповающе: 009 1SA 012 012 и весте, яко Наас царь сынов Аммоних прииде на вы, и ресте: ни, но царь да царствует над нами: егда Господь Бог царствова над вами: 009 1SA 012 013 и се, ныне царь, егоже избрасте и егоже просисте: и се, даде Господь над вами царя: 009 1SA 012 014 аще убоитеся Господа и поработаете Ему, и послушаете гласа Его и не воспротивитеся устом Господним, и будете и вы и царь царствуяй над вами вслед Господа ходяще: то рука Господня не будет на вас: 009 1SA 012 015 аще же не послушаете гласа Господня и воспротивитеся устом Господним, будет рука Господня на вас и на царя вашего: 009 1SA 012 016 и ныне станите и видите глаголгол сей великий, егоже сотворит Господь пред очима вашима: 009 1SA 012 017 несть ли жатва пшеницы днесь? Призову Господа, и даст громы и дождь, и уразумеете и увидите, яко злоба ваша велика, юже сотвористе пред Господем, испросивше себе царя. 009 1SA 012 018 И призва Самуил Господа, и даде Господь гром и дождь в той день: и убояшася вси людие зело Господа и Самуила, 009 1SA 012 019 и реша вси людие к Самуилу: помолися о рабех твоих ко Господу Богу твоему, да не умрем: яко приложихом ко всем грехом нашым злобу, просяще себе царя. 009 1SA 012 020 И рече Самуил к людем: не бойтеся: вы сотвористе всю злобу сию: токмо не уклонитеся от последования Господня и поработайте Господу всем сердцем вашим, 009 1SA 012 021 и не преступите вслед ничтоже сущих, иже не пособствуют и не изимут, яко ничтоже суть: 009 1SA 012 022 понеже не отринет Господь людий Своих имене ради Своего великаго, яко кротце Господь прият вас Себе в люди: 009 1SA 012 023 и да никакоже ми согрешити Господу, оставити еже молитися о вас ко Господу, и поработаю Господеви и покажу вам путь благ и прав, 009 1SA 012 024 токмо бойтеся Господа и работайте Ему во истине и всем сердцем вашим, яко видите яже великая сотвори Господь с вами: 009 1SA 012 025 и аще злобою зло сотворите, то вы и царь ваш погибнете. 009 1SA 013 001 Сын единаго лета Саул, егда нача царствовати, и два лета царствова над Израилем. 009 1SA 013 002 И избра себе Саул три тысящы мужей от мужей Израилевых, и быша с Саулом две тысящы в Махмасе и в горе Вефили, и тысяща беша со Ионафаном в Гаваи Вениаминове: и останок людий отпусти коегождо во своя селения. 009 1SA 013 003 И порази Ионафан насива иноплеменника иже в холме. И услышаша иноплеменницы, и Саул воструби трубою во всю землю, глаголя: отвергошася раби. 009 1SA 013 004 И слыша весь Израиль глаголющих, яко порази Саул насива иноплеменника, и омерзе Израиль во иноплеменницех. И собрашася людие вслед Саула в Галгалех. 009 1SA 013 005 И иноплеменницы собрашася на брань на Израиля: и приидоша на Израиля тридесять тысящ колесниц и шесть тысящ конник и множество людий, яко песок иже при мори: и шедше ополчишася в Махмасе противу Вефорону на юг. 009 1SA 013 006 И видеша мужие Израилевы, яко не могоша противу стати, и скрышася людие в вертепех и в оградех и в камениих и в пропастех и во рвах: 009 1SA 013 007 и преходяще преидоша Иордан в землю Гадову и Галаадску. И Саул бяше еще в Галгалех, и вси людие ужасошася, иже бяху с ним. 009 1SA 013 008 И ждаше седмь дний по свидетелству, якоже рече Самуил, и не прииде Самуил в Галгалы: и разсеяшася людие его от него. 009 1SA 013 009 И рече Саул: приведите, яко да сотворю всесожжение и мирная. И вознесе всесожжение. 009 1SA 013 010 И бысть егда соверши вознося всесожжение, и се, Самуил прииде: и Саул изыде на сретение ему благословитися им. 009 1SA 013 011 И рече Самуил: что сотворил еси? И рече Саул: видех, яко отидоша людие от мене, и ты не пришел еси, якоже определил еси свидетелством дний, иноплеменницы же собрашася в Махмас, 009 1SA 013 012 и рех: ныне приидут иноплеменницы ко мне в Галгалы, и лица Господня не умолих: и не удержахся, и вознесох всесожжение. 009 1SA 013 013 И рече Самуил к Саулу: безумие бысть тебе, понеже не сохранил еси заповеди моея, юже заповеда ти Господь: яко ныне уготовал бы Господь царство твое во Израили до века: 009 1SA 013 014 и ныне царство твое не станет тебе, и изыщет Господь Себе человека по сердцу Своему, и повелит ему Господь властелину быти над людьми Своими, яко не сохранил еси, елика заповеда тебе Господь. 009 1SA 013 015 И воста Самуил и иде от Галгал в путь свой: и останок людий идоша вслед Саула на сретение людем ратным. Имже приходящым от Галгал в Гаваю Вениаминову, и сочте Саул люди обретшыяся с ним яко шесть сот мужей. 009 1SA 013 016 Саул же и Ионафан сын его и людие обретшиися с ними седоша в Гаваи Вениаминове и плакашася: иноплеменницы же ополчишася в Махмасе. 009 1SA 013 017 И изыдоша губящии от села иноплеменников тремя началы: начало едино зрящее путь Гофера на землю Совалю: 009 1SA 013 018 и начало едино зрящее путь Вефоронь: и начало едино зрящее путь Гаваи, клонящийся к Гаисавим пустыни. 009 1SA 013 019 И ковачь железа не обреташеся во всей земли Израилеве, яко реша иноплеменницы, да не сотворят Еврее меча и копия. 009 1SA 013 020 И хождаху вси сынове Израилевы в землю иноплеменничу ковати кийждо своя косы и орудия своя, и кийждо секиры своя и серпы своя. 009 1SA 013 021 И притупишася вся орудия приспевшей жатве, секиры и серпы, поправления же има не бысть. 009 1SA 013 022 И бысть во дни брани Махмасския, и не обретеся меча и копия в руках всех людий, иже с Саулом и со Ионафаном: точию у Саула и Ионафана сына его. 009 1SA 013 023 И изыдоша от стана иноплеменнича об ону страну Махмаса. 009 1SA 014 001 И бысть во един день, и рече Ионафан сын Саулов отрочищу носящему оружие его: гряди, и прейдем в мессаву иноплеменников иже на оней стране. И отцу своему не возвести сего. 009 1SA 014 002 И Саул седяше на верху холма под древом яблонным еже в Магдоне, и бяше с ним яко шесть сот мужей. 009 1SA 014 003 И Ахиа сын Ахитов, брата Иохаведова, сына Финеесова, сына Илии, иерей Божий в Силоме нося ефуд: и людие не ведяху, яко отиде Ионафан. 009 1SA 014 004 Посреде же прехода, идеже хотяше Ионафан прейти в стан иноплеменничь, бысть камень острый отсюду и камень острый отюнуду: имя единому Васес и другому Сенна: 009 1SA 014 005 камень един стояше от севера противу Махмаса, и камень вторый от юга противу Гаваи. 009 1SA 014 006 И рече Ионафан ко отрочищу носящему оружие его: гряди, прейдем в мессаву необрезанных сих, негли что сотворит нам Господь, яко несть Господу не удобно спасти во многих или в малых. 009 1SA 014 007 И рече ему носяй оружие его: твори все, на неже сердце твое склоняется: се, аз с тобою есмь, якоже сердце твое сердце мое. 009 1SA 014 008 И рече Ионафан: се, мы прейдем к мужем и явимся к ним: 009 1SA 014 009 аще сия рекут к нам: помедлите тамо, дондеже возвестим вам: то постоим сами на месте своем и не пойдем к ним: 009 1SA 014 010 аще же к нам сице рекут: взыдите к нам: то взыдем, яко предаде их Господь в руки нашя: сие нам знамение (да будет). 009 1SA 014 011 И внидоста оба в мессаву иноплеменников. И глаголаша иноплеменницы: се, Еврее исходят из разселин своих, идеже скрышася. 009 1SA 014 012 И отвещаша мужие мессавли ко Ионафану и к носящему оружие его, и реша: взыдите к нам, и явим вам глагол. И рече Ионафан к носящему оружие его: гряди по мне, яко предаде их Господь в руки Израилевы. 009 1SA 014 013 И взыде Ионафан (ползущь) на руках и на ногах своих, и носяй оружие его за ним. И узреша иноплеменницы лице Ионафане, и порази их: и носяй оружие его идяше вслед его. 009 1SA 014 014 И бысть язва первая, еюже порази Ионафан и носяй оружие его, яко двадесять мужей копийцами и каменовержением и кремением полевым. 009 1SA 014 015 И бысть ужас в полце и на селе: и вси людие иже в мессаве и губящии ужаснушася, и тии не хотяху братися: и вострепета земля, и бысть ужас от Господа. 009 1SA 014 016 И видеша соглядатае Сауловы в Гаваи Вениамини, и се, полк смятеся семо и онамо. 009 1SA 014 017 И рече Саул людем сущым с ним: разсмотрите ныне и видите, кто отиде от вас. И разсмотриша, и се, не обретеся Ионафан и носяй оружие его. 009 1SA 014 018 И рече Саул ко Ахии: принеси ефуд, яко бе кивот Божий в той день с сынми Израилевыми. 009 1SA 014 019 И бысть егда глаголаше Саул ко иерею, и шум в полце иноплеменничи ходя идяше и множашеся. И рече Саул ко иерею: пригни руки твоя. 009 1SA 014 020 И изыде Саул и вси людие иже с ним, и изыдоша до сечи. И се, бысть оружие коегождо на ближняго своего, (и бысть) мятеж велик зело. 009 1SA 014 021 Но и раби, иже быша со иноплеменники вчера и третияго дне, вшедшии в полк, обратишася и тии еже быти им со Израилтяны сущими с Саулом и со Ионафаном. 009 1SA 014 022 И вси Израилтяне скрывшиися в горе Ефремли услышаша, яко отбегоша иноплеменницы: приложишася и тии вслед их на брань. 009 1SA 014 023 И спасе Господь в той день Израиля: брань же пройде даже до Вамофа: и вси людие бяху с Саулом, яко десять тысящ мужей, и бе брань разсыпана во весь град на горе Ефремли. 009 1SA 014 024 И Саул сотвори безумие велие в день той, и закля люди, глаголя: проклят человек, иже ясти будет хлеб даже до вечера, дондеже отмщу врагом моим. И не вкусиша людие вси хлеба: 009 1SA 014 025 и вся земля обедаше: и се, бяше дубрава пчелная пред лицем села: 009 1SA 014 026 и внидоша людие во пчелник, и се, исхождаху глаголюще: (яко истече мед, ) и не бе возвращающаго руки своея ко устом своим, яко убояшася людие клятвы Господни. 009 1SA 014 027 Ионафан же не слышаше, егда заклинаше отец его люди: и простре конец жезла своего, иже в руку ему, и омочи его в соте медвене, и обрати руку свою во уста своя, и прозреша очи его. 009 1SA 014 028 И рече един от людий, глаголя: кленый прокля отец твой люди, глаголя: проклят человек, иже ясти будет хлеб в день сей: и изнемогоша людие. 009 1SA 014 029 И уразуме Ионафан и рече: смути отец мой землю: виждь, яко прозреша очи мои, егда вкусих мало от меда сего: 009 1SA 014 030 о, дабы яли ядуще днесь людие от корыстей врагов своих, ихже обретоша, множайшая бы днесь язва была во иноплеменницех. 009 1SA 014 031 И поразиша в день той от иноплеменников множае нежели в Махмасе: и утрудишася людие зело. 009 1SA 014 032 И устремишася людие на корысти, и пояша людие стада и буйволы и говяда: и закалаху на земли, и ядоша людие с кровию. 009 1SA 014 033 И возвестиша Саулу, глаголюще: согрешиша людие ко Господу, ядуще с кровию. И рече Саул: от гефема привалите мне семо камень велий. 009 1SA 014 034 И рече Саул: шедше к людем рцыте им: да принесет кийждо семо телца своего и кийждо овцу свою, и да заколют на камени сем, и ядите я, и не согрешайте Господу ядуще с кровию. И приведоша нощию вси людие свое кийждо, еже имяше в руце своей, и закалаху тамо. 009 1SA 014 035 И созда Саул тамо олтарь Господу: сей нача Саул созидати олтарь Господу. 009 1SA 014 036 И рече Саул: снидем вслед иноплеменник нощию, и расхитим их, дондеже заря будет, и не оставим от них мужа. И реша: все еже благо пред очима твоима, твори. И рече иерей: приступим семо к Богу. 009 1SA 014 037 И вопроси Саул Бога: сниду ли вслед иноплеменников? Предаси ли их в руки Израилтяном? И не отвеща ему Господь в день той. 009 1SA 014 038 И рече Саул: приведите семо вся колена Израилева, и уразумейте и увеждьте, на ком бысть грех сей днесь, 009 1SA 014 039 яко жив Господь спасый Израиля, яко аще ответ будет на Ионафана сына моего, смертию да умрет. И не бе отвещающаго от всех людий. 009 1SA 014 040 И рече Саул всему Израилю: вы станите на едину страну, аз же и Ионафан сын мой станем на другую страну. И реша людие к Саулу: еже благо пред тобою, твори. 009 1SA 014 041 И рече Саул: Господи Боже Израилев, что яко не отвещал еси рабу Твоему днесь? Или моя есть, или сына моего Ионафана неправда? Господи Боже Израилев, даждь знамение: и аще речеши сия, даждь ныне людем Твоим Израилю, даждь ныне преподобие. И паде жребий на Ионафана и Саула, и людие изыдоша. 009 1SA 014 042 И рече Саул: верзите жребий на мя и на Ионафана сына моего: егоже объявит Господь, смертию да умрет. И реша людие к Саулу: несть сей глагол. И преможе Саул люди, и вергоша о нем и Ионафане сыне его, и паде на Ионафана жребий. 009 1SA 014 043 И рече Саул ко Ионафану: возвести ми, что сотворил еси? И возвести ему Ионафан и рече: вкушая вкусих мало меду омочив конец жезла, иже в руку моею, и се, аз умираю. 009 1SA 014 044 И рече ему Саул: сия да сотворит ми Бог, и сия да приложит ми, яко смертию умреши днесь. 009 1SA 014 045 И реша людие к Саулу: еда днесь умрет сотворивый спасение сие велие во Израили? Не буди то, жив Господь, аще падет влас главы его на землю, яко милость Божию сотвори в день сей. И помолишася людие о Ионафане в день той, и не умре. 009 1SA 014 046 И не иде Саул вслед иноплеменников: иноплеменницы же отидоша в место свое. 009 1SA 014 047 И Саул укрепися царствовати во Израили, и побеждаше окрест вся враги своя в Моаве и в сынех Аммоних и в сынех Едомлих и в Вефоре и в царствии Сувани и во иноплеменницех: и аможе аще обращашеся, спасашеся. 009 1SA 014 048 И сотвори силу, и победи Амалика, и избави Израиля из руки попирающих его. 009 1SA 014 049 И беша сынове Сауловы Ионафан и Иисуй и Мелхисуе: имена же двою дщерию его, имя первородней Мерова и имя вторей Мелхола: 009 1SA 014 050 имя же жене его Ахиноома, дщерь Ахимаасова: и имя старейшине вой его Авенир сын Нира сына ужика Саулова: 009 1SA 014 051 Кис же отец Саулов, и Нир отец Авениров сын иамина сына Авиилева. 009 1SA 014 052 И бе брань крепка на иноплеменники во вся дни Сауловы: и видев Саул всяка мужа сильна и всяка мужа сына силы, собираше их к себе. 009 1SA 015 001 И рече Самуил к Саулу: посла мя Господь помазати тя на царство в людех Его во Израили: и ныне послушай гласа словес Господних: 009 1SA 015 002 сия рече Господь Саваоф: ныне отмщу, яже сотвори Амалик Израилю, егда срете его на пути, восходящу ему от Египта: 009 1SA 015 003 и ныне ты иди, и поразиши Амалика и Иерима, и вся яже суть его, и не снабдиши от них (ничтоже), и искорениши его: и прокленеши его и вся сущая его, и не пощадиши его: и да убиеши от мужеска полу и до женска и от юнош и до ссущих млеко, и от говяд до овец и от велблюд до ослят. 009 1SA 015 004 И собра люди Саул и сочте я в Галгалех двесте тысящ пеших и десять тысящ от Иуды в полцех: 009 1SA 015 005 и прииде Саул до градов Амаликовых и засяде в потоце. 009 1SA 015 006 И рече Саул ко Кинеови: иди и уклонися от среды Амалика, да не погублю тя с ним, ты бо сотворил еси милость с сынми Израилевыми, егда исхождаху из Египта. И уклонися Киней от среды Амалика. 009 1SA 015 007 И порази Саул Амалика от Евилы даже до Сура, иже пред лицем Египта: 009 1SA 015 008 и ят Агага царя Амаликова жива, и вся люди изби, и Иерима уби мечем. 009 1SA 015 009 И сохрани Саул и вси людие Агага царя жива и благая от стад и буйволов, и снедей (и одежд), и виноградов и от всех благих: и не хотяху искоренити я, точию хуждшее и уничиженое истребиша. 009 1SA 015 010 И бысть глаголгол Господень к Самуилу, глаголя: 009 1SA 015 011 раскаяхся, яко помазах Саула на царство, понеже отвратися от Мене и словес Моих не соблюде. И опечалися Самуил и вопияше ко Господу всю нощь. 009 1SA 015 012 И воста рано Самуил, и идяше на сретение Израилтяном рано. И возвестиша Самуилу, глаголюще: идет Саул в Кармил, и се, воздвиже руку себе, и возврати колесницу, и сниде в Галгалы. И прииде Самуил к Саулу, и се, той возношаше всесожжение Господу, первая от корыстей, ихже взя от Амаликов. 009 1SA 015 013 И прииде Самуил к Саулу, и рече ему Саул: благословен ты Господу, сотворих бо вся, елика (ми) глагола Господь. 009 1SA 015 014 И рече Самуил: и кий глас стад сих во ушию моею, и глас говяд, егоже аз слышу? 009 1SA 015 015 И рече Саул: от Амалика пригнах я, ихже сохраниша людие лучшая от стад и от волов, еже пожрети я Господу Богу твоему, прочая же избих. 009 1SA 015 016 И рече Самуил к Саулу: потерпи, и возвещу ти, яже глагола Господь ко мне нощию. 009 1SA 015 017 И рече ему (Саул): глаголи. И рече Самуил к Саулу: еда не мал был еси ты пред Ним, и не властелина ли тя постави хоругви колена Израилева? И помаза тя Господь на царство Израилево: 009 1SA 015 018 и посла тя Господь путем и рече тебе: иди и искорени Амалика, и погуби согрешших предо Мною, и воюй их, дондеже скончаеши их: 009 1SA 015 019 и почто не послушал еси гласа Господня по всему, елико глагола тебе, но устремился еси на корысти и сотворил еси лукавое пред Господем? 009 1SA 015 020 И рече Саул к Самуилу: послушах гласа людий и идох путем, имже посла мя Господь, и приведох Агага царя Амаликова, и Амалики искорених: 009 1SA 015 021 и взяша людие корысти от стад и буйволы, первая от истребляемых на пожрение Господу Богу нашему в Галгалех. 009 1SA 015 022 И рече Самуил: еда угодны Господу всесожжения и жертвы, якоже послушати гласа Господня? Се, послушание паче жертвы благи, и покорение паче тука овня: 009 1SA 015 023 якоже грех есть чарование, тако (грех есть) противление, и якоже грех есть идолопоклонение, тако непокорение: понеже уничижил еси глаголгол Господень, и уничижит тя Господь не быти тебе царем во Израили. 009 1SA 015 024 И рече Саул к Самуилу: согреших, яко преступих слово Господне и глагол твой, убояхся бо людий и послушах гласа их: 009 1SA 015 025 и ныне возми грех мой и возвратися со мною, да поклонюся Господу Богу твоему. 009 1SA 015 026 И рече Самуил к Саулу: не возвращуся с тобою, яко уничижил еси глаголгол Господень, и уничижит тя Господь не быти тебе царем во Израили. 009 1SA 015 027 И отврати Самуил лице свое еже отити: и ят Саул за воскрилие ризы его и раздра е. 009 1SA 015 028 И рече ему Самуил: раздра Господь царство Израилево от руку твоею днесь, и даст е ближнему твоему, лучшему паче тебе, 009 1SA 015 029 и разделится Израиль на двое: и не обратится, ниже раскается Святый Израилев, занеже не яко человек есть, еже раскаятися Ему, запретит, и не пребудет. 009 1SA 015 030 И рече Саул: согреших, но прослави мя ныне пред старейшины Израилевы и пред людьми моими, и возвратися со мною, и поклонюся Господу Богу твоему. 009 1SA 015 031 И возвратися Самуил вслед Саула, и поклонися Саул Господу. 009 1SA 015 032 И рече Самуил: приведите ми Агага царя Амаликова. И прииде к нему Агаг трепеща, и рече Агаг: тако ли горька смерть? 009 1SA 015 033 И рече Самуил ко агагу: якоже обезчадствова жен оружие твое, тако обезчадится в женах мати твоя. И закла Самуил Агага пред Господем в Галгалех. 009 1SA 015 034 И отиде Самуил во Армафем: и Саул отиде в дом свой в Гаваю. 009 1SA 015 035 И не приложи Самуил ктому видети Саула даже до дне смерти своея, понеже плакаше Самуил о Сауле, занеже раскаяся Господь, яко постави Саула царя во Израили. 009 1SA 016 001 И рече Господь к Самуилу: доколе ты плачеши о Сауле, Аз же уничижих его, не царствовати во Израили? Наполни рог твой елеа и прииди, послю тя ко Иессею до Вифлеема, яко узрех в сынех его Себе царя. 009 1SA 016 002 И рече Самуил: како пойду? И услышит Саул, и убиет мя. И рече Господь: юницу от волов возми в руце твои и речеши: пожрети Господеви иду: 009 1SA 016 003 и призовеши Иессеа и сыны его к жертве: и Аз ти покажу, яже сотвориши, и помажеши Ми, егоже ти реку. 009 1SA 016 004 И сотвори Самуил вся, елика рече ему Господь: и прииде в Вифлеем, и ужасошася старейшины града о пришествии его и реша: мир ли вход твой, о, прозорливче? 009 1SA 016 005 И рече: мир: пожрети Господу приидох: освятитеся и возвеселитеся днесь со мною. И освяти Иессеа и сыны его, и призва я к жертве. 009 1SA 016 006 И бысть внегда внити им, и виде Елиава и рече: сей ли пред Господем помазанник Его? 009 1SA 016 007 И рече Господь Самуилу: не зри на лице его, ниже на возраст величества его, яко уничижих его: понеже не тако зрит человек, яко зрит Бог: яко человек зрит на лице, Бог же зрит на сердце. 009 1SA 016 008 И призва Иессей Аминадава и представи его пред лице Самуила. И рече (Самуил): ниже сего избра Господь. 009 1SA 016 009 И приведе Иессей Саммаа. И рече: и сего не избра Господь. 009 1SA 016 010 И приведе Иессей седмь сынов своих пред Самуила. И рече Самуил ко Иессею: не избра Господь от сих. 009 1SA 016 011 И рече Самуил ко Иессею: не достало ли уже детей? И рече Иессей: еще есть един мал, и сей пасет на пажити. И рече Самуил ко Иессею: посли и приведи его, яко не возляжем, дондеже приидет той семо. 009 1SA 016 012 И посла, и введе его: и той чермен, добрыма очима, и благ взором Господеви. И рече Господь к Самуилу: востани и помажи Давида, яко сей благ есть. 009 1SA 016 013 И прия Самуил рог со елеем и помаза его посреде братии его. И ношашеся Дух Господень над Давидом от того дне и потом. И воста Самуил и отиде во Армафем. 009 1SA 016 014 И Дух Господень отступи от Саула, и давляше его дух лукавый от Господа. 009 1SA 016 015 И реша отроцы Сауловы к нему: се, ныне дух лукавый от Господа давит тя: 009 1SA 016 016 да рекут раби твои ныне пред тобою, и взыщут господину нашему мужа знающа пети в гусли: и внегда будет дух лукавый на тебе, и тогда да поет в гусли своя, и благо ти будет, и упокоит тя. 009 1SA 016 017 И рече Саул ко отроком своим: посмотрите ми мужа добре поюща и введите его ко мне. 009 1SA 016 018 И отвеща един от отрок его и рече: се, видех сына Иессеова из Вифлеема, и той весть пение, и муж разумен, и борец, и мудр в словеси, и муж благ видом, и Господь с ним. 009 1SA 016 019 И посла Саул вестники ко Иессею, глаголя: отпусти ко мне Давида сына твоего, иже у стада твоего. 009 1SA 016 020 И взя Иессей бремя хлебов и мех вина и козля от коз едино, и посла к Саулу рукою Давида сына своего. 009 1SA 016 021 И вниде Давид к Саулу, и предстояше пред ним, и возлюби его зело Саул, и бысть ему носяй оружие его. 009 1SA 016 022 И посла Саул ко Иессею, глаголя: да предстоит Давид предо мною, яко обрете благодать пред очима моима. 009 1SA 016 023 И бысть внегда быти духу лукаву на Сауле, и взимаше Давид гусли и играше рукою своею, и отдыхаше Саул, и благо ему бяше, и отступаше от него дух лукавый. 009 1SA 017 001 И собираша иноплеменницы полки своя на брань, и собрашася в Сокхофе Иудейстем, и ополчишася среде Сокхофа и среди Азика во Афесдоммине. 009 1SA 017 002 Саул же и мужие Израилевы собрашася и ополчишася во удоли Теревинфа и устрояхуся на брань противу иноплеменником. 009 1SA 017 003 И иноплеменницы стояху на горе отсюду особь, Израиль же стояше на горе отюнуду, и удоль между ими бяше. 009 1SA 017 004 И изыде муж силен из полка иноплеменнича, имя ему Голиаф от Гефа, высота его шесть лакот и пядь: 009 1SA 017 005 и шлем медян на главе его, и в броню кольчату той оболчен бяше: и вес брони его пять тысящ сикль меди и железа: 009 1SA 017 006 и поножы медяны верху голений его, и щит медян на плещах его: 009 1SA 017 007 и ратовище копия его аки орудие ткущих, и копие его шесть сот сикль железа: и носяй оружие его идяше пред ним. 009 1SA 017 008 И ста и возопи пред полки Израилевыми и рече им: почто изыдосте, ополчитися ли на брань противу нам? Несмь ли аз иноплеменник, вы же Еврее Сауловы? Изберите себе мужа, и да снидет ко мне: 009 1SA 017 009 и аще возможет со мною братися и одолеет ми, будем вам раби: аще же аз возмогу одолети ему, будете вы нам раби и поработаете нам. 009 1SA 017 010 И рече иноплеменник: се, аз днесь уничижих полк Израилев в сей день: дадите ми мужа, иже поборется со мною един. 009 1SA 017 011 И слыша Саул и весь Израиль глаголы иноплеменничи сия и ужасошася и убояшася зело. 009 1SA 017 012 Давид же Ефрафеев, сей бе от Вифлеема Иудина, имя же отцу его Иессей, емуже бе осмь сынов. Во дни же Сауловы бе муж той состареся в мужех. 009 1SA 017 013 И идоша три сыны Иессеевы старейшии на брань с Саулом: имена же сынов его пошедших на брань, Елиав первородный его, и вторый Аминадав, и третий Самма. 009 1SA 017 014 Давид же бе юнейший, и три болшии его идоша вслед Саула. 009 1SA 017 015 Давид же возвратився от Саула, отиде пасти овцы отца своего в Вифлеем. 009 1SA 017 016 И прихождаше иноплеменник утро и в вечер, являяся пред Израилем четыредесять дний. 009 1SA 017 017 И рече Иессей Давиду сыну своему: возми убо братиям твоим меру ефи муки и десять хлеб сих, и иди в полк, и даждь братиям твоим: 009 1SA 017 018 и десять сыров от млека сего, и даждь тысящнику: и братию свою посети в мире, и еликих аще требуют, увеси, субботствовати же будеши со мною. 009 1SA 017 019 Саул же и вси людие бяху во удоли дуба ратующеся со иноплеменники. 009 1SA 017 020 И воста Давид рано, овцы же остави со стражею, и взя, и отиде, якоже заповеда ему отец его Иессей: и прииде на место, идеже исхождаху сильнии на брань и вопияху в полцех. 009 1SA 017 021 Занеже вооружашеся Израиль противу иноплеменником, и иноплеменницы вооружахуся противу Израиля. 009 1SA 017 022 И положи Давид бремя свое в руках стража, и тече в полк, и пришед вопроси братию свою в мире. 009 1SA 017 023 Глаголющу же ему с ними, и се, муж месейский, емуже имя Голиаф, Филистимлянин от Гефы, изыде от полков иноплеменничих и глагола по словесем сим, и услыша Давид. 009 1SA 017 024 И вси мужие Израилевы егда увидеша мужа, и бежаша от лица его и убояшася зело. 009 1SA 017 025 И реша мужие Израилтестии: видесте ли мужа сего восходяща, яко поносити Израиля прииде? И аще будет муж, иже убиет его, обогатит его царь богатством велиим, и дщерь свою даст ему, и дом отца его сотворит свободен во Израили. 009 1SA 017 026 И рече Давид к мужем стоящым с ним, глаголя: что сотворите мужу, иже убиет иноплеменника онаго и отимет поношение от Израиля? Яко кто есть иноплеменник необрезанный сей, иже поносит полку Бога живаго? 009 1SA 017 027 И рекоша ему людие по словеси сему, глаголюще: тако сотворится мужу, иже убиет его. 009 1SA 017 028 И услыша Елиав брат его болший, внегда глаголати ему к мужем: и разгневася яростию Елиав на Давида и рече: почто семо пришел еси? И кому оставил еси малыя овцы оны в пустыни? Вем аз гордость твою и злобу сердца твоего, яко видения ради брани пришел еси. 009 1SA 017 029 И рече Давид: что сотворих ныне? Несть ли речь? 009 1SA 017 030 И отвратися от него ко иному и рече по словеси сему. И отвещаша ему людие по словеси прежнему. 009 1SA 017 031 И слышаны быша глаголы, ихже глагола Давид, и возвестиша пред Саулом: и пояша его людие и приведоша его пред Саула. 009 1SA 017 032 И рече Давид к Саулу: да не ужасается сердце господину моему о сем, раб твой пойдет и поборется со иноплеменником сим. 009 1SA 017 033 И рече Саул к Давиду: не возможеши пойти ко иноплеменнику сему братися с ним, яко ты детищь еси, сей же муж борец есть от юности своея. 009 1SA 017 034 И рече Давид к Саулу: егда пасяше раб твой отца своего стадо, и егда прихождаше лев или медведица и восхищаше от стада овцу едину: 009 1SA 017 035 и аз вслед его исхождах и поражах его, и исторгах из уст его (взятое): и аще воспротивляшеся ми, то взем за гортань его, поражах и умерщвлях его: 009 1SA 017 036 и льва и медведицу бияше раб твой, и будет иноплеменник необрезанный сей яко един от сих: не поиду ли, и поражу его, и отиму днесь поношение от Израиля? Понеже кто необрезанный сей, иже уничижи полк Бога жива? 009 1SA 017 037 И рече Давид: Господь иже изят мя от руки львовы и от руки медведицы, той измет мя от руки иноплеменника сего необрезаннаго. И рече Саул к Давиду: иди, и да будет Господь с тобою. 009 1SA 017 038 И облече Саул Давида одеждею, и шлем медян возложи на главу его, 009 1SA 017 039 и препояса Давида оружием своим верху одежды его. Давид же походив (во оружии) семо и овамо, утрудися, яко не обыче. И рече Давид Саулу: не могу ити в сих, яко не обыкох. И взяша от него сия. 009 1SA 017 040 И взя палицу свою в руку свою, и избра себе пять камений гладких от потока, и вложи я в тоболец пастырский егоже ношаше, и пращу свою имый в руце своей, и иде к мужу иноплеменнику. 009 1SA 017 041 И идяше иноплеменник приближаяся к Давиду, и носяй оружие его пред ним (идяше). 009 1SA 017 042 И виде Голиаф иноплеменник Давида и обезчествова его, зане той детищь бе, и чермен и леп очима. 009 1SA 017 043 И рече иноплеменник к Давиду: еда пес аз есмь, яко ты идеши противу мене с палицею и камением? И рече Давид: ни, но и хуждший пса. И прокля иноплеменник Давида боги своими. 009 1SA 017 044 И рече иноплеменник к Давиду: гряди ко мне, и дам плоть твою птицам небесным и зверем земным. 009 1SA 017 045 И рече Давид иноплеменнику: ты идеши на мя с мечем и с копием и щитом, аз же иду на тя во имя Господа Бога Саваофа, Бога ополчения Израилева, егоже ты уничижил еси днесь: 009 1SA 017 046 и предаст тя Господь днесь в руце мои, и убию тя, и отиму главу твою от тебе, и дам тело твое и телеса полка иноплеменнича в день сей птицам небесным и зверем земным: и уразумеет вся земля, яко есть Господь Бог во Израили, 009 1SA 017 047 и уразумеет весь сонм сей, яко не мечем ни копием спасает Господь, яко Господня брань, и предаст Господь вас в руки нашя. 009 1SA 017 048 И воста иноплеменник и иде во сретение Давиду. И ускори Давид и тече на сражение во сретение иноплеменнику. 009 1SA 017 049 И простре Давид руку свою в тоболец, и изя из него камень един, (и вложи в пращу, ) и верже пращею, и порази иноплеменника в чело его, и унзе камень под шлемом его в чело его, и паде (Голиаф) на лицы своем на землю. 009 1SA 017 050 И укрепися Давид над иноплеменником пращею и каменем, и порази иноплеменника, и умертви его: оружия же не бе в руце Давидове. 009 1SA 017 051 И тече скоро Давид, и ста над ним, и взя мечь его, и извлече его от недр его, и умертви его, и отсече им главу его. И видеша иноплеменницы, яко умре сильный их, и бежаша. 009 1SA 017 052 И восташа мужие Израилевы и Иудины и воскликнуша, и погнаша созади их даже до входа Гефова и до врат Аскалонских: и падоша уязвленни (мнози) иноплеменницы по пути врат и даже до Гефа и Аккарона. 009 1SA 017 053 И возвратишася мужие Израилевы гнавшии вслед иноплеменник, и потопташа полки их. 009 1SA 017 054 И взя Давид главу иноплеменника и внесе ю во Иерусалим, и оружие его положи во храмине своей. 009 1SA 017 055 И егда виде Саул Давида исходяща во сретение иноплеменника, рече ко Авениру князю силы: чий есть сын юноша сей, Авенире? И рече Авенир: да живет душа твоя, царю, яко не вем. 009 1SA 017 056 И рече царь: вопроси убо ты, чий есть сын юноша сей? 009 1SA 017 057 Егда же возвратися Давид по убиении иноплеменника, взя его Авенир и приведе его пред Саула: глава же иноплеменнича бе в руце его. 009 1SA 017 058 И рече к нему Саул: чий еси сын, юноше? И рече Давид: сын раба твоего Иессеа от Вифлеема. 009 1SA 018 001 И бысть егда преста глаголати к Саулу, и душа Ионафана с душею Давидовою спряжеся, и возлюби его Ионафан от души своея. 009 1SA 018 002 И поят его Саул во дни оны и не даде ему возвратитися в дом отца его. 009 1SA 018 003 И завеща Ионафан и Давид завет, понеже возлюби его от души своея: 009 1SA 018 004 и совлече Ионафан ризу свою верхнюю и даде ю Давиду, и ины одежды своя даже до меча своего и до лука своего и до пояса своего. 009 1SA 018 005 И хождаше Давид разумно во всех, аможе аще посылаше его Саул: постави же его Саул над мужи воинскими, и угоден бе пред очима всех людий и пред слугами Сауловыми. 009 1SA 018 006 И бысть, внегда входити им, егда возвратися Давид от победы над иноплеменником: и изыдоша (девы) ликовствующыя во сретение Саула царя от всех градов Израилевых поющя и скачущя в тимпанех с радостию и с гусльми. 009 1SA 018 007 И исхождаху жены ликующя и глаголющя: победи Саул с тысящами своими, а Давид со тмами своими. 009 1SA 018 008 И разгневася Саул зело, и лукавы явишася глаголы пред очима сауловыма о словеси сем. И рече Саул: Давиду даша тмы, мне же даша тысящы: и чего ему (несть), точию царства? 009 1SA 018 009 И бе Саул подзирая Давида от дне онаго и потом. 009 1SA 018 010 И бысть от утрешняго дне, и нападаше дух лукавый от Бога на Саула, и прорицаше посреде дому своего: и Давид пояше рукою своею (в гусли), якоже и по вся дни: копие же в руце Саули: 009 1SA 018 011 и взя Саул копие и рече: поражу Давида к стене. И уклонися Давид от лица его дважды. 009 1SA 018 012 И убояся Саул от лица Давидова, яко Господь бе с ним, а от Саула отступи: 009 1SA 018 013 и отстави его Саул от себе, и постави его себе тысященачалника: и исхождаше и вхождаше пред людьми. 009 1SA 018 014 И бе Давид во всех путех своих смысля, и Господь бе с ним. 009 1SA 018 015 И виде Саул, яко той смыслит зело, и бояшеся от лица его. 009 1SA 018 016 Весь же Израиль и Иуда любляху Давида, яко той вхождаше и исхождаше пред лицем людий. 009 1SA 018 017 И рече Саул к Давиду: се, дщи моя болшая Меров, сию тебе дам в жену, токмо буди ми в сына силы и поборай брани Господни. И Саул рече: да не будет рука моя на нем, но да будет рука иноплеменнича. 009 1SA 018 018 И рече Давид к Саулу: кто аз есмь? И кое житие сродства отца моего во Израили, яко да буду зять царский? 009 1SA 018 019 И бысть во время, егда даней быти подобаше Мерове дщери Саулове Давиду, сия дадеся Адриилу Молафитскому в жену. 009 1SA 018 020 И возлюби Мелхола дщерь Саулова Давида: и возвестися Саулу, и угодно бысть пред очима его слово. 009 1SA 018 021 И рече Саул: дам ему ю, и будет ему в соблазн. И бе на Саула рука иноплеменнича. И рече Саул к Давиду: в силах будеши ми зять днесь. 009 1SA 018 022 И заповеда Саул отроком своим, глаголя: рцыте вы тайно Давиду, глаголюще: се, благоволит о тебе царь, и вси отроцы его любят тя, и ты буди зять царю. 009 1SA 018 023 И глаголаша отроцы Сауловы во ушы Давиду глаголы сия. И рече Давид: еда легко пред очима вашима, еже быти (ми) зятем царю? Аз бо есмь муж смирен и не славен. 009 1SA 018 024 И возвестиша отроцы Саулу сия словеса, яже глагола Давид. 009 1SA 018 025 И рече Саул: тако рцыте Давиду: не хощет царь с богатством (зятя), но токмо во сте краенеобрезаний иноплеменнических отмстити врагом царевым. Саул бо мысляше вдати Давида в руце иноплеменником. 009 1SA 018 026 И возвестиша отроцы Сауловы глаголы сия Давиду, и угодна быша словеса сия пред очима Давидовыма, еже быти в зятя царю. 009 1SA 018 027 И не по мнозех днех, воста Давид и иде сам и мужие его с ним, и уби от иноплеменник двести мужей: и принесе краенеобрезания их царю и вдаде я ему, и бысть зять царю, и вдаде ему царь Мелхолу дщерь свою в жену. 009 1SA 018 028 И виде Саул, яко Господь есть с Давидом, и весь Израиль любит его: 009 1SA 018 029 и приложи Саул оттоле паче боятися Давида. И бысть Саул враждуя на Давида во вся дни. 009 1SA 018 030 И исхождаху князи иноплеменничи, и бысть от начала исхождения их, Давид разумен бе паче всех слуг Сауловых, и почтеся имя его зело. 009 1SA 019 001 И глагола Саул к Ионафану сыну своему и ко всем отроком своим, да умертвят Давида. Ионафан же сын Саулов любяше Давида зело. 009 1SA 019 002 И возвести Ионафан Давиду, глаголя: отец мой Саул ищет тя убити: сохранися убо заутра рано, и скрыйся, и сяди втайне: 009 1SA 019 003 и аз изыду, и стану при отце моем на селе, идеже еси ты: и аз возглаголю отцу моему о тебе, и узрю, что будет, и возвещу тебе. 009 1SA 019 004 И глагола Ионафан о Давиде благая к Саулу отцу своему, и рече к нему: да не согрешает царь на раба своего Давида, яко не согреши пред тобою, и дела его блага суть зело: 009 1SA 019 005 и положи душу свою в руце своей и победи иноплеменника, и сотвори Господь спасение велико всему Израилю, и вси видеша и возрадовашася: и почто согрешаеши в кровь неповинну, еже убити Давида туне? 009 1SA 019 006 И послуша Саул гласа Ионафаня: и клятся Саул, глаголя: жив Господь, яко не умрет (Давид). 009 1SA 019 007 И призва Ионафан Давида и возвести ему вся глаголы сия, и введе Ионафан Давида к Саулу, и бе пред ним яко вчера и третияго дне. 009 1SA 019 008 И приложися брань быти на Саула, и укрепися Давид, и победи иноплеменники, и изби язвою великою зело, и бежаша от лица его. 009 1SA 019 009 И бысть от Бога дух лукавый на Сауле, и той в дому своем седяше, и копие в руце его, Давид же играше руками своими: 009 1SA 019 010 и искаше Саул копием поразити Давида, и отступи Давид от лица Сауля, и удари Саул копием в стену: Давид же отшед спасеся в нощь ту. 009 1SA 019 011 И посла Саул вестники в дом Давидов стрещи его, еже убити его рано. И возвести Давиду Мелхола жена его, глаголющи: аще ты не спасеши души твоея в нощь сию, заутра умреши. 009 1SA 019 012 И свеси Мелхола Давида оконцем, и отиде, и убежа, и спасеся: 009 1SA 019 013 и прият Мелхола тщепогребалная, и положи на одре, и печень козию положи на возглавии его, и покры я ризами. 009 1SA 019 014 И посла Саул вестники, да имут Давида, и рекоша, яко болен есть. 009 1SA 019 015 И посла Саул, да оглядают Давида, глаголя: принесите его на одре ко мне, еже умертвити его. 009 1SA 019 016 И приидоша слуги, и се, тщепогребалная на одре и козия печень при возглавии его. 009 1SA 019 017 И рече Саул к Мелхоле: почто тако обманула мя еси, и отпустила еси врага моего, и гонзе мене? И рече Мелхола Саулу: сам ми рече: отпусти мя: аще же ни, погублю тя. 009 1SA 019 018 И Давид убежа и спасеся, и иде к Самуилу во Армафем и поведа ему вся, елика сотвори ему Саул. И идоста Давид и Самуил и седоста в Навафе в Раме. 009 1SA 019 019 И возвестиша Саулу, глаголюще: се, Давид в Навафе в Раме. 009 1SA 019 020 И посла слуги Саул яти Давида, и видеша собор пророков, и Самуил стояше настоятель над ними: и бысть Дух Божий на слугах Саулих, и начаша прорицати. 009 1SA 019 021 И возвестиша Саулу, и посла другия слуги, и прорицати начаша и тии. И приложи Саул послати слуги третия, и начаша и тии прорицати. 009 1SA 019 022 И разгневася гневом Саул, и иде и сам во Армафем, и прииде даже до кладязя гумна, еже есть в Сефе, и вопроси и рече: где есть Самуил и Давид? И реша: се, в Навафе в Раме. 009 1SA 019 023 И иде оттуду в Наваф (иже) в Раме: и бысть и на нем Дух Божий, и идяше идый и прорицая, дондеже приити ему в Наваф иже в Раме. 009 1SA 019 024 И совлече ризы своя и прорицаше пред ними: и паде наг весь день той и всю нощь. Того ради глаголаху: еда и Саул во пророцех? 009 1SA 020 001 И отбеже Давид от Навафа (иже) в Раме и прииде ко Ионафану и рече: что сотворих? И что неправда моя? И что согреших пред отцем твоим, яко ищет души моея? 009 1SA 020 002 И рече ему Ионафан: никакоже, ты не умреши: се, не имать сотворити отец мой глагола велика, или мала, и не открыет уха моего: и что яко скрыет отец мой глагол сей от мене? Не буди сие. 009 1SA 020 003 И отвеща Давид Ионафану и рече: ведая ведает отец твой, яко обретох благодать пред очима твоима, и глаголет: да не познает сего Ионафан, негли не восхощет: но жив Господь и жива душа твоя, зане якоже рекох, исполнися между мною и между отцем твоим даже до смерти. 009 1SA 020 004 И рече паки Ионафан к Давиду: чесого желает душа твоя, и что сотворю тебе? 009 1SA 020 005 И рече Давид ко Ионафану: се, новомесячие заутра, и аз седя не сяду с царем ясти, и послеши мя, и скрыюся на поли до вечера дне третияго: 009 1SA 020 006 и аще смотря усмотрит мя отец твой, и речеши: прося упросися от мене Давид отити до Вифлеема града своего, яко жертва дний тамо всему племени: 009 1SA 020 007 аще тако речет: благо: мир рабу твоему: аще же жестоко отвещает тебе, разумей, яко совершися злоба от него: 009 1SA 020 008 и да сотвориши милость с рабом твоим, яко ввел еси в завет Господень раба твоего с собою: и аще есть неправда в рабе твоем, умертви мя ты, а ко отцу твоему почто тако имаши мя вводити? 009 1SA 020 009 И рече Ионафан: никакоже (буди) тебе: егда аще разумевая уразумею, яко совершися злоба отца моего, еже приити на тебе, аще и не будеши во градех твоих, аз возвещу тебе. 009 1SA 020 010 И рече Давид ко Ионафану: кто возвестит ми, аще отвещает отец твой жестоко? 009 1SA 020 011 И рече Ионафан к Давиду: иди, и пребуди на поли. И идоста оба на поле. 009 1SA 020 012 И рече Ионафан к Давиду: Господь Бог Израилев весть, яко искушу отца моего во время (сие) заутра, или третияго дне, и сие, аще благо будет о Давиде, и не имам послати к тебе на поле и возвестити сия во ушы твои: 009 1SA 020 013 сия да сотворит Бог Ионафану и сия да приложит, аще не возвещу злая на тя, и открыю ухо твое, и отпущу тя, и отидеши в мире: и будет Господь с тобою, якоже бе со отцем моим: 009 1SA 020 014 и аще убо еще жив буду аз, да сотвориши милость со мною: 009 1SA 020 015 и аще смертию умру, да не отимеши милости твоея от дому моего до века: 009 1SA 020 016 аще же ни, егда искоренит Господь враги Давидовы, коегождо от лица земли, да обрящется имя Ионафане в дому Давидове, и изыщет Господь враги Давидовы. 009 1SA 020 017 И приложи Ионафан еще клятися Давиду, яко возлюби душу любящаго его. 009 1SA 020 018 И рече Ионафан к нему: заутра новомесячие, и присмотрен будеши, яко праздно усмотрено будет место твое: 009 1SA 020 019 ты же премедлиши три дни и пребудеши на месте твоем, идеже скрыешися в день делания, и сядеши при Ергаве онем: 009 1SA 020 020 и аз утрою стрелами стреляя, и стрелю вергая до амаггариа: 009 1SA 020 021 и се, послю отрока, глаголя: иди и обрящи ми стрелу: и аще реку отроку: зде стрела от тебе, и зде, возми ю: и ты гряди ко мне, яко мир тебе, и несть о тебе слова, жив Господь: 009 1SA 020 022 аще же тако реку юноши: тамо стрела от тебе и далее: иди, яко отсла тя Господь: 009 1SA 020 023 и глагол егоже аз и ты глаголахом, се, Господь свидетель между тобою и мною до века. 009 1SA 020 024 И скрыся Давид на поли, и прииде новомесячие, и прииде царь на трапезу ясти, 009 1SA 020 025 и седе царь на месте своем якоже и всегда на престоле при стене, и предвари Ионафана, и седе Авенир от страны Сауловы, и усмотрено бысть (праздно) место Давидово. 009 1SA 020 026 И не глагола Саул ничтоже в той день, помысли бо, случай видится, нечисту быти, яко не очистися. 009 1SA 020 027 И бысть наутрие месяца в день вторый, и усмотрено бысть праздно место Давидово, и рече Саул ко Ионафану сыну своему: что яко не прииде сын Иессеев ни вчера, ни днесь на трапезу? 009 1SA 020 028 И отвеща Ионафан к Саулу и рече ему: упросися от мене Давид до Вифлеема града своего ити, 009 1SA 020 029 и рече: отпусти мя ныне (в Вифлеем), яко жертва колена нашего во граде, и заповедаша мне братия моя: и ныне аще обретох благодать пред очима твоима, да пойду ныне и узрю братию мою: сего ради не прииде на трапезу цареву. 009 1SA 020 030 И разгневася гневом Саул на Ионафана зело и рече ему: сыне девок блудниц, не вем ли, яко сообщник еси ты сыну Иессееву в срамоту твою и в срамоту откровения матере твоея? 009 1SA 020 031 Яко во вся дни, в няже сын Иессеев жити имать на земли, не уготовится царство твое: ныне убо послав, поими юношу, яко сын смерти есть сей. 009 1SA 020 032 И отвеща Ионафан Саулу отцу своему и рече: за что умирает? Что сотвори? 009 1SA 020 033 И верже Саул копием на Ионафана, еже умертвити его. И позна Ионафан, яко совершися злоба сия от отца его, да умертвит Давида: 009 1SA 020 034 и вскочи Ионафан от трапезы во гневе ярости, и не яде хлеба в день вторый месяца, яко сокрушися о Давиде, зане соверши (злобу) на него отец его. 009 1SA 020 035 И бысть заутра, и изыде Ионафан на село, якоже совещася о свидении с Давидом, и отрок мал с ним. 009 1SA 020 036 И рече отроку: тецы, и обрящи ми стрелы, имиже аз стреляю. И отрок тече, и он стрели стрелою за него. 009 1SA 020 037 И прииде отрок до места стрелы, идеже стрелил Ионафан. И возопи Ионафан вслед отрока и рече: тамо стрела от тебе и далее. 009 1SA 020 038 И паки возопи Ионафан вслед отрока своего, глаголя: потщися скоро, и не стой. И собра отрок Ионафану стрелы и принесе их к господину своему. 009 1SA 020 039 Отрок же не уведе ничесоже, токмо Ионафан и Давид ведеста вещь. 009 1SA 020 040 И отда Ионафан оружие свое отроку своему и рече отроку своему: поиди и отнеси во град. 009 1SA 020 041 И егда отиде отрок, и Давид воста от Ергава, и паде на лице свое, и поклонися ему трижды, и облобыза кийждо друг друга, и плакася кийждо о друг друзе до скончания велика. 009 1SA 020 042 И рече Ионафан Давиду: иди с миром, и якоже кляхомся мы оба именем Господним, глаголюще: Господь да будет свидетель между мною и тобою и между семенем моим и между семенем твоим до века. И воста Давид и отиде. Ионафан же вниде во град. 009 1SA 021 001 И прииде Давид в Номву ко Авимелеху иерею: и ужасеся Авимелех о пришествии его и рече ему: что яко ты един, и никтоже с тобою? 009 1SA 021 002 И рече Давид иерею: царь заповеда ми глагол днесь и рече ко мне: никтоже да уразумеет глагола, егоже ради аз посылаю тя и о немже аз заповедаю ти: и отроки оставих на месте глаголемем еммоним: 009 1SA 021 003 и ныне аще суть у тебе пять хлебы, даждь ми елико имаши. 009 1SA 021 004 И отвеща иерей Давиду и рече: не суть хлебы прости у мене, но точию хлебы у мене священнии: аще сохранени отроцы суть токмо от жены, снедят. 009 1SA 021 005 И отвеща Давид иерею и рече ему: и (мы) от жен воздержахомся вчера и третияго дне: отнележе изыдох аз на путь, быша вси отроцы очищени, и сей путь нечист, но освятится днесь сосуд ради моих. 009 1SA 021 006 И даде ему Авимелех иерей хлебы предложения, яко тамо не бе хлеба, но токмо хлебы лица, иже взяты от лица Господня, еже предложитися хлебу теплому, в оньже день взя их. 009 1SA 021 007 И бе тамо един от отрок Сауловых в день он удержан пред Господем, и имя ему Доик Сирин, (старейшина от пастырь Сауловых, ) пасый мски Сауловы. 009 1SA 021 008 И рече Давид ко Авимелеху: виждь, аще есть зде у тебе копие или мечь, яко меча моего и оружия моего не взях с собою, яко царево повеление внезапу ми бысть. 009 1SA 021 009 И рече иерей: се, мечь Голиафа иноплеменника, егоже ты убил еси во юдоли Ила, и той обвит бяше в ризу за ефудом: аще той хощеши взяти, возми себе, несть бо инаго зде кроме сего. И рече Давид: се, несть якоже той: даждь ми его. И даде его ему. 009 1SA 021 010 И воста Давид, и убеже в той день от лица Саулова, и прииде Давид ко Анхусу царю Гефску. 009 1SA 021 011 И реша отроцы Анхусовы к нему: не сей ли Давид царь земли? Не сему ли изыдоша (жены) ликующыя, глаголющя: победи Саул с тысящами своими, и Давид со тмами своими? 009 1SA 021 012 И положи Давид глаголы сия в сердцы своем, и убояся зело от лица Анхуса царя Гефска. 009 1SA 021 013 И измени лице свое пред ним, и притворися в день той, и бияше во врата града, яко в тимпан, и падаше на руки своя, и паде у врат града, и слины своя точаше по браде своей. 009 1SA 021 014 И рече Анхус ко отроком своим: се, видесте мужа неистова, почто его введосте ко мне? 009 1SA 021 015 Еда не имею аз неистовых, яко введосте его, да беснуется предо мною? Сей да не внидет в дом мой. 009 1SA 022 001 И отиде Давид оттуду, и спасеся, и прииде в пещеру Одолламску: и слышавше братия его и дом отца его, приидоша к нему тамо. 009 1SA 022 002 И собрашася к нему всяк иже в нужде, и всяк должник, и всяк печальный душею, и бе ими обладаяй, и бяше с ним яко четыреста мужей. 009 1SA 022 003 И отиде Давид оттуду в Массифаф Моавитский и рече к царю Моавитску: да будут ныне отец мой и мати моя у тебе, дондеже познаю, что сотворит мне Бог. 009 1SA 022 004 И умоли лице царя Моавитска, и пребываху у него по вся дни, сущу Давиду во области той. 009 1SA 022 005 И рече Гад пророк к Давиду: не седи во области сей: иди, и да внидеши в землю Иудину. И иде Давид и пришед седе в граде Сарих. 009 1SA 022 006 И слыша Саул, яко познан бысть Давид, и мужие иже с ним: и Саул седяше на холме под дубравою яже в Раме, и копие в руку его, и вси отроцы его предстояху ему. 009 1SA 022 007 И рече Саул ко отроком своим предстоящым ему: слышите ныне, сынове Вениаминовы, аще воистинну всем вам даст сын Иессеев села и винограды и поставит вас всех в сотники и тысящники: 009 1SA 022 008 яко вси согласистеся на мя, и несть открываяй во ухо мое, егда положи завет сын мой с сыном Иессеовым, и несть от вас ни един боляй о мне и возвещаяй во ушы мои, яко воздвиже сын мой раба моего на мя врага, якоже день сей? 009 1SA 022 009 И отвеща Доик Сирин приставленый над мсками Сауловыми и рече: видех сына Иессеева пришедша в Номву ко Авимелеху сыну Ахитову иерею: 009 1SA 022 010 и вопрошаше о нем Бога, и брашно вдаде ему, и мечь Голиафа иноплеменника вдаде ему. 009 1SA 022 011 И посла царь призвати Авимелеха сына Ахитова, и вся сыны отца его иереи от Номвы. И приидоша вси к царю. 009 1SA 022 012 И рече Саул: слыши ныне, сыне Ахитов. И рече: се, аз, глаголи, господине. 009 1SA 022 013 И рече ему Саул: почто совещался еси на мя ты и сын Иессеев, яко вдал еси ему хлеб и мечь, и вопрошал еси о нем Бога положити его на мя во врага, якоже день сей? 009 1SA 022 014 И отвеща Авимелех царю и рече: и кто во всех рабех твоих верен якоже Давид, и зять царев, и князь всем заповедем твоим, и славен в дому твоем? 009 1SA 022 015 Еда днесь начах вопрошати о нем Бога? Никако: да не возложиши, царю, на раба твоего словесе сего, и на весь дом отца моего, яко не ведяше раб твой во всех сих словесе мала, или велика. 009 1SA 022 016 И рече царь Саул: смертию умреши, Авимелех, ты и весь дом отца твоего. 009 1SA 022 017 И рече царь скороходцем предстоящым пред ним: приведите и избийте иереи Господни, яко рука их с Давидом, и понеже познаша, яко бежит той, и не возвестиша во ушию моею. И не хотяху отроцы царевы возложити рук своих на иереи Господни. 009 1SA 022 018 И рече царь Доику: обратися ты, и устремися на иереи. И обратися Доик Сирин, и уби иереев Господних в той день, триста пять мужей, всех носящих ефуд: 009 1SA 022 019 и Номву град иерейский погуби острием оружия от мужеска полу и до женска, от отрока и до ссущаго, и телца и осла и овчате. 009 1SA 022 020 И угонзе един сын Авимелеха сына Ахитова, имя ему Авиафар, и бежа вслед Давида. 009 1SA 022 021 И возвести Авиафар Давиду, яко изби Саул вся иереи Господни. 009 1SA 022 022 И рече Давид ко Авиафару: ведях в день той, яко тамо бе Доик Сирин, яко возвещая возвестит Саулу: аз есмь виновен о душах дому отца твоего: 009 1SA 022 023 седи со мною, не бойся, яко идеже аще взыщу души моей место, взыщу и души твоей, яко сохранен будеши ты у мене. 009 1SA 023 001 И возвестиша Давиду, глаголюще: се, иноплеменницы облегоша Кеиль, и расхищают и попирают плоды. 009 1SA 023 002 И вопроси Давид Господа, глаголя: аще пойду и избию иноплеменники сия? И рече Господь: иди, и победиши иноплеменники сия, и спасеши Кеиль. 009 1SA 023 003 И реша мужие Давидовы к нему: се, мы зде во Иудеи боимся, и како будет, аще идем в Кеиль, в плен иноплеменников внидем? 009 1SA 023 004 И приложи еще Давид вопросити Господа. И отвеща ему Господь и рече ему: востани и сниди в Кеиль, яко Аз предаю иноплеменники в руце твои. 009 1SA 023 005 И иде Давид и мужие его с ним в Кеиль, и брашася со иноплеменники: и бежаша (иноплеменницы) от лица его, и взя скоты их, и порази их язвою великою, и спасе Давид живущыя в Кеиле. 009 1SA 023 006 И бысть егда бежа Авиафар сын Авимелехов к Давиду, и той с Давидом в Кеиль сниде, имый ефуд в руце своей. 009 1SA 023 007 И возвестися Саулу, яко прииде Давид в Кеиль. И рече Саул: предаде его Бог в руце мои, яко заключися вшед в град (имущь) врата и вереи. 009 1SA 023 008 И заповеда Саул всем людем на брань снити в Кеиль, яти Давида и мужы его. 009 1SA 023 009 И уведе Давид, яко не премолкает злобы о нем Саул, и рече Давид ко Авиафару жерцу: принеси ефуд Господень. 009 1SA 023 010 И рече Давид: Господи Боже Израилев, слышав услыша раб Твой, яко ищет Саул приити на Кеиль растлити град мене ради: 009 1SA 023 011 аще заключится? И ныне аще снидет Саул, якоже слыша раб Твой? Господи Боже Израилев, возвести рабу Твоему. И рече Господь: заключится. 009 1SA 023 012 И рече Давид: аще предадят мя иже в Кеиле, и мужы моя в руки Саули? И рече Господь: предадят. 009 1SA 023 013 И воста Давид и мужие его с ним, яко четыреста, и изыдоша из Кеилы, и идоша, аможе хотяху. И возвестиша Саулу, яко угонзе Давид из Кеилы: и остави ити. 009 1SA 023 014 И седе Давид в Масереме в пустыни во узинах, и седяше в пустыни на горе Зиф, в земли знойне: и искаше его Саул во вся дни, и не предаде его Бог в руце его. 009 1SA 023 015 И виде Давид, яко исходит Саул искати его: и Давид бяше на горе знойне, в дубраве Зиф. 009 1SA 023 016 И воста Ионафан сын Саулов и иде к Давиду в дубраву, и утверди руце его во Господе, 009 1SA 023 017 и рече к нему: не бойся, яко не имать обрести тебе рука отца моего Саула, и ты имаши царствовати во Израили, и аз буду по тебе другий, и Саул отец мой уведа тако. 009 1SA 023 018 И положиста оба завет пред Господем: и седяше Давид в дубраве, а Ионафан отиде в дом свой. 009 1SA 023 019 И изыдоша Зифее от знойныя земли к Саулу на холм, глаголюще: не се ли Давид скрыся у нас в Мессаре во узинах в дубраве на холме Ехелатсте, иже одесную Иесемона? 009 1SA 023 020 И ныне все еже по души цареве ко исхождению, да снидет (убо) к нам: заключиша бо его в руки царевы. 009 1SA 023 021 И рече им Саул: благословени вы Господеви, яко поболесте о мне: 009 1SA 023 022 идите ныне, и уготовите еще, и познайте место его, идеже будет нога его вскоре, тамо идеже ресте, да не како прехитрит: 009 1SA 023 023 и видите и уразумейте о всех местех, идеже той крыется, и возвратитеся ко мне на готово, и иду с вами: и будет, аще есть на земли, изыскати имам его во всех тысящах Иудиных. 009 1SA 023 024 И восташа Зифее, и идоша пред Саулом: Давид же и мужие его бяху в пустыни Маон к западу одесную Иесемона. 009 1SA 023 025 И иде Саул и мужие его искати Давида. И возвестиша Давиду, и сниде ко каменю иже в пустыни Маон. И услыша Саул, и погна вслед Давида в пустыню Маон. 009 1SA 023 026 И идяше Саул и мужие его от страны горы отсюду, Давид же бе и мужие его от страны горы отюнуду: и бе Давид укрываяся ити от лица Сауля, а Саул и мужие его ополчишася на Давида и на мужы его яти их. 009 1SA 023 027 И прииде вестник к Саулу глаголя: потщися и иди, яко нападоша иноплеменницы на землю твою. 009 1SA 023 028 И возвратися Саул не гнати вслед Давида, и иде противу иноплеменником: сего ради наречеся место оно Камень Разделенный. 009 1SA 023 029 И воста Давид оттуду и седе во узинах Енгадди. 009 1SA 024 001 И бысть егда возвратися Саул вспять от иноплеменник, и возвестиша ему, глаголюще: се, Давид в пустыни Енгадстей. 009 1SA 024 002 И взя Саул с собою три тысящы мужей избранных от всего Израиля и иде искати Давида и мужей его прямо лицу саддеем: 009 1SA 024 003 и прииде до стад пасомых на пути, и бе тамо вертеп: и Саул вниде испразднитися, Давид же и мужие его во внутренних вертепа седяху. 009 1SA 024 004 И реша мужие Давидовы к нему: се, день сей, о немже рече Господь тебе предати врага твоего в руце твои, и сотвориши ему якоже угодно пред очима твоима. И воста Давид, и отреза воскрилие одежды Саули отай. 009 1SA 024 005 И бысть по сих, и вострепета Давиду сердце его, яко отреза воскрилие одежды Саули: 009 1SA 024 006 и рече Давид к мужем своим: никакоже ми от Господа, аще сотворю глагол сей господину моему христу Господню, еже нанести руку мою нань, яко христос Господень есть сей. 009 1SA 024 007 И увеща Давид мужы своя словесы и не даде им воставшым убити Саула. И воста Саул, и сниде на путь. 009 1SA 024 008 И изыде Давид вслед его из вертепа: и возопи Давид вслед Саула, глаголя: господине царю. И озреся Саул вслед себе, и преклонися Давид лицем своим до земли, и поклонися ему. 009 1SA 024 009 И рече Давид к Саулу: почто слушаеши словес людий глаголющих: се, Давид ищет души твоея? 009 1SA 024 010 Се, днесь видеста очи твои, яко предаде тя Господь днесь в руце мои в вертепе, и не восхотех убити тебе, и пощадех тя, и рех: не нанесу руки моея на господа моего, яко помазанник Господень сей есть: 009 1SA 024 011 и се, воскрилие одежды твоея в руце моей, аз отях воскрилие одежды твоея, и не убих тебе: и уразумей, и виждь днесь, яко несть злобы в руце моей, ниже нечестия и презорства, ниже согреших к тебе, а ты ищеши души моея изяти ю: 009 1SA 024 012 да судит Господь между мною и тобою, и да защитит мя Господь от тебе: рука же моя не будет на тя, 009 1SA 024 013 якоже глаголется притча древняя: от беззаконник изыдет преступление: рука же моя не будет на тя: 009 1SA 024 014 и ныне ты, царю Израилев, вслед кого исходиши? Кого ты гониши? Вслед ли пса умерша и вслед блохи единыя? 009 1SA 024 015 Да будет Господь судия и отмститель между мною и тобою, да видит Господь и судит суд мой, и осудит мя от руки твоея. 009 1SA 024 016 И бысть, егда сконча Давид глаголы сия, глаголя к Саулу, и рече Саул: твой ли глас сей, чадо Давиде? И воздвиже Саул глас свой и восплакася. 009 1SA 024 017 И рече Саул к Давиду: праведен еси ты паче мене, яко ты воздал ми еси благая, аз же тебе воздах злая: 009 1SA 024 018 и ты возвестил ми еси днесь, яже сотворил ми благая, яко заключи мя Господь в руки твоя днесь, и не убил мя еси: 009 1SA 024 019 и якоже аще кто обрел бы врага своего в печали, и отпустил бы его в путь благ, и Господь воздаст ему благая, якоже ты сотворил еси днесь: 009 1SA 024 020 и ныне се, аз вем, яко царюя царствовати имаши, и стати имать в руце твоей царство Израилево: 009 1SA 024 021 и ныне кленися ми Господем, яко не искорениши семене моего по мне и не погубиши имене моего от дому отца моего. 009 1SA 024 022 И клятся Давид Саулу. И отиде Саул на место свое, Давид же и мужие его взыдоша в мессеру тесную. 009 1SA 025 001 И умре Самуил, и собрашася весь Израиль, и плакашася его, и погребоша его в дому его во Армафеме. И воста Давид, и сниде в пустыню Маоню. 009 1SA 025 002 И бе человек в Маоне и стада его на Кармиле, и человек велик зело: и сему овец три тысящы и коз тысяща: и бысть егда стрижаше стада своя на Кармиле: 009 1SA 025 003 имя же человеку Навал и имя жене его Авигеа: и жена его блага смыслом и добра взором зело, муж же ея человек жесток и лукав в начинаниих и человек зверонравен. 009 1SA 025 004 И услыша Давид в пустыни, яко стрижет Навал на Кармиле стада своя. 009 1SA 025 005 И посла Давид десять отроков и рече отроком: взыдите на Кармил и идите к Навалу и вопросите его именем моим с миром, 009 1SA 025 006 и рцыте сия: здрав ли еси ты и дом твой, и вся твоя здрава ли суть? 009 1SA 025 007 И ныне се, услышах, яко стригут тебе ныне пастуси твои, иже беша с нами в пустыни, и не возбранихом им, и не повелехом им ничесоже во вся дни, егда беша на Кармиле: 009 1SA 025 008 вопроси отроков твоих и возвестят ти: и да обрящут отроцы твои благодать пред очима твоима, яко в день благ приидохом: даждь убо ныне еже обрящет рука твоя отроком твоим и сыну твоему Давиду. 009 1SA 025 009 И приидоша отроцы Давидовы и глаголаша словеса сия к Навалу, по всем глаголом сим именем Давидовым. 009 1SA 025 010 И возскочи Навал и отвеща отроком Давидовым и рече: кто Давид? И кто сын Иессеов? Днесь умножени суть раби отходяще кийждо от лица господина своего: 009 1SA 025 011 и возму ли хлебы моя и вино мое и закланая моя, яже заклах стригущым моя овцы, и дам ли оная мужем, ихже не вем откуду суть? 009 1SA 025 012 И возвратишася отроцы Давидовы путем своим, и возвращшеся приидоша и возвестиша Давиду по глаголом сим. 009 1SA 025 013 И рече Давид мужем своим: препояшитеся кийждо оружием своим. И препоясашася оружием своим, и сам Давид препоясася мечем своим, и идоша вслед Давида, яко четыреста мужей, а двести их осташася у сосудов. 009 1SA 025 014 И Авигеи жене Навалове поведа един отрок, глаголя: се, присыла Давид послы от пустыни благословити господина нашего, он же отвратися от них: 009 1SA 025 015 мужие же блази (беша) нам зело, не возбраняху нам, ниже повелеваху нам что во вся дни, в няже бехом с ними: 009 1SA 025 016 и сущым нам на селе, аки стена беша окрест нас, и в нощи и во дни, по вся дни в няже бехом с ними пасуще стада: 009 1SA 025 017 и ныне разумей и виждь ты, что сотвориши, яко совершися злоба на господина нашего и на дом его, и сей сын губитель, и не возможно глаголати к нему. 009 1SA 025 018 И потщася Авигеа, и взя двести хлебов и два сосуда вина и пять овец устроеных и пять мер муки чистыя и кошницу гроздия и двести вязаниц смоквей, и возложи на ослята, 009 1SA 025 019 и рече ко отроком своим: поидите предо мною, и се, аз вслед вас иду. Мужу же своему не возвести. 009 1SA 025 020 И бысть, вседшей ей на ослицу и сходящей в подгорие, и се, Давид и мужие его идяху сопротиву ея, и срете их. 009 1SA 025 021 И рече Давид: воистинну всуе вся навалова сохраних в пустыни, и ничесоже повелех взяти от всех яже его, и воздаде ми злая за благая: 009 1SA 025 022 сия да сотворит Бог Давиду и сия да приложит, аще до утра оставлю от всех Наваловых даже до мочащагося к стене. 009 1SA 025 023 И увиде Авигеа Давида, и потщася и скочи со осляте, и паде пред Давидом на лице свое, и поклонися ему до земли, 009 1SA 025 024 и паде на ноги его и рече: во мне, господине мой, неправда моя: да глаголет ныне раба твоя во ушы твои, и послушай словес рабы твоея: 009 1SA 025 025 да не возложит ныне господин мой сердца своего на человека гибелнаго сего, яко по имени своему той есть: Навал имя ему, и безумие с ним: аз же раба твоя не видех отроков господина моего, ихже послал еси: 009 1SA 025 026 и ныне, господине мой, жив Господь и жива душа твоя, якоже возбрани тебе Господь еже не приити на кровь неповинну и спасти тебе руку твою: и ныне да будут якоже Навал врази твои и ищущии господину моему зла: 009 1SA 025 027 и ныне возми благословение сие, еже принесе раба твоя господину моему, и даждь отроком предстоящым господину моему: 009 1SA 025 028 отими ныне неправду рабы твоея, яко творя сотворит Господь дом верен господину моему, яко на брани господина моего Господь споборет, и злоба не обрящется в тебе никогдаже: 009 1SA 025 029 и аще востанет человек гоняй тя и ищай души твоея, и будет душа господина моего привязана соузом жизни у Господа Бога, и душу врагов твоих поразиши пращею посреде пращи: 009 1SA 025 030 и будет егда сотворит Господь господину моему вся, елика глаголаше благая о тебе, и повелит тебе Господь (быти) вождем во Израили, 009 1SA 025 031 и не будет тебе сие мерзость и соблазн сердцу господина моего, еже излияти кровь неповинную туне и спасти руку свою себе: и да благо сотворит Господь господину моему, и воспомянеши рабу твою, еже благосотворити ей. 009 1SA 025 032 И рече Давид ко Авигеи: благословен Господь Бог Израилев, иже посла тя днесь на сретение ми, 009 1SA 025 033 и благословен совет твой, и благословена ты удержавшая мя в день сей ити на пролитие крове, и спасти ми руку мою: 009 1SA 025 034 обаче жив Господь Бог Израилев, иже возбрани ми днесь зло сотворити тебе: зане аще бы не потщалася и не пришла еси на сретение мне, тогда рех: аще останется Навалу до утренняго света мочащийся к стене. 009 1SA 025 035 И прия Давид от руку ея вся, яже принесе ему, и рече ей: иди с миром в дом свой: виждь, послушах гласа твоего и приях лице твое. 009 1SA 025 036 И прииде Авигеа к Навалу: и се, у него пир в дому его, яко пир царев: и сердце навалово весело в нем, и той пиян до зела. И не возвести Авигеа Навалу глагола ни велика ни мала до света утренняго. 009 1SA 025 037 И бысть заутра, егда истрезвися Навал от вина, поведа ему жена его вся глаголы сия, и умре сердце его в нем, и той бысть яко камень. 009 1SA 025 038 И бысть яко десять дний, и порази Господь Навала, и умре. 009 1SA 025 039 И услыша Давид и рече: благословен Господь, иже суди суд поношения моего от руки Навали, и раба Своего удержа от руки злых, и злобу Навалю обрати Господь на главу его. И посла Давид и глагола ко Авигеи пояти ю себе в жену. 009 1SA 025 040 И приидоша отроцы Давидовы ко Авигеи в Кармил, и реша ей, глаголюще: Давид посла нас к тебе, да тя поймет себе в жену. 009 1SA 025 041 И воста и поклонися до земли лицем и рече: се, раба твоя в рабыню умывати ноги отроком твоим. 009 1SA 025 042 И воста Авигеа, и вседе на осля, и пять девиц идяху вслед ея, и пойде вслед отроков Давидовых, и бысть ему в жену. 009 1SA 025 043 И Ахинааму поят Давид от Иезраеля, и бесте ему обе жены. 009 1SA 025 044 Саул же даде Мелхолу дщерь свою жену Давидову Фалтию сыну Амисову иже от Роммы. 009 1SA 026 001 И приидоша Зифее от знойныя к Саулу на холм, глаголюще: се, Давид скрыся у нас на холме Ехелаф, прямо Иессемону. 009 1SA 026 002 И воста Саул, и сниде в пустыню Зиф, и с ним три тысящы мужей избранных от Израиля, искати Давида в пустыни Зиф. 009 1SA 026 003 И ополчися Саул на холме Ехелаф иже прямо Иессемону при пути, Давид же седяше в пустыни. И виде Давид, яко идет Саул вслед его в пустыню, 009 1SA 026 004 и посла Давид соглядатаи, и разуме, яко идет Саул готов из Кеиля: 009 1SA 026 005 и воста Давид отай, и вниде в место, идеже почиваше Саул, и тамо бяше Авенир сын Ниров, первый воевода его, и Саул спаше в колеснице царстей, и людие ополчившеся окрест его. 009 1SA 026 006 И отвеща Давид и рече ко Авимелеху Хеттеину и ко Авессе сыну Саруину брату Иоавлю, глаголя: кто внидет со мною к Саулу в полк? И рече Авесса: аз вниду с тобою. 009 1SA 026 007 И внидоста Давид и Авесса в люди нощию: и се, Саул спяй сном в колеснице царстей, и копие его водружено в землю при главе его, Авенир же и воини его спаху окрест его. 009 1SA 026 008 И рече Авесса к Давиду: заключи Господь днесь врага твоего в руце твои, и ныне поражу его копием в землю единожды, и не повторю ему. 009 1SA 026 009 И рече Давид ко Авессе: не убивай его, яко кто прострет руку свою на христа Господня, и неповинен будет? 009 1SA 026 010 И рече Давид: жив Господь, аще не Господь поразит его, или день его приидет, и умрет, или на брань снидет и погибнет: 009 1SA 026 011 да не будет ми от Господа нанести руку мою на христа Господня: и ныне возми копие от возглавия его и сосуд водный, и отидем мы о себе. 009 1SA 026 012 И взя Давид копие и сосуд водный от возглавия его, и отидоста о себе: и не бе иже бы видел или разумел, и не бяше востающаго, вси бо спаху, яко сон крепок от Господа нападе на ня. 009 1SA 026 013 И прейде Давид на он пол и ста на версе горы издалеча, и мног бе путь между ими. 009 1SA 026 014 И воззва Давид к людем, и Авениру рече глаголя: не отвещаеши ли, Авенире? И отвеща Авенир и рече: кто ты еси зовый мя? 009 1SA 026 015 И рече Давид ко Авениру: не муж ли еси ты? И кто, якоже ты, во Израили? И почто не храниши господина твоего царя? Яко вниде един от людий убити господина твоего царя: 009 1SA 026 016 и не благо сие (зело), еже сотворил еси: жив Господь, яко сынове смерти вы, не хранящии господа своего царя христа Господня: и ныне виждь, где есть копие царево и сосуд водный, яже беша при главе его? 009 1SA 026 017 И позна Саул глас Давидов и рече: твой ли глас сей, чадо Давиде? И рече Давид: аз раб твой, господи царю. 009 1SA 026 018 И рече Давид: почто гониши раба твоего, господи царю? Яко что (ти) согреших? И кая обретеся во мне неправда? 009 1SA 026 019 И ныне да послушает господь мой царь глаголов раба своего: аще Бог поощряет тя на мя, да будет благовонна жертва твоя: аще же сынове человечестии, прокляти сии пред Господем, яко изгнаша мя днесь не утвердитися в жребии Господни, глаголюще: пойди, работай богом чуждим: 009 1SA 026 020 и ныне да не падет кровь моя на землю пред лицем Господним, яко изыде царь Израилев искати души моея, и гонит якоже нощный вран по горам. 009 1SA 026 021 И рече Саул: согреших: возвратися, чадо Давиде, яко ктому не сотворю ти зла, зане честна душа моя пред очима твоима в день сей: безумно сотворих, и погреших много зело. 009 1SA 026 022 И отвеща Давид и рече: се, копие царево, да приидет отрок един и возмет е: 009 1SA 026 023 и Господь да возвратит коемуждо по правде его и по вере его: якоже предаде тя Господь днесь в руце мои, и не восхотех нанести руки моея на христа Господня: 009 1SA 026 024 и се, якоже возвеличися душа твоя днесь во очию моею, тако да возвеличится душа моя пред Господем, и да покрыет мя и измет мя от всякия печали. 009 1SA 026 025 И рече Саул к Давиду: благословен ты, чадо, и творяй сотвориши и могий возможеши. И отиде Давид в путь свой, а Саул возвратися на место свое. 009 1SA 027 001 И рече Давид в сердцы своем, глаголя: ныне впаду в день един в руки Саули, и не будет ми благо, аще не спасуся в земли иноплеменничи, и престанет Саул искати мене во всяком пределе Израилеве, и спасуся из руки его. 009 1SA 027 002 И воста Давид и шесть сот мужей иже с ним, и иде ко Агхусу сыну Аммахову царю Гефску. 009 1SA 027 003 И пребысть Давид у Агхуса в Гефе, сам и мужие его вси и дом его, и Давид и обе жены его, Ахинаам Иезраилитыня и Авигеа жена Навала Кармилскаго. 009 1SA 027 004 И возвестиша Саулу, яко отбеже Давид в Геф, и не приложи ктому (Саул) искати его. 009 1SA 027 005 И рече Давид ко Агхусу: аще обрете раб твой благодать пред очима твоима, да даси ми место во единем от градов иже на селе, и сяду тамо: и вскую седит раб твой во граде царственнем с тобою? 009 1SA 027 006 И даде ему Агхус в день той Секелаг: сего ради бысть царю Иудейску Секелаг до днешняго дне. 009 1SA 027 007 И бысть число дний, в няже седяше Давид на селе иноплеменничи, четыри месяцы. 009 1SA 027 008 И восхождаше Давид и мужие его и нападаху на всякаго Гессера и на Амаликита, и се, земля населяшеся от Ламсура и до земли Египетския: 009 1SA 027 009 и поражаше Давид землю, и не оставляше в живых мужеска полу и женска: и взимаху стада, и буйволицы и ослята, и велблюды и ризы, и возвращающеся прихождаху ко Агхусу. 009 1SA 027 010 И рече Агхус к Давиду: на кого нападосте ныне? И рече Давид ко Агхусу: к югу Иудеи и к югу Иесмеги и к югу Кенезиа: 009 1SA 027 011 и мужеска полу и женска не оставлях в живых еже вводити в Геф, глаголя: да не возвестят в Гефе на нас, глаголюще: сия творит Давид. И сие оправдание его во вся дни, в няже седяше Давид на селе иноплеменничи. 009 1SA 027 012 И уверися Давид Агхусу зело, глаголя: омерзением омерзе в людех своих во Израили, и будет ми раб во веки. 009 1SA 028 001 И бысть во дни оны, и собрашася иноплеменницы в полки своя изыти братися со Израилтяны. И рече Агхус к Давиду: разумея разумей, яко со мною изыдеши на брань ты и мужие твои. 009 1SA 028 002 И рече Давид ко Агхусу: тако ныне уразумееши, яже сотворит раб твой. И рече Агхус к Давиду: темже началника хранителей телу (моему) поставлю тя во вся дни. 009 1SA 028 003 И Самуил умре, и рыдаше по нем весь Израиль, и погребоша его во Армафеме во граде его: и Саул изби чревобасники и волхвы земли своея. 009 1SA 028 004 И собрашася иноплеменницы и приидоша и ополчишася в Сонаме: и собра Саул вся мужы Израилевы, и ополчишася в Гелвуе. 009 1SA 028 005 И виде Саул полки иноплеменничи, и убояся, и ужасеся сердце его зело. 009 1SA 028 006 И вопроси Саул Господа, и не отвеща ему Господь ни во сне, ни во явлениих, ни во пророцех. 009 1SA 028 007 И рече Саул отроком своим: поищите ми жены волшебницы, и пойду к ней, и вопрошу ея. И реша отроцы его к нему: се, жена волшебница во Аендоре. 009 1SA 028 008 И прикрыся Саул и облечеся в ризы ины, и иде сам и два мужа с ним, и прииде нощию к жене и рече ей: поволхвуй ми чревоволшебством, и возведи ми, егоже реку ти. 009 1SA 028 009 И рече ему жена: се, ныне ты сам веси, елика сотвори Саул, како истреби чревобасники и волхвы от земли, и вскую ты ловиши душу мою, еже умертвити ю? 009 1SA 028 010 И клятся ей Саул, глаголя: жив Господь, аще срящет тя неправда о словеси сем. 009 1SA 028 011 И рече жена Саулу: кого возведу ти? И рече Саул: Самуила возведи ми. 009 1SA 028 012 И виде жена Самуила, и возгласи гласом велиим, и рече жена к Саулу: почто мя прельстил еси? И ты еси Саул. 009 1SA 028 013 И рече ей царь: не бойся, рцы кого видела еси? И рече ему жена: боги видех восходящыя от земли. 009 1SA 028 014 И рече ей: что познала еси? И рече ему (жена): (видех) мужа стара восходяща от земли, и сей оболчен одеянием долгим. И уразуме Саул, яко сей Самуил (есть), и преклони лице свое на землю и поклонися ему. 009 1SA 028 015 И рече ему Самуил: почто понудил еси мя взыти ми? И рече Саул: скорблю зело, яко иноплеменницы воюют на мя, и Бог отступи от мене, и не услыша мене ктому ни в руках пророческих, ни во снех, ни во явлениих: и ныне призвах тя, да скажеши ми, что сотворю. 009 1SA 028 016 И рече Самуил: почто вопрошаеши мя, а Господь отступи от тебе и бысть со ближним твоим? 009 1SA 028 017 И сотвори Господь тебе, якоже глагола Господь рукою моею, и исторгнет Господь царство твое из руку твоею и вдаст е ближнему твоему Давиду, 009 1SA 028 018 понеже не послушал еси гласа Господня и не исполнил еси гнева ярости Его на Амалике, глагола ради того сотвори тебе Господь в день сей: 009 1SA 028 019 и предаст Господь Израиля с тобою в руки иноплеменничи, и заутра ты и сынове твои падут с тобою, и полк Израилев предаст Господь в руки иноплеменничи. 009 1SA 028 020 И потщася Саул, и паде стоящь на землю, и убояся зело от словес Самуиловых, и не бысть ктому крепости в нем: яко не яде хлеба во весь день той и во всю нощь ту. 009 1SA 028 021 И вниде жена к Саулу, и виде его, яко смятеся зело, и рече к нему: се, ныне послуша раба твоя гласа твоего, и положих душу мою в руце мои, и послушах словес, яже ми глаголал еси: 009 1SA 028 022 и ныне послушай гласа рабы твоея, и положу пред тобою укрух хлеба, и яждь, и будет в тебе крепость, яко идеши в путь. 009 1SA 028 023 И не хотяше ясти: и понудиша его отроцы его и жена, и послуша гласа их, и воста от земли, и седе на седалищи. 009 1SA 028 024 Жене же бяше юница питомая в дому: и потщася, и закла ю: и взя муку и смеси, и испече опресноки, 009 1SA 028 025 и принесе пред Саула и пред отроки его: и ядоша, и восташа и отидоша в нощь ону. 009 1SA 029 001 И собраша иноплеменницы вся полки своя во Афек, Израилтяне же ополчишася во Аендоре иже во Иезраели. 009 1SA 029 002 И воеводы иноплеменничи предидяху со стами и тысящами, Давид же и мужие его идяху в последних со Агхусом. 009 1SA 029 003 И реша воеводы иноплеменничи кто суть идущии сии? И рече Агхус к воеводам иноплеменничим: не сей ли Давид раб Саула царя Израилева, иже бысть с нами дний сие второе лето? И не обретох в нем ничтоже, от дне в оньже прииде ко мне даже до сего дне. 009 1SA 029 004 И прискорбни быша о нем воеводы иноплеменничи и глаголаша ему: возврати мужа, и да возвратится на место свое, идеже поставил еси его тамо, и да не идет с нами на брань, и да не будет наветник в полцех: и чим примирится сей господину своему? Не главами ли мужей сих? 009 1SA 029 005 Не сей ли есть Давид, емуже изыдоша с лики, глаголюще: победи Саул с тысящами своими, и Давид со тмами своими? 009 1SA 029 006 И призва Агхус Давида и рече ему: жив Господь, яко прав ты и благ пред очима моима, и вход твой и исход твой со мною в полце, и яко не обретох в тебе злобы, отнележе еси пришел ко мне до днешняго дне, но пред очима воевод не благ еси ты: 009 1SA 029 007 и ныне возвратися и иди с миром, и да не сотвориши зла пред очима воевод иноплеменничих. 009 1SA 029 008 И рече Давид ко Агхусу: что сотворих ти? И что обрел еси в рабе твоем, от негоже дне бех пред тобою, и даже до сего дне, да не иду воевати врагов господина моего царя? 009 1SA 029 009 И отвеща Агхус Давиду: вем, яко благ ты пред очима моима яко Ангел Божий, но воеводы иноплеменничи глаголют: да не идет с нами на брань: 009 1SA 029 010 и ныне востани рано ты и отроцы господина твоего ходящии с тобою и идите на место, идеже поставих вас, и словесе пагубна да не положиши на сердцы твоем, яко благ еси ты предо мною: и востаните рано в путь, егда разсветает вам, и идите. 009 1SA 029 011 И урани Давид сам и мужие его отити и стрещи земли иноплеменничи, и иноплеменницы взыдоша на брань во Иезраель. 009 1SA 030 001 И бысть приходящу Давиду и мужем его к Секелагу в день третий, и Амалик нападе на южную страну и на Секелаг, и порази Секелаг и сожже его огнем: 009 1SA 030 002 жен же и всех сущих в нем от мала до велика не умертвиша мужа ни жены, но плениша, и отидоша в путь свой. 009 1SA 030 003 И прииде Давид и мужие его во град, и се, сожжен бяше огнем, жены же их и сынове их и дщери их пленени быша. 009 1SA 030 004 И воздвиже Давид и мужие его глас свой и плакашася дондеже не бе в них силы ктому плакатися. 009 1SA 030 005 И жены обе Давидовы пленени быша, Ахинаам Иезраилитыня, и Авигеа бывшая жена Навала Кармилскаго. 009 1SA 030 006 И оскорбе Давид зело, яко совещашася людие камением побити его, яко скорбна бяше душа всех людий коегождо о сынех своих и о дщерех своих. И укрепися Давид о Господе Бозе своем, 009 1SA 030 007 и рече Давид ко Авиафару иерею сыну Авимелехову: принеси ефуд. И принесе Авиафар ефуд к Давиду. 009 1SA 030 008 И вопроси Давид Господа, глаголя: пожену ли вслед полчища сего? И постигну ли их? И рече Господь: гони, яко постизая постигнеши их и избавляя избавиши. 009 1SA 030 009 И иде Давид сам и шесть сот мужей с ним, и приидоша даже до потока Восорска, прочии же осташася: 009 1SA 030 010 и гна с четырми сты мужей, двести же мужей осташася, иже седоша об он пол потока Восорска. 009 1SA 030 011 И обретоша мужа Египтянина на селе, и яша его, и приведоша его к Давиду, и даша ему хлеба, и яде, и напоиша его водою: 009 1SA 030 012 и даша ему часть смоквей, и яде, и укрепися дух его в нем, яко не яде хлеба и не пи воды три дни и три нощы. 009 1SA 030 013 И рече ему Давид: откуду еси, и чий еси ты? И рече отрок Египтянин: аз есмь раб мужа Амаликитянина, и остави мя господин мой, яко изнемогох днесь уже третий день: 009 1SA 030 014 и мы ходихом на юг до Хелефи и на Иудейския страны и на Гелвуй, и Секелагу пожгохом огнем. 009 1SA 030 015 И рече ему Давид: доведеши ли мя до полчища сего? И рече: кленися ми Богом, яко не убиеши мя и не предаси мя в руце господину моему, и доведу тя до полчища сего. 009 1SA 030 016 (И клятся ему Давид: ) и приведе его онамо, и се, тии разсеяни быша по лицу всея земли, ядуще и пиюще и празднующе о всех корыстех великих, яже взяша от земли иноплеменничи и от земли Иудины. 009 1SA 030 017 И прииде на них Давид, и изби их от утра даже до вечера и наутрие: и не спасеся от них муж, разве четыреста отрок, иже вседоша на велблюды и убежаша. 009 1SA 030 018 И отя Давид вся елика взяша Амаликиты, и обе жены своя отя, 009 1SA 030 019 и не погибе им от мала даже до велика, и от корыстей, и даже до сынов и дщерей и даже до всех, яже взяша, и вся возврати Давид: 009 1SA 030 020 и взя Давид вся стада и паствины, и погна пред пленом: и плен оный нарицашеся сей плен Давидов. 009 1SA 030 021 И прииде Давид к двема стом мужем оставшымся ити вслед Давида, ихже посади на потоце Восорсте, и изыдоша на сретение Давиду и на сретение людем иже с ним: и прииде Давид до людий, и вопросиша его о мирных. 009 1SA 030 022 И отвещаша вси мужие пагубнии и лукавнии от мужей ратных ходивших с Давидом и реша: яко не гониша с нами, не дадим им от плена, егоже взяхом, но токмо кийждо жену свою и чада своя да возмут и возвратятся. 009 1SA 030 023 И рече Давид: не сотворите, братия моя, тако, повнегда предаде Господь нам и сохрани нас, и предаде Господь полчище сие нашедшее на ны в руки нашя: 009 1SA 030 024 и кто послушает ваших словес сих? Яко не менши нас суть: понеже по части исходящаго на брань, тако будет часть седящаго при сосудех, по томужде разделятся. 009 1SA 030 025 И бысть от дне того и выше, и бысть в повеление и на оправдание Израилю даже до дне сего. 009 1SA 030 026 И прииде Давид в Секелаг, и посла старейшинам от корыстей Иудиных и искренним своим, глаголя: се, вам благословение от корыстей врагов Господних, 009 1SA 030 027 сущым в Вефсуре и в Раме южней и в Гефоре, 009 1SA 030 028 и во Ароире и во Аммаде, и во Сафе и во Есфифе и в Гефе, 009 1SA 030 029 и в Кинане и в Сафеце, и в Фимафе и в Кармиле, и сущым во градех Иеремиила и во градех Кенезия, 009 1SA 030 030 и сущым во Иеримуфе и во Вирсавеи и в Номве, 009 1SA 030 031 и сущым в Хевроне, и во вся места, яже пройде Давид тамо сам и мужие его. 009 1SA 031 001 И иноплеменницы воеваху на Израиля, и бежаша мужие Израилевы от лица иноплеменнича, и падаху язвеннии на горе Гелвуе. 009 1SA 031 002 И снидошася иноплеменницы с Саулом и с сынми его, и убиша иноплеменницы Ионафана и Аминадава и Мелхисуа, сыны Сауловы. 009 1SA 031 003 И отяготе брань на Саула, и обретоша его копейницы мужие стрелцы, и уязвен бысть (Саул) во утробу. 009 1SA 031 004 И рече Саул к носящему оружие его: изсуни мечь твой и прободи мя им, да не приидут необрезаннии сии и избодут мя, и поругаются мне. И не хотяше носяй оружие его, яко убояся зело. И взя Саул мечь свой и паде на него. 009 1SA 031 005 И виде носяй оружие его, яко умре Саул, и паде и той на мечь свой и умре с ним. 009 1SA 031 006 И умре Саул и трие сынове его, и носяй оружие его, и вси мужие его в день той купно. 009 1SA 031 007 И видеша мужие Израилстии, иже об он пол юдоли и иже об он пол Иордана, яко бежаша мужие Израилстии, и яко умре Саул и сынове его, и оставиша грады своя и бежаша: и приидоша иноплеменницы и вселишася в них. 009 1SA 031 008 И бысть на утрие, и приидоша иноплеменницы обнажити мертвых, и обретоша Саула и три сыны его падшыя на горе Гелвуе, 009 1SA 031 009 и обратиша его, и сняша оружие его, и отсекоша главу его, и послаша в землю иноплеменничу окрест возвещающе идолом их и людем их: 009 1SA 031 010 и положиша оружие его у Астарта, тело же его воткнуша на стене Вефсамли. 009 1SA 031 011 И услышаша живущии во Иависе Галаадитийстем, яже сотвориша иноплеменницы Саулу, 009 1SA 031 012 и восташа вси мужие сильнии, и идоша всю нощь, и взяша тело Саулово и тело Ионафана сына его с стены Вефсамски, и принесоша я во Иавис, и сожгоша я тамо: 009 1SA 031 013 и взяша кости их, и погребоша я в дубраве яже во Иависе, и постишася седмь дний. # # BOOK 010 2SA 2 Samuel Вторая книга Царств 010 2SA 001 001 И бысть егда умре Саул, и Давид возвратися победив Амалика, и пребысть Давид в Секелазе дни два. 010 2SA 001 002 И бысть в третий день, и се, муж прииде от полка людий Сауловых, ризы же его (бяху) раздраны, и персть на главе его: и бысть егда вниде к Давиду (отрок), и пад на земли поклонися ему. 010 2SA 001 003 И рече ему Давид: откуду ты пришел еси? И рече ему: от полка Израилева аз избегох. 010 2SA 001 004 И рече ему Давид: что слово сие? Возвести ми. И рече: яко побегоша людие от брани, и падоша мнози от людий, и измроша, и Саул и Ионафан сын его умре. 010 2SA 001 005 И рече Давид отроку возвестившему ему: како знаеши, яко умре Саул и Ионафан сын его? 010 2SA 001 006 И рече отрок возвещаяй ему: по случаю приидох в гору Гелвуйскую, и се, Саул нападаше на копие свое, и се, колесницы и вельможи собрашася нань: 010 2SA 001 007 и обозреся вспять (Саул) и виде мя, и призва мя, и рех: се, аз: 010 2SA 001 008 и рече ми: кто ты еси? И рех: Амаликитин есмь аз: 010 2SA 001 009 и рече ми: прииди убо на мя и убий мя, яко объят мя тма лютая, яко еще душа моя во мне: 010 2SA 001 010 и стах над ним, и убих его: ведех бо, яко не будет жив по падении своем: и взяв венец царский, иже бе на главе его, и нарамницу, яже бе на плещу его, и принесох сия к господину моему семо. 010 2SA 001 011 И емься Давид за ризы своя, и раздра я, и вси мужие иже с ним раздраша ризы своя, 010 2SA 001 012 и рыдаша и плакашася, и постишася до вечера о Сауле, и о Ионафане сыне его, и о людех Иудиных и о доме Израилеве, яко избиени быша мечем. 010 2SA 001 013 И рече Давид отроку возвестившему ему: откуду ты еси? И рече: сын мужа пришелца Амаликитина есмь аз. 010 2SA 001 014 И рече ему Давид: како не убоялся еси воздвигнути руку твою погубити христа Господня? 010 2SA 001 015 И призва Давид единаго от отрок своих и рече: иди, убий его. И уби его, и умре. 010 2SA 001 016 И рече ему Давид: кровь твоя на главе твоей, яко уста твоя на тя возвещаша, глаголюще: яко аз убих христа Господня. 010 2SA 001 017 И плакася Давид плачем сим о Сауле и о Ионафане сыне его, 010 2SA 001 018 и рече еже научити сыны Иудины стрелянию. Се написано в книзе Праведнаго. 010 2SA 001 019 И рече: воздвигни столп, Израилю, над умершими на высоких твоих язвеными: како падоша сильнии? 010 2SA 001 020 Не возвещайте в Гефе, ниже поведайте на исходищих Аскалоних, да не возвеселятся дщери иноплеменничи, ни да возрадуются дщери необрезанных. 010 2SA 001 021 Горы Гелвуйския, да не снидет роса ниже дождь на вас: и села начатков (житных), яко тамо повержен бысть щит сильных: щит Саулов не быти помазан елеем: 010 2SA 001 022 от крове язвеных и от тука сильных лук Ионафанов не возвратися тощь вспять, и мечь Саулов не возвратися тощь: 010 2SA 001 023 Саул и Ионафан возлюбленнии и прекраснии неразлучни, благолепни в животе своем, и в смерти своей не разлучишася: паче орлов легцы и паче львов крепцы: 010 2SA 001 024 плачите по Сауле, дщери Израилевы, иже вас облачаше в червленицы со украшением вашим, и возлагаше украшение злато на ризы вашя: 010 2SA 001 025 како падоша сильнии посреде брани? Ионафане, до смерти на высоких твоих язвен еси: 010 2SA 001 026 болезную о тебе, брате мой Ионафане, красный ми зело, удивися любовь твоя от мене паче любве женския: 010 2SA 001 027 како падоша сильнии, и погибоша оружия бранная? 010 2SA 002 001 И бысть по сих, и вопроси Давид Господа, глаголя: вниду ли в един от градов Иудиных? И рече Господь к нему: и вниди. И рече Давид: камо вниду? И рече: в Хеврон. 010 2SA 002 002 И иде тамо Давид в Хеврон, и обе жены его, Ахинаам Иезраилитыня и Авигеа (бывшая) жена Навала Кармилскаго, 010 2SA 002 003 и мужие иже с ним кийждо, и домове их, и начаша жити во градех Хевронских. 010 2SA 002 004 И приидоша мужие от Иудеи и помазаша тамо Давида, да царствует над домом Иудиным. И возвестиша Давиду, глаголюще: яко мужие Иависа Галаадититскаго погребоша Саула. 010 2SA 002 005 И посла Давид послы к старейшинам Иависа Галаадититскаго и рече к ним Давид: благословени вы Господу, яко сотвористе милость сию над господином вашим Саулом, христом Господним, и погребосте его и Ионафана сына его: 010 2SA 002 006 и ныне да сотворит Господь с вами милость и истину: и аз сотворю с вами сие благое, понеже сотвористе глагол сей: 010 2SA 002 007 и ныне да укрепятся руки вашя, и да будете сынове сильнии, яко умре господин ваш Саул, мене же помаза дом Иудин, да царствую над ними. 010 2SA 002 008 И Авенир сын Ниров, началный воевода Саулов, взя Иевосфеа сына Сауля, и изведе его из полка в Манаем, 010 2SA 002 009 и воцари его над Галаадитиею и над Фасириею и над Иезраилем и над Ефремом и над Вениамином и над всем Израилем. 010 2SA 002 010 Четыредесять лет Иевосфею бе сыну Саулову, егда нача царствовати над Израилем, и два лета царствова, кроме дому Иудина, иже бысть за Давидом. 010 2SA 002 011 И быша дние, в няже Давид царствова в Хевроне над домом Иудиным, седмь лет и шесть месяц. 010 2SA 002 012 И изыде Авенир сын Ниров и отроцы Иевосфеа сына Сауля из Манаема в Гаваон. 010 2SA 002 013 И Иоав сын Саруиев и отроцы Давидовы изыдоша от Хеврона и сретошася с ними у потока Гаваоня купно, и седоша сии над потоком отсюду, и тии оттуду. 010 2SA 002 014 И рече Авенир ко Иоаву: да востанут ныне отроцы и да поиграют пред нами. И рече Иоав: да востанут. 010 2SA 002 015 И восташа и преидоша от отрок Вениаминовых, числом дванадесять Иевосфеа сына Сауля, и от отрок Давидовых дванадесять: 010 2SA 002 016 и взя кийждо рукою за главу искренняго своего, и мечь его в ребра искренняго его, и падоша вкупе: и наречеся имя месту тому Часть Наветников, яже есть в Гаваоне. 010 2SA 002 017 И бысть брань жестока зело в той день: и паде Авенир и мужие Израилстии пред отроки Давидовы. 010 2SA 002 018 И быша тамо три сынове Саруиевы, Иоав и Авесса и Асаил: Асаил же бе легок ногама своима, яко едина серна от сущих на селе. 010 2SA 002 019 И погна Асаил вслед Авенира, и не уклонися ни на десно ни на лево, но вслед Авенира: 010 2SA 002 020 и озреся Авенир назад себе и рече: ты ли еси сам, Асаиле? И рече: аз есмь. 010 2SA 002 021 И рече ему Авенир: уклонися ты на десно или на шуее, и возми себе единаго от отрок, и возми себе все оружие его. И не восхоте Асаил уклонитися от него. 010 2SA 002 022 И приложи еще Авенир глаголати ко Асаилу: отступи от мене, да не поражу тя о землю: и како явлю лице мое ко Иоаву? 010 2SA 002 023 И где суть сия? Возвратися ко Иоаву брату твоему. И не хотяше отступити. И удари его Авенир копием созади в лядвия: и пройде копие сквозе его, и паде тамо и умре пред ним: и бысть всяк приходяй до места, идеже паде Асаил и умре, и остановляшеся. 010 2SA 002 024 И погнаша Иоав и Авесса вслед Авенира, и солнце заходяше: и тии приидоша даже до холма Амма, иже есть пред лицем Гаи, путь пустыни Гаваони. 010 2SA 002 025 И собрашася сынове Вениаминовы за Авениром и быша в снитии единем, и сташа на версе холма единаго. 010 2SA 002 026 И воззва Авенир ко Иоаву и рече: еда в победу пояст мечь? Или не веси, яко горька будут последняя? И доколе не речеши людем возвратитися созади братий наших? 010 2SA 002 027 И рече Иоав: жив Господь, яко, аще бы не рекл еси, тогда от утра бы людие мои престали гоняще кийждо вслед брата своего. 010 2SA 002 028 И воструби Иоав трубою, и сташа вси людие, и не погнаша вслед Израилтян, и не приложиша ктому ратовати. 010 2SA 002 029 Авенир же и мужие его идоша на запад всю нощь ону, и преидоша Иордан, и проидоша всю страну ту, и приидоша в Полк. 010 2SA 002 030 И Иоав возвратися вспять от Авенира, и собра вся люди, и исчислиша отрок Давидовых (падших) девятьнадесять мужей, и Асаила. 010 2SA 002 031 Отроцы же Давидовы убиша сынов Вениаминих мужей Авенировых триста и шестьдесят мужей. 010 2SA 002 032 И взяша Асаила, и погребоша его во гробе отца его в Вифлееме. И иде Иоав и мужие его с ним всю нощь, и осветоша в Хевроне. 010 2SA 003 001 И бысть брань на много между домом Саулим и между домом Давидовым, и дом Давидов возвышашеся и укрепляшеся, дом же Сауль идяше и изнемогаше. 010 2SA 003 002 И родишася Давиду в Хевроне сынов шесть: и бе первородный ему Амнон от Ахинаамы Иезраилитыни, 010 2SA 003 003 и вторый ему сын Далуиа от Авигеи Кармилския, и третий Авессалом сын Маахи дщере Фолми царя Гессирска, 010 2SA 003 004 четвертый Адониа сын Аггифы, и пятый Сафатиа от Авиталы, 010 2SA 003 005 и шестый Иефераам от Еглы жены Давидовы: сии родишася Давиду в Хевроне. 010 2SA 003 006 И бысть внегда быти брани между домом Саулим и между домом Давидовым, и бяше Авенир держа дом Саулов. 010 2SA 003 007 И Саулова подложница бе, ейже бе имя Ресфа, дщерь Иоля. И вниде к ней Авенир, и рече Иевосфей сын Сауль ко Авениру: что яко вшел еси к подложнице отца моего? 010 2SA 003 008 И разгневася зело Авенир о словеси сем на Иевосфеа и рече ему Авенир: еда песия глава есмь аз? Сотворих днесь милость дому Саула отца твоего и братии и знаемым, и не отступих в дом Давидов, и ищеши на мне ты о неправде жены днесь? 010 2SA 003 009 Сия да сотворит Бог Авениру и сия да приложит ему, зане якоже клятся Господь Давиду, тако сотворю ему в сей день, 010 2SA 003 010 еже отяти царство от дому Сауля и воздвигнути престол Давидов во Израили и во Иуде от Дана даже до Вирсавии. 010 2SA 003 011 И не возможе ктому Иевосфей отвещати Авениру словесе от боязни, яже к нему. 010 2SA 003 012 И посла Авенир к Давиду послы в Фелам, идеже бе, абие, глаголя: положи завет твой со мною, и се, рука моя с тобою, еже возвратити ми к тебе весь дом Израилев. 010 2SA 003 013 И рече Давид: добре, аз положу с тобою завет, токмо словесе единаго прошу у тебе, глаголя: не имаши видети лица моего, аще не приведеши Мелхолы дщере Саули, приходящу ти видети лице мое. 010 2SA 003 014 И посла Давид ко Иевосфею сыну Саулю вестники, глаголя: отдаждь мне жену мою Мелхолу, юже взях за сто необрезаний иноплеменничих. 010 2SA 003 015 И посла Иевосфей, и взят ю от мужа ея от Фалтиила сына Селлимова. 010 2SA 003 016 И идяше муж ея с нею плачася даже до Варакима. И рече к нему Авенир: иди, возвратися. И возвратися. 010 2SA 003 017 И рече Авенир к старейшинам Израилевым, глаголя: вчера и третияго дне искасте Давида, да царствует над вами: 010 2SA 003 018 и ныне сотворите, якоже Господь глагола о Давиде, глаголя: рукою раба Моего Давида спасу люди Моя Израиля от руки иноплеменничи и от руки всех врагов их. 010 2SA 003 019 И глагола Авенир во ушы Вениамину: и иде Авенир глаголати во ушы Давидовы в Хеврон вся, елика угодна беша пред очима Израилевыма и пред очима всего дому Вениаминя. 010 2SA 003 020 И прииде Авенир к Давиду в Хеврон, и с ним двадесять мужей. И сотвори Давид пир Авениру и мужем его иже с ним. 010 2SA 003 021 И рече Авенир к Давиду: востану ныне и пойду и соберу к господину моему царю всего Израиля, и положу с ним завет, и царствовати имаши всеми, ихже желает душа твоя. И посла Давид Авенира, и иде с миром. 010 2SA 003 022 И се, отроцы Давидовы и Иоав идяху от исхода и корысть многу несяху с собою, и Авенир уже не бе с Давидом в Хевроне, яко отслан бяше, и отиде с миром. 010 2SA 003 023 Иоав же и все воинство его прииде: и возвестиша Иоаву, глаголюще: прихождаше Авенир сын Ниров к Давиду, и отсла его, и отиде с миром. 010 2SA 003 024 И вниде Иоав к царю и рече: что сие сотворил еси? Се, прихождаше Авенир к тебе, и почто отпустил еси его, и отиде с миром? 010 2SA 003 025 Или не веси злобы Авенира сына Нирова, яко слукавствовати к тебе прииде, и уразумети исход твой и вход твой, и уведати вся елика твориши ты? 010 2SA 003 026 И возвратися Иоав от Давида, и посла послы вслед Авенира, и возвратиша его от кладязя Сеирамска: Давид же не ведяше. 010 2SA 003 027 И возврати Авенира в Хеврон, и соврати его Иоав на страну от врат глаголати к нему лукавно: и удари его в лядвия, и умре в крови Асаила брата Иоавля. 010 2SA 003 028 И услыша Давид по сих и рече: чист есмь аз и царство мое от Господа и отныне и до века от крове Авенира сына Нирова: 010 2SA 003 029 да снидет на главу Иоавлю и на весь дом отца его, и да не оскудеет от дому Иоавля изливаяй семя, и прокаженный, и держайся жезла, и падаяй оружием, и умаленный хлебами. 010 2SA 003 030 Иоав же и Авесса брат его наблюдаху Авенира, понеже уби Асаила брата их в Гаваоне на брани. 010 2SA 003 031 И рече Давид ко Иоаву и ко всем людем его: раздерите ризы вашя и препояшитеся вретищы, и рыдайте о Авенире. Сам же царь Давид идяше вслед одра. 010 2SA 003 032 И погребоша Авенира в Хевроне. И воздвиже царь глас свой и плакася над гробом его, и вси людие плакаша о Авенире. 010 2SA 003 033 И плакася царь над Авениром и рече: еда смертию Навала умре Авенир? 010 2SA 003 034 Руце твои не связаны, нозе твои не во оковах: не приступил еси якоже Навал, пред сынми неправды пал еси. И собрашася вси людие плакатися его, 010 2SA 003 035 и приидоша вси людие предложити Давиду ясти хлебы еще сущу дни. И клятся Давид, глаголя: сия да сотворит ми Бог и сия да приложит, яко аще не зайдет солнце, не имам вкусити хлеба ни иного чего. 010 2SA 003 036 И познаша вси людие, и угодна быша пред ними вся, елика сотвори царь пред людьми. 010 2SA 003 037 И разумеша вси людие и весь Израиль в той день, яко не бысть от царя убийства Авениру сыну Нирову. 010 2SA 003 038 И рече царь отроком своим: не весте ли, яко властелин велик паде в сей день во Израили? 010 2SA 003 039 И яко аз есмь ближний днесь и возставлен в царя? Мужие же сии сынове Саруины жесточайшии мене суть: да воздаст Господь творящему лукавная по злобе его. 010 2SA 004 001 И слыша Иевосфей сын Сауль, яко умре Авенир сын Ниров в Хевроне, и ослабеша руце его, и вси мужие Израилевы изнемогоша. 010 2SA 004 002 И два мужа старейшины полков Иевосфеа сына Сауля: имя единому Ваана и имя другому Рихав, сынове Реммона Вирофейскаго от сынов Вениаминих: яко Вироф вменяшеся в сынех Вениаминих. 010 2SA 004 003 И отбегоша Вирофее в Гефем, и беша тамо живуще до днешняго дне. 010 2SA 004 004 И Ионафану сыну Саулю сын бе хром ногама, сын пяти лет: и той, егда прииде возвещение о Сауле и Ионафане сыне его от Иезраеля, и взят его пестунница его, и бежа: и бысть тщащейся ей на отшествие, и паде, и охроме, имя же ему Мемфивосфей. 010 2SA 004 005 И поидоста сынове Реммона Вирофейскаго, Рихав и Ваана, и внидоста во время зноя дневнаго в дом Иевосфеов, и той почиваше на одре в полудне: 010 2SA 004 006 и се, вратник дому очищаше пшеницу и воздрема и спаше, Рихав же и Ваана братия утаившася внидоста в дом: 010 2SA 004 007 Иевосфей же почиваше на одре своем в ложнице своей: и биста его, и умертвиста его, и отяста главу его, и взяста главу его, и отидоста путем иже на запад всю нощь: 010 2SA 004 008 и принесоста главу Иевосфеову к Давиду в Хеврон и реста к царю: се, глава Иевосфеа сына Саулова врага твоего, иже искаше души твоея, и даде Господь господину нашему царю отмщение врагов его, якоже день сей, от Саула врага твоего и от семене его. 010 2SA 004 009 И отвеща Давид Рихаву и Ваане брату его, сыном Реммона Вирофейскаго, и рече има: жив Господь, иже избави душу мою от всякия скорби: 010 2SA 004 010 ибо возвестивый мне, яко умре Саул и Ионафан, и той бяше аки благовествуяй предо мною, и ях его и убих его в Секелазе, емуже должен бех дати дар: 010 2SA 004 011 и ныне мужие лукавии убиша мужа праведна в дому его на одре его, и ныне взыщу крове его от руки вашея и искореню вас от земли. 010 2SA 004 012 И заповеда Давид отроком своим, и убиша их, и отсекоша руце их и нозе их, и повесиша их над источником в Хевроне, и главу Иевосфеову погребоша во гробе Авенира сына Нирова (в Хевроне). 010 2SA 005 001 И приидоша вся племена Израилева к Давиду в Хеврон и глаголаша ему: се, кости твоя и плоть твоя мы есмы: 010 2SA 005 002 и вчера и третияго дне Саулу сущу царю над нами, ты был еси вводяй и изводяй Израиля, и рече Господь к тебе: ты упасеши люди Моя Израиля и ты будеши вождь людем Моим Израилю. 010 2SA 005 003 И приидоша вси старейшины Израилевы к царю в Хеврон, и положи им царь Давид завет в Хевроне пред Господем: и помазаша Давида на царство над всем Израилем. 010 2SA 005 004 Сын тридесяти лет Давид внегда воцаритися ему, и царствова четыредесять лет: 010 2SA 005 005 седмь лет и месяцей шесть царствова в Хевроне над Иудою, и тридесять три лета царствова над всем Израилем и Иудою во Иерусалиме. 010 2SA 005 006 И пойде Давид и вси мужие его во Иерусалим ко Иевусею, живущему на земли той. И реша Давиду: не внидеши семо, яко восташа хромии и слепии глаголюще: яко не внидет Давид семо. 010 2SA 005 007 И взя Давид крепость Сионю: сия есть град Давидов. 010 2SA 005 008 И рече Давид в день той: всяк поражаяй Иевусеа да касается мечем и хромых и слепых и ненавидящих души Давидовы. Сего ради рекут: слепии и хромии не внидут в дом Господень. 010 2SA 005 009 И седе Давид в крепости, и наречеся сия град Давидов: и созда той град около от Краеградия, и дом свой. 010 2SA 005 010 И идяше Давид идый и величаемь, и Господь Вседержитель с ним. 010 2SA 005 011 И посла Хирам царь Тирский послы к Давиду, и древа кедрова, и древоделей, и каменоделателей, и создаша дом Давиду. 010 2SA 005 012 И уразуме Давид, яко уготова его Господь в царя над Израилем, и яко вознесеся царство его людий Его ради Израиля. 010 2SA 005 013 И поят Давид еще жены и подложницы от Иерусалима по пришествии своем от Хеврона: и быша Давиду еще сынове и дщери. 010 2SA 005 014 И сия имена родившымся ему во Иерусалиме: Самус и Совав, и Нафан и Соломон, 010 2SA 005 015 и Евеар и Елисуе, и Нафек и Иефие, 010 2SA 005 016 и Елисама и Елидае и Елифалаф, Самае, Иесиваф, Нафан, Галамаан, Иеваар, Феисус, Елифалаф, Нагеф, Нафек, Ианафан и Леасамис, Ваалимаф, Елифааф. 010 2SA 005 017 И услышаша иноплеменницы, яко помазася Давид царь над Израилем, и взыдоша вси иноплеменницы искати Давида. И услыша Давид, и сниде в крепость. 010 2SA 005 018 Иноплеменницы же приидоша и соединишася во юдоли Титанстей. 010 2SA 005 019 И вопроси Давид Господа, глаголя: взыду ли ко иноплеменником? И предаси ли я в руце мои? И рече Господь к Давиду: взыди, яко предая предам иноплеменники в руце твои. 010 2SA 005 020 И прииде Давид с Вышних Сечей и посече иноплеменники тамо. И рече Давид: изсече Господь враги моя иноплеменники предо мною, якоже пресекаются воды. Сего ради наречеся имя места того Свыше Сечей. 010 2SA 005 021 И оставиша тамо (иноплеменницы) боги своя, и взя их Давид и мужие иже с ним (и рече Давид сожещи их во огни). 010 2SA 005 022 И приложиша паки приити иноплеменницы и собрашася на юдоли Титанстей. 010 2SA 005 023 И вопроси Давид Господа: взыду ли ко иноплеменником? И предаси ли их в руце мои? И рече ему Господь: не исходи на сретение им, но уклонися от них, и приступиши к ним близ дубравы плача: 010 2SA 005 024 и будет, егда услышиши глас шума от дубравы плача, тогда снидеши к ним, яко тогда изыдет Господь пред тобою сещи на брани иноплеменники. 010 2SA 005 025 И сотвори Давид, якоже заповеда ему Господь, и изби иноплеменники от Гаваона даже до земли Газира. 010 2SA 006 001 И собра Давид еще всякаго юношу от Израиля, яко седмьдесят тысящ. 010 2SA 006 002 И воста и иде Давид и вси людие, иже с ним, и от князей Иудиных, на восход, еже вознести оттуду кивот Божий, над нимже призвася имя Господа Сил, седящаго на херувимех над ним: 010 2SA 006 003 и возложиша кивот Господень на колесницу нову, и отвезоша его из дому и Аминадавля иже на холме: Оза же и братия его сынове Аминадавли везяху колесницу с кивотом (Господним): 010 2SA 006 004 и братия его идяху пред кивотом (Божиим), 010 2SA 006 005 Давид же и сынове Израилевы (идяху) пред Господем, играюще во органы устроенныя в крепости, и в пениих и в гуслех, и в свирелех и в тимпанех, и в кимвалех и в цевницах, 010 2SA 006 006 и приидоша до гумна Нахорова. И простре Оза руку свою на кивот Божий придержати его, и ятся за него, понеже превращаше его телец. 010 2SA 006 007 И разгневася гневом Господь на Озу и порази его тамо Бог, и умре тамо у кивота Господня пред Богом. 010 2SA 006 008 И опечалися Давид, понеже порази Господь поражением Озу: и наречеся место то поражение Озино и до сего дне. 010 2SA 006 009 И убояся Господа Давид в день той, глаголя: како внидет ко мне кивот Господень? 010 2SA 006 010 И не хотяше Давид, да приидет к нему кивот завета Господня во град Давидов: и уклони его Давид в дом Аведдара Гефеанина. 010 2SA 006 011 И стояше кивот Господень в дому Аведдара Гефеанина месяцы три, и благослови Господь весь дом Аведдаров и вся, яже его. 010 2SA 006 012 И возвестиша царю Давиду, глаголюще: благослови Господь дом Аведдаров и вся, яже его, кивота ради Божия. И иде Давид, и взя кивот Божий из дому Аведдарова во град Давидов в веселии: 010 2SA 006 013 и беша с ним несуще кивот Господень седмь ликов, и жертва телец и агнцы: 010 2SA 006 014 и Давид бряцаше во органы устроены пред Господем, и оболчен бысть Давид во одежду изящну: 010 2SA 006 015 и Давид и весь дом Израилев несяху кивот Господень с воплем и со гласом трубным. 010 2SA 006 016 И бысть кивоту приносиму ко граду Давидову, и Мелхола дщи Саулова приницаше оконцем и виде царя Давида скачуща и играюща пред Господем, и уничижи его в сердцы своем. 010 2SA 006 017 И внесоша кивот Господень, и поставиша его на месте его посреде скинии, юже постави ему Давид: и вознесе Давид всесожигаемая пред Господа и мирная, 010 2SA 006 018 и соверши Давид возносяй всесожжения и мирная, и благослови люди о имени Господа Сил, 010 2SA 006 019 и раздели всем людем на всю силу Израилеву от Дана даже до Вирсавии, и от мужа даже до жены, коемуждо по укруху хлеба, и по части печенаго мяса, и по сковрадному млину. И отидоша вси людие, кийждо в дом свой. 010 2SA 006 020 И возвратися Давид благословити дом свой, и изыде Мелхола дщи Саулова на сретение Давиду, и благослови его и рече: коль прославися днесь царь Израилев, иже открыся днесь пред очима рабынь рабов своих, якоже открывается открывшийся един от пляшущих? 010 2SA 006 021 И рече Давид к Мелхоле: пред Господем плясати буду: и благословен Господь, иже избра мя паче отца твоего и паче всего дому его, поставити мя властелина над людьми Своими над Израилем, и буду играти и плясати пред Господем: 010 2SA 006 022 и открыюся еще такожде и буду непотребен пред очима твоима, и с рабынями, о нихже рекла еси, непрославлену быти ми. 010 2SA 006 023 И у Мелхолы дщере Саули не бысть детища до дне смерти ея. 010 2SA 007 001 И бысть егда сяде царь в дому своем, и Господь унаследи его окрест от всех врагов его окрестных, 010 2SA 007 002 и рече царь к Нафану пророку: се, ныне аз живу в дому кедровем, кивот же Божий стоит посреде скинии. 010 2SA 007 003 И рече Нафан к царю: вся елика суть в сердцы твоем, иди и твори, яко Господь с тобою. 010 2SA 007 004 И бысть в нощи той, и бысть слово Господне к Нафану, глаголя: 010 2SA 007 005 иди и рцы рабу Моему Давиду: сия глаголет Господь: не ты созиждеши Мне дом, еже обитати Мне: 010 2SA 007 006 яко не обитах в дому, от негоже дне изведох сыны Израилевы из земли Египетския до дне сего, но бех ходя во обиталищи и в кущи, 010 2SA 007 007 во всех идеже хождах во всем Израили: аще глаголя глаголах ко единому колену Израилеву, емуже заповедах пасти люди Моя Израиля, глаголя: почто не создасте Ми дому кедрова? 010 2SA 007 008 И ныне сия речеши рабу Моему Давиду: сице глаголет Господь Вседержитель: поях тя от пажити овчия на властелинство людем Моим Израилю, 010 2SA 007 009 и бех с тобою во всех, аможе ходил еси, и искорених вся враги твоя от лица твоего, и сотворих тя именита по имени великих иже на земли, 010 2SA 007 010 и положу место людем Моим Израилю, и насажду их, и вселятся о себе сами, и не попекутся ктому: и не приложит сын неправды обидети их, якоже исперва, 010 2SA 007 011 и от дний в няже поставих судии в людех Моих во Израили: и упокою тя от всех враг твоих: и возвестит ти Господь, яко созиждеши дом Ему: 010 2SA 007 012 и будет егда исполнятся дние твои, и уснеши со отцы твоими, и возставлю семя твое по тебе, иже будет от чрева твоего, и уготовлю царство его: 010 2SA 007 013 той созиждет дом имени Моему, и управлю престол его до века: 010 2SA 007 014 Аз буду ему во отца, и той будет Ми в сына: и аще приидет неправда его, и обличу его жезлом мужей и язвами сынов человеческих: 010 2SA 007 015 милости же Моея не отставлю от него, якоже отставих от тех, ихже отставих от лица Моего: 010 2SA 007 016 и верен будет дом его и царство его до века предо Мною: и престол его будет исправлен во век. 010 2SA 007 017 По всем словесем сим и по всему видению сему, тако глагола Нафан ко Давиду. 010 2SA 007 018 И вниде царь Давид и седе пред Господем и рече: кто есмь аз, Господи мой, Господи? И что дом мой, яко возлюбил мя еси даже до сих? 010 2SA 007 019 И мала сия пред Тобою суть, Господи мой, Господи, и глаголал еси о доме раба Твоего вдалеко: сей же закон человека, Господи мой, Господи: 010 2SA 007 020 и что приложит Давид еще глаголати к Тебе? И ныне Ты веси раба Твоего, Господи мой, Господи, 010 2SA 007 021 и раба Твоего ради сотворил еси и по сердцу Твоему сотворил еси все величество сие, сказати рабу Твоему, 010 2SA 007 022 величия ради Твоего, Господи мой, Господи: несть бо ин якоже Ты, и несть Бога разве Тебе во всех, яже слышахом ушима нашима: 010 2SA 007 023 и кто якоже людие Твои Израиль язык ин на земли? Яко настави их Бог, еже избавити Себе людий, еже положити Тебе имя, еже сотворити величие и просвещение, еже изринути тебе от лица людий Твоих, ихже избавил еси Себе от Египта, языки и селения, 010 2SA 007 024 и уготовал еси Себе люди Твоя Израиля в люди до века, и Ты, Господи, был еси им в Бога: 010 2SA 007 025 и ныне, Господи мой, Господи, слово, еже глаголал еси о рабе Твоем и о доме его, увери до века, якоже глаголал еси, сотвори: 010 2SA 007 026 и ныне да возвеличится имя Твое до века, глаголя: Господь Вседержитель Бог над Израилем, и дом раба Твоего Давида да будет исправлен пред Тобою: 010 2SA 007 027 яко Ты Господь Вседержитель Бог Израилев, отверзл еси ухо рабу Твоему, глаголя: дом созижду тебе: сего ради обрете раб Твой сердце свое еже помолитися к Тебе молитвою сею: 010 2SA 007 028 и ныне, Господи мой, Господи, Ты еси Бог, и словеса Твоя будут истинна, и глаголал еси о рабе Твоем благая сия, 010 2SA 007 029 и ныне начни и благослови дом раба Твоего, еже быти ему во век пред Тобою, яко Ты, Господи мой, Господи, глаголал еси, и от благословения Твоего да благословится дом раба Твоего, еже быти во век пред Тобою. 010 2SA 008 001 И бысть по сих, и порази Давид иноплеменники и победи их, и взя Давид отлученное от руки иноплеменничи. 010 2SA 008 002 И порази Давид Моава, и размери их ужами, положив их на земли: и быша два ужа на умерщвление, и два ужа на оживление: и бысть Моав Давиду в раба дающа дань. 010 2SA 008 003 И порази Давид Адраазара сына Раава царя Сувска, идущу ему поставити руку свою на реце Евфрате: 010 2SA 008 004 и предвзя Давид от него тысящу колесниц и седмь тысящ конник и двадесять тысящ мужей пешцев, и разруши Давид вся колесницы, и остави себе от них сто колесниц. 010 2SA 008 005 И прииде Сириа Дамаскова помощи Адраазару царю Сувску, и порази Давид от Сирии двадесять две тысящы мужей, 010 2SA 008 006 и постави Давид стражу в Сирии, яже под Дамаском, и бысть Сириа Давиду в рабы дающыя дань: и спасе Господь Давида во всех, аможе хождаше. 010 2SA 008 007 И взя Давид гривны златыя, яже быша на отроцех Адраазара царя Сувска, и принесе я во Иерусалим: и взя их Сусаким царь Египетск, егда взыде во Иерусалим во дни Ровоама сына Соломоня. 010 2SA 008 008 И от Метевака и от избранных градов Адраазаровых взя Давид медь многу зело, из неяже сотвори Соломон море медяно и столпы, и умывалницы и вся сосуды. 010 2SA 008 009 И услыша Фоа царь Имафский, яко порази Давид всю силу Адраазарову, 010 2SA 008 010 и посла Фоа Иеддурама сына своего к царю Давиду вопросити его яже о мире, и благословити его, понеже победи Адраазара и уби его, зане сопротивляяся бе Адраазару: и в руку его быша сосуды сребряны и сосуды златы и сосуды медяны: 010 2SA 008 011 и сия освяти царь Давид Господу со сребром и златом, еже освяти от всех градов, имиже возоблада, 010 2SA 008 012 от Идумеи и от Моава, и от сынов Аммоних и от иноплеменник, и от Амалика и от корыстей Адраазара сына Раава, царя Сувска. 010 2SA 008 013 И сотвори Давид (себе) имя: и егда возвращашеся, порази Идумею в Гевелеме, до осминадесять тысящ: 010 2SA 008 014 и постави во Идумеи Давид стражу, во всей Идумеи, и быша вси Идумеане раби царю Давиду: и спасе Господь Давида во всех, аможе хождаше. 010 2SA 008 015 И царствова Давид над всем Израилем, и бе Давид творяй суд и правду над всеми людьми своими. 010 2SA 008 016 И Иоав сын Саруин над воинствы (его), и Иосафат сын Ахилудов над памятописанми, 010 2SA 008 017 и Садок сын Ахитов и Ахимелех сын Авиафарь жерцы, и Саса книжник, 010 2SA 008 018 и Ванеа сын Иодаев советник, и Хелефий и Фелетий, и сынове Давидовы началницы двора быша. 010 2SA 009 001 И рече Давид: есть ли еще оставшийся в дому Саули, и сотворю с ним милость Ионафана ради? 010 2SA 009 002 И от дому Сауля бе отрок, и имя ему Сива: и призваша его к Давиду, и рече к нему царь: ты ли еси Сива? И рече: аз раб твой. 010 2SA 009 003 И рече царь: остася ли от дому Сауля еще муж, и сотворю с ним милость Божию? И рече Сива к царю: еще есть сын Ионафанов, хром ногама. 010 2SA 009 004 И рече царь: где есть? И рече Сива к царю: се, в дому Махира сына Амииля от Лодавара. 010 2SA 009 005 И посла царь Давид, и взя его из дому Махира сына Амииля от Лодавара. 010 2SA 009 006 И прииде Мемфивосфей сын Ионафана сына Саулова к царю Давиду, и паде на лицы своем и поклонися ему. И рече ему Давид: Мемфивосфее. И рече: се, раб твой. 010 2SA 009 007 И рече ему Давид: не бойся, яко творя сотворю с тобою милость Ионафана ради отца твоего, и возвращу тебе вся села Саула деда твоего, и ты яждь хлеб на трапезе моей всегда. 010 2SA 009 008 И поклонися ему Мемфивосфей и рече: кто есмь аз раб твой, яко призрел еси на пса умершаго подобнаго мне? 010 2SA 009 009 И призва царь Сиву отрочища Сауля, и рече ему: вся елика суть Сауля и весь дом его дах сыну господина твоего: 010 2SA 009 010 и делай ему землю ты и сынове твои и раби твои, и да приносиши сыну господина твоего хлебы, да яст: и Мемфивосфей сын господина твоего да яст хлеб всегда на трапезе моей. У Сивы же бяху пятьнадесять сынов и двадесять рабов. 010 2SA 009 011 И рече Сива к царю: по всем, елика заповеда господин мой царь рабу своему, тако сотворит раб твой. И Мемфивосфей ядяше на трапезе Давидове, якоже един от сынов царевых. 010 2SA 009 012 И Мемфивосфею сын бе мал, и имя ему Миха, и все обитание дому Сивина раби бяху Мемфивосфеовы. 010 2SA 009 013 И Мемфивосфей живяше во Иерусалиме, яко на трапезе цареве ядяше всегда: и той бяше хром обема ногама своима. 010 2SA 010 001 И бысть по сих, и умре царь сынов Аммоних, и царствова сын его Аннон вместо его. 010 2SA 010 002 И рече Давид: сотворю милость со Анноном сыном Наасовым, имже образом сотвори отец его милость со мною. И посла Давид утешити его рукою рабов своих о отце его. И приидоша отроцы Давидовы в землю сынов Аммоних. 010 2SA 010 003 И реша старейшины сынов Аммоних ко Аннону господину своему: еда прославления ради отца твоего пред тобою посла к тебе Давид утешители? Не да испытают ли град, и соглядают его, еже разрушити его, посла Давид рабы своя к тебе? 010 2SA 010 004 И взя Аннон отроки Давидовы, и остриже половину брад их, и обреза одеяния их половину даже до чресл их, и отпусти их. 010 2SA 010 005 И возвестиша Давиду о мужех, и посла в сретение им, яко беша мужие тии обезчещени зело. И рече царь: седите во Иерихоне, дондеже возрастут брады вашя, и возвратитеся. 010 2SA 010 006 И видеша сынове Аммони, яко посрамлени быша людие Давидовы: и послаша сынове Аммони, и наяша Сирию Вефраамлю, и Сирию Сувску и Роовлю двадесять тысящ пешцев, и царя Амалика Мааха тысящу мужей, и Истова дванадесять тысящ мужей. 010 2SA 010 007 И слыша Давид, и посла Иоава и всю силу сильных. 010 2SA 010 008 И изыдоша сынове Аммони, и устроиша брань пред враты града: Сириа же Сувска и Роов, и Истов и Амалик, едини (сташа) на селе. 010 2SA 010 009 И виде Иоав, яко бысть на него противное лице брани сопреди и созади, и избра от всех юнош Израилевых, и устрои их противу Сириан, 010 2SA 010 010 останок же людий даде в руце брату своему Авессе и устрои я противу сынов Аммоних, 010 2SA 010 011 и рече (Иоав ко Авессе): аще укрепится Сириа паче мене, и будете мне на спасение: аще же укрепятся сынове Аммони паче тебе, и будем спасати тя: 010 2SA 010 012 мужаимся и укрепимся о людех наших и о градех Бога нашего, и Господь сотворит благое пред очима Своима. 010 2SA 010 013 И прииде Иоав и людие его с ним на брань на Сирию, и побегоша от лица его. 010 2SA 010 014 И видеша сынове Аммони, яко бежаша Сириане, и бежаша от лица Авессы и внидоша во град. И возвратися Иоав от сынов Аммоних, и прииде во Иерусалим. 010 2SA 010 015 И видеша Сириане, яко падоша пред Израилем, и собрашася вкупе. 010 2SA 010 016 И посла Адраазар, и собра Сирианы, иже об он пол реки Халамака, и приидоша во Елам: и Совак старейшина силы Адраазаровы пред ними. 010 2SA 010 017 И возвестиша Давиду, и собра всего Израиля, и прейде Иордан, и прииде во Елам. И устроишася Сириане на Давида, и брашася с ним, 010 2SA 010 018 и бежаша Сириане от лица Израилтян. И отя Давид от Сирии седмь сот колесниц и четыредесять тысящ конник, и Совака старейшину силы его уби, и умре тамо. 010 2SA 010 019 И видеша вси царие раби Адраазаровы, яко падоша пред Израилем, и пребегоша ко Израилю и работаша им: и убояшася Сириане спасати ктому сынов Аммоних. 010 2SA 011 001 И бысть по возвращении лета, во время исхождения царей (на брань), и посла Давид Иоава и отроки своя с ним, и всего Израиля: и расточиша сыны Аммони и обседоша окрест Раввафа, и Давид седе во Иерусалиме. 010 2SA 011 002 И бысть при вечере, и воста Давид от ложа своего, и хождаше на крове дому царскаго, и увиде жену с крова мыющуюся: жена же взором добра велми: 010 2SA 011 003 и посла Давид, и взыска жену, и рече: не сия ли Вирсавиа дщерь Елиавля, жена Урии Хеттеанина? 010 2SA 011 004 И посла Давид слуги, и взя ю, и вниде к ней, и преспа с нею: и та бе очистилася от нечистоты своея, и возвратися в дом свой. 010 2SA 011 005 И зачат жена во чреве: и пославши возвести Давиду и рече: се, аз есмь во чреве имущая. 010 2SA 011 006 И посла Давид ко Иоаву, глаголя: посли ко мне Урию Хеттеанина. И посла Иоав Урию к Давиду. 010 2SA 011 007 И прииде Уриа и вниде к нему, и вопроси его Давид о мире Иоава и о мире людий и о мире брани. 010 2SA 011 008 И рече Давид ко Урии: иди в дом твой, и умый нозе твои. И изыде Уриа из дому царева, и иде вслед его снедь царева. 010 2SA 011 009 И спа Уриа пред враты дому царева с рабы господина своего, а не иде в дом свой. 010 2SA 011 010 И возвестиша Давиду, глаголюще: яко не ходи Уриа в дом свой. И рече Давид ко Урии: не с пути ли пришел еси? Почто не вшел еси в дом твой? 010 2SA 011 011 И рече Уриа к Давиду: кивот Божий и Израиль и Иуда пребывают в кущах, и господин мой Иоав и раби господина моего на лицы сел пребывают, аз же вниду ли в дом мой ясти и пити и спати с женою моею? Како? Жива душа твоя, аще сотворю глагол сей. 010 2SA 011 012 И рече Давид ко Урии: поседи зде и днесь, и заутра отпущу тя. И пребысть Уриа во Иерусалиме в той день и во утрешний. 010 2SA 011 013 И призва его Давид, и яде пред ним и пияше, и упои его, и отиде в вечер спати на ложе свое с рабы господина своего, в дом же свой не иде. 010 2SA 011 014 И бысть утро, и написа Давид писание ко Иоаву, и посла рукою Урииною. 010 2SA 011 015 И написа в писании, глаголя: введи Урию противу брани крепкия и возвратитеся вспять от него, да язвен будет и умрет. 010 2SA 011 016 И бысть егда стрежаше Иоав у града, и постави Урию на месте, идеже ведяше, яко мужие сильни тамо. 010 2SA 011 017 И изыдоша мужие из града и бияхуся со Иоавом: и падоша от людий от рабов Давидовых, умре же и Уриа Хеттеанин. 010 2SA 011 018 И посла Иоав, и возвести Давиду вся словеса, яже о брани, глаголати к царю. 010 2SA 011 019 И заповеда (Иоав) послу, глаголя: егда скончаеши вся речи, яже от брани, к царю глаголати, 010 2SA 011 020 и будет аще разгневается царь и речет ти: почто приближистеся ко граду на брань? Не ведасте ли, яко стреляти будут с стены? 010 2SA 011 021 Кто уби Авимелеха сына Иеровааля сына Нирова? Не жена ли верже нань уломком жернова с стены, (и урази его, ) и умре в Фамасе? Почто приступасте к стене? И речеши: и раб твой Уриа Хеттеанин (убиен бысть, и) умре. 010 2SA 011 022 И иде посол Иоавль к царю во Иерусалим, и прииде, и возвести Давиду вся, елика глагола ему Иоав, вся глаголы брани. И разгневася Давид на Иоава и рече к послу: почто приближистеся ко граду битися? Не ведасте ли, яко язвени будете со стены? Кто уби Авимелеха сына Иеровааля? Не жена ли верже нань уломок жернова со стены, и умре в Фамасе? Почто приближистеся к стене? 010 2SA 011 023 И рече посол к Давиду: яко укрепишася на ны мужие и изыдоша на ны на село, и гонихом я до врат града: 010 2SA 011 024 и стреляша стрелцы со стены на рабы твоя, и умроша от отрок царских, и раб твой Уриа Хеттеанин умре. 010 2SA 011 025 И рече Давид к послу: сице да речеши ко Иоаву: да не будет зло пред очима твоима слово сие, яко овогда убо сице, овогда же инако поядает мечь: укрепи брань твою на град, и раскопай и: и укрепи его. 010 2SA 011 026 И услыша жена Уриина, яко умре Уриа муж ея, и рыдаше по мужи своем. 010 2SA 011 027 И прейде плачь, и посла Давид, и введе ю в дом свой, и бысть ему жена, и роди ему сына. И зол явися глагол, егоже сотвори Давид, пред очима Господнима. 010 2SA 012 001 И посла Господь Нафана пророка к Давиду. И вниде к нему (и рече ему: отвещай ми, царю, ныне суд сей: ) и рече ему: два мужа беста во единем граде, един богат, а другий убог: 010 2SA 012 002 и у богатаго стада бяху и буйволи мнози зело, 010 2SA 012 003 у убогаго же ничтоже бе, но токмо агница едина мала, юже стяжа и снабде, и вскорми ю, и возрасте с ним и с сынами его вкупе: от хлеба его ядяше и от чаши его пияше, и на лоне его почиваше, и бе ему яко дщерь: 010 2SA 012 004 и прииде некто с пути к мужу богатому, и не восхоте взяти от стад своих и от буйволиц своих на сотворение обеда путнику пришедшу к нему: но взя агницу убогаго, и уготова ю на обед мужу пришедшу к нему. 010 2SA 012 005 И разгневася гневом зело Давид на мужа (того), и рече Давид к Нафану: жив Господь, яко сын смерти есть муж сотворивый сие: 010 2SA 012 006 и агницу возвратит седмерицею за сие, яко сотворил глагол сей, и за сие, яко не пощаде. 010 2SA 012 007 И рече Нафан к Давиду: ты еси муж сотворивый сие: сия глаголет Господь Бог Израилев: Аз есмь помазавый тя в царя над Израилем, и Аз есмь избавивый тя от руки Сауловы: 010 2SA 012 008 и дах ти дом господина твоего и жены господина твоего на лоно твое, и дах ти дом Израилев и Иудин: и аще мало ти есть, приложу тебе к сим: 010 2SA 012 009 и что яко презрел еси слово Господне, еже сотворити лукавое пред очима Его? Урию Хеттеанина убил еси мечем, и жену его поял еси себе в жену, и того убил еси мечем сынов Аммоних: 010 2SA 012 010 и ныне не отступит мечь от дому твоего до века: зане уничижил Мя еси и поял еси жену Урии Хеттеанина в жену себе: 010 2SA 012 011 сия глаголет Господь: се, Аз воздвигну на тя злая от дому твоего, и возму жены твоя пред очима твоима и дам ближнему твоему, и будет спати со женами твоими пред солнцем сим: 010 2SA 012 012 яко ты сотворил еси втайне, Аз же сотворю глаголгол сей пред всем Израилем и пред солнцем сим. 010 2SA 012 013 И рече Давид к Нафану: согреших ко Господу. И рече Нафан к Давиду: и Господь отя согрешение твое, не умреши: 010 2SA 012 014 обаче яко поощряя изострил еси врагов Господних глаголом сим, и сын твой родивыйся тебе смертию умрет. 010 2SA 012 015 И отиде Нафан в дом свой. И сокруши Господь детище, еже роди жена Уриина Давиду, и разболеся. 010 2SA 012 016 И взыска Давид Бога о детищи, и постися Давид постом, и вниде и водворися, и лежаше на земли: 010 2SA 012 017 и внидоша к нему старейшины дому его воздвигнути его от земли, и не восхоте, и не яде с ними хлеба. 010 2SA 012 018 И бысть в день седмый, и умре отроча. И убояшася раби Давидовы поведати ему, яко умре отроча, реша бо: се, егда отроча еще живо бяше, глаголахом к нему, и не послуша гласа нашего: и како речем к нему, яко умре отроча, и сотворит злая? 010 2SA 012 019 И разуме Давид, яко отроцы его шепчут, и позна Давид, яко умре отроча. И рече Давид отроком своим: умре ли отроча? И реша: умре. 010 2SA 012 020 И воста Давид от земли, и умыся и помазася, и измени ризы своя, и вниде в дом Божий, и поклонися ему, и вниде в дом свой, и проси ясти хлеба, и предложиша ему хлеб, и яде. 010 2SA 012 021 И реша отроцы его к нему: что глагол сей, егоже сотворил еси отрочате ради, яко еще сущу отрочати живу, постился еси и плакал и бдел еси: егда же умре отроча, востал, и ял еси хлеб, и пил еси? 010 2SA 012 022 И рече Давид: егда бе отроча еще живо, постихся и плаках, яко рех: кто весть, помилует ли мя Господь и живо будет отроча? 010 2SA 012 023 Ныне же умре, почто мне поститися? Еда возмогу возвратити е ктому? Аз имам ити к нему, тое же не возвратится ко мне. 010 2SA 012 024 И утеши Давид Вирсавию жену свою, и вниде к ней и спа с нею, и зача и роди сына, и нарече имя ему Соломон: и Господь возлюби его. 010 2SA 012 025 И посла рукою Нафана пророка, и нарече имя ему Иеддеди словом Господним. 010 2SA 012 026 Иоав же воева в Раввафе сынов Аммоних и взя град царства. 010 2SA 012 027 И посла Иоав вестники к Давиду и рече: воевах на Равваф и взях град вод: 010 2SA 012 028 и ныне собери останок людий и ополчися на град, и приими его, да не аз возму град, и наречется имя мое на нем. 010 2SA 012 029 И собра Давид вся люди, и пойде в Равваф, и ополчися нань, и взя его: 010 2SA 012 030 и взя венец Молхома царя их с главы его, талант злата вес его, и от камения драга, и бе на главе Давидове, и корысть изнесе из града многу зело: 010 2SA 012 031 и люди сущыя в нем изведе, и положи на пилы и на трезубы железны и секиры железны, и превождаше их сквозе пещь плинфяну. И тако сотвори всем градом сынов Аммоних. И возвратися Давид и весь Израиль во Иерусалим. 010 2SA 013 001 И бысть по сих, и у Авессалома сына Давидова бе сестра добра взором зело, имя же ей Фамарь, и возлюби ю Амнон сын Давидов: 010 2SA 013 002 и скорбяше Амнон, яко и разболетися (ему) сестры своея ради Фамары, зане дева бяше сия, и не удобно бе пред очима Амнонима что сотворити ей. 010 2SA 013 003 И бе Амнону друг, имя же ему Ионадав, сын Самаа брата Давидова, и Ионадав муж мудр зело. 010 2SA 013 004 И рече ему (Ионадав): что ти, яко ты тако болиши, сыне царев, утро утро? И не возвещаеши ми? И рече ему Амнон: Фамару сестру Авессалома брата моего аз люблю. 010 2SA 013 005 И рече ему Ионадав: лязи на постели твоей и разболися, и внидет отец твой видети тя, и речеши к нему: да приидет ныне Фамарь сестра моя, и да ми даст ясти, и да сотворит пред очима моима снедь, да увижду и вкушу от рук ея. 010 2SA 013 006 И ляже Амнон и разболеся: и вниде царь видети его. И рече Амнон к царю: да приидет ныне Фамарь сестра моя ко мне и да испечет два пряжма пред очима моима, и имам ясти от руку ея. 010 2SA 013 007 И посла Давид к Фамаре в дом, глаголя: иди ныне в дом Амнона брата твоего и сотвори ему снедь. 010 2SA 013 008 И иде Фамарь в дом Амнона брата своего, и той лежаше. И взя тесто, и смеси, и устрои пред очима его, и испече пряжма: 010 2SA 013 009 и взя сковраду и изложи пред него, и не восхоте ясти. И рече Амнон: изжените вся мужы от мене. И изгнаша вся мужы от него. 010 2SA 013 010 И рече Амнон к Фамаре: внеси ми снедь во внутреннюю храмину, и ям от руку твоею. И взя Фамарь пряжма, яже испече, и внесе Амнону брату своему во внутреннюю храмину, 010 2SA 013 011 и представи ему да яст. И ят ю, и рече ей: гряди, лязи со мною, сестро моя. 010 2SA 013 012 И рече ему: ни, брате мой, не обругай мене, понеже не сотворится тако во Израили, не сотвори безумия сего: 010 2SA 013 013 и аз камо скрыю безчестие мое? И ты будеши яко един от безумных во Израили: и ныне глаголи к царю, да не отлучит мене от тебе. 010 2SA 013 014 И не восхоте Амнон послушати гласа ея, и преодоле ей, и смири ю, и преспа с нею. 010 2SA 013 015 И возненавиде ю Амнон ненавистию великою зело, яко велиим ненавидением возненавиде ю паче любве, еюже любляше ю, и рече ей Амнон: востани и отиди. 010 2SA 013 016 И рече ему Фамарь: (ни, брате, ) яко злоба болши есть последняя паче первыя, юже сотворил еси со мною, еже отслати мене. И не восхоте Амнон слышати гласа ея. 010 2SA 013 017 И призва отрока своего, приставника дому своего, и рече ему: отсли ныне сию от мене вон, и заключи двери вслед ея. 010 2SA 013 018 И бе риза на ней испещрена, понеже тако облачахуся дщери царевы, сущыя девицы, во одежды своя. И изведе ю вон слуга его и затвори двери вслед ея. 010 2SA 013 019 И взя Фамарь пепел, и насыпа на главу свою, и одежду испещренную растерза на себе, и возложи руце свои на главу свою, и идущи идяше и вопияше. 010 2SA 013 020 И рече к ней Авессалом брат ея: еда Амнон брат твой бысть с тобою? И ныне, сестро моя, умолчи, яко брат твой есть: не полагай на сердцы твоем еже глаголати слово сие. И седе Фамарь вдовствующи в дому Авессалома брата своего. 010 2SA 013 021 И слыша царь Давид вся словеса сия, и разгневася зело, и не опечали духа Амнона сына своего, понеже любляше его, яко первенец бе ему. 010 2SA 013 022 И не глагола Авессалом со Амноном ни о добре, ни о зле, понеже возненавиде Авессалом Амнона того ради, понеже Фамару сестру его обругал. 010 2SA 013 023 И бысть по двух летех дний, и беша стригуще (овцы) Авессаломовы (раби) в Веласоре близ Ефрема: и призва Авессалом вся сыны царевы. 010 2SA 013 024 И прииде Авессалом ко царю и рече: се, ныне стригут рабу твоему, да идет убо царь и отроцы его с рабом твоим. 010 2SA 013 025 И рече царь ко Авессалому: ни, сыне мой, да не пойдем вси мы, и да не отяготим тя. И нуждаше его: и не восхоте (царь) ити, и благослови его. 010 2SA 013 026 И рече Авессалом к нему: аще же ни, поне да идет с нами Амнон брат мой. И рече ему царь: почто идет с тобою Амнон? 010 2SA 013 027 И принуди его Авессалом, и отпусти с ним Амнона и вся сыны царевы. И сотвори Авессалом пир, якоже творит пир царь. 010 2SA 013 028 И заповеда Авессалом отроком своим, глаголя: видите егда возблажает сердце Амноне от вина, и реку вам: поразите Амнона, и умертвите его: не убойтеся, яко не аз ли есмь повелеваяй вам? Мужайтеся и будите в сыны силы. 010 2SA 013 029 И сотвориша отроцы Авессаломли Амнону, якоже заповеда им Авессалом. И восташа вси сынове царевы, и вседе кийждо на мска своего, и бежаша. 010 2SA 013 030 И бысть, сущым им на пути, и слух дойде до Давида, глаголя: изби Авессалом вся сыны царевы, и не избысть от них ни един. 010 2SA 013 031 И воста царь, и растерза ризы своя, и ляже на земли, и вси отроцы его предстоящии ему растерзаша ризы своя. 010 2SA 013 032 И рече Ионадав, сын Самаа брата Давидова, и рече: да не речет господин мой царь, яко вся отроки сыны царевы уби, но Амнон есть един убиен, яко той из уст Авессалому не исхождаше, отнележе обруга сестру его Фамару: 010 2SA 013 033 и ныне да не полагает господин мой царь словесе на сердцы своем, глаголя: вси сынове царевы умроша: яко Амнон един умре. 010 2SA 013 034 И побеже Авессалом. И воздвиже отрок страж очеса своя и виде: и се, людие мнози идуще путем вслед его со страны гор в низхождение. И прииде страж и возвести царю и рече: мужы видех от пути Оронска со страны горы. 010 2SA 013 035 И рече Ионадав ко царю: се, сынове царевы приходят: по словеси раба твоего, тако бысть. 010 2SA 013 036 И бысть егда сконча глаголя, и се, сынове царевы приидоша и воздвигоша глас свой и плакаша: и сам царь и вси отроцы его плакаша плачем великим зело. 010 2SA 013 037 И Авессалом убеже, и прииде ко Фолму сыну Емиуда, царю Гедсурску, в землю Хамаахадску. И плакаше Давид царь о сыне своем вся дни. 010 2SA 013 038 И Авессалом убеже, и иде в Гедсур, и бе тамо три лета. 010 2SA 013 039 И остави царь Давид изыти вслед Авессалома, яко утешися о Амноне, яко умре. 010 2SA 014 001 И разуме Иоав сын Саруин, яко сердце царево преклонися ко Авессалому. 010 2SA 014 002 И посла Иоав в Фекою, и взя оттуду жену мудру и рече к ней: сетуй ныне, и облецыся в ризы сетования, и не помажися елеем, и будеши яко жена сетующая о умершем дни многи: 010 2SA 014 003 и внидеши ко царю и речеши к нему по глаголу сему. И положи Иоав словеса своя во уста ея. 010 2SA 014 004 И вниде жена Фекоитяныня ко царю и паде на лицы своем на землю, и поклонися ему, и рече: спаси, царю, спаси мя. 010 2SA 014 005 И рече ей царь: что ти есть? Она же рече: издавна вдова жена аз есмь, и умре муж мой: 010 2SA 014 006 и рабе твоей два сына, и бистася оба на селе, и не бысть кто бы их разлучил, и нападе един на брата своего, и умертви его: 010 2SA 014 007 и се, воста все отечество на рабу твою и реша: дай убившаго брата своего, и умертвим его вместо души брата, егоже уби, и погубим и наследника вашего: и угасят искру мою оставшуюся, яко не оставити мужу моему останка и имене на лицы земли. 010 2SA 014 008 И рече царь к жене: иди здрава в дом свой, и аз заповедаю о тебе. 010 2SA 014 009 И рече жена Фекоитяныня ко царю: на мне беззаконие, господи мой царю, и на дому отца моего, царь же и престол его неповинен. 010 2SA 014 010 И рече царь: кто глаголяй к тебе, и приведеши его ко мне, и не приложит ктому коснутися ему? 010 2SA 014 011 И рече жена: да воспомянет ныне царь Господа Бога своего, внегда умножити ужика крове, еже растлити, и не имут погубити сына моего. И рече (царь): жив Господь, аще и влас падет сыну твоему с главы на землю. 010 2SA 014 012 И рече жена: да глаголет ныне раба твоя ко господину моему царю слово. Он же рече: глаголи. 010 2SA 014 013 И рече жена: почто помыслил еси тако о людех Божиих? Еда от уст царевых слово сие аки преступление, еже не возвратити царю отриновеннаго своего? 010 2SA 014 014 Яко смертию умрем, и яко вода низходящая на землю, яже не соберется, и приимет Бог душу, и помышляяй спасти от Него отриновеннаго: 010 2SA 014 015 и ныне яко приидох глаголати ко царю господину моему глагол сей, яко увидят мя людие, и речет раба твоя: да глаголет убо ко господину моему царю, негли сотворит царь слово рабы своея, 010 2SA 014 016 яко услышит царь: да измет рабу свою из рук мужей ищущих погубити мя и сына моего от участия Божия: 010 2SA 014 017 и речет раба твоя: да будет ныне слово господа моего царя на жертву: якоже бо Ангел Божий, тако господь мой царь, еже слышати благое и злое: и Господь Бог твой будет с тобою. 010 2SA 014 018 И отвеща царь и рече к жене: никакоже да утаиши от мене глагола, о немже аз вопрошу тя. И рече жена: да глаголет убо господь мой царь. 010 2SA 014 019 И рече царь: еда рука Иоавля о всем сем с тобою? И рече жена к царю: да живет душа твоя, господи мой царю, аще есть одесную или ошуюю от всех, яже глагола господин мой царь, яко раб твой Иоав той заповеда мне, и той вложи во уста рабе твоей вся словеса сия: 010 2SA 014 020 за еже приити лицу глагола сего, еже сотвори раб твой Иоав слово сие: господин же мой царь мудр, якоже мудрость Ангела Божия, еже разумети вся, яже на земли. 010 2SA 014 021 И рече царь ко Иоаву: се, ныне сотворих ти по словеси твоему сему: иди, возврати отрока Авессалома. 010 2SA 014 022 И паде на лицы своем Иоав на землю, и поклонися, и благослови царя. И рече Иоав: днесь позна раб твой, яко обретох благодать пред очима твоима, господи мой царю, яко сотвори господин мой царь слово раба своего. 010 2SA 014 023 И воста Иоав и иде в Гедсур, и приведе Авессалома во Иерусалим. 010 2SA 014 024 И рече царь: да возвратится в дом свой, лица же моего да не видит. И возвратися Авессалом в дом свой, лица же царева не виде. 010 2SA 014 025 И якоже Авессалом не бе муж во всем Израили хвален зело: от пяты ноги его и до верха его не бе в нем порока: 010 2SA 014 026 и внегда стрищи ему главу свою, и бысть от начала дний до дний в няже стрижашеся, яко тяжко бяше ему от них, и стригущься весяше власы главы своея двести сиклей по сиклю царскому. 010 2SA 014 027 И родишася Авессалому три сыны и дщерь едина, и имя ей Фамарь: сия бе жена добра зело взором, и бысть жена Ровоаму сыну Соломоню, и роди ему Авию. 010 2SA 014 028 И седяше Авессалом во Иерусалиме два лета дний, и лица царева не виде. 010 2SA 014 029 И посла Авессалом ко Иоаву, дабы послати его ко царю, и не восхоте приити к нему: и посла второе к нему, и не восхоте приити. 010 2SA 014 030 И рече Авессалом ко отроком своим: видите, часть на селе Иоавли близ мене, его тамо ячмень, идите и запалите его огнем. И запалиша раби Авессаломли часть (Иоавлю) огнем. И приидоша раби Иоавли к нему раздравше ризы своя, и реша: пожгоша раби Авессаломли часть твою огнем. 010 2SA 014 031 И воста Иоав и прииде ко Авессалому в дом, и рече к нему: почто сожгоша раби твои часть мою огнем? 010 2SA 014 032 И рече Авессалом ко Иоаву: се, посылах к тебе, глаголя: иди семо, и послю тя ко царю, глаголя: почто приидох из Гедсура? Лучше ми бе быти еще тамо: и ныне се, лица царева не видех: аще же есть во мне неправда, то умертви мя. 010 2SA 014 033 И вниде Иоав ко царю и возвести ему. И призва Авессалома, и прииде ко царю, и поклонися ему, и паде лицем своим на землю пред лицем царевым, и облобыза царь Авессалома. 010 2SA 015 001 И бысть по сих, и сотвори себе Авессалом колесницы и кони и пятьдесят муж текущих пред ним: 010 2SA 015 002 и воставаше рано Авессалом, и стояше при самем пути врат: и бысть всяк муж, емуже бяше пря, прииде пред царя на суд, и возопи к нему Авессалом, и глаголаше ему: от коего града ты еси? И рече ему муж: от единаго колен Израилевых раб твой. 010 2SA 015 003 И рече к нему Авессалом: се, словеса твоя блага и удобна, но слушающаго несть ти от царя. 010 2SA 015 004 И рече Авессалом: кто мя поставит судию на земли, и ко мне приидет всяк муж имеяй прю и суд, и оправдаю его? 010 2SA 015 005 И бысть егда приближашеся муж поклонитися ему, и простираше руку свою, и приимаше его, и целоваше его. 010 2SA 015 006 И сотвори Авессалом по глаголу сему всему Израилю приходящым на суд к царю и приусвои Авессалом сердца сынов Израилевых. 010 2SA 015 007 И бысть от конца четыредесяти лет, и рече Авессалом ко отцу своему: пойду ныне и воздам обеты моя, яже обещах Господу в Хевроне: 010 2SA 015 008 зане обет обеща раб твой, егда жих в Гедсуре Сирийстем, глаголя: аще возвращая возвратит мя Господь во Иерусалим, и послужу Господу. 010 2SA 015 009 И рече ему царь: иди с миром. И востав иде в Хеврон. 010 2SA 015 010 И посла Авессалом соглядатаи во вся колена Израилева, глаголя: егда услышите вы глас трубы рожаны, и рцыте: воцарися царь Авессалом в Хевроне. 010 2SA 015 011 И идоша со Авессаломом двести мужей от Иерусалима позвани: и идяху в простоте своей, и не разумеша всякаго глагола. 010 2SA 015 012 И посла Авессалом, и призва Ахитофела Галамонийскаго, советника Давидова, от града его Голамы, егда жряше жертвы. И бысть смятение крепко: и людий множество идущих со Авессаломом. 010 2SA 015 013 И прииде вестник к Давиду, глаголя: бысть сердце мужей Израилевых со Авессаломом. 010 2SA 015 014 И рече Давид всем отроком своим сущым с ним во Иерусалиме: востаните, и бежим, яко несть нам спасения от лица Авессаломля: ускорите ити, да не ускорит и возмет нас, и наведет на нас злобу, и избиет град острием меча. 010 2SA 015 015 И реша отроцы царевы к царю: вся елика заповесть господь наш царь, се, мы отроцы твои. 010 2SA 015 016 И изыде царь и весь дом его ногами своими, и остави царь десять жен подложниц своих хранити дом. 010 2SA 015 017 И изыде царь и вси отроцы его пеши и сташа в Дому Сущем Далече: 010 2SA 015 018 и вси отроцы его от обою страну его идяху, и вси Хелефее и вси Фелефее и вси Гефее, шесть сот мужей шедше пеши от Гефа предидяху пред лицем царевым. 010 2SA 015 019 И рече царь ко Еффею Геффеину: почто и ты идеши с нами? Возвратися и живи с царем, яко чуждь еси ты, и яко преселился еси ты от места твоего: 010 2SA 015 020 аще вчера пришел еси, и днесь ли подвигну тя ити с нами? И аз иду, аможе пойду: иди и возвратися, и возврати братию твою с тобою, и Господь да сотворит с тобою милость и истину. 010 2SA 015 021 И отвеща Еффей к царю и рече: жив Господь, и жив господин мой царь, яко на месте, идеже будет господин мой царь, или в смерти, или в животе, тамо будет раб твой. 010 2SA 015 022 И рече царь ко Еффею: гряди, и прейди со мною. И прейде Еффей Геффеин и царь и вси отроцы его и весь народ иже с ним. 010 2SA 015 023 И вся земля плакашеся гласом великим. И вси людие прехождаху по потоку Кедрску, и царь прейде чрез поток Кедрский, и вси людие и царь идяху к лицу пути пустыннаго. 010 2SA 015 024 И се, и Садок иерей и вси левити с ним, носяще кивот завета Господня от Вефары: и поставиша кивот Божий: и Авиафар взыде, дондеже престаша вси людие исходити из града. 010 2SA 015 025 И рече царь к Садоку: возврати кивот Божий во град, и да станет на месте своем: аще обрящу благодать пред очима Господнима, и возвратит мя, и покажет ми его и лепоту его: 010 2SA 015 026 и аще тако речет: не благоволих в тебе: се, аз есмь, да сотворит ми по благому пред очима Своима. 010 2SA 015 027 И рече царь Садоку иерею: видите, ты возвращаешися во град с миром и Ахимаас сын твой и Ионафан сын Авиафаров, два сыны ваши с вами: 010 2SA 015 028 видите, аз вселяюся во аравоф пустынный, дондеже приидет ми слово от вас, еже возвестити ми. 010 2SA 015 029 И возврати Садок и Авиафар кивот Божий во Иерусалим, и седе тамо. 010 2SA 015 030 И Давид восхождаше восходом на гору Елеонскую восходя и плачася, и покрыв главу свою, и сам идяше босыма ногама: и вси людие иже с ним покрыша кийждо главу свою, и восхождаху восходяще и плачущеся. 010 2SA 015 031 И возвестиша Давиду глаголюще: и Ахитофел в мятежницех со Авессаломом. И рече Давид: разруши совет Ахитофелев, Господи, Боже мой. 010 2SA 015 032 И бе Давид грядый даже до роса, идеже поклонися Богу. И се, на сретение ему (изыде) Хусий первый друг Давидов, растерзав ризы своя, и персть на главе его. 010 2SA 015 033 И рече ему Давид: аще пойдеши со мною, и будеши ми в тягость: 010 2SA 015 034 аще же возвратишися во град и речеши Авессалому: минуша братия твоя, и царь за мною мину отец твой, и ныне раб твой есмь, царю, пощади мя жива быти: раб бех отца твоего тогда и доселе, ныне же аз твой раб: и разруши ми совет Ахитофелев: 010 2SA 015 035 и се, с тобою тамо Садок и Авиафар иерее: и будет всяк глагол, егоже услышиши из уст царских, и скажеши Садоку и Авиафару иереем: 010 2SA 015 036 се, тамо с ними два сына их, Ахимаас сын Садоков и Ионафан сын Авиафаров: и послите рукою их ко мне всяк глагол, егоже аще услышите. 010 2SA 015 037 И вниде Хусий друг Давидов во град, и Авессалом тогда вхождаше во Иерусалим. 010 2SA 016 001 И Давид прейде мало что от роса, и се, Сива отрок Мемфивосфеов в сретение ему: и супруг ослят оседланых, и на них двести хлебов, и сто гроздий, и сто фиников, и мех вина. 010 2SA 016 002 И рече царь к Сиве: что сия тебе? И рече Сива: ослята на яждение дому цареву, а хлебы и финики на снедение отроком, и вино пити ослабевшым в пустыни. 010 2SA 016 003 И рече царь: и где сын господина твоего? И рече Сива ко царю: се, седит во Иерусалиме, яко рече: днесь возвратят ми весь дом Израилев царство отца моего. 010 2SA 016 004 И рече царь к Сиве: се, тебе вся елика суть Мемфивосфеова. И рече Сива поклонився: да обрящу благодать пред очима твоима, господи мой царю. 010 2SA 016 005 И прииде Давид царь до Вафирима, и се, оттуду муж исхождаше от рода дому Сауля, имя же ему Семей сын Гирань: изыде же исходя и проклиная 010 2SA 016 006 и камением метая на Давида и на вся отроки царя Давида: и вси людие и вси сильнии одесную и ошуюю царя бяху. 010 2SA 016 007 И тако рече Семей проклиная его: изыди, изыди, мужу кровей и мужу беззаконный: 010 2SA 016 008 возврати на тя Господь вся крови дому Сауля, понеже воцарился еси вместо его: и даде Господь царство в руце Авессалома сына твоего: и се, ты в злобе твоей, яко муж кровей ты. 010 2SA 016 009 И рече Авесса сын Саруин ко царю: почто проклинает пес умерший сей господина моего царя? Ныне пойду, и отиму главу его. 010 2SA 016 010 И рече царь ко Авессе: что мне и вам, сынове Саруины? Оставите его, и тако да проклинает, яко Господь рече ему проклинати Давида: и кто речет: почто сотворил еси тако? 010 2SA 016 011 И рече Давид ко Авессе и ко всем отроком своим: се, сын мой изшедый из чрева моего ищет души моея, а кольми паче сын Иеминиев: оставите его проклинати мя, яко рече ему Господь: 010 2SA 016 012 негли призрит Господь на смирение мое, и возвратит ми благая вместо клятвы Его во днешний день. 010 2SA 016 013 И идяше Давид и вси мужие его путем: а Семей идяше со страны горы близ его идый и проклиная, и камением меща со страны его, и перстию сыпая. 010 2SA 016 014 И прииде царь и вси людие иже с ним утруждени, и препочиша ту. 010 2SA 016 015 Авессалом же и вси мужие Израилевы внидоша во Иерусалим, и Ахитофел с ним. 010 2SA 016 016 И бысть егда прииде Хусий первый друг Давидов ко Авессалому: и рече Хусий ко Авессалому: да живет царь. 010 2SA 016 017 И рече Авессалом к Хусию: сия ли милость твоя со другом твоим? Почто не отшел еси со другом твоим? 010 2SA 016 018 И рече Хусий ко Авессалому: ни, но вслед (иду), егоже избра Господь и людие сии и вси мужие Израилевы, того есмь, и с тем буду: 010 2SA 016 019 и второе, кому аз поработаю? Не пред сыном ли его? Якоже работах пред отцем твоим, тако буду и пред тобою. 010 2SA 016 020 И рече Авессалом ко Ахитофелу: дадите себе совет, что сотворим? 010 2SA 016 021 И рече Ахитофел ко Авессалому: вниди к подложницам отца твоего, яже остави стрещи дом свой, и услышат вси Израилтяне, яко посрамил еси отца твоего, и возмогут руки всех сущих с тобою. 010 2SA 016 022 И поставиша Авессалому шатер на палате, и вниде Авессалом к подложницам отца своего пред очима всех Израилтян. 010 2SA 016 023 И совет Ахитофелев, егоже совещаваше во дни первыя, имже образом вопросил бы кто Бога о словеси, тако всяк совет Ахитофелев, и иже Давиду, и иже Авессалому. 010 2SA 017 001 И рече Ахитофел ко Авессалому: изберу ныне себе дванадесять тысящ мужей и востану, и пожену вслед Давида нощию, 010 2SA 017 002 и найду на него, и той утружден и ослаблен руками, и устрашу его, и побежат вси людие иже с ним, и убию царя единаго: 010 2SA 017 003 и возвращу вся люди к тебе, имже образом обращается невеста к мужеви своему: ты бо токмо души единаго мужа ищеши, всем же людем будет мир. 010 2SA 017 004 И угодно слово бысть пред очима Авессаломлима и пред очима всех старейшин Израилевых. 010 2SA 017 005 И рече Авессалом: призовите же и Хусиа Арахиина, и услышим что из уст его. 010 2SA 017 006 И вниде Хусий ко Авессалому, и рече Авессалом к нему, глаголя: по глаголу сему глагола Ахитофел: сотворим ли по словеси его? Аще же ни, ты глаголи. 010 2SA 017 007 И рече Хусий ко Авессалому: не благ совет сей, егоже совеща Ахитофел единою сие. 010 2SA 017 008 И рече Хусий: ты веси отца твоего и мужей его, яко сильни суть зело, и гневливи душами своими, яко медведица чад лишеная на селе, и аки вепрь свирепый на поли: и отец твой муж борец, и не даст почити людем: 010 2SA 017 009 се бо, той ныне скрыся на некоторем холме или на некоторем месте: и будет внегда напасти на них в начале, и услышит слушаяй, и речет: бысть сокрушение в людех иже за Авессаломом: 010 2SA 017 010 и той сын силы, емуже сердце якоже сердце льву таящо истает: понеже весть весь Израиль, яко силен отец твой, и сынове силы вси иже с ним: 010 2SA 017 011 тако советуя аз усоветовах, и собираяся соберется к тебе весь Израиль от Дана и до Вирсавии, аки песок иже при мори во множестве, и лице твое идущее посреде их: 010 2SA 017 012 и приидем к нему на едино место, идеже обрящем его тамо, и ополчимся на него, якоже спадает роса на землю, и не оставим в нем и в мужех его иже с ним ни единаго: 010 2SA 017 013 и аще во град соберутся, и возмет весь Израиль ко граду тому ужы, и совлечем его в поток, дондеже не останется тамо ниже камень. 010 2SA 017 014 И рече Авессалом и вси мужие Израилтестии: благ совет Хусиа Арахиина паче совета Ахитофелева. И Господь заповеда разорити совет Ахитофелев благий, яко да наведет Господь на Авессалома злая вся. 010 2SA 017 015 И рече Хусий арахиин ко Садоку и Авиафару иереем: тако и тако советова Ахитофел Авессалому и старейшинам Израилевым: и аз тако и тако советовах: 010 2SA 017 016 и ныне послите скоро и возвестите Давиду, глаголюще: не пребуди нощь сию во Аравофе пустыни, но пойти потщися, да не како пожерт будет царь и вси людие иже с ним. 010 2SA 017 017 И Ионафан и Ахимаас стояста на студенце Рогили, и иде рабыня и поведа има: и тии идоста и возвестиста Давиду царю, яко не могоста явитися еже внити во град. 010 2SA 017 018 И виде их отрочищь и поведа Авессалому. И идоста оба скоро и приидоста в дом мужа в Ваурим: и тому ров на дворе, и снидоста тамо. 010 2SA 017 019 И взя жена, и положи покров на устии рова, и суши на нем арафоф, и не познася глагол. 010 2SA 017 020 И приидоша отроцы Авессаломли к жене в дом и реша: где Ахимаас и Ионафан? И рече им жена: преидоста вмале воду. И искаша, и не обретоша, и возвратишася во Иерусалим. 010 2SA 017 021 Бысть же по отшествии их, и излезоста из рова, и идоста, и возвестиста Давиду царю и глаголаста ему: востаните, и прейдите скоро воду, яко сице совеща на вы Ахитофел. 010 2SA 017 022 И воста Давид и вси людие иже с ним и преидоша Иордан до света заутра, и ни един не оста, иже бы не прешел Иордана. 010 2SA 017 023 И Ахитофел виде, яко не сбыстся совет его, и оседла осля свое, и воста, и отиде в дом свой, во град свой: и заповеда дому своему, и удавися, и умре, и погребен бысть во гробе отца своего. 010 2SA 017 024 И Давид прейде в Манаим, Авессалом же прейде Иордан сам и вси мужие Израилтестии с ним. 010 2SA 017 025 И Амессая постави Авессалом вместо Иоава над силою: Амессай же сын мужа, емуже имя Иефер Иезраилитин, сей вниде ко Авигеи дщери Иессеине, сестре Саруии матере Иоавли. 010 2SA 017 026 И ополчися Авессалом и весь Израиль в земли Галаадстей. 010 2SA 017 027 И бысть егда вниде Давид в Манаим, и Уесвий сын Наасов от Раввафа сынов Аммоних, и Махир сын Амииль иже из Лодавара, и Верзеллий Галаадитин из Рогеллима, 010 2SA 017 028 принесоша десять постель устроеных и конобов десять и сосуды скуделны и пшеницу и ячмень и муку и пшено и боб и сочевицу 010 2SA 017 029 и мед и масло и овцы и сыры кравия, и принесоша Давиду и людем иже с ним ясти: быша бо людие гладни и утруждени и жаждни в пустыни. 010 2SA 018 001 И согляда Давид всех людий сущих с ним, и постави над ними тысященачалники и сотники. 010 2SA 018 002 И посла Давид третию часть людий под рукою Иоавлею и третию часть под рукою Авессы сына Саруина брата Иоавля, и третию часть под рукою Еффеа Геффеина, и рече Давид к людем: шед изыду и аз с вами. 010 2SA 018 003 И реша: не изыди, яко аще бегством побегнем, не положат на нас сердца: и аще умрем пол нас, не положат на нас сердца, понеже ты аки мы десять тысящ: и ныне лучше, яко останеши во граде на помощь нам. 010 2SA 018 004 И рече им царь: еже угодно пред очима вашима, сотворю. И ста царь при вратех: и вси людие исхождаху стами и тысящами. 010 2SA 018 005 И заповеда царь Иоаву и Авессе и Еффееви, глаголя: пощадите ми отрока Авессалома. И вси людие слышаша заповедающа царя всем князем о Авессаломе. 010 2SA 018 006 И изыдоша вси людие в дубраву сопротив Израилю: и бысть брань в дубраве Ефремли. 010 2SA 018 007 И падоша тамо людие Израилевы пред отроки Давидовыми, и бысть сокрушение велико в той день, яко двадесять тысящ мужей. 010 2SA 018 008 И бысть тамо брань разсыпана по лицу всея земли: и умножи дубрава поядати людий, паче неже их пояде мечь в той день. 010 2SA 018 009 И набежа Авессалом на отроки Давидовы: Авессалом же бе седяй на мске своем, и вбежа (с ним) меск в чащу дуба великаго, и обвишася власы главы его на дубе, и повисе между небом и землею, меск же под ним пройде. 010 2SA 018 010 И виде муж един и возвести Иоаву, и рече: се, видех висяща Авессалома на дубе. 010 2SA 018 011 И рече Иоав мужу возвестившему ему: аще видел еси, почто не убил еси его тамо на землю? И аз дал бых тебе пятьдесят сикль сребра и пояс един. 010 2SA 018 012 И рече муж Иоаву: аще ты вложиши в руце мои и тысящу сикль сребра, то не возложу руки моея на сына царева, яко при ушесах наших заповеда царь тебе и Авессе и Еффееви, глаголя: соблюдите ми отроча Авессалома, 010 2SA 018 013 не сотворити души его неправды: и всяко слово не утаится пред царем, ты же стоиши сопротивно. 010 2SA 018 014 И рече Иоав: сие аз начну, не тако пребуду пред тобою. И взя Иоав три стрелы в руце свои, и вонзе я в сердце Авессалому. И еще ему живу сущу на дубе, 010 2SA 018 015 и обступиша десять отрок носящии оружие Иоавле, и поразиша Авессалома, и умертвиша его. 010 2SA 018 016 И воструби Иоав трубою рожаною, и возвратишася людие не гнати вслед Израиля, яко щадяше Иоав людий. 010 2SA 018 017 И взя Иоав Авессалома, и вверже его в пропасть велику в дубраве, и складе над ним купу камения велику зело. И вси Израилтяне бежаша кийждо в селения своя. 010 2SA 018 018 Авессалом же еще жив сый, взя и постави себе столп во юдоли царстей, рече бо, яко несть ми сына на память имене моего: и нарече столп именем своим и нарече его рука Авессаломля, даже до днешняго дне. 010 2SA 018 019 И Ахимаас сын Садоков рече ко Иоаву: потеку ныне и возвещу царю, яко суди ему Господь от руки врагов его. 010 2SA 018 020 И рече ему Иоав: неси муж ты возвещаяй благо днесь, но возвестиши в день другий: в днешний же день не добро возвещение, понеже сын царев умре. 010 2SA 018 021 И рече Иоав Хусию: шед повеждь царю елика видел еси. И поклонися Хусий Иоаву и отиде. 010 2SA 018 022 И приложи еще Ахимаас сын Садоков и рече ко Иоаву: что будет, аще и аз теку вслед Хусиа? И рече Иоав: почто ты хощеши тещи, сыне мой? Гряди, несть тебе возвещение в пользу идущему. 010 2SA 018 023 И рече Ахимаас: что бо аще потеку? И рече ему Иоав: тецы. И бежаше Ахимаас путем равным и предвари Хусиа. 010 2SA 018 024 Давид же седяще посреде двою врат. И изыде страж на кров врат ко стене, и воздвиже очи свои, и виде, и се, муж текий един пред ним. 010 2SA 018 025 И возопи страж и сказа цареви. И рече царь: аще един есть, благо возвещение во устех его. И идяше идый и приближаяся. 010 2SA 018 026 И виде страж мужа другаго текуща, и возопи к дверем и рече: се, муж и другий текущь един. И рече царь: и той есть благо возвещаяй. 010 2SA 018 027 И рече страж: аз вижду течение перваго, яко течение Ахимааса сына Садокова. И рече царь: муж благ сей, и возвестие благое приидет. 010 2SA 018 028 И возопи Ахимаас и рече ко царю: мир. И поклонися царю лицем своим на землю и рече: благословен Господь Бог твой, иже затвори мужей воздвигших руки своя на господина моего царя. 010 2SA 018 029 И рече царь: мир ли отрочищу Авессалому? И рече Ахимаас: видех множество велико веселящееся, егда отпущаше раб царев Иоав раба твоего, и не разумех что тамо. 010 2SA 018 030 И рече царь: возвратися, и стани зде. И шед ста созади. 010 2SA 018 031 И се, Хусий вслед его прииде и рече царю: возвещается благо господину моему царю, яко суди тебе Господь днесь от руки всех востающих на тя. 010 2SA 018 032 И рече царь к Хусию: мир ли отрочищу Авессалому? И рече Хусий: да будут, якоже отрочищь, врази господина моего царя, и вси елицы восташа нань злобою. 010 2SA 018 033 И смятеся царь, и взыде на горницу яже на вратех, и плакася: и тако глаголаше, егда плакаше: сыне мой, Авессаломе, сыне мой, сыне мой, Авессаломе: кто даст смерть мне вместо тебе? Аз вместо тебе, Авессаломе, сыне мой, сыне мой, сыне мой Авессаломе. 010 2SA 019 001 И поведаша Иоаву, глаголюще: се, царь плачет и рыдает о Авессаломе. 010 2SA 019 002 И бысть спасение в той день в рыдание всем людем, услышаша бо людие в той день, глаголюще: яко печален есть царь о сыне своем. 010 2SA 019 003 И украдахуся людие в той день еже входити во град, якоже украдаются людие посрамленнии, внегда бегати им на брани. 010 2SA 019 004 И царь покры лице свое: и возопи царь гласом великим, глаголя: сыне мой, Авессаломе, Авессаломе, сыне мой. 010 2SA 019 005 И вниде Иоав к царю в дом и рече: посрамил еси днесь лица раб твоих всех иземших тя днесь и душу сынов твоих и дщерей твоих и душу жен твоих и подложниц твоих, 010 2SA 019 006 еже любити ненавидящыя тебе и ненавидети любящыя тя: и явил еси днесь, яко не суть тебе князи, ниже отроцы: но разумех днесь, яко аще бы Авессалом жив был, мы вси днесь мертвы быхом были, яко тогда право было бы пред очима твоима: 010 2SA 019 007 и ныне востав изыди и глаголи в сердца рабов твоих, яко о Господе кляхся, яко аще не изыдеши днесь, не останет ни един муж с тобою в нощь сию: и разумей в себе, яко зло ти есть сие паче всех зол, яже приидоша на тя от юности твоея до ныне. 010 2SA 019 008 И воста царь и седе при дверех. И возвестиша всем людем глаголюще: се, царь седит в дверех. И внидоша вси людие пред лице царево пред двери: мужие же Израилевы бежаша во селения своя. 010 2SA 019 009 И пряхуся вси людие во всех коленах Израилевых, глаголюще: царь Давид избави ны от всех враг наших, и се, изя нас от руки иноплеменничи, и ныне бежа от земли и от царства своего и от Авессалома: 010 2SA 019 010 Авессалом же, егоже помазахом над нами, умре на брани: и ныне что вы молчите, еже возвратити царя? И глагол всего Израиля прииде ко царю. 010 2SA 019 011 И царь Давид посла ко Садоку и ко Авиафару иереом, глаголя: рцыте старейшинам Иудиным, глаголюще: почто бысте последнии, еже возвратити царя в дом его? Слово же всего Израиля прииде к царю в дом его: 010 2SA 019 012 братия моя вы, кости моя и плоть моя вы есте, то почто бысте последнии, еже возвратити царя в дом его? 010 2SA 019 013 И Амессаю рцыте: неси ли кость моя и плоть моя ты? И ныне сия ми да сотворит Бог и сия да приложит, аще не будеши князь силы предо мною во вся дни вместо Иоава. 010 2SA 019 014 И преклони сердца всех мужей Иудиных яко мужа единаго. И послаша к царю, глаголюще: возвратися ты и вси раби твои. 010 2SA 019 015 И возвратися царь и прииде до Иордана, и мужие Иудины приидоша в Галгалы еже изыти на сретение царю, превести царя чрез Иордан. 010 2SA 019 016 И ускори Семей сын Гирань сына Иеминиева, иже от Ваурима, и сниде с мужми Иудиными во сретение царю Давиду, 010 2SA 019 017 и тысяща мужей с ним от Вениамина, и Сива отрок дому Сауля, и пятьнадесять сынов его с ним, и двадесять рабов его с ним: и управиша на Иордан путь пред царем, 010 2SA 019 018 и послужиша служением о преведении цареве. И прейде преход еже превести дом царев и сотворити правое пред очима его. И Семей сын Гирань паде на лицы своем пред царем, егда прехождаше Иордан, 010 2SA 019 019 и рече ко царю: да не вменит господин мой беззакония, и не помяни елика неправдова раб твой в день он, в оньже господин мой царь исхождаше из Иерусалима, еже содержати царю в сердцы своем: 010 2SA 019 020 понеже разуме раб твой, яко аз согреших, и се, аз приидох днесь первее всего Израиля и дому Иосифля, еже снити ми на сретение господину моему царю. 010 2SA 019 021 И отвеща Авесса сын Саруин и рече: сего ли ради не умертвится Семей, яко прокля христа Господня? 010 2SA 019 022 И рече Давид: что мне и вам, сынове Саруины, яко бысте мне днесь в навет? Днесь не умертвится муж от Израиля, понеже не вем ли, яко днесь царствую аз над Израилем? 010 2SA 019 023 И рече царь и Семею: не умреши. И клятся ему царь. 010 2SA 019 024 И се, Мемфивосфей сын Ионафана сына Сауля сниде на сретение царю, и не омы ног своих, и не обреза ногтей, ниже управи брады своея, и риз своих не измы от дне того, в оньже изыде царь, до дне в оньже той возвратися с миром. 010 2SA 019 025 И бысть егда вниде во Иерусалим на сретение царю, и рече ему царь: что яко не пошел еси со мною, Мемфивосфее? 010 2SA 019 026 И рече к нему Мемфивосфей: господи мой царю, пренебреже мене раб мой, яко рече раб твой ему: оседлай ми осля, и всяду на не, и пойду с царем, яко хром раб твой: 010 2SA 019 027 и оболга раба твоего ко господину моему царю: и господин мой царь яко Ангел Божий, и сотвори благое пред очима твоима: 010 2SA 019 028 яко не бе весь дом отца моего, разве мужие (повиннии) смерти господину моему царю, и посадил еси раба твоего с ядущими на трапезе твоей: и кое есть мне еще оправдание, и возопити мне еще к царю? 010 2SA 019 029 И рече ему царь: почто глаголеши еще словеса твоя? Рех тебе и Сиве: разделите себе села. 010 2SA 019 030 И рече Мемфивосфей к царю: и вся да возмет, повнегда приити господину моему царю в мире в дом свой. 010 2SA 019 031 И Верзеллий Галаадитин сниде из Рогеллима, и прейде с царем Иордан, еже превести его чрез Иордан. 010 2SA 019 032 И Верзеллий муж стар зело, сын осмидесяти лет, и той препита царя, егда живяше в Манаиме, яко муж бе велий зело. 010 2SA 019 033 И рече царь к Верзеллию: ты прейдеши со мною, и препитаю старость твою со мною во Иерусалиме. 010 2SA 019 034 И рече Верзеллий к царю: колицы дни лет живота моего, яко да взыду с царем во Иерусалим? 010 2SA 019 035 Сын осмидесяти лет аз днесь есмь: еда уразумею посреде блага и посреде лукава? Или уразумеет еще раб твой, еже ям, или еже пию? Или услышу глас еще поющих и воспевающих? И вскую будет еще раб твой в тяжесть господину моему царю? 010 2SA 019 036 Мало прейдет раб твой Иордан с царем: и почто воздает ми царь воздаяние сие? 010 2SA 019 037 Да возвратится ныне раб твой, и умру во граде моем, у гроба отца моего и матере моея: и се, раб твой сын мой Хамаам прейдет с господем моим царем, и сотвори ему благое пред очима твоима. 010 2SA 019 038 И рече царь: со мною да прейдет Хамаам, и аз сотворю ему благое пред очима моима, и вся елика изберет себе у мене, сотворю тебе. 010 2SA 019 039 И преидоша вси людие Иордан, и царь прейде, и целова царь Верзеллиа и благослови его, и отпусти его в дом его. 010 2SA 019 040 И прейде царь в Галгалы, и Хамаам прейде с ним, и вси людие Иудины провождаху царя и пол людий Израилевых. 010 2SA 019 041 И се, вси мужие Израилевы приидоша к царю и реша к царю: что яко украдоша тебе братия нашя мужие Иудины, и преведоша царя и дом его чрез Иордан, и вси мужие Давидовы с ним? 010 2SA 019 042 И отвещаша вси мужие Иудины к мужем Израилевым и реша: зане ближний нам царь: и почто тако разгневастеся от словеси сем? Еда яди ядохом от царя? Или дары даде нам, Или дани отя от нас? 010 2SA 019 043 И отвещаша мужие Израилстии к мужем Иудиным и реша: десять рук мы у царя, и в Давиде есмы паче тебе, и первенец аз, нежели ты: и почто сице укоряеши мя? И не вменися слово мое прежде мене Иуде возвратити царя мне? И отягча слово мужей Иудиных паче словес мужей Израилевых. 010 2SA 020 001 И тамо бяше сын беззаконный, имя же ему Савей, сын Вохоров, муж Иеминиов, и воструби трубою рожаною и рече: несть нам части в Давиде, ниже наследия нам в сыне Иессееве: (возвратитеся, ) мужие Израилтестии, в селения ваша. 010 2SA 020 002 И отступиша вси мужие Израилевы от Давида вслед Савеа сына Вохорова: мужие же Иудины прилепишася к царю своему от Иордана даже и до Иерусалима. 010 2SA 020 003 И вниде Давид в дом свой во Иерусалим, и взя царь десять жен подложниц своих, яже остави стрещи дом, и даде их в дом стражбы: и препита их, и (оттоле) не вниде к ним: и беша храними до дне смерти своея, вдовски живущя. 010 2SA 020 004 И рече царь ко Амессаю: созови ми мужы Иудины в три дни, ты же зде стани. 010 2SA 020 005 И пойде Амессай созвати мужей Иудиных, и умедли от времене, в неже повеле ему Давид. 010 2SA 020 006 И рече Давид ко Авессе: ныне зло сотворит нам Савей сын Вохорь паче Авессалома: и ныне ты поими с собою отроки господина своего, и пожени вслед его, да не како обрящет себе грады тверды и застенится от очес наших. 010 2SA 020 007 И изыдоша вслед его Авесса и мужие Иоавли, и Хереффи и Фелеффи и вси сильнии, и изыдоша из Иерусалима гнати вслед Савеа сына Вохорова. 010 2SA 020 008 И тии (бяху) у камене великаго, иже в Гаваоне, и Амессай вниде пред ними: Иоав же препоясан ризами одеяния своего, и верху того препоясан мечем припряженым при чреслех его в ножнах его, и егда отиде, и мечь изсунуся и паде. 010 2SA 020 009 И рече Иоав Амессаю: здрав ли еси, брате? И взя Иоав рукою десною за браду Амессаеву лобзати его: 010 2SA 020 010 Амессай же не побрежеся меча, иже в руце Иоавли: и удари его Иоав мечем в чресла его, и излияся чрево его на землю, и не повтори ему, и умре (Амессай). Иоав же и Авесса брат его гнаста вслед Савеа сына Вохоря. 010 2SA 020 011 И муж ста над ним от отрок Иоавлих и рече: кто хощет (быти) Иоавль, и кто Давидов, вслед Иоава (да идет). 010 2SA 020 012 Амессай же мертв валяшеся в крови посреде пути. И виде муж, яко остановляхуся над ним вси людие, и соврати Амессая с пути на село, и возложи на него ризу, понеже видяше всякаго приходяща над ним стоявша: 010 2SA 020 013 и бысть егда принесе от пути, преидоша вси мужие Израилевы вслед Иоава, еже гнати вслед Савеа сына Вохоря. 010 2SA 020 014 И сей пройде вся колена Израилева во Авель и во Вефмаху: и вси в Харре, и вси грады собрашася, и идоша вслед его, 010 2SA 020 015 и приидоша и ополчишася на него окрест во Авели и во Вефмахе: и насыпаша землю ко граду, и ста на предстении: и вси людие иже со Иоавом помышляху низложити стену (градскую). 010 2SA 020 016 И возопи жена мудрая со стены и рече: слышите, слышите, рцыте ныне Иоаву, да приближится до зде, и возглаголю к нему. 010 2SA 020 017 И приближися к ней (Иоав), и рече жена: ты ли еси Иоав? Он же рече: аз. И рече ему: послушай словес рабы твоея. И рече Иоав: послушаю, аз есмь. 010 2SA 020 018 И рече глаголющи: слово глаголаша в первых, глаголюще: вопрошаемь вопрошен бысть во Авели и в Дане, аще оскудеша, яже положиша вернии Израилевы: вопрошающе да вопросят во Авели, и тако рече, аще оскудеша: 010 2SA 020 019 аз есмь мирная утверждений Израилевых, ты же ищеши умертвити град и матерь градов Израилевых: и почто потопляеши достояние Господне? 010 2SA 020 020 И отвеща Иоав и рече: милостив мне, милостив мне, аще потоплю и аще разрушу: 010 2SA 020 021 не тако слово, яко муж с горы Ефремли, Савей сын Вохорь имя ему, и воздвиже руку свою на царя Давида: дадите ми того единаго, и отиду от града. И рече жена ко Иоаву: се, глава его свержется к тебе со стены. 010 2SA 020 022 И вниде жена ко всем людем и глагола ко всему граду мудростию своею, отяти главу Савеа сына Вохоря. И отсекоша главу Савеа сына Вохоря, и свергоша ю ко Иоаву. И Иоав воструби в трубу, и разыдошася мужие от града вси в селения своя. Иоав же возвратися во Иерусалим ко царю. 010 2SA 020 023 И (бе) Иоав над всею силою Израилевою, и Ванеа сын Иодаев над Хереффи и над Фелеффи, 010 2SA 020 024 Адонирам же над данми, и Иосафат сын Ахилуфов воспоминаяй, 010 2SA 020 025 и Суса книгочий, Садок же и Авиафар иерее, 010 2SA 020 026 Ирас же Иаринь бысть жрец Давидов. 010 2SA 021 001 И бысть глад на земли во дни Давидовы три лета, лето по лету. И вопроси Давид лица Господня и рече Господь: над Саулом и над домом его обида в смерти кровей его, понеже умертви Гаваониты. 010 2SA 021 002 И призва царь Давид Гаваониты и рече к ним: и Гаваонитяне не суть сынове Израилевы, но токмо от остатков Аморрейских, и сынове Израилевы кляшася им: Саул же взыска поразити я, внегда поревновати ему по сынех Израилевых и Иудиных. 010 2SA 021 003 И рече Давид ко Гаваонитяном: что сотворю вам? И чим умолю, да благословите достояние Господне? 010 2SA 021 004 И реша ему Гаваонитяне: несть нам сребра или злата со Саулом и с домом его, и несть нам мужа умертвити от всего Израиля. И рече: что вы глаголете, и сотворю вам? 010 2SA 021 005 И реша ко царю: мужа, иже соверши над нами и погна ны, иже умысли потребити ны, потребим его, да не будет во всех пределех Израилевых: 010 2SA 021 006 дадите нам седмь мужей от сынов его, и повесим их на солнце Господеви в Гаваоне Саули избранных Господних. И рече царь: аз дам. 010 2SA 021 007 И пощаде царь Мемфивосфеа, сына Ионафаня сына Сауля, клятвы ради Господни, яже посреде их и посреде Давида и посреде Ионафана сына Сауля. 010 2SA 021 008 И взя царь два сына Ресфы дщере Аиа, подложницы Саули, ихже роди Саулу, Ермониа и Мемфивосфеа, и пять сынов Мелхолы дщере Саули ихже роди Есдриилу сыну Верзеллиа Моулафиева, 010 2SA 021 009 и даде их в руки Гаваонитом. И повесиша я на солнце на горе пред Господем, и падоша тамо сии седмь вкупе: тии же умроша во днех жатвы первых, в начале жатвы ячменя. 010 2SA 021 010 И взя Ресфа дщи Аиина вретище, и потче е себе при камени, в начале жатвы ячменя дондеже снидоша на них воды Божия с небесе, и не даде птицам небесным днем почити на них, ниже зверем земным нощию. 010 2SA 021 011 И поведаша Давиду вся елика сотвори Ресфа дщерь Аиа, подложница Сауля. И истлеша, и взя я Дан сын Иой, иже от исчадий исполиновых. 010 2SA 021 012 И иде Давид, и взя кости Саули и кости Ионафана сына его от мужей сынов Иависа Галаадскаго, иже украдоша их от стогны Вефсани, зане повесиша их тамо иноплеменницы в день, в оньже поразиша иноплеменницы Саула в Гелвуи. 010 2SA 021 013 И вознесе Давид кости Саули оттуду и кости Ионафана сына его, и собра кости повешеных на солнце: 010 2SA 021 014 и погребоша кости Саули и кости Ионафана сына его, и кости повешеных на солнце, в земли Вениаминове, при Краи во гробе Киса отца его, и сотвориша вся елика заповеда царь. И послуша Бог земли по сих. 010 2SA 021 015 И бысть паки брань иноплеменником со Израилтяны. И сниде Давид и отроцы его с ним, и бишася со иноплеменники: и утрудися Давид. 010 2SA 021 016 И Иесвий, иже бе от внук Рафаних, (у негоже) бе вес копия его триста сикль веса медяна, и той бе препоясан оружием, и хотяше поразити Давида. 010 2SA 021 017 И поможе ему Авесса сын Саруин, и избави Давида Авесса, и порази иноплеменника, и умертви его. Тогда кляшася мужие Давидовы, глаголюще: не изыдеши ктому с нами на брань, да не угасиши светилника Израилева. 010 2SA 021 018 И бысть по сих еще брань в Гефе со иноплеменники: тогда порази Совохей иже от Асофы собранныя внуки Гигантовы. 010 2SA 021 019 И бысть паки брань в Роме со иноплеменники: и порази Елеанан сын Ариоргима Вифлеемлянин Голиафа иже от Геффеа, и древо копия его бысть аки навой ткущих. 010 2SA 021 020 И бысть паки брань в Гефе: и бе муж от мадона, и персты рук его и персты ног его по шести, числом двадесять четыри: и той родися от Рафы, 010 2SA 021 021 и уничижи Израиля: и уби его Ионафан сын Сафая брата Давидова. 010 2SA 021 022 Четыри сии родишася внуцы Гигантовы рафе в Гефе, и падоша от руку Давидову и от руку рабов его. 010 2SA 022 001 И глагола Давид ко Господу словеса песни сея в день, в оньже избави и Господь из руки всех враг его и из руки Сауловы, 010 2SA 022 002 и рече песнь: Господи, каменю мой и утверждение мое, и избавляяй мя мне: 010 2SA 022 003 Бог мой, хранитель мой будет мне, уповая буду на Него: защитник мой и рог спасения моего, Заступник мой и прибежище мое спасения моего, от неправеднаго спасеши мя. 010 2SA 022 004 Хвальнаго призову Господа, и от враг моих спасуся: 010 2SA 022 005 яко одержаша мя болезни смертныя и потоцы беззакония смятоша мя, 010 2SA 022 006 болезни смертныя обыдоша мя, предвариша мя жестокости смертныя. 010 2SA 022 007 Внегда скорбети ми призову Господа, и к Богу моему воззову, и услышит от храма святаго Своего глас мой, и вопль мой внидет во ушы Его. 010 2SA 022 008 И смятеся и трепетна бысть земля, и основания небесе смятошася и подвигошася, яко прогневася на ня Господь: 010 2SA 022 009 взыде дым гневом Его, и огнь из уст Его пояст: углие возгорешася от Него, 010 2SA 022 010 и преклони небеса и сниде, и мрак под ногама Его, 010 2SA 022 011 и вседе на Херувимы и лете, и явися на крилу ветреню, 010 2SA 022 012 и положи тму закров Свой: окрест Его селение Его, темноту вод огусти во облацех воздушных: 010 2SA 022 013 от сияния пред Ним разгорешася углие огненнии. 010 2SA 022 014 И возгреме с небесе Господь, и Вышний даде глас Свой, 010 2SA 022 015 и посла стрелы, и расточи их: и блесну молнию, и устраши я: 010 2SA 022 016 и явишася источницы морстии, и открышася основания вселенныя от запрещения Господня, от дохновения духа гнева Его: 010 2SA 022 017 посла с высоты и прият мя, извлече мя от вод многих: 010 2SA 022 018 избави мя от враг моих сильных и от ненавидящих мя, яко укрепишася паче мене: 010 2SA 022 019 предвариша мя в день печали моея. И бысть Господь утверждение мое, 010 2SA 022 020 и изведе мя на широту, и избави мя, яко благоволи во мне. 010 2SA 022 021 И воздаде ми Господь по правде моей, и по чистоте руку моею воздаде ми, 010 2SA 022 022 яко сохраних пути Господни и не нечествовах от Бога моего, 010 2SA 022 023 яко вся судбы Его предо мною, и оправдания Его не отступиша от мене, 010 2SA 022 024 и буду непорочен Ему, и сохранюся от беззакония моего. 010 2SA 022 025 И воздаст ми Господь по правде моей и по чистоте руку моею пред очима Его. 010 2SA 022 026 С преподобным преподобен будеши, и с мужем неповинным неповинен будеши: 010 2SA 022 027 и со избранным избран будеши, и со строптивым развратишися: 010 2SA 022 028 люди же смиренныя спасеши, и очи гордых смириши. 010 2SA 022 029 Яко Ты просвещаеши светилник мой, Господи, и Господь просветит ми тму мою: 010 2SA 022 030 яко Тобою потеку препоясан, и о Бозе моем прелезу стену. 010 2SA 022 031 Крепок, непорочен путь Его: глаголгол Господень державен, разжжен: защитник есть всем уповающым на Него. 010 2SA 022 032 Яко кто крепок разве Господа? И кто творец разве Бога нашего? 010 2SA 022 033 Крепок укрепляяй мя силою, и положи непорочен путь мой: 010 2SA 022 034 положивый нозе мои яко елени, и на высоких поставляяй мя: 010 2SA 022 035 научаяй руце мои на брань, и положивый лук медян мышца моя. 010 2SA 022 036 И дал ми еси защищение спасения моего, и кротость Твоя умножи мя. 010 2SA 022 037 Разширил еси стопы моя подо мною, и не позыбнустеся голени мои. 010 2SA 022 038 Пожену враги моя и потреблю я, и не возвращуся дондеже скончаю их: 010 2SA 022 039 и сокрушу их, и не востанут, и падут под ногама моима. 010 2SA 022 040 И укрепиши мя силою на брань, подклониши востающыя на мя под мя. 010 2SA 022 041 И враги моя дал ми еси хребет, ненавидящыя мя, и умертвил еси их: 010 2SA 022 042 возопиют, и несть помощника, ко Господу, и не услыша их: 010 2SA 022 043 и истних я яко прах земный, яко брение путий истончих я. 010 2SA 022 044 И избавиши мя от пререкания людий моих, сохраниши мя в главу языков. И людие, ихже не ведях, работаша ми. 010 2SA 022 045 Сынове чуждии солгаша ми, в слух уха услыша мя: 010 2SA 022 046 сынове чуждии отвержени будут, и вострепещут во градех своих. 010 2SA 022 047 Жив Господь, и благословен хранитель мой, и вознесется Бог мой, хранитель спасения моего. 010 2SA 022 048 Крепкий Господь даяй отмщения мне и наказуяй люди под мя, 010 2SA 022 049 и изводяй мя от враг моих, и от востающих на мя вознесеши мя, от мужа неправедна избавиши мя. 010 2SA 022 050 Сего ради исповемся Тебе, Господи, во языцех, и имени Твоему воспою: 010 2SA 022 051 величаяй спасения царя Своего, и творяй милость христу Своему Давиду и семени его до века. 010 2SA 023 001 И сия словеса Давидова последняя. Верен Давид сын Иессеов, и верен муж, егоже возстави Господь в христа Бога Иаковля, и благолепны псалмы Израилевы. 010 2SA 023 002 И Дух Господень глагола во мне, и слово Его на языце моем. 010 2SA 023 003 Глаголет Бог Израилев: мне глагола хранитель Израилев притчу: рех в человецех: како удержите страх Божий? 010 2SA 023 004 И во свете Божии утреннем, и возсия солнце заутра, не прейде от сияния, и яко от дождя злачна от земли. 010 2SA 023 005 Не тако бо дом мой с Крепким: завет бо вечен положи ми, готов во всяком времени сохранен: яко все спасение мое и все хотение во Господе, яко не имать прозябнути беззаконный. 010 2SA 023 006 Якоже терние извержено вси сии, яко не возмутся рукою, 010 2SA 023 007 и муж не потрудится в них: и множество железа, и древо копийное, и огнем сожжет, и попалятся в срамоту свою. 010 2SA 023 008 Сия имена сильных Давидовых: Иевосфей Хананеанин князь третияго есть: адинон асоней, сей обнажи мечь свой на осмь сот воинов (и победи) единою. 010 2SA 023 009 И по нем Елеазар, сын отца брата его, в триех сильных братиях, сей бе со Давидом (во сирране) внегда поносити ему во иноплеменницех: и иноплеменницы собрашася тамо на брань, 010 2SA 023 010 и изыдоша мужие Израилевы противу лица их, и той воста и убиваше иноплеменники, дондеже утрудися рука его и прильпе рука его к мечу: и сотвори Господь спасение велико в той день: и людие обратишася вслед его токмо совлачати. 010 2SA 023 011 И по нем Самаиа сын Асы, Арухейский: и собрашася иноплеменницы во Фирию: и бе тамо часть села исполнь лящи: и людие бежаша от лица иноплеменнича: 010 2SA 023 012 и ста аки столп посреде части, и исхити ю, и порази иноплеменники: и сотвори Господь спасение велико. 010 2SA 023 013 И снидоша три князи от тридесятих, и приидоша в касон к Давиду в вертеп Одоллам: и чинове иноплеменник ополчишася во юдоли Рафаинстей. 010 2SA 023 014 И Давид тогда бе во обдержании, и стан иноплеменническ бе тогда в Вифлееме. 010 2SA 023 015 И возжада Давид и рече: кто напоит мя водою из рова, иже в Вифлееме при вратех? Стан же бе тогда иноплеменничь в Вифлееме. 010 2SA 023 016 И расторгоша трие сильнии ополчение иноплеменничо, и почерпоша воды из рова Вифлеемскаго, иже при вратех: и взяша, и приидоша ко Давиду, и не восхоте пити ея: и возлия ю Господу 010 2SA 023 017 и рече: милостив мне, Господи, еже сотворити сие, кровь ли мужей пошедших в душах своих пити имам? И не восхоте пити ея. Сия сотвориша трие сильнии. 010 2SA 023 018 И Авесса брат Иоавль сын Саруин, сей бе князь в триех, и сей воздвиже копие свое на триста язвеных, и тому имя есть в триех. 010 2SA 023 019 От триех оных славный, и бысть им князь, и даже до триех не прииде. 010 2SA 023 020 И Ванеа сын Иодаев, муж сей премног в делех, от Кавасаила, и сей уби два сына Ариила Моавскаго: и той сниде, и уби льва посреде рова в день снежен: 010 2SA 023 021 и той порази мужа Египтянина, мужа красна, в руце же Египтянина копие яко древо лествицы корабленыя: и сниде к нему со палицею, и исторже копие из руку Египтянина, и уби его копием его: 010 2SA 023 022 сия сотвори Ванеа сын Иодаев, и тому имя в триех сильных, 010 2SA 023 023 от триех славный, и ко трием не прииде: и постави его Давид над таинники своими. 010 2SA 023 024 И сия имена сильных Давида царя: Асаил брат Иоавль, сей в тридесятих: Елеанан сын отца брата его от Вифлеема: 010 2SA 023 025 Семоф Ародиин: 010 2SA 023 026 Хеллис Келофийский: Ира сын Еккиса Фекоитскаго: 010 2SA 023 027 Авиезер Анафофитский: Савухей иже от Асофиты: 010 2SA 023 028 Еллон Алонитский: моей Нетофафитянин: 010 2SA 023 029 Ели сын Ваань, иже от Нетофафит: Еффи сын Ривань от Гаваона сынов Вениаминих: 010 2SA 023 030 Ванеас Фарафонитский: Урий от Наалгеа: 010 2SA 023 031 Ариил сын Аравофитянина: Заор Варсамитский: 010 2SA 023 032 Елеаса сын Салавонитский: Васей гонитский: 010 2SA 023 033 Ионафан сын Самана Ароритскаго: Ахиан сын Арати Арафурскаго: 010 2SA 023 034 Елифалаф сын Маахиавль: Елиав сын Ахитофела Гелонитскаго: 010 2SA 023 035 Асараи Кармилский: Урем сын Асви: 010 2SA 023 036 и Гала сын Нафанов: и Ваан сын Агарин: 010 2SA 023 037 Елли Амманитский: Гелорей Вирофийский, носяй оружие Иоава сына Саруина: 010 2SA 023 038 Ирас Еффирский: Гарев Иерфейский: и Уриа Гефейский. 010 2SA 023 039 Всех тридесять и седмь. 010 2SA 024 001 И приложи Господь гневу разгоретися во Израили, и подвиже в них Давида, глаголя: иди и изочти Израиля и Иуду. 010 2SA 024 002 И рече царь ко Иоаву князю силы иже с ним: пройди ныне вся колена Израилева и Иудина, от Дана даже и до Вирсавии, и сочти люди, и да увем число людем. 010 2SA 024 003 И рече Иоав ко царю: да приложит Господь Бог твой к людем твоим, якоже быти им сторицею, и очи господина моего царя да увидят: и господин мой царь почто помышляет о словеси сем? 010 2SA 024 004 И превозможе слово царево ко Иоаву и ко князем силы. И изыде Иоав и князи крепости пред царем сочести люди Израилевы. 010 2SA 024 005 И преидоша Иордан, и ополчишася во Ароире одесную града иже посреде дебри Гад и Елиезер. 010 2SA 024 006 И приидоша в Галаад и в землю Фавасон и Истон и в Дасу, и внидоша в Данидан и обыдоша Сидон, 010 2SA 024 007 и приидоша во Мапсар Тирский и во вся грады Евеины и в Хананеины, и идоша на юг Иуды в Вирсавию, 010 2SA 024 008 и обыдоша всю землю, и приидоша во Иерусалим, скончавше девять месяц и двадесять дний. 010 2SA 024 009 И даде Иоав число сочтеных людий царю: и бе Израиля числом осмь сот тысящ сильных держащих оружие, и мужей Иудиных пять сот тысящ мужей борцев. 010 2SA 024 010 И убояся сердце Давидово по счислении людий, и рече Давид ко Господу: согреших зело, яко сотворих глагол сей: и ныне, Господи, отими беззаконие раба Твоего, яко обуях зело. 010 2SA 024 011 И воста Давид заутра: и слово Господне бысть ко Гаду пророку прозорливцу, глаголя: 010 2SA 024 012 иди и рцы Давиду, глаголя: тако глаголет Господь: трое Аз наведу на тя, и избери себе едино от сих, и сотворю ти. 010 2SA 024 013 И вниде Гад к Давиду, и поведа, и рече ему: избери себе быти: или приидут тебе три лета глада на землю твою: или три месяцы бегати имаши пред враги твоими, и будут гоняще тя: или три дни быти смерти в земли твоей: ныне убо разумей и виждь, что отвещаю Пославшему мя. 010 2SA 024 014 И рече Давид ко Гаду: тесна ми суть отвсюду зело три сия: да впаду убо в руце Господни, яко многи суть щедроты Его зело: в руце же человечи да не впаду. И избра себе Давид смерть и дни жатвенныя пшеницы. 010 2SA 024 015 И даде Господь смерть во Израили от утра до часа обедняго, и начася язва быти в людех, и умроша от людий Господних от Дана и до Вирсавии седмьдесят тысящ мужей. 010 2SA 024 016 И простре Ангел Божий руку свою на Иерусалим погубити его, и раскаяся Господь о зле, и рече Ангелу погубляющему люди: доволно ныне, отими руку твою. И Ангел Господнь бе стоя пред гумном Орны Иевусеанина. 010 2SA 024 017 И рече Давид ко Господу, егда виде Ангела биюща люди, и рече: се, аз есмь согрешивый, аз есмь пастырь зло сотворивый, а сии овцы что сотвориша? Да будет ныне рука Твоя на мне и на дому отца моего. 010 2SA 024 018 И прииде Гад к Давиду в день той и рече ему: взыди, и постави Господеви олтарь на гумне Орны Иевусеанина. 010 2SA 024 019 И взыде Давид по глаголу Гада пророка, имже образом заповеда ему Господь. 010 2SA 024 020 И преклонися Орна, и виде царя и отроки его восходящыя выше его, и изыде Орна, и поклонися царю на лицы своем на земли, 010 2SA 024 021 и рече Орна: что яко прииде господин мой царь к рабу своему? И рече Давид: купити у тебе гумно (приидох), на создание олтаря Господня, и престанет язва от людий. 010 2SA 024 022 И рече Орна к Давиду: да приимет и вознесет господин мой царь Господу (Богу) еже благо пред очима его: се, волове во всесожжение, и колеса и сосуди волов на дрова. 010 2SA 024 023 Вся даде Орна царю. И рече Орна к царю: Господь Бог твой да благословит тя. 010 2SA 024 024 И рече царь ко Орне: ни, но токмо купуя куплю от тебе ценою, и не вознесу Господу Богу моему всесожжения туне. И купи Давид гумно и волы на пятидесяти сиклех сребра. 010 2SA 024 025 И созда тамо Давид олтарь Господеви: и вознесе всесожжения и мирная. И приложи Соломон ко олтарю последи, зане мал бе прежде. И послуша Господь земли, и отят язву от Израиля. # # BOOK 011 1KI 1 Kings Третья книга Царств 011 1KI 001 001 И царь Давид бысть стар прешед дни, и одеваху его ризами (многими), и не согревашеся. 011 1KI 001 002 И реша отроцы его ему: да поищут господину нашему царю девицы юныя, и предстоит цареви, и будет греющи его, и да лежит с ним, и согреется господин наш царь. 011 1KI 001 003 И искаша отроковицы добрыя от всего предела Израилева, и обретоша Ависагу Сумантяныню, и приведоша ю ко царю. 011 1KI 001 004 И бе отроковица добра видением зело: и бысть греющи царя и служаше ему: царь же не позна ея. 011 1KI 001 005 И Адониа сын Аггифин вознесеся, глаголя: аз имам царствовати. И сотвори себе колесницы и конники, и пятьдесят мужей еже ходити пред ним. 011 1KI 001 006 И не возбрани ему отец его никогда, глаголя: почто сие ты сотворил еси? И бе той красен зраком зело, и того роди по Авессаломе. 011 1KI 001 007 И беша совети его со Иоавом сыном Саруиным и со Авиафаром иереом, и помогаху вслед Адонии. 011 1KI 001 008 Садок же иерей и Ванеа сын Иодаев, и Нафан пророк и Семей, и Рисий и сынове сильнии Давидовы не быша по Адонии. 011 1KI 001 009 И пожре Адониа овцы и телцы и агнцы при камени Зоелефе, иже бе близ источника Рогиля: и призва всю братию свою, сыны царевы, и вся мужы Иудовы, отроки царевы: 011 1KI 001 010 Нафана же пророка и Ванеа и сильных и Соломона брата своего не зва. 011 1KI 001 011 И рече Нафан ко Вирсавии матери Соломони, глаголя: не слышала ли еси, яко воцарися Адониа сын Аггифин, господин же наш Давид не весть: 011 1KI 001 012 ныне убо совещаю ти совет, и избавиши душу свою и душу сына твоего Соломона: 011 1KI 001 013 гряди, вниди к царю Давиду и речеши к нему, глаголющи: не ты ли, господи мой царю, клялся еси рабе твоей, глаголя: яко Соломон сын твой имать царствовати по мне, и той сядет на престоле моем? И что яко воцарися Адониа? 011 1KI 001 014 И се, еще глаголющей тебе тамо со царем, и аз вниду вслед тебе и дополню словеса твоя. 011 1KI 001 015 И вниде Вирсавиа ко царю в ложницу. И царь стар зело, и Ависаг Сумантяныня бяше служащи царю. 011 1KI 001 016 И приклонися Вирсавиа и поклонися цареви. И рече царь: что ти есть? 011 1KI 001 017 Она же рече: господи мой царю, ты клялся еси пред Господем Богом твоим рабе твоей, глаголя: яко сын твой Соломон имать царствовати по мне, и той сядет на престоле моем: 011 1KI 001 018 и се, ныне Адониа царствует, ты же, господи мой царю, не веси: 011 1KI 001 019 и пожре телцы и агнцы и овцы во множестве, и созва вся сыны царевы, и Авиафара жерца и Иоава князя силы, Соломона же раба твоего не призва: 011 1KI 001 020 ты же, господи мой царю, очи всего Израиля к тебе: да возвестиши им, кто сядет на престоле господина моего царя по нем: 011 1KI 001 021 и будет егда уснет господин мой царь со отцы своими, и буду аз и сын мой Соломон грешни. 011 1KI 001 022 И се, еще ей глаголющей с царем, и Нафан пророк прииде. 011 1KI 001 023 И возвестиша царю, глаголюще се, Нафан пророк. И вниде пред лице царево, и поклонися царю пред лицем его до земли, 011 1KI 001 024 и рече Нафан: господи мой царю, ты ли рекл еси: Адониа да царствует по мне, и той да сядет на престоле моем? 011 1KI 001 025 Яко сниде днесь и закла телцы и агнцы и овцы во множестве, и созва вся сыны царевы и князи сильных, и Авиафара иереа: и се, суть ядуще и пиюще пред ним, и реша: да живет царь Адониа: 011 1KI 001 026 и мене самаго раба твоего, и Садока иереа, и Ванеа сына Иодаева, и Соломона раба твоего не зва: 011 1KI 001 027 от господина ли царя моего бысть глагол сей? И не сказал еси рабу твоему, кто сядет на престоле господина моего царя по нем? 011 1KI 001 028 И отвеща царь Давид и рече: призовите ми Вирсавию. И вниде (Вирсавиа) пред царя и ста пред лицем его. 011 1KI 001 029 И клятся царь и рече: жив Господь, иже избави душу мою от всея печали: 011 1KI 001 030 якоже бо кляхтися пред Господем Богом Израилевым, глаголя: яко Соломон сын твой воцарится по мне, и той сядет на престоле моем вместо мене, яко тако сотворю ему в днешний день. 011 1KI 001 031 И преклонися Вирсавиа лицем на землю, и поклонися царю и рече: да живет господин мой царь Давид во веки. 011 1KI 001 032 И рече царь Давид: призовите мне Садока жерца и Нафана пророка, и Ванеа сына Иодаева. И внидоша пред царя. 011 1KI 001 033 И рече им царь: поимите с собою рабы господина вашего, и всадите сына моего Соломона на мска моего, и ведите его к Гиону, 011 1KI 001 034 и да помажет его тамо Садок иерей и Нафан пророк в царя над Израилем, и вострубите трубою рожаною и речете: да живет царь Соломон: 011 1KI 001 035 и изыдите вслед его, и внидет, и сядет на престоле моем, и той воцарится вместо мене: и аз заповедах, да будет властелин над Израилем и Иудою. 011 1KI 001 036 И отвеща Ванеа сын Иодаев царю и рече: буди тако: да утвердит Господь Бог глагол сей господина моего царя: 011 1KI 001 037 якоже бе Господь со господином моим царем, тако да будет и с Соломоном, и да возвеличит престол его паче престола господина моего царя Давида. 011 1KI 001 038 И сниде Садок иерей и Нафан пророк, и Ванеа сын Иодаев, и Хереффи и Фелеффи, и всадиша Соломона на мска царя Давида, и возведоша его к Гиону: 011 1KI 001 039 и взя Садок иерей рог с елеем от скинии, и помаза Соломона, и воструби трубою рожаною, и реша вси людие: да живет царь Соломон. 011 1KI 001 040 И взыдоша вси людие вслед его и ликоваша в лицех, и веселяхуся веселием великим, и разседеся земля от гласа их. 011 1KI 001 041 И слыша Адониа и вси званнии его, и тии скончаша уже ядуще. И слыша Иоав глас трубы рожаны и рече: кий глас есть града шумяща? 011 1KI 001 042 И еще Ему глаголющу, и се, Ионафан сын Авиафара иереа прииде. И рече Адониа: вниди, яко муж силы ты еси, и благая возвести. 011 1KI 001 043 И отвеща Ионафан и рече: известно, господин наш царь Давид постави Соломона царем: 011 1KI 001 044 и посла с ним царь Садока иереа и Нафана пророка, и Ванеа сына Иодаева, и Хереффи и Фелеффи, и всадиша его на мска царева: 011 1KI 001 045 и помазаша его Садок иерей и Нафан пророк на царство в Гионе, и взыдоша оттуду веселящеся, и возшуме град: сей глас, егоже слышасте: 011 1KI 001 046 и седе Соломон на престоле царстем: 011 1KI 001 047 и внидоша раби царевы благословити господина нашего царя Давида, глаголюще: да ублажит Бог имя Соломона сына твоего паче имене твоего, и да возвеличит престол его паче престола твоего: и поклонися царь на одре своем, 011 1KI 001 048 и сице рече царь: благословен Господь Бог Израилев, Иже даде днесь от семене моего седяща на престоле моем, и очи мои видят. 011 1KI 001 049 И ужасошася ужасом, и восташа вси званнии Адониевы, и отиде кийждо путем своим. 011 1KI 001 050 И Адониа убояся от лица Соломоня, и воста и отиде, и ятся за рог олтаря. 011 1KI 001 051 И возвестиша Соломону, глаголюще: се, Адониа убояся царя Соломона, и держится за рог олтаря, глаголя: да кленетмися днесь царь Соломон, яко не убиет раба своего оружием. 011 1KI 001 052 И рече Соломон: аще будет сын силы, ни влас главы его упадет на землю: аще же злоба обрящется в нем, умрет. 011 1KI 001 053 И посла царь Соломон, и сведоша его со олтаря. И вниде, и поклонися царю Соломону. И рече ему Соломон: иди в дом свой. 011 1KI 002 001 И приближишася Давиду дние умрети ему, и заповеда Соломону сыну своему, глаголя: 011 1KI 002 002 аз отхожду в путь всея земли: ты же крепися, и буди муж совершен, 011 1KI 002 003 и сохрани завет Господа Бога твоего, еже ходити во всех путех Его, хранити заповеди Его и оправдания Его, и судбы Его и свидения Его, писанная в законе Моисеове: да разумееши яже сотвориши по всем, елика заповедах тебе: 011 1KI 002 004 да утвердит Господь слово Свое, еже рече о мне, глаголя: аще сохранят сынове твои пути своя, еже ходити предо Мною во истине всем сердцем своим и всею душею своею, глаголя: не искоренится тебе муж с престола Израилева: 011 1KI 002 005 и ты веси, елика сотвори мне Иоав сын Саруин, елика сотвори двема воеводама сил Израилевых, Авениру сыну Нирову и Амессаю сыну Иеферову, и уби их, и излия крови брани в мире, и даде кровь неповинных на поясе своем, иже на чреслех его, и на сапозе своем сущем на нозе его: 011 1KI 002 006 и сотвориши по мудрости твоей, и не сведеши старости его с миром во ад: 011 1KI 002 007 сыном же Верзеллии Галаадитина сотвориши милость, и да будут с ядущими трапезу твою: яко тако приближишася мне, внегда бежати мне от лица Авессалома брата твоего: 011 1KI 002 008 и се, с тобою Семей сын Гирань сын Иемениин от Ваурима, и той прокля мя проклятием горьким, в день в оньже исхождах в Полки: и той сниде на сретение ми на Иордан, и кляхся ему о Господе, глаголя: не убию тя оружием: 011 1KI 002 009 и да не обезвиниши его, яко муж мудр еси ты, и увеси что сотвориши ему, и сведеши старость его с кровию во ад. 011 1KI 002 010 И успе Давид со отцы своими, и погребен бысть во граде Давидове. 011 1KI 002 011 И бысть дний, в няже царствова Давид во Израили, четыредесять лет: в Хевроне царствова седмь лет, во Иерусалиме же тридесять три лета. 011 1KI 002 012 И Соломон седе на престоле Давида отца своего сын дванадесяти лет, и уготовася царствие его зело. 011 1KI 002 013 И вниде Адониа сын Аггифин к Вирсавии матери Соломони, и поклонися ей. Она же рече: мир ли вход твой? И рече: мир. 011 1KI 002 014 И рече: слово мне к тебе. И рече ему: глаголи. 011 1KI 002 015 И рече ей: ты веси, яко мне бе царство, и на мя весь Израиль положи лице свое, еже царствовати, и обратися царство, и бысть брату моему, яко от Господа бысть ему: 011 1KI 002 016 и ныне прошения единаго аз прошу от тебе, не отврати лица своего. И рече ему Вирсавиа: глаголи. 011 1KI 002 017 И рече к ней: рцы к Соломону царю, яко не имать отвратити лица своего от тебе, и дабы ми дал Ависагу Сумантяныню в жену. 011 1KI 002 018 И рече Вирсавиа: добре, аз имам глаголати о тебе к царю. 011 1KI 002 019 И вниде Вирсавиа пред царя Соломона глаголати ему о Адонии. И воста царь на сретение ей, и поклонися ей, и седе на престоле своем: и поставиша престол другий матери цареве, и седе одесную его, 011 1KI 002 020 и рече ему: прошения мала единаго аз прошу у тебе, не отврати лица моего. И рече к ней царь: проси, мати моя, яко не отвращуся от тебе. 011 1KI 002 021 И рече: даждь Ависагу Сумантяныню Адонии брату твоему в жену. 011 1KI 002 022 И отвеща царь Соломон и рече матери своей: вскую ты просиши Ависаги Сумантяныни Адонии? Еще проси ему и царства, яко той брат мой болший мене, и ему Авиафар иерей, и ему Иоав сын Саруин воевода друг. 011 1KI 002 023 И клятся царь Соломон Господем, глаголя: сия да сотворит мне Бог и сия да приложит, яко на душу свою глагола Адониа слово сие: 011 1KI 002 024 и ныне жив Господь, Иже уготова мя, и посади мя на престоле отца моего Давида, и Той сотвори ми дом, якоже глагола Господь, яко днесь умрет Адониа. 011 1KI 002 025 И посла царь Соломон рукою Ванеа сына Иодаева, и уби его, и умре Адониа в той день. 011 1KI 002 026 И Авиафару иерею рече царь: тецы ты во Анафоф на село твое, яко муж смерти еси ты в днешний день, но не умерщвлю тебе, яко носил еси кивот завета Господня пред отцем моим (Давидом), и яко озлоблен был еси во всех, имиже озлоблен бе отец мой. 011 1KI 002 027 И изгна Соломон Авиафара, еже не быти ему иереем Господним, якоже сбытися словеси Господню, еже глагола на дом Илиев в Силоме. 011 1KI 002 028 И слух дойде до Иоава сына Саруина, яко Иоав последова Адонии, и в след Соломонь не уклонися. И бежа Иоав в скинию Господню, и ятся рогов олтаревых. 011 1KI 002 029 И возвестиша Соломону, глаголюще: яко бежа Иоав в скинию Господню, и се, держится рогов олтаревых. И посла царь Соломон ко Иоаву, глаголя: что ти бысть, яко убежал еси во олтарь? И рече Иоав: яко убояхся от лица твоего, и бежах ко Господу. И посла Соломон Ванеа сына Иодаева, глаголя: иди, и убий его, и погреби его. 011 1KI 002 030 И прииде Ванеа сын Иодаев ко Иоаву в скинию Господню, и рече ему: сия глаголет царь: изыди. И рече Иоав: не изыду, но да зде умру. И возвратися Ванеа сын Иодаев и рече царю, глаголя: сия глагола Иоав и сия отвеща мне. 011 1KI 002 031 И рече ему царь: иди и сотвори ему, якоже рече, и убий его, и погреби его, и отими днесь кровь, юже туне пролия Иоав, от мене и от дому отца моего: 011 1KI 002 032 и возврати Господь кровь неправды его на главу его, якоже нападе на два мужа праведна и блага паче его, и уби их оружием: и отец мой Давид не разуме крове их, Авенира сына Нирова, воеводу Израилева, и Амессая сына Иеферова, воеводу Иудина: 011 1KI 002 033 и возвратися кровь их на главу его и на главу семене его во веки: Давиду же и семени его, и дому его, и престолу его мир да будет до века от Господа. 011 1KI 002 034 И взыде Ванеа сын Иодаев и нападе на него, и уби его, и погребе его в дому его в пустыни. 011 1KI 002 035 И постави царь Соломон Ванеа сына Иодаева вместо его над воинством: царство же управляшеся во Иерусалиме. И Садока иереа даде Соломон царь во иереа перваго вместо Авиафара. 011 1KI 002 036 И послав царь Соломон, призва Семеа и рече ему: созижди себе дом во Иерусалиме и седи тамо, и не исходи оттуду никаможе: 011 1KI 002 037 и будет в день исхода твоего, и прейдеши поток Кедрский, разумея разумей, яко смертию умреши: кровь твоя будет на главе твоей. И заклят его царь в день той. 011 1KI 002 038 И рече Семей к царю: благ глагол, егоже глаголал еси, господи мой царю: тако сотворит раб твой. И седе Семей во Иерусалиме три лета. 011 1KI 002 039 И бысть по триех летех, и бежаста два раба Семеина ко Агхусу сыну Маахаину, царю Гефску. И возвестиша Семею, глаголюще: се, раби твои во Гефе. 011 1KI 002 040 И воста Семей, и оседла осля свое, и иде во Геф ко Агхусу взыскати рабы своя: и пойде Семей, и приведе рабы своя от Гефа. 011 1KI 002 041 И возвестиша Соломону, глаголюще: яко Семей ходи из Иерусалима в Геф и возврати рабы своя. 011 1KI 002 042 И посла царь и призва Семеа и рече к нему: не заклях ли тя Господем, и засвидетелствовах тебе, глаголя: в оньже аще день изыдеши из Иерусалима и пойдеши на десно или на шуее, разумея разумей, яко смертию умреши? И рекл ми еси: благ глагол, егоже слышах: 011 1KI 002 043 и что яко не сохранил еси клятвы Господни и заповеди, юже заповедах на тя? 011 1KI 002 044 И рече царь к Семею: ты веси всю злобу твою, юже весть сердце твое, яже сотворил еси Давиду отцу моему: и возврати Господь злобу твою на главу твою: 011 1KI 002 045 и царь Соломон благословен, и престол Давидов будет готов пред Господем во веки. 011 1KI 002 046 И заповеда царь Соломон Ванею сыну Иодаеву: и изыде, и уби его, и умре (Семей). 011 1KI 003 001 Егда же царство утвердися в руце Соломона, сватовство сотвори Соломон с фараоном царем Египетским: и поят дщерь фараоню и введе ю во град Давидов, дондеже сконча здати дом свой и дом Господень и стену Иерусалима окрест. 011 1KI 003 002 Обаче людие тогда бяху жруще на высоких, яко не бе создан дом Господеви даже до дне онаго. 011 1KI 003 003 И возлюби Соломон Господа, ходити в заповеданиих Давида отца своего, токмо на холмех жряше и кадяше. 011 1KI 003 004 И воста Соломон, и иде в Гаваон пожрети тамо, яко тамо бе высота велия: тысящу всесожжения вознесе на жертвеннице в Гаваоне. 011 1KI 003 005 И явися Господь Соломону во сне нощию и рече ему: проси что хощеши себе. 011 1KI 003 006 И рече Соломон: Ты сотворил еси с рабом Твоим Давидом отцем моим милость велию, якоже ходи пред Тобою истиною и правдою и правым сердцем с Тобою, и сохранил еси ему милость великую сию, еже дати сыну его седети на престоле его, якоже днесь: 011 1KI 003 007 и ныне, Господи Боже мой, Ты дал еси раба Твоего вместо Давида отца моего: и аз есмь отрочищь мал, и не вем исхода моего и входа моего: 011 1KI 003 008 раб же Твой посреде людий Твоих, ихже избрал еси людий многих, иже не изочтутся от множества: 011 1KI 003 009 и даси рабу Твоему сердце смыслено слышати и судити люди Твоя в правде, еже разумевати посреде добра и зла: яко кто может судити людем Твоим тяжким сим? 011 1KI 003 010 И угодно бысть слово сие пред Господем, яко испроси Соломон глагол сей. 011 1KI 003 011 И рече Господь к нему: занеже просил еси от мене глагола сего, и не просил еси от мене дний многих, и не просил еси богатства, ниже просил еси душ враг твоих, но испросил еси себе разума, еже слышати суд: 011 1KI 003 012 се, сотворих по глаголу твоему, се, дах ти сердце смыслено и мудро: якоже ты, не бысть муж прежде тебе и по тебе не востанет подобен тебе: 011 1KI 003 013 и яже не просил еси, дах тебе, и богатство и славу, якоже ты, не бысть муж подобен тебе в царех во вся дни твоя: 011 1KI 003 014 и аще пойдеши путем Моим сохранити заповеди Моя и повеления Моя, якоже хождаше Давид отец твой, и умножу дни твоя. 011 1KI 003 015 И возбудися Соломон, и се, сновидение. И воста, и иде во Иерусалим, и ста пред лицем жертвенника, пред лицем кивота завета Господня в Сионе, и вознесе всесожжения и сотвори мирная, и сотвори пир велий себе и всем отроком своим. 011 1KI 003 016 Тогда явистеся две жене блуднице пред царем и стасте пред ним. 011 1KI 003 017 И рече жена едина: во мне, господи мой: аз и жена сия жихоме в дому единем и родихоме в дому: 011 1KI 003 018 и бысть по третием дни рождения моего, и роди и жена сия: и бехом купно, и не бе никтоже с нами, кроме обоих нас в дому: 011 1KI 003 019 и умре сын жены сея в нощи, яко лежа на нем: 011 1KI 003 020 и воста в полунощи, и взя отроча мое от объятий моих, и успи е на лоне своем, а отроча свое умершее положи на лоне моем: 011 1KI 003 021 и востах заутра накормити отроча мое, и обретох и мертво: и се, разсмотрих его рано, и се, не бе сын мой, егоже родих: 011 1KI 003 022 и рече другая жена: ни, но се есть сын мой живый, се же есть сын твой умерый. И прястеся пред царем. 011 1KI 003 023 И рече има царь: ты глаголеши, яко сей сын мой живый, сын же сея мертвый: и ты глаголеши: ни, но живый есть сын мой, твой же сын умерший. 011 1KI 003 024 И рече царь: принесите ми мечь. И принесоша мечь пред царя. 011 1KI 003 025 И рече царь: разсецыте отроча ссущее живое на двое, и дадите половину его сей, и другую половину оней. 011 1KI 003 026 И отвеща жена, еяже бе сын живый, и рече ко царю, понеже смятеся утроба ея о сыне ея, и рече: во мне, господи мой, дадите ей отроча живое, смертию же не умертвите его. И та рече: да не будет ни мне, ни тебе, но пресецыте е. 011 1KI 003 027 И отвеща царь и рече: дадите детище живо жене рекшей: дадите сей е, смертию же не умертвите его: сия мати его. 011 1KI 003 028 И слыша весь Израиль суд сей, имже суди царь, и убояшася от лица царева, разумеша бо, яко разум Божий в нем еже творити оправдания. 011 1KI 004 001 И бе царь Соломон царствуяй над Израилем. 011 1KI 004 002 И сии старейшины иже беша с ним: 011 1KI 004 003 Азариа сын Садоков, жрец: Елиаф и Ахиа сынове Сивины, книгочии: и Иосафат сын Ахилудов, напоминатель: 011 1KI 004 004 и Ванеа сын Иодаев над силою: и Садок и Авиафар, иерее: 011 1KI 004 005 и Азариа сын Нафань над настоятелми: и Завуф сын Нафань друг царев: 011 1KI 004 006 и Ахисар бе строитель, и Елиав сын Сафатов над отечеством: и Адонирам сын Авдонов над даньми. 011 1KI 004 007 И у Соломона бяху дванадесять приставник над всем Израилем, еже подаяти царю и дому его: по месяцу в лете бываше един, еже подаяти, 011 1KI 004 008 и сия имена их: Вен сын Оров на горе Ефремли, един: 011 1KI 004 009 сын Дакарь во Махемате и во Висаламине и Вефсамисе и Елоне, даже до Вефанана, един: 011 1KI 004 010 сын Седов во Аравофе, сего Сохо и вся земля Оферова: 011 1KI 004 011 сына Аминадавля вся Неффадор: Тефаф дщи Соломоня бе ему в жену, един: 011 1KI 004 012 Вана сын Ахилуфов во Ифаанахе и Магеддо и весь Дом Саныи, иже при Сесафане под Езраелем, и от Вифсана даже до Савелмаула, даже до Маевер Лукам, един: 011 1KI 004 013 сын Наверов в Равофе Галаадстем: сему область Ергав в Васане, шестьдесят градов великих огражденных стенами, и вереи медяны, един: 011 1KI 004 014 Ахинадав сын Саддов во Маанаиме: 011 1KI 004 015 Ахимаас в Неффалиме: и сей поят Васемафу дщерь Соломоню в жену, един: 011 1KI 004 016 Ваана сын Хусиин во Асире и во Ваалофе, един: 011 1KI 004 017 Иосафат сын Фаруев во Иссахаре, 011 1KI 004 018 Семей сын Илы во Вениамине, 011 1KI 004 019 Гавер сын Адаев в земли Галааде, в земли Сиона царя Есевонска и Ога царя Васанска, и Насиф един в земли Иудове. 011 1KI 004 020 Иуда и Израиль мнози аки песок иже при мори во множестве, ядуще и пиюще и веселящеся. 011 1KI 004 021 И Соломон бе началствуяй во всех царствах, от реки земли Филистимския и даже до предел Египетских, (и бяху) приносяще дары и работающе Соломону во вся дни живота его. 011 1KI 004 022 И сия потребная Соломону в день един: тридесять мер муки семидалныя и шестьдесят мер муки смешаныя, 011 1KI 004 023 десять телцев избранных и двадесять волов тучных и сто овец, кроме еленей и серн и птиц, избранна от избранных тучна. 011 1KI 004 024 Понеже бе началствуяй во всех об он пол реки от Фапсы и даже до Газы, над всеми царми об он пол реки, и мир бе ему от всех стран окрест. 011 1KI 004 025 И живяху Иуда и Израиль безпечально, кийждо под виноградом своим и под смоковницею своею, ядуще и пиюще, от Дана и даже до Вирсавии, во вся дни Соломона. 011 1KI 004 026 И бяше у Соломона четыредесять тысящ кобылиц в колесницы и двадесять тысящ конник. 011 1KI 004 027 И тако подаяху приставники царю Соломону, и вся повеленная на трапезу цареву, кийждо в месяц свой, не пременяюще словесе: 011 1KI 004 028 и ячмень и плевы конем, и колесницами привозяху на место, идеже бе царь, кийждо по чину своему. 011 1KI 004 029 И даде Господь смысл и мудрость Соломону многу зело, и широту сердца, яко песок иже при мори: 011 1KI 004 030 и умножися мудрость Соломонова зело, паче смысла всех древних человек и паче всех смысленных Египетских: 011 1KI 004 031 и умудрися паче всех человек, и умудрися паче Гефана Езраилитнна и Емана, и Халкада и Дарды, сына Самадова, и прославися имя его во всех странах окрест. 011 1KI 004 032 И изглагола Соломон три тысящы притчей, и быша песни его пять тысящ: 011 1KI 004 033 и глагола о древех, от кедра иже в Ливане и даже до иссопа исходящаго из стены: и глагола о скотех и о птицах и о гадех и о рыбах. 011 1KI 004 034 И прихождаху вси людие слышати премудрость Соломоню: и приимаше дары от всех царей земных, елицы слышаху премудрость его. 011 1KI 005 001 И посла Хирам царь Тирский отроки своя к Соломону: услыша бо, яко помазаша его на царство вместо Давида отца его, яко любяше Хирам Давида во вся дни. 011 1KI 005 002 И посла Соломон к Хираму, глаголя: 011 1KI 005 003 ты веси отца моего Давида, яко не возможе создати дому имени Господа Бога моего, от лица противных, окруживших его, дондеже даде я Господь под стопы ног его: 011 1KI 005 004 и ныне упокои Господь Бог мой мне окрест, несть наветника, ниже сопротивника лукаваго: 011 1KI 005 005 и се, аз глаголю создати дом имени Господа Бога моего, якоже глагола Господь Бог к Давиду отцу моему, глаголя: сын твой, егоже дам вместо тебе на престол твой, той созиждет дом имени Моему: 011 1KI 005 006 и ныне заповеждь, да насекут ми древ от Ливана, и се, раби мои с рабы твоими, и мзду трудов твоих дам ти по всему елика речеши, понеже ты веси, яко несть нам ведущаго древа сещи, якоже Сидоняне. 011 1KI 005 007 И бысть егда услыша Хирам словеса Соломоня, возрадовася зело и рече: благословен Бог днесь, Иже даде Давиду сына разумна над людьми сими многими. 011 1KI 005 008 И посла Хирам к Соломону, глаголя: слышах о всех, ихже ради послал еси ко мне: аз сотворю все хотение твое о древах кедровых и певговых: 011 1KI 005 009 слуги мои изнесут я от Ливана к морю, и аз положу я в складения на место, идеже возвестиши мне, и довезу я тамо: и ты возмеши, и сотвориши хотение мое, еже дати хлебы дому моему. 011 1KI 005 010 И бе Хирам дая Соломону кедры и певги и всю волю его. 011 1KI 005 011 И даде Соломон Хираму двадесять тысящ мер пшеницы, и пищу дому его, и двадесять тысящ мер елеа чистаго: по сему даваше Соломон Хираму на всяко лето. 011 1KI 005 012 И Господь даде Соломону премудрость, якоже глагола ему. И бе мир между Хирамом и между Соломоном, и положиша завет между собою. 011 1KI 005 013 И взя царь дань от всего Израиля, и бе дань тридесять тысящ мужей. 011 1KI 005 014 И посла я в Ливан, десять тысящ на месяц в премену: месяц быша в Ливане и два месяца в дому своем: и бяше Адонирам над данию. 011 1KI 005 015 И бяше Соломону седмьдесят тысящ носящих бремена и осмьдесят тысящ секущих камение в горе, 011 1KI 005 016 кроме старейшин приставленых над делами Соломоними, три тысящы и шесть сот приставник делающих дела. 011 1KI 005 017 И заповеда царь, и взяша камение великое, камение честное на основание храма, и камение нетесаное. 011 1KI 005 018 И истесаша сынове Соломони и сынове Хирамли и каменосечцы Гевалстии: и изготовиша камения и древа в три лета. 011 1KI 006 001 И бысть в четыредесятное и в четвертосотное лето исхода сынов Израилевых из Египта, в лето четвертое, в месяц вторый, царствующу царю Соломону над Израилем, и созда храм Господеви. 011 1KI 006 002 И храм, егоже созда Соломон царь Господеви, (бяше) шестьдесят лакот долгота его, и двадесяти лакот широта его, и тридесяти лакот высота его: 011 1KI 006 003 и притвор, иже пред лицем храма, двадесяти лакот долгота его в широту дому, и десяти лакот широта его пред лицем дому: и созда храм, и соверши его. 011 1KI 006 004 И сотвори храму окна преклонены сокровены. 011 1KI 006 005 И созда на стене дому притворы около храма и давира. 011 1KI 006 006 И сотвори бока около, бок иже с низу, пяти лакот широта его, и средний шести лакот широта, и третий седми лакот широта его: понеже разстояние дому сотвори окрест внеуду храма, яко да не досязают стен храма. 011 1KI 006 007 И храму зиждему сущу, камением краесекомым нетесаным создася: млат же, и теслица, и всякое орудие железно не слышася в храме, егда созидатися ему. 011 1KI 006 008 И двери бока нижняго под стеною храма десною, и извиенный восход до средины, а от средины до трекровных. 011 1KI 006 009 И созда храм, и соверши его: и обстави храм дсками кедровыми. 011 1KI 006 010 И сотвори вязания окрест всего храма, пять лакот в высоту его, и связа вязание древом кедровым. 011 1KI 006 011 И бысть слово Господне к Соломону, глаголющее: 011 1KI 006 012 храм сей егоже ты созидаеши, аще пойдеши по заповедем Моим, и судбы Моя сотвориши, и сохраниши вся повеления Моя, еже пребывати в них, утвержу слово Мое с тобою, еже глаголах Давиду отцу твоему, 011 1KI 006 013 и вселюся посреде сынов Израилевых, и не оставлю людий Моих Израиля. 011 1KI 006 014 И созда Соломон храм, и сконча его. 011 1KI 006 015 И созда стены храму внутрь древом кедровым, от земли храма и даже до стен и даже до верха: около обстави содержащая древами внутрьуду и укрепи внутрь храма боками певговыми. 011 1KI 006 016 И созда двадесяти лакот от края стены бок един от земли даже до верха: и сотвори ему внутрь от давира стену до Святая святых. 011 1KI 006 017 И четыредесяти лакот бяше храм: сей (есть) храм внутреннейший. 011 1KI 006 018 И от кедра во храме внутрь постави плетение и дщицы и ваяния вся кедрова: камень не являшеся. 011 1KI 006 019 Пред лицем давира, посреде храма внутрь уготова поставити тамо кивот завета Господня. 011 1KI 006 020 И пред лицем давира двадесяти лакот долгота, и двадесяти лакот широта, и двадесяти лакот высота его, и объят его златом чистым: и сотвори олтарь кедровый: и повлече Соломон храм внутрь златом чистым, и пригвозди гвоздми златыми пред лицем давира, и объят и златом. 011 1KI 006 021 И весь храм объят златом до скончания всего храма. 011 1KI 006 022 И все внутрь давира покры златом. 011 1KI 006 023 И сотвори в давире два херувима от древ кипарисных, десять лакот мерою величество: 011 1KI 006 024 и пяти лакот крило херувима единаго, и пяти лакот крило его второе, десяти лакот от края крила его до края крила его: 011 1KI 006 025 и десяти лакот такожде (мера) херувиму второму, мера едина совершение едино обоим херувимом: 011 1KI 006 026 и высота херувима единаго десять лакот, такожде и второму херувиму. 011 1KI 006 027 И постави оба херувима посреде храма внутренняго: и простираху крила своя, и досязаше крило едино до стены храма, и крило другаго херувима досязаше до стены вторыя: и крила их яже бяху посреде храма, касашеся крило с крилом: 011 1KI 006 028 и объяты быша херувимы златом. 011 1KI 006 029 И на всех стенах храма около ваяния написа подобием херувимов, и финики, и изваянна произницающая внутрьуду и внеуду. 011 1KI 006 030 И помост храма из внутрьуду и внеуду объят златом. 011 1KI 006 031 И входу давира сотвори двери от древ смерчиих, и праги пятеричны, 011 1KI 006 032 и двои двери от древ певговых, и изваяния на них изваяна, херувимы, и финики, и дщицы простертыя, и объят я златом, и бяше златом устроено до херувимов и до фиников. 011 1KI 006 033 И тако сотвори вратом храма: и праги от древ смерчиих, притворы четверогубо. 011 1KI 006 034 И на обоих дверях древа певгова: два затвора дверь едина и вереи их, и два затвора дверь вторая вращающаяся в себе, 011 1KI 006 035 (на нихже сотвори) изваянныя херувимы и финики, и дщицы простертыя, и объятыя златом свешеным на изображение. 011 1KI 006 036 И созда двор внутренний: в три ряда нетесаных, и ряд тесанаго кедра около. 011 1KI 006 037 В лето четвертое основа храм Господень в месяце зии, во вторый месяц. 011 1KI 006 038 Во единонадесятое лето в месяце Вул, сей месяц осмый, совершися храм по всему словеси своему и по всему устроению своему: и созда его в седмь лет. 011 1KI 007 001 И дом свой созда Соломон треминадесять леты, и соверши Соломон весь дом свой. 011 1KI 007 002 И созда дом древом Ливанским, сто лакот долгота его, и тридесять лакот высота его, и пятьдесят лакот широта его, и три ряды столпов кедровых, и рамена кедрова столпом. 011 1KI 007 003 И покры дсками кедровыми дом свыше над странами столпов: и число столпов четыредесять и пять, 011 1KI 007 004 по пятинадесяти ряд: и окон три ряда, и камара над камарою трегубо. 011 1KI 007 005 И вся двери и камары четвероуголны притворени: от дверий над дверми трегубо. 011 1KI 007 006 И елам столпов, пятьдесят лакот в долготу, и тридесять лакот в широту привязани ко Еламу пред лицем их: и столпи и толстота пред лицем того елама. 011 1KI 007 007 И елам престолов идеже судити, елам судилища, и покры и от земли даже до верха дщицами кедровыми. 011 1KI 007 008 И дом в немже живяше, двор един распростерт сим по делу сему: и дом созда дщери фараони, юже взя Соломон, по еламу сему. 011 1KI 007 009 Вся сия бяху от каменей драгоценных изваяна от разстояния внутрьуду, и от основания до крова. 011 1KI 007 010 И внеуду ко двору великому основаному камением драгим великим, камением десяти лакот и осми лакот, 011 1KI 007 011 и с верху честным камением, по тойже мере несеченых, и кедрами. 011 1KI 007 012 Окрест двора великаго три ряда нетесаных, и ряд тесанаго кедра: и созда двор храма внутреннейший притвора дому Сущаго пред лицем храма. 011 1KI 007 013 И посла царь Соломон в Тир, и взя Хирама от Тира, 011 1KI 007 014 сына жены вдовицы, и той бе от колена Неффалимля: и отец его бе муж Тирин, делатель меди, и исполнен художества и разума и ведения, еже делати всяко дело медяное. И приведоша его ко царю Соломону: и сотвори вся дела: 011 1KI 007 015 и слия два столпа еламу храма, осминадесяти лакот высота столпа, и окрест мера его четыренадесятих лакот окружаше его толстота столпа: четырех перстов вглубления: такожде бе и вторый столп: 011 1KI 007 016 и два возложения сотвори, лежати на главах столпов излиянная от меди: пяти лакот высота возложения единаго, и пяти лакот высота возложения втораго: 011 1KI 007 017 и сотвори две мрежи еже покрыти возложения столпов: и мрежу возложению единому, и мрежу возложению второму: 011 1KI 007 018 и дело висимо, два ряда яблок медяных сомрежены, дело висимо, ряд над рядом: такожде сотвори возложению второму: 011 1KI 007 019 и возложения на главах столпов, подобна крину, якоже во еламе, четырех лакот: 011 1KI 007 020 и строение над обоими столпами, и свыше стран возложение строения, и яблоков двести рядов около на вторей главе. 011 1KI 007 021 И постави столпы во еламе храма: и постави столп един и нарече имя ему Иахун, и постави столп вторый и нарече имя ему Воос. 011 1KI 007 022 И на главах столпов дело криново, и сконча дело столпов. 011 1KI 007 023 И сотвори море лияно десять лакот от края до края его, кругло окрест его: пять лакот высота его, и объятие его тридесять лактей окружаше е окрест: 011 1KI 007 024 и подкрепления под краем его окрест, окружаху е десять лакот около: два ряда подкреплений слиты во слиянии его стояща. 011 1KI 007 025 И дванадесять волов под морем, три зрящии на север, и три зрящии на юг, и три на запад, и три на восток, и вся задняя их внутрьуду, и море верху их. 011 1KI 007 026 И устие его бяше яко устие потиря прозябающаго крина, и толстота его на длань. 011 1KI 007 027 И сотвори десять мехонофов медяных, пять лакот долгота мехонофа единаго, и четыри лакти широта его, и шесть лакот высота его: 011 1KI 007 028 и сие дело мехонофов, споеное о себе и споеное посреде произницающих: 011 1KI 007 029 и на споениих их посреде произницающих львы и волы и херувимы, и над произницающими, такожде и свыше и снизу львов и волов места, дело низхождения: 011 1KI 007 030 и четыри колеса медна и мехонофу коемуждо, и придержания медяна, и четыри части их, и рамена их под умывалницами, и рамена слияная об ону страну коегождо прилежаще. 011 1KI 007 031 И уста его внутрь главы, и выше единаго лактя, и уста его кругла: дело такожде лактя единаго и пол лактя: и на устах его изваяния, и междустолпия их четвероуголна, а не кругла. 011 1KI 007 032 И четыри колеса под междустолпиями, и руце в колесех в мехонофе: и высота единаго колеса лакоть и пол. 011 1KI 007 033 И дело колес, яко дело колес колесницы: руце их и выи их, и хребты их и делания их вся лияна. 011 1KI 007 034 Четыри рамена на четырех углех мехонофа единаго, и от мехонофа рамена его. 011 1KI 007 035 И на главе мехонофа пол лактя величество его, кругло окрест над главою мехонофовою: и начало рук его и спаяния его от него: и отверзашеся в началех рук своих. 011 1KI 007 036 И спаяния его подобия херувимов и львов и фиников стоящая, держащееся коеждо противу лица его внутрь и окрест. 011 1KI 007 037 По томужде сотвори вся десять мехонофы, по чину единому и по мере единей, мера едина всем. 011 1KI 007 038 И сотвори десять конобов медяных вмещающих по четыредесяти мер во един коноб, мерою четырех лактей: коноб един на коемждо мехонофе, от десяти мехонофов. 011 1KI 007 039 И постави пять мехонофов по десней стране храма на восток, и пять по левей стране храма: и море от страны храма одесную на востоки в угле полуденнем. 011 1KI 007 040 И сотвори Хирам конобы и теплицы и фиалы: и сконча Хирам вся дела творя, яже творяше цареви Соломону во храме Господни: 011 1KI 007 041 столпа два, и обвития столпов над главами столпов два: и мрежи две, еже покрывати оба обвития изваяных, яже на столпех суть: 011 1KI 007 042 яблоков медяных четыреста обема мрежема, два ряда яблоков мрежи единей, покрывати оба обвития мехонофа, яже на обоих столпех: 011 1KI 007 043 и мехонофов десять и конобов десять на мехонофе: 011 1KI 007 044 и море едино, и волов дванадесять под морем: 011 1KI 007 045 и конобы и теплицы и фиалы, и вся сосуды, яже сотвори Хирам царю Соломону во храме Господни: и столпов четыредесять и осмь дому царева и дому Господня: вся дела царева, яже сотвори Хирам, быша медяна вся. 011 1KI 007 046 Близ Иордана слия их царь в толстоте земли, между Сокхофом и между Сирамом. 011 1KI 007 047 Не бе веса меди, от неяже творяше вся дела сия, от множества зело, не бе предела весу меди. 011 1KI 007 048 И даде царь Соломон вся сосуды, яже сотвори во храм Господень: олтарь златый и трапезу, на нейже хлебы приношения, златую, 011 1KI 007 049 и свещники пять одесную и пять ошуюю пред лицем давира (Святая святых) златыя спаяны, и лампады, и светилники, и щипцы златыя, 011 1KI 007 050 и преддверие, и гвоздие, и фиалы и блюда и кадилницы златы спаяны: и вереи врат дому внутренняго Святаго Святых, и двери храма златыя. 011 1KI 007 051 И совершися дело, еже сотвори Соломон во храме Господни: и внесе Соломон святая Давида отца своего и вся святая Соломонова, сребро и злато, и сосуды даде в сокровище храма Господня. 011 1KI 008 001 И собра царь Соломон вся старейшины Израилевы, вся начала колен, старейшины отечеств сынов Израилевых к себе во Сион, еже пренести кивот завета Господня от града Давидова: той есть Сион. 011 1KI 008 002 И собрашася ко царю Соломону вси людие Израилевы в месяц Афаним в праздник: сей есть месяц седмый. 011 1KI 008 003 И приидоша вси старейшины Израилевы, и взяша иерее кивот, 011 1KI 008 004 и вознесоша кивот Господень, и скинию свидения, и вся сосуды святыя яже во скинии свидения: и вознесоша я иерее и левити. 011 1KI 008 005 Царь же Соломон и весь собор Израилский, собравшеся к нему, с ним пред кивотом жряху волы и овцы несочтенны, безчисленны от множества. 011 1KI 008 006 И внесоша иерее кивот завета Господня на место его во давир храма, во Святая Святых, под крила херувимов. 011 1KI 008 007 Херувими бо беша распростерше криле над местом кивота: и окрываху херувими над кивотом и над святыми его сверху. 011 1KI 008 008 И обдержаста освященая: и зряхуся главы освященных от святых к лицу давира, и не являхуся вне. 011 1KI 008 009 Не бе в кивоте токмо две скрижали каменны, скрижали завета, ихже положи Моисей в Хориве, яже завеща Господь со сынами Израилевыми, внегда исходити им от земли Египетския. 011 1KI 008 010 И бысть егда изыдоша иерее из святилища, и облак исполни храм Господень, 011 1KI 008 011 и не можаху иерее стати служити от лица облака, яко исполни слава Господня храм. 011 1KI 008 012 Тогда рече Соломон: Господь рече еже обитати во мгле, 011 1KI 008 013 аз же создах дом имени Твоему свят Тебе и готов, и престолу твоему, еже обитати Тебе в нем во веки. 011 1KI 008 014 И обрати царь лице свое и благослови царь всего Израиля: весь же собор Израилев стояше. 011 1KI 008 015 И рече (царь): благословен Господь Бог Израилев днесь, Иже глагола усты Своими о Давиде отце моем и рукама Своима исполни, глаголя: 011 1KI 008 016 от дне в оньже изведох люди Моя Израиля из Египта, не избрах града от всех племен Израилевых на создание храму, еже быти имени Моему тамо: но избрах во Иерусалиме быти имени Моему тамо: и избрах Давида быти ему властелину над людьми Моими Израилем: 011 1KI 008 017 и бысть на сердцы отцу моему Давиду, еже создати храм имени Господа Бога Израилева, 011 1KI 008 018 и рече Господь к Давиду отцу моему: понеже взыде на сердце твое еже создати храм имени Моему, добре сотворил еси, яко бысть на сердцы твоем: 011 1KI 008 019 обаче ты не созиждеши храма, но разве сын твой, иже изыде из чресл твоих, той созиждет храм имени Моему: 011 1KI 008 020 и возстави Господь глаголгол Свой егоже глагола: и востах вместо Давида отца моего, и седох на престоле Израилеве, якоже глагола Господь, и создах храм имени Господа Бога Израилева, 011 1KI 008 021 и поставих тамо место кивоту, в немже есть тамо завет Господень, егоже завеща Господь со отцы нашими во извождении их из земли Египетския. 011 1KI 008 022 И ста Соломон пред лицем олтаря Господня пред всем собором Израилевым и воздвиже руце свои на небо, 011 1KI 008 023 и рече: Господи Боже Израилев, несть якоже Ты Бог на небеси горе и на земли низу, храняй завет и милость рабу Твоему ходящему пред Тобою всем сердцем своим, 011 1KI 008 024 яже сохранил еси рабу Твоему Давиду отцу моему: ибо глаголал еси усты Твоими и рукама Твоима совершил еси, якоже день сей: 011 1KI 008 025 и ныне, Господи Боже Израилев, сохрани рабу Твоему Давиду отцу моему, яже рекл еси ему, глаголя: не оскудеет муж от лица Моего седяй на престоле Израилеве, токмо аще сохранят чада твоя пути своя, еже ходити предо Мною, якоже ходил еси предо Мною: 011 1KI 008 026 и ныне, Господи Боже Израилев, да уверится глаголгол Твой, егоже рекл еси Давиду отцу моему: 011 1KI 008 027 яко аще истинно вселится Бог с человеки на земли? Аще небо и небо небесе не довлеют Ти, кольми паче храм сей, егоже создах имени Твоему? 011 1KI 008 028 И да призриши на молитву мою, Господи Боже Израилев, послушати молитвы, еюже молится раб Твой пред тобою к Тебе днесь, 011 1KI 008 029 да будут очи Твои отверсты на храм сей день и нощь, на место о немже рекл еси: будет имя Мое тамо на услышание молитвы, еюже молится раб Твой на месте сем день и нощь: 011 1KI 008 030 и услышиши молитву раба Твоего и людий Твоих Израиля, о нихже помолятся на месте сем: и ты услышиши на месте обиталища Твоего на небеси, и сотвориши и помилуеши: 011 1KI 008 031 елика аще согрешит кийждо ко искреннему своему, и аще приимет на него клятву еже кляти его, и приидет, и исповесть пред лицем олтаря Твоего в храме сем: 011 1KI 008 032 и Ты услышиши от небесе, и сотвориши суд людем Твоим Израилю: осудити беззаконнаго, дати путь его на главу его, и оправдити праведнаго, дати ему по правде его: 011 1KI 008 033 егда падут людие Твои Израиль пред враги, яко согрешат Ти, и обратятся к Тебе, и исповедятся имени Твоему, и помолятся и возглаголют молитву к Тебе в храме сем: 011 1KI 008 034 и Ты услышиши с небесе, и милостив будеши о согрешениих людий Своих Израиля, и возвратиши я в землю, юже дал еси отцем их: 011 1KI 008 035 внегда заключитися небеси и не быти дождю, яко согрешат Ти, и помолятся на месте сем, и исповедятся имени Твоему, и от грех своих обратятся, егда смириши их: 011 1KI 008 036 и услышиши с небесе, и милостив будеши о гресех раба Твоего и людий Твоих Израиля: яко явиши им путь благий ходити по нему, и даси дождь на землю, юже дал еси людем Твоим в достояние: 011 1KI 008 037 глад аще будет, смерть аще будет, егда будет возжжение, гусеницы, ржа аще будет, и аще оскорбят я врази их в единем от градов их: все противное, всяка болезнь, 011 1KI 008 038 всяка молитва, всяко моление аще будет всякому человеку от людий Израилевых, егда познает кийждо болезнь сердца своего, и воздвигнет руце свои в храме сем: 011 1KI 008 039 и Ты услышиши от небесе, от готоваго жилища Твоего, и милостив будеши, и сотвориши, и даси коемуждо по путем его, якоже увеси сердце его, яко Ты един токмо веси всех сердца сынов человеческих: 011 1KI 008 040 да боятся Тебе вся дни, в няже поживут на земли, юже дал еси отцем нашым: 011 1KI 008 041 и чуждему, иже несть от людий Твоих Израиля, той аще приидет от земли издалеча ради имене Твоего, зане услышат имя Твое велико, и руку Твою крепкую, и мышцу Твою высокую, 011 1KI 008 042 и приидет, и помолится на месте сем: 011 1KI 008 043 и ты услышиши с небесе от готоваго жилища Твоего, и сотвориши по всем, в еликих аще призовет Тя чуждий, яко да уразумеют вси людие земнии имя Твое и убоятся Тебе, якоже людие Твои Израиль, и разумеют, яко имя Твое наречеся на храме сем, егоже создах: 011 1KI 008 044 егда изыдут людие Твои на брань на враги своя, путем имже возвратиши я, и помолятся именем Господним путем града, егоже избрал еси Себе, и ко храму, егоже аз создах имени Твоему: 011 1KI 008 045 и ты услышиши с небесе молитву их и моления их, и сотвориши оправдание им: 011 1KI 008 046 яко согрешат Ти, яко несть человек, иже не согрешит, и разгневаешися на ня, и предаси я пред враги, и попленят их пленящии в землю далече, или близ, 011 1KI 008 047 и обратят сердца своя в земли, аможе преселишася, и обратятся, и помолятся Тебе в земли преселения своего, глаголюще: согрешихом, беззаконновахом, неправдовахом: 011 1KI 008 048 и обратятся ко Тебе всем сердцем своим и всею душею своею в земли враг своих, аможе превел еси их, и помолятся к Тебе по пути земли своея, юже дал еси отцем их, и ко граду, егоже избрал еси, и ко храму, егоже создах имени Твоему: 011 1KI 008 049 и услышиши от небесе, от готоваго жилища Твоего молитву их и моление их, и сотвориши оправдание им, 011 1KI 008 050 и милостив будеши неправдам их, имиже согрешиша Ти, и по всем отметанием их, имиже отвергошася Тебе, да даси их в щедроты пред пленившими их, и ущедрят я: 011 1KI 008 051 яко людие Твои и наследие Твое суть, ихже извел еси из земли Египетския от среды пещи железныя: 011 1KI 008 052 и да будут уши Твои и очи Твои отверсты на молитву раба Твоего и к молению людий Твоих Израиля, послушати их о всех, о нихже призовут Тя, 011 1KI 008 053 яко Ты избрал еси я Себе в наследие от всех людий земли, якоже глаголал еси рукою раба Твоего Моисеа, внегда извести Тебе отцы нашя из земли Египетския, Господи Господи. Тогда глагола Соломон о храме, егда соверши созидати его: солнце познано сотвори на небеси: Господь рече пребывати во мгле: созижди храм Мой, храм благолепный себе, еже пребывати в новости: не сие ли писано в книгах песни? 011 1KI 008 054 И бысть егда сконча Соломон моляся ко Господу всею молитвою и молением сим, и воста от лица олтаря Господня припад на колена своя, и руце свои возде на небо, 011 1KI 008 055 и ста, и благослови весь собор Израилев, гласом велиим глаголя: 011 1KI 008 056 благословен Господь (Бог) днесь, Иже даде покой людем Своим Израилю, по всем елика глагола: не пременися слово ни едино во всех словесех Его благих, имиже глагола рукою Моисеа раба Своего: 011 1KI 008 057 да будет Господь Бог наш с нами, якоже бе со отцы нашими: да не оставит нас, ниже да отвратит нас, 011 1KI 008 058 преклонити сердца наша к Нему, еже ходити во всех путех Его и хранити вся заповеди Его и повеления Его и оправдания Его, яже заповеда отцем нашым: 011 1KI 008 059 и да будут словеса сия, имиже молихся пред Господем Богом нашим днесь, приближающеся Господу Богу нашему день и нощь, еже творити оправдания рабу Твоему и оправдания людем Твоим Израилю во вся дни: 011 1KI 008 060 яко да разумеют вси людие земли, яко Господь Бог Той Сам Бог, и несть инаго, 011 1KI 008 061 и да будут сердца наша совершенна ко Господу Богу нашему преподобно ходити в повелениих Его и хранити заповеди Его, якоже день сей. 011 1KI 008 062 И царь и вси сынове Израилевы пожроша жертву пред Господем. 011 1KI 008 063 И пожре царь Соломон жертвы мирныя, яже пожре Господу, волов двадесять две тысящы и овец сто и двадесять тысящ. И обнови царь храм Господень и вси сынове Израилевы. 011 1KI 008 064 В той день освяти царь (Соломон) средину двора, яже пред лицем храма Господня: яко сотвори тамо всесожжение и дары, и жертвы и тучная мирных, яко олтарь медяный, иже пред Господем, мал бе, еже не возмощи вместити всесожжения даров и жертвы мирных. 011 1KI 008 065 И сотвори Соломон праздник в той день, и весь Израиль с ним, собор велий, от входа Емафа даже до реки Египта, пред Господем Богом нашим, у храма, егоже созда, ядый и пия и веселяся пред Господем Богом нашим седмь дний, 011 1KI 008 066 и во осмый день распусти люди. И благословиша царя, и идоша кийждо в домы своя, радующеся веселым сердцем о благих, яже сотвори Господь Давиду рабу Своему и Израилю людем Своим. 011 1KI 009 001 И бысть егда сконча Соломон зиждяй храм Господень и дом царев и всякое дело свое Соломон, елика восхоте сотворити, 011 1KI 009 002 и явися Господь Соломону вторицею, якоже явися ему в Гаваоне, 011 1KI 009 003 и рече к нему Господь: услышах глас молитвы твоея и моления твоего, имже молился еси предо Мною: сотворих ти по всей молитве твоей, и освятих храм сей, егоже создал еси, еже положити имя Мое тамо во веки, и будут очи Мои ту и сердце Мое во вся дни: 011 1KI 009 004 и ты аще пойдеши предо Мною, якоже ходи Давид отец твой в преподобии сердца и в правоте, и еже творити по всем, яже заповедах ему, и повеления Моя и заповеди Моя сохраниши: 011 1KI 009 005 и возставлю престол царствия твоего во Израили во веки, якоже глаголах к Давиду отцу твоему, глаголя: не оскудеет ти муж властелин во Израили: 011 1KI 009 006 аще же отвращающеся отвратитеся вы и чада ваша от Мене и не сохраните заповедий Моих и повелений Моих, яже даде Моисей пред вами, и пойдете и поработаете богом иным и поклонитеся им: 011 1KI 009 007 и изрину Израиля из земли, юже дах им, и храм сей, егоже освятих имени Моему, отвергу от лица Моего: и будет Израиль в погубление и во глаголание всем людем: 011 1KI 009 008 и дом сей будет высокий, всяк преходяй сквозе его ужаснется, и возсвищет и речет: чесо ради сотвори Господь тако земли сей и храму сему? 011 1KI 009 009 И рекут: понеже оставиша Господа Бога своего, иже изведе отцы их из Египта, из дому работы, и прияша боги чуждыя, и поклонишася им, и поработаша им, сего ради наведе на ня Господь зло сие. 011 1KI 009 010 И бысть по двадесяти летех, в няже созда Соломон два домы, храм Господень и дом царев, 011 1KI 009 011 Хирам царь Тирский помогаше Соломону древы кедрскими и древы певговыми и златом и всем хотением его: тогда даде Соломон Хираму двадесять градов в земли Галилейстей. 011 1KI 009 012 И изыде Хирам из Тира и пойде в Галилею видети грады, яже даде ему Соломон: и не быша ему угодни, 011 1KI 009 013 и рече: что гради сии, яже дал ми еси, брате? И нарече я предел (Хавуль), до днешняго дне. 011 1KI 009 014 И принесе Хирам Соломону сто и двадесять талант злата. 011 1KI 009 015 Сие же есть число даяния еже принесе царь Соломон, да созиждет храм Господень и дом царев, и Мелон и стену Иерусалимску и Краеградие еже оградити стену града Давидова, и Асур и Магедо и Газер. 011 1KI 009 016 Фараон царь Египетский взыде и взя Газер и сожже и огнем, и Ханаана живущаго во граде том погуби: и даде его в дар дщери своей, жене Соломони. 011 1KI 009 017 И согради Соломон Газер и Вефорон нижний, 011 1KI 009 018 и Валааф и Фамор в пустыни. 011 1KI 009 019 И вся грады крепкия, иже быша Соломону, и вся грады, идеже бяху колесницы, и вся грады, идеже бяху конницы его, и все еже бысть угодно царю Соломону, созда во Иерусалиме, и в Ливане и во всей земли царства своего. 011 1KI 009 020 Всех людий оставшихся от Аморреа и Хеттеа, и Ферезеа и Хананеа, и Евеа и Иевусеа и Гергесеа, не сущих от сынов Израилевых, 011 1KI 009 021 сынов их оставшихся по них на земли, ихже не возмогоша сынове Израилевы потребити их, царь Соломон поработи их даяти дань даже до дне сего: 011 1KI 009 022 от сынов же Израилевых не даде в работу Соломон, яко тии бяху мужие храбрии, и отроцы его, и князи его, и тристаты его, и воеводы колесниц его, и конницы его. 011 1KI 009 023 И бяху старейшины приставленным над делы царя Соломона, пять сот пятьдесят повелевающии людем делающым дело. 011 1KI 009 024 Дщерь же фараона прейде из града Давидова в дом свой, егоже созда ей Соломон, тогда созда Мелон. 011 1KI 009 025 И приношаше Соломон трижды в год всесожжения и мирныя жертвы на олтарь, егоже созижде Господу, и кадяше фимиам пред Господем: и соверши храм. 011 1KI 009 026 И сотвори царь Соломон корабль в Гасионе Гаверстем, иже при Елафе, при устии моря Последняго, в земли Едомстей. 011 1KI 009 027 И посла Хирам на корабли от отрок своих мужы корабелники управляти ведущих море со отроки Соломони: 011 1KI 009 028 и приидоша в Софир, и взяша оттуду злата четыре ста и двадесять талант и принесоша царю Соломону. 011 1KI 010 001 И царица Савска услыша имя Соломоне и имя Господне, и прииде искусити его притчами: 011 1KI 010 002 и прииде во Иерусалим с силою тяжкою зело: и на велблюдех привезоша ароматы и злата много зело, и камение драгое: и вниде к Соломону и глагола ему вся, елика име на сердцы своем. 011 1KI 010 003 И возвести ей Соломон вся глаголы ея: и не бе слово презрено от царя, егоже не возвести ей. 011 1KI 010 004 И виде царица Савска весь смысл Соломонь и дом егоже созда, 011 1KI 010 005 и снеди Соломони, и жилища отроков его, и предстояние служащих ему, и облачение его, и виночерпцы его, и всесожжения его, яже приношаше во храме Господни, и вне себе бысть, 011 1KI 010 006 и рече к Соломону царю: истинна суть словеса, яже слышах в земли моей, 011 1KI 010 007 о словесех твоих и о смысле твоем: и не ях веры глаголющым ми, дондеже приидох семо, и видеста очи мои: и се, несть ни пол того, якоже ми поведаша: приложил еси премудрость и благая к сим паче всякаго слуха, егоже слышах в земли моей: 011 1KI 010 008 блаженны жены твоя, блажени отроцы твои сии, иже предстоят пред тобою всегда, слышаще всякий смысл твой: 011 1KI 010 009 буди Господь Бог твой благословен, иже восхоте тя дати на престол Израилев, понеже возлюби Господь Израиля утвердити во веки и постави тя царя над ними творити суд в правде и в судбах их. 011 1KI 010 010 И даде Соломону сто и двадесять талант злата, и ароматы многи зело, и камение драгое: не приидоша еще таковыя ароматы во множестве, яже даде царица Савска царю Соломону. 011 1KI 010 011 И корабль Хирамль приносящь злато из Софира, (и) принесе древа нетесана многа зело, и камение драгое. 011 1KI 010 012 И сотвори царь древом нетесаным подпоры храму Господню и дому цареву, и сопели и гусли певцем: не приидоша по сем таковая древеса нетесаная на земли, ниже видена быша где даже до дне сего. 011 1KI 010 013 И царь Соломон даде царице Савстей вся, елика восхоте и елики проси у него, кроме всех, яже даде ей рукама своима Соломон царь, и возвратися, и отиде в землю свою, сама и вси отроцы ея. 011 1KI 010 014 И бе вес принесеннаго злата Соломону во едино лето шесть сот и шестьдесят и шесть талант злата, 011 1KI 010 015 кроме даней от подданных и от купцов и от всех царей странных и от воевод земных. 011 1KI 010 016 И сотвори царь Соломон триста копий златых кованных, по триста златых во едино копие вдела: 011 1KI 010 017 и триста щитов кованных златых, по три литры злата бяше на коемждо щите: и даде я царь во храм дубравы Ливанския. 011 1KI 010 018 И сотвори царь престол от костей слоновых велий и позлати его златом искушеным: 011 1KI 010 019 шесть степеней престолу, и образы телцов престолу созади, и верх престола кругл бе созади его, и руце сюду и сюду на престоле седалища, и два льва стояща при руках, 011 1KI 010 020 и дванадесять львы стояще ту на шести степенех сюду и сюду: не бяше тако во всяком царстве. 011 1KI 010 021 И вси сосуди, иже бяху при царе Соломоне, злати беша, и умывалницы златы и вси сосуди в храме дубравы Ливанския златокованны: не бяше сребра, понеже за ничто бе сребро во дни Соломони: 011 1KI 010 022 корабль бо Фарсийский царю Соломону на мори с корабли Хирамлими, единою во триех летех прихождаше цареви корабль из Фарсиса и приношаше злато и сребро, и зубы слоновы, и пифики и павы, и камение точеное и тесаное. 011 1KI 010 023 И возвеличися Соломон паче всех царей земных и богатством и смыслом. 011 1KI 010 024 И вси царие земстии искаху видети лице Соломона, еже бы услышати смысла его, егоже даде ему Господь в сердцы его: 011 1KI 010 025 и тии приношаху кийждо дары своя, и сосуды златы и сребряны, и ризы, стакти и сладкости, и кони и мски на всякое лето. 011 1KI 010 026 И собра Соломон колесницы и кони, и бяху Соломону четыредесять тысящ кобылиц в колесницы, и дванадесять тысящ конных: и постави я во градех колесниц, а (друзии бяху) у царя во Иерусалиме: и бе властелин всем царем от реки и до земли иноплеменник и до предел Египта. 011 1KI 010 027 И сложи царь злато и сребро во Иерусалиме якоже камение, и кедры сложи якоже черничие, еже на поли во множестве. 011 1KI 010 028 И привождаху Соломону кони от Египта и от Фекуя купцы царстии и куповаху от Фекуя променою. 011 1KI 010 029 И прихождаху колесницы из Египта за шесть сот сребреник, и конь за сто пятьдесят сребреник: такожде и ко всем царем Хеттимским и Сирийским по морю исхождаху. 011 1KI 011 001 И царь Соломон бе женолюбив, и поя жены чуждыя, и дщерь фараоню, Моавитяныни, Амманитяныни, и Аморреаныни, 011 1KI 011 002 от язык, ихже отрече Господь сыном Израилевым: не входите в ня, и тии да не входят в вас, да не отвратят душ ваших вслед идол своих: к тем прилепися Соломон любити, 011 1KI 011 003 и быша ему жен началных седмь сот, и подложниц триста. 011 1KI 011 004 И бысть в время старости Соломони, и совратиша жены чуждия сердце его вслед богов иных, и не бе сердце его совершенно с Господем Богом его, якоже сердце Давида отца его, 011 1KI 011 005 и хождаше Соломон вслед Астарта мерзости Сидонския и вслед царя их, идола сынов Аммоних. 011 1KI 011 006 И сотвори Соломон лукавое пред Господем: и не хождаше вслед Господа, якоже Давид отец его. 011 1KI 011 007 Тогда созда Соломон высоко (капище) Хамосу, идолу Моавлю, и царю их, идолу сынов Аммоних, и Астарте, мерзости Сидонстей, на горе яже пред Иерусалимом: 011 1KI 011 008 и тако сотвори всем женам своим чуждим, яже кадяху и жряху идолом своим. 011 1KI 011 009 И разгневася Господь на Соломона, яко уклони сердце свое от Господа Бога Израилева, и явльшагося ему дважды 011 1KI 011 010 и заповедавшаго ему дважды о словеси сем, весма не ходити ему вслед богов инех, но хранити и творити яже заповеда ему Господь Бог, 011 1KI 011 011 и рече Господь к Соломону: понеже быша сия с тобою, и не сохранил еси заповедий Моих и повелений Моих, яже заповедах тебе, раздирая раздеру царство твое из руку твоею и дам е рабу твоему: 011 1KI 011 012 обаче во дни твоя не сотворю сих Давида ради отца твоего: от руки же сына твоего отиму е: 011 1KI 011 013 токмо всего царства не возму, скипетр един дам сыну твоему Давида ради раба Моего и Иерусалима ради града, егоже избрах. 011 1KI 011 014 И воздвиже Господь противника на Соломона Адера Идумеанина от семене царска во Идумеи. 011 1KI 011 015 И бысть егда искорени Давид Едома, егда иде Иоав воевода вой погребати побиенныя, изсече всяк мужеск пол во Идумеи: 011 1KI 011 016 яко шесть месяц седяше тамо Иоав и весь Израиль во Идумеи, дондеже изби всяк мужеск пол в Идумеи: 011 1KI 011 017 и избеже Адер сам и вси мужие Идумейстии от отроков отца его с ним, и внидоша во Египет: Адер же бяше отрочищь мал. 011 1KI 011 018 И восташа мужие из града Мадиамска, и приидоша в Фаран, и взяша мужей с собою и приидоша к фараону царю Египетскому. И вниде Адер к фараону, и даде ему (царь) дом, и пищу определи ему, и землю даде ему. 011 1KI 011 019 И обрете Адер благодать пред очима фараонима зело, и даде ему в жену сестру жены своея, сестру Фекемины болшую. 011 1KI 011 020 И роди ему сестра Фекемины Адеру Ганивафа сына своего, и воскорми его Фекемина посреде сынов фараоних, и бе Ганиваф посреде сынов фараоних. 011 1KI 011 021 И Адер услыша бо Египте, яко успе Давид со отцы своими, и яко умре Иоав воевода воинству, и рече Адер к фараону: отпусти мя, да возвращуся в землю мою. 011 1KI 011 022 И рече фараон Адеру: чим ты не доволен еси у мене? И се, ты просишися отити в землю свою? И рече ему Адер: яко отпущая да отпустиши мя. И возвратися Адер в землю свою. 011 1KI 011 023 И воздвиже Господь противника Соломону Разона, сына Елиадаева, иже убеже от Ададезера царя Сувска, господина своего. 011 1KI 011 024 И собрашася к нему мужие, и бе воевода полка мятежнаго, егда убиваше я Давид: и идоша в Дамаск, и седоша в нем, и воцаришася в Дамасце. 011 1KI 011 025 И бе стужая Израилеви во вся дни Соломони: сия злоба Адера: и отягчи Израиля и воцарися в земли Едомстей. 011 1KI 011 026 И Иеровоам сын Наватов, Ефрафянин от Сариры, сын жены вдовицы, раб Соломонов, и воздвиже руце на царя Соломона. 011 1KI 011 027 И сия вина, яко воздвиже руце на царя Соломона: царь Соломон созидаше Краеградие и ограждаше стеною град Давида отца своего: 011 1KI 011 028 Иеровоам же человек крепок силою. И виде Соломон отрока, яко муж дел есть, и постави его над бременами дому Иосифова. 011 1KI 011 029 И бысть во время оно, и Иеровоам изыде из Иерусалима, и обрете его Ахиа Силонитянин пророк на пути, и соврати его с пути: и бе Ахиа облечен в ризу нову: и (беста) оба едины на поли. 011 1KI 011 030 И взя Ахиа за ризу свою новую, яже бе на нем, и раздра ю на дванадесять жребий, 011 1KI 011 031 и рече Иеровоаму: приими себе десять жребий, яко тако глаголет Господь Бог Израилев: се, Аз отторгаю царство из руки Соломони, и дам ти хоругвий десять: 011 1KI 011 032 и две хоругви будут ему, раба ради Моего Давида и Иерусалима ради града, егоже избрах Себе от всех колен Израилевых, 011 1KI 011 033 занеже остави Мя и поклонися Астарте мерзости Сидонстей и Хамосу и кумиром Моавлим и царю их претыканию сынов Аммоних, и не пойде по путем Моим, еже творити угодная предо Мною, якоже Давид отец его: 011 1KI 011 034 и не отиму царства всего от руку его, понеже защищая защищу его во вся дни живота его, Давида ради раба Моего, егоже избрах, иже сохрани заповеди Моя и оправдания: 011 1KI 011 035 и отиму царство от руки сына его, и дам ти десять хоругвий, 011 1KI 011 036 сыну же его дам две хоругви, яко да будет престол рабу Моему Давиду во вся дни предо Мною во Иерусалиме граде, егоже избрах Себе на положение имени Моему тамо: 011 1KI 011 037 и прииму тя, и воцаришися, в нихже желает душа твоя, и ты будеши царь над Израилем: 011 1KI 011 038 и будет аще сохраниши вся, елика заповедаю ти, и пойдеши по путем Моим, и сотвориши угодная предо Мною, хранити заповеди Моя и повеления Моя, якоже сотвори Давид раб Мой, и буду с тобою, и созижду ти дом верен, якоже создах Давиду, и дам ти Израиля: 011 1KI 011 039 и озлоблю род Давидов за сия, но не во вся дни. 011 1KI 011 040 И искаше Соломон убити Иеровоама. И воста Иеровоам, и убежа во Египет к Сусакиму царю Египетску, и бе во Египте, дондеже Соломон умре. 011 1KI 011 041 И прочая словес Соломоних, и вся елика сотвори, и весь смысл его, не се ли, сия писана быша в книзе словес Соломоних? 011 1KI 011 042 И дние, в няже царствова Соломон во Иерусалиме над всем Израилем, четыредесять лет. 011 1KI 011 043 И успе Соломон со отцы своими: и погребоша его во граде Давида отца его, и воцарися Ровоам сын его вместо его. 011 1KI 012 001 И иде царь Ровоам в Сикиму, яко в Сикиму прииде весь Израиль воцарити его. 011 1KI 012 002 И бысть егда услыша Иеровоам сын Наватов, сущу ему еще во Египте, яко убегл бе от лица Соломона, и возвратися Иеровоам из Египта: 011 1KI 012 003 и послаша, и призваша его. И прииде Иеровоам и весь сонм Израилев, и рекоша людие к царю Ровоаму глаголюще: 011 1KI 012 004 отец твой отягчи ярем наш, ты же ныне облегчи от работы отца твоего жестокия и от ярма его тяжкаго, егоже возложи на ны, и поработаем ти. 011 1KI 012 005 И рече к ним: отидите (и пребудите) до третияго дне, и возвратитеся ко мне. И идоша. 011 1KI 012 006 И возвести Ровоам царь старейшинам, иже быша предстояще пред Соломоном отцем его, еще живу ему сущу, глаголя: како вы мыслите, да отвещаю людем сим слово? 011 1KI 012 007 И реша ему, глаголюще: аще в днешний день будеши раб людем сим и поработаеши им, и речеши им словеса блага, и будут ти раби во вся дни. 011 1KI 012 008 И пренебреже совет старейшин, яже совещаша ему, и советова со отроки воспитанными с ним предстоявшими пред лицем его, 011 1KI 012 009 и рече им: что вы совещаваете? И что отвещаю людем сим, иже реша ко мне, глаголюще: облегчи наш ярем, егоже возложи отец твой на ны? 011 1KI 012 010 И глаголаша к нему отроцы воспитаннии с ним и реша ему: сице да глаголеши людем сим, иже реша к тебе, глаголюще: отец твой отягчи ярем наш: ты же ныне облегчи от нас: сия речеши к ним: юность моя толстее чресл отца моего: 011 1KI 012 011 и ныне отец мой наложи на вы ярем тяжек, аз же приложу к ярму вашему: отец мой наказа вы ранами, аз же накажу вы скорпионами. 011 1KI 012 012 И прииде весь Израиль к царю Ровоаму в день третий, якоже рече им царь, глаголя: возвратитеся ко мне в день третий. 011 1KI 012 013 И отвеща царь к людем жестоко: и остави царь Ровоам совет старейшин, яже совещаша ему, 011 1KI 012 014 и рече к ним по совету отроков, глаголя: отец мой отягчи ярем ваш, аз же приложу к ярму вашему: отец мой наказа вы ранами, аз же накажу вы скорпионами. 011 1KI 012 015 И не послуша царь людий, яко бе превращение от Господа, яко да утвердит глаголгол Свой, егоже глагола рукою Ахии Силонитянина о Иеровоаме сыне Наватове. 011 1KI 012 016 И виде весь Израиль, яко не послуша царь гласа их, и отвещаша людие царю, глаголюще: кая нам часть в Давиде? И несть нам наследия в сыне Иессеове: бежи, Израилю, в кровы своя: ныне паси дом твой, Давиде. И отиде Израиль в кровы своя. 011 1KI 012 017 Над сынми же Израилевыми, иже живяху во градех Иудиных, воцарися Ровоам над ними. 011 1KI 012 018 И посла царь Ровоам Адонирама, иже над данию, и поби его камением весь Израиль, и умре. Царь же Ровоам потщася взыти на колесницу убежати во Иерусалим. 011 1KI 012 019 И отложися Израиль от дому Давидова даже до днесь. 011 1KI 012 020 И бысть егда услыша весь Израиль, яко возвратися Иеровоам от Египта, и послаша, и призваша его на собор, и воцариша его над Израилем: и не бе вслед дому Давидова, токмо хоругвь Иудина и Вениаминова. 011 1KI 012 021 И Ровоам вниде во Иерусалим и собра весь сонм Иудин и хоругвь Вениаминю, сто и двадесять тысящ юношей, творящих брань, ратовати на дом Израилев, еже возвратити царство Ровоаму сыну Соломоню. 011 1KI 012 022 И бысть слово Господне ко Самею человеку Божию, глаголя: 011 1KI 012 023 рцы к Ровоаму сыну Соломоню царю Иудину и ко всему дому Иудину и Вениаминову и ко оставшымся людем, глаголя: 011 1KI 012 024 тако глаголет Господь: не восходите, ниже ратуйте на братию вашу, на сыны Израилевы: но возвратитеся кийждо в домы своя, яко от Мене бысть глаголгол сей. И послушаша словесе Господня, и престаша ити по глаголголу Господню. 011 1KI 012 025 И созда Иеровоам Сикиму в горе Ефремли, и вселися в ней, и изыде оттуду, и созда Фануила. 011 1KI 012 026 И рече Иеровоам в сердцы своем: се, ныне возвратится царство в дом Давидов, 011 1KI 012 027 аще взыдут людие сии вознести жертву в храме Господни во Иерусалим, и обратится сердце людий ко Господу и господину своему, к Ровоаму царю Иудину, и убиют мя, и возвратятся к Ровоаму царю Иудину. 011 1KI 012 028 И усоветова царь, и сотвори две юницы златы, и рече к людем: довлеет вам восходити во Иерусалим: се, бози твои, Израилю, изведшии тя из земли Египетския. 011 1KI 012 029 И постави едину в Вефили, а другую в Дане. 011 1KI 012 030 И бысть слово сие на согрешение, и идяху людие пред лицем юницы единыя даже до Дана, и оставиша храм Господень. 011 1KI 012 031 И сотвори капища на высоких, и сотвори жерцов часть от людий, иже не беша от сынов Левииных. 011 1KI 012 032 И сотвори Иеровоам праздник в осмый месяц в пятыйнадесять день месяца, по празднику, иже в земли бе Иудине, и взыде на олтарь, егоже сотвори в Вефили, жрети юницам, яже сотвори, и постави в Вефили жерцы на высоких, яже сотвори. 011 1KI 012 033 И взыде на олтарь, егоже сотвори в Вефили, в осмый месяц, в пятыйнадесять день в праздник, егоже состави по сердцу своему: и сотвори праздник сыном Израилевым, и взыде на олтарь еже пожрети. 011 1KI 013 001 И се, человек Божий прииде от Иуды по словеси Господню в Вефиль, и Иеровоам стояше на олтари своем жрети хотя: 011 1KI 013 002 и воззва ко олтарю словом Господним и рече: олтарю, олтарю, сице глаголет Господь: се, сын раждается дому Давидову, Иосиа имя ему, и пожрет на тебе жерцы, иже на высоких жрущыя на тебе, и кости человеческия сожжет на тебе. 011 1KI 013 003 И даст в день той чудо, глаголя: сей глаголгол, егоже рече Господь, глаголя: се, олтарь разсядется, и излиется тук иже на нем. 011 1KI 013 004 И бысть егда услыша царь Иеровоам словеса человека Божия воззвавшаго ко олтарю иже в Вефили, и простре царь руку свою от олтаря, глаголя: имите его. И се, усше рука его, юже простре нань, и не можаше возвратити ю к себе: 011 1KI 013 005 и олтарь разседеся, и излияся тук от олтаря, по чудеси, еже даде человек Божий словом Господним. 011 1KI 013 006 И рече царь Иеровоам человеку Божию: помолися ныне пред лицем Господа Бога твоего, дабы возвратилася рука моя ко мне. И помолися человек Божий пред лицем Господним, и возвратися рука царя к нему, и бысть якоже прежде. 011 1KI 013 007 И глагола царь к человеку Божию: вниди со мною в дом, и обедай, и дам ти дар. 011 1KI 013 008 И рече человек Божий к цареви: аще даси ми пол дому твоего, не вниду с тобою, ниже ям хлеба, ниже пию воды на месте сем, 011 1KI 013 009 яко тако заповеда ми Господь словом, глаголя: ни яждь хлеба, ни пий воды, ниже возвратися путем, имже шел еси. 011 1KI 013 010 И отиде путем иным, и не возвратися путем, имже прииде во Вефиль. 011 1KI 013 011 И пророк един стар живяше в Вефили, и приидоша сынове его и поведаша ему вся дела, яже сотвори человек Божий в день той в Вефили, и словеса, яже глагола цареви, поведаша отцу своему. 011 1KI 013 012 И рече к ним отец их, глаголя: киим путем иде? И показаша ему сынове его путь, имже иде человек Божий изшедый от Иуды. 011 1KI 013 013 И рече сыном своим: оседлайте ми осля. И оседлаша ему осля, и вседе на не, 011 1KI 013 014 и иде вслед человека Божия, и обрете его под дубом седяща, и рече ему: ты ли еси человек Божий пришедый от Иуды? И рече ему: аз. 011 1KI 013 015 И рече ему: гряди со мною, и яждь хлеб. 011 1KI 013 016 И рече ему: не могу возвратитися с тобою, ниже ям хлеба, ни пию воды на месте сем, 011 1KI 013 017 яко тако заповеда ми Господь словом, глаголя: не яждь хлеба тамо, ниже пий воды тамо, и да не возвратишися путем тем, имже шел еси. 011 1KI 013 018 И рече к нему: и аз пророк есмь якоже ты, и Ангел глагола ко мне словом Господним, глаголя: возврати его к себе в дом твой, да снест хлеба и пиет воду. И солга ему, 011 1KI 013 019 и возврати его: и яде хлеб, и пи воду в дому его. 011 1KI 013 020 И бысть им седящым на трапезе, и бысть слово Господне ко пророку возвращшему его. 011 1KI 013 021 И рече к человеку Божию пришедшему от Иуды, глаголя: сице глаголет Господь: понеже преогорчил еси глаголгол Господень и не сохранил еси заповеди, юже заповеда тебе Господь Бог твой, 011 1KI 013 022 и возвратився ял еси хлеб и пил еси воду на месте сем, о немже рече к тебе, глаголя: да не яси хлеба и не пиеши воды: сего ради не внидет во гроб тело твое со отцы твоими. 011 1KI 013 023 И бысть по ядении хлеба и по питии воды, и оседла осля тому пророку, и возвратися, и отиде: 011 1KI 013 024 и обрете его лев на пути, и умертви его: и бе тело его повержено на пути, и осел стояше над ним, и лев стояше близ телесе (его): 011 1KI 013 025 и се, мужие мимоидуще, и видеша мертва повержена на пути и льва стояща близ мертваго: и приидоша, и поведаша во граде, в немже живяше пророк старый. 011 1KI 013 026 И услыша (сие пророк) возвративый его с пути и рече: человек Божии сей есть, иже преступи глаголгол Божий, и предаде его Господь льву, и сокруши его, и умертви его по глаголголу Господню, егоже рече ему. 011 1KI 013 027 И повеле сыном своим, глаголя: оседлайте ми осля. И оседлаша. 011 1KI 013 028 И пойде, и обрете тело его повержено на пути, и осел и лев стояста над телом, и не снеде лев телесе человека Божия и не сокруши осла. 011 1KI 013 029 И взя пророк тело человека Божия, и возложи е на осля, и возврати е пророк, и вниде во град погребсти его, 011 1KI 013 030 и положи тело его во гробе своем, и рыдаше по нем: увы, брате. 011 1KI 013 031 И бысть по рыдании о нем, и рече к сыном своим, глаголя: аще умру, погребите мя во гробе сем, идеже человек Божий погребен есть, при костех его положите мя, да спасутся кости моя с костьми его, 011 1KI 013 032 яко сбудется глагол, егоже глагола словом Господним о олтари, иже во Вефили, и о домех высоких, иже в Самарии. 011 1KI 013 033 И по глаголе сем не обратися Иеровоам от злобы своея, и возвратися, и сотвори от части единыя людий жерцы высоких: иже хотяше, исполняше руку свою, и бываше жрец на высоких. 011 1KI 013 034 И бысть глагол сей в прегрешение дому Иеровоамлю, и на испровержение, и на изчезновение от лица земли. 011 1KI 014 001 Во время оно разболеся Авиа сын Иеровоамль. 011 1KI 014 002 И рече Иеровоам к жене своей: востани и измени ризы своя, да не познают, яко ты жена Иеровоамова, и иди в Силом: се бо, тамо Ахиа пророк: той глагола мне еже царствовати над людьми сими: 011 1KI 014 003 и возми в руце твои человеку Божию десять хлебов, и опресноки чадом его, и гроздие и сосуд меда, и иди к нему: той возвестит ти, что будет отрочати. 011 1KI 014 004 И сотвори тако жена Иеровоамля: и воста и иде в Силом, и вниде в дом Ахиин: человек же стар бяше еже видети, и притупистася очи его от старости его. 011 1KI 014 005 И рече Господь ко Ахии: се, жена Иеровоамова входит вопрошати тя о сыне своем, яко болезнует: по сему и по сему да глаголеши к ней. И бысть внегда внити ей, и она странноявляшеся. 011 1KI 014 006 И бысть егда услыша Ахиа шум ног ея, входящей ей во врата, и рече: вниди, жено Иеровоамова, почто ты тако странноявляешися? Аз бо есмь посланник к тебе жесток: 011 1KI 014 007 шедши рцы Иеровоаму: сия глаголет Господь Бог Израилев: понеже толико вознесох тя от среды людий, и дах тя вожда над людьми Моими Израилем, 011 1KI 014 008 и раздрах царство от дому Давидова, и дах е тебе, ты же не был еси якоже раб Мой Давид, иже сохрани заповеди Моя, и иже хождаше вслед Мене всем сердцем своим, еже творити всякую правоту пред очима Моима, 011 1KI 014 009 и излукавствовал еси, еже творити паче всех елицы быша пред лицем твоим, и пошел еси и сотворил еси себе боги чужды и слияны, еже раздражити Мя, и отвергл Мя еси назад себе: 011 1KI 014 010 сего ради се, Аз навожду злая на дом Иеровоамов, и потреблю Иеровоамля мочащаго к стене, держащагося и оставленаго во Израили, и истреблю дом Иеровоамов, якоже истребляется гной, дондеже скончатися ему: 011 1KI 014 011 умерших Иеровоамлих во граде снедят пси, и умершаго на селе снедят птицы небесныя, яко Господь глагола: 011 1KI 014 012 ты же воставши иди в дом твой: внегда входити ногама твоима во град, умрет детищь, 011 1KI 014 013 и восплачется по нем весь Израиль, и погребут его, яко той един внидет Иеровоаму во гроб, яко обретеся в нем глагол благ о Господе Бозе Израилеве в дому Иеровоамли: 011 1KI 014 014 и возставит Господь Себе царя над Израилем, иже поразит дом Иеровоамов в сей день: а что, и ныне? 011 1KI 014 015 И поразит Господь Бог Израиля, якоже колеблется трость на воде: и истребит Израиля свыше земли благия сея, юже даде отцем их, и завеет их за ону страну реки, понеже сотвориша дубравы своя, прогневляюще Господа, 011 1KI 014 016 и предаст Господь Израиля за грехи Иеровоамли, иже согреши и иже во грех введе Израиля. 011 1KI 014 017 И воста жена Иеровоамля и прииде во Сариру. И бысть егда вниде в преддверие дому, и детищь умре. 011 1KI 014 018 И погребоша его, и плакашася его весь Израиль по словеси Господню, еже глагола рукою раба Своего Ахии пророка. 011 1KI 014 019 И останок словес Иеровоамовых, елика ратоваше и елика царствоваше, се, сия написана в книзе словес дний царей Израилевых. 011 1KI 014 020 И дние, в нихже царствова Иеровоам, двадесять два лета: и успе со отцы своими, и воцарися Нават сын его вместо его. 011 1KI 014 021 Ровоам же сын Соломонов царствова над Иудою: бе четыредесяти и единаго лета, егда нача царствовати, и седмьнадесять лет царствова во Иерусалиме граде, егоже избра Господь положити имя Свое тамо от всех племен Израилевых. И имя матере его Наама Амманитяныня. 011 1KI 014 022 И сотвори Ровоам лукавое пред Господем: и раздражи Его о всех, яже сотвориша отцы их, о гресех их, имиже согрешиша: 011 1KI 014 023 и создаша сии себе высокая, и столпы, и капища на всяцем холме высоцем и под всяцем древом сеновным: 011 1KI 014 024 и смешение бе в земли их, и сотвориша от всех мерзостей языческих, яже отя Господь от лица сынов Израилевых. 011 1KI 014 025 И бысть в лето пятое царствующаго Ровоама, взыде Сусаким царь Египетский на Иерусалим 011 1KI 014 026 и взя вся сокровища дому Господня и сокровища дому царева, и копия златая, яже взя Давид из руки отроков Адраазара царя Сувскаго и внесе я во Иерусалим: вся сия взя, и щиты златыя, яже сотвори Соломон, и внесе я во Египет. 011 1KI 014 027 И сотвори царь Ровоам щиты медяныя вместо тех, и постави над ними властели от предходящих пред ним, иже храняху врата дому царева: 011 1KI 014 028 и бысть егда вхождаше царь в дом Господень, и ношаху оныя предходящии, и паки возвращаху тыя во оружехранилище предходящих. 011 1KI 014 029 Прочая же словес Ровоамлих, и вся яже сотвори, не се ли, сия писана суть в книзе словес дний царства Иудина? 011 1KI 014 030 И брань бе между Ровоамом и между Иеровоамом во вся дни. 011 1KI 014 031 И успе Ровоам со отцы своими, и погребен бысть со отцы своими во граде Давидове. И воцарися Авиа сын его вместо его. 011 1KI 015 001 И во осмоенадесять лето царства Иеровоама сына Наватова, воцарися Авиа сын Ровоамль над Иудою, 011 1KI 015 002 и три лета царствова во Иерусалиме. Имя же матере его Мааха, дщи Авессаломля. 011 1KI 015 003 И хождаше во всех гресех отца своего, яже сотвори пред ним, и не бе сердце его совершено с Господем Богом его, якоже сердце Давида отца его: 011 1KI 015 004 яко Давида ради остави ему Господь Бог его останок во Иерусалиме, да возставит по нем чада его и утвердит Иерусалим, 011 1KI 015 005 понеже сотвори Давид правое пред Господем и не уклонися от всех, яже заповеда ему вся дни живота его, кроме слова Урии Хеттеанина. 011 1KI 015 006 И брань бе между Ровоамом и между Иеровоамом во вся дни живота их. 011 1KI 015 007 И прочая словес Авииных, и вся яже сотвори, не се ли, сия написана в книзе слов дний царей Иудиных? И брань бе между Авиею и между Иеровоамом. 011 1KI 015 008 И успе Авиа со отцы своими в двадесятое лето Иеровоама, и погребоша его со отцы его во граде Давидове. И воцарися Аса сын его вместо его. 011 1KI 015 009 И в лето двадесятое Иеровоама царя Израилева, царствоваше Аса над Иудою, 011 1KI 015 010 и четыредесять и едино лето царствова во Иерусалиме. Имя же матере его Ана, дщи Авессаломля. 011 1KI 015 011 И сотвори Аса правое пред Господем, якоже Давид отец его, 011 1KI 015 012 и отя скверная от земли, и искорени вся изваянная, яже сотвориша отцы его, 011 1KI 015 013 и Ану матерь свою отстави еже не владети ей, понеже сотвори сонмище в Дубраве своей: и изсече Аса Гай ея и сожже огнем в потоце Кедрстем: 011 1KI 015 014 высоких же не искорени, обаче сердце Асы бе совершенно пред Господем во вся дни его: 011 1KI 015 015 и внесе столпы отца своего, и столпы своя внесе во храм Господень сребряны и златы, и сосуды. 011 1KI 015 016 И брань бе между Асою и между Ваасом царем Израилевым во вся дни их. 011 1KI 015 017 И взыде Вааса царь Израилев на Иуду и созда Раму, яко не быти на исхождение и вхождение Асе царю Иудину. 011 1KI 015 018 И взя Аса все сребро и злато обретшееся в сокровищах дому Господня и в сокровищах дому царева и даде я в руце отрок своих: и посла их царь Аса ко сыну Адерову сыну Таверема во Рамман, ко сыну Азаила, царя Сирскаго, живущаго в Дамасце, глаголя: 011 1KI 015 019 положи завет между мною и тобою, и между отцем моим и отцем твоим: се, послах ти дары, сребро и злато: прииди, разруши завет твой, иже со Ваасою царем Израилевым, да отидет от мене. 011 1KI 015 020 И послуша сын Адеров царя Асы, и посла воеводы сил своих на грады Израилевы, и поразиша Аина и Дана, и Авеля, Дому Маахиина, и весь Хеннереф, даже до всея земли Неффалимли. 011 1KI 015 021 И бысть яко услыша Вааса, и остави созидати Раму, и возвратися во Ферсу. 011 1KI 015 022 Царь же Аса заповеда всему Иуде во енакиме, и взяша камение из Рамы и древа ея, имиже основа Вааса, и созда в них царь Аса всяк Холм Вениаминь и Стражбища. 011 1KI 015 023 Прочая же словес Асиных, и вся сила его, и вся яже сотвори, и грады яже созда, не се ли, сия писана суть в книзе словес дний царей Иудиных? Обаче во время старости своея начат болети ногама своима: 011 1KI 015 024 и успе Аса со отцы своими, и погребен бысть во граде Давида отца своего. И воцарися Иосафат сын его вместо его. 011 1KI 015 025 Нават же сын Иеровоамль нача царствовати над Израилем во второе лето Асы царя Иудина, и царствова над Израилем два лета, 011 1KI 015 026 и сотвори лукавое пред Господем, и хождаше путем отца своего и во гресех его, имиже согрешити сотвори Израилю. 011 1KI 015 027 И обседе его Вааса сын Ахиин в дому Велаана сына Ахиина, и уби его во Гавафоне иноплеменничи: Нават же и весь Израиль обседоша Гавафон. 011 1KI 015 028 И умертви его Вааса в лето третие Асы царя Иудина, и воцарися вместо его. 011 1KI 015 029 И бысть егда воцарися, изби весь дом Иеровоамль и не остави ничтоже от всего дыхания Иеровоамля, дондеже искорени их по глаголу Господню, егоже глагола рукою раба Своего Ахии Силонитскаго, 011 1KI 015 030 грех ради Иеровоамлих, иже согреши, иже введе во грех Израиля, и в прогневании его, имже прогнева Господа Бога Израилева. 011 1KI 015 031 И прочая словеса Навата, и вся яже сотвори, не се ли, сия писана суть в книзе словес дний царей Израилевых? 011 1KI 015 032 И бяше брань между Асою (царем Иудиным) и Ваасою царем Израилевым во вся дни их. 011 1KI 015 033 И в третие лето Асы царя Иудина царствова Вааса сын Ахиин над всем Израилем во Ферсе двадесять и четыре лета, 011 1KI 015 034 и сотвори лукавое пред Господем, и иде путем Иеровоама сына Наватова, и во гресех его, имиже в согрешение приведе Израиля. 011 1KI 016 001 И бысть слово Господне рукою Иуа сына Ананиева ко Ваасе, глаголя: 011 1KI 016 002 понеже вознесох тя от земли и дах тя властеля над людьми Моими Израилем, и пошел еси путем Иеровоамлим и ввел еси в грех люди Моя Израиля, еже прогневати Мя суетными их: 011 1KI 016 003 се, Аз отвергу наследие Ваасы и наследие дому его, и сотворю дом твой яко дом Иеровоама сына Наватова: 011 1KI 016 004 умершаго Ваасова во граде снедят его пси, и умершаго на поли снедят его птицы небесныя. 011 1KI 016 005 И прочая словес Ваасовых, и вся яже сотвори, и сильная его, не се ли, суть писана в книзе словес дний царей Израилевых? 011 1KI 016 006 И успе Вааса со отцы своими, и погребен бысть во Ферсе, и воцарися Ила сын его вместо его. 011 1KI 016 007 И рукою Иуа сына Анании пророка глагола Господь на Ваасу и на дом его всю злобу, юже сотвори пред Господем, еже прогневати Его делами рук своих, быти ему якоже и дому Иеровоамлю, и о еже ему поражену быти. 011 1KI 016 008 В лето двадесять шестое Асы царя Иудина, царствова Ила сын Ваасин над Израилем во Ферсе два лета. 011 1KI 016 009 И воздвиже (Господь) на него отроки его, и Замвриа воеводу половины конников: и Ила бе во Ферсе упиваяся, и пиян сый в дому Арсы домостроителя во Ферсе: 011 1KI 016 010 и вниде Замврий, и порази его, и умертви его, в лето двадесять седмое Асы царя Иудина, и воцарися вместо его. 011 1KI 016 011 И бысть царствующу ему, внегда сести ему на престоле его, и изби весь дом Ваасов: не остави ему мочащаго к стене, и ужиков его, и друга его. 011 1KI 016 012 И изби Замврий весь дом Ваасов по глаголу Господню, егоже глагола на дом Ваасов и ко Иую пророку, 011 1KI 016 013 о всех гресех Ваасовых и Илы сына его, яко сотвори согрешити Израилю, еже разгневати Господа Бога Израилева суетными их. 011 1KI 016 014 Прочая же словес Илы, яже сотвори, не се ли, сия писана в книзе словес дний царей Израилевых? 011 1KI 016 015 В лето двадесять седмое Асы царя Иудина царствова Замврий седмь дний во Ферсе: и бе полк Израилев на Гавафон иноплеменнический. 011 1KI 016 016 И слышаша людие сущии в полце, глаголющих: превратися Замврий и порази царя. И поставиша царем во Израили Амвриа воеводу, иже над воями во Израили в день он в полце. 011 1KI 016 017 И взыде Амврий и весь Израиль с ним от Гавафона и обседе Ферсу. 011 1KI 016 018 И бысть егда увиде Замврий, яко предвзят бысть град его, и вниде во внутренний дом царский, и зажже над собою дом царев огнем, и умре 011 1KI 016 019 за грехи своя, яже сотвори, сотворения ради лукаваго пред Господем, еже ходити путем Иеровоама сына Наватова, и во гресех его, яже сотвори, яко введе во грех Израиля. 011 1KI 016 020 И прочая словес Замврииных, и наветы его, яже совеща, не се ли, сия суть писана в книгах словес дний царей Израилевых? 011 1KI 016 021 Тогда разделишася людие Израилстии, пол людий бысть за Фамнием сыном Гонафовым, яко да царствует он, и пол людий бысть со Амврием. 011 1KI 016 022 Людие же сущии по Амврии превозмогоша людий бывших со Фамнием сыном Гонафовым и умре Фамний и Иорам брат его во время оно, и воцарися Амврий по фамнии. 011 1KI 016 023 В лето тридесять первое Асы царя Иудина царствова Амврий во Израили дванадесять лет, во Ферсе же шесть лет царствова. 011 1KI 016 024 И купи Амврий гору Семерон у Семира господина горы двема таланты сребра, и созда гору, и нарече имя горе, юже созда, во имя Семира господина горы оныя, гора Семирон. 011 1KI 016 025 И сотвори Амврий лукавое пред Господем, и прелукавнова паче всех бывших пред ним: 011 1KI 016 026 и хождаше по всем путем Иеровоама сына Наватова и во гресех его, имиже введе во грех Израиля, еже разгневати Господа Бога Израилева в суетных их. 011 1KI 016 027 И прочая словес Амвриевых, и вся яже сотвори, и вся сила его, не се ли, сия писана в книзе словес дний царей Израилевых? 011 1KI 016 028 И успе Амврий со отцы своими, и погребен бысть в Самарии. И воцарися Ахаав сын его вместо его. 011 1KI 016 029 Ахаав же сын Амвриев воцарися над Израилем в лето тридесять осмое Асы царя Иудина: царствова же Ахаав сын Амвриев над Израилем в Самарии двадесять два лета: 011 1KI 016 030 и сотвори Ахаав лукавое пред Господем, и прелукавнова паче всех бывших прежде его: 011 1KI 016 031 и не бе ему доволно, еже ходити во гресех Иеровоама сына Наватова, и взя жену Иезавель дщерь Иефеваала царя Сидонскаго: и иде, и нача служити Ваалу, и поклонися ему, 011 1KI 016 032 и постави требище Ваалу в дому мерзостей его, егоже созда в Самарии: 011 1KI 016 033 и сотвори Ахаав дубраву: и приложи Ахаав творити прогневания, еже разгневати Господа Бога Израилева и душу свою погубити: злодействова паче всех царей Израилевых бывших прежде его. 011 1KI 016 034 Во дни же его созда Ахиил Вефилянин Иерихон: на Авироне первороднем своем основа его, и на Сегуве юнейшем своем постави двери его, по глаголу Господню, егоже глагола рукою Иисуса сына Навина. 011 1KI 017 001 И рече Илиа пророк Фесвитянин, иже от фесвии Галаадския, ко Ахааву: жив Господь Бог сил, Бог Израилев, Емуже предстою пред Ним, аще будет в лета сия роса и дождь, точию от уст словесе моего. 011 1KI 017 002 И бысть глагол Господень ко Илии: 011 1KI 017 003 иди отсюду на восток и скрыйся в потоце Хорафа прямо лицу Иорданову: 011 1KI 017 004 и будеши пити от потока воду, и враном заповедах препитати тя тамо. 011 1KI 017 005 И сотвори Илиа по глаголу Господню, и седе при потоце Хорафове прямо лицу Иорданову: 011 1KI 017 006 и вранове приношаху ему хлебы и мяса заутра, и хлебы и мяса к вечеру, и от потока пияше воду. 011 1KI 017 007 И бысть по днех, и изсше источник, яко не бе дождя на землю, 011 1KI 017 008 и бысть глагол Господень ко Илии глаголя: 011 1KI 017 009 востани и иди в Сарепту Сидонскую, и пребуди тамо: се бо, заповедах тамо жене вдовице препитати тя. 011 1KI 017 010 И воста и иде в Сарепту Сидонскую, и прииде ко вратом града: и се, тамо жена вдова собираше дрова. И возопи Илиа вслед ея и рече ей: принеси ныне ми мало воды в сосуде, и испию. 011 1KI 017 011 И иде взяти. И возопи вслед ея Илиа и рече ей: приими убо мне и укрух хлеба в руце своей, да ям. 011 1KI 017 012 И рече жена: жив Господь Бог твой, аще есть у мене опреснок, но токмо горсть муки в водоносе и мало елеа в чванце: и се, аз соберу два поленца, и вниду, и сотворю е себе и детем моим, и снемы е, и умрем. 011 1KI 017 013 И рече к ней Илиа: дерзай, вниди и сотвори но глаголу твоему: но сотвори ми оттуду опреснок мал прежде, и принеси ми, себе же и чадом своим да сотвориши послежде, 011 1KI 017 014 яко тако глаголет Господь Бог Израилев: водонос муки не оскудеет, и чванец елеа не умалится до дне, дондеже даст Господь дождь на землю. 011 1KI 017 015 И иде жена, и сотвори по глаголу Илиину, и даде ему, и яде той, и та, и чада ея. 011 1KI 017 016 И от того дне водонос муки не оскуде, и чванец елеа не умалися, по глаголу Господню, егоже глагола рукою Илииною. 011 1KI 017 017 И бысть по сих, и разболеся сын жены госпожи дому, и бе болезнь его крепка зело, дондеже не остася в нем дух его. 011 1KI 017 018 И рече ко Илии: что мне и тебе, человече Божий? Вшел еси ко мне воспомянути неправды моя и уморити сына моего. 011 1KI 017 019 И рече Илиа к жене: даждь ми сына твоего. И взят его от недра ея, и вознесе его в горницу, идеже сам почиваше, и положи его на одре своем. 011 1KI 017 020 И возопи Илиа ко Господу и рече: увы мне, Господи, свидетелю вдовы, у неяже аз ныне пребываю, Ты озлобил еси еже уморити сына ея. 011 1KI 017 021 И дуну на отрочища трижды, и призва Господа и рече: Господи Боже мой, да возвратится убо душа отрочища сего в онь. 011 1KI 017 022 И бысть тако: и возопи отрочищь, 011 1KI 017 023 и сведе его с горницы в дом, и даде его матери его. И рече Илиа: виждь, жив есть сын твой. 011 1KI 017 024 И рече жена ко Илии: се, уразумех, яко человек Божий еси ты, и глагол Господень во устех твоих истинен. 011 1KI 018 001 И бысть по днех мнозех, и глагол Господень бысть ко Илии в лето третие глаголя: иди и явися Ахааву, и дам дождь на лице земли. 011 1KI 018 002 И иде Илиа ко Ахааву явитися, и бе глад крепок в Самарии. 011 1KI 018 003 И призва Ахаав Авдиа строителя дому: и Авдий бе бояся Господа зело. 011 1KI 018 004 И бысть егда нача избивати Иезавель пророки Господни, и взя Авдий сто мужей пророки и скры я по пятидесяти во двоих вертепех и кормяше их хлебом и водою. 011 1KI 018 005 И рече Ахаав ко Авдию: гряди, и прейдем на землю, и на источники водныя, и на вся потоки, да негли како обрящем былие и прекормим кони и мски, да не изгибнут от скот. 011 1KI 018 006 И разделиша себе путь ити по нему: Ахаав иде путем единым един, и Авдий иде путем другим един. 011 1KI 018 007 И бе Авдий един на пути: и прииде Илиа на сретение ему един. И Авдий потщася, и паде на лице свое и рече: ты ли еси сам, господи мой Илие? 011 1KI 018 008 И рече Илиа ко Авдию: аз есмь: иди и повеждь господину твоему, глаголя: се, Илиа. 011 1KI 018 009 И рече Авдий: что согреших аз, яко предаеши раба твоего в руце Ахаавли еже умертвити мя? 011 1KI 018 010 Жив Господь Бог твой, аще есть язык или царство, аможе не посла господин мой искати тебе: и реша, несть: и закля царство и страны его, яко не обрете тебе: 011 1KI 018 011 и ныне ты глаголеши ми: иди, возвести господину твоему: се, Илиа: 011 1KI 018 012 и будет егда аз отиду от тебе, и Дух Господень возмет тя в землю, еяже не вем, и вниду возвестити Ахааву, и не обрящет тебе, и убиет мя: раб же твой есть бояйся Господа от юности своея: 011 1KI 018 013 или не возвестися тебе господину моему, яже сотворих, егда убиваше Иезавель пророки Господни, и сокрых пророки Господни сто мужей, по пятидесяти в вертепе, и кормих их хлебом и водою? 011 1KI 018 014 И ныне ты глаголеши ми: иди, повеждь господину твоему: се, Илиа: и убиет мя. 011 1KI 018 015 И рече Илиа: жив Господь Сил, емуже предстою пред Ним, яко днесь покажуся ему. 011 1KI 018 016 И иде Авдий во сретение Ахааву и возвести ему. И ускори Ахаав и иде во сретение Илии. 011 1KI 018 017 И бысть егда узре Ахаав Илию, и рече Ахаав ко Илии: ты ли еси развращаяй Израиля? 011 1KI 018 018 И рече Илиа: не развращаю аз Израиля, но разве ты и дом отца твоего, егда остависте вы Господа Бога вашего и идосте вслед Ваала: 011 1KI 018 019 и ныне посли и собери ко мне всего Израиля на гору Кармилскую, и пророки студныя Вааловы четыреста и пятьдесят, и пророков дубравных четыреста, ядущих трапезу Иезавелину. 011 1KI 018 020 И посла Ахаав во весь Израиль, и приведе вся пророки на гору Кармилскую. 011 1KI 018 021 И приведе ко всем им Илию, и рече им Илиа: доколе вы храмлете на обе плесне вашы? Аще есть Господь Бог, идите вслед Его: аще же Ваал есть, то идите за ним. И не отвещаша людие словесе. 011 1KI 018 022 И рече Илиа к людем: аз остах пророк Господень един: и пророцы Вааловы четыреста и пятьдесят мужей, и пророков дубравных четыреста. 011 1KI 018 023 (И рече Илиа: ) да дадят нам два вола, и да изберут себе единаго, и да растешут и (на уды), и возложат на дрова, и да не возгнетят огня: и аз растешу вола другаго, и возложу на дрова, и огня не возгнещу: 011 1KI 018 024 и да призовете имена богов ваших, и аз призову имя Господа Бога моего: и будет Бог, Иже аще послушает огнем, Той есть Бог. И отвещаша вси людие и реша: добр глагол (Илиин), егоже глагола (да будет тако). 011 1KI 018 025 И рече Илиа пророком студным: изберите себе юнца единаго, и сотворите вы прежде, яко вас есть множество: и призовите имена богов ваших, и огня не возгнещайте. 011 1KI 018 026 И пояша юнца, и сотвориша (тако), и призываху имя Ваалово от утра до полудне, и реша: послушай нас, Ваале, послушай нас. И не бе гласа, ни послушания. И ристаху около жертвенника, егоже сотвориша. 011 1KI 018 027 И бысть в полудне, и поругася им Илиа Фесвитянин и рече: зовите гласом великим, яко бог есть, яко непраздность ему есть, и негли что ино строит, или спит сам, и востанет. 011 1KI 018 028 И зовяху гласом великим, и крояхуся по обычаю своему ножами, и мнози бишася бичми, до пролития крове своея, 011 1KI 018 029 и прорицаху, дондеже прейде вечер: и бысть егда прииде время взыти жертве, и не бе гласа, ниже послушания. И рече Илиа Фесвитянин пророком студным, глаголя: отступите ныне, да и аз сотворю жертву мою. И отступиша тии, и умолкнуша. 011 1KI 018 030 И рече Илиа к людем: приступите ко мне. И приступиша вси людие к нему. 011 1KI 018 031 И взя Илиа дванадесять камений по числу колен Израилевых, якоже глагола к нему Господь, глаголя: Израиль будет имя твое. 011 1KI 018 032 И созда камение во имя Господне, и изцели олтарь раскопанный, и сотвори море вмещающее две меры семене окрест олтаря. 011 1KI 018 033 И воскладе дрова на олтарь, егоже сотвори, и растеса на уды всесожегаемая, и возложи на дрова, и воскладе на олтарь. 011 1KI 018 034 И рече Илиа: принесите ми четыри водоносы воды, и возливайте на всесожжение и на полена. И сотвориша тако. И рече: удвойте. И удвоиша. И рече: утройте. И утроиша. 011 1KI 018 035 И прохождаше вода окрест олтаря, и море исполнися воды. 011 1KI 018 036 И возопи Илиа на небо и рече: Господи Боже Авраамов и Исааков и Иаковль, послушай мене, Господи, послушай мене днесь огнем, и да уразумеют вси людие сии, яко Ты еси Господь един Израилев, и аз раб Твой, и Тебе ради сотворих дела сия: 011 1KI 018 037 послушай мене, Господи, послушай мене огнем, и да разумеют вси людие сии, яко Ты еси (един) Господь Бог, и Ты обратил еси сердца людий сих вслед Тебе. 011 1KI 018 038 И спаде огнь от Господа с небесе, и пояде всесожегаемая, и дрова, и воду, яже в мори, и камение и персть полиза огнь. 011 1KI 018 039 И падоша вси людие на лице свое и реша: воистинну Господь Бог Той есть Бог. 011 1KI 018 040 И рече Илиа к людем: поимайте пророки Вааловы, да ни един скрыется от них. И яша их, и веде я Илиа на поток Киссов, и закла их тамо. 011 1KI 018 041 И рече Илиа ко Ахааву: взыди, и яждь и пий, яко глас есть дождевнаго хождения. 011 1KI 018 042 И взыде Ахаав ясти и пити. Илиа же взыде на Кармил, и преклонися на землю, и положи лице свое между коленома своима, 011 1KI 018 043 и рече отрочищу своему: взыди и воззри на путь морский. И взыде, и воззре отрочищь, и рече: несть ничтоже. И рече Илиа: и ты обратися седмижды. 011 1KI 018 044 И обратися отрочищь седмижды: и бысть в седмое, и се, облак мал, аки след ноги мужеския, возносящь воду из моря. И рече: взыди и рцы Ахааву: впрязи колесницу твою и сниди, да не постигнет тебе дождь. 011 1KI 018 045 И бысть до зде и до зде, и небо примрачися облаки и духом, и бысть дождь велий. И плакася, и иде Ахаав до Иезраеля. 011 1KI 018 046 И рука Господня бысть на Илии, и стягне чресла своя, и тече пред Ахаавом во Иезраель. 011 1KI 019 001 И возвести Ахаав Иезавели жене своей вся, елика сотвори Илиа, и яко изби пророки оружием. 011 1KI 019 002 И посла Иезавель ко Илии и рече: аще ты еси Илиа, аз же Иезавель: сия да сотворят ми бози и сия да приложат ми, яко в сей же час утро положу душу твою, якоже душу единаго от них. 011 1KI 019 003 И убояся Илиа, и воста, и отиде души ради своея, и прииде в Вирсавию землю Иудину, и остави отрочище свое тамо, 011 1KI 019 004 сам же иде в пустыню дне путь, и прииде, и седе под смерчием, и проси души своей смерти, и рече: довлеет ныне (ми), возми убо от мене душу мою, Господи, яко несмь аз лучший отец моих. 011 1KI 019 005 И ляже, и успе под садом: и се, Ангел Господень коснуся ему и рече ему: востани, яждь и пий. 011 1KI 019 006 И воззре Илиа: и се, у возглавия его опреснок ячменный и чванец воды. И воста, и яде и пи, и возвратився успе. 011 1KI 019 007 И обратися Ангел Господень вторицею, и коснуся ему, и рече ему: востани, яждь и пий, яко мног от тебе путь. 011 1KI 019 008 И воста, и яде и пи: и иде в крепости яди тоя четыредесять дний и четыредесять нощей до горы Божия Хорив. 011 1KI 019 009 И вниде тамо в пещеру, и вселися в ней. И се, глагол Господень к нему и рече: что ты зде, Илие? 011 1KI 019 010 И рече Илиа: ревнуя поревновах по Господе (Бозе) Вседержители, яко оставиша Тя сынове Израилевы: олтари Твоя раскопаша, и пророки Твоя избиша оружием, и остах аз един, и ищут души моея изяти ю. 011 1KI 019 011 И рече: изыди утро и стани пред Господем в горе: и се, мимо пойдет Господь, и дух велик и крепок разоряя горы и сокрушая камение в горе пред Господем, (но) не в дусе Господь: и по дусе трус, и не в трусе Господь: 011 1KI 019 012 и по трусе огнь, и не во огни Господь: и по огни глас хлада тонка, и тамо Господь. 011 1KI 019 013 И бысть яко услыша Илиа, покры лице свое милотию своею, и изыде и ста пред вертепом. И се, к нему бысть глас и рече: что ты зде, Илие? 011 1KI 019 014 И рече Илиа: ревнуя поревновах по Господе Бозе Вседержители, яко оставиша завет Твой сынове Израилевы, и олтари Твоя раскопаша, и пророки Твоя избиша оружием, и остах аз един, и ищут души моея изяти ю. 011 1KI 019 015 И рече Господь к нему: иди, возвратися путем своим, и изыдеши на путь пустыни Дамасковы, и помажеши Азаила на царство Сирийское, 011 1KI 019 016 и Ииуа сына Намессиина помажеши на царство над Израилем, и Елиссеа сына Сафатова от Авелмаула помажеши вместо себе пророка: 011 1KI 019 017 и будет спасаемаго от оружия Азаилева убиет Ииуй, и спасаемаго от оружия Ииуина убиет Елиссей: 011 1KI 019 018 и оставиши во Израили седмь тысящ мужей, вся колена, яже не преклониша колена Ваалу, и всяка уста, яже не молишася ему. 011 1KI 019 019 И иде оттуду, и обрете Елиссеа сына Сафатова, и сей оряше двеманадесятьма супругома волов пред ним, и той сам по двоюнадесяти супруг. И прииде Илиа к нему, и поверже милоть свою на него. 011 1KI 019 020 И остави Елиссей волы, и тече вслед Илии, и рече: (молю тя, ) да облобыжу отца моего и матерь мою, и иду вслед тебе. И рече ему Илиа: иди, возвратися, яко сотворих тебе. 011 1KI 019 021 И возвратися от него: и взя супруги волов, и закла, и испече я в сосудех воловных, и даде людем, и ядоша. И воста, и иде вслед Илии, и служаше ему. 011 1KI 020 001 И сын Адеров царь Сирский собра всю силу свою, и возшед обседе Самарию, и с ним тридесять два царя и вси конницы и колесницы: и взыдоша, и обседоша Самарию, и ратоваша на ню: 011 1KI 020 002 и посла ко Ахааву царю Израилеву во град и рече к нему: сице глаголет сын Адеров: 011 1KI 020 003 сребро твое и злато твое мое есть, и жены твоя и чада твоя добрая моя суть. 011 1KI 020 004 И отвеща царь Израилев и рече: якоже глаголал еси, господи мой царю, твой есмь аз и вся моя. 011 1KI 020 005 И возвратишася послы и реша: сице глаголет сын Адеров: аз посылах к тебе, глаголя: сребро и злато твое и жены твоя и чада твоя даждь мне: 011 1KI 020 006 яко в сей час утро послю рабы моя к тебе, и изыщут дом твой и домы отрок твоих, и будут вся желаемая очес их, на нихже аще возложат руки своя, и возмут. 011 1KI 020 007 И призва царь Израилев вся старейшины земли и рече: знайте ныне и видите, яко той зле просит, яко присла ко мне (глаголя) о женах моих и о сынех моих и о дщерех моих: сребра моего и злата моего не возбраних ему. 011 1KI 020 008 И реша ему старейшины и вси людие: не послушай, ни восхощи (дати). 011 1KI 020 009 И рече послом сына Адерова: рцыте господину вашему: вся, ихже ради посылал еси к рабу твоему прежде, сотворю, сего же глагола не могу сотворити. И отидоша мужие (адеровы) и возвестиша ему слово. 011 1KI 020 010 И паки посла к нему сын Адеров, глаголя: сия да сотворят ми бози и сия да приложат, аще доволна будет персть Самарии горстем всех людий пешцев моих. 011 1KI 020 011 И отвеща царь Израилев и рече: доволно: да не хвалится слячен, якоже прямый. 011 1KI 020 012 И бысть егда отвеща ему слово сие, бе пиющь сам и вси царие, иже бяху с ним в кущах: и рече отроком своим: сотворите вал. И Сотвориша вал над градом. 011 1KI 020 013 И се, пророк един прииде к Ахааву царю Израилеву и рече: сия глаголет Господь: видиши ли весь народ сей великий? Се, Аз дам его днесь в руце твои, и уразумееши, яко Аз (есмь) Господь. 011 1KI 020 014 И рече Ахаав: в чем? И рече: сице глаголет Господь: во отроцех князей градских. И рече Ахаав: кто начнет брань? И рече: ты. 011 1KI 020 015 И сочте Ахаав отроки князей градских, и бысть их двести тридесять и два: и по сих сочте люди вся сыны силы, седмь тысящ. 011 1KI 020 016 И изыде в полудне: и сын Адеров пиян бе зело в Сокхофе сам и царие (иже с ним), тридесять два царя помощника ему. 011 1KI 020 017 И изыдоша отроцы воевод градских в первых. И посла сын Адеров, и возвестиша царю сирскому, глаголюще: мужие изыдоша из Самарии. 011 1KI 020 018 И рече им: аще на мир изыдоша, поимите их живых: и аще на брань изыдоша, живых поимите их, да не исходят из града. 011 1KI 020 019 И тии изыдоша из града отроцы воевод градских, и сила вслед их. 011 1KI 020 020 И порази кийждо противнаго себе, и удвои кийждо противнаго себе. И бежа Сириа: и погна их Израиль, и гонзе токмо сын Адеров царь Сирский на кони конника. 011 1KI 020 021 И изыде царь Израилев, и взя вся кони и колесницы, и порази язвою великою в Сирии. 011 1KI 020 022 И прииде пророк к царю Израилеву и рече: укрепися и разумей, и виждь, что сотвориши, яко преходящу лету сему, сын Адеров, царь Сирийский, приидет на тя. 011 1KI 020 023 И отроцы царя Сирийска реша ему: Бог гор Бог Израилев, а не Бог юдолий, сего ради укрепися паче нас: аще же сразимся с ними на равнине, истинно укрепимся паче их: 011 1KI 020 024 по глаголу же сему сотвори: распусти цари коегождо на место свое, и постави вместо их воеводы, 011 1KI 020 025 и пременим тебе силу вместо силы падшия у тебе, и кони вместо коней, и колесницы вместо колесниц, и сразимся с ними на равнине, и укрепимся паче их. И послуша гласа их и сотвори тако. 011 1KI 020 026 И бысть минувшу лету тому, и сочте сын Адеров Сирию, и взыде во Афеку на брань на Израиля. 011 1KI 020 027 И сынове Израилевы сочислишася и изыдоша во сретение им. И ополчишася Израилтяне противу им, аки два стада коз: Сириане же наполниша землю. 011 1KI 020 028 И прииде человек Божий и рече к царю Израилеву: сице глаголет Господь: понеже рече Сириа: Бог гор Господь Бог Израилев, и не Бог юдолий той, и дам силу великую сию в руку твою, и уразумееши, яко Аз Господь. 011 1KI 020 029 И ополчишася тии противу им седмь дний. И бысть в день седмый, и приближися брань, и порази Израиль Сириан, сто и двадесять тысящ пешцев во един день. 011 1KI 020 030 И бежаша оставшиися во Афеку град, и паде стена на двадесять седмь тысящ мужей оставшихся: сын же Адеров бежа и вниде в дом ложа, в чертог. 011 1KI 020 031 И реша к нему отроцы его: се, ныне вемы, яко царие дому Израилева милостиви суть: да возложим ныне вретища на чресла наша и ужа на выи нашя, и изыдем ко царю Израилеву, да негли оживит душы нашя. 011 1KI 020 032 И препоясашася во вретища по чреслом своим, и возложиша ужя на выи своя, и приидоша к царю Израилеву и реша: раб твой сын Адеров глаголет: да живет душа моя. И рече: аще есть еще жив, брат ми есть. 011 1KI 020 033 И мужие за знак и в залог прияша слово от уст его, и реша: брат твой сын Адеров. И рече: идите и приведите его. И изыде к нему сын Адеров. И возведоша его к нему на колесницу. 011 1KI 020 034 И рече к нему: грады, яже взя отец мой от отца твоего, отдам тебе: и на исход сотвориши я себе в Дамасце, якоже положи отец мой в Самарии, и аз в завете пущу тя. И положи ему завет и отпусти его. 011 1KI 020 035 И человек един от сынов пророчих рече ко ближнему своему по словеси Господню: бий мя ныне. И не восхоте человек бити его. 011 1KI 020 036 И рече к нему: понеже не послушал еси гласа Господня, се, ты отидеши от мене, и поразит тя лев. И отиде от него, и обрете его лев и порази его. 011 1KI 020 037 И обрете человека инаго и рече: бий мя ныне. И би его человек, и поразив сокруши его. 011 1KI 020 038 И иде пророк и предста царю Израилеву на пути и покры покрывалом очи свои. 011 1KI 020 039 И бысть егда мимоидяше царь, и сей возопи ко царю и рече: раб твой изыде на войну брани, и се, муж приведе ко мне мужа и рече ко мне: сохрани мужа сего: аще же отрешився отскочит, и будет душа твоя вместо души его, или талант отдаси сребра: 011 1KI 020 040 и бысть яко озреся раб твой семо и овамо, и сего не бысть. И рече к нему царь Израилев: се, суд твой при мне, сам себе убил еси. 011 1KI 020 041 И ускори и отя покрывало от очес своих. И позна его царь Израилев, яко от пророк сей есть. 011 1KI 020 042 И рече к нему: тако глаголет Господь: понеже испустил еси ты мужа пагубнаго из руки твоея, и будет душа твоя вместо души его, и людие твои вместо людий его. 011 1KI 020 043 И отиде царь Израилев к дому своему смущен и разслаблен, и прииде в Самарию. 011 1KI 021 001 И бысть по глаголех сих, и виноград един бе у Навуфеа Иезраилитянина при гумне Ахаава царя Самарийска. 011 1KI 021 002 И рече Ахаав к Навуфею, глаголя: даждь ми виноград твой, и будет ми во вертоград зелий, яко близ есть сей дому моего, и дам ти вместо сего виноград ин добр паче сего: аще же угодно пред тобою, дам ти сребро измену винограда сего, и будет ми во вертоград зелий. 011 1KI 021 003 И рече Навуфей ко Ахааву: да не будет мне от Господа Бога моего дати наследие отец моих тебе. 011 1KI 021 004 И прииде Ахаав в дом свой смущен и оскорблен о словеси, еже глагола к нему Навуфей Иезраилитянин, и рече: не дам тебе наследия отец моих. И бысть дух Ахаавль смущен, и успе на одре своем и покры лице свое и не яде хлеба. 011 1KI 021 005 И вниде Иезавель жена его к нему и рече к нему: что дух твой есть смущен, и не яси ты хлеба? 011 1KI 021 006 И рече к ней (Ахаав): яко глаголах Навуфею Иезраилитянину глаголя: даждь ми виноград твой за сребро: и аще хощеши, дам ти виноград ин вместо его: и рече: не дам ти наследия отец моих. 011 1KI 021 007 И рече к нему Иезавель жена его: ты ли ныне твориши тако, царю Израилев? Востани и яждь хлеб и молча буди, аз же дам ти виноград Навуфеа Иезраилитянина. 011 1KI 021 008 И написа книгу на имя Ахаавле, и запечата ю печатию его, и посла книгу к старейшинам и свободным живущым с Навуфеем. 011 1KI 021 009 И писано бяше в книзе тако: поститеся постом и посадите Навуфеа и в начале людий: 011 1KI 021 010 и посадите два мужа сыны законопреступных противу ему, и да засвидетелствуют о нем, глаголюще, яко (не) благослови Бога и царя: и да изведут его и побиют камением, и да умрет. 011 1KI 021 011 И сотвориша тако мужие града его старейшии и свободнии живущии во граде его, якоже посла к ним Иезавель, и якоже писано бяше в книгах, яже посла к ним: 011 1KI 021 012 и нарекоша пост, и посадиша Навуфеа в начале людий, 011 1KI 021 013 и приидоста два мужа сынове законопреступных и седоста противу его, и засвидетелствоваша на него мужие отступницы Навуфеовы пред людьми, глаголюще: сей (не) благослови Бога и царя. И изведоша его вон из града и побиша его камением, и умре. 011 1KI 021 014 И послаша ко Иезавели, глаголюще: камением побиен бысть Навуфей и умре. 011 1KI 021 015 И бысть егда услыша Иезавель глаголющих, яко побиен Навуфей и умре, и рече Иезавель ко Ахааву: востани, наследуй виноград Навуфеа Иезраилитянина, иже не взя у тебе сребра, и уже несть Навуфей жив, но умре. 011 1KI 021 016 И бысть егда услыша Ахаав, яко убиен бысть Навуфей Иезраилитянин, и раздра ризы своя и облечеся во вретище. И бысть по сих, и воста и сниде Ахаав в виноград Навуфеа Иезраилитянина наследити его. 011 1KI 021 017 И рече Господь ко Илии Фесвитянину, глаголя: 011 1KI 021 018 востани и сниди на сретение Ахааву царю Израилеву, иже в Самарии, се бо, сей в винограде Навуфееве, яко сниде тамо наследити его: 011 1KI 021 019 и речеши ему, глаголя: сице глаголет Господь: понеже ты убил еси (Навуфеа) и приял еси в наследие (виноград его), сего ради тако глаголет Господь: на месте, идеже полизаша свинии и пси кровь его, тамо полижут и кровь твою, и блудницы измыются в крови твоей. 011 1KI 021 020 И рече Ахаав ко Илии: обрел ли еси мя, враже мой? И рече Илиа: обретох: понеже ты всуе продан еси сотворити лукавое пред Господем, во еже разгневати Его: 011 1KI 021 021 сице глаголет Господь: се, Аз наведу на тя злая и попалю задняя твоя, и искореню Ахаавля мочащагося к стене, и содержимыя и оставшихся во Израили: 011 1KI 021 022 и предам дом твой якоже дом Иеровоама сына Наватова, и якоже дом Ваасы сына Ахиина, о прогневаниих, имиже прогневал Мя еси, и грешити сотворил еси Израиля. 011 1KI 021 023 И ко Иезавели рече Господь, глаголя: пси снедят ю в предградии Иезраеля: 011 1KI 021 024 умершаго Ахаавля во граде снедят пси, и умершаго его на поли снедят птицы небесныя: 011 1KI 021 025 и в суете ты еси, Ахааве, иже продан бысть сотворити лукавое пред Господем, яко преврати его Иезавель жена его. 011 1KI 021 026 И омерзися зело, еже ходити вслед мерзостей, яже сотвори Аморрей, егоже истреби Господь от лица сынов Израилевых. 011 1KI 021 027 И бысть егда услыша Ахаав словеса сия, умилися от лица Господня, и идяше плачася, и раздра ризы своя, и препоясася вретищем по телу своему и постися: и бе облечен во вретище от дне, в оньже уби Навуфеа Иезраилитянина, и хождаше скорбен. 011 1KI 021 028 И бысть глагол Господень рукою раба его Илии о Ахааве, 011 1KI 021 029 и рече Господь: видел ли еси, яко умилися Ахаав от лица Моего? Сего ради не наведу зла во днех его: но во днех сына его наведу зло на дом его. 011 1KI 022 001 И седе три лета, и не бе брани между Сириею и между Израилем. 011 1KI 022 002 И бысть в лето третие, и сниде Иосафат царь Иудин к царю Израилеву. 011 1KI 022 003 И рече царь Израилев ко отроком своим: весте ли, яко моя есть Реммафа Галаадская, и мы молчим взяти ю от руки царя Сирийска? 011 1KI 022 004 И рече царь Израилев ко Иосафату: взыдеши ли с нами в Реммафу Галаадскую на брань? И рече Иосафат: якоже аз, такожде и ты: якоже людие мои, людие твои: якоже кони мои, кони твои. 011 1KI 022 005 И рече Иосафат царь Иудин к царю Израилеву: вопросите убо днесь Господа. 011 1KI 022 006 И собра царь Израилев вся пророки яко четыреста мужей, и рече царь им: взыду ли в Реммафу Галаадскую на брань, или оставлю? И реша: взыди, яко дая предаст Господь в руки царевы. 011 1KI 022 007 И рече Иосафат к царю Израилеву: несть ли зде пророка Господня, и вопросили быхом Господа им? 011 1KI 022 008 И рече царь Израилев ко Иосафату: еще есть един муж на вопрошение им Господа, и аз возненавидех его, яко не глаголет о мне добре, но злая, Михеа сын Иемвлаань. И рече царь Иосафат Иудин: не глаголи, царю, тако. 011 1KI 022 009 И призва царь Израилев скопца единаго и рече: скоро иди по Михею сына Иемвлааня. 011 1KI 022 010 Царь же Израилев и Иосафат царь Иудин седяста кийждо на престоле своем вооружени во вратех Самарийских, и вси пророцы прорицаху пред ними. 011 1KI 022 011 И сотвори себе Седекиа сын Ханаань рога железна и рече: тако глаголет Господь: сими рогами избодеши Сирию, дондеже скончается. 011 1KI 022 012 И вси пророцы прорицаху тако, глаголюще: взыди в Реммафу Галаадскую, и наставит тя, и предаст Господь в руце твои царя Сирийскаго. 011 1KI 022 013 И посол шед призвати Михею, рече ему, глаголя: се, ныне вси пророцы усты едиными глаголют добрая о цари, буди убо и ты в словесех твоих по словесем единаго от сих и глаголи добрая. 011 1KI 022 014 И рече Михеа: жив Господь, яко яже речет Господь ко мне, сия возглаголю. 011 1KI 022 015 И прииде ко царю. И рече ему царь: Михее, взыду ли в Реммафу Галаадскую на брань, или оставлю? И рече ему: взыди, и благопоспешит Господь в руки царевы. 011 1KI 022 016 И рече ему царь: еще аз дважды заклинаю тя, да речеши истину пред Господем. 011 1KI 022 017 И рече Михеа: не тако: видех всего Израиля разсеяна по горам якоже стада, имже несть пастыря: и рече Господь: не Господь ли сим в Бога? Да возвратится кийждо в дом свой с миром. 011 1KI 022 018 И рече царь Израилев ко Иосафату царю Иудину: не рех ли тебе, яко не проричет сей ми добрая, но токмо злая? 011 1KI 022 019 И рече Михеа: не тако: не аз: слыши глагол Господень: не тако: видех Господа Бога Израилева седящаго на престоле Своем, и все воинство небесное стояше окрест Его одесную Его и ошуюю Его: 011 1KI 022 020 и рече Господь: кто прельстит Ахаава царя Израилева, и взыдет и падет в Реммафе Галаадстей? И рече сей тако, и сей тако: 011 1KI 022 021 и изыде дух, и ста пред Господем, и рече: аз прельщу и: 011 1KI 022 022 и рече к нему Господь: в чем? И рече: изыду и буду дух лжив во устех всех пророк его: и рече: прельстиши и возможеши: изыди и сотвори тако: 011 1KI 022 023 и се, ныне даде Господь дух лжив во уста всех пророк твоих сих, и Господь глагола на тя злая. 011 1KI 022 024 И приступи Седекиа сын Ханаань, и порази Михею в лице и рече: каковый сей прейде Дух Господень от мене, еже глаголати в тебе? 011 1KI 022 025 И рече Михеа: се, ты узриши в день он, егда внидеши в ложницу сокровища твоего, еже скрытися ту. 011 1KI 022 026 И рече царь Израилев: поимите Михею, и возвратите его ко Аммону князю града и ко Иоасу сыну цареву, 011 1KI 022 027 и рцыте, да посадят его в темницу, и да кормят его хлебом печальным и водою печальною, дондеже возвращуся в мире. 011 1KI 022 028 И рече Михеа: аще возвращаяся возвратишися в мире, то не глагола Господь мною. И рече: слышите, людие вси. 011 1KI 022 029 И взыде царь Израилев и Иосафат царь Иудин с ним в Реммафу Галаадскую. 011 1KI 022 030 И рече царь Израилев ко Иосафату царю Иудину: прикрый мя, и вниду в сечь, и ты облецыся в ризу мою. И прикрыся царь Израилев и вниде в сечь. 011 1KI 022 031 Царь же Сирский заповеда князем колесниц своих тридесятим и двум, глаголя: не бийтеся ни с великим ни с малым, но токмо с царем Израилевым единым. 011 1KI 022 032 И бысть егда узреша воеводы колесниц Иосафата царя Иудина, и реша: видится царь Израилев сей. И обступиша его еже сразитися с ним: и возопи Иосафат. 011 1KI 022 033 И бысть егда узреша воеводы колесниц, яко несть царь Израилев той, и возвратишася от него: 011 1KI 022 034 и наляче лук един муж приметно, и порази царя Израилева между легким и щитом. И рече (царь) всаднику своему: обрати руки твоя, и изведи мя от брани, яко язвен есмь. 011 1KI 022 035 И умножися брань в той день, и царь бе стоя на колеснице противу Сириан от утра даже до вечера, и лияшеся кровь из язвы в недра колесницы, и умре в вечер, и изливашеся кровь от язвы даже до недр колесницы. 011 1KI 022 036 И ста проповедник о западе солнца, глаголя: кийждо вас да идет во свой град и во свою землю, яко умре царь. 011 1KI 022 037 И приидоша в Самарию, и погребоша в Самарии царя. 011 1KI 022 038 И омыша кровь с колесницы на источнице Самарийстем, и полизаша свинии и пси кровь его, и блудницы измышася в крови его, по глаголу Господню, егоже глагола. 011 1KI 022 039 Прочая же словес Ахаавлих, и вся яже сотвори, и храм слоновый, егоже созда, и вся грады, яже сотвори, не се ли, сия писана быша в книзе словес дний царей Израилевых? 011 1KI 022 040 И успе Ахаав со отцы своими, и воцарися Охозиа сын его вместо его. 011 1KI 022 041 И Иосафат сын Асы воцарися над Иудою в четвертое лето Ахаава царя Израилева. 011 1KI 022 042 Иосафат сын тридесяти пяти лет (бе), егда нача царствовати, и двадесять пять лет царствова во Иерусалиме. Имя же матери его Азува, дщи Салаиля. 011 1KI 022 043 И хождаше по всем путем Асы отца своего, не уклонися от него, творя правое пред очима Господнима, токмо высоких не разори: еще людие жряху и кадяху на высоких. 011 1KI 022 044 И умирися Иосафат с царем Израилевым. 011 1KI 022 045 Прочая же словес Иосафатовых, и силы его, елика сотвори, не се ли, писана суть в книзе словес дний царей Иудиных? 011 1KI 022 046 И прочее мерзости, еже остася во дни Асы отца его, отя от земли. 011 1KI 022 047 И царя не бе во Едоме поставленнаго. 011 1KI 022 048 Царь же Иосафат сотвори корабли Фарсийския, еже ити во Офир по злато, но не поидоша, зане сокрушишася корабли во Асеон-Гавере. 011 1KI 022 049 Тогда рече Охозиа сын Ахаавль ко Иосафату: да идут раби мои с рабы твоими в кораблех. И не восхоте Иосафат. 011 1KI 022 050 И умре Иосафат со отцы своими, и погребен бысть у отец своих во граде Давида отца своего. И воцарися Иорам сын его вместо его. 011 1KI 022 051 И Охозиа сын Ахаавов воцарися над Израилем в Самарии, в лето седмоенадесять Иосафата царя Иудина, и царствова над Израилем в Самарии лета два, 011 1KI 022 052 и сотвори лукавое пред Господем, и нача ходити по путем отца своего Ахаава и по пути Иезавели матере своея, и во гресех дому Иеровоама сына Наватова, иже введе во грех Израиля: 011 1KI 022 053 и поработа Ваалу, и поклонися ему, и разгнева Господа Бога Израилева, по всем бывшым прежде его. # # BOOK 012 2KI 2 Kings Четвертая книга Царств 012 2KI 001 001 И отступи Моав от Израиля, по умертвии Ахаавли. 012 2KI 001 002 Охозиа же паде из окна, еже в горнице его в Самарии, и разболеся, и посла послы и рече к ним: идите и вопросите у Ваала сквернаго бога Аккаронска, аще жив буду от болезни моея сея? И идоша вопрошати его ради. 012 2KI 001 003 И Ангел Господень рече ко Илии Фесвитянину, глаголя: востав, иди на сретение послом Охозии царя Самарийска и речеши к ним: или несть Бога во Израили, яко грядете вопрошати Ваала сквернаго бога во Аккароне? 012 2KI 001 004 И сего ради сице глаголет Господь одр, на негоже возшел еси ту, не имаши слезти с него, яко ту смертию умреши, и иде Илиа и рече к ним. 012 2KI 001 005 И возвратишася послы к нему, и рече к ним: что яко возвратистеся? 012 2KI 001 006 И реша к нему: муж изыде в сретение нам и рече к нам: идите возвратитеся к царю пославшему вы и глаголите к нему: сице глаголет Господь: или нему Бога во Израили, яко вы грядете вопрошати Ваала сквернаго бога во Аккароне? Сего ради от одра, на негоже возшел еси, не имаши слезти с него, яко ту смертию умреши. 012 2KI 001 007 И рече к ним царь, глаголя: каков взором бяше муж той вшедый в сретение вам и глаголавый вам словеса сия? 012 2KI 001 008 И реша к нему: муж космат и поясом усменным препоясан о чреслех своих. И рече царь: Илиа Фесвитянин сей есть. 012 2KI 001 009 И посла к нему стареишину пятьдесятника и пятьдесят мужей его. И взыде и прииде к нему: и се, Илиа бе седя верху горы. И глагола пятьдесятник к нему и рече: человече Божии, царь зовет тя, сниди. 012 2KI 001 010 И отвеща Илиа и рече к пятьдесятнику: аще есмь человек Божий аз, то да снидет огнь с небесе и снест тя и пятьдесят твоих (с тобою). И сниде огнь с небесе и снеде его и пятьдесят мужей его. 012 2KI 001 011 И приложи царь послати к нему другаго пятьдесятника и пятьдесят (мужей) с ним. И возшед, и глагола пятьдесятник к нему и рече: человече Божий, сице глаголет царь: потщався сниди. 012 2KI 001 012 И отвеща Илиа и глагола к нему и рече: аще человек Божий аз есмь, то да снидет огнь с небесе, и да снест тя и пятьдесят (мужей) с тобою. И сниде огнь с небесе и снеде его и пятьдесят мужей его. 012 2KI 001 013 И приложи царь еще послати стареишину, пятьдесятника третияго, и пятьдесят мужей с ним. И прииде к нему пятьдесятник третий, и поклонися на колена своя пред Илиею, и моли его, и глагола к нему и рече: человече Божий, пощади душу мою и душу раб твоих сих пятьдесят пред очима твоима: 012 2KI 001 014 се, сниде огнь с небесе и пояде два пятьдесятника первыя с пятиюдесятми их: и ныне да пощадится душа рабов твоих пред очима твоима. 012 2KI 001 015 И глагола Ангел Господень ко Илии и рече: сниди с ним, не убойся от лица их. И воста Илиа и сниде с ним к царю, 012 2KI 001 016 и глагола к нему и рече: сице глаголет Господь: что яко послал еси послы вопрошати Ваала сквернаго бога во Аккароне, аки бы не был Бог во Израиле, еже вопросити от Него словесе? Сего ради от одра, наньже возшел еси ту, не имаши слезти с него яко смертию умреши. 012 2KI 001 017 И умре по глаголу Господню, егоже глаголгола Илиа. И царствова Иорам брат Охозиин вместо его, понеже не име сына Охозиа, в лето второе Иорама сына Иосафата царя Иудина. 012 2KI 001 018 И прочая словес Охозииных, елика сотвори, не се ли, сия писана в книгах словес дний царей Израилевых? 012 2KI 002 001 И бысть внегда взяти Господу Илию в вихре яко на небо и идяше Илиа и Елиссей от Галгал. 012 2KI 002 002 И рече Илиа ко Елиссею: седи убо зде, яко Господь посла мя до Вефиля и рече Елиссей: жив Господь и жива душа твоя, аще оставлю тя и приидоста в Вефиль. 012 2KI 002 003 И приидоша сынове пророчестии, иже в Вефили, ко Елиссею и реша к нему: разумееши ли, яко взимает Господь днесь господина твоего верху главы твоея (от тебе)? И рече: и аз уразумех, молчите. 012 2KI 002 004 И рече Илиа ко Елиссею: сяди убо зде, яко Господь посла мя во Иерихон. И рече Елиссей: жив Господь и жива душа твоя, аще оставлю тя. И приидоста во Иерихон. 012 2KI 002 005 И приближишася сынове пророков, иже во Иерихоне, ко Елиссею и реша ему: разумееши ли, яко днесь вземлет Господь господина твоего свыше главы твоея (от тебе)? И рече: ибо и аз уразумех, молчите. 012 2KI 002 006 И рече ему Илиа: седи зде, яко Господь посла мя до Иордана. И рече Елиссей: жив Господь и жива душа твоя, аще оставлю тебе. И поидоста оба, 012 2KI 002 007 и пятьдесят мужей от сынов пророческих, и сташа противу издалеча: и сии оба стаста при Иордане. 012 2KI 002 008 И прият Илиа милоть свою, и свит ю, и удари ею в воду, и разступися вода сюду и сюду: и проидоста оба по суху. 012 2KI 002 009 И бысть преходящема има, и рече Илиа ко Елиссееви: проси, что сотворю ти прежде неже взят буду от тебе. И рече Елиссей: да будет убо дух, иже в тебе, сугуб во мне. 012 2KI 002 010 И рече Илиа: ожесточил еси просити: аще узриши мя вземлема от тебе, будет ти тако: аще ли не (узриши), и будет. 012 2KI 002 011 И бысть идущема има, идяста и глаголаста: и се, колесница огненная и кони огненнии, и разделиша между обема. И взят бысть Илиа вихром яко на небо. 012 2KI 002 012 И Елиссей зряше и вопияше: отче, отче, колесница Израилева и конница его. И не увиде его ктому: и ятся (Елиссей) за ризы своя, и растерза я в два растерзания, 012 2KI 002 013 и взя милоть Илину Елиссей падшую верху его, и возвратися Елиссей, и ста на брезе Иорданове. 012 2KI 002 014 И прият (Елиссей) милоть Илиину, яже паде верху его, и удари в воду, и не разступися вода. И рече: где Бог Илиин Аффо? И удари Елиссей воды (вторицею), и разступишася сюду и сюду, и прейде Елиссей по суху. 012 2KI 002 015 И видеша его сынове пророчестии, иже во Иерихоне сопротив, и реша: почи дух Илиин на Елиссеи. И приидоша на сретение ему и поклонишася ему до земли, 012 2KI 002 016 и реша к нему: се, ныне со отроки твоими пятьдесят мужей сынов сильных: шедше да взыщут господина твоего, еда како Дух Господень взя, и поверже его на Иордане, или на единей от гор, или на единем от холмов и рече Елиссей: не посылайте. 012 2KI 002 017 И принудиша его, и дондеже устыдеся, и рече: послите. И послаша пятьдесят мужей, и искаша три дни, и не обретоша его, 012 2KI 002 018 и возвратишася к нему: и той седяше во Иерихоне. И рече Елиссей к ним: не глаголах ли к вам, не идите? 012 2KI 002 019 И реша мужие града ко Елиссею: се, жилище града благо, якоже ты, господине, видиши, но воды злы и земля неплодна. 012 2KI 002 020 И рече Елиссей: принесите ми водонос нов, и всыплите в онь соль. И взяша, и принесоша к нему. 012 2KI 002 021 И изыде Елиссей на исходища водная, и всыпа ту соль, и рече: сице глаголет Господь: изцелих воды сия, не будет от них ктому смерти и неплодства. 012 2KI 002 022 И изцелеша воды до дне сего, по глаголу Елиссееву, егоже глагола. 012 2KI 002 023 И взыде оттуду во Вефиль. И восходящу ему путем, и дети малы изыдоша из града, и ругахуся ему, и реша ему: гряди, плешиве, гряди. 012 2KI 002 024 И озреся вслед их, и виде я, и проклят я именем Господним. И се, изыдоша две медведицы из дубравы и растерзаша от них четыредесять два отрочища. 012 2KI 002 025 И иде оттуду в гору Кармилскую, и оттуду возвратися в Самарию. 012 2KI 003 001 И Иорам сын Ахаавов воцарися над Израилем в Самарии, в лето осмоенадесять Иосафата царя Иудина, и царствова лет дванадесять, 012 2KI 003 002 и сотвори лукавое пред очима Господнима: обаче не якоже отец его и не якоже мати его: и разруши капища Ваалова, яже сотвори отец его: 012 2KI 003 003 обаче ко греху Иеровоама сына Наватова, иже введе во грех Израиля, прилепися и не отступи от него. 012 2KI 003 004 И Моса царь Моавль бе нокид и даяше дань царю Израилеву, сто тысящ агнцев и сто тысящ овнов с рунами. 012 2KI 003 005 И бысть по умертвии Ахаавли и отвержеся царь Моавль царя Израилева. 012 2KI 003 006 И изыде царь Иорам во дни оны от Самарии и согляда Израиля, 012 2KI 003 007 и иде, и посла ко Иосафату царю Иудину, глаголя: царь Моавль отвержеся мене: идеши ли со мною на брань на Моава? И рече: взыду: сице мне, якоже и тебе: якоже людие мои, людие твои: якоже кони мои, кони твои. 012 2KI 003 008 И рече: киим путем взыдем? И рече: путем пустыни Едомския. 012 2KI 003 009 И иде царь Израилев и царь Иудин и царь Едомль, и идоша путем седмь дний: и не бе полку воды и скотом сущым с ними. 012 2KI 003 010 И рече отроком своим царь Израилев: о, яко созва Господь три сия цари идущыя предати их в руце Моавли. 012 2KI 003 011 И рече Иосафат к нему царь Иудин: есть ли зде пророк Господень, и вопросим Господа им? И отвеща един отрок царя Израилева и рече: зде есть Елиссей сын Сафатов, иже возливаше воду на руце Илиине. 012 2KI 003 012 И рече Иосафат: есть с ним глагол Господень. И сниде к нему царь Израилев и Иосафат царь Иудин и царь Едомль. 012 2KI 003 013 И рече Елиссей ко царю Израилеву: что мне и тебе? Иди ко пророком отца твоего и ко пророком матере твоея. И рече ему царь Израилев: еда созва Господь три цари, еже предати я в руце Моавли? 012 2KI 003 014 И рече Елиссей: жив Господь Сил емуже предстою пред Ним, яко аще бых не лице Иосафата царя Иудина аз приял, то воззрел ли бых на тя, и видел ли бых тя? 012 2KI 003 015 И ныне приведи ми певца. И бысть егда воспеваше певец, и бысть на нем рука Господня, 012 2KI 003 016 и рече: тако глаголет Господь: сотворите поток сей рвами рвами, 012 2KI 003 017 яко тако глаголет Господь: не узрите духа, и ниже увидите дождя: и поток сей наполнится воды, и пиете вы и стяжания ваша и скоти ваши: 012 2KI 003 018 и легко сие пред очима Господнима, и предам Моава в руки вашя, 012 2KI 003 019 и поразите всяк град тверд, и всяко древо благо низложите, и всяк источник воды заградите, и всяку часть благу разбиете камением. 012 2KI 003 020 И бысть заутра восходящей жертве, и се, воды идяху путем Едомским, и исполнися воды земля. 012 2KI 003 021 И вси Моавитяне услышаша, яко взыдоша тридесяти царя братися с ними. И возопиша отвсюду препоясаннии оружием и реша: ох: и сташа у предела. 012 2KI 003 022 И ураниша заутра, и солнце возсия на воды: и виде Моав сопротив воды чермны яко кровь, 012 2KI 003 023 и рече: кровь сия есть от оружия: и бишася царие, и уби муж искренняго своего: и ныне (гряди) на корысти, Моаве. 012 2KI 003 024 И внидоша в полк Израилев, Израилтяне же восташа. И избиша Моавлян: и побегоша от лица их: и внидоша входяще и биюще Моава, 012 2KI 003 025 и грады разбиша, и всяку часть благу навергоша мужие камением, и наполниша ю, и всяк источник заградиша, и всяко древо благо изсекоша, донележе оставиша камение стен разбиено: и обступиша пращницы и разбиша его. 012 2KI 003 026 И виде царь Моавль, яко укрепися над ним брань, и взя с собою седмь сот мужей со обнаженным оружием, еже просещися ко царю Едомску: и не возмогоша. 012 2KI 003 027 И поят сына своего первенца, егоже воцари вместо себе, и вознесе его во всесожжение на стене: и бысть раскаяние великое во Израили: и отступиша от него и возвратишася в землю свою. 012 2KI 004 001 И жена едина от сынов пророчих возопи ко Елиссею, глаголющи: раб твой муж мой умре, ты же веси, яко раб твой бе бояся Господа: и заимодавец прииде взяти два сына моя себе в рабы. 012 2KI 004 002 И рече Елиссей: что сотворю ти? Повеждь ми, что имаши ныне в дому? Она же рече: несть у рабы твоея ничтоже в дому, токмо мало елеа, имже помажуся. 012 2KI 004 003 И рече к ней: иди, испроси себе сосуды отвне от всех сосед твоих, сосуды праздны, не умали: 012 2KI 004 004 и вниди, и затвори дверь за собою и за сынома твоима, и влиеши (от елеа твоего) во вся сосуды сия, и наполненное возмеши. 012 2KI 004 005 И отиде от него и сотвори тако, и затвори дверь за собою и за сынома своима: та приношаста к ней, она же вливаше: 012 2KI 004 006 и бысть егда наполнишася вси сосуды, и рече сынома своима: приближита ми еще сосуд. И реста ей: несть еще сосуда. И ста елей. 012 2KI 004 007 И прииде и возвести человеку Божию. И рече Елиссей: иди и продаждь сей елей, и заплати лихву твою, и ты и сына твоя жити будете от оставшаго елеа. 012 2KI 004 008 И бысть во един день, и прейде Елиссей в Соман, и ту жена велия и удержа его снести хлеба: и бысть ему входити и исходити множицею, и уклоняшеся тамо ясти хлеба. 012 2KI 004 009 И рече жена к мужу своему: се, ныне разумех, яко человек Божий свят сей мимо ходит нас присно: 012 2KI 004 010 сотворим убо ему горницу, место мало, и поставим ему тамо одр и трапезу, и престол и свещник: и будет внегда входити ему к нам, и уклоняется тамо. 012 2KI 004 011 И бысть во един день, и вниде тамо, и уклонися в горницу, и спа тамо. 012 2KI 004 012 И рече ко Гиезию отрочищу своему: призови ми Соманитяныню сию. И призва ю, и ста пред ним. 012 2KI 004 013 И рече ему: рцы убо ей: се, удивила еси нас всем попечением сим: что подобает сотворити тебе? Аще есть тебе слово к царю или ко князю силы? Она же рече: (несть, ) посреде людий моих аз есмь живущи. 012 2KI 004 014 И рече ко Гиезию: что подобает сотворити ей? И рече Гиезий отрочищь его: воистинну сына несть у нея и муж ея стар. 012 2KI 004 015 И рече призови ю. И призва ю, и ста при дверех. 012 2KI 004 016 И рече Елиссей к ней: во время сие, якоже час сей живущи, ты зачнеши сына. Она же рече: ни, господине, не солжи рабе твоей. 012 2KI 004 017 И зачат во чреве жена, и роди сына во время сие, якоже час сей живущи, якоже глагола к ней Елиссей. 012 2KI 004 018 И возмужа отрочищь. И бысть, егда изыде ко отцу своему, к жнущым, 012 2KI 004 019 и рече ко отцу своему: глава моя, глава моя (болит). И рече ко отроку: неси его к матери его. 012 2KI 004 020 И несе его к матери его, и лежаше на колену ея до полудне, и умре. 012 2KI 004 021 И вознесе его, и положи его на одре человека Божия: и затвори его, и изыде, и призва мужа своего, и рече ему: 012 2KI 004 022 посли ми убо единаго от отрок, и едино от ослят, и теку до человека Божия, и возвращуся. 012 2KI 004 023 И рече: что яко ты идеши к нему днесь? Не нов месяц, ниже суббота. Она же рече: мир. 012 2KI 004 024 И оседла осля, и рече ко отрочищу своему: веди, и иди, да не удержиши мене, еже всести, якоже реку тебе: гряди, и иди, и прииди к человеку Божию на гору Кармилскую. 012 2KI 004 025 И иде, и прииде до человека Божия в гору Кармилскую. И бысть яко виде ю Елиссей грядущую, и рече ко Гиезию отрочищу своему: се, убо Соманитяныня оная: 012 2KI 004 026 ныне тецы во сретение ея и речеши ей: мир ли тебе? И тече во сретение ей и рече ей: мир ли тебе? Мир ли мужу твоему, мир ли отрочищу твоему? Она же рече: мир. 012 2KI 004 027 И прииде ко Елиссею на гору, и ятся за нозе его. И приближнся Гиезий отринути ю. И рече Елиссей: остави ю, яко душа ея болезненна в ней, и Господь укры от мене и не возвести мне. 012 2KI 004 028 Она же рече: еда просих сына у господина моего, яко рекох: не прельсти мене? 012 2KI 004 029 И рече Елиссей ко Гиезию: препояши чресла твоя и возми жезл мой в руце твои, и иди, яко аще обрящеши мужа, да не благословиши его, и аще благословит тя муж, не отвещай ему: и возложи жезл мой на лице отрочища. 012 2KI 004 030 И рече мати отрочища: жив Господь и жива душа твоя, аще оставлю тебе. И воста Елиссей и иде вслед ея. 012 2KI 004 031 И Гиезий иде пред нею, и возложи жезл на лице отрочища, и не бе гласа, и не бе слышания. И возвратися во сретение его и поведа ему глаголя: не воста отрочищь. 012 2KI 004 032 И вниде Елиссей в храмину, и се, отрочищь умерый положен на одре его. 012 2KI 004 033 И вниде Елиссей в дом и затвори дверь за двою собою, и помолися Господу. 012 2KI 004 034 И взыде, и ляже на отрочищи, и положи уста своя на устех его, и очи свои на очи его, и руце свои на руце его, и плесне свои на плесну его: и слячеся над ним, и дуну на него, и согреся плоть отрочища. 012 2KI 004 035 И обратися, и походи в храмине сюду и сюду: и взыде, и слячеся над отрочищем седмижды, и отверзе отрочищь очи свои. 012 2KI 004 036 И возопи Елиссей ко Гиезию и рече: призови ми Соманитяныню сию. И призва ю, и вниде к нему. И рече Елиссей: приими сына твоего. 012 2KI 004 037 И вниде жена, и паде на ногу его, и поклонися ему до земли: и прият сына своего, и изыде. 012 2KI 004 038 И Елиссей возвратися в Галгалы. И бе глад в земли той, и сынове пророчи седяху пред ним. И рече Елиссей отрочищу своему: настави коноб велий и свари варение сыном пророчим. 012 2KI 004 039 И изыде един на село собрати зелия дивия: и обрет виноград на селе, и набра в нем яблока дивияго полну ризу свою, и всыпа в котел на сварение, яко не разумеша, 012 2KI 004 040 и принесе мужем ясти. И бысть ядущым им от варения, и се, возопиша и реша: смерть в конобе, человече Божий. И не могоша ясти. 012 2KI 004 041 И рече: возмите муки и всыплите в коноб. И рече Елиссей ко Гиезию отрочищу своему: изнеси людем, да ядят. И не бысть ктому злаго глагола в конобе. 012 2KI 004 042 И муж прииде от Вефариса и принесе к человеку Божию первородных двадесять хлебов ячменных и смоквы. И рече: дадите людем, да ядят. 012 2KI 004 043 И рече отрок его: что дам сие сту мужем? И рече: даждь людем я, да ядят, яко сице глаголет Господь: будут ясти, и останет. 012 2KI 004 044 И ядоша, и оста по глаголу Господню. 012 2KI 005 001 И Нееман князь силы Сирийския бе муж велий пред господином своим и дивен лицем, яко им даде Господь спасение Сирии: и муж бе силен крепостию прокажен. 012 2KI 005 002 И из Сирии изыдоша воини и плениша юнотку малу от земли Израилевы: и бе пред женою Неемановою (служа) 012 2KI 005 003 и рече госпоже своей: о, дабы господин мой был у пророка Божия, иже в Самарии, той бы очистил его и проказы его. 012 2KI 005 004 И вниде и возвести господину своему и рече: тако и тако глагола юнотка, яже от земли Израилевы. 012 2KI 005 005 И рече царь Сирийский ко Нееману: иди, вниди, и послю писание ко царю Израилеву. И пойде, и взя в руце свои десять талант сребра и шесть тысящ златник и десять изменяемых риз. 012 2KI 005 006 И внесе писание к царю Израилеву глаголя: и ныне егда приидет писание сие к тебе, се, послах к тебе Неемана раба моего, да очистиши его от проказы его. 012 2KI 005 007 И бысть егда прочте писание царь Израилев, раздра ризы своя и рече: еда аз Бог есмь, еже мертвити и животворити, яко сей посла и мне, да очищу мужа от проказы его? Прочее разумейте и видите, яко се ищет вины ко мне. 012 2KI 005 008 И бысть егда услыша Елиссеи, яко раздра ризы своя царь Израилев, и посла к царю Израилеву, глаголя: почто раздрал еси ризы твоя? Да приидет ко мне ныне Нееман, и да разумеет, яко есть пророк во Израили. 012 2KI 005 009 И прииде Нееман на конех и на колесницех и ста при дверех дому Елиссеева. 012 2KI 005 010 И посла Елиссей посланника к нему, глаголя: шед измыйся седмижды во Иордане, и возвратится плоть твоя к тебе, и очистишися. 012 2KI 005 011 И разгневася Нееман, и отиде, и рече: се, убо глаголах, яко изыдет ко мне, и станет, и призовет во имя Бога своего, и возложит руку свою на место, и очистит проказу: 012 2KI 005 012 не благи ли Авана и Фарфар реки Дамасковы паче Иордана и всех вод Израилевых? Не шед ли измыюся в них и очишуся? И уклонися и отиде во гневе. 012 2KI 005 013 И приближишася отроцы его и реша ему: аще бы велие слово глаголал пророк тебе, не бы ли сотворил еси? А яко рече к тебе: измыйся, и очистишися. 012 2KI 005 014 И сниде Нееман, и погрузися во Иордане седмижды, по глаголу Елиссееву: и возвратися плоть его яко плоть отрочате млада, и очистися. 012 2KI 005 015 И возвратися ко Елиссею сам и все ополчение его, и прииде и ста пред ним и рече: се, ныне разумех, яко несть Бога во всей земли, но токмо во Израили: и ныне приими благословение от раба твоего. 012 2KI 005 016 И рече Елиссей: жив Господь, Емуже предстах пред ним, аще прииму. И понуждаше его взяти, и не послуша. 012 2KI 005 017 И рече Нееман: аще ли не (хощеши взяти), то даждь рабу твоему время, супруг мсков, от земли сея червленыя: яко и сотворит отселе раб твой всесожжения и жертвы богом иным, но Господу единому, 012 2KI 005 018 по глаголу сему и о словеси сем: и очистит Господь раба твоего, егда внидет господин мой в дом Ремманов на поклонение тамо: и той почиет на руку моею, и поклонюся в дому Реммани, внегда кланятися ему в дому Реммани, и очистит Господь раба твоего по словеси сему. 012 2KI 005 019 И рече Елиссей ко Нееману: иди с миром. И отиде от него на Хаврафа земли. 012 2KI 005 020 И рече Гиезий отрочищь Елиссеев: се, пощаде господин мой Неемана Сирянина сего, еже не взяти от руки его, яже принесе: жив Господь, яко имам тещи вслед его, и возму от него нечто. 012 2KI 005 021 И тече Гиезий во след Нееманов. И виде его Нееман текуща вслед себе, и возвратися с колесницы на сретение ему и рече: мир ли? 012 2KI 005 022 И рече Гиезий: мир: господин мой посла мя, глаголя: се, ныне приидоста ко мне два отрочища от горы Ефремли от сынов пророчих: даждь убо има талант сребра и две премены риз. 012 2KI 005 023 И рече Нееман: возми два таланта сребра. И взя два таланта во два мешца и две премены риз, и возложи на два отрочиша своя, и несоста пред ним: 012 2KI 005 024 и приидоша в сумраки, и взя от рук их и сокры во храмине, и отпусти мужы. 012 2KI 005 025 И сам вниде и предста господину своему. И рече к нему Елиссей: откуду (пришел еси), Гиезие? И рече Гиезий: не исходил раб твой никаможе. 012 2KI 005 026 И рече к нему Елиссей: не ходило ли сердце мое с тобою, и видех, егда возвращашеся муж с колесницы своей во сретение тебе? И ныне взял еси сребро и ризы взял еси, да купиши за них вертограды и маслины и винограды, и овцы и волы, и отроки и отроковицы: 012 2KI 005 027 и проказа Нееманова да прильпнет к тебе и к семени твоему во веки. И изыде от лица его прокажен яко снег. 012 2KI 006 001 И реша сынове пророчи ко Елиссею: се, убо место, идеже мы живем противу тебе, тесно нам: 012 2KI 006 002 да идем ныне до Иордана, и да возмем оттуду кийждо муж по бервну единому и сотворим себе ту обиталища пребывати тамо. И рече: идите. 012 2KI 006 003 И рече един кротце: гряди и сам с рабы твоими. И рече: аз пойду. 012 2KI 006 004 И иде с ними: и приидоша ко Иордану, и секоша древа: 012 2KI 006 005 и егда един отсекаше бервно, и се, железо спаде с топорища и впаде в воду. И возопи: о, господине, и сие заемное. 012 2KI 006 006 И рече человек Божий: где паде? И показа ему место. И отсече древо и вверже и тамо: и всплыве железо. 012 2KI 006 007 И рече: возми себе. И простре руку свою и взят е. 012 2KI 006 008 И царь Сирский бе воюя на Израиля, и совеща со отроки своими, глаголя: на месте некоем сокровеннем ополчуся. 012 2KI 006 009 И посла Елиссей ко царю Израилеву, глаголя: блюдися не преити на место сие, яко ту Сиряне залягоша. 012 2KI 006 010 И посла царь Израилев на место, о немже рече ему Елиссей, и соблюдеся оттуду не единою, ниже дважды. 012 2KI 006 011 И смутися душа царя Сирска о словеси сем: и призва отроки своя и рече и ним: не возвестите ли мне, кто предает мя царю Израилеву? 012 2KI 006 012 И рече един от отрок его: ни, господине мой царю: яко пророк Елиссей, иже во Израили, возвещает царю Израилеву вся словеса, яже аще глаголеши в сокровищи ложницы твоея. 012 2KI 006 013 И рече: идите, видите, где сей, и послав возму его. И возвестиша ему, глаголюще: се, есть в Дофаиме. 012 2KI 006 014 И посла тамо кони и колесницы и силу тяжку: и приидоша нощию и окружиша град. 012 2KI 006 015 И урани раб Елиссеев востати, и изыде: и се, сила обступи град, и кони и колесницы. И рече отрок его к нему: о, господине, что сотворим? 012 2KI 006 016 И рече Елиссей: не бойся, яко множае иже с нами, нежели с ними. 012 2KI 006 017 И помолися Елиссей и рече: Господи, отверзи ныне очи отрока, да узрит. И отверзе Господь очи его, и виде: и се, гора исполнь коней, и колесница огненна окрест Елиссеа. 012 2KI 006 018 И снидоша к нему: и помолися Елиссей ко Господу и рече: порази убо язык сей невидением. И порази их невидением по глаголу Елиссееву. 012 2KI 006 019 И рече к ним Елиссей: не сей путь и не сей град: грядите по мне, и отведу вы к мужу, егоже ищете. И отведе их в Самарию. 012 2KI 006 020 И бысть егда внидоша в Самарию, и рече Елиссей: отверзи убо, Господи, очи их, и да видят. И отверзе Господь очи их, и видеша: и се, бяху посреде Самарии. 012 2KI 006 021 И рече царь Израилев ко Елиссею, егда увиде я: аще поражу я поражением, отче? 012 2KI 006 022 И рече Елиссеи: да не поразиши: еда ли пленил еси их мечем твоим и луком твоим, да избиеши? И предложи им хлебы и воду, да ядят и да пиют и да отидут ко господину своему. 012 2KI 006 023 И предложи им предложение велие, и ядоша и пиша, и отпусти я, и идоша ко господину своему: и не приложиша ктому воини приходити из Сирии в землю Израилеву. 012 2KI 006 024 И бысть по сих, и собра сын Адеров царь Сирийский все ополчение свое, и взыде и обседе Самарию. 012 2KI 006 025 И бысть глад велик в Самарии: и се, обседоша ю, дондеже бысть глава ослова за пятьдесят сикль сребра, и четвертая часть меры гноя голубинаго за пять сикль сребра. 012 2KI 006 026 И бысть царь Израилев обходяй по стенам: и жена (некая) возопи к нему, глаголющи: спаси мя, господине мой царю. 012 2KI 006 027 И рече ей: аще тебе не спасает Господь, како аз спасу тя? Еда от гумна или от точила? 012 2KI 006 028 И рече ей царь: что ти есть? И рече: сия жена ко мне рече: даждь сына твоего, да съядим его днесь, а утро моего сына съядим: 012 2KI 006 029 и испекохом сына моего и снедохом его: и рех к ней в день вторый: даждь сына твоего, и съядим его: и скры сына своего. 012 2KI 006 030 И бысть егда услыша царь Израилев словеса жены, раздра ризы своя и сам хождаше по стене, и видеша людие вретище на плоти его внутрь. 012 2KI 006 031 И рече царь: сия да сотворит ми Бог и сия да приложит ми, аще будет глава Елиссеева на нем днесь. 012 2KI 006 032 Елиссей же седяше в дому своем, и старцы седяху с ним. И посла царь мужа пред лицем своим. И прежде даже приити посланному к нему, и той рече ко старцем: не весте ли, яко посла сын убийцы сей, да отсечет главу мою? Видите, егда приидет вестник, заключите двери и стисните его во дверех: не топот ли ног господина его вслед его? 012 2KI 006 033 И еще ему глаголющу с ними, и се, вестник сниде к нему и рече: се, сие зло от Господа: что потерплю Господеви ксему? 012 2KI 007 001 И рече Елиссей: слышите слово Господне, сице глаголет Господь: якоже час сей, утро мера муки пшеничны будет за сикль един, и две меры ячменя за сикль един во вратех Самарии. 012 2KI 007 002 И отвеща тристат, на егоже руку царь почиваше, и рече и Елиссею: се, аще отверзет Господь и хляби небесныя, то не будет глагол сей. И Елиссей рече: се, ты узриши очима твоима, и оттуду не имаши ясти. 012 2KI 007 003 И бяху четыре мужа прокажени при вратех града. И рече муж ко искреннему своему: что мы седим зде дондеже умрем? 012 2KI 007 004 Аще речем: внидем во град, то глад есть во граде, и умрем тамо: аще же седим зде, то и тако умрем: и ныне идем и внидем в полк Сирийский: аще живят ны, живи будем: аще ли умертвят ны, то умрем. 012 2KI 007 005 И восташа в сумраце ити в полк Сирийский и внидоша среде полка Сирийска, и се, не бе мужа ту. 012 2KI 007 006 И Господь слышан сотвори полку Сирийску глас колесниц и глас коней и глас силы великия. И рече муж ко брату своему: се, ныне наял есть на нас царь Израилев цари Хеттейски и цари Египетския приити на ны. 012 2KI 007 007 И восташа, и бежаша в сумраце, и оставиша сени своя и кони своя и ослы своя, якоже быша во стану, и бежаша души ради своея. 012 2KI 007 008 И внидоша прокаженнии сии до среды полка, и внидоша в сень едину, и ядоша и пиша, и взяша оттуду сребро и злато и одежды, и отидоша, и скрыша: и возвратишася, и внидоша в другую сень, и взяша оттуду, и отидоша, и скрыша. 012 2KI 007 009 И рече муж ко искреннему своему: не тако мы творим: день сей день благоговещения есть, мы же молчим и медлим до света утренняго, и обрящем беззаконие: и ныне приидем и внидем, и возвестим в дому цареве. 012 2KI 007 010 И внидоша, и возопиша ко вратом града и возвестиша им, глаголюще: внидохом в полк Сирийский, и се, не бысть ту мужа, ни гласа человеча, но токмо кони привязани, и ослята, и сени их якоже суть. 012 2KI 007 011 И возопиша вратницы, и возвестиша в дому цареве внутрь. 012 2KI 007 012 И воста нощию царь и рече ко отроком своим: возвещу вам ныне, яже сотвориша нам Сириане: разумеша, яко гладни есмы, и изыдоша из стана, и сокрышася на селе, глаголюще: яко изыдут из града, и имем я живы и во град внидем. 012 2KI 007 013 И отвеща един от отрок его и рече: да возмут ныне пять коней оставших, иже осташася зде, се, суть у толикаго множества Израилева оставшиися, и послем тамо, и узрим. 012 2KI 007 014 И взяша два всадника коней: и посла царь Израилев вслед царя Сирска, глаголя: идите и видите. 012 2KI 007 015 И идоша вслед их даже до Иордана, и се, весь путь исполнен одежд и оружия, яже повергоша Сириане, внегда устрашится им. И возвратишася посланнии, и возвестиша царю. 012 2KI 007 016 И изыдоша людие, и разграбиша весь стан Сирский. И бысть мера муки пшеничны за сикль един и две меры ячменя за сикль, по глаголу Господню. 012 2KI 007 017 И царь пристави тристата, на егоже руце царь почиваше, у врат: и попраша его людие во вратех, и умре, якоже глагола человек Божий, иже глагола, егда посланный прииде к нему. 012 2KI 007 018 И бысть якоже рече Елиссей к царю глаголя: две меры ячменя за сикль един, и мера муки пшеничны за сикль: и будет якоже сей час заутра во вратех Самарии. 012 2KI 007 019 И отвеща тристат Елиссею и рече: аще Господь отверзет хляби небесныя, не будет глагол сей. И рече Елиссей: се, узриши очима твоима, и оттуду и не имаши ясти. 012 2KI 007 020 И бысть тако, и попраша его людие во вратех, и умре. 012 2KI 008 001 И глагола Елиссей к жене, еяже воскреси сына, глаголя: востани и иди ты и дом твой, и обитай идеже аще можеши обитати, яко призва Господь глад на землю, и приидет на землю седмь лет. 012 2KI 008 002 И воста жена, и сотвори но глаголу Елиссееву, и пойде сама и дом ея, и обита на земли иноплеменничи седмь лет. 012 2KI 008 003 И бысть но скончании седми лет, и возвратися жена от земли иноплеменничи во град, и прииде возопити к царю о доме своем и о селех своих. 012 2KI 008 004 И глагола царь ко Гиезию отроку Елиссеа человека Божия глаголя: повеждь ми ныне вся великая, яже сотвори Елиссей. 012 2KI 008 005 И бысть ему поведающу цареви, яко жива сотвори сына умершаго: и се, жена, еяже воскреси Елиссей сына ея, вопиющи ко цареви о доме своем и о селех своих, и рече Гиезий: господине царю, сия жена и сей сын ея, егоже жива сотвори Елиссей. 012 2KI 008 006 И вопроси царь жену: и поведа ему. И даде ей царь скопца единаго, глаголя возврати вся, яже ея суть, и вся плоды села ея, от да, в оньже остави землю, даже до ныне. 012 2KI 008 007 И прииде Елиссей в Дамаск. И сын Адеров царь Сирский разболеся, и возвестиша ему, глаголюще: прииде человек Божий до зде. 012 2KI 008 008 И рече царь ко Азаилу: приими в руку свою дар, и иди во сретение человеку Божию, и вопроси Господа им, глаголя: аще ли жив буду от болезни сея? 012 2KI 008 009 И иде Азаил на сретение ему, и взя дар в руку свою, и вся благая Дамаскова, бремя четыредесять велблюдов, и прииде, и ста пред ним, и рече ко Елиссею: сын твой, сын Адеров, царь Сирский, посла мя к тебе вопросити, глаголя: буду ли жив от болезни моея сея? 012 2KI 008 010 И рече к нему Елиссей: иди и рцы ему: живя поживеши: но показа ми Господь, яко смертию умрет. 012 2KI 008 011 И предста лицу его, и возложи (руки) даже до постыдения, и плакася человек Божий. 012 2KI 008 012 И рече Азаил: что яко господин мой плачет? И рече: вем елика сотвориши сыном Израилевым зла: крепости их сожжеши огнем, и избранныя их избиеши мечем, и младенцы их разбиеши, и во чреве имеющыя их расторгнеши. 012 2KI 008 013 И рече Азаил: кто есть раб твой, пес мертвый, яко сотворит глагол сей? И рече Елиссей: показа ми тя Господь царствующа над Сириею. 012 2KI 008 014 И отиде от Елиссеа и вниде ко господину своему. И рече ему (царь): что ти рече Елиссей? Отвеща: рече ми Елиссей, живя поживеши. 012 2KI 008 015 И бысть во утрии, и взя одеяло, и намочи в воде, и обложи на лице его, и умре: и воцарися Азаил вместо его. 012 2KI 008 016 В лето пятое Иорама сына Ахаава царя Израилева и Иосафата царя Иудина, воцарися Иорам сын Иосафатов царь Иудин: 012 2KI 008 017 сын тридесяти и двою лету бе, внегда воцаритися ему, и осмь лет царствова во Иерусалиме, 012 2KI 008 018 и ходи в пути царей Израилевых, якоже сотвори дом Ахаавль, бе бо дщи Ахаавля жена ему, и сотвори лукавое пред Господем. 012 2KI 008 019 И не хотяше Господь потребити Иуды, Давида ради раба Своего, якоже рече дати ему светилник и сыном его во вся дни. 012 2KI 008 020 Во дни его отвержеся Едом из под руки Иудины и постави над собою царя. 012 2KI 008 021 И взыде Иорам в Сиор, и вся колесницы яже с ним. И бысть ему воставшу, и изби Едома обступившаго окрест его, и князи колесниц, и бежаша людие в селения своя. 012 2KI 008 022 И отступи Едом из под руки Иудины да дне сего: тогда отвержеся Ловна во время оно. 012 2KI 008 023 И прочая словес Иорамлих, и вся елика сотвори, не се ли, сия писана в книзе словес дний царей Иудиных? 012 2KI 008 024 И успе Иорам со отцы своими, и погребен бысть со отцы своими во граде Давида отца своего: и царствова Охозиа сын его вместо его. 012 2KI 008 025 В лето второенадесять Иорама сына Ахаавля царя Израилева, царствовати нача Охозиа сын Иорама царя Иудина: 012 2KI 008 026 сын двадесяти двух лет бысть Охозиа, егда нача царствовати, и лето едино царствова во Иерусалиме. Имя же матери его Гофолиа, дщерь Амвриа царя Израилева. 012 2KI 008 027 И хождаше по путем дому Ахаавля, и сотвори лукавое пред Господем, якоже дом Ахаавль: зять бо бе дому Ахаавля. 012 2KI 008 028 И иде со Иорамом сыном Ахаавлим на брань, на Азаила царя иноплеменнича в Рамоф Галаадский, и уязвиша Сиряне Иорама. 012 2KI 008 029 И возвратися царь Иорам целитися во Иезраель от язв, имиже уязвиша его в Рамофе, егда ратоваше той на Азаила царя Сирска, и Охозиа сын Иорамль царь Иудин сниде видети Иорама, сына Ахаавля, во Иезраель, яко боляше той. 012 2KI 009 001 Елиссей пророк призва единаго от сынов пророчих и рече ему: препояши чресла своя, и возми сосуд елеа сего в руку твою, и иди в Рамоф Галаадский: 012 2KI 009 002 и внидеши тамо, и узриши тамо Ииуа сына Иосафата сына Намессиева, и внидеши, и изведеши его от среды братии его, и введеши его во внутреннюю клеть: 012 2KI 009 003 и возмеши сосуд елеа, и возлиеши на главу его, и рцы: сице глаголет Господь: помазах тя в царя над Израилем: и отверзеши двери, и да бежиши, и да не пребудеши тамо. 012 2KI 009 004 И иде отрочищь пророк в Рамоф Галаадский: 012 2KI 009 005 и вниде, и се, князи силы седяху, и рече: слово ми есть к тебе, о, княже. И рече Ииуй: к кому от всех нас? И рече: к тебе, княже. 012 2KI 009 006 И воста и вниде в дом: и возлия елей на главу его и рече ему: сице глаголет Господь Бог Израилев: помазах тя в царя над людьми Господними, над Израилем. 012 2KI 009 007 И да потребиши дом Ахаава господина твоего от лица Моего, и отмстиши кровь рабов Моих пророков и кровь всех рабов Господних от руки Иезавелины. 012 2KI 009 008 И от руки всего дому Ахаавля, и потребиши от дому Ахаавля мочащагося к стене, и содержащагося, и оставльшагося во Израили: 012 2KI 009 009 и предам дом Ахаавль, якоже дом Иеровоама сына Наватова и якоже дом Ваасы сына Ахиина: 012 2KI 009 010 и Иезавель снедят пси в части Иезраеля, и не будет погребающаго ю. И отверзе двери и убежа. 012 2KI 009 011 Ииуй же изыде ко отроком господина своего. И реша ему: мир ли? Что яко вниде неистовый сей к тебе? И рече им: вы весте мужа и суесловие его. 012 2KI 009 012 И реша: не правда, (аще не возвестиши?) возвести убо нам. И рече Ииуй к ним: тако и тако рече ко мне, глаголя: сице глаголет Господь: помазах тя в царя над Израилем. 012 2KI 009 013 И слышавше текоша спешно, и взя кийждо ризы своя, и положиша под ним, понеже на единем от степений седяше, и вострубиша в рог и реша: воцарися Ииуй. 012 2KI 009 014 И возвратися Ииуй сын Иосафата сына Намессиева ко Иораму. Иорам же сам стрежаше в Рамофе Галаадстем и весь Израиль от лица Азаила царя Сирийска. 012 2KI 009 015 И возвратися Иорам царь целитися во Иезраели от язв, имиже уязвиша его Сиряне, егда брашеся со Азаилом царем Сирийским. И рече Ииуй: аще есть душа ваша со мною, да не изыдет из града беглец, ити и возвестити во Иезраели. 012 2KI 009 016 И вседе на коня, и пойде Ииуй, и сниде во Иезраель, яко Иорам царь Израилев целяшеся во Иезраели от стреляний, имиже устрелиша его Арамины в Рамофе на брани со Азаилом царем Сирским, яко той бе силен и муж силы, и лежаше тамо. И Охозиа царь Иудин прииде видети Иорама. 012 2KI 009 017 И страж взыде на столп во Иезраели, и виде прах Ииуев, егда ити ему и рече: прах аз вижу. И рече Иорам: всади мужа на конь и посли противу им, и да речет: мир ли? 012 2KI 009 018 И иде всадник конный на сретение ему и рече: тако глаголет царь: мир ли? И рече Ииуй: что тебе и миру? Обратися вслед мене. И возвести страж, глаголя: прииде посланный до них и не возвратися. 012 2KI 009 019 И посла всадника коннаго втораго, и прииде к нему и рече: тако рече царь: мир ли? И рече Ииуй: что тебе и миру? Возвратися вслед мене. 012 2KI 009 020 И возвести страж, глаголя: прииде до них и не возвратися: и вождь ведяше Ииуа сына Намессиина, яко в премене бысть. 012 2KI 009 021 И рече Иорам: впрязите. И впрягоша колесницу: и изыде Иорам царь Израилев и Охозиа царь Иудин, кийждо на колеснице своей, и изыдоста на сретение Ииуа, и обретоста его и части Навуфеа Иезраилитина. 012 2KI 009 022 И бысть яко увиде Иорам Ииуа, и рече мир ли, Ииуе? И рече Ииуй что тебе и миру? Еще блуды Иезавели матери твоея, и чарове ея многия. 012 2KI 009 023 И обрати Иорам руки своя и бежа, и рече ко Охозии: лесть, Охозие. 012 2KI 009 024 И наляче Ииуй рукою своею лук и устрели Иорама посреде плещу его, и изыде стрела сквозе сердце его: и преклонися на колена своя. 012 2KI 009 025 И рече Ииуй к Вадекару тристату своему: возми и верзи его на части села Навуфеа Иезраилитина, яко помню, аз и ты вседшии на колесницы идохом вслед Ахаава отца его, и Господь рече о нем пррочество сие, глаголя: 012 2KI 009 026 не видех ли крове Навуфеевы и крове сынов его вчера, рече Господь? И воздам ему на части сей, рече Господь: и ныне убо взем поверзи его на части сей по глаголу Господню. 012 2KI 009 027 И Охозиа царь Иудин виде, и побеже путем вефган и гна по нем Ииуй и рече: и сего (не имам оставити). И порази его на колеснице егда идяше в Гай, иже есть Иевлаам и убежа в Магеддон, и умре тамо. 012 2KI 009 028 И возложиша его отроцы его на колесницу и везоша его во Иерусалим, и погребоша его во гробе его во граде Давидове. 012 2KI 009 029 И в первоенадесять лето Иорама царя Израилева воцарися Охозиа над Иудою. 012 2KI 009 030 И прииде Ииуй во Иезраель (град). Иезавель же услыша, и намаза лице свое и украси главу свою, и приниче окном. 012 2KI 009 031 И Ииуй вхождаше во град и рече: мир ли Замврию, убийце господина своего? 012 2KI 009 032 И воззре лицем своим на окно и виде ю и рече: кто ты еси? Сниди ко мне. И преклонистася к нему два скопца. 012 2KI 009 033 И рече Ииуй: сверзита ю. И свергоста ю, и окропишася кровию ея стены и кони, и попраша ю. 012 2KI 009 034 И вниде Ииуй, и яде и пи, и рече: осмотрите ныне проклятую сию, и погребите ю, яко дщерь царева есть. 012 2KI 009 035 И идоша погребсти ю, и не обретоша от нея ничто ино, токмо лоб и ноги и длани рук. 012 2KI 009 036 И возвратишася и возвестиша ему. И рече: слово Господне, еже глагола рукою раба Своего Илии Фесвитянина, глаголя: в части Иезраеля снедят пси плоть Иезавелину: 012 2KI 009 037 и будет труп Иезавелин аки гной на лицы села в части Иезраеля, яко не рещи им: сия есть Иезавель. 012 2KI 010 001 И Ахааву беша седмьдесят сынове во Самарии. И написа писание Ииуй и посла в Самарию ко князем Самарийским и к старейшинам и ко кормителем сынов Ахаавлих, глаголя: 012 2KI 010 002 и ныне егда приидет писание сие к вам, и с вами сынове господина вашего, и с вами колесницы и кони, и грады тверды и оружия: 012 2KI 010 003 и узрите благаго и праваго в сынех господина вашего, и поставите его на престоле отца его, и да воюете о доме господина вашего. 012 2KI 010 004 И убояшася зело и реша: се, два царя не возмогоста стати противу лицу его, и како мы станем? 012 2KI 010 005 И послаша иже над домом и иже над градом, и старейшины, и кормителе ко Ииую, глаголголюще: отроцы мы твои, и елика аще речеши к нам, сотворим: не воцарим мужа, благое пред очима твоима сотворим. 012 2KI 010 006 И написа к ним Ииуй писание второе, глаголя: аще вы мои и гласа моего вы послушаете, возмите главы мужей сынов господина вашего и принесите ко мне, якоже час утро, во Иезраель. И бе сынов царевых седмьдесят мужей, сии началницы града вскормиша их. 012 2KI 010 007 И бысть егда прииде к ним писание, и взяша сыны царевы и заклаша их седмьдесят мужей, и возложиша главы их в кошницы и послаша их к нему во Иезраель. 012 2KI 010 008 И прииде вестник, и возвести ему, глаголя: принесоша главы сынов царевых. И рече: положите я в два холма при вратех града до заутра. 012 2KI 010 009 И бысть заутра, и изыде и ста во вратех града, и рече ко всем людем: праведни вы: се, аз есмь, обратихся на господина моего и убих его: и кто порази всех сих? 012 2KI 010 010 Видите убо, яко не падет от глагола Господня на землю, егоже глагола Господь на дом Ахаавль: и Господь сотвори, елика глагола рукою раба Своего Илии. 012 2KI 010 011 И изби Ииуй всех оставшихся в дому Ахаавли во Иезраели, и вся вельможы его, и знаемыя его, и жерцы его, яко не остатися его останку. 012 2KI 010 012 И воста и иде в Самарию сам, в Вефакад пастырский при пути. 012 2KI 010 013 И Ииуй обрете братию Охозии царя Иудина и рече: кто вы? И реша: братия Охозиины мы, и снидохом поздравити сыны царевы и сыны обладающия. 012 2KI 010 014 И рече: поимите я живы. И взяша их живых, и заклаша их в Вефакаде, четыредесять два мужа: и не остави мужа от них. 012 2KI 010 015 И иде оттуду, и обрете Ионадава сына Рихавля на пути во сретение себе, и благослови его. И рече к нему Ииуй: аще есть сердце твое с сердцем моим право, якоже сердце мое с сердцем твоим? И рече Ионадав: есть. И рече Ииуй: и аще есть, даждь руку твою. И даде руку свою. И возведе его к себе на колесницу 012 2KI 010 016 и рече к нему: гряди со мною и виждь, внегда ревновати мне по Господе саваофе. И посади его на колесницу свою. 012 2KI 010 017 И вниде в Самарию, и изби всех оставшихся Ахаавлих в Самарии, дондеже истребити ему по глаголу Господню, егоже глагола ко Илии. 012 2KI 010 018 И собра Ииуй вся люди и рече к ним: Ахаав поработа Ваалу мало, Ииуй же поработает ему много: 012 2KI 010 019 и ныне вся пророки Вааловы, вся рабы его и жерцы его призовите ко мне, муж да не потаится, яко жертва велика Ваалу: и всяк иже потаится, не будет жив. И Ииуй сотвори лестию, да погубит рабы Вааловы. 012 2KI 010 020 И рече Ииуй: освятите жертву Ваалу и служение. И проповедаша. 012 2KI 010 021 И посла Ииуй во весь Израиль и рече, глаголя: и ныне вси раби Вааловы, и вси жерцы его, и вси пророцы его, да никтоже останется, яко жертву велику творю: иже останется, не будет жив и приидоша вси раби Вааловы, и вси жерцы его, и вси пророцы его: не остася муж, иже не прииде: и внидоша во храм Ваалов, и наполнися храм Ваалов от края да края. 012 2KI 010 022 И рече Ииуй к сущым над домом одежд: изнесите одежды всем рабом Вааловым. И изнесе им ризохранитель. 012 2KI 010 023 И вниде Ииуй и Ионадав сын Рихавль в храмину Ваалову и рече рабом Вааловым: испытайте и видите, аще есть с вами от рабов Господних, и вышлите всех рабов Господних обретшихся тамо. И бысть якоже глагола Ииуй, яко не бе от рабов Господних, но токмо едини раби Вааловы. 012 2KI 010 024 И вниде сотворити жертвы и всесожжения и Ииуй постави себе вне осмьдесят мужей и рече: муж иже аще угонзет от мужей, ихже аз извожду в руки вашя, душа его вместо души его. 012 2KI 010 025 И бысть егда сконча творяй всесожжения, и рече Ииуй предтекущым и тристатом: вшедше избийте их, да не изыдет от них муж. И избиша их острием меча и повергоша предтекущии и тристаты, и идоша даже до града храма Ваалова: 012 2KI 010 026 и изнесоша кумир Ваалов и сожгоша его: 012 2KI 010 027 и разбиша кумиры Вааловы, и низвергоша дом Ваалов, и определиша его на афедрон даже до дне сего. 012 2KI 010 028 И погуби Ииуй храм Ваалов от Израиля. 012 2KI 010 029 Обаче от грехов Иеровоама сына Наватова, иже введе в грех Израиля, не отступи Ииуй от последования их: юницы златыя, яже в Вефили и в Дане. 012 2KI 010 030 И рече Господь ко Ииую: за сия, елика ублажил еси сотворити правое пред очима Моима, и вся елика по сердцу Моему сотворил еси дому Ахаавлю, сынове твои до четвертаго рода сядут на престоле во Израили. 012 2KI 010 031 И Ииуй не сохрани ходити в законе Господни всем сердцем своим: не отступи от грехов Иеровоама сына Наватова, иже в грех введе Израиля. 012 2KI 010 032 Во дни оны нача Господь посецати во Израили: и порази их Азаил во всех пределех Израилевых, 012 2KI 010 033 от Иордана на восток солнца, всю землю Галаадску и Гаддииску, и Рувимову и Манассиину, от Ароира, иже есть при устии потока Арнонска, и Галаад и Васан. 012 2KI 010 034 И прочая словес Ииуевых, и вся яже сотвори, и вся сила его, и совещания, яже совеща, не се ли, сия написана в книзе словес дний царей Израилевых? 012 2KI 010 035 И успе Ииуй со отцы своими, и погребоша его в Самарии. И воцарися Иоахаз сын его вместо его. 012 2KI 010 036 И дний бяше, в няже Ииуй царствова над Израилем в Самарии, двадесять осмь лет. 012 2KI 011 001 И Гофолиа мати Охозиина виде, яко умре сын ея, и воста и погуби все семя царево. 012 2KI 011 002 Иосавееф же дщи царя Иорама, сестра Охозиина, поя Иоаса сына брата своего, и украде его от среды сынов царевых избиеных, того и доилицу его в клети постельней, и утаи его от лица Гофолиина, и не умертвиша его: 012 2KI 011 003 и бе с нею крыемь в дому Господни шесть лет: и Гофолиа бе царствующи в земли той. 012 2KI 011 004 И в седмое лето посла Иодай жрец, и поят стоначалники хорримски и расимски, и возведе я к себе в дом Господень, и завеща им завет Господень, и закля их пред Господем: и показа им Иодай сына царска, 012 2KI 011 005 и заповеда им, глаголя: сие слово, еже сотворите: третия часть от вас да снидет в субботу, и да стрежете стражбу дому царева во вратех, 012 2KI 011 006 и третия часть у дверий Пути, и третия часть у врат созади протекаюшнх, и да устрежете стражбу дому: 012 2KI 011 007 и две части в вас, всяк исходяй в субботу, и да хранят стражбу дому Господня при цари: 012 2KI 011 008 и обступите царя около, кийждо оружие свое имый в руце своей, и входяй в садироф и да умрет: и будите с царем, егда входити ему и исходити. 012 2KI 011 009 И сотвориша стоначалницы вся, елика заповеда Иодай смысленый: и поя кийждо мужы своя, и входящыя в субботу со исходяшими в субботу, и внидоша ко Иодаю жерцу. 012 2KI 011 010 И даде жрец сотником копия и щиты царя Давида, яже быша в дому Господни: 012 2KI 011 011 и быша в руках воевод и предтекущих, и сотвориша сотницы и предходящии по всему, елико заповеда им жрец. И собра жрец Господень вся люди земли в дом Господень: и сташа предтекущии, кийждо их оружие имый в руце своей, от страны дому десныя, даже да страны дому шуия жертвенныя, и дому царева около: 012 2KI 011 012 и изведе сына царева, и возложи на него венец (царский) и свидение, и воцари его, и помаза его. И восплескаша руками и реша: да живет царь. 012 2KI 011 013 И услыша Гофолиа глас предтекущих людий, и вниде к народу в дом Господень, 012 2KI 011 014 и виде, и се, царь стояше на столпе по обычаю: и бяху пред царем певцы и трубы, и вси людие земли радующеся и трубяще в трубы. И раздра Гофолиа ризы своя и возопи: измена, измена. 012 2KI 011 015 И заповеда Иодай жрец стоначалником и властелем силы, и рече к ним: изведите ю вон из полков, и входяй вслед ея смертию да умрет от оружия: понеже рече жрец, да не умрет в дому Господни. 012 2KI 011 016 И возложиша на ню руце, и изведоша ю скопцы путем исхода коней дому царева, и умре ту. 012 2KI 011 017 И завеща Иодай завет между Господем и между царем и между людьми, яко быти им в люди Господни: и между царем и между людьми. 012 2KI 011 018 И внидоша вси людие земли в дом Ваалов и разбиша его, и жертвенники его и образы его сокрушиша добре, и Мафана жерца Ваалова убиша пред лицем жертвенников. И постави жрец властели в дому Господни, 012 2KI 011 019 и взя стоначалники, и хоррима и расима, и вся люди земли, и изведе царя от дому Господня: и внидоша путем врат предтекущих дому царева, и посадиша его на престоле цареве. 012 2KI 011 020 И возрадовашася вси людие земли, и град умолче: и Гофолию умертвиша мечем в дому цареве. 012 2KI 011 021 Сын седми лет Иоас егда нача царствовати. 012 2KI 012 001 В лето седмое Ииуа воцарися Иоас, и четыредесять лет царствова во Иерусалиме. Имя же матере его Савиа от Вирсавеи. 012 2KI 012 002 И сотвори Иоас правое пред Господем во вся дни, в няже просвети его Иодай иерей: 012 2KI 012 003 обаче высоких не преставиша, и тамо еще людие жряху и кадяху на высоких. 012 2KI 012 004 И рече Иоас к жерцем: все сребро святых вносимое в дом Господень, сребро оценения, муж сребро взявый оценения, все сребро, еже аще взыдет на сердце мужа внести в дом Господень, 012 2KI 012 005 да возмут себе жерцы, муж от продания своего, и тии да укрепят ведек дому во всех, идеже аще обрящется ведек. 012 2KI 012 006 И бысть в двадесять третие лето царя Иоаса, не укрепиша жерцы ведека храма: 012 2KI 012 007 и призва царь Иоас Иодая жерца и жерцы, и рече к ним: что яко не укреписте ведека храма? И ныне не приимайте сребра от продажей ваших, яко на ведек храма дасте е. 012 2KI 012 008 И совещашася жерцы не приимати сребра от людий и не укрепляти ведека храма. 012 2KI 012 009 И взя Иодай жрец кивот един, и сотвори в нем скважню, и положи его при олтари одесную входящих мужей в дом Господень: и влагаху тамо жерцы хранящии дверь все сребро приносимое в дом Господень. 012 2KI 012 010 И бысть егда увидеша, яко много сребра в ковчезе, и взыде писчий царев, и жрец великий, и сребросечцы и открыша, и сочтоша сребро обретшееся в дому Господни: 012 2KI 012 011 и даша сребро уготованное в руце творящих дела на сосуды дому Господня: и раздаша древоделем и делателем зиждущым в дому Господни, 012 2KI 012 012 и стеноделателем, и художником, и секущым камения на купление древес, и камения тесанаго на строение ведека дому Господня, на вся елика иждивена быша на утверждение храма. 012 2KI 012 013 Обаче не творишася храму Господню двери сребряны, гвоздие, фиалы и трубы, ни вси сосуды златы, и сосуды сребряны от сребра принесеннаго в дом Господень: 012 2KI 012 014 понеже творящым дела дадеся сие, и утвердиша тем дом Господень. 012 2KI 012 015 И не сочитаху мужей, имже даяху сребро в руки, даяти творящым дела, зане верно творяху. 012 2KI 012 016 Сребро за грехи и сребро за преступление, елико внесено бысть в дом Господень, жерцем бысть. 012 2KI 012 017 Тогда взыде Азаил царь Сирский и воева на Геф, и взя его Азаил и разби его: и обрати Азаил лице свое взыти на Иерусалим. 012 2KI 012 018 И взя Иоас царь Иудин вся святая, елика освяти Иосафат и Иорам и Охозиа, отцы его и царие Иудины, и святая его, и все злато обретшееся в сокровищих дому Господня и дому царева, и посла Азаилу царю Сирску, и отиде от Иерусалима. 012 2KI 012 019 И прочая словес Иоасовых, и вся елика сотвори, не се ли, сия писана в книзе словес дний царей Иудиных? 012 2KI 012 020 И восташа отроцы его, и совещаша всяк совет, и убиша Иоаса в доме Маллони, иже в Саале. 012 2KI 012 021 И Иезехар сын Иемуафов, и Иезевуф сын Сомиров, раби его убиша его, и умре, и погребоша его со отцы его во граде Давидове. И воцарися Амессиа сын его вместо его. 012 2KI 013 001 В лето двадесять третие Иоаса сына Охозиина царя Иудина царствова Иоахаз сын Ииуев над Израилем в Самарии седмьнадесять лет, 012 2KI 013 002 и сотвори лукавое пред очима Господнима, и иде вслед грехов Иеровоама сына Наватова, иже в грех введе Израиля и не остася злобы тоя. 012 2KI 013 003 И разгневася Господь гневом на Израиля, и вдаде их в руце Азаилу царю Сирску и в руце сына Адера, сына Азаилева, во вся дни. 012 2KI 013 004 И помолися Иоахаз лицу Господню, и услыша его Господь, яко виде скорбь Израилеву, понеже оскорби их царь Сирский. 012 2KI 013 005 И даде Господь спасение Израилю, и избыша от руку Сирску: и вселишася и сынове Израилевы в селения своя якоже и вчера и третияго дне: 012 2KI 013 006 обаче не отступиша от грехов дому Иеровоама сына Наватова, иже и в грех введе Израиля, в нем ходяху: и дубрава стояше в Самарии. 012 2KI 013 007 Яко не осташася Иоахазу людие, но токмо пятьдесят конник, и десять колесниц, и десять тысящ пешцев, яко изгубил их царь Сирский, и положи я яко прах на попрание. 012 2KI 013 008 И прочая словес Иоахазовых, и вся елика сотвори, и силы его, не сия ли писана в книзе словес дний царей Израилевых? 012 2KI 013 009 И успе Иоахаз со отцы своими, и погребоша его в Самарии: и воцарися Иоас сын его вместо его. 012 2KI 013 010 В лето тридесять седмое Иоаса царя Иудина царствова Иоас сын Иоахазов над Израилем в Самарии шестьнадесять лет, 012 2KI 013 011 и сотвори лукавое пред очима Господнима: и отступи от всех грехов Иеровоама сына Наватова, иже в грех введе Израиля, в том хождаше. 012 2KI 013 012 И прочая словес Иоасовых и вся елика сотвори, и силы его, яже сотвори со Амессием царем Иудиным, не сия ли писана в книзе словес дний царей Израилевых? 012 2KI 013 013 И успе Иоас со отцы своими, Иеровоам же седе на престоле его: и погребен бысть Иоас в Самарии с царми Израилевыми. 012 2KI 013 014 И Елиссей разболеся болезнию своею, от неяже умре. И прииде к нему Иоас царь Израилев, и плакася над лицем его, и рече: отче, отче, колесница Израилева и кони его. 012 2KI 013 015 И рече ему Елиссей возми лук и стрелы. И взя к себе лук и стрелы. 012 2KI 013 016 И рече царю: возложи руку свою на лук. И возложи Иоас руку свою на лук, и Елиссей возложи руки своя на руки царевы, 012 2KI 013 017 и рече: отверзи окно еже на восток. И отверзе. И рече Елиссей: стрели. И стрели (царь). И рече Елиссей: стрела спасения Господня и стрела спасения на Сирию, и победиши Сирию во Афеке даже до скончания. 012 2KI 013 018 И рече ему Елиссей: возми лук. И взя. И рече царю Израилеву: удари на землю. И удари царь трижды, и ста. 012 2KI 013 019 И оскорбе человек Божий о нем и рече: аще бы ударил еси пятищи или шестищи, тогда бы еси поразил Сирию до скончания, ныне же победиши Сирию трижды. 012 2KI 013 020 И умре Елиссей, и погребоша его. Воини же Моавли приидоша в землю наставающу лету тому. 012 2KI 013 021 И бысть им погребающим мужа, и се, видеша воинов, и повергоша мужа во гробе Елиссеове: (и впаде тело человека мертва, ) и прикоснуся костем Елиссеовым, и оживе и воста на ноги своя. 012 2KI 013 022 Азаил же оскорбляше Израиля во вся дни Иоахазовы. 012 2KI 013 023 И помилова и Господь, и ущедри я, и призре на ня завета ради Своего, иже со Авраамом и Исааком и Иаковом, и не восхоте Господь потребити их, ниже отверже их от лица Своего. 012 2KI 013 024 И умре Азаил царь Сирский, и воцарися Адер сын его вместо его. 012 2KI 013 025 И возвратися Иоас сын Иоахазов, и взя грады от руки Адера сына Азаилева, ихже взя от руку Иоахаза отца его в брани: трижды победи его Иоас, и возврати грады Израилевы. 012 2KI 014 001 В лето второе Иоаса сына Иоахаза царя Израилева, и воцарися Амессиа сын Иоасов, царь Иудин: 012 2KI 014 002 сын двадесяти пяти лет бе, внегда царствовати ему и двадесять пять лет царствова во Иерусалиме. Имя же матере его Иоадина от Иерусалима. 012 2KI 014 003 И сотвори правое пред очима Господнима, обаче не якоже Давид отец его: по всем, елика сотвори отец его Иоас, сотвори, 012 2KI 014 004 токмо высоких не разруши: еще людие жряху и кадяху на высоких. 012 2KI 014 005 И бысть егда утвердися царство в руку его, и изби рабы своя убившыя отца его: 012 2KI 014 006 сынов же убийц тех не изби, якоже писано в книзе закона Моисеова, якоже заповеда Господь, глаголя: да не умирают отцы за сыны, и сынове да не умирают за отцы, но токмо кийждо за своя грехи да умрет. 012 2KI 014 007 Сей порази Едома в Гемеле десять тысящ и взя Камень и на брани, и нарече имя ему Иефоил до днешняго дне. 012 2KI 014 008 Тогда посла Амессиа послы ко Иоасу сыну Иоахаза сына Ииуа царя Израилева, глаголя: прииди, да видимся в лице. 012 2KI 014 009 И посла Иоас царь Израилев ко Амессии царю Иудину, глаголя: терн, иже в Ливане, посла к кедрови сущему в Ливане, глаголя: даждь дщерь твою сыну моему в жену: и приидоша зверие лужнии, иже в Ливане, и попраша терние: 012 2KI 014 010 побивая поразил еси Идумею, и вознесе тя сердце твое, прославися седя в дому твоем, и почто любопришися в злобе твоей? И падеши ты, и Иуда с тобою. 012 2KI 014 011 И не послуша Амессиа. И взыде Иоас царь Израилев, и видестася лицем той и Амессиа царь Иудин в Вефсамисе Иудине. 012 2KI 014 012 И паде Иуда пред лицем Израилевым, и побеже кийждо в домы своя. 012 2KI 014 013 И Амессию сына Иоасова, сына Охозии, царя Иудина, ят Иоас сын Иоахазов царь Израилев в Вефсамисе: и прииде во Иерусалим, и разби стену Иерусалиму от врат Ефремлих до врат уголных, на четыреста лакот: 012 2KI 014 014 и взя сребро и злато, и вся сосуды обретеныя в дому Господни и в сокровищах дому царева, и сыны смесившихся, и возвратися в Самарию. 012 2KI 014 015 И прочая словес Иоасовых, елика сотвори в силе своей, якоже брася со Амессиею царем Иудиных, не сия ли писана в книзе словес дний царей Израилевых? 012 2KI 014 016 И успе Иоас со отцы своими и погребен бысть в Самарии с цари и Израилевыми. И воцарися Иеровоам сын его вместо его. 012 2KI 014 017 И поживе Амессиа сын Иоасов, царь Иудин, по умертвии Иоаса сына Иоахаза царя Израилева пятьнадесять лет. 012 2KI 014 018 И прочая словес Амессиевых, и вся елика сотвори, не сия ли писана в книзе словес дний царей Иудиных? 012 2KI 014 019 И восташа на него полки во Иерусалиме: и убеже в Лахисы, и послаша вслед его в Лахисы, и убиша его ту: 012 2KI 014 020 и взяша его на кони, и погребен бысть со отцы своими во Иерусалиме во граде Давидове. 012 2KI 014 021 И пояша вси людие Иудины Азарию, и той сын шестинадесяти лет, и поставиша его царем вместо отца его Амессии: 012 2KI 014 022 той созда Елоф, и возврати его Иуде по умертвии царя со отцы его. 012 2KI 014 023 В лето пятоенадесять Амессии сына Иоаса царя Иудина, царствова Иеровоам сын Иоасов над Израилем в Самарии четыредесять и едино лето, 012 2KI 014 024 и сотвори лукавое пред Господем: не отступи от всех грехов Иеровоама сына Наватова, иже в грех введе Израиля: 012 2KI 014 025 той приврати предел Израилев от входа Емафова даже и до моря аравитскаго, по глаголу Господа Бога Израилева, егоже глагола и рукою раба Своего Ионы, сына Амафиина, пророка, иже от Гефаховера, 012 2KI 014 026 яко виде Господь смирение Израилево горько зело, и мало содержимых, и умаленных, и оставленых, и не бе помогающаго им. 012 2KI 014 027 И не глагола Господь искоренити семене Израилева под небесем: и спасе я рукою Иеровоама сына Иоасова. 012 2KI 014 028 И прочая словес Иеровоамовых, и вся елика сотвори, и силы его, елика повоева, и како возврати Дамаск и Емаф Иуде во Израили, не сия ли писана в книзе словес дний царей Израилевых? 012 2KI 014 029 И успе Иеровоам со отцы своими, со цари Израилевыми: и воцарися Захариа сын его вместо его. 012 2KI 015 001 В лето двадесять седмое Иеровоама царя Израилева воцарися Азариа сын Амессии царя Иудина: 012 2KI 015 002 сын шестинадесяти лет бе, егда нача царствовати, и пятьдесят два лета царствова во Иерусалиме. Имя же матере его Иехелиа от Иерусалима. 012 2KI 015 003 И сотвори правое пред очима Господнима по всему, елика сотвори отец его Амессиа, 012 2KI 015 004 обаче высоких не разори: еще людие жряху и кадяху на высоких. 012 2KI 015 005 И коснуся Господь царя, и бысть прокажен до дне смерти своея: и царствова в дому апфусоф. И Иоафам сын царев бе над домом судя людем земли тоя. 012 2KI 015 006 И прочая словес Азарии, и вся елика сотвори, не сия ли написана в книзе словес дний царей Иудиных? 012 2KI 015 007 И успе Азариа со отцы своими, и погребоша его со отцы его во граде Давидове. И воцарися Иоафам сын его вместо его. 012 2KI 015 008 В лето тридесять осмое Азарии царя Иудина царствова Захариа сын Иеровоамль над Израилем в Самарии шесть месяц. 012 2KI 015 009 И сотвори лукавое пред очима Господнима, якоже сотвориша отцы его, не отступи от всех грехов Иеровоама сына Наватова, иже в грех введе Израиля. 012 2KI 015 010 И востаста нань Селлум сын Иависов и Кевлаам, и поразиста его, и умертвиста его: и воцарися Селлум вместо его. 012 2KI 015 011 И прочая словес Захариевых, се, суть написана в книзе словес дний царей Израилевых. 012 2KI 015 012 Сие слово Господне, еже глагола ко Ииую, рекий: сынове четвертии сядут тебе и на престоле Израилеве. И бысть тако. 012 2KI 015 013 И Селлум сын Иависов воцарися во Израили: и в лето тридесять девятое Азарии царя Иудина, царствова Селлум месяц дний в Самарии. 012 2KI 015 014 И взыде Манаим сын Гаддиин от Ферсилы, и прииде в Самарию, и уби Селлума сына Иависова в Самарии, и умертви его, и воцарися вместо его. 012 2KI 015 015 И прочая словес Селлумовых, и совещание его, имже совещася, се, суть писана в книзе словес дний царей Израилевых. 012 2KI 015 016 Тогда порази Манаим и Ферсу, и вся, яже в ней, и пределы ея от Ферсы, понеже не отверзоша ему, и разби ю и всех, иже в ней, и имущих во чреве разсече. 012 2KI 015 017 В лето тридесять девятое Азарии царя Иудина, царствова Манаим сын Гаддиин над Израилем десять лет в Самарии, 012 2KI 015 018 и сотвори лукавое пред очима Господнима, (во вся дни своя) не отступи от всех грехов Иеровоама сына Наватова, иже в грех введе Израиля. 012 2KI 015 019 Во дни его взыде Фула царь Ассирийский на землю (Израилеву), и Манаим даде Фуле тысящу талант сребра, да будет рука его с ним, (еже укрепити царство в руку его). 012 2KI 015 020 И возложи Манаим дань на Израиля, на всех сильных, дати царю Ассирийску пятьдесят сикль сребра мужу коемуждо: и возвратися царь Ассирийск, и не ста тамо в земли. 012 2KI 015 021 И прочая словес Манаимовых, и вся елика сотвори, не се ли, сия написана в книзе словес дний царей Израилевых? 012 2KI 015 022 И успе Манаим со отцы своими, и воцарися Факиа сын его вместо его. 012 2KI 015 023 В лето пятьдесятое Азарии царя Иудина, царствова Факиа сын Манаимль над Израилем в Самарии лета два, 012 2KI 015 024 и сотвори лукавое пред очима Господнима, и отступи от грехов Иеровоама сына Наватова, иже в грех введе Израиля. 012 2KI 015 025 И воста на него Факей сын Ромелиин, тристат его, и уби его в Самарии близ дому царева, со Арговом и со Арием, и с ним (бяху) пятьдесят мужей от Галаадитов, и умертви его, и воцарися вместо его. 012 2KI 015 026 И прочая словес Факиевых, и вся елика сотвори се, суть, писана в книзе словес дний царей Израилевых. 012 2KI 015 027 В лето пятьдесят второе Азарии царя Иудина, царствова Факей сын Ромелиин над Израилем в Самарии двадесять лет, 012 2KI 015 028 и сотвори лукавое пред очима Господнима, не отступи от всех грехов Иеровоама сына Наватова, иже в грех введе Израиля. 012 2KI 015 029 Во дни Факеа царя Израилева прииде Фелгаффелласар царь Ассирийский, и взя Аин и Авелвефмааха, и Аоха и Кенезу, и Асора и Галаад и Галилею, всю землю Неффалимлю, и приведе я ко Ассирианом. 012 2KI 015 030 И воста Осиа сын Илы на Факеа сына Ромелиина, и порази его, и умертви его, и воцарися вместо его в двадесятое лето Иоафама сына Азариина. 012 2KI 015 031 И прочая словес Факеевых, и вся елика сотвори, се, сия написана в книзе словес дний царей Израилевых. 012 2KI 015 032 В лето второе Факеа сына Ромелиина царя Израилева воцарися Иоафам, сын Азарии царя Иудина: 012 2KI 015 033 сын двадесяти пяти лет бе, егда нача царствовати, и шестьнадесять лет царствова во Иерусалиме. Имя же матере его Иеруса дщи Садокова. 012 2KI 015 034 И сотвори правое пред очима Господнима, по всему елика сотвори отец его Азариа, 012 2KI 015 035 обаче высоких не разори: еще людие жряху и кадяху на высоких. Той созда двери храму Господню вышния. 012 2KI 015 036 И прочая словес Иоафамовых, и вся елика сотвори, не сия ли написана в книзе словес дний царей Иудиных? 012 2KI 015 037 Во дни оны начат Господь посылати на Иуду Раассона царя Сирска и Факеа сына Ромелиина. 012 2KI 015 038 И успе Иоафам со отцы своими, и погребен бысть со отцы своими во граде Давида отца своего. И воцарися Ахаз сын его вместо его. 012 2KI 016 001 В лето седмоенадесять Факеа сына Ромелиина, воцарися Ахаз сын Иоафама царя Иудина: 012 2KI 016 002 сын двадесяти лет бе Ахаз, егда нача царствовати, и шестьнадесять лет царствова во Иерусалиме, и не сотвори правое пред очима Господа Бога своего верно, якоже Давид отец его, 012 2KI 016 003 и ходи в пути Иеровоама сына Наватова царя Израилева, ксему и сына своего преведе сквозе огнь по мерзостем языков, ихже отят Господь от лица сынов Израилевых: 012 2KI 016 004 и жряше и кадяше на высоких и на холмех и под всяким древом частым. 012 2KI 016 005 Тогда взыде Раассон царь Сирск и Факей сын Ромелиин царь Израилев во Иерусалим на брань, и воеваста на Ахаза, и не можаста (ему) одолети. 012 2KI 016 006 Во время оно возврати Раассон царь Сирский Елаф Сирии и изгна Иудеев из Елафа, и Идумее приидоша во Елаф и вселишася тамо даже до дне сего. 012 2KI 016 007 И посла Ахаз послы к Фелгаффелласару царю Ассирийску, глаголя: раб твой и сын твой аз есмь, взыди и отими мя от руки царя Сирска и от руки царя Израилева, воставших на мя. 012 2KI 016 008 И взя Ахаз злато и сребро обретшееся в сокровищих дому Господня и в сокровищих дому царева, и посла царю Ассирийску дары. 012 2KI 016 009 И послуша его царь Ассирийский: и взыде царь Ассирийский в Дамаск, и взя его, и пресели его, и Раассона царя уби. 012 2KI 016 010 И иде царь Ахаз на сретение Фелгаффелласару царю Ассирийску в Дамаск, и виде жертвенник в Дамасце: и посла царь Ахаз ко Урии иерею подобие жертвенника, и начертание, и все творение его. 012 2KI 016 011 И созда Уриа иерей жертвенник по всем, елика посла царь Ахаз от Дамаска. 012 2KI 016 012 И прииде царь Ахаз из Дамаска и виде жертвенник, и взыде на него, 012 2KI 016 013 и покади всесожжение свое и жертву свою и возлияние свое, и пролия кровь мирных на жертвенник, 012 2KI 016 014 олтарь же медяный, иже пред Господем, принесе от лица дому Господня, и от среды жертвенника и от среды дому Господня: и постави его о едину страну жертвенника к северу. 012 2KI 016 015 И заповеда царь Ахаз Урии иерею, глаголя: на жертвеннице велицем приношаяй всесожжения утренняя, и жертву вечернюю, и всесожжения царева, и жертву его, и всесожжения всех людий, и жертву их, и возлияния их, и всяку кровь всесожжения, и всяку кровь жертвенную излиеши на нем: олтарь не медян да будет мне на утро. 012 2KI 016 016 И сотвори Уриа иерей по всем, елика заповеда ему царь Ахаз. 012 2KI 016 017 И изсече Ахаз царь споения подставов, и пренесе от них умывалницу, и море низложи от волов медяных, иже беша под ним, и положи е на подставе каменнем: 012 2KI 016 018 и основание седалища создано в дому Господни, и вход царев внешний обрати в дом Господень, от лица царя Ассирийска. 012 2KI 016 019 И прочая словес Ахазовых, елика сотвори, не сия ли написана в книзе словес дний царей Иудиных: 012 2KI 016 020 и успе Ахаз со отцы своими, и погребен бысть со отцы своими во граде Давидове. И воцарися Езекиа сын его вместо его. 012 2KI 017 001 В лето второенадесять Ахаза царя Иудина, царствова Осиа сын Илы в Самарии над Израилем девять лет, 012 2KI 017 002 и сотвори лукавое пред очима Господнима, обаче не якоже царие Израилевы, иже беша прежде его. 012 2KI 017 003 И взыде нань Саламанассар царь Ассирийск. И бысть ему Осиа раб и даваше ему дань. 012 2KI 017 004 И обрете царь Ассирийск во Осии неправду, занеже посла послы к Сигору царю Египетску и не принесе дани царю Ассирийску лета того. И осади его царь Ассирийский и связа его в храмине темничней. 012 2KI 017 005 И прииде царь Ассирийск во всю землю (его), и взыде в Самарию, и воева ю три лета. 012 2KI 017 006 В лето девятое Осии взя царь Ассирийский Самарию, и заведе Израилтян во Ассирию, и посели их на Алаи и на Аворе, реках Гозанских, и в пределех Мидских. 012 2KI 017 007 И (сие) бысть, яко согрешиша сынове Израилевы Господу Богу своему изведшему их из земли Египетския, из под руки фараона царя Египетска, и убояшася богов инех, 012 2KI 017 008 и ходиша по преданием языков, ихже истреби Господь от лица сынов Израилевых, и царие Израилевы елицы сотвориша, 012 2KI 017 009 и елицы сокрыша сынове Израилевы словеса, не тако на Господа Бога своего: и создаша себе высокая во всех градех своих, от столпа стрегущих даже до града тверда, 012 2KI 017 010 и поставиша себе кумиры и Дубравы на всяцем холме высоце и под всяким древом чащным, 012 2KI 017 011 и кадяху тамо на всех высоких, якоже языцы, яже удали Господь от лица их, и сотвориша общники, и начаша яве прогневляти Господа, 012 2KI 017 012 и послужиша идолом, о нихже рече им Господь: не сотворите глагола сего Господеви. 012 2KI 017 013 И засвидетелствова Господь во Израили и во Иуде, и руками всех пророк Своих всякаго прозорливаго, глаголя: обратитеся от путий ваших лукавых, и сохраните заповеди Моя и оправдания Моя, и весь закон, егоже заповедах отцем вашым, елика послах им руками раб Моих пророков. 012 2KI 017 014 И не послушаша, и ожесточиша выю свою паче выи отец своих, иже не вероваша Господу Богу своему: 012 2KI 017 015 и отвергоша завет Его и оправдания, яже завеща отцем их и свидений Его, елика засвидетелствова им, не сохраниша, и идоша вслед суетных и осуетишася, и вслед языков сущих окрест их, о нихже заповеда Господь их, еже не сотворити по сему: 012 2KI 017 016 и оставиша заповеди Господа Бога своего и сотвориша себе две юницы слиты, и сотвориша дубравы, и поклонишася всей силе небесней и послужиша Ваалу: 012 2KI 017 017 и превождаху сыны своя и дщери своя чрез огнь, и волхвоваху волхвованием и вражаху: и продашася, еже творити лукавое пред очима Господнима, еже прогневати Его. 012 2KI 017 018 И разгневася Господь на Израиля зело и отрину их от лица Своего, и не остася, токмо едино колено Иудино. 012 2KI 017 019 И Иуда такожде не сохрани заповедий Господа Бога своего: и хождаху по оправданием Израилевым, яже сотвориша, и отвергошася Господа. 012 2KI 017 020 И разгневася Господь на все семя Израилево и поколеба я, и даде я в руки расхищающым я дондеже отверже я от лица Своего. 012 2KI 017 021 Яко отторжеся Израиль от дому Давидова, и поставиша себе царя Иеровоама сына Наватова: и отрину Иеровоам Израиля от Господа и введе их во грех великий. 012 2KI 017 022 И хождаху сынове Израилевы по всему греху Иеровоамлю, егоже сотвори: не отступиша от него, 012 2KI 017 023 дондеже отверже Господь Израиля от лица Своего, якоже глагола Господь рукою всех раб Своих пророков. И преселен бысть Израиль от земли своея во Ассирианы, даже до дне сего. 012 2KI 017 024 И приведе царь Ассирийский из Вавилона иже от Хуфы и от Аиа, и от Емафа и Сепфаруима, и вселени быша во градех Самарийских вместо сынов Израилевых, и наследиша Самарию и вселишася во градех ея. 012 2KI 017 025 И бысть в начале седения их, не убояшася Господа, и пусти на ня Господь львы, и бяху убивающе я. 012 2KI 017 026 И реша царю Ассирийску, глаголюще: языки, ихже превел и пресадил еси во градех Самарийских, не разумеша суда Бога земли, и посла Господь на них львы, и се, суть убивающе их, яко не разумеша суда Бога земли. 012 2KI 017 027 И заповеда царь Ассирийский глаголя: отведите тамо единаго жерца от плененых, да идут и да вселятся тамо, и да просветит их судом Бога земли. 012 2KI 017 028 И отведоша единаго от жерцев ихже взяша от Самарии, и седе в Вефили, и бе просвещая жрец их, яко да убоятся Господа. 012 2KI 017 029 И беша творяще кийждо язык боги своя: и поставиша я во храмех на высоких, ихже сотвориша Самаряне, кийждо язык во градех своих, в нихже живяху. 012 2KI 017 030 И мужие Вавилонстии сотвориша Сокхоф Вениф, и мужие Хуфовы сотвориша Гигель, и мужие Емафовы сотвориша Асимаф, 012 2KI 017 031 и Евее сотвориша Авлазер и Фарфак и Сепфаруим, егда сожигаху сыны своя огнем Андрамелеху и Анемелеху, богом Сепфаруимским. 012 2KI 017 032 И бяху боящеся Господа: и вселиша мерзости своя во храмех на высоких, ихже сотвориша в Самарии, кийждо язык во граде, в немже живяху. 012 2KI 017 033 И беша боящеся Господа и сотвориша себе жерцы в высоких, и сотвориша себе в храмине высоких и Господа бояхуся, и идолом своим служаху по обычаю языков отюнудуже преселиша их. 012 2KI 017 034 Даже до дне сего тии творяху по обычаю их: не бояхуся Господа, и не творяху по оправданием их, и по суду их, и по закону, и по заповеди, юже заповеда Господь сыном Иаковлим, идеже и нарече имя ему Израиль. 012 2KI 017 035 И положи Господь с ними завет и заповеда им, глаголя: не убойтеся богов иных и не поклонитеся им, и не послужите им и не пожрите им: 012 2KI 017 036 но токмо Господеви, иже изведе вы из земли Египта крепостию великою и мышцею высокою: Того убойтеся, и Тому поклонитеся, и Тому пожрите: 012 2KI 017 037 и оправдания Его, и суды Его, и закон Его, и заповеди, яже написа вам творити, храните во вся дни, и не убойтеся богов иных: 012 2KI 017 038 и завета, егоже завеща с вами, не забывайте: и не убойтеся богов иных, 012 2KI 017 039 но токмо Господа и вашего убойтеся, и Той измет вы от всех враг ваших. 012 2KI 017 040 И не послушаша сего, но по обычаем своим преждним твориша. 012 2KI 017 041 И бяху языцы сии боящеся Господа, и изваянным своим служаще: такожде и сынове их и сынове сынов их, якоже сотвориша отцы их, тако творят и до сего дне. 012 2KI 018 001 И бысть в лето третие Осии сына Илы царя Израилева, воцарися Езекиа сын Ахаза царя Иудина: 012 2KI 018 002 сын двадесяти пяти лет бе егда нача царствовати, и двадесять девять леть царствова во Иерусалиме. Имя же матере его Авуфа дщи Захариина. 012 2KI 018 003 И сотвори правое пред очима Господнима, по всем елика сотвори отец его Давид: 012 2KI 018 004 той разруши высокая, и сокруши вся капища, и искорени дубравы и змию медяную, юже сотвори Моисей, яко и до дний тех сынове Израилевы беху кадяще ей: и назва имя ей Неестан. 012 2KI 018 005 На Господа Бога Израилева упова, и но нем не бысть подобен ему в царех Иудиных и в бывших прежде его: 012 2KI 018 006 и прилепися Господеви, не отступи от Него, и сохрани заповеди Его, елики заповеда Моисей: 012 2KI 018 007 и бе Господь с ним, и во всех, яже творяше, смысляше. И сопротивися царю Ассирийскому и не поработа ему: 012 2KI 018 008 той победи иноплеменники даже до Газы и до предел ея, от столпа стрегущих и даже и града тверда. 012 2KI 018 009 И бысть в лето четвертое царя Езекии, сие же лето седмое Осии, сыну Илы, царю Израилеву, взыде Саламанассар царь Ассирийск на Самарию и обседе ю, 012 2KI 018 010 и взя ю при концы триех лет, в шестое лето Езекиево, сие лето девятое Осии царя Израилева, и пленена бысть Самариа. 012 2KI 018 011 И преведе царь Ассирийский Самаряны во Ассирию, и посади я на Алаи и на Аворе, реках Гозанских, и в пределех Мидских: 012 2KI 018 012 понеже не послушаша гласа Господа Бога своего и преступиша завет Его, вся елика заповеда Моисей раб Господень, и не послушаша, и не сотвориша. 012 2KI 018 013 И в четвертоенадесять лето царя Езекии, взыде Сеннахирим царь Ассирийский на грады Иудины твердыя и взят я. 012 2KI 018 014 И посла Езекиа царь Иудин послы к царю Ассирийску в Лахис, глаголя: согреших, возвратися от мене: еже аще возложиши на мя, то понесу. И возложи царь Ассирийский на Езекию царя Иудина триста талант сребра и тридесять талантов злата. 012 2KI 018 015 И даде Езекиа все сребро обретшееся в дому Господни и в сокровищих дому царева. 012 2KI 018 016 Во время оно ссече Езекиа царь Иудин двери храма Господня и утвержения, яже позлати Езекиа царь Иудин, и даде их царю Ассирийску. 012 2KI 018 017 И посла царь Ассирийск Фарфана и Равосаиа и Рапсака от Лахиса на Иерусалим к царю Езекии с силою тяжкою зело. И взыдоша, и приидоша ко Иерусалиму, и сташа у водотечи купели вышния, яже есть на пути села белилнаго, 012 2KI 018 018 и возопиша ко Езекии. И изыде к ним Елиаким сын Хелкиев строитель, и Сомнас книгочий, и Иоас сын Сафатов воспоминатель. 012 2KI 018 019 И рече к ним Рапсак: рцыте ныне ко Езекии: сице глаголет царь великий, царь Ассирийский: что упование сие, на неже уповаеши? 012 2KI 018 020 Рекл еси: токмо словеса устен, совет и сила на брань: ныне убо на кого надежду отвергл еси мене? 012 2KI 018 021 Ныне с, надеешися ты на жезл тростяный сломленый сей, на Египет ли? Наньже аще опрется муж, внидет в руку его и пронзет ю: тако фараон царь Египетский всем надеющымся нань: 012 2KI 018 022 и аще мне речете: на Господа Бога надеемся: не той ли сей, егоже и отстави Езекиа высокая его и жертвенники его, и рече Иуде и Иерусалиму: поклонитеся пред жертвенником сим во Иерусалиме? 012 2KI 018 023 И ныне соединитеся с господином моим царем Ассирийским, и дам тебе две тысящы коней, аще можеши имети всадники на ня: 012 2KI 018 024 и како отвратиши лице топарха единаго от рабов господина моего малейших, и уповал еси сам на Египет, на колесницы и кони? 012 2KI 018 025 И ныне убо еда без Господа взыдохом на место сие, еже потребити и рече бо Господь ко мне: взыди на землю сию и потреби ю. 012 2KI 018 026 И рече Елиаким сын Хелкиин и Сомнас и Иоас ко Рапсаку: глаголи ныне ко отроком твоим сирски, яко слышим мы, а не глаголи к нам иудейски, и почто глаголеши во ушы людий, иже на стене? 012 2KI 018 027 И рече к ним Рапсак: еда к господину твоему и к тебе посла мя господин мой глаголати словеса сия? Не к мужем ли седящым на стене, еже ясти им гной свой и пити им сечь свою с вами вкупе? 012 2KI 018 028 И ста Рапсак, и возопи гласом великим иудейски, и глагола, и рече: слышите словеса великаго царя Ассирийска: 012 2KI 018 029 сице глаголет царь: да не возносит вас царь Езекиа словесы, понеже не возможет вас изяти из руки моея: 012 2KI 018 030 и да не обнадеживает вас Езекиа Господем, глаголя: изимая измет вы Господь, и не имать предатися град сей в руце царя Ассирийска: 012 2KI 018 031 не послушайте Езекии, яко сице глаголет царь Ассирийский: сотворите со мною благословение и изыдите ко мне, и да пиет муж от винограда своего, и муж вкусит от смоквей своих, и да пиет воду от рова своего, 012 2KI 018 032 дондеже прииду и поиму вы в землю (такову) якоже земля ваша, земля пшеницы и вина, и хлебов и виноградов, земля масличин елеа и меда, и живи будете и не умрете: и не послушайте Езекии, яко прельщает вы, глаголя: Господь ны избавит: 012 2KI 018 033 еда избавляюще избавиша бози языков кийждо их свою страну из руки царя Ассирийска? 012 2KI 018 034 Где есть бог Емафа и Арфада? Где есть бог Сепфаруима, Ана и Ава? Еда избавиша Самарию из руку моею? 012 2KI 018 035 Кто во всех бозех земных, иже избавиша земли и от руки моея? И како измет Господь Иерусалима из руки моея? 012 2KI 018 036 И умолкоша людие и не отвещаша ему слова, яко заповеда им царь глаголя: не отвещайте ему. 012 2KI 018 037 И вниде Елиаким сын Хелкиин строитель, и Сомнас книгочий, и Иоас сын Сафатов воспоминатель ко Езекии, раздравше ризы своя, и возвестиша ему словеса Рапсакова. 012 2KI 019 001 И бысть егда услыша царь Езекиа, и раздра ризы своя, и облечеся во вретище, и вниде в дом Господень. 012 2KI 019 002 И посла Елиакима строителя, и Сомнаса книгочиа и старейшины жерцев облечены во вретище ко Исаии пророку сыну Амосову. 012 2KI 019 003 И реша ему: сице глаголет Езекиа: день скорби и обличения и прогневания день сей, яко приидоша сынове даже до болезнорождения, и крепости несть раждающей: 012 2KI 019 004 аще како послушает Господь Бог твой всех словес Рапсаковых, егоже и посла царь Ассирийский господин его поносити Богу живому и хулити словесы, ихже слыша Господь Бог твой, и приими молитву о останце обретающемся. 012 2KI 019 005 И приидоша отроцы царя Езекии и ко Исаии. 012 2KI 019 006 И рече им Исаиа: сице рцыте господину вашему: тако глаголет Господь: не убойся от лица словес, ихже слышал еси, имиже похулиша Мя отроцы царя Ассирийска: 012 2KI 019 007 се, Аз даю ему духа, и услышит возвещение и возвратится в землю и свою: и низложу его оружием в земли и его. 012 2KI 019 008 И возвратися Рапсак и обрете и царя Ассирийска воююща на Ловну: услыша бо, яко отступи от Лахиса. 012 2KI 019 009 И слыша о Фараке цари Ефиопстем, глаголя: се, изыде ратоватися с тобою. И возвратися и посла послы ко Езекии, глаголя: тако рцыте Езекии царю Иудейску: 012 2KI 019 010 да не возносит тя Бог твой, на негоже ты надеешися глаголя: не имать предан быти Иерусалим в руце и царя Ассирийска: 012 2KI 019 011 се, ты слышал еси вся, елика и сотвориша царие Ассирийстии всем землем, еже прокляти их, и ты ли избудеши? 012 2KI 019 012 Еда избавляюще избавиша их и бози языков, ихже расточиша отцы и мои, Гозану и Харану, и Фаресу и сыны Едомли, иже во Фалассаре? 012 2KI 019 013 Где есть царь Емафов и царь и Арфадов? И где есть царь града Сепфаруима, Ана и Ава? 012 2KI 019 014 И прият царь Езекиа книги от руки послов и прочте я: и вниде в храм Господень, и разгну их Езекиа пред Господем, 012 2KI 019 015 и молися Езекиа пред Господем и рече: Господи Боже Израилев, седяй на Херувимех, Ты еси и Бог един бо всех царствиих земли, Ты сотворил еси небо и землю: 012 2KI 019 016 приклони, Господи, ухо Твое и услыши мя: отверзи, Господи, очи Твои и виждь, и услыши словеса Сеннахирима, яже посла поношая Тебе Богу живу: 012 2KI 019 017 яко поистинне, Господи, опустошиша царие Ассирийстии языки, 012 2KI 019 018 и даша боги их на огнь, яко не бози беша, но дела руку человечу, древа и камения, и погубиша я: 012 2KI 019 019 и ныне, Господи Боже наш, спаси ны из руки его, и уразумеют вся царствия земли, яко Ты еси Господь Бог един. 012 2KI 019 020 И посла Исаиа сын Амосов ко Езекии, глаголя: тако глаголет Господь Бог Сил, Бог Израилев: слышах, о нихже молился еси ко Мне, о Сеннахириме царе Ассирийсте. 012 2KI 019 021 Сие слово, еже глагола Господь на него: уничижи тя и поругася тебе девица и дщи Сионя, над тобою главою своею покива дщи Иерусалимля: 012 2KI 019 022 кому поносил еси, и кого похулил еси? И на кого вознесл еси глас, и воздвигл еси на высоту очи твои? На Святаго Израилева. 012 2KI 019 023 Рукою послов твоих поносил еси Господу, и рекл еси: со множеством колесниц моих взыду аз на вышнюю часть горы Ливанския, и усеку величество от кедр ея и избранныя кипарисов ея, и прииду в средину чащи Кармилския: 012 2KI 019 024 аз изсуших, и пиях воды чуждыя, и опустоших стопами ног моих вся реки окрестныя: 012 2KI 019 025 еда не слышал еси? Издавна ю сотворих, от дний первых создах ю и принесох ю: и бысть в холмы преселников воююших грады тверды: 012 2KI 019 026 и живущии в них изнемогоша рукою, сотрясошася и постыдешася, быша (яко) трава селная, или злачно былие, злак иже на зданиих, и попрания противу стоящаго: 012 2KI 019 027 и седение твое, и исход твой, и вход твой разумех, и гнев твой на Мя, 012 2KI 019 028 занеже разгневался еси на Мя и шум твой вниде во ушы Мои, и вложу удицу Мою в ноздри твоя и бразду во устне твои, и возвращу тя по пути, имже пришел еси. 012 2KI 019 029 И сие тебе знамение, (Езекие): яждь в сие лето прозябающая самородная, и в лето второе прозябающая, и в лето третие сейте семена и жните, садите винограды, и да ясте плод их: 012 2KI 019 030 и приложит спасшееся дому Иудова, оставшееся, корень доле, и сотворит плод горе, 012 2KI 019 031 яко из Иерусалима изыдет останок, и спасаемый из горы Сиони: ревность Господа Сил сотворит сие. 012 2KI 019 032 Сего ради тако глаголет Господь (Сил) на царя Ассирийска: не имать внити во град сей, и не имать устрелити нам стрелы, и не достигнет к нему щит, и не имать осыпати его землею: 012 2KI 019 033 но путем, имже прииде темже возвратится, и во град сей не имать внити, глаголет Господь, 012 2KI 019 034 и защищу град сей, еже спасти его Мене ради и Давида ради раба Моего. 012 2KI 019 035 И бысть в нощь ону, и сниде Ангел Господнь и уби от полка Ассирийскаго сто осмьдесят и пять тысящ. И восташа заутра, и се, вся трупия мертва. 012 2KI 019 036 И воста, и отиде, и возвратися Сеннахирим царь Ассирийский, и вселися в Ниневию. 012 2KI 019 037 И бысть ему кланяющуся во храме Месераха бога своего, и Адрамелех и Сарасар сынове его убиста его мечем: сами же бежаста в землю Араратску. И воцарися Асордан сын его вместо его. 012 2KI 020 001 Во днех онех разболеся Езекиа (царь) да смерти. И вниде к нему Исаиа пророк сын Амосов и рече к нему: тако глаголет Господь: заповеждь дому твоему, умреши бо ты и не будеши жив. 012 2KI 020 002 И обрати Езекиа лице свое ко стене и помолися ко Господу, глаголя: 012 2KI 020 003 Господи помяни ныне, яко истиною ходих пред Тобою и сердцем совершенным, и угодная пред очима Твоима сотворих. И плакася Езекиа плачем великим. 012 2KI 020 004 И бяше Исаиа еще посреде двора, и бысть слово Господне к нему, глаголя: 012 2KI 020 005 возвратися и рцы Езекии вожду людий Моих: тако глаголет Господь Бог Давида отца твоего: услышах молитву твою и видех слезы твоя: се, Аз изцелю тя, и в день третий взыдеши в дом Господень: 012 2KI 020 006 и приложу к летом твоим лет пятьнадесять, и от руки царя Ассирийска избавлю тя и град сей, и защищу град сей Мене ради и Давида ради раба Моего. 012 2KI 020 007 И рече Исаиа: да возмут перевясло смоквей и да положат на вред, и изцелеет. 012 2KI 020 008 И рече Езекиа ко Исаии: кое знамение, яко изцелит мя Господь и взыду в дом Господень в день третий? 012 2KI 020 009 И рече Исаиа: сие знамение от Господа, яко сотворит Господь слово, еже глагола: (хощеши ли да) пойдет стень десять степений, или возвратится десять степений? 012 2KI 020 010 И рече Езекиа: удобно стени уклонитися десять степений: ни, но да возвратится стень на десять степений вспять. 012 2KI 020 011 И возопи Исаиа пророк ко Господу, и возвратися стень по числу назад десять степений. 012 2KI 020 012 Во время оно посла Мародах Валадан, сын Валаданов, царь Вавилонский, книги и дары ко Езекии: слыша бо, яко разболеся (царь) Езекиа. 012 2KI 020 013 И порадовася Езекиа о них, и показа им весь дом свой сокровищный, сребро и злато, и ароматы и елей добрый, и дом сосудов и елика обретошася в сокровищих его: и не бе места, егоже не показа им Езекиа в дому своем и во всей области своей. 012 2KI 020 014 И вниде Исаиа пророк ко Езекии царю и рече к нему: что глаголаша мужие сии, и откуду приидоша к тебе? И рече Езекиа: от земли дальния приидоша ко мне, от Вавилона. 012 2KI 020 015 И рече: что видеша в дому твоем? И рече Езекиа: вся, елика в дому моем, видеша: несть в дому моем, егоже им не показах, но и яже в сокровищих моих (видеша). 012 2KI 020 016 И рече Исаиа ко Езекии: слыши слово Господне: 012 2KI 020 017 се, дние грядут, рече Господь, взята будут вся, яже в дому твоем, и вся, яже собраша отцы твои до дне сего, внидут в Вавилон: и не останется слово, еже рече Господь. 012 2KI 020 018 И сынове твои, иже изыдут из тебе, ихже родиши, возмутся и будут скопцы в дому царя Вавилонскаго. 012 2KI 020 019 И рече Езекиа ко Исаии: благо слово Господне еже глагола: да будут мир во дни моя. 012 2KI 020 020 И прочая словес Езекиевых, и вся сила его, и елика сотвори, источник и водотечь, и введе воду во град, не се ли, сия написана в книзе словес дний царей Иудиных? 012 2KI 020 021 И успе Езекиа со отцы своими, и погребен бысть во граде Давидове. И воцарися Манассиа сын его вместо его. 012 2KI 021 001 Сын дванадесяти лет Манассиа, егда нача царствовати, и пятьдесят пять лет царствова во Иерусалиме. Имя матере его Офовиа. 012 2KI 021 002 И сотвори лукавое пред очима Господнима, и хождаше вслед мерзостей языков, ихже отрину Господь от лица сынов Израилевых: 012 2KI 021 003 и обратися, и созда высокая, иже разори отец его Езекиа, и воздвиже жертвенник Ваалу, и сотвори дубравы, яже сотвори Ахаав царь Израилев, и поклонися всей силе небесней и поработа им: 012 2KI 021 004 и созда олтарь в дому Господни, якоже рече Господь: во Иерусалиме положу имя Мое. 012 2KI 021 005 И сотвори олтарь всей силе небесней на дву двору дому Господня: 012 2KI 021 006 и провождаше сыны своя чрез огнь, и вражаше, и волшвения творяше, и сотвори капища, и волшебницы умножи творити лукавое пред очима Господнима, еже прогневати Его: 012 2KI 021 007 и постави изваяное Дубравы в храме, о немже рече Господь к Давиду и к Соломону сыну его: в храме сем и во Иерусалиме, егоже избрах от всех колен Израилевых, и положу ту имя Мое на веки, 012 2KI 021 008 и не приложу подвигнутися нозе Израилеве от земли, юже дах отцем их, аще тии соблюдут вся елика заповедах, по всей заповеди, юже заповеда им раб Мой Моисей. 012 2KI 021 009 И не послушаша, и прельсти их Манассиа, еже сотворити лукавое пред очима Господнима паче язык, яже истреби Господь от лица сынов Израилевых. 012 2KI 021 010 И глагола Господь рукою рабов Своих пророков, глаголя: 012 2KI 021 011 за сия, елика сотвори Манассиа царь Иудин мерзости сия лукавыя, паче всех яже сотвориша Аморрее, иже прежде сего быша, и введе во грех и Иуду, в кумирех своих: 012 2KI 021 012 не тако: сице глаголет Господь Бог Израилев: се, Аз наведу злая на Иерусалим и на Иуду, яко всякому слышащему пошумят обоя уха его, 012 2KI 021 013 и простру на Иерусалим меру Самарийскую и весы дому Ахаавля: и истреблю Иерусалима, якоже изглаждается алавастр изглаждаемый и превращается в лице свое: 012 2KI 021 014 и изрину останки достояния Моего и предам их в руки врагов их, и будут в расхищение и в плен всем врагом своим: 012 2KI 021 015 понеже сотвориша лукавое пред очима Моима и быша прогневляюще Мя от дне, в оньже изведох отцы их от земли Египетския, и до дне сего. 012 2KI 021 016 Еще же кровь неповинную излия Манассиа многу зело, дондеже наполни Иерусалиму уста до уст, кроме грехов его, имиже во грех введе Иуду, сотворити лукавое пред очима Господнима. 012 2KI 021 017 И прочая словес Манассииных, и вся елика сотвори, и грех его, имже согреши, не сия ли написана в книзе словес дний царей Иудиных? 012 2KI 021 018 И успе Манассиа со отцы своими, и погребен бысть в вертограде дому своего, в вертограде Озы. И воцарися Аммон сын его вместо его: 012 2KI 021 019 сын двадесяти дву лет бе Аммон, егда нача царствовати и два лета царствова во Иерусалиме. Имя же матери его Месоллам, дщи Арусова из Иетевы. 012 2KI 021 020 И сотвори лукавое пред очима Господнима, якоже сотвори Манассиа отец его, 012 2KI 021 021 и хождаше по всему пути, имже ходи отец его, и поработа кумиром, имже поработа отец его, и поклонися им: 012 2KI 021 022 и остави Господа Бога отец своих, и не ходи путем Господним. 012 2KI 021 023 И восташа отроцы Аммоновы нань и умертвиша царя в дому его. 012 2KI 021 024 Людие же земли (тоя) избиша всех воставших на царя Аммона, и воцариша людие земли тоя Иосию сына его вместо его. 012 2KI 021 025 И прочая словес Аммоновых, елика сотвори, не се ли, сия написана и в книзе словес дний царей Иудиных? 012 2KI 021 026 И погребоша его во гробе его в вертограде Озине. И воцарися Иосиа сын его вместо его. 012 2KI 022 001 Сын осми лет бе Иосиа, егда нача царствовати, и тридесять едино лето царствова во Иерусалиме. Имя же матери его Иедида, дщи Едеева, от Васурофа. 012 2KI 022 002 И сотвори правое пред очима Господнима, и хождаше во всех путех Давида отца своего, не совратися ни на десно, ни на шуее. 012 2KI 022 003 И бысть во осмоенадесять лето царства Иосиина, в седмый месяц, посла царь Сафана, сына Езелиина, сына Месолламля, книгочию дому Господня, глаголя: 012 2KI 022 004 взыди к Хелкии жерцу великому и запечатлей сребро внесеное в дом Господень, еже собраша стрегущии врат от людий, 012 2KI 022 005 и да дадут е в руки творящих дела приставником в храме Господни: да дадят е творящым дела в дому Господни, еже подкрепляти разселины храма, 012 2KI 022 006 древоделем и каменосечцем и покупающым древа и камение тесаное на утверждение разселин храма. 012 2KI 022 007 Обаче не сочисляху их о сребре даемем им, яко верно тии творяху. 012 2KI 022 008 И рече Хелкиа жрец великий ко Сафану книгочию: книгу закона (Божия) обретох в дому Господни. И даде Хелкиа книгу Сафану, и прочте ю. 012 2KI 022 009 И вниде в дом Господень и царю Иосии, и возвести царю слово и рече: слияша раби твои сребро обретшееся в дому Господни, и даша е приставницы в руки творящым дела в храме Господни. 012 2KI 022 010 И рече Сафан книгочия к царю, глаголя книгу закона даде ми Хелкиа жрец. И прочте ю Сафан пред царем. 012 2KI 022 011 И бысть яко услыша царь словеса книги законныя, и раздра ризы своя, 012 2KI 022 012 и заповеда царь Хелкии жрецу и Ахикаму сыну Сафаню, и Аховору сыну Михеину и Сафану книгочию и Асаию рабу цареву, глаголя: 012 2KI 022 013 приидите, испросите Господа о мне и о всех людех и о всем Иуде, и о словесех книги обретшияся сея, яко велик гнев Господень разжженый на нас, понеже не послушаша отцы наши словес книги сея, еже творити по всем написанным на ны. 012 2KI 022 014 И иде Хелкиа жрец и Ахикам, и Аховор и Сафан и Асаиас ко Олдаме пророчице, жене Селима сына Фекуева, сына Араса ризохранителя: и сия живяше во Иерусалиме в масене: и глаголаша к ней по сему. 012 2KI 022 015 И рече им: сице глаголет Господь Бог Израилев: рцыте мужеви пославшему вы ко мне: 012 2KI 022 016 тако глаголет Господь: се, Аз наведу злая на место сие и на живущыя в нем, вся словеса книжная, яже прочте царь Иудин: 012 2KI 022 017 понеже оставиша Мя и кадяху богом другим, яко да прогневают Мя делесы рук своих, и разжжется ярость Моя на место сие и не угаснет: 012 2KI 022 018 и ко царю Иудину пославшему вас вопросити Господа, сице рцыте ему: тако глаголет Господь Бог Израилев: словеса, яже слышал еси, 012 2KI 022 019 за сия, яко умягчися сердце твое и смирился еси пред лицем Господним, услышав елика глаголах на место сие и на живущыя в нем, еже быти в погубление и в проклятие, и раздрал еси ризы твоя, и плакался предо Мною, и Аз убо услышах, глаголет Господь: 012 2KI 022 020 сего ради Аз приложу тя ко отцем твоим, и соберешися во гроб твой в мире, и не узриши очима твоима всех злых, яже Аз имам навести на место сие и на живущыя в нем. 012 2KI 023 001 И возвестиша сия глаголы цареви: и посла царь, и собра к себе вся старейшины Иудины и Иерусалимляны, 012 2KI 023 002 и вниде царь в дом Господень, и вси мужие Иудины и вси живущии во Иерусалиме с ним, и жерцы, и пророцы, и вси людие от мала и до велика, и прочте во ушеса их вся словеса книги завета обретшияся в дому Господни: 012 2KI 023 003 и ста царь у столпа и завеща завет пред Господем, еже ходити вслед Господа и хранити заповеди Его и свидения Его и оправдания Его всем сердцем и всею душею, еже возставити словеса завета сего, яже писана в книзе сей. И сташа вси людие в завете. 012 2KI 023 004 И заповеда царь Хелкии жерцу великому и жерцем вторым и стрегущым врат изнести от храма Господня вся сосуды сотвореныя Ваалу и Дубраве и всей силе небесней, и сожже и вне Иерусалима в Садимофе Кедрсте и изверже прах их в Вефиль: 012 2KI 023 005 и сожже хомаримы, ихже даша царие Иудины, и кадяху в высоких и во градех Иудиных и во окрестных Иерусалима, и кадящих Ваалу, и солнцу, и луне, и планетам и всей силе небесней: 012 2KI 023 006 и изнесе кумир из храма Господня вне Иерусалима на поток Кедрск, и сожже его в потоце Кедрсте, и истни в прах, и вверже прах их в гробы сынов людских: 012 2KI 023 007 и разруши храм кадисимов, иже бе в храме Господни, идеже жены прядяху ризы кумиру: 012 2KI 023 008 и возведе вся жерцы от градов Иудиных, и оскверни высокая, идеже кадяху жерцы, от Гаваи да Вирсавеи: и разруши храм врат, иже бе при дверех врат Иисуса князя граднаго, иже ошуюю входящым дверми града. 012 2KI 023 009 Обаче не вхождаху жерцы высоких ко олтарю Господню во Иерусалиме, но токмо ядяху опресноки посреде братии своея. 012 2KI 023 010 И оскверни Тафефа, иже в дебри сынов Еномлих, еже не превести мужу сына своего и мужу дщере своея Молоху сквозе огнь: 012 2KI 023 011 и сожже кони, ихже даша царие Иудины солнцу во входе храму Господня, при влагалищи Нафана, царева скопца во Фаруриме: и колесницу солнечную сожже огнем: 012 2KI 023 012 и олтари, яже на крове горницы Ахазовы, яже сотвориша царие Иудины и олтари, иже созда Манассиа во двою двору храма Господня, раскопа царь, и сверже оттуду, и всыпа прах их в поток Кедрск: 012 2KI 023 013 и храм, иже пред лицем Иерусалима, одесную горы Мосфаф, егоже созда Соломон царь Израилев Астарте мерзости Сидонстей и Хамосу мерзости Моавли и Молхолу мерзости сынов Аммоних, оскверни царь: 012 2KI 023 014 и сокруши столпы, и искорени дубравы, и наполни места их костми человеческими: 012 2KI 023 015 и олтарь иже во Вефили высокий, егоже сотвори Иеровоам сын Наватов, иже в грех введе Израиля, и олтарь той высокий раскопа, и сокруши камение его, и истни в прах, и сожже кумиры. 012 2KI 023 016 И восклонися Иосиа, и виде гробы сущыя во граде тамо, и посла, и взя кости от гроб, и сожже на олтари, и оскверни его по глаголу Господню, егоже глагола человек Божий, егда стояше Иеровоам в праздник пред олтарем: и обращься возведе очи свои на гроб человека Божия глаголавшаго словеса сия. 012 2KI 023 017 И рече: что могила сия, юже аз вижду? И реша ему мужие града: гроб сей человека Божия есть, иже прииде от Иуды и проглагола словеса сия, яже сотворил еси ныне над олтарем, иже в Вефили. 012 2KI 023 018 И рече: оставите его, да не подвижет ни един муж костей его. И оставиша кости его с костьми пророка пришедшаго от Самарии. 012 2KI 023 019 Еще и вся храмы высоких сущих во градех Самарийских, яже сотвориша царие Израилевы прогневляюще Господа, отверже Иосиа, и сотвори им вся дела, яже сотвори в Вефили, 012 2KI 023 020 и закла вся жерцы высоких сущыя тамо пред олтарми, и сожже на них кости человечи, и возвратися во Иерусалим. 012 2KI 023 021 И заповеда царь всем людем, глаголя: сотворите пасху Господеви Богу нашему, якоже писано в книзе завета сего: 012 2KI 023 022 яко не бысть пасха сия от дний судий, иже судиша Израилеви, и во всех днех царей Израилевых и царей Иудиных: 012 2KI 023 023 но токмо во осмоенадесять лето царя Иосии бысть пасха Господу во Иерусалиме. 012 2KI 023 024 Еще и волшебники, и вражбиты, и ферафимы, и кумиры, и вся мерзости бывшыя в земли Иудине и во Иерусалиме, искорени царь Иосиа, да утвердит словеса законная писанная в книзе, юже обрете Хелкиа жрец в храме Господни. 012 2KI 023 025 Подобен ему не бысть пред ним царь, иже обратися к Господеви всем сердцем своим и всею душею своею и всею силою своею по всему закону Моисеову, и по нем не воста подобен ему. 012 2KI 023 026 Обаче не отвратися Господь от ярости гнева Своего великаго, имже возярися гневом на Иуду, на прогневания, имиже прогнева Его Манассиа, 012 2KI 023 027 и рече Господь: еще и Иуду отрину от лица Моего, якоже отринух Израиля, и град сей отвергу, егоже избрах, Иерусалима, и храм, о немже рех: будет имя Мое ту. 012 2KI 023 028 И прочая словес Иосиевых, и вся елика сотвори, не сия ли написана в книзе словес дний царей Иудиных? 012 2KI 023 029 Во днех же его взыде фараон Нехао царь Египетск на царя Ассирийска на реку Евфрат: и изыде царь Иосиа на сретение ему, и уби его Нехао царь в Магеддоне, егда его узре. 012 2KI 023 030 И взяша его отроцы его мертва из Магеддона и принесоша его во Иерусалим, и погребоша его во гробе его во граде Давидове. И пояша людие земли тоя Иоахаза сына Иосиина и помазаша его, и воцариша его вместо отца его. 012 2KI 023 031 Сын двадесяти и триех лет бе Иоахаз, внегда нача царствовати и три месяцы царствова во Иерусалиме. Имя же матери его Амитала, дщи Иеремии из Ловны. 012 2KI 023 032 И сотвори лукавое пред очима Господнима, по всем елика сотвориша отцы его. 012 2KI 023 033 И пресели его фараон Нехао в Ревлаам в землю Емаф, да не царствует во Иерусалиме, и возложи дань на землю ту сто талант сребра и сто талант злата. 012 2KI 023 034 И постави царем фараон Нехао над ними Елиакима, сына Иосии царя Иудина, вместо Иосии отца его, и премени имя ему Иоаким: Иоахаза же взя и введе во Египет и умре тамо. 012 2KI 023 035 И сребро и злато даде Иоаким фараону, обаче написа землю даяти сребро по словеси фараоню: муж по оценению своему даяше сребро и злато от людий земли тоя даяти фараону Нехао. 012 2KI 023 036 Сын бе двадесяти и пяти лет Иоаким, егда нача царствовати, и единонадесять лет царствова во Иерусалиме. Имя же матери его Иелдаф, дщи Фадаиля, от Румы. 012 2KI 023 037 И сотвори лукавое пред очима Господнима, по всем елика сотвориша отцы его. 012 2KI 024 001 Во днех его взыде Навуходоносор царь Вавилонский, и бысть ему Иоаким раб три лета, и отвратися, и отвержеся его. 012 2KI 024 002 И посла Господь ему единопоясники Халдейския и единопоясники Сирийския, поясники сынов Аммоних, и посла их в землю Иудову на побеждение по словеси Господню, еже глагола рукою рабов Своих пророков. 012 2KI 024 003 Обаче прииде по гневу Господню на Иуду, еже отставити его от лица Своего грех ради Манассииных, по всем елика сотвори, 012 2KI 024 004 и кровь неповинную пролия, и наполни Иерусалим крове неповинныя, сего ради не восхоте Господь умилостивитися. 012 2KI 024 005 И прочая словес Иоакимовых, и вся елика сотвори, не се ли, сия написана в книзе словес дний царей Иудиных? 012 2KI 024 006 И успе Иоаким со отцы своими, и воцарися Иехониа вместо его. 012 2KI 024 007 И не приложи ксему царь Египетский изыти из земли своея, яко взя царь Вавилонский от потока Египетска даже до реки Евфрата, вся елика быша царя Египетска. 012 2KI 024 008 Сын осминадесяти лет Иехониа, егда нача царствовати, и три месяцы царствова во Иерусалиме. Имя же матере его Несфа, дщи Еланасфана, от Иерусалима. 012 2KI 024 009 И сотвори лукавое пред очима Господнима, по всему елико сотвори отец его. 012 2KI 024 010 И в время то взыде Навуходоносор царь Вавилонскими на Иерусалим, и бысть град во облежении. 012 2KI 024 011 И прииде Навуходоносор царь Вавилонский на град Иерусалим, и отроцы его около обседяху град. 012 2KI 024 012 И изыде Иехониа царь Иудин ко царю Вавилонскому, сам и отроцы его, и мати его, и князи его, и скопцы его, и взя его царь Вавилонский в осмое лето царства своего. 012 2KI 024 013 И изнесе вся сокровища оттуду сущая во храме Господни и сокровища дому царева, и сокруши вся сосуды златыя, яже сотвори Соломон царь Израилев во храме по глаголу Господню, 012 2KI 024 014 и пресели Иерусалимляны и вся князи, и сильныя крепостию, плена десять тысящ пленив, и всякаго древоделя, и художники: и никтоже остася, токмо убозии земли тоя: 012 2KI 024 015 и преведе Иехонию в Вавилон, и матерь цареву, и жены царевы, и скопцы его, и крепкия земли тоя введе на преселение из Иерусалима в Вавилон: 012 2KI 024 016 и вся мужы силы, седмь тысящ, и древодель и художников тысящу, вси сильнии творящии брань, и введе их царь Вавилонский в преселение в Вавилон. 012 2KI 024 017 И постави царем Вавилонский царь Ватфанию сына его и вместо его, и преложи имя ему Седекиа. 012 2KI 024 018 Сын двадесяти и единаго лета Седекиа, внегда нача царствовати, и единонадесять лет царствова во Иерусалиме. Имя же матере его Амитала, дщи Иеремиина, от Ловны. 012 2KI 024 019 И сотвори лукавое пред очима Господнима, по всему елика сотвори Иоаким, 012 2KI 024 020 яко ярость бе Господня на Иерусалиме и на Иуде, дондеже отверже я от лица Своего. И отвержеся Седекиа царя Вавилонска. 012 2KI 025 001 И бысть в лето девятое царства его, в месяц десятый, прииде Навуходоносор царь Вавилонский и вся сила его на Иерусалим: и обступи его отвсюду, и создаша окрест его бойницы. 012 2KI 025 002 И бысть град во облежении до первагонадесять лета царства Седекиина, девятаго дне месяца: 012 2KI 025 003 и превозможе во граде глад, и не бысть хлеба людем земли тоя: 012 2KI 025 004 и разседеся град, и вси мужие воинстии изыдоша нощию путем врат, яже посреде стен, яже суть у вертограда царева, и Халдее окрест града (беша). И побеже (царь Седекиа) путем пустынным: 012 2KI 025 005 и погна сила Халдейская вслед царя, и яша его во Аравофе Иерихонстем, и вся сила его разсыпася от него: 012 2KI 025 006 и пояша царя и поведоша его к царю Вавилонску в Ревлафу: и глагола с ним суд: 012 2KI 025 007 и сыны Седекиины закла пред очима его, и очи Седекиины избоде, и связа его узами, и отведе его во Вавилон. 012 2KI 025 008 В месяц же пятый, в седмый день месяца, сие лето девятоенадесять Навуходоносора царя Вавилонска, прииде Навузардан архимагир, раб царя Вавилонскаго, во Иерусалим 012 2KI 025 009 и зажже храм Господень и дом царев, и вся домы Иерусалимли и вся домы великия сожже архимагир: 012 2KI 025 010 и стены Иерусалимли окрест раскопа сила Халдейская. 012 2KI 025 011 И останок людий избывших во граде и впадших, иже отпадоша ко царю Вавилонску, и прочее и утверждение пренесе Навузардан воевода. 012 2KI 025 012 И от нищих земли тоя остави архимагир винограды блюсти и вертограды. 012 2KI 025 013 И столпы медяны в храме Господни, и подставы, и море медное сущее во храме Господни сокрушиша Халдее, и взяша медь их во Вавилон: 012 2KI 025 014 и конобы, и котлы и фиалы, и кадилницы, и вся сосуды медяныя, в нихже служаху, взяша: 012 2KI 025 015 и кадилницы, и фиалы златыя и сребряныя взя архимагир, 012 2KI 025 016 столпы два, и моря едино, и подставы, яже сотвори Соломон храму Господню: не бе веса меди всех сосудов. 012 2KI 025 017 Осминадесяти лакот бысть высота столпа единаго, и глава медяна на нем: и высота главе три лакти, и на главе мрежи и шипки окрест, вся медяна: по сему же и столп вторый со мрежею. 012 2KI 025 018 И поят архимагир Сареа жерца перваго и Софонию жерца втораго, и три стражы вратныя: 012 2KI 025 019 и от града взя скопца единаго, иже бе приставник над мужи военными, и пять мужей предстоящих пред лицем царевым, обретшихся во граде, и книгочиа князя силы, иже строяше люди земли тоя, и шестьдесят мужей людий земли тоя обретшихся во граде: 012 2KI 025 020 и поят я Навузардан архимагир, и приведе я к царю Вавилонскому в Ревлафу. 012 2KI 025 021 И порази их царь Вавилонский, и умори я в Ревлафе, в земли Емафове. И преселися Иуда свыше земли своея. 012 2KI 025 022 И людие оставшиися в земли Иудове, ихже остави Навуходоносор царь Вавилонский, и постави над ними Годолию, сына Ахикамля, сына Сафаня. 012 2KI 025 023 И услышаша вси князи силы сами и мужие их, яко постави царь Вавилонский Годолию, и приидоша к Годолии в Массифу, и Исмаил сын Нафаниин, и Иоанан сын Карифов, и Сараиа сын Фанамафов Нетофафитский, и Иезониа сын Махаффов, сами и мужие их (приидоша). 012 2KI 025 024 И клятся им Годолиа и мужем их и рече им: не бойтеся пришествия Халдеев: седите на земли и работайте царю Вавилонскому, и добро будет вам. 012 2KI 025 025 И бысть в месяц седмый, прииде Исмаил сын Нафаниин сына Елисамля от семене царска, и десять мужей с ним, и порази Годолию, и умре, и Иудеев и Халдеев, иже с ним бяху в Массифе. 012 2KI 025 026 И восташа вси людие, от мала и до велика, и князи сил, и внидоша во Египет, яко убояшася от лица Халдейска. 012 2KI 025 027 И бысть в лето тридесять седмое преселения Иоахина царя Иудина, в дванадесятый месяц, в двадесять седмый день месяца, вознесе Евилмародах царь Вавилонский, в лето царства своего, главу Иоахина царя Иудина, и изведе его из дому темницы его, 012 2KI 025 028 и глагола с ним благая, и даде престол ему свыше престолов царей, иже бяху с ним в Вавилоне: 012 2KI 025 029 и измени ризы его темничныя, и ядяше хлеб с ним всегда, во вся дни живота своего. 012 2KI 025 030 И пища его от дому царска давана бяше, и все изобилие во дни его, во вся дни живота его. # # BOOK 013 1CH 1 Chronicles Первая книга Паралипоменон 013 1CH 001 001 Адам, Сиф, Енос, 013 1CH 001 002 Каинан, Малелеил, Иаред, 013 1CH 001 003 Енох, Мафусал, Ламех, 013 1CH 001 004 Ное, Сим, Хам, Иафеф. 013 1CH 001 005 Сынове Иафефовы: Гамер и Магог и Мадай, Иован, Елиса и Фовел, и Мосох и Фирас. 013 1CH 001 006 Сынове же Гамеровы: Асханаз и Рифаф и Форгама. 013 1CH 001 007 Сынове же Иовани: Елиса и Фарсис, и Хеттим и Доданим. 013 1CH 001 008 Сынове же Хамовы: Хус и Месраим, Фуд и Ханаан. 013 1CH 001 009 Сынове же Хусовы: Сава и Евила, и Савафа и Регма и Севефаха. Сынове же Регмановы: Сава и Дадан. 013 1CH 001 010 Хус же роди Неврода: сей нача быти исполин ловец на земли. 013 1CH 001 011 Месраим же роди Лодиима и Анамиима, и Лавиима и Неффосеимы, 013 1CH 001 012 и Фафероимы и Патросониимы, и Хаслоимы, от нихже изыдоша Филистими, и Каффориимы. 013 1CH 001 013 Ханаан же роди Сидона первенца своего и Хеттеа, 013 1CH 001 014 и Иевусеа и Аморреа, и Гергесеа 013 1CH 001 015 и Евеа, и Арукеа и Асенеа, 013 1CH 001 016 и Арадиа и Самареа и Амафиа. 013 1CH 001 017 Сынове же Симовы: Елам и Ассур, и Арфаксад и Луд и Арам. Сынове же Арамли: Уз и Ул, и Гефер и Мосох. 013 1CH 001 018 Арфаксад же роди Каинана, Каинан же роди Салу, Сала же роди Евера. 013 1CH 001 019 Еверу же родистася два сына: имя единому Фалек, яко бо дни его разделена бысть земля, и имя брату его Иектан. 013 1CH 001 020 Иектан же роди Елмодада и Салефа, и Асермофа и Иадера, 013 1CH 001 021 и Адорама и Узала, и Деклу 013 1CH 001 022 и Гамаала, и Авимеила и Саву, 013 1CH 001 023 и Уфира и Евилата и Иоава: вси сии сынове Иектановы. 013 1CH 001 024 Сынове же Симовы: Арфаксад, Каинан, Сала, 013 1CH 001 025 Евер, Фалек, Рагав, 013 1CH 001 026 Серух, Нахор, Фара, 013 1CH 001 027 Аврам, той есть Авраам. 013 1CH 001 028 Сынове же Авраамли: Исаак и Исмаил. 013 1CH 001 029 Сии же роди их: первенец Исмаилов Наваиоф и Кидар, и Навдеил и Мавсан, 013 1CH 001 030 и Масма и Идума, и Массий и Ходдад, и Феман 013 1CH 001 031 и Иетур, и Нафес и Кедма: сии суть сынове Исмаили. 013 1CH 001 032 Сынове же Хеттуры подложницы Авраамовы, и роди ему Зомврана и Иезана, и Мадала и Мадиама, и Иесвока и Суеа. Сынове же Иезани: Сава и Дедан. Сынове же Дедановы: Рагуил и Навдеил, и Ассуриим и Латусиим и Асомин. 013 1CH 001 033 Сынове же Мадиамли: Гефар и Офер, и Енох и Авида и Елдад: вси тии сынове Хеттурини. Роди же Авраам Исаака. 013 1CH 001 034 Сынове же Исааковы Исав и Израиль. 013 1CH 001 035 Сынове же Исавовы: Елифаз и Рагуил, и Иевул и Иеглом и Корей. 013 1CH 001 036 Сынове Елифазовы: Феман и Омар, и Софар и Гофам и Кенез. Фамна же подложница Елифазова роди ему Амалика. 013 1CH 001 037 Сынове же Рагуилевы: Нахеф и Заре, и Сомме и Мозе. 013 1CH 001 038 Сынове же Сиировы: Лотан и Совал, и Севегон и Ана, и Дисон и Асар и Рисон. 013 1CH 001 039 Сынове же Лотани: Хорри и Еман, и сестре Лотаня Фамна. 013 1CH 001 040 Сынове же Совали: Адуар и Манааф, и Увал и Саифи и онан. Сынове же Севегони: Аиа и Онам. 013 1CH 001 041 Сынове же Анани: Дисон и Еливама, дщи Ананя, двое. Сынове же Дисоновы: Амада и Есеван, и Ефран и Харран. 013 1CH 001 042 Сынове же Асаровы: Валаам и Занан и Илакан, и сынове Дисони: Ос и Арран. 013 1CH 001 043 И сии царие их, иже царствоваша в земли Едомли, прежде неже бысть царь над сыны Израилевыми: Валак сын Веоров, и имя граду его Деннава: 013 1CH 001 044 умре же Валак, и царствова вместо его Иовав, сын Зарин, от Восорры. 013 1CH 001 045 И умре Иовав, и царствова вместо его Асом от земли Феманони. 013 1CH 001 046 И умре Асом, и царствова вместо его Адад, сын Варадов, иже порази Мадиама на поли Моавли: и имя граду его Гетфем. 013 1CH 001 047 И умре Адад, и царствова вместо его Самаа от Мессеккаса. 013 1CH 001 048 И умре Самаа, и царствова вместо его Саул от Роовофа, иже близ реки. 013 1CH 001 049 Умре же Саул, и царствова вместо его Валаеннон сын Аховоров. 013 1CH 001 050 И умре Валаеннон, и царствова вместо его Адад сын Варадов, егоже граду имя бе Фогор и имя жене его Метевеиль, дщерь Матраифа. 013 1CH 001 051 И умре Адад, и начаша быти князи Едомли: князь Феман, князь Алуа, князь Иефаф, 013 1CH 001 052 князь Еливама, князь Ила, князь Финон, 013 1CH 001 053 князь Кенез, князь Феман, князь Вамаил, 013 1CH 001 054 князь Гамесил, князь Арераман. Сии быша князи Едомстии. 013 1CH 002 001 Сынове же Израилевы сии суть: Рувим, Симеон, Левий, Иуда, Иссахар, Завулон, 013 1CH 002 002 Дан, Иосиф, Вениамин, Неффалим, Гад и Асир. 013 1CH 002 003 Сынове Иудины: Ир, Авнан и Силом: сии трие родишася ему от дщере Савы Хананитяныни. Бысть же Ир первенец Иудин лукав пред Господем: и уби его. 013 1CH 002 004 Фамарь же невестка его роди ему Фареса и Зару. Всех сынов Иудиных пять. 013 1CH 002 005 Сынове же Фаресовы: Есром и Иемуил. 013 1CH 002 006 Сынове же Зарины: Замврий и Ифам, и Емуан и Калхад и Даралей: всех пять. 013 1CH 002 007 Сынове же Хармиины Ахар, иже смути Израиля, иже сложися на проклятие. 013 1CH 002 008 И сынове Ифамли Азариа. 013 1CH 002 009 Сынове же Есромовы, иже родишася ему: Иерамеил и Арам и Халови. 013 1CH 002 010 Арам же роди Аминадава, Аминадав же роди Наассона, князя дому Иудину, 013 1CH 002 011 Наассон же роди Салмона, и Салмон роди Вооза, 013 1CH 002 012 и Вооз роди Овида, и Овид роди Иессеа. 013 1CH 002 013 Иессей же роди первенца своего Елиава, и втораго Аминадава, и третияго Самеа, 013 1CH 002 014 и четвертаго Нафанаила, и пятаго Реила, 013 1CH 002 015 и шестаго Асака, и седмаго Давида. 013 1CH 002 016 И сестры их быша: Саруиа и Авигеа. Сынове же Саруины: Авесса и Иоав и Асаил, трие сии. 013 1CH 002 017 Авигеа же роди Амессу, егоже отец бысть Иофор Исмаилтянин. 013 1CH 002 018 И Халев сын Есромов поя жену Азуву и Иериофу. И сии сынове ея: Иасар и Сував и Ардон. 013 1CH 002 019 И умре Азува, и взя себе Халев жену Ефрафу, яже роди ему Ора, 013 1CH 002 020 Ор же роди Урию, и Уриа роди Веселеила. 013 1CH 002 021 По сем же вниде Есром ко дщери Махира отца Галаадова, и сей поя ю, сый в летех шестидесяти пятих: и роди ему Сегува. 013 1CH 002 022 Сегув роди Иаира, и беша ему двадесять три грады в земли Галаадстей. 013 1CH 002 023 Взя же Гедсур и Арам веси Иаировы, Канаф и села его, шестьдесят градов. Вси тии сынове Махира отца Галаадова. 013 1CH 002 024 И по умертвии Есрома вниде Халев во Ефрафу, жена же Есромля Авиа, и роди ему Асдома отца Фекоева. 013 1CH 002 025 И беша сынове Иерамеила первенца Есромля: Рам первенец и Ваана, и Арам и Асом брат его. 013 1CH 002 026 И бе жена ина Иерамеилу, именем Атара, яже бысть мати Унамля. 013 1CH 002 027 И быша сынове Рама первенца Иерамеиля: Маас и Иамин и Акор. 013 1CH 002 028 И быша сынове Унамли Саммаа и Еддай. Сынове же Саммаины Надав и Ависур. 013 1CH 002 029 И имя жене Ависурове Авигеа: и роди ему Озва и Моддиа. 013 1CH 002 030 Сынове же Надавли Салад и Апфаин: и умре Салад не имый чад. 013 1CH 002 031 И сынове Апфаини Иесий: и сын Иесиев Сосан: и сынове Сосани Дадай. 013 1CH 002 032 Сынове же Дадаини: Ахисама и Иефер и Ионафан: и умре Иефер не имый чад. 013 1CH 002 033 Сынове же Ионафани Фалеф и Заза. Тии быша сынове Иерамеили. 013 1CH 002 034 Сосан же не име сынов, но точию дщери, и имяше Сосан раба Египтянина, именем Иераа: 013 1CH 002 035 и даде Сосан дщерь свою Иераю рабу своему в жену, и роди ему Еффеа, 013 1CH 002 036 Еффей же роди Нафана, и Нафан роди Заведа, 013 1CH 002 037 Завед же роди Офлада, Офлад же роди Иовида, 013 1CH 002 038 Иовид же роди Ииуа, Ииуй роди Азарию, 013 1CH 002 039 Азариа же роди Хеллиса, и Хеллис роди Елеаса, 013 1CH 002 040 Елеас же роди Сосомаиа, и Сосомай роди Саллума, 013 1CH 002 041 Саллум же роди Иекомию, и Иекомиа роди Елисама. 013 1CH 002 042 Сынове же Халева брата Иерамеиля, Мариса первенец его: той отец Зифов: и сынове Марисы отца Хевронова. 013 1CH 002 043 И сынове Хеврони: Корей и Фафуй, и Реком и Самаа. 013 1CH 002 044 Самаа же роди Раема, отца Иеркаанова, Иеркаан же роди Саммаа. 013 1CH 002 045 Сын же Саммаин Маон, и Маон отец Вефсуров. 013 1CH 002 046 Гефа же подложница Халевова роди Арана и Мосаа и Газера: Аран же роди Газиза. 013 1CH 002 047 Сынове же Аддаини: Регма и Иоафам, и Гирсом и Фалет, и Гефа и Сегав. 013 1CH 002 048 И подложница Халевова Моха роди Севера и Фархана. 013 1CH 002 049 Роди же Сагаф отца Мадминаева, и Саула отца Мадевина, и отца Аговдаева, и дщи Халевова Асха. 013 1CH 002 050 Сии бяху сынове Халевовы, сынове Ора первенца Ефрафова: Совал, отец Кариафиаримов, 013 1CH 002 051 и Соломон отец Вифлеемов, и Арим отец Вефгедоров. 013 1CH 002 052 Быша же сынове Совалу отцу Кариафиаримлю: Араа и Есий, и Амманиф 013 1CH 002 053 и Умасфае, и Кариафиарим и Мифифим, и Исамафим и Исамареим: от тех изыдоша Сарафее и Есфаголее. 013 1CH 002 054 Сынове же Соломони: Вифлеем и Нетофат и Атароф, дому Иоавля, и половина Манафиев Исараи, 013 1CH 002 055 отечества Писарей обитающих во Иависе, Фаргафиим и Самафиим и Сохафим: сии суть Кинее, иже приидоша от Емафа, отца дому Рихавля. 013 1CH 003 001 Сии же быша сынове Давидовы, иже родишася ему в Хевроне: перворожденный Амнон от Ахинаамы Иезраилитиды: вторый Далуиа от Авигеи Кармилския: 013 1CH 003 002 третий Авессалом сын Маахи, дщере Фоломиа царя Гесурска: четвертый Адониа сын Аггифин: 013 1CH 003 003 пятый Сафатиа от Авиталы: шестый Иефраам от Аглаи жены его: 013 1CH 003 004 шесть родишася ему в Хевроне, идеже царствова седмь лет и шесть месяц: и тридесять три лета царствова во Иерусалиме. 013 1CH 003 005 И сии родишася ему во Иерусалиме: Самаа и Совав, и Нафан и Соломон, четыри от Вирсавии дщере Амииловы: 013 1CH 003 006 и Евар и Елисама, и Елифалет 013 1CH 003 007 и Нагис, и Нафек и Иафие, 013 1CH 003 008 и Елисама и Елиадак и Елифалет, девять. 013 1CH 003 009 Вси сынове Давидова кроме сынов подложничих и Фамары сестры их. 013 1CH 003 010 Сынове же Соломони: Ровоам, Авиа сын его, Аса сын его, Иосафат сын его, 013 1CH 003 011 Иорам сын его, Охозиа сын его, Иоас сын его, 013 1CH 003 012 Амасиа сын его, Озиа сын его, Иоафам сын его, 013 1CH 003 013 Ахаз сын его, Езекиа сын его, Манассиа сын его, 013 1CH 003 014 Амон сын его, Иосиа сын его. 013 1CH 003 015 Сынове же Иосиины: первенец Иоахаз, вторый Иоаким, третий Седекиа, четвертый Селлум. 013 1CH 003 016 Сынове же Иоакимовы: Иехониа сын его, Седекиа сын его. 013 1CH 003 017 Сынове же Иехониины: Асир, Салафииль сын его, 013 1CH 003 018 Мелхирам, Фадаиа и Анесар, и Иезекиа и Осамон и Савадиа. 013 1CH 003 019 Сынове же Салафиилевы: Зоровавель и Семей. Сынове же Зоровавелевы: Мосоллам и Ананиа, и Салимин сестра их, 013 1CH 003 020 и Асувеа и Оел, и Варахиа и Асадиа и Асовед, пять. 013 1CH 003 021 Сынове же Ананиины: Фалтиас, и Иесиа сын его, Рафал сын его, Орна сын его, Авдиа сын его, Сехениа сын его, 013 1CH 003 022 и сын Сехениин Самеа. И сынове Самеины: Хаттус и Иоил, и Верриа и Ноадиа и Саф, шесть. 013 1CH 003 023 И сынове Ноадиины: Елионей и Езекиа и Езрикам, трие. 013 1CH 003 024 Сынове Елионеевы: Уадиа и Елиасевон, и Фадаиа и Акаум, и Иоанан и Далеа и Анан, седмь. 013 1CH 004 001 Сынове же Иудины: Фарес, Есром и Хармий, и Ор и Сувал, 013 1CH 004 002 и Рада сын Суваль. Сувал же роди Иефа, Иеф же роди Ахимеа и Лаада: сии родове Арафиины. 013 1CH 004 003 И сии сынове Етановы: Иезраиль и Иесман и Иевдан: имя же сестре их Есиадесфон. 013 1CH 004 004 И Фануил отец Гедоров, и Езер отец Осань: сии сынове Ора первенца Ефрафа, отца Вефлаемля. 013 1CH 004 005 Ассуру же отцу Фекоеву бысте две жене: Халла и Маара: 013 1CH 004 006 роди же ему Маара Ахаза и Афера, и Фемана и Аасфира: вси сии сынове Маарины. 013 1CH 004 007 И сынове Хеллани: Сереф и Саар и Есфанам. 013 1CH 004 008 Кое же роди Енова и Совива и рождение брата Рихава, сына Иаримля. 013 1CH 004 009 Бысть же Иавис честнейший братии своея: и мати его нарече имя его в болезни. 013 1CH 004 010 И призва Иавис Бога Израилева, глаголя: аще благословляя благословиши мене и распространиши пределы моя, и будет рука Твоя со мною, и сотвориши мя во уразумение, еже не смирити мя. И даде ему Бог вся, елика просих есть. 013 1CH 004 011 Халев же отец Асхань роди Махира: сый отец Ассафонов. 013 1CH 004 012 И Ассафон роди Сафрефу и Фессию, и Фана отца града Нааса, брата Селома Кенезиина и Ахазова: сии мужие Рихавли. 013 1CH 004 013 Сынове же Кенезиины: Гофониил и Сараиа. Сынове же Гофониилевы Афаф. 013 1CH 004 014 Манафай же роди Гофора, и Сараиа роди Иорама, отца Гисасариимля, зане художницы быша. 013 1CH 004 015 Сынове же Халева сына Иефонниина Ир, Ила и Наам. Сынове же Илы Кенез. 013 1CH 004 016 Сынове же Амелимли: Зиф и Зефа, и Фириа и Есерил. 013 1CH 004 017 Сынове же Еврины: Иефер, Морад, и Афер и Иамон: и роди Иефер Марона, и Семею, и Иесву отца Гедорова и отца Есфамоня. 013 1CH 004 018 Жена же его сия Адиа роди ему Иареда отца Гедоря, и Авера отца Сохоня, и Ехфииля, отца Заноня. Сии же сынове Веффии дщере фараоновы, юже поят Морил. 013 1CH 004 019 И сынове жены Идумеаныни, сестры Ханема и Далиа отца Кеила, и Симеон отец Иомамов. И сынове Наимовы отца Кеилова: Гармий и Есфемоний иже из Махафы. 013 1CH 004 020 Сынове же Симеони: Амнон и Рамнон сын Анань и Фимнон. И сынове Еси: Зохаф, и сынове Зохафовы. 013 1CH 004 021 Сынове Силома, сына Иудина: Ир отец Лихавль, и Лаада отец Марисань: и племя дому делателей виссона в дому Есовы, 013 1CH 004 022 и Иоаким, и мужие Хозива и Иоас и Сараф, иже вселишася в Моаве: и возврати их Аведир в Мафукиим. 013 1CH 004 023 Сии скудельницы обитающии во атаиме и гадире с царем, и в царстве его укрепишася и вселишася тамо. 013 1CH 004 024 Сынове Симеони: Намуил и Иамин и Иарив, Саре, Саул. 013 1CH 004 025 Салем сын его, масан сын его, Масма сын его, 013 1CH 004 026 Амуил сын его, Савуд сын его, Закхур сын его, Семей сын его. 013 1CH 004 027 Сынове же Семеины шестьнадесять и дщерей шесть. Братиям же их не быша сынове мнози, и вся племена их не умножишася якоже сынове Иудины, 013 1CH 004 028 и обитаху в Вирсавеи и саваде, и Монаде и во Есерсуале, 013 1CH 004 029 и в Валааи и во Асеме, и во Фоладе 013 1CH 004 030 и в Вафуиле, и в Ерме и в Сикелаи, 013 1CH 004 031 и во Вефмаримофе и во Имисусеосине и в дому Варусеоримли: сии грады их даже до царя Давида, 013 1CH 004 032 и села их: Етам и Ин, Рамнон и Фоккан и Есар, градов пять. 013 1CH 004 033 И вся веси их окрест градов сих, даже до Ваала: сие обдержание их и разделение их. 013 1CH 004 034 Мосовав же и Иемолох, и Иосиа сын Амасиев, 013 1CH 004 035 и Иоиль и Ииуй сын Асавиев, сын Сараев, сын Асииль, 013 1CH 004 036 и Елионай и Иокава, и Иасуиа и Асеа, и Иедиил и Исмаил и Ванеа 013 1CH 004 037 и Зуза сын Сафеиев, сына Алоня, сына Иедиина, сына Семриня, сына Самеина. 013 1CH 004 038 Сии произшедшии во именех князей, в родех своих и в домех отечеств своих умножишася во множество, 013 1CH 004 039 и поидоша да внидут в Герары даже до восток дебри взыскати пажити скотом своим: 013 1CH 004 040 и обретоша пажити премноги и благи: и земля пространна пред ними, и мир и покой, зане прежде обитаху от сынов Хамовых тамо. 013 1CH 004 041 И приидоша сии написаннии имены во дни Езекии царя Иудина и побиша жителей их и обитание, ихже обретоша ту, и искорениша их даже до дне сего: и вселишася вместо их, яко пажить скотом их бяше тамо. 013 1CH 004 042 От сих же от сынов Симеоних идоша в гору Сиир мужей пять сот, и Фалтиа и Ноадиа, и Рафаиа и Озиил, сынове Иесы, князи их: 013 1CH 004 043 и побиша останки оставшыяся от Амалика, и вселишася тамо даже до дне сего. 013 1CH 005 001 Сынове же Рувима первенца Израилева: яко той первенец: и внегда ему взыти на ложе отца своего, даде благословение его сыну своему Иосифу, сыну Израилеву, и не бысть (той) вменен в первенство, 013 1CH 005 002 яко Иуда силен крепостию и в братии своей, и в вожда из него, и благословение Иосифу. 013 1CH 005 003 Сынове Рувима первенца Израилева: Енох и Фаллус, Асрон и Хармий. 013 1CH 005 004 Сынове Иоилевы: Семей и Ванеа сын его. Сынове же Гога сына Семеина: 013 1CH 005 005 сын его Миха, сын его Риха, сын его Ваал, 013 1CH 005 006 Векра сын его, егоже пресели Фаглафалласар царь Ассирииский: сей бысть князь колена Рувимова. 013 1CH 005 007 И братия его во отечестве своем, в исчислениих своих, по родом их, князь Иоиль и Захариа, 013 1CH 005 008 и Валек сын Азузов, сын Саммы, сын Иоилев: той обита во Ароире и в Наване и Веелмаоне, 013 1CH 005 009 и противу востока обита даже до входа пустыни, от реки Евфрата, яко скот их мног в земли Галаадстей. 013 1CH 005 010 Во дни же Саула возведоша брань противу Агарян: и падоша в руках их обитающии в жилищах своих вси к востоку Галаадску. 013 1CH 005 011 Сынове Гадовы прямо их обиташа в земли Васани до Селха: 013 1CH 005 012 Иоиль первенец, и Сафам вторый, и Ианин книжник Васанский. 013 1CH 005 013 И братия их, по домом отечеств их: Михаил и Мосоллам, и Савей и Иора, и Иохан и Иовиа и Овид, седмь. 013 1CH 005 014 Сии сынове Авихаила сына Рувиина, и Адди, сына Галаадова, сына Михаилова, сына Иессеина, сына Иедаина, сына Вузова, 013 1CH 005 015 брата сына Авдиилова, сына Гуниина, князь дому отечеств их. 013 1CH 005 016 Обиташа в Галааде, в Васане и в весех их и во всех окрестных Саронских, даже до исхода. 013 1CH 005 017 Вси сии сочтени быша во дни Иоафама царя Иудина и во дни Иеровоама царя Израилева. 013 1CH 005 018 Сынове Рувимовы и Гадовы и полплемене Манассиина (биша) сынове сильни, мужие носяще щиты и мечы и напрязающе луки и научени брани, четыредесять и четыри тысящы и седмь сот и шестьдесят, исходящии на ополчение. 013 1CH 005 019 И твориша брань со Агаряны и Итуреаны, и Нафисеаны и Надавеаны, 013 1CH 005 020 и укрепишася над ними: и предашася в руце их Агаряне и вся обитания их, зане к Богу воззваша во брани, и услыша их, зане уповаша на Него. 013 1CH 005 021 И плениша имения их, велблюдов пятьдесят тысящ, и овец двести пятьдесят тысящ, и ослов две тысящы, и душ человеческих сто тысящ: 013 1CH 005 022 ранении же мнози падоша, зане (бысть) от Бога брань: и вселишася вместо их даже до преселения. 013 1CH 005 023 И полплемене Манассиина вселишася в земли от Васана даже до Ваала Ермоня и Санира и горы Аермонски: и сии в Ливане умножишася. 013 1CH 005 024 И сии (быша) князи дому отечеств их: Гофер и Иеси, и Елиил и Иеремиа, и Иодуиа и Иедиил, мужие сильни в крепости, мужие именитии, князи по домом отечеств своих. 013 1CH 005 025 И оставиша Бога отец своих и соблудиша вслед богов людий земли, ихже потреби Бог от лица их: 013 1CH 005 026 и воздвиже Бог Израилев дух Фула царя Ассирийска и дух Фаглафалласара царя Ассирийска, и пресели Рувима и Гада и полплемене Манассиина, и введе их во Аллан и Иовор, и во Аран и на реку Гозан, даже до дне сего. 013 1CH 006 001 Сынове Левии: Герсон, Кааф и Мерари. 013 1CH 006 002 Сынове же Каафовы: Амрам и Иссаар, Хеврон и Озиил. 013 1CH 006 003 Сынове же Амрамли: Аарон и Моисей и Мариам. Сынове же Аароновы: Надав и Авиуд, Елеазар и Ифамар. 013 1CH 006 004 И Елеазар роди Финееса, и Финеес роди Авиуда, 013 1CH 006 005 и Авиуд роди Воккиа, и Воккий роди Озию, 013 1CH 006 006 Озиа же роди Сареа, и Сарей роди Мариофа, 013 1CH 006 007 Мариоф же роди Амарию, Амариа же роди Ахитова, 013 1CH 006 008 Ахитов же роди Садока, и Садок роди Ахимааса, 013 1CH 006 009 Ахимаас же роди Азарию и Азариа роди Иоанана, 013 1CH 006 010 Иоанан же роди Азарию, той есть Азариа, иже священствова в дому, егоже созда Соломон во Иерусалиме. 013 1CH 006 011 Роди же Азариа Амарию, и Амариа роди Ахитова, 013 1CH 006 012 Ахитов же роди Садока, и Садок роди Селлума, 013 1CH 006 013 и Селлум роди Хелкию, и Хелкиа роди Азарию, 013 1CH 006 014 и Азариа роди Сареа, и Сарей роди Иоседека. 013 1CH 006 015 Иоседек же изыде, егда пресели Господь Иуду и Иерусалима рукою Навуходоносора в Вавилон. 013 1CH 006 016 Сынове же Левиини: Герсон, Кааф и Мерари. 013 1CH 006 017 И сия имена сынов Герсоних: Ловений и Семей. 013 1CH 006 018 Сынове же Каафовы: Амрам и Иссаар, Хеврон и Озиил. 013 1CH 006 019 Сынове же Мерарины: Мооли и Муси. И сии роди Левиини по отечеством их. 013 1CH 006 020 Герсонови: Ловений сын его, Иеф сын его, Семна сын его, 013 1CH 006 021 Иола сын его, Аддо сын его, Зара сын его, Иефри сын его. 013 1CH 006 022 Сынове Каафовы: Иссаар сын его, Аминадав сын его, Корей сын его, Асир сын его, 013 1CH 006 023 Елкана сын его, Ависаф сын его, Асир сын его, 013 1CH 006 024 Кааф сын его, Уриил сын его, Озиа сын его, Саул сын его. 013 1CH 006 025 Сынове же Елкановы: Амаси сын его, Амиоф сын его, 013 1CH 006 026 Елкана сын его, Суфий сын его, и Нааф сын его, 013 1CH 006 027 Елиав сын его, Иеремеил сын его, Елкана сын его, Самуил сын его. 013 1CH 006 028 Сынове же Самуили: первенец его Иоиль и вторый Авиа. 013 1CH 006 029 Сынове же Мерарины: Мооли сын его, Ловений сим его, Семей сын его, Озиа сын его, 013 1CH 006 030 Саммаа сын его, Ананий сын его, Асаиа сын его. 013 1CH 006 031 Сии же суть, ихже постави Давид над певцы в дому Господни, егда постави кивот: 013 1CH 006 032 и бяху служаще пред скиниею дому свидения в пении, дондеже созда Соломон дом Господень во Иерусалиме, и стояху по чину своему в служении своем. 013 1CH 006 033 И сии предстоящии и сынове их от сынов Каафовых: Еман певец сын Иоиля, сына Самуилева, 013 1CH 006 034 сына Елканова, сына Еремеилева, сына Елиавля, сына Наафова, 013 1CH 006 035 сына Суфова, сына Елканаева, сына Амиофова, сына Амасова, 013 1CH 006 036 сына Елканова, сына Иоилева, сына Азариева, сына Сафаниева, 013 1CH 006 037 сына Маафова, сына ассерова, сына Авиасафова, сына Асирова, сына Кореова, 013 1CH 006 038 сына аминадавова, сына Исаарова, сына Каафова, сына Левиина, сына Израилева: 013 1CH 006 039 и брат его Асаф, иже стояша одесную его: Асаф сын Варахии, сына Самааева, 013 1CH 006 040 сына Михаилова, сына Масилова, сына Мелхиева, 013 1CH 006 041 сына Афаниева, сына Зараева, сына Адаиева, 013 1CH 006 042 сына Ифамова, сына Земмина, сына Семеиева, 013 1CH 006 043 сына Иеефова, сына Герсонова, сына Левиина. 013 1CH 006 044 Сынове же Мерарины братия их ошуюю: Ефам сын Хусии, сына Авдиина, сына Малохова, 013 1CH 006 045 сына Савиева, сына Амасиева, сына Хелкиева, 013 1CH 006 046 сына Амасиева, сына Ваниина, сына Семирова, 013 1CH 006 047 сына Моолиина, сына Мусиева, сына Мерарина, сына Левиина. 013 1CH 006 048 Братия же их по домом отечеств их, левитяне даны во всякое дело служения скинии дому Божия: 013 1CH 006 049 и Аарон и сынове его кадяху над олтарем всесожжений и над олтарем фимиама во всякое дело Святых Святым, и да молятся за Израиля по всему, елика повеле Моисей раб Божий. 013 1CH 006 050 Сии же сынове Аарони: Елеазар сын его, Финеес сын его, Авиуд сын его, 013 1CH 006 051 Вокхий сын его, Озий сын его, Сарей сын его, 013 1CH 006 052 Мариоф сын его, Амариа сын его, Ахитов сын его, 013 1CH 006 053 Садок сын его, Ахимаас сын его. 013 1CH 006 054 И сия обитания их, по селам их и в пределех их, сыном Аароним племени Каафову, тем бо бысть жребий: 013 1CH 006 055 и даша им Хеврон в земли Иудине и подградия его окрест его: 013 1CH 006 056 и села града и веси его даша Халеву сыну Иефонниину. 013 1CH 006 057 Сыном же Аароним даша грады убежищ: Хеврон и подградия его, и Ловну и подградия ея, и Алом и окрестная его, 013 1CH 006 058 и Келом и окрестная его, и Давир и окрестная его, 013 1CH 006 059 и Асан и подградия его, и Вефсамис и подградия его, и Вефсур и подградия его: 013 1CH 006 060 от колена же Вениаминова Гаваон и подградия его, и Еламоф и подградия его, и еламвей и подградия его, и Анафоф и подградия его: всех градов их тринадесять, градов по племенем их. 013 1CH 006 061 И сыном Каафовым оставшымся от племене рода, от полуплемене Манассиина, даша по жребию десять градов. 013 1CH 006 062 И сыном Герсоним по племенем их от колена Иссахарова и от колена Асирова, и от колена Неффалимова и от колена Манассиина в Васане, грады тринадесять. 013 1CH 006 063 И сыном Мерариным по племенем их от колена Рувимова и от колена Гадова и от колена Завулоня даша по жребию градов дванадесять. 013 1CH 006 064 Даша же сынове Израилевы левитом грады и подградия их. 013 1CH 006 065 Даша же по жребию от колена сынов Иудиных и от колена сынов Симеоних и от колена сынов Вениаминих грады сия, ихже назваша имены (своими). 013 1CH 006 066 И от племен сынов Каафовых, и быша грады пределов их от колена Ефремова: 013 1CH 006 067 и даша им грады убежищ: Сихем с подградиями его в горе Ефремове и Газер с подградиями его, 013 1CH 006 068 и Екмаан с подградиями его, и Вефорон и подградие его, 013 1CH 006 069 и Елон с подградиями его, и Гефремон с подградиями его: 013 1CH 006 070 и от половины колена Манассиина Анеир и подградия его, и Иевлаам и подградная его, по племени сыном Каафовым оставшымся. 013 1CH 006 071 Сыном Герсоним от отечеств полуплемене Манассиина Гавлон от Васана и подградная его, и Асироф с подградными его: 013 1CH 006 072 и от колена Иссахарова Кедес с подградными его, и Надар с подградными его, 013 1CH 006 073 и Рамоф и подградная его, и Енан с подградными его: 013 1CH 006 074 и от колена Асирова Масию с подградными его, и Рамоф и подградие его, 013 1CH 006 075 и Акак и подградие его, и Роов с подградными его: 013 1CH 006 076 и от колена Неффалимля Кадис в Галилеи и подградная его, и Хамоф с подградными его, и Кариафаим и подградная его. 013 1CH 006 077 И сыном Мерариным оставшымся от колена Завулоня Реммон и подградная его, и Фавор с подградными его, 013 1CH 006 078 и за Иорданом Иерихон противу востока Иорданова: от колена Рувимова Восор в пустыни с подградными его, и Есса с подградными его, 013 1CH 006 079 и Кадимоф и подградная его, и Моапсаф с подградными его: 013 1CH 006 080 и от колена Гадова Раммоф Галаадский и подградная его, и Наим с подградными его, 013 1CH 006 081 и Есевон с подградными его, и Иазир с подградными его. 013 1CH 007 001 И сии сынове Иссахаровы: Фола и Фуа, и Ясув и Сомврам, четыре. 013 1CH 007 002 Сынове же Фолы: Озий и Рафеа, и Иериил и Амин, и Иаффам и Самуил, князи по домом отечеств их, иже от колена Фолина, крепцы силою по родом их, ихже число во дни Давидовы двадесять и две тысящы и шесть сот. 013 1CH 007 003 Сынове же Озиины Иезрий, и сынове Иезриины Михаил и Авдиа, и Иоиль и Иесиа, пять всех князей. 013 1CH 007 004 И с ними по родом их, по домом отечеств их, препоясани и сильни ко ополчению на брань, тридесять и шесть тысящ: много бо имеша жен и сынов. 013 1CH 007 005 Братия же их во всех племенех Иссахаровых крепцы силою, осмьдесят и седмь тысящ сочтение всех их. 013 1CH 007 006 Сынове же Вениаминовы: Валай и Ховор и Иедиил, три. 013 1CH 007 007 Сынове же Вллаевы: Есевон и Озиа, и Озиил и Иеримуф и Уриа, пять князей домов отечеств их, крепцы силою, и число их двадесять и две тысящы и тридесять четыре. 013 1CH 007 008 Сынове же Ховоровы: Замириа и Иоав, и Елиезер и Елиана, и Амариа и Иеримуф и Авиа и Анафоф и Елмефем: вси сии сынове Ховоровы. 013 1CH 007 009 Сочтение же их по родом их, князи домов отечеств их, крепцы силою, двадесять тысящ и двести. 013 1CH 007 010 Сынове же Иедиилевы Валаам, и сынове Валаамовы Иеос и Вениамин, и Аоф и Аханаан, и Зифан и Фарсис и Асаир: 013 1CH 007 011 вси сии сынове Иедиилевы, князи племен крепчайшии силою, седмьнадесять тысящ и двести ко ополчению с силою исходящии. 013 1CH 007 012 И Сафан и Ифан, сынове Иеримуфовы, Есуд сын его, 013 1CH 007 013 Неффалим сын его, и Есиил и Гоини, и Иесер и Селлим, сынове его, Валаам сын его. 013 1CH 007 014 Сынове Манассии: Езриил, егоже роди наложница его Сира, роди же ему и Махира отца Галаадова. 013 1CH 007 015 Махир же поят жену Офирови и Сафинови, и имя сестре его Мооха, имя же второму Салпаад. Родишажеся Салпааду дщери. 013 1CH 007 016 И роди Мооха жена Махирова сына и нарече имя его Фарес: и имя брату его Сороор: и сынове его Улам и Ракам. 013 1CH 007 017 Сынове же Уламовы Валаам: сии сынове Галаада сына Махирова сына Манассиева. 013 1CH 007 018 Сестра же его Малехеф роди Иесуда и Авиезера и Маалу. 013 1CH 007 019 Беху же сынове Семира: Аим и Сихем, и Докиим и Ениам. 013 1CH 007 020 Сынове же Ефремли Фусалам, и Раам сын его, и Фаам сын его, и Елаад сын его, и Фаа сын его, 013 1CH 007 021 и Завад сын его, и Софела сын его, и Езер и Езлада. Убиша же их мужие Гефстии, иже родишася в земли той: зане изыдоша взяти скоты их. 013 1CH 007 022 И плакася Ефрем отец их многи дни: и приидоша братия его, да утешат его. 013 1CH 007 023 И вниде к жене своей: и зача во чреве, и роди сына, и нарече имя его Вариа, яко в злых дому его рожден есть. 013 1CH 007 024 Дщи же его Сараа, и бо оных оставшихся: и созда Вефорон нижний и вышний и Садру. 013 1CH 007 025 Рафай же сын его, и Расеф и Фалай сынове его, и Фаан сын его, 013 1CH 007 026 и Ладан сын его, и Амиуд сын его, Елисама сын его, 013 1CH 007 027 Рун сын его, Иосий сын его. 013 1CH 007 028 И одержание их и обитание их Вефиль и веси его противу востока Наараня, и к западней стране Газера и веси его, и Сихем и веси его даже до Газы и веси ея, 013 1CH 007 029 и даже до предел сынов Манассииных, Вефсан и веси его, Фанаах и веси его, и Магеддон и веси его, Дор и веси его: в тех вселишася сынове Иосифа сына Израилева. 013 1CH 007 030 Сынове Асировы: Иамна и Есуд, и Иесуе и Вариа, и Сарреа сестра их. 013 1CH 007 031 Сынове же Вариевы Ховер и Мелхиил: сей отец Завефов. 013 1CH 007 032 И Ховер роди Иафлета и Сомира, и Хофана и Сулу сестру их. 013 1CH 007 033 И сынове Иафлетовы: Фасех и Амамааф и Асоаф: сии сынове Иафлетовы. 013 1CH 007 034 Сынове же Сомировы: Ихиур, Равгоа и Иава и Арам. 013 1CH 007 035 Сынове же Асуда брата его: Софа и Иамна, и Елим и Алам. 013 1CH 007 036 Сынове Софовы: Суе, Ариафер и Суан, и Ворин и Имрам, 013 1CH 007 037 и Васар и Иуд, и Самма и Селимван, и Иефран и Веера. 013 1CH 007 038 Сынове же Иеферовы: Иефон и Фасфа и Арей. 013 1CH 007 039 Сынове же Олани: Орех и Аниил и Расиа. 013 1CH 007 040 Вси сии сынове Асировы, вси князи домов отечества избраннии и крепцы силою, князи, воеводы: сочтение их во время брани на ополчение двадесять шесть тысящ мужей. 013 1CH 008 001 Вениамин же роди Валу первенца своего, и Азвила втораго, и Диеру третияго, 013 1CH 008 002 и Науила четвертаго, и Рафу пятаго. 013 1CH 008 003 Быша же сынове Вале: Адир, Гира и Авиуд, 013 1CH 008 004 и Ависуй и Ноаман, и Ахиа 013 1CH 008 005 и Гира, и Сефуфам и Урам. 013 1CH 008 006 Сии сынове Аоди, сии суть князи племен обитающым в Гаваи, ихже преселиша в Мануаф: 013 1CH 008 007 и Нааман и Ахиа, и Гира, тойже иглаам, и (Гира) роди Азана и Нуа. 013 1CH 008 008 И Сеорим роди на поли Моавли, повнегда отпустити ему Осиму и Вааду жены своя: 013 1CH 008 009 роди же от Валы жены своея Иовава и Самию, и Мису и Мелхома, 013 1CH 008 010 и Иоаса и Сехию и Мармию: сии сынове его князи отечеств: 013 1CH 008 011 от Осимы же роди Амитова и Елифаада. 013 1CH 008 012 Сынове же Елифаадовы: Евер и Мисоам и Самиил: той созда Анон и Лодон и веси их, еод и веси его: 013 1CH 008 013 Вериа же и Сама. Сии князи племенем живущим во Еламе, и тии изгнаша живущих в Гефе. 013 1CH 008 014 И братия их Сосил и Иеримоф, 013 1CH 008 015 и Завадиа и Орид, и Авад 013 1CH 008 016 и Мосоллам, и Иесфа и Иезиа, сынове Вериины. 013 1CH 008 017 И Завадиа и Мосоллам, и Азаки и Авер, 013 1CH 008 018 и Иассий и Самари, и Иезелиа и Иовав, сынове Елфаали. 013 1CH 008 019 И Иаким и Хезрий, и Завдий 013 1CH 008 020 и Елиоинай, и Салафий и Елиил, 013 1CH 008 021 и Адаиа и Вареа и Самараф, сынове Семеины. 013 1CH 008 022 И Иесфан и Авер, и Елеил (и Адриа), 013 1CH 008 023 и Авдон и Зехрий, и Анан 013 1CH 008 024 и Ананиа, и Илам и Анафафиа, 013 1CH 008 025 и Иефадиа и Фануил, сынове Сосиковы. 013 1CH 008 026 И Самоас и Сареа, и Ефниа 013 1CH 008 027 и Иарасиа, и Илиа и Зехриа, сынове Иеромоимли. 013 1CH 008 028 Сии князи отечеств по племенем их: началницы сии обиташа во Иерусалиме. 013 1CH 008 029 В Гаваоне же вселися Иеиль отец Гаваона и имя жене его Мааха: 013 1CH 008 030 сын же его первенец Авдон, и Сур и Кис, и Ваел и Надав, и Нир 013 1CH 008 031 и Геддор и Аиуй и братия его, и Саур и Махелод. 013 1CH 008 032 Махелод же роди Самаа. Сии же обиташа прямо братии своей во Иерусалиме с братиею своею. 013 1CH 008 033 Нир же роди Киса, и Кис роди Саула, Саул же роди Ионафана и Мелхисуа, и Аминадава и Иесваала. 013 1CH 008 034 Сын же Ионафанов Мемфиваал (или Мемфивосфей): и Мемфиваал роди Миху. 013 1CH 008 035 Сынове же Михины: Фифоф и Малоф, и Фарес и Хааз. 013 1CH 008 036 Хааз же роди Иаду, Иада же роди Салемефа и Асмофа и Замвриа, Замврий же роди Месу, 013 1CH 008 037 Меса же роди Ваану: Рафеа сын его, Еласа сын его, Асаил сын его. 013 1CH 008 038 Асаилу же шесть сынов, и сия имена их: Езрикам первенец его, и Исмаил и Азариа, и Авдиа и Сараиа и Анан: вси тии сынови Асаилевы. 013 1CH 008 039 Сынове же Асена брата его: Улам первенец его, и Иесус вторый, и Елифас третий. 013 1CH 008 040 Быша же сынове Уламли мужие крепцы силою, напрязающе лук и умножающе сыны и сыны сынов, сто пятьдесят. Вси сии от сынов Вениаминих. 013 1CH 009 001 И весь Израиль сочтен есть: и се, суть писаны в книзе царей Израилевых и Иудиных со преселившимися в Вавилон за беззакония своя, имиже беззаконноваша. 013 1CH 009 002 И иже обиташа первее во одержаниих своих во градех Израилевых, священницы и левити и вданнии (на служение). 013 1CH 009 003 И во Иерусалиме обиташа от сынов Иудиных и от сынов Вениаминих и от сынов Ефремлих и Манассииных: 013 1CH 009 004 Уфий сын Амиуды сына Амвриина, сына Амвраимова, сына Ваниина, сына сынов Фареса сына Иудина: 013 1CH 009 005 и от Силона Асаиа первенец его и сынове его: 013 1CH 009 006 от сынов же Зары Иеил и братия их шесть сот и девятьдесят. 013 1CH 009 007 И от сынов Вениаминих: Сахом сын Васоллама, сына Одуиева, сына Сануина: 013 1CH 009 008 и Иевнаа сын Иеровоамов и Елав: и сии сынове Озии сына Махирова: и Мосоллам сын Сафатии, сына Рагуилева, сына Иеваня. 013 1CH 009 009 Братия же их по родом их девять сот пятьдесят шесть, вси мужие князи племенем по домом отечеств своих. 013 1CH 009 010 От священник же Иодаиа и Иоарим, и Иоаким 013 1CH 009 011 и Азариа сын Хелкии, сына Мосолламова, сына Садокова, сына Марариофова, сына Ахитова началника дому Божия: 013 1CH 009 012 и Адиам сын Иероамль, сына Фасгора, сына Мелхиаева, и Маасий сын Адиила, сына Езирова, сына Мосолламля, сына Маселимофова, сына Еммарова. 013 1CH 009 013 Братия же их князи по домов отечеств своих, тысяща и седмь сот и шестьдесят, сильни крепостию к деланию служения в дому Божии. 013 1CH 009 014 От левит же Самеиа сын Асувов, сына Езрикамова, сына Савиева от сынов Мерариных, 013 1CH 009 015 Ваквакар же и Арис, и Гареа и Мафаниа сын Михаев, сына Зехри, сына Асафова: 013 1CH 009 016 и Авдиа сын Самеа, сына Галилова, сына Идифуня, и Варахиа сын Ассы, сына Елканова, иже обита во дворех Нетофафовых. 013 1CH 009 017 Дверницы же: Селлум и Акум, и Телмон и Емман, и братия их: Селлум князь. 013 1CH 009 018 И даже доселе во вратех царских к востоку: сия врата на ополчения сынов Левииных. 013 1CH 009 019 И Селлум сын Кореа, сына Авиасафова, сына Кореова: и братия его по дому отечеств их, Кореане над делами служения стрегуще стражбы скинии: а отцы их над полком Господним, стрегуще входа. 013 1CH 009 020 Финеес же сын Елеазаров бысть вождь их пред Господем, и сии с ним. 013 1CH 009 021 Захариа сын Мосолламов, дверник врат скинии свидения. 013 1CH 009 022 Вси избраннии дверницы над враты двести дванадесять, сии в селех своих сочтени: сих постави Давид и Самуил провидец в вере их. 013 1CH 009 023 И сии и сынове их (быша) при вратех дому Господня и в дому скинии стрещи почередно. 013 1CH 009 024 По четырем ветром быша двери к востоку, к западу, к северу, к югу. 013 1CH 009 025 Братия же их, иже живяху в селех своих, прихождаху по седми днех от времене даже до времене (на премену тем): 013 1CH 009 026 понеже четырем дверником сильным вверени быша двери: и левити быша над хранилищи, и над сокровищи дому Божия ополчахуся, 013 1CH 009 027 и окрест дому Божия живяху: яко на них бе стражба их: и сии над ключами, еже утро утро отверзати двери святилища. 013 1CH 009 028 От тех же (бяху) над сосуды служения, по числу бо вношаху сосуды и по числу изношаху я. 013 1CH 009 029 От тех же поставлени над сосуды и над всеми сосуды святыми, и над мукою пшеничною и вином и елеем, и фимиамом и ароматы. 013 1CH 009 030 От сынов же священнических беша мироварцы, миро соделоваху из аромат. 013 1CH 009 031 И Маттафиа от левит, сей первенец Селлуму Кореанину, емуже вверена дела жертвы сковрадныя великаго жерца: 013 1CH 009 032 и Ванеа Каафитянин от братий их над хлебы предложения, еже уготовляти в субботы и субботы. 013 1CH 009 033 И сии псалмопевцы князи отечеств левитских, определени почередно во храминах, повседневно, яко да день и нощь свое служение отслуживают. 013 1CH 009 034 Сии князи отечеств левитских по племенем своим, началницы сии пребываху во Иерусалиме. 013 1CH 009 035 В Гаваоне же живяше отец Гаваонь Иеиль: и имя жене его Мааха: 013 1CH 009 036 и сын первенец его Авдон, и Сур и Кис, и Ваель и Нир, и Надав 013 1CH 009 037 и Гедор, и братия его Аиун и Зехриа и Макелоф. 013 1CH 009 038 Макелоф же роди Саму: и сии вселишася посреде братий своих во Иерусалиме с братиями своими. 013 1CH 009 039 Нир же роди Киса, и Кис роди Саула, и Саул роди Ионафана и Мелхисуа, и Аминадава и Иесваала. 013 1CH 009 040 Сын же Ионафань Мемфиваал: и Мемфиваал роди Миху. 013 1CH 009 041 Сынове же Михи: Филоф и Мелхиил, и Фараа и Хааз. 013 1CH 009 042 Хааз же роди Иаду, Иада же роди Алефа и Асмофа и Замвриа: Замврий же роди Месу, 013 1CH 009 043 Меса же роди Ваану: Рафеа сын его, Еласа сын его, Асаил сын его. 013 1CH 009 044 Асаилу же (быша) шесть сынов, и сия имена их: Езрикам первенец его, и Исмаил и Азариа, и Авдиа и Анан и Аса: сии сынове асаиловы. 013 1CH 010 001 Филистими же воеваша противу Израиля, и бежаша мужие Израилевы от лица иноплеменническа и падоша ранени на горе Гелвуи. 013 1CH 010 002 И погнаша иноплеменницы вслед Саула и вслед сынов его: и убиша иноплеменницы Ионафана и Аминадава и Мелхисуа, сынов Сауловых. 013 1CH 010 003 И отягчися брань на Саула, и обретоша его стрелцы в луках и в трудех, и изнеможе от стрел. 013 1CH 010 004 И рече Саул к носящему оружие его: извлецы мечь твой и прободи мя им, да не когда приидут необрезаннии сии и поругаются мне. И не восхоте носяй оружие его, яко убояся зело. И взя Саул мечь и нападе нань. 013 1CH 010 005 И виде носяй оружие его, яко умре Саул, и нападе и он на мечь свой и умре. 013 1CH 010 006 И умре Саул и три сына его в день он: и весь дом его купно умре. 013 1CH 010 007 И видеша вси мужие Израилевы, иже во юдоли, яко побежа Израиль, и яко умре Саул и сынове его, и оставиша грады своя и побегоша: и приидоша иноплеменницы и вселишася в них. 013 1CH 010 008 И бысть заутра, и приидоша иноплеменницы совлачати падших корысти, и обретоша Саула и сынов его падших на горе Гелвуи: 013 1CH 010 009 и обнажиша его, и взяша главу его и оружие его, и послаша в землю иноплеменничу, да обносится (и покажется) идолом их и людем: 013 1CH 010 010 оружия же их положиша в капищи бога своего: и главу его поткнуша в капищи Дагонове. 013 1CH 010 011 И услышаша вси живущии во Иависе Галаадстем вся, яже Филистими сотвориша Саулу и сыном его и Израилю: 013 1CH 010 012 и восташа от Галаада вси мужие крепцыи, и приидоша и взяша труп Саулов и труп сынов его, и принесоша их во Иавис, и погребоша кости их под дубом во Иависе: и постишася седмь дний. 013 1CH 010 013 И умре Саул за беззакония своя, имиже беззаконнова Господеви по словеси Господню, понеже не сохрани, яко вопроси Саул волшебницы еже вопросити, и отвеща ему Самуил пророк. 013 1CH 010 014 И не взыска Господа Саул: сего ради уби его и возврати царство его Давиду сыну Иессееву. 013 1CH 011 001 И собрася весь Израиль к Давиду в Хеврон, глаголюще: се, кости твоя и плоть твоя мы: 013 1CH 011 002 вчера же и третияго дне, егда еще царствоваше Саул, ты был еси изводяй и вводяй Израиля, и тебе рече Господь Бог твой: ты упасеши люди Моя Израиля, и ты будеши князь над людьми Моими Израилем. 013 1CH 011 003 И приидоша вси старейшины Израилевы ко царю в Хеврон: и утверди Давид с ними завет в Хевроне пред Господем: и помазаша Давида в царя над Израилем по словеси Господню, (еже глагола) рукою Самуиловою. 013 1CH 011 004 И иде царь Давид и весь Израиль во Иерусалим, сей есть Иевус, идеже бяху Иевусее жителие земли. 013 1CH 011 005 Рекоша же Давиду, иже обиташа в Иевусе: не внидеши семо. И взя Давид крепость Сионю, яже есть град Давидов. 013 1CH 011 006 Рече же Давид: всяк иже убиет Иевусеа в первых, будет князь и воевода. И взыде нань прежде Иоав сын Саруиев и бысть князем. 013 1CH 011 007 И седе Давид во обдержании: сего ради именова е град Давидов. 013 1CH 011 008 И созда град окрест от Маала даже да окружения: Иоав же прочее града сострои: и воева и взя град. 013 1CH 011 009 Преспеваше же Давид идый и растый, и Господь Вседержитель бе с ним. 013 1CH 011 010 Сии же князи сильных Давидовых, иже помогаху ему в царстве его со всем Израилем, да царь будет по словеси Господню, над Израилем, 013 1CH 011 011 и сие число крепких Давидовых: Иесваал сын Ахамань, первый между тридесятми: той извлече мечь свой единожды на триста язвеных во едино время. 013 1CH 011 012 И по нем Елеазар, сын Додеа Ахохии: сей бе между треми сильными: 013 1CH 011 013 сей бе с Давидом в Фасодомине, идеже иноплеменницы собрани быша на брань, и бе часть нивы полна ячменя, и людие побегоша от лица иноплеменнича: 013 1CH 011 014 и ста посреде части и защити ю, и изби иноплеменники, и сотвори Господь спасение велие (людем Своим). 013 1CH 011 015 Снидоша же тии трие от тридесяти князей на камень ко Давиду в пещеру Одолламлю, а полк иноплеменничь стояше во юдоли Гигантов. 013 1CH 011 016 Давид же бе тогда в крепости, полк же иноплеменничь бе тогда в Вифлееме. 013 1CH 011 017 И возжада Давид и рече: кто напоит мя водою от кладязя Вифлеемска, иже есть во вратех? 013 1CH 011 018 И трие тии проторгошася сквозе полк иноплеменничь и почерпоша воду из кладязя, иже в Вифлееме, иже бе во вратех, и взяша и принесоша к Давиду, да пиет. И не восхоте Давид пити ея и возлия ю Господеви 013 1CH 011 019 и рече: милостив ми Бог, еже сотворити глагол сей: аще кровь мужей сих испию в душах их, понеже душами своими принесоша. И не восхоте пити ея. Сие сотвориша трие сильнии. 013 1CH 011 020 И Авесса брат Иоавль, той бе первый в триех: сей извлече мечь свой противу триех сот мужей во един час и уби их, и той бе посреде триех именит: 013 1CH 011 021 от триех между двема преславный, и бе им началник, обаче ко трием первым не достиже. 013 1CH 011 022 И Ванеа сын Иодаев, сын мужа крепкаго, многа дела его, от Каваслила: той уби двоих Ариилов Моавских, и той сниде и уби льва у кладязя во время снега: 013 1CH 011 023 и той уби мужа Египтянина, емуже возраст бе пять лакот, и в руце Египтянина копие яко вратило ткущих: и сниде к нему Ванеа с жезлом, и восхити копие из руки Египтянина и уби его копием его: 013 1CH 011 024 сия сотвори Ванеа сын Иодаев, и бе именит посреде триех сильных: 013 1CH 011 025 над тридесятию бе славен сей, а ко трием не достиже: и постави его Давид над отечеством своим. 013 1CH 011 026 И сильнии сил: Асаил, брат Иоавль, Елеанан, сын Додоев от Вифлеема, 013 1CH 011 027 Саммоф Аддитянин, Хелкий Афелонин, 013 1CH 011 028 Орей сын от Киса Фекуйский, Авиезер Анафофский, 013 1CH 011 029 Совохай Асофийский, Илий Ахойский, 013 1CH 011 030 Воорай сын Нетофафиев, Еллаф сын Ваинака Нетофафийскаго, 013 1CH 011 031 Ифай сын Ривеин от холма Вениаминя, Ванеа сын Фарафониев, 013 1CH 011 032 Урий от Неали, Галсавиил Аравефийский, 013 1CH 011 033 Азмоф Варсамийский, Елиава Саламийский, 013 1CH 011 034 Ирас Гоинийский, Ионафан сын Саги Арарийский, 013 1CH 011 035 Ахиам сын Сахара Арарийскаго, Зифаал сын Орин, 013 1CH 011 036 Афер Мехурафинский, Ахиа Фелонийский, 013 1CH 011 037 Асарай Мармелинский, Ноорай сын Авдиев, 013 1CH 011 038 Иоиль брат Нафанов, Мавар сын Тараиев, 013 1CH 011 039 Селлик Аммониин, Наарей Вирофин, иже носил оружие Иоава сына Саруиева, 013 1CH 011 040 Ира Иефериин, Гарив Фериин, 013 1CH 011 041 Уриа Хетфейский, Вазаф сын Оолиев, 013 1CH 011 042 Адина сын Саха, Рувима князь, и у него тридесять, 013 1CH 011 043 Анан сын Маахин, и Иосафат Фафаин, 013 1CH 011 044 Озиа Астарофин, Самма и Иеил сынове Хофана Арариина, 013 1CH 011 045 Иедиил сын Саамерин, и Иозае брат его Фосаин, 013 1CH 011 046 Иелиил Маоин, и Арива, и Осоиа сын его, Енаам, и Иефема Моавитский, 013 1CH 011 047 Елиил, и Овид, и Иесиил Месовиев. 013 1CH 012 001 И сии приидоша ко Давиду в Сикелаг, егда еще обдержимь бяше от лица Саула сына Кисова: и сии от сильных помогающе во брани, 013 1CH 012 002 напрязающе лук десными и шуими руками, и пращницы каменем и стрелами, от братий Сауловых от (колена) Вениамина: 013 1CH 012 003 князь Ахиезер, и Иоас сын Самаа Гавафита, и Иезиил, и Фалиф, сынове Замофовы, и Варахиа, и Ииуа Анафофитин, 013 1CH 012 004 и Самаиа Гаваонитин, сильный посреде тридесятих и над тридесятию, и Иеремиа, и Иезекииль, и Иоаннан, и Иозаваф Гадарафитин, 013 1CH 012 005 Елиозий, и Иеримуф, и Ваалиа, и Самариа, и Сафатиа Аруфин, 013 1CH 012 006 Елкана, и Иесиа, и Иелиил, и Иезаар, и Иесваам, Коритяне, 013 1CH 012 007 и Иоила, и Завадиа, сынове Иероамли, и иже от Гедора. 013 1CH 012 008 И от Гадди прибегоша к Давиду, (егда таяшеся) в пустыни, мужие крепцы и бойцы нарочити, держащии щиты и копия: лица же их яко лица львова, и легцы яко серны на горах скоростию: 013 1CH 012 009 Азер в первых, Авдиа вторый, Алиад третий, 013 1CH 012 010 Масман четвертый, Иеремиа пятый, 013 1CH 012 011 Иеффиа шестый, Елиил седмый, 013 1CH 012 012 Иоанан осмый, Ельзавель девятый, 013 1CH 012 013 Иеремиа десятый, Махавенай первыйнадесять. 013 1CH 012 014 Сии от сынов Гадовых князи воинстии, един над стом малый, великий же над тысящею: 013 1CH 012 015 сии иже преидоша Иордан месяца перваго: и сей наполнен во всех брезех своих: и изгнаша всех, иже живяху в юдолех от восток даже до запад. 013 1CH 012 016 Приидоша же от сынов Вениаминих и Иудиных на помощь Давиду. 013 1CH 012 017 И изыде Давид во сретение им и рече им: аще мирно приидосте ко мне, да будет сердце мое такожде к вам: аще же предати мя супостатом моим не во истине руки, да видит Бог отец наших и судит. 013 1CH 012 018 И облече дух Амасию князя над тридесятию, и рече: иди, Давида сыне Иессеев, и людие твои: мир, мир тебе, и мир помощником твоим, яко тебе помогает Бог твой. И восприят их Давид и постави их князей сил. 013 1CH 012 019 И от Манассии прибегоша к Давиду, егда идяху иноплеменницы на Саула на брань, и не поможе им Давид, яко совет быти у воевод иноплеменничих, глаголющих: с главами мужей сих обратится ко господину своему Саулу. 013 1CH 012 020 И егда идяше Давид в Сикелаг, прибегоша к нему от Манассии Еднай и Иозаваф, и Иавнил и Михаил и Иосафаф и Елиу и Салафий, князи над тысящами у Манассии: 013 1CH 012 021 сии даша помощь Давиду на полчище геддуров, вси бо крепцы силою: и беша крепцы началницы в воинстве силою. 013 1CH 012 022 Зане на всяк день прихождаху к Давиду на помощь ему, в силу велику, аки сила Божия. 013 1CH 012 023 И сия имена князей воинства, иже приидоша ко Давиду в Хеврон, да возвратят царство Саулово к нему по словеси Господню: 013 1CH 012 024 сынове Иудины носящии щиты и копия шесть тысящ и осмь сот, крепцы ко ополчению: 013 1CH 012 025 от сынов Симеоних, крепцы силою на ополчение седмь тысящ и сто: 013 1CH 012 026 от сынов Левииных четыри тысящы и шесть сот: 013 1CH 012 027 и Иодда князь от колена Аароня, и с ним три тысящы и седмь сот: 013 1CH 012 028 и Садок, отрок крепкий силою, и дому отца его князи двадесять два: 013 1CH 012 029 от сынов же Вениаминих братий Сауловых три тысящы, и еще болшая часть их наблюдаше стражбу дому Сауля: 013 1CH 012 030 и от сынов Ефремлих двадесять тысящ и осмь сот крепцы силою, мужие именитии по домом отечеств их: 013 1CH 012 031 и от полуплемене Манассиина осмьнадесять тысящ, и иже нарекошася именем, да поставят царем Давида: 013 1CH 012 032 от сынов Иссахаровых мужие учени, иже познаваху времена разсуждению, что сотворити имать Израиль, в начала их двести, и вся братия их с ними: 013 1CH 012 033 и от Завулона исходящии ко ополчению брани, со всякими оружии бранными, пятьдесят тысящ, в помощь Давиду не с праздными руками: 013 1CH 012 034 и от Неффалима князей тысяща, и с ними в щитах и с копиями тридесять и седмь тысящ: 013 1CH 012 035 и от сынов Дановых ополчающиися на брань двадесять осмь тысящ и шесть сот: 013 1CH 012 036 и от Асира исходящии помощи в брани четыредесять тысящ: 013 1CH 012 037 и со оныя страны Иордана от сынов Рувимовых и от Гадовых и от полуплемене Манассиина во всем оружии браннем сто и двадесять тысящ. 013 1CH 012 038 Вси сии мужие браннии управлени ко ополчению сердцем мирным: и приидоша в Хеврон, да поставят царя Давида над всем Израилем: и прочии от Израиля едино сердце бяху, да царь будет Давид. 013 1CH 012 039 Быша же ту с Давидов три дни, ядуще и пиюще, уготоваша бо им братия их. 013 1CH 012 040 И иже близ их бяху даже до Иссахара и Завулона и Неффалима, приношаху им на ослех и велблюдех, и мсках и волех пищу, муку, перевясла смоквей и гроздие сухое, вино и елей, и волы и овны во множестве, радость бо бысть во Израили. 013 1CH 013 001 И сотвори совет Давид (со князи) и тысящники, и сотники и всеми началники, 013 1CH 013 002 и рече Давид ко всему собранию Израилеву: аще угодно вам, и от Господа Бога нашего благопоспешится, да послем к братиям нашым оставшымся во всей земли Израилеве, и с ними священницы и левити, во градех обдержания их, да соберутся к нам, 013 1CH 013 003 и да принесем кивот Бога нашего к нам, не взыскахом бо его во дни Саули. 013 1CH 013 004 И отвеща все собрание, да тако будет, зане угодно бысть слово сие всем людем. 013 1CH 013 005 И собра Давид всего Израиля от предел Египетских даже до входа Имафова, еже внести кивот Божий от Града Иарима. 013 1CH 013 006 И принесе его Давид: и весь Израиль взыде во град Давидов, иже бяше Иудин, еже вознести тамо кивот Господа Бога седяща на Херувимех, идеже призвано есть имя Его: 013 1CH 013 007 и постави кивот Божий на колесницу нову из дому Аминадавля: Оза же и братия его ведяху колесницу: 013 1CH 013 008 Давид же и весь Израиль играху пред Богом всею силою и в песнех и в гуслех, и псалтири и тимпанех, и кимвалех и в трубах: 013 1CH 013 009 и приидоша ко гумну Хидоню: и простре Оза руку свою, да поддержит кивот, юнец бо уклони его: 013 1CH 013 010 и прогневася Господь гневом на Озу и порази его ту, того ради, яко простре руку свою (и прикоснуся) кивоту, и умре ту пред Богом. 013 1CH 013 011 И оскорбися Давид, яко пресече Господь пресечением Озу, и нарече место то пресечение Озане, даже до дне сего. 013 1CH 013 012 И убояся Давид Бога в той день, глаголя: како внесу ко мне кивот Божий? 013 1CH 013 013 И не возврати Давид кивота к себе во град Давидов, но возврати и в дом Аведдара Гефеина: 013 1CH 013 014 и пребываше кивот Божий в дому Аведдарове три месяцы, и благослови Бог Аведдара и вся, яже имеяше. 013 1CH 014 001 И посла Хирам царь Тирский послы к Давиду, и древа кедровл, и здателей стен, и древоделей, да созиждут ему дом. 013 1CH 014 002 И позна Давид, яко уготова его Господь царем над Израилем, яко воздвижеся в высоту царство его, ради людий его Израиля, 013 1CH 014 003 и поят Давид еще жены во Иерусалиме: и родишася ему еще сынове и дщери. 013 1CH 014 004 И сия имена их, иже родишася ему во Иерусалиме: Саммаа и Совав, Нафан и Соломон, 013 1CH 014 005 и Иеваар и Елисуй и Елифааф 013 1CH 014 006 и Нагеф, и Нафаг и Иафие, 013 1CH 014 007 и Елисама и Валиада и Елифалет. 013 1CH 014 008 И услышаша иноплеменницы, яко помазан бысть Давид в царя над всем Израилем, и изыдоша вси иноплеменницы взыскати Давида. И услыша Давид и изыде противу их. 013 1CH 014 009 Иноплеменницы же приидоша и разлияшася во юдоли Исполинов. 013 1CH 014 010 И вопроси Давид Бога, глаголя: аще взыду на иноплеменники, и предаси ли их в руки моя? И рече ему Бог: взыди, и предам их в руки твоя. 013 1CH 014 011 И изыде во Ваал-Фарасин, и порази их тамо Давид. И рече Давид: разсече Бог враги моя рукою моею, якоже разсечение воды. Сего ради нарече имя месту тому Фарасин, Разсечение. 013 1CH 014 012 И оставиша тамо боги своя иноплеменницы, ихже Давид повеле сожещи огнем. 013 1CH 014 013 И приложиша еще иноплеменницы, и разлияшася еще во юдоли Исполинов. 013 1CH 014 014 И вопроси паки Давид Бога. И рече ему Бог: не исходи за ними: отвратися от них, и приидеши на них прямо грушей: 013 1CH 014 015 и будет егда услышиши глас шума верхов грушей, тогда изыдеши на брань, яко изыде Бог пред тобою, да поразит полки иноплеменнически. 013 1CH 014 016 И сотвори Давид, якоже повеле ему Бог: и порази полки филистимов от Гаваона даже до Газира. 013 1CH 014 017 И прославися имя Давидово во всех странах, и Господь даде страх его на вся языки. 013 1CH 015 001 И сотвори себе домы во граде Давидове, и уготова место кивоту Божию, и сотвори ему скинию. 013 1CH 015 002 Тогда рече Давид: не леть есть, (да от всякаго) носится кивот Божий, но токмо от левит, понеже избра их Господь носити кивот Господень и служити Ему даже до века. 013 1CH 015 003 И собра Давид весь Израиль во Иерусалим, да внесется кивот Божий на место, еже уготова ему. 013 1CH 015 004 И собра Давид сынов Аароновых и левиты: 013 1CH 015 005 от сынов Каафовых Уриил началник и братия его, сто двадесять: 013 1CH 015 006 от сынов Мерариных Асаиа началник и братия его, двести пятьдесят: 013 1CH 015 007 от сынов Герсоних Иоиль началник и братия его, сто тридесять: 013 1CH 015 008 от сынов Елисафаних Семеиа началник и братия его, двести: 013 1CH 015 009 от сынов Хевроновых Елиил началник и братия его, осмьдесят: 013 1CH 015 010 от сынов Озиилевых Аминадав началник и братия его, сто дванадесять. 013 1CH 015 011 И призва Давид Садока и Авиафара священники, и левиты Уриила, Асаиа и Иоиля, и Семеиана и Елиила и Аминадава, 013 1CH 015 012 и рече к ним: вы, началницы отечеств левитских, освятитеся вы и братия ваша, и принесите кивот Господа Бога Израилева (на место), идеже уготовах ему: 013 1CH 015 013 яко прежде вам не готовым сущым, раздели Господь Бог наш в нас, яко не взыскахом Его по разсуждению. 013 1CH 015 014 И освятишася священницы и левити, да внесут кивот Господа Бога Израилева. 013 1CH 015 015 И взяша сынове левитстии кивот Божий, якоже повеле Моисей словом Божиим по писанию, рамены своими на носилех. 013 1CH 015 016 И рече Давид началником левитским: поставите братию свою певцев во органех, песнех мусикийских, псалтирех, в гуслех и кимвалех, да возгласят в высоту гласом веселия. 013 1CH 015 017 И поставиша левити Емана сына Иоилева: и от братий его Асафа сына Варахиина: и от сынов Мерариных, братий его, Ефана сына Кисеова: 013 1CH 015 018 и с ними братия их, втории (чином), Захариа и Озиил, и Семирамоф и Иеиил, и Ананий и Елиав, и Ванеа и Маасиа, и Маттафиа и Елифала, и Макениа и Авдедом, и Иеиил и Озиа, дверницы. 013 1CH 015 019 И певцы Еман, Асаф и Ефам в кимвалы медяны (возглашающе) в слышание: 013 1CH 015 020 Захариа же и Озиил, и Семирамоф и Иеиил, и Ананий и Елиав, и Маасиа и Ванеа со гусльми тайны пояху: 013 1CH 015 021 и Маттафиа и Елифала, и Макениа и Авдедом, и Иеиил и Озиа в кимвалех пояху, еже превзыти: 013 1CH 015 022 и Хонениа началник левитский, началник пений, зане разумен бе: 013 1CH 015 023 и Варахиа и Елкана дверницы кивота: 013 1CH 015 024 и Совениа и Иосафат, и Нафанаил и Амасиа, и Захариа и Ванай и Елиезер священницы трубящии трубами пред кивотом Божиим: и Авдедом и Иеиа дверницы кивота Божия. 013 1CH 015 025 И бе Давид и старейшины Израилевы и тысящницы идущии, еже изнести кивот завета Господня из дому Авдедомля с веселием. 013 1CH 015 026 И бысть егда укрепляше Бог левиты носящыя кивот завета Господня, и пожроша седмь телцев и седмь овнов: 013 1CH 015 027 Давид же бяше одеян ризою виссонною, и вси левити, носящии кивот завета Господня, певцы же и Хонениа началник песней поющих, на Давиде же бе ефуд виссонный. 013 1CH 015 028 И весь Израиль провождаше кивот завета Господня с восклицанием и гласом трубным, и с трубами и кимвалы, глашающе в гусли и кифары. 013 1CH 015 029 И бысть егда прииде кивот завета Господня даже до града Давидова, и Мелхола дщи Сауля смотряше во окно, и виде царя Давида скачуща и играюща и уничижи его в сердцы своем. 013 1CH 016 001 Принесоша убо кивот Божий и поставиша его посреде скинии, юже водрузи ему Давид, и принесоша всесожжения и спасителная пред Господем. 013 1CH 016 002 И соверши Давид вознося всесожжения и спасителная, и благослови люди во имя Господне, 013 1CH 016 003 и раздели всякому мужу Израилску, от мужа даже до жены, мужу хлеб един печеный, (и часть печена мяса, ) и пряженый со елеем семидал: 013 1CH 016 004 постави же пред лицем кивота завета Господня от левит, еже служити и возглашати (дела Его), и исповедати и хвалити Господа Бога Израилева: 013 1CH 016 005 Асаф началник, и другий по нем Захариа, Иеиил и Семирамоф, и Иеиил и Маттафиа, и Елиав и Ванеа и Авдедом: Иеиил же во органех и псалтири и гуслех, Асаф же в кимвалех возглашая: 013 1CH 016 006 и Ванеа и Озиил священницы (трубиша) выну в трубы пред кивотом завета Божия. 013 1CH 016 007 В той день устрои Давид в начале хвалити Господа рукою Асафа и братии его. 013 1CH 016 008 Песнь. Исповедайтеся Господеви и призывайте Его во имени Его, знаема сотворите людем начинания Его: 013 1CH 016 009 пойте Ему и воспойте Ему, поведите вся чудеса Его, яже сотвори Господь: 013 1CH 016 010 хвалите имя святое Его, да возвеселится сердце ищущее благоволения Его: 013 1CH 016 011 взыщите Господа и укрепитеся, взыщите лица Его выну: 013 1CH 016 012 помяните чудеса Его, яже сотвори, знамения и судбы уст Его, 013 1CH 016 013 семя Израилево, раби Его, сынове Иаковли, избраннии Его. 013 1CH 016 014 Той Господь Бог наш, во всей земли судбы Его. 013 1CH 016 015 Помянем во век завет Его, слово Его, еже заповедал в тысящы родов, 013 1CH 016 016 еже завеща Аврааму, и клятву Свою Исааку: 013 1CH 016 017 и постави е Иакову в повеление, Израилю в завет вечен, 013 1CH 016 018 глаголя: тебе дам землю Ханааню, уже достояния вашего. 013 1CH 016 019 Внегда быти им малым числом, яко умалишася и преселишася в ню, 013 1CH 016 020 и преидоша от языка в язык и от царствия к людем иным, 013 1CH 016 021 не остави мужа обидети их, и обличи о них цари: 013 1CH 016 022 не прикасайтеся помазанным Моим, и во пророцех Моих не лукавнуйте. 013 1CH 016 023 Воспойте Господеви, вся земля, возвестите от дне на день спасение Его, 013 1CH 016 024 возвестите во языцех славу Его, во всех людех чудеса Его, 013 1CH 016 025 яко велий Господь и хвален зело, страшен есть над всеми боги. 013 1CH 016 026 Яко вси бози языков идоли: Господь же наш небеса сотвори. 013 1CH 016 027 Слава и величество пред лицем Его, крепость и похвала в месте Его святем. 013 1CH 016 028 Дадите Господеви, отечествия языков, дадите Господеви славу и крепость, 013 1CH 016 029 дадите Господеви славу имени Его: возмите дары и принесите пред лице Его, и поклонитеся Господеви во дворех святых Его. 013 1CH 016 030 Да убоится от лица Его вся земля, да исправится земля и да не подвижится: 013 1CH 016 031 да возвеселятся небеса и да возрадуется земля, и да рекут во языцех: Господь царствует. 013 1CH 016 032 Да возгласит море и исполнение его, и древа польская, и вся яже на них. 013 1CH 016 033 Тогда возвеселятся древа дубравная пред лицем Господним, яко прииде судити земли. 013 1CH 016 034 Исповедайтеся Господеви, яко благ, яко в век милость Его, 013 1CH 016 035 и глаголите: спаси ны, Боже, Спасителю наш, и собери нас, и изми нас от язык, да хвалим имя святое Твое, и хвалимся во хвалениих Твоих. 013 1CH 016 036 Благословен Господь Бог Израилев от века даже и до века. И рекут вси людие: аминь. И восхвалиша Господа. 013 1CH 016 037 И оставиша тамо пред кивотом завета Господня Асафа и братию его, да служат пред кивотом выну по вся дни: 013 1CH 016 038 и Авдедом и братия его, шестьдесят осмь: и Авдедом сын Идифунь и Осай (поставлени) во дверники: 013 1CH 016 039 Садока же священника и братию его священниками пред скиниею Господнею в вышних иже в Гаваоне, 013 1CH 016 040 да возносят всесожжения Господеви на олтари всесожжений выну утро и вечер, и по всем яже писана суть в законе Господни, елика повеле сыном Израилевым рукою Моисеа раба Божия: 013 1CH 016 041 и с ними Еман и Идифум и прочии избраннии кийждо званием своим еже хвалити Господа, яко в век милость Его: 013 1CH 016 042 и с ними трубы и кимвалы еже возглашати, и органы пений Божиих: сынове же Идифумли во вратех (стояху). 013 1CH 016 043 И идоша вси людие кийждо в дом свой, и Давид возвратися, да благословит дом свой. 013 1CH 017 001 И бысть егда обиташе Давид в дому своем, и рече Давид к Нафану пророку: се, аз живу в дому кедрове, кивот же завета Господня под кожами. 013 1CH 017 002 И рече Нафан к Давиду: все еже в сердцы твоем твори, яко Бог с тобою есть. 013 1CH 017 003 И бысть нощи тоя, и бысть слово Господне к Нафану, глаголя: 013 1CH 017 004 иди и рцы Давиду рабу Моему: сия рече Господь: не созиждеши ты Мне дому, еже обитати Ми в нем: 013 1CH 017 005 яко не обитах в дому от дне, в оньже изведох Израиля (от земли Египетския), даже до дне сего, но бых в скинии и в шатре: 013 1CH 017 006 во всех аможе ходих со всем Израилем, аще глаголя глаголах коему колену Израилеву, имже повелех да пасут люди Моя, глаголя: чесо ради не создасте Мне дому кедрова? 013 1CH 017 007 И ныне тако рцы рабу Моему Давиду: сия рече Господь Вседержитель: Аз изях тя от паствы, егда последовал еси стаду, еже быти тебе вождем над людьми Моими Израилем, 013 1CH 017 008 и бых с тобою во всех, идеже ходил еси, и потребих вся враги твоя от лица твоего, и сотворих тебе имя якоже имя великих, иже на земли: 013 1CH 017 009 и дах место людем Моим Израилю, и насадих я, и обитают в нем, и не возскорбят ктому: ни сынове беззакония приложат смирити их якоже от начала 013 1CH 017 010 и от дний, в няже дах судии людем Моим Израилю, и смирих вся враги твоя, и возращу тя, и дом созиждет ти Господь: 013 1CH 017 011 и будет егда исполнятся дние твои и почиеши со отцы твоими, и воздвигну семя твое по тебе, еже будет от чрева твоего, и возставлю царство его: 013 1CH 017 012 той созиждет Мне дом, и укреплю престол его даже до века: 013 1CH 017 013 Аз буду ему во отца, и той будет Мне в сына: и милость Мою не отиму от него, якоже отях от бывших прежде тебе: 013 1CH 017 014 и уверю его в дому Моем и во царствии его даже до века, и престол его будет исправлен до века. 013 1CH 017 015 По всем словесем сим и по всему видению сему тако глаголал есть Нафан к Давиду. 013 1CH 017 016 И прииде царь Давид, и седе пред Господем, и рече: кто есмь аз, Господи Боже мой? И что дом мой, яко возлюбил мя еси до века? 013 1CH 017 017 И сия мала суть пред Тобою, Боже, и глаголал еси на дом раба Твоего (еще) издалеча, и призрел еси на мя яко видение человека, и возвысил мя еси, Господи Боже: 013 1CH 017 018 что приложит еще Давид к Тебе еже прославити? И ты раба Твоего веси: 013 1CH 017 019 Господи, раба Твоего ради сотворил еси все величие сие и по сердцу Твоему, еже знаема сотворити вся величия Твоя: 013 1CH 017 020 Господи, несть подобен Тебе, и несть Бога разве Тебе, по всем елика слышахом ушима нашима, 013 1CH 017 021 и несть, якоже людие Твои Израиль, язык еще на земли, яко пойде Бог избавити люди Себе, еже положити имя Себе велие и славное, еже изгнати от лица людий Твоих, ихже избавил еси от Египта, языки: 013 1CH 017 022 и дал еси люди Твоя Израиля Тебе в люди даже до века, и Ты, Господи, был еси им в Бога: 013 1CH 017 023 и ныне, Господи, слово Твое, еже глаголал еси рабу Твоему и на дом его, да уверится до века: и сотвори якоже глаголал еси, 013 1CH 017 024 и да уверится и возвеличится имя Твое даже до века, глаголющих: Господи, Господи Вседержителю, Боже Израилев, и дом Давида раба Твоего да будет исправлен пред Тобою: 013 1CH 017 025 Ты бо, Господи Боже мой, отверзл еси ухо раба Твоего создати ему дом, сего ради обрете раб Твой (дерзновение) молитися пред лицем Твоим: 013 1CH 017 026 и ныне, Господи, Ты еси Сам Бог, и глаголал еси к рабу Твоему благая сия: 013 1CH 017 027 и ныне начни благословити дом раба Твоего, да будет во веки пред Тобою: яко Ты, Господи, благословил еси, и благослови во веки. 013 1CH 018 001 И бысть по сих, и порази Давид иноплеменники, и прогна их: и взя Геф и веси его от руки иноплеменничи. 013 1CH 018 002 И порази Давид Моава, и бяху Моавити раби Давиду приносяще ему дань. 013 1CH 018 003 И порази Давид Адраазара царя Сувска во Емафе, идущу ему поставити руку свою над рекою Евфратом: 013 1CH 018 004 и взя от него Давид тысящу колесниц и седмь тысящ конник и двадесять тысящ мужей пешцев, и разби Давид вся колесницы, и остави от них сто колесниц, (ихже удержа себе). 013 1CH 018 005 И прииде Сир от Дамаска, да помощь даст Адраазару царю Сувску, и порази Давид от Сировых двадесять две тысящы мужей: 013 1CH 018 006 и постави Давид стражу в Сирии, яже близ Дамаска, и бяху Давиду в рабы приносяще дани: и спасе Господь Давида во всех, в нихже хождаше. 013 1CH 018 007 И взя Давид гривны златыя, ихже имеша раби Адраазаровы, и принесе я во Иерусалим. 013 1CH 018 008 И из Метавефа и от избранных градов Адраазаровых взя Давид меди много зело, из неяже сотвори Соломон море медяно, и столпы, и сосуды медяныя. 013 1CH 018 009 И услыша Фоа царь Емафский, яко порази Давид всю силу Адраазара царя Сувска, 013 1CH 018 010 и посла Адурама сына своего к царю Давиду, да вопросит его, яже о мире, и благословити его о сем, яко победи Адраазара и порази его, понеже муж противен бяше Фоа Адраазару. 013 1CH 018 011 И вся сосуды златыя и сребряныя и медяныя, и сия освяти царь Давид Господу со сребром и златом, яже взя от всех язык, от Идумеи и Моава, и от сынов Аммоних и от иноплеменник и от Амалика. 013 1CH 018 012 Авесса же сын Саруиев порази Идумею во юдоли Сланей, осмьнадесять тысящ: 013 1CH 018 013 и постави во юдоли стражу, и беша вси Идумеане раби Давиду. И спасаше Господь Давида во всех, в нихже хождаше. 013 1CH 018 014 И воцарися Давид над всем Израилем, и бе творя суд и правду всем людем своим. 013 1CH 018 015 Иоав же сын Саруиев (бысть) над воинством, и Иосафат сын Ахилудов памятописец, 013 1CH 018 016 и Садок сын Ахитов и Авимелех сын Авиафаров священницы, и Суса книгочий, 013 1CH 018 017 и Ванеа сын Иодаев над Херефием и над Фелефием: сынове же Давидовы первии преемницы царевы. 013 1CH 019 001 И бысть по сих, умре Наас царь сынов Аммоних, и воцарися Амам сын его вместо его. 013 1CH 019 002 И рече Давид: сотворю милость со Ананом сыном Наасовым, якоже сотвори отец его милость со мною. И посла Давид послы на утешение ему о отце его. И приидоша отроцы Давидовы в землю сынов Аммоних ко Анану, да утешат его. 013 1CH 019 003 И рекоша началницы сынов Аммоних ко Анану: еда прославляя Давид отца твоего пред тобою, посла к тебе утешители? Никако: но да испытают град и соглядают землю, приидоша к тебе отроцы его. 013 1CH 019 004 И взя Анан рабов Давидовых, и обри их, и отреза от риз их половину даже до чресл, и отпусти их. 013 1CH 019 005 И приидоша возвестити Давиду о мужех: и посла во сретение им, яко быша обезчещени зело. И рече царь: седите во Иерихоне, дондеже возрастут брады вашя, и возвратитеся. 013 1CH 019 006 И видеша сынове Аммони, яко посрамлени быша людие Давидовы, и посла Анан и сынове Аммони тысящу талант сребра, да наймут себе от Сирии Месопотамски, и от Сирии Мааха, и от Сувы колесницы и конники: 013 1CH 019 007 и наяша себе тридесять две тысящы колесниц и царя Мааха и людий его: и приидоша и ополчишася прямо Мидаве: и сынове Аммони собрашася от градов своих и приидоша на брань. 013 1CH 019 008 И услыша Давид, и посла Иоава и все воинство сильных. 013 1CH 019 009 И изыдоша сынове Аммони и ополчишася на брань при вратех градских: царие же пришедшии ополчишася особно на поли. 013 1CH 019 010 И виде Иоав, яко бысть на него противное лице брани сопреди и созади, и избра от всех юнош Израилевых и устрои их противу Сира, 013 1CH 019 011 и останок людий даде в руце брату своему Авессе, и ополчишася противу сынов Аммоних. 013 1CH 019 012 И рече: аще укрепится Сир паче мене, то будеши мне во спасение: аще же сынове Аммони укрепятся паче тебе, то аз спасу тя: 013 1CH 019 013 мужайся, и укрепимся о людех наших и о градех Бога нашего, и Господь, еже благо пред очима его, сотворит. 013 1CH 019 014 И ополчися Иоав и вси людие, иже с ним, противу Сирян на брань, и побегоша от них. 013 1CH 019 015 Сынове же Аммони видеша, яко побегоша Сиряне, и побегоша и они от лица Авессы и от лица Иоава брата его, и внидоша во град: Иоав же возвратися во Иерусалим. 013 1CH 019 016 И виде Сир, яко победи его Израиль, и посла послы: и изведоша Сира, иже бе за рекою, Софак же первоначалник тысящником силы Адраазаровы пред ними. 013 1CH 019 017 И возвещено бысть Давиду, и собра весь Израиль, и прейде Иордан, и прииде на них, и ополчися противу их: и ополчися Давид противу Сира на брань и воева нань. 013 1CH 019 018 И убеже Сир от лица Израилева, и уби Давид от Сира седмь тысящ колесниц и четыредесять тысящ пешцев, и Софака первоначалника силы уби. 013 1CH 019 019 И видеша раби Адраазаровы, яко падоша от лица Израилева, и прибегоша к Давиду, и служаху ему: и не восхоте Сир помогати сыном Аммоним ктому. 013 1CH 020 001 И бысть в находящее лето во время исхождения царей (ко брани), и собра Иоав всю силу воинства, и опустоши землю сынов Аммоних: приидоша же и обседоша Равваф. Давид же пребываше во Иерусалиме: Иоав же порази Равваф и разори его. 013 1CH 020 002 Взя же Давид венец Молхома царя их от главы его, и обретеся вес в нем талант злата, и в нем камень драгий, и бе на главе Давидове: плены же градски взя многи зело, 013 1CH 020 003 и людий сущих в нем изведе и претре пилами и орудии железными и разсецающими: тако сотвори Давид всем градом сынов Аммоних, и возвратися Давид и вси людие его во Иерусалим. 013 1CH 020 004 И бысть по сем, и начася еще брань в Газере со иноплеменники: тогда порази Совохай Усафитянин Сафута от сынов Исполиновых и смири его. 013 1CH 020 005 И бысть еще брань противу иноплеменник, и порази Елеанан сын Иаиров Лаомиа, брата Голиафа Гефейскаго, емуже древо копия его яко навой ткущих. 013 1CH 020 006 И бысть еще брань в Гефе, и бе муж зело велик, по шести имеющь перстов, всех двадесять четыре, и сей бе от колена Исполинов, 013 1CH 020 007 и поноси Израиля: и порази его Ионафан сын Саммаа брата Давидова. 013 1CH 020 008 Сии родишася Рафаю в Гефе, всех их бе четыри исполины, и падоша рукою Давидовою и рукою рабов его. 013 1CH 021 001 Воста же диавол на Израиля и подусти Давида, да сочислит Израиля. 013 1CH 021 002 И рече царь Давид ко Иоаву и к началником силы: идите и сочтите Израиля от Вирсавеи даже до Дана, и принесите ко мне, да познаю число их. 013 1CH 021 003 И рече Иоав: да приложит Господь к людем Своим, якоже сии сторицею, и очи господина моего царя да видят: не вси ли господину моему царю раби суть? И почто хощет сего господин мой? Дабы не вменилося в грех Израилю. 013 1CH 021 004 Но слово царево преможе Иоава: и пойде Иоав, и обыде всего Израиля, и прииде во Иерусалим. 013 1CH 021 005 И даде Иоав Давиду число сочтения людий: и обретеся всего Израиля тысяща тысящ и сто тысящ мужей и носящих оружия: и от сынов Иудиных четыре ста и седмьдесят тысящ мужей носящих оружие: 013 1CH 021 006 Левии же и Вениамина не сочте среде их, понеже вознегодова о словеси цареве Иоав. 013 1CH 021 007 И не угодно явися пред Богом повеление сие, и порази Израиля. 013 1CH 021 008 Рече же Давид ко Богу: согреших зело, яко сотворих вещь сию: и ныне молю, отими беззаконие раба Твоего, яко обезумихся зело. 013 1CH 021 009 И рече Господь ко Гаду пророку Давидову, глаголя: 013 1CH 021 010 иди и рцы к Давиду, глаголя: тако глаголет Господь: трие Аз наведу на тя, избери себе едино от них, и сотворю тебе. 013 1CH 021 011 И прииде Гад к Давиду и рече ему: 013 1CH 021 012 сице глаголет Господь: избери себе, (еже хощеши, ) или три лета глада, или три месяцы бегати тебе от лица враг твоих, и оружие враг твоих постигнет тя, или три дни мечь Господень, и смерть на землю, и Ангел Господень убиваяй во всем наследии Израилеве: ныне убо разсмотри, что отвещаю Пославшему мя со словом. 013 1CH 021 013 И рече Давид ко Гаду: тесна ми суть три сия зело: но лучше ми есть впасти в руце Господни, зане многи щедроты Его зело, в руки же человеческия да не впаду. 013 1CH 021 014 И посла Господь смерть во Израиля, и падоша от Израиля седмьдесят тысящ мужей. 013 1CH 021 015 И посла Бог Ангела во Иерусалим, да избиет его. И егда избиваше, виде Господь и раскаяся о зле, и рече Ангелу избивающему: довлеет ти, отими руку твою. Ангел же Господень стояше на гумне Орны Иевусеанина. 013 1CH 021 016 И возведе Давид очи своя, и виде Ангела Господня стояща между землею и небом, и мечь его извлечен в руку его, простерт на Иерусалим. И паде Давид и старейшины (Израилевы) облеченнии во вретище на лице свое, 013 1CH 021 017 и рече Давид к Богу: не аз ли повелех сочислити люди? Аз есмь, иже согреших, и зло творя зло сотворих, сия же овцы что сотвориша? Господи Боже мой, да будет рука Твоя на мне и на дому отца моего, а не на людех Твоих в погубление, Господи. 013 1CH 021 018 Ангел же Господень рече Гаду, еже глаголати к Давиду: да взыдет и созиждет олтарь Господу Богу на гумне Орны Иевусеанина. 013 1CH 021 019 И взыде Давид по словеси Гадову, еже глагола именем Господним. 013 1CH 021 020 И обратися Орна и виде царя, и четыри сынове его с ним крыющиися. Орна же бе (в то время) млатя на гумне пшеницу. 013 1CH 021 021 И прииде Давид ко Орне, и обратися Орна, и узре Давида, и пойде от гумна, и поклонися Давиду лицем на землю. 013 1CH 021 022 Рече же Орне Давид: даждь мне место гумна твоего, да созижду на нем олтарь Господеви, на сребре достойне даждь ми е, и престанет язва от людий. 013 1CH 021 023 Рече же Орна к Давиду: возми себе, и да сотворит господин мой царь, еже угодно пред ним: се, даю телцы на всесожжение, и плуг на дрова, и пшеницу в жертву, вся (добровольно) даю. 013 1CH 021 024 И рече царь Давид Орне: ни, но куплею куплю, сребром достойным, понеже не возму Господеви, яже суть твоя, еже вознести всесожжение туне Господеви. 013 1CH 021 025 И даде Давид Орне за место то сикль златых весом шесть сот. 013 1CH 021 026 И созда ту Давид олтарь Господеви, и вознесе всесожжения и спасителная и воззва ко Господу, и услыша его во огни от небесе на олтарь всесожжения, и потреби всесожжение. 013 1CH 021 027 И рече Господь ко Ангелу: и вложи мечь во влагалище его. 013 1CH 021 028 Во время оно, егда виде Давид, яко услыша его Господь на гумне Орны Иевусеанина, и пожре ту жертвы. 013 1CH 021 029 И скиния Господня, юже сотвори Моисей в пустыни, и олтарь всесожжения во время оно бысть в вышнем, еже в Гаваоне. 013 1CH 021 030 И не возможе Давид ити пред него, еже вопросити Бога, понеже устрашен бысть от лица меча Ангела Господня. 013 1CH 022 001 Рече же Давид: се есть дом Господа Бога, и сей олтарь на всесожжения Израилю. 013 1CH 022 002 И рече Давид собрати вся пришелцы, иже на земли Израилеве, и постави каменосечцев сещи камения тесаная, да созиждется дом Божий. 013 1CH 022 003 Железо же много на гвозди дверем и вратом на спаяние уготова Давид, и меди множеству не бе числа: 013 1CH 022 004 и древам кедровым не бе числа: яко принесоша Сидоняне и Тиряне древ кедровых множество Давиду. 013 1CH 022 005 И рече Давид: Соломон сын мой детищь млад, дом же еже созидати Господеви в величество высоко, во имя и в славу во всю землю, уготовлю ему. И уготова Давид (всего) множество прежде скончания своего. 013 1CH 022 006 И призва Давид Соломона сына своего и заповеда ему, да созиждет дом Господу Богу Израилеву. 013 1CH 022 007 Рече же Давид к Соломону: чадо, мне бяше в сердцы, да созижду дом имени Господа Бога моего: 013 1CH 022 008 и бысть слово Господне ко мне, глаголющее: многи крови пролиял еси и многи брани сотворил еси, не созиждеши дому имени Моему, яко многи крови пролиял еси на землю предо Мною: 013 1CH 022 009 се, сын родится тебе, сей будет муж покоя, и упокою его от всех враг его окрест, зане Соломон имя ему, и мир и покой дам ему над Израилем во дни его: 013 1CH 022 010 той созиждет дом имени Моему, и той будет Мне в сына, и Аз буду ему во отца: и исправлю престол царства его во Израили до века: 013 1CH 022 011 ныне убо, сыне мой, будет Господь с тобою и благопоспешит, и созиждеши дом Господу Богу твоему, якоже глагола о тебе: 013 1CH 022 012 да даст же тебе премудрость и разум Господь и да укрепит тя над Израилем, еже хранити и творити закон Господа Бога твоего: 013 1CH 022 013 тогда благопоспешит, аще сохраниши творити заповеди и судбы, яже повеле Господь Моисеови, (да учит) Израиля: мужайся и крепися, не бойся, ниже устрашися: 013 1CH 022 014 и се, аз по убожеству моему уготовах на дом Господень злата талантов сто тысящ, и сребра тысяща тысящ талантов, медь же и железо, емуже несть веса, понеже множество есть, и древа и камения уготовах, и к сим да приложиши: 013 1CH 022 015 и с тобою Господь, и приложиши ко множеству творящих дела, художницы, и строителие камений, и древоделе, и всяк мудрец во всяцем деле, 013 1CH 022 016 в злате и сребре, в меди и железе несть числа: востани убо и твори, и Господь с тобою. 013 1CH 022 017 И повеле Давид всем началником Израилевым, да помогают Соломону сыну его, глаголя: 013 1CH 022 018 не Господь ли с вами? И даде вам покой окрест, зане даде в руки вашя живущих на земли, и покорена земля пред Господем и пред людьми Его: 013 1CH 022 019 ныне убо дадите сердца ваша и душы вашя еже взыскати Господа Бога вашего, и востаните и созидайте святыню Господу Богу вашему, да внесется кивот завета Господня и сосуды святыя Богови в дом созидаемый имени Господню. 013 1CH 023 001 И Давид стар и исполнен дний, и воцари Соломона сына своего вместо себе над Израилем: 013 1CH 023 002 и собра всех князей Израилевых, и священников, и левитов: 013 1CH 023 003 сочтени же быша левити, от тридесяти лет и вышше, и бысть число их по главам их, мужей тридесять и осмь тысящ: 013 1CH 023 004 от сих избрани на дела дому Господня двадесять четыри тысящы, и книгочей и судий шесть тысящ, 013 1CH 023 005 и четыри тысящы дверников, и четыри тысящы поющих Господеви во органы, ихже сотвори ко хвалению Господню. 013 1CH 023 006 И раздели их Давид на чреды сыном Левииным, Гирсону, Каафу и Мераре: 013 1CH 023 007 и Гирсону и Леадану и Семею. 013 1CH 023 008 Сынове Леадани: началник Иеиил и Зефоф и Иоиль, трие. 013 1CH 023 009 Сынове же Семеовы: Саломиф и Азаил и Арам, трие: сии началницы отечеств Леаданих. 013 1CH 023 010 И сыном Семеовым Иеф и Зизай, и Иоас и Вериа: тии сынове Семеовы четыре. 013 1CH 023 011 Бе же Иеф первый и Зизай вторый: Иоас же и Вариа не иместа многих сынов и быста в дому отечества в причтение едино. 013 1CH 023 012 Сынове Каафовы: Амврам и Иссаар, Хеврон, Озиил, четыри. 013 1CH 023 013 Сынове Амврамли: Аарон и Моисей: отлучен же бысть Аарон еже освящати Святая Святых, той и сынове его во веки, и да кадит фимиамом пред Господем, служит Ему и молится во имя Его до века. 013 1CH 023 014 Моисей же человек Божий и сынове его причтени суть в колено Левиино. 013 1CH 023 015 Сынове Моисеовы: Гирсам и Елиезер. 013 1CH 023 016 Сынове Гирсамли, Суваил началник. 013 1CH 023 017 Быша же сынове Елиезеру, Равиа началник: и не беша Елиезеру сынове инии: сынове же Равиини умножени суть зело. 013 1CH 023 018 Сынове Иссааровы, Саллумоф началник. 013 1CH 023 019 Сынове Хеврони: Иериав первый, Амариа вторый, Иазиил третий Иезекиа четвертый. 013 1CH 023 020 Сынове же Озиили: Миха первый, и Иессиа вторый. 013 1CH 023 021 Сынове Мерарины: Мооли и Муси. 013 1CH 023 022 Сынове моолиевы: Елеазар и Кис. Умре же Елеазар, и не быша ему сынове, но токмо дщери: и пояша их сынове Кисовы братия их. 013 1CH 023 023 Сынове Мусиины: Мооли и Едер и Иаримоф, трие. 013 1CH 023 024 Сии сынове Левиини по домом отечеств их, началницы отечеств их, по согляданию их, по числу имен их, по главам их, иже творяху дела служения дому Господня, от двадесяти лет и вышше. 013 1CH 023 025 Рече бо Давид: покой даде Господь Бог людем Своим Израилю, и вселися во Иерусалиме даже да века, 013 1CH 023 026 и левити не быша носяще скинию и вся сосуды ея к служению ея. 013 1CH 023 027 По повелению бо Давидову последнему есть число сыновом Левииным от двадесяти лет и вышше: 013 1CH 023 028 зане постави их под руку сыном Аароним, еже служити в дому Господни во дворех и в притворех, и во очищении всех святынь, и в делех служения дому Божия, 013 1CH 023 029 и над хлебами предложения, и над мукою пшеничною жертвы, и над пряжмами опресночными, и над сковрадою, и над печеным, и над всяким весом и мерою, 013 1CH 023 030 и еже стояти, утро хвалити и исповедатися Господеви, такожде и к вечеру, 013 1CH 023 031 и над всеми возносимыми всесожжении Господеви в субботы, и в новомесячиих, и в праздницех, по числу, по чину их выну Господеви, 013 1CH 023 032 и да сохранят стражбы скинии свидения, и стражу святилища, и стражбы сынов Аароних братий своих, да служат в дому Господни. 013 1CH 024 001 И сыном Аароним разделения: сынове Аарони: Надав и Авиуд, и Елеазар и Ифамар. 013 1CH 024 002 И умроста Надав и Авиуд прежде отца своего, и сынове не быша има: и священствова Елеазар и Ифамар, сынове Аарони. 013 1CH 024 003 И раздели их Давид, и Садок от сынов Елеазаровых, Ахимелех же от сынов Ифамаровых по сочислению их, по служению их и по домом отечеств их. 013 1CH 024 004 И обретошася сынове Елеазаровы множайшии в началники сил, нежели сынове Ифамаровы: и раздели их сыном Елеазаровым в началники в домы отечеств шестьнадесять, и сыном Ифамаровым по домом отечеств их, осмь. 013 1CH 024 005 Раздели же их по жребием между ими, понеже бяху началницы святилища и началницы Божии в сынех Елеазаровых и в сынех Ифамаровых: 013 1CH 024 006 описа же их Самаиа сын Нафанаиль писарь от левит пред царем и князи и Садоком священником и Ахимелехом сыном Авиафара, и началницы отечеств священников и левитов дому отечества, един ко Елеазару и един ко Ифамару. 013 1CH 024 007 И изыде жребий первый Иоариму, Иедию вторый, 013 1CH 024 008 Хариву третий, Сеориму четвертый, 013 1CH 024 009 Мелхию пятый, Меиамину шестый, 013 1CH 024 010 Аккосу седмый, Авии осмый, 013 1CH 024 011 Иисую девятый, Сехении десятый, 013 1CH 024 012 Елиасиву единонадесятый, Иакиму дванадесятый, 013 1CH 024 013 Оффаю тринадесятый, Иесваалу четыренадесятый, 013 1CH 024 014 Велгии пятыйнадесять, Еммиру шестыйнадесять, 013 1CH 024 015 Иефию седмыйнадесять, Афессию осмыйнадесять, 013 1CH 024 016 Феттию девятыйнадесять, и Езекиилю двадесятый, 013 1CH 024 017 Ахину двадесять первый, Гамуилу двадесять вторый, 013 1CH 024 018 Далеию двадесять третий, Иеилю двадесять четвертый. 013 1CH 024 019 Сие сочисление их по служению их входити в дом Господень по чину своему, рукою Аарона отца их, якоже повеле Господь Бог Израилев. 013 1CH 024 020 И сыном Левииным прочиим: сыном Амврамлим Соваил, сыном Соваилим Иадаиа, 013 1CH 024 021 сыном Равииным началник Иесиа, 013 1CH 024 022 сыном Иасарииным Саломоф, сыном Саломофовым Иаф: 013 1CH 024 023 сынове Иедиуа: Иериав первый, Амадиа вторый, Иазиил третий, Иекмоам четвертый. 013 1CH 024 024 Сыном Озиилим Миха, сынове Михины Самир: 013 1CH 024 025 брат Михин Исиа, сын Исиин Захариа. 013 1CH 024 026 Сынове Мерарины: Мооли и Муси, сын Озиин Вонний: 013 1CH 024 027 сынове Мерарины Озиа: сынове его Иесома и Закхур и Иовфи: 013 1CH 024 028 Моолию Елеазар (и Ифамар). Умре же Елеазар, не беша ему сынове. 013 1CH 024 029 Кису сын Кисов Иерамеил. 013 1CH 024 030 Сынове Мусины: Мооли и Едер и Еримоф. Сии сынове левитстии по домом отечеств своих. 013 1CH 024 031 Прияша же и тии жребия, якоже и братия их сынове Аарони, пред Давидом царем и Садоком и Ахимелехом и началники отечеств священнических и левитских: патриарси Аарони, якоже и братия его юнейшии. 013 1CH 025 001 И постави Давид царь и князи силы над делы сыны Асафовы и Емани и Идифумовы, иже провещаваху в гуслех и псалтирех и кимвалех, и бысть число их по главам мужей творящих дела своя. 013 1CH 025 002 Сынове Асафовы: Закхур и Иосиф, и Нафаниа и Асиил: сынове Асафовы держащеся Асафа пророка близ царя. 013 1CH 025 003 Идифуму сынове Идифумли: Годолиа и Сури, и Исеа и Семей, и Асавиа и Маттафиа, шесть по отце своем Идифуме в гусли бряцающе исповедание и хваление Господеви. 013 1CH 025 004 Еману сынове Емани: Вукиа и Мафаниа, и Озиил и Суваил, и Иеримуф и Ананиа, и Анан и Елиафа, и Годоллафий и Ромамфиезер, и Савах и Маллифий, а Офир и Мазиоф. 013 1CH 025 005 Вси сии сынове Емана бряцающаго царю в словесех Божиих, да вознесется рог. Даде же Бог Еману сынов четыренадесять и три дщери: 013 1CH 025 006 вси сии со отцем своим воспевающе в дому Божии в кимвалех и во псалтирех и гуслех, в служение дому Божия близ царя, и Асаф и Идифум, и Еман. 013 1CH 025 007 Бысть же число их со братиею их научени пению Господню и всех разумеющих (пения) двести осмьдесят и осмь. 013 1CH 025 008 Вергоша же и сии жребия чреды дневныя, по малу и по велику совершенных и учащихся. 013 1CH 025 009 И изыде жребий первый сынов его и братии его Асафу Иосифову, Годолиа: вторый иниа, сынове его и братия его дванадесять: 013 1CH 025 010 третий Закхур, сынове его и братия его дванадесять: 013 1CH 025 011 четвертый Иезрий, сынове его и братия его дванадесять: 013 1CH 025 012 пятый Нафан, сынове его и братия его дванадесять: 013 1CH 025 013 шестый Вукиа, сынове его и братия его дванадесять: 013 1CH 025 014 седмый Иериил, сынове его и братии его дванадесять: 013 1CH 025 015 осмый Иосиа, сынове его и братия его дванадесять, 013 1CH 025 016 девятый Матфаниа, сынове его и братии его дванадесять: 013 1CH 025 017 десятый Семеиа, сынове его и братия его дванадесять: 013 1CH 025 018 первыйнадесять Езриил, сынове его и братия его дванадесять: 013 1CH 025 019 вторыйнадесять Асавиа, сынове его и братия его дванадесять: 013 1CH 025 020 третийнадесять Суваил, сынове его и братии его дванадесять: 013 1CH 025 021 четвертыйнадесять Матфафиа, сынове его и братии его дванадесять: 013 1CH 025 022 пятыйнадесять Иеримуф, сынове его и братия его дванадесять: 013 1CH 025 023 шестыйнадесять Ананиа, сынове его и братия его дванадесять: 013 1CH 025 024 седмыйнадесять Иесвак, сынове его и братия его дванадесять: 013 1CH 025 025 осмыйнадесять Ананиа, сынове его и братия его дванадесять: 013 1CH 025 026 девятыйнадесять Меллифий, сынове его и братия его дванадесять: 013 1CH 025 027 двадесятый Елиафа, сынове его и братия его дванадесять: 013 1CH 025 028 двадесять первый Иефир, сынове его и братия его дванадесять: 013 1CH 025 029 двадесять вторый Годоллафий, сынове его и братия его дванадесять: 013 1CH 025 030 двадесять третий Меазоф, сынове его и братия его дванадесять: 013 1CH 025 031 двадесять четвертый Рометфиезер, сынове его и братия его дванадесять. 013 1CH 026 001 Разделение же дверников: сынове Кореовы, Моселлемиа сын Кореов от сынов Асафовых. 013 1CH 026 002 Сынове же Моселлемии: Захариа первенец и Иадиил вторый, Завадиа третий и Иафанаил четвертый, 013 1CH 026 003 Олам пятый, Ионафан шестый, Елионай седмый, Авдедом осмый. 013 1CH 026 004 Авдедому же сынове: Самиа первенец, Иозаваф вторый, Иоаф третий, Сахар четвертый, Рофануил пятый, 013 1CH 026 005 Амиил шестый, Иссахар седмый, Фелафий осмый, яко благослови его Бог. 013 1CH 026 006 Семею же сыну его рождени суть сынове первенца началницы в дому отечестем его, бяху бо сильни. 013 1CH 026 007 Сынове Семеиевы: Офни и Рафаил, и Овид и Елзавад и Ахиа, сынове сильни, Елиу и Савахиа и Исваком. 013 1CH 026 008 Вси тии от сынов Авдедомлих, сии и сынове их и братия их труждающеся крепко в делании, вси шестьдесят два Авдедому. 013 1CH 026 009 Моселлемию же сынове и братия осмьнадесять, сильнии. 013 1CH 026 010 Осе же от сынов Мерариных сынове Стрегущии начало, понеже не бысть ему первенец: и постави его отец его в началника разделения втораго: 013 1CH 026 011 Хелкиа вторый, Тавелиа третий, Захариа четвертый: вси сии сынове и братия Осины тринадесять. 013 1CH 026 012 Сии разделени суть в дверницы, да началствуют над сильными чреды, якоже и братия их служити в дому Господни. 013 1CH 026 013 И метнуша жребия на коегождо мала и велика по домом отечеств своих на каяждо врата: 013 1CH 026 014 и паде жребий сущих на востоки Селемию и Захарии. Сынове соазовы мелхии метнуша жребия, и паде жребий к северу. 013 1CH 026 015 Авдедому к югу прямо дому Есефима. 013 1CH 026 016 Во второе Осе к западу по вратех притвора восхождения, стража противу стражи. 013 1CH 026 017 Ко востоку по шести на день: к северу четыре на день: к полудни на день четыре: и к дому совета по два пременяющеся. 013 1CH 026 018 И Осе к западу по вратех притвора три, стражба противу стражбы восхождения к востоком, по шести на день, и на север по четыре, и к югу четыре, и к дому совета два пременяющеся, и к западу четыре, и к стези два пременяющеся. 013 1CH 026 019 Сия разделения дверником сыном Кореовым и сыном Мерариным. 013 1CH 026 020 Левити же братия их (беша) над сокровищи дому Господня и над сокровищи святынь. 013 1CH 026 021 Сынове Ладановы, сии сынове Герсони: Ладану началницы отечеств Ладаних, Герсону Иеиил. 013 1CH 026 022 Сынове Иеиили Земеф и Иоиль братия над сокровищи дому Господня, 013 1CH 026 023 Амвраму и Иссаару, Хеврону и Озиилу. 013 1CH 026 024 Суваил же сын Гирсама сына Моисеова настоятель над сокровищи. 013 1CH 026 025 Брату же его Елиезеру Равиа сын его, и Иосиа и Иорам, и Зехрий и Саломоф. 013 1CH 026 026 Той Саломоф и братия его над всеми сокровищи святыми, ихже освяти Давид царь и началницы отечеств, тысящницы и сотницы и вождеве силы, 013 1CH 026 027 яже взя из градов и от корыстей, и освяти я на пособление зданию дому Господня. 013 1CH 026 028 И над всеми, яже освяти Богу Самуил пророк и Саул сын Кисов, и Авенир сын Ниров и Иоав сын Саруиев, все еже освятиша рукою Саломофовою и братии его. 013 1CH 026 029 Иссаарию Хонениа и сынове его делания внешняго над Израилем, к наказанию и суждению. 013 1CH 026 030 Хеврону Асавиа и братия его сынове сильнии, тысяща и седмь сот над созиранием Израиля за Иорданом противу запада, на всякую службу Господню и на делание царево. 013 1CH 026 031 Хеврону Уриа началник Хевронитов по родом их, по отечеством, в четыредесятое лето царства Давидова сочтени суть, и обретени мужие сильни в них во Иазире Галаадитстем. 013 1CH 026 032 И братия его сынове сильнии, две тысящы седмь сот, началницы отечеств, и постави их Давид царь над Рувимом и Гадом и над половиною колена Манассиина, во всякое повеление Господне и слово царево. 013 1CH 027 001 Сынове же Израилевы но числу своему, началницы отечеств, тысящницы и сотницы и книгочии служащии царю, и на всякое слово царево по разделением, и на всякое слово входящаго и исходящаго, месяц от месяца, во вся месяцы лета разделение едино, двадесять четыре тысящы. 013 1CH 027 002 И над первым разделением в первый месяц бысть Извоаз сын Завдиилов, в разделении его двадесять четыре тысящы: 013 1CH 027 003 от сынов Фаресовых, началник всем князем воинства месяца перваго. 013 1CH 027 004 И над разделением месяца втораго Додай Екхотский и над разделением его, и Макеллоф вождь, и в разделении его двадесять четыре тысящи, князи силы. 013 1CH 027 005 Третий месяца третияго Ванеа сын Иодаев, иже священник началный, и в разделении его двадесять четыре тысящы: 013 1CH 027 006 сей Ванеа крепчайший между тридесятми, и над тридесятми: и над разделением его Завад сын его. 013 1CH 027 007 Четвертый месяца четвертаго Асаил брат Иоавль, и Завадиа сын его и братия, и в полце его двадесять четыре тысящы. 013 1CH 027 008 Пятый пятаго месяца началник Самаоф сын Иезраев, и в полце его двадесять и четыре тысящы. 013 1CH 027 009 Шестый месяца шестаго Одуиа сын Еккисов Фекуитянин, и в полце его двадесять и четыре тысящы. 013 1CH 027 010 Седмый месяца седмаго Хеллис иже от Фалуса, от сынов Ефремлих, и в полце его двадесять и четыре тысящы. 013 1CH 027 011 Осмый месяца осмаго Совохай Усафитянин, от колена Зараина, и в полце его двадесять и четыре тысящы. 013 1CH 027 012 Девятый месяца девятаго Авиезер, иже от Анафофа, от земли Вениамини, и в полце его двадесять и четыре тысящы. 013 1CH 027 013 Десятый месяца десятаго Меирай, иже от Нетофафита, от колена Зараина, и в полце его двадесять и четыре тысящы. 013 1CH 027 014 Первыйнадесять месяца первагонадесять Ванаиа, иже от Фарафона, от сынов Ефремлих и в полце его двадесять и четыре тысящы. 013 1CH 027 015 Вторыйнадесять месяца вторагонадесять Холдиа, иже от Нетофафита, от колена Гофониилева, и в полце его двадесять и четыре тысящы. 013 1CH 027 016 И над племены Израилевыми, Рувиму вождь Елиезер, сын Зехриев: Симеону Сафатиа, сын Мааха: 013 1CH 027 017 Левию Асавиа, сын Камуилев: Аарону Садок: 013 1CH 027 018 Иуде Елиав от братий Давидовых: Иссахару Амри, сын Михаилов: 013 1CH 027 019 Завулону Самаиа, сын Авдиев: Неффалиму Иеримоф, сын Озииль: 013 1CH 027 020 Ефрему Осий, сын Озазиев: полуплемени Манассиину Иоиль, сын Фадеев: 013 1CH 027 021 полуплемени Манассиину сущему в земли Галаадстей Иаддай сын Завадиин: сыном Вениаминим Иасиил, сын Авениров: 013 1CH 027 022 Дану Азариил, сын Иорамов. Сии быша началницы племеном Израилевым. 013 1CH 027 023 Не хоте же Давид счести их от двадесятилетнаго и нижае: зане рече Господь умножити Израиля, яко звезды небесныя. 013 1CH 027 024 Иоав же сын Саруиев нача сочитати люди, и не соверши: сего ради бысть гнев Божий на Израиля: и не внесеся сочисление в книгу словес царя Давида. 013 1CH 027 025 Над сокровищи же царскими бысть Асмоф сын Одиилев: и над сокровищи, иже на нивах и в селех, и в весех и в столпех, Ионафан сын Озиев: 013 1CH 027 026 и над земледелатели землю делающими Ездрай сын Хелувов: 013 1CH 027 027 и над селы Семей Армафейский: и над сокровищами виноградными Замвдиа сын Сефамиев: 013 1CH 027 028 над маслинами же и над черничием, иже бяху на полях, Валанан Гедоритянин: над сокровищи елеа Иоас: 013 1CH 027 029 над скоты же, иже пасяхуся в Сароне, Сатрай Саронитянин: и над волы, иже во юдолех, Софат сын Адаин: 013 1CH 027 030 над велблюды же Увиа Исмаилтянин: над ослы же Иадиа, иже от Марафона: 013 1CH 027 031 и над овцами Иоас Агаритин. Вси тии началницы имений Давида царя. 013 1CH 027 032 Ионафан же дядя Давидов (бысть) советник, муж мудр и книжен сый: и Иеиль сын Ахаманиев бе с сынами царевыми. 013 1CH 027 033 Ахитофел советник царев, и Хусиа первейший друг царев, 013 1CH 027 034 и по (нем) Ахитофеле бысть (близ)) Иодай сын Ванеин и Авиафар: и Иоав началный воевода царев. 013 1CH 028 001 Собра же Давид вся началники Израилевы, началники судий и колен, и вся началники полков, почредно стрегущих царя, и началники тысящей и сотней, и стражы сокровищ, и сущыя над имениями своими и над всем стяжанием царевым, и сынов своих со евнухами, и сильныя и храбрыя воинства во Иерусалим. 013 1CH 028 002 И воста Давид царь посреде собрания и рече: слышите мя, братия моя и людие мои: бысть мне на сердцы создати дом упокоения кивоту завета Господня и подножие ног Господа (Бога) нашего, и уготовах на созидание потребная: 013 1CH 028 003 Бог же рече: не созиждеши мне дому еже именовати имя Мое в нем, зане человек воин еси ты и крови пролиял еси: 013 1CH 028 004 и избра Господь Бог Израилев мене от всего дому отца моего, да буду царь над Израилем во веки, и во Иуде избра царство, и от дому Иудина дом отца моего: и от сынов отца моего во мне благоволи, еже быти ми царю над всем Израилем: 013 1CH 028 005 от сынов же моих всех, сыны бо мне многи даде Господь, избра Соломона сына моего, да седит на престоле царства Господня, над Израилем: 013 1CH 028 006 и рече мне Бог: Соломон сын твой созиждет дом Мой и двор Мой, зане того избрах Мне в сына быти, и Аз буду ему во Отца 013 1CH 028 007 и укреплю царство его даже до века, аще укрепится хранити заповеди Моя и судбы Моя, якоже и днесь: 013 1CH 028 008 ныне убо пред лицем всего собрания Господня и во ушы Бога нашего, храните и взыщите вся заповеди Господа Бога нашего, да наследите землю благу и оставите в наследие сыном вашым по вас даже до века: 013 1CH 028 009 и ныне, Соломоне, сыне мой, да знаеши Бога отец твоих и служи Ему сердцем совершенным и душевною волею, вся бо сердца испытует Господь и всяко помышление разумеет: аще взыщеши Его, обрящеттися: аще же оставиши Его, оставит тя в конец: 013 1CH 028 010 ныне убо виждь, яко избра тя Господь, да созиждеши ему дом во освящение, крепися и соверши. 013 1CH 028 011 Даде же Давид Соломону сыну своему начертание храма и домов его, и камар его, и горниц, и полагалищ внутренних, и дому очищения, 013 1CH 028 012 и подобие, еже помысли духом своим, дворов дому Господня, и всех камар окрест в сокровищих дому Господня, и влагалищ святынь, 013 1CH 028 013 и виталищ, и дневных чред иерейских и левитских, во вся дела служения дому Господня, и влагалищ служебных сосудов службы дому Господня: 013 1CH 028 014 и меру веса их златых и сребряных, 013 1CH 028 015 светилников вес даде ему и свещников. 013 1CH 028 016 Даде ему подобне вес трапезы предложения, кияждо трапезы златыя, такожде и сребряных, 013 1CH 028 017 и удиц, и возлиялниц, и фиал златых, и вес златых и сребряных, и кадилниц златых, коегождо веса: 013 1CH 028 018 и жертвенника фимиамов от злата чиста вес оказа ему, и подобие колесницы херувимов простирающих крила и осеняющих над кивотом завета Господня. 013 1CH 028 019 Вся писанная рукою Господнею даде Давид Соломону, по сущему в нем разуму дела изображения. 013 1CH 028 020 И рече Давид Соломону сыну своему: укрепляйся и мужайся и твори: не бойся, ниже страшися, зане Господь Бог мой с тобою, не отступит от тебе, ниже оставит тя, дондеже совершиши ты все дело служения дому Господня: и се, подобие храма и дому Его, и камар Его, и горниц, и полагалищ внутренних, и дому очищения, и подобие дому Господня: 013 1CH 028 021 и се, дневныя чреды иереев и левитов во всяко служение Дому Господня, и с тобою во всяцем действе, и всяк усердный в мудрости во всяцем художестве, и князи, и вси людие во вся словеса твоя. 013 1CH 029 001 И рече Давид царь ко всему собранию: Соломон сын мой, егоже избра себе Господь, юн и млад, а дело велико, занеже не человеку уготовится здание, но Господу Богу: 013 1CH 029 002 всею силою уготовах на дом Бога моего злато, сребро, медь, железо, древа, камение мраморное, и множество камений многоценных и различных, и всякое честное камение, и камений парийских много: 013 1CH 029 003 и еще внегда благоволити ми в дому Бога моего, есть у мене еже приготовах злато и сребро, и се, дах в дом Бога моего, в высоту, кроме оных, яже уготовах на дом святых: 013 1CH 029 004 три тысящи талант злата Суфирска и седмь тысящ талант сребра искушена к позлащению стен святилища, 013 1CH 029 005 идеже дело златое златом, а идеже сребряное сребром, и на всякое дело рукою художников: и кто благоволяй исполнити руку свою днесь Господу? 013 1CH 029 006 И обещаша усердно началницы отечеств и князи сынов Израилевых, и тысящницы и сотницы, и началницы дел и икономы царевы, 013 1CH 029 007 и даша на дела дому Господня злата талант пять тысящ, и златник десять тысящ, и сребра талант десять тысящ, и меди талант осмьнадесять тысящ, железа же сто тысящ талант: 013 1CH 029 008 и у нихже обретеся камение, даша во влагалище дому Господня, под руку Иеииля Герсонина. 013 1CH 029 009 И возвеселишася людие о усерднем подаянии, понеже всем сердцем приношаху Господу, и Давид царь возвеселися зело: 013 1CH 029 010 и благослови царь Давид Господа пред всем множеством, глаголя: благословен еси, Господи Боже Израилев, Отец наш, от века и до века: 013 1CH 029 011 Тебе, Господи, величество, и сила, и слава, и одоление, и исповедание, и крепость, яко Ты всеми, иже на небеси и на земли, владычествуеши: от лица Твоего трепещет всяк царь и язык: и Тебе, Господи, царство и великолепие во всех и во всяцем начале: 013 1CH 029 012 от Тебе богатство и слава, Ты над всеми началствуеши, Господи, начало всякаго начала, и в руку Твоею крепость и власть, и в руку Твоею милость, Вседержителю, возвеличити и укрепити вся: 013 1CH 029 013 и ныне, Господи, исповедаемся Тебе и хвалим имя хваления Твоего: 013 1CH 029 014 и кто аз есмь, и кто людие мои, яко возмогохом сия Тебе благовольне обещати? Твоя бо суть вся, и от твоих дахом Тебе: 013 1CH 029 015 пришелцы бо есмы пред Тобою и преселницы, якоже вси отцы наши: дние наши яко сень на земли, и несть постояния: 013 1CH 029 016 Господи Боже наш, ко всему множеству сему, еже уготовах, да созиждется дом имени святому Твоему, от руку Твоею суть, и Тебе вся: 013 1CH 029 017 и вем, Господи мой, яко Ты еси испытуяй сердца, и правду любиши: в простоте сердца моего произволих сия вся, и ныне людий Твоих, иже зде обретошася, видех с радостию Тебе произволивших (принести дары): 013 1CH 029 018 Господи Боже Авраама и Исаака и Израиля отец наших, сохрани сия в воли сердца людий Твоих во веки, и исправи сердца их к Тебе: 013 1CH 029 019 Соломону же сыну моему даждь сердце благо, да хранит заповеди Твоя и свидения Твоя и повеления Твоя, и к совершению привести здание дому Твоего. 013 1CH 029 020 И рече Давид всему собранию (людий): благословите Господа Бога нашего. И благословиша все собрание Господа Бога отец своих: и преклонше колена поклонишася Господу и царю. 013 1CH 029 021 И пожре Давид жертвы Господу, и вознесе всесожжения Богу на утрие перваго дне, телец тысящу, овнов тысящу, агнец тысящу, и возлияния их, и жертвы множество от всего Израиля. 013 1CH 029 022 И ядоша и пиша пред Господем в день той с великим веселием: и поставиша царем второе Соломона сына Давидова, и помазаша его Господу в царя, и Садока же во архиереа. 013 1CH 029 023 И седе Соломон на престоле Господни в царя, вместо Давида отца своего, и благоугоден бысть: и покорися ему весь Израиль. 013 1CH 029 024 Князи и сильнии и вси сынове царя Давида отца его повинушася ему. 013 1CH 029 025 И возвеличи Господь Соломона над всем Израилем и даде ему славу царства, еяже ни един царь име прежде его. 013 1CH 029 026 И Давид сын Иессеев царствова над всем Израилем четыредесять лет, 013 1CH 029 027 в Хевроне седмь лет, а во Иерусалиме лет тридесять три, 013 1CH 029 028 и умре в старости блазе, исполнь дний, в богатстве и славе, и воцарися Соломон сын его вместо его. 013 1CH 029 029 Прочая же словеса царя Давида первая и последняя написана суть в словесех Самуила видящаго и в словесех Нафана пророка и в словесех Гада провидящаго, 013 1CH 029 030 о всем царстве его и крепости его, и времена яже быша при нем и во Израили и во всех царствах земных. # # BOOK 014 2CH 2 Chronicles Вторая книга Паралипоменон 014 2CH 001 001 И укрепися Соломон сын Давидов на царстве своем, и Господь Бог его (бе) с ним и возвеличи его в высоту. 014 2CH 001 002 И рече Соломон ко всему Израилю, тысящником и сотником, и судиям и всем началником пред Израилем. 014 2CH 001 003 И иде Соломон и все множество в вышний Гаваон, идеже бе скиния свидения Божия, юже сотвори Моисей раб Божий в пустыни. 014 2CH 001 004 Кивот же Господень принесе Давид от Града Кариафиарима на место, еже уготова ему Давид, яко водрузи ему скинию во Иерусалиме. 014 2CH 001 005 И олтарь медян, егоже содела Веселеил сын Урии сына Орова, ту бе пред скиниею Господнею и взыска его Соломон и вся церковь. 014 2CH 001 006 Вознесе же ту Соломон на олтари медянем пред Господем, иже в скинии свидения, и принесе на нем тысящу всесожжений. 014 2CH 001 007 В ту нощь явися Господь Соломону и рече ему: проси (что хощеши) да дам тебе. 014 2CH 001 008 Рече же Соломон к Богу: Ты сотворил еси с Давидом отцем моим милосердие велико и поставил мя еси царя вместо его: 014 2CH 001 009 и ныне, Господи Боже, да исполнится слово Твое к Давиду отцу моему, Ты бо мене сотворил царя над людьми многими, якоже прах земный: 014 2CH 001 010 ныне даждь мне премудрость и разум, да вниду и изыду пред людьми твоими сими, кто бо может судити сих людий Твоих многих? 014 2CH 001 011 И рече Бог к Соломону: понеже бысть сие в сердцы твоем, и не попросил еси богатства имений, ниже славы, ниже душ противящихся тебе, и дний многих не просил еси, но просил еси себе премудрости и разума, да судити можеши люди Моя, над нимиже поставих тя царя, 014 2CH 001 012 премудрость и разум даю тебе, богатство же и имения и славу дам тебе, яко не бысть в царех преждебывших тебе подобен тебе, и по тебе такожде не будет. 014 2CH 001 013 Прииде же Соломон от вышняго Гаваона во Иерусалим пред скинию свидения и царствова над Израилем. 014 2CH 001 014 И собра Соломон колесницы и конники, и быша ему тысяща и четыреста колесниц и дванадесять тысящ конник: и остави их во градех колесничных, людие же с царем во Иерусалиме. 014 2CH 001 015 И положи царь сребро и злато во Иерусалиме яко камение, кедры же во Иудеи яко черничие, еже на поли во множестве. 014 2CH 001 016 Исхождение же коней Соломоновых из Египта ценою купцов царских, иже хождаху и куповаху. 014 2CH 001 017 И восхождаху и привождаху из Египта колесницу едину за шесть сот сребреник, и коня за сто и пятьдесят сребреник: такожде и от всех царств Хеттейских и от царей Сирийских рукама их приводима бываху. 014 2CH 002 001 И повеле Соломон созидати дом имени Господню и дом царству своему. 014 2CH 002 002 И собра царь Соломон седмьдесят тысящ мужей носящих времена и осмьдесят тысящах каменосечцев в горах, приставленных же над ними три тысящы и шесть сот. 014 2CH 002 003 И посла Соломон к Хираму царю Тирску, глаголя: якоже сотворил еси с Давидом отцем моим и послал еси ему кедры, да созиждет себе дом, в немже ему обитати, 014 2CH 002 004 и се, аз сын его созидаю дом имени Господа Бога моего, да освяшу его Ему, еже кадити пред Ним фимиам ароматов и предложение всегда, и возносити всесожжения выну, утро и к вечеру, и в субботы, и в новомесячиих, и в праздницех Господа Бога нашего: во век сие бо Израили: 014 2CH 002 005 и дом, егоже аз созидаю, велик, велик бо есть Господь Бог наш паче всех богов, 014 2CH 002 006 и кто возможет создати Ему дом? Аще бо небо и небо небесе не могут вместити славы Его: и кто аз, созидаяй Ему дом? Но токмо еже кадити фимиам пред Ним: 014 2CH 002 007 ныне убо посли мне мужа мудра, иже весть дела творити в злате и сребре, и меди и железе, и порфире и в червлени и в синете, и иже знает ваяти ваяние, с мудрыми, иже у мене во Иудеи и во Иерусалиме, яже уготова Давид отец мой: 014 2CH 002 008 и посли ми древа кедрова и аркевфова и певгова от Ливана, вем бо аз, яко раби твои умеют сещи древа от Ливана: 014 2CH 002 009 и се, раби твои с рабы моими пойдут, да уготовают мне древа многа, дом бо, егоже аз созидаю, велик и преславен: 014 2CH 002 010 и се, делателем, иже секут древа, дах в пищу рабом твоим пшеницы мер двадесять тысящ и ячменя мер двадесять тысящ, и вина мер двадесять тысящ и елеа мер двадесять тысящ. 014 2CH 002 011 Рече же Хирам царь Тирский чрез писание и посла к Соломону, глаголя: понеже возлюби Господь люди Своя, постави тя над ними царя. 014 2CH 002 012 И рече Хирам: благословен Господь Бог Израилев, иже сотвори небо и землю, иже даде Давиду царю сына премудра и учена, и умна и разумна, иже созиждет дом Господу и дом царству своему: 014 2CH 002 013 и ныне послах тебе мужа мудра и сведуща разум, Хирама раба моего: 014 2CH 002 014 матерь его от дщерей Дановых, отец же его муж Тирянин, иже весть делати в злате и сребре, и в меди и в железе, и в камениих и в древах, и ткати в порфире и в синете и в виссоне и в червленице, и ваяти всякую резь, и разумети всяко разумение, елика аще даси ему, с мудрыми твоими и с мудрыми господина моего Давида, отца твоего: 014 2CH 002 015 и ныне пшеницу и ячмень, и елей и вино, яже обещал еси, господине мой, посли рабом твоим, 014 2CH 002 016 мы же будем сещи древа от Ливана на всяку потребу твою и послем я плотами по морю Иоппийскому, ты же приведеши я во Иерусалим. 014 2CH 002 017 И собра Соломон всех мужей пришелцев, иже бяху в земли Израилеве, по сочтению, имже сочте их Давид отец его, и обретени суть сто пятьдесят три тысящы и шесть сот: 014 2CH 002 018 сотвори же от них седмьдесят тысящ бременоносцев и осмьдесят тысящ каменосечцев, три тысящы и шесть сот приставники над делами людскими. 014 2CH 003 001 И нача Соломон созидати дом Господень во Иерусалиме, на горе Амориа, на месте, еже уготова Давид на гумне Орны Иевусеанина: 014 2CH 003 002 нача же созидати в месяц вторый лета четвертаго царства своего. 014 2CH 003 003 И сице нача Соломон созидати дом Божий: в долготу лакот, размер первый, лакот шестьдесят, в широту же лакот двадесять: 014 2CH 003 004 и притвор пред лицем дому, долгота по лицу широты дому, лакот двадесять, высота же лакот сто двадесять и позлати его внутрь златом чистым. 014 2CH 003 005 Дом же великий окры дсками кедровыми и позлати златом чистым: извая же на нем подобия фиников и яко мрежицы промежь себе сплетающяся, 014 2CH 003 006 и украси храм камением драгим славно, и позлати златом, еже от Фаруима. 014 2CH 003 007 И позлати дом и стены его, и врата и праги, и окна и двери златом, и извая херувимы на стенах. 014 2CH 003 008 Сотвори же дом Святая Святых, долгота его по лицу широты дому, лакот двадесять, широта такожде двадесять лакот, и позлати и златом чистым на херувимех, талант шесть сот. 014 2CH 003 009 И вес гвоздий, вес гвоздя единаго пятьдесят сикль злата, и горницу позлати златом. 014 2CH 003 010 И сотвори в дому Святая Святых Херувима два, дело от древ негниюших и позлати их златом. 014 2CH 003 011 И криле херувимов, долгота двадесять лакот, и едино крило лакот пяти, прикасающееся стене дому, 014 2CH 003 012 и другое крило пяти лакот, прикасающееся крилу херувима другаго: 014 2CH 003 013 криле же херувимов сих распростерте на лакот двадесять, тии же стояху на нозех своих, лица же их (зряще) к дому. 014 2CH 003 014 Сотвори же завесу от синеты и багряницы, и червленицы и виссона, и сотка на ней херувимы. 014 2CH 003 015 И сотвори пред храмом столпа два, лакот тридесять пять в высоту, и главы их пять лакот. 014 2CH 003 016 И сотвори чепи в давире и положи на главах столпов, и шипков сотвори сто, ихже положи на мрежи. 014 2CH 003 017 И постави столпы пред лицем храма, единаго одесную, а другаго ошуюю: и нарече имя сущему одесную Исправление, имя же сущему ошуюю Крепость. 014 2CH 004 001 Сотвори же и олтарь медян, двадесять лакот в долготу и двадесять лакот в широту и десять лакот в высоту. 014 2CH 004 002 И сотвори море (медяно) слияно, десять лакот от устия до устия его, кругло окрест, и пяти лакот в высоту, и округлость его тридесяти лактей: 014 2CH 004 003 и подобие телцев под ним окрест окружающих е: десять лакот обдержаху умывалницу окрест: два рода слияша телцев в слиянии их, 014 2CH 004 004 имже сотвориша их дванадесять телцев, иже трие сматряху к северу и трие к западу, и трие к полудню и трие к востоку, и море на них (наставлено), задняя же их бяху внутрь (под морем): 014 2CH 004 005 и толстота его дланная, и устие его яко устие потира, изваянна яко отрасли крина, вмещающее три тысящы мер: и соверши. 014 2CH 004 006 Сотвори же омывалниц десять и постави пять одесную и пять ошуюю, да омывают в них вся приносимая на всесожжения и очищают в них, море же, да омываются священницы в нем. 014 2CH 004 007 Сотвори же и подсвещник златых десять по мере их и постави я в храм пять одесную и пять ошуюю. 014 2CH 004 008 И сотвори столов десять и постави в храм пять одесную и пять ошуюю, и фиал златых сотвори сто. 014 2CH 004 009 И сотвори двор священником и двор великий, и двери двора и вереи их помедяны медию. 014 2CH 004 010 И море постави от угла дому одесную аки к востоку прямо. 014 2CH 004 011 Сотвори же Хирам удицы мясныя, и кадилницы, и сковраду жертвенную, и вся сосуды его: и соверши Хирам творити всякое дело, еже сотвори Соломону царю в дому Божии: 014 2CH 004 012 столпа два, и на них окружилия, и венцы на главах дву столпу, и мрежице две, еже покрывати главы венцев иже суть над главами столпов: 014 2CH 004 013 и звонцев златых четыреста в две мрежи, и два ряда шипков во мрежи единей, еже покрывати два окружилия венцев, иже суть верху столпов: 014 2CH 004 014 и подставов сотвори десять, и умывалницы сотвори на подставах, 014 2CH 004 015 и море едино и волов дванадесять под ним, 014 2CH 004 016 и котлы, и удицы мясныя и вся сосуды их, яже сотвори Хирам и принесе царю Соломону в дом Господень от меди чистыя. 014 2CH 004 017 Во стране Иордана слия их царь, в толщи земней, между Сокхофом и между Саридафом. 014 2CH 004 018 И сотвори Соломон вся сосуды сия многочисленны зело, понеже не оскуде тягость меди. 014 2CH 004 019 Сотвори же Соломон вся сосуды дому Божия, и олтарь злат, и трапезы, и на них хлебы предложения, 014 2CH 004 020 и подсвещники, и светилники света, да светят пред Святая святых по чину, от злата чиста, 014 2CH 004 021 и щипцы их, и светилники их, и фиалы, и чашицы, и кадилницы от злата чиста, 014 2CH 004 022 и двери храма внутренния яже во Святая Святых и двери дому храма златыя. И совершися все дело еже сотвори Соломон в дому Господни. 014 2CH 005 001 И внесе Соломон святая Давида отца своего, сребро и злато и вся сосуды, и даде в сокровище дому Господня. 014 2CH 005 002 Тогда собра Соломон вся старейшины Израилевы и вся началники колен, вожды отечеств сынов Израилевых во Иерусалим, да вознесут кивот завета Господня от града Давидова, иже есть Сион. 014 2CH 005 003 И собрашася ко царю вси мужие Израилевы в праздник, сей есть месяц седмый. 014 2CH 005 004 И приидоша вси старейшины Израилевы, и взяша вси левити кивот 014 2CH 005 005 и внесоша его и скинию свидения и вся сосуды святыя, иже в скинии, и внесоша его священницы и левити. 014 2CH 005 006 Царь же Соломон и весь сонм сынов Израилевых, и боящиися и собрании пред кивотом, жряху телцы и овцы безчисленны и несочисляемы от множества. 014 2CH 005 007 И внесоша священницы кивот завета Господня на место его, еже есть молитвенник храма, во Святая Святых, под криле херувимов. 014 2CH 005 008 И бяху херувими распростерше крила своя над местом кивота, и покрываху херувими над кивотом и над носилами его свыше. 014 2CH 005 009 И длиннее бяху носила, и видяхуся главы носил от святых в лице молитвенника, и не видяхуся вне, и быша тамо даже до настоящаго дне. 014 2CH 005 010 Ничтоже бе в кивоте, токмо две скрижали, ихже положи Моисей в Хориве, егда закон даде Господь сыном Израилевым, исходящым им из земли Египетския. 014 2CH 005 011 И бысть исходящым священником от святых, вси бо священницы, иже ту обретошася, освящени быша и не бяху расположени в дневную чреду, 014 2CH 005 012 левити же и певцы вси с сынми Асафовыми, со Еманом, Идифумом, и с сынми их и с братиями их, облечени в ризы льняны, в кимвалех и псалтири и гуслех (возглашаху) стояще пред олтарем, и с ними жерцев сто двадесять трубяще трубами: 014 2CH 005 013 и бысть един глас в трублении и в псалмопении и в возглашении гласом единым еже хвалити и исповедатися Господеви. И егда воздвигоша глас в трубах и кимвалех и органех песней, и глаголаху: исповедайтеся Господеви, яко благ, яко в век милость Его: и дом исполнися облака славы Господни, 014 2CH 005 014 и не могоша священницы стати служити от лица облака, наполни бо слава Господня дом Божий. 014 2CH 006 001 Тогда рече Соломон: Господь рече обитати во мгле, 014 2CH 006 002 аз же создах дом имени Твоему Святый Тебе, и уготован еже обитати Тебе во веки. 014 2CH 006 003 И обрати царь лице свое и благослови все собрание Израилево, и все собрание Израилево предстояше, и рече: 014 2CH 006 004 благословен Господь Бог Израилев, якоже глагола усты Своими ко Давиду отцу моему, и руками Своими соверши, глаголя: 014 2CH 006 005 от дне, в оньже изведох люди Моя от земли Египетския, не избрах града от всех колен Израилевых, да созиждется в нем дом имени Моему ту, ниже избрах мужа быти вождем над людьми Моими во Израили: 014 2CH 006 006 но избрах Иерусалима, да будет имя Мое в нем, и избрах Давида быти над людьми Моими Израилем: 014 2CH 006 007 и бысть на сердцы Давида отца моего создати дом имени Господа Бога Израилева: 014 2CH 006 008 и рече Господь ко Давиду отцу моему: понеже бысть на сердцы твоем создати дом имени Моему, добре сотворил еси, яко бысть на сердцы твоем, 014 2CH 006 009 обаче ты не созиждеши Мне дому, но сын твой, иже изыдет из чресл твоих, той созиждет дом имени Моему: 014 2CH 006 010 и соверши Господь слово сие, еже глагола, и бых вместо Давида отца моего, и седох на престоле Израилеве, якоже глагола Господь, и создах дом имени Господа Бога Израилева, 014 2CH 006 011 и поставих в нем кивот, в немже есть завет Господень, егоже завеща Израилю. 014 2CH 006 012 И ста пред олтарем Господним, пред всем множеством Израилевым, и простре руце свои: 014 2CH 006 013 сотвори бо Соломон стояло медяно и постави его посреде двора святилища, пять лакот долгота его и пять лакот широта его и три лакти высота его: и ста на нем, и паде на колена своя пред всем множеством Израилевым, и простре руки своя на небо и рече: 014 2CH 006 014 Господи Боже Израилев, несть подобен Тебе Бог на небеси и на земли, сохраняяй завет и милость с рабы Твоими, иже ходят пред Тобою всем сердцем своим, 014 2CH 006 015 яже сохранил еси рабу Твоему Давиду отцу моему, елика рекл еси ему глаголя, и глаголал еси усты Твоими и руками Твоими совершил еси, якоже день сей: 014 2CH 006 016 и ныне, Господи Боже Израилев, сохрани рабу Твоему Давиду отцу моему, яже рекл еси ему глаголя, и глаголал еси усты Твоими и исполнил еси якоже в день сей, глаголя: не оскудеет тебе муж от лица Моего седяй на престоле Израилеве, токмо аще сохранят сынове твои пути Моя ходити в законе Моем, якоже ходил еси предо Мною: 014 2CH 006 017 и ныне, Господи Боже Израилев, да укрепится слово Твое, еже глаголал еси рабу Твоему Давиду: 014 2CH 006 018 убо истинно ли Бог обитати будет с человеки на земли? Аще небо и небо небесе не довлеют Ти, и кольми паче дом сей, егоже создах? 014 2CH 006 019 И призри на моление раба Твоего и на молитву мою, Господи Боже мой, еже услышати молитвы моя и моление, имже раб Твой молится пред Тобою днесь, 014 2CH 006 020 еже быти очесем Твоим отверстым на дом сей день и нощь, на место сие, о немже глаголал еси, да призовется имя Твое тамо, еже услышати молитву, еюже раб Твой молится на месте сем: 014 2CH 006 021 и послушати мольбу раба Твоего и людий Твоих Израиля, елика аще помолятся на месте сем и ты услышиши на месте жилища Твоего с небесе, и услышиши, и милостив будеши: 014 2CH 006 022 аще согрешит муж ко искреннему своему и приимет на него клятву еже клясти его, и приидет и прокленет пред олтарем в дому сем, 014 2CH 006 023 и Ты услыши от небесе и суди рабом Твоим, еже воздати беззаконному, и воздати пути его на главу его, и оправдити праведнаго, воздая ему по правде его: 014 2CH 006 024 и аще одолени будут людие Твои Израиль от враг, аще согрешат Тебе и обратятся, и исповедятся имени Твоему, и помолятся пред Тобою в храме сем, 014 2CH 006 025 и Ты услыши с небесе и милостив буди грехом людий Твоих Израиля и возврати их в землю, юже дал еси им и отцем их: 014 2CH 006 026 егда заключиши небо, и не будет дождя, яко согрешат Тебе, и помолятся на месте сем, и восхвалят имя Твое, и обратятся от грех своих, егда смириши их, 014 2CH 006 027 и Ты услыши с небесе и милостив буди грехом рабов и людий Твоих Израиля, яко явиши им путь благ, по немуже пойдут, и даждь дождь на землю Твою, юже дал еси людем Твоим в наследие: 014 2CH 006 028 глад аще будет на земли, губителство аще будет, воздуха растление и иктер, прузи и гусеницы аще будут, и аще оскорбит их враг пред градами их, всякою язвою и всякою болезнию, 014 2CH 006 029 и всяка молитва, и всяко моление, еже аще будет всякому человеку и всем людем Твоим Израилю, аще познает человек язву свою и грех свой и прострет руце свои в дому сем, 014 2CH 006 030 и Ты услыши с небесе от готоваго жилища Твоего, и очести, и даждь коемуждо по путем его, якоже веси по сердцу его, Ты бо един веси сердца сынов человеческих, 014 2CH 006 031 яко да боятся Тебе, еже ходити бо всех путех Твоих вся дни, в няже живут на лицы земли юже дал еси отцем нашым: 014 2CH 006 032 и всяк чуждии, иже несть от людий Твоих Израиля, и приидет от земли дальния ради имене Твоего великаго и ради руки Твоея сильныя и мышцы Твоея высокия, и приидет и помолится на месте сем, 014 2CH 006 033 и Ты услыши с небесе от готоваго жилища Твоего, и сотвориши по всему, елико призовет Тя чуждий, да уведят вси людие земли имя Твое и убоятся Тебе, якоже людие Твои Израиль, и познают, яко имя Твое призвано есть на дом сей, егоже создах: 014 2CH 006 034 аще же изыдут людие Твои на брань противу супостат своих по пути, имже послеши их, и помолятся Тебе по пути града сего, егоже избрал еси Себе, и дому, егоже создах имени Твоему, 014 2CH 006 035 да услышиши с небесе молитву их и моление их, и сотвориши оправдание их: 014 2CH 006 036 зане согрешат Тебе, яко несть человек, иже не согрешит, и поразиши их, и предаси их в руки врагов их, и пленят их пленяющии в землю врагов, в землю дальнюю или ближнюю, 014 2CH 006 037 и обратят сердце свое в земли их, в нюже пленени будут, и тамо обратятся, и помолятся Тебе в пленении своем, глаголюще: согрешихом, беззаконновахом, неправдовахом, 014 2CH 006 038 и обратятся к Тебе всем сердцем своим и всею душею своею в земли пленивших я, идеже плениша их, и помолятся путем земли своея, юже дал еси отцем их, и града, егоже избрал еси, и дому, егоже создах имени Твоему: 014 2CH 006 039 да услышиши с небесе от готоваго жилища Твоего молитву их и моление их, и сотвориши суд, и милостив буди людем Твоим согрешившым Ти: 014 2CH 006 040 и ныне, Господи, да будут отверсте очи Твои, и уши Твои внятне к молению места сего: 014 2CH 006 041 и ныне востани, Господи Боже, в покой Твой, Ты и кивот крепости Твоея: священницы Твои, Господи Боже, да облекутся во спасение, и преподобнии Твои возвеселятся во благих: 014 2CH 006 042 Господи Боже, да не отвратиши лица христа Твоего, помяни щедроты Давида раба Твоего. 014 2CH 007 001 И егда соверши Соломон моляся, и огнь сниде с небесе и пояде всесожжения и жертвы и слава Господня исполни дом: 014 2CH 007 002 и не можаху священницы внити в храм Господнь во время оно, яко исполни слава Господня дом Господень. 014 2CH 007 003 И вси сынове Израилевы видяху сходящь огнь и славу Господню на дом, и падоша ниц на землю на помост постлан камением, и поклонишася, и восхвалиша Господа, яко благ, яко во век милость Его. 014 2CH 007 004 Царь же и вси людие пожроша жертвы пред Господем. 014 2CH 007 005 И пожре царь Соломон жертву волов двадесять и две тысящы, овец сто и двадесять тысящ, и освяти дом Божий царь и вси людие. 014 2CH 007 006 Священницы же стояху на стражах своих, и левити во органы пояху песни Господни, яже сотвори Давид царь к похвалению Господа: (яко благ, ) яко во век милость Его, песни Давидовы (поюще) руками своими: и священницы пояху трубами пред ними, и весь Израиль стояше. 014 2CH 007 007 Освяти же Соломон среднее двора, иже пред церковию Господнею, принесе бо ту всесожжения и туки мирных, яко олтарь медян, егоже сотвори Соломон, не можаше вместити всесожжений и жертв и туков. 014 2CH 007 008 И сотвори Соломон праздник во время оно седмь дний, и весь Израиль с ним, собрание велико зело от входа во Емаф даже до потока Египетска: 014 2CH 007 009 сотвори же в день осмый торжество, понеже освящению олтаря сотвори седмь дний праздник. 014 2CH 007 010 И в день двадесять третий месяца седмаго отпусти людий в жилище их веселящихся и радующихся о благих, яже сотвори Господь Давиду и Соломону и Израилю людем Своим. 014 2CH 007 011 И соверши Соломон дом Господень и дом царев: и вся, елика восхоте в сердцы своем Соломон творити в дому Господни и в дому своем, благопоспешися. 014 2CH 007 012 И явися Господь Соломону нощию и рече ему: услышах моление твое и избрах место сие мне в дом жертвы: 014 2CH 007 013 аще заключу небо, и дождь не излиется, и аще повелю пругом поясти древо, и аще послю губителство на люди Моя, 014 2CH 007 014 и аще посрамлени будут людие Мои, на нихже призвано есть имя Мое, и помолятся, и взыщут лица Моего, и отвратятся от путий своих злых: и Аз услышу с небесе и милостив буду грехом их, и изцелю землю их: 014 2CH 007 015 и ныне очи Мои будут отверсте, и уши Мои послушне к молению места сего: 014 2CH 007 016 и ныне избрах и освятих дом сей, да будет на Мое ту даже до века, и будут очи Мои и сердце Мое ту вся дни: 014 2CH 007 017 ты же аще ходити будеши предо Мною, якоже ходил Давид отец твой, и сотвориши по всем, яже повелех тебе, и повеления Моя и судбы Моя сохраниши: 014 2CH 007 018 и воздвигну престол царства твоего, якоже завещах Давиду отцу твоему глаголя: не отимется от тебе муж вождь во Израили: 014 2CH 007 019 аще же отвратитеся вы и оставите повеления Моя и заповеди Моя, яже предах вам, и пойдете и послужите богом иным и поклонитеся им, 014 2CH 007 020 исторгну вас от земли, юже дах вам: и дом сей, егоже освятих имени Моему, отвергу от лица Моего и предам его в притчу и в повесть всем языком: 014 2CH 007 021 и дом сей высокий (в притчу), всяк мимоходяй его ужаснется и речет: почто сотвори Господь тако земли сей и дому сему? 014 2CH 007 022 И отвещают: яко оставиша Господа Бога отец своих, иже изведе их от земли Египетския, и прияша боги чуждыя, и поклонишася им, и поработаша им, и сего ради наведе на них вся сия злая. 014 2CH 008 001 И бысть по двадесяти летех, в нихже созда Соломон дом Господень и дом свой, 014 2CH 008 002 и грады яже даде Хирам Соломону, созда оны Соломон и всели ту сыны Израилевы. 014 2CH 008 003 И прииде Соломон во Емаф-Сува и одержа его. 014 2CH 008 004 И созда Федмор в пустыни и вся грады крепкия, яже созда во Емафе. 014 2CH 008 005 Сострои же Вефорон вышний и Вефорон нижний, грады укреплены стенами, вратами и вереями: 014 2CH 008 006 и Валааф, и вся грады крепкия, иже быша Соломону, и вся грады колесниц и грады конник, и елика восхоте Соломон по желанию создати бо Иерусалиме и в Ливане и во всем царстве своем. 014 2CH 008 007 Весь народ оставшийся от Хеттеа и Аморреа, и Ферезеа и Евеа и Иевусеа, иже не бяху от племене Израилева, 014 2CH 008 008 но беша от сынов их оставшихся по них на земли, ихже не избиша сынове Израилевы, подведе их Соломон в дань даже до дне сего. 014 2CH 008 009 От сынов же Израилевых не даде Соломон в рабы царству своему: тии бо бяху мужие ратницы и князи, и сильнии и началницы колесниц и конник его. 014 2CH 008 010 И сии началницы предстоящих царю Соломону, двести пятьдесят приставницы над делы людскими. 014 2CH 008 011 Дщерь же Фараоню преведе Соломон от града Давидова в дом, егоже созда ей, рече бо: да не обитает жена моя в дому Давида царя Израилева, понеже освящен есть, аможе вниде кивот Господень. 014 2CH 008 012 Тогда вознесе Соломон всесожжения Господеви на олтарь, егоже созда Господеви пред храмом, 014 2CH 008 013 по словеси от дне до дне возносити, по повелению Моисееву, в субботы и в новомесячия и в праздники, трижды в год, в праздник опресноков и в праздник седмиц и в праздник кущей. 014 2CH 008 014 И постави по разсуждению Давида отца своего разделения священником и по служением их: и левиты над стражами их, да хвалят и служат пред священники по чину единаго коегождо дний: и дверницы по разделением их, по вратом и вратом: тако бо повеле Давид человек Божий. 014 2CH 008 015 Не преступиша заповедий царевых о священницех и левитех по всякому словеси, и в сокровищих. 014 2CH 008 016 И уготовася всяко делание от дне, в оньже основа, до дне, в оньже соверши Соломон дом Господень. 014 2CH 008 017 Тогда иде Соломон в Гасионъгавер и во Елаф, иже при мори в земли Идумейстей. 014 2CH 008 018 И посла Хирам рукою слуг своих корабли и рабы знающыя морския проходы, и хождаху с рабы Соломоними в Софир, и взяша оттуду четыреста и пятьдесят талант злата и принесоша ко царю Соломону. 014 2CH 009 001 Царица же Савска услыша имя Соломоново и прииде искусити его гаданьми во Иерусалиме с силою тяжкою зело: и велблюды носящии ароматы и злата множество и камения драгаго: и прииде к Соломону и глагола ему вся, елика беша в сердцы ея. 014 2CH 009 002 И возвести ей Соломон вся словеса ея, и не прейде слово, егоже бы не возвестил ей. 014 2CH 009 003 И виде царица Савска премудрость Соломоню, и дом егоже созда, 014 2CH 009 004 и яди столов его, и седалища рабов его, и состояние служебников его и ризы их, и виночерпчия его и украшение их, и всесожжения, яже жряше в дому Господни, и вне себе бысть. 014 2CH 009 005 Рече же ко царю: истинно есть слово, еже слышах в земли моей о словесех твоих и о премудрости твоей: 014 2CH 009 006 и не веровах словесем их, дондеже приидох, и видеста очи мои, и се, не возвестиша мне половины множества премудрости твоея: приложил еси ко слышанию яже слышах: 014 2CH 009 007 блажени мужие твои и блажени раби твои сии, иже предстоят пред тобою на всяко время и слышат премудрость твою: 014 2CH 009 008 да будет Господь Бог твой благословен, иже благоволи в тебе, еже дати тя на престол Свой царя Господу Богу твоему: зане возлюби Господь Бог твой Израиля, еже утвердити его во век, и постави тя над ними царя, да сотвориши суд и правду. 014 2CH 009 009 Даде же царю сто двадесять талант злата и ароматы многи зело и камение драгое, и не быша ароматы таковы яко сия, яже даде царица Савска царю Соломону. 014 2CH 009 010 Но и раби Хирамовы с рабы Соломоними приношаху злато Соломону драгое. 014 2CH 009 011 И сотвори Соломон царь от древ певговых степени в дом Господень и в дом царев, и гусли и псалтири песней, и никогдаже видена быша в земли Иудине прежде такоая. 014 2CH 009 012 Царь же Соломон даде царице Савстей вся по желанию ея, ихже просила, кроме всех яже принесе царю Соломону, и возвратися в землю свою. 014 2CH 009 013 Бе же вес злата приносимаго к Соломону на всяко лето шесть сот шестьдесят шесть талант злата, 014 2CH 009 014 кроме мужей подданных и купцов, иже приношаху, и всех царей Аравских и властелей земли, иже вси приношаху злато и сребро царю Соломону. 014 2CH 009 015 Сотвори убо царь Соломон двести щитов златых тягненых, шесть сот златник чистых бяху во единем щите: 014 2CH 009 016 и триста щитов златых тягненых, по триста златник бяше во единем коемждо щите, и положи я царь в дому древа Ливанова. 014 2CH 009 017 Сотвори же царь престол от слоновых зубов велик, и позлати его златом чистым, 014 2CH 009 018 и шесть степений у престола позлащени златом, и мышчицы две туду и сюду над престолом седалища, и два льва стояща близ мышчцей, 014 2CH 009 019 и дванадесять львов стоящих тамо на шести степенех от обоих стран: и не бысть таков престол во всяцем царстве. 014 2CH 009 020 Вси же сосуди царя Соломона бяху златы, и вси сосуди дому дубравы Ливанския златом окружены, сребро бо во днех Соломоних ни во что вменяшеся: 014 2CH 009 021 зане корабль царев хождаше в Фарсис с рабы Хирамовыми, единицею в лета три прихождаше корабль от Фарсиса ко царю, полн злата и сребра и зубов слоновых и обезян. 014 2CH 009 022 И возвеличися Соломон паче всех царей земных богатством и мудростию. 014 2CH 009 023 Вси же царие земстии желаху видети лице Соломоне и слышати премудрость его, юже даде Бог в сердце его: 014 2CH 009 024 и приношаху ему кийждо дары своя, сосуды сребряны и златы, и одеяния и стакту, и сладости, кони и мски, на всякое лето. 014 2CH 009 025 И бяху царю Соломону четыредесять тысящ кобылиц к колесницы и дванадесять тысящ конник, и постави их во градех колесничных и со царем во Иерусалиме. 014 2CH 009 026 И быть вождь всех царей от реки (Евфрата) даже до земли иноплеменник и даже до предел Египетских. 014 2CH 009 027 И даде царь злато и сребро во Иерусалиме яко камение, и кедры яко черничие, еже (раждается) в полях множество. 014 2CH 009 028 И приводяху кони Соломону от Египта и от всея земли. 014 2CH 009 029 И прочая словеса Соломоня первая и последняя, се, сия писана суть в словесех Нафана пророка и в словесех Ахии Силониты и в видениих Иоиля видящаго, противу Иеровоама сына Наватова. 014 2CH 009 030 И царствова Соломон во Иерусалиме над всем Израилем четыредесять лет. 014 2CH 009 031 И успе Соломон со отцы своими, и погребоша его во граде Давида отца его. И воцарися Ровоам сын его вместо его. 014 2CH 010 001 И прииде Ровоам в Сихем, зане в Сихем весь Израиль снидеся поставити его царем. 014 2CH 010 002 И бысть егда услыша Иеровоам сын Наватов, иже бе во Египте, яко убеже от лица Соломона царя, и обита Иеровоам во Египте, и возвратися Иеровоам от Египта. 014 2CH 010 003 И послаша и призваша его. И прииде Иеровоам и все собрание Израилево ко царю Ровоаму, глаголюще: 014 2CH 010 004 отец твой ожесточи иго наше, ты же ныне ослаби от работы отца твоего жестокия и от ига его тяжкаго, еже возложи на нас, и послужим тебе. 014 2CH 010 005 И рече им: поидите даже до триех дний и приидите ко мне. И отидоша людие. 014 2CH 010 006 И собра царь Ровоам старейшины, иже стояху пред Соломон отцем его, егда еще живяше, глаголя: каков вы даете совет отвещати людем сим? 014 2CH 010 007 И реша ему: аще днесь будеши во благое людем сим, и благоугодиши, и речеши им словеса благая, то послужат тебе во вся дни. 014 2CH 010 008 И остави совет старейшин, егоже совещаша ему: и советоваше со юношами, иже с ним воспитани бяху и стояху пред ним, 014 2CH 010 009 и рече к ним: что вы собетуете, да отвещаю людем сим, иже реша мне, глаголюще: облегчи иго, еже наложи на ны отец твой? 014 2CH 010 010 И отвещаша ему отроцы воспитаннии с ним, глаголюще: тако речеши людем, ихже рекоша тебе, глаголюще: отец твой отягчи иго наше, ты же облегчи нам: тако отвещай к ним: менший перст мой толстее есть чресл отца моего: 014 2CH 010 011 отец мой наложи вам тяжкое иго, аз же (тягости) приложу на иго ваше: отец мой бил вас бичми, аз же буду бити вас скорпионами. 014 2CH 010 012 И прииде Иеровоам и вси людие к Ровоаму в день третий, якоже повеле им царь, глаголя: возвратитеся ко мне в день третий. 014 2CH 010 013 И отвеща царь жестоко, и остави царь Ровоам совет старейшин, и рече к ним по совету юнош, глаголя: 014 2CH 010 014 отец мой отяготи иго ваше, аз же приложу к нему: отец мой бил вас бичми, аз же бити буду вы скорпионами. 014 2CH 010 015 И не послуша царь людий, яко бе превращение от Бога, глаголя: возстави Господь слово Свое, еже глагола рукою Ахии Силониты о Иеровоаме сыне Наватове 014 2CH 010 016 и о всем Израили, зане не послуша царь их. И отвещаша людие ко царю, глаголюще: кая нам часть в Давиде и наследие в сыне Иессееве? Возвратися в жилища твоя, Израилю, ныне смотри дому твоего, Давиде. И иде весь Израиль в жилища своя. 014 2CH 010 017 Мужие же Израилевы, иже обитаху во градех Иудиных, воцариша над собою Ровоама. 014 2CH 010 018 И посла царь Ровоам к ним Адонирама бывша над даньми, и камением побиша его сынове Израилевы, и умре. И услыша царь Ровоам, и потщася взыти на колесницу, и побеже во Иерусалим. 014 2CH 010 019 И отвержеся Израиль от дому Давидова даже до дне сего. 014 2CH 011 001 Прииде же Ровоам во Иерусалим, и созва (весь) дом Иудин и Вениаминь, сто осмьдесят тысящ избранных юношей творящих брань, и воеваше противу Израиля и Иеровоама, да обратит к себе царство. 014 2CH 011 002 И бысть слово Господне к Самею человеку Божию, глаголя: 014 2CH 011 003 глаголи к Ровоаму сыну Соломоню, царю Иудину, и ко всему Израилю, иже есть во Иуде и Вениамине: 014 2CH 011 004 сия рече Господь: не восходите, ниже ополчайтеся противу братии вашея: возвратитеся кийждо в дом свой, зане от Мене бысть глаголгол сей. И послушаша слова Господня, и возвратишася, и не поидоша противу Иеровоама. 014 2CH 011 005 Обита же Ровоам во Иерусалиме и созда грады стенаты во Иудеи: 014 2CH 011 006 сострои же Вифлеем и Етам, и Фекуе 014 2CH 011 007 и Вефсур, и Сокхоф и Одоллам, 014 2CH 011 008 и Геф и Марисан, и Зиф 014 2CH 011 009 и Адурем, и Лахис и Азику, 014 2CH 011 010 и Салаю и Елон и Хеврон, иже есть Иудин и Вениаминь, грады крепкия: 014 2CH 011 011 и укрепи их стенами, и постави в них началники, житохранилища, и елей и вино, 014 2CH 011 012 во всяцем граде щиты и копия, и укрепи их во множестве зело, и быста под ним Иуда и Вениамин. 014 2CH 011 013 Священницы же и левиты, иже бяху во всем Израили, собрашася к нему от всех предел: 014 2CH 011 014 яко оставиша левити селения одержания своего и поидоша ко Иуде во Иерусалим, понеже изгна их Иеровоам и сынове его, еже не служити Господеви: 014 2CH 011 015 и постави себе жерцы на высоких, и идолом, и суетным, и телцем, ихже сотвори Иеровоам. 014 2CH 011 016 И изгна их от всех колен Израилевых, иже вдаша сердце свое, да взыщут Господа Бога Израилева: и приидоша во Иерусалим пожрети Господу Богу отец своих: 014 2CH 011 017 и укрепиша царство Иудино. И укрепися Ровоам сын Соломонь в три лета, хождаше бо по путем Давида и Соломона отца своего лета три. 014 2CH 011 018 И взя себе Ровоам жену Моолафу, дщерь Иеримофа сына Давидова, и Авигею дщерь Елиава сына Иессеова. 014 2CH 011 019 И роди ему сыны: Иеуса и Самориа и Заама. 014 2CH 011 020 По сих же поя себе Мааху дщерь Авессаломлю, и роди ему Авию и Иеффиа, и Зизу и Салимофа. 014 2CH 011 021 И возлюби Ровоам Мааху дщерь Авессаломлю паче всех жен своих и подложниц своих, яко жен осмьнадесять име и подложниц шестьдесят: и роди двадесять осмь сынов и шестьдесят дщерей. 014 2CH 011 022 И постави в началника Ровоам Авию сына Маахина и князем над всею братиею его, того бо и царем сотворити помышляше. 014 2CH 011 023 И возрасте паче всех братий своих во всех пределех Иудиных и Вениаминих и во градех крепких, и даде им пищи множество много, и многих взыска жен. 014 2CH 012 001 И бысть егда устроися царство Ровоамово, и укрепися, остави заповеди Господни, и весь Израиль с ним. 014 2CH 012 002 И бысть в лето пятое царства Ровоамля взыде Сусаким царь Египетский на Иерусалим, зане согрешиша пред Господем, 014 2CH 012 003 с тысящию и двема сты колесниц и шестьдесят тысящ конник, и не бе числа народу пришедшему с ним от Египта, Ливиане, Троглодитяне и Ефиопляне: 014 2CH 012 004 и взяша грады крепкия, иже бяху во Иуде, и приидоша даже до Иерусалима. 014 2CH 012 005 Самеа же пророк вниде к Ровоаму и к началником Иудиным, иже собрани бяху во Иерусалим от лица Сусакимова, и рече к ним: сия рече Господь: вы остависте Мя, и Аз оставлю вас в руку Сусакима. 014 2CH 012 006 И посрамишася началницы Израилевы и царь и рекоша: праведен Господь. 014 2CH 012 007 Егда же виде Господь, яко смиришася, и бысть слово Господне к Самею, глаголя: смиришася, не разорю их, и дам им вмале спасение, и не уканет ярость Моя на Иерусалим, 014 2CH 012 008 обаче будут в рабы, да познают работу Мою и работу царства земли. 014 2CH 012 009 И взыде Сусаким царь Египетский во Иерусалим, и взя сокровища, яже в дому Господни, и сокровища, яже в дому цареве, вся взя: и взя щиты златыя, ихже сотвори Соломон. 014 2CH 012 010 И сотвори царь Ровоам щиты медяны вместо их. И постави на ним Сусаким царь Египетский началников предходящих стрегущих врата царева: 014 2CH 012 011 и бысть внегда входити царю в дом Господень, вхождаху стрегущии и предходящии, и обращающеся восхождаху предходящии ко оружехранителнице своей. 014 2CH 012 012 И егда смирися той, отвратися от него ярость Господня, а не в разорение в конец: ибо и во Иуде бяху словеса блага. 014 2CH 012 013 И укрепися царь Ровоам во Иерусалиме и царствова: четыредесяти же и единаго лета бысть Ровоам, егда царствовати нача, и седмьнадесять лет царствова во Иерусалиме, во граде, егоже избра Господь, да именуется имя Его ту от всех колен Израилевых. Имя же матери его Ноома Амманитыня. 014 2CH 012 014 И сотвори лукавое, яко не исправи сердца своего, да взыщет Господа. 014 2CH 012 015 Словеса же Ровоамова первая и последняя не се ли, суть писана в словесех Самеа пророка и Адда провидящаго, и деяния его? И воеваше Ровоам и Иеровоам во вся дни. 014 2CH 012 016 И умре Ровоам и погребен бысть со отцы своими во граде Давидове. И воцарися Авиа сын его вместо его. 014 2CH 013 001 В лето осмоенадесять царства Иеровоамля воцарися Авиа над Иудою: 014 2CH 013 002 три лета царствова во Иерусалиме. Имя же матери его Мааха дщерь Уриилева от Гаваона. И бе брань между Иеровоамом и между Авиею. 014 2CH 013 003 И ополчися Авиа в силе воинския силы, в четырех стах тысящах мужей сильных: Иеровоам же устрои сопротиву его брань во осми стах тысящах мужей военных крепких силою. 014 2CH 013 004 Ста же Авиа на горе Сомори, яже есть на горе Ефремли, и рече: слышите Иеровоам и весь Израиль: 014 2CH 013 005 или не весте, яко Господь Бог Израилев даде царство Давиду над Израилем во веки и сыновом его в завет вечен? 014 2CH 013 006 И воста Иеровоам сын Наватов, раб Соломона сына Давидова, и отвержеся от господина своего: 014 2CH 013 007 и собрашася к нему мужие пагубнии, сынове законопреступнии, и воста противу Ровоама сына Соломонова, Ровоам же бе юнейший и сердцем страшлив, и не возможе противостати лицу его: 014 2CH 013 008 и ныне вы глаголете противостати лицу царства Господня в руце сынов Давидовых: и вы мнози зело, и с вами телцы златии, ихже сотвори вам Иеровоам в боги: 014 2CH 013 009 не извергосте ли священников Господних сынов Аароних и левитов, и сотвористе себе жерцы от людий всея земли, приходяй наполнити руку свою телцем от волов и овнами седмию, и сотворися жерцем не сущему богу: 014 2CH 013 010 мы же Господа Бога нашего не оставихом, и священницы Его служат Господу, сынове Аарони и левити, 014 2CH 013 011 и по чредам своим жрут Господу всесожжения утро и пред вечером, и фимиам сложения, и предложения хлебов на трапезе чистей, и светилник златый, и свещники возжжения возжизати к вечеру: мы бо храним стражбы Господа Бога отец наших, вы же Его остависте: 014 2CH 013 012 и се, с нами в начале Господь, и священницы Его, и трубы знаменования, еже знаменати противу вам: сынове Израилевы, не ратуйте противу Господа Бога отец ваших, понеже не благопоспешится вам. 014 2CH 013 013 Иеровоам же обрати подсаду приити ему созади, и бысть противу Иуды (сам), подсада же созади. 014 2CH 013 014 И обратися Иуда, и се, ему брань сопреди и созади, и возопиша ко Господу, и священницы вострубиша трубами: 014 2CH 013 015 и возопиша мужие Иудины. И бысть вопиющым мужем Иудиным, и Господь порази Иеровоама и Израиля пред Авиею и Иудою: 014 2CH 013 016 и бежаша сынове Израилевы от лица Иуды, и предаде их Господь Бог в руки их: 014 2CH 013 017 и порази их Авиа и людие его язвою великою, и падоша ранени от Израиля пять сот тысящ мужей крепких. 014 2CH 013 018 И смиришася сынове Израилевы в день той, и укрепишася сынове Иудины, яко уповаша на Господа Бога отец своих. 014 2CH 013 019 Погна же Авиа вслед Иеровоама и взя от него грады: Вефиль и села его, и Иесину и села ея, и Ефрон и села его. 014 2CH 013 020 И не возможе ктому противитися Иеровоам во вся дни Авии, и порази его Господь: и умре. 014 2CH 013 021 Авиа же укрепися, и поят себе жен четыренадесять, и роди двадесять два сына и шестьнадесять дщерей. 014 2CH 013 022 Прочая же словеса Авиева и деяния его и словеса его писана в книзе Адды пророка. 014 2CH 014 001 И успе Авиа со отцы своими, и погребоша его во граде Давидове. И воцарися Аса сын его вместо его во дни же Асы почи земля Иудина лет десять. 014 2CH 014 002 И сотвори Аса благое и правое пред Господем Богом своим: 014 2CH 014 003 и отверже олтари чуждых и высокая, и сокруши идолы и посече дубравы: 014 2CH 014 004 и повеле Иуде, да взыщет Господа Бога отец своих и да сотворит закон Его и заповеди: 014 2CH 014 005 и изверже из всех градов Иудиных олтари и идолы, и царствова в мире. 014 2CH 014 006 И созда грады крепки в земли Иудине, зане в покои бысть земля, и не бе ему брани в лета сия, мир во Господь даде ему. 014 2CH 014 007 Рече же Иуде: созиждем грады сия, и сотворим стены и столпы, и врата и вереи, дондеже землею господствуем: зане якоже взыскахом Господа Бога нашего, взыска и нас, и воздаде нам мир окрест, и благопоспешствова нам. 014 2CH 014 008 И бысть сила Асе оруженосцев носящих щиты и копия в земли Иудине триста тысящ, в земли же Вениамини щитников и стрелцев двести осмьдесят тысящ: вси сии воини сильнии. 014 2CH 014 009 Изыде же противу их Зарай Ефиоплянин с силою в тысящы тысящей, и колесниц триста, и прииде даже до Мариса. 014 2CH 014 010 И изыде Аса противу ему и устрои брань в дебри на север Мариса. 014 2CH 014 011 И возопи Аса ко Господу Богу своему и рече: Господи, не изнеможет у Тебе спасати во многих и в малых, укрепи нас, Господи Боже наш, яко на Тя уповахом и о имени Твоем изыдохом на множество многое сие: Господи Боже наш, Ты еси Бог, да не превозможет противу Тебе человек. 014 2CH 014 012 И порази Господь Ефиопы пред Асою и Иудою и бежаша Ефиопи: 014 2CH 014 013 и погна их Аса и людие его даже до Гедора: и падоша Ефиопи, даже не быти в них останку, яко сотрени быша пред Господем и пред силою Его, и плениша корысти многи: 014 2CH 014 014 и изсекоша веси их окрест Гедора, велик бо страх Господень объят их, и плениша вся грады их, зане многи корысти быша в них: 014 2CH 014 015 и кущы скотския и амазонов изсекоша, и взяша скота множество и велблюды, и возвратишася во Иерусалим. 014 2CH 015 001 Азариа же сын Ададов, бысть на нем Дух Божий: 014 2CH 015 002 и изыде во сретение Асе и всему Иуде и Вениамину и рече ему: услышите мя, Аса и весь Иуда и Вениамин: Господь с вами, яко бысте с Ним: и аще взыщете Его, обрящется вам, аще же оставите Его, оставит вас: 014 2CH 015 003 мнози дние (будут) во Израили без Бога истиннаго и без священника учащаго и без закона: 014 2CH 015 004 егда же обратятся в печали ко Господу Богу Израилеву и взыщут Его, и обрящется им: 014 2CH 015 005 и во время оно не будет мир исходящему и входящему, яко ужас Господень на всех обитающих на земли 014 2CH 015 006 и ополчится язык на язык и град противу града, яко Господь смутит их во всяцей печали: 014 2CH 015 007 и вы укрепитеся, и да не ослабеют руки вашя, есть бо мзда делу вашему. 014 2CH 015 008 И егда услыша Аса словеса сия и пророчество Азарии пророка, укрепися и отя вся идолы от всея земли Иудины и Вениамини и от градов, ихже содержаше Иеровоам в горе Ефремли, и освяти олтарь Господень, иже бе пред храмом Господним: 014 2CH 015 009 собра же (всего) Иуду и Вениамина и пришелцев обитающих с ним от Ефрема и от Манассии и от Симеона, мнози бо к нему прибегоша от Израиля, егда увидеша, яко Господь Бог его с ним. 014 2CH 015 010 И собрашася во Иерусалим в месяц третий, в лето пятоенадесять царства Асы, 014 2CH 015 011 и пожроша Господу в день той от корыстей, ихже приведоша, волов седмь сот и овец седмь тысящ, 014 2CH 015 012 и поидоша в завете, еже искати Господа Бога отец своих всем сердцем и всею душею своею: 014 2CH 015 013 и (рече): всяк, иже аще не взыщет Господа Бога Израилева, да умрет от юнаго даже до старейшаго, от мужа даже до жены. 014 2CH 015 014 И кляшася Господу гласом великим в восклицании и в трубах и в рожаных. 014 2CH 015 015 И возрадовася весь Иуда о клятве, яко от всея души кляшася, и всею волею взыскаша Его, и обретеся им, и даде им Господь покой окрест. 014 2CH 015 016 И Мааху матерь свою отлучи, да не служит Астарту, и сокруши идола и сожже в потоце Кедрстем. 014 2CH 015 017 Токмо высоких не отстави, еще бо бяху во Израили, но сердце Асы бе совершенно во всех днех его: 014 2CH 015 018 и внесе святая Давида отца своего и святая своя в дом Божий, сребро и злато и сосуды. 014 2CH 015 019 И брань не бысть ему даже до тридесять пятаго лета царства Асина. 014 2CH 016 001 И в лето тридесять осмое царства Асина, взыде Вааса царь Израилев на Иуду и стенами укрепи Раму, да не даст входа и исхода Асе царю Иудину. 014 2CH 016 002 И взя Аса сребро и злато от сокровищ дому Господня и дому царева, и посла ко (Венададу) сыну Адера царя Сирска, живущему в Дамасце, глаголя: 014 2CH 016 003 положи завет между мною и тобою и между отцем моим и отцем твоим: се послах тебе сребро и злато: прииди и отжени от мене Ваасу царя Израилева, и да отидет от мене. 014 2CH 016 004 И послуша сын Адеров царя Асы и посла началники воев своих на грады Израилевы, и порази Аинона и Дана, и Авелмаина и вся окрестная Неффалимля. 014 2CH 016 005 И бысть егда услыша Вааса царь Израилев, остави ктому созидати Раму и остави дело свое. 014 2CH 016 006 Аса же царь взя всего Иуду и взя камение от Рамы и лес ея, яже на создание уготова Вааса, и созда из них Гаваю и Масфу. 014 2CH 016 007 И во время оно прииде Ананий пророк ко Асе царю Иудину и рече ему: понеже имел еси упование на царя Сирска, а не уповал еси на Господа Бога твоего, того ради спасеся сила царя Сирскаго от руку твоею: 014 2CH 016 008 не Ефиопи ли и Ливиане бяху на тя в силе мнозе, в дерзости колесниц и конник во множество зело? И егда уповал еси на Господа, предаде их в руку твою: 014 2CH 016 009 очи бо Господни назирают всю землю, еже укрепити сущих сердцем совершенным к Нему: буе сотворил еси сие, (сего ради) отныне будет на тя брань. 014 2CH 016 010 Разгневася же Аса на пророка и всади его в темницу, понеже прогневася о сем: и уби Аса от людий во время то (многих). 014 2CH 016 011 И се, словеса Асы, первая и последняя, писана суть в книзе царей Иудиных и Израиля. 014 2CH 016 012 И разболеся Аса в лето тридесять девятое царства своего ногама, болезнию зелнейшею: и ниже в немощи своей взыска Господа, но врачев. 014 2CH 016 013 Успе же Аса со отцы своими, и умре в лето четыредесять первое царства своего: 014 2CH 016 014 и погребоша его во гробе, егоже ископа себе во граде Давидове, и положиша его на одре, и наполниша ароматами и родами миров благоуханных, и сотвориша ему погребение велико зело. 014 2CH 017 001 И воцарися Иосафат сын его вместо его, и укрепися Иосафат над Израилем: 014 2CH 017 002 расположи же силу во всех градех Иудиных крепких и постави воеводы во градех Иудиных и во градех Ефремовых ихже побра прежде Аса отец его. 014 2CH 017 003 И бысть Господь со Иосафатом, яко хождаше в путех Давида отца своего первых и не взыска идолов, 014 2CH 017 004 но Господа Бога отца своего взыска и пойде в повелениих отца своего, а не по делом Израилевым: 014 2CH 017 005 и укрепи Господь царство в руку его, и даша вся Иудеа дары Иосафату, и бысть ему богатство и слава многа. 014 2CH 017 006 И вознесеся сердце его в пути Господни, и ктому изя высокая и дубравы от земли Иудины. 014 2CH 017 007 В третие же лето царства своего посла началники своя и сынов сильных Авдию и Захарию, и Нафанаила и Михеа, да учат во градех Иудиных: 014 2CH 017 008 и с ними левити Самеа и Нафаниа, и Завдиа и Асиил, и Семирамоф и Ионафан, и Адониа и Товиа и Товадониа левити, и с ними Елисама и Иорам жерцы: 014 2CH 017 009 учаху же во Иудеи, имеюще книгу закона Господня, и прохождаху грады Иудины и учаху люди. 014 2CH 017 010 И бысть страх Господень на всех царствах земных окрест Иуды, и не воеваша противу Иосафата. 014 2CH 017 011 И от иноплеменник Иосафату дары приношаху сребро и дани: Арави же привождаху ему овнов овчих седмь тысящ и седмь сот, и козлов седмь тысящ седмь сот. 014 2CH 017 012 И бе Иосафат предуспевая велик в высоту и созда во Иудеи домы и грады крепки. 014 2CH 017 013 И многа дела быша ему во Иудеи: и мужие ратницы крепцы сильнии во Иерусалиме. 014 2CH 017 014 И сие число их по домом отечеств их: и во Иуде тысященачалницы Еднас вождь и с ним сынове сильнии силы триста тысящ: 014 2CH 017 015 и по нем Иоанан началник и с ним двести осмьдесят тысящ: 014 2CH 017 016 по немже Амасиа, сын Захариин, усердсвуяй Господу и с ним двести тысящ мужей сильных. 014 2CH 017 017 И от Вениаминя сильнии силы Елиад, и с ним держащих лук и щиты двести тысящ сильных: 014 2CH 017 018 и по нем Иозавад, и с ним сто осмьдесят тысящ, сильнии ко брани. 014 2CH 017 019 Сии служащии царю, кроме оных, ихже постави царь по градом крепким во всей Иудеи. 014 2CH 018 001 И бысть Иосафату богатство и слава многа, и поят жену в дому Ахаавли. 014 2CH 018 002 И сниде при концы лет ко Ахааву в Самарию: и закла ему Ахаав овны и волы многи, и людем сущым с ним, и увещаваше его, да снидет с ним в Рамоф Галаадский. 014 2CH 018 003 И рече Ахаав царь Израилев ко Иосафату царю Иудину: пойдеши ли со мною в Рамоф Галаадский? И рече ему: якоже аз, тако и ты: и якоже людие твои, тако и людие мои с тобою на брань. 014 2CH 018 004 И рече Иосафат царю Израилеву: вопроси убо днесь Господа. 014 2CH 018 005 И собра царь Израилев пророков четыреста мужей и рече к ним: пойду ли в Рамоф Галаадский на брань, или удержуся? И реша: взыди, и предаст Бог в руку цареву. 014 2CH 018 006 Рече же Иосафат: несть ли зде пророка Господня еще, да от него вопросим? 014 2CH 018 007 И рече царь Израилев ко Иосафату: есть еще муж един, имже вопросити Господа, но аз ненавижду его, понеже не прорицает мне во благая, зане вси дние его во злая: сей Михеа сын Иемвлин. Рече же Иосафат: не глаголи, царю тако. 014 2CH 018 008 И призва царь Израилев единаго от евнух и рече ему: (призови) скоро Михею сына Иемвлина. 014 2CH 018 009 Царь же Израилев и Иосафат царь Иудин кийждо седяше на престоле своем, и облечена красотою царскою, седяста же на пространстве близ врат Самарийских, и вси пророцы пророчествоваху пред нима. 014 2CH 018 010 И сотвори себе Седекиа сын Ханаань роги железны и рече: сия глаголет Господь: сими избодеши Сирию, дондеже скончается. 014 2CH 018 011 И вси пророцы прорицаху тако, глаголюще: взыди в Рамоф Галаадский и предуспееши, и предаст Господь в руку цареву. 014 2CH 018 012 Вестник же, шедый призвати Михею, рече ему: се, рекоша пророцы единеми усты благая о цари да будут убо и твоя словеса, якоже единаго от них, и да речеши благая. 014 2CH 018 013 И отвеща Михеа: жив Господь, яко еже аще речет Бог ко мне, сие возглаголю. 014 2CH 018 014 И прииде ко царю, и рече ему царь: Михее, имам ли ити Рамоф Галаадский на брань, или удержуся? И отвеща: взыди и предуспееши, и предадутся (врази) в руки вашя. 014 2CH 018 015 И рече ему царь: колико крат заклинаю тя, да не глаголеши мне, токмо истину во имя Господне. 014 2CH 018 016 И рече Михеа: видех всего Израиля расточена по горам яко овцы, имже несть пастыря: и рече Господь: не имут сии вожда, да возвратятся кийждо в дом свой в мире. 014 2CH 018 017 И рече царь Израилев ко Иосафату: не рех ли тебе, яко не прорицает о мне благая, но токмо злая? 014 2CH 018 018 И рече Михеа: не тако: слышите слово Господне: видех Господа седяща на престоле Своем, и вся сила небесная предстояше одесную Его и ошуюю Его: 014 2CH 018 019 и рече Господь: кто прельстит Ахаава царя Израилева, да взыдет и падет в Рамофе Галаадстем? И глаголаше един тако, и ин рече тако: 014 2CH 018 020 и изыде дух, и ста пред Господем, и рече: аз прельщу его: емуже Господь, в чем, рече, (прельстиши)? 014 2CH 018 021 И рече: изыду и буду дух лжив во устех всех пророков его: рече же (Господь): прельстиши и превозможеши, изыди и сотвори тако: 014 2CH 018 022 и ныне се, Господь даде духа лжива во уста всем пророком твоим сим, и Господь глагола о тебе злая. 014 2CH 018 023 И приступи Седекиа сын Ханаань, и удари Михею в ланиту и рече ему: коим путем пройде Дух Господень от мене, еже глаголати к тебе? 014 2CH 018 024 Рече же Михеа: се, узриши в день той, егда внидеши в ложницу из ложницы, да укрыешися. 014 2CH 018 025 И рече царь Израилев: возмите Михею, и отведите ко Еммиру началнику града и ко Иоасу князю сыну цареву, 014 2CH 018 026 и рцыте: сия глаголет царь: вверзите сего в темницу, и да яст хлеб печали и воду печали, дондеже возвращуся в мире. 014 2CH 018 027 Рече же Михеа: аще возвращаяся возвратишися в мире, не глагола Господь мною. И рече: слышите, вси людие. 014 2CH 018 028 И взыде царь Израилев и Иосафат царь Иудин в Рамоф Галаадский. 014 2CH 018 029 Рече же царь Израилев ко Иосафату: прикрыюся и вниду во брань, ты же облецыся в ризы моя. И прикрыся царь Израилев и вниде во брань. 014 2CH 018 030 Царь же Сирский повеле вождем колесниц своих, глаголя: не устремляйтеся на мала и на велика, но токмо на самаго царя Израилева. 014 2CH 018 031 И бысть егда увидеша началницы колесниц Иосафата, глаголаша: царь Израилев есть сей. И обыдоша его воююще. Иосафат же возопи ко Господу, и Господь послуша его, и отврати их Бог от него. 014 2CH 018 032 И бысть егда увидеша воеводы колесниц, яко не бяше царь Израилев, оставиша его. 014 2CH 018 033 И муж наляче лук приметно и порази царя Израилева между легким и персями. И рече возатаю своему: обрати руку твою и изведи мя от брани яко изнемогох. 014 2CH 018 034 И скончана бысть брань в день той, и царь Израилев бе стоя на колеснице своей противу Сириом даже до вечера, и умре заходящу солнцу. 014 2CH 019 001 И возвратися Иосафат царь Иудин в дом свой мирно во Иерусалим. 014 2CH 019 002 И изыде во сретение ему Ииуй сын Ананиин пророк и рече к нему: царю Иосафате, нечестиву ли даеши помощь, или ненавидимому от Господа дружиши? И рече ему Ииуй: сего ради бысть на тя гнев Господень: 014 2CH 019 003 но токмо дела благая обретошася в тебе, зане отял еси кумиры от земли Иудины и исправил еси сердце твое взыскати Господа. 014 2CH 019 004 И вселися Иосафат во Иерусалиме, и паки изыде к людем от Вирсавеи даже до горы Ефремли, и возврати их ко Господу Богу отец своих. 014 2CH 019 005 И постави судии во всех градех Иудиных крепких, во всяцем граде, 014 2CH 019 006 и рече судиям: видите, что вы творите, не человеческий бо вы суд творите, но Господень, и с вами словеса суда: 014 2CH 019 007 и ныне да будет страх Господень на вас, и храните и творите, яко несть у Господа Бога нашего неправды, ниже дивления лицу, ни приятия мзды. 014 2CH 019 008 Во Иерусалиме же постави Иосафат левитов и священников и отценачалников от Израиля в суд Господень, да судят живущих во Иерусалиме. 014 2CH 019 009 Повеле же им, глаголя: тако творите во страсе Господни, во истине и сердцем совершенным: 014 2CH 019 010 всякую распрю, яже приидет к вам, братий ваших обитающих во градех своих, между кровию крове, и между повелением и заповедию, и оправданьми и судбами, разсудите им, да не согрешают Господеви, и не приидет гнев на вас и на братию вашу: тако творите и не согрешите: 014 2CH 019 011 и се Амариа, священник вождь над вами во всяко слово Господне: и Завдиа сын Исмаиль вождь в дому Иудине во всякому слову цареву: и книжницы и левити пред вами: укрепитеся и творите, и будет Господь со благим. 014 2CH 020 001 По сих же приидоша сынове Моавли и сынове Аммони и с ними от Амманитов ко Иосафату на брань. 014 2CH 020 002 Приидоша же и сказаша Иосафату, глаголюще: идет противу тебе велико множество от об он пол моря от Сирии, и се, стоят во Асасан-Фамаре, иже есть Енгадди. 014 2CH 020 003 И убояся, и вдаде Иосафат лице свое взыскати Господа, и проповеда пост во всей Иудеи. 014 2CH 020 004 И собрася весь Иуда взыскати Господа: и от всех градов Иудиных приидоша ко умолению Господню. 014 2CH 020 005 И ста Иосафат в собрании Иуды во Иерусалиме, в дому Господни пред лицем двора новаго, 014 2CH 020 006 и рече: Господи Боже отец наших, не Ты ли еси Бог на небеси горе, и Ты владычствуеши всеми царствы язык, и в руку Твоею есть крепость силы, и кто противостанет Тебе? 014 2CH 020 007 Не Ты ли еси Бог наш искоренивый живущыя на земли сей от лица людий Твоих Израиля, и дал еси ю семени Авраамлю возлюбленному Твоему во веки? 014 2CH 020 008 И вселишася на ней, и устроиша в ней святыню имени Твоему, глаголюще: 014 2CH 020 009 аще нападут на ны злая, мечь, суд, губителство, глад, станем пред домом сим и пред Тобою, яко призвано имя Твое в дому сем, и возопием к Тебе от скорбей наших, и услышиши и спасеши: 014 2CH 020 010 и ныне се, сынове Аммони и Моавли и гора Сиир, сквозе яже не изволил еси Израилю проити, егда исхождаху от земли Египетския, но уклонишася от них и не избиша их: 014 2CH 020 011 и се, ныне сии нападают на ны исходяще изгонити нас от наследия нашего, еже предал еси нам. 014 2CH 020 012 Господи Боже наш, не судиши ли им? В нас бо несть толика крепость, да можем сему множеству сопротивитися, еже нападе на ны, и не вемы что соделати имамы им: но токмо очи наши к Тебе. 014 2CH 020 013 И весь Иуда стояше пред Господем, и чада их, и жены их. 014 2CH 020 014 Бе же Иозиил сын Захариин, сынов Ванеа, сынов Елеила, сынов Мафаниа левитина, от сынов Асафовых, и бысть на нем Дух Господень посреде народа, 014 2CH 020 015 и рече: слышите, весь Иуда и обитающии во Иерусалиме, и ты, царю Иосафате: сия рече Господь вам: не бойтеся, ниже ужасайтеся от лица народа сего многаго, несть бо ваше ополчение, но Божие: 014 2CH 020 016 заутра изыдите противу их: се, восходят по восходу Ассис, и обрящете их на краи реки противу пустыни Иериил: 014 2CH 020 017 не ваше есть воевати: сия разумейте и узрите сие спасение Господне с вами, Иудо и Иерусалиме: не убойтеся, ни ужасайтеся заутра изыти противу их, и Господь с вами. 014 2CH 020 018 И преклонься Иосафат на лице свое, и весь Иуда, и обитающии во Иерусалиме, падоша пред Господем поклонитися Господеви. 014 2CH 020 019 И восташа левити от сынов Каафовых и от сынов Кореовых, хвалити Господа Бога Израилева гласом великим в высоту. 014 2CH 020 020 И заутра восташа рано и изыдоша в пустыню Фекое. И внегда исходити им, ста Иосафат (посреде их), и возопи и рече: услышите мя, мужие Иудины и вси обитающии во Иерусалиме: веруйте в Господа Бога нашего и уверитеся: веруйте пророку Его, и благопоспешится вам. 014 2CH 020 021 И советова с людьми, и постави псалмопевцы, и хвалящих исповедатися, и хвалити святая, внегда изыти пред силою, и глаголаху: исповедайтеся Господеви, яко благ, яко в век милость Его. 014 2CH 020 022 Егда же начаша хваления и исповедания, обрати Господь воевати сынов Аммоних на Моава и гору Сиир, изшедших на Иуду, и поражени быша. 014 2CH 020 023 И восташа сынове Аммони и Моавли на обитающих в горе Сиири, да побиют их и сокрушат: и егда скончаша обитающих в Сиире, восташа друг на друга, да потребятся. 014 2CH 020 024 Иуда же прииде на созирание от пустыни, и воззре, и виде множество: и се, вси мертви падше на землю, и не бе спасыйся. 014 2CH 020 025 И изыде Иосафат и людие его взяти корысти их, и обретоша скота много, и одежды, и корысти, и сосуды дражайшыя и плениша их: и быша собирающе корысти их три дни, яко многи бяху. 014 2CH 020 026 Дне же четвертаго собрахуся во удоль благословения, ибо тако благословиша Господа: сего ради прозваша место то удоль благословения даже до сего дне. 014 2CH 020 027 И возвратишася вси мужие Иудины во Иерусалим и Иосафат вождь их с веселием великим: яко возвесели их Господь о вразех их. 014 2CH 020 028 И внидоша во Иерусалим со псалтирми и гусльми и трубами в дом Господень. 014 2CH 020 029 И бысть страх Господень на вся царства земная, внегда услышати им, яко порази Господь враги Израилевы. 014 2CH 020 030 И умирися царство Иосафатово, и даде ему Господь покой окрест. 014 2CH 020 031 И царствова Иосафат над Иудою, сый лет тридесяти пяти, егда царство прия и двадесять пять лет царствова во Иерусалиме. Имя же матери его Азува, дщи Салиина. 014 2CH 020 032 И хождаше в путех отца своего Асы, и не уклонися от них творити правое пред Господем: 014 2CH 020 033 обаче высокая еще бяху, и еще людие не управиша сердца своего ко Господу Богу отец своих. 014 2CH 020 034 Прочая же деяния Иосафатова первая и последняя, се, писана суть во словесех Ииуа сына Ананиина, иже написа книгу царей Израилевых. 014 2CH 020 035 И по сих сообщися Иосафат царь Иудин со Охозиею царем Израилевым, и сей беззаконнова, 014 2CH 020 036 занеже сотвори, и отиде к нему, да сотворят корабли, еже ити во Фарсис: и сотвори корабли в Гасион-Гавере. 014 2CH 020 037 И пророчествова Елиезер сын Додиа от Марисиса на Иосафата, глаголя: понеже возимел еси любовь со Охозиею, сокруши Господь дело твое, и сокрушишася корабли твоя и не возмогоша поити во Фарсис. 014 2CH 021 001 И успе Иосафат со отцы своими, и погребен бысть с ними во граде Давидове. И воцарися Иорам сын его вместо его. 014 2CH 021 002 И братия его сынове Иосафатовы шесть: Азариа и Иеил, и Захариа и Азариа, и Михаил и Сафатиа: вси сии сынове Иосафата царя Иудина. 014 2CH 021 003 И даде им отец их многи дары: сребро и злато, и оружие со грады крепкими во Иудеи, царство же даде Иораму, понеже сей бе первенец. 014 2CH 021 004 И воста Иорам на царство свое, и укрепися, и изби всю братию свою мечем и некиих от началник Израилевых. 014 2CH 021 005 Тридесяти и дву лет бе Иорам, егда нача царствовати, и осмь лет царствова во Иерусалиме, 014 2CH 021 006 и хождаше по путем царей Израилевых, якоже содела дом Ахаавль: дщи бо Ахаавля бысть жена его: и сотвори злое пред Господем. 014 2CH 021 007 И не хоте Господь искоренити дому Давидова ради завета, егоже завеща с Давидом, и якоже рече ему, дати ему светилник и сыном его во вся дни. 014 2CH 021 008 Во днех онех отступи Едом от Иуды и постави себе царя. 014 2CH 021 009 И пойде Иорам с началники своими, и вся конница с ним: и бысть, и воста нощию, и порази Едома, иже обыде окрест его, и началники колесниц: и побегоша людие в селения своя. 014 2CH 021 010 И отступи от Иуды Едом даже до сего дне тогожде времене и Ловна отступи из под руки его, зане остави Господа Бога отец своих: 014 2CH 021 011 ибо той сотвори высокая бо градех Иудиных, и блудити сотвори обитающих во Иерусалиме и прельсти Иуду. 014 2CH 021 012 И прииде к нему писание от Илии пророка, глаголя: сия рече Господь Бог Давида отца твоего: понеже не ходил еси по пути Иосафата отца твоего и в путех Асы царя Иудина, 014 2CH 021 013 и ходил еси в путех царей Израилевых, и блудити сотворил еси Иуду и обитающих во Иерусалиме, якоже соблуди дом Ахаавль, и братию твою, сыны отца твоего, лучшх тебе избил еси, 014 2CH 021 014 се, Господь поразит тя язвою великою с людьми твоими и с сынми твоими и с женами твоими и со всем имением твоим: 014 2CH 021 015 ты же будеши в язве лютей, в болезни чрева, дондеже изыдут внутренняя твоя с язвою от дний во дни. 014 2CH 021 016 И воздвиже Господь на Иорама иноплеменники и Аравов и сопределныя Ефиопы: 014 2CH 021 017 и взыдоша на Иуду, и преодолеша, и плениша вся сокровища, яже обретоша в дому цареве, и сынов его и дщери его и жены его, и не остася ему сын, токмо Охозиа менший сынов его. 014 2CH 021 018 И по сих всех порази его Господь чрева болезнию неизцельною. 014 2CH 021 019 И бысть от дний во дни, и егда прииде время дний два дни, и изыде чрево его с болезнию, и умре в разслаблении лютем. И не сотвориша ему людие по обычаю погребения, якоже погребение отцем его. 014 2CH 021 020 Тридесяти двою лет бяше, егда царствовати нача, и осмь лет царствова во Иерусалиме: ходи же не хвально, и погребоша его во граде Давидове, обаче не во гробех царских. 014 2CH 022 001 Поставиша же царем обитающии во Иерусалиме Охозию сына его меншаго вместо его: всех бо старших избиша нашедшии на них разбойницы Арави и Алимазоняне, и воцарися Охозиа сын Иорамов царь Иудин: 014 2CH 022 002 двадесяти дву лет сый Охозиа царствовати нача, и едино лето царствова во Иерусалиме. И имя матери его Гофолиа дщи Амвриина. 014 2CH 022 003 И сей ходил есть по пути дому Ахаавля, мати бо его бе советница, да грешит: 014 2CH 022 004 и сотвори лукавое пред Господем якоже дом Ахаавов, сии бо быша ему советницы по смерти отца его, в погубление ему, 014 2CH 022 005 и в советех их хождаше: и пойде со Иорамом сыном Ахаава царя Израилева на брань противу Азаила царя Сирска в Рамоф Галаадский. И поразиша стрелцы Иорама. 014 2CH 022 006 И возвратися Иорам изцелитися во Иезраель от ран, имиже раниша его Сиряне в Рамофе, внегда братися ему со Азаилем царем Сирским. Охозиа же сын Иорамль царь Иудин сниде посетити Иорама сына Ахаавля во Иезраель, разболеся бо. 014 2CH 022 007 И от Бога бысть превращение Охозии, да приидет ко Иораму: и внегда приити ему, изыде с ним Иорам противу Ииуа сына Намессиина, егоже помаза Господь на дом Ахаавль. 014 2CH 022 008 И бысть егда отмсти Ииуй дому Ахаавлю, и обрете началники Иудины и братию Охозиину, служащих Охозии, и уби их: и уби Ииуй Иорама, и убежа Охозиа. 014 2CH 022 009 И рече Ииуй, еже взыскати Охозию: и яша его врачующася в Самарии и приведоша его ко Ииуеви, и уби его, и погребоша его: реша бо, яко сын Иосафатов есть, иже взыска Господа всем сердцем своим. И не бысть в дому Охозиине восприяти силу о царстве. 014 2CH 022 010 И Гофолиа мати Охозиина виде, яко умре сын ея, и воста и погуби все семя царское в дому Иудине. 014 2CH 022 011 И взя Иосавееф дщи царева Иоаса сына Охозиина, и украде его от среды сынов царевых, егда убиваху их, и даде его и кормилицу его в храмину постельнюю, и скры его Иосавееф дщерь царя Иорама, сестра Охозиина, жена Иодаа архиереа, и скры его от лица Гофолиина, и не уби его. 014 2CH 022 012 И бысть с ними в дому Божии сокрыт шесть лет, и царствова Гофолиа на земли. 014 2CH 023 001 В лето же седмое укрепися Иодай, и взя сотники, Азарию сына Иорамля и Исмаила сына Иоананя, и Азарию сына Овидова и Амасию сына Адиева и Елисафана сына Захариина с собою в дом Господень. 014 2CH 023 002 И обыдоша Иудею, и собраша левиты от всех градов Иудиных и началники отечеств Израилевых, и приидоша во Иерусалим. 014 2CH 023 003 И завеща все собрание Иудино завет в дому Божии со царем: и показа им сына царева и рече им (Иодай): се, сын царев да воцарится, якоже глагола Господь о доме Давидове: 014 2CH 023 004 и ныне слово сие, еже сотворите: третия часть от вас да изыдет в субботу, священников и левитов, и во врата входов, 014 2CH 023 005 и третия часть в дому цареве, и третия часть во вратех средних, и вси людие (да будут) во дворех дому Господня: 014 2CH 023 006 и никтоже да внидет в дом Господень, токмо священницы и левити и иже служат от левит: тии внидут, яко освящени суть, вси же людие да держат стражу Господню: 014 2CH 023 007 левити же да ходят окрест царя, кийждо имея оружие свое в руку своею, и входяй в церков да убиется, и да будут со царем, входящу ему и исходящу. 014 2CH 023 008 И сотвориша левити и весь Иуда по всему, елика повеле им Иодай жрец: и взяша кийждо мужы своя от начала субботы даже до исхода субботы: занеже не остави Иодай жрец службы дневныя. 014 2CH 023 009 И даде Иодай священник сотником по чину поставленным мечы и щиты и броня, яже бяху царя Давида в дому Божии, 014 2CH 023 010 и постави вся люди, коегождо во оружии его, от десныя страны церкве даже до левыя страны олтаря и церкве, над царем окрест: 014 2CH 023 011 и изведе сына царева, и возложиша на него диадиму и свидения, и поставиша его царем, и помаза его Иодай жрец и сынове его и рекоша да живет царь. 014 2CH 023 012 И услыша Гофолиа глас людий текущих и исповедающих и хвалящих царя, и вниде ко царю в церковь Господню, 014 2CH 023 013 и виде, и се, царь стояше на степени своем, на входе же князи и трубы, и началницы окрест царя: и вси людие земли возрадовашася и вострубиша трубами, и поюще во органы певцы, и хваляще хвалою. И растерза Гофолиа ризы своя, и возопи и рече: нападающе нападаете. 014 2CH 023 014 Изыде же Иодай архиерей, и повеле сотником и началником силы и рече им: изрините ю вон из церкве, и изыдите вслед ея, и да убиется мечем. Рече бо священник да не умрет в дому Господни. 014 2CH 023 015 И даша ей ослабу на мало, дондеже пройде врата конник дому царева и убиша ю тамо. 014 2CH 023 016 И завеща Иодай завет между собою и всеми людьми и царем, да быша были людие Господни. 014 2CH 023 017 И внидоша вси людие земли в дом Ваалов и разориша его, и олтари его и идолы его сокрушиша, и Матфана жерца Ваалова убиша пред олтарем его. 014 2CH 023 018 И вручи Иодай жрец дела дому Господня в руку священников и левитов, и возстави дневныя чреды жерцев и левитов, яже раздели Давиде в дому Господни, и вознесе всесожжения Господеви, якоже писано есть в законе Моисеове, в радости и пениих по расположению Давидову: 014 2CH 023 019 и постави придверники во вратех дому Господня, и да не внидет нечист во всяцей вещи: 014 2CH 023 020 и взя отечеств началники, и сильныя, и началники людий, и вся люди земли, и возведоша царя от дому Господня, и вниде вратами внутренними в дом царев, и посадиша царя на престоле царстем. 014 2CH 023 021 И возвеселишася вси людие земстии и град упокоися, и Гофолиа убиена есть мечем. 014 2CH 024 001 Седми лет бе Иоас, егда царствовати нача, и четыредесять лет царствова во Иерусалиме. Имя же матери его Савиа от Вирсавеи. 014 2CH 024 002 Сотвори же Иоас угодное пред Господем во вся дни Иодаа священника. 014 2CH 024 003 И поят ему Иодай жены две, и родиша сыны и дщери. 014 2CH 024 004 И бысть по сих, и взыде на сердце Иоасу, да возновит дом Господень. 014 2CH 024 005 И собра священники и левиты и рече им: идите во грады Иудины, и соберите от всего Израиля сребро ко обновлению храма Господня от лета до лета, и поспешно сотворите. Левити же не потщашася. 014 2CH 024 006 И призва царь Иоас Иодаа началника и рече ему: почто не надсматрял еси левитов, еже принести от Иуды и от Иерусалима, еже уставлено есть от Моисеа человека Божия, егда собра Израиля в скинию свидения? 014 2CH 024 007 Гофолиа бо бе нечестива, и сынове ея разориша дом Божий, яко святая дому Господня сотвориша Ваалиму. 014 2CH 024 008 И повеле царь, да сотворят ковчежец и поставят при вратех Господних извне, 014 2CH 024 009 и да проповедят во Иудеи и во Иерусалиме, приносити Господу, якоже устави Моисей раб Божий над Израилем в пустыни. 014 2CH 024 010 И даша вси началницы и вси людие, и вношаху и влагаху в ковчежец, дондеже наполнися. 014 2CH 024 011 И бысть егда приношаху ковчежец к настоятелем царевым руками левитскими, и егда увидеша, яко умножися сребро, и прихождаше писарь царев и настоятель великаго жерца, и выбираху из ковчежца, и (паки) поставляху на место его: тако творяху от дне до дне, и собраша сребра много. 014 2CH 024 012 И вдаде е царь и Иодай жрец творящым дела на дело дому Господня: и наимаху каменосечцы и древодели, да устрояют дом Господень, и ковачы железу и меди, да укрепят дом Господень. 014 2CH 024 013 И творяху творящии дела, и взыде долгота дел руками их, и возставиша дом Господень в состояние (прежнее) его, и укрепиша. 014 2CH 024 014 Егда же совершиша, принесоша ко царю и ко Иодаю останок сребра, из негоже сотвориша сосуды в дом Господень, сосуды в служение всесожжений, и кадилницы златыя и сребряныя, и приношаху всесожжения в дому Господни непрестанно, во вся дни Иодаевы. 014 2CH 024 015 И состареся Иодай исполнен дний, и умре сый ста тридесяти лет внегда скончатися ему: 014 2CH 024 016 и погребоша его во граде Давидове со царми, понеже сотвори благое со Израилем и с Богом и с домом Его. 014 2CH 024 017 И бысть по скончании Иодаеве, внидоша началницы Иудины и поклонишася царю: тогда послуша их царь. 014 2CH 024 018 И оставиша церковь Господа Бога отец своих и служаху Астарте и истуканным: и бысть гнев (Господень) на Иуду и Иерусалим в день той. 014 2CH 024 019 И посла к ним пророки, да обратятся ко Господу, и не послушаша: и засвидетелствова им, и не покоришася. 014 2CH 024 020 И Дух Божий облече Азарию священника сына Иодаева, и ста пред людьми и рече им: сия глаголет Господь: почто преступаете повеления Господня? Не поспешится вам, яко остависте Господа, и оставит вас. 014 2CH 024 021 И нападоша на него и побиша и камением по повелению Иоаса царя, во дворе дому Господня. 014 2CH 024 022 И не воспомяну Иоас царь милосердия, еже сотвори Иодай отец его с ним, но уби сына его: иже, егда умираше, рече: да видит и судит Господь. 014 2CH 024 023 И бысть по скончании лета, воста на него сила Сирская, и прииде на Иуду и на Иерусалим, и убиша вся началники в людех в церкви, и весь плен их послаша ко царю в Дамаск: 014 2CH 024 024 зане в малых мужех прииде сила Сирская, и Бог предаде в руце их силу многу зело, зане оставиша Господа Бога отец своих: и на Иоаса сотвори суд. 014 2CH 024 025 И по отшествии их от него, оставлену ему сущу в болезнех великих, и нападоша на него раби его за кровь священника сына Иодаева, и убиша его на постели его, и умре: и погребоша его во граде Давидове, но не погребоша его во гробех царских. 014 2CH 024 026 Нападшии же на него, Завед сын Семаафов Амманитянин и Иозавед сын Самарифов Моавитянин, 014 2CH 024 027 и сынове его вси, и приступиша к нему пять. И прочая словес его, се, написана в летописце царстем. И воцарися Амасиа сын его вместо его. 014 2CH 025 001 Двадесяти пяти лет бысть Амасиа, егда царствовати нача, и двадесять девять лет царствова во Иерусалиме. Имя же матери его Иоадаень от Иерусалима. 014 2CH 025 002 И сотвори правое пред Господем, обаче не сердцем совершенным. 014 2CH 025 003 И бысть егда утвердися царство в руце его, и умертви рабы своя иже убиша царя отца его. 014 2CH 025 004 Сынов же их не изби по заповедем закона Господня, якоже писано есть в книзе закона Моисеова, якоже повеле Господь, глаголя: не умрут отцы за сыны, и сынове не умрут за отцы, но кийждо во гресе своем умрет. 014 2CH 025 005 И собра Амасиа дом Иудин, и постави их по домом отечеств их в тысящники и сотники, во всей Иудеи и Вениамине: и сочте их от двадесяти лет и вышше, и обрете их триста тысящ сильных исходити на брань, держащих копия и щиты. 014 2CH 025 006 Еще же ная от Израиля сто тысящ храбрых в силе, за сто талант сребра. 014 2CH 025 007 И прииде человек Божий к нему, глаголя: о, царю да не изыдет с тобою сила Израилева, несть бо Господь со Израилем, со всеми сыны Ефремли: 014 2CH 025 008 яко аще мниши укрепитися с ними, в бегство обратит тя Господь пред враги, зане от Господа есть укрепитися и в бегство обратитися. 014 2CH 025 009 Рече же Амасиа к человеку Божию: и что сотворю о сте талантах, яже дах силе Израилеве? И рече человек Божий: имать Господь дати тебе множае сих. 014 2CH 025 010 И отлучи Амасиа силу пришедшую к нему от Ефрема, отити на место свое. И разгневашася зело на Иуду, и возвратишася во страну свою во гневе ярости. 014 2CH 025 011 И Амасиа укрепися, и взя люди своя и иде во удоль Сланую, и порази тамо сынов Сиир десять тысящ. 014 2CH 025 012 И десять тысящ живых яша сынове Иудины, и приведоша их на верх некоторыя стремнины, и свергоша их стремглав с высоты стремнины, и вси разседошася. 014 2CH 025 013 Сынове же силы, ихже отсла Амасиа, да не идут с ним на брань, нападоша на грады Иудины от Самарии даже до Вефорона: и убиша от них три тысящы, и плениша плен мног. 014 2CH 025 014 И бысть егда возвратися Амасиа поразив Идумею, и принесе себе богов сынов Сиир, и постави в боги себе, и покланяшеся им и сам кадяше им. 014 2CH 025 015 И бысть гнев Господень на Амасию, и посла к нему пророка, и рече ему: почто взыскал еси богов людских, иже не избавиша людий своих от руку твоею? 014 2CH 025 016 И бысть егда той глаголаше к нему, и отвеща ему: еда советника царева поставих тя? Внемли, да не биен будеши. И умолча пророк и рече: вем, яко восхоте Господь потребити тя, занеже сотворил еси сие зло) и не послушал еси совета моего. 014 2CH 025 017 И совеща Амасиа царь Иудин, и посла ко Иоасу сыну Иоахаза сына Ииуева, ко царю Израилеву, глаголя: прииди, да увидимся между собою в лице. 014 2CH 025 018 И посла Иоас царь Израилев ко Амасии царю Иудину, глаголя: терн, иже в Ливане, посла ко кедру ливанску, глаголя: даждь дщерь твою сыну моему в жену, и се, приидут зверие, иже в дубраве Ливанстей: и приидоша зверие и потопташа терн: 014 2CH 025 019 рекл еси: се, поразих Идумею, и воздвизается сердце твое в гордыню: ныне седи в дому твоем, и почто совещаваеши себе лукавое? Падеши ты и Иуда с тобою. 014 2CH 025 020 И не послуша Амасиа, зане от Господа бысть, да предастся в руки Иоасу, яко взыска богов Идумейских. 014 2CH 025 021 И взыде Иоас царь Израилев, и явистася друг другу, той и Амасиа царь Иудин, в Вефсамисе, иже есть Иудин. 014 2CH 025 022 И паде Иуда пред лицем Израилевым, и бежа кийждо в жилище свое. 014 2CH 025 023 И Амасию царя Иудина сына Иоасова, сына Охозиина, ят Иоас царь Израилев в Вефсамисе, и введе его во Иерусалим, и разори стены Иерусалимли от врат Ефремлих даже до врат угла на четыреста лакот: 014 2CH 025 024 и все злато и сребро, и вся сосуды обретшыяся в дому Господни и у Авдедома, и сокровища дому царева, и сынов залога, и возврати в Самарию. 014 2CH 025 025 И поживе Амасиа сын Иоасов, царь Иудин, по умертвии Иоаса сына Иоахазова царя Израилева пятьнадесять лет. 014 2CH 025 026 Прочая же словеса Амасиина первая и последняя, не се ли, писана суть в книзе царей Иудиных и Израилевых? 014 2CH 025 027 И во время егда Амасиа отступи от Господа, и нападоша на него нападением, и побеже из Иерусалима в Лахис. И послаша вслед его в Лахис, и убиша его ту. 014 2CH 025 028 И взяша его на конех и погребоша его со отцы его во граде Давидове. 014 2CH 026 001 И взяша вси людие Иудины (сына его) Озию, он же бе лет шестинадесяти, и поставиша его царем вместо Амасии отца его. 014 2CH 026 002 Той созда Елаф, той возврати его Иуде по успении царя со отцы его. 014 2CH 026 003 Шестинадесяти лет бысть Озиа, егда царствовати нача, и пятьдесят два лета царствова во Иерусалиме. Имя же матери его Иехелиа от Иерусалима. 014 2CH 026 004 И сотвори правое пред Господем по всем, елика сотвори Амасиа отец его, 014 2CH 026 005 и бе взыская Господа во дни Захарии разумеющаго во страсе Господни, и во дни его взыска Господа, и благопоспеши ему Господь. 014 2CH 026 006 И изыде, и ополчися противу иноплеменников, и разори стены Гефски и стены Иавнира и стены Азота и созда грады Азотски и во иноплеменницех. 014 2CH 026 007 И укрепи его Господь противу иноплеменников и противу Аравов, иже обитаху в камениих, и противу Минеов. 014 2CH 026 008 И даша Минее дары Озии, и прослы имя его даже до входа Египетскаго, понеже укрепися до высоты. 014 2CH 026 009 Созда же Озиа столпы во Иерусалиме и над враты угла и над враты юдольными и над углами, и укрепи их: 014 2CH 026 010 и устрои столпы в пустыни, и ископа кладязи многи, понеже имяше многи скоты на поли и в пустыни, и делатели виноградов на горах и на Кармиле, бе бо муж любоземледелен. 014 2CH 026 011 Бысть же Озии сила творящая брань, и исходящая к ополчению на брань, и входящая на ополчение в число: и бе число их под рукою Иеиля писаря и Маасии судии и под рукою Анании наместника царска. 014 2CH 026 012 Все число отечеств началников сильных на брань две тысящы шесть сот, 014 2CH 026 013 и с ними силы военныя триста седмь тысящ и пять сот: сии творяху брань в силе крепце, помогающе царю противу супостат. 014 2CH 026 014 Уготова же им Озиа всей силе щиты и копия, и шлемы и броня, луки же и пращы на метание камения. 014 2CH 026 015 И сотвори во Иерусалиме хитрости ухищреныя вымыслом, еже быти им на столпех и на углех, да мещут стрелы и камения велия: и слышано бысть устроение его до далеча, понеже удивлен бысть ищя помощи (от Господа), дондеже укрепися. 014 2CH 026 016 И егда укрепися, вознесеся сердце его на пагубу (свою): и обиде Господа Бога своего, и вниде в церковь Господню покадити над олтарем фимиамов. 014 2CH 026 017 И вниде по нем Азариа священник и с ним священницы Господни осмьдесят, сынове сильнии. 014 2CH 026 018 И сташа противно Озии царю и рекоша ему: несть твое, Озие, да кадиши фимиамом Господеви, но токмо священником сыном Аароним освященным кадити: изыди из святилища, яко отступил еси от Господа: и не вменится тебе сие во славу от Господа Бога. 014 2CH 026 019 И прогневася Озиа, и в руку его кадилница еже кадити во храме: и внегда разярися он на жерцы Господни, и проказа взыде на чело егоже пред священники в дому Господни, на олтари фимиамнем. 014 2CH 026 020 И обратися к нему Азариа архиерей и священницы, и се, той прокажен на челе своем, и изгнаша его оттуду, ибо и сам тщашеся изыти, яко обличи его Господь. 014 2CH 026 021 Бысть же Озиа царь прокажен даже до дне смерти своея и седяше в дому отлучене прокажен, понеже отторжен бысть от дому Господню: Иоафам же сын его бе над царством его судя людем земли. 014 2CH 026 022 Прочая же словеса Озии первая и последняя написана у Исаии сына Амосова пророка. 014 2CH 026 023 И успе Озиа со отцы своими, и погребоша его со отцы его в поли царских гробов, зане реша, яко прокажен бысть. И воцарися Иоафам сын его вместо его. 014 2CH 027 001 Сын двадесяти и пяти лет бяше Иоафам, егда царствовати нача, и шестьнадесять лет царствова во Иерусалиме. Имя же матере его Иеруса, дщи Садокова. 014 2CH 027 002 И сотвори правое пред Господем по всем, яже сотвори Озиа отец его, обаче не вниде в церковь Господню, и еще людие согрешаху. 014 2CH 027 003 Той созда врата дому Господня высокая, и на стене Офли созда многа: 014 2CH 027 004 и грады созда на горах Иудиных, и в дубравех дворы и столпы. 014 2CH 027 005 И той ополчися противу царя сынов Аммоних и одоле его: и даяху ему сынове Аммони на всякое лето по сту талант сребра и десять тысящ кор (мер) пшеницы и десять тысящ ячменя: сия ему приношаше царь сынов Аммоних на лето, в первое лето и второе и третие. 014 2CH 027 006 И укрепися Иоафам, яко уготова пути своя пред Господем Богом своим. 014 2CH 027 007 Прочая же словеса Иоафамля, и брань, и деяния его, се, писана в книзе царей Иудиных и Израилевых. 014 2CH 027 008 Сын двадесяти и пяти лет бяше, егда царствовати нача, и шестьнадесять лет царствова во Иерусалиме. 014 2CH 027 009 Успе же Иоафам со отцы своими и погребен бысть во граде Давидове. И воцарися Ахаз сын его вместо его. 014 2CH 028 001 Сын двадесяти и пяти лет бе Ахаз, егда царствовати нача, и шестьнадесять лет царствова во Иерусалиме: и не сотвори правое пред Господем, якоже Давид отец его. 014 2CH 028 002 И пойде по путем царей Израилевых: ибо и изваянная сотвори, 014 2CH 028 003 и идолом их пожре в земли Веенномли и проведе сынов своих сквозе огнь по мерзостем языков, ихже потреби Господь от лица сынов Израилевых: 014 2CH 028 004 и кадяше на высоких и на холмех и под всяким древом дубравным. 014 2CH 028 005 И предаде его Господь Бог его в руце царя Сирска и порази его, и плени от них плен мног, и приведе в Дамаск, и в руки царя Израилева предаде его, и порази его язвою великою. 014 2CH 028 006 И уби Факей сын Ромелиев царь Израилев от Иуды во един день сто двадесять тысящ мужей крепких силою, егда оставиша Господа Бога отец своих. 014 2CH 028 007 И уби Зехрий муж силен от Ефрема Маасию сына царева и Езрикама началника дому его и Елкана наместника царева. 014 2CH 028 008 Плениша же сынове Израилевы от братии своих триста тысящ жен, сынов и дщерей: и плен мног плениша от них, и принесоша корысти в Самарию. 014 2CH 028 009 И бе тамо пророк Господень, именем Одид, иже изыде во сретение воем грядущым в Самарию и рече им: се, гнев Господа Бога отец ваших противу Иуды, и предаде их в руки вашя, и убисте их во гневе, и даже до небесе достиже (ваше немилосердие): 014 2CH 028 010 и ныне сынов Иудиных и Иерусалимлих вы глаголете покорити в рабы и рабыни: не се ли, аз есмь с вами, свидетелствовати Господу Богу вашему? 014 2CH 028 011 И ныне послушайте мене и возвратите плен, егоже пленисте от братий ваших, яко гнев ярости Господни на вас. 014 2CH 028 012 И восташа началницы от сынов Ефремлих, Азариа сын Иоанан и Варахиа сын Васаллимофов, и Езекиа сын Селлумов и Амасиа сын Елдаев на грядущих от брани, 014 2CH 028 013 и рекоша им: не введите плена семо к нам, зане согрешим Господу, вы хощете приложити ко грехом нашым и к безумию нашему, велик бо грех наш, и гнев ярости Господни на Израили. 014 2CH 028 014 И оставиша воини плен и корысти пред началники и пред всем множеством. 014 2CH 028 015 И восташа мужие реченнии по имени и взяша плененых, и всех нагих облекоша от корыстей, и одеяша их и обуша их, и даша ясти и пити им и помазатися, и всадиша на подяремника всякаго немощнаго, и отвезоша их во Иерихон град финический ко братии их, и возвратишася в Самарию. 014 2CH 028 016 Во время оно посла царь Ахаз ко царю Ассурску, прося помощи себе и в том, 014 2CH 028 017 понеже Идумеане нападоша и поразиша Иуду и плениша плен: 014 2CH 028 018 и иноплеменницы нападоша на грады напольныя и от полуденныя Иудеи и взяша Вефсамис, и яже в дому Господни, и яже в дому царстем, и князей, и даша царю Аилон и Гадироф, и Сохоф и веси его, и Гамзон и веси его, и Фамну и веси ея, и вселишася тамо. 014 2CH 028 019 Яко смири Господь Иудею ради Ахаза царя Иудина, понеже отступи отступлением от Господа. 014 2CH 028 020 И прииде на него Фелгафелласар царь Ассурский, и озлоби его, и пресели, иже бяху в Дамасце, в Мидию, из Сирии же пресели в Дамаск пребывати. 014 2CH 028 021 И взя Ахаз сущая в дому Господни и яже в дому царстем и у началников, и даде царю Ассурску: и не бысть на помощь ему, но токмо к печали его. 014 2CH 028 022 И приложи отступити от Господа и рече царь Ахаз: 014 2CH 028 023 взышу богов Дамасковых биющих мя. И рече: бози царя Сирска, тии укрепляют их, сим убо пожру, и будут ми в помощь. Тии же быша к падению его и всего Израиля. 014 2CH 028 024 И остави Ахаз сосуды дому Господня и сокруши их, и заключи врата дому Божия, и сотвори себе требища во всех углех Иерусалима, 014 2CH 028 025 и во всех градех Иудиных сотвори высокая, еже кадити богом чуждим, и разгнева Господа Бога отец своих. 014 2CH 028 026 Прочая же словеса его и деяния его первая и последняя, се, писана суть в книзе царей Иудиных и Израилевых. 014 2CH 028 027 И успе Ахаз со отцы своими, и погребоша его во граде Давидове, ибо не внесоша его во гробы царей Израилевых. И воцарися Езекиа сын его вместо его. 014 2CH 029 001 И Езекиа нача царствовати сый двадесяти и пяти лет, и двадесять девять лет царствова во Иерусалиме. Имя же матери его Авиа, дщерь Захариина. 014 2CH 029 002 Сотвори же правое пред Господем по всем, яже сотвори Давид отец его. 014 2CH 029 003 И бысть егда ста на царстве своем в месяц первый, отверзе двери дому Господня и обнови их, 014 2CH 029 004 и введе священники и левиты, и постави их на стране яже к востоку, 014 2CH 029 005 и рече им: послушайте мя, левити, ныне очиститеся и очистите дом Господа Бога отец наших, и изрините нечистоту из святилища: 014 2CH 029 006 яко отступиша отцы наши и сотвориша лукавое пред Господем Богом нашим, и оставиша Его, и отвратиша лице свое от скинии Господни, и даша хребет, 014 2CH 029 007 и заключиша врата храма, и погасиша светилники, и фимиамом не кадиша, и всесожжений не принесоша во святилищи Богу Израилеву: 014 2CH 029 008 и разгневася яростию Господь на Иуду и на Иерусалим, и предаде их во ужас и погубление и на звиздание, якоже вы видите очима вашима: 014 2CH 029 009 и се, поражени быша отцы наши мечем, и сынове наши и дщери нашя и жены нашя в пленении в земли не своей, якоже и ныне суть: 014 2CH 029 010 ныне убо положите на сердца ваша, еже завещати завет с Господем Богом Израилевым, и отвратит гнев ярости Своея от нас: 014 2CH 029 011 и ныне не пренебрегайте, яко вас избра Господь стояти пред Ним, служити Ему, и да будете Ему служаще и кадяще. 014 2CH 029 012 И восташа левити, Маал сын Амасиев и Иоиль сын Захариев от сынов Каафовых, и от сынов Мерариных Кис сын Авдиев и Азариа сын Илаелилов, и от сынов Гедсоних Иоадад сын Земмань и Иоадам, сии сынове Иоахаини: 014 2CH 029 013 от сынов Елисафаних Самарий и Иеиил, и от сынов Асафовых Захариа и Матфаниа, 014 2CH 029 014 и от сынов Еманих Иеиил и Семей, от сынов же Идифумлих Самафиа и Озиил: 014 2CH 029 015 собраша же братию свою и освятишася по заповеди цареве повелением Господним, да очистят дом Божий: 014 2CH 029 016 и внидоша священницы внутрь церкве Господни, да очистят ю, и извергоша всю нечистоту обретенную в дому Господни и во дворе дому Господня: и вземше левити, изнесоша к потоку Кедрску вон. 014 2CH 029 017 И начаша в первый день новомесячия перваго месяца очищати, и в день осмый того месяца внидоша во храм Господень, и очистиша церковь Господню во осми днех, и в день шестыйнадесять месяца перваго совершиша. 014 2CH 029 018 И внидоша внутрь ко Езекии царю и рекоша: очистихом вся, яже в дому Господни, олтарь всесожжения и сосуды его, и трапезу предложения со всеми сосуды ея, 014 2CH 029 019 и вся сосуды, яже оскверни царь Ахаз в царство свое во отступлении своем, уготовахом и очистихом, и се, суть пред олтарем Господним. 014 2CH 029 020 И воста рано Езекиа царь, и собра началники града, и взыде в дом Господень, 014 2CH 029 021 и вознесе телцев седмь и овнов седмь, агнцев седмь и козлов от коз седмь за грех, за царство и за святилище и за Израиля, и рече сыном Аароним священником, да взыдут на олтарь Господень жрети телцев. 014 2CH 029 022 И заклаша телцев, и взяша кровь священницы и излияша на олтарь: и заклаша овнов и кровь на олтарь возлияша: и заклаша агнцев и облияша кровию олтарь: 014 2CH 029 023 и приведоша козлов, иже за грех, пред царя и церковь, и возложиша руки своя на них, 014 2CH 029 024 и пожроша их священницы, и покропиша кровию их пред олтарем, и помолишася о всем Израили: зане рече царь, о всем Израили всесожжение и яже о гресе. 014 2CH 029 025 Постави же левиты в дому Господни с кимвалы и псалтирми и гусльми, по заповеди Давида царя и Гада провидца царю и Нафана пророка, яко по заповеди Господней повеление (бысть) рукою пророков Его. 014 2CH 029 026 Сташа же левити со органы Давидовы и священницы с трубами. 014 2CH 029 027 И повеле Езекиа, да вознесут всесожжение на олтарь: и егда начаша возносити всесожжение, начаша хвалы пети Господеви и трубити при органех Давида царя Израилева. 014 2CH 029 028 И вся церковь покланяшеся, и певцы пояху, и трубы трубяху, дондеже совершися всесожжение. 014 2CH 029 029 Егда же скончаша приношение, преклонися царь и вси иже бяху с ним и поклонишася Господеви. 014 2CH 029 030 Повеле же Езекиа царь и князи левитом, да восхвалят Господа словесы Давидовыми и Асафа пророка: иже восхвалиша в веселии, и падоша, и поклонишася Господеви. 014 2CH 029 031 И отвеща Езекиа и рече: ныне исполнисте руки вашя Господу, приведите и принесите жертвы хваления в дом Господень. И принесе (все) собрание жертвы и хвалы в дом Господень, и всяк усердный сердцем всесожжения. 014 2CH 029 032 И бысть число всесожжения, еже принесе собрание, телцев седмьдесят, овнов сто, агнцев двести, вся сия во всесожжение Господеви: 014 2CH 029 033 освященных же телцев шестьсот, овец три тысящы. 014 2CH 029 034 Но священницы не мнози бяху и не можаху одирати кож всесожжения, и помогоша им братия их левити, дондеже исполнися дело и дондеже освятишася жерцы, левити бо усерднее освятишася, нежели священницы: 014 2CH 029 035 всесожжения же много в туках совершения спасения, и возлияний всесожжения: и исправися дело в дому Господни. 014 2CH 029 036 Возвеселися же Езекиа и вси людие, яко уготова Бог людем, понеже внезапу бысть слово. 014 2CH 030 001 Посла же Езекиа ко всему Израилю и Иуде, и написа послания ко Ефрему и Манассии, да приидут к дому Господню во Иерусалим сотворити пасху Господу Богу Израилеву. 014 2CH 030 002 И усоветова царь и князи и все множество во Иерусалиме сотворити пасху во вторый месяц: 014 2CH 030 003 не возмогоша бо сотворити во время свое, яко священницы не очистишася доволни, и людие не у собрашася во Иерусалим. 014 2CH 030 004 И угодно бысть слово цареви и всему множеству. 014 2CH 030 005 И поставиша слово, да пройдет проповедь во весь Израиль от Вирсавеи даже до Дана, да приидут сотворити пасху Господу Богу Израилеву во Иерусалиме, мнози бо не сотвориша по писанию. 014 2CH 030 006 И поидоша гонцы с посланьми от царя и от началников во весь Израиль и Иудею по повелению цареву, глаголюще: сынове Израилевы, обратитеся ко Господу Богу Авраамлю и Исаакову и Иаковлю, и обратите спасшихся, иже избыша от руки царя Ассурска, 014 2CH 030 007 и не будите якоже отцы ваши и братия ваша, иже отступиша от Господа Бога отец своих, и предаде их в погубление, якоже вы видите: 014 2CH 030 008 и ныне не ожесточите сердец ваших, якоже отцы ваши: дадите славу Господу Богу и внидите во святилище Его, еже освяти во век, и служите Господу Богу вашему, и отвратит от вас гнев ярости Своея: 014 2CH 030 009 понеже егда обратитеся вы ко Господу, братия ваша и чада ваша будут в щедротах пред всеми пленившими их, и возвратит в землю сию, зане милостив и щедр Господь Бог наш, и не отвратит лица Своего от нас, аще обратимся к Нему. 014 2CH 030 010 И бяху гонцы проходяще от града во град, на горе Ефремли и Манассиине, даже и до Завулона: и быша яко посмеяваеми и поругаеми. 014 2CH 030 011 Но мужие от Асира и от Манассии и от Завулона устыдишася и приидоша в Иерусалим и во Иудею. 014 2CH 030 012 И бысть рука Господня дати им сердце едино приити, еже сотворити по повелению цареву и князей слово Господне. 014 2CH 030 013 И собрашася во Иерусалим людие мнози, да сотворят праздник опресноков в месяц вторый, сонм мног зело. 014 2CH 030 014 И восташа, и разориша олтари, иже во Иерусалиме, и вся, в нихже кадяху идолом, испровергоша и ввергоша их в поток Кедрский, 014 2CH 030 015 и пожроша пасху в четвертыйнадесять день месяца втораго: священницы же и левити умилишася и освятишася, и принесоша всесожжения в дом Господень: 014 2CH 030 016 и сташа в чине своем по обычаю своему, по заповеди Моисеа человека Божия, и священницы приемляху кровь от руку левитску. 014 2CH 030 017 Понеже мног народ освящен не бысть, левити же бяху жруще пасху всякому, иже не можаше освятитися Господу: 014 2CH 030 018 понеже болшая часть людий от Ефрема и Манассии, и Иссахара и Завулона освященна не бысть, но ядоша пасху не по писанию. 014 2CH 030 019 И помолися Езекиа о них глаголя Господь Бог благ да умилостивится о всяцем сердцы направившемся еже взыскати Господа Бога отец своих, а не по очищению святынь. 014 2CH 030 020 И услыша Господь Езекию и изцели люди. 014 2CH 030 021 И сотвориша сынове Израилевы обретшиися во Иерусалиме праздник опресноков седмь дний в веселии велице хваляще Господа на всяк день, левити же и священницы во органы Господу. 014 2CH 030 022 И глагола Езекиа ко всякому сердцу левитов, иже имех разум благ ко Господу: и скончаша праздник опресноков седмь дний жруще жертву спасения и исповедающеся Господу Богу отец своих. 014 2CH 030 023 И усоветова весь собор купно сотворити ины седмь дний (праздника): и сотвориша седмь дний иных в веселии. 014 2CH 030 024 Понеже Езекиа царь Иудин даде начатки всему народу тысящу телцев и седмь тысящ овец: началницы же даша людем телцев тысящу и овец десять тысящ, и освятишася священников множество. 014 2CH 030 025 И возрадовася вся церковь, священницы и левити, и все множество Иудино и обретшиися из Иерусалима, и пришелцы пришедшии от земли Израилевы и обитающии во Иудеи. 014 2CH 030 026 И бысть веселие велие во Иерусалиме: яко от дний Соломона, сына Давидова царя Израилева, не бысть таковый праздник во Иерусалиме. 014 2CH 030 027 И восташа священницы и левити и благословиша людий, и услышан бысть глас их, и прииде моление их в жилище святое Его на небо. 014 2CH 031 001 Егда же сия вся совершишася, изыде весь Израиль обретшийся во градех Иудиных, и сокрушиша идолы и посекоша дубравы, и разориша высокая и требища от всея Иудеи и Вениамина, и от Ефрема и от Манассии в конец: и возвратися весь Израиль, кийждо во одержание свое и во грады своя. 014 2CH 031 002 И устави Езекиа чреды священников и левитов, и чреды коегождо по служению его, священников и левитом, во всесожжение и в жертву спасения, и дабы хвалили и исповедалися и служили во вратех во дворех дому Господня. 014 2CH 031 003 Часть же царева бысть от имения его во всесожжение утреннее и вечернее, и всесожжения в субботы и в новомесячия и в праздники писанныя в законе Господни. 014 2CH 031 004 И заповеда людем живущым во Иерусалиме дати часть священником и левитом, да укрепятся во служении дому Господня. 014 2CH 031 005 И егда устави слово, даша много сынове Израилевы начаток пшеницы и вина и елеа и меда, и вся яже родит земля, и десятины вся принесоша зело много сынове Израилевы и Иудины. 014 2CH 031 006 И иже обитаху во градех Иудиных, и тии принесоша десятины от телцев и овец, и десятины от коз, и посвятиша Господу Богу своему, и внесоша и положиша купы многи. 014 2CH 031 007 Месяца третияго начаша купам полагати основания, и месяца седмаго и совершиша их. 014 2CH 031 008 И вниде Езекиа и началницы, и видеша купы, и благословиша Господа и люди Его Израиля. 014 2CH 031 009 Вопроси же Езекиа священников и левитов о купах. 014 2CH 031 010 И отвеща к нему Азариа священник началный в дому Садоков и рече отнележе начаша приносити начатки в дом Господень, ядохом и пихом, и оставихом даже до множества, яко благослови Господь люди Своя, и оставихом еще множество сие. 014 2CH 031 011 И повеле Езекиа еще уготовити житницы в дому Господни: и уготоваша. 014 2CH 031 012 И внесоша тамо начатки и десятины верно: над ними же бе настоятель Хонениа левит, и Семей брат его вторый, 014 2CH 031 013 и Иеиил и Озиа, и Наеф и Асаил, и Иеримоф и Иозавад, и Елиил и Самахиа, и Мааф и Ванаиа, и сынове его приставлени рукою Хонении и Семеа брата его, якоже повеле Езекиа царь и Азариа началник дому Господня. 014 2CH 031 014 И Корей сын Иемнаин левит, дверник к востоку над даяньми, еже даяти начатки Господни и Святая святых, 014 2CH 031 015 рукою Одома и Вениамина, и Иисуса и Семеа, и Амариа и Сехониа, рукою священников верно, даяти братии своей по чредам, малу и велику, 014 2CH 031 016 кроме рожденных мужеска полу от лет триех и вышше, всем, иже вхождаху в церковь Господню по числу дний на день, в службу чред расположения их. 014 2CH 031 017 Сие разделение священников по домом отечеств: и левити в чредах своих, от двадесяти лет и вышше, по чином, в разделениих. 014 2CH 031 018 Всякому рожденному жен их и сынов их и дщерей их во все множество, понеже верно освятиша святое. 014 2CH 031 019 И сыновом Аароним священствующым в селех, и иже от градов их во всяцем граде и граде, мужие иже именовани суть по имени, даяти часть всякому мужеску полу во священницех и всякому сочисляемому в левитех. 014 2CH 031 020 И сотвори тако Езекиа во всей Иудеи, и сотвори благое и правое и истинное пред Господем Богом своим, 014 2CH 031 021 и во всяцем деле, еже нача делати в дому Господни, и в законе и в повелениих взыска Бога своего всем сердцем своим и сотвори, и благопоспешися ему. 014 2CH 032 001 И по словесех сих и по истине сей, прииде Сеннахирим царь Ассирийский, и прииде на Иудею, и ополчися на грады крепкия хотя взяти их. 014 2CH 032 002 И виде Езекиа, яко прииде Сеннахирим, и лице его воевати на Иерусалим: 014 2CH 032 003 и советова со старейшины своими и с сильными, да заключат воды источников, иже беша вне града: и соизволиша ему. 014 2CH 032 004 И собра много людий, и заключи воды источников и поток текущь посреде града, глаголя: да не приидет царь Ассирийский, и обрящет вод много, и укрепится. 014 2CH 032 005 И укрепися Езекиа, и созда вся стены, яже быша разсыпаны, и столпы, и отвне предстение ино, и укрепи разрушенная града Давидова, и уготова оружия многа: 014 2CH 032 006 и постави началники бранем над людьми, и собрашася к нему на площадь врат дебри, и глагола в сердца их глаголя: 014 2CH 032 007 укрепитеся и мужайтеся и не устрашайтеся, ниже ужасайтеся от лица царя Ассирийска и от лица всего множества, еже с ним: яко множайшии с нами суть неже с ним: 014 2CH 032 008 с ним мышца плотская, с нами же Господь Бог наш, еже спасати и поборати на брани нашей. И укрепишася людие словесы Езекии царя Иудина. 014 2CH 032 009 И по сих посла Сеннахирим царь Ассирийский рабы своя во Иерусалим, сам же со всеми вои своими обстояше Лахис, и посла ко Езекии царю Иудину и ко всему Иуде, иже во Иерусалиме, глаголя: 014 2CH 032 010 сия глаголет Сеннахирим царь Ассирийский: на что вы уповаете и седите во обстоянии во Иерусалиме? 014 2CH 032 011 Ни ли Езекиа прельщает вас, да предаст вы в смерть и в глад и жажду, глаголя: Господь Бог наш спасет нас от руки царя Ассирийска? 014 2CH 032 012 Не сей ли есть Езекиа, иже разори олтари Его и вышняя Его, и повеле Иуде и живущым во Иерусалиме, глаголя: олтарем пред олтарем сим покланяйтеся и в нем кадите фимиам? 014 2CH 032 013 Или не весте сего, что аз сотворих и отцы мои всем людем земли? Еда могуще возмогоша бози языков всея земли избавити люди своя от руки моея? 014 2CH 032 014 Кто во всех бозех языков сих, ихже искорениша отцы мои? Еда возмогоша избавити люди своя от руки моея, и како может Бог ваш избавити вас от руки моея? 014 2CH 032 015 Ныне убо да не прельщает вас Езекиа и да не творит вас уповати по сему, и не веруйте ему: аще бо ни един бог всякаго языка и царства возможе избавити люди своя от руки моея и от руку отец моих, то ниже Бог ваш возможет избавити вас от руки моея. 014 2CH 032 016 И ина (многа) глаголаша раби его противу Господа Бога и противу Езекии раба Его. 014 2CH 032 017 И послания написа поношая Господа Бога Израилева, и рече Нань, глаголя: якоже бози язык земли не могоша избавити людий своих от руки моея, тако ниже Бог Езекиин избавит люди Своя от руки моея. 014 2CH 032 018 И возопи воплем великим языком Иудейским к людем, иже седяху на стенах Иерусалимлих, да устрашит их и ужасит, и возмет град: 014 2CH 032 019 и глагола на Бога Иерусалимля, якоже и на богов людий земли, дела рук человеческих. 014 2CH 032 020 И помолися Езекиа царь и Исаиа сын Амосов пророк о сих, и возопиша на небо. 014 2CH 032 021 И посла Господь Ангела, и порази всех мужей храбрых и бранников, и началников и воевод в полцех царя Ассирийска: и возврати лице его со стыдом на землю его, и прииде в дом бога своего, и сынове его изшедшии из чрева его погубиша его мечем. 014 2CH 032 022 И спасе Господь Езекию и обитающих во Иерусалиме от руки Сеннахирима царя Ассирийска и от руку всех, и подаде им покой окрест. 014 2CH 032 023 И мнози приношаху дары Господу во Иерусалим и даяния Езекии царю Иудину, и возвышен бысть пред очесы всех языков по сих. 014 2CH 032 024 Во днех оных разболеся Езекиа даже до смерти и помолися ко Господу: и услыша его и даде ему знамение. 014 2CH 032 025 И не по воздаянию, еже даде ему, воздаде Езекиа, но вознесеся сердце его, и бысть на него гнев и на Иуду и на Иерусалим. 014 2CH 032 026 И смирися Езекиа от высоты сердца своего сам и живущии во Иерусалиме, и не прииде на них гнев Господень во дни Езекиины. 014 2CH 032 027 И бысть Езекиеви богатство и слава многа зело: и сокровища себе собра сребра и злата и камения честнаго, и ароматы, и оружия хранилницы, и сосуды драгоценны, 014 2CH 032 028 и житницы жит, пшеницы и вина и елеа, и села, и ясли всякому скоту, и ограды стадом, 014 2CH 032 029 и грады, яже созда себе, и строения овцам и волом множество: зане даде ему Господь собрания многа зело. 014 2CH 032 030 Той Езекиа загради исход воды Геона вышняго и проведе ю в низ к полудню града Давидова. И преуспе Езекиа во всех делех своих. 014 2CH 032 031 И тако послом князей от Вавилона, иже послани бяху к нему, да вопросят его о чудеси, еже случися на земли, остави его Господь, да искусит его уведати, яже в сердцы его. 014 2CH 032 032 Прочая же словес Езекииных, и щедроты его, се, писана суть в пророчестве Исаии пророка сына Амосова и в книзе царей Иудиных и Израилевых. 014 2CH 032 033 И успе Езекиа со отцы своими, и погребоша его на восходех гробов сынов Давидовых: и славу и честь даша ему в смерти его весь Иуда и живущии во Иерусалиме. И воцарися Манассиа сын его вместо его. 014 2CH 033 001 Дванадесяти лет бе Манассиа, егда царствовати нача, и пятьдесят пять лет царствова во Иерусалиме: 014 2CH 033 002 сотвори же лукавое пред Господем по всем мерзостем языческим, ихже истреби Господь от лица сынов Израилевых: 014 2CH 033 003 и возврати и созда высокая, яже раскопа Езекиа отец его, и сострои кумиры Ваалиму, и сотвори дубравы, и поклонися всему воинству небесному, и послужи им, 014 2CH 033 004 и созда олтари в дому Господни, о немже глагола Господь: во Иерусалиме будет имя Мое во веки: 014 2CH 033 005 созда же жертвенники всему воинству небесному во двою дворех дому Господня. 014 2CH 033 006 Той же проведе чада своя чрез огнь во удоли Веенномли и вражаше (со жребии), и последоваше гаданием, и волхвованием служаше, и имеяше чревоволшебники и обаянники, и многа лукавая сотвори пред Господем, да прогневает Его: 014 2CH 033 007 истуканы же и слиянны образы сотвори и постави в дому Божии, о немже глагола Бог к Давиду и к Соломону сыну его: в дому сем и во Иерусалиме, егоже избрах от всех колен Израилевых, положу имя Мое во век, 014 2CH 033 008 и не приложу подвигнути ногу Израилеву от земли, юже предах отцем их, токмо аще сохранят сотворити вся, яже повелех им, по всему закону и повелением и судбам, рукою Моисеовою. 014 2CH 033 009 И прельсти Манассиа Иуду и живущих во Иерусалиме, да сотворят лукавое паче всех язык, ихже испроверже Господь от лица сынов Израилевых. 014 2CH 033 010 И глагола Господь к Манассии и к людем его, и не послушаша. 014 2CH 033 011 И наведе Господь на них началники воев царя Ассирийска, и яша Манассию во узах, и связаша его оковы ножными, и отведоша в Вавилон. 014 2CH 033 012 И егда озлоблен бысть, взыска лице Господа Бога своего, и смирися зело пред лицем Бога отец своих, 014 2CH 033 013 и помолися к Нему и послуша его, и услыша вопль его, и возврати его во Иерусалим на царство его: и позна Манассиа, яко Господь Той есть Бог. 014 2CH 033 014 И по сих созда стену вне града Давидова от Ливы к югу в потоце и ко входу врат Рыбных, исходящым вратами сущими окрест в высоту, и возвыси зело: и постави началники воем во всех градех Иудиных стенатых, 014 2CH 033 015 и отят боги чуждыя и идолы от дому Господня, и вся олтари, яже созда в горе дому Господня и во Иерусалиме, и изверже вся вон из града. 014 2CH 033 016 И паки воздвиже олтарь Господень, и пожре на том жертву спасения и хваления, и заповеда Иуде, да служат Господу Богу Израилеву. 014 2CH 033 017 Но еще людие жряху на высоких, обаче Господу Богу своему. 014 2CH 033 018 Прочая же словес Манассииных, и молитва его, яже к Богу, и словеса провидящих, иже глаголаху к нему во имя Господа Бога Израилева, 014 2CH 033 019 се, во словесех молитвы его, и яко услыша его, и вси греси его и отступления его, и места, на нихже созида высокая, и сотвори тамо Дубравы и изваянная, прежде неже обратитися ему, се, писана суть во словесех провидящих. 014 2CH 033 020 Успе же Манассиа со отцы своими, и погребоша его в саду дому его. И воцарися вместо его сын его Амон. 014 2CH 033 021 Двадесяти дву лет бе Амон, егда царствовати нача, и два лета царствова во Иерусалиме, 014 2CH 033 022 и сотвори лукавое пред Господем, якоже творяше Манассиа отец его, и всем идолом, ихже сотвори Манассиа отец его, пожре Амон и послужи им: 014 2CH 033 023 и не смирися пред Господем, якоже смирися Манассиа отец его, зане сын его Амон умножи грехи. 014 2CH 033 024 И нападоша нань раби его и убиша его в дому его. 014 2CH 033 025 И убиша людие земли нападших на царя Амона, и поставиша людие земли царя Иосию сына его вместо его. 014 2CH 034 001 Осми лет бысть Иосиа, егда царствовати нача, и тридесять едино лето царствова во Иерусалиме, 014 2CH 034 002 и сотвори правое пред Господем, и ходи в путех Давида отца своего, и не уклонися ни на десно, ни на лево. 014 2CH 034 003 И во осмое лето царства своего, и той еще сый отрок, нача взыскати Господа Бога отца своего Давида: и во второенадесять лето царства своего нача очищати Иудею и Иерусалим от высоких и лесов, и от капищ и от истуканных. 014 2CH 034 004 И разориша пред лицем его олтари Ваалимли, и высокая, яже на них: и посече дубравы и истуканныя, и слиянная сокруши и истни, и растопи и поверже пред лицем гробов жрущих им: 014 2CH 034 005 и кости жерцев сожже на олтарех их, и очисти Иуду и Иерусалим, 014 2CH 034 006 и во градех Манассииных и Ефремлих и Симеоних даже до Неффалима, и в местех их окрест: 014 2CH 034 007 и олтари размета и лесы, и идолы разсече в частицы, и вся высокая изсече от всея земли Израилевы, и возвратися во Иерусалим. 014 2CH 034 008 И во осмоенадесять лето царства своего, егда очищена бысть земля и церковь Господня, посла Сафана сына Еселиева и Амесию началника града и Иоаса сына Иоахазова памятописца своего, да утвердят дом Господа Бога своего. 014 2CH 034 009 И приидоша ко Хелкии священнику великому, и даша сребро принесенное в дом Господень, еже собраша левити хранящии дверь от руки Манассиины и Ефремли, и от началников и от всех прочих во Израили, и от сынов Иудиных и Вениаминих и обитающих во Иерусалиме, 014 2CH 034 010 и даша оное в руце творящих дела, приставницы в дому Господни, и даша е творящым дела, иже творяху в дому Господни да, обновят и укрепят храм: 014 2CH 034 011 и даша тектоном и домоздателем, да купят камение четвероуголное и древа на бервна на покрытие домов, ихже разориша царие Иудины. 014 2CH 034 012 И мужие верно творяху в делех, и над ними надзирателе Иеф и Авдиа левити от сынов Мерариных, и Захариа и Мосоллам от сынов Каафовых надзирати, и всяк левитин, и всяк знаяй во органы пети: 014 2CH 034 013 и над носящими бремена и над всеми творящими дела, всяким деланием: и от левит беша писареве и судии и дверницы. 014 2CH 034 014 И внегда износити им сребро принесенное в церковь Господню, обрете Хелкиа священник книгу закона Господня, (яже дана бысть) рукою Моисеовою. 014 2CH 034 015 И отвеща Хелкиа и рече к Сафану писарю: книгу закона обретох в дому Господни. И даде Хелкиа книгу Сафану. 014 2CH 034 016 И принесе Сафан книгу ко царю, и возвести еще ко царю слово, глаголя: все сребро дано в руки рабов твоих творящих дела: 014 2CH 034 017 и слияша сребро обретенное в дому Господни, и даша в руки надзирателей и в руки творящих дело. 014 2CH 034 018 И возвести Сафан писарь слово царю, глаголя: книгу даде ми Хелкиа священник. И прочте ю Сафан пред царем. 014 2CH 034 019 И бысть егда услыша царь словеса закона, и растерза ризы своя. 014 2CH 034 020 И повеле царь Хелкиеви и Ахикаму сыну Сафанову и Авдону сыну Михееву, и Сафану писарю и Асаию рабу цареву, глаголя: 014 2CH 034 021 идите и молитеся Господу за мя и за всякаго оставшагося во Израили и Иуде, о словесех книги, яже обретена есть, велик бо гнев Господень разгореся на нас, понеже не послушаша отцы наши словес Господних, еже творити по всем написанным в книзе сей. 014 2CH 034 022 И иде Хелкиа, и имже повеле царь, ко Олдане пророчице, жене Селлима сына Фекуева, сына Есерии ризохранителя, хранящей заповеди, яже обиташе во Иерусалиме в масане, и глаголаша ей по сим. 014 2CH 034 023 И та отвеща им: сия рече Господь Бог Израилев: глаголите мужу, иже посла вас ко мне: сия рече Господь: 014 2CH 034 024 се, Аз наведу злая на место сие и на обитающих в нем вся словеса, яже писана суть в книзе прочтенней пред царем Иудиным, 014 2CH 034 025 зане оставиша Мя и кадяху богом чуждим, да прогневают Мя во всех делех рук своих: и разгореся ярость Моя на место сие и не угасится: 014 2CH 034 026 и ко царю Иудину, иже посла вас ко Господу помолитися, тако глаголите ему: сия рече Господь Бог Израилев: словеса, яже слышал еси, 014 2CH 034 027 и сокрушися сердце твое, и смирился еси пред лицем Моим, егда услышал еси словеса Моя на место сие и на обитающих в нем, и смирился еси предо Мною, и растерзал еси ризы твоя, и плакал еси предо Мною, и Аз услышах, рече Господь: 014 2CH 034 028 се, приложу тя ко отцем твоим, и приложишися ко гробом твоим в мире, и не узрят очи твои всякаго зла, яже Аз наведу на место сие и на обитающих в нем. И возвестиша царю слово. 014 2CH 034 029 И посла царь, и собра старейшины Иудины и Иерусалимли. 014 2CH 034 030 И взыде царь в дом Господень и вси мужие Иудины и живущии во Иерусалиме, и священницы и левити, и вси людие от мала даже до велика: и читаше во ушеса их вся словеса книги завета обретенныя в дому Господни. 014 2CH 034 031 И ста царь на столпе, и завеща завет пред Господем ходити пред Господем, хранити заповеди Его и свидения Его и повеления Его всем сердцем и всею душею, еже творити словеса завета написанная в книзе сей. 014 2CH 034 032 И постави всех, иже обретени бяху во Иерусалиме и Вениамине, и сотвориша обитающии во Иерусалиме завет в дому Господа Бога отец своих. 014 2CH 034 033 И отя Иосиа вся мерзости от всея земли, яже бе сынов Израилевых, и сотвори всех обретшихся во Иерусалиме и во Израили служити Господу Богу своему во вся дни своя, и не уклонися от Господа Бога отец своих. 014 2CH 035 001 И сотвори Иосиа во Иерусалиме пасху Господу Богу своему, и пожре пасху в четвертыйнадесять день месяца перваго: 014 2CH 035 002 и постави священники на стражах их, и укрепи их на дела дому Господня, 014 2CH 035 003 и рече левитом сильным во всем Израили, да освятятся Господу и поставят кивот святый в дому Господни. И поставиши кивот святый во храме, егоже созда Соломон сын Давида царя Израилева. И рече царь: несть вам на раменах носити ничтоже: ныне убо служите Господу Богу вашему и людем Его Израилю, 014 2CH 035 004 и уготовайтеся по домом отечеств ваших и по чредам вашым, по писанию Давида царя Израилева и рукою Соломона сына его, 014 2CH 035 005 и стойте во храме по разделением домов отечеств ваших во братии вашей сынех людских, и по части дому отечества в левитех: 014 2CH 035 006 и пожрите пасху и святая уготовайте братии вашей, еже сотворити по словеси Господню, (еже глагола) рукою Моисеовою. 014 2CH 035 007 И даде начатки Иосиа сыном людским овцы и агнцы и козлы от коз, вся на пасху, и всех обретеных в число тридесять тысящ, и волов три тысящы, сия от царева имения. 014 2CH 035 008 И началницы его даша начатки людем и священником и левитом: даде же и Хелкиа и Захариа и Иеиил началницы священником дому Господня, и даша на пасху овец и агнцев и козлищ две тысящы шесть сот и волов триста. 014 2CH 035 009 Хонениа же и Ванеа, и Самеа и Нафанаил брат его, и Асавиа и Иеиил и Иозавад, началницы левитов, даша левитом на пасху пять тысящ овец и волов пять сот. 014 2CH 035 010 И уготовано бысть служение, и сташа священницы в чине своем и левити по разделением своим по повелению цареву, 014 2CH 035 011 и пожроша пасху, и пролияша священницы рукама своима кровь, и левити одираху кожы: 014 2CH 035 012 и уготоваша всесожжения предати им по разделению, по домом отечеств сыном людским, принести Господеви всесожжения, якоже писано есть в книзе закона Моисеова: тако и заутра: 014 2CH 035 013 и испекоша пасху на огни по чину, и святая свариша в медницах и в котлех, и предуспе им, и разделиша всем сыном людским: 014 2CH 035 014 себе же и священником потом уготоваша, яко в возношении всесожегаемых и туков даже до нощи священницы (быша не праздни), и левити уготоваша им и братии их сыном Аароним. 014 2CH 035 015 И певцы сынове Асафовы (стояху) в чине своем по повелению Давида, и Асафа и Емана и Идифума пророков царевых: и началницы и дверницы всех врат, имже не бе возможно отлучитися от службы святых, понеже братия их левити уготоваша им (брашна). 014 2CH 035 016 И управися и уготовася вся служба Господня в день той, да сотворят пасху и принесут всесожжения на олтарь Господень по повелению царя Иосии. 014 2CH 035 017 И сотвориша сынове Израилевы, иже обретени бяху, пасху во время то и праздник опресноков седмь дний. 014 2CH 035 018 И не бысть пасхи подобныя той во Израили от дний Самуила пророка, и вси царие Израилева не сотвориша пасхи, юже сотвори Иосиа и священницы и левити, и весь Иуда и Израиль, иже обретен бысть, и обитающии во Иерусалиме, Господу. 014 2CH 035 019 Во осмоенадесять лето царства Иосиина сия пасха празднована бысть. 014 2CH 035 020 По сих всех, ихже сотвори Иосиа в дому, и басночревных и волхвующих, и кумирницы и идолы и дубравы, яже бяху во Иерусалиме и во Иудеи, пожже огнем царь Иосиа, да утвердит глаголы закона писанныя в книзе, юже обрете Хелкиа жрец в дому Господни: подобен ему не бысть пред ним, иже бы обратился ко Господу всем сердцем своим и всею душею своею и всею крепостию своею по всему закону Моисеову, и по нем не воста подобен ему. Обаче не отвратися Господь от гнева ярости Своея великия, еюже разгневася яростию Господь на Иудею, всех ради разгневаний ея, имиже прогнева Манассиа. И рече Господь: и Иуду убо отрину от лица Моего, якоже отринух дом Израилев, и отвергох град, егоже избрах, Иерусалим, и храм, о немже рех: будет имя Мое тамо. И изыде фараон Нехао царь Египетский на царя Ассирийскаго на реку Евфрат, еже ратовати его в Хархамисе. И изыде во сретение ему Иосиа царь. 014 2CH 035 021 И посла к нему послы, глаголя: что мне и тебе, царю Иудин? Не противу тебе днесь иду воевати, но на место брани моея: и Бог рече потщатися мне: внемли ты о Бозе иже со мною, да не убиет тя. 014 2CH 035 022 И не возврати Иосиа лица своего от него, но ратовати его укрепися, ниже послуша словес Нехаовых, яже от уст Божиих, но иде, да воюет на поли Магеддо. 014 2CH 035 023 И устрелиша стрелцы в царя Иосию. И рече царь отроком своим: изведите мене (от брани), яко изнемогох зело. 014 2CH 035 024 И сведоша его отроцы его с колесницы, и в другую колесницу посадиша его, яже бяше ему, и привезоша его во Иерусалим, и умре и погребен бысть со отцы своими: и весь Иуда и Иерусалим плакаша о Иосии. 014 2CH 035 025 И Иеремиа возрыда по Иосии, и глаголаша вси князи и княгини плачь по Иосии даже до днесь: и даша его в повеление Израилю, и се, писано есть в рыданиих. 014 2CH 035 026 Прочая же словеса Иосиина и упование его бяху писана в законе Господни: 014 2CH 035 027 дела же его, первая и последняя, се, писана суть в книзе царей Израилевых и Иудиных. 014 2CH 036 001 И взяша людие земли Иоахаза сына Иосиина, и помазаша его, и поставиша его царем вместо отца его во Иерусалиме. 014 2CH 036 002 Двадесяти триех лет бысть Иоахаз, егда царствовати нача, и три месяцы царствова во Иерусалиме. Имя же матере его Амитал, дщерь Иеремиина от Ловны. И сотвори лукавое пред Господем по всем, яже сотвориша отцы его. (и плени Иоахаза, ) и окова его фараон Нехао в Девлафе в земли Ефамли, еже не царствовати ему во Иерусалиме, 014 2CH 036 003 и преведе его царь во Египет, и возложи дань на землю (Израилеву) сто талант сребра и талант злата. 014 2CH 036 004 И постави фараон Нехао Елиакима сына Иосиина царем над Иудою и Иерусалимом вместо Иосии отца его, и премени имя его Иоаким. Иоахаза же брата его взя фараон Нехао и введе его во Египет, и умре тамо: сребро же и злато даде фараону. Тогда нача земля поддана быти, еже даяти сребро по словеси фараонову: и кийждо по силе истязаше сребро и злато от людий земли, еже даяти фараону Нехао. 014 2CH 036 005 Двадесяти пяти лет бе Иоаким, егда царствовати нача, и единонадесять лет царствова во Иерусалиме. Имя же матере его Зехора, дщерь Нириева от Рамы. Сотвори же лукавое пред Господем по всем, елика сотвориша отцы его. Во дни его прииде Навуходоносор царь Вавилонский на землю, и бе ему служа три лета и отступи от него. И посла Господь на них Халдеи и разбойники Сирския и разбойники Моавитския, и сынов Аммоновых и Самарийских, и по словеси сем отступиша по словеси Господню, (еже глагола) усты рабов Своих пророков. Обаче ярость Господня бе на Иуде, еже отринути его от лица Своего, грех ради Манассииных во всех, яже сотвори, и в крови неповинней, юже излия Иоаким, и наполни Иерусалим крове неповинныя. Но не восхоте Господь искоренити их. 014 2CH 036 006 И взыде на него Навуходоносор царь Вавилонский, и окова его оковами медяными, и приведе его в Вавилон: 014 2CH 036 007 и часть сосудов дому Господня пренесе в Вавилон и постави я во храме своем в Вавилоне. 014 2CH 036 008 Прочая же словес Иоакимовых, и вся, яже содела, не се ли, сия писана в книзе словес дний царей Иудиных? И успе Иоаким со отцы своими и погребен бысть в Ганозане со отцы своими. И воцарися Иехониа сын его вместо его. 014 2CH 036 009 Осминадесяти лет бе Иехониа, егда царствовати нача, и три месяцы и десять дний царствова во Иерусалиме, и сотвори лукавое пред Господем. 014 2CH 036 010 Егда же лету круг вращашеся, посла Навуходоносор царь, иже и введе его в Вавилон с предрагими сосуды дому Господня, а царем постави Седекию брата отцу его над Иудою и Иерусалимом. 014 2CH 036 011 Двадесять едино лето бысть Седекии, егда царствовати нача, единнадесять лет царствова во Иерусалиме: 014 2CH 036 012 и сотвори лукавое пред Господем Богом своим, и не усрамися лица Иеремии пророка от уст Господних, 014 2CH 036 013 егда от царя Навуходоносора отвержеся, иже закля его пред Богом: и ожесточи выю свою и сердце свое укрепи, да не обратится ко Господу Богу Израилеву. 014 2CH 036 014 И вси славнии Иудины и священницы и людие земли умножиша еже преступити преступления мерзостей языческих, и оскверниша дом Господень, иже во Иерусалиме. 014 2CH 036 015 И посылаше Господь Бог отец их к ним рукою пророков Своих утренюя и посылая вестники Своя, понеже щадяше людий Своих и святилища Своего: и тии поношаху послом Божиим, 014 2CH 036 016 и уничижаху словеса Его, и ругахуся пророком Его, дондеже сниде гнев Господень на люди Его, дондеже не бысть изцеления. 014 2CH 036 017 И наведе на них царя Халдейска, и поби младенцы их мечем в дому святыни его: и не пощаде Седекии и дев их не помилова, и старцы их изведе, и всех предаде в руки их, 014 2CH 036 018 и вся сосуды дому Божия великия и малыя, и сокровища церкве Господни, и вся сокровища царева и вельмож, вся внесе в Вавилон: 014 2CH 036 019 и зажже дом Господень и разори стену Иерусалимлю, и столпы его сожже огнем и всяк сосуд драгий истни: 014 2CH 036 020 и пресели оставшихся в Вавилон, и быша ему и сыном его в рабы даже до царства Мидскаго, 014 2CH 036 021 да исполнится слово Господне устами Иеремии, донележе прия земля субботы своя субботствовати во вся дни запустения своего: субботствова до совершения седмидесяти лет. 014 2CH 036 022 В лето первое Кира царя Персскаго, повнегда исполнитися словесем Господним усты Иеремии, воздвиже Господь дух Кира царя Персскаго, и повеле проповедати во всем царствии своем писанием, глаголя: 014 2CH 036 023 сия глаголет Кир царь Персский: вся царства земли даде ми Господь Бог небесный, и Той заповеда мне создати Себе дом во Иерусалиме, иже есть во Иудеи: кто в вас от всех людий Его? Да будет Бог его с ним, и да взыдет. # # BOOK 015 EZR Ezra Книга Ездры 015 EZR 001 001 В лето первое Кира царя Персскаго, да исполнится слово Господне от уст Иеремииных, воздвиже Господь дух Кира царя Персскаго, и повеле проповедати во всем царствии своем, и писаньми, глаголя: 015 EZR 001 002 сия глаголет Кир царь Персский: вся царства земная даде мне Господь Бог небесный, и Той повеле ми, да созижду Ему дом во Иерусалиме, иже во Иудеи: 015 EZR 001 003 кто в вас от всех людий Его? И будет Бог его с ним, и да взыдет во Иерусалим, иже во Иудеи, и да созиждет дом Богу Израилеву, Той есть Бог, Иже во Иерусалиме: 015 EZR 001 004 и всяк оставшийся от всех мест, идеже той обитает, и да помогут ему мужие от места его сребром и златом, и сосуды и скоты, с добровольными обещании (принесут) в церковь Божию, яже во Иерусалиме. 015 EZR 001 005 И восташа князи отечеств Иудиных и Вениаминих и священницы и левити, и вси, имже воздвиже Бог дух их, да взыдут созиданию церкве Господни, яже во Иерусалиме: 015 EZR 001 006 и вси, иже бяху окрест, помогоша рукам их сосуды сребрбяными, златом, потребными, и скотами, и драгими вещми, кроме добровольных. 015 EZR 001 007 И царь Кир изнесе сосуды церкве Господни, ихже взя Навуходоносор из Иерусалима и положи тыя в церкви бога своего: 015 EZR 001 008 изнесе же тыя Кир царь Персский рукою Мифридата Гасваринова, и сочте тыя Сасавассару князю Иудейску. 015 EZR 001 009 И сие число их: умывалниц златых тридесять, умывалниц же сребряных тысяща, ножей двадесять девять, 015 EZR 001 010 и чаш златых тридесять, и сребряных двойных четыреста десять, и сосудов иных тысяща: 015 EZR 001 011 всех сосудов златых и сребряных пять тысящ и четыреста, вся взя с собою Сасавассар от преселения Вавилонскаго во Иерусалим. 015 EZR 002 001 Сии же суть сынове страны, иже взыдоша от плена преселения, ихже пресели Навуходоносор царь Вавилонский в Вавилон: и возвратишася во Иерусалим и Иудею кийждо муж во град свой. 015 EZR 002 002 Иже приидоша с Зоровавелем: Иисус, Неемиа, Сараиа, Реелиа, Мардохей, Валасан, Масфар, Вагуй, Реум, Ваана. Сие число мужем людий Израилевых: 015 EZR 002 003 сынове Фаресовы две тысящы сто седмьдесят и два, 015 EZR 002 004 сынове Сафатиевы триста седмьдесят два, 015 EZR 002 005 сынове Аресовы седмь сот седмьдесят пять, 015 EZR 002 006 сынове Фааф-Моавли от сынов Иисуевух и Иоавлих две тысящы осмь сот дванадесять, 015 EZR 002 007 сынове Еламли тысяща двести пятьдесят четыри, 015 EZR 002 008 сынове Зафуевы девять сот четыредесять пять, 015 EZR 002 009 сынове Закхани седмь сот шестьдесят, 015 EZR 002 010 сынове Вануевы шесть сот четыредесять два, 015 EZR 002 011 сынове Ваваевы шесть сот двадесять три, 015 EZR 002 012 сынове Авгадовы тысяща двести двадесять два, 015 EZR 002 013 сынове Адоникамовы шесть сот шестьдесят шесть, 015 EZR 002 014 сынове Вагуевы две тысящы пятьдесят шесть, 015 EZR 002 015 сынове Адины четыриста пятьдесят четыри, 015 EZR 002 016 сынове Атировы, иже бяху от Езекии, девятьдесят осмь, 015 EZR 002 017 сынове Вассуевы триста двадесять три, 015 EZR 002 018 сынове Иоравовы сто дванадесять, 015 EZR 002 019 сынове Асумли двести двадесять три, 015 EZR 002 020 сынове Гаверовы девятьдесят пять, 015 EZR 002 021 сынове Вефлаемли сто двадесять три, 015 EZR 002 022 сынове Нетофаевы пятьдесят шесть, 015 EZR 002 023 сынове Анафофовы сто двадесять осмь, 015 EZR 002 024 сынове Азмофовы четыредесять три, 015 EZR 002 025 сынове Кариафиаримли, Хафира и Вироф, седмь сот четыредесять три, 015 EZR 002 026 сынове от Рамы и Гаваи шесть сот двадесять един, 015 EZR 002 027 мужей Махмаских сто двадесять два, 015 EZR 002 028 мужей Вефилских и Гайских четыреста двадесять три, 015 EZR 002 029 сынове от Навы пятьдесят два, 015 EZR 002 030 сынове Магевисовы сто пятьдесят шесть, 015 EZR 002 031 сынове Иламаровы тысяща двести пятьдесят четыри, 015 EZR 002 032 сынове Ирамли триста двадесять, 015 EZR 002 033 сынове Лиддоновы, Лодадидовы и Оновы седмь сот двадесять пять, 015 EZR 002 034 сынове Иерихони триста четыредесять пять, 015 EZR 002 035 сынове Сеннааевы три тысящы шесть сот тридесять. 015 EZR 002 036 Священницы же: сынове Иедуевы в дому Иисуеве девять сот седмьдесят три, 015 EZR 002 037 сынове Еммировы тысяща пятьдесят два, 015 EZR 002 038 сынове Фассуровы тысяща двести четыредесять седмь, 015 EZR 002 039 сынове Иремли тысяща седмьнадесять. 015 EZR 002 040 Левити же сынове Иисуевы и Кадмиили от сынов Одуиевых седмьдесят четыри. 015 EZR 002 041 Певцы же сынове Асафовы сто двадесять осмь. 015 EZR 002 042 Сынове дверников: сынове Селлумли, сынове Атироы, сынове Телмоновы, сынове Акувовы, сынове Атитовы, сынове Соваиевы, всех сто тридесять девять. 015 EZR 002 043 Нафинее: сынове Суавли, сынове Суфатовы, сынове Тавваофли, 015 EZR 002 044 сынове Кирасовы, сынове Сирсавли, сынове Фадонины, 015 EZR 002 045 сынове Лавановы, сынове Агавовы, сынове Акувовы, 015 EZR 002 046 сынове Агавовы, сынове Селамиины, сынове Анановы, 015 EZR 002 047 сынове Геддилины, сынове Гааровы, сынове Раиаевы, 015 EZR 002 048 сынове Расоновы, сынове Некодовы, сынове Газемли, 015 EZR 002 049 сынове Азоковы, сынове Фасиевы, сынове Расиины, 015 EZR 002 050 сынове Асенаевы, сынове Мунниновы, сынове Нефусимли, 015 EZR 002 051 сынове Ваквуковы, сынове Акуфаевы, сынове Ануровы, 015 EZR 002 052 сынове Васалофовы, сынове Мидановы, сынове Арсановы, 015 EZR 002 053 сынове Варкосовы, сынове Сисарины, сынове Фемавли, 015 EZR 002 054 сынове Нафиевы, сынове Атифовы. 015 EZR 002 055 Сынове слуг Соломоновых: сынове Сотаевы, сынове Сефирины, сынове Фадуровы, 015 EZR 002 056 сынове Иеалаевы, сынове Дерконовы, сынове Геддилины, 015 EZR 002 057 сынове Сафатиевы, сынове Аттилевы, сынове Фахерафовы, сынове Асевоимли, сынове Имеевы: 015 EZR 002 058 вси нафанимовы и сынове слуг Соломоновых триста девятьдесят два. 015 EZR 002 059 И сии, иже восхождаху от Фелмелеха, Фелариса, Херув, Идан, Еммир, и не могоша сказати дому отечества своего и семене своего, от Израиля ли быша: 015 EZR 002 060 сынове Далаиевы, сынове Товиевы, сынове Некодаевы, шесть сот пятьдесят два: 015 EZR 002 061 и от сынов священнических сынове Оваиевы, сынове Аккусовы, сынове Верзеллаевы, иже поя от дщерей Верзеллаа Галаадитина жену и наречеся именем их: 015 EZR 002 062 тии искаша писания роду своему и не обретоша, и изгнани суть от священства. 015 EZR 002 063 И рече Аферсафа им, да не ядят от святаго святых, дондеже востанет священник со изявлением и истиною. 015 EZR 002 064 Все же множество купно яко четыри тмы две тысящы триста шестьдесят, 015 EZR 002 065 кроме рабов их и рабынь их, сих седмь тысящ триста тридесять седмь: и сии певцы и певницы двести. 015 EZR 002 066 Коней их седмь сот тридесять шесть, мсков их двести четыредесять пять, 015 EZR 002 067 велблюдов их четыреста тридесять пять, ослов их шесть тысящ седмь сот двадесять. 015 EZR 002 068 И от князей отечеств, егда вхождаху тии в церковь Господню, яже во Иерусалиме, добровольно принесоша в дом Божий, поставити его на основании его: 015 EZR 002 069 по силе своей даша в росход дела, злата драхм шестьдесят тысящ и тысящу, и сребра мнас пять тысящ, и одеяний священнических сто. 015 EZR 002 070 И седоша священницы и левити, и иже от людий, и певцы и дверницы и нафинимляне во градех своих, и весь Израиль во градех своих. 015 EZR 003 001 Пришедшу же месяцу седмому, и бяху сынове Израилевы во градех своих, и собрашася людие аки человек един во Иерусалим. 015 EZR 003 002 И воста Иисус сын Иоседеков и братия его священницы, и Зоровавель сын Салафиилев и братия его, и создаша олтарь Богу Израилеву, да принесут на нем всесожжения, якоже писано есть в законе Моисеа человека Божия. 015 EZR 003 003 И уготоваша олтарь на основании его, понеже страх бе на них от людий земных, и вознесоша на том всесожжение Господеви утро и в вечер: 015 EZR 003 004 и сотвориша праздник кущей, якоже писано, и всесожжения на всяк день числом по повелению, дело дне в день свой: 015 EZR 003 005 и посем всесожжения непрестанная и в новомесячия и во вся праздники Господеви освященныя, и о всяцем добровольно приносящем со усердием Господеви. 015 EZR 003 006 От перваго дне месяца седмаго начаша возносити всесожжения Господеви, дом же Господень не бе еще основан. 015 EZR 003 007 И вдаша пенязи каменосечцем и древоделем, пищу же и питие и елей Сидоняном и Тиряном, да принесут древа кедрова от Ливана к морю Иоппийскому, якоже соизволи Кир царь Персский о них. 015 EZR 003 008 И в лето второе, внегда приити им к дому Божию во Иерусалим, месяца втораго нача Зоровавель сын Салафиилев и Иисус сын Иоседеков, и прочии от братии их священницы и левити, и вси, иже приидоша от пленения во Иерусалим, и поставиша левитов от двадесяти лет и вышше над творящими дела во храме Господни. 015 EZR 003 009 И ста Иисус и сынове его и братия его, Кадоил и сынове его, сынове Иудины, якоже муж един да единодушно настоят над творящими дела в дому Божии, сынове Инададовы, сынове их и братия их левити. 015 EZR 003 010 И основаша созидающе дом Господень: и сташа священницы во украшении своем со трубами, и левити сынове Асафовы, в кимвалех да хвалят Господа, по уставу Давида царя Израилева: 015 EZR 003 011 и вопияху в песнех и исповедании Господеви, яко благ, яко в век милость Его над Израилем: и вси людие возглашаху гласом великим хваление Господу при основании дому Господня. 015 EZR 003 012 И мнози от священников и левит, и князи отечеств и старейшины, иже видеша дом преждний на основании своем, и сей дом пред очесы своими, плакаху гласом велиим: и народ возглашающь, в веселии возвышаху: 015 EZR 003 013 и не можаху людие познати гласа восклицания веселящихся от гласов плача народнаго, понеже людие восклицаху гласом великим, и глас велик слышашеся издалеча. 015 EZR 004 001 И услышаша врази Иудины и Вениамини, яко сынове преселения созидают церковь Господу Богу Израилеву, 015 EZR 004 002 и приступиша к Зоровавелю и ко князем отечеств и рекоша им: созиждем с вами, понеже, якоже и вы, ищем Бога вашего и Ему мы жрем жертву от дний Асарадана царя Ассурска приведшаго ны семо. 015 EZR 004 003 И рече им Зоровавель и Иисус и прочии князи отечеств Израилевых: несть нам и вам создати дом Богу нашему, понеже мы сами особно созиждем Господу Богу нашему, якоже повеле нам Кир царь Персский. 015 EZR 004 004 И быша людие земли (тоя) ослабляюще руки людий Иудейских, и препинаху им в созидании, 015 EZR 004 005 и наимаху на них советников, да разорят совет их, во вся дни Кира царя Персскаго и даже до царства Дариа царя Персскаго. 015 EZR 004 006 В царство же Ассуира, (иже есть Артаксеркс, ) в начале царства его, написаша свиток на живущих во Иудеи и во Иерусалиме. 015 EZR 004 007 И во дни Арфасафана написа в мире Мифридат и Тавеил со прочими сослужители ко Артаксерксу царю Персскому: написа писмоносец писание Сирским языком и претолковано. 015 EZR 004 008 Реум Валтаам и Сампса книгочий написаста послание едино на Иерусалим ко Артаксерксу царю: 015 EZR 004 009 тако судил Реум Валтаам и Сампса книгочий и прочии сослужителие наши, Динее, Афарсафахее, Тарфалее, Арфасее, Архиее, Вавилоняне, Сусанахее, Савее, Еламите 015 EZR 004 010 и прочии от язык, ихже преведе Ассенафар великий и преславный и всели их во градех Самарийских и прочих об он пол реки. 015 EZR 004 011 Сие есть сказание послания, еже послаша к нему, ко Артаксерксу царю: раби твои, мужие, иже за рекою: 015 EZR 004 012 ведомо да будет царю, яко Иудее, иже взыдоша от тебе к нам, приидоша во Иерусалим град отступный и лукавый, егоже созидают: и стены его состроены суть, и основание его возвысиша: 015 EZR 004 013 ныне убо ведомо да будет царю, яко, аще град сей создан будет, и стены его совершатся, дани не будут тебе, ниже (летняго воздаяния) дадут: и сие царем зло творит, 015 EZR 004 014 и посрамощения царева не леть нам видети: сего ради послахом и возвестихом царю, 015 EZR 004 015 да разсмотрено будет в книзе памятописней отцев твоих, и обрящеши в книзе памятописней и познаеши, яко град он отступный есть и обидящь царей и страны, и убежища слуг бывают посреде его от дний древних, сего ради и град той опустошен есть: 015 EZR 004 016 ведомо убо творим царю, яко, аще град той создан будет и стены его совершатся, то не будет ти мира. 015 EZR 004 017 И посла царь ко Реуму Валтааму и Сампсаю книгочию и ко прочым сослужителем их обитающым в Самарии и прочым за рекою Мир 015 EZR 004 018 и рече: писмоносец, егоже посласте к нам, призван пред мене, 015 EZR 004 019 и от мене повелено есть, и соглядахом и обретохом, яко град той от дний древних на царей возносится, отступления и убежища бывают в нем: 015 EZR 004 020 и царие крепцы быша во Иерусалиме и обладаху всею страною, яже за рекою, дани же многи и часть давашеся им: 015 EZR 004 021 и ныне повелите мужем оным престати от дела, и град оный да не созидается ктому: 015 EZR 004 022 яко да от повеления сего опасни будете нерадение творити о сем, да не когда умножится погибель на зло царем. 015 EZR 004 023 Тогда писмоносец Артаксеркса царя прочте свиток пред Реумом Валтаамом и Сампсаем книгочием и сослужителми их: и идоша тщателно во Иерусалим и во Иудею, и удержаша их мышцею сильною. 015 EZR 004 024 Тогда преста дело дому Божия, еже во Иерусалиме, и не творяшеся даже до лета втораго царства Дариа царя Персскаго. 015 EZR 005 001 Пророчествова же Аггей пророк и Захариа сын Аддов прорицание ко Иудеом, иже бяху во Иудеи и Иерусалиме, во имя Бога Израилева на них. 015 EZR 005 002 Тогда востаста Зоровавель сын Салафиилев и Иисус сын Иоседеков и начаста здати дом Божий, иже во Иерусалиме: и с нима пророцы Божии помогающе има. 015 EZR 005 003 В то время прииде к ним Фафанай князь сущий за рекою и Сафарвузанай и сослужителие их, и сия рекоша им: кто даде вам власть созидати дом сей и стены сия возставляти? 015 EZR 005 004 Тогда сия рекоша им: кая суть имена мужей созидающих град сей? 015 EZR 005 005 И очи Божии на пленение Иудино, и не возбраниша им, дондеже послание к Дарию отнесено, и тогда послася с писмоносцем о сем. 015 EZR 005 006 Изявление послания, еже посла Фафанай князь об он пол реки и Сафарвузанай и сослужителие их Афарсахее, иже бяху за рекою, Дарию царю: 015 EZR 005 007 словесы послаша к нему, и сия писана в нем: Дарию царю мир всяк: 015 EZR 005 008 ведомо да будет царю, яко ходихом во Иудейскую страну к дому Бога великаго, и той созидается камением избранным, и древа ставятся в стенах, дело же то со тщанием строится и благопоспешается в руках их: 015 EZR 005 009 тогда вопросихом старейшин тех и тако рекохом им: кто даде вам власть дом сей созидати и стены сия возставляти? 015 EZR 005 010 И о именех их вопросихом их, да возвестим тебе, яко да напишем тебе имена мужей, иже суть началницы их: 015 EZR 005 011 и сицева словеса отвещаша нам глаголюще: мы есмы раби Бога небесе и земли, и созидаем дом, иже бысть устроен прежде сего за лета многа, и царь Израилев великий созда его и соверши его им: 015 EZR 005 012 егда же прогневаша отцы наши Бога небеснаго, предаде их в руки Навуходоносора царя Вавилонскаго Халдеанина, и дом сей разори и люди преведе в Вавилон: 015 EZR 005 013 но в лето первое Кира царя, Кир царь Вавилонский постави повеление, да дом Божий сей созиждется, 015 EZR 005 014 и сосуды дому Божия златыя и сребряныя, яже Навуходоносор взя из дому, иже во Иерусалиме, и отнесе я в храм Вавилонский, изнесе тыя Кир царь от храма Вавилонскаго и даде их Саванасару хранителю, иже над сокровищем, 015 EZR 005 015 и рече ему: вся сосуды сия возми и иди, и постави их в дому, иже есть во Иерусалиме, на место их: 015 EZR 005 016 тогда Саванасар той прииде и постави основание дому Божия во Иерусалиме, и от того времене даже доныне созидается, и еще не совершен есть: 015 EZR 005 017 и ныне аще (видится) царю благо, да посмотрит в дому сокровища царя Вавилонскаго, да увеси, яко от царя Кира бысть повеление созидати дом Божий сей, иже во Иерусалиме, и уведав о сем царь да послет к нам. 015 EZR 006 001 Тогда Дарий царь повеле, и искаша во книгохранителницах, идеже сокровище лежит в Вавилоне. 015 EZR 006 002 И обретеся во Амафе граде Мидийстем в палате главизна едина, и сие писано бе в ней на память: 015 EZR 006 003 в лето первое Кира царя, Кир царь царь повеле о доме Божии, иже во Иерусалиме: дом да созиждется, и место, идеже жрут жертвы: и положи меру высоты лакот шестьдесят, широта его лакот шестьдесят: 015 EZR 006 004 и стены каменныя твердыя три, и стена древяная едина, иждивение же от дому царева да дастся: 015 EZR 006 005 и сосуди дому Божия златии и сребрянии, ихже Навуходоносор взя от дому, иже во Иерусалиме, и пренесе их в Вавилон, да отдадутся и внесутся в дом, иже во Иерусалиме, на место, идеже и поставлени бяху в дому Божии: 015 EZR 006 006 ныне убо дадите, князие сущии за рекою, Сафарвузанай и сослужителие их Афарсахее, иже за рекою, далече отидите оттуду: 015 EZR 006 007 ныне оставите дело дому Божия: князие Иудейстии и старейшины их дом Божий той да созидают на месте своем: 015 EZR 006 008 и от мене повелено бысть, да не когда что сотворите противно старейшинам Жидовским в созидании дому Божия онаго: и от имений царских даней сущих за рекою прилежно на иждивение да дается мужем тем, еже бы не престало дело то: 015 EZR 006 009 и еже аще оскудеет, и телцы и овны и агнцы, во всесожжения Богу небесному, пшеница, соль, вино, елей, по словеси священников, иже во Иерусалиме, да дается им по вся дни, еже аще воспросят, 015 EZR 006 010 да будут приносящии благоухания Богу небесному и да молятся о жизни царя и сынов его: 015 EZR 006 011 и от мене уставлено повеление, да всяк человек, иже преступит повеление сие, возмется древо от дому его, и воздвижен обесится на нем, и дом его мне будет взят: 015 EZR 006 012 и Бог, Егоже обитает имя тамо, да низвратит всякаго царя и люди, иже прострут руку свою пременити или разорити дом Божий, иже есть во Иерусалиме: аз Дарий поставих повеление, с прилежанием да будет. 015 EZR 006 013 Тогда Фафанай князь страны заречныя, Сафарвузанай и сослужебницы его, якоже посла Дарий царь, тако сотвориша тщателно. 015 EZR 006 014 Старейшины же Иудейстии созидаху и левити по пророчеству Аггеа пророка и Захарии сына Аддова. И создаша и совершиша по повелению Бога Израилева и по повелению Кира и Дариа и Артаксеркса царей Персских, 015 EZR 006 015 и совершиша дом той даже до дне третияго, месяца Адара, иже есть в лето шестое царства Дариа царя. 015 EZR 006 016 Сотвориша же сынове Израилевы, священницы и левити, и прочии сынов преселения обновление дому Божия в радости, 015 EZR 006 017 и принесоша на обновление дому Божия телцев сто, овнов двести, агнцев четыреста, козлов от коз за грехи всего Израиля дванадесять, по числу колен Израилевых: 015 EZR 006 018 и поставиша священников в чинех своих и левиты в частех своих на служение дому Божия во Иерусалиме, якоже писано есть в книзе Моисеове. 015 EZR 006 019 И сотвориша сынове преселения пасху в четвертыйнадесять день месяца перваго: 015 EZR 006 020 очищени бо бяху священницы и левити даже до единаго вси чисти, и пожроша пасху всем сыном преселения и братии их священником и себе самым. 015 EZR 006 021 И ядоша сынове Израилевы пасху, иже от преселения, и всяк отлучивыйся от осквернения языков земли к ним, еже взыскати Господа Бога Израилева. 015 EZR 006 022 И сотвориша праздник опресночный седмь дний в веселии, яко возвесели их Господь и обрати сердце царя Ассурска к ним, укрепити руки их в делех дому Бога Израилева. 015 EZR 007 001 По сих же словесех, в царство Артаксеркса царя Персскаго, взыде Ездра сын Сареа, сына Азариева, сына Хелкиева, 015 EZR 007 002 сына Селлумля, сына Саддукова, сына Ахитовля, 015 EZR 007 003 сына Самариева, сына Есриева, сына Мареофова, 015 EZR 007 004 сына Зараиева, сына Езеиева, сына Воккиева, 015 EZR 007 005 сына Ависуева, сына Финеесова, сына Елеазарова, сына Аарона священника перваго: 015 EZR 007 006 сей Ездра взыде от Вавилона и сей писец скор в законе Моисеове, егоже даде Господь Бог Израилю. И даде ему царь, яко рука Господа Бога его на нем бе во всех, яже искаше он. 015 EZR 007 007 И взыдоша от сынов Израилевых и от священников и от левитов, и певцы и придверницы и нафиними во Иерусалим, в лето седмое Артаксеркса царя, 015 EZR 007 008 и приидоша во Иерусалим месяца пятаго: сие есть лето седмое царево: 015 EZR 007 009 зане в первый день месяца перваго той нача восходити от Вавилона, и в первый день месяца пятаго приидоша во Иерусалим, яко рука Бога его блага на нем бе: 015 EZR 007 010 Ездра бо уготова сердце свое, да взыщет закона (Господня) и да творит и учит во Израили повелением и судбам. 015 EZR 007 011 И сие есть сказание послания еже даде царь Артаксеркс Ездре священнику, писцу книги словес заповедий Господних и повелений Его во Израили: 015 EZR 007 012 Артаксеркс царь царей Ездре священнику, писцу закона Господа Бога небеснаго: да совершится слово и ответ: 015 EZR 007 013 от мене повелено есть, да кийждо, иже имать усердие благо во царстве моем от людий Израилевых и от священников и от левитов поити во Иерусалим, с тобою да идет: 015 EZR 007 014 от лица царева и седми советников его послан еси, да посетиши Иудею и Иерусалим в законе Бога их, сущем в руку твоею, 015 EZR 007 015 и да отнесеши в дом Господень сребро и злато, еже царь и советницы его со усердием даша Богу Израилеву, Иже во Иерусалиме обитает, 015 EZR 007 016 и все злато и сребро, еже аще обрящеши во всей области Вавилонстей, с добровольным даянием людским и священников, волею приносящих в дом Божий, иже во Иерусалиме: 015 EZR 007 017 и всякий доход той усердно впиши в книгу сию: телцы, овны, агнцы, и жертвы их и возлияния их: и принеси та на олтарь дому Бога вашего, иже есть во Иерусалиме: 015 EZR 007 018 и аще что тебе и братии твоей благо возмнится от оставшагося сребра и злата сотворити, якоже угодно Богу вашему, сотворите: 015 EZR 007 019 и сосуды, иже даны тебе в службу дому Божия, вдаждь пред Богом во Иерусалиме: 015 EZR 007 020 и прочыя потребы дому Бога твоего, еже аще возмнится тебе дати, да даси из домов сокровища царева 015 EZR 007 021 и от мене аз Артаксеркс царь уставих повеление всем хранителем сокровищ, иже суть за рекою, да все, еже аще воспросит от вас Ездра священник и писец закона Бога небеснаго, готово да будет: 015 EZR 007 022 сребра даже до ста талант, и пшеницы даже до ста мер, и вина даже до ста бочек, и елеа даже до ста чванов, а соли без записания: 015 EZR 007 023 все, еже есть по воли Бога небеснаго, да будет в дому Бога небеснаго: вонмите, да не кто прострет руку на дом Бога небеснаго, да не когда будет гнев на царство царево и сынов его: 015 EZR 007 024 и вам знаемо творим сие, от всех священников и левитов, певцев, дверников, нафинимов и слуг дому Божия дань да не будет тебе, ниже имейте власти порабощати их: 015 EZR 007 025 ты же, Ездра, по премудрости Бога твоего, яже в руце твоей, постави книжники и судии, да судят вся люди, иже суть за рекою, всем знающым закон Бога твоего, и не ведающему ведати сотворите: 015 EZR 007 026 и всяк, иже не сотворит закона Бога твоего и закона царева усердно, суд да будет сотворен на него, аще в смерть, или в наказание, или во отщетение живота, или в темницу. 015 EZR 007 027 Благословен Господь Бог отец наших, иже даде сице в сердце царево, да прославит дом Господень, иже во Иерусалиме, 015 EZR 007 028 и на мя уклони милосердие пред очима царя и советников его и всех князей царевых сильных: и аз укреплен бых, яко рука Божия благая на мне, и собрах от Израиля князей взыти со мною. 015 EZR 008 001 И сии князие отечеств их вождеве, иже взыдоша со мною в царство Артаксеркса царя Вавилонска: 015 EZR 008 002 от сынов Финеесовых Гирсон, от сынов Ифамарих Даниил, от сынов Давидовых Аттус, 015 EZR 008 003 от сынов Саханииных, от сынов Форосовых Захариа, и с ним мужей сто пятьдесят, 015 EZR 008 004 от сынов Фааф-Моава Елиана сын Сараиев, и с ним двести мужей, 015 EZR 008 005 и от сынов Зафоисовых Ехениа сын Азиилев, и с ним триста мужей, 015 EZR 008 006 и от сынов Адиных Овин сын Ионафанов, и с ним пятьдесят мужей, 015 EZR 008 007 и от сынов Едамлих Исаиа сын Афелиин, и с ним седмьдесят мужей, 015 EZR 008 008 и от сынов Сафатиевых Завдиа сын Михаилов, и с ним осмьдесят мужей, 015 EZR 008 009 и от сынов Иоавлих Авдиа сын Иеиилев и с ним двести осмьнадесять мужей, 015 EZR 008 010 и от сынов Вааниевых Селимуф сын Иосефиев, и с ним сто шестьдесят мужей, 015 EZR 008 011 и от сынов Вавиевых Захариа сын Вавиев, и с ним двадесять осмь мужей, 015 EZR 008 012 и от сынов Азгадовых Ионан сын Икатанов, и с ним сто десять мужей, 015 EZR 008 013 и от сынов Адоникамлих последнии, и сия имена их: Едифалаф, Иеиил и Самаиа, и с ним шестьдесят мужей, 015 EZR 008 014 и от сынов Вагуаевых Уфай и Завуд, и с ними седмьдесят мужей. 015 EZR 008 015 Собрах же их к реце текущей ко Евии, и пребыхом ту три дни: исках же в людех и во священницех, и от сынов Левииных не обретох тамо. 015 EZR 008 016 И послах ко Елеазару, Ариилу, Семеию и к Маонану, и Иериву и Елнафаму, и Нафану и Захарии и Месолламу, и ко Иоариму и Елнафану, премудрых, 015 EZR 008 017 и изведох их ко Адаю началнику на месте Касфиа и вложих во уста их словеса глаголати ко Адаю и братии его афинимом на месте Касфии, привести нам поющих в дом Бога нашего. 015 EZR 008 018 И приидоша к нам, понеже рука Бога нашего бе блага на нас, муж сахон от сынов Моолиевых сына Левиина, сына Израилева, и Саравиа, и сынове его и братия его осмьнадесять: 015 EZR 008 019 и Асевиа, и Исаиа от сынов Мерариных и братия его и сынове его двадесять: 015 EZR 008 020 и от нафинимов, ихже даде Давид и князие ко службе левитом, нафинимов двести двадесять, вси собрашася по именом. 015 EZR 008 021 И проповедах тамо пост близ реки Ауи, еже смиритися пред Господем Богом нашим, просити от Него пути праваго нам и чадом нашым и всему стяжанию нашему: 015 EZR 008 022 устыдехся бо испросити от царя силы и конник защитити нас от врага на пути, понеже рехом царю глаголюще: рука Бога нашего есть на всех ищущих Его во благое и крепость Его, ярость же Его на всех оставляющих Его. 015 EZR 008 023 Постихомся же и молихомся Богу нашему о сем, и услыша нас. 015 EZR 008 024 И отлучих от князей священнических дванадесять, Сараию, Асавию и с ними от братии их десять: 015 EZR 008 025 возвеснх же им сребро и злато и сосуды начатков дому Бога нашего, яже вознесе царь и советницы его и князие его, и весь Израиль обретаяйся, 015 EZR 008 026 и дах весом в руки их сребра талантов шесть сот пятьдесят, и сосудов сребряных сто, и злата сто талант, 015 EZR 008 027 и чаш златых двадесять, драхм тысящу, и сосуды меди светлыя добрыя различныя, драгоценныя яко злато, 015 EZR 008 028 и рекох им: вы святи Господу Богу, и сосуди святи и сребро и злато, еже волею вдано есть Господу Богу отец наших: 015 EZR 008 029 бдите и стрегите, дондеже весом отдадите пред князи священников и левитов и пред князи отечеств Израилевых во Иерусалиме, во скиниих дому Господня. 015 EZR 008 030 И прияша священницы и левити вес сребра и злата и сосудов, да вознесут во Иерусалим в дом Бога нашего. 015 EZR 008 031 И воздвигохомся от реки Ауи во вторыйнадесять день месяца перваго, да идем во Иерусалим: и рука Бога нашего бе на нас и избави нас от рук вражиих и ратников на пути, 015 EZR 008 032 и приидохом во Иерусалим и пребыхом ту три дни. 015 EZR 008 033 И бысть в день четвертый, отдахом весом сребро и злато и сосуды в дому Бога нашего под руку Маримофа сына Урии священника, и с ним Елеазар сын Финеесов, и с ними Иозавад сын Иисусов и Ноадиа сын Ванаиев левити, 015 EZR 008 034 по числу и весу вся: и написан бысть весь вес. 015 EZR 008 035 Во время то, иже приидоша от пленения сынове преселения, принесоша всесожжения Богу Израилеву, телцев дванадесять за всего Израиля, овнов девятьдесят шесть, агнцев седмьдесят седмь, козлов за грехи дванадесять, вся во всесожжение Господу. 015 EZR 008 036 И даша повеление царево правителем царским и князем, иже за рекою: и прославиша людий и дом Божий. 015 EZR 009 001 И егда совершена быша сия, приступиша ко мне князие, глаголюще: не отлучишася людие Израилевы и священницы и левити от людий земных, (но) в мерзостех их (суть), иже суть Хананее, Еффее, Ферезее, Иевусее, Аммонитяне, Моавитяне и Мосеритяне и Аморреане, 015 EZR 009 002 понеже пояша от дщерей их себе и сыном своим, и смесися семя святое с людьми земными, и рука князей и воевод в преступлении сем в начале. 015 EZR 009 003 И егда услышах словеса сия, раздрах ризы моя, и вострепетах, и терзах власы главы моея и брады моея, и седох тужа. 015 EZR 009 004 И собрашася ко мне вси боящиися слова Бога Израилева за преступление пришедших от пленения, и аз седях прискорбен даже до жертвы вечерния. 015 EZR 009 005 И в жертву вечернюю востах от сетования моего, и внегда раздрах ризы моя, и трепетах, и преклоних колена моя, и прострох руце мои ко Господу Богу моему 015 EZR 009 006 и рекох: Господи Боже мой, стыждуся и срамляюся воздвигнути лице мое к Тебе, яко беззакония наша умножишася паче глав наших, и прегрешения наша возрастоша даже до небесе: 015 EZR 009 007 от дний отец наших в преступлении велицем есмы даже до дне сего, и в беззакониих наших предани есмы мы и царие наши и священницы наши и сынове наши в руку царей языческих, в мечь и в пленение, и в расхищение и в стыдение лица нашего, якоже в день сей: 015 EZR 009 008 и ныне умилостивися над нами Бог наш, еже оставити ны во спасение и дати нам твердость на месте святыни Его, еже просветити очеса наша и дати оживление малое в работе нашей: 015 EZR 009 009 яко раби есмы, и в работе нашей не остави нас Господь Бог наш: и преклони на нас милосердие пред цари Персскими, дати нам живот, еже воздвигнути им дом Богу нашему и возставити запустевшая его, и дати нам ограждение во Иудеи и Иерусалиме: 015 EZR 009 010 и ныне что речем, Боже наш, по сем? Яко оставихом повеления Твоя, 015 EZR 009 011 яже дал еси нам рукою раб Твоих пророков, глаголя: земля, на нюже вы входите наследити ю, земля нечиста есть, по нечистоте людий языческих, в мерзостех их, имиже наполниша ю от уст даже до уст во сквернениих своих, 015 EZR 009 012 и ныне дщерей ваших не дадите сыном их и дщерей их не приемлите сыновом вашым, и не ищите мира их и блага их даже до века, яко да укрепитеся и снесте благая земли, и наследие дадите сыновом вашым даже до века: 015 EZR 009 013 и по всех, яже приидоша на нас в делех наших злых и гресе нашем велицем, понеже несть якоже Бог наш, иже избавил еси нас от беззаконий наших и дал еси нам спасение: 015 EZR 009 014 зане обратихомся разорити заповеди Твоя и смеситися с людьми земными: не прогневайся на нас даже до скончания, еже не быти останку и спасаемому: 015 EZR 009 015 Господи Боже Израилев, праведен еси Ты, яко остахомся спасени, якоже день сей: се, мы пред Тобою есмы вси в беззакониих наших, понеже не возможно стати пред Тобою сего ради. 015 EZR 010 001 И егда моляшеся Ездра и егда исповедашеся плачущь и моляся пред домом Божиим, собрашася к нему от Израиля собрание велие зело, мужие и жены и отроцы яко плакахуся людие и вознесоша плачь. 015 EZR 010 002 И отвеща Сехениа сын Иеилев от сынов Иламлих и рече Ездре: мы преступихом пред Богом нашим и пояхом жены чуждия от людий земли, и ныне есть упование Израилю о сем: 015 EZR 010 003 и ныне завещаем завет Богу нашему, да отвержем вся жены и рожденых от них, якоже хощет: востани и устраши их заповедьми Бога нашего, и по закону да будет: 015 EZR 010 004 востани, понеже на тебе есть глагол, и мы с тобою: укрепися и сотвори. 015 EZR 010 005 И воста Ездра, и закля князи, священники и левиты и всего Израиля, да сотворят по словеси сему. И кляшася. 015 EZR 010 006 И воста Ездра от лица дому Божия и иде в сокровищный дом Ионана сына Елисувова и седе тамо: хлеба не яде и воды не пи, плакаше бо о преступлении пришедших от пленения. 015 EZR 010 007 И послано бысть слово во Иудею и во Иерусалим всем сыновом преселения, да соберутся во Иерусалим: 015 EZR 010 008 всяк, иже аще не приидет в три дни, по совету князей и старейшин, возмется все имение его, и той отлучен будет от сонмища преселения. 015 EZR 010 009 И собрашася вси мужие Иудины и Вениамини во Иерусалим треми денми: сей есть месяц девятый: в двадесятый день месяца седоша вси людие пред домом Божиим трепещуще о словеси и от зимы. 015 EZR 010 010 И воста Ездра священник и рече к ним: вы преступисте и взясте жены иноплеменнически, еже приложити ко греху Израилеву: 015 EZR 010 011 и ныне дадите хвалу Господу Богу отец наших, и сотворите угодное пред Ним, и отлучитеся от людий земли и от жен иноплеменнических. 015 EZR 010 012 И отвещаша все множество гласом великим и реша: по словеси твоему к нам сотворим: 015 EZR 010 013 обаче людие мнози суть, и время зимнее, и несть мощно стояти вне: и дело несть дне единаго или двух, зело бо много согрешихом во словеси сем: 015 EZR 010 014 да поставятся князие наши во всем множестве и во всех градех наших, иже пояша жены иноплеменничи, да приидут во времена повеленная, и с ними старейшины от всякаго града и судии, еже отвратити гнев ярости Бога нашего от нас словесе ради сего. 015 EZR 010 015 Обаче Ионафан сын Асаилев и Иасса сын Фекуев со мною о сем, и Месоллам и Савафай левитин помагаяй им. 015 EZR 010 016 И сотвориша тако сынове преселения: и разыдошася Ездра священник и мужие князие отечеств в домы, и вси по именом, яко обратишася в день первый месяца десятаго, да взыщут глагола: 015 EZR 010 017 и совершиша во всех мужех, иже пояша жены иноплеменничи, даже до дне перваго месяца перваго. 015 EZR 010 018 И обретени суть от сынов священнических иже введоша жены иноплеменничи, от сынов Иисуса сына Иоседекова и братия его Маасиа и Елиезер, и Иарим и Гадалиа: 015 EZR 010 019 и даша руки своя изгонити жены своя, и согрешившии принесоша от овец о преступлении своем овна: 015 EZR 010 020 и от сынов Еммировых Ананий и Завдиа: 015 EZR 010 021 и от сынов Ирамлих Маасиа и Еллиа, и Самиа и Иеиил и Озиа: 015 EZR 010 022 и от сынов Фассуровых Елиоинай, Маасиа и Исмаил, и Нафанаель и Иозавад и Иласа: 015 EZR 010 023 и от левитов Иозавад и Фамуй и Колиа, тойже и Колит, и Фефеиа, и Иуда и Елиезер: 015 EZR 010 024 и от певцев Елисав: и от дверник Солмин и Телмин и Одуа: 015 EZR 010 025 и от Израиля, от сынов Форосовых Рамиа и Азиа, и Мелхиа и Мелмин, и Елиазар и Асавиа и Ванеа: 015 EZR 010 026 и от сынов Иламовых Матфаниа и Захариа, и Иаиил и Авдий, и Иеримоф и Илиа: 015 EZR 010 027 и от сынов Зафуевых Елионай, Елисув, Мафанай и Армоф, и Завад и Озиза: 015 EZR 010 028 и от сынов Вавеиных Ионан, Ананиа и Завуй и Фали: 015 EZR 010 029 и от сынов Вануевых Мосоллам, Маллух, Адаиа, Иасув и Саал и Римоф: 015 EZR 010 030 и от сынов Фааф-Моавлих Еднеа и Халил и Ванаиа, Маасиа, Матфаниа, Веселеил и Вануй и Манассии: 015 EZR 010 031 и от сынов Ирамовых Елиезер, Иесиа, Мелхиа, Самаиа, Семеон, 015 EZR 010 032 Вениамин, Малух, Самариа: 015 EZR 010 033 и от сынов Асимовых Метфанаиа, Мафафа, Завад, Елифалет, Иерами Манассий, Семей: 015 EZR 010 034 и от сынов Ванииных Моодиа, Амрам и Уил, 015 EZR 010 035 Ванаиа, Вадаиа, Хелиа, 015 EZR 010 036 Уаниа, Маримоф и Елиасив, 015 EZR 010 037 Матфаниа Мафанай. 015 EZR 010 038 И сотвориша сынове Вануиевы и сынове Семеины, 015 EZR 010 039 и Салемиа и Нафан и Адаиа, 015 EZR 010 040 Махнада, Авусесей, 015 EZR 010 041 Аруесриил и Самариа, 015 EZR 010 042 Селлум, Амариа, Иосиф: 015 EZR 010 043 от сынов Навуиных Иеиил, Мафафиа, Завад, Зевенай, Иадай и Иоиль и Ванеа. 015 EZR 010 044 Вси тии пояша жены иноплеменнически, и родиша от них сыны. # # BOOK 016 NEH Nehemiah Книга Неемии 016 NEH 001 001 Словеса Неемии сына Ахалиина. И бысть в месяце Хаселев, двадесятаго лета, и аз бех в Сусан-Авире. 016 NEH 001 002 И прииде (ко мне) Ананиа един от братий моих с мужи Иудовы, и вопросих их о спасшихся, иже осташася от пленения, и о Иерусалиме. 016 NEH 001 003 И рекоша ми: оставшиися от пленения тамо во стране, во озлоблении велице и в поношении, и стены Иерусалимския разорены, и врата его сожжена огнем. 016 NEH 001 004 И бысть егда услышах словеса сия, седох и плаках и рыдах дни (многи), и бех постяся и моляся пред лицем Бога небеснаго, 016 NEH 001 005 и рекох: молю Тя, Господи Боже небесный, крепкий, великий и страшный, храняй завет и милосердие любящым Тя и хранящым заповеди Твоя: 016 NEH 001 006 да будут уши Твои внемлюще и очи Твои отверсте, еже слышати молитву раба Твоего, еюже аз молюся пред Тобою днесь, день и нощь, о сынех Израилевых рабех Твоих: и исповедаюся о гресех сынов Израилевых, имиже согрешихом пред Тобою, и аз и дом отца моего согрешихом: 016 NEH 001 007 преступлением преступихом Тебе и не сохранихом заповедий (твоих) и повелений и судеб, яже повелел еси Моисею рабу Твоему: 016 NEH 001 008 помяни убо слово, еже заповедал еси Моисею рабу Твоему глаголя: аще преступите вы, Аз расточу вы в люди, 016 NEH 001 009 и аще обратитеся ко Мне и сохраните заповеди Моя и сотворите я, аще будет разсеяние ваше до конца небесе, оттуду соберу вы и введу вы в место, еже избрах вселитися имени Моему тамо: 016 NEH 001 010 и тии раби Твои и людие Твои, ихже искупил еси силою Твоей великою и рукою Твоею крепкою: 016 NEH 001 011 молю, Господи, да будет ухо Твое внемлющее на молитву раба Твоего и на молитву рабов Твоих хотящих боятися имене Твоего: и благопоспеши убо рабу Твоему днесь, и даждь его в щедроты пред мужем сим. И аз бых виночерпчий царев. 016 NEH 002 001 И бысть в месяце Нисане лета двадесятаго Артаксеркса царя, и вино бе предо мною: и взях вино и дах царю, и не бе ин пред ним. 016 NEH 002 002 И рече ми царь: чесо ради лице твое прискорбно есть, а неси болезнуяй? И несть сие, разве скорбь сердца. И убояхся зело 016 NEH 002 003 и рекох царю: царю, во веки живи: како не быти прискорбну лицу моему, понеже град, дом гробов отец моих опусте, и врата его сожжена суть огнем. 016 NEH 002 004 И рече ми царь: почто о сем ты вопрошаеши? И помолихся Господу Богу небесному 016 NEH 002 005 и рекох ко царю: аще царю видится благо, и аще угоден будет раб твой пред тобою, да послеши мене во Иудею, во град гробов отец моих, и возсозижду его. 016 NEH 002 006 Рече же ми царь, и наложница седяше близ его: до коего времене будет путь твой, и когда возвратишися? И угодно бысть пред лицем царевым, и посла мя, и положих ему время. 016 NEH 002 007 И рекох царю: аще царю видится благо, даждь мне послание ко воеводам стран за рекою, да преведут мене, дондеже прииду во Иудею, 016 NEH 002 008 и послание ко Асафу стражу дубравы царевы, да даст ми древа покрыти врата столпа дому, и на стены градныхя, и на дом, в оньже вниду. И даде ми царь, якоже рука Божия благая (бе) со мною. 016 NEH 002 009 И приидох ко воеводам стран за рекою и дах им послание царево: посла же царь со мною началники силы и конницы. 016 NEH 002 010 И услыша Санаваллат Аронитин и Товиа раб Аммонитин, и зло има бысть, яко прииде человек взыскати блага сыновом Израилевым. 016 NEH 002 011 И приидох во Иерусалим и бых ту три дни. 016 NEH 002 012 И востах нощию аз и мужие не мнози со мною, и ни комуже возвестих, что Бог дает в сердце мое сотворити со Израилем, и скота не бе со мною, токмо скот, на немже аз седях. 016 NEH 002 013 И внидох во врата Юдоли нощию, ко устию источника Смоковничнаго и ко вратом Гнойным, и бых размышляя о стене Иерусалимстей разореней и о вратах его пояденых огнем. 016 NEH 002 014 И приидох ко вратом Источника и ко купели цареве, и не бысть места скоту, на немже седях, да пройдет. 016 NEH 002 015 И взыдох на стену потока нощию, и размышлях о стене, и бех во вратех Юдоли, и возвратихся. 016 NEH 002 016 Стрегущии же не ведяху, камо ходих и что аз творю, и Иудеом и священником, и честным и воеводам и прочым творящым дела даже до тогда не сказах. 016 NEH 002 017 И рекох им: вы видите озлобление сие, в немже есмы, како Иерусалим опустошен, и врата его предана огню: приидите, и созиждем стены Иерусалима, и не будем ктому в поношение. 016 NEH 002 018 И сказах им руку Божию, яже есть блага со мною, и словеса царева, яже глагола мне, и рекох: востанем и созиждем. И укрепишася руцы их во благое. 016 NEH 002 019 И услыша Санаваллат Аронитин и Товиа раб Аммонитин и Гисам Аравитин, и посмеяшася нам, и приидоша к нам, и уничижиша, и рекоша: что дело сие, еже вы творите? Еда вы противу царя отметаетеся? 016 NEH 002 020 И воздах им слово и рекох к ним: Бог Небесе, Той благопоспешит нам, и мы раби Его чистии, (востанем) и созиждем: вам же несть части и правды и памяти во Иерусалиме. 016 NEH 003 001 И воста Елиасув священник великий и братия его священницы, и создаша врата Овчая: сии освятиша их и поставиша двери их и даже до столпа Ста Лакот освятиша их, даже до столпа Анамеиля. 016 NEH 003 002 И близ его созидаша мужие Иерихонстии, и близ их созида Закхур сын Аманиин. 016 NEH 003 003 Врата же Рыбная созидаша сынове Асанаевы: сии покрыша их и поставиша двери их и заворы их и вереи их. 016 NEH 003 004 И близ их созидаше из Рамофы сын Уриин, сына Аккосова: и близ его созидаше Мосоллам сын Варахиин, сына Мазевиля: и близ их созидаше Садок сын Ваанаев: 016 NEH 003 005 и близ их созидаша Фекоими, сильнии же их не положиша выи своея в дело Господа Бога своего. 016 NEH 003 006 И врата старая созидаше Иоида сын Фасеков и Месуллам сын Васодиев: тии покрыста их и постависта двери их и заворы и вереи их. 016 NEH 003 007 И близ их созидаша Малтиа Гаваонитин и Еварон Миронофит, мужие от Гаваона и Масфы, даже до престола князя (иже бысть) об он пол реки. 016 NEH 003 008 И близ его созида Озиил сын Арахиев златарь: и близ его созида Ананиа сын Рокеима, и возставиша Иерусалим даже до стены широкия. 016 NEH 003 009 И близ их созидаше Рафаиа сын Сурин, началник половины окрестныя страны Иерусалимли. 016 NEH 003 010 И близ их созидаше Иедеа сын Еромафов, и противу дому его: и близ его созида Аттуф сын Асаваниин. 016 NEH 003 011 И вторую часть созидаше Мелхиа сын Ирамов и Асув сын Фааф-Моавль, и даже до столпа Пещнаго. 016 NEH 003 012 И близ его созидаше Саллум сын Аллоисов, началник половины страны окрестныя Иерусалимли, той и дщери его. 016 NEH 003 013 Врата Юдоли созидаша Анун и обитающии в Заноне: тии создаша их и поставиша двери их и заворы их и вереи их, и тысяща лакот в стене даже до врат Гнойных. 016 NEH 003 014 И врата Гнойная созидаше Мелхиа сын Рихавль, началник окрестныя страны Вифакрамския, той и сынове его, и покрыша их и поставиша двери их и заворы их и вереи их. 016 NEH 003 015 И врата Источника созидаше Соломон сын Халезеов, началник страны Масфы: той созда их и покры их, и постави двери их и заворы их и вереи их, и стену купели Силоамли ко вертограду цареву и даже до степеней низходящих от града Давидова. 016 NEH 003 016 По немже созидаше Неемиа сын Завухов, началник половины страны Вифсуровы, даже до вертограда гроба Давидова и даже до купели устроеныя и даже до дому сильных. 016 NEH 003 017 По нем созидаша левити, Раум сын Ванаимль: по нем созидаше Асавиа, началник половины страны Кеилы на стране своей, 016 NEH 003 018 и по нем созидаша братия их, Веней сын Инададов, началник половины окрестныя страны Кеилы. 016 NEH 003 019 И созидаше близ его Азур сын Иисусов, началник Масфы, меру вторую столпа восхода касающагося углу. 016 NEH 003 020 И по нем созидаше Варух, сын Завуев, меру вторую от угла даже до врат дому Елиасува священника великаго. 016 NEH 003 021 По нем созидаше Мерамоф сын Урии, сына Аккосова, меру вторую от врат дому Елиасувова даже до конца дому Елиасувова. 016 NEH 003 022 И по нем созидаша священницы, мужие от поля (иорданска). 016 NEH 003 023 И по нем созидаста Вениамин и Асув противу домов своих: и по нем созидаше Азариа сын Маасиев, сына Ананиина, близ дому своего. 016 NEH 003 024 По нем созидаше Ваней сын Ададов меру вторую от дому Азарии даже до угла и даже до уклонения. 016 NEH 003 025 Фалах сын Узаин противу угла и столпа возвышенаго из дому царева высоко, иже во дворе темничнем: и по нем Фадаиа сын Форосов. 016 NEH 003 026 И нафиними обиташа во Офале, даже до вертограда врат Водных ко востоком и даже до столпа, иже бе возвышен. 016 NEH 003 027 И по них созидаша Фекоими меру вторую от страны столпа великаго и высокаго даже до стены Офлы. 016 NEH 003 028 Вышше врат Конских созидаша священницы, един кийждо противу дому своего. 016 NEH 003 029 И по нем созидаше Саддук сын Еммирь противу дому своего: и по нем созидаше Самаиа сын Сехениев, страж врат восточных. 016 NEH 003 030 По нем созидаше Ананиа сын Селемиев и Аном сын Селефов шестый меру вторую: по нем созидаше Месуллам сын Варахиев противу сокровищницы своея. 016 NEH 003 031 По нем созидаше Мелхиа сын Сарефиев даже до дому нафинимля и щиты продающих, противу врат Судных, и даже до горницы угла. 016 NEH 003 032 И посреде врат Овчих созидаша ковачи и щитопродавцы. 016 NEH 004 001 И бысть егда услыша Санаваллат, яко мы созидаем стены, и зло ему вменися, и разгневася зело, и посмеяшеся Иудеом, 016 NEH 004 002 и рече пред братиею своею, иже бяху сила Соморов, и рече: что Иудее сии созидают свой град? Еда жрети будут? Или возмогут? Или днесь изцелят камение, повнегда быти им в прах земли сожженным? 016 NEH 004 003 И Товиа Амманитянин близ его прииде и рече им: еда пожрут, или ясти имут на месте своем? Не взыдет ли лисица и разорит стену каменей их? 016 NEH 004 004 И рече Неемиа: услыши, Боже наш, яко сотворени есмы в посмеяние, 016 NEH 004 005 и обрати поношение их на главу их, и даждь их в посмеяние в землю пленения, 016 NEH 004 006 и не покрый беззакония их. 016 NEH 004 007 Бысть же егда услыша Санаваллат и Товиа, и Аравляне и Амманите, яко взыде отрасль стен Иерусалимских, зане начаша разселины заграждати, и зло им явися зело. 016 NEH 004 008 И собрашася вси вкупе, да приидут и ополчатся на Иерусалим и разорят его. 016 NEH 004 009 И молихомся ко Богу нашему и поставихом стражы на стене противу их день и нощь от лица их. 016 NEH 004 010 Рече же Иуда: истомлена есть сила (от) враг, и земля многа есть, и мы не можем созидати стены. 016 NEH 004 011 И рекоша оскорбляющии нас: не познают и не увидят, дондеже приидем посреде их и убием их, и престати сотворим делу. 016 NEH 004 012 И бысть егда приидоша Иудее, иже обитаху близ их, и реша нам: восходят от всех язык на ны. 016 NEH 004 013 И поставих в нижайших местех созади стен в закровении, и поставих люди по племеном с мечи их и с сулицами их и с луками. 016 NEH 004 014 И видех, и востах, и рекох ко честным и к воеводам и ко прочым людем: не убойтеся от лица их, помяните Господа Бога нашего великаго и страшнаго, и ополчитеся за братию вашу, за сыны вашя и дщери вашя, жены вашя и домы вашя. 016 NEH 004 015 Бысть же егда услышаша врази наши, яко ведомо бысть нам, и разори Бог совет их: и возвратихомся вси мы на стены, кийждо ко делу своему. 016 NEH 004 016 И бысть от дне того, пол вчиненых делаху дело, и половина их уготована бысть ко брани с сулицами и щитами, и луки и бронями, и началницы созади всего дому Иудина. 016 NEH 004 017 Созидающии стену и носящии бремена со оружием: единою рукою своею творяху дело, а другою держаху мечь. 016 NEH 004 018 Созидающым же единому коемуждо мечь бысть опоясан при бедре его, и созидаху, и трубяху трубами близ их. 016 NEH 004 019 И рекох ко честным и ко старейшинам и ко прочым людем: дело велико есть и пространно, и мы разлучени есмы на стене далече кийждо от брата своего: 016 NEH 004 020 на месте идеже услышите глас трубный, тамо тецыте к нам, и Бог наш ополчится о нас. 016 NEH 004 021 И мы быхом творяще дело, и пол нас держаху сулицы от восхода зари утренния даже до восхода звезд. 016 NEH 004 022 Во время же то рекох людем: кийждо со отроком своим да пребывает в среде Иерусалима: и будет вам нощь на стражу, а день на делание. 016 NEH 004 023 Аз же и братия мои и отроцы и мужие стражи, иже бяху созади мене, не снимахом одеяний наших тамо ни един от нас. 016 NEH 005 001 И бысть вопль людий и жен их велик на братию свою Иудеи. 016 NEH 005 002 И быша нецыи глаголюще: сынове наши и дщери нашя мнози суть нам, и да возмем (за цену) пшеницу и ядим и живи будем. 016 NEH 005 003 И быша нецыи глаголюще: села наша и винограды нашя и домы нашя мы да дадим в залог, и возмем пшеницу, и ясти будем. 016 NEH 005 004 И быша нецыи глаголюще: взаим взяхом сребро на дани царевы, дадим села наша и винограды нашя и домы нашя: 016 NEH 005 005 и ныне якоже плоть братий наших, плоть наша, якоже сынове их, сынове наши: и се, мы порабощаем сыны нашя и дщери нашя в рабы, и суть от дщерей наших порабощены, и несть силы в руках наших (откупити) и села наша и винограды нашя у вельмож. 016 NEH 005 006 И оскорбех зело, егда услышах вопль их и словеса сия. 016 NEH 005 007 И усоветова сердце мое во мне, и воспретих державным и началным и рекох им: лихвы ли кийждо от брата своего истяжет, юже вы истязуете? И собрах противу им собрание велико 016 NEH 005 008 и рекох им: мы искупихом братию нашу Иудеов, проданых языком, по силе нашей: вы же продасте братию вашу, и отдадутся нам? И умолчаша, и не обретоша что отвещати. 016 NEH 005 009 И рекох: не добро дело, еже вы творите: тако не во страсе Бога нашего (ходяще) убежите ли от поношения языков врагов наших? 016 NEH 005 010 И аз и братия моя и знаемии мои взаим дахом им пенязи и пшеницу: оставим убо лихоимство сие: 016 NEH 005 011 возвратите же им днесь села их и винограды их и маслины их и домы их, и от сребра пшеницу и вино и елей отдадите им. 016 NEH 005 012 И рекоша: отдадим и от них не взыщем, тако сотворим, якоже ты глаголеши. И призвах священников и заклях их сотворити по словеси сему. 016 NEH 005 013 И отрясох одежду мою и рекох: тако да истрясет Бог всякаго мужа, иже не исполнит слова сего, от дому его и от трудов его, и да будет тако оттрясен и тощь. И рече все множество: аминь. И восхвалиша Бога. И сотвориша людие по глаголу сему. 016 NEH 005 014 От дне того, в оньже повеле (царь) мне быти вождем их в земли Иудине, от лета двадесятаго и даже до лета тридесять втораго Артаксеркса царя, лет дванадесять, аз и братия моя оброку их не ядохом. 016 NEH 005 015 И оброков первых, имиже прежде мене отягчиша их, и прияша от них в хлебе и в вине, по сих сребра (на всяк день) дидрахм четыредесять: и служебницы их обладаша людьми. Аз же не сотворих тако ради страха Божия. 016 NEH 005 016 И в деле стены сия созидах: и села не стяжах, и вси отроцы мои собрани бяху тамо на дело. 016 NEH 005 017 Иудей же и началников сто пятьдесят мужей, и приходящии к нам от язык, иже окрест нас, при трапезе Моей. 016 NEH 005 018 И бе уготовано мне на всяк день: телец един и овец шесть избранных и козел быша мне (и птицы), и между десяти дний всем вина много: и с сими хлеба господству моему не взысках, зане тяжка работа на людех сих. 016 NEH 005 019 Помяни мя, Боже мой, во благо по всем, елика сотворих людем сим. 016 NEH 006 001 Бысть же егда услыша Санаваллат и Товиа и Гисам Аравийский и прочии врази наши, яко создах стену, и не остася в них скважня: и аз даже до времене онаго дверий не поставих во вратех: 016 NEH 006 002 и посла Санаваллат и Гисам ко мне, глаголюща: прииди, и соберемся вкупе в весех на поли Оно (глаголемем). Тии же помышляста мне сотворити злое. 016 NEH 006 003 И послах к нима послов, глаголя: дело велико аз творю и не могу снити, да не престанет дело: егда же совершу е, взыду к вама. 016 NEH 006 004 И посласта ко мне, якоже глагол сей, четырижды, и послах к нима по сим. 016 NEH 006 005 И присла ко мне Санаваллат пятое отрока своего, и послание отверсто в руку его, и бе написано в нем: 016 NEH 006 006 во языцех услышано есть, и Гисам рече, яко ты и Иудее мыслите отступити, сего ради ты созидаеши стену, и ты да будеши им в царя: 016 NEH 006 007 и к сим пророки поставил еси себе, да будеши во Иерусалиме царем над Иудою: и ныне возвестятся царю словеса сия: и сего ради ныне прииди, да сотворима совет вкупе. 016 NEH 006 008 И послах к нему, глаголя: не сотворися по словесем сим, якоже ты глаголеши, зане от сердца твоего ты лжеши в сих: 016 NEH 006 009 яко вси страшат нас, глаголюще: ослабеют руцы их от дела сего, и не сотворится: и ныне укрепих руки моя. 016 NEH 006 010 И аз внидох в дом Семеа сына Далаиева, сына Метавеилева, и той заключен, и рече: да соберемся в дом Божий посреде его и заключим двери его, яко приходят нощию, да убиют тя. 016 NEH 006 011 И рекох: кто есть муж, яков аз, и убежит? Или кто яко аз, иже внидет в дом, и жив будет? Не вниду. 016 NEH 006 012 И уразумех, и се, Бог не посла его: яко пророчествова слово на мя. 016 NEH 006 013 И Товиа и Санаваллат наяста на мя народ, да устрашуся, и сотворю тако, и согрешу, и да буду им во имя зло, яко да поносят ми. 016 NEH 006 014 Помяни, Боже, Товию и Санаваллата по делом их сим, и Ноадиа пророка и прочих пророк, иже страшаху мя. 016 NEH 006 015 И совершися стена в двадесять пятый месяца Елула в пятьдесят и два дни. 016 NEH 006 016 И бысть егда услышаша вси врази наши, и убояшася вси языцы, иже окрест нас, и нападе страх велик пред очи их, и познаша, яко от Господа Бога нашего совершено бысть дело сие. 016 NEH 006 017 И во дни оны от многих державных Иудиных послания прихождаху к Товии, и Товиина (послания) прихождаху к ним. 016 NEH 006 018 Мнози бо во Иудеи кляшася ему, яко зять бе Сехении сына Ираева: и Ионафан сын его поя дщерь Месулама сына Варахиина в жену. 016 NEH 006 019 И словеса его быша глаголющии ко мне, и словеса моя быша износящии ему. И послание посла Товиа, да устрашит мене. 016 NEH 007 001 И бысть егда создася стена, и поставих двери, и сочтох придверники и певцы и левиты: 016 NEH 007 002 и повелех Анании брату моему и Анании началнику дому, иже во Иерусалиме: той бо бе яко муж истинен и бояйся Бога паче прочих: 016 NEH 007 003 и рекох има: да не отверзутся врата Иерусалимская, дондеже взыдет солнце: и еще им бдящым, да заключатся врата и засунута да будут засовами: и постави стражы от обитающих во Иерусалиме, кийждо во стражи своей и кийждо противу дому своего. 016 NEH 007 004 Град же бысть широк и велик, и людий мало в нем, и не бяху домы создани. 016 NEH 007 005 И даде Бог в сердце мое, и собрах честных и князей и народ в собрание: и обретох книгу сочисления тех, иже взыдоша первее, и обретох написано в ней: 016 NEH 007 006 и тии сынове страны возшедшии от пленения преселения, ихже пресели Навуходоносор царь Вавилонский, и возвратишася во Иерусалим и Иудею, кийждо муж во град свой, 016 NEH 007 007 с Зоровавелем и Иисусом и Неемиею, Азариа и Веелма, Наеман, Мардохей, Ваасан, Маасфараф, Ездра, Вогуиа, Инаум, Ваана, Масфар, мужие людий Израилевых: 016 NEH 007 008 сынове Форосовы две тысящы сто седмьдесят два, 016 NEH 007 009 сынове Сафатиевы триста седмьдесят два, 016 NEH 007 010 сынове Ираевы шесть сот пятьдесят два, 016 NEH 007 011 сынове Фааф-Моавли сынов Иисусовых и Иоавлих две тысящы шесть сот и осмьнадесять, 016 NEH 007 012 сынове Еламовы тысяща двести пятьдесят четыри, 016 NEH 007 013 сынове Соффуевы осмь сот четыредесять пять, 016 NEH 007 014 сынове Заханевы седмь сот шестьдесят, 016 NEH 007 015 сынове Вануиевы шесть сот четыредесять осмь, 016 NEH 007 016 сынове Вереиевы шесть сот двадесять осмь, 016 NEH 007 017 сынове Гетадовы две тысящы триста двадесять два, 016 NEH 007 018 сынове Адоникамли шесть сот шестьдесят седмь, 016 NEH 007 019 сынове Вагуиевы две тысящы шестьдесят седмь, 016 NEH 007 020 сынове Идини шесть сот пятьдесят четыри, 016 NEH 007 021 сынове Атировы и сынове Езекиевы девятьдесят осмь, 016 NEH 007 022 сынове Исамиевы триста двадесять осмь, 016 NEH 007 023 сынове Васеиевы триста двадесять четыри, 016 NEH 007 024 сынове Арифовы сто дванадесять, сынове Асеновы двести двадесять три, 016 NEH 007 025 сынове Гаваони девятьдесят пять, 016 NEH 007 026 сынове Вефалеимли сто двадесять три, сынове Атофовы пятьдесят шесть, 016 NEH 007 027 сынове Анафофовы сто двадесять осмь, 016 NEH 007 028 сынове Азамофовы, мужие Вифовы, четыредесять два, 016 NEH 007 029 мужие Кариафиаримли, Кафировы и Вирофовы седмь сот четыредесять три, 016 NEH 007 030 мужие Арама и Гаваа шесть сот двадесять един, 016 NEH 007 031 мужие Махимасовы сто двадесять два, 016 NEH 007 032 мужие Вефили и Аиевы сто двадесять три, мужие анавиа другаго сто пятьдесят два, 016 NEH 007 033 сынове Мегевосовы сто пятьдесят шесть, 016 NEH 007 034 мужие Иламаевы тысяща двести пятьдесят два, 016 NEH 007 035 сынове Ирамли триста двадесять, 016 NEH 007 036 сынове Иериховы триста четыредесять пять, 016 NEH 007 037 сынове Лодовы, Адидовы и Оновы седмь сот двадесять един, 016 NEH 007 038 сынове Ананини три тысящы девять сот тридесять: 016 NEH 007 039 священницы, сынове Иодаевы в дому Иисусове девять сот седмьдесят три, 016 NEH 007 040 сынове Еммировы тысяща пятьдесят два, 016 NEH 007 041 сынове Фассеуровы тысяща двести четыредесять седмь, 016 NEH 007 042 сынове Ирамовы тысяща седмьнадесять: 016 NEH 007 043 левити, сынове Иисуса Кадмиильскаго от сынов Удуилих седмьдесят четыри: 016 NEH 007 044 певцы, сынове Асафовы сто двадесять осмь: 016 NEH 007 045 дверницы сынове Селлумли, 016 NEH 007 046 сынове Атировы, сынове Телмони, сынове Аккувовы, сынове Атитовы, сынове Савиины сто тридесять осмь: 016 NEH 007 047 нафиними, сынове Илаевы, сынове Асефовы, сынове Заваофовы, 016 NEH 007 048 сынове Кирасовы, сынове Сисаины, сынове Фадони, сынове Лавани, сынове Агавовы, сынове Акувовы, 016 NEH 007 049 сынове Утаевы, сынове Китаровы, сынове Гавовы, сынове Селмеини, сынове Анановы, 016 NEH 007 050 сынове Садеины, сынове Гааровы, сынове Рааиины, 016 NEH 007 051 сынове Раасони, сынове Некодовы, 016 NEH 007 052 сынове Гизамли, сынове Озины, сынове Фессовы, 016 NEH 007 053 сынове Висиины, сынове Меиноновы, сынове Нефосаины, 016 NEH 007 054 сынове Ваквуковы, сынове Ахифовы, сынове Арурины, 016 NEH 007 055 сынове Васалофовы, сынове Мидаевы, сынове Адасани, 016 NEH 007 056 сынове Варкуевы, сынове Сисарафовы, сынове Фимаевы, 016 NEH 007 057 сынове Нисиины, сынове Атифовы: сынове рабов Соломоновых, 016 NEH 007 058 сынове Сутеины, сынове Сафаратовы, сынове Феридины, 016 NEH 007 059 сынове Лелилины, сынове Доркони, сынове Гадаили, сынове Фарахасовы, 016 NEH 007 060 сынове Саваини, сынове Иммини: 016 NEH 007 061 вси Нафиними и сынове слуг Соломоновых триста девятьдесят два. 016 NEH 007 062 И сии взыдоша от Фелмефа, Феласар, Харув, Ирон, Иемир, и не могоша сказати домов отечеств своих и семене своего, от Израиля ли быша: 016 NEH 007 063 сынове Далеаевы, сынове Вуаевы, сынове Товиины, сынове Некодаевы, шесть сот четыредесять два: 016 NEH 007 064 и от священник сынове Авиевы, сынове Аккосовы, сынове Верзеллаины, яко пояша от дщерей Верзеллаа Галаадитина жены и прозвашася по имени их. 016 NEH 007 065 Сии искаша писания своего родословия, и не обретоша, и извержени суть от священства. 016 NEH 007 066 Рече же Аферсафа им, да не ядят от святая святых, дондеже востанет священник изявляяй. 016 NEH 007 067 И бысть весь собор единодушно аки четыредесять две тысящы триста шестьдесят, 016 NEH 007 068 кроме рабов их и рабынь их, ихже бяху седмь тысящ триста тридесять седмь: и певцы и певницы двести тридесять шесть. 016 NEH 007 069 Кони (их) седмь сот тридесять шесть, мски их двести четыредесять пять, велблюды их четыре ста тридесять пять, ослы их шесть тысящ седмь сот двадесять. 016 NEH 007 070 И от части началников отечеств даша в дело Аферсафе, даша в сокровище златых тысящу, фиал пятьдесят и риз жреческих тридесять. 016 NEH 007 071 И от началников отечеств даша в сокровище дела злата драхм двадесять тысящ и сребра мнас две тысящы и триста. 016 NEH 007 072 И даша прочии людие злата драхм двадесять тысящ и сребра мнас две тысящы и двести, и риз священнических шестьдесят седмь. 016 NEH 007 073 И седоша священницы и левити и дверницы и певцы и прочий народ и нафиними и весь Израиль во градех своих. 016 NEH 008 001 И прииде месяц седмый, сынове же Израилевы бяху во градех своих: и собрашася вси людие яко муж един на пространство, еже пред враты Водными, и рекоша Ездре писарю, да принесет книгу закона Моисеова, егоже заповеда Господь Израилю. 016 NEH 008 002 И принесе Ездра священник закон пред множество от мужей даже до жен, и всем, иже можаху разумети слышаще, в день первый месяца седмаго, 016 NEH 008 003 и чте в нем (явно на пространстве, еже пред враты Водными), от утра даже до полудне, пред мужи и женами, и сии бяху разумеюще, и уши всех людий ко книзе закона. 016 NEH 008 004 И ста Ездра писец на степени древянем, егоже сотвориша к народовещанию, и сташа близ его Матфафиа и Самеа, и Ананиа и Уриа, и Хелкиа и Маасиа одесную его, ошуюю же Фадаиа и Мисаил, и Мелхиа и Осам, и Асавадма и Захариа и Месоллам. 016 NEH 008 005 И разгну Ездра книгу пред всеми людьми, яко той бе над людьми, и бысть егда разгибаше ю, сташа вси людие. 016 NEH 008 006 И благослови Ездра Господа Бога великаго, и отвещаша вси людие и реша аминь, воздвигше руце свои, и преклонишася и поклонишася Господеви лицем на землю. 016 NEH 008 007 Иисус же и Ванаиа и Саравиа, Акан, Саватей, Камптас, Азариа, Иозавадан, Анифанес и левити бяху вразумляюще людий в законе: людие же стояху на стоянии своем. 016 NEH 008 008 И чтоша в книзе закона Божия, и поучаше Ездра и изясняше ко разумению Господню, и разумеша людие чтение. 016 NEH 008 009 Рече же Неемиа и Ездра священник и писец, и левити и толкующии людем, и реша всем людем: день свят есть Господу Богу нашему, не рыдайте и не плачите. Понеже плакаша вси людие, егда услышаша словеса закона. 016 NEH 008 010 И рече им: идите и ядите тучная и пийте сладкая, и послите части не имущым, яко свят есть день Господеви нашему, и не печалитеся, ибо радость Господня сия есть сила наша. 016 NEH 008 011 Левити же молчание творяху во всех людех, глаголюще: молчите, яко день свят есть, и не тужите. 016 NEH 008 012 И отидоша вси людие ясти и пити, и послати части, и сотворити веселие велико, яко разумеша словеса, имже научиша их. 016 NEH 008 013 И в день вторый собрашася князие отечеств со всеми людьми, священницы и левити ко Ездре писцу, да протолкует всем словеса законная. 016 NEH 008 014 И обретоша писано в законе, егоже заповеда Господь рукою Моисеовою, да обитают сынове Израилевы в кущах в праздник месяца седмаго, 016 NEH 008 015 и да проповедят трубами во всех градех их и во Иерусалиме. И рече Ездра: изыдите на гору, и принесите ветви масличны, и ветви древес кипарисных, и ветви мирсинныя, и ветви финиковы, и ветви древес дубравных, сотворити кущы по писаному. 016 NEH 008 016 И изыдоша людие, и принесоша, и сотвориша себе кущы кийждо на крове своем и во дворех своих, и во дворех дому Божия и на пространстве врат Водных и на пространстве врат Ефремлих. 016 NEH 008 017 И сотвориша весь сонм возвративыйся от пленения кущы, и седоша в кущах, яко не сотвориша от дний Иисуса сына Навина тако сынове Израилевы даже до дне того. И бысть веселие велико. 016 NEH 008 018 И читаху в книзе закона Божия на всяк день, от дне перваго даже до дне последняго. И сотвориша праздник седмь дний, и в день осмый собрание по обычаю. 016 NEH 009 001 В день же двадесять четвертый месяца сего собрашася сынове Израилевы в посте и во вретищих, и персть на главах их. 016 NEH 009 002 И отлучишася сынове Израилевы от всякаго сына чужда, и исповедаху грехи своя и беззакония отец своих. 016 NEH 009 003 И сташа на стоянии своем и чтоша в книзе закона Господа Бога своего четверицею в день, и бяху исповедающеся Господеви и покланяющеся Господу Богу своему. 016 NEH 009 004 И сташа на степени левитов Иисус и сынове Кадмиили, Саханиа сын Саравиин, сынове Ханани, и возопиша гласом великим ко Господу Богу своему, 016 NEH 009 005 и рекоша левити, Иисус и Кадмиил: востаните, благословите Господа Бога нашего от века даже до века: и благословят имя славы Твоея, и вознесут во всяцем благословении и хвале. 016 NEH 009 006 И рече Ездра: Ты еси Сам Господь един, Ты сотворил еси небо и небо небесе и вся вои их, землю и вся, елика на ней суть, моря и вся, яже в них, и Ты оживляеши вся, и вои небеснии покланяются Тебе: 016 NEH 009 007 Ты еси Господь Бог, ты избрал еси Аврама и извел еси его от страны Халдейския, и положил еси имя ему Авраам, 016 NEH 009 008 и обрел еси сердце его верно пред Тобою, и завещал еси с ним завет дати ему землю Хананейску и Хеттейску, и Аморрейску и Ферезейску, и Иевусейску и Гергесейску, и семени его: и утвердил еси словеса Твоя, яко праведен еси: 016 NEH 009 009 и видел еси озлобление отец наших во Египте, и вопль их услышал еси на мори Чермнем, 016 NEH 009 010 и дал еси знамения и чудеса во Египте на фараона и на вся рабы его и на вся люди земли его: познал бо еси, яко возгордешася на них, и сотворил еси Себе имя, якоже день сей: 016 NEH 009 011 и море расторгл еси пред ними, и проидоша посреде моря по суху, и гонители их ввергл еси в глубину, яко камень в воде зелней: 016 NEH 009 012 и в столпе облачне водил еси их во дни и в столпе огненне в нощи, еже осветити им путь, по немуже идоша: 016 NEH 009 013 и на гору Синайскую сшел еси, и глаголал еси к ним с небесе, и дал еси им судбы правы и закон истинный, повеления и заповеди благи: 016 NEH 009 014 и субботу святую Твою явил еси им, заповеди, повеления и закон повелел еси им рукою Моисеа раба Твоего: 016 NEH 009 015 хлеб же с небесе дал еси им во алчбе их в пищу им, и воду из камене извел еси им в жажди их, и рекл еси им, да внидут и наследят землю, на нюже простерл еси руку Твою дати им: 016 NEH 009 016 тии же и отцы наши возгордешася и ожесточиша выя своя и не послушаша заповедий Твоих, 016 NEH 009 017 и не восхотеша слышати, и не воспомянуша чудес Твоих, яже сотворил еси им: и ожесточиша выю свою, и даша начало возвратитися на работу свою во Египет: Ты же, Боже, милостив и щедр, долготерпелив и многомилостив, и не оставил еси их: 016 NEH 009 018 еще же сотвориша себе и телца слияна и рекоша: сии бози изведоша нас из Египта: и сотвориша раздражения велия: 016 NEH 009 019 Ты же в щедротах Твоих многих не оставил еси их в пустыни, столп облачный не уклонил еси от них во дни, еже наставити их на путь, и столп огненный в нощи, еже осветити им путь по немуже идоша, 016 NEH 009 020 и Дух Твой благ дал еси, еже научити их, и манны Твоея не лишил еси от уст их, и воду дал еси им в жажди их, 016 NEH 009 021 и четыредесять лет препитал еси их в пустыни, ничтоже им оскуде: одеяния их не состарешася, и сапози их не раздрашася: 016 NEH 009 022 и дал еси им царства, и люди разделил еси им, и наследиша землю Сиона царя Есевонска и землю Ога царя Васанска: 016 NEH 009 023 и умножил еси сыны их яко звезды небесныя, и ввел еси их в землю, о нейже глаголал еси отцем их внити и наследити ю: 016 NEH 009 024 (и внидоша сынове их) и наследиша землю: и сокрушил еси пред ними обитающих в земли Хананейстей, и дал еси их в руку их, и цари их и люди земли, да сотворят им якоже угодно пред ними: 016 NEH 009 025 и взяша грады высокия, и одержаша домы полны всех благих, кладязи ограждены камением, винограды и маслины и всяко древо снедное во множество, и ядоша и насытишася, и утолстеша и разширишася во благости Твоей велицей: 016 NEH 009 026 и изменишася и отступиша от Тебе, и повергоша закон Твой созади плоти своея, и пророки Твоя избиша, иже засвидетелствоваху им, да обратятся к Тебе, и сотвориша хулы велики: 016 NEH 009 027 и дал еси их в руку оскорбляющих я, и озлобиша их: и во бремя печали своея возопиша к Тебе, и Ты с небесе Твоего услышал еси, и по щедротам Твоим многим дал еси им спасителей, и спасл еси их от рук враг их: 016 NEH 009 028 и егда упокоишася, возвратишася сотворити лукавое пред Тобою: и оставил еси их в руках враг их, и обладаша ими: и паки возопиша к Тебе, Ты же от небесе услышал еси, и избавил еси их в щедротах Твоих мнозех, 016 NEH 009 029 и засвидетелствовал еси им, да обратятся к закону Твоему: они же возгордешася и не послушаша, но в заповедех Твоих и в судбах Твоих согрешиша, яже сотворив человек жив будет в них: и даша плещы непокоривыя, и выю свою ожесточиша, и не послушаша: 016 NEH 009 030 и продолжил еси на них лета многа, и засвидетелствовал еси им Духом Твоим и рукою пророк Твоих, и не вняша, и предал еси их в руку людий земных: 016 NEH 009 031 в милосердиих же Твоих многих не сотворил еси их в скончание, ниже оставил еси их, яко Бог силен еси и милостив и щедр: 016 NEH 009 032 и ныне, Боже наш крепкий, великий, державный и страшный, храняй завет Твой и милость Твою, да не явится мал пред Тобою всяк труд, иже обрете нас и цари нашя, и началники нашя и священники нашя, и пророки нашя и отцы нашя и вся люди Твоя, от дний царей Ассурских и даже до дне сего: 016 NEH 009 033 и Ты праведен во всех, яже приидоша на нас, яко истину сотворил еси, мы же согрешихом: 016 NEH 009 034 и царие наши и началницы наши, и священницы наши и отцы наши не сотвориша закона Твоего и не внимаша повелением Твоим и свидением Твоим, имиже засвидетелствовал еси им, 016 NEH 009 035 и тии во царствии Твоем и во благостыни Твоей мнозе, юже дал еси им, и в земли широцей и тучней, юже дал еси пред ними, не послужиша Тебе и не отвратишася от начинаний своих лукавых: 016 NEH 009 036 се, мы днесь есмы раби, и земля, юже дал еси отцем нашым ясти плод ея и благая ея, се, есмы раби на ней: 016 NEH 009 037 и плоды ея мнози царем, имже предал еси нас за грехи нашя, и телесы нашими владычествуют и скоты нашими, якоже угодно им, и в печали велицей есмы: 016 NEH 009 038 и во всех сих мы полагаем завет верен и пишем, и печатают вси началницы наши, левити наши и священницы наши. 016 NEH 010 001 И в печатлеющих быша сии: Неемиа Артасаста сын Ахалиев и Седекиа 016 NEH 010 002 сын Араиев, и Азариа и Иеремиа, 016 NEH 010 003 Фасур, Амариа, Мелхиа, 016 NEH 010 004 Аттус, Севаниа, Маллух, 016 NEH 010 005 Ирам, Мерамоф, Авдиа, 016 NEH 010 006 Даниил, Ганафон, Варух, 016 NEH 010 007 Месуллам, Авиа, Миамин, 016 NEH 010 008 Маазиа, Велгаи, Самаиа: сии священницы. 016 NEH 010 009 Левити же: Иисус сын Азариин, Ваней от сынов Инададовых, Кадмиил 016 NEH 010 010 и братия его Саваниа, Одуиа, Калитан, Фелиа, Анан, 016 NEH 010 011 Миха, Роов, Асевиа, 016 NEH 010 012 Закхор, Саравиа, Севаниа, 016 NEH 010 013 Одуа, сынове Вануини. 016 NEH 010 014 Началницы людий: Форос, Фааф-Моав, Илам, Зафуиа, 016 NEH 010 015 сынове Ванниины Азгад, Вивай, 016 NEH 010 016 Ананиа, Вагой, Идин, 016 NEH 010 017 Атир, Езекиа, Азур, 016 NEH 010 018 Одувиа, Исам, Висий, 016 NEH 010 019 Ариф, Анафоф, Новай, 016 NEH 010 020 Мегафис, Месуллам, Изир, 016 NEH 010 021 Месозевил, Садук, Иеддуа, 016 NEH 010 022 Фалтиа, Анан, Анаиа, 016 NEH 010 023 Осиа, Ананиа, Асув, 016 NEH 010 024 Адой, Фалаа, Совик, 016 NEH 010 025 Раум, Ессавана, Маасиа 016 NEH 010 026 и Аиа, Енан, Инам, 016 NEH 010 027 Малух, Ирам, Ваана. 016 NEH 010 028 И прочии от людий, священницы, левити, дверницы, певцы, нафиними и всяк приходяй от людий земских ко закону Божию, жены их, сынове их, дщери их, всяк ведяй и разумеяй, 016 NEH 010 029 укрепляхуся над братиею своею, и заклинаша их, и внидоша в клятву и в роту, еже ходити в законе Божии, иже дан есть рукою Моисеа раба Божия, да сотворят и сохранят вся заповеди Господни и судбы Его и повеления Его, 016 NEH 010 030 и еже не дати дщерей наших людем земским, и дщерей их не возмем сыновом нашым: 016 NEH 010 031 людие же земли носящии продаемая и вся купуемая во дни субботы продавати, не купим от них в субботы, ни в день святый: и оставим лето седмое, и даяние всех рук. 016 NEH 010 032 И поставим над нами заповедь даяти нам третию часть дидрахмы на лето, на дело дому Бога нашего, 016 NEH 010 033 на хлебы предложения и на жертвы повседневныя, и во всесожжение присное суббот, новомесячий, в праздники и во святая, и яже о гресех, помолитися за Израиля, и на дела дому Бога нашего. 016 NEH 010 034 И жребий метнухом о ношении древес, священницы и левити и людие, носити в дом Бога нашего, по домом отечеств наших, от времене до времене, от лета до лета возжигати на олтари Господу Богу нашему, якоже писано есть в законе, 016 NEH 010 035 и приносити первородная земли нашея и первородная плода всякаго древа, от лета до лета, в дом Господень, 016 NEH 010 036 и первенцы сынов наших и скотов наших, якоже писано есть в законе, и первенцы волов наших и стад наших приносити в дом Бога нашего, священником служащым в дому Бога нашего: 016 NEH 010 037 и начатки жит наших и плод всякаго древа, вина и елеа, приносити будем священником в сокровище дому Божия, и десятину земли нашея левитом, и тии левити десятину приемлют во всех градех дел наших. 016 NEH 010 038 Будет же священник сын Ааронов с левиты в десятинах левитов, и левити имут приносити десятую часть десятины в дом Бога нашего в сокровище дому Божия, 016 NEH 010 039 яко в сокровища принесут сынове Израилевы и сынове левитстии начатки пшеницы и вина и елеа, и тамо (будут) сосуди святии, и священницы и служителие и дверницы и певцы, и не оставим дому Бога нашего. 016 NEH 011 001 И вселишася началницы людий во Иерусалиме, и прочии людие метнуша жребия взяти единаго от десяти, да пребывает во Иерусалиме граде святем, и девять частей во градех. 016 NEH 011 002 И благословиша людие всех мужей, иже сами произволиша обитати во Иерусалиме. 016 NEH 011 003 И сии началницы страны, иже обиташа во Иерусалиме: и во градех Иудиных обиташе кийждо во одержании своем, во градех своих Израилевых, священницы и левити, и нафинее и сынове рабов Соломоновых. 016 NEH 011 004 И во Иерусалиме обиташа от сынов Иудиных и от сынов Вениаминих. От сынов Иудиных Афаиа сын Озиин, сын Захариин, сын Самариин, сын Сафатиев, сын Масеиль и от сынов Фаресовых, 016 NEH 011 005 и Маасиа, сын Варухов, сын Халазов, сын Озиев, сын Адаиев, сын Иоаривль, сын Захариев, сын Силониев: 016 NEH 011 006 вси сынове Фаресовы, иже обиташа во Иерусалиме, четыреста шестьдесят осмь мужие крепцы. 016 NEH 011 007 Сии же сынове Вениамини: Силон сын Месулаев, сын Иоадов, сын Фадаиев, сын Колиев, сын Маасиев, сын Ефииль, сын Иессиев, 016 NEH 011 008 и по нем Гевеил, Силиев, девять сот двадесять осмь. 016 NEH 011 009 И Иоиль сын Зехрин настоятель над ними, и Иуда сын Асанаев, от града, вторый. 016 NEH 011 010 От священников: и Иадиа сын Иоаривль, Иахинь, 016 NEH 011 011 Сареа сын Елхиев, сын Месуламов, сын Саддуков, сын Мариофов, сын Етофов, началник дому Божия, 016 NEH 011 012 и братия их делающе дело церкве осмь сот двадесять два: и Адаиа сын Иероамль, сына Фалалиина, сына Намасова, сына Захариина, сына Фасефурова, сына Мелхиина, 016 NEH 011 013 и братия его началницы отечеств двести четыредесять два: и Амесай сын Езрииль, сына Сакхиева, сына Масаримофова, сына Еммирова, 016 NEH 011 014 и братия его сильнии во бранех сто двадесять осмь: и настоятель их Сохриил, сын Великих. 016 NEH 011 015 И от левит: Самаиа сын Асува, сына Езрикама, сына Асавии, сына Вонни, 016 NEH 011 016 и Саввафей, и Иосавад над делами дому Божия внешняго и от началников левитских, 016 NEH 011 017 и Матфаниа, сын Михаев, сын Зехриев, сына Асафова, началник хваления, и Иуда молитвы, и Вокхиа вторый от братий своих, и Авдиа сын Самеа сына Галелова, сына Идифунова: 016 NEH 011 018 всех левитов во граде святем двести осмьдесят четыре. 016 NEH 011 019 И дверницы: Акув, Теламин и братия их, стрегущии врат, сто седмьдесят два. 016 NEH 011 020 Прочии же от Израиля иерее же и левити во всех градех Иудеи кийждо в наследии своем. 016 NEH 011 021 И нафинее, иже обиташа во Офле, Сиай и Гесф от нафинеев. 016 NEH 011 022 И началник левитов во Иерусалиме Озий сын Ваниин сына Савиева, сына Матфаниева, сына Михаева, от сынов Асафовых поющих над делом дому Божия, 016 NEH 011 023 яко заповедь царева (бе) им: и пребываше верно над певцами оброк коегождо дне в день свой. 016 NEH 011 024 И Фафеа, сын Массизавилов от сынов Зариных, сына Иудина, при руце цареве всякия потребы ради людий. 016 NEH 011 025 И при дворех, иже на селех их: и от сынов Иудиных обиташа в Кариафарвоце и в селех его, и в Девоне и в селех его, и в Кафсеиле и в селех его, 016 NEH 011 026 и во Иисусе, и в Моладе, и в Веффалате, 016 NEH 011 027 и во Асерсоале, и в Вирсавеи и в селех ея, 016 NEH 011 028 и в Секелаге, и Мавне и в селех ея, 016 NEH 011 029 и в Ремаоне, и в Саре, и во Иеримуфе, 016 NEH 011 030 и в Заннои, и во Одолламе и в селех их, и в Лахисе и в селех его, и во Азике и в селех ея: и ополчишася в Вирсавеи даже до дебри Еннон. 016 NEH 011 031 И сынове Вениамини от Гаваи и Магмаса и Вефиля и от весей его, 016 NEH 011 032 и во Анафофе, в Нове, во Ании, 016 NEH 011 033 во Асоре, в Раме, в Гефаиме, 016 NEH 011 034 в Адоде, в Севоиме, в Навалате, 016 NEH 011 035 в Лидде и во Оногиарасим. 016 NEH 011 036 И от левитов части Иудины и Вениамини. 016 NEH 012 001 И сии суть священницы и левити, возшедшии с Зоровавелем сыном Салафиилевым и Иисусом: Сараиа, Иеремиа, Ездра, 016 NEH 012 002 Амариа, Малух, Аттуй, 016 NEH 012 003 Сехениа, Реум, Маримоф, 016 NEH 012 004 Адаиа, Генафон, Авиа, 016 NEH 012 005 Миамин, Маадиа, Велга, 016 NEH 012 006 Семиа, Иоиарив, Идиа, 016 NEH 012 007 Салуй, Амук Хелкиа, Одуиа: сии началницы священников и братия их во дни Иисуса. 016 NEH 012 008 И левити: Иисус, Вануй, Кадмиил, Саравиа, Иодай и Матфаниа, при руках той, и братия их в чредныя служения: 016 NEH 012 009 и Ваквакиа и Анай, братия их, прямо их во чреды дневныя. 016 NEH 012 010 Иисус же роди Иоакима, Иоаким роди Елиасива, Елиасив роди Иодаа, 016 NEH 012 011 Иодай же роди Ионафана, и Ионафан роди Адуа. 016 NEH 012 012 Во дни же Иоакима беху братия его священницы и началницы отечеств: Сараии Амариа, Иеремии Ананиа, 016 NEH 012 013 Ездре Месуллам, Амарии Иоанан, 016 NEH 012 014 Амалуху Ионафан, Сехении Иосиф, 016 NEH 012 015 Аресу Еднас, Мариофу Елкей, 016 NEH 012 016 Аддаю Захариа, Ганафону Месуллам, 016 NEH 012 017 Авии Зехрий, Миамину Маадай, Фелетию, 016 NEH 012 018 Валгасу Самуей, Семии Ионафан, 016 NEH 012 019 Иоариву Матфанай, Едию Озий, 016 NEH 012 020 Салаию Калаиа, Амеку Авед, 016 NEH 012 021 Елкии Асавиа, Иедии Нафанаил. 016 NEH 012 022 Левити во дни Елиасива, Иоада и Иоа, и Иоанан и Идуа, написани началницы отечеств, и священницы в царство Дариа Персскаго. 016 NEH 012 023 И сынове Левии началницы отечеств писани в книзе словес дний и даже до дний Иоанана сына Елисуева. 016 NEH 012 024 И началницы левитом Асавиа и Саравиа и Иисус, и сынове Кадмииловы и братия их пред ними в песнех хвалити и исповедовати, по заповеди Давида человека Божия, по чредам от дне до дне. 016 NEH 012 025 Матфаниа и Ваквакиа, Авдиа, Месуллам, Телмон, Акув, стрегущии дверницы стражу, внегда собрати ми дверники. 016 NEH 012 026 Во дни Иоакима сына Иисусова, сына Иоседекова, и во дни Неемии и Ездры священника и книгочии, 016 NEH 012 027 и во обновлении стены Иерусалимския, взыскаша левитов в местех их да возведут их во Иерусалим сотворити обновление и веселие во хвалении и песнех, в кимвалех и псалтирех и гуслех. 016 NEH 012 028 И собрашася сынове поющих и от страны окрестныя во Иерусалим, и от сел Нетофатиевых, 016 NEH 012 029 и от Дому (Галгал) и от стран (Гева и Азмавет), яко села создаша себе певцы окрест Иерусалима: 016 NEH 012 030 и очистишася священницы и левити, и очистиша людий и врата и стену. 016 NEH 012 031 И возведох началников Иудиных на стену, и поставих два клироса велика, хвалы ради, и проидоша от десныя страны на стену ко вратом Гнойным. 016 NEH 012 032 И идоша за ними Осаиа и половина началников Иудиных, 016 NEH 012 033 и Азариа и Ездра и Месуллам, 016 NEH 012 034 Иуда и Вениамин, и Самаиа и Иеремиа: 016 NEH 012 035 и от сынов священничих с трубами Захариа сын Ионафанов, сын Самаии, сын Мафаниин, сын Михаин, сын Закхуров, сын Асафов, 016 NEH 012 036 и братия его Самаиа и Озиил, Гелол, Маиа, Нафанаил и Иуда и Ананий, еже хвалити в песнех Давида человека Божия: 016 NEH 012 037 и Ездра книгочий пред ними при вратех Источника, хвалити прямо их. И взыдоша на лествицы града Давидова, на восход стены выше дому Давидова и даже до врат Водных к востоку. 016 NEH 012 038 И клирос вторый хвалу воздающих идяше сопротив их, и аз по нем, и половина людий по стене, верху столпа Фануримля и даже до стены пространнейшия, 016 NEH 012 039 и на врата Ефраима, и на врата старая, и на врата Рыбная, и на столп Анамеиль, и на столп Емаф, и даже до врат Овчих. 016 NEH 012 040 И сташа на вратех Стражи, сташа же два клироса хваляща в дому Божии, и аз и половина воевод со мною, 016 NEH 012 041 и священницы Елиаким, Маасиа, Миамин, Михеа, Елиона, Захариа, Ананиа с трубами, 016 NEH 012 042 и Маасиа и Семеиа, и Елеазар и Озиа, и Иоанан и Мелхиа, и Елеамий и Иезур. И слышани быша певцы и Иезриа, и соглядани, и восхвалиша. 016 NEH 012 043 И пожроша в день той жертвы великия и возвеселишася, яко Бог возвесели их вельми: и жены их и чада их радовахуся, и слышано бысть веселие то во Иерусалиме издалеча. 016 NEH 012 044 И поставиша в день той мужей над сокровищными хранилищи, на начатки и десятины, и да собирают сими началниками от градов части священником и левитом, яко веселие бе во Иудеи, во священницех и в левитех предстоящих, 016 NEH 012 045 и стрежаху стражу Бога своего, и хранение очищения, и певцев и дверников, по повелению Давида и Соломона сына его. 016 NEH 012 046 Яко во дни Давидовы Асаф от начала первый в певцех и в песнех и хвалении Богу, 016 NEH 012 047 и весь Израиль во дни Зоровавеля и во дни Неемии даяху оброк певцем и дверником от дне до дне и освящаху левитом, левити же освящаху сыновом Аароним. 016 NEH 013 001 В день той чтено бысть в книзе Моисеове во слышание людем, и обретеся написано в ней: да не имут внити Амманитяне и Моавитяне в церковь Божию даже до века, 016 NEH 013 002 понеже не сретоша сынов Израилевых со хлебом и водою и наяша на них Валаама на проклятие их: и обрати Бог наш проклятство на благословение. 016 NEH 013 003 И бысть егда слышаху закон, и отлучиша всех чуждих от Израиля. 016 NEH 013 004 И прежде сего Елиасив священник живяше в сокровищнем дому Бога нашего, сродник Товиин, 016 NEH 013 005 и сотвори ему сокровищный дом велик: таможе бяху прежде приносяще жертву и ливан, и сосуды и десятину пшеницы и вина и елеа, уставленая левитом и певцем и дверником, и начатки священническия. 016 NEH 013 006 Во всех же сих не бых во Иерусалиме, понеже в лето тридесять второе Артаксеркса царя Вавилонскаго приидох ко царю: и по скончании дний испросих от царя 016 NEH 013 007 и приидох во Иерусалим, и уразумех зло, еже сотвори Елиасив Товии, сотворити ему сокровищный дом во дворе дому Божия, 016 NEH 013 008 и зло явися ми зело: и извергох вся сосуды дому Товиева вон из дому сокровищнаго, 016 NEH 013 009 и рекох, и очистиша сокровищный дом: и возвратих онамо сосуды дому Божия, жертву и ливан. 016 NEH 013 010 И познах, яко части левитския не быша даны, и побегоша кийждо на село свое левити и певцы творящии дело. 016 NEH 013 011 И пряхся со стратигами и рекох: чесо ради оставлен бысть дом Божий? И собрах их и поставих оных во стояниих своих. 016 NEH 013 012 И весь Иуда принесоша десятину пшеницы и вина и елеа в сокровища под руку Селемии священника и Садока писца и фадаии от левит, 016 NEH 013 013 и при них Анан сын Закхуров, сын Матфаниев, яко верни искушени суть над ними разделяти братиям своим. 016 NEH 013 014 Помяни мя, Боже, того ради, и да не погибнет милость моя, юже сотворих в дому Господа Бога моего и в чинех его. 016 NEH 013 015 Во днех тех видех во Иуде топчущих точило в субботу, и носящих снопы, и возлагающих на ослы и вино, и гроздие, и смоквы, и всякое бремя, и носящих во Иерусалим во дни субботныя: и засвидетелствовах им в день продаяния их. 016 NEH 013 016 И Тиряне обиташа в нем приносяще рыбы, и вся продаемая продающе в субботы сыновом Иудиным и во Иерусалиме. 016 NEH 013 017 И обличих сынов Иудиных свободных и рекох им: что сия вещь злая, юже вы творите, и скверните день субботный? 016 NEH 013 018 Не сия ли сотвориша отцы ваши, и наведе на них Бог наш и на нас вся злая сия, и на град сей, и вы прилагаете гнев на Израиля, скверняще субботу? 016 NEH 013 019 Бысть же егда поставишася врата во Иерусалиме прежде субботы, и рекох, и запроша двери и повелех, да не отверзают их даже по субботе: и от отрок моих поставих над враты, да ни един вносит бремя в день субботный. 016 NEH 013 020 И сташа вси и творяху куплю вне Иерусалима единощи и дващи. 016 NEH 013 021 И засвидетелствовах о них и рекох им: что вы пребываете пред стеною? Аще вторицею сие сотворите, простру руку мою на вас. И от времене того не приидоша в субботу. 016 NEH 013 022 И рекох левитом, иже бяху очищени, дабы приходили хранити врат и святити день субботный. И сих ради помяни мя, Боже, и прости ми по множеству милости Твоея. 016 NEH 013 023 И во днех онех видех Иудеев поемших жены Азотския, Амманитяны, Моавитския, 016 NEH 013 024 и сынове их от полу глаголаху азотским языком и не умеяху глаголати иудейски: 016 NEH 013 025 и запретих им, и проклях их, и поразих от них мужей, и оплеших их, и заклях их Богом, аще дадите дщери вашя сыновом их и аще поймете от дщерей их сыновом вашым и себе: 016 NEH 013 026 не тако ли согреши Соломон царь Израилев? И во языцех мнозех не бысть царь подобен ему, и возлюблен Богу бе, и постави его Бог царем над всем Израилем, и того прельстиша жены чуждия: 016 NEH 013 027 и мы послушаем ли вас творити всяко зло сие, согрешити Богу нашему, еже пояти жены иноплеменничи? 016 NEH 013 028 И от сынов Иоада сына Ельтува священника великаго, зятя Санаваллатова Уранитина, и изгнах его от мене. 016 NEH 013 029 Помяни им, Боже, за осквернение священства и завета священническа и левитска. 016 NEH 013 030 И очистих их от всякия чуждия нечистоты, и поставих чреды священником и левитом, комуждо по делу его, 016 NEH 013 031 и даяние древес во временех уставленых и первородных. Помяни мя, Боже наш, во благое. # # BOOK 017 EST Esther Книга Есфири 017 EST 001 001 И бысть по словесех сих во днех Артаксеркса: сей Артаксеркс от Индии обладаше сто двадесять седмию странами (даже до Ефиопии): 017 EST 001 002 во дни же тыя, егда седе на престоле царь Артаксеркс в Сусех граде, 017 EST 001 003 в третие лето царства своего, сотвори пир другом и прочым языком, и Персским и Мидским славным, и началным сатрапом, 017 EST 001 004 и по сих, егда показа им богатство царства своего и славу веселия своего, во сто осмьдесят дний. 017 EST 001 005 И егда исполнишася дние пира, сотвори царь пиршество языком обретшымся во граде (Сусех) на дний шесть во дворе дому царева, 017 EST 001 006 украшеннем виссонными и зелеиыми завесами, простертыми на ужах виссонных и червленичных, на колцах златых и сребряных, на столпех мраморных и каменных: 017 EST 001 007 ложа злата и сребряна, на помосте камене смарагдова, и пиннинска и паринска мрамора, и плащаницы пестротами различными разцвечены, окрест шипцы разсеяни: 017 EST 001 008 сосуди злати и сребряни, и чаша анфракса (камене) предложенная, ценою талант тридесять тысящ: вино много и сладко, еже сам царь пияше: питие же сие не по уставленному закону бысть, тако бо восхоте царь и заповеда икономом сотворити волю свою и мужей. 017 EST 001 009 И Астинь царица сотвори пир женам в дому цареве, идеже царь Артаксеркс. 017 EST 001 010 В день же седмый развеселився царь, рече Аману и Вазану, и Фарре и Варазу, и Зафолфану и Аватазу и Фараву, седмим евнухом, иже служаху пред царем Артаксерксом, 017 EST 001 011 привести (Астинь) царицу пред него, еже воцарити ю и возложити на ню венец царский и показати ю всем началствующым и языком красоту ея, зане прекрасна бе. 017 EST 001 012 И не послуша его Астинь царица приити со евнухи. 017 EST 001 013 И опечалися царь, и разгневася, и рече ближним своим: сице рече Астинь: сотворите убо о сем закон и суд. 017 EST 001 014 И приступиша к нему Аркесей и Сарсофей и Малисеар, началницы Персстии и Мидстии, иже близ царя, первии седящии при цари, 017 EST 001 015 и возвестиша ему по законом, како подобает сотворити царице Астини, яко не сотвори повеленных от царя чрез евнухи. 017 EST 001 016 И рече Мухей ко царю и к боляром: не царя единаго обиде Астинь царица, но и вся князи и началники царевы, 017 EST 001 017 ибо поведа им словеса царицы, и како противорече царю: 017 EST 001 018 якоже убо противно рече царю Артаксерксу, сице и днесь госпожи жены прочыя князей Персских и Мидских, услышавшя царю реченная от нея, дерзнут такожде безчествовати мужеи своих: 017 EST 001 019 аще убо угодно царю, да повелит царским повелением, и да напишется по законом Мидским и Персским, и инако да не будет, ниже да внидет ктому царица к нему, и царство ея да предаст царь жене лучшей ея: 017 EST 001 020 и да будет услышан закон, иже от царя, егоже сотворит во царствии своем, и сице вся жены возложат честь на мужы своя от богата даже до убога. 017 EST 001 021 И угодно бысть слово пред царем и началники, и сотвори царь, якоже рече ему Мухей, 017 EST 001 022 и посла царь книги во все царство по странам по языку их, да будет страх им в жилищих их. 017 EST 002 001 И по словесех сих утолися царь от гнева, и не воспомяну ктому Астини, воспоминая, елика глагола и како осуди ея. 017 EST 002 002 И реша слуги царевы: да изыщутся царю девицы нерастленны, красны зраком, и да поставит царь взыскатели во всех странах царствия своего, 017 EST 002 003 и да изберут отроковиц девственных доброзрачных в Сусы град, в чертог женский, и да отдадутся евнухови цареву стражу жен, и да дадутся масти и прочыя потребы: 017 EST 002 004 и жена, юже возлюбит царь, да будет царицею вместо Астини. И угодно бе царю слово, и сотвори тако. 017 EST 002 005 И муж бе Иудеанин во граде Сусех, и имя ему Мардохей сын Иаиров, сына Семеина, сына Кисеова, от племене Вениаминя, 017 EST 002 006 иже бяше пленен от Иерусалима Навуходоносором царем Вавилонским: 017 EST 002 007 и бяше ему отроковица воспитана, дщерь Аминадава брата отцу его, и имя ей Есфирь. По преставлении же родителей ея, прия ю Мардохей во дщере место: и бяше девица красна и доброзрачна. 017 EST 002 008 И егда услышано бысть повеление царево, собраны быша девицы многи во град Сусы, под руку Гаиеву, и приведена бысть Есфирь ко Гаию хранителю жен: 017 EST 002 009 и угодна бысть ему отроковица и окрете благодать пред ним: и потщася дати ей масти и участие, и седмь девиц пристави к ней из дому царева, и снабдеваше ю и рабынь ея добре в дому женстем. 017 EST 002 010 И не поведа Есфирь рода своего, ниже отечества, Мардохей бо заповеда ей не возвещати. 017 EST 002 011 На всяк же день хождаше Мардохей по двору женскому, назирая, что Есфири случится. 017 EST 002 012 Сие же бе время девиц входити ко царю, егда исполнятся дванадесять месяцей: тако бо наполняхуся дние украшения, шесть месяц во ароматех и в мастех женских, и шесть месяц намазующяся смирновым елеем, 017 EST 002 013 и тогда вхождаху ко цареви: и емуже аще речет привести ю, входит с ним купно из дому женскаго даже до дому царева: 017 EST 002 014 на вечер вхождаше и заутра возвращашеся в дом женский вторый, идеже Гай евнух царев хранитель жен, и не вхождаше паки ко царю, аще не будет позвана именем. 017 EST 002 015 Егда же исполнися время Есфири дщери Аминадава, брата отца Мардохеова, (иже поял ю себе в дщере место, ) внити ко цареви, ничтоже преступи от сих, яже заповеда ей евнух хранитель жен: бе бо Есфирь обретающая благодать пред всеми зрящими ю. 017 EST 002 016 И вниде Есфирь ко царю Артаксерксу во вторыйнадесять месяц, иже есть Адар, в лето седмое царства его. 017 EST 002 017 И возлюби царь Есфирь, и обрете благодать паче всех девиц, и возложи венец женский на главу ея. 017 EST 002 018 И сотвори царь пир всем другом своим и силам седмь дний, и вознесе брак Есфирин, и сотвори отраду сущым во царствии его. 017 EST 002 019 Мардохей же служаше во дворе (цареве). 017 EST 002 020 Есфирь же не поведа рода своего, (ни людий своих): сице бо заповеда ей Мардохей боятися Бога и творити заповеди Его, якоже бе с ним, Есфирь же не измени обычая своего. 017 EST 002 021 И опечалистася два евнуха царева началнейшии стражы тела его, яко предпочтен бысть Мардохей, и искаста убити Артаксеркса царя. 017 EST 002 022 И возвестися слово Мардохею, и сказа Есфири: она же поведа царю, яже наветуют. 017 EST 002 023 Царь же испыта дву евнуху, (и исповедаста, ) и обеси их. И повеле царь вписати на память в царстей книгохранителнице о благодеянии Мардохеове в похвалу. 017 EST 003 001 И по сих прослави царь Артаксеркс Амана сына Амадафуина Вугеанина и вознесе его, и председяше вышше всех другов его: 017 EST 003 002 и вси, иже во дворе (цареве), покланяхуся Аману: сице бо повеле царь творити. Мардохей же не кланяшеся ему. 017 EST 003 003 И глаголаша сущии во дворе цареве Мардохею: мардохее, чесо ради не слушаеши глаголемых от царя? 017 EST 003 004 По вся же дни глаголаху ему, и не послушаше их. И возвестиша Аману, яко Мардохей сопротивляется повелению цареву, и поведа им Мардохей, яко Иудеанин есть. 017 EST 003 005 И уведав Аман, яко не кланяется ему Мардохеи, разгневася зело 017 EST 003 006 и умысли погубити вся Иудеи, иже в царстве Артаксерксове: 017 EST 003 007 и сотвори совет в лето второенадесять царства Артаксерксова, и меташе жребия день от дне и месяц от месяца, яко погубити во един день род Мардохеев: и паде жребий на четвертыйнадесять день месяца, иже есть Адар. 017 EST 003 008 И рече (Аман) ко царю Артаксерксу, глаголя: есть язык разсеянный во языцех во всем царстве твоем: законы же их странни паче всех язык, и законов царских не слушают, и не пользует царю оставити их: 017 EST 003 009 и аще годе есть цареви, да повелит погубити я: аз же запишу в сокровище царево десять тысящ талант сребра. 017 EST 003 010 И снем царь перстень (с руки своея), даде в руце Аману, да запечатает писания написанная на Иудей. 017 EST 003 011 И рече царь Аману: сребро убо имей ты себе, людем же твори, якоже хощеши. 017 EST 003 012 И призвани быша писцы царевы в третийнадесять день месяца перваго, и написаша, якоже повеле Аман, к воеводам и началником по всем странам, от Индийския области даже и до Ефиопии, сто двадесяти седми странам, началствующым над языки по их языку, именем Артаксеркса царя. 017 EST 003 013 И посла с писмоносцы писания в царство Артаксерксово, да побиют род Жидовский в день един месяца вторагонадесять, иже есть Адар, и да расхитят имения их. Списание же епистолии сицево бе: царь великий Артаксеркс началствующым от Индии даже до Ефиопии над сто двадесять седмию странами и местоначалником подданным. Над многими царствующь языки и обдержав всю вселенную, восхотех, не дерзостию области возносимь, но кротостию и тихостию всегда правя, безмятежно житие всегда устрояти подручных (наших), и царствие (свое) безмолвно и проходимо даже до конец соблюдая, обновити желаемый всем человеком мир. Вопросившу же ми советники моя, како бы возможно сие совершити, иже у нас целомудрием пресловутый и во благоволении неизменный и твердою верностию утвержденный и вторую честь по цари получивый Аман сказа нам, яко во всех по вселенней коленех смесися враждебный некий народ, законами сопротивный ко всякому языку и повеления царская всегда небрегущь, дабы не устроялося от нас благоуправляемое непорочно сообладание. Уразумевше убо, яко сей язык един сопротивляется всегда всякому человеку, уставление законов иностранное изменяет, и противяся нашым делом, горшая совершает злая, дабы царствие наше не получило благостояния: повелехом убо написанными к вам грамотами от Амана учиненаго над вещьми (царскими) и втораго отца нашего, всех со женами и чады погубити всекоренне вражиими мечьми без всякия милости и пощадения, в четвертыйнадесять день вторагонадесять месяца Адара, настоящаго лета, яко да бывшии древле и ныне врази во единем дни горько во ад сошедше, в прочее время тихо и безмолвно житие дадят нам до конца проходити. 017 EST 003 014 Списания же епистолии посылахуся по странам, и повелено бысть всем языком готовым быти в нареченный день. 017 EST 003 015 Приспе же дело и в Сусы: и царь убо и Аман пирующа наслаждастася, град же (Сусы) мятяшеся. 017 EST 004 001 Мардохей же разумев замышляемое, раздра ризы своя и облечеся во вретище и посыпася пепелом: и скочив в пространную улицу града, возопи воплем великим и горьким: взимается род ничтоже преступивый. 017 EST 004 002 И прииде даже до врат царевых и ста: не леть бо бе ему внити во двор во вретище облечену и пепелом осыпану сущу. 017 EST 004 003 И во всяцей стране, идеже показовахуся писания (царева), вопль бе и плачь и рыдание превелие Иудеом, вретище и пепел постилаху себе. 017 EST 004 004 И внидоща рабыни и евнуси царицыны и возвестиша ей. И смятеся услышавши бывшее: и посла ризы облещи Мардохеа и сняти вретище его. И не послуша. 017 EST 004 005 Есфирь же призва Ахрафеа скопца своего, предстоящаго ей, 017 EST 004 006 и посла его уведати от Мардохеа истину. 017 EST 004 007 Мардохей же сказа ему бывшее, и обещание, еже обеша Аман царю в сокровищный дом (положити) десять тысящ талант сребра, да погубит Иудей: 017 EST 004 008 и списание (повеления) изданнаго в Сусех (граде) на погубление их даде ему, да покажет Есфири: и рече ему, заповедати ей ити молити царя и просити его о людех, поминаюши дни смирения твоего, како воспитана еси в руце моей, зане Аман вторый по цари глагола противу нам на смерть: призови Господа и глаголи царю о нас, да избавит нас от смерти. 017 EST 004 009 Вшед же Ахрафей, поведа Есфири вся глаголы сия. 017 EST 004 010 И рече Есфирь ко Ахрафею: иди к Мардохею и рцы: 017 EST 004 011 понеже вси языцы царствия ведят, яко всяк муж или жена, иже аще внидет ко царвеи во внутренний дом не призван, несть ему спасения, точию к немуже аще прострет царь златый жезл, сей спасен будет: аз же несмь звана внити ко царю се уже тридесять дний. 017 EST 004 012 И возвести Ахрафей Мардохею вся глаголы Есфирины. 017 EST 004 013 И рече Мардохей ко Ахрафею: иди и рцы ей: Есфире, да не речеши в себе, яко ты едина спасешися во царствии паче всех Иудей: 017 EST 004 014 зане аще преслушаеши в сие время, отинуду помощь и покров будет Иудеом, ты же и дом отца твоего погибнете: и кто весть, аще на сие время воцарилася еси? 017 EST 004 015 И посла Есфирь пришедшаго к ней ко Мардохею, глаголющи: 017 EST 004 016 шед собери Иудеи иже в Сусех, и поститеся о мне, и не ядите ниже пийте три дни день и нощь: аз же и служебницы моя (такожде) не имамы ясти: и тогда вниду ко царю кроме закона, аще и погибнути ми приключится. 017 EST 004 017 И шед Мардохей сотвори, елика заповеда ему Есфирь, и помолися Господеви поминая вся дела Господня и рече: Господи, Господи Царю Вседержителю, яко во власти Твоей сие все есть, и несть противомудрствуяй Тебе, внегда восхощеши спасти Израиля: яко Ты сотворил еси небо и землю и все удивляемое в поднебесней и Господь еси всех, и несть, иже воспротивится Тебе Господеви: Ты вся веси, Ты знаеши, Господи, яко не в укоризне ни в гордости, ниже во тщелавии сотворих сие, еже не покланятися прегордому Аману, понеже благоволим бых лобзати и следы ног его спасения ради Израилева, но сие сотворих, да не воздам славы человеку паче славы Божя, и не поклонюся ни комуже, кроме Тебе Господа моего, и не сотворю сия в гордости: и ныне, Господи Боже, Царю, Боже Авраамов, пощади люди Твоя, яко назирают нам в погибель и вожделеша погубити еже из начала наследие Твое: не презри достояния Твоего, еже избавил еси Тебе от земли Египетския: услыши молитву мою, и умилосердися над жребием Твоим, и обрати рыдание наше в веселие, да живуще восхвалим имя Твое, Господи, и не погуби уст восхваляющих Тя, Господи. И весь Израиль возопи от крепости своея, яко смерть их пред очима их: и Есфирь царица притече ко Господу в подвизе смерти обдержима, и снемши ризы славы своея, облечеся в ризы тесноты и плача, и вместо многоценных мастей и благовонных пепелом и гноем посыпа главу свою, и плоть свою смири зело, и кождо место украшения веселия своего исполни растерзанными власы своими, и моляшеся Господу Богу Израилеву и рече: Господи мой, Царю наш, Ты еси един, помози ми единый и не имеющей помощи разве Тебе, яко беда моя в руце моей: аз слышах, Господи, от отца моего в племени отечества моего, яко Ты Господи, приял еси Израиля от всех язык и отцы нашя от всех праотец их в наследие вечное, и сотворил еси им, елика глаголал еси: и ныне согрешихом пред Тобою, и предал еси нас в руки враг наших, занеже славихом боги их: праведен еси, Господи: и ныне не доволни быша горестию работы нашея, но положиша руки своя на руки идол своих, исторгнути заповедь уст Твоих и погубити наследие Твое, и заградити уста хвалящих Тя и угасити славу храма Твоего и олтаря Твоего, и отверзти уста языком во угождения суетных и удивитися цареви плотскому во веки: не предаждь, Господи, скиптра Твоего сим, иже не суть, и да не посмеются в падении нашем, но обрати совет их на ня, наченшаго же на нас в притчу положи: помяни, Господи, познан буди во время скорби нашея и мене сподоби дерзновения: Царю богов и всякаго началства Содержителю, даждь слово благоугодно во уста моя пред львом, и премени сердце его в ненавидение воюющаго ны, во истребление его и с ним советующих: нас же изми рукою Твоею и помози ми единей и не имеющей ни когоже, токмо Тебе, Господи: всех разум имаши и веси, яко возненавидех славу беззаконных и гнушаюся ложа необрезанных и всякаго иноплеменника: Ты веси нужду мою, яко гнушаюся знамения гордости моея, еже есть на главе моей во днех видения моего, гнушаюся его, яко рубищ оскверненных, и не ношу его в день молчания моего: и не яде раба Твоя от трапезы Амановы, и не прославлях пира царева, ниже пиях вино требищ (идолских): и не возвеселися раба Твоя от дне пременения моего даже доныне, точию о Тебе, Господи Боже Авраамов: Боже, могий над всеми, услыши глас безнадежных, и избави нас от руки лукавнующих и изми мя от страха моего. 017 EST 005 001 И бысть по триех днех, егда преста молитися, совлечеся из риз прискорбных и облечеся в ризы славы своея: и бысть доброзрачна, призывающи всевидца Бога и Спасителя, и взя две рабыни с собою, и о едину убо опирашеся аки сладостьми обилующи, другая же последоваше, да облегчает ризы ея: и сия червленеющися добротою красоты своея, и лице ея осклабляющееся аки прелюбивейше, сердце же ея стеняше от страха. И прошедши вся двери, ста пред царем. Он же седяше на престоле царства своего, оболчен во все одеяние славы своея, весь во злате и камениих многоцвеных, и бяше страше зело: и возвед лице свое огневидно славою, зелною яростию воззре. И паде царица, и изменися лице ея со ослабленмем, и преклонися на главу рабыни предидущия. И премени Бог дух царев на кротость, и потщався сниде со престола своего и восприят ю во овятия своя, дондеже прииде в себе, и утеши ю глаголы мирными и рече ей: что ти есть, Есфире? Аз есмь брат твой, дерзай, не умреши: яко общее повеление наше есть, приступи. 017 EST 005 002 И взем златый жезл (царь) возложи на выю ея и облобыза ю и рече: глаголи ми. И рече ему: видех тя, господине, яко Ангела Божия, и смятеся сердце мое от страха славы твоея, яко дивен еси, господине, и лице твое благодатей исполнено. Беседующи же она к нему, паде от ослабления. Царь же смятеся, и вси раби его утешаху ея. 017 EST 005 003 И рече ей царь: что хощеши, Есфире? И что прошение твое? Будет ти даже и до полуцарства моего. 017 EST 005 004 И рече Есфирь: день моего празднования днесь есть: аще убо угодно есть цареви, да приидет царь и Аман на пир, егоже сотворю днесь. 017 EST 005 005 И рече царь: ускорите ити по Амана, да сотворим слово Есфирино. И приидоста оба на пир, егоже сотвори Есфирь. 017 EST 005 006 На пиру же рече царь ко Есфири: что есть, Есфире царице? (и кая есть мысль прошения твоего? Дам ти и до полуцарства моего, ) и будет елико просиши. 017 EST 005 007 И рече Есфирь: прошение мое и моление: 017 EST 005 008 аще обретох благодать пред царем, да приидет царь и Аман еще заутра на пир, егоже сотворю има, и заутра сотворю сие прошение. 017 EST 005 009 И изыде Аман от царя зело радостен и весел: видев же Мардохеа Иудеанина во дворе (цареве не подвигнувшася и не кланяющатя пред ним), возярися зело: 017 EST 005 010 и вшед в дом свой, призва други своя и Зосару жену свою 017 EST 005 011 и показа им богатство свое и славу, еюже возвеличи его царь, и яко сотвори его перваго быти и правити царствие. 017 EST 005 012 И рече Аман: не зва царица ни единаго на пир со царем, но точию мене, и наутрие зваше мя: 017 EST 005 013 но сия не суть ми угодна, егда вижду Мардохеа Иудеанина во дворе (цареве). 017 EST 005 014 И рече ему Зосара жена его и друзие: приготови древо лакот пятьдесят, и заутра речеши цареви, и да повешен будет Мардохей на древе: ты же вниди со царем на пир и веселися. И угоден бысть Аману глагол сей, и уготова древо. 017 EST 006 001 Господь же отя сон от царя в нощи оней. И повеле рабу своему принести книги памятныя дний прочитати ему: 017 EST 006 002 и обрете писания написанная о Мардохеи, како поведа царю о двою евнуху царскую, внегда стрещи има, и умыслиста убити (царя) Артаксеркса. 017 EST 006 003 И рече царь: кую славу или благодать сотворихом Мардохею? И рекоша отроцы царевы: ничтоже сотворил еси ему? 017 EST 006 004 Вопрошающу же царю о благодеянии Мардохеове, се, Аман прииде во двор, и рече царь: кто есть во дворе? Аман же прииде рещи цареви, да повесит Мардохеа на древе, еже уготова. 017 EST 006 005 И рекоша отроцы царевы: се, Аман стоит во дворе. И рече царь: призовите его. 017 EST 006 006 И рече царь Аману: что сотворю мужу, егоже аз хощу прославити? Рече же в себе Аман: кого хощет царь прославити, разве мене? 017 EST 006 007 Рече же царю: мужа, егоже хощет царь прославити, 017 EST 006 008 да принесут отроцы царевы одежду виссонную, еюже царь облачается, и коня, на немже царь ездит, 017 EST 006 009 и да дастся единому от другов царевых славных, и да облечет мужа, егоже царь любит, и да посадит его на коня и проповесть на улицах града, глаголя: тако будет всякому человеку, егоже царь прославит. 017 EST 006 010 И рече царь Аману: добре рекл еси: тако сотвори Мардохею Иудеанину, угодно служащему во дворе (нашем), и да не изменится слово твое от сих, яже рекл еси. 017 EST 006 011 И взя Аман одежду и коня, и облече Мардохеа, и возведе его на коня, и пройде по улицам града, и проповедаше (пред ним), глаголя: сице будет всякому человеку, егоже хощет цар прославити. 017 EST 006 012 И возвратися Мардохеи во двор (царев): Аман же иде в дом свой скорбя преклонив главу. 017 EST 006 013 И сказа Аман случившаяся ему Зосаре жене своей и другом своим. И реша ему друзие его и жена: аще от племене Иудейскаго Мардохей, начал еси смирятися пред ним, падая падеши, и не возможеши ему отмстити, яко Бог живый есть с ним. 017 EST 006 014 И еще глаголющым им, приидоша евнуси, спешно зовуще Амана на пир, егоже уготова Есфирь. 017 EST 007 001 Вниде же царь и Аман пировати со царицею. 017 EST 007 002 И рече царь Есфири во вторый день на пиру: что есть, Есфире царице? И что прошение твое? И что моление твое? И будет тебе до полуцарствия моего. 017 EST 007 003 И отвещавши (Есфирь царица) рече: аще обретох благодать пред очима твоима, царю, да дастся душа моя прошению моему и людие мои молению моему: 017 EST 007 004 продани бо есмы, аз же и людие мои, на погибель и расхищение и в работу, мы же и чада наша в рабы и рабыни, и небрегох: несть бо достоин клеветник двора царева. 017 EST 007 005 И рече царь: кто есть сей, иже дерзну сотворити вещь сию? 017 EST 007 006 И рече Есфирь: человек враг, Аман лукавый сей. Аман же смятеся от царя и царицы. 017 EST 007 007 Царь же воста со гневом от пира (и иде) в вертоград: Аман же моляше царицу, видяше бо себе в бедах суща. 017 EST 007 008 Возвратися же царь из вертограда, и Аман припаде к ложу, на немже бе Есфирь, моля царицу. И рече царь: егда и жену насилует в дому моем? Аман же слышав изменися лицем. 017 EST 007 009 Рече же Вугафан един от скопцев, сей же ведяше о том древе, видев е в дому Аманове, егда призываше его на обед царский, и о сем испытав единаго от отрок, уразумев замышляемое, и рече ко царю: се, и древо уготова Аман Мардохею глаголавшему благая о цари, и стоит в дому Аманове возвышено на лакот пятьдесят. И рече царь: да повесится (Аман) на нем. 017 EST 007 010 И повешен бысть Аман на древе, еже уготова Мардохею. И тогда царь утолися от ярости. 017 EST 008 001 И в той день царь Артаксеркс дарова Есфири, елика бяху Амана клеветника (Иудейска): и Мардохеи призван бысть от царя, поведа бо Есфирь, яко сродник есть ей. 017 EST 008 002 И сня царь перстень свой, егоже отя у Амана, и даде Мардохееви. И постави Есфирь Мардохеа над всем имением Амановым, 017 EST 008 003 и приложи глаголати ко царю, и припаде пред ногама его (и восплака), и моляше его отвратити злобу Аманову и мысль его, еюже помысли на Иудеи. 017 EST 008 004 И простре царь Есфири жезл злат: воста же Есфирь и ста пред царем. 017 EST 008 005 И рече Есфирь: аще угодно ти есть, и обретох благодать пред тобою, посли возвратити писания посланная от Амана, писаная на погубление Иудеов, иже обитают во (всем) царствии твоем: 017 EST 008 006 како бо возмогу видети озлобление людий моих и како возмогу спастися в погибели отечества моего? 017 EST 008 007 И рече царь Есфири: аще вся имения Аманова дах и даровах тебе, и того повесих на древе, яко руце вознесе на Иудеи, что еще просиши? 017 EST 008 008 Напишите и вы именем моим, якоже угодно есть вам, и запечатайте перстнем моим: елика бо писана бывают царевым повелением и запечатаются перстнем моим, не возможно им противорещи. 017 EST 008 009 И призвани быша писцы (царевы) в первый месяц, иже есть Нисан, в двадесять третий день тогожде месяца, и написаша о Иудеех, елика заповеда Мардохей, ко управителем и ко началником воевод от Индийския страны даже до Ефиопии, сто двадесять седми воеводам, во всякую страну по своему их языку. 017 EST 008 010 Написана же быша велением царевым и запечатлешася перстнем его: и послаша писания чрез писмоносцы, 017 EST 008 011 яко повеле им жити по законом их во всяцем граде, и да помогают им, и да сотворят соперником их и противником их, якоже хотят, 017 EST 008 012 в день един по всему царству Артаксерксову, в третийнадесять день вторагонадесять месяца, иже есть Адар. 017 EST 008 013 Списание же епистолии сице бе: царь великий Артаксеркс сущым от Индии даже до Ефиопии сто двадесяти и седмим началством странами обладающым и властелем нам доброжелателствующым, радоватися. Мнози множайшею благодетелствующих благостию частее чествуеми паче меры возгордешася, и не точию подчиненных нам ищут озлобити, но доволства не могуще снести, и своим благодетелем начинают коварствовати: и благодарение не токмо от человек отемлюще, но еще (по обычаю) не приявших благодеяний киченьми вознесшеся, вся присно назирающаго Бога ненавидящаго зла мнят избежати суда. Многажды же и многих от поставленных на властех, имже уверися другов устрояти дела, ласкателство кровей неповинных виновными поставляя, подверже неуврачеванным злым, злонравия ложным прельщением тех, иже прельщают незлобивое благосердие владеющих. Видети же леть есть нам взыскующым не толико от древних, якоже предахом, историй, елико от тех, яже суть при ногах непреподобно соделанная губителством недостойно владеющих. Сего ради внимати надлежит по сих, во еже царство безмятежно всем человеком с миром устроити, не употребляюще пременений, приходящая же пред очеса всегда с приличным предварением разсуждающе. Егда бо Аман Амадафуев Македонянин, истинно чуждь Персския крове и много отстоящь от нашея благости, страннолюбно приятый от нас, толикое человеколюбие, еже ко всякому языку имеем, получи, яко нарицатися ему отцем нашим, и покланяемому от всех, второе царскаго престола лице содержати: неумерителен же в гордости прилежно искал, како бы нас области и живота лишити, купно же нашего блюстителя и всегдашняго благодетеля Мардохеа и непорочную царства сообщницу Есфирь со всем их племенем многоплетенными хитростей прельщеньми ищущь на погубление: сими бо образы возмне нас лишив блюстителей взяти, и власть Персскую ко Македоняном пренести. Мы же Иудеов, от трегубителнаго сего в погубление преданных, обретаем не злотворных, но праведнейшими управляемых законы, и сущих сынов Вышняго, превеличайнаго живаго Бога, управляющаго нам же и прародителем нашым царствие в добрейшем состоянии. Добре убо сотворите не употребляюще от Амана Амадафуева посланных Писаний, понеже он сия соделавый при вратех Сусских со всем домом своим повешен есть, достойный ему вскоре суд воздавшему всеми владеющему Богу. Списание же епистолии сея предложивше на всяцем месте со дерзновением, оставите Иудеов употребляти своя законы, спомоществующе им, яко да во время скорби воставшым на них отмстят в третийнадесять день вторагонадесять месяца Адара в самый той день: в сей бо (день) всемогущий Бог вместо погубления избраннаго рода сотвори им веселие. И вы убо во именитых ваших праздницех знаменитый день со всякою радостию провождайте, да и ныне, и по сих спасение нам убо и доброжелателным Персом будет, наветующым же нас в память погубления. Всяк же град или страна, яже по сим не сотворит, всячески мечем и огнем с толиким потребится гневом, яко не токмо человеком непроходна, но и зверем и птицам во всякое время мерзостнейша оставится. И списания сия да предложатся очевидно во всем царстве, еже готовым быти всем Иудеом на сей день ратовати своих противных. 017 EST 008 014 Конницы убо изыдоша спешно повеленная от царя совершити. Предлагашеся же повеление и в Сусех. 017 EST 008 015 И Мардохей изыде облечен в царскую одежду и венец имущь златый, диадиму виссонную, червленую. Видевше же сущии в Сусех возрадовашася, 017 EST 008 016 яко Иудеом бысть свет и веселие: 017 EST 008 017 во (всяцем) граде и стране, идеже аще предлагашеся повеление радость и веселие бе Иудеом, пирование и утешение. И мнози от язык обрезовахуся и закон Иудейский приимаху, страха ради Иудейскаго. 017 EST 009 001 Во вторыйнадесять месяц, иже есть Адар, в третийнадесять день месяца приидоша писания от царя. 017 EST 009 002 В той же день погибоша супостаты Иудеев: ни един бо сопротивися им бояся их. 017 EST 009 003 Началствующии бо странам и властителие и царстии книгочия почитаху Иудей: 017 EST 009 004 страх бо Мардохеев належаше на них. 017 EST 009 005 Приложися бо повеление царево именоватися ему по всему царствию. 017 EST 009 006 И в Сусех граде избиша Иудее пять сот мужей: 017 EST 009 007 Фарсана, нестанна и Делфона, и Фасгана 017 EST 009 008 и Фардафана, и Вареа и Сарвакана, 017 EST 009 009 и Мармасима и Руфеа, и Арсеа и Завуфефама, 017 EST 009 010 десять сынов Амана Амадафуева Вугеанина врага Иудеом, иже от Фармафеа, и разграбиша в той день (имения их): 017 EST 009 011 и сказаша число избиенных царю в Сусех граде. 017 EST 009 012 И рече царь ко Есфири: избиша Иудее в Сусе граде пять сот мужей, по окрестным же странам колико, мниши, погубиша? И чесого еще просиши, и будет ти? 017 EST 009 013 И рече Есфирь ко царю: да дастся такожде Иудеом творити заутра, яко да повесят десять сынов Амановых. 017 EST 009 014 И повеле царь тако быти, и попусти Иудеом вне града повесити телеса сынов Амановых. 017 EST 009 015 И собрашася Иудее, иже в Сусех, в четвертыйнадесять деень Адара, и избиша мужей триста, и ничтоже разграбиша. 017 EST 009 016 Прочии же Иудее, иже во царствии, собрашася и себе помогаху и почиша от браней: избиша бо от них пятьнадесять тысящ в третийнадесять Адара, и ничтоже расхитиша. 017 EST 009 017 И почиша в четвертыйнадесять день тогожде месяца и провождаху той день упокоения с радостию и веселием. 017 EST 009 018 Иудее же в Сусех граде собрашася и в четвертыйнадесять почиша: проводиша же и пятыйнадесять с радостию и веселием. 017 EST 009 019 Сего ради Иудее разсеяннии во всяцей стране внешней провождают четвертыйнадесять день Адара благ с веселием, посылающе части кийждо ближнему: живущий же в митрополиях и в пятыйнадесять день Адара веселия благий провождают, посылающе части ближним. 017 EST 009 020 Написа же Мардохей словеса сия в книгу и посла Иудеом, елицы беша в царствии Артаксерксове, близ и далече сущым, 017 EST 009 021 уставити дни сия благи, еже провождати четвертыйнадесять и пятыйнадесять день Адара: 017 EST 009 022 в сих бо днех почиша Иудее от враг своих: и месяц Адар, иже обратися им от плача в радость и от болезни во благий день, провождати весь во благих днех радости и веселия, посылающе части ко другом и нищым. 017 EST 009 023 И прияша Иудее, якоже написа им Мардохей: 017 EST 009 024 како Аман Амадафуев Македонянин ратоваше Иудеев, и како изнесе суд и жребий, еже погубити их, 017 EST 009 025 и яко вниде ко царю, глаголя, да повесит Мардохеа: елика нача наводити на Иудеи злая, на него быша, и повешен бысть сам и чада его. 017 EST 009 026 Сего ради нарекошася дние сии Фурим ради жребий, зане диалектом их жребии нарицаются фурим, ради словес епистолии сея, и елика пострадаша сих ради, и елика им приключишася. 017 EST 009 027 Устави убо, и тако прияша Иудее на себе и на семя свое и на ириложившихся к ним, ниже иначе да употребляют: дние же сии памяти совершаеми по роду и роду, и граду и отечеству и стране. 017 EST 009 028 Дние же сии Фурим да провождают во всякое лето, и память да не оскудеет от родов. 017 EST 009 029 И написа Есфирь царица дщи Аминадавля и Мардохей Иудеанин, елика сотвориша во утверждение епистолии о днех Фурим. 017 EST 009 031 И Мардохей и Есфирь царица устависта себе сами, и тогда устависта в посте своем совет свой. 017 EST 009 032 И Есфирь слово постави во веки, и написано бысть в память. 017 EST 010 001 Написа же царь по всему царствию своему, еже на земли и на мори, 017 EST 010 002 и силу свою, и мужественная исправления, богатство же и славу царствия своего: се, писана суть в книзе царей Персских и Мидских, на память. 017 EST 010 003 Мардохей бо вторый бе по цари Артаксерксе, и велик бе во царствии и прославлен от Иудей и любимь, поведаше содеянная всему языку своему. И рече Мардохей: от Бога быша сия: помянух бо о сонии, еже видех о словесех сих, ниже бо премину от сих слово: малый источник, иже бысть река, и бе свет, и солнце, и вода многа. Есфирь есть река, юже поя царь и сотвори царицу: два же змиа, аз есмь и Аман: языцы же (суть), иже собрашася истребити имя Иудеов: язык же мой сей есть Израиль, вопивший ко Богу, и спасошася: и спасе Господь люди Своя и избави нас Господь от всех зол сих: и сотвори Бог знамения и чудеса велия, яже не быша во языцех. Сего ради сотвори два жребия, един людем Божиим и един всем языком: и изыдоста два жребия сия в час и время и в день суда пред Богом во всех языцех: и помяну Господь Бог люди Своя и оправда достояние Свое: и будут им дние сии (праздничнии) в месяц Адар, в четвертыйнадесять и пятыйнадесять день месяца тогожде, с собором и радостию и с веселием пред Богом, в род во веки в людех Своих Израили. В лето четвертое царствия Птоломеева и Клеопатры, внесе Досифей, иже глаголашеся быти священник и левит, и Птоломей сын его, предлежащую епистолию о (днех) Фурим, юже сказоваху, яко истолкова Лисимах сын Птоломеев, живый во Иерусалиме. # # BOOK 018 JOB Job Книга Иова 018 JOB 001 001 Человек некий бяше во стране Авситидийстей, емуже имя Иов, и бе человек он истинен, непорочен, праведен богочестив, удаляяся от всякия лукавыя вещи. 018 JOB 001 002 Быша же ему сынове седмь и дщери три. 018 JOB 001 003 И бяху скоти его, овец седмь тысящ, велблюдов три тысящы, супруг волов пять сот, и ослиц пасомых пять сот, и слуг много зело, и дела велия бяху ему на земли: и бе человек оный благороднейший сущих от Восток солнца. 018 JOB 001 004 Сходящеся же сынове его друг ко другу, творяху пир на кийждо день, споемлюще вкупе и три сестры своя, ясти и пити с ними. 018 JOB 001 005 И егда скончавашеся дние пира, посылаше Иов и очищаше их, востая заутра, и приношаше о них жертвы по числу их, и телца единаго о гресе о душах их. Глаголаше бо Иов: негли когда сынове мои согрешиша и в мысли своей злая помыслиша противу Бога? Тако убо творяше Иов вся дни. 018 JOB 001 006 И бысть яко день сей, и се, приидоша Ангели Божии предстати пред Господем, и диавол прииде с ними. 018 JOB 001 007 И рече Господь диаволу: откуду пришел еси? И отвещав диавол Господеви, рече: обшед землю и прошед поднебесную, се, есмь. 018 JOB 001 008 И рече ему Господь: внял ли еси мыслию твоею на раба Моего Иова? Зане несть яко он на земли: человек непорочен, истинен, богочестив, удаляяся от всякия лукавыя вещи. 018 JOB 001 009 Отвеща же диавол и рече пред Господем: 018 JOB 001 010 еда туне Иов чтит Господа? Не Ты ли оградил еси внешняя его и внутренняя дому его, и яже вне всех сущих его окрест? Дела же руку его благословил еси и скоты его многи сотворил еси на земли: 018 JOB 001 011 но посли руку Твою и коснися всех, яже имать, аще не в лице Тя благословит, 018 JOB 001 012 тогда рече Господь диаволу: се, вся, елика суть ему, даю в руку твою, но самого да не коснешися. И изыде диавол от Господа. 018 JOB 001 013 И бысть яко день сей, сынове иовлевы и дщери его пияху вино в дому брата своего старейшаго. 018 JOB 001 014 И се, вестник прииде ко Иову и рече ему: супрузи волов оряху, и ослицы пасяхуся близ их: 018 JOB 001 015 и пришедше пленителие плениша их и отроки избиша мечем, и спасохся аз един и приидох возвестити тебе. 018 JOB 001 016 Еще сему глаголющу, прииде ин вестник и рече ко Иову: огнь спаде с небесе и пожже овцы и пастыри пояде подобне, спасохся же аз един и приидох возвестити тебе. 018 JOB 001 017 Еще сему глаголющу, прииде ин вестник и рече ко Иову: конницы сотвориша началства три и окружиша велблюды и плениша их и отроки избиша мечьми, спасохся же аз един и приидох возвестити тебе. 018 JOB 001 018 Еще сему глаголющу, ин вестник прииде, глаголя Иову: сыном твоим и дщерем твоим ядущым и пиющым у брата своего старейшаго, 018 JOB 001 019 внезапу ветр велик найде от пустыни и коснуся четырем углом храмины, и паде храмина на дети твоя, и скончашася: спасохся же аз един и приидох возвестити тебе. 018 JOB 001 020 Тако (услышав) Иов, востав растерза ризы своя и остриже власы главы своея, (и посыпа перстию главу свою, ) и пад на землю, поклонися (Господеви) 018 JOB 001 021 и рече: сам наг изыдох от чрева матере моея, наг и отиду тамо: Господь даде, Господь отят: яко Господеви изволися, тако бысть: буди имя Господне благословено (во веки). 018 JOB 001 022 Во всех сих приключившихся ему ничтоже согреши Иов пред Господем, (ниже устнама своима, ) и не даде безумия Богу. 018 JOB 002 001 Бысть же яко день сей, и приидоша Ангели Божии предстати пред Господем, и диавол прииде посреде их предстати пред Господем. 018 JOB 002 002 И рече Господь диаволу: откуду ты грядеши? Тогда рече диавол пред Господем: прошед поднебесную и обшед всю землю, приидох. 018 JOB 002 003 И рече Господь ко диаволу: внял ли еси убо (мыслию твоею) рабу Моему Иову? Яко несть такова от сущих на земли: человек незлобив, истинен, непорочен, богочестив, удаляяся от всякаго зла, еще же придержится незлобия: ты же рекл еси имения его погубити вотще. 018 JOB 002 004 Отвещав же диавол Господеви, рече: кожу за кожу, и вся, елика имать человек, даст за душу свою: 018 JOB 002 005 обаче посли руку Твою и коснися костем его и плоти его, аще не в лице Тя благословит. 018 JOB 002 006 Рече же Господь диаволу: се, предаю ти его, токмо душу его соблюди. 018 JOB 002 007 Изыде же диавол от лица Господня и порази Иова гноем лютым от ногу даже до главы. 018 JOB 002 008 И взя (Иов) чреп, да острогает гной свой, и той седяше на гноищи вне града. 018 JOB 002 009 Времени же многу минувшу, рече к нему жена его: доколе терпиши глаголя: се, пожду время еще мало, чая надежди спасения моего? Се бо, потребися от земли память твоя, сынове твои и дщери, моего чрева болезни и труды, имиже вотще трудихся с болезньми: ты же сам в гнои червей седиши, обнощевая вне без покрова, и аз скитающися и служащи, место от места преходящи, и дом от дому, ожидающи солнца, когда зайдет, да почию от трудов моих и от болезней, яже мя ныне обдержат: но рцы глагол некий ко Господу и умри. 018 JOB 002 010 Он же воззрев рече к ней: вскую яко едина от безумных жен возглаголала еси? Аще благая прияхом от руки Господни, злых ли не стерпим? Во всех сих приключившихся ему, ничимже согреши Иов устнама пред Богом (и не даде безумия Богу). 018 JOB 002 011 Услышавше же трие друзие его вся злая нашедшая нань, приидоша кийждо от своея страны к нему: Елифаз Феманский царь, Валдад Савхейский властитель, Софар Минейский царь: и приидоша к нему единодушно утешити и посетити его. 018 JOB 002 012 Увидевше же его издалеча, не познаша, и возопивше гласом велиим восплакашася, растерзавше кийждо одежду свою и посыпавше перстию главы своя: 018 JOB 002 013 седеша при нем седмь дний и седмь нощей, и никтоже от них возглагола к нему словесе: видяху бо язву люту сущу и велику зело. 018 JOB 003 001 Посем отверзе Иов уста своя и прокля день свой, 018 JOB 003 002 глаголя: 018 JOB 003 003 да погибнет день, в оньже родихся, и нощь оная, в нюже реша: се, мужеск пол: 018 JOB 003 004 та нощь буди тма, и да не взыщет ея Господь свыше, ниже да приидет на ню свет, 018 JOB 003 005 и да приимет ю тма и сень смертная, да приидет на ню сумрак: проклят буди день той 018 JOB 003 006 и нощь оная: да постигнет ю тма, да не будет во днех лета, ниже да вчислится во днех месяцей: 018 JOB 003 007 но нощь оная да будет болезнь, и да не приидет на ню веселие и радость, 018 JOB 003 008 но да прокленет ю проклинаяй той день, иже имать одолети великаго кита: 018 JOB 003 009 да померкнут звезды тоя нощи, да ожидает и на свет да не приидет, и да не видит денницы возсиявающия, 018 JOB 003 010 яко не затвори врат чрева матере моея: отяла бо бы болезнь от очию моею: 018 JOB 003 011 почто бо во утробе не умрох? Из чрева же изшед, и абие не погибох? 018 JOB 003 012 Почто же мя прияша на колена? Почто же ссах сосца? 018 JOB 003 013 Ныне убо уснув умолчал бых, уснув же почил бых 018 JOB 003 014 со царьми и советники земли, иже хваляхуся оружии, 018 JOB 003 015 или со князи, имже много злата, иже наполниша домы своя сребра, 018 JOB 003 016 или якоже изверг излазяй из ложесн матерних, или якоже младенцы, иже не видеша света: 018 JOB 003 017 тамо нечестивии утолиша ярость гнева, тамо почиша претружденнии телом, 018 JOB 003 018 вкупе же в веце сем бывшии не слышат гласа собирающаго дань: 018 JOB 003 019 мал и велик тамо есть, и раб не бояйся господина своего: 018 JOB 003 020 почто бо дан есть сущым в горести свет и сущым в болезнех душам живот, 018 JOB 003 021 иже желают смерти и не получают, ищуще якоже сокровища, 018 JOB 003 022 обрадовани же бывают, аще улучат (смерть)? 018 JOB 003 023 Смерть бо мужу покой, егоже путь сокровен есть, затвори бо Бог окрест его: 018 JOB 003 024 прежде бо брашен моих воздыхание ми приходит, слезю же аз одержимь страхом, 018 JOB 003 025 страх бо, егоже ужасахся, прииде ми, и егоже бояхся, срете мя: 018 JOB 003 026 ни умирихся, ниже умолчах, ниже почих, и найде ми гнев. 018 JOB 004 001 Отвеща же Елифаз Феманитин, глаголя: 018 JOB 004 002 еда множицею глаголано ти бысть в труде? Тяжести же глагол твоих кто стерпит? 018 JOB 004 003 Аще бо ты научил еси многи и руце немощных утешил еси, 018 JOB 004 004 немощныя же воздвигл еси словесы, коленом же немощным силу обложил еси. 018 JOB 004 005 Ныне же прииде на тя болезнь и коснуся тебе, ты же возмутился еси. 018 JOB 004 006 Еда страх твой есть не в безумии, и надежда твоя и злоба пути твоего? 018 JOB 004 007 Помяни убо, кто чист сый погибе? Или когда истиннии вси из корене погибоша? 018 JOB 004 008 Якоже видех орющих неподобная, сеющии же я болезни пожнут себе, 018 JOB 004 009 от повеления Господня погибнут, от духа же гнева Его изчезнут. 018 JOB 004 010 Сила львова, глас же львицы, веселие же змиев угасе: 018 JOB 004 011 мраволев погибе, занеже не имеяше брашна, скимни же львовы оставиша друг другу. 018 JOB 004 012 Аще же глагол кий истинен бе во словесех твоих, ни коеже бы от сих тя сретило зло. Не приимет ли ухо мое предивных от него? 018 JOB 004 013 Страхом же и гласом нощным, нападающь страх на человеки, 018 JOB 004 014 ужас же мя срете и трепет, и зело кости моя стрясе: 018 JOB 004 015 и дух на лице ми найде: устрашишася же ми власи и плоти, 018 JOB 004 016 востах и не разумех, видех, и не бе обличия пред очима моима, но токмо дух тих и глас слышах: 018 JOB 004 017 что бо? Еда чист будет человек пред Богом? Или в делех своих без порока муж? 018 JOB 004 018 Аще рабом Своим не верует, и во Ангелех Своих стропотно что усмотре, 018 JOB 004 019 живущих же в бренных храминах, от нихже и мы сами от тогожде брения есмы, порази, якоже молие, 018 JOB 004 020 и от утра даже до вечера ктому не суть: занеже не могоша себе помощи, погибоша: 018 JOB 004 021 дхну бо на ня, и изсхоша, и понеже не имеяху премудрости, погибоша. 018 JOB 005 001 Призови же, аще кто тя услышит, или аще кого от святых Ангел узриши. 018 JOB 005 002 Безумнаго бо убивает гнев, заблуждшаго же умерщвляет рвение. 018 JOB 005 003 Аз же видех безумных укореняющихся, но абие поядено бысть их жилище. 018 JOB 005 004 Далече да будут сынове их от спасения, и да сотрутся при дверех хуждших, и не будет изимаяй. 018 JOB 005 005 Иже бо они собраша, праведницы поядят, сами же от зол не изяти будут: изможденна буди крепость их. 018 JOB 005 006 Не имать бо от земли изыти труд, ни от гор прозябнути болезнь: 018 JOB 005 007 но человек раждается на труд, птенцы же суповы высоко парят. 018 JOB 005 008 Обаче же аз помолюся Богови, Господа же всех Владыку призову, 018 JOB 005 009 Творящаго велия и неизследимая, славная же и изрядная, имже несть числа: 018 JOB 005 010 дающаго дождь на землю, посылающаго воду на поднебесную: 018 JOB 005 011 возносящаго смиренныя на высоту и погибшыя воздвизающаго во спасение: 018 JOB 005 012 расточающаго советы лукавых, да не сотворят руце их истины. 018 JOB 005 013 Уловляяй премудрых в мудрости их, совет же коварных разори. 018 JOB 005 014 Во дни обымет их тма, в полудне же да осяжут якоже в нощи, 018 JOB 005 015 и да погибнут на брани: немощный же да изыдет из руки сильнаго. 018 JOB 005 016 Буди же немощному надежда, неправеднаго же уста да заградятся. 018 JOB 005 017 Блажен же человек, егоже обличи Бог, наказания же Вседержителева не отвращайся: 018 JOB 005 018 Той бо болети творит и паки возставляет: порази, и руце Его изцелят: 018 JOB 005 019 шестижды от бед измет тя, в седмем же не коснеттися зло: 018 JOB 005 020 во гладе избавит тя от смерти, на брани же из руки железа изрешит тя: 018 JOB 005 021 от бича языка скрыет тя, и не убоишися от зол находящих: 018 JOB 005 022 неправедным и беззаконным посмеешися, от дивиих же зверей не убоишися, 018 JOB 005 023 зане с камением дивиим завет твой: зверие бо дивии примирятся тебе. 018 JOB 005 024 Потом уразумееши, яко в мире будет дом твой, жилище же храмины твоея не имать согрешити: 018 JOB 005 025 уразумееши же, яко много семя твое, и чада твоя будут яко весь злак селный: 018 JOB 005 026 внидеши же во гроб якоже пшеница созрелая во время пожатая, или якоже стог гумна во время свезенный. 018 JOB 005 027 Се, сия сице изследихом: сия суть, яже слышахом: ты же разумей себе, аще что сотворил еси. 018 JOB 006 001 Отвещав же Иов, рече: 018 JOB 006 002 аще бы кто веся извесил гнев мой, болезни же моя взял бы на мерило вкупе, 018 JOB 006 003 то песка морскаго тяжчайшии были бы: но, якоже мнится, словеса моя зла суть. 018 JOB 006 004 Стрелы бо Господни в теле моем суть, ихже ярость испивает кровь мою: егда начну глаголати, бодут мя. 018 JOB 006 005 Что бо? Еда вотще возревет дивий осел, разве брашна прося? Или возревет гласом вол, в яслех имеяй брашно? 018 JOB 006 006 Снестся ли хлеб без соли? Или есть вкус во тщих словесех? 018 JOB 006 007 Не может бо утишитися душа моя: смрад бо зрю брашна моя, якоже воню львову. 018 JOB 006 008 Аще бо дал бы, да приидет прошение мое, и надежду мою дал бы Господь. 018 JOB 006 009 Начен Господь да уязвляет мя, до конца же да не убиет мя. 018 JOB 006 010 Буди же ми град гроб, на егоже стенах скаках в нем: не пощажу: не солгах бо во словесех святых Бога моего. 018 JOB 006 011 Кая бо крепость моя, яко терплю? Или кое ми время, яко терпит моя душа? 018 JOB 006 012 Еда крепость камения крепость моя? Или плоти моя суть медяны? 018 JOB 006 013 Или не уповах на него? Помощь же от мене отступи, 018 JOB 006 014 отречеся от мене милость, посещение же Господне презре мя. 018 JOB 006 015 Не воззреша на мя ближнии мои: якоже поток оскудеваяй, или якоже волны преидоша мя: 018 JOB 006 016 иже мене бояхуся, ныне нападоша на мя: 018 JOB 006 017 якоже снег или лед смерзлый, егда истает теплоте бывшей, не ктому познавается, что бе: 018 JOB 006 018 тако и аз оставлен есмь от всех, погибох же и бездомок бых: 018 JOB 006 019 видите пути Феманския, на стези Савонския смотрящии, 018 JOB 006 020 и студа исполнени будут на грады и на имения надеющиися. 018 JOB 006 021 Ныне же и вы наидосте на мя немилостивно: убо видевше мой струп убойтеся. 018 JOB 006 022 Что бо? Еда что у вас просих, или вашея крепости требую, 018 JOB 006 023 да спасете мя от врагов, или из руки сильных избавите мя? 018 JOB 006 024 Научите мя, аз же умолчу: аще что погреших, скажите ми. 018 JOB 006 025 Но, якоже мнится, зла (суть) мужа истиннаго словеса, не от вас бо крепости прошу: 018 JOB 006 026 ниже обличение ваше словесы мя утолит, ниже бо вещания вашего словес стерплю. 018 JOB 006 027 Обаче яко на сира нападаете, наскачете же на друга вашего. 018 JOB 006 028 Ныне же воззрев на лица ваша, не солжу. 018 JOB 006 029 Сядите ныне, и да не будет неправедно, и паки ко праведному снидитеся. 018 JOB 006 030 Ибо несть в языце моем неправды, и гортань мой не разуму ли поучается? 018 JOB 007 001 Не искушение ли житие человеку на земли, и якоже наемника повседневнаго жизнь его? 018 JOB 007 002 Или якоже раб бояйся господа своего и улучив сень? Или якоже наемник ждый мзды своея? 018 JOB 007 003 Такожде и аз ждах месяцы тщы, нощи же болезней даны ми суть. 018 JOB 007 004 Аще усну, глаголю: когда день? Егда же востану, паки: когда вечер? Исполнен же бываю болезней от вечера до утра. 018 JOB 007 005 Месится же мое тело в гнои червей, обливаю же грудие земли, гной стружа. 018 JOB 007 006 Житие же мое есть скоряе беседы, погибе же во тщей надежди. 018 JOB 007 007 Помяни убо, яко дух мой живот, и ктому не возвратится око мое видети благая. 018 JOB 007 008 Не узрит мене око видящаго мя: очи Твои на мне, и ктому несмь, 018 JOB 007 009 якоже облак очищен от небесе: аще бо человек снидет во ад, ктому не взыдет, 018 JOB 007 010 ни возвратится во свой дом, ниже имать его познати ктому место его. 018 JOB 007 011 Убо ниже аз пощажу уст моих, возглаголю в нужди сый, отверзу уста моя горестию души моея сотеснен. 018 JOB 007 012 Еда море есмь, или змий, яко учинил еси на мя хранение? 018 JOB 007 013 Рекох, яко утешит мя одр мой, произнесу же ко мне на едине слово на ложи моем: 018 JOB 007 014 устрашаеши мя сониями и видениями ужасаеши мя: 018 JOB 007 015 свободиши от духа моего душу мою, от смерти же кости моя. 018 JOB 007 016 Не поживу бо во век, да долготерплю: отступи от мене, тще бо житие мое. 018 JOB 007 017 Что бо есть человек, яко возвеличил еси его? Или яко внимаеши умом к нему? 018 JOB 007 018 Или посещение твориши ему по всяко утро и в покои судити его имаши? 018 JOB 007 019 Доколе не оставиши мене, ниже отпускаеши мя, дондеже поглощу слины моя в болезни? 018 JOB 007 020 Аще аз согреших, что Тебе возмогу соделати, сведый ум человечь? Почто мя еси положил прекословна Тебе, и есмь Тебе бременем? 018 JOB 007 021 Почто неси сотворил беззаконию моему забвения, и очищения греха моего? Ныне же в землю отиду, утренюяй же несмь ктому. 018 JOB 008 001 Отвещав же Валдад Савхейский, рече: доколе глаголати будеши сия? 018 JOB 008 002 Дух многоглаголив во устех твоих. 018 JOB 008 003 Еда Господь обидит судяй? Или вся сотворивый возмятет правду? 018 JOB 008 004 Аще сынове твои согрешиша пред Ним, посла руку на беззакония их: 018 JOB 008 005 ты же утренюй ко Господу Вседержителю моляся: 018 JOB 008 006 аще чист еси и истинен, молитву твою услышит, устроит же ти паки житие правды: 018 JOB 008 007 будут убо первая твоя мала, последняя же твоя без числа. 018 JOB 008 008 Вопроси бо рода перваго, изследи же по роду отцев: 018 JOB 008 009 вчерашни бо есмы и не вемы, сень бо есть наше житие на земли: 018 JOB 008 010 не сии ли научат тя и возвестят ти и от сердца изнесут словеса? 018 JOB 008 011 Еда произничет рогоз без воды, или растет ситник без напаяния? 018 JOB 008 012 Еще сущу на корени, и не пожнется ли? Прежде напаяния всякое былие не изсыхает ли? 018 JOB 008 013 Тако убо будут последняя всех забывающих Господа: надежда бо нечестиваго погибнет: 018 JOB 008 014 не населен бо будет дом его, паучина же сбудется селение его. 018 JOB 008 015 Аще подпрет храмину свою, не станет: емшуся же ему за ню, не пребудет. 018 JOB 008 016 Влажный бо есть под солнцем, и от тления его леторасль его изыдет: 018 JOB 008 017 на собрании камения спит, посреде же кремения поживет: 018 JOB 008 018 аще поглотит место, солжет ему, не видел еси таковая, 018 JOB 008 019 яко превращение нечестиваго таково, из земли же инаго произрастит. 018 JOB 008 020 Господь бо не отринет незлобиваго: всякаго же дара от нечестиваго не приимет. 018 JOB 008 021 Истинным же уста исполнит смеха, устне же их исповедания. 018 JOB 008 022 Врази же их облекутся в студ: жилище же нечестиваго не будет. 018 JOB 009 001 Отвещав же Иов, рече: 018 JOB 009 002 воистинну вем, яко тако есть: како бо будет праведен человек у Господа? 018 JOB 009 003 Аще бо восхощет судитися с Ним, не послушает Его, да не преречет ко единому словеси Его от тысящи. 018 JOB 009 004 Премудр бо есть мыслию, крепок же и велик: кто жесток быв противу Его, пребысть? 018 JOB 009 005 Обетшаяй горы, и не ведят, превращаяй я гневом: 018 JOB 009 006 трясый поднебесную из оснований, столпи же ея колеблются: 018 JOB 009 007 глаголяй солнцу, и не восходит, звезды же печатствует: 018 JOB 009 008 прострый един небо и ходяй но морю, яко по земли: 018 JOB 009 009 творяй Плиады и Еспера, и Арктура и сокровища южная: 018 JOB 009 010 творяй велия и неизследованная, славная же и изрядная, имже несть числа. 018 JOB 009 011 Аще приидет ко мне, не имам видети: и аще мимоидет мене, никако уразумех. 018 JOB 009 012 Аще возмет, кто возвратит? Или кто речет Ему: что сотворил еси? 018 JOB 009 013 Сам бо отвращает гнев, слякошася под Ним кити поднебеснии. 018 JOB 009 014 Аще же мя услышит, или разсудит глаголы моя? 018 JOB 009 015 Аще бо и праведен буду, не услышит мене, суду Его помолюся: 018 JOB 009 016 аще же воззову, и услышит мя, не иму веры, яко услыша глас мой. 018 JOB 009 017 Да не мглою мя потребит, многа же ми сотрения сотвори всуе, 018 JOB 009 018 не оставляет бо мя отдохнути, исполни же мя горести. 018 JOB 009 019 Понеже силен есть крепостию: кто убо суду Его воспротивится? 018 JOB 009 020 Аще бо буду праведен, уста моя нечестия сотворят: аще же буду непорочен, стропотен буду. 018 JOB 009 021 Аще бо нечестие сотворих, не вем душею моею: обаче отемлется ми живот. 018 JOB 009 022 Темже рех: велика и сильна губит гнев. 018 JOB 009 023 Яко лукавии смертию лютою погибнут, обаче праведным посмеваются. 018 JOB 009 024 Предана есть земля в руце нечестиваго, лица судий ея покрывает: аще же не Сам есть, кто есть? 018 JOB 009 025 Житие же мое есть легчае скоротечца: отбегоша и не видеша. 018 JOB 009 026 Или есть кораблем след пути, или орла летяща, ищуща яди? 018 JOB 009 027 Аще бо реку: забуду глаголя, приникнув лицем воздохну, 018 JOB 009 028 трясуся всеми удесы: вем бо, яко не безвинна мя оставиши. 018 JOB 009 029 Аще же нечестив есмь, почто не умрох? 018 JOB 009 030 Аще бо измыюся снегом и очищуся руками чистыми, 018 JOB 009 031 доволно во скверне омочил мя еси, возгнушася же мною одежда моя. 018 JOB 009 032 Неси бо человек, якоже аз, Емуже противопрюся, да приидем вкупе на суд. 018 JOB 009 033 О, дабы ходатай нам был, и обличаяй и разслушаяй между обема. 018 JOB 009 034 Да отимет от мене жезл, страх же Его да не смущает мене: 018 JOB 009 035 и не убоюся, но возглаголю, ибо тако не вем сам себе. 018 JOB 010 001 Труждаюся душею моею, стеня испущу на мя глаголы моя, возглаголю горестию души моея одержимь 018 JOB 010 002 и реку ко Господеви: не учи мя нечествовати, и почто ми сице судил еси? 018 JOB 010 003 Или добро Ти есть, аще вознеправдую, яко презрел еси дела руку Твоею, совету же нечестивых внял еси? 018 JOB 010 004 Или якоже человек видит, видиши? Или якоже зрит человек, узриши? 018 JOB 010 005 Или житие Твое человеческо есть? Или лета Твоя яко дние мужа? 018 JOB 010 006 Яко истязал еси беззаконие мое и грехи моя изследил еси. 018 JOB 010 007 Веси бо, яко не нечествовах: но кто есть изимаяй из руку Твоею? 018 JOB 010 008 Руце Твои сотвористе мя и создасте мя: потом же преложив, поразил мя еси. 018 JOB 010 009 Помяни, яко брение мя создал еси, в землю же паки возвращаеши мя. 018 JOB 010 010 Или не якоже млеко измелзил мя еси, усырил же мя еси равно сыру? 018 JOB 010 011 Кожею же и плотию мя облекл еси, костьми же и жилами сшил мя еси: 018 JOB 010 012 живот же и милость положил еси у мене, посещение же Твое сохрани мой дух. 018 JOB 010 013 Сия имеяй в Тебе, вем, яко вся можеши, и невозможно Тебе ничтоже. 018 JOB 010 014 Аще бо согрешу, храниши мя, от беззакония же не безвинна мя сотворил еси. 018 JOB 010 015 Аще бо нечестив буду, люте мне, аще же буду праведен, не могу возникнути: исполнен бо есмь безчестия, 018 JOB 010 016 ловимь бо есмь аки лев на убиение: паки же преложив, люте убиваеши мя. 018 JOB 010 017 Обновляяй на мя испытание мое, гнева бо великаго на мя употребил еси и навел еси на мя искушения. 018 JOB 010 018 Почто убо мя из чрева извел еси, и не умрох, око же мене не видело бы, 018 JOB 010 019 и бых бы аки не был? Почто убо из чрева во гроб не снидох? 018 JOB 010 020 Или не мало есть время жизни моея? Остави мене почити мало, 018 JOB 010 021 прежде даже отиду, отнюдуже не возвращуся, в землю темну и мрачну, 018 JOB 010 022 в землю тмы вечныя, идеже несть света, ниже видети живота человеческаго. 018 JOB 011 001 Отвещав же Софар Минейский, рече: 018 JOB 011 002 глаголяй много, и противоуслышит: или многоречив мнится быти праведен? Благословен рожденный от жены малолетен. 018 JOB 011 003 Не мног во словесех буди: несть бо противовещаяй ти. 018 JOB 011 004 Не глаголи бо, яко чист есмь делы и безпорочен пред Ним: 018 JOB 011 005 но како Господь возглаголет к тебе и отверзет устне Свои с тобою? 018 JOB 011 006 Потом возвестит ти силу премудрости, яко сугуб будет в сих, яже противу тебе: и тогда уразумееши, яко достойная тебе сбышася от Господа, имиже согрешил еси, 018 JOB 011 007 или след Господень обрящеши? Или в последняя достигл еси, яже сотвори Вседержитель? 018 JOB 011 008 Высоко небо, и что сотвориши? Глубочае же сущих во аде что веси? 018 JOB 011 009 Не должае ли меры земныя, или широты морския? 018 JOB 011 010 Аще же превратит вся, кто речет Ему: что сотворил еси? 018 JOB 011 011 Той бо весть дела беззаконных: видев же нелепая, не презрит. 018 JOB 011 012 Человек же инако обилует словесы: земный же рожденный от жены равен ослу пустынному. 018 JOB 011 013 Аще бо ты чисто положил еси сердце твое, воздеваеши же руце твои к Нему, 018 JOB 011 014 аще беззаконно что есть в руку твоею, далече сотвори е от тебе, неправда же в жилищи твоем да не вселится: 018 JOB 011 015 тако бо ти возсияет лице, якоже вода чиста: совлечешися же скверны, и не убоишися, 018 JOB 011 016 и труда забудеши, якоже волны мимошедшия, и не устрашишися. 018 JOB 011 017 Молитва же твоя, аки денница, и паче полудне возсияет ти жизнь: 018 JOB 011 018 уповая же будеши, яко будет ти надежда: от туги же и попечения явится ти мир: 018 JOB 011 019 упокоишися бо, и не будет боряй тя: пременяющиися же мнози имут просити тя, 018 JOB 011 020 спасение же оставит их: надежда бо их пагуба, очи же нечестивых истают. 018 JOB 012 001 Отвещав же Иов, рече: 018 JOB 012 002 убо вы ли едини есте человецы, или с вами скончается премудрость? 018 JOB 012 003 И у мене сердце есть якоже и у вас. 018 JOB 012 004 Праведен бо муж и непорочен бысть в поругание: 018 JOB 012 005 во время бо определеное уготован бысть пасти от иных, домы же его опустошены быти беззаконными. Обаче никтоже да уповает, лукав сый, неповинен быти, 018 JOB 012 006 елицы разгневляют Господа, аки и истязания им не будет. 018 JOB 012 007 Но вопроси четвероногих, аще ти рекут, и птиц небесных, аще ти возвестят: 018 JOB 012 008 повеждь земли, аще ти скажет, и исповедят ти рыбы морския. 018 JOB 012 009 Кто убо не разуме во всех сих, яко рука Господня сотвори сия? 018 JOB 012 010 Не в руце ли Его душа всех живущих и дух всякаго человека? 018 JOB 012 011 Ухо бо словеса разсуждает, гортань же брашна вкушает. 018 JOB 012 012 Во мнозем времени премудрость, во мнозе же житии ведение. 018 JOB 012 013 У Него премудрость и сила, у Того совет и разум. 018 JOB 012 014 Аще низложит, кто созиждет? Аще затворит от человеков, кто отверзет? 018 JOB 012 015 Аще возбранит воду, изсушит землю: аще же пустит, погубит ю превратив. 018 JOB 012 016 У Него держава и крепость, у Того ведение и разум. 018 JOB 012 017 Проводяй советники пленены, судии же земли ужаси: 018 JOB 012 018 посаждаяй цари на престолех и обвязуяй поясом чресла их: 018 JOB 012 019 отпущаяй жерцы пленники, сильных же земли низврати: 018 JOB 012 020 изменяяй устне верных, разум же старцев уразуме: 018 JOB 012 021 изливаяй безчестие на князи, смиренныя же изцели: 018 JOB 012 022 открываяй глубокая от тмы, изведе же на свет сень смертную: 018 JOB 012 023 прельщаяй языки и погубляяй их, низлагаяй языки и наставляяй их: 018 JOB 012 024 изменяяй сердца князей земных, прельсти же их на пути, егоже не ведяху, 018 JOB 012 025 да осяжут тму, а не свет, да заблудят же яко пияный. 018 JOB 013 001 Се, сия виде око мое, и слыша ухо мое, 018 JOB 013 002 и вем, елика и вы весте: и не неразумнее есмь вас. 018 JOB 013 003 Но обаче и аз ко Господу возглаголю, обличу же пред Ним, аще восхощет. 018 JOB 013 004 Вы бо есте врачеве неправеднии и целителе злых вси, 018 JOB 013 005 буди же вам онемети, и сбудется вам в премудрость. 018 JOB 013 006 Слышите же обличение уст моих, суду же устен моих вонмите. 018 JOB 013 007 Не пред Богом ли глаголете и пред Ним вещаете лесть? 018 JOB 013 008 Или уклонитеся, вы же сами судии будите. 018 JOB 013 009 Добро бо, аще изследит вас: аще бо вси творящии приложитеся к нему, обаче обличит вы. 018 JOB 013 010 Аще же и тай лицам удивитеся, 018 JOB 013 011 не движение ли Его смятет вас, боязнь же от Него нападет на вы? 018 JOB 013 012 Отидет же величание ваше равно пепелу, тело же бренно. 018 JOB 013 013 Умолчите, да возглаголю и почию от гнева. 018 JOB 013 014 Вземля плоти моя зубами, душу же мою положу в руце моей. 018 JOB 013 015 Аще мя убиет Сильный, понеже и нача, обаче возглаголю и обличу пред Ним: 018 JOB 013 016 и сие ми сбудется во спасение: не внидет бо пред Ним лесть. 018 JOB 013 017 Послушайте, послушайте глагол моих: возвещу бо вам слышащым. 018 JOB 013 018 Се, аз близ есмь суда моего, вем аз, яко праведен явлюся. 018 JOB 013 019 Кто бо есть судяйся со мною, да ныне умолчу и изчезну? 018 JOB 013 020 Двое же ми сотвориши, тогда от лица Твоего не скрыюся: 018 JOB 013 021 руку от мене отими, страх же Твой да не ужасает мя: 018 JOB 013 022 посем призовеши, аз же Тя послушаю, или возглаголеши, аз же Ти дам ответ. 018 JOB 013 023 Колицы суть греси мои и беззакония моя? Научи мя, кая суть? 018 JOB 013 024 Почто крыешися от мене? Мниши же мя противна суща Тебе? 018 JOB 013 025 Или яко лист движимь ветром убоишися? Или яко сену носиму ветром противляешимися? 018 JOB 013 026 Яко написал еси на мя злая, обложил же ми еси юностныя грехи: 018 JOB 013 027 положил же еси ногу мою в возбранение: сохранил же еси дела моя вся: в корения же ног моих пришел еси: 018 JOB 013 028 иже обетшают якоже мех, или якоже риза молием изядена. 018 JOB 014 001 Человек бо рожден от жены малолетен и исполнь гнева: 018 JOB 014 002 или якоже цвет процветый отпаде, отбеже же яко сень, и не постоит. 018 JOB 014 003 Не и о сем ли слово сотворил еси, и сему сотворил еси внити на суд пред Тя? 018 JOB 014 004 Кто бо чист будет от скверны? Никтоже, 018 JOB 014 005 аще и един день житие его на земли: изочтени же месяцы его от Тебе, на время положил еси, и не преступит. 018 JOB 014 006 Отступи от него, да умолкнет и изберет житие якоже наемник. 018 JOB 014 007 Есть бо древу надежда: аще бо посечено будет, паки процветет, и леторасль его не оскудеет: 018 JOB 014 008 аще бо состареется в земли корень его, на камени же скончается стебло его, 018 JOB 014 009 от вони воды процветет, сотворит же жатву, якоже новосажденное. 018 JOB 014 010 Муж же умерый отиде, пад же человек, ктому несть. 018 JOB 014 011 Временем бо оскудевает море, река же опустевши изсше: 018 JOB 014 012 человек же уснув не востанет, дондеже не будет небо сошвено, и не возбудятся от сна своего. 018 JOB 014 013 Убо, о, дабы во аде мя сохранил еси, скрыл же мя бы еси, дондеже престанет гнев Твой, и вчиниши ми время, в неже память сотвориши ми. 018 JOB 014 014 Аще бо умрет человек, жив будет: скончав дни жития своего, потерплю, дондеже паки буду. 018 JOB 014 015 Посем воззовеши, аз же послушаю Тя: дел же руку Твоею не отвращайся: 018 JOB 014 016 изчислил же еси начинания моя, и ничтоже Тя мимоидет от грех моих: 018 JOB 014 017 запечатлел же ми еси беззакония в мешце, назнаменал же еси, аще что неволею преступих. 018 JOB 014 018 Обаче и гора падающи распадется, и камень обетшает от места своего: 018 JOB 014 019 камение огладиша воды, и потопиша воды взнак холмы земныя, и ожидание человеческо погубил еси. 018 JOB 014 020 Отринул еси его до конца, и отиде: изменил еси ему лице и испустил еси. 018 JOB 014 021 Многим же бывшым сыном его, не весть: аще же и мало их будет, не знает: 018 JOB 014 022 но плоти его болеша, душа же его о себе сетова. 018 JOB 015 001 Отвещав же Елифаз Феманитин, рече: 018 JOB 015 002 еда премудрый даст ответ разумен на ветр, и наполни болезнию чрево, 018 JOB 015 003 обличая глаголы, имиже не подобает, и словесы, ихже ни кая польза? 018 JOB 015 004 Не и ты ли отринул еси страх? Скончал же еси глаголы таковы пред Господем? 018 JOB 015 005 Повинен еси глаголом уст твоих, ниже разсудил еси глаголы сильных. 018 JOB 015 006 Да обличат тя уста твоя, а не аз, и устне твои на тя возсвидетелствуют. 018 JOB 015 007 Что бо? Еда первый от человек рожден еси? Или прежде холмов сгустился еси? 018 JOB 015 008 Или строение Господне слышал еси? Или в советника тя употреби Бог? И на тя (единаго) ли прииде премудрость? 018 JOB 015 009 Что бо веси, егоже не вемы? Или что разумееши ты, егоже и мы (не разумеем)? 018 JOB 015 010 И стар и древен есть в нас, старший отца твоего деньми. 018 JOB 015 011 Мало, о нихже согрешил еси, уязвлен еси, вельми выше меры возглаголал еси. 018 JOB 015 012 Что дерзостно бысть сердце твое? Или что вознесостеся очи твои? 018 JOB 015 013 Яко ярость изрыгнул еси пред Господем, изнесл же еси изо уст такова словеса? 018 JOB 015 014 Кто бо сый человек яко будет непорочен? Или аки будущий праведник рожден от жены? 018 JOB 015 015 Аще во святых не верит, небо же нечисто пред Ним, 018 JOB 015 016 кольми паче мерзкий и нечистый муж, пияй неправды, якоже питие. 018 JOB 015 017 Возвещу же ти, послушай мене: яже ныне видех, возвещу ти, 018 JOB 015 018 яже премудрии рекут, и не утаиша отцы их, 018 JOB 015 019 имже единым дана бысть земля, и не найде иноплеменник на ня. 018 JOB 015 020 Все житие нечестиваго в попечении, лета же изочтена дана сильному, 018 JOB 015 021 страх же его во ушесех его: егда мнит уже в мире быти, тогда приидет нань низвращение: 018 JOB 015 022 да не верует отвратитися от тмы, осужден бо уже в руки железа, 018 JOB 015 023 учинен же есть в брашно неясытем: весть же в себе, яко ждет падения, день же темен превратит его, 018 JOB 015 024 беда же и скорбь оымет его, якоже военачалник напреди стояй падает, 018 JOB 015 025 яко вознесе руце на Господа, пред Господем же Вседержителем ожесточи выю, 018 JOB 015 026 тече же противу Ему укоризною в толщи хребта щита своего: 018 JOB 015 027 яко покры лице свое туком своим и сотвори омет на стегнах: (хвала же его укоризна). 018 JOB 015 028 Да вселится же во градех пустых, внидет же в домы ненаселенныя: а яже они уготоваша, инии отнесут. 018 JOB 015 029 Ниже обогатится, ниже останет имение его, не имать положити на землю сени, 018 JOB 015 030 ниже избежит тмы: прозябение его да усушит ветр, и да отпадет цвет его: 018 JOB 015 031 да не верит, яко стерпит, тщетная бо сбудутся ему. 018 JOB 015 032 Посечение его прежде часа растлеет, и леторасль его не облиственеет: 018 JOB 015 033 да оыман будет якоже недозрелая ягода прежде часа, да отпадет же яко цвет масличия. 018 JOB 015 034 Послушество бо нечестиваго смерть, огнь же пожжет домы мздоимцев: 018 JOB 015 035 во чреве же приимет болезни, сбудется же ему тщета, чрево же его понесет лесть. 018 JOB 016 001 Отвещав же Иов, рече: 018 JOB 016 002 слышах сицевая многа, утешителие зол вси. 018 JOB 016 003 Что бо? Еда чин есть во словесех ветра? Или кую ти пакость сотворит, яко отвещаеши? 018 JOB 016 004 И аз якоже вы возглаголю: аще бы душа ваша подлежала вместо моея, тогда наскочил бых на вы словесы, покиваю же на вы главою моею. 018 JOB 016 005 Буди же крепость во устех моих, движения же устен не пощажу. 018 JOB 016 006 Аще бо возглаголю, не возболю ли язвою? Аще же и умолчу, чим менше уязвен буду? 018 JOB 016 007 Ныне же преутруждена мя сотвори, буя, согнивша, и ят мя. 018 JOB 016 008 В послушество бых, и воста во мне лжа моя, противно лицу моему отвеща. 018 JOB 016 009 Гневен быв низложи мя, возскрежета зубы на мя, стрелы разбойников Его нападоша на мя. 018 JOB 016 010 Остротою очес наскака, мечем порази мя в колена: вкупе же потекоша на мя: 018 JOB 016 011 предаде бо мя Господь в руки неправедных, нечестивым же поверже мя. 018 JOB 016 012 Мирствующа разсыпа мя, взяв мя за власы оборва, постави мя аки примету. 018 JOB 016 013 Обыдоша мя копиями бодуще во истесы моя, не щадяще: излияша на землю желчь мою, 018 JOB 016 014 низложиша мя труп на труп, текоша ко мне могущии, 018 JOB 016 015 вретище сошиша на кожу мою, и мощь моя на земли угасе. 018 JOB 016 016 Чрево мое сгоре от плача, на веждах же моих стень смертная, 018 JOB 016 017 неправедно же ни едино бе в руку моею: молитва же моя чиста. 018 JOB 016 018 Земле, да не покрыеши над кровию плоти моея, ниже да будет место воплю моему. 018 JOB 016 019 И ныне се, на небесех Послух мой, Свидетель же ми во вышних. 018 JOB 016 020 Да приидет моя мольба ко Господу, пред Нимже да каплет око мое. 018 JOB 016 021 Буди же обличение мужу пред Господем, и сыну человеческому ко ближнему его. 018 JOB 016 022 Лета же изочтеная приидоша, и путем, имже не возвращуся, пойду. 018 JOB 017 001 Тлею духом носимь, прошу же гроба и не улучаю. 018 JOB 017 002 Молю болезнуя, и что сотворю? Украдоша же ми имение чуждии. 018 JOB 017 003 Кто есть сей? Рукою моею связан да будет. 018 JOB 017 004 Яко сердце их сокрыл еси от мудрости, сего ради да не вознесеши их. 018 JOB 017 005 Части возвестит злобы: очи же на сынех истаяста. 018 JOB 017 006 Положил же мя еси в притчу во языцех, смех же бых им. 018 JOB 017 007 Ослепоста бо от гнева очи мои, повоеван бых вельми от всех: 018 JOB 017 008 чудо объя истинных о сем, праведник же на беззаконника да востанет: 018 JOB 017 009 да содержит же верный путь свой, чистый же рукама да приимет дерзость. 018 JOB 017 010 Но обаче вси належите и приидите, не бо обретаю в вас истины. 018 JOB 017 011 Дние мои преидоша в течении, расторгошася же удове сердца моего. 018 JOB 017 012 Нощь в день преложих: свет близ от лица тмы. 018 JOB 017 013 Аще бо стерплю, ад ми есть дом, в сумраце же постлася ми постеля. 018 JOB 017 014 Смерть назвах отца моего быти, матерь же и сестру ми гной. 018 JOB 017 015 Где убо еще есть ми надежда, или благая моя узрю? 018 JOB 017 016 Или со мною во ад снидут, или вкупе в персть снидем. 018 JOB 018 001 Отвещав же Валдад Савхейский, рече: 018 JOB 018 002 доколе не престанеши? Пожди, да и мы возглаголем. 018 JOB 018 003 И почто аки четвероножная умолчахом пред тобою? 018 JOB 018 004 Пребысть ти гнев. Что бо? Аще ты умреши, не населенна ли будет поднебесная? Или превратятся горы из оснований? 018 JOB 018 005 И свет нечестивых угаснет, и не произыдет их пламень: 018 JOB 018 006 свет его тма в жилищи, светилник же в нем угаснет: 018 JOB 018 007 да уловят меншии имения его, погрешит же его совет: 018 JOB 018 008 ввержена же бысть нога его в пругло, мрежею да повиется: 018 JOB 018 009 да приидут же нань пругла, укрепит нань жаждущих: 018 JOB 018 010 скрыся в земли уже его, и ятие его на стези. 018 JOB 018 011 Окрест да погубят его болезни: мнози же окрест ног его обыдут во гладе теснем: 018 JOB 018 012 падение же ему уготовано велико. 018 JOB 018 013 Поядены же да будут плесны ног его, красная же его да пояст смерть. 018 JOB 018 014 Отторжено же буди от жития его изцеление, да имет же его беда виною царскою. 018 JOB 018 015 Да вселится в храмине его в нощи его, посыпана да будут лепотная его жупелом: 018 JOB 018 016 под ним корения его да изсохнут, свыше же нападет пожатие его. 018 JOB 018 017 Память его да погибнет от земли, и (не) будет имя его на лицы внешнем: 018 JOB 018 018 да отринет его от света во тму: 018 JOB 018 019 не будет знаемь в людех его, ниже спасен в поднебесней дом его: 018 JOB 018 020 но в своих ему поживут инии, над ним воздохнуша последнии, первых же объя чудо. 018 JOB 018 021 Сии суть домове неправедных, сие же место неведущих Бога. 018 JOB 019 001 Отвещав же Иов, рече: 018 JOB 019 002 доколе притрудну творите душу мою и низлагаете мя словесы? Уразумейте токмо, яко Господь сотвори мя сице. 018 JOB 019 003 Клевещете на мя, не стыдящеся мене належите ми. 018 JOB 019 004 Буди, яко воистинну аз прельстихся, и у мене водворяется погрешение, глаголати словеса, яже не подобаше, словеса же моя погрешают, и не во время: 018 JOB 019 005 буди же, яко на мя величаетеся, наскакаете же ми поношением: 018 JOB 019 006 разумейте убо, яко Господь есть иже смяте мя и ограду Свою на мя вознесе. 018 JOB 019 007 Се, смеюся поношению, не возглаголю: возопию, и нигдеже суд. 018 JOB 019 008 Окрест огражден есмь и не могу прейти: пред лицем моим тму положи, 018 JOB 019 009 славу же с мене совлече и отя венец от главы моея: 018 JOB 019 010 растерза мя окрест, и отидох: посече же яко древо надежду мою. 018 JOB 019 011 Люте же гнева употреби на мя и возмне мя яко врага. 018 JOB 019 012 Вкупе же приидоша искушения Его на мя, на путех же моих обыдоша мя наветницы. 018 JOB 019 013 Братия моя отступиша от мене, познаша чуждих паче мене, и друзие мои немилостиви быша: 018 JOB 019 014 не снабдеша мя ближнии мои, и ведящии имя мое забыша мя. 018 JOB 019 015 Соседи дому и рабыни моя, (яко) иноплеменник бых пред ними: 018 JOB 019 016 раба моего звах, и не послуша, уста же моя моляхуся: 018 JOB 019 017 и просих жену мою, призывах же лаская сыны подложниц моих: 018 JOB 019 018 они же мене в век отринуша, егда востану, на мя глаголют. 018 JOB 019 019 Гнушахуся мене видящии мя, и ихже любих, восташа на мя. 018 JOB 019 020 В кожи моей согниша плоти моя, кости же моя в зубех содержатся. 018 JOB 019 021 Помилуйте мя, помилуйте мя, о, друзие! Рука бо Господня коснувшаяся ми есть. 018 JOB 019 022 Почто мя гоните якоже и Господь? От плотей же моих не насыщаетеся? 018 JOB 019 023 Кто бо дал бы, да напишутся словеса моя, и положатся оная в книзе во век? 018 JOB 019 024 И на дщице железне и олове, или на камениих изваяются? 018 JOB 019 025 Вем бо, яко присносущен есть, иже имать искупити мя, 018 JOB 019 026 (и) на земли воскресити кожу мою терпящую сия, от Господа бо ми сия совершишася, 018 JOB 019 027 яже аз в себе свем, яже очи мои видеста, а не ин: вся же ми совершишася в недре. 018 JOB 019 028 Аще же и речете: что речем противу ему? И корень словесе обрящем в нем. 018 JOB 019 029 Убойтеся же и вы от меча: ярость бо на беззаконныя найдет, и тогда увидят, где есть их вещество. 018 JOB 020 001 Отвещав же Софар Минейский, рече: 018 JOB 020 002 не тако мнех сия тебе рещи противу, и не разумеете паче нежели и аз. 018 JOB 020 003 Наказание срамления моего услышу, и дух от разума отвещавает ми. 018 JOB 020 004 Еда сих не уразумел еси от века, отнележе положен человек бысть на земли? 018 JOB 020 005 Веселие бо нечестивых падение страшно, обрадование же беззаконных пагуба. 018 JOB 020 006 Аще взыдут на небо дары его, жертва же его облаков коснется: 018 JOB 020 007 егда бо мнится уже утвержден быти, тогда в конец погибнет. Видевшии же его рекут: где есть? 018 JOB 020 008 Якоже сон отлетевый не обрящется, отлете же аки мечтание нощное. 018 JOB 020 009 Око призре, и не приложит, и ктому не познает его место его. 018 JOB 020 010 Сынов его да погубят меншии, и руце его возжгут болезни. 018 JOB 020 011 Кости его наполнишася грехов юности его и с ним на персти уснут. 018 JOB 020 012 Аще усладится во устех его злоба, скрыет ю под языком своим: 018 JOB 020 013 не пощадит ея, и не оставит ея, и соберет ю посреде гортани своего, 018 JOB 020 014 и не возможет помощи себе: желчь аспидов во чреве его. 018 JOB 020 015 Богатство неправедно собираемо изблюется, из храмины его извлечет его Ангел. 018 JOB 020 016 Ярость же змиеву да ссет, да убиет же его язык змиин. 018 JOB 020 017 Да не узрит отдоения скотов, ниже прибытка меда и масла кравия. 018 JOB 020 018 Вотще и всуе трудися, богатство, от негоже не вкусит, якоже клоки не сожваемы и не поглощаемы. 018 JOB 020 019 Многих бо немощных домы сокруши, жилище же разграби и не постави. 018 JOB 020 020 Несть спасения имению его, в вожделении своем не спасется. 018 JOB 020 021 Несть останка брашну его, сего ради не процветут ему благая. 018 JOB 020 022 Егда же мнит уже исполнь быти, оскорбится, всяка же беда нань приидет. 018 JOB 020 023 Аще како либо исполнит чрево свое, напустит нань ярость гнева, одождит на него болезни: 018 JOB 020 024 и не спасется от руки железа, да устрелит его лук медян, 018 JOB 020 025 и да пройдет сквозе тело его стрела: звезды же в жилищих его: да приидут нань страси, 018 JOB 020 026 и всяка тма на нем да пребудет: да пояст его огнь нераздеженый, да озлобит же пришлец дом его: 018 JOB 020 027 и да открыет небо беззакония его, и земля да востанет нань: 018 JOB 020 028 да извлечет дом его пагуба до конца, день гнева да приидет нань. 018 JOB 020 029 Сия часть человека нечестиваго от Господа и стяжание имений его от Надзирателя. 018 JOB 021 001 Отвещав же Иов, рече: 018 JOB 021 002 послушайте, послушайте словес моих, да не будет ми от вас сие утешение: 018 JOB 021 003 потерпите ми, аз же возглаголю, таже не посмеетемися. 018 JOB 021 004 Что бо? Еда человеческо ми обличение? Или почто не возярюся? 018 JOB 021 005 Воззревшии на мя удивитеся, руку положше на ланите. 018 JOB 021 006 Аще бо воспомяну, ужаснуся: обдержат бо плоть мою болезни. 018 JOB 021 007 Почто нечестивии живут, обетшаша же в богатстве? 018 JOB 021 008 Семя их по души, чада же их пред очима. 018 JOB 021 009 Домове их обилнии суть, страх же нигде, раны же от Господа несть на них. 018 JOB 021 010 Говядо их не изверже: спасена же бысть их имущая во чреве и не лишися. 018 JOB 021 011 Пребывают же яко овцы вечныя, дети же их предиграют, 018 JOB 021 012 вземше псалтирь и гусли, и веселятся гласом песни. 018 JOB 021 013 Скончаша во благих житие свое, в покои же адове успоша. 018 JOB 021 014 Глаголют же Господеви: отступи от нас, путий Твоих ведети не хощем: 018 JOB 021 015 что достоин, яко да поработаем Ему? И кая польза, яко да взыщем Его? 018 JOB 021 016 В руках бо их бяху благая, дел же нечестивых не надзирает. 018 JOB 021 017 Обаче же и нечестивых светилник угаснет, найдет же им развращение, болезни же их оымут от гнева: 018 JOB 021 018 будут же аки плевы пред ветром, или якоже прах, егоже взя вихр. 018 JOB 021 019 Да оскудеют сыном имения его: воздаст противу ему, и уразумеет. 018 JOB 021 020 Да узрят очи его свое убиение, от Господа же да не спасется. 018 JOB 021 021 Яко воля его с ним в дому его, и числа месяцей его разделишася. 018 JOB 021 022 Не Господь ли есть научаяй разуму и хитрости? Тойже мудрых разсуждает. 018 JOB 021 023 Той умрет в силе простоты своея, всецел же благодушествуяй и благоуспеваяй, 018 JOB 021 024 утроба же его исполнена тука, мозг же его разливается. 018 JOB 021 025 Ов же умирает в горести души, не ядый ничтоже блага. 018 JOB 021 026 Вкупе же на земли спят, гнилость же их покры. 018 JOB 021 027 Темже вем вас, яко дерзостию належите ми, 018 JOB 021 028 яко речете: где есть дом княжь? И где есть покров селений нечестивых? 018 JOB 021 029 Вопросите мимоходящих путем, и знамения их не чужда сотворите. 018 JOB 021 030 Яко на день пагубы соблюдается нечестивый, и в день гнева Его отведен будет. 018 JOB 021 031 Кто возвестит пред лицем его путь его, и еже той сотвори, кто воздаст ему? 018 JOB 021 032 И той во гроб отнесен бысть, и на гробищих побде. 018 JOB 021 033 Усладися ему дробное камение потока, и вслед его всяк человек отидет, и пред ним безчисленнии. 018 JOB 021 034 Како же мя утешаете суетными? А еже бы мне почити от вас, ничтоже. 018 JOB 022 001 Отвещав же Елифаз Феманитин, рече: 018 JOB 022 002 не Господь ли есть научаяй разуму и хитрости? 018 JOB 022 003 Ибо кое попечение Господу, аще ты был еси делы непорочен? Или (кая) польза, яко прост творити будеши путь твой? 018 JOB 022 004 Или опасение имея от тебе обличит тя и внидет с тобою в суд? 018 JOB 022 005 Еда злоба твоя есть не многа? Безчисленнии же твои суть греси? 018 JOB 022 006 В залог бо имал еси от братии твоея вотще, одежду же нагих отнимал еси, 018 JOB 022 007 ниже водою жаждущих напоил еси, но алчущих лишил еси хлеба: 018 JOB 022 008 удивлялся же еси неких лицу и повергал еси убогих на земли: 018 JOB 022 009 вдовицы же отпустил еси тщы и сироты озлобил еси. 018 JOB 022 010 Сего ради обыдоша тя сети, и поспеши на тя рать велика: 018 JOB 022 011 свет тебе тма бысть, уснувшаго же вода тя покры. 018 JOB 022 012 Еда на высоких живый не призирает? Укоризною же возносящихся смири. 018 JOB 022 013 И рекл еси: что разуме Крепкий? Или во мраце разсудит? 018 JOB 022 014 Облак покров Его, и неувидимь будет, и круг небесе обходит. 018 JOB 022 015 Еда стезю древнюю сохраниши, в нюже ходиша мужие неправедни, 018 JOB 022 016 иже яти быша прежде времене? Река текущая основания их, 018 JOB 022 017 глаголющии: что сотворит нам Господь? Или что нанесет на ны Вседержитель? 018 JOB 022 018 Иже исполнил есть домы их благими: совет же нечестивых далече от Него. 018 JOB 022 019 Видевше праведницы возсмеяшася, непорочен же глумляшеся им: 018 JOB 022 020 не погибе ли имение их, и останки их пояст огнь? 018 JOB 022 021 Буди убо тверд, аще претерпиши, потом плод твой будет во благих. 018 JOB 022 022 Приими же из уст Его изречение и восприими словеса Его в сердце твое. 018 JOB 022 023 Аще же обратишися и смириши себе пред Господем, и далече сотвориши от жилища твоего неправду, 018 JOB 022 024 и положен будеши на персти в камени, и якоже камень потока Офирска. 018 JOB 022 025 Будет убо тебе Вседержитель помощник от враг, чиста же сотворит тя якоже сребро разжжено, 018 JOB 022 026 потом дерзновение возимееши пред Богом, воззрев весело на небо. 018 JOB 022 027 Помольшуся же тебе к Нему, услышит тя, даст же ти обеты твоя воздати, 018 JOB 022 028 устроит же ти жилище правды, на путех же твоих будет свет: 018 JOB 022 029 яко смирил еси себе, тогда речеши: вознесеся, и поникша очима спасет, 018 JOB 022 030 избавит неповиннаго, и спасешися чистыма рукама твоима. 018 JOB 023 001 Отвещав же Иов, рече: 018 JOB 023 002 вем убо, яко из руки моея обличение мое есть, и рука Его тяжка бысть паче моего воздыхания. 018 JOB 023 003 Кто убо увесть, яко обрящу Его и прииду ко кончине? 018 JOB 023 004 И реку мой суд, уста же моя исполню обличения, 018 JOB 023 005 уразумею же изцеления, яже ми речет, и ощущу, что ми возвестит. 018 JOB 023 006 И аще со многою крепостию найдет на мя, посем же не воспретит ми. 018 JOB 023 007 Истина бо и обличение от Него: да изведет же в конец суд мой. 018 JOB 023 008 Аще бо во первых пойду, ктому несмь: в последних же, како вем Его? 018 JOB 023 009 Ошуюю творящу Ему, и не разумех: обложит одесную, и не узрю. 018 JOB 023 010 Весть бо уже путь мой, искуси же мя яко злато. 018 JOB 023 011 Изыду же в заповедех Его, пути бо Его сохраних, и не уклонюся от заповедий Его 018 JOB 023 012 и не преступлю, в недрех же моих сокрых глаголголы Его. 018 JOB 023 013 Аще же и Сам судил тако, кто есть рекий противу Ему? Сам бо восхоте и сотвори. 018 JOB 023 014 Сего ради о Нем трепетен бых, наказуемь же попекохся о Нем: 018 JOB 023 015 сего ради от лица Его потщуся, поучуся и убоюся от Него. 018 JOB 023 016 И Господь умягчил сердце мое, и Вседержитель потщася о мне: 018 JOB 023 017 не ведех бо, яко найдет на мя тма, пред лицем же моим покрыет мрак. 018 JOB 024 001 Почто же Господа утаишася часы, 018 JOB 024 002 нечестивии же предел преидоша, стадо с пастырем разграбивше? 018 JOB 024 003 Подяремника сирых отведоша и вола вдовича в залог взяша: 018 JOB 024 004 уклониша немощных от пути праведнаго, вкупе же скрышася кротцыи земли: 018 JOB 024 005 изыдоша же, яко осли на село, на мя, изступивше своего чина: сладок бысть хлеб им ради юных. 018 JOB 024 006 Ниву прежде времене не свою сущу пожаша, немощнии же виноград нечестивых без мзды и без брашна возделаша: 018 JOB 024 007 нагих многих успиша без риз, одежду же души их отяша: 018 JOB 024 008 каплями горскими мокнут, занеже не имеяху покрова, в камение облекошася: 018 JOB 024 009 восхитиша сироту от сосца, падшаго же смириша: 018 JOB 024 010 нагия же успиша неправедно, от алчущих же хлеб отяша: 018 JOB 024 011 в теснинах неправедно заседоша, пути же праведнаго не ведеша. 018 JOB 024 012 Уже из града и из домов своих изгоними бываху, душа же младенцев стеняше вельми: Бог же почто сих посещения не сотвори? 018 JOB 024 013 На земли сущым им, и не разумеша, пути же праведнаго не ведеша, ни по стезям его ходиша. 018 JOB 024 014 Разумев же их дела, предаде их во тму, и в нощи будет яко тать. 018 JOB 024 015 И око прелюбодея сохрани тму, глаголя: не узрит мя око: и покрывало лицу наложи. 018 JOB 024 016 Прокопа в нощи храмины, во днех же запечатлеша себе, не познаша света: 018 JOB 024 017 яко абие заутра им сень смерти, понеже познает мятеж сени смертныя. 018 JOB 024 018 Легок есть на лицы воды: проклята буди часть их на земли, да явятся же садовия их на земли суха: 018 JOB 024 019 рукоятие бо сирых разграбиша. 018 JOB 024 020 Потом воспомянен бысть ему грех, и якоже мгла росы изчезе: воздано же буди ему, еже содея, сокрушен же буди всяк неправдив яко древо неизцельно: 018 JOB 024 021 неплодней бо не добро сотвори и жены не помилова. 018 JOB 024 022 Яростию же низврати немощныя: востав убо не имать веры яти о своем житии. 018 JOB 024 023 Егда же разболится, да не надеется здрав быти, но падет недугом. 018 JOB 024 024 Многи бо озлоби высота его: увяде же яко злак в знои, или якоже клас от стебла сам отпад. 018 JOB 024 025 Аще же ни, кто есть глаголяй лжу ми глаголати, и положит ни во чтоже глаголы моя? 018 JOB 025 001 Отвещав же Валдад Савхейский, рече: 018 JOB 025 002 что бо начало, аще не страх от Него, иже творит всяческая в вышних? 018 JOB 025 003 Да никтоже бо мнит, яко есть умедление воинством: и на кого не найдет навет от Него? 018 JOB 025 004 Како бо будет праведен человек пред Богом? Или кто очистит себе рожденный от жены? 018 JOB 025 005 Аще луне повелевает, и не сияет, звезды же нечисты суть пред Ним, 018 JOB 025 006 кольми паче человек гной, и сын человеческий червь. 018 JOB 026 001 Отвещав же Иов, рече: 018 JOB 026 002 кому прилежиши, или кому хощеши помогати? Не сему ли, емуже многа крепость и емуже мышца крепка есть? 018 JOB 026 003 Кому совет дал еси? Не емуже ли вся премудрость? Кого поженеши? Не емуже ли превелия сила? 018 JOB 026 004 Кому возвестил еси глаголы? Дыхание же чие есть исходящее из тебе? 018 JOB 026 005 Еда исполини родятся под водою и соседми ея? 018 JOB 026 006 Наг ад пред Ним, и несть покрывала Пагубе. 018 JOB 026 007 Простираяй север ни на чемже, повешаяй землю ни на чемже, 018 JOB 026 008 связуяй воду на облацех Своих, и не расторжеся облак под нею: 018 JOB 026 009 держай лице престола, простирая над ним облак Свой: 018 JOB 026 010 повеление окружи на лице воды даже до скончания света со тмою. 018 JOB 026 011 Столпи небеснии прострошася и ужасошася от запрещения Его. 018 JOB 026 012 Крепостию укроти море, и хитростию его низложен бысть кит: 018 JOB 026 013 вереи же небесныя убояшася Его: повелением же умертви змиа отступника. 018 JOB 026 014 Се, сия части пути Его: и о капли слова услышим в Нем: силу же грома Его кто уведа, когда сотворит? 018 JOB 027 001 Еще же приложив Иов, рече в притчах: 018 JOB 027 002 жив Господь, иже ми сице суди, и Вседержитель, Иже огорчи ми душу: 018 JOB 027 003 дондеже еще дыхание мое есть и дух Божий сущий в ноздрех моих, 018 JOB 027 004 не возглаголют устне мои беззакония, ниже душа моя поучится неправде. 018 JOB 027 005 Не буди мне правдивыми нарещи вас, дондеже умру: не изменю бо незлобия моего. 018 JOB 027 006 Правде же внимая, не оставлю ея, не свем бо себе злых соделавша. 018 JOB 027 007 Обаче же, дабы были врази мои, якоже низвращение нечестивых, и востающии на мя, якоже пагуба пребеззаконных. 018 JOB 027 008 И кая бо есть надежда нечестивому, яко ожидает? Надеяся на Господа спасется ли? 018 JOB 027 009 Или мольбу его услышит Бог? Или нашедшей ему беде, 018 JOB 027 010 еда имать кое дерзновение пред Ним? Или яко призвавшу ему, услышит ли Его? 018 JOB 027 011 Сего ради возвещу вам, что есть в руце Господни, и, еже есть у Вседержителя, не солжу. 018 JOB 027 012 Се, вси весте, яко тщетная ко тщетным прилагаете. 018 JOB 027 013 Сия часть человека нечестиваго от Господа: и жребий сильных приидет от Вседержителя на ня. 018 JOB 027 014 Аще мнози будут сынове их, на заколение будут: аще же и возмужают, нищы будут: 018 JOB 027 015 оставшиися же ему смертию умрут, и вдовиц их никтоже помилует. 018 JOB 027 016 Аще соберет якоже землю сребро, и якоже брение уготовит злато, 018 JOB 027 017 сия вся праведнии одержат, имения же его истиннии возмут: 018 JOB 027 018 будет же дом его яко молие, и яко паучина, яже снабде. 018 JOB 027 019 Богатый уснет и не приложит, очи свои отверзе, и несть. 018 JOB 027 020 Обыдоша его якоже вода болезни, нощию же ят его примрак. 018 JOB 027 021 Возмет же его вар, и отидет, и возвеет его от места его, 018 JOB 027 022 и вержет на него, и не пощадит, из руку его бежанием побежит: 018 JOB 027 023 восплещет нань рукама своима и с шумом возмет его от места своего. 018 JOB 028 001 Есть бо сребру место, отюнудуже и бывает, и место злату, отюнудуже очищается. 018 JOB 028 002 Железо бо из земли раждается, медь же равно камению сечется. 018 JOB 028 003 Чин положи тме, и вся концы сам испытует, камык тмы и сень смерти. 018 JOB 028 004 Пресечение потока от праха: забывающии же путь правый изнемогоша, от человек подвигошася. 018 JOB 028 005 Есть земля, из неяже изыдет хлеб: под нею обратися яко огнь. 018 JOB 028 006 Место сапфира камение ея, и персть злато ему. 018 JOB 028 007 Стезя, не позна ея птица, и не узре ю око супово, 018 JOB 028 008 и не ходиша по ней сынове величавых, и не прейде по ней лев. 018 JOB 028 009 На несекоме камени простре руку свою, преврати же из корения горы: 018 JOB 028 010 бреги рек расторже, всякое же честное виде око мое: 018 JOB 028 011 глубины же рек откры и показа силу свою на свет. 018 JOB 028 012 Премудрость же откуду обретеся? И кое место есть ведения? 018 JOB 028 013 Не весть человек пути ея, ниже обретеся в человецех. 018 JOB 028 014 Бездна рече: несть во мне: и море рече: несть со мною. 018 JOB 028 015 Не дастся сокровище за ню, и не извесится сребро на изменение ея, 018 JOB 028 016 и не сравнится со златом Софирским, со ониксом честным и сапфиром: 018 JOB 028 017 не равно будет ей злато и кристаль, и изменение ея сосуди злати. 018 JOB 028 018 Превысокая и бисерие не помянутся, и притяжи премудрость паче внутреннейших: 018 JOB 028 019 не уравнится ей топазий Ефиопский, со златом чистым не сравнится. 018 JOB 028 020 Премудрость же откуду обретеся? И кое место есть разуму? 018 JOB 028 021 Утаися от всякаго человека, и от птиц небесных скрыся. 018 JOB 028 022 Пагуба и смерть рекосте: слышахом ея славу. 018 JOB 028 023 Бог благо позна ея путь: Сам бо весть место ея. 018 JOB 028 024 Ибо Сам поднебесную всю надзирает, ведый, яже на земли, вся, яже сотвори. 018 JOB 028 025 Ветров вес и воде меру егда сотворил, 018 JOB 028 026 тако видяй сочте, и путь в сотрясении гласов, 018 JOB 028 027 тогда виде ю и поведа ю, уготовав изследи 018 JOB 028 028 и рече человеку: се, благочестие есть премудрость, а еже удалятися от зла есть ведение. 018 JOB 029 001 Еще же приложив Иов, рече в притчах: 018 JOB 029 002 кто мя устроит по месяцам преждних дний, в нихже мя Бог храняше, 018 JOB 029 003 якоже егда светяшеся светилник Его над главою моею, егда светом Его хождах во тме, 018 JOB 029 004 егда бех тяжек в путех, егда Бог посещение творяше дому моему, 018 JOB 029 005 егда бех богат зело, окрест же мене раби, 018 JOB 029 006 егда обливахуся путие мои маслом кравиим, горы же моя обливахуся млеком, 018 JOB 029 007 егда исхождах изутра во град, на стогнах же поставляшеся ми престол? 018 JOB 029 008 Видяще мя юноши скрывашася, старейшины же вси воставаша: 018 JOB 029 009 вельможи же преставаху глаголати, перст возложше на уста своя. 018 JOB 029 010 Слышавшии же блажиша мя, и язык их прильпе гортани их: 018 JOB 029 011 яко ухо слыша и ублажи мя, око же видев мя уклонися. 018 JOB 029 012 Спасох бо убогаго от руки сильнаго, и сироте, емуже не бе помощника, помогох. 018 JOB 029 013 Благословение погибающаго на мя да приидет, уста же вдовича благословиша мя. 018 JOB 029 014 В правду же облачахся, одевахся же в суд яко в ризу. 018 JOB 029 015 Око бех слепым, нога же хромым: 018 JOB 029 016 аз бых отец немощным, распрю же, еяже не ведях, изследих: 018 JOB 029 017 сотрох же членовныя неправедных, от среды же зубов их грабление изях. 018 JOB 029 018 Рех же: возраст мой состареется якоже стебло финиково, многа лета поживу. 018 JOB 029 019 Корень разверзеся при воде, и роса пребудет на жатве моей. 018 JOB 029 020 Слава моя нова со мною, и лук мой в руце моей пойдет. 018 JOB 029 021 (Старейшины) слышавшии мя внимаху, молчаху же о моем совете. 018 JOB 029 022 К моему глаголу не прилагаху, радовахуся же, егда к ним глаголах: 018 JOB 029 023 якоже земля жаждущая ожидает дождя, тако сии моего глаголания. 018 JOB 029 024 Аще возсмеюся к ним, не вериша: и свет лица моего не отпадаше. 018 JOB 029 025 Избрах путь их, и седех князь, и вселяхся якоже царь посреде храбрых, аки утешаяй печальных. 018 JOB 030 001 Ныне же поругашамися малейшии: ныне учат мя от части, ихже отцев уничтожах, ихже не вменях достойными псов моих стад. 018 JOB 030 002 Крепость же рук их во что мне бысть? У них погибаше скончание. 018 JOB 030 003 В скудости и гладе безплоден: иже бежаху в безводное вчера сотеснение и бедность: 018 JOB 030 004 иже обхождаху былие в дебрех, имже былие бяше брашно, безчестнии же и похуленнии, скудни всякаго блага, иже и корение древес жваху от глада великаго. 018 JOB 030 005 Восташа на мя татие, 018 JOB 030 006 ихже домове беша пещеры каменны: 018 JOB 030 007 от среды доброгласных возопиют, иже под хврастием дивиим живяху: 018 JOB 030 008 безумных сынове и безчестных, имя и слава угашена на земли. 018 JOB 030 009 Ныне же гусли есмь аз им, и мене в притчу имут: 018 JOB 030 010 возгнушалися же мною отступивше далече, ни лица моего пощадеша от плюновения. 018 JOB 030 011 Отверз бо тул Свой уязви мя, и узду устам моим наложи. 018 JOB 030 012 На десную отрасли восташа, нозе свои простроша и путесотвориша на мя стези пагубы своея. 018 JOB 030 013 Сотрошася стези моя, совлекоша бо ми одежду. 018 JOB 030 014 Стрелами своими устрели мя: сотвори ми, якоже восхоте: в болезнех скисохся, обращаются же ми скорби. 018 JOB 030 015 Отиде ми надежда якоже ветр, и якоже облак спасение мое. 018 JOB 030 016 И ныне на мя излиется душа моя: и одержат мя дние печалей: 018 JOB 030 017 нощию же кости моя смятошася, жилы же моя разслабеша. 018 JOB 030 018 Многою крепостию ятся за ризу мою: якоже ожерелие ризы моея объя мя. 018 JOB 030 019 Вменяеши же мя равна брению, в земли и пепеле часть моя. 018 JOB 030 020 Возопих же к Тебе, и не услышал мя еси: сташа же и смотриша на мя. 018 JOB 030 021 Наидоша же на мя без милости, рукою крепкою уязвил мя еси: 018 JOB 030 022 вчинил же мя еси в болезнех и отвергл еси мя от спасения. 018 JOB 030 023 Вем бо, яко смерть мя сотрет: дом бо всякому смертну земля. 018 JOB 030 024 Аще бы возможно было, сам бых себе убил, или молил бых иного, дабы ми то сотворил. 018 JOB 030 025 Аз же о всяцем немощнем восплакахся, воздохнух же видев мужа в бедах. 018 JOB 030 026 Аз же ждах благих, и се, сретоша мя паче дние зол. 018 JOB 030 027 Чрево мое воскипе и не умолчит: предвариша мя дние нищеты. 018 JOB 030 028 Стеня ходих без обуздания, стоях же в соборе вопия. 018 JOB 030 029 Брат бых сиринам, друг же птичий. 018 JOB 030 030 Кожа же моя помрачися вельми, и кости моя сгореша от зноя. 018 JOB 030 031 Обратишася же в плачь гусли моя, песнь же моя в рыдание мне. 018 JOB 031 001 Завет положих очима моима, да не помышлю на девицу. 018 JOB 031 002 И что удели Бог свыше, и наследие Всесильнаго от вышних? 018 JOB 031 003 Увы, пагуба неправдивому и отчуждение творящым беззаконие. 018 JOB 031 004 Не Сам ли узрит путь мой и вся стопы моя изочтет? 018 JOB 031 005 Аще ходих с посмеятели, и аще потщася нога моя на лесть, 018 JOB 031 006 стах бо на мериле праведне, виде же Господь незлобие мое. 018 JOB 031 007 Аще уклонися нога моя от пути, аще и вслед ока моего иде сердце мое, и аще рукама моима прикоснухся даров, 018 JOB 031 008 да посею убо, а инии да поядят, без корене же да бых был на земли. 018 JOB 031 009 Аще вслед иде сердце мое жены мужа инаго, и аще приседяй бых при дверех ея, 018 JOB 031 010 угодна убо буди и жена моя иному мужу, младенцы же мои смирени да будут: 018 JOB 031 011 ярость бо гнева не удержана, еже осквернити мужа инаго жену: 018 JOB 031 012 огнь бо есть горяй на вся страны, идеже найдет, из корения погубит. 018 JOB 031 013 Аще же презрех суд раба моего или рабыни, прящымся им предо мною: 018 JOB 031 014 что бо сотворю, аще испытание сотворит ми Господь? Аще же и посещение, кий ответ сотворю? 018 JOB 031 015 Еда не якоже и аз бех во чреве, и тии быша? Бехом же в томже чреве. 018 JOB 031 016 Немощнии же, аще когда чесого требоваху, не не получиша, вдовича же ока не презрех. 018 JOB 031 017 Аще же и хлеб мой ядох един и сирому не преподах от него: 018 JOB 031 018 понеже от юности моея кормих якоже отец, и от чрева матере моея наставлях: 018 JOB 031 019 аще же презрех нага погибающа и не облекох его: 018 JOB 031 020 немощнии же аще не благословиша мя, от стрижения же агнцев моих согрешася плещы их: 018 JOB 031 021 аще воздвигох на сироту руку, надеяся, яко многа помощь мне есть: 018 JOB 031 022 да отпадет убо рамо мое от состава, мышца же моя от лактя да сокрушится: 018 JOB 031 023 страх бо Господень объя мя, и от тягости Его не стерплю. 018 JOB 031 024 Аще вчиних злато в крепость мою и аще на камения многоценная надеяхся, 018 JOB 031 025 аще же и возвеселихся, многу ми богатству сущу, аще же и на безчисленных положих руку мою: 018 JOB 031 026 или не видим солнца возсиявшаго оскудевающа, луны же умаляющияся? Не в них бо есть: 018 JOB 031 027 и аще прельстися отай сердце мое, аще и руку мою положив на устах моих лобзах: 018 JOB 031 028 и сие ми убо в беззаконие превелие да вменится, яко солгах пред Богом Вышним. 018 JOB 031 029 Аще же обрадовахся о падении враг моих, и рече сердце мое: благоже, благоже: 018 JOB 031 030 да услышит убо ухо мое клятву мою, озлославлен же да буду от людий моих озлобляемь. 018 JOB 031 031 Аще же и многажды реша рабыни моя: кто убо дал бы нам от плотей его насытитися, зело мне благу сущу? 018 JOB 031 032 И вне не водворяшеся странник, дверь же моя всякому приходящему отверста бе. 018 JOB 031 033 Аще же и согрешая неволею, скрых грех мой: 018 JOB 031 034 не посрамихся бо народнаго множества, еже не поведати пред ними: аще же и оставих маломощнаго изыти из дверий моих тщим недром: (аще бы не убоялся). 018 JOB 031 035 Кто даст слушающаго мене? Руки же Господни аще бых не убоялся, писание же, еже имех на кого, 018 JOB 031 036 на плещах возложив аки венец, читах, 018 JOB 031 037 и аще не раздрав его отдах, ничтоже взем от должника: 018 JOB 031 038 аще на мя когда земля возстена, аще и бразды ея восплакашася вкупе: 018 JOB 031 039 аще и силу ея ядох един без цены, или аще и душу господина земли взем оскорбих: 018 JOB 031 040 вместо пшеницы да взыдет ми кропива, а вместо ячменя терние. 018 JOB 032 001 И умолча Иов словесы. Умолчаша же и трие друзие его ктому пререковати Иову, бе бо Иов праведен пред ними. 018 JOB 032 002 Разгневася же Елиус сын Варахиилев Вузитянин, от ужичества Арамска Авситидийския страны, разгневася же на Иова зело, занеже нарече себе праведна пред Богом, 018 JOB 032 003 и на триех же другов разгневася зело, яко не возмогоша отвещати противу Иову и судиша его быти нечестива. 018 JOB 032 004 Елиус же терпяше дати ответ Иову, яко старейшии его суть деньми (друзие его). 018 JOB 032 005 И виде Елиус, яко несть ответа во устех триех мужей, и возярися гневом своим. 018 JOB 032 006 Отвещав же Елиус сын Варахиилев Вузитянин, рече: юнейший убо есмь леты, вы же есте старейшии: темже молчах, убоявся возвестити вам хитрость мою: 018 JOB 032 007 рех же: время есть глаголющее, и во мнозех летех ведят премудрость, 018 JOB 032 008 но дух есть в человецех, дыхание же Вседержителево есть научающее: 018 JOB 032 009 не многолетнии суть премудри, ниже старии ведят суд: 018 JOB 032 010 темже рех: послушайте мене, и возвещу вам, яже вем, внушите глаголы моя: 018 JOB 032 011 реку бо вам послушающым, дондеже испытаете словеса, и даже вас уразумею, 018 JOB 032 012 и се, не бе Иова обличаяй, отвещаяй противно глаголом его от вас: 018 JOB 032 013 да не речете: обретохом премудрость, Господеви приложившеся: 018 JOB 032 014 человеку же попустисте глаголати таковая словеса: 018 JOB 032 015 ужаснушася, не отвещаша ктому, обетшаша от них словеса: 018 JOB 032 016 терпех, не глаголах бо, яко сташа, не отвещаша, яко да отвещаю и аз часть. 018 JOB 032 017 Отвеща же Елиус, глаголя: 018 JOB 032 018 паки возглаголю, исполнен бо есмь словес: убивает бо мя дух чрева: 018 JOB 032 019 чрево же мое яко мех мста вряща завязан, или якоже мех коваческий расторгнутый: 018 JOB 032 020 возглаголю, да почию, отверз уста: 018 JOB 032 021 человека бо не постыждуся, но ниже бреннаго посрамлюся: 018 JOB 032 022 не вем бо чудитися лицу: аще же ни, то и мене молие изядят. 018 JOB 033 001 Но послушай, Иове, словес моих и беседу мою внуши: 018 JOB 033 002 се бо, отверзох уста моя, и возглагола язык мой: 018 JOB 033 003 чисто сердце мое во словесех, разум же устну моею чистая уразумеет: 018 JOB 033 004 Дух Божий сотворивый мя, дыхание же Вседержителево поучающее мя: 018 JOB 033 005 аще можеши, даждь ми ответ к сим: потерпи, стани противу мене, и аз противу тебе. 018 JOB 033 006 От брения сотворен еси ты, якоже и аз: от тогожде сотворения есмы: 018 JOB 033 007 не страх мой тя смятет, ниже рука моя тяжка будет на тя. 018 JOB 033 008 Обаче рекл еси во ушы мои, и глас глагол твоих услышах, занеже глаголеши: 018 JOB 033 009 чист есмь аз, не согрешая, непорочен же есмь, ибо не беззаконновах: 018 JOB 033 010 зазор же на мя обрете и мнит мя, яко противника Себе: 018 JOB 033 011 вложи же ногу мою в древо и надсмотрял пути моя вся. 018 JOB 033 012 Како бо глаголеши, яко прав есмь, и не послуша мене? Вечен бо есть, иже над земными. 018 JOB 033 013 Глаголеши бо: чесо ради правды моея не услыша всяко слово? 018 JOB 033 014 Единою бо возглаголет Господь, второе же во сне, или в поучении нощнем, 018 JOB 033 015 или, яко егда нападает страх лют на человеки, во дреманиих на ложи: 018 JOB 033 016 тогда открыет ум человеческий, виденьми страха тацеми их устрашит, 018 JOB 033 017 да возвратит человека от неправды, тело же его от падения избави, 018 JOB 033 018 пощаде же душу его от смерти, еже не пасти ему на брани. 018 JOB 033 019 Паки же обличи его болезнию на ложи и множество костей его разслаби: 018 JOB 033 020 всякаго же брашна пшенична не возможет прияти, а душа его яди хощет, 018 JOB 033 021 дондеже согниют плоти его, и покажет кости его тощя: 018 JOB 033 022 приближися же на смерть душа его, и живот его во аде. 018 JOB 033 023 Аще будет тысяща Ангел смертоносных, един от них не уязвит его: аще помыслит сердцем обратитися ко Господу, повесть же человеку свой зазор, и безумие свое покажет, 018 JOB 033 024 заступит е, еже не впасти ему в смерть, обновит же тело его якоже повапление на стене, кости же его исполнит мозга: 018 JOB 033 025 умягчит же его плоть якоже младенца, и устроит его возмужавша в человецех. 018 JOB 033 026 Помолится же ко Господу и прият им будет, внидет же лицем веселым со исповеданием, воздаст же человеком правду свою. 018 JOB 033 027 Посем тогда зазрит человек сам себе, глаголя: яковая содевах? И не по достоинству истяза мя, о нихже согреших: 018 JOB 033 028 спаси душу мою, еже не внити во истление, и жизнь моя свет узрит. 018 JOB 033 029 Се, сия вся творит Крепкий (Бог) пути три с мужем: 018 JOB 033 030 но избави душу мою от смерти, да живот мой во свете хвалит его. 018 JOB 033 031 Внимай, Иове, и послушай мене, премолчи, и аз возглаголю: 018 JOB 033 032 и аще тебе суть словеса, отвещай ми: глаголи, хощу бо оправдитися тебе: 018 JOB 033 033 аще же ни, ты послушай мене, умолчи, и научу тя премудрости. 018 JOB 034 001 Отвещав же Елиус, рече: 018 JOB 034 002 послушайте мене, премудрии: сведущии, внушите (доброе), 018 JOB 034 003 яко ухо словеса искушает, гортань же вкушает брашна. 018 JOB 034 004 Суд изберем себе, уразумеем посреде себе, что лучшее. 018 JOB 034 005 Яко рече Иов: праведен есмь, Господь отят ми суд, 018 JOB 034 006 солга же суду моему: насильна стрела моя без неправды. 018 JOB 034 007 Кто муж, якоже Иов, пияй поругание, якоже воду, 018 JOB 034 008 не согрешая, ниже нечествовав, ниже приобщився к творящым беззакония, еже ходити с нечестивыми? 018 JOB 034 009 Не рцы бо, яко несть посещения мужеви, и посещения ему от Господа. 018 JOB 034 010 Темже, разумивии сердцем, послушайте мене, не буди ми пред Господем нечествовати и пред Вседержителем возмутити правду: 018 JOB 034 011 но воздает человекови, якоже творит кийждо их, и на стези мужестей обрящет и. 018 JOB 034 012 Мниши же Господа нелепая сотворити, или Вседержитель смятет суд, иже сотвори землю? 018 JOB 034 013 Кто же есть творяй поднебесную и яже в ней всяческая? 018 JOB 034 014 Аще бо восхощет запретити и дух у Себе удержати, 018 JOB 034 015 умрет всяка плоть вкупе, всяк же человек в землю пойдет, отнюдуже и создан бысть. 018 JOB 034 016 Аще же не увещаешися, послушай сих, внуши глас глагол. 018 JOB 034 017 Виждь ты ненавидящаго беззаконная и губящаго лукавыя, суща, вечна, праведна. 018 JOB 034 018 Нечестив есть глаголяй цареви, закон преступаеши, нечестивейше, князем: 018 JOB 034 019 иже не постыдеся лица честнаго, ниже весть честь возложити сильным, удивитися лицам их. 018 JOB 034 020 Тще же им сбудется, еже возопити и молити мужа: зане употребиша беззаконно, безчестяще немощных. 018 JOB 034 021 Той бо зритель есть дел человеческих, утаися же от Него ничтоже от тех, яже творят: 018 JOB 034 022 ниже будет место укрытися творящым беззаконная: 018 JOB 034 023 яко не на мужа положит еще. 018 JOB 034 024 Господь бо всех видит, постизаяй неизследная, славная же и изрядная, имже несть числа, 018 JOB 034 025 сведый их дела, и обратит нощь, и смирятся. 018 JOB 034 026 Угаси же нечестивыя, видими же пред ним: 018 JOB 034 027 яко уклонишася от закона Божия, оправданий же Его не познаша, 018 JOB 034 028 еже вознести к Нему вопль нищих, и вопль убогих услышит. 018 JOB 034 029 И Той тишину подаст, и кто осудит? И сокрыет лице, и кто узрит Его? И на язык, и на человека вкупе, 018 JOB 034 030 иже поставляет царем человека лицемера за строптивость людий. 018 JOB 034 031 Яко к Крепкому глаголяй: взях, не отиму вместо залога: 018 JOB 034 032 без мене узрю, Ты покажи ми: аще неправду соделах, не имам приложити. 018 JOB 034 033 Еда от тебе истяжет ю, яко ты отринеши, яко ты избереши, а не аз ли? И что разумееши? Глаголи. 018 JOB 034 034 Темже смысленнии сердцем рекут сия, муж же премудр услыша глагол мой. 018 JOB 034 035 Иов же не в разуме глаголаше, словеса же его не в хитрости. 018 JOB 034 036 Обаче навыкни, Иове, не даждь еще ответа, якоже немудрии: 018 JOB 034 037 да не приложим на грехи нашя: беззаконие же на нас вменится, многая глаголющих словеса на Господа. 018 JOB 035 001 Отвещав же еще Елиус, рече: 018 JOB 035 002 что сие мнил еси на суде? Ты кто еси, яко рекл еси: прав есмь пред Господем? 018 JOB 035 003 Или речеши: что сотворю согрешив? 018 JOB 035 004 Аз же ти дам ответ и трием другом твоим. 018 JOB 035 005 Воззри на небо и виждь: смотри же на облаки, коль высоки суть от тебе. 018 JOB 035 006 Аще согрешил еси, что сотвориши? Аще же и много беззаконновал еси, что можеши сотворити? 018 JOB 035 007 Понеже убо праведен еси, что даси Ему? Или что из руки твоея возмет? 018 JOB 035 008 Мужеви подобному тебе нечестие твое, и сыну человеческому правда твоя. 018 JOB 035 009 От множества оклеветаемии воззовут, возопиют от мышцы многих: 018 JOB 035 010 и не рече: где есть Бог сотворивый мя, устрояяй стражбы нощныя, 018 JOB 035 011 отделяяй мя от четвероногих земных и от небесных птиц? 018 JOB 035 012 Тамо воззовут, и не имаши услышати, и от досады злых. 018 JOB 035 013 Безместная бо видети не хощет Господь: Сам бо Вседержитель зритель есть творящих беззаконная, и спасет мя. 018 JOB 035 014 Судися же пред Ним, аще можеши похвалити Его, якоже есть и ныне. 018 JOB 035 015 Яко несть посещаяй гневом Своим, и не позна прегрешения коеголибо зело. 018 JOB 035 016 Иов же всуе отверзает уста своя, неведением словеса отягощает. 018 JOB 036 001 Приложив же еще Елиус, рече: 018 JOB 036 002 пожди ми мало еще, да тя научу: еще бо у мене есть слово. 018 JOB 036 003 Приим хитрость мою отдалеча, делы же моими праведная реку воистинну: 018 JOB 036 004 и не неправедны глаголы без правды уразумееши. 018 JOB 036 005 Виждь же, яко Господь не отринет незлобиваго: 018 JOB 036 006 силен крепостию сердца нечестивых не оживит и суд нищым даст, 018 JOB 036 007 не отимет от правдиваго очес Своих, и со цари на престоле посадит их на победу, и вознесутся. 018 JOB 036 008 Связаннии в ручных узах яти будут ужами нищеты, 018 JOB 036 009 и возвестит им дела их и прегрешение их, яко укрепятся: 018 JOB 036 010 но правдиваго услышит, и рече, яко обратятся от неправды. 018 JOB 036 011 Аще услышат и поработают, скончают дни своя во благих и лета своя в благолепоте: 018 JOB 036 012 нечестивых же не спасет, зане не хотеша познати Господа и занеже учими не послушливи беша. 018 JOB 036 013 И лицемери сердцем возмутят ярость: не возопиют, яко связа их: 018 JOB 036 014 да умрет убо в юности душа их, житие же их уязвляемо Ангелы, 018 JOB 036 015 занеже оскорбиша недужна и немощна, суд же кротких изложит. 018 JOB 036 016 Еще же исторгну тя от уст вражиих: бездна, пролитие под нею, и сниде трапеза твоя исполнена тука. 018 JOB 036 017 Не оскудеет же от праведных суд: 018 JOB 036 018 ярость же на нечестивыя будет, нечестия ради даров их, ихже приимаху на неправде. 018 JOB 036 019 Да не уклонит тя волею ум от мольбы в беде сущих немощных и всех содержащих крепость. 018 JOB 036 020 Не привлецы нощи, еже взыти людем вместо их: 018 JOB 036 021 но сохранися, да не содееши зла: сих бо ради изят еси от нищеты. 018 JOB 036 022 Се, Крепкий удержит крепостию Своею: кто бо есть, якоже Той, силен? 018 JOB 036 023 И кто есть испытуяй дел Его? Или кто рекий: содея неправду? 018 JOB 036 024 Помяни, яко велия дела Его суть, имиже владеша мужие. 018 JOB 036 025 Всяк человек видит в себе, елицы уязвляеми суть человецы. 018 JOB 036 026 Се, Крепкий великий, и не увемы: число лет Его безконечное: 018 JOB 036 027 изочтенны же ему суть капли дождевныя, и излиются дождем во облак: 018 JOB 036 028 потекут обетшания, осениша же облацы над премногими людьми: время постави скоту, ведят же ложа чин. О всех сих не дивитлитися ум, и не изменяетлися ти сердце от тела? 018 JOB 036 029 И аще уразумеет простертие облака, равенство скинии Его: 018 JOB 036 030 се, простирает на ню свет и корения морская покры: 018 JOB 036 031 теми бо судит людем, даст пищу могущему. 018 JOB 036 032 На руку покры свет и заповеда о нем сретающему: 018 JOB 036 033 возвестит о нем другу своему Господь, стяжание, и о неправде. 018 JOB 037 001 И от сих возмятеся сердце мое и отторжеся от места своего. 018 JOB 037 002 Послушай слуха во гневе ярости Господни, и поучение изо уст Его изыдет. 018 JOB 037 003 Под всем небом началство его, и свет его на крилу земли. 018 JOB 037 004 Вслед его возопиет гласом, возгремит гласом величия Своего, и не изменит их, яко услышит глас Его. 018 JOB 037 005 Возгремит Крепкий гласом Своим дивная: сотвори бо велия, ихже не ведахом. 018 JOB 037 006 Повелеваяй снегу: буди на земли, и буря дождя, и буря дождев могутства Его. 018 JOB 037 007 В руце всякаго человека знаменает, да познает всяк человек свою немощь. 018 JOB 037 008 Внидоша же зверие под кров и умолкоша на ложи. 018 JOB 037 009 Из хранилищ внутренних находят болезни, и от внешних стран студень. 018 JOB 037 010 И от дыхания Крепка даст лед: управляет же воду, якоже хощет, 018 JOB 037 011 и избранное устрояет облак: разженет облак свет Его, 018 JOB 037 012 и Сам окрестная превратит, якоже хощет, в дела их: вся, елика заповесть им, сия чиноположена суть от Него на земли, 018 JOB 037 013 аще в наказание, аще на землю свою, аще на милость обрящет и. 018 JOB 037 014 Внуши сия, Иове: стани учайся силе Господни. 018 JOB 037 015 Вемы, яко Господь положи дела Своя, свет сотворив из тмы. 018 JOB 037 016 Весть же различие облаков и велия падения злых. 018 JOB 037 017 Твоя же одежда тепла, почивает же на земли от юга. 018 JOB 037 018 Утверждения с Ним в древности, крепка якоже видение слития. 018 JOB 037 019 Чесо ради, научи мя, что речем Ему? И престанем многа глаголюще. 018 JOB 037 020 Еда книга, или книгочиа ми предстоит? Да стоящь сотворю человеку молчати. 018 JOB 037 021 Не всем же видимь свет: светлый есть в древностех, якоже еже от него на облацех. 018 JOB 037 022 От севера облацы златозарни: в сих велия слава и честь Вседержителева. 018 JOB 037 023 И не обретаем иного подобна крепости Его: иже судит праведно, мниши ли, яко не слышит Той? 018 JOB 037 024 Темже убоятся Его человецы: убоятся же Его и премудрии сердцем. 018 JOB 038 001 Преставшу же Елиусу от беседы, рече Господь Иову сквозе бурю и облаки: 018 JOB 038 002 кто сей скрываяй от Мене совет, содержай же глаголы в сердцы, Мене же ли мнится утаити? 018 JOB 038 003 Препояши яко муж чресла твоя: вопрошу же тя, ты же Ми отвещай. 018 JOB 038 004 Где был еси, егда основах землю? Возвести ми, аще веси разум. 018 JOB 038 005 Кто положи меры ея, аще веси? Или кто наведый вервь на ню? 018 JOB 038 006 На чемже столпи ея утверждени суть? Ктоже есть положивый камень краеуголный на ней? 018 JOB 038 007 Егда (сотворены) быша звезды, восхвалиша Мя гласом велиим вси Ангели Мои. 018 JOB 038 008 Заградих же море враты, егда изливашеся из чрева матере своея исходящее: 018 JOB 038 009 положих же ему облак во одеяние, мглою же пових е: 018 JOB 038 010 и положих ему пределы, обложив затворы и врата: 018 JOB 038 011 рех же ему: до сего дойдеши и не прейдеши, но в тебе сокрушатся волны твоя. 018 JOB 038 012 Или при тебе составих свет утренний, денница же весть чин свой, 018 JOB 038 013 ятися крил земли, оттрясти нечестивыя от нея? 018 JOB 038 014 Или ты, брение взем, от земли создал еси животно, и глаголиваго сего посадил еси на земли? 018 JOB 038 015 Отял же ли еси от нечестивых свет, мышцу же гордых сокрушил ли еси? 018 JOB 038 016 Пришел же ли еси на источники моря, во следах же бездны ходил ли еси? 018 JOB 038 017 Отверзаются же ли тебе страхом врата смертная, вратницы же адовы видевше тя убояшася ли? 018 JOB 038 018 Навыкл же ли еси широты поднебесныя? Повеждь убо ми, колика есть? 018 JOB 038 019 В коей же земли вселяется свет, тме же кое есть место? 018 JOB 038 020 Аще убо введеши мя в пределы их, аще же ли и веси стези их? 018 JOB 038 021 Вем убо, яко тогда рожден еси, число же лет твоих много. 018 JOB 038 022 Пришел же ли еси в сокровища снежная, и сокровища градная видел ли еси? 018 JOB 038 023 Подлежат же ли тебе в час врагов, в день браней и рати? 018 JOB 038 024 Откуду же исходит слана, или разсыпается юг на поднебесную? 018 JOB 038 025 Кто же уготова дождю велию пролияние, и путь молнии и грома, 018 JOB 038 026 одождити на землю, на нейже несть мужа, пустыню, идеже человека несть в ней, 018 JOB 038 027 насытити непроходиму и ненаселену, и прозябнути исход злака? 018 JOB 038 028 Кто есть дождю отец? Кто же есть родивый капли росныя? 018 JOB 038 029 Из чиего чрева исходит лед? Слану же на небеси кто родил, 018 JOB 038 030 яже нисходит яко вода текущая? Лице нечестива кто устраши? 018 JOB 038 031 Разумел же ли еси соуз Плиад, и ограждение Орионово отверзл ли еси? 018 JOB 038 032 Или отверзеши знамения небесная во время свое? И вечернюю звезду за власы ея привлечеши ли? 018 JOB 038 033 Веси же ли пременения небесная, или бывающая вкупе под небесем? 018 JOB 038 034 Призовеши же ли облак гласом? И трепетом воды великия послушает ли тя? 018 JOB 038 035 Послеши же ли молнии, и пойдут? Рекут же ли ти: что есть? 018 JOB 038 036 Кто же дал есть женам ткания мудрость, или испещрения хитрость? 018 JOB 038 037 Кто же изчисляяй облаки премудростию, небо же на землю преклонил, 018 JOB 038 038 разлияся же яко земля прах, спаях же е, аки каменем, на четыри углы? 018 JOB 038 039 Уловиши же ли львам ядь, и душы змиев насытиши ли? 018 JOB 038 040 Убояшася бо на ложах своих и седят в дебрех уловляюще. 018 JOB 038 041 Кто же врану уготова пищу? Птичищи бо его ко Господу воззваша, облетающе брашна ищуще. 018 JOB 039 001 Аще уразумел еси время рождения коз живущих на горах каменных? Усмотрил же ли еси болезнь при рождении еленей? 018 JOB 039 002 Изчислил же ли еси месяцы их исполнены рождения их, болезни же их разрешил ли еси? 018 JOB 039 003 Вскормил же ли еси детищы их вне страха, болезни же их отслеши ли? 018 JOB 039 004 Извергнут чада своя, умножатся в порождении, изыдут и не возвратятся к ним. 018 JOB 039 005 Кто же есть пустивый осла дивияго свободна, узы же его кто разрешил? 018 JOB 039 006 Положих же жилище его пустыню и селения его сланость: 018 JOB 039 007 смеяйся многу народу града, стужания же данническаго не слышай, 018 JOB 039 008 усмотрит на горах пажить себе и вслед всякаго злака ищет. 018 JOB 039 009 Похощет же ли ти единорог работати, или поспати при яслех твоих? 018 JOB 039 010 Привяжеши ли ремением иго его, и провлечет ти бразды на поли? 018 JOB 039 011 Надеешилися нань, яко многа крепость его? Попустиши же ли ему дела твоя? 018 JOB 039 012 Повериши же ли, яко воздаст ти семя? Внесет же ли ти в гумно? 018 JOB 039 013 Крило веселящихся нееласса, аще зачнет асида и несса? 018 JOB 039 014 Яко оставит на земли яица своя, и на персти согреет, 018 JOB 039 015 и забы, яко нога разбиет, и зверие селнии поперут: 018 JOB 039 016 ожесточися на чада своя, аки бы не ея, вотще трудися без страха, 018 JOB 039 017 яко сокры Бог ей премудрость и не удели ей в разуме: 018 JOB 039 018 во время же на высоту вознесет, посмеется коню и седящему на нем. 018 JOB 039 019 Или ты обложил еси коня силою, и облекл же ли еси выю его в страх? 018 JOB 039 020 Обложил же ли еси его всеюружием, славу же персей его дерзостию? 018 JOB 039 021 Копытом копая на поли играет и исходит на поле с крепостию: 018 JOB 039 022 сретая стрелы посмеявается и не отвратится от железа: 018 JOB 039 023 над ним играет лук и мечь, 018 JOB 039 024 и гневом потребит землю и не имать веры яти, дондеже вострубит труба: 018 JOB 039 025 трубе же вострубившей глаголет, благоже: издалеча же обоняет рать, со скаканием и ржанием. 018 JOB 039 026 И твоею ли хитростию стоит ястреб, распростер криле недвижимь, зря на юг? 018 JOB 039 027 Твоим же ли повелением возносится орел, неясыть же на гнезде своем седя вселяется, 018 JOB 039 028 на версе камене и в сокровене? 018 JOB 039 029 Тамо же сый ищет брашна, издалеча очи его наблюдают, 018 JOB 039 030 птичищи же его валяются в крови: идеже аще будут мертвечины, абие обретаются. 018 JOB 040 001 И отвеща Господь Бог ко Иову и рече: 018 JOB 040 002 еда суд со Всесильным укланяется? Обличаяй же Бога отвещати имать Ему. 018 JOB 040 003 Отвещав же Иов, рече Господеви: 018 JOB 040 004 почто еще аз прюся, наказуемь и обличаемь от Господа, слышай таковая ничтоже сый? Аз же кий ответ дам к сим? Руку положу на устех моих: 018 JOB 040 005 единою глаголах, вторицею же не приложу. 018 JOB 040 006 Паки же отвещав Господь, рече ко Иову из облака: 018 JOB 040 007 ни, но препояши яко муж чресла твоя: вопрошу же тя, ты же Ми отвещай. 018 JOB 040 008 Не отвергай суда Моего: мниши ли Мя инако тебе сотворша, разве да явишися правдив? 018 JOB 040 009 Еда мышца ти есть на Господа, или гласом на Него гремиши? 018 JOB 040 010 Приими же высоту и силу, в славу же и в честь облецыся: 018 JOB 040 011 пусти же Ангелы гневом и всякаго укорителя смири, 018 JOB 040 012 величава же угаси и согной нечестивыя абие: 018 JOB 040 013 скрый же в землю вне вкупе и лица их безчестия исполни. 018 JOB 040 014 Исповем, яко может десница твоя спасти. 018 JOB 040 015 Но убо се, зверие у тебе, траву аки волове ядят: 018 JOB 040 016 се убо, крепость его на чреслех, сила же его на пупе чрева: 018 JOB 040 017 постави ошиб яко кипарис, жилы же его (яко уже) сплетены суть, 018 JOB 040 018 ребра его ребра медяна, хребет же его железо слияно. 018 JOB 040 019 Сиесть начало создания Господня: сотворен поруган быти Ангелы Его: 018 JOB 040 020 возшед же на гору стреминную, сотвори радость четвероногим в тартаре: 018 JOB 040 021 под всяким древом спит, при рогозе и тростии и ситовии: 018 JOB 040 022 осеняют же над ним древеса велика с леторасльми и ветви напольныя: 018 JOB 040 023 аще будет наводнение, не ощутит: уповает, яко внидет Иордан во уста его: 018 JOB 040 024 во око свое возмет его, ожесточився продиравит ноздри. 018 JOB 041 001 Извлечеши ли змиа удицею, или обложиши узду о ноздрех его? 018 JOB 041 002 Или вдежеши колце в ноздри его? Шилом же провертиши ли устне его? 018 JOB 041 003 Возглаголет же ли ти с молением, (или) с прошением кротко? 018 JOB 041 004 Сотворит же ли завет с тобою? Поймеши же ли его раба вечна? 018 JOB 041 005 Поиграеши же ли с ним, якоже со птицею, или свяжеши его яко врабия детищу? 018 JOB 041 006 Питаются ли же им языцы, и разделяют ли его Финикийстии народи? 018 JOB 041 007 Вся же плавающая собравшеся не подимут кожи единыя ошиба его, и корабли рыбарей главы его. 018 JOB 041 008 Возложиши же ли нань руку, воспомянув брань бывающую на теле его? И ктому да не будет. 018 JOB 041 009 Не видел ли еси его, и глаголемым не удивился ли еси? Не убоялся ли еси, яко уготовася Ми? 018 JOB 041 010 Кто бо есть противляяйся Мне, или кто противостанет Ми и стерпит, 018 JOB 041 011 аще вся поднебесная Моя есть? 018 JOB 041 012 Не умолчу его ради и словом силы помилую равнаго ему. 018 JOB 041 013 Кто открыет лице облечения его, в согбение же персей его кто внидет? 018 JOB 041 014 Двери лица его кто отверзет? Окрест зубов его страх, 018 JOB 041 015 утроба его щиты медяны, союз же его якоже смирит камень, 018 JOB 041 016 един ко другому прилипают, дух же не пройдет его: 018 JOB 041 017 яко муж брату своему прилепится, содержатся и не отторгнутся. 018 JOB 041 018 В чхании его возблистает свет: очи же его видение денницы. 018 JOB 041 019 Из уст его исходят аки свещы горящыя, и размещутся аки искры огненныя: 018 JOB 041 020 из ноздрей его исходит дым пещи горящия огнем углия: 018 JOB 041 021 душа же его яко углие, и яко пламы из яст его исходит. 018 JOB 041 022 На выи же его водворяется сила, пред ним течет пагуба. 018 JOB 041 023 Плоти же телесе его сольпнушася: лиет нань, и не подвижится. 018 JOB 041 024 Сердце его ожесте аки камень, стоит же аки наковальня неподвижна. 018 JOB 041 025 Обращшуся же ему, страх зверем четвероногим по земли скачущым. 018 JOB 041 026 Аще срящут его копия, ничтоже сотворят ему, копие вонзено и броня: 018 JOB 041 027 вменяет бо железо аки плевы, медь же аки древо гнило: 018 JOB 041 028 не уязвит его лук медян, мнит бо каменометную пращу аки сено: 018 JOB 041 029 аки стеблие вменишася ему млатове, ругаетжеся трусу огненосному. 018 JOB 041 030 Ложе его остни острии, всяко же злато морское под ним, якоже брение безчисленно. 018 JOB 041 031 Возжизает бездну, якоже пещь медяну: мнит же море яко мироварницу 018 JOB 041 032 и тартар бездны якоже пленника: вменил бездну в прохождение. 018 JOB 041 033 Ничтоже есть на земли подобно ему сотворено, поругано быти Ангелы Моими: 018 JOB 041 034 все высокое зрит: сам же царь всем сущым в водах. 018 JOB 042 001 Отвещав же Иов, рече ко Господу: 018 JOB 042 002 вем, яко вся можеши, невозможно же Тебе ничтоже. 018 JOB 042 003 Кто есть таяй от Тебе совет, щадяй же словеса и от Тебе мнится утаити? Кто же возвестит ми, ихже не ведех, велия и дивная, ихже не знах? 018 JOB 042 004 Послушай же мене, Господи, да и аз возглаголю: вопрошу же Тя, ты же мя научи: 018 JOB 042 005 слухом убо уха слышах Тя первее, ныне же око мое виде Тя: 018 JOB 042 006 темже укорих себе сам, и истаях, и мню себе землю и пепел. 018 JOB 042 007 Бысть же егда изглагола Господь вся глаголголы сия Иову, рече Господь ко Елифазу Феманитину: согрешил еси ты и оба друзие твои: не глаголасте бо предо Мною ничтоже истинно, якоже раб Мои Иов: 018 JOB 042 008 ныне же возмите седмь телцев и седмь овнов и идите ко рабу Моему Иову, и сотворит жертву о вас: Иов же раб Мой помолится о вас, понеже точию лице его прииму: аще бо не его ради, погубил бых убо вас: не глаголасте бо истины на раба Моего Иова. 018 JOB 042 009 Отиде же Елифаз Феманитин и Валдад Савхейский и Софар Минейский и сотвориша, якоже повеле им Господь. И отпусти грехи им Иова ради. 018 JOB 042 010 Господь же возрасти Иова: молящуся же ему и о друзех своих, отпусти им грехи их, и даде Господь сугубая, елика бяху прежде Иову во усугубление. 018 JOB 042 011 Услышаша же вси братия его и сестры его вся случившаяся ему, и приидоша к нему, и вси елицы знаху его первее: ядше же и пивше у него, утешиша его и дивишася о всех, яже наведе нань Бог: даде же ему кийждо агницу едину и четыре драхмы злата назнаменована. 018 JOB 042 012 Господь же благослови последняя Иовля, неже прежняя: бяху же скоти его, овец четыренадесять тысящ, велблюдов шесть тысящ, супруг волов тысяща, ослиц стадных тысяща. 018 JOB 042 013 Родишажеся ему сынове седмь и дщери три: 018 JOB 042 014 и нарече первую убо День, вторую же Кассию, третию же Амалфеев Рог: 018 JOB 042 015 и не обретошася подобны в лепоте дщерем Иовлевым в поднебесней: даде же им отец наследие в братии их. 018 JOB 042 016 Поживе же Иов по язве лет сто седмьдесят, всех же лет поживе двести четыредесять осмь. И виде Иов сыны своя и сыны сынов своих, даже до четвертаго рода. 018 JOB 042 017 И скончася Иов стар и исполнь дний. # # BOOK 019 PSA Psalms Псалтирь 019 PSA 001 001 Блажен муж, иже не иде на совет нечестивых, и на пути грешных не ста, и на седалищи губителей не седе: 019 PSA 001 002 но в законе Господни воля его, и в законе Его поучится день и нощь. 019 PSA 001 003 И будет яко древо насажденое при исходищих вод, еже плод свой даст во время свое, и лист его не отпадет: и вся, елика аще творит, успеет. 019 PSA 001 004 Не тако нечестивии, не тако: но яко прах, егоже возметает ветр от лица земли. 019 PSA 001 005 Сего ради не воскреснут нечестивии на суд, ниже грешницы в совет праведных. 019 PSA 001 006 Яко весть Господь путь праведных, и путь нечестивых погибнет. 019 PSA 002 001 Вскую шаташася языцы, и людие поучишася тщетным? 019 PSA 002 002 Предсташа царие земстии, и князи собрашася вкупе на Господа и на Христа Его. 019 PSA 002 003 Расторгнем узы их и отвержем от нас иго их. 019 PSA 002 004 Живый на небесех посмеется им, и Господь поругается им. 019 PSA 002 005 Тогда возглаголет к ним гневом Своим и яростию Своею смятет я: 019 PSA 002 006 Аз же поставлен есмь Царь от Него над Сионом, горою святою Его, 019 PSA 002 007 возвещаяй повеление Господне. Господь рече ко Мне: Сын Мой еси Ты, Аз днесь родих Тя: 019 PSA 002 008 проси от Мене, и дам ти языки достояние Твое, и одержание Твое концы земли: 019 PSA 002 009 упасеши я жезлом железным, яко сосуды скудельничи сокрушиши я. 019 PSA 002 010 И ныне, царие, разумейте, накажитеся вси судящии земли. 019 PSA 002 011 Работайте Господеви со страхом, и радуйтеся Ему со трепетом. 019 PSA 002 012 Приимите наказание, да не когда прогневается Господь, и погибнете от пути праведнаго, егда возгорится вскоре ярость Его: блажени вси надеющиися Нань. 019 PSA 003 001 Псалом Давиду, внегда отбегаше от лица Авессалома сына своего. Господи, что ся умножиша стужающии ми? Мнози востают на мя, 019 PSA 003 002 мнози глаголют души моей: несть спасения ему в Бозе его. 019 PSA 003 003 Ты же, Господи, заступник мой еси, слава моя, и возносяй главу мою. 019 PSA 003 004 Гласом моим ко Господу воззвах, и услыша мя от горы святыя Своея. 019 PSA 003 005 Аз уснух, и спах, востах, яко Господь заступит мя. 019 PSA 003 006 Не убоюся от тем людий, окрест нападающих на мя. 019 PSA 003 007 Воскресени, Господи, спаси мя, Боже мой: яко Ты поразил еси вся враждующыя ми всуе, зубы грешников сокрушил еси. 019 PSA 003 008 Господне есть спасение, и на людех Твоих благословение Твое. 019 PSA 004 001 В конец, в песнех, Псалом Давиду. Внегда призвати ми, услыша мя Бог правды моея: в скорби распространил мя еси: ущедри мя и услыши молитву мою. 019 PSA 004 002 Сынове человечестии, доколе тяжкосердии? Вскую любите суету и ищете лжи? 019 PSA 004 003 И уведите, яко удиви Господь преподобнаго Своего. Господь услышит мя, внегда воззвати ми к Нему. 019 PSA 004 004 Гневайтеся, и не согрешайте, яже глаголете в сердцах ваших, на ложах ваших умилитеся: 019 PSA 004 005 пожрите жертву правды и уповайте на Господа. 019 PSA 004 006 Мнози глаголют: кто явит нам благая? Знаменася на нас свет лица Твоего, Господи. 019 PSA 004 007 Дал еси веселие в сердцы моем: от плода пшеницы, вина и елеа своего умножишася: 019 PSA 004 008 в мире вкупе усну и почию, яко Ты, Господи, единаго на уповании вселил мя еси. 019 PSA 005 001 О наследствующем, Псалом Давиду. Глаголы моя внуши, Господи, разумей звание мое. 019 PSA 005 002 Вонми гласу моления моего, Царю мой и Боже мой: яко к Тебе помолюся, Господи. 019 PSA 005 003 Заутра услыши глас мой: заутра предстану Ти, и узриши мя: 019 PSA 005 004 яко Бог не хотяй беззакония Ты еси: не приселится к Тебе лукавнуяй, 019 PSA 005 005 ниже пребудут беззаконницы пред очима Твоима: возненавидел еси вся делающыя беззаконие, 019 PSA 005 006 погубиши вся глаголющыя лжу: мужа кровей и льстива гнушается Господь. 019 PSA 005 007 Аз же множеством милости Твоея вниду в дом Твой, поклонюся ко храму святому Твоему, в страсе Твоем. 019 PSA 005 008 Господи, настави мя правдою Твоею, враг моих ради исправи пред Тобою путь мой. 019 PSA 005 009 Яко несть во устех их истины, сердце их суетно, гроб отверст гортань их, языки своими льщаху. 019 PSA 005 010 Суди им, Боже, да отпадут от мыслей своих: по множеству нечестия их изрини я, яко преогорчиша Тя, Господи. 019 PSA 005 011 И да возвеселятся вси уповающии на Тя, во век возрадуются, и вселишися в них: и похвалятся о Тебе любящии имя Твое. 019 PSA 005 012 Яко Ты благословиши праведника, Господи, яко оружием благоволения венчал еси нас. 019 PSA 006 001 В конец, в песнех о осмем, псалом Давиду. Господи, да не яростию Твоею обличиши мене, ниже гневом Твоим накажеши мене. 019 PSA 006 002 Помилуй мя, Господи, яко немощен есмь: изцели мя, Господи, яко смятошася кости моя, 019 PSA 006 003 и душа моя смятеся зело: и Ты, Господи, доколе? 019 PSA 006 004 Обратися, Господи, избави душу мою, спаси мя ради милости Твоея: 019 PSA 006 005 яко несть в смерти поминаяй Тебе, во аде же кто исповестся Тебе? 019 PSA 006 006 Утрудихся воздыханием моим, измыю на всяку нощь ложе мое, слезами моими постелю мою омочу. 019 PSA 006 007 Смятеся от ярости око мое, обетшах во всех вразех моих. 019 PSA 006 008 Отступите от мене, вси делающии беззаконие, яко услыша Господь глас плача моего, 019 PSA 006 009 услыша Господь моление мое, Господь молитву мою прият. 019 PSA 006 010 Да постыдятся и смятутся вси врази мои, да возвратятся и устыдятся зело вскоре. 019 PSA 007 001 Псалом Давиду, егоже воспет Господеви о словесех Хусиевых, сына Иемениина. Господи Боже мой, на Тя уповах, спаси мя от всех гонящих мя и избави мя: 019 PSA 007 002 да не когда похитит яко лев душу мою, не сущу избавляющу, ниже спасающу. 019 PSA 007 003 Господи Боже мой, аще сотворих сие, аще есть неправда в руку моею, 019 PSA 007 004 аще воздах воздающым ми зла, да отпаду убо от враг моих тощь: 019 PSA 007 005 да поженет убо враг душу мою, и да постигнет, и поперет в землю живот мой, и славу мою в персть вселит. 019 PSA 007 006 Воскресени, Господи, гневом Твоим, вознесися в концах враг Твоих, и востани, Господи Боже мой, повелением, имже заповедал еси, 019 PSA 007 007 и сонм людий обыдет Тя: и о том на высоту обратися. 019 PSA 007 008 Господь судит людем: суди ми, Господи, по правде моей и по незлобе моей на мя. 019 PSA 007 009 Да скончается злоба грешных, и исправиши праведнаго, испытаяй сердца и утробы, Боже, праведно. 019 PSA 007 010 Помощь моя от Бога, спасающаго правыя сердцем. 019 PSA 007 011 Бог судитель праведен и крепок, и долготерпелив, и не гнев наводяй на всяк день. 019 PSA 007 012 Аще не обратитеся, оружие Свое очистит, лук Свой напряже, и уготова и, 019 PSA 007 013 и в нем уготова сосуды смертныя, стрелы Своя сгараемым содела. 019 PSA 007 014 Се, боле неправдою, зачат болезнь и роди беззаконие: 019 PSA 007 015 ров изры и ископа и, и падет в яму, юже содела. 019 PSA 007 016 Обратится болезнь его на главу его, и на верх его неправда его снидет. 019 PSA 007 017 Исповемся Господеви по правде Его и пою имени Господа Вышняго. 019 PSA 008 001 В конец, о точилех, Псалом Давиду. Господи Господь наш, яко чудно имя Твое по всей земли, яко взятся великолепие Твое превыше небес. 019 PSA 008 002 Из уст младенец и ссущих совершил еси хвалу, враг Твоих ради, еже разрушити врага и местника. 019 PSA 008 003 Яко узрю небеса, дела перст Твоих, луну и звезды, яже Ты основал еси: 019 PSA 008 004 что есть человек, яко помниши его? Или сын человечь, яко посещаеши его? 019 PSA 008 005 Умалил еси его малым чим от Ангел, славою и честию венчал еси его: 019 PSA 008 006 и поставил еси его над делы руку Твоею, вся покорил еси под нозе его: 019 PSA 008 007 овцы и волы вся, еще же и скоты польския, 019 PSA 008 008 птицы небесныя и рыбы морския, преходящыя стези морския. 019 PSA 008 009 Господи Господь наш, яко чудно имя Твое по всей земли. 019 PSA 009 001 В конец, о тайных сына, псалом Давиду. Исповемся Тебе, Господи, всем сердцем моим, повем вся чудеса Твоя. 019 PSA 009 002 Возвеселюся и возрадуюся о Тебе, пою имени Твоему, Вышний. 019 PSA 009 003 Внегда возвратитися врагу моему вспять, изнемогут и погибнут от лица Твоего. 019 PSA 009 004 Яко сотворил еси суд мой и прю мою: сел еси на престоле, судяй правду. 019 PSA 009 005 Запретил еси языком, и погибе нечестивый: имя его потребил еси в век и в век века. 019 PSA 009 006 Врагу оскудеша оружия в конец, и грады разрушил еси: погибе память его с шумом. 019 PSA 009 007 И Господь во век пребывает, уготова на суд престол Свой: 019 PSA 009 008 и Той судити имать вселенней в правду, судити имать людем в правоте. 019 PSA 009 009 И бысть Господь прибежище убогому, помощник во благовремениих, в скорбех. 019 PSA 009 010 И да уповают на Тя знающии имя Твое, яко не оставил еси взыскающих Тя, Господи. 019 PSA 009 011 Пойте Господеви, живущему в Сионе, возвестите во языцех начинания Его: 019 PSA 009 012 яко взыскаяй крови их помяну, не забы звания убогих. 019 PSA 009 013 Помилуй мя, Господи, виждь смирение мое от враг моих, возносяй мя от врат смертных: 019 PSA 009 014 яко да возвещу вся хвалы Твоя во вратех дщере Сиони: возрадуемся о спасении Твоем. 019 PSA 009 015 Углебоша языцы в пагубе, юже сотвориша: в сети сей, юже скрыша, увязе нога их. 019 PSA 009 016 Знаемь есть Господь судбы творяй: в делех руку своею увязе грешник. 019 PSA 009 017 Да возвратятся грешницы во ад, вси языцы забывающии Бога. 019 PSA 009 018 Яко не до конца забвен будет нищий, терпение убогих не погибнет до конца. 019 PSA 009 019 Воскресени, Господи, да не крепится человек, да судятся языцы пред Тобою. 019 PSA 009 020 Постави, Господи, законоположителя над ними, да разумеют языцы, яко человецы суть. 019 PSA 010 001 Вскую, Господи, отстоя далече, презираеши во благовремениих, в скорбех? 019 PSA 010 002 Внегда гордитися нечестивому, возгарается нищий: увязают в советех, яже помышляют. 019 PSA 010 003 Яко хвалимь есть грешный в похотех души своея, и обидяй благословимь есть. 019 PSA 010 004 Раздражи Господа грешный: по множеству гнева своего не взыщет: несть Бога пред ним. 019 PSA 010 005 Оскверняются путие его на всяко время: отемлются судбы Твоя от лица его: всеми враги своими обладает. 019 PSA 010 006 Рече бо в сердцы своем: не подвижуся от рода в род без зла: 019 PSA 010 007 егоже клятвы уста его полна суть, и горести и льсти: под языком его труд и болезнь. 019 PSA 010 008 Приседит в ловителстве с богатыми в тайных, еже убити неповиннаго: очи его на нищаго призираете. 019 PSA 010 009 Ловит в тайне яко лев во ограде своей, ловит еже восхитити нищаго, восхитити нищаго, внегда привлещи и в сети своей. 019 PSA 010 010 Смирит его: преклонится и падет, внегда ему обладати убогими. 019 PSA 010 011 Рече бо в сердцы своем: забы Бог, отврати лице Свое, да не видит до конца. 019 PSA 010 012 Воскресени, Господи Боже мой, да вознесется рука Твоя, не забуди убогих Твоих до конца. 019 PSA 010 013 Чесо ради прогнева нечестивый Бога? Рече бо в сердцы своем: не взыщет. 019 PSA 010 014 Видиши, яко Ты болезнь и ярость смотряеши, да предан будет в руце Твои: тебе оставлен есть нищий, сиру Ты буди помощник. 019 PSA 010 015 Сокруши мышцу грешному и лукавому: взыщется грех его и не обрящется. 019 PSA 010 016 Господь царь во век и в век века: погибнете, языцы, от земли Его. 019 PSA 010 017 Желание убогих услышал еси, Господи, уготованию сердца их внят ухо Твое. 019 PSA 010 018 Суди сиру и смирену, да не приложит ктому величатися человек на земли. 019 PSA 011 001 В конец, псалом Давиду. На Господа уповах, како речете души моей: превитай по горам, яко птица? 019 PSA 011 002 Яко се, грешницы налякоша лук, уготоваша стрелы в туле, состреляти во мраце правыя сердцем. 019 PSA 011 003 Зане яже ты совершил еси, они разрушиша: праведник же что сотвори? 019 PSA 011 004 Господь во храме святем Своем. Господь, на небеси престол Его: очи Его на нищаго призираете, вежди Его испытаете сыны человеческия. 019 PSA 011 005 Господь испытает праведнаго и нечестиваго: любяй же неправду ненавидит свою душу. 019 PSA 011 006 Одождит на грешники сети: огнь и жупел, и дух бурен часть чаши их. 019 PSA 011 007 Яко праведен Господь и правды возлюби: правоты виде лице Его. 019 PSA 012 001 В конец, о осмей, псалом Давиду. Спси мя, Господи, яко оскуде преподобный: яко умалишася истины от сынов человеческих. 019 PSA 012 002 Суетная глагола кийждо ко искреннему своему: устне льстивыя в сердцы, и в сердцы глаголаша злая. 019 PSA 012 003 Потребит Господь вся устны льстивыя, язык велеречивый, 019 PSA 012 004 рекшыя: язык наш возвеличим, устны наша при нас суть: кто нам господь есть? 019 PSA 012 005 Страсти ради нищих и воздыхания убогих ныне воскресну, глаголет Господь: положуся во спасение, не обинюся о нем. 019 PSA 012 006 Словеса Господня словеса чиста, сребро разжжено, искушено земли, очищено седмерицею. 019 PSA 012 007 Ты, Господи, сохраниши ны и соблюдеши ны от рода сего и во век. 019 PSA 012 008 Окрест нечестивии ходят: по высоте твоей умножил еси сыны человеческия. 019 PSA 013 001 В конец, псалом Давиду. 019 PSA 013 002 Доколе, Господи, забудеши мя до конца? Доколе отвращаеши лице Твое от мене? 019 PSA 013 003 Доколе положу советы в души моей, болезни в сердцы моем день и нощь? Доколе вознесется враг мой на мя? 019 PSA 013 004 Призри, услыши мя, Господи Боже мой: просвети очи мои, да не когда усну в смерть: 019 PSA 013 005 да не когда речет враг мой: укрепихся на него. 019 PSA 013 006 Стужающии ми возрадуются, аще подвижуся. Аз же на милость Твою уповах: возрадуется сердце мое о спасении Твоем: воспою Господеви благодеявшему мне и пою имени Господа Вышняго. 019 PSA 014 001 Рече безумен в сердцы своем: несть Бог. Растлеша и омерзишася в начинаниих: несть творяй благостыню. 019 PSA 014 002 Господь с небесе приниче на сыны человеческия, видети, аще есть разумеваяй, или взыскаяй Бога. 019 PSA 014 003 Вси уклонишася, вкупе неключими быша: несть творяй благостыню, несть до единаго. 019 PSA 014 004 Ни ли уразумеют вси делающии беззаконие, снедающии люди моя в снедь хлеба? Господа не призваша. 019 PSA 014 005 Тамо убояшася страха, идеже не бе страх: яко Господь в роде праведных. 019 PSA 014 006 Совет нищаго посрамисте: Господь же упование его есть. 019 PSA 014 007 Кто даст от Сиона спасение Израилево? Внегда возвратит Господь пленение людий Своих, возрадуется Иаков, и возвеселится Израиль. 019 PSA 015 001 Господи, кто обитает в жилищи Твоем? Или кто вселится во святую гору Твою? 019 PSA 015 002 Ходяй непорочен и делаяй правду, глаголяй истину в сердцы своем: 019 PSA 015 003 иже не ульсти языком своим и не сотвори искреннему своему зла, и поношения не прият на ближния своя: 019 PSA 015 004 уничижен есть пред ним лукавнуяй, боящыяжеся Господа славит: кленыйся искреннему своему и не отметаяся: 019 PSA 015 005 сребра своего не даде в лихву и мзды на неповинных не прият. Творяй сия не подвижится во век. 019 PSA 016 001 Сохрани мя, Господи, яко на Тя уповах. 019 PSA 016 002 Рех Господеви: Господь мой еси Ты, яко благих моих не требуеши. 019 PSA 016 003 Святым, иже суть на земли его, удиви Господь вся хотения Своя в них. 019 PSA 016 004 Умножишася немощи их, по сих ускориша: не соберу соборы их от кровей, ни помяну же имен их устнама моима. 019 PSA 016 005 Господь часть достояния моего и чаши моея: Ты еси устрояяй достояние мое мне. 019 PSA 016 006 Ужя нападоша ми в державных моих: ибо достояние мое державно есть мне. 019 PSA 016 007 Благословлю Господа вразумившаго мя: еще же и до нощи наказаша мя утробы моя. 019 PSA 016 008 Предзрех Господа предо мною выну, яко одесную мене есть, да не подвижуся. 019 PSA 016 009 Сего ради возвеселися сердце мое, и возрадовася язык мой: еще же и плоть моя вселится на уповании. 019 PSA 016 010 Яко не оставиши душу мою во аде, ниже даси преподобному Твоему видети истления. 019 PSA 016 011 Сказал ми еси пути живота: исполниши мя веселия с лицем Твоим: красота в деснице Твоей в конец. 019 PSA 017 001 Молитва Давиду. Услыши, Господи, правду мою, вонми молению моему, внуши молитву мою не во устнах льстивых. 019 PSA 017 002 От лица Твоего судба моя изыдет: очи мои да видита правоты. 019 PSA 017 003 Искусил еси сердце мое, посетил еси нощию: искусил мя еси, и не обретеся во мне неправда. 019 PSA 017 004 Яко да не возглаголют уста моя дел человеческих, за словеса устен Твоих аз сохраних пути жестоки. 019 PSA 017 005 Соверши стопы моя во стезях Твоих, да не подвижутся стопы моя. 019 PSA 017 006 Аз воззвах, яко услышал мя еси, Боже: приклони ухо Твое мне и услыши глаголы моя. 019 PSA 017 007 Удиви милости Твоя, спасаяй уповающыя на Тя от противящихся деснице Твоей: 019 PSA 017 008 сохрани мя, Господи, яко зеницу ока: в крове крилу Твоею покрыеши мя 019 PSA 017 009 от лица нечестивых острастших мя: врази мои душу мою одержаша 019 PSA 017 010 тук свой затвориша, уста их глаголаша гордыню. 019 PSA 017 011 Изгонящии мя ныне обыдоша мя, очи свои возложиша уклонити на землю. 019 PSA 017 012 Объяша мя яко лев готов на лов и яко скимен обитаяй в тайных. 019 PSA 017 013 Воскресени, Господи, предвари я и запни им: избави душу мою от нечестиваго, оружие Твое 019 PSA 017 014 от враг руки Твоея, Господи, от малых от земли: раздели я в животе их, и сокровенных Твоих исполнися чрево их: насытишася сынов, и оставиша останки младенцем своим. 019 PSA 017 015 Аз же правдою явлюся лицу Твоему, насыщуся, внегда явитимися славе Твоей. 019 PSA 018 001 В конец, отроку Господню Давиду, яже глагола Господеви словеса песни сея, в день, в оньже избави его Господь от руки всех враг его и из руки Саули: и рече: возлюблю Тя, Господи, крепосте моя: 019 PSA 018 002 Господь утверждение мое, и прибежище мое, и Избавитель мой, Бог мой, Помощник мой, и уповаю на Него: Защититель мой, и рог спасения моего, и Заступник мой. 019 PSA 018 003 Хваля призову Господа и от враг моих спасуся. 019 PSA 018 004 Одержаша мя болезни смертныя, и потоцы беззакония смятоша мя: 019 PSA 018 005 болезни адовы обыдоша мя, предвариша мя сети смертныя. 019 PSA 018 006 И внегда скорбети ми, призвах Господа и к Богу моему воззвах: услыша от храма святаго Своего глас мой, и вопль мой пред Ним внидет во ушы Его. 019 PSA 018 007 И подвижеся и трепетна бысть земля, и основания гор смятошася и подвигошася, яко прогневася на ня Бог. 019 PSA 018 008 Взыде дым гневом Его, и огнь от лица Его воспламенится: углие возгореся от Него. 019 PSA 018 009 И приклони небеса и сниде, и мрак под ногама Его. 019 PSA 018 010 И взыде на Херувимы и лете, лете на крилу ветреню. 019 PSA 018 011 И положи тму закров Свой: окрест Его селение Его: темна вода во облацех воздушных. 019 PSA 018 012 От облистания пред Ним облацы проидоша, град и углие огненное. 019 PSA 018 013 И возгреме с небесе Господь, и Вышний даде глас Свой. 019 PSA 018 014 Низпосла стрелы и разгна я, и молнии умножи и смяте я. 019 PSA 018 015 И явишася источницы воднии, и открышася основания вселенныя от запрещения Твоего, Господи, от дохновения духа гнева Твоего. 019 PSA 018 016 Низпосла с высоты и прият мя, восприят мя от вод многих. 019 PSA 018 017 Избавит мя от врагов моих сильных и от ненавидящих мя: яко утвердишася паче мене. 019 PSA 018 018 Предвариша мя в день озлобления моего: и бысть Господь утверждение мое. 019 PSA 018 019 И изведе мя на широту: избавит мя, яко восхоте мя. 019 PSA 018 020 И воздаст ми Господь по правде моей, и по чистоте руку моею воздаст ми, 019 PSA 018 021 яко сохраних пути Господни и не нечествовах от Бога моего. 019 PSA 018 022 Яко вся судбы Его предо мною, и оправдания Его не отступиша от мене. 019 PSA 018 023 И буду непорочен с Ним и сохранюся от беззакония моего. 019 PSA 018 024 И воздаст ми Господь по правде моей и по чистоте руку моею пред очима Его. 019 PSA 018 025 С преподобным преподобн будеши, и с мужем неповинным неповинен будеши, 019 PSA 018 026 и со избранным избран будеши, и со строптивым развратишися. 019 PSA 018 027 Яко Ты люди смиренныя спасеши и очи гордых смириши. 019 PSA 018 028 Яко Ты просветиши светилник мой, Господи: Боже мой, просветиши тму мою. 019 PSA 018 029 Яко Тобою избавлюся от искушения, и Богом моим прейду стену. 019 PSA 018 030 Бог мой, непорочен путь Его: словеса Господня разжжена. Защититель есть всех уповающих на Него. 019 PSA 018 031 Яко кто Бог, разве Господа? Или кто Бог, разве Бога нашего? 019 PSA 018 032 Бог препоясуяй мя силою, и положи непорочен путь мой: 019 PSA 018 033 совершаяй нозе мои яко елени, и на высоких поставляяй мя: 019 PSA 018 034 научаяй руце мои на брань, и положил еси лук медян мышца моя: 019 PSA 018 035 и дал ми еси защищение спасения, и десница Твоя восприят мя: и наказание Твое исправит мя в конец, и наказание Твое то мя научит. 019 PSA 018 036 Уширил еси стопы моя подо мною, и не изнемогосте плесне мои. 019 PSA 018 037 Пожену враги моя, и постигну я, и не возвращуся, дондеже скончаются: 019 PSA 018 038 оскорблю их, и не возмогут стати, падут под ногама моима. 019 PSA 018 039 И препоясал мя еси силою на брань, спял еси вся востающыя на мя под мя. 019 PSA 018 040 И врагов моих дал ми еси хребет и ненавидящыя мя потребил еси. 019 PSA 018 041 Воззваша, и не бе спасаяй: ко Господу, и не услыша их. 019 PSA 018 042 И истню я яко прах пред лицем ветра, яко брение путий поглажду я. 019 PSA 018 043 Избавиши мя от пререкания людий: поставиши мя во главу языков: людие, ихже не ведех, работаша ми, 019 PSA 018 044 в слух уха послушаша мя. Сынове чуждии солгаша ми, 019 PSA 018 045 сынове чуждии обетшаша и охромоша от стезь своих. 019 PSA 018 046 Жив Господь, и благословен Бог, и да вознесется Бог спасения моего, 019 PSA 018 047 Бог даяй отмщение мне и покоривый люди под мя, 019 PSA 018 048 избавитель мой от враг моих гневливых: от востающих на мя вознесеши мя, от мужа неправедна избавиши мя. 019 PSA 018 049 Сего ради исповемся Тебе во языцех, Господи, и имени Твоему пою: 019 PSA 018 050 величаяй спасения царева и творяй милость христу Своему Давиду и семени его до века. 019 PSA 019 001 В конец, псалом Давиду. Небеса поведают славу Божию, творение же руку Его возвещает твердь. 019 PSA 019 002 День дни отрыгает глагол, и нощь нощи возвещает разум. 019 PSA 019 003 Не суть речи, ниже словеса, ихже не слышатся гласи их. 019 PSA 019 004 Во всю землю изыде вещание их, и в концы вселенныя глаголы их: в солнце положи селение свое: 019 PSA 019 005 и той яко жених исходяй от чертога своего, возрадуется яко исполин тещи путь. 019 PSA 019 006 От края небесе исход его, и сретение его до края небесе: и несть, иже укрыется теплоты его. 019 PSA 019 007 Закон Господень непорочен, обращаяй душы: свидетелство Господне верно, умудряющее младенцы. 019 PSA 019 008 Оправдания Господня права, веселящая сердце: заповедь Господня светла, просвещающая очи. 019 PSA 019 009 Страх Господень чист, пребываяй в век века: судбы Господни истинны, оправданны вкупе, 019 PSA 019 010 вожделенны паче злата и камене честна многа, и слаждшя паче меда и сота. 019 PSA 019 011 Ибо раб Твой хранит я: внегда сохранити я, воздаяние много. 019 PSA 019 012 Грехопадения кто разумеет? От тайных моих очести мя, 019 PSA 019 013 и от чуждих пощади раба Твоего: аще не обладают мною, тогда непорочен буду, и очищуся от греха велика. 019 PSA 019 014 И будут во благоволение словеса уст моих, и поучение сердца моего пред Тобою выну, Господи, помощниче мой и Избавителю мой. 019 PSA 020 001 В конец, псалом Давиду. Услышит тя Господь в день печали, защитит тя имя Бога Иаковля. 019 PSA 020 002 Послет ти помощь от Святаго, и от Сиона заступит тя. 019 PSA 020 003 Помянет всяку жертву твою, и всесожжение твое тучно буди. 019 PSA 020 004 Даст ти Господь по сердцу твоему, и весь совет твой исполнит. 019 PSA 020 005 Возрадуемся о спасении твоем, и во имя Господа Бога нашего возвеличимся: исполнит Господь вся прошения твоя. 019 PSA 020 006 Ныне познах, яко спасе Господь Христа Своего: услышит его с небесе святаго Своего: в силах спасение десницы его. 019 PSA 020 007 Сии на колесницах, и сии на конех: мы же во имя Господа Бога нашего призовем. 019 PSA 020 008 Тии спяти быша и падоша: мы же востахом и исправихомся. 019 PSA 020 009 Господи, спаси царя, и услыши ны, в оньже аще день призовем Тя. 019 PSA 021 001 Псалом Давиду. Господи, силою Твоею возвеселится царь, и о спасении Твоем возрадуется зело. 019 PSA 021 002 Желание сердца его дал еси ему, и хотения устну его неси лишил его. 019 PSA 021 003 Яко предварил еси его благословением благостынным, положил еси на главе его венец от камене честна. 019 PSA 021 004 Живота просил есть у Тебе, и дал еси ему долготу дний во век века. 019 PSA 021 005 Велия слава его спасением Твоим: славу и велелепие возложиши на него. 019 PSA 021 006 Яко даси ему благословение во век века: возвеселиши его радостию с лицем Твоим. 019 PSA 021 007 Яко царь уповает на Господа, и милостию Вышняго не подвижится. 019 PSA 021 008 Да обрящется рука Твоя всем врагом Твоим, десница Твоя да обрящет вся ненавидящыя Тебе. 019 PSA 021 009 Яко положиши их яко пещь огненную во время лица Твоего: Господь гневом Своим смятет я, и снесть их огнь. 019 PSA 021 010 Плод их от земли погубиши, и семя их от сынов человеческих. 019 PSA 021 011 Яко уклониша на Тя злая, помыслиша советы, ихже не возмогут составити. 019 PSA 021 012 Яко положиши я хребет: во избытцех Твоих уготовиши лице их. 019 PSA 021 013 Вознесися, Господи, силою Твоею: воспоем и поем силы Твоя. 019 PSA 022 001 В конец, о заступлении утреннем, псалом Давиду. Боже, Боже мой, вонми ми, вскую оставил мя еси? Далече от спасения моего словеса грехопадений моих. 019 PSA 022 002 Боже мой, воззову во дни, и не услышиши, и в нощи, и не в безумие мне. 019 PSA 022 003 Ты же во Святем живеши, хвало Израилева. 019 PSA 022 004 На Тя уповаша отцы наши: уповаша, и избавил еси я: 019 PSA 022 005 к Тебе воззваша, и спасошася: на Тя уповаша, и не постыдешася. 019 PSA 022 006 Аз же есмь червь, а не человек, поношение человеков и уничижение людий. 019 PSA 022 007 Вси видящии мя поругашамися, глаголаша устнами, покиваша главою: 019 PSA 022 008 упова на Господа, да избавит его, да спасет его, яко хощет его. 019 PSA 022 009 Яко Ты еси исторгий мя из чрева, упование мое от сосцу матере моея. 019 PSA 022 010 К Тебе привержен есмь от ложесн, от чрева матере моея Бог мой еси Ты. 019 PSA 022 011 Да не отступиши от мене, яко скорбь близ, яко несть помогаяй ми. 019 PSA 022 012 Обыдоша мя телцы мнози, юнцы тучнии одержаша мя: 019 PSA 022 013 отверзоша на мя уста своя, яко лев восхищаяй и рыкаяй. 019 PSA 022 014 Яко вода излияхся, и разсыпашася вся кости моя: бысть сердце мое яко воск таяй посреде чрева моего. 019 PSA 022 015 Изсше яко скудель крепость моя, и язык мой прильпе гортани моему, и в персть смерти свел мя еси. 019 PSA 022 016 Яко обыдоша мя пси мнози, сонм лукавых одержаша мя: ископаша руце мои и нозе мои. 019 PSA 022 017 Изчетоша вся кости моя: тии же смотриша и презреша мя. 019 PSA 022 018 Разделиша ризы моя себе, и о одежди моей меташа жребий. 019 PSA 022 019 Ты же, Господи, не удали помощь твою от мене: на заступление мое вонми. 019 PSA 022 020 Избави от оружия душу мою, и из руки песии единородную мою. 019 PSA 022 021 Спаси мя от уст львовых, и от рог единорожь смирение мое. 019 PSA 022 022 Повем имя Твое братии моей, посреде церкве воспою Тя. 019 PSA 022 023 Боящиися Господа, восхвалите Его, все семя Иаковле, прославите Его, да убоится же от Него все семя Израилево: 019 PSA 022 024 яко не уничижи, ниже негодова молитвы нищаго, ниже отврати лице Свое от мене, и егда воззвах к Нему, услыша мя. 019 PSA 022 025 От Тебе похвала моя, в церкви велицей исповемся Тебе: молитвы моя воздам пред боящимися Его. 019 PSA 022 026 Ядят убозии, и насытятся, и восхвалят Господа взыскающии Его: жива будут сердца их в век века. 019 PSA 022 027 Помянутся и обратятся ко Господу вси концы земли, и поклонятся пред Ним вся отечествия язык: 019 PSA 022 028 яко Господне есть царствие, и Той обладает языки. 019 PSA 022 029 Ядоша и поклонишася вси тучнии земли: пред Ним припадут вси низходящии в землю: и душа моя тому живет. 019 PSA 022 030 И семя мое поработает Ему: возвестит Господеви род грядущий: 019 PSA 022 031 и возвестят правду Его людем рождшымся, яже сотвори Господь. 019 PSA 023 001 Господь пасет мя, и ничтоже мя лишит. 019 PSA 023 002 На месте злачне, тамо всели мя, на воде покойне воспита мя. 019 PSA 023 003 Душу мою обрати, настави мя на стези правды, имене ради Своего. 019 PSA 023 004 Аще бо и пойду посреде сени смертныя, не убоюся зла, яко Ты со мною еси: жезл Твой и палица Твоя, та мя утешиста. 019 PSA 023 005 Уготовал еси предо мною трапезу сопротив стужающым мне: умастил еси елеом главу мою, и чаша твоя упоявающи мя, яко державна. 019 PSA 023 006 И милость Твоя поженет мя вся дни живота моего, и еже вселитимися в дом Господень в долготу дний. 019 PSA 024 001 Господня земля, и исполнение ея, вселенная и вси живущии на ней. 019 PSA 024 002 Той на морях основал ю есть и на реках уготовал ю есть. 019 PSA 024 003 Кто взыдет на гору Господню? Или кто станет на месте святем Его? 019 PSA 024 004 Неповинен рукама и чист сердцем, иже не прият всуе душу свою и не клятся лестию искреннему своему: 019 PSA 024 005 сей приимет благословение от Господа и милостыню от Бога Спаса своего. 019 PSA 024 006 Сей род ищущих Господа, ищущих лице Бога Иаковля. 019 PSA 024 007 Возмите врата князи ваша, и возмитеся врата вечная: и внидет Царь славы. 019 PSA 024 008 Кто есть сей Царь славы? Господь крепок и силен, Господь силен в брани. 019 PSA 024 009 Возмите врата князи ваша, и возмитеся врата вечная: и внидет Царь славы. 019 PSA 024 010 Кто есть сей Царь славы? Господь сил, Той есть царь славы. 019 PSA 025 001 К Тебе, Господи, воздвигох душу мою, Боже мой, на Тя уповах, да не постыжуся во век, ниже да посмеютмися врази мои: 019 PSA 025 002 ибо вси терпящии Тя не постыдятся. 019 PSA 025 003 Да постыдятся беззаконнующии вотще. 019 PSA 025 004 Пути Твоя, Господи, скажи ми и стезям Твоим научи мя. 019 PSA 025 005 Настави мя на истину Твою и научи мя: яко Ты еси Бог спас мой, и Тебе терпех весь день. 019 PSA 025 006 Помяни щедроты Твоя, Господи, и милости Твоя, яко от века суть. 019 PSA 025 007 Грех юности моея и неведения моего не помяни: по милости Твоей помяни мя Ты, ради благости Твоея, Господи. 019 PSA 025 008 Благ и прав Господь, сего ради законоположит согрешающым на пути. 019 PSA 025 009 Наставит кроткия на суд, научит кроткия путем Своим. 019 PSA 025 010 Вси путие Господни милость и истина, взыскающым завета Его и свидения Его. 019 PSA 025 011 Ради имене Твоего, Господи, и очести грех мой, мног бо есть. 019 PSA 025 012 Кто есть человек бояйся Господа? Законоположит ему на пути, егоже изволи. 019 PSA 025 013 Душа его во благих водворится, и семя его наследит землю. 019 PSA 025 014 Держава Господь боящихся Его, и завет Его явит им. 019 PSA 025 015 Очи мои выну ко Господу, яко Той исторгнет от сети нозе мои. 019 PSA 025 016 Призри на мя и помилуй мя, яко единород и нищь есмь аз. 019 PSA 025 017 Скорби сердца моего умножишася, от нужд моих изведи мя. 019 PSA 025 018 Виждь смирение мое и труд мой, и остави вся грехи моя. 019 PSA 025 019 Виждь враги моя, яко умножишася, и ненавидением неправедным возненавидеша мя. 019 PSA 025 020 Сохрани душу мою и избави мя, да не постыжуся, яко уповах на Тя. 019 PSA 025 021 Незлобивии и правии прилепляхуся мне, яко потерпех Тя, Господи. 019 PSA 025 022 Избави, Боже, Израиля от всех скорбей его. 019 PSA 026 001 Суди ми, Господи, яко аз незлобою моею ходих: и на Господа уповая не изнемогу. 019 PSA 026 002 Искуси мя, Господи, и испытай мя, разжжи утробы моя и сердце мое. 019 PSA 026 003 Яко милость Твоя пред очима моима есть, и благоугодих во истине Твоей. 019 PSA 026 004 Не седох с сонмом суетным, и со законопреступными не вниду. 019 PSA 026 005 Возненавидех церковь лукавнующих, и с нечестивыми не сяду. 019 PSA 026 006 Умыю в неповинных руце мои, и обыду жертвенник Твой, Господи, 019 PSA 026 007 еже услышати ми глас хвалы Твоея и поведати вся чудеса Твоя. 019 PSA 026 008 Господи, возлюбих благолепие дому Твоего и место селения славы Твоея. 019 PSA 026 009 Да не погубиши с нечестивыми душу мою и с мужи кровей живот мой, 019 PSA 026 010 ихже в руку беззакония, десница их исполнися мзды. 019 PSA 026 011 Аз же незлобою моею ходих: избави мя, Господи, и помилуй мя. 019 PSA 026 012 Нога моя ста на правоте: в церквах благословлю Тя, Господи. 019 PSA 027 001 Господь просвещение мое и спаситель мой, кого убоюся? Господь защититель живота моего, от кого устрашуся? 019 PSA 027 002 Внегда приближатися на мя злобующым, еже снести плоти моя, оскорбляющии мя и врази мои, тии изнемогоша и падоша. 019 PSA 027 003 Аще ополчится на мя полк, не убоится сердце мое: аще востанет на мя брань, на него аз уповаю. 019 PSA 027 004 Едино просих от Господа, то взыщу: еже жити ми в дому Господни вся дни живота моего, зрети ми красоту Господню и посещати храм Святый Его. 019 PSA 027 005 Яко скры мя в селении Своем в день зол моих, покры мя в тайне селения Своего, на камень вознесе мя. 019 PSA 027 006 И ныне се, вознесе главу мою на враги моя: обыдох и пожрох в селении Его жертву хваления и воскликновения: пою и воспою Господеви. 019 PSA 027 007 Услыши, Господи, глас мой, имже воззвах, помилуй мя и услыши мя. 019 PSA 027 008 Тебе рече сердце мое: Господа взыщу, взыска Тебе лице мое, лица Твоего, Господи, взыщу. 019 PSA 027 009 Не отврати лица Твоего от мене и не уклонися гневом от раба Твоего: помощник мой буди, не отрини мене и не остави мене, Боже, Спасителю мой. 019 PSA 027 010 Яко отец мой и мати моя остависта мя, Господь же восприят мя. 019 PSA 027 011 Законоположи ми, Господи, в пути Твоем, и настави мя на стезю правую враг моих ради. 019 PSA 027 012 Не предаждь мене в душы стужающих ми: яко восташа на мя свидетеле неправеднии, и солга неправда себе. 019 PSA 027 013 Верую видети благая Господня на земли живых. 019 PSA 027 014 Потерпи Господа, мужайся, и да крепится сердце твое, и потерпи Господа. 019 PSA 028 001 К Тебе, Господи, воззову, Боже мой: да не премолчиши от мене: да не когда премолчиши от мене, и уподоблюся низходящым в ров. 019 PSA 028 002 Услыши, Господи, глас моления моего, внегда молитимися к Тебе, внегда воздети ми руце мои ко храму святому Твоему. 019 PSA 028 003 Не привлецы мене со грешники, и с делающими неправду не погуби мене, глаголющими мир с ближними своими, злая же в сердцах своих. 019 PSA 028 004 Даждь им, Господи, по делом их и по лукавству начинаний их, по делом руку их даждь им, воздаждь воздаяние их им. 019 PSA 028 005 Яко не разумеша в дела Господня и в дела руку Его: разориши я и не созиждеши я. 019 PSA 028 006 Благословен Господь, яко услыша глас моления моего. 019 PSA 028 007 Господь помощник мой и защититель мой: на Него упова сердце мое, и поможе ми, и процвете плоть моя: и волею моею исповемся Ему. 019 PSA 028 008 Господь утверждение людий Своих и защититель спасений Христа Своего есть. 019 PSA 028 009 Спаси люди Твоя, и благослови достояние Твое, и упаси я, и возми я до века. 019 PSA 029 001 Принесите Господеви, сынове Божии, принесите Господеви сыны овни, принесите Господеви славу и честь: 019 PSA 029 002 принесите Господеви славу имени Его: поклонитеся Господеви во дворе святем Его. 019 PSA 029 003 Глас Господень на водах, Бог славы возгреме, Господь на водах многих. 019 PSA 029 004 Глас Господень в крепости, глас Господень в великолепии. 019 PSA 029 005 Глас Господа, сокрушающаго кедры: и стрыет Господь кедры Ливанския, 019 PSA 029 006 и истнит я яко телца Ливанска: и возлюбленный яко сын единорожь. 019 PSA 029 007 Глас Господа, пресецающаго пламень огня. 019 PSA 029 008 Глас Господа, стрясающаго пустыню: и стрясет Господь пустыню Каддийскую. 019 PSA 029 009 Глас Господень, свершающий елени, и открыет дубравы: и в храме Его всякий глаголет славу. 019 PSA 029 010 Господь потоп населяет, и сядет Господь царь в век. 019 PSA 029 011 Господь крепость людем Своим даст, Господь благословит люди Своя миром. 019 PSA 030 001 Псалом песни обновления дому Давидова. Вознесу Тя, Господи, яко подял мя еси, и не возвеселил еси врагов моих о мне. 019 PSA 030 002 Господи Боже мой, воззвах к Тебе, и изцелил мя еси. 019 PSA 030 003 Господи, возвел еси от ада душу мою, спасл мя еси от низходящих в ров. 019 PSA 030 004 Пойте Господеви, преподобнии Его, и исповедайте память святыни Его: 019 PSA 030 005 яко гнев в ярости Его, и живот в воли Его: вечер водворится плачь, и заутра радость. 019 PSA 030 006 Аз же рех во обилии моем: не подвижуся во век. 019 PSA 030 007 Господи, волею Твоею подаждь доброте моей силу: отвратил же еси лице Твое, и бых смущен. 019 PSA 030 008 К Тебе, Господи, воззову, и к Богу моему помолюся. 019 PSA 030 009 Кая польза в крови моей, внегда сходити ми во истление? Еда исповестся Тебе персть? Или возвестит истину Твою? 019 PSA 030 010 Слыша Господь и помилова мя: Господь бысть помощник мой. 019 PSA 030 011 Обратил еси плачь мой в радость мне, растерзал еси вретище мое и препоясал мя еси веселием, 019 PSA 030 012 яко да воспоет Тебе слава моя, и не умилюся. Господи Боже мой, во век исповемся Тебе. 019 PSA 031 001 В конец, псалом Давиду, изступления. На Тя, Господи, уповах, да не постыжуся во век: правдою Твоею избави мя и изми мя. 019 PSA 031 002 Приклони ко мне ухо Твое, ускори изяти мя: буди ми в Бога защитителя и в дом прибежища, еже спасти мя. 019 PSA 031 003 Яко держава моя и прибежище мое еси Ты: и имене Твоего ради наставиши мя и препитаеши мя. 019 PSA 031 004 Изведеши мя от сети сея, юже скрыша ми: яко Ты еси защититель мой, Господи. 019 PSA 031 005 В руце Твои предложу дух мой: избавил мя еси, Господи Боже истины. 019 PSA 031 006 Возненавидел еси хранящыя суеты вотще: аз же на Господа уповах. 019 PSA 031 007 Возрадуюся и возвеселюся о милости Твоей, яко призрел еси на смирение мое, спасл еси от нужд душу мою 019 PSA 031 008 и неси мене затворил в руках вражиих, поставил еси на пространне нозе мои. 019 PSA 031 009 Помилуй мя, Господи, яко скорблю: смятеся яростию око мое, душа моя и утроба моя. 019 PSA 031 010 Яко изчезе в болезни живот мой, и лета моя в воздыханиих: изнеможе нищетою крепость моя, и кости моя смятошася. 019 PSA 031 011 От всех враг моих бых поношение, и соседом моим зело, и страх знаемым моим: видящии мя вон бежаша от мене. 019 PSA 031 012 Забвен бых яко мертв от сердца: бых яко сосуд погублен. 019 PSA 031 013 Яко слышах гаждение многих живущих окрест: внегда собратися им вкупе на мя, прияти душу мою совещаша. 019 PSA 031 014 Аз же на Тя, Господи, уповах, рех: Ты еси Бог мой. 019 PSA 031 015 В руку Твоею жребии мои: избави мя из руки враг моих и от гонящих мя. 019 PSA 031 016 Просвети лице Твое на раба Твоего: спаси мя милостию Твоею. 019 PSA 031 017 Господи, да не постыжуся, яко призвах Тя: да постыдятся нечестивии, и снидут во ад. 019 PSA 031 018 Немы да будут устны льстивыя, глаголющыя на праведнаго беззаконие, гордынею и уничижением. 019 PSA 031 019 Коль многое множество благости Твоея, Господи, юже скрыл еси боящымся Тебе, соделал еси уповающым на Тя, пред сыны человеческими: 019 PSA 031 020 скрыеши их в тайне лица Твоего от мятежа человеческа, покрыеши их в крове от пререкания язык. 019 PSA 031 021 Благословен Господь, яко удиви милость Свою во граде ограждения. 019 PSA 031 022 Аз же рех во изступлении моем: отвержен есмь от лица очию Твоею: сего ради услышал еси глас молитвы моея, внегда воззвах к Тебе. 019 PSA 031 023 Возлюбите Господа, вси преподобнии Его: яко истины взыскает Господь и воздает излише творящым гордыню. 019 PSA 031 024 Мужайтеся, и да крепится сердце ваше, вси уповающии на Господа. 019 PSA 032 001 Блажени, ихже оставишася беззакония, и ихже прикрышася греси. 019 PSA 032 002 Блажен муж, емуже не вменит Господь греха, ниже есть во устех его лесть. 019 PSA 032 003 Яко умолчах, обетшаша кости моя, от еже звати ми весь день, 019 PSA 032 004 яко день и нощь отяготе на мне рука Твоя: возвратихся на страсть, егда унзе ми терн. 019 PSA 032 005 Беззаконие мое познах и греха моего не покрых, рех: исповем на мя беззаконие мое Господеви: и Ты оставил еси нечестие сердца моего. 019 PSA 032 006 За то помолится к Тебе всяк преподобный во время благопотребно: обаче в потопе вод многих к нему не приближатся. 019 PSA 032 007 Ты еси прибежище мое от скорби обдержащия мя: радосте моя, избави мя от обышедших мя. 019 PSA 032 008 Вразумлю тя, и наставлю тя на путь сей, в оньже пойдеши: утвержу на тя очи Мои. 019 PSA 032 009 Не будите яко конь и меск, имже несть разума: броздами и уздою челюсти их востягнеши, не приближающихся к тебе. 019 PSA 032 010 Многи раны грешному: уповающаго же на Господа милость обыдет. 019 PSA 032 011 Веселитеся о Господе и радуйтеся праведнии, и хвалитеся, вси правии сердцем. 019 PSA 033 001 Радуйтеся, праведнии, о Господе: правым подобает похвала. 019 PSA 033 002 Исповедайтеся Господеви в гуслех, во псалтири десятоструннем пойте Ему: 019 PSA 033 003 воспойте Ему песнь нову, добре пойте Ему со восклицанием: 019 PSA 033 004 яко право слово Господне, и вся дела Его в вере. 019 PSA 033 005 Любит милостыню и суд Господь, милости Господни исполнь земля. 019 PSA 033 006 Словом Господним небеса утвердишася, и духом уст Его вся сила их: 019 PSA 033 007 собираяй яко мех воды морския, полагаяй в сокровищих бездны. 019 PSA 033 008 Да убоится Господа вся земля, от Негоже да подвижутся вси живущии по вселенней: 019 PSA 033 009 яко Той рече, и быша: Той повеле, и создашася. 019 PSA 033 010 Господь разоряет советы языков, отметает же мысли людий и отметает советы князей. 019 PSA 033 011 Совет же Господень во век пребывает, помышления сердца Его в род и род. 019 PSA 033 012 Блажен язык, емуже есть Господь Бог Его, людие, яже избра в наследие Себе. 019 PSA 033 013 С небесе призре Господь, виде вся сыны человеческия: 019 PSA 033 014 от готоваго жилища Своего призре на вся живущыя на земли: 019 PSA 033 015 создавый на едине сердца их, разумеваяй на вся дела их. 019 PSA 033 016 Не спасается царь многою силою, и исполин не спасется множеством крепости своея. 019 PSA 033 017 Ложь конь во спасение, во множестве же силы своея не спасется. 019 PSA 033 018 Се, очи Господни на боящыяся Его, уповающыя на милость Его: 019 PSA 033 019 избавити от смерти душы их, и препитати я в глад. 019 PSA 033 020 Душа же наша чает Господа, яко помощник и защититель наш есть: 019 PSA 033 021 яко о Нем возвеселится сердце наше, и во имя святое Его уповахом. 019 PSA 033 022 Буди, Господи, милость Твоя на нас, якоже уповахом на Тя. 019 PSA 034 001 Псалом Давиду, внегда измени лице свое пред Авимелехом: и отпусти его, и отиде. Благословлю Господа на всякое время, выну хвала Его во устех моих. 019 PSA 034 002 О Господе похвалится душа моя: да услышат кротцыи и возвеселятся. 019 PSA 034 003 Возвеличите Господа со мною, и вознесем имя Его вкупе. 019 PSA 034 004 Взысках Господа, и услыша мя и от всех скорбей моих избави мя. 019 PSA 034 005 Приступите к Нему и просветитеся, и лица ваша не постыдятся. 019 PSA 034 006 Сей нищий воззва, и Господь услыша и, и от всех скорбей его спасе и. 019 PSA 034 007 Ополчится Ангел Господень окрест боящихся Его и избавит их. 019 PSA 034 008 Вкусите и видите, яко благ Господь: блажен муж, иже уповает Нань. 019 PSA 034 009 Бойтеся Господа, вси святии Его, яко несть лишения боящымся Его. 019 PSA 034 010 Богатии обнищаша и взалкаша: взыскающии же Господа не лишатся всякаго блага. 019 PSA 034 011 Приидите, чада, послушайте мене, страху Господню научу вас. 019 PSA 034 012 Кто есть человек хотяй живот, любяй дни видети благи? 019 PSA 034 013 Удержи язык твой от зла и устне твои, еже не глаголати льсти. 019 PSA 034 014 Уклонися от зла и сотвори благо: взыщи мира и пожени и. 019 PSA 034 015 Очи Господни на праведныя, и уши Его в молитву их. 019 PSA 034 016 Лице же Господне на творящыя злая, еже потребити от земли память их. 019 PSA 034 017 Воззваша праведнии, и Господь услыша их и от всех скорбей их избави их. 019 PSA 034 018 Близ Господь сокрушенных сердцем, и смиренныя духом спасет. 019 PSA 034 019 Многи скорби праведным, и от всех их избавит я Господь. 019 PSA 034 020 Хранит Господь вся кости их, ни едина от них сокрушится. 019 PSA 034 021 Смерть грешников люта, и ненавидящии праведнаго прегрешат. 019 PSA 034 022 Избавит Господь душы раб Своих, и не прегрешат вси уповающии на Него. 019 PSA 035 001 Суди, Господи, обидящыя мя, побори борющыя мя. 019 PSA 035 002 Приими оружие и щит и востани в помощь мою: 019 PSA 035 003 изсуни мечь и заключи сопротив гонящих мя: рцы души моей: спасение твое есмь Аз. 019 PSA 035 004 Да постыдятся и посрамятся ищущии душу мою, да возвратятся вспять и постыдятся мыслящии ми злая. 019 PSA 035 005 Да будут яко прах пред лицем ветра, и Ангел Господень оскорбляя их: 019 PSA 035 006 да будет путь их тма и ползок, и Ангел Господень погоняяй их: 019 PSA 035 007 яко туне скрыша ми пагубу сети своея, всуе поносиша души моей. 019 PSA 035 008 Да приидет ему сеть, юже не весть, и ловитва, юже скры, да обымет и, и в сеть да впадет в ню. 019 PSA 035 009 Душа же моя возрадуется о Господе, возвеселится о спасении Его. 019 PSA 035 010 Вся кости моя рекут: Господи, Господи, кто подобен Тебе? Избавляяй нища из руки крепльших его, и нища, и убога от расхищающих его. 019 PSA 035 011 Воставше на мя свидетеле неправеднии, яже не ведях, вопрошаху мя. 019 PSA 035 012 Воздаша ми лукавая воз благая, и безчадие души моей. 019 PSA 035 013 Аз же, внегда они стужаху ми, облачахся во вретище и смирях постом душу мою, и молитва моя в недро мое возвратится. 019 PSA 035 014 Яко ближнему, яко брату нашему, тако угождах: яко плачя и сетуя, тако смиряхся. 019 PSA 035 015 И на мя возвеселишася и собрашася: собрашася на мя раны, и не познах: разделишася, и не умилишася. 019 PSA 035 016 Искусиша мя, подражниша мя подражнением, поскрежеташа на мя зубы своими. 019 PSA 035 017 Господи, когда узриши? Устрой душу мою от злодейства их, от лев единородную мою. 019 PSA 035 018 Исповемся Тебе в церкви мнозе, в людех тяжцех восхвалю Тя. 019 PSA 035 019 Да не возрадуются о мне враждующии ми неправедно, ненавидящии мя туне и помизающии очима: 019 PSA 035 020 яко мне убо мирная глаголаху, и на гнев лести помышляху. 019 PSA 035 021 Разшириша на мя уста своя, реша: благоже, благоже, видеша очи наши. 019 PSA 035 022 Видел еси, Господи, да не премолчиши: Господи, не отступи от мене. 019 PSA 035 023 Востани, Господи, и вонми суду моему, Боже мой и Господи мой, на прю мою. 019 PSA 035 024 Суди ми, Господи, по правде Твоей, Господи Боже мой, и да не возрадуются о мне. 019 PSA 035 025 Да не рекут в сердцах своих: благоже, благоже души нашей: ниже да рекут: пожрохом его. 019 PSA 035 026 Да постыдятся и посрамятся вкупе радующиися злом моим: да облекутся в студ и срам велеречующии на мя. 019 PSA 035 027 Да возрадуются и возвеселятся хотящии правды моея: и да рекут выну, да возвеличится Господь, хотящии мира рабу Его. 019 PSA 035 028 И язык мой поучится правде Твоей, весь день хвале Твоей. 019 PSA 036 001 В конец, отроку Господню Давиду. Глаголет пребеззаконный согрешати в себе: несть страха Божия пред очима его: 019 PSA 036 002 яко ульсти пред ним обрести беззаконие свое, и возненавидети. 019 PSA 036 003 Глаголы уст его беззаконие и лесть: не восхоте разумети еже ублажити. 019 PSA 036 004 Беззаконие помысли на ложи своем: предста всякому пути неблагу, о злобе же не негодова. 019 PSA 036 005 Господи, на небеси милость Твоя, и истина Твоя до облак: 019 PSA 036 006 правда Твоя яко горы Божия, судбы Твоя бездна многа: человеки и скоты спасеши, Господи. 019 PSA 036 007 Яко умножил еси милость Твою, Боже: сынове же человечестии в крове крилу Твоею надеятися имут. 019 PSA 036 008 Упиются от тука дому Твоего, и потоком сладости Твоея напоиши я. 019 PSA 036 009 Яко у Тебе источник живота, во свете Твоем узрим свет. 019 PSA 036 010 Пробави милость Твою ведущым Тя и правду Твою правым сердцем. 019 PSA 036 011 Да не приидет мне нога гордыни, и рука грешнича да не подвижит мене. 019 PSA 036 012 Тамо падоша вси делающии беззаконие: изриновени быша, и не возмогут стати. 019 PSA 037 001 Не ревнуй лукавнующым, ниже завиди творящым беззаконие. 019 PSA 037 002 Зане яко трава скоро изсшут, и яко зелие злака скоро отпадут. 019 PSA 037 003 Уповай на Господа и твори благостыню: и насели землю, и упасешися в богатстве ея. 019 PSA 037 004 Насладися Господеви, и даст ти прошения сердца твоего. 019 PSA 037 005 Открый ко Господу путь твой и уповай на Него, и Той сотворит. 019 PSA 037 006 И изведет яко свет правду твою и судбу твою яко полудне. 019 PSA 037 007 Повинися Господеви и умоли Его. Не ревнуй спеющему в пути своем, человеку творящему законопреступление. 019 PSA 037 008 Престани от гнева и остави ярость: не ревнуй, еже лукавновати, 019 PSA 037 009 зане лукавнующии потребятся, терпящии же Господа, тии наследят землю. 019 PSA 037 010 И еще мало, и не будет грешника: и взыщеши место его и не обрящеши. 019 PSA 037 011 Кротцыи же наследят землю и насладятся о множестве мира. 019 PSA 037 012 Назирает грешный праведнаго и поскрежещет нань зубы своими: 019 PSA 037 013 Господь же посмеется ему, зане прозирает, яко приидет день его. 019 PSA 037 014 Мечь извлекоша грешницы, напрягоша лук свой, низложити убога и нища, заклати правыя сердцем. 019 PSA 037 015 Мечь их да внидет в сердца их, и луцы их да сокрушатся. 019 PSA 037 016 Лучше малое праведнику, паче богатства грешных многа. 019 PSA 037 017 Зане мышцы грешных сокрушатся, утверждает же праведныя Господь. 019 PSA 037 018 Весть Господь пути непорочных, и достояние их в век будет. 019 PSA 037 019 Не постыдятся во время лютое и во днех глада насытятся, яко грешницы погибнут. 019 PSA 037 020 Врази же Господни, купно прославитися им и вознестися, изчезающе яко дым изчезоша. 019 PSA 037 021 Заемлет грешный и не возвратит: праведный же щедрит и дает. 019 PSA 037 022 Яко благословящии Его наследят землю, кленущии же Его потребятся. 019 PSA 037 023 От Господа стопы человеку исправляются, и пути Его восхощет зело. 019 PSA 037 024 Егда падет, не разбиется, яко Господь подкрепляет руку его. 019 PSA 037 025 Юнейший бых, ибо состарехся, и не видех праведника оставлена, ниже семене его просяща хлебы. 019 PSA 037 026 Весь день милует и взаим дает праведный, и семя его во благословение будет. 019 PSA 037 027 Уклонися от зла и сотвори благо, и вселися в век века. 019 PSA 037 028 Яко Господь любит суд и не оставит преподобных Своих: во век сохранятся: беззаконницы же изженутся, и семя нечестивых потребится. 019 PSA 037 029 Праведницы же наследят землю и вселятся в век века на ней. 019 PSA 037 030 Уста праведнаго поучатся премудрости, и язык его возглаголет суд. 019 PSA 037 031 Закон Бога его сердцы его, и не запнутся стопы его. 019 PSA 037 032 Сматряет грешный праведнаго и ищет еже умертвити его: 019 PSA 037 033 Господь же не оставит его в руку его, ниже осудит его, егда судит ему. 019 PSA 037 034 Потерпи Господа и сохрани путь Его, и вознесет тя еже наследити землю: внегда потреблятися грешником, узриши. 019 PSA 037 035 Видех нечестиваго превозносящася и высящася яко кедры Ливанския: 019 PSA 037 036 и мимо идох, и се, не бе, и взысках его, и не обретеся место его. 019 PSA 037 037 Храни незлобие и виждь правоту, яко есть останок человеку мирну. 019 PSA 037 038 Беззаконницы же потребятся вкупе: останцы же нечестивых потребятся. 019 PSA 037 039 Спасение же праведных от Господа, и защититель их есть во время скорби: 019 PSA 037 040 и поможет им Господь и избавит их, и измет их от грешник и спасет их, яко уповаша на Него. 019 PSA 038 001 Псалом Давиду, в воспоминание о субботе. Господи, да не яростию Твоею обличиши мене, ниже гневом Твоим накажеши мене: 019 PSA 038 002 яко стрелы Твоя унзоша во мне, и утвердил еси на мне руку Твою. 019 PSA 038 003 Несть изцеления в плоти моей от лица гнева Твоего, несть мира в костех моих от лица грех моих. 019 PSA 038 004 Яко беззакония моя превзыдоша главу мою, яко бремя тяжкое отяготеша на мне. 019 PSA 038 005 Возсмердеша и согниша раны моя, от лица безумия моего. 019 PSA 038 006 Пострадах и слякохся до конца, весь день сетуя хождах: 019 PSA 038 007 яко лядвия моя наполнишася поруганий, и несть изцеления в плоти моей. 019 PSA 038 008 Озлоблен бых и смирихся до зела, рыках от воздыхания сердца моего. 019 PSA 038 009 Господи, пред Тобою все желание мое, и воздыхание мое от Тебе не утаися. 019 PSA 038 010 Сердце мое смятеся, остави мя сила моя, и свет очию моею, и той несть со мною. 019 PSA 038 011 Друзи мои и искреннии мои прямо мне приближишася и сташа. 019 PSA 038 012 И ближнии мои отдалече мене сташа, и нуждахуся ищущии душу мою: и ищущии злая мне глаголаху суетная, и льстивным весь день поучахуся. 019 PSA 038 013 Аз же яко глух не слышах, и яко нем не отверзаяй уст своих: 019 PSA 038 014 и бых яко человек не слышай и не имый во устех своих обличения. 019 PSA 038 015 Яко на Тя, Господи, уповах, Ты услышиши, Господи Боже мой. 019 PSA 038 016 Яко рех: да не когда порадуютмися врази мои: и внегда подвижатися ногам моим, на мя велеречеваша. 019 PSA 038 017 Яко аз на раны готов, и болезнь моя предо мною есть выну. 019 PSA 038 018 Яко беззаконие мое аз возвещу и попекуся о гресе моем. 019 PSA 038 019 Врази же мои живут и укрепишася паче мене, и умножишася ненавидящии мя без правды: 019 PSA 038 020 воздающии ми злая воз благая оболгаху мя, зане гонях благостыню. 019 PSA 038 021 Не остави мене, Господи Боже мой, не отступи от мене: 019 PSA 038 022 вонми в помощь мою, Господи спасения моего. 019 PSA 039 001 В конец, Идифуму, песнь Давиду. Рех: сохраню пути моя, еже не согрешати ми языком моим: положих устом моим хранило, внегда востати грешному предо мною. 019 PSA 039 002 Онемех и смирихся, и умолчах от благ, и болезнь моя обновися. 019 PSA 039 003 Согреяся сердце мое во мне, и в поучении моем разгорится огнь: глаголах языком моим: 019 PSA 039 004 скажи ми, Господи, кончину мою и число дний моих, кое есть, да разумею, что лишаюся аз. 019 PSA 039 005 Се, пяди положил еси дни моя, и состав мой яко ничтоже пред Тобою: обаче всяческая суета всяк человек живый. 019 PSA 039 006 Убо образом ходит человек, обаче всуе мятется: сокровищствует, и не весть, кому соберет я. 019 PSA 039 007 И ныне кто терпение мое? Не Господь ли? И состав мой от Тебе есть. 019 PSA 039 008 От всех беззаконий моих избави мя: поношение безумному дал мя еси. 019 PSA 039 009 Онемех и не отверзох уст моих, яко Ты сотворил еси. 019 PSA 039 010 Отстави от мене раны Твоя: от крепости бо руки Твоея аз изчезох. 019 PSA 039 011 Во обличениих о беззаконии наказал еси человека, и истаял еси яко паучину душу его: обаче всуе всяк человек. 019 PSA 039 012 Услыши молитву мою, Господи, и моление мое внуши, слез моих не премолчи: яко преселник аз есмь у Тебе и пришлец, якоже вси отцы мои. 019 PSA 039 013 Ослаби ми, да почию, прежде даже не отиду, и ктому не буду. 019 PSA 040 001 В конец, псалом Давиду. Терпя потерпех Господа, и внят ми и услыша молитву мою: 019 PSA 040 002 и возведе мя от рова страстей и от брения тины, и постави на камени нозе мои и исправи стопы моя: 019 PSA 040 003 и вложи во уста моя песнь нову, пение Богу нашему. Узрят мнози и убоятся, и уповают на Господа. 019 PSA 040 004 Блажен муж, емуже есть имя Господне упование его, и не призре в суеты и неистовления ложная. 019 PSA 040 005 Многа сотворил еси Ты, Господи Боже мой, чудеса Твоя, и помышлением Твоим несть кто уподобится Тебе: возвестих и глаголах: умножишася паче числа. 019 PSA 040 006 Жертвы и приношения не восхотел еси, тело же свершил ми еси: всесожжений и о гресе не взыскал еси. 019 PSA 040 007 Тогда рех: се, прииду: в главизне книжне писано есть о мне: 019 PSA 040 008 еже сотворити волю Твою, Боже мой, восхотех, и закон Твой посреде чрева моего. 019 PSA 040 009 Благовестих правду в церкви велицей, се, устнам моим не возбраню: Господи, Ты разумел еси. 019 PSA 040 010 Правду Твою не скрых в сердцы моем, истину Твою и спасение Твое рех, не скрых милость Твою и истину Твою от сонма многа. 019 PSA 040 011 Ты же, Господи, не удали щедрот Твоих от мене: милость Твоя и истина Твоя выну да заступите мя. 019 PSA 040 012 Яко одержаша мя злая, имже несть числа: постигоша мя беззакония моя, и не возмогох зрети: умножишася паче влас главы моея, и сердце мое остави мя. 019 PSA 040 013 Благоволи, Господи, избавити мя: Господи, во еже помощи ми, вонми. 019 PSA 040 014 Да постыдятся и посрамятся вкупе ищущии душу мою, изяти ю: да возвратятся вспять и постыдятся хотящии ми злая. 019 PSA 040 015 Да приимут абие студ свой глаголющии ми: благоже, благоже. 019 PSA 040 016 Да возрадуются и возвеселятся о Тебе вси ищущии Тебе, Господи, и да рекут выну, да возвеличится Господь, любящии спасение Твое. 019 PSA 040 017 Аз же нищь есмь и убог, Господь попечется о мне: помощник мой и защититель мой еси ты, Боже мой, не закосни. 019 PSA 041 001 В конец, псалом Давиду. Блажен разумеваяй на нища и убога, в день лют избавит его Господь. 019 PSA 041 002 Господь да сохранит его и живит его, и да ублажит его на земли и да не предаст его в руки врагов его. 019 PSA 041 003 Господь да поможет ему на одре болезни его: все ложе его обратил еси в болезни его. 019 PSA 041 004 Аз рех: Господи, помилуй мя, изцели душу мою, яко согреших Ти. 019 PSA 041 005 Врази мои реша мне злая: когда умрет, и погибнет имя его? 019 PSA 041 006 И вхождаше видети, всуе глаголаше сердце его: собра беззаконие себе, исхождаше вон и глаголаше вкупе. 019 PSA 041 007 На мя шептаху вси врази мои, на мя помышляху злая мне. 019 PSA 041 008 Слово законопреступное возложиша на мя: еда спяй не приложит воскреснути? 019 PSA 041 009 Ибо человек мира моего, на негоже уповах, ядый хлебы моя, возвеличи на мя запинание. 019 PSA 041 010 Ты же, Господи, помилуй мя и возстави мя, и воздам им. 019 PSA 041 011 В сем познах, яко восхотел мя еси, яко не возрадуется враг мой о мне. 019 PSA 041 012 Мене же за незлобие приял, и утвердил мя еси пред Тобою в век. 019 PSA 041 013 Благословен Господь Бог Израилев от века и до века: буди, буди. 019 PSA 042 001 В конец, в разум сынов Кореовых, псалом Давиду. Имже образом желает елень на источники водныя, сице желает душа моя к Тебе, Боже. 019 PSA 042 002 Возжада душа моя к Богу крепкому, живому: когда прииду и явлюся лицу Божию? 019 PSA 042 003 Быша слезы моя мне хлеб день и нощь, внегда глаголатися мне на всяк день: где есть Бог твой? 019 PSA 042 004 Сия помянух, и излиях на мя душу мою: яко пройду в место селения дивна, даже до дому Божия, во гласе радования и исповедания, шума празднующаго. 019 PSA 042 005 Вскую прискорбна еси, душе моя? И вскую смущаеши мя? Уповай на Бога, яко исповемся Ему, спасение лица моего и Бог мой. 019 PSA 042 006 Ко мне самому душа моя смятеся: сего ради помянух Тя от земли Иордански и Ермониимски, от горы Малыя. 019 PSA 042 007 Бездна бездну призывает во гласе хлябий Твоих: вся высоты Твоя и волны Твоя на мне преидоша. 019 PSA 042 008 В день заповесть Господь милость Свою, и нощию песнь Его от мене, молитва Богу живота моего. 019 PSA 042 009 Реку Богу: заступник мой еси, почто мя забыл еси? И вскую сетуя хожду, внегда оскорбляет враг? 019 PSA 042 010 Внегда сокрушатися костем моим, поношаху ми врази мои, внегда глаголати им мне на всяк день: где есть Бог твой? 019 PSA 042 011 Вскую прискорбна еси, душе моя? И вскую смущаеши мя? Уповай на Бога, яко исповемся Ему, спасение лица моего и Бог мой. 019 PSA 043 001 Суди ми, Боже, и разсуди прю мою: от языка не преподобна, от человека неправедна и льстива избави мя. 019 PSA 043 002 Зане Ты еси, Боже, крепость моя, вскую отринул мя еси? И вскую сетуя хожду, внегда оскорбляет враг? 019 PSA 043 003 Посли свет Твой и истину Твою: та мя настависта, и введоста мя в гору святую Твою и в селения Твоя. 019 PSA 043 004 И вниду к жертвеннику Божию, к Богу веселящему юность мою: исповемся Тебе в гуслех, Боже, Боже мой. 019 PSA 043 005 Вскую прискорбна еси, душе моя? И вскую смущаеши мя? Уповай на Бога, яко исповемся Ему, спасение лица моего и Бог мой. 019 PSA 044 001 В конец, сынов Кореовых, в разум, псалом. Боже, ушима нашима услышахом, и отцы наши возвестиша нам дело, еже соделал еси во днех их, во днех древних. 019 PSA 044 002 Рука Твоя языки потреби, и насадил я еси: озлобил еси люди и изгнал еси я. 019 PSA 044 003 Не бо мечем своим наследиша землю, и мышца их не спасе их, но десница Твоя и мышца Твоя и просвещение лица Твоего, яко благоволил еси в них. 019 PSA 044 004 Ты еси сам Царь мой и Бог мой, заповедаяй спасения Иаковля. 019 PSA 044 005 О Тебе враги нашя избодем роги, и о имени Твоем уничижим востающыя на ны. 019 PSA 044 006 Не на лук бо мой уповаю, и мечь мой не спасет мене: 019 PSA 044 007 спасл бо еси нас от стужающих нам, и ненавидящих нас посрамил еси. 019 PSA 044 008 О Бозе похвалимся весь день, и о имени Твоем исповемыся во век. 019 PSA 044 009 Ныне же отринул еси и посрамил еси нас, и не изыдеши, Боже, в силах наших. 019 PSA 044 010 Возвратил еси нас вспять при вразех наших, и ненавидящии нас расхищаху себе. 019 PSA 044 011 Дал еси нас яко овцы снеди, и во языцех разсеял ны еси. 019 PSA 044 012 Отдал еси люди Твоя без цены, и не бе множество в восклицаниих наших. 019 PSA 044 013 Положил еси нас поношение соседом нашым, подражнение и поругание сущым окрест нас. 019 PSA 044 014 Положил еси нас в притчу во языцех, покиванию главы в людех. 019 PSA 044 015 Весь день срам мой предо мною есть, и студ лица моего покры мя, 019 PSA 044 016 от гласа поношающаго и оклеветающаго, от лица вражия и изгонящаго. 019 PSA 044 017 Сия вся приидоша на ны, и не забыхом Тебе, и не неправдовахом в завете Твоем, 019 PSA 044 018 и не отступи вспять сердце наше: и уклонил еси стези нашя от пути Твоего, 019 PSA 044 019 яко смирил еси нас на месте озлобления, и прикры ны сень смертная. 019 PSA 044 020 Аще забыхом имя Бога нашего, и аще воздехом руки нашя к богу чуждему, 019 PSA 044 021 не Бог ли взыщет сих? Той бо весть тайная сердца. 019 PSA 044 022 Зане Тебе ради умерщвляемся весь день, вменихомся яко овцы заколения. 019 PSA 044 023 Востани, вскую спиши, Господи? Воскресени, и не отрини до конца. 019 PSA 044 024 Вскую лице Твое отвращаеши? Забываеши нищету нашу и скорбь нашу? 019 PSA 044 025 Яко смирися в персть душа наша, прильпе земли утроба наша. 019 PSA 044 026 Воскресени, Господи, помози нам, и избави нас имене ради Твоего. 019 PSA 045 001 В конец, о изменяемых сыном Кореовым в разум, песнь о возлюбленнем. Отрыгну сердце мое слово благо, глаголю аз дела моя Цареви: язык мой трость книжника скорописца. 019 PSA 045 002 Красен добротою паче сынов человеческих, излияся благодать во устнах Твоих: сего ради благослови Тя Бог во век. 019 PSA 045 003 Препояши мечь Твой по бедре Твоей, Сильне, 019 PSA 045 004 красотою Твоею и добротою Твоею: и наляцы, и успевай, и царствуй истины ради и кротости и правды: и наставит Тя дивно десница Твоя. 019 PSA 045 005 Стрелы Твоя изощрены, Сильне: людие под Тобою падут в сердцы враг Царевых. 019 PSA 045 006 Престол Твой, Боже, в век века: жезл правости жезл царствия Твоего. 019 PSA 045 007 Возлюбил еси правду и возненавидел еси беззаконие: сего ради помаза Тя, Боже, Бог Твой елеем радости паче причастник Твоих. 019 PSA 045 008 Смирна и стакти и касиа от риз Твоих, от тяжестей слоновых, из нихже возвеселиша Тя. 019 PSA 045 009 Дщери царей в чести Твоей: предста царица одесную Тебе, в ризах позлащенных одеяна преиспещрена. 019 PSA 045 010 Слыши, дщи, и виждь, и приклони ухо твое, и забуди люди твоя и дом отца твоего: 019 PSA 045 011 и возжелает Царь доброты твоея, зане Той есть Господь твой, и поклонишися Ему, 019 PSA 045 012 и дщи Тирова с дары: лицу Твоему помолятся богатии людстии. 019 PSA 045 013 Вся слава дщере Царевы внутрь: рясны златыми одеяна и преиспещрена. 019 PSA 045 014 Приведутся Царю девы вслед ея, искренния ея приведутся Тебе: 019 PSA 045 015 приведутся в веселии и радовании, введутся в храм Царев. 019 PSA 045 016 Вместо отец Твоих быша сынове Твои: поставиши я князи по всей земли. 019 PSA 045 017 Помяну имя Твое во всяком роде и роде: сего ради людие исповедятся Тебе в век и во век века. 019 PSA 046 001 В конец, о сынех Кореовых, о тайных, псалом. Бог нам прибежище и сила, помощник в скорбех обретших ны зело. 019 PSA 046 002 Сего ради не убоимся, внегда смущается земля, и прелагаются горы в сердца морская. 019 PSA 046 003 Возшумеша и смятошася воды их, смятошася горы крепостию его. 019 PSA 046 004 Речная устремления веселят град Божий: освятил есть селение свое Вышний. 019 PSA 046 005 Бог посреде его, и не подвижится: поможет ему Бог утро заутра. 019 PSA 046 006 Смятошася языцы, уклонишася царствия: даде глас Свой Вышний, подвижеся земля. 019 PSA 046 007 Господь сил с нами, заступник наш Бог Иаковль. 019 PSA 046 008 Приидите и видите дела Божия, яже положи чудеса на земли: 019 PSA 046 009 отемля брани до конец земли, лук сокрушит и сломит оружие, и щиты сожжет огнем. 019 PSA 046 010 Упразднитеся и разумейте, яко Аз есмь Бог: вознесуся во языцех, вознесуся на земли. 019 PSA 046 011 Господь сил с нами, заступник наш Бог Иаковль. 019 PSA 047 001 В конец, о сынех Кореовых, псалом. Вси языцы, восплещите руками, воскликните Богу гласом радования: 019 PSA 047 002 яко Господь Вышний страшен, Царь велий по всей земли: 019 PSA 047 003 покори люди нам и языки под ноги наша: 019 PSA 047 004 избра нам достояния свое, доброту Иаковлю, юже возлюби. 019 PSA 047 005 Взыде Бог в воскликновении, Господь во гласе трубне. 019 PSA 047 006 Пойте Богу нашему, пойте: пойте Цареви нашему, пойте. 019 PSA 047 007 Яко Царь всея земли Бог, пойте разумно. 019 PSA 047 008 Воцарися Бог над языки: Бог седит на престоле святем Своем. 019 PSA 047 009 Князи людстии собрашася с Богом Авраамлим: яко Божии державнии земли зело вознесошася. 019 PSA 048 001 Псалом песни сынов Кореовых, вторыя субботы. Велий Господь и хвален зело во граде Бога нашего, в горе святей Его, 019 PSA 048 002 благокоренным радованием всея земли: горы Сионския, ребра северова, град Царя великаго. 019 PSA 048 003 Бог в тяжестех его знаемь есть, егда заступает и. 019 PSA 048 004 Яко се, царие земстии собрашася, снидошася вкупе: 019 PSA 048 005 тии видевше тако, удивишася, смятошася, подвигошася: 019 PSA 048 006 трепет прият я тамо, болезни яко раждающия. 019 PSA 048 007 Духом бурным сокрушиши корабли Фарсийския. 019 PSA 048 008 Якоже слышахом, тако и видехом во граде Господа сил, во граде Бога нашего: Бог основа и в век. 019 PSA 048 009 Прияхом, Боже, милость Твою посреде людий Твоих. 019 PSA 048 010 По имени Твоему, Боже, тако и хвала Твоя на концах земли: правды исполнь десница Твоя. 019 PSA 048 011 Да возвеселится гора Сионская, и да возрадуются дщери Иудейския, судеб ради Твоих, Господи. 019 PSA 048 012 Обыдите Сион и обымите его, поведите в столпех его: 019 PSA 048 013 положите сердца ваша в силу его, и разделите домы его, яко да повесте в роде инем. 019 PSA 048 014 Яко Той есть Бог наш во век и в век века: Той упасет нас во веки. 019 PSA 049 001 В конец, сыном Кореовым, псалом. Услышите сия, вси языцы, внушите, вси живущии по вселенней, 019 PSA 049 002 земнороднии же и сынове человечестии, вкупе богат и убог. 019 PSA 049 003 Уста моя возглаголют премудрость, и поучение сердца моего разум. 019 PSA 049 004 Приклоню в притчу ухо мое, отверзу во псалтири ганание мое. 019 PSA 049 005 Вскую боюся в день лют? Беззаконие пяты моея обыдет мя. 019 PSA 049 006 Надеющиися на силу свою и о множестве богатства своего хвалящиися: 019 PSA 049 007 брат не избавит, избавит ли человек? Не даст Богу измены за ся, 019 PSA 049 008 и цену избавления души своея: и утрудися в век, 019 PSA 049 009 и жив будет до конца, не узрит пагубы. 019 PSA 049 010 Егда увидит премудрыя умирающыя, вкупе безумен и несмыслен погибнут, и оставят чуждим богатство свое. 019 PSA 049 011 И гроби их жилища их во век, селения их в род и род, нарекоша имена своя на землях. 019 PSA 049 012 И человек в чести сый не разуме, приложися скотом несмысленным и уподобися им. 019 PSA 049 013 Сей путь их соблазн им, и по сих во устех своих благоволят. 019 PSA 049 014 Яко овцы во аде положени суть, смерть упасет я: и обладают ими правии заутра, и помощь их обетшает во аде: от славы своея изриновени быша. 019 PSA 049 015 Обаче Бог избавит душу мою из руки адовы, егда приемлет мя. 019 PSA 049 016 Не убойся, егда разбогатеет человек, или егда умножится слава дому его: 019 PSA 049 017 яко внегда умрети ему, не возмет вся, ниже снидет с ним слава его. 019 PSA 049 018 Яко душа его в животе его благословится, исповестся тебе, егда благосотвориши ему. 019 PSA 049 019 Внидет даже до рода отец своих, даже до века не узрит света. 019 PSA 049 020 И человек в чести сый не разуме, приложися скотом несмысленным и уподобися им. 019 PSA 050 001 Бог Богов Господь глагола, и призва землю от восток солнца до запад. 019 PSA 050 002 От Сиона благолепие красоты Его: 019 PSA 050 003 Бог яве приидет, Бог наш, и не премолчит: огнь пред Ним возгорится, и окрест Его буря зелна. 019 PSA 050 004 Призовет небо свыше, и землю, разсудити люди Своя. 019 PSA 050 005 Соберите Ему преподобныя Его, завещающыя завет Его о жертвах. 019 PSA 050 006 И возвестят небеса правду Его: яко Бог судия есть. 019 PSA 050 007 Услышите, людие Мои, и возглаголю вам, Израилю, и засвидетелствую тебе: Бог, Бог твой есмь Аз. 019 PSA 050 008 Не о жертвах твоих обличу тя, всесожжения же твоя предо Мною суть выну: 019 PSA 050 009 не прииму от дому твоего телцев, ниже от стад твоих козлов. 019 PSA 050 010 Яко Мои суть вси зверие дубравнии, скоти в горах и волове: 019 PSA 050 011 познах вся птицы небесныя, и красота селная со Мною есть. 019 PSA 050 012 Аще взалчу, не реку тебе: Моя бо есть вселенная и исполнение ея. 019 PSA 050 013 Еда ям мяса юнча? Или кровь козлов пию? 019 PSA 050 014 Пожри Богови жертву хвалы и воздаждь Вышнему молитвы твоя: 019 PSA 050 015 и призови Мя в день скорби твоея, и изму тя, и прославиши Мя. 019 PSA 050 016 Грешнику же рече Бог: вскую ты поведаеши оправдания Моя и восприемлеши завет Мой усты твоими? 019 PSA 050 017 Ты же возненавидел еси наказание и отвергл еси словеса Моя вспять. 019 PSA 050 018 Аще видел еси татя, текл еси с ним, и с прелюбодеем участие твое полагал еси: 019 PSA 050 019 уста твоя умножиша злобу, и язык твой сплеташе льщения: 019 PSA 050 020 седя на брата твоего клеветал еси и на сына матере твоея полагал еси соблазн. 019 PSA 050 021 Сия сотворил еси, и умолчах, вознепщевал еси беззаконие, яко буду тебе подобен: обличу тя и представлю пред лицем твоим грехи твоя. 019 PSA 050 022 Разумейте убо сия, забывающии Бога, да не когда похитит, и не будет избавляяй. 019 PSA 050 023 Жертва хвалы прославит Мя, и тамо путь, имже явлю ему спасение Мое. 019 PSA 051 001 В конец, псалом Давиду, внегда внити к нему Нафану пророку, егда вниде к Вирсавии жене Уриеве. Помилуй мя, Боже, по велицей милости Твоей, и по множеству щедрот Твоих очисти беззаконие мое. 019 PSA 051 002 Наипаче омый мя от беззакония моего и от греха моего очисти мя: 019 PSA 051 003 яко беззаконие мое аз знаю, и грех мой предо мною есть выну. 019 PSA 051 004 Тебе единому согреших и лукавое пред Тобою сотворих: яко да оправдишися во словесех Твоих и победиши, внегда судити Ти. 019 PSA 051 005 Се бо, в беззакониих зачат есмь, и во гресех роди мя мати моя. 019 PSA 051 006 Се бо, истину возлюбил еси, безвестная и тайная премудрости Твоея явил ми еси. 019 PSA 051 007 Окропиши мя иссопом, и очищуся: омыеши мя, и паче снега убелюся. 019 PSA 051 008 Слуху моему даси радость и веселие: возрадуются кости смиренныя. 019 PSA 051 009 Отврати лице Твое от грех моих и вся беззакония моя очисти. 019 PSA 051 010 Сердце чисто созижди во мне, Боже, и дух прав обнови во утробе моей. 019 PSA 051 011 Не отвержи мене от лица Твоего и Духа Твоего Святаго не отими от мене. 019 PSA 051 012 Воздаждь ми радость спасения Твоего и Духом владычним утверди мя. 019 PSA 051 013 Научу беззаконныя путем Твоим, и нечестивии к Тебе обратятся. 019 PSA 051 014 Избави мя от кровей, Боже, Боже спасения моего: возрадуется язык мой правде Твоей. 019 PSA 051 015 Господи, устне мои отверзеши, и уста моя возвестят хвалу Твою. 019 PSA 051 016 Яко аще бы восхотел еси жертвы, дал бых убо: всесожжения не благоволиши. 019 PSA 051 017 Жертва Богу дух сокрушен: сердце сокрушенно и смиренно Бог не уничижит. 019 PSA 051 018 Ублажи, Господи, благоволением Твоим Сиона, и да созиждутся стены Иерусалимския: 019 PSA 051 019 тогда благоволиши жертву правды, возношение и всесожегаемая: тогда возложат на олтарь Твой телцы. 019 PSA 052 001 В конец, разума Давиду, внегда приити Доику Идумейску, и возвестити Саулу, и рещи ему: прииде Давид в дом Авимелехов. Что хвалишися во злобе, сильне? Беззаконие весь день. 019 PSA 052 002 Неправду умысли язык твой: яко бритву изощрену сотворил еси лесть. 019 PSA 052 003 Возлюбил еси злобу паче благостыни, неправду неже глаголати правду: 019 PSA 052 004 возлюбил еси вся глаголы потопныя, язык льстив. 019 PSA 052 005 Сего ради Бог разрушит тя до конца: восторгнет тя, и преселит тя от селения твоего и корень твой от земли живых. 019 PSA 052 006 Узрят праведнии и убоятся, и о нем возсмеются и рекут: 019 PSA 052 007 се, человек, иже не положи Бога помощника себе, но упова на множество богатства своего, и возможе суетою своею. 019 PSA 052 008 Аз же яко маслина плодовита в дому Божии: уповах на милость Божию во век и в век века. 019 PSA 052 009 Исповемся Тебе в век, яко сотворил еси: и терплю имя Твое, яко благо пред преподобными Твоими. 019 PSA 053 001 В конец, о Маелефе, разума Давиду. Рече безумен в сердцы своем: несть Бог. Растлеша и омерзишася в беззакониих, несть творяй благое. 019 PSA 053 002 Бог с небесе приниче на сыны человеческия, видети, аще есть разумеваяй или взыскаяй Бога. 019 PSA 053 003 Вси уклонишася, вкупе непотребни быша: несть творяй благое, несть до единаго. 019 PSA 053 004 Ни ли уразумеют вси делающии беззаконие, снедающии люди моя в снедь хлеба? Господа не призваша. 019 PSA 053 005 Тамо устрашишася страха, идеже не бе страх: яко Бог разсыпа кости человекоугодников: постыдешася, яко Бог уничижи их. 019 PSA 053 006 Кто даст от Сиона спасение Израилево? Внегда возвратит Бог пленение людий Своих, возрадуется Иаков и возвеселится Израиль. 019 PSA 054 001 В конец, в песнех разума Давиду, внегда приити Зифеем и рещи Саулови: не се ли, Давид скрыся в нас? Боже, во имя Твое спаси мя и в силе Твоей суди ми. 019 PSA 054 002 Боже, услыши молитву мою, внуши глаголы уст моих: 019 PSA 054 003 яко чуждии восташа на мя, и крепцыи взыскаша душу мою, и не предложиша Бога пред собою. 019 PSA 054 004 Се бо, Бог помогает ми, и Господь заступник души моей: 019 PSA 054 005 отвратит злая врагом моим: истиною Твоею потреби их. 019 PSA 054 006 Волею пожру Тебе, исповемся имени Твоему, Господи, яко благо: 019 PSA 054 007 яко от всякия печали избавил мя еси, и на враги моя воззре око мое. 019 PSA 055 001 В конец, в песнех разума, Асафу, псалом. Внуши, Боже, молитву мою и не презри моления моего: 019 PSA 055 002 вонми ми и услыши мя: возскорбех печалию моею, и смятохся 019 PSA 055 003 от гласа вражия и от стужения грешнича: яко уклониша на мя беззаконие и во гневе враждоваху ми. 019 PSA 055 004 Сердце мое смятеся во мне, и боязнь смерти нападе на мя: 019 PSA 055 005 страх и трепет прииде на мя, и покры мя тма. 019 PSA 055 006 И рех: кто даст ми криле яко голубине? И полещу, и почию. 019 PSA 055 007 Се, удалихся бегая и водворихся в пустыни. 019 PSA 055 008 Чаях Бога спасающаго мя от малодушия и от бури. 019 PSA 055 009 Потопи, Господи, и раздели языки их: яко видех беззаконие и пререкание во граде. 019 PSA 055 010 Днем и нощию обыдет и по стенам его: беззаконие и труд посреде его, и неправда: 019 PSA 055 011 и не оскуде от стогн его лихва и лесть. 019 PSA 055 012 Яко аще бы враг поносил ми, претерпел бых убо: и аще бы ненавидяй мя на мя велеречевал, укрылбыхся от него. 019 PSA 055 013 Ты же, человече равнодушне, владыко мой и знаемый мой, 019 PSA 055 014 иже купно наслаждался еси со мною брашен: в дому Божии ходихом единомышлением. 019 PSA 055 015 Да приидет же смерть на ня, и да снидут во ад живи: яко лукавство в жилищих их, посреде их. 019 PSA 055 016 Аз к Богу воззвах, и Господь услыша мя. 019 PSA 055 017 Вечер и заутра и полудне повем и возвещу, и услышит глас мой. 019 PSA 055 018 Избавит миром душу мою от приближающихся мне: яко во мнозе бяху со мною. 019 PSA 055 019 Услышит Бог, и смирит я сый прежде век: несть бо им изменения, яко не убояшася Бога. 019 PSA 055 020 Простре руку свою на воздаяние: оскверниша завет Его. 019 PSA 055 021 Разделишася от гнева лица Его, и приближишася сердца их: умякнуша словеса их паче елеа, и та суть стрелы. 019 PSA 055 022 Возверзи на Господа печаль твою, и Той тя препитает: не даст в век молвы праведнику. 019 PSA 055 023 Ты же, Боже, низведеши их в студенец истления: мужие кровей и льсти не преполовят дний своих. Аз же, Господи, уповаю на Тя. 019 PSA 056 001 В конец, о людех от святых удаленых, Давиду в столпописание, внегда удержаша и иноплеменницы в Гефе, псалом. Помилуй мя, Боже, яко попра мя человек: весь день боря стужи ми. 019 PSA 056 002 Попраша мя врази мои весь день: яко мнози борющии мя с высоты. 019 PSA 056 003 В день не убоюся, аз же уповаю на Тя. 019 PSA 056 004 О Бозе похвалю словеса Моя: на Бога уповах, не убоюся: что сотворит мне плоть? 019 PSA 056 005 Весь день словес моих гнушахуся: на мя вся помышления их на зло. 019 PSA 056 006 Вселятся и скрыют, тии пяту мою сохранят, якоже потерпеша душу мою. 019 PSA 056 007 Ни о чесомже отринеши я, гневом люди низведеши. 019 PSA 056 008 Боже, живот мой возвестих Тебе: положил еси слезы моя пред Тобою, яко и во обетовании Твоем. 019 PSA 056 009 Да возвратятся врази мои вспять, в оньже аще день призову Тя: се, познах, яко Бог мой еси Ты. 019 PSA 056 010 О Бозе похвалю глаголгол, о Господе похвалю слово. 019 PSA 056 011 На Бога уповах, не убоюся: что сотворит мне человек? 019 PSA 056 012 Во мне, Боже, молитвы, яже воздам хвалы Твоея: 019 PSA 056 013 яко избавил еси душу мою от смерти, очи мои от слез и нозе мои от поползновения: благоугожду пред Господем во свете живых. 019 PSA 057 001 В конец, да не растлиши, Давиду в столпописание, внегда ему отбегати от лица Саулова в пещеру. Помилуй мя, Боже, помилуй мя: яко на Тя упова душа моя, и на сень крилу Твоею надеюся, дондеже прейдет беззаконие. 019 PSA 057 002 Воззову к Богу Вышнему, Богу благодеявшему мне. 019 PSA 057 003 Посла с небесе и спасе мя, даде в поношение попирающыя мя: посла Бог милость Свою и истину Свою, 019 PSA 057 004 и избави душу мою от среды скимнов. Поспах смущен: сынове человечестии, зубы их оружия и стрелы, и язык их мечь остр. 019 PSA 057 005 Вознесися на небеса, Боже, и по всей земли слава Твоя. 019 PSA 057 006 Сеть уготоваша ногам моим, и слякоша душу мою: ископаша пред лицем моим яму, и впадоша в ню. 019 PSA 057 007 Готово сердце мое, Боже, готово сердце мое: воспою и пою во славе моей. 019 PSA 057 008 Востани, слава моя, востани, псалтирю и гусли: востану рано. 019 PSA 057 009 Исповемся Тебе в людех, Господи, воспою Тебе во языцех: 019 PSA 057 010 яко возвеличися до небес милость Твоя и даже до облак истина Твоя. 019 PSA 057 011 Вознесися на небеса, Боже, и по всей земли слава Твоя. 019 PSA 058 001 В конец, да не растлиши, Давиду в столпописание. Аще воистинну убо правду глаголете, правая судите, сынове человечестии. 019 PSA 058 002 Ибо в сердцы беззаконие делаете на земли, неправду руки вашя сплетают. 019 PSA 058 003 Очуждишася грешницы от ложесн, заблудиша от чрева, глаголаша лжу. 019 PSA 058 004 Ярость их по подобию змиину, яко аспида глуха и затыкающаго уши свои, 019 PSA 058 005 иже не услышит гласа обавающих, обаваемь обавается от премудра. 019 PSA 058 006 Бог сокрушит зубы их во устех их: членовныя львов сокрушил есть Господь. 019 PSA 058 007 Уничижатся яко вода мимотекущая: напряжет лук свой, дондеже изнемогут. 019 PSA 058 008 Яко воск растаяв отимутся: паде огнь на них, и не видеша солнца. 019 PSA 058 009 Прежде еже разумети терния вашего рамна, яко живы, яко во гневе пожрет я. 019 PSA 058 010 Возвеселится праведник, егда увидит отмщение: руце свои умыет в крови грешника. 019 PSA 058 011 И речет человек: аще убо есть плод праведнику, убо есть Бог судя им на земли. 019 PSA 059 001 В конец, да не растлиши, Давиду в столпописание, внегда посла Саул и стреже дом его, еже умертвити его. Изми мя от враг моих, Боже, и от востающих на мя избави мя: 019 PSA 059 002 избави мя от делающих беззаконие, и от муж кровей спаси мя. 019 PSA 059 003 Яко се, уловиша душу мою, нападоша на мя крепцыи: ниже беззаконие мое, ниже грех мой, Господи: 019 PSA 059 004 без беззакония текох и исправих: востани в сретение мое и виждь. 019 PSA 059 005 И Ты, Господи Боже сил, Боже Израилев, вонми посетити вся языки: да не ущедриши вся делающыя беззаконие. 019 PSA 059 006 Возвратятся на вечер, и взалчут яко пес, и обыдут град. 019 PSA 059 007 Се, тии отвещают усты своими, и мечь во устнах их: яко кто слыша? 019 PSA 059 008 И Ты, Господи, посмеешися им, уничижиши вся языки. 019 PSA 059 009 Державу мою к Тебе сохраню: яко Ты, Боже, заступник мой еси. 019 PSA 059 010 Бог мой, милость Его предварит мя: Бог мой, явит мне на вразех моих. 019 PSA 059 011 Не убий их, да не когда забудут закон Твой: расточи я силою Твоею и низведи я, защитниче мой, Господи, 019 PSA 059 012 грех уст их, слово устен их: и яти да будут в гордыни своей, и от клятвы и лжи возвестятся в кончине, 019 PSA 059 013 во гневе кончины, и не будут: и уведят, яко Бог владычествует Иаковом и концы земли. 019 PSA 059 014 Возвратятся на вечер, и взалчут яко пес, и обыдут град: 019 PSA 059 015 тии разыдутся ясти: аще ли же не насытятся, и поропщут. 019 PSA 059 016 Аз же воспою силу Твою и возрадуюся заутра о милости Твоей: яко был еси заступник мой и прибежище мое в день скорби моея. 019 PSA 059 017 Помощник мой еси, Тебе пою: яко Бог заступник мой еси, Боже мой, милость моя. 019 PSA 060 001 В конец, о изменитися хотящих, в столпописание Давиду, в научение: внегда сожже Средоречие Сирийское и Сирию Совалскую, и возвратися Иоав и порази Едома в дебри Солей дванадесять тысящ. Боже, отринул ны еси и низложил еси нас, разгневался еси и ущедрил еси нас. 019 PSA 060 002 Стрясл еси землю и смутил еси ю: изцели сокрушение ея, яко подвижеся. 019 PSA 060 003 Показал еси людем Твоим жестокая: напоил еси нас вином умиления. 019 PSA 060 004 Дал еси боящымся Тебе знамение, еже убежати от лица лука. 019 PSA 060 005 Яко да избавятся возлюбленнии Твои, спаси десницею Твоею и услыши мя. 019 PSA 060 006 Бог возглагола во святем Своем: возрадуюся, и разделю Сикиму, и юдоль Жилищ размерю. 019 PSA 060 007 Мой есть Галаад, и Мой есть Манассий, Ефрем крепость главы Моея, Иуда царь Мой. 019 PSA 060 008 Моав коноб упования Моего: на Идумею простру сапог Мой: Мне иноплеменницы покоришася. 019 PSA 060 009 Кто введет мя во град ограждения? Или кто наставит мя до Идумеи? 019 PSA 060 010 Не Ты ли, Боже, отринувый нас? И не изыдеши, Боже, в силах наших? 019 PSA 060 011 Даждь нам помощь от скорби: и суетно спасение человеческо. 019 PSA 060 012 О Бозе сотворим силу: и Той уничижит стужающыя нам. 019 PSA 061 001 В конец, в песнех, Давиду Псалом. Услыши, Боже, моление мое, вонми молитве моей: 019 PSA 061 002 от конец земли к Тебе воззвах, внегда уны сердце мое: на камень вознесл мя еси, наставил мя еси, 019 PSA 061 003 яко был еси упование мое, столп крепости от лица вражия. 019 PSA 061 004 Вселюся в селении Твоем во веки, покрыюся в крове крил Твоих. 019 PSA 061 005 Яко Ты, Боже, услышал еси молитвы моя, дал еси достояние боящымся имене Твоего. 019 PSA 061 006 Дни на дни царевы приложиши, лета его до дне рода и рода. 019 PSA 061 007 Пребудет в век пред Богом: милость и истину его кто взыщет? 019 PSA 061 008 Тако воспою имени Твоему во веки, воздати ми молитвы моя день от дне. 019 PSA 062 001 В конец, о Идифуме, псалом Давиду. Не Богу ли повинется душа моя? От Того бо спасение мое. 019 PSA 062 002 Ибо Той Бог мой и спас мой, заступник мой: не подвижуся наипаче. 019 PSA 062 003 Доколе належите на человека? Убиваете вси вы, яко стене преклонене и оплоту возриновену. 019 PSA 062 004 Обаче цену мою совещаша отринути, текоша в жажди: усты своими благословляху, и сердцем своим кленяху. 019 PSA 062 005 Обаче Богови повинися, душе моя: яко от Того терпение мое. 019 PSA 062 006 Ибо Той Бог мой и спас мой, заступник мой: не преселюся. 019 PSA 062 007 О Бозе спасение мое и слава моя: Бог помощи моея, и упование мое на Бога. 019 PSA 062 008 Уповайте на Него, весь сонм людий: излияйте пред Ним сердца ваша, яко Бог помощник наш. 019 PSA 062 009 Обаче суетни сынове человечестии, лживи сынове человечестии в мерилех еже неправдовати: тии от суеты вкупе. 019 PSA 062 010 Не уповайте на неправду, и на восхищение не желайте: богатство аще течет, не прилагайте сердца. 019 PSA 062 011 Единою глагола Бог, двоя сия слышах, зане держава Божия, 019 PSA 062 012 и Твоя, Господи, милость: яко Ты воздаси комуждо по делом его. 019 PSA 063 001 Псалом Давиду, внегда быти ему в пустыни Иудейстей. Боже, Боже мой, к Тебе утренюю: возжада Тебе душа моя, коль множицею Тебе плоть моя, в земли пусте и непроходне и безводне. 019 PSA 063 002 Тако во святем явихся Тебе, видети силу Твою и славу Твою. 019 PSA 063 003 Яко лучши милость Твоя паче живот: устне мои похвалите Тя. 019 PSA 063 004 Тако благословлю Тя в животе моем и о имени Твоем воздежу руце мои. 019 PSA 063 005 Яко от тука и масти да исполнится душа моя, и устнама радости восхвалят Тя уста моя. 019 PSA 063 006 Аще поминах Тя на постели моей, на утренних поучахся в Тя: 019 PSA 063 007 яко был еси помощник мой, и в крове крилу Твоею возрадуюся. 019 PSA 063 008 Прильпе душа моя по Тебе: мене же прият десница Твоя. 019 PSA 063 009 Тии же всуе искаша душу мою: внидут в преисподняя земли: 019 PSA 063 010 предадятся в руки оружия, части лисовом будут. 019 PSA 063 011 Царь же возвеселится о Бозе: похвалится всяк кленыйся Им, яко заградишася уста глаголющих неправедная. 019 PSA 064 001 В конец, псалом Давиду. Услыши, Боже, глас мой, внегда молитимися к тебе: от страха вражия изми душу мою. 019 PSA 064 002 Покрый мя от сонма лукавнующих, от множества делающих неправду: 019 PSA 064 003 иже изостриша яко мечь языки своя, напрягоша лук свой, вещь горьку, 019 PSA 064 004 состреляти в тайных непорочна: внезапу состреляют его, и не убоятся. 019 PSA 064 005 Утвердиша себе слово лукавое: поведаша скрыти сеть, реша: кто узрит их? 019 PSA 064 006 Испыташа беззаконие: изчезоша испытающии испытания: приступит человек, и сердце глубоко. 019 PSA 064 007 И вознесется Бог: стрелы младенец быша язвы их, 019 PSA 064 008 и изнемогоша на ня языцы их: смутишася вси видящии их. 019 PSA 064 009 И убояся всяк человек: и возвестиша дела Божия, и творения Его разумеша. 019 PSA 064 010 Возвеселится праведник о Господе и уповает на Него: и похвалятся вси правии сердцем. 019 PSA 065 001 В конец, псалом песни Давиду, песнь Иеремиева и иезекиилева, людий преселения, егда хотяху исходити. Тебе подобает песнь, Боже, в Сионе, и Тебе воздастся молитва во Иерусалиме. 019 PSA 065 002 Услыши молитву мою: к Тебе всяка плоть приидет. 019 PSA 065 003 Словеса беззаконник премогоша нас: и нечестия наша Ты очестиши. 019 PSA 065 004 Блажен, егоже избрал еси и приял, вселится во дворех Твоих. Исполнимся во благих дому Твоего: свят храм Твой. 019 PSA 065 005 Дивен в правде, услыши ны, Боже, Спасителю наш, упование всех концей земли и сущих в мори далече: 019 PSA 065 006 уготовляяй горы крепостию Своею, препоясан силою: 019 PSA 065 007 смущаяй глубину морскую, шуму волн его кто постоит? Смятутся языцы, 019 PSA 065 008 и убоятся живущии в концах от знамений Твоих: исходы утра и вечера украсиши. 019 PSA 065 009 Посетил еси землю и упоил еси ю, умножил еси обогатити ю: река Божия наполнися вод: уготовал еси пищу им, яко тако (есть) уготование. 019 PSA 065 010 Бразды ея упой, умножи жита ея: в каплях ея возвеселится возсияющи. 019 PSA 065 011 Благословиши венец лета благости Твоея, и поля Твоя исполнятся тука: 019 PSA 065 012 разботеют красная пустыни, и радостию холми препояшутся. 019 PSA 065 013 Одеяшася овни овчии, и удолия умножат пшеницу: воззовут, ибо воспоют. 019 PSA 066 001 В конец, песнь псалма воскресения. 019 PSA 066 002 Воскликните Господеви вся земля, пойте же имени Его, дадите славу хвале Его. 019 PSA 066 003 Рцыте Богу: коль страшна дела Твоя? Во множестве силы Твоея солжут Тебе врази Твои. 019 PSA 066 004 Вся земля да поклонится Тебе и поет Тебе, да поет же имени Твоему, Вышний. 019 PSA 066 005 Приидите и видите дела Божия, коль страшен в советех паче сынов человеческих. 019 PSA 066 006 Обращаяй море в сушу, в реце пройдут ногами: тамо возвеселимся о Нем, 019 PSA 066 007 владычествующем силою Своею веком: очи Его на языки призираете: преогорчевающии да не возносятся в себе. 019 PSA 066 008 Благословите, языцы, Бога нашего, и услышан сотворите глас хвалы Его, 019 PSA 066 009 положшаго душу мою в живот, и не давшаго во смятение ног моих. 019 PSA 066 010 Яко искусил ны еси, Боже, разжегл ны еси, якоже разжизается сребро. 019 PSA 066 011 Ввел ны еси в сеть, положил еси скорби на хребте нашем. 019 PSA 066 012 Возвел еси человеки на главы нашя: проидохом сквозе огнь и воду, и извел еси ны в покой. 019 PSA 066 013 Вниду в дом Твой со всесожжением, воздам Тебе молитвы моя, 019 PSA 066 014 яже изрекосте устне мои, и глаголаша уста моя в скорби моей. 019 PSA 066 015 Всесожжения тучна вознесу Тебе с кадилом, и овны, вознесу Тебе волы с козлы. 019 PSA 066 016 Приидите, услышите, и повем вам, вси боящиися Бога, елика сотвори души моей. 019 PSA 066 017 К Нему усты моими воззвах, и вознесох под языком моим. 019 PSA 066 018 Неправду аще узрех в сердцы моем, да не услышит мене Господь. 019 PSA 066 019 Сего ради услыша мя Бог, внят гласу моления моего. 019 PSA 066 020 Благословен Бог, Иже не отстави молитву мою и милость Свою от мене. 019 PSA 067 001 В конец, в песнех, псалом песни Давиду. Боже, ущедри ны и благослови ны, просвети лице Твое на ны и помилуй ны: 019 PSA 067 002 познати на земли путь Твой, во всех языцех спасение Твое. 019 PSA 067 003 Да исповедятся Тебе людие, Боже, да исповедятся Тебе людие вси. 019 PSA 067 004 Да возвеселятся и да возрадуются языцы: яко судиши людем правотою, и языки на земли наставиши. 019 PSA 067 005 Да исповедятся Тебе людие, Боже, да исповедятся Тебе людие вси. 019 PSA 067 006 Земля даде плод свой: благослови ны, Боже, Боже наш, 019 PSA 067 007 благослови ны, Боже: и да убоятся Его вси концы земли. 019 PSA 068 001 В конец, псалом песни Давиду. Да воскреснет Бог, и расточатся врази Его, и да бежат от лица Его ненавидящии Его. 019 PSA 068 002 Яко изчезает дым, да изчезнут: яко тает воск от лица огня, тако да погибнут грешницы от лица Божия: 019 PSA 068 003 а праведницы да возвеселятся, да возрадуются пред Богом, да насладятся в веселии. 019 PSA 068 004 Воспойте Богу, пойте имени Его: путесотворите Возшедшему на запады, Господь имя Ему: и радуйтеся пред Ним. 019 PSA 068 005 Да смятутся от лица Его, Отца сирых и судии вдовиц: Бог в месте святем Своем. 019 PSA 068 006 Бог вселяет единомысленныя в дом, изводя окованныя мужеством, такожде преогорчевающыя живущыя во гробех. 019 PSA 068 007 Боже, внегда исходити Тебе пред людьми Твоими, внегда мимоходити Тебе в пустыни, 019 PSA 068 008 земля потрясеся, ибо небеса кануша от лица Бога Синаина, от лица Бога Израилева. 019 PSA 068 009 Дождь волен отлучиши, Боже, достоянию Твоему, и изнеможе, Ты же совершил еси е. 019 PSA 068 010 Животная Твоя живут на ней: уготовал еси благостию Твоею нищему, Боже. 019 PSA 068 011 Господь даст глагол благовествующым силою многою: 019 PSA 068 012 царь сил возлюбленнаго, красотою дому разделити корысти. 019 PSA 068 013 Аще поспите посреде предел, криле голубине посребрене, и междорамия ея в блещании злата: 019 PSA 068 014 внегда разнствит Небесный цари на ней, оснежатся в Селмоне. 019 PSA 068 015 Гора Божия, гора тучная, гора усыренная, гора тучная. 019 PSA 068 016 Вскую непщуете, горы усыренныя? Гора, юже благоволи Бог жити в ней: ибо Господь вселится до конца. 019 PSA 068 017 Колесница Божия тмами тем, тысяща гобзующих: Господь в них в Синаи во святем. 019 PSA 068 018 Возшел еси на высоту, пленил еси плен: приял еси даяния в человецех, ибо непокаряющыяся, еже вселитися. 019 PSA 068 019 Господь Бог благословен, благословен Господь день дне: поспешит нам Бог спасений наших. 019 PSA 068 020 Бог наш Бог еже спасати: и Господня, Господня исходища смертная. 019 PSA 068 021 Обаче Бог сокрушит главы врагов Своих, верх влас преходящих в прегрешениих своих. 019 PSA 068 022 Рече Господь: от Васана обращу, обращу во глубинах морских: 019 PSA 068 023 яко да омочится нога твоя в крови, язык пес твоих от враг от него. 019 PSA 068 024 Видена быша шествия Твоя, Боже, шествия Бога моего Царя, иже во святем. 019 PSA 068 025 Предвариша князи близ поющих, посреде дев тимпанниц. 019 PSA 068 026 В церквах благословите Бога, Господа от источник Израилевых. 019 PSA 068 027 Тамо Вениамин юнейший во ужасе, князи Иудовы владыки их, князи Завулони, князи Неффалимли. 019 PSA 068 028 Заповеждь, Боже, силою Твоею: укрепи, Боже, сие, еже соделал еси в нас. 019 PSA 068 029 От храма Твоего во Иерусалим Тебе принесут царие дары. 019 PSA 068 030 Запрети зверем тростным: сонм юнец в юницах людских, еже затворити искушенныя сребром: расточи языки хотящыя бранем. 019 PSA 068 031 Приидут молитвенницы от Египта: Ефиопиа предварит руку свою к Богу. 019 PSA 068 032 Царства земная, пойте Богу, воспойте Господеви, 019 PSA 068 033 возшедшему на небо небесе на востоки: се, даст гласу Своему глас силы. 019 PSA 068 034 Дадите славу Богови: на Израили велелепота Его, и сила Его на облацех. 019 PSA 068 035 Дивен Бог во святых Своих: Бог Израилев, Той даст силу и державу людем Своим. Благословен Бог. 019 PSA 069 001 В конец, о изменшихся, псалом Давиду. Спаси мя, Боже, яко внидоша воды до души моея. 019 PSA 069 002 Углебох в тимении глубины, и несть постояния: приидох во глубины морския, и буря потопи мя. 019 PSA 069 003 Утрудихся зовый, измолче гортань мой: изчезосте очи мои, от еже уповати ми на Бога моего. 019 PSA 069 004 Умножишася паче влас главы моея ненавидящии мя туне: укрепишася врази мои, изгонящии мя неправедно: яже не восхищах, тогда воздаях. 019 PSA 069 005 Боже, Ты уведел еси безумие мое, и прегрешения моя от Тебе не утаишася. 019 PSA 069 006 Да не постыдятся о мне терпящии Тебе, Господи, Господи сил: ниже да посрамятся о мне ищущии Тебе, Боже Израилев. 019 PSA 069 007 Яко Тебе ради претерпех поношение, покры срамота лице мое. 019 PSA 069 008 Чуждь бых братии моей и странен сыновом матере моея: 019 PSA 069 009 яко ревность дому Твоего снеде мя, и поношения поносящих Ти нападоша на мя. 019 PSA 069 010 И покрых постом душу мою, и бысть в поношение мне: 019 PSA 069 011 и положих одеяние мое вретище, и бых им в притчу. 019 PSA 069 012 О мне глумляхуся седящии во вратех, и о мне пояху пиющии вино. 019 PSA 069 013 Аз же молитвою моею к Тебе, Боже: время благоволения, Боже: во множестве милости Твоея услыши мя, во истине спасения Твоего. 019 PSA 069 014 Спаси мя от брения, да не углебну: да избавлюся от ненавидящих мя и от глубоких вод. 019 PSA 069 015 Да не потопит мене буря водная, ниже да пожрет мене глубина, ниже сведет о мне ровенник уст своих. 019 PSA 069 016 Услыши мя, Господи, яко блага милость Твоя: по множеству щедрот Твоих призри на мя. 019 PSA 069 017 Не отврати лица Твоего от отрока Твоего, яко скорблю: скоро услыши мя. 019 PSA 069 018 Вонми души моей и избави ю: враг моих ради избави мя. 019 PSA 069 019 Ты бо веси поношение мое, и студ мой, и срамоту мою: пред Тобою вси оскорбляющии мя. 019 PSA 069 020 Поношение чаяше душа моя и страсть: и ждах соскорбящаго, и не бе, и утешающих, и не обретох. 019 PSA 069 021 И даша в снедь мою желчь, и в жажду мою напоиша мя оцта. 019 PSA 069 022 Да будет трапеза их пред ними в сеть и в воздаяние и в соблазн. 019 PSA 069 023 Да помрачатся очи их, еже не видети, и хребет их выну сляцы. 019 PSA 069 024 Пролий на ня гнев Твой, и ярость гнева Твоего да постигнет их. 019 PSA 069 025 Да будет двор их пуст, и в жилищих их да не будет живый. 019 PSA 069 026 Зане егоже Ты поразил еси, тии погнаша, и к болезни язв моих приложиша. 019 PSA 069 027 Приложи беззаконие к беззаконию их, и да не внидут в правду Твою. 019 PSA 069 028 Да потребятся от книги живых, и с праведными да не напишутся. 019 PSA 069 029 Нищь и боляй есмь аз: спасение Твое, Боже, да приимет мя. 019 PSA 069 030 Восхвалю имя Бога моего с песнию, возвеличу Его во хвалении: 019 PSA 069 031 и угодно будет Богу паче телца юна, роги износяща и пазнокти. 019 PSA 069 032 Да узрят нищии и возвеселятся: взыщите Бога, и жива будет душа ваша. 019 PSA 069 033 Яко услыша убогия Господь, и окованныя Своя не уничижи. 019 PSA 069 034 Да восхвалят Его небеса и земля, море и вся живущая в нем. 019 PSA 069 035 Яко Бог спасет Сиона, и созиждутся гради Иудейстии, и вселятся тамо и наследят и: 019 PSA 069 036 и семя рабов Твоих удержит и, и любящии имя Твое вселятся в нем. 019 PSA 070 001 В конец Давиду, в воспоминание, во еже спасти мя Господу. Боже, в помощь мою вонми: Господи, помощи ми потщися. 019 PSA 070 002 Да постыдятся и посрамятся ищущии душу мою. Да возвратятся вспять и постыдятся хотящии ми злая: 019 PSA 070 003 да возвратятся абие стыдящеся глаголющии ми: благоже, благоже. 019 PSA 070 004 Да возрадуются и возвеселятся о Тебе вси ищущии Тебе, Боже: и да глаголют выну, да возвеличится Господь, любящии спасение Твое. 019 PSA 070 005 Аз же нищь есмь и убог, Боже, помози ми: помощник мой и Избавитель мой еси Ты, Господи, не закосни. 019 PSA 071 001 На Тя, Господи, уповах, да не постыжуся в век. 019 PSA 071 002 Правдою Твоею избави мя и изми мя: приклони ко мне ухо Твое и спаси мя. 019 PSA 071 003 Буди ми в Бога защитителя и в место крепко спасти мя: яко утверждение мое и прибежище мое еси Ты. 019 PSA 071 004 Боже мой, избави мя из руки грешнаго, из руки законопреступнаго и обидящаго: 019 PSA 071 005 яко Ты еси терпение мое, Господи, Господи, упование мое от юности моея. 019 PSA 071 006 В Тебе утвердихся от утробы, от чрева матере моея Ты еси мой покровитель: о Тебе пение мое выну. 019 PSA 071 007 Яко чудо бых многим: и Ты помощник мой крепок. 019 PSA 071 008 Да исполнятся уста моя хваления, яко да воспою славу Твою, весь день великолепие Твое. 019 PSA 071 009 Не отвержи мене во время старости: внегда оскудевати крепости моей, не остави мене. 019 PSA 071 010 Яко реша врази мои мне, и стрегущии душу мою совещаша вкупе, 019 PSA 071 011 глаголюще: Бог оставил есть его, пожените и имите его, яко несть избавляяй. 019 PSA 071 012 Боже мой, не удалися от мене: Боже мой, в помощь мою вонми. 019 PSA 071 013 Да постыдятся и изчезнут оклеветающии душу мою, да облекутся в студ и срам ищущии злая мне. 019 PSA 071 014 Аз же всегда возуповаю на Тя, и приложу на всяку похвалу Твою. 019 PSA 071 015 Уста моя возвестят правду Твою, весь день спасение Твое, яко не познах книжная. 019 PSA 071 016 Вниду в силе Господни: Господи, помяну правду Тебе единаго. 019 PSA 071 017 Боже мой, имже научил мя еси от юности моея, и доныне возвещу чудеса Твоя. 019 PSA 071 018 И даже до старости и престарения, Боже мой, не остави мене, дондеже возвещу мышцу Твою роду всему грядущему, 019 PSA 071 019 силу Твою и правду Твою, Боже, даже до вышних, яже сотворил ми еси величия: Боже, кто подобен Тебе? 019 PSA 071 020 Елики явил ми еси скорби многи и злы? И обращься оживотворил мя еси и от бездн земли возвел мя еси. 019 PSA 071 021 Умножил еси на мне величествие твое, и обращься утешил мя еси, и от бездн земли паки возвел мя еси. 019 PSA 071 022 Ибо аз исповемся Тебе в людех, Господи, в сосудех псаломских истину Твою, Боже: воспою Тебе в гуслех, Святый Израилев. 019 PSA 071 023 Возрадуетеся устне мои, егда воспою Тебе, и душа моя, юже еси избавил: 019 PSA 071 024 еще же и язык мой весь день поучится правде Твоей, егда постыдятся и посрамятся ищущии злая мне. 019 PSA 072 001 Боже, суд Твой цареви даждь, и правду Твою сыну цареву: 019 PSA 072 002 судити людем Твоим в правде и нищым Твоим в суде. 019 PSA 072 003 Да восприимут горы мир людем и холми правду. 019 PSA 072 004 Судит нищым людским, и спасет сыны убогих, и смирит клеветника. 019 PSA 072 005 И пребудет с солнцем, и прежде луны рода родов. 019 PSA 072 006 Снидет яко дождь на руно, и яко капля каплющая на землю. 019 PSA 072 007 Возсияет во днех его правда и множество мира, дондеже отимется луна. 019 PSA 072 008 И обладает от моря до моря, и от рек до конец вселенныя. 019 PSA 072 009 Пред ним припадут Ефиопляне, и врази его персть полижут. 019 PSA 072 010 Царие Фарсийстии и острови дары принесут, царие Аравстии и Сава дары приведут: 019 PSA 072 011 и поклонятся ему вси царие земстии, вси языцы поработают ему. 019 PSA 072 012 Яко избави нища от сильна, и убога, емуже не бе помощника. 019 PSA 072 013 Пощадит нища и убога, и душы убогих спасет: 019 PSA 072 014 от лихвы и от неправды избавит душы их, и честно имя его пред ними. 019 PSA 072 015 И жив будет, и дастся ему от злата Аравийска: и помолятся о нем выну, весь день благословят его. 019 PSA 072 016 Будет утверждение на земли на версех гор: превознесется паче Ливана плод его, и процветут от града яко трава земная. 019 PSA 072 017 Будет имя его благословено во веки, прежде солнца пребывает имя его: и благословятся в нем вся колена земная, вси языцы ублажат его. 019 PSA 072 018 Благословен Господь Бог Израилев, творяй чудеса един, 019 PSA 072 019 и благословено имя славы Его во век и в век века: и исполнится славы Его вся земля: буди, буди. 019 PSA 073 001 Коль благ Бог Израилев правым сердцем. 019 PSA 073 002 Мои же вмале не подвижастеся нозе: вмале не пролияшася стопы моя: 019 PSA 073 003 яко возревновах на беззаконныя, мир грешников зря: 019 PSA 073 004 яко несть восклонения в смерти их и утверждения в ране их: 019 PSA 073 005 в трудех человеческих не суть, и с человеки не приимут ран. 019 PSA 073 006 Сего ради удержа я гордыня их до конца: одеяшася неправдою и нечестием своим. 019 PSA 073 007 Изыдет яко из тука неправда их: преидоша в любовь сердца. 019 PSA 073 008 Помыслиша и глаголаша в лукавстве, неправду в высоту глаголаша: 019 PSA 073 009 положиша на небеси уста своя, и язык их прейде по земли. 019 PSA 073 010 Сего ради обратятся людие Мои семо, и дние исполнени обрящутся в них. 019 PSA 073 011 И реша: како уведе Бог? И аще есть разум в Вышнем? 019 PSA 073 012 Се, сии грешницы и гобзующии в век удержаша богатство. 019 PSA 073 013 И рех: еда всуе оправдих сердце мое и умых в неповинных руце мои, 019 PSA 073 014 и бых язвен весь день, и обличение мое на утрених? 019 PSA 073 015 Аще глаголах, повем тако: се, роду сынов Твоих, емуже обещахся: 019 PSA 073 016 и непщевах разумети: сие труд есть предо мною, 019 PSA 073 017 дондеже вниду во святило Божие и разумею в последняя их. 019 PSA 073 018 Обаче за льщения их положил еси им злая, низложил еси я, внегда разгордешася. 019 PSA 073 019 Како быша в запустение? Внезапу изчезоша, погибоша за беззаконие свое. 019 PSA 073 020 Яко соние востающаго, Господи, во граде Твоем образ их уничижиши. 019 PSA 073 021 Яко разжжеся сердце мое, и утробы моя изменишася: 019 PSA 073 022 и аз уничижен, и не разумех, скотен бых у Тебе. 019 PSA 073 023 И аз выну с Тобою: удержал еси руку десную мою, 019 PSA 073 024 и советом Твоим наставил мя еси, и со славою приял мя еси. 019 PSA 073 025 Что бо ми есть на небеси? И от Тебе что восхотех на земли? 019 PSA 073 026 Изчезе сердце мое и плоть моя, Боже сердца моего, и часть моя, Боже, во век. 019 PSA 073 027 Яко се, удаляющии себе от Тебе погибнут: потребил еси всякаго любодеющаго от Тебе. 019 PSA 073 028 Мне же прилеплятися Богови благо есть, полагати на Господа упование мое, возвестити ми вся хвалы Твоя, во вратех дщере Сиони. 019 PSA 074 001 Вскую, Боже, отринул еси до конца? Разгневася ярость Твоя на овцы пажити Твоея? 019 PSA 074 002 Помяни сонм Твой, егоже стяжал еси исперва, избавил еси жезлом достояния Твоего, гора Сион сия, в нейже вселился еси. 019 PSA 074 003 Воздвигни руце Твои на гордыни их в конец, елика лукавнова враг во святем Твоем. 019 PSA 074 004 И восхвалишася ненавидящии Тя посреде праздника Твоего: положиша знамения своя знамения, и не познаша. 019 PSA 074 005 Яко во исходе превыше: яко в дубраве древяне секирами разсекоша 019 PSA 074 006 двери его вкупе, сечивом и оскордом разрушиша и. 019 PSA 074 007 Возжгоша огнем святило Твое: на земли оскверниша жилище имене Твоего. 019 PSA 074 008 Реша в сердцы своем южики их вкупе: приидите, и отставим вся праздники Божия от земли. 019 PSA 074 009 Знамения их не видехом: несть ктому пророка, и нас не познает ктому. 019 PSA 074 010 Доколе, Боже, поносит враг? Раздражит противный имя Твое до конца? 019 PSA 074 011 Вскую отвращаеши руку Твою и десницу Твою от среды недра Твоего в конец? 019 PSA 074 012 Бог же, Царь наш, прежде века содела спасение посреде земли. 019 PSA 074 013 Ты утвердил еси силою Твоею море: Ты стерл еси главы змиев в воде: 019 PSA 074 014 Ты сокрушил еси главу змиеву, дал еси того брашно людем Ефиопским. 019 PSA 074 015 Ты расторгл еси источники и потоки: Ты изсушил еси реки ифамския. 019 PSA 074 016 Твой есть день, и Твоя есть нощь: Ты совершил еси зарю и солнце. 019 PSA 074 017 Ты сотворил еси вся пределы земли: жатву и весну Ты создал еси я. 019 PSA 074 018 Помяни сия: враг поноси Господеви, и людие безумнии раздражиша имя Твое. 019 PSA 074 019 Не предаждь зверем душу исповедающуюся Тебе: душ убогих Твоих не забуди до конца. 019 PSA 074 020 Призри на завет Твой: яко исполнишася помраченнии земли домов беззаконий. 019 PSA 074 021 Да не возвратится смиренный посрамлен: нищь и убог восхвалита имя Твое. 019 PSA 074 022 Востани, Боже, суди прю Твою: помяни поношение Твое, еже от безумнаго весь день. 019 PSA 074 023 Не забуди гласа молитвенник Твоих: гордыня ненавидящих Тя взыде выну. 019 PSA 075 001 В конец, да не растлиши, псалом песни Асафу. Исповемыся Тебе, Боже, исповемыся Тебе и призовем имя Твое: повем вся чудеса Твоя. 019 PSA 075 002 Егда прииму время, Аз правоты возсужду. 019 PSA 075 003 Растаяся земля и вси живущии на ней, Аз утвердих столпы ея. 019 PSA 075 004 Рех беззаконнующым, не беззаконнуйте: и согрешающым, не возносите рога. 019 PSA 075 005 Не воздвизайте на высоту рога вашего и не глаголите на Бога неправду: 019 PSA 075 006 яко ниже от исход, ниже и запад, ниже от пустых гор. 019 PSA 075 007 Яко Бог судия есть: сего смиряет, и сего возносит. 019 PSA 075 008 Яко чаша в руце Господни, вина нерастворена исполнь растворения, и уклони от сея в сию: обаче дрождие его не истощися, испиют вси грешнии земли. 019 PSA 075 009 Аз же возрадуюся в век, воспою Богу Иаковлю: 019 PSA 075 010 и вся роги грешных сломлю, и вознесется рог праведнаго. 019 PSA 076 001 В конец, в песнех, псалом Асафу, песнь ко Ассирианину. Ведом во Иудеи Бог: во Израили велие имя Его. 019 PSA 076 002 И бысть в Мире место Его, и жилище Его в Сионе. 019 PSA 076 003 Тамо сокруши крепости луков, оружие и мечь и брань. 019 PSA 076 004 Просвещаеши ты дивно от гор вечных. 019 PSA 076 005 Смятошася вси неразумнии сердцем: уснуша сном своим, и ничтоже обретоша вси мужие богатства в руках своих. 019 PSA 076 006 От запрещения Твоего, Боже Иаковль, воздремаша вседшии на кони. 019 PSA 076 007 Ты страшен еси, и кто противостанет Тебе? Оттоле гнев Твой. 019 PSA 076 008 С небесе слышан сотворил еси суд: земля убояся и умолча, 019 PSA 076 009 внегда востати на суд Богу, спасти вся кроткия земли. 019 PSA 076 010 Яко помышление человеческое исповестся Тебе, и останок помышления празднует Ти. 019 PSA 076 011 Помолитеся и воздадите Господеви Богу нашему: вси, иже окрест Его, принесут дары 019 PSA 076 012 Страшному и отемлющему духи князей, страшному паче царей земных. 019 PSA 077 001 В конец, о Идифуме, псалом Асафу. Гласом моим ко Господу воззвах, гласом моим к Богу, и внят ми. 019 PSA 077 002 В день скорби моея Бога взысках рукама моима, нощию пред ним, и не прельщен бых: отвержеся утешитися душа моя. 019 PSA 077 003 Помянух Бога и возвеселихся, поглумляхся, и малодушствоваше дух мой. 019 PSA 077 004 Предваристе стражбы очи мои: смятохся и не глаголах. 019 PSA 077 005 Помыслих дни первыя, и лета вечная помянух, и поучахся: 019 PSA 077 006 нощию сердцем моим глумляхся, и тужаше дух мой: 019 PSA 077 007 еда во веки отринет Господь и не приложит благоволити паки? 019 PSA 077 008 Или до конца милость Свою отсечет, сконча глаголгол от рода в род? 019 PSA 077 009 Еда забудет ущедрити Бог? Или удержит во гневе Своем щедроты Своя? 019 PSA 077 010 И рех: ныне начах, сия измена десницы Вышняго. 019 PSA 077 011 Помянух дела Господня: яко помяну от начала чудеса Твоя, 019 PSA 077 012 и поучуся во всех делех Твоих, и в начинаниих Твоих поглумлюся. 019 PSA 077 013 Боже, во святем путь Твой: кто Бог велий, яко Бог наш? 019 PSA 077 014 Ты еси Бог творяй чудеса: сказал еси в людех силу Твою, 019 PSA 077 015 избавил еси мышцею Твоею люди Твоя, сыны Иаковли и Иосифовы. 019 PSA 077 016 Видеша Тя воды, Боже, видеша Тя воды и убояшася: смятошася бездны. 019 PSA 077 017 Множество шума вод: глас даша облацы, ибо стрелы Твоя преходят. 019 PSA 077 018 Глас грома Твоего в колеси, осветиша молния твоя вселенную: подвижеся и трепетна бысть земля. 019 PSA 077 019 В мори путие Твои, и стези Твоя в водах многих, и следы Твои не познаются. 019 PSA 077 020 Наставил еси яко овцы люди Твоя рукою Моисеовою и Ааронею. 019 PSA 078 001 Внемлите, людие мои, закону моему, приклоните ухо ваше во глаголы уст моих. 019 PSA 078 002 Отверзу в притчах уста моя, провещаю ганания исперва. 019 PSA 078 003 Елика слышахом и познахом я, и отцы наши поведаша нам: 019 PSA 078 004 не утаишася от чад их в род ин, возвещающе хвалы Господни, и силы Его и чудеса Его, яже сотвори. 019 PSA 078 005 И воздвиже свидение во Иакове, и закон положи во Израили, елика заповеда отцем нашым сказати я сыновом своим, 019 PSA 078 006 яко да познает род ин, сынове родящиися, и востанут и поведят я сыновом своим: 019 PSA 078 007 да положат на Бога упование свое, и не забудут дел Божиих, и заповеди Его взыщут: 019 PSA 078 008 да не будут якоже отцы их, род строптив и преогорчеваяй, род иже не исправи сердца своего и не увери с Богом духа своего. 019 PSA 078 009 Сынове Ефремли наляцающе и стреляюще луки возвратишася в день брани: 019 PSA 078 010 не сохраниша завета Божия, и в законе Его не восхотеша ходити. 019 PSA 078 011 И забыша благодеяния Его и чудеса Его, яже показа им 019 PSA 078 012 пред отцы их, яже сотвори чудеса в земли Египетстей, на поли Танеосе: 019 PSA 078 013 разверзе море и проведе их: представи воды яко мех, 019 PSA 078 014 и настави я облаком во дни и всю нощь просвещением огня. 019 PSA 078 015 Разверзе камень в пустыни и напои я яко в бездне мнозе: 019 PSA 078 016 и изведе воду из камене и низведе яко реки воды. 019 PSA 078 017 И приложиша еще согрешати Ему, преогорчиша Вышняго в безводней: 019 PSA 078 018 и искусиша Бога в сердцах своих, воспросити брашна душам своим. 019 PSA 078 019 И клеветаша на Бога и реша: еда возможет Бог уготовати трапезу в пустыни? 019 PSA 078 020 Понеже порази камень, и потекоша воды, и потоцы наводнишася: еда и хлеб может дати? Или уготовати трапезу людем Своим? 019 PSA 078 021 Сего ради слыша Господь и презре, и огнь возгореся во Иакове, и гнев взыде на Израиля: 019 PSA 078 022 яко не вероваша Богови, ниже уповаша на спасение Его. 019 PSA 078 023 И заповеда облаком свыше, и двери небесе отверзе: 019 PSA 078 024 и одожди им манну ясти, и хлеб небесный даде им. 019 PSA 078 025 Хлеб ангельский яде человек: брашно посла им до сытости. 019 PSA 078 026 Воздвиже юг с небесе, и наведе силою Своею лива: 019 PSA 078 027 и одожди на ня яко прах плоти, и яко песок морский птицы пернаты. 019 PSA 078 028 И нападоша посреде стана их, окрест жилищ их. 019 PSA 078 029 И ядоша и насытишася зело, и желание их принесе им. 019 PSA 078 030 Не лишишася от желания своего: еще брашну сущу во устех их, 019 PSA 078 031 и гнев Божий взыде на ня, и уби множайшая их, и избранным Израилевым запят. 019 PSA 078 032 Во всех сих согрешиша еще и не вероваша чудесем Его: 019 PSA 078 033 и изчезоша в суете дние их, и лета их со тщанием. 019 PSA 078 034 Егда убиваше я, тогда взыскаху Его и обращахуся и утреневаху к Богу: 019 PSA 078 035 и помянуша, яко Бог помощник им есть, и Бог Вышний Избавитель им есть: 019 PSA 078 036 и возлюбиша Его усты своими, и языком своим солгаша Ему: 019 PSA 078 037 сердце же их не бе право с Ним, ниже уверишася в завете Его. 019 PSA 078 038 Той же есть щедр, и очистит грехи их, и не растлит: и умножит отвратити ярость Свою, и не разжжет всего гнева Своего. 019 PSA 078 039 И помяну, яко плоть суть, дух ходяй и не обращаяйся: 019 PSA 078 040 колькраты преогорчиша Его в пустыни, прогневаша Его в земли безводней? 019 PSA 078 041 И обратишася, и искусиша Бога, и Святаго Израилева раздражиша: 019 PSA 078 042 и не помянуша руки Его в день, в оньже избави я из руки оскорбляющаго: 019 PSA 078 043 якоже положи во Египте знамения Своя, и чудеса Своя на поли Танеосе: 019 PSA 078 044 и преложи в кровь реки их и источники их, яко да не пиют. 019 PSA 078 045 Посла на ня песия мухи, и поядоша я, и жабы, и растли я: 019 PSA 078 046 и даде рже плоды их, и труды их пругом. 019 PSA 078 047 Уби градом винограды их и черничие их сланою: 019 PSA 078 048 и предаде граду скоты их, и имение их огню. 019 PSA 078 049 Посла на ня гнев ярости Своея, ярость и гнев и скорбь, послание аггелы лютыми. 019 PSA 078 050 Путесотвори стезю гневу Своему, и не пощаде от смерти душ их, и скоты их в смерти заключи: 019 PSA 078 051 и порази всякое первородное в земли Египетстей, начаток всякаго труда их в селениих Хамовых. 019 PSA 078 052 И воздвиже яко овцы люди Своя, и возведе я яко стадо в пустыни: 019 PSA 078 053 и настави я на упование, и не убояшася: и враги их покры море. 019 PSA 078 054 И введе я в гору святыни Своея, гору сию, юже стяжа десница Его. 019 PSA 078 055 И изгна от лица их языки, и по жребию даде им (землю) ужем жребодаяния, и всели в селениих их колена Израилева. 019 PSA 078 056 И искусиша и преогорчиша Бога Вышняго, и свидений Его не сохраниша: 019 PSA 078 057 и отвратишася и отвергошася, якоже и отцы их: превратишася в лук развращен: 019 PSA 078 058 и прогневаша Его в холмех своих, и во истуканных своих раздражиша Его. 019 PSA 078 059 Слыша Бог и презре, и уничижи зело Израиля: 019 PSA 078 060 и отрину скинию Силомскую, селение еже вселися в человецех: 019 PSA 078 061 и предаде в плен крепость их, и доброту их в руки врагов: 019 PSA 078 062 и затвори во оружии люди Своя и достояние Свое презре. 019 PSA 078 063 Юношы их пояде огнь, и девы их не осетованы быша: 019 PSA 078 064 священницы их мечем падоша, и вдовицы их не оплаканы будут. 019 PSA 078 065 И воста яко спя Господь, яко силен и шумен от вина: 019 PSA 078 066 и порази враги своя вспять, поношение вечное даде им: 019 PSA 078 067 и отрину селение Иосифово, и колено Ефремово не избра: 019 PSA 078 068 и избра колено Иудово, гору Сионю, юже возлюби: 019 PSA 078 069 и созда яко единорога святилище Свое: на земли основа и в век. 019 PSA 078 070 И избра Давида раба Своего, и восприят его от стад овчих: 019 PSA 078 071 от доилиц поят его, пасти Иакова раба Своего, и Израиля достояние Свое. 019 PSA 078 072 И упасе я в незлобии сердца своего, и в разумех руку своею наставил я есть. 019 PSA 079 001 Боже, приидоша языцы в достояние Твое, оскверниша храм святый Твой, 019 PSA 079 002 положиша Иерусалим яко овощное хранилище: положиша трупия раб Твоих брашно птицам небесным, плоти преподобных Твоих зверем земным: 019 PSA 079 003 пролияша кровь их яко воду окрест Иерусалима, и не бе погребаяй. 019 PSA 079 004 Быхом поношение соседом нашым, подражнение и поругание сущым окрест нас. 019 PSA 079 005 Доколе, Господи, прогневаешися до конца? Разжжется яко огнь рвение Твое? 019 PSA 079 006 Пролий гнев Твой на языки незнающыя Тебе, и на царствия, яже имене Твоего не призваша: 019 PSA 079 007 яко поядоша Иакова, и место его опустошиша. 019 PSA 079 008 Не помяни наших беззаконий первых: скоро да предварят ны щедроты Твоя, Господи, яко обнищахом зело. 019 PSA 079 009 Помози нам, Боже, Спасителю наш, славы ради имене Твоего: Господи, избави ны и очести грехи нашя имене ради Твоего. 019 PSA 079 010 Да не когда рекут языцы: где есть Бог их? И да увестся во языцех пред очима нашима отмщение крове раб Твоих пролитыя. 019 PSA 079 011 Да внидет пред Тя воздыхание окованных: по величию мышцы Твоея снабди сыны умерщвленных. 019 PSA 079 012 Воздаждь соседом нашым седмерицею в недро их поношение их, имже поносиша Тя, Господи. 019 PSA 079 013 Мы же людие Твои и овцы пажити Твоея исповемыся Тебе, Боже, во век, в род и род возвестим хвалу Твою. 019 PSA 080 001 В конец, о изменшихся, свидение Асафу, псалом. Пасый Израиля вонми: наставляяй яко овча Иосифа, седяй на Херувимех, явися: 019 PSA 080 002 пред Ефремом и Вениамином и Манассием воздвигни силу Твою, и прииди во еже спасти нас. 019 PSA 080 003 Боже, обрати ны, и просвети лице Твое, и спасемся. 019 PSA 080 004 Господи Боже сил, доколе гневаешися на молитву раб Твоих? 019 PSA 080 005 Напитаеши нас хлебом слезным, и напоиши нас слезами в меру. 019 PSA 080 006 Положил еси нас в пререкание соседом нашым, и врази наши подражниша ны. 019 PSA 080 007 Господи Боже сил, обрати ны, и просвети лице Твое, и спасемся. 019 PSA 080 008 Виноград из Египта пренесл еси: изгнал еси языки, и насадил еси и: 019 PSA 080 009 путесотворил еси пред ним, и насадил еси корения его, и исполни землю. 019 PSA 080 010 Покры горы сень его, и ветвия его кедры Божия: 019 PSA 080 011 простре розги его до моря, и даже до рек отрасли его. 019 PSA 080 012 Вскую низложил еси оплот его, и оымают и вси мимоходящии путем? 019 PSA 080 013 Озоба и вепрь от дубравы, и уединенный дивий пояде и. 019 PSA 080 014 Боже сил, обратися убо, и призри с небесе и виждь, и посети виноград сей: 019 PSA 080 015 и соверши и, егоже насади десница Твоя, и на сына человеческаго, егоже укрепил еси Себе. 019 PSA 080 016 Пожжен огнем и раскопан: от запрещения лица Твоего погибнут. 019 PSA 080 017 Да будет рука Твоя на мужа десницы Твоея и на сына человеческаго, егоже укрепил еси Себе, 019 PSA 080 018 и не отступим от Тебе: оживиши ны, и имя Твое призовем. 019 PSA 080 019 Господи Боже сил, обрати ны, и просвети лице Твое, и спасемся. 019 PSA 081 001 В конец, о точилех, псалом Асафу. Радуйтеся Богу помощнику нашему, воскликните Богу Иаковлю: 019 PSA 081 002 приимите псалом и дадите тимпан, псалтирь красен с гусльми: 019 PSA 081 003 вострубите в новомесячии трубою, во благознаменитый день праздника вашего: 019 PSA 081 004 яко повеление Израилеви есть, и судба Богу Иаковлю. 019 PSA 081 005 Свидение во Иосифе положи е, внегда изыти ему от земли Египетския: языка, егоже не ведяше, услыша. 019 PSA 081 006 Отят от бремене хребет его: руце его в коши поработасте. 019 PSA 081 007 В скорби призвал Мя еси, и избавих тя: услышах тя в тайне бурне: искусих тя на воде Пререкания. 019 PSA 081 008 Слышите, людие Мои, и засвидетелствую вам, Израилю, аще послушаеши Мене: 019 PSA 081 009 не будет тебе бог нов, ниже поклонишися богу чуждему. 019 PSA 081 010 Аз бо есмь Господь Бог твой, изведый тя от земли Египетския: разшири уста твоя, и исполню я. 019 PSA 081 011 И не послушаша людие Мои гласа Моего, и Израиль не внят Ми: 019 PSA 081 012 и отпустих я по начинанием сердец их, пойдут в начинаниих своих. 019 PSA 081 013 Аще быша людие Мои послушали Мене, Израиль аще бы в пути Моя ходил: 019 PSA 081 014 ни о чесомже убо враги его смирил бых, и на оскорбляющыя их возложил бых руку Мою. 019 PSA 081 015 Врази Господни солгаша ему, и будет время их в век: 019 PSA 081 016 и напита их от тука пшенична, и от камене меда насыти их. 019 PSA 082 001 Бог ста в сонме богов, посреде же боги разсудит. 019 PSA 082 002 Доколе судите неправду, и лица грешников приемлете? 019 PSA 082 003 Судите сиру и убогу, смирена и нища оправдайте: 019 PSA 082 004 измите нища и убога, из руки грешничи избавите его. 019 PSA 082 005 Не познаша, ниже уразумеша, во тме ходят: да подвижатся вся основания земли. 019 PSA 082 006 Аз рех: бози есте, и сынове Вышняго вси: 019 PSA 082 007 вы же яко человецы умираете, и яко един от князей падаете. 019 PSA 082 008 Воскресени, Боже, суди земли: яко Ты наследиши во всех языцех. 019 PSA 083 001 Песнь псалма Асафу. Боже, кто уподобится Тебе? Не премолчи, ниже укроти, Боже: 019 PSA 083 002 яко се, врази Твои возшумеша, и ненавидящии Тя воздвигоша главу. 019 PSA 083 003 На люди Твоя лукавноваша волею, и совещаша на святыя Твоя. 019 PSA 083 004 Реша: приидите и потребим я от язык, и не помянется имя Израилево ктому. 019 PSA 083 005 Яко совещаша единомышлением вкупе, на Тя завет завещаша: 019 PSA 083 006 селения Идумейска и Исмаилите, Моав и Агаряне, 019 PSA 083 007 Гевал и Аммон и Амалик, иноплеменницы с живущими в Тире: 019 PSA 083 008 ибо и Ассур прииде с ними, быша в заступление сыновом Лотовым: 019 PSA 083 009 сотвори им яко Мадиаму и Сисаре, яко Иавиму в потоце Киссове: 019 PSA 083 010 потребишася во Аендоре, быша яко гной земный. 019 PSA 083 011 Положи князи их яко Орива и Зива, и Зевеа и Салмана, вся князи их, 019 PSA 083 012 иже реша: да наследим себе святилище Божие. 019 PSA 083 013 Боже мой, положи я яко коло, яко трость пред лицем ветра. 019 PSA 083 014 Яко огнь попаляяй дубравы, яко пламень пожигаяй горы: 019 PSA 083 015 тако поженеши я бурею Твоею, и гневом Твоим смятеши я. 019 PSA 083 016 Исполни лица их безчестия, и взыщут имене Твоего, Господи. 019 PSA 083 017 Да постыдятся и смятутся в век века, и посрамятся и погибнут. 019 PSA 083 018 И да познают, яко имя Тебе Господь, Ты един Вышний по всей земли. 019 PSA 084 001 В конец, о точилех, сыном Кореовым, псалом. Коль возлюбленна селения Твоя, Господи сил. 019 PSA 084 002 Желает и скончавается душа моя во дворы Господни: сердце мое и плоть моя возрадовастася о Бозе живе. 019 PSA 084 003 Ибо птица обрете себе храмину, и горлица гнездо себе, идеже положит птенцы своя, олтари Твоя, Господи сил, Царю мой и Боже мой. 019 PSA 084 004 Блажени живущии в дому Твоем: в веки веков восхвалят Тя. 019 PSA 084 005 Блажен муж, емуже есть заступление его у Тебе: восхождения в сердцы своем положи, 019 PSA 084 006 во юдоль плачевную, в место еже положи: ибо благословение даст законополагаяй. 019 PSA 084 007 Пойдут от силы в силу: явится Бог богов в Сионе. 019 PSA 084 008 Господи Боже сил, услыши молитву мою, внуши, Боже Иаковль. 019 PSA 084 009 Защитниче наш, виждь, боже, и призри на лице христа Твоего. 019 PSA 084 010 Яко лучше день един во дворех Твоих паче тысящ: изволих приметатися в дому Бога моего паче, неже жити ми в селениих грешничих. 019 PSA 084 011 Яко милость и истину любит Господь, Бог благодать и славу даст: Господь не лишит благих ходящих незлобием. 019 PSA 084 012 Господи Боже сил, блажен человек уповаяй на Тя. 019 PSA 085 001 В конец, сыном Кореовым, псалом. Благоволил еси, Господи, землю Твою, возвратил еси плен Иаковль. 019 PSA 085 002 Оставил еси беззакония людий Твоих, покрыл еси вся грехи их. 019 PSA 085 003 Укротил еси весь гнев Твой, возвратился еси от гнева ярости Твоея. 019 PSA 085 004 Возврати нас, Боже спасений наших, и отврати ярость Твою от нас. 019 PSA 085 005 Еда во веки прогневаешися на ны? Или простреши гнев Твой от рода в род? 019 PSA 085 006 Боже, Ты обращься оживиши ны, и людие Твои возвеселятся о Тебе. 019 PSA 085 007 Яви нам, Господи, милость Твою, и спасение Твое даждь нам. 019 PSA 085 008 Услышу, что речет о мне Господь Бог: яко речет мир на люди Своя, и на преподобныя Своя, и на обращающыя сердца к нему. 019 PSA 085 009 Обаче близ боящихся Его спасение Его, вселити славу в землю нашу. 019 PSA 085 010 Милость и истина сретостеся, правда и мир облобызастася: 019 PSA 085 011 истина от земли возсия, и правда с небесе приниче: 019 PSA 085 012 ибо Господь даст благость, и земля наша даст плод свой. 019 PSA 085 013 Правда пред Ним предидет, и положит в путь стопы своя. 019 PSA 086 001 Приклони, Господи, ухо Твое, и услыши мя: яко нищь и убог есмь аз. 019 PSA 086 002 Сохрани душу мою, яко преподобен есмь: спаси раба Твоего, Боже мой, уповающаго на Тя. 019 PSA 086 003 Помилуй мя, Господи, яко к Тебе воззову весь день. 019 PSA 086 004 Возвесели душу раба Твоего: яко к Тебе взях душу мою. 019 PSA 086 005 Яко Ты, Господи, благ и кроток и многомилостив всем призывающым Тя. 019 PSA 086 006 Внуши, Господи, молитву мою и вонми гласу моления моего. 019 PSA 086 007 В день скорби моея воззвах к Тебе, яко услышал мя еси. 019 PSA 086 008 Несть подобен Тебе в бозех, Господи, и несть по делом Твоим. 019 PSA 086 009 Вси языцы, елики сотворил еси, приидут и поклонятся пред Тобою, Господи, и прославят имя Твое: 019 PSA 086 010 яко велий еси Ты и творяй чудеса, Ты еси Бог един. 019 PSA 086 011 Настави мя, Господи, на путь Твой, и пойду во истине Твоей: да возвеселится сердце мое боятися имене Твоего. 019 PSA 086 012 Исповемся Тебе, Господи Боже мой, всем сердцем моим и прославлю имя Твое в век: 019 PSA 086 013 яко милость Твоя велия на мне, и избавил еси душу мою от ада преисподнейшаго. 019 PSA 086 014 Боже, законопреступницы восташа на мя, и сонм державных взыскаша душу мою, и не предложиша Тебе пред собою. 019 PSA 086 015 И Ты, Господи Боже мой, щедрый и милостивый, долготерпеливый и многомилостивый и истинный, 019 PSA 086 016 призри на мя и помилуй мя: даждь державу Твою отроку Твоему и спаси сына рабы Твоея. 019 PSA 086 017 Сотвори со мною знамение во благо: и да видят ненавидящии мя, и постыдятся, яко Ты, Господи, помогл ми и утешил мя еси. 019 PSA 087 001 Сыном Кореовым, псалом песни. 019 PSA 087 002 Основания его на горах святых: любит Господь врата Сионя паче всех селений Иаковлих. 019 PSA 087 003 Преславная глаголашася о тебе, граде Божий. 019 PSA 087 004 Помяну Раав и Вавилона ведущым мя: и се, иноплеменницы и Тир и людие Ефиопстии, сии быша тамо. 019 PSA 087 005 Мати Сион речет: человек и человек родися в нем, и Той основа и Вышний. 019 PSA 087 006 Господь повесть в писании людий и князей, сих бывших в нем. 019 PSA 087 007 Яко веселящихся всех жилище в тебе. 019 PSA 088 001 Песнь псалма Сыном Кореовым, в конец, о Маелефе еже отвещати, разума Еману Израилтянину. Господи Боже спасения моего, во дни воззвах и в нощи пред Тобою: 019 PSA 088 002 да внидет пред Тя молитва моя, приклони ухо Твое к молению моему. 019 PSA 088 003 Яко исполнися зол душа моя, и живот мой аду приближися. 019 PSA 088 004 Привменен бых с низходящими в ров: бых яко человек без помощи, 019 PSA 088 005 в мертвых свободь: яко язвеннии спящии во гробе, ихже не помянул еси ктому, и тии от руки Твоея отриновени быша. 019 PSA 088 006 Положиша мя в рове преисподнем, в темных и сени смертней. 019 PSA 088 007 На мне утвердися ярость Твоя, и вся волны Твоя навел еси на мя. 019 PSA 088 008 Удалил еси знаемых моих от мене: положиша мя мерзость себе: предан бых и не исхождах. 019 PSA 088 009 Очи мои изнемогосте от нищеты: воззвах к Тебе, Господи, весь день, воздех к Тебе руце мои. 019 PSA 088 010 Еда мертвыми твориши чудеса? Или врачеве воскресят, и исповедятся Тебе? 019 PSA 088 011 Еда повесть кто во гробе милость Твою, и истину Твою в погибели? 019 PSA 088 012 Еда познана будут во тме чудеса Твоя, и правда Твоя в земли забвенней? 019 PSA 088 013 И аз к Тебе, Господи, воззвах, и утро молитва моя предварит Тя. 019 PSA 088 014 Вскую, Господи, отрееши душу мою? Отвращаеши лице Твое от мене? 019 PSA 088 015 Нищь есмь аз, и в трудех от юности моея: вознесжеся смирихся и изнемогох. 019 PSA 088 016 На мне преидоша гневи Твои, устрашения Твоя возмутиша мя: 019 PSA 088 017 обыдоша мя яко вода весь день, одержаша мя вкупе. 019 PSA 088 018 Удалил еси от мене друга и искренняго, и знаемых моих от страстей. 019 PSA 089 001 Разума Ефама Израилтянина. Милости Твоя, Господи, во век воспою, в род и род возвещу истину Твою усты моими. 019 PSA 089 002 Зане рекл еси: в век милость созиждется: на небесех уготовится истина Твоя. 019 PSA 089 003 Завещах завет избранным Моим, кляхся Давиду рабу Моему: 019 PSA 089 004 до века уготоваю семя твое, и созижду в род и род престол твой. 019 PSA 089 005 Исповедят небеса чудеса Твоя, Господи, ибо истину Твою в церкви святых. 019 PSA 089 006 Яко кто во облацех уравнится Господеви? Уподобится Господеви в сынех Божиих? 019 PSA 089 007 Бог прославляемь в совете святых, велий и страшен есть над всеми окрестными Его. 019 PSA 089 008 Господи Боже сил, кто подобен Тебе? Силен еси, Господи, и истина Твоя окрест Тебе. 019 PSA 089 009 Ты владычествуеши державою морскою: возмущение же волн его Ты укрочаеши. 019 PSA 089 010 Ты смирил, еси, яко язвена, гордаго: мышцею силы Твоея расточил еси враги Твоя. 019 PSA 089 011 Твоя суть небеса, и Твоя есть земля: вселенную и исполнение ея Ты основал еси. 019 PSA 089 012 Север и море Ты создал еси: Фавор и Ермон о имени Твоем возрадуетася. 019 PSA 089 013 Твоя мышца с силою: да укрепится рука Твоя, и вознесется десница Твоя. 019 PSA 089 014 Правда и судба уготование престола Твоего: милость и истина предидете пред лицем Твоим. 019 PSA 089 015 Блажени людие ведущии воскликновение: Господи, во свете лица Твоего пойдут, 019 PSA 089 016 и о имени Твоем возрадуются весь день, и правдою Твоею вознесутся. 019 PSA 089 017 Яко похвала силы их Ты еси, и во благоволении Твоем вознесется рог наш: 019 PSA 089 018 яко Господне есть заступление, и Святаго Израилева царя нашего. 019 PSA 089 019 Тогда глаголал еси в видении сыновом Твоим, и рекл еси: положих помощь на сильнаго, вознесох избраннаго от людий Моих: 019 PSA 089 020 обретох Давида раба Моего, елеем святым Моим помазах его. 019 PSA 089 021 Ибо рука Моя заступит его, и мышца Моя укрепит его. 019 PSA 089 022 Ничтоже успеет враг на него, и сын беззакония не приложит озлобити его. 019 PSA 089 023 И ссеку от лица его враги его, и ненавидящыя его побежду: 019 PSA 089 024 и истина Моя и милость Моя с ним, и о имени Моем вознесется рог его: 019 PSA 089 025 и положу на мори руку его, и на реках десницу его. 019 PSA 089 026 Той призовет Мя: отец мой еси Ты, Бог мой и заступник спасения моего. 019 PSA 089 027 И Аз первенца положу его, высока паче царей земных: 019 PSA 089 028 в век сохраню ему милость Мою, и завет Мой верен ему: 019 PSA 089 029 и положу в век века семя его, и престол его яко дние неба. 019 PSA 089 030 Аще оставят сынове его закон Мой, и в судбах Моих не пойдут: 019 PSA 089 031 аще оправдания Моя осквернят, и заповедий Моих не сохранят: 019 PSA 089 032 посещу жезлом беззакония их, и ранами неправды их, 019 PSA 089 033 милость же Мою не разорю от них, ни преврежду во истине Моей: 019 PSA 089 034 ниже оскверню завета Моего, и исходящих от уст Моих не отвергуся. 019 PSA 089 035 Единою кляхся о святем Моем: аще Давиду солжу? 019 PSA 089 036 Семя его во век пребудет, и престол его яко солнце предо Мною, 019 PSA 089 037 и яко луна совершена в век, и свидетель на небеси верен. 019 PSA 089 038 Ты же отринул еси и уничижил, негодовал еси помазаннаго Твоего: 019 PSA 089 039 разорил еси завет раба Твоего, осквернил еси на земли святыню его: 019 PSA 089 040 разорил еси вся оплоты его, положил еси твердая его страх. 019 PSA 089 041 Расхищаху его вси мимоходящии путем, бысть поношение соседом своим. 019 PSA 089 042 Возвысил еси десницу стужающих ему, возвеселил еси вся враги его: 019 PSA 089 043 отвратил еси помощь меча его и не заступил еси его во брани: 019 PSA 089 044 разорил еси от очищения его, престол его на землю повергл еси: 019 PSA 089 045 умалил еси дни времене его, облиял еси его студом. 019 PSA 089 046 Доколе, Господи, отвращаешися в конец, разжжется яко огнь гнев Твой? 019 PSA 089 047 Помяни, кий мой состав: еда бо всуе создал еси вся сыны человеческия? 019 PSA 089 048 Кто есть человек, иже поживет и не узрит смерти, избавит душу свою из руки адовы? 019 PSA 089 049 Где суть милости Твоя древния, Господи, имиже клялся еси Давиду во истине Твоей? 019 PSA 089 050 Помяни, Господи, поношение раб Твоих, еже удержах в недре моем многих язык: 019 PSA 089 051 имже поносиша врази Твои, Господи, имже поносиша изменению христа Твоего. 019 PSA 089 052 Благословен Господь во век: буди, буди. 019 PSA 090 001 Молитва Моисеа человека Божия. 019 PSA 090 002 Господи, прибежище был еси нам в род и род. 019 PSA 090 003 Прежде даже горам не быти и создатися земли и вселенней, и от века и до века Ты еси. 019 PSA 090 004 Не отврати человека во смирение, и рекл еси: обратитеся, сынове человечестии. 019 PSA 090 005 Яко тысяща лет пред очима Твоима, Господи, яко день вчерашний, иже мимо иде, и стража нощная. 019 PSA 090 006 Уничижения их лета будут: утро яко трава мимо идет, утро процветет и прейдет: на вечер отпадет, ожестеет и изсхнет: 019 PSA 090 007 яко изчезохом гневом Твоим, и яростию Твоею смутихомся. 019 PSA 090 008 Положил еси беззакония наша пред Тобою, век наш в просвещение лица Твоего. 019 PSA 090 009 Яко вси дние наши оскудеша, и гневом Твоим изчезохом: 019 PSA 090 010 лета наша яко паучина поучахуся: дние лет наших в нихже седмьдесят лет, аще же в силах, осмьдесят лет, и множае их труд и болезнь: яко прииде кротость на ны, и накажемся. 019 PSA 090 011 Кто весть державу гнева Твоего, и от страха Твоего ярость Твою изчести? 019 PSA 090 012 Десницу Твою тако скажи ми, и окованныя сердцем в мудрости. 019 PSA 090 013 Обратися, Господи, доколе? И умолен буди на рабы Твоя. 019 PSA 090 014 Исполнихомся заутра милости Твоея, Господи, и возрадовахомся и возвеселихомся: 019 PSA 090 015 во вся дни нашя возвеселихомся, за дни, в няже смирил ны еси, лета, в няже видехом злая. 019 PSA 090 016 И призри на рабы Твоя и на дела Твоя, и настави сыны их. 019 PSA 090 017 И буди светлость Господа Бога нашего на нас, и дела рук наших исправи на нас, и дело рук наших исправи. 019 PSA 091 001 Живый в помощи Вышняго, в крове Бога небеснаго водворится, 019 PSA 091 002 речет Господеви: заступник мой еси и прибежище мое, Бог мой, и уповаю на Него. 019 PSA 091 003 Яко Той избавит тя от сети ловчи и от словесе мятежна: 019 PSA 091 004 плещма Своима осенит тя, и под криле Его надеешися: оружием обыдет тя истина Его. 019 PSA 091 005 Не убоишися от страха нощнаго, от стрелы летящия во дни, 019 PSA 091 006 от вещи во тме преходящия, от сряща и беса полуденнаго. 019 PSA 091 007 Падет от страны твоея тысяща, и тма одесную тебе, к тебе же не приближится: 019 PSA 091 008 обаче очима твоима смотриши и воздаяние грешников узриши. 019 PSA 091 009 Яко ты, Господи, упование мое: Вышняго положил еси прибежище твое. 019 PSA 091 010 Не приидет к тебе зло, и рана не приближится телеси твоему: 019 PSA 091 011 яко Ангелом Своим заповесть о тебе, сохранити тя во всех путех твоих. 019 PSA 091 012 На руках возмут тя, да не когда преткнеши о камень ногу твою: 019 PSA 091 013 на аспида и василиска наступиши, и попереши льва и змия. 019 PSA 091 014 Яко на Мя упова, и избавлю и: покрыю и, яко позна имя Мое. 019 PSA 091 015 Воззовет ко Мне, и услышу его: с ним есмь в скорби, изму его и прославлю его: 019 PSA 091 016 долготою дний исполню его и явлю ему спасение Мое. 019 PSA 092 001 Псалом песни, в день субботный. Благо есть исповедатися Господеви и пети имени Твоему, Вышний: 019 PSA 092 002 возвещати заутра милость Твою и истину Твою на всяку нощь, 019 PSA 092 003 в десятоструннем псалтири с песнию в гуслех. 019 PSA 092 004 Яко возвеселил мя еси, Господи, в творении Твоем, и в делех руку Твоею возрадуюся. 019 PSA 092 005 Яко возвеличишася дела Твоя, Господи: зело углубишася помышления Твоя. 019 PSA 092 006 Муж безумен не познает, и неразумив не разумеет сих. 019 PSA 092 007 Внегда прозябоша грешницы яко трава, и проникоша вси делающии беззаконие, яко да потребятся в век века: 019 PSA 092 008 Ты же вышний во век, Господи. 019 PSA 092 009 Яко се, врази Твои, Господи, яко се, врази Твои погибнут, и разыдутся вси делающии беззаконие. 019 PSA 092 010 И вознесется яко единорога рог мой, и старость моя в елеи мастите: 019 PSA 092 011 и воззре око мое на враги моя, и востающыя на мя лукавнующыя услышит ухо мое. 019 PSA 092 012 Праведник яко финикс процветет: яко кедр, иже в Ливане, умножится. 019 PSA 092 013 Насаждени в дому Господни во дворех Бога нашего процветут: 019 PSA 092 014 еще умножатся в старости мастите, и благоприемлюще будут. 019 PSA 092 015 Да возвестят, яко прав Господь Бог наш, и несть неправды в Нем. 019 PSA 093 001 Господь воцарися, в лепоту облечеся: облечеся Господь в силу и препоясася: ибо утверди вселенную, яже не подвижится. 019 PSA 093 002 Готов престол Твой оттоле: от века Ты еси. 019 PSA 093 003 Воздвигоша реки, Господи, воздвигоша реки гласы своя: 019 PSA 093 004 возмут реки сотрения своя, от гласов вод многих. 019 PSA 093 005 Дивны высоты морския: дивен в высоких Господь. Свидения Твоя уверишася зело. Дому Твоему подобает святыня, Господи, в долготу дний. 019 PSA 094 001 Бог отмщений Господь, Бог отмщений не обинулся есть. 019 PSA 094 002 Вознесися, Судяй земли, воздаждь воздаяние гордым. 019 PSA 094 003 Доколе грешницы, Господи, доколе грешницы восхвалятся? 019 PSA 094 004 Провещают и возглаголют неправду, возглаголют вси делающии беззаконие? 019 PSA 094 005 Люди Твоя, Господи, смириша, и достояние Твое озлобиша: 019 PSA 094 006 вдовицу и сира умориша, и пришелца убиша, 019 PSA 094 007 и реша: не узрит Господь, ниже уразумеет Бог Иаковль. 019 PSA 094 008 Разумейте же, безумнии в людех, и буии некогда, умудритеся: 019 PSA 094 009 насаждей ухо, не слышит ли? Или создавый око, не сматряет ли? 019 PSA 094 010 Наказуяй языки, не обличит ли, учай человека разуму? 019 PSA 094 011 Господь весть помышления человеческая, яко суть суетна. 019 PSA 094 012 Блажен человек, егоже аще накажеши, Господи, и от закона Твоего научиши его: 019 PSA 094 013 укротити его от дний лютых, дондеже изрыется грешному яма. 019 PSA 094 014 Яко не отринет Господь людий Своих, и достояния Своего не оставит: 019 PSA 094 015 дондеже правда обратится на суд, и держащиися ея вси правии сердцем. 019 PSA 094 016 Кто востанет ми на лукавнующыя? Или кто спредстанет ми на делающыя беззаконие? 019 PSA 094 017 Аще не Господь помогл бы ми, вмале вселилася бы во ад душа моя. 019 PSA 094 018 Аще глаголах: подвижеся нога моя, милость Твоя, Господи, помогаше ми: 019 PSA 094 019 по множеству болезней моих в сердцы моем, утешения Твоя возвеселиша душу мою. 019 PSA 094 020 Да не пребудет Тебе престол беззакония, созидаяй труд на повеление. 019 PSA 094 021 Уловят на душу праведничу, и кровь неповинную осудят. 019 PSA 094 022 И бысть мне Господь в прибежище, и Бог мой в помощь упования моего: 019 PSA 094 023 и воздаст им Господь беззаконие их, и по лукавствию их погубит я Господь Бог. 019 PSA 095 001 Приидите, возрадуемся Господеви, воскликнем Богу спасителю нашему: 019 PSA 095 002 предварим лице Его во исповедании, и во псалмех воскликнем Ему: 019 PSA 095 003 яко Бог велий Господь, и Царь велий по всей земли: 019 PSA 095 004 яко в руце Его вси концы земли, и высоты гор Того суть. 019 PSA 095 005 Яко Того есть море, и Той сотвори е, и сушу руце Его создасте. 019 PSA 095 006 Приидите, поклонимся и припадем ему, и восплачемся пред Господем сотворшим нас: 019 PSA 095 007 яко Той есть Бог наш, и мы людие пажити Его и овцы руки Его. Днесь аще глас Его услышите, 019 PSA 095 008 не ожесточите сердец ваших, яко в прогневании, по дни искушения в пустыни: 019 PSA 095 009 в оньже искусиша Мя отцы ваши, искусиша Мя, и видеша дела Моя. 019 PSA 095 010 Четыредесять лет негодовах рода того, и рех: присно заблуждают сердцем, тии же не познаша путий Моих: 019 PSA 095 011 яко кляхся во гневе Моем, аще внидут в покой Мой. 019 PSA 096 001 Воспойте Господеви песнь нову, воспойте Господеви вся земля: 019 PSA 096 002 воспойте Господеви, благословите имя Его: благовестите день от дне спасение Его. 019 PSA 096 003 Возвестите во языцех славу Его, во всех людех чудеса Его. 019 PSA 096 004 Яко велий Господь и хвален зело, страшен есть над всеми боги. 019 PSA 096 005 Яко вси бози язык бесове: Господь же небеса сотвори. 019 PSA 096 006 Исповедание и красота пред Ним, святыня и великолепие во святиле Его. 019 PSA 096 007 Принесите Господеви, отечествия язык, принесите Господеви славу и честь. 019 PSA 096 008 Принесите Господеви славу имени Его: возмите жертвы и входите во дворы Его. 019 PSA 096 009 Поклонитеся Господеви во дворе святем Его: да подвижится от лица Его вся земля. 019 PSA 096 010 Рцыте во языцех, яко Господь воцарися: ибо исправи вселенную, яже не подвижится: судит людем правостию. 019 PSA 096 011 Да возвеселятся небеса, и радуется земля: да подвижится море и исполнение его: 019 PSA 096 012 возрадуются поля, и вся яже на них: тогда возрадуются вся древа дубравная 019 PSA 096 013 от лица Господня, яко грядет, яко грядет судити земли: судити вселенней в правду, и людем истиною Своею. 019 PSA 097 001 Господь воцарися, да радуется земля, да веселятся острови мнози. 019 PSA 097 002 Облак и мрак окрест Его: правда и судба исправление престола Его. 019 PSA 097 003 Огнь пред Ним предидет и попалит окрест враги Его. 019 PSA 097 004 Осветиша молния Его вселенную: виде и подвижеся земля. 019 PSA 097 005 Горы яко воск растаяша от лица Господня, от лица Господа всея земли. 019 PSA 097 006 Возвестиша небеса правду Его, и видеша вси людие славу Его. 019 PSA 097 007 Да постыдятся вси кланяющиися истуканным, хвалящиися о идолех своих: поклонитеся Ему, вси ангели Его. 019 PSA 097 008 Слыша и возвеселися Сион, и возрадовашася дщери Иудейския, судеб ради Твоих, Господи: 019 PSA 097 009 яко Ты Господь вышний над всею землею, зело превознеслся еси над всеми боги. 019 PSA 097 010 Любящии Господа, ненавидите злая: хранит Господь душы преподобных Своих, из руки грешничи избавит я. 019 PSA 097 011 Свет возсия праведнику, и правым сердцем веселие. 019 PSA 097 012 Веселитеся, праведнии, о Господе, и исповедайте память святыни Его. 019 PSA 098 001 Воспойте Господеви песнь нову, яко дивна сотвори Господь: спасе Его десница Его и мышца святая Его. 019 PSA 098 002 Сказа Господь спасение Свое, пред языки откры правду Свою. 019 PSA 098 003 Помяну милость Свою Иакову и истину Свою дому Израилеву: видеша вси концы земли спасение Бога нашего. 019 PSA 098 004 Воскликните Богови, вся земля, воспойте и радуйтеся и пойте. 019 PSA 098 005 Пойте Господеви в гуслех, в гуслех и гласе псаломсте, 019 PSA 098 006 в трубах кованых и гласом трубы рожаны: вострубите пред Царем Господем. 019 PSA 098 007 Да подвижится море и исполнение его, вселенная и вси живущии на ней. 019 PSA 098 008 Реки восплещут рукою вкупе, горы возрадуются 019 PSA 098 009 от лица Господня, яко грядет, яко идет судити земли: судити вселенней в правду, и людем правостию. 019 PSA 099 001 Господь воцарися, да гневаются людие: седяй на Херувимех, да подвижится земля. 019 PSA 099 002 Господь в Сионе велик, и высок есть над всеми людьми. 019 PSA 099 003 Да исповедятся имени Твоему великому, яко страшно и свято есть. 019 PSA 099 004 И честь царева суд любит: Ты уготовал еси правоты, суд и правду во Иакове Ты сотворил еси. 019 PSA 099 005 Возносите Господа Бога нашего и покланяйтеся подножию ногу Его, яко свято есть. 019 PSA 099 006 Моисей и Аарон во иереех Его, и Самуил в призывающих имя Его: призываху Господа, и Той послушаше их. 019 PSA 099 007 В столпе облачне глаголаше к ним: яко храняху свидения Его и повеления Его, яже даде им. 019 PSA 099 008 Господи Боже наш, Ты послушал еси их: Боже, Ты милостив бывал еси им, и мщая на вся начинания их. 019 PSA 099 009 Возносите Господа Бога нашего и покланяйтеся в горе святей Его: яко свят Господь Бог наш. 019 PSA 100 001 Воскликните Богови вся земля: 019 PSA 100 002 работайте Господеви в веселии, внидите пред Ним в радости. 019 PSA 100 003 Уведите, яко Господь Той есть Бог наш: Той сотвори нас, а не мы: мы же людие Его и овцы пажити Его. 019 PSA 100 004 Внидите во врата Его во исповедании, во дворы Его в пениих: исповедайтеся Ему, хвалите имя Его. 019 PSA 100 005 Яко благ Господь, в век милость Его, и даже до рода и рода истина Его. 019 PSA 101 001 Милость и суд воспою Тебе, Господи: 019 PSA 101 002 пою и разумею в пути непорочне: когда приидеши ко мне? Прехождах в незлобии сердца моего посреде дому моего. 019 PSA 101 003 Не предлагах пред очима моима вещь законопреступную: творящыя преступление возненавидех. 019 PSA 101 004 Не прильпе мне сердце строптиво: уклоняющагося от мене лукаваго не познах. 019 PSA 101 005 Оклеветающаго тай искренняго своего, сего изгонях: гордым оком и несытым сердцем, с сим не ядях. 019 PSA 101 006 Очи мои на верныя земли, посаждати я со мною: ходяй по пути непорочну, сей ми служаше. 019 PSA 101 007 Не живяше посреде дому моего творяй гордыню: глаголяй неправедная не исправляше пред очима моима. 019 PSA 101 008 Воутрия избивах вся грешныя земли, еже потребити от града Господня вся делающыя беззаконие. 019 PSA 102 001 Молитва нищаго, егда уныет и пред Господем пролиет моление свое. Господи, услыши молитву мою, и вопль мой к Тебе да приидет. 019 PSA 102 002 Не отврати лица Твоего от мене: в оньже аще день скорблю, приклони ко мне ухо Твое: в оньже аще день призову Тя, скоро услыши мя. 019 PSA 102 003 Яко изчезоша яко дым дние мои, и кости моя яко сушило сосхошася. 019 PSA 102 004 Уязвлен бых яко трава, и изсше сердце мое, яко забых снести хлеб мой. 019 PSA 102 005 От гласа воздыхания моего прильпе кость моя плоти моей. 019 PSA 102 006 Уподобихся неясыти пустынней, бых яко нощный вран на нырищи. 019 PSA 102 007 Бдех и бых яко птица особящаяся на зде. 019 PSA 102 008 Весь день поношаху ми врази мои, и хвалящии мя мною кленяхуся. 019 PSA 102 009 Зане пепел яко хлеб ядях и питие мое с плачем растворях, 019 PSA 102 010 от лица гнева Твоего и ярости Твоея: яко вознес низвергл мя еси. 019 PSA 102 011 Дние мои яко сень уклонишася, и аз яко сено изсхох. 019 PSA 102 012 Ты же, Господи, во век пребываеши, и память Твоя в род и род. 019 PSA 102 013 Ты воскрес ущедриши Сиона: яко время ущедрити его, яко прииде время. 019 PSA 102 014 Яко благоволиша раби Твои камение его, и персть его ущедрят. 019 PSA 102 015 И убоятся языцы имене Господня, и вси царие земстии славы Твоея: 019 PSA 102 016 яко созиждет Господь Сиона и явится во славе Своей. 019 PSA 102 017 Призре на молитву смиренных и не уничижи моления их. 019 PSA 102 018 Да напишется сие в род ин, и людие зиждемии восхвалят Господа: 019 PSA 102 019 яко приниче с высоты святыя Своея, Господь с небесе на землю призре, 019 PSA 102 020 услышати воздыхание окованных, разрешити сыны умерщвленных: 019 PSA 102 021 возвестити в Сионе имя Господне и хвалу Его во Иерусалиме, 019 PSA 102 022 внегда собратися людем вкупе и царем, еже работати Господеви. 019 PSA 102 023 Отвеща Ему на пути крепости Его: умаление дний моих возвести ми: 019 PSA 102 024 не возведи мене во преполовение дний моих: в роде родов лета Твоя. 019 PSA 102 025 В началех Ты, Господи, землю основал еси, и дела руку Твоею суть небеса. 019 PSA 102 026 Та погибнут, Ты же пребываеши: и вся яко риза обетшают, и яко одежду свиеши я, и изменятся. 019 PSA 102 027 Ты же тойжде еси, и лета Твоя не оскудеют. 019 PSA 102 028 Сынове раб Твоих вселятся, и семя их во век исправится. 019 PSA 103 001 Благослови, душе моя, Господа, и вся внутренняя моя, имя святое Его: 019 PSA 103 002 благослови, душе моя, Господа, и не забывай всех воздаяний Его: 019 PSA 103 003 очищающаго вся беззакония твоя, изцеляющаго вся недуги твоя, 019 PSA 103 004 избавляющаго от истления живот твой, венчающаго тя милостию и щедротами, 019 PSA 103 005 исполняющаго во благих желание твое: обновится яко орля юность твоя. 019 PSA 103 006 Творяй милостыни Господь и судбу всем обидимым. 019 PSA 103 007 Сказа пути Своя Моисеови, сыновом Израилевым хотения Своя. 019 PSA 103 008 Щедр и милостив Господь, долготерпелив и многомилостив. 019 PSA 103 009 Не до конца прогневается, ниже во век враждует: 019 PSA 103 010 не по беззаконием нашым сотворил есть нам, ниже по грехом нашым воздал есть нам. 019 PSA 103 011 Яко по высоте небесней от земли, утвердил есть Господь милость Свою на боящихся Его: 019 PSA 103 012 елико отстоят востоцы от запад, удалил есть от нас беззакония наша. 019 PSA 103 013 Якоже щедрит отец сыны, ущедри Господь боящихся Его. 019 PSA 103 014 Яко Той позна создание наше, помяну, яко персть есмы. 019 PSA 103 015 Человек, яко трава дние его, яко цвет селный, тако оцветет: 019 PSA 103 016 яко дух пройде в нем, и не будет, и не познает ктому места своего. 019 PSA 103 017 Милость же Господня от века и до века на боящихся Его, 019 PSA 103 018 и правда Его на сынех сынов, хранящих завет Его и помнящих заповеди Его творити я. 019 PSA 103 019 Господь на небеси уготова престол Свой, и царство Его всеми обладает. 019 PSA 103 020 Благословите Господа, вси Ангели Его, сильнии крепостию, творящии слово Его, услышати глас словес Его. 019 PSA 103 021 Благословите Господа, вся силы Его, слуги Его, творящии волю Его. 019 PSA 103 022 Благословите Господа, вся дела Его на всяком месте владычества Его: благослови, душе моя, Господа. 019 PSA 104 001 Благослови, душе моя, Господа. Господи Боже мой, возвеличился еси зело: во исповедание и в велелепоту облеклся еси: 019 PSA 104 002 одеяйся светом яко ризою, простираяй небо яко кожу: 019 PSA 104 003 покрываяй водами превыспренняя Своя, полагаяй облаки на восхождение Свое, ходяй на крилу ветреню: 019 PSA 104 004 творяй ангелы Своя духи, и слуги Своя пламень огненный: 019 PSA 104 005 основаяй землю на тверди ея: не преклонится в век века. 019 PSA 104 006 Бездна яко риза одеяние ея, на горах станут воды: 019 PSA 104 007 от запрещения Твоего побегнут, от гласа грома Твоего убоятся. 019 PSA 104 008 Восходят горы, и низходят поля, в место еже основал еси им. 019 PSA 104 009 Предел положил еси, егоже не прейдут, ниже обратятся покрыти землю. 019 PSA 104 010 Посылаяй источники в дебрех, посреде гор пройдут воды. 019 PSA 104 011 Напаяют вся звери селныя, ждут онагри в жажду свою. 019 PSA 104 012 На тых птицы небесныя привитают: от среды камения дадят глас. 019 PSA 104 013 Напаяяй горы от превыспренних Своих: от плода дел Твоих насытится земля. 019 PSA 104 014 Прозябаяй траву скотом, и злак на службу человеком, извести хлеб от земли: 019 PSA 104 015 и вино веселит сердце человека, умастити лице елеем: и хлеб сердце человека укрепит. 019 PSA 104 016 Насытятся древа польская, кедри Ливанстии, ихже еси насадил: 019 PSA 104 017 тамо птицы вогнездятся, еродиево жилище предводителствует ими. 019 PSA 104 018 Горы высокия еленем, камень прибежище заяцем. 019 PSA 104 019 Сотворил есть луну во времена: солнце позна запад свой. 019 PSA 104 020 Положил еси тму, и бысть нощь, в нейже пройдут вси зверие дубравнии, 019 PSA 104 021 скимни рыкающии восхитити и взыскати от Бога пищу себе. 019 PSA 104 022 Возсия солнце, и собрашася, и в ложах своих лягут. 019 PSA 104 023 Изыдет человек на дело свое и на делание свое до вечера. 019 PSA 104 024 Яко возвеличишася дела Твоя, Господи: вся премудростию сотворил еси: исполнися земля твари Твоея. 019 PSA 104 025 Сие море великое и пространное: тамо гади, ихже несть числа, животная малая с великими: 019 PSA 104 026 тамо корабли преплавают, змий сей, егоже создал еси ругатися ему. 019 PSA 104 027 Вся к Тебе чают, дати пищу им во благо время. 019 PSA 104 028 Давшу Тебе им, соберут: отверзшу Тебе руку, всяческая исполнятся благости: 019 PSA 104 029 отвращшу же Тебе лице, возмятутся: отимеши дух их, и изчезнут и в персть свою возвратятся: 019 PSA 104 030 послеши духа Твоего, и созиждутся, и обновиши лице земли. 019 PSA 104 031 Буди слава Господня во веки: возвеселится Господь о делех Своих: 019 PSA 104 032 призираяй на землю и творяй ю трястися: прикасаяйся горам, и дымятся. 019 PSA 104 033 Воспою Господеви в животе моем, пою Богу моему, дондеже есмь: 019 PSA 104 034 да усладится Ему беседа моя, аз же возвеселюся о Господе. 019 PSA 104 035 Да изчезнут грешницы от земли, и беззаконницы, якоже не быти им. Благослови, душе моя, Господа. 019 PSA 105 001 Исповедайтеся Господеви и призывайте имя Его, возвестите во языцех дела Его: 019 PSA 105 002 воспойте Ему и пойте Ему, поведите вся чудеса Его. 019 PSA 105 003 Хвалитеся о имени святем Его: да возвеселится сердце ищущих Господа: 019 PSA 105 004 взыщите Господа и утвердитеся, взыщите лица Его выну. 019 PSA 105 005 Помяните чудеса Его, яже сотвори, чудеса Его и судбы уст Его, 019 PSA 105 006 семя Авраамле раби Его, сынове Иаковли избраннии Его. 019 PSA 105 007 Той Господь Бог наш: по всей земли судбы Его. 019 PSA 105 008 Помяну в век завет Свой, слово, еже заповеда в тысящы родов, 019 PSA 105 009 еже завеща Аврааму, и клятву Свою Исааку: 019 PSA 105 010 и постави ю Иакову в повеление и Израилю в завет вечен, 019 PSA 105 011 глаголя: тебе дам землю Ханааню, уже достояния вашего. 019 PSA 105 012 Внегда быти им малым числом, малейшым и пришелцем в ней, 019 PSA 105 013 и преидоша от языка в язык и от царствия в люди ины: 019 PSA 105 014 не остави человека обидети их и обличи о них цари: 019 PSA 105 015 не прикасайтеся помазанным Моим, и во пророцех Моих не лукавнуйте. 019 PSA 105 016 И призва глад на землю: всяко утверждение хлебное сотры. 019 PSA 105 017 Посла пред ними человека: в раба продан бысть Иосиф. 019 PSA 105 018 Смириша во оковах нозе его, железо пройде душа его, 019 PSA 105 019 дондеже прииде слово Его: слово Господне разжже его. 019 PSA 105 020 Посла царь и разреши его: князь людий, и остави его. 019 PSA 105 021 Постави его господина дому своему и князя всему стяжанию своему, 019 PSA 105 022 наказати князи его яко себе и старцы его умудрити. 019 PSA 105 023 И вниде Израиль во Египет, и Иаков пришелствова в землю Хамову. 019 PSA 105 024 И возрасти люди Своя зело и укрепи я паче врагов их. 019 PSA 105 025 Преврати сердце их возненавидети люди Его, лесть сотворити в рабех Его. 019 PSA 105 026 Посла Моисеа раба Своего, Аарона, егоже избра себе: 019 PSA 105 027 положи в них словеса знамений Своих и чудес Своих в земли Хамове. 019 PSA 105 028 Посла тму и помрачи, яко преогорчиша словеса Его. 019 PSA 105 029 Преложи воды их в кровь и измори рыбы их. 019 PSA 105 030 Воскипе земля их жабами в сокровищницах царей их. 019 PSA 105 031 Рече, и приидоша песия мухи и скнипы во вся пределы их. 019 PSA 105 032 Положи дожди их грады, огнь попаляющь в земли их: 019 PSA 105 033 и порази винограды их и смоквы их, и сотры всякое древо предел их. 019 PSA 105 034 Рече, и приидоша прузи и гусеницы, имже не бе числа, 019 PSA 105 035 и снедоша всяку траву в земли их, и поядоша всяк плод земли их. 019 PSA 105 036 И порази всякаго первенца в земли их, начаток всякаго труда их: 019 PSA 105 037 и изведе я с сребром и златом: и не бе в коленех их боляй. 019 PSA 105 038 Возвеселися Египет во исхождении их: яко нападе страх их на ня. 019 PSA 105 039 Распростре облак в покров им, и огнь, еже просветити им нощию. 019 PSA 105 040 Просиша, и приидоша крастели, и хлеба небеснаго насыти я: 019 PSA 105 041 разверзе камень, и потекоша воды, потекоша в безводных реки: 019 PSA 105 042 яко помяну слово святое Свое, еже ко Аврааму рабу Своему. 019 PSA 105 043 И изведе люди Своя в радости и избранныя Своя в веселии. 019 PSA 105 044 И даде им страны язык, и труды людий наследоваша: 019 PSA 105 045 яко да сохранят оправдания Его и закона Его взыщут. 019 PSA 106 001 Исповедайтеся Господеви, яко благ, яко в век милость Его. 019 PSA 106 002 Кто возглаголет силы Господни, слышаны сотворит вся хвалы Его? 019 PSA 106 003 Блажени хранящии суд и творящии правду во всякое время. 019 PSA 106 004 Помяни нас, Господи, во благоволении людий Твоих, посети нас спасением Твоим, 019 PSA 106 005 видети во благости избранныя Твоя, возвеселитися в веселии языка Твоего, хвалитися с достоянием Твоим. 019 PSA 106 006 Согрешихом со отцы нашими, беззаконновахом, неправдовахом: 019 PSA 106 007 отцы наши во Египте не разумеша чудес Твоих, ни помянуша множества милости Твоея: и преогорчиша восходяще в Чермное море. 019 PSA 106 008 И спасе их имене Своего ради, сказати силу Свою: 019 PSA 106 009 и запрети Чермному морю, и изсяче: и настави я в бездне яко в пустыни. 019 PSA 106 010 И спасе я из руки ненавидящих и избави я из руки врагов. 019 PSA 106 011 Покры вода стужающыя им: ни един от них избысть. 019 PSA 106 012 И вероваша словеси Его и воспеша хвалу Его. 019 PSA 106 013 Ускориша, забыша дела Его, не стерпеша совета Его: 019 PSA 106 014 и похотеша желанию в пустыни и искусиша Бога в безводней. 019 PSA 106 015 И даде им прошение их, посла сытость в душы их. 019 PSA 106 016 И прогневаша Моисеа в стану, Аарона святаго Господня. 019 PSA 106 017 Отверзеся земля и пожре Дафана и покры на сонмищи Авирона: 019 PSA 106 018 и разжжеся огнь в сонме их, пламень попали грешники. 019 PSA 106 019 И сотвориша телца в Хориве и поклонишася истуканному: 019 PSA 106 020 и измениша славу Его в подобие телца ядущаго траву. 019 PSA 106 021 И забыша Бога спасающаго их, сотворшаго велия во Египте, 019 PSA 106 022 чудеса в земли Хамове, страшная в мори Чермнем. 019 PSA 106 023 И рече потребити их, аще не бы Моисей избранный Его стал в сокрушении пред Ним, возвратити ярость Его, да не погубит их. 019 PSA 106 024 И уничижиша землю желанную, не яша веры словеси Его: 019 PSA 106 025 и поропташа в селениих своих, не услышаша гласа Господня. 019 PSA 106 026 И воздвиже руку Свою на ня, низложити я в пустыни, 019 PSA 106 027 и низложити семя их во языцех, и расточити я в страны. 019 PSA 106 028 И причастишася Веельфегору и снедоша жертвы мертвых: 019 PSA 106 029 и раздражиша Его в начинаниих своих, и умножися в них падение. 019 PSA 106 030 И ста Финеес и умилостиви, и преста сечь: 019 PSA 106 031 и вменися ему в правду, в род и род до века. 019 PSA 106 032 И прогневаша Его на воде Пререкания, и озлоблен бысть Моисей их ради: 019 PSA 106 033 яко преогорчиша дух его и разнствова устнама своима. 019 PSA 106 034 Не потребиша языки, яже рече Господь им. 019 PSA 106 035 И смесишася во языцех и навыкоша делом их: 019 PSA 106 036 и поработаша истуканным их, и бысть им в соблазн. 019 PSA 106 037 И пожроша сыны своя и дщери своя бесовом, 019 PSA 106 038 и пролияша кровь неповинную, кровь сынов своих и дщерей, яже пожроша истуканным Ханаанским: и убиена бысть земля их кровьми 019 PSA 106 039 и осквернися в делех их: и соблудиша в начинаниих своих. 019 PSA 106 040 И разгневася яростию Господь на люди Своя и омерзи достояние Свое: 019 PSA 106 041 и предаде я в руки врагов, и обладаша ими ненавидящии их. 019 PSA 106 042 И стужиша им врази их: и смиришася под руками их. 019 PSA 106 043 Множицею избави я: тии же преогорчиша Его советом своим, и смиришася в беззакониих своих. 019 PSA 106 044 И виде Господь, внегда скорбети им, внегда услышаше моление их: 019 PSA 106 045 и помяну завет Свой, и раскаяся по множеству милости Своея: 019 PSA 106 046 и даде я в щедроты пред всеми пленившими я. 019 PSA 106 047 Спаси ны, Господи, Боже наш, и собери ны от язык, исповедатися имени Твоему святому, хвалитися во хвале Твоей. 019 PSA 106 048 Благословен Господь Бог Израилев от века и до века. И рекут вси людие: буди, буди. 019 PSA 107 001 Исповедайтеся Господеви, яко благ, яко в век милость Его. 019 PSA 107 002 Да рекут избавленнии Господем, ихже избави из руки врага, 019 PSA 107 003 и от стран собра их, от восток и запад, и севера и моря: 019 PSA 107 004 заблудиша в пустыни безводней, пути града обителнаго не обретоша: 019 PSA 107 005 алчуще и жаждуще, душа их в них изчезе. 019 PSA 107 006 И воззваша ко Господу, внегда скорбети им, и от нужд их избави я: 019 PSA 107 007 и настави я на путь прав, внити во град обителный. 019 PSA 107 008 Да исповедятся Господеви милости Его и чудеса Его сыновом человеческим: 019 PSA 107 009 яко насытил есть душу тщу, и душу алчущу исполни благ: 019 PSA 107 010 седящыя во тме и сени смертней, окованныя нищетою и железом, 019 PSA 107 011 яко преогорчиша словеса Божия, и совет Вышняго раздражиша. 019 PSA 107 012 И смирися в трудех сердце их, и изнемогоша, и не бе помагаяй. 019 PSA 107 013 И воззваша ко Господу, внегда скорбети им, и от нужд их спасе я: 019 PSA 107 014 и изведе я из тмы и сени смертныя, и узы их растерза. 019 PSA 107 015 Да исповедятся Господеви милости Его и чудеса Его сыновом человеческим: 019 PSA 107 016 яко сокруши врата медная, и вереи железныя сломи. 019 PSA 107 017 Восприят я от пути беззакония их: беззаконий бо ради своих смиришася. 019 PSA 107 018 Всякаго брашна возгнушася душа их, и приближишася до врат смертных. 019 PSA 107 019 И воззваша ко Господу, внегда скорбети им, и от нужд их спасе я: 019 PSA 107 020 посла слово Свое, и изцели я, и избави я от растлений их. 019 PSA 107 021 Да исповедятся Господеви милости Его и чудеса Его сыновом человеческим: 019 PSA 107 022 и да пожрут Ему жертву хвалы и да возвестят дела Его в радости. 019 PSA 107 023 Сходящии в море в кораблех, творящии делания в водах многих, 019 PSA 107 024 тии видеша дела Господня и чудеса Его во глубине. 019 PSA 107 025 Рече, и ста дух бурен, и вознесошася волны его: 019 PSA 107 026 восходят до небес и низходят до бездн: душа их в злых таяше: 019 PSA 107 027 смятошася, подвигошася яко пияный, и вся мудрость их поглощена бысть. 019 PSA 107 028 И воззваша ко Господу, внегда скорбети им, и от нужд их изведе я: 019 PSA 107 029 и повеле бури, и ста в тишину, и умолкоша волны его. 019 PSA 107 030 И возвеселишася, яко умолкоша, и настави я в пристанище хотения Своего. 019 PSA 107 031 Да исповедятся Господеви милости Его и чудеса Его сыновом человеческим: 019 PSA 107 032 да вознесут Его в церкви людстей, и на седалищи старец восхвалят Его. 019 PSA 107 033 Положил есть реки в пустыню и исходища водная в жажду, 019 PSA 107 034 землю плодоносную в сланость, от злобы живущих на ней. 019 PSA 107 035 Положил есть пустыню во езера водная и землю безводную во исходища водная. 019 PSA 107 036 И насели тамо алчущыя, и составиша грады обителны: 019 PSA 107 037 и насеяша (села) и насадиша винограды, и сотвориша плод житен. 019 PSA 107 038 И благослови я, и умножишася зело: и скоты их не умали. 019 PSA 107 039 И умалишася и озлобишася от скорби зол и болезни: 019 PSA 107 040 излияся уничижение на князи их, и облазни я по непроходней, а не по пути. 019 PSA 107 041 И поможе убогу от нищеты и положи яко овцы отечествия. 019 PSA 107 042 Узрят правии и возвеселятся, и всякое беззаконие заградит уста своя. 019 PSA 107 043 Кто премудр и сохранит сия? И уразумеют милости Господни. 019 PSA 108 001 Песнь, псалом Давиду. Готово сердце мое, Боже, готово сердце мое: воспою и пою во славе моей. 019 PSA 108 002 Востани, слава моя, востани, псалтирю и гусли: востану рано. 019 PSA 108 003 Исповемся Тебе в людех, Господи, пою Тебе во языцех: 019 PSA 108 004 яко велия верху небес милость Твоя и до облак истина Твоя. 019 PSA 108 005 Вознесися на небеса, Боже, и по всей земли слава Твоя, 019 PSA 108 006 яко да избавятся возлюбленнии Твои: спаси десницею Твоею и услыши мя. 019 PSA 108 007 Бог возглагола во святем Своем: вознесуся и разделю Сикиму, и удоль Селений размерю. 019 PSA 108 008 Мой есть Галаад, и Мой есть Манассий, и Ефрем заступление главы Моея: Иуда царь Мой, 019 PSA 108 009 Моав коноб упования Моего: на Идумею наложу сапог Мой: мне иноплеменницы покоришася. 019 PSA 108 010 Кто введет мя во град ограждения? Или кто наставит мя до Идумеи? 019 PSA 108 011 Не Ты ли, Боже, отринувый нас, и не изыдеши, Боже, в силах наших? 019 PSA 108 012 Даждь нам помощь от скорби: и суетно спасение человеческо. 019 PSA 108 013 О Бозе сотворим силу, и Той уничижит враги нашя. 019 PSA 109 001 Боже, хвалы моея не премолчи: 019 PSA 109 002 яко уста грешнича и уста льстиваго на мя отверзошася, глаголаша на мя языком льстивым, 019 PSA 109 003 и словесы ненавистными обыдоша мя, и брашася со мною туне. 019 PSA 109 004 Вместо еже любити мя, оболгаху мя, аз же моляхся: 019 PSA 109 005 и положиша на мя злая за благая, и ненависть за возлюбление мое. 019 PSA 109 006 Постави на него грешника, и диавол да станет одесную его: 019 PSA 109 007 внегда судитися ему, да изыдет осужден, и молитва его да будет в грех. 019 PSA 109 008 Да будут дние его мали, и епископство его да приимет ин: 019 PSA 109 009 да будут сынове его сири, и жена его вдова: 019 PSA 109 010 движущеся да преселятся сынове его и воспросят, да изгнани будут из домов своих. 019 PSA 109 011 Да взыщет заимодавец вся, елика суть его: и да восхитят чуждии труды его. 019 PSA 109 012 Да не будет ему заступника, ниже да будет ущедряяй сироты его: 019 PSA 109 013 да будут чада его в погубление, в роде единем да потребится имя его. 019 PSA 109 014 Да воспомянется беззаконие отец его пред Господем, и грех матере его да не очистится: 019 PSA 109 015 да будут пред Господем выну, и да потребится от земли память их: 019 PSA 109 016 занеже не помяну сотворити милость, и погна человека нища и убога, и умилена сердцем умертвити. 019 PSA 109 017 И возлюби клятву, и приидет ему: и не восхоте благословения, и удалится от него. 019 PSA 109 018 И облечеся в клятву яко в ризу, и вниде яко вода во утробу его и яко елей в кости его: 019 PSA 109 019 да будет ему яко риза, в нюже облачится, и яко пояс, имже выну опоясуется. 019 PSA 109 020 Сие дело оболгающих мя у Господа и глаголющих лукавая на душу мою. 019 PSA 109 021 И Ты, Господи, Господи, сотвори со мною имене ради Твоего, яко блага милость Твоя: 019 PSA 109 022 избави мя, яко нищь и убог есмь аз, и сердце мое смятеся внутрь мене. 019 PSA 109 023 Яко сень, внегда уклонитися ей, отяхся: стрясохся яко прузи. 019 PSA 109 024 Колена моя изнемогоста от поста, и плоть моя изменися елеа ради. 019 PSA 109 025 И аз бых поношение им: видеша мя, покиваша главами своими. 019 PSA 109 026 Помози ми, Господи Боже мой, и спаси мя по милости Твоей: 019 PSA 109 027 и да разумеют, яко рука Твоя сия, и Ты, Господи, сотворил еси ю. 019 PSA 109 028 Прокленут тии, и Ты благословиши: востающии на мя да постыдятся, раб же Твой возвеселится. 019 PSA 109 029 Да облекутся оболгающии мя в срамоту и одеждутся яко одеждою студом своим. 019 PSA 109 030 Исповемся Господеви зело усты моими и посреде многих восхвалю Его: 019 PSA 109 031 яко преста одесную убогаго, еже спасти от гонящих душу мою. 019 PSA 110 001 Рече Господь Господеви моему: седи одесную Мене, дондеже положу враги Твоя подножие ног Твоих. 019 PSA 110 002 Жезл силы послет Ти Господь от Сиона, и господствуй посреде врагов Твоих. 019 PSA 110 003 С Тобою начало в день силы Твоея, во светлостех святых твоих: из чрева прежде денницы родих Тя. 019 PSA 110 004 Клятся Господь и не раскается: Ты иерей во век по чину Мелхиседекову. 019 PSA 110 005 Господь одесную Тебе сокрушил есть в день гнева Своего цари: 019 PSA 110 006 судит во языцех, исполнит падения, сокрушит главы на земли многих. 019 PSA 110 007 От потока на пути пиет: сего ради вознесет главу. 019 PSA 111 001 Исповемся Тебе, Господи, всем сердцем моим в совете правых и сонме. 019 PSA 111 002 Велия дела Господня, изыскана во всех волях его: 019 PSA 111 003 исповедание и великолепие дело Его, и правда Его пребывает в век века. 019 PSA 111 004 Память сотворил есть чудес Своих: милостив и щедр Господь. 019 PSA 111 005 Пищу даде боящымся Его: помянет в век завет Свой. 019 PSA 111 006 Крепость дел Своих возвести людем Своим, дати им достояние язык. 019 PSA 111 007 Дела рук Его истина и суд, верны вся заповеди Его, 019 PSA 111 008 утвержены в век века, сотворены во истине и правоте. 019 PSA 111 009 Избавление посла людем Своим: заповеда в век завет Свой: свято и страшно имя Его. 019 PSA 111 010 Начало премудрости страх Господень, разум же благ всем творящым и: хвала Его пребывает в век века. 019 PSA 112 001 Блажен муж бояйся Господа, в заповедех Его восхощет зело. 019 PSA 112 002 Сильно на земли будет семя его, род правых благословится: 019 PSA 112 003 слава и богатство в дому его, и правда его пребывает в век века. 019 PSA 112 004 Возсия во тме свет правым: милостив и щедр и праведен. 019 PSA 112 005 Благ муж щедря и дая: устроит словеса своя на суде, яко в век не подвижится. 019 PSA 112 006 В память вечную будет праведник. 019 PSA 112 007 От слуха зла не убоится: 019 PSA 112 008 готово сердце его уповати на Господа: утвердися сердце его, не убоится, дондеже воззрит на враги своя. 019 PSA 112 009 Расточи, даде убогим: правда его пребывает во век века: рог его вознесется в славе. 019 PSA 112 010 Грешник узрит и прогневается зубы своими поскрежещет и растает: желание грешника погибнет. 019 PSA 113 001 Хвалите, отроцы, Господа, хвалите имя Господне. 019 PSA 113 002 Буди имя Господне благословено отныне и до века. 019 PSA 113 003 От восток солнца до запад хвально имя Господне. 019 PSA 113 004 Высок над всеми языки Господь: над небесы слава Его. 019 PSA 113 005 Кто яко Господь Бог наш? На высоких живый, 019 PSA 113 006 и на смиренныя призираяй на небеси и на земли: 019 PSA 113 007 воздвизаяй от земли нища, и от гноища возвышаяй убога: 019 PSA 113 008 посадити его с князи, с князи людий своих: 019 PSA 113 009 вселяя неплодовь в дом, матерь о чадех веселящуся. 019 PSA 114 001 Во исходе Израилеве от Египта, дому Иаковля из людий варвар, 019 PSA 114 002 бысть Иудеа святыня Его, Израиль область Его. 019 PSA 114 003 Море виде и побеже, Иордан возвратися вспять: 019 PSA 114 004 горы взыграшася яко овни, и холми яко агнцы овчии. 019 PSA 114 005 Что ти есть, море, яко побегло еси, и тебе, Иордане, яко возвратился еси вспять? 019 PSA 114 006 Горы, яко взыграстеся яко овни, и холми яко агнцы овчии? 019 PSA 114 007 От лица Господня подвижеся земля, от лица Бога Иаковля: 019 PSA 114 008 обращшаго камень во езера водная и несекомый во источники водныя. 019 PSA 115 001 Не нам, Господи, не нам, но имени Твоему даждь славу о милости Твоей и истине Твоей: 019 PSA 115 002 да не когда рекут языцы: где есть Бог их? 019 PSA 115 003 Бог же наш на небеси и на земли, вся елика восхоте, сотвори. 019 PSA 115 004 Идоли язык сребро и злато, дела рук человеческих: 019 PSA 115 005 уста имут, и не возглаголют: очи имут, и не узрят: 019 PSA 115 006 ушы имут, и не услышат: ноздри имут, и не обоняют: 019 PSA 115 007 руце имут, и не осяжут: нозе имут, и не пойдут: не возгласят гортанем своим. 019 PSA 115 008 Подобни им да будут творящии я и вси надеющиися на ня. 019 PSA 115 009 Дом Израилев упова на Господа: помощник и защититель им есть. 019 PSA 115 010 Дом Ааронь упова на Господа: помощник и защититель им есть. 019 PSA 115 011 Боящиися Господа уповаша на Господа: помощник и защититель им есть. 019 PSA 115 012 Господь помянув ны благословил есть нас: благословил есть дом Израилев, благословил есть дом Ааронь, 019 PSA 115 013 благословил есть боящыяся Господа, малыя с великими. 019 PSA 115 014 Да приложит Господь на вы, на вы и на сыны вашя: 019 PSA 115 015 благословени вы Господеви, сотворшему небо и землю. 019 PSA 115 016 Небо небесе Господеви, землю же даде сыновом человеческим. 019 PSA 115 017 Не мертвии восхвалят Тя, Господи, ниже вси низходящии во ад: 019 PSA 115 018 но мы живии благословим Господа отныне и до века. 019 PSA 116 001 Возлюбих, яко услышит Господь глас моления моего, 019 PSA 116 002 яко приклони ухо Свое мне: и во дни моя призову. 019 PSA 116 003 Объяша мя болезни смертныя, беды адовы обретоша мя: скорбь и болезнь обретох и имя Господне призвах: 019 PSA 116 004 о, Господи, избави душу мою: милостив Господь и праведен и Бог наш милует. 019 PSA 116 005 Храняй младенцы Господь: смирихся, и спасе мя. 019 PSA 116 006 Обратися, душе моя, в покой твой, яко Господь благодействова тя: 019 PSA 116 007 яко изят душу мою от смерти, очи мои от слез и нозе мои от поползновения. 019 PSA 116 008 Благоугожду пред Господем во стране живых. 019 PSA 116 010 Веровах, темже возглаголах: аз же смирихся зело. 019 PSA 116 011 Аз же рех во изступлении моем: всяк человек ложь. 019 PSA 116 012 Что воздам Господеви о всех, яже воздаде ми? 019 PSA 116 013 Чашу спасения прииму и имя Господне призову: 019 PSA 116 014 молитвы моя Господеви воздам пред всеми людьми Его. 019 PSA 116 015 Честна пред Господем смерть преподобных Его. 019 PSA 116 016 О, Господи, аз раб Твой, аз раб Твой и сын рабыни Твоея: растерзал еси узы моя. 019 PSA 116 017 Тебе пожру жертву хвалы, и во имя Господне призову. 019 PSA 116 018 Молитвы моя Господеви воздам пред всеми людьми Его, 019 PSA 116 019 во дворех дому Господня, посреде тебе, Иерусалиме. 019 PSA 117 001 Хвалите Господа, вси языцы, похвалите Его, вси людие: 019 PSA 117 002 яко утвердися милость Его на нас, и истина Господня пребывает во век. 019 PSA 118 001 Исповедайтеся Господеви, яко благ, яко в век милость Его. 019 PSA 118 002 Да речет убо дом Израилев: яко благ, яко в век милость Его. 019 PSA 118 003 Да речет убо дом Ааронь: яко благ, яко в век милость Его. 019 PSA 118 004 Да рекут убо вси боящиися Господа: яко благ, яко в век милость Его. 019 PSA 118 005 От скорби призвах Господа, и услыша мя в пространство. 019 PSA 118 006 Господь мне помощник, и не убоюся: что сотворит мне человек? 019 PSA 118 007 Господь мне помощник, и аз воззрю на враги моя. 019 PSA 118 008 Благо есть надеятися на Господа, нежели надеятися на человека: 019 PSA 118 009 благо есть уповати на Господа, нежели уповати на князи. 019 PSA 118 010 Вси языцы обыдоша мя, и именем Господним противляхся им: 019 PSA 118 011 обышедше обыдоша мя, и именем Господним противляхся им: 019 PSA 118 012 обыдоша мя яко пчелы сот, и разгорешася яко огнь в тернии: и именем Господним противляхся им. 019 PSA 118 013 Отриновен превратихся пасти, и Господь прият мя. 019 PSA 118 014 Крепость моя и пение мое Господь, и бысть ми во спасение. 019 PSA 118 015 Глас радости и спасения в селениих праведных: десница Господня сотвори силу. 019 PSA 118 016 Десница Господня вознесе мя, десница Господня сотвори силу. 019 PSA 118 017 Не умру, но жив буду и повем дела Господня. 019 PSA 118 018 Наказуя наказа мя Господь, смерти же не предаде мя. 019 PSA 118 019 Отверзите мне врата правды: вшед в ня, исповемся Господеви. 019 PSA 118 020 Сия врата Господня: праведнии внидут в ня. 019 PSA 118 021 Исповемся Тебе, яко услышал мя еси и был еси мне во спасение. 019 PSA 118 022 Камень, егоже небрегоша зиждущии, сей бысть во главу угла: 019 PSA 118 023 от Господа бысть сей, и есть дивен во очесех наших. 019 PSA 118 024 Сей день, егоже сотвори Господь, возрадуемся и возвеселимся в онь. 019 PSA 118 025 О, Господи, спаси же: о, Господи, поспеши же. 019 PSA 118 026 Благословен грядый во имя Господне: благословихом вы из дому Господня. 019 PSA 118 027 Бог Господь, и явися нам: составите праздник во учащающих до рог олтаревых. 019 PSA 118 028 Бог мой еси Ты, и исповемся Тебе: Бог мой еси Ты, и вознесу Тя: исповемся Тебе, яко услышал мя еси и был еси мне во спасение. 019 PSA 118 029 Исповедайтеся Господеви, яко благ, яко в век милость Его. 019 PSA 119 001 Блажени непорочнии в путь, ходящии в законе Господни. 019 PSA 119 002 Блажени испытающии свидения Его, всем сердцем взыщут Его. 019 PSA 119 003 Не делающии бо беззакония в путех Его ходиша. 019 PSA 119 004 Ты заповедал еси заповеди Твоя сохранити зело: 019 PSA 119 005 дабы исправилися путие мои, сохранити оправдания Твоя. 019 PSA 119 006 Тогда не постыжуся, внегда призрети ми на вся заповеди Твоя. 019 PSA 119 007 Исповемся Тебе в правости сердца, внегда научитимися судбам правды Твоея. 019 PSA 119 008 Оправдания Твоя сохраню: не остави мене до зела. 019 PSA 119 009 В чесом исправит юнейший путь свой? Внегда сохранити словеса Твоя. 019 PSA 119 010 Всем сердцем моим взысках Тебе: не отрини мене от заповедий Твоих. 019 PSA 119 011 В сердцы моем скрых словеса Твоя, яко да не согрешу Тебе. 019 PSA 119 012 Благословен еси, Господи: научи мя оправданием Твоим. 019 PSA 119 013 Устнама моима возвестих вся судбы уст Твоих. 019 PSA 119 014 На пути свидений Твоих насладихся, яко о всяком богатстве. 019 PSA 119 015 В заповедех Твоих поглумлюся, и уразумею пути Твоя. 019 PSA 119 016 Во оправданиих Твоих поучуся: не забуду словес Твоих. 019 PSA 119 017 Воздаждь рабу Твоему: живи мя, и сохраню словеса Твоя. 019 PSA 119 018 Открый очи мои, и уразумею чудеса от закона Твоего. 019 PSA 119 019 Пришлец аз есмь на земли: не скрый от мене заповеди Твоя. 019 PSA 119 020 Возлюби душа моя возжелати судбы Твоя на всякое время. 019 PSA 119 021 Запретил еси гордым: прокляти уклоняющиися от заповедий Твоих. 019 PSA 119 022 Отими от мене понос и уничижение, яко свидений Твоих взысках. 019 PSA 119 023 Ибо седоша князи и на мя клеветаху, раб же Твой глумляшеся во оправданиих Твоих: 019 PSA 119 024 ибо свидения Твоя поучение мое есть, и совети мои оправдания Твоя. 019 PSA 119 025 Прильпе земли душа моя: живи мя по словеси Твоему. 019 PSA 119 026 Пути моя возвестих, и услышал мя еси: научи мя оправданием Твоим. 019 PSA 119 027 Путь оправданий Твоих вразуми ми, и поглумлюся в чудесех Твоих. 019 PSA 119 028 Воздрема душа моя от уныния: утверди мя в словесех Твоих. 019 PSA 119 029 Путь неправды отстави от мене и законом Твоим помилуй мя. 019 PSA 119 030 Путь истины изволих и судбы Твоя не забых. 019 PSA 119 031 Прилепихся свидением Твоим, Господи, не посрами мене. 019 PSA 119 032 Путь заповедий Твоих текох, егда разширил еси сердце мое. 019 PSA 119 033 Законоположи мне, Господи, путь оправданий Твоих, и взыщу и выну: 019 PSA 119 034 вразуми мя, и испытаю закон Твой и сохраню и всем сердцем моим. 019 PSA 119 035 Настави мя на стезю заповедий Твоих, яко тую восхотех. 019 PSA 119 036 Приклони сердце мое во свидения Твоя, а не в лихоимство. 019 PSA 119 037 Отврати очи мои еже не видети суеты: в пути Твоем живи мя. 019 PSA 119 038 Постави рабу Твоему слово Твое в страх Твой. 019 PSA 119 039 Отими поношение мое, еже непщевах: яко судбы Твоя благи. 019 PSA 119 040 Се, возжелах заповеди Твоя: в правде Твоей живи мя. 019 PSA 119 041 И да приидет на мя милость Твоя, Господи, спасение Твое по словеси Твоему: 019 PSA 119 042 и отвещаю поношающым ми слово, яко уповах на словеса Твоя. 019 PSA 119 043 И не отими от уст моих словесе истинна до зела, яко на судбы Твоя уповах: 019 PSA 119 044 и сохраню закон Твой выну, в век и в век века. 019 PSA 119 045 И хождах в широте, яко заповеди Твоя взысках: 019 PSA 119 046 и глаголах о свидениих Твоих пред цари и не стыдяхся: 019 PSA 119 047 и поучахся в заповедех Твоих, яже возлюбих зело: 019 PSA 119 048 и воздвигох руце мои к заповедем Твоим, яже возлюбих, и глумляхся во оправданиих Твоих. 019 PSA 119 049 Помяни словеса Твоя рабу Твоему, ихже упование дал ми еси. 019 PSA 119 050 То мя утеши во смирении моем, яко слово Твое живи мя. 019 PSA 119 051 Гордии законопреступоваху до зела: от закона же Твоего не уклонихся. 019 PSA 119 052 Помянух судбы Твоя от века, Господи, и утешихся. 019 PSA 119 053 Печаль прият мя от грешник, оставляющих закон Твой. 019 PSA 119 054 Пета бяху мне оправдания Твоя на месте пришелствия моего. 019 PSA 119 055 Помянух в нощи имя Твое, Господи, и сохраних закон Твой. 019 PSA 119 056 Сей бысть мне, яко оправданий Твоих взысках. 019 PSA 119 057 Часть моя еси, Господи: рех сохранити закон Твой. 019 PSA 119 058 Помолихся лицу Твоему всем сердцем моим: помилуй мя по словеси Твоему. 019 PSA 119 059 Помыслих пути Твоя и возвратих нозе мои во свидения Твоя. 019 PSA 119 060 Уготовихся и не смутихся сохранити заповеди Твоя. 019 PSA 119 061 Ужя грешник обязашася мне, и закона Твоего не забых. 019 PSA 119 062 Полунощи востах исповедатися Тебе о судбах правды Твоея. 019 PSA 119 063 Причастник аз есмь всем боящымся Тебе и хранящым заповеди Твоя. 019 PSA 119 064 Милости Твоея, Господи, исполнь земля: оправданием Твоим научи мя. 019 PSA 119 065 Благость сотворил еси с рабом Твоим, Господи, по словеси Твоему: 019 PSA 119 066 благости и наказанию и разуму научи мя, яко заповедем Твоим веровах. 019 PSA 119 067 Прежде даже не смиритимися, аз прегреших: сего ради слово Твое сохраних. 019 PSA 119 068 Благ еси Ты, Господи: и благостию Твоею научи мя оправданием Твоим. 019 PSA 119 069 Умножися на мя неправда гордых: аз же всем сердцем моим испытаю заповеди Твоя. 019 PSA 119 070 Усырися яко млеко сердце их: аз же закону Твоему поучихся. 019 PSA 119 071 Благо мне, яко смирил мя еси, яко да научуся оправданием Твоим. 019 PSA 119 072 Благ мне закон уст Твоих паче тысящ злата и сребра. 019 PSA 119 073 Руце Твои сотвористе мя и создасте мя: вразуми мя, и научуся заповедем Твоим. 019 PSA 119 074 Боящиися Тебе узрят мя и возвеселятся, яко на словеса Твоя уповах. 019 PSA 119 075 Разумех, Господи, яко правда судбы Твоя, и воистинну смирил мя еси. 019 PSA 119 076 Буди же милость Твоя, да утешит мя, по словеси Твоему рабу Твоему: 019 PSA 119 077 да приидут мне щедроты Твоя, и жив буду, яко закон Твой поучение мое есть: 019 PSA 119 078 да постыдятся гордии, яко неправедно беззаконноваша на мя: аз же поглумлюся в заповедех Твоих. 019 PSA 119 079 Да обратят мя боящиися Тебе и ведящии свидения Твоя. 019 PSA 119 080 Буди сердце мое непорочно во оправданиих Твоих, яко да не постыжуся. 019 PSA 119 081 Изчезает во спасение Твое душа моя, на словеса Твоя уповах: 019 PSA 119 082 изчезоша очи мои в слово Твое, глаголюще: когда утешиши мя? 019 PSA 119 083 Зане бых яко мех на слане: оправданий Твоих не забых. 019 PSA 119 084 Колико есть дний раба Твоего? Когда сотвориши ми от гонящих мя суд? 019 PSA 119 085 Поведаша мне законопреступницы глумления, но не яко закон Твой, Господи. 019 PSA 119 086 Вся заповеди Твоя истина: неправедно погнаша мя, помози ми. 019 PSA 119 087 Вмале не скончаша мене на земли: аз же не оставих заповедий Твоих. 019 PSA 119 088 По милости Твоей живи мя, и сохраню свидения уст Твоих. 019 PSA 119 089 Во век, Господи, слово Твое пребывает на небеси. 019 PSA 119 090 В род и род истина Твоя: основал еси землю, и пребывает. 019 PSA 119 091 Учинением Твоим пребывает день: яко всяческая работна Тебе. 019 PSA 119 092 Яко аще бы не закон Твой поучение мое был, тогда убо погибл бых во смирении моем: 019 PSA 119 093 во век не забуду оправданий Твоих, яко в них оживил мя еси. 019 PSA 119 094 Твой есмь аз, спаси мя: яко оправданий Твоих взысках. 019 PSA 119 095 Мене ждаша грешницы погубити мя: свидения Твоя разумех. 019 PSA 119 096 Всякия кончины видех конец: широка заповедь Твоя зело. 019 PSA 119 097 Коль возлюбих закон Твой, Господи: весь день поучение мое есть. 019 PSA 119 098 Паче враг моих умудрил мя еси заповедию Твоею, яко в век моя есть. 019 PSA 119 099 Паче всех учащих мя разумех, яко свидения Твоя поучение мое есть. 019 PSA 119 100 Паче старец разумех, яко заповеди Твоя взысках. 019 PSA 119 101 От всякаго пути лукава возбраних ногам моим, яко да сохраню словеса Твоя: 019 PSA 119 102 от судеб Твоих не уклонихся, яко Ты законоположил ми еси. 019 PSA 119 103 Коль сладка гортани моему словеса Твоя: паче меда устом моим. 019 PSA 119 104 От заповедий Твоих разумех: сего ради возненавидех всяк путь неправды. 019 PSA 119 105 Светилник ногама моима закон Твой, и свет стезям моим. 019 PSA 119 106 Кляхся и поставих сохранити судбы правды Твоея. 019 PSA 119 107 Смирихся до зела: Господи, живи мя по словеси Твоему. 019 PSA 119 108 Вольная уст моих благоволи же, Господи, и судбам Твоим научи мя. 019 PSA 119 109 Душа моя в руку Твоею выну, и закона Твоего не забых. 019 PSA 119 110 Положиша грешницы сеть мне: и от заповедий Твоих не заблудих. 019 PSA 119 111 Наследовах свидения Твоя во век, яко радование сердца моего суть: 019 PSA 119 112 приклоних сердце мое сотворити оправдания Твоя в век за воздаяние. 019 PSA 119 113 Законопреступныя возненавидех, закон же Твой возлюбих. 019 PSA 119 114 Помощник мой и заступник мой еси Ты: на словеса Твоя уповах. 019 PSA 119 115 Уклонитеся от мене, лукавнующии, и испытаю заповеди Бога моего. 019 PSA 119 116 Заступи мя по словеси Твоему, и жив буду: и не посрами мене от чаяния моего: 019 PSA 119 117 помози ми, и спасуся, и поучуся во оправданиих Твоих выну. 019 PSA 119 118 Уничижил еси вся отступающыя от оправданий Твоих: яко неправедно помышление их. 019 PSA 119 119 Преступающыя непщевах вся грешныя земли: сего ради возлюбих свидения Твоя. 019 PSA 119 120 Пригвозди страху Твоему плоти моя: от судеб бо Твоих убояхся. 019 PSA 119 121 Сотворих суд и правду: не предаждь мене обидящым мя. 019 PSA 119 122 Восприими раба Твоего во благо, да не оклеветают мене гордии. 019 PSA 119 123 Очи мои изчезосте во спасение Твое и в слово правды Твоея: 019 PSA 119 124 сотвори с рабом Твоим по милости Твоей, и оправданием Твоим научи мя. 019 PSA 119 125 Раб Твой есмь аз: вразуми мя, и увем свидения Твоя. 019 PSA 119 126 Время сотворити Господеви: разориша закон Твой. 019 PSA 119 127 Сего ради возлюбих заповеди Твоя паче злата и топазиа. 019 PSA 119 128 Сего ради ко всем заповедем Твоим направляхся, всяк путь неправды возненавидех. 019 PSA 119 129 Дивна свидения Твоя: сего ради испыта я душа моя. 019 PSA 119 130 Явление словес Твоих просвещает и вразумляет младенцы. 019 PSA 119 131 Уста моя отверзох и привлекох дух, яко заповедий Твоих желах. 019 PSA 119 132 Призри на мя и помилуй мя, по суду любящих имя Твое. 019 PSA 119 133 Стопы моя направи по словеси Твоему, и да не обладает мною всякое беззаконие: 019 PSA 119 134 избави мя от клеветы человеческия, и сохраню заповеди Твоя. 019 PSA 119 135 Лице Твое просвети на раба Твоего и научи мя оправданием Твоим. 019 PSA 119 136 Исходища водная изведосте очи мои, понеже не сохраних закона Твоего. 019 PSA 119 137 Праведен еси, Господи, и прави суди Твои: 019 PSA 119 138 заповедал еси правду свидения Твоя, и истину зело. 019 PSA 119 139 Истаяла мя есть ревность Твоя: яко забыша словеса Твоя врази мои. 019 PSA 119 140 Разжжено слово Твое зело, и раб Твой возлюби е. 019 PSA 119 141 Юнейший аз есмь и уничижен: оправданий Твоих не забых. 019 PSA 119 142 Правда Твоя правда во век, и закон Твой истина. 019 PSA 119 143 Скорби и нужди обретоша мя: заповеди Твоя поучение мое. 019 PSA 119 144 Правда свидения Твоя в век: вразуми мя, и жив буду. 019 PSA 119 145 Воззвах всем сердцем моим, услыши мя, Господи: оправдания Твоя взыщу. 019 PSA 119 146 Воззвах Ти, спаси мя, и сохраню свидения Твоя. 019 PSA 119 147 Предварих в безгодии и воззвах: на словеса Твоя уповах. 019 PSA 119 148 Предваристе очи мои ко утру, поучитися словесем Твоим. 019 PSA 119 149 Глас мой услыши, Господи, по милости Твоей: по судбе Твоей живи мя. 019 PSA 119 150 Приближишася гонящии мя беззаконием: от закона же Твоего удалишася. 019 PSA 119 151 Близ еси Ты, Господи, и вси путие Твои истина. 019 PSA 119 152 Исперва познах от свидений Твоих, яко в век основал я еси. 019 PSA 119 153 Виждь смирение мое и изми мя: яко закона Твоего не забых. 019 PSA 119 154 Суди суд мой и избави мя: словесе ради Твоего живи мя. 019 PSA 119 155 Далече от грешник спасение, яко оправданий Твоих не взыскаша. 019 PSA 119 156 Щедроты Твоя многи, Господи: по судбе Твоей живи мя. 019 PSA 119 157 Мнози изгонящии мя и стужающии ми: от свидений Твоих не уклонихся. 019 PSA 119 158 Видех неразумевающыя и истаях: яко словес Твоих не сохраниша. 019 PSA 119 159 Виждь, яко заповеди Твоя возлюбих: Господи, по милости Твоей живи мя. 019 PSA 119 160 Начало словес Твоих истина, и во век вся судбы правды Твоея. 019 PSA 119 161 Князи погнаша мя туне: и от словес Твоих убояся сердце мое. 019 PSA 119 162 Возрадуюся аз о словесех Твоих, яко обретаяй корысть многу. 019 PSA 119 163 Неправду возненавидех и омерзих: закон же Твой возлюбих. 019 PSA 119 164 Седмерицею днем хвалих Тя о судбах правды Твоея. 019 PSA 119 165 Мир мног любящым закон Твой, и несть им соблазна. 019 PSA 119 166 Чаях спасения Твоего, Господи, и заповеди Твоя возлюбих. 019 PSA 119 167 Сохрани душа моя свидения Твоя и возлюби я зело. 019 PSA 119 168 Сохраних заповеди Твоя и свидения Твоя, яко вси путие мои пред Тобою, Господи. 019 PSA 119 169 Да приближится моление мое пред Тя, Господи: по словеси Твоему вразуми мя. 019 PSA 119 170 Да внидет прошение мое пред Тя: Господи, по словеси Твоему избави мя. 019 PSA 119 171 Отрыгнут устне мои пение, егда научиши мя оправданием Твоим. 019 PSA 119 172 Провещает язык мой словеса Твоя, яко вся заповеди Твоя правда. 019 PSA 119 173 Да будет рука Твоя еже спасти мя, яко заповеди Твоя изволих. 019 PSA 119 174 Возжелах спасение Твое, Господи, и закон Твой поучение мое есть. 019 PSA 119 175 Жива будет душа моя и восхвалит Тя: и судбы Твоя помогут мне. 019 PSA 119 176 Заблудих яко овча погибшее: взыщи раба Твоего, яко заповедий Твоих не забых. 019 PSA 120 001 Ко Господу, внегда скорбети ми, воззвах, и услыша мя. 019 PSA 120 002 Господи, избави душу мою от устен неправедных и от языка льстива. 019 PSA 120 003 Что дастся тебе, или что приложится тебе к языку льстиву? 019 PSA 120 004 Стрелы сильнаго изощрены, со угльми пустынными. 019 PSA 120 005 Увы мне, яко пришелствие мое продолжися, вселихся с селении Кидарскими: 019 PSA 120 006 много пришелствова душа моя: с ненавидящими мира бех мирен: 019 PSA 120 007 егда глаголах им, боряху мя туне. 019 PSA 121 001 Возведох очи мои в горы, отнюдуже приидет помощь моя. 019 PSA 121 002 Помощь моя от Господа, сотворшаго небо и землю. 019 PSA 121 003 Не даждь во смятение ноги твоея, ниже воздремлет храняй тя: 019 PSA 121 004 се, не воздремлет, ниже уснет храняй Израиля. 019 PSA 121 005 Господь сохранит тя, Господь покров твой на руку десную твою. 019 PSA 121 006 Во дни солнце не ожжет тебе, ниже луна нощию. 019 PSA 121 007 Господь сохранит тя от всякаго зла, сохранит душу твою Господь: 019 PSA 121 008 Господь сохранит вхождение твое и исхождение твое, отныне и до века. 019 PSA 122 001 Возвеселихся о рекших мне: в дом Господень пойдем. 019 PSA 122 002 Стояще бяху ноги нашя во дворех твоих, Иерусалиме. 019 PSA 122 003 Иерусалим зиждемый яко град, емуже причастие его вкупе. 019 PSA 122 004 Тамо бо взыдоша колена, колена Господня, свидение Израилево, исповедатися имени Господню: 019 PSA 122 005 яко тамо седоша престоли на суд, престоли в дому Давидове. 019 PSA 122 006 Вопросите же яже о мире Иерусалима: и обилие любящым тя. 019 PSA 122 007 Буди же мир в силе твоей, и обилие в столпостенах твоих. 019 PSA 122 008 Ради братий моих и ближних моих глаголах убо мир о тебе. 019 PSA 122 009 Дому ради Господа Бога нашего взысках благая тебе. 019 PSA 123 001 К Тебе возведох очи мои, Живущему на небеси. 019 PSA 123 002 Се, яко очи раб в руку господий своих, яко очи рабыни в руку госпожи своея: тако очи наши ко Господу Богу нашему, дондеже ущедрит ны. 019 PSA 123 003 Помилуй нас, Господи, помилуй нас, яко помногу исполнихомся уничижения: 019 PSA 123 004 наипаче наполнися душа наша поношения гобзующих и уничижения гордых. 019 PSA 124 001 Яко аще не Господь бы был в нас, да речет убо Израиль: 019 PSA 124 002 яко аще не Господь бы был в нас, внегда востати человеком на ны, убо живых пожерли быша нас: 019 PSA 124 003 внегда прогневатися ярости их на ны, убо вода потопила бы нас. 019 PSA 124 004 Поток прейде душа наша: 019 PSA 124 005 убо прейде душа наша воду непостоянную. 019 PSA 124 006 Благословен Господь, иже не даде нас в ловитву зубом их. 019 PSA 124 007 Душа наша яко птица избавися от сети ловящих: сеть сокрушися, и мы избавлени быхом. 019 PSA 124 008 Помощь наша во имя Господа, сотворшаго небо и землю. 019 PSA 125 001 Надеющиися на Господа, яко гора Сион: не подвижится в век живый во Иерусалиме. 019 PSA 125 002 Горы окрест его, и Господь окрест людий Своих, отныне и до века. 019 PSA 125 003 Яко не оставит Господь жезла грешных на жребий праведных, яко да не прострут праведнии в беззакония рук своих. 019 PSA 125 004 Ублажи, Господи, благия и правыя сердцем. 019 PSA 125 005 Уклоняющыяся же в развращения отведет Господь с делающими беззаконие: мир на Израиля. 019 PSA 126 001 Внегда возвратити Господу плен Сионь, быхом яко утешени. 019 PSA 126 002 Тогда исполнишася радости уста наша, и язык наш веселия: тогда рекут во языцех: возвеличил есть Господь сотворити с ними. 019 PSA 126 003 Возвеличил есть Господь сотворити с нами: быхом веселящеся. 019 PSA 126 004 Возврати, Господи, пленение наше, яко потоки югом. 019 PSA 126 005 Сеющии слезами, радостию пожнут. 019 PSA 126 006 Ходящии хождаху и плакахуся, метающе семена своя: грядуще же приидут радостию, вземлюще рукояти своя. 019 PSA 127 001 Аще не Господь созиждет дом, всуе трудишася зиждущии: аще не Господь сохранит град, всуе бде стрегий. 019 PSA 127 002 Всуе вам есть утреневати: востанете по седении ядущии хлеб болезни, егда даст возлюбленным Своим сон. 019 PSA 127 003 Се, достояние Господне сынове, мзда плода чревняго. 019 PSA 127 004 Яко стрелы в руце сильнаго, тако сынове оттрясенных. 019 PSA 127 005 Блажен, иже исполнит желание свое от них: не постыдятся, егда глаголют врагом своим во вратех. 019 PSA 128 001 Блажени вси боящиися Господа, ходящии в путех Его: 019 PSA 128 002 труды плодов твоих снеси: блажен еси, и добро тебе будет. 019 PSA 128 003 Жена твоя яко лоза плодовита в странах дому твоего: 019 PSA 128 004 сынове твои яко новосаждения масличная окрест трапезы твоея. 019 PSA 128 005 Се, тако благословится человек бояйся Господа. 019 PSA 128 006 Благословит тя Господь от Сиона, и узриши благая Иерусалима вся дни живота твоего, и узриши сыны сынов твоих: мир на Израиля. 019 PSA 129 001 Множицею брашася со мною от юности моея, да речет убо Израиль: 019 PSA 129 002 множицею брашася со мною от юности моея, ибо не премогоша мя. 019 PSA 129 003 На хребте моем делаша грешницы, продолжиша беззаконие свое. 019 PSA 129 004 Господь праведен ссече выя грешников. 019 PSA 129 005 Да постыдятся и возвратятся вспять вси ненавидящии Сиона: 019 PSA 129 006 да будут яко трава на здех, яже прежде восторжения изсше: 019 PSA 129 007 еюже не исполни руки своея жняй, и недра своего рукояти собираяй: 019 PSA 129 008 и не реша мимоходящии: благословение Господне на вы, благословихом вы во имя Господне. 019 PSA 130 001 Из глубины воззвах к Тебе, Господи: Господи, услыши глас мой. 019 PSA 130 002 Да будут уши Твои внемлюще гласу моления моего. 019 PSA 130 003 Аще беззакония назриши, Господи, Господи, кто постоит? 019 PSA 130 004 Яко у Тебе очищение есть, Имене ради Твоего потерпех Тя 019 PSA 130 005 Господи, потерпе душа моя в слово Твое: 019 PSA 130 006 упова душа моя на Господа от стражи утренния до нощи, от стражи утренния 019 PSA 130 007 да уповает Израиль на Господа: яко у Господа милость, и многое у Него избавление: 019 PSA 131 001 Господи, не вознесеся сердце мое, ниже вознесостеся очи мои: ниже ходих в великих, ниже в дивных паче мене. 019 PSA 131 002 Аще не смиреномудрствовах, но вознесох душу мою, яко отдоеное на матерь свою, тако воздаси на душу мою. 019 PSA 131 003 Да уповает Израиль на Господа отныне и до века. 019 PSA 132 001 Помяни, Господи, Давида и всю кротость его: 019 PSA 132 002 яко клятся Господеви, обещася Богу Иаковлю: 019 PSA 132 003 аще вниду в селение дому моего, или взыду на одр постели моея: 019 PSA 132 004 аще дам сон очима моима, и веждома моима дремание, и покой скраниама моима: 019 PSA 132 005 дондеже обрящу место Господеви, селение Богу Иаковлю. 019 PSA 132 006 Се, слышахом я во Евфрафе, обретохом я в полях Дубравы: 019 PSA 132 007 внидем в селения Его, поклонимся на место, идеже стоясте нозе Его. 019 PSA 132 008 Воскресени, Господи, в покой Твой, Ты и кивот святыни Твоея. 019 PSA 132 009 Священницы Твои облекутся правдою, и преподобнии Твои возрадуются. 019 PSA 132 010 Давида ради раба Твоего, не отврати лице помазаннаго Твоего. 019 PSA 132 011 Клятся Господь Давиду истиною, и не отвержется ея: от плода чрева твоего посажду на престоле твоем. 019 PSA 132 012 Аще сохранят сынове твои завет Мой и свидения Моя сия, имже научу я, и сынове их до века сядут на престоле твоем. 019 PSA 132 013 Яко избра Господь Сиона, изволи и в жилище Себе. 019 PSA 132 014 Сей покой Мой во век века, зде вселюся, яко изволих и. 019 PSA 132 015 Ловитву его благословляяй благословлю, нищыя его насыщу хлебы: 019 PSA 132 016 священники его облеку во спасение, и преподобнии его радостию возрадуются. 019 PSA 132 017 Тамо возращу рог Давидови, уготовах светилник помазанному Моему. 019 PSA 132 018 Враги его облеку студом, на немже процветет святыня моя. 019 PSA 133 001 Се, что добро, или что красно, но еже жити братии вкупе? 019 PSA 133 002 Яко миро на главе, сходящее на браду, браду Аароню, сходящее на ометы одежды его: 019 PSA 133 003 яко роса Аермонская сходящая на горы Сионския: яко тамо заповеда Господь благословение и живот до века. 019 PSA 134 001 Се, ныне благословите Господа, вси раби Господни, стоящии в храме Господни, во дворех дому Бога нашего. 019 PSA 134 002 В нощех воздежите руки вашя во святая и благословите Господа. 019 PSA 134 003 Благословит тя Господь от Сиона, сотворивый небо и землю. 019 PSA 135 001 Хвалите имя Господне, хвалите, раби Господа, 019 PSA 135 002 стоящии во храме Господни, во дворех дому Бога нашего. 019 PSA 135 003 Хвалите Господа, яко благ Господь: пойте имени Его, яко добро: 019 PSA 135 004 яко Иакова избра Себе Господь, Израиля в достояние Себе: 019 PSA 135 005 яко аз познах, яко велий Господь, и Господь наш над всеми боги: 019 PSA 135 006 вся, елика восхоте Господь, сотвори на небеси и на земли, в морях и во всех безднах. 019 PSA 135 007 Возводя облаки от последних земли, молнии в дождь сотвори, изводяй ветры от сокровищ Своих. 019 PSA 135 008 Иже порази первенцы Египетския от человека до скота: 019 PSA 135 009 посла знамения и чудеса посреде тебе, Египте, на фараона и на вся рабы его. 019 PSA 135 010 Иже порази языки многи и изби цари крепки: 019 PSA 135 011 Сиона царя Аморрейска и Ога царя Васанска, и вся царствия Ханаанска: 019 PSA 135 012 и даде землю их достояние, достояние Израилю людем Своим. 019 PSA 135 013 Господи, имя Твое в век, и память Твоя в род и род: 019 PSA 135 014 яко судити имать Господь людем Своим, и о рабех Своих умолится. 019 PSA 135 015 Идоли язык сребро и злато, дела рук человеческих: 019 PSA 135 016 уста имут, и не возглаголют: очи имут, и не узрят: 019 PSA 135 017 уши имут, и не услышат: ниже бо есть дух во устех их. 019 PSA 135 018 Подобни им да будут творящии я и вси надеющиися на ня. 019 PSA 135 019 Доме Израилев, благословите Господа: доме Ааронь, благословите Господа: доме Левиин, благословите Господа: 019 PSA 135 020 боящиися Господа, благословите Господа. 019 PSA 135 021 Благословен Господь от Сиона, живый во Иерусалиме. 019 PSA 136 001 Исповедайтеся Господеви, яко благ: яко в век милость Его. 019 PSA 136 002 Исповедайтеся Богу богов: яко в век милость Его. 019 PSA 136 003 Исповедайтеся Господеви господей: яко в век милость Его. 019 PSA 136 004 Сотворшему чудеса велия единому: яко в век милость Его. 019 PSA 136 005 Сотворшему небеса разумом: яко в век милость Его. 019 PSA 136 006 Утвердившему землю на водах: яко в век милость Его. 019 PSA 136 007 Сотворшему светила велия единому: яко в век милость Его: 019 PSA 136 008 солнце во область дне: яко в век милость Его: 019 PSA 136 009 луну и звезды во область нощи: яко в век милость Его. 019 PSA 136 010 Поразившему Египта с первенцы его: яко в век милость Его: 019 PSA 136 011 и изведшему Израиля от среды их: яко в век милость Его: 019 PSA 136 012 рукою крепкою и мышцею высокою: яко в век милость Его. 019 PSA 136 013 Раздельшему Чермное море в разделения: яко в век милость Его: 019 PSA 136 014 и проведшему Израиля посреде его: яко в век милость Его: 019 PSA 136 015 и истрясшему фараона и силу его в море Чермное: яко в век милость Его. 019 PSA 136 016 Проведшему люди Своя в пустыни: яко в век милость Его. 019 PSA 136 017 Поразившему цари велия: яко в век милость Его. 019 PSA 136 018 И убившему цари крепкия: яко в век милость Его: 019 PSA 136 019 Сиона царя Аморрейска: яко в век милость Его: 019 PSA 136 020 и Ога царя Васанска: яко в век милость Его. 019 PSA 136 021 И давшему землю их достояние: яко в век милость Его: 019 PSA 136 022 достояние Израилю рабу Своему: яко в век милость Его. 019 PSA 136 023 Яко во смирении нашем помяну ны Господь: яко в век милость Его. 019 PSA 136 024 И избавил ны есть от врагов наших: яко в век милость Его: 019 PSA 136 025 даяй пищу всякой плоти: яко в век милость Его. 019 PSA 136 026 Исповедайтеся Богу небесному: яко в век милость Его. 019 PSA 137 001 На реках Вавилонских, тамо седохом и плакахом, внегда помянути нам Сиона: 019 PSA 137 002 на вербиих посреде его обесихом органы нашя. 019 PSA 137 003 Яко тамо вопросиша ны пленшии нас о словесех песней, и ведшии нас о пении: воспойте нам от песней Сионских. 019 PSA 137 004 Како воспоем песнь Господню на земли чуждей? 019 PSA 137 005 Аще забуду тебе, Иерусалиме, забвена буди десница моя. 019 PSA 137 006 Прильпни язык мой гортани моему, аще не помяну тебе, аще не предложу Иерусалима, яко в начале веселия моего. 019 PSA 137 007 Помяни, Господи, сыны Едомския в день Иерусалимль глаголющыя: истощайте, истощайте до оснований его. 019 PSA 137 008 Дщи Вавилоня окаянная, блажен, иже воздаст тебе воздаяние твое, еже воздала еси нам: 019 PSA 137 009 блажен, иже имет и разбиет младенцы твоя о камень. 019 PSA 138 001 Исповемся Тебе, Господи, всем сердцем моим, и пред ангелы воспою Тебе, яко услышал еси вся глаголы уст моих: 019 PSA 138 002 поклонюся ко храму святому Твоему и исповемся имени Твоему о милости Твоей и истине Твоей, яко возвеличил еси над всем имя Твое святое. 019 PSA 138 003 В оньже аще день призову Тя, скоро услыши мя: умножиши мя в души моей силою Твоею. 019 PSA 138 004 Да исповедятся Тебе, Господи, вси царие земстии, яко услышаша вся глаголголы уст Твоих: 019 PSA 138 005 и да воспоют в путех Господних, яко велия слава Господня: 019 PSA 138 006 яко высок Господь, и смиренныя призирает, и высокая издалеча весть. 019 PSA 138 007 Аще пойду посреде скорби, живиши мя: на гнев враг моих простерл еси руку Твою, и спасе мя десница Твоя. 019 PSA 138 008 Господь воздаст за мя: Господи, милость Твоя во век: дел руку Твоею не презри. 019 PSA 139 001 Господи, искусил мя еси и познал мя еси: ты познал еси седание мое и востание мое. 019 PSA 139 002 Ты разумел еси помышления моя издалеча: 019 PSA 139 003 стезю мою и уже мое Ты еси изследовал и вся пути моя провидел еси. 019 PSA 139 004 Яко несть льсти в языце моем: се, Господи, Ты познал еси 019 PSA 139 005 вся последняя и древняя: Ты создал еси мя и положил еси на мне руку Твою. 019 PSA 139 006 Удивися разум Твой от мене, утвердися, не возмогу к нему. 019 PSA 139 007 Камо пойду от Духа Твоего? И от лица Твоего камо бежу? 019 PSA 139 008 Аще взыду на небо, Ты тамо еси: аще сниду во ад, тамо еси. 019 PSA 139 009 Аще возму криле мои рано и вселюся в последних моря, 019 PSA 139 010 и тамо бо рука Твоя наставит мя, и удержит мя десница Твоя. 019 PSA 139 011 И рех: еда тма поперет мя? И нощь просвещение в сладости моей. 019 PSA 139 012 Яко тма не помрачится от Тебе, и нощь яко день просветится: яко тма ея, тако и свет ея. 019 PSA 139 013 Яко Ты создал еси утробы моя, восприял мя еси из чрева матере моея. 019 PSA 139 014 Исповемся Тебе, яко страшно удивился еси: чудна дела Твоя, и душа моя знает зело. 019 PSA 139 015 Не утаися кость моя от Тебе, юже сотворил еси в тайне, и состав мой в преисподних земли. 019 PSA 139 016 Несоделанное мое видесте очи Твои, и в книзе Твоей вси напишутся: во днех созиждутся, и никтоже в них. 019 PSA 139 017 Мне же зело честни быша друзи Твои, Боже, зело утвердишася владычествия их: 019 PSA 139 018 изочту их, и паче песка умножатся: востах, и еще есмь с Тобою. 019 PSA 139 019 Аще избиеши грешники, Боже: мужие кровей, уклонитеся от мене. 019 PSA 139 020 Яко ревниви есте в помышлениих, приимут в суету грады Твоя. 019 PSA 139 021 Не ненавидящыя ли Тя, Господи, возненавидех, и о вразех Твоих истаях? 019 PSA 139 022 Совершенною ненавистию возненавидех я: во враги быша ми. 019 PSA 139 023 Искуси мя, Боже, и увеждь сердце мое: истяжи мя и разумей стези моя: 019 PSA 139 024 и виждь, аще путь беззакония во мне, и настави мя на путь вечен. 019 PSA 140 001 Изми мя, Господи, от человека лукава, от мужа неправедна избави мя: иже помыслиша неправду в сердцы, весь день ополчаху брани: 019 PSA 140 002 изостриша язык свой яко змиин: яд аспидов под устнами их. 019 PSA 140 003 Сохрани мя, Господи, из руки грешничи, от человек неправедных изми мя, иже помыслиша запяти стопы моя. 019 PSA 140 004 Скрыша гордии сеть мне и ужы, препяша сеть ногама моима: 019 PSA 140 005 при стези соблазны положиша ми. 019 PSA 140 006 Рех Господеви: Бог мой еси Ты, внуши, Господи, глас моления моего. 019 PSA 140 007 Господи, Господи, сило спасения моего, осенил еси над главою моею в день брани. 019 PSA 140 008 Не предаждь мене, Господи, от желания моего грешнику: помыслиша на мя, не остави мене, да не когда вознесутся. 019 PSA 140 009 Глава окружения их, труд устен их покрыет я. 019 PSA 140 010 Падут на них углия огненная, низложиши я во страстех, и не постоят. 019 PSA 140 011 Муж язычен не исправится на земли: мужа неправедна злая уловят во истление. 019 PSA 140 012 Познах, яко сотворит Господь суд нищым и месть убогим. 019 PSA 140 013 Обаче праведнии исповедятся имени Твоему, и вселятся правии с лицем Твоим. 019 PSA 141 001 Господи, воззвах к Тебе, услыши мя: вонми гласу моления моего, внегда воззвати ми к Тебе. 019 PSA 141 002 Да исправится молитва моя яко кадило пред Тобою: воздеяние руку моею, жертва вечерняя. 019 PSA 141 003 Положи, Господи, хранение устом моим и дверь ограждения о устнах моих. 019 PSA 141 004 Не уклони сердце мое в словеса лукавствия, непщевати вины о гресех с человеки делающими беззаконие: и не сочтуся со избранными их. 019 PSA 141 005 Накажет мя праведник милостию и обличит мя, елей же грешнаго да не намастит главы моея: яко еще и молитва моя во благоволениих их. 019 PSA 141 006 Пожерты быша при камени судии их: услышатся глаголи мои, яко возмогоша. 019 PSA 141 007 Яко толща земли проседеся на земли, расточишася кости их при аде. 019 PSA 141 008 Яко к Тебе, Господи, Господи, очи мои: на Тя уповах, не отими душу мою: 019 PSA 141 009 сохрани мя от сети, юже составиша ми, и от соблазн делающих беззаконие. 019 PSA 141 010 Падут во мрежу свою грешницы: един есмь аз, дондеже прейду. 019 PSA 142 001 Разума Давиду, внегда быти ему в вертепе молящемуся. 019 PSA 142 002 Гласом моим ко Господу воззвах, гласом моим ко Господу помолихся. 019 PSA 142 003 Пролию пред Ним моление мое, печаль мою пред ним возвещу. 019 PSA 142 004 Внегда изчезати от мене духу моему, и ты познал еси стези моя: на пути сем, по немуже хождах, скрыша сеть мне. 019 PSA 142 005 Сматрях одесную и возглядах, и не бе знаяй мене: погибе бегство от мене, и несть взыскаяй душу мою. 019 PSA 142 006 Воззвах к Тебе, Господи, рех: Ты еси упование мое, часть моя еси на земли живых. 019 PSA 142 007 Вонми молению моему, яко смирихся зело: избави мя от гонящих мя, яко укрепишася паче мене. Изведи из темницы душу мою, исповедатися имени Твоему: мене ждут праведницы, дондеже воздаси мне. 019 PSA 143 001 Господи, услыши молитву мою, внуши моление мое во истине Твоей, услыши мя в правде Твоей: 019 PSA 143 002 и не вниди в суд с рабом Твоим, яко не оправдится пред Тобою всяк живый. 019 PSA 143 003 Яко погна враг душу мою: смирил есть в землю живот мой: посадил мя есть в темных, яко мертвыя века. 019 PSA 143 004 И уны во мне дух мой, во мне смятеся сердце мое. 019 PSA 143 005 Помянух дни древния, поучихся во всех делех Твоих, в творениих руку Твоею поучахся. 019 PSA 143 006 Воздех к Тебе руце мои: душа моя яко земля безводная Тебе. 019 PSA 143 007 Скоро услыши мя, Господи, изчезе дух мой: не отврати лица Твоего от мене, и уподоблюся низходящым в ров. 019 PSA 143 008 Слышану сотвори мне заутра милость Твою, яко на Тя уповах: скажи мне, Господи, путь, в оньже пойду, яко к Тебе взях душу мою. 019 PSA 143 009 Изми мя от враг моих, Господи, к Тебе прибегох. 019 PSA 143 010 Научи мя творити волю Твою, яко Ты еси Бог мой: Дух Твой благий наставит мя на землю праву. 019 PSA 143 011 Имене Твоего ради, Господи, живиши мя правдою Твоею: изведеши от печали душу мою: 019 PSA 143 012 и милостию Твоею потребиши враги моя и погубиши вся стужающыя души моей: яко аз раб Твой есмь. 019 PSA 144 001 Благословен Господь Бог мой, научаяй руце мои на ополчение, персты моя на брань. 019 PSA 144 002 Милость моя и прибежище мое, заступник мой и Избавитель мой, защититель мой, и на Него уповах: повинуяй люди моя под мя. 019 PSA 144 003 Господи, что есть человек, яко познался еси ему? Или сын человечь, яко вменяеши его? 019 PSA 144 004 Человек суете уподобися: дние его яко сень преходят. 019 PSA 144 005 Господи, преклони небеса, и сниди: коснися горам, и воздымятся: 019 PSA 144 006 блесни молнию, и разженеши я: посли стрелы Твоя, и смятеши я. 019 PSA 144 007 Посли руку Твою с высоты, изми мя и избави мя от вод многих, из руки сынов чуждих, 019 PSA 144 008 ихже уста глаголаша суету, и десница их десница неправды. 019 PSA 144 009 Боже, песнь нову воспою Тебе, во псалтири десятоструннем пою Тебе: 019 PSA 144 010 дающему спасение царем, избавляющему Давида раба Своего от меча люта. 019 PSA 144 011 Избави мя и изми мя из руки сынов чуждих, ихже уста глаголаша суету, и десница их десница неправды: 019 PSA 144 012 ихже сынове их яко новосаждения водруженая в юности своей, дщери их удобрены, преукрашены яко подобие храма: 019 PSA 144 013 хранилища их исполнена, отрыгающая от сего в сие: овцы их многоплодны, множащыяся во исходищих своих: волове их толсти: 019 PSA 144 014 несть падения оплоту, ниже прохода, ниже вопля в стогнах их. 019 PSA 144 015 Ублажиша люди, имже сия суть: блажени людие, имже Господь Бог их. 019 PSA 145 001 Вознесу Тя, Боже мой, Царю мой, и благословлю имя Твое в век и в век века. 019 PSA 145 002 На всяк день благословлю Тя, и восхвалю имя Твое в век и в век века. 019 PSA 145 003 Велий Господь и хвален зело, и величию Его несть конца. 019 PSA 145 004 Род и род восхвалят дела Твоя и силу Твою возвестят: 019 PSA 145 005 великолепие славы святыни Твоея возглаголют и чудеса Твоя поведят: 019 PSA 145 006 и силу страшных Твоих рекут и величие Твое поведят: 019 PSA 145 007 память множества благости Твоея отрыгнут и правдою Твоею возрадуются. 019 PSA 145 008 Щедр и милостив Господь, долготерпелив и многомилостив. 019 PSA 145 009 Благ Господь всяческим, и щедроты Его на всех делех Его. 019 PSA 145 010 Да исповедятся Тебе, Господи, вся дела Твоя, и преподобнии Твои да благословят Тя: 019 PSA 145 011 славу царствия Твоего рекут и силу Твою возглаголют, 019 PSA 145 012 сказати сыновом человеческим силу Твою и славу великолепия царствия Твоего. 019 PSA 145 013 Царство Твое царство всех веков, и владычество Твое во всяком роде и роде: верен Господь во всех словесех Своих и преподобен во всех делех Своих. 019 PSA 145 014 Утверждает Господь вся низпадающыя и возставляет вся низверженныя. 019 PSA 145 015 Очи всех на Тя уповают, и Ты даеши им пищу во благовремении: 019 PSA 145 016 отверзаеши ты руку Твою и исполняеши всякое животно благоволения. 019 PSA 145 017 Праведен Господь во всех путех Своих и преподобен во всех делех Своих. 019 PSA 145 018 Близ Господь всем призывающым Его, всем призывающым Его во истине: 019 PSA 145 019 волю боящихся Его сотворит, и молитву их услышит, и спасет я. 019 PSA 145 020 Хранит Господь вся любящыя Его, и вся грешники потребит. 019 PSA 145 021 Хвалу Господню возглаголют уста моя: и да благословит всяка плоть имя святое Его в век и в век века. 019 PSA 146 001 Хвали, душе моя, Господа: 019 PSA 146 002 восхвалю Господа в животе моем, пою Богу моему, дондеже есмь. 019 PSA 146 003 Не надейтеся на князи, на сыны человеческия, в нихже несть спасения. 019 PSA 146 004 Изыдет дух его, и возвратится в землю свою: в той день погибнут вся помышления его. 019 PSA 146 005 Блажен, емуже Бог Иаковль помощник его, упование его на Господа Бога своего, 019 PSA 146 006 сотворшаго небо и землю, море, и вся, яже в них: хранящаго истину в век, 019 PSA 146 007 творящаго суд обидимым, дающаго пищу алчущым. Господь решит окованныя: 019 PSA 146 008 Господь умудряет слепцы: Господь возводит низверженныя: Господь любит праведники. 019 PSA 146 009 Господь хранит пришелцы, сира и вдову приимет, и путь грешных погубит. 019 PSA 146 010 Воцарится Господь во век, Бог твой, Сионе, в род и род. 019 PSA 147 001 Хвалите Господа, яко благ псалом: Богови нашему да усладится хваление. 019 PSA 147 002 Зиждай Иерусалима Господь: разсеяния Израилева соберет: 019 PSA 147 003 изцеляяй сокрушенныя сердцем и обязуяй сокрушения их: 019 PSA 147 004 изчитаяй множество звезд, и всем им имена нарицаяй. 019 PSA 147 005 Велий Господь наш, и велия крепость Его, и разума Его несть числа. 019 PSA 147 006 Приемляй кроткия Господь, смиряяй же грешники до земли. 019 PSA 147 007 Начните Господеви во исповедании, пойте Богови нашему в гуслех: 019 PSA 147 008 одевающему небо облаки, уготовляющему земли дождь: прозябающему на горах траву и злак на службу человеком: 019 PSA 147 009 дающему скотом пищу их, и птенцем врановым призывающым Его. 019 PSA 147 010 Не в силе констей восхощет, ниже в лыстех мужеских благоволит: 019 PSA 147 011 благоволит Господь в боящихся Его и во уповающих на милость Его. 019 PSA 147 012 Похвали, Иерусалиме, Господа, хвали Бога твоего, Сионе: 019 PSA 147 013 яко укрепи вереи врат твоих, благослови сыны твоя в тебе. 019 PSA 147 014 Полагаяй пределы твоя мир, и тука пшенична насыщаяй тя: 019 PSA 147 015 посылаяй слово Свое земли, до скорости течет слово Его, 019 PSA 147 016 дающаго снег свой яко волну, мглу яко пепел посыпающаго, 019 PSA 147 017 метающаго голоть Свой яко хлебы: противу лица мраза Его кто постоит? 019 PSA 147 018 Послет слово Свое, и истает я: дхнет дух Его, и потекут воды. 019 PSA 147 019 Возвещаяй слово Свое Иакову, оправдания и судбы Своя Израилеви: 019 PSA 147 020 не сотвори тако всякому языку, и судбы Своя не яви им. 019 PSA 148 001 Хвалите Господа с небес, хвалите Его в вышних. 019 PSA 148 002 Хвалите Его вси Ангели Его: хвалите Его, вся силы Его. 019 PSA 148 003 Хвалите Его, солнце и луна: хвалите Его вся звезды и свет. 019 PSA 148 004 Хвалите Его, небеса небес и вода, яже превыше небес. 019 PSA 148 005 Да восхвалят имя Господне: яко Той рече, и быша: Той повеле, и создашася. 019 PSA 148 006 Постави я в век и в век века: повеление положи, и не мимо идет. 019 PSA 148 007 Хвалите Господа от земли, змиеве и вся бездны: 019 PSA 148 008 огнь, град, снег, голоть, дух бурен, творящая слово Его: 019 PSA 148 009 горы и вси холми, древа плодоносна и вси кедри: 019 PSA 148 010 зверие и вси скоти, гади и птицы пернаты: 019 PSA 148 011 царие земстии и вси людие, князи и вси судии земстии: 019 PSA 148 012 юноши и девы, старцы с юнотами. 019 PSA 148 013 Да восхвалят имя Господне: яко вознесеся имя Того единаго, исповедание Его на земли и на небеси. 019 PSA 148 014 И вознесет рог людий Своих: песнь всем преподобным Его, сыновом Израилевым, людем приближающымся Ему. 019 PSA 149 001 Воспойте Господеви песнь нову: хваление Его в церкви преподобных. 019 PSA 149 002 Да возвеселится Израиль о сотворшем его, и сынове Сиони возрадуются о Цари своем. 019 PSA 149 003 Да восхвалят имя Его в лице, в тимпане и псалтири да поют Ему. 019 PSA 149 004 Яко благоволит Господь в людех Своих, и вознесет кроткия во спасение. 019 PSA 149 005 Восхвалятся преподобнии во славе и возрадуются на ложах своих. 019 PSA 149 006 Возношения Божия в гортани их, и мечи обоюду остры в руках их: 019 PSA 149 007 сотворити отмщение во языцех, обличения в людех: 019 PSA 149 008 связати цари их путы, и славныя их ручными оковы железными: 019 PSA 149 009 сотворити в них суд написан. Слава сия будет всем преподобным Его. 019 PSA 150 001 Хвалите Бога во святых Его, хвалите Его во утвержении силы Его: 019 PSA 150 002 хвалите Его на силах Его, хвалите Его по множеству величествия Его: 019 PSA 150 003 хвалите Его во гласе трубнем, хвалите Его во псалтири и гуслех: 019 PSA 150 004 хвалите Его в тимпане и лице, хвалите Его во струнах и органе: 019 PSA 150 005 хвалите Его в кимвалех доброгласных, хвалите Его в кимвалех восклицания. 019 PSA 150 006 Всякое дыхание да хвалит Господа. # # BOOK 020 PRO Proverbs Притчи Соломона 020 PRO 001 001 Притчи Соломона сына Давидова, иже царствова во Израили, 020 PRO 001 002 познати премудрость и наказание и уразумети словеса мудрости, 020 PRO 001 003 прияти же извития словес и разрешения гаданий, уразумети же правду истинную и суд исправляти: 020 PRO 001 004 да даст незлобивым коварство, отрочати же юну чувство же и смысл. 020 PRO 001 005 Сих бо послушав, мудрый премудрее будет, а разумный строителство стяжет: 020 PRO 001 006 уразумеет же притчу и темное слово, речения же премудрых и гадания. 020 PRO 001 007 Начало премудрости страх Господень, разум же благ всем творящым его: благочестие же в Бога начало чувства, премудрость же и наказание нечестивии уничижат. 020 PRO 001 008 Слыши, сыне, наказание отца твоего и не отрини заветов матере твоея: 020 PRO 001 009 венец бо благодатей приимеши на твоем версе и гривну злату о твоей выи. 020 PRO 001 010 Сыне, да не прельстят тебе мужие нечестивии, ниже да восхощеши, 020 PRO 001 011 аще помолят тя, глаголюще: иди с нами, приобщися крове, скрыем же в землю мужа праведна неправедно: 020 PRO 001 012 пожрем же его якоже ад жива, и возмем память его от земли, 020 PRO 001 013 стяжание его многоценное приимем, исполним же домы нашя корыстей: 020 PRO 001 014 жребий же твой положи с нами: обще же влагалище стяжем вси, и мешец един да будет всем нам. 020 PRO 001 015 Не иди в путь с ними: уклони же ногу твою от стезь их: 020 PRO 001 016 нозе бо их на зло текут, и скори суть излияти кровь. 020 PRO 001 017 Не без правды бо простираются мрежи пернатым: 020 PRO 001 018 тии бо убийству приобщающеся, сокровищствуют себе злая: разрушение же мужей законопреступных зло. 020 PRO 001 019 Сии путие суть всех творящих беззаконная: нечестием бо свою душу отемлют. 020 PRO 001 020 Премудрость во исходех поется, в стогнах же дерзновение водит, 020 PRO 001 021 на краех же стен проповедуется, у врат же сильных приседит, во вратех же града дерзающи глаголет: 020 PRO 001 022 елико убо время незлобивии держатся правды, не постыдятся: безумнии же досады суще желателие, нечестивии бывше, возненавидеша чувство 020 PRO 001 023 и повинни быша обличением. Се, предложу вам моего дыхания речение, научу же вас моему словеси. 020 PRO 001 024 Понеже звах, и не послушасте, и простирах словеса, и не внимасте, 020 PRO 001 025 но отметасте моя советы и моим обличением не внимасте: 020 PRO 001 026 убо и аз вашей погибели посмеюся, порадуюся же, егда приидет вам пагуба, 020 PRO 001 027 и егда приидет на вы внезапу мятеж, низвращение же подобно бури приидет, или егда приидет вам печаль и градоразорение, или егда найдет на вы пагуба. 020 PRO 001 028 Будет бо егда призовете мя, аз же не послушаю вас: взыщут мене злии и не обрящут. 020 PRO 001 029 Возненавидеша бо премудрость, словесе же Господня не прияша: 020 PRO 001 030 ниже хотеша внимати моим советом, ругахуся же моим обличением. 020 PRO 001 031 Темже снедят своих путий плоды и своего нечестия насытятся: 020 PRO 001 032 ибо, зане обидеша младенцев, убиени будут, и истязание нечестивыя погубит. 020 PRO 001 033 Мене же слушаяй вселится на уповании и почиет без страха от всякаго зла. 020 PRO 002 001 Сыне, аще приим глагол моея заповеди, скрыеши в себе, 020 PRO 002 002 послушает премудрости твое ухо, и приложиши сердце твое к разуму: приложиши же е в наказание сыну твоему. 020 PRO 002 003 Аще бо премудрость призовеши и разуму даси глас твой, чувство же взыщеши великим гласом, 020 PRO 002 004 и аще взыщеши ея яко сребра, и якоже сокровища испытаеши ю: 020 PRO 002 005 тогда уразумееши страх Господень и познание Божие обрящеши: 020 PRO 002 006 яко Господь дает премудрость, и от лица Его познание и разум: 020 PRO 002 007 и сокровищствует исправляющым спасение, защищает же шествие их, 020 PRO 002 008 еже сохранити пути оправданий, и путь благоговеинствующих Его сохранит. 020 PRO 002 009 Тогда уразумееши правду и суд и исправиши вся стези благия. 020 PRO 002 010 Аще бо приидет премудрость в твою мысль, чувство же твоей души добро быти возмнится. 020 PRO 002 011 Совет добр сохранит тя, помышление же преподобное соблюдет тя, 020 PRO 002 012 да избавит тя от пути злаго и от мужа, глаголюща ничтоже верно. 020 PRO 002 013 О, оставившии пути правыя, еже ходити в путех тмы! 020 PRO 002 014 О, веселящиися о злых и радующиися о развращении злем! 020 PRO 002 015 Ихже стези стропотны, и крива течения их, еже далече тя сотворити от пути права, 020 PRO 002 016 и чужда от праведнаго разума. Сыне, да тя не постигнет совет злый, 020 PRO 002 017 оставляяй учение юности, и завета Божественнаго забывый: 020 PRO 002 018 постави бо при смерти дом свой и при аде с земными деяния своя. 020 PRO 002 019 Вси ходящии по нему не возвратятся, ниже постигнут стезь правых: ни бо достигнут лет жизни. 020 PRO 002 020 Аще бо быша ходили в стези благия, обрели убо быша стези правы гладки: блази будут жителие на земли, незлобивии же останут на ней: 020 PRO 002 021 яко правии вселятся на земли, и преподобнии останут на ней. 020 PRO 002 022 Путие нечестивых от земли погибнут, пребеззаконнии же изринутся от нея. 020 PRO 003 001 Сыне, моих законов не забывай, глаголы же моя да соблюдает твое сердце: 020 PRO 003 002 долготу бо жития и лета жизни и мир приложат тебе. 020 PRO 003 003 Милостыни и вера да не оскудевают тебе: обложи же я на твоей выи и напиши я на скрижали сердца твоего: и обрящеши благодать. 020 PRO 003 004 И промышляй добрая пред Господем (Богом) и человеки. 020 PRO 003 005 Буди уповая всем сердцем на Бога, о твоей же премудрости не возносися: 020 PRO 003 006 во всех путех твоих познавай ю, да исправляет пути твоя. 020 PRO 003 007 Не буди мудр о себе: бойся же Бога и уклоняйся от всякаго зла: 020 PRO 003 008 тогда изцеление будет телу твоему и уврачевание костем твоим. 020 PRO 003 009 Чти Господа от праведных твоих трудов и начатки давай ему от твоих плодов правды: 020 PRO 003 010 да исполнятся житницы твоя множеством пшеницы, вино же точила твоя да источают. 020 PRO 003 011 Сыне, не пренебрегай наказания Господня, ниже ослабевай от Него обличаемь: 020 PRO 003 012 егоже бо любит Господь, наказует, биет же всякаго сына, егоже приемлет. 020 PRO 003 013 Блажен человек, иже обрете премудрость, и смертен, иже уведе разум. 020 PRO 003 014 Лучше бо сию куповати, нежели злата и сребра сокровища: 020 PRO 003 015 честнейша же есть камений многоценных: не сопротивляется ей ничтоже лукаво, благознатна есть всем приближающымся ей: всяко же честное недостойно ея есть. 020 PRO 003 016 Долгота бо жития и лета жизни в деснице ея, в шуйце же ея богатство и слава: от уст ея исходит правда, закон же и милость на языце носит. 020 PRO 003 017 Путие ея путие добри, и вся стези ея мирны. 020 PRO 003 018 Древо живота есть всем держащымся ея, и воскланяющымся на ню, яко на Господа, тверда. 020 PRO 003 019 Бог премудростию основа землю, уготова же небеса разумом: 020 PRO 003 020 в чувстве Его бездны разверзошася, облацы же источиша росу. 020 PRO 003 021 Сыне, да не преминеши, соблюди же мой совет и мысль: 020 PRO 003 022 да жива будет душа твоя, и благодать будет на твоей выи: (будет же изцеление плотем твоим и уврачевание костем твоим: ) 020 PRO 003 023 да ходиши надеяся в мире во всех путех твоих, нога же твоя не поткнется. 020 PRO 003 024 Аще бо сядеши, безбоязнен будеши, аще же поспиши, сладостно поспиши. 020 PRO 003 025 И не убоишися страха нашедшаго, ниже устремления нечестивых находящаго: 020 PRO 003 026 Господь бо будет на всех путех твоих и утвердит ногу твою, да не поползнешися. 020 PRO 003 027 Не отрецыся благотворити требующему, егда имать рука твоя помогати. 020 PRO 003 028 Не рцы: отшед возвратися, и заутра дам, сильну ти сущу благотворити: не веси бо, что породит день находяй. 020 PRO 003 029 Не соплетай на друга твоего зла, пришелца суща и уповающа на тя. 020 PRO 003 030 Не враждуй на человека туне, да не что на тя содеет злое. 020 PRO 003 031 Не стяжи злых мужей поношения, ни возревнуй путем их. 020 PRO 003 032 Нечист бо пред Господем всяк законопреступник и с праведными не сочетавается. 020 PRO 003 033 Клятва Господня в домех нечестивых, дворы же праведных благословляются. 020 PRO 003 034 Господь гордым противится, смиренным же дает благодать. 020 PRO 003 035 Славу премудрии наследят, нечестивии же вознесоша безчестие. 020 PRO 004 001 Послушайте, дети, наказания отча и внемлите разумети помышление, 020 PRO 004 002 дар бо благий дарую вам: моего закона не оставляйте. 020 PRO 004 003 Сын бо бых и аз отцу послушливый, и любимый пред лицем матере, 020 PRO 004 004 иже глаголаша и учиша мя: да утверждается наше слово в твоем сердцы: храни заповеди, не забывай: 020 PRO 004 005 стяжи премудрость, стяжи разум: не забуди, ниже презри речения моих уст, ниже уклонися от глагол уст моих. 020 PRO 004 006 Не остави ея, и имется тебе: возжелей ея, и соблюдет тя. 020 PRO 004 007 Начало премудрости: стяжати премудрость, и во всем стяжании твоем стяжи разум. 020 PRO 004 008 Огради ю, и вознесет тя: почти ю, да тя оымет, 020 PRO 004 009 да даст главе твоей венец благодатей, венцем же сладости защитит тя. 020 PRO 004 010 Слыши, сыне, и приими моя словеса, и умножатся лета живота твоего, да ти будут мнози путие жития. 020 PRO 004 011 Путем бо премудрости учу тя, наставляю же тебе на течения правая: 020 PRO 004 012 аще бо ходиши, не запнутся стопы твоя: аще ли течеши, не утрудишися. 020 PRO 004 013 Имися моего наказания, не остави, но сохрани е себе в жизнь твою. 020 PRO 004 014 На пути нечестивых не иди, ниже возревнуй путем законопреступных. 020 PRO 004 015 На немже аще месте воя соберут, не иди тамо: уклонися же от них и измени: 020 PRO 004 016 не уснут бо, аще зла не сотворят: отимется сон от них, и не спят: 020 PRO 004 017 тии бо питаются пищею нечестия, вином же законопреступным упиваются. 020 PRO 004 018 Путие же праведных подобне свету светятся: предходят и просвещают, дондеже исправится день. 020 PRO 004 019 Путие же нечестивых темни: не ведят, како претыкаются. 020 PRO 004 020 Сыне, моим глаголом внимай, к моим же словесем прилагай ухо твое: 020 PRO 004 021 да не оскудеют ти источницы твои, храни я в сердцы твоем: 020 PRO 004 022 живот бо суть всем обретающым я и всей плоти их изцеление. 020 PRO 004 023 Всяцем хранением блюди твое сердце: от сих бо исходища живота. 020 PRO 004 024 Отими от себе строптива уста, и обидливы устне далече от тебе отрини. 020 PRO 004 025 Очи твои право да зрят, и вежди твои да помавают праведная. 020 PRO 004 026 Права течения твори твоима ногама и пути твоя исправляй. 020 PRO 004 027 Не уклонися ни на десно, ни на шуе: отврати же ногу твою от пути зла: 020 PRO 005 001 Сыне, моей премудрости внимай, к моим же словесем прилагай ухо твое, 020 PRO 005 002 да сохраниши мысль благую: чувство же моих устен заповедает тебе. 020 PRO 005 003 Не внимай злей жене: мед бо каплет от устен жены блудницы, яже на время наслаждает твой гортань: 020 PRO 005 004 последи же горчае желчи обрящеши, и изощренну паче меча обоюду остра: 020 PRO 005 005 безумия бо нозе низводят употребляющих ю со смертию во ад, стопы же ея не утверждаются: 020 PRO 005 006 на пути бо животныя не находит, заблужденна же течения ея и неблагоразумна. 020 PRO 005 007 Ныне убо, сыне, послушай мене и не отриновенна сотвори моя словеса: 020 PRO 005 008 далече от нея сотвори путь твой и не приближися ко дверем домов ея, 020 PRO 005 009 да не предаст иным живота твоего, и твоего жития немилостивым, 020 PRO 005 010 да не насытятся инии твоея крепости, твои же труды в домы чуждыя внидут, 020 PRO 005 011 и раскаешися на последок твой, егда иструтся плоти тела твоего, и речеши: 020 PRO 005 012 како возненавидех наказание, и от обличений уклонися сердце мое? 020 PRO 005 013 Не послушах гласа наказующаго мя, и ко учащему мя не прилагах уха моего: 020 PRO 005 014 вмале бех во всяцем зле посреде церкве и сонмища. 020 PRO 005 015 Сыне, пий воды от своих сосудов и от твоих кладенцев Источника: 020 PRO 005 016 да преизливаются тебе воды от твоего источника, во твоя же пути да происходят твоя воды. 020 PRO 005 017 Да будут тебе единому имения, и да никтоже чуждь причастится тебе. 020 PRO 005 018 Источник твоея воды да будет тебе твой, и веселися с женою, яже от юности твоея: 020 PRO 005 019 елень любве и жребя твоих благодатей да беседует тебе, твоя же да предидет тебе и да будет с тобою во всяко время: в дружбе бо сея спребываяй умножен будеши. 020 PRO 005 020 Не мног буди к чуждей, ниже объят буди объятии не твоея: 020 PRO 005 021 пред очима бо суть Божиима путие мужа, вся же течения его назирает. 020 PRO 005 022 Законопреступления мужа уловляют: пленицами же своих грехов кийждо затязается. 020 PRO 005 023 Сей скончавается с ненаказанными: от множества же своего жития извержется и погибает за безумие. 020 PRO 006 001 Сыне, аще поручишися за твоего друга, предаси твою руку врагу. 020 PRO 006 002 Сеть бо крепка мужу свои устне, и пленяется устнами своих уст. 020 PRO 006 003 Твори, сыне, яже аз заповедую ти, и спасайся: идеши бо в руце злых за твоего друга: буди не ослабевая, поощряй же и твоего друга, егоже испоручил еси. 020 PRO 006 004 Не даждь сна твоима очима, ниже да воздремлеши твоима веждома, 020 PRO 006 005 да спасешися аки серна от тенет и яко птица от сети. 020 PRO 006 006 Иди ко мравию, о, лениве, и поревнуй видев пути его, и буди онаго мудрейший: 020 PRO 006 007 он бо, не сущу ему земледелцу, ниже нудящаго его имеяй, ниже под владыкою сый, 020 PRO 006 008 готовит в жатву пищу и многое в лето творит уготование. Или иди ко пчеле и увеждь, коль делателница есть, делание же коль честное творит: еяже трудов царие и простии во здравие употребляют, любима же есть всеми и славна: аще силою и немощна сущи, (но) премудростию почтена произведеся. 020 PRO 006 009 Доколе, о, лениве, лежиши? Когда же от сна востанеши? 020 PRO 006 010 Мало убо спиши, мало же седиши, мало же дремлеши, мало же объемлеши перси рукама: 020 PRO 006 011 потом же найдет тебе аки зол путник убожество: скудость же аки благий течец. Аще же не ленив будеши, приидет яко источник жатва твоя, скудость же аки злый течец (от тебе) отбежит. 020 PRO 006 012 Муж безумен и законопреступный ходит в пути не благи: 020 PRO 006 013 той же намизает оком и знамение дает ногою, учит же помаванием перстов. 020 PRO 006 014 Развращенно же сердце кует злая: на всякое время таковый мятежы составляет граду. 020 PRO 006 015 Сего ради внезапу приходит ему погибель, разсечение и сокрушение неизцельное. 020 PRO 006 016 Яко радуется о всех, ихже ненавидит Бог, сокрушается же за нечистоту души: 020 PRO 006 017 око досадителя, язык неправедный, руце проливающя кровь праведнаго, 020 PRO 006 018 и сердце кующее мысли злы, и нозе тщащыяся зло творити потребятся. 020 PRO 006 019 Разжизает лжы свидетель неправеден и насылает суды посреде братий. 020 PRO 006 020 Сыне, храни законы отца твоего и не отрини наказания матере твоея: 020 PRO 006 021 навяжи же я на твою душу присно и обяжи их о твоей выи. 020 PRO 006 022 Егда ходиши, води ю, и с тобою да будет: егда же спиши, да хранит тя, да востающу ти глаголет с тобою. 020 PRO 006 023 Зане светилник заповедь закона и свет, и путь жизни, и обличение, и наказание, 020 PRO 006 024 еже сохранити тя от жены мужаты и от наваждения языка чуждаго. 020 PRO 006 025 Сыне, да не победит тя доброты похоть, ниже уловлен буди твоима очима, ниже да совосхитишися веждами ея. 020 PRO 006 026 Цена бо блудницы, елика единаго хлеба: жена же мужей честныя душы уловляет. 020 PRO 006 027 Ввяжет ли кто огнь в недра, риз же (своих) не сожжет ли? 020 PRO 006 028 Или ходити кто будет на углиех огненных, ног же не сожжет ли? 020 PRO 006 029 Тако вшедый к жене мужатей не без вины будет, ниже всяк прикасайся ей. 020 PRO 006 030 Не дивно, аще кто ят будет крадый: крадет бо, да насытит душу свою алчущую: 020 PRO 006 031 аще же ят будет, воздаст седмерицею, и вся имения своя дав, избавит себе. 020 PRO 006 032 Прелюбодей же за скудость ума погибель души своей содевает, 020 PRO 006 033 болезни же и безчестие понесет: поношение же его не загладится во век: 020 PRO 006 034 исполнена бо ревности ярость мужа ея: не пощадит в день суда, 020 PRO 006 035 не изменит ни единою ценою вражды, ниже разрешится многими дарми. 020 PRO 007 001 Сыне, храни моя словеса, моя же заповеди скрый у себе. Сыне, чти Господа, и укрепишися: кроме же Его не бойся иного. 020 PRO 007 002 Храни моя заповеди, и поживеши, словеса же моя яко зеницы очию: 020 PRO 007 003 обложи же ими твоя персты, напиши же я на скрижали сердца твоего. 020 PRO 007 004 Нарцы премудрость сестру тебе быти, разум же знаемь сотвори тебе, 020 PRO 007 005 да тя соблюдет от жены чуждия и лукавыя, аще тя словесы льстивыми облагати начнет: 020 PRO 007 006 оконцем бо из дому своего на пути приничущи, 020 PRO 007 007 егоже аще узрит от безумных чад юношу скудоумна, 020 PRO 007 008 проходящаго мимо угла в распутиих дому ея 020 PRO 007 009 и глаголющаго в темный вечер, егда упокоение будет нощное и мрачное: 020 PRO 007 010 жена же срящет его, зрак имущи прелюбодейничь, яже творит юных парити сердцам: воскрилена же есть и блудна, 020 PRO 007 011 в дому же не почивают нозе ея: 020 PRO 007 012 время бо некое вне глумится, время же на распутиих при всяцем угле приседит: 020 PRO 007 013 потом емши лобзает его, безстудным же лицем речет к нему: 020 PRO 007 014 жертва мирна ми есть, днесь воздаю обеты моя: 020 PRO 007 015 сего ради изыдох в сретение тебе, желающи лица твоего, обретох тя: 020 PRO 007 016 простиралами покрых одр мой, коврами же сугубыми постлах, иже от Египта, 020 PRO 007 017 шафраном посыпах ложе мое и дом мой корицею: 020 PRO 007 018 прииди и насладимся любве даже до утра, гряди и поваляемся в похоти: 020 PRO 007 019 несть бо мужа моего в дому, отиде в путь далече, 020 PRO 007 020 доволно сребра взя с собою, по многих днех возвратится в дом свой. 020 PRO 007 021 И прельсти его многою беседою, тенетами же устен (в блуд) привлече его. 020 PRO 007 022 Он же абие последова ей объюродев, и якоже вол на заколение ведется, и яко пес на узы, 020 PRO 007 023 или яко елень уязвлен стрелою в ятра: и спешит яко птица в сеть, не ведый, яко на душу свою течет. 020 PRO 007 024 Ныне убо, сыне, послушай мене и внимай глаголом уст моих, 020 PRO 007 025 да не уклонится в пути ея сердце твое, 020 PRO 007 026 и да не прельстишися в стезях ея: многих бо уязвивши низверже, и безчисленни суть, ихже убила есть: 020 PRO 007 027 путие адовы дом ея, низводящии в сокровища смертная. 020 PRO 008 001 Темже ты премудрость проповеждь, да разум послушает тебе. 020 PRO 008 002 На высоких бо краех есть, посреде же стезь стоит: 020 PRO 008 003 при вратех бо сильных приседит, во входех же поется. 020 PRO 008 004 Вас, о, человецы, молю, и вдаю мой глас сыном человеческим. 020 PRO 008 005 Уразумейте, незлобивии, коварство, ненаказаннии же, приложите сердце. 020 PRO 008 006 Послушайте мене: честная бо реку и изнесу от устен правая. 020 PRO 008 007 Яко истине поучится гортань мой, мерзки же предо мною устны лживыя. 020 PRO 008 008 С правдою вси глаголы уст моих, ничтоже в них стропотно, ниже развращенно. 020 PRO 008 009 Вся права разумевающым, и права обретающым разум. 020 PRO 008 010 Приимите наказание, а не сребро, и разум паче злата искушена: избирайте же ведение паче злата чиста. 020 PRO 008 011 Лучши бо премудрость камений многоценных, всякое же честное недостойно ея есть. 020 PRO 008 012 Аз премудрость вселих совет, и разум и смысл аз призвах. 020 PRO 008 013 Страх Господень ненавидит неправды, досаждения же и гордыни, и пути лукавых: возненавидех же аз развращенныя пути злых. 020 PRO 008 014 Мой совет и утверждение, мой разум, моя же крепость. 020 PRO 008 015 Мною царие царствуют, и сильнии пишут правду: 020 PRO 008 016 мною вельможи величаются, и властитилие мною держат землю. 020 PRO 008 017 Аз любящыя мя люблю, ищущии же мене обрящут благодать. 020 PRO 008 018 Богатство и слава моя есть, и стяжание многих и правда. 020 PRO 008 019 Лучше есть плодити мене, паче злата и камения драга: мои же плоды лучше сребра избранна. 020 PRO 008 020 В путех правды хожду и посреде стезь оправдания живу, 020 PRO 008 021 да разделю любящым мя имение, и сокровища их исполню благих. Аще возвещу вам бывающая на всяк день, помяну, яже от века, изчести. 020 PRO 008 022 Господь созда мя (евр.: стяжа мя) начало путий Своих в дела Своя, 020 PRO 008 023 прежде век основа мя, в начале, прежде неже землю сотворити, 020 PRO 008 024 и прежде неже бездны соделати, прежде неже произыти источником вод, 020 PRO 008 025 прежде неже горам водрузитися, прежде же всех холмов раждает мя. 020 PRO 008 026 Господь сотвори страны и ненаселенныя, и концы населенныя поднебесныя. 020 PRO 008 027 Егда готовяше небо, с Ним бех, и егда отлучаше престол Свой на ветрех, 020 PRO 008 028 и егда крепки творяше вышния облаки, и егда тверды полагаше источники поднебесныя, 020 PRO 008 029 и егда полагаше морю предел его, да воды не мимо идут уст его, и крепка творяше основания земли, бех при нем устрояющи. 020 PRO 008 030 Аз бех, о нейже радовашеся, на всяк же день веселяхся пред лицем Его на всяко время, 020 PRO 008 031 егда веселяшеся вселенную совершив, и веселяшеся о сынех человеческих. 020 PRO 008 032 Ныне убо, сыне, послушай мене: и блажени, иже пути моя сохранят. 020 PRO 008 033 Услышите премудрость, и умудритеся, и не отмещите. 020 PRO 008 034 Блажен муж, иже послушает мене, и человек, иже пути моя сохранит, бдяй при моих дверех присно, соблюдаяй праги моих входов: 020 PRO 008 035 исходи бо мои исходи живота, и уготовляется хотение от Господа: 020 PRO 008 036 согрешающии же в мя нечествуют на своя души, и ненавидящии мя любят смерть. 020 PRO 009 001 Премудрость созда себе дом и утверди столпов седмь: 020 PRO 009 002 закла своя жертвенная, и раствори в чаши своей вино, и уготова свою трапезу: 020 PRO 009 003 посла своя рабы, созывающи с высоким проповеданием на чашу, глаголющи: 020 PRO 009 004 иже есть безумен, да уклонится ко мне. 020 PRO 009 005 И требующым ума рече: приидите, ядите мой хлеб и пийте вино, еже растворих вам: 020 PRO 009 006 оставите безумие и живи будете, да во веки воцаритеся: и взыщите разума, да поживете и исправите разум в ведении. 020 PRO 009 007 Наказуяй злыя приимет себе безчестие, обличаяй же нечестиваго порочна сотворит себе (обличения бо нечестивому раны ему). 020 PRO 009 008 Не обличай злых, да не возненавидят тебе: обличай премудра, и возлюбит тя. 020 PRO 009 009 Даждь премудрому вину, и премудрейший будет: сказуй праведному, и приложит приимати. 020 PRO 009 010 Начало премудрости страх Господень, и совет святых разум: разумети бо закон, помысла есть благаго. 020 PRO 009 011 Сим бо образом многое поживеши время, и приложатся тебе лета живота твоего. 020 PRO 009 012 Сыне, аще премудр будеши, себе премудр будеши и искренним твоим: аще же зол будеши, един почерпнеши злая. Сын наказан премудр будет, безумный же слугою употребится. Иже утверждается на лжах, сей пасет ветры, той же поженет птицы парящыя: остави бо пути своего винограда, в стезях же своего земледелания заблуди, проходит же сквозе пустыню безводную и землю определенную в жаждех, собирает же рукама неплодие. 020 PRO 009 013 Жена безумная и продерзая скудна хлебом бывает, яже не весть стыдения, 020 PRO 009 014 седе при дверех дому своего, на столце яве на стогнах, 020 PRO 009 015 призывающая мимоходящих и исправляющих пути своя: 020 PRO 009 016 иже есть от вас безумнейший, да уклонится ко мне: и лишенным разума повелеваю, глаголющи: 020 PRO 009 017 хлебом сокровенным в сладость прикоснитеся и воду татьбы сладкую пийте. 020 PRO 009 018 Он же не весть, яко земнороднии у нея погибают и во дне ада обретаются. 020 PRO 010 001 Сын премудр веселит отца, сын же безумен печаль матери. 020 PRO 010 002 Не пользуют сокровища беззаконных, правда же избавит от смерти. 020 PRO 010 003 Не убиет гладом Господь душу праведную, живот же нечестивых низвратит. 020 PRO 010 004 Нищета мужа смиряет: руце же мужественных обогащаются. 020 PRO 010 005 Сын наказан премудр будет, безумный же слугою употребится: спасется от зноя сын разумный, ветротленен же бывает на жатве сын беззаконный. 020 PRO 010 006 Благословение Господне на главе праведнаго: уста же нечестивых покрыет плачь безвременный. 020 PRO 010 007 Память праведных с похвалами: имя же нечестивых угасает. 020 PRO 010 008 Премудр сердцем приимет заповеди: непокровенный же устнама остроптевая запнется. 020 PRO 010 009 Иже ходит просто, ходит надеяся: развращая же пути своя, познан будет. 020 PRO 010 010 Намизаяй оком с лестию собирает мужем печали: обличаяй же со дерзновением миротворит. 020 PRO 010 011 Источник жизни в руце праведнаго: уста же нечестиваго покрыет пагуба. 020 PRO 010 012 Ненависть воздвизает распрю: всех же нелюбопрителных покрывает любовь. 020 PRO 010 013 Иже от устен произносит премудрость, жезлом биет мужа безсердечна. 020 PRO 010 014 Премудрии скрыют чувство, уста же продерзаго приближаются сокрушению. 020 PRO 010 015 Стяжание богатых град тверд, сокрушение же нечестивых нищета. 020 PRO 010 016 Дела праведных живот творят, плодове же нечестивых грехи. 020 PRO 010 017 Пути жизни хранит наказание: наказанием же не обличеный заблуждает. 020 PRO 010 018 Покрывают вражду устне правыя: износящии же укоризну безумнейшии суть. 020 PRO 010 019 От многословия не избежиши греха: щадя же устне, разумен будеши. 020 PRO 010 020 Сребро разжженое язык праведнаго: сердце же нечестиваго изчезнет. 020 PRO 010 021 Устне праведных ведят высокая: безумнии же в скудости скончаваются. 020 PRO 010 022 Благословение Господне на главе праведнаго, сие обогащает, и не имать приложитися ему печаль в сердцы. 020 PRO 010 023 Смехом безумный творит злая: премудрость же мужеви раждает разум. 020 PRO 010 024 В погибели нечестивый обносится: желание же праведнаго приятно. 020 PRO 010 025 Преходящей бури, нечестивый изчезает, праведный же уклонився спасается во веки. 020 PRO 010 026 Якоже гроздие зеленое вред зубом и дым очима, тако законопреступление творящым е. 020 PRO 010 027 Страх Господень прилагает дни: лета же нечестивых умалятся. 020 PRO 010 028 Пребывает с праведными веселие, упование же нечестивых погибает. 020 PRO 010 029 Утверждение преподобному страх Господень, сокрушение же творящым злая. 020 PRO 010 030 Праведник во веки не поколеблется: нечестивии же не населят земли. 020 PRO 010 031 Уста праведнаго каплют премудрость, язык же неправеднаго погибнет: 020 PRO 010 032 устне мужей праведных каплют благодати, уста же нечестивых развращаются. 020 PRO 011 001 Мерила льстивая мерзость пред Господем, вес же праведный приятен Ему. 020 PRO 011 002 Идеже аще внидет досаждение, тамо и безчестие: уста же смиренных поучаются премудрости. 020 PRO 011 003 Умираяй праведник остави раскаяние, удобна же бывает и посмеятелна нечестивых погибель. 020 PRO 011 004 Совершенство правых наставит их, и поползновение отрицающихся пленит их. Не упользуют имения в день ярости: правда же избавит от смерти. 020 PRO 011 005 Правда непорочнаго исправляет пути, нечестие же впадает в неправду. 020 PRO 011 006 Правда мужей правых избавит их, безсоветием же уловляются беззаконнии. 020 PRO 011 007 Скончавшуся мужу праведну, не погибнет надежда: похвала же нечестивых погибнет. 020 PRO 011 008 Праведный от лова убегнет, в негоже место предается нечестивый. 020 PRO 011 009 Во устех нечестивых сеть гражданом, чувство же праведных благопоспешно. 020 PRO 011 010 Во благих праведных исправится град, и в погибели нечестивых радование. 020 PRO 011 011 В благословении правых возвысится град, усты же нечестивых раскопается. 020 PRO 011 012 Ругается гражданом лишенный разума, муж же мудр безмолвие водит. 020 PRO 011 013 Муж двоязычен открывает советы в сонмищи, верный же духом таит вещы. 020 PRO 011 014 Умже и несть управления, падают аки листвие, спасение же есть во мнозе совете. 020 PRO 011 015 Лукавый злодействует, егда сочетавается с праведным, ненавидит же гласа утверждения. 020 PRO 011 016 Жена благодатна возносит мужу славу: престол же безчестия жена ненавидящая правды. Богатства ленивии скудни бывают, крепцыи же утверждаются богатством. 020 PRO 011 017 Души своей благотворит муж милостивый, погубляет же тело свое немилостивый. 020 PRO 011 018 Нечестивый творит дела неправедная: семя же праведных мзда истины. 020 PRO 011 019 Сын праведный раждается в живот: гонение же нечестиваго в смерть. 020 PRO 011 020 Мерзость Господеви путие развращенни, приятни же Ему вси непорочнии в путех своих. 020 PRO 011 021 В руку руце вложив неправедно, не без муки будет злых: сеяй же правду приимет мзду верну. 020 PRO 011 022 Якоже усерязь златый в ноздрех свинии, тако жене злоумней лепота. 020 PRO 011 023 Желание праведных все благое, надежда же нечестивых погибнет. 020 PRO 011 024 Суть, иже своя сеюще, множайшая творят: суть же и собирающе чуждая, умаляются. 020 PRO 011 025 Душа благословенна всякая простая: муж ярый неблагообразен. 020 PRO 011 026 Удержаваяй пшеницу оставит ю языком: продаяй пшеницу скупо, от народа проклят, благословение же Господне на главе подавающаго. 020 PRO 011 027 Творяй благая ищет благодати добры: ищущаго же злая постигнут его. 020 PRO 011 028 Надеяйся на богатство свое, сей падет: заступаяй же праведных, той возсияет. 020 PRO 011 029 Не сматряяй своего дому наследит ветры: поработает же безумный разумному. 020 PRO 011 030 От плода правды древо жизни прозябает: отемлются же безвременно души беззаконных. 020 PRO 011 031 Аще праведный едва спасается, нечестивый же и грешный где явится? 020 PRO 012 001 Любяй наказание любит чувство: ненавидяй же обличения безумен. 020 PRO 012 002 Лучше обретый благодать от Господа Бога: муж же законопреступен премолчан будет. 020 PRO 012 003 Не исправится человек от беззаконнаго: корения же праведных не отимутся. 020 PRO 012 004 Жена мужественная венец мужу своему: якоже в древе червь, тако мужа погубляет жена злотворная. 020 PRO 012 005 Мысли праведных судьбы: управляют же нечестивии лести. 020 PRO 012 006 Словеса нечестивых льстива в кровь, уста же правых избавят их. 020 PRO 012 007 Аможе обратится нечестивый, изчезает: храмины же праведных пребывают. 020 PRO 012 008 Уста разумнаго хвалима бывают от мужа: слабосерд же поругаемь бывает. 020 PRO 012 009 Лучше муж в безчестии работаяй себе, нежели честь себе обложив и лишаяйся хлеба. 020 PRO 012 010 Праведник милует душы скотов своих: утробы же нечестивых немилостивны. 020 PRO 012 011 Делаяй свою землю исполнится хлебов: гонящии же суетная лишени разума. Иже есть сладостен в виннем пребывании, во своих твердынех оставит безчестие. 020 PRO 012 012 Желания нечестивых зла: корение же благочестивых в твердостех. 020 PRO 012 013 За грех устен впадает в сети грешник: избегает же от них праведник. Сматряяй кротко помилован будет, а сретаяй во вратех оскорбит душы. 020 PRO 012 014 От плодов уст душа мужа наполнится благих, воздаяние же устен его воздастся ему. 020 PRO 012 015 Путие безумных прави пред ними: послушает советов мудрый. 020 PRO 012 016 Безумный абие исповесть гнев свой: крыет же свое безчестие хитрый. 020 PRO 012 017 Явленную веру возвещает праведный: свидетель же неправедных льстив. 020 PRO 012 018 Суть, иже глаголюще уязвляют аки мечи: языцы же премудрых изцеляют. 020 PRO 012 019 Устне истинны исправляют свидетелство: свидетель же скор язык имать неправеден. 020 PRO 012 020 Лесть в сердцы кующаго злая: хотящии же мира возвеселятся. 020 PRO 012 021 Ничтоже неправедное угодно есть праведному: нечестивии же исполнятся злых. 020 PRO 012 022 Мерзость Господеви устне лживы: творяй же верно приятен Ему. 020 PRO 012 023 Муж разумивый престол чувствия: сердце же безумных срящет клятвы. 020 PRO 012 024 Рука избранных одержит удобь: льстивии же будут во пленении. 020 PRO 012 025 Страшное слово сердце мужа праведна смущает, весть же благая веселит его. 020 PRO 012 026 Разумив праведник себе друг будет: мысли же нечестивых некротки: согрешающих постигнут злая, путь же нечестивых прельстит я. 020 PRO 012 027 Не улучит льстивый ловитвы: стяжание же честное муж чистый. 020 PRO 012 028 В путех правды живот, путие же злопомнящих в смерть. 020 PRO 013 001 Сын благоразумный послушлив отцу, сын же непокорливый в погибель. 020 PRO 013 002 От плодов правды снесть благий: душы же беззаконных погибают безвременно. 020 PRO 013 003 Иже хранит своя уста, соблюдает свою душу: продерзивый же устнама устрашит себе. 020 PRO 013 004 В похотех есть всяк праздный: руки же мужественных в прилежании. 020 PRO 013 005 Словесе неправедна ненавидит праведник: нечестивый же стыдится и не возимет дерзновения. 020 PRO 013 006 Правда хранит незлобивыя: нечестивыя же злы творит грех. 020 PRO 013 007 Суть богатяще себе, ничесоже имуще: и суть смиряющеся во мнозе богатстве. 020 PRO 013 008 Избавление мужа души свое ему богатство: нищий же не терпит прещения. 020 PRO 013 009 Свет праведным всегда, свет же нечестивых угасает: души льстивыя заблуждают во гресех, праведнии же щедрят и милуют. 020 PRO 013 010 Злый с досаждением творит злая: себе же знающии премудри (суть). 020 PRO 013 011 Имение поспешаемо со беззаконием умалено бывает, собираяй же себе со благочестием изобилствовати будет: праведный щедрит и дает. 020 PRO 013 012 Лучше начинаяй помогати сердцем обещающаго и в надежду ведущаго: древо бо жизни желание доброе. 020 PRO 013 013 Иже презирает вещь, презрен будет от нея: а бояйся заповеди, сей здравствует. Сыну лукавому ничтоже есть благо: рабу же мудру благопоспешна будут дела, и исправится путь его. 020 PRO 013 014 Закон мудрому источник жизни: безумный же от сети умрет. 020 PRO 013 015 Разум благ дает благть: разумети же закон, мысли есть благия: путие же презирающих в погибели. 020 PRO 013 016 Всяк хитрый творит с разумом, безумный же прострет свою злобу. 020 PRO 013 017 Царь дерзостен впадет во злая, вестник же мудр избавит его. 020 PRO 013 018 Нищету и безчестие отемлет наказание: храняй же обличения прославится. 020 PRO 013 019 Желания благочестивых наслаждают душу, дела же нечестивых далече от разума. 020 PRO 013 020 Ходяй с премудрыми премудр будет, ходяй же с безумными познан будет. 020 PRO 013 021 Согрешающих постигнут злая, праведных же постигнут благая. 020 PRO 013 022 Благ муж наследит сыны сынов: сокровищствуется же праведным богатство нечестивых. 020 PRO 013 023 Праведнии насладятся в богатстве лета многа: неправеднии же погибнут вскоре. 020 PRO 013 024 Иже щадит жезл (свой), ненавидит сына своего: любяй же наказует прилежно. 020 PRO 013 025 Праведный ядый насыщает душу свою: душы же нечестивых скудны. 020 PRO 014 001 Мудрыя жены создаша домы: безумная же раскопа рукама своима. 020 PRO 014 002 Ходяй право боится Господа: развращаяй же пути своя обезчестится. 020 PRO 014 003 Из уст безумных жезл досаждения: устне же мудрых хранят я. 020 PRO 014 004 Идеже несть волов, ясли чисты: а идеже жита многа, явна волу крепость. 020 PRO 014 005 Свидетель верен не лжет: разжизает же ложная свидетель неправеден. 020 PRO 014 006 Взыщеши премудрости у злых, и не обрящеши: чувство же у мудрых удобно. 020 PRO 014 007 Вся противна (суть) мужеви безумну: оружие же чувствия устне премудры. 020 PRO 014 008 Премудрость коварных уразумеет пути их: буйство же безумных в заблуждении. 020 PRO 014 009 Домове беззаконных требуют очищения, домове же праведных приятни. 020 PRO 014 010 Сердце мужа чувственно печаль души его: егда же веселится, не примешается досаждению. 020 PRO 014 011 Домове нечестивых изчезнут, селения же право творящих пребудут. 020 PRO 014 012 Есть путь, иже мнится человеком прав быти, последняя же его приходят во дно ада. 020 PRO 014 013 Ко веселием не примешавается печаль: последняя же радости в плачь приходят. 020 PRO 014 014 Путий своих насытится дерзосердый, от размышлений же своих муж благ. 020 PRO 014 015 Незлобивый веру емлет всякому словеси, коварный же приходит в раскаяние. 020 PRO 014 016 Премудр убоявся уклонится от зла, безумный же на себе надеявся смешавается со беззаконным. 020 PRO 014 017 Острояростный без совета творит, муж же мудрый многая терпит. 020 PRO 014 018 Разделяют безумнии злобу, коварнии же удержат чувство. 020 PRO 014 019 Поползнутся злии пред благими, и нечестивии послужат пред дверьми праведных. 020 PRO 014 020 Друзие возненавидят другов убогих: друзие же богатых мнози. 020 PRO 014 021 Безчестяй убогия согрешает, милуяй же нищыя блажен. 020 PRO 014 022 Заблуждающии (неправедницы) делают злая, милость же и истину делают благии. Не ведят милости и веры делателие злых: милостыни же и веры у делателей благих. 020 PRO 014 023 Во всяцем пекущемся есть изюбилие: любосластный же и безпечальный в скудости будет. 020 PRO 014 024 Венец премудрых богатство их, житие же безумных зло. 020 PRO 014 025 Избавит от злых душу свидетель верен, разжизает же лживая лестный. 020 PRO 014 026 Во страсе Господни упование крепости, чадом же Своим оставит утверждение (мира). 020 PRO 014 027 Страх Господень источник жизни, творит же укланятися от сети смертныя. 020 PRO 014 028 Во мнозе языце слава царю: во оскудении же людсте сокрушение сильному. 020 PRO 014 029 Долготерпелив муж мног в разуме, малодушный же крепко безумен. 020 PRO 014 030 Кроткий муж сердцу врачь: моль же костем сердце чувственно. 020 PRO 014 031 Оклеветаяй убогаго раздражает Сотворшаго и, почитаяй же Его милует нищаго. 020 PRO 014 032 Во злобе своей отринется нечестивый: надеяйжеся на Господа своим преподобием праведен. 020 PRO 014 033 В сердцы блазе мужа почиет премудрость, в сердцы же безумных не познавается. 020 PRO 014 034 Правда возвышает язык: умаляют же племена греси. 020 PRO 014 035 Приятен цареви слуга разумный, своим же благообращением отемлет безчестие. 020 PRO 015 001 Гнев губит и разумныя: ответ же смирен отвращает ярость, а слово жестоко возвизает гневы. 020 PRO 015 002 Язык мудрых добрая свесть: уста же безумных возвещают злая. 020 PRO 015 003 На всяцем месте очи Господни сматряют злыя же и благия. 020 PRO 015 004 Изцеление языка древо жизни: храняй же его исполнится духа. 020 PRO 015 005 Безумный ругается наказанию отчу: храняй же заповеди хитрейший. Во мнозе правде крепость многа: нечестивии же от земли искоренятся. 020 PRO 015 006 В домех праведных крепость многа: плоды же нечестивых погибают. 020 PRO 015 007 Устне мудрых связуются чувством, сердца же безумных не тверда. 020 PRO 015 008 Жертвы нечестивых мерзость Господеви, обеты же правоходящих приятни Ему. 020 PRO 015 009 Мерзость Господеви путие нечестивых: гонящыя же правду любит. 020 PRO 015 010 Наказание незлобиваго познавается от мимоходящих: ненавидящии же обличения скончаваются срамно. 020 PRO 015 011 Ад и Пагуба явна пред Господем, како не и сердца человеков? 020 PRO 015 012 Не возлюбит ненаказанный обличающих его, с мудрыми же не побеседует. 020 PRO 015 013 Сердцу веселящуся, лице цветет: в печалех же сущу, сетует. 020 PRO 015 014 Сердце правое ищет чувства: уста же ненаказанных уразумеют злая. 020 PRO 015 015 На всяко время очи злых приемлют злая: добрии же безмолвствуют присно. 020 PRO 015 016 Лучше частица малая со страхом Господним, нежели сокровища велия без боязни. 020 PRO 015 017 Лучше учреждение от зелий с любовию и благодатию, нежели представление телцев со враждою. 020 PRO 015 018 Муж ярый устрояет брани, долготерпеливый же и будущую укрощает. Терпеливый муж угасит суды, нечестивый же воздвизает паче. 020 PRO 015 019 Путие праздных постлани тернием, мужественных же углаждени. 020 PRO 015 020 Сын премудр веселит отца, сын же безумен раздражает матерь свою. 020 PRO 015 021 Несмысленнаго стези скудны ума: муж же разумен исправляя ходит. 020 PRO 015 022 Отлагают помышления не чтущии сонмищ: в сердцах же советных пребывает совет. 020 PRO 015 023 Не послушает злый его, ниже речет полезно что и добро общему. 020 PRO 015 024 Путие живота помышления разумнаго, да уклонився от ада спасется. 020 PRO 015 025 Домы досадителей разоряет Господь, утверди же предел вдовицы. 020 PRO 015 026 Мерзость Господеви помысл неправедный, чистых же глаголы честны. 020 PRO 015 027 Губит себе мздоимец, ненавидяй же даров приятия спасется: милостынями и верами очищаются греси, страхом же Господним уклоняется всяк от зла. 020 PRO 015 028 Сердца праведных поучаются вере, уста же нечестивых отвещают злая: приятни пред Господем путие мужей праведных, имиже и врази друзие бывают. 020 PRO 015 029 Далече отстоит Бог от нечестивых, молитвы же праведных послушает: лучше малое приятие со правдою, нежели многа жита с неправдою: сердце мужа да мыслит праведная, да от Бога исправятся стопы его. 020 PRO 015 030 Видящее око добрая веселит сердце, слава же благая утучняет кости. 020 PRO 015 031 Слушаяй обличений живота посреде премудрых водворится. 020 PRO 015 032 Иже отметает наказание, ненавидт себе: соблюдаяй же обличения любит свою душу. 020 PRO 015 033 Страх Господень наказание и премудрость, и начало славы отвещает ей (, предидет же смиренным слава). 020 PRO 016 001 Человеку предложение сердца: и от Господа ответ языка. 020 PRO 016 002 Вся дела смиреннаго явленна пред Богом, и укрепляяй духи Господь. 020 PRO 016 003 Приближи ко Господу дела твоя, и утвердятся помышления твоя. 020 PRO 016 004 Вся содела Господь Себе ради: нечестивии же в день зол погибнут. 020 PRO 016 005 Нечист пред Богом всяк высокосердый: в руку же руце влагаяй неправедно не обезвинится. 020 PRO 016 006 Начало пути блага, еже творити праведная, приятна же пред Богом паче, нежели жрети жертвы. 020 PRO 016 007 Ищай Господа обрящет разум со правдою: 020 PRO 016 008 праве же ищущии его обрящут мир. 020 PRO 016 009 Вся дела Господня со правдою: хранится же нечестивый на день зол. 020 PRO 016 010 Пророчество во устнех царевых, в судищи же не погрешат уста его. 020 PRO 016 011 Превеса мерила правда у Господа: дела же Его мерила праведная. 020 PRO 016 012 Мерзость цареви творяй злая: со правдою бо уготовляется престол началства. 020 PRO 016 013 Приятны царю устне праведны, словеса же правая любит Господь. 020 PRO 016 014 Ярость царева вестник смерти: муж же премудр утолит его. 020 PRO 016 015 Во свете жизни сын царев: приятнии же ему яко облак позден. 020 PRO 016 016 Угнеждения премудрости избраннее злата: вселения же разума дражайши сребра. 020 PRO 016 017 Путие жизни укланяются от злых: долгота же жития путие праведни. Приемляй наказание во благих будет, храняй же обличения умудрится. Иже хранит своя пути, соблюдает свою душу: любяй же живот свой щадит своя уста. 020 PRO 016 018 Прежде сокрушения предваряет досаждение, прежде же падения злопомышление. 020 PRO 016 019 Лучше кроткодушен со смирением, нежели иже разделяет корысти с досадительми. 020 PRO 016 020 Разумный в вещех обретатель благих, надеяйся же на Господа блажен. 020 PRO 016 021 Премудрыя и разумныя злыми наричут, сладции же в словеси множае услышани будут. 020 PRO 016 022 Источник животен разум стяжавшым, наказание же безумных зло. 020 PRO 016 023 Сердце премудраго уразумеет яже от своих ему уст, во устнах же носит разум. 020 PRO 016 024 Сотове медовнии словеса добрая, сладость же их изцеление души. 020 PRO 016 025 Суть путие мнящиися прави быти мужу, обаче последняя их зрят во дно адово. 020 PRO 016 026 Муж в трудех труждается себе и изнуждает погибель свою: строптивый во своих устах носит погибель. 020 PRO 016 027 Муж безумен копает себе злая и во устнах своих сокровищствует огнь. 020 PRO 016 028 Муж строптивый разсылает злая, и светилник льсти вжигает злым, и разлучает други. 020 PRO 016 029 Муж законопреступен прельщает други и отводит их в пути не благи. 020 PRO 016 030 Утверждаяй очи свои мыслит развращенная, грызый же устне свои определяет вся злая: сей пещь есть злобы. 020 PRO 016 031 Венец хвалы старость, на путех же правды обретается. 020 PRO 016 032 Лучше муж долотерпелив паче крепкаго, (и муж разум имеяй паче земледелца великаго: ) удержаваяй же гнев паче вземлющаго град. 020 PRO 016 033 В недра входят вся неправедным: от Господа же вся праведная. 020 PRO 017 001 Лучше укрух хлеба со сластию в мире, нежели дом исполнен многих благих и неправедных жертв со бранию. 020 PRO 017 002 Раб смыслен обладает владыки безумными, в братиих же разделит (имение) на части. 020 PRO 017 003 Якоже искушается в пещи сребро и злато, тако избранная сердца у Господа. 020 PRO 017 004 Злый послушает языка законопреступных, праведный же не внимает устнам лживым. 020 PRO 017 005 Ругайся убогому раздражает Сотворшаго его, радуяйся же о погибающем не обезвинится: милуяй же помилован будет. 020 PRO 017 006 Венец старых чада чад: похвала же чадом отцы их. Верному весь мир богатство, неверному же ниже пенязь. 020 PRO 017 007 Неприличны суть безумному устне верны, ниже праведному устне лживы. 020 PRO 017 008 Мзда благодатей наказание употребляющым: и аможе аще обратится, успеет. 020 PRO 017 009 Иже таит обиды, ищет любве: а иже ненавидит скрывати, разлучает други и домашния. 020 PRO 017 010 Сокрушает прещение сердце мудраго: безумный же биемь не чувствует (ран). 020 PRO 017 011 Прекословия воздвижет всяк злый: Господь же ангела немилостива послет нань. 020 PRO 017 012 Впадет попечение мужу смысленну: безумнии же размышляют злая. 020 PRO 017 013 Иже воздает злая за благая, не подвигнутся злая из дому его. 020 PRO 017 014 Власть дает словесем начало правды: предводителствует же скудости пря и брань. 020 PRO 017 015 Иже судит праведнаго неправедным, неправеднаго же праведным, нечист и мерзок у Господа. 020 PRO 017 016 Вскую бяше имение безумному? Стяжати бо премудрости безсердый не может. Иже высок творит свой дом, ищет сокрушения: остроптеваяй же учитися впадет во злая. 020 PRO 017 017 На всяко время друг да будет тебе, братия же в нуждах полезни да будут: сего бо ради раждаются. 020 PRO 017 018 Муж безумен плещет и радуется себе, якоже поручаяйся испоручит друга своего, на своих же устнах огнь сокровишствует. 020 PRO 017 019 Грехолюбец радуется сваром, а жестокосердый не усрящет благих. 020 PRO 017 020 Муж удобопреложный языком впадет во злая: сердце же безумнаго болезнь стяжавшему е. 020 PRO 017 021 Не веселится отец о сыне ненаказаннем: сын же мудр веселит матерь свою. 020 PRO 017 022 Сердце веселящеся благоиметися творит: мужу же печальну засышут кости. 020 PRO 017 023 Приемлющему дары неправедно в недра не предуспевают путие: нечестивый же укланяет пути правды. 020 PRO 017 024 Лице разумно мужа премудра, очи же безумнаго на концех земли. 020 PRO 017 025 Гнев отцу сын безумен, и болезнь рождшей его. 020 PRO 017 026 Тщеты творити мужу праведну не добро, ниже преподобно наветовати властем праведным. 020 PRO 017 027 Иже щадит глагол произнести жесток, разумен: долготерпеливый же муж премудр, лучше ищущаго науки. 020 PRO 017 028 Несмысленному вопросившу о мудрости, мудрость вменится: нема же кто себе творит, возмнится разумен быти. 020 PRO 018 001 Вины ищет муж хотя отлучитися от другов, на всяко же время поносимь будет. 020 PRO 018 002 Не требует премудрости муж скудоумен, зане паче водится безумием. 020 PRO 018 003 Егда приидет нечестивый во глубину зол, нерадит: находит же ему безчестие и поношение. 020 PRO 018 004 Вода глубока слово в сердцы мужа, река же изскачущи и источник жизни. 020 PRO 018 005 Чудитися лицу нечестиваго не добро, ниже преподобно укланяти праведное на суде. 020 PRO 018 006 Устне безумнаго приводят его на зло, уста же его дерзостная призывают смерть. 020 PRO 018 007 Уста безумнаго сокрушение ему, устне же его сеть души его. 020 PRO 018 008 Ленивыя низлагает страх: души же мужей женам подобных взалчут. 020 PRO 018 009 Не изцеляяй себе во своих делех брат есть погубляющему себе самаго. 020 PRO 018 010 Из величества крепости имя Господне, к немуже притекающе праведницы возносятся. 020 PRO 018 011 Имение богату мужу град тверд, слава же его вельми присеняет. 020 PRO 018 012 Прежде сокрушения возносится сердце мужу и прежде славы смиряется. 020 PRO 018 013 Иже отвещает слово прежде слышания, безумие ему есть и поношение. 020 PRO 018 014 Гнев мужа укрощает раб разумный: малодушна же человека кто стерпит? 020 PRO 018 015 Сердце разумнаго стяжет чувствие, ушеса же мудрых ищут смысла. 020 PRO 018 016 Даяние человека распространяет его и с сильными посаждает его. 020 PRO 018 017 Праведный себе самаго оглаголник во первословии: егда же приложит супостат, обличается. 020 PRO 018 018 Прекословия утоляет молчаливый и во властех определяет. 020 PRO 018 019 Брат от брата помогаемь, яко град тверд и высок, укрепляется же якоже основаное царство. 020 PRO 018 020 От плодов уст муж насыщает чрево свое, и от плодов устен своих насытится. 020 PRO 018 021 Смерть и живот в руце языка: удержавающии же его снедят плоды его. 020 PRO 018 022 Иже обрете жену добру, обрете благодать, приял же есть от Господа тишину. 020 PRO 018 023 Иже изгоняет жену добрую, изгоняет благая: держай же прелюбодейцу безумен и нечестив. С молении глаголет убогий, богатый же отвещает жестоко. 020 PRO 018 024 Муж любовен к дружбе, и есть друг прилепивыйся паче брата. 020 PRO 019 001 Лучше есть убог ходяй в простоте своей, неже богатый строптив устны своими и несмыслен. 020 PRO 019 002 Идеже несть учения души, несть добро, и иже скор есть ногама, поткнется. 020 PRO 019 003 Неразумие мужа погубляет пути его, и Бога виновна творит в сердцы своем. 020 PRO 019 004 Богатство прилагает други многи: нищий же и от сущаго друга оставляемь бывает. 020 PRO 019 005 Свидетель лжив без муки не будет: оклеветаяй же неправедно не убежит ея. 020 PRO 019 006 Мнози угождают лицам царским: всяк же зол бывает в поношение мужеви. 020 PRO 019 007 Всяк, иже убогаго брата ненавидит, и от содружества далече будет. Мысль благая ведящым ю приближается, муж же мудр обрящет ю. Много творяй зла совершает злобу, а иже раздражает словесы, не спасется. 020 PRO 019 008 Стяжавый мудрость любит себе, а иже сохраняет разум, обрящет благая. 020 PRO 019 009 Свидетель лживый не без муки будет, а иже разжизает злобу, погибнет от нея. 020 PRO 019 010 Не пользует безумному сладость, и аще раб начнет с досаждением обладати. 020 PRO 019 011 Милостив муж долготерпит, похвала же его превосходит законопреступных. 020 PRO 019 012 Царево прещение подобно рыканию львову, и якоже роса злаку, тако тихость его. 020 PRO 019 013 Студ есть отцу сын безумен, и нечисты обеты от мзды блудницы. 020 PRO 019 014 Дом и имение разделяют отцы чадом: от Господа же сочетавается жена мужеви. 020 PRO 019 015 Страх содержит мужа женонравна: душа же празднаго взалчет. 020 PRO 019 016 Иже хранит заповеди, соблюдает свою душу, а нерадяй о своих путех погибнет. 020 PRO 019 017 Милуяй нища взаим дает Богови, по даянию же его воздастся ему. 020 PRO 019 018 Наказуй сына твоего, тако бо будет благонадежен: в досаждение же не вземлися душею твоею. 020 PRO 019 019 Злоумен муж много отщетится: аще же губитель есть, и душу свою приложит. 020 PRO 019 020 Слушай, сыне, отца твоего наказания, да мудр будеши в последняя твоя. 020 PRO 019 021 Многи мысли в сердцы мужа: совет же Господень во век пребывает. 020 PRO 019 022 Плод мужеви милостыня: лучше же нищь праведный, нежели богат лжив. 020 PRO 019 023 Страх Господень в живот мужеви: а безстрашный водворится на местех, идеже не наблюдается разум. 020 PRO 019 024 Скрываяй в недрех руце свои неправедно ниже ко устом своим принесет я. 020 PRO 019 025 Губителю раны приемлющу, безумный коварнее будет: аще же обличаеши мужа разумна, уразумеет чувство. 020 PRO 019 026 Безчествуяй отца и отреваяй матерь свою срамоту приимет и поношение. 020 PRO 019 027 Сын оставляяй хранити наказание отчее поучится словесем злым. 020 PRO 019 028 Выручаяй отрока несмыслена досаждает оправданию: уста же нечестивых пожрут суд. 020 PRO 019 029 Уготовляются невоздержным раны, и мучения подобне неразумным. 020 PRO 020 001 Невинно вино, укоризненно же пиянство, и всяк пребываяй в нем не будет премудр. 020 PRO 020 002 Не разнствует прещение царево от ярости львовы: раздражаяй же его и примешаяйся ему согрешает в свою душу. 020 PRO 020 003 Слава мужу отвращатися от досаждения: всяк же безумен сими соплетается. 020 PRO 020 004 Поносимь ленивый не усрамляется, такожде и заемляй пшеницу в жатву. 020 PRO 020 005 Вода глубока совет в сердцы мужа: муж же премудр изчерплет ю. 020 PRO 020 006 Велика вещь человек, и драгая муж творяй милость: мужа же верна (велико) дело обрести. 020 PRO 020 007 Иже без порока живет в правде, блажены оставит дети своя. 020 PRO 020 008 Егда царь праведен на престоле сядет, не противится пред очима его ничтоже лукаво. 020 PRO 020 009 Кто похвалится чисто имети сердце? Или кто дерзнет рещи чиста себе быти от грехов? 020 PRO 020 010 Вес велик и мал, и мера сугуба, нечиста пред Господем обоя: 020 PRO 020 011 и творяй я в начинаниих своих запнется: юнота с преподобным, и правый путь его. 020 PRO 020 012 Ухо слышит, и око видит: Господня дела обоя. 020 PRO 020 013 Не люби клеветати, да не вознесешися: отверзи очи твои и насыщайся хлеба. 020 PRO 020 014 Зло, зло, речет стяжаваяй, и отшед тогда похвалится. 020 PRO 020 015 Есть злато и множество камений драгих, сосуд честен устне разумны. 020 PRO 020 016 Возми ризу его, яко испоручник бысть чуждыя, и за чуждую возми залог от него. 020 PRO 020 017 Сладок есть человеку хлеб лжи, но потом исполнятся уста его камения. 020 PRO 020 018 Помышление в совете уготовится, в правлении же творит брань. 020 PRO 020 019 Открываяй тайну ходит лестию: и прельщающему устнами своими не примешайся. 020 PRO 020 020 Злословящему отца или матерь угаснет светилник, зеницы же очес его узрят тму. 020 PRO 020 021 Часть поспешна в начале, в последних не благословится. 020 PRO 020 022 Не рцы: отмщу врагу: но потерпи Господа, да ти поможет. 020 PRO 020 023 Мерзость Господеви сугубый вес, и мерило лживо не добро пред ним. 020 PRO 020 024 От Господа исправляются стопы мужу: смертный же како уразумеет пути своя? 020 PRO 020 025 Сеть мужеви скоро нечто от своих освящати: по обете бо раскаяние бывает. 020 PRO 020 026 Веятель нечестивых есть царь мудр и наложит на ня коло. 020 PRO 020 027 Свет Господень дыхание человеком, иже испытает тайная утробы. 020 PRO 020 028 Милостыня и истина сохранение царю, и обыдут престол его в правде. 020 PRO 020 029 Лепота (есть) юным премудрость: слава же старым седины. 020 PRO 020 030 Раны и сокрушения сретают злых, язвы же в сокровищих чрева. 020 PRO 021 001 Якоже устремление воды, тако сердце царево в руце Божией: аможе аще восхощет обратити, тамо уклонит е. 020 PRO 021 002 Всяк муж является себе праведен: управляет же сердца Господь. 020 PRO 021 003 Творити праведная и истинствовати угодна Богу паче, нежели жертв кровь. 020 PRO 021 004 Велемудрый во укоризне дерзосерд, светило же нечестивых греси. 020 PRO 021 005 Помышления тщаливаго во изюбилии, и всяк нерадивый в лишении. 020 PRO 021 006 Делаяй сокровища языком лживым суетная гонит в сети смертныя. 020 PRO 021 007 Всегубителство на нечестивыя устремляется: не хотят бо творити праведная. 020 PRO 021 008 К стропотным стропотныя пути посылает Бог: чиста бо и права дела Его. 020 PRO 021 009 Лучше жити во угле непокровеннем, нежели в повапленных с неправдою и в храмине общей. 020 PRO 021 010 Душа нечестиваго не помилуется ни от единаго от человеков. 020 PRO 021 011 Тщету приемлющу невоздержному, коварнейший будет незлобивый, разумеваяй же мудрый приимет разум. 020 PRO 021 012 Разумевает праведный сердца нечестивых и уничтожает нечестивыя в злых. 020 PRO 021 013 Иже затыкает ушеса своя, еже не послушати немощнаго, и той призовет, и не будет послушаяй его. 020 PRO 021 014 Даяние тайно отвращает гневы, щадяй же даров воздвизает ярость крепкую. 020 PRO 021 015 Веселие праведных творити суд: преподобный же нечист у злодеев. 020 PRO 021 016 Муж заблуждаяй от пути правды в сонмищи исполинов почиет. 020 PRO 021 017 Муж скуден любит веселие, любяй же вино и елей не обогатится. 020 PRO 021 018 Отребие же праведнику беззаконник. 020 PRO 021 019 Лучше жити в земли пусте, неже жити с женою сварливою и язычною и гневливою. 020 PRO 021 020 Сокровище вожделенно почиет во устех мудраго: безумнии же мужие пожирают е. 020 PRO 021 021 Путь правды и милостыни обрящет живот и славу. 020 PRO 021 022 Во грады крепки вниде премудрый и разруши утверждение, на неже надеяшася нечестивии. 020 PRO 021 023 Иже хранит своя уста и язык, соблюдает от печали душу свою. 020 PRO 021 024 Продерзый и величавый и горделивый губитель нарицается: а иже памятозлобствует, беззаконен. 020 PRO 021 025 Похоти лениваго убивают: не произволяют бо руце его творити что. 020 PRO 021 026 Нечестивый желает весь день похоти злыя, праведный же милует и щедрит нещадно. 020 PRO 021 027 Жертвы нечестивых мерзость Господеви: ибо беззаконно приносят я. 020 PRO 021 028 Свидетель ложный погибнет, муж же послушлив сохраняемь возглаголет. 020 PRO 021 029 Нечестив муж безстудно стоит лицем: правый же сам разумевает пути своя. 020 PRO 021 030 Несть премудрости, несть мужества, несть совета у нечестиваго. 020 PRO 021 031 Конь уготовляется на день брани: от Господа же помощь. 020 PRO 022 001 Лучше имя доброе, неже богатство много, паче же сребра и злата благодать благая. 020 PRO 022 002 Богат и нищь сретоста друг друга, обоих же Господь сотвори. 020 PRO 022 003 Худог, видев лукаваго мучима крепко, сам наказуется: безумнии же мимошедше отщетишася. 020 PRO 022 004 Род премудрости страх Господень, и богатство и слава и живот. 020 PRO 022 005 Волчцы и сети на путех стропотных, храняй же свою душу избежит их. 020 PRO 022 006 Богатии убогими имут обладати, 020 PRO 022 007 и раби своим господем взаим дадут. 020 PRO 022 008 Сеявый злая пожнет злая, язву же дел своих совершит. 020 PRO 022 009 Мужа тиха и даятеля любит Господь, суету же дел его скончает. 020 PRO 022 010 Милуяй нищаго сам препитается: от своих бо хлебов даде убогому. Победу и честь устрояет даяй дары, обаче душу погубляет стяжавших. 020 PRO 022 011 Изжени от сонмища губителя, и изыдет с ним прение: егда бо сядет в сонмищи, всех безчестит. 020 PRO 022 012 Любит Господь преподобная сердца, приятни же Ему вси непорочнии в путех своих: устнама пасет царь (люди своя). 020 PRO 022 013 Очи Господни соблюдают чувство: презирает словеса законопреступный. 020 PRO 022 014 Вины ищет и глаголет ленивый: лев на стезях, на путех же разбойницы. 020 PRO 022 015 Яма глубока уста законопреступных: возненавиденый же от Господа впадется в ню. Суть путие злии пред мужем, и не любит возвратитися от них: возвратитися же подобает от пути стропотна и злаго. 020 PRO 022 016 Безумие висит на сердцы юнаго: жезл же и наказание далече (отгонит) от него. 020 PRO 022 017 Обидяй убогаго многая себе зла творит, дает же богатому во оскудение (себе). 020 PRO 022 018 Ко словесем мудрых прилагай твое ухо, и услыши моя словеса: свое же сердце утверди (к ним), да разумееши, яко добра суть. 020 PRO 022 019 И аще вложиши я в сердце твое, возвеслят тебе купно во твоих устнех. 020 PRO 022 020 Да будет ти на Господа надежда, и покажет ти путь Свой. 020 PRO 022 021 Ты же напиши я себе трижды, на совет и смысл и разум, на широте сердца твоего: учу бо тя истинному словеси, и разума благаго слушати на ответы словесем истинным предлагаемым тебе. 020 PRO 022 022 Не насильствуй нищаго, зане убог есть, и не досаждай немощному во вратех: 020 PRO 022 023 Господь бо имать судити его суд, и избавиши твою безбедную душу. 020 PRO 022 024 Не бывай друг мужу гневливу и со другом жестокосердым не соводворяйся: 020 PRO 022 025 да не когда научишися путем его и приимеши тенета души твоей. 020 PRO 022 026 Не вдавайся в поручение, стыдяся лица: 020 PRO 022 027 егда бо не будеши имети чим искупитися, возмут постелю, яже под ребры твоими. 020 PRO 022 028 Не прелагай предел вечных, яже положиша отцы твои. 020 PRO 022 029 Прозрителну человеку и острому в делех своих пред царьми подобает стояти, и не стояти пред мужми простыми. 020 PRO 023 001 Аще сядеши вечеряти на трапезе сильнаго, разумно разумевай предлагаемая тебе, 020 PRO 023 002 и налагай руку твою, ведый, яко сицевая тебе подобает уготовити: 020 PRO 023 003 аще же несытнейший еси, не желай брашен его: сия бо имут живот ложен. 020 PRO 023 004 Не распростирайся убог сый с богатым, твоею же мыслию удаляйся. 020 PRO 023 005 Аще устремиши на него око твое, никогдаже явится: соделаны бо суть ему крила яко орлу, и обращается в дом настоятеля своего. 020 PRO 023 006 Не вечеряй с мужем завистливым, ниже похощеши пищей его: 020 PRO 023 007 имже бо образом аще кто поглотит власы, сице яст и пиет: ниже к себе да введеши его и снеси хлеб твой с ним: 020 PRO 023 008 изблюет бо его и осквернит словеса твоя добрая. 020 PRO 023 009 Во ушию безумнаго ничтоже глаголи, да не когда поругает разумная словеса твоя. 020 PRO 023 010 Не прелагай предел вечных и в стяжание сирот не вниди: 020 PRO 023 011 избавляяй бо их Господь крепок есть и разсудит суд их с тобою. 020 PRO 023 012 Даждь в наказание сердце твое, ушеса же твоя уготовай словесем чувственным. 020 PRO 023 013 Не преставай младенца наказовати: аще бо жезлом биеши его, не умрет (от него): 020 PRO 023 014 ты бо побиеши его жезлом, душу же его избавиши от смерти. 020 PRO 023 015 Сыне, аще премудро будет сердце твое, возвеселиши и мое сердце, 020 PRO 023 016 и пребудут в словесех твои устне к моим устнам, аще права будут. 020 PRO 023 017 Да не ревнует сердце твое грешником, но в страсе Господни буди весь день: 020 PRO 023 018 аще бо соблюдеши я, будут ти внуцы, и упование твое не отступит. 020 PRO 023 019 Слушай, сыне, и премудр бывай и исправляй мысли твоего сердца: 020 PRO 023 020 не буди винопийца, ниже прилагайся к сложением и купованием мяс: 020 PRO 023 021 всяк бо пияница и блудник обнищает, и облечется в раздранная и в рубища всяк сонливый. 020 PRO 023 022 Слушай, сыне, отца родившаго тя, и не презирай, егда состареется мати твоя. 020 PRO 023 023 Истину стяжи и не отрини мудрости и учения и разума. 020 PRO 023 024 Добре воспитовает отец праведен, о сыне же премудрем веселится душа его. 020 PRO 023 025 Да веселится отец и мати о тебе, и да радуется рождшая тя. 020 PRO 023 026 Даждь ми, сыне, твое сердце, очи же твои моя пути да соблюдают. 020 PRO 023 027 Сосуд бо сокрушен чуждий дом, и студенец тесен чуждий: 020 PRO 023 028 сей бо вскоре погибнет, и всякий законопреступник потребится. 020 PRO 023 029 Кому горе? Кому молва? Кому судове? Кому горести и свары? Кому сокрушения вотще? Кому сини очи? 020 PRO 023 030 Не пребывающым ли в вине? И не назирающым ли, где пирове бывают? 020 PRO 023 031 Не упивайтеся вином, но беседуйте ко человеком праведным, и беседуйте во проходех: аще бо на чашы и сткляницы вдаси очи твои, последи имаши ходити нажайший белилнаго древа: 020 PRO 023 032 последи же яко от змиа уязвен прострется, и якоже от кераста разливается ему яд. 020 PRO 023 033 Очи твои егда узрят (жену) чуждую, уста твоя тогда возглаголют стропотная: 020 PRO 023 034 и возляжеши яко в сердцы моря и якоже кормчий во мнозе волнении. 020 PRO 023 035 Речеши же: биша мя, и не поболех, и поругашася ми, аз же не разумех: когда утро будет, да шед взыщу, с нимиже снидуся? 020 PRO 024 001 Сыне, не ревнуй мужем злым, ниже возжелей быти с ними: 020 PRO 024 002 лжам бо поучается сердце их, и болезни устне их глаголют. 020 PRO 024 003 С премудростию зиждется дом и с разумом исправляется. 020 PRO 024 004 С чувствием исполняются сокровища от всякаго богатства честнаго и добраго. 020 PRO 024 005 Лучше мудрый крепкаго, и муж разум имеяй земледелца велика. 020 PRO 024 006 Со управлением бывает брань, помощь же с сердцем советным. 020 PRO 024 007 Премудрость и мысль блага во вратех премудрых: смысленнии не укланяются от закона Господня, 020 PRO 024 008 но советуют в сонмищих. Ненаказанных сретает смерть, 020 PRO 024 009 умирает же безумный во гресех. Нечистота мужу губителю: 020 PRO 024 010 осквернится в день зол и в день печали, дондеже оскудеет. 020 PRO 024 011 Избави ведомыя на смерть и искупи убиваемых, не щади. 020 PRO 024 012 Аще же речеши: не вем сего: разумей, яко Господь всех сердца весть, и создавый дыхание всем, сей весть всяческая, Иже воздаст комуждо по делом его. 020 PRO 024 013 Яждь мед, сыне, благ бо есть сот, да насладится гортань твой: 020 PRO 024 014 сице уразумееши премудрость душею твоею: аще бо обрящеши, будет добра кончина твоя, и упование не оставит тебе. 020 PRO 024 015 Не приводи нечестиваго на пажить праведных, ниже прельщайся насыщением чрева: 020 PRO 024 016 седмерицею бо падет праведный и востанет, нечестивии же изнемогут в злых. 020 PRO 024 017 Аще падет враг твой, не обрадуйся ему, в преткновении же его не возносися: 020 PRO 024 018 яко узрит Господь, и не угодно Ему будет, и отвратит ярость Свою от него. 020 PRO 024 019 Не радуйся о злодеющих и не ревнуй грешным, 020 PRO 024 020 не пребудут бо внуцы лукавых, светило же нечестивых угаснет. 020 PRO 024 021 Бойся Бога, сыне, и царя, и ни единому же их противися: 020 PRO 024 022 внезапу бо истяжут нечестивых, мучения же обоих кто увесть? Слово сохраняяй сын кроме погибели будет: приемляй же прият оное. Ничтоже ложно от языка цареви да глаголется, и ни едина лжа от языка его да изыдет: меч (есть) язык царев, а не плотян: и иже аще предан будет, сокрушится: аще бо раздражится ярость его, со жилами человеки губит, и кости человеческия поядает и сожигает яко пламень, яко не ядомым быти птенцами орлими. Моих словес, сыне, бойся, и приим я покайся. 020 PRO 024 023 Сия же вам смысленным глаголю разумети: срамлятися лица на суде не добро. 020 PRO 024 024 Глаголяй нечестиваго, яко праведен есть, проклят от людий будет и возненавиден во языцех: 020 PRO 024 025 обличающии же лучшии явятся, на няже приидет благословение благо: 020 PRO 024 026 и устне облобызают отвещающыя словеса блага. 020 PRO 024 027 Уготовляй на исход дела твоя, и уготовися на село, и ходи вслед мене, и созиждеши дом твой. 020 PRO 024 028 Не буди свидетель лжив на твоего гражданина, ниже пространяйся твоима устнама. 020 PRO 024 029 Не рцы: имже образом сотвори ми, сотворю ему и отмщу ему, имиже мя преобиде. 020 PRO 024 030 Якоже нива муж безумный, и яко виноград человек скудоумный: 020 PRO 024 031 аще оставиши его, опустеет и травою порастет весь, и будет оставлен, ограды же каменныя его раскопаются. 020 PRO 024 032 Последи аз покаяхся, воззрех избрати наказание: 020 PRO 024 033 мало дремлю, мало же сплю и мало объемлю рукама перси: 020 PRO 024 034 аще же сие твориши, приидет предидущи нищета твоя и скудость твоя, яко благ течец. 020 PRO 025 001 Сия притчи Соломони бывшыя нерасположенны, яже списаша друзие Езекии царя Иудейска. 020 PRO 025 002 Слава Божия крыет слово, слава же царева почитает повеления Его. 020 PRO 025 003 Небо высоко, земля же глубока: сердце же царево необличително. 020 PRO 025 004 Куй неискушенное сребро, и очистится чисто все. 020 PRO 025 005 Убивай нечестивыя от лица царева, и исправится в правде престол его. 020 PRO 025 006 Не гордися пред лицем царевым и на месте сильных не стани: 020 PRO 025 007 лучше бо ти есть, егда речет: взыди ко мне: нежели смиритися тебе пред лицем сильнаго. 020 PRO 025 008 Иже видеста очи твои, глаголи. Не впадай в тяжбу скоро, да не раскаешися послежди, егда тебе досадит друг твой. 020 PRO 025 009 Вступай вспять, не неради, да не поносит убо тебе друг: 020 PRO 025 010 свара же твоя и вражда твоя не отступит, но будет ти равна со смертию. Благодать и любы свобождает, в нихже утверди себе, да не в поношении будеши, но сохрани пути твоя добре устроены. 020 PRO 025 011 (Якоже) яблоко злато во усерязи сардийскаго камене, сице рещи слово при приличных ему. 020 PRO 025 012 И (якоже) во усерязь златый сардийский камень многоценный вяжется, (сице) слово премудро во ухо благопослушно. 020 PRO 025 013 Якоже исходище снега в жатву зноя пользует, тако вестник верен пославших его: душы бо употребляющих его пользует. 020 PRO 025 014 Якоже ветри и облацы и дождеве являющиися, тако и хвалящийся о даянии ложнем. 020 PRO 025 015 В долготерпении благополучие царем: язык же мякок сокрушает кости. 020 PRO 025 016 Мед обрет яждь умеренно, да не како пресыщен изблюеши. 020 PRO 025 017 Не учащай вносити ногу твою ко другу твоему, да не когда насыщься тебе, возненавидит тя. 020 PRO 025 018 Дреколь и мечь и стрела остра, тако и муж свидетелствуяй на друга своего свидетелство ложное. 020 PRO 025 019 Путь злаго и нога законопреступнаго погибнут в день зол. 020 PRO 025 020 Якоже оцет неполезен вреду и дым очима, тако припадшая страсть в телеси сердце оскорбляет. 020 PRO 025 021 Якоже молие в ризе и червие в древе, тако печаль мужу вредит сердце. 020 PRO 025 022 Аще алчет враг твой, ухлеби его: аще ли жаждет, напой его: 020 PRO 025 023 сие бо творя, углие огненное собираеши на главу его, Господь же воздаст тебе благая. 020 PRO 025 024 Ветр северный воздвизает облаки, лице же безстудно язык раздражает. 020 PRO 025 025 Лучше жити во угле непокрытем, неже во храмине общей со женою клеветливою. 020 PRO 025 026 Якоже вода студеная души жаждущей благоприятна, тако весть благая от земли издалеча. 020 PRO 025 027 Якоже аще кто источник заграждает и исходище воды губит, тако не лепо праведнику пасти пред нечестивым. 020 PRO 025 028 Ясти мед много не добро: почитати же подобает словеса славна. Якоже град стенами разорен и не огражден, тако муж творяй что без совета. 020 PRO 026 001 Якоже роса в жатву и якоже дождь в лете, тако несть безумному чести. 020 PRO 026 002 Якоже птицы отлетают и врабиеве, тако клятва суетная не найдет ни на когоже. 020 PRO 026 003 Якоже бичь коню и остен ослу, тако жезл языку законопреступну. 020 PRO 026 004 Не отвещай безумному по безумию его, да не подобен ему будеши: 020 PRO 026 005 но отвещай безумному по безумию его, да не явится мудр у себе. 020 PRO 026 006 От путий своих поношение творит, иже посла вестником безумным слово. 020 PRO 026 007 Отими шествие от глезн и законопреступление от уст безумных. 020 PRO 026 008 Иже привязует камень в пращи, подобен есть дающему безумному славу. 020 PRO 026 009 Терния прозябают в руце пияницы, и порабощение в руце безумных. 020 PRO 026 010 Многими волнуется всяка плоть безумных, сокрушается бо изступление их. 020 PRO 026 011 Якоже пес, егда возвратится на своя блевотины, и мерзок бывает, тако безумный своею злобою возвращься на свой грех. Есть стыд наводяй грех, и есть стыд слава и благодать. 020 PRO 026 012 Видех мужа непщевавша себе мудра быти, упование же имать безумный паче его. 020 PRO 026 013 Глаголет ленивый послан на путь: лев на путех, на стогнах же разбойницы. 020 PRO 026 014 Якоже дверь обращается на пяте, тако ленивый на ложи своем. 020 PRO 026 015 Скрыв ленивый руку в недро свое не возможет принести ко устом. 020 PRO 026 016 Мудрейший себе ленивый является, паче во изюбилии износящаго весть. 020 PRO 026 017 Якоже держай за ошиб пса, тако председателствуяй чуждему суду. 020 PRO 026 018 Якоже врачуемии мещут словеса на человеки, сретаяй же словом первый запнется: 020 PRO 026 019 тако вси коварствующии над своими други: егда же увидени будут, глаголют, яко играя содеях. 020 PRO 026 020 Во мнозех древех растет огнь: а идеже несть разгневляюща, умолкает свар. 020 PRO 026 021 Огнище углию, и дрова огневи: муж же клеветлив в мятеж свара. 020 PRO 026 022 Словеса ласкателей мягка: сия же ударяют в сокровища утроб. 020 PRO 026 023 Сребро даемо с лестию, якоже скудель вменяемо: устне гладки сердце покрывают прискорбно. 020 PRO 026 024 Устнама вся обещавает плачай враг, в сердцы же содевает лесть. 020 PRO 026 025 Аще тя молит враг велиим гласом, не веруй ему, седмь бо есть лукавствий в души его. 020 PRO 026 026 Таяй вражду составляет лесть: открывает же своя грехи благоразумный на сонмищих. 020 PRO 026 027 Изрываяй яму искреннему впадется в ню: валяяй же камень на себе валит. 020 PRO 026 028 Язык лжив ненавидит истины, уста же непокровенна творят нестроение. 020 PRO 027 001 Не хвалися о утрии, не веси бо, что родит (день) находяй. 020 PRO 027 002 Да хвалит тя искренний, а не твоя уста, чуждий, а не твои устне. 020 PRO 027 003 Тяжко камень и неудобоносно песок, гнев же безумнаго тяжший обоего. 020 PRO 027 004 Безмилостивна ярость и остр гнев, но ничтоже постоит ревности. 020 PRO 027 005 Лучше обличения откровенна тайныя любве. 020 PRO 027 006 Достовернее суть язвы друга, нежели вольная лобзания врага. 020 PRO 027 007 Душа в сытости сущи сотам ругается: души же нищетней и горькая сладка являются. 020 PRO 027 008 Якоже егда птица отлетит от гнезда своего, тако человек порабощается, егда устранится от своих мест. 020 PRO 027 009 Миры и вином и фимиамы красуется сердце, растерзаваетжеся от бед душа. 020 PRO 027 010 Друга твоего или друга отча не оставляй: в дом же брата своего не вниди неблагополучно: лучше друг близ, неже брат далече живый. 020 PRO 027 011 Мудр буди, сыне, да веселится сердце твое, и отврати от себе понослива словеса. 020 PRO 027 012 Хитрый злым находящым укрывается: безумнии же нашедше тщету постраждут. 020 PRO 027 013 Отими ризу его, прейде бо досадитель, иже чуждая погубляет. 020 PRO 027 014 Иже аще благословит друга утро велиим гласом, от кленущаго ни чимже разнствовати возмнится. 020 PRO 027 015 Капли изгоняют человека в день зимен из дому его, тако и жена клеветливая из своего дому. 020 PRO 027 016 Север жесток ветр, именем же приятен нарицается. 020 PRO 027 017 Железо железа острит: муж же поощряет лице дружне. 020 PRO 027 018 Иже насаждает смоковницу, снесть плоды ея: а иже хранит господа своего, честен будет. 020 PRO 027 019 Якоже суть неподобна лица лицам, сице ниже сердца человеков. 020 PRO 027 020 Ад и Погибель не насыщаются: такожде и очи человечестии несыти. 020 PRO 027 021 Искушение сребру и злату раздежение: муж же искушается усты хвалящих его. 020 PRO 027 022 Аще биеши безумнаго посреде сонмища срамляя его, не отимеши безумия его. 020 PRO 027 023 Разумне разумевай души стада твоего, и да приставиши сердце твое ко твоим стадам. 020 PRO 027 024 Яко не во век мужеви держава и крепость, ниже предает от рода в род. 020 PRO 027 025 Прилежи о злацех сущих на поли и пожнеши траву, и собирай сено нагорное, 020 PRO 027 026 да имаши овцы на одеяние: почитай поле, да будут ти агнцы. 020 PRO 027 027 Сыне, от мене имаши речения крепка в жизнь твою и в жизнь твоих служителей. 020 PRO 028 001 Бегает нечестивый ни единому же гонящу, праведный же яко лев уповая. 020 PRO 028 002 За грехи нечестивых судове востают: муж же хитрый угасит я. 020 PRO 028 003 Продерзый в нечестиих оклеветает нищыя, якоже дождь сильный не полезен: 020 PRO 028 004 тако оставившии закон хвалят нечестие, любящии же закон ограждают себе стену. 020 PRO 028 005 Мужие злии не уразумеют суда, ищущии же Господа уразумеют о всем. 020 PRO 028 006 Лучше нищь ходяй во истине, нежели богат ложь. 020 PRO 028 007 Хранит закон сын разумный: а иже пасет несытость, безчестит отца своего. 020 PRO 028 008 Умножаяй богатство свое с лихвами и прибытки милующему нищыя собирает е. 020 PRO 028 009 Укланяяй ухо свое не послушати закона и сам молитву свою омерзил. 020 PRO 028 010 Иже льстит правыя на пути злем, во истление сам впадет: беззаконнии же минуют благая и не внидут в ня. 020 PRO 028 011 Премудр у себе муж богатый, убогий же разумив презрит его. 020 PRO 028 012 Помощию праведных многа бывает слава, на местех же нечестивых погибают человецы. 020 PRO 028 013 Покрываяй нечестие свое не успеет во благая, поведая же обличения возлюблен будет. 020 PRO 028 014 Блажен муж, иже боится всех за благоговение, а жестосердый впадает во злая. 020 PRO 028 015 Лев алчен и волк жажден, иже тиранствует, нищь сый, над языком убогим. 020 PRO 028 016 Царь скуден уроком велик клеветник (бывает), а ненавидяй неправды долго лет поживет. 020 PRO 028 017 Мужа, иже в вине смертне, выручаяй беглец будет, а не утвержден. Наказуй сына, и возлюбит тя и даст лепоту твоей души, не послушает языка законопреступна. 020 PRO 028 018 Ходяй праведно помощь приимет, ходяй же в стропотны пути увязнет. 020 PRO 028 019 Делаяй свою землю насытится хлебов, гоняй же праздность насытится нищеты. 020 PRO 028 020 Муж веры достойный много благословится, злый же не без мучения будет. 020 PRO 028 021 Иже не срамляется лица праведных, не благ: таковый за укрух хлеба продаст мужа. 020 PRO 028 022 Тщится обогатитися муж завидлив, и не весть, яко милостивый возобладает им. 020 PRO 028 023 Обличаяй человечы пути благодать имать паче языком ласкающаго. 020 PRO 028 024 Иже отвергает отца или матерь и мнится не согрешати, сей сопричастник есть мужу нечестиву. 020 PRO 028 025 Неверный муж судит туне, а иже надеется на Господа, в прилежании будет. 020 PRO 028 026 Иже надеется на дерзо сердце, таковый безумен: а иже ходит в премудрости, спасется. 020 PRO 028 027 Иже дает убогим, не оскудеет: а иже отвращает око свое, в скудости будет мнозе. 020 PRO 028 028 На местех нечестивых стенят праведнии, в погибели же их умножатся праведнии. 020 PRO 029 001 Лучше муж обличаяй, нежели муж жестоковыйный: внезапу бо палиму ему, несть изцеления. 020 PRO 029 002 Похваляемым праведным, возвеселятся людие: началствующым же нечестивым, стенят мужие. 020 PRO 029 003 Мужу любящу премудрость, веселится отец его: а иже пасет любодейцы, погубит богатство. 020 PRO 029 004 Царь праведен возвышает землю, муж же законопреступник раскоповает. 020 PRO 029 005 Иже уготовляет на лице своему другу мрежу, облагает ю на своя ноги. 020 PRO 029 006 Согрешающему мужу велия сеть: праведный же в радости и в веселии будет. 020 PRO 029 007 Умеет праведный суд творити убогим, а нечестивый не разумеет разума, и убогому несть ума разумевающаго. 020 PRO 029 008 Мужие беззаконнии сожгоша град, мудрии же отвратиша гнев. 020 PRO 029 009 Муж мудр судит языки, муж же злый гневаяйся посмеваемь бывает, а не устрашает. 020 PRO 029 010 Мужие кровей причастни возненавидят преподобнаго, правии же взыщут душу его. 020 PRO 029 011 Весь гнев свой произносит безумный: премудрый же скрывает по части. 020 PRO 029 012 Царю послушающу словесе неправедна, вси, иже под ним, законопреступницы. 020 PRO 029 013 Заимодавцу и должнику, друг со другом сошедшымся, посещение творит обема Господь. 020 PRO 029 014 Царю во истине судящему нищым, престол его во свидетелство устроится. 020 PRO 029 015 Язвы и обличения дают мудрость: отрок же заблуждаяй срамляет родители своя. 020 PRO 029 016 Многим сущым нечестивым мнози греси бывают, праведнии же, оным падающым, устрашаеми бывают. 020 PRO 029 017 Наказуй сына твоего, и упокоит тя и даст лепоту души твоей. 020 PRO 029 018 Не будет сказатель языку законопреступну, храняй же закон блажен. 020 PRO 029 019 Не накажется словесы раб жесток: аще бо и уразумеет, но не послушает. 020 PRO 029 020 Аще увидиши мужа скора в словесех, разумей, яко упование имать паче его безумный. 020 PRO 029 021 Иже ласкосерд будет от детства, поработится, на последок же болезновати будет о сем. 020 PRO 029 022 Муж гневливый воздвизает свар, муж же ярый открывает грехи. 020 PRO 029 023 Досаждение мужа смиряет, а смиренныя утверждает Господь в славе. 020 PRO 029 024 Иже сообщается татю, ненавидит своея души: аще же клятву предложенную слышавшии не возвестят, 020 PRO 029 025 убоявшеся и постыдевшеся человеков, преткнутся: надеявыйся же на Господа возвеселится. Нечестие мужу дает соблажнение: уповаяй же на Владыку спасется. 020 PRO 029 026 Мнози угождают лицам началников: от Господа же сбывается правда мужу. 020 PRO 029 027 Мерзость праведнику муж неправеден: мерзость же законопреступному путь правоведяй. 020 PRO 030 001 Сия глаголет муж верующым Богови, и почиваю: 020 PRO 030 002 безумнее бо есмь от всех человек, и разума человеческаго несть во мне: 020 PRO 030 003 Бог же научи мя премудрости, и разум святых уразумех. 020 PRO 030 004 Кто взыде на небо и сниде? Кто собра ветры в недра? Кто возврати воду в ризу? Кто обдержа вся концы земли? Кое имя его? Или кое имя сыну его, да разумееши? 020 PRO 030 005 Вся бо словеса Божия раздежена: защищает же Сам благоговеющих Ему. 020 PRO 030 006 Не приложи ко словесем Его, да не обличит тя, и ложь будеши. 020 PRO 030 007 Двое прошу у Тебе: не отими от мене благодати прежде умертвия моего: 020 PRO 030 008 суетно слово и ложно далече от мене сотвори, богатства же и нищеты не даждь ми: устрой же ми потребная и самодоволная, 020 PRO 030 009 да не насыщься ложь буду и реку: кто мя видит? Или обнищав украду и кленуся именем Божиим. 020 PRO 030 010 Не предаждь раба в руце господина, да не когда прокленет тя, и изчезнеши. 020 PRO 030 011 Чадо зло кленет отца и матерь не благословит. 020 PRO 030 012 Чадо зло праведна себе судит, исхода же своего не измы. 020 PRO 030 013 Чадо зло высоки очи имать, веждома же своима возносится. 020 PRO 030 014 Чадо зло мечь зубы (своя) имать, и членовныя яко сечиво, еже губити и поядати смиренныя от земли и убогия их от человек. 020 PRO 030 015 Пиявица име три дщери, любовию возлюблены, и три сия не насытишася ея, и четвертая не удовлися рещи: доволно (ми есть). 020 PRO 030 016 Ад и похоть жены, и земля ненапоеная водою и вода и огнь не рекут: довлеет. 020 PRO 030 017 Око ругающееся отцу и досаждающее старости матерни, да исторгнут е вранове от дебрия и да снедят е птенцы орли. 020 PRO 030 018 Трие ми суть невозможная уразумети, и четвертаго не вем: 020 PRO 030 019 следа орла паряща (по воздуху) и пути змиа (ползуща) по камени, и стези корабля пловуща по морю и путий мужа в юности (его). 020 PRO 030 020 Таков путь жены блудницы: яже егда сотворит, и измывшися, ничтоже, рече, содеях нелепо. 020 PRO 030 021 Треми трясется земля, четвертаго же не может понести: 020 PRO 030 022 аще раб воцарится, и безумный исполнится пищею, и раба аще изженет свою госпожу, 020 PRO 030 023 и мерзкая жена аще ключится добру мужу. 020 PRO 030 024 Четыри же суть малейшая на земли, сия же суть мудрейша мудрых: 020 PRO 030 025 мравие, имже несть крепости и уготовляют в жатву пищу: 020 PRO 030 026 и хирогрилли, язык не крепок, иже сотвориша в камениих домы своя: 020 PRO 030 027 безцарни суть прузие, и воюют от единаго повеления благочинно: 020 PRO 030 028 ящерица, руками опирающися и удобь уловляема сущи, живет во твердех царевых. 020 PRO 030 029 Трие суть, яже благопоспешно ходят, четвертое же, еже добре проходит: 020 PRO 030 030 скимен львов крепчае зверей, иже не отвращается, ни устрашается скота, 020 PRO 030 031 и петель ходя в кокошех благодушен, и козел предводитель стаду, и царь глаголяй к народу во языце. 020 PRO 030 032 Аще вдаси себе в веселие и простреши руку твою со сваром, поруган будеши. 020 PRO 030 033 Мельзи млеко, и будет масло. Аще ли ноздри чешеши, изыдет кровь: аще же извлечеши словеса, изыдут судове и тяжбы. 020 PRO 031 001 Моя словеса рекошася от Бога, царево пророчество, егоже наказа мати его: 020 PRO 031 002 что, чадо, (соблюдеши, ) что речение Божие? Первородне, тебе глаголю, сыне: что, чадо моего чрева? Что, чадо моих молитв? 020 PRO 031 003 Не даждь женам твоего богатства и твоего ума и жития в последний совет. 020 PRO 031 004 С советом все твори, с советом пий вино: сильнии гневливи суть, вина да не пиют, 020 PRO 031 005 да напившеся не забудут мудрости и право судити немощным не возмогут. 020 PRO 031 006 Дадите сикера сущым в печалех и вино пити сущым в болезнех, 020 PRO 031 007 да забудут убожества и болезней не воспомянут ктому. 020 PRO 031 008 Сыне, отверзай уста твоя слову Божию и суди вся здраво: 020 PRO 031 009 отверзай уста твоя и суди праведно, разсуждай же убога и немощна. 020 PRO 031 010 Жену доблю кто обрящет, дражайши есть камения многоценнаго таковая: 020 PRO 031 011 дерзает на ню сердце мужа ея: таковая добрых корыстей не лишится: 020 PRO 031 012 делает бо мужу своему благая во все житие: 020 PRO 031 013 обретши волну и лен, сотвори благопотребное рукама своима. 020 PRO 031 014 Бысть яко корабль куплю дея, издалеча собирает себе богатство: 020 PRO 031 015 и востает из нощи, и даде брашна дому и дела рабыням. 020 PRO 031 016 Узревши село купи, от плодов же рук своих насади стяжание. 020 PRO 031 017 Препоясавши крепко чресла своя, утвердит мышцы своя на дело, 020 PRO 031 018 и вкуси, яко добро есть делати, и не угасает светилник ея всю нощь. 020 PRO 031 019 Лакти своя простирает на полезная, руце же свои утверждает на вретено, 020 PRO 031 020 и руце свои отверзает убогому, длань же простре нищу. 020 PRO 031 021 Не печется о сущих в дому муж ея, егда где замедлит: вси бо у нея одеяни суть. 020 PRO 031 022 Сугуба одеяния сотвори мужу своему, от виссона же и порфиры себе одеяния. 020 PRO 031 023 Славен бывает во вратех муж ея, внегда аще сядет в сонмищи со старейшины жительми земли. 020 PRO 031 024 Плащаницы сотвори и продаде Финикианом, опоясания же Хананеом. 020 PRO 031 025 Уста своя отверзе внимателно и законно и чин заповеда языку своему. 020 PRO 031 026 Крепостию и лепотою облечеся, и возвеселися во дни последния. 020 PRO 031 027 Тесны стези дому ея, брашна же леностнаго не яде. 020 PRO 031 028 Уста своя отверзе мудро и законно. 020 PRO 031 029 Милостыня же ея возстави чада ея, и обогатишася: и муж ея похвали ю: 020 PRO 031 030 многи дщери стяжаша богатство, многи сотвориша силу: ты же предуспела и превознеслася еси над всеми: 020 PRO 031 031 ложнаго угождения и суетныя доброты женския несть в тебе: жена бо разумная благословена есть: страх же Господень сия да хвалит. Дадите ей от плодов устен ея, и да хвалимь будет во вратех муж ея. # # BOOK 021 ECC Ecclesiastes Книга Екклезиаста 021 ECC 001 001 Глаголы Екклесиаста, сына Давидова, царя Израилева во Иерусалиме. 021 ECC 001 002 Суета суетствий, рече Екклесиаст, суета суетствий, всяческая суета. 021 ECC 001 003 Кое изюбилие человеку во всем труде его, имже трудится под солнцем? 021 ECC 001 004 Род преходит и род приходит, а земля во век стоит. 021 ECC 001 005 И восходит солнце и заходит солнце и в место свое влечется, сие возсиявая тамо. 021 ECC 001 006 Идет к югу и обходит к северу, обходит окрест, идет дух и на круги своя обращается дух. 021 ECC 001 007 Вси потоцы идут в море, и море несть насыщаемо: на место, аможе потоцы идут, тамо тии возвращаются ити. 021 ECC 001 008 Вся словеса трудна, не возможет муж глаголати: и не насытится око зрети, ни исполнится ухо слышания. 021 ECC 001 009 Что было, тожде есть, еже будет: и что было сотвореное, тожде имать сотворитися: 021 ECC 001 010 и ничтоже ново под солнцем. Иже возглаголет и речет: се, сие ново есть: уже бысть в вецех бывших прежде нас. 021 ECC 001 011 Несть память первых, и последним бывшым не будет их память с будущими на последок. 021 ECC 001 012 Аз Екклесиаст бых царь над Израилем во Иерусалиме 021 ECC 001 013 и вдах сердце мое, еже взыскати и разсмотрити в мудрости о всех бывающих под небесем: яко попечение лукаво даде Бог сыном человеческим, еже упражднятися в нем. 021 ECC 001 014 Видех всяческая сотворения сотворенная под солнцем: и се, вся суетство и произволение духа. 021 ECC 001 015 Развращенное не может исправитися, и лишение не может изчислитися. 021 ECC 001 016 Глаголах аз в сердцы моем, еже рещи: се, аз возвеличихся и умножих мудрость паче всех, иже быша прежде мене во Иерусалиме, 021 ECC 001 017 и сердце мое вдах, еже ведети премудрость и разум: и сердце мое виде многая, премудрость и разум, притчи и хитрость: уразумех аз, яко и сие есть произволение духа: 021 ECC 001 018 яко во множестве мудрости множество разума, и приложивый разум приложит болезнь. 021 ECC 002 001 Рекох аз в сердцы моем: прииди убо, да тя искушу в веселии, и виждь во блазе: и се, такожде сие суетство. 021 ECC 002 002 Смеху рекох: погрешение, и веселию: что сие твориши? 021 ECC 002 003 И разсмотрих, аще сердце мое повлечет аки вино плоть мою: и сердце мое настави мя в мудрости, и еже удержати веселие, дондеже увижду, кое благо сыном человеческим, еже творят под солнцем в число дний живота своего. 021 ECC 002 004 Возвеличих творение мое: создах ми домы, насадих ми винограды, 021 ECC 002 005 сотворих ми вертограды и сады и насадих в них древес всякаго плода, 021 ECC 002 006 сотворих ми купели водныя, еже напаяти от них прозябение древес: 021 ECC 002 007 притяжах рабы и рабыни, и домочадцы быша ми: и стяжание скота, и стад много ми бысть, паче всех бывших прежде мене во Иерусалиме: 021 ECC 002 008 собрах ми злато и сребро и имения царей и стран, сотворих ми поющих и поющыя, и услаждения сынов человеческих, виночерпцы и виночерпицы. 021 ECC 002 009 И возвеличихся, и приложихся мудрости паче всех бывших прежде мене во Иерусалиме: и мудрость моя пребысть со мною. 021 ECC 002 010 И все, егоже просиста очи мои, не отях от них и не возбраних сердцу моему от всякаго веселия моего, яко сердце мое возвеселися во всяцем труде моем. И сие бысть часть моя от всего труда моего. 021 ECC 002 011 И призрех аз на вся творения моя, яже сотвористе руце мои, и на труд, имже трудихся творити. И се, вся суета и произволение духа, и несть изюбилие под солнцем. 021 ECC 002 012 И призрех аз видети мудрость, лесть и безумие: яко кто человек, иже пойдет вслед совета, елика сотвори в нем? 021 ECC 002 013 И видех аз, яко есть изюбилие мудрости паче безумия, якоже изюбилие света паче тмы: 021 ECC 002 014 мудраго очи его во главе его, а безумный во тме ходит: и уведех и аз, яко случай един случится всем им. 021 ECC 002 015 И рех аз в сердцы моем: якоже случай безумнаго, и мне случится: и вскую умудрихся? Аз тогда излишше глаголах в сердцы моем, яко и сие суета, понеже безумный от избытка глаголет: 021 ECC 002 016 яко несть памяти мудраго с безумным во век, зане уже во днех грядущих вся забвена быша: и како умрет мудрый с безумным? 021 ECC 002 017 И возненавидех живот, яко лукавно мне сотворение сотворенное под солнцем: понеже всяческая суета и произволение духа. 021 ECC 002 018 И возненавидех аз всяческая мира и труд мой, имже аз труждаюся под солнцем, яко оставляю его человеку будущему по мне. 021 ECC 002 019 И кто весть, мудр ли будет или безумен? И обладати ли имать всем трудом моим, имже трудихся и имже мудрствовах под солнцем? И сие же суета. 021 ECC 002 020 И обратихся аз отрещися сердцу моему о всем труде, имже трудихся под солнцем: 021 ECC 002 021 яко есть человек, егоже труд в мудрости и в разуме и в мужестве: и человек, иже не потрудися о нем, даст ему часть свою. И сие суета и лукавство велие. 021 ECC 002 022 Яко бывает человеку во всем труде его и в произволении сердца его, имже той труждается под солнцем, 021 ECC 002 023 яко вси дние его болезней и ярости попечение ему, ибо в нощи не спит сердце его. И сие же суета есть. 021 ECC 002 024 Несть благо человеку, но (разве) еже яст и пиет и еже покажет души своей благо в труде своем: и сие видех аз, яко от руки Божия есть: 021 ECC 002 025 яко кто яст и пиет кроме Его? 021 ECC 002 026 Яко человеку благу пред лицем Его даде мудрость и разум и веселие, согрешающему же даде попечение, еже прилагати и собирати, во еже дати благому пред лицем Божиим: яко и сие суета и произволение духа. 021 ECC 003 001 Всем время и время всяцей вещи под небесем: 021 ECC 003 002 время раждати и время умирати, время садити и время исторгати сажденое, 021 ECC 003 003 время убивати и время целити, время разрушати и время созидати, 021 ECC 003 004 время плакати и время смеятися, время рыдати и время ликовати, 021 ECC 003 005 время разметати камение и время собирати камение, время обымати и время удалятися от обымания, 021 ECC 003 006 время искати и время погубляти, время хранити и время отреяти, 021 ECC 003 007 время раздрати и время сшити, время молчати и время глаголати, 021 ECC 003 008 время любити и время ненавидети, время брани и время мира. 021 ECC 003 009 Кое изюбилие творящаго, в нихже сам трудится? 021 ECC 003 010 Видех попечение всяческое, еже даде Бог сыном человеческим, еже пещися в нем. 021 ECC 003 011 Всяческая, яже сотвори, добра (суть) во время свое, ибо всякий век дал есть в сердце их, яко да не обрящет человек сотворения, еже сотвори Бог от начала и даже до конца. 021 ECC 003 012 Уразумех, яко несть благо в них, но токмо еже веселитися и еже творити благо в животе своем: 021 ECC 003 013 ибо всяк человек, иже яст и пиет и видит благое во всем труде своем, сие даяние Божие есть. 021 ECC 003 014 Разумех, яко вся, елика сотвори Бог, сия будут во век: к тем несть приложити и от тех несть отяти, и Бог сотвори, да убоятся от лица Его: 021 ECC 003 015 бывшее уже есть, и елика имут быти, уже быша, и Бог взыщет гонимаго. 021 ECC 003 016 И еще видех под солнцем место суда, тамо нечестивый, и место праведнаго, тамо благочестивый. 021 ECC 003 017 И рех аз в сердцы моем: праведнаго и нечестиваго судит Бог: яко время всяцей вещи и на всяцем сотворении тамо. 021 ECC 003 018 Рех аз в сердцы моем о глаголании сынов человеческих, яко разсудит их Бог: и еже показати, яко сии скоти суть: 021 ECC 003 019 ибо и тем якоже случай сынов человеческих и случай скотский, случай един им: якоже смерть того, тако и смерть сего, и дух един во всех: и что излишше имать человек паче скота? Ничтоже: яко всяческая суета. 021 ECC 003 020 Вся идут во едино место: вся быша от персти и вся в персть возвращаются. 021 ECC 003 021 И кто весть дух сынов человеческих, аще той восходит горе? И дух скотский, аще низходит той долу в землю? 021 ECC 003 022 И видех, яко несть благо, но токмо еже возвеселится человек в творениих своих, яко сия часть его: понеже кто приведет его видети то, еже будет по нем? 021 ECC 004 001 И обратихся аз и видех вся оклеветания бывающая под солнцем: и се, слезы оклеветанных, и несть им утешающаго, и от руки клевещущих на ня крепость, и несть им утешающаго. 021 ECC 004 002 И похвалих аз всех умерших, иже умроша уже, паче живых, елицы живи суть доселе: 021 ECC 004 003 и благ паче обоих сих, иже еще не бысть, иже не виде всякаго сотворения лукаваго сотвореннаго под солнцем. 021 ECC 004 004 И видех аз весь труд и всяко мужество сотворения, яко сие ревность мужа от подруга своего. И сие суета и произволение духа. 021 ECC 004 005 Безумный объят руце свои и снеде плоти своя. 021 ECC 004 006 Благо есть исполнение горсти покоя, паче исполнения двою горстию труда и произволения духа. 021 ECC 004 007 И обратихся аз и видех суетство под солнцем: 021 ECC 004 008 есть един, и несть втораго, ни сына, ниже брата несть ему, и несть конца всему труду его, ниже око его насыщается богатства. И кому аз труждаюся и лишаю душу мою от благостыни? И сие суета и попечение лукавно есть. 021 ECC 004 009 Блази два паче единаго, имже есть мзда блага в труде их: 021 ECC 004 010 яко аще падется един от них, воздвигнет другий причастника своего: и горе тому единому, егда падет и не будет втораго воздвигнути его. 021 ECC 004 011 И аще уснета два, тепло има будет, а един како согреется? 021 ECC 004 012 И аще укрепится един, два станета противу ему: и вервь треплетена не скоро расторгнется. 021 ECC 004 013 Благ отрок нищь и мудр, паче стара царя и безумна, иже не разуме внимати еще: 021 ECC 004 014 яко из дому юзников изыдет царствовати, понеже и в царстве своем родися нищь. 021 ECC 004 015 Видех всех живущих, ходящих под солнцем, с юным вторым, иже востанет вместо его. 021 ECC 004 016 Несть конца всем людем, всем, иже пред ними быша, ибо последнии не возвеселятся о нем: яко и сие суета и произволение духа. 021 ECC 005 001 Сохрани ногу твою, егда аще идеши в дом Божий, и близ (буди) еже слушати: паче даяния безумных жертва твоя, понеже не ведят, яко творят зло. 021 ECC 005 002 Не скор буди усты твоими, и сердце твое да не ускоряет износити слово пред лицем Божиим, яко Бог на небеси горе, ты же на земли долу: сего ради да будут словеса твоя мала: 021 ECC 005 003 яко приходит соние во множестве попечения, тако и глас безумнаго во множестве словес. 021 ECC 005 004 Аще обещаеши обет Богу, не умедли отдати его, яко несть хотения в безумных: ты убо, елика аще обещаеши, отдаждь. 021 ECC 005 005 Благо тебе еже не обещаватися, нежели обещавшуся тебе, не отдати. 021 ECC 005 006 Не даждь устнам твоим еже во грех ввести плоть твою, и да не речеши пред лицем Божиим, яко неведение есть: да не прогневается Бог о гласе твоем и растлит творения рук твоих: 021 ECC 005 007 яко во множестве соний и суетствия, (тако) и словеса многа, темже Бога бойся. 021 ECC 005 008 Аще обиду нищаго и расхищение суда и правды увидиши во стране, не дивися о вещи: яко высокий над высоким надзиратель, и высоцыи над ними, 021 ECC 005 009 и изюбилие земли над всем есть царь села возделанна. 021 ECC 005 010 Любяй сребро не насытится сребра: и кто насладится во множестве его плода? И сие суета. 021 ECC 005 011 Во множестве блага умножишася ядущии е: и кое мужество имущему е? Яко начало еже видети очима своима. 021 ECC 005 012 Сон сладок работающему, аще мало или много снесть: а насытившагося богатство не оставляет уснути. 021 ECC 005 013 Есть недуг, егоже видех под солнцем, богатство хранимо от стяжателя во зло ему: 021 ECC 005 014 и погибнет богатство оно в попечении лукавне: и роди сына, и несть в руце его ничтоже: 021 ECC 005 015 якоже изыде из чрева матере своея наг, возвратится ити, якоже и прииде, и ничтоже возмет от труда своего, да понесет в руце своей. 021 ECC 005 016 И сие зол недуг: якоже бо прииде, тако и отидет, и кая польза ему, яко трудится на ветр? 021 ECC 005 017 Ибо вси дние его во тме и плачи и в ярости мнозе, и в недузе и во гневе. 021 ECC 005 018 Се, видех аз благое, еже есть изрядно, еже ясти и пити и видети благостыню во всем труде своем, имже трудился бы под солнцем, в число дний живота своего, яже дал есть ему Бог, яко сие часть его: 021 ECC 005 019 ибо всякому человеку, емуже дал есть Бог богатство и имения, и власть даде ему ясти от того и прияти часть свою и возвеселитися о труде своем, сие дар Божий есть: 021 ECC 005 020 яко не много памятствовати имать дни живота своего, понеже Бог облагает его попеченьми в веселии сердца его. 021 ECC 006 001 Есть лукавствие, еже видех под солнцем, и много есть над человеком: 021 ECC 006 002 муж, емуже даст Бог богатство и имение и славу, и несть лишаяй души своей от всех, ихже вожделеет, и не даст ему Бог власти от него ясти, яко чуждь муж ясти имать от него. И сие суета и недуг зол есть. 021 ECC 006 003 Аще родит муж сто (чад) и лета многа поживет, и мнози будут дние лет его, и душа его не насытится от благостыни, и погребения не бысть ему, рех: благ паче его изверг, 021 ECC 006 004 яко в суете прииде и во тму идет, и во тме имя его покрыется: 021 ECC 006 005 и солнца не виде, ниже разуме, покой сему паче того: 021 ECC 006 006 и поживе тысящу лет сугубо, и благостыни не виде: еда не во едино место вся идут? 021 ECC 006 007 Весь труд человечь во уста его, и душа его не исполнится. 021 ECC 006 008 Яко кое изюбилие (человеку) мудрому паче безумнаго? Понеже нищь позна ходити противу живота. 021 ECC 006 009 Благо видение очию паче ходящаго душею. И се суетствие и произволение духа. 021 ECC 006 010 Аще что бысть, уже именовася имя его, и познася, еже есть человек и не возможет судитися с крепчайшим паче себе: 021 ECC 006 011 яко суть словеса многа умножающая суету. 021 ECC 006 012 Что излишше человеку, яко кто весть, что благо человеку в животе (его) число дний живота суетства его? И сотвори я в сени: яко кто возвестит человеку, что будет по нем под солнцем? 021 ECC 007 001 Благо имя паче елеа блага, и день смертный паче дня рождения его. 021 ECC 007 002 Благо ходити в дом плача, нежели ходити в дом пира, понеже сие конец всякому человеку, и живый даст благо в сердцы его. 021 ECC 007 003 Блага ярость паче смеха, яко во злобе лица ублажится сердце. 021 ECC 007 004 Сердце мудрых в дому плача, а сердце безумных в дому веселия. 021 ECC 007 005 Благо еже слышати прещение премудра, паче мужа слышащаго песнь безумных: 021 ECC 007 006 якоже глас терния под котлом, тако смех безумных. И сие суета. 021 ECC 007 007 Яко клевета льстит мудраго и погубляет сердце благородствия его. 021 ECC 007 008 Блага последняя словес паче начала его: благ терпеливый паче высокаго духом. 021 ECC 007 009 Не тщися в дусе своем яритися, яко ярость в недре безумных почиет. 021 ECC 007 010 Да не речеши: что бысть, яко дние прежднии беша блази паче сих? Яко не в мудрости вопросил еси о сем. 021 ECC 007 011 Блага мудрость с наследием, паче же видящым солнце: 021 ECC 007 012 яко в сени его мудрость, якоже сень сребра, и изюбилие разума премудрости оживляет, иже от нея. 021 ECC 007 013 Виждь творения Божия: яко кто может украсити, егоже аще Бог превратит? 021 ECC 007 014 В день благостыни (Его) живи во блазе и виждь в день зла: виждь, и с ним согласно сие сотвори Бог, о глаголании, да не обрящет человек за Ним ничтоже. 021 ECC 007 015 Всяческая видех во днех суетствия моего: есть праведный погибаяй во своей правде, и есть нечестивый пребываяй во своей злобе. 021 ECC 007 016 Не буди правдив вельми, ни мудрися излишше, да не когда изумишися. 021 ECC 007 017 Не нечествуй много и не буди жесток, да не умреши не во время свое. 021 ECC 007 018 Благо ти есть держатися сего, и от сего не оскверни руки твоея, яко боящымся Бога поспешатся вся. 021 ECC 007 019 Премудрость поможет мудрому паче десяти обладающих во граде: 021 ECC 007 020 яко несть человек праведен на земли, иже сотворит благое и не согрешит. 021 ECC 007 021 И во вся словеса, яже возглаголют нечестивии, не вложи сердца своего, да не услышиши раба своего кленуща тебе: 021 ECC 007 022 яко многажды возлукавнует на тя, и обхождении многими озлобит сердце твое, якоже и ты клял еси иныя (многия). 021 ECC 007 023 Вся сия искусих в мудрости: рех, умудрюся: и сия удалися от мене 021 ECC 007 024 далече паче неже бех, и бездны глубина, кто обрящет ю? 021 ECC 007 025 Обыдох аз, и сердце мое, еже разумети, еже разсмотрити, и еже взыскати мудрость и разум, и еже разумети нечестиваго безумие и ожесточение и лесть: 021 ECC 007 026 и обретох аз ю, и реку горчайшу паче смерти жену, яже есть ловитва, и сети сердце ея, узы в руку ея: благий пред лицем Божиим изимется от нея, а согрешаяй ят будет от нея. 021 ECC 007 027 Се, сие обретох, рече Екклесиаст: едину единою еже обрести помысл, еже взыска душа моя, и не обретох: 021 ECC 007 028 и человека единаго от тысящ обретох, а жены во всех сих не обретох: 021 ECC 007 029 обаче се, сие обретох, еже сотвори Бог человека праваго, и сии взыскаша помыслов многих. 021 ECC 008 001 Кто уведе мудрость? И кто весть разрешение глагола? Мудрость человека просветит лице его, а безстудный возненавиден будет лицем своим. 021 ECC 008 002 Уста царева сохрани, и о словеси клятвы Божия не скор буди. 021 ECC 008 003 От лица его пойдеши, не стани во словеси лукавне, яко все, еже (аще) восхощет, сотворит, 021 ECC 008 004 якоже царь обладаяй, и кто речет ему: что твориши? 021 ECC 008 005 Храняй заповедь не увесть глагола лукавна: и время суда весть сердце мудраго, 021 ECC 008 006 яко всяцей вещи есть время и суд: яко разум человека мног (есть) на нем, 021 ECC 008 007 яко несть ведящаго, что будущее: зане якоже будет, кто возвестит ему? 021 ECC 008 008 Несть человека владущаго духом, еже возбранити духу: и несть владущаго в день смерти, и несть посла в день брани: и не спасет нечестие сущаго в нем. 021 ECC 008 009 И все сие видех, и вдах сердце мое во все сотворение, еже сотворено есть под солнцем, вся, во еликих обладан есть человек над человеком, еже озлобити его. 021 ECC 008 010 И тогда видех нечестивыя во гробы внесены, и от святаго: и идоша и похвалени быша во граде, яко сице сотвориша. И сие суета. 021 ECC 008 011 Яко несть пререкания бывающаго творящым лукавое вскоре: сего ради уверися сердце сынов человеческих в них, еже сотворити лукавое. 021 ECC 008 012 Иже согреши, сотворил есть лукавое, оттоле, и от долготы их: ибо и вем аз, яко есть благо боящымся Бога, да боятся от лица Его, 021 ECC 008 013 и не будет благо нечестивому, и не продолжит дний в сени, иже несть бояйся от лица Божия. 021 ECC 008 014 Есть суета, яже сотворена есть на земли: яко суть праведнии, на нихже постизает яко творение нечестивых, и суть нечестивии, на нихже постизает яко творение праведных. Рех, яко и сие суета. 021 ECC 008 015 И похвалих аз веселие, яко несть благо человеку под солнцем, но токмо еже ясти и пити и еже веселитися: и то прибыток ему в труде его во днех живота его, ихже дал есть ему Бог под солнцем. 021 ECC 008 016 В нихже дах сердце мое, еже разумети мудрость и еже ведети попечение сотвореное на земли: яко и во дни и в нощи сна во очию своею несть видяй. 021 ECC 008 017 И видех вся творения Божия, яко не может человек изобрести творение сотвореное под солнцем: елика аще потрудится человек обрести, и не обрящет: и елика аще речет мудрый уразумети, не возможет обрести. Темже все сие вдах в сердце мое, и сердце мое все сие виде. 021 ECC 009 001 Яко праведнии и мудрии и делания их в руце Божией, и любве же и ненависти несть ведяй человек: вся пред лицем их, суета во всех. 021 ECC 009 002 Случай един праведному и нечестивому, благому и злому, и чистому и нечистому, и жрущему и не жрущему: якоже благий, тако согрешаяй, якоже кленыйся, тако бояйся клятвы. 021 ECC 009 003 Сие лукаво во всяцем сотворенем под солнцем, яко случай един всем: и сердце сынов человеческих исполнися лукавствия, и прелесть в сердцах их и в животе их, и по сих к мертвым. 021 ECC 009 004 Понеже кто есть, иже приобщается ко всем живым? Есть надежда, яко пес живый, той благ паче льва мертва. 021 ECC 009 005 Понеже живии разумеют, яко умрут, мертвии же не суть ведущии ничтоже: и ктому несть им мзды, яко забвена есть память их, 021 ECC 009 006 и любовь их и ненависть их и рвение их уже погибе, и части несть им ктому во веки во всяцем творении под солнцем. 021 ECC 009 007 Прииди, яждь в веселии хлеб твой и пий во блазе сердцы вино твое, яко уже угодна Богу творения твоя. 021 ECC 009 008 Во всяко время да будут ризы твоя белы, и елей на главе твоей да не оскудеет. 021 ECC 009 009 И виждь житие с женою, юже возлюбил еси, во вся дни живота юности твоея, данныя ти под солнцем, вся дни суетствия твоего: яко сие часть твоя в животе твоем и в труде твоем, имже ты трудишися под солнцем. 021 ECC 009 010 Вся, елика аще обрящет рука твоя сотворити, якоже сила твоя, сотвори: зане несть сотворение и помышление и разум и мудрость во аде, аможе ты идеши тамо. 021 ECC 009 011 Обратихся и видех под солнцем, яко ни легким течение, ниже сильным брань, ниже самому мудрому хлеб, ниже разумным богатство, ниже ведущым благодать: яко время и случай случится всем сим. 021 ECC 009 012 Яко убо не разуме человек времене своего: якоже рыбы уловляемы во мрежи зле, и аки птицы уловляемы в сети: якоже сия, уловляются сынове человечестии во время лукаво, егда нападет на ня внезапу. 021 ECC 009 013 И сие видех, мудрость под солнцем, и велика есть во мне: 021 ECC 009 014 град мал, и мужей в нем мало, и приидет нань царь велик и окрест обляжет его, и соделает на него остроги велия, 021 ECC 009 015 и обрящет в нем мужа нищаго мудра, и сей спасет град мудростию своею, и человек не воспомяну мужа нищаго онаго. 021 ECC 009 016 И рех аз: блага мудрость паче силы, и мудрость нищаго уничижена, и словеса его не суть послушаема. 021 ECC 009 017 Словеса мудрых в покои слышатся, паче клича обладающих в безумии. 021 ECC 009 018 Блага мудрость паче орудий ратных: и согрешаяй един погубит благостыню многу. 021 ECC 010 001 Мухи умершыя згнояют елеа сладость: честно малое мудрости паче славы велики безумия. 021 ECC 010 002 Сердце мудраго одесную его, сердце же безумнаго ошуюю его: 021 ECC 010 003 и в путь егда безумный идет, сердце его лишается, и яже помышляет, вся безумие суть. 021 ECC 010 004 Аще дух владеющаго взыдет на тя, места твоего не остави: яко изцеление утолит грехи велики. 021 ECC 010 005 Есть лукавство, еже видех под солнцем, аки невольно изыде от лица владеющаго: 021 ECC 010 006 вдан безумный в высоты велики, а богатии во смиренных сядут: 021 ECC 010 007 видех рабов на конех, и князей идущих яко рабов на земли. 021 ECC 010 008 Копаяй яму впадет в ню, и разоряющаго ограду угрызнет его змий. 021 ECC 010 009 Иземляй камение поболит от них, разсецаяй дрова беду приимет в них: 021 ECC 010 010 аще спадет сечиво, и сам лицем смятется: и силы укрепит, и изюбилие мужу мудрость. 021 ECC 010 011 Аще угрызнет змий не в шепте, и несть излишества обавающему. 021 ECC 010 012 Словеса уст премудраго благодать, устне же безумнаго потопят его: 021 ECC 010 013 начало словес уст его безумие, и последняя уст его прелесть лукава. 021 ECC 010 014 Безумный умножает словеса: не разуме человек, что бывшее и что будущее, что созади его, (и) кто возвестит ему? 021 ECC 010 015 Труд безумных озлобит их, иже не разуме ити во град. 021 ECC 010 016 Горе тебе, граде, в немже царь твой юн, и князи твои рано ядят. 021 ECC 010 017 Блаженна ты, земле, еяже царь твой сын свободных, и князи твои во время ядят в силе и не постыдятся. 021 ECC 010 018 В леностех смирится строп, и в празднестве рук прокаплет храмина. 021 ECC 010 019 Во смех творят хлеб и вино и елей, еже веселитися живущым: и сребра со смирением послушают всяческая. 021 ECC 010 020 И в совести убо твоей не клени царя, и в клети ложницы твоея не клени богатаго: яко птица небесная донесет глас твой, и имеяй криле возвестит слово твое. 021 ECC 011 001 Посли хлеб твой на лице воды, яко во множестве дний обрящеши его. 021 ECC 011 002 Даждь часть седмим и осмим, яко не веси, что будет лукаво на земли. 021 ECC 011 003 Аще исполнятся облацы дождя, на землю изливают: и аще падет древо на юг, и аще на север, на месте, идеже падет древо, тамо будет. 021 ECC 011 004 Блюдый ветра не сеет, и сматряяй во облацех не пожнет. 021 ECC 011 005 В нихже несть ведый, кии путь духа, якоже кости во чреве раждающия: тако не уразумееши дел Божиих, елика сотворит всяческая. 021 ECC 011 006 В заутрии сей семя твое, и в вечер да не оставляет рука твоя: яко не веси, кое произыдет сие или оно, и аще обоя вкупе благая. 021 ECC 011 007 И сладко свет, и благо очима зрети солнце: 021 ECC 011 008 яко аще и многа лета поживет человек, и о всех сих возвеселится, и помянет дни тмы, яко мнози будут: все грядущее суета. 021 ECC 011 009 Веселися, юноше, во юности твоей, и да ублажит тя сердце твое во днех юности твоея, и ходи в путех сердца твоего непорочен и не в видении очию твоею: и разумей, яко о всех сих приведет тя Бог на суд: 021 ECC 011 010 и отстави ярость от сердца твоего, и отрини лукавство от плоти твоея: яко юность и безумие суета. 021 ECC 012 001 И помяни Сотворшаго тя во днех юности твоея, дондеже не приидут дние злобы твоея, и приспеют лета, в нихже речеши: несть ми в них хотения: 021 ECC 012 002 дондеже не померкнет солнце и свет, и луна и звезды, и обратятся облацы созади дождя: 021 ECC 012 003 в день, в оньже подвигнутся стражие дому, и развратятся мужие силы, и упразднятся мелющии, яко умалишася, и помрачатся зрящии во скважнех: 021 ECC 012 004 и затворят двери на торжищи, в немощи гласа мелющия, и востанет на глас птицы, и смирятся вся дщери песни: 021 ECC 012 005 и на высоту узрят, и ужас на пути, и процветет амигдал, и отолстеют прузие, и разрушится каппарис: яко отиде человек в дом века своего, и обыдоша на торжищи плачущии: 021 ECC 012 006 дондеже не превратится уже сребряное, и не сокрушится повязка златая, и сокрушится водонос у источника, и сломится колесо в колии. 021 ECC 012 007 И возвратится персть в землю, якоже бе, и дух возвратится к Богу, иже даде его. 021 ECC 012 008 Суета суетствий, рече Екклесиаст, всяческая суета. 021 ECC 012 009 И лишшее, яко бысть Екклесиаст мудр, и яко научи разуму человека: и ухо изследит красоту притчей. 021 ECC 012 010 Много взыска Екклесиаст, еже обрести словеса хотения, и написаное правости, словеса истины. 021 ECC 012 011 Словеса мудрых якоже остны воловии и якоже гвоздие вонзено, иже от сложений дани быша от пастыря единаго. 021 ECC 012 012 И множае от них, сыне мой, хранися: творити книги многи несть конца, и учение многое труд плоти. 021 ECC 012 013 Конец слова, все слушай: Бога бойся и заповеди Его храни, яко сие всяк человек: 021 ECC 012 014 яко все творение приведет Бог на суд о всяцем погрешении, аще благо и аще лукаво. # # BOOK 022 SOL Song of Solomon Песнь песней Соломона 022 SOL 001 002 Да лобжет мя от лобзаний уст своих: яко блага сосца твоя паче вина, 022 SOL 001 003 и воня мира твоего паче всех аромат. Миро излияное имя твое: сего ради отроковицы возлюбиша тя. 022 SOL 001 004 Привлекоша тя: вслед тебе в воню мира твоего течем. Введе мя царь в ложницу свою: возрадуемся и возвеселимся о тебе, возлюбим сосца твоя паче вина: правость возлюби тя. 022 SOL 001 005 Черна есмь аз и добра, дщери Иерусалимския, якоже селения Кидарска, якоже завесы Соломони. 022 SOL 001 006 Не зрите мене, яко аз есмь очернена, яко опали мя солнце: сынове матере моея сваряхуся о мне, положиша мя стража в виноградех: винограда моего не сохраних. 022 SOL 001 007 Возвести ми, егоже возлюби душа моя, где пасеши? Где почиваеши в полудне? Да не когда буду яко облагающаяся над стады другов твоих. 022 SOL 001 008 Аще не увеси самую тебе, добрая в женах, изыди ты в пятах паств и паси козлища твоя у кущей пастырских. 022 SOL 001 009 Конем моим в колесницех фараоновых уподобих тя, ближняя моя. 022 SOL 001 010 Что украшены ланиты твоя яко горлицы, выя твоя яко монисты? 022 SOL 001 011 Подобия злата сотворим ти с пестротами сребра. 022 SOL 001 012 Дондеже (будет) царь на восклонении своем, нард мой даде воню свою. 022 SOL 001 013 Вязание стакти брат мой мне, посреде сосцу моею водворится: 022 SOL 001 014 грезн кипров брат мой мне в виноградех Енгаддовых. 022 SOL 001 015 Се, еси добра, искренняя моя, се, еси добра: очи твои голубине. 022 SOL 001 016 Се, еси добр, брат мой, и еще красен: одр наш со осенением, 022 SOL 001 017 преклади дому нашего кедровии, дски нашя кипарисныя. 022 SOL 002 001 Аз цвет польный и крин удольный. 022 SOL 002 002 Якоже крин в тернии, тако искренняя моя посреде дщерей. 022 SOL 002 003 Яко яблонь посреде древес лесных, тако брат мой посреде сынов: под сень его восхотех и седох, и плод его сладок в гортани моем. 022 SOL 002 004 Введите мя в дом вина, вчините ко мне любовь: 022 SOL 002 005 утвердите мя в мирех, положите мя во яблоцех: яко уязвлена (есмь) любовию аз. 022 SOL 002 006 Шуйца его под главою моею, и десница его оымет мя. 022 SOL 002 007 Заклях вас, дщери Иерусалимли, в силах и крепостех села: аще возставите и возбудите любовь, дондеже восхощет. 022 SOL 002 008 Глас брата моего: се, той идет, скача на горы и прескача на холмы. 022 SOL 002 009 Подобен есть брат мой серне или младу еленю на горах вефильских. Се, сей стоит за стеною нашею, проглядаяй оконцами, приницаяй сквозе мрежи. 022 SOL 002 010 Отвещает брат мой и глаголет мне: востани, прииди, ближняя моя, добрая моя, голубице моя. 022 SOL 002 011 Яко се, зима прейде, дождь отиде, отиде себе: 022 SOL 002 012 цвети явишася на земли, время обрезания приспе, глас горлицы слышан в земли нашей: 022 SOL 002 013 смоквь изнесе цвет свой, виногради зреюще даша воню. Востани, прииди, ближняя моя, добрая моя, голубице моя, и прииди. 022 SOL 002 014 Ты, голубице моя, в покрове каменне, близ предстения: яви ми зрак твой, и услышан сотвори ми глас твой: яко глас твой сладок, и образ твой красен. 022 SOL 002 015 Имите нам лисы малыя, губящыя винограды: и виногради наши созревают. 022 SOL 002 016 Брат мой мне, и аз ему, пасый в кринах, 022 SOL 002 017 дондеже дхнет день, и двигнутся сени. Обратися, уподобися ты, брате мой, серне или младу еленю на горах юдолий. 022 SOL 003 001 На ложи моем в нощех исках, егоже возлюби душа моя, исках его, и не обретох его: воззвах его, и не послуша мене. 022 SOL 003 002 Востану убо и обыду во граде и на торжищих и на стогнах, и поищу, егоже возлюби душа моя. Поисках его, и не обретох его: звах его, и не послуша мене. 022 SOL 003 003 Обретоша мя стрегущии, обходяще во граде: видесте ли, егоже возлюби душа моя? 022 SOL 003 004 Яко мало егда преидох от них, дондеже обретох, егоже возлюби душа моя: удержах его, и не оставих его, дондеже введох его в дом матере моея и в чертог заченшия мя. 022 SOL 003 005 Заклях вас, дщери Иерусалимския, в силах и в крепостех селных: аще подвижете и воздвижете любовь, дондеже аще восхощет. 022 SOL 003 006 Кто сия восходящая от пустыни, яко стебло дыма кадящее смирну и ливан, от всех благовоний мироварца? 022 SOL 003 007 Се, одр Соломонь, шестьдесят сильных окрест его от сильных Израилевых, 022 SOL 003 008 вси имуще оружия, научени на брань: муж, оружие его на бедре его от ужаса в нощех. 022 SOL 003 009 Одр сотвори себе царь Соломон от древес Ливанских. 022 SOL 003 010 Столпы его сотвори сребряны и восклонение его злато: восход его багрян, внутрь его камение постлано, любовь от дщерей Иерусалимских. 022 SOL 003 011 Дщери Сиони, изыдите и видите в цари Соломоне в венце, имже венча его мати его в день обручения его и в день веселия сердца его. 022 SOL 004 001 Се, еси добра, ближняя моя, се, еси добра: очи твои голубине, кроме замолчания твоего: власи твои яко стада козиц, яже открышася от Галаада. 022 SOL 004 002 Зубы твои яко стада остриженых, яже изыдоша из купели, вся двоеплодны, и неродящия несть в них. 022 SOL 004 003 Яко вервь червлена устне твои, и беседа твоя красна: яко оброщение шипка ланиты твоя, кроме замолчания твоего. 022 SOL 004 004 Яко столп Давидов выя твоя, создан в Фалпиофе: тысяща щитов висит на нем, вся стрелы сильных. 022 SOL 004 005 Два сосца твоя яко два млада близнца серны, пасомая во кринах, 022 SOL 004 006 дондеже дхнет день, и подвигнутся сени. Пойду себе к горе смирней и к холму ливанску. 022 SOL 004 007 Вся добра еси, ближняя моя, и порока несть в тебе. 022 SOL 004 008 Гряди от Ливана, невесто, гряди от Ливана: прииди и прейди из начала Веры, от главы Санира и Аермона, от оград львовых, от гор пардалеов. 022 SOL 004 009 Сердце наше привлекла еси, сестро моя невесто, сердце наше привлекла еси единым от очию твоею, единым монистом выи твоея. 022 SOL 004 010 Что удобреста сосца твоя, сестро моя невесто? Что удобреста сосца твоя паче вина, и воня риз твоих паче всех аромат? 022 SOL 004 011 Сот искапают устне твои, невесто, мед и млеко под языком твоим, и благовоние риз твоих яко благоухание Ливана. 022 SOL 004 012 Вертоград заключен сестра моя невеста, вертоград заключен, источник запечатлен. 022 SOL 004 013 Леторасли твоя сад шипков с плодом яблочным, кипри с нардами, 022 SOL 004 014 нард и шафран, трость и киннамон со всеми древами ливанскими, смирна, алой со всеми первыми мирами, 022 SOL 004 015 источник вертограда, и кладязь воды живы и истекающия от Ливана. 022 SOL 004 016 Востани, севере, и гряди, юже, и повей во вертограде моем, и да потекут ароматы мои. 022 SOL 005 001 Да снидет брат мои в вертоград свой и да яст плод овощий своих. Внидох в вертоград мой, сестро моя невесто: оымах смирну мою со ароматами моими, ядох хлеб мой с медом моим, пих вино мое с млеком моим. Ядите, ближнии, и пийте и упийтеся, братия. 022 SOL 005 002 Аз сплю, а сердце мое бдит: глас брата моего ударяет в двери: отверзи ми, сестро моя, ближняя моя, голубице моя, совершенная моя: яко глава моя наполнися росы, и власи мои капель нощных. 022 SOL 005 003 Совлекохся ризы моея, како облекуся в ню? Умых нозе мои, како оскверню их? 022 SOL 005 004 Брат мой посла руку свою сквозе скважню, и чрево мое вострепета от него. 022 SOL 005 005 Востах аз отверсти брату моему: руце мои искапаша смирну, персты мои смирны полны на руках заключения. 022 SOL 005 006 Отверзох аз брату моему: брат мой прейде. Душа моя изыде в слово его: взысках его, и не обретох его: звах его, и не послуша мене. 022 SOL 005 007 Обретоша мя стражие обходящии во граде: биша мя, язвиша мя, взяша верхнюю ризу от мене стражие стеннии. 022 SOL 005 008 Заклях вы, дщери Иерусалимския, в силах и в крепостех селных: аще обрящете брата моего, возвестите ему, яко уязвлена любовию аз есмь. 022 SOL 005 009 Что брат твой паче брата, добрая в женах? Что брат твой от брата, яко тако закляла еси нас? 022 SOL 005 010 Брат мой бел и чермен, избран от тем: 022 SOL 005 011 глава его злато избранно, власы его кудрявы, черны яко вран: 022 SOL 005 012 очи его яко голубицы на исполнениих вод, измовени во млеце, седящыя в наполнениих (вод): 022 SOL 005 013 ланиты его аки фиалы аромат, прозябающыя благовоние: устне его крины, каплющии смирну полну: 022 SOL 005 014 руце его обточены златы, наполнены фарсиса: чрево его сосуд слоновый на камени сапфирове: 022 SOL 005 015 лыста его столпи марморовы, основани на степенех златых: вид его яко Ливан, избран яко кедрове: 022 SOL 005 016 гортань его сладость, и весь желание: сей брат мой и сей ближний мой, дщери Иерусалимли. 022 SOL 006 001 Камо отиде брат твой, добрая в женах? Камо уклонися брат твой? И взыщем его с тобою. 022 SOL 006 002 Брат мой сниде в вертоград свой, в места аромат, паствити в вертоградех и собирати крины. 022 SOL 006 003 Аз брату моему и брат мой мне, пасый в кринех. 022 SOL 006 004 Добра еси, ближняя моя, яко благоволение, красна яко Иерусалим, ужас яко вчиненны. 022 SOL 006 005 Отврати очи твои от мене, яко тии воскрилиша мя: власи твои, яко стада коз, яже взыдоша от Галаада: 022 SOL 006 006 зубы твои, яко стада остриженых, яже взыдоша от купели, вся близнята родящыя, и безчадныя несть в них: яко вервь червлена устне твои, и беседа твоя красна: 022 SOL 006 007 яко оброщение шипка ланиты твоя, кроме замолчания твоего. 022 SOL 006 008 Шестьдесят суть цариц и осмьдесят наложниц, и юнот, имже несть числа: 022 SOL 006 009 едина есть голубица моя, совершенная моя: едина есть матери своей, избранна есть родившей ю: видеша ю дщери и ублажиша ю, царицы и наложницы, и восхвалиша ю. 022 SOL 006 010 Кто сия проницающая аки утро, добра яко луна, избранна яко солнце, ужас яко вчиненны? 022 SOL 006 011 В вертоград орехов снидох видети в плодех потока, видети, аще процвете виноград и возрастоша шипки. 022 SOL 006 012 Тамо дам сосца моя тебе: не разуме душа моя, положи мя на колеснице Аминадавли. 022 SOL 006 013 Обратися, обратися, суламитино, обратися, обратися, и узрим в тебе. Что увидите у Суламитины? Приходящая яко лики полков, 022 SOL 007 001 что украсишася стопы твоя во обутиих твоих, дщи Надавля? Чины бедру твоею подобни усеряземь, делу рук художника: 022 SOL 007 002 пуп твой чаша источена, не лишаемая мста: чрево твое яко стог пшеницы, огражден в кринах: 022 SOL 007 003 два сосца твоя, яко два млада близнецы серны: 022 SOL 007 004 выя твоя яко столп слоновый: очи твои яко езера во Есевоне, во вратах дщерей многих: нос твой яко столп Ливанский, сматряяй лице Дамаска: 022 SOL 007 005 глава твоя на тебе яко Кармил (гора), и заплетение главы твоея яко багряница, царь увязан в преристаниих. 022 SOL 007 006 Что украсилася еси, и что усладилася еси, любы, во сладостех твоих? 022 SOL 007 007 Сие величество твое: уподобилася еси финику, и сосца твоя грезном. 022 SOL 007 008 Рекох: взыду на финик, удержу высоту его: и будут сосцы твои яко грезнове винограда, и воня ноздрей твоих яко яблока: 022 SOL 007 009 и гортань твой яко вино благо, ходящее брату моему в правость, доволно устнам моим и зубом. 022 SOL 007 010 Аз брату моему, и ко мне обращение его. 022 SOL 007 011 Прииди, брате мой, и взыдем на село, водворимся в селех: 022 SOL 007 012 ураним в винограды, увидим аще процвете виноград, процветоша ли овощие, процветоша ли яблока? Тамо дам тебе сосца моя. 022 SOL 007 013 Мандрагоры даша воню, и при дверех наших вси плоды новии: до ветхих, брате мой, соблюдох ти. 022 SOL 008 001 Кто даст тя, брате мой, ссуща сосцы матере моея? Обретши тя вне целую тя, и ктому не уничижат мене. 022 SOL 008 002 Пойму тя, введу тя в дом матере моея и в ложницу заченшия мя: тамо мя научиши: напою тя от вина с вонями строенаго, от воды яблок моих. 022 SOL 008 003 Шуйца его под главою моею, и десница его оымет мя. 022 SOL 008 004 Заклях вас, дщери Иерусалимския, в силах и в крепостех селных: аще подвижете и воздвижете любовь, дондеже аще восхощет. 022 SOL 008 005 Кто сия восходящая убелена и утвержаема о брате своем? Под яблонею возбудих тя: тамо роди тя мати твоя, тамо поболе тобою рождшая тя. 022 SOL 008 006 Положи мя яко печать на сердцы твоем, яко печать на мышце твоей: зане крепка яко смерть любы, жестока яко ад ревность: крила ея крила огня, (углие огненно) пламы ея. 022 SOL 008 007 Вода многа не может угасити любве, и реки не потопят ея. Аще даст муж все имение свое за любовь, уничижением уничижат его. 022 SOL 008 008 Сестра наша мала и сосцу не имать: что сотворим сестре нашей в день, в оньже аще глаголатися будет ей? 022 SOL 008 009 Аще стена есть, соградим на ней забрала сребряна: и аще дверь есть, напишем на ней дску кедрову. 022 SOL 008 010 Аз стена, и сосцы мои яко столпи: аз бех во очию их аки обретающая мир. 022 SOL 008 011 Виноград бысть Соломону во Вееламоне: даде виноград свой стрегущым: муж принесет в плоде его тысящу сребреник. 022 SOL 008 012 Виноград мой предо мною: тысяща Соломону и двести стрегущым плод его. 022 SOL 008 013 Седяй в вертоградех, и друзие внемлющии гласу твоему: глас твой внуши мне. 022 SOL 008 014 Бежи, брате мой, и уподобися серне или юнцу еленей, на горы ароматов. # # BOOK 023 ISA Isaiah Книга пророка Исаии 023 ISA 001 001 Видение, еже виде Исаиа сын Амосов, еже виде на Иудею и на Иерусалим, в царство Озии и Иоафама, и Ахаза и Езекии, иже царствоваша во Иудеи. 023 ISA 001 002 Слыши, небо, и внуши, земле, яко Господь возглагола: сыны родих и возвысих, тии же отвергошася Мене. 023 ISA 001 003 Позна вол стяжавшаго и, и осел ясли господина своего: Израиль же Мене не позна, и людие Мои не разумеша. 023 ISA 001 004 Увы, язык грешный, людие исполнени грехов, семя лукавое, сынове беззаконнии, остависте Господа и разгневасте Святаго Израилева, отвратистеся вспять. 023 ISA 001 005 Что еще уязвляетеся, прилагающе беззаконие? Всякая глава в болезнь, и всякое сердце в печаль. 023 ISA 001 006 От ног даже до главы несть в нем целости: ни струп, ни язва, ни рана палящаяся: несть пластыря приложити, ниже елеа, ниже обязания. 023 ISA 001 007 Земля ваша пуста, гради ваши огнем пожжени, страну вашу пред вами чуждии поядают, и опусте низвращена от людий чуждих. 023 ISA 001 008 Оставится дщерь Сионя яко куща в винограде и яко овощное хранилище в вертограде, яко град воюемый. 023 ISA 001 009 И аще не бы Господь Саваоф оставил нам семене, яко Содома убо были быхом, и яко Гоморру уподобилися быхом. 023 ISA 001 010 Услышите слово Господне, князи Содомстии: внемлите закону Божию, людие Гоморрстии. 023 ISA 001 011 Что Ми множество жертв ваших, глаголет Господь? Исполнен есмь всесожжений овних и тука агнцев, и и крове юнцев и козлов не хощу. 023 ISA 001 012 Ниже приходите явитися Ми: кто бо изыска сия из рук ваших? Ходити по двору Моему не приложите. 023 ISA 001 013 И аще принесете Ми семидал, всуе: кадило мерзость Ми есть. 023 ISA 001 014 Новомесячий ваших и суббот и дне великаго не потерплю: поста и праздности, и новомесячий ваших и праздников ваших ненавидит душа Моя: бысте Ми в сытость, ктому не стерплю грехов ваших. 023 ISA 001 015 Егда прострете руки (вашя) ко Мне, отвращу очи Мои от вас: и аще умножите моление, не услышу вас: руки бо вашя исполнены крове. 023 ISA 001 016 Измыйтеся, (и) чисти будите, отимите лукавства от душ ваших пред очима Моима, престаните от лукавств ваших. 023 ISA 001 017 Научитеся добро творити, взыщите суда, избавите обидимаго, судите сиру и оправдите вдовицу, 023 ISA 001 018 и приидите, и истяжимся, глаголет Господь. И аще будут греси ваши яко багряное, яко снег убелю: аще же будут яко червленое, яко волну убелю. 023 ISA 001 019 И аще хощете и послушаете Мене, благая земли снесте: 023 ISA 001 020 аще же не хощете, ниже послушаете Мене, мечь вы пояст: уста бо Господня глаголаша сия. 023 ISA 001 021 Како бысть блудница град верный Сион полн суда? В немже правда почиваше, ныне же (в нем) убийцы. 023 ISA 001 022 Сребро ваше неискушено, корчемницы твои мешают вино с водою. 023 ISA 001 023 Князи твои не покаряются, общницы татем, любяще дары, гоняще воздаяние, сирым не судящии и суду вдовиц не внимающии. 023 ISA 001 024 Сего ради тако глаголет Владыка Господь Саваоф: горе крепким во Израили: не престанет бо ярость Моя на противныя, и суд врагом Моим сотворю: 023 ISA 001 025 и наведу руку Мою на тя, и разжегу в чистоту, непокаряющихся же погублю, и отиму всех беззаконных от тебе, и всех гордых смирю. 023 ISA 001 026 И приставлю судии твоя якоже прежде, и советники твоя яко от начала: и по сих наречешися град правды, мати градовом, верный Сион. 023 ISA 001 027 С судом бо спасется пленение его и с милостынею. 023 ISA 001 028 И сокрушатся беззаконнии и грешницы вкупе, и оставившии Господа скончаются: 023 ISA 001 029 занеже постыдятся о идолех своих, ихже сами восхотеша, и посрамятся о садех своих, ихже возжелеша. 023 ISA 001 030 Будут бо яко теревинф отметнувый листвия (своя), и яко вертоград не имый воды. 023 ISA 001 031 И будет крепость их яко стебль изгребия, и делания их яко искры огненныя, и сожгутся беззаконницы и грешницы вкупе, и не будет угашаяй. 023 ISA 002 001 Слово бывшее от Господа ко Исаии сыну Амосову о Иудеи и о Иерусалиме. 023 ISA 002 002 Яко будет в последния дни явлена гора Господня, и дом Божий на версе гор, и возвысится превыше холмов: и приидут к ней вси языцы. 023 ISA 002 003 И пойдут языцы мнози и рекут: приидите, и взыдем на гору Господню и в дом Бога Иаковля, и возвестит нам путь Свой, и пойдем по нему. От Сиона бо изыдет закон, и слово Господне из Иерусалима: 023 ISA 002 004 и судити будет посреде язык и изобличит люди многи: и раскуют мечы своя на орала и копия своя на серпы, и не возмет язык на язык меча, и не навыкнут ктому ратоватися. 023 ISA 002 005 И ныне, доме Иаковль, приидите, пойдем светом Господним. 023 ISA 002 006 Остави бо люди Своя, дом Иаковль: зане якоже из начала наполнися страна их волхвований, якоже иноплеменников, и чада многа иноплеменнича родишася им. 023 ISA 002 007 Наполнися бо страна их сребра и злата, и не бяше числа сокровищ их: и наполнися земля их коней, и не бяше числа колесниц их: 023 ISA 002 008 и наполнися земля мерзостей дел рук их, и поклонишася тем, яже сотвориша персты их: 023 ISA 002 009 и преклонися человек и смирися муж, и не претерплю им. 023 ISA 002 010 И ныне внидите в камение и скрыйтеся в землю от лица страха Господня и от славы крепости Его, егда востанет сокрушити землю. 023 ISA 002 011 Очи бо Господни высоцы, человек же смирен: и смирится высота человеческая, и возиесется Господь един в день оный. 023 ISA 002 012 День бо Господа Саваофа на всякаго досадителя и горделиваго, и на всякаго высокаго и величаваго, и смирятся: 023 ISA 002 013 и на всяк кедр Ливанский высоких и превознесенных и на всяко древо желудя Васанска, 023 ISA 002 014 и на всякую гору высокую и на всякий холм высокий, 023 ISA 002 015 и на всякий столп высок и на всякую стену высокую, 023 ISA 002 016 и на всякий корабль морский и на всяко видение доброты кораблей. 023 ISA 002 017 И смирится всякий человек, и падется высота человеча, и вознесется Господь един в день оный. 023 ISA 002 018 И рукотвореная вся скрыют, 023 ISA 002 019 внесше в пещеры и в разселины камений и в вертепы земныя, от лица страха Господня и от славы крепости Его, егда востанет сокрушити землю. 023 ISA 002 020 В день бо оный изринет человек мерзости своя златыя и сребряныя, яже сотвориша, да покланяются суетным и нетопырем, 023 ISA 002 021 еже внити в вертепы твердаго камене и в разселины камений, от лица страха Господня и от славы крепости Его, егда востанет сокрушити землю. 023 ISA 002 022 Оставите (убо) вам человека, емуже есть дыхание в ноздрех его: яко в чем вменися сей? 023 ISA 003 001 Се, Владыка Господь Саваоф отимет от Иерусалима и от Иудеи крепкаго и крепкую, крепость хлеба и крепость воды, 023 ISA 003 002 исполина и крепкаго, и человека ратника и судию, и пророка и смотреливаго, и старца 023 ISA 003 003 и пятьдесятоначалника, и дивнаго советника и премудраго архитектона и разумнаго послушателя. 023 ISA 003 004 И поставлю юношы князи их, и ругателие господствовати будут ими. 023 ISA 003 005 И нападати имут людие, и человек на человека, и человек на ближняго своего: приразится отроча к старцу, и безчестный к честному. 023 ISA 003 006 Яко имется человек брата своего, или домашняго отца своего, глаголя: ризу имаши, началовождь нам буди, и брашно мое под тобою да будет. 023 ISA 003 007 И отвещав в день оный речет: не буду твой началовождь, несть бо в дому моем ни хлеба, ни ризы: не буду началовождь людем сим. 023 ISA 003 008 Яко оставлен бысть Иерусалим, и Иудеа паде, и язык их со беззаконием, не покаряющься Господеви. 023 ISA 003 009 Сего ради ныне смирися слава их, и студ лица их противу ста им: грех же свой яко Содомский возвестиша и явиша. Горе души их, зане умыслиша совет лукавый на себе самих, 023 ISA 003 010 рекше: свяжем праведнаго, яко непотребен нам есть. Убо плоды дел своих снедят. 023 ISA 003 011 Горе беззаконному: лукавая бо приключатся ему по делом руку его. 023 ISA 003 012 Людие Мои, приставницы ваши пожинают вас, и истязающии обладают вами: людие Мои, блажащии вас льстят вы и стези ног ваших возмущают. 023 ISA 003 013 Но ныне устроится Господь на суд и поставит на суд люди Своя: 023 ISA 003 014 Сам Господь на суд приидет со старейшины людий и со князи их. Вы же почто запалисте виноград Мой, и разграбление убогаго в домех ваших? 023 ISA 003 015 Почто вы обидите людий Моих и лице убогих посрамляете? Глаголет Господь Саваоф. 023 ISA 003 016 Сия глаголет Господь: понеже вознесошася дщери Сиони и ходиша высокою выею и помизанием очес и ступанием ног, купно ризы влекущыя (по долу) и ногама купно играющыя: 023 ISA 003 017 и смирит Господь началныя дщери Сиони, и Господь открыет срамоту их. 023 ISA 003 018 В день он, и отимет Господь славу риз их и красоты их, и вплетения златая (на главе) и тресны ризныя, и луницы гривенныя 023 ISA 003 019 и срачицы тонкия, и красоту лица их и состроение красы славныя, 023 ISA 003 020 и обручи и перстни, и мониста и запястия и художныя усерязи, 023 ISA 003 021 и багряницы и пребагряная, и утварь храмную 023 ISA 003 022 и светлая лаконская, и виссоны и синеты, и червленицы 023 ISA 003 023 и виссон со златом и синетою претыканы, и тончицы преиманы златом: 023 ISA 003 024 и будет вместо вони добрыя смрад, и вместо пояса ужем препояшешися, и вместо украшения златаго, еже на главе, плешь имети будеши дел твоих ради, и вместо ризы багряныя препояшешися вретищем: 023 ISA 003 025 и сын твой добрейший, егоже любиши, мечем падет, и крепцыи ваши мечем падут и смирятся: 023 ISA 003 026 и восплачутся хранилища утварей ваших, и останешися едина и о землю ударена будеши. 023 ISA 004 001 И имутся седмь жен за мужа единаго, глаголющя: хлебы наш ясти будем и в ризы нашя одеватися, точию имя твое да наречется на нас, отими укоризну нашу. 023 ISA 004 002 В день оный возсияет Бог в совете со славою на земли, еже вознести и прославити останок Израиля. 023 ISA 004 003 И будет останок в Сионе и останок во Иерусалиме, святи нарекутся вси написаннии в жизнь во Иерусалиме: 023 ISA 004 004 яко отмыет Господь скверну сынов и дщерей Сионских и кровь Иерусалимску очистит от среды их духом суда и духом зноя. 023 ISA 004 005 И приидет Господь, и будет все место горы Сиони, и вся яже окрест ея осенит облак во дни, и яко дыма и света огненна горяща в нощи, всею славою покрыется: 023 ISA 004 006 и будет в сень от зноя и в покров и в сокровение от жестости и дождя. 023 ISA 005 001 Воспою ныне Возлюбленному песнь Возлюбленнаго моего винограду моему: виноград бысть Возлюбленному в розе, на месте тучне: 023 ISA 005 002 и ограждением оградих и окопах, и насадих лозу избранну, и создах столп посреде его, и предточилие ископах в нем, и ждах, да сотворит гроздие, и сотвори терние. 023 ISA 005 003 И ныне, живущии во Иерусалиме и человече Иудин, судите между Мною и виноградом Моим. 023 ISA 005 004 Что сотворю еще винограду Моему, и не сотворих ему? Занеже ждах, да сотворит гроздие, сотвори же терние. 023 ISA 005 005 Ныне убо возвещу вам, что Аз сотворю винограду Моему: отиму ограждение его, и будет в разграбление: и разорю стену его, и будет в попрание. 023 ISA 005 006 И оставлю виноград Мой, и ктому не обрежется, ниже покопается, и взыдет на нем, якоже на лядине, терние: и облаком заповем, еже не одождити на него дождя. 023 ISA 005 007 Виноград бо Господа Саваофа, дом Израилев есть, и человек Иудин новый сад возлюбленный: ждах, да сотворит суд, сотвори же беззаконие, и не правду, но вопль. 023 ISA 005 008 Горе совокупляющым дом к дому и село к селу приближающым, да ближнему отимут что: еда вселитеся едини на земли? 023 ISA 005 009 Услышашася бо во ушесех Господа Саваофа сия: аще бо будут домове мнози, в запустение будут велицыи и добрии, и не будут живущии в них: 023 ISA 005 010 идеже бо возорют десять супруг волов, сотворит корчаг един, и сеяй артавас шесть сотворит меры три. 023 ISA 005 011 Горе востающым заутра и сикер гонящым, ждущым вечера: вино бо сожжет я: 023 ISA 005 012 со гусльми бо и певницами, и тимпаны и свирельми вино пиют, на дела же Господня не взирают и дел руку Его не помышляют. 023 ISA 005 013 Убо пленени быша людие мои, за еже не ведети им Господа, и множество бысть мертвых глада ради и жажди водныя. 023 ISA 005 014 И разшири ад душу свою и разверзе уста своя, еже не престати: и снидут славнии и велицыи и богатии и губителие их и веселяйся в нем: 023 ISA 005 015 и смирится человек, и обезчестится муж, и очи высокоглядающии смирятся. 023 ISA 005 016 И вознесется Господь Саваоф в суде, и Бог Святый прославится в правде: 023 ISA 005 017 и упасутся расхищеннии яко юнцы, и пустыни плененных агнцы поядят. 023 ISA 005 018 Горе привлачающым грехи яко ужем долгим, и яко ига юнична ременем беззакония своя, 023 ISA 005 019 глаголющым: скоро да приближатся, яже сотворит, да видим, и да приидет совет Святаго Израилева, да разумеем. 023 ISA 005 020 Горе глаголющым лукавое доброе, и доброе лукавое, полагающым тму свет, и свет тму, полагающым горькое сладкое, и сладкое горькое. 023 ISA 005 021 Горе, иже мудри в себе самих и пред собою разумни. 023 ISA 005 022 Горе крепким вашым, вино пиющым, и вельможам растворяющым сикер, 023 ISA 005 023 оправдающым нечестива даров ради, и еже есть праведное праведнаго вземлющым от него. 023 ISA 005 024 Сего ради якоже сгорит трость от углия огненнаго и сожжется от пламене разгоревшагося, корень их яко персть будет, и цвет их яко прах взыдет: не восхотеша бо закона Господа Саваофа, но слово Святаго Израилева раздражиша. 023 ISA 005 025 И возярися гневом Господь Саваоф на люди Своя, и наложи руку Свою на них, и порази их: и раздражишася горы, и быша трупи их яко гной посреде пути. И во всех сих не отвратися ярость Его, но еще рука Его высока. 023 ISA 005 026 Воздвигнет убо знамение во языцех сущих далече и позвиждет им от конец земли, и се, скоро легце грядут: 023 ISA 005 027 не взалчут, ни утрудятся, ни воздремлют, ни поспят, ни распояшут поясов своих от чресл своих, ниже расторгнутся ремени сапогов их: 023 ISA 005 028 ихже стрелы остры суть, и луцы их напряжени: копыта коней их яко тверд камень вменишася, колеса колесниц их яко буря. 023 ISA 005 029 Ярятся яко львове, и предсташа яко львичища: и имет, и возопиет яко зверь, и извержет, и не будет отемлющаго их. 023 ISA 005 030 И возопиет их ради в той день, яко шум моря волнующася: и воззрят на землю, и се, тма жестока в недоумении их. 023 ISA 006 001 И бысть в лето, в неже умре Озиа царь, видех Господа седяща на престоле высоце и превознесенне, и исполнь дом славы Его. 023 ISA 006 002 И Серафими стояху окрест Его, шесть крил единому и шесть крил другому: и двема убо покрываху лица своя, двема же покрываху ноги своя и двема летаху. 023 ISA 006 003 И взываху друг ко другу и глаголаху: Свят, Свят, Свят Господь Саваоф: исполнь вся земля славы Его. 023 ISA 006 004 И взяся наддверие от гласа, имже вопияху, и дом наполнися дыма. 023 ISA 006 005 И рекох: о, окаянный аз, яко умилихся, яко человек сый и нечисты устне имый, посреде людий нечистыя устне имущих аз живу: и Царя Господа Саваофа видех очима моима. 023 ISA 006 006 И послан бысть ко мне един от Серафимов, и в руце своей имяше угль горящь, егоже клещами взят от олтаря, 023 ISA 006 007 и прикоснуся устнам моим и рече: се, прикоснуся сие устнам твоим, и отимет беззакония твоя и грехи твоя очистит. 023 ISA 006 008 И слышах глас Господа глаголюща: кого послю, и кто пойдет к людем сим? И рекох: се, аз есмь, посли мя. 023 ISA 006 009 И рече: иди и рцы людем сим: слухом услышите, и не уразумеете: и видяще узрите, и не увидите: 023 ISA 006 010 одебеле бо сердце людий сих, и ушима своима тяжко слышаша, и очи свои смежиша, да не когда узрят очима и ушима услышат, и сердцем уразумеют и обратятся, и изцелю я. 023 ISA 006 011 И рекох: доколе, Господи? И рече: дондеже опустеют гради, от еже ненаселеным быти, и домы, от еже ненаселеным быти, и домы от еже не быти человеком, и земля останется пуста. 023 ISA 006 012 И посем продолжит Бог человеки, и умножатся оставльшиися на земли. 023 ISA 006 013 И еще на ней есть десятина, и паки будет в расхищение якоже теревинф и яко желудь, егда испадет из плюски своея: семя свято стояние его. 023 ISA 007 001 И бысть во дни Ахаза сына Иоафамля, сына Озии, царя Иудина, взыде Расин царь Арамль, и Факей сын Ромелиев, царь Израилев, на Иерусалим, воевати на него, и не возмогоша разорити его. 023 ISA 007 002 И возвестися в дому Давидове, глаголя: совещася Арам со Ефремом, и ужасеся душа его и душа людий его, якоже в дубраве древо ветром возколеблется. 023 ISA 007 003 И рече Господь ко Исаии: изыди во сретение Ахазу ты и оставыйся Иасув сын твой, к купели горняго пути села белилнича, 023 ISA 007 004 и речеши ему: блюди, еже молчати, и не бойся, ниже душа твоя да изнеможет от двою древу главень дымящихся сих: егда бо гнев ярости Моея будет, паки изцелю. 023 ISA 007 005 Сын же Арамль и сын Ромелиев яко совещаста совет лукавый на тя, глаголюще: 023 ISA 007 006 взыдем во Иудею, и собеседовавше с ними отвратим я к нам и воцарим в ней сына Тавеилева: 023 ISA 007 007 сия же глаголет Господь Саваоф: не пребудет совет сей, ниже сбудется, 023 ISA 007 008 но глава Араму Дамаск, и глава Дамаску Расин: но еще шестьдесят и пять леть, оскудеет царство Ефремово от людий, 023 ISA 007 009 глава же Ефремови Соморон, и глава Соморону сын Ромелиев: и аще не уверите, ниже имате разумети. 023 ISA 007 010 И приложи Господь глаголати ко Ахазу, рекий: 023 ISA 007 011 проси себе знамения от Господа Бога твоего во глубину, или в высоту. 023 ISA 007 012 И рече Ахаз: не имам просити, ниже искушу Господа. 023 ISA 007 013 И рече (Исаиа): слышите убо, доме Давидов: еда мало вам есть труд даяти человеком, и како даете Господеви труд? 023 ISA 007 014 Сего ради даст Господь Сам вам знамение: се, Дева во чреве зачнет и родит Сына, и наречеши имя Ему Еммануил: 023 ISA 007 015 масло и мед снесть, прежде неже разумети ему изволити злая, или избрати благое: 023 ISA 007 016 зане прежде неже разумети отрочати благое или злое, отринет лукавое, еже избрати благое, и оставится земля, еяже ты боишися, от лица двух царей. 023 ISA 007 017 Но наведет Господь на тя и на люди твоя и на дом отца твоего дни, иже еще не пришли, от дне в оньже отя Ефрема от Иуды, царя Ассирийска. 023 ISA 007 018 И будет в той день, позвиждет Господь мухам, яже владеют частию реки Египетския, и пчеле, яже есть во стране Ассирийстей: 023 ISA 007 019 и приидут вси и почиют в дебрех страны и в пещерах каменных, и во вертепех и во всяцей разселине и во всяцем древе. 023 ISA 007 020 В день оный обриет Господь бритвою наятою об ону страну реки царя Ассирийска, главу и власы ног, и браду отимет. 023 ISA 007 021 И будет в той день, кормити будет человек юницу от волов и две овце: 023 ISA 007 022 и будет от множества творения млечнаго, масло и мед снесть всяк оставыйся на земли. 023 ISA 007 023 И будет в той день, всяко место, идеже аще будет тысяща лоз винограда, по тысящи сикль, в лядину будет и в терние: 023 ISA 007 024 со стрелою и луком внидут тамо, яко лядиною и тернием будет вся земля: 023 ISA 007 025 и всяка гора оремая возорется, не найдет тамо страх: будет от лядины и от терния в паству овцам и в попрание волу. 023 ISA 008 001 И рече Господь ко мне: приими себе свиток нов велик и напиши в нем писалом человечим, еже скоро пленение сотворити корыстей, приспе бо: 023 ISA 008 002 и свидетели мне сотвори верны человеки, Урию иереа и Захарию сына Варахиина. 023 ISA 008 003 И приступих ко пророчице, и во чреве зачат и роди сына. И рече Господь мне: нарцы имя ему: скоро плени, нагло расхити, 023 ISA 008 004 зане прежде неже разумети отрочати назвати отца или матерь, приимет силу Дамаскову, и корысти Самарийския пред царем Ассирийским. 023 ISA 008 005 И приложи Господь глаголати ко мне еще, глаголя: 023 ISA 008 006 понеже не восхотеша людие сии воды Силоамли текущия тисе, но восхотеша имети Рассона и сына Ромелиева царя над вами, 023 ISA 008 007 сего ради се, возводит Господь на вы воду реки сильну и многу, царя Ассирийска и славу его: и взыдет на всяку дебрь вашу, и обыдет всяку стену вашу, 023 ISA 008 008 и отимет от Иудеи человека, иже возможет главу воздвигнути, или могущаго что совершити: и будет полк его, во еже наполнити ширину страны Твоея, с нами Бог! 023 ISA 008 009 Разумейте, языцы, и покаряйтеся, услышите даже до последних земли: могущии, покаряйтеся: аще бо паки возможете, паки побеждени будете, 023 ISA 008 010 и иже аще совет совещаете, разорит Господь, и слово, еже аще возглаголете, не пребудет в вас, яко с нами Бог. 023 ISA 008 011 Тако глаголет Господь: крепкою рукою не покаряются хождению пути людий сих, глаголюще: 023 ISA 008 012 да не когда рекут: жестоко: все бо, еже аще рекут людие сии, жестоко есть: страха же их не убойтеся, ниже возмятитеся. 023 ISA 008 013 Господа Сил, Того освятите, и Той будет тебе в страх. 023 ISA 008 014 И аще будеши уповая на Него, будет тебе во освящение, а не якоже о камень претыкания преткнешися, ниже яко о камень падения: домове же Иаковли в пругле, и в раздолии седящии во Иерусалиме. 023 ISA 008 015 Сего ради изнемогут в них мнози, и падут, и сокрушатся, и приближатся, и яти будут человецы в твердыни суще. 023 ISA 008 016 Тогда явлени будут печатлеющии закон, еже не учитися. 023 ISA 008 017 И речет: пожду Бога отвращшаго лице Свое от дому Иаковля и уповая буду Нань. 023 ISA 008 018 Се, аз и дети, яже ми даде Бог: и будут знамения и чудеса в дому Израилеве от Господа Саваофа, иже обитает на горе Сион. 023 ISA 008 019 И аще рекут к вам: изыщите чревоволшебников и от земли возглашающих, тщесловующих, иже от чрева глашают, не язык ли к Богу своему взыщет? Что испытуют мертвыя о живых? 023 ISA 008 020 Закон бо в помощь даде, да рекут не якоже слово сие, заньже не леть дары даяти. 023 ISA 008 021 И приидет на вы жесток глад, и будет, егда взалчете, скорбни будете и зло речете князю и отечеству: 023 ISA 008 022 и воззрят на небо горе, и на землю низу призрят, и се, скудость тесна и тма, скорбь и теснота и тма, якоже не видети: и не оскудеет в тесноте сый даже до времене. 023 ISA 009 001 Сие прежде испий, скоро твори, страно Завулоня и земле Неффалимля, и прочии при мори живущии, и об ону страну Иордана, Галилеа языков. 023 ISA 009 002 Людие ходящии во тме видеша свет велий: живущии во стране и сени смертней, свет возсияет на вы. 023 ISA 009 003 Множайшии людие, яже извел еси, в веселии Твоем: и возвеселятся пред тобою, якоже веселящиися в жатву, и якоже веселятся делящии корысти. 023 ISA 009 004 Зане отятся ярем лежай на них, и жезл, иже на выи их: жезл бо истязующих разсыпа Господь, якоже в день, иже на Мадиама. 023 ISA 009 005 Яко всякую одежду собранну лестию и ризу с примирением отдадут, и восхотят, да быша огнем сожжены были. 023 ISA 009 006 Яко отроча родися нам, Сын, и дадеся нам, егоже началство бысть на раме Его: и нарицается имя Его: велика совета Ангел, Чуден, Советник, Бог крепкий, Властелин, Князь мира, Отец будущаго века: приведу бо мир на князи, мир и здравие Ему. 023 ISA 009 007 И велие началство Его, и мира Его несть предела на престоле Давидове и на царстве его, исправити е и заступити его в суде и правде, отныне и до века: ревность Господа Саваофа сотворит сия. 023 ISA 009 008 Смерть посла Господь на Иакова, и прииде на Израиля: 023 ISA 009 009 и уразумеют вси людие Ефремовы и живущии в Самарии, в досаждении и высоцем сердцы глаголюще: 023 ISA 009 010 плинфы падоша, но приидите, изсечем камение и посечем черничие и кедры, и созиждем себе столп. 023 ISA 009 011 И разрушит Бог востающыя на гору Сионю, и враги его разсыплет: 023 ISA 009 012 Сирию от восток солнца и Еллины от запада солнца, поядающыя Израиля всеми усты. Во всех сих не отвратися ярость Его, но еще рука Его высока. 023 ISA 009 013 И людие не обратишася, дондеже язвени быша, и Господа не взыскаша. 023 ISA 009 014 И отят Господь от Израиля главу и ошиб, велика и мала, во един день: 023 ISA 009 015 старца и чудящихся лицам, сие начало: и пророка учаща беззаконная, сей ошиб. 023 ISA 009 016 И будут блажащии людий сих льстяще, и льстят, яко да поглотят я. 023 ISA 009 017 Сего ради о юношах их не возвеселится Господь, и сирот их и вдовиц их не помилует: яко вси беззаконнии и лукавии, и всякая уста глаголют неправду. Во всех сих не отвратися ярость Его, но еще рука Его высока. 023 ISA 009 018 И разгорится яко огнь беззаконие, и яко троскот сухий пояден будет огнем, и разгорится в чащах дубравных и пояст, яже окрест холмов вся. 023 ISA 009 019 За ярость гнева Господня сгоре вся земля, и будут людие яко огнем пожжени: человек брата своего не помилует, 023 ISA 009 020 но уклонится на десно, яко взалчет, и снесть от шуиих, и не насытится человек ядый плоти мышцы своея: снесть бо Манассий Ефремово, и Ефрем Манассиино, яко вкупе повоюют Иуду. 023 ISA 009 021 Во всех сих не отвратися ярость (Его), но еще рука Его высока. 023 ISA 010 001 Горе пишущым лукавство: пишущии бо лукавство пишут, 023 ISA 010 002 укланяюще суд убогих, восхищающе суд нищих людий Моих, яко быти им вдовице в расхищение и сироте в разграбление. 023 ISA 010 003 И что сотворят в день посещения? Скорбь бо вам отдалече приидет. И к кому прибегнете, да поможет вам? И где оставите славу вашу, 023 ISA 010 004 еже не впасти в пленение? И под убиеными падут. И во всех сих не отвратися гнев Его, но еще рука Его высока. 023 ISA 010 005 Горе Ассирием, жезл ярости Моея и гнев есть в руку их. 023 ISA 010 006 Гнев Мой послю на язык беззаконен, и своих людий повелю сотворити корысти и пленение, и попрати грады и положити я в прах. 023 ISA 010 007 Сей же не тако помысли и душею не тако возмне: но отступит ум его, и еже потребити языки не малы. 023 ISA 010 008 И аще рекут ему: ты ли еси един князь? 023 ISA 010 009 И речет: не взях ли страны, яже выше Вавилона и Халани, идеже столп создан, и взях Аравию и Дамаск и Самарию? 023 ISA 010 010 Якоже сия взях, и вся княжения возму. Возрыдайте, изваянная во Иерусалиме и в Самарии: 023 ISA 010 011 якоже бо сотворих Самарии и рукотворенным ея, тако сотворю и Иерусалиму и кумиром его. 023 ISA 010 012 И будет, егда скончает Господь вся творя в горе Сиони и во Иерусалиме, наведет на ум великий на князя Ассирийска и на высоту славы очию его. 023 ISA 010 013 Рече бо: крепостию руки моея сотворю, и премудростию разума (моего) отиму пределы языков, и силу их пленю, 023 ISA 010 014 и сотрясу грады населеныя, и вселенную всю оыму рукою моею яко гнездо, и яко оставленая яица возму: и несть, иже убежит мене, или противу мне речет, и отверзет уста и глумит. 023 ISA 010 015 Еда прославится секира без секущаго ею? Или вознесется пила без влекущаго ю? Такожде аще кто возмет жезл, или древо: и не тако. 023 ISA 010 016 Но послет Господь Саваоф на твою честь безчестие, и на твою славу огнь горя возгорится. 023 ISA 010 017 И будет свет Израилев во огнь, и освятит его огнем горящим, и пояст яко сено вещество. 023 ISA 010 018 В той день угаснут горы и холми и дубравы, и пояст от души даже до плотей: и будет бежай, яко бежай от пламене горяща: 023 ISA 010 019 и оставльшиися от них будут в число, и отроча малое напишет я. 023 ISA 010 020 И будет в той день, не приложится ктому останок Израилев, и спасеннии Иаковли не будут ктому уповающе на обидевшыя их, но будут уповающе на Бога Святаго Израилева истиною. 023 ISA 010 021 И обратится останок Иаковль к Богу крепкому. 023 ISA 010 022 И аще будут людие Израилевы яко песок морский, останок их спасется: 023 ISA 010 023 слово бо совершая и сокращая правдою, яко слово сокращено сотворит Господь во всей вселенней. 023 ISA 010 024 Сего ради сия глаголет Господь Саваоф: не бойтеся, людие Мои, от Ассириан, живущии в Сионе, яко жезлом поразит тя: язву бо наводит на тя, еже видети путь Египта. 023 ISA 010 025 Еще бо мало, и престанет гнев, ярость же Моя на совет их: 023 ISA 010 026 и воздвигнет Бог Сил на ня язву, яко язву Мадиамлю на месте Скорби, и ярость Его на путь иже к морю, на путь иже во Египет: 023 ISA 010 027 и будет в той день, отимется иго его от рамене твоего и страх его от тебе, и согниет иго от рамен ваших. 023 ISA 010 028 Приидет бо во град Аггай, и прейдет в Магеддо, и в Махмасе положит сосуды своя. 023 ISA 010 029 И минет дебрь, и приидет во Аггай: страх приимет Раму град Саулов, 023 ISA 010 030 побегнет дщерь Галимля, услышится в Лаисе, услышится во Анафофе. 023 ISA 010 031 И ужасеся Мадемина и живущии во Гивиме. 023 ISA 010 032 Утешайте днесь еже на пути пребыти: утешайте рукою гору дщерь Сионю, и холми, иже во Иерусалиме: 023 ISA 010 033 се Владыка Господь Саваоф смятет славныя со крепостию, и высоции укоризною сокрушатся, и высоцыи смирятся, 023 ISA 010 034 и падут высоцыи мечем, Ливан же с высокими падется. 023 ISA 011 001 И изыдет жезл из корене Иессеова, и цвет от корене его взыдет: 023 ISA 011 002 и почиет на нем Дух Божий, дух премудрости и разума, дух совета и крепости, дух ведения и благочестия: 023 ISA 011 003 исполнит его дух страха Божия: не по славе судити имать, ниже по глаголанию обличит, 023 ISA 011 004 но судит правдою смиренному суд и обличит правостию смиренныя земли, и поразит землю словом уст Своих и духом устен убиет нечестиваго: 023 ISA 011 005 и будет препоясан правдою о чреслех Своих и истиною обвит по ребрам Своим: 023 ISA 011 006 и пастися будут вкупе волк с агнцем, и рысь почиет со козлищем, и телец и юнец и лев вкупе пастися будут, и отроча мало поведет я: 023 ISA 011 007 и вол и медведь вкупе пастися будут, и вкупе дети их будут, и лев аки вол ясти будет плевы: 023 ISA 011 008 и отроча младо на пещеры аспидов и на ложе изчадий аспидских руку возложит: 023 ISA 011 009 и не сотворят зла, ни возмогут погубити ни когоже на горе святей Моей: яко наполнися вся земля ведения Господня, аки вода многа покры море. 023 ISA 011 010 И будет в день оный корень Иессеов, и востаяй владети языки, на того языцы уповати будут: и будет покой его честь. 023 ISA 011 011 И будет в день оный, приложит Господь показати руку Свою, еже возревновати по останку прочему людий, иже аще останет от Ассириов и от Египта, и Вавилона и от Ефиопии, и от Еламитов и от Востоков солнца, и от Аравии и от островов морских. 023 ISA 011 012 И воздвигнет знамение в языки, и соберет погибшыя Израилевы, и расточенныя Иудины соберет от четырех крил земли. 023 ISA 011 013 И отимется ревность Ефремова, и врази Иудины погибнут: Ефрем не возревнует Иуде, и Иуда не оскорбит Ефрема. 023 ISA 011 014 И полетят в кораблех иноплеменничих, море купно пленят, и сущих от Восток солнца, и Идумею: и на Моава первее руки возложат, сынове же Аммони первии покорятся. 023 ISA 011 015 И опустошит Господь море Египетское и возложит руку Свою на реку духом пресильным: и поразит на седмь дебрий, якоже преходити ю во обувении: 023 ISA 011 016 и будет прошествие людем Моим оставшым во Египте, и будет Израилю, якоже в день, егда изыде от земли Египетския. 023 ISA 012 001 И речеши в день оный: благословлю и Тя, Господи, яко разгневался еси на мя, и отвратил еси ярость Твою (от мене), и помиловал мя еси. 023 ISA 012 002 Се, Бог мой спас мой, уповая буду на Него и не убоюся: зане слава моя и похвала моя Господь, и бысть ми во спасение. 023 ISA 012 003 И почерпите воду со веселием от источник спасения. 023 ISA 012 004 И речеши в день оный: хвалите Господа, воспойте имя Его, возвестите во языцех славная Его, поминайте, яко вознесеся имя Его. 023 ISA 012 005 Хвалите имя Господне, яко высокая сотвори: возвестите сия по всей земли. 023 ISA 012 006 Веселитеся и радуйтеся, живущии в Сионе, яко вознесеся Святый Израилев посреде тебе. 023 ISA 013 001 Видение на Вавилона, еже виде Исаиа сын Амосов. 023 ISA 013 002 На горе польней воздвигните знамение, вознесите глас им, не бойтеся, поущайте рукою, отверзите, князи. 023 ISA 013 003 Аз повелеваю, освященни суть: и Аз веду их, исполини идут исполнити ярость Мою радующеся, вкупе и укаряюще. 023 ISA 013 004 Глас языков многих на горах, подобен языков многих, глас царей и языков собравшихся: Господь Саваоф заповеда языку оружеборцу 023 ISA 013 005 приити от земли издалеча, от края основания небесе, Господь и оружеборцы Его, растлити всю вселенную. 023 ISA 013 006 Рыдайте: близ бо день Господень, и сокрушение от Бога приидет: 023 ISA 013 007 сего ради всяка рука разслабеет, и всяка душа человеча убоится, 023 ISA 013 008 и смятутся послы, и болезни приимут я яко жены раждающия: и поскорбят друг ко другу, и ужаснутся, и лице свое яко пламень изменят. 023 ISA 013 009 Се бо, день Господень грядет неизцельный, ярости и гнева, положити вселенную (всю) пусту и грешники погубити от нея. 023 ISA 013 010 Звезды бо небесныя и орион и все украшение небесное света своего не дадят, и помрачится солнце возсиявающее, и луна не даст света своего. 023 ISA 013 011 И заповем всей вселенней злая и нечестивым грехи их, и погублю укоризну беззаконных и укоризну гордых смирю: 023 ISA 013 012 и будут оставшии честнии паче, нежели злато нежженое, и человек честен будет паче, нежели камень, иже от Суфира. 023 ISA 013 013 Разярится бо небо, и земля потрясется от оснований своих, за ярость гнева Господа Саваофа в день, в оньже приидет ярость Его. 023 ISA 013 014 И будут оставшии яко серна бежащая и яко овца заблудившая, и не будет собираяй, яко человеку в люди своя возвратитися, и человек во страну свою побегнет. 023 ISA 013 015 Иже бо аще пленится, поразится, и иже собрани суть, мечем падут. 023 ISA 013 016 И чада их пред ними разбиют, и домы их пленят, и жены их поймут. 023 ISA 013 017 Се, Аз возбуждаю на вы Мидов, иже сребра не вменяют, ниже злата требуют: 023 ISA 013 018 стреляния юношеская сокрушат, и чад ваших не помилуют, ниже пощадят чад твоих очи их. 023 ISA 013 019 И будет Вавилон, иже нарицается славный от царя Халдейска, якоже разсыпа Бог Содому и Гоморру, 023 ISA 013 020 не населится в вечное время, и не внидут в онь чрез многия роды, ниже пройдут его Аравляне, ниже пастуси почиют в нем. 023 ISA 013 021 И почиют тамо зверие, и наполнятся домове шума, и почиют ту сирини, и беси тамо воспляшут, 023 ISA 013 022 и онокентавры тамо вселятся, и вогнездятся ежеве в домех их. 023 ISA 014 001 Скоро идет и не умедлит: и помилует Господь Иакова и изберет паки Израиля, и почиют на земли своей, и пришлец приложится к ним и приложится к дому Иаковлю, 023 ISA 014 002 и поймут их языцы и введут на место их, и наследят и умножатся на земли Божии в рабы и рабыни: и будут пленени пленившии я, и обладани будут обладавшии ими. 023 ISA 014 003 И будет в той день, упокоит тя Господь от болезни и ярости твоея и от работы жестокия, еюже работал еси им. 023 ISA 014 004 И приимеши плачь сей на царя Вавилонска и речеши в той день: како преста истязуяй и преста понуждаяй? 023 ISA 014 005 Сокруши Бог ярем грешников, ярем князей, 023 ISA 014 006 поразив язык яростию, язвою неизцельною, поражаяй язык язвою ярости, еюже не пощаде, почи уповающи. 023 ISA 014 007 Вся земля вопиет со веселием, 023 ISA 014 008 и древа ливанова возвеселишася о тебе и кедр ливанский: отнележе ты уснул еси, не взыде посекаяй нас. 023 ISA 014 009 Ад доле огорчися, срет тя: восташа с тобою вси Исполини обладавшии землею, подвизавшии от престолов своих всех царей языческих. 023 ISA 014 010 Вси отвещают и рекут тебе: и ты пленен еси, якоже и мы: и в нас вменен еси. 023 ISA 014 011 Сниде слава твоя во ад, многое веселие твое: под тобою постелют гнилость, и покров твой червь. 023 ISA 014 012 Како спаде с небесе денница восходящая заутра? Сокрушися на земли посылаяй ко всем языком. 023 ISA 014 013 Ты же рекл еси во уме твоем: на небо взыду, выше звезд небесных поставлю престол мой, сяду на горе высоце, на горах высоких, яже к северу: 023 ISA 014 014 взыду выше облак, буду подобен Вышнему. 023 ISA 014 015 Ныне же во ад снидеши и во основания земли. 023 ISA 014 016 Видевшии тя удивятся о тебе и рекут: сей человек раздражаяй землю, потрясаяй цари, 023 ISA 014 017 положивый вселенную всю пусту и грады ея разсыпа, плененых не разреши. 023 ISA 014 018 Вси царие языков успоша в чести, кийждо в дому своем. 023 ISA 014 019 Ты же повержен будеши в горах, яко мертвец мерзкий со многими мертвецы изсечеными мечем, сходящими во ад. 023 ISA 014 020 Якоже риза в крови намочена не будет чиста, такожде и ты не будеши чист, зане землю Мою погубил еси и люди Моя избил еси: не пребудеши в вечное время, семя злое. 023 ISA 014 021 Уготови чада твоя на убиение грехами отца твоего, да не востанут и наследят землю и наполнят землю ратьми. 023 ISA 014 022 И востану на ня, глаголет Господь Саваоф, и погублю имя их, и останок, и семя: сия глаголет Господь. 023 ISA 014 023 И положу Вавилона пуста, яко вогнездитися ежем, и будет ни во чтоже: и положу и брения пропасть в пагубу. 023 ISA 014 024 Сия глаголет Господь Саваоф: якоже глаголах, тако будет, и якоже совещах, тако пребудет, 023 ISA 014 025 еже погубити Ассириан на земли Моей и на горах Моих: и будут в попрание, и отимется от них ярем их, и слава их от рамен их отимется. 023 ISA 014 026 Сей совет, егоже совеща Господь на всю вселенную, и сия рука на вся языки вселенныя: 023 ISA 014 027 яже бо Бог Святый совеща, кто разорит? И руку Его высокую кто отвратит? 023 ISA 014 028 В лето, в неже умре Ахаз царь, бысть глагол сей: 023 ISA 014 029 не радуйтеся, вси иноплеменницы, сокрушися бо ярем биющаго вы: от семене бо змиина изыдут изчадия аспидов, и изчадия их изыдут змии парящии: 023 ISA 014 030 и упасутся убозии им, нищии же человецы в мире почиют: и потребит гладом семя твое, и останок твой избиет. 023 ISA 014 031 Восплачитеся, врата градов, да возопиют грады смятеннии, иноплеменницы вси, зане дым от севера идет, и несть, иже пребудет. 023 ISA 014 032 И что отвещают царие языков? Яко Господь основа Сиона, и тем спасутся смиреннии людий Его. 023 ISA 015 001 Нощию погибнет Моавитска земля, нощию бо погибнет стена Моавитская. 023 ISA 015 002 Плачитеся о себе, погибнет бо и Дивон, идеже требище ваше: тамо взыдете плакатися над Нававом Моавитским. Плачитеся, на всяцей главе плешь, вся мышцы обсечены, 023 ISA 015 003 на стогнах его препояшитеся во вретища, и восплачитеся на храминах его и на улицах его и на стогнах его, вси возрыдайте с плачем. 023 ISA 015 004 Яко возопи Есевон и Елеала, даже до Иассы услышася глас их: сего ради чресла Моавитиды вопиют, душа ея увесть. 023 ISA 015 005 Сердце Моавитиды вопиет в ней даже до Сигора: юница бо есть трилетна. В возшествии же Луифа к тебе плачущеся взыдут путем Арониимлим: вопиет сотрение и трус. 023 ISA 015 006 Вода Немримля пуста будет, и трава ея оскудеет: травы бо зелены не будет. 023 ISA 015 007 Еда и сице спасется? Наведу бо на дебрь Аравлян, и возмут ю: 023 ISA 015 008 прейде бо вопль предел земли Моавитския до Агаллима, и плачь ея даже до Кладязя Елимля. 023 ISA 015 009 Вода бо Димоня наполнится крове: наведу бо на Димона Аравляны, и возму семя Моавле и Ариилево и останок Адаминь. 023 ISA 016 001 Послю аки гады на землю: еда камень и пуст есть гора дщере Сиони? 023 ISA 016 002 Будеши бо аки птицы парящия птенец отятый, дщи Моавля, потом же Арнон множайше совещавай. 023 ISA 016 003 Сотворите покров плача ея присно: в полуденней тме бегут, ужаснушася: да не отведешися, 023 ISA 016 004 обитати будут в тебе беглецы Моавли: будут в покровение вам от лица гонящаго, яко отяся помощь твоя, и князь погибе попираяй от земли. 023 ISA 016 005 И исправится с милостию престол, и сядет на нем со истиною во скинии Давидове, судя и взыская суд и ускоряя правду. 023 ISA 016 006 Слышахом укоризну Моавлю, укоритель (бысть) зело, гордыню отях: не тако волхвование твое, не тако. 023 ISA 016 007 Восплачется Моав, в Моавитиде бо вси восплачутся: живущым же в Сефе помышления, и не усрамишися. 023 ISA 016 008 Поля Есевоня возрыдают, виноград Севамань: пожирающии языков, поперите винограды его, даже до Иазира: не совокупитеся, обходите пустыню, посланнии осташася, проидоша бо море. 023 ISA 016 009 Сего ради восплачуся яко плачем Иазировым о винограде Севамани: древа твоя посече Есевон и Елиала, яко на жатву твою и на оымание вина поперу, и вся падутся. 023 ISA 016 010 И отимется радость и веселие от виноградов, и в виноградех твоих не возрадуются, и не изгнетут вина в точилех, престало бо есть: 023 ISA 016 011 сего ради чрево мое на Моава аки гусли возгласит, и внутренняя моя аки стену обновил еси. 023 ISA 016 012 И будет в посрамление тебе, и яко утрудися Моав о требищих, и внидет в рукотворенная своя, да помолится, и не возмогут избавити его. 023 ISA 016 013 Сие слово еже глагола Господь на Моава, егда возглагола. 023 ISA 016 014 И ныне глаголю: в триех летех лет наемника обезчестится слава Моавля во всем богатстве мнозе, и оставится умален и нечестен. 023 ISA 017 001 Се, Дамаск возмется от градов и будет в падение. 023 ISA 017 002 Оставлен в век, в ложе стадам и в покой, и не будет отгоняяй. 023 ISA 017 003 И ксему не будет укреплен, еже вбегнути тамо Ефрему: и ксему не будет царство в Дамасце, и останок Сирян погибнет: неси бо ты лучший от сынов Израилевых и славы их: сия глаголет Господь Саваоф. 023 ISA 017 004 Будет в той день помрачение славы Иаковли, и тучная славы его потрясутся. 023 ISA 017 005 И будет, якоже аще кто собирает жатву стоящую, и семя класов пожинает: и будет, якоже аще кто собирает класы в дебри Тверде. 023 ISA 017 006 И останется в ней стеблие, или аки зерна маслична две или три на версе высоце, или четыре или пять на ветвии ея останут: сия глаголет Господь Бог Израилев. 023 ISA 017 007 В той день уповая будет человек на Сотворшаго и, и очи его ко Святому Израилеву воззрят, 023 ISA 017 008 и не будут уповающе на требища, ниже на дела рук своих, яже сотвориша персты их, и не будут смотрити на Дубравы, ниже на мерзости их. 023 ISA 017 009 В той день будут гради твои оставлени, якоже оставиша Аморрее и Евее от лица сынов Израилевых: и будут пусти, 023 ISA 017 010 зане оставил еси Бога спаса твоего и Господа помощника твоего не помянул еси: сего ради насадиши сад неверен и семя неверно. 023 ISA 017 011 В оньже бо день аще насадиши, прельстишися: а еже аще заутра посееши, то процветет на жатву, во оньже день наследиши, и аки отец человечь наследие даси сыном твоим. 023 ISA 017 012 О, люте множеству языков многих! Аки море волнующееся, тако смятетеся, и хребет языков многих яко вода возшумит: 023 ISA 017 013 аки вода многа языцы мнози, аки (шум) воды многия нуждею носимыя: и отвержет его и далече поженет его, аки прах плевный веющих противу ветра, и яко прах колесный буря возносящая. 023 ISA 017 014 К вечеру, и будет плачь: прежде заутрия, и не будет: сия часть пленивших ны, и жребий наследивших нас. 023 ISA 018 001 Горе корабелным крилам земли, яже об ону страну рек Ефиопских. 023 ISA 018 002 Посылаяй по морю послы в залог и послания книжная верху воды: пойдут бо вестницы легцы ко языку высоку и к людем странным и строптивым. Кто далее их? Язык безнадежен и попран. 023 ISA 018 003 Ныне реки земныя вся аки страна населена населится, страна их аки знамение от горы воздвигнется, аки глас трубы услышан будет. 023 ISA 018 004 Яко тако ми рече Господь: утверждение будет в Моем граде, аки свет зноя полуденнаго и аки облак росный в день жатвы будет. 023 ISA 018 005 Прежде жатвы, егда совершится цвет, и грезн произыдет по цвете недозрел: и отимет гроздие малое серпами и лозие отимет и посечет, 023 ISA 018 006 и оставит вкупе птицам небесным и зверем земным: и соберутся на ня птицы небесныя, и вси зверие земли нань приидут. 023 ISA 018 007 В то время принесутся дары Господу Саваофу от людий оскорбленых и отторженых и от людий великих, отныне и в вечное время: язык надеющься и попран, иже есть в части речней страны своея, на место, идеже имя Господа Саваофа, на гору Сионю. 023 ISA 019 001 Се, Господь седит на облаце легце и приидет во Египет, и потрясутся рукотворенная Египетская от лица Его, и сердца их разслабнут в них. 023 ISA 019 002 И востанут Египтяне на Египтяны, и воюружится человек на брата своего, и всяк на ближняго своего, востанет град на град и закон на закон. 023 ISA 019 003 И возмятется дух Египтян в них, и совет их разсыплю, и вопросят богов своих и кумиров своих, и гласящих от земли и чревоволшебников. 023 ISA 019 004 И предам Египет в руце человеков властелей жестоких, и царие жестоцы обладати будут ими: сия глаголет Господь Саваоф. 023 ISA 019 005 И испиют Египтяне воду, яже при мори, а река оскудеет и изсхнет. 023 ISA 019 006 И оскудеют реки и ровенницы речнии: и изсхнет весь сонм водный, и во всяцем лузе тростнем и ситнем, 023 ISA 019 007 и злак зеленый весь иже окрест реки, и все сеемое при реце посхнет ветром растленно. 023 ISA 019 008 И возстенят рыбарие, и возстенят вси мещущии удицу в реку, и мещущии неводы и мещущии сети возрыдают. 023 ISA 019 009 И студ приимет делающих лен разчесаный и делающих виссон, и будут делающии я в болезни, 023 ISA 019 010 и вси творящии сикеру опечалятся и поболят душами. 023 ISA 019 011 И юродиви будут князи Танесовы: мудрии царевы советницы, совет их объюродеет. Како речете царю: сынове смысленых мы, сынове царей древних? 023 ISA 019 012 Где суть ныне мудрии твои, и да возвестят тебе и рекут: что совеща Господь Саваоф на Египет? 023 ISA 019 013 Оскудеша князи Танесовы, и вознесошася князи Мемфитстии, и прельстят Египта по племеном. 023 ISA 019 014 Господь бо раствори им дух прельщения, и прельстиша Египта всеми делесы своими, якоже прельщается пияный и купно блюющь. 023 ISA 019 015 И не будет Египтяном дела, еже бы сотворило главу и ошиб, и начало и конец. 023 ISA 019 016 В той день будут Египтяне аки жены во страсе и трепете от лица руки Господа Саваофа, юже Той возложит на ня. 023 ISA 019 017 И будет страна Иудейска во страх Египтяном: всяк, иже аще воспомянет ю им, убоятся совета ради, егоже совеща Господь Саваоф нань. 023 ISA 019 018 В той день будет пять градов во Египте, глаголющих языком Ханаанитским и кленущихся именем Господа Саваофа: град Аседек прозовется един град. 023 ISA 019 019 В той день будет жертвенник Господеви в земли Египетстей и столп в пределех его Господеви. 023 ISA 019 020 И будет в знамение во век Господеви в земли Египетстей: яко возопиют ко Господу на оскорбляющыя их, и послет им Господь человека, иже спасет я, судяй спасет я. 023 ISA 019 021 И познан будет Господь Египтяном: и уведят Египтяне Господа в той день и сотворят жертвы и дары, и обещают обеты Господеви и воздадят. 023 ISA 019 022 И поразит Господь Египтян язвою великою и изцелит их цельбою, и обратятся ко Господеви, и услышит их и изцелит их цельбою. 023 ISA 019 023 В той день будет путь от Египта ко Ассирианом, и внидут Ассириане во Египет, и Египтяне пойдут ко Ассирианом, и поработают Египтяне Ассирианом. 023 ISA 019 024 В той день будет Израиль третий во Египтянех и во Ассирианех, благословен на земли, 023 ISA 019 025 юже благослови Господь Саваоф, глаголя: благословени людие Мои, иже во Египте и иже во Ассириах, и наследие Мое Израиль. 023 ISA 020 001 В лето, в неже вниде Танафан во Азот, егда послан бысть от Арны, царя Ассирийскаго, и воева на Азот и взя его, 023 ISA 020 002 тогда рече Господь ко Исаии сыну Амосову, глаголя: иди и сверзи вретище со чресл своих, и сандалия твоя иззуй с ног твоих, и сотвори сице, ходя наг и бос. 023 ISA 020 003 И рече Господь: якоже ходил раб Мой Исаиа наг и бос три лета, три лета будут знамения и чудеса Египтяном и Ефиопляном: 023 ISA 020 004 яко такожде отведет царь Ассирийск плен Египетск и Ефиопск, юношы и старцы, наги и босы, откровены во стыдение Египту. 023 ISA 020 005 И постыдятся побеждени Египтяне о Ефиоплянех, на нихже уповаху Египтяне, бяху бо им слава. 023 ISA 020 006 И рекут живущии на острове сем в день оный: се, мы бехом уповающе бежати к ним на помощь, иже не могоша спастися от царя Ассирийска, и како мы спасемся? 023 ISA 021 001 Якоже буря сквозе пустыню проходит, от пустыни исходящая из земли, 023 ISA 021 002 страшно видение и жестоко поведася мне: преступаяй преступает, и беззаконнуяй беззаконствует: на мя Еламите, и послы Персстии на мя идут: ныне воздохну и утешу себе. 023 ISA 021 003 Сего ради наполнишася чресла моя разслабления, и болезни прияша мя аки раждающую: неправдовах еже не слышати, потщахся еже не видети. 023 ISA 021 004 Сердце мое заблуждает, и беззаконие погружает мя, душа моя стоит во страсе. 023 ISA 021 005 Уготовите трапезу, ядите, пийте: воставше, князи, уготовите щиты, 023 ISA 021 006 яко тако рече Господь ко мне: шед постави себе стража, и еже аще узриши, возвести. 023 ISA 021 007 И узрех всадники конныя два, всадника на осляти и всадника на велблюде. Послушай слушанием многим 023 ISA 021 008 и призови Урию на стражбу Господню. И рече: стоях выну день, и у полчища аз стоях всю нощь, 023 ISA 021 009 и се, сам грядет (муж) всадник двоконный, и отвещав рече: паде, паде Вавилон, и вси кумиры его и вся рукотворенная его сокрушишася на земли. 023 ISA 021 010 Послушайте, оставшиися, и болезнующии, услышите: еже слышах от Господа Саваофа, Бог Израилев возвести нам. 023 ISA 021 011 Ко мне зови от Сиира: стрегите забрала. 023 ISA 021 012 Стрегу заутра и нощию. Аще ищеши, ищи и у мене обитай. 023 ISA 021 013 В дубраве в вечер преспиши, или на пути Деданове. 023 ISA 021 014 Во сретение жаждущему воду принесите, живущии во стране Феманове, со хлебы сретайте бежащыя множества ради убиенных 023 ISA 021 015 и множества ради заблуждающих, и множества ради мечей и множества ради луков напряженных, и множества ради падших на сечи. 023 ISA 021 016 Яко сице рече Господь ко мне: еще лето (едино), якоже лето наемника, оскудеет слава сынов Кидарских, 023 ISA 021 017 и останок луков сильных сынов Кидарских будет мал, яко Господь Бог Израилев глагола. 023 ISA 022 001 Что бысть тебе, яко ныне возлезосте вси на храмины тщетныя? 023 ISA 022 002 Наполнися град вопиющих, уязвленнии твои не мечьми уязвлени, ниже мертвецы твои умерщвлени ратию: 023 ISA 022 003 вси князи твои побегоша, и плененнии жестоце суть связани, и крепцыи в тебе далече отбежаша. 023 ISA 022 004 Сего ради рекох: оставите мене, да горце восплачуся: не належите утешати мя о сокрушении дщере рода моего: 023 ISA 022 005 яко день мятежа и пагубы и попрания, и смятение от Господа Саваофа: в дебри Сиони скитаются, от мала даже до велика скитаются по горам. 023 ISA 022 006 Еламите же взяша тулы, и всадницы человецы на конех, и собор ополчения. 023 ISA 022 007 И будут избранны дебри твоя, наполнятся колесниц, конницы же заступят врата твоя 023 ISA 022 008 и открыют врата Иудина, и воззрят в той день во избранныя домы града, 023 ISA 022 009 и открыют сокровенная домов краеградия Давидова, и узрят, яко множайшии суть, и яко отвратиша воду древния купели во град, 023 ISA 022 010 и яко разориша домы Иерусалимли на утверждение стене градней. 023 ISA 022 011 И сотвористе себе воду между двема стенама, внутрьуду купели древния, и не воззресте на Сотворившаго ю исперва, и Сограждшаго ю не видесте. 023 ISA 022 012 И призва Господь, Господь Саваоф в той день плачь и рыдание, и острижение и препоясание во вретища: 023 ISA 022 013 тии же сотвориша радость и веселие, закалающе телцы и жруще овцы, яко ясти мяса и пити вино, глаголюще: да ямы и пием, утре бо умрем. 023 ISA 022 014 И откровенна сия суть во ущию Господа Саваофа, яко не оставится вам той грех, дондеже умрете. 023 ISA 022 015 Сице глаголет Господь Саваоф: иди в кущу ко Сомнану строителю дому и рцы ему: 023 ISA 022 016 что ты зде, и что тебе зде, яко истесал еси себе зде гроб и сотворил еси себе на высоце гроб, и написал еси себе на камени кущу? 023 ISA 022 017 Се, ныне Господь Саваоф извержет и сотрет мужа, и отимет утварь твою и венец твой славный, 023 ISA 022 018 и повержет тя во страну велику и безмерну, и тамо умреши: и положит колесницу твою добрую в безчестие и дом князя твоего в попрание: 023 ISA 022 019 и извержешися от строителства твоего и от степене твоего. 023 ISA 022 020 И будет в той день, и призову раба Моего Елиакима сына Хелкиева 023 ISA 022 021 и облеку его во утварь твою, и венец твой дам ему и державу твою, и строителство твое дам в руце его, и будет яко отец живущым во Иерусалиме и живущым во Иудеи. 023 ISA 022 022 И дам ему славу Давидову, и обвладеет, и не будет противоглаголющаго: и дам ему ключь дому Давидова на рамо его, и отверзет, и не будет затворяющаго, и затворит, и не будет отверзающаго. 023 ISA 022 023 И поставлю его князя на месте верне, и будет на престоле славы дому отца своего. 023 ISA 022 024 И будет уповаяй на него всяк славный в дому отца его, от мала даже до велика: и будут зависяще на нем. 023 ISA 022 025 В той день, сия глаголет Господь Саваоф, подвигнется человек утвержден на месте верне, и отимется, и падет, и потребится слава, яже на нем, яко Господь глагола. 023 ISA 023 001 Плачитеся, корабли Кархидонстии, яко погибе, и ктому не идут от земли Китиейския, отведеся пленен. 023 ISA 023 002 Кому подобни быша живущии во острове, купцы Финичестии, преходящии море? 023 ISA 023 003 В воде мнозе семя купеческо, аки жатве вносимей купцы язычестии. 023 ISA 023 004 Усрамися, Сидоне, рече море. Крепость же морская рече: не болех, ни породих, ни вскормих юнош, ниже вознесох девиц. 023 ISA 023 005 Егда же слышано будет во Египте, приимет я болезнь о Тире. 023 ISA 023 006 Идите в Кархидон, плачитеся, живущии во острове сем. 023 ISA 023 007 Не сие ли бе величание вам исперва, прежде неже предану быти ему? 023 ISA 023 008 Кто сия совеща на Тира? Еда хуждший есть, или не крепкий есть? Купцы его славнии князи земли. 023 ISA 023 009 Господь Саваоф совеща разсыпати всякую гордыню славных и обезчестити всякое славное на земли. 023 ISA 023 010 Делай землю твою, ибо корабли ктому не приидут от Кархидона. 023 ISA 023 011 И рука Твоя ктому не укрепеет по морю, разгневляющая царей. Господь Саваоф заповеда о Ханаане, еже погубити крепость его. 023 ISA 023 012 И рекут: ктому не приложите укаряти и обидети дщерь Сидоню: и аще отидеши ко Китииом, ниже тамо будет тебе покой: 023 ISA 023 013 и в землю Халдейску, но и та опустела от Ассириан, яко стена ея падеся. 023 ISA 023 014 Плачитеся, корабли Кархидонстии, яко погибе твердыня ваша. 023 ISA 023 015 И будет в той день, оставлен будет Тир седмьдесят лет, якоже время (единаго) царя, яко время человеческо: и по седмидесятих летех будет Тир яко песнь блудницы. 023 ISA 023 016 Возми гусли, обыди град, блудница забвеная, добре погуди, много воспой, да память твоя будет. 023 ISA 023 017 И будет по седмидесятих летех, присещение сотворит Бог Тиру, и паки возставится на прежднее и будет торжище всем царствам вселенныя на лицы земли. 023 ISA 023 018 И будет его купля и мзда свято Господеви, не им собрано будет, но живущым пред Господем, вся купля его, ясти и пити и наполнитися, и в сытость, на память пред Господем. 023 ISA 024 001 Се, Господь разсыплет вселенную и опустошит ю, и открыет лице ея и расточит живущыя на ней. 023 ISA 024 002 И будут людие аки жрец, и раб аки господин, и раба аки госпожа: будет купуяй яко продаяй, и взаим емляй аки заимодавец, и должный аки емуже есть должен. 023 ISA 024 003 Тлением истлеет земля, и расхищением расхищена будет земля: уста бо Господня глаголаша сия. 023 ISA 024 004 Восплакася земля, и растленна бысть вселенная, восплакашася высоцыи земли. 023 ISA 024 005 Земля бо беззаконие сотвори живущих ради на ней, понеже преступиша закон и измениша заповеди, разрушиша завет вечный. 023 ISA 024 006 Сего ради проклятие пояст землю, яко согрешиша живущии на ней: сего ради убози будут живущии на земли, и останется человеков мало. 023 ISA 024 007 Восплачется вино, возрыдает виноград, возстенут вси радующиися душею. 023 ISA 024 008 Престало есть веселие тимпанов, преста высокодерзость и богатство нечестивых, престал есть глас гуслей: 023 ISA 024 009 усрамишася, не пиша вина, горька бысть сикера пиющым. 023 ISA 024 010 Опусте всяк град, заключит храм, еже не внити. 023 ISA 024 011 Плачитеся о вине всюду, престала есть радость вся земная, отиде вся радость земли. 023 ISA 024 012 И останут гради пусти, и домове оставлени погибнут. 023 ISA 024 013 Сия вся будут на земли среди языков: якоже аще кто отрясает масличину, тако отрясут их: и (якоже) аще останет от оымания винограда, 023 ISA 024 014 сии гласом возопиют: оставшиися же на земли возрадуются со славою Господнею, возмятется вода морская. 023 ISA 024 015 Сего ради слава Господня во островех будет морских, имя Господне прославлено будет. 023 ISA 024 016 Господи Боже Израилев, от крил земных чудеса слышахом, надежда благочестивому: и рекут: (горе хулящым, иже хулят закон, ) горе преступником, иже преступают закон. 023 ISA 024 017 Страх и пропасть и сеть на вас живущих на земли. 023 ISA 024 018 И будет, бежай страха впадет в пропасть, и излазяй из пропасти имется в сеть: яко окна с небесе отверзошася, и потрясутся основания земная. 023 ISA 024 019 Мятежем возмятется земля, и скудостию оскудеет земля. 023 ISA 024 020 Преклонися и потрясеся земля аки овощное хранилище, и аки пиян и шумен падет и не возможет востати, преодоле бо на ней беззаконие. 023 ISA 024 021 И будет в той день, наведет Господь на утварь небесную руку и на цари земныя. 023 ISA 024 022 И соберут собрание ея и затворят в тверди и в темницы: мноземи роды будет посещение их. 023 ISA 024 023 И истает плинфа и падет стена, и устыдится луна и посрамится солнце: яко воцарится Господь в Сионе и во Иерусалиме и пред старейшины славен будет. 023 ISA 025 001 Господи Боже мой, прославлю Тя, воспою имя Твое, яко сотворил еси чудная дела, совет древний истинный: да будет, Господи. 023 ISA 025 002 Яко положил еси грады в персть, грады твердыя, еже пасти основанием их, нечестивых град да не созиждется во век. 023 ISA 025 003 Сего ради благословят Тя людие нищии, и гради человеков обидимых возблагословят Тя. 023 ISA 025 004 Был бо еси всякому граду смиренному помощник, и изнемогающым за оскудение покров, от человек злых избавиши их: покров жаждущих, и дух человеков обидимых. 023 ISA 025 005 Аки человецы малодушнии жаждущии в Сионе, яко избавиши их от человек нечестивых, имже нас предал еси. 023 ISA 025 006 И сотворит Господь Саваоф всем языком: на горе сей испиют радость, испиют вино, 023 ISA 025 007 помажутся миром на горе сей: предаждь сия вся языком: той бо совет на вся языки. 023 ISA 025 008 Пожре смерть возмогши, и паки отят Господь Бог всякую слезу от всякаго лица: поношение людий отят от всея земли, уста бо Господня глаголаша (сия). 023 ISA 025 009 И рекут в день оный: се, Бог наш, Наньже уповахом, и спасет нас: Сей Господь, потерпехом Его, и возрадовахомся и возвеселихомся о спасении нашем. 023 ISA 025 010 Покой даст Бог на горе сей, и поперется Моавитида, якоже топчут ток колесницами. 023 ISA 025 011 И воздвигнет руце свои, якоже и той смири, еже погубити: и смирит гордыню его, на няже руце возложи. 023 ISA 025 012 И высоту убежища ограды твоея смирит, и обнизится даже до земли. 023 ISA 026 001 В той день воспоют песнь сию в земли Иудейстей, глаголюще: се, град крепок, и спасение нам положит стену и ограждение. 023 ISA 026 002 Отверзите врата, да внидут людие хранящии правду и хранящии истину, 023 ISA 026 003 приемлющии истину и хранящии мир. 023 ISA 026 004 Яко на тя надеянием надеяшася, Господи, во век, Боже великий, вечный, 023 ISA 026 005 иже смирив низвел еси живущыя в высоких: грады крепкия разориши и обнизиши я даже до земли. 023 ISA 026 006 И поперут я ноги кротких и смиренных. 023 ISA 026 007 Путь благочестивых прав бысть, и приуготован путь благочестивых. 023 ISA 026 008 Путь бо Господень суд: уповахом на имя Твое и память, еяже желает душа наша. 023 ISA 026 009 От нощи утренюет дух мой к Тебе, Боже, зане свет повеления Твоя на земли: правде научитеся, живущии на земли. 023 ISA 026 010 Преста бо нечестивый: всяк, иже не научится правде на земли, истины не сотворит: да возмется нечестивый, да не видит славы Господни. 023 ISA 026 011 Господи, высока Твоя мышца, и не ведеша, разумевше же постыдятся: ревность приимет люди ненаказанныя, и ныне огнь супостаты пояст. 023 ISA 026 012 Господи Боже наш, мир даждь нам, вся бо воздал еси нам. 023 ISA 026 013 Господи Боже наш, стяжи ны: Господи, разве Тебе иного не вемы: имя Твое именуем. 023 ISA 026 014 Мертвии же живота не имут видети, ниже врачеве воскресят: сего ради навел еси и погубил еси, и взял еси всяк мужеск пол их. 023 ISA 026 015 Приложи им зла, Господи, приложи зла славным земли. 023 ISA 026 016 Господи, в скорби помянухом Тя, в скорби мале наказание Твое нам. 023 ISA 026 017 И яко болящая приближается родити и в болезни своей воскрича, тако быхом возлюбленному Твоему. 023 ISA 026 018 Страха ради Твоего, Господи, во чреве прияхом и поболехом, и родихом дух спасения Твоего, егоже сотворихом на земли: не падемся, но падутся вси живущии на земли. 023 ISA 026 019 Воскреснут мертвии и востанут иже во гробех, и возрадуются иже на земли: роса бо, яже от Тебе, изцеление им есть, земля же нечестивых падет. 023 ISA 026 020 Идите, людие мои, внидите во храмину вашу, затворите двери своя, укрыйтеся мало елико елико, дондеже мимоидет гнев Господень. 023 ISA 026 021 Се бо, Господь от святаго (места) наводит гнев на живущыя на земли: и открыет земля кровь свою и не покрыет избиеных. 023 ISA 027 001 В той день наведет Господь мечь святый и великий и крепкий на драконта змиа бежаща, на драконта змиа лукаваго, и убиет драконта сущаго в мори. 023 ISA 027 002 В той день виноград добрый, желание пети над ним: 023 ISA 027 003 аз град крепкий, град воюемый, всуе напою его: пленен бо будет нощию, в день же падется стена его: несть того, иже не возмет его. 023 ISA 027 004 Кто мя приставит стрещи стеблие на ниве? Ради вражды сея отринух и. Убо сего ради сотвори Господь Бог вся, елика совеща. 023 ISA 027 005 И сгорех, возопиют живущии в нем: сотворим мир Ему, сотворим мир, 023 ISA 027 006 приходящая чада Иаковля: прозябнет и процветет Израиль, и наполнится вселенная плода его. 023 ISA 027 007 Еда якоже Той порази, и сам сице уязвится? И якоже сам уби, такожде убиен будет? 023 ISA 027 008 Сваряся и укоряя отпустит я: не Ты ли был еси помышляя духом жестоким, убити я духом ярости? 023 ISA 027 009 Сего ради отимется беззаконие Иаковле, и сие есть благословение его, егда отиму грех его, егда положат все камение требищ сокрушено аки прах дробный: и не пребудут древеса их, и кумиры их будут посечени, аки дубрава далече. 023 ISA 027 010 Обитающее стадо отпущенно будет, аки стадо оставленое: и будет много время в пажить, и тамо почиют стада. 023 ISA 027 011 И по времени не будет в нем всякаго злака, занеже изсхнет: жены грядущыя с позорища, приидите: не суть бо людие имуще смысла, сего ради не ущедрит Сотворивый я, ниже Создавый их помилует. 023 ISA 027 012 И будет в той день, заградит Господь от ровенника речнаго, даже до Ринокоруры (града): вы же соберите сыны Израилевы по единому. 023 ISA 027 013 И будет в той день, вострубят трубою великою, и приидут погубляемии во стране Ассирийстей и погубляемии во Египте, и поклонятся Господеви на горе святей во Иерусалиме. 023 ISA 028 001 Горе венцу гордыни, наимницы Ефремовы, цвет отпадый от славы, на версе горы тучныя пиянии без вина. 023 ISA 028 002 Се, крепка и жестока ярость Господня, аки град низпущаемый не имый крова, насильно низпущаемый: якоже воды многое множество влекущее страну, земли сотворит покой рукама, 023 ISA 028 003 и ногама поперется венец гордыни, наимницы Ефремовы. 023 ISA 028 004 И будет цвет отпадый от надежды славы на версе горы высокия, аки ранний плод смоквин: видевый его, прежде взятия в руце свои, восхощет поглотити его. 023 ISA 028 005 В той день будет Господь Саваоф венец надежди, сплетеный славою оставшымся людем. 023 ISA 028 006 И оставятся духом судным на суд, и крепость возбраняющих погубляти. 023 ISA 028 007 Сии бо вином суть прельщени: прельстишася сикеры ради, жрец и пророк изступиша ума от сикеры, пожерты быша вином, потрясошася от пиянства сикеры, прельстишася: сие есть привидение. 023 ISA 028 008 Проклятие пояст сей совет, сей бо совет ради лихоимства. 023 ISA 028 009 Кому возвестихом злая и кому поведахом весть? Иже отдоении (суть) от млека, отторженнии от сосца. 023 ISA 028 010 Печали на печаль ожидай, надежды к надежди, еще мало, еще мало, 023 ISA 028 011 яко худостию устен, языком иным возглаголют людем сим, рекуще им: 023 ISA 028 012 сей покой алчному и сие сокрушение, и не восхотеша слышати. 023 ISA 028 013 И будет им слово Господа Бога, печаль к печали, надежда к надежди, еще мало, еще мало, да идут и падутся вспять и в беду впадут, и сокрушатся и пленени будут. 023 ISA 028 014 Сего ради услышите слово Господне, мужие озлобленнии и князи людий сущих во Иерусалиме. 023 ISA 028 015 Яко рекосте: сотворихом завет со адом и со смертию сложение: буря носима аще мимоидет, не приидет на нас: положихом лжу надежду нашу и лжею покрыемся. 023 ISA 028 016 Сего ради тако глаголет Господь: се, Аз полагаю во основание Сиону камень многоценен, избран, краеуголен, честен, во основание ему, и веруяй в онь не постыдится: 023 ISA 028 017 и положу суд в надежду, милость же моя на мерилех, и уповавшии вотще на лжу, яко не минет вас буря: 023 ISA 028 018 и не отимет от вас завета смертнаго, и надежда ваша, яже ко аду, не пребудет. Буря идущая аще найдет, будете ей в попрание: 023 ISA 028 019 егда мимоидет, возмет вас: яко по всяко утро преходити будет в день, и в нощи будет надежда зла. Научитеся слышати, утесняемии: 023 ISA 028 020 не можем ратовати, сами же изнемогаем, еже собратися нам. 023 ISA 028 021 Якоже гора на нечестивых востанет Господь, и будет (якоже) в дебри Гаваонстей, с яростию сотворит дела Своя, горести дело: ярость же Его чуждо употребится, и погубление Его странно. 023 ISA 028 022 И вы не радуйтеся, ниже да возмогут ваши узы: зане скончаны и сокращены вещи слышах от Господа Саваофа, яже сотворит над всею землею. 023 ISA 028 023 Внушите и слышите глас мой, внемлите и слышите словеса моя. 023 ISA 028 024 Еда весь день будет оряй орати? Или семя уготовит прежде возделания земли? 023 ISA 028 025 Не егда ли умягчит лице ея, тогда всеет мало чернухи и кимина, потом же сеет пшеницу и ячмень и просо в пределех твоих? 023 ISA 028 026 И научишися суду Бога твоего и возрадуешися. 023 ISA 028 027 Ибо не с жестокостию очищается чернуха, ниже коло колесничное обыдет кимина, но жезлом истрясается чернуха, кимин же со хлебом снестся. 023 ISA 028 028 Не во век бо Аз разгневаюся на вы, ниже глас гнева Моего поперет вас. 023 ISA 028 029 И сия от Господа Саваофа изыдоша чудеса: советуйте, вознесите тщетное утешение. 023 ISA 029 001 Горе граду Ариилу, наньже Давид воева. Соберите жита от года до года, снесте бо вкупе с Моавом: 023 ISA 029 002 озлоблю бо Ариила, и будет крепость его и богатство Мне: 023 ISA 029 003 и обсяду тя аки Давид, и поставлю окрест тебе острог, и согражду столпы. 023 ISA 029 004 И смирятся словеса твоя до земли, и в землю внидут словеса твоя: и будет глас твой аки гласящих от земли, и ко земли изнеможет глас твой. 023 ISA 029 005 И будет яко персть от колесе богатство нечестивых, и аки прах летяй множество утесняющих тя, и будет аки черта внезапу от Господа Саваофа. 023 ISA 029 006 Присещение бо будет со громом и с трусом и гласом великим, буря несома и пламень огненный поядаяй. 023 ISA 029 007 И будет аки соние видяй во сне нощию, богатство всех языков, елицы воеваша на Ариила, и вси, иже воеваша на Иерусалима, и вси собраннии нань и озлобляющии его. 023 ISA 029 008 И будут аки во сне ядущии и пиющии, и воставшым, тощь их сон: и якоже во сне жаждай аки пияй, воспрянув же еще жаждет, душа же его вотще надеяся: тако будет богатство всех языков, елицы воеваша на гору Сионю. 023 ISA 029 009 Разслабейте и ужаснитеся, и упийтеся не сикером, ни вином, 023 ISA 029 010 яко напои вас Господь духом умиления, и смежит очи их и пророков их и князей их, видящих сокровенная. 023 ISA 029 011 И будут вам вся сия словеса, аки словеса книги запечатленныя сея, юже аще дадут человеку ведущему писания, глаголюще: прочти сие. И речет: не могу прочести, запечатленна бо. 023 ISA 029 012 И дастся книга сия в руце человеку не ведущему писания, и речется ему: прочти сие. И речет: не вем писания. 023 ISA 029 013 И рече Господь: приближаются Мне людие сии усты своими и устнами своими почитают Мя, сердце же их далече отстоит от Мене: всуе же почитают Мя, учаще заповедем человеческим и учением. 023 ISA 029 014 Сего ради се, Аз приложу, еже преселити люди сия, и преставлю я, и погублю премудрость премудрых и разум разумных сокрыю. 023 ISA 029 015 Горе творящым глубоко совет, а не Господем: горе в тайне совет творящым, и будут во тме дела их, и рекут: кто ны виде, и кто ны уразумеет, яже мы творим? 023 ISA 029 016 Не якоже ли брение скудельника вменитеся? Еда речет здание создавшему е: не ты мя создал еси? Или творение сотворшему: не разумно мя сотворил еси? 023 ISA 029 017 Не еще ли мало, и приложится Ливан, аки гора Хермель, и Хермель в дубраву вменится? 023 ISA 029 018 И услышат в день оный глусии словеса книги (сея), и иже во тме и иже во мгле очи слепых узрят. 023 ISA 029 019 И возрадуются нищии ради Господа в веселии, и отчаявшиися человецы исполнятся веселия. 023 ISA 029 020 Изчезе беззаконник, и погибе гордый, и потребишася вси беззаконнующии во злобе 023 ISA 029 021 и творящии согрешати человеки во слове: всем же обличающым во вратех претыкание положат, понеже совратиша в неправдах праведнаго. 023 ISA 029 022 Сего ради тако глаголет Господь на дом Иаковль, егоже определи от Авраама: не ныне постыдится Иаков, ниже ныне лице свое изменит Израиль: 023 ISA 029 023 но егда увидят чада их дела Моя, Мене ради освятят имя Мое и освятят Святаго Иаковля, и Бога Израилева убоятся. 023 ISA 029 024 И уразумеют заблуждающии духом смысл, и ропщущии научатся послушати, и языцы немотствующии научатся глаголати мир. 023 ISA 030 001 Горе чада отступившая, сия глаголет и Господь: сотвористе совет не Мною и заветы не духом Моим, приложити грехи ко грехом: 023 ISA 030 002 идущии снити во Египет, Мене же не вопросиша, еже помощь имети от фараона и заступление от Египтян. 023 ISA 030 003 Будет бо вам покров фараонов в постыдение и уповающым на Египет укоризна: 023 ISA 030 004 яко суть в Тане старейшины его, и вестницы его зли. 023 ISA 030 005 Вотще потрудятся людий ради, иже не упользуют их, ниже на помощь, ниже на пользу, но на студ и на укоризну. 023 ISA 030 006 В печали и в тесноте лев и львичищь: оттуду аспиды и племя аспидов парящих, иже везяху на ослех и на велблюдех богатство свое ко языку, иже не поможет им в помощь, но на студ и укоризну. 023 ISA 030 007 Египтяне вотще и всуе успеют вам: возвести им, яко тщетно утешение ваше сие. 023 ISA 030 008 Ныне убо сед напиши сия на дске и в книгу: яко будут сия во дни времен и даже до века. 023 ISA 030 009 Яко людие непокориви суть, сынове лживии, иже не похотеша слышати закона Божия, 023 ISA 030 010 глаголюще пророком: не поведайте нам: и видения видящым: не глаголите нам, но нам глаголите и возвещайте нам иное прельщение 023 ISA 030 011 и совратите нас с пути сего: отимите от нас путь сей и отимите от нас суд Израилев. 023 ISA 030 012 Того ради сице глаголет Господь Святый Израилев: понеже не покористеся словесем сим и надеястеся на лжу, и яко пороптасте и уповающе бысте на слово сие, 023 ISA 030 013 сего ради будет вам грех сей, аки стена падающая внезапу града тверда пленена, егоже абие настоит падение: 023 ISA 030 014 и падение его будет яко сокрушение сосуда глиняна, от глины дробны, яко не можно обрести в них чрепа, имже огнь возмеши и в оньже влиеши воды мало. 023 ISA 030 015 Тако глаголет Господь, Господь Святый Израилев: егда возвратився воздохнеши, тогда спасешися и уразумееши, где еси был: егда уповал еси на суетная, тщетна крепость ваша бысть, и не хотесте послушати, 023 ISA 030 016 но рекосте: на конех побегнем. Того ради побегнете. И рекосте: на легких всадницы будем. Того ради легцы будут гонящии вас. 023 ISA 030 017 От гласа единаго побегнут тысяща, и от гласа пяти побегнут мнози, дондеже оставлени будете аки щогла на горе и яко знамя носяй на холме. 023 ISA 030 018 И паки пождет Бог, еже ущедрити вас, и сего ради вознесется еже помиловати вас: зане судия Господь Бог ваш есть, и где оставите славу вашу? Блажени вси пребывающии в Нем. 023 ISA 030 019 Зане людие святии в Сионе вселятся, Иерусалим же плачем восплакася: помилуй мя. Помилует тя, егда узре глас вопля твоего, послуша тебе. 023 ISA 030 020 И даст Господь вам хлеб печали и воду тесную, и ктому не приближатся к тебе льстящии тя: яко очи твои узрят прельщающих тя, 023 ISA 030 021 и ушеса твоя услышат словеса созади тебе прельщающих, иже глаголют: сей путь, поидим по нему или на десно, или на лево. 023 ISA 030 022 И отвержеши кумиры посребренныя, и позлащенныя раздробиши, и развееши яко воду жены месячныя, и аки мотыла отвержеши я. 023 ISA 030 023 Тогда будет дождь семени земли твоея, и хлеб жита земли твоея будет изюбилен и тучен, и напасутся скоти твои в той день на месте тучне и пространне. 023 ISA 030 024 Юнцы ваши и волове делающии землю наядятся плев смешенных со ячменем извеяным. 023 ISA 030 025 И будет на всяцей горе высоце и на всяцем холме вознесенне вода текущая в день оный, егда погибнут мнози, и егда падутся столпи: 023 ISA 030 026 и будет свет луны аки свет солнца, и свет солнечный будет седмерицею в той день, егда изцелит Господь сокрушение людий Своих и болезнь язвы твоея изцелит. 023 ISA 030 027 Се, имя Господне идет временем многим, горящая ярость Его: со славою слово устен Его, слово гнева полно, и гнев ярости яко огнь пояст: 023 ISA 030 028 и дух Его аки вода в дебри влекущи приидет даже до выи и разделится, еже смутити языки о прельщении суетнем, и поженет я прелесть тща, и возмет я пред лицем их. 023 ISA 030 029 Еда присно подобает вам радоватися и входити во святая Моя всегда, аки празднующым и яко веселящымся внити со сопелию в гору Господню к Богу Израилеву? 023 ISA 030 030 И слышану сотворит Господь славу гласа Своего, и ярость мышцы Своея показати, с яростию и гневом, и со пламенем поядающим возгремит зелно, и яко вода и град низходящь нуждею. 023 ISA 030 031 Гласом бо Господним побеждени будут Ассириане язвою, еюже аще поразит я. 023 ISA 030 032 И будет ему окрест, отюнудуже бе их надежда помощи, на нюже той уповаше: тии со тимпаны и гусльми ратовати будут нань от пременения. 023 ISA 030 033 Ты бо прежде дний истязан будеши: еда и тебе уготовася царствовати? Дебрь глубокую, древеса лежаща, огнь и древа многа, ярость Господня аки дебрь жупелом горящая. 023 ISA 031 001 Горе сходящым во Египет помощи ради, уповающым на кони и на колесницы: суть бо многа, и конническое множество много зело: и не беша уповающе на Святаго Израилева, и Бога не взыскаша. 023 ISA 031 002 Тойже премудре наведе на них злая, и слово Его не отринется, и востанет на домы человеков злых и на надежду их тщетную, 023 ISA 031 003 Египтянина человека, а не Бога, конски плоти, и не будет помощи: Господь же наведет руку Свою на ня, и утрудятся помагающии, и вси вкупе погибнут. 023 ISA 031 004 Занеже тако рече мне Господь: якоже возревет лев, или львичищь о ловитве, юже имет, и возопиет над нею, дондеже наполнятся горы гласа его, и победишася и множества ярости убояшася: тако Господь Саваоф снидет на гору Сионю и на горы его воевати. 023 ISA 031 005 Якоже птицы парящыя, сице защитит Господь Саваоф о Иерусалиме, защитит и избавит, и снабдит и спасет. 023 ISA 031 006 Обратитеся, совещавающии глубок совет и беззаконен, сынове Израилевы: 023 ISA 031 007 яко в той день отвергут человецы рукотворенная своя сребряная и рукотворенная златая, яже сотвориша руки их. 023 ISA 031 008 И падет Ассур не мечем человеческим, ни мечь мужеский пояст его, и побегнет не от лица меча: юноты же будут в побеждение. 023 ISA 031 009 Камением бо оымутся яко острогом и побеждени будут, а бежай пленен будет. Сия глаголет Господь: (блажен, ) иже имеет племя в Сионе и южики во Иерусалиме. 023 ISA 032 001 Се бо, Царь праведный воцарится, и князи со судом владети начнут. 023 ISA 032 002 И будет человек сокрываяй словеса своя, и скрыется, аки от воды носимыя: и явится в Сионе яко река текущая славная в земли жаждущей. 023 ISA 032 003 И ксему не будут уповающе на человеки, но ушы вдадят на слышание, 023 ISA 032 004 и сердце изнемогших вонмет послушати, и языцы немотствующии скоро научатся глаголати мир: 023 ISA 032 005 и ксему не рекут юродивому владети, и ксему не рекут слуги твои: молчи. 023 ISA 032 006 Юрод бо юродивая изречет, и сердце его тщетная уразумеет, еже совершати беззаконная и глаголати на Господа прелесть, еже растлити душы алчныя и душы жаждущыя тщы сотворити. 023 ISA 032 007 Совет бо злых беззаконная совещавает, растлити смиренныя словесы неправедными и разсыпати словеса смиренных на суде. 023 ISA 032 008 Благочестивии же смысленне совещаша, и той совет пребудет. 023 ISA 032 009 Жены богатыя, востаните и услышите глас мой: дщери, с надеждею слышите словеса моя: 023 ISA 032 010 дня летняго память сотворите в болезни с надеждею: потребися оымание винное, преста сеяние, и (собирание) ктому не приидет. 023 ISA 032 011 Ужаснитеся, сжалитеся, уповавшыя, совлецытеся, наги будите, препояшите чресла своя во вретища 023 ISA 032 012 и в перси бийтеся о селе желаемем и о винограднем рождении. 023 ISA 032 013 На земли людий моих терние и былие возникнет, и от всего дому радость восхитится: град богат, 023 ISA 032 014 домове оставленнии, богатство града и домы вожделения оставят: и будут веси пещеры до века, радость ослом дивиим, паствы пастухов: 023 ISA 032 015 дондеже найдет на ны Дух от вышняго, и будет пустыня в Хермель, а Хермель в дубраву вменится. 023 ISA 032 016 И почиет в пустыни суд, и правда в Кармиле вселится: 023 ISA 032 017 и будут дела правды мир, и одержит правда покой, и уповающе будут до века: 023 ISA 032 018 и вселятся людие его во граде мира и обитати будут уповающе, и почиют с богатством. 023 ISA 032 019 Град же, аще снидет, то не на вы приидет: и будут живущии в дубравах уповающе, якоже сущии на полях. 023 ISA 032 020 Блажени сеющии при всяцей воде, идеже вол и осел попирает. 023 ISA 033 001 Горе обидящым вас! Вас никтоже и изобидит, и отвергаяй вас не отвержет: пленени будут отметающии (вас) и предадятся, и яко молие в ризе, тако побеждени будут. 023 ISA 033 002 Господи, помилуй ны, на Тя бо уповахом: бысть племя непокаряющихся в пагубу, спасение же наше во время печали. 023 ISA 033 003 Гласом страха Твоего ужасошася людие от страха Твоего, и разсеяшася языцы. 023 ISA 033 004 Ныне же соберутся корысти вашя малаго и великаго: якоже аще кто соберет пруги, тако наругаются вам. 023 ISA 033 005 Свят Бог живый в вышних, наполнися Сион суда и правды. 023 ISA 033 006 В законе предадятся, в сокровищих спасение наше, тамо премудрость и хитрость и благочестие ко Господеви: сия суть сокровища правды. 023 ISA 033 007 Се, ныне во страсе вашем тии убоятся: ихже боястеся, возопиют от вас: вестницы бо послани будут горце плачущеся, просяще мира. 023 ISA 033 008 Опустеют бо сих путие: преста страх языков, и завет иже к ним вземлется, и не вмените их в человеки. 023 ISA 033 009 Восплакася земля, посрамлен Ливан, блато бысть Саронь: явлена будет Галилеа и Хермель. 023 ISA 033 010 Ныне воскресну, глаголет Господь, ныне прославлюся, ныне вознесуся. 023 ISA 033 011 Ныне узрите, ныне ощутите, тщетна будет крепость духа вашего: огнь вы пояст. 023 ISA 033 012 И будут языцы пожжени, аки терние на ниве разметано и пожжено. 023 ISA 033 013 Услышат дальнии, яже сотворих, (глаголет Господь, ) уведят приближающиися крепость Мою. 023 ISA 033 014 Отступиша, иже в Сионе, беззаконницы, приимет трепет нечестивыя: кто возвестит вам, яко огнь горит? Кто возвестит вам место вечное? 023 ISA 033 015 Ходяй в правде, глаголяй правый путь, ненавидяй беззакония и неправды и руце оттрясаяй от даров: отягчаваяй ушы, да не услышит суда крове: смежаяй очи, да не узрит неправды, 023 ISA 033 016 сей вселится во высоце пещере камене крепкаго: хлеб ему дастся и вода его верна. 023 ISA 033 017 Царя со славою узрите, и очи ваши узрят землю издалеча, 023 ISA 033 018 душа ваша поучится страху Господню: где суть книгочии? Где суть совещавающии? Где есть изчитаяй питаемыя малы и велики люди? 023 ISA 033 019 Имже не совещаше, ниже ведяше глубокий глас имущаго, яко не слышати людем уничтоженым, и несть слышащему смысла. 023 ISA 033 020 Се, Сион град, спасение наше, очи твои узрят, Иерусалиме, граде богатый, кущы не поколеблются, ниже подвигнутся колие храмины его в вечное время, и ужя его не преторгнутся. 023 ISA 033 021 Яко имя Господне велико вам есть, место вам будет, реки и ровенницы широцы и пространни: не пойдеши по сему пути, ниже пойдет корабль пловущь: 023 ISA 033 022 Бог бо мой велик есть: не минет мене Господь судия наш, Господь князь наш, Господь царь наш, Господь Той нас спасет. 023 ISA 033 023 Прервашася ужя твоя, яко не укрепишася: щогла твоя преклонися, не распустит ветрил, не воздвигнет знамения, дондеже предастся на пленение: темже мнози хромии плен сотворят, 023 ISA 033 024 и не рекут: труждаемся, людие живущии в них, оставися бо им грех. 023 ISA 034 001 Приступите, языцы, и услышите, князи: да слышит земля и живущии на ней, вселенная и людие, иже на ней. 023 ISA 034 002 Зане ярость Господня на вся языки и гнев на число их, еже погубити их и предати я на заклание. 023 ISA 034 003 И язвении их повергнутся и мертвецы, и взыдет их смрад, и намокнут горы кровию их: 023 ISA 034 004 и истают вся силы небесныя, и свиется небо аки свиток, и вся звезды спадут яко листвие с лозы, и якоже спадает листвие смоковницы. 023 ISA 034 005 Упися мечь Мой на небеси: се, на Идумею снидет и на люди пагубныя с судом. 023 ISA 034 006 Мечь Господень наполнися крове, растолсте туком, от крове козлов и агнцев и от тука козлов и овнов: яко жертва Господеви в Восоре, и заклание велие во Идумеи. 023 ISA 034 007 И падут с ними сильнии, и овны и юнцы, и упиется земля от крове и от тука их насытится: 023 ISA 034 008 день бо суда Господня, и лето воздаяния суда Сионя. 023 ISA 034 009 И обратятся дебри его в смолу, и земля его в жупел, 023 ISA 034 010 и будет земля его горящи яко смола днем и нощию, и не угаснет в вечное время, и взыдет дым ея высоце, в роды своя опустеет. 023 ISA 034 011 И во время много птицы и ежеве, совы и вранове возгнездятся в нем: и возложат нань уже землемерно пустыни, и онокентаври вселятся в нем. 023 ISA 034 012 Князи его не будут: царие бо и вельможи его будут в пагубу. 023 ISA 034 013 И возникнут во градех их терновая древеса и во твердынех его, и будут селения сирином и селища струфионом: 023 ISA 034 014 и срящутся беси со онокентавры и возопиют друг ко другу, ту почиют онокентаври, обретше себе покоища: 023 ISA 034 015 тамо возгнездится ежь, и сохранит земля дети его со утверждением: тамо елени сретошася и увидеша лица друг друга. 023 ISA 034 016 Числом преидоша, и един и них не погибе, друг друга не взыска, яко Господь заповеда им, и дух Его собра я. 023 ISA 034 017 И Той вержет им жребия, и рука Его раздели пастися: в вечное время наследите, в роды родов почиют в нем. 023 ISA 035 001 Радуйся, пустыня жаждущая, да веселится пустыня и да цветет яко крин. 023 ISA 035 002 И процветет и возвеселится пустыня Иорданова: и слава Ливанова дадеся ей, и честь Кармилова, и узрят людие мои славу Господню и высоту Божию. 023 ISA 035 003 Укрепитеся, руце ослабленыя и колена разслабленая: 023 ISA 035 004 утешитеся, малодушнии умом укрепитеся, не бойтеся: се, Бог наш суд воздает и воздаст, Той приидет и спасет нас. 023 ISA 035 005 Тогда отверзутся очи слепых, и уши глухих услышат. 023 ISA 035 006 Тогда скочит хромый яко елень, и ясен будет язык гугнивых: яко проторжеся вода в пустыни и дебрь в земли жаждущей. 023 ISA 035 007 И безводная будет во езера, и на жаждущей земли источник водный будет: тамо будет веселие птицам, и селитва трости, и лузи. 023 ISA 035 008 И тамо будет путь чист, и путь свят наречется: и не прейдет тамо нечистый, ниже будет тамо путь нечист: разсеяннии же пойдут по нему и не заблудят. 023 ISA 035 009 И не будет тамо льва, ни от зверей злых не взыдет нань, ниже обрящется тамо, но пойдут по нему избавленнии: 023 ISA 035 010 и собраннии Господем обратятся и приидут в Сион с радостию, и радость вечная над главою их: над главою бо их хвала и веселие, и радость приимет я, отбеже болезнь и печаль и воздыхание. 023 ISA 036 001 И бысть во четвертоенадесять лето царствующу Езекии, взыде Сеннахирим царь Ассирийск на грады тверды Иудейски и взя оныя. 023 ISA 036 002 И посла царь Ассирийск Рапсака от Лахиса во Иерусалим ко царю Езекии с силою великою, и ста у водоважды купели вышния на пути села Кнафеова. 023 ISA 036 003 И изыде к нему Елиаким сын Хелкиев домостроитель, и Сомнас книгочий, и Иоах сын Асафов памятописец. 023 ISA 036 004 И рече им Рапсак: рцыте Езекии: сия глаголет царь великий, царь Ассирийск: на что уповаеши? 023 ISA 036 005 Еда советом и словесы устными битва бывает? И ныне на кого уповаеши, яко не покаряешися мне? 023 ISA 036 006 Се, уповаеши на жезл тростян сокрушенный сей, на Египет, на негоже аще опрется муж, внидет в руку его и прободет ю: тако есть фараон царь Египетский, и вси уповающии на него: 023 ISA 036 007 аще же глаголете, на Господа Бога нашего уповаем: не сей ли есть, егоже разори Езекиа высокая и требища его, и заповеда Иуде и Иерусалиму: пред олтарем сим поклонитеся? 023 ISA 036 008 Ныне соединитеся господину моему царю Ассирийску, и дам вам две тысящы коней, аще можете дати вседающыя на них: 023 ISA 036 009 и како можете отвратити лице воеводы единаго? Раби суть, иже уповают на Египтян, на коней и всадников: 023 ISA 036 010 и ныне еда без Господа приидохом на страну сию, воевати на ню? Господь рече ко мне: взыди на землю сию и погуби ю. 023 ISA 036 011 И рече к нему Елиаким и Сомнас книгочий и Иоах: глаголи к рабом твоим сирски, разумеем бо мы, а не глаголи к нам иудейски: и вскую глаголеши во ушы человеком седящым на стене? 023 ISA 036 012 И рече к ним Рапсак: еда ко господину вашему, или к вам посла мя господин мой глаголати словеса сия? Не к человеком ли седящым на ограде, да ядят мотыла и пиют мочь с вами вкупе? 023 ISA 036 013 И ста Рапсак, и возопи гласом велиим иудейски и рече: слышите словеса царя великаго, царя Ассирийска: 023 ISA 036 014 сия глаголет царь: да не прельщает вас Езекиа словесы, не может избавити вас: 023 ISA 036 015 и да не глаголет вам Езекиа, яко избавит вы Бог, и не предастся град сей в руце царя Ассирийска: 023 ISA 036 016 не слушайте Езекии: сия глаголет царь Ассирийский: аще хощете благословени быти, изыдите ко мне и ядите кийждо виноград свой и смокви, и пийте от потока вашего, 023 ISA 036 017 дондеже прииду и поиму вы в землю, яже аки ваша земля, земля пшеницы и вина и хлебов и виноградов: 023 ISA 036 018 да не прельщает вас Езекиа, глаголя: Бог ваш избавит вы: еда избавиша бози язычестии, кийждо страну свою от руки царя Ассирийска? 023 ISA 036 019 Где есть бог Емафов и Арфафов? И где бог града Сепфарима? Еда возмогоша избавити Самарию от руки моея? 023 ISA 036 020 Кто от богов всех языков сих, иже избави землю свою от руки моея, яко избавит Бог Иерусалима от руки моея? 023 ISA 036 021 И умолкоша, и никтоже отвеща ему словесе, повеления ради царева, да никтоже отвещает. 023 ISA 036 022 И вниде Елиаким сын Хелкиев домостроитель, и Сомнас книгочий силы, и Иоах сын Асафов памятописец ко Езекии в растерзаных ризах и поведаша ему словеса Рапсакова. 023 ISA 037 001 И бысть егда услыша царь Езекиа, растерза ризы и облечеся во вретище и вниде во храм Господень: 023 ISA 037 002 и посла Елиакима домостроителя, и Сомну книгочия, и старейшины жречески оболчены во вретища ко Исаии пророку сыну Амосову. 023 ISA 037 003 И рекоша ему: сия глаголет Езекиа: день печали и укоризны и обличения и гнева днешний день, понеже прииде болезнь раждающей, крепости же не имеет родити: 023 ISA 037 004 да услышит Господь Бог твой словеса Рапсакова, яже посла царь Ассирийский, господин его, укаряти Бога живаго и поносити словесы, яже слыша Господь Бог твой, и да помолишися ко Господеви Богу твоему о оставшихся сих. 023 ISA 037 005 И приидоша отроцы царя Езекии ко Исаии. 023 ISA 037 006 И рече им Исаиа: сице рцыте ко господину вашему: сия глаголет Господь: не убойся от словес, яже еси слышал, имиже укориша Мя послы царя Ассирийска: 023 ISA 037 007 се, Аз вложу в него дух, и услышав весть возвратится во страну свою и падет мечем на своей земли. 023 ISA 037 008 И возвратися Рапсак и обрете царя Ассирийскаго облежаща Ловну: и услыша царь Ассирийск, яко отиде от Лахиса, 023 ISA 037 009 и изыде Фарака царь Ефиопский воевати нань: и услышав возвратися и посла послы ко Езекии, глаголя: 023 ISA 037 010 сице рцыте Езекии царю Иудейску: да не прельщает Бог твой тебе, на Негоже уповая еси, глаголя, яко не предастся Иерусалим в руце царя Ассирийска: 023 ISA 037 011 или не слышал еси ты, что сотвориша царие Ассирийстии, како всю землю погубиша, и ты ли избавишися? 023 ISA 037 012 Еда избавиша сих бози язычестии, ихже погубиша отцы мои Гозан и Харран и Расем, иже суть во стране Феемафи? 023 ISA 037 013 Где суть царие Емафовы, и где Арфафовы, и где града Епфаруема, Анагугана? 023 ISA 037 014 И взя Езекиа книгу от послов и прочте ю, и вниде во храм Господень и отверзе ю пред Господем. 023 ISA 037 015 И помолися Езекиа ко Господеви, глаголя: 023 ISA 037 016 Господи Саваоф, Боже Израилев, седяй на Херувимех, Ты еси Бог един Царь всякаго царства вселенныя, Ты сотворил еси небо и землю: 023 ISA 037 017 приклони, Господи, ухо Твое, услыши, Господи, отверзи, Господи, очи Твои, призри, Господи, и виждь и слыши вся словеса Сеннахиримля, яже посла укаряти Бога живаго: 023 ISA 037 018 поистинне бо, Господи, пусту сотвориша царие Ассирийстии всю землю и страны их, 023 ISA 037 019 и ввергоша кумиры их во огнь, не беша бо бози, но дела рук человеческих, древа и камение, и погубиша я: 023 ISA 037 020 ныне же, Господи Боже наш, спаси ны от руки их, да уведят вся царствия земная, яко Ты еси (Господь) Бог един. 023 ISA 037 021 И послан бысть Исаиа сын Амосов ко Езекии и рече ему: сия глаголет Господь Бог Израилев: слышах, о нихже молился еси ко Мне о Сеннахириме цари Ассирийстем. 023 ISA 037 022 Сие слово, еже глагола о нем Бог: похули тя и поругася тебе девица дщи Сионя, на тя главою покива дщи Иерусалимля: 023 ISA 037 023 кого укорил и разгневал еси? Или к кому возвысил еси глас твой, и не воздвигл еси на высоту очес твоих? Ко Святому Израилеву! 023 ISA 037 024 Яко послами укорил еси Господа, ты бо рекл еси: множеством колесниц аз взыдох на высоту гор и на последняя Ливана, и посекох высоту кедра его и доброту кипарисову, и внидох в высоту части дубравныя 023 ISA 037 025 и положих мост, и опустоших воды и все собрание водное: 023 ISA 037 026 не слышал ли еси издревле сих, яже Аз сотворих? От древних дний совещах, ныне же показах опустошити языки в твердынех и живущыя во твердых градех: 023 ISA 037 027 опустих руце, и изсхоша и быша аки сухо сено на кровех и аки троскот: 023 ISA 037 028 ныне же покой твой и исход твой и вход твой Аз вем, 023 ISA 037 029 ярость же твоя, еюже разгневался еси, и огорчение твое взыде ко Мне, и вложу брозду в ноздри твоя, и узду во уста твоя, и возвращу тя путем, имже еси пришел. 023 ISA 037 030 Сие же тебе знамение: яждь сего лета, еже еси всеял, а во второе лето, еже от себе растет: а в третие насеявше пожнете и насадите винограды и снесте плоды их: 023 ISA 037 031 и будут оставшии во Иудеи, прорастят корение долу и сотворят в верх плод, 023 ISA 037 032 яко от Иерусалима будут оставшиися и спасшиися от горы Сиони: ревность Господа Саваофа сотворит сия. 023 ISA 037 033 Сего ради тако глаголет Господь на царя Ассирийска: не внидет в сей град, ниже пустит нань стрелу, ниже возложит нань щита, ниже оградит окрест его ограждения: 023 ISA 037 034 но путем, имже прииде, темже возвратится, и во град сей не внидет. Сия глаголет Господь: 023 ISA 037 035 защищу град сей, еже спасти его Мене ради и ради Давида раба Моего. 023 ISA 037 036 И изыде Ангел Господень и изби от полка Ассирийска сто осмьдесят пять тысящ. И воставше заутра, обретоша вся телеса мертва. 023 ISA 037 037 И отиде возвращься Сеннахирим царь Ассирийский и вселися во Ниневии. 023 ISA 037 038 И внегда покланятися ему и в дому Насараху отечествоначалнику своему, Адрамелех и Сарасар сынове его убиста его мечьми, сами же убежаста во Армению. И воцарися Асордан сын его вместо его. 023 ISA 038 001 Бысть же в то время, разболеся Езекиа до смерти. И прииде к нему Исаиа пророк сын Амосов и рече к нему: сия глаголет Господь: устрой о доме твоем, умираеши бо ты и не будеши жив. 023 ISA 038 002 И обрати Езекиа лице свое ко стене и помолися ко Господеви глаголя: 023 ISA 038 003 помяни, Господи, како ходих пред Тобою со истиною и сердцем истинным, и угодная пред Тобою сотворих. И плакася Езекиа плачем великим. 023 ISA 038 004 И бысть слово Господне ко Исаии глаголя: 023 ISA 038 005 иди и рцы Езекии: тако глаголет Господь Бог Давида отца твоего: услышах молитву твою и видех слезы твоя, се, прилагаю к летом твоим лет пятьнадесять, 023 ISA 038 006 и от руки царя Ассирийска избавлю тя и град сей, и защищу о граде сем: 023 ISA 038 007 сие же тебе знамение от Господа, яко Бог сотворит глаголгол сей, якоже глагола: 023 ISA 038 008 се, аз возвращу сень степеней, имиже сниде солнце десять степеней дому отца твоего, возвращу солнце десять степеней, имиже сниде сень. И взыде солнце десять степеней, имиже сниде сень. 023 ISA 038 009 Молитва Езекии царя Иудейска, егда боле и воста от недуга своего. 023 ISA 038 010 Аз рекох в высоте дний моих: пойду во врата адова, оставлю лета прочая. 023 ISA 038 011 Рекох: ктому не узрю спасения Божия на земли живых, ктому не узрю спасения Израилева на земли, ктому не узрю человека со живущими: 023 ISA 038 012 остах от сродства моего, оставих прочее живота моего, изыде и отиде от мене аки разрушаяй кущу поткнувый: аки платно дух мой во мне бысть, ткателнице приближающейся отрезати. 023 ISA 038 013 В той день предан бых до заутра аки льву, тако сокруши вся кости моя: от дне бо до нощи предан бых. 023 ISA 038 014 Яко ластовица, тако возопию, и яко голубь, тако поучуся: изчезосте бо очи мои, еже взирати на высоту небесную ко Господу, Иже избави мя и отя болезнь души моея: 023 ISA 038 015 и Той сотвори путеводство во вся лета моя. 023 ISA 038 016 Господи, о той бо возвестися Тебе, и воздвигл еси дыхание мое, и утешився ожих. 023 ISA 038 017 Избавил бо еси душу мою, да не погибнет, и завергл еси за мя вся грехи моя. 023 ISA 038 018 Не похвалят бо Тебе, иже во аде, ни умершии возблагословят Тя, и не надеются, иже во аде, милости Твоея. 023 ISA 038 019 Живии же возблагословят Тя, якоже и аз: отднесь бо дети сотворю, яже возвестят правду Твою, 023 ISA 038 020 Господи спасения моего: и не престану благословя тя с песнию вся дни живота моего прямо дому Божию. 023 ISA 038 021 И рече Исаиа ко Езекии: возми от смоквий и сотри, и приложи пластырь на язву и здрав будеши. 023 ISA 038 022 И рече Езекиа: сие знамение, яко взыду в дом Божий. 023 ISA 039 001 В то время посла Меродах Валадан сын Валаданов, царь Вавилонский, писания и послы и дары Езекии: слыша бо, яко болел есть до смерти и воста. 023 ISA 039 002 И обрадовася о них Езекиа радостию великою, и показа им дом ароматов и мира, и стакти и фимиама, и сребра и злата, и вся домы сосудов сокровищных, и вся елика бяху во сокровищих его: и не оста ничтоже, егоже не показа им Езекиа в дому своем и во всей области своей. 023 ISA 039 003 И прииде Исаиа пророк ко Езекии царю и рече к нему: что глаголют сии мужие, и откуду приидоша к тебе? И рече Езекиа: от земли далекия приидоша ко мне, от Вавилона. 023 ISA 039 004 И рече Исаиа: что видеша в дому твоем? И рече Езекиа: вся, елика в дому моем, видеша, и несть в дому моем, егоже бы не видели, но и яже в сокровищих моих. 023 ISA 039 005 И рече ему Исаиа: послушай словесе Господа Саваофа: 023 ISA 039 006 се, дние грядут, глаголет Господь, и возмут вся, яже в дому твоем, и елика собраша отцы твои даже до дне сего, в Вавилон прейдут, и ничесоже оставят: 023 ISA 039 007 рече Господь, яко и от чад твоих, ихже родил еси, поймут и сотворят каженики в дому царя Вавилонска. 023 ISA 039 008 И рече Езекиа ко Исаии: благо слово Господне, еже глагола: да будет ныне мир и правда бо дни моя. 023 ISA 040 001 Утешайте, утешайте люди Моя, глаголет Бог: 023 ISA 040 002 священницы, глаголите в сердце Иерусалиму, утешайте и, яко наполнися смирение его, разрешися грех его, яко прият от руки Господни сугубы грехи своя. 023 ISA 040 003 Глас вопиющаго в пустыни: уготовайте путь Господень, правы сотворите стези Бога нашего: 023 ISA 040 004 всяка дебрь наполнится, и всяка гора и холм смирится, и будут вся стропотная в право, и острая в пути гладки. 023 ISA 040 005 И явится слава Господня, и узрит всяка плоть спасение Божие, яко Господь глагола. 023 ISA 040 006 Глас вопиющаго: возопий. И рекох: что возопию? Всяка плоть сено, и всяка слава человеча яко цвет травный: 023 ISA 040 007 изсше трава, и цвет отпаде, 023 ISA 040 008 глаголгол же Бога нашего пребывает во веки. 023 ISA 040 009 На гору высоку взыди, благовествуяй Сиону, возвыси крепостию глас твой, благовествуяй Иерусалиму: возвысите, не бойтеся. Рцы градом Иудиным: 023 ISA 040 010 се, Бог ваш, се, Господь, Господь со крепостию идет, и мышца Его со властию: се, мзда Его с Ним, и дело Его пред Ним: 023 ISA 040 011 аки пастырь упасет паству Свою, и мышцею Своею соберет агнцы, и имущыя во утробе утешит. 023 ISA 040 012 Кто измери горстию воду и небо пядию и всю землю горстию? Кто постави горы в мериле и холмы в весе? 023 ISA 040 013 Кто уразуме ум Господень, и кто советник Ему бысть, иже научает Его? 023 ISA 040 014 Или с ким советова, и настави И? Или кто показа Ему суд? Или путь разумения кто показа Ему? Или кто прежде даде Ему, и воздастся Ему? 023 ISA 040 015 Аще вси языцы, аки капля от кади, и яко претяжение веса вменишася, и аки плюновение вменятся? 023 ISA 040 016 Дубрава же Ливанова не доволна на сожжение, и вся четвероногая не доволна на всесожжение. 023 ISA 040 017 И вси языцы яко ничтоже суть, и в ничтоже вменишася. 023 ISA 040 018 Кому уподобисте Господа, и коему подобию уподобисте Его? 023 ISA 040 019 Еда образ сотвори древоделатель, или златарь слияв злато позлати его, или подобием сотвори его? 023 ISA 040 020 Древо бо негниющее избирает древоделатель и мудре ищет, како поставит образ его, и да не поколеблется. 023 ISA 040 021 Не разуместе ли, не слышасте ли, не возвестися ли вам исперва? Не разуместе ли основания земли? 023 ISA 040 022 Содержай круг земли, и живущии на ней аки прузи: поставивый небо яко камару и простер е, яко скинию обитати: 023 ISA 040 023 даяй князи аки ничтоже владети, и землю аки ничтоже сотвори. 023 ISA 040 024 Не насадят бо, ниже насеют, и не вкоренится в земли корение их: дхну на них ветр, и изсхоша, и буря аки стеблие возмет их. 023 ISA 040 025 Ныне убо кому Мя уподобисте, и вознесуся? Рече Святый. 023 ISA 040 026 Воззрите на высоту очима вашима и видите, кто сотвори сия вся: носяй по числу утварь Свою, и вся по имени прозовет от многия славы и в державе крепости Своея: ничтоже утаися и Тебе. 023 ISA 040 027 Еда бо речеши, Иакове, и что глаголал еси, Израилю: утаися путь мой от Бога, и Бог мой суд отя, и отступи? 023 ISA 040 028 И ныне не уразумел ли еси ни ли слышал еси? Бог вечный, Бог устроивый концы земли, не взалчет, ниже утрудится, ниже есть изобретение премудрости Его, 023 ISA 040 029 даяй алчущым крепость и неболезненным печаль. 023 ISA 040 030 Взалчут бо юнейшии, и утрудятся юноты, и избраннии не крепцы будут: 023 ISA 040 031 терпящии же Господа изменят крепость, окрылатеют аки орли, потекут и не утрудятся, пойдут и не взалчут. 023 ISA 041 001 Обновляйтеся ко Мне, острови князи бо изменят крепость: да приближатся и да глаголют вкупе, тогда суд да возвещают. 023 ISA 041 002 Кто возстави от восток правду, призва ю к ногам своим, и пойдет? Даст пред языки, и цари ужасит: и повержет на землю мечы их, и аки стеблие отвержени луцы их, 023 ISA 041 003 и проженет я, и пройдет с миром путь ног его. 023 ISA 041 004 Кто содела и сотвори сия, призва ю призываяй ю от начала родов. Аз Бог первый, и в грядущая Аз есмь. 023 ISA 041 005 Видеша языцы и убояшася, концы земнии приближишася и приидоша вкупе. 023 ISA 041 006 Судяй кийждо ближнему, и брату помощи, и речет: 023 ISA 041 007 превозможе муж древоделатель и ковачь бияй млатом, вкупе проковаяй: овогда убо речет: спаяние добро есть, утвердиша я гвоздьми, положат я, и не подвигнутся. 023 ISA 041 008 Ты же, Израилю, рабе Мой, Иакове, егоже избрах, семя Авраамле, егоже возлюбих, 023 ISA 041 009 егоже поях от конец земли, и от стражб ея призвах тя, и рекох ти: раб Мой еси, избрах тя, и не оставих тебе: 023 ISA 041 010 не бойся, с тобою бо есмь, не прельщаю: Аз бо есмь Бог твой, укрепивый тя, и помогох ти, и утвердих тя десницею Моею праведною: 023 ISA 041 011 се, постыдятся и посрамятся вси сопротивляющиися тебе, будут бо яко не сущии, и погибнут вси соперницы твои: 023 ISA 041 012 взыщеши их, и не обрящеши человеков, иже поругаются тебе: будут бо аки не бывшии и не будут ратующии тебе. 023 ISA 041 013 Яко Аз Бог твой держай десницу твою, глаголяй тебе: 023 ISA 041 014 не бойся, Иакове, малый Израилю, Аз помогох ти, глаголет Бог твой, Избавляяй тя Святый Израилев: 023 ISA 041 015 се, сотворих тя аки колеса колесничная новая, стирающая аки пила, и сотреши горы, и истончиши холмы, и аки прах положиши, 023 ISA 041 016 и извееши, и ветр возмет я, и буря развеет я: ты же возвеселишися во Святых Израилевых. 023 ISA 041 017 И возрадуются убозии и неимущии: поищут бо воды, и не будет, язык их от жажди изсше. Аз Господь Бог, Аз услышу их, Бог Израилев, и не оставлю их, 023 ISA 041 018 но отверзу на горах реки и среди поля источники, сотворю пустыню в луги водныя и жаждущую землю в водотечы, 023 ISA 041 019 положу в безводную землю кедр и смерчие, и мирсину и кипарис и тополю: 023 ISA 041 020 да узрят и уразумеют, и помыслят и уведят вкупе, яко рука Господня сотвори сия вся, и Святый Израилев показа. 023 ISA 041 021 Приближается суд ваш, глаголет Господь Бог: приближишася совети ваши, глаголет Царь Иаковль. 023 ISA 041 022 Да приближатся и возвестят вам, яже сбудутся, или яже прежде быша, рцыте: и приставим ум и уразумеем, что последняя и будущая: рцыте нам, 023 ISA 041 023 возвестите нам грядущая на последок, и увемы, яко бози есте: благо сотворите и зло сотворите, и почудимся и узрим вкупе. 023 ISA 041 024 Яко откуду есте вы, и откуду дело ваше? От земли мерзость избраша вас. 023 ISA 041 025 Аз же возставих, иже от севера и иже от восток солнечных прозовутся именем Моим: да приидут князи, и яко брение скудельника и яко скудельник топчущь брение, тако попрани будете. 023 ISA 041 026 Кто бо возвестит, яже исперва, да увемы, яже напреди, и речем, яко истинна суть? Несть предглаголющаго, ни слышащаго словес ваших. 023 ISA 041 027 Начало Сиону дам и Иерусалима утешу на пути. 023 ISA 041 028 От язык бо, се, ни един и от кумир их несть возвещаяй. И аще вопрошу их, откуду есте? Не отвещают ми. 023 ISA 041 029 Суть бо творящии вас и всуе прельщающии вас. 023 ISA 042 001 Иаков Отрок Мой, восприиму и: Израиль избранный Мой, прият Его душа Моя, дах дух Мой Нань, суд языком возвестит: 023 ISA 042 002 не возопиет ниже ослабит, ниже услышится вне глас Его: 023 ISA 042 003 трости сокрушены не сотрет и льна курящася не угасит, но во истину изнесет суд: 023 ISA 042 004 возсияет и не потухнет, дондеже положит на земли суд, и на имя Его языцы уповати имут. 023 ISA 042 005 Тако глаголет Господь Бог, сотворивый небо и водрузивый е, утверждей землю и яже на ней, и даяй дыхание людем, иже на ней, и дух ходящым на ней: 023 ISA 042 006 Аз Господь Бог призвах Тя в правде, и удержу за руку Твою и укреплю Тя: и дах Тя в завет рода Израилева, во свет языков, 023 ISA 042 007 отверсти очи слепых, извести от уз связанныя и из дому темницы и седящыя во тме. 023 ISA 042 008 Аз Господь Бог, сие Мое есть имя, славы Моея иному не дам, ниже добродетелей Моих истуканным. 023 ISA 042 009 Иже из начала, се, приидоша, и новая, яже Аз возвещу, и прежде неже возвестити, явишася вам. 023 ISA 042 010 Воспойте Господеви песнь нову: началство Его, прославите имя Его от конец земли, сходящии в море и плавающии по нему, острови и живущии на них. 023 ISA 042 011 Возвеселися, пустыне, и веси ея, придвория, и живущии в Кидаре: возвеселятся живущии на камени, от края гор возопиют, 023 ISA 042 012 дадят Богу славу, добродетели Его во островех возвестят. 023 ISA 042 013 Господь Бог Сил изыдет и сокрушит рать, воздвигнет рвение и возопиет на враги Своя со крепостию. 023 ISA 042 014 Молчах, еда и всегда умолчу и потерплю? Терпех яко раждающая, истреблю и изсушу вкупе, 023 ISA 042 015 опустошу горы и холмы, и всяку траву их изсушу, и положу реки во островы, и луги изсушу: 023 ISA 042 016 и наведу слепыя на путь, егоже не видеша, и по стезям, ихже не знаша, ходити сотворю им: сотворю им тму во свет и стропотная в правая: сия глаголголы сотворю, и не оставлю их. 023 ISA 042 017 Тии же возвратишася вспять: посрамитеся стыдением, уповающии на изваянная, глаголющии слиянным: вы есте бози наши. 023 ISA 042 018 Глусии, услышите, и слепии, прозрите видети. 023 ISA 042 019 И кто слеп, разве раби Мои? И глуси, разве владеющии ими? И ослепоша раби Божии. 023 ISA 042 020 Видесте многажды, и не сохранисте: отверсты ушы (имуще), и не слышасте. 023 ISA 042 021 Господь Бог восхоте, да оправдится и возвеличит хвалу. 023 ISA 042 022 И видех, и быша людие расхищени и разграблени: пругло бо в ложах везде, и в домех вкупе, идеже скрыша я, быша в плен: и не бысть изимаяй разграбления и не бе глаголющаго: отдаждь. 023 ISA 042 023 Кто в вас, иже внушит сия? И услышит во грядущая. 023 ISA 042 024 Кто даде на разграбление Иакова, и Израиля пленяющым его? Не Бог ли, Емуже согрешиша и не восхотеша в путех Его ходити, ни слушати закона Его? 023 ISA 042 025 И наведе на ня гнев ярости Своея, и укрепися на ня рать, и палящии их окрест, и не уведеша кийждо их, ниже положиша на уме. 023 ISA 043 001 И ныне сице глаголет Господь Бог сотворивый тя, Иакове, и создавый тя, Израилю: не бойся, яко избавих тя, прозвах тя именем твоим: Мой еси ты. 023 ISA 043 002 И аще преходиши сквозе воду, с тобою есмь, и реки не покрыют тебе: и аще скозе огнь пройдеши, не сожжешися, и пламень не опалит тебе, 023 ISA 043 003 яко Аз Господь Бог твой, Святый Израилев, Спасаяй тя: сотворих премену твою Египет и Ефиопию, и Соину за тя. 023 ISA 043 004 Отнелиже честен был еси предо Мною, прославился еси, и Аз тя возлюбих, и дам человеки за тебе и князи за главу твою. 023 ISA 043 005 Не бойся, яко с тобою есмь: от восток приведу семя твое и от запад соберу тя: 023 ISA 043 006 реку северу: приведи: и ливу: не возбраняй, приведи сыны Моя от земли дальния и дщери Моя от краев земных, 023 ISA 043 007 всех, елицы нарицаются именем Моим: во славе бо Моей устроих его и создах его и сотворих и. 023 ISA 043 008 И изведох люди слепы, и очи суть такожде слепы, и глуси ушы имущии. 023 ISA 043 009 Вси языцы собрашася вкупе, и соберутся князи от них. Кто возвестит сия? Или яже исперва кто возвестит вам? Да приведут свидетели своя и оправдятся, и да услышат и да рекут истину. 023 ISA 043 010 Будите Ми свидетелие, и Аз свидетель, глаголет Господь Бог, и отрок Мой, егоже избрах, да увесте и веруете Ми и уразумеете, яко Аз есмь: прежде Мене не бысть ин Бог, и по Мне не будет. 023 ISA 043 011 Аз Бог, и несть разве Мене Спасаяй. 023 ISA 043 012 Аз возвестих и спасох, укорих, и не бе в вас чуждий: вы Мне свидетелие, и Аз свидетель, глаголет Господь Бог, 023 ISA 043 013 еще от начала, и несть изимаяй от руку Моею: сотворю, и кто отвратит е? 023 ISA 043 014 Тако глаголет Господь Бог, Избавляяй вас, Святый Израилев: вас ради послю в Вавилон и воздвигну вся бежащыя, и Халдее в кораблех свяжутся. 023 ISA 043 015 Аз Господь Бог Святый ваш, показавый Израиля Царя вашего. 023 ISA 043 016 Сице глаголет Господь, даяй путь по морю и по воде сильне стезю: 023 ISA 043 017 изводяй колесницы и кони и народ силен: но успоша и не востанут, угасоша аки лен угашен. 023 ISA 043 018 Не поминайте первых, и ветхих не помышляйте, 023 ISA 043 019 се, Аз творю новая, яже ныне возсияют, и увесте я: и сотворю в пустыни путь и в безводней реки. 023 ISA 043 020 Возблагословят Мя зверие селнии, сирини и дщери струфовы: яко дах в пустыни воду и реки в безводней, напоити род Мой избранный, 023 ISA 043 021 люди Моя, яже снабдех, добродетели Моя поведати. 023 ISA 043 022 Не ныне призвах тебе, Иакове, ниже трудитися сотворих тя, Израилю. 023 ISA 043 023 Не принесл еси Мне овец твоих всесожжения твоего, ни в жертвах твоих прославил Мя еси, не поработих тя в жертвах, ниже утруждена сотворих тя в Ливане: 023 ISA 043 024 не купил еси Мне на сребро фимиама, ниже тука треб твоих возжелах, но во гресех твоих стал еси предо Мною и в неправдах твоих. 023 ISA 043 025 Аз есмь, Аз есмь заглаждаяй беззакония твоя Мене ради и грехи твоя, и не помяну. 023 ISA 043 026 Ты же помяни, и да судимся: глаголи ты беззакония твоя прежде, да оправдишися. 023 ISA 043 027 Отцы ваши первии согрешиша, и князи ваши беззаконноваша на Мя. 023 ISA 043 028 И оскверниша князи святая Моя, и дах погубити Иакова и Израиля во укоризну. 023 ISA 044 001 Ныне же слыши, рабе Мой Иакове, и Израилю, егоже избрах. 023 ISA 044 002 Сице глаголет Господь Бог сотворивый тя и создавый тя из утробы: еще поможет ти: не бойся, рабе Мой Иакове, и возлюбленный Израилю, егоже избрах. 023 ISA 044 003 Яко Аз дам воду в жажду ходящым в безводней, наложу дух Мой на семя твое и благословения Моя на чада твоя, 023 ISA 044 004 и прозябнут аки трава посреде воды и яко верба при воде текущей. 023 ISA 044 005 Сей речет: Божий есмь: и сей возопиет о имени Иаковли, и другий напишет рукою своею: Божий есмь: и о имени Израилеве возопиет. 023 ISA 044 006 Сице глаголет Бог Царь Израилев, и Избавлей его Бог Саваоф: Аз первый и Аз по сих, кроме Мене несть Бога: 023 ISA 044 007 кто якоже Аз? Да станет и да призовет, и да возвестит и да уготовит Ми, отнележе сотворих человека во век, и грядущая прежде неже приити им, да возвестят вам. 023 ISA 044 008 Не укрывайтеся, ниже заблуждайте: не исперва ли внушисте, и возвестих вам? Свидетелие вы есте, аще есть Бог разве Мене. 023 ISA 044 009 И не послушаша тогда созидающии, и ваяющии вси тщетни, творящии желания своя, яже не упользуют их: 023 ISA 044 010 но посрамятся вси созидающии бога и ваяющии вси неполезная. 023 ISA 044 011 И вси, отнюдуже быша, изсхоша: и глусии от человек да соберутся вси и да станут вкупе, и да посрамятся и устыдятся вкупе. 023 ISA 044 012 Яко наостри древоделатель сечиво, теслою содела оное, и свердлом состави е, и длатом издолбе е, и содела е крепостию мышцы своея: и взалчет, и изнеможет, и не напиется воды. 023 ISA 044 013 И избрав древоделя древо, постави в меру, и клеем сострои е, и сотвори е аки образ мужеск и аки красоту человечу, поставити е в дому. 023 ISA 044 014 Посече древо в дубраве, еже насади Господь, сосну, и дождь возрасти, 023 ISA 044 015 да будет человеком на жжение: и взяв от него, согреся, и изжегше я, испекоша ими хлебы, из оставшаго же сотвориша боги и покланяются им: сотвори е изваянное, и прекланяется им. 023 ISA 044 016 Пол его сожже огнем, и пол его сожже на углие, и испече в них хлебы, и на них испече мясо, и яде, и насытися, и согревся рече: сладко мне, яко согрехся и видех огнь. 023 ISA 044 017 Из оставшаго же сотвори бога изваянна, прекланяется ему и покланяется, и молится ему глаголя: избави мя, яко бог мой еси ты. 023 ISA 044 018 Не уведаша смыслити, яко отемнеша очи их еже видети и разумети сердцем своим. 023 ISA 044 019 И не помысли в души своей, ни уведе смышлением, яко пол его сожже огнем, и испече на углиех его хлебы, и испек мяса снеде, и оставшее его в мерзость сотвори, и покланяются ему. 023 ISA 044 020 Увеждь, яко пепел есть сердце их, и прельщаются, и ни един может души своея избавити: видите, не рцыте, яко лжа в деснице моей. 023 ISA 044 021 Помяни сия, Иакове и Израилю, яко раб Мой еси ты, сотворих тя раба Моего, и ты, Израилю, не забывай Мене. 023 ISA 044 022 Се бо, отях яко облак беззакония твоя и яко примрак грехи твоя: обратися ко Мне, и избавлю тя. 023 ISA 044 023 Возвеселитеся, небеса, яко помилова Бог Израиля: вострубите, основания земная, возопийте, горы, веселие, холми и вся древеса, яже на них: яко избави Бог Иакова, и Израиль прославится. 023 ISA 044 024 Сице глаголет Господь избавляяй тя и создавый тя от чрева: Аз Господь совершаяй вся, распрострох небо един и утвердих землю. 023 ISA 044 025 Кто ин разсыплет знамения чревоволшебников и волшбы от сердца, отвращаяй мудрыя вспять и советы их обуяяй, 023 ISA 044 026 и уставляя глагол раба Своего, и совет вестников Своих истинен творяй? Глаголяй Иерусалиму: населишися: и градом Иудейским: возградитеся, и пустыни его просияют, 023 ISA 044 027 глаголяй бездне: опустееши, и реки твоя изсушу, 023 ISA 044 028 глаголяй Киру смыслити, и вся воли Моя сотворит: глаголяй Иерусалиму: возградишися, и храм святый мой осную. 023 ISA 045 001 Сице глаголет Господь Бог помазанному Моему Киру, егоже удержах за десницу, повинути пред ним языки, и крепость царей разрушу, отверзу пред ним врата, и гради не злтворятся: 023 ISA 045 002 Аз пред тобою пойду и горы уравню, врата медяная сокрушу и вереи железныя сломлю, 023 ISA 045 003 и дам ти сокровища темная сокровенная: невидимая отверзу тебе, да увеси, яко Аз Господь Бог твой прозывая имя твое, Бог Израилев. 023 ISA 045 004 Ради раба Моего Иакова и Израиля избраннаго Моего, Аз прозову тя именем твоим и прииму тя: 023 ISA 045 005 ты же не познал еси Мене, яко Аз Господь Бог, и несть разве Мене еще Бога: укрепих тя, и не познал еси Мене, 023 ISA 045 006 да быша уведели, иже от восток солнечных и иже от запад, яко несть Бог разве Мене: Аз Господь Бог, и несть еще. 023 ISA 045 007 Аз устроивый свет и сотворивый тму, творяй мир и зиждяй злая, Аз Господь Бог, творяй сия вся. 023 ISA 045 008 Да возрадуется небо свыше, и облацы да кропят правду: да прозябнет земля, и да прорастит милость, и правду да прозябнет вкупе: Аз есмь Господь создавый тя. 023 ISA 045 009 Что лучшее устроих яко глину скудельничу? Еда оряй орати будет землю весь день? Еда речет брение скудельнику: что твориши, яко не делаеши, ниже имаши рук? Еда отвещает здание создавшему е? 023 ISA 045 010 Еда глаголет отцу: что родиши? И матери: что чревоболиши? 023 ISA 045 011 Яко тако глаголет Господь Бог, Святый Израилев, Сотворивый грядущая: вопросите Мене о сынех Моих и о дщерех Моих, и о делех руку моею заповедите Мне. 023 ISA 045 012 Аз сотворих землю и человека на ней, Аз рукою Моею утвердих небо, Аз всем звездам заповедах. 023 ISA 045 013 Аз возставих его со правдою царя, и вси путие его правы: сей созиждет град Мой и пленение людий Моих возвратит, не по мзде, ни по даром, рече Господь Саваоф. 023 ISA 045 014 Тако глаголет Господь Саваоф: утрудися Египет и купли Ефиопския, и Саваимстии мужие высоцыи к тебе прейдут и тебе будут раби, и вслед тебе пойдут связани узами ручными, и прейдут к тебе и поклонятся тебе, и в тебе помолятся, яко в тебе Бог есть, и рекут: несть Бога разве тебе: 023 ISA 045 015 Ты бо еси Бог, и не ведехом, Бог Израилев Спас. 023 ISA 045 016 Постыдятся и посрамятся вси противящиися ему и пойдут в студе: обновляйтеся ко мне, острови. 023 ISA 045 017 Израиль спасается от Господа спасением вечным: не постыдятся, ни посрамятся даже до века ктому. 023 ISA 045 018 Зане тако глаголет Господь сотворивый небо, Сей Бог показавый землю и сотворивый ю, Той раздели ю, не вотще сотвори ю, но на вселение созда ю: Аз есмь Господь, и несть ктому. 023 ISA 045 019 Не отай глаголах, ни в темне месте земли: не рекох племени Иаковлю: суетнаго взыщите. Аз есмь, Аз есмь Господь глаголяй правду и возвещаяй истину. 023 ISA 045 020 Соберитеся и приидите, совещайтеся вкупе, спасаемии от язык. Не разумеша воздвижущии древо изваяние свое и молящеся богом, иже не спасают. 023 ISA 045 021 Аще возвестят, да приближатся, да уведят вкупе, кто слышана сотвори сия исперва? Тогда возвестися вам: Аз Бог, и несть иного разве Мене, праведен и Спаситель, несть кроме Мене. 023 ISA 045 022 Обратитеся ко Мне и спасетеся, иже от края земнаго: Аз есмь Бог, и несть иного. 023 ISA 045 023 Кленуся Мною Самим, аще не изыдет изо уст Моих правда, словеса Моя не возвратятся: яко Мне поклонится всяко колено, и исповестся всяк язык Богови, глаголя: 023 ISA 045 024 правда и слава к Нему приидет: и посрамятся вси отлучающиися. 023 ISA 045 025 От Господа оправдятся, и о Бозе прославится все семя сынов Израилевых. 023 ISA 046 001 Паде Вил, сокрушися Дагон, быша ваяния их во звери и скоты: носите я связана яко бремя труждающемуся и разслабевшу, 023 ISA 046 002 и алчущу и не могущу вкупе, иже не возмогут спастися от рати, сами же пленени приведошася. 023 ISA 046 003 Послушайте Мене, доме Иаковль и весь останок Израилев, носимии от чрева и наказуемии от детска даже до старости: 023 ISA 046 004 Аз есмь, и дондеже состареетеся, Аз есмь, Аз терплю вам, Аз сотворих и Аз понесу, Аз подиму и спасу вы. 023 ISA 046 005 Кому Мя уподобисте? Видите, ухитрите, заблуждающии, 023 ISA 046 006 слагающии злато из меха, и сребро весом поставляют в мериле, и наемше златаря сотвориша рукотворенная, и преклоншеся покланяются им: 023 ISA 046 007 воздвижут я на рамех и ходят: аще же положат я на месте своем, ту лежат, ниже подвижутся: и иже аще возопиет к ним, не услышат, от бед не спасут его. 023 ISA 046 008 Помяните сия и возстените, покайтеся, прельстившиися, обратитеся сердцем 023 ISA 046 009 и помяните первая от века, яко Аз есмь Бог, и несть еще разве Мене: 023 ISA 046 010 возвещаяй первее последняя, прежде неже быти им, и абие сбышася: и рекох: весь совет Мой станет, и вся, елика совещах, сотворю. 023 ISA 046 011 Призываяй от восток птицу, и от земли издалеча, о нихже совещах: рекох и приведох, создах и сотворих, приведох и и благопоспеших путь его. 023 ISA 046 012 Послушайте Мене, погубльшии сердце, сущии далече от правды: 023 ISA 046 013 приближих правду Мою, и не удалится, и спасение, еже от Мене, не умедлю: дах в Сионе спасение Израилю во прославление. 023 ISA 047 001 Сниди, сяди на земли, дево, дщи Вавилоня, вниди во тму, дщи Халдейска, яко не приложиши ксему прозыватися мягка и юна. 023 ISA 047 002 Возми жерновы, мели муку, открый покрывало твое, открый седины, возсучи голени, прейди реки: 023 ISA 047 003 открыется студ твой, явятся укоризны твоя, праведное от тебе возму, ктому не предам человеком. 023 ISA 047 004 Рече Избавивый тя Господь Саваоф, имя Ему Святый Израилев: 023 ISA 047 005 сяди умилена, вниди во тму, дщи Халдейска, ксему не прозовешися крепость царства. 023 ISA 047 006 Разгневахся на люди Моя, осквернила еси наследие Мое: Аз вдах я в руку твою, ты же не дала им милости, старчий ярем отягчила еси зело 023 ISA 047 007 и рекла еси: в век буду владычица: не помыслила еси сих в сердцы твоем, ниже помянула еси последних: 023 ISA 047 008 ныне же слыши сие, юная, седящая, уповающая, глаголющая в сердцы своем: аз есмь, и несть иныя, не сяду вдовою и не познаю сиротства. 023 ISA 047 009 Ныне же приидут на тя два сия внезапу во един день, безчадие и вдовство внезапу приидет на тя, в волшебстве твоем и в крепости волхвов твоих зело, 023 ISA 047 010 в надеянии злобы твоея: ты бо рекла еси: аз есмь, и несть иныя: увеждь, яко смышление сих и блужение твое будет тебе срам: и рекла еси сердцем своим: аз есмь, и несть иныя. 023 ISA 047 011 И приидет на тя пагуба, и не увеси, пропасть, и впадеши в ню: и приидет на тя печаль, и не возможеши чиста быти: и приидет на тя внезапу пагуба, и не увеси. 023 ISA 047 012 Стани ныне с волхвы твоими и со многими чары твоими, имже научилася еси из юности твоея, аще возмогут ти помощи. 023 ISA 047 013 Утрудилася еси в советех твоих: да станут ныне и спасут тя звездочетцы небесе, смотряющии звезд, да возвестят ти, что имать на тя приити. 023 ISA 047 014 Се, вси яко хврастие огнем погорят и не изимут души своея из пламене, понеже имаши углие огненное, сяди на них. 023 ISA 047 015 Сии будут тебе помощь: трудилася еси в преложении от юности, человек сам в себе прельстися, тебе не не будет спасения. 023 ISA 048 001 Услышите сия, доме Иаковль, прозваннии именем Израилевым и изшедшии из Иуды, кленущиися именем Господа Бога Израилева, поминающии не со истиною, ниже со правдою, 023 ISA 048 002 и придержащиися имени града святаго, и о Бозе Израилеве подтверждающиися: Господь Саваоф имя Ему. 023 ISA 048 003 Преждняя еще возвестих, и из уст Моих изыдоша, и слышано бысть: внезапу сотворих, и найде. 023 ISA 048 004 Вем, яко жесток еси, и жила железна выя твоя, и чело твое медяно. 023 ISA 048 005 И возвестих ти, яже древле, прежде неже приити на тя: слышана тебе сотворих, да не когда речеши, яко идоли мне сия сотвориша, и не рцы, яко изваянная и слиянная заповедаша мне. 023 ISA 048 006 Слышасте вся, и вы не разуместе: но и слышана тебе сотворих новая отныне, яже имут быти: 023 ISA 048 007 и не рекл еси: ныне бывают, а не прежде, и не в преждния дни слышал еси сия: не рцы: ей, вем сия. 023 ISA 048 008 Не ведел еси, ниже разумел еси, ниже исперва отверзох ушеса твоя: ведех бо, яко отвергая отринеши и беззаконник еще от чрева прозовешися. 023 ISA 048 009 Имене Моего ради покажу ти ярость Мою, и славная Моя наведу на тя, да не потреблю тебе. 023 ISA 048 010 Се, продах тя не сребра ради: изях же тя из пещи убожества. 023 ISA 048 011 Мене ради сотворю ти, яко Мое имя оскверняется, и славы Моея иному не дам. 023 ISA 048 012 Послушай Мене, Иакове и Израилю, егоже Аз призываю: Аз есмь первый и Аз есмь во век. 023 ISA 048 013 И рука Моя основа землю, и десница Моя утверди небо: призову я, и станут вкупе, 023 ISA 048 014 и соберутся вси и услышат: кто им возвести сия? Любя тя сотворих волю твою над Вавилоном, еже отяти племя Халдейско. 023 ISA 048 015 Аз глаголах, Аз призвах, приведох и, и благопоспешит путь его. 023 ISA 048 016 Приступите ко Мне и слышите сия, исперва не отай глаголах: егда бываху, тамо бех, и ныне Господь Господь посла Мя и Дух Его. 023 ISA 048 017 Тако глаголет Господь, Избавивый тя, Святый Израилев: Аз есмь Господь Бог твой, научих тя, еже обрести тебе путь, по немуже пойдеши. 023 ISA 048 018 И аще бы еси послушал заповедий Моих, то был бы убо аки река мир твой, и правда твоя яко волна морская, 023 ISA 048 019 и было бы яко песок семя твое, и изчадия чрева твоего яко персть земли: ниже ныне потребишися, ниже погибнет имя твое предо Мною. 023 ISA 048 020 Изыди от Вавилона, бежай от Халдеев: глас радости возвестите, и да слышано будет сие, возвестите даже до последних земли, глаголите: избави Господь раба Своего Иакова. 023 ISA 048 021 И аще вжаждут, пустынею проведет их и воду из камене изведет им: разсядется камень, и потечет вода, и испиют людие Мои. 023 ISA 048 022 Несть радоватися нечестивым, глаголет Господь. 023 ISA 049 001 Послушайте Мене, острови, и внемлите, языцы. Временем многим стояти будет, глаголет Господь: от чрева матере Моея нарече имя Мое, 023 ISA 049 002 и положи уста Моя яко мечь остр, и под кровом руки Своея скры Мя: положи Мя яко стрелу избранну, и в туле своем скры Мя, 023 ISA 049 003 и рече Ми: раб Мой еси Ты, Израилю, и в Тебе прославлюся. 023 ISA 049 004 Аз же рекох: вотще трудихся, всуе и ни во что дах крепость Мою: сего ради суд Мой пред Господем и труд Мой пред Богом Моим. 023 ISA 049 005 И ныне тако глаголет Господь, создавый Мя от чрева раба Себе, еже собрати Иакова к Нему и Израиля: соберуся и прославлюся пред Господем, и Бог Мой будет Мне крепость. 023 ISA 049 006 И рече Ми: велие Ти есть, еже назватися Тебе рабом Моим, еже возставити племена Иаковля и разсеяние Израилево обратити: се, дах Тя в завет рода, во свет языком, еже быти Тебе во спасение даже до последних земли. 023 ISA 049 007 Тако глаголет Господь, Избавивый Тя Бог Израилев: освятите уничижающаго душу Свою, гнушаемаго от язык рабов княжеских: царие узрят Его, и востанут князи и поклонятся Ему Господа ради, яко верен есть Святый Израилев, и избрах Тя. 023 ISA 049 008 Тако глаголет Господь: во время приятно послушах Тебе и в день спасения помогох Ти, и сотворих Тя и дах Тя в завет вечный языков, еже устроити землю и наследити наследия пустыни, 023 ISA 049 009 глаголюща сущым во узах: изыдите, и сущым во тме: открыйтеся. На всех путех пастися будут, и на всех стезях пажить их: 023 ISA 049 010 не взалчут, ниже вжаждут, ниже поразит их зной, ниже солнце, но Милуяй их утешит их и сквозе источники водныя проведет их. 023 ISA 049 011 И положу всяку гору в путь и всяку стезю в паству им. 023 ISA 049 012 Се, сии издалеча приидут, сии от севера и от моря, инии же от земли Персския. 023 ISA 049 013 Радуйтеся, небеса, и веселися, земле, да отрыгнут горы веселие и холми правду, яко помилова Бог люди Своя и смиренныя людий Своих утеши. 023 ISA 049 014 Рече же Сион: остави мя Господь, и Бог забы мя. 023 ISA 049 015 Еда забудет жена отроча свое, еже не помиловати изчадия чрева своего? Аще же и забудет сих жена, но Аз не забуду тебе, глаголет Господь. 023 ISA 049 016 Се, на руках Моих написах стены твоя, и предо Мною еси присно, 023 ISA 049 017 и вскоре возградишися, от нихже разорился еси, и опустошившии тя изыдут из тебе. 023 ISA 049 018 Возведи окрест очи твои и виждь вся, се, собрашася приидоша к тебе, живу Аз, глаголет Господь: яко всеми ими аки в красоту облечешися и обложиши себе ими яко утварию невеста. 023 ISA 049 019 Понеже пустая твоя и разсыпаная и падшая ныне утеснеют от обитающих, и удалятся от тебе поглощающии тя. 023 ISA 049 020 Рекут бо во ушы твои сынове твои, ихже был погубил еси: тесно ми место, сотвори ми место, да вселюся. 023 ISA 049 021 И речеши в сердцы своем: кто мне породи сих? Аз же безчадна и вдова, сих же кто воспита мне? Аз же остахся едина, сии же мне где быша? 023 ISA 049 022 Тако глаголет Господь Господь: се, воздвизаю на языки руку Мою и на островы воздвигну знамение Мое, и приведут сыны твоя в лоне и дщери твоя на плещах возмут. 023 ISA 049 023 И будут царие кормителие твои, и княгини их кормилицы твоя: до лица земли поклонятся тебе и прах ног твоих оближут, и увеси, яко Аз Господь Бог, и не посрамятся терпящии Мя. 023 ISA 049 024 Еда возмет кто от исполина корысти? И аще кто пленит неправедне, спасетлися? 023 ISA 049 025 Зане тако глаголет Господь: аще кто пленит исполина, возмет корысти: вземляй же от крепкаго спасется: Аз же прю твою разсужду и Аз сыны твоя избавлю: 023 ISA 049 026 и оскорбившии тебе снедят плоть свою и испиют яко вино ново кровь свою, и упиются: и увесть всяка плоть, яко Аз Господь Избавивый тя и заступаяй крепость Иаковлю. 023 ISA 050 001 Тако глаголет Господь: кая книга отпущения матере вашея, еюже отпустих ю? Или коему заимодавцу продах вы? Се, грехми вашими продастеся, и беззаконий ради ваших отпустих матерь вашу. 023 ISA 050 002 Что яко приидох, и не бяше человека? Звах, и не бе послушающаго? Еда не может рука Моя избавити, или не могу изяти? Се, запрещением Моим опустошу море и положу реки пусты, и изсхнут рыбы их не сущей воде и умрут жаждею: 023 ISA 050 003 облеку небо во тму и положу аки вретище одежду его. 023 ISA 050 004 Господь Господь дает Мне язык научения, еже разумети, егда подобает рещи слово: положи Мя утро утро, приложи Ми ухо, еже слышати, 023 ISA 050 005 и наказание Господне отверзает ушы Мои: Аз же не противлюся, ни противоглаголю. 023 ISA 050 006 Плещы Мои вдах на раны и ланите Мои на заушения, лица же Моего не отвратих от студа заплеваний, 023 ISA 050 007 и Господь Господь помощник Ми бысть: сего ради не усрамихся, но положих лице Свое аки твердый камень и разумех, яко не постыждуся: 023 ISA 050 008 зане приближается оправдавый Мя. Кто пряйся со Мною? Да сопротивостанет Мне купно. И кто судяйся со Мною? Да приближится ко Мне. 023 ISA 050 009 Се, Господь Господь поможет Ми: кто озлобит Мя? Се, вси вы яко риза обетшаете, и яко молие изяст вы. 023 ISA 050 010 Кто в вас бояйся Господа? Да послушает гласа Отрока Его. Ходящии во тме, и несть им света, надейтеся на имя Господне и утвердитеся о Бозе. 023 ISA 050 011 Се, вси вы огнь раждизаете и укрепляете пламень: ходите светом огня вашего и пламенем, егоже разжегосте. Мене ради быша сия вам, в печали успнете. 023 ISA 051 001 Послушайте Мене, гонящии правду и взыскающии Господа, воззрите на твердый камень, егоже изсекосте, и в юдоль потока, юже ископасте. 023 ISA 051 002 Воззрите на Авраама отца вашего и на Сарру породившую вы: яко един бе, и призвах его, и благослових его, и возлюбих его, и умножих его. 023 ISA 051 003 И тебе ныне утешу, Сионе, и утеших вся пустыни его, и поставлю пустыню его яко рай, и яже ко западом его аки рай Господень: радость и веселие обрящут в нем, исповедание и глас хваления. 023 ISA 051 004 Послушайте Мене, людие Мои, послушайте, и царие, ко Мне внушите: яко закон от Мене изыдет, и суд Мой во свет языком. 023 ISA 051 005 Приближается скоро правда Моя, и изыдет яко свет спасение Мое, и на мышцу Мою языцы надеятися будут: Мене острови ожидати и на мышцу Мою уповати будут. 023 ISA 051 006 Воздвигните на небо очи ваши и воззрите на землю долу, понеже небо яко дым утвердися, и земля яко риза обетшает, живущии же на земли якоже сия изомрут, спасение же Мое во век будет, и правда Моя не оскудеет. 023 ISA 051 007 Послушайте Мене, ведящии суд, людие Мои, имже закон Мой в сердцы вашем, не бойтеся укорения человеча и похулению их не покаряйтеся. 023 ISA 051 008 Якоже бо риза снедена будет временем, и яко сукно изястся мольми, правда же Моя во веки будет и спасение Мое в роды родов. 023 ISA 051 009 Востани, востани, Иерусалиме, и облецыся во крепость мышцы твоея, востани яко в начале дне, яко род века: не ты ли еси победил гордаго и расторгнул змиа? 023 ISA 051 010 Не ты ли еси опустошаяй море, воду бездны многу? Положивый глубины морския путь прохода изятым и избавленым? 023 ISA 051 011 Господем бо возвратятся и приидут в Сион с радостию и со веселием вечным: на главе бо их веселие и хвала, и радость приимет я: отбеже болезнь и печаль и воздыхание. 023 ISA 051 012 Аз есмь, Аз есмь Утешаяй тя: разумей, кто сый убоялся еси человека смертна и сына человеча, иже яко трава изсхоша, 023 ISA 051 013 и забыл еси Бога Создавшаго тя, Сотворшаго небо и основавшаго землю: и боялся еси присно во вся дни лица ярости стужающаго тебе: како бо восхоте взяти тя, и ныне где ярость стужающаго тебе? 023 ISA 051 014 Внегда бо спастися тебе, не станет, ниже умедлит: 023 ISA 051 015 яко Аз Бог твой, возмущаяй море и творяй шум волнам его: Господь Саваоф имя Мне. 023 ISA 051 016 Положу словеса Моя во уста твоя и под сению руки Моея покрыю тя, еюже поставих небо и основах землю: и речет Сиону: людие Мои есте вы. 023 ISA 051 017 Востани, востани, воскресени, Иерусалиме, испивый чашу ярости от руки Господни: чашу бо падения, фиал ярости испил и истощил еси, 023 ISA 051 018 и не бысть утешаяй тебе от всех чад твоих, яже родил еси, и не бысть подемлющаго руки твоея, ниже от всех сынов твоих, ихже вознесл еси. 023 ISA 051 019 Два сия противна тебе, кто сожалеет тебе? Падение и сокрушение, глад и мечь, кто утешит тя? 023 ISA 051 020 Сынове твои обнищавшии, седяще на краи всякаго исхода, яко свекла недовареная, исполнени ярости Господни, разслаблени Господем Богом. 023 ISA 051 021 Сего ради слыши, смиренный и упивыйся не вином: 023 ISA 051 022 тако глаголет Господь Бог судяй людем Своим: се, взях от руки твоея чашу падения, фиал ярости Моея, и не приложиши ксему пити ея: 023 ISA 051 023 и вложу ю в руце преобидевших тя и смиривших тя, иже рекоша души твоей: преклонися, да минем: и положил еси равно земли плещы твоя отвне мимоходящым. 023 ISA 052 001 Востани, востани, Сионе, облецыся во крепость твою, Сионе, и ты облецыся во славу твою, Иерусалиме, граде святый, ктому не приложит проити сквозе тя необрезанный и нечистый. 023 ISA 052 002 Истряси прах и востани, сяди, Иерусалиме, совлецы узу выи твоея, плененая дщи Сионя. 023 ISA 052 003 Яко сия глаголет Господь: туне продани бысте, и не сребром избавитеся. 023 ISA 052 004 Тако глаголет Господь: во Египет снидоша людие Мои прежде, еже пришелцем быти тамо, и во Ассирию нуждею отведошася. 023 ISA 052 005 И ныне что зде есте? Сия глаголет Господь: яко взяшася людие Мои туне, чудитеся и плачитеся. Тако глаголет Господь: вас ради присно имя Мое хулится во языцех. 023 ISA 052 006 Сего ради познают людие Мои имя Мое в той день, яко Аз есмь Сам глаголяй, ту есмь. 023 ISA 052 007 Коль красны на горах ноги благовествующих мир, благовествующих благая, яко слышано сотворю спасение твое, глаголя: Сионе, воцарится Бог твой. 023 ISA 052 008 Яко глас хранящих тя вознесеся, и гласом вкупе возрадуются: яко очи ко очесем воззрят, егда помилует Господь Сиона. 023 ISA 052 009 Да отрыгнут веселие вкупе пустыни Иерусалимския, яко помилова Господь людий Своих и избави Иерусалима: 023 ISA 052 010 и открыет Господь мышцу Свою святую пред всеми языки, и узрят вси концы земли спасение, еже от Бога нашего. 023 ISA 052 011 Отступите, отступите, изыдите отсюду и нечистоте не прикасайтеся, изыдите от среды его, отлучитеся, носящии сосуды Господни: 023 ISA 052 012 яко не с мятежем изыдете, ниже убежанием пойдете: пойдет бо пред вами Господь, и собираяй вы Господь Бог Израилев. 023 ISA 052 013 Се, уразумеет отрок Мой и вознесется и прославится зело. 023 ISA 052 014 Якоже ужаснутся о Тебе мнози, тако обезславится от человек вид Твой, и слава Твоя от сынов человеческих. 023 ISA 052 015 Тако удивятся языцы мнози о Нем, и заградят царие уста своя: яко, имже не возвестися о Нем, узрят, и иже не слышаша, уразумеют. 023 ISA 053 001 Господи, кто верова слуху нашему, и мышца Господня кому открыся? 023 ISA 053 002 Возвестихом, яко отроча пред Ним яко корень в земли жаждущей, несть вида Ему, ниже славы: и видехом Его, и не имяше вида, ни доброты: 023 ISA 053 003 но вид Его безчестен, умален паче всех сынов человеческих: человек в язве сый и ведый терпети болезнь, яко отвратися лице Его, безчестно бысть, и не вменися. 023 ISA 053 004 Сей грехи нашя носит и о нас болезнует, и мы вменихом Его быти в труде и в язве от Бога и во озлоблении. 023 ISA 053 005 Той же язвен бысть за грехи нашя и мучен бысть за беззакония наша, наказание мира нашего на Нем, язвою Его мы изцелехом. 023 ISA 053 006 Вси яко овцы заблудихом: человек от пути своего заблуди, и Господь предаде Его грех ради наших. 023 ISA 053 007 И Той, зане озлоблен бысть, не отверзает уст Своих: яко овча на заколение ведеся, и яко агнец пред стригущим его безгласен, тако не отверзает уст Своих. 023 ISA 053 008 Во смирении Его суд Его взятся: род же Его кто исповесть? Яко вземлется от земли живот Его, ради беззаконий людий Моих ведеся на смерть. 023 ISA 053 009 И дам лукавыя вместо погребения Его и богатыя вместо смерти Его: яко беззакония не сотвори, ниже обретеся лесть во устех Его. 023 ISA 053 010 И Господь хощет очистити Его от язвы: аще дастся о гресе, душа ваша узрит семя долгоживотное. 023 ISA 053 011 И хощет Господь рукою Своею отяти болезнь от души Его, явити Ему свет и создати разумом, оправдати праведнаго благо служаща многим, и грехи их Той понесет. 023 ISA 053 012 Сего ради Той наследит многих и крепких разделит корысти, зане предана бысть на смерть душа Его, и со беззаконными вменися, и Той грехи многих вознесе и за беззакония их предан бысть. 023 ISA 054 001 Возвеселися, неплоды, нераждающая возгласи и возопий, нечревоболевшая, яко многа чада пустыя паче, нежели имущия мужа. 023 ISA 054 002 Рече бо Господь: разшири место, кущи твоея и покровов твоих, водрузи, не пощади, продолжи ужя твоя и колие твое укрепи, 023 ISA 054 003 еще на десно и на лево простри: и семя твое языки наследит, и грады опустевшыя населиши. 023 ISA 054 004 Не бойся, яко посрамлена еси, ниже устыдися, яко укорена еси: понеже срамоту вечную забудеши и укоризны вдовства твоего не помянеши ктому. 023 ISA 054 005 Яко Господь Творяй тя, Господь Саваоф имя Ему: и Избавивый тя Святый Бог Израилев, всей земли прозовется. 023 ISA 054 006 Не яко жену оставлену и малодушну призва тя Господь, ниже яко жену из юности возненавидену, рече Бог твой. 023 ISA 054 007 На время мало оставих тя, а с милостию великою помилую тя: 023 ISA 054 008 во ярости мале отвратих лице Мое от тебе, но милостию вечною помилую тя, рече Избавивый тя Господь. 023 ISA 054 009 От воды, яже при Нои, сие Ми есть, якоже кляхся Ему во время оно на землю, не разгневатися о тебе ктому, ниже во прещении твоем 023 ISA 054 010 горы преставити, и холми твои не предвигнутся: тако ниже, яже от Мене к тебе, милость оскудеет, ниже завет мира твоего преставится: рече бо милостив к тебе Господь. 023 ISA 054 011 Смиренная и колеблемая не имела еси утешения: се, Аз уготовляю тебе анфракс камень твой и на основание твое сапфир: 023 ISA 054 012 и положу забрала твоя иаспис, и врата твоя камение кристалла, и ограждение твое камение избранное, 023 ISA 054 013 и вся сыны твоя научены Богом, и во мнозе мире чада твоя. 023 ISA 054 014 И правдою возградишися: удалися от неправеднаго, и не убоишися, и трепет не приближится тебе. 023 ISA 054 015 Се, пришелцы приидут к тебе Мною и вселятся у тебе и к тебе прибегнут. 023 ISA 054 016 Се, Аз создах тя, не якоже кузнец раздуваяй углие и износя сосуд на дело: Аз же создах тя не на пагубу, еже истлити. 023 ISA 054 017 Всяк сосуд соделан на тя не благопоспешу, и всяк глас, иже на тя востанет на прю, одолееши им всем: повиннии же твои будут в нем есть наследие служащым Господеви, и вы будете Мне праведни, глаголет Господь. 023 ISA 055 001 Жаждущии, идите на воду, и елицы не имате сребра, шедше купите, и ядите (и пийте) без сребра и цены вино и тук. 023 ISA 055 002 Вскую цените сребро не в хлебы, и труд ваш не в сытость? Послушайте Мене, и снесте благая, и насладится во благих душа ваша. 023 ISA 055 003 Внемлите ушима вашима и последуйте путем Моим: послушайте Мене, и жива будет во благих душа ваша, и завещаю вам завет вечен, преподобная Давидова верная. 023 ISA 055 004 Се, свидетелство во языцех дах Его, князя и повелителя языком. 023 ISA 055 005 Се, языцы, иже не ведяху тебе, призовут тя, и людие, иже не познаша тебе, ко тебе прибегнут ради Господа Бога твоего, Святаго Израилева, яко прослави тя. 023 ISA 055 006 Взыщите Господа, и внегда обрести вам Того, призовите: егда же приближится к вам, 023 ISA 055 007 да оставит нечестивый пути своя, и муж беззаконен советы своя, и да обратится ко Господу, и помилован будет, яко попремногу оставит грехи вашя. 023 ISA 055 008 Не суть бо совети Мои якоже совети ваши, ниже якоже путие ваши путие Мои, глаголет Господь. 023 ISA 055 009 Но якоже отстоит небо от земли, тако отстоит путь Мой от путий ваших, и помышления ваша от мысли Моея. 023 ISA 055 010 Якоже бо аще снидет дождь или снег с небесе, и не возвратится, дондеже напоит землю, и родит, и прозябнет, и даст семя сеющему и хлеб в снедь: 023 ISA 055 011 тако будет глаголгол Мой, иже аще изыдет из уст Моих, не возвратится ко Мне тощь, дондеже совершит (вся), елика восхотех, и поспешу пути твоя и заповеди Моя. 023 ISA 055 012 Со веселием бо изыдете и с радостию научитеся: горы бо и холми возскачут ждуще вас с радостию, и вся древеса селная восплещут ветвьми: 023 ISA 055 013 и вместо драчия взыдет кипарис, и вместо кропивы взыдет мирсина: и будет Господь во имя и во знамение вечное, и не оскудеет. 023 ISA 056 001 Сия глаголет Господь: сохраните суд и сотворите правду, приближися бо спасение Мое приити и милость Моя открытися. 023 ISA 056 002 Блажен муж творяй сия, и человек держайся их, и храняй субботы не оскверняти, и блюдый руце свои не творити неправды. 023 ISA 056 003 Да не глаголет иноплеменник приложивыйся ко Господеви: еда отлучит мя Господь от людий Своих? И да не глаголет каженик, яко аз есмь древо сухо. 023 ISA 056 004 Сия глаголет Господь кажеником: елицы сохранят субботы Моя и изберут яже Аз хощу и содержат завет Мой, 023 ISA 056 005 дам им в дому Моем и во ограде Моей место именито, лучшее от сынов и дщерей, имя вечно дам им, и не оскудеет: 023 ISA 056 006 и иноплеменником приложившымся Господеви работати Ему и любити имя Господне, еже быти Ему в рабы и рабыни, и вся снабдящыя субботы Моя не оскверняти и держащыя завет Мой, 023 ISA 056 007 введу я в гору святую Мою и возвеселю я в дому молитвы Моея: всесожжения их и жертвы их будут приятны на требнице Моем: дом бо Мой дом молитвы наречется всем языком, 023 ISA 056 008 глаголет Господь, собираяй разсеяныя Израилевы, яко соберу к нему собор. 023 ISA 056 009 Вси зверие дивии, приидите, ядите, вси зверие дубравнии. 023 ISA 056 010 Видите, яко вси ослепоша, не разумеша смыслити, вси пси немии не возмогут лаяти, видяще сны на ложи, любяще дремати, 023 ISA 056 011 и пси безстуднии душею, не ведяще сытости: и суть лукави, не ведяще смысла, вси путем своим последоваша, кийждо уклонишася в лихоимство свое, от перваго и до последняго. 023 ISA 056 012 Приидите, да возмем вино и наполнимся пиянства, и будет яко днесь, тако и заутра, и много множае. 023 ISA 057 001 Видите, како праведный погибе, и никтоже не приемлет сердцем, и мужие праведнии вземлются, и никтоже разумеет: от лица бо неправды взяся праведный. 023 ISA 057 002 Будет с миром погребение его, взяся от среды. 023 ISA 057 003 Вы же приидите семо, сынове беззаконнии, семя прелюбодеев и блудницы: 023 ISA 057 004 в чем услаждастеся и на кого отверзосте уста ваша? И на кого изсунусте язык ваш? Не вы ли есте чада пагубы, семя беззаконно, 023 ISA 057 005 молящиися кумиром под древием частым, закалающе чада своя в дебрех посреде камения? 023 ISA 057 006 То твоя часть, сей твой жребий, и тем пролиял еси возлияния, и тем принесл еси жертвы: о сих убо не разгневаюся ли? 023 ISA 057 007 На горе высоце и превознесенне, тамо твое ложе, и тамо вознесл еси требы твоя: 023 ISA 057 008 и за подвоями дверий твоих положил еси память твою: мыслил еси, яко аще от Мене отступиши, более нечто возимееши: возлюбил еси спящыя с тобою, 023 ISA 057 009 и умножил еси блужение твое с ними, и многи сотворил, иже далече от тебе, и послал еси послы за пределы твоя, и смирился еси даже до ада. 023 ISA 057 010 Многими путьми твоими трудился еси, и не рекл еси: престану крепящься, яко сотворил еси сия, сего ради не помолился ми еси ты. 023 ISA 057 011 Кого благопочет убоялся еси, и солгал Ми, и не помянул еси Мене, ниже приял Мя еси во ум, ниже в сердце твое? И Аз тя видя, презираю, и не убоялся еси Мене. 023 ISA 057 012 И аз возвещу правду твою и злобы твоя, яже не успеют тебе: 023 ISA 057 013 егда возопиеши, да избавят тя во печалех твоих: сия бо вся ветр возмет, и отнесет буря: а держащиися Мене стяжут землю и наследят гору святую Мою. 023 ISA 057 014 И рекут: очистите пред лицем его пути и отимите претыкания от пути людий Моих. 023 ISA 057 015 Сия глаголет Господь Вышний, Иже живет во высоких во век, Святый во святых имя Ему, Вышний, во святых почиваяй, и малодушным даяй долготерпение и даяй живот сокрушеным сердцем: 023 ISA 057 016 не во век отмщу вам, ни всегда гневатися буду на вы: дух бо от Мене изыдет, и всякое дыхание Аз сотворих. 023 ISA 057 017 За грех мало что опечалих его и поразих его и отвратих лице Мое от него: и опечалися и пойде дряхл во путех своих. 023 ISA 057 018 Пути его видех и изцелих его, и утеших его и дах ему утешение истинно, 023 ISA 057 019 мир на мир далече и близ сущым: и рече Господь: изцелю я. 023 ISA 057 020 Неправеднии же возволнуются и почити не возмогут. 023 ISA 057 021 Несть радоватися нечестивым, рече Господь Бог. 023 ISA 058 001 Возопий крепостию и не пощади: яко трубу возвыси глас твой и возвести людем Моим грехи их и дому Иаковлю беззакония их. 023 ISA 058 002 Мене день от дне ищут и разумети пути Моя желают, яко людие правду сотворившии и суда Бога своего не оставившии: просят ныне у Мене суда праведна и приближитися ко Господу желают, глаголюще: 023 ISA 058 003 что яко постихомся, и не увидел еси? Смирихом душы нашя, и не уведел еси? Во дни бо пощений ваших обретаете воли вашя, и вся подручныя вашя томите: 023 ISA 058 004 аще в судех и сварех поститеся и биете пястьми смиреннаго, вскую Мне поститеся якоже днесь, еже услышану быти с воплем гласу вашему? 023 ISA 058 005 Не сицеваго поста Аз избрах и дне, еже смирити человеку душу свою: ниже аще слячеши яко серп выю твою, и вретище и пепел постелеши, ниже тако наречете пост приятен. 023 ISA 058 006 Не таковаго (бо) поста Аз избрах, глаголет Господь: но разрешай всяк соуз неправды, разрушай обдолжения насильных писаний, отпусти сокрушенныя во свободу и всякое писание неправедное раздери: 023 ISA 058 007 раздробляй алчущым хлеб твой и нищыя безкровныя введи в дом твой: аще видиши нага, одей, и от свойственных племене твоего не презри. 023 ISA 058 008 Тогда разверзется рано свет твой, и изцеления твоя скоро возсияют, и предидет пред тобою правда твоя, и слава Божия оымет тя. 023 ISA 058 009 Тогда воззовеши, и Бог услышит тя, и еще глаголющу ти, речет: се, приидох. Аще отимеши от себе соуз и рукобиение и глагол роптания 023 ISA 058 010 и даси алчущему хлеб от души твоея и душу смиренную насытиши, тогда возсияет во тме свет твой, и тма твоя будет яко полудне, 023 ISA 058 011 и будет Бог твой с тобою присно: и насытишися, якоже желает душа твоя, и кости твоя утучнеют, и будут яко вертоград напоен, и яко источник, емуже не оскуде вода: и кости твоя прозябнут яко трава, и разботеют, и наследят роды родов. 023 ISA 058 012 И созиждутся пустыни твоя вечныя, и будут основания твоя вечная родом родов: и прозовешися здатель оград, и стези твоя посреде упокоиши. 023 ISA 058 013 Аще отвратиши ногу твою от суббот, еже не творити хотений твоих в день святый, и прозовеши субботы сладостны, святы Богови твоему: не воздвигнеши ноги своея на дело, ниже возглаголеши словесе во гневе из уст твоих, 023 ISA 058 014 и будеши уповая на Господа, и возведет тя на благоты земныя, и ухлебит тя наследием Иакова отца твоего: уста бо Господня глаголаша сия. 023 ISA 059 001 Еда не может рука Господня спасти? Или отягчил есть слух Свой, еже не услышати? 023 ISA 059 002 Но греси ваши разлучают между вами и между Богом, и грех ради ваших отврати лице Свое от вас еже не помиловати. 023 ISA 059 003 Руце бо ваши осквернене кровию, и персты ваши во гресех, устне же ваши возглаголаша беззаконие, и язык ваш неправде поучается. 023 ISA 059 004 Никтоже глаголет правды, ниже есть суд истинен: уповают на суетная и глаголют тщетная, яко зачинают труд и раждают беззаконие. 023 ISA 059 005 Яица аспидска разбиша и постав паучинный ткут, и хотяй от яиц их ясти, разбив запорток (его), обрете и в нем василиска. 023 ISA 059 006 Постав их не будет на ризу, и не одеждутся от дел своих: дела бо их дела беззакония. 023 ISA 059 007 Нозе же их на зло текут, скори пролияти кровь, и мысли их мысли о убийствах: сокрушение и бедность во путех их, 023 ISA 059 008 и пути мирнаго не познаша, и несть суда во путех их: стези во их развращены, по нихже ходят и не ведят мира. 023 ISA 059 009 Того ради отступи от них суд, и не постигнет их правда: ждущым им света, бысть им тма, ждуще зари во мраце ходиша. 023 ISA 059 010 Осяжут яко слепии стену, яко суще без очес осязати будут, и падутся в полудни яко в полунощи, яко умирающе возстенут 023 ISA 059 011 яко медведь, и яко голубь вкупе пойдут. Ждахом суда, и несть, спасение далече отступи от нас. 023 ISA 059 012 Много бо беззаконие наше пред Тобою, и греси наши противу сташа нам: беззакония бо наша в нас, и неправды нашя уразумехом: 023 ISA 059 013 нечествовахом и солгахом и отступихом от последования Бога нашего: глаголахом неправду и не покорихомся, во утробе зачахом и поучихомся от сердца нашего словесем неправедным: 023 ISA 059 014 и оставихом созади суд, и правда далече отступи от нас: яко изнеможе во путех их истина, и правым (путем) не возмогоша прейти: 023 ISA 059 015 и истина взяся, и преставиша ум свой еже смыслити. И виде Господь и негодова, яко не бяше суда: 023 ISA 059 016 и виде, и не бяше мужа, и помысли, и не бяше избавляющаго: и мсти им мышцею Своею, и помилованием утверди. 023 ISA 059 017 И одеяся правдою яко щитом, и возложи шлем спасения на главу, и облечеся в ризу отмщения, и одеждею Своею: 023 ISA 059 018 яко воздаваяй воздаяние укоризну супостатом. 023 ISA 059 019 И убоятся, иже от запад, имене Господня, и иже от восток солнца, имене Его славнаго: приидет бо яко река насильная гнев от Господа, приидет со яростию. 023 ISA 059 020 И приидет Сиона ради Избавляяй, и отвратит нечестие от Иакова. 023 ISA 059 021 И сей им иже от Мене завет, рече Господь: Дух Мой, иже есть в тебе, и глаголголы, яже Аз дах во уста твоя, не оскудеют от уст твоих и от уст семене твоего: рече бо Господь отныне и во век. 023 ISA 060 001 Светися, светися Иерусалиме, прииде бо твой свет, и слава Господня на тебе возсия. 023 ISA 060 002 Се, тма покрыет землю, и мрак на языки, на тебе же явится Господь, и слава Его на тебе узрится. 023 ISA 060 003 И пойдут царие светом твоим, и языцы светлостию твоею. 023 ISA 060 004 Возведи окрест очи твои и виждь собраная чада твоя: се, приидоша вси сынове твои издалеча, и дщери твоя на рамех возмутся. 023 ISA 060 005 Тогда узриши и возрадуешися, и убоишися и ужаснешися сердцем, яко преложится к тебе богатство морское и языков и людий: 023 ISA 060 006 и приидут к тебе стада велблюд, и покрыют тя велблюди Мадиамстии и Гефарстии: вси от Савы приидут, носяще злато, и Ливан принесут и камень честен, и спасение Господне благовозвестят: 023 ISA 060 007 и вся овцы Кидарския соберутся тебе, и овни Навеофстии приидут к тебе, и вознесутся приятная на жертвенник Мой, и дом молитвы Моея прославится. 023 ISA 060 008 Кии суть, иже яко облацы летят, и яко голубие со птенцы ко мне? 023 ISA 060 009 Мене острови ждаша, и корабли Фарсийстии во первых, привести чада твоя издалеча, и сребро и злато их с ними, имене ради Господня Святаго, и за еже Святому Израилеву славну быти. 023 ISA 060 010 И созиждут сынове инороднии стены твоя, и царие их предстояти будут тебе: за гнев бо Мой поразих тя и за милость Мою возлюбих тя. 023 ISA 060 011 И отверзутся врата твоя присно, день и нощь не затворятся, ввести к тебе силу язык и цари их ведомыя. 023 ISA 060 012 Языцы бо и царие, иже не поработают ти, погибнут, и языцы запустением запустеют. 023 ISA 060 013 И слава Ливанова к тебе приидет, кипарисом и певгом и кедром вкупе, прославити место святое Мое, и место ногу Моею прославлю. 023 ISA 060 014 И пойдут к тебе боящеся сынове смиривших тя и раздраживших тя, и поклонятся следам ногу твоею вси прогневавшии тя, и наречешися град Господень, Сион Святаго Израилева. 023 ISA 060 015 За сие, яко был еси оставлен и возненавиден и не бе помагающаго ти, положу тя в радость вечную, веселие родом родов. 023 ISA 060 016 И изссеши млеко языков и богатство царей снеси, и уразумееши, яко Аз Господь Спасаяй тя и Избавляяй тя Бог Израилев. 023 ISA 060 017 И вместо меди принесу ти злато, и вместо железа принесу ти сребро, и вместо древес принесу ти медь, и вместо камения железо: и вдам князи твоя в мир и надзиратели твоя в правду. 023 ISA 060 018 И не услышится посем неправда в земли твоей, ни сокрушение ни бедность во пределех твоих, но прозовется спасение забрала твоя и врата твоя хвала. 023 ISA 060 019 И не будет тебе ктому солнце во свет дне, ниже восход луны просветит твою нощь, но будет тебе Господь свет вечный и Бог слава твоя. 023 ISA 060 020 Не зайдет бо солнце тебе, и луна не оскудеет тебе: будет бо Господь тебе свет вечный, и исполнятся дние рыдания твоего. 023 ISA 060 021 И людие твои вси праведнии в век наследят землю, храняще сад дела руку Его в славу. 023 ISA 060 022 Малый будет в тысящы, а малейший во язык велик: Аз Господь по времени соберу их. 023 ISA 061 001 Дух Господень на Мне, Егоже ради помаза Мя, благовестити нищым посла Мя, изцелити сокрушенныя сердцем, проповедати пленником отпущение и слепым прозрение, 023 ISA 061 002 нарещи лето Господне приятно и день воздаяния, утешити вся плачущыя, 023 ISA 061 003 дати плачущым Сиона славу вместо пепела, помазание веселия плачущым, украшение славы вместо, духа уныния: и нарекутся родове правды насаждение Господне во славу. 023 ISA 061 004 И созиждут пустыни вечныя, запустевшыя прежде воздвигнут: и обновят грады пустыя, опустошенныя в роды. 023 ISA 061 005 И приидут инороднии, пасущии овцы твоя, и иноплеменницы орателие и виноградарие ваши: 023 ISA 061 006 вы же священницы Господни наречетеся, служителие Бога вашего, речется вам: крепость язык снесте и в богатстве их чудни будете. 023 ISA 061 007 Сице землю свою вторицею наследят, и веселие вечное над главою их. 023 ISA 061 008 Аз бо есмь Господь любяй правду и ненавидяй грабления от неправды: и дам труд их праведником и завет вечен завещаю им. 023 ISA 061 009 И познается во языцех семя их, и внуцы их посреде людий: всяк видяй я познает я, яко сии суть семя благословено от Бога, и радостию возрадуются о Господе. 023 ISA 061 010 Да возрадуется душа моя о Господе: облече бо мя в ризу спасения и одеждею веселия (одея мя): яко на жениха возложи на мя венец, и яко невесту украси мя красотою. 023 ISA 061 011 И яко земля растящая цвет свой, и яко вертоград семена своя прозябает: тако возрастит Господь Господь правду и веселие пред всеми языки. 023 ISA 062 001 Сиона ради не умолчу и Иерусалима ради не попущу, дондеже изыдет яко свет правда моя, и спасение мое яко светило разжжется. 023 ISA 062 002 И узрят языцы правду твою, и царие славу твою, и прозовут тя именем новым, имже Господь наименует е. 023 ISA 062 003 И будеши венец доброты в руце Господни и диадима царствия в руце Бога твоего: 023 ISA 062 004 и не прозовешися ктому оставлен, и земля твоя ктому не наречется пуста: тебе бо прозовется воля Моя, и земля твоя вселенная, яко благоволи Господь в тебе, и земля твоя вкупе населится. 023 ISA 062 005 И якоже живяй юноша с девою, тако поживут сынове твои с тобою: и будет якоже радуется жених о невесте, тако возрадуется Господь о тебе. 023 ISA 062 006 И на стенах твоих, Иерусалиме, приставих стражы весь день и всю нощь, иже до конца не премолкнут поминающе Господа. 023 ISA 062 007 Несть бо вам подобен: аще исправиши и сотвориши, Иерусалиме, радование на земли. 023 ISA 062 008 Клятся Господь десницею Своею и крепостию мышцы Своея: аще ктому отдам пшеницу твою и пищу твою врагом твоим, и аще ктому испиют вино твое сынове чуждии, о немже трудился еси: 023 ISA 062 009 но собирающии снедят я и похвалят Господа, и оымающии испиют я во дворех святых Моих. 023 ISA 062 010 Идите враты Моими и путь сотворите людем Моим, и камение, еже на пути, размещите: воздвигните знамение на языки. 023 ISA 062 011 Се бо, Господь слышано сотвори до последних земли: рцыте дщери Сионове: се, Спаситель твой грядет, имеяй с Собою мзду и дело Свое пред лицем Своим. 023 ISA 062 012 И прозовет я люди святы, избавлены Господем: ты же прозовешися взыскан град и не оставлен. 023 ISA 063 001 Кто Сей пришедый от Едома, червлены ризы Его от Восора, Сей красен во утвари, зело с крепостию? Аз глаголю правду и суд спасения. 023 ISA 063 002 Почто червлены ризы Твоя и одежды Твоя яко от истоптания точила? 023 ISA 063 003 Исполнен истоптания, и от язык несть мужа со Мною: и попрах я яростию Моею, и сотрох я яко персть, и сведох кровь их в землю и вся ризы Моя омочих: 023 ISA 063 004 день бо воздаяния прииде на них, и лето избавления приспе: 023 ISA 063 005 и воззрех, и не бе помощника: и помыслих, и никтоже заступи: и избави я мышца Моя, и ярость Моя наста: 023 ISA 063 006 и попрах я гневом Моим и сведох кровь их в землю. 023 ISA 063 007 Милость Господню помянух, добродетели Господни во всех, имиже нам воздает: Господь, судия благ дому Израилеву, наводит нам по милости Своей и по множеству правды Своея. 023 ISA 063 008 И рече: не людие ли Мои? Чада, и не отвергнутся. И бысть им во спасение и всякия скорби их. 023 ISA 063 009 Не ходатай, ниже Ангел, но Сам Господь спасе их, зане любит их и щадит их: Сам избави их и восприят их и вознесе их во вся дни века. 023 ISA 063 010 Тии же не покоришася и разгневаша Духа Святаго Его, и обратися им на вражду, и Той воева на ня. 023 ISA 063 011 И помяну дни вечныя: где возведый от земли пастыря овец Своих? Где есть вложивый в них Духа Святаго? 023 ISA 063 012 Возведшая десницею Моисеа, мышца славы Его раздели воду пред лицем его сотворити Ему имя вечно, 023 ISA 063 013 проведе их сквозе бездну, якоже коня сквозе пустыню, и не утрудишася, 023 ISA 063 014 и яко скоты по полю, и сниде Дух от Господа и настави их: тако провел еси люди Твоя сотворити Тебе Самому имя славно. 023 ISA 063 015 Обратися, Господи, от небесе и виждь от дому святаго Твоего и славы Твоея: где есть ревность Твоя и крепость Твоя? Где есть множество милости Твоея и щедрот Твоих, яко терпел еси нам? 023 ISA 063 016 Ты бо еси Отец наш, понеже Авраам не уведе нас, и Израиль не позна нас, но Ты, Господи, Отец наш, избави ны, исперва имя Твое на нас есть. 023 ISA 063 017 Что уклонил еси нас, Господи, от пути Твоего? И ожесточил еси сердца наша, еже не боятися Тебе? Обратися ради раб Твоих, ради племен достояния Твоего, 023 ISA 063 018 да (поне) мало наследим горы святыя Твоея. Противницы наши попраша святыню Твою: 023 ISA 063 019 быхом яко исперва, егда не владел еси нами, ниже бе наречено имя Твое на нас. 023 ISA 064 001 Аще отверзеши небо, трепет приимут от Тебе горы и растают, 023 ISA 064 002 яко тает воск от лица огня, и попалит огнь супостаты, и явлено будет имя Твое в сопротивных Твоих: от лица Твоего языцы возмятутся: 023 ISA 064 003 егда сотвориши славная, трепет приимут от Тебе горы. 023 ISA 064 004 От века не слышахом, ниже очи наши видеша бога, разве Тебе, и дела Твоя, яже сотвориши ждущым милости. 023 ISA 064 005 Милость бо срящет творящих правду, и пути Твоя помянутся: се, Ты разгневался еси, и мы согрешихом. 023 ISA 064 006 Сего ради заблудихом и быхом яко нечисти вси мы, якоже порт нечистыя вся правда наша, и отпадохом яко листвие беззаконий ради наших: тако ветр восхитит нас. 023 ISA 064 007 И несть призываяй имя Твое и помянувый удержати Тя: яко отвратил еси лице Твое от нас и предал ны еси беззаконий ради наших. 023 ISA 064 008 И ныне, Господи, Отец наш еси Ты, мы же брение, дела руку Твоею вси: 023 ISA 064 009 не прогневайся на ны зело и не помяни во время беззаконий наших, и ныне призри, яко людие Твои вси мы. 023 ISA 064 010 Град святилища Твоего бысть пуст, Сион якоже пустыня бысть, Иерусалим на проклятие: 023 ISA 064 011 дом святый наш и слава, юже благословиша отцы наши, бысть огнем пожжен, и вся славная наша купно падоша. 023 ISA 064 012 И о всех сих терпел еси, Господи, и молчал, и смирил еси ны зело. 023 ISA 065 001 Явлен бых не ищущым Мене, обретохся не вопрошающым о Мне, рекох: се, есмь: языку, иже не призваша имене Моего. 023 ISA 065 002 Прострох руце Мои весь день к людем не покаряющымся и противу глаголющым, иже не ходиша путем истинным, но вслед грехов своих. 023 ISA 065 003 Людие сии разгневляющии Мя пред лицем Моим присно: тии жертвы приносят в вертоградех и кадят во чрепех бесом, иже не суть, 023 ISA 065 004 и во гробех и во пещерах лежат соний ради, иже ядят мяса свиная и юху треб, осквернени сосуди их вси: 023 ISA 065 005 иже глаголют: отиди от мене, не прикоснися мне, яко чист есмь. Сей дым ярости Моея, огнь горит в нем вся дни. 023 ISA 065 006 Се, написася предо Мною: не умолчу, дондеже отдам в недра им грехи их и грехи отец их глаголет Господь: 023 ISA 065 007 иже кадяху на горах и на хомех укориша Мя, отдам дела их в недра им. 023 ISA 065 008 Тако глаголет Господь: имже образом обретается ягода на грезне, и рекут: не погуби его, яко благословение есть в нем: тако сотворю служащаго Ми ради, не имам всех погубити ради его: 023 ISA 065 009 и изведу из Иакова семя и из Иуды, и наследит гору святую Мою, и наследят избраннии Мои и раби Мои и вселятся тамо. 023 ISA 065 010 И будут во дубраве ограды стадом, и юдоль Ахорская в покоище говядов людем Моим, иже взыскаша Мене. 023 ISA 065 011 Вы же, оставившии Мя и забывающии гору святую Мою, и уготовлящии демону трапезу и исполняющии щастию растворение, 023 ISA 065 012 Аз предам вас под мечь, вси закланием падете: яко звах вас и не послушасте, глаголах, и преслушасте и сотвористе лукавое предо Мною и яже не хотех избрасте. 023 ISA 065 013 Сего ради тако глаголет Господь: се, работающии Ми ясти будут, вы же взалчете: се, работающии Ми пити будут, вы же возжаждете: 023 ISA 065 014 се, работающии Ми возрадуются, вы же посрамитеся: се, работающии Ми возвеселятся в веселии сердца, вы же возопиете в болезни сердца вашего и от сокрушения духа восплачетеся. 023 ISA 065 015 Оставите бо имя ваше в насыщение избранным Моим, вас же избиет Господь: работающым же Мне наречется имя новое, 023 ISA 065 016 еже благословится на земли, благословят бо Бога истиннаго: и кленущиися на земли клятися будут Богом истинным, забудут бо печаль свою первую, и не взыдет им на сердце. 023 ISA 065 017 Будет бо небо ново и земля нова, и не помянут прежних, ниже взыдут на сердце их, 023 ISA 065 018 но радость и веселие обрящут на ней, яко се, Аз творю веселие Иерусалиму и людем Моим радость. 023 ISA 065 019 И возвеселюся о Иерусалиме и возрадуюся о людех Моих, и ксему не услышится в нем глас плача, ни глас вопля, 023 ISA 065 020 ниже будет тамо младенец, ни старец, иже не исполнит лет своих: будет бо юный ста лет, умираяй же грешник ста лет и проклят будет. 023 ISA 065 021 И созиждут домы и сами вселятся, и насадят винограды и сами снедят плоды их. 023 ISA 065 022 Не созиждут, да инии вселятся, и не насадят, да инии снедят: якоже бо дние древа жизни, будут дние людий Моих: дела бо трудов их обетшают. 023 ISA 065 023 Избраннии же мои не имут трудитися вотще, ниже породят чад на проклятие, яко семя благословено есть Богом, и внуцы их с ними будут. 023 ISA 065 024 И будет, прежде неже воззвати им, Аз услышу их, еще глаголющым им, реку: что есть? 023 ISA 065 025 Тогда волцы и агнцы имут пастися вкупе, и лев яко вол снесть плевы, и змия землю яко хлеб: не повредят, ниже погубят на горе святей Моей, глаголет Господь. 023 ISA 066 001 Тако глаголет Господь: небо престол Мой, земля же подножие ногу Моею: кий дом созиждете Ми, и кое место покоища Моего? 023 ISA 066 002 Вся бо сия сотвори рука Моя, и сия суть вся Моя, глаголет Господь. И на кого воззрю, токмо на кроткаго и молчаливаго и трепещущаго словес Моих? 023 ISA 066 003 Беззаконник же жряй ми телца, яко убиваяй пса: и приносяй семидал, яко кровь свиную: даяй ливан в память, аки хулник. И тии избраша пути своя, и мерзости их, яже душа их изволи. 023 ISA 066 004 И Аз изберу поругания их и грехи их воздам им: яко звах их, и не послушаша Мене, глаголах, и преслушаша и сотвориша злое предо Мною, и яже не хотех избраша. 023 ISA 066 005 Услышите глаголгол Господень, трепещущии словесе Его: рцыте, братия, ненавидящым вас и гнушающымся, да имя Господне прославится и явится во веселии их, и они посрамятся. 023 ISA 066 006 Глас вопля от града, глас от храма, глас Господа воздающаго воздаяние сопротивящымся. 023 ISA 066 007 Прежде неже чревоболети ей, роди, прежде неже приити труду чревоболения, избеже и породи мужеск пол. 023 ISA 066 008 Кто слыша сицевое, и кто виде сице? Аще родила земля с болезнию во един день? Или и родися язык весь купно, яко поболе и роди Сион дети своя? 023 ISA 066 009 Аз же дах чаяние сие, и не помянул еси Мене, рече Господь. Не се ли, Аз родящую и неплодную сотворих? Рече Бог твой. 023 ISA 066 010 Веселися, Иерусалиме, и торжествуйте в нем, вси любящии его и живущии в нем: радуйтеся вкупе с ним радостию, вси елицы плакасте о нем, 023 ISA 066 011 да ссете и насытитеся от сосца утешения его, да ссавше насладитеся от входа славы его. 023 ISA 066 012 Яко сия глаголет Господь: се, Аз укланяю на ня аки реку мира, и аки поток наводняемый славу языков: дети их на рамена взяты будут и на колену утешатся. 023 ISA 066 013 Якоже аще кого мати утешает, тако и Аз утешу вы, и во Иерусалиме утешитеся 023 ISA 066 014 и узрите, и возрадуется сердце ваше, и кости вашя яко трава прозябнут: и познается рука Господня боящымся Его, и запретит непокаряющымся. 023 ISA 066 015 Се бо, Господь яко огнь приидет, и яко буря колесницы Его, воздати яростию отмщение Свое и прещение во пламени огненне: 023 ISA 066 016 огнем бо Господним судитися будет вся земля, и мечем Его всяка плоть: мнози язвени будут от Господа. 023 ISA 066 017 Очищающиися и освящающиися во вертоградех и в преддвериих ядущии мясо свиное и мерзости и мышы вкупе погибнут, рече Господь. 023 ISA 066 018 И Аз дела их и помышление их вем, и гряду собрати вся народы и языки, и приидут и узрят славу Мою: 023 ISA 066 019 и оставлю на них знамение, и послю от них спасеных во языки, во Фарсис и в Фуд, и в Луд и в Мосох, и в Фовель и во Елладу, и во островы дальния, иже не слышаша имене Моего, ниже видеша славу Мою: и возвестят славу Мою во языцех, 023 ISA 066 020 и приведут братию вашу от всех язык дар Господеви, с коньми и колесницами и с носилами мсков, под сеньми во святый град Иерусалим, рече Господь, аки бы принесли сынове Израилевы жертвы своя Мне со псалмы в дом Господень: 023 ISA 066 021 и от тех поиму себе жерцы и левиты, рече Господь. 023 ISA 066 022 Якоже бо небо ново и земля нова, яже Аз творю, пребывают предо Мною, глаголет Господь, тако станет семя ваше и имя ваше: 023 ISA 066 023 и будет месяц от месяца, и суббота от субботы, приидет всяка плоть поклонитися предо Мною во Иерусалим, рече Господь: 023 ISA 066 024 и изыдут и узрят трупы человеков преступивших Мне: червь бо их не скончается, и огнь их не угаснет, и будут в позор всяцей плоти. # # BOOK 024 JER Jeremiah Книга пророка Иеремии 024 JER 001 001 Слово Божие, еже бысть ко Иеремии сыну Хелкиеву от священник, иже обиташе во Анафофе, в земли Вениаминове, 024 JER 001 002 якоже бысть слово Господне к нему, во дни Иосии сына Амоса царя Иудина, в третиенадесять лето царства его, 024 JER 001 003 и бысть во дни Иоакима сына Иосии царя Иудина, даже до первагонадесять лета Седекии сына Иосии царя Иудина, даже до пленения Иерусалимскаго в месяц пятый. 024 JER 001 004 И бысть слово Господне ко мне глаголя: 024 JER 001 005 прежде неже мне создати тя во чреве, познах тя, и прежде неже изыти тебе из ложесн, освятих тя, пророка во языки поставих тя. 024 JER 001 006 И рекох: о, Сый Владыко Господи, се, не вем глаголати, яко отрок аз есмь. 024 JER 001 007 И рече Господь ко мне: не глаголи, яко отрок аз есмь, ибо ко всем, к нимже послю тя, пойдеши, и вся, елика повелю тебе, возглаголеши: 024 JER 001 008 не убойся от лица их, яко с тобою Аз есмь, еже избавити тя, глаголет Господь. 024 JER 001 009 И простре Господь руку Свою ко мне и прикоснуся устом моим, и рече Господь ко мне: се, дах словеса Моя во уста твоя: 024 JER 001 010 се, поставих тя днесь над языки и над царствы, да искорениши и разориши, и расточиши и разрушиши, и паки созиждеши и насадиши. 024 JER 001 011 И бысть слово Господне ко мне глаголя: что ты видиши Иеремие? И рекох: жезл ореховый (аз вижду). 024 JER 001 012 И рече Господь ко мне: благо видел еси, понеже бдех Аз над словесы Моими, еже сотворити я. 024 JER 001 013 И бысть слово Господне вторицею ко мне глаголя: что ты видиши? И рекох: коноб поджигаемый (аз вижду) и лице его от лица севера. 024 JER 001 014 И рече Господь ко мне: от лица севера возгорятся злая на всех обитающих на земли, 024 JER 001 015 зане се, Аз созову вся царства земная от севера, рече Господь и приидут и поставят кийждо престол свой в преддвериих врат Иерусалимских и на всех стенах окрест его и на всех градех Иудиных: 024 JER 001 016 и возглаголю к ним с судом о всяцей злобе их, како оставиша Мя и пожроша богом чуждим и поклонишася делом рук своих. 024 JER 001 017 Ты же препояши чресла твоя, и востани и глаголи к ним вся, елика заповедаю тебе: не убойся от лица их, ниже устрашися пред ними, яко с тобою есмь, еже избавити тя, глаголет Господь: 024 JER 001 018 се, положих тя днесь аки град тверд и в столп железный, и аки стену медяну, крепку всем царем Иудиным и князем его, и священником его и людем земли: 024 JER 001 019 и ратовати будут на тя и не премогут тя, понеже с тобою Аз есмь, да избавлю тя, рече Господь. 024 JER 002 001 И бысть слово Господне ко мне глаголющее: иди и вопий во ушы Иерусалиму, рекий: сия глаголет Господь: 024 JER 002 002 помянух милость юности твоея и любовь совершенства твоего, егда последовал еси в пустыни ненасеянней Святому Израилеву, глаголет Господь. 024 JER 002 003 Свят Израиль Господеви, начаток плодов Его: вси поядающии его согрешат, злая приидут на них, рече Господь. 024 JER 002 004 Услышите слово Господне, доме Иаковль и вся племена дому Израилева. 024 JER 002 005 Сия глаголет Господь: кое обретоша отцы ваши во Мне погрешение, яко удалишася от Мене и ходиша вслед суетных и осуетишася, 024 JER 002 006 и не рекоша: где есть Господь, изведый нас от земли Египетския, преведый нас по пустыни, по земли необитанней и непроходней, по земли безводней и неплодней, по земли, по нейже не ходил муж никогдаже и не обитал человек тамо? 024 JER 002 007 И введох вас в землю Кармил, да снесте плоды его и благая того: и внидосте, и осквернили есте землю Мою, и достояние Мое поставили есте в мерзость. 024 JER 002 008 Священницы не рекоша: где есть Господь? И держащии закон не ведеша Мя, и пастырие нечествоваша на Мя, и пророцы пророчествоваша в Ваала и идолом последоваша. 024 JER 002 009 Сего ради еще судом претися имам с вами, рече Господь, и с сыны вашими препрюся. 024 JER 002 010 Того ради приидите во островы Хеттим и видите, и в Кидар послите и разсмотрите прилежно и видите, аще сотворена быша таковая? 024 JER 002 011 Аще премениша языцы боги своя, и тии не суть бози? Людие же Мои премениша славу свою на то, от негоже не упользуются. 024 JER 002 012 Ужасеся небо о сем и вострепета попремногу зело, глаголет Господь. 024 JER 002 013 Два бо зла сотвориша людие Мои: Мене оставиша источника воды живы, и ископаша себе кладенцы сокрушеныя, иже не возмогут воды содержати. 024 JER 002 014 Еда раб есть Израиль, или домочадец есть? Вскую бысть в пленение? 024 JER 002 015 На него рыкаша львове и издаша глас свой, иже поставиша землю его в пустыню, и грады его сожжени суть, еже не обитати в них. 024 JER 002 016 И сынове Мемфиса и Тафны познаша тя и поругашася тебе. 024 JER 002 017 Не сия ли сотвори тебе то, яко оставил еси Мене? Глаголет Господь Бог твой. 024 JER 002 018 И ныне что тебе и пути Египетскому, еже пити воду Геонскую? И что тебе и пути Ассирийскому, да пиеши воду речную? 024 JER 002 019 Накажет тя отступление твое и злоба твоя обличит тя и увеждь и виждь, яко зло и горько ти есть, еже оставити мя, глаголет Господь Бог твой: и не благоволих от тебе, глаголет Господь Бог твой. 024 JER 002 020 Понеже от века сокрушил еси иго твое и растерзал еси узы твоя и рекл еси: не имам тебе служити, но пойду на всякий холм высокий и под всяким древом лиственным тамо разлиюся в блуде моем. 024 JER 002 021 Аз же насадих тя виноград плодоносен, весь истинен: како превратился еси в горесть, виноград чуждий? 024 JER 002 022 Аще умыешися нитром и умножиши себе травы борифовы, порочен еси во беззакониих твоих предо Мною, рече Господь Бог. 024 JER 002 023 Како речеши: не осквернихся и вслед Ваала не ходих? Виждь пути твоя на месте многогробищнем и увеждь, что сотворил еси. В вечер глас его рыдаше, 024 JER 002 024 пути своя разшири на воды пустынныя, в похотех души своея ветром ношашеся, предан бысть, кто обратит его? Вси ищущии его не утрудятся, во смирении его обрящут его. 024 JER 002 025 Отврати ногу твою от пути стропотна и гортань твой от жажди. И рече: возмужаюся, яко возлюби чуждих и вслед их хождаше. 024 JER 002 026 Якоже стыд татю, егда ят будет, тако постыдятся сынове Израилевы, тии и царие их, и началницы их и священницы их и пророцы их. 024 JER 002 027 Древу рекоша: яко отец мой еси ты: и камени: ты мя родил еси: и обратиша ко Мне хребты, а не лица своя: и во время озлобления своего рекут: востани и избави нас. 024 JER 002 028 И где суть бози твои, яже сотворил еси тебе? Да востанут и избавят тя во время озлобления твоего: по числу бо градов твоих быша бози твои, Иудо, и по числу путий Иерусалимских жряху Ваалу. 024 JER 002 029 Вскую глаголете ко Мне? Вси вы нечествовасте и вси вы беззаконновасте ко Мне, глаголет Господь. 024 JER 002 030 Всуе поразих чада ваша, наказания не приясте, мечь пояде пророки вашя, аки лев погубляяй, и не убоястеся. 024 JER 002 031 Слышите слово Господне, тако глаголет Господь: еда пустыня бых Израилю, или земля неплодна? Вскую реша людие Мои: обладаеми не будем и потом не приидем к Тебе? 024 JER 002 032 Еда забудет невеста красоту свою, и дева мониста персий своих? Людие же Мои забыша Мене дни безчисленны. 024 JER 002 033 Что еще добро ухитриши на путех твоих, еже взыскати любве? Не тако: но и ты лукавновала еси, еже осквернити пути твоя, 024 JER 002 034 и в руках твоих обретеся кровь душ (убогих) неповинных: не в ровех обретох их, но во всяцей дубраве. 024 JER 002 035 И рекла еси: неповинна есмь, но да отвратится ярость Твоя от мене. Се, Аз суждуся с тобою, внегда рещи тебе: не согреших: 024 JER 002 036 понеже презрела еси зело, еже повторити пути твоя: и от Египта постыдишися, якоже постыдена еси от Ассура: 024 JER 002 037 яко и оттуду изыдеши, и руце твои на главе твоей: яко отрину Господь надеяние твое, и не благопоспешится тебе в нем. 024 JER 003 001 Аще отпустит муж жену свою, и отидет от него и будет мужу иному, еда возвращающися возвратится к нему паки? Еда непорочна будет и неосквернена жена та? Ты же соблудила еси с пастырьми многими, и возвращалася еси и ко Мне, глаголет Господь. 024 JER 003 002 Воздвигни очи твои на правоту и виждь, где не смесилася еси? На путех сидела еси аки врана особящаяся и осквернила еси землю в любодеяниих и в лукавствех твоих, 024 JER 003 003 и имела еси пастырей многих в претыкание себе: лице жены блудницы бысть тебе, не хотела еси постыдетися ко всем. 024 JER 003 004 Не аки ли домом Мене нарекла еси и Отцем и вождем девства твоего? 024 JER 003 005 Еда пребудет во век, или сохранится в победу? Сия глаголала еси, и сотворила еси злая, и возмогла еси. 024 JER 003 006 И рече Господь ко мне во дни Иосии царя: видел ли еси, яже сотвори ми дом Израилев? Поидоша на всяку гору высоку и под всяко древо листвяно и соблудиша тамо. 024 JER 003 007 И рекох по внегда прелюбодействовати ему во всех сих: ко Мне обратися. И виде преступление его преступница Иудеа сестра его. 024 JER 003 008 И видех, яко о всех (изобличен есть), в нихже ят бысть, в нихже любодействова дом Израилев: сего ради отпустих и и дах ему книгу распустную в руце его. Обаче не убояся преступница Иудеа (сестра его), но иде и соблудила есть и та: 024 JER 003 009 и бысть ни во что блуд ея, и оскверни землю, и соблудила есть с каменем и со древом. 024 JER 003 010 И во всех сих не обратися ко Мне преступница сестра ея Иудеа от всего сердца своего, но во лжи, рече Господь. 024 JER 003 011 И рече Господь ко мне: оправда душу свою отступница Израиль, паче преступницы Иудеи: 024 JER 003 012 иди, и прочти словеса та к северу, и речеши: обратися ко мне, доме Израилев, рече Господь: и не утвержду лица Моего на вас, яко милостив Аз есмь, рече Господь, и не прогневаюся на вы во веки. 024 JER 003 013 Обаче веждь беззаконие твое, яко в Господа Бога твоего преступила еси, и расточила еси пути твоя чуждим под всяким древом листвяным, гласа же Моего не послушала еси, рече Господь. 024 JER 003 014 Обратитеся, сынове отступившии, глаголет Господь: яко Аз возобладаю вами и поиму вы единаго от града и двух от племене, и введу вас в Сион 024 JER 003 015 и дам вам пастыри по сердцу Моему, и упасут вас разумом и учением. 024 JER 003 016 И будет, егда умножитеся и возрастете на земли, глаголет Господь, во дни оны не рекут ктому: кивот завета Святаго Израилева: не взыдет на сердце, ни воспомянется, ниже посетится, ниже сотворится ктому. 024 JER 003 017 Во дни оны нарекут Иерусалима престол Господень, и соберутся к нему вси языцы во имя Господне во Иерусалим, и не пойдут ктому вслед похотей сердца своего злейшаго. 024 JER 003 018 Во днех тех приидет дом Иудин ко дому Израилеву, и пойдут вкупе от земли северныя и от всех стран к земли, юже дах в наследие отцем их. 024 JER 003 019 Аз же рех: да будет, Господи, яко положу тя в чада и дам тебе землю избранную, достояние Бога Вседержителя языков: и рекох: отцем наречете Мя и от Мене не отвратитеся. 024 JER 003 020 Обаче якоже отвергается жена сожителя своего, тако отвержеся от Мене дом Израилев, рече Господь. 024 JER 003 021 Глас из устен слышан бысть плача и моления сынов Израилевых, яко беззаконноваша в путех своих, забыша Господа Бога святаго своего. 024 JER 003 022 Возвратитеся, сынове возвращаюшиися, и изцелю сокрушения ваша. Се, рабы мы будем Тебе, Ты бо еси Господь Бог наш. 024 JER 003 023 Истинно лживи быша холми и множество гор, токмо Господем Богом нашим спасение Израилево. 024 JER 003 024 Студ же пояде труды отец наших, от юности нашея, овцы их и телцы их, и сыны их и дщери их. 024 JER 003 025 Уснухом в постыдении нашем, и покры нас безчестие наше, яко Господу Богу нашему согрешихом, мы и отцы наши, от юности нашея даже до сего дне, и не послушахом гласа Господа Бога нашего. 024 JER 004 001 Аще обратишися, Израилю, глаголет Господь, ко Мне обратися: и аще отимеши мерзости твоя от уст твоих, и от лица Моего убоишися, 024 JER 004 002 и кленешися, живет Господь, во истине и в суде и в правде, и благословят в Нем языцы и в Нем восхвалят Бога во Иерусалиме. 024 JER 004 003 Сия бо глаголет Господь мужем Иудиным и обитателем Иерусалимлим: поновите себе поля и не сейте на тернии: 024 JER 004 004 обрежитеся Богу вашему и обрежите жестосердие ваше, мужие Иудины и обитающии во Иерусалиме, да не изыдет яко огнь ярость Моя, и возгорится, и не будет угашаяй, ради лукавства начинаний ваших. 024 JER 004 005 Возвестите во Иудеи, и да услышится во Иерусалиме: глаголите, воспойте трубою на земли, возопийте зело и рцыте: соберитеся, и внидем во грады тверды. 024 JER 004 006 Воздвигше (знамение) бежите в Сион, потщитеся, не стойте, яко злая Аз навожду от севера и сотрение велико. 024 JER 004 007 Взыде лев от ложа своего, и погубляяй языки воздвижеся и изыде от места своего, да положит землю твою в пустыню, и гради твои разорятся, оставшии без обитателей. 024 JER 004 008 О сих препояшитеся во вретища и плачите и рыдайте, яко не отвратися гнев ярости Господни от вас. 024 JER 004 009 И будет в день той, глаголет Господь, погибнет сердце царево и сердце началников, и священницы ужаснутся, и пророцы удивятся. 024 JER 004 010 И рекох: о, Владыко Господи, еда обольстил еси люди сия и Иерусалима, рекий: мир будет вам? И се, пройде мечь даже до души их. 024 JER 004 011 Во время оно речется людем сим и Иерусалиму: дух заблуждения в пустыни, путь дщере людий Моих, не ко очищению, ниже во святое: 024 JER 004 012 дух исполнения от сих приидет Мне, и ныне Аз возглаголю суды Моя к ним. 024 JER 004 013 Се, яко облак взыдет, и яко вихрь колесницы его, быстрее орлов кони его: горе нам, яко бедствуем. 024 JER 004 014 Омый от лукавства сердце твое, Иерусалиме, да спасешися: доколе будут в тебе помышления бед твоих? 024 JER 004 015 Глас бо возвещающаго от Дана приидет, и слышана будет болезнь от горы Ефремли. 024 JER 004 016 Рцыте языком: се, приидоша: возвестите во Иерусалиме: полцы идут от земли дальния и даша на грады Иудины глас свой, 024 JER 004 017 аки стражы селнии быша над ним окрест: яко пренебрегл Мя еси, глаголет Господь. 024 JER 004 018 Пути твоя и начинания твоя сотвориша тебе сия: сие лукавство твое, понеже горько, яко прикоснуся сердцу твоему. 024 JER 004 019 Чрево мое, чрево мое болит мне, и чувства сердца моего, смущается душа моя, терзается сердце мое: не умолчу, яко глас трубы услышала душа моя, вопль рати и беды: 024 JER 004 020 сотрение (на сотрение) призывается, понеже опустела вся земля, внезапу опусте жилище мое, расторгошася кожы моя. 024 JER 004 021 Доколе зрети имам бежащих, слышащь гласы трубныя? 024 JER 004 022 Понеже вождеве людий Моих Мене не познаша: сынове буии суть и безумни, мудри суть, еже творити злая, благо же творити не познаша. 024 JER 004 023 Воззрех на землю, и се, ничтоже, и на небо, и не бе света его. 024 JER 004 024 Видех горы, и трепетаху, и вси холми возмутишася. 024 JER 004 025 Воззрех, и се, не бе человека, и вся птицы небесныя ужасахуся. 024 JER 004 026 Видех, и се, Кармил пуст, и вси гради сожжени огнем от лица Господня, и от лица гнева ярости Его погибоша. 024 JER 004 027 Сия глаголет Господь: пуста будет вся земля, скончания же не сотворю. 024 JER 004 028 О сих да плачет земля, и да помрачится небо свыше: понеже глаголах, и не раскаюся: устремихся и не отвращуся от него. 024 JER 004 029 От гласа яздящих и напряженна лука побеже всяка страна: внидоша в разселины и в дубравы сокрышася и на камение взыдоша: вси гради оставлени суть, не обитает в них человек. 024 JER 004 030 Ты же, запустелая, что сотвориши? Аще облечешися во багряницу и украсишися монисты златыми, аще намажеши стивием очи твои, всуе украшение твое: отринуша тя любовницы твои, души твоея ищут. 024 JER 004 031 Глас бо яко родящия слышах стенания твоего: аки первородящия глас дщере Сиони истает, и опустит руце свои: горе мне, яко изчезает душа моя над убиенными. 024 JER 005 001 Обыдите пути Иерусалимския и воззрите, и познайте и поищите на стогнах его, аще обрящете мужа творящаго суд и ищуща веры: и милосерд буду ему, глаголет Господь. 024 JER 005 002 Живет Господь, глаголют, сего ради не во лжах ли кленутся? 024 JER 005 003 Господи, очи Твои (зрят) на веру: бил еси их, и не поболеша, сокрушил еси их, и не восхотеша прияти наказания: ожесточиша лица своя паче камене и не хотеша обратитися. 024 JER 005 004 Аз же рех: негли убози суть (и буии), того ради не возмогоша, яко не уведаша пути Господня и суда Бога своего. 024 JER 005 005 Пойду ко державным и возглаголю им, тии бо познаша путь Господень и суд Бога своего. И се, единодушно сии сокрушиша иго, расторгоша узы. 024 JER 005 006 Сего ради порази их лев от дубравы, и волк даже до домов погуби их, и рысь бдяше над градами их: вси исходящии от них будут яти, яко умножиша нечестия своя, укрепишася во отвращениих своих. 024 JER 005 007 О чем от сих милосерд буду тебе? Сынове твои оставиша Мя и кляшася теми, иже не суть бози: насытих их, и прелюбодействоваша и в домех блудниц обиташа, 024 JER 005 008 кони женонеистовни сотворишася, кийждо ко жене искренняго своего ржаше. 024 JER 005 009 Еда о сих не посещу? Рече Господь: или языку сицевому не мстит душа Моя? 024 JER 005 010 Взыдите на стены его и разорите, окончания же не сотворите: оставите подпоры его, яко Господни суть. 024 JER 005 011 Преступлением бо преступил есть на Мя дом Израилев и дом Иудин глаголет Господь. 024 JER 005 012 Солгаша Господу своему и рекоша: не суть сия, ниже приидут на нас злая и меча и глада не узрим: 024 JER 005 013 пророцы наши быша на ветр, и слово Господне не бе в них, тако будет им. 024 JER 005 014 Сего ради тако глаголет Господь Сил: занеже глаголали есте слово сие, се, Аз даю словеса Моя во уста твоя огнь, и люди сия древа, и пояст их. 024 JER 005 015 Се, Аз наведу на вас язык издалеча, доме Израилев, рече Господь, язык сильный, язык старый, егоже языка не увеси, (ни уразумееши, что глаголет): 024 JER 005 016 тул его яко гроб отверст, вси крепцыи и поядят жатву вашу 024 JER 005 017 и хлебы вашя, и поядят сынов ваших и дщерей ваших, и снедят овец ваших и телцев ваших, и поядят винограды вашя и смокви вашя и масличия ваша, и сокрушат грады вашя твердыя, на нихже вы уповасте, мечем. 024 JER 005 018 Обаче во днех онех, глаголет Господь Бог твой, не сотворю вас во истребление. 024 JER 005 019 И будет, егда речете: почто сотвори Господь Бог наш нам сия вся? И речеши к ним: яко остависте Мя и послужисте богом чуждим в земли вашей, тако послужите богом чуждим в земли не вашей. 024 JER 005 020 Возвестите сия дому Иаковлю и слышано сотворите в дому Иудине (рекуще): 024 JER 005 021 слышите сия, людие буии и не имущии сердца, иже, имеюще очи, не видите, и ушы, и не слышите: 024 JER 005 022 Мене ли не убоитеся? Рече Господь: или от лица Моего не устыдитеся? Иже положих песок предел морю, заповедь вечну, и не превзыдет его, и возмутится и не возможет: и возшумят волны его, и не прейдут того. 024 JER 005 023 Людем же сим бысть сердце непослушно и непокориво, и уклонишася и поидоша, 024 JER 005 024 и не рекоша в сердцы своем: убоимся Господа Бога нашего, дающаго нам дождь ранний и поздный во время исполнения повеления жатвы и хранящаго нам. 024 JER 005 025 Беззакония наша уклониша сия, и греси наши отринуша благая от нас. 024 JER 005 026 Яко обретошася в людех Моих нечестивии, и сети поставиша, еже погубити мужы, и уловиша. 024 JER 005 027 Аки клетка поставлена полна птиц, тако домы их полни лести: сего ради возвеличишася и обогатишася: 024 JER 005 028 утыша и утолстеша и преступиша словеса Моя злейшии: прю вдовицы не судиша, суда сира не управиша и суда убогим не судиша. 024 JER 005 029 Еда сих ради не посещу? Рече Господь: или языку сицевому не отмстит душа Моя? 024 JER 005 030 Ужас и страшная содеяшася на земли: 024 JER 005 031 пророцы пророчествоваша неправедная, и священницы восплескаша руками своими, и людие Мои возлюбиша таковая. И что сотворите в последняя сих? 024 JER 006 001 Укрепитеся, сынове Вениаминовы, посреде Иерусалима, и в Фекуи вострубите трубою, и над Вефахармом воздвигните хоругвь: яко злая произникоша от севера, и сотрение велико бывает: 024 JER 006 002 и отимется высота твоя, дщи Сионя. 024 JER 006 003 К ней приидут пастырие и стада их, и поставят на ней кущы окрест, и упасут кийждо рукою своею. 024 JER 006 004 Уготовитеся на ню на крань, востаните и взыдем на ню о полудни: горе нам, яко уклонися день, яко изчезают сени дневныя. 024 JER 006 005 Востаните и взыдем на ню нощию и расточим основания ея. 024 JER 006 006 Яко сия глаголет Господь Сил: посецы древа его, излий на Иерусалим силу: о, граде лживый, всякое насильство в нем! 024 JER 006 007 Якоже студену творит кладязь воду свою, тако студену творит ю злоба ея: нечестие и пакости услышатся в нем над лицем его всегда. 024 JER 006 008 Немощию и язвою накажешися, Иерусалиме: да не отступит душа Моя от тебе, да не сотворю тя непроходну, землю необитанну. 024 JER 006 009 Яко сия глаголет Господь Сил: обирайте, обирайте, аки виноград, останки Израилевы, обратитеся аки обиратель на кошницу свою. 024 JER 006 010 Кому возглаголю и (кому) засвидетельствую, и услышит? Се, необрезана ушеса их, и слышати не возмогут: се, слово Господне бысть к ним в поношение, и не восприимут того. 024 JER 006 011 И ярость Мою исполних, и терпех, и не скончах их: излию на младенцы отвне и на собрание юнош вкупе: муж бо и жена яти будут, старец со исполненным дний. 024 JER 006 012 И прейдут домы их ко иным, поля и жены их такожде, яко простру руку Мою на обитающих на земли сей, глаголет Господь. 024 JER 006 013 Понеже от меншаго и даже до болшаго вси совершиша беззаконная, от священника и даже до лжепророка вси сотвориша ложная 024 JER 006 014 и целяху сотрение людий Моих, уничижающе и глаголюще: мир, мир: и где есть мир? 024 JER 006 015 Постыдешася, яко оскудеша: и ниже аки посрамляеми постыдешася и безчестия своего не познаша: сего ради падут падением своим и во время посещения своего погибнут, рече Господь. 024 JER 006 016 Сия глаголет Господь: станите на путех и видите, и вопросите о стезях Господних вечных и видите, кий есть путь благ, и ходите по нему и обрящете очищение душам вашым. И рекоша: не пойдем. 024 JER 006 017 И поставих над вами стражы: слышите глас трубы. И рекоша: не послушаем. 024 JER 006 018 Сего ради услышаша языцы и пасущии стада своя. 024 JER 006 019 Слыши, земле: се, Аз навожду на люди сия злая, плод отвращения их, яко словес Моих не послушаша и закон Мой отвергоша. 024 JER 006 020 Вскую Мне кадило от Савы приносите и кинамон от земли дальния, всесожжения ваша не суть приятна, и жертвы вашя не усладиша Мя. 024 JER 006 021 Сего ради тако глаголет Господь: се, Аз дам на люди сия болезнь, и изнемогут отцы и сынове вкупе, сосед и искренний его погибнут. 024 JER 006 022 Сия глаголет Господь: се, людие грядут от севера, и язык велик востанет от конец земли, 024 JER 006 023 лук и щит возмут: мучителен есть и не умилосердится: глас его, яко море шумящее: на конех и колесницах ополчится аки огнь на брань на тя, дщи Сионя. 024 JER 006 024 Слышахом слух его, ослабеша руце наши, скорбь объят нас, болезни яко родящия. 024 JER 006 025 Не исходите на нивы и на пути не ходите, понеже мечь вражий обитает окрест. 024 JER 006 026 Дщи людий моих, препояшися вретищем и посыплися пепелом, плачь возлюбленнаго сотвори тебе рыдание горько, понеже внезапу приидет запустение на вас. 024 JER 006 027 Искусителя дах тя в людех искусных, и увеси Мя, внегда искусити Ми путь их: 024 JER 006 028 вси непослушни ходящии строптиво: медь и железо, вси растлени суть. 024 JER 006 029 Оскуде мех от огня, истле олово: всуе ковачь сребро кует, лукавства бо их не истаяша. 024 JER 006 030 Сребро отриновено нарцыте их, яко Господь отверже их. 024 JER 007 001 Слово, еже бысть ко Иеремии от Господа, глаголющее: 024 JER 007 002 стани во вратех дому Господня и проповеждь тамо слово то и глаголи: слышите слово Господне, вся Иудеа, ходящии сквозе врата сия, да поклонитеся Господу: 024 JER 007 003 сия глаголет Господь Сил, Бог Израилев: исправити пути вашя и начинания ваша, и вселю вы на месте сем. 024 JER 007 004 Не надейтеся на себе во словесех лживых, понеже весьма не упользуют вас, глаголюще: храм Господень, храм Господень, храм Господень есть. 024 JER 007 005 Яко аще исправляюще исправите пути ваша и умышления ваша, и творяще сотворите суд посреде мужа и посреде искренняго его, 024 JER 007 006 и пришелцу и сиру и вдовице не сотворите насилия, и крове неповинныя не излиете на месте сем, и вслед богов чуждих не пойдете на зло вам, 024 JER 007 007 вселю вас на месте сем, в земли, юже дах отцем вашым от века даже и до века. 024 JER 007 008 Аще же вы надеетеся на словеса лживая, отюнудуже не будет вам пользы, 024 JER 007 009 и крадете и убиваете, и блудствуете и кленетеся лживо, и жрете Ваалу и ходите вслед богов чуждих, ихже не весте, яко во зло вам суть, 024 JER 007 010 и приидосте и стасте предо Мною в дому сем, в немже призвано есть имя Мое, и рекли есте: удалихомся, еже не творити вся мерзости сия: 024 JER 007 011 еда вертеп разбойником есть дом Мой, в немже призвася имя Мое тамо во очию вашею? И се, Аз видех, глаголет Господь. 024 JER 007 012 Сего ради идите к месту Моему, еже в Силоме, идеже вселих имя Мое от начала, и видите, что сотворих ему лукавств ради людий Моих Израиля. 024 JER 007 013 И ныне, понеже сотвористе вся дела сия, рече Господь, и глаголах к вам рано востающь и глаголющь, и не услышасте Мене, и звах вас, и не отвещасте: 024 JER 007 014 убо и Аз сотворю дому сему, в немже призвано есть имя Мое, на негоже вы уповасте, и месту, еже дах вам и отцем вашым, якоже сотворих Силому. 024 JER 007 015 И отвергу вас от лица Моего, якоже отвергох всю братию вашу, все семя Ефремово. 024 JER 007 016 Ты же не молися о людех сих и не проси еже помилованым быти им, и не моли, ниже приступай ко Мне о них, яко не услышу тя. 024 JER 007 017 Еда не видиши, что сии творят во градех Иудиных и на путех Иерусалимских? 024 JER 007 018 Сынове их собирают дрова, и отцы их зажигают огнь, и жены их месят муку, да сотворят опресноки воинству небесному, и возлияша возлияния богом чуждим, да прогневают Мя. 024 JER 007 019 Мене ли тии прогневляют? Глаголет Господь: еда не себе самих? Да постыдятся лица их. 024 JER 007 020 Сего ради тако глаголет Господь: се, гнев и ярость Моя лиется на место сие и на люди, и на скоты и на всяко древо страны их и на плоды земныя, и возжжется и не угаснет. 024 JER 007 021 Сия глаголет Господь Сил, Бог Израилев: всесожжения ваша соберите со жертвами вашими и изядите мяса: 024 JER 007 022 яко не глаголах ко отцем вашым и не заповедах им в день, в оньже изведох их от земли Египетския, о всесожжениих и жертвах, 024 JER 007 023 но (токмо) слово сие заповедах им, рекий: услышите глас Мой, и буду вам в Бога, и вы будете Мне в люди, и ходите во всех путех Моих, в нихже повелех вам, да благо будет вам. 024 JER 007 024 И не услышаша Мене, и не внят ухо их: но поидоша в похотех и стропотстве сердца своего лукаваго, и сотворишася на задняя, а не на предняя, 024 JER 007 025 от дне, в оньже изыдоша отцы их от земли Египетския, и даже до дне сего: и послах к вам вся рабы Моя пророки, в день и рано востая и посылая: 024 JER 007 026 и не услышаша Мя, ни приклониша ухо свое, но ожесточиша выю свою паче отец своих. 024 JER 007 027 И речеши к ним вся словеса сия, и не услышат тя, и воззовеши их, и не отвещают тебе. 024 JER 007 028 И речеши к ним: сей язык, иже не послуша гласа Господа Бога своего, ни восприят наказания: погибе вера и отята есть от уст их. 024 JER 007 029 Остризи главу твою и отметни, и восприими во устне рыдание, яко отверже Господь и отрину род творяй сия. 024 JER 007 030 Понеже сотвориша сынове Иудины лукавое во очию Моею, рече Господь: поставиша мерзости своя в дому, в немже призвано есть имя Мое, да осквернят его, 024 JER 007 031 и создаша требище Тафефу, еже есть во юдоли сына Енномля, да сожигают сыны своя и дщери своя огнем, егоже не повелех им, ниже помыслих в сердцы Моем: 024 JER 007 032 сего ради се, дние грядут, глаголет Господь, и не рекут ктому: требище Тафефово и юдоль сына Енномля, но юдоль закланых: и погребутся во Тафефе, занеже несть места. 024 JER 007 033 И будут трупие людий сих во снедь птицам небесным и зверем земным, и не будет отгоняющаго. 024 JER 007 034 И упраздню от градов Иудиных и от путий Иерусалимлих глас радующихся и глас веселящихся, глас жениха и глас невесты, во опустении бо будет вся земля. 024 JER 008 001 Во время оно, глаголет Господь, извергут кости царей Иуды и кости князей его, и кости священников и кости пророков и кости обитающих во Иерусалиме из гробов их 024 JER 008 002 и повергут их противу солнца и луны и противу всех звезд небесных и противу всего воинства небеснаго, ихже возлюбиша и имже служиша и вслед их ходиша, и ихже держахуся и имже поклонишася: неоплакани и непогребени будут и в пример на лицы земли будут: 024 JER 008 003 яко избраша паче смерть, неже живот, и всем, иже осташа от племене сего строптиваго во всех местех, аможе изрину их рече Господь Сил. 024 JER 008 004 И речеши к ним: понеже сия глаголет Господь: еда падаяй не востает, или отврашаяйся не обратится? 024 JER 008 005 Вскую отвратишася людие Мои сии во Иерусалиме отвращением безстудным и укрепишася во произволении своем и не восхотеша обратитися? 024 JER 008 006 Внимайте и слушайте: не тако ли возглаголют: несть человек творяй покаяние о гресе своем, глаголя: что сотворих? Изнеможе бежай от течения своего, аки конь утружден во ржании своем. 024 JER 008 007 Еродиа на небеси позна время свое, горлица и ластовица селная, врабие сохраниша времена входов своих: людие же Мои сии не познаша судеб Господних. 024 JER 008 008 Како речете, яко мы мудри есмы и закон Господень с нами есть? Истинно всуе бысть трость лживая книжником. 024 JER 008 009 Постыдешася премудрии, и устрашени и поимани быша, слово бо Господне отвергоша: кая мудрость есть в них? 024 JER 008 010 Сего ради дам жены их иным и села их наследником, понеже от мала даже до велика вси златолюбию последуют и от пророка даже до священника вси творят лжу, 024 JER 008 011 и изцеляху сотрения дщере людий Моих, ко безчестию глаголюще: мир, мир. И не бе мира. 024 JER 008 012 Постыждени суть, яко гнусство сотвориша и постыдением не постыдешася и посрамитися не ведеша: сего ради падут между падающими, во время посещения своего падут рече Господь. 024 JER 008 013 И соберут плоды их, глаголет Господь: несть грозда на лозе, и не суть смокви на смоковницах, и листвие отпадоша: и дах им, и мимоидоша их. 024 JER 008 014 Почто мы седим? Совокупитеся и внидем во грады тверды и повержемся тамо, яко Господь Бог наш отрину нас и напои нас водою желчи, согрешихом бо пред Ним. 024 JER 008 015 Ждахом мира, и не бяху благая: времене уврачевания, и се, боязнь. 024 JER 008 016 От Дана слышано бысть ржание коней его, от гласа ржания яждения коней потрясеся вся земля: и приидет и пожрет землю и исполнение ея, град и обитающих в нем: 024 JER 008 017 яко се, Аз послю на вас змии умерщвляющыя, имже несть обаяния, и угрызут вас, рече Господь, 024 JER 008 018 неизцельно со болезнию сердца вашего изчезающаго. 024 JER 008 019 Се, глас вопля и дщере людий Моих от земли издалеча: еда Господь несть в Сионе? Или Царя несть в нем? Понеже прогневаша Мя во изваянных своих и в суетных чуждих. 024 JER 008 020 Пройде жатва, мимоиде лето, и мы несмы спасени. 024 JER 008 021 Над сокрушением дщере людий моих сокрушен есмь и скорбен: во ужасе объяша мя болезни аки раждающия. 024 JER 008 022 Или ритины несть в Галааде? Или врача несть тамо? Чесо ради несть изцелена рана дщере людий моих? 024 JER 009 001 Кто даст главе моей воду и очесем моим источник слез? И плачуся день и нощь о побиенных дщере людий моих. 024 JER 009 002 Кто даст мне в пустыни виталище последнее? И оставлю люди моя и отиду от них: понеже вси любодействуют, соборище преступников. 024 JER 009 003 И налякоша язык свой яко лук: лжа и неверство укрепишася на земли, ибо от злых во злая произыдоша и Мене не познаша, рече Господь. 024 JER 009 004 Кийждо от искренняго своего да стрежется, и на братию свою не уповайте, ибо всяк брат запинанием запнет, и всяк друг льстивно наскочит. 024 JER 009 005 Кийждо другу своему посмеется, истины не возглаголют: научиша язык свой глаголати лжу, неправдоваша и не восхотеша обратитися. 024 JER 009 006 Лихва на лихву и лесть на лесть: не восхотеша уведети Мене, рече Господь. 024 JER 009 007 Сего ради тако глаголет Господь Сил: се, Аз разжегу их и искушу их: что бо ино сотворю от лица лукавства дщери людий Моих? 024 JER 009 008 Стрела уязвляющая язык их, льстивии глаголы уст их: приятелю своему глаголет мирная, внутрь же себе имеет вражду. 024 JER 009 009 Еда на сих не посещу? Рече Господь: или людем таковым не отмстит душа Моя? 024 JER 009 010 На горах восприимите плачь и тужение и на стезях пустыни рыдание, яко оскудеша, за еже не быти человеком преходящым: не слышаша гласа обитания от птиц небесных и даже до скотов, ужасошася, отидоша. 024 JER 009 011 И дам Иерусалим в преселение и в жилище змием и грады Иудины положу в разорение, яко не будет обитающаго. 024 JER 009 012 Кто муж премудр, и уразумеет сие? И к немуже слово уст Господних, да возвестит вам, чесо ради погибе земля, сожжена есть яко пустыня, еяже никтоже проходит? 024 JER 009 013 И рече Господь ко мне: понеже оставиша закон Мой, егоже дах пред лицем их, и не послушаша гласа Моего и не ходиша по нему, 024 JER 009 014 но поидоша по изволению сердца своего лукаваго и вслед идолов, имже научиша их отцы их: 024 JER 009 015 сего ради тако глаголет Господь Сил, Бог Израилев: се, Аз напитаю люди сия теснотами и в питие дам им воду желчную, 024 JER 009 016 и расточу их во языки, ихже не знаша тии и отцы их, и послю на них мечь, дондеже истлятся. 024 JER 009 017 Сия рече Господь Сил: призовите плачевниц, и да приидут, и ко женам премудрым послите, и да вещают 024 JER 009 018 и да приимут над вами плачь, и да изведут очи ваши слезы, и вежди ваши да излиют воду: 024 JER 009 019 зане глас плача слышан бысть во Сионе: како бедни быхом, постыждени зело, яко оставихом землю и отринухом жилища наша? 024 JER 009 020 Темже слышите, жены, слово Господне, и приимите ушима вашима словеса уст Его, и научите дщери вашя рыданию, и каяждо искреннюю свою плачу: 024 JER 009 021 понеже взыде смерть сквозе окна ваша и вниде в землю вашу погубити отрочата отвне и юношы от стогн. 024 JER 009 022 (Глаголи: ) сия рече Господь: и будут мертвии человецы в пример на лицы поля земли вашея, яко сено созади жнущаго, и не будет собирающаго. 024 JER 009 023 Тако глаголет Господь: да не хвалится мудрый мудростию своею, и да не хвалится крепкий крепостию своею, и да не хвалится богатый богатством своим: 024 JER 009 024 но о сем да хвалится хваляйся, еже разумети и знати, яко Аз есмь Господь творяй милость и суд и правду на земли, яко в сих воля Моя, глаголет Господь. 024 JER 009 025 Се, дние грядут, глаголет Господь, и посещу на всех, иже обрезаную имут плоть свою: 024 JER 009 026 на Египет и на Идумею, и на Едом и на сыны Аммони, и на сыны Моавли и на всякаго остризающаго власы по лицу своему, обитающыя в пустыни, яко вси языцы необрезани плотию, весь же дом Израилев необрезани суть сердцы своими. 024 JER 010 001 Слышите слово Господне, еже глагола Господь на вас, доме Израилев. 024 JER 010 002 Сия глаголет Господь: по путем языков не учитеся и от знамений небесных не страшитеся, яко их боятся языцы. 024 JER 010 003 Понеже законы языков суетни суть: древо есть от леса изсеченое, дело тектонское и слияние: 024 JER 010 004 сребром и златом украшена суть, и млатами и гвоздьми утвердиша я, да не движутся: 024 JER 010 005 сребро изваяно есть, не глаголют, носими носятся, понеже ходити не возмогут: не убойтеся их, яко не сотворят зла, и блага несть в них. 024 JER 010 006 Несть подобен Тебе, Господи: велик еси Ты и велико имя Твое в крепости. 024 JER 010 007 Кто не убоится Тебе, о, Царю языков! Твоя бо честь между всеми премудрыми языков, и во всех царствах их ни един есть подобен Тебе. 024 JER 010 008 Купно буии и безумнии суть, учение суетных их древо есть: 024 JER 010 009 сребро извито от Фарсиса приходит, злато от Офаза, и рука златарей, дела вся художников: в синету и багряницу одеют их, дела умоделников вся сия. 024 JER 010 010 Господь же Бог истинен есть, Той Бог живый и Царь вечный, от гнева Его подвигнется земля, и не стерпят языцы прещения Его. 024 JER 010 011 Тако рцыте им: бози, иже небесе и земли не сотвориша, да погибнут от земли и от сих, иже под небесем суть. 024 JER 010 012 Господь сотворивый землю во крепости Своей, устроивый вселенную в премудрости Своей, и разумом Своим простре небо. 024 JER 010 013 Ко гласу Своему дает множество вод на небеси: и возведе облаки от последних земли, блистания в дождь сотвори и изведе ветр от сокровищ Своих. 024 JER 010 014 Буй сотворися всяк человек от ума (своего), постыдеся всяк златоделник во изваяниих своих, яко ложная слия, несть духа в них: 024 JER 010 015 суетна суть дела, смеху достойна, во время посещения своего погибнут. 024 JER 010 016 Несть сицевая часть Иакову, яко Создавый вся Той есть, и Израиль жезл достояния Его, Господь Сил имя Ему. 024 JER 010 017 Собра отвне имение, обитающее во избранных, 024 JER 010 018 понеже тако глаголет Господь: се, Аз отвергу обитатели земли сея в скорби и смущу их, яко да обрящется язва твоя. 024 JER 010 019 Горе во сокрушении твоем, болезненна язва твоя: аз же рех: воистинну сия болезнь моя (есть) и объят мя, жилище мое опусте, погибе: 024 JER 010 020 скиния моя опусте, погибе, и вся кожи моя растерзашася: сынов моих и овец моих несть, несть ктому места скинии моей, места кожам моим: 024 JER 010 021 понеже обуяша пастырие и Господа не взыскаша, сего ради не уразуме все стадо и расточено бысть. 024 JER 010 022 Глас слышания, се, грядет и трус велий от земли северныя, да положит грады Иудины в запустение и во обитание змием. 024 JER 010 023 Вем, Господи, яко несть человеку путь его, ниже муж пойдет и исправит шествие свое. 024 JER 010 024 Накажи нас, Господи, обаче в суде, а не в ярости, да не умаленых нас сотвориши. 024 JER 010 025 Излий гнев Твой на языки не знающыя Тя и на племена, яже имене Твоего не призваша, яко поядоша Иакова и потребиша его и пажить его опустошиша. 024 JER 011 001 Слово еже бысть от Господа ко Иеремии, глаголющее: 024 JER 011 002 слышите словеса завета сего и глаголите ко мужем Иудиным и ко обитателем Иерусалимским, 024 JER 011 003 и речеши к ним: сия глаголет Господь Бог Израилев: проклят муж, иже не послушает словес завета сего, 024 JER 011 004 егоже заповедах отцем вашым в день, в оньже изведох их от земли Египетския, от пещи железныя, глаголя: услышите глас Мой и сотворите вся, елика заповедаю вам, и будете Мне в люди, и Аз буду вам в Бога: 024 JER 011 005 да утвержду клятву Мою, еюже кляхся отцем вашым, еже дати им землю точащую млеко и мед, якоже есть день сей. И отвещах и рекох: буди, Господи. 024 JER 011 006 И рече Господь ко мне: прочти вся словеса сия во градех Иудиных и вне Иерусалима, рекий: слышите словеса завета сего и сотворите та: 024 JER 011 007 яко свидетелствуя засвидетелствовах отцем вашым в день, в оньже изведох их от земли Египетския, даже до дне сего, заутра востая засвидетелствовах глаголя: слышите глас Мой. 024 JER 011 008 И не слышаша, ни приклониша уха своего, но идоша кийждо в стропотстве сердца своего злаго: и наведох на них вся словеса завета сего, егоже заповедах да сотворят, и не сотвориша. 024 JER 011 009 И рече Господь ко мне: обретено есть совещание (на зло) в мужех Иудиных и во обитающих во Иерусалиме: 024 JER 011 010 возвратишася ко беззаконием первым отец своих, иже не хотеша слышати словес Моих, и се, тии поидоша по бозех чуждих, да служат им: и разори дом Израилев и дом Иудин завет Мой, егоже завещах со отцы их. 024 JER 011 011 Сего ради сия глаголет Господь: се, Аз наведу на них злая, от нихже изыти не возмогут, и возопиют ко Мне, и не услышу их: 024 JER 011 012 и пойдут грады Иудины и обитателе Иерусалима и возопиют ко богом, имже тии кадят, иже не спасут их во время скорбей их. 024 JER 011 013 По числу бо градов твоих беху бози твои, Иудо, и по числу путий Иерусалимских постависте олтари студныя, олтари на каждение Ваалу. 024 JER 011 014 Ты же не молися о людех сих и не проси о них в мольбе и молитве: не услышу бо во время вопля их ко Мне и во время озлобления их. 024 JER 011 015 Почто возлюбленная в дому Моем сотвори мерзости (многи)? Еда обеты и мяса святая отимут от тебе лукавства твоя, или сими избежиши? 024 JER 011 016 Маслину благосенну, красну зраком нарече Господь имя твое, ко гласу обрезания ея: разгореся огнь в ней, велика скорбь на тебе, непотребны быша ветви ея. 024 JER 011 017 И Господь Сил, иже насади тебе, глаголал есть на тя зло за злая дому Израилева и дому Иудина, елика сотвориша себе ко прогневанию Мене кадяще Ваалу. 024 JER 011 018 Господи, скажи ми, и уразумею: тогда видех начинания их. 024 JER 011 019 Аз же, яко агня незлобиво ведомо на заколение, не разумех, яко на мя помыслиша помысл лукавый, глаголюще: приидите и вложим древо во хлеб его и истребим его от земли живущих, и имя его да не помянется ктому. 024 JER 011 020 Господь Саваоф, судяй праведно, испытуяй сердца и утробы, да вижду мщение Твое на них, яко к Тебе открых оправдание мое. 024 JER 011 021 Сего ради сия глаголет Господь на мужы Анафофски ищущыя души моея, глаголющыя: да не пророчествуеши о имени Господни, аще ли же ни, умреши в руках наших. 024 JER 011 022 Сего ради сия глаголет Господь Сил: се, Аз посещу на них: юноши их мечем умрут, и сынове их и дщери их скончаются гладом, 024 JER 011 023 и останка не будет от них, наведу бо злая на живущыя во Анафофе в лето посещения их. 024 JER 012 001 Праведен еси, Господи, яко отвещаю к Тебе: обаче судбы возглаголю к Тебе: что, яко путь нечестивых спеется, угобзишася вси творящии беззакония? 024 JER 012 002 Насадил еси их, и укоренишася, чада сотвориша и сотвориша плод: близ еси Ты уст их, далече же от утроб их. 024 JER 012 003 И Ты, Господи, разумееши мя, видел мя еси и искусил еси сердце мое пред Тобою: собери их яко овцы на заколение и очисти их в день заколения их. 024 JER 012 004 Доколе плакати имать земля, и трава вся селная изсхнет от злобы живущих на ней? Погибоша скоти и птицы, яко рекоша: не узрит Бог путий наших. 024 JER 012 005 Нозе твои текут и разслабляют тя: како уготовишися с коньми? И в земли мира твоего уповал еси, како сотвориши в шуме Иорданстем? 024 JER 012 006 Понеже и братия твоя и дом отца твоего, и сии отвергошася тебе и тии возопиша, созади тебе собрашася: не веруй им, егда глаголати будут тебе благая. 024 JER 012 007 Оставих дом Мой, оставих достояние Мое, дах возлюбленную душу Мою в руки врагов ея: 024 JER 012 008 бысть Мне достояние Мое яко лев в дубраве, даде противу Мене глас свой: сего ради возненавидех е. 024 JER 012 009 Не вертеп ли иенин достояние Мое Мне, или пещера окрест его? Идите, соберите вся звери селныя, и да приидут снести е. 024 JER 012 010 Пастырие мнози растлиша виноград Мой, оскверниша часть Мою, даша часть желаемую Мою в пустыню непроходную, 024 JER 012 011 положиша в потребление пагубы: Мене ради разорением разорена есть вся земля, яко ни един есть, иже размышляет сердцем. 024 JER 012 012 Во всякий путь пустыни приидоша опустошающии, яко мечь Господень пояст от края земли даже до края ея: несть мира всяцей плоти. 024 JER 012 013 Посеясте пшеницу, а терние пожасте: достояния их не полезна будут им: постыдитеся стыдением от похваления вашего, от поношения пред Господем. 024 JER 012 014 Яко сия глаголет Господь о всех соседех лукавых, прикасающихся наследию Моему, еже разделих людем Моим Израилю: се, Аз исторгну их от земли их и дом Иудин извергну от среды их: 024 JER 012 015 и будет, егда исторгну их, обращуся и помилую их, и вселю их когождо в достояние свое и когождо в землю свою: 024 JER 012 016 и будет, аще учащеся научатся путем людий Моих, еже клятися именем Моим, жив Господь, якоже научиша людий Моих клятися Ваалом, и созиждутся посреде людий Моих: 024 JER 012 017 аще же не послушают, исторгну язык оный исторганием и погублением, рече Господь. 024 JER 013 001 Сия глаголет Господь ко мне: иди и стяжи себе чресленик льняный и препояши того на чреслех твоих, и в воду да не внесеши того. 024 JER 013 002 И стяжах чресленик по словеси Господню и обложих окрест чресл моих. 024 JER 013 003 И бысть слово Господне ко мне вторицею, рекущее: 024 JER 013 004 возми чресленик, егоже стяжал еси, иже есть окрест чресл твоих, и востани и иди ко Евфрату, и скрый того тамо во разселине каменне. 024 JER 013 005 И идох и скрых того во Евфрате, якоже заповеда мне Господь. 024 JER 013 006 И бысть по днех мнозех, и рече Господь ко мне: востани и иди ко Евфрату, и возми оттуду чресленик, егоже заповедах тебе скрыти тамо. 024 JER 013 007 И идох ко Евфрату и раскопах, и взях чресленик от места, идеже скрых его, и се, изгнил бе (чресленик), яко ни на чтоже быти потребну ему. 024 JER 013 008 И бысть слово Господне ко мне, рекущее: сия глаголет Господь: 024 JER 013 009 тако согнити сотворю гордыню Иудину и гордыню Иерусалимлю, многую гордыню сию людий сих строптивых, 024 JER 013 010 иже не хотят послушати словес Моих, ходящих во строптивстве сердца своего и шедших вслед богов чуждих, да служат им и да покланяются им: и будут якоже чресленик той, иже ни к чему потребен. 024 JER 013 011 Зане, якоже придержится чресленик ко чреслом мужа, тако прилепих Мне (весь) дом Израилев и весь дом Иудин, рече Господь: да будут Мне в люди имениты, и в хвалу и в славу, и не послушаша Мене. 024 JER 013 012 И речеши к людем сим словеса сия: тако рече Господь Бог Израилев: всяк мех исполнится вина. И будет, аще рекут к тебе: еда ведяще не увемы, яко всяк мех исполнится вина? 024 JER 013 013 И речеши к ним: сия глаголет Господь: се, Аз исполню всех обитателей земли сея, и царей их седящих от колена Давидова на престоле их, и священники и пророки, и Иуду и всех обитающих во Иерусалиме пиянством, 024 JER 013 014 и расточу их, мужа и брата его, и отцы их и сыны их вкупе: не пожелаю, рече Господь, не пощажу, и не умилосердюся, еже не погубити их. 024 JER 013 015 Слышите и внемлите, и не возноситеся, яко Господь глаголал есть. 024 JER 013 016 Дадите Господу Богу вашему славу прежде даже не смеркнется и прежде даже не преткнутся нозе ваши ко горам темным: и пождете света, и тамо сень смертная, и положени будут во мрак. 024 JER 013 017 Аще же не послушаете, в тайне восплачется душа ваша от лица гордыни и плачя восплачет, и изведут очи ваши слезы, яко сотрено есть стадо Господне. 024 JER 013 018 Рцыте царю и владыкам: смиритеся, сядите, яко взятся от главы вашея венец славы вашея. 024 JER 013 019 Грады южнии затворени суть, и несть отверзаяй: преведен есть весь Иуда, совершиша преселение совершенное. 024 JER 013 020 Воздвигни очи твои, Иерусалиме, и виждь приходящыя от севера: где стадо даное тебе, овцы славы твоея? 024 JER 013 021 Что речеши, егда посетят тя? И ты научил еси их на тя учением в началство: еда не оымут тя болезни яко жену родящую? 024 JER 013 022 Аще же речеши в сердцы твоем: почто приидоша ми сия? За множество беззакония твоего откровена суть задняя твоя, да обруганы будут стопы твоя. 024 JER 013 023 Аще пременит Ефиоплянин кожу свою, и рысь пестроты своя, и вы можете благотворити научившеся злу. 024 JER 013 024 И развею их, яко стеблие носимое ветром в пустыню. 024 JER 013 025 Сей жребий твой и часть непокорства твоего на Мя, глаголет Господь, яко забыл еси Мя и надеялся на лжу: 024 JER 013 026 темже и аз обнажу бедры твоя противу лица твоего, и явится срамота твоя 024 JER 013 027 и прелюбодейство твое, и ржание твое и отчуждение блуда твоего: на горах и на селех видех мерзости твоя. Горе тебе, Иерусалиме, яко не очистился еси, последуя мне. Доколе еще? 024 JER 014 001 И бысть слово Господне ко Иеремии о бездождии. 024 JER 014 002 Рыдала Иудеа, и врата ея разрушишася, и отемнишася на земли, и вопль Иерусалима взыде. 024 JER 014 003 И вельможи его послаша менших своих к воде: приидоша на кладязи и не обретоша воды, и отнесоша сосуды своя тщы: постыждени суть и посрамлени, и покрыша главы своя. 024 JER 014 004 И дела земли оскудеша, яко не бяше дождя на землю: постыждени суть земледелцы, покрыша главы своя. 024 JER 014 005 И еленицы на ниве родиша и оставиша, яко не бе травы. 024 JER 014 006 Онагри сташа на камениих, браша в себе ветр яко змиеве, оскудеша очи их, яко не бе травы. 024 JER 014 007 Беззакония наша противусташа нам: Господи, сотвори нам ради имене Твоего, яко мнози греси наши пред Тобою, Тебе согрешихом. 024 JER 014 008 Ожидание Израилево, Господи, Спасителю наш во время скорби! Вскую яко пришлец еси на земли и яко путник укланяющься во виталище? 024 JER 014 009 Еда будеши якоже человек спяй, или аки муж не могий спасти? Ты же в нас еси, Господи, и имя Твое призвано бысть на нас, не забуди нас. 024 JER 014 010 Сия глаголет Господь людем сим: возлюбиша подвизати нозе свои и не упокоишася, и Бог не благопоспеши в них, ныне воспомянет беззакония их и посетит грехи их. 024 JER 014 011 И рече Господь ко мне: не молися о людех сих во благо: 024 JER 014 012 егда поститися будут, не услышу прошения их, и аще принесут всесожжения и жертвы, не благоволю в них: яко мечем и гладом и мором Аз скончаю их. 024 JER 014 013 И рекох: сый Господи Боже, се, пророцы их прорицают и глаголют: не узрите меча, и глад не будет вам, но истину и мир дам на земли и на месте сем. 024 JER 014 014 И рече Господь ко мне: лживо пророцы прорицают во имя Мое, не послах их, ни заповедах им, ни глаголал есмь к ним: понеже видения лжива и гадания и волшебства и произволы сердца своего тии прорицают вам. 024 JER 014 015 Сего ради сия глаголет Господь о пророцех, иже пророчествуют во имя Мое ложная, и Аз не послах их, иже глаголют: мечь и глад не будет на земли сей: смертию лютою умрут и гладом скончаются пророцы тии. 024 JER 014 016 И людие, имже тии пророчествуют, будут извержени на путех Иерусалима от лица меча и глада, и не будет погребаяй их, и жены их и сынове их и дщери их, и излию на них злая их. 024 JER 014 017 И речеши к ним слово сие: да изведут очи ваши слезы день и нощь, и да не престанут, яко сотрением великим сотрена (дева) дщерь людий моих и язвою злою зело. 024 JER 014 018 Аще изыду на поле, и се, заклани мечем: и аще вниду во град, и се, истаявшии гладом: яко пророк и священник отидоша в землю, еяже не ведяху. 024 JER 014 019 Еда отмещущь отвергл еси Иуду, и от Сиона отступи душа Твоя? Вскую поразил еси нас, и несть нам изцеления? Ждахом мира, и не бяху благая: времене уврачевания, и се, боязнь. 024 JER 014 020 Познахом, Господи, грехи нашя, беззакония отец наших, яко согрешихом пред Тобою. 024 JER 014 021 Престани ради имене Твоего, не погуби престола славы Твоея: воспомяни, не разори завета Твоего иже с нами. 024 JER 014 022 Еда есть во изваянных языческих, иже дождит? Или небеса могут дати влагу свою? Не Ты ли еси, Господи Боже наш? И пождем Тебе, Господи, Ты бо сотворил еси вся сия. 024 JER 015 001 И рече Господь ко мне: аще станут Моисей и Самуил пред лицем Моим, несть душа Моя к людем сим: изрини тех (от лица Моего), и да изыдут. 024 JER 015 002 И будет, аще рекут к тебе: камо изыдем? И речеши к ним: сия глаголет Господь: иже ко смерти, ко смерти: и иже к мечу, к мечу: и иже ко гладу, ко гладу: и иже ко пленению, ко пленению. 024 JER 015 003 И отмщу имъчетырьми образы, рече Господь: мечь на заклание, и пси на растерзание, и птицы небесе и зверие земли на пожрения и расхищение. 024 JER 015 004 И предам их во утеснение всем царствам земным, ради Манассии сына Езекиина царя Иудина за вся, яже сотвори во Иерусалиме. 024 JER 015 005 Кто умилосердится к тебе, Иерусалиме? И кто поскорбит о тебе, или кто пойдет молити о мире тебе? 024 JER 015 006 Ты оставил Мя еси, рече Господь, вспять пошел еси: и простру руку Мою на тя и убию тя, и ктому не пощажу их 024 JER 015 007 и расточу их расточением во вратех людий Моих: обезчадеша, погубиша людий Моих злобами своими, и не обратишася. 024 JER 015 008 Умножишася вдовицы их паче песка морскаго: наведох на матерь юношы, бедность о полудни, навергох на ню внезапу страх и трепет. 024 JER 015 009 Праздна бысть родившая седмь, оскуде душа ея, зайде ей солнце еще среде полудне, постыждена бысть и укорена: прочыя их в мечь дам пред враги их, рече Господь. 024 JER 015 010 Горе мне, мати (моя), вскую мя родила еси мужа прителнаго и судимаго по всей земли? Не заях, ниже заят у мене кто: сила моя оскуде от кленущих мя, (рече Господь). 024 JER 015 011 Буди, Владыко, исправляющым им: аще не притекох ко Тебе во время озлобления их и во время скорби их, во благая на врага. 024 JER 015 012 Еда познается железо? И одеяние медяно крепость твоя. 024 JER 015 013 И сокровища твоя в расхищение дам, измену за вся грехи твоя, и во всех пределех твоих: 024 JER 015 014 и порабощу тя окрест врагом твоим, в земли, еяже не веси: яко огнь возжжеся от ярости Моея, на вас горети будет. 024 JER 015 015 Ты веси, Господи, воспомяни мя и посети мя и защити мя от гонящих мя, не в долготерпение Твое восприими мя: веждь, яко приях Тебе ради поношение от отвергающих словеса Твоя: 024 JER 015 016 скончай их, и будет слово Твое мне в радость и во веселие сердца моего, яко призвано есть имя Твое на мне, Господи Боже Сил. 024 JER 015 017 Не седох в сонме их играющих, но бояхся от лица руки Твоея: на едине седях, яко горести исполнихся. 024 JER 015 018 Вскую оскорбляющии мя возмогают на мя? Язва моя тверда, откуду изцелюся? Бысть мне яко вода лживая, не имущая верности. 024 JER 015 019 Сего ради сия глаголет Господь: аще обратишися, возставлю тя, и пред лицем Моим станеши: и аще изведеши честное от недостойнаго, яко уста Моя будеши: и обратятся тии к тебе, и ты не обратишися к ним. 024 JER 015 020 И дам тя людем сим аки стену крепку, медяну: и поратуют на тя и не возмогут на тя, яко Аз с тобою есмь, да спасу тя и избавлю тя, рече Господь: 024 JER 015 021 избавлю тя от рук злейших и искуплю тя от рук губителей. 024 JER 016 001 И бысть слово Господне ко мне, рекущее: и ты да не поймеши жены, 024 JER 016 002 и не родится тебе сын, ниже дщерь на месте сем. 024 JER 016 003 Яко сия глаголет Господь от сынех и дщерех, иже родятся на месте сем, и о матерех их, яже родиша их, и о отцех их родивших я в земли сей: 024 JER 016 004 смертию лютою изомрут, не оплачутся и не погребутся: во образ на лицы земли будут и мечем падут и гладом скончаются, и будут трупие их во снедь птицам небесным и зверем земным. 024 JER 016 005 Сия глаголет Господь: да не внидеши в дом их пирный, ни да ходиши плакати, ниже да рыдаеши их, понеже отях мир Мой от людий сих, рече Господь, милость и щедроты. 024 JER 016 006 И умрут велицыи и малии в земли сей: не погребутся, ни оплачутся, ниже терзание о них будет, ниже обриются ради их, 024 JER 016 007 и не преломят хлеба во стенании их ко утешению над мертвым, и не дадут им пития чаши ко утешению над отцем и материю их. 024 JER 016 008 И в дом пирный да не внидеши седети с ними, еже ясти и пити. 024 JER 016 009 Понеже сия глаголет Господь Сил, Бог Израилев: се, Аз отиму от места сего во очию вашею и во днех ваших глас радости и глас веселия, глас жениха и глас невесты. 024 JER 016 010 И будет, егда возвестиши людем сим вся словеса сия, и рекут к тебе: вскую глаголал есть Господь на нас вся злая сия? Кая неправда наша? И кий грех наш, имже согрешихом Господу Богу нашему? 024 JER 016 011 И речеши к ним: понеже оставиша Мя отцы ваши, глаголет Господь, и идоша вслед богов чуждих, и послужиша им и поклонишася им, Мене же оставиша и закона Моего не сохраниша: 024 JER 016 012 и вы горше деласте, неже отцы ваши, и се, вы ходите кийждо вслед похотей сердца вашего лукаваго, еже не слушати Мене: 024 JER 016 013 и изрину вас от земли сея в землю, еяже не весте вы и отцы ваши, и послужите тамо богом чуждим день и нощь, иже не дадут вам милости. 024 JER 016 014 Сего ради, се, дние грядут, глаголет Господь, и не рекут ктому: жив Господь, иже изведе сынов Израилевых от земли Египетския: 024 JER 016 015 но: живет Господь, иже изведе сынов Израилевых от земли северныя и от всех стран, аможе извержени быша: и возвращу их в землю их, юже дах отцем их. 024 JER 016 016 Се, Аз послю рыбари многи, рече Господь, и уловят их: и посем послю многи ловцы, и уловят их на всяцей горе и на всяцем холме и от пещер каменных. 024 JER 016 017 Яко очи Мои на всех путех их, не сокровени суть от лица Моего, и не утаена суть беззакония их от очию Моею. 024 JER 016 018 И воздам первее сугубая беззакония и грехи их, имиже оскверниша землю Мою в мертвечинах мерзостей своих и в беззакониих своих, имиже наполниша достояние Мое. 024 JER 016 019 Господи, Ты крепость моя и помощь моя и прибежище мое во днех злых: к Тебе языцы приидут от последних земли и рекут: воистинну лживых стяжаша отцы наши идолов, и несть в них пользы. 024 JER 016 020 Еда сотворит себе человек боги, и тии не суть бози? 024 JER 016 021 Сего ради, се, Аз покажу им во время сие руку Мою и знаему сотворю им силу Мою, и познают, яко имя Мне Господь. 024 JER 017 001 Грех Иудин написан есть писалом железным на ногти адамантове, начертан на скрижали сердца их и на розех олтарей их. 024 JER 017 002 Егда воспомянут сынове их олтари своя и дубравы своя при древе лиственне и на холмех высоких, 024 JER 017 003 о, нагорный (жителю)! Крепость твою и сокровища твоя в расхищение дам, и высокая твоя, грех ради твоих, яже во всех пределех твоих, 024 JER 017 004 и останешися един от наследия твоего, еже дах тебе: и служити тя сотворю врагом твоим в земли, еяже не веси: яко огнь разжегл еси в ярости Моей, даже во век горети будет. Сия глаголет Господь: 024 JER 017 005 проклят человек, иже надеется на человека и утвердит плоть мышцы своея на нем, и от Господа отступит сердце его: 024 JER 017 006 и будет яко дивия мирика в пустыни и не узрит, егда приидут благая, и обитати будет в сухоте и в пустыни, в земли сланей и необитаемей. 024 JER 017 007 И благословен человек, иже надеется на Господа, и будет Господь упование его: 024 JER 017 008 и будет яко древо насажденное при водах, и во влаге пустит корение свое: не убоится, егда приидет зной, и будет на нем стеблие зелено, и во время бездождия не устрашится и не престанет творити плода. 024 JER 017 009 Глубоко сердце (человеку) паче всех, и человек есть, и кто познает его? 024 JER 017 010 Аз Господь испытуяй сердца и искушаяй утробы, еже воздати комуждо по пути его и по плодом изобретений его. 024 JER 017 011 Возгласи ряб, собра, ихже не роди, творяй богатство свое не с судом: в преполовении дний своих оставит е и на последок свой будет безумен. 024 JER 017 012 Престол славы возвышен от начала, место святыни нашея. 024 JER 017 013 Чаяние Израилево, Господи! Вси оставляющии Тя да постыдятся, отступающии (от Тебе) на земли да напишутся, яко оставиша источник живых вод, Господа. 024 JER 017 014 Изцели мя, Господи, и изцелею: спаси мя, и спасен буду, яко хвала моя Ты еси. 024 JER 017 015 Се, тии глаголют ко мне: где есть слово Господне? Да приидет. 024 JER 017 016 Аз же не утрудихся, Тебе (пастырю) последуяй, и дне человеча не пожелах: Ты веси исходящая от устен моих, пред лицем Твоим суть: 024 JER 017 017 не буди ми во отчуждение, упование мое Ты в день лют. 024 JER 017 018 Да постыдятся гонящии мя, аз же да не постыждуся: да устрашатся тии, аз же да не устрашуся: наведи на них день озлобления, сугубым сокрушением сотри их. 024 JER 017 019 Сия глаголет Господь ко мне: иди и стани во вратех сынов людий твоих, имиже входят царие Иудины и исходят, и во всех вратех Иерусалимских и речеши к ним: 024 JER 017 020 слышите слово Господне, царие Иудины и вся Иудеа и весь Иерусалим, входящии во врата сия. 024 JER 017 021 Сия глаголет Господь: сохраните душы вашя и не носите бремен в день суббот, и не исходите враты Иерусалима, 024 JER 017 022 и не износите бремен из домов ваших в день субботный, и всякаго дела не творите: освятите день субботный, якоже заповедах отцем вашым: 024 JER 017 023 и не услышаша, ни приклониша уха своего, но ожесточиша выи своя паче отец своих, да не услышат мя и да не приимут наказания. 024 JER 017 024 И будет, аще послушаете Мене, глаголет Господь, еже не вносити бремен во врата града сего в день субботный, и святити день субботный, не творити в онь всякаго дела, 024 JER 017 025 и внидут во врата града сего царие и началницы, седящии на престоле Давидове и восходящии на колесницах и конех своих, тии и началницы их, мужие Иудины и обитателие Иерусалима: и обитати будут во граде сем во веки: 024 JER 017 026 и приидут от градов Иудиных и от окрестных Иерусалима, и от земли Вениамини и от польных, и от горних и от юга, носяще всесожжения и жертву, и фимиам и манау и ливан, носяще хвалу в дом Господень. 024 JER 017 027 И будет, аще не послушаете Мене еже святити день субботный и не носити бремен, ниже входити вратами Иерусалима в день субботный, то зажгу огнь во вратех его, и пожрет домы Иерусалимли и не угаснет. 024 JER 018 001 Слово, еже бысть ко Иеремии от Господа, рекущее: 024 JER 018 002 востани и сниди в дом скудельничь, и тамо услышиши словеса Моя. 024 JER 018 003 И снидох в дом скудельничь, и се, той творяше дело на каменех. 024 JER 018 004 И разбися сосуд, егоже той творяше от глины рукама своима: и паки той сотвори из него иный сосуд, якоже угодно во очию его творити. 024 JER 018 005 И бысть слово Господне ко мне, рекущее: 024 JER 018 006 еда, якоже скудельник сей, не возмогу сотворити вас, доме Израилев? Рече Господь: се, якоже брение в руку скудельника, тако вы есте, доме Израилев, в руку Моею: 024 JER 018 007 наконец возглаголю на язык и на царство, да искореню их и разорю и расточу я: 024 JER 018 008 и аще обратится язык той от всех лукавств своих, то раскаюся о озлоблениих, яже помыслих сотворити им: 024 JER 018 009 и наконец реку на язык и царство, да возсозижду и насажду я, 024 JER 018 010 и аще сотворят лукавая пред очима Моима, еже не послушати гласа Моего, то раскаюся о благих, яже глаголах сотворити им. 024 JER 018 011 И ныне рцы ко мужем Иудиным и обитателем Иерусалима, рекий: сия рече Господь: се, Аз творю на вас злая и мышлю на вас умышление: да обратится убо кийждо от пути своего лукаваго, и исправите пути вашя и умышления ваша. 024 JER 018 012 И рекоша: укрепимся, ибо по развращением нашым пойдем, и кийждо угодное сердца своего лукаваго сотворим. 024 JER 018 013 Сего ради сия глаголет Господь: вопросите ныне языков, кто слыша сицевая страшная, яже сотвори зело дева Израилева? 024 JER 018 014 Еда оскудеют от камене сосцы, или снег от Ливана? Еда уклонится вода зелно ветром носимая? 024 JER 018 015 Понеже забыша Мене людие Мои всуе жруще, и изнемогут на путех своих и на стезях вечных, еже взыти на стези не имущыя пути на хождение, 024 JER 018 016 еже положити землю свою в запустение и во звиздание вечное: всяк, иже прейдет по ней, почудится и покивает главою своею: 024 JER 018 017 якоже ветр палящь разсею их пред враги их, хребет, а не лице покажу им в день погибели их. 024 JER 018 018 И рекоша: приидите и умыслим на Иеремию совет, ибо не погибнет закон от священника, ни совет от премудраго, ни слово от пророка: приидите и поразим его языком, и не вонмем всем словесем его. 024 JER 018 019 Вонми, Господи, мне и услыши глас оправдания моего. 024 JER 018 020 Еда воздаются злая за благая? Яко глаголаша словеса на душу мою и мучителство свое сокрыша ми. Помяни стоявшаго мя пред Тобою, еже глаголати за них благая, да отвращу гнев Твой от них. 024 JER 018 021 Сего ради даждь сыны их в глад и собери их в руце меча: да будут жены их безчадны и вдовы, и мужие их да будут убиени смертию, и юноши их да падут мечем на рати: 024 JER 018 022 да будет вопль в домех их: наведи на них разбойники внезапу, понеже совещаша слово, да имут мя, и сети скрыша на мя. 024 JER 018 023 Ты же, Господи, веси весь совет их на мя в смерть: да не очистиши беззакония их и грехов их от лица Твоего да не изгладиши: да будет болезнь их пред Тобою, и во время ярости Твоея сотвори им. 024 JER 019 001 Сия рече Господь ко мне: иди и стяжи сосуд скудельничь жжен, и приведи от старец людских и от старец священнических: 024 JER 019 002 и изыди в место многогробищное сынов Енноних, еже есть близ придверия врат Харсифских, и прочти тамо вся словеса, яже Аз возглаголю тебе, 024 JER 019 003 и речеши им: слышите слово Господне, царие Иудины и мужие Иудины, и обитателие Иерусалима и входящии вратами сими: сия глаголет Господь Сил, Бог Израилев: се, Аз наведу злая на место сие, яко всякому слышащему сия зазвучит во ушию его: 024 JER 019 004 понеже оставиша Мя, и чужде сотвориша место сие, и пожроша на нем богом чуждим, ихже не ведеша тии и отцы их: и царие Иудины наполниша место сие крове неповинных 024 JER 019 005 и создаша высокая Ваалу на сожжение сынов своих огнем, во всесожжение Ваалу, яже не заповедах ни глаголах, ниже взыдоша на сердце Мое. 024 JER 019 006 Сего ради, се, дние грядут, глаголет Господь, и не прозовется ктому место сие Падение и место многогробищное сынов Енноних, но место многогробищное заклания: 024 JER 019 007 и расточу совет Иудин и совет Иерусалима в месте сем, и превращу их мечем пред враги их и в руку ищущих душ их: и дам трупие их в ядь птицам небесным и зверем земным: 024 JER 019 008 и поставлю град сей в разорение и во звиздание: всяк, иже мимоидет, о нем почудится и позвиждет о всей язве его: 024 JER 019 009 и снедят плоти сынов своих и плоти дщерей своих, и кийждо плоти подруга своего снесть во обстоянии и в тесноте, в нейже запрут их врази их, ищущии души их. 024 JER 019 010 И да сокрушиши сосуд пред очима мужей исходящих с тобою 024 JER 019 011 и речеши к ним: сия глаголет Господь Сил: тако сокрушу люди сия и град сей, якоже сокрушается сосуд скудельный, иже не может ктому изцелитися: и в Тофефе погребутся того ради, яко не будет иного места на погребение. 024 JER 019 012 Тако сотворю месту сему, глаголет Господь, и обитателем его, да поставлю град той яко Падающь. 024 JER 019 013 И будут домы Иерусалима и домы царей Иудиных, якоже место Падающее, от нечистот своих во всех домех, в нихже жряху на кровех своих всему воинству небесному и приношаху возлияния богом чуждим. 024 JER 019 014 И прииде Иеремиа от (места) Падения, аможе посла его Господь пророчествовати, и ста во дворе дому Господня и рече ко всем людем: 024 JER 019 015 сия глаголет Господь Сил, Бог Израилев: се, Аз наведу на град сей и на вся грады его и на вся села его вся злая, яже глаголал есмь нань: яко ожесточиша выи своя, еже не слышати заповедий Моих. 024 JER 020 001 И услыша Пасхор сын Еммеров священник, иже поставлен бе началник в дому Господни, Иеремию пророчествующа словеса сия: 024 JER 020 002 и удари Пасхор Иеремию пророка и вверже его в кладу, яже бе во вратех Вениаминих вышних в дому Господни. 024 JER 020 003 Бывшу же утру, изведе Пасхор Иеремию от клады. И рече к нему Иеремиа: не Пасхор нарече (Господь) имя твое, но Преселника Отвсюду. 024 JER 020 004 Понеже сия глаголет Господь: се, Аз дам тя в преселение и всех другов твоих: и падут мечем враг своих, и очи твои узрят, и тебе и всего Иуду дам в руки царя Вавилонска, и преведут их в Вавилон и побиют их мечьми. 024 JER 020 005 И дам всю силу града сего и вся труды его и вся сокровища царя Иудина дам в руки врагов его, и расхитят их и возмут и отведут в Вавилон. 024 JER 020 006 Ты же, Пасхор, и вси обитателие дому твоего, отидете во пленение, и в Вавилон приидеши и тамо умреши, тамо же и погребешися ты и вси друзие твои, имже пророчествовал еси лжу. 024 JER 020 007 Прельстил мя еси, Господи, и прельщен есмь, креплейший мене еси и превозмогл еси: бых в посмех весь день, вси ругаются мне. 024 JER 020 008 Понеже горьким словом моим посмеюся, отвержение и бедность наведу, яко бысть в поношение мне слово Господне и в посмех весь день. 024 JER 020 009 И рекох: не воспомяну имене Господня, ниже возглаголю ктому во имя Его. И бысть в сердцы моем яко огнь горящь, палящь в костех моих, и разслабех отвсюду, и не могу носити: 024 JER 020 010 слышах бо досадителства многих собравшихся окрест: нападите, нападим нань, вси мужие друзие его: наблюдайте помышление его, аще (како) прельстится, и преможем нань и сотворим отмщение наше ему. 024 JER 020 011 Господь же со мною есть яко борец крепкий: сего ради погнаша и уразумети не могоша: постыдешася зело, яко не разумеша безчестия своего, еже во век не забвено будет. 024 JER 020 012 И Ты, Господи сил, искушаяй праведная, ведаяй утробы и сердца, (молютися, ) да вижду мщение Твое на них, Тебе бо открых прю мою. 024 JER 020 013 Пойте Господу, хвалите Господа, яко избави душу убогаго от руки лукавых. 024 JER 020 014 Проклят день, в оньже родихся: день, в оньже породи мя мати моя, да не будет благословен. 024 JER 020 015 Проклят муж, иже возвести отцу моему, рекий: родися тебе отрок мужеск, и яко радостию возвесели его. 024 JER 020 016 Да будет человек той якоже гради, яже преврати Господь яростию и не раскаяся: да слышит вопль заутра и рыдание во время полуденное: 024 JER 020 017 яко не убил мене в ложеснах матере, и была бы мне мати моя гроб мой и ложесна зачатия вечнаго. 024 JER 020 018 Вскую изыдох из ложесн, да вижду труды и болезни, и скончашася в постыдении дние мои? 024 JER 021 001 Слово, еже бысть от Господа ко Иеремии, егда посла к нему царь Седекиа Пасхора сына Мелхиина и Софонию сына Васаиева, священника, глаголя: 024 JER 021 002 вопроси о нас Господа, яко Навуходоносор царь Вавилонский воста на нас: сотворит ли Господь с нами по всем чудесем Своим, и отидет от нас? 024 JER 021 003 И рече Иеремиа к ним: тако рцыте Седекии: сия глаголет Господь Бог Израилев: 024 JER 021 004 се, Аз обращаю оружия бранная, яже суть в руках ваших, имиже вы ополчаетеся на царя Вавилонска и Халдейска, иже обстоят вас окрест вне стен: и соберу та посреде града сего, 024 JER 021 005 и поборю Аз по вас рукою простертою и мышцею крепкою с яростию и гневом великим, 024 JER 021 006 и побию всех обитающих во граде сем, человеки и скоты, губителством великим, и измрут. 024 JER 021 007 И по сих, тако глаголет Господь, дам Седекию царя Иудина и рабы его, и люди его и оставльшыяся во граде сем от губителства и глада и меча, в руку Навуходоносора царя Вавилонска и в руку врагов их и в руку ищущих душ их, и побиет их острием меча: и не пощажу их, ниже милостив буду им. 024 JER 021 008 И к людем сим речеши: сия глаголет Господь: се, Аз даю пред вами путь живота и путь смерти: 024 JER 021 009 иже обитает во граде сем, умрет мечем и гладом и губителством, а исходяй, иже прибежит ко Халдеом обстоящым вас, жив будет, и будет душа его в плен, и жив будет. 024 JER 021 010 Утвердих бо лице Мое на град сей во злая, а не во благая, рече Господь: в руки царя Вавилонска предастся, и сожжет его огнем. 024 JER 021 011 Доме царя Иудина, слышите слово Господне: 024 JER 021 012 доме Давидов, сия глаголет Господь: судите заутра суд и исправите, и избавите силою угнетенаго от руки обидящаго и, да не зажжется яко огнь ярость Моя и возгорится, и не будет угашающаго, ради лукавых умышлений ваших. 024 JER 021 013 Се, Аз к тебе обитающему во крепце и польне удолии, рече Господь, иже глаголете: кто побиет нас? Или кто внидет в домы нашя? 024 JER 021 014 И посещу на вас по лукавым начинанием вашым, рече Господь, и возжгу огнь в лесе его, и пояст вся, яже окрест его. 024 JER 022 001 Сия рече Господь: иди и вниди в дом царя Иудина и рцы тамо слово сие, 024 JER 022 002 и речеши: слыши слово Господне, царю Иудин, иже седиши на престоле Давидове, ты и дом твой, и раби твои и людие твои и входящии дверьми сими: 024 JER 022 003 сия глаголет Господь: творите суд и правду, и избавите силою угнетена от руку обидящаго и, и пришелца и сира и вдовицы не оскорбляйте, не угнетайте беззаконно, и крове неповинныя не изливайте на месте сем. 024 JER 022 004 Аще бо творяще сотворите слово сие, то внидут вратами дому сего царие седящии на престоле Давидове и вседающии на колесницы и на кони, тии и раби их и людие их. 024 JER 022 005 Аще же не послушаете словес сих, Сам Собою закляхся, рече Господь, яко в пустыню будет дом сей. 024 JER 022 006 Понеже тако глаголет Господь на дом царя Иудина: Галаад ты Мне, глава Ливанская, аще не поставлю тебе в пустыню, во грады необитанны, 024 JER 022 007 и наведу на тя убивающа мужа и секиру его, и посекут избранныя кедры твоя и вергут на огнь. 024 JER 022 008 И пройдут языцы мнози сквозе град сей, и речет кийждо искреннему своему: вскую сотвори Господь тако граду сему великому? 024 JER 022 009 И отвещают: сего ради, яко оставиша завет Господа Бога своего и поклонишася богом чуждим и послужиша им. 024 JER 022 010 Не плачите мертваго, ниже рыдайте о нем: плачите плачем о исходящем, яко не возвратится ктому, ниже увидит земли рождения своего. 024 JER 022 011 Понеже сия рече Господь к Селлиму сыну Иосиину царю Иудину царствующему вместо Иосии отца своего, иже изшел есть от места сего: не возвратится ктому семо, 024 JER 022 012 но на месте том, аможе преведох его, тамо умрет и земли сея не узрит ктому. 024 JER 022 013 Горе созидающему дом свой с неправдою и горницы своя не в суде, у негоже ближний его делает туне, и мзды его не воздаст ему: 024 JER 022 014 иже рече: созижду себе дом пространен, и горницы широки со отверстыми окнами и своды кедровыми, и расписаны червленцем. 024 JER 022 015 Еда царствовати будеши, яко ты поощряешися о ахазе отце твоем? Не ядят, ниже пиют: лучше тебе было творити суд и правду благу. 024 JER 022 016 Не познаша, не судиша суда смиренных, ниже суда нища: не сие ли тебе есть, еже не знати тебе Мене, рече Господь? 024 JER 022 017 Се, не суть очи твои, ниже сердце твое благо, но к сребролюбию твоему и крове неповинныя пролиянию, и ко обидам и ко убийству, еже творити я. 024 JER 022 018 Сего ради сия рече Господь ко Иоакиму сыну Иосиину царю Иудину: горе мужу сему, не оплачут его: горе, брате! Ниже возрыдают о нем: увы мне, господине! 024 JER 022 019 Погребением ослим погребется, влачимь извержен будет вне врат Иерусалима. 024 JER 022 020 Взыди на Ливан и возопий, и в Васан даждь глас твой, и возопий на он пол моря, яко сотрени суть вси любовнии твои. 024 JER 022 021 Глаголах к тебе в падении твоем, и рекл еси: не услышу. Сей путь твой от юности твоея, яко не послушал еси гласа Моего. 024 JER 022 022 Всех пастырей твоих упасет ветр, и любовнии твои во пленение пойдут, и тогда постыдишися и посрамишися от всех любящих тя: 024 JER 022 023 иже седиши в Ливане и гнездишися в кедрех, возстенеши, егда приидут к тебе болезни, яко раждающия. 024 JER 022 024 Живу Аз, рече Господь, аще будет Иехониа сын Иоакима царь Иудин, перстень на руце десней Моей, оттуду исторгну тя 024 JER 022 025 и предам тя в руки ищущих души твоея и в руки, ихже ты боишися лица, и в руки Навуходоносора царя Вавилонска и в руки Халдеом, 024 JER 022 026 и отвергу тя и матерь твою, яже роди тя, в землю чужду, в нейже несте рождени, и тамо умрете: 024 JER 022 027 а в землю, в нюже тии желают душами своими возвратитися, не возвратятся. 024 JER 022 028 Обезчестися Иехониа, аки сосуд непотребен, яко отриновен бысть той и семя его, и извержен в землю, еяже не ведяше. 024 JER 022 029 Земле, земле, земле, слыши слово Господне! 024 JER 022 030 Сия рече Господь: напиши мужа сего отвержена, мужа, иже во днех своих не предуспеет: ниже бо будет от семене его муж, иже сядет на престоле Давидове, и власть имеяй ктому во Иуде. 024 JER 023 001 Горе пастырем, иже погубляют и расточают овцы паствы Моея, рече Господь. 024 JER 023 002 Сего ради сия рече Господь Бог Израилев к пасущым людий Моих: вы расточили есте овцы Моя, и отвергосте я, и не посетисте их, се, Аз посещу на вас по лукавству умышлений ваших, рече Господь: 024 JER 023 003 и Аз соберу останки стада Моего от всех земель, в няже извергох их тамо, и возвращу их к селением их, и возрастут и умножатся. 024 JER 023 004 И возставлю над ними пастыри, и упасут их, и не убоятся ктому, ниже ужаснутся, и ни един погибнет от числа, рече Господь. 024 JER 023 005 Се, дние грядут, глаголет Господь, и возставлю Давиду Восток праведный, и царствовати будет Царь и премудр будет и сотворит суд и правду на земли: 024 JER 023 006 во днех Его спасется Иуда, и Израиль пребудет в надежди, и сие имя Ему, имже нарекут Его: Господь праведен наш. 024 JER 023 007 Сего ради, се, дние грядут, рече Господь, и не рекут ктому: живет Господь, иже изведе сыны Израилевы от земли Египетския: 024 JER 023 008 но: живет Господь, иже изведе и преведе семя дому Израилева от земли северски и от всех земель, в няже изверже их тамо, и обитати имут в земли своей. 024 JER 023 009 О пророцех сотрено есть сердце мое во мне, вострепеташа вся кости моя, бых яко муж пиян и яко человек, егоже одоле вино, от лица Господня и от лица благолепия славы Его. 024 JER 023 010 Яко прелюбодеяньми исполнена есть земля, яко от лица их плакася земля, изсхоша пажити пустынныя: и бысть течение их лукаво, и крепость их такожде. 024 JER 023 011 Понеже пророк и священник осквернишася, и в дому Моем обретох лукавство их, рече Господь: 024 JER 023 012 того ради путь их будет им ползок во тме, и поткнутся и падут в нем: наведу бо на них злая в лето посещения их, рече Господь. 024 JER 023 013 И во пророцех Самарийских видех беззакония: пророчествоваху чрез Ваала и прельщаху люди Моя Израиля. 024 JER 023 014 И во пророцех Иерусалимских видех ужасная, прелюбодействующих и ходящих во лжи и скрепляющих руки строптивым, да не отвратится кийждо от пути своего лукаваго: быша Мне вси аки Содом, и обитающии в нем яко Гоморр. 024 JER 023 015 Сего ради тако рече Господь Сил ко пророком: се, Аз напитаю их пелынем и напою их желчию, от пророков бо Иерусалимских изыде осквернение на всю землю. 024 JER 023 016 Сия глаголет Господь Сил: не слушайте словес пророков, иже пророчествуют вам и прельщают вас: видение от сердца своего глаголют, а не от уст Господних. 024 JER 023 017 Глаголют отвергающым Мя: глагола Господь, мир будет вам: и всем, иже ходят в похотех своих, и всякому, ходящему в строптивстве сердца своего, рекоша: не приидут на вас злая. 024 JER 023 018 Кто бо бысть в совете Господни, и виде и слыша словеса Его? Кто внят слово Его и слыша? 024 JER 023 019 Се, буря от Господа и ярость исходит в сотрясение, устремившися приидет на нечестивыя. 024 JER 023 020 И ктому не возвратится ярость Господня, дондеже сотворит сие и дондеже совершит помышление сердца Своего. В последния дни уразумеете совет Его. 024 JER 023 021 Не посылах пророки, а они течаху: не глаголах к ним, и тии пророчествоваху. 024 JER 023 022 И аще бы стали в совете Моем, слышана сотворили бы словеса Моя и отвратили бы людий Моих от пути их лукаваго и от начинаний их лукавых. 024 JER 023 023 Бог приближаяйся Аз есмь, глаголет Господь, а не Бог издалеча. 024 JER 023 024 Аще утаится кто в сокровенных, и Аз не узрю ли его? Рече Господь. Еда небо и землю не Аз наполняю? Рече Господь. 024 JER 023 025 Слышах, яже глаголют пророцы, пророчествующе во имя Мое лжу и глаголюще: видех сон, (видех сон). 024 JER 023 026 Доколе будет в сердцы пророков прорицающих лжу и пророчествующих льщения сердца своего, 024 JER 023 027 мыслящих, да забвен будет закон Мой в сониих их, яже вещают кийждо искреннему своему, якоже забыша отцы их имя Мое ради Ваала? 024 JER 023 028 Пророк, иже имать сновидение, да вещает сновидение свое, а иже имать слово Мое, да глаголет слово Мое во истине. Что плевы ко пшенице? Тако слово Мое, рече Господь. 024 JER 023 029 Еда словеса Моя не суть якоже огнь горящь, рече Господь, и яко млат сотрыющь камень? 024 JER 023 030 Сего ради, се, Аз ко пророком, рече Господь, иже крадут словеса Моя кийждо от искренняго своего. 024 JER 023 031 Се, Аз на пророки, глаголет Господь, износящыя пророчествия языком и дремлющыя дремание свое. 024 JER 023 032 Се, Аз на пророки, прорицающыя соние лживо, рече Господь, и провещаша та, и прельстиша люди Моя во лжах своих и во прелестех своих, Аз же не послах их, ни заповедах им, и пользою не упользуют людий сих, (рече Господь). 024 JER 023 033 И аще вопросят людие сии, или пророк, или священник, рекуще: кое (есть) бремя Господне? И речеши к ним: вы есте бремя, и повергу вас, рече Господь. 024 JER 023 034 И пророк, и священник, и людие, иже рекут: бремя Господне, посещу местию на мужа того и на дом его. 024 JER 023 035 Сице рцыте кийждо ко искреннему и ко брату своему: что отвеща Господь? И что глагола Господь? 024 JER 023 036 И бремя Господне не помянется ктому, ибо бремя будет комуждо слово его: и превратисте словеса Бога живаго, Господа Сил, Бога нашего. 024 JER 023 037 Сия рцы ко пророку: что отвеща тебе Господь? И что глагола Господь? 024 JER 023 038 Аще же речете: бремя Господне: сего ради тако рече Господь: понеже рекли есте глагол сей бремя Господне, и послах к вам, рекий: не глаголите бремя Господне: 024 JER 023 039 сего ради, се, Аз возму и повергу вас и град, егоже дах вам и отцем вашым, от лица Моего, 024 JER 023 040 и дам вас в поношение вечное и в срамоту вечную, яже никогда забвением загладится. 024 JER 024 001 Показа мне Господь, и се, две кошницы полны смоквий поставлены пред храмом Господним, повнегда преведе Навуходоносор царь Вавилонский Иехонию сына Иоакимова, царя Иудина, и началников его и художников, и узников и богатых от Иерусалима, и преведе их в Вавилон. 024 JER 024 002 Кошница едина смоквий добрых зело, яко обычай смоквам быти первых времен, и кошница другая смоквий злых зело, ихже ясти не возможно за худость их. 024 JER 024 003 И рече Господь ко мне: что ты видиши, Иеремие? И рекох: смокви, смокви добрыя, добры зело: и злыя, злы зело, ихже ясти не возможно за худость их. 024 JER 024 004 И бысть слово Господне ко мне, рекущее: 024 JER 024 005 сия глаголет Господь Бог Израилев: якоже смокви сия благи, тако познаю преселеных Иудеев, ихже послах от места сего в землю Халдейску во благая: 024 JER 024 006 и утвержу очи Мои на них во благая и преведу их паки в землю сию во благая: и возсозижду их и не разорю, и насажду их и не исторгну: 024 JER 024 007 и дам им сердце, да уведят Мя, яко Аз есмь Господь, и будут Мне в люди, и Аз буду им в Бога: понеже обратятся ко Мне всем сердцем своим. 024 JER 024 008 И якоже смокви злыя, ихже ясти не возможно за худость их, сия рече Господь, тако предам Седекию царя Иудина и началники его и останок от Иерусалима, иже осташа во граде сем и иже обитают во земли Египетстей, 024 JER 024 009 и дам их в расточение и озлобление всем царствам земным, и будут в поношение и в притчу, и в ненависть и в проклятие во всех местех, в няже извергох их: 024 JER 024 010 и послю на них мечь и глад и пагубу, дондеже изчезнут от земли, юже дах им и отцем их. 024 JER 025 001 Слово, еже бысть ко Иеремии на вся люди Иудины, в лето четвертое Иоакима сына Иосиина, царя Иудина: то лето первое Навуходоносора царя Вавилонскаго: 024 JER 025 002 еже глагола Иеремиа пророк ко всем людем Иудиным и ко всем обитателем Иерусалима, рекий: 024 JER 025 003 в третиенадесять лето Иосии сына Амосова, царя Иудина, и даже до дне сего, сие двадесять третие лето, бысть слово Господне ко мне, и глаголах к вам, заутра востая и глаголя: и не слышасте. 024 JER 025 004 И посылаше Господь к вам всех раб Своих пророк, востая заутра и посылая: и не слышасте, ни приклонисте ушес ваших, да слышите, егда глаголаше: 024 JER 025 005 отвратитеся кийждо от пути своего злаго и от злейших умышлений ваших, и обитати будете в земли, юже Господь даде вам и отцем вашым, от века даже и до века: 024 JER 025 006 и не ходите вслед богов чуждих, еже служити им и покланятися им, да не прогневаете Мя в делех рук ваших, еже озлобити вас. 024 JER 025 007 И не послушасте Мя, рече Господь, еже не подвизати Мя ко гневу в делех руку вашею на зло вам. 024 JER 025 008 Сего ради сия глаголет Господь Сил: понеже не послушасте словес Моих, 024 JER 025 009 се, Аз послю и возму вся племена северска, (рече Господь, ) и Навуходоносора царя Вавилонска раба Моего: и приведу их на землю сию и на обитатели ея и на вся языки, иже окрест ея, и убию их и поставлю их во ужас и во звиздание и в поношение вечное: 024 JER 025 010 и погублю от них глас радости и глас веселия, глас жениха и глас невесты, благоухание мира и свет светилника: 024 JER 025 011 и будет вся земля сия в запустение и во ужас, и поработают сии во языцех царю Вавилонску седмьдесят лет. 024 JER 025 012 Егда же исполнени будут седмьдесят лет, посещу на царя Вавилонска и на язык оный, рече Господь, беззакония их, и на землю Халдейску, и положу тую в запустение вечное, 024 JER 025 013 и наведу на землю ону вся словеса Моя, яже глаголах на ню, вся писанная в книзе сей, и елика пророчествова Иеремиа на вся языки: 024 JER 025 014 яко работаша им, егда беша языцы мнози и царие велицы, и воздам им по делом их и по творению рук их, 024 JER 025 015 елико прорече Иеремиа до всех стран: тако бо глаголет Господь Бог Израилев: возми чашу вина нераствореннаго от руки Моея, да напоиши вся языки, к нимже Аз послю тя. 024 JER 025 016 И испиют и изблюют, и обуяют от лица меча, егоже Аз послю среде их. 024 JER 025 017 И взях чашу от руки Господни и напоих вся языки, к нимже посла мя Господь: 024 JER 025 018 Иерусалима и грады Иудины, и цари его и князи его, яко положити я во опустение и в непрохождение, и во звиздание и в проклятие, яко день сей, 024 JER 025 019 и фараона царя Египетскаго и отроков его, и вельможы его и вся люди его 024 JER 025 020 и вся примесники его, и вся цари земли Ус и вся цари иноплеменников, Аскалона и Газу, и Аккарона и останок Азота, 024 JER 025 021 и Идумею и Моавитиду и сыны Аммони, 024 JER 025 022 и вся цари Тирски и цари Сидонски и цари, иже об ону страну моря, 024 JER 025 023 и Дедана и Фемана, и Роса и всякаго остриженаго по лицу его, 024 JER 025 024 и вся цари Аравии и вся смесники обитающыя в пустыни, 024 JER 025 025 и вся цари Замврийския и вся цари Еламския, и вся цари Персския 024 JER 025 026 и вся цари от восточия, дальния и ближния, коегождо ко брату его, и вся царства, яже на лицы земли, и царь Сесах испиет последи их. 024 JER 025 027 И речеши им: тако рече Господь Сил, Бог Израилев: пийте и упийтеся, и изблюйте и падите, и не востаните от лица меча, егоже Аз послю среде вас. 024 JER 025 028 И будет, егда не восхотят прияти чаши от руки твоея, еже пити, речеши к ним: тако рече Господь: пиюще пийте. 024 JER 025 029 Яко во граде, в немже именовася имя Мое, Аз начну озлобляти, и вы очищением не очиститеся: понеже мечь Аз призываю на вся седящыя на земли, рече Господь Сил. 024 JER 025 030 Ты же проречеши на них вся словеса сия и речеши: Господь с высоты суд воздаст, от святаго Своего даст глас Свой, слово проречет на место Свое, сии же яко объемлюще виноград отвещают: и на вся седящыя на земли прииде пагуба, 024 JER 025 031 на часть земли, яко суд во языцех Господу: судитися имать Той со всякою плотию, нечестивии же предани быша мечу, глаголет Господь. 024 JER 025 032 Тако глаголет Господь: се, злая грядут от языка на язык, и вихорь велик исходит от конца земли. 024 JER 025 033 И будут язвении от Господа в день Господень, от края земли и до края земли: не оплачутся, ниже соберутся и не погребутся, в гной на лицы земли будут. 024 JER 025 034 Воскликните, пастуси и возопийте, и восплачите, овни овчии, яко исполнишася дние ваши на заколение, и падете якоже овни избраннии, 024 JER 025 035 и изгибнет бегство от пастухов и спасение от овнов овчих. 024 JER 025 036 Глас вопля пастырска и кличь овец и овнов, яко потреби Господь пажити их: 024 JER 025 037 и умолкнут останцы мира от лица ярости гнева Господня. 024 JER 025 038 Остави якоже лев виталище Свое, яко бысть земля их в непрохождение от лица меча великаго. 024 JER 026 001 В начале царства Иоакима сына Иосиина бысть слово сие от Господа: 024 JER 026 002 тако рече Господь: стани во дворе дому Господня и проповеждь всем Иудеом, входящым кланятися в дом Господень, вся словеса, яже завещах тебе проповедати им, не уйми словесе: 024 JER 026 003 негли послушают и отвратятся кийждо от пути своего злаго, и почию от зол, яже помышляю сотворити им злых ради начинаний их. 024 JER 026 004 И речеши: тако рече Господь: аще не послушаете Мене, еже ходити в законех Моих, яже дах пред лицем вашим, 024 JER 026 005 в послушание словес отрок Моих пророков, ихже Аз посылаю к вам из утра, и послах, и не послушасте Мене, 024 JER 026 006 и дам дом сей якоже Силом, и град сей дам в клятву всем языком всея земли. 024 JER 026 007 И слышаша жерцы и лжепророцы и вси людие Иеремию глаголюща словеса сия в дому Господни. 024 JER 026 008 И бысть, егда Иеремиа преста глаголати вся, елика завеща ему Господь глаголати всем людем, и яша Иеремию жерцы и лжепророцы и вси людие, глаголюще: смертию да умрет, 024 JER 026 009 яко прорече имеием Господним, глаголя: якоже Силом будет сей дом, и град сей опустеет от живущих. И собрашася вси людие на Иеремию в дому Господни. 024 JER 026 010 И слышаша князи Иудины словеса сия, и взыдоша от дому царева в дом Господень и седоша во преддверии врат дому Господня новых. 024 JER 026 011 И реша жерцы и лжепророцы князем и всем людем, глаголюще: суд смертный человеку сему, яко прорече на сей град, якоже слышасте во ушы ваши. 024 JER 026 012 И рече Иеремиа ко всем князем и ко всем людем, глаголя: Господь посла мя прорещи на дом сей и на град сей вся словеса, яже слышасте: 024 JER 026 013 и ныне лучшыя сотворите пути вашя и дела ваша и послушайте гласа Господа Бога вашего, и престанет Господь от зол, яже глагола на вы: 024 JER 026 014 и се, аз в руках ваших, сотворите ми якоже угодно и якоже лучше вам является: 024 JER 026 015 но разумеюще да уразумеете, яко аще убиете мя, кровь неповинну дадите сами на ся и на град сей и на живущыя в нем: яко поистинне посла мя Господь к вам глаголати во ушы ваши вся словеса сия. 024 JER 026 016 И реша князи и вси людие ко жерцем и ко лжепророком: несть человеку сему суд смертный, яко во имя Господа нашего глагола к нам. 024 JER 026 017 И восташа мужие от старейшин земских и реша всему собору людскому, глаголюще: 024 JER 026 018 Михеа Морафитский бе пророчествуя во дни Езекии царя Иудина и рече всем людем Иудиным, глаголя: тако рече Господь: Сион яко нива изорется, и Иерусалим яко в путь непроходный будет, и гора храма будет в луг дубравный. 024 JER 026 019 Еда убивая уби его Езекиа царь Иудин и вси людие Иудины? Не убояшалися убо Господа? И понеже помолишася лицу Господню, и почи Господь от зол, яже глаголаше на ня: и мы сотворихом злобы велики на душы нашя. 024 JER 026 020 И бе человек прорицая именем Господним, Уриа сын Самеов от Кариафиарима, и прорече на град сей и о земли сей по всем словесем Иеремииным. 024 JER 026 021 И слыша царь Иоаким и вси князи вся словеса его и искаху убити его: и слыша Уриа и убояся, и бежа и прииде во Египет. 024 JER 026 022 И посла царь Иоаким мужы во Египет, Елдафана сына Ахорова и мужы с ним во Египет, 024 JER 026 023 и изведоша его оттуду и приведоша его ко царю, и порази его мечем и вверже его во гроб сынов людий своих. 024 JER 026 024 Обаче рука Ахикама сына Сафаниина бе со Иеремиею, еже не предати его в руце людий, да не убиют его. 024 JER 027 001 В начале царства Иоакима сына Иосиина, царя Иудина, бысть слово сие ко Иеремии от Господа глаголя: 024 JER 027 002 тако рече Господь: сотвори себе узы и клады и возложи на выю свою, 024 JER 027 003 и да послеши я ко царю Идумейску и ко царю Моавску и ко царю сынов Аммоних, и ко царю Тирску и ко царю Сидонску, в руку послов их идущих сретением своим во Иерусалим ко Седекии царю Иудину, 024 JER 027 004 и завещай им ко господем их рещи: тако рече Господь Бог Израилев: тако рцыте ко господем своим: 024 JER 027 005 Аз сотворих землю и человека и скоты, яже на лицы земли, крепостию Моею великою и мышцею Моею высокою, и дам ю, емуже будет угодно пред очима Моима. 024 JER 027 006 И ныне Аз дах всю землю сию в руце Навуходоносору царю Вавилонску, да ему работают, и звери селныя дах делати ему: 024 JER 027 007 и послужат ему вси языцы и сыну его и сыну сына его, дондеже приидет время земли его и его самого, и послужат ему мнози народи и царие велицы: 024 JER 027 008 страна же и царство, елицы аще не поработают царю Вавилонску и елицы не вдежут выи своея в ярем царя Вавилонска, мечем и гладом посещу их, рече Господь, дондеже скончаются в руце его. 024 JER 027 009 Вы же не слушайте лжепророк ваших и волхвующих вам и видящих сония вам, ни чарований ваших, ни обаятелей ваших глаголющих: не послужите царю Вавилонскому: 024 JER 027 010 яко лжу прорицают тии вам, еже бы удалитися вам от земли вашея, извергнути вас и еже погибнути вам. 024 JER 027 011 Страна же, яже склонит выю свою под ярем царя Вавилонска и послужит ему, оставлю ю на земли своей, глаголет Господь: и орати будет ю и вселится на ней. 024 JER 027 012 И ко Седекии царю Иудину глаголах по всем словесем сим, глаголя: склоните выи вашя под иго царя Вавилонска и служите ему и людем его, и живи будете: 024 JER 027 013 почто умираете, ты и людие твои, мечем и гладом и мором, якоже рече Господь ко странам, не хотевшым служити царю Вавилонску? 024 JER 027 014 Не послушайте слов пророков глаголющих вам: не послужите царю Вавилонску: 024 JER 027 015 яко неправедно тии прорицают вам: яко не послах их, рече Господь, тии же прорицают именем Моим о неправде, еже бы погубити вас, и погибнете вы и пророцы ваши, прорицающии вам о неправде ложная. 024 JER 027 016 Вам и всем людем сим и жерцем глаголах, рекий: тако рече Господь: не слушайте словес пророческих, прорицающих вам лжу и глаголющих: се, сосуди дому Господня возвратятся от Вавилона ныне вскоре: яко лжу прорицают вам, 024 JER 027 017 не послушайте их, но служите царю Вавилонскому, да живи будете. Вскую даете град сей в запустение? 024 JER 027 018 Аще суть пророцы и есть слово Господне в них, да предстанут Господу Вседержителю, да не отидут сосуди, оставшиися в дому Господни и в дому царя Иудина и во Иерусалиме, в Вавилон. 024 JER 027 019 Тако бо глаголет Господь Вседержитель о столпех и о умывалнице, и о подставах и о прочих сосудех оставшихся во граде сем, 024 JER 027 020 ихже не взя Навуходоносор царь Вавилонский, егда пресели Иехонию сына Иоакимова, царя Иудина, из Иерусалима в Вавилон, и вся старейшины Иудины и Иерусалимли. 024 JER 027 021 Тако бо глаголет Господь Вседержитель Бог Израилев о сосудех оставшихся в дому Господни и в дому царя Иудина и в Иерусалиме: 024 JER 027 022 в Вавилон принесутся и тамо будут даже до дне посещения своего, глаголет Господь: и повелю принести я и возвратити на место сие. 024 JER 028 001 И бысть в четвертое лето, царствующу Седекии царю Иудину, в пятый месяц, рече ми Ананиа сын Азоров лживый пророк Гаваонитский в дому Господни, пред очима жерцев и всех людий, глаголя: 024 JER 028 002 тако рече Господь Вседержитель Бог Израилев: сокруших ярем царя Вавилонска: 024 JER 028 003 еще два лета дний, возвращу Аз на место сие вся сосуды дому Господня, яже взя Навуходоносор царь Вавилонский от места сего и пренесе я до Вавилона, 024 JER 028 004 и Иехонию сына Иоакимова царя Иудина, и все преселение Иудино вшедшее в Вавилон возвращу в место сие, глаголет Господь, яко сокрушу ярем царя Вавилонска. 024 JER 028 005 И рече Иеремиа пророк ко Анании лжепророку пред очима жерцев и пред очима всех людий стоящих в дому Господни, 024 JER 028 006 и рече Иеремиа: поистинне тако да сотворит Господь, да утвердит Господь слово твое, еже ты прорицаеши, еже возвратити сосуды дому Господня и вся преселенныя из Вавилона на место сие: 024 JER 028 007 обаче слышите слово сие, еже аз глаголю во ушы ваши и во ушы всех людий: 024 JER 028 008 пророцы, бывшии прежде мене и прежде вас от века, прорекоша на многи земли и на царства велика о рати и о погублении и о гладе: 024 JER 028 009 пророк прорекий мир, пришедшу слову познают пророка, егоже посла им Господь в вере. 024 JER 028 010 И взя Ананиа пред очима всех людий клады от выи Иеремиины и сокруши я. 024 JER 028 011 И рече Ананиа пред очима всех людий глаголя: сице рече Господь: тако сокрушу ярем Навуходоносора царя Вавилонска еще два лета дний со выи всех языков. И отиде Иеремиа на путь свой. 024 JER 028 012 И бысть слово Господне ко Иеремии, по сокрушении Ананиине клад со выи его, глаголя: 024 JER 028 013 иди и рцы ко Анании глаголя: тако рече Господь: клады древяныя сокрушил еси и сотвориши вместо тех клады железны, 024 JER 028 014 яко тако рече Господь: ярем железен возложих на выи всех языков, служити Навуходоносору царю Вавилонску, и послужат ему: ктому и звери земныя дах ему. 024 JER 028 015 И рече Иеремиа пророк ко Анании: слыши, Анание: не посла тебе Господь, ты же сотворил еси людий сих уповати на неправду. 024 JER 028 016 Того ради сице рече Господь: се, Аз отпущу тя от лица земли, в сем лете умреши, яко на Господа (Бога) глаголал еси. 024 JER 028 017 И умре Ананиа лжепророк в сем лете месяца седмаго. 024 JER 029 001 И сия словеса книги, юже посла Иеремиа из Иерусалима ко старейшинам преселеным и ко жерцем и лживым пророком и всем людем, ихже пресели Навуходоносор из Иерусалима до Вавилона, 024 JER 029 002 последи изшедшу Иехонии царю и царице, и кажеником и всякому свободну, и художнику и юзнику из Иерусалима, 024 JER 029 003 рукою Елеаса сына Сафаня и Гамариа сына Хелкиина, егоже посла Седекиа царь Иудин ко царю Вавилонску в Вавилон, глаголя: 024 JER 029 004 тако рече Господь Бог Израилев о преселеных, ихже пресели из Иерусалима в Вавилон: 024 JER 029 005 соградите храмины и вселитеся, и насадите вертограды и ядите плоды их, 024 JER 029 006 и поимите жены и чадотворите сыны и дщери, и приведите сыном вашым жены и дщери вашя дадите за мужы, и да раждают сыны и дщери, и умножайтеся, а не умаляйтеся: 024 JER 029 007 и взыщите мира земли, на нюже преселих вас тамо, и молите Господа за ня, яко в мире их будет мир вам. 024 JER 029 008 Яко тако рече Господь Сил, Бог Израилев: да не препирают вас лживии пророцы, иже в вас, и да не препирают вас волсви ваши, и не послушайте соний своих, яже вы видите во сне, 024 JER 029 009 яко неправедне тии прорицают вам во имя Мое, а не послах их, рече Господь. 024 JER 029 010 Яко тако рече Господь: егда исполнятся в Вавилоне седмьдесят лет, посещу вас и уставлю словеса Моя на вас, еже возвратити люди Моя на место сие: 024 JER 029 011 и помышлю на вы помышление мира, а не злая, еже дати вам сия: 024 JER 029 012 и помолитеся ко Мне, и послушаю вас, 024 JER 029 013 и взыщете Мене, и обрящете Мя: и егда взыщете Мене всем сердцем вашим, 024 JER 029 014 и явлюся вам, глаголет Господь, и возвращу узники вашя и соберу вас от всех стран и от всех градов, в няже изгнах вас, глаголет Господь: и возвратитися повелю вам на место откуду превести вас повелех. 024 JER 029 015 Понеже рекосте: возстави нам Господь пророки в Вавилоне. 024 JER 029 016 Тако бо рече Господь ко царю седящу на престоле Давидове и ко всем людем живущым во граде том, и братиям вашым, не изшедшым с вами в плен, 024 JER 029 017 тако глаголет Господь Вседержитель: се, Аз послю на ня мечь и глад и мор, и положу я яко смоквы худыя, ихже немощно ясти, понеже зело худы быша: 024 JER 029 018 и сотру я мечем и гладом и мором, и дам я в погубление всем царствам земным и в проклятие, и во удивление и в посмех и в поругание всем языком, к нимже извергох я: 024 JER 029 019 занеже не послушаша словес Моих, глаголет Господь, яже послах к ним рабы Моими пророки, рано востая и посылая, и не послушасте, глаголет Господь. 024 JER 029 020 Вы убо слышите слово Господне, все преселение, еже выслах из Иерусалима в Вавилон. 024 JER 029 021 Тако глаголет Господь Вседержитель Бог Израилев на Ахиава сына Колиева и на Седекию сына Маасиева, иже прорицают вам во имя Мое лживо: се, Аз предаю я в руце Навуходоносора царя Вавилонска, и побиет я пред очима вашима: 024 JER 029 022 и возмется от них проклятие всему преселению Иудину, еже в Вавилоне, глаголюще: да сотворит ти Господь якоже Седекии сотвори и якоже Ахиаву, ихже сожже царь Вавилонский во огни, 024 JER 029 023 беззакония ради, еже сотвориша во Иерусалиме, и любодеяху с женами граждан своих и слово глаголаша во имя Мое лживо, егоже не повелех им, Аз же есмь судия и послух, глаголет Господь. 024 JER 029 024 И к Самеи Еламитину речеши: 024 JER 029 025 тако глаголет Господь Вседержитель, Бог Израилев: понеже послал еси во имя твое послания ко всем людем, иже во Иерусалиме, и ко Софонии сыну Маасеову жерцу и ко всем жерцем, глаголя: 024 JER 029 026 Господь даде тя жерца вместо Иодаа жерца, быти приставнику в дому Господни, всякому человеку прорицающу и всякому человеку неистовующу, и вдаси его в затвор и в кладу. 024 JER 029 027 И ныне почто не запретисте Иеремии, иже от Анафофа, прорицающему вам? 024 JER 029 028 Яко того ради посла к нам в Вавилон, глаголя: долгое есть время, соградите храмины и вселитеся, и насадите вертограды и ядите плоды их. 024 JER 029 029 И прочте книгу сию Софониа во ушы Иеремии пророка. 024 JER 029 030 И бысть слово Господне ко Иеремии глаголя: 024 JER 029 031 посли ко преселником глаголя: тако рече Господь на Самею Еламитина: понеже прорече вам Самеа, Аз же не послах его, и сотвори вас уповати на неправду: 024 JER 029 032 того ради сице рече Господь: се, Аз посещу на Самею и на род его, и не будет ему человека посреде вас, еже видети благая, яже Аз сотворю вам, глаголет Господь, зане отступление глагола на Господа. 024 JER 030 001 Слово бывшее ко Иеремии от Господа глаголя: 024 JER 030 002 тако рече Господь Бог Израилев глаголя: впиши вся словеса в книги, яже глаголах к тебе. 024 JER 030 003 Яко се, дние грядут, рече Господь, и возвращу преселение людий Моих Израиля и Иуды, рече Господь Вседержитель, и возвращу я на землю, юже дах отцем их, и овладеют ею. 024 JER 030 004 И сия словеса, яже глагола Господь о Израили и о Иуде. 024 JER 030 005 Тако рече Господь: глас страха услышите: страх, и несть мира. 024 JER 030 006 Вопросите и видите, аще раждает мужеск пол? И о страсе, в немже имети будут чресла и спасение? Понеже видех всякаго человека, и руце его на чреслех его аки раждающия: обратишася лица в желтую болезнь. 024 JER 030 007 О, люте! Яко бысть велик день той и несть подобна ему: и время тесно есть Иакову, и от того спасется. 024 JER 030 008 В той день, рече Господь, сокрушу ярем со выи их и узы их расторгну: и не послужат тии ктому чуждим, 024 JER 030 009 но послужат тии Господу Богу своему: и Давида царя их возставлю им. 024 JER 030 010 Сего ради ты не бойся, рабе Мой Иакове, глаголет Господь, ни устрашайся, Израилю: яко се, Аз спасу тя из земли дальния и семя твое из земли пленения их: и возвратится паки Иаков и почиет и всякаго добра исполнен будет, и не будет устрашаяй тя. 024 JER 030 011 Яко Аз с тобою есмь, глаголет Господь, спасаяй тя: яко сотворю скончание во всех языцех, в няже разсеях тя: тебе же не сотворю во скончание, но накажу тя в суде и очищая не очищу тя. 024 JER 030 012 Тако бо глаголет Господь: возставих сокрушение твое, болезненна есть язва твоя, 024 JER 030 013 несть судяй суда твоего, на болезнь врачевался еси, пользы несть тебе: 024 JER 030 014 вси друзие твои забыша тя, ниже вопросят тя, яже о мире твоем: яко язвою вражиею поразих тя, наказанием твердым: множества ради неправды твоея превозмогоша греси твои. 024 JER 030 015 Что вопиеши о сокрушении твоем? Неизцельна есть болезнь твоя множества ради неправды твоея, и твердых ради грехов твоих сотворих ти сия (вся). 024 JER 030 016 Того ради вси ядущии тя изядени будут, и вси врази твои плоть их всю изядят: во множестве неправды твоея умножишася греси твои, сотвориша сия тебе: и будут разграбляющии тя в разграбление, и всех пленяющих тя дам во пленение. 024 JER 030 017 Яко обяжу язву твою и от ран твоих уврачую тя, рече Господь: яко расточенным называху тя, Сионе ловитва наша есть, яко несть взыскающаго его. 024 JER 030 018 Тако глаголет Господь: се, Аз возвращу преселение Иаковле и пленники его помилую, и возградится град в высоту свою, и храм по чину своему утвердится: 024 JER 030 019 и изыдут из него поющии и глас играющих, и умножу я, и не умалятся. 024 JER 030 020 И внидут сынове их якоже и прежде, и свидения их пред лицем Моим исправятся: и посещу на вся стужающыя им, 024 JER 030 021 и будут крепльшии его на ня, и князь его из него изыдет: и соберу я, и обратятся ко Мне: кто бо есть той, иже приложит сердце свое обратитися ко Мне? Рече Господь. 024 JER 030 022 И будете Ми в люди, и Аз вам буду в Бога. 024 JER 030 023 Яко гнев Господень изыде яр, изыде гнев обращаемь, на нечестивыя приидет. 024 JER 030 024 Не отвратится гнев ярости Господни, дондеже сотворит и дондеже исполнит умышление сердца Своего: в последния дни познаете я. 024 JER 031 001 Во время оно рече Господь, буду в Бога роду Израилеву, и тии будут Ми в люди. 024 JER 031 002 Тако рече Господь: обретох теплоту в пустыни со изгибшими от меча: идите и не потребите Израиля, 024 JER 031 003 Господь издалеча явится ему: любовию вечною возлюбих тя, того ради вовлекох тя в щедроты. 024 JER 031 004 Яко возгражду тя, и возградишися, дево Израилева: возмеши тимпаны своя и изыдеши с собором играющих. 024 JER 031 005 Еще насадите винограды в горе Самарийстей, насаждающе насадите и похвалите. 024 JER 031 006 Яко есть день воззвания отвещавающих в горах Ефремовых: востаните и взыдите в Сион ко Господеви Богу нашему: 024 JER 031 007 яко тако рече Господь Иакову: возвеселитеся веселием и воскликните на главу языков: слышано сотворите и похвалите, рцыте: спасе Господь люди Своя, останок Израилев. 024 JER 031 008 Се, Аз веду их от севера и соберу их от конец земли в праздник Пасхи: и чадородит народ мног, и возвратятся семо. 024 JER 031 009 С плачем изыдоша, а со утешением возведу я, проводя чрез ровенники вод по пути праву, и не заблудят по нему: яко Аз бех Израилеви во отца, и Ефрем первенец Ми есть. 024 JER 031 010 Слышите, языцы, слово Господне, и возвестите во островех дальних и рцыте: Развеявый Израиля соберет его и снабдит его, яко пастырь стадо свое. 024 JER 031 011 Яко избави Господь Иакова и изят его от руки сильнейших его. 024 JER 031 012 И приидут и возвеселятся в горе Сион, и приидут ко благотам Господним, на землю пшеницы и вина и плодов, и скотов и овнов: и будет душа их якоже древо плодовито, и не взалчут ктому. 024 JER 031 013 Тогда возрадуются девицы в собрании юношей, и старцы возрадуются: и обращу плачь их на радость, и утешу их, и сотворю их веселы. 024 JER 031 014 Возвеличу и упою душу жерцев сынов Левииных, и людие Мои благот Моих насытятся. 024 JER 031 015 Тако рече Господь: глас в Раме слышан бысть плача и рыдания и вопля: Рахиль плачущися чад своих, и не хотяше утешитися, яко не суть. 024 JER 031 016 Тако рече Господь: да почиет глас твой от плача и очи твои от слез, яко есть мзда делом твоим, глаголет Господь, и возвратятся от земли вражия: 024 JER 031 017 и есть надежда последним твоим, (глаголет Господь, ) и возвратятся сынове твои в пределы своя. 024 JER 031 018 Слышя слышах Ефрема плачуща: наказал мя еси, (Господи, ) и наказахся: аз якоже телец не научихся: обрати мя, и обращуся, яко Ты еси Господь Бог мой: 024 JER 031 019 понеже последи пленения моего покаяхся и последи разумения моего возстенах в день посрамления и показах тебе, яко приях укоризну от юности моея. 024 JER 031 020 Сын любезен Мне, Ефрем, отроча питеющееся, понеже словеса Моя в нем, памятию воспомяну и: того ради потщахся о нем, милуяй помилую его, рече Господь. 024 JER 031 021 Постави себе самого, Сионе, стражу, сотвори мучение, направи сердце твое на путь прав, имже ходил еси: возвратися, девице Израилева, обратися во грады твоя рыдающи. 024 JER 031 022 Доколе отвращаешися, дщи обезчествованая? Яко созда Господь спасение в насаждение ново, в немже спасении обыдут человецы. 024 JER 031 023 Яко тако рече Господь: еще рекут слово сие в земли Иудейстей и во градех ея, егда возвращу преселение его: благословен Господь на праведней горе святей своей: 024 JER 031 024 и живущии во градех Иудиных и во всей земли его, купно со земледельцем, и вознесется во стаде. 024 JER 031 025 Яко упоих всяку душу жаждущу и всяку душу алчущу насытих. 024 JER 031 026 Того ради востах от сна и видех, и сон ми сладок бысть. 024 JER 031 027 Се, дние грядут, глаголет Господь, и всею Израиля и Иуду семя человечо и семя скотское. 024 JER 031 028 И будет, якоже бдех на ня потребити и озлобити, тако бдети буду о них, еже созидати и насаждати, рече Господь. 024 JER 031 029 В тыя дни не рекут ктому: отцы ядоша кислая, а зубы детем оскомнишася: 024 JER 031 030 но кийждо своим грехом умрет, и ядшему кислая оскоменятся зубы его. 024 JER 031 031 Се, дние грядут, глаголет Господь, и завещаю дому Израилеву и дому Иудину завет нов, 024 JER 031 032 не по завету, егоже завещах отцем их в день, в оньже емшу ми за руку их, извести я от земли Египетския, яко тии не пребыша в завете Моем, и Аз небрегох их, глаголет Господь. 024 JER 031 033 Яко сей завет, егоже завещаю дому Израилеву по днех онех, глаголет Господь: дая законы Моя в мысли их, и на сердцах их напишу я, и буду им в Бога, и тии будут Ми в люди: 024 JER 031 034 и не научит кийждо ближняго своего и кийждо брата своего, глаголя: познай Господа: яко вси познают Мя от мала даже и до великаго их: яко милостив буду неправдам их и грехов их не помяну ктому. 024 JER 031 035 Аще возиесется небо на высоту, рече Господь, и аще смирится испод земли низу, и Аз не отвергу рода Израилева о всех, яже сотвориша, глаголет Господь. 024 JER 031 036 Тако рече Господь, давый солнце во свет дне, луну и звезды на свет нощи, и вопль на мори, и возшумеша волны его, Господь Вседержитель имя Ему. 024 JER 031 037 Аще премолкнут законы сии от лица Моего, рече Господь, то и род Израилев престанет быти язык пред лицем Моим во вся дни. 024 JER 031 038 Се, дние грядут, рече Господь, и созиждется град Господеви от столпа Анамеиля до врат уголных: 024 JER 031 039 и изыдет размерение его противу ему до могил Гарив, и оымется окрест избранным камением, 024 JER 031 040 и всю юдоль мертвых и пепела, и весь Ассаримоф даже до водотечи Кедрския, даже до угла коний врат восточных, освящение Господеви, и ктому не исторгнется и не потребится даже до века. 024 JER 032 001 Слово бывшее от Господа ко Иеремии в десятое лето Седекии, царя Иудина, то лето осмоенадесять Навуходоносору царю Вавилонску. 024 JER 032 002 И тогда сила царя Вавилонска острог обложи окрест Иерусалима, Иеремиа же стегомь бяше во дворе темничнем, иже есть во дворе царя Иудина, 024 JER 032 003 в нейже заключи его Седекиа царь, глаголя: почто ты прорицаеши, глаголя: тако рече Господь: се, Аз даю сей град в руце царя Вавилонска, и возмет его, 024 JER 032 004 и Седекиа царь Иудин не спасется от руки Халдейски, яко преданием предастся в руце царя Вавилонска, и соглаголет усты своими ко устом его, и очи его очи его узрят, 024 JER 032 005 и в Вавилон внидет Седекиа и ту будет, дондеже посещу его, глаголет Господь: аще же воевати будете на Халдеи, ничесоже успеете? 024 JER 032 006 И рече Иеремиа: бысть слово Господне ко мне глаголя: 024 JER 032 007 се, Аиамеил, сын Саломль, брата отца твоего, идет к тебе, глаголя: прикупи себе село мое, еже во Анафофе, яко тебе суд ужичества прияти во притяжание. 024 JER 032 008 И прииде ко мне Анамеил, сын Саломль, брата отца моего, по словеси Господню во двор темничный и рече ми: прикупи себе село мое, еже во Анафофе в земли Вениамини: яко тебе суд прикупити е, ты бо старей. И разумех, яко слово Господне есть, 024 JER 032 009 и прикупих село Анамеиле, сына брата отца моего, от Анафофа, и поставих ему седмьнадесять сикль сребра, 024 JER 032 010 и вписах в книгу и запечатах, и засвидетелствовах послухи и поставих сребро на весах. 024 JER 032 011 И взях книгу купления прочтену и запечатану. 024 JER 032 012 И дах книгу купления Варухови сыну Нириину, сына Маассеова, пред очима Анамеила сына брата отца моего, и пред очима стоящих послух и вписавших в книги купления, и пред очима всех Иудеов, седящих во дворе темничнем. 024 JER 032 013 И завещах Варуху пред очима их, глаголя: 024 JER 032 014 тако рече Господь Вседержитель Бог Израилев: возми книгу сию купления запечатленну и книгу прочтеную и вложи ю в сосуд глинян, да пребудет дни множайшыя. 024 JER 032 015 Яко тако рече Господь Вседержитель Бог Израилев: еще притяжутся храмины и села и винограды на сей земли. 024 JER 032 016 И молихся ко Господеви по отдании книги прикупления Варуху сыну Нириину, глаголя: 024 JER 032 017 о, сый Господи Боже! Ты сотворил еси небо и землю крепостию Твоею великою и мышцею Твоею высокою, не утаится от Тебе ничтоже, 024 JER 032 018 творяй милость в тысящы и отдаяй грехи отчи в недра чад их по них: Бог великий и крепкий, 024 JER 032 019 Бог велика совета и силен делесы, Бог великий Вседержитель и великоименит Господь: очи Твои отверсты на вся пути сынов человеческих, дати комуждо по пути его и по плоду начинаний его: 024 JER 032 020 иже сотворил еси знамения и чудеса во земли Египетстей, даже до сего дне и во Израили и в людех, и сотворил еси имя Себе, якоже день сей, 024 JER 032 021 и извел еси люди Твоя Израиля из земли Египетския знамении и чудесы, рукою крепкою и мышцею высокою и видении великими, 024 JER 032 022 и дал еси им сию землю, еюже клялся еси отцем их, землю кипящую медом и млеком. 024 JER 032 023 И внидоша и прияша ю, и не послушаша гласа Твоего и в заповедех Твоих не ходиша: вся, яже заповедал еси им (творити), не сотвориша, и сотвориша, да сбудутся им вся злая сия. 024 JER 032 024 Се, народ идет на сей град взяти его, и град предан есть в руце Халдеев воюющих нань от лица меча и глада и мора. Якоже глаголал еси, тако и бысть: и се, Ты зриши. 024 JER 032 025 А Ты ко мне глаголеши: притяжи себе село сребром: и вписах в книгу, и запечатах, и засвидетелствовах послухи, град же предастся в руце Халдейсте. 024 JER 032 026 И бысть слово Господне ко мне глаголя: 024 JER 032 027 Аз Господь Бог всея плоти, еда от Мене утаится что? 024 JER 032 028 Сего ради тако рече Господь Бог Израилев: отдан предастся сей град в руце царя Вавилонска, и возмет его, 024 JER 032 029 и приидут Халдее воюющии на сей град, и пожгут его огнем, и храмины сожгут, в нихже кадиша на кровех своих Ваалу и возливаша возлияния богом инем, ко еже разгневати Мя. 024 JER 032 030 Понеже беша сынове Израилевы и сынове Иудины едини творяще зло пред очима Моима от юности своея, сынове Израилевы подвизают Мя на гнев в делех рук своих, рече Господь. 024 JER 032 031 Яко на гнев Мой и на ярость Мою бе град сей, от негоже дне соградиша его и даже до сего дне, яко отставити его от лица Моего, 024 JER 032 032 злобы ради всякия сынов Израилевых и Иудиных, яко сотвориша разгневати Мя тии и царие их, и князи их и вельможи их, и жерцы их и пророцы их, мужие Иудины и живущии во Иерусалиме, 024 JER 032 033 и обратиша хребет ко мне, а не лице: и наказах я из утра, и не послушаша прияти наказания, 024 JER 032 034 и положиша осквернения своя в дому, идеже наречеся имя Мое, в нечистотах своих: 024 JER 032 035 и соградиша требища Ваалу, яже в дебри сына Енномля, еже возносити сыны своя и дщери своя Молоху, ихже не заповедах им, и не взыде на сердце Мое, еже сотворити мерзость сию на согрешение Иуде. 024 JER 032 036 И ныне тако рече Господь Бог Израилев ко граду, о немже ты глаголеши: предан будет в руце царя Вавилонска мечем и гладом и мором. 024 JER 032 037 Се, Аз соберу я от всея земли, идеже разсеях я во гневе Моем и ярости Моей и в преогорчении велием, и обращу я на сие место, и посажду я во уповании, 024 JER 032 038 и будут Ми в люди, и Аз буду им в Бога: 024 JER 032 039 и дам им путь ин и сердце ино, боятися Мене вся дни, на благоту им и чадом их по них: 024 JER 032 040 и завещаю им завет вечный, егоже не отвращу последи их, и страх Мой дам в сердце их, ко еже не отступити им от Мене: 024 JER 032 041 и посещу еже ублажити я и насажду я в сей земли с верою и со всем сердцем Моим и со всею душею Моею. 024 JER 032 042 Яко тако рече Господь: якоже наведох на люди сия вся злая сия великая, тако Аз наведу на них вся благоты, яже Аз глаголах к ним. 024 JER 032 043 И возобладают паки селы на земли, о нейже ты глаголеши: непроходна будет от человек и скота, и предашася в руце Халдейсте. 024 JER 032 044 И притяжут села сребром: и впишеши в книги, и запечатаеши, и опослушиши послухи в земли Вениамини и окрест Иерусалима, и во градех Иудиных и во градех горних, и во градех польных и во градех нагев и: яко возвращу преселения их, глаголет Господь. 024 JER 033 001 И бысть слово Господне ко Иеремии вторицею, тойже бяше еще связан во дворе темничнем, глаголя: 024 JER 033 002 тако рече Господь, творяй землю и устрояяй ю, еже исправити ю, Господь имя Ему: 024 JER 033 003 возопий ко Мне, и отвещаю ти и возвещу тебе великая и крепкая, ихже не разумел еси. 024 JER 033 004 Яко тако рече Господь Бог Израилев о домех града сего и о храмех царя Иудина, растерзанных на остроги и на забрала, 024 JER 033 005 еже противитися ко Халдеем, и наполню его мертвыми человеки, ихже поразих во гневе Моем и в ярости Моей, и отвратих лице Мое от них всех ради злоб их. 024 JER 033 006 Се, Аз наведу на ня срастение язвы и изцеление, и изврачую я и явлю им, еже слушати, и изцелю я и сотворю им мир и веру: 024 JER 033 007 и обращу преселение Иудино и преселение Израилево, и согражду я, якоже и прежде, 024 JER 033 008 и очищу я от всех неправд их, имиже согрешиша Ми, и милостив буду всем неправдам их, имиже отступиша от Мене. 024 JER 033 009 И будет в веселие и во хвалу и в величие всем людем земли, иже услышат вся благоты, яже Аз сотворю им, и убоятся, и огорчатся о всех благотах и о всем мире, егоже Аз сотворю им. 024 JER 033 010 Тако рече Господь: еще услышится в сем месте, о немже вы глаголете: пусто есть от человек и от скот, во градех Иудиных и вне Иерусалима, опустевших, понеже несть человека, ни скота, 024 JER 033 011 глас веселия и глас радости, глас жениха и глас невесты, глас глаголющих: исповедайтеся Господеви Вседержителю, яко благ Господь, яко в век милость Его: и принесут дары похваления в дом Господень, яко возвращу все преселение земли тоя по прежнему, рече Господь. 024 JER 033 012 Тако глаголет Господь Сил: еще будут на сем месте пустем, за еже не быти человеку, ни скоту, во всех градех его обиталища пастухов пасущих овцы, 024 JER 033 013 во градех горних и во градех польных, и во градех нагев и в земли Вениамини, и во окрестных Иерусалима и во градех Иудиных, еще пойдут овцы к руце изчисляющаго, глаголет Господь. 024 JER 033 014 Се, дние грядут, рече Господь, и возставлю слово благо, еже глаголах к дому Израилеву и к дому Иудину. 024 JER 033 015 Во днех онех и в то время произрастити сотворю Давиду Отрасль правды, и сотворит суд и правду на земли. 024 JER 033 016 Во днех онех спасен будет Иуда, и Иерусалим пребудет в надежди: и сие есть имя, имже нарекут Его: Господь праведен наш. 024 JER 033 017 Тако бо рече Господь: не оскудеет от Давида муж седяй на престоле дому Израилева: 024 JER 033 018 и от жерцев и от левитов не погибнет муж от лица Моего, приносяй всесожжения и дар и творяй жертвы по вся дни. 024 JER 033 019 И бысть слово Господне ко Иеремии глаголя: 024 JER 033 020 тако глаголет Господь: может ли разоритися завет Мой со днем и завет Мой с нощию, еже не быти дню и нощи во время свое? 024 JER 033 021 То и завет Мой разорится с Давидом рабом Моим, еже не быти от него сыну царствующу на престоле его, и с левиты и священники рабы Моими. 024 JER 033 022 Якоже сочтены быти не могут звезды небесныя, ни измерен быти песок морский, тако умножу семя раба Моего Давида и левиты служители Моя. 024 JER 033 023 И бысть слово Господне ко Иеремии глаголя: 024 JER 033 024 еда не видел еси, что рекоша людие сии, глаголюще: два народа, ихже избра Господь, и се, отверже я: и преогорчиша людий Моих, (сего ради) яко да не будет ктому народ пред ними? 024 JER 033 025 Тако рече Господь: не положих ли убо завета Моего между днем и нощию и законов небеси и земли? 024 JER 033 026 Тогда и семя Иаковле и Давида раба Моего отвергу, еже не прияти от семене его князей семене Авраама и Исаака и Иакова: яко паки возвращу плен их и помилую их. 024 JER 034 001 Слово, еже бысть ко Иеремии от Господа, егда Навуходоносор царь Вавилонский и вси вои его, и вся земля власти его и вси людие воеваху на Иерусалим и на вся грады Иудины, глаголя: 024 JER 034 002 тако рече Господь Бог Израилев: иди ко Седекии царю Иудину и речеши ему: тако рече Господь: преданием предастся сей град в руце царя Вавилонска, и возмет его и пожжет его огнем: 024 JER 034 003 и ты не уцелееши от руку его, и ят будеши, и в руце его предасися: и очи твои очи его узрят, и уста его со усты твоими соглаголют, и в Вавилон внидеши. 024 JER 034 004 Но обаче слыши слово Господне, Седекие, царю Иудин! Тако глаголет Господь к тебе: не умреши от меча, но в мире умреши: 024 JER 034 005 и якоже плакаша отцев твоих царствовавших прежде тебе, восплачутся и тебе: увы, господи, и: увы, господи! Восплачутся и тебе, яко слово Аз соглаголах, рече Господь. 024 JER 034 006 И глагола Иеремиа пророк ко Седекии царю Иудину вся словеса сия во Иерусалиме. 024 JER 034 007 И сила царя Вавилонска воева на Иерусалим и на грады Иудины оставшыяся: на Лахис и на Азику, яко тии осташася во градех Иудиных грады тверды. 024 JER 034 008 Слово бывшее ко Иеремии от Господа, повнегда скончати царю Седекии завет к людем, иже во Иерусалиме, еже нарещи им отпущение, 024 JER 034 009 еже отпустити комуждо раба своего и комуждо рабыню свою, Евреанина и Евреаныню, свободны, да не работает муж от Израиля. 024 JER 034 010 И обратишася вси вельможи и вси людие вступившии в завет еже отпустити комуждо раба своего и комуждо рабу свою свободны и ктому не владети ими. Слышаша убо и отпустиша. 024 JER 034 011 И обратишася по сих вспять и удержаша паки рабы и рабыни своя, ихже отпустиша свободных, и взяша в рабы и рабыни. 024 JER 034 012 И бысть слово Господне ко Иеремии от Господа глаголя: 024 JER 034 013 тако рече Господь Бог Израилев: Аз завещах завет ко отцем вашым в день, в оньже избавих я от земли Египетския, из дому работы, глаголя: 024 JER 034 014 егда скончаются шесть лет, да отпустиши брата своего Евреанина, иже продан есть тебе: и да делает ти шесть лет, и да отпустиши его свободна от себе. И не послушаша Мене отцы ваши, ни приклониша уха своего. 024 JER 034 015 И обратистеся вы днесь сотворити правая пред очима Моима, еже нарещи комуждо отпущение ближняго своего: и совершисте завет пред лицем Моим в дому, идеже наречеся имя Мое в нем: 024 JER 034 016 и отвратистеся, и осквернисте завет Мой, еже возвратити комуждо раба своего и комуждо рабу свою, ихже отпустисте свободны душею их: и покористе их, якоже быти у вас в рабы и в рабыни. 024 JER 034 017 Того ради сице рече Господь: вы не послушасте Мене, нарещи отпущения кийждо брату своему и кийждо ближнему своему: се, Аз нарицаю отпущение вам на мечь и на смерть и на глад, и дам вы на разсыпание всем царствам земным: 024 JER 034 018 и дам мужы преступившыя завет Мой и не хранящыя словес завета Моего, емуже соизволиша пред лицем Моим: телца егоже разсекоша на две части и ходиша между разделенными частьми его: 024 JER 034 019 князи Иудины и князи Иерусалимли, и вельможы и жерцы и вся люди земли ходящыя между разделеным телцем, 024 JER 034 020 и дам я в руки врагом их и в руки ищущих души их, и будут трупи их в ядь птицам небесным и зверем земным: 024 JER 034 021 и Седекию царя Иудейска и князи его дам в руце врагов их и в руку ищущих души их и в руку воинства царя Вавилонска, отбегающих от них. 024 JER 034 022 Се, Аз завещаю, рече Господь, и возвращу я в землю сию, и повоюют на ню, и возмут ю, и пожгут ю огнем и грады Иудины: и дам я в непроходны от живущих. 024 JER 035 001 Слово бывшее ко Иеремии от Господа, во дни Иоакима сына Иосиина, царя Иудина, глаголя: 024 JER 035 002 иди в дом Рихавль и призови я и веди я в дом Господень, во един от дворов, и напоиши я вином. 024 JER 035 003 И изведох Иезонию сына Иеремиина, сына Хавасиина, и братию его, и сыны его, и весь дом Рихавль, 024 JER 035 004 и введох я в дом Господень, во хранилище имения сынов Анании, сына Годолиина, человека Божия, иже есть близ дому князей, выше дому Маасеова, сына Селомля, стрегущаго двор. 024 JER 035 005 И поставих пред ними корчаг вина и чашы, и рекох: пийте вино. 024 JER 035 006 И рекоша: не пием вина, яко Ионадав сын Рихавль, отец наш, заповеда нам, глаголя: не пийте вина вы и сынове ваши до века: 024 JER 035 007 и храмин да не соградите, и семене не сейте, и виноград да не будет вам, но в кушах да живете вся дни живота вашего, да поживете дни многи на земли, на нейже обитаете вы. 024 JER 035 008 И послушахом словесе Ионадава отца нашего, еже не пити вина вся дни живота нашего, мы и жены нашя, и сынове наши и дщери нашя, 024 JER 035 009 и еже не сограждати храмин жити тамо: и винограда и нивы и семене не бысть нам. 024 JER 035 010 И жихом в кущах, и послушахом и сотворихом по всем, елика заповеда нам Ионадав отец наш. 024 JER 035 011 И бысть, егда прииде Навуходоносор царь Вавилонский на землю нашу, и рекохом: вшедше да внидем во Иерусалим от лица Халдейска и от лица силы Ассирийския: и вселихомся ту. 024 JER 035 012 И бысть слово Господне ко Иеремии глаголя: 024 JER 035 013 тако глаголет Господь Сил, Бог Израилев: иди и рцы человеку Иудину и живущым во Иерусалиме: еда не восприимете наказания послушати словес Моих? 024 JER 035 014 Утвердиша слово сынове Ионадава, сына Рихавля, еже заповеда сыном своим, еже не пити вина, и не пиша даже до дне сего, яко послушаша заповеди отца своего: Аз же глаголах к вам заутра, и не послушасте Мене: 024 JER 035 015 и посылах к вам рабы Моя пророки, утренюя и глаголя: обратитеся кийждо от пути своего злаго, и лучше сотворите дела своя, и не ходите вслед богов инех, еже служити им, и вселитеся на земли, юже дах вам и отцем вашым: и не приклонисте ушес ваших и не послушасте. 024 JER 035 016 И уставиша сынове Ионадавли, сына Рихавля, заповедь отца своего, юже заповеда им: а людие Мои не послушаша Мене. 024 JER 035 017 Сего ради сице рече Господь Сил, Бог Израилев: се, Аз наведу на Иуду и на вся живущыя во Иерусалиме вся злая, яже соглаголах на ня: понеже глаголах к ним, и не послушаша, призывах я, и не отвещаша Ми. 024 JER 035 018 Дому же Рихавлю рече Иеремиа: тако рече Господь Бог Вседержитель: понеже послушаша сынове Ионадава, сына Рихавля, заповеди отца своего, творити, елика заповеда им отец их: 024 JER 035 019 сего ради сия глаголет Господь Сил, Бог Израилев: не оскудеет муж от сынов Ионадавлих, сына Рихавля, стояй пред лицем Моим, вся дни земли. 024 JER 036 001 И бысть в лето четвертое Иоакима, сына Иосиина, царя Иудина, бысть слово Господне ко Иеремии глаголя: 024 JER 036 002 возми себе свиток книжный и напиши в нем вся словеса, яже соглаголах к тебе на Израиля и на Иуду и на вся языки, от негоже дне глаголах к тебе, от дне Иосии царя Иудина и до сего дне: 024 JER 036 003 негли услышит дом Иудин вся злая, яже Аз помышляю сотворити им, да отвратятся от пути своего злаго, и милостив буду неправдам их и грехом их. 024 JER 036 004 И призва Иеремиа Варуха, сына Нириина: и вписа Варух от уст Иеремииных вся словеса Господня, яже соглагола к нему, во свиток книжный. 024 JER 036 005 И заповеда Иеремиа Варуху глаголя: мене стрегут, и не могу внити в дом Господень, 024 JER 036 006 ты убо вниди и прочти во свитце сем, в немже написал еси от уст моих словеса Господня, во ушы людий в дому Господни в день поста и во ушы всему дому Иудину, приходящым от градов своих, да прочтеши им: 024 JER 036 007 негли падет молитва их пред лицем Господним, и отвратятся от пути своего злаго: яко велика ярость и гнев Господень, егоже соглагола на люди сия. 024 JER 036 008 И сотвори Варух сын Нириин но всему, елика заповеда ему Иеремиа пророк прочести во книзе словеса Господня в дому Господни. 024 JER 036 009 И бысть в пятое лето Иоакима царя Иудина, в девятый месяц, заповедаша пост пред лицем Господним всем людем во Иерусалиме и всему множеству, еже снидеся от градов Иудиных во Иерусалим. 024 JER 036 010 И прочте Варух во книзе словеса Иеремиина в дому Господни, в дому Гамариеве, сына Сафаня книгочия, во дворе вышнем, во преддверии врат дому Господня новых, во ушы всех людий. 024 JER 036 011 И слыша Михей сын Гамариев, сына Сафаня, вся словеса Господня от книги. 024 JER 036 012 И сниде в дом царев, в дом книжника, и се, тамо вси князи седяху, Елисам книгочий и Далеа сын Селемиев, и Нафан сын Аховоров и Гамариа сын Сафань, и Седекиа сын Ананиин и вси князи, 024 JER 036 013 и возвести им Михей вся словеса, яже слыша чтуща Варуха во ушы людем. 024 JER 036 014 И послаша вси князи ко Варуху сыну Нириину, Иудину сыну Нафаниину, сына Селемиина, сына Хусиина, глаголюще: книгу, юже ты чтеши во ушы людем, возми ю в руку свою и прииди. И взя Варух сын Нириин книгу в руку свою и сниде к ним. 024 JER 036 015 И рекоша ему: паки прочти во ушы наши. И прочте Варух во ушы их. 024 JER 036 016 И бысть яко услышаша вся словеса, совещашася кийждо со ближним своим и реша Варуху: возвещающе возвестим царю вся словеса сия. 024 JER 036 017 И вопросиша Варуха, глаголюще: откуду еси вписал вся словеса сия? 024 JER 036 018 И рече Варух: от уст своих поведа ми Иеремиа вся словеса сия, аз же писах в книгу. 024 JER 036 019 И рекоша князи Варуху: иди и скрыйся ты и Иеремиа, и человек да не увесть, где вы. 024 JER 036 020 И внидоша ко царю во двор, книгу же вдаша хранити в дому Елисама книгочия, и возвестиша царю вся словеса сия. 024 JER 036 021 И посла царь Иудина взяти книгу. И взя ю от дому Елисамы книгочия, и прочте Иудин во ушы царевы и во ушы всех князей стоящих окрест царя. 024 JER 036 022 Царь же седяше во храмине зимней, в девятый месяц, и поставлено бе пред ним огнище со огнем. 024 JER 036 023 И бысть чтущу Иудину третий лист и четвертый, раздроби я бритвою книгочия и возметаше на огненное огнище, дондеже скончася весь свиток на огненнем огнищи. 024 JER 036 024 И не ужасошася и не растерзаша риз своих царь и вси отроцы его, слышавшии вся словеса сия. 024 JER 036 025 Елнафан же и Далеа, и Гамариа и Годолиа глаголаша царю, еже бы не сожещи свитка. И не послуша их. 024 JER 036 026 И повеле царь Иеремеилу сыну цареву и Сараеви сыну Езриилеву и Селемию сыну Авдеилеву, да изымают Варуха книгочия и Иеремию пророка. Но сокры я Господь. 024 JER 036 027 И бысть слово Господне ко Иеремии, егда сожже царь свиток, вся словеса, яже вписа Варух от уст Иеремииных, глаголя: 024 JER 036 028 паки возми ты свиток другий и впиши вся словеса бывшая во свитце, яже сожже царь Иоаким: 024 JER 036 029 и ко Иоакиму царю Иудину речеши: тако рече Господь: ты сожегл еси сию книгу, глаголя: почто вписал еси в ней, глаголя: входя внидет царь Вавилонский и потребит землю сию, и потребятся от нея человецы и скоти? 024 JER 036 030 Того ради сице рече Господь на Иоакима царя Иудина: не будет ему седящаго на престоле Давидове, и будет тело его мертвое повержено на знои дневнем и на мразе нощнем: 024 JER 036 031 и посещу нань и на его род и на отроки его, и наведу нань и на живущыя во Иерусалиме и на землю Иудину вся злая, яже соглаголах на ня, и не послушаша. 024 JER 036 032 И взя Варух свиток другий и вписа в нем от уст Иеремииных вся словеса книги, яже сожже Иоаким царь Иудин: и еще приложишася ему словеса множайша неже первая. 024 JER 037 001 И царствова Седекиа сын Иосиин вместо Иехонии сына Иоакимова, егоже постави Навуходоносор царь Вавилонский царствовати во Иудеи. 024 JER 037 002 И не послуша той и отроцы его и людие земли словес Господних, яже глагола рукою Иеремииною. 024 JER 037 003 И посла царь Седекиа Иоахала сына Селемиина и Софонию сына Массеа жерца ко Иеремии пророку, глаголя: молися за ны ко Господу Богу нашему. 024 JER 037 004 Иеремиа же свободен прихождаше и прохождаше среде града, не введоша бо его во храмину темничную. 024 JER 037 005 И сила фараоня изыде из Египта, и слышавше Халдее облегшии Иерусалим слух их, отступиша от Иерусалима. 024 JER 037 006 И бысть слово Господне ко Иеремии глаголя: 024 JER 037 007 тако рече Господь Бог Израилев: тако речеши царю Иудину, пославшему к тебе вопросити Мя: се, сила фараоня, изшедшая вам на помощь, возвратится паки до земли Египетския, 024 JER 037 008 и возвратятся Халдее и повоюют град сей, и возмут его и пожгут его огнем. 024 JER 037 009 Яко тако рече Господь: не прельщайте душ своих, глаголюще: отходяше отидут от нас Халдее: яко не отидут. 024 JER 037 010 И аще побиете всю силу Халдеев воюющих на вы, и останут нецыи язвени, кийждо на месте своем, сии востанут и пожгут град сей огнем. 024 JER 037 011 И бысть егда взыде сила Халдейска от Иерусалима, от лица силы фараони, 024 JER 037 012 изыде Иеремиа из Иерусалима ити в землю Вениаминю, еже купити оттуду посреде людий. 024 JER 037 013 Внегда же быти ему во вратех Вениаминих, и (бысть) тамо человек, у негоже обита Саруиа сын Селемиин, сына Ананиина, и взя Иеремию, глаголя: ко Халдеем ты бежиши. 024 JER 037 014 И рече Иеремиа: лжа, не ко Халдеем аз бегу. И не послуша его. И взя Саруиа Иеремию и приведе его ко князем. 024 JER 037 015 И разгневашася князи на Иеремию и биша его, и послаша его в дом Ионафана книгочия, яко той сотвориша храминою темничною. 024 JER 037 016 И прииде Иеремиа в дом рва и в херет, и седе ту дни многи. 024 JER 037 017 И посла Седекиа царь и призва его, и вопрошаше его царь отай, аще есть слово от Господа? И рече ему Иеремиа: есть. И рече: в руце царя и Вавилонска предан будеши. 024 JER 037 018 И рече Иеремиа царю: чим преобидех тя и отроки твоя и люди сия, яко ты вдаеши мя в дом темничный? 024 JER 037 019 И где суть пророцы ваши прорицавшии вам, глаголюще, яко не приидет царь Вавилонский на вас и на землю сию? 024 JER 037 020 Ныне же послушай, молютися, господи мой, царю, да падет моление мое пред лицем твоим: и не посылай мя паки в дом Ионафана книгочия, да не умру тамо. 024 JER 037 021 И повеле царь, и ввергоша его во храмину темничную, и даяху ему хлеб един на день извне, идеже пекут, дондеже скончашася хлебы из града. И седяше Иеремиа во дворе темничнем. 024 JER 038 001 И слыша Сафаниа сын Нафань и Годолиа сын Пасхоров, и Иоахал сын Селемиин и Фасхор сын Мелхиев словеса, яже Иеремиа глагола ко всем людем, глаголя: 024 JER 038 002 тако рече Господь: седяй во граде сем умрет мечем и гладом и мором, исходяй же ко Халдеем жив будет, и будет душа его на обретение, и жив будет. 024 JER 038 003 Яко тако рече Господь: преданием предастся град сей в руце силы царя Вавилонска, и возмет его. 024 JER 038 004 И рекоша царю: да умрет человек той, яко сей разслабляет руце мужей воюющих оставшихся во граде и руки всех людий, глаголя к ним по словесем сим: яко человек сей не проповедает людем сим мира, но токмо злая. 024 JER 038 005 И рече царь Седекиа: се, той в руках ваших. Понеже не можаше царь противу им. 024 JER 038 006 И взяша Иеремию и ввергоша его в ров Мелхиин, сына царева, иже бяше во дворе темничнем: и свесиша его ужами в ров, в рове же не бяше воды, но тина, и бяше в тине Иеремиа. 024 JER 038 007 И слыша Авдемелех Мурин, и той бяше во дворе цареве, яко ввергоша Иеремию в ров: царь же (в той час) седяше во вратех Вениаминих. 024 JER 038 008 И изыде Авдемелех от дому царева и рече ко царю глаголя: 024 JER 038 009 злосотворил еси, яже сотворил еси, убивая человека сего от лица глада, яко несть хлеба во граде ктому. 024 JER 038 010 И повеле царь Авдемелеху, глаголя: поими с собою отсюду тридесять мужей и извлецы Иеремию из рова, да не умрет. 024 JER 038 011 И поят Авдемелех мужы, и прииде в дом царев подземный, и взя оттуду ветхи порты и ветхия ужы, и вверже я ко Иеремии в ров, и рече к нему: 024 JER 038 012 положи сия под ужы. И сотвори Иеремиа сице. 024 JER 038 013 И извлекоша его ужами и изяша его из рова. И седе Иеремиа во дворе темничнем. 024 JER 038 014 И посла царь, и призва к себе Иеремию в дом Аселисиль, иже в дому Господни. И рече ему царь: вопрошаю тя словесе (единаго), и не утай от мене словесе. 024 JER 038 015 И рече Иеремиа царю: аще повем ти, то не смертию ли умориши мя? И аще совещаю ти, то не послушаеши мене. 024 JER 038 016 И клятся ему царь, глаголя: жив Господь, иже сотвори нам душу сию, аще убию тя и аще предам тя в руце человек сих ищущих души твоея (на смерть). 024 JER 038 017 И рече ему Иеремиа: тако рече Господь Сил, Бог Израилев: аще изыдый изыдеши к воеводам царя Вавилонска, жива будет душа твоя, и град сей не пожжется огнем, и жив будеши ты и дом твой: 024 JER 038 018 аще же не изыдеши ко князем царя Вавилонска, предастся град сей в руце Халдейсте, и пожгут его огнем, и ты не спасешися от руки их. 024 JER 038 019 И рече царь Иеремии: аз опасение имам от Иудеев избежавших ко Халдеем, да не предадут мя (Халдее) в руце их, и поругаются ми. 024 JER 038 020 И рече Иеремиа: не предадят тебе: послушай убо словесе Господня, еже аз глаголю тебе, и лучше ти будет, и жива будет душа твоя: 024 JER 038 021 и аще не восхощеши ты изыти, сие слово, еже сказа мне Господь: 024 JER 038 022 и се, вся жены, оставшыяся в дому царя Иудина, изведутся ко князем царя Вавилонска: и тыя глаголаху: прельстиша тя и премогоша тя мужие мирницы твои, и ослабиша во поползновениих ногу твою и отвратишася от тебе: 024 JER 038 023 и жены твоя и чада твоя изведут ко Халдеем, и ты не уцелееши, яко рукою царя Вавилонска ят будеши, и град сей пожжется. 024 JER 038 024 И рече ему царь: человек да не увесть словес сих, и да не умреши ты. 024 JER 038 025 И аще услышат князи, яко глаголах с тобою, и приидут к тебе и рекут ти: повеждь нам, что глагола к тебе царь? Не утай от нас, и не убием тебе: и что глагола к тебе царь? 024 JER 038 026 И речеши им: повергох аз моление мое пред лицем царевым, яко да не возвратит мене в дом Ионафань, умрети ми тамо. 024 JER 038 027 И приидоша вси князи ко Иеремии и вопросиша его. И поведа им по всем словесем сим, яже заповеда ему царь. И умолкнуша, яко несть слышано слово господне. 024 JER 038 028 И седяше Иеремиа во дворе темничнем, дондеже взяша Иерусалим. 024 JER 039 001 И бысть в девятое лето Седекии царя Иудина, в месяц десятый, прииде Навуходоносор царь Вавилонский и вся сила его на Иерусалим, и воеваху нань. 024 JER 039 002 И в первоенадесять лето Седекии, в месяц четвертый, в девятый день месяца, разседеся град. 024 JER 039 003 И внидоша вси князи царя Вавилонска и седоша во вратех средних, Ниргелсарасар, Самагад, Навусахар, Навусарис, Нагаргас, Насерравамаг, и прочии воеводы царя Вавилонскаго. 024 JER 039 004 И бысть егда узре я Седекиа царь Иудин и вси мужие ратнии, и избегоша, и изыдоша в нощи от града по пути вертограда царева и сквозе врата, яже беша между стеною и предстением: и изыдоша в путь пустыни. 024 JER 039 005 И гнаша вслед их воинство Халдейско, и постигоша Седекию и поли пустыни Иерихонския, и емше приведоша к Навуходоносору царю Вавилонску во Ревлаф, иже в земли Емаф, и глагола к нему с судом. 024 JER 039 006 И изби царь Вавилонский сыны Седекиины во Ревлафе пред очима его, и вся вельможы Иудины поби царь Вавилонский. 024 JER 039 007 И очи Седекии изят, и окова его путы, и отведе его в Вавилон. 024 JER 039 008 Дом же царев и домы всех людий пожгоша Халдее огнем и стену Иерусалимску превратиша: 024 JER 039 009 и останок людий, и оставших во граде, и убегшыя, иже утекоша ко царю Вавилонску, и останок людий, и оставших пресели Навузардан воевода в Вавилон: 024 JER 039 010 а от людий убогих, ничтоже имущих, остави Навузардан воевода воинств в земли Иудине, и даде им винограды и нивы в той день. 024 JER 039 011 И заповеда Навуходоносор царь Вавилонский о Иеремии пророце Навузарданови воеводе воинств и рече: 024 JER 039 012 возми его и положи нань очи твои и ничтоже ему сотвори зла: но якоже восхощет, тако сотвори ему. 024 JER 039 013 Посла убо Навузардан воевода воинства и Навузезван, и Рапсарис и Ниргел, и Сарасар и Фавман, и вси воеводы царя Вавилонска: 024 JER 039 014 и послаша, и пояша Иеремию от двора темничнаго, и даша его Годолии сыну Ахикамову, сына Сафаня, и изведоша его, и седе среде людий. 024 JER 039 015 И ко Иеремии бысть слово Господне ко дворе темничнем глаголя: 024 JER 039 016 иди и рцы ко Авдемелеху Мурину, глаголя: тако рече Господь Бог Израилев: се, Аз приношу словеса Моя на град сей во злая? А не во благая: и будут пред лицем твоим в той день: 024 JER 039 017 и избавлю тя в той день, и не дам тебе в руце человек, ихже ты боишися от лица их: 024 JER 039 018 яко избавляя спасу тя, и мечем не падеши: и будет душа твоя на обретение, яко уповал еси на Мя, рече Господь. 024 JER 040 001 Слово бывшее ко Иеремии от Господа, повнегда отпусти его Навузардан архимагир из Рамы, егда взя его связанаго путы от среды, от Иерусалима и от Иуды преселения, ведомых в Вавилон. 024 JER 040 002 И взя его архимагир и рече ему: Господь Бог твой соглаголал есть злая сия на место сие: 024 JER 040 003 и приведе, и сотвори Господь, якоже рече, зане согрешисте Ему и не послушасте гласа Его, и бысть вам глагол сей. 024 JER 040 004 И се, ныне разреших тя от уз, яже на руку твоею: аще ти есть добро ити со мною в Вавилон, поиди, и положу очи мои на тя: аще же ни, остани зде: се, вся земля пред лицем твоим есть: что изволиши, и аможе восхощеши ити, тамо иди: 024 JER 040 005 и возвратися ко Годолии, сыну Ахикамову, сыну Сафаню, егоже постави царь Вавилонский в земли Иудине, и живи с ним среде людий, во всех благих пред очима твоима, еже ходити, и ходи. И даде ему архимагир пищу и дары и отпусти его. 024 JER 040 006 И прииде Иеремиа ко Годолии сыну Ахмикамову в Массифаф и седе среде людий своих оставшихся на земли. 024 JER 040 007 И егда услышаша вси воеводы силы яже на селе, тии и силы их, яко поставил есть царь Вавилонский Годолию сына Ахикамова (властелина) над землею, и яко предаде ему мужы и жены и дети, и от убогих земли, иже не преведени быша в Вавилон: 024 JER 040 008 приидоша ко Годолии в Массифаф Исмаил сын Нафаниин и Иоанан, и Ионафан сын Кариев и Сареа сын Фанаемефов, и сынове Офи, иже беша из Нетофафы, и Иезониа сын Махафы, тии и мужие их. 024 JER 040 009 И клятся им Годолиа и мужем их, глаголя: не убойтеся от лица отрок Халдейских: вселитеся на земли и служите царю Вавилонску, и лучше вам будет: 024 JER 040 010 и се, аз сежу в Массифафе, стати противу лицу Халдейску, иже аще приидут на вас: вы же соберите вино и овощь, и соберите масло, и влийте в сосуды своя, и вселитеся во грады, яже удержасте. 024 JER 040 011 И вси Иудее, иже в земли Моавли и в сынех Аммоних, и иже во Идумеи и иже во всей земли, услышаша, яко дал есть царь Вавилонский останок во Иуде и яко поставил есть над ними Годолию сына Ахикамова, сына Сафанова. 024 JER 040 012 И приидоша вси Иудее от всех мест, в няже бяху убегли, и приидоша ко Годолии в землю Иудину в Массифаф, и собраша вино и овощь и масло много зело. 024 JER 040 013 Иоанан же сын Кариев и вси воеводы силы, иже на селех, приидоша ко Годолии в Массифаф 024 JER 040 014 и рекоша ему: веси ли, яко Велиса царь сынов Аммоних посла к тебе Исмаила сына Нафаниева поразити душу твою? И не верова им Годолиа сын Ахикамль. 024 JER 040 015 Иоанан же сын Кариев рече ко Годолии отай в Массифафе, глаголя: да иду убо и побию Исмаила, сына Нафаниина: и никтоже да увесть, да не како поразит душу твою, и разсыплется весь Иуда собраный к тебе, и погибнет останок Иудин. 024 JER 040 016 И рече Годолиа ко Иоанану сыну Кариеву: не сотвори дела сего, яко лжу ты глаголеши на Исмаила. 024 JER 041 001 И бысть в седмый месяц, прииде Исмаил сын Нафаниин сына Елисамова, от рода царева, и вельможи царевы десять мужей с ним ко Годолии в Массифаф, и ядоша ту вкупе хлеб. 024 JER 041 002 И воста Исмаил и десять мужей иже с ним, и поразиша Годолию мечем, и убиша, егоже постави царь Вавилонский над землею, 024 JER 041 003 и всех Иудеев, иже беша с ним в Массифафе, и всех Халдеев, иже обретошася тамо, и мужей военных изби Исмаил. 024 JER 041 004 И бысть во вторый день по убиении Годолиеве, и человек не уведе. 024 JER 041 005 И приидоша мужие от Сихема и от Салима и от Самарии осмьдесят мужей, обритыми брадами и растерзаными ризами, плачущеся, и дары и фимиам в руку их, еже внести в дом Господень. 024 JER 041 006 И изыде противу им Исмаил сын Нафаниев от Массифы: тии же идяху и плакахуся: и егда сретеся с ними, рече к ним: внидите ко Годолии. 024 JER 041 007 И бысть, вшедшым им среде града, изсече я Исмаил у кладязя, той и мужие, иже беша с ним. 024 JER 041 008 И обретошася десять мужей ту и реша Исмаилу: не убий нас, яко суть нам имения на нивах, пшеница и ячмень, и мед и масло. И мину их и не уби их посреде братий их. 024 JER 041 009 И кладязь, в оньже вверже Исмаил вся, яже изби, сей кладязь велик есть, егоже сотвори царь Аса, от лица Ваасы царя Израилева, сей наполни Исмаил убиенными. 024 JER 041 010 И обрати Исмаил вся люди оставшыя в Массифафе и дщери царевы, яже вручил архимагир Годолии сыну Ахикамову, и взя их Исмаил сын Нафань: и отиде на ону страну сынов Аммоних. 024 JER 041 011 И слыша Иоанан сын Кариев и вси воеводы силы, иже с ним, вся злая, яже сотвори Исмаил сын Нафаниев, 024 JER 041 012 и приведоша вся воя своя и идяху воевати нань, и обретоша его при воде мнозе во Гаваоне. 024 JER 041 013 И бысть, егда увидеша вси людие, иже со Исмаилом, Иоанана сына Кариева и вся воеводы силы, иже быша с ним, возрадовашася: 024 JER 041 014 и возвратишася вси людие, ихже плени Исмаил от Массифы, и возвратившеся отидоша ко Иоанану сыну Кариеву. 024 JER 041 015 Исмаил же уцеле со осмию мужи от лица Иоананя и иде ко сыном Аммоним. 024 JER 041 016 И взя Иоанан и вси воеводы силы, иже с ним, вся оставшыяся люди, ихже возврати от Исмаила сына Нафаня из Массифафа, повнегда уби Годолию, сына Ахикамля, мужы сильны на рати, и жены, и останки, и каженики, ихже обрати от Гаваона, 024 JER 041 017 и идоша, и седоша на земли Вирофоамли, яже ко Вифлеему, еже ити и внити во Египет от лица Халдейска: понеже убояшася от лица их: 024 JER 041 018 яко уби Исмаил Годолию, егоже постави царь Вавилонский на земли Иудине. 024 JER 042 001 И приидоша вси воеводы силы, и Иоанан сын Кариев и Азариа сын Маасеев, и вси людие от мала и до велика 024 JER 042 002 ко Иеремии пророку и рекоша ему: да падет молитва наша пред лицем твоим, и помолися о нас ко Господеви Богу твоему о оставшихся сих: яко остася мало нас от многих, якоже очи твои видят: 024 JER 042 003 и да возвестит нам Господь Бог твой путь, по немуже пойдем, и слово, еже сотворим. 024 JER 042 004 И рече им Иеремиа пророк: слышах: се, аз помолюся о вас Господеви Богу нашему по словесем вашым: и будет, слово, еже отвещает Господь, повем вам и не потаю от вас словесе. 024 JER 042 005 Тии же рекоша Иеремии: буди Господь в нас послух правдив и верен, яко по всему слову, еже аще послет Господь к нам, тако сотворим: 024 JER 042 006 аще добро и аще зло, гласа Господа нашего, к Немуже мы посылаем тя, послушаем, да лучше нам будет, яко послушаем гласа Господа Бога нашего. 024 JER 042 007 И егда скончашася десять дний, бысть слово Господне ко Иеремии. 024 JER 042 008 И призва Иоанана сына Кариева и воеводы силы, иже с ним быша, и вся люди от мала и до велика, 024 JER 042 009 и рече им: тако рече Господь Бог Израилев, к Немуже посыласте мя, да простру молитвы вашя пред Ним: 024 JER 042 010 аще седяще сядете на земли сей, то созижду вас, а не разорю, и насажду вас, а не исторгну, яко престах от зол, яже сотворих вам. 024 JER 042 011 Не убойтеся от лица царя Вавилонска, егоже вы боитеся: от лица его не убойтеся, рече Господь: яко Аз с вами есмь, еже избавляти вас и спасати вас от руки его: 024 JER 042 012 и дам вам милость и помилую вас и возвращу вас на землю вашу. 024 JER 042 013 Аще же речете вы: не сядем на земли сей, еже не слышати гласа Господа Бога нашего, 024 JER 042 014 глаголюще: никако, но в землю Египетску внидем, и не узрим рати, и гласа трубнаго не услышим, и о хлебех не взалчем, и тамо вселимся: 024 JER 042 015 того ради слышите слово Господне, оставшии Иудины, тако рече Господь Вседержитель, Бог Израилев: аще вы дадите лице ваше во Египет и внидете тамо жити, 024 JER 042 016 и будет, мечь, егоже вы боитеся от лица его, обрящет вы во Египте, и глад, от негоже вы опасение имате от лица его, постигнет вы вслед вас во Египте, и тамо измрете вы. 024 JER 042 017 И будут вси мужие и вси иноплеменницы положившии лице свое на землю Египетску жити тамо, оскудеют гладом и мечем, и будет от них ни един спасаемь от зол, яже Аз наведу на ня. 024 JER 042 018 Яко тако рече Господь Сил, Бог Израилев: якоже вскапа ярость Моя на живущыя во Иерусалиме, тако вскаплет ярость Моя на вас, вшедшым вам во Египет: и будете в непроходимая и подручни, и в клятву и во укоризну, и не узрите ктому места сего. 024 JER 042 019 Сия глагола Господь на вас оставшихся от Иуды: не входите во Египет. И ныне ведяще уведаете, яко засвидетелствовах вам днесь: 024 JER 042 020 яко слукавновасте в душах ваших, пославше мя ко Господу Богу вашему, глаголюще: помолися о нас Господеви: и по всему, елико возглаголет тебе Господь Бог наш, тако возвести нам, и сотворим. 024 JER 042 021 И возвестих вам днесь, и не послушасте гласа Господа Бога вашего во всем, егоже посла к вам: 024 JER 042 022 и ныне ведуще ведайте, яко мечем и гладом и мором изчезнете на месте, на неже хощете ити жити тамо. 024 JER 043 001 И бысть, егда преста Иеремиа глаголя к людем вся словеса Господня, яже посла Господь к ним, 024 JER 043 002 и рече Азариа сын Маасеев и Иоанан сын Кариев и вси мужие презорливии ко Иеремии, глаголюще: лжеши, не посла тя к нам Господь Бог наш глаголати: не входите во Египет жити тамо: 024 JER 043 003 но Варух сын Нириин подущает тя на нас, да нас вдаси в руце Халдейсте уморити нас и превести нас в Вавилон. 024 JER 043 004 И не послуша Иоанан и вси воеводы силы и вси людие (не послушаша) гласа Господня, еже жити на земли Иудине. 024 JER 043 005 И взя Иоанан и вси воеводы силы вся оставшыя Иудины, возвращеныя от всех языков, аможе разсеяни быша, еже жити на земли Иудине, 024 JER 043 006 мужы сильныя и жены, и младенцы и дщери царевы, и душы, яже остави Навузардан воевода силы со Годолием сыном Ахикамовым сына Сафанова, и Иеремию пророка, и Варуха сына Нириина, 024 JER 043 007 и внидоша во Египет, яко не послушаша гласа Господня, и внидоша во Тафнас. 024 JER 043 008 И бысть слово Господне ко Иеремии во Тафнасе глаголя: 024 JER 043 009 возми себе камени велики и скрый я пред враты дому фараоня во Тафнасе пред очима мужей Иудиных, и речеши к ним: 024 JER 043 010 тако глаголет Господь Сил, Бог Израилев: се, Аз послю и приведу Навуходоносора царя Вавилонска раба Моего, и поставит престол свой на камениих сих, ихже скрыл еси, и воздвигнет оружие свое на ня, 024 JER 043 011 и внидет и поразит землю Египетску: ихже на смерть, на смерть, и ихже на преселение, на преселение, а ихже под мечь, под мечь: 024 JER 043 012 и пожжет огнем домы богов их, и пожжет я, и преселит я, и покрыет землю Египетскую, якоже покрывается пастух ризою своею: и изыдет оттуду с миром 024 JER 043 013 и сокрушит столпы Илиуполя, иже во Египте, и домы богов Египетских пожжет огнем. 024 JER 044 001 Слово бывшее ко Иеремии (от Господа) и ко всем Иудеем сущым в земли Египетстей и седящым во Магдале и во Тафнасе, и во Мемфисе и в земли Пафурсте, глаголя: 024 JER 044 002 тако глаголет Господь Бог Израилев: вы видесте вся злая, яже наведох на Иерусалим и на грады Иудины: и се, пусти суть ныне от живущих, 024 JER 044 003 от лица злобы их, юже сотвориша разгневати Мя, ходяще кадити богом чуждим, ихже не ведесте вы сами и отцы ваши. 024 JER 044 004 И послах к вам отроки Моя пророки заутра, и посылах я, глаголя: не творите дела осквернения сего, егоже возненавидех. 024 JER 044 005 И не послушаша Мене, ни приклониша уха своего обратитися от злоб своих, еже не кадити богом инем. 024 JER 044 006 И вскапа ярость Моя и гнев Мои и разгореся во вратех Иудиных и вне Иерусалима: и быша во опустение и в непроходимую до сего дне. 024 JER 044 007 И ныне сице рече Господь Вседержитель, Бог Израилев: вскую вы творите злобы велики на душы своя, еже изсещи вам мужы и жены, младенца и ссущаго от среды Иуды, да не останется ни един от вас, 024 JER 044 008 разгневати Мя в делех рук ваших, кадити богом инем в земли Египетстей, в нюже приидосте жити тамо, да изсечени будете и в проклятие да будете и на укоризну во всех языцех земли? 024 JER 044 009 Еда забысте злобы отец ваших и злобы царей Иудиных, и злобы князей ваших и злобы вашя, и злобы жен ваших, яже сотвориша в земли Иудине и вне Иерусалима? 024 JER 044 010 И не престаша даже до сего дне и не убояшася и не держахуся законов Моих и повелений Моих, яже дах пред лицем вашим и пред очима отец ваших. 024 JER 044 011 Того ради тако глаголет Господь Сил, Бог Израилев: се, Аз приставлю лице Мое на вы во зло, еже погубити вся люди Иудины: 024 JER 044 012 и возму останки Иудины, иже поставиша лица своя, еже внити в землю Египетску и жити тамо, и изчезнут вси в земли Египетстей, и падут мечем и гладом, и изчезнут от мала даже до велика: и будут на укоризну и в пагубу и в проклятие: 024 JER 044 013 и посещу на седящих в земли Египетстей, якоже посетих на Иерусалим, мечем и гладом и смертию, 024 JER 044 014 и не будет уцелевша ни единаго же от оставших Иудиных, обитающих в земли Египетстей, еже возвратитися на землю Иудину, к нейже тии надеются душами своими возвратитися тамо: не возвратятся, разве избегшии. 024 JER 044 015 И отвещаша Иеремии вси мужие разумеющии, яко кадят жены их богом иным, и вся жены собор велик, и вси людие седящии в земли Египетстей, в земли Пафурсте, глаголюще: 024 JER 044 016 слово, еже глаголал еси к нам во имя Господне, не послушаем тебе, 024 JER 044 017 яко творяще сотворим всякое слово, еже изыдет из уст наших, кадити царице небесней и возливати ей возлияния, якоже сотворихом мы и отцы наши, и царие наши и князи наши во градех Иудиных и вне Иерусалима: и насытихомся хлебов, и благо нам бысть, и зла не видехом. 024 JER 044 018 И егда престахом кадити царице небесней и возливати возлияния, оскудехом хлебы вси мы, и мечем и гладом скончахомся. 024 JER 044 019 И егда кадихом мы царице небесней и возливахом ей возлияния, еда без мужей наших творихом ей опресноки и возливахом ей возлияния? 024 JER 044 020 И рече Иеремиа всем людем сильным и всем женам и всем людем отвещавшым ему словеса, глаголя: 024 JER 044 021 не каждение ли, еже кадисте во градех Иудиных и внеуду Иерусалима вы и отцы ваши, и царие ваши и князи ваши и людие земли, помяну Господь, и взыде на сердце Его? 024 JER 044 022 И не можаше Господь терпети ктому от лица злобы деяний ваших и от гнусностей, яже сотвористе: и бысть земля ваша во опустение и в непрохождение и в клятву, еже не быти живущым, якоже есть день сей, 024 JER 044 023 от лица сих, имже кадисте (идолом) и имиже согрешисте Господеви: и не послушасте гласа Господня, и в повелениих Его и в законе и во свидениих Его не ходисте, и постигнуша вы злая сия, якоже день сей. 024 JER 044 024 И рече Иеремиа людем и женам: слышите слово Господне, весь Иуда, иже есте в земли Египетстей: 024 JER 044 025 тако рече Господь Вседержитель, Бог Израилев, глаголя: вы и жены вашя усты вашими соглаголасте и руками вашими исполнисте, глаголюще: творяще сотворим исповедания наша, яже обещахом кадити царице небесней и возливати возлияния ей: пребывающе пребысте во обетех ваших и творяще сотвористе я. 024 JER 044 026 Того ради слышите слово Господне, весь Иуда, седящии в земли Египетстей: се, кляхся именем Моим великим, рече Господь, аще будет ктому имя Мое во устех всего Иуды, еже рещи, жив Господь Бог, во всей земли Египетстей. 024 JER 044 027 Яко се, Аз возбудихся на ня озлобити их, а не благосотворити, и изчезнут весь Иуда живущии в земли Египетстей мечем и гладом, дондеже скончаются. 024 JER 044 028 И уцелевшии от меча возвратятся на землю Иудину малым числом: и уведят оставшии Иудины, преселившиися в землю Египетску обитати тамо, слово чие пребудет, Мое, или их? 024 JER 044 029 И сие вам знамение, глаголет Господь, яко посещу Аз на вы на месте сем, да уведите, яко воистинну исполнятся словеса Моя на вас во злая. 024 JER 044 030 Тако рече Господь: се, Аз предаю фараона Вафриа царя Египетска в руце врага его и в руце ищущих души его, якоже дах Седекию царя Иудина в руце Навуходоносора царя Вавилонска врага его и ищущаго души его. 024 JER 045 001 Слово, еже глагола Иеремиа пророк к Варуху сыну Нириеву, егда вписа словеса сия в книгу от уст Иеремииных, в четвертое лето Иоакима, сына Иосиина, царя Иудина, глаголя: 024 JER 045 002 тако глаголет Господь Вседержитель о тебе, Варуше: 024 JER 045 003 яко рекл еси: о, люте мне! О, люте мне! Яко приложи Господь труд к болезни моей, успох с стенанием, покоя не обретох. 024 JER 045 004 Рцы ему, сице глаголет Господь: се, яже Аз соградих, Аз разорю: и яже насадих Аз, исторгну, и всю землю Мою. 024 JER 045 005 И Ты ли взыщеши себе великих? Не ищи: яко се, Аз наведу злая на всяку плоть, глаголет Господь, и дам душу твою в корысть во всяцем месте, аможе аще пойдеши. 024 JER 046 001 Слово, еже бысть ко Иеремии пророку от Господа на языки, 024 JER 046 002 ко Египту противу силы фараона Нехао царя Египетскаго, иже бысть над рекою Евфратом во Кархамисе, егоже порази Навуходоносор царь Вавилонский, в лете четвертем Иоакима сына Иосиина, царя Иудина. 024 JER 046 003 Возмите оружие и щиты и идите на брань, 024 JER 046 004 оседлайте кони и вседайте, всадницы, и станите во шлемех ваших, уставите копия и облецытеся в броня вашя. 024 JER 046 005 Что убо видех их страшливых и хребты обращающих? Крепцыи их избити, побегоша скоро и не озрешася вспять, отвсюду страх, глаголет Господь. 024 JER 046 006 Не утечет легкий, ниже возможет избавитися крепкий на полунощь: близ реки Евфрата побеждени суть и падоша. 024 JER 046 007 Кто есть той, иже яко река восходит, и яко реки воздвижутся волны его? 024 JER 046 008 Воды Египта аки река взыдут, и аки река восколеблются воды его. И рече: взыду и покрыю землю, и погублю град и живущыя в нем. 024 JER 046 009 Возсядите на кони и устройте колесницы, изыдите, сильнии Муринстии, и Ливиане вооруженнии щитами, и Лидяне, взыдите наляцающе лук. 024 JER 046 010 День сей Господа Бога Вседержителя, день отмщения, да отмстит врагом Своим, и пожрет я мечь Господень и насытится и упиется кровию их, яко жертва Господу Вседержителю в земли полунощней, близ реки Евфрата. 024 JER 046 011 Взыди в Галаад и возми ритину, дево, дщи Египетска! Всуе умножила еси врачевания твоя, и цельбы несть тебе. 024 JER 046 012 Услышаша языцы глас, и плачь твой наполни землю: яко сильный сретеся с сильным, и оба вкупе изнемогоста и падоста. 024 JER 046 013 Слово, еже глагола Господь ко Иеремии пророку о сем: яко име приити Навуходоносор царь Вавилонский и поразити землю Египетску. 024 JER 046 014 Возвестите Египту и разгласите во Магдалу, и возопийте во Мемфисе и во Тафнасе поведите: стой и уготовися, яко пожрет мечь сия, яже окрест тебе суть. 024 JER 046 015 Почто убежа от тебе апис? Телец избранный твой не пребысть, яко Господь разруши его. 024 JER 046 016 И множество твое изнеможе и паде, и кийждо ко ближнему своему глаголаху: востаним и возвратимся к людем нашым и в землю рождения нашего от лица меча Еллинскаго. 024 JER 046 017 Назовите имя фараона Нехао царя Египетска, смятение преведе время. 024 JER 046 018 Живу Аз, глаголет Царь, Господь Вседержитель имя Его: ибо, якоже Фавор на горах и якоже Кармель в мори, приидет. 024 JER 046 019 Сосуды пленения сотвори себе, живущая дщи Египетска, яко Мемфис в запустение будет, и наречется, увы! И не будут в нем жити. 024 JER 046 020 Юница (избранна и) украшена Египет, разорение от полунощи прииде на ню, 024 JER 046 021 и наемницы его, живущии посреде его, якоже телцы тучнии питаеми в нем: зане и тии обратишася и побегоша вкупе, и не могоша стати, яко день погибели их прииде на ня и время отмщения их. 024 JER 046 022 Глас их, якоже змиа звиздающаго, понеже с силою пойдут, со секирами приидут на него. 024 JER 046 023 Яко древие секуще посекут лес его, глаголет Господь Бог: ибо не может сочтен быти, яко умножишася паче пругов, и несть им числа. 024 JER 046 024 Посрамленна есть дщи Египетска и дана в руце людем полунощным. 024 JER 046 025 Рече Господь Вседержитель, Бог Израилев: се, Аз посещу на Аммона сына ея, и на фараона и на Египет, и на боги его и на цари его, и на фараона и на уповающыя нань, 024 JER 046 026 и дам их в руце ищущих души их, и в руку Навуходоносора царя Вавилонска, и в руце слуг его: и посем поживут якоже и первее, глаголет Господь. 024 JER 046 027 Ты же не убойся, рабе мой Иакове, ни устрашайся, Израилю: се бо, Аз тебе спасена сотворю издалеча и семя твое от земли пленения их: и возвратится Иаков и почиет и благоуспеет, и не будет устрашаяй его. 024 JER 046 028 Не бойся, рабе Мой Иакове, глаголет Господь, яко с тобою есмь Аз: яко сотворю скончание во всех языцех, в няже извергох тя, тебе же не сотворю оскудети, но накажу тя судом и обезвиняя не обезвиню тя. 024 JER 047 001 Слово Господне, еже бысть ко Иеремии пророку на иноплеменники, прежде нежели порази фараон Газу. 024 JER 047 002 Тако глаголет Господь: се, воды восходят от севера и будут яко поток наводняяй, и потопят землю и исполнение ея, град и живущыя в нем: и возопиют людие и восплачутся вси живущии на земли, 024 JER 047 003 от шума устремления его, от оружия ног его и от гремения колесниц его и от звука колес его: не обратишася отцы ко сыном своим, опустивше руце свои, 024 JER 047 004 в день находящь, еже погубити вся иноплеменники: и разорю Тир и Сидон со всеми прочими помощники их, яко истребит Господь Филистины, останки островов Каппадокийских. 024 JER 047 005 Прииде плешь на Газу, отвержен бысть Аскалон и останцы енакимли. 024 JER 047 006 Доколе сещи будеши, о, мечу Божий! Доколе не упокоишися? Вниди в ножны твоя, почий и вознесися. 024 JER 047 007 Како упокоится? Понеже Господь заповеда ему на Аскалона и на сущыя при мори, на прочыя востати. 024 JER 048 001 О Моаве тако рече Господь Вседержитель, Бог Израилев: о, люте Нававу, яко погибе, взяся Кариафаим, посрамися Масигаф и побежден есть. 024 JER 048 002 Несть ктому целение в Моаве, веселие во Есевоне, помыслиша нань злая: приидите и потребим я от язык: (сего ради) молчя умолкнеши, пойдет за тобою мечь. 024 JER 048 003 Глас вопля от Оронаима, погубление и сотрение велико. 024 JER 048 004 Сотреся Моав, возвестите вопль малых его. 024 JER 048 005 Яко исполнися Алаоф плача: взыдет рыдая путем Оронаима, врази, вопль сотрения слышасте. 024 JER 048 006 Бежите и спасите душы вашя, и будете яко осел дивий в пустыни. 024 JER 048 007 Понеже имел еси надежду во оградах твоих и в сокровищих твоих, и ты ят будеши: и пойдет Хамос во преселение, и священницы его и князи его вкупе. 024 JER 048 008 И приидет губитель на всяк град, и не избавится ни един град, и погибнут удолия, и погубятся поля, якоже рече Господь. 024 JER 048 009 Дайте знамение Моаву, яко прикосновением прикосновен будет, и вси гради его будут пусти и без живущих. 024 JER 048 010 Проклят (человек) творяй дело Господне с небрежением, и проклят возбраняяй мечу своему от крове. 024 JER 048 011 Почиваше Моав от младости своея и бе уповая на славу свою: не прелияся от сосуда в сосуд и во преселение не отиде: сего ради пребысть вкус его в нем, и воня его несть пременена. 024 JER 048 012 Сего ради, се, дние грядут, глаголет Господь, и послю ему преселители, и преселят его, и сосуды его истощат и роги его сокрушат: 024 JER 048 013 и посрамится Моав от Хамоса, якоже посрамлен есть дом Израилев от Вефиля, в немже имяху надежду. 024 JER 048 014 Како глаголете: сильни есмы и мужие крепцы во бранех? 024 JER 048 015 Погибе Моав, град его, и избраннии юноши его снидоша под мечь, глаголет Царь, Господь Вседержитель имя Его. 024 JER 048 016 Близ день Моавль, еже приити, и зло его скоро зело. 024 JER 048 017 Утешайте его вси, иже окрест его, и вси ведящии имя его: рцыте, како сокрушися жезл крепости, палица славна? 024 JER 048 018 Сниди от славы и сяди, во влаге живущая, дщи Дивоня, яко губитель Моавский взыдет на тя разрушаяй ограды твоя. 024 JER 048 019 На пути стани и воззри, живущая во Ароире, и вопроси бежащаго и избегшаго, и рцы: что се бысть? 024 JER 048 020 Посрамися Моав, зане побежден есть: рыдайте и вопийте, возвестите во Арноне, яко погибе Моав, 024 JER 048 021 и суд прииде на землю напольную, на Хелон и на Рефас и на Мофаф, 024 JER 048 022 и на Девон и на Наво и на дом Девлафаим, 024 JER 048 023 и на Кариафаим и на Вефгамул и на дом Маонов, 024 JER 048 024 и на Кариоф и на Восора и на вся грады Моавли, иже далече и иже близ суть. 024 JER 048 025 Отсечен есть рог Моавль, и мышца его сокрушися, глаголет Господь: 024 JER 048 026 упойте его, яко на Господа возвеличися, и приразит Моав руку свою (о блевотину), и будет в посмех и сам. 024 JER 048 027 И аще не в посмех бысть тебе Израиль, аще в татстве твоем обретеся, яко воевал еси его: преселишися инамо. 024 JER 048 028 Оставите грады и пребывайте на камени, живущии в Моаве, и будите якоже голуби гнездящиися в каменех, во устех скважни. 024 JER 048 029 Слышахом гордость Моавлю, горд бе зело: презорство его и кичение его, возношение и воздвижение сердца его. 024 JER 048 030 Аз же вем дела его, глаголет Господь: не доволство ли его тако сотвори? 024 JER 048 031 Сего ради над Моавом возрыдайте всюду, возопийте над мужи Кирады смущения. 024 JER 048 032 Яко плачем Иазировым восплачуся о тебе, винограде Асеримль! Леторасли твоя проидоша море, градов Иазировых коснушася, на жатву твою и на винное собирание твое хищник нападе. 024 JER 048 033 Отята есть радость и веселие от Кармила и от земли Моавли, и вино от точил отях: никакоже изгнетаяй винну ягоду по обычаю песни воспоет. 024 JER 048 034 От вопля Есевонска даже до Елеала и Иаса грады их даша глас свой, от Сигора даже до Оронаима, и юница трилетная, понеже и воды Немрим во сожжение будут. 024 JER 048 035 И отиму Моава, глаголет Господь, жрущаго на горах и кадящаго богом своим. 024 JER 048 036 Того ради сердце Моава, яко цевницы звяцати будут, и сердце мое к мужем Кирады яко цевница звяцати будет: сего ради, яже пристяжа, погибоша от человек. 024 JER 048 037 Всяка бо глава на всяцем месте острижена будет, и всяка брада оброснется, и всяка рука посечена будет, и на всяцем чресле вретище, 024 JER 048 038 и на всех храминах Моавских и на стогнах его всяк плачь, понеже сокруших Моава, якоже сосуд непотребен, глаголет Господь. 024 JER 048 039 Како изменися? Возрыдаша, како обрати хребет Моав и посрамися? И бысть Моав в посмех и в ненависть всем окрест себе. 024 JER 048 040 Яко тако глаголет Господь: се, якоже орел полетит и распрострет криле свои на Моава, 024 JER 048 041 взят есть Кариоф, и ограды его обстоимы суть: и будет сердце сильных Моавских в той день, яко сердце жены родящия. 024 JER 048 042 И погибнет Моав от людий, яко на Господа возвеличися. 024 JER 048 043 Страх и пропасть и сеть на тя, о, живущий в Моаве, глаголет Господь. 024 JER 048 044 Иже убежит от лица страха, впадет в пропасть: и излазяй из пропасти имется сетию: понеже наведу сия на Моава в лето посещения их, глаголет Господь. 024 JER 048 045 Во стени Есевонстей сташа от силы избегше, огнь бо изыде от Есевона и пламень от среды Сеона, и пожже часть Моава и верх сынов смятения. 024 JER 048 046 Горе тебе, Моаве! Погибоша людие Хамоса, яко отведошася сынове твои и дщери твоя в плен. 024 JER 048 047 И возвращу плен Моавль в последния дни, глаголет Господь. До зде суд Моавль. 024 JER 049 001 К сыном Аммоним тако глаголет Господь: еда не суть сынове Израилевы, или наследника несть им? Почто убо прия наследие Мелхом Гада, и людие его во градех его живяху? 024 JER 049 002 Сего ради, се, дние грядут, глаголет Господь, и оглашу на Равваф сынов Аммоних ратный звук, и будет в непроходная и в пагубу, и требища его огнем сожжена будут, и восприимет Израиль власть свою, глаголет Господь. 024 JER 049 003 Возопий, Есевоне, яко погибе Гай: возопийте, дщери Раввафски, препояшитеся вретищами, рыдайте и бегайте по забралом, яко Мелхом во плен отведется, священницы и князи его вкупе. 024 JER 049 004 Что хвалишися во удолиих? Стече удолие твое, дщи безстудная, уповающая на богатства своя, глаголющи: кто приидет на мя? 024 JER 049 005 Се, Аз наведу на тя страх, глаголет Господь Вседержитель, от всех сущих окрест тебе: и разсеетеся вси от лица его, и не будет собирающаго бежащих. 024 JER 049 006 И посем возвращу пленники сынов Аммоних, глаголет Господь. 024 JER 049 007 Ко Идумеи сия глаголет Господь Вседержитель: еда есть ктому мудрость во Фемане? Погибе совет от разумных, непотребна бысть мудрость их, 024 JER 049 008 попрано бысть место их: снидите в пропасть к седению, живущии во Дедане: яко жестокая сотвори: (погибель Исавлю) наведох нань во время, в неже посетих его. 024 JER 049 009 Яко оымателие вина приидоша на тя, не оставят тебе останков: аки татие в нощи возложат руки своя. 024 JER 049 010 Яко (Аз) обнажих Исава, открых тайная его, не возможет утаитися, погибе рукою брата своего и соседа своего, 024 JER 049 011 и несть остатися сироте твоей, да живет: Аз же сотворю жити, и вдовицы на Мя уповаша. 024 JER 049 012 Тако бо глаголет Господь: се, имже не бе закона пити чашу, пиюще испиют: и ты ли аки неповинный останешися? Не будеши неповинен, но пия испиеши. 024 JER 049 013 Собою бо кляхся, глаголет Господь, яко в пустыню и в поругание и в посмех и в проклятие будеши посреде его, и вси гради его будут в пустыню вечную. 024 JER 049 014 Слух слышах от Господа, и послов во языки посла: соберитеся и идите противу ему и востаните на ополчение. 024 JER 049 015 Се, мала дах тя во языцех и поругаема в людех. 024 JER 049 016 Играние твое прельсти тя, безстудие сердца твоего обиташе в разселинах каменных, похити крепость холма высокаго: егда вознесеши яко орел гнездо свое, оттоле свергу тя, глаголет Господь. 024 JER 049 017 И будет Идумеа в запустение, всяк ходяй чрез ню подивится и позвиждет над всякою язвою ея. 024 JER 049 018 Якоже превращена есть Содома и Гоморра и соседи ея, глаголет Господь, не поживет тамо муж, ниже пребудет тамо сын человечь. 024 JER 049 019 Се, якоже лев изыдет от среды Иордана на место сильнаго, яко скоро сотворю им бежати от него, и кто будет избран, егоже поставлю над ним? Кто бо подобен Мне? И кто противостанет Ми? И кто есть сей пастырь, иже сопротивится лицу Моему? 024 JER 049 020 Сего ради слышите совет Господень, егоже совеща на Едома, и умышление Его, еже умысли на живущих во Фемане, не свергут ли их малая от стад, и не разметано ли будет на них жилище их? 024 JER 049 021 От гласа бо падения их потрясеся земля, и вопль на мори Чермнем слышася гласа их. 024 JER 049 022 Се, яко орел взыдет и возлетит и прострет криле свои над твердыньми его: и будет сердце сильных Идумейских в той день, яко сердце жены родящия. 024 JER 049 023 К Дамаску: посрамися Емаф и Арфаф, яко слух зол слышаша, ужасошася, возмутишася на мори, (за попечение) упокоитися не могут. 024 JER 049 024 Расторжеся Дамаск, обратися на бежание, трепет объят и, скорбь и болезнь одержаша его яко раждающую. 024 JER 049 025 Како не оставиша града славнаго, крепости любезныя? 024 JER 049 026 Сего ради падут юноши на стогнах твоих, и вси мужие воинстии падут в той день, глаголет Господь Вседержитель. 024 JER 049 027 И возжгу огнь на стене Дамаска, и пожжет стены сына Адерова. 024 JER 049 028 К Кидару, царице двора, егоже порази Навуходоносор царь Вавилонский, тако глаголет Господь: востаните и взыдите на Кидар и погубите сыны восточныя. 024 JER 049 029 Селения их и стада их возмут: одежды их и вся сосуды их и велблюды их возмут себе, и призовут на ня страх окрест. 024 JER 049 030 Бежите и отидите вскоре, в пропастех сядите, живущии во дворе, глаголет Господь: яко совеща на вы Навуходоносор царь Вавилонский совет и помысли на вас умышление. 024 JER 049 031 Востаните и внидите к людем упокоеным, живущым в прохладе, глаголет Господь: иже ни дверий, ниже заворов имут, едини обитают. 024 JER 049 032 И будут велблюды их в расхищение и множество скота их в разграбление, и развею я всяким ветром остриженых окрест, и от всех окрестных их приведу на ня погибель, глаголет Господь. 024 JER 049 033 И будет двор в жилище змием и пуст даже до века, не поживет тамо муж, ниже будет живяй в нем сын человечь. 024 JER 049 034 Слово Господне, еже бысть ко Иеремии пророку на Елам, в начале царства Седекии царя Иудина, глаголя: 024 JER 049 035 тако глаголет Господь Вседержитель: се, Аз сокрушу лук Еламль, начало силы их, 024 JER 049 036 и наведу на Елам четыри ветры от четырех стран небесных и развею я во вся ветры тыя, и не будет языка, в оньже бы не пришли бежащии Еламитяне. 024 JER 049 037 И устрашу их пред враги их и пред лицем ищущих души их, и наведу на ня злая, по гневу ярости Моея, глаголет Господь: и послю вслед их мечь Мой, дондеже сотру их: 024 JER 049 038 и поставлю престол Мой во Еламе, и иждену оттуду царя и князи, глаголет Господь: 024 JER 049 039 и будет в последния дни, возвращу плен Еламль, глаголет Господь. 024 JER 050 001 Слово, еже рече Господь на Вавилон и на землю Халдейскую Иеремиею пророком. 024 JER 050 002 Возвестите во языцех и слышано сотворите, воздвигните знамение, возопийте и не скрывайте, рцыте: пленен бысть Вавилон, посрамися Вил, победися Меродах, посрамишася изваяния его, сокрушишася кумиры их. 024 JER 050 003 Яко прииде нань язык от севера, той положит землю его в запустение, и не будет живяй в ней от человека даже и до скота: подвигнушася, отидоша. 024 JER 050 004 В тыя дни и в то время, глаголет Господь, приидут сынове Израилевы, тии и сынове Иудины вкупе ходяще и плачуще пойдут и Господа Бога своего взыщут. 024 JER 050 005 Во Сион испытают стези, тамо бо обративше лица своя приидут и приложатся ко Господу заветом вечным, иже забвению не предастся. 024 JER 050 006 Овцы погибшыя быша людие Мои, пастырие их совратиша их и сотвориша я крытися по горам: с горы на холм ходиша. 024 JER 050 007 Забыша ложа своего, вси обретающии их снедаху их, и врази их рекоша: не пощадим их, зане согрешиша Господу, пажить правды, собирающему отцев их Господу. 024 JER 050 008 Отидите от среды Вавилона и от земли Халдейски изыдите, и будите яко козлища пред овцами. 024 JER 050 009 Яко се, Аз воздвигну и приведу на Вавилон собрания языков великих от земли полунощныя, и ополчатся нань: оттуду пленен будет, якоже стрела мужа сильна искусна и возвратится праздна. 024 JER 050 010 И будет земля Халдейска в разграбление, вси грабителе ея наполнятся глаголет Господь: 024 JER 050 011 зане веселистеся и велеречивасте, расхищающе наследие Мое, скакасте бо яко телцы на траве и бодосте якоже волы. 024 JER 050 012 Поругана бысть мати ваша зело, и посрамися родившая вас: се, последняя во языцех пуста и непроходна и суха. 024 JER 050 013 От гнева Господня не поживут во век: но будет весь в запустение, и всяк ходяй сквозе Вавилон подивится и позвиждет над всякою язвою Его. 024 JER 050 014 Ополчитеся на Вавилон, вси окрестнии наляцающии лук, стреляйте нань, не щадите стрел ваших, понеже пред Господем согреши, 024 JER 050 015 возмите его: ослабеша руце его, падоша основания его, сокрушишася забрала его, яко месть Господня есть: отмстите ему, якоже сотвори, сотворите ему: 024 JER 050 016 потребите семя от Вавилона, и держащаго серп во время жатвы от лица меча Еллинска, кийждо к людем своим обратится, и кийждо в землю свою убежит. 024 JER 050 017 Овча заблуждающее Израиль, львове изнуриша е: первее яде его царь Ассур, сей же последний и кости оглода ему Навуходоносор царь Вавилонский. 024 JER 050 018 Сего ради тако глаголет Господь Вседержитель, Бог Израилев: се, Аз посещу на царя Вавилонска и на землю его, якоже посетих на царя Ассурска, 024 JER 050 019 и возведу паки Израиля на пажить его, и упасется в Кармиле и Васане, и в горе Ефремли и в Галааде, и насытится душа его. 024 JER 050 020 В тыя дни и в той час, глаголет Господь, поищут неправды Израилевы, и не будет, и грехов Иудиных, и не обрящутся: яко милостив буду им оставшымся. 024 JER 050 021 На землю владеющих взыди и на живущих в ней посети, разори и убий сущыя по них, глаголет Господь, и сотвори вся, елика заповедаю тебе. 024 JER 050 022 Глас брани и сотрение велико в земли Халдейстей. 024 JER 050 023 Како сокрушися и сотреся млат всея земли? Како обратися в пустыню Вавилон во языцех? 024 JER 050 024 Взыдут на тя, и пленен будеши, и не познаеши, яко Вавилон еси: обретен и ят еси, понеже разгневал еси Господа. 024 JER 050 025 Отверзе Господь сокровища Своя и изнесе сосуды гнева Своего, яко дело есть Господу Вседержителю в земли Халдейстей: 024 JER 050 026 яко приидоша времена его: отверзите хранилища его и испытайте и, аки вертеп, и погубите его, да не будет останка его. 024 JER 050 027 Изсушите вся плоды его, и да снидут в заклание: горе им, яко прииде день их и час отмщения их. 024 JER 050 028 Глас бежащих и избегших от земли Вавилонския, да возвестят в Сионе отмщение Господа Бога нашего, отмщение храма Его. 024 JER 050 029 Возвестите на Вавилон многим, всем наляцающым лук, ополчитеся нань окрест: да не убежит ни един из него: воздайте ему по делом его, по всему, елика сотвори, сотворите ему, яко воста на Господа Бога Святаго Израилева. 024 JER 050 030 Сего ради падут юноши его на стогнах его, и вси мужие воинстии его низвержени будут в той день, глаголет Господь. 024 JER 050 031 Се, Аз на тя, горде, глаголет Господь Бог Вседержитель, яко прииде день твой и час посещения твоего: 024 JER 050 032 и падет гордыня твоя и разрушится, и не будет возставляяй ю: и возжгу огнь в дубраве его, и пояст вся окрестная его. 024 JER 050 033 Тако глаголет Господь Вседержитель: порабощение терпят сынове Израилевы и сынове Иудины, вкупе вси пленившии их поработиша их, не хощут бо отпустити их. 024 JER 050 034 Избавитель же их сильный, Господь Вседержитель имя Ему, судом судити имать супостаты своя, яко да избавит землю, и потрясет жительми Вавилонскими. 024 JER 050 035 Мечь на Халдеев, глаголет Господь, и на жители Вавилонския, и на князи и на мудрыя его, 024 JER 050 036 мечь на обаятели его, и буии будут, и мечь на сильныя его, и ослабеют: 024 JER 050 037 мечь на кони его и на колесницы его, и на вся прочыя люди, иже суть посреде его, и будут яко жены: мечь на сокровища его, и расхитятся: 024 JER 050 038 мечь на воды его, и постыдятся, яко земля изваянных есть, и во островех хваляхуся. 024 JER 050 039 Сего ради поживут мечты во островех, и поживут в нем дщери сиринов, и не будет живуща в нем ктому во веки, ниже соградится от рода в род. 024 JER 050 040 Якоже преврати Господь Содома и Гоморра и окрестныя грады их, глаголет Господь, не пребудет тамо муж, ниже поживет в нем сын человечь. 024 JER 050 041 Се, людие идут от севера, и язык велик, и царие мнози востанут от конец земли, 024 JER 050 042 луки и щиты имуще, грозни суть и немилостиви: глас их яко море возшумит, на кони возсядут, уготовани якоже огнь на брань противу тебе, дщи Вавилоня. 024 JER 050 043 Услыша царь Вавилонский слух их, и ослабеша руце его, скорбь объят его и болезни, яко раждающую. 024 JER 050 044 Се, яко лев изыдет от рыкания Иорданова на место Ефана, яко скоро отмщу их от него, и всякаго юношу над ним поставлю. Кто бо подобен Мне? И кто может стояти противу Мене? И кто есть пастырь сей, иже воспротивится лицу Моему? 024 JER 050 045 Темже слышите совет Господень, егоже совеща на Вавилон, и умышления Его, яже умысли на землю Халдейску: аще не исторгнутся агнцы овец их, аще не будет разметана (вкупе с ними) пажить их. 024 JER 050 046 От гласа бо пленения Вавилонскаго потрясется земля, и вопль во языцех слышан будет. 024 JER 051 001 Тако глаголет Господь: се, Аз воздвигну на Вавилон и на живущыя Халдеи ветр зноен губителный: 024 JER 051 002 и послю на Вавилон ругатели, и студно поругаются ему и истлят землю его: понеже горе на Вавилон окрест в день озлобления его. 024 JER 051 003 Да наляцает наляцаяй лук свой, и да облечется в броня своя, и не пощадите юнош его, и побийте все воинство его. 024 JER 051 004 И падут избиеннии в земли Халдейстей и язвеннии во странах ея. 024 JER 051 005 Понеже не овдове Израиль и Иуда от Бога Своего, от Господа Вседержителя, яко земля их наполнися неправды от Святых Израилевых. 024 JER 051 006 Бежите от среды Вавилона и спасите кийждо душу свою и не погибнете в неправде его, зане время отмщения его есть от Господа, воздаяние Той воздаст ему. 024 JER 051 007 Чаша златая Вавилон в руце Господни, напаяющи всю землю, от вина его пиша (вси) языцы, сего ради потрясошася. 024 JER 051 008 Внезапу паде Вавилон и сокрушися: плачите по нем, возмите масти к болезни его, да изцелится. 024 JER 051 009 Врачевахом Вавилона, и не изцеле: оставим его и отидем кийждо в землю свою, взыде бо к небеси суд его и воздвижеся даже до звезд. 024 JER 051 010 Изнесе Господь суд Свой: приидите и возвестим в Сионе дела Господа Бога нашего. 024 JER 051 011 Наострите стрелы, наполните тулы: воздвиже Господь дух царей Мидских, яко противу Вавилона гнев Его, да погубит и, понеже отмщение Господне есть, отмщение людий Его. 024 JER 051 012 На стенах Вавилонских воздвигните знамя, поставите стражи, уготовите стражей, уготовите оружие: яко умысли Господь, и сотворит, яже рече на живущыя в Вавилоне, 024 JER 051 013 живый над водами многими и богат в сокровищих своих: прииде конец твой истинно во утробы твоя. 024 JER 051 014 Клятся бо Господь Сил мышцею Своею, яко наполню тебе людьми, якоже акридами, и возгласят над тобою низходящии. 024 JER 051 015 Господь сотворивый землю в силе Своей и устроивый вселенную в мудрости Своей, и разумением Своим распростре небеса, 024 JER 051 016 егда Он даст глас, умножатся воды на небеси, воздвизаяй облаки от конец земли, молнию в дождь сотвори, изводяй свет от сокровищ Своих. 024 JER 051 017 Обуя всяк человек от разума, посрамися всяк слиятель от изваяний своих, яко ложная слияния его, и несть духа в них: 024 JER 051 018 суетна суть дела и смеху достойна, в час посещения своего погибнут. 024 JER 051 019 Не такова часть Иаковля, яко Сотворивый всяческая Той есть, (а Израиль) жезл достояния Его, Господь Вседержитель имя Его. 024 JER 051 020 Сокрушаеши ты Мне сосуды бранныя, и Аз сокрушу в тебе языки и погублю в тебе царствия: 024 JER 051 021 и избию в тебе кони и всадники их, и избию в тебе колесницы и вседающих на них: 024 JER 051 022 и избию в тебе мужа и жену, и избию в тебе стара и отрока, и избию в тебе юношу и деву: 024 JER 051 023 и избию в тебе пастыря и стада его, и избию в тебе орюща и работна скота его, и избию в тебе воеводы и правители. 024 JER 051 024 И воздам Вавилону и всем жителем Халдейским вся злобы их, яже сотвориша над Сионом пред очима вашима, глаголет Господь. 024 JER 051 025 Се, Аз на тя, горо смертоносная, глаголет Господь, растлевающая всю землю, и простру руку Мою на тя и извергу тя из каменей, и дам тя в гору сожженую: 024 JER 051 026 и не возмут от тебе камене во угл и камене во основание, яко потребишися во веки, глаголет Господь. 024 JER 051 027 Воздвигните знамя на земли, вострубите трубою во языцех, освятите нань языки, возвестите нань царствам Араратским от Мене и Асханазеом: утвердите над ним стрельницы, возведите нань кони, яко акридов множество. 024 JER 051 028 Возведите нань языки, царя Мидска и всея земли, воевод его и всех воев его и всея земли области его. 024 JER 051 029 И потрясеся земля и смутися, зане воста на Вавилон умышление Господне, еже положити землю Вавилонску пусту и ненаселену. 024 JER 051 030 Оскудеша крепцыи Вавилонстии еже ратовати: сядут тамо во ограде, погибе храбрость их, и быша яко жены: пожжена суть селения, сотрены заворы его. 024 JER 051 031 Гоняй во сретение текуща постигнет, и вестник сретит посла, да возвестит царю Вавилонску, яко взят бысть град его. 024 JER 051 032 От края прехождений его яти быша, и твердыни его зажжены огнем, и мужие его воинстии исходят. 024 JER 051 033 Тако бо глаголет Господь Вседержитель, Бог Израилев: домове царя Вавилонскаго яко гумно зрело измлачени будут: еще мало, и приидет жатва его. 024 JER 051 034 Снеде мя, раздроби мя, прият мя тма тонка, Навуходоносор царь Вавилонский пожре мя, яко змий наполни чрево свое сладостию моею: и извергоша мя. 024 JER 051 035 Труды мои и беды моя на Вавилон, речет живущая в Сионе, и кровь моя на живущыя в Халдеех, речет Иерусалим. 024 JER 051 036 Сего ради тако глаголет Господь: се, Аз судити буду соперника твоего и отмщу отмщение твое, и пусто сотворю море его и изсушу потоки его. 024 JER 051 037 И будет Вавилон в запустение, жилище змием, в чудо и позвиздание, понеже не будет живущаго. 024 JER 051 038 Вкупе аки львы востанут и аки скимни львов. 024 JER 051 039 В горячести их дам питие им и упою я, да спят и уснут сном вечным и не востанут, глаголет Господь. 024 JER 051 040 И низведу я яко агнцы на заклание и яко овны с козлы. 024 JER 051 041 Како взяся Сесах, и ята слава всея земли? Како бысть во удивление Вавилон во языцех? 024 JER 051 042 Взыде на Вавилон море в шуме волн своих, и покрыся. 024 JER 051 043 Быша гради его в запустение, земля безводна и пуста, земля, в нейже никтоже поживет, и ниже будет витати в нем сын человечь. 024 JER 051 044 И посещу на Вила в Вавилоне, и извергу то, еже поглоти, от уст его, и не соберутся вящше к нему языцы, зане и стены Вавилонския падут. 024 JER 051 045 Изыдите от среды его, людие Мои, да спасет кийждо душу свою от гнева ярости Господни. 024 JER 051 046 Да не когда умягчится сердце ваше, и убоитеся ради слуха, иже услышится на земли, и приидет в лето слышание, и по лете слышание, бедность и неправда на землю, и властелин на властелина. 024 JER 051 047 Сего ради, се, дние грядут, и посещу на изваяныя Вавилона: и вся земля его посрамится, и вси язвении его падут посреде его. 024 JER 051 048 И возвеселятся над Вавилоном небеса и земля и вся сущая в них: от полунощи бо приидут нань всегубителие, глаголет Господь: 024 JER 051 049 и якоже сотвори Вавилон падати язвеным во Израили, тако в Вавилоне падут язвении всея земли. 024 JER 051 050 Избегшии меча, идите, не стойте: иже издалече, помяните Господа, и Иерусалим да взыдет на сердце ваше. 024 JER 051 051 Посрамихомся, зане слышахом ругание наше, покры срамота лице наше, яко приидоша чуждии во святая наша в дом Господень. 024 JER 051 052 Сего ради, се, дние грядут глаголет Господь, и посещу на изваяния его, и по всей земли его падут язвении. 024 JER 051 053 Яко аще взыдет Вавилон на небо и аще утвердит на высоте крепость свою, от Мене приидут губителие его, глаголет Господь. 024 JER 051 054 Глас вопля Вавилонска, и сотрение велико в земли Халдейстей: 024 JER 051 055 яко погуби Господь Вавилона и сотре от него глас велий шумящь яко воды многи, даде в пагубу глас его: 024 JER 051 056 яко прииде на Вавилон хищник, яти быша сильнии его, увяде лук их, яко Бог воздает им, 024 JER 051 057 Господь воздает ему воздаяние: и упоит князи его и мудрыя его, и воеводы его и вои его и сильныя его, и уснут сном вечным и не возбудятся, глаголет Царь, Господь Вседержитель имя Его. 024 JER 051 058 Тако глаголет Господь Вседержитель: стена Вавилонска сия преширока, подкопанием подкопана будет, и врата его высока огнем сожжена будут, и будут трудитися людие вотще, и языцы в начале погибнут. 024 JER 051 059 Слово, еже заповеда Господь Иеремии пророку, рещи Сарею сыну Нириину, сына Маассеова, егда иде от Седекии царя Иудина в Вавилон, в четвертое лето царства его: Сарей же бе началник даров. 024 JER 051 060 И написа Иеремиа вся злая, яже имяху приити на Вавилон, во едину книгу вся словеса сия, яже писана суть на Вавилон. И рече Иеремиа к Сарею: 024 JER 051 061 егда внидеши в Вавилон, и узриши и прочтеши вся словеса сия, и речеши: 024 JER 051 062 Господи, Ты рекл еси противу места сего погубити е, и да не будет живяй в нем от человека и до скота, и да будет в вечную пустыню: 024 JER 051 063 и будет, егда прочтеши книгу сию, привяжи к ней камень и вверзи ю посреде Евфрата и рцы: 024 JER 051 064 тако потопится Вавилон и не востанет от лица зол, яже Аз наведу нань, и разорится. Даже до зде словеса Иеремиина. 024 JER 052 001 Сущу двадесяти и единому лету Седекии, внегда нача царствовати, и царствова во Иерусалиме единонадесять лет: и имя матери его Амиталь, дщи Иеремиина, от Ловны. 024 JER 052 002 И сотвори лукавое пред очима Господнима по всему, елико творяше Иоаким: 024 JER 052 003 яко ярость Господня бысть на Иерусалим и на Иуду, дондеже отверже их от лица Своего: и отступи Седекиа от царя Вавилонска. 024 JER 052 004 И бысть в девятое лето царства его, в десятый месяц, в десятый день месяца, прииде Навуходоносор царь Вавилонский и вся сила его на Иерусалим, и облегоша его и сотвориша окрест его острог от четвероуголных камений. 024 JER 052 005 И бысть во облежении град даже до первагонадесяте лета царства Седекиина. 024 JER 052 006 Месяца же четвертаго в девятый день, утвердися глад во граде, и не бяше хлеба людем земли. 024 JER 052 007 И просекоша град, и вси мужие воинстии изыдоша нощию путем врат, иже есть между двема стенама, иже бяше прямо вертограду цареву, Халдее же добываху град окрест лежаще, и отидоша путем в пустыню. 024 JER 052 008 И погна сила Халдейска вслед царя и постиже его об ону страну Иерихона, и вси отроцы его разсыпашася от него. 024 JER 052 009 И яша царя и приведоша и ко царю Вавилонскому в Девлаф, иже есть в земли Емаф, и глагола ему с судом. 024 JER 052 010 И изсече царь Вавилонский сыны Седекиины пред очима его, и вся князи Иудины изсече в Девлафе. 024 JER 052 011 Очи же Седекии изят, и связа его оковами, и приведе его царь Вавилонский в Вавилон и вдаде его в дом жерновный до дне, в оньже умре. 024 JER 052 012 В десятый же день пятаго месяца (лето сие девятоенадесять Навуходоносору царю Вавилонску) прииде Навузардан архимагир, стоящь пред лицем царя Вавилонска, во Иерусалим, 024 JER 052 013 и сожже храм Господень и дом царев, и вся домы градския и всяк дом велик сожже огнем, 024 JER 052 014 и всяку стену Иерусалимлю окрест разори сила Халдейска, яже бяше со архимагиром. 024 JER 052 015 И от убогих людий, и останок людий, и оставшихся во граде и избегших, иже убежаша ко царю Вавилонску, и прочий народ пресели Навузардан воевода: 024 JER 052 016 прочиих же остави людий убогих в делатели винограда и земледелцев. 024 JER 052 017 Столпы же медяныя, иже во храме Господни, и подставы, и море медяное, еже во храме Господни, сокрушиша Халдее, и взяша медь их, и отнесоша в Вавилон: 024 JER 052 018 и венец и чашы, и вилицы и вся сосуды медяныя, в нихже служаху, 024 JER 052 019 и фимиамники и чашы, и умывалницы и свещники, и кадилницы и чашицы, яже бяху златая и яже бяху сребряная, взя архимагир. 024 JER 052 020 И столпа два и море едино, и телцев дванадесять медяных под морем, яже сотвори царь Соломон во храме Господни, не бе веса меди сосуд тех. 024 JER 052 021 Столп же кийждо осминадесяти лактей бе в высоту, вервь же дванадесяти лактей окрест его обдержаше, и толстота его четырех перст окрест, 024 JER 052 022 и глава на них медяна, пять лакот высота главы единыя, и мрежа, и шипки на венце окрест, все бяше медяно: такожде бысть и вторый столп. 024 JER 052 023 И бяше шипков девятьдесят и шесть едина страна, и бяше всех шипков над мрежею окрест сто. 024 JER 052 024 И взя архимагир Сареа жерца старейшаго и жерца Софонию втораго и триех стрегущих путь. 024 JER 052 025 И от града взя каженика единаго, иже бе приставник людий воинских, и седмь мужей нарочитых, иже пред лицем царевым обретошася во граде, и книгочия сил учащаго людий земли, и шестьдесят мужей от людий земли, иже обретошася среде града: 024 JER 052 026 и взя их Навузардан архимагир и приведе я ко царю Вавилонску в Девлаф. 024 JER 052 027 И изби я царь Вавилонский в Девлафе в земли Емаф: и преселен бысть Иуда от земли своея. 024 JER 052 028 Сии суть людие, ихже пресели Навуходоносор в седмое лето, Иудеев три тысящы и двадесять и три: 024 JER 052 029 во осмоенадесять лето Навуходоносор из Иерусалима душ осмь сот тридесять и две пресели. 024 JER 052 030 В двадесять третие лето Навуходоносора пресели Навузардан архимагир Иудеев душ седмь сот и четыредесять пять, всех же душ четыре тысящы и шесть сот. 024 JER 052 031 И бысть в тридесять седмое лето преселения Иоакима царя Иудина, в двадесять пятый день месяца вторагонадесять, вознесе Евилмеродах царь Вавилонский в первое лето царства своего главу Иоакима царя Иудина, и изведе его из храма, в немже стрежашеся, и глагола ему благая: 024 JER 052 032 и даде престол его выше царей, иже с ним, в Вавилоне, 024 JER 052 033 и измени ризы его темничныя, и ядяше хлеб всегда пред лицем его во вся дни живота своего: 024 JER 052 034 и урок ему даяшеся всегда от царя Вавилонска, даже до дне, в оньже умре, во вся дни живота его. # # BOOK 025 LAM Lamentations Плач Иеремии 025 LAM 001 001 Алеф. Како седе един град умноженный людьми: бысть яко вдовица, умноженный во языцех, владяй странами бысть под данию. 025 LAM 001 002 Беф. Плачя плакася в нощи, и слезы его на ланитех его, и несть утешаяй его от всех любящих его: вси дружащиися с ним отвергошася его, быша ему врази. 025 LAM 001 003 Гимель. Преселися Иуда ради смирения своего и ради множества работы своея: седе во языцех, не обрете покоя. Вси гонящии его постигнуша и среде стужающих ему. 025 LAM 001 004 Далеф. Путие Сиони рыдают, яко несть ходящих по них в праздник, вся врата его разорена, жерцы его воздыхают, девицы его ведомы, и сам огорчеваемь в себе. 025 LAM 001 005 Ге. Быша стужающии ему во главу, и врази его угобзишася, яко Господь смири его за множество нечестия его: младенцы его отидоша пленени пред лицем стужающаго. 025 LAM 001 006 Вав. И отяся от дщере Сиони вся лепота ея: быша князи ея яко овни не имущии пажити, и хождаху не с крепостию пред лицем гонящаго. 025 LAM 001 007 Заин. Помяну Иерусалим дни смирения своего и отриновений своих, вся вожделения своя, яже имеяше от дний первых, егда падоша людие его в руце стужающаго, и не бе помагающаго ему: видевше врази его посмеяшася о преселении его. 025 LAM 001 008 Иф. Грехом согреши Иерусалим, того ради в мятеж бысть: вси славящии его смириша и, видеша бо срам его: сей же стенящь обратися вспять. 025 LAM 001 009 Теф. Нечистота его пред ногама его, не помяну последних своих и низведеся пречудно: несть утешаяй его. Виждь, Господи, смирение мое, яко возвеличися враг. 025 LAM 001 010 Иод. Руку свою простре стужаяй на вся вожделенная его, виде бо языки вшедшыя во святыню свою, имже повелел еси не входити во церковь Твою. 025 LAM 001 011 Каф. Вси людие его воздыхающе ищут хлеба: даша вожделенная своя за пищу, еже бы обратити душу. Виждь, Господи, и призри, яко бых безчестен. 025 LAM 001 012 Ламед. Вси, иже к вам проходящии путем, обратитеся и видите, аще есть болезнь, яко болезнь моя, яже бысть: глаголавый о мне смири мя Господь в день гнева ярости Своея. 025 LAM 001 013 Мем. С высоты Своея посла огнь, в кости моя сведе его: простре сеть ногама моима, обрати мя вспять, даде мя Господь в погубление, весь день болезнующа. 025 LAM 001 014 Нун. Бдяше на нечестия моя, в руку моею сплетошася: взыдоша на выю мою, изнеможе крепость моя, яко даде Господь в руце мои болезни, не возмогу стати. 025 LAM 001 015 Самех. Отя вся крепкия моя Господь от среды мене, призва на мя время, еже сокрушити избранныя моя: точило истопта Господь девице, дщери Иудине: о сих аз плачу. 025 LAM 001 016 Аин. Очи мои излиясте воду, яко удалися от мене утешаяй мя, возвращаяй душу мою: погибоша сынове мои, яко возможе враг. 025 LAM 001 017 Фи. Возде руце свои Сион, несть утешаяй его. Заповеда Господь на Иакова, окрест его врази его: бысть Иерусалим яко осквернена кровоточением в них. 025 LAM 001 018 Цади. Праведен есть Господь, яко уста Его огорчих. Слышите убо, вси людие, и видите болезнь мою: девицы моя и юноты отидоша в плен. 025 LAM 001 019 Коф. Позвах любители моя, и тии прельстиша мя: жерцы мои и старцы мои во граде оскудеша, яко взыскаша пищи себе, да укрепят душы своя, и не обретоша. 025 LAM 001 020 Реш. Виждь, Господи, яко скорблю, утроба моя смятеся во мне, и превратися сердце мое, яко горести исполнихся: отвне обезчади мене мечь, аки смерть в дому. 025 LAM 001 021 Шин. Слышаша убо, яко воздыхаю аз, несть утешающаго мя. Вси врази мои слышаша злая моя и порадовашася, яко Ты сотворил еси: привел еси день, призвал еси время, и будут подобни мне. 025 LAM 001 022 Фав. Да приидет вся злоба их пред лице Твое, и отреби их, якоже сотвориша отребление о всех гресех моих, яко многа суть стенания моя, и сердце мое скорбит. 025 LAM 002 001 Алеф. Како омрачи во гневе Своем Господь дщерь Сионю: сверже с небесе на землю славу Израилеву, и не помяну подножия ногу Своею в день гнева и ярости Своея. 025 LAM 002 002 Беф. Погрузи Господь и не пощаде: вся красная Иаковля разори яростию Своею, твердыни дщере Иудины изверже на землю, оскверни царя ея и князи ея, 025 LAM 002 003 гимель. Сокруши во гневе ярости Своея весь рог Израилев, обрати вспять десницу его от лица врага, разжже во Иакове яко огнь пламы, и потреби вся окрест, 025 LAM 002 004 далеф. Напряже лук Свой яко ратник противный, утверди десницу Свою яко супостат и изби вся красная очию моею во селениих дщере Сиони, излия яко огнь ярость Свою. 025 LAM 002 005 Ге. Бысть Господь аки враг, погрузи Израиля, погрузи вся домы его, разсыпа вся стены его и умножи дщери Иудине смирена и смирену, 025 LAM 002 006 вав. И разверзе аки виноград селение Свое, разсыпа праздники Его: забы Господь, яже сотвори в Сионе праздники и субботы, и озлоби прещением гнева Своего царя и князя и жерца. 025 LAM 002 007 Заин. Отрину Господь жертвенник Свой, оттрясе святыню Свою, сокруши рукою вражиею стену забралов его: глас даша в дому Господни яко в день праздника. 025 LAM 002 008 Иф. Обратися Господь разсыпати стену дщере Сиони: протяже меру, не отврати руки Своея от попрания: и сетова предградие, и ограда вкупе изнеможе. 025 LAM 002 009 Теф. Врастоша в землю врата ея, погуби и сокруши вереи ея, царя ея и князи ея во языцех, несть закона, и пророцы ея не видеша видения от Господа. 025 LAM 002 010 Иод. Седоша на земли, умолкоша старейшины дщере Сиони, посыпаша персть на главы своя, препоясашася во вретища, низведоша в землю старейшин дев Иерусалимских. 025 LAM 002 011 Каф. Оскудеша очи мои в слезах, смутися сердце мое, излияся на землю слава моя о сокрушении дщере людий моих, внегда оскуде младенец и ссущий на стогнах градских. 025 LAM 002 012 Ламед. Матерем своим рекоша: где пшеница и вино? Внегда разслабленым быти им, яко язвеным на стогнах градских, егда изливахуся души их в лоно матерей их. 025 LAM 002 013 Мем. Что ти засвидетелствую? Или что уподоблю тебе, дщи Иерусалимля? Кто тя спасет и кто тя утешит, девице, дщи Сионя? Яко возвеличися чаша сокрушения твоего, кто тя изцелит? 025 LAM 002 014 Нун. Пророцы твои видеша тебе суетная и безумие и не открыша о неправде твоей, еже возвратити пленение твое, и видеша тебе словеса суетная и изриновения. 025 LAM 002 015 Самех. Восплескаша рукама о тебе вси минующии путем, позвиздаша и покиваша главою своею о дщери Иерусалимли, рекуще: сей ли град, венец славы, веселие всея земли? 025 LAM 002 016 Аин. Отверзоша на тя уста своя вси врази твои, позвиздаша и поскрежеташа зубы своими и реша: поглотим ю: обаче сей день, егоже чаяхом, обретохом его, видехом. 025 LAM 002 017 Фи. Сотвори Господь, яже помысли, сконча словеса Своя, яже заповеда от дний первых: разори и не пощаде, и возвесели о тебе врага, вознесе рог стужающаго ти. 025 LAM 002 018 Цади. Возопи сердце их ко Господу, стены дщере Сиони да излиют якоже водотеча слезы день и нощь: не даждь покоя себе, и да не умолкнет зеница очию твоею. 025 LAM 002 019 Коф. Востани, поучися в нощи в начале стражбы твоея, пролий яко воду сердце твое пред лицем Господним, воздвигни к Нему руце твои о душах младенец твоих, разслабленых гладом в начале всех исходов. 025 LAM 002 020 Реш. Виждь, Господи, и призри, кого еси отребил сице? Еда снедят жены плод утробы своея? Отребление сотвори повар, избиют ли младенцев ссущих сосцы? Убиеши ли во святыни Господни жерца и пророка? 025 LAM 002 021 Шин. Успоша на исходищих отрок и старец: девицы моя и юноты мои отидоша в плен, мечем и гладом избил еси, в день гнева Твоего сварил еси, не пощадел. 025 LAM 002 022 Фав. Призвал еси яко день праздника пришелствия моя окрест, и не бысть в день гнева Господня уцелевый и оставыйся, яко сотворих возмощи и умножих враги моя вся. 025 LAM 003 001 Алеф. Аз муж видя нищету (мою) в жезле ярости Его на мя: 025 LAM 003 002 поят мя и отведе мя во тму, а не во свет. 025 LAM 003 003 Обаче на мя обрати руку Свою весь день, 025 LAM 003 004 беф. Обетши плоть мою и кожу мою, кости моя сокруши: 025 LAM 003 005 согради на мя и объя главу мою и утруди, 025 LAM 003 006 в темных посади мя, якоже мертвыя века: 025 LAM 003 007 гимель. Согради на мя, и не изыду, отяготи оковы моя, 025 LAM 003 008 и егда воскричу и возопию, загради молитву мою: 025 LAM 003 009 возгради пути моя, загради стези моя, возмяте. 025 LAM 003 010 Далеф. Бысть яко медведь ловяй, (приседяй ми) яко лев в сокровенных, 025 LAM 003 011 гна отступившаго, и упокои мя, положи мя погибша: 025 LAM 003 012 напряже лук Свои, и постави мя яко знамение на стреляние, 025 LAM 003 013 ге. Пусти в лядвия моя стрелы тула Своего. 025 LAM 003 014 Бых в смех всем людем моим, песнь их весь день. 025 LAM 003 015 Насыти мя горести, напои мя желчи 025 LAM 003 016 вав. И изя каменем зубы моя, напита мя пепелом 025 LAM 003 017 и отрину от мира душу мою. Забых благоты 025 LAM 003 018 и рех: погибе победа моя и надежда моя от Господа. 025 LAM 003 019 Заин. Помяни нищету мою и гонение мое. 025 LAM 003 020 Горесть и желчь мою помяну, и стужит во мне душа моя. 025 LAM 003 021 Сия положу в сердцы моем, сего ради потерплю. 025 LAM 003 022 Иф. Милость Господня, яко не остави мене, не скончашася бо щедроты Его: пребываяй во утриих, помилуй, Господи, яко не погибохом, не скончашася бо щедроты Твоя. 025 LAM 003 023 Новая во утриих, многа есть вера Твоя. 025 LAM 003 024 Часть моя Господь, рече душа моя: сего ради пожду Его. 025 LAM 003 025 Теф. Благ Господь надеющымся Нань: 025 LAM 003 026 души ищущей Его благо (есть), и надеющейся с молчанием спасения Божия. 025 LAM 003 027 Благо есть мужу, егда возмет ярем в юности своей: 025 LAM 003 028 иод. Сядет на едине и умолкнет, яко воздвигну на ся: 025 LAM 003 029 положит во прахе уста своя, негли како будет надежда: 025 LAM 003 030 подаст ланиту свою биющему, насытится укоризн. 025 LAM 003 031 Каф. Яко не во век отринет Господь, 025 LAM 003 032 яко смиривый помилует по множеству милости Своея, 025 LAM 003 033 не отрину от сердца Своего и смири сыны мужеския. 025 LAM 003 034 Ламед. Еже смирити под нозе его вся узники земныя, 025 LAM 003 035 еже уклонити суд мужа пред лицем Вышняго, 025 LAM 003 036 осудити человека, внегда судитися ему, Господь не рече. 025 LAM 003 037 Мем. Кто есть той, иже рече, и быти, Господу не повелевшу? 025 LAM 003 038 Из уст Вышняго не изыдет зло и добро. 025 LAM 003 039 Что возропщет человек живущь, муж о гресе своем? 025 LAM 003 040 Нун. Изыскася путь наш и испытася, и обратимся ко Господу. 025 LAM 003 041 Воздвигнем сердца наша с руками к Богу высокому на небеси. 025 LAM 003 042 Мы согрешихом и нечествовахом, сего ради не помиловал еси: 025 LAM 003 043 самех. Покрыл еси яростию и отгнал еси нас, убил и не пощадел еси: 025 LAM 003 044 покрылся еси облаком, да не дойдет к Тебе молитва, 025 LAM 003 045 сомжити очи мои и отринути, положил еси нас посреде людий. 025 LAM 003 046 Аин. Отверзоша на ны уста своя вси врази наши. 025 LAM 003 047 Страх и ужас бысть нам, надмение и сокрушение: 025 LAM 003 048 исходища водная излиет око мое о сокрушении дщере людий моих. 025 LAM 003 049 Фи. Око мое погрязну: и не умолкну, еже не быти ослаблению, 025 LAM 003 050 дондеже приклонится и увидит Господь с небесе. 025 LAM 003 051 Око мое закрывается о души моей, паче всех дщерей града. 025 LAM 003 052 Цади. Ловяще уловиша мя яко врабия врази мои туне: 025 LAM 003 053 умориша в рове жизнь мою и возложиша на мя камень. 025 LAM 003 054 Возлияся вода выше главы моея: рех: отриновен есмь. 025 LAM 003 055 Коф. Призвах имя Твое, Господи, из рова преисподняго: 025 LAM 003 056 глас мой услышал еси: не покрый ушес Твоих на мольбу мою: 025 LAM 003 057 на помощь мою приближился еси, в день, в оньже призвах Тя, рекл ми еси: не бойся. 025 LAM 003 058 Реш. Судил еси, Господи, прю души моея, избавил еси жизнь мою: 025 LAM 003 059 видел еси, Господи, смятения моя, разсудил еси суд мой: 025 LAM 003 060 веси все отмщение их и вся помышления их на мя. 025 LAM 003 061 Шин. Слышал еси укоризны их, вся советы их на мя, 025 LAM 003 062 устне востающих на мя и поучение их на мя весь день, 025 LAM 003 063 седение их и востание их: призри на очи их. 025 LAM 003 064 Фав. Воздаси им, Господи, воздаяние по делом руку их: 025 LAM 003 065 воздаси им заступление, сердца моего труд. 025 LAM 003 066 Ты их проженеши во гневе и потребиши их под небесем, Господи. 025 LAM 004 001 Алеф. Како потемне злато, изменися сребро доброе: разсыпашася камыцы святыни в начале всех исходов. 025 LAM 004 002 Беф. Сынове Сиони честнии, одеянии златом чистым, како вменишася в сосуды глиняны, дела рук скудельничих. 025 LAM 004 003 Гимель. Еще же змиеве обнажиша сосцы, воздоиша скимни их дщерей людий моих в неизцеление, якоже птица во пустыни. 025 LAM 004 004 Далеф. Прильпе язык ссущаго к гортани его в жажди, младенцы просиша хлеба, и несть им разломляющаго. 025 LAM 004 005 Ге. Ядуще сладостная погибоша во исходех, питаемии на багряницах одеяшася в гной. 025 LAM 004 006 Вав. И возвеличися беззаконие дщере людий моих паче беззакония Содомска, превращенныя во окомгновении, и не поболеша о ней руками. 025 LAM 004 007 Заин. Очистишася назорее ея паче снега и просветишася паче млека, чермни быша, паче камене сапфира усечение их. 025 LAM 004 008 Иф. Потемне паче сажи вид их, не познани быша во исходех: прильпе кожа их костем их, изсхоша, быша яко древо. 025 LAM 004 009 Теф. Лучше быша язвении мечем, нежели погублени гладом: сии бо истлеша от неплодности земли. 025 LAM 004 010 Иод. Руце жен милосердых свариша дети своя, быша в ядь им, в сокрушении дщере людий моих. 025 LAM 004 011 Каф. Сконча Господь ярость Свою, излия ярость гнева Своего и возжже огнь в Сионе, и пояде основания его. 025 LAM 004 012 Ламед. Не вероваша царие земстии и вси живущии во вселенней, яко внидет враг и стужаяй сквозе врата Иерусалимская, 025 LAM 004 013 мем. Ради грех пророков его и неправд жерцев его, проливающих кровь праведну посреде его. 025 LAM 004 014 Нун. Поколебашася бодрии его на стогнах, осквернишася в крови, внегда немощи им, прикоснушася одежд своих. 025 LAM 004 015 Самех. Отступите от нечистых, призовите их: отступите, отступите, не прикасайтеся, яко возжгошася и восколебашася: рцыте во языцех: не приложат, еже обитати (с ними). 025 LAM 004 016 Аин. Лице Господне часть их, не приложит призрети на них: лица жреческа не устыдешася, старых не помиловаша. 025 LAM 004 017 Фи. Еще сущым нам оскудеша очи наши, на помощь нашу всуе смотрящым нам, внегда надеяхомся на язык не спасающь. 025 LAM 004 018 Цади. Уловиша малых наших еже не ходити на стогнах наших, приближися время наше, исполнишася дние наши, настоит конец наш. 025 LAM 004 019 Коф. Скорейшии быша гонящии ны паче орлов небесных, на горах гоняху нас, в пустыни приседоша нам. 025 LAM 004 020 Реш. Дух лица нашего, помазанный Господь ят бысть в растлениих их, о немже рехом: в сени его поживем во языцех. 025 LAM 004 021 Шин. Радуйся и веселися, дщи Идумейска, живущая на земли, и на тебе приидет чаша Господня, и упиешися и излиеши. 025 LAM 004 022 Фав. Скончася беззаконие твое, дщи Сионя, не приложит ктому преселити тя: посетил есть беззакония твоя, дщи Едомля, откры нечестия твоя. 025 LAM 005 001 Молитва Иеремии пророка. Помяни, Господи, что бысть нам: призри и виждь укоризну нашу: 025 LAM 005 002 достояние наше обратися к чуждим и домы нашя ко иноплеменником: 025 LAM 005 003 сири быхом, несть отца, матери нашя яко вдовы. 025 LAM 005 004 Воду нашу за сребро пихом, дрова наша за цену куповахом: 025 LAM 005 005 на выя нашя гоними быхом, трудихомся, не почихом. 025 LAM 005 006 Египет даде руку, Ассур в насыщение их. 025 LAM 005 007 Отцы наши согрешиша, и несть их, мы же беззакония их подяхом. 025 LAM 005 008 Раби обладаша нами, избавляющаго несть от руку их. 025 LAM 005 009 В душах наших носихом хлеб наш, от лица меча в пустыни. 025 LAM 005 010 Кожа наша аки пещь обгоре, разседошася от лица бурей глада. 025 LAM 005 011 Жен в Сионе смириша, девиц во градех Иудиных. 025 LAM 005 012 Князи в руках их повешени быша, старейшины не прославишася. 025 LAM 005 013 Избраннии плачь подяша, и юноши в кладе изнемогоша. 025 LAM 005 014 И старцы от врат оскудеша, избраннии от песней своих умолкоша. 025 LAM 005 015 Разсыпася радость сердец наших, обратися в плачь лик наш, 025 LAM 005 016 спаде венец со главы нашея: горе нам, яко согрешихом. 025 LAM 005 017 О сем смутися сердце наше, о сем померкнуша очи наши. 025 LAM 005 018 На горе Сионе, яко погибе, лисицы ходиша. 025 LAM 005 019 Ты же, Господи, во веки вселишися, престол Твой в род и род. 025 LAM 005 020 Вскую во веки забываеши нас, оставиши ли нас в продолжение дний? 025 LAM 005 021 Обрати ны, Господи, к Тебе, и обратимся, и вознови дни нашя якоже прежде. 025 LAM 005 022 Яко отревая отринул еси нас, разгневался еси на ны зело. # # BOOK 026 EZE Ezekiel Книга пророка Иезекииля 026 EZE 001 001 И бысть в тридесятое лето, в четвертый месяц, в пятый день месяца, и аз бых посреде пленения при реце Ховар: и отверзошася небеса, и видех видения Божия. 026 EZE 001 002 В пятый день месяца, сие лето пятое пленения царя Иоакима, 026 EZE 001 003 и бысть слово Господне ко Иезекиилю сыну Вузиеву, священнику, в земли Халдейстей при реце Ховар. И бысть на мне рука Господня, 026 EZE 001 004 и видех, и се, дух воздвизаяйся грядяше от севера, и облак великий в нем, и свет окрест его, и огнь блистаяйся: 026 EZE 001 005 и посреде его яко видение илектра посреде огня, и свет в нем: и посреде яко подобие четырех животных. И сие видение их, яко подобие человека в них: 026 EZE 001 006 и четыри лица единому, и четыри крила единому, 026 EZE 001 007 и голени их правы, и пернаты ноги их, и искры яко блистающаяся медь, и легка крила их, 026 EZE 001 008 и рука человеча под крилами их на четырех странах их: 026 EZE 001 009 и лица их, и крила их четырех держащаяся друг друга, лица же их четырех не обращахуся внегда ходити им: коеждо прямо лица своего хождаху. 026 EZE 001 010 И подобие лиц их, лице человечее и лице львово одесную четырем, и лице телчее ошуюю четырем, и лице орлее четырем: 026 EZE 001 011 (и лица их) и крила их простерта свыше четырем, коемуждо два сопряжена друг ко другу, и два покрываху верху телесе их, и коеждо прямо лицу своему идяше: 026 EZE 001 012 идеже аще бяше дух шествуяй, идяху и не обращахуся. 026 EZE 001 013 И посреде животных видение, яко углия огня горящаго, яко видение свещ сообращающихся посреде животных, и свет огня, и от огня исхождаше яко молния: 026 EZE 001 014 и животная течаху и обращахуся, яко видение везеково. 026 EZE 001 015 И видех, и се, коло едино на земли держащееся животных четырех: 026 EZE 001 016 и видение колес и сотворение их, яко видение Фарсиса, и подобие едино четырем: и дело их бяше, якоже аще бы было коло в колеси: 026 EZE 001 017 на четыри страны их шествоваху: не обращахуся, внегда шествовати им, 026 EZE 001 018 ниже хребты их, и высота бяше им. И видех та, и плеща их исполнена очес окрест четырем: 026 EZE 001 019 и внегда шествовати животным, шествоваху и колеса держащеся их: и внегда воздвизатися животным от земли, воздвизахуся и колеса. 026 EZE 001 020 Идеже аще бяше облак, тамо бяше и дух, еже шествовати: шествоваху и животная, и колеса воздвизахуся с ними, зане дух жизни бяше в колесех. 026 EZE 001 021 Внегда идяху сия, идяху (и колеса), и внегда стояти им, стояху (и колеса с ними), и егда воздвизахуся от земли, воздвизахуся с ними (и колеса), яко дух жизни бяше в колесех. 026 EZE 001 022 И подобие над главою животных яко твердь, яко видение кристалла, простертое над крилами их свыше: 026 EZE 001 023 и под твердию крила их простерта, паряще друг ко другу, комуждо два спряжена, прикрывающе телеса их. 026 EZE 001 024 И слышах глас крил их, внегда паряху, яко глас вод многих, яко глас Бога Саддаи: и внегда ходити им, глас слова яко глас полка: и внегда стояти им, почиваху крила их. 026 EZE 001 025 И се, глас превыше тверди сущия над главою их: внегда стояти им, низпускахуся крила их. 026 EZE 001 026 И над твердию, яже над главою их, яко видение камене сапфира, подобие престола на нем, и на подобии престола подобие якоже вид человечь сверху. 026 EZE 001 027 И видех яко видение илектра, яко видение огня внутрь его окрест: от видения чресл и выше и от видения чресл даже до долу видех видение огня, и свет его окрест: 026 EZE 001 028 яко видение дуги, егда есть на облацех в день дождя, тако стояние света окрест. 026 EZE 002 001 Сие видение подобие славы Господни. И видех, и падох ниц, и слышах глас Глаголющаго, и рече ко мне: сыне человечь, стани на ноги твоя, и возглаголю тебе. 026 EZE 002 002 И прииде на мя дух, и взя мя, и воздвиже мя, и постави мя на ногах моих, и слышах Его глаголюща ко мне. 026 EZE 002 003 И рече (Господь) ко мне: сыне человечь, послю тя Аз к дому Израилеву, огорчевающым Мя, иже огорчиша Мя: сами и отцы их отвергошася Мене до днешняго дне: 026 EZE 002 004 и сынове жестоколичнии и твердосердечнии. Аз послю тя к тем, и речеши к ним: тако глаголет Адонаи Господь: 026 EZE 002 005 аще убо услышат, или убоятся, зане дом огорчеваяй есть, и познают, яко пророк еси ты посреде их. 026 EZE 002 006 И ты, сыне человечь, да не убоишися их, ни ужасайся от лица их: зане разсверепеют и обыдут тя окрест, посреде бо скорпиев ты живеши: словес их не убойся и от лица их не ужасайся, зане дом огорчеваяй есть: 026 EZE 002 007 и возглаголеши словеса Моя к ним, аще убо услышат, или убоятся, зане дом прогневаяй есть. 026 EZE 002 008 И ты, сыне человечь, послушай Глаголющаго к тебе, не буди огорчеваяй, якоже дом преогорчеваяй: отверзи уста твоя и снеждь, яже Аз даю тебе. 026 EZE 002 009 И видех, и се, рука простерта ко мне, и в ней свиток книжный: 026 EZE 002 010 и разви его предо мною, и в том писана быша предняя и задняя: и вписано бяше в нем рыдание и жалость и горе. 026 EZE 003 001 И рече ко мне: сыне человечь, снеждь свиток сей, и иди и рцы сыном Израилевым. 026 EZE 003 002 И отверзох уста моя, и напита мя свитком сим 026 EZE 003 003 и рече ко мне: сыне человечь, уста твоя снедят, и чрево твое насытится свитка сего даннаго тебе. И снедох его, и бысть во устех моих яко мед сладок. 026 EZE 003 004 И рече ко мне: сыне человечь иди и вниди в дом Израилев, и глаголи словеса Моя к ним: 026 EZE 003 005 яко не к людем глубокоречивым и косноязычным посылаемь еси, к дому Израилеву, 026 EZE 003 006 ниже к людем многим иноязычным, иноречивым, ни тяжким языком сущым, ихже не разумел бы еси словес: аще же и к тацем послал бых тя, то и тии послушали быша тебе: 026 EZE 003 007 а дом Израилев не восхощет послушати тебе, понеже не хотят слушати Мене, яко весь дом Израилев непокориви суть и жестокосерди: 026 EZE 003 008 и се, дах лице твое сильно противу лица их, и прю твою укреплю противу при их: 026 EZE 003 009 и будет, всегда крепчае камене дах прю твою: не убойся их, ни ужасайся лица их, зане дом разгневаяй есть. 026 EZE 003 010 И рече ко мне: сыне человечь, вся словеса, яже глаголах с тобою, возми в сердце твое и ушима твоима послушай: 026 EZE 003 011 и шед вниди в плен к сыном людий твоих, и речеши к ним и возглаголеши к ним: тако глаголет Адонаи Господь: аще убо послушают и аще убо повинутся. 026 EZE 003 012 И взя мя дух, и слышах глас за собою труса велика, глаголющих: благословена слава Господня от места Его. 026 EZE 003 013 И видех глас крил животных скриляющихся друг ко другу, и глас колес держащься их, и глас труса велика. 026 EZE 003 014 И дух воздвиже мя и взя мя, и поидох вознесен во устремлении духа моего, и рука Господня бысть на мне крепкая. 026 EZE 003 015 И внидох в пленники вознесен, и обыдох живущыя на реце Ховар, и седох ту седмь дний, ходя посреде их. 026 EZE 003 016 И бысть по седмих днех слово Господне ко мне глаголя: 026 EZE 003 017 сыне человечь стража дах тя дому Израилеву, да слышиши слово от уст Моих и воспретиши им от Мене. 026 EZE 003 018 Внегда глаголати Ми беззаконнику: смертию умреши: и не возвестиши ему, ни соглаголеши, еже остатися беззаконнику и обратитися от пути своего, еже живу быти ему: беззаконник той в беззаконии своем умрет, крове же его от руки твоея взыщу. 026 EZE 003 019 И ты аще возвестиши беззаконнику, и не обратится от беззакония своего и от пути своего (беззаконна): той беззаконник во беззаконии своем умрет, а ты душу твою избавиши. 026 EZE 003 020 И егда совратится праведник от правд своих и сотворит согрешение: и дам муку пред ним, той умрет, яко ты не воспретил еси ему, и во гресех своих умрет, зане не помянутся правды его, яже сотвори: крове же его от руки твоея взыщу. 026 EZE 003 021 Ты же аще возвестиши праведному, еже не согрешити, и той не согрешит: праведный жизнию поживет, яко воспретил еси ему, и ты твою душу избавиши. 026 EZE 003 022 И бысть на мне рука Господня, и рече ко мне: востани и изыди на поле, и тамо возглаголется к тебе. 026 EZE 003 023 И востах и изыдох на поле: и се, тамо слава Господня стояше, якоже видение и якоже слава Господня, юже видех на реце Ховар, и падох на лицы моем. 026 EZE 003 024 И прииде на мя дух и постави мя на ногу моею: и глагола ко мне и рече ми: вниди и затворися среде дому твоего. 026 EZE 003 025 И ты, сыне человечь, се, дашася на тя узы, и свяжут тя ими, и не изыдеши от среды их: 026 EZE 003 026 и язык твой привяжу к гортани твоему, и онемееши и не будеши им в мужа обличения, понеже дом разгневаяй есть: 026 EZE 003 027 и внегда глаголати Ми к тебе, отверзу уста твоя, и речеши к ним: сия глаголет Адонаи Господь: слышай да слышит, и не покаряяйся да не покаряется, зане дом преогорчеваяй есть. 026 EZE 004 001 И ты, сыне человечь, возми себе плинфу и положи ю пред лицем твоим, и да напишеши на ней град Иерусалим, 026 EZE 004 002 и да даси окрест его ограждение, и да соградиши над ним забрала и обложиши его острогом, и да поставиши окрест его полки и да учиниши поставления стрельниц окрест: 026 EZE 004 003 ты же возми себе сковраду железну, и да положиши ю в стену железну между тобою и между градом, и да уготовиши лице твое нань, и будет в затворе, и затвориши и: знамение сие есть сыном Израилевым. 026 EZE 004 004 Ты же да спиши на левем боку твоем, и да положиши неправды дому Израилева на нем, по числу дний пятьдесят и сто, в няже поспиши на нем, и возмеши неправды их. 026 EZE 004 005 И Аз дах тебе две неправды их в число дний, в девятьдесят и сто дний, и возмеши неправды дому Израилева. 026 EZE 004 006 И совершиши сия, и поспиши на десных ребрех твоих второе, и возмеши неправды дому Иудина четыредесять дний, день за едино лето положих тебе. 026 EZE 004 007 И на заключение Иерусалима да уготоваеши лице твое, и мышцу твою утвердиши, и пророчествовати будеши на него. 026 EZE 004 008 И се, Аз дах на тя узы, и не превратишися от ребр твоих на ребра твоя, дондеже скончаются дние заключения твоего. 026 EZE 004 009 Ты же (сыне человечь) возми себе пшеницу и ячмень, и боб и лящу, и просо и пыро, и вложиши я в сосуд един глинян: и сотвориши я себе в хлебы, и по числу дний, в няже спиши на ребрех твоих, девятьдесят и сто дний ясти будеши оныя. 026 EZE 004 010 Ядь же твоя, юже ясти будеши, весом двадесять сикль на день, от времене до времене снеси сия. 026 EZE 004 011 И воду мерою пити будеши, и шестую часть ина от времене до времене испиеши. 026 EZE 004 012 И опреснок ячменный снеси я, в лайне мотыл человечих сокрыеши я пред очима их 026 EZE 004 013 и речеши: сия глаголет Господь Бог Израилев: тако снедят сынове Израилевы хлеб свой нечист во языцех, аможе разсыплю я. 026 EZE 004 014 И рех: никакоже, Господи Боже Израилев! Се, душа моя не осквернилася в нечистоте, и мертвечины и звероядины не ядох от рождения моего даже доныне, ниже вниде во уста моя всякое мясо мерзко и сквернаво. 026 EZE 004 015 И рече ко мне: се, дах тебе мотыла говяжая вместо мотыл человечих, и сотвориши хлебы себе в них. 026 EZE 004 016 И рече ко мне: сыне человечь, се, Аз сотру утверждение хлебное во Иерусалиме, и снедят хлеб весом и во оскудении, и воду мерою и в пагубе испиют, 026 EZE 004 017 яко да скудни будут хлебом и водою: и погибнет человек и брат его, и истают в неправдах своих. 026 EZE 005 001 Ты же, сыне человечь, возми себе мечь остр паче бритвы стригущаго, притяжи его себе и возложи его на главу твою и на браду твою: и возми превес весов, и размериши я. 026 EZE 005 002 Четвертую часть да сожжеши на огни среде града по исполнению дний затворения: 026 EZE 005 003 и да возмеши четвертую часть и сожжеши ю среде града, четвертую же часть содробиши мечем окрест его, и четвертую часть разсыплеши ветром: и мечь извлеку вслед их. 026 EZE 005 004 И возмеши оттуду мало их числом и ввяжеши я во одежду твою: и от техже возмеши еще и ввержеши я среде огня и сожжеши я на огни: и от того изыдет огнь на весь дом Израилев. И речеши всему дому Израилеву: 026 EZE 005 005 сия глаголет Адонаи Господь: сей Иерусалим, посреде языков положих его, и страны, яже окрест его. 026 EZE 005 006 И речеши: измени оправдания Моя паче языков, и законы Моя паче стран, яже окрест его: понеже оправдания Моя отринуша и по законом Моим не ходиша в них. 026 EZE 005 007 Сего ради тако глаголет Адонаи Господь: понеже вина ваша паче язык, иже окрест вас, и не ходисте и законех Моих и оправданий Моих не сотвористе, но и по судом языческим, яже окрест вас, не сотвористе: 026 EZE 005 008 сего ради сия глаголет Адонаи Господь: се, Аз на тя, и сотворю среде тебе суд пред языки, 026 EZE 005 009 и сотворю среде тебе, ихже не сотворих и ихже не сотворю подобных им ктому, по всем мерзостем твоим. 026 EZE 005 010 Сего ради отцы снедят чад среде тебе, и чада снедят отцев: и сотворю в тебе суды, и разсею вся оставшая от тебе по всему ветру. 026 EZE 005 011 Сего ради живу Аз, глаголет Адонаи Господь, воистинну понеже святая Моя осквернил еси всеми мерзостьми твоими, и Аз отрину тя, и не пощадит око Мое, и Аз не помилую тя. 026 EZE 005 012 Четверть тебе смертию потребится, и четверть тебе гладом скончается среде тебе, четверть же тебе падет мечем окрест тебе, четверть же тебе разсыплю по всему ветру, и мечь извлеку вслед их. 026 EZE 005 013 И скончается ярость Моя и гнев Мой на них, и утешуся, и уведят, яко Аз Господь глаголах во рвении Моем, внегда скончати ми гнев Мой на них. 026 EZE 005 014 И положу тя в пустыню и во укоризну языком сущым окрест тебе и пред всяким проходящим. 026 EZE 005 015 И будеши во стенание и ужас, наказанием и пагубою во языцех, иже окрест тебе, егда сотворю в тебе суды во гнев и в ярость и во отмщение ярости Моея: Аз Господь глаголах: 026 EZE 005 016 и егда послю стрелы глада на ня, и будут во скончание, и послю растлити вы, и глад соберу на вы, и сотру утверждение хлеба твоего, 026 EZE 005 017 и испущу на тя глад и звери люты, и умучу тя, смерть же и кровь пройдут сквозе тя, и мечь наведу на тя окрест: Аз Господь глаголах. 026 EZE 006 001 И бысть слово Господне ко мне глаголя: 026 EZE 006 002 сыне человечь, утверди лице твое к горам Израилевым и прорцы к ним, 026 EZE 006 003 и речеши: горы Израилевы, слышите слово Господне, сия глаголет Адонаи Господь горам и холмом, и каменем и дебрем: се, Аз наведу на вы мечь, и потребятся высоты вашя: 026 EZE 006 004 и сокрушатся требища ваша и кумирницы вашя, и повергу язвеных ваших пред кумиры вашими: 026 EZE 006 005 и дам трупы сынов Израилевых пред кумиры их и расточу кости вашя окрест требищ ваших. 026 EZE 006 006 И во всем селении вашем опустеют грады, и высокая ваша погибнут, яко да потребятся требницы ваши и сокрушатся, и престанут кумиры ваши, и отвергутся кумирницы вашя, и потребятся дела ваша: 026 EZE 006 007 и падут язвении посреде вас, и познаете, яко Аз Господь. 026 EZE 006 008 И оставлю еже быти от вас избегшым от меча во языцех, и в разсыпании вашем во странах, 026 EZE 006 009 и помянут Мя уцелевшии от вас во языцех, аможе быша пленени: кляхся бо сердцу их блудившему и отставшему от Мене и очесем их блудившым вслед начинаний их: и бити имут лица своя о злобах, яже твориша во всех мерзостех своих, 026 EZE 006 010 и познают, яко Аз Господь не туне глаголах сотворити им вся злая сия. 026 EZE 006 011 Тако глаголет Адонаи Господь: восплещи рукою и вострепли ногою и рцы: благоже, благоже о всех мерзостех злобы дому Израилева: яко мечем и гладом и смертию падут. 026 EZE 006 012 Дальнии смертию скончаются, а ближнии мечем падут: оставшии же и обдержимии гладом скончаются: и скончаю гнев Мой на них, 026 EZE 006 013 и увесте, яко Аз Господь, егда будут язвении ваши среде кумир ваших окрест требищ ваших, на всяцем холме высоцем и на всех версех горних, и под дубом сенным и под всяким древом чащным, идеже даяху воню благоухания всем кумиром своим. 026 EZE 006 014 И простру руку Мою на ня, и положу землю в пагубу и в потребление от пустыни Девлафа, от всего селения их: и познаете, яко Аз Господь. 026 EZE 007 001 И бысть слово Господне ко мне глаголя: 026 EZE 007 002 и ты, сыне человечь, рцы: сия глаголет Господь: земли Израилеве конец прииде, конец прииде на четыри краи земли. 026 EZE 007 003 Пришел есть конец, ныне конец тебе, и испущу ярость Мою на тя, и отмщу тебе по путем твоим, и дам на тя вся мерзости твоя. 026 EZE 007 004 Не пощадит око Мое на тя, и не помилую, зане путь твой на тя дам, и мерзости твоя среде тебе будут, и увеси, яко Аз Господь. 026 EZE 007 005 Темже сия глаголет Адонаи Господь: зло едино зло, се, идет. 026 EZE 007 006 Конец пришел есть, прииде конец, воста на тя, се, прииде. 026 EZE 007 007 Прииде плетение на тя живущаго на земли: прииде время, приближися день, не с молвою, ниже с болезньми. 026 EZE 007 008 Ныне изблизу излию гнев Мой на тя и скончаю ярость Мою на тебе, и осужду тя по путем твоим и дам на тя вся мерзости твоя. 026 EZE 007 009 Не пощадит око Мое, и не помилую, зане пути твоя на тя дам, и мерзости твоя посреде тебе будут, и познаеши, яко Аз Господь бияй. 026 EZE 007 010 Се, день Господень приходит, се, конец пришел есть, изыде плетение, и процвете жезл, 026 EZE 007 011 прозябе укоризна, и сокрушит утверждение беззаконника: и не с плищем, ни с потщанием: и не от них суть, и несть красы в них. 026 EZE 007 012 Прииде время, приближися день: купуяй да не радуется, и продаяй да не плачется, яко гнев на все множество их. 026 EZE 007 013 Занеже притяжаваяй ко продающему ктому не возвратится, и еще в жизни живущему, яко видение на все множество их не возвратится, и человек во очесех жизни своея не укрепится. 026 EZE 007 014 Вострубите трубою и разсудите вся, и не будет грядущаго на рать, яко гнев Мой на все множество их. 026 EZE 007 015 Рать отвне с мечем, глад же и смерть извнутрь: иже на поли мечем скончается, сущих же во граде глад и смерть скончает. 026 EZE 007 016 И уцелеют спасеннии от них и будут на горах яко голубицы скорбяще: и всех избию, коегождо в неправдах его. 026 EZE 007 017 Вся руки разслабеют, и вся стегна окаляются мокростию. 026 EZE 007 018 И препояшутся во вретища, и покрыет я ужас: и на всяцем лицы срам на них, и на всяцей главе плешь. 026 EZE 007 019 Сребро их на стогнах повержется, и злато их презрено будет: сребро их и злато не возможет избавити их в день гнева Господня, души их не насытятся, и чрева их не наполнятся, зане казнь неправостей их бысть. 026 EZE 007 020 Избранныя утвари в гордыню положиша я, и образы мерзостей своих и гнусности сотвориша от них: сего ради дах оная им в нечистоту. 026 EZE 007 021 И предам я в чуждия руце, еже разграбити я, и губителем земли в корысти, и осквернят я. 026 EZE 007 022 И отвращу лице Мое от них, и осквернят стражбу Мою, и внидут в ня неопасно, и осквернят я: 026 EZE 007 023 и сотворят мятеж, понеже земля полна суда крове, и град полн беззакония. 026 EZE 007 024 И приведу злыя языки, и наследят домы их: и отвращу величание крепости их, и осквернятся святая их. 026 EZE 007 025 И моление приидет, и взыщет мира, и не будет. 026 EZE 007 026 Горе на горе будет, и весть на весть будет, и не будет видение от пророка, и закон погибнет от жерца и совет от старец. 026 EZE 007 027 Царь восплачется, и князь облечется в пагубу, и руки людий земли разслабеют: по путем их сотворю им и по судом их отмщу им, и уразумеют, яко Аз Господь. 026 EZE 008 001 И бысть в лето шестое в шестый месяц, в пятый день месяца, аз седех в дому моем, и старейшины Иудины седяху предо мною, и бысть на мне рука Адоная Господа. 026 EZE 008 002 И видех, и се, подобие мужа, от чресл его и даже до низу огнь, от чресл же его в верх его якоже видение зари и яко взор илектра. 026 EZE 008 003 И простре подобие руки и взя мя за верх главы моея, и взя мя дух среде земли и среде небесе и веде мя во Иерусалим в видении Божии на преддверие врат внутреннейших зрящих на север, идеже бе столп и образ ревности притяжавающаго. 026 EZE 008 004 И се, ту бяше слава Господа Бога Израилева по видению, еже видех на поли. 026 EZE 008 005 И рече ко мне: сыне человечь, воззри очима твоима на север. И воззрех очима моима на север, и се, от севера ко вратом зрящым на восток требника, идеже образ рвения сего во входе. 026 EZE 008 006 И рече ко мне: сыне человечь, видел ли еси, что сии творят? Беззакония велика дом Израилев творит зде, еже удалятися от святынь Моих: и еще обратився узриши болшая беззакония. 026 EZE 008 007 И введе мя ко предвратию двора, и видех, и се, скважня едина в стене. 026 EZE 008 008 И рече ко мне: сыне человечь, раскопай стену. И раскопах, и се, дверь едина. 026 EZE 008 009 И рече ко мне: вниди и виждь беззакония злая, яже творят сии зде. 026 EZE 008 010 И внидох и видех, и се, всякое подобие гада и скота, суетная гнушения и всяцыи кумиры дому Израилева написани быша на стене всюду около. 026 EZE 008 011 И седмьдесят мужей от старейшин дому Израилева, и Иезониа сын Сафанов посреде их стояше пред лицем их, и кийждо кадилницу свою имеяше в руце своей, и дым кадила восхождаше. 026 EZE 008 012 И рече ко мне: видел ли еси, сыне человечь, яже старцы дому Израилева творят зде, кийждо их на ложи тайнем своем, зане реша: не видит Господь, оставил Господь землю. 026 EZE 008 013 И рече ко мне: еще обратися, и узриши беззакония болшая, яже сии творят. 026 EZE 008 014 И введе мя в преддверие врат дому Господня зрящих на север: и се, тамо жены седящыя плачущяся о Фаммузе. 026 EZE 008 015 И рече ко мне: сыне человечь, видел еси, и еще узриши мерзости их болшыя сих. 026 EZE 008 016 И введе мя во двор дому Господня внутренний, и в преддверие храма Господня, между Еламом и между жертвенником, яко двадесять и пять мужей, задняя своя давших ко храму Господню, и лица их прямо к востоку: и сии покланяются на восток солнцу. 026 EZE 008 017 И рече ко мне: видел еси, сыне человечь, еда мало дому Иудину, еже творити беззакония, яже сотвориша зде? Понеже наполниша землю беззакония, и обратишася разгневати Мя: и се, сии простирают лозу аки ругающеся Мне: 026 EZE 008 018 и Аз сотворю им с яростию: не пощадит око Мое, и не помилую: и воззовут во ушы Мои гласом великим, и не услышу их. 026 EZE 009 001 И возопи во ушы мои гласом великим, глаголя: приближися отмщение града: и кийждо имеяше сосуды истребления в руце своей. 026 EZE 009 002 И се, шесть мужей идоша от пути врат высоких зрящих на север, и коемуждо секира (погубления) в руце его: и муж един посреде их облечен в подир, и пояс от сапфира о чреслех его: и внидоша и сташа близ жертвенника медянаго. 026 EZE 009 003 И слава Бога Израилева взыде от Херувимов сущая на них в непокровенное дому: и призва мужа оболчена в подир, иже имеяше на чреслех своих пояс. 026 EZE 009 004 И рече Господь к нему: пройди среде града Иерусалима и даждь знамения на лица мужей стенящих и болезнующих о всех беззакониих бывающих среде их. 026 EZE 009 005 И сим рече, слышащу мне: идите во град вслед его, изсецыте и не пощадите очима вашима и не помилуйте: 026 EZE 009 006 старца и юношу и деву, и младенцы и жены избийте в потребление: а ко всем, на нихже есть знамение, не прикасайтеся: от освященных Моих начните. И начаша от мужей старых, иже беша внутрь в дому. 026 EZE 009 007 И рече к ним: оскверните дом, и наполните пути мертвецев исходяще, и изсецыте (сущих во граде). 026 EZE 009 008 И бысть внегда сечаху их, остах аз и падох ниц, и возопих и рех: горе, (горе, ) о, люте мне, Адонаю Господи! Еда потребляеши Ты останки Израилевы, егда разливаеши ярость Твою на Иерусалим? 026 EZE 009 009 И рече ко мне: неправда дому Израилева и Иудина возвеличися зело зело, яко наполнися земля людий многих, и град наполнися неправд и нечистот, яко реша: оставил есть Господь землю и не видит Господь. 026 EZE 009 010 И Аз есмь, и не пощадит око Мое, ни помилую, пути их на главы их дах. 026 EZE 009 011 И се, муж, оболченый в подир и препоясан поясом о чреслех своих, отвещаваше, глаголя: сотворих, якоже заповедал ми еси. 026 EZE 010 001 И видех, и се, верху тверди сущия над главою Херувимов, яко камень сапфировый, подобие престола на них. 026 EZE 010 002 И рече к мужу облеченому во утварь: вниди среде колес, яже под Херувимами, и наполни горсти твоя углия огненнаго от среды Херувимов и разсыпли на град. И вниде предо мною: 026 EZE 010 003 Херувими же стояху одесную дому, внегда вхождаше муж, и облак наполни двор внутренний. 026 EZE 010 004 И воздвижеся слава Господня от Херувимов в непокровение дому, и наполни дом облак, и двор наполнися сияния славы Господни: 026 EZE 010 005 и глас крил Херувимских слышашеся даже до внешняго двора, якоже глас Бога Саддаи глаголющаго. 026 EZE 010 006 И бысть внегда заповедаше мужу облеченому во утварь святую, глаголя: возми огнь от среды колес, иже среде Херувимов. И вниде и ста близ колес. 026 EZE 010 007 И простре Херувим руку свою в средину огня сущаго среде Херувимов, и взя и вдаде в руце оболченому во утварь святую, и взя и изыде. 026 EZE 010 008 И видех Херувимы, и се, подобие рук человечих под крилы их. 026 EZE 010 009 И видех, и се, четыри колеса стояху держащеся Херувимов: коло едино держашеся единаго Херувима, и коло едино держашеся другаго Херувима: взор же колес якоже взор камения анфракса: 026 EZE 010 010 и взор их подобие едино четырем, акибы было коло в колеси: 026 EZE 010 011 внегда идяху, на четыри части их идяху, и не обращахуся внегда идяху: яко, на неже место аще зряше начало едино, идяху (вслед его), и не обращахуся, внегда ити им. 026 EZE 010 012 Вся же телеса их и хребты их, и руце их и крила их и колеса полна очес окрест четырех колес. 026 EZE 010 013 Колесам же сим воззвася гелгель, слышащу мне. 026 EZE 010 014 Четыри же лица коемуждо их: единому лице херувимле, лице же другому лице человечо, третие же лице львово и четвертое лице орлее. 026 EZE 010 015 И взяшася Херувими: сие есть животное, еже видех на реце Ховар. 026 EZE 010 016 И егда идяху Херувими, идяху и колеса их, и сии держахуся их: и внегда воздвизаху Херувими крила своя, еже возвыситися от земли, не обращахуся колеса их, и та держахуся их: 026 EZE 010 017 егда стояху тии, стояху и они, и внегда возвышахуся тии, возвышахуся и они с ними: зане дух жизни бе в них. 026 EZE 010 018 И изыде слава Господня от непокровения дому и взыде на Херувимы. 026 EZE 010 019 И воздвигоша Херувими крила своя и возвысишася от земли предо мною: егда изыдоша тии, и колеса держахуся их: и сташа над преддверием врат Дому Господня, яже противу востоку, и слава Господа Бога Израилева бе над ними свыше. 026 EZE 010 020 Сие животное есть, еже видех под Богом Израилевым на реце Ховар, и познах, яко Херувими суть. 026 EZE 010 021 Четыри лица единому, и четыри крила единому, и подобие рук человечих под крилы их. 026 EZE 010 022 И подобие лиц их: сия лица суть, яже видех под славою Бога Израилева при реце Ховар воззрение их: и сия кождо прямо лицу своему идяху. 026 EZE 011 001 И воздвиже мя дух и возведе мя ко вратом дому Господня, яже прямо зрят на восток: и се, пред преддверием врат яко двадесять и пять мужей: и видех среде их Иехонию сына Иазерова и Фалтию Ванеова, старейшины людския. 026 EZE 011 002 И рече Господь ко мне: сыне человечь, сии мужие помышляющии суетная и совет творящии лукав во граде сем, 026 EZE 011 003 глаголющии: не в нове ли соградишася домове? Сей есть коноб, мы же мяса. 026 EZE 011 004 Сего ради прорцы на ня, прорцы, сыне человечь. 026 EZE 011 005 И нападе на мя Дух Господень и рече ко мне: глаголи, сия глаголет Господь: тако рекосте, доме Израилев, и умышления духа вашего Аз вем: 026 EZE 011 006 умножисте мертвецы вашя во граде сем и наполнисте пути его язвенных. 026 EZE 011 007 Того ради тако глаголет Адонаи Господь: мертвецы ваши, яже избисте среде его, тии суть мяса, а сей коноб есть, и вас изведу от среды его. 026 EZE 011 008 Меча боитеся, и мечь наведу на вас, глаголет Адонаи Господь: 026 EZE 011 009 и изведу вас от среды его и предам вас в руце чуждих и сотворю в вас суд: 026 EZE 011 010 мечем падете, на горах Израилевых сужду вам, и увесте, яко Аз Господь: 026 EZE 011 011 той не будет вам в коноб, и вы не будете посреде его в мяса: на горах Израилевых сужду вам, 026 EZE 011 012 и увесте, яко Аз Господь, яко по заповедем Моим не ходисте и судов Моих не сотвористе, но по обычаем языков сущих окрест вас сотвористе. 026 EZE 011 013 И бысть внегда прорицати ми, и Фалтиа сын Ванеов умре: и падох ниц и возопих гласом великим, глаголя: горе мне, люте мне, Адонаю Господи! На скончание ли твориши Ты останки Израилевы? 026 EZE 011 014 И бысть слово Господне ко мне глаголя: 026 EZE 011 015 сыне человечь, братия твоя и мужие плена твоего и весь дом Израилев скончася, имже рекоша живущии во Иерусалиме: далече удалитеся от Господа, нам дана есть земля в наследие. 026 EZE 011 016 Сего ради рекох: сия глаголет Адонаи Господь: яко отрину я во языки и разсею я по всей земли, и буду им во освящение мало во странах, аможе внидут тамо. 026 EZE 011 017 Сего ради рцы: сия глаголет Адонаи Господь: и прииму я от язык и соберу я от стран, идеже разсеях я в них, и дам им землю Израилеву: 026 EZE 011 018 и внидут тамо и отвергут вся мерзости ея и вся беззакония ея от нея: 026 EZE 011 019 и дам им сердце ино и дух нов дам им, и исторгну каменное сердце от плоти их и дам им сердце плотяно, 026 EZE 011 020 яко да в заповедех Моих ходят и оправдания Моя сохранят и сотворят я: и будут Ми в люди, и Аз им буду в Бога. 026 EZE 011 021 А ихже сердце по гнусностем их и по беззаконием их ходит, пути тех на главы их положу, глаголет Адонаи Господь. 026 EZE 011 022 И воздвигоша Херувими крила своя, и колеса держащаяся их: слава же Бога Израилева бе на них свыше их. 026 EZE 011 023 И взыде слава Господня от среды града и ста на горе, яже бяше прямо града на восток. 026 EZE 011 024 И дух взя мя и принесе мя на землю Халдейску в пленники, в видении, Духом Божиим. 026 EZE 011 025 И взыдох от видения, еже видех, и глаголах ко пленником вся словеса Господня, яже показа мне. 026 EZE 012 001 И бысть слово Господне ко мне глаголя: 026 EZE 012 002 сыне человечь, посреде неправд их ты живеши, иже очи имут видети, и не видят, и ушы имут, еже слышати, и не слышат, зане дом преогорчеваяй есть. 026 EZE 012 003 И ты, сыне человечь, сотвори себе сосуды пленнически, и пленен буди днем пред ними, и преселен буди от места твоего на место другое пред ними, яко да видят, зане дом прогневляяй есть. 026 EZE 012 004 И да изнесеши сосуды твоя, яко сосуд пленнический, днем пред очима их: ты же изыдеши в вечер пред ними, якоже исходит пленник. 026 EZE 012 005 Прокопай себе стену, и да изыдеши сквозе ю пред ними. 026 EZE 012 006 На раменех взят будеши и покровен изыдеши, лице твое покрыеши, и да не видиши земли, понеже чудо тя дах дому Израилеву. 026 EZE 012 007 И сотворих тако все, елико ми заповеда Господь: и сосуды изнесох яко сосуды пленничы днем, и в вечер прокопах себе стену рукою, и отай изыдох, и на рамена взят бых пред ними. 026 EZE 012 008 И бысть слово Господне заутра ко мне глаголя: 026 EZE 012 009 сыне человечь, не реша ли к тебе дом Израилев, дом прогневляяй: что ты твориши? 026 EZE 012 010 Рцы к ним: тако глаголет Господь Бог: ко князю и старейшинам Иерусалимлим, и всему дому Израилеву, иже суть среде их, 026 EZE 012 011 рцы, яко аз чудеса творю, якоже сотворих, сице им будет: во преселении и во пленении изыдут. 026 EZE 012 012 И князь среде их на рамена взят будет, и отай изыдет сквозе стену, и прокопает, еже ему изыти сквозе ю, лице свое покрыет, да не видимь будет очесы, и сам земли не узрит. 026 EZE 012 013 И простру мрежу Мою нань, и ят будет во одержании Моем, и введу его в Вавилон в землю Халдейску, и не узрит ея, и тамо скончается. 026 EZE 012 014 И вся, иже окрест его, помощники его, и вся заступающыя его разсею по всем ветром, и мечь излию вслед их: 026 EZE 012 015 и уведят, яко Аз Господь, егда разсыплю я во языки и разсею я по странам: 026 EZE 012 016 и оставлю от них мужы в число от меча и от глада и от смерти, яко да поведят вся беззакония их во языцех, аможе внидут: и уведят, яко Аз Господь. 026 EZE 012 017 И бысть слово Господне ко мне глаголя: 026 EZE 012 018 сыне человечь, хлеб твой с болезнию снеси и воду твою со страданием и скорбию испиеши. 026 EZE 012 019 И речеши к людем земли: сия глаголет Адонаи Господь живущым в Иерусалиме на земли Израилеве: хлебы своя с недостатком снедят и воду свою с пагубою испиют: яко да погибнет земля со исполнением своим, в нечестии бо вси живущии в ней. 026 EZE 012 020 И гради их населеннии опустеют, и земля их в погибель будет, и увесте, яко Аз Господь. 026 EZE 012 021 И бысть слово Господне ко мне глаголя: 026 EZE 012 022 сыне человечь, кая притча сия вам на земли Израилеве, глаголющым: долги дни, погибе всякое видение? 026 EZE 012 023 Сего ради рцы к ним: тако глаголет Адонаи Господь: отвращу притчу сию, и потом не рекут притчи тоя дом Израилев, яко речеши к ним: приближишася дние и слово всякаго видения. 026 EZE 012 024 Зане не будет ктому всякое видение ложное, и волхвуяй угодная среде сынов Израилевых. 026 EZE 012 025 Яко Аз Господь возглаголю словеса Моя, возглаголю и сотворю и не продолжу ктому: во дни вашя, доме прогневаяй, реку слово и сотворю, глаголет Адонаи Господь. 026 EZE 012 026 И бысть слово Господне ко мне глаголя: 026 EZE 012 027 сыне человечь, се, дом Израилев преогорчеваяй глаголюще глаголют: видение, еже сей видит, на дни многи, и на времена долга сей прорицает. 026 EZE 012 028 Сего ради рцы к ним: сия глаголет Господь Бог: не продолжатся ктому вся словеса Моя, яже возглаголю: яко возглаголю слово и сотворю, глаголет Адонаи Господь. 026 EZE 013 001 И бысть слово Господне ко мне глаголя: 026 EZE 013 002 сыне человечь, прорцы на пророки Израилевы прорицающыя и речеши пророком прорицающым от сердца своего, и прорцы и речеши к ним: слышите слово Господне, 026 EZE 013 003 сия глаголет Адонаи Господь: люте прорицающым от сердца своего, ходящым вслед духа своего, а отнюд не видящым. 026 EZE 013 004 Якоже лисицы в пустыни, (тако) пророцы твои (быша), Израилю! 026 EZE 013 005 Не сташа на тверди и собраша стада к дому Израилеву: не восташа глаголющии в день Господень, 026 EZE 013 006 видящии ложная и волхвующии суетная, глаголюще: тако глаголет Господь, Господь же не посла их, и начаша возставляти слово. 026 EZE 013 007 Не ложное ли убо видение видесте и волхвования суетная рекосте? И глаголете, рече Господь: Аз же не глаголах. 026 EZE 013 008 Сего ради рцы: сия глаголет Адонаи Господь: понеже словеса ваша лжива и волхвования ваша суетна, того ради, се, Аз на вы, глаголет Адонаи Господь, 026 EZE 013 009 и простру руку Мою на пророки видящыя лжу и провещавающыя суетная: в наказании людий Моих не будут, и в писании дому Израилева не впишутся, и в землю Израилеву не внидут, и уведят, яко Аз Адонаи Господь. 026 EZE 013 010 Понеже прельстиша людий Моих, глаголюще: мир, мир: и не бяше мира: и сей сограждает стену, а они помазуют ю, падется. 026 EZE 013 011 Глаголи к помазующым ю: падется, и будет туча потопляющая, и дам камение стрельное в свузы их, и падутся, и ветр воздвижущь размещет, и разсядется. 026 EZE 013 012 И се, падеся стена, и не рекут ли к вам: где есть помазание ваше, имже помазасте? 026 EZE 013 013 Того ради сия глаголет Адонаи Господь: и навергу бурю разоряющую со яростию, и туча потопляющи гневом Моим будет, и камение стрельное наведу яростию во скончание: 026 EZE 013 014 и раскопаю стену, юже помазасте, и падется, и положу ю на земли, и открыются основания ея, и падется, и скончаетеся со обличением и познаете, яко Аз Господь: 026 EZE 013 015 и скончаю ярость Мою на стене и на помазующих ю, и падет. И рекох к вам: несть стены, ни помазующих ея, 026 EZE 013 016 пророцы Израилевы, прорицающии на Иерусалим и видящии ему мир, и несть мира, глаголет Адонаи Господь. 026 EZE 013 017 И ты, сыне человечь, утверди лице твое на дщери людий твоих, на прорицающыя от сердца своего, и прорцы на них, 026 EZE 013 018 и речеши: сия глаголет Адонаи Господь: горе сшивающым возглавийцы под всякий лакоть руки и сотворяющым покрывала над всякую главу всякаго возраста, еже развратити душы: души развратишася людий Моих, и душ снабдеваху: 026 EZE 013 019 и осквернавляху Мя у людий Моих, горсти ради ячмене и ради укруха хлеба, еже избити душы, имже не подобаше умрети, и оживити душы, имже не подобаше жити, провещающе людем Моим, послушающым лживых провещаний. 026 EZE 013 020 Сего ради сия глаголет Господь: се, Аз на возглавия ваша, имиже вы развращаете душы тамо: и отторгну я от мышцей ваших, и послю душы, яже вы развращасте душы их на разсыпание, 026 EZE 013 021 и растерзаю покрывала ваша, и отиму люди Моя от руки вашея, и ктому не будут в руках ваших на развращение, и познаете, яко Аз Господь: 026 EZE 013 022 понеже развращасте сердце праведнаго неправедно, Аз же не развращах его, и укреплясте руце беззаконнику, еже отнюд не обратитися ему от пути его злаго и живу быти ему, 026 EZE 013 023 сего ради не узрите лжи, и волхвования ктому не имате волхвовати: и избавлю люди Моя от рук ваших, и увесте, яко Аз Господь. 026 EZE 014 001 И приидоша ко мне мужие от старец Израилевых и седоша предо мною. 026 EZE 014 002 И бысть слово Господне ко мне глаголя: 026 EZE 014 003 сыне человечь, мужие сии положиша помышления своя на сердцах своих и мучение неправд своих поставиша пред лицем своим: аще отвещаяй отвещаю им? 026 EZE 014 004 Сего ради глаголи к ним и речеши им: сия глаголет Адонаи Господь: человек человек от дому Израилева, иже аще положит мысли своя в сердцы своем и мучение неправды своея учинит пред лицем своим и приидет ко пророку, Аз Господь отвещаю ему о сих, имиже держится мысль его: 026 EZE 014 005 яко да уклонят дом Израилев по сердцам их удаленым от Мене помышленьми их. 026 EZE 014 006 Сего ради рцы дому Израилеву: сия глаголет Господь Бог: обратитеся и отвратитеся от начинаний ваших и от всех нечестий ваших, и обратите лица ваша ко мне: 026 EZE 014 007 зане человек человек от дому Израилева и от пришелцев пришедших ко Израилеви, иже аще удалится от Мене и положит мысли своя на сердцы своем и мучение неправды своея учинит пред лицем своим и приидет ко пророку еже вопросити ему Мене, Аз Господь отвещаю ему, в немже держится он, 026 EZE 014 008 и утвержу лице Мое на человека того и положу его в погибель и в потребление и извергу его от среды людий Моих, и увесте, яко Аз Господь. 026 EZE 014 009 И пророк аще прельстится и речет слово, Аз Господь прельстих пророка того, и простру руку Мою нань и потреблю его от среды людий Израилевых. 026 EZE 014 010 И приимут неправду свою по неправде вопрошающаго, и по неправде такожде пророку будет, 026 EZE 014 011 яко да не прельщается ктому дом Израилев от Мене, и да не оскверняются ктому во всех гресех своих, и будут Ми в люди, Аз же буду им в Бога, глаголет Адонаи Господь. 026 EZE 014 012 И бысть слово Господне ко мне глаголя: 026 EZE 014 013 сыне человечь, земля аще согрешит Ми, еже пастися грехом, и простру руку Мою на ню и сотру утверждение хлебное и пущу на ню глад и возму с нея человеки и скоты, 026 EZE 014 014 и аще будут сии трие мужие среде ея, Ное и Даниил и Иов, тии во правде своей спасутся, глаголет Адонаи Господь: 026 EZE 014 015 аще и звери злыя напущу на землю и умучу ю, и будет в пагубу, и не будет проходящаго сквозе ю от лица зверей, 026 EZE 014 016 и аще будут трие сии мужие среде ея, живу Аз, глаголет Адонаи Господь, ни сынове, ни дщери их спасутся, но токмо сии едини спасутся, а земля в потребление будет: 026 EZE 014 017 аще же наведу на ту землю мечь и реку: мечь да пройдет землю, и возму от нея человека и скота, 026 EZE 014 018 и трие мужие сии будут среде ея, живу Аз, глаголет Адонаи Господь, не избавят ни сынов, ни дщерей своих, но тии едини спасутся: 026 EZE 014 019 аще же и смерть пущу на землю ону и излию ярость Мою на ню в крови, еже потребити от нея человеки и скоты, 026 EZE 014 020 Ное же и Даниил и Иов будут посреде ея, живу Аз, глаголет Адонаи Господь, ни сынове, ни дщери не останут им, тии же во правде своей спасутся и избавят душы своя. 026 EZE 014 021 Сия глаголет Адонаи Господь: аще же и четыри мести Моя лютыя пущу на Иерусалима, мечь и глад, и звери люты и смерть, еже потребити от него человеки и скоты, 026 EZE 014 022 и се, оставлени в нем спасеннии от него, сии изведут сыны и дщери: се, тии изыдут к вам, и узрите пути их и помышления их, и раскаетеся о злых, яже наведох на Иерусалим, вся злая, яже наведох нань, 026 EZE 014 023 и утешат вас: понеже узрите пути их и помышления их, и уразумеете, яко не всуе сотворил есмь вся, елика сотворих в нем, глаголет Адонаи Господь. 026 EZE 015 001 И бысть слово Господне ко мне глаголя: 026 EZE 015 002 сыне человечь, что было бы древо лозное от всех древес гроздных, сущих во древесех дубравных? 026 EZE 015 003 Аще возмут от него древо, еже сотворити дело? И аще возмут кол от него, еже обесити на нем кий либо сосуд? 026 EZE 015 004 Разве еже огневи предастся на потребление, летнее очищение его потребляет огнь, и изчезает до конца: еда потребно будет на дело? 026 EZE 015 005 И еще целу ему сущу не будет на дело, кольми паче аще огнь е попалит до конца, будет ли на дело потом? 026 EZE 015 006 Сего ради рцы: сице глаголет Господь Бог: якоже лоза виноградная во древех дубравных, юже дах на потребление огневи, тако дам живущыя во Иерусалиме: 026 EZE 015 007 и дам лице Мое на ня, от огня изыдут, и огнь пояст я: и уведят, яко Аз Господь, егда утвержду лице Мое на них: 026 EZE 015 008 и дам землю в пагубу, зане впадоша в грех, глаголет Адонаи Господь. 026 EZE 016 001 И бысть слово Господне ко мне глаголя: 026 EZE 016 002 сыне человечь, засвидетелствуй Иерусалиму беззакония его 026 EZE 016 003 и речеши: сия глаголет Адонаи Господь дщери Иерусалимстей: корень твой и бытие твое от земли Хананейски: отец твой Аморреанин и мати твоя Хеттеаныня: 026 EZE 016 004 и рождение твое, в оньже день родилася еси, не обязаша сосец твоих, и водою не омыша тя на спасение, ни солию осолиша, ниже пеленами повиша: 026 EZE 016 005 и не пощаде тебе око Мое, еже сотворити тебе едино от всех сих, пострадати что о тебе, и отвержена была еси на лице поля стропотством души твоея, в день в оньже родилася еси. 026 EZE 016 006 И проидох сквозе тя и видех тя смешену во крови твоей и рекох ти: от крове твоея жива буди: и рекох тебе: во крови твоей живот твой: 026 EZE 016 007 умножайся, якоже прозябение селное дах тя, и умножилася еси и возвеличилася и вошла еси во грады градов: сосцы твои возрастоша, и власи твои просветлеша, ты же была еси нага и без красы. 026 EZE 016 008 И проидох сквозе тя и видех тя: и се, время твое, яко время витающих: и прострох криле Мои на тя и прикрых студ твой, и кляхся тебе и внидох в завет с тобою, глаголет Адонаи Господь, и была еси Мне: 026 EZE 016 009 и омых тя водою и ополосках кровь твою от тебе и помазах тя елеем, 026 EZE 016 010 и облекох тя в пестроты и обух тя в червлены, и препоясах тя виссоном и возложих на тя трихаптон, 026 EZE 016 011 и украсих тя утварию и возложих запястие на руце твои и гривну на выю твою, 026 EZE 016 012 и дах усерязи на ноздри твоя и колца во ушы твои и венец хвалы на главу твою: 026 EZE 016 013 и украшенна была еси златом и сребром, и одежды твоя виссонны и трихапты и испещрения, семидал и мед и масло яла еси, и была еси добра зело зело, и управилася еси на царство: 026 EZE 016 014 и изыде имя твое во языки в доброте твоей, зане совершенно бе лепотою в красоте, юже учиних на тебе, глаголет Адонаи Господь. 026 EZE 016 015 Ты же уповала еси на доброту твою и соблудила еси во имени твоем и излияла еси блужение твое на всякаго мимоходящаго, тому была еси, емуже не подобаше: 026 EZE 016 016 и взяла еси от риз твоих и сотворила себе кумиры сошвеныя и соблудила еси с ними, и не внидеши, и не будет. 026 EZE 016 017 И взяла еси сосуды хвалы твоея от сребра Моего и злата Моего, от нихже дах тебе, и сотворила себе образы мужески, и соблудила еси в них. 026 EZE 016 018 И взяла еси ризы своя испещренныя и одеялася еси в ня, и масло Мое и фимиам Мой положила еси пред лицем их, 026 EZE 016 019 и хлебы Моя, яже дах тебе, семидалом и маслом и медом напитах тя, и положила еси та пред лицем их в воню благоухания. И бысть по сих, глаголет Адонаи Господь, 026 EZE 016 020 и взяла еси сыны твоя и дщери твоя, яже родила еси, и заклала еси им в потребление. Еда мало соблудила еси? 026 EZE 016 021 И заклала еси чада твоя и дала еси я, внегда принесла еси их на жертву им. 026 EZE 016 022 Сие паче всякаго блуда твоего и гнусностей твоих: и не помянула еси дний младенства твоего, егда была еси нага и безобразна, и смешена во крови твоей жила еси. 026 EZE 016 023 И бысть по всех злобах твоих, горе горе тебе, глаголет Адонаи Господь, 026 EZE 016 024 и создала еси себе храм блуднический и сотворила себе полагания на всех стогнах: 026 EZE 016 025 и в начале всякаго пути создала еси блудилища своя и растлила доброту твою, и разложила голени твоя всякому мимоходящему и умножила еси блуд твой: 026 EZE 016 026 и соблудила с сынми Египетскими соседы твоими дебелоплотными, и многажды блудила еси, еже разгневати Мя. 026 EZE 016 027 И се, простру руку Мою на тя и отвергу законы твоя и предам тя душам ненавидящым тебе, дщерем иноплеменников, совращающым тя с пути твоего, имже нечествовала еси. 026 EZE 016 028 И соблудила еси с сынми Ассировыми и ниже тако насытилася еси: и соблудила и не насытилася, 026 EZE 016 029 и умножила заветы твоя ко земли Хананейстей, Халдейстей, и ниже в сих насытилася еси. 026 EZE 016 030 Что сотворю сердцу твоему, глаголет Адонаи Господь, внегда твориши вся сия дела жены блудницы продерзыя? И соблудила еси трегубо во дщерех твоих. 026 EZE 016 031 Егда соградила еси блудилище твое в начале всякаго пути и высокая твоя сотворила еси на всех стогнах, и не была яко блудница собирающая наем. 026 EZE 016 032 Жена любодейница подобна тебе, от мужа своего вземлющи наем, 026 EZE 016 033 всем блудившым с нею даяше наем: и ты дала еси наем всем рачителем твоим и обременяла их, еже приходити им к тебе отвсюду в блужения твоя. 026 EZE 016 034 И бысть в тебе сопротивно обычаю женску во блужении твоем, и с тобою соблудившым, вместо еже бы дати тебе наем, и наем не дадеся тебе, и бысть в тебе сопротивно. 026 EZE 016 035 Сего ради слыши, блуднице, слово Господне. 026 EZE 016 036 Сия глаголет Адонаи Господь: зане излияла еси медь твою, и открыется срам твой во блужении твоем ко рачителем твоим, и во вся помышления беззаконий твоих, и во крови чад твоих, яже дала еси им: 026 EZE 016 037 сего ради, се, Аз на тя соберу вся похотники твоя, с нимиже смесилася еси, и всех, ихже любила еси, со всеми, ихже ненавидела еси: и соберу я на тя отвсюду и открыю злобы твоя к ним, и узрят весь срам твой. 026 EZE 016 038 И отмщу ти отмщением любодейцы и проливающия кровь, и положу тя во крови ярости и рвения, 026 EZE 016 039 и предам тя в руце их, и раскопают блудилище твое и разорят высокая твоя, и совлекут с тебе ризы твоя и возмут сосуды хвалы твоея, и оставят тя нагу и безстудну: 026 EZE 016 040 и приведут на тя народы, и побиют тебе камением и изсекут тя мечьми своими, 026 EZE 016 041 и запалят домы твоя огнем и сотворят в тебе отмщение пред женами многими: и обращу тя от блужения, и найма ктому не даси. 026 EZE 016 042 И послю ярость Мою на тя, и отимется рвение Мое от тебе: и почию и ктому не попекуся. 026 EZE 016 043 Понеже не помянула еси дний младенства твоего и опечалила Мя во всех сих: и се, Аз пути твоя на главу твою дах, глаголет Адонаи Господь: и тако сотворила еси нечестие по всем беззаконием твоим. 026 EZE 016 044 Сия суть вся, елика рекоша на тя в притчи, глаголюще: якоже мати, тако и дщерь. 026 EZE 016 045 Дщерь матере твоея ты еси, отринувшая мужа своего и чада своя: и сестры сестр твоих, отринувшыя мужей своих и чад своих: мати ваша Хеттеаныня, а отец ваш Аморрей: 026 EZE 016 046 сестра ваша старейшая Самариа, та и дщери ея живущыя ошуюю тебе: и сестра твоя меншая, живущая одесную тебе, Содома и дщери ея. 026 EZE 016 047 Но ниже по путем их ходила еси, ниже сотворила по беззаконием их поне мало, и превозшла еси их во всех путех твоих. 026 EZE 016 048 Живу Аз, глаголет Адонаи Господь, не сотворила Содома сия сестра твоя и дщери ея, якоже ты сотворила и дщери твоя. 026 EZE 016 049 Обаче сие беззаконие Содомы сестры твоея, гордость в сытости хлеба и во изюбилии вина, и сластолюбствоваша та и дщери ея: сие бяше ей и дщерем ея: и руки убогому и нищему не подаяху, 026 EZE 016 050 и величахуся, и сотвориша беззакония предо Мною: и отвергох я якоже видех. 026 EZE 016 051 Самариа же пол грехов твоих не согреши: и умножила еси беззакония твоя паче онех, и оправдала еси сестры твоя во всех беззакониих твоих, яже сотворила еси. 026 EZE 016 052 И ты приими мучение твое, в немже растлила еси сестры твоя во гресех твоих, имиже беззаконновала паче тех, и оправдала их паче тебе: и ты посрамися и приими безчестие твое, внегда оправдати тебе сестры твоя. 026 EZE 016 053 И обращу обращения их, обращение Содомы и дщерей ея, и обращение Самарии и дщерей ея, и обращу обращение твое среде их, 026 EZE 016 054 яко да приимеши мучение твое и безчестна будеши от всех, яже сотворила еси во разгневании моем. 026 EZE 016 055 И сестра твоя Содома и дщери ея возставятся, якоже беша исперва: и Самариа и дщери ея возставятся, якоже беша исперва: и ты и дщери твоя возставитеся, якоже бесте прежде. 026 EZE 016 056 И не была Содома сестра твоя во слышание во устех твоих во днех гордыни твоея, 026 EZE 016 057 прежде откровения злоб твоих, якоже ныне укоризна еси дщерей Сирских и всех сущих окрест ея дщерей иноплеменничих одержащих тя окрест: 026 EZE 016 058 нечестия твоя и беззакония твоя ты понесла еси я, глаголет Господь. 026 EZE 016 059 Сия глаголет Адонаи Господь: и сотворю в тебе, якоже сотворила еси, якоже презрела еси еже преступити завет Мой: 026 EZE 016 060 и воспомяну Аз завет Мой, иже с тобою во днех младенства твоего, и возставлю тебе завет вечный: 026 EZE 016 061 и помянеши пути твоя и безчестна будеши, внегда поймеши сестры твоя старейшыя со юнейшими твоими, и дам я тебе на созидание, но не от завета твоего: 026 EZE 016 062 и возставлю Аз завет Мой с тобою, и увеси, яко Аз Господь: 026 EZE 016 063 яко да помянеши и усрамишися, и не будет тебе ктому отверсти уст твоих от лица безчестия твоего, егда милостив буду тебе по всем, елика сотворила еси, глаголет Адонаи Господь. 026 EZE 017 001 И бысть слово Господне ко мне глаголя: 026 EZE 017 002 сыне человечь, повеждь повесть и рцы притчу на дом Израилев, 026 EZE 017 003 и речеши: сия глаголет Адонаи Господь: орел великий, великокрилый, долгий протяжением, исполнь ногтей, иже имать повеление внити в Ливан, и взя избранныя кедра, 026 EZE 017 004 и верхи мягкости острога, и принесе я в землю Хананейску, во граде огражденнем положи я: 026 EZE 017 005 и взя от семене земнаго и даде е на поли плодне, (да утвердит корение) над водами многими, видено учини е: 026 EZE 017 006 и прозябе и бысть в виноград немощен и мал величеством, еже являтися лозию его на нем, и корение его под ним бяше: и бысть в виноград, и сотвори розги, и простре отрасли своя. 026 EZE 017 007 И бысть орел другий велик, великокрилный, мног ногтьми, и се, виноград сей оплетаяся об нем: и корение его к нему, и лозие свое испусти ему, еже напаяти себе со грудием сада своего. 026 EZE 017 008 На поли добре, на воде мнозе питается той, еже сотворити прозябения и приносити плод, еже быти в виноград велик. 026 EZE 017 009 Сего ради рцы: сия глаголет Адонаи Господь: еда исправится? Не корение ли мягкоты его и плод изгниет? И изсхнут вся леторасли его, и не мышцею ли великою, ни людьми многими еже исторгнути его из корения его? 026 EZE 017 010 И се, тыет: еда успеет? Не абие ли, егда коснется ему ветр знойный, посхнет сухотою? Со грудием прозябения своего изсхнет. 026 EZE 017 011 И бысть слово Господне ко мне глаголя: 026 EZE 017 012 сыне человечь, рцы ко дому прогневляющему мя: не весте ли, что суть сия? Рцы им: се, грядет царь Вавилонск на Иерусалим, и возмет царя его и князя его, и отведет я к себе в Вавилон: 026 EZE 017 013 и поймет от племене царска, и завещает с ним завет, и введет его в клятве, и старейшины земли возмет, 026 EZE 017 014 еже быти в царство немощно, еже весьма не возноситися, (но) хранити завет его и стояти в нем: 026 EZE 017 015 и отвержется от него посылая послы своя во Египет дати ему кони и люди многи: еда исправит? Спасется ли творяй сопротивная? И преступаяй завет спасется ли? 026 EZE 017 016 Живу Аз, глаголет Адонаи Господь, аще не на месте, идеже царь воцаривый его, иже похули клятву Мою и иже преступи завет Мой, с ним среде Вавилона скончается. 026 EZE 017 017 И не в силе велицей, ниже в народе мнозе сотворит с ним фараон брань во острозе и в сограждении стрельниц, еже изяти душы многи. 026 EZE 017 018 И похули клятву, еже преступити завет, и се, даде руку свою и вся сия сотвори ему: не спасется. 026 EZE 017 019 Сего ради рцы: сия глаголет Адонаи Господь: живу Аз, аще не клятву Мою, юже похули, и завет Мой, егоже преступи, дам на главу его: 026 EZE 017 020 и простру мрежу Мою нань, и ят будет во одержании ея: и приведу его в Вавилон и разсуждуся с ним тамо о неправде его, еюже неправдова ко Мне: 026 EZE 017 021 и вси избегшии его и вси избраннии со всеми ополчении его мечем падут, и вся оставшая их разсею по всему ветру, и увесте, яко Аз Господь глаголах. 026 EZE 017 022 Сего ради сия глаголет Адонаи Господь: и возму Аз от избранных кедра высокаго от верха и дам от главы отраслей его, сердца их остружу и насажду аз на горе высоце: 026 EZE 017 023 и повешу и в горе высоце Израилеве и насажду и, и прорастит отрасль и сотворит плод и будет в кедр велик: и почиет под ним всяк зверь, и под сению его почиет всяка птица, и лозие его паки устроятся: 026 EZE 017 024 и увесть всяко древо полевое, яко Аз Господь смиряяй древо высокое и возносяй древо смиренное, и изсушаяй древо зеленое и проращаяй древо сухое: Аз Господь глаголах и сотворю. 026 EZE 018 001 И бысть слово Господне ко мне глаголя: 026 EZE 018 002 сыне человечь, что вам притча сия на земли Израилеве, глаголющым: отцы ядоша терпкое, а зубом чад их оскомины быша? 026 EZE 018 003 Живу Аз, глаголет Адонаи Господь, аще будет еще глаголема притча сия во Израили. 026 EZE 018 004 Яко вся душы Моя суть, якоже душа отча, тако и душа сыновня, Моя суть: душа, яже согрешит, та умрет, и зобавшаго пародки зубы оскоминны будут. 026 EZE 018 005 Человек же, иже есть праведен творяй суд и правду, 026 EZE 018 006 на горах не снесть и очес своих не воздвигнет на кумиры дому Израилева, и жены ближняго своего не осквернавит и к жене в месячных сущей не приближится, 026 EZE 018 007 и человеку не насильствует, залог должнику отдаст и хищением не восхитит, хлеб свой алчному даст и нагаго облечет в ризу, 026 EZE 018 008 и сребра своего в лихву не даст и прибытка не возмет, и от неправды отвратит руку свою и суд сотворит между мужем и ближним своим, 026 EZE 018 009 и в заповедех Моих ходил и оправдания Моя снабдел, еже творити та: праведен сей есть, жизнию жити имать, глаголет Адонаи Господь. 026 EZE 018 010 И аще родит сына губителя, проливающаго кровь и творяща грехи, 026 EZE 018 011 в путь отца своего праведнаго не ходил, но и на горах пожре, и жену ближняго своего осквернавил, 026 EZE 018 012 и убогаго и нищаго преобиде, и хищением восхитил и залога не отдал, и к кумиром положи очи свои, беззакония сотвори, 026 EZE 018 013 с лихвою даде и с примножением приял, сей жизнию не поживет: вся сия беззакония сотвори, смертию умрет, кровь его на нем будет. 026 EZE 018 014 Аще же родит сына, он же увидит вся грехи отца своего, яже сотворил есть, и убоится и не сотворит по ним, 026 EZE 018 015 на горах не снесть и очес своих не положит к кумиром дому Израилева, и жены подруга своего не осквернавит 026 EZE 018 016 и человека не насильствует, и залога не удержит и хищением не восхитит, хлеб свои алчному даст и нага одеет ризою, 026 EZE 018 017 и от неправды отвратит руку свою, лихвы и примножения не возмет, правду сотворит и в заповедех Моих ходити будет: не скончается в неправдах отца своего, (но) жизнию поживет. 026 EZE 018 018 Отец же его аще скорбию оскорбит и хищением восхитит, сопротивная сотворит посреде людий Моих, и умрет в неправдах своих. 026 EZE 018 019 И речете: что яко не взя сын неправды отца своего? Понеже сын правду и милость сотвори, вся законы Моя соблюде и сотвори я, жизнию поживет. 026 EZE 018 020 Душа же согрешающая, та умрет: сын не возмет неправды отца своего, и отец не возмет неправды сына своего: правда праведнаго на нем будет, и беззаконие беззаконника на нем будет. 026 EZE 018 021 И беззаконник аще обратится от всех беззаконий своих, яже сотворил, и сохранит вся заповеди Моя и сотворит суд и правду и милость, жизнию поживет и не умрет: 026 EZE 018 022 вся согрешения его, елика сотворил, не помянутся ему: но в правде своей, юже сотворил, жив будет. 026 EZE 018 023 Еда хотением восхощу смерти грешника, глаголет Адонаи Господь, а не еже обратитися ему от пути зла и живу быти ему? 026 EZE 018 024 И аще совратится праведник от правды своея и сотворит неправду по всем беззаконием, яже сотворил беззаконник, вся правды его, яже сотворил есть, не помянутся: в преступлении своем, имже преступи, и во гресех своих, имиже согреши, в них умрет. 026 EZE 018 025 И рекосте: не управится путь Господень. Слышите убо, весь дом Израилев, еда путь мой не управится? Ваш ли путь убо управится? 026 EZE 018 026 Егда совратится праведник от правды своея и сотворит грех, и умрет в преступлении, еже сотворил, в том умрет. 026 EZE 018 027 И егда обратится беззаконник от беззакония своего, еже сотворил, и сотворит суд и правду, той душу свою снабдел есть: 026 EZE 018 028 и виде и обратися от всех беззаконии своих, яже сотвори, жизнию поживет и не умрет. 026 EZE 018 029 И глаголет дом Израилев: не управится путь Господень. Еда путь Мой не управляется? О, доме Израилев, убо ваш ли путь управляется? 026 EZE 018 030 (Сего ради) комуждо по пути его сужду вам, доме Израилев, глаголет Адонаи Господь: обратитеся и отвержитеся от всех нечестий ваших, и не будут вам неправды в мучение: 026 EZE 018 031 отвержите от себе вся нечестия ваша, имиже нечествовасте ко Мне, и сотворите себе сердце ново и дух нов, и сотворите вся заповеди Моя: и вскую умираете, доме Израилев? Глаголет Господь. 026 EZE 018 032 Понеже не хощу смерти грешника умирающаго, глаголет Адонаи Господь, но еже обратитися ему от пути своего и жити души его, глаголет Адонаи Господь: обратитеся убо, и живи будете. 026 EZE 019 001 Ты же, сыне человечь, возми плачь на князи Израилевы, 026 EZE 019 002 и речеши: почто мати твоя львица среде львов почи, посреде львов умножи львичища своя? 026 EZE 019 003 И отскочи един от львичищ ея и бысть лев, и научися восхищати восхищения и человеки снеде. 026 EZE 019 004 И слышаша о нем языцы, и ят бысть в растлении их, и приведоша его во узде во Египет. 026 EZE 019 005 И виде, яко отведен бысть от нея, и погибе чаяние ея: и взя инаго от львичищ своих и львом учини его, 026 EZE 019 006 и живяше посреде львов, бысть лев и научися восхищати восхищения: человеки изяде, 026 EZE 019 007 и пасяшеся в лютости своей, и грады их пусты постави, и погуби землю и исполнение ея гласом рыкания своего. 026 EZE 019 008 И даша нань языцы окрест от стран и простроша нань мрежи своя, и в погублении их ят бысть. 026 EZE 019 009 И положиша его во узде и в клети, приведоша его ко царю Вавилонску и ввергоша его в темницу, яко да не слышится глас его ктому на горах Израилевых. 026 EZE 019 010 Мати твоя яко виноград и яко цвет шипчан на воде насажден, плод его и отрасль его бысть от воды многи. 026 EZE 019 011 И бысть ему жезл крепости над племенем старейшин, и вознесеся в величии своем среде лозия: и виде величество свое во множестве лозия своего, 026 EZE 019 012 и обломися в ярости, и на землю повержен бысть, и ветр знойный изсуши плоды его: увядоша, и изсше жезл крепости его: огнь потреби его. 026 EZE 019 013 И ныне насадиша его в пустыни, на земли безводне. 026 EZE 019 014 И изыде огнь от жезла избранных его и пояде и, и не бе в нем жезла крепости его: племя в притчу плача есть, и будет плачь. 026 EZE 020 001 И бысть в лето седмое, в пятый месяц, в десятый день месяца, приидоша мужие от старейшин дому Израилева вопросити Господа и седоша пред лицем моим. 026 EZE 020 002 И бысть слово Господне ко мне глаголя: 026 EZE 020 003 сыне человечь, глаголи ко старейшинам дому Израилева и речеши к ним: тако глаголет Адонаи Господь: еда вопросити Мене вы приходите? Живу Аз, аще отвещаю вам, глаголет Адонаи Господь. 026 EZE 020 004 Аще отмщением отмщу им: сыне человечь, беззакония отец их засвидетелствуй им, 026 EZE 020 005 и речеши к ним: сия глаголет Адонаи Господь: от негоже дне избрах дом Израилев, и уведен бых племени дому Иаковля и познан бых им во земли Египетстей, и приях я рукою Моею глаголя: Аз Господь Бог ваш: 026 EZE 020 006 в той день подях я рукою Моею, еже извести я из земли Египетския в землю, юже уготовах им, землю кипящую млеком и медом, сот есть паче всех земель, 026 EZE 020 007 и рекох к ним: кийждо мерзости от очес своих отвержите и во творениих Египетских не оскверняйтеся, Аз Господь Бог ваш. 026 EZE 020 008 И отвергошася Мене и не хотеша послушати Мя: кийждо мерзостей от очес своих не отвергоша и творений Египетских не оставиша. И рекох, еже излияти ярость Мою на ня и скончати гнев Мой на них среде земли Египетския. 026 EZE 020 009 И сотворих, яко да имя Мое весьма не осквернится пред языки, в нихже суть тии среде их, в нихже познан бых им пред лицем их, еже извести я из земли Египетския. 026 EZE 020 010 И изведох я из земли Египетския и введох я в пустыню, 026 EZE 020 011 и дах им заповеди Моя, и оправдания Моя явих им, яже аще сотворит человек, жив будет в них: 026 EZE 020 012 и субботы Моя дах им, еже быти в знамение между Мною и между ими, еже разумети им, яко Аз Господь освящаяй их. 026 EZE 020 013 И глаголах ко дому Израилеву в пустыни: в заповедех Моих ходите и оправдания Моя сохраните, еже творити я, яже сотворит человек и жив будет в них. И разгнева Мя дом Израилев в пустыни: в заповедех бо Моих не ходиша и оправдания Моя отвергоша, яже сотворит человек и жив будет в них: и субботы Моя оскверниша зело. И рекох, еже излияти ярость Мою на ня в пустыни, еже потребити их. 026 EZE 020 014 И сотворих, яко да весьма имя Мое не осквернится пред языки, из нихже изведох я пред очима их. 026 EZE 020 015 И Аз воздвигох руку Мою на ня в пустыни весьма, еже не ввести их в землю, юже дах им, в землю текущую млеком и медом, сот есть паче всея земли: 026 EZE 020 016 понеже судбы Моя отвергоша и в заповедех Моих не ходиша, и субботы Моя оскверниша и вслед помышлений сердца своего хождаху. 026 EZE 020 017 И пощаде я око Мое, еже потребити их, и не сотворих им скончания в пустыни. 026 EZE 020 018 И рекох ко чадом их в пустыни: в законех отец ваших не ходите и оправданий их не храните, и ко творением Египетским не примешайтеся и не оскверняйтеся: 026 EZE 020 019 Аз Господь Бог ваш: в заповедех Моих ходите, и оправдания Моя снабдите и творите я, 026 EZE 020 020 и субботы Моя освящайте и будет в знамение между Мною и между вами, еже ведети вам, яко Аз Господь Бог ваш. 026 EZE 020 021 И разгневаша Мя, и чада их в заповедех Моих не ходиша и оправданий Моих не снабдеша, еже творити я: сия бо сотворив человек жив будет в них: и субботы Моя оскверниша зело. И рекох: излию ярость Мою на ня, еже скончати гнев Мой на них в пустыни. 026 EZE 020 022 И сотворих, яко да имя Мое весьма не осквернавится пред языки, от нихже изведох я пред очима их. 026 EZE 020 023 И Аз воздвигох руку Мою на ня в пустыни, еже расточити я во языцех и разсеяти я во странах, 026 EZE 020 024 понеже оправданий Моих не сотвориша и заповеди Моя отринуша и субботы Моя оскверниша, и вслед кумиров отец их быша очеса их. 026 EZE 020 025 И дах им заповеди не добры и оправдания, в нихже не будут живи: 026 EZE 020 026 и оскверню я в даяниих их, внегда проводити (им) всякое разверзающее ложесна, да погублю их, да уразумеют, яко Аз Господь. 026 EZE 020 027 Сего ради глаголи к дому Израилеву, сыне человечь, и речеши к ним: сия глаголет Адонаи Господь: даже до сего разгневаша Мя отцы ваши во гресех своих, имиже согрешиша ко Мне: 026 EZE 020 028 и введох я в землю, в нюже воздвигох руку Мою, еже дати ю им: и видеша всяк холм высок и всяко древо присенное, и пожроша тамо богом своим и учиниша тамо ярость даров своих, и положиша тамо воню благовония своего и возлияша тамо возлияния своя. 026 EZE 020 029 И рекох к ним: что суть Аввама, яко вы входите тамо? И прозваша имя ему Аввама даже до днешняго дне. 026 EZE 020 030 Сего ради рцы к дому Израилеву: сия глаголет Адонаи Господь: аще во беззакониих отец ваших вы оскверняетеся и вслед мерзостей их вы соблуждаете, 026 EZE 020 031 и в приношении даров ваших и в нароцех ваших, егда проходят чада ваша сквозе огнь: вы оскверняетеся во всех кумирех ваших даже до днешняго дне, и Аз отвещаю ли вам, доме Израилев? Живу Аз, глаголет Адонаи Господь, аще отвещаю вам и аще взыдет на дух ваш сие. 026 EZE 020 032 И не будет, якоже вы глаголете: будем, якоже языцы и якоже племена земная, служити древу и камению. 026 EZE 020 033 Сего ради живу Аз, глаголет Адонаи Господь, аще не рукою крепкою и мышцею высокою и в ярости излиянней царствовати буду над вами: 026 EZE 020 034 и изведу вы от людий и прииму вы от стран, в нихже бесте разсеяни, рукою крепкою и мышцею высокою и яростию излиянною, 026 EZE 020 035 и приведу вас в пустыню людскую и разсуждуся с вами тамо лицем к лицу: 026 EZE 020 036 якоже судихся со отцы вашими в пустыни земли Египетския, тако сужду и вам, глаголет Адонаи Господь: 026 EZE 020 037 и проведу вы под жезлом моим и введу вы в числе завета, 026 EZE 020 038 и изберу от вас нечестивыя и отвергшыяся: из земли бо обитания их изведу я, и в землю Израилеву не внидут, и познаете, яко Аз Господь Бог. 026 EZE 020 039 Вы же, доме Израилев, сице глаголет Адонаи Господь: кийждо кумиры своя отимите, и потом аще послушаете Мене, и имене Моего святаго не осквернавите ксему в дарех ваших и рукотворениих ваших: 026 EZE 020 040 понеже на горе Моей святей, на горе высоце Израилеве, глаголет Адонаи Господь, тамо послужат Ми весь дом Израилев до конца на земли, и тамо прииму я и тамо присещу на приношения ваша и начатки обетов ваших во всех освященных ваших. 026 EZE 020 041 В воню благовония прииму вы, егда изведу вы из людий и прииму вы от стран, в няже расточени бысте, и освящуся в вас пред очима людскима: 026 EZE 020 042 и увесте, яко Аз Господь, егда введу вы в землю Израилеву, в землю, на нюже воздвигох руку Мою дати ю отцем вашым: 026 EZE 020 043 и помянете тамо пути вашя и вся мерзкия грехи вашя, в нихже осквернистеся, и посрамите лица ваша во всех злобах ваших, яже сотвористе: 026 EZE 020 044 и познаете, яко Аз Господь, егда сотворю вам тако, яко да имя Мое не осквернится по путем вашым злым и по рукотворением вашым растленным, доме Израилев, глаголет Адонаи Господь. 026 EZE 020 045 И бысть слово Господне ко мне глаголя: 026 EZE 020 046 сыне человечь, утверди лице твое на юг и воззри на дарома, и прорцы на дубраву старейшину нагева 026 EZE 020 047 и речеши дубраве нагевове: слыши слово Господне, сия глаголет Адонаи Господь: се, Аз возгнещу в тебе огнь, и пожжет в тебе всяко древо зеленое и всяко древо сухое, не угаснет пламень разжженый, и изгорит в нем всяко лице от полудне до севера, 026 EZE 020 048 и увесть всяка плоть, яко Аз Господь разжегох его, и не угаснет. 026 EZE 020 049 И рекох: никакоже, Господи, Господи! Сии глаголют ко мне: не притча ли есть сия глаголема? 026 EZE 021 001 И бысть слово Господне ко мне глаголя: 026 EZE 021 002 сего ради прорцы, сыне человечь, и утверди лице твое на Иерусалим и воззри на святыни их, и прорцы на землю Израилеву, 026 EZE 021 003 и речеши ко земли Израилеве: сия глаголет Адонаи Господь: се, Аз на тя, и извлеку мечь Мой из ножен его, и потреблю от тебе неправеднаго и беззаконнаго. 026 EZE 021 004 Понеже потреблю от тебе неправеднаго и беззаконника, тако изыдет мечь Мой из ножен своих на всяку плоть от юга даже до севера, 026 EZE 021 005 и увесть всяка плоть, яко Аз Господь извлекох мечь Мой из ножен его, и ктому не возвратится. 026 EZE 021 006 И ты, сыне человечь, воздохни в сокрушении чресл твоих и в болезнех возстени пред очима их. 026 EZE 021 007 И будет, аще рекут к тебе: чесо ради ты стенеши? И речеши: о возвещении, яко грядет: и сокрушится всяко сердце, и ослабеют вся руки, и издшет всяка плоть и всяк дух, и вся стегна осквернавятся мокротою: се, грядет и будет, глаголет Адонаи Господь. 026 EZE 021 008 И быти слово Господне ко мне глаголя: 026 EZE 021 009 сыне человечь, прорцы и речеши: сия глаголет Адонаи Господь: рцы: мечу, мечу! Изострися и разярися, 026 EZE 021 010 яко да изсечеши сечения: изострися, яко да будеши в блещание и готов на разсыпание: сецы, изничтожай, отрини всякое древо. 026 EZE 021 011 И даде его уготованна, еже держати в руках его: наострился мечь, готов есть, еже дан быти в руце секущаго. 026 EZE 021 012 Возопий и восплачися, сыне человечь, яко сей бысть в людех Моих, сей во всех старейшинах Израилевых: обитающии близ под мечь быша с людьми Моими: сего ради восплещи рукама твоима, 026 EZE 021 013 яко оправдася. И что, аще и племя отринется? Не будет, глаголет Адонаи Господь. 026 EZE 021 014 И ты, сыне человечь, прорцы и восплещи рукама и усугуби мечь: третий мечь язвеным есть, мечь язвеным велик, и ужасиши я, 026 EZE 021 015 яко да сокрушится сердце их, и умножатся немощнии во всех вратех их, предаются на усечение мечное: благо остр бысть на сечение, благо бысть на блистание. 026 EZE 021 016 Проходи яко молния, острися одесную и ошуюю, аможе аще лице твое востанет: 026 EZE 021 017 и Аз восплещу рукою Моею к руце Моей и напущу ярость Мою, Аз Господь глаголах. 026 EZE 021 018 И бысть слово Господне ко мне глаголя: 026 EZE 021 019 и ты, сыне человечь, учини себе пути два, еже внити мечу царя Вавилонска, от страны единыя изыдут начала два, и руку уготовают в начале пути града, от начала пути учиниши, 026 EZE 021 020 яко внити мечу на Равваф сынов Аммоних и на Иудею и на Иерусалим среде его. 026 EZE 021 021 Понеже станет царь Вавилонск на старем пути, на начале обоих путий, еже волхвовати волхвованием, якоже вскипети жезлу, и вопрошати ваяных и вражити во утробах. 026 EZE 021 022 И бысть одесную его волшебство на Иерусалим, еже обставити острог и еже отверсти уста с воплем и возвысити глас со глашением трубным, и яко поставити острог пред враты его и насыпати персти и поставити стрелницы. 026 EZE 021 023 И той аки волхвуя им волхвование пред ними, уседмеряя седмерицы, и той воспоминаяй неправды его помянути. 026 EZE 021 024 Того ради сия глаголет Адонаи Господь: понеже воспомянусте неправды вашя, внегда открышася нечестия ваша, яко явитися грехом вашым во всех беззакониих ваших и во всех начинаниих ваших, понеже воспомянусте, в тех яти будете. 026 EZE 021 025 И ты, сквернаве, беззаконниче, старейшино Израилев, егоже грядет день во время неправды, конец: 026 EZE 021 026 сия глаголет Господь: сними кидар и отложи венец, сей не таков будет, смирил еси высокое и вознесл смиренное: 026 EZE 021 027 неправду, неправду, неправду положу его, и той не таков будет, дондеже приидет, Емуже достоит, и предам Ему. 026 EZE 021 028 И ты, сыне человечь, прорцы и речеши: се глаголет Адонаи Господь к сыном Аммоним и ко укоризне их, и речеши: мечу, мечу извлеченый на сечение, извлеченый на скончание, двигнися, яко да блистаеши: 026 EZE 021 029 в видении твоем суетнем, и внегда вражбити тебе ложная, егда предаешися ты на выи язвеных беззаконников, ихже день приспе во время неправды, конец: 026 EZE 021 030 возвратися в ножны твоя и не стани на месте сем, в немже родился еси, на земли твоей имам тя судити: 026 EZE 021 031 и излию на тя гнев Мой, во огни гнева Моего дуну на тя и предам тя в руце мужей варвар, творящих пагубу: 026 EZE 021 032 огню будеши ядь, кровь твоя будет посреде земли твоея: не будет твоея памяти, занеже Аз Господь глаголах. 026 EZE 022 001 И бысть слово Господне ко мне глаголя: 026 EZE 022 002 и ты, сыне человечь, аще судити будеши граду кровей, и яви ему вся беззакония его, 026 EZE 022 003 и речеши: сия глаголет Адонаи Господь: о, граде проливаяй кровь среде себе, еже приити времени его, и творяй кумиры на себе, еже осквернитися самому: 026 EZE 022 004 в крови их, юже излиял еси, согрешил еси, и в кумирех твоих, яже творил, осквернился еси, и сократил еси дни твоя, и привед время лет твоих: сего ради дах тя на укоризну языком и на поругание всем странам, 026 EZE 022 005 близ тебе и далече от тебе сущым, и поругаются тебе и возопиют на тя: о, нечистый, пресловутый и мног во беззакониих! 026 EZE 022 006 Се, старейшины дому Израилева, кийждо ко своим ужикам смесишася в тебе, яко да пролиют кровь: 026 EZE 022 007 отцу и матери злословяху в тебе и ко пришелцу обращахуся неправдами в тебе: сироту и вдовицу преобидяху в тебе: 026 EZE 022 008 и святая Моя уничижаху и субботы Моя оскверняху в тебе: 026 EZE 022 009 мужие разбойницы беша в тебе, яко да пролиют в тебе кровь, и на горах ядяху в тебе и скверны творяху в тебе: 026 EZE 022 010 стыд отчий открыша в тебе, и в нечистоте седящую обругаша в тебе: 026 EZE 022 011 кийждо на жену подруга своего беззаконноваша, и кийждо невестку свою оскверняше в нечестии, и кийждо сестру свою, дщерь отца своего, обругаваше в тебе: 026 EZE 022 012 мзды взимаху в тебе, яко да пролиют кровь, лихву и избыток взимаху в тебе: и скончал еси скончание злобы твоея яже в насилии, Мене же забыл еси, глаголет Адонаи Господь. 026 EZE 022 013 Се убо, ударю рукою Моею о руку Мою на та, яже совершил еси и яже сотворил еси, и на крови твоя бывшыя посреде тебе: 026 EZE 022 014 аще устоит сердце твое, и аще преодолеют руце твои во днех, в няже Аз творю в тебе? Аз Господь глаголах, и сотворю. 026 EZE 022 015 И разсыплю тя во языцех и разсею тя в странах, и оскудеет нечистота твоя из тебе, 026 EZE 022 016 и владети буду тобою пред очима языков, и познаеши, яко Аз Господь. 026 EZE 022 017 И бысть слово Господне ко мне глаголя: 026 EZE 022 018 сыне человечь, се, быша Мне дом Израилев смешани вси с медию и железом, и со оловом чистым и со свинцем, среде пещи сребро смешено суть. 026 EZE 022 019 Сего ради рцы: сия глаголет Адонаи Господь: понеже бысте вси во смешение едино, сего ради, се, Аз прииму вас во средину Иерусалима: 026 EZE 022 020 якоже приемлется сребро и медь, и железо и свинец и олово чистое во средину пещи, еже дунути на ня огню, да слиются, тако прииму вас во гневе Моем и в ярости Моей, и соберу и слию вас, 026 EZE 022 021 и дуну на вы во огни гнева Моего, и слияни будете среде его: 026 EZE 022 022 якоже сливается сребро среде пещи, тако слиетеся посреде его и познаете, яко Аз Господь излиях ярость Мою на вас. 026 EZE 022 023 И бысть слово Господне ко мне глаголя: 026 EZE 022 024 сыне человечь, рцы ему: ты еси земля неодождимая, ниже дождь бысть на тя в день ярости. 026 EZE 022 025 Егоже старейшины среде его, яко львы рыкающе, восхищающе восхищения, душы изядающе насилием, богатство и честь приемлюще, и вдовицы твоя умножишася посреде тебе: 026 EZE 022 026 и жерцы его отвергошася закона Моего и оскверниша святая Моя: между святым и сквернавым не разлучаху, и между нечистым и чистым не разделяху, и от суббот Моих покрываху очи свои, и оскверняху Мя посреде себе: 026 EZE 022 027 князи его среде его яко волцы восхищающе похищения, еже пролияти кровь и погубити душы, яко да лихоимством лихоимствуют: 026 EZE 022 028 и пророцы его помазующии их падут, видящии суетная, волхвующии ложная, глаголюще: сия глаголет Адонаи Господь: а Господь не глагола. 026 EZE 022 029 Людий земли утесняюще неправдою и восхищающе восхищения, нища и убога насильствующе и со пришелцем не живуще судом. 026 EZE 022 030 И исках от них мужа живуща право и стояща цело пред лицем Моим во время гнева Моего, еже бы не до конца погубити его, и не обретох. 026 EZE 022 031 И излиях нань ярость Мою во огни гнева Моего, еже скончати я: пути их на главы их дах, глаголет Адонаи Господь. 026 EZE 023 001 И бысть слово Господне ко мне глаголя: 026 EZE 023 002 сыне человечь, две жене бесте дщери матере единыя 026 EZE 023 003 и соблудисте во Египте, в юности своей соблудисте: тамо спадоша сосцы их, и тамо растлисте девство. 026 EZE 023 004 Имена же има: Оола старейшая, Оолива же меншая сестра ея: и бысте Мне и родисте сыны и дщери: имена же има: Самариа Оола, и Иерусалим Оолива. 026 EZE 023 005 И соблуди Оола от Мене и возложися на похотники своя, на Ассирианы приближающыяся ей, 026 EZE 023 006 облеченныя в червленицы, старейшины и воеводы: юноши избраннии, вси конницы яздящии на конех: 026 EZE 023 007 и даде блужение свое к ним: избранным сыном Ассирийским всем, и ко всем, на няже возлагашеся, во всех нечистотах их оскверняшеся: 026 EZE 023 008 и блужения своего, еже из Египта, не остави, яко с нею спаху в юности ея, и тии растлиша девство ея и излияша блужение свое на ню. 026 EZE 023 009 Того ради предах ю в руце похотником ея, в руце сыном Ассирийским, на нихже возлагашеся. 026 EZE 023 010 Тии открыша стыд ея, сыны и дщери ея пояша и самую мечем усекнуша: и бысть поношение в женах, и отмщение сотвориша в ней во дщерех ея. 026 EZE 023 011 И виде сестра ея Оолива, и растли возложение свое паче ея, и блуд свой паче блуда сестры своея умножи: 026 EZE 023 012 на сынов Ассирийских возложися, на старейшины и воеводы, иже близ ея, облеченны во благоистканны, на конники яздящыя на конех, юноши избранни вси. 026 EZE 023 013 И видех, яко осквернися путь един обою. 026 EZE 023 014 И приложи ко блужению своему, и виде мужы написаны на стене, образы Халдейски написаны шарами, 026 EZE 023 015 препоясаны пестротами о чреслех своих, и превои крашеннии на главах их, вид троякий всех, подобие сынов Вавилонских, Халдейских, земли отечества их: 026 EZE 023 016 и возложися на ня зрением очей своих, и посла послы к ним в землю Халдейску. 026 EZE 023 017 И приидоша к ней сынове Вавилонстии на ложе витающих и оскверниша ю в блужении ея, и осквернися в них, и отступи душа ея от них: 026 EZE 023 018 и откры блужение свое и откры срамоту свою. И отступи душа Моя от нея, якоже отступи душа Моя от сестры ея. 026 EZE 023 019 И умножила еси блужение твое, еже помянути дни юности твоея, в няже блудила еси во Египте, 026 EZE 023 020 и возлегла еси на Халдеи, ихже плоти быша аки плоти осли, и яко лона конская лона их, 026 EZE 023 021 и посетила еси беззаконие юности твоея, яже творила еси во Египте во виталищи твоем, идеже сосцы юности твоея спадоста. 026 EZE 023 022 Того ради, Ооливо, сия глаголет Адонаи Господь: се, Аз воздвигну похотники твоя на тя, от нихже отступи душа твоя, и наведу их на тя окрест, 026 EZE 023 023 сынов Вавилонских и всех Халдеев, Факуда и Суда и Куда, и вся сыны Ассирийски с ними, юношы избранны, старейшины и воеводы, вся тристаты и нарочитыя, конники на конех вси. 026 EZE 023 024 И приидут на тя вси от севера, колесницы и колеса со многим народом, щиты и сулицы и шлемы, и поставят стражбу окрест тебе, и дам пред лицем их суд, и отмстят ти в судех своих: 026 EZE 023 025 и дам рвение Мое в тебе, и сотворят с тобою гнев ярости Моея, ноздри твоя и ушы твои обрежут, и оставших твоих мечем изсекут: тии сынов твоих и дщерей твоих возмут, и оставших твоих потребит огнь: 026 EZE 023 026 и совлекут с тебе ризы твоя и возмут сосуды хвалы твоея. 026 EZE 023 027 И отвращу нечестия твоя от тебе и блуд твой от земли Египетския: и не воздвигнеши очес твоих на них и Египта не помянеши ктому. 026 EZE 023 028 Понеже сия глаголет Адонаи Господь: се, Аз предаю тя в руце, ихже ненавидиши, от нихже отступи душа твоя: 026 EZE 023 029 и сотворят в тебе в ненависти, и возмут вся труды твоя и дела твоя, и будеши нага и посрамлена, и открыется студ блуда твоего и нечестие твое. 026 EZE 023 030 И блужение твое сотвори сия тебе, егда блудила еси вслед языков и осквернялася в кумирех их: 026 EZE 023 031 в пути сестры твоея ходила еси, и дам чашу ея в руце твои. 026 EZE 023 032 Сия глаголет Адонаи Господь: чашу сестры твоея испиеши глубокую и широкую, и будет на смех и подражнение, изюбилную ко совершению пиянства, 026 EZE 023 033 и разслабления наполнишися: чаша же потребления и погубления чаша сестры твоея Самарии: 026 EZE 023 034 и испиеши ю и истощиши, и чреп ея ядущи потребиши, и сосца твоя отторгнеши: и праздники и новомесячия твоя отвращу: понеже Аз глаголах, рече Адонаи Господь. 026 EZE 023 035 Сего ради сия глаголет Адонаи Господь: понеже забыла Мя еси и отвергла Мене назад тела твоего, и ты возми нечестие твое и блуд твой. 026 EZE 023 036 И рече Господь ко мне: сыне человечь, не будеши ли судити Ооле и Ооливе, и возвестиши ли има беззакония ею? 026 EZE 023 037 Яко любодействовасте, и кровь в руках ею, и в кумирех ею прелюбодействовасте, и чада своя, яже родисте Мне, провождасте им сквозе огнь. 026 EZE 023 038 Даже и сия сотвористе Ми, осквернясте святая Моя в той день, и субботы Моя осквернясте: 026 EZE 023 039 и внегда закаласте чада своя кумиром своим, и вхождасте во святая Моя в той день, еже сквернити я: и се, тако творясте среде дому Моего: 026 EZE 023 040 и посыласте ко мужем грядущым издалеча, к нимже послов посыласте. И егда приходити им, абие умывалася еси и утваряла еси очи твои и украшалася утварию, 026 EZE 023 041 и седела еси на одре постлане, и трапеза украшенна пред лицем ея, и фимиам Мой и елей Мой предлагала пред ними, и веселяхуся в них: 026 EZE 023 042 и гласом сличным возглашаху, и ко мужем от множества человеча приходящым от пустыни, и даяху перстни на руки их и венец хвалы на главы их. 026 EZE 023 043 И рекох: не в сих ли прелюбодействуют? И дела блудницы, и сама соблуди. 026 EZE 023 044 И вхождаху к ней: якоже влазят к жене блуднице, тако влазяху ко Ооле и ко Ооливе, женам беззаконницам, еже сотворити беззаконие. 026 EZE 023 045 Мужие же праведнии, тии и отмстят има отмщением любодейниц и отмщением проливающих кровь, яко любодейцы суть, и кровь в руках их. 026 EZE 023 046 Сия глаголет Адонаи Господь: приведи на них народы и даждь на них мятеж и разграбление, 026 EZE 023 047 и вержи камение на них, камение народов, и да избодут их мечьми своими: сыны их и дщери их избиют и домы их огнем сожгут: 026 EZE 023 048 и отвращу нечестие от земли, и накажутся вся жены и не сотворят по нечестием их: 026 EZE 023 049 и дастся нечестие ваше на вы: и (вся) грехи кумир ваших приимете и уразумеете, яко Аз Адонаи Господь. 026 EZE 024 001 И бысть слово Господне ко мне, в девятое лето, в месяц десятый, в десятый день месяца, глаголя: 026 EZE 024 002 сыне человечь, напиши себе имя дне сего, от негоже укрепися царь Вавилонский на Иерусалим, от сего дне, иже днесь, 026 EZE 024 003 и рцы притчу к дому прогневляющему, и речеши к ним: сия глаголет Адонаи Господь: настави коноб, настави и влий в онь воду, 026 EZE 024 004 и верзи в онь на двое разсеченая, всякое разсечение доброе, голень и рамо, обрезана от костей, 026 EZE 024 005 от избранных скотов взятая, и подгнещай костьми под ними: возвре и воскипе, и сваришася кости его посреде его. 026 EZE 024 006 Того ради сия глаголет Адонаи Господь: о, граде кровей! Конобе, в немже есть яд, и яд не изыде из него: по удом его изнесе, не паде на нем жребий. 026 EZE 024 007 Яко кровь его среде его есть, на гладцем камени вчиних ю: не пролиях ея на землю, еже покрыти ю землею, 026 EZE 024 008 еже навести ярость Мою (на ню), во отмщение еже отмстити: дах кровь его на гладцем камени, еже не покрыти ея. 026 EZE 024 009 Того ради сия глаголет Адонаи Господь: о, люте, граде кровей! Аз же возвеличу главню 026 EZE 024 010 и умножу дрова и возгнещу огнь, яко да истают мяса, и оскудеет юха, и кости истают, 026 EZE 024 011 и станет на главнях его, (тощь) разгореся, яко да изгорит, и распалится и сгорит медь его, и истает среде его нечистота его, и оскудеет яд его: 026 EZE 024 012 да смирится яд его, и не изыдет из него многий яд его, и посрамится яд его: 026 EZE 024 013 в нечистоте твоей укроп, понеже осквернялся еси ты и не очистился от нечистоты твоея: и что будет аще не очистишися по сем, дондеже исполню ярость Мою в тебе? 026 EZE 024 014 Аз Господь глаголах, и приидет, и сотворю, и не укосню, и не пощажу, и не буду умолен: по путем твоим и по помыслом твоим сужду тебе, глаголет Адонаи Господь: сего ради, се, Аз сужду тебе по кровем твоим и по помыслом твоим сужду тебе, нечисте, пресловуте и великий на разгневание. 026 EZE 024 015 И бысть слово Господне ко мне глаголя: 026 EZE 024 016 сыне человечь, се, Аз вземлю от тебе желания очес твоих в поражении, не восплачи, ниже возрыдай, ниже да приидут тебе слезы, 026 EZE 024 017 возстени молчя: стенание крове, чресл плачь есть: да будут власи твои сплетени на тебе, и сапози твои на ногах твоих, и да не утешишися устнами их, и хлеба мужей да не снеси. 026 EZE 024 018 И глаголах к людем заутра, якоже заповеда ми, и умре жена моя в вечер, и сотворих заутра, якоже повелеся ми. 026 EZE 024 019 И рекоша ко мне людие: не возвестиши ли нам, что суть сия, яже ты твориши? 026 EZE 024 020 И рекох к ним: слово Господне бысть ко мне глаголя: 026 EZE 024 021 рцы к дому Израилеву, сия глаголет Адонаи Господь: се, Аз оскверню святая Моя, величания крепости вашея, желания очес ваших, и ихже щадят души вашя: и сынове ваши и дщери вашя, яже остависте, мечем падут: 026 EZE 024 022 и сотворите, якоже аз сотворих: от уст их не утешитеся и хлеба мужей не снесте, 026 EZE 024 023 и власи ваши на главах ваших, и сапози ваши на ногах ваших: не будете терзатися, ниже плакати, и истаете в неправдах ваших, и не утешите кийждо брата своего. 026 EZE 024 024 И будет вам Иезекииль в чудо: по всему елика сотворих, сотворите: егда приидут сия, и уразумеете, яко Аз Адонаи Господь. 026 EZE 024 025 И ты, сыне человечь, не в день ли той, егда возму от них крепость их, вознесение хвальбы их, желания очию их и возношение души их, сыны их и дщери их: 026 EZE 024 026 в той день приидет уцелевый к тебе возвестити тебе во ушы, 026 EZE 024 027 в той день отверзутся уста твоя ко уцелевшему, и возглаголеши и не премолчиши ктому, и будеши им в чудо: и уведят, яко Аз Адонаи Господь. 026 EZE 025 001 И бысть слово Господне ко мне глаголя: 026 EZE 025 002 сыне человечь, утверди лице твое на сыны Аммони и прорцы на ня, 026 EZE 025 003 и речеши сыном Аммоним (глаголя): слышите слово Господа Адоная, сия глаголет Адонаи Господь: понеже порадовастеся о святых Моих, яко осквернена быша, и о земли Израилеве, яко погибе, и о дому Иудине, яко отиде в пленение: 026 EZE 025 004 того ради, се, Аз предаю вас сыном Кедемлим в наследие, и вселятся со имением своим в тебе и поставят в тебе селения своя: тии поядят плоды твоя, и тии испиют тук твой: 026 EZE 025 005 и дам град Аммонь паствы велблюдов и сыны Аммони на паству овец, и уразумеете, яко Аз Адонаи Господь. 026 EZE 025 006 Сего ради тако глаголет Господь Бог: понеже восплескал еси рукою твоею и потоптал ногою твоею и порадовался еси душею твоею о земли Израилеве, 026 EZE 025 007 того ради, се, Аз простру руку Мою на тя и дам тя в разграбление языком, и потреблю тя от людий и погублю тя от стран пагубою, и увеси, яко Аз Адонаи Господь. 026 EZE 025 008 Сия глаголет Адонаи Господь: понеже рече Моав и Сиир: се, якоже вси языцы, дом Израилев и Иуда, 026 EZE 025 009 сего ради, се, Аз разслаблю мышцу Моавлю от градов крайних его, избранную землю, Дом Иасимуфов над источником града приморскаго (Ваелмона и Кариафаима): 026 EZE 025 010 сыны Кедемли на сыны Аммони дах я в наследие, яко да не будет памяти сынов Аммоних во языцех: 026 EZE 025 011 и в Моаве сотворю отмщение, и уведят, яко Аз Господь. 026 EZE 025 012 Сия глаголет Адонаи Господь: понеже сотвори Идумеа, егда отмстиша тии отмщением (во гневе) дому Иудову, и памятозлобствоваша и отмстиша прю от них: 026 EZE 025 013 того ради сия глаголет Адонаи Господь: простру руку Мою на Идумею и потреблю от нея человеки и скот и поставлю ю пусту, и от Феман гоними мечем падут: 026 EZE 025 014 и дам отмщение Мое на Идумею рукою людий Моих Израиля, и сотворят во Идумеи по гневу Моему и по ярости Моей, и уведят отмщение Мое, глаголет Адонаи Господь. 026 EZE 025 015 Сего ради сия глаголет Адонаи Господь: понеже сотвориша иноплеменницы во отмщении и возставиша месть радующеся всею душею еже потребити даже до века, 026 EZE 025 016 того ради сия глаголет Адонаи Господь: се, Аз простру руку Мою на иноплеменники, и потреблю Критян, и погублю оставшыя живущыя на примории, 026 EZE 025 017 и сотворю в них отмщение велико, во обличениих ярости Моея, и уразумеют, яко Аз Адонаи Господь, егда дам отмщение Мое на ня. 026 EZE 026 001 И бысть во единонадесятое лето, в первый день месяца, бысть слово Господне ко мне глаголя: 026 EZE 026 002 сыне человечь, понеже рече Сор на Иерусалима: благоже, сокрушися, погибоша языцы, обратися ко мне, иже бе исполненый, опусте: 026 EZE 026 003 того ради сия глаголет Адонаи Господь: се, Аз на тя, Сор, и приведу на тя языки многи, якоже восходит море волнами своими. 026 EZE 026 004 И обвалят стены Сора и разорят столпы твоя, и развею прах его из него и дам его во гладок камень. 026 EZE 026 005 Сушение мрежей будет среде моря, яко Аз глаголах, глаголет Адонаи Господь: и будет на пленение языком, 026 EZE 026 006 и дщери его, яже на поли, мечем убиены будут, и уведят, яко Аз Господь. 026 EZE 026 007 Яко сия глаголет Адонаи Господь: се, Аз наведу на тя, Сор, Навуходоносора царя Вавилонска от севера, царь царем есть, с коньми и колесницами и с конниками и собранием многих языков зело: 026 EZE 026 008 сей дщери твоя на поли мечем избиет, и приставит на тя стражбу и оградит тя, и окопает тя ровом и сотворит окрест тебе острог, и обставит оружием и копия своя прямо тебе поставит, 026 EZE 026 009 стены твоя и пирги твоя разорит оружием своим: 026 EZE 026 010 от множества коней его покрыет тя прах их, и от ржания коней его и от колес колесниц его потрясутся стены твоя, входящу ему во врата твоя, аки входящу во град с поля: 026 EZE 026 011 копытами коней своих поперут вся стогны твоя: люди твоя мечем изсечет, и состав крепости твоея на земли повержет, 026 EZE 026 012 и пленит силу твою, и возмет имения твоя, и разсыплет стены твоя, и домы твоя вожделенныя разорит, и древа твоя и камение твое и персть твою среде моря ввержет, 026 EZE 026 013 и упразднит множество мусикий твоих, и глас певниц твоих не услышится в тебе ктому. 026 EZE 026 014 И дам тя во камень гладок, сушение мрежное будеши, не соградишися ктому, яко Аз глаголах, глаголет Адонаи Господь. 026 EZE 026 015 Яко сия глаголет Адонаи Господь Сору: не от гласа ли падения твоего, егда возстенут язвении твои, егда извлечется мечь посреде тебе, потрясутся острови? 026 EZE 026 016 И снидут со престол своих вси князи язык морских, и свергут венцы со глав своих, и ризы своя испещренныя совлекут с себе, ужасом ужаснутся: на земли сядут, и убоятся погибели своея, и возстенут о тебе, 026 EZE 026 017 и приимут о тебе плачь, глаголюще: како погибл и разсыпался еси от моря, граде хвалимый, иже был еси крепок на мори, ты и живущии в тебе, иже даял еси страх твой всем живущым в тебе? 026 EZE 026 018 И убоятся (вси) острови от дне падения твоего, и смятутся острови в мори от исхода твоего. 026 EZE 026 019 Яко сия глаголет Адонаи Господь: егда дам тя град опустевшь, якоже грады ненаселены никогдаже, внегда возведу на тя бездну, и покрыет тя вода многа: 026 EZE 026 020 и сведу тя к низходящым в пропасть к людем века, и вселю тя во глубинах земных, яко пустыню вечную с низходящими в пропасть, яко да не населишися, ниже востанеши на земли живота: 026 EZE 026 021 на пагубу тя отдам, и не будеши ктому, и взыщешися и не обрящешися во век, глаголет Адонаи Господь. 026 EZE 027 001 И бысть слово Господне ко мне глаголя: 026 EZE 027 002 и ты, сыне человечь, возми на Сор плачь, 026 EZE 027 003 и речеши Сору населенному на морстем входе, торжищу людий от островов многих, сия глаголет Адонаи Господь Сору: ты рекл еси: аз сам возложих на мя мою доброту, 026 EZE 027 004 в сердцы морстем веелиму, и сынове твои возложиша на тя доброту. 026 EZE 027 005 Кедр от Санира истесася тебе, тонкия доски кипарисныя от Ливана взяты быша, еже сотворити тебе ядрила елова: 026 EZE 027 006 от Васанитиды сотвориша весла твоя: святилища твоя состроиша от слоновых (костей), домы древяны от островов Хеттиимских: 026 EZE 027 007 виссон со испещрением от Египта бысть тебе постеля, еже обложити тебе славу и облещи тя в синету и во багряницу от островов Елиссе, и бысть одежда твоя. 026 EZE 027 008 И князи твои живущии во Сидоне и Арадиане быша весленицы твои: премудрии твои, Сор, иже быша в тебе, сии кормчии твои. 026 EZE 027 009 Старейшины Вивлийстии и премудрии их, иже быша в тебе, тии укрепляху совет твой: и вси корабли морстии и весленицы их быша в тебе ко западом западов. 026 EZE 027 010 Персяне и Лидяне и Ливиане беша в силе твоей, мужие доблии твои щиты и шлемы повесиша в тебе, сии даша славу твою. 026 EZE 027 011 Сынове Арадийстии и сила твоя на забралех твоих окрест: но и Мидяне во пиргах твоих быша стражие, тулы своя обесиша на забралех твоих окрест: сии совершиша твою доброту. 026 EZE 027 012 Кархидоняне купцы твои, от множества силы твоея, сребро и злато, и медь и железо, и чистое олово и свинец даша куплю твою. 026 EZE 027 013 Еллада вся и ближнии твои продаяху в тебе душы человечы, и сосуды медяны даша куплю твою. 026 EZE 027 014 От дому Форгамова кони и конники и мщята даша куплю твою. 026 EZE 027 015 Сынове Родийстии купцы твои от островов умножиша куплю твою, зубы слоновы, и вводимым воздавал еси мзды твоя. 026 EZE 027 016 Человеки куплю твою от множества примешенца твоего, стакти и пестроты и синету от Фарсиса, и рамоф и хорхор даша куплю твою. 026 EZE 027 017 Иуда и сынове Израилевы, сии купцы твои: продаянием пшеницы и миров и касии, и первый мед и елей и ритину даша примешенцу твоему. 026 EZE 027 018 Дамаск купцы твои от множества всея силы твоея, вино от Хелвона, и волну блещащуся от Милита, и вино Деданово и Ионаново и Меозелево в куплю твою даша. 026 EZE 027 019 От ассиила железо деланое и колеса в примесницех твоих суть. 026 EZE 027 020 Дедан купцы твои со скоты избранными в колесницы. 026 EZE 027 021 Аравиа и вси князи Кидарстии, сии купцы рукою твоею, велблюды и овны и агнцы в тебе продадят, имиже куплю творят. 026 EZE 027 022 Купцы Савы и Раммы, тии купцы твои с первыми сладостьми и со камением драгим, и злато даша куплю тебе. 026 EZE 027 023 Харран, Ханаа и Дедан, сии купцы твои: Сава, Ассур и Харман купцы твои, 026 EZE 027 024 приносяще куплю синету и червленицу, и испещренная и сокровища избранная связана ужами, и кипарисная. 026 EZE 027 025 Корабли, в тех купля твоя, (корабли) Кархидонстии купцы твои, во множестве смесник твоих, и насытился еси, и отягчал зело в сердцах морских. 026 EZE 027 026 В воде мнозе привождаху тя весленицы твои: ветр южный сокруши тя в сердцы морстем. 026 EZE 027 027 Быша силы твоя и мзда твоя от смесник твоих, и весленицы твои и кормчии твои, и советницы твои и смесницы от смесников твоих, и вси мужие твои доблии в тебе и весь сонм твой падут среде тебе в сердцы морстем, в день падения твоего. 026 EZE 027 028 От гласа вопля твоего кормчии твои страхом убоятся. 026 EZE 027 029 И снидут с кораблей своих вси весленицы твои, и всадницы и ловцы морстии на земли станут: 026 EZE 027 030 и воскликнут на тя гласом своим, и воскричат горце, и возложат землю на главы своя, и прах постелют: 026 EZE 027 031 и оплешивеют над тобою плешьми, и облекутся во вретище, и восплачутся о тебе в горести души, и плачем горьким ужаснутся: 026 EZE 027 032 и возмут о тебе сынове их плачь, возрыдают плаканием о тебе: кто якоже Тир умолкнувый среде моря? Колику обрел еси мзду от моря? 026 EZE 027 033 Наполнил еси страны от множества твоего и от смесник твоих обогатил еси вся цари земныя. 026 EZE 027 034 Ныне же сокрушился еси в мори, во глубинах водных смесницы твои, и весь сонм твой среде тебе падоша, и вси весленицы твои. 026 EZE 027 035 Вси же живущии во островех уныли по тебе, и царие их ужасом ужасошася, и прослезися лице их. 026 EZE 027 036 Купцы от язык позвиждут о тебе, в погибель был еси, и ктому не будеши в век, глаголет Господь Бог. 026 EZE 028 001 И бысть слово Господне ко мне глаголя: 026 EZE 028 002 и ты, сыне человечь, рцы князю Тирску: сия глаголет Адонаи Господь: понеже вознесеся сердце твое, и рекл еси: аз есмь бог, в селение божие вселихся в сердцы морстем: ты же человек еси, а не Бог, и положил еси сердце твое яко сердце Божие. 026 EZE 028 003 Еда премудрее ты еси Даниила? Премудрии не наказаша тебе хитростию своею. 026 EZE 028 004 Еда хитростию твоею или смыслом твоим сотворил еси себе силу и притяжал еси сребро и злато в сокровищих твоих? 026 EZE 028 005 Или во мнозей хитрости твоей и в купли твоей умножил еси силу твою? Вознесеся сердце твое в силе твоей. 026 EZE 028 006 Того ради сия глаголет Адонаи Господь: понеже дал еси сердце свое яко сердце Божие, 026 EZE 028 007 вместо сего, се, Аз наведу на тя чуждыя губители от язык, и извлекут мечы своя на тя и на доброту хитрости твоея, и постелют доброту твою в погубление, 026 EZE 028 008 и сведут тя, и умреши смертию язвеных в сердцы морстем. 026 EZE 028 009 Еда речеши глаголя пред убивающими тя: бог есмь аз? Ты же человек еси, а не бог, в руце убивающих тя. 026 EZE 028 010 Смертьми необрезаных умреши в руках чуждих: яко Аз рекох, глаголет Адонаи Господь. 026 EZE 028 011 И бысть слово Господне ко мне глаголя: 026 EZE 028 012 сыне человечь, возми плачь на князя Тирска и рцы ему: сия глаголет Адонаи Господь: ты еси печать уподобления, исполнен премудрости и венец доброты, 026 EZE 028 013 в сладости рая Божия был еси, всяким камением драгим украсился еси, сардием и топазием, и смарагдом и иакинфом, и анфраксом и сапфиром, и иасписом и сребром и златом, и лигирием и ахатом, и амефистом и хрисолифом, и вириллием и онихом и златом наполнил еси сокровища твоя и житницы твоя, от негоже дне создан еси. 026 EZE 028 014 Ты, с херувимом вчиних тя в горе святей Божии, был еси среде каменей огненных. 026 EZE 028 015 Был еси ты непорочен во днех твоих, от негоже дне создан еси, дондеже обретошася неправды в тебе. 026 EZE 028 016 От множества купли твоея наполнил еси сокровища твоя беззакония, и согрешил еси, и уязвлен еси от горы Божия: и сведе тя херувим осеняяй от среды камыков огненных. 026 EZE 028 017 Вознесеся сердце твое в доброте твоей, истле хитрость твоя с добротою твоею: множества ради грехов твоих на землю повергох тя, пред цари дах тя во обличение. 026 EZE 028 018 Множества ради грехов твоих и неправд купли твоея, осквернил еси святая твоя, и изведу огнь от среды твоея, сей снесть тя: и дам тя во прах на земли пред всеми видящими тя. 026 EZE 028 019 И вси ведящии тебе во языцех возстенут по тебе: пагуба учинен еси, и не будеши ктому во век. 026 EZE 028 020 И бысть слово Господне ко мне глаголя: 026 EZE 028 021 сыне человечь, утверди лице твое на Сидона и прорцы о нем и рцы: 026 EZE 028 022 сия глаголет Адонаи Господь: се, Аз на тя, Сидоне, и прославлюся в тебе, и уразумееши, яко Аз есмь Господь, егда сотворю в тебе суд и освящуся в тебе: 026 EZE 028 023 и послю на тя смерть, и кровь в стогнах твоих будет, и падут язвении среде тебе мечем, в тебе и окрест тебе, и уведят, яко Аз Господь: 026 EZE 028 024 и не будет ктому дому Израилеву остен горести и терн болезни от всех окрестных его обезчестивших их, и уразумеют, яко Аз есмь Адонаи Господь. 026 EZE 028 025 Тако глаголет Адонаи Господь: и соберу дом Израилев от язык, идеже разсыпашася тамо, и освящуся в них пред людьми и языки: и вселятся на земли своей, юже дах рабу Моему Иакову, 026 EZE 028 026 и населятся на ней с надеждею, и созиждут домы, и насадят винограды, и вселятся на ней с надеждею, егда сотворю суд во всех, иже укориша я во окрестных их: и уразумеют, яко Аз Господь Бог их и Бог отцев их. 026 EZE 029 001 В десятое лето, в десятый месяц, (в первый день) месяца, бысть слово Господне ко мне глаголя: 026 EZE 029 002 сыне человечь, утверди лице твое на фараона царя Египетска и прорцы нань и на Египет весь: 026 EZE 029 003 глаголи и рцы: сице глаголет Адонаи Господь: се, Аз наведу на тя, фараоне, царю Египетский, змиа великаго, седящаго среде рек своих, глаголющаго: моя суть реки, и аз сотворих я. 026 EZE 029 004 Аз же дам узду в челюсти твоя, и прилеплю рыбы реки твоея ко крилома твоима, и возведу тя от среды реки твоея, и к чешуям твоим прильпнут: 026 EZE 029 005 и низвергу тя вскоре и вся рыбы реки твоея: на лицы поля падеши, и не соберешися, и не оградишися, зверем земным и птицам небесным дах тя во снедь. 026 EZE 029 006 И уведят вси живущии во Египте, яко Аз есмь Господь: зане был еси жезл тростян дому Израилеву: 026 EZE 029 007 егда яся тебе рукою своею, сокрушился еси, и егда восплеска на них всяка рука, и егда почиша на тебе, стерлся еси и сломил еси их вся чресла. 026 EZE 029 008 Сего ради тако глаголет Адонаи Господь: се, Аз наведу на тя мечь и погублю от тебе человеки и скоты, 026 EZE 029 009 и будет земля Египетска в погибель и во опустение, и уразумеют, яко Аз есмь Господь. Понеже глаголал еси, яко реки моя суть, и аз сотворих я: 026 EZE 029 010 того ради, се, Аз на тя и на и вся реки твоя, и дам землю Египетску во опустение и в мечь и в погибель, от Магдола и Сиины и даже до предел Ефиопских: 026 EZE 029 011 не пройдет сквозе ея нога человеча, ни нога скотия не поступит по ней, и не населится четыредесять лет: 026 EZE 029 012 и дам землю его в пагубу среде земли опустелыя, и гради его среде градов опустевших будут, в разорении будут четыредесять лет: и разсею Египта во языцех, и развею я по странам. 026 EZE 029 013 Сия глаголет Адонаи Господь: по четыредесятих летех соберу Египтяны от язык, аможе разсыпашася, 026 EZE 029 014 и возвращу пленники Египетския и вселю я в землю Фафорскую, в землю, отюнудуже взяти быша, и будет власть смиренна: 026 EZE 029 015 паче всех властей будет смиренна, и не вознесется ктому над языки, и умалены сотворю я, еже не быти им многим во языцех. 026 EZE 029 016 И не будут ктому дому Израилеву в надежду воспоминающую беззаконие, внегда последовати им по них: и уразумеют, яко Аз есмь Господь. 026 EZE 029 017 И бысть в двадесять седмое лето, во един день месяца перваго, бысть слово Господне ко мне глаголя: 026 EZE 029 018 сыне человечь, Навуходоносор царь Вавилонск поработи силу свою работою великою на Тира, всяка глава плешива и всяко рамо наго: и мзда не бысть ему ни силе его на Тира, за работу, еюже работаша нань. 026 EZE 029 019 Того ради сице глаголет Адонаи Господь: се, Аз даю Навуходоносору царю Вавилонску землю Египетску, и возмет множество ея, и пленит плен ея, и расхитит корысти ея, и будет мзда силе его: 026 EZE 029 020 за службу его, еюже послужи на Тира, дах ему землю Египетску, зане послужи Мне, сия глаголет Адонаи Господь. 026 EZE 029 021 В той день взыдет рог всему дому Израилеву, и тебе дам уста отверста среде их, и уведят, яко Аз есмь Господь. 026 EZE 030 001 И бысть слово Господне ко мне глаголя: 026 EZE 030 002 сыне человечь, прорцы и рцы: сия глаголет Адонаи Господь: 026 EZE 030 003 возрыдайте: оле, оле день! Яко близ день Господень, и приближается день облака, и конец языков будет: 026 EZE 030 004 и приидет мечь на Египтяны, и будет мятеж во Ефиопии, и падут язвении во Египте, и взято будет множество их, и падутся основания его: 026 EZE 030 005 Персяне и Критяне, и Лидяне и Ливиане, и Мурини (и вся Аравиа) и вси примесницы, и сынове, иже от завета Моего, в нем мечем падут с ним. 026 EZE 030 006 Сия глаголет Господь: и падут подпоры Египта, и снидет укоризна крепости его от Магдола даже до Сиины, мечем падут в нем, глаголет Адонаи Господь. 026 EZE 030 007 И опустеют среде стран погибших, и гради их среде градов опустевших будут: 026 EZE 030 008 и уразумеют, яко Аз есмь Господь, егда дам огнь на Египет, и сокрушатся вси помагающии ему. 026 EZE 030 009 В той день приидут вестницы от лица Моего в сиеим тщащеся погубити надежду Муринския земли, и будет им мятеж в день Египетск, яко се, приспе. 026 EZE 030 010 Сия глаголет Адонаи Господь: и погублю множество Египтян рукою Навуходоносора царя Вавилонска, 026 EZE 030 011 самаго и людий его с ним, губителие от язык послани погубити землю: и извлекут вси мечы своя на Египта, и наполнится земля язвеными. 026 EZE 030 012 И дам реки их во опустение и отдам землю в руце злых, и погублю землю и исполнение ея руками чуждих, Аз Господь глаголах. 026 EZE 030 013 Яко сия глаголет Адонаи Господь: погублю кумиры и испражню вельможы от Мемфиса и старейшины от земли Египетския, и не будут ктому: и дам страх во земли Египетстей. 026 EZE 030 014 И погублю землю Фафорскую, и дам огнь на Таниса, и сотворю отмщение в Диосполи, 026 EZE 030 015 и излию ярость Мою на Саин крепость Египетску, и погублю множество Мемфы. 026 EZE 030 016 И дам огнь на Египта, и мятежем возмятется Саис, и в Диосполи будет разселина, и разлиются воды. 026 EZE 030 017 Юноши Илиуполя и Вуваста мечем падут, и жены в плен пойдут: 026 EZE 030 018 и в Тафнесе помрачится день, егда сокрушу тамо скипетры Египетски, и погибнет тамо укоризна крепости его, и того покрыет облак, и дщери его во пленение отведутся. 026 EZE 030 019 И сотворю суд во Египте, и уразумеют, яко Аз есмь Господь. 026 EZE 030 020 И бысть во единонадесятое лето, в первый месяц, в седмый день месяца, бысть слово Господне ко мне глаголя: 026 EZE 030 021 сыне человечь, мышцы фараона царя Египетска сотрох, и се, не помолися, еже дати ему цельбу, приложити ему пластырь, (обязати, ) дати силу, да возмет мечь. 026 EZE 030 022 Того ради сия глаголет Адонаи Господь: се, Аз на фараона царя Египетска, и сокрушу мышцы его крепкия и протяженыя и сотреныя, и изрину мечь его из руки его: 026 EZE 030 023 и разсею Египта во языки и развею их во страны: 026 EZE 030 024 и укреплю мышцы царя Вавилонска и дам мечь Мой в руку его, и наведет его на Египта, и пленит пленение его, и возмет корысти его: 026 EZE 030 025 и укреплю мышцы царя Вавилонска, мышцы же фараони падут: и уведят, яко Аз есмь Господь, егда дам мечь Мой в руце царя Вавилонска, и прострет его на землю Египетску, 026 EZE 030 026 и разсею Египта во языки и развею их во страны: и уведят вси, яко Аз есмь Господь. 026 EZE 031 001 И бысть во единонадесятое лето, в третий месяц, во един день месяца, бысть слово Господне ко мне глаголя: 026 EZE 031 002 сыне человечь, рцы фараону царю Египетску и множеству его: кому уподобил еси себе в высоте твоей? 026 EZE 031 003 Се, Ассур кипарис в Ливане, добр отрасльми и высок величеством и част покровом, и среде облак бысть власть его: 026 EZE 031 004 вода воспита его, бездна вознесе его, реки своя приведе окрест садов своих, и составы своя испусти во вся древеса полевая. 026 EZE 031 005 Сего ради вознесеся величество его паче всех древес польных, разширишася ветвие его, и вознесошася отрасли его от воды многи, егда протяжеся. 026 EZE 031 006 Во отраслех его возгнездишася вся птицы небесныя, и под ветвьми его раждахуся вси зверие польнии, под сению его вселися все множество языков. 026 EZE 031 007 И бысть добр в высоте своей множества ради ветвий своих, яко беша корение его в воде мнозе. 026 EZE 031 008 И кипариси не таковы в раи Божии, и сосны неподобны отраслем его, и елие не бысть подобно ветвиям его: всякое древо, еже в раи Божии, не бысть подобно ему в доброте его, множества ради ветвий его. 026 EZE 031 009 Добра сотворих его во множестве ветвий его, и возревноваша ему древеса райская Сладости Божия. 026 EZE 031 010 Того ради сия глаголет Адонаи Господь: понеже был еси велик величеством и дал еси власть свою во средину облак, и вознесеся сердце его в высоте его, и видех, егда вознесеся: 026 EZE 031 011 и предах его в руце князя языческа, и сотвори пагубу его, по нечестию его. 026 EZE 031 012 И изгнах его Аз, и потребиша его чуждии губителие от язык, и повергоша его на горах: и во всех дебрех падоша ветви его, и сотрошася отрасли его на всяцем поли земнем, и снидоша от покрова его вси людие языков и разориша его. 026 EZE 031 013 Во падении его почиша вся птицы небесныя, и на стеблиех его быша вси зверие селнии, 026 EZE 031 014 яко да не возносятся величеством своим вся древеса, яже в воде, и не дадят власти своея среде облак, и не станут в высоте их к нему вси пиющии воду, вси отдани быша во смерть во глубину земли, среде сынов человеческих к низходящым в пропасть. 026 EZE 031 015 Сия глаголет Адонаи Господь: в оньже день сведеся во ад, плакася о нем бездна: и удержах реки ея и возбраних множеству вод, и померче о нем Ливан, и вся древеса полевая о нем разслабишася: 026 EZE 031 016 от гласа падения его потрясошася языцы, егда свождах его во ад со снизходящими в ров, и утешаху его в земли долнейшей вся древеса Сладости, и избранная и добрая Ливанова, вся пиющая воду: 026 EZE 031 017 и та бо сведошася с ним во ад со язвеными от меча, и семя его, и живущии под покровом его среде жизни своея погибоша. 026 EZE 031 018 Кому уподобился еси силою и славою и величеством во древесех Сладости? Слези и сниди со древесами Сладости во глубину земную: среде необрезаных успнеши со язвеными мечем: тако фараон и все множество крепости его, глаголет Адонаи Господь. 026 EZE 032 001 И бысть во второенадесять лето, во вторыйнадесять месяц, во един день месяца, 026 EZE 032 002 бысть слово Господне ко мне глаголя: сыне человечь, возми плачь на фараона царя Египетска и речеши ему: льву языков уподобился еси ты, и яко змий великий, иже в мори, и бил еси рогами в реках твоих, и возмущал еси воду ногама твоима, и попирал еси реки твоя. 026 EZE 032 003 Сия глаголет Адонаи Господь: и возложу на тя сети Моя в собрании людий многих, 026 EZE 032 004 и изведу тя удою моею, и простру тя на земли: поля наполнятся тебе, и посажду на тебе вся птицы небесныя, и насыщу тобою вся звери всея земли: 026 EZE 032 005 и повергу плоти твоя на горах, и наполню кровию твоею всю землю, 026 EZE 032 006 и напиется земля от гноя твоего, от множества твоего на горах: и дебри наполню от тебе, 026 EZE 032 007 и покрыю небо, егда угаснеши, и помрачу звезды его, солнце во облаце сокрыю, и луна не явит света своего: 026 EZE 032 008 вся светила небесная помрачу на тя и дам тму на землю твою, глаголет Адонаи Господь. 026 EZE 032 009 И разгневаю сердца людий многих, егда изведу пленники твоя во языки, в землю, еяже не знал еси. 026 EZE 032 010 И уныют о тебе языцы мнози, и царие их ужасом ужаснутся о тебе, егда налетит мечь Мой на лица их, чающе падения своего от дне падения твоего. 026 EZE 032 011 Яко сия глаголет Адонаи Господь: мечь царя Вавилонска приидет тебе, мечьми исполинов, и поражу крепость твою: 026 EZE 032 012 губителие от язык вси, и погубят укоризну Египетску, и сокрушится вся крепость его. 026 EZE 032 013 И погублю вся скоты его от воды многи, и не возмутит ея нога человеческа ктому, и стопа скотия не ступит на ню. 026 EZE 032 014 Тако тогда умолкнут воды их, и реки их яко елей потекут, глаголет Адонаи Господь, 026 EZE 032 015 егда дам Египта в пагубу, и опустеет земля с полнотою своею, егда разсею вся живущыя на ней, и уведят, яко Аз есмь Господь. 026 EZE 032 016 Плачь есть, и восплачешися о нем, и дщери языческия восплачутся о нем, над Египтом и над всею силою Его восплачутся, глаголет Адонаи Господь. 026 EZE 032 017 И бысть во второенадесять лето, перваго месяца в пятыйнадесять день, бысть слово Господне ко мне глаголя: 026 EZE 032 018 сыне человечь, восплачися о крепости Египетстей (прекланяя преведи его): и сведут дщерей его мертвых языцы во глубину земную ко низходящым в пропасть. 026 EZE 032 019 От вод благолепно сниди и поспи с необрезаными. 026 EZE 032 020 Среде язвеных мечем падут с ним, и успнет вся крепость его. 026 EZE 032 021 И рекут ти исполини: во глубине пропасти буди, кого лучши еси ты? Сниди и лязи с необрезаными среде язвеных мечем. 026 EZE 032 022 Тамо Ассур и весь сонм его, и вси язвении тамо дашася, и гроб их во глубине пропасти, и быти сонм его окрест гроба его, вси язвении падшии мечем, 026 EZE 032 023 иже даша гробы его во стегнех рва, и бысть сонм его окрест гроба его, вси тии язвении падающии мечем, иже даша страх свой на земли живых. 026 EZE 032 024 Тамо Елам и вся сила его окрест гроба его, вси язвении падшии мечем и низходящии необрезани во глубину земную, давшии страх свой на земли живых: 026 EZE 032 025 и прияша мучение свое с низходящими в пропасть, среде язвеных. 026 EZE 032 026 Тамо дашася Мосох, и Фовель, и вся сила его, окрест гроба его, вси необрезаннии язвении от меча, давшии страх свой на земли жизни. 026 EZE 032 027 И успоша со исполины падшими от века, иже снидоша во ад во оружии воинстем и положиша мечы своя под главы своя, и быша беззакония их на костех их, яко устрашиша всех во житии своем, и страх сильным быша на земли живущым. 026 EZE 032 028 И ты посреде необрезанных сокрушишися и поспиши со язвеными мечем. 026 EZE 032 029 Тамо Едом и царие его и вси князи Ассуровы, давшии крепость свою на язву мечную: сии со язвеными успоша, с низходящими в ров. 026 EZE 032 030 Тамо князи северстии вси, тамо вси воеводы Ассуровы, иже сведени быша со язвеными со страхом своим и со крепостию своею стыдящеся, успоша необрезаннии со язвеными мечем, и прияша мучение свое с низходящими в пропасть. 026 EZE 032 031 Тех узрит царь фараон и утешится от всей крепости их: фараон и язвении мечем и вся сила его, глаголет Адонаи Господь. 026 EZE 032 032 Яко дах страх Мой на земли жизни, и успнет среде необрезанных со язвеными мечем фараон, и все множество его с ним, глаголет Адонаи Господь. 026 EZE 033 001 И быти слово Господне ко мне глаголя: 026 EZE 033 002 сыне человечь, глаголи ко сыном людий твоих и речеши к ним: земля, на нюже Аз аще наведу мечь, и поймут людие земли человека единаго от себе и поставят его себе во стража, 026 EZE 033 003 и узрит мечь грядущь на землю, и вострубит трубою, и проповесть людем, 026 EZE 033 004 и услышит услышавый глас трубы, а не сохранится, и найдет мечь и постигнет его, кровь его на главе его будет: 026 EZE 033 005 яко слыша глас трубы и не сохранися, кровь его на нем будет: а сей, понеже сохранися, душу свою избавил. 026 EZE 033 006 И страж, аще увидит мечь грядущь, и не вострубит трубою, (и не проповесть людем, ) и людие не охранят себе, и нашед мечь возмет от них душу, та убо беззакония ради своего взяся, а крове ея от руки стража взыщу. 026 EZE 033 007 И ты, сыне человечь, во стража дах тя дому Израилеву, и услышиши от уст Моих слово, и проповеси им от Мене. 026 EZE 033 008 Егда реку грешнику: грешниче, смертию умреши: и не будеши глаголати (грешнику), еже сохранитися нечестивому, (еже обратитися ему) от пути своего (и живу быти ему), той беззаконник во беззаконии своем умрет, а крове его от руки твоея взыщу. 026 EZE 033 009 Аще же ты проповеси нечестивому путь его, еже обратитися от него, и не обратится с пути своего, той в нечестии своем умрет, а ты душу твою избавил еси. 026 EZE 033 010 И ты, сыне человечь, рцы дому Израилеву: сице ресте глаголюще: прелести нашя и беззакония наша в нас суть, и мы в них таем, и како нам живым быти? 026 EZE 033 011 Рцы им: живу Аз, глаголет Адонаи Господь, не хощу смерти грешника, но еже обратитися нечестивому от пути своего и живу быти ему: обращением обратитеся от пути вашего злаго: и вскую умираете, доме Израилев? 026 EZE 033 012 И ты, сыне человечь, рцы ко сыном людий твоих: правда праведника не избавит его, в оньже день прельстится: и беззаконие беззаконника не убиет, в оньже день обратится от беззакония своего: и праведник не может спастися в день греха своего. 026 EZE 033 013 Егда реку праведнику: жизнию жив будеши: сей же уповая на правду свою и сотворит беззаконие, вся правды его не воспомянутся, в неправде своей, юже сотвори, в той умрет. 026 EZE 033 014 И егда реку нечестивому: смертию умреши: и обратится от греха своего и сотворит суд и правду, 026 EZE 033 015 и залог отдаст и восхищеное возвратит, беззаконник в заповедех жизни ходити будет, еже не сотворити неправды, жизнию жив будет и не умрет: 026 EZE 033 016 вси греси его, яже согреши, не помянутся: понеже суд и правду сотвори, жив будет в них. 026 EZE 033 017 И рекут сынове людий твоих: неправ путь Господень. И се, путь их неправ. 026 EZE 033 018 Егда совратится праведник от правды своея и сотворит беззаконие, и умрет в нем. 026 EZE 033 019 И егда грешник возвратится от беззакония своего и сотворит суд и правду, той жив будет в них. 026 EZE 033 020 И се есть, еже рекосте: неправ путь Господень. Комуждо по путем его сужду вам, доме Израилев. 026 EZE 033 021 И бысть во второенадесять лето, месяца вторагонадесять, в пятый день месяца пленения нашего, прииде ко мне от Иерусалима уцелевый глаголя: пленен бысть град. 026 EZE 033 022 И рука Господня бысть на мне в вечер, прежде пришествия его, и отверзе уста моя, дондеже прииде ко мне заутра: и отверзшаяся уста моя не затворишася ктому. 026 EZE 033 023 И бысть слово Господне ко мне глаголя: 026 EZE 033 024 сыне человечь, живущии на опустевших местех во земли Израилеве глаголют: един бяше Авраам и одержаше землю, а мы множайшии есмы, нам дана есть земля во одержание. 026 EZE 033 025 Того ради рцы им: сице глаголет Адонаи Господь: понеже с кровию ясте и очи ваши воздвигосте ко кумиром и кровь проливаете, и землю ли наследите? 026 EZE 033 026 Стасте с мечем вашим, сотвористе мерзости, и кийждо жену ближняго своего осквернисте, и тако ли землю имате наследити? 026 EZE 033 027 Того ради рцы им: сия глаголет Адонаи Господь: живу Аз, яко падут мечем сущии во опустевших, и иже на лицы поля, зверем польным предадутся на изядение, и сущыя во градех и иже в пещерах смертию поражу, 026 EZE 033 028 и дам землю на опустение, и погибнет гордость крепости ея, и опустеют горы Израилевы, занеже не будет проходящаго: 026 EZE 033 029 и уведят, яко Аз Господь: и сотворю землю их пусту, и опустеет всех ради мерзостей их, яже сотвориша. 026 EZE 033 030 И ты, сыне человечь, сынове людий твоих глаголющии о тебе у забрал и во вратех дворов, и глаголют кийждо ко ближнему своему и кийждо ко брату своему, глаголюще: соберимся и услышим исходящая от уст Господних. 026 EZE 033 031 И приходят к тебе, якоже сходятся людие, и седят людие Мои пред тобою, и послушают глаголов твоих, и не сотворят их: понеже лжа во устех их, и вслед скверн их сердце их ходит. 026 EZE 033 032 И будеши им яко глас песнивца сладкогласнаго благосличнаго, и услышат глаголы твоя, и не сотворят их. 026 EZE 033 033 И егда приидеши, рекут: се, прииде. И уведят, яко пророк бе среде их. 026 EZE 034 001 И бысть слово Господне ко мне глаголя: 026 EZE 034 002 сыне человечь, прорцы на пастыри Израилевы, прорцы и рцы пастырем: сия глаголет Адонаи Господь: 026 EZE 034 003 оле, пастырие Израилевы! Еда пасут пастырие самих себе? Не овец ли пасут пастырие? Се, млеко ядите и волною одеваетеся и тучное закалаете, а овец Моих не пасете: 026 EZE 034 004 изнемогшаго не подясте и болящаго не уврачевасте, и сокрушеннаго не обязасте и заблуждающаго не обратисте, и погибшаго не взыскасте и крепкое оскорбисте трудом и властию наказасте я и наруганием. 026 EZE 034 005 И разсыпашася овцы Моя, понеже не имеяху пастырей, и быша на изядение всем зверем селным. 026 EZE 034 006 И расточишася овцы Моя по всем горам и (заблудиша) по всем холмом высоким, и на лицы всея земли разсыпашася овцы Моя, и не бе взыскающаго, ни обращающаго. 026 EZE 034 007 Того ради, о, пастырие, слышите слово Господне: 026 EZE 034 008 живу Аз, глаголет Адонаи Господь, понеже учинена суть стада Моя в расхищение, и овцы Моя быша во снедение всем зверем селным, занеже несть пастырей, и не поискаша пастырие овец Моих, но пасоша пастырие самих себе, а овец Моих не пасоша: 026 EZE 034 009 сего ради, пастырие, слышите слово Господне, 026 EZE 034 010 сия глаголет Адонаи Господь: се, Аз на пастыри, и взыщу овец Моих от рук их, и отставлю я от паствы овец Моих, и не будут пасти их пастырие: ниже самих себе имут пасти, и отиму овцы Моя из уст их, и ктому не будут им на изядение. 026 EZE 034 011 Сего ради сия глаголет Адонаи Господь: се, Аз взыщу овец Моих и присещу их: 026 EZE 034 012 якоже присещает пастух паству свою в день, егда есть облачен и мглян, среде овец своих разлученых, тако взыщу овец Моих и избавлю я от всякаго места, аможе суть разсыпаны в день облачен и примрачен. 026 EZE 034 013 И изведу я от язык и соберу и от стран, и введу я в землю их и упасу я на горах Израилевых и в дебрех и во всем селении земли, 026 EZE 034 014 на пажити блазе упасу я, на горе высоце Израилеве: и будут ограды их тамо, и успнут и почиют тамо в пищи блазе, и на пажити тучне упасутся на горах Израилевых. 026 EZE 034 015 Аз упасу овцы Моя и Аз упокою я, и уразумеют, яко Аз есмь Господь. 026 EZE 034 016 Сия глаголет Адонаи Господь: погибшее взыщу и заблудившее обращу, и сокрушенное обяжу и немощное укреплю, и крепкое снабдю и упасу я с судом. 026 EZE 034 017 И вы, овцы Моя, сия глаголет Адонаи Господь: се, Аз разсужду между овцею и овцею, и овном и козлом. 026 EZE 034 018 Не доволно ли вам, яко на блазей пажити пасостеся, и останок пажити вашея ногами вашими попирасте, и устоявшуюся воду пивасте, и останок ногами вашими возмущасте, 026 EZE 034 019 и овцы Моя попранием ног ваших живяху, и возмущенную воду ногами вашими пияху? 026 EZE 034 020 Того ради сия глаголет Адонаи Господь: се, Аз разсужду между овчатем сильным и между овчатем немощным. 026 EZE 034 021 Ребрами и плещами вашими реясте и рогами вашими бодосте, и всякое немощное пхасте, дондеже изгнасте я вон: 026 EZE 034 022 и спасу овцы Моя, и ктому не будут на разграбление, и разсужду между овчатем и овчатем, и между овном и овном: 026 EZE 034 023 и возставлю им пастыря единаго, и упасет я, раба Моего Давида, той упасет я, (и той упокоит я, ) и будет им пастырь, 026 EZE 034 024 Аз же Господь буду им в Бога, и раб Мой Давид князь среде их: Аз Господь глаголах. 026 EZE 034 025 И завещаю Давидови завет мирный, и потреблю звери злы от земли, и вселятся в пустыни, уповающе успнут в дубравах. 026 EZE 034 026 И дам им окрест горы Моея благословение, и испущу дождь вам во время свое, дождь благословения. 026 EZE 034 027 И древеса на поли дадят плод свой, и земля даст силу свою, и вселятся на земли своей с надеждею мира, и уведят, яко Аз есмь Господь, егда сокрушу узы ига их: и избавлю я из руки поработивших я, 026 EZE 034 028 и не будут ктому во пленение языком, и зверие земнии не поядят их ктому: и вселятся с надеждею, и не будет устрашаяй их. 026 EZE 034 029 И возставлю им сад мирен, и не будут ктому малы числом на земли, и не будут погублени гладом на земли, и не приимут ктому укорения от язык: 026 EZE 034 030 и уведят, яко Аз есмь Господь Бог их с ними, а тии людие Мои дом Израилев, глаголет Адонаи Господь: 026 EZE 034 031 вы же овцы Моя и овцы паствы Моея есте, и Аз Господь Бог ваш, глаголет Адонаи Господь. 026 EZE 035 001 И бысть слово Господне ко мне глаголя: 026 EZE 035 002 сыне человечь, обрати лице твое к горе Сеир и прорцы на ню и рцы ей: 026 EZE 035 003 сия глаголет Адонаи Господь: се, Аз на тя, горо Сеир, и простру руку Мою на тя и поставлю тя пусту, и опустееши, 026 EZE 035 004 и во градех твоих пустыню сотворю, и ты в пустыню будеши, и уразумееши, яко Аз есмь Господь. 026 EZE 035 005 Понеже бысть в тебе вражда вечная, и приседела еси дому Израилеву лукавством, рукою врагов с мечем во время печали их и во время неправды, на последок: 026 EZE 035 006 сего ради живу Аз, глаголет Адонаи Господь, понеже в крови согрешила еси, и кровь поженет тя, кровь возненавидела еси, и кровь ижденет тя. 026 EZE 035 007 И поставлю гору Сеир пусту и опустевшу, и погублю от нея человеки и скоты, (и приходяща и отходяща: ) 026 EZE 035 008 и наполню язвеными твоими холмы твоя и дебри твоя, и на всех полех твоих язвении мечем падут в тебе: 026 EZE 035 009 и пусту во век поставлю тя, и гради твои не населятся ктому, и уразумееши, яко Аз есмь Господь. 026 EZE 035 010 Понеже рекла еси: оба языка и обе стране мои будут, и возму их в наследие, а Господь тамо есть: 026 EZE 035 011 сего ради живу Аз, глаголет Адонаи Господь, и сотворю тебе по вражде твоей и по ревности твоей, юже сотворила еси от ненавидения к ним, и познан буду тобою, егда имам тебе судити, и уразумееши, яко Аз есмь Господь. 026 EZE 035 012 Слышах глас всех хулений твоих, яже глаголала еси: горы Израилевы пусты даны нам во снедь: 026 EZE 035 013 и велеречила еси на Мя усты твоими и умножила на Мя словеса, Аз же услышах. 026 EZE 035 014 Сего ради тако глаголет Адонаи Господь: во веселии всея земли пусту тя сотворю: 026 EZE 035 015 якоже порадовалася еси о наследии дому Израилева, яко погибе, тако сотворю тебе: пуста будеши, горо Сеир, и вся Идумеа потребится, и уведят, яко Аз есмь Господь Бог их. 026 EZE 036 001 И ты, сыне человечь, прорцы на горы Израилевы и рцы: 026 EZE 036 002 горы Израилевы, слышите слово Господне, сия глаголет Адонаи Господь: понеже рече враг на вы: благоже, пустыня вечная во одержание нам бысть: 026 EZE 036 003 того ради прорцы и рцы: тако глаголет Адонаи Господь: зане быти вам погубленым и безчестным и возненавиденым от язык окрестных вам, еже быти вам во одержание прочым языком, и взыдосте и бысте в поношение устен и во укоризну странам: 026 EZE 036 004 сего ради, горы Израилевы, слышите слово Господне, сия глаголет Адонаи Господь горам и холмом, и потоком и дебрем, и полянам и опустошеным, и разореным и градом оставленым, иже быша в пленение и в попрание оставшым языком окрестным. 026 EZE 036 005 Того ради сия глаголет Адонаи Господь: аще не во огни рвения Моего глаголах на прочыя языки и на Идумею всю, яко даша землю Мою себе во одержание со веселием (от всего сердца), обезчестивше душы, еже потребити повоеванием: 026 EZE 036 006 того ради прорцы на землю Израилеву и рцы горам и холмом, и полянам и дебрем: сия глаголет Адонаи Господь: се, Аз во рвении Моем и в ярости Моей глаголах, за укоризну, юже приясте от язык. 026 EZE 036 007 Того ради сия глаголет Адонаи Господь: се, Аз воздвигну руку Мою на языки, иже окрест вас, тии безчестие свое приимут. 026 EZE 036 008 Ваше же гроздие и плод ваш, горы Израилевы, поядят людие Мои, яко надеются приити. 026 EZE 036 009 Яко се, Аз к вам, и призрю на вы, и возделаете и насеете: 026 EZE 036 010 и умножу в вас человеки, весь дом Израилев до конца, и населятся гради, и пустыни оградятся: 026 EZE 036 011 и умножу вас людьми и скотом, и умножатся и возрастут, и вселю вас якоже прежде, и благо сотворю вам якоже бывшым прежде вас, и уразумеете, яко Аз есмь Господь: 026 EZE 036 012 и нарожду в вас человеки люди Моя Израиля, и наследят вас, и будете им во одержание, и не приложите ктому безчадни быти от них. 026 EZE 036 013 Сия глаголет Адонаи Господь: понеже глаголаша тебе: земля поядающая человеки ты еси, и безчадная от языка твоего была еси: 026 EZE 036 014 того ради человеков ктому не пояси и языка твоего не обезчадиши ктому, глаголет Адонаи Господь. 026 EZE 036 015 И не услышится в вас ктому безчестие языков, и укоризны людий не приимете ктому, и язык твой не будет без чад ктому, глаголет Адонаи Господь. 026 EZE 036 016 И бысть слово Господне ко мне глаголя: 026 EZE 036 017 сыне человечь, дом Израилев вселися на земли своей, и оскверниша ю путем своим и кумирми своими и нечистотами своими, и по нечистоте месячная имущия бысть путь их пред лицем Моим: 026 EZE 036 018 и излиях ярость Мою на ня, крови ради, юже пролияша на землю, и кумирми своими оскверниша ю, 026 EZE 036 019 и разсыпах я во языки и развеях я во страны: по пути их и по начинанию их судих им. 026 EZE 036 020 И внидоша во языки, в няже внидоша тамо, и оскверниша имя Мое святое, внегда глаголатися им: людие Господни сии и от земли своея изыдоша. 026 EZE 036 021 И пощадих я имене ради Моего святаго еже оскверниша дом Израилев во языцех, аможе внидоша. 026 EZE 036 022 Того ради рцы дому Израилеву: сия глаголет Адонаи Господь: не вам Аз творю, доме Израилев, но имене Моего ради святаго, еже осквернисте во языцех, тамо аможе внидосте. 026 EZE 036 023 И освящу имя Мое великое, оскверненное во языцех, еже осквернисте среде их, и уразумеют языцы, яко Аз есмь Господь, глаголет Адонаи Господь, внегда освящуся в вас пред очима их. 026 EZE 036 024 И возму вы от язык и соберу вы от всех земель, и введу вы в землю вашу, 026 EZE 036 025 и воскроплю на вы воду чисту, и очиститеся от всех нечистот ваших и от всех кумиров ваших, и очищу вас. 026 EZE 036 026 И дам вам сердце ново и дух нов дам вам, и отиму сердце каменное от плоти вашея и дам вам сердце плотяно, и дух Мой дам в вас: 026 EZE 036 027 и сотворю, да в заповедех Моих ходите, и суды Моя сохраните и сотворите я. 026 EZE 036 028 И вселитеся на земли, юже дах отцем вашым, и будете Ми в люди, Аз же буду вам в Бога. 026 EZE 036 029 И спасу вы от всех нечистот ваших (и очищу вы от грех ваших всех), и призову пшеницу и умножу ю, и не дам на вы глада: 026 EZE 036 030 и распложу плод древесный и плоды селныя, яко да не приимете ктому гладныя укоризны во языцех. 026 EZE 036 031 И помянете пути своя злыя и начинания ваша не благая, и вознегодуете пред лицем их о беззакониих ваших и о мерзостех ваших. 026 EZE 036 032 Не вас ради Аз творю, доме Израилев, глаголет Адонаи Господь, вестно да будет вам, (доме Израилев: ) постыдитеся и усрамитеся от путий ваших, доме Израилев. 026 EZE 036 033 Сия глаголет Адонаи Господь: во оньже день очищу вы от всех беззаконий ваших и населю грады, и соградятся пустыни, 026 EZE 036 034 и земля погибшая возделается вместо того, яко погублена бысть пред очима всякаго мимоходящаго: 026 EZE 036 035 и рекут: земля оная погибшая бысть яко вертоград Сладости, и гради опустевшии и разореннии и раскопаннии, забралы утвержденни сташа: 026 EZE 036 036 и уразумеют языцы, елицы останутся окрест вас, яко Аз Господь возградих разоренныя и насадих погубленныя: Аз Господь глаголах и сотворю. 026 EZE 036 037 Сия глаголет Адонаи Господь: се, еще обрящуся дому Израилеву, еже сотворити им: умножу их яко овцы, человеки яко овцы святыя, 026 EZE 036 038 яко овцы Иерусалимли во праздниках его, тако будут гради опустевшии полни стад человеческих: и уразумеют, яко Аз Господь. 026 EZE 037 001 И бысть на мне рука Господня, и изведе мя в дусе Господни и постави мя среде поля: се же бяше полно костей человеческих: 026 EZE 037 002 и обведе мя окрест их около, и се, многи зело на лицы поля, и се, сухи зело. 026 EZE 037 003 И рече ко мне: сыне человечь, оживут ли кости сия? И рекох: Господи Боже, Ты веси сия. 026 EZE 037 004 И рече ко мне: сыне человечь, прорцы на кости сия и речеши им: кости сухия, слышите слово Господне: 026 EZE 037 005 се глаголет Адонаи Господь костем сим: се, Аз введу в вас дух животен 026 EZE 037 006 и дам на вас жилы, и возведу на вас плоть и простру по вам кожу, и дам дух Мой в вас, и оживете и увесте, яко Аз есмь Господь. 026 EZE 037 007 И прорекох, якоже заповеда ми Господь. И бысть глас внегда ми пророчествовати, и се, трус, и совокупляхуся кости, кость к кости, каяждо ко составу своему. 026 EZE 037 008 И видех, и се, быша им жилы, и плоть растяше, и восхождаше (и протяжеся) им кожа верху, духа же не бяше в них. 026 EZE 037 009 И рече ко мне: прорцы о дусе, прорцы, сыне человечь, и рцы духови: сия глаголет Адонаи Господь: от четырех ветров прииди, душе, и вдуни на мертвыя сия, и да оживут. 026 EZE 037 010 И прорекох, якоже повеле ми, и вниде в ня дух жизни, и ожиша и сташа на ногах своих, собор мног зело. 026 EZE 037 011 И рече Господь ко мне глаголя: сыне человечь, сия кости весь дом Израилев есть, тии бо глаголют: сухи быша кости нашя, погибе надежда наша, убиени быхом. 026 EZE 037 012 Того ради прорцы (сыне человечь) и рцы к ним: сия глаголет Адонаи Господь: се, Аз отверзу гробы вашя и изведу вас от гроб ваших, людие Мои, и введу вы в землю Израилеву: 026 EZE 037 013 и увесте, яко Аз есмь Господь, внегда отверсти Ми гробы вашя, еже возвести Ми вас от гробов ваших, людие Мои: и дам дух Мой в вас, и живи будете, 026 EZE 037 014 и поставлю вы на земли вашей, и увесте, яко Аз Господь: глаголах и сотворю, глаголет Адонаи Господь. 026 EZE 037 015 И бысть слово Господне ко мне глаголя: 026 EZE 037 016 сыне человечь, возми себе жезл един и напиши на нем Иуду и сыны Израилевы прилежащыя к нему: и жезл вторый возми себе и напиши на нем Иосифа, жезл Ефремов, и вся сыны Израилевы приложившыяся к нему: 026 EZE 037 017 и совокупи я друг ко другу себе в жезл един, еже связати я, и будут (вкупе) в руце твоей: 026 EZE 037 018 и будет, егда рекут к тебе сынове людий твоих, вопрошающе: не возвестиши ли нам ты, что суть сия тебе? 026 EZE 037 019 И речеши к ним: сия глаголет Адонаи Господь: се, Аз поиму племя Иосифово, еже есть в руце Ефремове, и племена Израилева прилежащая к нему, и дам я в племя Иудино, и будут в жезл един в руце Иудине. 026 EZE 037 020 И будут жезли, на нихже писати будеши, в руце твоей пред очима их, 026 EZE 037 021 и речеши к ним: сия глаголет Адонаи Господь: се, Аз поемлю весь дом Израилев от среды языков, аможе внидоша, и соберу я от всех сущих окрест их и введу их в землю Израилеву, 026 EZE 037 022 и дам я во язык на земли Моей и в горах Израилевых: и Князь един будет во всех сих царем, и не будут ктому в два языка, ни разделятся ктому на два царства, 026 EZE 037 023 да не оскверняются ктому в кумирех своих и в мерзостех своих и во всех нечестиих своих: и избавлю я от всех беззаконий их, имиже согрешиша, и очищу я, и будут Ми в люди, и Аз буду им в Бога. 026 EZE 037 024 И раб Мой Давид Князь среде их и Пастырь един будет всех, яко в заповедех Моих ходити будут и суды Моя сохранят и сотворят я, 026 EZE 037 025 и вселятся на земли своей, юже дах рабу Моему Иакову, на нейже жиша тамо отцы их, и вселятся на ней тии и сынове их и сынове сынов их даже до века: и Давид раб Мой князь их будет во век. 026 EZE 037 026 И утвержу им завет мирен, и завет вечен будет с ними, и укореню я и умножу, 026 EZE 037 027 и дам освящение Мое посреде их во век, и будет вселение Мое в них, и буду им Бог, а они будут Ми людие: 026 EZE 037 028 и уведят языцы, яко Аз есмь Господь освящаяй я, внегда будут святая Моя среде их во век. 026 EZE 038 001 И бысть слово Господне ко мне глаголя: 026 EZE 038 002 сыне человечь, утверди лице твое на Гога и на землю Магога князя Рос, Мосоха и Фовеля, и прорцы нань, 026 EZE 038 003 и рцы ему: сия глаголет Адонаи Господь: се, Аз на тя, Гог, и на князя Рос, Мосоха и Фовеля, 026 EZE 038 004 и обращу тя окрест, и вложу узду в челюсти твоя, и соберу тя и всю силу твою, кони и конники оболчены во броня вся, собор мног, шлемы и мечы и щиты вси тии имуще: 026 EZE 038 005 Персяне и Муряне, и Лидяне и Ливиане, вси сии щиты и шлемы имуще: 026 EZE 038 006 Гомер и вси иже окрест его, дом Форгамань от конец севера и вси иже окрест его, и языцы мнози с тобою. 026 EZE 038 007 Уготовися, уготовися сам ты и весь сонм твой собраный с тобою, и будеши ми в преднюю стражбу. 026 EZE 038 008 От дний множайших уготовишися, и в последняя лета приидеши, и приидеши на землю низвращенную от меча, собраных от язык многих на землю Израилеву, яже бысть пуста весьма: и тии от язык изыдоша, и вселятся с миром вси. 026 EZE 038 009 И взыдеши аки дождь и приидеши аки облак, покрыти землю, и падеши ты и вси иже окрест тебе, и языцы мнози с тобою. 026 EZE 038 010 Сия глаголет Адонаи Господь: и будет в той день, взыдут глаголы на сердце твое, 026 EZE 038 011 и помыслиши помышления злая и речеши: взыду на землю отверженую, прииду на молчащыя в тишине и живущыя мирно, на вся живущыя на земли, на нейже несть ограды, ни дверий, ни верей, 026 EZE 038 012 еже пленити плен и взяти корысти их, еже обратити руку мою на землю опустошеную, яже населися, и на язык собраный от языков многих, сотворивших притяжания имений и живущих на пупе земли. 026 EZE 038 013 Сава и Дедан и купцы Кархидонстии и вся веси их рекут тебе: еда на пленение, еже пленити, ты грядеши, и взяти корысти? И собрал еси люди твоя взяти сребро и злато, отвести притяжания и имения, еже пленити плен велик. 026 EZE 038 014 Того ради прорцы, сыне человечь, и рцы Гогу: сия глаголет Адонаи Господь: не в той ли день, егда жити будут людие Мои Израиль с миром, востанеши? 026 EZE 038 015 И приидеши от места своего от конца севера, и языцы мнози с тобою: конницы на конех вси, собор велик и сила многа, 026 EZE 038 016 и взыдеши на люди Моя Израиля, яко облак покрыти землю: в последния дни будет, и возведу тя на землю Мою, да Мя уведят вси языцы, егда освящуся в тебе пред ними, (о, Гог!) 026 EZE 038 017 сия глаголет Адонаи Господь Гогу: ты еси, о немже глаголах во дни первыя рукою раб Моих пророк Израилевых, прорекших в оныя дни и лета, еже привести тя на ня. 026 EZE 038 018 И будет в той день, в оньже приидет Гог на землю Израилеву, глаголет Адонаи Господь, взыдет ярость Моя во гневе Моем 026 EZE 038 019 и рвения Моя во огни гнева Моего: глаголах, аще не будет в той день трус велик на земли Израилеве: 026 EZE 038 020 и потрясутся от лица Господня рыбы морския и птицы небесныя, и зверие польнии и вси гади ползающии по земли, и вси человецы иже на лицы земли, и расторгнутся горы и падут дебри, и всяка стена на землю падет. 026 EZE 038 021 И призову нань весь страх мечный, глаголет Адонаи Господь: мечь человека на брата его будет. 026 EZE 038 022 И отсужду ему смертию и кровию, и дождем потопляющим и камением градным, огнь и камень горящь одождю нань и на вся сущыя с ним и на языки многия с ним: 026 EZE 038 023 и возвеличуся и освящуся, и прославлюся и уведан буду пред языки многими, и уведят, яко Аз есмь Господь. 026 EZE 039 001 И ты, сыне человечь, прорцы на Гога и рцы: сия глаголет Адонаи Господь: се, Аз на тя, Гог, князя Рос, Мосоха и Фовеля, 026 EZE 039 002 и соберу тя и наставлю тя, и возведу тя от конца севера и возведу тя на горы Израилевы: 026 EZE 039 003 и исторгну лук твой от руки твоея левыя и стрелы твоя от руки твоея десныя, 026 EZE 039 004 и поражу тя на горах Израилевых, и падеши ты и вси иже окрест тебе, и языцы иже с тобою отдадятся во множество птиц всякому парящему, и всем зверем польным дах тя на изядение: 026 EZE 039 005 на лицы поля падеши, яко Аз глаголах, глаголет Адонаи Господь. 026 EZE 039 006 И пущу огнь на Магога, и населятся острови с миром, 026 EZE 039 007 и уведят, яко Аз есмь Господь, и имя Мое святое вестно будет среде людий Моих Израиля, и не осквернится имя Мое святое ктому, и уведят вси языцы, яко Аз есмь Господь Святый среде Израиля. 026 EZE 039 008 Се, приспе, и увеси, яко будет, глаголет Адонаи Господь: се есть день, о немже глаголах, 026 EZE 039 009 и изыдут живущии во градех Израилевых, и пожгут оружие, и щиты и копия, и луки и стрелы, и жезлы ручныя и сулицы, и раждегут ими огнь седмь лет: 026 EZE 039 010 и не возмут древес с поля, ни изсекут от дубравы, но оружием раждегут огнь, и пленят пленившыя их и расхитят расхитивших я, глаголет Адонаи Господь. 026 EZE 039 011 И будет, в той день дам Гогу место нарочито, гроб во Израили, многопогребателно, пришедших на восток моря, и заградят устие дебри и погребут тамо Гога и все множество его, и прозовется та дебрь: многопогребателное Гога. 026 EZE 039 012 И закопают я дом Израилев, да очистится земля в седмь месяц, 026 EZE 039 013 и погребут я вси людие земли, и будет им именито, в оньже день прославлюся, глаголет Адонаи Господь. 026 EZE 039 014 И мужей всегда поставят обходити всю землю, еже погребсти оставшихся на лицы земли и очистити ю по седми месяцех, и взыщут опасно. 026 EZE 039 015 Всяк проходяй землю и узревый кость человечу сотворит у нея знамение, дондеже погребут ю погребающии в дебри, многопогребателнем Гогове. 026 EZE 039 016 Ибо имя месту (прозовется) Падение многопогребателное: и очистится земля. 026 EZE 039 017 И ты, сыне человечь, рцы: сия глаголет Адонаи Господь: рцы всяцей птице парящей и ко всякому зверю селному: соберитеся и приидите от всех окрестных его на заколение Мое, еже заклах вам, заклание велие на горах Израилевых, ядите мяса и пийте кровь: 026 EZE 039 018 мяса исполинов изясте и кровь князей земных испиете, овны и телцы, и козлы и волы тучнии вси: 026 EZE 039 019 и да ясте тук до сытости и испиете кровь до пиянства от заклания Моего, еже заклах вам: 026 EZE 039 020 и насытитеся от трапезы Моея, от коня и всадника, исполина и всякаго мужа воинскаго, глаголет Адонаи Господь. 026 EZE 039 021 И дам славу Мою в вас, и узрят вси языцы суд Мой, егоже сотворих, и руку Мою, юже наведох на ня, 026 EZE 039 022 и увесть дом Израилев, яко Аз есмь Господь Бог их от сего дне и в прочыя. 026 EZE 039 023 И уведят вси языцы, яко грехов ради своих пленени быша дом Израилев, понеже отвергошася Мене, и отвратих лице Мое от них и предах я в руце врагов их, и падоша мечем вси: 026 EZE 039 024 по нечистотам их и по беззаконием их сотворих им и отвратих лице Мое от них. 026 EZE 039 025 Того ради сия глаголет Адонаи Господь: ныне возвращу пленение Иаковле и помилую дом Израилев, и возревную имене ради Моего святаго: 026 EZE 039 026 и возмут безчестие свое и всякую неправду свою, еюже неправдоваша, егда вселятся на земли своей с миром и не будет устрашающаго, 026 EZE 039 027 внегда возвращу я от язык и соберу я от стран языческих и освящуся в них пред языки: 026 EZE 039 028 и уведят, яко Аз есмь Господь Бог их, внегда явлюся им во языцех и соберу я на землю их и не оставлю от них тамо ктому: 026 EZE 039 029 и не отвращу лица Моего ктому от них, зане излиях ярость Мою на дом Израилев, глаголет Адонаи Господь. 026 EZE 040 001 И бысть во двадесять пятое лето пленения нашего, перваго месяца, в десятый день месяца, в четвертоенадесять лето но пленении града, в той день бысть на мне рука Господня: и веде мя тамо, 026 EZE 040 002 в видении Божии веде мя на землю Израилеву и постави мя на горе высоце зело, на нейже яко сограждение града прямо (полудне), 026 EZE 040 003 и введе мя тамо: и се, муж, и зрак его бяше, яко видение меди блещащияся, и в руце его бяше вервь зиждущих и трость мерителная. Той же стояше у врат 026 EZE 040 004 и рече ко мне: видел ли еси, сыне человечь? Виждь очима твоима и ушима твоима слыши, и учини в сердцы твоем вся, елика аз показую тебе, зане того ради вшел еси семо, да покажу тебе, и покажеши ты вся, елика видиши, дому Израилеву. 026 EZE 040 005 И се, ограда внеуду окрест храма, и в руце мужа мера тростяна шести лакот в лакоть шестодланный, и измери предстение ширину равно трости, и высоту его равно трости. 026 EZE 040 006 И вниде во врата зрящая на восток седмию степеньми, и измери фее, шесть о сию страну, шесть же об ону, и елам дверный равно трости. 026 EZE 040 007 И фее равно трости в долготу и равно трости в широту, и аилам среде феилаф шести лакот. И фее второе равно трости в широту и равно трости в долготу, елам же пяти лакот. 026 EZE 040 008 И фее третие равно трости в долготу и равно трости в широту, 026 EZE 040 009 елам же вратный, иже близ елама двернаго осми лакот, аилев же двою лактей: и елам дверный внутрьуду. 026 EZE 040 010 И фее дверныя прямо фее, три о сию страну и три об ону, мера же едина трием: и мера едина аилам сюду и сюду. 026 EZE 040 011 И размери широту входа вратнаго десяти лактей, широту же вратную тринадесяти лактей, 026 EZE 040 012 и лакоть един сводимь прямо фееим лактя единаго и лактя единаго, предел сюду и сюду, и фее шести лактей о сию страну и шести лактей об ону страну. 026 EZE 040 013 И размери врата от стены фее до стены фее, широта двадесяти и пяти лактей: сия врата ко вратом, 026 EZE 040 014 и непокровенное елама врат шестидесяти лактей, (двадесяти пяти) и фее двора окрест, 026 EZE 040 015 и непокровенное врат отвне в непокровенное (врат) елама врат внутрьуду пятьдесят лактей. 026 EZE 040 016 И оконца сокровена фееим и в аилам внутрь врат двора окрест: такожде и елам оконца внутрьуду окрест, и на аилам финики сюду и сюду (изваяны). 026 EZE 040 017 И введе мя во двор внутренний, и се, преграждения и междустолпия окрест двора, преграждений же тридесять в междустолпиих, 026 EZE 040 018 и притворы противу задней стране врат, по долготе врат междустолпие нижнее. 026 EZE 040 019 И размери широту двора от непокровенаго врат внешних внутрь ко непокровеному врат зрящих вне, лактей сто зрящих на восток: и введе мя на север, 026 EZE 040 020 и се, врата зрящая на север двору внешнему, и размери я, долготу их и широту. 026 EZE 040 021 И фее три о сию страну, три же об ону, и аилев, и еламы, и финики их: и бысть по мере врат зрящих на восток, пятидесяти лактей долгота их, а широта их двудесяти и пяти лактей: 026 EZE 040 022 и оконца их, и еламы, и финики их, якоже врата зрящая на восток: и седмию восходами восхождаху на ня, и еламы внутрьуду. 026 EZE 040 023 И врата двору внутреннему зрящая ко вратом северным, якоже врата зрящая на восток: и размери двор от врат до врат лактей сто. 026 EZE 040 024 И веде мя к югу, и се, врата зрящая на юг, и размери я, и фее, и аилева, и еламы, по темжде мерам. 026 EZE 040 025 И оконца их и еламы окрест якоже и оконца елаг, пятидесяти лактей долгота их, а широта двудесяти и пяти лактей, 026 EZE 040 026 и седмь восходов им, и еламы внутрьуду, и финики их, един о сию страну, а другий об ону над аилев. 026 EZE 040 027 И врата прямо вратом двора внутренняго на юг: и размери двор от врат до врат на юг, сто лактей в широту. 026 EZE 040 028 И введе мя во двор внутренний врат, яже на юг, и размери врата, яже на юг, по темжде мерам: 026 EZE 040 029 и фее, и аилев, и еламы по темжде мерам. 026 EZE 040 030 И оконца их и еламы окрест, пятидесяти лактей долгота их, а широта двудесяти и пяти лактей. 026 EZE 040 031 Еламы же во двор внешний, и финики аилев, и осмь восходов. 026 EZE 040 032 И введе мя во врата зрящая на восток, и размери я по темжде мерам, и фее и аилев и еламы по темжде мерам. 026 EZE 040 033 И оконца им, и еламы и окрест, пятидесяти лактей долгота их, а широта их двудесяти и пяти лактей. 026 EZE 040 034 И еламы во двор внутренний, и финики на аилев сюду и сюду, и осмь восходов им. 026 EZE 040 035 И введе мя во врата яже на север, и размери по темжде мерам, 026 EZE 040 036 и фее и аилев и еламы, и оконца им окрест, пятидесяти лактей долгота их, а широта двудесяти и пяти лактей, 026 EZE 040 037 и еламы во внешний двор, и финики аилеву сюду и сюду, и осмь восходов им. 026 EZE 040 038 И преграды их, и двери их, и еламы их пред враты их вторыми сток, тамо измывают всесожжения. 026 EZE 040 039 Во еламе же врат, две трапезы о сию страну, две же об ону, еже закалати на них всесожжения, яже за грехи и яже за неведение. 026 EZE 040 040 И созади стока всесожжений дверий зрящих на север две трапезы на восток противу задней стране (дверий) вторых, и противу елама врат две трапезы на восток. 026 EZE 040 041 Четыри о сию страну, четыри же об ону противу задней стране врат, на тех закалают заколения: прямо осми трапез заколений: 026 EZE 040 042 четыри же трапезы всесожжений каменны истесаны, в широту лактя единаго и пол, в долготу двух лактей и пол, а в высоту лакоть един: на тыя возлагают орудия, имиже закалают тамо всесожжения и заколения. 026 EZE 040 043 И имеют ограждение мало истесано на длань внутрьуду окрест, верху же трапезы покров, еже покрыватися им от дождя и зноя. 026 EZE 040 044 И введе мя во двор внутреннейший, и се, две преграды во внутреннейшем дворе, едина противу задней стране врат зрящих на север, вводящая на юг, а другая противу задней стране врат сущих на юг, зрящих же к северу. 026 EZE 040 045 И рече ко мне: преграда сия, яже зрит на юг, жерцем есть, иже стрегут стражбу храма: 026 EZE 040 046 а преграда, яже зрит к северу, жерцем есть стрегущым стражу требника: тии суть сынове Садуковы, приступающии от Левиа ко Господеви, еже служити Ему. 026 EZE 040 047 И размери двор ста лактей в долготу и в широту ста лактей, на четыри страны его, и требник прямо храму. 026 EZE 040 048 И введе мя во елам храма: и размери аил елама пяти лактей широту о сию страну, пяти же лактей об ону, широта же дверная четырехнадесяти лактей, и бока дверная елама три лакти о сию страну, три же об ону. 026 EZE 040 049 Долгота же елама двадесять лактей, а широта дванадесять лактей: и десятию степеньми восхождаху к нему, и столпи бяху у аилама, един о сию страну, а другий об ону. 026 EZE 041 001 И введе мя во храм, и размери аилам, шести лактей широта о сию страну и шести лактей широта аилам об ону, 026 EZE 041 002 и широта врат десять лактей, и бока врат пяти лактей о сию страну и пяти об ону: и измери долготу их четыредесять лактей, а широту двадесять лактей. 026 EZE 041 003 И вниде во двор внутренний, и размери аилам дверий двух лактей, и двери шести лактей, бока же дверная седми лактей о сию страну и седми об ону. 026 EZE 041 004 И размери долготу дверий четыредесять лактей, а широту двадесять лактей пред лицем храма, и рече ко мне: сие Святое Святых. 026 EZE 041 005 И размери стену храма шести лактей и широту страны четырех лактей окрест, 026 EZE 041 006 страны же страна до страны тридесять и три дващи: и разстояние в стене храма во странах окрест, еже на прозрак быти входящым, да отнюд не прикасаются ко стенам храма. 026 EZE 041 007 Широта же вышния страны по приложению от стены к вышней окрест храма, яко да разширяется свыше, и да от долних восходят на горняя, а от средних на трекровная. 026 EZE 041 008 И видех храма высоту окрест разстояние стран равно трости шести лактей разстояния, 026 EZE 041 009 широта же стены страны внеуду пяти лактей, и прочая между странами храма, 026 EZE 041 010 и между преградами широта двадесяти лактей, окружность окрест храма. 026 EZE 041 011 Двери же преград ко прочему дверий единых яже к северу: и дверь едина к югу, широта же света прочаго пяти лактей широта окрест. 026 EZE 041 012 Раздел же противу прочему аки к морю седмьдесят лактей, широта стены разделяющия, широта окрест пять лактей, и долгота ея девятьдесят лактей. 026 EZE 041 013 И размери противу храма долготу сто лактей, и прочая и разделяющая, и стены их в долготу сто лактей. 026 EZE 041 014 И широта противу храма, и прочая противу ста лактей. 026 EZE 041 015 И размери долготу разделу противу лицу прочему созади храму тому, и прочая о сию страну и об ону ста лактей долготу: храм же и углы, и елам внешний, доски постланы. 026 EZE 041 016 И окна решетчатая свещения окрест трием (странам) еже приницати: храм же и яже близ его устлана древом окрест, и помост, и от помоста до окон: окна же отворяема трояко на приницание, 026 EZE 041 017 и даже до дому внутренняго и до внешняго, и на всей стене окрест внутренней и внешней меры, 026 EZE 041 018 и изваяннии херувими и финики: финик посреде херувима и херувима: два лица херувиму: 026 EZE 041 019 лице человеческо к финику сюду и сюду, и лице львово к финику сюду и сюду, изваян весь храм окрест. 026 EZE 041 020 От помоста даже до свода херувими и финики изваяни. 026 EZE 041 021 Святое же и храм отверзаемь на четыри страны, пред лицем святых видение яко зрак требника древяна, 026 EZE 041 022 три лакти высота его, а долгота дву лактей, и широта такожде: имеяше же роги, и основание его и стены его древяны. И рече ко мне: сия трапеза, яже пред лицем Господним: 026 EZE 041 023 двои же двери храму и двои двери святому, 026 EZE 041 024 двоим дверем вращающымся: две вереи единым, и две вереи вторым дверем. 026 EZE 041 025 И ваяния над ними и над дверьми храма херувим и финики, по ваянию святых, и древеса потребна пред лицем елама от внеуду, 026 EZE 041 026 и окна сокровена. И размери сюду и сюду в покровех елама, и страны храма древами сопряжены. 026 EZE 042 001 И введе мя во двор внешний на востоки, прямо врат яже к северу, и введе мя (внутрь), и се, преград пять держащыяся прочаго и держащыяся предела к северу, 026 EZE 042 002 противу лица ста лактей долгота к северу, а широта пятьдесят лактей, 026 EZE 042 003 расписаны якоже врата двора внутренняго, и якоже междустолпия внешняго двора чинорасположены, прямоличны притворы три. 026 EZE 042 004 И прямо преградам проход десяти лактей в широту, во внутренняя пути единаго лактя на сто лактей долгота, и двери их к северу. 026 EZE 042 005 И проходи горничнии такожде, яко изницаше междустолпие из него, от долнаго междустолпия, и разстояние: сице междустолпие и разстояние, 026 EZE 042 006 и сице притворы: понеже трегубы бяху и столпов не имеша, якоже столпи преград: того ради изницаху из нижних и средних от земли. 026 EZE 042 007 И свет внеуду, якоже преграды двора внешняго, зрящыя противу преградам, яже к северу, долгота пятидесяти лактей. 026 EZE 042 008 Зане долгота преград зрящих во двор внешний бяше пятидесяти лактей, и тыя суть прямоличны тем: все же (бе) ста лактей. 026 EZE 042 009 Двери же преград тех входа, иже на востоки, еже входити ими от двора внешняго, 026 EZE 042 010 по свету сущаго в начале прохода: и к югу на лице юга, и прямо прочему, и прямо разделения, и преграды, 026 EZE 042 011 и проход противу лицу их, по мерам преград яже к северу и по долготе их и по широте их, и по всем исходом их и по всем вращением их, и по светом их и по дверем их, 026 EZE 042 012 преград яже к югу, и по дверем от начала прохода аки к свету разстояния трости, и на восток еже входити ими. 026 EZE 042 013 И рече ко мне: преграды, яже к северу, и преграды, яже к югу, сущыя противу лицу разстояний, сия суть преграды святаго, в нихже ядят жерцы сынове Садуковы, иже приступают ко Господеви, Святая святых, и тамо положат Святая святых и жертву, и яже за грехи и яже за неведение, понеже место свято есть. 026 EZE 042 014 Да не входят тамо, кроме жерцев, и да не изходят от святаго во двор внешний, яко да присно святи будут приносящии, и да не прикасаются ризам их, в нихже служат, понеже свята суть, но да облекутся в ризы ины, егда прикасаются людем. 026 EZE 042 015 И совершися размерение храма внутрьуду. И изведе мя по пути врат зрящих на восток, и размери подобие храма окрест чинорасположением. 026 EZE 042 016 И ста созади врат зрящих на восток, и размери пять сот тростию мерною. 026 EZE 042 017 И обратися на север, и размери на лице севера лактей пять сот тростию мерною. 026 EZE 042 018 И обратися к морю, и размери на лице моря пять сот лактей тростию мерною. 026 EZE 042 019 И обратися на юг, и размери противу югу пять сот тростию мерною. 026 EZE 042 020 Четыри страны тоюжде тростию: и расположи его, и ограду окрест ему, пять сот лактей (долготу) на восток, и пять сот лактей широту, еже разлучати между святыми и между предстением сущим в чинорасположении храма. 026 EZE 043 001 И веде мя ко вратом зрящым на востоки и изведе мя: 026 EZE 043 002 и се, слава Бога Израилева грядяше по пути врат зрящих на востоки, и глас полка аки глас усугубляющих многих, и земля светяшеся аки свет от славы Его окрест. 026 EZE 043 003 И видение, еже видех, по видению, еже видех, егда вхождах помазати град: и видение колесницы, юже видех, подобяшеся видению, еже видех на реце Ховар. И падох на лице мое. 026 EZE 043 004 Слава же Господня вниде во храм по пути врат зрящих на восток. 026 EZE 043 005 И взя мя дух и введе мя во двор внутренний: и се, полн славы дом Господень. 026 EZE 043 006 И стах, и се, глас от храма глаголющаго ко мне, и муж стояше близ мене 026 EZE 043 007 и рече ко мне: сыне человечь, видел ли еси место престола Моего и место стопы ног Моих, идеже вселится имя Мое среде дому Израилева во век? И не осквернят ктому имене Моего святаго дом Израилев, тии и старейшины их во блужении своем и во убийствах старейшин своих среде себе, 026 EZE 043 008 внегда полагаху преддверие Мое во преддвериих своих и праги Моя близ прагов своих: и даша стену Мою яко держащуюся Мене и онех, и оскверниша имя Мое святое в беззакониих своих, яже творяху: и скончах я в ярости Моей и во избиении: 026 EZE 043 009 и ныне да отринут блужение свое и убийства старейшин своих от Мене, и вселюся среде их во век. 026 EZE 043 010 Ты же, сыне человечь, покажи дому Израилеву храм, и да престанут от грехов своих: и видение его, и чиноположение его, 026 EZE 043 011 и тии приимут казнь свою о всех, яже сотвориша: и распишеши храм и уготование его, и исходы его и входы его, и бытие его и вся повеления его и вся законы его возвестиши им и да впишеши пред ними, и снабдят вся оправдания Моя и вся повеления Моя и сотворят я. 026 EZE 043 012 И расписание храма на верху горы: вси пределы его окрест Святая Святых суть. 026 EZE 043 013 Сей закон храма, и сия мера требника, в лакоть лактя и длани, недро глубины лакоть на лакоть и лакоть в широту, и ограждение устия ему окрест, пяди. 026 EZE 043 014 И сия высота требника, и от глубины начала вдоления его ко очистилищу великому, еже внизу, двух лактей, широта же лакоть: а от очистилища малаго ко очистилищу великому лакти четыри, и широта лакоть. 026 EZE 043 015 И ариил четырех лактей, а от ариила и выше рогов лакоть: 026 EZE 043 016 ариил же дванадесять лактей в долготу и дванадесять лактей в широту, четвероуголен на четыри части своя. 026 EZE 043 017 И очистилище четыренадесять лактей в долготу и четыренадесять лактей в широту, четвероуголно на четыри части своя: и ограждение ему окрест окружающее его пол лактя, и обдержание его лакоть окрест, и степени его зрящыя на восток. 026 EZE 043 018 И рече ко мне: сыне человечь, сия глаголет Господь Бог Израилев: сия заповеди требника в день сотворения его, еже возносити на нем всесожжения и возливати нань кровь. 026 EZE 043 019 И даси жерцем и левитом, иже суть от семене Садукова, приступающым ко Мне, глаголет Господь Бог, еже служити Мне, телца от говяд за грех: 026 EZE 043 020 и да возмут от крове его и да возложат на четыри роги требника и на четыри части очистилища и на основание окрест, и окропиши е, и очистят е: 026 EZE 043 021 и да возмут телца, иже за грех, и да сожжется во отлученнем храме вне святых. 026 EZE 043 022 А во вторый день да возмут два козлища от коз непорочных за грех и да очистят требник, якоже очистиша телцем. 026 EZE 043 023 И егда скончают очищение, да принесут телца от говяд непорочна и овна от овец непорочна, 026 EZE 043 024 и да принесете пред Господа: и да возвергут на ня жерцы соль и да вознесут я Господеви всесожжения. 026 EZE 043 025 Седмь дний да сотвориши козлище за грех по вся дни, и телца от говяд и овна от овец непорочна, да сотворят седмь дний: 026 EZE 043 026 и да очистят требник и освятят его, и наполнят руки своя. 026 EZE 043 027 И скончают седмь дний, и будет от осмаго дне и потом, сотворят жерцы на жертвеннице всесожжения ваша и яже спасения вашего: и прииму вы, глаголет Господь. 026 EZE 044 001 И обрати мя на путь врат святых внешних, зрящих на востоки: и сия бяху затворенна. 026 EZE 044 002 И рече Господь ко мне: сия врата заключенна будут и не отверзутся, и никтоже пройдет ими: яко Господь Бог Израилев внидет ими, и будут заключенна. 026 EZE 044 003 Зане старейшина сей сядет в них ясти хлеб пред Господем: по пути елама врат внидет и по пути его изыдет. 026 EZE 044 004 И введе мя по пути врат яже к северу, прямо храму: и видех, и се, полн славы дом Господень. И падох ниц на лицы моем. 026 EZE 044 005 И рече Господь ко мне: сыне человечь, сложи в сердцы твоем, и виждь очима твоима и ушима твоима слыши вся, елика Аз глаголю с тобою, по всем повелением храма Господня и по всем узаконением его: и устроиши сердце твое на вход храма по всем исходам его во всех святых. 026 EZE 044 006 И речеши к дому прогневляющему мя, к дому Израилеву: сия глаголет Господь Бог: да довлеет вам от всех беззаконий ваших, доме Израилев, 026 EZE 044 007 еже вводити вам сыны иноплеменничы необрезаны сердцем и необрезаны плотию, еже бывати им во святых Моих, и оскверняху я, егда приносите вы хлебы, тук и мяса и кровь: и преступасте завет Мой во всех беззакониих ваших, 026 EZE 044 008 и не снабдесте хранити стражбы во святых Моих, и постависте стражей стрещи стражбы святых Моих себе. 026 EZE 044 009 Того ради сице глаголет Адонаи Господь: всяк сын иноплеменничь необрезан сердцем и необрезан плотию да не внидет во святая Моя во всех сынех иноплеменничих, иже суть среде дому Израилева: 026 EZE 044 010 но и левити, иже отвергошася Мене, егда заблуждаше Израиль, иже заблудиша от Мене вслед помыслов своих, и возмут неправду свою 026 EZE 044 011 и будут служаще во святых Моих, вратари у дверий храма и служащии храму: тии да закалают жертвы и всесожжения людем и тии да станут пред людьми, еже служити им. 026 EZE 044 012 Понеже служиша им пред лицем кумиров своих, и бысть дому Израилеву в мучение неправды: того ради воздвигох на ня руку Мою, глаголет Господь Бог (Израилев), и возмут беззаконие свое, 026 EZE 044 013 и не приступят ко Мне служити Мне, ни приносити ко святым сынов Израилевых, ниже ко Святым Святынь Моих, и возмут безчестие свое в заблуждении, в немже прельстишася: 026 EZE 044 014 и учинят я стрещи стражбы храма на вся дела его 026 EZE 044 015 и на вся, елика сотворят жерцы и левити, сынове Садуковы, иже сохраниша стражбы святынь Моих (и пути Моя), егда заблуждаше дом Израилев от Мене: сии приступят ко Мне, еже служити Мне, и станут пред лицем Моим, еже приносити Мне жертву, тук и кровь, глаголет Адонаи Господь. 026 EZE 044 016 Сии внидут во святая Моя и сии приступят ко трапезе Моей, еже служити Мне, и сохранят стражбы Моя. 026 EZE 044 017 И будет внегда входити им во врата двора внутренняго, в ризы льняны да облекутся, а да не облекутся в волняны, внегда служити им от врат двора внутренняго. 026 EZE 044 018 И клобуки льняны да имут на главах своих, и опоясания льняна да имут о чреслех своих, и да не препоясуются крепко: 026 EZE 044 019 и егда исходят к людем во внешний двор, да совлекутся риз своих, в нихже тии служат, и да положат я в преградах святых, и облекутся в ризы ины, и да не освятят людий в ризах своих: 026 EZE 044 020 и глав своих да не обриют, и влас своих да не растят, покрывающе покрыют главы своя. 026 EZE 044 021 И вина да не пиет всяк жрец, егда входит во внутренний двор. 026 EZE 044 022 И вдовицы и пущеницы да не поемлют себе в жену, но токмо девицу от племене дому Израилева: и аще будет вдова жерча, да оную поймут. 026 EZE 044 023 И люди Моя да научат разлучати между святым и сквернавым, и между чистым и нечистым возвестят им. 026 EZE 044 024 И на суде крове тии да стоят, еже разсуждати: оправдания Моя да оправдят и суды Моя да судят, и законы Моя и повеления Моя во всех праздницех Моих сохранят, и субботы Моя освятят. 026 EZE 044 025 И над душу человека не приидут осквернитися, но точию над отцем и материю, и сыном и дщерию, и братом и сестрою своею, яже не посягла за мужа, осквернится. 026 EZE 044 026 И по очищении своем седмь дний да сочтет себе. 026 EZE 044 027 И во оньже день входят во двор внутренний, еже служити во святилищи, да принесут очищение, глаголет Господь Бог. 026 EZE 044 028 И будет им в наследие: Аз им наследие, и одержание им не дастся в сынех Израилевых, яко Аз одержание их. 026 EZE 044 029 Жертвы же и яже за грехи и за неведение сии да ядят: и всякое отлученное во Израили тем да будет: 026 EZE 044 030 начатки всех и первенцы всех и участия вся, от всех начатков ваших жерцем да будут: и начатки жит ваших да дасте жерцу, еже положити благословения в домех ваших. 026 EZE 044 031 И всякия мертвечины и звероядины, от птиц и от скот да не ядят жерцы. 026 EZE 045 001 И егда разделяти вам землю в наследие, отлучите начаток Господеви, свято от земли, в долготу двудесяти и пяти тысящ, а в широту десяти тысящ, свято да будет во всех пределех их окрест. 026 EZE 045 002 И да будут от того на святое пять сот, по пяти сот четвероуголно окрест, разстояние же их пятьдесят лактей окрест. 026 EZE 045 003 И от сего размерения да размериши в долготу двадесять пять тысящ, а в широту десять тысящ: и в том да будет освящение, Святая Святых. 026 EZE 045 004 Свято от земли да будет жерцем служащым во святем и да будет приступающым служити Господеви, и будет им место на домы отлученны освящению их, 026 EZE 045 005 двадесять пять тысящ в долготу и двадесять тысящ в широту да будет, левитом служащым храму, тем во одержание грады ко обитанию. 026 EZE 045 006 И одержание града да даси в широту пять тысящ, а в долготу двадесять пять тысящ, якоже начаток святых всему дому Израилеву да будет 026 EZE 045 007 и старейшине от того: и от сего в начатки святых, во одержание града по лицу начатков святынь и по лицу одержания града, яже к морю, и от сущих к морю, яже на восток: долгота же яко едина часть от предел иже к морю, и долгота ко пределом иже на восток земли. 026 EZE 045 008 И будет ему во одержание во Израили, и да не насилуют ктому старейшины Израилевы людем Моим, и землю да наследят дом Израилев по племеном своим. 026 EZE 045 009 Сия глаголет Господь Бог: да довлеют вам, старейшины Израилевы, неправду и озлобление отвержите, суд же и правду сотворите: изымите насилие от людий Моих, глаголет Господь Бог. 026 EZE 045 010 Вес праведный и мера праведна и хиникс праведен да будут вам в меры: 026 EZE 045 011 и хиникс такожде един да будет вам, еже приимати, десятая часть гомора хиникс, и десятая часть гомора ефи, мера к гомору да будет равна. 026 EZE 045 012 И вес, двадесять оволи сикль, и двадесять пять сиклей, и двадесять сиклей, и пятьнадесять сиклей мнас будет вам. 026 EZE 045 013 И сей начаток, егоже отлучите, шестую часть меры от гомора пшеницы и шестую часть ефи от кора ячменя. 026 EZE 045 014 Заповедь же о елеи, меру елеа от десяти мер, понеже десять мер суть гомор. 026 EZE 045 015 И овча едино от десяти овец участие от всех отечеств Израилевых, на жертвы и на всесожжения и на спасение, еже умолити о вас, глаголет Господь Бог. 026 EZE 045 016 Вси же людие земли да дадят сей начаток старейшине Израилеву, 026 EZE 045 017 и старейшиною да бывают всесожжения: и жертвы и возлияния будут в праздники и в новомесячия, и в субботы и во вся праздники дому Израилева: той сотворит яже за грехи и жертву, и всесожжения и яже спасения, еже умоляти о доме Израилеве. 026 EZE 045 018 Тако глаголет Господь Бог: в первый месяц, во един день месяца, да возмете телца от говяд непорочна, еже очистити святое: 026 EZE 045 019 и да возмет жрец от крове очищения и да возлиет на праги храма и на четыри углы святилища, и на жертвенник и на праги врат двора внутренняго. 026 EZE 045 020 И сице да сотвориши в седмый месяц: во един (день) месяца возмеши от коегождо неведущаго и от младенца, и очистите храм. 026 EZE 045 021 В первый месяц, четвертагонадесять дне месяца, да будет вам Пасха праздник: седмь дний да ясте опресноки. 026 EZE 045 022 И сотворит старейшина в той день за ся и за дом и за вся люди земли, телца за грех: 026 EZE 045 023 в седмь же дний праздника да сотворит всесожжения Господеви седмь телцев и седмь овнов непорочных по всяк день седми дний: и за грех козлище от коз на всяк день, и жертву, 026 EZE 045 024 и опресноки телцу и опресноки овну да сотвориши, и елеа ин опресноку. 026 EZE 045 025 В седмый же месяц, в пятыйнадесять день месяца, в празднице сотвориши по томужде, седмь дний, якоже и за грех, и якоже всесожжения, и якоже дар, и якоже масло древяное. 026 EZE 046 001 Сия глаголет Господь Бог: врата, яже во дворе внутреннем зрящая на восток, да будут затворена на шесть дний делных: в день же субботный да отверзаются, и в день новомесячия да отверзутся. 026 EZE 046 002 И внидет старейшина по пути елама врат внешних и да станет у преддверия врат, и да сотворят жерцы всесожжения его и яже спасения его: 026 EZE 046 003 и да поклонится у преддверия врат и изыдет, врата же да не заключатся до вечера, и да покланяются людие земли у преддверия врат тех в субботы и в новомесячия пред Господем. 026 EZE 046 004 И всесожжения да принесет старейшина в день субботный Господеви, шесть агнцев непорочных и овна непорочна, 026 EZE 046 005 и манау, опреснок овну, и агнцем жертву, дар руки своея, и елеа ин опресноку. 026 EZE 046 006 И в день новомесячия телец от стада непорочен и шесть агнцев и овен непорочен да будет, 026 EZE 046 007 и опреснок телцу и опреснок овну да будет манаа, и агнцем, якоже постигнет рука его, и масла ин опресноку. 026 EZE 046 008 И егда входит старейшина, по пути елама врат да внидет и по пути врат да изыдет. 026 EZE 046 009 И егда входят людие земли пред Господа в праздники, входящии по пути врат зрящих на север поклонитися, да исходят по пути врат яже на юг: и иже входят по пути врат яже на юг, да исходят по пути врат яже на север, да не возвращаются во врата, имиже внидоша, но прямо им да изыдут. 026 EZE 046 010 И старейшина посреде их, егда тии входят, да внидет с ними, и егда исходят, да изыдет. 026 EZE 046 011 И в праздники и в торжества да будет манаа опреснок телцу и опреснок овну, и агнцем, якоже постигнет рука его, и елеа ин опресноку. 026 EZE 046 012 Аще же сотворит старейшина исповедание, всесожжение спасения Господеви, и отворит себе врата зрящая на восток и сотворит всесожжение свое и яже спасения своего, якоже есть обычай творити в день субботный: и да изыдет и затворит двери по исхождении своем: 026 EZE 046 013 агнца же единолетнаго непорочна да сотворит во всесожжение на всяк день Господеви, заутра да сотворит его. 026 EZE 046 014 И манаа да сотворит над ним заутра заутра, шестую часть меры, и елеа третию часть ина, еже смесити семидал манаа Господеви, заповедь вечная присно. 026 EZE 046 015 Да сотворите агнца, и манаа, и масло древяно да сотворите заутра всесожжение присно. 026 EZE 046 016 Сия глаголет Господь Бог: аще даст старейшина даяние единому от сынов своих от наследия своего, сие сыном его да будет: одержание их сие в наследие. 026 EZE 046 017 Аще же даст даяние единому от раб своих, да будет ему до лета отпущения, и да воздаст старейшине: обаче наследие сынов его им да будет. 026 EZE 046 018 И да не вземлет старейшина от наследия людий еже насилити им, от одержания своего даст наследие сыном своим: яко да не расточатся людие Мои кийждо от одержания своего. 026 EZE 046 019 И введе мя во вход врат, яже к югу, в преграду святых жерцев, зрящую на север: и се, тамо место отлучено. 026 EZE 046 020 И рече ко мне: сие место есть, идеже варят жерцы, яже за неведение и яже за грехи, и тамо да пекут манау весьма, еже не износити во двор внешний освящати люди. 026 EZE 046 021 И изведе мя во двор внешний и обведе мя на четыри части двора: и се, двор по углам двора. 026 EZE 046 022 По углу двор, на четырех углех двора, двор малый в долготу лактей четыредесять, а в широту лактей тридесять, мера едина четырем. 026 EZE 046 023 И преграды окрест в них, окрест четырем: и поварни устроеныя под преградами окрест. 026 EZE 046 024 И рече ко мне: сии домове поваров, идеже варят служащии храму заколения людская. 026 EZE 047 001 И введе мя ко преддверию храма, и се, вода исхождаше из под непокровеннаго храма на восток, яко лице храма зряше на восток, и исхождаше вода от страны десныя, от юга к жертвеннику. 026 EZE 047 002 И изведе мя по пути врат яже на север и обведе мя путем вратным внеуду ко вратом двора, зрящаго на восток, и се, вода исхождаше от страны десныя, 026 EZE 047 003 якоже исход мужа противу: и мера в руце его: и измери тысящу мерою, и прейде водою воду оставления. 026 EZE 047 004 И (паки) измери тысящу, и преведе мя чрез воду, и взыде вода до колен: и размери тысящу, и взыде вода даже до чресл. 026 EZE 047 005 И размери тысящу, поток, и не возможе прейти, яко кипяше вода, аки шум поточный, егоже не прейдут. 026 EZE 047 006 И рече ко мне: видел ли еси, сыне человечь? И веде мя и обрати мя на брег речный, во обращении моем: 026 EZE 047 007 и се, на брезе речнем древеса многа зело сюду и сюду. 026 EZE 047 008 И рече ко мне: вода сия текущая в Галилею, яже на восток, и низхождаше ко Аравии, и грядяше до моря к воде исхода, и изцелит воды: 026 EZE 047 009 и будет всяка душа животных вреющих, на вся, на няже найдет тамо река, жива будут: и будут тамо рыбы многи зело, яко приидет тамо вода сия и изцелит, и живо будет всякое, на неже аще приидет река, тамо живо будет. 026 EZE 047 010 И станут тамо рыбарие от Ингадда до Ингалима: сушило мрежам будет, о себе будет: и рыбы ея яко рыбы моря великаго, множество много зело. 026 EZE 047 011 И во исходе ея и во обращении ея и в возвышении ея мелины ея не изцелятся, в соль вдадутся: 026 EZE 047 012 и над реку взыдет, и на брезе ея оба полы, всякое древо ядомое не обетшает у нея, ни оскудеет плод его, новости своея первый плод принесет, ибо воды их сия от святых исходят, и будет плод их в снедь и прозябение их во здравие. 026 EZE 047 013 Сице глаголет Господь Бог: сия пределы наследите земли, двунадесяти племеном сынов Израилевых приложение ужа. 026 EZE 047 014 И наследите ю кийждо, якоже брат его, на нюже воздвигох руку Мою, еже дати ю отцем их, и падет земля сия вам в наследие. 026 EZE 047 015 И сии пределы земли на север, от моря великаго сходящаго и отделяющаго вход Имаселдам, 026 EZE 047 016 Маавфирас, Еврамилиам среде предел Дамасковых и среде предел Имафовых, дворы Савнани, иже суть выше предел Авранитидских. 026 EZE 047 017 Сии пределы от моря: от двора Енанова, пределы Дамасковы, и яже к северу, и предел Емафов, и предел северск. 026 EZE 047 018 И яже на востоки: между Авранитидою и между Дамаском, и между Галаадитидою и между землею Израилевою, Иордан делит к морю, еже на востоки фиников: сия на востоки. 026 EZE 047 019 И яже к югу и ливу: от Фемана и фиников даже до воды Маримоф-Кадим, продолжающееся к морю великому. 026 EZE 047 020 Сия страна юга и лива, сия страна моря великаго разделяет даже прямо входу Имаф, даже до входа его: сия суть яже к морю Имаф. 026 EZE 047 021 И разделите землю вам, племеном Израилевым. 026 EZE 047 022 Расположите ю жребием вам и пришелцем обитающым среде вас, иже родиша сыны посреде вас, и будут вам яко туземцы в сынех Израилевых: с вами да ядят во участии среде племен Израилевых, 026 EZE 047 023 и будут в племени пришелцев, в пришелцех иже с ними: тамо дадите участие им, глаголет Господь. 026 EZE 048 001 Сия же имена племен от начала еже к северу, по стране схождения разделяющаго ко входу Имафову двора Енаня, предел Дамасков к северу по стране Имафова двора: и будут им яже на востоки, даже до моря, Даново едино. 026 EZE 048 002 И от предел Дановых к востоком даже до моря, Асирово едино. 026 EZE 048 003 И от предел Асировых, от сущих к востоком, даже до моря, Неффалимле едино. 026 EZE 048 004 От предел же Неффалимлих от страны восточныя даже до страны моря, Манассиино едино. 026 EZE 048 005 От предел же Манассииных, сущих на востоки, даже до сущих к морю, Ефремле едино. 026 EZE 048 006 От предел же Ефремлих, иже на восток, даже до моря, Рувимле едино. 026 EZE 048 007 От предел же Рувимлих, иже на востоки, даже до моря, Иудино едино. 026 EZE 048 008 А от предел Иудиных, иже к востоком, даже до моря, будет начаток уделения двадесяти и пяти тысящ широта, и долгота якоже едина от частей сущих к востоком, и даже до тех яже к морю: и будет святое посреде их. 026 EZE 048 009 Начаток, егоже отделят Господеви, в долготу двадесять и пять тысящ и в широту двадесять и пять тысящ. 026 EZE 048 010 От сих будет начаток святых жерцем, к северу (в долготу) двадесять и пять тысящ, и к морю в широту десять тысящ, и к востоку десять тысящ, и на юг в долготу двадесять и пять тысящ: и гора святых будет посреде его 026 EZE 048 011 жерцем, освященным сыном Садуковым, стрегущым стражбы храма, иже не прельстишася во прельщение сынов Израилевых, якоже прельстишася левити. 026 EZE 048 012 И будет им начаток даемый от начатков земли, святое святых от предел левитских. 026 EZE 048 013 Левитом же ближняя пределов жреческих, двадесяти и пяти тысящ в долготу, а в широту десяти тысящ: вся долгота двадесяти и пяти тысящ, а широта десяти тысящ. 026 EZE 048 014 Да не продастся от него, ни заменится, ниже отимутся первая жита земли, яко свято есть Господеви. 026 EZE 048 015 Пять же тысящ избыточных в широте двадесяти и пяти тысящей, предградие да будет граду на вселение и в разстояние его: и да будет град среде его. 026 EZE 048 016 И сия меры его: от севера четыре тысящы и пять сот, и от юга четыре тысящы и пять сот, и от восток четыре тысящы и пять сот, и от моря четыре тысящы и пять сот. 026 EZE 048 017 И да будет разстояние граду к северу двусту и пятидесяти, и к югу двусту и пятидесяти, и на восток двусту и пятидесяти, и к морю двусту и пятидесяти. 026 EZE 048 018 Избыток же долготы держащься начатков святых десять тысящ к востоком и десять тысящ к морю: и будут начатки святаго, и будут жита ея во хлебы делающым град. 026 EZE 048 019 Делающии же град да делают его от всех племен Израилевых. 026 EZE 048 020 Весь начаток двадесяти и пяти тысящ на двадесять и пять тысящ: четвероуголно отделите от него начаток святаго, от одержания градскаго, 026 EZE 048 021 а избыток старейшине от сего: и от онаго, от начатков святаго и во участие града, спреди на двадесять и пять тысящ долгота, до предел, иже к морю и к востоком, спреди на двадесять и пять тысящ, до предел, иже к морю, близ частей старейшины: и да будет начаток святых и освящение храма среде его. 026 EZE 048 022 От участия же левитска и от участия града, среде старейшин, будет среде предел Иудиных и среде предел Вениаминих, и старейшин да будет. 026 EZE 048 023 А избыточное племен от сущих к востоком даже до сущих к морю, Вениаминово едино. 026 EZE 048 024 От предел же Вениаминих к востоком даже до страны яже к морю, Симеоне едино. 026 EZE 048 025 От предел же Симеоних, от страны яже на восток даже до страны яже к морю, Иссахарово едино. 026 EZE 048 026 А от предел Иссахаровых, от востоков даже до моря, Завулоне едино. 026 EZE 048 027 От предел же Завулоних, от востока даже до страны моря, Гадово едино. 026 EZE 048 028 От предел же Гадовых, от востока даже до ливы: и будут пределы его от юга, и воды Варимоф-Кадиса, наследия даже до моря великаго. 026 EZE 048 029 Сия земля, юже расположите жребием племеном Израилевым: и сии разделы их, глаголет Господь Бог. 026 EZE 048 030 И сии исходы града, иже к северу, четыре тысящы и пять сот мерою: 026 EZE 048 031 врата же града по именом племен Израилевых: врата троя на север: врата Рувимля едина, врата же Иудина едина и врата Левиина едина: 026 EZE 048 032 и на восток четыре тысящы и пять сот, и врата троя: врата едина Иосифова, врата же едина Вениаминя и врата Данова едина: 026 EZE 048 033 и яже к югу четыре тысящы и пять сот мерою, и врата троя: врата едина Симеону, врата же едина Иссахару и врата едина Завулону: 026 EZE 048 034 и яже к морю четыре тысящы и пять сот мерою: врата троя: врата едина Гадова, и врата Асирова едина и врата Неффалимова едина. 026 EZE 048 035 Округлость же осминадесяти тысящ: имя же граду, от негоже дне будет, Господь тамо будет имя ему. # # BOOK 027 DAN Daniel Книга пророка Даниила 027 DAN 001 001 В лето третие царства Иоакима царя Иудина, прииде Навуходоносор царь Вавилонск на Иерусалим и воеваше нань. 027 DAN 001 002 И даде Господь в руце его Иоакима царя Иудина и от части сосудов храма Божия. И принесе я в землю Сеннаар в дом бога своего и сосуды внесе в дом сокровищный бога своего. 027 DAN 001 003 И рече царь ко Асфанезу, старейшине евнухов своих, ввести от сынов плена Израилева и от племене царска и от князей 027 DAN 001 004 юношы, на нихже несть порока, и добры зраком и смыслены во всяцей премудрости, и ведущыя умение и размышляющыя разум, и имже есть крепость в них, еже предстояти в дому пред царем и научити я книгам и языку Халдейску. 027 DAN 001 005 И повеле им (даяти) царь по вся дни от трапезы царевы и от вина пития своего и кормити их лета три, и потом стати пред царем. 027 DAN 001 006 И бысть в них от сынов Иудиных Даниил и Ананиа, и Азариа и Мисаил. 027 DAN 001 007 И возложи им имена старейшина евнухов: Даниилу Валтасар, и Анании Седрах, и Мисаилу Мисах, Азарии же Авденаго. 027 DAN 001 008 И положи Даниил на сердцы своем, еже не осквернитися от трапезы царевы и от вина пития его, и моли старейшину евнухов, яко да не осквернится. 027 DAN 001 009 И вдаде Бог Даниила в милость и в щедроты пред старейшиною евнухов. 027 DAN 001 010 И рече старейшина евнухов Даниилу: боюся аз господина моего царя, заповедавшаго о пищи вашей и питии вашем, да не когда увидит лица ваша уныла паче отроков сверстников ваших, и осудите главу мою царю. 027 DAN 001 011 И рече Даниил ко Амелсару, егоже пристави старейшина евнухов к Даниилу и Анании, и Азарии и Мисаилу: 027 DAN 001 012 искуси отроки твоя до десяти дний, и да дадят нам от семен земных, да ядим, и воду да пием: 027 DAN 001 013 и да явятся пред тобою лица наша и лица отроков ядущих от трапезы царевы, и якоже узриши, сотвори со отроки твоими. 027 DAN 001 014 И послуша их и искуси я до десяти дний. 027 DAN 001 015 По скончании же десятих дний, явишася лица их блага и крепка плотию паче отроков ядущих от трапезы царевы. 027 DAN 001 016 И бысть Амелсар отемля яди их и вино пития их и даяше им семена. 027 DAN 001 017 И четырем отроком сим им даде им Бог смысл и мудрость во всяцей книжней премудрости: Даниил же разумен бысть во всяцем видении и сониих. 027 DAN 001 018 И по скончании тех дний, в няже рече царь привести я, введе я старейшина евнухов пред Навуходоносора. 027 DAN 001 019 И беседова с ними царь, и не обретошася от всех их подобни Даниилу и Анании, и Азарии и Мисаилу: и сташа пред царем. 027 DAN 001 020 И во всяцем глаголе премудрости и умения, о нихже вопрошаше от них царь, обрете я десятерицею паче всех обаятелей и волхвов сущих во всем царстве его. 027 DAN 001 021 И бысть Даниил даже до перваго лета Кира царя. 027 DAN 002 001 В лето второе царства Навуходоносорова, соние виде Навуходоносор, и ужасеся дух его, и сон его отступи от него: 027 DAN 002 002 и рече царь призвати обаятелей и волхвов, и чародеев и Халдеев, еже возвестити царю сон его. И приидоша и сташа пред царем. 027 DAN 002 003 И рече им царь: видех сон, и ужасеся дух мой, еже уразумети сон. 027 DAN 002 004 И глаголаше Халдее сирски цареви: царю, во веки живи: ты повеждь сон рабом твоим, и сказание его возвестим ти. 027 DAN 002 005 Отвеща же царь Халдеом и рече: слово отступило есть от мене: аще убо не возвестите ми сна и сказания его, в пагубу будете, и домове ваши разграбятся: 027 DAN 002 006 аще же сон и сказание его возвестите мне, даяния и дары и честь многу приимете от мене: точию сон и сказание его возвестите мне. 027 DAN 002 007 И отвещаша второе и реша: царь да повесть сон рабом своим, и сказание его возвестим ему. 027 DAN 002 008 И отвеща царь и рече: поистинне вем аз, яко время вы (точию) искупуете, понеже видите, яко отступило есть слово от мене: 027 DAN 002 009 аще убо сна не возвестите мне, вем, яко слово ложно и растленно совещастеся рещи предо мною, дондеже время минет: сон мой поведите мне, и увем, яко и сказание его возвестите мне. 027 DAN 002 010 Отвещаша же паки Халдее пред царем и реша: несть человека на земли, иже слово царево возможет возвестити, яко всяк царь великий и князь не вопрошает ссиеваго словесе обаятеля, волхва и Халдеа: 027 DAN 002 011 понеже слово, егоже вопрошает царь, тяжко, и несть другаго, иже возвестит е пред царем, но точию бози, ихже несть житие со всякою плотию. 027 DAN 002 012 Тогда царь в ярости и во гневе мнозе рече погубити вся мудрыя Ваввилонския. 027 DAN 002 013 И изыде повеление, и мудрии убивахуся: и взыскаша Даниила и другов его убити я. 027 DAN 002 014 Тогда Даниил отвеща совет и разум Ариоху архимагиру царску, иже изыде убити мудрых Вавилонских, 027 DAN 002 015 и вопрошаше и глаголя: княже царев, о чесом изыде изречение безстудное от лица царева? Возвести же Ариох слово Даниилу. 027 DAN 002 016 Даниил же вниде и моли царя, яко да время даст ему, и сказание его возвестит царю. 027 DAN 002 017 И вниде Даниил в дом свой и возвести слово Анании и Азарии и Мисаилу, другом своим: 027 DAN 002 018 и щедрот прошаху у Бога небеснаго отайне сей, яко да не погибнут Даниил и друзие его со прочиими мудрыми Вавилонскими. 027 DAN 002 019 Тогда Даниилу во сне нощию тайна открыся: и благослови Даниил Бога небеснаго 027 DAN 002 020 и рече: буди имя Господа Бога благословено от века и до века, яко премудрость и смысл и крепость Его есть, 027 DAN 002 021 и Той пременяет времена и лета, поставляет цари и преставляет, даяй премудрость мудрым и разум ведущым смышление: 027 DAN 002 022 Той открывает глубокая и сокровенная, сведый сущая во тме и свет с Ним есть: 027 DAN 002 023 Тебе, Боже отцев моих, исповедаюся и хвалю, яко премудрость и силу дал ми еси и возвестил ми еси, яже просихом у Тебе, и видение царево возвестил ми еси. 027 DAN 002 024 И прииде Даниил ко Ариоху егоже пристави царь погубити мудрыя Вавилонския, и рече ему: мудрых Вавилонских не погубляй, но введи мя пред царя, и сказание сна возвешу ему. 027 DAN 002 025 Тогда Ариох с потщанием введе Даниила пред царя и рече ему: обретох мужа от пленник жидовских, иже сказание царю возвестит. 027 DAN 002 026 И отвеща царь и рече Даниилу, емуже имя Валтасар: можеши ли ми возвестити сон, егоже видех, и сказание его? 027 DAN 002 027 И отвеща Даниил пред царем и рече: тайны, еяже царь вопрошает, несть мудрых, волхвов, ниже обаятелей газаринов (сила) возвестити царю: 027 DAN 002 028 но есть Бог на небеси открываяй тайны и возвести царю Навуходоносору, имже подобает быти в последния дни. Сон твой и видение главы твоея на ложи твоем сие есть, царю: 027 DAN 002 029 помышления твоя на ложи твоем взыдоша, чесому подобает быти по сих, и Открываяй тайны яви тебе, имже подобает быти: 027 DAN 002 030 и мне не премудростию сущею во мне паче всех живущих тайна сия открыся, но ради того, яко да возвещу сказание царю, да уразумееши размышления сердца твоего. 027 DAN 002 031 Ты, царю видел еси: и се, тело едино, велие тело оно, и обличие его высоко, стоящо пред лицем твоим, и образ его страшен: 027 DAN 002 032 тело, егоже глава от злата чиста, руце и перси и мышцы его сребряны, чрево и стегна медяна, 027 DAN 002 033 голени железны, нозе, часть убо некая железна и часть некая скудельна: 027 DAN 002 034 видел еси, дондеже отторжеся камень от горы без рук, и удари тело в нозе железны и скудельны, и истни их до конца: 027 DAN 002 035 тогда сотрошася вкупе скудель, железо, медь, сребро и злато, и бысть яко прах от гумна летня: и взят я премногий ветр, и место не обретеся им: камень же поразивый тело бысть гора велика и наполни всю землю. 027 DAN 002 036 Сей есть сон, а сказание его речем пред царем. 027 DAN 002 037 Ты, царю, царь царей, емуже Бог небесный царство даде крепко и державно и честно: 027 DAN 002 038 во всяцем месте, идеже живут сынове человечи и зверие польстии, и птицы небесныя и рыбы морския дал есть в руку твою и поставил тя властелина всем: ты еси глава златая. 027 DAN 002 039 И последи тебе востанет царство другое меншее тебе, еже есть сребро, царство же третие, еже есть медь, еже соодолеет всей земли, 027 DAN 002 040 и царство четвертое, еже будет крепко аки железо: якоже железо стончевает и умягчает вся, такожде и то истончит и истнит вся. 027 DAN 002 041 А яко видел еси нозе и персты, часть убо некую железну, часть же некую глиняну, царство разделено будет, и от корене железна будет в нем, якоже видел еси железо смешено с глиною: 027 DAN 002 042 и персты ножнии, часть убо некая железна, часть же некая глиняна, часть некая царства будет крепка и от него будет сокрушена. 027 DAN 002 043 Яко видел еси железо смешено со глиною, смешены будут во племени человечи, и не будут прилепляющеся сей к сему, якоже железо не смешается со глиною. 027 DAN 002 044 И во днех царей тех возставит Бог небесный царство, еже во веки не разсыплется, и царство Его людем инем не останется, истнит и развеет вся царства, тое же станет во веки, 027 DAN 002 045 якоже видел еси, яко отсечеся от горы камень без рук и истни глину, железо, медь, сребро, злато. Бог великий возвести царю, имже подобает быти по сих: и истинен сон, и верно сказание его. 027 DAN 002 046 Тогда царь Навуходоносор паде на лице и поклонися Даниилу, и рече дары и благовония возлияти ему. 027 DAN 002 047 И отвещав царь рече Даниилу: поистинне Бог ваш Той есть Бог богов и Господь господей и Царь царей, открываяй тайны, понеже возмогл еси открыти тайну сию. 027 DAN 002 048 И возвеличи царь Даниила, и дары велики и многи даде ему, и постави его над всею страною Вавилонскою и князя воеводам, над всеми мудрыми Вавилонскими. 027 DAN 002 049 И Даниил проси у царя и пристави над делы страны Вавилонския Седраха, Мисаха и Авденаго. Даниил же бяше во дворе цареве. 027 DAN 003 001 В лето осмонадесятое Навуходоносор царь сотвори тело злато, высота его лактий шестидесяти и широта его лактий шести, и постави е на поли Деире во стране Вавилонстей. 027 DAN 003 002 И посла (Навуходоносор царь) собрати ипаты и воеводы и местоначалники, вожди же и мучители, и сущыя на властех и вся князи стран, приити на обновление кумира, егоже постави Навуходоносор царь. 027 DAN 003 003 И собрашася местоначалницы, ипатове, воеводы, вождеве, мучителие велицыи, иже над властьми, и вси началницы стран на обновление тела, еже постави Навуходоносор царь: и сташа пред телом, еже постави Навуходоносор царь. 027 DAN 003 004 И проповедник вопияше со крепостию: вам глаголется, народи, людие, племена, языцы: 027 DAN 003 005 в оньже час аще услышите глас трубы, свирели же и гусли, самвики же и псалтири и согласия, и всякаго рода мусикийска, падающе покланяйтеся телу златому, еже постави Навуходонсор царь: 027 DAN 003 006 и иже аще не пад поклонится, в той час ввержен будет в пещь огнем горящую. 027 DAN 003 007 И бысть егда услышаша людие глас трубы, свирели же и гусли, самвики же и псалтири и согласия, и всякаго рода мусикийска, падающе вси людие, племена, языцы, покланяхуся телу златому, еже постави Навуходоносор царь. 027 DAN 003 008 Тогда приступиша мужие Халдейстии и оболгаша Иудеев, 027 DAN 003 009 отвещавше реша Навуходоносору цареви: царю, во веки живи: 027 DAN 003 010 ты, царю, положил еси повеление, да всяк человек, иже аще услышит глас трубы, свирели же и гусли, самвики же и псалтири и согласия, и всякаго рода мусикийска, 027 DAN 003 011 и не пад поклонится телу златому, ввержен будет в пещь огнем горящую. 027 DAN 003 012 Суть убо мужие Иудее, ихже поставил еси над делы страны Вавилионския, Седрах, Мисах и Авденаго, иже не послушаша заповеди твоея, царю, и богом твоим не служат и телу златому, еже поставил еси, не покланяются. 027 DAN 003 013 Тогда Навуходоносор в ярости и гневе рече привести Седраха, Мисаха и Авденаго. И приведени быша пред царя. 027 DAN 003 014 И отвеща Навуходоносор и рече им: аще воистинну, Седрах, Мисах и Авденаго, богом моим не служите и телу златому, еже поставих, не покланяетеся? 027 DAN 003 015 Ныне убо аще есте готови, да егда услышите глас трубы, свирели же и гусли, самвики же и псалтири и согласия, и всякаго рода мусикийска, падше поклонитеся телу златому, еже сотворих: аще же не поклонитеся, в той час ввержени будете в пещь огнем горящую: и кто есть Бог, иже измет вы из руки моея? 027 DAN 003 016 И отвещаша Седрах, Мисах и Авденаго, глаголюще царю Навуходоносору: не требе нам о глаголе сем отвещати тебе: 027 DAN 003 017 есть бо Бог наш на небесех, Емуже мы служим, силен изяти нас от пещи огнем горящия и от руку твоею избавити нас, царю: 027 DAN 003 018 аще ли ни, ведомо да будет тебе, царю, яко богом твоим не служим и телу златому, еже поставил еси, не кланяемся. 027 DAN 003 019 Тогда Навуходоносор исполнися ярости, и зрак лица его изменися на Седраха, Мисаха и Авденаго, и рече: разжжите пещь седмерицею, дондеже до конца разгорится. 027 DAN 003 020 И мужем сильным крепостию рече: оковавше Седраха, Мисаха и Авденаго, вверзите в пещь огнем горящую. 027 DAN 003 021 Тогда мужие онии оковани быша с гащами своими и покрывалы, и сапогми и со одеждами своими, и ввержени быша посреде пещи огнем горящия. 027 DAN 003 022 Понеже глагол царев превозможе, и пещь разжжена бысть преизлишше: и мужей оных, иже ввергоша Седраха, Мисаха и Авденаго, уби пламень огненный. 027 DAN 003 023 И мужие тии трие, Седрах, Мисах и Авденаго, падоша посреде пещи огнем горящия оковани, 027 DAN 003 024 Навуходоносор же слыша поющих их, и почудися, и воста со тщанием, и рече вельможам своим: не триех ли мужей ввергохом среде огня связаных? И реша цареви: воистинну, царю. 027 DAN 003 025 И рече царь: се, аз вижду мужы четыри разрешены и ходящя среде огня, и истления несть в них, и зрак четвертаго подобен сыну Божию. 027 DAN 003 026 Тогда прииде Навуходоносор ко устию пещи огнем разжженныя и рече: Седрах, Мисах, Авденаго, раби Бога Вышняго, изыдите и приидите. И изыдоша Седрах, Мисах, Авденаго от среды огня. 027 DAN 003 027 И собрашася князи и воеводы, и местоначалницы и вельможи царевы, и видяху мужей, яко не одоле огнь телесем их и власа главы их не опали, и ризы их не изменишася, и вони огненны не бяше в них. 027 DAN 003 028 И поклонися пред ними царь Богу, и отвеща Навуходоносор царь и рече: благословен Бог Седрахов, Мисахов и Авденаго, Иже посла Ангела Своего и изя отроки Своя, яко уповаша на Него: и слово царево премениша, и предаша телеса своя во огнь, яко да не послужат, ни поклонятся всякому богу иному, но точию Богу своему: 027 DAN 003 029 и аз заповедаю заповедь: вси людие, племя, язык, аще речет хулу на Бога Седрахова и Мисахова и Авденаго, в пагубу будут, и домове их в разграбление: понеже несть бога другаго, иже возможет избавити сице. 027 DAN 003 030 Тогда царь постави Седраха, Мисаха и Авденаго во стране Вавилонстей, и возвеличи их, и сподоби их старейшинства Иудеев всех сущих во царстве его. 027 DAN 004 001 Навуходоносор царь всем людем, племеном и языком сущым во всей земли, мир вам да умножится. 027 DAN 004 002 Знамения и чудеса, яже сотвори со мною Бог Вышний, угодно бысть предо мною возвестити вам, 027 DAN 004 003 коль великая и крепкая: царство Его царство вечное, и власть Его в роды и роды. 027 DAN 004 004 Аз Навуходоносор обилуяй бех в дому моем и благоцветый на престоле моем: 027 DAN 004 005 сон видех, и устраши мя, и смятохся на ложи моем, и видения главы моея смятоша мя: 027 DAN 004 006 и мною положися повеление, привести пред мя вся мужы мудрыя Вавилонския, да сказание сна возвестят мне. 027 DAN 004 007 И вхождаху обаятелие, волсви, газарини, Халдее, и сон аз рех пред ними, и сказания его не возвестиша ми, 027 DAN 004 008 дондеже вниде (пред мя) Даниил, емуже имя Валтасар, по имения бога моего, иже духа Божия свята имать в себе, и сон пред ним рех: 027 DAN 004 009 Валтасаре, княже обаятелей, егоже аз разумех, яко дух Божий святый имаши, и всякая тайна не изнемогает пред тобою, слыши видение сна моего, еже видех, и сказание его повеждь мне. 027 DAN 004 010 И видение главы моея на ложи моем зрех, и се, древо среде земли, и высота его велика: 027 DAN 004 011 и возвеличися древо то и укрепися, и высота его досязаше до небесе, и величина его до конец земли всея, 027 DAN 004 012 листвие его прекрасное, и плод его мног, и пища всех в нем, и под ним вселяхуся вси зверие дивии, и в ветвех его живяху (вся) птицы небесныя, и от него питашеся всяка плоть. 027 DAN 004 013 Видех во сне нощию на ложи моем, и се, Бодрый и Святый от небесе сниде 027 DAN 004 014 и возгласи крепце и тако рече: посецыте древо и обийте ветви его, и оттрясите листвие его и разсыплите плод его, да позыблются зверие под ним и птицы с ветвий его: 027 DAN 004 015 точию отрасль корения его в земли оставите, и во узе железне и медне, и во злаце внешнем и в росе небесней вселится, и со зверьми (дивиими) часть его во траве земней: 027 DAN 004 016 сердце его от человек изменится, и сердце зверино дастся ему, и седмь времен изменятся над ним: 027 DAN 004 017 изречением Бодраго слово, и глагол Святых прошение: да уведят живущии, яко владеет Вышний царством человеческим, и емуже восхощет, даст е, и уничтоженное человеков возставит над ним. 027 DAN 004 018 Сей сон, егоже видех аз Навуходоносор царь: ты же, Валтасаре, сказание его повеждь, яко вси мудрии царства моего не могут сказания его поведати мне, ты же, Данииле, можеши, яко дух Божий свят в тебе. 027 DAN 004 019 Тогда Даниил, емуже имя Валтасар, ужасеся аки на един час, и размышления его смущаху его. И отвеща царь и рече: Валтасаре, сон мой и сказание его да не смущает тебе. И отвеща Валтасар и рече: господине, да будет сон сей ненавидящым тя, и сказание его врагом твоим. 027 DAN 004 020 Древо, еже видел еси возвеличившееся и укрепившееся, егоже высота досязаше до небесе и величина его на всю землю, 027 DAN 004 021 и листвие его благоцветное и плод его мног, и пища всем в нем, под ним живяху зверие дивии, и в ветвех его угнездяхуся птицы небесныя: 027 DAN 004 022 ты еси, царю, яко возвеличился еси и укрепел, и величество твое возвеличися и досяже небесе, и власть твоя до конец земли. 027 DAN 004 023 И яко виде царь Бодраго и Святаго сходяща с небесе, и рече: посецыте древо и разсыплите е, точию проничение корения его в земли оставите, и во узе железне и медяне и во злаце внешнем и в росе небесней водворится, и со зверьми дивиими часть его, дондеже седмь времен пременятся над ним: 027 DAN 004 024 сие сказание его, царю, и изречение Вышняго есть, еже приспе на господина моего царя: 027 DAN 004 025 изженут тя от человек, и с дивиими зверьми будет житие твое, и травою аки вола напитают тя, и от росы небесныя тело твое оросится, и седмь времен изменятся над тобою, дондеже увеси, яко владеет Вышний царством человеческим, и емуже восхощет, даст е. 027 DAN 004 026 А еже рече: оставите проничение корения древа (в земли): царство твое тебе будет, отнележе увеси власть небесную. 027 DAN 004 027 Сего ради, царю совет мой да будет тебе угоден, и грехи твоя милостынями искупи и неправды твоя щедротами убогих: негли будет долготерпелив грехом твоим Бог. 027 DAN 004 028 Сия вся постигоша Навуходоносора царя. 027 DAN 004 029 По двоюнадесяти месяцех в дому царства своего, в Вавилоне бе ходя, 027 DAN 004 030 отвеща царь и рече: несть ли сей Вавилон великий, егоже аз соградих в дом царства, в державе крепости моея, в честь славы моея? 027 DAN 004 031 Еще слову сущу во устех каря, глас с небесе бысть: тебе глаголется, Навуходоносоре царю: цартво твое прейде от тебе, 027 DAN 004 032 и от человек отженут тя, и со зверьми дивиими житие твое, и травою аки вола напитают тя и седмь времен изменятся на тебе, дондеже увеси, яко владеет Вышний царством человеческим, и емуже восхощет, даст е. 027 DAN 004 033 В той час слово скончася на цари Навуходоносоре, и от человек отгнася, и траву аки вол ядяше, и от росы небесныя тело его оросися, дондеже власи ему яко льву возрастоша и ногти ему аки птицам. 027 DAN 004 034 И по скончании тех дний, аз Навуходоносор очи свои на небо воздвиг, и ум мой ко мне возвратися, и Вышняго благослових, и Живущаго во веки похвалих и прославих, яко власть Его власть вечна, и царство Его в роды и роды, 027 DAN 004 035 и вси живущии на земли ни во чтоже вменишася, и по воли Своей творит в силе небесней и в селении земнем: и несть, иже воспротивится руце Его и речет Ему: что сотворил еси? 027 DAN 004 036 В то время ум мой возвратися ко мне, и в честь царства моего приидох, и зрак мой возвратися ко мне, и началницы мои и вельможи мои искаху мене: и в царстве моем утвердихся, и величество изюбилнее приложися мне. 027 DAN 004 037 Ныне убо аз Навуходоносор хвалю и превозношу и славлю Царя Небеснаго, яко вся дела Его истинна, и путие Его судбы, и вся ходящыя в гордости может смирити. 027 DAN 005 001 Валтасар царь сотвори вечерю велию вельможам своим тысящи мужем, 027 DAN 005 002 пред тысящею же вино, и пия Валтасар рече при вкушении вина, еже принести сосуды златы и сребряны, яже изнесе Навуходоносор отец его из храма (Господа Бога), иже во Иерусалиме, и да пиют в них царь и вельможи его, и наложницы его и возлежащыя (окрест) его. 027 DAN 005 003 И принесоша сосуды златыя и сребряныя, яже изнесе (Навуходоносор царь) из храма Господа Бога, иже во Иерусалиме: и пияху ими царь и вельможи его, и наложницы его и возлежащыя (окрест) его: 027 DAN 005 004 пияху вино и похвалиша боги златыя и сребряныя, и медяныя и железныя, и древяныя и каменныя, а Бога вечнаго не благословиша, имущаго власть духа их. 027 DAN 005 005 В той час изыдоша персты руки человечи и писаху противу лампады на поваплении стены дому царева, и царь видяше персты руки пишущия. 027 DAN 005 006 Тогда царю зрак изменися, и размышления его смущаху его, и соузы чресл его разслабляхуся, и колена его сражастася: 027 DAN 005 007 и возопи царь силою, еже ввести волхвов, Халдеев, газаринов: и рече царь мудрым Вавилонским: иже прочтет писание сие и разум его возвестит мне, той в багряницу облечется, и гривна златая на выю его, и третий во царстве моем обладати начнет. 027 DAN 005 008 И вхождаху вси мудрии ко царю и не можаху писания прочести, ни разума царю возвестити. 027 DAN 005 009 Царь же Валтасар возмятеся, и зрак его изменися на нем, и вельможи его смущахуся. 027 DAN 005 010 И вниде царица в дом пирный, и рече царица: царю во веки живи: да не смущают тебе размышления твоя, и зрак твой да не изменяется: 027 DAN 005 011 есть муж во царстве твоем, в немже дух Божий: и во дни отца твоего бодрость и смысл обретеся в нем, и царь Навуходоносор отец твой князя постави его волхвом, обаятелем, Халдеем, газарином, 027 DAN 005 012 яко дух преизюбилный (бяше) в нем, и премудрость и смысл (обретеся) в нем, сказуя сны и возвещая сокровенная и разрешая соузы, Даниил, и царь нарече имя ему Валтасар: ныне убо да призовется, и сказание его возвестит тебе. 027 DAN 005 013 Тогда Даниил введен бысть пред царя. И рече царь Даниилу: ты лиеси Даниил, от сынов пленник Иудейских, ихже приведе Навуходоносор царь отец мой? 027 DAN 005 014 Слышах о тебе, яко дух Божий в тебе, и бодрость и смысл и премудрость изюбилна обретеся в тебе: 027 DAN 005 015 и ныне внидоша пред мя мудрии, волсви, газарини, да писание сие прочтут и сказания его возвестят ми, и не могоша возвестити мне: 027 DAN 005 016 аз же слышах о тебе, яко можеши суды сказати: ныне убо аще возможеши ппсание сие прочести и сказание его возвестити мне, в багряницу облечешися, и гривна златая на выи твоей будет, и третий во царстве моем обладати будеши. 027 DAN 005 017 Тогда отвеща Даниил и рече пред царем: даяния: твоя с тобою да будут, и дар дому твоего иному даждь, аз же писание прочту царю и сказание его возвещу тебе. 027 DAN 005 018 Царю! Бог Вышний царство и величество, и честь и славу даде Навуходоносору отцу твоему, 027 DAN 005 019 и от величества, еже ему даде, вси людие, племена, языцы бяху трепещуще и боящеся от лица его: ихже хотяше убиваше, и ихже хотяше бияше, и ихже хотяше возвышаше, и ихже хотяше, той смиряше: 027 DAN 005 020 и егда вознесеся сердце его и утвердися дух его еже презорствовати, сведеся от престола царства, и слава и честь отяся от него, 027 DAN 005 021 и от человек отгнася, и сердце его со зверьми отдася, и житие его со дивиими ослы, и травою аки вола питаху его, и от росы небесныя оросися тело его, дондеже уразуме, яко владеет Бог Вышний царством человеческим, и емуже хощет, даст е. 027 DAN 005 022 И ты убо, сыне его Валтасаре, не смирил еси сердца твоего пред Господем: не вся ли сия ведал еси? 027 DAN 005 023 Но на Господа Бога небеснаго вознеслся еси, и сосуды храма Его принесоша пред тебе, ты же и вельможи твои, и наложницы твоя и возлежащыя (окрест) тебе, вино пиясте ими: и боги златыя и сребряныя, и медяныя и железныя, и каменныя и древяныя, иже ни видят, ни слышат, ни разумеют, похвалил еси, а Бога, у Негоже дыхание твое в руце Его, и вси путие твои, Того не прославил еси. 027 DAN 005 024 Сего ради от лица Его послани быша персты ручнии и писание сие вчиниша. 027 DAN 005 025 Се же есть писание вчиненое: мани, фекел, фарес. 027 DAN 005 026 Се сказание глагола: мани, измери Бог царство твое и сконча е: 027 DAN 005 027 фекел, поставися в мерилех и обретеся лишаемо: 027 DAN 005 028 фарес, разделися царство твое и дадеся Мидом и Персом. 027 DAN 005 029 И рече Валтасар: (облецыте и). И облекоша Даниила в багряницу, и гривну златую возложиша на выю его, и проповеда о нем, еже быти ему князю третиему во царстве его. 027 DAN 005 030 Валтасара царя Халдейска убиша в ту нощь, 027 DAN 005 031 Дарий же Мидянин прия царство, сый шестидесяти и двою лет. 027 DAN 006 001 И бысть угодно пред царем, и постави во царстве князей сто и двадесять, еже быти им во всем царстве его, 027 DAN 006 002 над ними же три чиновники, от нихже бе Даниил един, дабы отдавали им князи слово, яко да царю не стужают. 027 DAN 006 003 И бе Даниил над ними, яко дух бяше преизюбилен в нем, и царь постави его над всем царством своим. 027 DAN 006 004 Чиновницы же и князи искаху вины обрести на Даниила: и всякия вины и соблазна и греха не обретоша на него, яко верен бяше. 027 DAN 006 005 И реща чиновницы не обрящем на Даниила вины, аще не в законех Бога его. 027 DAN 006 006 Тогда чиновницы и князи предсташа царю и реша ему: Дарие царю, во веки живи: 027 DAN 006 007 совещаша вси иже во царстве твоем воеводы и князи, ипати и обладающии странами, еже уставити устав царский и укрепити предел, яко аще кто попросит прошения от всякаго бога и человека до дний тридесяти, разве точию от тебе, царю, да ввержен будет в ров левский: 027 DAN 006 008 ныне убо, царю, устави предел и положи писание, яко да не изменится заповедь Мидска и Персска, (да никтоже преступит ея). 027 DAN 006 009 Тогда царь Дарий повеле вписати заповедь. 027 DAN 006 010 Даниил же егда уведе, яко заповедь вчинися, вниде в дом свой: дверцы же отверсты ему в горнице его противу Иерусалима, в три же времена дне бяше прекланяя колена своя, моляся и исповедаяся пред Богом своим, якоже бе творя прежде. 027 DAN 006 011 Тогда мужие онии наблюдоша и обретоша Даниила просяща и молящася Богу своему, 027 DAN 006 012 и пришедше реша пред царем: царю, не вчинил ли еси ты предела, яко да всяк человек, иже аще попросит у всякаго бога и человека прошения до тридесяти дний, но точию у тебе, царю, да ввержется в ров левск? И рече царь: истинно слово, и заповедь Мидска и Персска не мимоидет. 027 DAN 006 013 Тогда отвещаша пред царем и глаголаша: Даниил, иже от сынов плена Иудейска, не покорися заповеди твоей (и не раде) о пределе, егоже вчинил еси: в три бо времена дне просит у Бога своего прошений своих. 027 DAN 006 014 Тогда царь, яко слышав слово сие, зело опечалися о нем, и о Данииле пряшеся еже избавити его, и бе даже до вечера пряся еже избавити его. 027 DAN 006 015 Тогда мужие онии глаголаша царю: веждь, царю яко Мидом и Персом не леть есть пременити всякаго предела и устава, егоже царь уставит. 027 DAN 006 016 Тогда царь рече, и приведоша Даниила и ввергоша его в ров левск. И рече царь Даниилу: Бог твой, Емуже ты служиши присно, Той избавит тя. 027 DAN 006 017 И принесоша камень един и возложиша на устие рва, и запечата царь перстнем своим и перстнем вельмож своих, да не изменится деяние о Данииле. 027 DAN 006 018 И отиде царь в дом свой и ляже без вечери, и яди не внесоша к нему: и сон отступи от него. И заключи Бог уста львом, и не стужиша Даниилу. 027 DAN 006 019 Тогда царь воста заутра на свете и со тщанием прииде ко рву левску. 027 DAN 006 020 И егда приближися ко рву, возопи гласом крепким: Данииле, рабе Бога живаго! Бог твой, Емуже ты служиши присно, возможе ли избавити тя из уст львовых? 027 DAN 006 021 И рече Даниил цареви: царю, во веки живи: 027 DAN 006 022 Бог мой посла Ангела Своего и затвори уста львов, и не вредиша мене, яко обретеся пред Ним правда моя, и пред тобою, царю, согрешения не сотворих. 027 DAN 006 023 Тогда царь вельми возвеселися о нем и рече Даниила извести из рва. И изведен бысть Даниил из рва, и всякаго тления не обретеся на нем яко верова в Бога своего. 027 DAN 006 024 И рече царь, и приведоша мужы оклеветавшыя Даниила и в ров левск ввергоша я и сыны их и жены их: и не доидоша дна рва, даже соодолеша им львы и вся кости их истончиша. 027 DAN 006 025 Тогда Дарий царь написа всем людем, племеном, языком, живущым во всей земли: мир вам да умножится: 027 DAN 006 026 от лица моего заповедася заповедь сия во всей земли царства моего, да будут трепещуще и боящеся от лица Бога Даниилова, яко Той есть Бог живый и пребываяй во веки, и царство Его не разсыплется, и власть Его до конца: 027 DAN 006 027 подемлет и избавляет, и творит знамения и чудеса на небеси и на земли, иже избави Даниила от уст львовых. 027 DAN 006 028 Даниил же управляше во царстве Дариеве и во царстве Кира Персянина. 027 DAN 007 001 В первое лето Валтасара царя Халдейска, Даниил сон виде и видения главы его на ложи его, и сон свой вписа: 027 DAN 007 002 аз Даниил видех в видении моем нощию: и се, четыри ветри небеснии налегоша на море великое, 027 DAN 007 003 и четыри зверие велицыи исхождаху из моря, различни между собою: 027 DAN 007 004 первый аки львица имый криле, криле же его аки орли, зрях, дондеже исторжена быша крила его, и воздвижеся от земли, и на ногу человечу ста, и сердце человечо дадеся ему: 027 DAN 007 005 и се, зверь вторый подобен медведице, и на стране единей ста, и три ребра во устех его, среде зубов его, и сице глаголаху ему: востани, яждь плоти многи: 027 DAN 007 006 созади сего видех: и се, зверь ин аки рысь, томуже крила четыри птичия над ним и четыри главы зверю, и власть дадеся ему: 027 DAN 007 007 созади сего видех: и се, зверь четвертый страшен и ужасен и крепок излиха, зубы же его железни велии, ядый и истончевая, останки же ногама своима попираше, тойже различаяся излиха паче всех зверей прежних, и рогов десять ему: 027 DAN 007 008 разсмотрях в розех его, и се, рог другий мал взыде среде их, и трие рози преднии его исторгнушася от лица его, и се, очи аки очи человечи в розе том, и уста глаголюща великая. 027 DAN 007 009 Зрях дондеже престоли поставшася, и Ветхий денми седе, и одежда Его бела аки снег, и власи главы Его аки волна чиста, престол Его пламень огнен, колеса Его огнь палящь: 027 DAN 007 010 река огненна течаше исходящи пред Ним: тысящя тысящ служаху Ему, и тмы тем предстояху Ему: судище седе, и книги отверзошася. 027 DAN 007 011 Видех тогда от гласа словес великих, яже рог оный глаголаше, дондеже убися зверь и погибе, и тело его дадеся во сожжение огненно: 027 DAN 007 012 и прочих зверей преставися власть, и продолжение жития дадеся им до времене и времене. 027 DAN 007 013 Видех во сне нощию, и се, на облацех небесных яко Сын человечь идый бяше и даже до Ветхаго денми дойде и пред Него приведеся: 027 DAN 007 014 и Тому дадеся власть и честь и царство, и вси людие, племена и языцы Тому поработают: власть Его власть вечная, яже не прейдет, и царство Его не разсыплется. 027 DAN 007 015 Вострепета дух мой в состоянии моем, аз Даниил, и видения главы моея смущаху мя. 027 DAN 007 016 И приидох ко единому от стоящих и известия просих от него научитися о всех сих. И поведа ми известие и сказание словес возвести ми: 027 DAN 007 017 сии зверие велицыи четыри, четыри царства востанут на земли, 027 DAN 007 018 яже возмутся: и преймут царство святии Вышняго и содержати будут оное даже до века веков. 027 DAN 007 019 И вопрошах испытно о звери четвертем, яко бяше различен паче всякаго зверя, страшен вельми, зубы его железни и ногти его медяни, ядый и истончевая, останки же ногама своима попираше: 027 DAN 007 020 и о десяти розех его иже на главе его, и о друзем возшедшем и истрясшем первыя три, рог же той емуже очи и уста глаголюща великая, и видение его более прочиих: 027 DAN 007 021 зрях, и рог той творяше рать со святыми и укрепися на них, 027 DAN 007 022 дондеже прииде Ветхий денми и суд даде святым Вышняго: и время приспе, и царство прияша святии. 027 DAN 007 023 И рече: зверь четвертый царство четвертое будет на земли, еже превзыдет вся царства и пояст всю зеемлю, и поперет ю и посечет: 027 DAN 007 024 и десять рогов его десять царей востанут, и по них востанет другий, иже превзыдет злобами всех прежних и три цари смирит, 027 DAN 007 025 и словеса на Вышняго возглаголет и святых Вышняго смирит, и помыслит пременити времена и закон, и дастся в руку его даже до времене и времен и полувремене: 027 DAN 007 026 и судище сядет, и власть его преставят еже потребити и погубити до конца: 027 DAN 007 027 царство же и власть и величество царей, иже под всем небесем, дастся святым Вышняго: и царство Его царство вечное, и вся власти Тому работати будут и слушати. 027 DAN 007 028 До зде скончание словесе. Аз Даниил, надолзе размышления моя смущаху мя, и зрак мой пременися на мне, и глагол в сердцы моем соблюдох. 027 DAN 008 001 В лето третие царства Валтасара царя видение явися мне, аз Даниил, по явльшемся мне прежде. 027 DAN 008 002 И бех в Сусех граде, иже есть во стране Еламстей, и видех в видении, и бех на Увале, 027 DAN 008 003 и воздвигох очи мои и видех: и се, овен един стоя пред увалом емуже рози, рози же высоцы, един же вышше другаго, и вышший восхождаше последи. 027 DAN 008 004 И видех овна бодуща на запад и на север, и на юг и на восток: и вси зверие не станут пред ним, и не бе избавляюща из руки его, и сотвори по воли своей, и возвеличися. 027 DAN 008 005 Аз же бех размышляя, и се козел от коз идяше от лива на лице всея земли и не бе прикасаяся земли, и козлу тому рог видимь между очима его: 027 DAN 008 006 и прииде до овна имущаго рога егоже видех стояща пред увалом, и тече к нему в силе крепости своея. 027 DAN 008 007 И видех его доходяща до овна, и разсвирепе на него, и порази овна, и сокруши оба рога его: и не бе силы овну, еже стати противу ему: и поверже его на землю и попра его, и не бе избавляяй овна от руки его. 027 DAN 008 008 И козел козий возвеличися до зела: и внегда укрепися, сокрушися рог его великий, и взыдоша друзии четыри рози под ним, по четырем ветром небесным: 027 DAN 008 009 и от единаго их взыде рог един крепок, и возвеличися вельми к югу и к востоку и к силе, 027 DAN 008 010 и возвеличися даже до силы небесныя: и сотвори пасти на землю от силы небесныя и от звезд, и попра я: 027 DAN 008 011 и дондеже Архистратиг избавит пленники, и Его ради жертва смятеся, и благопоспешися Ему, и святое опустеет: 027 DAN 008 012 и дадеся на жертву грех, и повержеся правда на землю: и сотвори, и благопоспешися. 027 DAN 008 013 И слышах единаго святаго глаголюща. И рече един святый другому некоему глаголющему: доколе видение станет, жертва отятая, и грех опустения данный, и святое и сила поперется? 027 DAN 008 014 И рече ему: даже до вечера и утра дний две тысящы и триста, и очистится святое. 027 DAN 008 015 И бысть, егда видех аз Даниил видение и взысках ведения, и се, ста предо мною аки образ мужеск, 027 DAN 008 016 и слышах глас мужеск среде Увала, и призва и рече: Гаврииле, скажи видение оному. 027 DAN 008 017 И прииде и ста близ стояния моего: и егда прииде ужасохся и падох на лице мое. И рече ко мне: разумей, сыне человечь, еще бо до скончания времене видение. 027 DAN 008 018 И егда глаголаше со мною, падох ниц на земли, и прикоснуся мне, и постави мя на ноги моя, и рече: 027 DAN 008 019 се, аз возвещаю тебе будущая на последок гнева (сыном людий твоих): еще бо до конца времене видение. 027 DAN 008 020 Овен, егоже видел еси имуща рога, царь Мидский и Персский: 027 DAN 008 021 а козел козий царь Еллинский есть: рог же великий, иже между очима его, той есть царь первый: 027 DAN 008 022 сему же сокрушившуся восташа четыри рози под ним: четыри царие востанут от языка его, но не в крепости его, 027 DAN 008 023 и на последок царства их, исполняющымся грехом их, востанет царь безсрамен лицем и разумея гадания, 027 DAN 008 024 и державна крепость его, не в крепости же своей, и чудесно растлит и управит и сотворит, и разсыплет крепкия и люди святы, 027 DAN 008 025 и ярем вериг своих исправит: лесть в руце его, и в сердцы своем возвеличится, и лестию разсыплет многих, и на пагубу многим возстанет, и яко яица рукою сокрушит. 027 DAN 008 026 И видение вечера и утра реченнаго истинно есть: ты же назнаменай видение, яко на дни многи. 027 DAN 008 027 Аз же Даниил успох и изнемогах на дни (многи), и востах и творях дела царева, и почудихся видению, и не бяше разумевающаго. 027 DAN 009 001 В первое лето Дариа сына Ассуирова, от племене Мидска, иже царствова во царстве Халдейстем, 027 DAN 009 002 в лето первое царства его, аз Даниил разумех в книгах число лет, о немже бысть слово Господне ко Иеремии пророку, на скончание опустения Иерусалимля седмьдесят лет. 027 DAN 009 003 И дах лице мое к Господу Богу, еже взыскати молитвы и прошения в посте и во вретищи и пепеле, 027 DAN 009 004 и молихся ко Господу Богу моему и исповедахся и рех: Господи, Боже великий и чудный, храняй завет Твой и милость Твою любящым Тя и хранящым заповеди Твоя: 027 DAN 009 005 согрешихом, беззаконновахом, нечествовахом и отступихом и уклонихомся от заповедий Твоих и от судов Твоих 027 DAN 009 006 и не послушахом раб Твоих пророков, иже глаголаша во имя Твое ко царем нашым и князем нашым, и отцем нашым и всем людем земли. 027 DAN 009 007 Тебе, Господи, правда, нам же стыдение лица, якоже день сей, мужу Иудину, и живущым во Иерусалиме, и всему Израилю, и ближним и дальним во всей земли, идеже разсеял еси я тамо, во отвержении их, имже отвергошася Тебе, Господи. 027 DAN 009 008 Тебе, Господи, есть правда, нам же стыдение лица, и царем нашым и князем нашым и отцем нашым, иже согрешихом Тебе. 027 DAN 009 009 Господу же Богу нашему щедроты и очищения, яко отступихом от Господа 027 DAN 009 010 и не послушахом гласа Господа Бога нашего, ходити в законех Его, ихже даде пред лицем нашим рукою раб Своих пророков. 027 DAN 009 011 И весь Израиль преступи закон Твой, и уклонишася еже не послушати гласа Твоего: и прииде на ны клятва и заклятие вписаное в законе Моисеа раба Божия, яко согрешихом Ему. 027 DAN 009 012 И устави словеса Своя, яже глагола на ны и на судии нашя, иже судиша нам, навести на ны злая великая, яковых не бысть под всем небесем, по (всем) бывшым во Иерусалиме, 027 DAN 009 013 якоже есть писано в законе Моисеове, вся злая сия приидоша на ны: и не помолихомся лицу Господа Бога нашего, отвратитися от неправд наших, и еже смыслити во всей истине Твоей (Господи). 027 DAN 009 014 И убудися Господь Бог на злобу нашу и наведе сия на ны, яко праведен Господь Бог наш во всем деянии Своем, еже сотвори, и не послушахом гласа Его. 027 DAN 009 015 И ныне, Господи, Боже наш, иже извел еси люди Твоя от земли Египетския рукою крепкою и сотворил еси Себе Самому имя, якоже день сей, согрешихом, беззаконновахом. 027 DAN 009 016 Господи, всем помилованием Твоим да отвратится ярость Твоя и гнев Твой от града Твоего Иерусалима, от горы святыя Твоея: яко согрешихом неправдами нашими и беззаконием отец наших, Иерусалим и людие Твои во укоризну быша во всех окрестных нас. 027 DAN 009 017 И ныне, Господи, Боже наш, услыши молитву раба Твоего и прошение его, и яви лице Твое на святилище Твое опустевшее, Тебе ради, Господи. 027 DAN 009 018 Приклони, Господи, Боже мой, ухо Твое и услыши, отверзи очи Твои и виждь потребление наше и града Твоего, в немже призвася имя Твое, яко не на нашя правды (уповающе) повергаем моление наше пред Тобою, но на щедроты Твоя многия, Господи. 027 DAN 009 019 Услыши, Господи, очести, Господи, вонми, Господи, и сотвори, и не закосни Тебе ради, Боже мой, яко имя Твое призвася во граде Твоем и в людех Твоих. 027 DAN 009 020 Еще же ми глаголющу и молящуся и исповедающу грехи моя и грехи людий моих Израиля, и припадающу с молением моим пред Господем Богом моим о горе святей Его: 027 DAN 009 021 и еще глаголющу ми в молитве, и се, муж Гавриил, егоже видех в видении моем в начале, парящь, и прикоснуся мне, аки в час жертвы вечерния, 027 DAN 009 022 и вразуми мя, и глагола ко мне, и рече: Данииле, ныне изыдох устроити тебе разум: 027 DAN 009 023 в начале молитвы твоея изыде слово, и аз приидох возвестити тебе, яко муж желаний еси ты, размысли о словеси и разумей во явлении. 027 DAN 009 024 Седмьдесят седмин сократишася о людех твоих и о граде твоем святем, яко да обетшает согрешение, и скончается грех, и запечатаются греси, и загладятся неправды, и очистятся беззакония, и приведется правда вечная: и запечатается видение и пророк, и помажется Святый святых. 027 DAN 009 025 И увеси и уразумееши от исхода словесе, еже отвещати и еже соградити Иерусалим, даже до Христа Старейшины седмин седмь и седмин шестьдесят две: и возвратится, и соградится стогна и забрала, и истощатся лета. 027 DAN 009 026 И по седминах шестидесяти двух потребится помазание, и суд не будет в нем: град же и святое разсыплется со старейшиною грядущим, и потребятся аки в потопе, и до конца рати сокращенныя чином, погибельми. 027 DAN 009 027 И утвердит завет мнозем седмина едина: в пол же седмины отимется жертва и возлияние, и во святилищи мерзость запустения будет, и даже до скончания времене скончание дастся на опустение. 027 DAN 010 001 В лето третие Кира царя Персскаго, слово открыся Даниилу, емуже прозвася имя Валтасар: истинно же слово и сила велика и разум дадеся ему в видении. 027 DAN 010 002 В тыя дни аз Даниил бех рыдая три седмицы дний: 027 DAN 010 003 хлеба вожделеннаго не ядох, и мясо и вино не вниде во уста моя, и мастию не помазахся до исполнения триех седмиц дний. 027 DAN 010 004 В день двадесять четвертый перваго месяца аз бех близ реки великия, яже есть Тигр Еддекель, 027 DAN 010 005 и воздвигох очи мои и видех, и се, муж един облечен в ризу льняну, и чресла его препоясана златом светлым: 027 DAN 010 006 тело же его аки фарсис, лице же его аки зрение молнии, очи же его аки свещы огнены, и мышцы его и голени аки зрак меди блещащияся, глас же словес его аки глас народа. 027 DAN 010 007 И видех аз Даниил един явление, а мужие, иже со мною, не видеша явления, но ужас великий нападе на них, и отбегнуша во страсе. 027 DAN 010 008 Аз же остах един и видех явление великое сие, и не оста во мне крепость, и слава моя обратися в разсыпание, и не удержах крепости. 027 DAN 010 009 И слышах глас словес его. И внегда слышах, бех сокрушен, лице же мое на земли: 027 DAN 010 010 и се, рука прикасающися мне, и возстави мя на колена моя и на длани рук моих. 027 DAN 010 011 И рече ко мне: Данииле, мужу желаний, разумей во словесех сих, яже аз глаголю к тебе, и стани на стоянии своем, яко ныне послан есмь к тебе. И егда возглагола слово сие ко мне, востах трепетен. 027 DAN 010 012 И рече ко мне: не бойся, Данииле, яко от перваго дне, в оньже подал еси сердце твое, еже разумети и трудитися пред Господем Богом твоим, услышана быша словеса твоя, аз же приидох во словесех твоих: 027 DAN 010 013 князь же царства Персскаго стояше противу мне двадесять и един день: и се Михаил един от старейшин первых прииде помощи мне, и того оставих тамо со князем царства Персскаго, 027 DAN 010 014 и приидох сказати тебе, елика срящут людий твоих в последния дни, яко еще видение на дни. 027 DAN 010 015 И егда глагола со мною по словесем сим, дах лице мое на землю и умилихся. 027 DAN 010 016 И се, аки подобие сына человеча прикоснуся устнам моим, и отверзох уста моя и глаголах, и рех ко стоящему предо мною: господи, в видении твоем обратися утроба моя во мне, и не имех силы: 027 DAN 010 017 и како возможет раб твой господи, глаголати с господем сим моим? Аз бо изнемогох, и отныне не станет во мне крепость, (сила бо) и дыхание не оста во мне. 027 DAN 010 018 И приложи, и прикоснуся мне яко зрак человечь, и укрепи мя, 027 DAN 010 019 и рече ми: не бойся, мужу желаний, мир тебе: мужайся и крепися и егда глагола со мною, укрепихся и рех: да глаголет господь мой яко укрепил мя еси. 027 DAN 010 020 И рече: веси ли, почто приидох к тебе? И ныне возвращуся, еже ратися со князем Персским: аз же исхождах, князь же Еллинский грядяше: 027 DAN 010 021 но да возвешу ти вчиненое в писании истины, инесть ни единаго помогающаго со мною о сих, но точию Михаил князь ваш. 027 DAN 011 001 Аз же в первое лето Кирово стах в державу и крепость. 027 DAN 011 002 И ныне истину возвещу тебе се, еще трие царие востанут в Персиде четвертый же разбогатеет богатством великим паче всех и по одержании богатства своего востанет на вся царства Еллинская: 027 DAN 011 003 и востанет царь силен, и обладает властию многою, и сотворит по воли своей. 027 DAN 011 004 И егда станет царство его сокрушится и разделится на четыри ветры небесныя, и не в последняя своя, ниже по власти своей, еюже совладе, понеже исторгнется царство его и другим кроме сих отдастся. 027 DAN 011 005 И укрепится царь южский, и от князей их един укепеет нань и обладает властию многою над властию его. 027 DAN 011 006 И по летех его смесятся, и дщи царя южска внидет к северску царю, еже сотворити завет с ним, и не удержит крепости мышцы, и не станет племя ея, и предастся та и приведшии ю, и дева и укрепляяй ю во временех. 027 DAN 011 007 И востанет от цвета корене ея на уготование его и приидет в силу, и внидет во утверждения царя северскаго и сотворит в них и одержит: 027 DAN 011 008 и боги их со слиянными их, вся сосуды их вожделенны сребра и злата с пленники принесет во Египет, и той востанет паче царя северска: 027 DAN 011 009 и внидет в царство царя южскаго, и возвратится на свою землю. 027 DAN 011 010 И сынове его соберут народ силен мног, и внидет грядый и потопляяй: и мимо прейдет и сядет, и даже до крепости его снидется. 027 DAN 011 011 И разсвирепеет царь южский, и изыдет и брань сотворит с царем северским, и поставит народ мног, и предастся народ в руце его. 027 DAN 011 012 И возмет народы, и возвысится сердце его, и соодолеет тмам, и не укрепеет. 027 DAN 011 013 И возвратится царь северский и приведет народ мног паче прежняго: и на конец времен лет приидет входом в силе велицей и со имением многим. 027 DAN 011 014 И в лета она мнози востанут на царя южска, и сынове губителей людий твоих воздвигнутся, еже поставити видение, и изнемогут. 027 DAN 011 015 И внидет царь северский и сотворит окоп и возмет грады тверды, мышцы же царя южскаго не станут и востанут избраннии его, и не будет крепости еже стати. 027 DAN 011 016 И сотворит входяй к нему по воли своей, и несть стоящаго противу лица его: и станет на земли савеи, и скончается в руце его. 027 DAN 011 017 И вчинит лице свое внити в силе всего царства своего, и праве вся сотворит с ним: и дщерь жен даст ему еже растлити ю, и не пребудет, и не будет ему. 027 DAN 011 018 И обратит лице свое на островы, и возмет многи, и погубит князи укоризны своея, обаче укоризна его возвратится ему. 027 DAN 011 019 И обратит лице свое в крепость земли своея, и изнеможет, и падется, и не обрящется. 027 DAN 011 020 И востанет от корене его сад царства на уготование его производяй творяй славу царства: и в тыя дни еще сокрушится, и не в лицах, ни в рати: 027 DAN 011 021 станет во уготовании его ункчижися, и не даша нань славы царства: и приидет со обилием и соодолеет царству лестьми, 027 DAN 011 022 и мышцы потопляющаго потопятся от лица его и сокрушатся и старейшина завета. 027 DAN 011 023 И от совокуплений к нему сотворит лесть, и взыдет, и преодолеет их в мале языце: 027 DAN 011 024 и во обилие и в тучныя страны приидет, и сотворит, яже не сотвориша отцы его и отцы отцев его: пленение и корысти и имение им расточит, и на Египта помыслит мыслию даже до времене. 027 DAN 011 025 И востанет крепость его, и сердце его на царя южскаго в силе велице, царь же южский сотворит с ним сечь силою великою и крепкою зело, и не станут: яко помышляют нань помышления 027 DAN 011 026 и изядят потребная его и сокрушат его, и силы разсыплет, и падут язвении мнози. 027 DAN 011 027 И оба царя, сердца их на лукавство, и на трапезе единей возглаголют лжу, и не предуспеет, яко еще конец на время. 027 DAN 011 028 И возвратится на свою землю со имением многим, и сердце его на завет святый, и сотворит, и возвратится на свою землю. 027 DAN 011 029 На время возвратится и приидет на юг, и не будет якоже первая и последняя. 027 DAN 011 030 И внидут с ним исходящии Китяне, и смирится, и возвратится, и возярится на завет святый: и сотворит, и возвратится, и умыслит на оставльшыя завет святый. 027 DAN 011 031 И мышцы и племена от него востанут и осквернят святыню могутства и преставят жертву всегдашнюю и дадят мерзость запустения, 027 DAN 011 032 и беззаконнующии завет наведут со прелестию: людие же ведуще Бога своего премогут и сотворят, 027 DAN 011 033 и смысленнии людие уразумеют много, и изнемогут в мечи и в пламени, и в пленении и в разграблении дний. 027 DAN 011 034 И егда изнемогут, поможется им помощию малою, и приложатся к ним мнози со прелестию. 027 DAN 011 035 И от смысливших изнемогут, еже разжещи я и избрати, и еже открыти даже до конца времене, яко еще на время. 027 DAN 011 036 И сотворит по воли своей, и царь возвысится и возвеличится над всяким богом, и на Бога богов возглаголет тяжкая, и управит, дондеже скончает гнев, в скончание бо бывает. 027 DAN 011 037 И о всех бозех отцев своих не смыслит, и рачении жен, и о всяцем бозе не уразумеет, понеже паче всех возвеличится. 027 DAN 011 038 И бога маозима на месте своем прославит, и бога, егоже не ведеша отцы его, почтит сребром и златом и камыком честным и похотьми, 027 DAN 011 039 и сотворит тверделем убежищ с богом чуждим, егоже познает, и умножит славу, и покорит им многи, и землю разделит в дары. 027 DAN 011 040 И на конец времене сразится ратию с царем южским: и соберется на него царь северский с колесницами и с конники и с корабли многими, и внидет в землю, и сокрушит, и мимоидет, 027 DAN 011 041 и внидет на землю саваимску, и мнози изнемогут: сии же спасутся от руки его, Едом и Моав и начало сынов Аммоних. 027 DAN 011 042 И прострет руку свою на землю, и земля Египетска не будет во спасение. 027 DAN 011 043 И владети начнет в сокровенных злата и сребра и во всех вожделенных Египта и Ливиев и Ефиопов, в тверделех их. 027 DAN 011 044 И слышания и поткщания возмутят его от восток и от севера: и приидет во ярости мнозе, еже погубити многи. 027 DAN 011 045 И поткнет кущу свою ефадано между морями, на горе святей савеи, приидет даже до части ея, и несть избавляяй его. 027 DAN 012 001 И во время оно востанет Михаил князь великий стояй о сынех людий твоих: и будет время скорби, скорбь, якова не бысть, отнележе создася язык на земли, даже до времене онаго: и в то время спасутся людие твои вси, обретшиися вписани в книзе, 027 DAN 012 002 и мнози от спящих в земней персти востанут, сии в жизнь вечную, а онии во укоризну и в стыдение вечное. 027 DAN 012 003 И смыслящии просветятся аки светлость тверди, и от праведных многих аки звезды во веки и еще. 027 DAN 012 004 Ты же, Данииле, загради словеса и запечатай книги до времене скончания, дондеже научатся мнози, и умножится ведение. 027 DAN 012 005 И видех аз Даниил, и се, два инии стояху, един о сию страну устия реки, а другий об ону страну устия реки. 027 DAN 012 006 И рече к мужу оболченному в ризу льняну, иже бяше верху воды речныя: доколе окончание чудес, яже рекл еси? 027 DAN 012 007 И слышах от мужа оболченнаго в ризу льняну, иже бяще верху воды речныя, и воздвиже десницу свою и шуйцу свою на небо и клятся Живущим во веки, яко во время и во времена и в пол времене, егда скончается разсыпание руки людий освященных, и уведят сия вся. 027 DAN 012 008 Аз же слышах, и не разумех, и рех: господи, что последняя сих? 027 DAN 012 009 И рече: гряди, Данииле, яко заграждена словеса и запечатана даже до конца времене: 027 DAN 012 010 избранни будут и убелятся, и аки огнем искусятся и освятятся мнози: и собеззаконнуют беззаконницы, и не уразумеют вси нечестивии, но умнии уразумеют: 027 DAN 012 011 от времене же пременения жертвы всегдашния, и дастся мерзость запустения на дни тысяща двести девятьдесят: 027 DAN 012 012 блажен терпяй и достигнувый до дний тысящи трех сот тридесяти пяти: 027 DAN 012 013 ты же иди и почивай: еще бодние суть и часы во исполнение скончания, и почиеши, и востанеши в жребий твой, в скончание дний. # # BOOK 028 HOS Hosea Книга пророка Осии 028 HOS 001 001 Слово Господне, еже бысть ко Осии сыну Веириину, во днех Озии и Иоафама, и Ахаза и Иезекии царей Иудиных, и во дни Иеровоама сына Иоасова царя Израилева. 028 HOS 001 002 Начало словесе Господня ко Осии. И рече Господь ко Осии: иди, поими себе жену блужения, (и роди) чада блужения: понеже блудящи соблудит земля от Господа. 028 HOS 001 003 И иде и поя Гомерь дщерь Девилаимлю: и зачат и роди ему сына. 028 HOS 001 004 И рече Господь к нему: прозови имя ему Иезраель: зане еще мало, и отмщу кровь Иезраелеву на дому Иудове и упокою царство дому Израилева: 028 HOS 001 005 и будет в той день, сокрушу лук Израилев во удоле Иезраелеве. 028 HOS 001 006 И зачат еще и роди дщерь. И рече ему (Господь): прозови имя ей Непомилована: зане не приложу ксему помиловати дому Израилева, но противляяся возсопротивлюся им: 028 HOS 001 007 сыны же Иудины помилую и спасу я о Где Бозе их: и не спасу их луком, ни мечем, ни бранию, ни коньми, ниже конниками. 028 HOS 001 008 И отдои Непомилованную: и зачат паки и роди сына. 028 HOS 001 009 И рече (Господь): прозови имя ему Не Людие Мои: зане вы не людие Мои, и Аз несмь Бог ваш: 028 HOS 001 010 и будет число сынов Израилевых аки песок морский, иже не измерится, ни изочтется: и будет, на месте, на немже речеся им: не людие Мои вы: сии тамо прозовутся сынове Бога живаго. 028 HOS 001 011 И соберутся сынове Иудины и сынове Израилевы вкупе, и поставят себе власть едину, и изыдут от земли, яко велик день Иезраелев. 028 HOS 002 001 Рцыте брату своему: людие Мои: и сестре своей: Помилованная. 028 HOS 002 002 Судитеся с материю своею, судитеся, яко та не жена Моя, и Аз не муж ея: и отвергу блужения ея от лица Моего и любодейство ея от среды сосцу ея: 028 HOS 002 003 яко да совлеку ю нагу и поставлю ю якоже в день рождения ея, и положу ю яко пустыню, и учиню ю яко землю безводну, и убию оную жаждею: 028 HOS 002 004 и чад ея не помилую, яко чада блужения суть, 028 HOS 002 005 яко соблуди мати их, посрамися родившая их, рече бо: пойду вслед похотников моих, дающих мне хлебы моя и воду мою, и ризы моя и плащаницы моя, и масло мое и вся, елика мне достоят. 028 HOS 002 006 Сего ради, се, Аз загражду путь ея тернием и возгражду распутия ея, и стези своея не обрящет: 028 HOS 002 007 и поженет похотники своя и не постигнет их, и взыщет их и не обрящет, и речет: пойду и возвращуся к мужу моему первому, яко добрее ми бе тогда, нежели ныне. 028 HOS 002 008 Но та не уразуме, яко Аз дах ей пшеницу и вино и масло, и сребро умножих ей: сия же сребряны и златы сотвори Ваалу. 028 HOS 002 009 Сего ради обращуся и возму пшеницу Мою во время ея и вино Мое во время его, и отиму ризы Моя и плащаницы Моя, да не покрывает студа своего: 028 HOS 002 010 и ныне открыю нечистоту ея пред похотниками ея, и никтоже отимет ея от руки Моея: 028 HOS 002 011 и отвращу вся веселия ея и праздники ея, и новомесячия ея и субботы ея и вся празднества ея, 028 HOS 002 012 и погублю виноград ея и смоквы ея, о нихже рече: мзды ми суть сия, яже даша мне похотницы мои: и положу я в свидение, и поядят я зверие селнии и птицы небесныя и гади земнии: 028 HOS 002 013 и отмщу на ней дни Ваалимовы, в няже требы кладяше им, и вдеваше усерязи своя и мониста своя, и хождаше вслед похотников своих, а Мене забы, глаголет Господь. 028 HOS 002 014 Сего ради, се, Аз соблажню ю, и учиню ю яко пустыню, и возглаголю в сердце ея, 028 HOS 002 015 и дам ей притяжание ея оттуду и поляну Ахорову, отверсти смысл ея: и смирится тамо по днем детства своего и по днем изведения своего от земли Египетски. 028 HOS 002 016 И будет в той день, наречет Мя муж мой, глаголет Господь, а не прозовет Мене ктому Ваалим. 028 HOS 002 017 И отвергу имена Ваалимля от уст ея, и не воспомянутся ксему имена их. 028 HOS 002 018 И завещаю им завет в той день со зверьми селными и со птицами небесными и с гады земными, и лук и мечь и брань сокрушу от земли, и вселю я со упованием: 028 HOS 002 019 и обручу тя Себе во век и обручу тя Себе в правде и в суде и в милости и в щедротах: 028 HOS 002 020 и обручу тя Себе в вере, и увеси Господа. 028 HOS 002 021 И будет в той день, глаголет Господь, послушаю небесе, а оное послушает земли, 028 HOS 002 022 и земля послушает пшеницы и вина и масла, и сии послушают Иезраеля: 028 HOS 002 023 и всею оную Себе на земли и помилую Непомилованную: и реку не людем Моим: людие Мои есте вы: и тии рекут: Господь Бог наш Ты еси. 028 HOS 003 001 И рече Господь ко мне: еще иди и возлюби жену любящую зло и любодейцу, якоже любит Бог сыны Израилевы: сии же взирают к богом чуждим и любят варения с коринками. 028 HOS 003 002 И наях себе оную пятиюнадесять сребрениками и гомором ячменя и невелем вина, 028 HOS 003 003 и рекох ей: дни многи да седиши у мене и аз у тебе, и не соблудиши, ни будеши мужу иному: 028 HOS 003 004 зане дни многи сядут сынове Израилевы, не сущу царю, ни сущу князю, ни сущей жертве, ни сущу жертвеннику, ни жречеству, ниже явлением: 028 HOS 003 005 и посем обратятся сынове Израилевы и взыщут Господа Бога своего и Давида царя своего, и почудятся о Господе и о благостех Его в последния дни. 028 HOS 004 001 Слышите слово Господне, сынове Израилевы, яко суд Господеви к живущым на земли: зане несть истины, ни милости, ни ведения Божия на земли: 028 HOS 004 002 клятва и лжа, и убийство и татьба и любодеяние разлияся по земли, и кровь с кровьми мешают. 028 HOS 004 003 Сего ради восплачется земля и умалится со всеми вселившимися на ней, со зверьми польскими и с гады земными и со птицами небесными, и рыбы морския оскудеют: 028 HOS 004 004 яко да никтоже не прится, ни обличается никтоже: людие же мои аки пререкаемый жрец, 028 HOS 004 005 и изнеможет во днех, и изнеможет пророк с тобою: нощи уподобих матерь твою. 028 HOS 004 006 Уподобишася людие Мои аки не имуще умения: яко ты умение отвергл еси, отвергу и Аз тебе, еже не жречествовати Мне, и забыл еси закон Бога своего, забуду и Аз чада твоя. 028 HOS 004 007 По множеству их тако согрешиша Мне: славу их в безчестие положу. 028 HOS 004 008 Грехи людий Моих снедят и в неправдах их возмут душы их. 028 HOS 004 009 И будет якоже людие, тако и жрец: и отмщу на них пути их, и умышления их воздам им. 028 HOS 004 010 И будут ясти и не насытятся: соблудиша и не исправятся: понеже Господа оставиша еже снабдети. 028 HOS 004 011 Блуд и вино и пиянство прият сердце людий Моих. 028 HOS 004 012 В знамениих вопрошаху и в жезлех своих поведаху тем: духом блужения прельстишася и соблудиша от Бога своего: 028 HOS 004 013 на версех гор кадяху и на холмех жряху под дубом и под елию и под древом ветвенным, яко добр кров: сего ради соблудят дщери вашя, и невесты вашя возлюбодеют. 028 HOS 004 014 И не присещу на дщери вашя, егда соблудят, и на невесты вашя, егда возлюбодеют: яко и тии со блудницами смесишася и со блудниками требы жряху, и людие смыслящии со блудницею сплетахуся. 028 HOS 004 015 Ты же, Израилю, не не разумевай, и Иудо: не входите в Галгалу и не восходите в Дом Онов, и не кленитеся Господем живым. 028 HOS 004 016 Зане якоже юница стрекалом стречема разсвирепе Израиль: ныне упасет я Господь, яко агнца на пространстве. 028 HOS 004 017 Причастник кумиром Ефрем положи себе соблазны, 028 HOS 004 018 избра Хананеов: блудяще возблудиша, возлюбиша безчестие от хрепетания своего. 028 HOS 004 019 Вихр духа возсвищет в крилех своих, и посрамятся от требищ своих. 028 HOS 005 001 Слышите сия, жерцы, и вонмите, доме Израилев, и доме царев, внушите, понеже к вам есть суд: яко пругло бысте стражбе, и якоже мрежа распростерта на Итавирии, 028 HOS 005 002 юже ловящии лов поткнуша, Аз же наказатель вам: 028 HOS 005 003 Аз познах Ефрема, и Израиль не отступи от Мене, зане ныне соблуди Ефрем, и осквернися Израиль: 028 HOS 005 004 не положиша помышлений своих, еже возвратитися к Богу своему, яко дух блужения есть в них, и Господа не уведеша. 028 HOS 005 005 И смирится укоризна Израилева в лице ему, и Израиль и Ефрем изнемогут в неправдах своих, изнеможет же и Иуда с ними. 028 HOS 005 006 Со овцами и телцы пойдут взыскати Господа и не обрящут Его, уклонися бо от них. 028 HOS 005 007 Яко Господа оставиша, яко чада чужда породиша себе: ныне пояст я ржа, и причастия их. 028 HOS 005 008 Вострубите трубою на холмех, возгласите на высоких, проповедите в Дому Онове, ужасеся Вениамин, 028 HOS 005 009 Ефрем в пагубу бысть во дни наказания: в племенех Израилевых показах верная. 028 HOS 005 010 Быша князи Иудины яко прелагающе пределы: на ня излию яко воду гнев Мой. 028 HOS 005 011 Соодоле Ефрем соперника своего, попра суд, яко нача ходити вслед суетных. 028 HOS 005 012 Аз же яко мятеж Ефремови и яко остен дому Иудину. 028 HOS 005 013 И виде Ефрем немощь свою и Иуда болезнь свою: и иде Ефрем ко Ассирием и посла послы ко царю Иариму: и той не возможе изцелити вас, и не престанет от вас болезнь. 028 HOS 005 014 Зане Аз есмь яко панфирь Ефремови и яко лев дому Иудину: и Аз восхищу, и пойду, и возму, и не будет изимаяй: 028 HOS 005 015 пойду и возвращуся на место Свое, дондеже погибнут, и взыщут лица Моего. 028 HOS 006 001 В скорби своей утреневати будут ко Мне, глаголюще: идем и обратимся ко Господу Богу нашему, 028 HOS 006 002 яко Той поби ны, и изцелит ны: уязвит, и уврачует ны: 028 HOS 006 003 изцелит ны по двою дню, в день третий воскреснем и живи будем пред ним, и увемы: поженем, еже уведети Господа: яко утро готово обрящем Его, и приидет нам яко дождь ранний и поздный земли. 028 HOS 006 004 Что ти сотворю, Ефреме? Что ти сотворю, Иудо? Милость бо ваша яко облак утренний и яко роса рано падающая. 028 HOS 006 005 Сего ради пожах пророки вашя, убих я словесем уст Моих, и суд Мой яко свет изыдет. 028 HOS 006 006 Зане милости хощу а не жертвы, и уведения Божия, нежели всесожжения. 028 HOS 006 007 Сии же суть яко человек преступаяй завет: тамо презреша Мя. 028 HOS 006 008 Галаад град делаяй суетная, мутяй воду, 028 HOS 006 009 а крепость твоя яко мужа морскаго разбойника: скрыша жерцы путь Господень, убиша Сикиму, яко беззаконие сотвориша. 028 HOS 006 010 В дому Израилеве видех грозная: тамо блужение Ефремово: осквернися Израиль и Иуда. 028 HOS 006 011 Начни оымати виноград себе, егда возвращу пленение людий Моих. 028 HOS 007 001 Егда изцелю Израиля, и открыется неправда Ефремова и злоба Самарийска, яко соделаша лжу: и тать к нему внидет, совлачаяй разбойник на пути его: 028 HOS 007 002 яко да воспоют вкупе, аки поющии сердцем своим. Вся злобы их помянух: ныне обыдоша их совети их, противу лицу Ми быша. 028 HOS 007 003 Злобами своими возвеселиша царя и лжами своими князей. 028 HOS 007 004 Вси любодеющии, яко пещь жегома на печение сожжения от пламене, от примешения тука, дондеже вскиснет то все. 028 HOS 007 005 Во дни царей ваших начаша князи яритися от вина, простроша руки своя с губительми: 028 HOS 007 006 зане разгорешася яко пещь сердца их, внегда устремлятися им: всю нощь сна Ефрем насытися, заутра бысть, и разгореся яко пламень огненный. 028 HOS 007 007 Вси согреяшася, яко пещь жегома, и огнь пояде судий их: вси царие их падоша, не бе в них моляйся ко Мне. 028 HOS 007 008 Ефрем в людех своих сам смесяшеся, Ефрем бысть опреснок необращаемь. 028 HOS 007 009 И снедоша чуждии крепость его, сей же не разуме: и седины явишася на нем, он же не позна. 028 HOS 007 010 И смирится укоризна Израилева в лице ему: и не возвратишася ко Господу Богу своему и не взыскаша Его во всех сих. 028 HOS 007 011 И бяше Ефрем яко голубь безумный, не имый сердца: Египта моляше, и во Ассирианы отидоша. 028 HOS 007 012 Якоже идут, возложу на ня мрежу Мою, якоже птицы небесныя свергу я, накажу я в слух скорбения их. 028 HOS 007 013 Горе им, яко отскочиша от Мене: боязливи суть, яко нечествоваша ко Мне: Аз же избавих я, сии же возглаголаша на Мя лжу. 028 HOS 007 014 И не возопиша ко Мне сердца их, но плакахуся на ложах своих: о пшенице и вине сечахуся. 028 HOS 007 015 Накажутся Мною, Аз же укрепих мышцу их, и на Мя помыслиша злая. 028 HOS 007 016 Совратишася ни во чтоже, быша яко лук напряжен: падутся князи их мечем ради ненаказания языка своего. Сие ругание их в земли Египетстей. 028 HOS 008 001 В недре их, яко земля непроходима, яко орел в дому Господни: понеже преступиша завет Мой и на закон Мой нечествоваша. 028 HOS 008 002 Ко Мне воззовут: Боже, познахом Тя, 028 HOS 008 003 яко Израиль отвратися благих, врага прогнаша. 028 HOS 008 004 Сами себе царя поставиша, а не Мною, началствоваша, и не явиша Ми: от сребра своего и от злата своего сотвориша себе кумиры, яко да потребятся. 028 HOS 008 005 Сокруши телца твоего, Самарие, разгневася ярость Моя на ня: доколе не могут очиститися, иже во Израили? 028 HOS 008 006 И то древодель сотвори, и несть бог: зане льстяй бяше телец твой, Самарие. 028 HOS 008 007 Яко ветром истлено всеяша, и разрушение их приимет я: рукоять не имущая силы еже сотворити муку, аще же и сотворит, то чуждии поядят ю. 028 HOS 008 008 Поглощен бысть Израиль, ныне бысть во языцех яко сосуд непотребен, 028 HOS 008 009 понеже тии взыдоша ко Ассирианом: процвете о себе Ефрем, дары возлюби. 028 HOS 008 010 Сего ради предадутся во языки: ныне восприиму их, и почиют мало еже помазати царя и князи. 028 HOS 008 011 Яко умножи Ефрем требища, во грехи быша ему требища возлюбленная. 028 HOS 008 012 Впишу ему множество, и законная его в чуждая вменишася требища возлюбленная. 028 HOS 008 013 Темже аще и пожрут жертву и снедят мяса, Господь не приимет их: ныне помянет неправды их и отмстит грехи их: тии во Египет возвратишася и во Ассирии нечистая снедят. 028 HOS 008 014 И забы Израиль Сотворшаго и и возгради требища, и Иуда умножи грады утверждены: но послю огнь на грады его, и потребит основания его. 028 HOS 009 001 Не радуйся, Израилю, ни веселися якоже людие, понеже соблудил еси от Господа Бога твоего: возлюбил еси даяния на всяцем гумне пшеницы. 028 HOS 009 002 Гумно и точило не позна их, и вино солга им. 028 HOS 009 003 Не вселишася на земли Господни: вселися Ефрем во Египте, и во Ассириах снедят нечистая. 028 HOS 009 004 Не возлияша Господеви вина, и не усладишася Ему требы их, яко хлеб жалости им: вси ядущии тыя осквернятся: понеже хлебы их душ их, не внидут в дом Господень. 028 HOS 009 005 Что сотворите во днех торжества и в день праздника Господня? 028 HOS 009 006 Сего ради, се, пойдут от труда Египетска, и приимет их Мемфис, и погребет я махмас: сребро их пагуба наследит, терние во дворех их. 028 HOS 009 007 Приспеша дние отмщения твоего, приидоша дние воздаяния твоего, и озлобится Израиль, якоже пророк изумленный, человек духом носимый: от множества неправд твоих умножися изумление твое. 028 HOS 009 008 Страж Ефрем с Богом, пророк пругло строптиво на всех путех его: изумление в дому Божии утвердиша. 028 HOS 009 009 Растлешася по днем холма: воспомянет неправды их, отмстит грехи их. 028 HOS 009 010 Якоже грезн в пустыни обретох Израиля и яко стража на смоковнице ранняго увидех отцы их: тии внидоша ко Веельфегору и отчуждишася на стыдение, и быша мерзостнии якоже возлюбленнии. 028 HOS 009 011 Ефрем яко птица отлете, славы их от порождений и болезней и от зачатий. 028 HOS 009 012 Темже аще и воскормят чада своя, безчадны будут от человек: понеже и люте им есть, (зане оставих я, ) плоть моя от них. 028 HOS 009 013 Ефрем, якоже видех, в ловитву предпоставиша чада своя, и Ефрем еже извести на заколение чада своя. 028 HOS 009 014 Даждь им, Господи: что даси им? Даждь им утробу неплодящую и сосцы сухи. 028 HOS 009 015 Вся злобы их во Галгалех, яко тамо их возненавидех за злобы начинаний их: из дому Моего изжену я, (ксему) не приложу любити их: 028 HOS 009 016 вси князи их непокориви. Поболе Ефрем: корение его изсхоша, плода ксему да не принесет: понеже аще и породят, побию вожделенная утроб их. 028 HOS 009 017 Отринет я Бог, яко не послушаша Его, и будут заблуждающии в языцех. 028 HOS 010 001 Виноград благолозен Израиль, плод обилен его: по множеству плодов его умножи требища, по благотам земли его возгради капища. 028 HOS 010 002 Разделиша сердца своя, ныне погибнут: Сам раскопает требища их, сокрушатся кумиры их. 028 HOS 010 003 Темже ныне рекут: несть царя в нас, яко не бояхомся Господа: царь же что сотворит нам? 028 HOS 010 004 Глаголяй словеса извинения ложная завещает завет: прозябнет суд аки троскот на лядине селней. 028 HOS 010 005 У телца Дому Онова возобитают живущии в Самарии, яко плакашася людие его о нем: и якоже разгневаша его, порадуются о славе его, яко преселися от них. 028 HOS 010 006 И связавше его, во Ассирию отведоша в дар царю Иариму: в дар Ефрем приимется, и усрамится Израиль о совете своем. 028 HOS 010 007 Отверже Самариа царя своего, аки хврастие на лицы воды. 028 HOS 010 008 Извергутся требища Онова согрешения Израилева, терние и волчец возникнут на требищих их: и рекут к горам: покрыйте ны: и холмом: падите на ны. 028 HOS 010 009 Отнележе холми, согреши Израиль: тамо сташа: не постигнет их на холме рать, на чада неправды. 028 HOS 010 010 Прииде наказати их по желанию Моему: и соберутся людие на ня, внегда наказатися им во двою неправдах своих. 028 HOS 010 011 Ефрем юница наученая, еже любити прение: Аз же найду на доброту выи ея, наступлю на Ефрема, умолчу о Иуде, укрепится себе Иаков. 028 HOS 010 012 Сейте себе в правду, соберите плод живота, просветите себе свет ведения, дондеже время, взыщите Господа, дондеже приидут вам жита правды. 028 HOS 010 013 Вскую премолчасте нечестие, и неправды его оымасте, изядосте плод лжив? Яко уповал еси на оружие твое, во множестве силы твоея. 028 HOS 010 014 И востанет пагуба в людех твоих, и вся ограды твоя погибнут, якоже (погибе) князь Саламан от дому Иеровоамля, во дни ратны матерь о чада разбиша: 028 HOS 010 015 тако сотворю вам, Доме Израилев, от лица неправды злоб ваших. 028 HOS 011 001 Заутра отвергошася, отвержеся царь Израилев, понеже младенец Израиль, и Аз возлюбих его и из Египта воззвах сына Моего. 028 HOS 011 002 Якоже призвах я, такожде отхождаху от лица Моего: тии Ваалиму требу жряху и изваяным кадяху. 028 HOS 011 003 Аз же связах Ефрема, взях его на мышцу Мою, и не разумеша, яко изцелих я. 028 HOS 011 004 Во истлении человечесте привлекох я узами любления моего, и буду им яко ударяяй человек по челюстем его: и воззрю к нему и премогу ему. 028 HOS 011 005 Вселися Ефрем во Египте, Ассур же сам царь его, яко не восхоте возвратитися. 028 HOS 011 006 И изнеможе оружие во градех его, и умолче в руку его: и снедят от умышлений своих. 028 HOS 011 007 И людие его висяще от обитания своего: и Бог на честная его разгневается, и не вознесет его. 028 HOS 011 008 Что тя устрою, Ефреме? Защищу ли тя, Израилю? Что тя положу? Якоже Адаму устрою тя, и якоже Севоим, превратися сердце Мое в Нем, смятеся раскаяние Мое. 028 HOS 011 009 Не сотворю по гневу ярости Моея, не оставлю еже потребитися Ефремови, зане Бог Аз есмь, а не человек: в тебе Свят, и не вниду во град. 028 HOS 011 010 Вслед Господа имам ходити: яко лев возревет, понеже Той возревет, и ужаснутся чада вод, 028 HOS 011 011 и приидут яко птица из Египта и яко голубь от земли Ассирски: и возставлю я в домех их, глаголет Господь. 028 HOS 011 012 Обыде Мя лжею Ефрем, и нечестиями дом Израилев и Иуда: ныне позна я Бог, и людие святи прозвашася Богови. 028 HOS 012 001 Ефрем же зол дух, гоняше зной весь день: тщетная и суетная умножи, и завет со Ассирианы завеща, и елей во Египет посылаше. 028 HOS 012 002 И суд Господеви ко Иуде, еже отмстити Иакова: по путем его и по начинанием его воздаст ему. 028 HOS 012 003 Во утробе запя брата своего и труды своими укрепе к Богу: 028 HOS 012 004 и укрепе со Ангелом и превозможе. Плакашася и молишася ми: в дому Онове обретоша мя, и ту глаголася к ним. 028 HOS 012 005 Господь же Бог Вседержитель будет память Его. 028 HOS 012 006 И ты о Бозе своем обратишися, милость и суд снабди, и приближайся к Богу своему присно. 028 HOS 012 007 Ханаан, в руце его мерило неправды, насильствовати возлюби. 028 HOS 012 008 И рече Ефрем: обаче обогатех, обретох прохлаждение себе: вси труды его не обрящутся ему ради неправд, имиже согреши. 028 HOS 012 009 Аз же Господь Бог твой, изведох тя из земли Египетски: еще вселю тя в кущах, якоже во дни праздника. 028 HOS 012 010 И глаголах ко пророком, и аз видения умножих, и в руках пророческих уподобихся. 028 HOS 012 011 Аще не Галаад есть, убо ложни быша во Галгалех князи требы кладуще, и требища их якоже желви на целизне польстей. 028 HOS 012 012 И отиде Иаков на поле Сирийско, и работа Израиль о жене и о жене снабде. 028 HOS 012 013 И пророком изведе Господь Израиля из земли Египетския, и пророком снабдеся. 028 HOS 012 014 Разгнева Мя Ефрем и возяри Мя: и кровь его на нем пролиется, и укоризну его воздаст ему Господь. 028 HOS 013 001 По словеси Ефремову оправдания прия сей во Израили, и положи я Ваалови, и умре. 028 HOS 013 002 И ныне приложиша согрешати и сотвориша себе слияние от злата и сребра своего по образу идолов, дела художников совершена: им сии глаголют: пожрите человеков, оскудеша бо телцы. 028 HOS 013 003 Сего ради будут яко облак утренний, якоже роса утренняя идущи, якоже плевы с тока (и прах с ветвия) развеваемый вихром, якоже дым из трубы. 028 HOS 013 004 Аз же Господь Бог твой утверждаяй небо и созидаяй землю, Егоже руце создасте все воинство небесное, и не показах ти их, еже ходити вслед их: и Аз изведох тя из земли Египетския, и бога разве Мене да не познаеши, и спасающаго несть разве Мене. 028 HOS 013 005 Аз пасох тя в пустыни на земли ненаселенней, 028 HOS 013 006 на пажитех их, и насытишася до исполнения, и вознесошася сердца их, сего ради забыша Мя. 028 HOS 013 007 И буду им яко панфирь, и яко рысь на пути Ассириев: 028 HOS 013 008 и срящу их аки медведица лишаема, и разрушу соключение сердец их: и поядят я скимни дубравнии, и зверие польстии расторгнут я. 028 HOS 013 009 В погибели твоей, Израилю, кто поможет тебе? 028 HOS 013 010 Где царь твой сей? Той да спасет тя во всех градех твоих: и да судит ти, о немже глаголал еси: даждь ми царя и князя. 028 HOS 013 011 И дах тебе царя во гневе Моем, и утвержахся в ярости Моей. 028 HOS 013 012 Согромаждение неправды Ефрем, сокровен грех его: 028 HOS 013 013 болезни аки раждающия приидут ему: сей сын немудрый, зане ныне не устоит в сокрушении чад. 028 HOS 013 014 От руки адовы избавлю я и от смерти искуплю я: где пря твоя, смерте? Где остен твой, аде? Утешение скрыся от очию Моею: 028 HOS 013 015 зане сей между братиями разлучит: наведет Господь ветр зноен из пустыни нань, и изсушит жилы его и опустошит источники его: сей изсушит землю его и вся сосуды его любимыя. 028 HOS 013 016 Погибнет Самариа, яко сопротивися и Богу своему: оружием падут сами, и младенцы их разбиются, и во утробе имущыя их разсядутся. 028 HOS 014 001 Обратися, Израилю, ко Господу Богу твоему, зане изнемогл еси в неправдах твоих. 028 HOS 014 002 Возмите с собою словеса и обратитеся ко Господу Богу вашему, рцыте Ему: (можеши всяк отврещи грех: ) яко да не приимете неправды, но да приимете благая, и воздадим плод устен наших. 028 HOS 014 003 Ассур не спасет нас, на кони не взыдем, ксему не речем: 028 HOS 014 004 бози наши, делам рук наших: яко в Тебе помилуется сирота. Изцелю селения их, возлюблю я явленно, яко отвратися гнев Мой от них. 028 HOS 014 005 Буду якоже роса Израилю, процветет яко крин и прострет корение свое якоже Ливан. 028 HOS 014 006 Пойдут ветви его, и будет якоже маслина плодовита, и обоняние его аки Ливана: 028 HOS 014 007 обратятся и сядут под кровом его, поживут и утвердятся пшеницею, и процветет яко виноград память его, якоже вино Ливаново. 028 HOS 014 008 Ефремови что ему еще и кумиром? Аз смирих его, Аз и укреплю его: аки смерчие учащеное, от Мене обретеся плод твой. 028 HOS 014 009 Кто премудр и уразумеет сия? И смыслен, и увесть сия? Яко правы путие Господни, и праведнии пойдут в них, а нечестивии изнемогут в них. # # BOOK 029 JOE Joel Книга пророка Иоиля 029 JOE 001 001 Слово Господне, иже бысть ко Иоилю сыну Вафуилеву. 029 JOE 001 002 Слышите сия, старцы, и внушите, вси живущии на земли: аще быша сицевая во днех ваших или во днех отец ваших? 029 JOE 001 003 О сих чадом своим поведите, а чада ваша чадом своим, а чада их роду другому: 029 JOE 001 004 останок гусениц поядоша прузи, и останок пругов поядоша мшицы, и останок мшиц поядоша сиплеве. 029 JOE 001 005 Утрезвитеся, пиянии, от вина своего и плачитеся: рыдайте, вси пиющии вино до пиянства, яко отяся от уст ваших веселие и радость. 029 JOE 001 006 Понеже язык взыде на землю Мою крепок и безчислен: зубы его (якоже) зубы львовы, и членовныя его якоже львичища: 029 JOE 001 007 положи виноград Мой в погубление и смоквы Моя в сломление: взыскуя обыска и и сверже, обели лозие его. 029 JOE 001 008 Восплачися ко мне паче невесты препоясаныя во вретище по мужи своем девственнем. 029 JOE 001 009 Извержеся жертва и возлияние из дому Господня: плачитеся, жерцы, служащии жертвеннику Господню, 029 JOE 001 010 яко опустеша поля. Плачися, земле, яко пострада пшеница, и изсше вино, умалися елей, 029 JOE 001 011 посрамишася земледелателе. Плачитеся, села, по пшенице и по ячмени, яко погибе обымание от нивы, 029 JOE 001 012 виноград изсше, и смоквы умалишася: шипки, и финикс, и яблонь, и вся древа польская изсхоша, яко посрамиша радость сынове человечи. 029 JOE 001 013 Препояшитеся и бийтеся, жерцы, плачитеся, служащии жертвеннику: внидите, поспите во вретищих, служащии Богу, яко отяся от дому Бога вашего жертва и возлияние: 029 JOE 001 014 освятите пост, проповедите цельбу, соберите старейшины вся живущия на земли в дом Бога вашего и воззовите ко Господу усердно: 029 JOE 001 015 увы мне, увы мне, увы мне в день! Яко близ есть день Господень, и яко беда от беды приидет: 029 JOE 001 016 яко пред очима вашима пищи взяшася и от дому Бога вашего веселие и радость. 029 JOE 001 017 Вскочиша юницы у яслей своих, погибоша сокровища, раскопашася точила, яко посше пшеница. 029 JOE 001 018 Что положим себе? Восплакашася стада волов, яко не бе пажити им, и паствы овчия погибоша. 029 JOE 001 019 К Тебе, Господи, возопию, яко огнь потреби красная пустыни, и пламень пожже вся древа польская, 029 JOE 001 020 и скоти польстии воззреша к Тебе, яко посхоша источницы воднии, и огнь пояде красная пустыни. 029 JOE 002 001 Вострубите трубою в Сионе, проповедите в горе Моей святей, и да смятутся вси живущии на земли, яко предстоит день Господень, яко близ, 029 JOE 002 002 день тмы и бури, день облака и мглы: якоже утро разлиются по горам людие мнози и крепцы, подобни им не быша от века, и по них не приложится до лет в род и род: 029 JOE 002 003 яже пред ним огнь потребляяй, и яже за ним возгараяся пламень: якоже рай Сладости земля пред лицем его, и яже созади его поле пагубы, и спасающагося не будет им: 029 JOE 002 004 якоже вид конский вид их, и якоже конницы, тако проженут: 029 JOE 002 005 якоже глас колесниц на верхи гор востекут, и яко глас пламене огненна попаляюща тростие, и яко людие мнози и крепцы воополчающиися на брань. 029 JOE 002 006 От лица их сокрушатся людие: всякое лице аки опаление горнца. 029 JOE 002 007 Якоже борцы потекут, и якоже мужие храбри взыдут на ограды: и кийждо в путь свой пойдет, и не совратят путий своих, 029 JOE 002 008 и кийждо от брата своего не отступит: отягощени оружии своими пойдут и в стрелах своих падут, но не скончаются. 029 JOE 002 009 Града имутся, и на забрала востекут, и на храмины взлезут, и оконцами внидут, якоже татие. 029 JOE 002 010 Пред лицем его смятется земля и потрясется небо: солнце и луна померкнут, и звезды угасят свет свой. 029 JOE 002 011 И Господь даст глас Свой пред лицем силы Своея, яко мног есть зело полк Его, яко крепка дела словес Его: зане велик день Господень, велик и светел зело, и кто будет доволен ему? 029 JOE 002 012 И ныне глаголет Господь Бог ваш: обратитеся ко Мне всем сердцем вашим в посте и в плачи и в рыдании, 029 JOE 002 013 и расторгните сердца ваша, а не ризы ваша, и обратитеся ко Господу Богу вашему, яко милостив и щедр есть, долготерпелив и многомилостив и раскаявайся о злобах. 029 JOE 002 014 Кто весть, обратится ли, и раскается, и оставит за собою благословение и жертву и возлияние Господу Богу вашему? 029 JOE 002 015 Вострубите трубою в Сионе, освятите пост, проповедите цельбу, 029 JOE 002 016 соберите люди, освятите церковь, изберите старейшины, совокупите младенцы ссущия сосцы: да изыдет жених от ложа своего, и невеста от чертога своего. 029 JOE 002 017 Между степеньми жертвенника восплачутся жерцы служащии Господу и рекут: пощади, Господи, люди Твоя и не даждь достояния Твоего на укоризну, да не обладают ими языцы, да не рекут во языцех: где есть Бог их? 029 JOE 002 018 И возревнова Господь о земли Своей и пощаде люди Своя. 029 JOE 002 019 И отвеща Господь людем Своим и рече: се, Аз вам послю пшеницу и вино и масло древяное, и насытитеся их, и не дам вас ксему на поругание во языцех: 029 JOE 002 020 и сущаго от севера отжену от вас и отрину его на землю безводную, и погублю лице его в мори первем и задняя его в мори последнем, и взыдет гнилость его, и взыдет смрад его, яко возвеличи дела своя. 029 JOE 002 021 Дерзай, земле, радуйся и веселися, яко возвеличи Господь, еже сотворити. 029 JOE 002 022 Дерзайте, скоти польстии, яко прозябнуша поля пустыни, яко древо принесе плод свой, виноград и смокви даша силу свою. 029 JOE 002 023 И чада Сионя, радуйтеся и веселитеся о Господе Бозе вашем, яко даде вам пищу в правду и одождит вам дождь ранний и поздный, якоже и прежде: 029 JOE 002 024 и наполнятся гумна ваша пшеницы, и преизлиются точила вином и елеем. 029 JOE 002 025 И воздам вам вместо лет, в няже поядоша прузи и мшица, и сиплеве и гусеницы, сила Моя великая, юже послах на вы: 029 JOE 002 026 и снесте ядуще и насытитеся, и похвалите имя Господа Бога вашего, Яже сотвори с вами чудеса: и не посрамятся людие Мои во век. 029 JOE 002 027 И уведите, яко посреде Израиля Аз есмь, и Аз Господь Бог ваш, и несть иного разве Мене: и не посрамятся ктому людие Мои во век. 029 JOE 002 028 И будет по сих, и излию от Духа Моего на всяку плоть, и прорекут сынове ваши и дщери ваша, и старцы ваши сония узрят, и юноты ваши видения увидят: 029 JOE 002 029 ибо на рабы Моя и на рабыни Моя во дни оны излию от Духа Моего: 029 JOE 002 030 и дам чудеса на небеси и на земли, кровь и огнь и курение дыма: 029 JOE 002 031 солнце обратится во тму, и луна в кровь, прежде неже приити дню Господню великому и просвещенному: 029 JOE 002 032 и будет, всяк иже призовет имя Господне, спасется: яко в горе Сионе и во Иерусалиме будет спасаемый, якоже рече Господь, и благовествуемии, ихже Господь призва. 029 JOE 003 001 Яко се, Аз во дни тыя и во время оно, егда возвращу пленники Иудины и Иерусалимли, 029 JOE 003 002 и соберу вся языки, и сведу я на юдоль Иосафатову, и разсуждуся с ними ту о людех Моих и о наследии Моем Израили, иже разсеяшася во языцех, и землю Мою разделиша. 029 JOE 003 003 И на люди Моя вергоша жребия, и даша отрочища блудницам, и отроковицы продаяху на вине и пияху. 029 JOE 003 004 И что вы Мне, Тире и Сидоне и вся Галилеа иноплеменников? Еда воздаяние вы воздаете Мне? Или памятозлобствуете вы на Мя? Остро и быстро воздам воздаяние ваше на главы ваша, 029 JOE 003 005 понеже сребро Мое и злато Мое взясте, и избранная Моя и добрая внесосте в требища ваша, 029 JOE 003 006 и сыны Иудины и сыны Иерусалимли продасте сыном Еллинским, яко да ижденете я от предел их. 029 JOE 003 007 И се, Аз возставлю я от места, в неже продасте я тамо, и воздам воздаяние ваше на главы ваша: 029 JOE 003 008 и отдам сыны ваша и дщери ваша в руце сынов Иудиных, и продадят я в плен во страну далече сущу, яко Господь глагола. 029 JOE 003 009 Проповедите сия во языцех, освятите рать, возставите сечцы, приведите и восходите, вси мужие воинстии, 029 JOE 003 010 разсецыте рала ваша на мечи и серпы ваша на копия: немощный да глаголет, яко могу аз: 029 JOE 003 011 совокупляйтеся и входите, вси языцы окрест, и соберитеся ту: кроткий да будет храбр. 029 JOE 003 012 Да востанут и взыдут вси языцы на юдоль Иосафатову, яко тамо сяду разсудити вся языки яже окрест. 029 JOE 003 013 Испустите серпы, яко предстоит обымание винограда: внидите, топчите, яко исполнь точило, изливаются подточилия, яко умножишася злобы их. 029 JOE 003 014 Гласи прогласишася на поли судебнем, яко близ день Господень на юдоли судебней. 029 JOE 003 015 Солнце и луна померкнут, и звезды скрыют свет свой. 029 JOE 003 016 Господь же от Сиона воззовет и от Иерусалима даст глас Свой, и потрясется небо и земля: Господь же пощадит люди Своя и укрепит (Господь) сыны Израилевы. 029 JOE 003 017 И увесте, яко Аз Господь Бог ваш, вселяяся в Сионе в горе Моей святей: и будет Иерусалим свят, и иноплеменницы не пройдут сквозе его ктому. 029 JOE 003 018 И будет в той день, искаплют горы сладость, и холми источат млеко, и вси источницы Иудины источат воды, и источник от дому Господня изыдет и напоит водотечь Сития. 029 JOE 003 019 Египет в погибель будет, и Идумеа в поле погибели будет за озлобление сынов Иудиных, понеже пролияша кровь праведную на земли своей: 029 JOE 003 020 Иудеа же во веки населится, и Иерусалим в роды родов. 029 JOE 003 021 И взыщу крови их и не обезвиню: и Господь вселится в Сионе. # # BOOK 030 AMO Amos Книга пророка Амоса 030 AMO 001 001 Словеса Амосова, яже быша в Кариафиариме от Фекуи, яже виде о Иерусалиме во дни Озии царя Иудина и во дни Иеровоама сына Иоасова царя Израилева, прежде двою лет труса. 030 AMO 001 002 И рече: Господь от Сиона возглагола и от Иерусалима даде глас Свой: и сетоваша пажити пастырей, и изсше верх Кармиль. 030 AMO 001 003 И рече Господь: за три нечестия Дамаска и за четыри не отвращуся его, понеже растроша пилами железными имущыя во утробе сущих в Галааде: 030 AMO 001 004 и послю огнь в дом Азаиль, и пояст основание сына Адерова: 030 AMO 001 005 и сокрушу вереи Дамасковы, и потреблю живущыя с поля Онова, и посеку племя от мужей Харраних, и пленятся людие Сирстии нарочитии, глаголет Господь. 030 AMO 001 006 Сия глаголет Господь: за три нечестия Газы и за четыри не отвращуся их, за еже пленити им пленение Соломоне, еже заключити во Идумею: 030 AMO 001 007 и послю огнь на забрала Газы, и пояст основание ея: 030 AMO 001 008 и потреблю живущыя из Азота, и извержется племя из Аскалона, и наведу руку Мою на Аккарона, и погибнут остаточнии иноплеменников, глаголет Господь. 030 AMO 001 009 Сия глаголет Господь: за три нечестия Тирова и за четыри не отвращуся его, понеже заключиша пленники Соломони во Идумею и не помянуша завета братня: 030 AMO 001 010 и послю огнь на забрала Тирова, и пояст основания его. 030 AMO 001 011 Сия глаголет Господь: за три нечестия Идумейска и за четыри не отвращуся их, понеже прогнаша брата своего мечем и растлиша матерь на земли, и восхити во свидение грозу свою, и устремление свое снабде на победу: 030 AMO 001 012 и послю огнь в Феман, и пояст основания оград его. 030 AMO 001 013 Сия глаголет Господь: за три нечестия сынов Аммоних и за четыри не отвращуся их, понеже распоряху имущыя во утробе Галаадитов, яко да разширят пределы своя: 030 AMO 001 014 и разжегу огнь на забрала Раввафы, и пояст основания ея с воплем в день рати, и потрясется в день скончания своего: 030 AMO 001 015 и пойдут царие ея в плен, жерцы их и князи их вкупе, глаголет Господь. 030 AMO 002 001 Сия глаголет Господь: за три нечестия Моавля и за четыри не отвращуся его, понеже сожгоша кости царя Идумейска в пепел: 030 AMO 002 002 и послю огнь на Моава, и пояст основания градов его, и умрет со безсилием Моав, с воплем и гласом трубным: 030 AMO 002 003 и потреблю судию из него и вся князи его избию с ним, глаголет Господь. 030 AMO 002 004 Сия глаголет Господь: за три нечестия сынов Иудиных и за четыри не отвращуся их, понеже отринуша закон Господень и повелений Его не сохраниша, и прельстиша их суетная их, яже сотвориша, имже последоваша отцы их вслед их: 030 AMO 002 005 и послю огнь на Иуду, и пояст основания Иерусалимля. 030 AMO 002 006 Сия глаголет Господь: за три нечестия Израиля и за четыри не отвращуся его, понеже продаша праведнаго на сребре и убогаго на сапозех, 030 AMO 002 007 ходящих на прасе земнем, и бияху пястию во главы убогих, и путь смиренных совращаху: и сын и отец его влазяста ко единей рабыни, яко да осквернавят имя Бога своего: 030 AMO 002 008 и ризы своя связующе ужами, и завесы творяху держащыяся требища, и вино от оболганий пияху в дому бога своего. 030 AMO 002 009 Аз же отвергох Аморреа от лица их, егоже бе высота якоже высота кедрова, и крепок бяше якоже дуб, и изсуших плод его с верха и корение его из низу. 030 AMO 002 010 Аз же изведох вы из земли Египетския и обводих вы в пустыни четыредесять лет, еже прияти в наследие землю Аморрейску. 030 AMO 002 011 И поях от сынов ваших во пророки и от юнот ваших во освящение: еда несть сих, сынове Израилевы? Глаголет Господь. 030 AMO 002 012 И напаясте освященныя вином и пророком заповедасте глаголюще: не прорицайте. 030 AMO 002 013 Сего ради, се, Аз повращу под вами, якоже вратится колесница полна тростия: 030 AMO 002 014 и погибнет бегство от скоротекущаго, и крепкий не удержит крепости своея, и храбрый не спасет души своея, 030 AMO 002 015 и стреляяй из лука не постоит, и быстрый ногама своима не уцелеет, и конник не спасет души своея, 030 AMO 002 016 и крепкий не обрящет сердца своего в силах, наг побегнет в той день, глаголет Господь. 030 AMO 003 001 Слышите слово сие, еже глагола Господь на вы, доме Израилев, и на все племя, еже изведох из земли Египетския, рекий: 030 AMO 003 002 вас точию познах от всех племен на земли, сего ради отмщу на вас вся грехи вашя. 030 AMO 003 003 Еда пойдут два вкупе всяко, аще не познают себе? 030 AMO 003 004 Или возревет лев из дубравы своея, ловитвы не имый? Или испустит глас свой львичищь из ложа своего всяко, аще не похитит чесого? 030 AMO 003 005 Или падет птица на землю без ловца? Или спадет пругло на землю, аще не имет ничесоже? 030 AMO 003 006 Или возгласит труба во граде, и не убоятся людие? Или будет зло во граде, еже Господь не сотвори? 030 AMO 003 007 Понеже не сотворит Господь Бог дела, аще не открыет наказания Своего к рабом Своим пророком. 030 AMO 003 008 Лев возревет, и кто не убоится? Господь Бог глагола, и кто не проречет? 030 AMO 003 009 Поведите странам во Ассирианех и во странах Египетских и рцыте: соберитеся на гору Самарийскую и видите чудесная многа среде ея и насильство еже в ней. 030 AMO 003 010 И не уразуме, яже будут противу ей, глаголет Господь, сокровищствующии неправду и страсть в селех своих. 030 AMO 003 011 Сего ради сия глаголет Господь Бог: Тире, окрест земля твоя опустеет, и отимет от тебе крепость твою, и разграбятся страны твоя. 030 AMO 003 012 Сия глаголет Господь: якоже пастух, егда исторгнет от уст львовых две голени, или обушие уха, тако исторгнутся сынове Израилевы живущии в Самарии прямо племене и в Дамасце. 030 AMO 003 013 Жерцы, послушайте и засвидетелствуйте дому Иаковлю, глаголет Господь Бог Вседержитель: 030 AMO 003 014 понеже в день, егда отмщу нечестия Израилева на нем, и отмщу на требищих Вефилих, и раскопаю роги требища, и падутся на землю: 030 AMO 003 015 сокрушу и поражу дом с преклеты с домом летним, и погибнут домове кости слоновыя, и потребятся и друзии домове мнози, глаголет Господь. 030 AMO 004 001 Слышите слово сие, юницы Васанитидския, яже в горе Самарийстей, преобидящыя убогих и попирающыя нищих, глаголющыя господем своим: подадите нам, да пием. 030 AMO 004 002 Клятся Господь святыми Своими, яко се, дние грядут на вы, и возмут вы во оружии, и сущих с вами ввергут в конобы подгнещаемыя огненнии губителие: 030 AMO 004 003 и извержены будете наги прямо друг друга и отвержетеся в гору Ремман, глаголет Господь. 030 AMO 004 004 Внидосте в Вефиль и беззаконновасте, и в Галгалех умножисте еже нечествовати, и принесосте заутра требы вашя, в треденство десятины вашя: 030 AMO 004 005 и прочтоша извне закон и призваша исповедание: возвестите, яко сия возлюбиша сынове Израилевы, глаголет Господь Бог. 030 AMO 004 006 Аз же дам вам оскомину зубом во всех градех ваших и недостаток хлеба во всех местех ваших: и не обратистеся ко Мне, глаголет Господь. 030 AMO 004 007 И аз удержах дождь от вас прежде триех месяцев жатвы, и надождю на един град, а на другий (един) не надождю: часть едина надождится, и часть, на нюже не надождю, изсохнет: 030 AMO 004 008 и соберутся два и три града во град един пити воду и не насытятся: и не обратистеся ко Мне, глаголет Господь. 030 AMO 004 009 Побих вы раждежением и златеницею: умножисте вертограды вашя, винограды вашя и смоквы вашя и масличия ваша: сия поядоша гусеницы: и ниже тако обратистеся ко Мне, глаголет Господь. 030 AMO 004 010 Послах на вы смерть на пути Египетстем, и избих оружием юношы вашя, с пленом коней твоих, и изведох во огни Полки вашя во гневе Моем: и ниже тако обратистеся ко Мне, глаголет Господь. 030 AMO 004 011 Разорих вы, якоже разори Бог Содому и Гоморру, и бысте яко главня исторжена из огня: и ниже тако обратистеся ко Мне, глаголет Господь. 030 AMO 004 012 Сего ради сице сотворю ти, Израилю: обаче, яко сице сотворю ти, уготовися призывати Бога твоего, Израилю. 030 AMO 004 013 Се, Аз утвержаяй гром и созидаяй ветр и возвещаяй в человецех Христа Своего, творяй утро и мглу и восходяй на высокая земли: Господь Бог Вседержитель имя Ему. 030 AMO 005 001 Слышите слово Господне, имже аз приемлю на вы плачь: дом Израилев падеся и ктому не приложит востати: 030 AMO 005 002 девица Израилева повержена на земли своей, несть возставляющаго ю. 030 AMO 005 003 Понеже сия глаголет Господь Бог: из града, из негоже исхождаше тысяща, останется в нем сто: и из негоже исхождаше сто, останет в нем десять дому Израилеву. 030 AMO 005 004 Понеже сия глаголет Господь к дому Израилеву: взыщите Мене и поживете: 030 AMO 005 005 а не взыскуйте Вефиля и в Галгалу не входите и ко кладязю клятвы не ходите, яко Галгала пленяема пленится, и Вефиль будет аки не быв. 030 AMO 005 006 Взыщите Господа и поживете, яко да не возжжется яко огнь дом Иосифов, и пояст его, и не будет угашающаго дому Израилева. 030 AMO 005 007 Господь творяй в высоту суд и правду на земли положи: 030 AMO 005 008 творяй вся и претворяяй, и обращаяй во утро сень смертную и день в нощь помрачаяй, призываяй воду морскую и разливаяй ю на лице земли: 030 AMO 005 009 Господь Бог Вседержитель имя Ему: разделяяй сокрушение на крепость и бедство на твердыню наводяй. 030 AMO 005 010 Возненавидеша у врат наказующаго, и словом праведным возгнушашася. 030 AMO 005 011 Сего ради понеже пястьми биете убогих и дары избранны приясте от них: домы украшены соградисте, и не вселитеся в них, винограды вожделенны насадисте, и не имате пити вина от них. 030 AMO 005 012 Яко уведех многа нечестия ваша, и крепцы греси ваши, попирающе праведнаго, приемлюще премены и убогия от врат отреяюще. 030 AMO 005 013 Сего ради смысляй в то время премолчит, яко время лукаво есть. 030 AMO 005 014 Взыщите добра, а не зла, яко да поживете, и будет тако с вами Господь Бог Вседержитель, якоже ресте: 030 AMO 005 015 возненавидехом злая и возлюбихом добрая: и возставите у врат суд, яко да помилует Господь Бог Вседержитель оставшая Иосифова. 030 AMO 005 016 Сего ради сия глаголет Господь Бог Вседержитель: на всех стогнах (будет) плачь, и на всех путех речется: увы люте, увы люте! Призовется земледелец на плачь и на рыдание, и на ведящих плачь, 030 AMO 005 017 и на всех путех плачь, понеже пройду среде тебе, рече Господь. 030 AMO 005 018 Увы люте желающым дне Господня! Вскую вам сей день Господень? Сей бо есть тма, а не свет: 030 AMO 005 019 якоже аще убежит человек от лица льва, и нападет нань медведица: и вскочит в дом и опрется рукама своима о стену, и усекнет его змия. 030 AMO 005 020 Несть ли день Господень тма, а не свет, и мгла не имущи света своего? 030 AMO 005 021 Возненавидех и отвергох праздники вашя и не обоняю жертв в сонмех ваших: 030 AMO 005 022 зане аще принесете Ми всесожжения и жертвы вашя, не прииму, и на спасителная явления вашего не призрю. 030 AMO 005 023 Отстави от Мене глас песней твоих, и песни органов твоих не послушаю. 030 AMO 005 024 И повалится якоже вода суд, и правда якоже водотеча непроходна. 030 AMO 005 025 Еда заколения и требы принесосте Ми в пустыни лет четыредесять, доме Израилев? 030 AMO 005 026 И восприясте скинию Молохову и звезду бога вашего Ремфана, образы, яже сотвористе себе. 030 AMO 005 027 И преселю вы далее Дамаска, глаголет Господь: Бог Вседержитель имя Ему. 030 AMO 006 001 Люте уничижающым Сиона и уповающым на гору Самарийскую: оымаша начатки языков, и внидоша к ним дом Израилев. 030 AMO 006 002 Мимоидите Халану вси и видите, и прейдите оттуду во Емаф великий и снидите оттуду в Геф иноплеменников, крепчайшыя от всех царств сих, аще болши суть пределы их предел ваших? 030 AMO 006 003 Приходящии в день зол, приближающиися и прикасающиися субботам лживым, 030 AMO 006 004 спящии на одрех от костей слоновых и ласкосердствующии на постелех своих, ядущии козлища от паств и телцы млеком питаемы от среды стад: 030 AMO 006 005 плещущии ко гласу пищалей, аки стояща мнеша, а не яко бежаща: 030 AMO 006 006 пиющии процеженое вино и первыми вонями мажущиися, и не страдаху ничесоже в сокрушении Иосифове. 030 AMO 006 007 Сего ради ныне пленницы будут от начала сильных, и отимется ржание конско от Ефрема. 030 AMO 006 008 Яко клятся Господь Собою, глаголет Господь Бог Сил: понеже гнушаюся аз всею укоризною Иакова и села его возненавидех, и отвергу град со всеми живущими в нем. 030 AMO 006 009 И будет, аще останутся десять мужей во единем дому, умрут, и останутся остаточнии: 030 AMO 006 010 и возмут свои их, и понудятся изнести кости их из дому. И речет настоятелем дому: еще ли есть у тебе? И речет: несть еще. И речет: молчи, не именования ради имене Господня. 030 AMO 006 011 Понеже, се, Господь заповедает и побиет дом великий толчением и дом малый разседением. 030 AMO 006 012 Аще поженут в камениях кони? И аще умолкнут в женстем полу? Яко обратисте на гнев суд, и плод правды на горесть, 030 AMO 006 013 веселящиися ни о единем слове блазе, глаголющии: не крепостию ли нашею имамы роги? 030 AMO 006 014 Темже, се, Аз воздвигну на вы, доме Израилев, язык, глаголет Господь Бог Сил, и сокрушат вас еже не внити во Емаф и до водотечи западов. 030 AMO 007 001 Сице показа ми Господь Бог, и се, приплод пружий идый утренний, и се, гусеница, един Гог царь. 030 AMO 007 002 И будет, аще скончает ядый траву земную, и рех: Господи, Господи, милостив буди, кто возставит Иакова? Яко мал есть. 030 AMO 007 003 Раскайся о сем, Господи: и сие не будет, глаголет Господь. 030 AMO 007 004 Сице показа ми Господь, и се, призва прю во огни Господь Бог, и пояде бездну многу, и пояде часть. 030 AMO 007 005 И рех: Господи, Господи, престани ныне, кто возставит Иакова? Яко мал есть. 030 AMO 007 006 Раскайся о сем, Господи: и сие не будет, глаголет Господь. 030 AMO 007 007 Сице показа ми Господь: и се, Муж стояй на ограде адамантове, и в руце Его адамант. 030 AMO 007 008 И рече Господь ко мне: что ты видиши, Амосе? И рех: адамант. И рече Господь ко мне: се, Аз учиню адаманта среде людий Моих Израиля, ктому не приложу, еже мимоити его: 030 AMO 007 009 и потребятся требища смеха, и требы Израилевы опустеют, и востану на дом Иеровоамль со оружием. 030 AMO 007 010 И посла Амасиа жрец Вефильский ко Иеровоаму царю Израилеву глаголя: развраты творит на тя Амос среде дому Израилева, не возможет земля подяти всех словес его, 030 AMO 007 011 понеже сия глаголет Амос: оружием скончается Иеровоам, Израиль же пленен отведется от земли своея. 030 AMO 007 012 И рече Амасиа ко Амосови: видяй гряди и отиди ты на землю Иудину, и тамо живи, и тамо да прорицаеши: 030 AMO 007 013 а в Вефили посем не приложи прорицати, яко освящение царя есть и дом есть царства. 030 AMO 007 014 И отвеща Амос и рече ко Амасии: не бех пророк аз, ниже сын пророчь, но пастырь бех и ягодичия обирая: 030 AMO 007 015 и поя мя Господь от овец и рече ко мне: иди и прорцы на люди Моя Израиля. 030 AMO 007 016 И ныне слыши слово Господне: ты глаголеши: не прорицай на Израиля и не возмущай народа на дом Иаковль: 030 AMO 007 017 сего ради сия глаголет Господь: жена твоя во граде соблудит, сынове же твои и дщери оружием падут, и земля твоя ужем измерится, и ты на земли нечистей скончаешися, и Израиль пленен отведется от земли своея. 030 AMO 008 001 Сице показа ми Господь Бог: и се, сосуд птицеловца. 030 AMO 008 002 И рече (Господь): что ты видиши, Амосе? И рех: сосуд птицеловца. И рече Господь ко мне: приспе конец на люди Моя Израиля, не приложу ксему еже мимоити его. 030 AMO 008 003 И восплачутся стропове храма в той день, глаголет Господь Бог: мнози падшии во всем месте, навергу молчание. 030 AMO 008 004 Слышите убо сия, сокрушающии из утра убогаго и насильствующии нищих от земли, 030 AMO 008 005 глаголющии: когда прейдет месяц, и продамы, и (когда прейдут) субботы, и отверзем сокровища наша, еже сотворити меру малу, и увеличити мерило, и сотворити вес неправеден, 030 AMO 008 006 яко да притяжем убогия сребром и нищаго за сапоги, и от всякаго жита куплю сотворим? 030 AMO 008 007 Кленется Господь на презорство Иаковле, аще забудет в конец вся дела ваша: 030 AMO 008 008 и о сих не возмятется ли земля, и восплачется всяк живяй на ней? И взыдет яко река скончание (ея), и снидет якоже река Египетская. 030 AMO 008 009 И будет в той день, глаголет Господь Бог, зайдет солнце в полудне, и померкнет на земли в день свет: 030 AMO 008 010 и превращу праздники вашя в жалость и вся песни вашя в плачь, и возложу на всяк хребет вретище и на всяку главу плешь, и положу его яко жалость любимаго и сущыя с ним яко день болезни. 030 AMO 008 011 Се, дние грядут, глаголет Господь, и послю глад на землю, не глад хлеба, ни жажду воды, но глад слышания слова Господня: 030 AMO 008 012 и поколеблются воды от моря до моря и от севера до восток, и обтекут ищуще словесе Господня, и не обрящут. 030 AMO 008 013 В той день оскудеют девы добрыя и юноши в жажди, 030 AMO 008 014 кленущиися очищением Самарийским и глаголющии: жив бог твой, Дане, и жив бог твой, Вирсавее. И падут и не востанут ктому. 030 AMO 009 001 Видех Господа стояща на жертвеннице, и рече: порази очистилище, и поколеблются преддверия, и пресецы в главы всех: и оставшыя их оружием избию, не убежит от них бежай, и не уцелеет от них уцелеваяй: 030 AMO 009 002 аще сокрыются во аде, то и оттуду рука Моя исторгнет я, и аще взыдут на небо, то и оттуду свергу я: 030 AMO 009 003 и аще скрыются на версе Кармила, то и оттуду взыщу и возму я, и аще погрузятся от очию Моею во глубинах морских, то и тамо повелю змиеви, и угрызет я: 030 AMO 009 004 и аще пойдут в плен пред лицем враг своих, и тамо повелю оружию, и избиет их: и утвержу очи Мои на них во злая, а не во благая. 030 AMO 009 005 И Господь Бог Вседержитель прикасаяйся земли и колебля ею, и возрыдают вси живущии на ней, и взыдет яко река скончание ея, и снидет яко река Египетская: 030 AMO 009 006 сотворяяй на небо восход Свой и обещание Свое на земли основаяй, призываяй воду морскую и проливаяй ю на лице земли: Господь Бог Вседержитель имя Ему. 030 AMO 009 007 Не якоже ли сынове Ефиопстии вы есте Мне, сынове Израилевы? Глаголет Господь. Не Израиля ли изведох из земли Египетския и иноплеменники из Каппадокии и Сиряны из Рова? 030 AMO 009 008 Се, очи Господа Бога на царство грешных, и отвергу е от лица земли: обаче не в конец отвергу дом Израилев, глаголет Господь. 030 AMO 009 009 Понеже, се, Аз заповедаю и развею дом Израилев во вся языки, якоже веется на веяле, и не падет сотрение на землю. 030 AMO 009 010 Оружием скончаются вси грешнии людий Моих, глаголющии: не приближатся, ни приидут на нас злая. 030 AMO 009 011 В той день возставлю скинию Давидову падшую, и возгражду падшая ея, и раскопаная ея возставлю, и возгражду ю якоже дние века: 030 AMO 009 012 яко да взыщут мене оставшиися человецы и вси языцы, в нихже призвася имя Мое в них, глаголет Господь творяй сия вся. 030 AMO 009 013 Се, дние грядут, глаголет Господь, и постигнет жатва оымание винограда, и созреет гроздие в сеятву, и искапают горы сладость, и вси холми насаждени будут: 030 AMO 009 014 и возвращу плен людий Моих Израиля, и возградят грады разореныя, и населятся, и насадят винограды и испиют вино их, и сотворят вертограды и снедят плод их: 030 AMO 009 015 и насажду я на земли их, и не исторгнутся ктому от земли своея, юже дах им, глаголет Господь Бог Вседержитель. # # BOOK 031 OBA Obadiah Книга пророка Авдия 031 OBA 001 001 Видение Авдиино: сия глаголет Господь Бог Идумеи: слух слышах от Господа, известие во языки посла: востаните, и востанем на ню ратию. 031 OBA 001 002 Се, мала дах тя во языцех, безчестен ты еси зело. 031 OBA 001 003 Презорство сердца твоего воздвиже тя живущаго в пещерах каменных: возвышаяй храмину свою, глаголяй в сердцы своем: кто мя свержет на землю? 031 OBA 001 004 Аще вознесешися якоже орел и аще положиши гнездо твое среде звезд, и оттуду свергу тя, глаголет Господь. 031 OBA 001 005 Аще бы татие влезли к тебе, или разбойницы нощию, камо бы повержен был еси? Еда не украли бы доволных себе? Или аще бы объемлющии виноград влезли к тебе, еда бы не оставили гроздия? 031 OBA 001 006 Како обыскася Исав, и взята быша сокровенная его? 031 OBA 001 007 Даже до предел испустиша тя: вси мужие завета твоего сопротивишася ти, премогоша тя мужие мирницы твои: (ядущии с тобою) положиша лесть под тобою, несть смысла в них. 031 OBA 001 008 В той день, глаголет Господь, погублю премудрыя от Идумеи и смысл от горы Исавовы: 031 OBA 001 009 и убоятся воини твои, иже от Феман, да отимется человек от горы Исавовы. 031 OBA 001 010 Посечения ради и нечестия, еже на брата твоего Иакова, покрыет тя студ, и отвержен будеши во век. 031 OBA 001 011 От негоже дне сопротивился еси во дни пленяющих иноплеменников силу его, и чуждии внидоша во врата его и о Иерусалиме вергоша жребия, и ты был еси яко един от них. 031 OBA 001 012 И да не презриши дне брата твоего в день чуждих, и да не порадуешися о сынех Иудиных в день погибели их, и да не велеречиши в день скорби: 031 OBA 001 013 и не входи во врата людий Моих в день болезни их, и не презри и ты сонма их в день потребления их, и не совещайся на силу их в день погибели их: 031 OBA 001 014 ниже настой на исходы их потребити избегающыя их, ниже заключай бежащыя их в день скорби. 031 OBA 001 015 Понеже близ день Господень на вся языки: якоже сотворил еси, сице будет ти, воздаяние твое воздастся на главу твою. 031 OBA 001 016 Понеже якоже еси пил на горе Моей святей, испиют вси языцы вино, испиют и снидут, и будут яко не бывшии. 031 OBA 001 017 В горе же Сиони будет спасение, и будет свята: и наследят дом Иаковль наследивших я. 031 OBA 001 018 И будет дом Иаковль огнь, дом же Иосифов пламень, а дом Исавов в тростие, и возгорятся на них и поядят я, и не будет избегаяй дому Исавову, яко Господь глагола. 031 OBA 001 019 И наследят иже во нагеве гору Исавову, и иже в раздолии иноплеменники: и возмут гору Ефремову и поле Самарийско, и Вениамина и Галаадитиду. 031 OBA 001 020 И преселения начало сие сыном Израилевым, земля Хананейска до Сарепты: преселение же Иерусалимле до Ефрафа: и наследят грады Нагевовы. 031 OBA 001 021 И взыдут спасаемии от горы Сиони, еже отмстити гору Исавлю, и будет царство Господеви. # # BOOK 032 JON Jonah Книга пророка Ионы 032 JON 001 001 И бысть слово Господне ко Ионе сыну Амафиину, глаголя: 032 JON 001 002 востани и иди в Ниневию град великий и проповеждь в нем, яко взыде вопль злобы его ко Мне. 032 JON 001 003 И воста Иона, еже бежати в Фарсис от лица Господня и сниде во Июппию и обрете корабль идущь в Фарсис, и даде наем свой и вниде в онь плыти с ними в Фарсис от лица Господня. 032 JON 001 004 И Господь воздвиже ветр велий на мори, и бысть буря великая в мори, и корабль бедствоваше еже сокрушитися. 032 JON 001 005 И убояшася корабельницы, и возопиша кийждо к богу своему, и изметание сотвориша сосудов иже в корабли в море, еже облегчитися от них: Иона же сниде во дно корабля и спаше ту и храпляше. 032 JON 001 006 И прииде к нему кормчий и рече ему что ты храплеши? Востани и моли Бога твоего, яко да спасет ны Бог, да не погибнем. 032 JON 001 007 И рече кийждо ко искреннему своему приидите, вержим жребия и уразумеем, кого ради есть зло сие на нас? И метнуша жребия, и паде жребий на Иону. 032 JON 001 008 И реша к нему возвести нам, кого ради сие зло на нас, что твое делание есть, и откуду грядеши и камо идеши, и от коея страны и от киих людий еси ты? 032 JON 001 009 И рече к ним раб Господень есмь аз и Господа Бога небеснаго аз чту, иже сотвори море и сушу. 032 JON 001 010 И убояшася мужие страхом великим и реша к нему что сие сотворил еси? Зане разумеша мужие, яко от лица Господня бежаше, яко возвести им. 032 JON 001 011 И реша к нему: что тебе сотворим, и утолится море от нас? Зане море восхождаше и воздвизаше паче волнение. 032 JON 001 012 И рече к ним Иона: возмите мя и вверзите в море, и утолится море от вас понеже познах аз, яко мене ради волнение сие великое на вы есть. 032 JON 001 013 И нуждахуся мужие, возвратитися к земли, и не можаху, яко море восхождаше и воздвизашеся паче на них. 032 JON 001 014 И возопиша ко Господеви и реша: никакоже, Господи, да не погибнем души ради человека сего, и не даждь на нас крове праведныя: зане Ты, Господи, якоже восхотел, сотворил еси. 032 JON 001 015 И взяша Иону и ввергоша его в море, и преста море от волнения своего. 032 JON 001 016 И убояшася мужие страхом великим Господа и пожроша жертву Господеви и помолишася молитвами. 032 JON 001 017 И повеле Господь киту великому пожрети Иону. И бе Иона во чреве китове три дни и три нощи. 032 JON 002 001 И помолися Иона ко Господу Богу своему от чрева китова 032 JON 002 002 и рече: возопих в скорби моей ко Господу Богу моему, и услыша мя из чрева адова вопль мой, услышал еси глас мой: 032 JON 002 003 отвергл мя еси во глубины сердца морскаго, и реки обыдоша мя вся высоты Твоя и волны Твоя мне преидоша. 032 JON 002 004 И аз рех: отринуся от очию Твоею: еда приложу призрети ми ко храму святому Твоему? 032 JON 002 005 Возлияся на мя вода до души моея, бездна обыде мя последняя, понре глава моя в разселины гор, 032 JON 002 006 снидох в землю, еяже вереи ея заклепи вечнии: и да взыдет из истления живот мой к Тебе, Господи Боже мой. 032 JON 002 007 Внегда скончаватися от мене души моей, Господа помянух, и да приидет к Тебе молитва моя ко храму святому Твоему. 032 JON 002 008 Хранящии суетная и ложная милость свою оставиша: 032 JON 002 009 аз же со гласом хваления и исповедания пожру Тебе, елика обещах, воздам Тебе во спасение мое Господеви. 032 JON 002 010 И повеле Господь китови, и изверже Иону на сушу. 032 JON 003 001 И бысть слово Господне ко Ионе вторицею глаголя: 032 JON 003 002 востани и иди в Ниневию град великий, и проповеждь в нем по проповеди преждней, юже Аз глаголах тебе. 032 JON 003 003 И воста Иона и иде в Ниневию, якоже глагола Господь. Ниневиа же бяше град велик Богу, яко шествия пути триех дний. 032 JON 003 004 И начат Иона входити во град, яко шествие пути дне единаго, и проповеда и рече: еще три дни, и Ниневиа превратится. 032 JON 003 005 И вероваша мужие Ниневийстии Богови, и заповедаша пост, и облекошася во вретища от велика их даже до мала их. 032 JON 003 006 И дойде слово ко царю Ниневийскому, и воста с престола своего и сверже ризы своя с себе, и облечеся во вретище и седе на пепеле. 032 JON 003 007 И проповедася и речено бысть в Ниневию от царя и вельмож его глаголющих: человецы и скоти, и волове и овцы да не вкусят ничесоже, ни да пасутся, ниже воды да пиют. 032 JON 003 008 И облекошася во вретища человецы и скоти и возопиша прилежно к Богу, и возвратися кийждо от пути своего лукаваго и от неправды сущия в руках их, глаголюще: 032 JON 003 009 кто весть, аще раскается и умолен будет Бог, и обратится от гнева ярости Своея, и не погибнем? 032 JON 003 010 И виде Бог дела их, яко обратишася от путий своих лукавых, и раскаяся Бог о зле, еже глаголаше сотворити им, и не сотвори. 032 JON 004 001 И опечалися Иона печалию великою и смутися, 032 JON 004 002 и помолися ко Господу и рече: о Господи, не сия ли убо словеса моя, яже глаголах, еще сущу ми на земли моей? Сего ради предварих бежати в Фарсис, зане разумех, яко милостив Ты еси и щедр, долготерпелив и многомилостив, и каяйся о злобах (человеческих): 032 JON 004 003 и ныне, Владыко Господи, приими душу мою от мене, яко уне ми умрети, нежели жити. 032 JON 004 004 И рече Господь ко Ионе: аще зело опечалился еси ты? 032 JON 004 005 И изыде Иона из града и седе прямо града, и сотвори себе кущу и седяще под нею в сени, дондеже увидит, что будет граду. 032 JON 004 006 И повеле Господь Бог тыкве, и возрасте над главою его, еже осенити его от злых его. И возрадовася Иона о тыкве радостию великою. 032 JON 004 007 И повеле Господь Бог червию раннему во утрие, и подяде тыкву, и изсше. 032 JON 004 008 И бысть вкупе внегда возсияти солнцу, и повеле Бог ветру знойну жегущу, и порази солнце на главу Ионину, и малодушствоваше и отрицашеся души своея и рече: 032 JON 004 009 уне ми умрети, нежели жити. И рече Господь Бог ко Ионе: зело ли опечалился еси ты о тыкве? И рече (Иона): зело опечалихся аз даже до смерти. 032 JON 004 010 И рече Господь: ты оскорбился еси о тыкве, о нейже не трудился еси, ни воскормил еси ея, яже родися об нощь и об нощь погибе: 032 JON 004 011 Аз же не пощажду ли Ниневии града великаго, в немже живут множайшии неже дванадесять тем человек, иже не познаша десницы своея, ниже шуйцы своея, и скоти их мнози? # # BOOK 033 MIC Micah Книга пророка Михея 033 MIC 001 001 Слово Господне, еже бысть ко Михею Морасфитину, во дни Иоафама и Ахаза и Езекии царей Иудиных, о нихже виде о Самарии и о Иерусалиме. 033 MIC 001 002 Слышите, людие вси, словеса, и внемли, земле и вси иже на ней, и будет Господь Бог в вас в послушествование, Господь от дому святаго Своего. 033 MIC 001 003 Понеже, се, Господь исходит от места Своего, и снидет и наступит на высоты земныя, 033 MIC 001 004 и поколеблются горы под Ним, и юдоли растают яко воск от лица огня и яко вода сходящи со устремлением. 033 MIC 001 005 Нечестия ради Иаковля вся сия и греха ради дому Израилева. Кое нечестие дому Иаковлю? Не Самариа ли? И кий грех дому Иудина? Не Иерусалим ли? 033 MIC 001 006 И положу Самарию во овощное хранилище селное и в сад винограда, и развергу в пропасть камение ея, и основания ея открыю: 033 MIC 001 007 и вся изваянная ея сокрушат, и вся мзды ея запалят огнем, и вся кумиры ея положу в пагубу: понеже от найма блуда собра и от найма блужения соврати. 033 MIC 001 008 Сего ради возрыдает и восплачется, пойдет боса и нага, сотворит плачь аки змиев и рыдание аки дщерей сиринских: 033 MIC 001 009 яко одержа язва ея, понеже прииде даже до Иуды и коснуся до врат людий моих даже до Иерусалима. 033 MIC 001 010 Уже в Гефе, не величайтеся, и Иенакимляне, не сограждайте из дому на посмеяние, перстию посыплите посмеяние ваше. 033 MIC 001 011 Обитающая добре во градех своих, не изыде живущая в Сеннааре, плачитеся дому (сущаго) близ ея, приимет от вас язву болезней. 033 MIC 001 012 Кто нача во благая вселившейся в болезнех, яко снидоша злая от Господа на врата Иерусалимля, 033 MIC 001 013 шум колесниц и конников: живущая в Лахисе началница греха та есть дщери Сиони, яко в тебе обретошася нечестия Израилева. 033 MIC 001 014 Сего ради даст посылаемыя даже до наследия Гефова, домы суетны, вотще быша царем Израилевым, 033 MIC 001 015 дондеже наследники приведу тебе, живущая в Лахисе, наследие даже до Одоллама приидет, слава дщере Сиони. 033 MIC 001 016 Оброснися и остризися по чадех своих младых: разшири оброснение твое яко орел, понеже пленени быша от тебе. 033 MIC 002 001 Быша помышляюще труды и делающе злая на ложах своих, и купно со днем совершаху тая, понеже не воздвигоша к Богу рук своих: 033 MIC 002 002 и желаху сел, и грабляху сирот, и домы отимаху, и расхищаху мужа и дом его, и мужа и наследие его. 033 MIC 002 003 Сего ради сия глаголет Господь: се, Аз помышляю на племя сие злая, от нихже не подвигнете вый ваших и не пойдете прости внезапу, яко время зло есть. 033 MIC 002 004 В той день приимется на вы притча, и восплачется плачь с песнию, глаголющь: бедство пострадахом: часть людий моих измерися ужем, и не бе возбраняяй его, еже отвратитися: села ваша разделена быша. 033 MIC 002 005 Сего ради не будет тебе вмещущь ужа в жребии в сонме Господни. 033 MIC 002 006 Не плачитеся слезами, ниже да слезят о сих: не отвержет бо укоризны 033 MIC 002 007 глаголяй: дом Иаковль разгнева Дух Господень: не сия ли суть начинания Его? Не словеса ли Его суть добра с ним, и правии ходиша? 033 MIC 002 008 И прежде людие Мои во вражду сопротивишася, противу миру своему: кожу его одраша, еже отяти упование, сокрушение ратное: 033 MIC 002 009 сего ради старейшины людий Моих извергутся из домов сладости своея, злых ради начинаний своих отриновени быша. Приближитеся горам вечным: 033 MIC 002 010 востани и пойди, яко несть тебе сей покой: нечистоты ради, истлесте тлением, 033 MIC 002 011 прогнастеся ни кимже гоними: дух постави лжу, искапа тебе в вино и пиянство: и будет, от капли людий сих, 033 MIC 002 012 собираемь соберется Иаков со всеми: приемяй прииму оставших Израилевых, вкупе положу возвращение его, аки овцы в скорби, яко паству посреде ложа их: изскочат от человек. 033 MIC 002 013 Взыди просечением пред лицем их: просекоша, и проидоша врата, и изыдоша ими. И изыде царь их пред лицем их, Господь же Вождь их будет. 033 MIC 003 001 И речет: слышите убо сия, власти дому Иаковля и оставшии дому Израилева: не вам ли есть еже разумети суд? 033 MIC 003 002 Ненавидящии добра, а ищущии зла, похищающии кожы их с них и плоти их от костей их: 033 MIC 003 003 якоже объядоша плоти людий Моих, и кожы их от костей их одраша, и кости их столкоша и содробиша яко плоти в коноб и яко мяса в горнец: 033 MIC 003 004 тако возопиют ко Господу, и не послушает их и отвратит лице Свое от них в то время, понеже слукавноваша в начинаниих своих на Ня. 033 MIC 003 005 Сия глаголет Господь на пророки льстящыя людий Моих, угрызающыя зубы своими и проповедающыя мир на них, и не вдася во уста их, возставиша на них рать: 033 MIC 003 006 сего ради нощь будет вам от видения, и тма будет вам от волхвования, и зайдет солнце на пророки, и померкнет на ня день: 033 MIC 003 007 и усрамятся видящии сония, и посмеяни будут волсви, и возглаголют на них вси сии, зане не будет послушаяй их. 033 MIC 003 008 Аще аз не наполню силы Духом Господним и судом и силою, еже возвестити Иакову нечестия его и Израилеви грехи его. 033 MIC 003 009 Слышите сия, старейшины дому Иаковля и оставшии дому Израилева, гнушающиися судом и вся правая развращающии, 033 MIC 003 010 созидающии Сиона кровьми и Иерусалима неправдами: 033 MIC 003 011 старейшины его на дарех суждаху, и жерцы его на мзде отвещаваху, и пророцы его на сребре волхвоваху, и на Господе почиваху, глаголюще: не Господь ли в нас есть? Не приидут на ны злая. 033 MIC 003 012 Сего ради вас дела Сион якоже нива изорется, и Иерусалим яко овощное хранилище будет, и гора дому якоже луг дубравный. 033 MIC 004 001 И будет в последния дни явлена гора Господня, уготована над верхи гор, и вознесется выше холмов, и потщатся к ней людие, 033 MIC 004 002 и приидут языцы мнози и рекут: приидите, взыдем на гору Господню и в дом Бога Иаковля: и покажут нам путь Его, и пойдем по стезям Его: яко от Сиона изыдет закон, и слово Господне из Иерусалима, 033 MIC 004 003 и разсудит среде людий многих и изобличит языки крепки даже до земли дальния: и раскуют мечы своя на рала и сулицы своя на серпы, и не ктому возмет язык на язык меча, и не научатся ксему воевати. 033 MIC 004 004 И почиет кийждо под лозою своею и кийждо под смоковницею своею, и не будет устрашающаго, зане уста Господа Вседержителя глаголаша сия. 033 MIC 004 005 Яко вси людие пойдут кийждо в путь свой, а мы пойдем во имя Господа Бога нашего в век и далечае. 033 MIC 004 006 В той день, глаголет Господь, соберу сокрушенную, и отриновенную прииму, и ихже отринух: 033 MIC 004 007 и положу сокрушенную во останок и отриновенную в язык крепок, и воцарится Господь над ними в горе Сионе отныне и до века. 033 MIC 004 008 И ты, столпе паствы мгляный, дщи Сионя, к тебе приидет и внидет власть первая, царство из Вавилона дщери Иерусалимли. 033 MIC 004 009 И ныне вскую познала еси зло? Не бе ли тебе царя? Или совет твой погибе, яко обыдоша тя болезни, аки раждающия? 033 MIC 004 010 Болезнуй и мужайся и приближайся, дщи Сионя, яко раждающая: зане ныне изыдеши из града и вселишися на поли и дойдеши Вавилона: оттуду изимет тя и оттуду избавит тя Господь Бог твой от руки враг твоих. 033 MIC 004 011 И ныне собрашася на тя языцы мнози глаголющии: порадуемся: и воззрят на Сион очи наши. 033 MIC 004 012 Сии же не разумеша помышления Господня и не домыслишася совета Его, яко собра их аки снопы гуменныя. 033 MIC 004 013 Востани и измлати их, дщи Сионя, яко роги твоя положу железны и пазнокти твоя положу медяны, и истончиши люди многи, и возложиши Господеви множество их и крепость их Господеви всея земли. 033 MIC 005 001 Ныне оградится дщи Ефремова ограждением, рать учини на вы, жезлом поразят о челюсть племен Израилевых. 033 MIC 005 002 И ты, Вифлееме, доме Ефрафов, еда мал еси, еже быти в тысящах Иудиных? Из тебе бо Мне изыдет Старейшина, Еже быти в Князя во Израили, исходи же Его из начала от дний века. 033 MIC 005 003 Сего ради даст я, до времене раждающия породит, и прочии от братии их обратятся к сыном Израилевым. 033 MIC 005 004 И станет, и узрит, и упасет паству Свою крепостию Господь, и в славе имене Господа Бога Своего пребудут: зане ныне возвеличится даже до конец земли. 033 MIC 005 005 И будет Сей мир, егда Ассур приидет на землю вашу, и егда взыдет на страну вашу, и востанут нань седмь пастырей и осмь язв человеческих, 033 MIC 005 006 и упасут Ассура оружием и землю Невродову копиями ея, и избавит от Ассура, егда приидет на землю вашу и егда вступит на пределы вашя. 033 MIC 005 007 И будет останок Иаковль в языцех среде людий многих, аки роса от Господа падающи и яко агнцы на злаце, яко да не соберется ни един, ниже постоит в сынех человеческих. 033 MIC 005 008 И будет останок Иаковль в языцех среде людий многих, аки лев в скотех в дубраве и яко львичищь в стадех овчих, якоже егда пройдет, и отлучив восхитит, и не будет изимающаго. 033 MIC 005 009 Вознесется рука твоя на оскорбляющыя тя, и вси врази твои потребятся. 033 MIC 005 010 И будет в той день, глаголет Господь, потреблю кони твоя из среды твоея и погублю колесницы твоя, 033 MIC 005 011 и потреблю грады земли твоея и развергу вся твердыни твоя, 033 MIC 005 012 и отвергу волхвования твоя от руку твоею, и волхвующии не будут в тебе: 033 MIC 005 013 и потреблю изваянная твоя и кумиры твоя из среды тебе, и посем да не поклонишися делом рук твоих: 033 MIC 005 014 и посеку дубравы от среды тебе и погублю грады твоя: 033 MIC 005 015 и сотворю со гневом и с яростию месть языком, понеже не послушаша Мене. 033 MIC 006 001 Слышите, яже глагола Господь: востани, судися с горами, и да слышат холми глас твой. 033 MIC 006 002 Слышите, горы, суд Господень, и дебри основания земли, яко суд Господень к людем Его, и со Израилем претися имать. 033 MIC 006 003 Людие Мои, что сотворих вам, или чим оскорбих вас, или чим стужих вам? Отвещайте Ми. 033 MIC 006 004 Зане изведох вас из земли Египетския и из дому работы избавих вас, и послах пред вами Моисеа и Аарона и Мариам. 033 MIC 006 005 Людие Мои, помяните убо, что совеща на вы Валак царь Моавитский, и что ему отвеща Валаам сын Веоров, от Сития до Галгал? Яко да познается правда Господня. 033 MIC 006 006 В чем постигну Господа, срящу Бога моего Вышняго? Срящу ли Его со всесожжением, телцы единолетными? 033 MIC 006 007 Еда приимет Господь в тысящах овнов, или во тмах козлищ тучных? Дам ли первенцы моя о нечестии моем, плод утробы моея, за грехи души моея? 033 MIC 006 008 Возвестися бо тебе, человече, что добро, или чесого Господь ищет от тебе, разве еже творити суд и любити милость и готову быти еже ходити с Господем Богом твоим? 033 MIC 006 009 Глас Господень граду призовется, и спасет боящыяся имене Его: послушай, племя, и кто украсит град? 033 MIC 006 010 Еда огнь и дом беззаконнаго собирая имения беззаконная и со укоризною неправды? 033 MIC 006 011 Еда оправдится в мериле беззаконник и во вретищи меры неправыя, 033 MIC 006 012 от нихже богатство свое нечестия наполниша? И живущии в ней глаголаху лжу, и язык их вознесеся во устех их. 033 MIC 006 013 И Аз начну поражати тя и погублю тя во гресех твоих. 033 MIC 006 014 Ты ясти будеши и не насытишися, и померкнет в тебе, и совратишися, и не спасешися: и елицы аще избудут, оружию предадятся. 033 MIC 006 015 Ты посееши, но не пожнеши: ты изгнетеши масличие, но не помажешися маслом: и насадите вино, и не испиете: и погибнут законы людий Моих. 033 MIC 006 016 И хранил еси оправдания Замвриина и вся дела дому Ахаавля, и ходисте в советех их, яко да предам тя в пагубу, и живущыя в ней во звиздание, и укоризны людий приимете. 033 MIC 007 001 У, люте мне! Понеже бых аки собираяй сламу на жатве, и яко пародок во оымании винограда не сущу гроздию, еже ясти первоплодная, яже вожделе душа моя. 033 MIC 007 002 У, люте мне, душе! Яко погибе благочестивый от земли, и исправляющаго в человецех несть: вси во кровех прятся, кийждо ближняго своего озлобляет озлоблением, 033 MIC 007 003 на зло руки своя уготовляют: князь просит, и судия мирная словеса глаголет, желание души его есть: и отиму благая их, 033 MIC 007 004 яко моль поядаяй, и ходяй по правилам в день стражбы. У, люте! У, люте! Отмщения Твоя приспеша, ныне будут плачы их. 033 MIC 007 005 Не верите другом, ни надейтеся на старейшины, и от сожителницы твоея хранися, еже сказати ей что: 033 MIC 007 006 понеже сын безчестит отца, дщерь востанет на матерь свою и невеста на свекровь свою, врази вси мужу домашнии его. 033 MIC 007 007 Аз же ко Господеви воззрю, потерплю Бога спаса моего, услышит мя Бог мой. 033 MIC 007 008 Не радуйся о мне, враждебница моя, яко падох, и востану: зане аще сяду во тме, Господь осветит мя. 033 MIC 007 009 Гнев Господень стерплю, яко согреших Ему, дондеже оправдит прю мою и сотворит суд мой: и изведет мя на свет, и узрю правду Его. 033 MIC 007 010 И узрит враждебница моя, и облечется в студ глаголющая ко мне: где есть Господь Бог твой? Очи мои воззрят на ню, ныне будет в попрание аки кал на путех. 033 MIC 007 011 День глаждения плинфа: изглаждение твое день оный, и сотрет законы твоя день оный. 033 MIC 007 012 И гради твои приидут на поравнение и в разделение Ассирийско, и гради твои твердии в разделение от Тира даже до реки Сирския, и от моря даже до моря, и от горы даже до горы, дние воды и молвы. 033 MIC 007 013 И будет земля в пагубу со живущими на ней, от плодов начинаний их. 033 MIC 007 014 Паси люди Твоя жезлом Твоим, овцы наследия Твоего, вселяющыяся едины в дубраве среде Кармила, попасут Васанитиду и Галаадитиду, якоже дние века. 033 MIC 007 015 И по днем исхода твоего из Египта узрите чудесная. 033 MIC 007 016 Узрят языцы и усрамятся от всея крепости своея, руце возложат на уста своя, и уши их оглохнут, 033 MIC 007 017 полижут персть яко змиеве плежуще по земли, смятутся во облежении своем: о Господе Бозе нашем ужаснутся и убоятся от Тебе. 033 MIC 007 018 Кто Бог якоже Ты, отемляй беззакония и оставляяй нечестия останком наследия Своего? И не удержа гнева Своего во свидение, яко Волитель милости есть. 033 MIC 007 019 Той обратит и ущедрит ны, и погрузит неправды нашя и ввержет в глубины морския вся грехи нашя, 033 MIC 007 020 даст истину Иакову, (и) милость Аврааму, якоже клялся еси отцем нашым во дни первыя. # # BOOK 034 NAH Nahum Книга пророка Наума 034 NAH 001 001 Пророчество о Ниневии: книга видения Наума сына Елкесеева. 034 NAH 001 002 Бог ревнив и мстяй Господь, мстяй Господь с яростию, Господь мстяй сопостатом Своим и потребляяй сам враги Своя. 034 NAH 001 003 Господь долготерпелив, и велика крепость Его, и очищаяй не очистит Господь: в скончании и трусе путь Его, и облацы прах ног Его: 034 NAH 001 004 запрещаяй морю и изсушаяй е и вся реки опустошаяй. Умалися Васанитида и Кармил, и процветающая Ливана оскудеша: 034 NAH 001 005 горы потрясошася от Него, и холми поколебашася, и ужасеся земля от лица Его, вселенная и вси живущии на ней. 034 NAH 001 006 От лица гнева Его кто постоит? И кто сопротивится во гневе ярости Его? Ярость Его растаевает власти, и камение сотрошася от Него. 034 NAH 001 007 Благ Господь терпящым Его в день скорбения, и знаяй боящыяся Его: 034 NAH 001 008 и в потопе пути скончание сотворит: востающыя и враги Его поженет тма. 034 NAH 001 009 Что помышляете на Господа? Скончание Сам сотворит, не отмстит дважды купно в скорби: 034 NAH 001 010 понеже до основания своего оляденеет, и аки блющь и оплетающься снеден будет, и аки трость сухоты полна. 034 NAH 001 011 Из тебе изыдет помысл на Господа злый, совещаваяй сопротивная. 034 NAH 001 012 Сия глаголет Господь: обладаяй водами многими, и сице разступятся, и слух твой не услышится ктому: 034 NAH 001 013 и ныне сокрушу жезл его от тебе и узы твоя расторгну. 034 NAH 001 014 И заповесть о тебе Господь, не разсеется от имене твоего ктому: от дому бога твоего потреблю изваянная и слиянная положу гроб твой, яко скори (есте). 034 NAH 001 015 Се, на горах ноги благовествующаго и возвещающаго мир: празднуй, Иудо, праздники твоя, воздаждь обеты твоя, зане не приложат ктому еже проити сквозе тебе во обетшание: скончася и извержеся. 034 NAH 002 001 Взыде вдыхаяй в лице твое, отемляй от оскорбления: усмотри путь, укрепи чресла, возмужай крепостию зело: 034 NAH 002 002 понеже отврати Господь укоризну Иаковлю, якоже укоризну Израилеву: зане отрясающии отрясоша я и лозы их растлиша. 034 NAH 002 003 Оружия силы их от человек, мужы сильныя играющыя во огни: брозды колесниц их в день уготования его, и конницы возмятутся на путех, 034 NAH 002 004 и смятутся колесницы и сплетутся на стогнах: вид их яко свещы огненны, и яко молния протекающая. 034 NAH 002 005 И помянутся старейшины их, и побегнут в день, и изнемогут в пути своем, и потщатся на забрала его, и уготовят предния стражбы своя. 034 NAH 002 006 Врата градная отверзошася, и царства падоша, и имение открыся. 034 NAH 002 007 Сия же восхождаше, и рабыни ея ведяхуся, яко голубицы воркующя в сердцах своих: 034 NAH 002 008 и Ниневиа, аки купель водная воды ея, и тии бежаще не сташа, и не бе взирающаго. 034 NAH 002 009 Расхищаху сребро, расхищаху злато, и не бяше конца имения ея: отяготишася паче всех сосудов вожделенная ея. 034 NAH 002 010 Истрясение и вострясение, и воскипение и сердца сокрушение, и разслабление колен и болезни по всем чреслом, и лице всех, аки опаление котла. 034 NAH 002 011 Где есть виталище львов и пажить сущая львичищем? Камо иде лев, еже влезти тамо львичищу, и не бяше устрашающаго. 034 NAH 002 012 Лев восхити доволная львичищем своим и удави львицам своим, и наполни ловитвы гнездо свое и виталище свое похищения. 034 NAH 002 013 Се, Аз на тя, глаголет Господь Вседержитель, и пожгу дымом множество твое, и львы твоя пояст оружие: и потреблю от земли ловитву твою, и не услышатся ктому дела твоя. 034 NAH 003 001 О, граде кровей, весь лживый, полн неправды! Не осяжется ловитва. 034 NAH 003 002 Глас бичей и глас труса колес, и коня текуща и колесницы шумящия, 034 NAH 003 003 и конника едуща, и блистающа меча и блистающих оружий, и множества язвеных и тяжкаго падения, и не бяше конца языком ея: и изнемогут в телесех своих от множества блужения. 034 NAH 003 004 Блудница добра и приятна, началница волхвований, продающая языки во блужении своем и племена в чародеяниих своих. 034 NAH 003 005 Се, Аз на тя, глаголет Господь Бог Вседержитель, и открыю задняя твоя к лицу твоему, и покажу языком срамоту твою и царствам безчестие твое, 034 NAH 003 006 и возвергу на тя огнушение по нечистотам твоим, и положу тя в притчу. 034 NAH 003 007 И будет, всяк видяй тя снидет с тебе и речет: окаянная Ниневиа, кто постенет по ней? Откуду взыщу утешение ей? 034 NAH 003 008 Уготовити часть, устроити струну, уготовити часть Аммону, живущая в реках, вода окрест ея, ейже начало море, и вода забрала ея: 034 NAH 003 009 и Ефиопиа крепость ея и Египет, и несть конца бегству твоему: и Фуд и Ливиане быша помощницы ея. 034 NAH 003 010 И сия в преселение пойдет пленница, и младенцы ея разбиют в началех всех путий ея, и о всех славных ея вергут жребия, и вси воеводы ея свяжутся путы. 034 NAH 003 011 И ты упиешися и будеши презрена, и ты сама себе взыщеши помощи от враг. 034 NAH 003 012 Вся твердели твоя яко смоквичие стражу имущее: аще поколеблются, впадут во уста ядущаго. 034 NAH 003 013 Се, людие твои, яко жены в тебе: врагом твоим отворяема отворятся врата земли твоея, и пояст огнь вереи твоя. 034 NAH 003 014 Воду одержания восхити себе сама и утверди твердели твоя: влези в брение и поперися в плевах, утверди паче плинфа. 034 NAH 003 015 Тамо пояст тя огнь, потребит тя мечь, поядят тя аки прузи, и отягчаеши аки мшица. 034 NAH 003 016 Умножила еси купли твоя паче звезд небесных: мшицы устремишася и возлетеша. 034 NAH 003 017 Возскочи аки пруг смесник твой, аки акрида восходящая на ограду в день студеный: солнце взыде, и отлете, и не познася место ея: люте им! 034 NAH 003 018 Воздремашася пастуси твои, царь Ассирийск успи сильныя твоя, воздвигошася людие твои на горы, и не бяше приемлющаго. 034 NAH 003 019 Несть цельбы сокрушению твоему, разгореся язва твоя: вси слышащии весть твою восплещут руками о тебе: понеже на кого не найде злоба твоя всегда? # # BOOK 035 HAB Habakkuk Книга пророка Аввакума 035 HAB 001 001 Видение, еже виде Аввакум пророк. 035 HAB 001 002 Доколе, Господи, воззову, и не услышиши? Возопию к Тебе обидимь, и не избавиши? 035 HAB 001 003 Вскую мне показал еси труды и болезни, смотрити страсть и нечестие? Противу мне бысть суд, и судия вземлет. 035 HAB 001 004 Сего ради разорися закон, и не производится в совершение суд: яко нечестивый преобидит праведнаго, сего ради изыдет суд развращен. 035 HAB 001 005 Видите, презорливии, и смотрите, и чудитеся чудесем и изчезните: понеже дело Аз делаю во днех ваших, емуже не имате веровати, аще кто исповесть вам. 035 HAB 001 006 Зане, се, Аз возставляю Халдеи, язык горький и борзый, ходящий по широтам земли, еже наследити селения не своя: 035 HAB 001 007 страшен и явлен есть, от него суд его будет, и взятие его от него изыдет: 035 HAB 001 008 и изскочат паче рысей кони его и быстрее волков аравийских, и поедут конницы его и устремятся издалеча и полетят аки орел готов на ядь. 035 HAB 001 009 Скончание на нечестивыя приидет, сопротивляющыяся лицам их противу, и соберет яко песок пленники. 035 HAB 001 010 И той над царьми посмеется, и мучителие играние его, и той над всякою тверделию поругается, и обложит вал, и возобладает ею. 035 HAB 001 011 Тогда пременит дух и прейдет и помолится: сия крепость богу моему. 035 HAB 001 012 Неси ли Ты искони, Господи Боже, Святый мой? И не умрем. Господи, на суд учинил еси его, и созда мя обличати наказание его. 035 HAB 001 013 Чисто око еже не видети зла и взирати на труды болезненныя: вскую призираеши на презорливыя? Премолчаваеши, егда пожирает нечестивый праведнаго? 035 HAB 001 014 И сотвориши человеки яко рыбы морския и яко гады не имущыя старейшины. 035 HAB 001 015 Скончание удою восхити и привлече его мрежею и собра его сетьми своими: сего ради возвеселится и возрадуется сердце его: 035 HAB 001 016 сего ради пожрет мрежи своей и покадит сеть свою, яко теми разблажи часть свою и пищи своя избранныя: 035 HAB 001 017 сего ради прострет мрежу свою и присно избивати языков не пощадит. 035 HAB 002 001 На стражи моей стану, и взыду на камень, и посмотрю еже видети, что возглаголет во мне и что отвещаю на обличение мое. 035 HAB 002 002 И отвеща Господь ко мне и рече: впиши видение, и яве на дске, яко да постигнет читаяй я. 035 HAB 002 003 Зане еще видение на время, и просияет в конец, а не вотще: аще умедлит, потерпи ему, яко идый приидет и не умедлит. 035 HAB 002 004 Аще усумнится, не благоволит душа моя в нем: праведник же (мой) от веры жив будет. 035 HAB 002 005 Презорливый же и обидливый муж и величавый ничесоже скончает: иже разшири аки ад душу свою, и сей яко смерть ненасыщен: и соберет к себе вся языки и приимет к себе вся люди. 035 HAB 002 006 Не сия ли вся на него притчу приимут и гадание в повесть его? И рекут: горе умножающему себе не сущая его, доколе? И отягчающему узу свою тяжце. 035 HAB 002 007 Яко внезапу востанут угрызающии его, и ободрятся наветницы твои, и будеши в разграбление им. 035 HAB 002 008 Понеже ты пленил еси страны многи, пленят тя вси оставшии людие крове ради человечи и нечестия земли и града и всех живущих на ней. 035 HAB 002 009 Горе лихоимствующым лихоимство злое дому своему, еже учинити на высоте гнездо свое, еже исторгнути от руки злых. 035 HAB 002 010 Умыслил еси стыдение дому своему, скончал еси люди многи, и согреши душа твоя. 035 HAB 002 011 Зане камень из стены возопиет, и хрущь от древа возглаголет сия: 035 HAB 002 012 у, люте созидающему град кровьми и уготовляющему град неправдами. 035 HAB 002 013 Не сия ли суть от Господа Вседержителя? И оскудеша людие мнози огнем, и языцы мнози изнемогоша: 035 HAB 002 014 яко наполнится вся земля ведения славы Господни, якоже вода многа в мори покрыет я. 035 HAB 002 015 Горе напаяющему подруга своего развращением мутным, и упоявающему, яко да взирает к пещерам их. 035 HAB 002 016 Сытость безчестия от славы испий и ты: сердце, поколеблися и сотряснися: обыде о тебе чаша десницы Господни, и собрася безчестие на главу твою. 035 HAB 002 017 Занеже нечестие Ливаново покрыет тя, и страсть зверей престрашит тя, крове ради человечи и нечестия земли и града и всех живущих на ней. 035 HAB 002 018 Что пользует изваяное, яко изваяша е? Создаша слияние, мечтание ложное, яко упова создавый на создание свое, сотворити кумиры немыя. 035 HAB 002 019 У, люте глаголющему ко древу: ободрися, востани: и камению: возвысися: и то есть мечтание, и сие есть скование злата и сребра, и всякаго духа несть в нем. 035 HAB 002 020 Господь же во храме святем Своем: да убоится от лица Его вся земля. 035 HAB 003 001 Молитва Аввакума пророка с песнию. Господи, услышах слух Твой и убояхся: 035 HAB 003 002 Господи, разумех дела Твоя и ужасохся: посреде двою животну познан будеши: внегда приближитися летом, познаешися: внегда приити времени, явишися: внегда смутитися души моей во гневе, милость (Твою) помянеши. 035 HAB 003 003 Бог от юга приидет, и Святый из горы Приосененныя чащи: покры небеса добродетель Его, и хваления Его исполнь земля. 035 HAB 003 004 И сияние Его яко свет будет: рози в руках Его, и положи любовь державну крепости Своея. 035 HAB 003 005 Пред лицем Его предидет слово, и изыдет на поле при ногу Его. 035 HAB 003 006 Ста, и подвижеся земля: призре, и растаяша языцы: стрышася горы нуждею, и растаяша холми вечнии, шествия вечная Его, 035 HAB 003 007 за труд видеша селения Ефиопская, убоятся и кровы земли Мадиамския. 035 HAB 003 008 Еда в реках прогневаешися, Господи? Еда в реках ярость Твоя? Или в мори устремление Твое? Яко всядеши на кони Твоя, и яждение Твое спасение. 035 HAB 003 009 Наляцая налячеши лук Твой на скиптры, глаголет Господь: реками разсядется земля. 035 HAB 003 010 Узрят тя и поболят людие, расточая воды шествия Его: даде бездна глас свой, высота привидения своя: 035 HAB 003 011 воздвижеся солнце, и луна ста в чине своем: во свете стрелы Твоя пойдут, в блистании молний оружий Твоих. 035 HAB 003 012 Прещением умалиши землю и яростию низложиши языки. 035 HAB 003 013 Изшел еси во спасение людий Твоих, спасти помазанныя Твоя, вложил еси во главы беззаконных смерть, воздвигл еси узы даже до выи в конец: 035 HAB 003 014 разсекл еси во изступлении главы сильных, сотрясутся в ней: разверзут узды своя яко снедаяй нищий тай. 035 HAB 003 015 И навел еси на море кони Твоя, смущающыя воды многи. 035 HAB 003 016 Сохранихся, и убояся сердце мое от гласа молитвы устен моих, и вниде трепет в кости моя, и во мне смятеся крепость моя: почию в день скорби моея, да взыду в люди пришелствия моего. 035 HAB 003 017 Зане смоковь не плодопринесет, и не будет рода в лозах: солжет дело маслинное, и поля не сотворят яди: оскудеша овцы от пищи, и не будет волов при яслех. 035 HAB 003 018 Аз же о Господе возрадуюся, возвеселюся о Бозе спасе моем. 035 HAB 003 019 Господь Бог мой сила моя, и учинит нозе мои на совершение, и на высокая возводит мя, еже победити ми в песни Его. # # BOOK 036 ZEP Zephaniah Книга пророка Софонии 036 ZEP 001 001 Слово Господне, иже бысть к Софонии сыну Хусиину, сыну Годолиину, Амориину, Езекиину, во дни Иосии сына Амоня, царя Иудина. 036 ZEP 001 002 Оскудением да оскудеют вся от лица земли, глаголет Господь: 036 ZEP 001 003 да оскудеет человек и скоти, да оскудеют птицы небесныя и рыбы морския, и да изнемогут нечестивии, и изиму беззаконныя от лица земли, глаголет Господь. 036 ZEP 001 004 И простру руку Мою на Иуду и на вся живущыя во Иерусалиме: и изиму от места сего имена Ваалова и имена жреческа со жерцами, 036 ZEP 001 005 и покланяющихся на покровех воинству небесному и кленущихся Господем и кленущихся царем своим, 036 ZEP 001 006 и укланяющихся от Господа и не ищущих Господа и не придержащихся Господа. 036 ZEP 001 007 Убойтеся от лица Господа Бога, зане близ день Господень, яко уготова Господь жертву Свою и освяти званныя Своя. 036 ZEP 001 008 И будет в день жертвы Господни: и отмщу на князи и на дом царский и на вся оболченныя во одеяния чуждая, 036 ZEP 001 009 и отмщу яве на вся предвратныя в день той, исполняющыя храм Господа Бога своего нечестием и лестию. 036 ZEP 001 010 И будет в день он, глаголет Господь, глас вопля от врат избодающих и плачь от вторых и сотрение велие от холмов. 036 ZEP 001 011 Плачите, живущии в посеченней, яко уподобишася вси людие ханаану, и потребишася вси величающиися сребром. 036 ZEP 001 012 И будет в той день, изыщу Иерусалима со светилником и отмщу на мужы нерадящыя о стражбах своих, глаголющыя в сердцах своих: не имать блага сотворити Господь, ниже имать озлобити. 036 ZEP 001 013 И будет сила их в расхищение и домы их в разорение: и созиждут жилища и не имут пожити в них, и насадят винограды и не имут пити вина их: 036 ZEP 001 014 яко близ день Господень великий, близ и скор зело, глас дне Господня горек и жесток учинися. 036 ZEP 001 015 Силен день гнева день той, день скорби и нужды, день безгодия и изчезновения, день тмы и мрака, день облака и мглы, 036 ZEP 001 016 день трубы и вопля на грады твердыя и на углы высокия. 036 ZEP 001 017 И оскорблю человеки, и пойдут яко слепи, зане Господеви прегрешиша, и излиется кровь их яко персть, и плоти их яко лайна: 036 ZEP 001 018 и сребро их и злато их не возможет изяти их в день гнева Господня, и огнем рвения Его поядена будет вся земля: зане скончание и тщание сотворит на вся живущыя на земли. 036 ZEP 002 001 Соберитеся и свяжитеся, язык ненаказанный, 036 ZEP 002 002 прежде неже быти вам якоже цвету мимоходящу в день, прежде неже приити на вы гневу Господню, прежде неже приити на вы дню ярости Господни. 036 ZEP 002 003 Взыщите Господа, вси смиреннии земли, суд содевайте и правды взыщите, (взыщите кротости) и отвещайте я, яко да покрыетеся в день гнева Господня. 036 ZEP 002 004 Зане Газа расхищена будет, и Аскалон во изчезновение будет: и Азот в полудни отвержется, и Аккарон искоренится. 036 ZEP 002 005 Горе живущым на ужи морстем, пришелцы Критстии: слово Господне на вас, Ханаане, земле иноплеменников, и погублю вы от жилища: 036 ZEP 002 006 и будет Крит пажить стадам и ограда овцам, 036 ZEP 002 007 и будет уже морское оставшым дому Иудина: на них пожируют в домех Аскалоних, к вечеру витати имут от лица сынов Иудиных, яко присети их Господь Бог их и возврати плен их. 036 ZEP 002 008 Слышах поношения Моавля и укоризны сынов Аммоних, о нихже поношаху людем Моим и величахуся на пределы Моя. 036 ZEP 002 009 Сего ради живу Аз, глаголет Господь Сил, Бог Израилев: зане Моав яко Содома будет, и сынове Аммони яко Гоморра, и Дамаск оставлен яко стог гуменный и разорен во век: и прочии людий Моих расхитят я, и оставшии языка Моего наследят их. 036 ZEP 002 010 Сие им за досаждение их, зане поносиша и возвеличишася на люди Господа Вседержителя. 036 ZEP 002 011 Явится Господь на них и потребит вся боги языков земных: и поклонятся Ему кийждо от места своего, вси острови язычестии. 036 ZEP 002 012 И вы, Мурини, язвени оружием Моим будете. 036 ZEP 002 013 И прострет руку Свою на север и погубит Ассирианина, и положит Ниневию во изчезновение безводно, яко пустыню: 036 ZEP 002 014 и пожируют посреде ея стада и вси зверие земнии, и хамелеоны и ежеве во гнездах ея вогнездятся: и зверие возвыют в разселинах ея, и вранове во вратех ея, зане кедр возношение ея. 036 ZEP 002 015 Сей град презорливый, живяй на уповании, глаголяй в сердцы своем: аз есмь, и несть по мне еще: како бысть во изчезновение, пажить зверем? Всяк мимоходяй сквозе его позвиждет и воздвигнет руце свои. 036 ZEP 003 001 О, светлый и избавленный граде, голубице! 036 ZEP 003 002 Не услыша гласа, не прият наказания, на Господа не упова и к Богу своему не приближися. 036 ZEP 003 003 Князи его в нем, яко львы рыкающе, судии его яко волцы аравийстии, не оставляху на утро. 036 ZEP 003 004 Пророцы его ветроносцы, мужие презорливи: священницы его сквернят святая и нечествуют в закон. 036 ZEP 003 005 Господь же праведен посреде его и не имать сотворити неправды: утро утро даст суд Свой в свет: и не укрыся, и не весть неправды во истязании, ниже в распри обиды. 036 ZEP 003 006 В растление низложих величавыя, изчезоша углы их: опустошу пути их весьма, еже не проходити: изчезоша гради их, занеже ни единому быти, ни жити. 036 ZEP 003 007 Рех: обаче убойтеся Мене и приимите наказание, и не имате потребитися от очию его, за вся елика отмстих на нем: готовися, утренюй, истле все листвие их. 036 ZEP 003 008 Сего ради потерпи Мене, глаголет Господь, в день воскресения моего во свидетелство: зане суд Мои в сонмища языков еже прияти царей, еже излияти на ня гнев Мой весь, гнев ярости Моея: зане огнем рвения Моего поядена будет вся земля. 036 ZEP 003 009 Яко тогда обращу к людем язык в род его, еже призывати: всем имя Господне, работати Ему под игом единем. 036 ZEP 003 010 От конец рек Ефиопских прииму молящыя Мя, в разсеянных Моих принесут жертвы Мне. 036 ZEP 003 011 В день он не имаши постыдитися от всех начинаний твоих, имиже нечествовал еси в Мя: яко тогда отиму от тебе укоризны досаждения твоего, и ктому не имаши приложити величатися на горе святей Моей. 036 ZEP 003 012 И оставлю в тебе люди кротки и смиренны, и будут благоговети о имени Господни 036 ZEP 003 013 останцы Израилевы, и не сотворят неправды, и не возглаголют суетных, и не обрящется в устех их язык льстив: зане тии пожируют и угнездятся, и не будет устрашаяй их. 036 ZEP 003 014 Радуйся, дщи Сионова, зело, проповедуй, дщи Иерусалимова, веселися и преукрашайся от всего сердца твоего, дщи Иерусалимля: 036 ZEP 003 015 отят Господь неправды твоя, избавил тя есть из руки враг твоих: воцарится Господь посреде тебе, и не узриши зла ктому. 036 ZEP 003 016 Во время оно речет Господь Иерусалиму: дерзай, Сионе, да не ослабеют руце твои. 036 ZEP 003 017 Господь Бог твой в тебе, Сильный спасет тя, наведет на тя веселие и обновит тя в любви Своей, и возвеселится о тебе во украшении, яко в день праздника. 036 ZEP 003 018 И соберу сотреныя твоя: горе, кто приимет нань поношение? 036 ZEP 003 019 Се, Аз сотворю в тебе тебе ради, глаголет Господь, во время оно: и спасу утисненную и отриновенную прииму, и положу я в похваление и имениты по всей земли. 036 ZEP 003 020 И постыдятся во время оно, егда добро вам сотворю, и во время, егда прииму вы: зане дам вы имениты и в похваление во всех людех земли, внегда возвращати ми пленение ваше пред вами, глаголет Господь. # # BOOK 037 HAG Haggai Книга пророка Аггея 037 HAG 001 001 Во второе лето, при Дарии цари, в шестый месяц, в первый (день) месяца, бысть слово Господне рукою Аггеа пророка глаголя: рцы к Зоровавелю Салафиилеву от колена Иудова и ко Иисусу сыну Иоседекову, иерею великому, глаголя: 037 HAG 001 002 сице глаголет Господь Вседержитель глаголя: людие сии глаголют: не прииде время создати храм Господень. 037 HAG 001 003 И бысть слово Господне рукою Аггеа пророка глаголя: 037 HAG 001 004 аще время убо вам есть жити в домех ваших истесаных, храм же мой сей запусте? 037 HAG 001 005 И ныне сице глаголет Господь Вседержитель: устройте сердца ваша в пути вашя. 037 HAG 001 006 Сеясте много, и взясте мало: ядосте, и не в сытость: писте, и не в пиянство: облекостеся, и не согрестеся в них: и собираяй мзды собра во влагалище дираво. 037 HAG 001 007 Сице глаголет Господь Вседержитель: положите сердца ваша в пути вашя, 037 HAG 001 008 взыдите на гору и усецыте древа, и принесите и созиждите храм, и благоволю в нем и прославлюся, рече Господь. 037 HAG 001 009 Призресте на многа, и быша мала, и внесосте я в храм, и отдунух я: сего ради сице глаголет Господь Вседержитель: зане храм Мой есть пуст, вы же течете кийждо в дом свой, 037 HAG 001 010 сего ради удержится небо от росы, и земля оскудит изношения своя, 037 HAG 001 011 и наведу мечь на землю и на горы, и на пшеницу и на вино и на елей, и на вся, елика износит земля, и на человеки и на скоты и на вся труды рук их. 037 HAG 001 012 И слыша Зоровавель Салафиилев от колена Иудова, и Иисус Иоседеков, иерей великий, и вси прочии людие глас Господа Бога своего и словеса Аггеа пророка, якоже посла его Господь Бог их к ним, и убояшася людие от лица Господня. 037 HAG 001 013 И рече Аггей вестник Господень в вестницех Господних людем, глаголя: Аз есмь с вами, глаголет Господь. 037 HAG 001 014 И воздвиже Господь дух Зоровавеля Салафиилева от колена Иудова и дух Иисуса Иоседекова, иереа великаго, и дух прочиих всех людий: и внидоша и творяху дела во храме Господа Вседержителя Бога своего. 037 HAG 001 015 В двадесять четвертый день месяца шестаго, во второе лето, при Дарии цари, 037 HAG 002 001 в седмый месяц, в двадесять первый месяца, глагола Господь рукою Аггеа пророка глаголя: 037 HAG 002 002 рцы ныне к Зоровавелю Салафиилеву от колена Иудова и ко Иисусу сыну Иоседекову, иерею великому, и ко всем прочиим людем, глаголя: 037 HAG 002 003 кто от вас, иже виде храм сей в славе его прежней? И како вы видите его ныне якоже не суща пред вами? 037 HAG 002 004 И ныне укрепляйся, Зоровавелю, глаголет Господь, и укрепляйся, Иисусе, сыне Иоседеков, иерею великий, и да укрепляются вси людие земли, глаголет Господь (Вседержитель), и творите: зане Аз с вами есмь, глаголет Господь Вседержитель: 037 HAG 002 005 слово, еже завещах с вами, егда исходисте из земли Египетския, и дух Мой настоит посреде вас: дерзайте, зане сице глаголет Господь Вседержитель: 037 HAG 002 006 еще единою Аз потрясу небом и землею, и морем и сушею, 037 HAG 002 007 и сотрясу вся языки, и приидут избранная всех языков: и исполню храм сей славы, глаголет Господь Вседержитель. 037 HAG 002 008 Мое сребро и Мое злато, глаголет Господь Вседержитель: 037 HAG 002 009 зане велия будет слава храма сего последняя паче первыя, глаголет Господь Вседержитель: и на месте сем дам мир, глаголет Господь Вседержитель, и мир души в снабдение всякому зиждущему, еже возставити церковь сию. 037 HAG 002 010 В двадесять четвертый девятаго месяца, во второе лето при Дарии цари, бысть слово Господне ко Аггею пророку глаголя: 037 HAG 002 011 сице глаголет Господь Вседержитель: вопроси иереев закона глаголя: 037 HAG 002 012 аще приимет человек мясо свято вскрай ризы своея, и коснется край ризы его хлеба, или варива, или вина, или масла, или всякаго брашна, еда освятится? И отвещаша священницы и реша: ни. 037 HAG 002 013 И рече Аггей: аще прикоснется оскверненый или нечистый душею всякому сих, еда осквернится? И отвещаша иерее и реша: осквернится. 037 HAG 002 014 И отвеща Аггей и рече: сице людие сии, и сице язык сей предо Мною, глаголет Господь, и сице вся дела рук их: и иже аще приближится тамо, осквернится за приятия их утренняя, поболят от лица лукавств своих, и ненавидесте во вратех обличающаго. 037 HAG 002 015 И ныне положите на сердцах ваших от дне сего и выше, прежде неже положити камень на камени в храме Господни. 037 HAG 002 016 Кто бысте, егда влагасте в мех ячмене двадесять сат, и быша ячмене десять сат? И входисте в подточилие черпати пятьдесят мер, и быша двадесять. 037 HAG 002 017 Поразих вы неплодием и ветротлением и градом вся дела рук ваших, и не обратистеся ко Мне, глаголет Господь. 037 HAG 002 018 Устройте же сердца ваша от сего дне и далее, от двадесять четвертаго дне девятаго месяца и от дне, в оньже основася церковь Господня: положите в сердцах ваших, 037 HAG 002 019 аще еще познается на гумне, и аще еще виноград, и смокви, и яблонь, и древа масличная не творящая плода? От дне сего благословлю. 037 HAG 002 020 И бысть слово Господне вторицею ко Аггею пророку в двадесять четвертый месяца глаголя: 037 HAG 002 021 рцы к Зоровавелю сыну Салафиилеву от колена Иудова глаголя: Аз потрясу небом и землею, и морем и сушею, 037 HAG 002 022 и превращу престолы царей, и потреблю силу царей языческих, и превращу колесницы и всадники, и снидут кони и всадницы их, кийждо во оружии на брата своего. 037 HAG 002 023 В той день, глаголет Господь Вседержитель, прииму тя, Зоровавелю Салафиилев, рабе Мой, глаголет Господь, и положу тя яко печать, понеже тя избрах, глаголет Господь Вседержитель. # # BOOK 038 ZEC Zechariah Книга пророка Захарии 038 ZEC 001 001 Во осмый месяц, втораго лета, при Дарии, бысть слово Господне ко Захарии Варахиину, сыну Аддову, пророку, глаголя: 038 ZEC 001 002 прогневася Господь на отцы вашя гневом велиим, 038 ZEC 001 003 и речеши к ним: сице глаголет Господь Вседержитель: обратитеся ко Мне, глаголет Господь Сил, и обращуся к вам, глаголет Господь Сил. 038 ZEC 001 004 И не будите, якоже отцы ваши, ихже обличаху пророцы прежнии, глаголюще: сице глаголет Господь Вседержитель: отвратитеся от путий ваших лукавых и от начинаний ваших злых: и не послушаша и не вняша послушати Мене, глаголет Господь (Вседержитель). 038 ZEC 001 005 Отцы ваши где суть и пророцы? Еда во век поживут? 038 ZEC 001 006 Обаче словеса Моя и законы Моя приемлете, елика Аз заповедаю в Дусе Моем рабом Моим пророком, иже постигнуша отцев ваших. И отвещаша и реша: якоже устави Господь Вседержитель сотворити нам по путем нашым и по начинанием нашым, тако сотвори нам. 038 ZEC 001 007 В двадесять четвертый первагонадесять месяца, сей есть месяц Сават, во второе лето, при Дарии, бысть слово Господне ко Захарии Варахиину, сыну Аддову, пророку, глаголя: 038 ZEC 001 008 видех нощию, и се, муж всед на коня рыжа, и сей стояше между горами осеняющими, и за ним кони рыжы и сери, и пестри и бели, 038 ZEC 001 009 и рех: что сии, господи? И рече ко мне Ангел глаголяй во мне: аз покажу ти, что суть сия. 038 ZEC 001 010 И отвеща муж стояй между горами и рече ко мне: сии суть, ихже посла Господь оыти землю. 038 ZEC 001 011 И отвещаша Ангелу Господню стоящему между горами и реша: обыдохом всю землю, и се, вся земля населена есть и молчит. 038 ZEC 001 012 И отвеща Ангел Господень и рече: Господи Вседержителю, доколе не имаши помиловати Иерусалима и грады Иудовы, яже презрел еси, сие седмьдесятое лето? 038 ZEC 001 013 И отвеща Господь Вседержитель Ангелу глаголющему во мне глаголголы добры и словеса утешна. 038 ZEC 001 014 И рече ко мне Ангел глаголяй во мне: возопий глаголя: сице глаголет Господь Вседержитель: ревновах по Иерусалиму и Сиону рвением великим, 038 ZEC 001 015 и гневом велиим Аз гневаюся на языки нападающыя: зане Аз убо прогневахся мало, они же налегоша во злая. 038 ZEC 001 016 Сего ради сице глаголет Господь: обращуся ко Иерусалиму щедротами, и храм Мой созиждется в нем, глаголет Господь Вседержитель, и мера протягнется во Иерусалиме еще. 038 ZEC 001 017 И рече ко мне Ангел глаголяй во мне: еще возопий глаголя: сице глаголет Господь Вседержитель: еще прелиятися имут гради благими, и помилует Господь еще Сиона и изберет еще Иерусалима. 038 ZEC 001 018 И возведох очи мои и видех, и се, четыри рози, 038 ZEC 001 019 и рех ко Ангелу глаголющему во мне: что суть сия, господи? И рече ко мне: сии рози расточившии Иуду и Израиля и Иерусалима. 038 ZEC 001 020 И показа ми Господь четыри древоделя. 038 ZEC 001 021 И рех: что сии грядут сотворити, (господи)? И рече: сии рози расточившии Иуду, и Израиля сокрушиша, и никтоже от них воздвиже главы: и изыдоша сии поострити я в руках своих четыри рози, языцы возносящии рог на землю Господню, еже расточити ю. 038 ZEC 002 001 И возведох очи мои и видех, и се, муж, и в руце его уже землемерно. 038 ZEC 002 002 И рех к нему: камо грядеши ты? И рече ко мне: размерити Иерусалима, еже видети, колика широта его есть и колика долгота. 038 ZEC 002 003 И се, Ангел глаголяй во мне стояше, и ин Ангел исхождаше во сретение ему 038 ZEC 002 004 и рече к нему глаголя: тецы и рцы к юноши оному глаголя: плодовито населится Иерусалим от множества человеков и скотов, иже посреде его: 038 ZEC 002 005 и Аз буду ему, глаголет Господь, стена огнена окрест и в славу буду посреде его. 038 ZEC 002 006 О, о, бежите от земли северныя, глаголет Господь, зане от четырех ветров небесных соберу вы, глаголет Господь: 038 ZEC 002 007 в Сион спасайтеся, живущии во дщери Вавилонстей. 038 ZEC 002 008 Зане сице глаголет Господь Вседержитель: вслед славы посла Мя на языки пленившыя вас, зане касаяйся вас яко касаяйся в зеницу ока Его: 038 ZEC 002 009 зане, се, Аз наношу руку Мою на ня, и будут корысть работающым им, и уразумеете, яко Господь Вседержитель посла Мя. 038 ZEC 002 010 Красуйся и веселися, дщи Сионя, зане, се, Аз гряду и вселюся посреде тебе, глаголет Господь. 038 ZEC 002 011 И прибегнут языцы мнози ко Господу в той день и будут Ему в люди и вселятся посреде тебе, и уразумееши, яко Господь Вседержитель посла Мя к тебе. 038 ZEC 002 012 И наследит Господь Иуду, участие Свое на земли святей, и изберет еще Иерусалима. 038 ZEC 002 013 Да благоговеет всяка плоть от лица Господня, яко воста из облак святых Своих. 038 ZEC 003 001 И показа ми Господь Иисуса, иереа великаго, стояща пред лицем Ангела Господня, и диавол стояше одесную его, еже противитися ему. 038 ZEC 003 002 И рече Господь ко диаволу: да запретит Господь тебе, диаволе, и да запретит Господь тебе, избравый Иерусалима: не се ли, сие яко главня исторжена из огня? 038 ZEC 003 003 Иисус же бе оболчен в ризы гнусны и стояше пред лицем Ангела. 038 ZEC 003 004 И отвеща и рече к стоящым пред лицем его глаголя: отимите ризы гнусныя от него. И рече к нему: се, отях от тебе беззакония твоя и грехи твоя очищу, и облецыте его в подир 038 ZEC 003 005 и возложите кидар чист на главу его. И возложиша кидар чист на главу его и облекоша его в ризы. И Ангел Господень стояше, 038 ZEC 003 006 и засвидетелствоваше Ангел Господень ко Иисусу глаголя: 038 ZEC 003 007 сице глаголет Господь Вседержитель: аще в путех Моих пойдеши и повеления Моя сохраниши, и ты разсудиши храм Мой: и аще сохраниши двор Мой, и дам ти сообращающыяся посреде стоящих сих. 038 ZEC 003 008 Послушай убо, Иисусе, иерею великий, ты и искреннии твои седящии пред лицем твоим, зане мужие дивозрителие суть: зане, се, Аз ввожду раба Моего Востока: 038 ZEC 003 009 зане камень, егоже дах пред лицем Иисусовым, на камени единем седмь очес суть: се, Аз изрыю ров, глаголет Господь Вседержитель, и осяжу всю обиду земли оныя в день един. 038 ZEC 003 010 В день оный, глаголет Господь Вседержитель, созовете кийждо искренняго своего под виноград и под смоковницу. 038 ZEC 004 001 И обратися Ангел глаголяй во мне и возведе мя, якоже егда востанет человек от сна своего, 038 ZEC 004 002 и рече ко мне: что ты видиши? И рех: видех, и се, свещник злат весь, и светилце верху его, и седмь светилник верху его, и седмь чашиц светилником верхним его, 038 ZEC 004 003 и две маслины верху его, едина одесную светилца его и едина ошуюю. 038 ZEC 004 004 И вопросих и рех ко Ангелу глаголющему во мне глаголя: что суть сия, господи? 038 ZEC 004 005 И отвеща Ангел глаголяй во мне и рече ко мне глаголя: не разумееши ли, что суть сия? И рех: ни, господи. 038 ZEC 004 006 И отвеща и рече ко мне глаголя: сие слово Господне к Зоровавелю глаголя: не в силе велицей, ни в крепости, но в Дусе Моем, глаголет Господь Вседержитель. 038 ZEC 004 007 Что ты еси, горо великая, пред лицем Зоровавеля, еже исправити? И изнесу камень наследия, равенство благодати, благодать его. 038 ZEC 004 008 И бысть слово Господне ко мне глаголя: 038 ZEC 004 009 руце Зоровавелевы основаша храм сей и руце его совершат его: и уразумееши, яко Господь Вседержитель посла Мя к вам: 038 ZEC 004 010 зане кто укорил тя есть во дни малы? И возрадуются, и увидят камень, иже от чистаго олова, в руку Зоровавеля: седмь сия очеса Господня суть, призирающая на всю землю. 038 ZEC 004 011 И отвещах и рех к нему: что суть две маслины сия, яже одесную свещника и ошуюю? 038 ZEC 004 012 И вопросих вторицею и рех к нему: что суть две ветви масличны, яже в руку двух усекалниц златых возливающих и возношающих чашицы златыя? 038 ZEC 004 013 И рече ко мне глаголя: не веси ли, что суть сия? И рех: ни, господи. 038 ZEC 004 014 И рече: сии два сынове тучности, яже предстоят Господеви всея земли. 038 ZEC 005 001 И обратихся и возведох очи мои и видех, и се, серп летящь. 038 ZEC 005 002 И рече ко мне: что ты видиши? И рех: аз вижду серп летящь, в долготу лактей двадесять и в широту десяти лактей. 038 ZEC 005 003 И рече ко мне: сия клятва исходящая на лице всея земли: зане всяк тать от сего даже до смерти отмщен будет, и всяк кленыйся во лжу от сего до смерти отмстится. 038 ZEC 005 004 И изнесу его, глаголет Господь Вседержитель, и внидет в дом татя и в дом кленущагося именем Моим во лжу, и вселится посреде дому его, и скончает его и древа его и камение его. 038 ZEC 005 005 И изыде Ангел глаголяй во мне и рече ко мне: воззри очима твоима и виждь исходящее сие. И рех: 038 ZEC 005 006 что есть? И рече: сия мера исходящая. И рече: сия неправда их по всей земли. 038 ZEC 005 007 И се, талант оловян вземляйся, и се, жена едина седяше посреде меры. 038 ZEC 005 008 И рече: сия есть беззаконие. И верже ю в средину меры и вверже камень оловяный во уста ея. 038 ZEC 005 009 И возведох очи мои и видех, и се, две жены исходящыя, и дух в крилех их, и те имяху крила, яко криле вдодовы: и взяша меру между землею и между небом. 038 ZEC 005 010 И рех ко Ангелу глаголющему во мне: камо сия относят меру? 038 ZEC 005 011 И рече ко мне: создати ей храмину в земли Вавилонстей и уготовати, и положат ю тамо на уготование свое. 038 ZEC 006 001 И обратихся и возведох очи мои и видех, и се, четыри колесницы исходящыя из средины двоих гор, горы же те беша горы медяны: 038 ZEC 006 002 в колеснице первей кони рыжы, и в колеснице вторей кони врани, 038 ZEC 006 003 и в колеснице третией кони бели, и в колеснице четвертей кони пестри скори. 038 ZEC 006 004 И отвещах и рех ко Ангелу глаголющему во мне: что суть сия, господи? 038 ZEC 006 005 И отвеща Ангел глаголяй во мне и рече: сия суть четыри ветри небеснии, иже исходят предстати Господу всея земли. 038 ZEC 006 006 В нейже беху кони врани, исхождаху на землю северскую, и белии исхождаху вслед их, и пестрии исхождаху на землю южную, 038 ZEC 006 007 и скории исхождаху и озираху еже оыти землю. И рече: идите, обыдите землю. И обыдоша землю. 038 ZEC 006 008 И возопи и рече ко мне глаголя: се, исходящии на землю северскую упокоиша ярость Мою на земли северстей. 038 ZEC 006 009 И бысть слово Господне ко мне глаголя: 038 ZEC 006 010 приими, яже от плена от князей и от ключимых его и от разумевших его, и внидеши ты в день он в дом Иосии Софониина, грядущаго от Вавилона, 038 ZEC 006 011 и приимеши сребро и злато, и сотвориши венцы, и возложиши на главу Иисусу Иоседекову, иерею великому, 038 ZEC 006 012 и речеши к нему: сице глаголет Господь Вседержитель: се, Муж, Восток имя Ему, и под Ним возсияет, и созиждет храм Господень: 038 ZEC 006 013 и той приимет добродетель, и сядет и возобладает на престоле Своем, и будет иерей одесную Его, и совет мирен будет между обема, 038 ZEC 006 014 а венец будет терпящым и ключимым Ему и разумевшым Его, и в благодать сыну Софониину, и в псалом во храме Господни: 038 ZEC 006 015 и издалеча от сих приидут и созиждут во храме Господни, и уразумеете, яко Господь Вседержитель посла мя к вам: и будет, аще слушающе послушаете гласа Господа Бога вашего. 038 ZEC 007 001 И бысть в четвертое лето, при Дарии цари, бысть слово Господне ко Захарии в четвертый месяца девятаго, иже есть Хаселев. 038 ZEC 007 002 И посла в Вефиль Сарасар и Арвесеер царь и мужие его молити Господа, 038 ZEC 007 003 глаголя ко священником, иже во храме Господа (Бога) Вседержителя, и пророком, глаголя: аще вниде зде в пятый месяц святыня, (плачя или постяся, ) якоже сотворих уже многа лета. 038 ZEC 007 004 И бысть слово Господа Вседержителя ко мне глаголя: 038 ZEC 007 005 рцы ко всем людем земли и ко священником глаголя: аще постистеся или плачевопльствисте в пятинах или седминах (месяца), и се, седмьдесят лет, постом ли постистеся Ми? 038 ZEC 007 006 И аще ясте или пиете, не вы ли ясте и пиете? 038 ZEC 007 007 Не сия ли суть словеса, яже глагола Господь руками пророков прежних, егда бе Иерусалим населен и гобзующь, и гради его окрест, и нагорная и подольная населена бяху? 038 ZEC 007 008 И бысть слово Господне ко Захарии глаголя: 038 ZEC 007 009 сице глаголет Господь Вседержитель: суд праведен судите и милость и щедроты творите кийждо ко брату своему, 038 ZEC 007 010 а вдовицы и сира, и пришелца и убога не насильствуйте, и злобы кийждо брата своего да не помнит в сердцах своих. 038 ZEC 007 011 И не покоришася, еже внимати, и даша плещы презирающыя, и ушеса своя отяготиша, еже не слышати, 038 ZEC 007 012 и сердце свое учиниша непокориво, не послушати закона Моего и словес, яже посла Господь Вседержитель Духом Своим рукою пророков прежних: и бысть гнев великий от Господа Вседержителя. 038 ZEC 007 013 И будет, якоже рече, и не услышаша Его: сице возопиют, и не имам услышати, глаголет Господь Вседержитель: 038 ZEC 007 014 и отвергу я во вся языки, иже не разумеша, и земля запустеет последи их от проходящаго и от возвращающагося: и учиниша избранную землю в запустение. 038 ZEC 008 001 И бысть слово Господа Вседержителя (ко мне) глаголя: 038 ZEC 008 002 сице глаголет Господь Вседержитель: ревновах по Иерусалиме и Сионе рвением великим и яростию велиею ревновах по нем. 038 ZEC 008 003 Тако глаголет Господь: обращуся к Сиону и вселюся посреде Иерусалима, и наречется Иерусалим град истинный, и гора Господа Вседержителя гора святая. 038 ZEC 008 004 Сице глаголет Господь Вседержитель: еще сядут старцы и старицы на путех Иерусалимских, кийждо жезл свой имый в руце своей от множества дний: 038 ZEC 008 005 и путие града исполнятся отрочищ и отроковиц играющих на путех его. 038 ZEC 008 006 Сице глаголет Господь Вседержитель: аще изнеможет пред останком людий сих во онех днех, еда и предо Мною изнеможет? Глаголет Господь Вседержитель. 038 ZEC 008 007 Сице глаголет Господь Вседержитель: се, Аз спасу люди Моя от земли восточныя и от земли западныя 038 ZEC 008 008 и введу их (в землю их), и вселюся посреде Иерусалима, и будут Ми в люди, и Аз буду им в Бога во истине и в правде. 038 ZEC 008 009 Сице глаголет Господь Вседержитель: да укрепятся руце вас слышащих во днех сих словеса сия от уст пророческих, от негоже дне основася храм Господа Вседержителя, и церковь отнележе создася. 038 ZEC 008 010 Зане прежде дний онех мзда человеком не бе во успех, и мзда скотом не бяше, и исходящему и входящему не бе мира от печали, и послю вся человеки коегождо на искренняго своего. 038 ZEC 008 011 И ныне не по днем онем прежним Аз сотворю останку людий сих, глаголет Господь Вседержитель, 038 ZEC 008 012 но покажу мир: виноград даст плод свой, и земля даст жита своя, и небо даст росу свою, и наследити сотворю останком людий Моих сих вся сия. 038 ZEC 008 013 И будет, яко бесте в клятве во языцех, доме Иудов и доме Израилев, тако спасу вы, и будете в благословении: дерзайте и укрепляйтеся руками вашими. 038 ZEC 008 014 Зане сице глаголет Господь Вседержитель: якоже помыслих озлобити вы, внегда прогневаша Мя отцы ваши, глаголет Господь Вседержитель, и не раскаяхся: 038 ZEC 008 015 тако уставих и умыслих во дни сия добро сотворити Иерусалиму и дому Иудову: дерзайте. 038 ZEC 008 016 Сия словеса, яже сотворите: глаголите истину кийждо искреннему своему, истину и суд мирен судите во вратех ваших, 038 ZEC 008 017 и кийждо злобы искренняго своего не помышляйте в сердцах ваших, и клятвы лживыя не любите, зане вся сия возненавидех, глаголет Господь Вседержитель. 038 ZEC 008 018 И бысть слово Господа Вседержителя ко мне глаголя: 038 ZEC 008 019 сице глаголет Господь Вседержитель: пост четвертый и пост пятый, и пост седмый и пост десятый будут дому Иудову в радость и в веселие и в праздники благи: и возвеселитеся и истину и мир возлюбите. 038 ZEC 008 020 Сице глаголет Господь Вседержитель: еще людие мнози приидут и живущии во градех многих: 038 ZEC 008 021 и снидутся живущии во пяти градех во един град, глаголюще: грядим помолитися лицу Господню и взыскати лице Господа Вседержителя: иду и аз. 038 ZEC 008 022 И приидут людие мнози и языцы мнози взыскати лица Господа Вседержителя во Иерусалиме и умолити лице Господне. 038 ZEC 008 023 Сице глаголет Господь Вседержитель: во оны дни имется десять мужей от всех племен языческих, и имутся за ризу мужа Иудеанина, глаголюще: пойдем с тобою, зане слышахом, яко Бог с вами есть. 038 ZEC 009 001 Пророчество словесе Господня в земли Седраха и Дамаска жертвы его: зане Господь призирает на человеки и на вся колена Израилева, 038 ZEC 009 002 и во Имафе в пределех его Тир и Сидон, яко умудреша зело. 038 ZEC 009 003 И созда Тир твердыни себе и собра сребро яко персть и злато яко брение путий. 038 ZEC 009 004 Сего ради Господь наследит я и поразит в море силу его, и той огнем поястся. 038 ZEC 009 005 Увидит Аскалон и убоится, и Газа и поболит зело, и Аккарон, яко постыдеся о уповании своем: и погибнет царь от Газы, и Аскалон не имать населитися. 038 ZEC 009 006 И вселятся иноплеменницы во Азоте, и разрушу досаждение иноплеменников, 038 ZEC 009 007 и изму кровь их из уст их и мерзости их из средины зубов их, и оставятся и сии Богу нашему и будут яко тысящник во Иуде, и Аккарон якоже Иевусей. 038 ZEC 009 008 И подставлю храму Моему воздвижение, еже не сквозе ходити, ниже возвращатися, и ктому не имать приити на ня изгоняяй: яко ныне видех очима Моима. 038 ZEC 009 009 Радуйся зело, дщи Сионя, проповедуй, дщи Иерусалимля: се, Царь твой грядет тебе праведен и спасаяй, той кроток и всед на подяремника и жребца юна. 038 ZEC 009 010 И потребит колесницы от Ефрема и кони от Иерусалима, и потребит лук бранный, и множество, и мир от языков: и обладает водами от моря до моря и от рек до исходищ земли. 038 ZEC 009 011 И ты в крови завета твоего испустил еси узники твоя от рова не имуща воды. 038 ZEC 009 012 Сядите в тверделех, связани сонмища, и за един день пришелствия твоего сугубо воздам ти. 038 ZEC 009 013 Занеже напрягох тя Себе, Иудо, яко лук, исполних Ефрема, и воздвигну чада твоя, Сионе, на чада Еллинска, и осяжу тя яко мечь ратника. 038 ZEC 009 014 И Господь на них явится, и изыдет яко молния стрела Его: и Господь Бог Вседержитель в трубу вострубит и пойдет в шуме прещения своего. 038 ZEC 009 015 Господь Вседержитель защитит их, и поядят я, и посыплют их камением пращным, и испиют кровь их яко вино, и исполнят окрины яко жертвенник. 038 ZEC 009 016 И спасет я Господь Бог их в день он, яко овцы люди Своя: зане камение свято валяется на земли Его. 038 ZEC 009 017 Аще что благо его, и аще что добро его, пшеница юношам и вино благоуханно девам. 038 ZEC 010 001 Просите от Господа дождя во время ранняго и поздняго: Господь сотвори привидения, и дождь зимен даст им, комуждо злак на селе. 038 ZEC 010 002 Зане провещающии глаголаша труды, и вражбителие видения ложна и сония лжива глаголаху, суетными утешаху: сего ради изсхоша яко овцы, и озлоблени быша, понеже не бе изцеления. 038 ZEC 010 003 На пастырей прогневася ярость Моя, и на агнцы посещу: и посетит Господь Бог Вседержитель стадо Свое, дом Иудин, и учинит я аки коня благолепна Своего во брани. 038 ZEC 010 004 И от него призре, и от него учини, и от него лук в дусе ярости, и от него изыдет всяк изгоняяй в том. 038 ZEC 010 005 И будут яко ратницы попирающе брение на путех во брани, и ополчатся, яко Господь с ними, и постыдятся всадницы коннии. 038 ZEC 010 006 И укреплю дом Иудов и дом Иосифов спасу, и вселю я, понеже возлюбих я, и будут аки бы не отвратих их: зане Аз Господь Бог их и услышу я. 038 ZEC 010 007 И будут яко ратницы Ефремовы, и возрадуется сердце их аки от вина: и чада их увидят и возвеселятся, и возрадуется сердце их о Господе. 038 ZEC 010 008 Возвещу им и прииму я, зане искуплю их, и умножатся, якоже бяху мнози: 038 ZEC 010 009 и всею я в людех, и дальнии помянут Мя, и воспитают чада своя, и обратятся: 038 ZEC 010 010 и возвращу я от земли Египетския и от Ассириан прииму я, и в Галаадит и в Ливан введу я, и не имать остати от них ни един. 038 ZEC 010 011 И пройдут морем узким и поразят в мори волны, и изсякнут вся глубины речныя, и отимется всяко досаждение Ассирийско, и скиптр Египетск отимется. 038 ZEC 010 012 И укреплю я о Где Бозе их, и о имени Его восхвалятся, глаголет Господь. 038 ZEC 011 001 Разверзи, Ливане, двери твоя, и да пояст огнь кедры твоя: 038 ZEC 011 002 да плачевопльствит питис, зане паде кедр, яко вельможи вельми обеднеша. Восплачевопльствите, дуби Васанитидстии, яко посечеся дубрава насажденная. 038 ZEC 011 003 Глас плачущих пастырей, яко возбедствова величие их: глас рыкающих львов, яко озлоблено бысть шатание Иорданово. 038 ZEC 011 004 Сице глаголет Господь Вседержитель: пасите овцы заколения, 038 ZEC 011 005 яже стяжавшии закалаху и не раскаявахуся, и продающии я глаголаху: благословен Господь, и обогатихомся: и пастырие их не печахуся ни чимже о них. 038 ZEC 011 006 Сего ради не пощажду ктому на живущих на земли, глаголет Господь: и се, Аз предам человеки, коегождо в руце искреннему его и в руце царю своему: и изсекут землю, и не имам изяти от руки их. 038 ZEC 011 007 И упасу овцы заколения в земли Ханаани: и прииму Себе два жезла, единаго нарекох доброту, а другаго нарекох уже, и упасу овцы. 038 ZEC 011 008 И погублю три пастыри в месяц един, и отягчает душа Моя на ня: ибо души их рыкаху на Мя. 038 ZEC 011 009 И рех: не имам пасти вас: умирающее да умрет, и изчезающее да изчезнет, и прочая да пояст кийждо плоть ближняго своего. 038 ZEC 011 010 И прииму жезл Мой добрый и отвергу его еже разорити завет Мой, егоже завещах ко всем людем: 038 ZEC 011 011 и разорится в день оный, и уразумеют Хананее овцы хранимыя Мне, зане слово Господне есть. 038 ZEC 011 012 И реку к ним: аще добро пред вами есть, дадите мзду Мою, или отрецытеся. И поставиша мзду Мою тридесять сребреник. 038 ZEC 011 013 И рече Господь ко мне: вложи я в горнило и смотри, аще искушено есть, имже образом искушен бых о них. И приях тридесять сребреник и вложих их в храм Господень в горнило. 038 ZEC 011 014 И отвергох жезл вторый уже, еже разорити завет иже посреде Иуды и посреде Израиля. 038 ZEC 011 015 И рече Господь ко мне: еще приими себе сосуды пастырски, пастыря неискусна: 038 ZEC 011 016 зане, се, Аз воздвигну пастыря на землю: погибающаго не посетит и расточеннаго не имать взыскати, и сокрушеннаго не имать изцелити и здраваго не имать направити, и мяса избранных пояст и глезны их извиет. 038 ZEC 011 017 О, пасущии суетная и оставльшии овец! Мечь на мышцу его и на око ему десное: мышца его изсыхающи изсхнет, и око ему десное ослепая ослепнет. 038 ZEC 012 001 Пророчество словесе Господня на Израиля, глаголет Господь, прострый небо и основаяй землю и созидаяй дух человека в нем: 038 ZEC 012 002 се, Аз полагаю Иерусалима яко преддверия движимая всем людем окрест, и во Иудеи будет обседение на Иерусалима: 038 ZEC 012 003 и будет в день оный, положу Иерусалима камень попираемый всеми языки: всяк попираяй его ругаяся поругается, и соберутся нань вси языцы земли. 038 ZEC 012 004 В день он, глаголет Господь Вседержитель, поражу всякаго коня во ужас и всадника его в безумие: и на дом Иудов отверзу очи Мои и вся кони людий поражу во ослепление. 038 ZEC 012 005 И рекут тысящницы Иудины вси в сердцах своих: обрящем себе живущыя во Иерусалиме о Господе Вседержители Бозе их. 038 ZEC 012 006 В день он положу тысящники Иудины яко главню огненну в дровах и яко свещу огненну в стеблии, и поядят одесную и ошуюю вся люди окрест: и населится Иерусалим еще по себе во Иерусалиме: 038 ZEC 012 007 и спасет Господь селения Иудова якоже исперва, яко да не величается похвала дому Давидова и величания живущих во Иерусалиме на Иуду. 038 ZEC 012 008 И будет в день он, защитит Господь живущих во Иерусалиме: и будет немощный в них в той день яко Давид, а дом Давидов яко дом Божий, якоже Ангел Господень пред ними. 038 ZEC 012 009 И будет в день он, взыщу изяти вся языки грядущыя на Иерусалим, 038 ZEC 012 010 и излию на дом Давидов и на живущыя во Иерусалиме дух благодати и щедрот, и воззрят Нань, Егоже прободоша, и восплачутся о Нем плаканием яко о возлюбленнем, и поболят о Нем болезнию яко о первенце. 038 ZEC 012 011 В день он возвеличится плачевопльствие во Иерусалиме, яко плачевопльствие Ададримона на поли Магедоне. 038 ZEC 012 012 И восплачется земля по племеном племеном: колено о себе, и жены их о себе: колено дому Давидова о себе и жены их о себе: 038 ZEC 012 013 колено дому Нафанова о себе, и жены их о себе: колено дому Левиина о себе, и жены их и себе: колено Симеоне о себе, и жены их о себе: 038 ZEC 012 014 вся прочая колена, колено и колено о себе, и жены их о себе. 038 ZEC 013 001 В день он будет всяко место отверзаемо дому Давидову и живущым во Иерусалиме в предвижение и разделение. 038 ZEC 013 002 И будет в день он, глаголет Господь Саваоф, потреблю имена идолов от земли, и ктому не будет их памяти: и лживыя пророки и духа нечистаго изму от земли. 038 ZEC 013 003 И будет, аще проречет человек еще, и речет к нему отец его и мати его, рождшии его, внегда пророчествовати ему: не жив будеши, яко лжу глаголал еси во имя Господне: и запнут ему отец его и мати его, родившии его, егда пророчествовати начнет. 038 ZEC 013 004 И будет в день он, постыдятся пророцы, кийждо от видения своего, внегда пророчествовати ему, и облекутся в кожу власяную, зане солгаша. 038 ZEC 013 005 И речет: несмь пророк аз, яко человек делаяй землю аз есмь, зане человек роди мя от юности моея. 038 ZEC 013 006 И реку к нему: что язвы сия посреде руку твоею? И речет: имиже уязвлен бых в дому возлюбленнаго моего. 038 ZEC 013 007 Мечу, востани на пастыря Моего и на мужа гражданина Моего, глаголет Господь Вседержитель: порази пастыря, и расточатся овцы стада: и наведу руку Мою на (малыя) пастыри. 038 ZEC 013 008 И будет в день он на всей земли, глаголет Господь, две части ея потребятся и изчезнут, а третия останется на ней: 038 ZEC 013 009 и проведу третию часть сквозе огнь, и разжгу я, якоже разжизается сребро, и искушу я, якоже искушается злато: той призовет имя Мое, и Аз услышу его и реку: людие Мои сии суть. И тии рекут: Господь Бог мой. 038 ZEC 014 001 Се, дние Господни грядут, и разделятся корысти твоя в тебе: 038 ZEC 014 002 и соберу вся языки на Иерусалим в брань, и пленится град, и расхитятся домове, и жены осквернятся: и изыдет пол града в пленение, а останок людий Моих не потребятся от града. 038 ZEC 014 003 И изыдет Господь и ополчится на языки оны, якоже день ополчения его в день брани. 038 ZEC 014 004 И станут нозе Его в день он на горе Елеонстей, яже есть прямо Иерусалиму на восток: и разделится гора Елеонская, пол ея к востоком и пол ея к морю, пропасть велия зело: и уклонится пол горы на север и пол ея на юг: 038 ZEC 014 005 и засыплется дебрь гор Моих, и прильпнет дебрь горняя даже до Асаила и наполнится, якоже наполнися от лица труса во днех Озии царя Иудова: и приидет Господь Бог мой, и вси святии с Ним. 038 ZEC 014 006 И будет в день он, не будет свет, но зима и мраз: 038 ZEC 014 007 и будет день един, и день той знаемь будет Господеви, и не день и не нощь, и при вечере будет свет. 038 ZEC 014 008 И в день он изыдет вода жива из Иерусалима, пол ея в море первое и пол ея в море последнее: и в жатву и в весну будет тако. 038 ZEC 014 009 И будет Господь в Царя по всей земли: в день он будет Господь един, и имя Его едино, 038 ZEC 014 010 обходя всю землю и пустыню, от Гаваи и до Реммона, на юг Иерусалиму: и вознесется на месте и пребудет от врат Вениаминих до места врат первых, даже до врат уголных и до столпа Анамеиля и до подточилия царева. 038 ZEC 014 011 И вселятся в нем, и анафема не будет ктому, и вселится Иерусалим надеяйся. 038 ZEC 014 012 И сие будет падение, имже изсечет Господь вся люди, елицы воеваша на Иерусалим: истают плоти их стоящих на ногах своих, и очеса им истекут из обочий их, и язык их истает во устех их. 038 ZEC 014 013 И будет в день он ужас Господень велий на них: и имутся кийждо за руку ближняго своего, и соплетется рука его к руце ближняго своего. 038 ZEC 014 014 И Иуда ополчится во Иерусалиме и соберет крепость всех людий окрест, злато и сребро и ризы во множество зело. 038 ZEC 014 015 И сие будет падение конем и мском, и велблюдом и ослом, и всем скотом сущым в полцех онех, по падению сему. 038 ZEC 014 016 И будет, елицы аще останутся от всех язык пришедших на Иерусалим, и взыдут на всякое лето покланятися Царю Господу Вседержителю и праздновати праздник скинопигии. 038 ZEC 014 017 И будет, елицы аще не взыдут от всех племен земли во Иерусалим поклонитися Царю Господу Вседержителю, и сии онем приложатся, не будет на них дождя. 038 ZEC 014 018 Аще же колено Египетское не взыдет, ни приидет, и на сих будет язва, еюже поразит Господь вся языки, елицы аще не взыдут, еже праздновати праздник скинопигии. 038 ZEC 014 019 Сей будет грех Египту и грех всем языком, елицы аще не взыдут, еже праздновати праздник скинопигии. 038 ZEC 014 020 В день он будет еже во узде коня, свято Господу Вседержителю: и будут коноби в дому Господни яко чашы пред лицем олтаря, 038 ZEC 014 021 и будет всяк коноб во Иерусалиме и во Иуде свят Господеви Вседержителю: и приидут вси жрущии и приимут от них и сварят в них, и не будет Хананей ктому во храме Господа Вседержителя в день он. # # BOOK 039 MAL Malachi Книга пророка Малахии 039 MAL 001 001 Пророчество словесе Господня на Израиля рукою ангела Его: положите убо на сердцах ваших. 039 MAL 001 002 Возлюбих вы, глаголет Господь. И ресте: о чем возлюбил еси ны? Не брат ли бе Исав Иакову? Глаголет Господь: и возлюбих Иакова, Исава же возненавидех, 039 MAL 001 003 и учиних пределы его во изчезновение и достояние его в нырища пустынна. 039 MAL 001 004 Зане аще речет: Идумеа разорися, и обратимся и возсозиждем опустевшая ея: сице глаголет Господь Вседержитель: тии созиждут, и Аз разорю, и нарекутся им пределе беззакония, и людие, на няже ополчися Господь до века. 039 MAL 001 005 И очеса ваша увидят, и вы речете: возвеличися Господь превыше предел Израилевых. 039 MAL 001 006 Сын славит отца, и раб господина своего убоится: и аще Отец есмь Аз, то где слава Моя? И аще Господь есмь Аз, то где есть страх Мой? Глаголет Господь Вседержитель. Вы священницы презирающии имя Мое. И ресте: о чесом презрехом имя Твое? 039 MAL 001 007 Приносяще ко олтареви Моему хлебы скверны. И ресте: о чесом осквернихом я? Внегда глаголати вам: трапеза Господня осквернена есть: и возложенная брашна уничижили есте. 039 MAL 001 008 Зане аще приведете слепо на жертву, не зло ли? И аще приведете хромо или недужно, то не зло ли? Приведи е князю твоему, еда приимет е? Еда приимет лице твое? Глаголет Господь Вседержитель. 039 MAL 001 009 И ныне умилостивите лице Бога вашего и помолитеся Ему, (да помилует вы). В руках ваших быша сия, аще прииму от вас лица ваша? Глаголет Господь Вседержитель. 039 MAL 001 010 Зане и в вас затворятся двери, и не возгнетите огня олтареви Моему туне: несть воля Моя в вас, глаголет Господь Вседержитель, и жертвы не прииму от рук ваших. 039 MAL 001 011 Зане от восток солнца и до запад имя Мое прославися во языцех, и на всяцем месте фимиам приносится имени Моему и жертва чиста: зане велие имя Мое во языцех, глаголет Господь Вседержитель. 039 MAL 001 012 Вы же скверните е глаголюще: трапеза Господня осквернена есть, и возлагаемая брашна его уничтожена быша. 039 MAL 001 013 И ресте: сия от злострадания суть. И отдунух я, глаголет Господь Вседержитель. И внесосте хищения и хромая и недужная, и приведете я на жертву, еда прииму их от рук ваших? Глаголет Господь Вседержитель. 039 MAL 001 014 И проклят, иже бе силен, и бе ему в стаде его мужеск пол, и обет его на нем, и жрет растленное Господеви: зане Царь велий Аз есмь, глаголет Господь Вседержитель, и имя Мое светло во языцех. 039 MAL 002 001 И ныне заповедь сия к вам, священницы: 039 MAL 002 002 аще не услышите и аще не положите на сердцах ваших, еже дати славу имени Моему, глаголет Господь Вседержитель, то послю на вы клятву и проклену благословение ваше и оклену е: и разорю благословение ваше, и не будет в вас, зане вы не влагаете в сердца ваша. 039 MAL 002 003 Се, Аз отлучу вам рамо, и раскидаю требухи на лица ваша, требухи праздников ваших, и прииму вы вкупе: 039 MAL 002 004 и уразумеете, яко Аз Господь послах к вам заповедь сию, еже быти завету Моему к Левитом, глаголет Господь Вседержитель. 039 MAL 002 005 Завет Мой бе с ним жизни и мира, и дах ему боязнию боятися Мене и от лица имене Моего устрашатися ему. 039 MAL 002 006 Закон истины бе во устех его, и неправда не обретеся во устнах его: в мире исправляяй иде со Мною и многи обрати от неправды. 039 MAL 002 007 Понеже устне иереовы сохранят разум, и закона взыщут от уст его: яко ангел Господа Вседержителя есть. 039 MAL 002 008 Вы же уклонистеся от пути и изнемоществисте многих в законе, растлисте завет Левиин, глаголет Господь Вседержитель. 039 MAL 002 009 И Аз дах вы уничижены и отвержены во вся языки, зане вы не сохранисте путий Моих, но лиц обинустеся в законе. 039 MAL 002 010 Не Отец ли един всем вам? Не Бог ли един созда вас? Что яко остависте кийждо брата своего, осквернити завет отец ваших? 039 MAL 002 011 Оставлен бысть Иуда, и мерзость бысть во Израили и во Иерусалиме: зане оскверни Иуда святая Господня, яже возлюби, и прейде к богом чуждим. 039 MAL 002 012 Потребит Господь человека творящаго сия, дондеже смирится от селений Иаковлих и от приносящих жертву Господу Вседержителю. 039 MAL 002 013 И сия, яже ненавидех, твористе: покрывасте слезами олтарь Господень, и плачем и воздыханием от трудов: еще ли достойно призрети на жертву (вашу), или прияти приятно из рук ваших? 039 MAL 002 014 И ресте: чесо ради? Яко Господь засвидетелствова между тобою и между женою юности твоея, юже оставил еси, и та общница твоя и жена завета твоего: 039 MAL 002 015 и не добро ли сотвори, и останок духа его? И ресте: что ино кроме семене ищет Бог? И сохраните духом вашим и жены юности твоея да не оставиши: 039 MAL 002 016 но аще возненавидев отпустиши ю, глаголет Господь Бог Израилев, и покрыет нечестие помышления твоя, глаголет Господь Вседержитель: и сохраните духом вашим и не оставите. 039 MAL 002 017 Прогневляющии Бога словесы вашими, и ресте: о чесом прогневахом Его? Зане ресте: всяк творяй зло добр пред Господем, и в них Сам благоволи: и где есть Бог правды? 039 MAL 003 001 Се, Аз посылаю Ангела Моего, и призрит на путь пред лицем Моим: и внезапу приидет в церковь Свою Господь, Егоже вы ищете, и Ангел завета, Егоже вы хощете: се, грядет, глаголет Господь Вседержитель. 039 MAL 003 002 И кто стерпит день пришествия Его? И кто постоит в видении Его? Зане Той входит яко огнь горнила и яко мыло перущих. 039 MAL 003 003 И сядет разваряя и очищая яко сребро и яко злато, и очистит сыны Левиины, и прелиет я яко злато и яко сребро: и будут Господеви приносяще жертву в правде. 039 MAL 003 004 И угодна будет Господеви жертва Иудова и Иерусалимля, якоже дние века и якоже лета преждняя. 039 MAL 003 005 И прииду к вам с судом, и буду свидетель скор на чародеи и на прелюбодейцы, и на кленущыяся именем Моим во лжу и на лишающыя мзды наемника, и на насильствующыя вдовиц и пхающыя сирыя, и на укланяющыя суд пришелца и на небоящыяся Мене, глаголет Господь Вседержитель: 039 MAL 003 006 зане Аз Господь Бог ваш, и не изменяюся, и вы сынове Иаковли не удаляетеся от грех отец ваших. 039 MAL 003 007 Уклонистеся от законов Моих и не сохранисте: обратитеся ко Мне, и обращуся к вам, глаголет Господь Вседержитель. И ресте: в чесом обратимся? 039 MAL 003 008 Еда обольстит человек Бога? Зане вы обольщаете Мя. И ресте: в чесом обольстихом Тя? Яко десятины и начатцы с вами суть. 039 MAL 003 009 И взирающе вы взираете, и Мене вы обольщаете. 039 MAL 003 010 Лето скончася, и внесосте вся плоды в сокровища, и будет расхищение Его в дому Его: обратитеся убо о сем, глаголет Господь Вседержитель: аще не отверзу вам хлябий небесных и излию вам благословение Мое, дондеже удовлитеся: 039 MAL 003 011 и разделю вам в брашно, и не имам истлити вам плодов земных, и не изнеможет ваш виноград на селе, глаголет Господь Вседержитель: 039 MAL 003 012 и ублажат вы вси языцы, зане будете вы земля пожеланная, глаголет Господь Вседержитель. 039 MAL 003 013 Отяготисте на Мя словеса ваша, глаголет Господь (Вседержитель). И ресте: о чем клеветахом на Тя? 039 MAL 003 014 Ресте: суетен работаяй Богу, и что более, яко сохранихом хранения Его и яко идохом молитвенницы пред лицем Господа Вседержителя? 039 MAL 003 015 И ныне мы блажим чуждих, и созидаются вси творящии беззаконная, сопротивишася Богови и спасошася. 039 MAL 003 016 Сия рекоша боящиися Господа, кийждо ко искреннему своему: и внят Господь, и услыша, и написа книгу памяти пред Собою боящымся Господа и благоговеющым имя Его. 039 MAL 003 017 И будут Ми, глаголет Господь Вседержитель, в день, егоже Аз творю в снабдение, и изберу я, имже образом избирает человек сына своего (добре) работающа ему. 039 MAL 003 018 И обратитеся и увидите между праведным и между беззаконным, и между служащим Богови и не служащим Ему. 039 MAL 004 001 Яко се, день грядет горящь яко пещь и попалит я, и будут вси иноплеменницы и вси творящии беззаконная яко стеблие: и возжжет я день Господень грядый, глаголет Господь Вседержитель, и не останется от них корень ниже ветвь. 039 MAL 004 002 И возсияет вам боящымся имене Моего Солнце правды и изцеление в крилех Его: и изыдете и взыграете, якоже телцы от уз разрешени: 039 MAL 004 003 и поперете беззаконники, и будут пепел под ногами вашими в день, в оньже Аз сотворю, глаголет Господь Вседержитель. 039 MAL 004 004 Помяните закон Моисеа раба Моего, якоже повелех ему в Хориве ко всему Израилю повеления и оправдания. 039 MAL 004 005 И се, Аз послю вам Илию Фесвитянина, прежде пришествия дне Господня великаго и просвещеннаго, 039 MAL 004 006 иже устроит сердце отца к сыну и сердце человека ко искреннему его, да не пришед поражу землю в конец. # # BOOK 040 MAT Matthew От Матфея святое благовествование 040 MAT 001 001 Книга родства Иисуса Христа, Сына Давидова, Сына Авраамля. 040 MAT 001 002 Авраам роди Исаака. Исаак же роди Иакова. Иаков же роди Иуду и братию его. 040 MAT 001 003 Иуда же роди Фареса и Зару от Фамары. Фарес же роди Есрома. Есром же роди Арама. 040 MAT 001 004 Арам же роди Аминадава. Аминадав же роди Наассона. Наассон же роди Салмона. 040 MAT 001 005 Салмон же роди Вооза от Рахавы. Вооз же роди Овида от Руфы. Овид же роди Иессеа. 040 MAT 001 006 Иессей же роди Давида царя. Давид же царь роди Соломона от Уриины. 040 MAT 001 007 Соломон же роди Ровоама. Ровоам же роди Авию. Авиа же роди Асу. 040 MAT 001 008 Аса же роди Иосафата. Иосафат же роди Иорама. Иорам же роди Озию. 040 MAT 001 009 Озиа же роди Иоафама. Иоафам же роди Ахаза. Ахаз же роди Езекию. 040 MAT 001 010 Езекиа же роди Манассию. Манассиа же роди Амона. Амон же роди Иосию. 040 MAT 001 011 Иосиа же роди Иехонию и братию его, в преселение Вавилонское (в некиих греч.: Иосиа же роди Иоакима и братию его. Иоаким же роди Иехонию в преселение Вавилонское.). 040 MAT 001 012 По преселении же Вавилонстем, Иехониа роди Салафииля. Салафииль же роди Зоровавеля. 040 MAT 001 013 Зоровавель же роди Авиуда. Авиуд же роди Елиакима. Елиаким же роди Азора. 040 MAT 001 014 Азор же роди Садока. Садок же роди Ахима. Ахим же роди Елиуда. 040 MAT 001 015 Елиуд же роди Елеазара. Елеазар же роди Матфана. Матфан же роди Иакова. 040 MAT 001 016 Иаков же роди Иосифа, мужа Мариина, из Неяже родися Иисус, глаголемый Христос. 040 MAT 001 017 Всех же родов от Авраама до Давида родове четыренадесяте: и от Давида до преселения Вавилонскаго родове четыренадесяте: и от преселения Вавилонскаго до Христа родове четыренадесяте. 040 MAT 001 018 Иисус Христово Рождество сице бе: обрученней бо бывши Матери Его Марии Иосифови, прежде даже не снитися има, обретеся имущи во чреве от Духа Свята. 040 MAT 001 019 Иосиф же муж Ея, праведен сый и не хотя Ея обличити, восхоте тай пустити Ю. 040 MAT 001 020 Сия же ему помыслившу, се, Ангел Господень во сне явися ему, глаголя: Иосифе, сыне Давидов, не убойся прияти Мариам жены твоея: рождшеебося в Ней, от Духа есть Свята: 040 MAT 001 021 родит же Сына, и наречеши имя Ему Иисус: Той бо спасет люди Своя от грех их. 040 MAT 001 022 Сие же все бысть, да сбудется реченное от Господа пророком, глаголющим: 040 MAT 001 023 се, Дева во чреве приимет и родит Сына, и нарекут имя Ему Еммануил, еже есть сказаемо: с нами Бог. 040 MAT 001 024 Востав же Иосиф от сна, сотвори якоже повеле ему Ангел Господень, и прият жену свою, 040 MAT 001 025 и не знаяше Ея, дондеже роди Сына Своего первенца, и нарече имя Ему Иисус. 040 MAT 002 001 Иисусу же рождшуся в Вифлееме Иудейстем во дни Ирода царя, се, волсви от восток приидоша во Иерусалим, глаголюще: 040 MAT 002 002 где есть рождейся Царь Иудейский? Видехом бо звезду Его на востоце и приидохом поклонитися Ему. 040 MAT 002 003 Слышав же Ирод царь смутися, и весь Иерусалим с ним. 040 MAT 002 004 И собрав вся первосвященники и книжники людския, вопрошаше от них: где Христос раждается? 040 MAT 002 005 Они же рекоша ему: в Вифлееме Иудейстем, тако бо писано есть пророком: 040 MAT 002 006 и ты, Вифлееме, земле Иудова, ни чимже менши еси во владыках Иудовых: из тебе бо изыдет Вождь, Иже упасет люди Моя Израиля. 040 MAT 002 007 Тогда Ирод тай призва волхвы, и испытоваше от них время явльшияся звезды, 040 MAT 002 008 и послав их в Вифлеем, рече: шедше испытайте известно о Отрочати: егда же обрящете, возвестите ми, яко да и аз шед поклонюся Ему. 040 MAT 002 009 Они же послушавше царя, идоша. И се, звезда, юже видеша на востоце, идяше пред ними, дондеже пришедши ста верху, идеже бе Отроча. 040 MAT 002 010 Видевше же звезду, возрадовашася радостию велиею зело, 040 MAT 002 011 и пришедше в храмину, видеша Отроча с Мариею Материю Его, и падше поклонишася Ему: и отверзше сокровища своя, принесоша Ему дары, злато и ливан и смирну. 040 MAT 002 012 И весть приемше во сне не возвратитися ко Ироду, иным путем отидоша во страну свою. 040 MAT 002 013 Отшедшым же им, се, Ангел Господень во сне явися Иосифу, глаголя: востав поими Отроча и Матерь Его, и бежи во Египет, и буди тамо, дондеже реку ти: хощет бо Ирод искати Отрочате, да погубит Е. 040 MAT 002 014 Он же востав, поят Отроча и Матерь Его нощию, и отиде во Египет, 040 MAT 002 015 и бе тамо до умертвия Иродова: да сбудется реченное от Господа пророком, глаголющим: от Египта воззвах Сына Моего. 040 MAT 002 016 Тогда Ирод видев, яко поруган бысть от волхвов, разгневася зело и послав изби вся дети сущыя в Вифлееме и во всех пределех его, от двою лету и нижайше, по времени, еже известно испыта от волхвов. 040 MAT 002 017 Тогда сбыстся реченное Иеремием пророком, глаголющим: 040 MAT 002 018 глас в Раме слышан бысть, плачь и рыдание и вопль мног: Рахиль плачущися чад своих, и не хотяше утешитися, яко не суть. 040 MAT 002 019 Умершу же Ироду, се, Ангел Господень во сне явися Иосифу во Египте, 040 MAT 002 020 глаголя: востав поими Отроча и Матерь Его И иди в землю Израилеву, изомроша бо ищущии души Отрочате. 040 MAT 002 021 Он же востав, поят Отроча и Матерь Его и прииде в землю Израилеву. 040 MAT 002 022 Слышав же, яко Архелай царствует во Иудеи вместо Ирода отца своего, убояся тамо ити: весть же приемь во сне, отиде в пределы Галилейския 040 MAT 002 023 и пришед вселися во граде нарицаемем Назарет: яко да сбудется реченное пророки, яко Назорей наречется. 040 MAT 003 001 Во дни же оны прииде Иоанн Креститель, проповедая в пустыни Иудейстей 040 MAT 003 002 и глаголя: покайтеся, приближибося Царствие Небесное. 040 MAT 003 003 Сей бо есть реченный Исаием пророком, глаголющим: глас вопиющаго в пустыни: уготовайте путь Господень, правы творите стези Его. 040 MAT 003 004 Сам же Иоанн имяше ризу свою от влас велблуждь и пояс усмен о чреслех своих: снедь же его бе пружие и мед дивий. 040 MAT 003 005 Тогда исхождаше к нему Иерусалима, и вся Иудеа, и вся страна Иорданская, 040 MAT 003 006 и крещахуся во Иордане от него, исповедающе грехи своя. 040 MAT 003 007 Видев же (Иоанн) многи фарисеи и саддукеи грядущыя на крещение его, рече им: рождения ехиднова, кто сказа вам бежати от будущаго гнева? 040 MAT 003 008 Сотворите убо плод достоин покаяния, 040 MAT 003 009 и не начинайте глаголати в себе: отца имамы Авраама: глаголю бо вам, яко может Бог от камения сего воздвигнути чада Аврааму: 040 MAT 003 010 уже бо и секира при корени древа лежит: всяко убо древо, еже не творит плода добра, посекаемо бывает и во огнь вметаемо: 040 MAT 003 011 аз убо крещаю вы водою в покаяние: Грядый же по мне креплий мене есть, Емуже несмь достоин сапоги понести: Той вы крестит Духом Святым и огнем: 040 MAT 003 012 емуже лопата в руце Его, и отребит гумно Свое, и соберет пшеницу Свою в житницу, плевы же сожжет огнем негасающим. 040 MAT 003 013 Тогда приходит Иисус от Галилеи на Иордан ко Иоанну креститися от него. 040 MAT 003 014 Иоанн же возбраняше Ему, глаголя: аз требую Тобою креститися, и Ты ли грядеши ко мне? 040 MAT 003 015 Отвещав же Иисус рече к нему: остави ныне: тако бо подобает нам исполнити всяку правду. Тогда остави Его. 040 MAT 003 016 И крестився Иисус взыде абие от воды: и се, отверзошася Ему небеса, и виде Духа Божия сходяща яко голубя и грядуща на Него. 040 MAT 003 017 И се, глас с небесе глаголя: Сей есть Сын Мой возлюбленный, о Немже благоволих. 040 MAT 004 001 Тогда Иисус возведен бысть Духом в пустыню искуситися от диавола, 040 MAT 004 002 и постився дний четыредесять и нощий четыредесять, последи взалка. 040 MAT 004 003 И приступль к Нему искуситель рече: аще Сын еси Божий, рцы, да камение сие хлебы будут. 040 MAT 004 004 Он же отвещав рече: писано есть: не о хлебе единем жив будет человек, но о всяцем глаголголе исходящем изо уст Божиих. 040 MAT 004 005 Тогда поят Его диавол во святый град, и постави Его на криле церковнем, 040 MAT 004 006 и глагола Ему: аще Сын еси Божий, верзися низу: писано бо есть, яко Ангелом Своим заповесть о Тебе (сохранити Тя), и на руках возмут Тя, да не когда преткнеши о камень ногу Твою. 040 MAT 004 007 Рече (же) ему Иисус: паки писано есть: не искусиши Господа Бога твоего. 040 MAT 004 008 Паки поят Его диавол на гору высоку зело, и показа Ему вся царствия мира и славу их, 040 MAT 004 009 и глагола Ему: сия вся Тебе дам, аще пад поклонишимися. 040 MAT 004 010 Тогда глагола ему Иисус: иди за Мною, сатано: писано бо есть: Господу Богу твоему поклонишися и Тому единому послужиши. 040 MAT 004 011 Тогда остави Его диавол, и се, Ангели приступиша и служаху Ему. 040 MAT 004 012 Слышав же Иисус, яко Иоанн предан бысть, отиде в Галилею, 040 MAT 004 013 и оставль Назарет, пришед вселися в Капернаум в поморие, в пределех Завулоних и Неффалимлих: 040 MAT 004 014 да сбудется реченное Исаием пророком, глаголющим: 040 MAT 004 015 земля Завулоня и земля Неффалимля, путь моря об он пол Иордана, Галилеа язык, 040 MAT 004 016 людие седящии во тме видеша свет велий, и седящым в стране и сени смертней, свет возсия им. 040 MAT 004 017 Оттоле начат Иисус проповедати и глаголати: покайтеся, приближися бо Царство Небесное. 040 MAT 004 018 Ходя же при мори Галилейстем, виде два брата, Симона глаголемаго Петра, и Андреа брата его, вметающа мрежи в море, беста бо рыбаря: 040 MAT 004 019 и глагола има: грядита по Мне, и сотворю вы ловца человеком. 040 MAT 004 020 Она же абие оставльша мрежи, по Нем идоста. 040 MAT 004 021 И прешед оттуду, виде ина два брата, Иакова Зеведеева, и Иоанна брата его, в корабли с Зеведеом отцем ею, завязующа мрежи своя, и воззва я. 040 MAT 004 022 Она же абие оставльша корабль и отца своего, по Нем идоста. 040 MAT 004 023 И прохождаше всю Галилею Иисус, учя на сонмищих их и проповедая Евангелие Царствия, изцеляя всяк недуг и всяку язю в людех. 040 MAT 004 024 И изыде слух Его по всей Сирии: и приведоша к Нему вся болящыя, различными недуги и страстьми одержимы, и бесны, и месячныя, и разслабленныя (жилами): и изцели их. 040 MAT 004 025 И по Нем идоша народи мнози от Галилеи и десяти град, и от Иерусалима и Иудеи, и со онаго полу Иордана. 040 MAT 005 001 Узрев же народы, взыде на гору: и седшу Ему, приступиша к Нему ученицы Его. 040 MAT 005 002 И отверз уста Своя, учаше их, глаголя: 040 MAT 005 003 блажени нищии духом: яко тех есть Царствие Небесное. 040 MAT 005 004 Блажени плачущии: яко тии утешатся. 040 MAT 005 005 Блажени кротцыи: яко тии наследят землю. 040 MAT 005 006 Блажени алчущии и жаждущии правды: яко тии насытятся. 040 MAT 005 007 Блажени милостивии: яко тии помиловани будут. 040 MAT 005 008 Блажени честии сердцем: яко тии Бога узрят. 040 MAT 005 009 Блажени миротворцы: яко тии сынове Божии нарекутся. 040 MAT 005 010 Блажени изгнани правды ради: яко тех есть Царствие Небесное. 040 MAT 005 011 Блажени есте, егда поносят вам, и ижденут, и рекут всяк зол глагол на вы лжуще, Мене ради: 040 MAT 005 012 радуйтеся и веселитеся, яко мзда ваша многа на небесех: тако бо изгнаша пророки, иже (беша) прежде вас. 040 MAT 005 013 Вы есте соль земли: аще же соль обуяет, чим осолится? Ни во чтоже будет ктому, точию да изсыпана будет вон и попираема человеки. 040 MAT 005 014 Вы есте свет мира: не может град укрытися верху горы стоя: 040 MAT 005 015 ниже вжигают светилника и поставляют его под спудом, но на свещнице, и светит всем, иже в храмине (суть). 040 MAT 005 016 Тако да просветится свет ваш пред человеки, яко да видят ваша добрая дела и прославят Отца вашего, Иже на небесех. 040 MAT 005 017 (Да) не мните, яко приидох разорити закон, или пророки: не приидох разорити, но исполнити. 040 MAT 005 018 Аминь бо глаголю вам: дондеже прейдет небо и земля, иота едина, или едина черта не прейдет от закона, дондеже вся будут. 040 MAT 005 019 Иже аще разорит едину заповедий сих малых и научит тако человеки, мний наречется в Царствии Небеснем: а иже сотворит и научит, сей велий наречется в Царствии Небеснем. 040 MAT 005 020 Глаголю бо вам, яко аще не избудет правда ваша паче книжник и фарисей, не внидете в Царствие Небесное. 040 MAT 005 021 Слышасте, яко речено бысть древним: не убиеши: иже (бо) аще убиет, повинен есть суду. 040 MAT 005 022 Аз же глаголю вам, яко всяк гневаяйся на брата своего всуе повинен есть суду: иже бо аще речет брату своему: рака, повинен есть сонмищу: а иже речет: уроде, повинен есть геенне огненней. 040 MAT 005 023 Аще убо принесеши дар твой ко олтарю и ту помянеши, яко брат твой имать нечто на тя: 040 MAT 005 024 остави ту дар твой пред олтарем и шед прежде смирися с братом твоим, и тогда пришед принеси дар твой. 040 MAT 005 025 Буди увещаваяся с соперником твоим скоро, дондеже еси на пути с ним, да не предаст тебе соперник судии, и судия тя предаст слузе, и в темницу ввержен будеши: 040 MAT 005 026 аминь глаголю тебе: не изыдеши оттуду, дондеже воздаси последний кодрант. 040 MAT 005 027 Слышасте, яко речено бысть древним: не прелюбы сотвориши. 040 MAT 005 028 Аз же глаголю вам, яко всяк, иже воззрит на жену ко еже вожделети ея, уже любодействова с нею в сердцы своем: 040 MAT 005 029 аще же око твое десное соблажняет тя, изми е и верзи от себе: уне бо ти есть, да погибнет един от уд твоих, а не все тело твое ввержено будет в геенну (огненную): 040 MAT 005 030 и аще десная твоя рука соблажняет тя, усецы ю и верзи от себе: уне бо ти есть, да погибнет един от уд твоих, а не все тело твое ввержено будет в геенну. 040 MAT 005 031 Речено же бысть, яко иже аще пустит жену свою, да даст ей книгу распустную. 040 MAT 005 032 Аз же глаголю вам, яко всяк отпущаяй жену свою, разве словесе любодейнаго, творит ю прелюбодействовати: и иже пущеницу поймет, прелюбодействует. 040 MAT 005 033 Паки слышасте, яко речено бысть древним: не во лжу кленешися, воздаси же Господеви клятвы твоя. 040 MAT 005 034 Аз же глаголю вам не клятися всяко: ни небом, яко престол есть Божий: 040 MAT 005 035 ни землею, яко подножие есть ногама Его: ни Иерусалимом, яко град есть великаго Царя: 040 MAT 005 036 ниже главою твоею кленися, яко не можеши власа единаго бела или черна сотворити: 040 MAT 005 037 буди же слово ваше: ей, ей: ни, ни: лишше же сею от неприязни есть. 040 MAT 005 038 Слышасте, яко речено бысть: око за око, и зуб за зуб. 040 MAT 005 039 Аз же глаголю вам не противитися злу: но аще тя кто ударит в десную твою ланиту, обрати ему и другую: 040 MAT 005 040 и хотящему судитися с тобою и ризу твою взяти, отпусти ему и срачицу: 040 MAT 005 041 и аще кто тя поймет по силе поприще едино, иди с ним два. 040 MAT 005 042 Просящему у тебе дай, и хотящаго от тебе заяти не отврати. 040 MAT 005 043 Слышасте, яко речено есть: возлюбиши искренняго твоего и возненавидиши врага твоего. 040 MAT 005 044 Аз же глаголю вам: любите враги вашя, благословите кленущыя вы, добро творите ненавидящым вас, и молитеся за творящих вам напасть и изгонящыя вы, 040 MAT 005 045 яко да будете сынове Отца вашего, Иже есть на небесех: яко солнце Свое сияет на злыя и благия и дождит на праведныя и на неправедныя. 040 MAT 005 046 Аще бо любите любящих вас, кую мзду имате? Не и мытари ли тожде творят? 040 MAT 005 047 И аще целуете други вашя токмо, что лишше творите? Не и язычницы ли такожде творят? 040 MAT 005 048 Будите убо вы совершени, якоже Отец ваш Небесный совершен есть. 040 MAT 006 001 Внемлите милостыни вашея не творити пред человеки, да видими будете ими: аще ли же ни, мзды не имате от Отца вашего, Иже есть на небесех. 040 MAT 006 002 Егда убо твориши милостыню, не воструби пред собою, якоже лицемери творят в сонмищих и в стогнах, яко да прославятся от человек. Аминь глаголю вам, восприемлют мзду свою. 040 MAT 006 003 Тебе же творящу милостыню, да не увесть шуйца твоя, что творит десница твоя, 040 MAT 006 004 яко да будет милостыня твоя в тайне: и Отец твой, видяй в тайне, той воздаст тебе яве. 040 MAT 006 005 И егда молишися, не буди якоже лицемери, яко любят в сонмищих и в стогнах путий стояще молитися, яко да явятся человеком. Аминь глаголю вам, яко восприемлют мзду свою. 040 MAT 006 006 Ты же, егда молишися, вниди в клеть твою, и затворив двери твоя, помолися Отцу твоему, Иже в тайне: и Отец твой, видяй в тайне, воздаст тебе яве. 040 MAT 006 007 Молящеся же не лишше глаголите, якоже язычницы: мнят бо, яко во многоглаголании своем услышани будут: 040 MAT 006 008 не подобитеся убо им: весть бо Отец ваш, ихже требуете, прежде прошения вашего. 040 MAT 006 009 Сице убо молитеся вы: Отче наш, иже еси на небесех, да святится имя Твое: 040 MAT 006 010 да приидет Царствие Твое: да будет воля Твоя, яко на небеси, и на земли: 040 MAT 006 011 хлеб наш насущный даждь нам днесь: 040 MAT 006 012 и остави нам долги нашя, яко и мы оставляем должником нашым: 040 MAT 006 013 и не введи нас в напасть, но избави нас от лукаваго: яко Твое есть Царствие и сила и слава во веки. Аминь. 040 MAT 006 014 Аще бо отпущаете человеком согрешения их, отпустит и вам Отец ваш Небесный: 040 MAT 006 015 аще ли не отпущаете человеком согрешения их, ни Отец ваш отпустит вам согрешений ваших. 040 MAT 006 016 Егда же поститеся, не будите якоже лицемери сетующе: помрачают бо лица своя, яко да явятся человеком постящеся. Аминь глаголю вам, яко восприемлют мзду свою. 040 MAT 006 017 Ты же постяся помажи главу твою, и лице твое умый, 040 MAT 006 018 яко да не явишися человеком постяся, но Отцу твоему, Иже в тайне: и Отец твой, видяй в тайне, воздаст тебе яве. 040 MAT 006 019 Не скрывайте себе сокровищ на земли, идеже червь и тля тлит, и идеже татие подкопывают и крадут: 040 MAT 006 020 скрывайте же себе сокровище на небеси, идеже ни червь, ни тля тлит, и идеже татие не подкопывают, ни крадут: 040 MAT 006 021 идеже бо есть сокровище ваше, ту будет и сердце ваше. 040 MAT 006 022 Светилник телу есть око. Аще убо будет око твое просто, все тело твое светло будет: 040 MAT 006 023 аще ли око твое лукаво будет, все тело твое темно будет. Аще убо свет, иже в тебе, тма есть, то тма кольми? 040 MAT 006 024 Никтоже может двема господинома работати: любо единаго возлюбит, а другаго возненавидит: или единаго держится, о друзем же нерадити начнет. Не можете Богу работати и мамоне. 040 MAT 006 025 Сего ради глаголю вам: не пецытеся душею вашею, что ясте, или что пиете: ни телом вашим, во что облечетеся. Не душа ли болши есть пищи, и тело одежди? 040 MAT 006 026 Воззрите на птицы небесныя, яко не сеют, ни жнут, ни собирают в житницы, и Отец ваш Небесный питает их. Не вы ли паче лучши их есте? 040 MAT 006 027 Кто же от вас пекийся может приложити возрасту своему лакоть един? 040 MAT 006 028 И о одежди что печетеся? Смотрите крин селных, како растут: не труждаются, ни прядут: 040 MAT 006 029 глаголю же вам, яко ни Соломон во всей славе своей облечеся, яко един от сих: 040 MAT 006 030 аще же сено селное, днесь суще и утре в пещь вметаемо, Бог тако одевает, не много ли паче вас, маловери? 040 MAT 006 031 Не пецытеся убо, глаголюще: что ямы, или что пием, или чим одеждемся? 040 MAT 006 032 Всех бо сих языцы ищут: весть бо Отец ваш Небесный, яко требуете сих всех. 040 MAT 006 033 Ищите же прежде Царствия Божия и правды Его, и сия вся приложатся вам. 040 MAT 006 034 Не пецытеся убо на утрей, утрений бо собою печется: довлеет дневи злоба его. 040 MAT 007 001 Не судите, да не судими будете: 040 MAT 007 002 имже бо судом судите, судят вам: и в нюже меру мерите, возмерится вам. 040 MAT 007 003 Что же видиши сучец, иже во оце брата твоего, бервна же, еже есть во оце твоем, не чуеши? 040 MAT 007 004 Или како речеши брату твоему: остави, да изму сучец из очесе твоего: и се, бервно во оце твоем? 040 MAT 007 005 Лицемере, изми первее бервно из очесе твоего, и тогда узриши изяти сучец из очесе брата твоего. 040 MAT 007 006 Не дадите святая псом, ни пометайте бисер ваших пред свиниями, да не поперут их ногами своими и вращшеся расторгнут вы. 040 MAT 007 007 Просите, и дастся вам: ищите, и обрящете: толцыте, и отверзется вам: 040 MAT 007 008 всяк бо просяй приемлет, и ищяй обретает, и толкущему отверзется. 040 MAT 007 009 Или кто есть от вас человек, егоже аще воспросит сын его хлеба, еда камень подаст ему? 040 MAT 007 010 Или аще рыбы просит, еда змию подаст ему? 040 MAT 007 011 Аще убо вы, лукави суще, умеете даяния блага даяти чадом вашым, кольми паче Отец ваш Небесный даст блага просящым у Него. 040 MAT 007 012 Вся убо, елика аще хощете, да творят вам человецы, тако и вы творите им: се бо есть закон и пророцы. 040 MAT 007 013 Внидите узкими враты: яко пространная врата и широкий путь вводяй в пагубу, и мнози суть входящии им: 040 MAT 007 014 что узкая врата, и тесный путь вводяй в живот, и мало их есть, иже обретают его. 040 MAT 007 015 Внемлите же от лживых пророк, иже приходят к вам во одеждах овчих, внутрь же суть волцы хищницы: 040 MAT 007 016 от плод их познаете их. Еда объемлют от терния грозды, или от репия смоквы? 040 MAT 007 017 Тако всяко древо доброе плоды добры творит, а злое древо плоды злы творит: 040 MAT 007 018 не может древо добро плоды злы творити, ни древо зло плоды добры творити. 040 MAT 007 019 Всяко убо древо, еже не творит плода добра, посекают е и во огнь вметают. 040 MAT 007 020 Темже убо от плод их познаете их. 040 MAT 007 021 Не всяк глаголяй Ми: Господи, Господи, внидет в Царствие Небесное: но творяй волю Отца Моего, Иже есть на небесех. 040 MAT 007 022 Мнози рекут Мне во он день: Господи, Господи, не в Твое ли имя пророчествовахом, и Твоим именем бесы изгонихом, и Твоим именем силы многи сотворихом? 040 MAT 007 023 И тогда исповем им, яко николиже знах вас: отидите от Мене, делающии беззаконие. 040 MAT 007 024 Всяк убо, иже слышит словеса Моя сия и творит я, уподоблю его мужу мудру, иже созда храмину свою на камени: 040 MAT 007 025 и сниде дождь, и приидоша реки, и возвеяша ветри, и нападоша на храмину ту: и не падеся, основана бо бе на камени. 040 MAT 007 026 И всяк слышай словеса Моя сия, и не творя их, уподобится мужу уродиву, иже созда храмину свою на песце: 040 MAT 007 027 и сниде дождь, и приидоша реки, и возвеяша ветри, и опрошася храмине той, и падеся: и бе разрушение ея велие. 040 MAT 007 028 И бысть егда сконча Иисус словеса сия, дивляхуся народи о учении Его: 040 MAT 007 029 бе бо учя их яко власть имея, и не яко книжницы (и фарисее). 040 MAT 008 001 Сшедшу же Ему с горы, вслед Его идяху народи мнози. 040 MAT 008 002 И се, прокажен пришед кланяшеся Ему, глаголя: Господи, аще хощеши, можеши мя очистити. 040 MAT 008 003 И простер руку Иисус, коснуся ему, глаголя: хощу, очистися. И абие очистися ему проказа. 040 MAT 008 004 И глагола ему Иисус: виждь, ни комуже повеждь: но шед покажися иереови и принеси дар, егоже повеле (в законе) Моисей, во свидетелство им. 040 MAT 008 005 Вшедшу же Ему в Капернаум, приступи к Нему сотник, моля Его 040 MAT 008 006 и глаголя: Господи, отрок мой лежит в дому разслаблен, люте стражда. 040 MAT 008 007 И глагола ему Иисус: Аз пришед изцелю его. 040 MAT 008 008 И отвещав сотник, рече (Ему): Господи, несмь достоин, да под кров мой внидеши: но токмо рцы слово, и изцелеет отрок мой: 040 MAT 008 009 ибо аз человек есмь под властию, имый под собою воины: и глаголю сему: иди, и идет: и другому: прииди, и приходит: и рабу моему: сотвори сие, и сотворит. 040 MAT 008 010 Слышав же Иисус, удивися, и рече грядущым по Нем: аминь глаголю вам: ни во Израили толики веры обретох. 040 MAT 008 011 Глаголю же вам, яко мнози от восток и запад приидут и возлягут со Авраамом и Исааком и Иаковом во Царствии Небеснем: 040 MAT 008 012 сынове же царствия изгнани будут во тму кромешнюю: ту будет плачь и скрежет зубом. 040 MAT 008 013 И рече Иисус сотнику: иди, и якоже веровал еси, буди тебе. И изцеле отрок его в той час. 040 MAT 008 014 И пришед Иисус в дом Петров, виде тещу его лежащу и огнем жегому, 040 MAT 008 015 и прикоснуся руце ея, и остави ю огнь: и воста и служаше ему. 040 MAT 008 016 Позде же бывшу, приведоша к Нему бесны многи: и изгна духи словом и вся болящыя изцели: 040 MAT 008 017 да сбудется реченное Исаием пророком, глаголющим: Той недуги нашя прият и болезни понесе. 040 MAT 008 018 Видев же Иисус многи народы окрест Себе, повеле (учеником) ити на он пол. 040 MAT 008 019 И приступль един книжник, рече Ему: Учителю, иду по Тебе, аможе аще идеши. 040 MAT 008 020 Глагола ему Иисус: лиси язвины имут, и птицы небесныя гнезда: Сын же Человеческий не имать где главы подклонити. 040 MAT 008 021 Другий же от ученик Его рече Ему: Господи, повели ми прежде ити и погребсти отца моего. 040 MAT 008 022 Иисус же рече ему: гряди по Мне и остави мертвых погребсти своя мертвецы. 040 MAT 008 023 И влезшу Ему в корабль, по Нем идоша ученицы Его. 040 MAT 008 024 И се, трус велик бысть в мори, якоже кораблю покрыватися волнами: Той же спаше. 040 MAT 008 025 И пришедше ученицы Его возбудиша Его, глаголюще: Господи, спаси ны, погибаем. 040 MAT 008 026 И глагола им: что страшливи есте, маловери? Тогда востав запрети ветром и морю, и бысть тишина велия. 040 MAT 008 027 Человецы же чудишася, глаголюще: кто есть Сей, яко и ветри и море послушают Его? 040 MAT 008 028 И пришедшу Ему на он пол, в страну Гергесинскую, сретоста Его два бесна от гроб исходяща, люта зело, яко не мощи ни кому минути путем тем. 040 MAT 008 029 И се, возописта глаголюща: что нама и Тебе, Иисусе Сыне Божий? Пришел еси семо прежде времене мучити нас. 040 MAT 008 030 Бяше же далече от нею стадо свиний много пасомо. 040 MAT 008 031 Беси же моляху Его, глаголюще: аще изгониши ны, повели нам ити в стадо свиное. 040 MAT 008 032 И рече им: идите. Они же изшедше идоша в стадо свиное: и се, (абие) устремися стадо все по брегу в море, и утопоша в водах. 040 MAT 008 033 Пасущии же бежаша, и шедше во град, возвестиша вся, и о бесною. 040 MAT 008 034 И се, весь град изыде в сретение Иисусови: и видевше Его, молиша, яко дабы прешел от предел их. 040 MAT 009 001 И влез в корабль, прейде и прииде во Свой град. 040 MAT 009 002 И се, принесоша Ему разслаблена (жилами), на одре лежаща: и видев Иисус веру их, рече разслабленному: дерзай, чадо, отпущаются ти греси твои. 040 MAT 009 003 И се, нецыи от книжник реша в себе: Сей хулит. 040 MAT 009 004 И видев Иисус помышления их, рече: вскую вы мыслите лукавая в сердцах своих? 040 MAT 009 005 Что бо есть удобее рещи: отпущаются ти греси: или рещи: востани и ходи? 040 MAT 009 006 Но да увесте, яко власть имать Сын Человеческий на земли отпущати грехи: тогда глагола разслабленному: востани, возми твой одр и иди в дом твой. 040 MAT 009 007 И востав, (взем одр свой, ) иде в дом свой. 040 MAT 009 008 Видевше же народи чудишася и прославиша Бога, давшаго власть таковую человеком. 040 MAT 009 009 И преходя Иисус оттуду, виде человека седяща на мытнице, Матфеа глаголема: и глагола ему: по Мне гряди. И востав по Нем иде. 040 MAT 009 010 И бысть Ему возлежащу в дому, и се, мнози мытари и грешницы пришедше возлежаху со Иисусом и со ученики Его. 040 MAT 009 011 И видевше фарисее, глаголаху учеником Его: почто с мытари и грешники Учитель ваш яст и пиет? 040 MAT 009 012 Иисус же слышав рече им: не требуют здравии врача, но болящии: 040 MAT 009 013 шедше же научитеся, что есть: милости хощу, а не жертвы? Не приидох бо призвати праведники, но грешники на покаяние. 040 MAT 009 014 Тогда приступиша к Нему ученицы Иоанновы, глаголюще: почто мы и фарисее постимся много, ученицы же Твои не постятся? 040 MAT 009 015 И рече им Иисус: еда могут сынове брачнии плакати, елико время с ними есть жених? Приидут же дние, егда отимется от них жених, и тогда постятся. 040 MAT 009 016 Никтоже бо приставляет приставления плата небелена ризе ветсе: возмет бо кончину свою от ризы, и горша дира будет. 040 MAT 009 017 Ниже вливают вина нова в мехи ветхи: аще ли же ни, то просадятся меси, и вино пролиется, и меси погибнут: но вливают вино ново в мехи новы, и обое соблюдется. 040 MAT 009 018 Сия Ему глаголющу к ним, се, князь некий пришед кланяшеся Ему, глаголя, яко дщи моя ныне умре: но пришед возложи на ню руку Твою, и оживет. 040 MAT 009 019 И востав Иисус по нем иде, и ученицы Его. 040 MAT 009 020 И се, жена кровоточива дванадесяте лет, приступльши созади, прикоснуся воскрилию ризы Его, 040 MAT 009 021 глаголаше бо в себе: аще токмо прикоснуся ризе Его, спасена буду. 040 MAT 009 022 Иисус же обращься и видев ю, рече: дерзай, дщи, вера твоя спасе тя. И спасена бысть жена от часа того. 040 MAT 009 023 И пришед Иисус в дом княжь, и видев сопцы и народ молвящь, 040 MAT 009 024 глагола им: отидите, не умре бо девица, но спит. И ругахуся Ему. 040 MAT 009 025 Егда же изгнан бысть народ, вшед ят ю за руку: и воста девица. 040 MAT 009 026 И изыде весть сия по всей земли той. 040 MAT 009 027 И преходящу оттуду Иисусови, по Нем идоста два слепца, зовуща и глаголюща: помилуй ны, (Иисусе) сыне Давидов. 040 MAT 009 028 Пришедшу же Ему в дом, приступиста к Нему слепца, и глагола има Иисус: веруета ли, яко могу сие сотворити? Глаголаста Ему: ей, Господи. 040 MAT 009 029 Тогда прикоснуся очию их, глаголя: по вере ваю буди вама. 040 MAT 009 030 И отверзостася очи има: и запрети има Иисус, глаголя: блюдита, да никтоже увесть. 040 MAT 009 031 Она же изшедша прослависта Его по всей земли той. 040 MAT 009 032 Тема же исходящема, се, приведоша к Нему человека нема беснуема. 040 MAT 009 033 И изгнану бесу, проглагола немый. И дивишася народи, глаголюще, яко николиже явися тако во Израили. 040 MAT 009 034 Фарисее же глаголаху: о князи бесовстем изгонит бесы. 040 MAT 009 035 И прохождаше Иисус грады вся и веси, учя на сонмищих их, и проповедая Евангелие Царствия, и целя всяк недуг и всяку язю в людех. 040 MAT 009 036 Видев же народы, милосердова о них, яко бяху смятени и отвержени, яко овцы не имущыя пастыря. 040 MAT 009 037 Тогда глагола учеником Своим: жатва убо многа, делателей же мало: 040 MAT 009 038 молитеся убо Господину жатвы, яко да изведет делатели на жатву Свою. 040 MAT 010 001 И призва обанадесять ученики Своя, даде им власть на дусех нечистых, яко да изгонят их, и целити всяк недуг и всяку болезнь. 040 MAT 010 002 Дванадесятих же Апостолов имена суть сия: первый Симон, иже нарицается Петр, и Андрей брат его: Иаков Зеведеев и Иоанн брат его: 040 MAT 010 003 Филипп и Варфоломей: Фома и Матфей мытарь: Иаков Алфеев и Леввей, нареченный Фаддей: 040 MAT 010 004 Симон Кананит и Иуда Искариотский, иже и предаде Его. 040 MAT 010 005 Сия обанадесять посла Иисус, заповеда им, глаголя: на путь язык не идите и во град Самарянский не внидите: 040 MAT 010 006 идите же паче ко овцам погибшым дому Израилева: 040 MAT 010 007 ходяще же проповедуйте, глаголюще, яко приближися Царствие Небесное: 040 MAT 010 008 болящыя изцеляйте, прокаженныя очищайте, мертвыя воскрешайте, бесы изгоняйте: туне приясте, туне дадите. 040 MAT 010 009 Не стяжите злата, ни сребра, ни меди при поясех ваших, 040 MAT 010 010 ни пиры в путь, ни двою ризу, ни сапог, ни жезла: достоин бо есть делатель мзды своея. 040 MAT 010 011 В оньже аще (колиждо) град или весь внидете, испытайте, кто в нем достоин есть, и ту пребудите, дондеже изыдете: 040 MAT 010 012 входяще же в дом целуйте его, глаголюще: мир дому сему: 040 MAT 010 013 и аще убо будет дом достоин, приидет мир ваш нань: аще ли же не будет достоин, мир ваш к вам возвратится. 040 MAT 010 014 И иже аще не приимет вас, ниже послушает словес ваших, исходяще из дому или из града того, оттрясите прах ног ваших: 040 MAT 010 015 аминь глаголю вам: отраднее будет земли Содомстей и Гоморрстей в день судный, неже граду тому. 040 MAT 010 016 Се, Аз посылаю вас яко овцы посреде волков: будите убо мудри яко змия, и цели яко голубие. 040 MAT 010 017 Внемлите же от человек: предадят бо вы на сонмы, и на соборищих их биют вас, 040 MAT 010 018 и пред владыки же и цари ведени будете Мене ради, во свидетелство им и языком. 040 MAT 010 019 Егда же предают вы, не пецытеся, како или что возглаголете: дастбося вам в той час, что возглаголете: 040 MAT 010 020 не вы бо будете глаголющии, но Дух Отца вашего глаголяй в вас. 040 MAT 010 021 Предаст же брат брата на смерть, и отец чадо: и востанут чада на родители и убиют их: 040 MAT 010 022 и будете ненавидими всеми имене Моего ради: претерпевый же до конца, той спасен будет. 040 MAT 010 023 Егда же гонят вы во граде сем, бегайте в другий. Аминь бо глаголю вам: не имате скончати грады Израилевы, дондеже приидет Сын Человеческий. 040 MAT 010 024 Несть ученик над учителя (своего), ниже раб над господина своего: 040 MAT 010 025 довлеет ученику, да будет яко учитель его, и раб яко господь его. Аще господина дому веельзевула нарекоша, кольми паче домашния его? 040 MAT 010 026 Не убойтеся убо их: ничтоже бо есть покровено, еже не открыется, и тайно, еже не уведено будет. 040 MAT 010 027 Еже глаголю вам во тме, рцыте во свете: и еже во ушы слышите, проповедите на кровех. 040 MAT 010 028 И не убойтеся от убивающих тело, души же не могущих убити: убойтеся же паче могущаго и душу и тело погубити в геенне. 040 MAT 010 029 Не две ли птице ценитеся единому ассарию? И ни едина от них падет на земли без Отца вашего: 040 MAT 010 030 вам же и власи главнии вси изочтени суть: 040 MAT 010 031 не убойтеся убо: мнозех птиц лучши есте вы. 040 MAT 010 032 Всяк убо иже исповесть Мя пред человеки, исповем его и Аз пред Отцем Моим, иже на небесех: 040 MAT 010 033 а иже отвержется Мене пред человеки, отвергуся его и Аз пред Отцем Моим, иже на небесех. 040 MAT 010 034 Не мните, яко приидох воврещи мир на землю: не приидох воврещи мир, но мечь: 040 MAT 010 035 приидох бо разлучити человека на отца своего, и дщерь на матерь свою, и невесту на свекровь свою. 040 MAT 010 036 И врази человеку домашнии его. 040 MAT 010 037 Иже любит отца или матерь паче Мене, несть Мене достоин: и иже любит сына или дщерь паче Мене, несть Мене достоин: 040 MAT 010 038 и иже не приимет креста своего и вслед Мене грядет, несть Мене достоин. 040 MAT 010 039 Обретый душу свою погубит ю: а иже погубит душу свою Мене ради, обрящет ю. 040 MAT 010 040 Иже вас приемлет, Мене приемлет: и иже приемлет Мене, приемлет Пославшаго Мя: 040 MAT 010 041 приемляй пророка во имя пророчо, мзду пророчу приимет: и приемляй праведника во имя праведничо, мзду праведничу приимет: 040 MAT 010 042 и иже аще напоит единаго от малых сих чашею студены воды токмо, во имя ученика, аминь глаголю вам, не погубит мзды своея. 040 MAT 011 001 И бысть, егда соверши Иисус заповедая обеманадесяте ученикома Своима, прейде оттуду учити и проповедати во градех их. 040 MAT 011 002 Иоанн же слышав во узилищи дела Христова, посла два от ученик своих, 040 MAT 011 003 рече Ему: Ты ли еси Грядый, или иного чаем? 040 MAT 011 004 И отвещав Иисус рече има: шедша возвестита Иоаннови, яже слышита и видита: 040 MAT 011 005 слепии прозирают и хромии ходят, прокаженнии очищаются и глусии слышат, мертвии востают и нищии благовествуют: 040 MAT 011 006 и блажен есть, иже аще не соблазнится о Мне. 040 MAT 011 007 Тема же исходящема, начат Иисус народом глаголати о Иоанне: чесо изыдосте в пустыню видети? Трость ли ветром колеблему? 040 MAT 011 008 Но чесо изыдосте видети? Человека ли в мягки ризы облеченна? Се, иже мягкая носящии, в домех царских суть. 040 MAT 011 009 Но чесо изыдосте видети? Пророка ли? Ей, глаголю вам, и лишше пророка. 040 MAT 011 010 Сей бо есть, о немже есть писано: се, Аз посылаю Ангела Моего пред лицем Твоим, иже уготовит путь Твой пред Тобою. 040 MAT 011 011 Аминь глаголю вам, не воста в рожденных женами болий Иоанна Крестителя: мний же во Царствии Небеснем болий его есть. 040 MAT 011 012 От дний же Иоанна Крестителя доселе Царствие Небесное нудится, и нуждницы восхищают е: 040 MAT 011 013 вси бо пророцы и закон до Иоанна прорекоша. 040 MAT 011 014 И аще хощете прияти, той есть Илиа хотяй приити: 040 MAT 011 015 имеяй ушы слышати да слышит. 040 MAT 011 016 Кому же уподоблю род сей? Подобен есть детем седящым на торжищих, и возглашающым другом своим 040 MAT 011 017 и глаголющым: пискахом вам, и не плясасте: плакахом вам, и не рыдасте. 040 MAT 011 018 Прииде бо Иоанн ни ядый, ни пияй: и глаголют: беса имать. 040 MAT 011 019 Прииде Сын Человеческий ядый и пияй: и глаголют: се, человек ядца и винопийца, мытарем друг и грешником. И оправдися премудрость от чад своих. 040 MAT 011 020 Тогда начат Иисус поношати градовом, в нихже быша множайшыя силы Его, зане не покаяшася: 040 MAT 011 021 горе тебе, Хоразине, горе тебе, Вифсаидо: яко аще в Тире и Сидоне быша силы были бывшыя в вас, древле убо во вретищи и пепеле покаялися быша: 040 MAT 011 022 обаче глаголю вам Тиру и Сидону отраднее будет в день судный, неже вам. 040 MAT 011 023 И ты, Капернауме, иже до небес вознесыйся, до ада снидеши: зане аще в Содомех быша силы были бывшыя в тебе, пребыли убо быша до днешняго дне: 040 MAT 011 024 обаче глаголю вам, яко земли Содомстей отраднее будет в день судный, неже тебе. 040 MAT 011 025 В то время отвещав Иисус рече: исповедаютися, Отче, Господи небесе и земли, яко утаил еси сия от премудрых и разумных и открыл еси та младенцем: 040 MAT 011 026 ей, Отче, яко тако бысть благоволение пред Тобою. 040 MAT 011 027 Вся Мне предана суть Отцем Моим: и никтоже знает Сына, токмо Отец: ни Отца кто знает, токмо Сын, и емуже аще волит Сын открыти. 040 MAT 011 028 Приидите ко Мне вси труждающиися и обремененнии, и Аз упокою вы: 040 MAT 011 029 возмите иго Мое на себе и научитеся от Мене, яко кроток есмь и смирен сердцем: и обрящете покой душам вашым: 040 MAT 011 030 иго бо Мое благо, и бремя Мое легко есть. 040 MAT 012 001 В то время иде Иисус в субботы сквозе сеяния: ученицы же Его взалкаша и начаша востерзати класы и ясти. 040 MAT 012 002 Фарисее же видевше реша Ему: се, ученицы Твои творят, егоже не достоит творити в субботу. 040 MAT 012 003 Он же рече им: несте ли чли, что сотвори Давид, егда взалка сам и сущии с ним? 040 MAT 012 004 Како вниде в храм Божий и хлебы предложения снеде, ихже не достойно бе ему ясти, ни сущым с ним, токмо иереем единым? 040 MAT 012 005 Или несте чли в законе, яко в субботы священницы в церкви субботы сквернят и неповинни суть? 040 MAT 012 006 Глаголю же вам, яко церкве боле есть зде: 040 MAT 012 007 аще ли бысте ведали, что есть: милости хощу, а не жертвы, николиже убо бысте осуждали неповинных: 040 MAT 012 008 господь бо есть и субботы Сын Человеческий. 040 MAT 012 009 И прешед оттуду, прииде на сонмище их. 040 MAT 012 010 И се, человек бе ту, руку имый суху. И вопросиша Его, глаголюще: аще достоит в субботы целити? Да на Него возглаголют. 040 MAT 012 011 Он же рече им: кто есть от вас человек, иже имать овча едино, и аще впадет сие в субботы в яму, не имет ли е и измет? 040 MAT 012 012 Кольми убо лучши есть человек овчате? Темже достоит в субботы добро творити. 040 MAT 012 013 Тогда глагола человеку: простри руку твою. И простре: и утвердися цела яко другая. 040 MAT 012 014 Фарисее же шедше совет сотвориша на Него, како Его погубят. Иисус же разумев отиде оттуду. 040 MAT 012 015 И по Нем идоша народи мнози, и изцели их всех: 040 MAT 012 016 и запрети им, да не яве Его творят: 040 MAT 012 017 яко да сбудется реченное Исаием пророком, глаголющим: 040 MAT 012 018 се, Отрок Мой, Егоже изволих, Возлюбленный Мой, Наньже благоволи душа Моя: положу дух Мой на Нем, и суд языком возвестит: 040 MAT 012 019 не преречет, ни возопиет, ниже услышит кто на распутиих гласа Его: 040 MAT 012 020 трости сокрушенны не преломит и лена внемшася не угасит, дондеже изведет в победу суд: 040 MAT 012 021 и на имя Его языцы уповати имут. 040 MAT 012 022 Тогда приведоша к Нему беснующася слепа и нема: и изцели его, яко слепому и немому глаголати и глядати. 040 MAT 012 023 И дивляхуся вси народи глаголюще: еда Сей есть (Христос) сын Давидов? 040 MAT 012 024 Фарисее же слышавше реша: Сей не изгонит бесы, токмо о веельзевуле князи бесовстем. 040 MAT 012 025 Ведый же Иисус мысли их, рече им: всякое царство раздельшееся на ся запустеет, и всяк град или дом разделивыйся на ся не станет. 040 MAT 012 026 И аще сатана сатану изгонит, на ся разделился есть: како убо станет царство его? 040 MAT 012 027 И аще Аз о веельзевуле изгоню бесы, сынове ваши о ком изгонят? Сего ради тии вам будут судии. 040 MAT 012 028 Аще ли же Аз о Дусе Божии изгоню бесы, убо постиже на вас Царствие Божие. 040 MAT 012 029 Или како может кто внити в дом крепкаго и сосуды его расхитити, аще не первее свяжет крепкаго, и тогда дом его расхитит? 040 MAT 012 030 Иже несть со Мною, на Мя есть: и иже не собирает со Мною, расточает. 040 MAT 012 031 Сего ради глаголю вам: всяк грех и хула отпустится человеком: а яже на Духа хула не отпустится человеком: 040 MAT 012 032 и иже аще речет слово на Сына Человеческаго, отпустится ему: а иже речет на Духа Святаго, не отпустится ему ни в сей век, ни в будущий. 040 MAT 012 033 Или сотворите древо добро и плод его добр: или сотворите древо зло и плод его зол: от плода бо древо познано будет. 040 MAT 012 034 Порождения ехиднова, како можете добро глаголати, зли суще? От избытка бо сердца уста глаголют. 040 MAT 012 035 Благий человек от благаго сокровища износит благая: и лукавый человек от лукаваго сокровища износит лукавая. 040 MAT 012 036 Глаголю же вам, яко всяко слово праздное, еже аще рекут человецы, воздадят о нем слово в день судный: 040 MAT 012 037 от словес бо своих оправдишися и от словес своих осудишися. 040 MAT 012 038 Тогда отвещаша нецыи от книжник и фарисей, глаголюще: Учителю, хощем от Тебе знамение видети. 040 MAT 012 039 Он же отвещав рече им: род лукав и прелюбодей знамения ищет, и знамение не дастся ему, токмо знамение Ионы пророка: 040 MAT 012 040 якоже бо бе Иона во чреве китове три дни и три нощы, тако будет и Сын Человеческий в сердцы земли три дни и три нощы. 040 MAT 012 041 Мужие Ниневитстии востанут на суд с родом сим и осудят его, яко покаяшася проповедию Иониною: и се, боле Ионы зде. 040 MAT 012 042 Царица южская востанет на суд с родом сим и осудит и, яко прииде от конец земли слышати премудрость Соломонову: и се, боле Соломона зде. 040 MAT 012 043 Егда же нечистый дух изыдет от человека, преходит сквозе безводная места, ищя покоя, и не обретает: 040 MAT 012 044 тогда речет: возвращуся в дом мой, отнюдуже изыдох. И пришед обрящет празден, пометен и украшен: 040 MAT 012 045 тогда идет и поймет с собою седмь иных духов лютейших себе, и вшедше живут ту: и будут последняя человеку тому горша первых. Тако будет и роду сему лукавому. 040 MAT 012 046 Еще же Ему глаголющу к народом, се, Мати (Его) и братия Его стояху вне, ищуще глаголати Ему. 040 MAT 012 047 Рече же некий Ему: се, Мати Твоя и братия Твоя вне стоят, хотяще глаголати Тебе. 040 MAT 012 048 Он же отвещав рече ко глаголющему Ему: кто есть Мати Моя, и кто суть братия Моя? 040 MAT 012 049 И простер руку Свою на ученики Своя, рече: се, мати Моя и братия Моя: 040 MAT 012 050 иже бо аще сотворит волю Отца Моего, Иже есть на небесех, той брат Мой, и сестра, и мати (Ми) есть. 040 MAT 013 001 В день же той изшед Иисус из дому, седяше при мори. 040 MAT 013 002 И собрашася к Нему народи мнози, якоже Ему в корабль влезти и сести: и весь народ на брезе стояше. 040 MAT 013 003 И глагола им притчами много, глаголя: се, изыде сеяй, да сеет: 040 MAT 013 004 и сеющу ему, ова падоша при пути, и приидоша птицы и позобаша я: 040 MAT 013 005 другая же падоша на каменных, идеже не имеяху земли многи, и абие прозябоша, зане не имеяху глубины земли: 040 MAT 013 006 солнцу же возсиявшу присвянуша, и зане не имеяху корения, изсхоша: 040 MAT 013 007 другая же падоша в тернии, и взыде терние и подави их: 040 MAT 013 008 другая же падоша на земли добрей и даяху плод, ово убо сто, ово же шестьдесят, ово же тридесять: 040 MAT 013 009 имеяй ушы слышати да слышит. 040 MAT 013 010 И приступивше ученицы (Его) рекоша Ему: почто притчами глаголеши им? 040 MAT 013 011 Он же отвещав рече им: яко вам дано есть разумети тайны Царствия Небеснаго, онем же не дано есть: 040 MAT 013 012 иже бо имать, дастся ему и преизбудет (ему): а иже не имать, и еже имать, возмется от него: 040 MAT 013 013 сего ради в притчах глаголю им, яко видяще не видят, и слышаще не слышат, ни разумеют: 040 MAT 013 014 и сбывается в них пророчество Исаиино, глаголющее: слухом услышите, и не имате разумети: и зряще узрите, и не имате видети: 040 MAT 013 015 отолсте бо сердце людий сих, и ушима тяжко слышаша, и очи свои смежиша, да не когда узрят очима, и ушима услышат, и сердцем уразумеют, и обратятся, и изцелю их. 040 MAT 013 016 Ваша же блаженна очеса, яко видят, и уши ваши, яко слышат: 040 MAT 013 017 аминь бо глаголю вам, яко мнози пророцы и праведницы вожделеша видети, яже видите, и не видеша, и слышати, яже слышите, и не слышаша. 040 MAT 013 018 Вы же услышите притчу сеющаго: 040 MAT 013 019 всякому слышащему слово Царствия и не разумевающу, приходит лукавый и восхищает всеянное в сердцы его: сие есть, еже при пути сеянное. 040 MAT 013 020 А на камени сеянное, сие есть слышай слово и абие с радостию приемлет е: 040 MAT 013 021 не имать же корене в себе, но привременен есть: бывши же печали или гонению словесе ради, абие соблажняется. 040 MAT 013 022 А сеянное в тернии, се есть слышай слово, и печаль века сего и лесть богатства подавляет слово, и без плода бывает. 040 MAT 013 023 А сеянное на добрей земли, се есть слышай слово и разумевая: иже убо плод приносит и творит ово сто, ово же шестьдесят, ово тридесять. 040 MAT 013 024 Ину притчу предложи им, глаголя: уподобися Царствие Небесное человеку, сеявшу доброе семя на селе своем: 040 MAT 013 025 спящым же человеком, прииде враг его и всея плевелы посреде пшеницы и отиде: 040 MAT 013 026 егда же прозябе трава и плод сотвори, тогда явишася и плевелие. 040 MAT 013 027 Пришедше же раби господина, реша ему: господи, не доброе ли семя сеял еси на селе твоем? Откуду убо имать плевелы? 040 MAT 013 028 Он же рече им: враг человек сие сотвори. Раби же реша ему: хощеши ли убо, да шедше исплевем я? 040 MAT 013 029 Он же рече (им): ни: да не когда восторгающе плевелы, восторгнете купно с ними (и) пшеницу: 040 MAT 013 030 оставите расти обое купно до жатвы: и во время жатвы реку жателем: соберите первее плевелы и свяжите их в снопы, яко сожещи я: а пшеницу соберите в житницу мою. 040 MAT 013 031 Ину притчу предложи им, глаголя: подобно есть Царствие Небесное зерну горушичну, еже взем человек всея на селе своем, 040 MAT 013 032 еже малейше убо есть от всех семен: егда же возрастет, более (всех) зелий есть и бывает древо, яко приити птицам небесным и витати на ветвех его. 040 MAT 013 033 Ину притчу глагола им: подобно есть Царствие Небесное квасу, егоже вземши жена скры в сатех триех муки, дондеже вскисоша вся. 040 MAT 013 034 Сия вся глагола Иисус в притчах народом, и без притчи ничесоже глаголаше к ним: 040 MAT 013 035 яко да сбудется реченное пророком, глаголющим: отверзу в притчах уста Моя: отрыгну сокровенная от сложения мира. 040 MAT 013 036 Тогда оставль народы, прииде в дом Иисус. И приступиша к Нему ученицы Его, глаголюще: скажи нам притчу плевел селных. 040 MAT 013 037 Он же отвещав рече им: сеявый доброе семя есть Сын Человеческий: 040 MAT 013 038 а село есть мир: доброе же семя, сии суть сынове Царствия, а плевелие суть сынове неприязненнии: 040 MAT 013 039 а враг всеявый их есть диавол: а жатва кончина века есть: а жатели Ангели суть. 040 MAT 013 040 Якоже убо собирают плевелы и огнем сожигают, тако будет в скончание века сего: 040 MAT 013 041 послет Сын Человеческий Ангелы Своя, и соберут от Царствия Его вся соблазны и творящих беззаконие 040 MAT 013 042 и ввергут их в пещь огненну: ту будет плачь и скрежет зубом: 040 MAT 013 043 тогда праведницы просветятся яко солнце в Царствии Отца их. Имеяй ушы слышати да слышит. 040 MAT 013 044 Паки подобно есть Царствие Небесное сокровищу сокровену на селе, еже обрет человек скры, и от радости его идет, и вся, елика имать, продает, и купует село то. 040 MAT 013 045 Паки подобно есть Царствие Небесное человеку купцу, ищущу добрых бисерей, 040 MAT 013 046 иже обрет един многоценен бисер, шед продаде вся, елика имяше, и купи его. 040 MAT 013 047 Паки подобно есть Царствие Небесное неводу ввержену в море и от всякаго рода собравшу, 040 MAT 013 048 иже егда исполнися, извлекоша и на край, и седше избраша добрыя в сосуды, а злыя извергоша вон. 040 MAT 013 049 Тако будет в скончание века: изыдут Ангели, и отлучат злыя от среды праведных, 040 MAT 013 050 и ввергут их в пещь огненную: ту будет плачь и скрежет зубом. 040 MAT 013 051 Глагола им Иисус: разуместе ли сия вся? Глаголаша Ему: ей, Господи. 040 MAT 013 052 Он же рече им: сего ради всяк книжник, научився Царствию Небесному, подобен есть человеку домовиту, иже износит от сокровища своего новая и ветхая. 040 MAT 013 053 И бысть, егда сконча Иисус притчи сия, прейде оттуду. 040 MAT 013 054 И пришед во отечествие Свое, учаше их на сонмищи их, яко дивитися им и глаголати: откуду Сему премудрость сия и силы? 040 MAT 013 055 Не Сей ли есть тектонов сын? Не Мати ли Его нарицается Мариам, и братия Его Иаков и Иосий, и Симон и Иуда? 040 MAT 013 056 И сестры Его не вся ли в нас суть? Откуду убо Сему сия вся? 040 MAT 013 057 И блажняхуся о Нем. Иисус же рече им: несть пророк без чести, токмо во отечествии своем и в дому своем. 040 MAT 013 058 И не сотвори ту сил многих за неверство их. 040 MAT 014 001 В то время услыша Ирод четвертовластник слух Иисусов 040 MAT 014 002 и рече отроком своим: сей есть Иоанн Креститель: той воскресе от мертвых, и сего ради силы деются о нем. 040 MAT 014 003 Ирод бо емь Иоанна, связа его и всади в темницу, Иродиады ради жены Филиппа брата своего: 040 MAT 014 004 глаголаше бо ему Иоанн: не достоит ти имети ея. 040 MAT 014 005 И хотящь его убити, убояся народа, зане яко пророка его имеяху. 040 MAT 014 006 Дню же бывшу рождества Иродова, пляса дщи Иродиадина посреде и угоди Иродови: 040 MAT 014 007 темже и с клятвою изрече ей дати, егоже аще воспросит. 040 MAT 014 008 Она же наваждена материю своею, даждь ми, рече, зде на блюде главу Иоанна Крестителя. 040 MAT 014 009 И печален бысть царь: клятвы же ради и за возлежащих с ним, повеле дати (ей) 040 MAT 014 010 и послав усекну Иоанна в темнице. 040 MAT 014 011 И принесоша главу его на блюде и даша девице: и отнесе матери своей. 040 MAT 014 012 И приступльше ученицы его взяша тело (его) и погребоша е: и пришедше возвестиша Иисусови. 040 MAT 014 013 И слышав Иисус отиде оттуду в корабли в пусто место един: и слышавше народи по Нем идоша пеши от градов. 040 MAT 014 014 И изшед Иисус виде мног народ, и милосердова о них, и изцели недужныя их. 040 MAT 014 015 Позде же бывшу, приступиша к Нему ученицы Его, глаголюще: пусто есть место, и час уже мину: отпусти народы, да шедше в веси купят брашна себе. 040 MAT 014 016 Иисус же рече им: не требуют отити: дадите им вы ясти. 040 MAT 014 017 Они же глаголаша Ему: не имамы зде токмо пять хлеб и две рыбе. 040 MAT 014 018 Он же рече: принесите Ми их семо. 040 MAT 014 019 И повелев народом возлещи на траве, и приемь пять хлеб и обе рыбе, воззрев на небо, благослови и преломив даде учеником хлебы, ученицы же народом. 040 MAT 014 020 И ядоша вси и насытишася: и взяша избытки укрух, дванадесять кошя исполнь: 040 MAT 014 021 ядущих же бе мужей яко пять тысящ, разве жен и детей. 040 MAT 014 022 И абие понуди Иисус ученики Своя влезти в корабль и варити Его на оном полу, дондеже отпустит народы. 040 MAT 014 023 И отпустив народы, взыде на гору един помолитися: позде же бывшу, един бе ту. 040 MAT 014 024 Корабль же бе посреде моря влаяся волнами: бе бо противен ветр. 040 MAT 014 025 В четвертую же стражу нощи иде к ним Иисус, ходя по морю. 040 MAT 014 026 И видевше Его ученицы по морю ходяща, смутишася, глаголюще, яко призрак есть: и от страха возопиша. 040 MAT 014 027 Абие же рече им Иисус, глаголя: дерзайте: Аз есмь, не бойтеся. 040 MAT 014 028 Отвещав же Петр рече: Господи, аще Ты еси, повели ми приити к Тебе по водам. Он же рече: прииди. 040 MAT 014 029 И излез из корабля Петр, хождаше по водам, приити ко Иисусови: 040 MAT 014 030 видя же ветр крепок, убояся, и начен утопати, возопи, глаголя: Господи, спаси мя. 040 MAT 014 031 И абие Иисус простер руку, ят его и глагола ему: маловере, почто усумнелся еси? 040 MAT 014 032 И влезшема има в корабль, преста ветр. 040 MAT 014 033 Сущии же в корабли пришедше поклонишася Ему, глаголюще: воистинну Божий Сын еси. 040 MAT 014 034 И прешедше приидоша в землю Геннисарефскую. 040 MAT 014 035 И познавше Его мужие места того, послаша во всю страну ту, и принесоша к Нему вся болящыя: 040 MAT 014 036 и моляху Его, да токмо прикоснутся вскрилию ризы Его: и елицы прикоснушася, спасени быша. 040 MAT 015 001 Тогда приступиша ко Иисусови иже от Иерусалима книжницы и фарисее, глаголюще: 040 MAT 015 002 почто ученицы Твои преступают предание старец? Не умывают бо рук своих, егда хлеб ядят. 040 MAT 015 003 Он же отвещав рече им: почто и вы преступаете заповедь Божию за предание ваше? 040 MAT 015 004 Бог бо заповеда, глаголя: чти отца и матерь: и: иже злословит отца или матерь, смертию да умрет. 040 MAT 015 005 Вы же глаголете: иже аще речет отцу или матери: дар, имже бы от мене пользовался еси: 040 MAT 015 006 и да не почтит отца своего или матере: и разористе заповедь Божию за предание ваше. 040 MAT 015 007 Лицемери, добре пророчествова о вас Исаиа, глаголя: 040 MAT 015 008 приближаются Мне людие сии усты своими и устнами чтут Мя: сердце же их далече отстоит от Мене: 040 MAT 015 009 всуе же чтут Мя, учаще учением, заповедем человеческим. 040 MAT 015 010 И призвав народы, рече им: слышите и разумейте: 040 MAT 015 011 не входящее во уста сквернит человека: но исходящее изо уст, то сквернит человека. 040 MAT 015 012 Тогда приступльше ученицы Его реша Ему: веси ли, яко фарисее слышавше слово соблазнишася? 040 MAT 015 013 Он же отвещав рече: всяк сад, егоже не насади Отец Мой Небесный, искоренится: 040 MAT 015 014 оставите их: вожди суть слепи слепцем: слепец же слепца аще водит, оба в яму впадетася. 040 MAT 015 015 Отвещав же Петр рече Ему: скажи нам притчу сию. 040 MAT 015 016 Иисус же рече (им): единаче ли и вы без разума есте? 040 MAT 015 017 Не у ли разумеваете, яко всяко, еже входит во уста, во чрево вмещается и афедроном исходит? 040 MAT 015 018 Исходящая же изо уст, от сердца исходят, и та сквернят человека: 040 MAT 015 019 от сердца бо исходят помышления злая, убийства, прелюбодеяния, любодеяния, татьбы, лжесвидетелства, хулы: 040 MAT 015 020 сия суть сквернящая человека: а еже неумовенныма рукама ясти, не сквернит человека. 040 MAT 015 021 И изшед оттуду Иисус, отиде во страны Тирския и Сидонския. 040 MAT 015 022 И се, жена Хананейска, от предел тех изшедши, возопи к Нему глаголющи: помилуй мя, Господи, сыне Давидов, дщи моя зле беснуется. 040 MAT 015 023 Он же не отвеща ей словесе. И приступльше ученицы Его, моляху Его, глаголюще: отпусти ю, яко вопиет вслед нас. 040 MAT 015 024 Он же отвещав рече: несмь послан, токмо ко овцам погибшым дому Израилева. 040 MAT 015 025 Она же пришедши поклонися Ему, глаголющи: Господи, помози ми. 040 MAT 015 026 Он же отвещав рече: несть добро отяти хлеба чадом и поврещи псом. 040 MAT 015 027 Она же рече: ей, Господи: ибо и пси ядят от крупиц падающих от трапезы господей своих. 040 MAT 015 028 Тогда отвещав Иисус рече ей: о, жено, велия вера твоя: буди тебе якоже хощеши. И изцеле дщи ея от того часа. 040 MAT 015 029 И прешед оттуду Иисус, прииде на море Галилейское, и возшед на гору, седе ту. 040 MAT 015 030 И приступиша к Нему народи мнози, имуще с собою хромыя, слепыя, немыя, бедныя и ины многи, и привергоша их к ногама Иисусовыма: и изцели их: 040 MAT 015 031 якоже народом дивитися, видящым немыя глаголюща, бедныя здравы, хромыя ходящя и слепыя видящя: и славляху Бога Израилева. 040 MAT 015 032 Иисус же призвав ученики Своя, рече (им): милосердую о народе (сем), яко уже дни три приседят Мне и не имут чесо ясти: и отпустити их не ядших не хощу, да не како ослабеют на пути. 040 MAT 015 033 И глаголаша Ему ученицы Его: откуду нам в пустыни хлеби толицы, яко да насытится толик народ? 040 MAT 015 034 И глагола им Иисус: колико хлебы имате? Они же реша: седмь, и мало рыбиц. 040 MAT 015 035 И повеле народом возлещи на земли, 040 MAT 015 036 и приемь седмь хлебы и рыбы, хвалу воздав преломи и даде учеником Своим, ученицы же народом. 040 MAT 015 037 И ядоша вси и насытишася: и взяша избытки укрух, седмь кошниц исполнь: 040 MAT 015 038 ядших же бяше четыре тысящы мужей, разве жен и детей. 040 MAT 015 039 И отпустив народы, влезе в корабль и прииде в пределы Магдалински. 040 MAT 016 001 И приступиша (к нему) фарисее и саддукее, искушающе просиша Его знамение с небесе показати им. 040 MAT 016 002 Он же отвещав рече им: вечеру бывшу, глаголете: ведро, чермнуетбося небо: 040 MAT 016 003 и утру: днесь зима, чермнуетбося дряселуя небо. Лицемери, лице убо небесе умеете разсуждати, знамений же временом не можете (искусити). 040 MAT 016 004 Род лукав и прелюбодейный знамения ищет: и знамение не дастся ему, токмо знамение Ионы пророка. И оставль их, отиде. 040 MAT 016 005 И прешедше ученицы Его на он пол, забыша хлебы взяти. 040 MAT 016 006 Иисус же рече им: внемлите и блюдитеся от кваса фарисейска и саддукейска. 040 MAT 016 007 Они же помышляху в себе, глаголюще: яко хлебы не взяхом. 040 MAT 016 008 Разумев же Иисус рече им: что мыслите в себе, маловери, яко хлебы не взясте? 040 MAT 016 009 Не у ли разумеете, ниже помните пять хлебы пятим тысящам, и колико кош взясте? 040 MAT 016 010 Ни ли седмь хлебы четырем тысящам, и колико кошниц взясте? 040 MAT 016 011 Како не разумеете, яко не о хлебех рех вам внимати, (но) от кваса фарисейска и саддукейска? 040 MAT 016 012 Тогда разумеша, яко не рече хранитися от кваса хлебнаго, но от учения фарисейска и саддукейска. 040 MAT 016 013 Пришед же Иисус во страны Кесарии Филипповы, вопрошаше ученики Своя, глаголя: кого Мя глаголют человецы быти, Сына Человеческаго? 040 MAT 016 014 Они же реша: ови убо Иоанна Крестителя, инии же Илию, друзии же Иеремию или единаго от пророк. 040 MAT 016 015 Глагола им (Иисус): вы же кого Мя глаголете быти? 040 MAT 016 016 Отвещав же Симон Петр рече: Ты еси Христос, Сын Бога Живаго. 040 MAT 016 017 И отвещав Иисус рече ему: блажен еси, Симоне, вар Иона, яко плоть и кровь не яви тебе, но Отец Мой, иже на небесех: 040 MAT 016 018 и Аз же тебе глаголю, яко ты еси Петр, и на сем камени созижду Церковь Мою, и врата адова не одолеют ей: 040 MAT 016 019 и дам ти ключи Царства Небеснаго: и еже аще свяжеши на земли, будет связано на небесех: и еже аще разрешиши на земли, будет разрешено на небесех. 040 MAT 016 020 Тогда запрети Иисус учеником Своим, да ни комуже рекут, яко Сей есть Иисус Христос. 040 MAT 016 021 Оттоле начат Иисус сказовати учеником Своим, яко подобает Ему ити во Иерусалим и много пострадати от старец и архиерей и книжник, и убиену быти, и в третий день востати. 040 MAT 016 022 И поемь Его Петр, начат пререцати Ему глаголя: милосерд Ты, Господи: не имать быти Тебе сие. 040 MAT 016 023 Он же обращься рече Петрови: иди за Мною, сатано, соблазн Ми еси: яко не мыслиши яже (суть) Божия, но человеческая. 040 MAT 016 024 Тогда Иисус рече учеником Своим: аще кто хощет по Мне ити, да отвержется себе и возмет крест свой и по Мне грядет: 040 MAT 016 025 иже бо аще хощет душу свою спасти, погубит ю: и иже аще погубит душу свою Мене ради, обрящет ю: 040 MAT 016 026 кая бо польза человеку, аще мир весь приобрящет, душу же свою отщетит? Или что даст человек измену за душу свою? 040 MAT 016 027 Приити бо имать Сын Человеческий во славе Отца Своего со Ангелы Своими, и тогда воздаст комуждо по деянием его: 040 MAT 016 028 аминь глаголю вам, (яко) суть нецыи от зде стоящих, иже не имут вкусити смерти, дондеже видят Сына Человеческаго грядуща во Царствии Своем. 040 MAT 017 001 И по днех шестих поят Иисус Петра и Иакова и Иоанна брата его, и возведе их на гору высоку едины, 040 MAT 017 002 и преобразися пред ними: и просветися лице Его яко солнце, ризы же Его быша белы яко свет. 040 MAT 017 003 И се, явистася им Моисей и Илиа, с Ним глаголюща. 040 MAT 017 004 Отвещав же Петр рече (ко) Иисусови: Господи, добро есть нам зде быти: аще хощеши, сотворим зде три сени, Тебе едину, и Моисеови едину, и едину Илии. 040 MAT 017 005 Еще (же) ему глаголющу, се, облак светел осени их: и се, глас из облака глаголя: Сей есть Сын Мой Возлюбленный, о Немже благоволих: Того послушайте. 040 MAT 017 006 И слышавше ученицы падоша ницы и убояшася зело. 040 MAT 017 007 И приступль Иисус прикоснуся их и рече: востаните и не бойтеся. 040 MAT 017 008 Возведше же очи свои, ни когоже видеша, токмо Иисуса единаго. 040 MAT 017 009 И сходящым им с горы, заповеда им Иисус, глаголя: ни комуже поведите видения, дондеже Сын Человеческий из мертвых воскреснет. 040 MAT 017 010 И вопросиша Его ученицы Его, глаголюще: что убо книжницы глаголют, яко Илии подобает приити прежде? 040 MAT 017 011 Иисус же отвещав рече им: Илиа убо приидет прежде и устроит вся: 040 MAT 017 012 глаголю же вам, яко Илиа уже прииде, и не познаша его, но сотвориша о нем, елика восхотеша: тако и Сын Человеческий имать пострадати от них. 040 MAT 017 013 Тогда разумеша ученицы, яко о Иоанне Крестители рече им. 040 MAT 017 014 И пришедшым им к народу, приступи к Нему человек, кланяяся Ему 040 MAT 017 015 и глаголя: Господи, помилуй сына моего, яко на новы месяцы беснуется и зле страждет: множицею бо падает во огнь и множицею в воду: 040 MAT 017 016 и приведох его ко учеником Твоим, и не возмогоша его изцелити. 040 MAT 017 017 Отвещав же Иисус рече: о, роде неверный и развращенный, доколе буду с вами? Доколе терплю вам? Приведите Ми его семо. 040 MAT 017 018 И запрети ему Иисус, и изыде из него бес: и изцеле отрок от часа того. 040 MAT 017 019 Тогда приступльше ученицы ко Иисусу на едине, реша: почто мы не возмогохом изгнати его? 040 MAT 017 020 Иисус же рече им: за неверствие ваше: аминь бо глаголю вам: аще имате веру яко зерно горушно, речете горе сей: прейди отсюду тамо, и прейдет: и ничтоже невозможно будет вам: 040 MAT 017 021 сей же род не исходит, токмо молитвою и постом. 040 MAT 017 022 Живущым же им в Галилеи, рече им Иисус: предан имать быти Сын Человеческий в руце человеком, 040 MAT 017 023 и убиют Его, и в третий день востанет. И скорбни быша зело. 040 MAT 017 024 Пришедшым же им в Капернаум, приступиша приемлющии дидрахмы к Петрови и реша: Учитель ваш не даст ли дидрахмы? 040 MAT 017 025 Глаголя: ей. И егда вниде в дом, предвари его Иисус, глаголя: что ти мнится, Симоне? Царие земстии от киих приемлют дани или кинсон? От своих ли сынов, или от чужих? 040 MAT 017 026 Глагола Ему Петр: от чужих. Рече ему Иисус: убо свободни суть сынове: 040 MAT 017 027 но да не соблазним их, шед на море, верзи удицу, и, юже прежде имеши рыбу, возми: и отверз уста ей, обрящеши статир: той взем даждь им за Мя и за ся. 040 MAT 018 001 В той час приступиша ученицы ко Иисусу, глаголюще: кто убо болий есть в Царствии Небеснем? 040 MAT 018 002 И призвав Иисус отроча, постави е посреде их 040 MAT 018 003 и рече: аминь глаголю вам, аще не обратитеся и будете яко дети, не внидете в Царство Небесное: 040 MAT 018 004 иже убо смирится яко отроча сие, той есть болий во Царствии Небеснем: 040 MAT 018 005 и иже аще приимет отроча таково во имя Мое, Мене приемлет: 040 MAT 018 006 а иже аще соблазнит единаго малых сих верующих в Мя, уне есть ему, да обесится жернов оселский на выи его, и потонет в пучине морстей. 040 MAT 018 007 Горе миру от соблазн: нужда бо есть приити соблазном: обаче горе человеку тому, имже соблазн приходит. 040 MAT 018 008 Аще ли рука твоя или нога твоя соблажняет тя, отсецы ю и верзи от себе: добрейше ти есть внити в живот хрому или бедну, неже две руце и две нозе имущу ввержену быти во огнь вечный: 040 MAT 018 009 и аще око твое соблажняет тя, изми е и верзи от себе: добрейше ти есть со единем оком в живот внити, неже две оце имущу ввержену быти в геенну огненную. 040 MAT 018 010 Блюдите, да не презрите единаго (от) малых сих: глаголю бо вам, яко Ангели их на небесех выну видят лице Отца Моего Небеснаго. 040 MAT 018 011 Прииде бо Сын Человеческий (взыскати и) спасти погибшаго. 040 MAT 018 012 Что вам мнится? Аще будет некоему человеку сто овец, и заблудит едина от них: не оставит ли девятьдесят и девять в горах и шед ищет заблуждшия? 040 MAT 018 013 И аще будет обрести ю, аминь глаголю вам, яко радуется о ней паче, неже о девятидесятих и девяти не заблуждших. 040 MAT 018 014 Тако несть воля пред Отцем вашим Небесным, да погибнет един от малых сих. 040 MAT 018 015 Аще же согрешит к тебе брат твой, иди и обличи его между тобою и тем единем: аще тебе послушает, приобрел еси брата твоего: 040 MAT 018 016 аще ли тебе не послушает, поими с собою еще единаго или два, да при устех двою или триех свидетелей станет всяк глагол: 040 MAT 018 017 аще же не послушает их, повеждь церкви: аще же и церковь преслушает, буди тебе якоже язычник и мытарь. 040 MAT 018 018 Аминь (бо) глаголю вам: елика аще свяжете на земли, будут связана на небеси: и елика аще разрешите на земли, будут разрешена на небесех. 040 MAT 018 019 Паки аминь глаголю вам, яко аще два от вас совещаета на земли о всяцей вещи, еяже аще просита, будет има от Отца Моего, Иже на небесех: 040 MAT 018 020 идеже бо еста два или трие собрани во имя Мое, ту есмь посреде их. 040 MAT 018 021 Тогда приступль к Нему Петр рече: Господи, колькраты аще согрешит в мя брат мой, и отпущу ли ему до седмь крат? 040 MAT 018 022 Глагола ему Иисус: не глаголю тебе: до седмь крат, но до седмьдесят крат седмерицею. 040 MAT 018 023 Сего ради уподобися Царствие Небесное человеку царю, иже восхоте стязатися о словеси с рабы своими. 040 MAT 018 024 Наченшу же ему стязатися, приведоша ему единаго должника тмою талант: 040 MAT 018 025 не имущу же ему воздати, повеле и господь его продати, и жену его, и чада, и вся, елика имеяше, и отдати. 040 MAT 018 026 Пад убо раб той, кланяшеся ему, глаголя: господи, потерпи на мне, и вся ти воздам. 040 MAT 018 027 Милосердовав же господь раба того, прости его и долг отпусти ему. 040 MAT 018 028 Изшед же раб той, обрете единаго (от) клеврет своих, иже бе должен ему стом пенязь: и емь его давляше, глаголя: отдаждь ми, имже (ми) еси должен. 040 MAT 018 029 Пад убо клеврет его на нозе его, моляше его, глаголя: потерпи на мне, и вся воздам ти. 040 MAT 018 030 Он же не хотяше, но вед всади его в темницу, дондеже воздаст должное. 040 MAT 018 031 Видевше же клеврети его бывшая, сжалиша си зело и пришедше сказаша господину своему вся бывшая. 040 MAT 018 032 Тогда призвав его господин его, глагола ему: рабе лукавый, весь долг он отпустих тебе, понеже умолил мя еси: 040 MAT 018 033 не подобаше ли и тебе помиловати клеврета твоего, якоже и аз тя помиловах? 040 MAT 018 034 И прогневався господь его, предаде его мучителем, дондеже воздаст весь долг свой. 040 MAT 018 035 Тако и Отец Мой Небесный сотворит вам, аще не отпустите кийждо брату своему от сердец ваших прегрешения их. 040 MAT 019 001 И бысть егда сконча Иисус словеса сия, прейде от Галилеи и прииде в пределы Иудейския об он пол Иордана. 040 MAT 019 002 И по Нем идоша народи мнози, и изцели их ту. 040 MAT 019 003 И приступиша к Нему фарисее искушающе Его и глаголаша Ему: аще достоит человеку пустити жену свою по всяцей вине? 040 MAT 019 004 Он же отвещав рече им: несте ли чли, яко Сотворивый искони, мужеский пол и женский сотворил я есть? 040 MAT 019 005 И рече: сего ради оставит человек отца (своего) и матерь и прилепится к жене своей, и будета оба в плоть едину, 040 MAT 019 006 якоже ктому неста два, но плоть едина: еже убо Бог сочета, человек да не разлучает. 040 MAT 019 007 Глаголаша Ему: что убо Моисей заповеда дати книгу распустную и отпустити ю? 040 MAT 019 008 Глагола им: яко Моисей по жестосердию вашему повеле вам пустити жены вашя: изначала же не бысть тако: 040 MAT 019 009 глаголю же вам, яко иже аще пустит жену свою, разве словесе прелюбодейна, и оженится иною, прелюбы творит: и женяйся пущеницею прелюбы деет. 040 MAT 019 010 Глаголаша Ему ученицы Его: аще тако есть вина человеку с женою, лучше есть не женитися. 040 MAT 019 011 Он же рече им: не вси вмещают словесе сего, но имже дано есть: 040 MAT 019 012 суть бо скопцы, иже из чрева матерня родишася тако: и суть скопцы, иже скопишася от человек: и суть скопцы, иже исказиша сами себе Царствия ради Небеснаго: могий вместити да вместит. 040 MAT 019 013 Тогда приведоша к Нему дети, да руце возложит на них и помолится: ученицы же запретиша им. 040 MAT 019 014 Иисус же рече (им): оставите детей и не возбраняйте им приити ко Мне: таковых бо есть Царство Небесное. 040 MAT 019 015 И возложь на них руце, отиде оттуду. 040 MAT 019 016 И се, един (некий) приступль рече Ему: Учителю благий, что благо сотворю, да имам живот вечный? 040 MAT 019 017 Он же рече ему: что Мя глаголеши блага? Никтоже благ, токмо един Бог: аще ли хощеши внити в живот, соблюди заповеди. 040 MAT 019 018 Глагола Ему: кия? Иисус же рече: еже, не убиеши: не прелюбы сотвориши: не украдеши: не лжесвидетелствуеши: 040 MAT 019 019 чти отца и матерь: и: возлюбиши искренняго твоего яко сам себе. 040 MAT 019 020 Глагола Ему юноша: вся сия сохраних от юности моея: что есмь еще не докончал? 040 MAT 019 021 Рече ему Иисус: аще хощеши совершен быти, иди, продаждь имение твое и даждь нищым: и имети имаши сокровище на небеси: и гряди вслед Мене. 040 MAT 019 022 Слышав же юноша слово, отиде скорбя: бе бо имея стяжания многа. 040 MAT 019 023 Иисус же рече учеником Своим: аминь глаголю вам, яко неудобь богатый внидет в Царствие Небесное: 040 MAT 019 024 паки же глаголю вам: удобее есть велбуду сквозе иглине ушы проити, неже богату в Царствие Божие внити. 040 MAT 019 025 Слышавше же ученицы Его, дивляхуся зело, глаголюще: кто убо может спасен быти? 040 MAT 019 026 Воззрев же Иисус рече им: у человек сие невозможно есть, у Бога же вся возможна. 040 MAT 019 027 Тогда отвещав Петр рече Ему: се, мы оставихом вся и вслед Тебе идохом: что убо будет нам? 040 MAT 019 028 Иисус же рече им: аминь глаголю вам, яко вы шедшии по Мне, в пакибытие, егда сядет Сын Человеческий на престоле славы Своея, сядете и вы на двоюнадесяте престолу, судяще обеманадесяте коленома Израилевома: 040 MAT 019 029 и всяк, иже оставит дом, или братию, или сестры, или отца, или матерь, или жену, или чада, или села, имене Моего ради, сторицею приимет и живот вечный наследит: 040 MAT 019 030 мнози же будут перви последнии, и последни первии. 040 MAT 020 001 Подобно бо есть Царствие Небесное человеку домовиту, иже изыде купно утро наяти делатели в виноград свой, 040 MAT 020 002 и совещав с делатели по пенязю на день, посла их в виноград свой. 040 MAT 020 003 И изшед в третий час, виде ины стоящя на торжищи праздны, 040 MAT 020 004 и тем рече: идите и вы в виноград мой, и еже будет правда, дам вам. Они же идоша. 040 MAT 020 005 Паки же изшед в шестый и девятый час, сотвори такоже. 040 MAT 020 006 Во единыйженадесять час изшед, обрете другия стоящя праздны и глагола им: что зде стоите весь день праздни? 040 MAT 020 007 Глаголаша ему: яко никтоже нас наят. Глагола им: идите и вы в виноград (мой), и еже будет праведно, приимете. 040 MAT 020 008 Вечеру же бывшу, глагола господин винограда к приставнику своему: призови делатели и даждь им мзду, начен от последних до первых. 040 MAT 020 009 И пришедше иже во единыйнадесять час, прияша по пенязю. 040 MAT 020 010 Пришедше же первии мняху, яко вящше приимут: и прияша и тии по пенязю: 040 MAT 020 011 приемше же роптаху на господина, 040 MAT 020 012 глаголюще, яко сии последнии един час сотвориша, и равных нам сотворил их еси, понесшым тяготу дне и вар. 040 MAT 020 013 Он же отвещав рече единому их: друже, не обижу тебе: не по пенязю ли совещал еси со мною? 040 MAT 020 014 Возми твое и иди: хощу же и сему последнему дати, якоже и тебе: 040 MAT 020 015 или несть ми леть сотворити, еже хощу, во своих ми? Аще око твое лукаво есть, яко аз благ есмь? 040 MAT 020 016 Тако будут последнии перви, и первии последни: мнози бо суть звани, мало же избранных. 040 MAT 020 017 И восходя Иисус во Иерусалим, поят обанадесяте ученика едины на пути и рече им: 040 MAT 020 018 се, восходим во Иерусалим, и Сын Человеческий предан будет архиереем и книжником: и осудят Его на смерть, 040 MAT 020 019 и предадят Его языком на поругание и биение и пропятие: и в третий день воскреснет. 040 MAT 020 020 Тогда приступи к Нему мати сыну Зеведеову с сынома своима, кланяющися и просящи нечто от Него. 040 MAT 020 021 Он же рече ей: чесо хощеши? Глагола Ему: рцы, да сядета сия оба сына моя, един одесную Тебе, и един ошуюю (Тебе), во Царствии Твоем. 040 MAT 020 022 Отвещав же Иисус рече: не веста, чесо просита: можета ли пити чашу, юже Аз имам пити, или крещением, имже Аз крещаюся, креститися? Глаголаста Ему: можева. 040 MAT 020 023 И глагола има: чашу убо Мою испиета, и крещением, имже Аз крещаюся, имате креститися: а еже сести одесную Мене и ошуюю Мене, несть Мое дати, но имже уготовася от Отца Моего. 040 MAT 020 024 И слышавше десять, негодоваша о обою брату. 040 MAT 020 025 Иисус же призвав их, рече: весте, яко князи язык господствуют ими, и велицыи обладают ими: 040 MAT 020 026 не тако же будет в вас: но иже аще хощет в вас вящший быти, да будет вам слуга: 040 MAT 020 027 и иже аще хощет в вас быти первый, буди вам раб: 040 MAT 020 028 якоже Сын Человеческий не прииде, да послужат Ему, но послужити и дати душу Свою избавление за многих. 040 MAT 020 029 И исходящу Ему от Иерихона, по Нем иде народ мног. 040 MAT 020 030 И се, два слепца седяща при пути, слышавша, яко Иисус мимоходит, возописта, глаголюща: помилуй ны, Господи, Сыне Давидов. 040 MAT 020 031 Народ же прещаше има, да умолчита: она же паче вопияста, глаголюща: помилуй ны, Господи, Сыне Давидов. 040 MAT 020 032 И востав Иисус возгласи я и рече: что хощета, да сотворю вама? 040 MAT 020 033 Глаголаста Ему: Господи, да отверзетеся очи наю. 040 MAT 020 034 Милосердовав же Иисус прикоснуся очию има: и абие прозреста има очи, и по Нем идоста. 040 MAT 021 001 И егда приближишася во Иерусалим и приидоша в Вифсфагию к горе Елеонстей, тогда Иисус посла два ученика, 040 MAT 021 002 глаголя има: идита в весь, яже прямо вама: и абие обрящета осля привязано, и жребя с ним: отрешивша приведита Ми: 040 MAT 021 003 и аще вама кто речет что, речета, яко Господь ею требует: абие же послет я. 040 MAT 021 004 Сие же все бысть, да сбудется реченное пророком, глаголющим: 040 MAT 021 005 рцыте дщери Сионове: се, Царь твой грядет тебе кроток, и всед на осля и жребя, сына подяремнича. 040 MAT 021 006 Шедша же ученика и сотворша, якоже повеле има Иисус, 040 MAT 021 007 приведоста осля и жребя: и возложиша верху ею ризы своя, и вседе верху их. 040 MAT 021 008 Множайшии же народи постилаху ризы своя по пути: друзии же резаху ветви от древ и постилаху по пути. 040 MAT 021 009 Народи же предходящии (ему) и вследствующии зваху, глаголюще: осанна Сыну Давидову: благословен Грядый во имя Господне: осанна в вышних. 040 MAT 021 010 И вшедшу Ему во Иерусалим, потрясеся весь град, глаголя: кто есть Сей? 040 MAT 021 011 Народи же глаголаху: Сей есть Иисус Пророк, иже от Назарета Галилейска. 040 MAT 021 012 И вниде Иисус в церковь Божию и изгна вся продающыя и купующыя в церкви, и трапезы торжником испроверже и седалища продающих голуби, 040 MAT 021 013 и глагола им: писано есть: храм Мой храм молитвы наречется: вы же сотвористе и вертеп разбойником. 040 MAT 021 014 И приступиша к Нему хромии и слепии в церкви: и изцели их. 040 MAT 021 015 Видевше же архиерее и книжницы чудеса, яже сотвори, и отроки зовущя в церкви и глаголющя: осанна Сыну Давидову, негодоваша 040 MAT 021 016 и реша Ему: слышиши ли, что сии глаголют? Иисус же рече им: ей: несте ли чли николиже, яко из уст младенец и ссущих совершил еси хвалу? 040 MAT 021 017 И оставль их, изыде вон из града в Вифанию и водворися ту. 040 MAT 021 018 Утру же возвращься во град, взалка: 040 MAT 021 019 и узрев смоковницу едину при пути, прииде к ней, и ничтоже обрете на ней, токмо листвие едино, и глагола ей: да николиже от тебе плода будет во веки. И абие изсше смоковница. 040 MAT 021 020 И видевше ученицы дивишася, глаголюще: како абие изсше смоковница? 040 MAT 021 021 Отвещав же Иисус рече им: аминь глаголю вам: аще имате веру и не усумнитеся, не токмо смоковничное сотворите, но аще и горе сей речете: двигнися и верзися в море, будет: 040 MAT 021 022 и вся, елика аще воспросите в молитве верующе, приимете. 040 MAT 021 023 И пришедшу Ему в церковь, приступиша к Нему учащу архиерее и старцы людстии, глаголюще: коею властию сия твориши? И кто Ти даде власть сию? 040 MAT 021 024 Отвещав же Иисус рече им: вопрошу вы и Аз слово едино: еже аще речете Мне, и Аз вам реку, коею властию сия творю: 040 MAT 021 025 крещение Иоанново откуду бе? С небесе ли, или от человек? Они же помышляху в себе, глаголюще: аще речем, с небесе: речет нам: почто убо не веровасте ему? 040 MAT 021 026 Аще ли речем, от человек: боимся народа: вси бо имут Иоанна яко пророка. 040 MAT 021 027 И отвещавше Иисусови реша: не вемы. Рече им и Той: ни Аз вам глаголю, коею властию сия творю. 040 MAT 021 028 Что же ся вам мнит? Человек некий имяше два сына, и пришед к первому, рече: чадо, иди днесь, делай в винограде моем. 040 MAT 021 029 Он же отвещав рече: не хощу: последи же раскаявся, иде. 040 MAT 021 030 И приступль к другому, рече такоже. Он же отвещав рече: аз, господи (иду): и не иде. 040 MAT 021 031 Кий от обою сотвори волю отчу? Глаголаша Ему: первый. Глагола им Иисус: аминь глаголю вам, яко мытари и любодейцы варяют вы в Царствии Божии: 040 MAT 021 032 прииде бо к вам Иоанн (Креститель) путем праведным, и не веровасте ему, мытари же и любодейцы вероваша ему: вы же видевше, не раскаястеся последи веровати ему. 040 MAT 021 033 Ину притчу слышите. Человек некий бе домовит, иже насади виноград, и оплотом огради его, и ископа в нем точило, и созда столп, и вдаде и делателем, и отиде. 040 MAT 021 034 Егда же приближися время плодов, посла рабы своя к делателем прияти плоды его: 040 MAT 021 035 и емше делателе рабов его, оваго убо биша, оваго же убиша, оваго же камением побиша. 040 MAT 021 036 Паки посла ины рабы множайшя первых: и сотвориша им такоже. 040 MAT 021 037 Последи же посла к ним сына своего, глаголя: усрамятся сына моего. 040 MAT 021 038 Делателе же видевше сына, реша в себе: сей есть наследник: приидите, убием его и удержим достояние его. 040 MAT 021 039 И емше его изведоша вон из винограда и убиша. 040 MAT 021 040 Егда убо приидет господин винограда, что сотворит делателем тем? 040 MAT 021 041 Глаголаша Ему: злых зле погубит их, и виноград предаст иным делателем, иже воздадят ему плоды во времена своя. 040 MAT 021 042 Глагола им Иисус: несте ли чли николиже в Писаниих: камень, егоже не в ряду сотвориша зиждущии, сей бысть во главу угла? От Господа бысть сие, и есть дивно во очию вашею. 040 MAT 021 043 Сего ради глаголю вам, яко отимется от вас Царствие Божие и дастся языку творящему плоды его: 040 MAT 021 044 и падый на камени сем сокрушится: а на немже падет, сотрыет и. 040 MAT 021 045 И слышавше архиерее и фарисее притчи Его, разумеша, яко о них глаголет: 040 MAT 021 046 и ищуще Его яти, убояшася народа, понеже яко Пророка Его имеяху. 040 MAT 022 001 И отвещав Иисус, паки рече им в притчах, глаголя: 040 MAT 022 002 уподобися Царствие Небесное человеку царю, иже сотвори браки сыну своему 040 MAT 022 003 и посла рабы своя призвати званныя на браки: и не хотяху приити. 040 MAT 022 004 Паки посла ины рабы, глаголя: рцыте званным: се, обед мой уготовах, юнцы мои и упитанная исколена, и вся готова: приидите на браки. 040 MAT 022 005 Они же небрегше отидоша, ов убо на село свое, ов же на купли своя: 040 MAT 022 006 прочии же емше рабов его, досадиша им и убиша их. 040 MAT 022 007 И слышав царь той разгневася, и послав воя своя, погуби убийцы оны и град их зажже. 040 MAT 022 008 Тогда глагола рабом своим: брак убо готов есть, званнии же не быша достойни: 040 MAT 022 009 идите убо на исходища путий, и елицех аще обрящете, призовите на браки. 040 MAT 022 010 И изшедше раби они на распутия, собраша всех, елицех обретоша, злых же и добрых: и исполнися брак возлежащих. 040 MAT 022 011 Вшед же царь видети возлежащих, виде ту человека не оболчена во одеяние брачное, 040 MAT 022 012 и глагола ему: друже, како вшел еси семо не имый одеяния брачна? Он же умолча. 040 MAT 022 013 Тогда рече царь слугам: связавше ему руце и нозе, возмите его и вверзите во тму кромешнюю: ту будет плачь и скрежет зубом: 040 MAT 022 014 мнози бо суть звани, мало же избранных. 040 MAT 022 015 Тогда шедше фарисее, совет восприяша, яко да обольстят Его словом. 040 MAT 022 016 И посылают к Нему ученики своя со иродианы, глаголюще: Учителю, вемы, яко истинен еси, и пути Божию воистинну учиши, и нерадиши ни о комже: не зриши бо на лице человеком: 040 MAT 022 017 рцы убо нам, что Ти ся мнит? Достойно ли есть дати кинсон кесареви, или ни? 040 MAT 022 018 Разумев же Иисус лукавство их, рече: что Мя искушаете, лицемери? 040 MAT 022 019 Покажите Ми златицу кинсонную. Они же принесоша Ему пенязь. 040 MAT 022 020 И глагола им: чий образ сей и написание? 040 MAT 022 021 (И) глаголаша Ему: кесарев. Тогда глагола им: воздадите убо кесарева кесареви, и Божия Богови. 040 MAT 022 022 И слышавше дивишася: и оставльше Его отидоша. 040 MAT 022 023 В той день приступиша к Нему саддукее, иже глаголют не быти воскресению, и вопросиша Его, 040 MAT 022 024 глаголюще: Учителю, Моисей рече: аще кто умрет не имый чад, (да) поймет брат его жену его и воскресит семя брата своего: 040 MAT 022 025 беша же в нас седмь братия: и первый оженься умре, и не имый семене, остави жену свою брату своему: 040 MAT 022 026 такожде же и вторый, и третий, даже до седмаго: 040 MAT 022 027 последи же всех умре и жена: 040 MAT 022 028 в воскресение убо, котораго от седмих будет жена? Вси бо имеша ю. 040 MAT 022 029 Отвещав же Иисус рече им: прельщаетеся, не ведуще Писания, ни силы Божия: 040 MAT 022 030 в воскресение бо ни женятся, ни посягают, но яко Ангели Божии на небеси суть: 040 MAT 022 031 о воскресении же мертвых несте ли чли реченнаго вам Богом, глаголющим: 040 MAT 022 032 Аз есмь Бог Авраамов, и Бог Исааков, и Бог Иаковль? Несть Бог Бог мертвых, но (Бог) живых. 040 MAT 022 033 И слышавше народи дивляхуся о учении Его. 040 MAT 022 034 Фарисее же слышавше, яко посрами саддукеи, собрашася вкупе. 040 MAT 022 035 И вопроси един от них законоучитель, искушая Его и глаголя: 040 MAT 022 036 Учителю, кая заповедь болши (есть) в законе? 040 MAT 022 037 Иисус же рече ему: возлюбиши Господа Бога твоего всем сердцем твоим, и всею душею твоею, и всею мыслию твоею: 040 MAT 022 038 сия есть первая и болшая заповедь: 040 MAT 022 039 вторая же подобна ей: возлюбиши искренняго твоего яко сам себе: 040 MAT 022 040 в сию обою заповедию весь закон и пророцы висят. 040 MAT 022 041 Собравшымся же фарисеом, вопроси их Иисус, 040 MAT 022 042 глаголя: что вам мнится о Христе? Чий есть Сын? Глаголаша Ему: Давидов. 040 MAT 022 043 Глагола им: како убо Давид Духом Господа Его нарицает, глаголя: 040 MAT 022 044 рече Господь Господеви моему: седи одесную Мене, дондеже положу враги Твоя подножие ногама Твоима? 040 MAT 022 045 Аще убо Давид нарицает Его Господа, како сын ему есть? 040 MAT 022 046 И никтоже можаше отвещати Ему словесе: ниже смеяше кто от того дне вопросити Его ктому. 040 MAT 023 001 Тогда Иисус глагола к народом и учеником Своим, 040 MAT 023 002 глаголя: на Моисеове седалищи седоша книжницы и фарисее: 040 MAT 023 003 вся убо, елика аще рекут вам блюсти, соблюдайте и творите: по делом же их не творите: глаголют бо, и не творят: 040 MAT 023 004 связуют бо бремена тяжка и бедне носима, и возлагают на плеща человеческа, перстом же своим не хотят двигнути их. 040 MAT 023 005 Вся же дела своя творят, да видими будут человеки: разширяют же хранилища своя и величают воскрилия риз своих: 040 MAT 023 006 любят же преждевозлегания на вечерях, и преждеседания на сонмищих, 040 MAT 023 007 и целования на торжищих, и зватися от человек: учителю, учителю. 040 MAT 023 008 Вы же не нарицайтеся учителие: един бо есть ваш Учитель, Христос: вси же вы братия есте: 040 MAT 023 009 и отца не зовите себе на земли: един бо есть Отец ваш, Иже на небесех: 040 MAT 023 010 ниже нарицайтеся наставницы: един бо есть Наставник ваш, Христос. 040 MAT 023 011 Болий же в вас да будет вам слуга: 040 MAT 023 012 иже бо вознесется, смирится: и смиряяйся вознесется. 040 MAT 023 013 Горе вам, книжницы и фарисее, лицемери, яко затворяете Царствие Небесное пред человеки: вы бо не входите, ни входящих оставляете внити. 040 MAT 023 014 Горе вам, книжницы и фарисее, лицемери, яко снедаете домы вдовиц, и виною далече молитвы творяще: сего ради лишшее приимете осуждение. 040 MAT 023 015 Горе вам, книжницы и фарисее, лицемери, яко преходите море и сушу, сотворити единаго пришелца: и егда будет, творите его сына геенны сугубейша вас. 040 MAT 023 016 Горе вам, вожди слепии, глаголющии: иже аще кленется церковию, ничесоже есть: а иже кленется златом церковным, должен есть. 040 MAT 023 017 Буи и слепии, что бо более есть, злато ли, или церковь, святящая злато? 040 MAT 023 018 И: иже аще кленется олтарем, ничесоже есть: а иже кленется даром, иже верху его, должен есть. 040 MAT 023 019 Буи и слепии, что бо более, дар ли, или олтарь, святяй дар? 040 MAT 023 020 Иже убо кленется олтарем, кленется им и сущим верху его: 040 MAT 023 021 и иже кленется церковию, кленется ею и Живущим в ней: 040 MAT 023 022 и кленыйся небесем кленется Престолом Божиим и Седящим на нем. 040 MAT 023 023 Горе вам, книжницы и фарисее, лицемери, яко одесятствуете мятву и копр и кимин, и остависте вящшая закона, суд и милость и веру: сия (же) подобаше творити, и онех не оставляти. 040 MAT 023 024 Вожди слепии, оцеждающии комары, велблуды же пожирающе. 040 MAT 023 025 Горе вам, книжницы и фарисее лицемери, яко очищаете внешнее сткляницы и блюда, внутрьуду же суть полни хищения и неправды: 040 MAT 023 026 фарисее слепый, очисти прежде внутреннее сткляницы и блюда, да будет и внешнее има чисто. 040 MAT 023 027 Горе вам, книжницы и фарисее, лицемери, яко подобитеся гробом повапленым, иже внеуду убо являются красны, внутрьуду же полни суть костей мертвых и всякия нечистоты: 040 MAT 023 028 тако и вы, внеуду убо являетеся человеком праведни, внутрьуду же есте полни лицемерия и беззакония. 040 MAT 023 029 Горе вам, книжницы и фарисее, лицемери, яко зиждете гробы пророческия, и красите раки праведных, 040 MAT 023 030 и глаголете: аще быхом были во дни отец наших, не быхом убо общницы им были в крови пророк: 040 MAT 023 031 темже сами свидетелствуете себе, яко сынове есте избивших пророки: 040 MAT 023 032 и вы исполните меру отец ваших. 040 MAT 023 033 Змия, порождения ехиднова, како убежите от суда (огня) геенскаго? 040 MAT 023 034 Сего ради, се, Аз послю к вам пророки и премудры и книжники: и от них убиете и распнете, и от них биете на сонмищих ваших, и изженете от града во град: 040 MAT 023 035 яко да приидет на вы всяка кровь праведна, проливаемая на земли, от крове Авеля праведнаго до крове Захарии сына Варахиина, егоже убисте между церковию и олтарем. 040 MAT 023 036 Аминь глаголю вам: (яко) приидут вся сия на род сей. 040 MAT 023 037 Иерусалиме, Иерусалиме, избивый пророки и камением побиваяй посланныя к тебе, колькраты восхотех собрати чада твоя, якоже собирает кокош птенцы своя под криле, и не восхотесте? 040 MAT 023 038 Се, оставляется вам дом ваш пуст. 040 MAT 023 039 Глаголю бо вам: (яко) не имате Мене видети отселе, дондеже речете: благословен Грядый во имя Господне. 040 MAT 024 001 И изшед Иисус идяше от церкве. И приступиша (к Нему) ученицы Его показати Ему здания церковная. 040 MAT 024 002 Иисус же рече им: не видите ли вся сия? Аминь глаголю вам, не имать остати зде камень на камени, иже не разорится. 040 MAT 024 003 Седящу же Ему на горе Елеонстей, приступиша к Нему ученицы на едине, глаголюще: рцы нам, когда сия будут? И что есть знамение Твоего пришествия и кончина века? 040 MAT 024 004 И отвещав Иисус рече им: блюдите, да никтоже вас прельстит: 040 MAT 024 005 мнози бо приидут во имя Мое, глаголюще: Аз есмь Христос: и многи прельстят. 040 MAT 024 006 Услышати же имате брани и слышания бранем. Зрите, не ужасайтеся, подобает бо всем (сим) быти: но не тогда есть кончина. 040 MAT 024 007 Востанет бо язык на язык, и царство на царство: и будут глади и пагубы и труси по местом: 040 MAT 024 008 вся же сия начало болезнем. 040 MAT 024 009 Тогда предадят вы в скорби и убиют вы: и будете ненавидими всеми языки имене Моего ради. 040 MAT 024 010 И тогда соблазнятся мнози, и друг друга предадят, и возненавидят друг друга: 040 MAT 024 011 и мнози лжепророцы востанут и прельстят многия: 040 MAT 024 012 и за умножение беззакония, изсякнет любы многих. 040 MAT 024 013 Претерпевый же до конца, той спасется. 040 MAT 024 014 И проповестся сие Евангелие Царствия по всей вселенней, во свидетелство всем языком: и тогда приидет кончина. 040 MAT 024 015 Егда убо узрите мерзость запустения, реченную Даниилом пророком, стоящу на месте святе: иже чтет, да разумеет: 040 MAT 024 016 тогда сущии во Иудеи да бежат на горы: 040 MAT 024 017 (и) иже на крове, да не сходит взяти яже в дому его: 040 MAT 024 018 и иже на селе, да не возвратится вспять взяти риз своих. 040 MAT 024 019 Горе же непраздным и доящым в тыя дни. 040 MAT 024 020 Молитеся же, да не будет бегство ваше в зиме, ни в субботу. 040 MAT 024 021 Будет бо тогда скорбь велия, яковаже не была от начала мира доселе, ниже имать быти. 040 MAT 024 022 И аще не быша прекратилися дние оны, не бы убо спаслася всяка плоть: избранных же ради прекратятся дние оны. 040 MAT 024 023 Тогда аще кто речет вам: се, зде Христос, или онде: не имите веры: 040 MAT 024 024 востанут бо лжехристи и лжепророцы и дадят знамения велия и чудеса, якоже прельстити, аще возможно, и избранныя. 040 MAT 024 025 Се, прежде рех вам. 040 MAT 024 026 Аще убо рекут вам: се, в пустыни есть, не изыдите: се, в сокровищих, не имите веры: 040 MAT 024 027 якоже бо молния исходит от восток и является до запад, тако будет пришествие Сына Человеческаго: 040 MAT 024 028 идеже бо аще будет труп, тамо соберутся орли. 040 MAT 024 029 Абие же, по скорби дний тех, солнце померкнет, и луна не даст света своего, и звезды спадут с небесе, и силы небесныя подвигнутся: 040 MAT 024 030 и тогда явится знамение Сына Человеческаго на небеси: и тогда восплачутся вся колена земная и узрят Сына Человеческаго грядуща на облацех небесных с силою и славою многою: 040 MAT 024 031 и послет Ангелы Своя с трубным гласом велиим, и соберут избранныя Его от четырех ветр, от конец небес до конец их. 040 MAT 024 032 От смоковницы же научитеся притчи: егда уже ваия ея будут млада, и листвие прозябнет, ведите, яко близ есть жатва: 040 MAT 024 033 тако и вы, егда видите сия вся, ведите, яко близ есть, при дверех. 040 MAT 024 034 Аминь глаголю вам, не мимоидет род сей, дондеже вся сия будут: 040 MAT 024 035 небо и земля мимоидет, словеса же Моя не мимоидут. 040 MAT 024 036 О дни же том и часе никтоже весть, ни Ангели небеснии, токмо Отец Мой един: 040 MAT 024 037 якоже (бо бысть во) дни Ноевы, тако будет и пришествие Сына Человеческаго: 040 MAT 024 038 якоже бо беху во дни прежде потопа ядуще и пиюще, женящеся и посягающе, до негоже дне вниде Ное в ковчег, 040 MAT 024 039 и не уведеша, дондеже прииде вода и взят вся: тако будет и пришествие Сына Человеческаго: 040 MAT 024 040 тогда два будета на селе: един поемлется, а другий оставляется: 040 MAT 024 041 две мелюще в жерновех: едина поемлется, и едина оставляется. 040 MAT 024 042 Бдите убо, яко не весте, в кий час Господь ваш приидет. 040 MAT 024 043 Сие же ведите, яко аще бы ведал дому владыка, в кую стражу тать приидет, бдел убо бы и не бы дал подкопати храма своего. 040 MAT 024 044 Сего ради и вы будите готови: яко, в оньже час не мните, Сын Человеческий приидет. 040 MAT 024 045 Кто убо есть верный раб и мудрый, егоже поставит господин его над домом своим, еже даяти им пищу во время (их)? 040 MAT 024 046 Блажен раб той, егоже, пришед господин его, обрящет тако творяща: 040 MAT 024 047 аминь глаголю вам, яко над всем имением своим поставит его. 040 MAT 024 048 Аще ли же речет злый раб той в сердцы своем: коснит господин мой приити, 040 MAT 024 049 и начнет бити клевреты своя, ясти же и пити с пияницами: 040 MAT 024 050 приидет господин раба того в день, в оньже не чает, и в час, в оньже не весть, 040 MAT 024 051 и растешет его полма, и часть его с неверными положит: ту будет плачь и скрежет зубом. 040 MAT 025 001 Тогда уподобися Царствие Небесное десятим девам, яже прияша светилники своя и изыдоша в сретение жениху: 040 MAT 025 002 пять же бе от них мудры и пять юродивы. 040 MAT 025 003 Юродивыя же, приемшя светилники своя, не взяша с собою елеа: 040 MAT 025 004 мудрыя же прияша елей в сосудех со светилники своими: 040 MAT 025 005 коснящу же жениху, воздремашася вся и спаху. 040 MAT 025 006 Полунощи же вопль бысть: се, жених грядет, исходите в сретение его. 040 MAT 025 007 Тогда восташа вся девы тыя и украсиша светилники своя. 040 MAT 025 008 Юродивыя же мудрым реша: дадите нам от елеа вашего, яко светилницы наши угасают. 040 MAT 025 009 Отвещаша же мудрыя, глаголющя: еда како не достанет нам и вам: идите же паче к продающым и купите себе. 040 MAT 025 010 Идущым же им купити, прииде жених: и готовыя внидоша с ним на браки, и затворены быша двери. 040 MAT 025 011 Последи же приидоша и прочыя девы, глаголющя: Господи, Господи, отверзи нам. 040 MAT 025 012 Он же отвещав рече им: аминь глаголю вам, не вем вас. 040 MAT 025 013 Бдите убо, яко не весте дне ни часа, в оньже Сын Человеческий приидет. 040 MAT 025 014 Якоже бо человек некий отходя призва своя рабы и предаде им имение свое: 040 MAT 025 015 и овому убо даде пять талант, овому же два, овому же един, комуждо противу силы его: и отиде абие. 040 MAT 025 016 Шед же приемый пять талант, дела в них и сотвори другия пять талант: 040 MAT 025 017 такожде и иже два, приобрете и той другая два: 040 MAT 025 018 приемый же един, шед вкопа (его) в землю и скры сребро господина своего. 040 MAT 025 019 По мнозе же времени прииде господин раб тех и стязася с ними о словеси. 040 MAT 025 020 И приступль пять талант приемый, принесе другия пять талант, глаголя: господи, пять талант ми еси предал: се, другия пять талант приобретох ими. 040 MAT 025 021 Рече же ему господь его: добре, рабе благий и верный: о мале был еси верен, над многими тя поставлю: вниди в радость господа твоего. 040 MAT 025 022 Приступль же и иже два таланта приемый, рече: господи, два таланта ми еси предал: се, другая два таланта приобретох има. 040 MAT 025 023 Рече (же) ему господь его: добре, рабе благий и верный: о мале (ми) был еси верен, над многими тя поставлю: вниди в радость господа твоего. 040 MAT 025 024 Приступль же и приемый един талант, рече: господи, ведях тя, яко жесток еси человек, жнеши, идеже не сеял еси, и собираеши идеже не расточил еси: 040 MAT 025 025 и убоявся, шед скрых талант твой в земли: (и) се, имаши твое. 040 MAT 025 026 Отвещав же господь его рече ему: лукавый рабе и ленивый, ведел еси, яко жну идеже не сеях, и собираю идеже не расточих: 040 MAT 025 027 подобаше убо тебе вдати сребро мое торжником, и пришед аз взял бых свое с лихвою: 040 MAT 025 028 возмите убо от него талант и дадите имущему десять талант: 040 MAT 025 029 имущему бо везде дано будет и преизбудет: от неимущаго же, и еже мнится имея, взято будет от него: 040 MAT 025 030 и неключимаго раба вверзите во тму кромешнюю: ту будет плачь и скрежет зубом. Сия глаголя возгласи: имеяй ушы слышати да слышит. 040 MAT 025 031 Егда же приидет Сын Человеческий в славе Своей и вси святии Ангели с Ним, тогда сядет на престоле славы Своея, 040 MAT 025 032 и соберутся пред Ним вси языцы: и разлучит их друг от друга, якоже пастырь разлучает овцы от козлищ: 040 MAT 025 033 и поставит овцы одесную Себе, а козлища ошуюю. 040 MAT 025 034 Тогда речет Царь сущым одесную Его: приидите, благословеннии Отца Моего, наследуйте уготованное вам Царствие от сложения мира: 040 MAT 025 035 взалкахся бо, и дасте Ми ясти: возжадахся, и напоисте Мя: странен бех, и введосте Мене: 040 MAT 025 036 наг, и одеясте Мя: болен, и посетисте Мене: в темнице бех, и приидосте ко Мне. 040 MAT 025 037 Тогда отвещают Ему праведницы, глаголюще: Господи, когда Тя видехом алчуща, и напитахом? Или жаждуща, и напоихом? 040 MAT 025 038 Когда же Тя видехом странна, и введохом? Или нага, и одеяхом? 040 MAT 025 039 Когда же Тя видехом боляща, или в темнице, и приидохом к Тебе? 040 MAT 025 040 И отвещав Царь речет им: аминь глаголю вам, понеже сотвористе единому сих братий Моих менших, Мне сотвористе. 040 MAT 025 041 Тогда речет и сущым ошуюю (Его): идите от Мене, проклятии, во огнь вечный, уготованный диаволу и аггелом его: 040 MAT 025 042 взалкахся бо, и не дасте Ми ясти: возжадахся, и не напоисте Мене: 040 MAT 025 043 странен бех, и не введосте Мене: наг, и не одеясте Мене: болен и в темнице, и не посетисте Мене. 040 MAT 025 044 Тогда отвещают Ему и тии, глаголюще: Господи, когда Тя видехом алчуща, или жаждуща, или странна, или нага, или больна, или в темнице, и не послужихом Тебе? 040 MAT 025 045 Тогда отвещает им, глаголя: аминь глаголю вам, понеже не сотвористе единому сих менших, ни Мне сотвористе. 040 MAT 025 046 И идут сии в муку вечную, праведницы же в живот вечный. 040 MAT 026 001 И бысть, егда сконча Иисус вся словеса сия, рече учеником Своим: 040 MAT 026 002 весте, яко по двою дню Пасха будет, и Сын Человеческий предан будет на пропятие. 040 MAT 026 003 Тогда собрашася архиерее и книжницы и старцы людстии во двор архиереов, глаголемаго Каиафы, 040 MAT 026 004 и совещаша, да Иисуса лестию имут и убиют: 040 MAT 026 005 глаголаху же: но не в праздник, да не молва будет в людех. 040 MAT 026 006 Иисусу же бывшу в Вифании, в дому Симона прокаженнаго, 040 MAT 026 007 приступи к Нему жена, сткляницу мира имущи многоценнаго, и возливаше на главу Его возлежаща. 040 MAT 026 008 Видевше же ученицы Его негодоваша, глаголюще: чесо ради гибель сия (бысть)? 040 MAT 026 009 Можаше бо сие миро продано быти на мнозе и датися нищым. 040 MAT 026 010 Разумев же Иисус рече им: что труждаете жену? Дело бо добро содела о Мне: 040 MAT 026 011 всегда бо нищыя имате с собою, Мене же не всегда имате: 040 MAT 026 012 возлиявши бо сия миро сие на тело Мое, на погребение Мя сотвори: 040 MAT 026 013 аминь глаголю вам: идеже аще проповедано будет Евангелие сие во всем мире, речется и еже сотвори сия, в память ея. 040 MAT 026 014 Тогда шед един от обоюнадесяте, глаголемый Иуда Искариотский, ко архиереом, 040 MAT 026 015 рече: что ми хощете дати, и аз вам предам Его? Они же поставиша ему тридесять сребреник: 040 MAT 026 016 и оттоле искаше удобна времене, да Его предаст. 040 MAT 026 017 В первый же день опресночный приступиша ученицы ко Иисусу, глаголюще Ему: где хощеши уготоваем Ти ясти пасху? 040 MAT 026 018 Он же рече: идите во град ко онсице, и рцыте ему: Учитель глаголет: время Мое близ есть: у тебе сотворю пасху со ученики Моими. 040 MAT 026 019 И сотвориша ученицы, якоже повеле им Иисус, и уготоваша пасху. 040 MAT 026 020 Вечеру же бывшу, возлежаше со обеманадесяте ученикома: 040 MAT 026 021 и ядущым им, рече: аминь глаголю вам, яко един от вас предаст Мя. 040 MAT 026 022 И скорбяще зело, начаша глаголати Ему един кийждо их: еда аз есмь, Господи? 040 MAT 026 023 Он же отвещав рече: омочивый со Мною в солило руку, той Мя предаст: 040 MAT 026 024 Сын убо Человеческий идет, якоже есть писано о Нем: горе же человеку тому, имже Сын Человеческий предастся: добро бы было ему, аще не бы родился человек той. 040 MAT 026 025 Отвещав же Иуда предаяй Его, рече: еда аз есмь, Равви? Глагола ему: ты рекл еси. 040 MAT 026 026 Ядущым же им, приемь Иисус хлеб и благословив преломи, и даяше учеником, и рече: приимите, ядите: сие есть Тело Мое. 040 MAT 026 027 И приемь чашу и хвалу воздав, даде им, глаголя: пийте от нея вси: 040 MAT 026 028 сия бо есть Кровь Моя, Новаго Завета, яже за многия изливаема во оставление грехов. 040 MAT 026 029 Глаголю же вам, яко не имам пити отныне от сего плода лознаго, до дне того, егда е пию с вами ново во Царствии Отца Моего. 040 MAT 026 030 И воспевше изыдоша в гору Елеонску. 040 MAT 026 031 Тогда глагола им Иисус: вси вы соблазнитеся о Мне в нощь сию: писано бо есть: поражу пастыря, и разыдутся овцы стада: 040 MAT 026 032 по воскресении же Моем варяю вы в Галилеи. 040 MAT 026 033 Отвещав же Петр рече Ему: аще и вси соблазнятся о Тебе, аз никогдаже соблажнюся. 040 MAT 026 034 Рече ему Иисус: аминь глаголю тебе, яко в сию нощь, прежде даже алектор не возгласит, трикраты отвержешися Мене. 040 MAT 026 035 Глагола Ему Петр: аще ми есть и умрети с Тобою, не отвергуся Тебе. Такожде и вси ученицы реша. 040 MAT 026 036 Тогда прииде с ними Иисус в весь, нарицаемую Гефсиманиа, и глагола учеником: седите ту, дондеже шед помолюся тамо. 040 MAT 026 037 И поемь Петра и оба сына Зеведеова, начат скорбети и тужити. 040 MAT 026 038 Тогда глагола им Иисус: прискорбна есть душа Моя до смерти: пождите зде и бдите со Мною. 040 MAT 026 039 И прешед мало, паде на лицы Своем, моляся и глаголя: Отче Мой, аще возможно есть, да мимоидет от Мене чаша сия: обаче не якоже Аз хощу, но якоже Ты. 040 MAT 026 040 И пришед ко учеником, и обрете их спящих, и глагола Петрови: тако ли не возмогосте единаго часа побдети со Мною? 040 MAT 026 041 Бдите и молитеся, да не внидете в напасть: дух убо бодр, плоть же немощна. 040 MAT 026 042 Паки вторицею шед помолися, глаголя: Отче Мой, аще не может сия чаша мимоити от Мене, аще не пию ея, буди воля Твоя. 040 MAT 026 043 И пришед обрете их паки спящих: беста бо им очи отяготене. 040 MAT 026 044 И оставль их, шед паки, помолися третицею, тожде слово рек. 040 MAT 026 045 Тогда прииде ко учеником Своим и глагола им: спите прочее и почивайте: се, приближися час, и Сын Человеческий предается в руки грешников: 040 MAT 026 046 востаните, идем: се, приближися предаяй Мя. 040 MAT 026 047 И еще Ему глаголющу, се, Иуда, един от обоюнадесяте, прииде, и с ним народ мног со оружием и дрекольми, от архиерей и старец людских. 040 MAT 026 048 Предаяй же Его даде им знамение, глаголя: Егоже аще лобжу, Той есть: имите Его. 040 MAT 026 049 И абие приступль ко Иисусови, рече: радуйся, Равви. И облобыза Его. 040 MAT 026 050 Иисус же рече ему: друже, (твори, ) на неже еси пришел. Тогда приступльше возложиша руце на Иисуса и яша Его. 040 MAT 026 051 И се, един от сущих со Иисусом, простер руку, извлече нож свой, и удари раба архиереова, и уреза ему ухо. 040 MAT 026 052 Тогда глагола ему Иисус: возврати нож твой в место его: вси бо приемшии нож ножем погибнут: 040 MAT 026 053 или мнится ти, яко не могу ныне умолити Отца Моего, и представит Ми вящше неже дванадесяте легеона Ангел? 040 MAT 026 054 Како убо сбудутся Писания, яко тако подобает быти? 040 MAT 026 055 В той час рече Иисус народом: яко на разбойника ли изыдосте со оружием и дрекольми яти Мя? По вся дни при вас седех учя в церкви, и не ясте Мене. 040 MAT 026 056 Се же все бысть, да сбудутся писания пророческая. Тогда ученицы вси оставльше Его бежаша. 040 MAT 026 057 (Воини) же емше Иисуса ведоша к Каиафе архиереови, идеже книжницы и старцы собрашася. 040 MAT 026 058 Петр же идяше по Нем издалеча до двора архиереова: и вшед внутрь, седяше со слугами, видети кончину. 040 MAT 026 059 Архиерее же и старцы и сонм весь искаху лжесвидетелства на Иисуса, яко да убиют Его, 040 MAT 026 060 и не обретаху: и многим лжесвидетелем приступльшым, не обретоша. Послежде же приступивша два лжесвидетеля, 040 MAT 026 061 реста: Сей рече: могу разорити церковь Божию и треми денми создати ю. 040 MAT 026 062 И востав архиерей рече Ему: ничесоже ли отвещаваеши, что сии на Тя свидетелствуют? 040 MAT 026 063 Иисус же молчаше. И отвещав архиерей рече Ему: заклинаю Тя Богом живым, да речеши нам, аще Ты еси Христос, Сын Божий? 040 MAT 026 064 Глагола ему Иисус: ты рекл еси: обаче глаголю вам: отселе узрите Сына Человеческаго седяща одесную силы и грядуща на облацех небесных. 040 MAT 026 065 Тогда архиерей растерза ризы своя, глаголя, яко хулу глагола: что еще требуем свидетелей? Се, ныне слышасте хулу Его: 040 MAT 026 066 что вам мнится? Они же отвещавше реша: повинен есть смерти. 040 MAT 026 067 Тогда заплеваша лице Его и пакости Ему деяху: овии же за ланиту удариша, 040 MAT 026 068 глаголюще: прорцы нам, Христе, кто есть ударей Тя? 040 MAT 026 069 Петр же вне седяше во дворе. И приступи к нему едина рабыня, глаголющи: и ты был еси со Иисусом Галилейским. 040 MAT 026 070 Он же отвержеся пред всеми, глаголя: не вем, что глаголеши. 040 MAT 026 071 Изшедшу же ему ко вратом, узре его другая, и глагола сущым тамо: и сей бе со Иисусом Назореом. 040 MAT 026 072 И паки отвержеся с клятвою, яко не знаю Человека. 040 MAT 026 073 Помале же приступивше стоящии, реша Петрови: воистинну и ты от них еси, ибо беседа твоя яве тя творит. 040 MAT 026 074 Тогда начат ротитися и клятися, яко не знаю Человека. И абие петель возгласи. 040 MAT 026 075 И помяну Петр глаголгол Иисусов, реченный ему, яко прежде даже петель не возгласит, трикраты отвержешися Мене. И изшед вон плакася горько. 040 MAT 027 001 Утру же бывшу, совет сотвориша вси архиерее и старцы людстии на Иисуса, яко убити Его: 040 MAT 027 002 и связавше Его ведоша и предаша Его Понтийскому Пилату игемону. 040 MAT 027 003 Тогда видев Иуда предавый Его, яко осудиша Его, раскаявся возврати тридесять сребреники архиереем и старцем, 040 MAT 027 004 глаголя: согреших предав кровь неповинную. Они же реша: что есть нам? Ты узриши. 040 MAT 027 005 И поверг сребреники в церкви, отиде: и шед удавися. 040 MAT 027 006 Архиерее же приемше сребреники, реша: недостойно есть вложити их в корвану, понеже цена крове есть. 040 MAT 027 007 Совет же сотворше, купиша ими село скудельничо, в погребание странным: 040 MAT 027 008 темже наречеся село то село крове, до сего дне: 040 MAT 027 009 тогда сбыстся реченное Иеремием пророком, глаголющим: и прияша тридесять сребреник, цену Цененнаго, Егоже цениша от сынов Израилев, 040 MAT 027 010 и даша я на село скудельничо, якоже сказа мне Господь. 040 MAT 027 011 Иисус же ста пред игемоном. И вопроси Его игемон, глаголя: Ты ли еси Царь Иудейский? Иисус же рече ему: ты глаголеши. 040 MAT 027 012 И егда Нань глаголаху архиерее и старцы, ничесоже отвещаваше. 040 MAT 027 013 Тогда глагола Ему Пилат: не слышиши ли, колика на Тя свидетелствуют? 040 MAT 027 014 И не отвеща ему ни к единому глаголу, яко дивитися игемону зело. 040 MAT 027 015 На (всяк) же праздник обычай бе игемону отпущати единаго народу связня, егоже хотяху: 040 MAT 027 016 имяху же тогда связана нарочита, глаголемаго Варавву: 040 MAT 027 017 собравшымся же им, рече им Пилат: кого хощете (от обою) отпущу вам: Варавву ли, или Иисуса глаголемаго Христа? 040 MAT 027 018 Ведяше бо, яко зависти ради предаша Его. 040 MAT 027 019 Седящу же ему на судищи, посла к нему жена его, глаголющи: ничтоже тебе и Праведнику Тому: много бо пострадах днесь во сне Его ради. 040 MAT 027 020 Архиерее же и старцы наустиша народы, да испросят Варавву, Иисуса же погубят. 040 MAT 027 021 Отвещав же игемон рече им: кого хощете от обою отпущу вам? Они же реша: Варавву. 040 MAT 027 022 Глагола им Пилат: что убо сотворю Иисусу глаголемому Христу? Глаголаша ему вси: да распят будет. 040 MAT 027 023 Игемон же рече: кое убо зло сотвори? Они же излиха вопияху, глаголюще: да пропят будет. 040 MAT 027 024 Видев же Пилат, яко ничтоже успевает, но паче молва бывает, приемь воду, умы руце пред народом, глаголя: неповинен есмь от крове Праведнаго Сего: вы узрите. 040 MAT 027 025 И отвещавше вси людие реша: кровь Его на нас и на чадех наших. 040 MAT 027 026 Тогда отпусти им Варавву: Иисуса же бив предаде (им), да Его пропнут. 040 MAT 027 027 Тогда воини игемоновы, приемше Иисуса на судище, собраша Нань все множество воин: 040 MAT 027 028 и совлекше Его, одеяша Его хламидою червленою: 040 MAT 027 029 и сплетше венец от терния, возложиша на главу Его, и трость в десницу Его: и поклоньшеся на колену пред Ним ругахуся Ему, глаголюще: радуйся, Царю Иудейский. 040 MAT 027 030 И плюнувше Нань, прияша трость и бияху по главе Его. 040 MAT 027 031 И егда поругашася Ему, совлекоша с Него багряницу и облекоша Его в ризы Его: и ведоша Его на пропятие. 040 MAT 027 032 Исходяще же обретоша человека Киринейска, именем Симона: и сему задеша понести крест Его. 040 MAT 027 033 И пришедше на место нарицаемое Голгофа, еже есть глаголемо Краниево место, 040 MAT 027 034 даша Ему пити оцет с желчию смешен: и вкушь, не хотяше пити. 040 MAT 027 035 Распеншии же Его разделиша ризы Его, вергше жребия: 040 MAT 027 036 и седяще стрежаху Его ту: 040 MAT 027 037 и возложиша верху главы Его вину Его написану: Сей есть Иисус, Царь Иудейский. 040 MAT 027 038 Тогда распяша с Ним два разбойника: единаго о десную, и единаго о шуюю. 040 MAT 027 039 Мимоходящии же хуляху Его, покивающе главами своими 040 MAT 027 040 и глаголюще: Разоряяй церковь и треми денми Созидаяй, спасися Сам: аще Сын еси Божий, сниди со креста. 040 MAT 027 041 Такожде же и архиерее ругающеся с книжники и старцы (и фарисеи), глаголаху: 040 MAT 027 042 иныя спасе, Себе ли не может спасти? Аще Царь Израилев есть, да снидет ныне со креста, и веруем в Него: 040 MAT 027 043 упова на Бога: да избавит ныне Его, аще хощет Ему. Рече бо, яко Божий есмь Сын. 040 MAT 027 044 Тожде же и разбойника распятая с Ним поношаста Ему. 040 MAT 027 045 От шестаго же часа тма бысть по всей земли до часа девятаго: 040 MAT 027 046 о девятем же часе возопи Иисус гласом велиим, глаголя: Или, Или, лима савахфани? Еже есть, Боже Мой, Боже Мой, вскую Мя еси оставил? 040 MAT 027 047 Нецыи же от ту стоящих слышавше глаголаху, яко Илию глашает Сей. 040 MAT 027 048 И абие тек един от них, и приемь губу, исполнив же оцта, и вонзе на трость, напаяше Его. 040 MAT 027 049 Прочии же глаголаху: остави, да видим, аще приидет Илиа спасти Его. 040 MAT 027 050 Иисус же, паки возопив гласом велиим, испусти дух. 040 MAT 027 051 И се, завеса церковная раздрася на двое с вышняго края до нижняго: и земля потрясеся: и камение распадеся: 040 MAT 027 052 и гроби отверзошася: и многа телеса усопших святых восташа: 040 MAT 027 053 и изшедше из гроб, по воскресении Его, внидоша во святый град и явишася мнозем. 040 MAT 027 054 Сотник же и иже с ним стрегущии Иисуса, видевше трус и бывшая, убояшася зело, глаголюще: воистинну Божий Сын бе Сей. 040 MAT 027 055 Бяху же ту и жены многи издалеча зрящя, яже идоша по Иисусе от Галилеи, служащя Ему: 040 MAT 027 056 в нихже бе Мариа Магдалина, и Мариа Иакова и Иосии мати, и мати сыну Зеведеову. 040 MAT 027 057 Позде же бывшу, прииде человек богат от Аримафеа, именем Иосиф, иже и сам учися у Иисуса: 040 MAT 027 058 сей приступль к Пилату, проси телесе Иисусова. Тогда Пилат повеле дати тело. 040 MAT 027 059 И приемь тело Иосиф, обвит е плащаницею чистою 040 MAT 027 060 и положи е в новем своем гробе, егоже изсече в камени: и возвалив камень велий над двери гроба, отиде. 040 MAT 027 061 Бе же ту Мариа Магдалина и другая Мариа, седяще прямо гроба. 040 MAT 027 062 Во утрий же день, иже есть по пятце, собрашася архиерее и фарисее к Пилату, 040 MAT 027 063 глаголюще: господи, помянухом, яко льстец он рече, еще сый жив: по триех днех востану: 040 MAT 027 064 повели убо утвердити гроб до третияго дне, да не како пришедше ученицы Его нощию украдут Его и рекут людем: воста от мертвых: и будет последняя лесть горша первыя. 040 MAT 027 065 Рече же им Пилат: имате кустодию: идите, утвердите, якоже весте. 040 MAT 027 066 Они же шедше утвердиша гроб, знаменавше камень с кустодиею. 040 MAT 028 001 В вечер же субботный, свитающи во едину от суббот, прииде Мариа Магдалина и другая Мариа, видети гроб. 040 MAT 028 002 И се, трус бысть велий: Ангел бо Господень сшед с небесе, приступль отвали камень от дверий гроба и седяше на нем: 040 MAT 028 003 бе же зрак его яко молния, и одеяние его бело яко снег. 040 MAT 028 004 От страха же его сотрясошася стрегущии и быша яко мертви. 040 MAT 028 005 Отвещав же Ангел рече женам: не бойтеся вы: вем бо, яко Иисуса распятаго ищете: 040 MAT 028 006 несть зде: воста бо, якоже рече: приидите, видите место, идеже лежа Господь, 040 MAT 028 007 и скоро шедше рцыте учеником Его, яко воста от мертвых и се, варяет вы в Галилеи: тамо Его узрите: се, рех вам. 040 MAT 028 008 И изшедше скоро от гроба со страхом и радостию велиею, текосте возвестити учеником Его. 040 MAT 028 009 Егда же идясте возвестити учеником Его, и се, Иисус срете я, глаголя: радуйтеся. Оне же приступльше ястеся за нозе Его и поклонистеся Ему. 040 MAT 028 010 Тогда глагола има Иисус: не бойтеся: идите, возвестите братии Моей, да идут в Галилею, и ту Мя видят. 040 MAT 028 011 Идущема же има, се, нецыи от кустодии пришедше во град, возвестиша архиереом вся бывшая. 040 MAT 028 012 И собравшеся со старцы, совет сотвориша, сребреники доволны даша воином, 040 MAT 028 013 глаголюще: рцыте, яко ученицы Его нощию пришедше украдоша Его, нам спящым: 040 MAT 028 014 и аще сие услышано будет у игемона, мы утолим его и вас безпечальны сотворим. 040 MAT 028 015 Они же приемше сребреники, сотвориша, якоже научени быша. И промчеся слово сие во Иудеех даже до сего дне. 040 MAT 028 016 Единии же надесяте ученицы идоша в Галилею, в гору, аможе повеле им Иисус: 040 MAT 028 017 и видевше Его, поклонишася Ему: ови же усумнешася. 040 MAT 028 018 И приступль Иисус, рече им, глаголя: дадеся Ми всяка власть на небеси и на земли: 040 MAT 028 019 шедше убо научите вся языки, крестяще их во имя Отца и Сына и Святаго Духа, 040 MAT 028 020 учаще их блюсти вся, елика заповедах вам: и се, Аз с вами есмь во вся дни до скончания века. Аминь. # # BOOK 041 MAR Mark От Марка святое благовествование 041 MAR 001 001 Зачало Евангелиа Иисуса Христа, Сына Божия, 041 MAR 001 002 якоже есть писано во пророцех: се, Аз посылаю Ангела Моего пред лицем Твоим, иже уготовит путь Твой пред Тобою. 041 MAR 001 003 Глас вопиющаго в пустыни: уготовайте путь Господень, правы творите стези Его. 041 MAR 001 004 Бысть Иоанн крестяй в пустыни и проповедая крещение покаяния во отпущение грехов. 041 MAR 001 005 И исхождаше к нему вся Иудейская страна и Иерусалимляне: и крещахуся вси во Иордане реце от него, исповедающе грехи своя. 041 MAR 001 006 Бе же Иоанн оболчен власы велблужди, и пояс усмен о чреслех его, и ядый акриды и мед дивий. 041 MAR 001 007 И проповедаше, глаголя: грядет Креплий мене вслед мене, Емуже несмь достоин преклонься разрешити ремень сапог Его: 041 MAR 001 008 аз убо крестих вы водою: Той же крестит вы Духом Святым. 041 MAR 001 009 И бысть во онех днех, прииде Иисус от Назарета Галилейскаго и крестися от Иоанна во Иордане. 041 MAR 001 010 И абие восходя от воды, виде разводящася небеса и Духа яко голубя, сходяща Нань. 041 MAR 001 011 И глас бысть с небесе: Ты еси Сын Мой возлюбленный, о Немже благоволих. 041 MAR 001 012 И абие Дух изведе Его в пустыню. 041 MAR 001 013 И бе ту в пустыни дний четыредесять, искушаемь сатаною, и бе со зверьми: и Ангели служаху Ему. 041 MAR 001 014 По предании же Иоаннове, прииде Иисус в Галилею, проповедая Евангелие Царствия Божия 041 MAR 001 015 и глаголя, яко исполнися время и приближися Царствие Божие: покайтеся и веруйте во Евангелие. 041 MAR 001 016 Ходя же при мори Галилейстем, виде Симона и Андреа брата (того) Симона, вметающа мрежи в море: беста бо рыбаря. 041 MAR 001 017 И рече има Иисус: приидита вслед Мене, и сотворю вас быти ловца человеком. 041 MAR 001 018 И абие оставльша мрежи своя, по Нем идоста. 041 MAR 001 019 И прешед мало оттуду, узре Иакова Зеведеова и Иоанна брата его, и та в корабли строяща мрежа: 041 MAR 001 020 и абие воззва я. И оставльша отца своего Зеведеа в корабли с наемники, по Нем идоста. 041 MAR 001 021 И внидоша в Капернаум: и абие в субботы вшед в сонмище, учаше. 041 MAR 001 022 И дивляхуся о учении Его: бе бо учя их яко власть имый, и не яко книжницы. 041 MAR 001 023 И бе в сонмищи их человек в дусе нечисте, и воззва, 041 MAR 001 024 глаголя: остави, что нам и Тебе, Иисусе Назарянине? Пришел еси погубити нас: вем Тя, кто еси, Святый Божий. 041 MAR 001 025 И запрети ему Иисус, глаголя: умолчи и изыди из него. 041 MAR 001 026 И стрясе его дух нечистый, и возопи гласом великим, и изыде из него. 041 MAR 001 027 И ужасошася вси, якоже стязатися им к себе, глаголющым: что есть сие? (и) что учение новое сие, яко по области и духовом нечистым велит, и послушают Его? 041 MAR 001 028 Изыде же слух Его абие во всю страну Галилейску. 041 MAR 001 029 И абие из сонмища изшедше, приидоша в дом Симонов и Андреов со Иаковом и Иоанном. 041 MAR 001 030 Теща же Симонова лежаше огнем жегома: и абие глаголаша Ему о ней. 041 MAR 001 031 И приступль воздвиже ю, емь за руку ея: и остави ю огнь абие, и служаше им. 041 MAR 001 032 Позде же бывшу, егда захождаше солнце, приношаху к Нему вся недужныя и бесныя. 041 MAR 001 033 И бе весь град собрался к дверем. 041 MAR 001 034 И изцели многи зле страждущыя различными недуги: и бесы многи изгна, и не оставляше глаголати бесы, яко ведяху Его Христа суща. 041 MAR 001 035 И утро, нощи сущей зело, востав изыде, и иде в пусто место, и ту молитву деяше. 041 MAR 001 036 И гнаша Его Симон и иже с ним: 041 MAR 001 037 и обретше Его, глаголаша Ему, яко вси Тебе ищут. 041 MAR 001 038 И глагола им: идем в ближния веси и грады, да и тамо проповем: на сие бо изыдох. 041 MAR 001 039 И бе проповедая на сонмищих их, во всей Галилеи, и бесы изгоня. 041 MAR 001 040 И прииде к Нему прокажен, моля Его и на колену припадая пред Ним, и глаголя Ему, яко, аще хощеши, можеши мя очистити. 041 MAR 001 041 Иисус же милосердовав, простер руку, коснуся его, и глагола ему: хощу, очистися. 041 MAR 001 042 И рекшу ему, абие отиде от него прокажение, и чист бысть. 041 MAR 001 043 И запрещь ему, абие изгна его: 041 MAR 001 044 и глагола ему: блюди, ни комуже ничесоже рцы: но шед покажися иерееви и принеси за очищение твое, яже повеле Моисей, во свидетелство им. 041 MAR 001 045 Он же изшед начат проповедати много и проносити слово, якоже ктому не мощи Ему яве во град внити: но вне в пустых местех бе. И прихождаху к Нему отвсюду. 041 MAR 002 001 И вниде паки в Капернаум по днех: и слышано бысть, яко в дому есть. 041 MAR 002 002 И абие собрашася мнози, якоже ктому не вмещатися ни при дверех: и глаголаше им слово. 041 MAR 002 003 И приидоша к Нему носяще разслабленна (жилами), носима четырми: 041 MAR 002 004 и не могущым приближитися к Нему народа ради, открыша покров, идеже бе, и прокопавше свесиша одр, на немже разслабленный лежаше. 041 MAR 002 005 Видев же Иисус веру их, глагола разслабленному: чадо, отпущаются тебе греси твои. 041 MAR 002 006 Бяху же нецыи от книжник ту седяще и помышляюще в сердцах своих: 041 MAR 002 007 что Сей тако глаголет хулы? Кто может оставляти грехи, токмо един Бог? 041 MAR 002 008 И абие разумев Иисус духом Своим, яко тако тии помышляют в себе, рече им: что сия помышляете в сердцах ваших? 041 MAR 002 009 Что есть удобее? Рещи разслабленному: отпущаются тебе греси? Или рещи: востани, и возми одр твой, и ходи? 041 MAR 002 010 Но да увесте, яко власть имать Сын Человеческий на земли отпущати грехи: глагола разслабленному: 041 MAR 002 011 тебе глаголю: востани, и возми одр твой, и иди в дом твой. 041 MAR 002 012 И воста абие, и взем одр, изыде пред всеми: яко дивитися всем и славити Бога, глаголющым, яко николиже тако видехом. 041 MAR 002 013 И изыде паки к морю: и весь народ идяше к Нему, и учаше их. 041 MAR 002 014 И мимогрядый виде Левию Алфеова, седяща на мытнице, и глагола ему: по Мне гряди. И востав вслед Его иде. 041 MAR 002 015 И бысть возлежащу Ему в дому его, и мнози мытари и грешницы возлежаху со Иисусом и со ученики Его: бяху бо мнози, и по Нем идоша. 041 MAR 002 016 И книжницы и фарисее, видевше Его ядуща с мытари и грешники, глаголаху учеником Его: что яко с мытари и грешники яст и пиет? 041 MAR 002 017 И слышав Иисус глагола им: не требуют здравии врача, но болящии: не приидох призвати праведники, но грешники на покаяние. 041 MAR 002 018 И бяху ученицы Иоанновы и фарисейстии постящеся. И приидоша и глаголаша Ему: почто ученицы Иоанновы и фарисейстии постятся, а Твои ученицы не постятся? 041 MAR 002 019 И рече им Иисус: еда могут сынове брачнии, дондеже жених с ними есть, поститися? Елико время с собою имут жениха, не могут поститися: 041 MAR 002 020 приидут же дние, егда отимется от них жених, и тогда постятся в тыя дни: 041 MAR 002 021 и никтоже приложения плата небелена пришивает к ризе ветсе: аще ли же ни, возмет конец его новое от ветхаго, и горша дира будет: 041 MAR 002 022 и никтоже вливает вина нова в мехи ветхи: аще ли же ни, просадит вино новое мехи, и вино пролиется, и меси погибнут: но вино новое в мехи новы влияти. 041 MAR 002 023 И бысть мимоходити Ему в субботы сквозе сеяния, и начаша ученицы Его путь творити, востерзающе класы. 041 MAR 002 024 И фарисее глаголаху Ему: виждь, что творят в субботы, егоже не достоит? 041 MAR 002 025 И Той глаголаше им: несте ли николиже чли, что сотвори Давид, егда требование име и взалка сам и иже с ним? 041 MAR 002 026 Како вниде в дом Божий при Авиафаре архиереи, и хлебы предложения снеде, ихже не достояше ясти токмо иереем, и даде и сущым с ним? 041 MAR 002 027 И глаголаше им: суббота человека ради бысть, а не человек субботы ради: 041 MAR 002 028 темже господь есть Сын Человеческий и субботе. 041 MAR 003 001 И вниде паки в сонмище: и бе тамо человек, суху имый руку. 041 MAR 003 002 И назираху Его, аще в субботы изцелит его, да Нань возглаголют. 041 MAR 003 003 И глагола человеку суху имущему руку: стани посреде. 041 MAR 003 004 И глагола им: достоит ли в субботы добро творити, или зло творити? Душу спасти, или погубити? Они же молчаху. 041 MAR 003 005 И воззрев на них со гневом, скорбя о окаменении сердец их, глагола человеку: простри руку твою. И простре: и утвердися рука его цела яко другая. 041 MAR 003 006 И изшедше фарисее, абие со иродианы совет творяху Нань, како Его погубят. 041 MAR 003 007 Иисус же отиде со ученики Своими к морю: и мног народ от Галилеи по Нем иде, и от Иудеи, 041 MAR 003 008 и от Иерусалима, и от Идумеи, и со онаго полу Иордана. И от Тира и Сидона множество многое, слышавше, елика творяше, (и) приидоша к Нему. 041 MAR 003 009 И рече учеником Своим, да корабль будет у Него народа ради, да не стужают Ему. 041 MAR 003 010 Многи бо изцели, якоже нападати на Него, да Ему прикоснутся, елицы имеяху раны. 041 MAR 003 011 И дуси нечистии, егда видяху Его, припадаху к Нему и зваху, глаголюще, яко Ты еси Сын Божий. 041 MAR 003 012 И много прещаше им, да не явлена Его сотворят. 041 MAR 003 013 И взыде на гору и призва, ихже хотяше Сам: и приидоша к Нему. 041 MAR 003 014 И сотвори дванадесяте, да будут с Ним, и да посылает их проповедати, 041 MAR 003 015 и имети власть целити недуги и изгонити бесы: 041 MAR 003 016 и нарече Симону имя Петр: 041 MAR 003 017 и Иакова Зеведеова и Иоанна брата Иаковля: и нарече има имена Воанергес, еже есть сына громова: 041 MAR 003 018 и Андреа, и Филиппа, и Варфоломеа, и Матфеа, и Фому, и Иакова Алфеова, и Фаддеа, и Симона Кананита, 041 MAR 003 019 и Иуду Искариотскаго, иже и предаде Его. 041 MAR 003 020 И приидоша в дом: и собрася паки народ, яко не мощи им ни хлеба ясти. 041 MAR 003 021 И слышавше иже бяху у Него, изыдоша, да имут Его: глаголаху бо, яко неистов есть. 041 MAR 003 022 И книжницы, иже от Иерусалима низшедшии, глаголаху, яко веельзевула имать и яко о князи бесовстем изгонит бесы. 041 MAR 003 023 И призвав их, в притчах глаголаше им: како может сатана сатану изгонити? 041 MAR 003 024 И аще царство на ся разделится, не может стати царство то: 041 MAR 003 025 и аще дом на ся разделится, не может стати дом той: 041 MAR 003 026 и аще сатана воста на ся сам и разделися, не может стати, но конец имать. 041 MAR 003 027 Никтоже может сосуды крепкаго, вшед в дом его, расхитити, аще не первее крепкаго свяжет: и тогда дом его расхитит. 041 MAR 003 028 Аминь глаголю вам, яко вся отпустятся согрешения сыном человеческим, и хуления, елика аще восхулят: 041 MAR 003 029 а иже восхулит на Духа Святаго, не имать отпущения во веки, но повинен есть вечному суду. 041 MAR 003 030 Зане глаголаху: духа нечистаго имать. 041 MAR 003 031 Приидоша убо Мати и братия Его, и вне стояще послаша к Нему, зовуще Его. 041 MAR 003 032 И седяше народ окрест Его. Реша же Ему: се, Мати Твоя и братия Твоя (и сестры Твоя) вне ищут Тебе. 041 MAR 003 033 И отвеща им, глаголя: кто есть мати Моя, или братия Моя? 041 MAR 003 034 И соглядав окрест Себе седящыя, глагола: се, мати Моя и братия Моя: 041 MAR 003 035 иже бо аще сотворит волю Божию, сей брат Мой и сестра Моя и мати (Ми) есть. 041 MAR 004 001 И паки начат учити при мори: и собрася к Нему народ мног, якоже Самому влезшу в корабль, седети в мори: и весь народ при мори на земли бяше. 041 MAR 004 002 И учаше их притчами много и глаголаше им во учении Своем: 041 MAR 004 003 слышите: се, изыде сеяй сеяти: 041 MAR 004 004 и бысть егда сеяше, ово паде при пути, и приидоша птицы, и позобаша е: 041 MAR 004 005 другое же паде при камени, идеже не имяше земли многи, и абие прозябе, зане не имяше глубины земныя: 041 MAR 004 006 солнцу же возсиявшу присвяде, и зане не имяше корене, изсше: 041 MAR 004 007 и другое паде в тернии, и взыде терние, и подави е: и плода не даде: 041 MAR 004 008 и другое паде на земли добрей, и даяше плод восходящь и растущь, и приплодоваше на тридесять, и на шестьдесят, и на сто. 041 MAR 004 009 И глаголаше: имеяй ушы слышати да слышит. 041 MAR 004 010 Егда же бысть един, вопросиша Его, иже бяху с Ним, со обеманадесяте о притчи. 041 MAR 004 011 И глаголаше им: вам есть дано ведати тайны Царствия Божия: онем же внешним в притчах вся бывают, 041 MAR 004 012 да видяще видят, и не узрят: и слышаще слышат, и не разумеют: да не когда обратятся, и оставятся им греси. 041 MAR 004 013 И глагола им: не весте ли притчи сея? И како вся притчи уразумеете? 041 MAR 004 014 Сеяй, слово сеет. 041 MAR 004 015 Сии же суть, иже при пути, идеже сеется слово, и егда услышат, абие приходит сатана и отемлет слово сеянное в сердцах их. 041 MAR 004 016 И сии суть такожде иже на каменных сеемии, иже егда услышат слово, абие с радостию приемлют е: 041 MAR 004 017 и не имут корения в себе, но привременни суть: таже бывшей печали или гонению словесе ради, абие соблажняются. 041 MAR 004 018 А сии суть, иже в тернии сеемии, слышащии слово: 041 MAR 004 019 и печали века сего, и лесть богатства, и о прочих похоти входящыя подавляют слово, и безплодно бывает. 041 MAR 004 020 И сии суть, иже на земли добрей сеяннии, иже слышат слово и приемлют, и плодствуют на тридесять, и на шестьдесят, и на сто. 041 MAR 004 021 И глаголаше им: еда светилник приходит, да под спудом положат его или под одром? Не да ли на свещнице положен будет? 041 MAR 004 022 Несть бо тайно, еже не явится, ниже бысть потаено, но да приидет в явление: 041 MAR 004 023 аще кто имать ушы слышати, да слышит. 041 MAR 004 024 И глаголаше им: блюдите что слышите: в нюже меру мерите, возмерится вам, и приложится вам слышащым: 041 MAR 004 025 иже бо аще имать, дастся ему: а иже не имать, и еже имать, отимется от него. 041 MAR 004 026 И глаголаше: тако есть (и) Царствие Божие, якоже человек вметает семя в землю, 041 MAR 004 027 и спит, и востает нощию и днию: и семя прозябает и растет, якоже не весть он: 041 MAR 004 028 от себе бо земля плодит прежде траву, потом клас, таже исполняет пшеницу в класе: 041 MAR 004 029 егда же созреет плод, абие послет серп, яко наста жатва. 041 MAR 004 030 И глаголаше: чесому уподобим Царствие Божие? Или коей притчи приложим е? 041 MAR 004 031 Яко зерно горушично, еже егда всеяно будет в земли, мнее всех семен есть земных: 041 MAR 004 032 и егда всеяно будет, возрастает, и бывает более всех зелий, и творит ветви велия, яко мощи под сению его птицам небесным витати. 041 MAR 004 033 И таковыми притчами многими глаголаше им слово, якоже можаху слышати. 041 MAR 004 034 Без притчи же не глаголаше им словесе: особь же учеником Своим сказаше вся. 041 MAR 004 035 И глагола им в той день, вечеру бывшу: прейдем на он пол. 041 MAR 004 036 И отпущше народы, пояша Его якоже бе в корабли: и инии же корабли бяху с Ним. 041 MAR 004 037 И бысть буря ветрена велика: волны же вливахуся в корабль, яко уже погружатися ему. 041 MAR 004 038 И бе Сам на корме на возглавнице спя. И возбудиша Его и глаголаша Ему: Учителю, не радиши ли, яко погибаем? 041 MAR 004 039 И востав запрети ветру и рече морю: молчи, престани. И улеже ветр, и бысть тишина велия. 041 MAR 004 040 И рече им: что тако страшливи есте? Како не имате веры? 041 MAR 004 041 И убояшася страхом велиим и глаголаху друг ко другу: кто убо Сей есть, яко и ветр и море послушают Его? 041 MAR 005 001 И приидоша на он пол моря, во страну Гадаринскую. 041 MAR 005 002 И излезшу Ему из корабля, абие срете Его от гробов человек в дусе нечисте, 041 MAR 005 003 иже жилище имяше во гробех, и ни веригами никтоже можаше его связати: 041 MAR 005 004 зане ему многажды путы и ужы (железны) связану сущу, и растерзатися от него ужем (железным) и путом сокрушатися: и никтоже можаше его умучити: 041 MAR 005 005 и выну нощь и день во гробех и в горах бе, вопия и толкийся камением. 041 MAR 005 006 Узрев же Иисуса издалеча, тече и поклонися Ему, 041 MAR 005 007 и возопив гласом велиим, рече: что мне и Тебе, Иисусе, Сыне Бога Вышняго? Заклинаю Тя Богом, не мучи мене. 041 MAR 005 008 Глаголаше бо ему: изыди, душе нечистый, от человека. 041 MAR 005 009 И вопрошаше его: что ти есть имя? И отвеща глаголя: легеон имя мне, яко мнози есмы. 041 MAR 005 010 И молиша Его много, да не послет их вне страны. 041 MAR 005 011 Бе же ту при горе стадо свиное велие пасомо. 041 MAR 005 012 И молиша Его вси беси, глаголюще: посли ны во свиния, да в ня внидем. 041 MAR 005 013 И повеле им абие Иисус. И изшедше дуси нечистии, внидоша во свиния: и устремися стадо по брегу в море, бяху же яко две тысящы, и утопаху в мори. 041 MAR 005 014 Пасущии же свиния бежаша и возвестиша во граде и в селех. И изыдоша видети, что есть бывшее. 041 MAR 005 015 И приидоша ко Иисусови, и видеша бесновавшагося седяща и оболчена и смысляща, имевшаго легеон: и убояшася. 041 MAR 005 016 Поведаша же им видевшии, како бысть бесному, и о свиниях. 041 MAR 005 017 И начаша молити Его отити от предел их. 041 MAR 005 018 И влезшу Ему в корабль, моляше Его бесновавыйся, дабы был с Ним. 041 MAR 005 019 Иисус же не даде ему, но рече ему: иди в дом твой ко твоим и возвести им, елика ти Господь сотвори и помилова тя. 041 MAR 005 020 И иде и нача проповедати в десяти градех, елика сотвори ему Иисус. И вси дивляхуся. 041 MAR 005 021 И прешедшу Иисусу в корабли паки на он пол, собрася народ мног о Нем. И бе при мори. 041 MAR 005 022 И се, прииде един от архисинагог, именем Иаир, и видев Его, паде при ногу Его 041 MAR 005 023 и моляше Его много, глаголя, яко дщи моя на кончине есть: да пришед возложиши на ню руце, яко да спасется и жива будет. 041 MAR 005 024 И иде с ним: и по Нем идяху народи мнози и угнетаху Его. 041 MAR 005 025 И жена некая сущи в точении крове лет дванадесяте, 041 MAR 005 026 и много пострадавши от мног врачев, и издавши своя вся, и ни единыя пользы обретши, но паче в горшее пришедши: 041 MAR 005 027 слышавши о Иисусе, пришедши в народе созади, прикоснуся ризе Его: 041 MAR 005 028 глаголаше бо, яко, аще прикоснуся ризам Его, спасена буду. 041 MAR 005 029 И абие изсякну источник крове ея: и разуме телом, яко изцеле от раны. 041 MAR 005 030 И абие Иисус разуме в Себе силу изшедшую от Него, (и) обращься в народе, глаголаше: кто прикоснуся ризам Моим? 041 MAR 005 031 И глаголаху Ему ученицы Его: видиши народ угнетающь Тя, и глаголеши: кто прикоснуся Мне? 041 MAR 005 032 И обглядаше видети сотворшую сие. 041 MAR 005 033 Жена же убоявшися и трепещущи, ведящи, еже бысть ей, прииде и припаде к Нему и рече Ему всю истину. 041 MAR 005 034 Он же рече ей: дщи, вера твоя спасе тя: иди в мире и буди цела от раны твоея. 041 MAR 005 035 Еще Ему глаголющу, (и) приидоша от архисинагога, глаголюще, яко дщи твоя умре: что еще движеши Учителя? 041 MAR 005 036 Иисус же абие слышав слово глаголемое, глагола архисинагогови: не бойся, токмо веруй. 041 MAR 005 037 И не остави по Себе ни единаго ити, токмо Петра и Иакова и Иоанна брата Иаковля. 041 MAR 005 038 И прииде в дом архисинагогов и виде молву, плачущыяся и кричащыя много. 041 MAR 005 039 И вшед глагола им: что молвите и плачетеся? Отроковица несть умерла, но спит. 041 MAR 005 040 И ругахуся Ему. Он же изгнав вся, поят отца отроковицы и матерь, и иже (беху) с Ним, и вниде, идеже бе отроковица лежащи. 041 MAR 005 041 И емь за руку отроковицу, глагола ей: талифа куми: еже есть сказаемо: девице, тебе глаголю, востани. 041 MAR 005 042 И абие воста девица и хождаше: бе бо лет двоюнадесяте. И ужасошася ужасом велиим. 041 MAR 005 043 И запрети им много, да никтоже увесть сего, и рече: дадите ей ясти. 041 MAR 006 001 И изыде оттуду и прииде во отечествие Свое: и по Нем идоша ученицы Его. 041 MAR 006 002 И бывшей субботе, начат на сонмищи учити. И мнози слышащии дивляхуся, глаголюще: откуду Сему сия? И что премудрость данная Ему, и силы таковы рукама Его бывают? 041 MAR 006 003 Не Сей ли есть тектон, сын Мариин, брат же Иакову и Иосии и Иуде и Симону? И не сестры ли Его зде (суть) в нас? И блажняхуся о Нем. 041 MAR 006 004 Глаголаше же им Иисус, яко несть пророк без чести, токмо во отечествии своем, и в сродстве и в дому своем. 041 MAR 006 005 И не можаше ту ни единыя силы сотворити, токмо мало недужных, возложь руце, изцели. 041 MAR 006 006 И дивляшеся за неверствие их: и обхождаше веси окрест учя. 041 MAR 006 007 И призва обанадесяте, и начат их посылати два два, и даяше им власть над духи нечистыми. 041 MAR 006 008 И заповеда им, да ничесоже возмут на путь, токмо жезл един: ни пиры, ни хлеба, ни при поясе меди: 041 MAR 006 009 но обувени в сандалия: и не облачитися в две ризе. 041 MAR 006 010 И глаголаше им: идеже аще внидете в дом, ту пребывайте, дондеже изыдете оттуду: 041 MAR 006 011 и елицы аще не приимут вы, ниже послушают вас, исходяще оттуду, оттрясите прах, иже под ногами вашими, во свидетелство им: аминь глаголю вам, отраднее будет Содомом и Гоморром в день судный, неже граду тому. 041 MAR 006 012 И изшедше проповедаху, да покаются: 041 MAR 006 013 и бесы многи изгоняху: и мазаху маслом многи недужныя, и изцелеваху. 041 MAR 006 014 И услыша царь Ирод: яве бо бысть имя Его: и глаголаше, яко Иоанн Креститель от мертвых воста, и сего ради силы деются о нем. 041 MAR 006 015 Инии глаголаху, яко Илиа есть: инии же глаголаху, яко пророк есть, или яко един от пророк. 041 MAR 006 016 Слышав же Ирод рече, яко, егоже аз усекнух Иоанна, той есть: той воста от мертвых. 041 MAR 006 017 Той бо Ирод послав, ят Иоанна и связа его в темнице, Иродиады ради жены Филиппа брата своего, яко оженися ею. 041 MAR 006 018 Глаголаше бо Иоанн Иродови: не достоит тебе имети жену (Филиппа) брата твоего. 041 MAR 006 019 Иродиа же гневашеся на него и хотяше его убити: и не можаше. 041 MAR 006 020 Ирод бо бояшеся Иоанна, ведый его мужа праведна и свята, и соблюдаше его: и послушав его, многа творяше, и в сладость его послушаше. 041 MAR 006 021 И приключшуся дню потребну, егда Ирод рождеству своему вечерю творяше князем своим и тысящником и старейшинам Галилейским: 041 MAR 006 022 и вшедши дщерь тоя Иродиады, и плясавши, и угождши Иродови и возлежащым с ним, рече царь девице: проси у мене егоже аще хощеши, и дам ти. 041 MAR 006 023 И клятся ей: яко егоже аще попросиши у мене, дам ти, и до пол царствия моего. 041 MAR 006 024 Она же изшедши рече матери своей: чесо прошу? Она же рече: главы Иоанна Крестителя. 041 MAR 006 025 И вшедши абие со тщанием к царю, просяше, глаголющи: хощу, да ми даси от него на блюде главу Иоанна Крестителя. 041 MAR 006 026 И прискорбен быв царь, клятвы (же) ради и за возлежащих с ним не восхоте отрещи ей. 041 MAR 006 027 И абие послав царь спекулатора, повеле принести главу его. 041 MAR 006 028 Он же шед усекну его в темнице, и принесе главу его на блюде, и даде ю девице: и девица даде ю матери своей. 041 MAR 006 029 И слышавше ученицы его, приидоша и взяша труп его, и положиша его во гробе. 041 MAR 006 030 И собрашася Апостоли ко Иисусу и возвестиша Ему вся, и елика сотвориша, и елика научиша. 041 MAR 006 031 И рече им: приидите вы сами в пусто место едини и почийте мало. Бяху бо приходящии и отходящии мнози, и ни ясти им бе когда. 041 MAR 006 032 И идоша в пусто место кораблем едини. 041 MAR 006 033 И видеша их идущих народи, и познаша их мнози: и пеши от всех градов стицахуся тамо, и предвариша их, и снидошася к Нему. 041 MAR 006 034 И изшед виде Иисус народ мног и милосердова о них, зане бяху яко овцы не имущыя пастыря: и начат их учити много. 041 MAR 006 035 И уже часу многу бывшу, приступльше к Нему ученицы Его, глаголаша, яко пусто есть место, и уже час мног: 041 MAR 006 036 отпусти их, да шедше во окрестных селех и весех купят себе хлебы: не имут бо чесо ясти. 041 MAR 006 037 Он же отвещав рече им: дадите им вы ясти. И глаголаша Ему: да шедше купим двема стома пенязь хлебы и дамы им ясти? 041 MAR 006 038 Он же рече им: колико хлебы имате? Идите и видите. И уведевше глаголаша: пять (хлеб), и две рыбе. 041 MAR 006 039 И повеле им посадити вся на споды на споды на траве зелене. 041 MAR 006 040 И возлегоша на лехи на лехи по сту и по пятидесят. 041 MAR 006 041 И приемь пять хлеб и две рыбе, воззрев на небо, благослови и преломи хлебы, и даяше учеником Своим, да предлагают пред ними: и обе рыбе раздели всем. 041 MAR 006 042 И ядоша вси и насытишася: 041 MAR 006 043 и взяша укрухи, дванадесяте кошя исполнь, и от рыбу. 041 MAR 006 044 Бяше же ядших хлебы яко пять тысящ мужей. 041 MAR 006 045 И абие понуди ученики Своя внити в корабль и варити Его на он пол к Вифсаиде, дондеже Сам отпустит народы. 041 MAR 006 046 И отрекся им, иде в гору помолитися. 041 MAR 006 047 И вечеру бывшу, бе корабль посреде моря, и Сам един на земли. 041 MAR 006 048 И виде их страждущих в плавании: бе бо ветр противен им: и о четвертей стражи нощней прииде к ним, по морю ходяй, и хотяше минути их. 041 MAR 006 049 Они же видевше Его ходяща по морю, мняху призрак быти и возопиша. 041 MAR 006 050 Вси бо Его видеша и смутишася. И абие глагола с ними и рече им: дерзайте: Аз есмь, не бойтеся. 041 MAR 006 051 И вниде к ним в корабль: и улеже ветр. И зело излиха в себе ужасахуся и дивляхуся. 041 MAR 006 052 Не разумеша бо о хлебех: бе бо сердце их окаменено. 041 MAR 006 053 И прешедше приидоша в землю Геннисаретску и присташа. 041 MAR 006 054 И изшедшым им из корабля, абие познаша Его, 041 MAR 006 055 обтекше всю страну ту, начаша на одрех приносити болящыя, идеже слышаху, яко ту есть. 041 MAR 006 056 И аможе аще вхождаше в веси, или во грады, или села, на распутиих полагаху недужныя и моляху Его, да поне воскрилию ризы Его прикоснутся: и елицы аще прикасахуся Ему, спасахуся. 041 MAR 007 001 И собрашася к Нему фарисее и нецыи от книжник, пришедшии от Иерусалима: 041 MAR 007 002 и видевше некиих от ученик Его нечистыми руками, сиречь неумовеными, ядущих хлебы, ругахуся. 041 MAR 007 003 Фарисее бо и вси Иудее, аще не трыюще умыют рук, не ядят, держаще предания старец: 041 MAR 007 004 и от торжища, аще не покуплются, не ядят. И ина многа суть, яже прияша держати: погружения сткляницам и чваном и котлом и одром. 041 MAR 007 005 Потом же вопрошаху Его фарисее и книжницы: почто ученицы Твои не ходят по преданию старец, но неумовеными руками ядят хлеб? 041 MAR 007 006 Он же отвещав рече им, яко добре пророчествова Исаиа о вас лицемерех, якоже есть писано: сии людие устнами Мя чтут, сердце же их далече отстоит от Мене, 041 MAR 007 007 всуе же чтут Мя, учаще учением, заповедем человеческим: 041 MAR 007 008 оставльше бо заповедь Божию, держите предания человеческая, крещения чваном и сткляницам, и ина подобна такова многа творите. 041 MAR 007 009 И глаголаше им: добре отметаете заповедь Божию, да предание ваше соблюдете: 041 MAR 007 010 Моисей бо рече: чти отца твоего и матерь твою: и иже злословит отца или матерь, смертию да умрет: 041 MAR 007 011 вы же глаголете: аще речет человек отцу или матери: корван, еже есть дар, иже аще пользовался еси от мене: 041 MAR 007 012 и не ктому оставляете его что сотворити отцу своему или матери своей, 041 MAR 007 013 преступающе слово Божие преданием вашим, еже предасте: и подобна такова многа творите. 041 MAR 007 014 И призвав весь народ, глаголаше им: послушайте Мене вси и разумейте: 041 MAR 007 015 ничтоже есть внеуду человека входимо в онь, еже может осквернити его: но исходящая от него, та суть сквернящая человека: 041 MAR 007 016 аще кто имать ушы слышати, да слышит. 041 MAR 007 017 И егда вниде в дом от народа, вопрошаху Его ученицы Его о притчи. 041 MAR 007 018 И глагола им: тако ли и вы неразумливи есте? Не разумеете ли, яко все, еже извне входимое в человека, не может осквернити его? 041 MAR 007 019 Яко не входит ему в сердце, но во чрево: и афедроном исходит, истребляя вся брашна. 041 MAR 007 020 Глаголаше же, яко исходящее от человека, то сквернит человека: 041 MAR 007 021 извнутрь бо от сердца человеческа помышления злая исходят, прелюбодеяния, любодеяния, убийства, 041 MAR 007 022 татьбы, лихоимства, (обиды, ) лукавствия, лесть, студодеяния, око лукаво, хула, гордыня, безумство: 041 MAR 007 023 вся сия злая извнутрь исходят и сквернят человека. 041 MAR 007 024 И оттуду востав, иде в пределы Тирски и Сидонски: и вшед в дом, ни когоже хотяше, дабы его чул: и не може утаитися. 041 MAR 007 025 Слышавши бо жена о Нем, еяже дщи имяше духа нечиста, пришедши припаде к ногама Его: 041 MAR 007 026 жена же бе еллинска, сирофиникисса родом: и моляше Его, да беса изженет из дщере ея. 041 MAR 007 027 Иисус же рече ей: остави, да первее насытятся чада: несть бо добро отяти хлеб чадом и поврещи псом. 041 MAR 007 028 Она же отвещавши глагола Ему: ей, Господи: ибо и пси под трапезою ядят от крупиц детей. 041 MAR 007 029 И рече ей: за сие слово, иди: изыде бес из дщере твоея. 041 MAR 007 030 И шедши в дом свой, обрете беса изшедша и дщерь лежащу на одре. 041 MAR 007 031 И паки изшед Иисус от предел Тирских и Сидонских, прииде на море Галилейско, между пределы Декапольски. 041 MAR 007 032 И приведоша к Нему глуха и гугнива, и моляху Его, да возложит нань руку. 041 MAR 007 033 И поемь его от народа единаго, вложи персты Своя во ушы его и плюнув коснуся языка его: 041 MAR 007 034 и воззрев на небо, воздохну и глагола ему: еффафа, еже есть разверзися. 041 MAR 007 035 И абие разверзостася слуха его, и разрешися уза языка его, и глаголаше право. 041 MAR 007 036 И запрети им, да ни комуже поведят: елико же им Той запрещаше, паче излиха проповедаху. 041 MAR 007 037 И преизлиха дивляхуся, глаголюще: добре все творит: и глухия творит слышати, и немыя глаголати. 041 MAR 008 001 В тыя дни, зело многу народу сущу, и не имущым чесо ясти, призвав Иисус ученики Своя, глагола им: 041 MAR 008 002 милосердую о народе, яко уже три дни приседят Мне и не имут чесо ясти: 041 MAR 008 003 и аще отпущу их не ядших в домы своя, ослабеют на пути: мнози бо от них издалеча пришли суть. 041 MAR 008 004 И отвещаша Ему ученицы Его: откуду сих возможет кто зде насытити хлебы в пустыни? 041 MAR 008 005 И вопроси их: колико имате хлебов? Они же реша: седмь. 041 MAR 008 006 И повеле народу возлещи на земли: и приемь седмь хлебов, хвалу воздав, преломи и даяше учеником Своим, да предлагают: и предложиша пред народом. 041 MAR 008 007 И имяху рыбиц мало: и (сия) благословив, рече предложити и тыя. 041 MAR 008 008 Ядоша же и насытишася: и взяша избытки укрух, седмь кошниц. 041 MAR 008 009 Бяху же ядших яко четыре тысящы. И отпусти их. 041 MAR 008 010 И абие влез в корабль со ученики Своими, прииде во страны Далмануфански. 041 MAR 008 011 И изыдоша фарисее и начаша стязатися с Ним, ищуще от Него знамения с небесе, искушающе Его. 041 MAR 008 012 И воздохнув духом Своим, глагола: что род сей знамения ищет? Аминь глаголю вам, аще дастся роду сему знамение. 041 MAR 008 013 И оставль их, влез паки в корабль, (и) иде на он пол. 041 MAR 008 014 И забыша ученицы Его взяти хлебы и разве единаго хлеба не имяху с собою в корабли. 041 MAR 008 015 И прещаше им, глаголя: зрите, блюдитеся от кваса фарисейска и от кваса Иродова. 041 MAR 008 016 И помышляху, друг ко другу глаголюще, яко хлебы не имамы. 041 MAR 008 017 И разумев Иисус, глагола им: что помышляете, яко хлебы не имате? Не у ли чувствуете, ниже разумеете? Еще ли окаменено сердце ваше имате? 041 MAR 008 018 Очи имуще не видите? И ушы имуще не слышите? И не помните ли, 041 MAR 008 019 егда пять хлебы преломих в пять тысящ, колико кош исполнь укрух приясте? Глаголаша Ему: дванадесять. 041 MAR 008 020 Егда же седмь в четыре тысящы, колико кошниц исполнения укрух взясте? Они же реша: седмь. 041 MAR 008 021 И глагола им: како не разумеете? 041 MAR 008 022 И прииде в Вифсаиду: и приведоша к Нему слепа, и моляху Его, да его коснется. 041 MAR 008 023 И емь за руку слепаго, изведе его вон из веси: и плюнув на очи его, (и) возложь руце нань, вопрошаше его, аще что видит? 041 MAR 008 024 И воззрев глаголаше: вижу человеки яко древие ходящя. 041 MAR 008 025 Потом (же) паки возложи руце на очи его и сотвори его прозрети: и утворися и узре светло все. 041 MAR 008 026 И посла его в дом его, глаголя: ни в весь вниди, ни повеждь кому в веси. 041 MAR 008 027 И изыде Иисус и ученицы Его в веси Кесарии Филипповы: и на пути вопрошаше ученики Своя, глаголя им: кого Мя глаголют человецы быти? 041 MAR 008 028 Они же отвещаша: Иоанна Крестителя: и инии Илию: друзии же единаго от пророк. 041 MAR 008 029 И Той глагола им: вы же кого Мя глаголете быти? Отвещав же Петр глагола Ему: Ты еси Христос. 041 MAR 008 030 И запрети им, да ни комуже глаголют о Нем. 041 MAR 008 031 И начат учити их, яко подобает Сыну Человеческому много пострадати, и искушену быти от старец и архиерей и книжник, и убиену быти, и в третий день воскреснути. 041 MAR 008 032 И не обинуяся слово глаголаше. И приемь Его Петр, начат претити Ему. 041 MAR 008 033 Он же обращься и воззрев на ученики Своя, запрети Петрови, глаголя: иди за Мною, сатано: яко не мыслиши, яже (суть) Божия, но яже человеческа. 041 MAR 008 034 И призвав народы со ученики Своими, рече им: иже хощет по Мне ити, да отвержется себе, и возмет крест свой, и по Мне грядет: 041 MAR 008 035 иже бо аще хощет душу свою спасти, погубит ю: а иже погубит душу свою Мене ради и Евангелиа, той спасет ю: 041 MAR 008 036 кая бо польза человеку, аще приобрящет мир весь, и отщетит душу свою? 041 MAR 008 037 Или что даст человек измену на души своей? 041 MAR 008 038 Иже бо аще постыдится Мене и Моих словес в роде сем прелюбодейнем и грешнем, и Сын Человеческий постыдится его, егда приидет во славе Отца Своего со Ангелы святыми. 041 MAR 009 001 И глаголаше им: аминь глаголю вам, яко суть нецыи от зде стоящих, иже не имут вкусити смерти, дондеже видят Царствие Божие пришедшее в силе. 041 MAR 009 002 И по шести днех поят Иисус Петра и Иакова и Иоанна, и возведе их на гору высоку особь едины: и преобразися пред ними. 041 MAR 009 003 И ризы Его быша блещащяся, белы зело яко снег, яцехже не может белилник убелити на земли. 041 MAR 009 004 И явися им Илиа с Моисеем: и беста со Иисусом глаголюща. 041 MAR 009 005 И отвещав Петр глагола Иисусови: Равви, добро есть нам зде быти: и сотворим кровы три, Тебе един, и Моисееви един, и Илии един. 041 MAR 009 006 Не ведяше бо, что рещи: бяху бо пристрашни. 041 MAR 009 007 И бысть облак осеняя их: и прииде глас из облака, глаголя: Сей есть Сын Мой возлюбленный, Того послушайте. 041 MAR 009 008 И внезапу воззревше, ктому ни когоже видеша, токмо Иисуса единаго с собою. 041 MAR 009 009 Сходящым же им с горы, запрети им, да ни комуже поведят, яже видеша, токмо егда Сын Человеческий из мертвых воскреснет. 041 MAR 009 010 И слово удержаша в себе, стязающеся, что есть, еже из мертвых воскреснути. 041 MAR 009 011 И вопрошаху Его глаголюще: како глаголют книжницы, яко Илии подобает приити прежде? 041 MAR 009 012 Он же отвещав рече им: Илиа убо пришед прежде, устроит вся: и како есть писано о Сыне Человечестем, да много постраждет и уничижен будет: 041 MAR 009 013 но глаголю вам, яко и Илиа прииде, и сотвориша ему, елика хотеша, якоже есть писано о нем. 041 MAR 009 014 И пришед ко учеником, виде народ мног о них и книжники стязающяся с ними. 041 MAR 009 015 И абие весь народ видев Его ужасеся, и пририщуще целоваху Его. 041 MAR 009 016 И вопроси книжники: что стязаетеся к себе? 041 MAR 009 017 И отвещав един от народа рече: Учителю, приведох сына моего к Тебе, имуща духа нема: 041 MAR 009 018 и идеже колиждо имет его, разбивает его, и пены тещит, и скрежещет зубы своими, и оцепеневает: и рех учеником Твоим, да изженут его, и не возмогоша. 041 MAR 009 019 Он же отвещав ему глагола: о, роде неверен, доколе в вас буду? Доколе терплю вы? Приведите его ко Мне. 041 MAR 009 020 И приведоша его к Нему. И видев Его, абие дух стрясе его: и пад на земли, валяшеся, пены тещя. 041 MAR 009 021 И вопроси отца его: колико лет есть, отнележе сие бысть ему? Он же рече: издетска: 041 MAR 009 022 и многажды во огнь вверже его и в воды, да погубит его: но аще что можеши, помози нам, милосердовав о нас. 041 MAR 009 023 Иисус же рече ему: еже аще что можеши веровати, вся возможна верующему. 041 MAR 009 024 И абие возопив отец отрочате, со слезами глаголаше: верую, Господи: помози моему неверию. 041 MAR 009 025 Видев же Иисус, яко срищется народ, запрети духу нечистому, глаголя ему: душе немый и глухий, Аз ти повелеваю: изыди из него и ктому не вниди в него. 041 MAR 009 026 И возопив и много пружався, изыде: и бысть яко мертв, якоже мнозем глаголати, яко умре. 041 MAR 009 027 Иисус же емь его за руку, воздвиже его: и воста. 041 MAR 009 028 И вшедшу Ему в дом, ученицы Его вопрошаху Его единаго: яко мы не возмогохом изгнати его? 041 MAR 009 029 И рече им: сей род ничимже может изыти, токмо молитвою и постом. 041 MAR 009 030 И оттуду изшедше, идяху сквозе Галилею: и не хотяше, да кто увесть. 041 MAR 009 031 Учаше бо ученики Своя и глаголаше им, яко Сын Человеческий предан будет в руце человечесте, и убиют Его: и убиен быв, в третий день воскреснет. 041 MAR 009 032 Они же не разумеваху глаголгола и бояхуся Его вопросити. 041 MAR 009 033 И прииде в Капернаум: и в дому быв, вопрошаше их: что на пути в себе помышлясте? 041 MAR 009 034 Они же молчаху: друг ко другу бо стязашася на пути, кто (есть) болий. 041 MAR 009 035 И сед пригласи обанадесяте и глагола им: аще кто хощет старей быти, да будет всех менший и всем слуга. 041 MAR 009 036 И приимь отроча, постави е посреде их: и объемь е, рече им: 041 MAR 009 037 иже аще едино таковых отрочат приимет во имя Мое, Мене приемлет: и иже Мене приемлет, не Мене приемлет, но Пославшаго Мя. 041 MAR 009 038 Отвеща Ему Иоанн, глаголя: Учителю, видехом некоего именем Твоим изгоняща бесы, иже не ходит по нас: и возбранихом ему, яко не последует нам. 041 MAR 009 039 Иисус же рече: не браните ему: никтоже бо есть, иже сотворит силу о имени Моем, и возможет вскоре злословити Мя. 041 MAR 009 040 Иже бо несть на вы, по вас есть. 041 MAR 009 041 Иже бо аще напоит вы чашею воды во имя Мое, яко Христовы есте, аминь глаголю вам, не погубит мзды своея. 041 MAR 009 042 И иже аще соблазнит единаго от малых сих верующих в Мя, добрее есть ему паче, аще облежит камень жерновный о выи его, и ввержен будет в море. 041 MAR 009 043 И аще соблажняет тя рука твоя, отсецы ю: добрее ти есть беднику в живот внити, неже обе руце имущу внити в геенну, во огнь неугасающий, 041 MAR 009 044 идеже червь их не умирает, и огнь не угасает. 041 MAR 009 045 И аще нога твоя соблажняет тя, отсецы ю: добрее ти есть внити в живот хрому, неже две нозе имущу ввержену быти в геенну, во огнь неугасающий, 041 MAR 009 046 идеже червь их не умирает, и огнь не угасает. 041 MAR 009 047 И аще око твое соблажняет тя, исткни е: добрее ти есть со единем оком внити в Царствие Божие, неже две оце имущу ввержену быти в геенну огненную, 041 MAR 009 048 идеже червь их не умирает, и огнь не угасает. 041 MAR 009 049 Всяк бо огнем осолится, и всяка жертва солию осолится. 041 MAR 009 050 Добро соль: аще же соль не слана будет, чим осолится? Имейте соль в себе, и мир имейте между собою. 041 MAR 010 001 И оттуду востав прейде в пределы Иудейския, об он пол Иордана. И снидошася паки народи к Нему: и яко обычай име, паки учаше их. 041 MAR 010 002 И приступльше фарисее вопросиша Его: аще достоит мужу жену пустити? Искушающе Его. 041 MAR 010 003 Он же отвещав рече им: что вам заповеда Моисей? 041 MAR 010 004 Они же реша: Моисей повеле книгу распустную написати, и пустити. 041 MAR 010 005 И отвещав Иисус рече им: по жестосердию вашему написа вам заповедь сию: 041 MAR 010 006 от начала же создания, мужа и жену сотворил я есть Бог: 041 MAR 010 007 сего ради оставит человек отца своего и матерь 041 MAR 010 008 и прилепится к жене своей, и будета оба в плоть едину: темже уже неста два, но плоть едина: 041 MAR 010 009 еже убо Бог сочета, человек да не разлучает. 041 MAR 010 010 И в дому паки ученицы Его о сем вопросиша Его. 041 MAR 010 011 И глагола им: иже аще пустит жену свою и оженится иною, прелюбы творит на ню: 041 MAR 010 012 и аще жена пустит мужа и посягнет за иного, прелюбы творит. 041 MAR 010 013 И приношаху к Нему дети, да коснется их: ученицы же прещаху приносящым. 041 MAR 010 014 Видев же Иисус негодова и рече им: оставите детей приходити ко Мне и не браните им, тацех бо есть Царствие Божие: 041 MAR 010 015 аминь глаголю вам: иже аще не приимет Царствия Божия яко отроча, не имать внити в не. 041 MAR 010 016 И объемь их, возложь руце на них, благословляше их. 041 MAR 010 017 И исходящу Ему на путь, притек некий и поклонься на колену Ему, вопрошаше Его: Учителю благий, что сотворю, да живот вечный наследствую? 041 MAR 010 018 Иисус же рече ему: что Мя глаголеши блага? Никтоже благ, токмо един Бог. 041 MAR 010 019 Заповеди веси: не прелюбы сотвориши: не убий: не укради: не лжесвидетелствуй: не обиди: чти отца твоего и матерь. 041 MAR 010 020 Он же отвещав рече Ему: Учителю, сия вся сохраних от юности моея. 041 MAR 010 021 Иисус же воззрев нань, возлюби его и рече ему: единаго еси не докончал: иди, елика имаши, продаждь и даждь нищым, и имети имаши сокровище на небеси: и прииди (и) ходи вслед Мене, взем крест. 041 MAR 010 022 Он же дряхл быв о словеси, отиде скорбя: бе бо имея стяжания многа. 041 MAR 010 023 И воззрев Иисус глагола учеником Своим: како неудобь имущии богатство в Царствие Божие внидут. 041 MAR 010 024 Ученицы же ужасахуся о словесех Его. Иисус же паки отвещав глагола им: чада, како неудобь уповающым на богатство в Царствие Божие внити: 041 MAR 010 025 удобее бо есть вельбуду сквозе иглине ушы проити, неже богату в Царствие Божие внити. 041 MAR 010 026 Они же излиха дивляхуся, глаголюще к себе: то кто может спасен быти? 041 MAR 010 027 Воззрев же на них Иисус глагола: у человек невозможно, но не у Бога: вся бо возможна суть у Бога. 041 MAR 010 028 Начат же Петр глаголати Ему: се, мы оставихом вся и вслед Тебе идохом. 041 MAR 010 029 Отвещав же Иисус рече: аминь глаголю вам: никтоже есть, иже оставил есть дом, или братию, или сестры, или отца, или матерь, или жену, или чада, или села, Мене ради и Евангелиа ради: 041 MAR 010 030 аще не приимет сторицею ныне во время сие, домов, и братий, и сестр, и отца, и матере, и чад, и сел, во изгнании, и в век грядущий живот вечный: 041 MAR 010 031 мнози же будут первии последни, и последнии перви. 041 MAR 010 032 Бяху же на пути, восходяще во Иерусалим: и бе варяя их Иисус, и ужасахуся, и вслед идуще, бояхуся. И поемь паки обанадесять, начат им глаголати, яже хотяху Ему быти: 041 MAR 010 033 яко, се, восходим во Иерусалим, и Сын Человеческий предан будет архиереом и книжником, и осудят Его на смерть, и предадят Его языком: 041 MAR 010 034 и поругаются Ему, и уязвят Его, и оплюют Его, и убиют Его: и в третий день воскреснет. 041 MAR 010 035 И пред Него приидоста Иаков и Иоанн, сына Зеведеева, глаголюща: Учителю, хощева, да, еже аще просива, сотвориши нама. 041 MAR 010 036 Он же рече има: что хощета, да сотворю вама? 041 MAR 010 037 Она же реста Ему: даждь нам, да един о десную Тебе и един о шуюю Тебе сядева во славе Твоей. 041 MAR 010 038 Иисус же рече има: не веста, чесо просита: можета ли пити чашу, юже Аз пию, и крещением, имже Аз крещаюся, креститися? 041 MAR 010 039 Она же реста Ему: можева. Иисус же рече има: чашу убо, юже Аз пию, испиета, и крещением, имже Аз крещаюся, креститася: 041 MAR 010 040 а еже сести о десную Мене и о шуюю, несть Мне дати, но имже уготовано есть. 041 MAR 010 041 И слышавше десять, начаша негодовати о Иакове и Иоанне. 041 MAR 010 042 Иисус же призвав их, глагола им: весте, яко мнящиися владети языки, соодолевают им, и велицыи их обладают ими: 041 MAR 010 043 не тако же будет в вас: но иже аще хощет в вас вящший быти, да будет вам слуга: 041 MAR 010 044 и иже аще хощет в вас быти старей, да будет всем раб: 041 MAR 010 045 ибо Сын Человечь не прииде, да послужат Ему, но да послужит и даст душу Свою избавление за многи. 041 MAR 010 046 И приидоша во Иерихон. И исходящу Ему от Иерихона, и учеником Его, и народу многу, сын Тимеов Вартимей слепый седяше при пути, прося. 041 MAR 010 047 И слышав, яко Иисус Назорянин есть, начат звати и глаголати: Сыне Давидов Иисусе, помилуй мя. 041 MAR 010 048 И прещаху ему мнози, да умолчит: он же множае паче зваше: Сыне Давидов, помилуй мя. 041 MAR 010 049 И став Иисус, рече его возгласити. И возгласиша слепца, глаголюще ему: дерзай, востани, зовет тя. 041 MAR 010 050 Он же отверг ризы своя, востав прииде ко Иисусови. 041 MAR 010 051 И отвещав глагола ему Иисус: что хощеши, да сотворю Тебе? Слепый же глагола Ему: Учителю, да прозрю. 041 MAR 010 052 Иисус же рече ему: иди: вера твоя спасе тя. И абие прозре и по Иисусе иде в путь. 041 MAR 011 001 И егда приближися во Иерусалим, в Вифсфагию и Вифанию, к горе Елеонстей, посла два от ученик Своих 041 MAR 011 002 и глагола има: идита в весь, яже есть прямо вама: и абие входяща в ню, обрящета жребя привязано, на неже никтоже от человек вседе: отрешша е, приведита: 041 MAR 011 003 и аще кто вама речет: что творита сие? Рцыта, яко Господь требует е: и абие послет е семо. 041 MAR 011 004 Идоста же, и обретоста жребя привязано при дверех вне на распутии, и отрешиста е. 041 MAR 011 005 И нецыи от стоящих ту глаголаху има: что деета отрешающа жребя? 041 MAR 011 006 Она же реста им, якоже заповеда има Иисус: и оставиша я. 041 MAR 011 007 И приведоста жребя ко Иисусови: и возложиша на не ризы своя, и вседе на не. 041 MAR 011 008 Мнози же ризы своя постлаша по пути: друзии же ваиа резаху от древия и постилаху по пути. 041 MAR 011 009 И предходящии и вслед грядущии вопияху, глаголюще: осанна, благословен Грядый во имя Господне, 041 MAR 011 010 благословено грядущее царство во имя Господа отца нашего Давида: осанна в вышних. 041 MAR 011 011 И вниде во Иерусалим Иисус и в церковь: и соглядав вся, позде уже сущу часу, изыде в Вифанию со обеманадесяте. 041 MAR 011 012 И наутрие изшедшым им от Вифании, взалка: 041 MAR 011 013 и видев смоковницу издалеча, имущу листвие, прииде, аще убо что обрящет на ней: и пришед к ней, ничесоже обрете, токмо листвие: не у бо бе время смоквам. 041 MAR 011 014 И отвещав Иисус рече ей: да не ктому от тебе во веки никтоже плода снесть. И слышаху ученицы Его. 041 MAR 011 015 И приидоша (паки) во Иерусалим. И вшед Иисус в церковь, начат изгонити продающыя и купующыя в церкви: и трапезы торжником и седалища продающих голуби испроверже: 041 MAR 011 016 и не даяше, да кто мимонесет сосуд сквозе церковь. 041 MAR 011 017 И учаше, глаголя им: несть ли писано, яко храм Мой храм молитвы наречется всем языком? Вы же сотвористе его вертеп разбойником. 041 MAR 011 018 И слышаша книжницы и архиерее, и искаху, како Его погубят: бояхубося Его, яко весь народ дивляшеся о учении Его. 041 MAR 011 019 И яко позде бысть, исхождаше вон из града. 041 MAR 011 020 И утро мимоходяще, видеша смоковницу изсохшу из корения. 041 MAR 011 021 И воспомянув Петр глагола Ему: Равви, виждь, смоковница, юже проклял еси, усше. 041 MAR 011 022 И отвещав Иисус глагола им: 041 MAR 011 023 имейте веру Божию: аминь бо глаголю вам, яко, иже аще речет горе сей: двигнися и верзися в море: и не размыслит в сердцы своем, но веру имет, яко еже глаголет, бывает: будет ему, еже аще речет: 041 MAR 011 024 сего ради глаголю вам: вся елика аще молящеся просите, веруйте, яко приемлете: и будет вам: 041 MAR 011 025 и егда стоите молящеся, отпущайте, аще что имате на кого, да и Отец ваш, Иже есть на небесех, отпустит вам согрешения ваша: 041 MAR 011 026 аще ли же вы не отпущаете, ни Отец ваш, Иже есть на небесех, отпустит вам согрешений ваших. 041 MAR 011 027 И приидоша паки во Иерусалим. И в церкви ходящу Ему, приидоша к Нему архиерее и книжницы и старцы 041 MAR 011 028 и глаголаша Ему: коею областию сия твориши? И кто Ти область сию даде, да сия твориши? 041 MAR 011 029 Иисус же отвещав рече им: вопрошу вы и Аз словесе единаго, и отвещайте Ми: и реку вам, коею областию сия творю: 041 MAR 011 030 крещение Иоанново с небесе ли бе, или от человек? Отвещайте Ми. 041 MAR 011 031 И мысляху в себе, глаголюще: аще речем, с небесе, речет: почто убо не веровасте ему? 041 MAR 011 032 Но аще речем, от человек: бояхуся людий: вси бо имеяху Иоанна, яко воистинну пророк бе. 041 MAR 011 033 И отвещавше глаголаша Иисусови: не вемы. И отвещав Иисус глагола им: ни Аз глаголю вам, коею областию сия творю. 041 MAR 012 001 И начат им в притчах глаголати: виноград насади человек, и огради оплотом, и ископа точило, и созда столп, и предаде его тяжателем, и отиде. 041 MAR 012 002 И посла к тяжателем во время раба, да от тяжатель приимет от плода винограда: 041 MAR 012 003 они же емше его биша и отослаша тща. 041 MAR 012 004 И паки посла к ним другаго раба: и того камением бивше, пробиша главу ему и послаша безчестна. 041 MAR 012 005 И паки иного посла: и того убиша: и многи ины, овы убо биюще, овы же убивающе. 041 MAR 012 006 Еще убо единаго сына име возлюбленнаго своего, посла и того к ним последи, глаголя, яко усрамятся сына моего. 041 MAR 012 007 Они же тяжателе реша к себе, яко сей есть наследник: приидите, убием его, и наше будет наследствие. 041 MAR 012 008 И емше его убиша и извергоша его вон из винограда. 041 MAR 012 009 Что убо сотворит господь винограда? Приидет и погубит тяжатели и даст виноград инем. 041 MAR 012 010 Ни Писания ли сего чли есте: камень, егоже не в ряду сотвориша зиждущии, сей бысть во главу угла: 041 MAR 012 011 от Господа бысть сие, и есть дивно во очию нашею? 041 MAR 012 012 И искаху Его яти, и убояшася народа: разумеша бо, яко к ним притчу рече: и оставльше Его отидоша. 041 MAR 012 013 И послаша к Нему некия от фарисей и иродиан, да Его обольстят словом. 041 MAR 012 014 Они же пришедше глаголаша Ему: Учителю, вемы, яко истинен еси и не радиши ни о комже: не зриши бо на лице человеков, но воистинну пути Божию учиши: достоит ли кинсон кесареви дати, или ни? Дамы ли, или не дамы? 041 MAR 012 015 Он же ведый их лицемерие, рече им: что Мя искушаете? Принесите Ми пенязь, да вижу. 041 MAR 012 016 Они же принесоша. И глагола им: чий образ сий и написание? Они же реша Ему: кесарев. 041 MAR 012 017 И отвещав Иисус рече им: воздадите кесарева кесареви и Божия Богови. И чудишася о Нем. 041 MAR 012 018 И приидоша саддукее к Нему, иже глаголют воскресению не быти: и вопросиша Его, глаголюще: 041 MAR 012 019 Учителю, Моисей написа нам, яко аще кому брат умрет и оставит жену, а чад не оставит: да поймет брат его жену его и воскресит семя брату своему. 041 MAR 012 020 Седмь братий бе: и первый поят жену и умирая не остави семене: 041 MAR 012 021 и вторый поят ю и умре, и ни той остави семене: и третий такожде: 041 MAR 012 022 и пояша ю седмь и не оставиша семене: последи же всех умре и жена. 041 MAR 012 023 В воскресение убо, егда воскреснут, которому их будет жена: седмь бо имеша ю жену. 041 MAR 012 024 И отвещав Иисус рече им: не сего ли ради прельщаетеся, не ведуще Писания, ни силы Божия? 041 MAR 012 025 Егда бо из мертвых воскреснут, ни женятся, ни посягают, но суть яко Ангели на небесех: 041 MAR 012 026 о мертвых же, яко востают, несте ли чли в книгах Моисеовых, при купине яко рече ему Бог, глаголя: Аз Бог Авраамов и Бог Исааков и Бог Иаковль? 041 MAR 012 027 Несть Бог мертвых, но Бог живых: вы убо много прельщаетеся. 041 MAR 012 028 И приступль един от книжник, слышав их стязающихся и видев, яко добре отвеща им, вопроси Его: кая есть первая всех заповедий? 041 MAR 012 029 Иисус же отвеща ему: яко первейши всех заповедий: слыши, Израилю, Господь Бог ваш Господь един есть: 041 MAR 012 030 и возлюбиши Господа Бога твоего всем сердцем твоим, и всею душею твоею, и всем умом твоим, и всею крепостию твоею: сия есть первая заповедь. 041 MAR 012 031 И вторая подобна ей: возлюбиши ближняго своего яко сам себе. Болшая сею ина заповедь несть. 041 MAR 012 032 И рече Ему книжник: добре, Учителю, воистинну рекл еси, яко един есть Бог, и несть ин разве Его: 041 MAR 012 033 и еже любити Его всем сердцем, и всем разумом, и всею душею, и всею крепостию: и еже любити ближняго яко себе, боле есть всех всесожжений и жертв. 041 MAR 012 034 Иисус же видев, яко смысленно отвеща, рече ему: не далече еси от Царствия Божия. И никтоже смеяше ктому Его вопросити. 041 MAR 012 035 И отвещав Иисус глаголаше, учя в церкви: како глаголют книжницы, яко Христос Сын есть Давидов? 041 MAR 012 036 Той бо Давид рече Духом Святым: глагола Господь Господеви моему: седи о десную Мене, дондеже положу враги Твоя подножие ногама Твоима. 041 MAR 012 037 Сам убо Давид глаголет Его Господа: и откуду Сын ему есть? И мног народ послушаше Его в сладость. 041 MAR 012 038 И глаголаше им во учении Своем: блюдитеся от книжник, хотящих во одеяниих ходити, и целования на торжищих, 041 MAR 012 039 и преждеседания на сонмищих, и первовозлежания на вечерях: 041 MAR 012 040 поядающе домы вдовиц и непщеванием надолзе молящеся, сии приимут лишшее осуждение. 041 MAR 012 041 И сед Иисус прямо сокровищному хранилищу, зряше, како народ мещет медь в сокровищное хранилище. И мнози богатии вметаху многа. 041 MAR 012 042 И пришедши едина вдовица убога, вверже лепте две, еже есть кодрант. 041 MAR 012 043 И призвав ученики Своя, рече им: аминь глаголю вам, яко вдовица сия убогая множае всех вверже вметающих в сокровищное хранилище: 041 MAR 012 044 вси бо от избытка своего ввергоша: сия же от лишения своего вся, елика имеяше, вверже, все житие свое. 041 MAR 013 001 И исходящу Ему от церкве, глагола Ему един от ученик Его: Учителю, виждь, каково камение и какова здания. 041 MAR 013 002 И отвещав Иисус рече ему: видиши ли сия великая здания? Не имать остати зде камень на камени, иже не разорится. 041 MAR 013 003 И седящу Ему на горе Елеонстей прямо церкве, вопрошаху Его единаго Петр и Иаков, и Иоанн и Андрей: 041 MAR 013 004 рцы нам, когда сия будут? И кое (будет) знамение, егда имут вся сия скончатися? 041 MAR 013 005 Иисус же отвещав им, начат глаголати: блюдитеся, да не кто вас прельстит. 041 MAR 013 006 Мнози бо приидут во имя Мое, глаголюще, яко Аз есмь: и многи прельстят. 041 MAR 013 007 Егда же услышите брани и слышания бранем, не ужасайтеся: подобает бо быти: но не у кончина. 041 MAR 013 008 Востанет бо язык на язык, и царство на царство: и будут труси по местом, и будут глади и мятежи. Начало болезнем сия. 041 MAR 013 009 Блюдитеся же вы сами: предадят бо вы в сонмища, и на соборищих биени будете: и пред воеводы и цари ведени будете Мене ради, во свидетелство им. 041 MAR 013 010 И во всех языцех подобает прежде проповедатися Евангелию. 041 MAR 013 011 Егда же поведут вы предающе, не прежде пецытеся, что возглаголете, ни поучайтеся: но еже аще дастся вам в той час, се глаголите: не вы бо будете глаголющии, но Дух Святый. 041 MAR 013 012 Предаст же брат брата на смерть, и отец чадо: и востанут чада на родители и убиют их. 041 MAR 013 013 И будете ненавидими всеми имене Моего ради: претерпевый же до конца, той спасен будет. 041 MAR 013 014 Егда же узрите мерзость запустения, реченную Даниилом пророком, стоящу, идеже не подобает: чтый да разумеет: тогда сущии во Иудеи да бежат на горы: 041 MAR 013 015 и иже на крове, да не слазит в дом, ни да внидет взяти чесо от дому своего: 041 MAR 013 016 и иже на селе сый, да не возвратится вспять взяти ризу свою. 041 MAR 013 017 Горе же непраздным и доящым в тыя дни. 041 MAR 013 018 Молитеся же, да не будет бегство ваше в зиме. 041 MAR 013 019 Будут бо дние тии скорбь, якова не бысть такова от начала создания, еже созда Бог, доныне, и не будет. 041 MAR 013 020 И аще не бы Господь прекратил дний, не бы убо спаслася всяка плоть: но избранных ради, ихже избра, прекратит дни. 041 MAR 013 021 Тогда аще кто речет вам: се, зде Христос, или: се, онде: не имите веры. 041 MAR 013 022 Востанут бо лжехристи и лжепророцы и дадят знамения и чудеса, еже прельстити, аще возможно, и избранныя. 041 MAR 013 023 Вы же блюдитеся: се, прежде рех вам вся. 041 MAR 013 024 Но в тыя дни, по скорби той, солнце померкнет, и луна не даст света своего, 041 MAR 013 025 и звезды будут с небесе спадающя, и силы, яже на небесех, подвижутся. 041 MAR 013 026 И тогда узрят Сына Человеческаго грядуща на облацех с силою и славою многою. 041 MAR 013 027 И тогда послет Ангелы Своя и соберет избранныя Своя от четырех ветр, от конца земли до конца неба. 041 MAR 013 028 От смоковницы же научитеся притчи: егда уже ветвие ея будет младо и изращает листвие, ведите, яко близ есть жатва: 041 MAR 013 029 тако и вы, егда сия видите бывающа, ведите, яко близ есть, при дверех. 041 MAR 013 030 Аминь глаголю вам, яко не имать прейти род сей, дондеже вся сия будут. 041 MAR 013 031 Небо и земля прейдут, словеса же Моя не прейдут. 041 MAR 013 032 О дни же том или о часе никтоже весть, ни Ангели, иже суть на небесех, ни Сын, токмо Отец. 041 MAR 013 033 Блюдите, бдите и молитеся: не весте бо, когда время будет. 041 MAR 013 034 Якоже человек отходя оставль дом свой, и дав рабом своим власть, и комуждо дело свое, и вратарю повеле, да бдит. 041 MAR 013 035 Бдите убо: не весте бо, когда господь дому приидет, вечер, или полунощи, или в петлоглашение, или утро: 041 MAR 013 036 да не пришед внезапу, обрящет вы спящя. 041 MAR 013 037 А яже вам глаголю, всем глаголю: бдите. 041 MAR 014 001 Бе же Пасха и опресноцы по двою днию: и искаху архиерее и книжницы, како Его лестию емше убиют: 041 MAR 014 002 глаголаху же: (но) не в праздник, еда како молва будет людска. 041 MAR 014 003 И сущу Ему в Вифании, в дому Симона прокаженнаго, возлежащу Ему, прииде жена, имущи алавастр мира нарднаго пистикиа многоценна: и сокрушши алавастр, возливаше Ему на главу. 041 MAR 014 004 Бяху же нецыи негодующе в себе и глаголюще: почто гибель сия мирная бысть? 041 MAR 014 005 Можаше бо сие продано быти вящше триех сот пенязь и датися нищым. И прещаху ей. 041 MAR 014 006 Иисус же рече: оставите ю: что ей труды даете? Добро дело содела о Мне. 041 MAR 014 007 Всегда бо нищыя имате с собою, и егда хощете, можете им добро творити: Мене же не всегда имате. 041 MAR 014 008 Еже име сия, сотвори: предвари помазати Мое тело на погребение. 041 MAR 014 009 Аминь глаголю вам: идеже аще проповестся Евангелие сие во всем мире, и еже сотвори сия, глаголано будет в память ея. 041 MAR 014 010 И Иуда Искариотский, един от обоюнадесяте, иде ко архиереем, да предаст Его им. 041 MAR 014 011 Они же слышавше возрадовашася и обещаша ему сребреники дати. И искаше, како Его в удобно время предаст. 041 MAR 014 012 И в первый день опреснок, егда пасху жряху, глаголаша Ему ученицы Его: где хощеши, шедше уготоваем, да яси пасху? 041 MAR 014 013 И посла два от ученик Своих и глагола има: идита во град: и срящет вас человек в скудельнице воду нося: по нем идита, 041 MAR 014 014 и идеже аще внидет, рцыта господину дому, яко Учитель глаголет: где есть виталница, идеже пасху со ученики Моими снем? 041 MAR 014 015 И той вама покажет горницу велию, постлану, готову: ту уготовайта нам. 041 MAR 014 016 И изыдоста ученика Его, и приидоста во град, и обретоста, якоже рече има: и уготоваста пасху. 041 MAR 014 017 И вечеру бывшу прииде со обеманадесяте. 041 MAR 014 018 И возлежащым им и ядущым, рече Иисус: аминь глаголю вам, яко един от вас предаст Мя, ядый со Мною. 041 MAR 014 019 Они же начаша скорбети и глаголати Ему един по единому: еда аз? И другий: еда аз? 041 MAR 014 020 Он же отвещав рече им: един от обоюнадесяте, омочивый со Мною в солило. 041 MAR 014 021 Сын убо Человеческий идет, якоже есть писано о Нем: горе же человеку тому, имже Сын Человеческий предастся: добрее было бы ему, аще не бы родился человек той. 041 MAR 014 022 И ядущым им, приемь Иисус хлеб, (и) благословив, преломи и даде им, и рече: приимите, ядите: сие есть Тело Мое. 041 MAR 014 023 И приим чашу, хвалу воздав, даде им: и пиша от нея вси. 041 MAR 014 024 И рече им: сия есть Кровь Моя Новаго Завета, за многи изливаема: 041 MAR 014 025 аминь глаголю вам, яко ктому не имам пити от плода лознаго до дне того, егда е пию ново во Царствии Божии. 041 MAR 014 026 И воспевше изыдоша в гору Елеонскую. 041 MAR 014 027 И глагола им Иисус, яко вси соблазнитеся о Мне в нощь сию: писано бо есть: поражу пастыря, и разыдутся овцы. 041 MAR 014 028 Но потом, егда воскресну, варяю вы в Галилеи. 041 MAR 014 029 Петр же рече Ему: аще и вси соблазнятся, но не аз. 041 MAR 014 030 И глагола ему Иисус: аминь глаголю тебе, яко ты днесь в нощь сию, прежде даже вторицею петель не возгласит, трикраты отвержешися Мене. 041 MAR 014 031 Он же множае глаголаше паче: аще (же) ми есть с Тобою и умрети, не отвергуся Тебе. Такожде и вси глаголаху. 041 MAR 014 032 И приидоша в весь, ейже имя Гефсиманиа: и глагола учеником Своим: седите зде, дондеже шед помолюся. 041 MAR 014 033 И поят Петра и Иакова и Иоанна с Собою: и начат ужасатися и тужити. 041 MAR 014 034 И глагола им: прискорбна есть душа Моя до смерти: будите зде и бдите. 041 MAR 014 035 И прешед мало, паде на земли и моляшеся, да, аще возможно есть, мимо идет от Него час: 041 MAR 014 036 и глаголаше: Авва Отче, вся возможна Тебе: мимо неси от Мене чашу сию: но не еже Аз хощу, но еже Ты. 041 MAR 014 037 И прииде, и обрете их спящих, и глагола Петрови: Симоне, спиши ли? Не возмогл еси единаго часа побдети? 041 MAR 014 038 Бдите и молитеся, да не внидете в напасть: дух убо бодр, плоть же немощна. 041 MAR 014 039 И паки шед помолися, тожде слово рек. 041 MAR 014 040 И возвращься обрете я паки спящя: бяху бо очеса им тяготна: и не ведяху, что быша Ему отвещали. 041 MAR 014 041 И прииде третицею и глагола им: спите прочее и почивайте: приспе конец, прииде час: се, предается Сын Человеческий в руки грешником: 041 MAR 014 042 востаните, идем: се, предаяй Мя приближися. 041 MAR 014 043 И абие, еще Ему глаголющу, прииде Иуда, един сый от обоюнадесяте, и с ним народ мног со оружием и дрекольми, от архиерей и книжник и старец. 041 MAR 014 044 Даде же предаяй Его знамение им, глаголя: Егоже аще лобжу, Той есть: имите Его и ведите (Его) сохранно. 041 MAR 014 045 И пришед, абие приступль к Нему, глагола (Ему): Равви, Равви. И облобыза Его. 041 MAR 014 046 Они же возложиша руце Свои на него и яша Его. 041 MAR 014 047 Един же некто от стоящих извлек нож, удари раба архиереова и уреза ему ухо. 041 MAR 014 048 И отвещав Иисус рече им: яко на разбойника ли изыдосте со оружием и дрекольми яти Мя? 041 MAR 014 049 По вся дни бех при вас в церкви учя, и не ясте Мене: но да сбудется Писание. 041 MAR 014 050 И оставльше Его, вси бежаша. 041 MAR 014 051 И един некто юноша иде по Нем, одеян в плащаницу по нагу: и яша того юношу. 041 MAR 014 052 Он же оставль плащаницу, наг бежа от них. 041 MAR 014 053 И ведоша Иисуса ко архиерею: и снидошася к нему вси архиерее и книжницы и старцы. 041 MAR 014 054 И Петр издалеча вслед Его иде до внутрь во двор архиереов: и бе седя со слугами и греяся при свещи. 041 MAR 014 055 Архиерее же и весь сонм искаху на Иисуса свидетелства, да умертвят Его: и не обретаху. 041 MAR 014 056 Мнози бо лжесвидетелствоваху на Него, и равна свидетелства не бяху. 041 MAR 014 057 И нецыи воставше лжесвидетелствоваху на Него, глаголюще: 041 MAR 014 058 яко мы слышахом Его глаголюща, яко Аз разорю церковь сию рукотвореную и треми денми ину нерукотворену созижду. 041 MAR 014 059 И ни тако равно бе свидетелство их. 041 MAR 014 060 И востав архиерей посреде, вопроси Иисуса, глаголя: не отвещаваеши ли ничесоже? Что сии на Тя свидетелствуют? 041 MAR 014 061 Он же молчаше и ничтоже отвещаваше. Паки архиерей вопроси Его и глагола Ему: Ты ли еси Христос, Сын Благословеннаго? 041 MAR 014 062 Иисус же рече: Аз есмь: и узрите Сына Человеческаго о десную седяща силы и грядуща со облаки небесными. 041 MAR 014 063 Архиерей же растерзав ризы своя, глагола: что еще требуем свидетелей? 041 MAR 014 064 Слышасте хулу: что вам мнится? Они же вси осудиша Его быти повинна смерти. 041 MAR 014 065 И начаша нецыи плювати Нань, и прикрывати лице Его, и мучити Его, и глаголати Ему: прорцы. И слуги по ланитома Его бияху. 041 MAR 014 066 И сущу Петрови во дворе низу, прииде едина от рабынь архиереовых, 041 MAR 014 067 и видевши Петра греющася, воззревши на него, глагола: и ты с Назарянином Иисусом был еси. 041 MAR 014 068 Он же отвержеся, глаголя: не вем, ниже знаю, что ты глаголеши. И изыде вон на преддворие: и алектор возгласи. 041 MAR 014 069 И рабыня видевши его паки, начат глаголати предстоящым, яко сей от них есть. 041 MAR 014 070 Он же паки отметашеся. И помале паки предстоящии глаголаху Петрови: воистинну от них еси: ибо Галилеанин еси, и беседа твоя подобится. 041 MAR 014 071 Он же нача ротитися и клятися, яко не вем Человека Сего, Егоже вы глаголете. 041 MAR 014 072 И второе алектор возгласи. И помяну Петр глаголгол, егоже рече ему Иисус, яко прежде даже петель не возгласит двакраты, отвержешися Мене трикраты. И начен плакашеся. 041 MAR 015 001 И абие наутрие совет сотвориша архиерее со старцы и книжники, и весь сонм, связавше Иисуса ведоша и предаша (Его) Пилату. 041 MAR 015 002 И вопроси Его Пилат: Ты ли еси Царь Иудейский? Он же отвещав рече ему: ты глаголеши. 041 MAR 015 003 И глаголаху на Него архиерее много. 041 MAR 015 004 Пилат же паки вопроси Его, глаголя: не отвещаваеши ли ничтоже? Виждь, колика на Тя свидетелствуют. 041 MAR 015 005 Иисус же ктому ничтоже отвеща, яко дивитися Пилату. 041 MAR 015 006 На (всяк) же праздник отпущаше им единаго связня, егоже прошаху. 041 MAR 015 007 Бе же нарицаемый Варавва со сковники своими связан, иже в кове убийство сотвориша. 041 MAR 015 008 И возопив народ нача просити, якоже всегда творяше им. 041 MAR 015 009 Пилат же отвеща им, глаголя: хощете ли, пущу вам Царя Иудейска? 041 MAR 015 010 Ведяше бо, яко зависти ради предаша Его архиерее. 041 MAR 015 011 Архиерее же помануша народу, да паче Варавву пустит им. 041 MAR 015 012 Пилат же отвещав паки рече им: что убо хощете сотворю, Егоже глаголете Царя Иудейска? 041 MAR 015 013 Они же паки возопиша (глаголюще): пропни Его. 041 MAR 015 014 Пилат же глаголаше им: что бо зло сотвори? Они же излиха вопияху: пропни Его. 041 MAR 015 015 Пилат же хотя народу хотение сотворити, пусти им Варавву: и предаде Иисуса, бив, да пропнут Его. 041 MAR 015 016 Воини же ведоша Его внутрь двора, еже есть претор: и созваша всю спиру, 041 MAR 015 017 и облекоша Его в препряду, и возложиша на Него сплетше тернов венец, 041 MAR 015 018 и начаша целовати Его (и глаголати): радуйся, Царю Иудейский. 041 MAR 015 019 И бияху Его по главе тростию, и плюваху на Него, и прегибающе колена покланяхуся Ему. 041 MAR 015 020 И егда поругашася Ему, совлекоша с Него препряду и облекоша Его в ризы Своя: и изведоша Его, да пропнут Его. 041 MAR 015 021 И задеша мимоходящу некоему Симону Киринею, грядущу с села, отцу Александрову и Руфову, да возмет крест Его. 041 MAR 015 022 И приведоша Его на Голгофу место, еже есть сказаемо Лобное место. 041 MAR 015 023 И даяху Ему пити есмирнисмено вино: Он же не прият. 041 MAR 015 024 И распеншии Его разделиша ризы Его, метающе жребий о них, кто что возмет. 041 MAR 015 025 Бе же час третий, и распяша Его. 041 MAR 015 026 И бе написание вины Его написано: Царь Иудейск. 041 MAR 015 027 И с Ним распяша два разбойника, единаго о десную и единаго о шуюю Его. 041 MAR 015 028 И сбыстся Писание, еже глаголет: и со беззаконными вменися. 041 MAR 015 029 И мимоходящии хуляху Его, покивающе главами своими и глаголюще: уа, разоряяй церковь и треми денми созидаяй, 041 MAR 015 030 спасися Сам и сниди со креста. 041 MAR 015 031 Такожде и архиерее ругающеся, друг ко другу с книжники глаголаху: ины спасе, Себе ли не может спасти? 041 MAR 015 032 Христос, Царь Израилев, да снидет ныне со креста, да видим и веру имем Ему. И распятая с Ним поношаста Ему. 041 MAR 015 033 Бывшу же часу шестому, тма бысть по всей земли до часа девятаго. 041 MAR 015 034 И в час девятый возопи Иисус гласом велиим, глаголя: Елои, Елои, лама савахфани? Еже есть сказаемо: Боже Мой, Боже Мой, почто Мя оставил еси? 041 MAR 015 035 И нецыи от предстоящих слышавше, глаголаху: се, Илию гласит. 041 MAR 015 036 Тек же един, и наполнив губу оцта, и возложь на трость, напаяше Его, глаголя: оставите, да видим, аще приидет Илиа сняти Его. 041 MAR 015 037 Иисус же пущь глас велий, издше. 041 MAR 015 038 И завеса церковная раздрася на двое, свыше до низу. 041 MAR 015 039 Видев же сотник стояй прямо Ему, яко тако возопив издше, рече: воистинну Человек Сей Сын бе Божий. 041 MAR 015 040 Бяху же и жены издалеча зрящя, в нихже бе Мариа Магдалина, и Мариа Иакова малаго и Иосии мати, и Саломиа, 041 MAR 015 041 яже, и егда бе в Галилеи, хождаху по Нем и служаху Ему: и ины многия, яже взыдоша с Ним во Иерусалим. 041 MAR 015 042 И уже позде бывшу, понеже бе пяток, еже есть к субботе, 041 MAR 015 043 прииде Иосиф, иже от Аримафеа, благообразен советник, иже и той бе чая Царствия Божия, дерзнув вниде к Пилату, и проси телесе Иисусова. 041 MAR 015 044 Пилат же дивися, аще уже умре: и призвав сотника, вопроси его: аще уже умре? 041 MAR 015 045 И уведев от сотника, даде тело Иосифови. 041 MAR 015 046 И купив плащаницу и снемь Его, обвит плащаницею: и положи Его во гроб, иже бе изсечен от камене: и привали камень над двери гроба. 041 MAR 015 047 Мариа же Магдалина и Мариа Иосиева зрясте, где Его полагаху. 041 MAR 016 001 И минувшей субботе, Мариа Магдалина и Мариа Иаковля и Саломиа купиша ароматы, да пришедшя помажут Иисуса. 041 MAR 016 002 И зело заутра во едину от суббот приидоша на гроб, возсиявшу солнцу, 041 MAR 016 003 и глаголаху к себе: кто отвалит нам камень от дверий гроба? 041 MAR 016 004 И воззревшя видеша, яко отвален бе камень: бе бо велий зело. 041 MAR 016 005 И вшедшя во гроб, видеша юношу седяща в десных, одеяна во одежду белу: и ужасошася. 041 MAR 016 006 Он же глагола им: не ужасайтеся: Иисуса ищете Назарянина распятаго: воста, несть зде: се, место, идеже положиша Его: 041 MAR 016 007 но идите, рцыте учеником Его и Петрови, яко варяет вы в Галилеи: тамо Его видите, якоже рече вам. 041 MAR 016 008 И изшедшя бежаша от гроба: имяше же их трепет и ужас: и ни комуже ничтоже реша: бояхубося. 041 MAR 016 009 (note: The most reliable and earliest manuscripts do not include Mark 16:9-20.) Воскрес же (Иисус) заутра в первую субботу, явися прежде Марии Магдалини, из неяже изгна седмь бесов. 041 MAR 016 010 Она (же) шедши возвести с Ним бывшым, плачущымся и рыдающым: 041 MAR 016 011 и они слышавше, яко жив есть и виден бысть от нея, не яша веры. 041 MAR 016 012 По сих же двема от них грядущема явися инем образом, идущема на село. 041 MAR 016 013 И та шедша возвестиста прочым: и ни тема веры яша. 041 MAR 016 014 Последи (же) возлежащым им единомунадесяте явися, и поноси неверствию их и жестосердию, яко видевшым Его воставша не яша веры. 041 MAR 016 015 И рече им: шедше в мир весь, проповедите Евангелие всей твари. 041 MAR 016 016 Иже веру имет и крестится, спасен будет: а иже не имет веры, осужден будет. 041 MAR 016 017 Знамения же веровавшым сия последуют: именем Моим бесы ижденут: языки возглаголют новы: 041 MAR 016 018 змия возмут: аще и что смертно испиют, не вредит их: на недужныя руки возложат, и здрави будут. 041 MAR 016 019 Господь же убо, по глаголголании (Его) к ним, вознесеся на небо и седе о десную Бога. 041 MAR 016 020 Они же изшедше проповедаша всюду, Господу поспешствующу и слово утверждающу последствующими знаменьми. Аминь. # # BOOK 042 LUK Luke От Луки святое благовествование 042 LUK 001 001 Понеже убо мнози начаша чинити повесть о извествованных в нас вещех, 042 LUK 001 002 якоже предаша нам, иже исперва самовидцы и слуги бывшии Словесе: 042 LUK 001 003 изволися и мне последовавшу выше вся испытно, поряду писати тебе, державный Феофиле, 042 LUK 001 004 да разумееши, о нихже научился еси словесех утверждение. 042 LUK 001 005 Бысть во дни Ирода царя Иудейска, иерей некий, именем Захариа, от дневныя чреды Авиани: и жена его от дщерей Аароновех, и имя ей Елисаветь. 042 LUK 001 006 Беста же праведна оба пред Богом, ходяща во всех заповедех и оправданиих Господних безпорочна. 042 LUK 001 007 И не бе има чада, понеже Елисаветь бе неплоды, и оба заматоревша во днех своих беста. 042 LUK 001 008 Бысть же служащу ему в чину чреды своея пред Богом, 042 LUK 001 009 по обычаю священничества ключися ему покадити вшедшу в церковь Господню: 042 LUK 001 010 и все множество людий бе молитву дея вне, в год фимиама: 042 LUK 001 011 явися же ему Ангел Господень, стоя о десную олтаря кадилнаго: 042 LUK 001 012 и смутися Захариа видев, и страх нападе нань. 042 LUK 001 013 Рече же к нему Ангел: не бойся, Захарие: зане услышана бысть молитва твоя, и жена твоя Елисаветь родит сына тебе, и наречеши имя ему Иоанн: 042 LUK 001 014 и будет тебе радость и веселие, и мнози о рождестве его возрадуются: 042 LUK 001 015 будет бо велий пред Господем: и вина и сикера не имать пити, и Духа Святаго исполнится еще из чрева матере своея: 042 LUK 001 016 и многих от сынов Израилевых обратит ко Господу Богу их: 042 LUK 001 017 и той предидет пред Ним духом и силою Илииною, обратити сердца отцем на чада, и противныя в мудрости праведных, уготовати Господеви люди совершены. 042 LUK 001 018 И рече Захариа ко Ангелу: по чесому разумею сие? Аз бо есмь стар, и жена моя заматоревши во днех своих. 042 LUK 001 019 И отвещав Ангел рече ему: аз есмь Гавриил предстояй пред Богом, и послан есмь глаголати к тебе и благовестити тебе сия: 042 LUK 001 020 и се, будеши молчя и не могий проглаголати, до негоже дне будут сия: зане не веровал еси словесем моим, яже сбудутся во время свое. 042 LUK 001 021 И беша людие ждуще Захарию: и чудяхуся коснящу ему в церкви. 042 LUK 001 022 Изшед же не можаше глаголати к ним: и разумеша, яко видение виде в церкви: и той бе помавая им, и пребываше нем. 042 LUK 001 023 И бысть яко исполнишася дние службы его, иде в дом свой. 042 LUK 001 024 По сих же днех зачат Елисаветь жена его, и таяшеся месяц пять, глаголющи: 042 LUK 001 025 яко тако мне сотвори Господь во дни, в няже призре отяти поношение мое в человецех. 042 LUK 001 026 В месяц же шестый послан бысть Ангел Гавриил от Бога во град Галилейский, емуже имя Назарет, 042 LUK 001 027 к Деве обрученней мужеви, емуже имя Иосиф, от дому Давидова: и имя Деве Мариамь. 042 LUK 001 028 И вшед к Ней Ангел рече: радуйся, Благодатная: Господь с Тобою: благословена Ты в женах. 042 LUK 001 029 Она же видевши смутися о словеси его и помышляше, каково будет целование сие. 042 LUK 001 030 И рече Ангел Ей: не бойся, Мариамь: обрела бо еси благодать у Бога. 042 LUK 001 031 И се зачнеши во чреве, и родиши Сына, и наречеши имя Ему Иисус: 042 LUK 001 032 Сей будет велий, и Сын Вышняго наречется: и даст Ему Господь Бог престол Давида отца Его: 042 LUK 001 033 и воцарится в дому Иаковли во веки, и Царствию Его не будет конца. 042 LUK 001 034 Рече же Мариамь ко Ангелу: како будет сие, идеже мужа не знаю? 042 LUK 001 035 И отвещав Ангел рече Ей: Дух Святый найдет на Тя, и сила Вышняго осенит Тя: темже и раждаемое Свято наречется Сын Божий: 042 LUK 001 036 и се, Елисаветь южика Твоя, и та зачат сына в старости своей: и сей месяц шестый есть ей нарицаемей неплоды: 042 LUK 001 037 яко не изнеможет у Бога всяк глаголгол. 042 LUK 001 038 Рече же Мариамь: се, Раба Господня: буди Мне по глаголу твоему. И отиде от Нея Ангел. 042 LUK 001 039 Воставши же Мариамь во дни тыя, иде в горняя со тщанием, во град Иудов: 042 LUK 001 040 и вниде в дом Захариин и целова Елисаветь. 042 LUK 001 041 И бысть яко услыша Елисаветь целование Мариино, взыграся младенец во чреве ея: и исполнися Духа Свята Елисаветь, 042 LUK 001 042 и возопи гласом велиим, и рече: благословена Ты в женах, и благословен плод чрева Твоего: 042 LUK 001 043 и откуду мне сие, да приидет Мати Господа моего ко мне? 042 LUK 001 044 Се бо, яко бысть глас целования Твоего во ушию моею, взыграся младенец радощами во чреве моем: 042 LUK 001 045 и блаженна Веровавшая, яко будет совершение глаголголанным Ей от Господа. 042 LUK 001 046 И рече Мариамь: величит душа Моя Господа, 042 LUK 001 047 и возрадовася дух Мой о Бозе Спасе Моем: 042 LUK 001 048 яко призре на смирение Рабы Своея: се бо, отныне ублажат Мя вси роди: 042 LUK 001 049 яко сотвори Мне величие Сильный, и свято имя Его: 042 LUK 001 050 и милость Его в роды родов боящымся Его: 042 LUK 001 051 сотвори державу мышцею Своею: расточи гордыя мыслию сердца их? 042 LUK 001 052 Низложи сильныя со престол, и вознесе смиренныя: 042 LUK 001 053 алчущыя исполни благ и богатящыяся отпусти тщы: 042 LUK 001 054 восприят Израиля отрока Своего, помянути милости, 042 LUK 001 055 якоже глагола ко отцем нашым, Аврааму и семени его до века. 042 LUK 001 056 Пребысть же Мариамь с нею яко три месяцы и возвратися в дом свой. 042 LUK 001 057 Елисавети же исполнися время родити ей, и роди сына. 042 LUK 001 058 И слышаша окрест живущии и ужики ея, яко возвеличил есть Господь милость Свою с нею: и радовахуся с нею. 042 LUK 001 059 И бысть во осмый день, приидоша обрезати отроча, и нарицаху е именем отца его, Захарию. 042 LUK 001 060 И отвещавши мати его рече: ни, но да наречется Иоанн. 042 LUK 001 061 И реша к ней, яко никтоже есть в родстве твоем, иже нарицается именем тем. 042 LUK 001 062 И помаваху отцу его, еже како бы хотел нарещи е. 042 LUK 001 063 И испрошь дщицу, написа, глаголя: Иоанн будет имя ему. И чудяхуся вси. 042 LUK 001 064 Отверзошася же уста его абие и язык его, и глаголаше благословя Бога. 042 LUK 001 065 И бысть на всех страх живущих окрест их: и во всей стране Иудейстей поведаеми бяху вси глаголи сии. 042 LUK 001 066 И положиша вси слышавшии в сердцы своем, глаголюще: что убо отроча сие будет? И рука Господня бе с ним. 042 LUK 001 067 И Захариа отец его исполнися Духа Свята, и пророчествова, глаголя: 042 LUK 001 068 благословен Господь Бог Израилев, яко посети и сотвори избавление людем Своим: 042 LUK 001 069 и воздвиже рог спасения нам, в дому Давида отрока Своего: 042 LUK 001 070 якоже глагола усты святых сущих от века пророк Его, 042 LUK 001 071 спасение от враг наших и из руки всех ненавидящих нас: 042 LUK 001 072 сотворити милость со отцы нашими и помянути завет святый Свой, 042 LUK 001 073 клятву, еюже клятся ко Аврааму отцу нашему, дати нам, 042 LUK 001 074 без страха, из руки враг наших избавльшымся, 042 LUK 001 075 служити Ему преподобием и правдою пред Ним вся дни живота нашего. 042 LUK 001 076 И ты, отроча, пророк Вышняго наречешися: предидеши бо пред лицем Господним, уготовати пути Его, 042 LUK 001 077 дати разум спасения людем Его, во оставление грех их, 042 LUK 001 078 милосердия ради милости Бога нашего, в нихже посетил есть нас Восток свыше, 042 LUK 001 079 просветити во тме и сени смертней седящыя, направити ноги нашя на путь мирен. 042 LUK 001 080 Отроча же растяше и крепляшеся духом: и бе в пустынех до дне явления своего ко Израилю. 042 LUK 002 001 Бысть же во дни тыя, изыде повеление от кесаря Августа написати всю вселенную. 042 LUK 002 002 Сие написание первое бысть владящу Сириею Киринию. 042 LUK 002 003 И идяху вси написатися, кождо во свой град. 042 LUK 002 004 Взыде же и Иосиф от Галилеи, из града Назарета, во Иудею, во град Давидов, иже нарицается Вифлеем, зане быти ему от дому и отечества Давидова, 042 LUK 002 005 написатися с Мариею обрученою ему женою, сущею непраздною. 042 LUK 002 006 Бысть же, егда быста тамо, исполнишася дние родити Ей: 042 LUK 002 007 и роди Сына своего Первенца, и повит Его, и положи Его в яслех: зане не бе им места во обители. 042 LUK 002 008 И пастырие беху в тойже стране, бдяще и стрегуще стражу нощную о стаде своем. 042 LUK 002 009 И се, Ангел Господень ста в них, и слава Господня осия их: и убояшася страхом велиим. 042 LUK 002 010 И рече им Ангел: не бойтеся: се бо, благовествую вам радость велию, яже будет всем людем: 042 LUK 002 011 яко родися вам днесь Спас, Иже есть Христос Господь, во граде Давидове: 042 LUK 002 012 и се вам знамение: обрящете Младенца повита, лежаща в яслех. 042 LUK 002 013 И внезапу бысть со Ангелом множество вой небесных, хвалящих Бога и глаголющих: 042 LUK 002 014 слава в вышних Богу, и на земли мир, во человецех благоволение. 042 LUK 002 015 И бысть, яко отидоша от них на небо Ангели, и человецы пастырие реша друг ко другу: прейдем до Вифлеема и видим глаголгол сей бывший, егоже Господь сказа нам. 042 LUK 002 016 И приидоша поспешшеся, и обретоша Мариамь же и Иосифа, и Младенца лежаща во яслех. 042 LUK 002 017 Видевше же сказаша о глаголголе глаголголаннем им о Отрочати Сем. 042 LUK 002 018 И вси слышавшии дивишася о глаголанных от пастырей к ним. 042 LUK 002 019 Мариамь же соблюдаше вся глаголы сия, слагающи в сердцы Своем. 042 LUK 002 020 И возвратишася пастырие, славяще и хваляще Бога о всех, яже слышаша и видеша, якоже глаголано бысть к ним. 042 LUK 002 021 И егда исполнишася осмь дний, да обрежут Его, и нарекоша имя Ему Иисус, нареченное Ангелом прежде даже не зачатся во чреве. 042 LUK 002 022 И егда исполнишася дние очищения ею, по закону Моисеову, вознесоста Его во Иерусалим, поставити Его пред Господем, 042 LUK 002 023 якоже есть писано в законе Господни: яко всяк младенец мужеска полу, разверзая ложесна, свято Господеви наречется: 042 LUK 002 024 и еже дати жертву, по реченному в законе Господни, два горличища или два птенца голубина. 042 LUK 002 025 И се, бе человек во Иерусалиме, емуже имя Симеон. И человек сей праведен и благочестив, чая утехи Израилевы: и Дух бе Свят в нем. 042 LUK 002 026 И бе ему обещанно Духом Святым, не видети смерти, прежде даже не видит Христа Господня. 042 LUK 002 027 И прииде Духом в церковь. И егда введоста родителя Отроча Иисуса, сотворити има по обычаю законному о Нем, 042 LUK 002 028 и той приемь Его на руку своею, и благослови Бога, и рече: 042 LUK 002 029 ныне отпущаеши раба Твоего, Владыко, по глаголголу Твоему, с миром: 042 LUK 002 030 яко видесте очи мои спасение Твое, 042 LUK 002 031 еже еси уготовал пред лицем всех людий: 042 LUK 002 032 свет во откровение языком, и славу людий Твоих Израиля. 042 LUK 002 033 И бе Иосиф и Мати Его чудящася о глаголемых о Нем. 042 LUK 002 034 И благослови я Симеон, и рече к Марии Матери Его: се, лежит Сей на падение и на востание многим во Израили, и в знамение пререкаемо: 042 LUK 002 035 и Тебе же Самой душу пройдет оружие: яко да открыются от многих сердец помышления. 042 LUK 002 036 И бе Анна пророчица, дщи Фануилева, от колена Асирова: сия заматоревши во днех мнозех, живши с мужем седмь лет от девства своего: 042 LUK 002 037 и та вдова яко лет осмьдесят и четыре, яже не отхождаше от церкве, постом и молитвами служащи день и нощь. 042 LUK 002 038 И та в той час приставши исповедашеся Господеви и глаголаше о Нем всем чающым избавления во Иерусалиме. 042 LUK 002 039 И яко скончашася вся по закону Господню, возвратишася в Галилею, во град свой Назарет. 042 LUK 002 040 Отроча же растяше и крепляшеся духом, исполняяся премудрости: и благодать Божия бе на Нем. 042 LUK 002 041 И хождаста родителя Его на всяко лето во Иерусалим в праздник Пасхи. 042 LUK 002 042 И егда бысть двоюнадесяти лету, восходящым им во Иерусалим по обычаю праздника, 042 LUK 002 043 и скончавшым дни, и возвращающимася има, оста Отрок Иисус во Иерусалиме: и не разуме Иосиф и Мати Его: 042 LUK 002 044 мневша же Его в дружине суща, преидоста дне путь, и искаста Его во сродницех и в знаемых: 042 LUK 002 045 и не обретша Его, возвратистася во Иерусалим, взыскающа Его. 042 LUK 002 046 И бысть по триех днех, обретоста Его в церкви, седящаго посреде учителей, и послушающаго их, и вопрошающаго их: 042 LUK 002 047 ужасахуся же вси послушающии Его о разуме и о ответех Его. 042 LUK 002 048 И видевша Его, дивистася: и к Нему Мати Его рече: Чадо, что сотвори нама тако? Се, отец Твой и Аз боляща искахома Тебе. 042 LUK 002 049 И рече к нима: что яко искаста Мене? Не веста ли, яко в тех, яже Отца Моего, достоит быти Ми? 042 LUK 002 050 И та не разуместа глаголгола, егоже глагола Има. 042 LUK 002 051 И сниде с нима и прииде в Назарет: и бе повинуяся има. И Мати Его соблюдаше вся глаголголы сия в сердцы Своем. 042 LUK 002 052 И Иисус преспеваше премудростию и возрастом и благодатию у Бога и человек. 042 LUK 003 001 В пятое же надесяте лето владычества Тивериа кесаря, обладающу Понтийскому Пилату Иудеею, и четвертовластвующу Галилеею Ироду, Филиппу же брату его четвертовластвующу Итуреею и Трахонитскою страною, и Лисанию Авилиниею четвертовластвующу, 042 LUK 003 002 при архиереи Анне и Каиафе, бысть глаголгол Божий ко Иоанну Захариину сыну в пустыни. 042 LUK 003 003 И прииде во всю страну Иорданскую, проповедая крещение покаяния во оставление грехов: 042 LUK 003 004 якоже есть писано в книзе словес Исаии пророка, глаголюща: глас вопиющаго в пустыни: уготовайте путь Господень: правы творите стези Его: 042 LUK 003 005 всяка дебрь исполнится, и всяка гора и холм смирится: и будут стропотная в правая, и острии в пути гладки: 042 LUK 003 006 и узрит всяка плоть спасение Божие. 042 LUK 003 007 Глаголаше же исходящым народом креститися от него: порождения ехиднова, кто сказа вам бежати от грядущаго гнева? 042 LUK 003 008 Сотворите убо плоды достойны покаяния: и не начинайте глаголати в себе: отца имамы Авраама: глаголю бо вам, яко может Бог от камения сего воздвигнути чада Аврааму. 042 LUK 003 009 Уже бо и секира при корени древа лежит: всяко убо древо не творящее плода добра посекается и во огнь вметается. 042 LUK 003 010 И вопрошаху его народи, глаголюще: что убо сотворим? 042 LUK 003 011 Отвещав же глагола им: имеяй две ризе, да подаст неимущему: и имеяй брашна, такожде да творит. 042 LUK 003 012 Приидоша же и мытари креститися от него и реша к нему: учителю, что сотворим? 042 LUK 003 013 Он же рече к ним: ничтоже более от повеленнаго вам творите. 042 LUK 003 014 Вопрошаху же его и воини, глаголюще: и мы что сотворим? И рече к ним: ни когоже обидите, ни оклеветавайте: и доволни будите оброки вашими. 042 LUK 003 015 Чающым же людем, и помышляющым всем в сердцах своих о Иоанне, еда той есть Христос, 042 LUK 003 016 отвещаваше Иоанн всем, глаголя: аз убо водою крещаю вы: грядет же Креплий мене, Емуже несмь достоин отрешити ремень сапогу Его: Той вы крестит Духом Святым и огнем: 042 LUK 003 017 Емуже лопата в руку Его, и отребит гумно Свое, и соберет пшеницу в житницу Свою, плевы же сожжет огнем негасающим. 042 LUK 003 018 Многа же убо и ина утешая благовествоваша людем. 042 LUK 003 019 Ирод же четвертовластник, обличаемь от него о Иродиаде жене брата своего, и о всех, яже сотвори злая Ирод, 042 LUK 003 020 приложи и сие над всеми, и затвори Иоанна в темнице. 042 LUK 003 021 Бысть же егда крестишася вси людие, и Иисусу крещашуся и молящуся, отверзеся небо, 042 LUK 003 022 и сниде Дух Святый телесным образом, яко голубь, Нань: и глас с небесе бысть, глаголя: Ты еси Сын Мой Возлюбленный, о Тебе благоволих. 042 LUK 003 023 И той бе Иисус яко лет тридесять начиная, сый, яко мнимь, Сын Иосифов, Илиев, 042 LUK 003 024 Матфатов, Левиин, Мелхиин, Ианнаев, Иосифов, 042 LUK 003 025 Маттафиев, Амосов, Наумов, Еслимов, Наггеов, 042 LUK 003 026 Маафов, Маттафиев, Семеиев, Иосифов, Иудин, 042 LUK 003 027 Иоаннанов, Рисаев, Зоровавелев, Салафиилев, Нириев, 042 LUK 003 028 Мелхиев, Аддиев, Косамов, Елмодамов, Иров, 042 LUK 003 029 Иосиев, Елиезеров, Иоримов, Матфатов, Левиин, 042 LUK 003 030 Симеонов, Иудин, Иосифов, Ионанов, Елиакимов, 042 LUK 003 031 Мелеаев, Маинанов, Маттафаев, Нафанов, Давидов, 042 LUK 003 032 Иессеов, Овидов, Воозов, Салмонов, Наассонов, 042 LUK 003 033 Аминадавов, Арамов, Есромов, Фаресов, Иудин, 042 LUK 003 034 Иаковль, Исааков, Авраамов, Фарин, Нахоров, 042 LUK 003 035 Серухов, Рагавов, Фалеков, Еверов, Саланов, 042 LUK 003 036 Каинанов, Арфаксадов, Симов, Ноев, Ламехов, 042 LUK 003 037 Мафусалев, Енохов, Иаредов, Малелеилов, Каинанов, 042 LUK 003 038 Еносов, Сифов, Адамов, Божий. 042 LUK 004 001 Иисус же исполнь Духа Свята возвратися от Иордана: и ведяшеся Духом в пустыню, 042 LUK 004 002 дний четыридесять искушаемь от диавола: и не яст ничесоже во дни тыя: и скончавшымся им, последи взалка. 042 LUK 004 003 И рече Ему диавол: аще Сын еси Божий, рцы каменеви сему, да будет хлеб. 042 LUK 004 004 И отвеща Иисус к нему, глаголя: писано есть, яко не о хлебе единем жив будет человек, но о всяцем глаголголе Божии. 042 LUK 004 005 И возвед Его диавол на гору высоку, показа Ему вся царствия вселенныя в часе временне, 042 LUK 004 006 и рече Ему диавол: Тебе дам власть сию всю и славу их: яко мне предана есть, и, емуже аще хощу, дам ю: 042 LUK 004 007 Ты убо аще поклонишися предо мною, будут Тебе вся. 042 LUK 004 008 И отвещав рече ему Иисус: иди за Мною, сатано: писано есть: поклонишися Господу Богу твоему, и Тому единому послужиши. 042 LUK 004 009 И веде Его во Иерусалим, и постави Его на криле церковнем, и рече Ему: аще Сын еси Божий, верзися отсюду долу: 042 LUK 004 010 писано бо есть, яко Ангелом Своим заповесть о Тебе сохранити Тя: 042 LUK 004 011 и на руках возмут Тя, да не когда преткнеши о камень ногу Твою. 042 LUK 004 012 И отвещав рече ему Иисус, яко речено есть: не искусиши Господа Бога твоего. 042 LUK 004 013 И скончав все искушение диавол, отиде от Него до времене. 042 LUK 004 014 И возвратися Иисус в силе духовней в Галилею: и весть изыде по всей стране о Нем. 042 LUK 004 015 И той учаше на сонмищих их, славимь всеми. 042 LUK 004 016 И прииде в Назарет, идеже бе воспитан. И вниде, по обычаю Своему, в день субботный в сонмище, и воста чести. 042 LUK 004 017 И даша Ему книгу Исаии пророка: и разгнув книгу, обрете место, идеже бе написано: 042 LUK 004 018 Дух Господень на Мне: Егоже ради помаза Мя благовестити нищым, посла Мя изцелити сокрушенныя сердцем, проповедати плененным отпущение и слепым прозрение, отпустити сокрушенныя во отраду, 042 LUK 004 019 проповедати лето Господне приятно. 042 LUK 004 020 И согнув книгу, отдав слузе, седе: и всем в сонмищи очи беху зряще Нань. 042 LUK 004 021 И начат глаголати к ним, яко днесь сбыстся писание сие во ушию вашею. 042 LUK 004 022 И вси свидетелствоваху Ему, и дивляхуся о словесех благодати, исходящих из уст Его, и глаголаху: не Сей ли есть сын Иосифов? 042 LUK 004 023 И рече к ним: всяко речете Ми притчу сию: врачу, изцелися Сам: елика слышахом бывшая в Капернауме, сотвори и зде во отечествии Своем. 042 LUK 004 024 Рече же: аминь глаголю вам, яко ни который пророк приятен есть во отечествии своем: 042 LUK 004 025 поистинне же глаголю вам: многи вдовицы беша во дни Илиины во Израили, егда заключися небо три лета и месяц шесть, яко бысть глад велик по всей земли: 042 LUK 004 026 и ни ко единей их послан бысть Илиа, токмо в Сарепту Сидонскую к жене вдовице: 042 LUK 004 027 и мнози прокажени беху при Елиссеи пророце во Израили: и ни един же от них очистися, токмо Нееман Сирианин. 042 LUK 004 028 И исполнишася вси ярости в сонмищи, слышавшии сия: 042 LUK 004 029 и воставше изгнаша Его вон из града, и ведоша Его до верху горы, на нейже град их создан бяше, да быша Его низринули: 042 LUK 004 030 Он же прошед посреде их, идяше. 042 LUK 004 031 И сниде в Капернаум град Галилейский: и бе учя их в субботы. 042 LUK 004 032 И ужасахуся о учении Его: яко со властию бе слово Его. 042 LUK 004 033 И в сонмищи бе человек имый духа беса нечиста, и возопи гласом велиим, 042 LUK 004 034 глаголя: остави, что нам и Тебе, Иисусе Назарянине? Пришел еси погубити нас: вем Тя, кто еси, Святый Божий. 042 LUK 004 035 И запрети ему Иисус, глаголя: премолчи и изыди из него. И поверг его бес посреде, изыде из него, никакоже вредив его. 042 LUK 004 036 И бысть ужас на всех, и стязахуся друг ко другу, глаголюще: что слово сие, яко властию и силою велит нечистым духовом, и исходят? 042 LUK 004 037 И исхождаше глас о Нем во всяко место страны. 042 LUK 004 038 Востав же из сонмища, вниде в дом Симонов: теща же Симонова бе одержима огнем велиим: и молиша Его о ней. 042 LUK 004 039 И став над нею, запрети огню, и остави ю. Абие же воставши служаше им. 042 LUK 004 040 Заходящу же солнцу, вси, елицы имеяху болящыя недуги различными, привождаху их к Нему: Он же на единаго коегождо их руце возложь, изцеляше их. 042 LUK 004 041 Исхождаху же и беси от многих, вопиюще и глаголюще, яко Ты еси Христос Сын Божий. И запрещая не даяше им глаголати, яко ведяху Христа Самаго суща. 042 LUK 004 042 Бывшу же дню, изшед иде в пусто место: и народи искаху Его, и приидоша к Нему, и удержаваху Его, дабы не отшел от них. 042 LUK 004 043 Он же рече к ним, яко и другим градовом благовестити Ми подобает Царствие Божие: яко на се послан есмь. 042 LUK 004 044 И бе проповедая на сонмищих галилейских. 042 LUK 005 001 Бысть же належащу Ему народу, да быша слышали слово Божие, и Той бе стоя при езере Геннисаретсте: 042 LUK 005 002 и виде два корабля стояща при езере: рыбарие же отшедше от нею, измываху мрежи. 042 LUK 005 003 Влез же в един от кораблю, иже бе Симонов, моли его от земли отступити мало: и сед учаше из корабля народы. 042 LUK 005 004 Якоже преста глаголя, рече к Симону: поступи во глубину, и вверзите мрежи вашя в ловитву. 042 LUK 005 005 И отвещав Симон рече Ему: Наставниче, об нощь всю труждшеся, ничесоже яхом: по глаголголу же Твоему ввергу мрежу. 042 LUK 005 006 И се сотворше, яша множество рыб много: протерзашеся же мрежа их. 042 LUK 005 007 И помануша причастником, иже беху во друзем корабли, да пришедше помогут им: и приидоша, и исполниша оба корабля, яко погружатися има. 042 LUK 005 008 Видев же Симон Петр, припаде к коленома Иисусовома, глаголя: изыди от мене, яко муж грешен есмь, Господи. 042 LUK 005 009 Ужас бо одержаше его и вся сущыя с ним, о ловитве рыб, яже яша: 042 LUK 005 010 такожде же Иакова и Иоанна сына Зеведеова, яже беста обещника Симонови. И рече к Симону Иисус: не бойся: отселе будеши человеки ловя. 042 LUK 005 011 И извлекше (оба) корабля на землю, оставльше вся, вслед Его идоша. 042 LUK 005 012 И бысть егда бе Иисус во единем от градов, и се, муж исполнь прокажения: и видев Иисуса, пад ниц, моляся Ему, глаголя: Господи, аще хощеши, можеши мя очистити. 042 LUK 005 013 И простер руку, коснуся его, рек: хощу, очистися. И абие проказа отиде от него. 042 LUK 005 014 И Той заповеда ему ни комуже поведати: но шед покажися иереови, и принеси о очищении твоем, якоже повеле Моисей, во свидетелство им. 042 LUK 005 015 Прохождаше же паче слово о Нем: и схождахуся народи мнози слышати и целитися от Него от недуг своих. 042 LUK 005 016 Той же бе отходя в пустыню и моляся. 042 LUK 005 017 И бысть во един от дний, и Той бе учя: и беху седяще фарисее и законоучителие, иже беху пришли от всякия веси Галилейския и Иудейския и Иерусалимския: и сила Господня бе изцеляющи их: 042 LUK 005 018 и се, мужие носяще на одре человека, иже бе разслаблен, и искаху внести его и положити пред Ним: 042 LUK 005 019 и не обретше куде внести его народа ради, взлезше на храм, сквозе скуделы низвесиша его со одром на среду пред Иисуса. 042 LUK 005 020 И видев веру их, рече ему: человече, оставляюттися греси твои. 042 LUK 005 021 И начаша помышляти книжницы и фарисее, глаголюще: кто есть сей, иже глаголет хулы? Кто может оставляти грехи, токмо един Бог? 042 LUK 005 022 Разумев же Иисус помышления их, отвещав рече к ним: что помышляете в сердцах ваших? 042 LUK 005 023 Что есть удобее рещи: оставляюттися греси твои? Или рещи: востани и ходи? 042 LUK 005 024 Но да увесте, яко власть имать Сын Человеческий на земли отпущати грехи, рече разслабленному: тебе глаголю: востани, и возми одр твой, и иди в дом твой. 042 LUK 005 025 И абие востав пред ними, взем, на немже лежаше, иде в дом свой, славя Бога. 042 LUK 005 026 И ужас прият всех, и славляху Бога: и исполнишася страха, глаголюще, яко видехом преславная днесь. 042 LUK 005 027 И посем изыде, и узре мытаря именем Левию, седяща на мытнице, и рече ему: иди по Мне. 042 LUK 005 028 И оставль вся, востав вслед Его иде. 042 LUK 005 029 И сотвори учреждение велие Левий Ему в дому своем: и бе народ мытарей мног, и инех, иже бяху с ним возлежаще. 042 LUK 005 030 И роптаху книжницы на Него и фарисее, ко учеником Его глаголюще: почто с мытари и грешники ясте и пиете? 042 LUK 005 031 И отвещав Иисус рече к ним: не требуют здравии врача, но болящии: 042 LUK 005 032 не приидох призвати праведных, но грешныя в покаяние. 042 LUK 005 033 Они же реша к Нему: почто ученицы Иоанновы постятся часто и молитвы творят, такожде и фарисейстии, а Твои ядят и пиют? 042 LUK 005 034 Он же рече к ним: еда можете сыны брачныя, дондеже жених с ними есть, сотворити поститися? 042 LUK 005 035 Приидут же дние, егда отят будет от них жених, и тогда постятся в тыя дни. 042 LUK 005 036 Глаголаше же и притчу к ним, яко никтоже приставления ризы новы приставляет на ризу ветху: аще ли же ни, и новую раздерет, и ветсей не согласует еже от новаго. 042 LUK 005 037 И никтоже вливает вина нова в мехи ветхи: аще ли же ни, расторгнет новое вино мехи, и само излиется, и меси погибнут: 042 LUK 005 038 но вино новое в мехи новы вливати: и обоя соблюдутся. 042 LUK 005 039 И никтоже пив ветхое, абие хощет новаго: глаголет бо: ветхое лучше есть. 042 LUK 006 001 Бысть же в субботу второпервую ити Ему сквозе сеяния: и восторгаху ученицы Его класы, и ядяху, стирающе руками. 042 LUK 006 002 Нецыи же от фарисей реша им: что творите, егоже не достоит творити в субботы? 042 LUK 006 003 И отвещав Иисус рече к ним: ни ли сего чли есте, еже сотвори Давид, егда взалкася сам и иже с ним бяху? 042 LUK 006 004 Како вниде в дом Божий, и хлебы предложения взем, и яде, и даде и сущым с ним, ихже не достояше ясти, токмо единем иереем? 042 LUK 006 005 И глаголаше им, яко господь есть Сын Человеческий и субботе. 042 LUK 006 006 Бысть же и в другую субботу внити Ему в сонмище и учити: и бе тамо человек, и рука ему десная бе суха. 042 LUK 006 007 Назираху же книжницы и фарисее, аще в субботу изцелит, да обрящут речь Нань. 042 LUK 006 008 Он же ведяше помышления их и рече человеку имущему суху руку: востани и стани посреде. Он же востав ста. 042 LUK 006 009 Рече же Иисус к ним: вопрошу вы: что достоит в субботы, добро творити, или зло творити? Душу спасти, или погубити? Они же умолчаша. 042 LUK 006 010 И воззрев на всех их, рече ему: простри руку твою. Он же сотвори тако: и утвердися рука его здрава яко другая. 042 LUK 006 011 Они же исполнишася безумия и глаголаху друг ко другу, что быша сотворили Иисусови. 042 LUK 006 012 Бысть же во дни тыя, изыде в гору помолитися: и бе об нощь в молитве Божии. 042 LUK 006 013 И егда бысть день, призва ученики Своя: и избра от них дванадесяте, ихже и Апостолы нарече: 042 LUK 006 014 Симона, егоже именова Петра, и Андреа брата его, Иакова и Иоанна, Филиппа и Варфоломеа, 042 LUK 006 015 Матфеа и Фому, Иакова Алфеева и Симона нарицаемаго Зилота, 042 LUK 006 016 Иуду Иаковля, и Иуду Искариотскаго, иже и бысть предатель. 042 LUK 006 017 Изшед с ними, ста на месте равне: и народ ученик Его, и множество много людий от всея Иудеи и Иерусалима, и помория Тирска и Сидонска, 042 LUK 006 018 иже приидоша послушати Его и изцелитися от недуг своих, и страждущии от дух нечистых: и изцеляхуся. 042 LUK 006 019 И весь народ искаше прикасатися Ему: яко сила от Него исхождаше и изцеляше вся. 042 LUK 006 020 И Той возвед очи Свои на ученики Своя, глаголаше: блажени нищии духом: яко ваше есть Царствие Божие. 042 LUK 006 021 Блажени, алчущии ныне: яко насытитеся. Блажени, плачущии ныне: яко возсмеетеся. 042 LUK 006 022 Блажени будете, егда возненавидят вас человецы, и егда разлучат вы и поносят, и пронесут имя ваше яко зло, Сына Человеческаго ради. 042 LUK 006 023 Возрадуйтеся в той день и взыграйте: се бо, мзда ваша многа на небеси. По сим бо творяху пророком отцы их. 042 LUK 006 024 Обаче горе вам богатым: яко отстоите утешения вашего. 042 LUK 006 025 Горе вам, насыщеннии ныне: яко взалчете. Горе вам смеющымся ныне: яко возрыдаете и восплачете. 042 LUK 006 026 Горе, егда добре рекут вам вси человецы. По сим бо творяху лжепророком отцы их. 042 LUK 006 027 Но вам глаголю слышащым: любите враги вашя, добро творите ненавидящым вас, 042 LUK 006 028 благословите кленущыя вы, и молитеся за творящих вам обиду. 042 LUK 006 029 Биющему тя в ланиту, подаждь и другую: и от взимающаго ти ризу, и срачицу не возбрани. 042 LUK 006 030 Всякому же просящему у тебе дай: и от взимающаго твоя не истязуй. 042 LUK 006 031 И якоже хощете да творят вам человецы, и вы творите им такожде. 042 LUK 006 032 И аще любите любящыя вы, кая вам благодать есть? Ибо и грешницы любящыя их любят. 042 LUK 006 033 И аще благотворите благотворящым вам, кая вам благодать есть? Ибо и грешницы тожде творят. 042 LUK 006 034 И аще взаим даете, от нихже чаете восприяти, кая вам благодать есть, ибо и грешницы грешником взаим давают, да восприимут равная. 042 LUK 006 035 Обаче любите враги вашя, и благотворите, и взаим дайте, ничесоже чающе: и будет мзда ваша многа, и будете сынове Вышняго: яко Той благ есть на безблагодатныя и злыя. 042 LUK 006 036 Будите убо милосерди, якоже и Отец ваш милосерд есть. 042 LUK 006 037 И не судите, и не судят вам: (и) не осуждайте, да не осуждени будете: отпущайте, и отпустят вам: 042 LUK 006 038 дайте, и дастся вам: меру добру, наткану и потрясну и преливающуся дадят на лоно ваше: тою бо мерою, еюже мерите, возмерится вам. 042 LUK 006 039 Рече же притчу им: еда может слепец слепца водити? Не оба ли в яму впадетася? 042 LUK 006 040 Несть ученик над учителя своего: совершен же всяк будет, якоже и учитель его. 042 LUK 006 041 Что же видиши сучец, иже есть во очеси брата твоего, бервна же, еже есть во очеси твоем, не чуеши? 042 LUK 006 042 Или како можеши рещи брату твоему: брате, остави, да изму сучец, иже есть во очеси твоем, сам сущаго во очеси твоем бервна не видя? Лицемере, изми первее бервно из очесе твоего, и тогда прозриши изяти сучец из очесе брата твоего. 042 LUK 006 043 Несть бо древо добро, творя плода зла: ниже древо зло, творя плода добра. 042 LUK 006 044 Всяко бо древо от плода своего познается: не от терния бо чешут смоквы, ни от купины емлют гроздия. 042 LUK 006 045 Благий человек от благаго сокровища сердца своего износит благое: и злый человек от злаго сокровища сердца своего износит злое: от избытка бо сердца глаголют уста его. 042 LUK 006 046 Что же Мя зовете: Господи, Господи, и не творите, яже глаголю? 042 LUK 006 047 Всяк грядый ко Мне и слышай словеса Моя и творя я, скажу вам, кому есть подобен: 042 LUK 006 048 подобен есть человеку зиждущу храмину, иже ископа и углуби, и положи основание на камени: наводнению же бывшу, припаде река ко храмине той, и не може поколебати ея: основана бо бе на камени. 042 LUK 006 049 Слышавый же и не сотворивый подобен есть человеку создавшему храмину на земли без основания: к нейже припаде река, и абие падеся, и бысть разрушение храмины тоя велие. 042 LUK 007 001 Егда же сконча вся глаголголы Своя в слухи людем, вниде в Капернаум. 042 LUK 007 002 Сотнику же некоему раб боля зле, хотяше умрети, иже бе ему честен. 042 LUK 007 003 Слышав же о Иисусе, посла к Нему старцы Иудейския, моля Его, яко да пришед спасет раба его. 042 LUK 007 004 Они же пришедше ко Иисусови, моляху Его тощно, глаголюще, яко достоин есть, емуже даси сие: 042 LUK 007 005 любит бо язык наш, и сонмище той созда нам. 042 LUK 007 006 Иисус же идяше с ними. И уже Ему не далече сущу от храмины, посла к Нему сотник други, глаголя Ему: Господи, не движися: несмь бо достоин, да под кров мой внидеши: 042 LUK 007 007 темже ни себе достойна сотворих приити к Тебе: но рцы слово, и изцелеет отрок мой: 042 LUK 007 008 ибо и аз человек есмь под владыкою учинен, имея под собою воины: и глаголю сему: иди, и идет: и другому: прииди, и приидет: и рабу моему: сотвори сие, и сотворит. 042 LUK 007 009 Слышав же сия Иисус, чудися ему, и обращься идущему по Нем народу рече: глаголю вам, ни во Израили толики веры обретох. 042 LUK 007 010 И возвращшеся посланнии обретоша болящаго раба изцелевша. 042 LUK 007 011 И бысть посем, идяше во град, нарицаемый Наин: и с Ним идяху ученицы Его мнози и народ мног. 042 LUK 007 012 Якоже приближися ко вратом града, и се изношаху умерша, сына единородна матери своей, и та бе вдова: и народ от града мног с нею. 042 LUK 007 013 И видев ю Господь, милосердова о ней, и рече ей: не плачи. 042 LUK 007 014 И приступль коснуся во одр: носящии же сташа: и рече: юноше, тебе глаголю, востани. 042 LUK 007 015 И седе мертвый, и начат глаголати: и даде его матери его. 042 LUK 007 016 Прият же страх всех, и славляху Бога, глаголюще: яко пророк велий воста в нас, и яко посети Бог людий Своих. 042 LUK 007 017 И изыде слово сие по всей Иудеи о Нем, и по всей стране. 042 LUK 007 018 И возвестиша Иоанну ученицы его о всех сих. 042 LUK 007 019 И призвав два некая от ученик своих Иоанн, посла ко Иисусу, глаголя: Ты ли еси Грядый, или иного чаем? 042 LUK 007 020 Пришедша же к Нему мужа, реста: Иоанн Креститель посла нас к Тебе, глаголя: Ты ли еси Грядый, или иного чаем, 042 LUK 007 021 в Той же час изцели многи от недуг и ран и дух злых и многим слепым дарова прозрение. 042 LUK 007 022 И отвещав Иисус рече има: шедша возвестита Иоанну, яже видеста и слышаста: яко слепии прозирают, хромии ходят, прокаженнии очищаются, глусии слышат, мертвии востают, нищии благовествуют: 042 LUK 007 023 и блажен есть, иже аще не соблазнится о Мне. 042 LUK 007 024 Отшедшема же ученикома Иоанновома, начат глаголати к народом о Иоанне: чесо изыдосте в пустыню видети, трость ли ветром колеблему? 042 LUK 007 025 Но чесо изыдосте видети? Человека ли в мягки ризы одеяна? Се, иже во одежди славней и пищи сущии, во царствии суть. 042 LUK 007 026 Но чесо изыдосте видети? Пророка ли? Ей, глаголю вам, и лишше пророка. 042 LUK 007 027 Сей (бо) есть, о немже писано есть: се, Аз послю Ангела Моего пред лицем Твоим, иже устроит путь Твой пред Тобою. 042 LUK 007 028 Глаголю бо вам: болий в рожденных женами пророка Иоанна Крестителя никтоже есть: мний же во Царствии Божии болий его есть. 042 LUK 007 029 И вси людие слышавше и мытарие оправдиша Бога, крещшеся крещением Иоанновым: 042 LUK 007 030 фарисее же и законницы совет Божий отвергоша о себе, не крещшеся от него. 042 LUK 007 031 Рече же Господь: кому убо уподоблю человеки рода сего, и кому суть подобни? 042 LUK 007 032 Подобни суть отрочищем седящым на торжищих, и приглашающым друг друга, и глаголющым: пискахом вам, и не плясасте: рыдахом вам, и не плакасте. 042 LUK 007 033 Прииде бо Иоанн Креститель ни хлеба ядый, ни вина пия, и глаголете: беса имать. 042 LUK 007 034 Прииде Сын Человеческий ядый и пия, и глаголете: сей человек ядца и винопийца, друг мытарем и грешником. 042 LUK 007 035 И оправдися премудрость от чад своих всех. 042 LUK 007 036 Моляше же Его некий от фарисей, дабы ял с ним: и вшед в дом фарисеов, возлеже. 042 LUK 007 037 И се, жена во граде, яже бе грешница, и уведевши, яко возлежит во храмине фарисеове, принесши алавастр мира, 042 LUK 007 038 и ставши при ногу Его созади, плачущися, начат умывати нозе Его слезами, и власы главы своея отираше, и облобызаше нозе Его, и мазаше миром. 042 LUK 007 039 Видев же фарисей воззвавый Его, рече в себе, глаголя: Сей аще бы был пророк, ведел бы, кто и какова жена прикасается Ему: яко грешница есть. 042 LUK 007 040 И отвещав Иисус рече к нему: Симоне, имам ти нечто рещи. Он же рече: Учителю, рцы. 042 LUK 007 041 Иисус же рече: два должника беста заимодавцу некоему: един бе должен пятиюсот динарий, другий же пятиюдесят: 042 LUK 007 042 не имущема же има воздати, обема отда. Который убо ею, рцы, паче возлюбит его? 042 LUK 007 043 Отвещав же Симон рече: мню, яко емуже вящше отда. Он же рече ему: право судил еси. 042 LUK 007 044 И обращься к жене, Симонови рече: видиши ли сию жену? Внидох в дом твой, воды на нозе Мои не дал еси: сия же слезами облия Ми нозе и власы главы своея отре. 042 LUK 007 045 Лобзания Ми не дал еси: сия же, отнелиже внидох, не преста облобызающи Ми нозе. 042 LUK 007 046 Маслом главы Моея не помазал еси: сия же миром помаза Ми нозе. 042 LUK 007 047 Егоже ради, глаголю ти, отпущаются греси ея мнози, яко возлюби много: а емуже мало оставляется, менше любит. 042 LUK 007 048 Рече же ей: отпущаются тебе греси. 042 LUK 007 049 И начаша возлежащии с Ним глаголати в себе: кто Сей есть, иже и грехи отпущает? 042 LUK 007 050 Рече же к жене: вера твоя спасе тя: иди в мире. 042 LUK 008 001 И бысть посем, и Той прохождаше сквозе грады и веси, проповедуя и благовествуя Царствие Божие: и обанадесяте с Ним, 042 LUK 008 002 и жены некия, яже бяху изцелены от духов злых и недуг: Мариа нарицаемая Магдалина, из неяже бесов седмь изыде, 042 LUK 008 003 и Иоанна жена Хузаня, приставника Иродова, и Сусанна, и ины многи, яже служаху Ему от имений своих. 042 LUK 008 004 Разумевающу же народу многу, и от всех градов грядущым к Нему, рече притчу: 042 LUK 008 005 изыде сеяй сеяти семене своего: и егда сеяше, ово паде при пути, и попрано бысть, и птицы небесныя позобаша е: 042 LUK 008 006 а другое паде на камени, и прозяб усше, зане не имеяше влаги: 042 LUK 008 007 и другое паде посреде терния, и возрасте терние, и подави е: 042 LUK 008 008 другое же паде на земли блазе, и прозяб сотвори плод сторицею. Сия глаголя, возгласи: имеяй ушы слышати, да слышит. 042 LUK 008 009 Вопрошаху же Его ученицы Его, глаголюще: что есть притча сия? 042 LUK 008 010 Он же рече: вам есть дано ведати тайны Царствия Божия, прочым же в притчах, да видяще не видят и слышаще не разумеют. 042 LUK 008 011 Есть же сия притча: семя есть слово Божие: 042 LUK 008 012 а иже при пути, суть слышащии, потом (же) приходит диавол и вземлет слово от сердца их, да не веровавше спасутся: 042 LUK 008 013 а иже на камени, иже егда услышат, с радостию приемлют слово: и сии корене не имут, иже во время веруют, и во время напасти отпадают: 042 LUK 008 014 а еже в тернии падшее, сии суть слышавшии, и от печали и богатства и сластьми житейскими ходяще подавляются, и не совершают плода: 042 LUK 008 015 а иже на добрей земли, сии суть, иже добрым сердцем и благим слышавше слово, держат и плод творят в терпении. Сия глаголя, возгласи: имеяй ушы слышати, да слышит. 042 LUK 008 016 Никтоже (убо) светилника вжег, покрывает его сосудом, или под одр подлагает: но на свещник возлагает, да входящии видят свет. 042 LUK 008 017 Несть бо тайно, еже не явлено будет: ниже утаено, еже не познается и в явление приидет. 042 LUK 008 018 Блюдитеся убо, како слышите: иже бо имать, дастся ему: и иже аще не имать, и еже мнится имея, возмется от него. 042 LUK 008 019 Приидоша же к Нему Мати и братия Его, и не можаху беседовати к Нему народа ради. 042 LUK 008 020 И возвестиша Ему, глаголюще: Мати Твоя и братия Твоя вне стоят, видети Тя хотяще. 042 LUK 008 021 Он же отвещав рече к ним: мати Моя и братия Моя сии суть, слышащии слово Божие, и творящии е. 042 LUK 008 022 И бысть во един от дний, Той влезе в корабль и ученицы Его: и рече к ним: прейдем на он пол езера. И поидоша. 042 LUK 008 023 Идущым же им, успе. И сниде буря ветреная в езеро, и скончавахуся и в беде беху. 042 LUK 008 024 И приступльше воздвигоша Его, глаголюще: Наставниче, Наставниче, погибаем. Он же востав запрети ветру и волнению водному: и улегоста, и бысть тишина. 042 LUK 008 025 Рече же им: где есть вера ваша? Убоявшеся же чудишася, глаголюще друг ко другу: кто убо Сей есть, яко и ветром повелевает и воде, и послушают Его? 042 LUK 008 026 И преидоша во страну Гадаринску, яже есть об он пол Галилеи. 042 LUK 008 027 Изшедшу же Ему на землю, срете Его муж некий от града, иже имяше бесы от лет многих, и в ризу не облачашеся, и во храме не живяше, но во гробех. 042 LUK 008 028 Узрев же Иисуса и возопив, припаде к Нему, и гласом велиим рече: что мне и Тебе, Иисусе Сыне Бога Вышняго? Молюся Ти, не мучи мене. 042 LUK 008 029 Повеле бо духови нечистому изыти от человека: от многих бо лет восхищаше его: и вязаху его узы (железны) и путы, стрегуще его: и растерзая узы, гонимь бываше бесом сквозе пустыни. 042 LUK 008 030 Вопроси же его Иисус, глаголя: что ти есть имя? Он же рече: легеон: яко беси мнози внидоша в онь. 042 LUK 008 031 И моляху Его, да не повелит им в бездну ити. 042 LUK 008 032 Бе же ту стадо свиний много пасомо в горе: и моляху Его, да повелит им в ты внити. И повеле им. 042 LUK 008 033 Изшедше же беси от человека, внидоша во свиния: и устремися стадо по брегу в езеро, и истопе. 042 LUK 008 034 Видевше же пасущии бывшее, бежаша, и возвестиша во граде и в селех. 042 LUK 008 035 Изыдоша же видети бывшее: и приидоша ко Иисусови и обретоша человека седяща, из негоже беси изыдоша, оболчена и смысляща, при ногу Иисусову: и убояшася. 042 LUK 008 036 Возвестиша же им видевшии, како спасеся бесновавыйся. 042 LUK 008 037 И моли Его весь народ страны Гадаринския отити от них, яко страхом велиим одержими беху. Он же влез в корабль, возвратися. 042 LUK 008 038 Моляшеся же Ему муж, из негоже изыдоша беси, дабы с Ним был. Отпусти же его Иисус, глаголя: 042 LUK 008 039 возвратися в дом твой и поведай, елика ти сотвори Бог. И иде, по всему граду проповедая, елика сотвори ему Иисус. 042 LUK 008 040 Бысть же егда возвратися Иисус, прият Его народ: беху бо вси чающе Его. 042 LUK 008 041 И се, прииде муж, емуже имя Иаир, и той князь сонмищу бе: и пад при ногу Иисусову, моляше Его внити в дом свой: 042 LUK 008 042 яко дщи единородна бе ему, яко лет двоюнадесяте, и та умираше. Егда же идяше, народи угнетаху Его. 042 LUK 008 043 И жена сущи в точении крове от двоюнадесяте лету, яже врачем издавши все имение, (и) не возможе ни от единаго изцелети: 042 LUK 008 044 (и) приступльши созади, коснуся края риз Его: и абие ста ток крове ея. 042 LUK 008 045 И рече Иисус: кто есть коснувыйся Мне? Отметающымся же всем, рече Петр и иже с Ним: Наставниче, народи одержат Тя и гнетут, и глаголеши: кто есть коснувыйся Мне? 042 LUK 008 046 Иисус же рече: прикоснуся Мне некто: Аз бо чух силу изшедшую из Мене. 042 LUK 008 047 Видевши же жена, яко не утаися, трепещущи прииде, и падши пред Ним, еяже ради вины прикоснуся Ему, поведа Ему пред всеми людьми, и яко изцеле абие. 042 LUK 008 048 Он же рече ей: дерзай дщи, вера твоя спасе тя: иди в мире. 042 LUK 008 049 Еще Ему глаголющу, прииде некий от архисинагога, глаголя ему, яко умре дщи твоя: не движи Учителя. 042 LUK 008 050 Иисус же слышав отвеща ему, глаголя: не бойся, токмо веруй, и спасена будет. 042 LUK 008 051 Пришед же в дом, не остави ни единаго внити, токмо Петра и Иоанна и Иакова, и отца отроковицы, и матере. 042 LUK 008 052 Плакахуся же вси и рыдаху ея. Он же рече: не плачитеся: не умре (бо), но спит. 042 LUK 008 053 И ругахуся Ему, ведяще, яко умре. 042 LUK 008 054 Он же изгнав вон всех, и емь за руку ея, возгласи, глаголя: отроковице, востани. 042 LUK 008 055 И возвратися дух ея, и воскресе абие: и повеле дати ей ясти. 042 LUK 008 056 И дивистася родителя ея. Он же повеле има ни комуже поведати бывшаго. 042 LUK 009 001 Созвав же обанадесяте, даде им силу и власть на вся бесы, и недуги целити: 042 LUK 009 002 и посла их проповедати Царствие Божие и изцелити болящыя. 042 LUK 009 003 И рече к ним: ничесоже возмите на путь: ни жезла, ни пиры, ни хлеба, ни сребра, ни по двема ризама имети: 042 LUK 009 004 и в оньже дом внидете, ту пребывайте, и оттуду исходите: 042 LUK 009 005 и елицы аще не приемлют вас, исходяще от града того, и прах от ног ваших оттрясите, во свидетелство на ня. 042 LUK 009 006 Исходяще же прохождаху сквозе веси, благовествующе и изцеляюще всюду. 042 LUK 009 007 Слыша же Ирод четвертовластник бывающая от Него вся и недоумевашеся: зане глаголемо бе от неких, яко Иоанн воста от мертвых: 042 LUK 009 008 от инех же, яко Илиа явися: от других же, яко пророк един от древних воскресе. 042 LUK 009 009 И рече Ирод: Иоанна аз усекнух: кто же есть Сей, о Немже аз слышу таковая? И искаше видети Его. 042 LUK 009 010 И возвращшеся Апостоли поведаша Ему, елика сотвориша: и поимь их, отиде един на место пусто града, нарицаемаго Вифсаида. 042 LUK 009 011 Народи же разумевше, по Нем идоша: и приемь их, глаголаше им о Царствии Божии и требующыя изцеления целяше. 042 LUK 009 012 День же начат прекланятися. Приступльше же обанадесяте рекоша Ему: отпусти народ, да шедше во окрестныя веси и села витают и обрящут брашно: яко зде в пусте месте есмы. 042 LUK 009 013 Рече же к ним: дадите им вы ясти. Они же реша: несть у нас вящше, токмо пять хлеб и рыбе две, аще убо не шедше мы купим во вся люди сия брашна. 042 LUK 009 014 Беху бо мужей яко пять тысящ. Рече же ко учеником Своим: посадите их на купы по пятидесят. 042 LUK 009 015 И сотвориша тако, и посадиша их вся. 042 LUK 009 016 Приим же пять хлеб и обе рыбе, воззрев на небо, благослови их, и преломи, и даяше учеником, предложити народу. 042 LUK 009 017 И ядоша, и насытишася вси: и взяша избывшыя им укрухи кошя дванадесяте. 042 LUK 009 018 И бысть егда моляшеся един, с Ним беху ученицы: и вопроси их, глаголя: кого Мя глаголют народи быти? 042 LUK 009 019 Они же отвещавше реша: Иоанна Крестителя: инии же Илию: друзии же, яко пророк некий от древних воскресе. 042 LUK 009 020 Рече же им: вы же кого Мя глаголете быти? Отвещав же Петр рече: Христа Божия. 042 LUK 009 021 Он же запрещь им, повеле ни комуже глаголати сего, 042 LUK 009 022 рек, яко подобает Сыну Человеческому много пострадати, и искушену быти от старец и архиерей и книжник, и убиену быти, и в третий день востати. 042 LUK 009 023 Глаголаше же ко всем: аще кто хощет по Мне ити, да отвержется себе, и возмет крест свой, и последует Ми. 042 LUK 009 024 Иже бо аще хощет душу свою спасти, погубит ю: а иже погубит душу свою Мене ради, сей спасет ю. 042 LUK 009 025 Что бо пользы имать человек, приобрет мир весь, себе же погубив или отщетив? 042 LUK 009 026 Иже бо аще постыдится Мене и Моих словес, сего Сын Человеческий постыдится, егда приидет во славе Своей и Отчей и святых Ангел. 042 LUK 009 027 Глаголю же вам воистинну: суть нецыи от зде стоящих, иже не имут вкусити смерти, дондеже видят Царствие Божие. 042 LUK 009 028 Бысть же по словесех сих яко дний осмь, и поемь Петра и Иоанна и Иакова, взыде на гору помолитися. 042 LUK 009 029 И бысть егда моляшеся, видение лица Его ино, и одеяние Его бело блистаяся. 042 LUK 009 030 И се, мужа два с Ним глаголюща, яже беста Моисей и Илиа, 042 LUK 009 031 явльшася во славе, глаголаста же исход Его, егоже хотяше скончати во Иерусалиме. 042 LUK 009 032 Петр же и сущии с ним бяху отягчени сном: убуждшеся же видеша славу Его, и оба мужа стояща с Ним. 042 LUK 009 033 И бысть егда разлучистася от Него, рече Петр ко Иисусу: Наставниче, добро есть нам зде быти: и сотворим сени три, едину Тебе, и едину Моисеови, и едину Илии: не ведый, еже глаголаше. 042 LUK 009 034 Се же ему глаголющу, бысть облак, и осени их: убояшася же, вшедше во облак. 042 LUK 009 035 И глас бысть из облака, глаголя: Сей есть Сын Мой Возлюбленный, Того послушайте. 042 LUK 009 036 И егда бысть глас, обретеся Иисус един. И тии умолчаша, и ни комуже возвестиша в тыя дни ничесоже от тех, яже видеша. 042 LUK 009 037 Бысть же в прочий день, сшедшым им с горы, срете Его народ мног. 042 LUK 009 038 И се, муж из народа возопи, глаголя: Учителю, молютися, призри на сына моего, яко единороден ми есть: 042 LUK 009 039 и се дух емлет его, и внезапу вопиет, и пружается с пенами, и едва отходит от него, сокрушая его: 042 LUK 009 040 и молихся учеником Твоим, да ижденут его: и не возмогоша. 042 LUK 009 041 Отвещав же Иисус рече: о, роде неверный и развращенный, доколе буду в вас и терплю вы? Приведи (Ми) сына твоего семо. 042 LUK 009 042 Еще же грядущу ему, поверже его бес и стрясе. Запрети же Иисус духови нечистому, и изцели отрока, и вдаде его отцу его. 042 LUK 009 043 Дивляхуся же вси о величии Божии. Всем же чудящымся о всех, яже творяше Иисус, рече ко учеником Своим: 042 LUK 009 044 вложите вы во ушы ваши словеса сия: Сын бо Человеческий имать предатися в руце человечесте. 042 LUK 009 045 Они же не разумеша глаголгола сего, бе бо прикровен от них, да не ощутят его: и бояхуся вопросити Его о глаголголе сем. 042 LUK 009 046 Вниде же помышление в них, кто их вящший бы был. 042 LUK 009 047 Иисус же ведый помышление сердец их, приемь отроча, постави е у Себе 042 LUK 009 048 и рече им: иже аще приимет сие отроча во имя Мое, Мене приемлет: и иже аще Мене приемлет, приемлет Пославшаго Мя: иже бо менший есть в вас, сей есть велик. 042 LUK 009 049 Отвещав же Иоанн рече: Наставниче, видехом некоего о имени Твоем изгоняща бесы: и возбранихом ему, яко вслед не ходит с нами. 042 LUK 009 050 И рече к нему Иисус: не браните: иже бо несть на вы, по вас есть. 042 LUK 009 051 Бысть же егда скончавахуся дние восхождению Его, и Той утверди лице Свое ити во Иерусалим: 042 LUK 009 052 и посла вестники пред лицем Своим: и изшедше внидоша в весь Самарянску, яко да уготовят Ему: 042 LUK 009 053 и не прияша Его, яко лице Его бе грядущее во Иерусалим. 042 LUK 009 054 Видевша же ученика Его Иаков и Иоанн, реста: Господи, хощеши ли, речема, да огнь снидет с небесе и потребит их, якоже и Илиа сотвори? 042 LUK 009 055 Обращься же запрети има, и рече: не веста, коего духа еста вы: 042 LUK 009 056 Сын бо Человеческий не прииде душ человеческих погубити, но спасти. И идоша во ину весь. 042 LUK 009 057 Бысть же идущым им по пути, рече некий к Нему: иду по Тебе, аможе аще идеши, Господи. 042 LUK 009 058 И рече ему Иисус: лиси язвины имут, и птицы небесныя гнезда: Сын же Человеческий не имать где главу подклонити. 042 LUK 009 059 Рече же ко другому: ходи вслед Мене. Он же рече: Господи, повели ми, да шед прежде погребу отца моего. 042 LUK 009 060 Рече же ему Иисус: остави мертвыя погребсти своя мертвецы: ты же шед возвещай Царствие Божие. 042 LUK 009 061 Рече же и другий: иду по Тебе, Господи: прежде же повели ми отвещатися, иже суть в дому моем. 042 LUK 009 062 Рече же к нему Иисус: никтоже возложь руку свою на рало и зря вспять, управлен есть в Царствии Божии. 042 LUK 010 001 По сих же яви Господь и инех седмьдесят, и посла их по двема пред лицем Своим во всяк град и место, аможе хотяше Сам ити: 042 LUK 010 002 глаголаше же к ним: жатва убо многа, делателей же мало: молитеся убо Господину жатве, да изведет делатели на жатву Свою. 042 LUK 010 003 Идите: се Аз посылаю вы яко агнцы посреде волков. 042 LUK 010 004 Не носите влагалища, ни пиры, ни сапог: и ни когоже на пути целуйте. 042 LUK 010 005 В оньже аще дом внидете, первее глаголите: мир дому сему: 042 LUK 010 006 и аще убо будет ту сын мира, почиет на нем мир ваш: аще ли же ни, к вам возвратится: 042 LUK 010 007 в том же дому пребывайте, ядуще и пиюще, яже суть у них: достоин бо есть делатель мзды своея. Не преходите из дому в дом. 042 LUK 010 008 И в оньже аще град входите, и приемлют вы, ядите предлагаемая вам: 042 LUK 010 009 и изцелите недужныя, иже суть в нем, и глаголите им: приближися на вы Царствие Божие. 042 LUK 010 010 И в оньже аще град входите, и не приемлют вас, изшедше на распутия его, рцыте: 042 LUK 010 011 и прах, прилепший нам от града вашего, оттрясаем вам. Обаче сие ведите, яко приближися на вы Царствие Божие: 042 LUK 010 012 глаголю вам, яко Содомляном в день той отраднее будет, неже граду тому. 042 LUK 010 013 Горе тебе, Хоразине, горе тебе, Вифсаидо: яко аще в Тире и Сидоне быша силы были бывшыя в ваю, древле убо во вретищи и пепеле седяще покаялися быша: 042 LUK 010 014 обаче Тиру и Сидону отраднее будет на суде, неже вама. 042 LUK 010 015 И ты, Капернауме, иже до небес вознесыйся, до ада низведешися. 042 LUK 010 016 Слушаяй вас, Мене слушает: и отметаяйся вас, Мене отметается: отметаяйся же Мене, отметается Пославшаго Мя. 042 LUK 010 017 Возвратишася же седмьдесят с радостию, глаголюще: Господи, и беси повинуются нам о имени Твоем. 042 LUK 010 018 Рече же им: видех сатану яко молнию с небесе спадша. 042 LUK 010 019 Се, даю вам власть наступати на змию и на скорпию и на всю силу вражию: и ничесоже вас вредит: 042 LUK 010 020 обаче о сем не радуйтеся, яко дуси вам повинуются: радуйтеся же, яко имена ваша написана суть на небесех. 042 LUK 010 021 В той час возрадовася духом Иисус и рече: исповедаютися, Отче, Господи небесе и земли, яко утаил еси сия от премудрых и разумных, и открыл еси та младенцем: ей, Отче, яко тако бысть благоволение пред Тобою. 042 LUK 010 022 И обращься ко учеником, рече: вся Мне предана быша от Отца Моего: и никтоже весть, кто есть Сын, токмо Отец: и кто есть Отец, токмо Сын, и емуже аще хощет Сын открыти. 042 LUK 010 023 И обращься ко учеником, един рече: блажени очи видящии, яже видите: 042 LUK 010 024 глаголю бо вам, яко мнози пророцы и царие восхотеша видети, яже вы видите, и не видеша: и слышати, яже слышите, и не слышаша. 042 LUK 010 025 И се, законник некий воста, искушая Его и глаголя: Учителю, что сотворив, живот вечный наследую? 042 LUK 010 026 Он же рече к нему: в законе что писано есть? Како чтеши? 042 LUK 010 027 Он же отвещав рече: возлюбиши Господа Бога твоего от всего сердца твоего, и от всея души твоея, и всею крепостию твоею, и всем помышлением твоим: и ближняго своего яко сам себе. 042 LUK 010 028 Рече же ему: право отвещал еси: сие сотвори, и жив будеши. 042 LUK 010 029 Он же хотя оправдитися сам, рече ко Иисусу: и кто есть ближний мой? 042 LUK 010 030 Отвещав же Иисус рече: человек некий схождаше от Иерусалима во Иерихон, и в разбойники впаде, иже совлекше его, и язвы возложше отидоша, оставльше едва жива суща. 042 LUK 010 031 По случаю же священник некий схождаше путем тем, и видев его, мимоиде. 042 LUK 010 032 Такожде же и левит, быв на том месте, пришед и видев, мимоиде. 042 LUK 010 033 Самарянин же некто грядый, прииде над него, и видев его, милосердова: 042 LUK 010 034 и приступль обвяза струпы его, возливая масло и вино: всадив же его на свой скот, приведе его в гостинницу и прилежа ему: 042 LUK 010 035 и наутрия изшед, иземь два сребреника, даде гостиннику и рече ему: прилежи ему: и еже аще прииждивеши, аз егда возвращуся, воздам ти. 042 LUK 010 036 Кто убо от тех триех ближний мниттися быти впадшему в разбойники? 042 LUK 010 037 Он же рече: сотворивый милость с ним. Рече же ему Иисус: иди, и ты твори такожде. 042 LUK 010 038 Бысть же ходящым им, и Сам вниде в весь некую: жена же некая именем Марфа прият Его в дом свой: 042 LUK 010 039 и сестра ей бе нарицаемая Мариа, яже и седши при ногу Иисусову, слышаше слово Его. 042 LUK 010 040 Марфа же молвяше о мнозе службе, ставши же рече: Господи, не брежеши ли, яко сестра моя едину мя остави служити? Рцы убо ей, да ми поможет. 042 LUK 010 041 Отвещав же Иисус рече ей: Марфо, Марфо, печешися и молвиши о мнозе, 042 LUK 010 042 едино же есть на потребу. Мариа же благую часть избра, яже не отимется от нея. 042 LUK 011 001 И бысть внегда быти Ему на месте некоем молящуся, (и) яко преста, рече некий от ученик Его к Нему: Господи, научи ны молитися, якоже и Иоанн научи ученики своя. 042 LUK 011 002 Рече же им: егда молитеся, глаголите: Отче наш, иже на небесех, да святится имя Твое: да приидет Царствие Твое: да будет воля Твоя, яко на небеси, и на земли: 042 LUK 011 003 хлеб наш насущный подавай нам на всяк день: 042 LUK 011 004 и остави нам грехи нашя, ибо и сами оставляем всякому должнику нашему: и не введи нас во искушение, но избави нас от лукаваго. 042 LUK 011 005 И рече к ним: кто от вас имать друга, и идет к нему в полунощи, и речет ему: друже, даждь ми взаим три хлебы: 042 LUK 011 006 понеже друг прииде с пути ко мне, и не имам чесо предложити ему. 042 LUK 011 007 И той извнутрь отвещав речет: не твори ми труды: уже двери затворены суть, и дети моя со мною на ложи суть: (и) не могу востав дати тебе. 042 LUK 011 008 Глаголю же вам: аще и не даст ему востав, зане друг ему есть: но за безочьство его, востав даст ему, елика требует. 042 LUK 011 009 И Аз вам глаголю: просите, и дастся вам: ищите, и обрящете: толцыте, и отверзется вам: 042 LUK 011 010 всяк бо просяй приемлет, и ищяй обретает, и толкущему отверзется. 042 LUK 011 011 Котораго же вас отца воспросит сын хлеба, еда камень подаст ему? Или рыбы, еда в рыбы место змию подаст ему? 042 LUK 011 012 Или аще попросит яица, еда подаст ему скорпию? 042 LUK 011 013 Аще убо вы зли суще, умеете даяния блага даяти чадом вашым, кольми паче Отец, иже с небесе, даст Духа Святаго просящым у Него? 042 LUK 011 014 И бе изгоня беса, и той бе нем: бысть же бесу изшедшу, проглагола немый: и дивишася народи. 042 LUK 011 015 Нецыи же от них реша: о веельзевуле князи бесовстем изгонит бесы. 042 LUK 011 016 Друзии же искушающе, знамения от Него искаху с небесе. 042 LUK 011 017 Он же ведый помышления их, рече им: всяко царство само в себе разделяяся, запустеет: и дом на дом, падает. 042 LUK 011 018 Аще же и сатана сам в себе разделися, како станет царство его, якоже глаголете, о веельзевуле изгонящя Мя бесы. 042 LUK 011 019 Аще же Аз о веельзевуле изгоню бесы, сынове ваши о ком изгонят? Сего ради тии будут вам судии. 042 LUK 011 020 Аще ли же о персте Божии изгоню бесы, убо постиже на вас Царствие Божие. 042 LUK 011 021 Егда крепкий вооружився хранит свой двор, во смирении суть имения его: 042 LUK 011 022 егда же креплей его нашед победит его, все оружие его возмет, на неже уповаше, и корысть его раздает. 042 LUK 011 023 Иже несть со Мною, на Мя есть: и иже не собирает со Мною, расточает. 042 LUK 011 024 Егда (же) нечистый дух изыдет от человека, преходит сквозе безводная места, ищя покоя: и не обретая, глаголет: возвращуся в дом мой, отнюдуже изыдох. 042 LUK 011 025 И пришед обрящет и пометен и украшен: 042 LUK 011 026 тогда идет и поймет седмь других духов горших себе, и вшедше живут ту: и бывают последняя человеку тому горша первых. 042 LUK 011 027 Бысть же егда глаголаше сия, воздвигши некая жена глас от народа, рече Ему: блажено чрево носившее Тя, и сосца, яже еси ссал. 042 LUK 011 028 Он же рече: темже убо блажени слышащии слово Божие и хранящии е. 042 LUK 011 029 Народом же собирающымся начат глаголати: род сей лукав есть: знамения ищет, и знамение не дастся ему, токмо знамение Ионы пророка: 042 LUK 011 030 якоже бо бысть Иона знамение Ниневитом, тако будет и Сын Человеческий роду сему. 042 LUK 011 031 Царица южская востанет на суд с мужи рода сего, и осудит их: яко прииде от конец земли слышати премудрость Соломонову: и се множае Соломона зде. 042 LUK 011 032 Мужие Ниневитстии востанут на суд с родом сим и осудят и: яко покаяшася проповедию Иониною: и се, множае Ионы зде. 042 LUK 011 033 Никтоже (убо) светилника вжег, в скрове полагает, ни под спудом, но на свещнице, да входящии свет видят. 042 LUK 011 034 Светилник телу есть око: егда убо око твое просто будет, все тело твое светло будет: егда же лукаво будет, и тело твое темно: 042 LUK 011 035 блюди убо, еда свет, иже в тебе, тма есть. 042 LUK 011 036 Аще бо тело твое все светло, не имый некия части темны, будет светло все, якоже егда светилник блистанием прсвещает тя. 042 LUK 011 037 Егда же глаголаше, моляше Его фарисей некий, да обедует у него: вшед же возлеже. 042 LUK 011 038 Фарисей же видев дивися, яко не прежде крестися прежде обеда. 042 LUK 011 039 Рече же Господь к нему: ныне вы, фарисее, внешняя сткляницы и блюда очищаете, внутреннее же ваше полно грабления есть и лукавства. 042 LUK 011 040 Безумнии, не Иже ли сотвори внешнее, и внутреннее сотворил есть? 042 LUK 011 041 Обаче от сущих дадите милостыню: и се, вся чиста вам будут. 042 LUK 011 042 Но горе вам фарисеом, яко одесятствуете от мятвы и пигана и всякаго зелия, и мимоходите суд и любовь Божию: сия подобаше сотворити, и онех не оставляти. 042 LUK 011 043 Горе вам фарисеом, яко любите председания на сонмищих и целования на торжищих. 042 LUK 011 044 Горе вам, книжницы и фарисее, лицемери, яко есте яко гроби неведоми, и человецы ходящии верху не ведят. 042 LUK 011 045 Отвещав же некий от законник рече Ему: Учителю, сия глаголя и нам досаждаеши. 042 LUK 011 046 Он же рече: и вам законником горе, яко накладаете на человеки бремена не удобь носима, и сами единем перстом вашим не прикасаетеся бременем. 042 LUK 011 047 Горе вам, яко зиждете гробы пророк, отцы же ваши избиша их: 042 LUK 011 048 убо свидетелствуете и соблаговолите делом отец ваших: яко тии убо избиша их, вы же зиждете их гробы. 042 LUK 011 049 Сего ради и премудрость Божия рече: послю в них пророки и Апостолы, и от них убиют и изженут: 042 LUK 011 050 да взыщется кровь всех пророк, проливаемая от сложения мира, от рода сего, 042 LUK 011 051 от крове Авеля даже до крове Захарии, погибшаго между олтарем и храмом: ей, глаголю вам, взыщется от рода сего. 042 LUK 011 052 Горе вам законником, яко взясте ключь разумения: сами не внидосте, и входящым возбранисте. 042 LUK 011 053 Глаголющу же Ему сия к ним, начаша книжницы и фарисее бедне гневатися Нань и престати Его о мнозе, 042 LUK 011 054 лающе Его, ищуще уловити нечто от уст Его, да Нань возглаголют. 042 LUK 012 001 О нихже собравшымся тмам народа, яко попирати друг друга, начат глаголати учеником Своим первее: внемлите себе от кваса фарисейска, еже есть лицемерие. 042 LUK 012 002 Ничтоже бо покровено есть, еже не открыется, и тайно, еже не уразумеется: 042 LUK 012 003 зане, елика во тме ресте, во свете услышатся: и еже ко уху глаголасте во храмех, проповестся на кровех. 042 LUK 012 004 Глаголю же вам другом Своим: не убойтеся от убивающих тело и потом не могущих лишше что сотворити: 042 LUK 012 005 сказую же вам, кого убойтеся: убойтеся имущаго власть по убиении воврещи в дебрь огненную: ей, глаголю вам, того убойтеся. 042 LUK 012 006 Не пять ли птиц ценится пенязема двема? И ни едина от них несть забвена пред Богом. 042 LUK 012 007 Но и власи главы вашея вси изочтени суть. Не убойтеся убо: мнозех птиц унши есте вы. 042 LUK 012 008 Глаголю же вам: всяк, иже аще исповесть Мя пред человеки, и Сын Человеческий исповесть его пред Ангелы Божиими: 042 LUK 012 009 а отвергийся Мене пред человеки отвержен будет пред Ангелы Божиими. 042 LUK 012 010 И всяк иже речет слово на Сына Человеческаго, оставится ему: а на Святаго Духа хулившему не оставится. 042 LUK 012 011 Егда же приведут вы на соборища и власти и владычества, не пецытеся, како или что отвещаете, или что речете: 042 LUK 012 012 Святый бо Дух научит вы в той час, яже подобает рещи. 042 LUK 012 013 Рече же Ему некий от народа: Учителю, рцы брату моему разделити со мною достояние. 042 LUK 012 014 Он же рече ему: человече, кто Мя постави судию или делителя над вами? 042 LUK 012 015 Рече же к ним: блюдите и хранитеся от лихоимства: яко не от избытка кому живот его есть от имения его. 042 LUK 012 016 Рече же притчу к ним, глаголя: человеку некоему богату угобзися нива: 042 LUK 012 017 и мысляше в себе, глаголя: что сотворю, яко не имам где собрати плодов моих? 042 LUK 012 018 И рече: се сотворю: разорю житницы моя, и болшыя созижду, и соберу ту вся жита моя и благая моя: 042 LUK 012 019 и реку души моей: душе, имаши многа блага, лежаща на лета многа: почивай, яждь, пий, веселися. 042 LUK 012 020 Рече же ему Бог: безумне, в сию нощь душу твою истяжут от тебе: а яже уготовал еси, кому будут? 042 LUK 012 021 Тако собираяй себе, а не в Бога богатея. 042 LUK 012 022 Рече же ко учеником Своим: сего ради глаголю вам: не пецытеся душею вашею, что ясте: ни телом, во что облечетеся: 042 LUK 012 023 душа болши есть пищи, и тело одежды. 042 LUK 012 024 Смотрите вран, яко не сеют, ни жнут: имже несть сокровища, ни житницы, и Бог питает их: кольми паче вы есте лучши птиц? 042 LUK 012 025 Кто же от вас пекийся может приложити возрасту своему лакоть един? 042 LUK 012 026 Аще убо ни мала чесо можете, что о прочих печетеся? 042 LUK 012 027 Смотрите крины, како растут: не труждаются, ни прядут: глаголю же вам, яко ни Соломон во всей славе своей облечеся, яко един от сих. 042 LUK 012 028 Аще же траву, на селе днесь сущу и утре в пещь вмещему, Бог тако одевает: кольми паче вас, маловери? 042 LUK 012 029 И вы не ищите, что ясте, или что пиете: и не возноситеся: 042 LUK 012 030 всех бо сих языцы мира сего ищут: ваш же Отец весть, яко требуете сих: 042 LUK 012 031 обаче ищите Царствия Божия, и сия вся приложатся вам. 042 LUK 012 032 Не бойся, малое стадо: яко благоизволи Отец ваш дати вам Царство. 042 LUK 012 033 Продадите имения ваша и дадите милостыню. Сотворите себе влагалища неветшающа, сокровище неоскудеемо на небесех, идеже тать не приближается, ни моль растлевает. 042 LUK 012 034 Идеже бо сокровище ваше, ту и сердце ваше будет. 042 LUK 012 035 Да будут чресла ваша препоясана, и светилницы горящии: 042 LUK 012 036 и вы подобни человеком чающым господа своего, когда возвратится от брака, да пришедшу и толкнувшу, абие отверзут ему. 042 LUK 012 037 Блажени раби тии, ихже пришед господь обрящет бдящих: аминь глаголю вам, яко препояшется и посадит их, и минув послужит им. 042 LUK 012 038 И аще приидет во вторую стражу, и в третию стражу приидет, и обрящет (их) тако, блажени суть раби тии. 042 LUK 012 039 Се же ведите, яко аще бы ведал господин храмины, в кий час тать приидет, бдел убо бы, и не бы дал подкопати дому своего: 042 LUK 012 040 и вы убо будите готови: яко, в оньже час не мните, Сын Человеческий приидет. 042 LUK 012 041 Рече же Ему Петр: Господи, к нам ли притчу сию глаголеши, или ко всем? 042 LUK 012 042 Рече же Господь: кто убо есть верный строитель и мудрый, егоже поставит господь над челядию своею, даяти во время житомерие? 042 LUK 012 043 Блажен раб той, егоже пришед господь его обрящет творяща тако: 042 LUK 012 044 воистинну глаголю вам, яко над всем имением своим поставит его. 042 LUK 012 045 Аще же речет раб той в сердцы своем: коснит господин мой приити: и начнет бити рабы и рабыни, ясти же и пити и упиватися: 042 LUK 012 046 приидет господин раба того в день, в оньже не чает, и в час, в оньже не весть: и растешет его, и часть его с неверными положит. 042 LUK 012 047 Той же раб ведевый волю господина своего, и не уготовав, ни сотворив по воли его, биен будет много: 042 LUK 012 048 неведевый же, сотворив же достойная ранам, биен будет мало. Всякому же, емуже дано будет много, много взыщется от него: и емуже предаша множайше, множайше просят от него. 042 LUK 012 049 Огня приидох воврещи на землю, и что хощу, аще уже возгореся? 042 LUK 012 050 Крещением же имам креститися, и како удержуся, дондеже скончаются? 042 LUK 012 051 Мните ли, яко мир приидох дати на землю? Ни, глаголю вам, но разделение: 042 LUK 012 052 будут бо отселе пять во единем дому разделени, трие на два, и два на три: 042 LUK 012 053 разделится отец на сына, и сын на отца: мати на дщерь, и дщи на матерь: свекры на невесту свою, и невеста на свекровь свою. 042 LUK 012 054 Глаголаше же и народом: егда узрите облак восходящь от запада, абие глаголете: туча грядет: и бывает тако: 042 LUK 012 055 и егда юг веющь, глаголете: зной будет: и бывает. 042 LUK 012 056 Лицемери, лице небу и земли весте искушати: времене же сего како не искушаете? 042 LUK 012 057 Что же и о себе не судите праведное? 042 LUK 012 058 Егда бо грядеши с соперником твоим ко князю, на пути даждь делание избыти от него: да не како привлечет тебе к судии, и судия тя предаст слузе, и слуга всадит тя в темницу: 042 LUK 012 059 глаголю тебе: не изыдеши оттуду, дондеже и последнюю медницу воздаси. 042 LUK 013 001 Приидоша же нецыи в то время, поведающе Ему о Галилеех, ихже кровь Пилат смеси с жертвами их. 042 LUK 013 002 И отвещав Иисус рече им: мните ли, яко Галилеане сии грешнейши паче всех Галилеан бяху, яко тако пострадаша? 042 LUK 013 003 Ни, глаголю вам: но аще не покаетеся, вси такожде погибнете. 042 LUK 013 004 Или они осмьнадесяте, на нихже паде столп Силоамский и поби их, мните ли, яко тии должнейши бяху паче всех живущих во Иерусалиме? 042 LUK 013 005 Ни, глаголю вам: но аще не покаетеся, вси такожде погибнете. 042 LUK 013 006 Глаголаше же сию притчу: смоковницу имяше некий в винограде своем всаждену: и прииде ищя плода на ней, и не обрете: 042 LUK 013 007 рече же к винареви: се, третие лето, отнелиже прихожду ищя плода на смоковнице сей, и не обретаю: посецы ю (убо), вскую и землю упражняет? 042 LUK 013 008 Он же отвещав рече ему: господи, остави ю и се лето, дондеже окопаю окрест ея и осыплю гноем: 042 LUK 013 009 и аще убо сотворит плод: аще ли же ни, во грядущее посечеши ю. 042 LUK 013 010 Бяше же учя на единем от сонмищ в субботу: 042 LUK 013 011 и се, жена бе имущи дух недужен лет осмьнадесять, и бе сляка и не могущи восклонитися отнюд. 042 LUK 013 012 Видев же ю Иисус, пригласи и рече ей: жено, отпущена еси от недуга твоего. 042 LUK 013 013 И возложи на ню руце: и абие простреся и славляше Бога. 042 LUK 013 014 Отвещав же старейшина собору, негодуя, зане в субботу изцели (ю) Иисус, глаголаше народу: шесть дний есть, в няже достоит делати: в тыя убо приходяще целитеся, а не в день субботный. 042 LUK 013 015 Отвеща (же) убо ему Господь и рече: лицемере, кождо вас в субботу не отрешает ли своего вола или осла от яслий, и вед напаяет? 042 LUK 013 016 Сию же дщерь Авраамлю сущу, юже связа сатана, се, осмоенадесяте лето, не достояше ли разрешитися ей от юзы сея в день субботный? 042 LUK 013 017 И сия Ему глаголющу, стыдяхуся вси противляющиися Ему: и вси людие радовахуся о всех славных бывающих от Него. 042 LUK 013 018 Глаголаше же: кому подобно есть Царствие Божие? И кому уподоблю е? 042 LUK 013 019 Подобно есть зерну горушну, еже приемь человек вверже в вертоград свой: и возрасте, и бысть древо велие, и птицы небесныя вселишася в ветвие его. 042 LUK 013 020 Паки рече: кому уподоблю Царствие Божие? 042 LUK 013 021 Подобно есть квасу, егоже приемши жена, скры в сатех триех муки, дондеже вскисе все. 042 LUK 013 022 И прохождаше сквозе грады и веси, учя и шествие творя во Иерусалим. 042 LUK 013 023 Рече же некий Ему: Господи, аще мало есть спасающихся? Он же рече к ним: 042 LUK 013 024 подвизайтеся внити сквозе тесная врата: яко мнози, глаголю вам, взыщут внити, и не возмогут. 042 LUK 013 025 Отнележе востанет дому владыка и затворит двери, и начнете вне стояти и ударяти в двери, глаголюще: Господи, Господи, отверзи нам. И отвещав речет вам: не вем вас, откуду есте. 042 LUK 013 026 Тогда начнете глаголати: ядохом пред Тобою и пихом, и на распутиих наших учил еси. 042 LUK 013 027 И речет: глаголю вам, не вем вас, откуду есте: отступите от Мене, вси делателие неправды. 042 LUK 013 028 Ту будет плачь и скрежет зубом, егда узрите Авраама и Исаака и Иакова и вся пророки во Царствии Божии, вас же изгонимых вон. 042 LUK 013 029 И приидут от восток и запад и севера и юга, и возлягут в Царствии Божии. 042 LUK 013 030 И се, суть последнии, иже будут перви, и суть первии, иже будут последни. 042 LUK 013 031 В той день приступиша нецыи от фарисей, глаголюще Ему: изыди и иди отсюду, яко Ирод хощет Тя убити. 042 LUK 013 032 И рече им: шедше рцыте лису тому: се, изгоню бесы и изцеления творю днесь и утре, и в третий скончаюся: 042 LUK 013 033 обаче подобает Ми днесь и утре и в ближний ити: яко невозможно есть пророку погибнути кроме Иерусалима. 042 LUK 013 034 Иерусалиме, Иерусалиме, избивый пророки и камением побивая посланныя к тебе, колькраты восхотех собрати чада твоя, якоже кокош гнездо свое под криле, и не восхотесте? 042 LUK 013 035 Се оставляется вам дом ваш пуст. Глаголю же вам, яко не имате Мене видети, дондеже приидет, егда речете: благословен Грядый во имя Господне. 042 LUK 014 001 И бысть егда внити Ему в дом некоего князя фарисейска в субботу хлеб ясти, и тии бяху назирающе Его: 042 LUK 014 002 и се, человек некий, имый водный труд, бе пред Ним. 042 LUK 014 003 И отвещав Иисус рече к законником и фарисеом, глаголя: аще достоит в субботу целити? 042 LUK 014 004 Они же умолчаша. И приемь изцели его, и отпусти. 042 LUK 014 005 И отвещав к ним рече: котораго от вас осел или вол в студенец впадет, и не абие ли исторгнет его в день субботный? 042 LUK 014 006 И не возмогоша отвещати Ему к сим. 042 LUK 014 007 Глаголаше же к званным притчу, обдержя, како председания избираху, глаголя к ним: 042 LUK 014 008 егда зван будеши ким на брак, не сяди на преднем месте: еда кто честнее тебе будет званных, 042 LUK 014 009 и пришед иже тебе звавый и онаго, речет ти: даждь сему место: и тогда начнеши со студом последнее место держати. 042 LUK 014 010 Но егда зван будеши, шед сяди на последнем месте, да егда приидет звавый тя, речет ти: друже, посяди выше: тогда будет ти слава пред званными с тобою: 042 LUK 014 011 яко всяк возносяйся смирится, и смиряяйся вознесется. 042 LUK 014 012 Глаголаше же и ко звавшему Его: егда сотвориши обед или вечерю, не зови другов твоих, ни братии твоея, ни сродник твоих, ни сосед богатых: еда когда и тии тя такожде воззовут, и будет ти воздаяние. 042 LUK 014 013 Но егда твориши пир, зови нищыя, маломощныя, хромыя, слепыя: 042 LUK 014 014 и блажен будеши, яко не имут ти что воздати: воздаст же ти ся в воскрешение праведных. 042 LUK 014 015 Слышав же некий от возлежащих с Ним сия, рече Ему: блажен, иже снесть обед в Царствии Божии. 042 LUK 014 016 Он же рече ему: человек некий сотвори вечерю велию и зва многи: 042 LUK 014 017 и посла раба своего в год вечери рещи званным: грядите, яко уже готова суть вся. 042 LUK 014 018 И начаша вкупе отрицатися вси. Первый рече ему: село купих и имам нужду изыти и видети е: молютися, имей мя отречена. 042 LUK 014 019 И другий рече: супруг волов купих пять и гряду искусити их: молю тя, имей мя отречена. 042 LUK 014 020 И другий рече: жену поях и сего ради не могу приити. 042 LUK 014 021 И пришед раб той поведа господину своему сия. Тогда разгневався дому владыка, рече рабу своему: изыди скоро на распутия и стогны града, и нищыя и бедныя и слепыя и хромыя введи семо. 042 LUK 014 022 И рече раб: господи, бысть якоже повелел еси, и еще место есть. 042 LUK 014 023 И рече господин к рабу: изыди на пути и халуги, и убеди внити, да наполнится дом мой: 042 LUK 014 024 глаголю бо вам, яко ни един мужей тех званных вкусит моея вечери: мнози бо суть звани, мало же избранных. 042 LUK 014 025 Идяху же с Ним народи мнози: и обращься рече к ним: 042 LUK 014 026 аще кто грядет ко Мне, и не возненавидит отца своего и матерь, и жену и чад, и братию и сестр, еще же и душу свою, не может Мой быти ученик: 042 LUK 014 027 и иже не носит креста своего и вслед Мене грядет, не может Мой быти ученик. 042 LUK 014 028 Кто бо от вас, хотяй столп создати, не прежде ли сед разчтет имение, аще имать, еже есть на совершение? 042 LUK 014 029 Да не, когда положит основание и не возможет совершити, вси видящии начнут ругатися ему, 042 LUK 014 030 глаголюще, яко сей человек начат здати и не може совершити? 042 LUK 014 031 Или кий царь идый ко иному царю снитися с ним на брань, не сед ли прежде совещавает, аще силен есть срести с десятию тысящ грядущаго со двемадесятма тысящама нань? 042 LUK 014 032 Аще ли же ни, еще далече ему сущу, моление послав молится о смирении. 042 LUK 014 033 Тако убо всяк от вас, иже не отречется всего своего имения, не может быти Мой ученик. 042 LUK 014 034 Добро есть соль: аще же соль обуяет, чим осолится? 042 LUK 014 035 Ни в землю, ни в гной потребна есть: вон изсыплют ю. Имеяй ушы слышати, да слышит. 042 LUK 015 001 Бяху же приближающеся к Нему вси мытарие и грешницы, послушати Его. 042 LUK 015 002 И роптаху фарисее и книжницы, глаголюще, яко Сей грешники приемлет и с ними яст. 042 LUK 015 003 Рече же к ним притчу сию, глаголя: 042 LUK 015 004 кий человек от вас имый сто овец, и погубль едину от них, не оставит ли девятидесяти и девяти в пустыни и идет вслед погибшия, дондеже обрящет ю? 042 LUK 015 005 И обрет возлагает на раме свои радуяся: 042 LUK 015 006 и пришед в дом, созывает други и соседы, глаголя им: радуйтеся со мною, яко обретох овцу мою погибшую. 042 LUK 015 007 Глаголю вам, яко тако радость будет на небеси о единем грешнице кающемся, нежели о девятидесятих и девяти праведник, иже не требуют покаяния. 042 LUK 015 008 Или кая жена имущи десять драхм, аще погубит драхму едину, не вжигает ли светилника, и пометет храмину, и ищет прилежно, дондеже обрящет? 042 LUK 015 009 И обретши созывает другини и соседы, глаголющи: радуйтеся со мною, яко обретох драхму погибшую. 042 LUK 015 010 Тако, глаголю вам, радость бывает пред Ангелы Божиими о единем грешнице кающемся. 042 LUK 015 011 Рече же: человек некий име два сына: 042 LUK 015 012 и рече юнейший ею отцу: отче, даждь ми достойную часть имения. И раздели има имение. 042 LUK 015 013 И не по мнозех днех собрав все мний сын, отиде на страну далече, и ту расточи имение свое, живый блудно. 042 LUK 015 014 Изжившу же ему все, бысть глад крепок на стране той, и той начат лишатися: 042 LUK 015 015 и шед прилепися единому от житель тоя страны: и посла его на села своя пасти свиния: 042 LUK 015 016 и желаше насытити чрево свое от рожец, яже ядяху свиния: и никтоже даяше ему. 042 LUK 015 017 В себе же пришед, рече: колико наемником отца моего избывают хлебы, аз же гладом гиблю? 042 LUK 015 018 Востав иду ко отцу моему, и реку ему: отче, согреших на небо и пред тобою, 042 LUK 015 019 и уже несмь достоин нарещися сын твой: сотвори мя яко единаго от наемник твоих. 042 LUK 015 020 И востав иде ко отцу своему. Еще же ему далече сущу, узре его отец его, и мил ему бысть, и тек нападе на выю его, и облобыза его. 042 LUK 015 021 Рече же ему сын: отче, согреших на небо и пред тобою, и уже несмь достоин нарещися сын твой. 042 LUK 015 022 Рече же отец к рабом своим: изнесите одежду первую и облецыте его, и дадите перстень на руку его и сапоги на нозе: 042 LUK 015 023 и приведше телец упитанный заколите, и ядше веселимся: 042 LUK 015 024 яко сын мой сей мертв бе, и оживе: и изгибл бе, и обретеся. И начаша веселитися. 042 LUK 015 025 Бе же сын его старей на селе: и яко грядый приближися к дому, слыша пение и лики: 042 LUK 015 026 и призвав единаго от отрок, вопрошаше: что (убо) сия суть? 042 LUK 015 027 Он же рече ему, яко брат твой прииде: и закла отец твой телца упитанна, яко здрава его прият. 042 LUK 015 028 Разгневася же, и не хотяше внити. Отец же его изшед моляше его. 042 LUK 015 029 Он же отвещав рече отцу: се, толико лет работаю тебе и николиже заповеди твоя преступих, и мне николиже дал еси козляте, да со други своими возвеселился бых: 042 LUK 015 030 егда же сын твой сей, изядый твое имение с любодейцами, прииде, заклал еси ему телца питомаго. 042 LUK 015 031 Он же рече ему: чадо, ты всегда со мною еси, и вся моя твоя суть: 042 LUK 015 032 возвеселитижеся и возрадовати подобаше, яко брат твой сей мертв бе, и оживе: и изгибл бе, и обретеся. 042 LUK 016 001 Глаголаше же ко учеником Своим: человек некий бе богат, иже имяше приставника: и той оклеветан бысть к нему, яко расточает имения его: 042 LUK 016 002 и пригласив его рече ему: что се слышу о тебе? Воздаждь ответ о приставлении домовнем: не возможеши бо ктому дому строити. 042 LUK 016 003 Рече же в себе приставник дому: что сотворю, яко господь мой отемлет строение дому от мене? Копати не могу, просити стыжуся: 042 LUK 016 004 разумех, что сотворю, да егда отставлен буду от строения дому, приимут мя в домы своя. 042 LUK 016 005 И призвав единаго когождо от должник господина своего, глаголаше первому: колицем должен еси господину моему? 042 LUK 016 006 Он же рече: сто мер масла. И рече ему: приими писание твое, и сед скоро напиши пятьдесят. 042 LUK 016 007 Потом же рече другому: ты же колицем должен еси? Он же рече: сто мер пшеницы. И глагола ему: приими писание твое, и напиши осмьдесят. 042 LUK 016 008 И похвали господь дому строителя неправеднаго, яко мудре сотвори: яко сынове века сего мудрейши паче сынов света в роде своем суть. 042 LUK 016 009 И Аз вам глаголю: сотворите себе други от мамоны неправды, да, егда оскудеете, приимут вы в вечныя кровы. 042 LUK 016 010 Верный в мале, и во мнозе верен есть: и неправедный в мале, и во мнозе неправеден есть. 042 LUK 016 011 Аще убо в неправеднем имении верни не бысте, во истиннем кто вам веру имет? 042 LUK 016 012 И аще в чужем верни не бысте, ваше кто вам даст? 042 LUK 016 013 Ни кий же раб может двема господинома работати: ибо или единаго возненавидит, а другаго возлюбит: или единаго держится, о друзем же нерадети начнет: не можете Богу работати и мамоне. 042 LUK 016 014 Слышаху же сия вся и фарисее, сребролюбцы суще, ругахуся Ему. 042 LUK 016 015 И рече им: вы есте оправдающе себе пред человеки, Бог же весть сердца ваша: яко, еже есть в человецех высоко, мерзость есть пред Богом. 042 LUK 016 016 Закон и пророцы до Иоанна: оттоле Царствие Божие благовествуется, и всяк в не нудится. 042 LUK 016 017 Удобее же есть небу и земли прейти, неже от закона единей черте погибнути. 042 LUK 016 018 Всяк пущаяй жену свою и приводя ину прелюбы деет: и женяйся пущеною от мужа прелюбы творит. 042 LUK 016 019 Человек же некий бе богат, и облачашеся в порфиру и виссон, веселяся на вся дни светло. 042 LUK 016 020 Нищь же бе некто, именем Лазарь, иже лежаше пред враты его гноен 042 LUK 016 021 и желаше насытитися от крупиц падающих от трапезы богатаго: но и пси приходяще облизаху гной его. 042 LUK 016 022 Бысть же умрети нищему и несену быти Ангелы на лоно Авраамле: умре же и богатый, и погребоша его: 042 LUK 016 023 и во аде возвед очи свои, сый в муках, узре Авраама издалеча, и Лазаря на лоне его: 042 LUK 016 024 и той возглашь рече: отче Аврааме, помилуй мя и посли Лазаря, да омочит конец перста своего в воде и устудит язык мой, яко стражду во пламени сем. 042 LUK 016 025 Рече же Авраам: чадо, помяни, яко восприял еси благая твоя в животе твоем, и Лазарь такожде злая: ныне же зде утешается, ты же страждеши: 042 LUK 016 026 и над всеми сими между нами и вами пропасть велика утвердися, яко да хотящии прейти отсюду к вам не возмогут, ни иже оттуду, к нам преходят. 042 LUK 016 027 Рече же: молю тя убо, отче, да послеши его в дом отца моего: 042 LUK 016 028 имам бо пять братий: яко да засвидетелствует им, да не и тии приидут на место сие мучения. 042 LUK 016 029 Глагола ему Авраам: имут Моисеа и пророки: да послушают их. 042 LUK 016 030 Он же рече: ни, отче Аврааме: но аще кто от мертвых идет к ним, покаются. 042 LUK 016 031 Рече же ему: аще Моисеа и пророков не послушают, и аще кто от мертвых воскреснет, не имут веры. 042 LUK 017 001 Рече же ко учеником Своим: не возможно есть не приити соблазном, горе же, егоже ради приходят: 042 LUK 017 002 унее ему было бы, аще жернов оселский облежал бы о выи его, и ввержен в море, неже да соблазнит от малых сих единаго. 042 LUK 017 003 Внемлите себе. Аще согрешит к тебе брат твой, запрети ему: и аще покается, остави ему: 042 LUK 017 004 и аще седмищи на день согрешит к тебе и седмищи на день обратится, глаголя: каюся: остави ему. 042 LUK 017 005 И рекоша Апостоли Господеви: приложи нам веру. 042 LUK 017 006 Рече же Господь: аще бысте имели веру яко зерно горушно, глаголали бысте убо ягодичине сей: восторгнися и всадися в море: и послушала бы вас. 042 LUK 017 007 Который же от вас раба имея орюща или пасуща, иже пришедшу ему с села речет: абие минув возлязи? 042 LUK 017 008 Но не речет ли ему: уготовай, что вечеряю, и препоясався служи ми, дондеже ям и пию: и потом яси и пиеши ты? 042 LUK 017 009 Еда имать хвалу рабу тому, яко сотвори повеленная? Не мню. 042 LUK 017 010 Тако и вы, егда сотворите вся повеленная вам, глаголите, яко раби неключими есмы: яко, еже должни бехом сотворити, сотворихом. 042 LUK 017 011 И бысть идущу Ему во Иерусалим, и той прохождаше между Самариею и Галилеею. 042 LUK 017 012 Входящу же Ему в некую весь, сретоша Его десять прокаженных мужей, иже сташа издалеча: 042 LUK 017 013 и тии вознесоша глас, глаголюще: Иисусе Наставниче, помилуй ны. 042 LUK 017 014 И видев рече им: шедше покажитеся священником. И бысть идущым им, очистишася. 042 LUK 017 015 Един же от них, видев, яко изцеле, возвратися, со гласом велиим славя Бога, 042 LUK 017 016 и паде ниц при ногу Его, хвалу Ему воздая: и той бе Самарянин. 042 LUK 017 017 Отвещав же Иисус рече: не десять ли очистишася? Да девять где? 042 LUK 017 018 Како не обретошася возвращшеся дати славу Богу, токмо иноплеменник сей? 042 LUK 017 019 И рече ему: востав иди: вера твоя спасе тя. 042 LUK 017 020 Вопрошен же быв от фарисей, когда приидет Царствие Божие, отвещав им рече: не приидет Царствие Божие с соблюдением: 042 LUK 017 021 ниже рекут: се зде, или: онде. Се бо, Царствие Божие внутрь вас есть. 042 LUK 017 022 Рече же ко учеником (Своим): приидут дние, егда вожделеете единаго дне Сына Человеческаго видети, и не узрите: 042 LUK 017 023 и рекут вам: се зде, или: се, онде: не изыдите, ни пожените: 042 LUK 017 024 яко бо молния блистающися от поднебесныя на поднебесней светится: тако будет Сын Человеческий в день Свой. 042 LUK 017 025 Прежде же подобает Ему много пострадати и искушену быти от рода сего. 042 LUK 017 026 И якоже бысть во дни Ноевы, тако будет и во дни Сына Человеческа: 042 LUK 017 027 ядяху, пияху, женяхуся, посягаху, до негоже дне вниде Ное в ковчег: и прииде потоп и погуби вся. 042 LUK 017 028 Такожде и якоже бысть во дни Лотовы: ядяху, пияху, куповаху, продаяху, саждаху, здаху: 042 LUK 017 029 в оньже день изыде Лот от Содомлян, одожди камык горящь и огнь с небесе и погуби вся: 042 LUK 017 030 по тому же будет и в день, в оньже Сын Человеческий явится. 042 LUK 017 031 В той день, иже будет на крове, и сосуди его в дому, да не слазит взяти их: и иже на селе, такожде да не возвратится вспять: 042 LUK 017 032 поминайте жену Лотову. 042 LUK 017 033 Иже аще взыщет душу свою спасти, погубит ю: и иже аще погубит ю, живит ю. 042 LUK 017 034 Глаголю вам: в ту нощь будета два на одре единем: един поемлется, а другий оставляется: 042 LUK 017 035 будете две вкупе мелюще: едина поемлется, а другая оставляется. 042 LUK 017 036 Два будета на селе: един поемлется, а другий оставляется. 042 LUK 017 037 И отвещавше глаголаша Ему: где, Господи? Он же рече им: идеже тело, тамо соберутся и орли. 042 LUK 018 001 Глаголаше же и притчу к ним, како подобает всегда молитися и не стужати (си), 042 LUK 018 002 глаголя: судия бе некий в некоем граде, Бога не бояся и человек не срамляяся. 042 LUK 018 003 Вдова же некая бе во граде том: и прихождаше к нему, глаголющи: отмсти мене от соперника моего. 042 LUK 018 004 И не хотяше на долзе времени. Последи же рече в себе: аще и Бога не боюся, и человек не срамляюся: 042 LUK 018 005 но зане творит ми труды вдовица сия, отмщу ея: да не до конца приходящи застоит мене. 042 LUK 018 006 Рече же Господь: слышите, что судия неправды глаголет? 042 LUK 018 007 Бог же не имать ли сотворити отмщение избранных Своих, вопиющих к Нему день и нощь, и долготерпя о них? 042 LUK 018 008 Глаголю вам, яко сотворит отмщение их вскоре: обаче Сын Человеческий пришед убо обрящет ли (си) веру на земли? 042 LUK 018 009 Рече же и ко другим уповающым собою, яко суть праведницы, и уничижающым прочих, притчу сию: 042 LUK 018 010 человека два внидоста в церковь помолитися: един фарисей, а другий мытарь. 042 LUK 018 011 Фарисей же став, сице в себе моляшеся: Боже, хвалу Тебе воздаю, яко несмь якоже прочии человецы, хищницы, неправедницы, прелюбодее, или якоже сей мытарь: 042 LUK 018 012 пощуся двакраты в субботу, десятину даю всего елико притяжу. 042 LUK 018 013 Мытарь же издалеча стоя, не хотяше ни очию возвести на небо: но бияше перси своя, глаголя: Боже, милостив буди мне грешнику. 042 LUK 018 014 Глаголю вам, яко сниде сей оправдан в дом свой паче онаго: яко всяк возносяйся смирится, смиряяй же себе вознесется. 042 LUK 018 015 Приношаху же к Нему и младенцы, да их коснется: видевше же ученицы запретиша им. 042 LUK 018 016 Иисус же призвав их, глагола: оставите детей приходити ко Мне и не браните им: таковых бо есть Царствие Божие: 042 LUK 018 017 аминь бо глаголю вам: иже аще не приимет Царствия Божия яко отроча, не имать внити в не. 042 LUK 018 018 И вопроси Его некий князь, глаголя: Учителю благий, что сотворив, живот вечный наследствую? 042 LUK 018 019 Рече же ему Иисус: что Мя глаголеши блага? Никтоже благ, токмо един Бог: 042 LUK 018 020 заповеди веси: не прелюбы твори, не убий, не укради, не лжесвидетелствуй, чти отца твоего и матерь твою. 042 LUK 018 021 Он же рече: вся сия сохраних от юности моея. 042 LUK 018 022 Слышав же сия Иисус рече ему: еще единаго не докончал еси: вся, елика имаши, продаждь и раздай нищым: и имети имаши сокровище на небеси: и гряди вслед Мене. 042 LUK 018 023 Он же слышав сие, прискорбен бысть: бе бо богат зело. 042 LUK 018 024 Видев же его Иисус прискорбна бывша, рече: како не удобь имущии богатство в Царствие Божие внидут: 042 LUK 018 025 удобее бо есть вельбуду сквозе иглине ушы проити, неже богату в Царствие Божие внити. 042 LUK 018 026 Реша же слышавшии: то кто может спасен быти? 042 LUK 018 027 Он же рече: невозможная у человек возможна суть у Бога. 042 LUK 018 028 Рече же Петр: се, мы оставихом вся и по Тебе идохом. 042 LUK 018 029 Он же рече им: аминь глаголю вам, яко никтоже есть, иже оставит дом, или родители, или братию, или сестры, или жену, или чада, Царствия ради Божия, 042 LUK 018 030 иже не приимет множицею во время сие, и в век грядущий живот вечный. 042 LUK 018 031 Поемь же обанадесяте ученики Своя, рече к ним: се, восходим во Иерусалим, и скончаются вся писанная пророки о Сыне Человечесте: 042 LUK 018 032 предадят бо Его языком и поругаются Ему, и укорят Его и оплюют Его, 042 LUK 018 033 и бивше убиют Его: и в третий день воскреснет. 042 LUK 018 034 И тии ничесоже от сих разумеша: и бе глаголгол сей сокровен от них, и не разумеваху глаголголемых. 042 LUK 018 035 Бысть же егда приближишася во Иерихон, слепец некий седяше при пути прося: 042 LUK 018 036 слышав же народ мимоходящь, вопрошаше: что убо есть се? 042 LUK 018 037 Поведаша же ему, яко Иисус Назарянин мимоходит. 042 LUK 018 038 И возопи, глаголя: Иисусе Сыне Давидов, помилуй мя. 042 LUK 018 039 И предидущии прещаху ему, да умолчит: он же паче множае вопияше: Сыне Давидов, помилуй мя. 042 LUK 018 040 Став же Иисус повеле привести его к Себе. Приближшуся же ему к Нему, вопроси его, 042 LUK 018 041 глаголя: что хощеши, да ти сотворю? Он же рече: Господи, да прозрю. 042 LUK 018 042 Иисус же рече ему: прозри: вера твоя спасе тя. 042 LUK 018 043 И абие прозре, и вслед Его идяше, славя Бога. И вси людие видевше воздаша хвалу Богови. 042 LUK 019 001 И вшед прохождаше Иерихон. 042 LUK 019 002 И се, муж нарицаемый Закхей, и сей бе старей мытарем, и той бе богат: 042 LUK 019 003 и искаше видети Иисуса, кто есть, и не можаше от народа, яко возрастом мал бе: 042 LUK 019 004 и предитек, возлезе на ягодичину, да видит, яко хотяше мимо ея проити. 042 LUK 019 005 И яко прииде на место, воззрев Иисус виде его и рече к нему: Закхее, потщався слези: днесь бо в дому твоем подобает Ми быти. 042 LUK 019 006 И потщався слезе и прият Его радуяся. 042 LUK 019 007 И видевше вси роптаху, глаголюще, яко ко грешну мужу вниде витати. 042 LUK 019 008 Став же Закхей рече ко Господу: се, пол имения моего, Господи, дам нищым: и аще кого чим обидех, возвращу четверицею. 042 LUK 019 009 Рече же к нему Иисус, яко днесь спасение дому сему бысть, зане и сей сын Авраамль есть: 042 LUK 019 010 прииде бо Сын Человечь взыскати и спасти погибшаго. 042 LUK 019 011 Слышащым же им сия, приложь рече притчу, зане близ Ему быти Иерусалима, и мняху, яко абие Царство Божие хощет явитися. 042 LUK 019 012 Рече убо: человек некий добра рода иде на страну далече прияти себе царство и возвратитися: 042 LUK 019 013 призвав же десять раб своих, даде им десять мнас и рече к ним: куплю дейте, дондеже прииду. 042 LUK 019 014 И граждане его ненавидяху его и послаша послы вслед его, глаголюще: не хощем сему, да царствует над нами. 042 LUK 019 015 И бысть егда возвратися приим царство, рече пригласити рабы тыя, имже даде сребро, да увесть, какову куплю суть сотворили. 042 LUK 019 016 Прииде же первый, глаголя: господи, мнас твоя придела десять мнас. 042 LUK 019 017 И рече ему: благо, рабе добрый: яко о мале верен был еси, буди область имея над десятию градов. 042 LUK 019 018 И прииде вторый, глаголя: господи, мнас твоя сотвори пять мнас. 042 LUK 019 019 Рече же и тому: и ты буди над пятию градов. 042 LUK 019 020 И другий прииде, глаголя: господи, се, мнас твоя, юже имех положену во убрусе: 042 LUK 019 021 бояхся бо тебе, яко человек яр еси, вземлеши, егоже не положил еси, и жнеши, егоже не сеял еси. 042 LUK 019 022 Глагола же ему: от уст твоих сужду ти, лукавый рабе: ведел еси, яко аз человек яр есмь, вземлю, егоже не положих, и жну, егоже не сеях: 042 LUK 019 023 и почто не вдал еси моего сребра купцем, и аз пришед с лихвою истязал бых е? 042 LUK 019 024 И предстоящым рече: возмите от него мнас и дадите имущему десять мнас. 042 LUK 019 025 И реша ему: господи, имать десять мнас. 042 LUK 019 026 Глаголю бо вам, яко всякому имущему дастся: а от неимущаго, и еже имать, отимется от него: 042 LUK 019 027 обаче враги моя оны, иже не восхотеша мене, да царь бых был над ними, приведите семо и изсецыте предо мною. 042 LUK 019 028 И сия рек, идяше преди, восходя во Иерусалим. 042 LUK 019 029 И бысть яко приближися в Вифсфагию и Вифанию, к горе нарицаемей Елеон, посла два ученик Своих, 042 LUK 019 030 глаголя: идита в прямную весь: (и) в нюже входяща обрящета жребя привязано, на неже никтоже николиже от человек вседе: отрешша е приведита: 042 LUK 019 031 и аще кто вы вопрошает: почто отрешаета? Сице рцыта ему, яко Господь его требует. 042 LUK 019 032 Шедша же посланная обретоста, якоже рече има. 042 LUK 019 033 Отрешающема же има жребя, рекоша господие его к нима: что отрешаета жребя? 042 LUK 019 034 Она же рекоста, яко Господь его требует. 042 LUK 019 035 И приведоста е ко Иисусови: и возвергше ризы своя на жребя, всадиша Иисуса. 042 LUK 019 036 Идущу же Ему, постилаху ризы своя по пути. 042 LUK 019 037 Приближающужеся Ему уже (абие) к низхождению горе Елеонстей, начаша все множество ученик радующеся хвалити Бога гласом велиим о всех силах, яже видеша, 042 LUK 019 038 глаголюще: благословен грядый Царь во имя Господне: мир на небеси и слава в вышних. 042 LUK 019 039 И нецыи фарисее от народа реша к Нему: Учителю, запрети учеником Твоим. 042 LUK 019 040 И отвещав рече им: глаголю вам, яко, аще сии умолчат, камение возопиет. 042 LUK 019 041 И яко приближися, видев град, плакася о нем, 042 LUK 019 042 глаголя: яко аще бы разумел и ты, в день сей твой, еже к смирению твоему: ныне же скрыся от очию твоею: 042 LUK 019 043 яко приидут дние на тя, и обложат врази твои острог о тебе, и обыдут тя, и оымут тя отвсюду, 042 LUK 019 044 и разбиют тя и чада твоя в тебе, и не оставят камень на камени в тебе: понеже не разумел еси времене посещения твоего. 042 LUK 019 045 И вшед в церковь, начат изгонити продающыя в ней и купующыя, 042 LUK 019 046 глаголя им: писано есть: дом Мой дом молитвы есть: вы же сотвористе его пещеру разбойником. 042 LUK 019 047 И бе учя по вся дни в церкви. Архиерее же и книжницы искаху Его погубити, и старейшины людем: 042 LUK 019 048 и не обретаху, что бы сотворили Ему: людие бо вси держахуся Его, послушающе Его. 042 LUK 020 001 И бысть во един от дний онех, учащу Ему люди в церкви и благовествующу, приидоша священницы и книжницы со старцы 042 LUK 020 002 и реша к Нему, глаголюще: рцы нам, коею областию сия твориши, или кто есть давый Тебе власть сию? 042 LUK 020 003 Отвещав же рече к ним: вопрошу вы и Аз единаго словесе, и рцыте Ми: 042 LUK 020 004 крещение Иоанново с небесе ли бе, или от человек? 042 LUK 020 005 Они же помышляху в себе, глаголюще, яко аще речем: с небесе, речет: почто убо не веровасте ему? 042 LUK 020 006 Аще ли же речем: от человек, вси людие камением побиют ны: известно бо бе о Иоанне, яко пророк бе. 042 LUK 020 007 И отвещаша: не вемы откуду. 042 LUK 020 008 Иисус же рече им: ни Аз глаголю вам, коею областию сия творю. 042 LUK 020 009 Начат же к людем глаголати притчу сию: человек некий насади виноград, и вдаде его делателем, и отиде на лета многа: 042 LUK 020 010 и во время посла к делателем раба, да от плода винограда дадут ему: делатели же бивше его, послаша тща. 042 LUK 020 011 И приложи послати другаго раба: они же и того бивше и досадивше (ему), послаша тща. 042 LUK 020 012 И приложи послати третияго: они же и того уязвльше изгнаша. 042 LUK 020 013 Рече же господин винограда: что сотворю? Послю сына моего возлюбленнаго, еда како, его видевше, усрамятся. 042 LUK 020 014 Видевше же его делателе, мышляху в себе, глаголюще: сей есть наследник: приидите, убием его, да наше будет достояние. 042 LUK 020 015 И изведше его вон из винограда, убиша. Что убо сотворит им господин винограда? 042 LUK 020 016 Приидет и погубит делатели сия и вдаст виноград инем. Слышавше же рекоша: да не будет. 042 LUK 020 017 Он же воззрев на них, рече: что убо писаное сие: камень, егоже небрегоша зиждущии, сей бысть во главу угла? 042 LUK 020 018 Всяк падый на камени том, сокрушится: а на немже падет, стрыет его. 042 LUK 020 019 И взыскаша архиерее и книжницы возложити Нань руце в той час и убояшася народа: разумеша бо, яко к ним притчу сию рече. 042 LUK 020 020 И наблюдше послаша лаятели, притворяющих себе праведники быти: да имут Его в словеси, во еже предати Его началству и области игемонове. 042 LUK 020 021 И вопросиша Его, глаголюще: Учителю, вемы, яко право глаголеши и учиши, и не на лица зриши, но воистинну пути Божию учиши: 042 LUK 020 022 достоит ли нам кесареви дань даяти, или ни? 042 LUK 020 023 Разумев же их лукавство, рече к ним: что Мя искушаете? 042 LUK 020 024 Покажите Ми цату: чий имать образ и надписание? Отвещавше же рекоша: кесарев. 042 LUK 020 025 Он же рече им: воздадите убо, яже кесарева, кесареви, и яже Божия, Богови. 042 LUK 020 026 И не могоша зазрети глаголгола Его пред людьми: и дивишася о ответе Его и умолчаша. 042 LUK 020 027 Приступиша же нецыи от саддукей, глаголющии воскресению не быти, вопрошаху Его, 042 LUK 020 028 глаголюще: Учителю, Моисей написа нам: аще кому брат умрет имый жену, и той безчаден умрет, да брат его поймет жену и возставит семя брату своему: 042 LUK 020 029 седмь убо братий бе: и первый поят жену, умре безчаден: 042 LUK 020 030 и поят вторый жену, и той умре безчаден: 042 LUK 020 031 и третий поят ю: такожде же и вси седмь: и не оставиша чад и умроша: 042 LUK 020 032 послежде же всех умре и жена: 042 LUK 020 033 в воскресение убо, котораго их будет жена? Седмь бо имеша ю жену. 042 LUK 020 034 И отвещав рече им Иисус: сынове века сего женятся и посягают: 042 LUK 020 035 а сподобльшиися век он улучити и воскресение, еже от мертвых, ни женятся, ни посягают: 042 LUK 020 036 ни умрети бо ктому могут: равни бо суть Ангелом и сынове суть Божии, воскресения сынове суще: 042 LUK 020 037 а яко востают мертвии, и Моисей сказа при купине, якоже глаголет Господа Бога Авраамля и Бога Исаакова и Бога Иаковля: 042 LUK 020 038 Бог же несть мертвых, но живых: вси бо Тому живи суть. 042 LUK 020 039 Отвещавше же нецыи от книжник рекоша: Учителю, добре рекл еси. 042 LUK 020 040 Ктому же не смеяху Его вопросити ничесоже. Рече же к ним: 042 LUK 020 041 како глаголют Христа Сына Давидова быти? 042 LUK 020 042 Сам бо Давид глаголет в книзе псаломстей: рече Господь Господеви моему: седи о десную Мене, 042 LUK 020 043 дондеже положу враги Твоя подножие ногама Твоима. 042 LUK 020 044 Давид убо Господа Его нарицает, и како Сын ему есть? 042 LUK 020 045 Слышащым же всем людем, рече учеником Своим: 042 LUK 020 046 внемлите себе от книжник хотящих ходити во одеждах и любящих целования на торжищих и председания на сонмищих и преждевозлежания на вечерях: 042 LUK 020 047 иже снедают домы вдовиц и виною далече молятся: сии приимут лишше осуждение. 042 LUK 021 001 Воззрев же виде вметающыя в храм набдящий имения дары своя богатыя: 042 LUK 021 002 виде же и некую вдовицу убогу вметающу ту две лепте, 042 LUK 021 003 и рече: воистинну глаголю вам, яко вдовица сия убогая множае всех вверже: 042 LUK 021 004 вси бо сии от избытка своего ввергоша в дары Богови: сия же от лишения своего все житие, еже име, вверже. 042 LUK 021 005 И неким глаголющым о церкви, яко камением добрым и сосуды украшена, рече: 042 LUK 021 006 сия яже видите, приидут дние, в няже не останет камень на камени, иже не разорится. 042 LUK 021 007 Вопросиша же Его, глаголюще: Учителю, когда убо сия будут? И что есть знамение, егда хотят сия быти? 042 LUK 021 008 Он же рече: блюдите, да не прельщени будете: мнози бо приидут во имя Мое, глаголюще, яко Аз есмь: и время приближися. Не изыдите убо вслед их. 042 LUK 021 009 Егда же услышите брани и нестроения, не убойтеся: подобает бо сим быти прежде: но не у абие кончина. 042 LUK 021 010 Тогда глаголаше им: востанет (бо) язык на язык, и царство на царство: 042 LUK 021 011 труси же велицы по местом и глади и пагубы будут, страхования же и знамения велия с небесе будут. 042 LUK 021 012 Прежде же сих всех возложат на вы руки своя и ижденут, предающе на сонмища и темницы, ведомы к царем и владыкам, имене Моего ради: 042 LUK 021 013 прилучится же вам во свидетелство. 042 LUK 021 014 Положите убо на сердцах ваших, не прежде поучатися отвещавати: 042 LUK 021 015 Аз бо дам вам уста и премудрость, ейже не возмогут противитися или отвещати вси противляющиися вам. 042 LUK 021 016 Предани же будете и родители и братиею и родом и други, и умертвят от вас: 042 LUK 021 017 и будете ненавидими от всех имене Моего ради: 042 LUK 021 018 и влас главы вашея не погибнет: 042 LUK 021 019 в терпении вашем стяжите душы вашя. 042 LUK 021 020 Егда же узрите обстоимь Иерусалим вои, тогда разумейте, яко приближися запустение ему: 042 LUK 021 021 тогда сущии во Иудеи да бегают в горы: и иже посреде его, да исходят: и иже во странах, да не входят в онь: 042 LUK 021 022 яко дние отмщению сии суть, яко исполнитися всему писанному. 042 LUK 021 023 Горе же имущым во утробе и доящым в тыя дни: будет бо беда велия на земли и гнев на людех сих, 042 LUK 021 024 и падут во острии меча, и пленени будут во вся языки: и Иерусалим будет попираемь языки, дондеже скончаются времена язык. 042 LUK 021 025 И будут знамения в солнце и луне и звездах: и на земли туга языком от нечаяния шума морскаго и возмущения, 042 LUK 021 026 издыхающым человеком от страха и чаяния грядущих на вселенную: силы бо небесныя подвигнутся, 042 LUK 021 027 и тогда узрят Сына Человеческа грядуща на облацех с силою и славою многою. 042 LUK 021 028 Начинающым же сим бывати, восклонитеся и воздвигните главы вашя: зане приближается избавление ваше. 042 LUK 021 029 И рече притчу им: видите смоковницу и вся древа: 042 LUK 021 030 егда прошибаются уже, видяще сами весте, яко близ жатва есть. 042 LUK 021 031 Тако и вы, егда узрите сия бывающа, ведите, яко близ есть Царствие Божие. 042 LUK 021 032 Аминь глаголю вам, яко не имать прейти род сей, дондеже вся сия будут: 042 LUK 021 033 небо и земля мимо идет, а словеса Моя не имут прейти. 042 LUK 021 034 Внемлите же себе, да не когда отягчают сердца ваша объядением и пиянством и печальми житейскими, и найдет на вы внезапу день той: 042 LUK 021 035 яко сеть бо приидет на вся живущыя на лицы всея земли: 042 LUK 021 036 бдите убо на всяко время молящеся, да сподобитеся убежати всех сих хотящих быти, и стати пред Сыном Человеческим. 042 LUK 021 037 Бе же во дни во церкви учя: нощию же исходя водворяшеся в горе нарицаемей Елеон. 042 LUK 021 038 И вси людие из утра прихождаху к Нему во церковь послушати Его. 042 LUK 022 001 Приближашеся же праздник опреснок, глаголемый Пасха: 042 LUK 022 002 и искаху архиерее и книжницы, како бы убили Его: бояхуся бо людий. 042 LUK 022 003 Вниде же сатана во Иуду нарицаемаго Искариот, суща от числа обоюнадесяте, 042 LUK 022 004 и шед глагола архиереом и воеводам, како Его предаст им. 042 LUK 022 005 И возрадовашася и совещаша ему сребреники дати: 042 LUK 022 006 и исповеда и искаше удобна времене, да предаст Его им без народа. 042 LUK 022 007 Прииде же день опресноков, в оньже подобаше жрети пасху: 042 LUK 022 008 и посла Петра и Иоанна, рек: шедша уготовайта нам пасху, да ямы. 042 LUK 022 009 Она же рекоста Ему: где хощеши уготоваем? 042 LUK 022 010 Он же рече има: се, восходящема вама во град, срящет вы человек в скудельнице воду нося: по нем идета в дом, в оньже входит, 042 LUK 022 011 и рцета дому владыце: глаголет тебе Учитель: где есть обитель, идеже пасху со ученики Моими снем? 042 LUK 022 012 И той вама покажет горницу велию постлану: ту уготовайта. 042 LUK 022 013 Шедша же обретоста, якоже рече има: и уготоваста пасху. 042 LUK 022 014 И егда бысть час, возлеже, и обанадесяте Апостола с Ним, 042 LUK 022 015 и рече к ним: желанием возжелех сию пасху ясти с вами, прежде даже не прииму мук: 042 LUK 022 016 глаголю бо вам, яко отселе не имам ясти от нея, дондеже скончаются во Царствии Божии. 042 LUK 022 017 И приим чашу, хвалу воздав, рече: приимите сию, и разделите себе: 042 LUK 022 018 глаголю бо вам, яко не имам пити от плода лознаго, дондеже Царствие Божие приидет. 042 LUK 022 019 И приим хлеб, хвалу воздав, преломи и даде им, глаголя: сие есть тело Мое, еже за вы даемо: сие творите в Мое воспоминание. 042 LUK 022 020 Такожде же и чашу по вечери, глаголя: сия чаша Новый Завет Моею кровию, яже за вы проливается: 042 LUK 022 021 обаче се, рука предающаго Мя со Мною (есть) на трапезе, 042 LUK 022 022 и Сын убо Человеческий идет по реченному: обаче горе человеку тому, имже предается. 042 LUK 022 023 И тии начаша искати в себе, который убо от них хощет сие сотворити. 042 LUK 022 024 Бысть же и пря в них, кий мнится их быти болий. 042 LUK 022 025 Он же рече им: царие язык господствуют ими, и обладающии ими благодателе нарицаются: 042 LUK 022 026 вы же не тако: но болий в вас, да будет яко мний: и старей, яко служай. 042 LUK 022 027 Кто бо болий, возлежай ли, или служай? Не возлежай ли? Аз же посреде вас есмь яко служай. 042 LUK 022 028 Вы же есте пребывше со Мною в напастех Моих, 042 LUK 022 029 и Аз завещаваю вам, якоже завеща Мне Отец Мой, Царство, 042 LUK 022 030 да ясте и пиете на трапезе Моей во Царствии Моем: и сядете на престолех, судяще обеманадесяте коленома Израилевома. 042 LUK 022 031 Рече же Господь: Симоне, Симоне, се, сатана просит вас, дабы сеял, яко пшеницу: 042 LUK 022 032 Аз же молихся о тебе, да не оскудеет вера твоя: и ты некогда обращься утверди братию твою. 042 LUK 022 033 Он же рече Ему: Господи, с Тобою готов есмь и в темницу и на смерть ити. 042 LUK 022 034 Он же рече: глаголю ти, Петре, не возгласит петель днесь, дондеже трикраты отвержешися Мене не ведети. 042 LUK 022 035 И рече им: егда послах вы без влагалища и без меха и без сапог, еда чесого лишени бысте? Они же реша: ничесоже. 042 LUK 022 036 Рече же им: но ныне иже имать влагалище, да возмет, такожде и мех: а иже не имать, да продаст ризу свою, и купит нож: 042 LUK 022 037 глаголю бо вам, яко еще писаное се, подобает, да скончается о Мне, еже: и со беззаконными вменися. Ибо еже о Мне, кончину имать. 042 LUK 022 038 Они же реша: Господи, се, ножа зде два. Он же рече им: доволно есть. 042 LUK 022 039 И изшед иде по обычаю в гору Елеонскую: по Нем же идоша ученицы Его. 042 LUK 022 040 Быв же на месте, рече им: молитеся, да не внидете в напасть. 042 LUK 022 041 И Сам отступи от них яко вержением камене, и поклонь колена моляшеся, 042 LUK 022 042 глаголя: Отче, аще волиши мимонести чашу сию от Мене: обаче не Моя воля, но Твоя да будет. 042 LUK 022 043 Явися же Ему Ангел с небесе, укрепляя Его. 042 LUK 022 044 И быв в подвизе, прилежнее моляшеся: бысть же пот Его яко капли крове каплющыя на землю. 042 LUK 022 045 И востав от молитвы (и) пришед ко учеником, обрете их спящих от печали 042 LUK 022 046 и рече им: что спите? Воставше молитеся, да не внидете в напасть. 042 LUK 022 047 Еще же Ему глаголющу, се, народ, и нарицаемый Иуда, един от обоюнадесяте, идяше пред ними, и приступи ко Иисусови целовати Его. Сие бо бе знамение дал им: Егоже аще лобжу, Той есть. 042 LUK 022 048 Иисус же рече ему: Иудо, лобзанием ли Сына Человеческаго предаеши? 042 LUK 022 049 Видевше же, иже беху с Ним, бываемое, реша Ему: Господи, аще ударим ножем? 042 LUK 022 050 И удари един некий от них архиереова раба и уреза ему ухо десное. 042 LUK 022 051 Отвещав же Иисус рече: оставите до сего. И коснувся уха его, изцели его. 042 LUK 022 052 Рече же Иисус ко пришедшым Нань архиереом и воеводам церковным и старцем: яко на разбойника ли изыдосте со оружием и дрекольми яти Мя? 042 LUK 022 053 По вся дни сущу Ми с вами в церкви, не простросте руки на Мя: но се есть ваша година и область темная. 042 LUK 022 054 Емше же Его ведоша и введоша Его во двор архиереов. Петр же вслед идяше издалеча. 042 LUK 022 055 Возгнещшым же огнь посреде двора и вкупе седящым им, седяше Петр посреде их. 042 LUK 022 056 Узревши же его рабыня некая седяща при свете и воззревши нань, рече: и сей с Ним бе. 042 LUK 022 057 Он же отвержеся Его, глаголя: жено, не знаю Его. 042 LUK 022 058 И помале другий видев его, рече: и ты от них еси. Петр же рече: человече, несмь. 042 LUK 022 059 И мимошедшу яко часу единому, ин некий крепляшеся глаголя: воистинну и сей с Ним бе: ибо Галилеанин есть. 042 LUK 022 060 Рече же Петр: человече, не вем, еже глаголеши. И абие, еще глаголющу ему, возгласи петель. 042 LUK 022 061 И обращься Господь воззре на Петра: и помяну Петр слово Господне, якоже рече ему, яко прежде даже петель не возгласит, отвержешися Мене трикраты. 042 LUK 022 062 И изшед вон плакася горько. 042 LUK 022 063 И мужие держащии Иисуса ругахуся Ему, биюще: 042 LUK 022 064 и закрывше Его, бияху Его по лицу и вопрошаху Его, глаголюще: прорцы, кто есть ударей Тя? 042 LUK 022 065 И ина многа хуляще глаголаху Нань. 042 LUK 022 066 И яко бысть день, собрашася старцы людстии и архиерее и книжницы, и ведоша Его на сонм свой, 042 LUK 022 067 глаголюще: аще Ты еси Христос? Рцы нам. Рече же им: аще вам реку, не имете веры: 042 LUK 022 068 аще же и вопрошу (вы), не отвещаете Ми, ни отпустите: 042 LUK 022 069 отселе будет Сын Человеческий седяй о десную силы Божия. 042 LUK 022 070 Реша же вси: Ты ли убо еси Сын Божий? Он же к ним рече: вы глаголете, яко Аз есмь. 042 LUK 022 071 Они же реша: что еще требуем свидетелства? Сами бо слышахом от уст Его. 042 LUK 023 001 И воставше все множество их, ведоша Его к Пилату, 042 LUK 023 002 начаша же Нань вадити, глаголюще: Сего обретохом развращающа язык наш и возбраняюща кесареви дань даяти, глаголюща Себе Христа Царя быти. 042 LUK 023 003 Пилат же вопроси Его, глаголя: Ты ли еси Царь Иудеом? Он же отвещав рече ему: ты глаголеши. 042 LUK 023 004 Пилат же рече ко архиереом и народу: ни коеяже обретаю вины в человеце сем. 042 LUK 023 005 Они же крепляхуся глаголюще, яко развращает люди, учя по всей Иудеи, начен от Галилеи до зде. 042 LUK 023 006 Пилат же слышав Галилею, вопроси, аще человек Галилеанин есть? 042 LUK 023 007 И разумев, яко от области Иродовы есть, посла Его ко Ироду, сущу и тому во Иерусалиме в тыя дни. 042 LUK 023 008 Ирод же видев Иисуса рад бысть зело: бе бо желая от многа времене видети Его, зане слышаше многа о Нем: и надеяшеся знамение некое видети от Него бываемо: 042 LUK 023 009 вопрошаше же Его словесы многими: Он же ничесоже отвещаваше ему. 042 LUK 023 010 Стояху же архиерее и книжницы, прилежно вадяще Нань. 042 LUK 023 011 Укорив же Его Ирод с вои своими и поругався, оболк его в ризу светлу, возврати Его к Пилату. 042 LUK 023 012 Быста же друга Ирод же и Пилат в той день с собою: прежде бо беста вражду имуща между собою. 042 LUK 023 013 Пилат же созвав архиереи и князи и люди, 042 LUK 023 014 рече к ним: приведосте ми человека сего, яко развращающа люди: и се, аз пред вами истязав, ни единыя же обретаю в человеце сем вины, яже Нань вадите: 042 LUK 023 015 но ни Ирод: послах бо Его к нему, и се, ничтоже достойно смерти сотворено есть о Нем: 042 LUK 023 016 наказав убо Его отпущу. 042 LUK 023 017 Нужду же имяше на вся праздники отпущати им единаго. 042 LUK 023 018 Возопиша же вси народи, глаголюще: возми Сего, отпусти же нам Варавву. 042 LUK 023 019 Иже бе за некую крамолу бывшую во граде и убийство ввержен в темницу. 042 LUK 023 020 Паки же Пилат возгласи, хотя отпустити Иисуса. 042 LUK 023 021 Они же возглашаху, глаголюще: распни, распни Его. 042 LUK 023 022 Он же третицею рече к ним: что бо зло сотвори Сей? Ничесоже достойна смерти обретох в Нем: наказав убо Его отпущу. 042 LUK 023 023 Они же прилежаху гласы великими, просяще Его на распятие: и устояху гласи их и архиерейстии. 042 LUK 023 024 Пилат же посуди быти прошению их: 042 LUK 023 025 отпусти же бывшаго за крамолу и убийство всаждена в темницу, егоже прошаху: Иисуса же предаде воли их. 042 LUK 023 026 И яко поведоша Его, емше Симона некоего Киринеа, грядуща с села, возложиша нань крест нести по Иисусе. 042 LUK 023 027 Идяше же вслед Его народ мног людий, и жены, яже и плакахуся и рыдаху Его. 042 LUK 023 028 Обращься же к ним Иисус рече: дщери Иерусалимски, не плачитеся о Мне, обаче себе плачите и чад ваших: 042 LUK 023 029 яко се, дние грядут, в няже рекут: блажены неплоды, и утробы, яже не родиша, и сосцы, иже не доиша: 042 LUK 023 030 тогда начнут глаголати горам: падите на ны: и холмом: покрыйте ны: 042 LUK 023 031 зане, аще в сурове древе сия творят, в сусе что будет? 042 LUK 023 032 Ведяху же и ина два злодея с Ним убити. 042 LUK 023 033 И егда приидоша на место, нарицаемое Лобное, ту распяша Его и злодея, оваго убо о десную, а другаго о шуюю. 042 LUK 023 034 Иисус же глаголаше: Отче, отпусти им: не ведят бо что творят. Разделяюще же ризы Его, метаху жребия. 042 LUK 023 035 И стояху людие зряще. Ругахуся же и князи с ними, глаголюще: иныя спасе, да спасет и Себе, аще Той есть Христос Божий избранный. 042 LUK 023 036 Ругахуся же Ему и воини, приступающе и оцет придеюще Ему, 042 LUK 023 037 и глаголаху: аще Ты еси Царь Иудейск, спасися Сам. 042 LUK 023 038 Бе же и написание написано над Ним писмены еллинскими и римскими и еврейскими: Сей есть Царь Иудейск. 042 LUK 023 039 Един же от обешеною злодею хуляше Его, глаголя: аще Ты еси Христос, спаси Себе и наю. 042 LUK 023 040 Отвещав же другий прещаше ему, глаголя: ни ли ты боишися Бога, яко в томже осужден еси? 042 LUK 023 041 И мы убо в правду: достойная бо по делом наю восприемлева: Сей же ни единаго зла сотвори. 042 LUK 023 042 И глаголаше Иисусови: помяни мя, Господи, егда приидеши во Царствии си. 042 LUK 023 043 И рече ему Иисус: аминь глаголю тебе, днесь со Мною будеши в раи. 042 LUK 023 044 Бе же час яко шестый, и тма бысть по всей земли до часа девятаго: 042 LUK 023 045 и померче солнце, и завеса церковная раздрася посреде. 042 LUK 023 046 И возглашь гласом велиим Иисус, рече: Отче, в руце Твои предаю дух Мой. И сия рек издше. 042 LUK 023 047 Видев же сотник бывшее, прослави Бога, глаголя: воистинну человек сей праведен бе. 042 LUK 023 048 И вси пришедшии народи на позор сей, видяще бывающая, биюще перси своя возвращахуся. 042 LUK 023 049 Стояху же вси знаемии Его издалеча, и жены споследствовавшыя Ему от Галилеи, зрящя сия. 042 LUK 023 050 И се, муж именем Иосиф, советник сый, муж благ и праведен 042 LUK 023 051 сей не бе пристал совету и делу их, от Аримафеа града Иудейска, иже чаяше и сам Царствия Божия: 042 LUK 023 052 сей приступль к Пилату, проси телесе Иисусова: 042 LUK 023 053 и снем е обвит плащаницею, и положи е во гробе изсечене, в немже не бе никтоже никогдаже положен. 042 LUK 023 054 И день бе пяток, и суббота светаше. 042 LUK 023 055 Вслед же шедшыя жены, яже бяху пришли с Ним от Галилеи, видеша гроб, и яко положено бысть тело Его: 042 LUK 023 056 возвращшяся же уготоваша ароматы и миро: и в субботу убо умолчаша по заповеди. 042 LUK 024 001 Во едину же от суббот зело рано приидоша на гроб, носящя яже уготоваша ароматы: и другия с ними: 042 LUK 024 002 обретоша же камень отвален от гроба, 042 LUK 024 003 и вшедшя не обретоша телесе Господа Иисуса. 042 LUK 024 004 И бысть не домышляющымся им о сем, и се, мужа два стаста пред ними в ризах блещащихся. 042 LUK 024 005 Пристрашным же бывшым им и поклоньшым лица на землю, рекоста к ним: что ищете живаго с мертвыми? 042 LUK 024 006 Несть зде, но воста: помяните, якоже глагола вам, еще сый в Галилеи, 042 LUK 024 007 глаголя, яко подобает Сыну Человеческому предану быти в руце человек грешник, и пропяту быти, и в третий день воскреснути. 042 LUK 024 008 И помянуша глаголголы Его, 042 LUK 024 009 и возвращшяся от гроба, возвестиша вся сия единомунадесяте и всем прочым. 042 LUK 024 010 Бяше же Магдалина Мариа и Иоанна и Мариа Иаковля, и прочыя с ними, яже глаголаху ко Апостолом сия. 042 LUK 024 011 И явишася пред ними яко лжа глаголы их, и не вероваху им. 042 LUK 024 012 Петр же востав тече ко гробу и приник виде ризы едины лежащя: и отиде, в себе дивяся бывшему. 042 LUK 024 013 И се, два от них беста идуща в тойже день в весь отстоящу стадий шестьдесят от Иерусалима, ейже имя Еммаус: 042 LUK 024 014 и та беседоваста к себе о всех сих приключшихся. 042 LUK 024 015 И бысть беседующема има и совопрошающемася, и Сам Иисус приближився идяше с нима: 042 LUK 024 016 очи же ею держастеся, да Его не познаета. 042 LUK 024 017 Рече же к нима: что суть словеса сия, о нихже стязаетася к себе идуща, и еста дряхла? 042 LUK 024 018 Отвещав же един, емуже имя Клеопа, рече к Нему: Ты ли един пришлец еси во Иерусалим, и не уведел еси бывших в нем во дни сия? 042 LUK 024 019 И рече има: киих? Она же реста Ему: яже о Иисусе Назарянине, Иже бысть муж пророк, силен делом и словом пред Богом и всеми людьми: 042 LUK 024 020 како предаша Его архиерее и князи наши на осуждение смерти и распяша Его: 042 LUK 024 021 мы же надеяхомся, яко Сей есть хотя избавити Израиля: но и над всеми сими, третий сей день есть днесь, отнелиже сия быша: 042 LUK 024 022 но и жены некия от нас ужасиша ны, бывшыя рано у гроба: 042 LUK 024 023 и не обретшя телесе Его, приидоша, глаголющя, яко и явление Ангел видеша, иже глаголют Его жива: 042 LUK 024 024 и идоша нецыи от нас ко гробу и обретоша тако, якоже и жены реша: Самаго же не видеша. 042 LUK 024 025 И Той рече к нима: о несмысленная и косная сердцем, еже веровати о всех, яже глаголаша пророцы: 042 LUK 024 026 не сия ли подобаше пострадати Христу и внити в славу Свою? 042 LUK 024 027 И начен от Моисеа и от всех пророк, сказаше има от всех Писаний яже о Нем. 042 LUK 024 028 И приближишася в весь, в нюже идяста: и Той творяшеся далечайше ити: 042 LUK 024 029 и нуждаста Его, глаголюща: облязи с нама, яко к вечеру есть, и приклонился есть день. И вниде с нима облещи. 042 LUK 024 030 И бысть яко возлеже с нима, (и) приим хлеб благослови, и преломив даяше има: 042 LUK 024 031 онема же отверзостеся очи, и познаста Его: и Той невидимь бысть има. 042 LUK 024 032 И рекоста к себе: не сердце ли наю горя бе в наю, егда глаголаше нама на пути и егда сказоваше нама Писания? 042 LUK 024 033 И воставша в той час, возвратистася во Иерусалим и обретоста совокупленых единонадесяте и иже бяху с ними, 042 LUK 024 034 глаголющих, яко воистинну воста Господь и явися Симону. 042 LUK 024 035 И та поведаста, яже быша на пути, и яко познася има в преломлении хлеба. 042 LUK 024 036 Сия же им глаголющым, (и) Сам Иисус ста посреде их и глагола им: мир вам. 042 LUK 024 037 Убоявшеся же и пристрашни бывше, мняху дух видети: 042 LUK 024 038 и рече им: что смущени есте? И почто помышления входят в сердца ваша? 042 LUK 024 039 Видите руце Мои и нозе Мои, яко сам Аз есмь: осяжите Мя и видите: яко дух плоти и кости не имать, якоже Мене видите имуща. 042 LUK 024 040 И сие рек, показа им руце и нозе. 042 LUK 024 041 Еще же неверующым им от радости и чудящымся, рече им: имате ли что снедно зде? 042 LUK 024 042 Они же даша Ему рыбы печены часть и от пчел сот. 042 LUK 024 043 И взем пред ними яде, 042 LUK 024 044 рече же им: сия суть словеса, яже глаголах к вам еще сый с вами, яко подобает скончатися всем написанным в законе Моисеове и пророцех и псалмех о Мне. 042 LUK 024 045 Тогда отверзе им ум разумети Писания 042 LUK 024 046 и рече им, яко тако писано есть, и тако подобаше пострадати Христу и воскреснути от мертвых в третий день, 042 LUK 024 047 и проповедатися во имя Его покаянию и отпущению грехов во всех языцех, наченше от Иерусалима: 042 LUK 024 048 вы же есте свидетелие сим: 042 LUK 024 049 и се, Аз послю обетование Отца Моего на вы: вы же седите во граде Иерусалимсте, дондеже облечетеся силою свыше. 042 LUK 024 050 Извед же их вон до Вифании и воздвиг руце Свои, (и) благослови их. 042 LUK 024 051 И бысть егда благословляше их, отступи от них и возношашеся на небо. 042 LUK 024 052 И тии поклонишася Ему, и возвратишася во Иерусалим с радостию великою: 042 LUK 024 053 и бяху выну в церкви, хваляще и благословяще Бога. Аминь. # # BOOK 043 JOH John От Иоанна святое благовествование 043 JOH 001 001 В начале бе Слово, и Слово бе к Богу, и Бог бе Слово. 043 JOH 001 002 Сей бе искони к Богу: 043 JOH 001 003 вся Тем быша, и без Него ничтоже бысть, еже бысть. 043 JOH 001 004 В Том живот бе, и живот бе свет человеком: 043 JOH 001 005 и свет во тме светится, и тма его не объят. 043 JOH 001 006 Бысть человек послан от Бога, имя ему Иоанн: 043 JOH 001 007 Сей прииде во свидетелство, да свидетелствует о Свете, да вси веру имут ему. 043 JOH 001 008 Не бе той свет, но да свидетелствует о Свете: 043 JOH 001 009 бе Свет истинный, Иже просвещает всякаго человека грядущаго в мир: 043 JOH 001 010 в мире бе, и мир Тем бысть, и мир Его не позна: 043 JOH 001 011 во своя прииде, и свои Его не прияша. 043 JOH 001 012 Елицы же прияша Его, даде им область чадом Божиим быти, верующым во имя Его, 043 JOH 001 013 иже не от крове, ни от похоти плотския, ни от похоти мужеския, но от Бога родишася. 043 JOH 001 014 И Слово плоть бысть и вселися в ны, и видехом славу Его, славу яко Единороднаго от Отца, исполнь благодати и истины. 043 JOH 001 015 Иоанн свидетелствует о Нем и воззва глаголя: Сей бе, Егоже рех, Иже по мне Грядый, предо мною бысть, яко первее мене бе. 043 JOH 001 016 И от исполнения Его мы вси прияхом и благодать воз благодать: 043 JOH 001 017 яко закон Моисеом дан бысть, благодать (же) и истина Иисус Христом бысть. 043 JOH 001 018 Бога никтоже виде нигдеже: Единородный Сын, сый в лоне Отчи, Той исповеда. 043 JOH 001 019 И сие есть свидетелство Иоанново, егда послаша Жидове от Иерусалима иереев и левитов, да вопросят его: ты кто еси? 043 JOH 001 020 И исповеда и не отвержеся: и исповеда, яко несмь аз Христос. 043 JOH 001 021 И вопросиша его: что убо? Илиа ли еси ты? И глагола: несмь. Пророк ли еси? И отвеща: ни. 043 JOH 001 022 Реша же ему: кто еси? Да ответ дамы пославшым ны: что глаголеши о тебе самем? 043 JOH 001 023 Рече: аз глас вопиющаго в пустыни: исправите путь Господень, якоже рече Исаиа пророк. 043 JOH 001 024 И посланнии беху от фарисей: 043 JOH 001 025 и вопросиша его и реша ему: что убо крещаеши, аще ты неси Христос, ни Илиа, ни пророк? 043 JOH 001 026 Отвеща им Иоанн, глагола: аз крещаю водою: посреде же вас стоит, Егоже вы не весте: 043 JOH 001 027 Той есть Грядый по мне, Иже предо мною бысть, Емуже несмь аз достоин, да отрешу ремень сапогу Его. 043 JOH 001 028 Сия в Вифаваре быша об он пол Иордана, идеже бе Иоанн крестя. 043 JOH 001 029 Во утрий (же) виде Иоанн Иисуса грядуща к себе и глагола: се, Агнец Божий, вземляй грехи мира: 043 JOH 001 030 Сей есть, о Немже аз рех: по мне грядет Муж, Иже предо мною бысть, яко первее мене бе: 043 JOH 001 031 и аз не ведех Его: но да явится Израилеви, сего ради приидох аз водою крестя. 043 JOH 001 032 И свидетелствова Иоанн, глаголя, яко видех Духа сходяща яко голубя с небесе, и пребысть на Нем: 043 JOH 001 033 и аз не ведех Его: но Пославый мя крестити водою, Той мне рече: над Негоже узриши Духа сходяща и пребывающа на Нем, Той есть крестяй Духом Святым: 043 JOH 001 034 и аз видех и свидетелствовах, яко Сей есть Сын Божий. 043 JOH 001 035 Во утрий (же) паки стояше Иоанн, и от ученик его два. 043 JOH 001 036 И узрев Иисуса грядуща, глагола: се, Агнец Божий. 043 JOH 001 037 И слышаста его оба ученика глаголющаго, и по Иисусе идоста. 043 JOH 001 038 Обращься же Иисус и видев я по Себе идуща, глагола има: чесо ищета? Она же реста Ему: Равви, еже глаголется сказаемо учителю, где живеши? 043 JOH 001 039 (И) глагола има: приидита и видита. Приидоста и видеста, где живяше, и у Него пребыста день той. Бе же час яко десятый. 043 JOH 001 040 Бе (же) Андрей, брат Симона Петра, един от обою слышавшею от Иоанна и по Нем шедшею. 043 JOH 001 041 Обрете сей прежде брата своего Симона и глагола ему: обретохом Мессию, еже есть сказаемо Христос. 043 JOH 001 042 И приведе его ко Иисусови. Воззрев же нань Иисус рече: ты еси Симон сын Ионин: ты наречешися Кифа, еже сказается Петр. 043 JOH 001 043 Во утрий (же) восхоте изыти в Галилею: и обрете Филиппа и глагола ему: гряди по Мне. 043 JOH 001 044 Бе (же) Филипп от Вифсаиды, от града Андреова и Петрова. 043 JOH 001 045 Обрете Филипп Нафанаила и глагола ему: Егоже писа Моисей в законе и пророцы, обретохом Иисуса сына Иосифова, иже от Назарета. 043 JOH 001 046 И глагола ему Нафанаил: от Назарета может ли что добро быти? Глагола ему Филипп: прииди и виждь. 043 JOH 001 047 Виде (же) Иисус Нафанаила грядуща к Себе и глагола о нем: се, воистинну Израилтянин, в немже льсти несть. 043 JOH 001 048 Глагола Ему Нафанаил: како мя знаеши? Отвеща Иисус и рече ему: прежде даже не возгласи тебе Филипп, суща под смоковницею видех тя. 043 JOH 001 049 Отвеща Нафанаил и глагола Ему: Равви, Ты еси Сын Божий, Ты еси Царь Израилев. 043 JOH 001 050 Отвеща Иисус и рече ему: зане рех ти, яко видех тя под смоковницею, веруеши: болша сих узриши. 043 JOH 001 051 И глагола ему: аминь, аминь глаголю вам, отселе узрите небо отверсто и Ангелы Божия восходящыя и нисходящыя над Сына Человеческаго. 043 JOH 002 001 И в третий день брак бысть в Кане Галилейстей: и бе Мати Иисусова ту. 043 JOH 002 002 Зван же бысть Иисус и ученицы Его на брак. 043 JOH 002 003 И недоставшу вину, глаголгола Мати Иисусова к Нему: вина не имут. 043 JOH 002 004 Глагола Ей Иисус: что (есть) Мне и Тебе, Жено? Не у прииде час Мой. 043 JOH 002 005 Глаголгола Мати Его слугам: еже аще глаголет вам, сотворите. 043 JOH 002 006 Беху же ту водоноси каменни шесть, лежаще по очищению Иудейску, вместящии по двема или трием мерам. 043 JOH 002 007 Глагола им Иисус: наполните водоносы воды. И наполниша их до верха. 043 JOH 002 008 И глагола им: почерпите ныне и принесите архитриклинови. И принесоша. 043 JOH 002 009 Якоже вкуси архитриклин вина бывшаго от воды, и не ведяше, откуду есть: слуги же ведяху почерпшии воду: пригласи жениха архитриклин 043 JOH 002 010 и глагола ему: всяк человек прежде доброе вино полагает, и егда упиются, тогда хуждшее: ты (же) соблюл еси доброе вино доселе. 043 JOH 002 011 Се сотвори начаток знамением Иисус в Кане Галилейстей и яви славу Свою: и вероваша в Него ученицы Его. 043 JOH 002 012 По сем сниде в Капернаум Сам и Мати Его, и братия Его и ученицы Его: и ту не многи дни пребыша. 043 JOH 002 013 И близ бе Пасха Иудейска, и взыде во Иерусалим Иисус 043 JOH 002 014 и обрете в церкви продающая овцы и волы и голуби, и пеняжники седящыя. 043 JOH 002 015 И сотворив бичь от вервий, вся изгна из церкве, овцы и волы: и торжником разсыпа пенязи и дски опроверже: 043 JOH 002 016 и продающым голуби рече: возмите сия отсюду и не творите дому Отца Моего дому купленаго. 043 JOH 002 017 Помянуша же ученицы Его, яко писано есть: жалость дому Твоего снесть Мя. 043 JOH 002 018 Отвещаша же Иудее и реша Ему: кое знамение являеши нам, яко сия твориши? 043 JOH 002 019 Отвеща Иисус и рече им: разорите церковь сию, и треми денми воздвигну ю. 043 JOH 002 020 Реша же Иудее: четыредесять и шестию лет создана бысть церков сия, и Ты ли треми денми воздвигнеши ю? 043 JOH 002 021 Он же глаголаше о церкви тела Своего. 043 JOH 002 022 Егда убо воста от мертвых, помянуша ученицы Его, яко се глаголаше, и вероваша Писанию и словеси, еже рече Иисус. 043 JOH 002 023 Егда же бе в Иерусалимех в праздник Пасхи, мнози вероваша во имя Его, видяще знамения Его, яже творяше. 043 JOH 002 024 Сам же Иисус не вдаяше Себе в веру их, зане сам ведяше вся, 043 JOH 002 025 и яко не требоваше, да кто свидетелствует о человецех: Сам бо ведяше, что бе в человеце. 043 JOH 003 001 Бе же человек от фарисей, Никодим имя ему, князь Жидовский: 043 JOH 003 002 сей прииде ко Иисусу нощию и рече Ему: Равви, вем, яко от Бога пришел еси учитель: никтоже бо может знамений сих творити, яже Ты твориши, аще не будет Бог с ним. 043 JOH 003 003 Отвеща Иисус и рече ему: аминь, аминь глаголю тебе: аще кто не родится свыше, не может видети Царствия Божия. 043 JOH 003 004 Глагола к Нему Никодим: како может человек родитися стар сый? Еда может второе внити во утробу матере своея и родитися? 043 JOH 003 005 Отвеща Иисус: аминь, аминь глаголю тебе: аще кто не родится водою и Духом, не может внити во Царствие Божие: 043 JOH 003 006 рожденное от плоти плоть есть, и рожденное от Духа дух есть. 043 JOH 003 007 Не дивися, яко рех ти: подобает вам родитися свыше. 043 JOH 003 008 Дух, идеже хощет, дышет, и глас его слышиши, но не веси, откуду приходит и камо идет: тако есть всяк (человек) рожденный от Духа. 043 JOH 003 009 Отвеща Никодим и рече Ему: како могут сия быти? 043 JOH 003 010 Отвеща Иисус и рече ему: ты еси учитель Израилев, и сих ли не веси? 043 JOH 003 011 Аминь, аминь глаголю тебе, яко, еже вемы, глаголем, и еже видехом, свидетелствуем, и свидетелства Нашего не приемлете: 043 JOH 003 012 аще земная рекох вам, и не веруете: како, аще реку вам небесная, уверуете? 043 JOH 003 013 И никтоже взыде на небо, токмо сшедый с небесе Сын Человеческий, сый на небеси: 043 JOH 003 014 и якоже Моисей вознесе змию в пустыни, тако подобает вознестися Сыну Человеческому, 043 JOH 003 015 да всяк веруяй в Онь не погибнет, но имать живот вечный. 043 JOH 003 016 Тако бо возлюби Бог мир, яко и Сына Своего Единороднаго дал есть, да всяк веруяй в Онь не погибнет, но имать живот вечный. 043 JOH 003 017 Не посла бо Бог Сына Своего в мир, да судит мирови, но да спасется Им мир. 043 JOH 003 018 Веруяй в Онь не будет осужден: а не веруяй уже осужден есть, яко не верова во имя Единороднаго Сына Божия. 043 JOH 003 019 Сей же есть суд, яко свет прииде в мир, и возлюбиша человецы паче тму, неже свет: беша бо их дела зла. 043 JOH 003 020 Всяк бо делаяй злая ненавидит света и не приходит к свету, да не обличатся дела его, яко лукава суть: 043 JOH 003 021 творяй же истину грядет к свету, да явятся дела его, яко о Бозе суть соделана. 043 JOH 003 022 По сих (же) прииде Иисус и ученицы Его в Жидовскую землю: и ту живяше с ними и крещаше. 043 JOH 003 023 Бе же Иоанн крестя во Еноне близ Салима, яко воды многи бяху ту: и прихождаху и крещахуся: 043 JOH 003 024 не у бо бе всажден в темницу Иоанн. 043 JOH 003 025 Бысть же стязание от ученик Иоанновых со Иудеи о очищении: 043 JOH 003 026 и приидоша ко Иоанну и рекоша ему: равви, Иже бе с тобою об он пол Иордана, Емуже ты свидетелствовал еси, се, Сей крещает, и вси грядут к Нему. 043 JOH 003 027 Отвеща Иоанн и рече: не может человек приимати ничесоже, аще не будет дано ему с небесе. 043 JOH 003 028 Вы сами мне свидетелствуете, яко рех: несмь аз Христос, но яко послан есмь пред Ним. 043 JOH 003 029 Имеяй невесту жених есть: а друг женихов, стоя и послушая его, радостию радуется за глас женихов: сия убо радость моя исполнися: 043 JOH 003 030 оному подобает расти, мне же малитися. 043 JOH 003 031 Грядый свыше над всеми есть: сый от земли от земли есть и от земли глаголет: Грядый с небесе над всеми есть, 043 JOH 003 032 и еже виде и слыша, сие свидетелствует: и свидетелства Его никтоже приемлет. 043 JOH 003 033 Приемый Его свидетелство верова, яко Бог истинен есть. 043 JOH 003 034 Егоже бо посла Бог, глаголголы Божия глаголет: не в меру бо Бог дает Духа. 043 JOH 003 035 Отец (бо) любит Сына и вся даде в руце Его. 043 JOH 003 036 Веруяй в Сына имать живот вечный: а иже не верует в Сына, не узрит живота, но гнев Божий пребывает на нем. 043 JOH 004 001 Егда убо разуме Иисус, яко услышаша фарисее, яко Иисус множайшыя ученики творит и крещает, неже Иоанн: 043 JOH 004 002 Иисус же Сам не крещаше, но ученицы Его: 043 JOH 004 003 остави Иудею и иде паки в Галилею. 043 JOH 004 004 Подобаше же Ему проити сквозе Самарию. 043 JOH 004 005 Прииде убо во град Самарийский, глаголемый Сихарь, близ веси, юже даде Иаков Иосифу сыну своему: 043 JOH 004 006 бе же ту источник Иаковль. Иисус же утруждся от пути, седяше тако на источнице: бе (же) яко час шестый. 043 JOH 004 007 Прииде жена от Самарии почерпати воду. Глагола ей Иисус: даждь Ми пити. 043 JOH 004 008 Ученицы бо Его отшли бяху во град, да брашно купят. 043 JOH 004 009 Глагола Ему жена Самаряныня: како ты Жидовин сый от мене пити просиши, жены Самаряныни сущей? Не прикасаютбося Жидове Самаряном. 043 JOH 004 010 Отвеща Иисус и рече ей: аще бы ведала еси дар Божий, и Кто есть глаголяй ти: даждь Ми пити: ты бы просила у Него, и дал бы ти воду живу. 043 JOH 004 011 Глагола Ему жена: господи, ни почерпала имаши, и студенец есть глубок: откуду убо имаши воду живу? 043 JOH 004 012 Еда ты болий еси отца нашего Иакова, иже даде нам студенец сей, и той из него пит и сынове его и скоти его? 043 JOH 004 013 Отвеща Иисус и рече ей: всяк пияй от воды сея, вжаждется паки: 043 JOH 004 014 а иже пиет от воды, юже Аз дам ему, не вжаждется во веки: но вода, юже (Аз) дам ему, будет в нем источник воды текущия в живот вечный. 043 JOH 004 015 Глагола к Нему жена: господи, даждь ми сию воду, да ни жажду, ни прихожду семо почерпати. 043 JOH 004 016 Глагола ей Иисус: иди, пригласи мужа твоего и прииди семо. 043 JOH 004 017 Отвеща жена и рече (Ему): не имам мужа. Глагола ей Иисус: добре рекла еси, яко мужа не имам: 043 JOH 004 018 пять бо мужей имела еси, и ныне, егоже имаши, несть ти муж: се воистинну рекла еси. 043 JOH 004 019 Глагола Ему жена: Господи, вижу, яко пророк еси Ты: 043 JOH 004 020 отцы наши в горе сей поклонишася: и вы глаголете, яко во Иерусалимех есть место, идеже кланятися подобает. 043 JOH 004 021 Глагола ей Иисус: жено, веру Ми ими, яко грядет час, егда ни в горе сей, ни во Иерусалимех поклонитеся Отцу: 043 JOH 004 022 вы кланяетеся, егоже не весте: мы кланяемся, егоже вемы, яко спасение от Иудей есть: 043 JOH 004 023 но грядет час, и ныне есть, егда истиннии поклонницы поклонятся Отцу духом и истиною: ибо Отец таковых ищет покланяющихся Ему: 043 JOH 004 024 дух (есть) Бог: и иже кланяется Ему, духом и истиною достоит кланятися. 043 JOH 004 025 Глагола Ему жена: вем, яко Мессиа приидет, глаголемыи Христос: егда Той приидет, возвестит нам вся. 043 JOH 004 026 Глагола ей Иисус: Аз есмь, глаголяй с тобою. 043 JOH 004 027 И тогда приидоша ученицы Его и чудяхуся, яко с женою глаголаше: обаче никтоже рече: чесо ищеши? Или: что глаголеши с нею? 043 JOH 004 028 Остави же водонос свой жена, и иде во град, и глагола человеком: 043 JOH 004 029 приидите (и) видите Человека, Иже рече ми вся, елика сотворих: еда Той есть Христос? 043 JOH 004 030 Изыдоша же из града и грядяху к Нему. 043 JOH 004 031 Между же сим моляху Его ученицы (Его), глаголюще: Равви, яждь. 043 JOH 004 032 Он же рече им: Аз брашно имам ясти, егоже вы не весте. 043 JOH 004 033 Глаголаху убо ученицы к себе: еда кто принесе Ему ясти? 043 JOH 004 034 Глагола им Иисус: Мое брашно есть, да сотворю волю Пославшаго Мя и совершу дело Его. 043 JOH 004 035 Не вы ли глаголете, яко еще четыри месяцы суть, и жатва приидет? Се, глаголю вам: возведите очи ваши и видите нивы, яко плавы суть к жатве уже: 043 JOH 004 036 и жняй мзду приемлет и собирает плод в живот вечный, да и сеяй вкупе радуется и жняй: 043 JOH 004 037 о сем бо слово есть истинное, яко ин есть сеяй, и ин (есть) жняй: 043 JOH 004 038 аз послах вы жати, идеже вы не трудистеся: инии трудишася, и вы в труд их внидосте. 043 JOH 004 039 От града же того мнози вероваша в Онь от Самарян, за слово жены свидетелствующия, яко рече ми вся, елика сотворих. 043 JOH 004 040 Егда убо приидоша к Нему Самаряне, моляху Его, дабы пребыл у них: и пребысть ту два дни. 043 JOH 004 041 И много паче вероваша за слово Его: 043 JOH 004 042 жене же глаголаху, яко не ктому за твою беседу веруем: сами бо слышахом и вемы, яко Сей есть воистинну Спас миру, Христос. 043 JOH 004 043 По двою же дню изыде оттуду и иде в Галилею: 043 JOH 004 044 Сам бо Иисус свидетелствова, яко пророк во своем отечествии чести не имать. 043 JOH 004 045 Егда же прииде в Галилею, прияша Его Галилеане, вся видевше, яже сотвори во Иерусалимех в праздник: и тии бо приидоша в праздник. 043 JOH 004 046 Прииде же паки Иисус в Кану Галилейскую, идеже претвори воду в вино. И бе некий царев муж, егоже сын боляше в Капернауме. 043 JOH 004 047 Сей слышав, яко Иисус прииде от Иудеи в Галилею, иде к Нему и моляше Его, да снидет и исцелит сына Его: имеяше бо умрети. 043 JOH 004 048 Рече убо Иисус к нему: аще знамении и чудес не видите, не имате веровати. 043 JOH 004 049 Глагола к Нему царев муж: Господи, сниди, прежде даже не умрет отроча мое. 043 JOH 004 050 Глагола ему Иисус: иди, сын твой жив есть. И верова человек словеси, еже рече ему Иисус, и идяше. 043 JOH 004 051 Абие же входящу ему, (се, ) раби его сретоша его и возвестиша (ему), глаголюще, яко сын твой жив есть. 043 JOH 004 052 Вопрошаше убо от них о часе, в который легчае ему бысть, и реша ему, яко вчера в час седмый остави его огнь. 043 JOH 004 053 Разуме же отец, яко той бе час, в оньже рече ему Иисус, яко сын твой жив есть: и верова сам и весь дом его. 043 JOH 004 054 Сие паки второе знамение сотвори Иисус, пришед от Иудеи в Галилею. 043 JOH 005 001 По сих (же) бе праздник Иудейский, и взыде Иисус во Иерусалим. 043 JOH 005 002 Есть же во Иерусалимех Овчая купель, яже глаголется еврейски Вифесда, пять притвор имущи: 043 JOH 005 003 в тех слежаше множество болящих, слепых, хромых, сухих, чающих движения воды: 043 JOH 005 004 Ангел бо Господень на (всяко) лето схождаше в купель и возмущаше воду: (и) иже первее влазяше по возмущении воды, здрав бываше, яцем же недугом одержимь бываше. 043 JOH 005 005 Бе же ту некий человек, тридесять и осмь лет имый в недузе (своем). 043 JOH 005 006 Сего видев Иисус лежаща и разумев, яко многа лета уже имяше (в недузе), глагола ему: хощеши ли цел быти? 043 JOH 005 007 Отвеща Ему недужный: ей, Господи, человека не имам, да, егда возмутится вода, ввержет мя в купель: егда же прихожду аз, ин прежде мене слазит. 043 JOH 005 008 Глагола ему Иисус: востани, возми одр твой и ходи. 043 JOH 005 009 И абие здрав бысть человек: и взем одр свой и хождаше. Бе же суббота в той день. 043 JOH 005 010 Глаголаху же Жидове исцелевшему: суббота есть, и не достоит ти взяти одра (твоего). 043 JOH 005 011 Он (же) отвеща им: Иже мя сотвори цела, Той мне рече: возми одр твой и ходи. 043 JOH 005 012 Вопросиша же его: кто есть Человек рекий ти: возми одр твой и ходи? 043 JOH 005 013 Изцелевый же не ведяше, Кто есть: Иисус бо уклонися, народу сущу на месте. 043 JOH 005 014 Потом (же) обрете его Иисус в церкви и рече ему: се, здрав еси: ктому не согрешай, да не горше ти что будет. 043 JOH 005 015 Иде (же) человек и поведа Иудеом, яко Иисус есть, иже мя сотвори цела. 043 JOH 005 016 И сего ради гоняху Иисуса Иудее и искаху Его убити, зане сия творяше в субботу. 043 JOH 005 017 Иисус же отвещаваше им: Отец Мой доселе делает, и Аз делаю. 043 JOH 005 018 И сего ради паче искаху Его Иудее убити, яко не токмо разоряше субботу, но и Отца Своего глаголаше Бога, равен Ся творя Богу. 043 JOH 005 019 Отвеща же Иисус и рече им: аминь, аминь глаголю вам, не может Сын творити о Себе ничесоже, аще не еже видит Отца творяща: яже бо Он творит, сия и Сын такожде творит. 043 JOH 005 020 Отец бо любит Сына и вся показует Ему, яже Сам творит: и болша сих покажет Ему дела, да вы чудитеся. 043 JOH 005 021 Якоже бо Отец воскрешает мертвыя и живит, тако и Сын, ихже хощет, живит. 043 JOH 005 022 Отец бо не судит ни комуже, но суд весь даде Сынови, 043 JOH 005 023 да вси чтут Сына, якоже чтут Отца. (а) иже не чтит Сына, не чтит Отца пославшаго Его. 043 JOH 005 024 Аминь, аминь глаголю вам, яко слушаяй словесе Моего и веруяй Пославшему Мя имать живот вечный, и на суд не приидет, но прейдет от смерти в живот. 043 JOH 005 025 Аминь, аминь глаголю вам, яко грядет час, и ныне есть, егда мертвии услышат глас Сына Божия и услышавше оживут. 043 JOH 005 026 Якоже бо Отец имать живот в Себе, тако даде и Сынови живот имети в Себе 043 JOH 005 027 и область даде Ему и суд творити, яко Сын Человечь есть. 043 JOH 005 028 Не дивитеся сему: яко грядет час, в оньже вси сущии во гробех услышат глас Сына Божия, 043 JOH 005 029 и изыдут сотворшии благая в воскрешение живота, а сотворшии злая в воскрешение суда. 043 JOH 005 030 Не могу Аз о Себе творити ничесоже. Якоже слышу, сужду, и суд Мой праведен есть, яко не ищу воли Моея, но воли пославшаго Мя Отца. 043 JOH 005 031 Аще Аз свидетелствую о Мне, свидетельство Мое несть истинно: 043 JOH 005 032 ин есть свидетелствуяй о Мне, и вем, яко истинно есть свидетелство, еже свидетелствует о Мне: 043 JOH 005 033 вы посласте ко Иоанну, и свидетелствова о истине. 043 JOH 005 034 Аз же не от человека свидетелства приемлю, но сия глаголю, да вы спасени будете. 043 JOH 005 035 Он бе светилник горя и светя: вы же восхотесте возрадоватися в час светения его. 043 JOH 005 036 Аз же имам свидетелство более Иоаннова: дела бо, яже даде Мне Отец, да совершу я, та дела, яже Аз творю, свидетелствуют о Мне, яко Отец Мя посла. 043 JOH 005 037 И пославый Мя Отец Сам свидетелствова о Мне. Ни гласа Его нигдеже слышасте, ни видения Его видесте, 043 JOH 005 038 и словесе Его не имате пребывающа в вас, зане, Егоже Той посла, Сему вы веры не емлете. 043 JOH 005 039 Испытайте Писаний, яко вы мните в них имети живот вечный: и та суть свидетелствующая о Мне. 043 JOH 005 040 И не хощете приити ко Мне, да живот имате. 043 JOH 005 041 Славы от человек не приемлю, 043 JOH 005 042 но разумех вы, яко любве Божия не имате в себе. 043 JOH 005 043 Аз приидох во имя Отца Моего, и не приемлете Мене: аще ин приидет во имя свое, того приемлете. 043 JOH 005 044 Како вы можете веровати, славу друг от друга приемлюще, и славы, яже от Единаго Бога, не ищете? 043 JOH 005 045 Не мните, яко Аз на вы реку ко Отцу: есть, иже на вы глаголет, Моисей, наньже вы уповаете. 043 JOH 005 046 Аще бо бысте веровали Моисеови, веровали бысте (убо и) Мне: о Мне бо той писа. 043 JOH 005 047 Аще ли того писанием не веруете, како Моим глаголголом веру имете? 043 JOH 006 001 По сих иде Иисус на он пол моря Галилеи Тивериадска: 043 JOH 006 002 и по Нем идяше народ мног, яко видяху знамения Его, яже творяше над недужными. 043 JOH 006 003 Взыде же на гору Иисус и ту седяше со ученики Своими. 043 JOH 006 004 Бе же близ Пасха, праздник Жидовский. 043 JOH 006 005 Возвед убо Иисус очи и видев, яко мног народ грядет к Нему, глагола к Филиппу: чим купим хлебы, да ядят сии? 043 JOH 006 006 Сие же глаголаше искушая его: Сам бо ведяше, что хощет сотворити. 043 JOH 006 007 Отвеща Ему Филипп: двема стома пенязей хлебы не довлеют им, да кийждо их мало что приимет. 043 JOH 006 008 Глагола Ему един от ученик Его, Андрей, брат Симона Петра: 043 JOH 006 009 есть отрочищь зде един, иже имать пять хлеб ячменных и две рыбе: но сии что суть на толико? 043 JOH 006 010 Рече же Иисус: сотворите человеки возлещи. Бе же трава многа на месте. Возлеже убо мужей числом яко пять тысящ. 043 JOH 006 011 Прият же хлебы Иисус и, хвалу воздав, подаде учеником, ученицы же возлежащым: такожде и от рыбу, елико хотяху. 043 JOH 006 012 И яко насытишася, глагола учеником Своим: соберите избытки укрух, да не погибнет ничтоже. 043 JOH 006 013 Собраша же и исполниша дванадесяте кошя укрух от пятих хлеб ячменных, иже избыша ядшым. 043 JOH 006 014 Человецы же видевше знамение, еже сотвори Иисус, глаголаху, яко Сей есть воистинну Пророк Грядый в мир. 043 JOH 006 015 Иисус убо разумев, яко хотят приити, да восхитят Его и сотворят Его царя, отиде паки в гору един. 043 JOH 006 016 Яко позде бысть, снидоша ученицы Его на море, 043 JOH 006 017 и влезоша в корабль, и идяху на он пол моря в Капернаум. И тма абие бысть, и не (у) бе пришел к ним Иисус. 043 JOH 006 018 Море же, ветру велию дыхающу, воздвизашеся. 043 JOH 006 019 Гребше же яко стадий двадесять пять или тридесять, узреша Иисуса ходяща по морю и близ корабля бывша, и убояшася. 043 JOH 006 020 Он же глагола им: Аз есмь, не бойтеся. 043 JOH 006 021 Хотяху убо прияти Его в корабль: и абие корабль бысть на земли, в нюже идяху. 043 JOH 006 022 Во утрий (же) народ, иже стояше об он пол моря, видев, яко корабля иного не бе ту, токмо един той, в оньже внидоша ученицы Его, и яко не вниде со ученики Своими Иисус в корабль, но едини ученицы Его идоша: 043 JOH 006 023 и ини приидоша корабли от Тивериады близ места, идеже ядоша хлебы, хвалу воздавше Господеви: 043 JOH 006 024 егда же видеша народи, яко Иисуса не бысть ту, ни ученик Его, влезоша сами в корабли и приидоша в Капернаум, ищуще Иисуса, 043 JOH 006 025 и обретше Его об он пол моря, реша Ему: Равви, когда зде бысть? 043 JOH 006 026 Отвеща им Иисус и рече: аминь, аминь глаголю вам, ищете Мене, не яко видесте знамение, но яко яли есте хлебы и насытистеся: 043 JOH 006 027 делайте не брашно гиблющее, но брашно пребывающее в живот вечный, еже Сын Человеческий вам даст: Сего бо Отец знамена Бог. 043 JOH 006 028 Реша же к Нему: что сотворим, да делаем дела Божия? 043 JOH 006 029 Отвеща Иисус и рече им: се есть дело Божие, да веруете в Того, Егоже посла Он. 043 JOH 006 030 Реша же Ему: кое убо Ты твориши знамение, да видим и веру имем Тебе? Что делаеши? 043 JOH 006 031 Отцы наши ядоша манну в пустыни, якоже есть писано: хлеб с небесе даде им ясти. 043 JOH 006 032 Рече убо им Иисус: аминь, аминь глаголю вам, не Моисей даде вам хлеб с небесе, но Отец Мой дает вам хлеб истинный с небесе: 043 JOH 006 033 хлеб бо Божии есть сходяй с небесе и даяй живот миру. 043 JOH 006 034 Реша убо к Нему: Господи, всегда даждь нам хлеб сей. 043 JOH 006 035 Рече же им Иисус: Аз есмь хлеб животный: грядый ко Мне не имать взалкатися, и веруяй в Мя не имать вжаждатися никогдаже. 043 JOH 006 036 Но рех вам, яко и видесте Мя, и не веруете. 043 JOH 006 037 Все, еже дает Мне Отец, ко Мне приидет, и грядущаго ко Мне не изжену вон: 043 JOH 006 038 яко снидох с небесе, не да творю волю Мою, но волю пославшаго Мя Отца. 043 JOH 006 039 Се же есть воля пославшаго Мя Отца, да все, еже даде Ми, не погублю от Него, но воскрешу е в последний день. 043 JOH 006 040 Се же есть воля Пославшаго Мя, да всяк видяй Сына и веруяй в Него имать живот вечный, и воскрешу его Аз в последний день. 043 JOH 006 041 Роптаху убо Иудее о Нем, яко рече: Аз есмь хлеб сшедый с небесе. 043 JOH 006 042 И глаголаху: не Сей ли есть Иисус сын Иосифов, Егоже мы знаем отца и Матерь? Како убо глаголет Сей, яко с небесе снидох? 043 JOH 006 043 Отвеща убо Иисус и рече им: не ропщите между собою: 043 JOH 006 044 никтоже может приити ко Мне, аще не Отец пославый Мя привлечет его, и Аз воскрешу его в последний день. 043 JOH 006 045 Есть писано во пророцех: и будут вси научени Богом. Всяк слышавый от Отца и навык, приидет ко Мне. 043 JOH 006 046 Не яко Отца видел есть Кто, токмо сый от Бога, Сей виде Отца. 043 JOH 006 047 Аминь, аминь глаголю вам: веруяй в Мя имать живот вечный. 043 JOH 006 048 Аз есмь хлеб животный: 043 JOH 006 049 отцы ваши ядоша манну в пустыни и умроша: 043 JOH 006 050 сей есть хлеб сходяй с небесе, да, аще кто от него яст, не умрет: 043 JOH 006 051 Аз есмь хлеб животный, иже сшедый с небесе: аще кто снесть от хлеба сего, жив будет во веки: и хлеб, егоже Аз дам, Плоть Моя есть, юже Аз дам за живот мира. 043 JOH 006 052 Пряхуся же между собою Жидове, глаголюще: како может Сей нам дати Плоть (Свою) ясти? 043 JOH 006 053 Рече же им Иисус: аминь, аминь глаголю вам: аще не снесте Плоти Сына Человеческаго, ни пиете Крове Его, живота не имате в себе. 043 JOH 006 054 Ядый Мою Плоть и пияй Мою Кровь имать живот вечный, и Аз воскрешу его в последний день. 043 JOH 006 055 Плоть бо Моя истинно есть брашно, и Кровь Моя истинно есть пиво. 043 JOH 006 056 Ядый Мою Плоть и пияй Мою Кровь во Мне пребывает, и Аз в нем. 043 JOH 006 057 Якоже посла Мя живый Отец, и Аз живу Отца ради: и ядый Мя, и той жив будет Мене ради. 043 JOH 006 058 Сей есть хлеб сшедый с небесе: не якоже ядоша отцы ваши манну и умроша: ядый хлеб сей жив будет во веки. 043 JOH 006 059 Сия рече на сонмищи, учя в Капернауме. 043 JOH 006 060 Мнози убо слышавше от ученик Его, реша: жестоко есть слово сие: (и) кто может Его послушати? 043 JOH 006 061 Ведый же Иисус в Себе, яко ропщут о сем ученицы Его, рече им: сие ли вы блазнит? 043 JOH 006 062 Аще убо узрите Сына Человеческаго восходяща, идеже бе прежде? 043 JOH 006 063 Дух есть, иже оживляет, плоть не пользует ничтоже: глаголголы, яже Аз глаголах вам, дух суть и живот суть: 043 JOH 006 064 но суть от вас нецыи, иже не веруют. Ведяше бо искони Иисус, кии суть неверующии, и кто есть предаяй Его. 043 JOH 006 065 И глаголаше: сего ради рех вам, яко никтоже может приити ко Мне, аще не будет ему дано от Отца Моего. 043 JOH 006 066 От сего мнози от ученик Его идоша вспять и ктому не хождаху с Ним. 043 JOH 006 067 Рече же Иисус обеманадесяте: еда и вы хощете ити? 043 JOH 006 068 Отвеща убо Ему Симон Петр: Господи, к кому идем? Глаголголы живота вечнаго имаши, 043 JOH 006 069 и мы веровахом и познахом, яко Ты еси Христос, Сын Бога живаго. 043 JOH 006 070 Отвеща им Иисус: не Аз ли вас дванадесяте избрах? И един от вас диавол есть. 043 JOH 006 071 Глаголаше же Иуду Симонова Искариота: сей бо хотяше предати Его, един сый от обоюнадесяте. 043 JOH 007 001 И хождаше Иисус по сих в Галилеи: не хотяше бо во Иудеи ходити, яко искаху Его Иудее убити. 043 JOH 007 002 Бе же близ праздник Иудейский, потчение сени. 043 JOH 007 003 Реша убо к Нему братия Его: прейди отсюду, и иди во Иудею, да и ученицы Твои видят дела Твоя, яже твориши: 043 JOH 007 004 никтоже бо в тайне творит что, и ищет сам яве быти: аще сия твориши, яви Себе мирови. 043 JOH 007 005 Ни братия бо Его вероваху в Него. 043 JOH 007 006 Глагола убо им Иисус: время Мое не у прииде: время же ваше всегда готово есть: 043 JOH 007 007 не может мир ненавидети вас, Мене же ненавидит, яко Аз свидетелствую о нем, яко дела Его зла суть: 043 JOH 007 008 вы взыдите в праздник сей, Аз не взыду в праздник сей, яко время Мое не у исполнися. 043 JOH 007 009 Сия рек им, оста в Галилеи. 043 JOH 007 010 Егда же взыдоша братия Его в праздник, тогда и Сам взыде, не яве, но яко тай. 043 JOH 007 011 Жидове же искаху Его в праздник и глаголаху: где есть Он? 043 JOH 007 012 И ропот мног бе о Нем в народех: овии глаголаху, яко благ есть: инии же глаголаху: ни, но льстит народы. 043 JOH 007 013 Никтоже убо яве глаголаше о Нем, страха ради Иудейскаго. 043 JOH 007 014 Абие же в преполовение праздника взыде Иисус во церковь и учаше. 043 JOH 007 015 И дивляхуся Иудее, глаголюще: како Сей книги весть не учився? 043 JOH 007 016 Отвеща (убо) им Иисус и рече: Мое учение несть Мое, но Пославшаго Мя: 043 JOH 007 017 аще кто хощет волю Его творити, разумеет о учении, кое от Бога есть, или Аз от Себе глаголю: 043 JOH 007 018 глаголяй от себе славы своея ищет: а Ищяй славы Пославшаго Его, Сей истинен есть, и несть неправды в Нем. 043 JOH 007 019 Не Моисей ли даде вам закон? И никтоже от вас творит закона. Что Мене ищете убити? 043 JOH 007 020 Отвеща народ и рече: беса ли имаши? Кто Тебе ищет убити? 043 JOH 007 021 Отвеща Иисус и рече им: едино дело сотворих, и вси дивитеся: 043 JOH 007 022 сего ради Моисей даде вам обрезание, не яко от Моисеа есть, но от отец: и в субботу обрезаете человека: 043 JOH 007 023 аще обрезание приемлет человек в субботу, да не разорится закон Моисеов, на Мя ли гневаетеся, яко всего человека здрава сотворих в субботу? 043 JOH 007 024 Не судите на лица, но праведный суд судите. 043 JOH 007 025 Глаголаху убо нецыи от Иерусалимлян: не Сей ли есть, Егоже ищут убити? 043 JOH 007 026 И се, не обинуяся глаголет, и ничесоже Ему не глаголют: еда како разумеша князи, яко Сей есть Христос? 043 JOH 007 027 Но Сего вемы, откуду есть: Христос же егда приидет, никтоже весть, откуду будет. 043 JOH 007 028 Воззва убо в церкви учя Иисус и глаголя: и Мене весте, и весте, откуду есмь: и о Себе не приидох, но есть истинен Пославый Мя, Егоже вы не весте: 043 JOH 007 029 Аз вем Его, яко от Него есмь, и Той Мя посла. 043 JOH 007 030 Искаху убо, да имут Его: и никтоже возложи Нань руки, яко не у бе пришел час Его. 043 JOH 007 031 Мнози же от народа вероваша в Него и глаголаху, яко Христос, егда приидет, еда болша знамения сотворит, яже Сей творит? 043 JOH 007 032 Слышаша фарисее народ ропщущь о Нем сия, и послаша фарисее и архиерее слуги, да имут Его. 043 JOH 007 033 Рече убо Иисус: еще мало время с вами есмь, и иду к Пославшему Мя: 043 JOH 007 034 взыщете Мене и не обрящете: и идеже есмь Аз, вы не можете приити. 043 JOH 007 035 Реша же Иудее к себе: камо Сей хощет ити, яко мы не обрящем Его? Еда в разсеяние Еллинское хощет ити и учити Еллины? 043 JOH 007 036 Что есть сие слово, еже рече: взыщете Мене и не обрящете: и идеже есмь Аз, вы не можете приити? 043 JOH 007 037 В последний же день великий праздника стояше Иисус и зваше, глаголя: аще кто жаждет, да приидет ко Мне и пиет: 043 JOH 007 038 веруяй в Мя, якоже рече Писание, реки от чрева его истекут воды живы. 043 JOH 007 039 Сие же рече о Дусе, Егоже хотяху приимати верующии во имя Его: не у бо бе Дух Святый, яко Иисус не у бе прославлен. 043 JOH 007 040 Мнози же от народа слышавше слово, глаголаху: Сей есть воистинну пророк. 043 JOH 007 041 Друзии глаголаху: Сей есть Христос. Овии же глаголаху: еда от Галилеи Христос приходит? 043 JOH 007 042 Не Писание ли рече, яко от семене Давидова и от Вифлеемския веси, идеже бе Давид, Христос приидет? 043 JOH 007 043 Распря убо бысть в народе Его ради. 043 JOH 007 044 Нецыи же от них хотяху яти Его: но никтоже возложи Нань руце. 043 JOH 007 045 Приидоша же слуги ко архиереом и фарисеом: и реша им тии: почто не приведосте Его? 043 JOH 007 046 Отвещаша слуги: николиже тако есть глаголал человек, яко Сей Человек. 043 JOH 007 047 Отвещаша убо им фарисее: еда и вы прельщени бысте? 043 JOH 007 048 Еда кто от князь верова в Онь, или от фарисей? 043 JOH 007 049 Но народ сей, иже не весть закона, прокляти суть. 043 JOH 007 050 Глагола Никодим к ним, иже пришедый к Нему нощию, един сый от них: 043 JOH 007 051 еда закон наш судит человеку, аще не слышит от него прежде и разумеет, что творит? 043 JOH 007 052 Отвещаша и рекоша ему: еда и ты от Галилеи еси? Испытай и виждь, яко пророк от Галилеи не приходит. 043 JOH 007 053 И иде кийждо в дом свой. 043 JOH 008 001 Иисус же иде в гору Елеонску: 043 JOH 008 002 заутра же паки прииде в церковь, и вси людие идяху к Нему: и сед учаше их. 043 JOH 008 003 Приведоша же книжницы и фарисее к Нему жену в прелюбодеянии яту, и поставивше ю посреде, 043 JOH 008 004 глаголаша Ему: Учителю, сия жена ята есть ныне в прелюбодеянии: 043 JOH 008 005 в законе же нам Моисей повеле таковыя камением побивати: Ты же что глаголеши? 043 JOH 008 006 Сие же реша искушающе Его, да быша имели что глаголати Нань. Иисус же долу преклонься, перстом писаше на земли, не слагая (им). 043 JOH 008 007 Якоже прилежаху вопрошающе Его, восклонься рече к ним: иже есть без греха в вас, прежде верзи камень на ню. 043 JOH 008 008 И паки долу преклонься, писаше на земли. 043 JOH 008 009 Они же слышавше и совестию обличаеми, исхождаху един по единому, наченше от старец до последних: и оста един Иисус, и жена посреде сущи. 043 JOH 008 010 Восклонься же Иисус и ни единаго видев, точию жену, рече ей: жено, где суть, иже важдаху на тя? Ни кийже ли тебе осуди? 043 JOH 008 011 Она же рече: никтоже, Господи. Рече же ей Иисус: ни Аз тебе осуждаю: иди и (отселе) ктому не согрешай. 043 JOH 008 012 Паки же им Иисус рече глаголя: Аз есмь свет миру: ходяй по Мне не имать ходити во тме, но имать свет животный. 043 JOH 008 013 Реша убо Ему фарисее: Ты о Себе Сам свидетелствуеши: свидетелство Твое несть истинно. 043 JOH 008 014 Отвеща Иисус и рече им: аще Аз свидетелствую о Себе, истинно есть свидетелство Мое, яко вем, откуду приидох и камо иду: вы же не весте, откуду прихожду и камо гряду: 043 JOH 008 015 вы по плоти судите, Аз не сужду ни комуже: 043 JOH 008 016 и аще сужду Аз, суд Мой истинен есть, яко един несмь, но Аз и пославый Мя Отец: 043 JOH 008 017 и в законе же вашем писано есть, яко двою человеку свидетелство истинно есть: 043 JOH 008 018 Аз есмь свидетелствуяй о Мне Самем, и свидетелствует о Мне пославый Мя Отец. 043 JOH 008 019 Глаголаху же Ему: где есть Отец Твой? Отвеща Иисус: ни Мене весте, ни Отца Моего: аще Мя бысте ведали, и Отца Моего ведали бысте. 043 JOH 008 020 Сия глаголголы глагола Иисус в газофилакии, учя в церкви: и никтоже ят Его, яко не у бе пришел час Его. 043 JOH 008 021 Рече же им паки Иисус: Аз иду, и взыщете Мене, и во гресе вашем умрете: аможе Аз иду, вы не можете приити. 043 JOH 008 022 Глаголаху убо Иудее: еда Ся Сам убиет, яко глаголет: аможе Аз иду, вы не можете приити? 043 JOH 008 023 И рече им: вы от нижних есте, Аз от вышних есмь: вы от мира сего есте, Аз несмь от мира сего: 043 JOH 008 024 рех убо вам, яко умрете во гресех ваших: аще бо не имете веры, яко Аз есмь, умрете во гресех ваших. 043 JOH 008 025 Глаголаху убо Ему: Ты кто еси? И рече им Иисус: Начаток, яко и глаголю вам: 043 JOH 008 026 многа имам о вас глаголати и судити: но Пославый Мя истинен есть, и Аз, яже слышах от Него, сия глаголю в мире. 043 JOH 008 027 Не разумеша (убо), яко Отца им глаголаше. 043 JOH 008 028 Рече же им Иисус: егда вознесете Сына Человеческаго, тогда уразумеете, яко Аз есмь, и о Себе ничесоже творю, но, якоже научи Мя Отец Мой, сия глаголю: 043 JOH 008 029 и пославый Мя со Мною есть: не остави Мене единаго Отец, яко Аз угодная Ему всегда творю. 043 JOH 008 030 Сия Ему глаголющу, мнози вероваша в Него. 043 JOH 008 031 Глаголаше убо Иисус к веровавшым Ему Иудеом: аще вы пребудете во словеси Моем, воистинну ученицы Мои будете 043 JOH 008 032 и уразумеете истину, и истина свободит вы. 043 JOH 008 033 Отвещаша (и реша) Ему: семя Авраамле есмы и ни комуже работахом николиже: како Ты глаголеши, яко свободни будете? 043 JOH 008 034 Отвеща им Иисус: аминь, аминь глаголю вам, яко всяк творяй грех раб есть греха: 043 JOH 008 035 раб же не пребывает в дому во век: сын пребывает во век: 043 JOH 008 036 аще убо Сын вы свободит, воистинну свободни будете: 043 JOH 008 037 вем, яко семя Авраамле есте: но ищете Мене убити, яко слово Мое не вмещается в вы: 043 JOH 008 038 Аз, еже видех у Отца Моего, глаголю: и вы убо, еже видесте у отца вашего, творите. 043 JOH 008 039 Отвещаша и реша Ему: отец наш Авраам есть. Глагола им Иисус: аще чада Авраамля бысте были, дела Авраамля бысте творили: 043 JOH 008 040 ныне же ищете Мене убити, Человека, иже истину вам глаголах, юже слышах от Бога: сего Авраам несть сотворил: 043 JOH 008 041 вы творите дела отца вашего. Реша же Ему: мы от любодеяния несмы рождени: единаго Отца имамы, Бога. 043 JOH 008 042 Рече же им Иисус: аще Бог Отец ваш (бы) был, любили бысте (убо) Мене: Аз бо от Бога изыдох и приидох: не о Себе бо приидох, но Той Мя посла: 043 JOH 008 043 почто беседы Моея не разумеете? Яко не можете слышати словесе Моего: 043 JOH 008 044 вы отца (вашего) диавола есте, и похоти отца вашего хощете творити: он человекоубийца бе искони и во истине не стоит, яко несть истины в нем: егда глаголет лжу, от своих глаголет, яко ложь есть и отец лжи: 043 JOH 008 045 Аз же зане истину глаголю, не веруете Мне: 043 JOH 008 046 кто от вас обличает Мя о гресе? Аще ли истину глаголю, почто вы не веруете Мне? 043 JOH 008 047 Иже есть от Бога, глаголголов Божиих послушает: сего ради вы не послушаете, яко от Бога несте. 043 JOH 008 048 Отвещаша убо Иудее и реша Ему: не добре ли мы глаголем, яко Самарянин еси Ты и беса имаши? 043 JOH 008 049 Отвеща Иисус: Аз беса не имам, но чту Отца Моего, и вы не чтете Мене: 043 JOH 008 050 Аз же не ищу славы Моея: есть Ищя и Судя: 043 JOH 008 051 аминь, аминь глаголю вам: аще кто слово Мое соблюдет, смерти не имать видети во веки. 043 JOH 008 052 Реша убо Ему Жидове: ныне разумехом, яко беса имаши: Авраам умре и пророцы, и Ты глаголеши: аще кто слово Мое соблюдет, смерти не имать вкусити во веки: 043 JOH 008 053 еда Ты болий еси отца нашего Авраама, иже умре? И пророцы умроша: кого Себе Сам Ты твориши? 043 JOH 008 054 Отвеща Иисус: аще Аз славлюся Сам, слава Моя ничесоже есть: есть Отец Мой славяй Мя, Егоже вы глаголете, яко Бог ваш есть: 043 JOH 008 055 и не познасте Его, Аз же вем Его: и аще реку, яко не вем Его, буду подобен вам ложь: но вем Его и слово Его соблюдаю: 043 JOH 008 056 Авраам отец ваш рад бы был, дабы видел день Мой: и виде и возрадовася. 043 JOH 008 057 Реша убо Иудее к Нему: пятидесят лет не у имаши, и Авраама ли еси видел? 043 JOH 008 058 Рече (же) им Иисус: аминь, аминь глаголю вам: прежде даже Авраам не бысть, Аз есмь. 043 JOH 008 059 Взяша убо камение, да вергут Нань: Иисус же скрыся и изыде из церкве, прошед посреде их: и мимохождаше тако. 043 JOH 009 001 И мимоидый виде человека слепа от рождества. 043 JOH 009 002 И вопросиша Его ученицы Его, глаголюще: Равви, кто согреши, сей ли, или родителя его, яко слеп родися? 043 JOH 009 003 Отвеща Иисус: ни сей согреши, ни родителя его, но да явятся дела Божия на нем: 043 JOH 009 004 мне подобает делати дела Пославшаго Мя, дондеже день есть: приидет нощь, егда никтоже может делати: 043 JOH 009 005 егда в мире есмь, свет есмь миру. 043 JOH 009 006 Сия рек, плюну на землю, и сотвори брение от плюновения, и помаза очи брением слепому, 043 JOH 009 007 и рече ему: иди, умыйся в купели Силоамсте, еже сказается послан. Иде убо и умыся, и прииде видя. 043 JOH 009 008 Соседи же и иже бяху видели его прежде, яко слеп бе, глаголаху: не сей ли есть седяй и просяй? 043 JOH 009 009 Овии глаголаху, яко сей есть: инии же (глаголаху), яко подобен ему есть. Он (же) глаголаше, яко аз есмь. 043 JOH 009 010 Глаголаху же ему: како ти отверзостеся очи? 043 JOH 009 011 Отвеща он и рече: Человек нарицаемый Иисус брение сотвори и помаза очи мои и рече ми: иди в купель Силоамлю и умыйся. Шед же и умывся, прозрех. 043 JOH 009 012 Реша убо ему: кто Той есть? Глагола: не вем. 043 JOH 009 013 Ведоша (же) его к фарисеом, иже бе иногда слеп. 043 JOH 009 014 Бе же суббота, егда сотвори брение Иисус и отверзе ему очи. 043 JOH 009 015 Паки же вопрошаху его и фарисее, како прозре. Он же рече им: брение положи мне на очи, и умыхся, и вижу. 043 JOH 009 016 Глаголаху убо от фарисей нецыи: несть Сей от Бога Человек, яко субботу не хранит. Овии глаголаху: како может человек грешен сицева знамения творити? И распря бе в них. 043 JOH 009 017 Глаголаху (убо) слепцу паки: ты что глаголеши о Нем, яко отверзе очи твои? Он же рече, яко пророк есть. 043 JOH 009 018 Не яша убо веры Иудее о нем, яко слеп бе и прозре, дондеже возгласиша родителя того прозревшаго 043 JOH 009 019 и вопросиша я, глаголюще: сей ли есть сын ваю, егоже вы глаголете, яко слеп родися? Како убо ныне видит? 043 JOH 009 020 Отвещаста (же) им родителя его и реста: вемы, яко сей есть сын наю и яко слеп родися: 043 JOH 009 021 како же ныне видит, не вемы, или кто отверзе ему очи, мы не вемы: сам возраст имать, самого вопросите, сам о себе да глаголет. 043 JOH 009 022 Сия рекоста родителя его, яко боястася Жидов: уже бо бяху сложилися Жидове, да, аще кто Его исповесть Христа, отлучен от сонмища будет: 043 JOH 009 023 сего ради родителя его рекоста, яко возраст имать, самого вопросите. 043 JOH 009 024 Возгласиша же вторицею человека, иже бе слеп, и реша ему: даждь славу Богу: мы вемы, яко Человек Сей грешен есть. 043 JOH 009 025 Отвеща убо он и рече: аще грешен есть, не вем: едино вем, яко слеп бех, ныне же вижу. 043 JOH 009 026 Реша же ему паки: что сотвори тебе? Како отверзе очи твои? 043 JOH 009 027 Отвеща им: рекох вам уже, и не слышасте: что паки хощете слышати? Еда и вы ученицы Его хощете быти? 043 JOH 009 028 Они же укориша его и реша (ему): ты ученик еси Того: мы же Моисеовы есмы ученицы: 043 JOH 009 029 мы вемы, яко Моисеови глагола Бог, Сего же не вемы, откуду есть. 043 JOH 009 030 Отвеща человек и рече им: о сем бо дивно есть, яко вы не весте, откуду есть, и отверзе очи мои: 043 JOH 009 031 вемы же, яко грешники Бог не послушает, но аще кто Богочтец есть и волю Его творит, того послушает: 043 JOH 009 032 от века несть слышано, яко кто отверзе очи слепу рождену: 043 JOH 009 033 аще не бы был Сей от Бога, не могл бы творити ничесоже. 043 JOH 009 034 Отвещаша и реша ему: во гресех ты родился еси весь, и ты ли ны учиши? И изгнаша его вон. 043 JOH 009 035 Услыша Иисус, яко изгнаша его вон, и обрет его, рече ему: ты веруеши ли в Сына Божия? 043 JOH 009 036 Отвеща он и рече: и кто есть, Господи, да верую в Него? 043 JOH 009 037 Рече же ему Иисус: и видел еси Его, и Глаголяй с тобою Той есть. 043 JOH 009 038 Он же рече: верую, Господи. И поклонися Ему. 043 JOH 009 039 И рече Иисус: на суд Аз в мир сей приидох, да невидящии видят, и видящии слепи будут. 043 JOH 009 040 И слышаша от фарисей сия сущии с Ним и реша Ему: еда и мы слепи есмы? 043 JOH 009 041 Рече им Иисус: аще бысте слепи были, не бысте имели греха: ныне же глаголете, яко видим, грех убо ваш пребывает. 043 JOH 010 001 Аминь, аминь глаголю вам: не входяй дверьми во двор овчий, но прелазя инуде, той тать есть и разбойник: 043 JOH 010 002 а входяй дверьми пастырь есть овцам: 043 JOH 010 003 сему дверник отверзает, и овцы глас его слышат, и своя овцы глашает по имени, и изгонит их: 043 JOH 010 004 и егда своя овцы ижденет, пред ними ходит: и овцы по нем идут, яко ведят глас его: 043 JOH 010 005 по чуждем же не идут, но бежат от него, яко не знают чуждаго гласа. 043 JOH 010 006 Сию притчу рече им Иисус: они же не разумеша, что бяше, яже глаголаше им. 043 JOH 010 007 Рече же паки им Иисус: аминь, аминь глаголю вам, яко Аз есмь дверь овцам. 043 JOH 010 008 Вси, елико (их) прииде прежде Мене, татие суть и разбойницы: но не послушаша их овцы. 043 JOH 010 009 Аз есмь дверь: Мною аще кто внидет, спасется, и внидет и изыдет, и пажить обрящет. 043 JOH 010 010 Тать не приходит, разве да украдет и убиет и погубит: аз приидох, да живот имут и лишше имут. 043 JOH 010 011 Аз есмь пастырь добрый: пастырь добрый душу свою полагает за овцы: 043 JOH 010 012 а наемник, иже несть пастырь, емуже не суть овцы своя, видит волка грядуща и оставляет овцы и бегает, и волк расхитит их и распудит овцы: 043 JOH 010 013 а наемник бежит, яко наемник есть и нерадит о овцах. 043 JOH 010 014 Аз есмь пастырь добрый: и знаю Моя, и знают Мя Моя: 043 JOH 010 015 якоже знает Мя Отец, и Аз знаю Отца: и душу Мою полагаю за овцы. 043 JOH 010 016 И ины овцы имам, яже не суть от двора сего, и тыя Ми подобает привести: и глас Мой услышат, и будет едино стадо (и) един Пастырь. 043 JOH 010 017 Сего ради Мя Отец любит, яко Аз душу Мою полагаю, да паки прииму ю: 043 JOH 010 018 никтоже возмет ю от Мене, но Аз полагаю ю о Себе: область имам положити ю и область имам паки прияти ю: сию заповедь приях от Отца Моего. 043 JOH 010 019 Распря же паки бысть во Иудеех за словеса сия. 043 JOH 010 020 Глаголаху же мнози от них: беса имать и неистов есть: что Его послушаете? 043 JOH 010 021 Инии глаголаху: сии глаголголи не суть беснующагося: еда может бес слепым очи отверсти? 043 JOH 010 022 Быша же (тогда) обновления во Иерусалимех, и зима бе. 043 JOH 010 023 И хождаше Иисус в церкви, в притворе Соломони. 043 JOH 010 024 Обыдоша же Его Иудее и глаголаху Ему: доколе душы нашя вземлеши? Аще Ты еси Христос, рцы нам не обинуяся. 043 JOH 010 025 Отвеща им Иисус: рех вам, и не веруете: дела, яже Аз творю о имени Отца Моего, та свидетелствуют о Мне: 043 JOH 010 026 но вы не веруете, несте бо от овец Моих, якоже рех вам: 043 JOH 010 027 овцы Моя гласа Моего слушают, и Аз знаю их, и по Мне грядут: 043 JOH 010 028 и Аз живот вечный дам им, и не погибнут во веки, и не восхитит их никтоже от руки Моея: 043 JOH 010 029 Отец Мой, Иже даде Мне, болий всех есть, и никтоже может восхитити их от руки Отца Моего: 043 JOH 010 030 Аз и Отец едино есма. 043 JOH 010 031 Взяша же камение паки Иудее, да побиют Его. 043 JOH 010 032 Отвеща им Иисус: многа добра дела явих вам от Отца Моего: за кое их дело камение мещете на Мя? 043 JOH 010 033 Отвещаша Ему Иудее, глаголюще: о добре деле камение не мещем на Тя, но о хуле, яко Ты, человек сый, твориши Себе Бога. 043 JOH 010 034 Отвеща им Иисус: несть ли писано в законе вашем: Аз рех: бози есте? 043 JOH 010 035 Аще оных рече богов, к нимже слово Божие бысть, и не может разоритися Писание: 043 JOH 010 036 Егоже Отец святи и посла в мир, вы глаголете, яко хулу глаголеши, зане рех: Сын Божий есмь. 043 JOH 010 037 Аще не творю дела Отца Моего, не имите Ми веры: 043 JOH 010 038 аще ли творю, аще и Мне не веруете, делом (Моим) веруйте: да разумеете и веруете, яко во Мне Отец, и Аз в Нем. 043 JOH 010 039 Искаху убо паки яти Его: и изыде от рук их, 043 JOH 010 040 и иде паки на он пол Иордана, на место, идеже бе Иоанн прежде крестя, и пребысть ту. 043 JOH 010 041 И мнози приидоша к Нему и глаголаху, яко Иоанн убо знамения не сотвори ни единаго: вся же, елика рече Иоанн о Сем, истинна бяху. 043 JOH 010 042 И мнози вероваша в Него ту. 043 JOH 011 001 Бе же некто боля Лазарь от Вифании, от веси Мариины и Марфы сестры ея. 043 JOH 011 002 Бе же Мариа помазавшая Господа миром и отершая нозе Его власы своими, еяже брат Лазарь боляше. 043 JOH 011 003 Посласте убо сестре к Нему, глаголюще: Господи, се, егоже любиши, болит. 043 JOH 011 004 Слышав же Иисус рече: сия болезнь несть к смерти, но о славе Божии, да прославится Сын Божий ея ради. 043 JOH 011 005 Любляше же Иисус Марфу и сестру ея и Лазаря. 043 JOH 011 006 Егда же услыша, яко болит, тогда пребысть на немже бе месте два дни. 043 JOH 011 007 Потом же глагола учеником: идем во Иудею паки. 043 JOH 011 008 Глаголаша Ему ученицы: Равви, ныне искаху Тебе камением побити Иудее, и паки ли идеши тамо? 043 JOH 011 009 Отвеща Иисус: не два ли надесяте часа еста во дни? Аще кто ходит во дни, не поткнется, яко свет мира сего видит: 043 JOH 011 010 аще же кто ходит в нощи, поткнется, яко несть света в нем. 043 JOH 011 011 Сия рече и посем глагола им: Лазарь друг наш успе: но иду, да возбужу его. 043 JOH 011 012 Реша убо ученицы Его: Господи, аще успе, спасен будет. 043 JOH 011 013 Рече же Иисус о смерти его: они же мнеша, яко о успении сна глаголет. 043 JOH 011 014 Тогда рече им Иисус не обинуяся: Лазарь умре: 043 JOH 011 015 и радуюся вас ради, да веруете, яко не бех тамо: но идем к нему. 043 JOH 011 016 Рече же Фома, глаголемый Близнец, учеником: идем и мы, да умрем с ним. 043 JOH 011 017 Пришед же Иисус, обрете его четыри дни уже имуща во гробе. 043 JOH 011 018 Бе же Вифаниа близ Иерусалима, яко стадий пятьнадесять, 043 JOH 011 019 и мнози от Иудей бяху пришли к Марфе и Марии, да утешат их о брате ею. 043 JOH 011 020 Марфа убо егда услыша, яко Иисус грядет, срете Его: Мариа же дома седяше. 043 JOH 011 021 Рече же Марфа ко Иисусу: Господи, аще бы еси зде был, не бы брат мой умерл: 043 JOH 011 022 но и ныне вем, яко елика аще просиши от Бога, даст Тебе Бог. 043 JOH 011 023 Глагола ей Иисус: воскреснет брат твой. 043 JOH 011 024 Глагола Ему Марфа: вем, яко воскреснет в воскрешение, в последний день. 043 JOH 011 025 Рече (же) ей Иисус: Аз есмь воскрешение и живот: веруяй в Мя, аще и умрет, оживет: 043 JOH 011 026 и всяк живый и веруяй в Мя не умрет во веки. Емлеши ли веру сему? 043 JOH 011 027 Глагола Ему: ей, Господи: аз веровах, яко Ты еси Христос Сын Божий, иже в мир грядый. 043 JOH 011 028 И сия рекши, иде и пригласи Марию сестру свою тай, рекши: Учитель пришел есть и глашает тя. 043 JOH 011 029 Она (же) яко услыша, воста скоро и иде к Нему. 043 JOH 011 030 Не уже бо бе пришел Иисус в весь, но бе на месте, идеже срете Его Марфа. 043 JOH 011 031 Иудее (же) убо сущии с нею в дому и утешающе ю, видевше Марию, яко скоро воста и изыде, по ней идоша, глаголюще, яко идет на гроб, да плачет тамо. 043 JOH 011 032 Мариа же яко прииде, идеже бе Иисус, видевши Его, паде Ему на ногу, глаголющи Ему: Господи, аще бы еси был зде, не бы умерл мой брат. 043 JOH 011 033 Иисус убо, яко виде ю плачущуся и пришедшыя с нею Иудеи плачущя, запрети духу и возмутися Сам 043 JOH 011 034 и рече: где положисте его? Глаголаша Ему: Господи, прииди и виждь. 043 JOH 011 035 Прослезися Иисус. 043 JOH 011 036 Глаголаху убо Жидове: виждь, како любляше его. 043 JOH 011 037 Нецыи же от них реша: не можаше ли Сей, отверзый очи слепому, сотворити, да и сей не умрет? 043 JOH 011 038 Иисус же паки претя в себе, прииде ко гробу. Бе же пещера, и камень лежаше на ней. 043 JOH 011 039 Глагола Иисус: возмите камень. Глагола Ему сестра умершаго Марфа: Господи, уже смердит: четверодневен бо есть. 043 JOH 011 040 Глагола ей Иисус: не рех ли ти, яко аще веруеши, узриши славу Божию? 043 JOH 011 041 Взяша убо камень, идеже бе умерый лежя. Иисус же возведе очи горе и рече: Отче, хвалу Тебе воздаю, яко услышал еси Мя: 043 JOH 011 042 Аз же ведех, яко всегда Мя послушаеши: но народа ради стоящаго окрест рех, да веру имут, яко Ты Мя послал еси. 043 JOH 011 043 И сия рек, гласом великим воззва: Лазаре, гряди вон. 043 JOH 011 044 И изыде умерый, обязан рукама и ногама укроем, и лице его убрусом обязано. Глагола им Иисус: разрешите его и оставите ити. 043 JOH 011 045 Мнози убо от Иудей пришедшии к Марии и видевше, яже сотвори Иисус, вероваша в Него: 043 JOH 011 046 нецыи же от них идоша к фарисеом и рекоша им, яже сотвори Иисус. 043 JOH 011 047 Собраша убо архиерее и фарисее сонм и глаголаху: что сотворим? Яко Человек Сей многа знамения творит: 043 JOH 011 048 аще оставим Его тако, вси уверуют в Него: и приидут Римляне и возмут место и язык наш. 043 JOH 011 049 Един же некто от них Каиафа, архиерей сый лету тому, рече им: вы не весте ничесоже, 043 JOH 011 050 ни помышляете, яко уне есть нам, да един человек умрет за люди, а не весь язык погибнет. 043 JOH 011 051 Сего же о себе не рече, но архиерей сый лету тому, прорече, яко хотяше Иисус умрети за люди, 043 JOH 011 052 и не токмо за люди, но да и чада Божия расточеная соберет во едино. 043 JOH 011 053 От того убо дне совещаша, да убиют Его. 043 JOH 011 054 Иисус же ктому не яве хождаше во Иудеех, но иде оттуду во страну близ пустыни, во Ефрем нарицаемый град, и ту хождаше со ученики Своими. 043 JOH 011 055 Бе же близ Пасха Иудейска, и взыдоша мнози во Иерусалим от стран прежде Пасхи, да очистятся. 043 JOH 011 056 Искаху убо Иисуса и глаголаху к себе, в церкви стояще: что мнится вам, яко не имать ли приити в праздник? 043 JOH 011 057 Даша же архиерее и фарисее заповедь, да аще кто ощутит (Его), где будет, повесть, яко да имут Его. 043 JOH 012 001 Иисус же прежде шести дний Пасхи прииде в Вифанию, идеже бе Лазарь умерый, егоже воскреси от мертвых. 043 JOH 012 002 Сотвориша же Ему вечерю ту, и Марфа служаше: Лазарь же един бе от возлежащих с Ним. 043 JOH 012 003 Мариа же приемши литру мира нарда пистика многоценна, помаза нозе Иисусове, и отре власы своими нозе Его: храмина же исполнися от вони масти (благовонныя). 043 JOH 012 004 Глагола же един от ученик Его, Иуда Симонов Искариотский, иже хотяше Его предати: 043 JOH 012 005 чесо ради миро сие не продано бысть на триех стех пенязь и дано нищым? 043 JOH 012 006 Сие же рече, не яко о нищих печашеся, но яко тать бе, и ковчежец имеяше, и вметаемая ношаше. 043 JOH 012 007 Рече же Иисус: не дейте ея, да в день погребения Моего соблюдет е: 043 JOH 012 008 нищыя бо всегда имате с собою, Мене же не всегда имате. 043 JOH 012 009 Разуме же народ мног от Иудей, яко ту есть: и приидоша не Иисуса ради токмо, но да и Лазаря видят, егоже воскреси от мертвых. 043 JOH 012 010 Совещаша же архиерее, да и Лазаря убиют, 043 JOH 012 011 яко мнози его ради идяху от Иудей и вероваху во Иисуса. 043 JOH 012 012 Во утрий (же) день народ мног пришедый в праздник, слышавше, яко Иисус грядет во Иерусалим, 043 JOH 012 013 прияша ваиа от финик и изыдоша в сретение Ему, и зваху (глаголюще): осанна, благословен грядый во имя Господне, Царь Израилев. 043 JOH 012 014 Обрет же Иисус осля, вседе на не, якоже есть писано: 043 JOH 012 015 не бойся, дщи Сионя: се, Царь твой грядет, седя на жребяти осли. 043 JOH 012 016 Сих же не разумеша ученицы Его прежде: но егда прославися Иисус, тогда помянуша, яко сия быша о Нем писана, и сия сотвориша Ему. 043 JOH 012 017 Свидетелствоваше убо народ, иже бе (прежде) с Ним, егда Лазаря возгласи от гроба и воскреси его от мертвых: 043 JOH 012 018 сего ради и срете Его народ, яко слышаша Его сие сотворша знамение. 043 JOH 012 019 Фарисее убо реша к себе: видите, яко ни каяже польза есть? Се, мир по Нем идет. 043 JOH 012 020 Бяху же нецыи Еллини от пришедших, да поклонятся в праздник: 043 JOH 012 021 сии убо приступиша к Филиппу, иже бе от Вифсаиды Галилейския, и моляху его, глаголюще: господи, хощем Иисуса видети. 043 JOH 012 022 Прииде Филипп и глагола Андреови: и паки Андрей и Филипп глаголаста Иисусови. 043 JOH 012 023 Иисус же отвеща има, глаголя: прииде час, да прославится Сын Человеческий: 043 JOH 012 024 аминь, аминь глаголю вам: аще зерно пшенично пад на земли не умрет, то едино пребывает: аще же умрет, мног плод сотворит: 043 JOH 012 025 любяй душу свою погубит ю, и ненавидяй души своея в мире сем в живот вечный сохранит ю: 043 JOH 012 026 аще кто Мне служит, Мне да последствует, и идеже есмь Аз, ту и слуга Мой будет: и аще кто Мне служит, почтит его Отец (Мой): 043 JOH 012 027 ныне душа Моя возмутися: и что реку? Отче, спаси Мя от часа сего: но сего ради приидох на час сей: 043 JOH 012 028 Отче, прослави имя Твое. Прииде же глас с небесе: и прославих, и паки прославлю. 043 JOH 012 029 Народ же стояй и слышав, глаголаху: гром бысть. Инии глаголаху: Ангел глагола Ему. 043 JOH 012 030 Отвеща Иисус и рече: не Мене ради глас сей бысть, но народа ради: 043 JOH 012 031 ныне суд есть миру сему: ныне князь мира сего изгнан будет вон: 043 JOH 012 032 и аще Аз вознесен буду от земли, вся привлеку к Себе. 043 JOH 012 033 Сие же глаголаше, назнаменуя, коею смертию хотяше умрети. 043 JOH 012 034 Отвеща Ему народ: мы слышахом от закона, яко Христос пребывает во веки: како Ты глаголеши: вознестися подобает Сыну Человеческому? Кто есть Сей Сын Человеческий? 043 JOH 012 035 Рече же им Иисус: еще мало время свет в вас есть: ходите, дондеже свет имате, да тма вас не имет: и ходяй во тме не весть, камо идет: 043 JOH 012 036 дондеже свет имате, веруйте во свет, да сынове света будете. Сия глагола Иисус, и отшед скрыся от них. 043 JOH 012 037 Толика знамения сотворшу Ему пред ними, не вероваху в Него, 043 JOH 012 038 да сбудется слово Исаии пророка, еже рече: Господи, кто верова слуху нашему, и мышца Господня кому открыся? 043 JOH 012 039 Сего ради не можаху веровати, яко паки рече Исаиа: 043 JOH 012 040 ослепи очи их и окаменил есть сердца их, да не видят очима, ни разумеют сердцем, и обратятся, и исцелю их. 043 JOH 012 041 Сия рече Исаиа, егда виде славу Его и глагола о Нем. 043 JOH 012 042 Обаче убо и от князь мнози вероваша в Него, но фарисей ради не исповедоваху, да не из сонмищ изгнани будут: 043 JOH 012 043 возлюбиша бо паче славу человеческую, неже славу Божию. 043 JOH 012 044 Иисус же воззва и рече: веруяй в Мя не верует в Мя, но в Пославшаго Мя: 043 JOH 012 045 и видяй Мя видит Пославшаго Мя: 043 JOH 012 046 Аз свет в мир приидох, да всяк веруяй в Мя во тме не пребудет: 043 JOH 012 047 и аще кто услышит глаголголы Моя и не верует, Аз не сужду ему: не приидох бо, да сужду мирови, но да спасу мир: 043 JOH 012 048 отметаяйся Мене и не приемляй глаголгол Моих имать судящаго ему: слово, еже глаголах, то судит ему в последний день: 043 JOH 012 049 яко Аз от Себе не глаголах, но пославый Мя Отец, Той Мне заповедь даде, что реку и что возглаголю: 043 JOH 012 050 и вем, яко заповедь Его живот вечный есть: яже убо Аз глаголю, якоже рече Мне Отец, тако глаголю. 043 JOH 013 001 Прежде же праздника Пасхи, ведый Иисус, яко прииде Ему час, да прейдет от мира сего ко Отцу, возлюбль Своя сущыя в мире, до конца возлюби их. 043 JOH 013 002 И вечери бывшей, диаволу уже вложившу в сердце Иуде Симонову Искариотскому, да Его предаст, 043 JOH 013 003 ведый Иисус, яко вся даде Ему Отец в руце, и яко от Бога изыде и к Богу грядет: 043 JOH 013 004 воста от вечери и положи ризы, и приемь лентион, препоясася: 043 JOH 013 005 потом влия воду во умывалницу и начат умывати ноги учеником и отирати лентием, имже бе препоясан. 043 JOH 013 006 Прииде же к Симону Петру, и глагола Ему той: Господи, Ты ли мои умыеши нозе? 043 JOH 013 007 Отвеща Иисус и рече ему: еже Аз творю, ты не веси ныне, уразумееши же по сих. 043 JOH 013 008 Глагола Ему Петр: не умыеши ногу моею во веки. Отвеща ему Иисус: аще не умыю тебе, не имаши части со Мною. 043 JOH 013 009 Глагола Ему Симон Петр: Господи, не нозе мои токмо, но и руце и главу. 043 JOH 013 010 Глагола ему Иисус: измовенный не требует, токмо нозе умыти, есть бо весь чист: и вы чисти есте, но не вси. 043 JOH 013 011 Ведяше бо предающаго Его: сего ради рече, яко не вси чисти есте. 043 JOH 013 012 Егда же умы ноги их, прият ризы Своя, возлег паки, рече им: весте ли, что сотворих вам? 043 JOH 013 013 Вы глашаете Мя Учителя и Господа, и добре глаголете: есмь бо. 043 JOH 013 014 Аще убо Аз умых ваши нозе, Господь и Учитель, и вы должни есте друг другу умывати нозе: 043 JOH 013 015 образ бо дах вам, да, якоже Аз сотворих вам, и вы творите. 043 JOH 013 016 Аминь, аминь глаголю вам: несть раб болий господа своего, ни посланник болий пославшаго его. 043 JOH 013 017 Аще сия весте, блажени есте, аще творите я. 043 JOH 013 018 Не о всех вас глаголю: Аз (бо) вем, ихже избрах: но да Писание сбудется: ядый со Мною хлеб воздвиже на Мя пяту свою. 043 JOH 013 019 Отселе глаголю вам, прежде даже не будет, да, егда будет, веру имете, яко Аз есмь. 043 JOH 013 020 Аминь, аминь глаголю вам: приемляй, аще кого послю, Мене приемлет: а приемляй Мене приемлет Пославшаго Мя. 043 JOH 013 021 Сия рек Иисус возмутися духом и свидетелствова и рече: аминь, аминь глаголю вам, яко един от вас предаст Мя. 043 JOH 013 022 Сзирахуся убо между собою ученицы, недоумеющеся, о ком глаголет. 043 JOH 013 023 Бе же един от ученик Его возлежя на лоне Иисусове, егоже любляше Иисус: 043 JOH 013 024 поману же сему Симон Петр вопросити, кто бы был, о немже глаголет. 043 JOH 013 025 Напад же той на перси Иисусовы, глагола Ему: Господи, кто есть? 043 JOH 013 026 Отвеща Иисус: той есть, емуже Аз омочив хлеб подам. И омочь хлеб, даде Иуде Симонову Искариотскому. 043 JOH 013 027 И по хлебе тогда вниде в онь сатана. Глагола убо ему Иисус: еже твориши, сотвори скоро. 043 JOH 013 028 Сего же никтоже разуме от возлежащих, к чесому рече ему. 043 JOH 013 029 Нецыи же мняху, понеже ковчежец имяше Иуда, яко глаголет ему Иисус: купи, еже требуем на праздник: или нищым да нечто даст. 043 JOH 013 030 Приим же он хлеб, абие изыде: бе же нощь. Егда изыде, 043 JOH 013 031 глагола Иисус: ныне прославися Сын Человеческий, и Бог прославися о Нем: 043 JOH 013 032 аще Бог прославися о Нем, и Бог прославит Его в Себе, и абие прославит Его. 043 JOH 013 033 Чадца, еще с вами мало есмь: взыщете Мене, и якоже рех Иудеом, яко аможе Аз иду, вы не можете приити: и вам глаголю ныне. 043 JOH 013 034 Заповедь новую даю вам, да любите друг друга: якоже возлюбих вы, да и вы любите себе: 043 JOH 013 035 о сем разумеют вси, яко Мои ученицы есте, аще любовь имате между собою. 043 JOH 013 036 Глагола Ему Симон Петр: Господи, камо идеши? Отвеща ему Иисус: аможе (Аз) иду, не можеши ныне по Мне ити: последи же по Мне идеши. 043 JOH 013 037 Глагола Ему Петр: Господи, почто не могу ныне по Тебе ити? (ныне) душу мою за Тя положу. 043 JOH 013 038 Отвеща ему Иисус: душу ли твою за Мя положиши? Аминь, аминь глаголю тебе: не возгласит алектор, дондеже отвержешися Мене трищи. 043 JOH 014 001 Да не смущается сердце ваше: веруйте в Бога, и в Мя веруйте: 043 JOH 014 002 в дому Отца Моего обители многи суть: аще ли же ни, рекл бых вам: иду уготовати место вам: 043 JOH 014 003 и аще уготовлю место вам, паки прииду и поиму вы к Себе, да идеже есмь Аз, и вы будете: 043 JOH 014 004 и аможе Аз иду, весте, и путь весте. 043 JOH 014 005 Глагола Ему Фома: Господи, не вемы, камо идеши: и како можем путь ведети? 043 JOH 014 006 Глагола ему Иисус: Аз есмь путь и истина и живот: никтоже приидет ко Отцу, токмо Мною: 043 JOH 014 007 аще Мя бысте знали, и Отца Моего знали бысте (убо): и отселе познасте Его, и видесте Его. 043 JOH 014 008 Глагола Ему Филипп: Господи, покажи нам Отца, и довлеет нам. 043 JOH 014 009 Глагола ему Иисус: толико время с вами есмь, и не познал еси Мене, Филиппе? Видевый Мене виде Отца: и како ты глаголеши: покажи нам Отца? 043 JOH 014 010 Не веруеши ли, яко Аз во Отце, и Отец во Мне есть? Глаголголы, яже Аз глаголю вам, о Себе не глаголю: Отец же во Мне пребываяй, Той творит дела: 043 JOH 014 011 веруйте Мне, яко Аз во Отце, и Отец во Мне: аще ли же ни, за та дела веру имите Ми. 043 JOH 014 012 Аминь, аминь глаголю вам: веруяй в Мя, дела, яже Аз творю, и той сотворит, и болша сих сотворит: яко Аз ко Отцу Моему гряду: 043 JOH 014 013 и еже аще что просите (от Отца) во имя Мое, то сотворю, да прославится Отец в Сыне: 043 JOH 014 014 (и) аще чесо просите во имя Мое, Аз сотворю. 043 JOH 014 015 Аще любите Мя, заповеди Моя соблюдите, 043 JOH 014 016 и Аз умолю Отца, и иного Утешителя даст вам, да будет с вами в век, 043 JOH 014 017 Дух истины, Егоже мир не может прияти, яко не видит Его, ниже знает Его: вы же знаете Его, яко в вас пребывает и в вас будет. 043 JOH 014 018 Не оставлю вас сиры: прииду к вам: 043 JOH 014 019 еще мало, и мир ктому не увидит Мене: вы же увидите Мя, яко Аз живу, и вы живи будете: 043 JOH 014 020 в той день уразумеете вы, яко Аз во Отце Моем, и вы во Мне, и Аз в вас. 043 JOH 014 021 Имеяй заповеди Моя и соблюдаяй их, той есть любяй Мя: а любяй Мя возлюблен будет Отцем Моим, и Аз возлюблю его и явлюся ему Сам. 043 JOH 014 022 Глагола Ему Иуда не Искариотский: Господи, и что бысть, яко нам хощеши явитися, а не мирови? 043 JOH 014 023 Отвеща Иисус и рече ему: аще кто любит Мя, слово Мое соблюдет: и Отец Мой возлюбит его, и к нему приидема и обитель у него сотворима: 043 JOH 014 024 не любяй Мя словес Моих не соблюдает: и слово, еже слышасте, несть Мое, но пославшаго Мя Отца. 043 JOH 014 025 Сия глаголах вам в вас сый: 043 JOH 014 026 Утешитель же, Дух Святый, Егоже послет Отец во имя Мое, той вы научит всему и воспомянет вам вся, яже рех вам. 043 JOH 014 027 Мир оставляю вам, мир Мой даю вам: не якоже мир дает, Аз даю вам. Да не смущается сердце ваше, ни устрашает. 043 JOH 014 028 Слышасте, яко Аз рех вам: иду и прииду к вам. Аще бысте любили Мя, возрадовалися бысте (убо), яко рех: иду ко Отцу: яко Отец Мой болий Мене есть. 043 JOH 014 029 И ныне рех вам, прежде даже не будет, да, егда будет, веру имете. 043 JOH 014 030 Ктому не много глаголю с вами: грядет бо сего мира князь и во Мне не имать ничесоже. 043 JOH 014 031 Но да разумеет мир, яко люблю Отца, и якоже заповеда Мне Отец, тако творю: востаните, идем отсюду. 043 JOH 015 001 Аз есмь лоза истинная, и Отец Мой делатель есть: 043 JOH 015 002 всяку розгу о Мне не творящую плода, измет ю: и всяку творящую плод, отребит ю, да множайший плод принесет. 043 JOH 015 003 Уже вы чисти есте за слово, еже глаголах вам. 043 JOH 015 004 Будите во Мне, и Аз в вас. Якоже розга не может плода сотворити о себе, аще не будет на лозе, тако и вы, аще во Мне не пребудете. 043 JOH 015 005 Аз есмь лоза, вы (же) рождие: (и) иже будет во Мне, и Аз в нем, той сотворит плод мног, яко без Мене не можете творити ничесоже: 043 JOH 015 006 аще кто во Мне не пребудет, извержется вон, якоже розга, и изсышет: и собирают ю и во огнь влагают, и сгарает: 043 JOH 015 007 аще пребудете во Мне и глаголголы Мои в вас пребудут, егоже аще хощете, просите, и будет вам: 043 JOH 015 008 о сем прославися Отец Мой, да плод мног сотворите и будете Мои учениицы. 043 JOH 015 009 Якоже возлюби Мя Отец, и Аз возлюбих вас: будите в любви Моей: 043 JOH 015 010 аще заповеди Моя соблюдете, пребудете в любви Моей, якоже Аз заповеди Отца Моего соблюдох и пребываю в Его любви. 043 JOH 015 011 Сия глаголах вам, да радость Моя в вас будет и радость ваша исполнится. 043 JOH 015 012 Сия есть заповедь Моя, да любите друг друга, якоже возлюбих вы: 043 JOH 015 013 болши сея любве никтоже имать, да кто душу свою положит за други своя. 043 JOH 015 014 Вы друзи Мои есте, аще творите, елика Аз заповедаю вам: 043 JOH 015 015 не ктому вас глаголю рабы, яко раб не весть, что творит господь его: вас же рекох други, яко вся, яже слышах от Отца Моего, сказах вам. 043 JOH 015 016 Не вы Мене избрасте, но Аз избрах вас и положих вас, да вы идете и плод принесете, и плод ваш пребудет, да, егоже аще просите от Отца во имя Мое, даст вам. 043 JOH 015 017 Сия заповедаю вам, да любите друг друга. 043 JOH 015 018 Аще мир вас ненавидит, ведите, яко Мене прежде вас возненавиде: 043 JOH 015 019 аще от мира бысте были, мир убо свое любил бы: якоже от мира несте, но Аз избрах вы от мира, сего ради ненавидит вас мир. 043 JOH 015 020 Поминайте слово, еже Аз рех вам: несть раб болий господа своего: аще Мене изгнаша, и вас изженут: аще слово Мое соблюдоша, и ваше соблюдут: 043 JOH 015 021 но сия вся творят вам за имя Мое, яко не ведят Пославшаго Мя. 043 JOH 015 022 Аще не бых пришел и глаголал им, греха не быша имели: ныне же вины не имут о гресе своем: 043 JOH 015 023 ненавидяй Мене, и Отца Моего ненавидит: 043 JOH 015 024 аще дел не бых сотворил в них, ихже ин никтоже сотвори, греха не быша имели: ныне же и видеша, и возненавидеша Мене и Отца Моего: 043 JOH 015 025 но да сбудется слово, писанное в законе их, яко возненавидеша Мя туне. 043 JOH 015 026 Егда же приидет Утешитель, Егоже Аз послю вам от Отца, Дух истины, Иже от Отца исходит, Той свидетелствует о Мне: 043 JOH 015 027 и вы же свидетелствуете, яко искони со Мною есте. 043 JOH 016 001 Сия глаголах вам, да не соблазнитеся. 043 JOH 016 002 От сонмищ ижденут вы: но приидет час, да всяк, иже убиет вы, возмнится службу приносити Богу: 043 JOH 016 003 и сия сотворят, яко не познаша Отца, ни Мене. 043 JOH 016 004 Но сия глаголах вам, да, егда приидет час, воспомянете сия, яко Аз рех вам: сих же вам исперва не рех, яко с вами бех. 043 JOH 016 005 Ныне же иду к Пославшему Мя, и никтоже от вас вопрошает Мене: камо идеши? 043 JOH 016 006 Но яко сия глаголах вам, скорби исполних сердца ваша. 043 JOH 016 007 Но Аз истину вам глаголю: уне есть вам, да Аз иду: аще бо не иду Аз, Утешитель не приидет к вам: аще (ли) же иду, послю Его к вам, 043 JOH 016 008 и пришед Он обличит мир о гресе и о правде и о суде: 043 JOH 016 009 о гресе убо, яко не веруют в Мя: 043 JOH 016 010 о правде же, яко ко Отцу Моему иду, и ктому не видите Мене: 043 JOH 016 011 о суде же, яко князь мира сего осужден бысть. 043 JOH 016 012 Еще много имам глаголати вам, но не можете носити ныне: 043 JOH 016 013 егда же приидет Он, Дух истины, наставит вы на всяку истину: не от Себе бо глаголати имать, но елика аще услышит, глаголати имать, и грядущая возвестит вам: 043 JOH 016 014 Он Мя прославит, яко от Моего приимет и возвестит вам. 043 JOH 016 015 Вся, елика имать Отец, Моя суть: сего ради рех, яко от Моего приимет и возвестит вам. 043 JOH 016 016 Вмале, и (ктому) не видите Мене: и паки вмале, и узрите Мя, яко иду ко Отцу. 043 JOH 016 017 Реша же от ученик Его к себе: что есть сие, еже глаголет нам: вмале, и не видите Мене: и паки вмале, и узрите Мя: и: яко Аз иду ко Отцу? 043 JOH 016 018 Глаголаху убо: что сие есть, еже глаголет: вмале? Не вемы, что глаголет. 043 JOH 016 019 Разуме же Иисус, яко хотяху Его вопрошати, и рече им: о сем ли стязаетеся между собою, яко рех: вмале, и не видите Мене: и паки вмале, и узрите Мя? 043 JOH 016 020 Аминь, аминь глаголю вам, яко восплачетеся и возрыдаете вы, а мир возрадуется: вы же печальни будете, но печаль ваша в радость будет: 043 JOH 016 021 жена егда раждает, скорбь имать, яко прииде год ея: егда же родит отроча, ктому не помнит скорби за радость, яко родися человек в мир: 043 JOH 016 022 и вы же печаль имате убо ныне: паки же узрю вы, и возрадуется сердце ваше, и радости вашея никтоже возмет от вас: 043 JOH 016 023 и в той день Мене не воспросите ничесоже. Аминь, аминь глаголю вам, яко елика аще (чесо) просите от Отца во имя Мое, даст вам: 043 JOH 016 024 доселе не просисте ничесоже во имя Мое: просите, и приимете, да радость ваша исполнена будет. 043 JOH 016 025 Сия в притчах глаголах вам: но приидет час, егда ктому в притчах не глаголю вам, но яве о Отце возвещу вам. 043 JOH 016 026 В той день во имя Мое воспросите, и не глаголю вам, яко Аз умолю Отца о вас: 043 JOH 016 027 Сам бо Отец любит вы, яко вы Мене возлюбисте и веровасте, яко Аз от Бога изыдох. 043 JOH 016 028 Изыдох от Отца и приидох в мир: (и) паки оставляю мир и иду ко Отцу. 043 JOH 016 029 Глаголаша Ему ученицы Его: се, ныне не обинуяся глаголеши, а притчи ни коеяже не глаголеши: 043 JOH 016 030 ныне вемы, яко веси вся и не требуеши, да кто Тя вопрошает: о сем веруем, яко от Бога изшел еси. 043 JOH 016 031 Отвеща им Иисус: ныне ли веруете? 043 JOH 016 032 Се, грядет час, и ныне прииде, да разыдетеся кийждо во своя и Мене единаго оставите: и несмь един, яко Отец со Мною есть: 043 JOH 016 033 сия глаголах вам, да во Мне мир имате: в мире скорбни будете: но дерзайте, (яко) Аз победих мир. 043 JOH 017 001 Сия глагола Иисус и возведе очи Свои на небо и рече: Отче, прииде час: прослави Сына Твоего, да и Сын Твой прославит Тя: 043 JOH 017 002 якоже дал еси Ему власть всякия плоти, да всяко, еже дал еси Ему, даст им живот вечный: 043 JOH 017 003 се же есть живот вечный, да знают Тебе единаго истиннаго Бога, и Егоже послал еси Иисус Христа. 043 JOH 017 004 Аз прославих Тя на земли, дело соверших, еже дал еси Мне да сотворю: 043 JOH 017 005 и ныне прослави Мя Ты, Отче, у Тебе Самого славою, юже имех у Тебе прежде мир не бысть. 043 JOH 017 006 Явих имя Твое человеком, ихже дал еси Мне от мира: Твои беша, и Мне их дал еси, и слово Твое сохраниша: 043 JOH 017 007 ныне разумеша, яко вся, елика дал еси Мне, от Тебе суть: 043 JOH 017 008 яко глаголголы, ихже дал еси Мне, дах им, и тии прияша и разумеша воистинну, яко от Тебе изыдох, и вероваша, яко Ты Мя послал еси. 043 JOH 017 009 Аз о сих молю: не о (всем) мире молю, но о тех, ихже дал еси Мне, яко Твои суть: 043 JOH 017 010 и Моя вся Твоя суть, и Твоя Моя: и прославихся в них: 043 JOH 017 011 и ктому несмь в мире, и сии в мире суть, и Аз к Тебе гряду. Отче Святый, соблюди их во имя Твое, ихже дал еси Мне, да будут едино, якоже (и) Мы. 043 JOH 017 012 Егда бех с ними в мире, Аз соблюдах их во имя Твое: ихже дал еси Мне, сохраних, и никтоже от них погибе, токмо сын погибельный, да сбудется Писание: 043 JOH 017 013 ныне же к Тебе гряду, и сия глаголю в мире, да имут радость Мою исполнену в себе. 043 JOH 017 014 Аз дах им слово Твое, и мир возненавиде их, яко не суть от мира, якоже (и) Аз от мира несмь: 043 JOH 017 015 не молю, да возмеши их от мира, но да соблюдеши их от неприязни: 043 JOH 017 016 от мира не суть, якоже (и) Аз от мира несмь: 043 JOH 017 017 святи их во истину Твою: слово Твое истина есть. 043 JOH 017 018 Якоже Мене послал еси в мир, и Аз послах их в мир, 043 JOH 017 019 и за них Аз свящу Себе, да и тии будут священи во истину. 043 JOH 017 020 Не о сих же молю токмо, но и о верующих словесе их ради в Мя, 043 JOH 017 021 да вси едино будут: якоже Ты, Отче, во Мне, и Аз в Тебе, да и тии в Нас едино будут: да (и) мир веру имет, яко Ты Мя послал еси: 043 JOH 017 022 и Аз славу, юже дал еси Мне, дах им: да будут едино, якоже Мы едино есма: 043 JOH 017 023 Аз в них, и Ты во Мне: да будут совершени во едино, и да разумеет мир, яко Ты Мя послал еси и возлюбил еси их, якоже Мене возлюбил еси. 043 JOH 017 024 Отче, ихже дал еси Мне, хощу, да идеже есмь Аз, и тии будут со Мною, да видят славу Мою, юже дал еси Мне, яко возлюбил Мя еси прежде сложения мира. 043 JOH 017 025 Отче праведный, и мир Тебе не позна, Аз же Тя познах, и сии познаша, яко Ты Мя послал еси: 043 JOH 017 026 и сказах им имя Твое, и скажу, да любы, еюже Мя еси возлюбил, в них будет, и Аз в них. 043 JOH 018 001 (И) сия рек Иисус, изыде со ученики Своими на он пол потока Кедрска, идеже бе вертоград, в оньже вниде Сам и ученицы Его: 043 JOH 018 002 ведяше же Иуда предаяй Его место, яко множицею собирашеся Иисус ту со ученики Своими. 043 JOH 018 003 Иуда убо приемь спиру и от архиерей и фарисей слуги, прииде тамо со светилы и свещами и оружии. 043 JOH 018 004 Иисус же ведый вся грядущая Нань, изшед рече им: кого ищете? 043 JOH 018 005 Отвещаша Ему: Иисуса Назореа. Глагола им Иисус: Аз есмь. Стояше же и Иуда, иже предаяше Его, с ними. 043 JOH 018 006 Егда же рече им: Аз есмь, идоша вспять и падоша на земли. 043 JOH 018 007 Паки убо вопроси их (Иисус): кого ищете? Они же реша: Иисуса Назореа. 043 JOH 018 008 Отвеща Иисус: рех вам, яко Аз есмь: аще убо Мене ищете, оставите сих ити: 043 JOH 018 009 да сбудется слово, еже рече, яко ихже дал еси Мне, не погубих от них ни когоже. 043 JOH 018 010 Симон же Петр, имый нож, извлече его и удари архиереова раба и уреза ему ухо десное: бе же имя рабу Малх. 043 JOH 018 011 Рече убо Иисус Петрови: вонзи нож в ножницу: чашу, юже даде Мне Отец, не имам ли пити ея? 043 JOH 018 012 Спира же и тысящник и слуги Иудейстии яша Иисуса и связаша Его, 043 JOH 018 013 и ведоша Его ко Анне первее: бе бо тесть Каиафе, иже бе архиерей лету тому: 043 JOH 018 014 бе же Каиафа давый совет Иудеом, яко уне есть единому человеку умрети за люди. 043 JOH 018 015 По Иисусе же идяше Симон Петр и другий ученик: ученик же той бе знаемь архиереови и вниде со Иисусом во двор архиереов: 043 JOH 018 016 Петр же стояше при дверех вне. Изыде убо ученик той, иже бе знаемь архиереови, и рече двернице и введе Петра. 043 JOH 018 017 Глагола же раба дверница Петрови: еда и ты ученик еси Человека Сего? Глагола он: несмь. 043 JOH 018 018 Стояху же раби и слуги огнь сотворше, яко зима бе, и греяхуся: бе же с ними Петр стоя и греяся. 043 JOH 018 019 Архиерей же вопроси Иисуса о ученицех Его и о учении Его. 043 JOH 018 020 Отвеща ему Иисус: Аз не обинуяся глаголах миру: Аз всегда учах на сонмищих и в церкви, идеже всегда Иудее снемлются, и тай не глаголах ничесоже: 043 JOH 018 021 что Мя вопрошаеши? Вопроси слышавших, что глаголах им: се, сии ведят, яже рех Аз. 043 JOH 018 022 Сия же рекшу Ему, един от предстоящих слуг удари в ланиту Иисуса, рек: тако ли отвещаваеши архиереови? 043 JOH 018 023 Отвеща ему Иисус: аще зле глаголах, свидетелствуй о зле: аще ли добре, что Мя биеши? 043 JOH 018 024 Посла же Его Анна связана к Каиафе архиереови. 043 JOH 018 025 Бе же Симон Петр стоя и греяся. Реша же ему: еда и ты от ученик Его еси? Он (же) отвержеся и рече: несмь. 043 JOH 018 026 Глагола един от раб архиереовых, южика сый, емуже Петр уреза ухо: не аз ли тя видех в вертограде с Ним? 043 JOH 018 027 Паки убо Петр отвержеся, и абие петель возгласи. 043 JOH 018 028 Ведоша же Иисуса от Каиафы в претор. Бе же утро: и тии не внидоша в претор, да не осквернятся, но да ядят пасху. 043 JOH 018 029 Изыде же Пилат к ним вон и рече: кую речь приносите на Человека Сего? 043 JOH 018 030 Отвещаша и реша ему: аще не бы (был) Сей злодей, не быхом предали Его тебе. 043 JOH 018 031 Рече же им Пилат: поимите Его вы и по закону вашему судите Ему. Реша же ему Иудее: нам не достоит убити ни когоже: 043 JOH 018 032 да слово Иисусово сбудется, еже рече, назнаменуя, коею смертию хотяше умрети. 043 JOH 018 033 Вниде убо паки Пилат в претор и пригласи Иисуса и рече Ему: Ты ли еси Царь Иудейск? 043 JOH 018 034 Отвеща ему Иисус: о себе ли ты сие глаголеши, или инии тебе рекоша о Мне? 043 JOH 018 035 Отвеща Пилат: еда аз Жидовин есмь? Род Твой и архиерее предаша Тя мне: что еси сотворил? 043 JOH 018 036 Отвеща Иисус: Царство Мое несть от мира сего: аще от мира сего было бы Царство Мое, слуги Мои (убо) подвизалися быша, да не предан бых был Иудеом: ныне же Царство Мое несть отсюду. 043 JOH 018 037 Рече же Ему Пилат: убо Царь ли еси Ты? Отвеща Иисус: ты глаголеши, яко Царь есмь Аз: Аз на сие родихся и на сие приидох в мир, да свидетелствую истину: (и) всяк, иже есть от истины, послушает гласа Моего. 043 JOH 018 038 Глагола Ему Пилат: что есть истина? И сие рек, паки изыде ко Иудеом и глагола им: аз ни единыя вины обретаю в Нем: 043 JOH 018 039 есть же обычай вам, да единаго вам отпущу на Пасху: хощете ли убо, (да) отпущу вам Царя Иудейска? 043 JOH 018 040 Возопиша же паки вси, глаголюще: не Сего, но Варавву. Бе же Варавва разбойник. 043 JOH 019 001 Тогда убо Пилат поят Иисуса и би (Его): 043 JOH 019 002 и воини сплетше венец от терния, возложиша Ему на главу, и в ризу багряну облекоша Его, 043 JOH 019 003 и глаголаху: радуйся, Царю Иудейский. И бияху Его по ланитома. 043 JOH 019 004 Изыде убо паки вон Пилат и глагола им: се, извожду Его вам вон, да разумеете, яко в Нем ни единыя вины обретаю. 043 JOH 019 005 Изыде же вон Иисус, нося терновен венец и багряну ризу. И глагола им: се, Человек. 043 JOH 019 006 Егда же видеша Его архиерее и слуги, возопиша глаголюще: распни, распни Его. Глагола им Пилат: поимите Его вы и распните, аз бо не обретаю в Нем вины. 043 JOH 019 007 Отвещаша ему Иудее: мы закон имамы, и по закону нашему должен есть умрети, яко Себе Сына Божия сотвори. 043 JOH 019 008 Егда убо слыша Пилат сие слово, паче убояся, 043 JOH 019 009 и вниде в претор паки и глагола Иисусови: откуду еси Ты? Иисус же ответа не даде ему. 043 JOH 019 010 Глагола же Ему Пилат: мне ли не глаголеши? Не веси ли, яко власть имам распяти Тя и власть имам пустити Тя? 043 JOH 019 011 Отвеща Иисус: не имаши власти ни единыя на Мне, аще не бы ти дано свыше: сего ради предавый Мя тебе болий грех имать. 043 JOH 019 012 От сего искаше Пилат пустити Его. Иудее же вопияху, глаголюще: аще Сего пустиши, неси друг кесарев: всяк, яже царя себе творит, противится кесарю. 043 JOH 019 013 Пилат убо слышав сие слово, изведе вон Иисуса и седе на судищи, на месте глаголемем Лифостротон, еврейски же Гаввафа. 043 JOH 019 014 Бе же пяток Пасце, час же яко шестый. И глагола Иудеом: се, Царь ваш. 043 JOH 019 015 Они же вопияху: возми, возми, распни Его. Глагола им Пилат: Царя ли вашего распну? Отвещаша архиерее: не имамы царя токмо кесаря. 043 JOH 019 016 Тогда убо предаде Его им, да распнется. Поемше же Иисуса и ведоша: 043 JOH 019 017 и нося крест Свой, изыде на глаголемое Лобное место, еже глаголется еврейски Голгофа, 043 JOH 019 018 идеже пропяша Его и с Ним ина два сюду и сюду, посреде же Иисуса. 043 JOH 019 019 Написа же и титла Пилат и положи на кресте. Бе же написано: Иисус Назорянин, Царь Иудейский. 043 JOH 019 020 Сего же титла мнози чтоша от Иудей, яко близ бе место града, идеже пропяша Иисуса: и бе написано еврейски, гречески, римски. 043 JOH 019 021 Глаголаху убо Пилату архиерее Иудейстии: не пиши: Царь Иудейский: но яко Сам рече: Царь есмь Иудейский. 043 JOH 019 022 Отвеща Пилат: еже писах, писах. 043 JOH 019 023 Воини же, егда пропяша Иисуса, прияша ризы Его и сотвориша четыри части, коемуждо воину часть, и хитон: бе же хитон нешвен, свыше исткан весь. 043 JOH 019 024 Реша же к себе: не предерем его, но метнем жребия о нем, кому будет: да сбудется Писание, глаголющее: разделиша ризы Моя себе и о иматисме Моей меташа жребия. Воини убо сия сотвориша. 043 JOH 019 025 Стояху же при кресте Иисусове Мати Его и сестра Матере Его Мариа Клеопова и Мариа Магдалина. 043 JOH 019 026 Иисус же видев Матерь и ученика стояща, егоже любляше, глагола Матери Своей: Жено, се, сын Твой. 043 JOH 019 027 Потом глагола ученику: се, Мати твоя. И от того часа поят Ю ученик во своя си. 043 JOH 019 028 Посем ведый Иисус, яко вся уже совершишася, да сбудется Писание, глагола: жажду. 043 JOH 019 029 Сосуд же стояше полн оцта. Они же исполнивше губу оцта и на трость вонзше, придеша ко устом Его. 043 JOH 019 030 Егда же прият оцет Иисус, рече: совершишася. И преклонь главу, предаде дух. 043 JOH 019 031 Иудее же, понеже пяток бе, да не останут на кресте телеса в субботу, бе бо велик день тоя субботы, молиша Пилата, да пребиют голени их и возмут. 043 JOH 019 032 Приидоша же воини, и первому убо пребиша голени, и другому распятому с Ним: 043 JOH 019 033 на Иисуса же пришедше, яко видеша Его уже умерша, не пребиша Ему голений, 043 JOH 019 034 но един от воин копием ребра Ему прободе, и абие изыде кровь и вода. 043 JOH 019 035 И видевый свидетелствова, и истинно есть свидетелство его, и той весть, яко истину глаголет, да вы веру имете: 043 JOH 019 036 быша бо сия, да сбудется Писание: кость не сокрушится от Него. 043 JOH 019 037 И паки другое Писание глаголет: воззрят Нань, Егоже прободоша. 043 JOH 019 038 По сих же моли Пилата Иосиф, иже от Аримафеа, сый ученик Иисусов, потаен же страха ради Иудейска, да возмет тело Иисусово: и повеле Пилат. Прииде же и взят тело Иисусово. 043 JOH 019 039 Прииде же и Никодим, пришедый ко Иисусови нощию прежде, нося смешение смирнено и алойно, яко литр сто. 043 JOH 019 040 Прияста же тело Иисусово и обвиста е ризами со ароматы, якоже обычай есть Иудеом погребати. 043 JOH 019 041 Бе же на месте, идеже распятся, верт, и в верте гроб нов, в немже николиже никтоже положен бе: 043 JOH 019 042 ту убо пятка ради Иудейска, яко близ бяше гроб, положиста Иисуса. 043 JOH 020 001 Во едину же от суббот Мариа Магдалина прииде заутра, еще сущей тме, на гроб, и виде камень взят от гроба: 043 JOH 020 002 тече убо и прииде к Симону Петру и к другому ученику, егоже любляше Иисус, и глагола има: взяша Господа от гроба, и не вем, где положиша Его. 043 JOH 020 003 Изыде же Петр и другий ученик и идяста ко гробу: 043 JOH 020 004 течаста же оба вкупе: и другий ученик тече скорее Петра и прииде прежде ко гробу, 043 JOH 020 005 и приник виде ризы лежащя: обаче не вниде. 043 JOH 020 006 Прииде же Симон Петр вслед его, и вниде во гроб, и виде ризы (едины) лежащя 043 JOH 020 007 и сударь, иже бе на главе Его, не с ризами лежащь, но особь свит на единем месте. 043 JOH 020 008 Тогда убо вниде и другий ученик, пришедый прежде ко гробу, и виде и верова: 043 JOH 020 009 не у бо ведяху Писания, яко подобает Ему из мертвых воскреснути. 043 JOH 020 010 Идоста же паки к себе ученика. 043 JOH 020 011 Мариа же стояше у гроба вне плачущи: якоже плакашеся, приниче во гроб, 043 JOH 020 012 и виде два Ангела в белых (ризах) седяща, единаго у главы и единаго у ногу, идеже бе лежало тело Иисусово. 043 JOH 020 013 И глаголаста ей она: жено, что плачешися? Глагола има: яко взяша Господа моего, и не вем, где положиша Его. 043 JOH 020 014 И сия рекши обратися вспять и виде Иисуса стояща, и не ведяше, яко Иисус есть. 043 JOH 020 015 Глагола ей Иисус: жено, что плачеши? Кого ищеши? Она (же) мнящи, яко вертоградарь есть, глагола Ему: господи, аще ты еси взял Его, повеждь ми, где еси положил Его, и аз возму Его. 043 JOH 020 016 Глагола ей Иисус: Марие. Она (же) обращшися глагола Ему: Раввуни, еже глаголется, Учителю. 043 JOH 020 017 Глагола ей Иисус: не прикасайся Мне, не у бо взыдох ко Отцу Моему: иди же ко братии Моей и рцы им: восхожду ко Отцу Моему и Отцу вашему, и Богу Моему и Богу вашему. 043 JOH 020 018 Прииде (же) Мариа Магдалина поведающи учеником, яко виде Господа, и сия рече ей. 043 JOH 020 019 Сущу же позде в день той во едину от суббот, и дверем затворенным, идеже бяху ученицы (Его) собрани, страха ради Иудейска, прииде Иисус и ста посреде и глагола им: мир вам. 043 JOH 020 020 И сие рек, показа им руце (и нозе) и ребра Своя. Возрадовашася убо ученицы, видевше Господа. 043 JOH 020 021 Рече же им Иисус паки: мир вам: якоже посла Мя Отец, и Аз посылаю вы. 043 JOH 020 022 И сие рек, дуну и глагола им: приимите Дух Свят: 043 JOH 020 023 имже отпустите грехи, отпустятся им: и имже держите, держатся. 043 JOH 020 024 Фома же, един от обоюнадесяте, глаголемыи Близнец, не бе (ту) с ними, егда прииде Иисус. 043 JOH 020 025 Глаголаху же ему друзии ученицы: видехом Господа. Он же рече им: аще не вижу на руку Его язвы гвоздинныя, и вложу перста моего в язвы гвоздинныя, и вложу руку мою в ребра Его, не иму веры. 043 JOH 020 026 И по днех осмих паки бяху внутрь ученицы Его, и Фома с ними. Прииде Иисус дверем затворенным, и ста посреде (их) и рече: мир вам. 043 JOH 020 027 Потом глагола Фоме: принеси перст твой семо и виждь руце Мои: и принеси руку твою и вложи в ребра Моя: и не буди неверен, но верен. 043 JOH 020 028 И отвеща Фома и рече Ему: Господь мой и Бог мой. 043 JOH 020 029 Глагола ему Иисус: яко видев Мя, веровал еси: блажени не видевшии и веровавше. 043 JOH 020 030 Многа же и ина знамения сотвори Иисус пред ученики Своими, яже не суть писана в книгах сих: 043 JOH 020 031 сия же писана быша, да веруете, яко Иисус есть Христос Сын Божий, и да верующе живот имате во имя Его. 043 JOH 021 001 Посем явися паки Иисус учеником (Своим, востав от мертвых, ) на мори Тивериадстем. Явися же сице: 043 JOH 021 002 бяху вкупе Симон Петр, и Фома нарицаемыи Близнец, и Нафанаил, иже (бе) от Каны Галилейския, и сына Зеведеова, и ина от ученик Его два. 043 JOH 021 003 Глагола им Симон Петр: иду рыбы ловити. Глаголаша ему: идем и мы с тобою. Изыдоша (же) и вседоша абие в корабль, и в ту нощь не яша ничесоже. 043 JOH 021 004 Утру же бывшу, ста Иисус при брезе: не познаша же ученицы, яко Иисус есть. 043 JOH 021 005 Глагола же им Иисус: дети, еда что снедно имате? Отвещаша Ему: ни. 043 JOH 021 006 Он же рече им: вверзите мрежу о десную страну корабля и обрящете. Ввергоша же и ктому не можаху привлещи ея от множества рыб. 043 JOH 021 007 Глагола же ученик той, егоже любляше Иисус, Петрови: Господь есть. Симон же Петр слышав, яко Господь есть, епендитом препоясася, бе бо наг, и ввержеся в море: 043 JOH 021 008 а друзии ученицы кораблецем приидоша, не беша бо далече от земли, но яко две сте лактей, влекуще мрежу рыб. 043 JOH 021 009 Егда убо излезоша на землю, видеша огнь лежащь и рыбу на нем лежащу и хлеб. 043 JOH 021 010 (И) глагола им Иисус: принесите от рыб, яже ясте ныне. 043 JOH 021 011 Влез (же) Симон Петр, извлече мрежу на землю, полну великих рыб сто (и) пятьдесят (и) три: и толико сущым, не проторжеся мрежа. 043 JOH 021 012 Глагола им Иисус: приидите, обедуйте. Ни един же смеяше от ученик истязати Его: Ты кто еси? Ведяще, яко Господь есть. 043 JOH 021 013 Прииде же Иисус, и прият хлеб и даде им, и рыбу такожде. 043 JOH 021 014 Се уже третие явися Иисус учеником Своим, востав от мертвых. 043 JOH 021 015 Егда же обедоваше, глагола Симону Петру Иисус: Симоне Ионин, любиши ли Мя паче сих? Глагола Ему: ей, Господи, Ты веси, яко люблю Тя. Глагола ему: паси агнцы Моя. 043 JOH 021 016 Глагола ему паки второе: Симоне Ионин, любиши ли Мя? Глагола Ему: ей, Господи, Ты веси, яко люблю Тя. Глагола ему: паси овцы Моя. 043 JOH 021 017 Глагола ему третие: Симоне Ионин, любиши ли Мя? Оскорбе (же) Петр, яко рече ему третие: любиши ли Мя? И глагола Ему: Господи, Ты вся веси: Ты веси, яко люблю Тя. Глагола ему Иисус: паси овцы Моя: 043 JOH 021 018 аминь, аминь глаголю тебе: егда был еси юн, поясался еси сам и ходил еси, аможе хотел еси: егда же состареешися, воздежеши руце твои, и ин тя пояшет и ведет, аможе не хощеши. 043 JOH 021 019 Сие же рече, назнаменуя, коею смертию прославит Бога. И сия рек, глагола ему: иди по Мне. 043 JOH 021 020 Обращься же Петр виде ученика, егоже любляше Иисус, вслед идуща, иже и возлеже на вечери на перси Его и рече: Господи, кто есть предаяй Тя? 043 JOH 021 021 Сего видев Петр, глагола Иисусови: Господи, сей же что? 043 JOH 021 022 Глагола ему Иисус: аще хощу, да той пребывает, дондеже прииду, что к тебе? Ты по Мне гряди. 043 JOH 021 023 Изыде же слово се в братию, яко ученик той не умрет. И не рече ему Иисус, яко не умрет, но: аще хощу тому пребывати, дондеже прииду, что к тебе? 043 JOH 021 024 Сей есть ученик свидетелствуяй о сих, иже и написа сия: и вем, яко истинно есть свидетелство его. 043 JOH 021 025 Суть же и ина многа, яже сотвори Иисус, яже аще бы по единому писана быша, ни самому мню (всему) миру вместити пишемых книг. Аминь. # # BOOK 044 ACT Acts Деяния святых апостолов 044 ACT 001 001 Первое убо слово сотворих о всех, о, Феофиле, яже начат Иисус творити же и учити 044 ACT 001 002 даже до дне, в оньже, заповедав Апостолом Духом Святым, ихже избра, вознесеся: 044 ACT 001 003 пред нимиже и постави Себе жива по страдании Своем во мнозех истинных знамениих, деньми четыредесятьми являяся им и глаголя яже о Царствии Божии: 044 ACT 001 004 с нимиже и ядый повеле им от Иерусалима не отлучатися, но ждати обетования Отча, еже слышасте от Мене: 044 ACT 001 005 яко Иоанн убо крестил есть водою, вы же имате креститися Духом Святым не по мнозех сих днех. 044 ACT 001 006 Они же убо сошедшеся вопрошаху Его, глаголюще: Господи, аще в лето сие устрояеши царствие Израилево? 044 ACT 001 007 Рече же к ним: несть ваше разумети времена и лета, яже Отец положи во Своей власти: 044 ACT 001 008 но приимете силу, нашедшу Святому Духу на вы, и будете Ми свидетелие во Иерусалиме же и во всей Иудеи и Самарии и даже до последних земли. 044 ACT 001 009 И сия рек, зрящым им взятся, и облак подят Его от очию их. 044 ACT 001 010 И егда взирающе бяху на небо, идущу Ему, и се, мужа два стаста пред ними во одежди беле, 044 ACT 001 011 яже и рекоста: мужие Галилейстии, что стоите зряще на небо? Сей Иисус, вознесыйся от вас на небо, такожде приидет, имже образом видесте Его идуща на небо. 044 ACT 001 012 Тогда возвратишася во Иерусалим от горы нарицаемыя Елеон, яже есть близ Иерусалима, субботы имущия путь. 044 ACT 001 013 И егда внидоша, взыдоша на горницу, идеже бяху пребывающе, Петр же и Иаков, и Иоанн и Андрей, Филипп и Фома, Варфоломей и Матфей, Иаков Алфеов и Симон Зилот и Иуда Иаковль: 044 ACT 001 014 сии вси бяху терпяще единодушно в молитве и молении, с женами и Мариею Материю Иисусовою и с братиею Его. 044 ACT 001 015 И во дни тыя востав Петр посреде ученик, рече, 044 ACT 001 016 бе же имен народа вкупе яко сто и двадесять: мужие братие, подобаше скончатися Писанию сему, еже предрече Дух Святый усты Давидовыми о Иуде, бывшем вожди емшым Иисуса: 044 ACT 001 017 яко причтен бе с нами и приял бяше жребий службы сея: 044 ACT 001 018 сей убо стяжа село от мзды неправедныя, и ниц быв проседеся посреде, и излияся вся утроба его: 044 ACT 001 019 и разумно бысть всем живущым во Иерусалиме, яко нарещися селу тому своим их языком Акелдама, еже есть село крове: 044 ACT 001 020 пишется бо в книзе Псаломстей: да будет двор его пуст, и да не будет живущаго в нем, и епископство его да приимет ин: 044 ACT 001 021 подобает убо от сходившихся с нами мужей во всяко лето, в неже вниде и изыде в нас Господь Иисус, 044 ACT 001 022 начен от крещения Иоаннова даже до дне, в оньже вознесеся (на небо) от нас, свидетелю воскресения Его быти с нами единому от сих. 044 ACT 001 023 И поставиша два, Иосифа нарицаемаго Варсаву, иже наречен бысть Иуст, и Матфиа, 044 ACT 001 024 и помолившеся реша: Ты, Господи, Сердцеведче всех, покажи, егоже избрал еси от сею двою единаго, 044 ACT 001 025 прияти жребий служения сего и Апостолства, из негоже испаде Иуда, ити в место свое. 044 ACT 001 026 И даша жребия има, и паде жребий на Матфиа, и причтен бысть ко единонадесяти Апостолом. 044 ACT 002 001 И егда скончавашася дние Пятьдесятницы, беша вси Апостоли единодушно вкупе. 044 ACT 002 002 И бысть внезапу с небесе шум, яко носиму дыханию бурну, и исполни весь дом, идеже бяху седяще: 044 ACT 002 003 и явишася им разделени языцы яко огненни, седе же на единем коемждо их. 044 ACT 002 004 И исполнишася вси Духа Свята и начаша глаголати иными языки, якоже Дух даяше им провещавати. 044 ACT 002 005 Бяху же во Иерусалиме живущии Иудее, мужие благоговейнии, от всего языка, иже под небесем. 044 ACT 002 006 Бывшу же гласу сему, снидеся народ и смятеся, яко слышаху един кийждо их своим языком глаголющих их. 044 ACT 002 007 Дивляхуся же вси и чудяхуся, глаголюще друг ко другу: не се ли, вси сии суть глаголющии Галилеане? 044 ACT 002 008 И како мы слышим кийждо свой язык наш, в немже родихомся, 044 ACT 002 009 Парфяне и Мидяне и Еламите, и живущии в Месопотамии, во Иудеи же и Каппадокии, в Понте и во Асии, 044 ACT 002 010 во Фригии же и Памфилии, во Египте и странах Ливии, яже при Киринии, и приходящии Римляне, Иудее же и пришелцы, 044 ACT 002 011 критяне и аравляне, слышим глаголющих их нашими языки величия Божия? 044 ACT 002 012 Ужасахуся же вси и недоумевахуся, друг ко другу глаголюще: что убо хощет сие быти? 044 ACT 002 013 Инии же ругающеся глаголаху, яко вином исполнени суть. 044 ACT 002 014 Став же Петр со единонадесятьми, воздвиже глас свой и рече им: мужие Иудейстии и живущии во Иерусалиме вси, сие вам разумно да будет, и внушите глаголы моя: 044 ACT 002 015 не бо, якоже вы непщуете, сии пияни суть, есть бо час третий дне: 044 ACT 002 016 но сие есть реченное пророком Иоилем: 044 ACT 002 017 и будет в последния дни, глаголет Господь, излию от Духа Моего на всяку плоть, и прорекут сынове ваши и дщери вашя, и юноши ваши видения узрят, и старцы ваши сония видят: 044 ACT 002 018 ибо на рабы Моя и на рабыни Моя во дни оны излию от Духа Моего, и прорекут: 044 ACT 002 019 и дам чудеса на небеси горе и знамения на земли низу, кровь и огнь и курение дыма: 044 ACT 002 020 солнце преложится во тму, и луна в кровь, прежде даже не приити дню Господню великому и просвещенному: 044 ACT 002 021 и будет, всяк, иже аще призовет имя Господне, спасется. 044 ACT 002 022 Мужие Израилстии, послушайте словес сих: Иисуса Назореа, Мужа от Бога извествованна в вас силами и чудесы и знамении, яже сотвори Тем Бог посреде вас, якоже и сами весте, 044 ACT 002 023 Сего нарекованным советом и проразумением Божиим предана приемше, руками беззаконных пригвождше убисте: 044 ACT 002 024 Егоже Бог воскреси, разрешив болезни смертныя, якоже не бяше мощно держиму быти Ему от нея. 044 ACT 002 025 Давид бо глаголет о Нем: предзрех Господа предо мною выну, яко о десную мене есть, да не подвижуся: 044 ACT 002 026 сего ради возвеселися сердце мое, и возрадовася язык мой: еще же и плоть моя вселится на уповании, 044 ACT 002 027 яко не оставиши души моея во аде, ниже даси преподобному Твоему видети истления: 044 ACT 002 028 сказал ми еси пути живота: исполниши мя веселия с лицем Твоим. 044 ACT 002 029 Мужие братие, достоит рещи с дерзновением к вам о патриарсе Давиде, яко и умре и погребен бысть, и гроб его есть в нас даже до дне сего: 044 ACT 002 030 пророк убо сый и ведый, яко клятвою клятся ему Бог от плода чресл его по плоти воздвигнути Христа и посадити Его на престоле его, 044 ACT 002 031 предвидев глагола о воскресении Христове, яко не оставися душа Его во аде, ни плоть Его виде истления. 044 ACT 002 032 Сего Иисуса воскреси Бог, емуже вси мы есмы свидетелие. 044 ACT 002 033 Десницею убо Божиею вознесеся, и обетование Святаго Духа приемь от Отца, излия сие, еже вы ныне видите и слышите. 044 ACT 002 034 Не бо Давид взыде на небеса, глаголет бо сам: рече Господь Господеви моему: седи о десную Мене, 044 ACT 002 035 дондеже положу враги Твоя подножие ног Твоих. 044 ACT 002 036 Твердо убо да разумеет весь дом Израилев, яко и Господа и Христа его Бог сотворил есть, Сего Иисуса, Егоже вы распясте. 044 ACT 002 037 Слышавше же умилишася сердцем и реша к Петру и прочым Апостолом: что сотворим, мужие братие? 044 ACT 002 038 Петр же рече к ним: покайтеся, и да крестится кийждо вас во имя Иисуса Христа во оставление грехов: и приимете дар Святаго Духа: 044 ACT 002 039 вам бо есть обетование и чадом вашым и всем дальним, елики аще призовет Господь Бог наш. 044 ACT 002 040 И иными словесы множайшими засвидетелствоваше и моляше я, глаголя: спаситеся от рода строптиваго сего. 044 ACT 002 041 Уже убо любезно прияша слово его, крестишася: и приложишася в день той душ яко три тысящы: 044 ACT 002 042 бяху же терпяще во учении Апостол и во общении и в преломлении хлеба и в молитвах. 044 ACT 002 043 Бысть же на всякой души страх: многа бо чудеса и знамения Апостолы быша во Иерусалиме. 044 ACT 002 044 Страх же велий бяше на всех их. Вси же веровавшии бяху вкупе и имяху вся обща: 044 ACT 002 045 и стяжания и имения продаяху, и раздаяху всем, егоже аще кто требоваше: 044 ACT 002 046 по вся же дни терпяще единодушно в церкви и ломяще по домом хлеб, приимаху пищу в радости и в простоте сердца, 044 ACT 002 047 хваляще Бога и имуще благодать у всех людий. Господь же прилагаше по вся дни Церкви спасающыяся. 044 ACT 003 001 Вкупе же Петр и Иоанн восхождаста во святилище на молитву в час девятый. 044 ACT 003 002 И некий муж, хром от чрева матере своея сый, носимь бываше, егоже полагаху по вся дни пред дверьми церковными, рекомыми Красными, просити милостыни от входящих в церковь: 044 ACT 003 003 иже видев Петра и Иоанна хотящыя внити в церковь, прошаше милостыни. 044 ACT 003 004 Воззрев же Петр нань со Иоанном, рече: воззри на ны. 044 ACT 003 005 Он же прилежаше има, мня нечто от нею прияти. 044 ACT 003 006 Рече же Петр: сребра и злата несть у мене, но еже имам, сие ти даю: во имя Иисуса Христа Назореа востани и ходи. 044 ACT 003 007 И емь его за десную руку воздвиже: абие же утвердистеся его плесне и глезне, 044 ACT 003 008 и вскочив ста и хождаше, и вниде с нима в церковь, ходя и скачя и хваля Бога. 044 ACT 003 009 И видеша его вси людие ходяща и хваляща Бога, 044 ACT 003 010 знаху же его, яко сей бяше, иже милостыни ради седяше при Красных дверех церковных: и исполнишася чуда и ужаса о приключившемся ему. 044 ACT 003 011 Держащужеся исцелевшему хромому Петра и Иоанна, притекоша к нима вси людие в притвор, нарицаемый Соломонов, ужасни. 044 ACT 003 012 Видев же Петр отвещаваше к людем: мужие Израилтяне, что чудитеся о сем, или на ны что взираете, яко своею ли силою или благочестием сотворихом его ходити? 044 ACT 003 013 Бог Авраамов и Исааков и Иаковль, Бог отец наших, прослави Отрока Своего Иисуса, Егоже вы предасте, и отвергостеся Его пред лицем Пилатовым, суждьшу Оному пустити: 044 ACT 003 014 вы же Святаго и Праведнаго отвергостеся, и испросисте мужа убийцу дати вам, 044 ACT 003 015 Началника же жизни убисте: Егоже Бог воскреси от мертвых, емуже мы свидетелие есмы. 044 ACT 003 016 И о вере имене Его, сего, егоже видите и знаете, утверди имя Его: и вера, яже Его ради, даде ему всю целость сию пред всеми вами. 044 ACT 003 017 И ныне, братие, вем, яко по неведению сие сотвористе, якоже и князи ваши: 044 ACT 003 018 Бог же, яже предвозвести усты всех пророк Своих пострадати Христу, исполни тако. 044 ACT 003 019 Покайтеся убо и обратитеся, да очиститеся от грех ваших, 044 ACT 003 020 яко да приидут времена прохладна от лица Господня, и послет пронареченнаго вам Христа Иисуса, 044 ACT 003 021 Егоже подобает небеси убо прияти даже до лет устроения всех, яже глагола Бог усты всех святых Своих пророк от века. 044 ACT 003 022 Моисей убо ко отцем рече: яко Пророка вам воздвигнет Господь Бог ваш от братии вашея, яко мене: Того послушайте по всему, елика аще речет к вам: 044 ACT 003 023 будет же, всяка душа, яже аще не послушает Пророка онаго, потребится от людий. 044 ACT 003 024 И вси же пророцы от Самуила и иже по сих, елицы глаголаша, такожде предвозвестиша дни сия. 044 ACT 003 025 Вы есте сынове пророк и завета, егоже завеща Бог ко отцем вашым, глаголя ко Аврааму: и о семени твоем возблагословятся вся отечествия земная. 044 ACT 003 026 Вам первее Бог, воздвигий Отрока Своего Иисуса, посла Его благословяща вас, во еже отвратитися вам комуждо от злоб ваших. 044 ACT 004 001 Глаголющым же им к людем, наидоша на них священницы и воевода церковный и саддукее, 044 ACT 004 002 жаляще си, за еже учити им люди и возвещати о Иисусе воскресение мертвых: 044 ACT 004 003 и возложиша на них руки и положиша их в соблюдение до утрия: бе бо вечер уже. 044 ACT 004 004 Мнози же от слышавших слово вероваша: и бысть число мужей яко тысящ пять. 044 ACT 004 005 Бысть же наутрие собратися князем их и старцем и книжником во Иерусалим, 044 ACT 004 006 и Анне архиерею и Каиафе и Иоанну и Александру, и елицы беша от рода архиерейска: 044 ACT 004 007 и поставльше их посреде, вопрошаху: коею силою или коим именем сотвористе сие вы? 044 ACT 004 008 Тогда Петр, исполнився Духа Свята, рече к ним: князи людстии и старцы Израилевы, 044 ACT 004 009 аще мы днесь истязуеми есмы о благодеянии человека немощна, о чесом сей спасеся, 044 ACT 004 010 разумно буди всем вам и всем людем Израилевым, яко во имя Иисуса Христа Назореа, Егоже вы распясте, Егоже Бог воскреси от мертвых, о Сем сей стоит пред вами здрав: 044 ACT 004 011 Сей есть камень укореный от вас зиждущих, бывый во главу угла, и несть ни о единем же инем спасения: 044 ACT 004 012 несть бо иного имене под небесем, даннаго в человецех, о немже подобает спастися нам. 044 ACT 004 013 Видяще же Петрово дерзновение и Иоанново и разумевше, яко человека некнижна еста и проста, дивляхуся, знаху же их, яко со Иисусом беста: 044 ACT 004 014 видяще же исцелевшаго человека с нима стояща, ничтоже имяху противу рещи. 044 ACT 004 015 Повелевше же има вон из сонмища изыти, стязахуся друг со другом, 044 ACT 004 016 глаголюще: что сотворим человекома сима? Яко убо нарочитое знамение бысть има, всем живущым во Иерусалиме яве, и не можем отврещися: 044 ACT 004 017 но да не более прострется в людех, прещением да запретим има ктому не глаголати о имени сем ни единому от человек. 044 ACT 004 018 И призвавше их, заповедаша има отнюд не провещавати ниже учити о имени Иисусове. 044 ACT 004 019 Петр же и Иоанн отвещавша к ним реста: аще праведно есть пред Богом вас послушати паче, нежели Бога, судите: 044 ACT 004 020 не можем бо мы, яже видехом и слышахом, не глаголати. 044 ACT 004 021 Они же призапрещше има, пустиша я, ничтоже обретше како мучити их, людий ради, яко вси прославляху Бога о бывшем: 044 ACT 004 022 лет бо бяше множае четыредесяти человек той, на немже бысть чудо сие исцеления. 044 ACT 004 023 Отпущена же бывша приидоста ко своим и возвестиста, елика к нима архиерее и старцы реша. 044 ACT 004 024 Они же слышавше единодушно воздвигоша глас к Богу и рекоша: Владыко, ты, Боже, сотворивый небо и землю и море и вся, яже в них, 044 ACT 004 025 иже Духом Святым усты отца нашего Давида отрока Твоего рекл еси: вскую шаташася языцы, и людие поучишася тщетным? 044 ACT 004 026 Предсташа царие земстии, и князи собрашася вкупе на Господа и на Христа Его. 044 ACT 004 027 Собрашася бо воистинну во граде сем на Святаго Отрока Твоего Иисуса, Егоже помазал еси, Ирод же и Понтийский Пилат с языки и людьми Израилевыми, 044 ACT 004 028 сотворити, елика рука Твоя и совет Твой преднарече быти: 044 ACT 004 029 и ныне, Господи, призри на прещения их и даждь рабом Твоим со всяким дерзновением глаголати слово Твое, 044 ACT 004 030 внегда руку Твою прострети Ти во исцеления, и знамением и чудесем бывати именем Святым Отрока Твоего Иисуса. 044 ACT 004 031 И помолившымся им, подвижеся место, идеже бяху собрани, и исполнишася вси Духа Свята и глаголаху слово Божие со дерзновением. 044 ACT 004 032 Народу же веровавшему бе сердце и душа едина, и ни един же что от имений своих глаголаше свое быти, но бяху им вся обща. 044 ACT 004 033 И велиею силою воздаяху свидетелство Апостоли воскресению Господа Иисуса Христа, благодать же бе велия на всех их. 044 ACT 004 034 Не бяше бо нищь ни един в них: елицы бо господие селом или домовом бяху, продающе приношаху цены продаемых 044 ACT 004 035 и полагаху при ногах Апостол: даяшеся же коемуждо, егоже аще кто требоваше. 044 ACT 004 036 Иосиа же, нареченный Варнава от Апостол, еже есть сказаемо сын утешения, левит, Кипрянин родом, 044 ACT 004 037 имея село, продав принесе цену и положи пред ногами Апостол. 044 ACT 005 001 Муж же некий, Ананиа именем, с Сапфирою женою своею, продаде село 044 ACT 005 002 и утаи от цены, сведущей и жене его: и принес часть некую, пред ногами Апостол положи. 044 ACT 005 003 Рече же Петр: Анание, почто исполни сатана сердце твое солгати Духу Святому и утаити от цены села? 044 ACT 005 004 Сущее тебе не твое ли бе, и проданое не в твоей ли власти бяше? Что яко положил еси в сердцы твоем вещь сию? Не человеком солгал еси, но Богу. 044 ACT 005 005 Слышав же Ананиа словеса сия, пад издше: и бысть страх велик на всех слышащих сия. 044 ACT 005 006 Вставше же юноши взяша его и изнесше погребоша. 044 ACT 005 007 Бысть же яко трием часом минувшым, и жена его не ведущи бывшаго вниде. 044 ACT 005 008 Отвеща же ей Петр: рцы ми, аще на толице село отдаста? Она же рече: ей, на толице. 044 ACT 005 009 Петр же рече к ней: что яко согласистася искусити Духа Господня? Се, ноги погребших мужа твоего при дверех, и изнесут тя. 044 ACT 005 010 Паде же абие пред ногама его и издше: вшедше же юноши обретоша ю мертву и изнесше погребоша близ мужа ея. 044 ACT 005 011 И бысть страх велик на всей церкви и на всех слышаших сия. 044 ACT 005 012 Руками же Апостолскими быша знамения и чудеса в людех многа: и бяху единодушно вси в притворе Соломони: 044 ACT 005 013 от прочих же никтоже смеяше прилеплятися им, но величаху их людие. 044 ACT 005 014 Паче же прилагахуся верующии Господви, множество мужей же и жен, 044 ACT 005 015 яко и на стогны износити недужныя и полагати на постелех и на одрех, да грядущу Петру поне сень его осенит некоего от них. 044 ACT 005 016 Схождашеся же и множество от окрестных градов во Иерусалим, приносяще недужныя и страждущыя от дух нечистых, иже исцелевахуся вси. 044 ACT 005 017 Востав же архиерей и вси иже с ним, сущая ересь саддукейская, исполнишася зависти, 044 ACT 005 018 и возложиша руки своя на Апостолы и послаша их в соблюдение общее. 044 ACT 005 019 Ангел же Господень нощию отверзе двери темницы, извед же их, рече: 044 ACT 005 020 идите и ставше глаголите в церкви людем вся глаголы жизни сея. 044 ACT 005 021 Слышавше же внидоша по утренице в церковь и учаху. Пришед же архиерей и иже с ним, созваша собор и вся старцы от сынов Израилевых и послаша во узилище, привести их. 044 ACT 005 022 Слуги же шедше не обретоша их в темнице, возвращшежеся возвестиша, 044 ACT 005 023 глаголюще, яко темницу убо обретохом заключену со всяким утверждением и блюстители стоящыя пред дверьми: отверзше же, внутрь ни единаго обретохом. 044 ACT 005 024 Якоже слышаша словеса сия архиерей же и воевода церковный и первосвященницы, недоумевахуся о них, что убо будет сие. 044 ACT 005 025 Пришед же некто возвести им, глаголя, яко се, мужие, ихже всадисте в темницу, суть в церкви стояще и учаще люди. 044 ACT 005 026 Тогда шед воевода со слугами, приведе их не с нуждею, бояхуся бо людий, да не камением побиют их: 044 ACT 005 027 приведше же их, поставиша на сонмищи, и вопроси их архиерей, глаголя: 044 ACT 005 028 не запрещением ли запретихом вам не учити о имени сем? И се, исполнисте Иерусалим учением вашим и хощете навести на ны кровь Человека Сего. 044 ACT 005 029 Отвещав же Петр и Апостоли реша: повиноватися подобает Богови паче, нежели человеком: 044 ACT 005 030 Бог отец наших воздвиже Иисуса, Егоже вы убисте, повесивше на древе: 044 ACT 005 031 Сего Бог Началника и Спаса возвыси десницею Своею, дати покаяние Израилеви и оставление грехов: 044 ACT 005 032 и мы есмы Того свидетелие глагол сих, и Дух Святый, Егоже даде Бог повинующымся Ему. 044 ACT 005 033 Они же слышавше распыхахуся и совещаша убити их. 044 ACT 005 034 Востав же некий на сонмищи фарисей, именем Гамалиил, законоучитель честен всем людем, повеле вне мало что Апостолом уступити, 044 ACT 005 035 рече же к ним: мужие Израильтяне, внимайте себе о человецех сих, что хощете сотворити: 044 ACT 005 036 пред сими бо деньми воста Февда, глаголя быти велика некоего себе, емуже прилепишася числом мужей яко четыреста: иже убиен бысть, и вси, елицы повинушася ему, разыдошася и быша ни во чтоже: 044 ACT 005 037 по сем воста Иуда Галилеанин во дни написания и отвлече люди доволны вслед себе: и той погибе, и вси, елицы послушаша его, разсыпашася: 044 ACT 005 038 и ныне, глаголю вам, отступите от человек сих и оставите их: яко аще будет от человек совет сей или дело сие, разорится, 044 ACT 005 039 аще ли же от Бога есть, не можете разорити то, да не како и богоборцы обрящетеся. 044 ACT 005 040 Послушаша же его, и призвавше Апостолы, бивше запретиша им не глаголати о имени Иисусове и отпустиша их. 044 ACT 005 041 Они же убо идяху радующеся от лица собора, яко за имя Господа Иисуса сподобишася безчестие прияти: 044 ACT 005 042 по вся же дни в церкви и в домех не престаяху учаще и благовествующе Иисуса Христа. 044 ACT 006 001 Во днех же сих, умножившымся учеником, бысть роптание Еллинов ко Евреом, яко презираемы бываху во вседневнем служении вдовицы их. 044 ACT 006 002 Призвавше же дванадесять множество ученик, реша: не угодно есть нам, оставльшым слово Божие, служити трапезам: 044 ACT 006 003 усмотрите убо, братие, мужы от вас свидетелствованы седмь, исполнены Духа Свята и премудрости, ихже поставим над службою сею: 044 ACT 006 004 мы же в молитве и служении слова пребудем. 044 ACT 006 005 И угодно бысть слово сие пред всем народом: и избраша Стефана, мужа исполнена веры и Духа Свята, и Филиппа, и Прохора и Никанора, и Тимона и Пармена, и Николаа пришелца Антиохийскаго, 044 ACT 006 006 ихже поставиша пред Апостолы: и помолившеся возложиша на ня руце. 044 ACT 006 007 И слово Божие растяше, и множашеся число ученик во Иерусалиме зело: мног же народ священников послушаху веры. 044 ACT 006 008 Стефан же исполнь веры и силы творяше знамения и чудеса велия в людех. 044 ACT 006 009 Восташа же нецыи от сонма глаголемаго Ливертинска и Киринейска и Александрска, и иже от Киликии и Асии, стязающеся со Стефаном: 044 ACT 006 010 и не можаху противустати премудрости и Духу, Имже глаголаше. 044 ACT 006 011 Тогда подустиша мужы глаголющыя, яко слышахом его глаголюща глаголы хульныя на Моисеа и на Бога. 044 ACT 006 012 Сподвигоша же люди и старцы и книжники, и нападше восхитиша его и приведоша на сонмище, 044 ACT 006 013 поставиша же свидетели ложны глаголющыя, яко человек сей не престает глаголы хульныя глаголя на место святое сие и закон: 044 ACT 006 014 слышахом бо его глаголюща, яко Иисус Назорей сей разорит место сие и изменит обычаи, яже предаде нам Моисей. 044 ACT 006 015 И воззревше нань вси седящии в сонмищи, видеша лице его яко лице Ангела. 044 ACT 007 001 Рече же архиерей: аще убо сия тако суть? 044 ACT 007 002 Он же рече: мужие братие и отцы, послушайте. Бог славы явися отцу нашему Аврааму сущу в Месопотамии, прежде даже не вселитися ему в Харрань, 044 ACT 007 003 и рече к нему: изыди от земли твоея и от рода твоего и от дому отца твоего, и прииди в землю, юже аще ти покажу. 044 ACT 007 004 Тогда изшед от земли Халдейския, вселися в Харрань: и оттуду, по умертвии отца его, пресели его в землю сию, на нейже вы ныне живете, 044 ACT 007 005 и не даде ему наследия в ней, ниже стопы ногу: и обеща дати ему ю во одержание и семени его по нем, не сущу ему чаду. 044 ACT 007 006 Глагола же сице Бог, яко будет семя его пришелцы в земли чуждей, и поработят е и озлобят лет четыреста. 044 ACT 007 007 И языку, емуже поработают, сужду Аз, рече Бог: и по сих изыдут и послужат Ми на месте сем. 044 ACT 007 008 И даде ему завет обрезания. И тако роди Исаака и обреза его в день осмый: и Исаак Иакова, и Иаков дванадесять патриарх. 044 ACT 007 009 И патриарси позавидевше Иосифу продаша его во Египет: и бе Бог с ним, 044 ACT 007 010 и изят его от всех скорбей его, и даде ему благодать и премудрость пред фараоном царем Египетским: и постави его началника над Египтом и над всем домом своим. 044 ACT 007 011 Прииде же глад на всю землю Египетскую и Ханааню и скорбь велия, и не обретаху сытости отцы наши. 044 ACT 007 012 Слышав же Иаков сущую пшеницу во Египте, посла отцы нашя первее, 044 ACT 007 013 и внегда второе (приидоша), познан бысть Иосиф братии своей, и яве бысть фараону род Иосифов. 044 ACT 007 014 Послав же Иосиф призва отца своего Иакова и все сродство свое, седмьдесят и пять душ. 044 ACT 007 015 Сниде же Иаков во Египет, и скончася сам и отцы наши: 044 ACT 007 016 и принесени быша в Сихем и положени быша во гробе, егоже купи Авраам ценою сребра от сынов Еммора Сихемова. 044 ACT 007 017 И якоже приближашеся время обетования, имже клятся Бог Аврааму, возрастоша людие и умножишася во Египте, 044 ACT 007 018 дондеже наста царь ин (во Египте), иже не знаше Иосифа: 044 ACT 007 019 сей зле умыслив о роде нашем, озлоби отцы нашя, уморити младенцы их и не оживити. 044 ACT 007 020 В неже время родися Моисей и бе угоден Богови, иже питан бысть месяцы три в дому отца своего: 044 ACT 007 021 извержена же его взят его дщи фараонова и воспита и себе в сына: 044 ACT 007 022 и наказан бысть Моисей всей премудрости Египетстей, бе же силен в словесех и делех. 044 ACT 007 023 Егда же исполняшеся ему лет четыредесятих время, взыде на сердце ему посетити братию свою сыны Израилевы: 044 ACT 007 024 и видев некоего обидима, пособствова и сотвори отмщение обидимому, убив Египтянина. 044 ACT 007 025 Мняше же разумети братиям своим, яко Бог рукою его даст им спасение: они же не разумеша. 044 ACT 007 026 Во утрий же день явися им тяжущымся и привлачаше их в примирение, рек: мужие, братия есте вы, вскую обидите друг друга? 044 ACT 007 027 Обидяй же ближняго отрину его, рек: кто тя постави князя и судию над нами? 044 ACT 007 028 Еда убити мя ты хощеши, имже образом убил еси вчера Египтянина? 044 ACT 007 029 Бежа же Моисей о словеси сем и бысть пришлец в земли Мадиамстей, идеже роди сына два. 044 ACT 007 030 И исполньшымся летом четыредесятим, явися ему в пустыни горы Синайския Ангел Господень в пламени огнене в купине: 044 ACT 007 031 Моисей же видев дивляшеся видению: приступающу же ему разумети, бысть глас Господень к нему: 044 ACT 007 032 Аз Бог отец твоих, Бог Авраамов и Бог Исааков и Бог Иаковль. Трепетен же быв Моисей не смеяше смотрити. 044 ACT 007 033 Рече же ему Господь: изуй сапоги ногу твоею, место бо, на немже стоиши, земля свята есть: 044 ACT 007 034 видя видех озлобление людий Моих, иже во Египте, и стенание их услышах, и снидох изяти их: и ныне гряди, послю тя во Египет. 044 ACT 007 035 Сего Моисеа, егоже отринуша, рекше: кто тя постави началника и судию? Сего Бог князя и избавителя посла рукою Ангела явльшагося ему в купине: 044 ACT 007 036 сей изведе их, сотворь чудеса и знамения в земли Египетстей и в Чермнем мори, и в пустыни лет четыредесять. 044 ACT 007 037 Сей есть Моисей рекий сыном Израилевым: Пророка вам воздвигнет Господь Бог ваш от братии вашея яко мене: Того послушайте. 044 ACT 007 038 Сей есть бывый в церкви в пустыни со Ангелом, глаголавшим ему на горе Синайстей, и со отцы нашими, иже прият словеса жива дати нам, 044 ACT 007 039 егоже не восхотеша послушати отцы наши, но отринуша и и обратишася сердцем своим во Египет, 044 ACT 007 040 рекше Аарону: сотвори нам боги, иже предидут пред нами, Моисею бо сему, иже изведе нас от земли Египетския, не вемы, что бысть ему. 044 ACT 007 041 И сотвориша телца во дни оны, и принесоша жертву идолу, и веселяхуся в делех руку своею. 044 ACT 007 042 Отвратися же Бог и предаде их служити воем небесным, якоже писано есть в книзе пророк: еда заколения и жертвы принесосте Ми лет четыредесять в пустыни, доме Израилев? 044 ACT 007 043 И восприясте скинию Молохову и звезду бога вашего Ремфана, образы, яже сотвористе покланятися им: и преселю вы далее Вавилона. 044 ACT 007 044 Сень свидения бяше отцем нашым в пустыни, якоже повеле Глаголяй Моисеови сотворити ю по образу, егоже виде: 044 ACT 007 045 юже и внесоша приемше отцы наши со Иисусом во одержание языков, ихже изрину Бог от лица отец наших, даже до дний Давида: 044 ACT 007 046 иже обрете благодать пред Богом и испроси обрести селение Богу Иаковлю. 044 ACT 007 047 Соломон же созда Ему храм. 044 ACT 007 048 Но Вышний не в рукотворенных церквах живет, якоже пророк глаголет: 044 ACT 007 049 Небо Мне престол есть, земля же подножие ногама Моима: кий храм созиждете Ми, глаголет Господь, или кое место покоищу Моему? 044 ACT 007 050 Не рука ли Моя сотвори сия вся? 044 ACT 007 051 Жестоковыйнии и необрезаннии сердцы и ушесы, вы присно Духу Святому противитеся, якоже отцы ваши, тако и вы: 044 ACT 007 052 кого от пророк не изгнаша отцы ваши? И убиша предвозвестившыя о пришествии Праведнаго, Егоже вы ныне предателе и убийцы бысте, 044 ACT 007 053 иже приясте закон устроением Ангелским и не сохранисте. 044 ACT 007 054 Слышаще же сия, распыхахуся сердцы своими и скрежетаху зубы нань. 044 ACT 007 055 Стефан же сый исполнь Духа Свята, воззрев на небо, виде славу Божию и Иисуса стояща о десную Бога, 044 ACT 007 056 и рече: се, вижу небеса отверста и Сына Человеча о десную стояща Бога. 044 ACT 007 057 Возопивше же гласом велиим, затыкаху ушы свои и устремишася единодушно нань, 044 ACT 007 058 и изведше вне града, камением побиваху его: и свидетелие (снемше) ризы своя положиша при ногу юноши нарицаемаго Савла, 044 ACT 007 059 и камением побиваху Стефана, молящася и глаголюща: Господи Иисусе, приими дух мой. 044 ACT 007 060 Преклонь же колена, возопи гласом велиим: Господи, не постави им греха сего. И сия рек успе. 044 ACT 008 001 Савл же бе соизволяя убийству его. Бысть же в той день гонение велие на церковь Иерусалимскую: вси же разсеяшася по странам Иудейским и Самарийским, кроме Апостол: 044 ACT 008 002 погребоша же Стефана мужие благоговейнии и сотвориша плачь велий над ним. 044 ACT 008 003 Савл же озлобляше церковь, в домы входя, и влачя мужы и жены, предаяше в темницу. 044 ACT 008 004 Разсеявшиися же прохождаху, благовествующе слово. 044 ACT 008 005 Филипп же сошед во град Самарийский, проповедаше им Христа: 044 ACT 008 006 внимаху же народи глаголемым от Филиппа единодушно, слышаще и видяще знамения, яже творяше: 044 ACT 008 007 дуси бо нечистии от многих имущих я, вопиюще гласом велиим, исхождаху, мнози же разслабленнии и хромии исцелишася: 044 ACT 008 008 и бысть радость велия во граде том. 044 ACT 008 009 Муж же некий, именем Симон, прежде бе во граде волхвуя и удивляя язык Самарийский, глаголя некоего быти себе велика, 044 ACT 008 010 емуже внимаху вси от мала даже до велика, глаголюще: сей есть сила Божия великая. 044 ACT 008 011 Внимаху же ему, зане доволно время волхвовании удивляше их. 044 ACT 008 012 Егда же вероваша Филиппу благовествующу яже о Царствии Божии и о имени Иисус Христове, крещахуся мужие же и жены. 044 ACT 008 013 Симон же и сам верова и крещься бе пребывая у Филиппа: видя же силы и знамения велия бываема, ужасен дивляшеся. 044 ACT 008 014 Слышавше же иже во Иерусалиме Апостоли, яко прият Самариа слово Божие, послаша к ним Петра и Иоанна, 044 ACT 008 015 иже сошедше помолишася о них, яко да приимут Духа Святаго: 044 ACT 008 016 еще бо ни на единаго их бе пришел, точию крещени бяху во имя Господа Иисуса: 044 ACT 008 017 тогда возложиша руце на ня, и прияша Духа Святаго. 044 ACT 008 018 Видев же Симон, яко возложением рук Апостолских дается Дух Святый, принесе им сребро, 044 ACT 008 019 глаголя: дадите и мне власть сию, да, на негоже аще положу руце, приимет Духа Святаго. 044 ACT 008 020 Петр же рече к нему: сребро твое с тобою да будет в погибель, яко дар Божий непщевал еси сребром стяжати: 044 ACT 008 021 несть ти части ни жребия в словеси сем, ибо сердце твое несть право пред Богом: 044 ACT 008 022 покайся убо о злобе твоей сей и молися Богу, аще убо отпустится ти помышление сердца твоего: 044 ACT 008 023 в желчи бо горести и союзе неправды зрю тя суща. 044 ACT 008 024 Отвещав же Симон рече: помолитеся вы о мне ко Господу, яко да ничтоже сих найдет на мя, яже рекосте. 044 ACT 008 025 Они же убо, засвидетелствовавше и глаголавше слово Господне, возвратишася во Иерусалим и многим весем Самарийским благовестиша. 044 ACT 008 026 Ангел же Господень рече к Филиппу, глаголя: востани и иди на полудне, на путь сходящий от Иерусалима в Газу: и той есть пуст. 044 ACT 008 027 И востав пойде: и се, муж Мурин, евнух силен Кандакии царицы Муринския, иже бе над всеми сокровищи ея, иже прииде поклонитися во Иерусалим: 044 ACT 008 028 бе же возвращаяся, и седя на колеснице своей, чтяше пророка Исаию. 044 ACT 008 029 Рече же Дух к Филиппу: приступи и прилепися колеснице сей. 044 ACT 008 030 Притек же Филипп услыша его чтуща пророка Исаию и рече: убо разумееши ли, яже чтеши? 044 ACT 008 031 Он же рече: како убо могу (разумети), аще не кто наставит мя? Умоли же Филиппа, да возшед сядет с ним. 044 ACT 008 032 Слово же Писания, еже чтяше, бе сие: яко овча на заколение ведеся, и яко агнец прямо стригущему его безгласен, тако не отверзает уст Своих: 044 ACT 008 033 во смирении Его суд Его взятся, род же Его кто исповесть? Яко вземлется от земли живот Его. 044 ACT 008 034 Отвещав же каженик к Филиппу, рече: молю тя, о ком пророк глаголет сие? О себе ли, или о инем некоем? 044 ACT 008 035 Отверз же Филипп уста своя и начен от Писания сего, благовести ему Иисуса. 044 ACT 008 036 Якоже идяху путем, приидоша на некую воду, и рече каженик: се, вода: что возбраняет ми креститися? 044 ACT 008 037 Рече же ему Филипп: аще веруеши от всего сердца твоего, мощно ти есть. Отвещав же рече: верую Сына Божия быти Иисуса Христа. 044 ACT 008 038 И повеле стати колеснице: и снидоста оба на воду, Филипп же и каженик: и крести его. 044 ACT 008 039 Егда же изыдоста от воды, Дух Святый нападе на каженика: Ангел же Господень восхити Филиппа, и не виде его ктому каженик, идяше бо в путь свой радуяся. 044 ACT 008 040 Филипп же обретеся во Азоте и проходя благовествоваше градом всем, дондеже приити ему в Кесарию. 044 ACT 009 001 Савл же, еще дыхая прещением и убийством на ученики Господни, приступль ко архиерею, 044 ACT 009 002 испроси от него послания в Дамаск к соборищем, яко да аще некия обрящет того пути сущыя, мужы же и жены, связаны приведет во Иерусалим. 044 ACT 009 003 Внегда же ити, бысть ему приближитися к Дамаску, и внезапу облиста его свет от небесе: 044 ACT 009 004 и пад на землю, слыша глас глаголющь ему: Савле, Савле, что Мя гониши? 044 ACT 009 005 Рече же: кто еси, Господи? Господь же рече: Аз есмь Иисус, Егоже ты гониши: жестоко ти есть противу рожну прати. 044 ACT 009 006 Трепещя же и ужасаяся глагола: Господи, что мя хощеши творити? И Господь рече к нему: востани и вниди во град, и речется ти, что ти подобает творити. 044 ACT 009 007 Мужие же идущии с ним стояху чудящеся, глас убо слышаще, но ни когоже видяще. 044 ACT 009 008 Воста же Савл от земли и отверстыма очима своима ни единаго видяше: ведуще же его за руку, введоша в Дамаск: 044 ACT 009 009 и бе дни три не видя, и ни яде, ниже пияше. 044 ACT 009 010 Бе же некто ученик в Дамасце, именем Ананиа, и рече к нему Господь в видении: Анание. Он же рече: се, аз, Господи. 044 ACT 009 011 Господь же к нему: востав поиди на стогну нарицаемую Правую и взыщи в дому Иудове Савла именем, Тарсянина: се бо, молитву деет 044 ACT 009 012 и виде в видении мужа, именем Ананию, вшедша и возложша нань руку, яко да прозрит. 044 ACT 009 013 Отвеща же Ананиа: Господи, слышах от многих о мужи сем, колика зла сотвори святым Твоим во Иерусалиме: 044 ACT 009 014 и зде имать власть от архиерей связати вся нарицающыя имя Твое. 044 ACT 009 015 Рече же к нему Господь: иди, яко сосуд избран Ми есть сей, пронести имя Мое пред языки и царьми и сынми Израилевыми: 044 ACT 009 016 Аз бо скажу ему, елика подобает ему о имени Моем пострадати. 044 ACT 009 017 Пойде же Ананиа и вниде в храмину, и возложь нань руце, рече: Савле брате, Господь Иисус явлейтися на пути, имже шел еси, посла мя, яко да прозриши и исполнишися Духа Свята. 044 ACT 009 018 И абие отпадоша от очию его яко чешуя: прозре же абие, и востав крестися, 044 ACT 009 019 и приемь пищу, укрепися. Бысть же Савл с сущими в Дамасце учениками дни некия: 044 ACT 009 020 и абие на сонмищих проповедаше Иисуса, яко Сей есть Сын Божий. 044 ACT 009 021 Дивляхуся же вси слышащии и глаголаху: не сей ли есть гонивый во Иерусалиме нарицающыя имя сие, и зде на сие прииде, да связаны тыя приведет ко архиереем? 044 ACT 009 022 Савл же паче крепляшеся и смущаше Иудеи живущыя в Дамасце, препирая, яко Сей есть Христос. 044 ACT 009 023 Якоже исполнишася дние доволни, совещаша Иудее убити его, 044 ACT 009 024 уведан же бысть Савлу совет их: стрежаху же врат день и нощь, яко да убиют его: 044 ACT 009 025 поемше же его ученицы нощию, свесиша по стене в кошнице. 044 ACT 009 026 Пришед же Савл во Иерусалим, покушашеся прилеплятися учеником: и вси бояхуся его, не верующе, яко есть ученик. 044 ACT 009 027 Варнава же приемь его, приведе ко Апостолом и поведа им, како на пути виде Господа, и яко глагола ему, и како в Дамасце дерзаше о имени Иисусове. 044 ACT 009 028 И бяше с ними входя и исходя во Иерусалиме и дерзая о имени Господа Иисуса. 044 ACT 009 029 Глаголаше же и стязашеся с Еллины: они же искаху убити его. 044 ACT 009 030 Разумевше же братия, сведоша его в Кесарию и отпустиша его в Тарс. 044 ACT 009 031 Церкви же по всей Иудеи и Галилеи и Самарии имеяху мир, созидающяся и ходящя в страсе Господни, и утешением Святаго Духа умножахуся. 044 ACT 009 032 И бысть Петру, посещающу всех, снити и ко святым живущым в Лидде: 044 ACT 009 033 обрете же тамо человека некоего, именем Енеа, от осми лет лежаща на одре, иже бе разслаблен. 044 ACT 009 034 И рече ему Петр: Енее, исцеляет тя Иисус Христос: востани с постели твоея. И абие воста: 044 ACT 009 035 и видеша его вси живущии в Лидде и во Ассароне, иже обратишася ко Господу. 044 ACT 009 036 Во Июппии же бе некая ученица, именем Тавифа, яже сказаема глаголется серна: сия бяше исполнена благих дел и милостынь, яже творяше. 044 ACT 009 037 Бысть же во дни тыя, болевшей ей умрети: омывше же ю, положиша в горнице. 044 ACT 009 038 Близ же сущей Лидде Июппии, ученицы слышавше, яко Петр есть в ней, послаша два мужа к нему, моляще его не обленитися приити до них. 044 ACT 009 039 Востав же Петр иде с нима: егоже пришедша возведоша в горницу, и предсташа ему вся вдовицы плачущя и показующя ризы и одежды, елика творяше, с ними сущи, Серна. 044 ACT 009 040 Изгнав же вон вся Петр, преклонь колена помолися, и обращься к телу, рече: Тавифо, востани. Она же отверзе очи свои, и видевши Петра, седе. 044 ACT 009 041 Подав же ей руку, воздвиже ю, и призвав святыя и вдовицы, постави ю живу. 044 ACT 009 042 Уведано же бысть се по всей Июппии, и мнози вероваша в Господа. 044 ACT 009 043 Бысть же дни доволны пребыти ему во Июппии у некоего Симона усмаря. 044 ACT 010 001 Муж же некий бе в Кесарии, именем Корнилий, сотник от спиры нарицающияся Италийския, 044 ACT 010 002 благоговеин и бояйся Бога со всем домом своим, творяй милостыни многи людем и моляйся Богу всегда: 044 ACT 010 003 виде в видении яве, яко в час девятый дне, Ангела Божия сшедша к нему и рекша ему: Корнилие. 044 ACT 010 004 Он же воззрев нань и пристрашен быв рече: что есть, Господи? Рече же ему: молитвы твоя и милостыни твоя взыдоша на память пред Бога: 044 ACT 010 005 и ныне посли во Июппию мужей и призови Симона, нарицаемаго Петра: 044 ACT 010 006 сей странствует у некоего Симона усмаря, емуже есть дом при мори: той речет тебе глаголы, в нихже спасешися ты и весь дом твой. 044 ACT 010 007 И якоже отиде Ангел глаголяй Корнилию, пригласив два от рабов своих и воина благочестива от служащих ему 044 ACT 010 008 и сказав им вся, посла их во Июппию. 044 ACT 010 009 Воутрие же, путьшествующым им и ко граду приближающымся, взыде Петр на горницу помолитися, о часе шестем. 044 ACT 010 010 Бысть же приалчен и хотяше вкусити: готовящым же онем, нападе нань ужас, 044 ACT 010 011 и виде небо отверсто и сходящ нань сосуд некий, яко плащаницу велию, по четырем краем привязан и низу спущаемь на землю, 044 ACT 010 012 в немже бяху вся четвероногая земли и зверие и гади и птицы небесныя. 044 ACT 010 013 И бысть глас к нему: востав, Петре, заколи и яждь. 044 ACT 010 014 Петр же рече: никакоже, Господи, яко николиже ядох всяко скверно или нечисто. 044 ACT 010 015 И (се) глас паки к нему вторицею: яже Бог очистил есть, ты не скверни. 044 ACT 010 016 Сие же бысть трищи: и паки взяся сосуд на небо. 044 ACT 010 017 Якоже в себе недоумевашеся Петр, что бы было видение, еже виде, и се, мужие посланнии от Корнилиа, вопрошше и уведевше дом Симонов, сташа пред враты 044 ACT 010 018 и возглашше вопрошаху, аще Симон, нарицаемый Петр, зде странствует. 044 ACT 010 019 Петру же размышляющу о видении, рече ему Дух: се, мужие трие ищут тебе: 044 ACT 010 020 но востав сниди и иди с ними, ничтоже разсуждая: зане Аз послах их. 044 ACT 010 021 Сошед же Петр к мужем посланным к нему от Корнилиа, рече: се, аз есмь, егоже ищете: кая есть вина, еяже ради приидосте? 044 ACT 010 022 Они же рекоша: Корнилий сотник, муж праведен и бояйся Бога, свидетелствован от всего языка Иудейска, увещен есть от Ангела свята призвати тя в дом свой и слышати глаголы от тебе. 044 ACT 010 023 Призвав же их учреди: наутрие же Петр востав иде с ними, и нецыи от братий, иже от Июппии, идоша с ним: 044 ACT 010 024 и наутрие внидоша в Кесарию. Корнилий же бе чая их, созвав сродники своя и любезныя други. 044 ACT 010 025 Якоже бысть внити Петру, срете его Корнилий, и пад на ногу его поклонися. 044 ACT 010 026 Петр же воздвиже его, глаголя: востани: и аз сам человек есмь. 044 ACT 010 027 И с ним беседуя, вниде и обрете собравшыяся многи: 044 ACT 010 028 рече же к ним: вы весте, яко не лепо есть мужу Иудеанину прилеплятися или приходити ко иноплеменнику: и мне Бог показа ни единаго скверна или нечиста глаголати человека: 044 ACT 010 029 темже и без сумнения приидох призван: вопрошаю вы убо, коея ради вины посласте по мене? 044 ACT 010 030 И Корнилий рече: от четвертаго дне даже до сего часа бех постяся и в девятый час моляся в дому моем: и се, муж ста предо мною во одежди светле 044 ACT 010 031 и рече: Корнилие, услышана бысть молитва твоя, и милостыни твоя помянушася пред Богом: 044 ACT 010 032 посли убо во Июппию и призови Симона, иже нарицается Петр: сей странствует в дому Симона усмаря близ моря: иже пришед возглаголет тебе. 044 ACT 010 033 Абие убо послах к тебе, ты же добре сотворил еси пришед: ныне убо вси мы пред Богом предстоим слышати вся повеленная тебе от Бога. 044 ACT 010 034 Отверз же Петр уста, рече: поистинне разумеваю, яко не на лица зрит Бог, 044 ACT 010 035 но во всяцем языце бояйся Его и делаяй правду приятен Ему есть: 044 ACT 010 036 слово, еже посла сыном Израилевым, благовествуя мир Иисус Христом: Сей есть всем Господь: 044 ACT 010 037 вы весте глагол бывший по всей Иудеи, наченшийся от Галилеи, по крещении, еже проповеда Иоанн: 044 ACT 010 038 Иисуса, Иже от Назарета, яко помаза Его Бог Духом Святым и силою, Иже пройде благодателствуя и исцеляя вся насилованныя от диавола, яко Бог бяше с Ним: 044 ACT 010 039 и мы есмы свидетеле всех, яже сотвори во стране Иудейстей и во Иерусалиме: Егоже и убиша, повешше на древе. 044 ACT 010 040 Сего Бог воскреси в третий день и даде Ему явлену быти, 044 ACT 010 041 не всем людем, но нам свидетелем преднареченным от Бога, иже с Ним ядохом и пихом, по воскресении Его от мертвых: 044 ACT 010 042 и повеле нам проповедати людем и засвидетелствовати, яко Той есть нареченный от Бога Судия живым и мертвым: 044 ACT 010 043 о Сем вси пророцы свидетелствуют, оставление грехов прияти именем Его всякому верующему в Онь. 044 ACT 010 044 Еще же глаголющу Петру глаголы сия, нападе Дух Святый на вся слышащыя слово. 044 ACT 010 045 И ужасошася иже от обрезания вернии, елицы приидоша с Петром, яко и на языки дар Святаго Духа излияся: 044 ACT 010 046 слышаху бо их глаголющих языки и величающих Бога. Тогда отвеща Петр: 044 ACT 010 047 еда воду возбранити может кто, еже не креститися сим, иже Дух Святый прияша, якоже и мы? 044 ACT 010 048 Повеле же им креститися во имя Иисус Христово. Тогда молиша его пребыти у них дни некия. 044 ACT 011 001 Слышаша же Апостоли и братия сущии во Иудеи, яко и языцы прияша слово Божие. 044 ACT 011 002 И егда взыде Петр во Иерусалим, препирахуся с ним иже от обрезания, 044 ACT 011 003 глаголюще, яко к мужем обрезания не имущым вшел еси и ял еси с ними. 044 ACT 011 004 Начен же Петр, сказоваше им поряду, глаголя: 044 ACT 011 005 аз бех во граде Июппийстем моляся и видех во ужасе видение, сходящь сосуд некий, яко плащаницу велию, от четырех краев низпущаему с небесе, и прииде даже до мене: 044 ACT 011 006 в нюже воззрев смотрях, и видех четвероногая земная и звери и гады и птицы небесныя. 044 ACT 011 007 Слышах же глас глаголющь мне: востав, Петре, заколи и яждь. 044 ACT 011 008 Рех же: никакоже, Господи, яко всяко скверно или нечисто николиже вниде во уста моя. 044 ACT 011 009 Отвеща же ми глас вторицею с небесе глаголющь: яже Бог очистил есть, ты не скверни. 044 ACT 011 010 Сие же бысть трижды: и паки взяшася вся на небо. 044 ACT 011 011 И се, абие трие мужие сташа пред храминою, в нейже бех, послани от Кесарии ко мне. 044 ACT 011 012 Рече же ми Дух ити с ними, ничтоже разсуждая: приидоша же со мною и шесть братия сии, и внидохом в дом мужа. 044 ACT 011 013 И возвести нам, како виде Ангела (свята) в дому своем, ставша и рекша ему: посли во Июппию мужы и призови Симона, нарицаемаго Петра, 044 ACT 011 014 иже речет глаголы к тебе, в нихже спасешися ты и весь дом твой. 044 ACT 011 015 Внегда же начах глаголати, нападе Дух Святый на них, якоже и на ны в начале. 044 ACT 011 016 Помянух же глаголгол Господень, якоже глаголаше: Иоанн убо крестил есть водою, вы же имате креститися Духом Святым. 044 ACT 011 017 Аще убо равен дар даде им Бог, якоже и нам веровавшым в Господа нашего Иисуса Христа, аз же кто бех могий возбранити Бога? 044 ACT 011 018 Слышавше же сия умолкоша и славляху Бога, глаголюще: убо и языком Бог покаяние даде в живот. 044 ACT 011 019 Разсеявшиися убо от скорби, бывшия при Стефане, проидоша даже до Финикии и Кипра и Антиохии, ни единому же глаголюще слово, токмо Иудеем. 044 ACT 011 020 Бяху же нецыи от них мужие Кипрстии и Киринейстии, иже, вшедше во Антиохию, глаголаху к Еллином, благовествующе Господа Иисуса. 044 ACT 011 021 И бе рука Господня с ними: многое же число веровавше обратишася ко Господу. 044 ACT 011 022 Слышано же бысть слово о них во ушию церкве сущия во Иерусалиме, и послаша Варнаву преити даже до Антиохии: 044 ACT 011 023 иже пришед и видев благодать Божию, возрадовася и моляше всех изволением сердца терпети о Господе: 044 ACT 011 024 яко бе муж благ и исполнь Духа Свята и веры. И приложися народ мног Господеви. 044 ACT 011 025 Изыде же Варнава в Тарс взыскати Савла, и обрет его, приведе его во Антиохию: 044 ACT 011 026 бысть же им лето цело собиратися в церкви и учити народ мног, нарещи же прежде во Антиохии ученики Христианы. 044 ACT 011 027 В тыя же дни снидоша от Иерусалима пророцы во Антиохию: 044 ACT 011 028 востав же един от них, именем Агав, назнаменаше Духом глад велик хотящь быти по всей вселенней, иже и бысть при Клавдии кесари: 044 ACT 011 029 от ученик же, по елику кто имеяше что, изволиша кийждо их на службу послати живущым во Иудеи братиям, 044 ACT 011 030 еже и сотвориша, пославше к старцем рукою Варнавлею и Савлею. 044 ACT 012 001 Во оно же время возложи Ирод царь руце озлобити некия иже от церкве, 044 ACT 012 002 уби же Иакова, брата Иоаннова, мечем: 044 ACT 012 003 и видев, яко годе есть Иудеем, приложи яти и Петра: бяху же дние опресночнии: 044 ACT 012 004 егоже и емь всади в темницу, предав четырем четверицам воинов стрещи его, хотя по Пасце извести его к людем. 044 ACT 012 005 И убо Петра стрежаху в темнице: молитва же бе прилежна бываемая от церкве к Богу о нем. 044 ACT 012 006 Егда же хотяше его извести Ирод, в нощи той бе Петр спя между двема воинома, связан (железнома) ужема двема, стражие же пред дверьми стрежаху темницы. 044 ACT 012 007 И се, Ангел Господень предста, и свет возсия в храмине: толкнув же в ребра Петра, воздвиже его, глаголя: востани вскоре. И спадоша ему ужя (железная) с руку. 044 ACT 012 008 Рече же Ангел к нему: препояшися и вступи в плесницы твоя. Сотвори же тако. И глагола ему: облецыся в ризу твою и последствуй ми. 044 ACT 012 009 И изшед вслед его идяше и не ведаше, яко истина есть бывшее от Ангела, мняше же видение зрети. 044 ACT 012 010 Прошедша же первую стражу и вторую, приидоста ко вратом железным, вводящым во град, яже о себе отверзошася има: и изшедша преидоста стогну едину, и абие отступи Ангел от него. 044 ACT 012 011 И Петр быв в себе, рече: ныне вем воистинну, яко посла Бог Ангела Своего и изят мя из руки Иродовы и от всего чаяния людий Иудейских. 044 ACT 012 012 Смотрив же прииде в дом Марии матере Иоанна, нарицаемаго Марка, идеже бяху мнози собрани и молящеся. 044 ACT 012 013 Толкнувшу же Петру во врата двора, приступи слышати отроковица, именем Роди, 044 ACT 012 014 и познавши глас Петров, от радости не отверзе врат, притекши же сказа Петра стояща пред враты. 044 ACT 012 015 Они же к ней реша: беснуешися ли? Она же крепляшеся тако быти. Они же глаголаху: Ангел его есть. 044 ACT 012 016 Петр же пребываше толкий: отверзше же видеша его и ужасошася. 044 ACT 012 017 Помаав же им рукою молчати, сказа им, како Господь его изведе из темницы: рече же: возвестите Иакову и братиям сия. И изшед иде во ино место. 044 ACT 012 018 Бывшу же дню, бе молва не мала в воинех, что убо Петру бысть: 044 ACT 012 019 Ирод же, поискав его и не обрет и истязав стражы, повеле отвести их: и изшед от Иудеи в Кесарию, живяше. 044 ACT 012 020 Бе же Ирод гневаяся на Тиряны и Сидоняны: иже единодушно приидоша к нему, и умоливше Власта постельника царева, прошаху мира, понеже страны их от царства его питахуся. 044 ACT 012 021 В нареченный же день Ирод, оболкся во одежду царску и сед на судище пред народом, глаголаше к ним, 044 ACT 012 022 народ же возглашаше: глас Божий, а не человечь. 044 ACT 012 023 Внезапу же порази его Ангел Господень, зане не даде славы Богу: и быв червьми изяден, издше. 044 ACT 012 024 Слово же Божие растяше и множашеся. 044 ACT 012 025 Варнава же и Савл возвратистася из Иерусалима во Антиохию, исполнивша службу, поемша с собою и Иоанна, нарицаемаго Марка. 044 ACT 013 001 Бяху же нецыи во церкви сущей во Антиохии пророцы и учителие: Варнава же и Симеон нарицаемый Нигер, и Лукий Киринеанин, и Манаил со Иродом четвертовластником воспитанный, и Савл. 044 ACT 013 002 Служащым же им Господеви и постящымся, рече Дух Святый: отделите Ми Варнаву и Савла на дело, на неже призвах их. 044 ACT 013 003 Тогда постившеся и помолившеся и возложше руки на ня, отпустиша их. 044 ACT 013 004 Сия убо, послана бывша от Духа Свята, снидоста в Селевкию, оттуду же отплыста в Кипр, 044 ACT 013 005 и бывша в Саламине, возвещаста слово Божие в сонмищих Иудейских: имеяста же и Иоанна слугу. 044 ACT 013 006 Прошедша же остров даже до Пафа, обретоста некоего мужа волхва лжепророка Иудеанина, емуже имя Вариисус, 044 ACT 013 007 иже бе со анфипатом Сергием Павлом, мужем разумным. Сей призвав Варнаву и Савла, взыска услышати слово Божие: 044 ACT 013 008 сопротивляшеся же има Елима волхв, тако бо сказуется имя его, иский развратити анфипата от веры. 044 ACT 013 009 Савл же, иже и Павел, исполнися Духа Свята, и воззрев нань, 044 ACT 013 010 рече: о, исполненне всякия льсти и всякия злобы, сыне диаволь, враже всякия правды, не престанеши ли развращая пути Господни правыя? 044 ACT 013 011 И ныне, се, рука Господня на тя, и будеши слеп, не видя солнца до времене. Внезапу же нападе нань мрак и тма, и осязая искаше вожда. 044 ACT 013 012 Тогда видев анфипат бывшее, верова, дивяся о учении Господни. 044 ACT 013 013 Отвезшеся же от Пафа Павел и сущии с ним, приидоша в Пергию Памфилийскую: Иоанн же, отлучився от них, возвратися во Иерусалим. 044 ACT 013 014 Они же, прошедше от Пергии, приидоша во Антиохию Писидийскую, и вшедше в сонмище в день субботный, седоша. 044 ACT 013 015 По чтении же закона и пророк, послаша началницы сонмища к ним, глаголюще: мужие братие, аще есть слово в вас утешения к людем, глаголите. 044 ACT 013 016 Востав же Павел и помаав рукою, рече: мужие Израильтяне и боящиися Бога, услышите: 044 ACT 013 017 Бог людий сих избра отцы нашя и люди вознесе в пришелствии в земли Египетстей, и мышцею высокою изведе их из нея 044 ACT 013 018 и до четыредесяти лет препита их в пустыни: 044 ACT 013 019 и низложив язык седмь в земли Ханаанстей, даде им в наследие землю их, 044 ACT 013 020 и по сих, яко лет четыреста и пятьдесят, даде им судии до Самуила пророка: 044 ACT 013 021 и оттуду просиша царя, и даде им Бог Саула сына Кисова, мужа от колена Вениаминова, лет четыредесять: 044 ACT 013 022 и преставль его, воздвиже им Давида в царя, емуже и рече свидетелствовав: обретох Давида сына Иессеова, мужа по сердцу Моему, иже сотворит вся хотения Моя. 044 ACT 013 023 От сего семене Бог по обетованию воздвиже Израилю Спасение Иисуса, 044 ACT 013 024 проповедавшу Иоанну пред лицем внития Его крещение покаяния всем людем Израилевым. 044 ACT 013 025 И якоже скончаваше Иоанн течение, глаголаше: кого мя непщуете быти? Несмь аз, но се, грядет по мне, Емуже несмь достоин разрешити ремень сапогу Его. 044 ACT 013 026 Мужие братие, сынове рода Авраамля, и иже в вас боящиися Бога, вам слово спасения сего послася. 044 ACT 013 027 Живущии бо во Иерусалиме и князи их, сего не разумевше, и гласы пророческия по вся субботы чтомыя, осудивше (Его), исполниша, 044 ACT 013 028 и ни единыя вины смертныя обретше, просиша у Пилата убити Его: 044 ACT 013 029 якоже скончаша вся, яже о Нем писана, снемше с древа, положиша во гробе. 044 ACT 013 030 Бог же воскреси Его от мертвых: 044 ACT 013 031 иже являшеся во дни многи совозшедшым с Ним от Галилеи во Иерусалим, иже ныне суть свидетелие Его к людем. 044 ACT 013 032 И мы вам благовествуем обетование бывшее ко отцем, яко сие Бог исполнил есть нам чадом их, воздвиг Иисуса, 044 ACT 013 033 якоже и во псалме вторем писано есть: Сын Мой еси Ты, Аз днесь родих Тя. 044 ACT 013 034 А якоже воскреси Его от мертвых, не ктому хотяща возвратитися во истление, сице рече: яко дам вам преподобная Давидова верная. 044 ACT 013 035 Темже и в другом глаголет: не даси Преподобному Твоему видети истления. 044 ACT 013 036 Давид бо, своему роду послужив Божиим советом, успе, и приложися ко отцем своим, и виде истление: 044 ACT 013 037 а Егоже Бог воздвиже, не виде истления. 044 ACT 013 038 Ведомо убо да будет вам, мужие братие, яко Его ради вам оставление грехов проповедается: 044 ACT 013 039 и от всех, от нихже не возмогосте в законе Моисеове оправдитися, о Сем всяк веруяй оправдается. 044 ACT 013 040 Блюдите убо, да не приидет на вас реченное во пророцех: 044 ACT 013 041 видите, нерадивии, и чудитеся, и узрите и исчезнете: яко дело Аз соделаю во дни вашя, емуже не имате веровати, аще кто повесть вам. 044 ACT 013 042 Исходящым же им от сонмища Иудейска, моляху языцы в другую субботу глаголатися им глаголом сим: 044 ACT 013 043 разшедшуся же собору, последоваша мнози от Иудей и честивых пришлец Павлу и Варнаве, иже, глаголюща им, увещаста их пребывати в благодати Божией. 044 ACT 013 044 Во грядущую же субботу мало не весь град собрася послушати слова Божия: 044 ACT 013 045 видевше же Иудее народы, исполнишася зависти и вопреки глаголаху глаголемым от Павла, сопротив глаголюще и хуляще. 044 ACT 013 046 Дерзнувша же Павел и Варнава рекоста: вам бе лепо первее глаголати слово Божие: а понеже отвергосте е и недостойны творите сами себе вечному животу, се, обращаемся во языки: 044 ACT 013 047 тако бо заповеда нам Господь: положих Тя во свет языком, еже быти Тебе во спасение даже до последних земли. 044 ACT 013 048 Слышаще же языцы радовахуся и славляху слово Господне, и вероваша, елицы учинени бяху в жизнь вечную: 044 ACT 013 049 проношашеся же слово Господне по всей стране. 044 ACT 013 050 Иудее же наустиша честивыя жены и благообразныя и старейшины града, и воздвигоша гонение на Павла и Варнаву, и изгнаша я от предел своих. 044 ACT 013 051 Она же, отрясша прах от ног своих на них, приидоста во Иконию. 044 ACT 013 052 Ученицы же исполняхуся радости и Духа Свята. 044 ACT 014 001 Бысть же во Иконии, вкупе внити има в сонмище Иудейское и глаголати тако, яко веровати Иудеев и Еллинов множеству многу. 044 ACT 014 002 Неверующии же Иудее воздвигоша и озлобиша душы языков на братию. 044 ACT 014 003 Доволно же убо время пребыста дерзающа о Господе, Свидетелствующем слову благодати Своея и дающем знамения и чудеса быти рукама их. 044 ACT 014 004 Разделишажеся множество града, и ови убо бяху со Иудеи, ови же со Апостолы. 044 ACT 014 005 И егда бысть стремление языком же и Иудеем с началники их досадити и камением побити их, 044 ACT 014 006 уведевша же прибегоста во грады Ликаонския, в Листру и Дервию, и во окрестныя их, 044 ACT 014 007 и тамо беста благовествующа. 044 ACT 014 008 И некто муж в Листрех немощен ногама седяше, хром от чрева матере своея сый, иже николиже бе ходил. 044 ACT 014 009 Сей слышаше Павла глаголюща: иже воззрев нань и видев, яко веру имать здрав быти, 044 ACT 014 010 рече велиим гласом: тебе глаголю во имя Господа Иисуса Христа, встани на ногу твоею прав. И абие возскочи и хождаше. 044 ACT 014 011 Народи же видевше, еже сотвори Павел, воздвигоша глас свой, ликаонски глаголюще: бози уподобльшеся человеком снидоша к нам. 044 ACT 014 012 Нарицаху же убо Варнаву Диа, Павла же Ермиа, понеже той бяше началник слова. 044 ACT 014 013 Жрец же Диев, сущаго пред градом их, приведе юнцы и (принесе) венцы пред врата, с народы хотяше жрети. 044 ACT 014 014 Слышавша же Апостола Варнава и Павел, растерзавша ризы своя, вскочиста в народ, зовуща и глаголюща: 044 ACT 014 015 мужие, что сия творите? И мы подобострастна есма вам человека, благовествующа вам от сих суетных обращатися к Богу Живу, Иже сотвори небо и землю и море и вся, яже в них: 044 ACT 014 016 Иже в мимошедшыя роды оставил бе вся языки ходити в путех их: 044 ACT 014 017 и убо не несвидетелствована Себе остави, благотворя, с небесе нам дожди дая и времена плодоносна, исполняя пищею и веселием сердца наша. 044 ACT 014 018 И сия глаголюща, едва устависта народы не жрети има, но отити коемуждо во своя си. Пребывающема же има и учащема, 044 ACT 014 019 приидоша от Антиохии и Иконии нецыи Иудее, и стязающемася има с дерзновением, наустиша народы отступити от нею, глаголюще, яко ничтоже истинно глаголета, но все лжета. И наустивше народы и камением побивше Павла, извлекоша вне града, мняще его умерша. 044 ACT 014 020 Окрест же ставшым его учеником, востав вниде во град и наутрие изыде с Варнавою в Дервию. 044 ACT 014 021 Благовествовавша же граду тому и научивша многи, возвратистася в Листру и Иконию и Антиохию, 044 ACT 014 022 утверждающа душы учеников, моляща пребыти в вере, и яко многими скорбьми подобает нам внити в Царствие Божие. 044 ACT 014 023 Рукоположша же им пресвитеры на вся церкви и помолившася с постом, предаста их Господеви, в Негоже увероваша. 044 ACT 014 024 И прошедша Писидию, приидоста в Памфилию: 044 ACT 014 025 и глаголавша в Пергии слово Господне, снидоста во Атталию 044 ACT 014 026 и оттуду отплыста во Антиохию, отнюдуже беста предана благодати Божией в дело, еже скончаста. 044 ACT 014 027 Пришедша же и собравша церковь, сказаста, елика сотвори Бог с нима и яко отверзе языком дверь веры: 044 ACT 014 028 пребыста же тамо время не мало со ученики. 044 ACT 015 001 И нецыи сшедше от Иудеи, учаху братию, яко аще не обрежетеся по обычаю Моисеову, не можете спастися. 044 ACT 015 002 Бывшей же распри и стязанию не малу Павлу и Варнаве к ним, учиниша взыти Павлу и Варнаве и неким другим от них ко Апостолом и старцем во Иерусалим о вопрошении сем. 044 ACT 015 003 Они же убо, предпослани бывше от церкве, прохождаху Финикию и Самарию, поведающе обращение языков, и творяху радость велию всей братии. 044 ACT 015 004 Пришедше же во Иерусалим, прияти быша от церкве и Апостол и старец, сказаша же, елика сотвори Бог с ними и яко отверзе языком дверь веры. 044 ACT 015 005 Восташа же нецыи от ереси фарисейския веровавшии, глаголюще, яко подобает обрезати их, завещавати же блюсти закон Моисеов. 044 ACT 015 006 Собрашася же Апостоли и старцы ведети о словеси сем. 044 ACT 015 007 Многу же взысканию бывшу, востав Петр рече к ним: мужие братие, вы весте, яко от дний первых Бог в нас избра усты моими услышати языком слово Благовестия и веровати: 044 ACT 015 008 и Сердцеведец Бог свидетелствова им, дав им Духа Святаго, якоже и нам, 044 ACT 015 009 и ничтоже разсуди между нами же и онеми, верою очищь сердца их: 044 ACT 015 010 ныне убо что искушаете Бога, (хотяще) возложити иго на выи учеником, егоже ни отцы наши, ни мы возмогохом понести? 044 ACT 015 011 Но благодатию Господа Иисуса Христа веруем спастися, якоже и они. 044 ACT 015 012 Умолча же все множество и послушаху Варнавы и Павла поведающею, елика сотвори Бог знамения и чудеса во языцех има. 044 ACT 015 013 По умолчании же ею, отвеща Иаков глаголя: мужие братие, послушайте мене: 044 ACT 015 014 Симеон поведа, яко прежде Бог посети прияти от язык люди о имени Своем: 044 ACT 015 015 и сему согласуют словеса пророк, якоже пишет: 044 ACT 015 016 по сих обращуся и созижду кров Давидов падший, и раскопаная его созижду и исправлю его, 044 ACT 015 017 яко да взыщут прочии человецы Господа, и вси языцы, в нихже наречеся имя Мое, глаголет Господь, творяй сия вся. 044 ACT 015 018 Разумна от века суть Богови вся дела Его. 044 ACT 015 019 Сего ради аз сужду не стужати от язык обращающымся к Богу, 044 ACT 015 020 но заповедати им огребатися от треб идолских и от блуда и удавленины и от крове, и елика неугодна себе суть, иным не творити. 044 ACT 015 021 Моисей бо от родов древних по всем градом проповедающыя его имать, в сонмищих по вся субботы чтомый. 044 ACT 015 022 Тогда изволися Апостолом и старцем со всею церковию, избравше мужа от них, послати во Антиохию с Павлом и Варнавою, Иуду нарицаемаго Варсаву, и Силу, мужа нарочита в братии, 044 ACT 015 023 написавше рукама их сия: Апостоли и старцы и братия, сущым во Антиохии и Сирии и Киликии братиям, иже от язык, (о Господе) радоватися. 044 ACT 015 024 Понеже слышахом, яко нецыи от нас изшедше возмутиша вас словесы, развращающе душы вашя, глаголюще обрезатися и блюсти закон, имже мы не завещахом: 044 ACT 015 025 изволися нам собравшымся единодушно, избранныя мужы послати к вам, с возлюбленныма нашима Варнавою и Павлом, 044 ACT 015 026 человекома предавшема душы своя о имени Господа нашего Иисуса Христа: 044 ACT 015 027 послахом убо Иуду и Силу, и тех словом сказующих таяжде: 044 ACT 015 028 изволися бо Святому Духу и нам, ничтоже множае возложити вам тяготы, разве нуждных сих: 044 ACT 015 029 огребатися от идоложертвенных и крове, и удавленины и блуда: и елика не хощете вам быти, другим не творите: от нихже соблюдающе себе, добре сотворите. Здравствуйте. 044 ACT 015 030 Они же убо послани бывше приидоша во Антиохию, и собравше народ, вдаша послание. 044 ACT 015 031 Прочетше же, возрадовашася о утешении. 044 ACT 015 032 Иуда же и Сила, и та пророка суща, словом мнозем утешиста братию и утвердиста. 044 ACT 015 033 Пребывша же тамо время, отпущена быста с миром от братий ко Апостолом. 044 ACT 015 034 Изволися же Силе пребыти тамо, Иуда же возвратися во Иерусалим. 044 ACT 015 035 Павел же и Варнава живяста во Антиохии, учаща и благовествующа слово Господне, и со инеми многими. 044 ACT 015 036 По неких же днех рече Павел к Варнаве: возвращшеся подобает посетити братию нашу во всех градех, в нихже проповедахом слово Господне, како пребывают. 044 ACT 015 037 Варнава же восхоте пояти с собою Иоанна нарицаемаго Марка: 044 ACT 015 038 Павел же глаголаше отступльшаго от наю от Памфилии и не шедшаго с нама на дело, на неже послани быхом, не пояти сего с собою. 044 ACT 015 039 Бысть убо распря, яко отлучитися има от себе: Варнава убо поемь Марка отплы в Кипр: 044 ACT 015 040 Павел же избрав Силу изыде предан благодати Божией от братий, 044 ACT 015 041 прохождаше же Сирию и Киликию, утверждая церкви. 044 ACT 016 001 Прииде же в Дервию и Листру. И се, ученик некий бе ту, именем Тимофей, сын жены некия Иудеаныни верны, отца же Еллина: 044 ACT 016 002 иже свидетелствован бе от сущих в Листрех и Иконии братии. 044 ACT 016 003 Сего восхоте Павел с собою изыти: и приемь обреза его, Иудей ради сущих на местех онех: ведяху бо вси отца его, яко Еллин бяше. 044 ACT 016 004 И якоже прохождаху грады, предаяше им хранити уставы сужденныя от Апостол и старец, иже во Иерусалиме. 044 ACT 016 005 Церкви же утверждахуся верою и прибываху в число по вся дни. 044 ACT 016 006 Прошедше же Фригию и Галатийскую страну, возбранени (быша) от Святаго Духа глаголати слово во Асии. 044 ACT 016 007 Пришедше же в Мисию, покушахуся в Вифинию поити: и не остави их Дух. 044 ACT 016 008 Прешедше же Мисию, снидоша в Троаду. 044 ACT 016 009 И видение в нощи явися Павлу: муж некий бе Македонянин стоя, моля его и глаголя: пришед в Македонию, помози нам. 044 ACT 016 010 И якоже видение виде, абие взыскахом изыти в Македонию, разумевше, яко призва ны Господь благовестити им. 044 ACT 016 011 Отвезшеся же от Троады, приидохом в Самофрак, воутрие же в Неаполь, 044 ACT 016 012 оттуду же в Филиппы, иже есть первый град части Македонии, колониа. Бехом же в том граде пребывающе дни некия. 044 ACT 016 013 В день же субботный изыдохом вон из града при реце, идеже мняшеся молитвенница быти, и седше глаголахом к собравшымся женам. 044 ACT 016 014 И некая жена, именем Лидиа, порфиропродалница от града Фиатирскаго, чтущи Бога, послушаше: ейже Господь отверзе сердце внимати глаголемым от Павла. 044 ACT 016 015 Якоже крестися та и дом ея, моляше ны глаголющи: аще усмотристе мя верну Господеви быти, вшедше в дом мой, пребудите. И принуди нас. 044 ACT 016 016 Бысть же идущым нам на молитву, отроковица некая имущая дух пытлив срете нас, яже стяжание много даяше господем своим волхвующи. 044 ACT 016 017 Та последовавши Павлу и нам, взываше глаголющи: сии человецы раби Бога Вышняго суть, иже возвещают нам путь спасения. 044 ACT 016 018 Се же творяше на многи дни. Стужив же си Павел и обращься, духови рече: запрещаю ти именем Иисуса Христа, изыди из нея. И изыде в том часе. 044 ACT 016 019 Видевше же господие ея, яко изыде надежда стяжания их, поемше Павла и Силу, влекоша на торг ко князем, 044 ACT 016 020 и приведше их к воеводам, реша: сии человецы возмущают град наш, Иудее суще, 044 ACT 016 021 и завещавают обычаи, яже не достоит нам приимати ни творити, Римляном сущым. 044 ACT 016 022 И снидеся народ на них, и воеводы растерзавше има ризы, веляху палицами бити их: 044 ACT 016 023 многи же давше има раны, всадиша в темницу, завещавше темничному стражу твердо стрещи их: 044 ACT 016 024 иже таково завещание приемь, всади их во внутреннюю темницу и ноги их заби в кладе. 044 ACT 016 025 В полунощи же Павел и Сила молящася пояста Бога: послушаху же их юзницы. 044 ACT 016 026 Внезапу же трус бысть велий, яко поколебатися основанию темничному: отверзошася же абие двери вся, и всем юзы ослабеша. 044 ACT 016 027 Возбуждься же темничный страж и видев отверсты двери темницы, извлек нож, хотяше себе убити, мня избегшя юзники. 044 ACT 016 028 Возгласи же гласом велиим Павел глаголя: ничтоже сотвори себе зла, вси бо есмы зде. 044 ACT 016 029 Просив же свещи вскочи, и трепетен быв, припаде к Павлу и Силе, 044 ACT 016 030 и извед их вон, рече: господие, что ми подобает творити, да спасуся? 044 ACT 016 031 Она же рекоста: веруй в Господа Иисуса Христа, и спасешися ты и весь дом твой. 044 ACT 016 032 И глаголаста ему слово Господне, и всем, иже в дому его. 044 ACT 016 033 И поемь я в тойже час нощи, измы от ран и крестися сам и свои ему вси абие: 044 ACT 016 034 введ же я в дом свой, постави трапезу и возрадовася со всем домом своим, веровав Богу. 044 ACT 016 035 Дню же бывшу, послаша воеводы паличники, глаголюще: отпусти человека она. 044 ACT 016 036 Сказа же темничный страж словеса сия Павлу, яко послаша воеводы, да отпущена будета: ныне убо изшедша, идита с миром. 044 ACT 016 037 Павел же рече к ним: бивше наю пред людьми, неосужденна человека Римлянина суща, всадиша в темницу, и ныне отай изводят наю? Ни бо: но да пришедше сами изведут наю. 044 ACT 016 038 Сказаша же паличницы воеводам глаголы сия: и убояшася слышавше, яко Римлянина еста. 044 ACT 016 039 И пришедше умолиша их и изведше моляху изыти из града. 044 ACT 016 040 Изшедша же из темницы приидоста к Лидии, и видевша братию, утешиста их и изыдоста. 044 ACT 017 001 Прешедша же Амфиполь и Аполлонию, внидоста в Солунь, идеже бе сонмище Иудейское. 044 ACT 017 002 По обычаю же своему Павел вниде к ним и по субботы три стязашеся с ними от Писаний, 044 ACT 017 003 сказуя и предлагая им, яко Христу подобаше пострадати и воскреснути от мертвых, и яко Сей Иисус, Егоже аз проповедую вам, есть Христос. 044 ACT 017 004 И нецыи от них вероваша и приложишася к Павлу и Силе, от честивых Еллин множество много и от жен благородных не мало. 044 ACT 017 005 Возревновавше же непокоршиися Иудее и приемше крамолники некия мужы злыя, и собравше народ, молвяху по граду: нашедше же на дом Иассонов, искаху их извести к народу. 044 ACT 017 006 Не обретше же их, влечаху Иассона и некия от братий ко градоначалником, вопиюще, яко, иже развратиша вселенную, сии и зде приидоша, 044 ACT 017 007 ихже прият Иассон: и сии вси противно велением кесаревым творят, царя глаголюще иного быти, Иисуса. 044 ACT 017 008 Смятоша же народ и градоначалники слышащыя сия: 044 ACT 017 009 вземше же доволное от Иассона и от прочих, отпустиша их. 044 ACT 017 010 Братия же абие в нощи отслаша Павла и Силу в Берию: иже пришедша, идоста в собор Иудейский. 044 ACT 017 011 Сии же бяху благороднейши живущих в Солуни, иже прияша слово со всем усердием, по вся дни разсуждающе Писания, аще суть сия тако. 044 ACT 017 012 Мнози убо от них вероваша, и от Еллинских жен благообразных и мужей не мало. 044 ACT 017 013 И яко уведаша иже от Солуня Иудее, яко и в Берии проповедася от Павла слово Божие, приидоша и тамо движуще и смущающе народы. 044 ACT 017 014 Абие же тогда братия отпустиша Павла ити на поморие: остаста же Сила и Тимофей тамо. 044 ACT 017 015 Провождающии же Павла ведоша его даже до Афин, и приемше заповедь к Силе и Тимофею, да яко скорее приидут к нему, изыдоша. 044 ACT 017 016 Во Афинех же ждущу их Павлу, раздражашеся дух его в нем зрящем идол полн сущь град. 044 ACT 017 017 Стязашеся же убо на сонмищи со Иудеи и с честивыми, и на торжищи по вся дни с приключающимися. 044 ACT 017 018 Нецыи же от епикур и от стоик философ стязахуся с ним: и нецыи глаголаху: что убо хощет суесловивый сей глаголати? Инии же: чуждих богов мнится проповедник быти: яко Иисуса и воскресение благовествоваше им. 044 ACT 017 019 Поемше же его, ведоша на ареопаг, глаголюще: можем ли разумети, что новое сие глаголемое тобою учение? 044 ACT 017 020 Странна бо некая влагаеши во ушеса наша: хощем убо разумети, что хотят сия быти? 044 ACT 017 021 Афинее же вси и приходящии страннии ни во чтоже ино упражняхуся, разве глаголати что или слышати новое. 044 ACT 017 022 Став же Павел посреде ареопага, рече: мужие Афинейстии, по всему зрю вы аки благочестивыя: 044 ACT 017 023 проходя бо и соглядая чествования ваша, обретох и капище, на немже бе написано: неведомому Богу. Егоже убо не ведуще (благолепне) чтете, Сего аз проповедую вам. 044 ACT 017 024 Бог сотворивый мир и вся, яже в нем, Сей небесе и земли Господь сый, не в рукотворенных храмех живет, 044 ACT 017 025 ни от рук человеческих угождения приемлет, требуя что, Сам дая всем живот и дыхание и вся: 044 ACT 017 026 сотворил же есть от единыя крове весь язык человечь, жити по всему лицу земному, уставив предучиненая времена и пределы селения их, 044 ACT 017 027 взыскати Господа, да поне осяжут Его и обрящут, яко не далече от единаго коегождо нас суща: 044 ACT 017 028 о Нем бо живем и движемся и есмы, якоже и нецыи от ваших книжник рекоша: Сего бо и род есмы. 044 ACT 017 029 Род убо суще Божий, не должни есмы непщевати подобно быти Божество злату, или сребру, или каменю художне начертану, и смышлению человечу: 044 ACT 017 030 лета убо неведения презирая Бог, ныне повелевает человеком всем всюду покаятися: 044 ACT 017 031 зане уставил есть день, в оньже хощет судити вселенней в правде, о Мужи, Егоже предустави, веру подая всем, воскресив Его от мертвых. 044 ACT 017 032 Слышавше же воскресение мертвых, овии убо ругахуся, овии же реша: да слышим тя паки о семе. 044 ACT 017 033 И тако Павел изыде от среды их. 044 ACT 017 034 Нецыи же мужие прилепившеся ему, вероваша: в нихже бе и Дионисий Ареопагитский, и жена именем Дамарь, и друзии с ними. 044 ACT 018 001 По сих же отлучився Павел от Афин, прииде в Коринф: 044 ACT 018 002 и обрет некоего Иудеанина именем Акилу, Понтянина родом, ново пришедша от Италии, и Прискиллу жену его: зане повелел бяше Клавдий отлучитися всем Иудеем от Рима: прииде к ним, 044 ACT 018 003 и зане единохудожником быти им, пребысть у них и делаше: бяху бо скинотворцы хитростию. 044 ACT 018 004 Стязашеся же на сонмищах по вся субботы и препираше Иудеи и Еллины. 044 ACT 018 005 И егда снидоста от Македонии Сила же и Тимофей, тужаше духом Павел, свидетелствуя Иудеом Иисуса быти Христа. 044 ACT 018 006 Противящымся же им и хулящым, отряс ризы своя, рече к ним: кровь ваша на главах ваших: чист аз, отныне во языки иду. 044 ACT 018 007 И прешед оттуду, прииде в дом некоего именем Иуста, чтуща Бога, емуже храмина бе вскрай сонмища. 044 ACT 018 008 Крисп же началник собора верова Господеви со всем домом своим, и мнози от Коринфян слышавше вероваху и крещахуся. 044 ACT 018 009 Рече же Господь в видении нощнем Павлу: не бойся, но глаголи и да не умолкнеши, 044 ACT 018 010 зане Аз есмь с тобою, и никтоже приложит озлобити тя: зане людие суть Ми мнози во граде сем. 044 ACT 018 011 Пребысть же тамо лето и месяц шесть, учя в них слову Божию. 044 ACT 018 012 Галлиону же анфипату сущу во Ахаии, нападоша единодушно Иудее на Павла и приведоша его на судилище, 044 ACT 018 013 глаголюще, яко противу закону сей увещавает человеки чтити Бога. 044 ACT 018 014 Хотящу же Павлу отверсти уста, рече Галлион ко Иудеем: аще убо неправда была бы кая или дело злое, о, Иудее, по слову послушал бых вас: 044 ACT 018 015 аще ли же стязания суть о словеси и о именех и о законе вашем, ведите сами: судия бо аз сим не хощу быти. 044 ACT 018 016 И изгна их от судилища. 044 ACT 018 017 Емше же вси Еллини Сосфена началника собора, бияху пред судилищем: и ни едино о сих Галлиону радение бысть. 044 ACT 018 018 Павел же, еще пребыв дни доволны и целовав братию, отплы в Сирию, и с ним Акила и Прискилла, остриг главу в Кегхреих: обрекся бо бе. 044 ACT 018 019 Приста же во Ефесе и тех остави тамо, сам же вшед в сонмище, стязашеся со Иудеи. 044 ACT 018 020 Молящым же им его на много время пребыти у них, не изволи, 044 ACT 018 021 но отречеся им, глаголя, яко подобает ми всяко праздник грядущий сотворити во Иерусалиме: паки же возвращуся к вам, Богу хотящу. И отвезеся от Ефеса: Акила же и Прискилла остаста во Ефесе. 044 ACT 018 022 И сошед в Кесарию, возшед и целовав церковь, сниде во Антиохию, 044 ACT 018 023 и сотворь время некое, изыде, проходя поряду Галатийскую страну и Фригию, утверждая вся ученики. 044 ACT 018 024 Иудеанин же некто, Аполлос именем, Александрянин родом, муж словесен, прииде во Ефес, силен сый в книгах. 044 ACT 018 025 Сей бе оглашен пути Господню, и горя духом, глаголаше и учаше известно яже о Господе, ведый токмо крещение Иоанново. 044 ACT 018 026 Сей же начат дерзати на сонмищих. Слышавша же его Акила и Прискилла, прияста его и известнее тому сказаста путь Господень. 044 ACT 018 027 Хотящу же ему преити во Ахаию, предпославше братия написаша учеником прияти его: иже пришед тамо пособствова много веровавшым благодатию: 044 ACT 018 028 твердо бо Иудеи не престая обличаше пред людьми, сказуя Писаньми, Иисуса быти Христа. 044 ACT 019 001 Бысть же внегда быти Аполлосу в Коринфе, Павел, прошед вышния страны, прииде во Ефес, и обрет некия ученики, 044 ACT 019 002 рече к ним: аще убо Дух Свят прияли есте веровавше? Они же реша к нему: но ниже аще Дух Святый есть, слышахом. 044 ACT 019 003 Рече же к ним: во что убо крестистеся? Они же рекоша: во Иоанново крещение. 044 ACT 019 004 Рече же Павел: Иоанн убо крести крещением покаяния, людем глаголя, да во Грядущаго по нем веруют, сиречь во Христа Иисуса. 044 ACT 019 005 Слышавше же крестишася во имя Господа Иисуса, 044 ACT 019 006 и возложшу Павлу на ня руце, прииде Дух Святый на ня, глаголаху же языки и пророчествоваху. 044 ACT 019 007 Бяше же всех мужей яко дванадесять. 044 ACT 019 008 Вшед же в сонмище, дерзаше, не обинуяся три месяцы беседуя и уверяя, яже о Царствии Божии. 044 ACT 019 009 И егда нецыи ожесточахуся и пряхуся, злословяще путь Господень пред народом, отступль от них отлучи ученики, по вся дни стязаяся во училищи мучителя некоего. 044 ACT 019 010 Сие же бысть два лета, яко всем живущым во Асии слышати слово Господа Иисуса, Жидом же и Еллином. 044 ACT 019 011 Силы же не просты творяше Бог рукама Павловыма, 044 ACT 019 012 яко и на недужныя наносити от (пота) тела его главотяжы и убрусцы, и исцелитися им от недуг, и духом лукавым исходити от них. 044 ACT 019 013 Начаша же нецыи от скитающихся Иудей заклинателей именовати над имущими духи лукавыя имя Господа Иисуса, глаголюще: заклинаем вы Иисусом, Егоже Павел проповедует. 044 ACT 019 014 Бяху же нецыи сынове Скевы Иудеанина архиереа седмь, иже сие творяху. 044 ACT 019 015 Отвещав же дух лукавый рече: Иисуса знаю и Павла свем, вы же кто есте? 044 ACT 019 016 И скачя на них человек, в немже бе дух лукавый, и одолев им, укрепися на них, якоже нагим и ураненым избежати от храма онаго. 044 ACT 019 017 Сие же бысть разумно всем живущым во Ефесе Иудеем же и Еллином, и нападе страх на всех их, и величашеся имя Господа Иисуса: 044 ACT 019 018 мнози же от веровавших прихождаху, исповедающе и сказующе дела своя: 044 ACT 019 019 доволни же от сотворших чародеяния, собравше книги своя, сожигаху пред всеми: и сложиша цены их и обретоша сребра пять тем. 044 ACT 019 020 Сице крепко слово Господне растяше и крепляшеся. 044 ACT 019 021 И якоже скончашася сия, положи Павел в дусе, прошед Македонию и Ахаию, ити во Иерусалим, рек, яко бывшу ми тамо, подобает ми и Рим видети. 044 ACT 019 022 Послав же в Македонию два от служащих ему, Тимофеа и Ераста, сам же пребысть время во Асии. 044 ACT 019 023 Бысть же во время оно молва не мала о пути Господни: 044 ACT 019 024 Димитрий бо некто именем, среброковачь, творяй храмы сребряны Артемиде, подаяше хитрецем делание не мало, 044 ACT 019 025 ихже собрав и ины сицевых вещей делатели, рече: мужие, весте, яко от сего делания доволство житию нашему есть: 044 ACT 019 026 и видите и слышите, яко не токмо Ефес, но мало не всю Асию Павел сей препрев, обрати мног народ, глаголя, яко не суть бози, иже руками человеческими бывают: 044 ACT 019 027 не токмо же сия беду приемлет наша часть, еже бы во обличение не приити, но дабы и великия богини Артемиды храм ни во чтоже не вменился, имать же разоритися и величество ея, юже вся Асиа и вселенная почитает. 044 ACT 019 028 Слышавше же и бывше исполнени ярости, вопияху глаголюще: велика Артемида Ефесская. 044 ACT 019 029 И исполнися град весь мятежа: устремишася же единодушно на позорище, восхищше Гаиа и Аристарха Македоняны, други Павловы. 044 ACT 019 030 Павлу же хотящу внити в народ, не оставляху его ученицы: 044 ACT 019 031 нецыи же от Асийских началник, суще ему друзи, пославше к нему, моляху не вдати себе в позор. 044 ACT 019 032 Друзии же убо ино нечто вопияху: бе бо собрание смущено, и множайшии от них не ведяху, чесо ради собрашася. 044 ACT 019 033 От народа же избраша Александра, изведшым его Иудеем. Александр же, помаав рукою, хотяше отвещати народу. 044 ACT 019 034 Разумевше же, яко Иудеанин есть, глас бысть един от всех, яко на два часа вопиющих: велика Артемида Ефесская. 044 ACT 019 035 Утишив же книжник народ, рече: мужие Ефесстии, кто бо есть человек, иже не весть, яко Ефесский град служитель есть великия богини Артемиды и Диопета? 044 ACT 019 036 Без всякаго убо прекословия сим сице сущым, потребно есть вам безмолвным быти и ничтоже безчинно творити: 044 ACT 019 037 приведосте бо мужей сих, ни храм (Артемидин) окрадших, ниже богиню вашу хулящих: 044 ACT 019 038 аще убо Димитрий и иже с ним художницы имут к кому слово, суды суть и анфипати суть: да поемлют друг на друга: 044 ACT 019 039 аще ли же что о иных ищете, в законнем собрании разрешится: 044 ACT 019 040 ибо бедствуем порицаеми быти о крамоле днешней, ни единей вине сущей, о нейже возможем воздати слово стремления сего. 044 ACT 019 041 И сия рек распусти собравшийся народ. 044 ACT 020 001 По утишении же молвы, призвав Павел ученики, утешив и целовав их, изыде ити в Македонию. 044 ACT 020 002 Прошед же страны оны и утешив их словом многим, прииде во Елладу: 044 ACT 020 003 пожив же месяцы три, бывшу нань навету от Иудей, хотящу отвезтися в Сирию, бысть хотение возвратитися сквозе Македонию. 044 ACT 020 004 Последова же ему даже до Асии Сосипатр Пирров Берянин, Солуняне же Аристарх и Секунд, и Гаий Дервянин и Тимофей, Асиане же Тихик и Трофим. 044 ACT 020 005 Сии предшедше ждаху нас в Троаде. 044 ACT 020 006 Мы же отвезохомся по днех опресночных от Филипп и приидохом к ним в Троаду во днех пяти, идеже пребыхом дний седмь. 044 ACT 020 007 Во едину же от суббот, собравшымся учеником преломити хлеб, Павел беседоваше к ним, хотя изыти на утрии, простре же слово до полунощи. 044 ACT 020 008 Бяху же свещы многи в горнице, идеже бехом собрани. 044 ACT 020 009 Седя же некто юноша, именем Евтих, во окне, отягчен сном глубоким, глаголющу Павлу о мнозе, преклонься от сна, паде от трекровника долу, и взяша его мертва. 044 ACT 020 010 Сошед же Павел нападе нань, и объемь его рече: не молвите, ибо душа его в нем есть. 044 ACT 020 011 Возшед же и преломль хлеб и вкушь, доволно же беседовав даже до зари, и тако изыде. 044 ACT 020 012 Приведоша же отрока жива и утешишася не мало. 044 ACT 020 013 Мы же, пришедше в корабль, отвезохомся во Ассон, оттуду хотяще пояти Павла: тако бо нам бе повелел, хотя сам пешь ити. 044 ACT 020 014 И якоже снидеся с нами во Ассоне, вземше его приидохом в Митилин. 044 ACT 020 015 И оттуду отвезшеся, во утрие пристахом противу Хию, в другий же отвезохомся в Самон, и пребывше в Трогиллии, в грядущий же день приидохом в Милит: 044 ACT 020 016 суди бо Павел мимо ити Ефес, яко да не будет ему закоснети во Асии, тщашебося, аще возможно будет, в день Пятьдесятный быти во Иерусалиме. 044 ACT 020 017 От Милита же послав во Ефес, призва пресвитеры церковныя, 044 ACT 020 018 и якоже приидоша к нему, рече к ним: вы весте, яко от перваго дне, отнелиже приидох во Асию, како с вами все время бых, 044 ACT 020 019 работая Господеви со всяким смиреномудрием и многими слезами и напастьми, прилучившимися мне от Иудейских навет: 044 ACT 020 020 яко ни в чесом от полезных обинухся, еже сказати вам и научити вас пред людьми и по домом, 044 ACT 020 021 засвидетелствуя Иудеем же и Еллином еже к Богу покаяние и веру яже в Господа нашего Иисуса Христа. 044 ACT 020 022 И ныне, се, аз связан Духом гряду во Иерусалим, яже в нем хотящая приключитися мне не ведый: 044 ACT 020 023 точию яко Дух Святый по вся грады свидетелствует, глаголя, яко узы мене и скорби ждут. 044 ACT 020 024 Но ни едино же попечение творю, ниже имам душу мою честну себе, разве еже скончати течение мое с радостию и службу, юже приях от Господа Иисуса, засвидетелствовати Евангелие благодати Божия. 044 ACT 020 025 И ныне, се, аз вем, яко ктому не узрите лица моего вы вси, в нихже проидох проповедуя Царствие Божие. 044 ACT 020 026 Темже свидетелствую вам во днешний день, яко чист аз от крове всех, 044 ACT 020 027 не обинухся бо сказати вам всю волю Божию. 044 ACT 020 028 Внимайте убо себе и всему стаду, в немже вас Дух Святый постави епископы, пасти Церковь Господа и Бога, юже стяжа Кровию Своею. 044 ACT 020 029 Аз бо вем сие, яко по отшествии моем внидут волцы тяжцы в вас, не щадящии стада: 044 ACT 020 030 и от вас самех востанут мужие глаголющии развращеная, еже отторгати ученики вслед себе. 044 ACT 020 031 Сего ради бдите, поминающе, яко три лета нощь и день не престаях учя со слезами единаго когождо вас. 044 ACT 020 032 И ныне предаю вас, братие, Богови и слову благодати Его, могущему наздати и дати вам наследие во осенных всех. 044 ACT 020 033 Сребра или злата или риз ни единаго возжелах: 044 ACT 020 034 сами весте, яко требованию моему и сущым со мною послужисте руце мои сии. 044 ACT 020 035 Вся сказах вам, яко тако труждающымся подобает заступати немощныя, поминати же слово Господа Иисуса, яко Сам рече: блаженнее есть паче даяти, нежели приимати. 044 ACT 020 036 И сия рек, преклонь колена своя, со всеми ими помолися. 044 ACT 020 037 Мног же бысть плачь всем: и нападше на выю Павлову, облобызаху его, 044 ACT 020 038 скорбяще наипаче о словеси, еже рече, яко ктому не имут лица его узрети. Провождаху же его в корабль. 044 ACT 021 001 И якоже бысть отвезтися нам, отторгшымся от них, прямо шедше приидохом в Кон, в другий же день в Родос и оттуду в Патару: 044 ACT 021 002 и обретше корабль преходящь в Финикию, возшедше отвезохомся. 044 ACT 021 003 Возникший же нам Кипр оставльше ошуюю, плыхом в Сирию и пристахом в Тире, тамо бо бяше кораблю изложити бремя: 044 ACT 021 004 и обретше ученики, пребыхом ту дний седмь: иже Павлови глаголаху Духом не восходити во Иерусалим. 044 ACT 021 005 Егда же бысть нам скончати дни, изшедше идохом, провождающым нас всем с женами и детьми даже до вне града: и преклоньше колена при брезе помолихомся. 044 ACT 021 006 И целовавше друг друга внидохом в корабль, они же возвратишася во своя си. 044 ACT 021 007 Мы же, плавание наченше от Тира, пристахом во Птолемаиде, и целовавше братию, пребыхом день един у них. 044 ACT 021 008 Во утрие же изшедше Павел и иже с ним, приидохом в Кесарию, и вшедше в дом Филиппа благовестника, суща от седми (диакон), пребыхом у него. 044 ACT 021 009 Сего же бяху дщери девицы четыри прорицающыя. 044 ACT 021 010 Пребывающым же нам тамо дни многи, сниде некто от Иудеи пророк, именем Агав, 044 ACT 021 011 и пришед к нам и взем пояс Павлов, связав же свои руце и нозе, рече: тако глаголет Дух Святый: мужа, егоже есть пояс сей, тако свяжут (его) во Иерусалиме Иудее и предадят в руце языков. 044 ACT 021 012 И якоже слышахом сия, моляхом мы же и наместнии, не восходити ему во Иерусалим. 044 ACT 021 013 Отвеща же Павел и рече: что творите, плачуще и сокрушающе ми сердце? Аз бо не точию связан быти (хощу), но и умрети во Иерусалиме готов есмь за имя Господа Иисуса. 044 ACT 021 014 Не повинующуся же ему, умолчахом, рекше: воля Господня да будет. 044 ACT 021 015 По днех же сих уготовльшеся взыдохом во Иерусалим: 044 ACT 021 016 приидоша же с нами и нецыи ученицы от Кесарии, ведуще с собою, у негоже бы обитати нам, Мнасона некоего Кипрянина, древняго ученика. 044 ACT 021 017 Бывшым же нам во Иерусалиме, любезно прияша нас братия. 044 ACT 021 018 На утрие же вниде Павел с нами ко Иакову, вси же приидоша старцы. 044 ACT 021 019 И целовав их, сказаше по единому коеждо, еже сотвори Бог во языцех служением его. 044 ACT 021 020 Они же слышавше славляху Бога и рекоша ему: видиши ли, брате, колико тем есть Иудей веровавших? И вси ревнителие закону суть: 044 ACT 021 021 увестишася же о тебе, яко отступлению учиши от закона Моисеова живущыя во языцех вся Иудеи, глаголя не обрезовати им чад своих, ниже во обычаех отеческих ходити. 044 ACT 021 022 Что убо есть? Всяко подобает народу снитися: услышат бо, яко пришел еси. 044 ACT 021 023 Сие убо сотвори, еже ти глаголем: суть у нас мужие четыри обещавше себе Богу: 044 ACT 021 024 сия поим очистися с ними и иждиви на них, да острижут си главы: и разумеют вси, яко возвещенная им о тебе ничтоже суть, но пребываеши и сам закон храня. 044 ACT 021 025 А о веровавших языцех мы послахом, судивше ничтоже таковое соблюдати им, токмо хранити себе от идоложертвенных и крове, и удавленины и блуда. 044 ACT 021 026 Тогда Павел поемь мужы оны, на утрие с ними очищься вниде во святилище, возвещая исполнение дний очищения, дондеже принесено бысть за единаго коегождо их приношение. 044 ACT 021 027 И якоже хотяху седмь дний скончатися, иже от Асии Иудее, видевше его во святилищи, навадиша весь народ и возложиша нань руце, 044 ACT 021 028 вопиюще: мужие Израилстии, помозите: сей есть человек, иже на люди и закон и на место сие всех всюду учит: еще же и Еллины введе в церковь и оскверни святое место сие. 044 ACT 021 029 Бяху бо видели Трофима Ефесянина во граде с ним, егоже мняху, яко в церковь ввел есть Павел. 044 ACT 021 030 Подвижеся же град весь, и бысть стечение людем: и емше Павла, влечаху его вон из церкве, и абие затворишася двери. 044 ACT 021 031 Ищущым же им убити его, взыде весть к тысящнику спиры, яко весь возмутися Иерусалим: 044 ACT 021 032 он же абие поим воины и сотники, притече на ня: они же видевше тысящника и воины, престаша бити Павла. 044 ACT 021 033 Приступль же тысящник ят его и повеле связати его веригома железнома двема, и вопрошаше: кто убо есть и что есть сотворил. 044 ACT 021 034 Друзии же ино нечто вопияху в народе: не могий же разумети известное молвы ради, повеле отвести его в полк. 044 ACT 021 035 Егда же бысть на степенех, прилучися воздвижену быти ему от воин нужды ради народа, 044 ACT 021 036 последоваше бо множество людий зовущих: возьми его. 044 ACT 021 037 Хотя же внити в полк Павел глагола тысящнику: аще леть ми есть глаголати что тебе? Он же рече: гречески умееши ли? 044 ACT 021 038 Не ты ли еси Египтянин, прежде сих дний превещавый и изведый в пустыню четыри тысящы мужей сикарей? 044 ACT 021 039 Рече же Павел: аз человек убо есмь Иудеанин, Тарсянин, славнаго града в Киликии житель: молю же тя, повели ми глаголати к людем. 044 ACT 021 040 Повелевшу же ему, Павел стоя на степенех помаав рукою к людем: многу же безмолвию бывшу, возгласи еврейским языком, глаголя: 044 ACT 022 001 Мужие братие и отцы, услышите мой к вам ныне ответ. 044 ACT 022 002 Слышавше же, яко еврейским языком возгласи к ним, паче приложиша безмолвие. И рече: 044 ACT 022 003 аз убо есмь муж Иудеанин, родився в Тарсе Киликийстем, воспитан же во граде сем при ногу Гамалиилову, наказан известно отеческому закону, ревнитель сый Божий, якоже вси вы есте днесь: 044 ACT 022 004 иже сей путь гоних даже до смерти, вяжя и предая в темницу мужы же и жены, 044 ACT 022 005 якоже и архиерей свидетелствует ми и вси старцы: от нихже и послания приемь к живущым в Дамасце братиям, идях привести сущыя тамо связаны во Иерусалим, да мучатся. 044 ACT 022 006 Бысть же ми идущу и приближающуся к Дамаску в полудне, внезапу с небесе облиста свет мног окрест мене. 044 ACT 022 007 Падох же на землю и слышах глас глаголющь ми: Савле, Савле, что Мя гониши? 044 ACT 022 008 Аз же отвещах: кто еси, Господи? Рече же ко мне: Аз есмь Иисус Назорей, Егоже ты гониши. 044 ACT 022 009 Со мною же сущии свет убо видеша и пристрашни быша, гласа же не слышаша Глаголющаго ко мне. 044 ACT 022 010 Рекох же: что сотворю, Господи? Господь же рече ко мне: востав иди в Дамаск, и тамо речется ти о всех, яже вчинено ти есть творити. 044 ACT 022 011 И якоже не видех от славы света онаго, за руку ведомь от сущих со мною, внидох в Дамаск. 044 ACT 022 012 Ананиа же некий, муж благоговеин по закону, свидетелствован от всех живущих в Дамасце Иудей, 044 ACT 022 013 пришед ко мне и став рече ми: Савле брате, прозри. И аз в той час воззрех нань. 044 ACT 022 014 Он же рече ми: Бог отец наших изволи тя разумети хотение Его, и видети Праведника, и слышати глас от уст Его: 044 ACT 022 015 яко будеши Ему свидетель у всех человеков о сих, яже видел еси и слышал: 044 ACT 022 016 и ныне что медлиши? Востав крестися и омый грехи твоя, призвав имя Господа Иисуса. 044 ACT 022 017 Бысть же возвратившумися во Иерусалим и молящумися в церкви, быти во изступлении 044 ACT 022 018 и видети Его глаголюща ми: потщися и изыди скоро из Иерусалима, зане не приимут свидетелства твоего, еже о Мне. 044 ACT 022 019 И аз рех: Господи, сами ведят, яко аз бех всаждая в темницу и бия по сонмищих верующыя в Тя, 044 ACT 022 020 и егда изливашеся кровь Стефана свидетеля Твоего, и сам бех стоя и соизволяя убиению его и стрегий риз убивающих его. 044 ACT 022 021 И рече ко мне: иди, яко Аз во языки далече послю тя. 044 ACT 022 022 Послушаху же его даже до сего словесе и воздвигоша глас свой, глаголюще: возьми от земли таковаго, не подобает бо ему жити. 044 ACT 022 023 Вопиющым же им и мещущым ризы и прах возметающым на воздух, 044 ACT 022 024 повеле тысящник отвести его в полк, рек ранами истязати его, да разумеет, за кую вину тако вопияху нань. 044 ACT 022 025 И якоже протягоша его вервьми, рече к стоящему сотнику Павел: человека Римлянина и неосуждена леть ли есть вам бити? 044 ACT 022 026 Слышав же сотник, приступи к тысящнику, сказа, глаголя: виждь, что хощеши сотворити? Человек бо сей Римлянин есть. 044 ACT 022 027 Приступль же тысящник рече ему: глаголи ми, Римлянин ли еси ты? Он же рече: ей. 044 ACT 022 028 Отвеща же тысящник: аз многою ценою наречение жителства сего стяжах. Павел же рече: аз же и родихся в нем. 044 ACT 022 029 Абие убо отступиша от него хотящии его истязати, и тысящник же убояся, разумев, яко Римлянин есть, и яко бе его связал. 044 ACT 022 030 На утрие же, хотя разумети истину, чесо ради оклеветается от Иудей, разреши его от уз и повеле приити архиереем и всему собору их: и свед Павла, постави (его) пред ними. 044 ACT 023 001 Воззрев же Павел на сонм, рече: мужие братие, аз всею совестию благою жителствовах пред Богом даже до сего дне. 044 ACT 023 002 Архиерей же Ананиа повеле предстоящым ему бити его уста. 044 ACT 023 003 Тогда Павел рече к нему: бити тя имать Бог, стено повапленая: и ты седиши судя ми по закону, преступая же закон велиши, да биют мя. 044 ACT 023 004 Предстоящии же реша: архиерею ли Божию досаждаеши? 044 ACT 023 005 Рече же Павел: не ведах, братие, яко архиерей есть: писано бо есть: князю людий твоих да не речеши зла. 044 ACT 023 006 Разумев же Павел, яко едина часть есть саддукей, другая же фарисей, воззва в сонмищи: мужие братие, аз фарисей есмь, сын фарисеов: о уповании и о воскресении мертвых аз суд приемлю. 044 ACT 023 007 Се же ему рекшу, бысть распря между саддукеи и фарисеи, и разделися народ: 044 ACT 023 008 саддукее бо глаголют не быти воскресения, ни Ангела, ни духа: фарисее же исповедуют обоя. 044 ACT 023 009 Бысть же кличь велик, и воставше книжницы части фарисейския пряхуся между собою, глаголюще: ни едино зло обретаем в человеце сем: аще же дух глагола ему или Ангел, не противимся Богу. 044 ACT 023 010 Мнозе же бывшей распри, бояся тысящник, да не растерзан будет Павел от них, повеле воином снити и восхитити его от среды их и вести (его) в полк. 044 ACT 023 011 В наставшую же нощь представ ему Господь, рече: дерзай, Павле: якоже бо свидетелствовал еси яже о Мне во Иерусалиме, сице ти подобает и в Риме свидетелствовати. 044 ACT 023 012 Бывшу же дню, сотворше нецыи от Иудей совет, закляша себе, глаголюще не ясти ни пити, дондеже убиют Павла: 044 ACT 023 013 бяху же множае четыредесятих сию клятву сотворшии, 044 ACT 023 014 иже приступльше ко архиереем и старцем, реша: клятвою прокляхом себе ничтоже вкусити, дондеже убием Павла: 044 ACT 023 015 ныне убо вы скажите тысящнику с собором, яко да утре сведет его к вам, аки бы хотяще разумети известнее яже о нем: мы же, прежде даже не приближитися ему, готови есмы убити его. 044 ACT 023 016 Слышав же сын сестры Павловы ков, пришед и вшед в полк, сказа Павлу. 044 ACT 023 017 Призвав же Павел единаго от сотник, рече: юношу сего отведи к тысящнику: имать бо нечто сказати ему. 044 ACT 023 018 Он же убо поим его приведе к тысящнику и рече: узник Павел призвав мя, умоли сего юношу привести к тебе, имуща нечто глаголати тебе. 044 ACT 023 019 Поим же его за руку тысящник и отшед на едине, вопрошаше его: что есть, еже имаши возвестити ми? 044 ACT 023 020 Рече же, яко Иудее совещаша умолити тя, яко да утре сведеши Павла к ним в собор, аки бы хотящым известнее истязати яже о нем: 044 ACT 023 021 ты убо не послушай их: ловят бо его от них мужие множае четыредесяти, иже закляша себе ни ясти ни пити, дондеже убиют его: и ныне готови суть, чающе обещания, еже от тебе. 044 ACT 023 022 Тысящник убо отпусти юношу, завещав ни единому же поведати, яко сия явил еси мне. 044 ACT 023 023 И призвав два некия от сотник, рече: уготовита (ми) воинов вооруженных двесте, яко да идут до Кесарии, и конник седмьдесят, и стрелец двесте, от третияго часа нощи: 044 ACT 023 024 и скоты привести, да всадивше Павла проводят до Филикса игемона. 044 ACT 023 025 Написа же (и) послание имущее образ сей: 044 ACT 023 026 Клавдий Лисиа державному игемону Филиксу радоватися: 044 ACT 023 027 мужа сего ята от Иудей и имуща убиена быти от них, приступль с воины отях его, уведев, яко Римлянин есть: 044 ACT 023 028 хотя же разумети вину, еяже ради поимаху нань, сведох его в сонмище их: 044 ACT 023 029 егоже обретох оглаголуема о взыскании закона их, ни едино же достойно смерти или узам согрешение имуща: 044 ACT 023 030 сказану же бывшу ми кову хотящу быти от Иудей на мужа сего, абие послах (его) к тебе, завещав и клеветником (его) глаголати пред тобою, яже нань: здрав буди. 044 ACT 023 031 Воини же убо по повеленному им, вземше Павла, ведоша об нощь во Антипатриду: 044 ACT 023 032 во утрие же, оставльше конники ити с ним, возвратишася в полк. 044 ACT 023 033 Они же пришедше в Кесарию и вдавше послание игемону, представиша ему и Павла. 044 ACT 023 034 Прочет же игемон послание и вопрошь, от коея области есть, и уведев, яко от Киликии, рече: 044 ACT 023 035 услышу о тебе, егда и клеветницы твои приидут. И повеле в преторе Иродове стрещи его. 044 ACT 024 001 По пятих же днех сниде архиерей Ананиа со старцы и с ритором некиим Тертиллом, иже сказаша игемону о Павле. 044 ACT 024 002 Призвану же бывшу ему, начат клеветати Тертилл, глаголя: 044 ACT 024 003 мног мир улучающе тобою, и исправления бываемая языку сему твоим промышлением, всяким же образом и везде приемлем, державный Филиксе, со всяким благодарением: 044 ACT 024 004 но да не множае стужаю тебе, молю тя послушати нас вкратце твоею кротостию: 044 ACT 024 005 обретохом бо мужа сего губителя и движуща противление всем иудеем живущым по вселенней и предстателя (суща) Назорейстей ереси, 044 ACT 024 006 иже и церковь покусися осквернити, егоже и яхом и по закону нашему хотехом судити ему: 044 ACT 024 007 пришед же Лисиа тысящник, многою силою от рук наших исхити его и к тебе посла, 044 ACT 024 008 повелев (и нам) поемлющым нань ити к тебе: от негоже возможеши сам разсудив о всех сих познати, о нихже мы поемлем нань. 044 ACT 024 009 Сложишася же и Иудее, глаголюще сим тако быти. 044 ACT 024 010 Отвеща же Павел, поманувшу ему игемону глаголати: от многих лет суща тя судию праведна языку сему сведый, благодушнее яже о мне отвещаю, 044 ACT 024 011 могущу ти разумети, яко не множае ми есть дний дванадесятих, отнележе взыдох поклонитися во Иерусалим: 044 ACT 024 012 и ни в церкви обретоша мя к кому глаголюща или разврат творяща народу, ни в сонмищих, ни во граде, 044 ACT 024 013 ниже довести могут, елика тебе ныне на мя глаголют: 044 ACT 024 014 исповедую же тебе сие, яко в пути, егоже сии глаголют ересь, тако служу отеческому Богу, веруя всем сущым в законе и пророцех писаным, 044 ACT 024 015 упование имый на Бога, яко воскресение хощет быти мертвым, праведником же и грешником, егоже и сами сии чают: 044 ACT 024 016 о сем же и аз подвизаюся, непорочну совесть имети всегда пред Богом же и человеки: 044 ACT 024 017 по летех же многих приидох сотворити милостыни во язык мой и приношения: 044 ACT 024 018 в нихже обретоша мя очищенна в церкви, ни с народом, ниже с молвою, 044 ACT 024 019 нецыи от Асии Иудее, имже подобаше пред тя приити и глаголати, аще имут что на мя: 044 ACT 024 020 или сами тии да глаголют, аще кую обретоша во мне неправду, ставшу ми в сонмищи, 044 ACT 024 021 разве единаго сего гласа, имже возопих стоя в них, яко о воскресении мертвых аз суд приемлю днесь от вас. 044 ACT 024 022 Слышав же сия Филикс отвеща им, известнее уведев яже о пути сем, глаголя: егда Лисиа тысящник приидет, разсужду яже о вас. 044 ACT 024 023 Повеле же сотнику стрещи Павла, и имети ослабу, и ни единому же возбраняти от своих ему служити или приходити к нему. 044 ACT 024 024 По днех же некиих пришед Филикс со Друсиллиею женою своею сущею Иудеанынею, призва Павла, да слышит от него веру, яже во Христа Иисуса. 044 ACT 024 025 Глаголющу же ему о правде и о воздержании и о суде хотящем быти, пристрашен быв Филикс отвеща: ныне убо иди, время же получив призову тя. 044 ACT 024 026 Вкупе же и надеяся, яко мзда дастся ему от Павла, яко да отпустит его: темже и часто призывая его, беседоваше с ним. 044 ACT 024 027 Двема же летома скончавшемася прият изменение Филикс Поркиа Фиста: хотя же угодное сотворити Иудеем Филикс, остави Павла связана. 044 ACT 025 001 Фист же убо приимь власть, по триех днех взыде во Иерусалим от Кесарии. 044 ACT 025 002 Сказаша же ему архиерее и первии от Иудей на Павла и моляху его, 044 ACT 025 003 просяще благодати нань, яко да послет его во Иерусалим, ков творяще, яко да убиют его на пути. 044 ACT 025 004 Фист же повеле Павла стрещи в Кесарии, сам тамо хотя вскоре изыти: 044 ACT 025 005 иже убо сильнии в вас, рече, со мною шедше, аще есть кая неправда в мужи сем, да глаголют нань. 044 ACT 025 006 Пребыв же у них не множае десяти дний, сниде в Кесарию: на утрие сед на судищи, повеле Павла привести. 044 ACT 025 007 Приведену же бывшу ему, окрест сташа иже от Иерусалима сшедшии Иудее, многи и тяжки вины приносяще на Павла, ихже не можаху изявити: 044 ACT 025 008 отвещавающу ему, яко ни на закон Иудейский, ни на церковь, ни на кесаря что согреших. 044 ACT 025 009 Фист же хотя угодное Иудеем сотворити, отвещав Павлови рече: хощеши ли, во Иерусалим возшед, тамо о сих суд прияти от мене? 044 ACT 025 010 Рече же Павел: на судищи кесареве стоя есмь, идеже ми достоит суд прияти: Иудей ни чимже обидех, якоже и ты добре веси: 044 ACT 025 011 аще бо неправдую или достойно смерти сотворих что, не отмещуся умрети: аще ли же ничтоже есть во мне, еже сии на мя клевещут, никтоже мя может тем выдати: кесаря нарицаю. 044 ACT 025 012 Тогда Фист состязався с советники, отвеща: кесаря ли нарекл еси? К кесарю пойдеши. 044 ACT 025 013 Днем же минувшым неким, Агриппа царь и Верникиа снидоста в Кесарию целовати Фиста. 044 ACT 025 014 И якоже многи дни пребыста ту, Фист сказа царю яже о Павле, глаголя: муж некий есть оставлен от Филикса узник, 044 ACT 025 015 о немже, бывшу ми во Иерусалиме, явиша архиерее и старцы Иудейстии, просяще нань суда. 044 ACT 025 016 К нимже отвещах, яко несть обычай Римляном выдати человека коего на погибель, прежде даже оклеветаемый не имать пред лицем клевещущих его и место ответа приимет о своем согрешении. 044 ACT 025 017 Сшедшымся же им зде, закоснение ни едино сотворь, на утрие сед на судищи, повелех привести мужа. 044 ACT 025 018 Окрест же его ставше клеветницы, ни едину вину, яже аз непщевах, нанесоша: 044 ACT 025 019 стязания же некая о своей различней вере имяху к нему и о некоем Иисусе умершем, Егоже глаголаше Павел жива быти. 044 ACT 025 020 Недоумеяся же аз о взыскании сих, глаголах, аще хощет ити во Иерусалим и тамо суд прияти о сих. 044 ACT 025 021 Павлу же нарекшу блюдену быти ему до разсуждения Августа, повелех блюсти его, дондеже послю его к кесарю. 044 ACT 025 022 Агриппа же к Фисту рече: хотел бых и сам человека сего слышати. Он же рече: утре услышиши его. 044 ACT 025 023 На утрие же пришедшу Агриппе и Верникии со многою гордостию и вшедшым в судебную палату с тысящники и с нарочитыми мужи града, и повелевшу Фисту, приведен бысть Павел. 044 ACT 025 024 И рече Фист: Агриппо царю и вси сущии с нами мужие, видите сего, о немже все множество Иудей стужаху ми во Иерусалиме же и зде, вопиюще, яко не подобает жити ему ктому: 044 ACT 025 025 аз же разумев ничтоже достойно смерти сотворша его, и самому же сему нарекшу Севаста, судих послати его: 044 ACT 025 026 о немже известное что писати господину не имам: темже и приведох его пред вас, наипаче же пред тя, Агриппо царю, яко да разсуждению бывшу имам что писати: 044 ACT 025 027 безсловесно бо мнится ми, посылающу юзника, а вины, яже нань, не сказати. 044 ACT 026 001 Агриппа же к Павлу рече: повелевается ти о себе самому глаголати. Тогда Павел простер руку отвещаваше: 044 ACT 026 002 о всех, о нихже оклеветаемь есмь от Иудей, царю Агриппо, непщую себе блаженна быти, яко пред тобою отвещати днесь имам, 044 ACT 026 003 паче же ведца тя суща сведый всех Иудейских обычаев и взысканий. Темже молюся ти долготерпеливно послушати мене. 044 ACT 026 004 Житие убо мое еже от юности, исперва бывшее во языце моем во Иерусалиме, ведят вси Иудее, 044 ACT 026 005 ведяще мя исперва, аще хотят свидетелствовати, яко по известней ереси нашея веры жих фарисей. 044 ACT 026 006 И ныне о уповании обетования, бывшаго от Бога ко отцем нашым, стою судимь, 044 ACT 026 007 в неже обанадесяте колена наша безпрестани день и нощь служаще надеются доити: о немже уповании оклеветаемь есмь, царю Агриппо, от Иудей. 044 ACT 026 008 Что? Неверно ли судится вами, яко Бог мертвыя возставляет? 044 ACT 026 009 Аз убо мнех, яко подобает ми многа сопротивна противу имене Иисуса Назореа сотворити: 044 ACT 026 010 еже и сотворих во Иерусалиме, и многи от святых аз в темницах затворях, власть от архиерей приемь: убиваемым же им прилагах совет: 044 ACT 026 011 и на всех сонмищих множицею мучя их, принуждах хулити: преизлиха же враждуя на них, гонях даже и до внешних градов. 044 ACT 026 012 В нихже идый в Дамаск со властию и повелением, еже от архиерей, 044 ACT 026 013 в полудни на пути видех, царю, с небесе паче сияния солнечнаго осиявший мя свет и со мною идущих. 044 ACT 026 014 Всем же падшым нам на землю, слышах глас глаголющь ко мне и вещающь еврейским языком: Савле, Савле, что Мя гониши? Жестоко ти есть противу рожна прати. 044 ACT 026 015 Аз же рех: кто еси, Господи? Он же рече: Аз есмь Иисус, Егоже ты гониши: 044 ACT 026 016 но востани и стани на ногу твоею: на се бо явихся ти, сотворити тя слугу и свидетеля, яже видел еси и яже явлю тебе, 044 ACT 026 017 изимая тя от людий Иудейских и от язык, к нимже Аз тя послю, 044 ACT 026 018 отверсти очи их, да обратятся от тмы в свет и от области сатанины к Богу, еже прияти им оставление грехов и достояние во святых верою, яже в Мя. 044 ACT 026 019 Темже, царю Агриппо, не бых противен небесному видению, 044 ACT 026 020 но сущым в Дамасце прежде и во Иерусалиме, и во всяцей стране Иудейстей и языком проповедую покаятися и обратитися к Богу, достойна покаянию дела творяще. 044 ACT 026 021 Сих ради мя Иудее емше во святилищи хотяху растерзати. 044 ACT 026 022 Помощь убо улучив яже от Бога, даже до дне сего стою, свидетелствуя малу же и велику, ничтоже вещая, разве яже пророцы рекоша хотящая быти и Моисей, 044 ACT 026 023 яко Христос имеяше пострадати, яко первый от воскресения мертвых свет хотяше проповедати людем (Иудейским) и языком. 044 ACT 026 024 Сия же ему отвещавающу, Фист велиим гласом рече: беснуешися ли, Павле? Многия тя книги в неистовство прелагают. 044 ACT 026 025 Он же: не беснуюся, рече, державный Фисте, но истины и целомудрия глаголы вещаю: 044 ACT 026 026 весть бо о сих царь, к немуже и с дерзновением глаголю: утаитися бо ему от сих не верую ничесомуже, несть бо во угле сотворено сие: 044 ACT 026 027 веруеши ли, царю Агриппо, пророком? Вем, яко веруеши. 044 ACT 026 028 Агриппа же к Павлу рече: вмале мя препираеши Христианина быти. 044 ACT 026 029 Павел же рече: молил убо бых Бога, и вмале и во мнозе, не токмо тебе, но и всех слышащих мя днесь, быти им тацем, яков и аз есмь, кроме уз сих. 044 ACT 026 030 И сия рекшу ему, воста царь и игемон, и Верникиа и седящии с ними, 044 ACT 026 031 и отшедше беседоваху друг ко другу, глаголюще, яко ничтоже смерти достойно или уз творит человек сей. 044 ACT 026 032 Агриппа же Фисту рече: отпущен быти можаше человек сей, аще не бы кесаря нарицал. И тако суди игемон послати его к кесарю. 044 ACT 027 001 И якоже суждено бысть отплыти нам во Италию, предаху Павла же и иныя некия юзники сотнику, именем Иулию, спиры Севастийския. 044 ACT 027 002 Вшедше же в корабль Адрамитский, восхотевше плыти во Асийская места, отвезохомся, сущу с нами Аристарху Македонянину от Солуня. 044 ACT 027 003 В другий же пристахом в Сидоне: человеколюбие же Иулий Павлови дея, повеле к другом шедшу прилежание улучити. 044 ACT 027 004 И оттуду отвезшеся приплыхом в Кипр, зане ветри бяху противни: 044 ACT 027 005 пучину же, яже противу Киликии и Памфилии, преплывше, приидохом в Миры Ликийския. 044 ACT 027 006 И тамо обрет сотник корабль Александрийский пловущь во Италию, всади ны в онь. 044 ACT 027 007 Во многи же дни косно плавающе и едва бывше противу Книда, не оставляющу нас ветру, приплыхом под Крит при Салмоне: 044 ACT 027 008 едва же избирающе край, приидохом на место некое, нарицаемое Доброе Пристанище, емуже близ бе град Ласей. 044 ACT 027 009 Многу же времени минувшу и сущу уже небезбедну плаванию, занеже и пост уже бе прешел, советоваше Павел, 044 ACT 027 010 глаголя им: мужие, вижду, яко с досаждением и многою тщетою не токмо бремене и корабля, но и душ наших хощет быти плавание. 044 ACT 027 011 Сотник же кормчия и навклира послушаше паче, нежели Павлом глаголемых. 044 ACT 027 012 Не добру же пристанищу сущу ко озимению, мнози совет даяху отвезтися оттуду, аще како возмогут, достигше Финикии, озимети в пристанищи Критстем, зрящем к ливу и к хору. 044 ACT 027 013 Дхнувшу же югу, мневше волю свою улучити, воздвигше ветрила, плыху вскрай Крита. 044 ACT 027 014 Не по мнозе же возвея противен ему ветр бурен, нарицаемый евроклидон. 044 ACT 027 015 Восхищену же бывшу кораблю и не могущу сопротивитися ветру, вдавшеся волнам носими бехом. 044 ACT 027 016 Остров же некий мимотекше, нарицающься Клавдий, едва возмогохом удержати ладию: 044 ACT 027 017 юже востягше, всяким образом помогаху, подтверждающе корабль: боящеся же, да не в сирть впадут, низпустивше парус, сице носими беху. 044 ACT 027 018 Вельми же обуреваемым нам, на утрие изметание творяху, 044 ACT 027 019 и в третий день своими руками ядрило корабленое извергохом. 044 ACT 027 020 Ни солнцу же, ни звездам явльшымся на многи дни, и зиме не мале належащей, прочее отимашеся надежда вся, еже спастися нам. 044 ACT 027 021 Многу же неядению сущу, тогда став Павел посреде их, рече: подобаше убо, о, мужие, послушавше мене, не отвезтися от Крита и избыти досаждения сего и тщеты: 044 ACT 027 022 и се, ныне молю вы благодушствовати, погибель бо ни единей души от вас будет, разве корабля: 044 ACT 027 023 предста бо ми в сию нощь Ангел Бога, Егоже аз есмь, Емуже и служу, 044 ACT 027 024 глаголя: не бойся, Павле, кесарю ти подобает предстати, и се, дарова тебе Бог вся плавающыя с тобою. 044 ACT 027 025 Темже дерзайте, мужие, верую бо Богови, яко тако будет, имже образом речено ми бысть: 044 ACT 027 026 во остров же некий подобает нам пристати. 044 ACT 027 027 И егда четвертаянадесять нощь бысть, носимым нам во Адриатстей (пучине), в полунощи непщеваху корабленицы, яко приближаются к некоей стране, 044 ACT 027 028 и измеривше глубину обретоша саженей двадесять: мало же прешедше и паки измеривше, обретоша саженей пятьнадесять. 044 ACT 027 029 Боящеся же, да не како в прудная места впадут, от носа корабля вергше котвы четыри, моляхомся, да день будет. 044 ACT 027 030 Кораблеником же ищущым бежати из корабля и низвесившым ладию в море, изветом аки от носа хотящым котвы простерти, 044 ACT 027 031 рече Павел сотнику и воином: аще не сии пребудут в корабли, вы спастися не можете. 044 ACT 027 032 Тогда воини отрезаша ужя ладии и оставиша ю отпасти. 044 ACT 027 033 Егда же хотяше день быти, моляше Павел всех, да приимут пищу, глаголя: четыренадесятый днесь день ждуще, не ядше пребываете, ничтоже вкусивше: 044 ACT 027 034 темже молю вас прияти пищу, се бо к вашему спасению есть: ни единому бо от вас влас главы отпадет. 044 ACT 027 035 Рек же сия и приемь хлеб, благодари Бога пред всеми и преломль начат ясти. 044 ACT 027 036 Благонадежни же бывше вси, и тии прияша пищу: 044 ACT 027 037 бе же в корабли всех душ двесте седмьдесят и шесть. 044 ACT 027 038 Насыщшеся же брашна, облегчиша корабль, изметающе пшеницу в море. 044 ACT 027 039 Егда же день бысть, земли не познаваху: недро же некое усмотреша имущее песок, в неже, аще мощно есть, совещаша извлещи корабль. 044 ACT 027 040 И котвы собравше, везяхуся по морю: купно ослабивше ужя кормилом и воздвигше малое ветрило к дышущему ветрецу, везохомся на край. 044 ACT 027 041 Впадше же в место исопное, увязиша корабль: и нос убо увязший пребысть недвижимь, кормило же разбивашеся от нужды волн. 044 ACT 027 042 Воином же совет бысть, да узники убиют, да не кто поплыв избегнет. 044 ACT 027 043 Сотник же, хотя соблюсти Павла, возбрани совету их, повеле же могущым плавати, да изскочивше первее изыдут на край, 044 ACT 027 044 а прочии, ови убо на дщицах, ови же на нечем от корабля. И тако бысть всем спастися на землю. 044 ACT 028 001 Спасени же бывше иже с Павлом от корабля, тогда разумеша, яко остров Мелит нарицается. 044 ACT 028 002 Варвари же творяху не малое милосердие нам: возгнещше бо огнь, прияша всех нас, за настоящий дождь и зиму. 044 ACT 028 003 Сгромаждшу же Павлу рождия множество и возложившу на огнь, ехидна от теплоты изшедши, секну в руку его. 044 ACT 028 004 И егда видеша варвари висящу змию от руки его, глаголаху друг ко другу: всяко убийца есть человек сей, егоже спасена от моря суд Божий жити не остави. 044 ACT 028 005 Той же убо, оттряс змию во огнь, ничтоже зло пострада. 044 ACT 028 006 Они же чаяху его имуща возгоретися, или пасти внезапу мертва: на мнозе же того чающым и ничтоже зло в нем бывшее видящым, претворшеся, глаголаху Бога того быти. 044 ACT 028 007 Окрест же места онаго бяху села перваго во острове, именем Поплиа, иже приимь нас, три дни любезне учреди. 044 ACT 028 008 Бысть же отцу Поплиеву огнем и водным трудом одержиму лежати: к немуже Павел вшед, и помолився, и возложь руце свои нань, исцели его. 044 ACT 028 009 Сему же бывшу, и прочии имущии недуги во острове том прихождаху и исцелевахуся: 044 ACT 028 010 иже и многими честьми почтоша нас, и отвозящымся нам яже на потребу вложиша. 044 ACT 028 011 По триех же месяцех отвезохомся в корабли Александрийстем, подписаном Диоскуры, презимевшем во острове, 044 ACT 028 012 и доплывше в Сиракусы, пребыхом дни три: 044 ACT 028 013 оттуду же отплывше, приидохом в Ригию, и по единем дни возвеявшу югу, во вторый день приидохом в Потиолы, 044 ACT 028 014 идеже обретше братию, умолени быхом от них пребыти дний седмь: и тако в Рим идохом. 044 ACT 028 015 И от тамо братия, слышавше яже о нас, изыдоша во сретение наше даже до Аппиева торга и триех корчемниц: ихже видев Павел и благодарив Бога, прият дерзновение. 044 ACT 028 016 Егда же приидохом в Рим, сотник предаде узники воеводе, Павлу же повеле пребывати о себе, с соблюдающим его воином. 044 ACT 028 017 Бысть же по днех триех, созва Павел сущыя от Иудеев первыя: сшедшымся же им, глаголаше к ним: мужие братие, аз ничтоже противно сотворив людем или обычаем отеческим, узник от Иерусалимлян предан бых в руце Римляном, 044 ACT 028 018 иже разсудивше яже о мне, хотяху пустити, зане ни едина вина смертная бысть во мне: 044 ACT 028 019 сопротив же глаголющым Иудеем, нужда ми бысть нарещи кесаря, не яко язык мой имея в чесом оклеветати: 044 ACT 028 020 сея ради убо вины умолих вас, да вижду и беседую: надежды бо ради Израилевы веригами сими обложен есмь. 044 ACT 028 021 Они же к нему реша: мы ниже писания о тебе прияхом от Иудей, ниже пришед кто от братий возвести или глагола что о тебе зло: 044 ACT 028 022 молимся же, да слышим от тебе, яже мудрствуеши: о ереси бо сей ведомо есть нам, яко всюду сопротив глаголемо есть. 044 ACT 028 023 Уставивше же ему день, приидоша к нему в странноприемницу множайшии, имже сказаше свидетелствуя Царствие Божие и уверяя их, яже о Иисусе, от закона Моисеова и пророк, от утра даже до вечера. 044 ACT 028 024 И ови убо вероваху глаголемым, ови же не вероваху. 044 ACT 028 025 Несогласни же суще друг ко другу, отхождаху, рекшу Павлу глагол един, яко добре Дух Святый глагола Исаием пророком ко отцем нашым, 044 ACT 028 026 глаголя: иди к людем сим и рцы: слухом услышите и не имате разумети: и видяще узрите и не имате видети: 044 ACT 028 027 одебеле бо сердце людий сих, и ушима тяжко слышаша, и очи свои смежиша, да не како увидят очима, и ушима услышат, и сердцем уразумеют, и обратятся, и исцелю их. 044 ACT 028 028 Ведомо убо да будет вам, яко языком послася спасение Божие, сии и услышат. 044 ACT 028 029 И сия тому рекшу, отидоша Иудее, многое имуще между собою состязание. 044 ACT 028 030 Пребысть же Павел два лета исполнь своею мздою (цела два лета на своем иждивении) и приимаше вся приходящыя к нему, 044 ACT 028 031 проповедуя Царствие Божие и учя яже о Господе нашем Иисусе Христе со всяким дерзновением невозбранно. # # BOOK 045 ROM Romans Послание к Римлянам 045 ROM 001 001 Павел, раб Иисус Христов, зван Апостол, избран в благовестие Божие, 045 ROM 001 002 еже прежде обеща пророки Своими в писаниих святых, 045 ROM 001 003 о Сыне Своем, бывшем от семене Давидова по плоти, 045 ROM 001 004 нареченнем Сыне Божии в силе, по духу святыни, из воскресения от мертвых, Иисуса Христа Господа нашего, 045 ROM 001 005 Имже прияхом благодать и апостольство в послушание веры во всех языцех, о имени Его. 045 ROM 001 006 В нихже есте и вы, звани Иисусу Христу. 045 ROM 001 007 Всем сущым в Риме возлюбленным Богу, званным святым. Благодать вам и мир от Бога Отца нашего, и Господа Иисуса Христа. 045 ROM 001 008 Первое убо благодарю Бога моего Иисусом Христом о всех вас, яко вера ваша возвещается во всем мире. 045 ROM 001 009 Свидетель бо ми есть Бог, Емуже служу духом моим во благовествовании Сына Его, яко безпрестани память о вас творю, 045 ROM 001 010 всегда в молитвах моих моляся, аще убо когда поспешен буду волею Божиею приити к вам. 045 ROM 001 011 Желаю бо видети вас, да некое подам вам дарование духовное, ко утверждению вашему. 045 ROM 001 012 Сие же есть, соутешитися в вас верою общею, вашею же и моею. 045 ROM 001 013 Не хощу же не ведети вам, братие, яко множицею восхотех приити к вам, и возбранен бых доселе, да некии плод имею и в вас, якоже и в прочих языцех. 045 ROM 001 014 Еллином же и варваром, мудрым же и неразумным должен есмь. 045 ROM 001 015 Тако есть, еже по моему усердию и вам сущым в Риме благовестити. 045 ROM 001 016 Не стыжуся бо благовествованием Христовым: сила бо Божия есть во спасение всякому верующему, Иудеови же прежде и Еллину. 045 ROM 001 017 Правда бо Божия в нем является от веры в веру, якоже есть писано. Праведныи же от веры жив будет. 045 ROM 001 018 Открывается бо гнев Божии с небесе на всякое нечестие и неправду человеков, содержащих истину в неправде. 045 ROM 001 019 Зане разумное Божие яве есть в них, Бог бо явил есть им: 045 ROM 001 020 невидимая бо Его, от создания мира твореньми помышляема, видима суть, и присносущная сила Его и Божество, во еже быти им безответным. 045 ROM 001 021 Занеже разумевше Бога, не яко Бога прославиша или благодариша, но осуетишася помышлении своими, и омрачися неразумное их сердце. 045 ROM 001 022 Глаголющеся быти мудри, объюродеша, 045 ROM 001 023 и измениша славу нетленнаго Бога в подобие образа тленна человека и птиц и четвероног и гад. 045 ROM 001 024 Темже и предаде их Бог в похотех сердец их в нечистоту, во еже сквернитися телесем их в себе самех. 045 ROM 001 025 Иже премениша истину Божию во лжу, и почтоша и послужиша твари паче Творца, Иже есть благословен во веки, аминь. 045 ROM 001 026 Сего ради предаде их Бог в страсти безчестия. И жены бо их измениша естественную подобу в презестественную. 045 ROM 001 027 Такожде и мужи, оставльше естественную подобу женска пола, разжегошася похотию своею друг на друга, мужи на мужех студ содевающе, и возмездие, еже подобаше прелести их, в себе восприемлюще. 045 ROM 001 028 И якоже не искусиша имети Бога в разуме, (сего ради) предаде их Бог в неискусен ум, творити неподобная, 045 ROM 001 029 исполненых всякия неправды, блужения, лукавства, лихоимания, злобы. Исполненых зависти, убииства, рвения, льсти, злонравия. 045 ROM 001 030 Шепотники, клеветники, богомерзки, досадители, величавы, горды, обретатели злых, родителем непокоривы, 045 ROM 001 031 неразумны, непримирителны, нелюбовны, неклятвохранительны, немилостивны. 045 ROM 001 032 Нецыи же и оправдание Божие разумевше, яко таковая творящии достойни смерти суть, не точию сами творят, но и соизволяют творящым. 045 ROM 002 001 Сего ради безответен еси, о, человече всяк судяй: имже бо судом судиши друга, себе осуждаеши. Таяжде бо твориши судяй. 045 ROM 002 002 Вемы же, яко суд Божии есть поистинне на творящих таковая. 045 ROM 002 003 Помышляеши ли же сие, о, человече, судяй таковая творящым и творя сам таяжде, яко ты избежиши ли суда Божия, 045 ROM 002 004 или о богатстве благости Его и кротости и долготерпении нерадиши, не ведый, яко благость Божия на покаяние тя ведет? 045 ROM 002 005 По жестокости же твоей и непокаянному сердцу, собираеши себе гнев в день гнева и откровения праведнаго суда Божия, 045 ROM 002 006 Иже воздаст коемуждо по делом его. 045 ROM 002 007 Овым убо, по терпению дела благаго, славы и чести и нетления ищущым, живот вечный. 045 ROM 002 008 А иже по рвению противляются убо истине, повинуются же неправде, ярость и гнев. 045 ROM 002 009 Скорбь и теснота на всяку душу человека творящаго злое, Иудеа же прежде и Еллина. 045 ROM 002 010 Слава же и честь и мир всякому делающему благое, Иудееви же прежде и Еллину. 045 ROM 002 011 Несть бо на лица зрения у Бога. 045 ROM 002 012 Елицы бо беззаконно согрешиша, беззаконно и погибнут: и елицы в законе согрешиша, законом суд приимут. 045 ROM 002 013 Не слышателие бо закона праведни пред Богом, но творцы закона, (сии) оправдятся: 045 ROM 002 014 егда бо языцы, не имуще закона, естеством законная творят, сии, закона не имуще, сами себе суть закон. 045 ROM 002 015 Иже являют дело законное написано в сердцах своих, спослушествующеи им совести, и между собою помыслом осуждающым или отвещающым, 045 ROM 002 016 в день, егда судит Бог тайная человеком, по благовестию моему, Иисусом Христом. 045 ROM 002 017 Се ты Иудей именуешися, и почиваеши на законе, и хвалишися о Бозе, 045 ROM 002 018 и разумееши волю, и разсуждаеши лучшая, научаемь от закона, 045 ROM 002 019 уповая же себе вожда быти слепым, света сущым во тме, 045 ROM 002 020 наказателя безумным, учителя младенцем, имуща образ разума и истины в законе. 045 ROM 002 021 Научая убо инаго, себе ли не учиши, 045 ROM 002 022 проповедая не красти, крадеши: глаголяй не прелюбы творити, прелюбы твориши: гнушаяся идол, святая крадеши: 045 ROM 002 023 иже в законе хвалишися, преступлением закона Бога безчествуеши. 045 ROM 002 024 Имя бо Божие вами хулится во языцех, якоже есть писано. 045 ROM 002 025 Обрезание бо пользует, аще закон твориши. Аще же закона преступник еси, обрезание твое необрезание бысть. 045 ROM 002 026 Аще убо необрезание оправдание закона сохранит, не необрезание ли его во обрезание вменится, 045 ROM 002 027 и осудит еже от естества необрезание, закон совершающее, тебе, иже Писанием и обрезанием еси преступник закона. 045 ROM 002 028 Не бо иже яве, Иудей есть, ни еже яве во плоти, обрезание. 045 ROM 002 029 Но иже в тайне Иудей, и обрезание сердца духом, (а) не писанием: емуже похвала не от человек, но от Бога. 045 ROM 003 001 Что убо лишшее Иудею? Или кая польза обрезания? 045 ROM 003 002 Много, по всякому образу: первее бо, яко вверена быша им словеса Божия. 045 ROM 003 003 Что бо, аще не вероваша нецыи? Еда (убо) неверствие их веру Божию упразднит? 045 ROM 003 004 Да не будет: да будет же Бог истинен, всяк же человек ложь, якоже есть писано: яко да оправдишися во словесех Твоих, и победиши, внегда судити Ти. 045 ROM 003 005 Аще ли неправда наша Божию правду составляет, что речем? Еда ли неправеден Бог наносяй гнев? По человеку глаголю. 045 ROM 003 006 Да не будет: понеже како судити имать Бог миру? 045 ROM 003 007 Аще бо истина Божия в моей лжи избыточествова в славу Его, что еще и аз яко грешник осуждаюся, 045 ROM 003 008 и не якоже хулимся, и якоже глаголют нецыи нас глаголати, яко сотворим злая, да приидут благая: ихже суд праведен есть. 045 ROM 003 009 Что убо, преимеем ли? Никакоже: предукорихом бо Иудеи же и Еллины вся под грехом быти, 045 ROM 003 010 якоже есть писано. Яко несть праведен никтоже: 045 ROM 003 011 несть разумеваяи, и несть взыскаяй Бога: 045 ROM 003 012 вси уклонишася, вкупе непотребни быша. Несть творяй благостыню, несть даже до единаго. 045 ROM 003 013 Гроб отверст гортань их, языки своими льщаху. Яд аспидов под устнами их. 045 ROM 003 014 Ихже уста клятвы и горести полна суть. 045 ROM 003 015 Скоры ноги их пролияти кровь: 045 ROM 003 016 сокрушение и озлобление на путех их, 045 ROM 003 017 и пути мирнаго не познаша. 045 ROM 003 018 Несть страха Божия пред очима их. 045 ROM 003 019 Вемы же, яко елика закон глаголет, сущым в законе глаголет: да всяка уста заградятся, и повинен будет весь мир Богови: 045 ROM 003 020 зане от дел закона не оправдится всяка плоть пред Ним: законом бо познание греха. 045 ROM 003 021 Ныне же кроме закона правда Божия явися, свидетельствуема от закона и пророк. 045 ROM 003 022 Правда же Божия верою Иисус Христовою во всех и на всех верующих: несть бо разнствия, 045 ROM 003 023 вси бо согрешиша, и лишени суть славы Божия, 045 ROM 003 024 оправдаеми туне благодатию Его, избавлением, еже о Христе Иисусе, 045 ROM 003 025 Егоже предположи Бог очищение верою в Крови Его, в явление правды Своея, за отпущение прежде бывших грехов, 045 ROM 003 026 в долготерпении Божии, и в показание правды Его в нынешнее время, во еже быти Ему праведну и оправдающу сущаго от веры Иисусовы. 045 ROM 003 027 Где убо похвала, отгнася. Которым законом? Делы ли? Ни, но законом веры. 045 ROM 003 028 Мыслим убо верою оправдатися человеку, без дел закона. 045 ROM 003 029 Или Иудеев Бог токмо, а не и языков? Ей, и языков: 045 ROM 003 030 понеже един Бог, Иже оправдит обрезание от веры и необрезание верою. 045 ROM 003 031 Закон ли убо разоряем верою? Да не будет: но закон утверждаем. 045 ROM 004 001 Что убо речем Авраама отца нашего обрести по плоти? 045 ROM 004 002 Аще бо Авраам от дел оправдася, имать похвалу, но не у Бога. 045 ROM 004 003 Что бо Писание глаголет? Верова же Авраам Богови, и вменися ему в правду. 045 ROM 004 004 Делающему же мзда не вменяется по благодати, но по долгу: 045 ROM 004 005 а не делающему, верующему же во Оправдающаго нечестива, вменяется вера его в правду. 045 ROM 004 006 Якоже и Давид глаголет блаженство человека, емуже вменяет Бог правду, без дел закона: 045 ROM 004 007 блажени, ихже отпустишася беззакония и ихже прикрышася греси: 045 ROM 004 008 блажен муж, емуже не вменит Господь греха. 045 ROM 004 009 Блаженство убо сие на обрезание ли, или на необрезание? Глаголем бо, яко вменися Аврааму вера в правду. 045 ROM 004 010 Како убо вменися ему, во обрезании ли сущу, или в необрезании, не во обрезании, но в необрезании. 045 ROM 004 011 И знамение прият обрезания, печать правды веры, яже в необрезании. Яко быти ему отцу всех верующих в необрезании, во еже вменитися и тем в правду. 045 ROM 004 012 И отцу обрезания, не сущым точию от обрезания, но и ходящым в стопах веры, яже (бе) в необрезании отца нашего Авраама. 045 ROM 004 013 Не законом бо обетование Аврааму, или семени его, еже быти ему наследнику мирови, но правдою веры. 045 ROM 004 014 Аще бо сущии от закона наследницы, испразднися вера, и разорися обетование: 045 ROM 004 015 закон бо гнев соделовает: идеже бо несть закона, (ту) ни преступления. 045 ROM 004 016 Сего ради от веры, да по благодати, во еже быти известну обетованию всему семени, не точию сущему от закона, но и сущему от веры Авраамовы, иже есть отец всем нам, 045 ROM 004 017 якоже есть писано: яко отца многим языком положих тя, прямо Богу, Емуже верова, животворящему мертвыя и нарицающу не сущая яко сущая. 045 ROM 004 018 Иже паче упования во упование верова, во еже быти ему отцу многим языком, по реченному: тако будет семя твое. 045 ROM 004 019 И не изнемог верою, ни усмотри своея плоти уже умерщвленныя, столетен негде сый, и мертвости ложесн Сарриных: 045 ROM 004 020 во обетовании же Божии не усумнеся неверованием, но возможе верою, дав славу Богови 045 ROM 004 021 и известен быв, яко, еже обеща, силен есть и сотворити. 045 ROM 004 022 Темже и вменися ему в правду. 045 ROM 004 023 Не писано же бысть за того единаго точию, яко вменися ему, 045 ROM 004 024 но и за ны, имже хощет вменитися, верующым в Воскресившаго Иисуса Христа Господа нашего из мертвых, 045 ROM 004 025 Иже предан бысть за прегрешения наша и воста за оправдание наше. 045 ROM 005 001 Оравдившеся убо верою, мир имамы к Богу Господем нашим Иисус Христом, 045 ROM 005 002 Имже и приведение обретохом верою во благодать сию, в нейже стоим, и хвалимся упованием славы Божия. 045 ROM 005 003 Не точию же, но и хвалимся в скорбех, ведяще, яко скорбь терпение соделовает, 045 ROM 005 004 терпение же искусство, искусство же упование: 045 ROM 005 005 упование же не посрамит. Яко любы Божия излияся в сердца наша Духом Святым данным нам. 045 ROM 005 006 Еще бо Христос сущым нам немощным, по времени за нечестивых умре. 045 ROM 005 007 Едва бо за праведника кто умрет: за благаго бо негли кто и дерзнет умрети. 045 ROM 005 008 Составляет же Свою любовь к нам Бог, яко, еще грешником сущым нам, Христос за ны умре. 045 ROM 005 009 Много убо паче, оправдани бывше ныне Кровию Его, спасемся Им от гнева. 045 ROM 005 010 Аще бо врази бывше примирихомся Богу смертию Сына Его, множае паче примирившеся спасемся в животе Его: 045 ROM 005 011 не точию же, но и хвалимся о Бозе Господем нашим Иисус Христом, Имже ныне примирение прияхом. 045 ROM 005 012 Сего ради якоже единем человеком грех в мир вниде, и грехом смерть, и тако смерть во вся человеки вниде, в немже вси согрешиша. 045 ROM 005 013 До закона бо грех бе в мире: грех же не вменяшеся, не сущу закону. 045 ROM 005 014 Но царствова смерть от Адама даже до Моисеа и над несогрешившими по подобию преступления Адамова, иже есть образ будущаго. 045 ROM 005 015 Но не якоже прегрешение, тако и дар. Аще бо прегрешением единаго мнози умроша, множае паче благодать Божия и дар благодатию единаго Человека Иисуса Христа во многих преизлишествова. 045 ROM 005 016 И не якоже единем согрешшим, дарование. Грех бо из единаго во осуждение: дар же от многих прегрешении во оправдание. 045 ROM 005 017 Аще бо единаго прегрешением смерть царствова единем, множае паче избыток благодати и дар правды приемлюще, в жизни воцарятся единем Иисус Христом. 045 ROM 005 018 Темже убо, якоже единаго прегрешением во вся человеки вниде осуждение, такожде и единаго оправданием во вся человеки вниде оправдание жизни. 045 ROM 005 019 Якоже бо ослушанием единаго человека грешни быша мнози, сице и послушанием единаго праведни будут мнози. 045 ROM 005 020 Закон же привниде, да умножится прегрешение. Идеже бо умножися грех, преизбыточествова благодать: 045 ROM 005 021 да якоже царствова грех во смерть, такожде и благодать воцарится правдою в жизнь вечную, Иисус Христом Господем нашим. 045 ROM 006 001 Что убо речем, пребудем ли во гресе, да благодать преумножится? Да не будет. 045 ROM 006 002 Иже бо умрохом греху, како паки оживем о нем? 045 ROM 006 003 Или не разумеете, яко елицы во Христа Иисуса крестихомся, в смерть Его крестихомся? 045 ROM 006 004 Спогребохомся убо Ему крещением в смерть, да якоже воста Христос от мертвых славою Отчею, тако и мы во обновлении жизни ходити начнем. 045 ROM 006 005 Аще бо сообразни быхом подобию смерти Его, то и воскресения будем, 045 ROM 006 006 сие ведяще, яко ветхии наш человек с Ним распятся, да упразднится тело греховное, яко ктому не работати нам греху. 045 ROM 006 007 Умерый бо свободися от греха. 045 ROM 006 008 Аще же умрохом со Христом, веруем, яко и живи будем с Ним, 045 ROM 006 009 ведяще, яко Христос воста от мертвых, ктому уже не умирает: смерть Им ктому не обладает. 045 ROM 006 010 Еже бо умре, греху умре единою: а еже живет, Богови живет. 045 ROM 006 011 Такожде и вы помышляйте себе мертвых убо быти греху, живых же Богови, о Христе Иисусе Господе нашем. 045 ROM 006 012 Да не царствует убо грех в мертвеннем вашем теле, во еже послушати его в похотех его: 045 ROM 006 013 ниже представляйте уды вашя оружия неправды греху: но представляйте себе Богови яко от мертвых живых, и уды вашя оружия правды Богови. 045 ROM 006 014 Грех бо вами да не обладает. Несте бо под законом, но под благодатию. 045 ROM 006 015 Что убо, согрешим ли, зане несмы под законом, но под благодатию, да не будет. 045 ROM 006 016 Не весте ли, яко емуже представляете себе рабы в послушание, раби есте, егоже послушаете, или греха в смерть, или послушания в правду? 045 ROM 006 017 Благодарим убо Бога, яко бесте раби греху, послушасте же от сердца, в оньже и предастеся образ учения. 045 ROM 006 018 Свобождшеся же от греха, поработистеся правде. 045 ROM 006 019 Человеческо глаголю, за немощь плоти вашея. Якоже бо представисте уды вашя рабы нечистоте и беззаконию в беззаконие, тако ныне представите уды вашя рабы правде во святыню. 045 ROM 006 020 Егда бо раби бесте греха, свободни бесте от правды. 045 ROM 006 021 Кий убо тогда иместе плод? О нихже ныне стыдитеся, кончина бо онех, смерть. 045 ROM 006 022 Ныне же свобождшеся от греха, порабощшеся же Богови, имате плод ваш во святыню, кончину же жизнь вечную. 045 ROM 006 023 Оброцы бо греха смерть: дарование же Божие живот вечный о Христе Иисусе Господе нашем. 045 ROM 007 001 Или не разумеете, братие: ведущым бо закон глаголю: яко закон обладает над человеком, во елико время живет? 045 ROM 007 002 Ибо мужатая жена живу мужу привязана есть законом: аще ли же умрет муж ея, разрешится от закона мужескаго. 045 ROM 007 003 Темже убо, живу сущу мужу, прелюбодейца бывает, аще будет мужеви иному: аще ли умрет муж ея, свободна есть от закона, не быти ей прелюбодейце, бывшей мужу иному. 045 ROM 007 004 Темже, братие моя, и вы умросте закону телом Христовым, во еже быти вам иному, Воставшему из мертвых, да плод принесем Богови. 045 ROM 007 005 Егда бо бехом во плоти, страсти греховныя, яже законом, действоваху во удех наших, во еже плод творити смерти: 045 ROM 007 006 ныне же упразднихомся от закона, умерше, имже держими бехом, яко работати нам (Богови) во обновлении духа, а не в ветхости писмене. 045 ROM 007 007 Что убо речем? Закон ли грех? Да не будет: но греха не знах, точию законом: похоти же не ведах, аще не бы закон глаголал: не похощеши. 045 ROM 007 008 Вину же прием грех заповедию, содела во мне всяку похоть: без закона бо грех мертв есть. 045 ROM 007 009 Аз же живях кроме закона иногда: пришедшей же заповеди, грех убо оживе, 045 ROM 007 010 аз же умрох: и обретеся ми заповедь, яже в живот, сия в смерть, 045 ROM 007 011 грех бо вину прием заповедию, прельсти мя, и тою умертви мя. 045 ROM 007 012 Темже убо закон свят, и заповедь свята и праведна и блага. 045 ROM 007 013 Благое ли убо бысть мне смерть? Да не будет: но грех, да явится грех, благим ми содевая смерть, да будет по премногу грешен грех заповедию. 045 ROM 007 014 Вемы бо, яко закон духовен есть: аз же плотян есмь, продан под грех. 045 ROM 007 015 Еже бо содеваю, не разумею: не еже бо хощу, сие творю, но еже ненавижду, то соделоваю. 045 ROM 007 016 Аще ли, еже не хощу, сие творю, хвалю закон яко добр, 045 ROM 007 017 ныне же не ктому аз сие содеваю, но живый во мне грех. 045 ROM 007 018 Вем бо, яко не живет во мне, сиречь во плоти моей, доброе: еже бо хотети прилежит ми, а еже содеяти доброе, не обретаю. 045 ROM 007 019 Не еже бо хощу доброе, творю, но еже не хощу злое, сие содеваю. 045 ROM 007 020 Аще ли, еже не хощу аз, сие творю, уже не аз сие творю, но живый во мне грех. 045 ROM 007 021 Обретаю убо закон, хотящу ми творити доброе, яко мне злое прилежит. 045 ROM 007 022 Соуслаждаюся бо закону Божию по внутреннему человеку: 045 ROM 007 023 вижду же ин закон во удех моих, противу воюющь закону ума моего и пленяющь мя законом греховным, сущим во удех моих. 045 ROM 007 024 Окаянен аз человек: кто мя избавит от тела смерти сея? 045 ROM 007 025 Благодарю Бога моего Иисус Христом Господем нашим. Темже убо сам аз умом моим работаю закону Божию, плотию же закону греховному. 045 ROM 008 001 Ни едино убо ныне осуждение сущым о Христе Иисусе, не по плоти ходящым, но по духу: 045 ROM 008 002 закон бо духа жизни о Христе Иисусе свободил мя есть от закона греховнаго и смерти. 045 ROM 008 003 Немощное бо закона, в немже немоществоваше плотию, Бог Сына Своего посла в подобии плоти греха, и о гресе осуди грех во плоти, 045 ROM 008 004 да оправдание закона исполнится в нас, не по плоти ходящих, но по духу. 045 ROM 008 005 Сущии бо по плоти, плотская мудрствуют. А иже по духу, духовная. 045 ROM 008 006 Мудрование бо плотское смерть есть, а мудрование духовное живот и мир, 045 ROM 008 007 зане мудрование плотское вражда на Бога: закону бо Божию не покаряется, ниже бо может. 045 ROM 008 008 Сущии же во плоти, Богу угодити не могут. 045 ROM 008 009 Вы же несте во плоти, но в дусе, понеже Дух Божии живет в вас. Аще же кто Духа Христова не имать, сей несть Его. 045 ROM 008 010 Аще же Христос в вас, плоть убо мертва греха ради, дух же живет правды ради. 045 ROM 008 011 Аще ли же Дух Воскресившаго Иисуса от мертвых живет в вас, Воздвигий Христа из мертвых оживотворит и мертвенная телеса ваша, живущим Духом Его в вас. 045 ROM 008 012 Темже убо, братие, должни есмы не плоти, еже по плоти жити. 045 ROM 008 013 Аще бо по плоти живете, имате умрети, аще ли духом деяния плотская умерщвляете, живи будете: 045 ROM 008 014 елицы бо Духом Божиим водятся, сии суть сынове Божии: 045 ROM 008 015 не приясте бо духа работы паки в боязнь, но приясте Духа сыноположения, о Немже вопием: Авва Отче. 045 ROM 008 016 Самый Дух спослушествует духови нашему, яко есмы чада Божия. 045 ROM 008 017 Аще же чада, и наследницы: наследницы убо Богу, снаследницы же Христу, понеже с Ним страждем, да и с Ним прославимся. 045 ROM 008 018 Непщую бо, яко недостойны страсти нынешняго времене к хотящей славе явитися в нас. 045 ROM 008 019 Чаяние бо твари, откровения сынов Божиих чает: 045 ROM 008 020 суете бо тварь повинуся не волею, но за повинувшаго ю, на уповании, 045 ROM 008 021 яко и сама тварь свободится от работы истления в свободу славы чад Божиих. 045 ROM 008 022 Вемы бо, яко вся тварь с нами совоздыхает и сболезнует даже доныне: 045 ROM 008 023 не точию же, но и сами начаток Духа имуще, и мы сами в себе воздыхаем, всыновления чающе, избавления телу нашему. 045 ROM 008 024 Упованием бо спасохомся. Упование же видимое, несть упование: еже бо видит кто, что и уповает? 045 ROM 008 025 Аще ли, егоже не видим, надеемся, терпением ждем. 045 ROM 008 026 Сице же и Дух способствует нам в немощех наших: о чесом бо помолимся, якоже подобает, не вемы, но Сам Дух ходатайствует о нас воздыхании неизглаголанными. 045 ROM 008 027 Испытаяй же сердца весть, что есть мудрование Духа, яко по Богу приповедует о святых. 045 ROM 008 028 Вемы же, яко любящым Бога вся поспешествуют во благое, сущым по предуведению званным: 045 ROM 008 029 ихже бо предуведе, (тех) и предустави сообразных быти образу Сына Своего, яко быти Ему первородну во многих братиях: 045 ROM 008 030 а ихже предустави, тех и призва: а ихже призва, сих и оправда: а ихже оправда, сих и прослави. 045 ROM 008 031 Что убо речем к сим, аще Бог по нас, кто на ны, 045 ROM 008 032 Иже убо Своего Сына не пощаде, но за нас всех предал есть Его, како убо не и с Ним вся нам дарствует? 045 ROM 008 033 Кто поемлет на избранныя Божия, Бог оправдаяй. 045 ROM 008 034 Кто осуждаяй? Христос Иисус умерый, паче же и воскресый, Иже и есть о десную Бога, Иже и ходатайствует о нас. 045 ROM 008 035 Кто ны разлучит от любве Божия, скорбь ли, или теснота, или гонение, или глад, или нагота, или беда, или мечь? Якоже есть писано: 045 ROM 008 036 яко Тебе ради умерщвляеми есмы весь день: вменихомся якоже овцы заколения. 045 ROM 008 037 Но во всех сих препобеждаем за Возлюбльшаго ны. 045 ROM 008 038 Известихся бо, яко ни смерть, ни живот, ни Ангели, ни Начала, ниже Силы, ни настоящая, ни грядущая, 045 ROM 008 039 ни высота, ни глубина, ни ина тварь кая возможет нас разлучити от любве Божия, яже о Христе Иисусе Господе нашем. 045 ROM 009 001 Истину глаголю о Христе, не лгу, послушествующей ми совести моей Духом Святым, 045 ROM 009 002 яко скорбь ми есть велия и непрестающая болезнь сердцу моему: 045 ROM 009 003 молил бых ся бо сам аз отлучен быти от Христа по братии моей, сродницех моих по плоти, 045 ROM 009 004 иже суть Израилите, ихже всыновление и слава, и завети и законоположение, и служение и обетования: 045 ROM 009 005 ихже отцы, и от нихже Христос по плоти, сый над всеми Бог благословен во веки, аминь. 045 ROM 009 006 Не такоже, яко отпаде слово Божие: не вси бо сущии от Израиля, сии Израиль, 045 ROM 009 007 ни зане суть семя Авраамле, вси чада: но во Исааце, рече, наречется ти семя. 045 ROM 009 008 Сиречь, не чада плотская, сия чада Божия: но чада обетования причитаются в семя. 045 ROM 009 009 Обетования бо слово сие: на сие время прииду, и будет Сарре сын. 045 ROM 009 010 Не точию же, но и Ревекка от единаго ложа Исаака отца нашего имущи: 045 ROM 009 011 еще бо не рождшымся, ни сотворившым что благо или зло, да по избранию предложение Божие пребудет 045 ROM 009 012 не от дел, но от Призывающаго, речеся ей, яко болий поработает меншему, 045 ROM 009 013 якоже есть писано: Иакова возлюбих, Исава же возненавидех. 045 ROM 009 014 Что убо речем? Еда неправда у Бога? Да не будет. 045 ROM 009 015 Моисеови бо глаголет: помилую, егоже аще помилую, и ущедрю, егоже аще ущедрю. 045 ROM 009 016 Темже убо ни хотящаго, ни текущаго, но милующаго Бога. 045 ROM 009 017 Глаголет бо Писание фараонови: яко на истое сие воздвигох тя, яко да покажу тобою силу Мою и да возвестится имя Мое по всей земли. 045 ROM 009 018 Темже убо, егоже хощет, милует: а егоже хощет, ожесточает. 045 ROM 009 019 Речеши убо ми: чесо ради еще укоряет, воли бо Его кто противитися может? 045 ROM 009 020 Темже убо, о, человече, ты кто еси, против отвещаяй Богови? Еда речет здание создавшему е: почто мя сотворил еси тако? 045 ROM 009 021 Или не имать власти скудельник на брении, от тогожде смешения сотворити ов убо сосуд в честь, ов же не в честь? 045 ROM 009 022 Аще же хотя Бог показати гнев Свой и явити силу Свою, пренесе во мнозе долготерпении сосуды гнева совершены в погибель: 045 ROM 009 023 и да скажет богатство славы Своея на сосудех милости, яже предуготова в славу, 045 ROM 009 024 ихже и призва нас не точию от Иудей, но и от язык: 045 ROM 009 025 якоже и во Осии глаголет: нареку не люди Моя люди Моя, и невозлюбленую возлюблену: 045 ROM 009 026 и будет, на месте, идеже речеся им: не людие Мои есте вы, тамо нарекутся сынове Бога живаго. 045 ROM 009 027 Исаиа же вопиет о Израили: аще будет число сынов Израилевых яко песок морский, останок спасется: 045 ROM 009 028 слово бо скончавая и сокращая в правде, яко слово сокращено сотворит Господь на земли, 045 ROM 009 029 и якоже прорече Исаиа: аще не бы Господь Саваоф оставил нам семене, якоже Содом убо были быхом, и якоже Гоморру уподобилися быхом. 045 ROM 009 030 Что убо речем, яко языцы, не гонящии правду, постигоша правду, правду же, яже от веры: 045 ROM 009 031 Израиль же, гоня закон правды, в закон правды не постиже. 045 ROM 009 032 Чесо ради? Зане не от веры, но от дел закона: преткнушася бо о камень претыкания, 045 ROM 009 033 якоже есть писано: се, полагаю в Сионе камень претыкания и камень соблазна: и всяк веруяй в Онь не постыдится. 045 ROM 010 001 Братие, благоволение убо моего сердца и молитва, яже к Богу по Израили, есть во спасение. 045 ROM 010 002 Свидетельствую бо им, яко ревность Божию имут, но не по разуму. 045 ROM 010 003 Не разумеюще бо Божия правды и свою правду ищуще поставити, правде Божией не повинушася: 045 ROM 010 004 кончина бо закона Христос, в правду всякому верующему. 045 ROM 010 005 Моисей бо пишет правду юже от закона: яко сотворивый та человек жив будет в них. 045 ROM 010 006 А яже от веры правда сице глаголет: да не речеши в сердцы твоем: кто взыдет на небо, сиречь Христа свести: 045 ROM 010 007 или кто снидет в бездну, сиречь Христа от мертвых возвести. 045 ROM 010 008 Но что глаголет Писание? Близ ти глагол есть, во устех твоих и в сердцы твоем, сиречь глагол веры, егоже проповедаем: 045 ROM 010 009 яко аще исповеси усты твоими Господа Иисуса, и веруеши в сердцы твоем, яко Бог Того воздвиже из мертвых, спасешися: 045 ROM 010 010 сердцем бо веруется в правду, усты же исповедуется во спасение. 045 ROM 010 011 Глаголет бо Писание: всяк веруяй в Онь не постыдится. 045 ROM 010 012 Несть бо разнствия Иудееви же и Еллину: Той бо Бог всех, богатяй во всех призывающих Его. 045 ROM 010 013 Всяк бо, иже аще призовет имя Господне, спасется. 045 ROM 010 014 Како убо призовут, в Негоже не вероваша? Како же уверуют, Егоже не услышаша? Како же услышат без проповедающаго? 045 ROM 010 015 Како же проповедят, аще не послани будут? Якоже есть писано: коль красны ноги благовествующих мир, благовествующих благая. 045 ROM 010 016 Но не вси послушаша благовествования. Исаиа бо глаголет: Господи, кто верова слуху нашему? 045 ROM 010 017 Темже убо вера от слуха, слух же глаголголом Божиим. 045 ROM 010 018 Но глаголю: еда не слышаша, темже убо, во всю землю изыде вещание их, и в концы вселенныя глаголы их. 045 ROM 010 019 Но глаголю: еда не разуме Израиль? Первый Моисей глаголет: Аз раздражу вы не о языце, но о языце неразумне прогневаю вас. 045 ROM 010 020 Исаиа же дерзает и глаголет: обретохся не ищущым Мене, явлен бых не вопрошающым о Мне. 045 ROM 010 021 Ко Израилю же глаголет: весь день воздех руце Мои к людем непокоривым и пререкающым. 045 ROM 011 001 Глаголю убо: еда отрину Бог люди Своя? Да не будет. Ибо и аз Израильтянин есмь, от семене Авраамля, колена Вениаминова. 045 ROM 011 002 Не отрину Бог людей Своих, ихже прежде разуме. Или не весте, о Илии что глаголет Писание, яко приповедует Богови на Израиля, глаголя: 045 ROM 011 003 Господи, пророки Твоя избиша и олтари Твоя раскопаша: и аз остах един, и ищут души моея, изяти ю. 045 ROM 011 004 Но что глаголет ему Божественный ответ? Оставих Себе седмь тысящ мужей, иже не преклониша колена пред Ваалом. 045 ROM 011 005 Тако убо и в нынешнее время останок по избранию благодати бысть. 045 ROM 011 006 Аще ли по благодати, то не от дел: зане благодать уже не бывает благодать. Аще ли от дел, ктому несть благодать: зане дело уже несть дело. 045 ROM 011 007 Что убо? Егоже искаше Израиль, сего не получи, а избрание получи. Прочии же ослепишася, 045 ROM 011 008 якоже есть писано: даде им Бог дух умиления, очи не видети и ушы не слышати, даже до днешняго дне. 045 ROM 011 009 И Давид глаголет: да будет трапеза их в сеть и в лов, и в соблазн и в воздаяние им: 045 ROM 011 010 да помрачатся очи их еже не видети, и хребет их выну сляцай. 045 ROM 011 011 Глаголю убо: еда согрешиша, да отпадут? Да не будет. Но тех падением спасение языком, во еже раздражити их. 045 ROM 011 012 Аще ли же прегрешение их богатство мира, и отпадение их богатство языков: кольми паче исполнение их? 045 ROM 011 013 Вам бо глаголю языком: понеже убо есмь аз языком Апостол, службу мою прославляю. 045 ROM 011 014 Аще како раздражу мою плоть, и спасу некия от них? 045 ROM 011 015 Аще бо отложение их, примирение миру, что приятие, разве жизнь из мертвых? 045 ROM 011 016 Аще ли начаток свят, то и примешение: и аще корень свят, то и ветви. 045 ROM 011 017 Аще ли некия от ветвей отломишася, ты же, дивия маслина сый, прицепился еси в них, и причастник корене и масти маслинныя сотворился еси, 045 ROM 011 018 не хвалися на ветви: аще ли же хвалишися, не ты корень носиши, но корень тебе. 045 ROM 011 019 Речеши убо. Отломишася ветви, да аз прицеплюся. 045 ROM 011 020 Добре: неверием отломишася, ты же верою стоиши: не высокомудрствуй, но бойся. 045 ROM 011 021 Аще бо Бог естественных ветвей не пощаде, да не како и тебе не пощадит. 045 ROM 011 022 Виждь убо благость и непощадение Божие: на отпадших убо непощадение, а на тебе благость Божия, аще пребудеши в благости: аще ли же ни, то и ты отсечен будеши. 045 ROM 011 023 И они же, аще не пребудут в неверствии, прицепятся: силен бо есть Бог паки прицепити их. 045 ROM 011 024 Аще бо ты от естественныя отсечен дивия маслины, и чрез естество прицепился еси к добрей маслине: кольми паче сии, иже по естеству, прицепятся своей маслине? 045 ROM 011 025 Не бо хощу вас не ведети тайны сея, братие, да не будете о себе мудри, яко ослепление от части Израилеви бысть, дондеже исполнение языков внидет, 045 ROM 011 026 и тако весь Израиль спасется, якоже есть писано: приидет от Сиона Избавляяй, и отвратит нечестие от Иакова: 045 ROM 011 027 и сей им от Мене завет, егда отиму грехи их. 045 ROM 011 028 По благовествованию убо, врази вас ради: по избранию же, возлюблени отец ради. 045 ROM 011 029 Нераскаянна бо дарования и звание Божие. 045 ROM 011 030 Якоже бо и вы иногда противистеся Богови, ныне же помиловани бысте сих противлением: 045 ROM 011 031 такожде и сии ныне противишася вашей милости, да и тии помиловани будут. 045 ROM 011 032 Затвори бо Бог всех в противление, да всех помилует. 045 ROM 011 033 О, глубина богатства и премудрости и разума Божия! Яко неиспытани судове Его, и неизследовани путие Его. 045 ROM 011 034 Кто бо разуме ум Господень, или кто советник Ему бысть? 045 ROM 011 035 Или кто прежде даде Ему, и воздастся Ему, 045 ROM 011 036 яко из Того и Тем и в Нем всяческая. Тому слава во веки. Аминь. 045 ROM 012 001 Молю убо вас, братие, щедротами Божиими, представите телеса ваша жертву живу, святу, благоугодну Богови, словесное служение ваше, 045 ROM 012 002 и не сообразуйтеся веку сему, но преобразуйтеся обновлением ума вашего, во еже искушати вам, что есть воля Божия благая и угодная и совершенная. 045 ROM 012 003 Глаголю бо благодатию давшеюся мне, всякому сущему в вас не мудрствовати паче, еже подобает мудрствовати: но мудрствовати в целомудрии, коемуждо якоже Бог разделил есть меру веры. 045 ROM 012 004 Якоже бо во едином телеси многи уды имамы, уды же вси не тожде имут делание, 045 ROM 012 005 такожде мнози едино тело есмы о Христе, а по единому друг другу уди. 045 ROM 012 006 Имуще же дарования по благодати данней нам различна: аще пророчество, по мере веры: 045 ROM 012 007 аще ли служение, в служении: аще учяй, во учении: 045 ROM 012 008 аще утешаяй, во утешении: подаваяй, в простоте: предстояй, со тщанием: милуяй, с добрым изволением. 045 ROM 012 009 Любы нелицемерна: ненавидяще злаго, прилепляйтеся благому: 045 ROM 012 010 братолюбием друг ко другу любезни: честию друг друга болша творяще: 045 ROM 012 011 тщанием не лениви, духом горяще, Господви работающе. 045 ROM 012 012 Упованием радующеся, скобри терпяще, в молитве пребывающе: 045 ROM 012 013 требованием святых приюбщающеся, страннолюбия держащеся: 045 ROM 012 014 благословляйте гонящыя вы: благословите, а не клените. 045 ROM 012 015 Радоватися с радующимися, и плакати с плачущими. 045 ROM 012 016 Тожде друг ко другу мудрствующе. Не высокая мудрствующе, но смиренными ведущеся: не бывайте мудри о себе: 045 ROM 012 017 ни единому же зла за зло воздающе, промышляюще добрая пред всеми человеки. 045 ROM 012 018 Аще возможно, еже от вас, со всеми человеки мир имейте. 045 ROM 012 019 Не себе отмщающе, возлюблении, но дадите место гневу. Писано бо есть: Мне отмщение, Аз воздам, глаголет Господь. 045 ROM 012 020 Аще убо алчет враг твой, ухлеби его: аще ли жаждет, напой его: сие бо творя, углие огнено собираеши на главу его. 045 ROM 012 021 Не побежден бывай от зла, но побеждай благим злое. 045 ROM 013 001 Всяка душа властем предержащым да повинуется: несть бо власть аще не от Бога, сущыя же власти от Бога учинены суть. 045 ROM 013 002 Темже противляяйся власти, Божию повелению противляется: противляющиися же себе грех приемлют. 045 ROM 013 003 Князи бо не суть боязнь добрым делом, но злым. Хощеши же ли не боятися власти? Благое твори, и имети будеши похвалу от него: 045 ROM 013 004 Божий бо слуга есть, тебе во благое. Аще ли злое твориши, бойся, не бо без ума мечь носит: Божий бо слуга есть, отмститель в гнев злое творящему. 045 ROM 013 005 Темже потреба повиноватися не токмо за гнев, но и за совесть. 045 ROM 013 006 Сего бо ради и дани даете: служители бо Божии суть, во истое сие пребывающе. 045 ROM 013 007 Воздадите убо всем должная: емуже (убо) урок, урок: (а) емуже дань, дань: (а) емуже страх, страх: (и) емуже честь, честь. 045 ROM 013 008 Ни единому же ничимже должни бывайте, точию еже любити друг друга: любяй бо друга, закон исполни. 045 ROM 013 009 Еже бо: не прелюбы сотвориши, не убиеши, не украдеши, не лжесвидетелствуеши, не похощеши, и аще кая ина заповедь, в сем словеси совершается, во еже: возлюбиши искренняго твоего, якоже сам себе. 045 ROM 013 010 Любы искреннему зла не творит. Исполнение убо закона любы есть. 045 ROM 013 011 И сие, ведяще время, яко час уже нам от сна востати. Ныне бо ближайшее нам спасение, нежели егда веровахом. 045 ROM 013 012 Нощь убо прейде, а день приближися: отложим убо дела темная, и облечемся во оружие света. 045 ROM 013 013 Яко во дни, благообразно да ходим, не козлогласовании и пиянствы, не любодеянии и студодеянии, не рвением и завистию: 045 ROM 013 014 но облецытеся Господем нашим Иисус Христом, и плоти угодия не творите в похоти. 045 ROM 014 001 Изнемогающаго же в вере приемлите, не в сомнение помышлении. 045 ROM 014 002 Ов бо верует ясти вся, а изнемогаяй зелия да яст. 045 ROM 014 003 Ядый не ядущаго да не укаряет: и не ядый ядущаго да не осуждает: Бог бо его прият. 045 ROM 014 004 Ты кто еси судяй чуждему рабу? Своему Господви стоит, или падает. Станет же, силен бо есть Бог поставити его. 045 ROM 014 005 Ов убо разсуждает день чрез день, ов же судит на всяк день. Кииждо своею мыслию да извествуется. 045 ROM 014 006 Мудрствуяй день, Господеви мудрствует: и не мудрствуяй день, Господеви не мудрствует. Ядый, Господеви яст. Благодарит бо Бога: и не ядый, Господеви не яст, и благодарит Бога. 045 ROM 014 007 Никтоже бо нас себе живет, и никтоже себе умирает: 045 ROM 014 008 аще бо живем, Господеви живем, аще же умираем, Господеви умираем: аще убо живем, аще умираем, Господни есмы. 045 ROM 014 009 На сие бо Христос и умре и воскресе и оживе, да и мертвыми и живыми обладает. 045 ROM 014 010 Ты же почто осуждаеши брата твоего, или ты что уничижаеши брата твоего? Вси бо предстанем судищу Христову. 045 ROM 014 011 Писано бо есть: живу Аз, глаголет Господь, яко Мне поклонится всяко колено, и всяк язык исповестся Богови. 045 ROM 014 012 Темже убо кийждо нас о себе слово даст Богу. 045 ROM 014 013 Не ктому убо друг друга осуждаем, но сие паче судите, еже не полагати претыкания брату или соблазна. 045 ROM 014 014 Вем и извещен есмь о Христе Иисусе, яко ничтоже скверно само собою: точию помышляющему что скверно быти, оному скверно есть. 045 ROM 014 015 Аще же брашна ради брат твой скорбит, уже не по любви ходиши: не брашном твоим того погубляй, за негоже Христос умре. 045 ROM 014 016 Да не хулится убо ваше благое. 045 ROM 014 017 Несть бо Царство Божие брашно и питие, но правда и мир и радость о Дусе Святе. 045 ROM 014 018 Иже бо сими служит Христови, благоугоден есть Богови и искусен человеком. 045 ROM 014 019 Темже убо мир возлюбим и яже к созиданию друг ко другу. 045 ROM 014 020 Не брашна ради разоряй дело Божие. Вся бо чиста, но зло человеку претыканием ядущему. 045 ROM 014 021 Добро не ясти мяс, ниже пити вина, ни о немже брат твой претыкается или соблазняется или изнемогает. 045 ROM 014 022 Ты веру имаши? О себе сам имей пред Богом. Блажен не осуждаяй себе, о немже искушается. 045 ROM 014 023 А сомняяйся, аще яст, осуждается, зане не от веры: всяко же, еже не от веры, грех есть. 045 ROM 015 001 Должни есмы мы сильнии немощи немощных носити, и не себе угождати: 045 ROM 015 002 кииждо же вас ближнему да угождает во благое к созиданию. 045 ROM 015 003 Ибо и Христос не Себе угоди, но якоже есть писано: поношения поносящих Тебе нападоша на Мя. 045 ROM 015 004 Елика бо преднаписана быша, в наше наказание преднаписашася, да терпением и утешением Писаний упование имамы. 045 ROM 015 005 Бог же терпения и утешения да даст вам тожде мудрствовати друг ко другу о Христе Иисусе, 045 ROM 015 006 да единодушно едиными усты славите Бога и Отца Господа нашего Иисуса Христа. 045 ROM 015 007 Темже приемлите друг друга, якоже и Христос прият вас во славу Божию. 045 ROM 015 008 Глаголю же Христа Иисуса служителя бывша обрезания по истине Божией, во еже утвердити обетования отцев. 045 ROM 015 009 А языком по милости, прославити Бога, якоже есть писано: сего ради исповемся Тебе во языцех, Господи, и имени Твоему пою. 045 ROM 015 010 И паки глаголет: возвеселитеся, языцы, с людьми Его. 045 ROM 015 011 И паки: хвалите Господа, вси языцы, и похвалите Его, вси людие. 045 ROM 015 012 И паки Исаиа глаголет: будет корень Иессеов, и востаяй владети над языки: на Того языцы уповают. 045 ROM 015 013 Бог же упования да исполнит вас всякия радости и мира в вере, избыточествовати вам во уповании, силою Духа Святаго. 045 ROM 015 014 Извещен же есмь, братие моя, и сам аз о вас, яко и сами вы полни есте благости, исполнени всякаго разума, могуще и иныя научити: 045 ROM 015 015 дерзее же писах вам, братие моя, от части, яко воспоминая вам, за благодать данную ми от Бога, 045 ROM 015 016 во еже быти ми служителю Иисус Христову во языцех, священнодействующу благовествование Божие, да будет приношение еже от язык благоприятно и освященно Духом Святым. 045 ROM 015 017 Имам убо похвалу о Христе Иисусе в тех, яже к Богу: 045 ROM 015 018 не смею бо глаголати что, ихже не содея Христос мною, в послушание языков, словом и делом, 045 ROM 015 019 в силе знамений и чудес, силою Духа Божия, якоже ми от Иерусалима и окрест даже до Иллирика исполнити благовествование Христово. 045 ROM 015 020 Сице же потщахся благовестити, не идеже именовася Христос, да не на чужем основании созижду, 045 ROM 015 021 но якоже есть писано: имже не возвестися о Нем, узрят, и иже не слышаша, уразумеют. 045 ROM 015 022 Темже и возбранен бых многажды приити к вам. 045 ROM 015 023 Ныне же ктому места не имыи в странах сих, желание же имый приити к вам от многих лет, 045 ROM 015 024 яко аще поиду во Испанию, прииду к вам. Уповаю бо мимогрядый видети вас и вами проводитися тамо, аще вас прежде от части насыщуся. 045 ROM 015 025 Ныне же гряду во Иерусалим, служяй святым, 045 ROM 015 026 благоволиша бо Македониа и Ахаиа общение некое сотворити к нищым святым живущым во Иерусалиме. 045 ROM 015 027 Благоволиша бо, и должни им суть. Аще бо в духовных их причастницы быша языцы, должни суть и в плотских послужити им. 045 ROM 015 028 Сие убо скончав, и запечатлев им плод сей, поиду вами во Испанию: 045 ROM 015 029 вем же, яко грядый к вам, во исполнении благословения благовестия Христова прииду. 045 ROM 015 030 Молю же вы, братие, Господем нашим Иисус Христом и любовию Духа, споспешствуите ми в молитвах о мне к Богу, 045 ROM 015 031 да избавлюся от противляющихся во Иудеи, и да служба моя, яже во Иерусалиме, благоприятна будет святым. 045 ROM 015 032 Да с радостию прииду к вам волею Божиею и упокоюся с вами. 045 ROM 015 033 Бог же мира со всеми вами. Аминь. 045 ROM 016 001 Вручаю же вам Фиву сестру нашу, сущу служительницу церкве яже в Кегхреех: 045 ROM 016 002 да приимете ю о Господе достойне святым, и споспешствуите ей, о нейже аще от вас потребует вещи: ибо сия заступница многим бысть, и самому мне. 045 ROM 016 003 Целуйте Прискиллу и Акилу, споспешника моя о Христе Иисусе, 045 ROM 016 004 иже по души моей своя выя положиста, ихже не аз един благодарю, но и вся церкви языческия: и домашнюю их церковь. 045 ROM 016 005 Целуйте Епенета возлюбленнаго ми, иже есть начаток Ахаии во Христа. 045 ROM 016 006 Целуйте Мариамь, яже много трудися о нас. 045 ROM 016 007 Целуйте Андроника и Иунию, сродники моя и спленники моя, иже суть нарочиты во Апостолех, иже и прежде мене вероваста во Христа. 045 ROM 016 008 Целуйте Амплиа возлюбленнаго ми о Господе. 045 ROM 016 009 Целуйте Урвана споспешника нашего о Христе, и Стахиа возлюбленнаго ми. 045 ROM 016 010 Целуйте Апеллиа искусна о Христе. Целуйте сущыя от Аристовула. 045 ROM 016 011 Целуйте Иродиона сродника моего. Целуйте иже от Наркисса сущыя о Господе. 045 ROM 016 012 Целуйте Трифену и Трифосу труждающыяся о Господе. Целуйте Персиду возлюбленную, яже много трудися о Господе. 045 ROM 016 013 Целуйте Руфа избраннаго о Господе, и матерь его и мою. 045 ROM 016 014 Целуйте Асигкрита, Флегонта, Ерма, Патрова, Ермиа, и сущую с ними братию. 045 ROM 016 015 Целуйте Филолога и Иулию, Ниреа и сестру его, и Олимпана, и сущыя с ними вся святыя. 045 ROM 016 016 Целуйте друг друга лобзанием святым. Целуют вы вся церкви Христовы. 045 ROM 016 017 Молю же вы, братие, блюдитеся от творящих распри и раздоры, кроме учения, емуже вы научистеся, и уклонитеся от них: 045 ROM 016 018 таковии бо Господеви нашему Иисусу Христу не работают, но своему чреву: иже благими словесы и благословением прельщают сердца незлобивых. 045 ROM 016 019 Ваше бо послушание ко всем достиже. Радуюся же еже о вас. Хощу же вас мудрых убо быти во благое, простых же в злое. 045 ROM 016 020 Бог же мира да сокрушит сатану под ноги вашя вскоре. Благодать Господа нашего Иисуса Христа с вами. Аминь. 045 ROM 016 021 Целует вас Тимофей споспешник мой, и Лукий и Иасон и Сосипатр, сродницы мои. 045 ROM 016 022 Целую вы и аз Тертий, написавый послание сие, о Господе. 045 ROM 016 023 Целует вы Гаие странноприимец мой и церкве всея. Целует вы Ераст строитель градский, и Куарт брат. 045 ROM 016 024 Благодать Господа нашего Иисуса Христа со всеми вами. Аминь. 045 ROM 016 025 Могущему же вас утвердити по благовествованию моему и проповеданию Иисус Христову, по откровению тайны, леты вечными умолчанныя, 045 ROM 016 026 явльшияся же ныне, писании пророческими, по повелению вечнаго Бога, в послушание веры во всех языцех познавшияся, 045 ROM 016 027 Единому Премудрому Богу, Иисусом Христом, Емуже слава во веки. Аминь. # # BOOK 046 1CO 1 Corinthians Первое послание к Коринфянам 046 1CO 001 001 Павел, зван Апостол Иисус Христов волею Божиею, и Сосфен брат, 046 1CO 001 002 церкви Божией сущей в Коринфе, освященным о Христе Иисусе, званным святым, со всеми призывающими имя Господа нашего Иисуса Христа, во всяцем месте, тех же и нашем: 046 1CO 001 003 благодать вам и мир от Бога Отца нашего и Господа Иисуса Христа. 046 1CO 001 004 Благодарю Бога моего всегда о вас, о благодати Божией данней вам о Христе Иисусе, 046 1CO 001 005 яко во всем обогатистеся о Нем, во всяцем слове и всяцем разуме, 046 1CO 001 006 якоже свидетелство Христово известися в вас: 046 1CO 001 007 яко вам не лишитися ни во единем даровании, чающым откровения Господа нашего Иисуса Христа, 046 1CO 001 008 Иже и утвердит вас даже до конца неповинных в день Господа нашего Иисуса Христа. 046 1CO 001 009 Верен Бог, Имже звани бысте во общение Сына Его Иисуса Христа, Господа нашего. 046 1CO 001 010 Молю же вы, братие, именем Господа нашего Иисуса Христа, да тожде глаголете вси, и да не будут в вас распри, да будете же утверждени в томже разумении и в тойже мысли. 046 1CO 001 011 Возвестися бо ми о вас, братие моя, (посланным) от Хлоиса, яко рвения в вас суть. 046 1CO 001 012 Глаголю же се, яко кийждо вас глаголет: аз убо есмь Павлов, аз же Аполлосов, аз же Кифин, аз же Христов. 046 1CO 001 013 Еда разделися Христос, еда Павел распятся по вас? Или во имя Павлово крестистеся? 046 1CO 001 014 Благодарю Бога, яко ни единаго от вас крестих, точию Криспа и Гаиа, 046 1CO 001 015 да не кто речет, яко в мое имя крестих. 046 1CO 001 016 Крестих же и Стефанинов дом: прочее не вем, аще кого иного крестих. 046 1CO 001 017 Не посла бо мене Христос крестити, но благовестити, не в премудрости слова, да не испразднится крест Христов. 046 1CO 001 018 Слово бо крестное погибающым убо юродство есть, а спасаемым нам сила Божия есть. 046 1CO 001 019 Писано бо есть: погублю премудрость премудрых, и разум разумных отвергу. 046 1CO 001 020 Где премудр? Где книжник? Где совопросник века сего? Не обуи ли Бог премудрость мира сего? 046 1CO 001 021 Понеже бо в премудрости Божией не разуме мир премудростию Бога, благоизволил Бог буйстовм проповеди спасти верующих. 046 1CO 001 022 Понеже и Иудее знамения просят, и Еллини премудрости ищут: 046 1CO 001 023 мы же проповедуем Христа распята, Иудеем убо соблазн, Еллином же безумие, 046 1CO 001 024 самем же званным Иудеем же и Еллином Христа, Божию силу и Божию премудрость: 046 1CO 001 025 зане буее Божие премудрее человек есть, и немощное Божие крепчае человек есть. 046 1CO 001 026 Видите бо звание ваше, братие, яко не мнози премудри по плоти, не мнози сильни, не мнози благородни: 046 1CO 001 027 но буяя мира избра Бог, да премудрыя посрамит, и немощная мира избра Бог, да посрамит крепкая: 046 1CO 001 028 и худородная мира и уничиженная избра Бог, и не сущая, да сущая упразднит, 046 1CO 001 029 яко да не похвалится всяка плоть пред Богом. 046 1CO 001 030 Из Негоже вы есте о Христе Иисусе, Иже бысть нам премудрость от Бога, правда же и освящение и избавление, 046 1CO 001 031 да, якоже пишется: хваляйся, о Господе да хвалится. 046 1CO 002 001 И аз пришед к вам, братие, приидох не по превосходному словеси или премудрости возвещая вам свидетелство Божие: 046 1CO 002 002 не судих бо ведети что в вас, точию Иисуса Христа, и Сего распята: 046 1CO 002 003 и аз в немощи и страсе и трепете мнозе бых в вас. 046 1CO 002 004 И слово мое и проповедь моя не в препретелных человеческия премудрости словесех, но в явлении духа и силы, 046 1CO 002 005 да вера ваша не в мудрости человечестей, но в силе Божией будет. 046 1CO 002 006 Премудрость же глаголем в совершенных, премудрость же не века сего, ни князей века сего престающих, 046 1CO 002 007 но глаголем премудрость Божию, в тайне сокровенную, юже предустави Бог прежде век в славу нашу, 046 1CO 002 008 юже никтоже от князей века сего разуме: аще бо быша разумели, не быша Господа славы распяли. 046 1CO 002 009 Но якоже есть писано: ихже око не виде, и ухо не слыша, и на сердце человеку не взыдоша, яже уготова Бог любящым Его. 046 1CO 002 010 Нам же Бог открыл есть Духом Своим: Дух бо вся испытует, и глубины Божия. 046 1CO 002 011 Кто бо весть от человек, яже в человеце, точию дух человека, живущий в нем? Такожде и Божия никтоже весть, точию Дух Божий. 046 1CO 002 012 Мы же не духа мира сего прияхом, но Духа иже от Бога, да вемы яже от Бога дарованная нам, 046 1CO 002 013 яже и глаголем не в наученых человеческия премудрости словесех, но в наученых Духа Святаго, духовная духовными сразсуждающе. 046 1CO 002 014 Душевен же человек не приемлет яже Духа Божия: юродство бо ему есть, и не может разумети, зане духовне востязуется. 046 1CO 002 015 Духовный же востязует убо вся, а сам той ни от единаго востязуется. 046 1CO 002 016 Кто бо разуме ум Господень, иже изяснит и? Мы же ум Христов имамы. 046 1CO 003 001 И аз, братие, не могох вам глаголати яко духовным, но яко плотяным, яко младенцем о Христе. 046 1CO 003 002 Млеком вы напоих, а не брашном: ибо не у можасте, но ниже еще можете ныне, 046 1CO 003 003 еще бо плотстии есте. Идеже бо в вас зависти и рвения и распри, не плотстии ли есте и по человеку ходите? 046 1CO 003 004 Егда бо глаголет кто: аз убо есмь Павлов, другий же: аз Аполлосов: не плотстии ли есте? 046 1CO 003 005 Кто убо есть Павел? Кто же ли Аполлос? Но точию служителие, имиже веровасте, и комуждо якоже Господь даде. 046 1CO 003 006 Аз насадих, Аполлос напои, Бог же возрасти: 046 1CO 003 007 темже ни насаждаяй есть что, ни напаяяй, но возращаяй Бог. 046 1CO 003 008 Насаждаяй же и напаяяй едино еста: кийждо же свою мзду приимет по своему труду. 046 1CO 003 009 Богу бо есмы споспешницы: Божие тяжание, Божие здание есте. 046 1CO 003 010 По благодати Божией данней мне, яко премудр архитектон основание положих, ин же назидает: кийждо же да блюдет, како назидает. 046 1CO 003 011 Основания бо инаго никтоже может положити паче лежащаго, еже есть Иисус Христос. 046 1CO 003 012 Аще ли кто назидает на основании сем злато, сребро, камение честное, дрова, сено, тростие, 046 1CO 003 013 когождо дело явлено будет: день бо явит, зане огнем открывается: и когождо дело, яковоже есть, огнь искусит. 046 1CO 003 014 (И) егоже аще дело пребудет, еже назда, мзду приимет: 046 1CO 003 015 (а) егоже дело сгорит, отщетится: сам же спасется, такожде якоже огнем. 046 1CO 003 016 Не весте ли, яко храм Божий есте, и Дух Божий живет в вас? 046 1CO 003 017 Аще кто Божий храм растлит, растлит сего Бог: храм бо Божий свят есть, иже есте вы. 046 1CO 003 018 Никтоже себе да прельщает: аще кто мнится мудр быти в вас в веце сем, буй да бывает, яко да премудр будет. 046 1CO 003 019 Премудрость бо мира сего буйство у Бога есть, писано бо есть: запинаяй премудрым в коварстве их. 046 1CO 003 020 И паки: Господь весть помышления человеческа, яко суть суетна. 046 1CO 003 021 Темже никтоже да хвалится в человецех, вся бо ваша суть: 046 1CO 003 022 аще Павел, или Аполлос, или Кифа, или мир, или живот, или смерть, или настоящая, или будущая, вся ваша суть: 046 1CO 003 023 вы же Христовы, Христос же Божий. 046 1CO 004 001 Тако нас да непщует человек, яко слуг Христовых и строителей таин Божиих: 046 1CO 004 002 а еже прочее ищется в строителех, да верен кто обрящется. 046 1CO 004 003 Мне же не велико есть, да от вас истяжуся, или от человеческаго дне: но ни сам себе востязую. 046 1CO 004 004 Ничесоже бо в себе свем, но ни о сем оправдаюся: востязуяй же мя Господь есть. 046 1CO 004 005 Темже прежде времене ничтоже судите, дондеже приидет Господь, Иже во свете приведет тайная тмы и объявит советы сердечныя, и тогда похвала будет комуждо от Бога. 046 1CO 004 006 Сия же, братие (моя), преобразих на себе и Аполлоса вас ради, да от наю научитеся не паче написанных мудрствовати, да не един по единому гордитеся на другаго. 046 1CO 004 007 Кто бо тя разсуждает? Что же имаши, егоже неси приял? Аще же и приял еси, что хвалишися яко не прием? 046 1CO 004 008 Се, сыти есте, се, обогатистеся, без нас воцаристеся: и о, дабы воцарилися есте, да и мы быхом с вами цартсвовали. 046 1CO 004 009 Мню бо, яко Бог ны посланники последния яви, яко насмертники: зане позор быхом миру и Ангелом и человеком. 046 1CO 004 010 Мы (убо) буи Христа ради, вы же мудри о Христе: мы немощни, вы же крепцы: вы славни, мы же безчестни. 046 1CO 004 011 До нынешняго часа и алчем, и жаждем, и наготуем, и страждем, и скитаемся, 046 1CO 004 012 и труждаемся, делающе своими руками. Укоряеми, благословляем: гоними, терпим: 046 1CO 004 013 хулими, утешаемся: якоже отреби миру быхом, всем попрание доселе. 046 1CO 004 014 Не срамляя вас сия пишу, но якоже чада моя возлюбленная наказую. 046 1CO 004 015 Аще бо (и) многи пестуны имате о Христе, но не многи отцы: о Христе бо Иисусе благовествованием аз вы родих. 046 1CO 004 016 Молю же вас: подобни мне бывайте, якоже аз Христу. 046 1CO 004 017 Сего ради послах к вам Тимофеа, иже ми есть чадо возлюблено и верно о Господе, иже вам воспомянет пути моя, яже о Христе Иисусе, якоже везде и во всяцей церкви учу. 046 1CO 004 018 Яко не грядущу ми к вам, разгордешася нецыи: 046 1CO 004 019 прииду же скоро к вам, аще Господь восхощет, и уразумею не слово разгордевшихся, но силу: 046 1CO 004 020 не в словеси бо Царство Божие, но в силе. 046 1CO 004 021 Что хощете? С палицею ли прииду к вам, или с любовию и духом кротости? 046 1CO 005 001 Отнюд слышится в вас блужение, и таково блужение, яковоже ни во языцех именуется, яко некоему имети жену отчую. 046 1CO 005 002 И вы разгордесте, и не паче плакасте, да измется от среды вас содеявый дело сие. 046 1CO 005 003 Зане аз убо аще не у вас сый телом, ту же живый духом, уже судих, яко тамо сый: содеявшаго сице сие, 046 1CO 005 004 о имени Господа нашего Иисуса Христа собравшымся вам и моему духу, с силою Господа нашего Иисуса Христа, 046 1CO 005 005 предати таковаго сатане во измождение плоти, да дух спасется в день Господа нашего Иисуса Христа. 046 1CO 005 006 Не добра похвала ваша. Не весте ли, яко мал квас все смешение квасит? 046 1CO 005 007 Очистите убо ветхий квас, да будете ново смешение, якоже есте безквасни: ибо Пасха наша за ны пожрен бысть Христос. 046 1CO 005 008 Темже да празднуем не в квасе ветсе, ни в квасе злобы и лукавства, но в безквасиих чистоты и истины. 046 1CO 005 009 Писах вам в послании не примешатися блудником: 046 1CO 005 010 и не всяко блудником мира сего, или лихоимцем, или хищником, или идолослужителем, понеже убо должни бы есте были от мира (сего) изыти: 046 1CO 005 011 ныне же писах вам не примешатися, аще некий, брат именуемь, будет блудник, или лихоимец, или идолослужитель, или досадитель, или пияница, или хищник: с таковым ниже ясти. 046 1CO 005 012 Что бо ми и внешних судити? Не внутренних ли вы судите? 046 1CO 005 013 Внешних же Бог судит. И измите злаго от вас самех. 046 1CO 006 001 Смеет ли кто от вас, вещь имея ко иному, судитися от неправедных, а не от святых? 046 1CO 006 002 Не весте ли, яко святии мирови имут судити? И аще вами суд приимет мир, недостойни есте судищем худым? 046 1CO 006 003 Не весте ли, яко аггелов судити имамы, а не точию житейских? 046 1CO 006 004 Житейская бо судища аще имате, уничиженных в церкви, сих посаждаете. 046 1CO 006 005 К сраму вам глаголю: тако ли несть в вас мудр ни един, иже может разсудити между братий своих? 046 1CO 006 006 Но брат с братом судится, и то пред неверными. 046 1CO 006 007 Уже убо отнюд вам срам есть, яко тяжбы имате между собою. Почто не паче обидими есте? Почто не паче лишени бываете? 046 1CO 006 008 Но вы (сами) обидите и лишаете, да еще братию. 046 1CO 006 009 Или не весте, яко неправедницы Царствия Божия не наследят? Не льстите себе: ни блудницы, ни идолослужителе, ни прелюбодее, (ни сквернителе, ) ни малакии, ни мужеложницы, 046 1CO 006 010 ни лихоимцы, ни татие, ни пияницы, ни досадителе, ни хищницы Царствия Божия не наследят. 046 1CO 006 011 И сими (убо) нецыи бесте, но омыстеся, но освятистеся, но оправдистеся именем Господа нашего Иисуса Христа и Духом Бога нашего. 046 1CO 006 012 Вся ми леть суть, но не вся на пользу: вся ми леть суть, но не аз обладан буду от чего. 046 1CO 006 013 Брашна чреву, и чрево брашном: Бог же и сие и сия упразднит. Тело же не блужению, но Господеви, и Господь телу. 046 1CO 006 014 Бог же и Господа воздвиже, и нас воздвигнет силою Своею. 046 1CO 006 015 Не весте ли, яко телеса ваша удове Христовы суть? Вземь ли убо уды Христовы, сотворю уды блудничи? Да не будет. 046 1CO 006 016 Или не весте, яко прилепляяйся сквернодейце едино тело есть (с блудодейцею)? Будета бо, рече, оба в плоть едину. 046 1CO 006 017 Прилепляяйся же Господеви един дух есть (с Господем). 046 1CO 006 018 Бегайте блудодеяния: всяк (бо) грех, егоже аще сотворит человек, кроме тела есть: а блудяй во свое тело согрешает. 046 1CO 006 019 Или не весте, яко телеса ваша храм живущаго в вас Святаго Духа суть, Егоже имате от Бога, и несте свои? 046 1CO 006 020 Куплени бо есте ценою. Прославите убо Бога в телесех ваших и в душах ваших, яже суть Божия. 046 1CO 007 001 А о нихже писасте ми, добро человеку жене не прикасатися. 046 1CO 007 002 Но блудодеяния ради кийждо свою жену да имать, и каяждо (жена) своего мужа да имать. 046 1CO 007 003 Жене муж должную любовь да воздает: такожде и жена мужу. 046 1CO 007 004 Жена своим телом не владеет, но муж: такожде и муж своим телом не владеет, но жена. 046 1CO 007 005 Не лишайте себе друг друга, точию по согласию до времене, да пребываете в посте и молитве, и паки вкупе собирайтеся, да не искушает вас сатана невоздержанием вашим. 046 1CO 007 006 Сие же глаголю по совету, (а) не по повелению. 046 1CO 007 007 Хощу бо, да вси человецы будут, якоже и аз: но кийждо свое дарование имать от Бога, ов убо сице, ов же сице. 046 1CO 007 008 Глаголю же безбрачным и вдовицам: добро им есть, аще пребудут якоже и аз: 046 1CO 007 009 аще ли не удержатся, да посягают: лучше бо есть женитися, нежели разжизатися. 046 1CO 007 010 А оженившымся завещаваю не аз, но Господь: жене от мужа не разлучатися: 046 1CO 007 011 аще ли же и разлучится, да пребывает безбрачна, или да смирится с мужем (своим): и мужу жены не отпущати. 046 1CO 007 012 Прочым же аз глаголю, (а) не Господь: аще который брат жену имать неверну, и та благоволит жити с ним, да не оставляет ея: 046 1CO 007 013 и жена аще имать мужа неверна, и той благоволит жити с нею, да не оставляет его: 046 1CO 007 014 святится бо муж неверен о жене верне, и святится жена неверна о мужи верне: иначе бо чада ваша нечиста были бы, ныне же свята суть. 046 1CO 007 015 Аще ли неверный отлучается, да разлучится: не поработися (бо) брат или сестра в таковых: в мир бо призва нас (Господь) Бог. 046 1CO 007 016 Что бо веси, жено, аще мужа спасеши? Или что веси, мужу, аще жену спасеши? 046 1CO 007 017 Точию коемуждо якоже разделил есть Бог, кийждо якоже призван бысть Господем, тако да ходит: и тако во всех церквах повелеваю. 046 1CO 007 018 Во обрезании ли кто призван бысть? Да не отторгнется: в необрезании ли кто призван бысть? Да не обрезуется. 046 1CO 007 019 Обрезание ничтоже есть, и необрезание ничтоже есть, но соблюдение заповедий Божиих. 046 1CO 007 020 Кийждо в звании, в немже призван бысть, в том да пребывает. 046 1CO 007 021 Раб ли призван был еси? Да не нерадиши: но аще и можеши свободен быти, болше поработи себе. 046 1CO 007 022 Призванный бо о Господе раб, свободник Господень есть: такожде и призванный свободник, раб есть Христов. 046 1CO 007 023 Ценою куплени есте: не будите раби человеком. 046 1CO 007 024 Кийждо, в немже призван бысть, братие, в том да пребывает пред Богом. 046 1CO 007 025 О девах же повеления Господня не имам, совет же даю, яко помилован от Господа верен быти. 046 1CO 007 026 Мню убо сие добро быти за настоящую нужду, яко добро человеку тако быти. 046 1CO 007 027 Привязался ли еси жене? Не ищи разрешения. Отрешился ли еси жены? Не ищи жены. 046 1CO 007 028 Аще ли же и оженишися, не согрешил еси: и аще посягнет дева, не согрешила есть. Скорбь же плоти имети будут таковии: аз же вы щажду. 046 1CO 007 029 Сие же глаголю, братие, яко время прекращено есть прочее, да и имущии жены, якоже не имущии будут: 046 1CO 007 030 и плачущиися, якоже не плачущии: и радующиися, якоже не радующеся: и купующии, яко не содержаще: 046 1CO 007 031 и требующии мира сего, яко не требующе: преходит бо образ мира сего. 046 1CO 007 032 Хощу же вас безпечальных быти. Не оженивыйся печется о Господних, како угодити Господеви: 046 1CO 007 033 а оженивыйся печется о мирских, како угодити жене. Разделися жена и дева: 046 1CO 007 034 непосягшая печется о Господних, како угодити Господеви, да будет свята и телом и духом: а посягшая печется о мирских, како угодити мужу. 046 1CO 007 035 Сие же на пользу вам самем глаголю: не да сило вам наложу, но к благообразию и благоприступанию Господеви безмолвну. 046 1CO 007 036 Аще ли же кто безобразити о деве своей непщует, аще есть превозрастна, и тако должна есть быти: еже хощет, да творит: не согрешает, аще посягнет. 046 1CO 007 037 А иже стоит твердо сердцем, не имый нужды, власть же имать о своей воли, и се разсудил есть в сердцы своем блюсти деву свою, добре творит. 046 1CO 007 038 Темже и вдаяй браку свою деву добре творит: и не вдаяй лучше творит. 046 1CO 007 039 Жена привязана есть законом, в елико время живет муж ея: аще же умрет муж ея, свободна есть, за негоже хощет, посягнути, точию о Господе. 046 1CO 007 040 Блаженнейша же есть, аще тако пребудет, по моему совету: мнюся бо и аз Духа Божия имети. 046 1CO 008 001 О идоложертвенных же вемы: яко вси разум имамы. Разум (убо) кичит, а любы созидает. 046 1CO 008 002 Аще ли кто мнится ведети что, не у что разуме, якоже подобает разумети: 046 1CO 008 003 аще же кто любит Бога, сей познан бысть от Него. 046 1CO 008 004 О ядении же идоложертвенных вемы, яко идол ничтоже есть в мире, и яко никтоже Бог ин, токмо Един. 046 1CO 008 005 Аще бо и суть глаголемии бози, или на небеси, или на земли: якоже суть бози мнози и господие мнози: 046 1CO 008 006 но нам един Бог Отец, из Негоже вся, и мы у Него, и един Господь Иисус Христос, Имже вся, и мы Тем. 046 1CO 008 007 Но не во всех разум: нецыи же совестию идолскою даже доселе якоже идоложертвенное ядят, и совесть их, немощна сущи, сквернится. 046 1CO 008 008 Брашно же нас не поставляет пред Богом: ниже бо аще ямы, избыточествуем: ниже аще не ямы, лишаемся. 046 1CO 008 009 Блюдите же, да не како власть ваша сия преткновение будет немощным. 046 1CO 008 010 Аще бо кто видит тя, имуща разум, в требищи возлежаща, не совесть ли его немощна сущи созиждется идоложертвенная ясти? 046 1CO 008 011 И погибнет немощный брат в твоем разуме, егоже ради Христос умре. 046 1CO 008 012 Такожде согрешающе в братию и биюще их совесть немощну сущу, во Христа согрешаете. 046 1CO 008 013 Темже аще брашно соблазняет брата моего, не имам ясти мяса во веки, да не соблазню брата моего. 046 1CO 009 001 Несмь ли Апостол? Несмь ли свободь? Не Иисуса Христа ли Господа нашего видех? Не дело ли мое вы есте о Господе? 046 1CO 009 002 Аще иным (и) несмь Апостол, но обаче вам есмь: печать бо моего апостолства вы есте о Господе. 046 1CO 009 003 Мой ответ востязующым мене сей есть. 046 1CO 009 004 Еда не имамы власти ясти и пити? 046 1CO 009 005 Еда не имамы власти сестру жену водити, яко и прочии Апостоли, и братия Господня, и Кифа? 046 1CO 009 006 Или един аз и Варнава не имамы власти еже не делати? 046 1CO 009 007 Кто воинствует своими оброки когда? Или кто насаждает виноград, и от плода его не яст? Или кто пасет стадо, и от млека стада не яст? 046 1CO 009 008 Еда по человеку сия глаголю? Не и закон ли сия глаголет? 046 1CO 009 009 В Моисеове бо законе писано: да не заградиши устну вола молотяща. Еда о волех радит Бог? 046 1CO 009 010 Или нас ради всяко глаголет? Нас бо ради написася, яко о надежди должен есть оряй орати, и молотяй с надеждею своего упования причащатися. 046 1CO 009 011 Аще мы духовная сеяхом вам, велико ли, аще мы ваша телесная пожнем? 046 1CO 009 012 Аще инии власти вашея причащаются, не паче ли мы? Но не сотворихом по области сей: но вся терпим, да не прекращение кое дамы благовествованию Христову. 046 1CO 009 013 Не весте ли, яко делающии священная от святилища ядят? (и) служащии олтарю со олтарем делятся? 046 1CO 009 014 Тако и Господь повеле проповедающым Благовестие от благовестия жити. 046 1CO 009 015 Аз же ни едино сотворих от сих. Не писах же сия, да тако будет о мне: добрее бо мне паче умрети, нежели похвалу мою кто да испразднит. 046 1CO 009 016 Аще бо благовествую, несть ми похвалы, нужда бо ми належит: горе же мне есть, аще не благовествую. 046 1CO 009 017 Аще убо волею сие творю, мзду имам: аще же неволею, строение ми есть предано. 046 1CO 009 018 Кая убо ми есть мзда? Да благовествуяй без мзды положу Благовестие Христово, во еже не творити ми по области моей в благовествовании. 046 1CO 009 019 Свободен бо сый от всех, всем себе поработих, да множайшыя приобрящу: 046 1CO 009 020 бых Иудеем яко Иудей, да Иудеи приобрящу: подзаконным яко подзаконен, да подзаконныя приобрящу: 046 1CO 009 021 беззаконным яко беззаконен, не сый беззаконник Богу, но законник Христу, да приобрящу беззаконныя. 046 1CO 009 022 Бых немощным яко немощен, да немощныя приобрящу. Всем бых вся, да всяко некия спасу. 046 1CO 009 023 Сие же творю за Благовестие, да сообщник ему буду. 046 1CO 009 024 Не весте ли, яко текущии в позорищи вси убо текут, един же приемлет почесть? Тако тецыте, да постигнете. 046 1CO 009 025 Всяк же подвизаяйся от всех воздержится: и они убо да истленен венец приимут, мы же неистленен. 046 1CO 009 026 Аз убо тако теку, не яко безвестно, тако подвизаюся, не яко воздух бияй: 046 1CO 009 027 но умерщвляю тело мое и порабощаю, да не како, иным проповедуя, сам неключимь буду. 046 1CO 010 001 Не хощу же вас не ведети, братие, яко отцы наши вси под облаком быша, и вси сквозе море проидоша: 046 1CO 010 002 и вси в Моисеа крестишася во облаце и в мори: 046 1CO 010 003 и вси тожде брашно духовное ядоша: 046 1CO 010 004 и вси тожде пиво духовное пиша, пияху бо от духовнаго последующаго камене: камень же бе Христос. 046 1CO 010 005 Но не во множайших их благоволи Бог, поражени бо быша в пустыни. 046 1CO 010 006 Сия же образи нам быша, яко не быти нам похотником злых, якоже и они похотеша. 046 1CO 010 007 Ни идолослужителе бывайте, якоже нецыи от них, якоже есть писано: седоша людие ясти и пити, и восташа играти. 046 1CO 010 008 Ниже соблудим, якоже нецыи от них соблудиша, и падоша во един день двадесять три тысящы. 046 1CO 010 009 Ни да искушаим Христа, якоже нецыи от них искусиша и от змий погибоша. 046 1CO 010 010 Ни ропщите, якоже нецыи от них ропташа и погибоша от всегубителя. 046 1CO 010 011 Сия же вся образи прилучахуся онем: писана же быша в научение наше, в нихже концы век достигоша. 046 1CO 010 012 Темже мняйся стояти да блюдется, да не падет. 046 1CO 010 013 Искушение вас не достиже, точию человеческое: верен же Бог, Иже не оставит вас искуситися паче, еже можете, но сотворит со искушением и избытие, яко возмощи вам понести. 046 1CO 010 014 Темже, братие моя возлюбленная, бегайте от идолослужения. 046 1CO 010 015 Яко мудрым глаголю: судите вы, еже глаголю: 046 1CO 010 016 чаша благословения, юже благословляем, не общение ли Крове Христовы есть? Хлеб, егоже ломим, не общение ли Тела Христова есть? 046 1CO 010 017 Яко един хлеб, едино тело есмы мнози: вси бо от единаго хлеба причащаемся. 046 1CO 010 018 Видите Израиля по плоти: не ядущии ли жертвы общницы олтареви суть? 046 1CO 010 019 Что убо глаголю? Яко идол что есть? Или идоложертвенное что есть? 046 1CO 010 020 Но зане, яже жрут языцы, бесом жрут, а не Богови: не хощу же вас общников быти бесом. 046 1CO 010 021 Не можете чашу Господню пити и чашу бесовскую: не можете трапезе Господней причащатися и трапезе бесовстей. 046 1CO 010 022 Или раздражаем Господа? Еда крепчайши Его есмы? 046 1CO 010 023 Вся ми леть суть, но не вся на пользу: вся ми леть суть, но не вся назидают. 046 1CO 010 024 Никтоже своего си да ищет, но еже ближняго кийждо. 046 1CO 010 025 Все, еже на торжищи продаемое, ядите, ничтоже сумнящеся, за совесть: 046 1CO 010 026 Господня бо земля и исполнение ея. 046 1CO 010 027 Аще ли кто от неверных призывает вы, и хощете ити, все предлагаемое вам ядите, ничтоже сумнящеся, за совесть. 046 1CO 010 028 Аще ли же кто вам речет: сие идоложертвенно есть: не ядите за оного поведавшаго, и совесть: Господня бо земля и исполнение ея. 046 1CO 010 029 Совесть же глаголю не свою, но другаго: вскую бо свобода моя судится от иныя совести? 046 1CO 010 030 Аще аз благодатию причащаюся, почто хулу приемлю, о немже аз благодарю? 046 1CO 010 031 Аще убо ясте, аще ли пиете, аще ли ино что творите, вся во славу Божию творите. 046 1CO 010 032 Безпреткновени бывайте Иудеем и Еллином и церкви Божией, 046 1CO 010 033 якоже и аз во всем всем угождаю, не иский своея пользы, но многих, да спасутся. 046 1CO 011 001 Подражателе мне бывайте, якоже и аз Христу. 046 1CO 011 002 Хвалю же вы, братие, яко вся моя помните, и якоже предах вам, предания держите. 046 1CO 011 003 Хощу же вас ведети, яко всякому мужу глава Христос есть, глава же жене муж, глава же Христу Бог. 046 1CO 011 004 Всяк муж, молитву дея или пророчествуяй покрытою главою, срамляет главу свою: 046 1CO 011 005 и всяка жена, молитву деющая или пророчествующая откровенною главою, срамляет главу свою: едино бо есть и тожде остриженней: 046 1CO 011 006 аще бо не покрывается жена, да стрижется: аще ли же срам жене стрищися или бритися, да покрывается. 046 1CO 011 007 Муж убо не должен есть покрывати главу, образ и слава Божия сый: жена же слава мужу есть. 046 1CO 011 008 Несть бо муж от жены, но жена от мужа: 046 1CO 011 009 ибо не создан бысть муж жены ради, но жена мужа ради. 046 1CO 011 010 Сего ради должна есть жена власть имети на главе Ангел ради. 046 1CO 011 011 Обаче ни муж без жены, ни жена без мужа, о Господе. 046 1CO 011 012 Якоже бо жена от мужа, сице и муж женою: вся же от Бога. 046 1CO 011 013 В вас самех судите, лепо ли есть жене откровенней Богу молитися? 046 1CO 011 014 Или и не самое естество учит вы, яко муж убо аще власы растит, безчестие ему есть, 046 1CO 011 015 жена же аще власы растит, слава ей есть? Зане растение власов вместо одеяния дано бысть ей. 046 1CO 011 016 Аще ли кто мнится спорлив быти, мы таковаго обычая не имамы, ниже церкви Божия. 046 1CO 011 017 Сие же завещавая не хвалю, яко не на лучшее, но на хуждшее сбираетеся. 046 1CO 011 018 Первое убо, сходящымся вам в церковь, слышу в вас распри сущыя, и часть некую (сих) верую. 046 1CO 011 019 Подобает бо и ересем в вас быти, да искуснии явлени бывают в вас. 046 1CO 011 020 Сходящымся убо вам вкупе, несть Господскую вечерю ясти: 046 1CO 011 021 кийждо бо свою вечерю предваряет в снедение, и ов убо алчет, ов же упивается. 046 1CO 011 022 Еда бо домов не имате, во еже ясти и пити? Или о церкви Божией нерадите и срамляете не имущыя? Что вам реку? Похвалю ли вы о сем? Не похвалю. 046 1CO 011 023 Аз бо приях от Господа, еже и предах вам, яко Господь Иисус в нощь, в нюже предан бываше, приемь хлеб, 046 1CO 011 024 и благодарив преломи, и рече: приимите, ядите, сие есть Тело Мое, еже за вы ломимое: сие творите в Мое воспоминание. 046 1CO 011 025 Такожде и чашу по вечери, глаголя: сия чаша новый завет есть в Моей Крови: сие творите, елижды аще пиете, в Мое воспоминание. 046 1CO 011 026 Елижды бо аще ясте хлеб сей и чашу сию пиете, смерть Господню возвещаете, дондеже приидет. 046 1CO 011 027 Темже иже аще яст хлеб сей или пиет чашу Господню недостойне, повинен будет Телу и Крови Господни. 046 1CO 011 028 Да искушает же человек себе, и тако от хлеба да яст и от чаши да пиет. 046 1CO 011 029 Ядый бо и пияй недостойне, суд себе яст и пиет, не разсуждая Тела Господня. 046 1CO 011 030 Сего ради в вас мнози немощни и недужливи, и спят доволни. 046 1CO 011 031 Аще бо быхом себе разсуждали, не быхом осуждени были. 046 1CO 011 032 Судими же, от Господа наказуемся, да не с миром осудимся. 046 1CO 011 033 Темже, братие моя, сходящеся ясти, друг друга ждите. 046 1CO 011 034 Аще ли кто алчет, в дому да яст, да не в грех сходитеся. О прочих же, егда прииду, устрою. 046 1CO 012 001 О духовных же, братие, не хощу вас не ведети. 046 1CO 012 002 Весте, яко егда неверни бесте, ко идолом безгласным яко ведоми ведостеся. 046 1CO 012 003 Темже сказую вам, яко никтоже, Духом Божиим глаголяй, речет анафема Иисуса, и никтоже может рещи Господа Иисуса, точию Духом Святым. 046 1CO 012 004 Разделения же дарований суть, а тойжде Дух: 046 1CO 012 005 и разделения служений суть, а тойжде Господь: 046 1CO 012 006 и разделения действ суть, а тойжде есть Бог, действуяй вся во всех. 046 1CO 012 007 Комуждо же дается явление Духа на пользу: 046 1CO 012 008 овому бо Духом дается слово премудрости, иному же слово разума, о томже Дусе: 046 1CO 012 009 другому же вера, темже Духом: иному же дарования исцелений, о томже Дусе: 046 1CO 012 010 другому же действия сил, иному же пророчество, другому же разсуждения духовом, иному же роди языков, другому же сказания языков. 046 1CO 012 011 Вся же сия действует един и тойжде Дух, разделяя властию коемуждо якоже хощет. 046 1CO 012 012 Акоже бо тело едино есть и уды имать многи, вси же уди единаго тела, мнози суще, едино суть тело: тако и Христос. 046 1CO 012 013 Ибо единем Духом мы вси во едино тело крестихомся, аще Иудее, аще Еллини, или раби, или свободни: и вси единем Духом напоихомся. 046 1CO 012 014 Ибо тело несть един уд, но мнози. 046 1CO 012 015 Аще речет нога, яко несмь рука, несмь от тела: еда сего ради несть от тела? 046 1CO 012 016 И аще речет ухо, яко несмь око, несмь от тела: еда сего ради несть от тела? 046 1CO 012 017 Аще все тело око, где слух? Аще (же) все слух, где ухание? 046 1CO 012 018 Ныне же положи Бог уды, единаго коегождо их в телеси, якоже изволи. 046 1CO 012 019 Аще ли быша вси един уд, где тело? 046 1CO 012 020 Ныне же мнози убо удове, едино же тело. 046 1CO 012 021 Не может же око рещи руце: не требе ми еси: или паки глава ногама: не требе ми есте. 046 1CO 012 022 Но много паче, мнящиися уди тела немощнейши быти, нужнейши суть, 046 1CO 012 023 и ихже мним безчестнейших быти тела, сим честь множайшую прилагаем: 046 1CO 012 024 и неблагообразнии наши благообразие множайше имут, а благообразнии наши не требе имут. Но Бог раствори тело, худейшему болшу дав честь, 046 1CO 012 025 да не будет распри в телеси, но да тожде в себе пекутся уди. 046 1CO 012 026 И аще страждет един уд, с ним страждут вси уди: аще ли же славится един уд, с ним радуются вси уди. 046 1CO 012 027 Вы же есте тело Христово, и уди от части. 046 1CO 012 028 И овых убо положи Бог в Церкви первее Апостолов, второе пророков, третие учителей: потом же силы, таже дарования исцелений, заступления, правления, роди языков. 046 1CO 012 029 Еда вси Апостоли? Еда вси пророцы? Еда вси учителе? Еда вси силы? 046 1CO 012 030 Еда вси дарования имут изцелений? Еда вси языки глаголют? Еда вси сказуют? 046 1CO 012 031 Ревнуйте же дарований болших, и еще по превосхождению путь вам показую. 046 1CO 013 001 Аще языки человеческими глаголю и ангелскими, любве же не имам, бых (яко) медь звенящи, или кимвал звяцаяй. 046 1CO 013 002 И аще имам пророчество, и вем тайны вся и весь разум, и аще имам всю веру, яко и горы преставляти, любве же не имам, ничтоже есмь. 046 1CO 013 003 И аще раздам вся имения моя, и аще предам тело мое, во еже сжещи е, любве же не имам, ни кая польза ми есть. 046 1CO 013 004 Любы долготерпит, милосердствует, любы не завидит, любы не превозносится, не гордится, 046 1CO 013 005 не безчинствует, не ищет своих си, не раздражается, не мыслит зла, 046 1CO 013 006 не радуется о неправде, радуется же о истине: 046 1CO 013 007 вся любит, всему веру емлет, вся уповает, вся терпит. 046 1CO 013 008 Любы николиже отпадает, аще же пророчествия упразднятся, аще ли языцы умолкнут, аще разум испразднится. 046 1CO 013 009 От части бо разумеваем и от части пророчествуем: 046 1CO 013 010 егда же приидет совершенное, тогда, еже от части, упразднится. 046 1CO 013 011 Егда бех младенец, яко младенец глаголах, яко младенец мудрствовах, яко младенец смышлях: егда же бых муж, отвергох младенческая. 046 1CO 013 012 Видим убо ныне якоже зерцалом в гадании, тогда же лицем к лицу: ныне разумею от части, тогда же познаю, якоже и познан бых. 046 1CO 013 013 Ныне же пребывают вера, надежда, любы, три сия: болши же сих любы. 046 1CO 014 001 Держитеся любве: ревнуйте же духовным, паче же да пророчествуете. 046 1CO 014 002 Глаголяй бо языки, не человеком глаголет, но Богу: никтоже бо слышит, духом же глаголет тайны: 046 1CO 014 003 пророчествуяй же, человеком глаголет созидание и утешение и утверждение. 046 1CO 014 004 Глаголяй (бо) языки себе зиждет, а пророчествуяй церковь зиждет. 046 1CO 014 005 Хощу же всех вас глаголати языки, паче же да прорицаете: болий бо пророчествуяй, нежели глаголяй языки, разве аще (кто) сказует, да церковь созидание приемлет. 046 1CO 014 006 Ныне же, братие, аще прииду к вам языки глаголя, кую вам пользу сотворю, аще вам не глаголю или во откровении, или в разуме, или в пророчествии, или в научении? 046 1CO 014 007 Обаче бездушная глас дающая, аще сопель, аще гусли, аще разнствия писканием не дадят, како разумно будет пискание или гудение? 046 1CO 014 008 Ибо аще безвестен глас труба даст, кто уготовится на брань? 046 1CO 014 009 Тако и вы аще не благоразумно слово дадите языком, како уразумеется глаголемое? Будете бо на воздух глаголюще. 046 1CO 014 010 Толицы убо, аще ключится, роди гласов суть в мире, и ни един их безгласен. 046 1CO 014 011 Аще убо не увем силы гласа, буду глаголющему иноязычник, и глаголющий мне иноязычник. 046 1CO 014 012 Тако и вы, понеже ревнителе есте духовом, (яже) к созиданию церкве просите, да избыточествуете. 046 1CO 014 013 Темже глаголяй языком да молится, да сказует. 046 1CO 014 014 Аще бо молюся языком, дух мой молится, а ум мой без плода есть. 046 1CO 014 015 Что убо есть? Помолюся духом, помолюся же и умом: воспою духом, воспою же и умом. 046 1CO 014 016 Понеже аще благословиши духом, исполняяй место невежды како речет аминь, по твоему благодарению? Понеже не весть, что глаголеши. 046 1CO 014 017 Ты убо добре благодариши, но другий не созидается. 046 1CO 014 018 Благодарю Бога моего, паче всех вас языки глаголя: 046 1CO 014 019 но в церкви хощу пять словес умом моим глаголати, да и ины пользую, нежели тмы словес языком. 046 1CO 014 020 Братие, не дети бывайте умы: но злобою младенствуйте, умы же совершени бывайте. 046 1CO 014 021 В законе пишет: яко иными языки и устны иными возглаголю людем сим, и ни тако послушают Мене, глаголет Господь. 046 1CO 014 022 Темже языцы в знамение суть не верующым, но неверным: а пророчество не неверным, но верующым. 046 1CO 014 023 Аще убо снидется церковь вся вкупе, и вси языки глаголют, внидут же (и) неразумивии или невернии, не рекут ли, яко беснуетеся? 046 1CO 014 024 Аще же вси пророчествуют, внидет же некий неверен или невежда, обличается всеми, (и) истязуется от всех, 046 1CO 014 025 и сице тайная сердца его явлена бывают: и тако пад ниц поклонится Богови, возвещая, яко воистинну Бог с вами есть. 046 1CO 014 026 Что убо есть, братие? Егда сходитеся, кийждо вас псалом имать, учение имать, язык имать откровение имать, сказание имать: вся (же) к созиданию да бывают. 046 1CO 014 027 Аще языком кто глаголет, по двема, или множае по трием, и по части: и един да сказует. 046 1CO 014 028 Аще ли не будет сказатель, да молчит в церкви, себе же да глаголет и Богови. 046 1CO 014 029 Пророцы же два или трие да глаголют, и друзии да разсуждают: 046 1CO 014 030 аще ли иному открыется седящу, первый да молчит. 046 1CO 014 031 Можете бо вси по единому пророчествовати, да вси учатся и вси утешаются. 046 1CO 014 032 И дуси пророчестии пророком повинуются: 046 1CO 014 033 несть бо нестроения Бог, но мира, яко во всех церквах святых. 046 1CO 014 034 Жены вашя в церквах да молчат: не повелеся бо им глаголати, но повиноватися, якоже и закон глаголет. 046 1CO 014 035 Аще ли чесому научитися хотят, в дому своих мужей да вопрошают: срамно бо есть жене в церкви глаголати. 046 1CO 014 036 Или от вас слово Божие изыде? Или вас единых достиже? 046 1CO 014 037 Аще кто мнится пророк быти или духовен, да разумеет, яже пишу вам, зане Господни суть заповеди? 046 1CO 014 038 Аще ли кто не разумеет, да не разумевает. 046 1CO 014 039 Темже, братие моя, ревнуйте еже пророчествовати, и еже глаголати языки не возбраняйте: 046 1CO 014 040 вся же благообразно и по чину да бывают. 046 1CO 015 001 Сказую же вам, братие, Благовествование, еже благовестих вам, еже и приясте, в немже и стоите, 046 1CO 015 002 имже и спасаетеся, кацем словом благовестих вам, аще содержите: разве аще не всуе веровасте. 046 1CO 015 003 Предах бо вам исперва, еже и приях, яко Христос умре грех наших ради, по Писанием, 046 1CO 015 004 и яко погребен бысть, и яко воста в третий день, по Писанием, 046 1CO 015 005 и яко явися Кифе, таже единонадесятим: 046 1CO 015 006 потом же явися боле пяти сот братиям единою, от нихже множайшии пребывают доселе, нецыи же и почиша: 046 1CO 015 007 потом же явися Иакову, таже Апостолом всем: 046 1CO 015 008 последи же всех, яко некоему извергу, явися и мне. 046 1CO 015 009 Аз бо есмь мний Апостолов, иже несмь достоин нарещися Апостол, зане гоних церковь Божию. 046 1CO 015 010 Благодатию же Божиею есмь, еже есмь, и благодать Его, яже во мне, не тща бысть, но паче всех их потрудихся: не аз же, но благодать Божия, яже со мною. 046 1CO 015 011 Аще убо аз, аще ли они, тако проповедуем, и тако веровасте. 046 1CO 015 012 Аще же Христос проповедуется, яко из мертвых воста, како глаголют нецыи в вас, яко воскресения мертвых несть? 046 1CO 015 013 И аще воскресения мертвых несть, то ни Христос воста: 046 1CO 015 014 аще же Христос не воста, тще убо проповедание наше, тща же и вера ваша. 046 1CO 015 015 Обретаемся же и лжесвидетеле Божии, яко послушествовахом на Бога, яко воскреси Христа, Егоже не воскреси, аще убо мертвии не востают: 046 1CO 015 016 аще бо мертвии не востают, то ни Христос воста: 046 1CO 015 017 аще же Христос не воста, суетна вера ваша, еще есте во гресех ваших: 046 1CO 015 018 убо и умершии о Христе, погибоша. 046 1CO 015 019 (И) аще в животе сем точию уповающе есмы во Христа, окаяннейши всех человек есмы. 046 1CO 015 020 Ныне же Христос воста от мертвых, начаток умершым бысть. 046 1CO 015 021 Понеже бо человеком смерть (бысть), и человеком воскресение мертвых. 046 1CO 015 022 Якоже бо о Адаме вси умирают, такожде и о Христе вси оживут, 046 1CO 015 023 кийждо же во своем чину: начаток Христос, потом же Христу веровавшии в пришествии Его. 046 1CO 015 024 Таже кончина, егда предаст Царство Богу и Отцу, егда испразднит всяко началство и всяку власть и силу: 046 1CO 015 025 подобает бо Ему царствовати, дондеже положит вся враги под ногама Своима. 046 1CO 015 026 Последний же враг испразднится смерть, 046 1CO 015 027 вся бо покори под нозе Его: внегда же рещи, яко вся покорена суть Ему, яве, яко разве Покоршаго Ему вся. 046 1CO 015 028 Егда же покорит Ему всяческая, тогда и Сам Сын покорится Покоршему Ему всяческая, да будет Бог всяческая во всех. 046 1CO 015 029 Понеже что сотворят крестящиися мертвых ради? Аще отнюд мертвии не востают, что и крещаются мертвых ради? 046 1CO 015 030 Почто (же) и мы беды приемлем на всяк час? 046 1CO 015 031 По вся дни умираю: тако ми ваша похвала, братие, юже имам о Христе Иисусе Господе нашем. 046 1CO 015 032 Аще (бо) по человеку со зверем боряхся в Ефесе, кая ми польза, аще мертвии не востают? Да ямы и пием, утре бо умрем. 046 1CO 015 033 Не льститеся: тлят обычаи благи беседы злы. 046 1CO 015 034 Истрезвитеся праведно и не согрешайте: неведение бо Божие нецыи имут, к сраму вам глаголю. 046 1CO 015 035 Но речет некто: како востанут мертвии? Коим же телом приидут? 046 1CO 015 036 Безумне, ты еже сееши, не оживет, аще не умрет: 046 1CO 015 037 и еже сееши, не тело будущее сееши, но голо зерно, аще случится, пшеницы или иного от прочих: 046 1CO 015 038 Бог же дает ему тело, якоже восхощет, и коемуждо семени свое тело. 046 1CO 015 039 Не всяка плоть таже плоть: но ина убо плоть человеком, ина же плоть скотом, ина же рыбам, ина же птицам. 046 1CO 015 040 И телеса небесная, и телеса земная: но ина убо небесным слава, и ина земным: 046 1CO 015 041 ина слава солнцу, и ина слава луне, и ина слава звездам: звезда бо от звезды разнствует во славе. 046 1CO 015 042 Такожде и воскресение мертвых: сеется в тление, востает в нетлении: 046 1CO 015 043 сеется не в честь, востает в славе: сеется в немощи, востает в силе: 046 1CO 015 044 сеется тело душевное, востает тело духовное. Есть тело душевное, и есть тело духовное. 046 1CO 015 045 Тако и писано есть: бысть первый человек Адам в душу живу, последний Адам в дух животворящь. 046 1CO 015 046 Но не прежде духовное, но душевное, потом же духовное. 046 1CO 015 047 Первый человек от земли, перстен: вторый человек Господь с небесе. 046 1CO 015 048 Яков перстный, такови и перстнии: и яков небесный, тацы же и небеснии: 046 1CO 015 049 и якоже облекохомся во образ перстнаго, да облечемся и во образ небеснаго. 046 1CO 015 050 Сие же глаголю, братие, яко плоть и кровь Царствия Божия наследити не могут, ниже тление нетления наследствует. 046 1CO 015 051 Се, тайну вам глаголю: вси бо не успнем, вси же изменимся 046 1CO 015 052 вскоре, во мгновении ока, в последней трубе: вострубит бо, и мертвии востанут нетленни, и мы изменимся: 046 1CO 015 053 подобает бо тленному сему облещися в нетление и мертвенному сему облещися в безсмертие. 046 1CO 015 054 Егда же тленное сие облечется в нетление и смертное сие облечется в безсмертие, тогда будет слово написанное: пожерта бысть смерть победою. 046 1CO 015 055 Где ти, смерте, жало? Где ти, аде, победа? 046 1CO 015 056 Жало же смерти грех: сила же греха закон. 046 1CO 015 057 Богу же благодарение, давшему нам победу Господем нашим Иисус Христом. 046 1CO 015 058 Темже, братие моя возлюбленная, тверди бывайте, непоступни, избыточествующе в деле Господни всегда, ведяще, яко труд ваш несть тощь пред Господем. 046 1CO 016 001 О милостыни же, яже ко святым, якоже устроих церквам Галатийским, тако и вы сотворяйте: 046 1CO 016 002 по единей от суббот кийждо вас да полагает у себе сохраняя, еже аще что благопоспешится, да не егда прииду, тогда собрания бывают. 046 1CO 016 003 Егда же прииду, ихже аще искусите, с посланьми сих послю отнести благодать вашу во Иерусалим. 046 1CO 016 004 Аще же достойно будет и мне ити, со мною пойдут. 046 1CO 016 005 Прииду же к вам, егда Македонию преиду: Македонию бо прохожду. 046 1CO 016 006 У вас же, аще случится мне, пребуду, или и озимею, да вы мя проводите, аможе аще поиду. 046 1CO 016 007 Не хощу бо вас ныне в мимохождении видети: уповаю же время некое пребыти у вас, аще Господь повелит. 046 1CO 016 008 Пребуду же во Ефесе до Пентикостии: 046 1CO 016 009 дверь бо ми отверзеся велика и поспешна, и сопротивнии мнози. 046 1CO 016 010 Аще же приидет Тимофей, блюдите, да без страха будет у вас: дело бо Господне делает, якоже и аз: 046 1CO 016 011 да никтоже убо его уничижит: проводите же его с миром, да приидет ко мне, жду бо его с братиею. 046 1CO 016 012 О Аполлосе же брате: много молих его, да приидет к вам с братиею: и всяко не бе воля, да ныне приидет, приидет же, егда упразднится. 046 1CO 016 013 Бодрствуйте, стойте в вере, мужайтеся, утверждайтеся: 046 1CO 016 014 вся вам любовию да бывают. 046 1CO 016 015 Молю же вы, братие: весте дом Стефанинов, яко есть начаток Ахаии, и в служение святым учиниша себе: 046 1CO 016 016 да и вы повинуйтеся таковым и всякому споспешствующу и труждающуся. 046 1CO 016 017 Возрадовахся же о пришествии Стефанинове и Фуртунатове и Ахаикове, яко ваше лишение сии исполниша: 046 1CO 016 018 упокоиша бо мой дух и ваш. Познавайте убо таковыя. 046 1CO 016 019 Целуют вы церкви Асийския: целуют вы о Господе много Акила и Прискилла с домашнею их церковию. 046 1CO 016 020 Целуют вы братия вся. Целуйте друг друга лобзанием святым. 046 1CO 016 021 Целование моею рукою Павлею. 046 1CO 016 022 Аще кто не любит Господа Иисуса Христа, да будет проклят, маран афа. 046 1CO 016 023 Благодать Господа нашего Иисуса Христа с вами, 046 1CO 016 024 (и) любы моя со всеми вами о Христе Иисусе. Аминь. # # BOOK 047 2CO 2 Corinthians Второе послание к Коринфянам 047 2CO 001 001 Павел, посланник Иисус Христов волею Божиею, и Тимофей брат, церкви Божией сущей в Коринфе, со святыми всеми сущими во всей Ахаии: 047 2CO 001 002 благодать вам и мир от Бога Отца нашего, и Господа Иисуса Христа. 047 2CO 001 003 Благословен Бог и Отец Господа нашего Иисуса Христа, Отец щедрот и Бог всякия утехи, 047 2CO 001 004 утешаяй нас о всяцей скорби нашей, яко возмощи нам утешити сущыя во всяцей скорби, утешением, имже утешаемся сами от Бога. 047 2CO 001 005 Зане якоже избыточествуют страдания Христова в нас, тако Христом избыточествует и утешение наше. 047 2CO 001 006 Аще ли же скорбим, о вашем утешении и спасении, действующемся в терпении техже страданий, яже и мы страждем: 047 2CO 001 007 и упование наше известно о вас. Аще ли утешаемся, о вашем утешении и спасении, ведяще, зане якоже общницы есте страстем нашым, такожде и утешению. 047 2CO 001 008 Не бо хощем вас, братие, не ведети о скорби нашей бывшей нам во Асии, яко по премногу и паче силы отяготихомся, яко не надеятися нам и жити. 047 2CO 001 009 Но сами в себе осуждение смерти имехом, да не надеющеся будем на ся, но на Бога возставляющаго мертвыя, 047 2CO 001 010 Иже от толикия смерти избавил ны есть и избавляет, Наньже и уповахом, яко и еще избавит, 047 2CO 001 011 споспешествующым и вам по нас молитвою, да от многих лиц, еже в нас дарование, многими благодарится о вас. 047 2CO 001 012 Похваление бо наше сие есть, свидетельство совести нашея, яко в простоте и чистоте Божией, а не в мудрости плоти, но благодатию Божиею жихом в мире, множае же у вас. 047 2CO 001 013 Не иная бо пишем вам, но яже чтете и разумеваете: уповаю же, яко и до конца уразумеете, 047 2CO 001 014 якоже и разуместе нас от части, яко похваление вам есмы, якоже и вы нам, в день Господа нашего Иисуса Христа. 047 2CO 001 015 И сим упованием хотех к вам приити прежде, да вторую благодать имате, 047 2CO 001 016 и вами проити в Македонию, и паки от Македонии приити к вам, и вами проводитися во Иудею. 047 2CO 001 017 Сие же хотя, еда что убо легкотою деях? Или яже совещаваю, по плоти совещаваю, да будет у мене еже ей, ей, и еже ни, ни. 047 2CO 001 018 Верен же Бог, яко слово наше, еже к вам, не бысть ей и ни. 047 2CO 001 019 Ибо Божий Сын Иисус Христос, иже у вас нами проповеданный, мною и Силуаном и Тимофеем, не бысть ей и ни, но в Нем Самем ей бысть: 047 2CO 001 020 елика бо обетования Божия, в Том ей и в Том аминь: Богу к славе нами. 047 2CO 001 021 Извествуяй же нас с вами во Христа и помазавый нас, Бог, 047 2CO 001 022 Иже и запечатле нас, и даде обручение Духа в сердца наша. 047 2CO 001 023 Аз же свидетеля Бога призываю на мою душу, яко щадя вас, ктому не приидох в Коринф, 047 2CO 001 024 не яко обладаем верою вашею, но (яко) споспешницы есмы вашей радости: верою бо стоите. 047 2CO 002 001 Судих же в себе сие, не паки скорбию к вам приити. 047 2CO 002 002 Аще бо аз скорбь творю вам, то кто есть веселяяй мя, точию приемляй скорбь от мене? 047 2CO 002 003 И писах вам сие истое, да не пришед скорбь на скорбь прииму, о нихже подобаше ми радоватися, надеяся на вся вы, яко моя радость всех вас есть. 047 2CO 002 004 От печали бо многия и туги сердца написах вам многими слезами, не яко да оскорбитеся, но любовь да познаете, юже имам изобильно к вам. 047 2CO 002 005 Аще ли кто оскорбил мене, не мене оскорби, но от части, да не отягчу, всех вас. 047 2CO 002 006 Довольно бо таковому запрещение сие, еже от многих: 047 2CO 002 007 темже сопротивное паче вы да даруете и утешите, да не како многою скорбию пожерт будет таковый: 047 2CO 002 008 темже молю вы, утвердите к нему любовь. 047 2CO 002 009 На сие бо и писах, да разумею искусство ваше, аще во всем послушливи есте. 047 2CO 002 010 Емуже аще что даруете, и аз: ибо аз аще что даровах, емуже даровах, вас ради, о лицы Иисус Христове, 047 2CO 002 011 да не обидими будем от сатаны: не не разумеваем бо умышлений его. 047 2CO 002 012 Пришед же в Троаду во благовестие Христово, и двери отверзене ми бывшей о Господе, 047 2CO 002 013 не имех покоя духу моему, не обретшу ми Тита брата моего: но отрекся им, изыдох в Македонию. 047 2CO 002 014 Богу же благодарение, всегда победители нас творящему о Христе Иисусе и воню разума Его являющу нами во всяцем месте. 047 2CO 002 015 Яко Христово благоухание есмы Богови в спасаемых и в погибающих. 047 2CO 002 016 Овем убо воня смертная в смерть, овем же воня животная в живот. И к сим кто доволен? 047 2CO 002 017 Несмы бо, якоже мнози, нечисто проповедающии слово Божие, но яко от чистоты, но яко от Бога, пред Богом, во Христе глаголем. 047 2CO 003 001 Зачинаем ли паки нас самех извещавати вам? Или требуем, якоже нецыи, извещавательных посланий к вам, или от вас известительных? 047 2CO 003 002 Послание бо наше вы есте, написаное в сердцах наших, знаемое и прочитаемое от всех человек: 047 2CO 003 003 являеми, яко есте послание Христово служеное нами, написано не чернилом, но Духом Бога жива, не на скрижалех каменных, но на скрижалех сердца плотяных. 047 2CO 003 004 Надеяние же таково имамы Христом к Богу, 047 2CO 003 005 не яко довольни есмы от себе помыслити что, яко от себе, но доволство наше от Бога: 047 2CO 003 006 иже и удоволи нас служители быти Нову Завету, не писмени, но духу: писмя бо убивает, а дух животворит. 047 2CO 003 007 Аще ли служение смерти писмены, образовано в каменех, бысть в славу, яко не мощи взирати сыном Израилевым на лице Моисеово, славы ради лица его престающия. 047 2CO 003 008 Како не множае паче служение духа будет в славе? 047 2CO 003 009 Аще бо служение осуждения, слава, много паче избыточествует служение правды в славе. 047 2CO 003 010 Ибо не прославися прославленное в части сей, за превосходящую славу. 047 2CO 003 011 Аще бо престающее, славою: много паче пребывающее, в славе. 047 2CO 003 012 Имуще убо таково упование, многим дерзновением действуем, 047 2CO 003 013 и не якоже Моисей полагаше покрывало на лицы своем, за еже не мощи взирати сыном Израилевым на конец престающаго. 047 2CO 003 014 Но ослепишася помышления их: даже бо до сего дне тожде покрывало во чтении Ветхаго Завета пребывает не откровено, зане о Христе престает. 047 2CO 003 015 Но даже до днесь, внегда чтется Моисей, покрывало на сердце их лежит: 047 2CO 003 016 внегда же обратятся ко Господу, взимается покрывало. 047 2CO 003 017 Господь же Дух есть: а идеже Дух Господень, ту свобода. 047 2CO 003 018 Мы же вси откровенным лицем славу Господню взирающе, в тойже образ преобразуемся от славы в славу, якоже от Господня Духа. 047 2CO 004 001 Сего ради имуще служение сие, якоже помиловани быхом, не стужаем си: 047 2CO 004 002 но отрекохомся тайных срама, не в лукавствии ходяще, ни льстяще словесе Божия, но явлением истины представляюще себе ко всяцей совести человечестей, пред Богом. 047 2CO 004 003 Аще ли же есть покровено благовествование наше, в гибнущих есть покровено, 047 2CO 004 004 в нихже бог века сего ослепи разумы неверных, во еже не возсияти им свету благовествования славы Христовы, Иже есть образ Бога невидимаго. 047 2CO 004 005 Не себе бо проповедаем, но Христа Иисуса Господа: себе же самех рабов вам Иисуса Господа ради: 047 2CO 004 006 яко Бог рекий из тмы свету возсияти, иже возсия в сердцах наших, к просвещению разума славы Божия о лицы Иисус Христове. 047 2CO 004 007 Имамы же сокровище сие в скудельных сосудех, да премножество силы будет Божия, а не от нас: 047 2CO 004 008 во всем скорбяще, но не стужающе си: нечаеми, но не отчаяваеми: 047 2CO 004 009 гоними, но не оставляеми: низлагаеми, но не погибающе: 047 2CO 004 010 всегда мертвость Господа Иисуса в теле носяще, да и живот Иисусов в теле нашем явится. 047 2CO 004 011 Присно бо мы живии в смерть предаемся Иисуса ради, да и живот Иисусов явится в мертвенней плоти нашей: 047 2CO 004 012 темже смерть убо в нас действует, а живот в вас. 047 2CO 004 013 Имуще же тойже дух веры, по писанному: веровах, темже возглаголах: и мы веруем, темже и глаголем, 047 2CO 004 014 ведяще, яко Воздвигий Господа Иисуса, и нас со Иисусом воздвигнет, и предпоставит с вами. 047 2CO 004 015 Вся бо вас ради, да благодать умножившаяся, множайшими благодарении избыточествит в славу Божию. 047 2CO 004 016 Темже не стужаем си: но аще и внешний наш человек тлеет, обаче внутренний обновляется по вся дни. 047 2CO 004 017 Еже бо ныне легкое печали нашея, по преумножению в преспеяние тяготу вечныя славы соделовает нам, 047 2CO 004 018 не смотряющым нам видимых, но невидимых: видимая бо временна, невидимая же вечна. 047 2CO 005 001 Вемы бо, яко аще земная наша храмина тела разорится, создание от Бога имамы, храмину нерукотворену, вечну на небесех. 047 2CO 005 002 Ибо о сем воздыхаем, в жилище наше небесное облещися желающе: 047 2CO 005 003 аще точию и облекшеся, не нази обрящемся. 047 2CO 005 004 Ибо сущии в теле сем воздыхаем отягчаеми, понеже не хощем совлещися, но пооблещися, да пожерто будет мертвенное животом. 047 2CO 005 005 Сотворивый же нас в сие истое Бог, Иже и даде нам обручение Духа. 047 2CO 005 006 Дерзающе убо всегда и ведяще, яко живуще в теле отходим от Господа: 047 2CO 005 007 верою бо ходим, а не видением: 047 2CO 005 008 дерзаем же и благоволим паче отити от тела и внити ко Господу: 047 2CO 005 009 темже и тщимся, аще входяще, аще отходяще, благоугодни Ему быти: 047 2CO 005 010 всем бо явитися нам подобает пред судищем Христовым, да приимет кийждо, яже с телом содела, или блага, или зла. 047 2CO 005 011 Ведуще убо страх Господень, человеки увещаваем, Богови же явлени есмы: уповаем же, яко и в совестех ваших явлени есмы. 047 2CO 005 012 Не паки бо себе хвалим пред вами, но вину даем вам похвалению о нас, да имате к хвалящымся в лицы, а не в сердцы. 047 2CO 005 013 Аще бо изумихомся, Богови: аще ли целомудрствуем, вам. 047 2CO 005 014 Ибо любы Божия обдержит нас суждших сие: яко аще един за всех умре, то убо вси умроша. 047 2CO 005 015 Христос же за всех умре, да живущии не ктому себе живут, но умершему за них и воскресшему. 047 2CO 005 016 Темже и мы отныне ни единаго вемы по плоти: аще же и разумехом по плоти Христа, но ныне ктому не разумеем. 047 2CO 005 017 Темже аще кто во Христе, нова тварь: древняя мимоидоша, се быша вся нова: 047 2CO 005 018 всяческая же от Бога, примирившаго нас Себе Иисус Христом и давшаго нам служение примирения: 047 2CO 005 019 зане Бог бе во Христе мир примиряя Себе, не вменяя им согрешений их и положив в нас слово примирения. 047 2CO 005 020 По Христе убо молим, яко Богу молящу нами, молим по Христе: примиритеся с Богом. 047 2CO 005 021 Не ведевшаго бо греха по нас грех сотвори, да мы будем правда Божия о Нем. 047 2CO 006 001 Споспешствующе же и молим, не вотще благодать Божию прияти вам. 047 2CO 006 002 Глаголет бо: во время приятно послушах тебе, и в день спасения помогох ти. Се ныне время благоприятно, се ныне день спасения. 047 2CO 006 003 Ни едино ни в чемже дающе претыкание, да служение безпорочно будет, 047 2CO 006 004 но во всем представляюще себе якоже Божия слуги, в терпении мнозе, в скорбех, в бедах, в теснотах, 047 2CO 006 005 в ранах, в темницах, в нестроениих, в трудех, во бдениих, в пощениих, 047 2CO 006 006 во очищении, в разуме, в долготерпении, в благости, в Дусе Святе, в любви нелицемерне, 047 2CO 006 007 в словеси истины, в силе Божией, оружии правды десными и шуими, 047 2CO 006 008 славою и безчестием, гаждением и благохвалением: яко лестцы, и истинни: 047 2CO 006 009 яко незнаеми, и познаваеми: яко умирающе, и се живи есмы: яко наказуеми, а не умерщвляеми: 047 2CO 006 010 яко скорбяще, присно же радующеся: яко нищи, а многи богатяще: яко ничтоже имуще, а вся содержаще. 047 2CO 006 011 Уста наша отверзошася к вам, Коринфяне, сердце наше распространися. 047 2CO 006 012 Не тесно вмещаетеся в нас, утесняетеся же во утробах ваших. 047 2CO 006 013 Тожде же возмездие, якоже чадом глаголю, распространитеся и вы. 047 2CO 006 014 Не бывайте удобь преложни ко иному ярму, якоже невернии. Кое бо причастие правде к беззаконию? Или кое общение свету ко тьме? 047 2CO 006 015 Кое же согласие Христови с Велиаром? Или кая часть верну с неверным? 047 2CO 006 016 Или кое сложение церкви Божией со идолы? Вы бо есте церкви Бога жива, якоже рече Бог: яко вселюся в них и похожду, и буду им Бог, и тии будут Мне людие. 047 2CO 006 017 Темже изыдите от среды их и отлучитеся, глаголет Господь, и нечистоте не прикасайтеся, и Аз прииму вы: 047 2CO 006 018 и буду вам во Отца, и вы будете Мне в сыны и дщери, глаголет Господь Вседержитель. 047 2CO 007 001 Сицева убо имуще обетования, о возлюбленнии, очистим себе от всякия скверны плоти и духа, творяще святыню в страсе Божии. 047 2CO 007 002 Вместите ны: ни единаго обидехом, ни единаго истлихом, ни единаго лихоимствовахом. 047 2CO 007 003 Не на осуждение глаголю: прежде бо рех, яко в сердцах наших есте, во еже умрети с вами и сожити. 047 2CO 007 004 Много ми дерзновение к вам, многа ми похвала о вас: исполнихся утехи, преизбыточествую радостию о всяцей печали нашей. 047 2CO 007 005 Ибо пришедшым нам в Македонию, ни единаго име покоя плоть наша, но во всем скорбяще: внеуду брани, внутрьуду боязни. 047 2CO 007 006 Но утешаяй смиренныя, утеши нас Бог пришествием Титовым, 047 2CO 007 007 не токмо же пришествием его, но и утешением, имже утешися о вас, поведая нам ваше желание, ваше рыдание, вашу ревность по мне, яко ми паче возрадоватися. 047 2CO 007 008 Яко аще и оскорбих вас посланием, не раскаюся, аще и раскаял бых ся: вижду бо, яко послание оно, аще и к часу, оскорби вас. 047 2CO 007 009 Ныне радуюся, не яко скорбни бысте, но яко оскорбистеся в покаяние: оскорбесте бо по Бозе, да ни в чемже отщетитеся от нас. 047 2CO 007 010 Печаль бо, яже по Бозе, покаяние нераскаянно во спасение соделовает, а сего мира печаль смерть соделовает. 047 2CO 007 011 Се бо сие самое, еже по Бозе оскорбитися вам, колико содела в вас тщание? Но ответ? Но негодование, но страх, но вожделение, но ревность, но отмщение? Во всем представисте себе чисты быти в вещи. 047 2CO 007 012 Аще бо и писах вам, не обидевшаго ради, ниже обидимаго ради, но за еже явитися в вас тщанию нашему, еже о вас пред Богом. 047 2CO 007 013 Сего ради утешихомся о утешении вашем: лишше же паче возрадовахомся о радости Титове, яко покоися дух его от всех вас: 047 2CO 007 014 яко аще что ему о вас похвалихся, не посрамихся: но яко вся воистинну глаголахом вам, тако и похваление наше, еже к Титу, истинно бысть: 047 2CO 007 015 и утроба его излиха к вам есть, воспоминающаго всех вас послушание, яко со страхом и трепетом приясте его. 047 2CO 007 016 Радуюся убо, яко во всем дерзаю в вас. 047 2CO 008 001 Сказуем же вам, братие, благодать Божию, данную в церквах Македонских: 047 2CO 008 002 яко во мнозем искушении скорбей избыток радости их, и яже во глубине нищета их избыточествова в богатство простоты их: 047 2CO 008 003 яко по силе их, свидетельствую, и паче силы доброхотни, 047 2CO 008 004 со многим молением моляще нас, благодать и общение служения, еже ко святым, прияти нам: 047 2CO 008 005 и не якоже надеяхомся, но себе вдаша первее Господеви, и нам волею Божиею: 047 2CO 008 006 во еже умолити нам Тита, да якоже прежде начат, такожде и скончает в вас и благодать сию. 047 2CO 008 007 Но якоже во всем избыточествуете, верою и словом, и разумом, и всяцем тщанием, и любовию, яже от вас к нам, да и в сей благодати избыточествуете. 047 2CO 008 008 Не по повелению глаголю, но за иных тщание и вашея любве истинное искушая. 047 2CO 008 009 Весте бо благодать Господа нашего Иисуса Христа, яко вас ради обнища богат сый, да вы нищетою Его обогатитеся. 047 2CO 008 010 И совет даю о сем: се бо вам есть на пользу, иже не точию, еже творити, но и еже хотети, прежде начасте от прешедшаго лета. 047 2CO 008 011 Ныне же и сие творити скончайте, да якоже бысть усердие хотети, тако будет и исполнити от сего, еже имате. 047 2CO 008 012 Аще бо усердие предлежит, по елику аще кто имать, благоприятен есть, а не по елику не имать. 047 2CO 008 013 Не бо да иным убо отрада, вам же скорбь: но по изравнению. 047 2CO 008 014 В нынешнее время ваше избыточествие во онех лишение, да и онех избыток будет в ваше лишение, яко да будет равенство, 047 2CO 008 015 якоже есть писано: иже многое, не преумножил есть: и иже малое, не умалил. 047 2CO 008 016 Благодарение же Богови, давшему тожде тщание о вас в сердце Титово: 047 2CO 008 017 яко моление убо прият, тщаливейший же сый, своею волею изыде к вам. 047 2CO 008 018 Послахом же с ним и брата, егоже похвала во евангелии по всем церквам: 047 2CO 008 019 не точию же, но и освящен от церквей с нами ходити, со благодатию сею, служимою нами к Самого Господа славе и усердию вашему: 047 2CO 008 020 блюдущеся того, да не кто нас поречет во обилии сем служимем нами: 047 2CO 008 021 промышляюще добрая не токмо пред Богом, но и пред человеки. 047 2CO 008 022 Послахом же с ними и брата нашего, егоже искусихом во многих многащи встанлива суща, ныне же зело встанливейша, надеянием многим на вас. 047 2CO 008 023 Аще ли же о Тите, общник мне и к вам споспешник: аще ли братия наша, посланницы церквей, слава Христова. 047 2CO 008 024 Показание убо любве вашея и нашего хваления о вас, к ним покажите, и в лице церквей. 047 2CO 009 001 О службе бо, яже ко святым, лишше ми есть писати вам, 047 2CO 009 002 вем бо усердие ваше, имже о вас хвалюся Македоняном, яко Ахаиа приготовися от мимошедшаго лета: и яже от вас ревность раздражи множайших. 047 2CO 009 003 Послах же братию, да не похваление наше, еже о вас, испразднится в части сей, но да, якоже глаголах, приготовани будете: 047 2CO 009 004 да не како, аще приидут со мною Македоняне и обрящут вас неприготованных, постыдимся мы, да не глаголем вы, в части сей похваления. 047 2CO 009 005 Потребно убо умыслих умолити братию, да прежде приидут к вам и предуготовят прежде возвещенное благословение ваше, сие готово быти тако, якоже благословение, а не яко лихоимство. 047 2CO 009 006 Се же глаголю: сеяй скудостию, скудостию и пожнет: а сеяй о благословении, о благословении и пожнет. 047 2CO 009 007 Кийждо якоже изволение имать сердцем, не от скорби, ни от нужды: доброхотна бо дателя любит Бог. 047 2CO 009 008 Силен же Бог всяку благодать изюбиловати в вас, да о всем всегда всяко довольство имуще, избыточествуете во всяко дело благо, 047 2CO 009 009 якоже есть писано: расточи, даде убогим: правда его пребывает во век века. 047 2CO 009 010 Даяй же семя сеющему и хлеб в снедь, да подаст и умножит семя ваше, и да возрастит жита правды вашея, 047 2CO 009 011 да о всем богатящеся во всяку простоту, яже содевает нами благодарение Богу. 047 2CO 009 012 Яко работа сего служения не токмо есть исполняющая лишения святых, но и избыточествующая многими благодареньми Богови: 047 2CO 009 013 искушением служения сего славяще Бога о покорении исповедания вашего в Благовествовании Христове, и о простоте союбщения к ним и ко всем, 047 2CO 009 014 и о тех молитве о вас, возжелеющих вас за премногую благодать Божию на вас. 047 2CO 009 015 Благодарение же Богови о неисповедимем Его даре. 047 2CO 010 001 Сам же аз Павел молю вы кротостию и тихостию Христовою, иже в лице убо смирен в вас, не сый же у вас дерзаю в вас. 047 2CO 010 002 Молю же, да не присущ дерзаю надеянием, имже помышляю смети на некия непщующыя нас яко по плоти ходящих. 047 2CO 010 003 Во плоти бо ходяще, не по плоти воинствуем: 047 2CO 010 004 оружия бо воинства нашего не плотская, но сильна Богом на разорение твердем: помышления низлагающе, 047 2CO 010 005 и всяко возношение взимающееся на разум Божий, и пленяюще всяк разум в послушание Христово, 047 2CO 010 006 и в готовости имуще отмстити всяко преслушание, егда исполнится ваше послушание. 047 2CO 010 007 Иже ли пред лицем, зрите? Аще кто надеется себе Христова быти, да помышляет паки от себе, зане, якоже он Христов, такожде и мы Христовы. 047 2CO 010 008 Аще бо и лишше что похвалюся о власти нашей, юже даде нам Господь в создание, а не на разорение ваше, не постыжуся. 047 2CO 010 009 Но да не явлюся, яко страшя вас посланьми. 047 2CO 010 010 Яко послания убо, рече, тяжка и крепка, а пришествие тела немощно, и слово уничиженно: 047 2CO 010 011 сие да помышляет таковый, яко яцы же есмы словом посланий, отстояще, таковии и ту суще есмы делом. 047 2CO 010 012 Не смеем бо судити, или прикладовати себе иным хвалящым себе самех: но сами в себе себе измеряюще, и прилагающе себе самим себе, не разумевают. 047 2CO 010 013 Мы же не в безмерная похвалимся, но по мере правила, егоже раздели нам Бог меру, достизати даже и до вас. 047 2CO 010 014 Не яко бо не досяжуще до вас, паче простираем себе, даже бо и до вас достигохом благовестием Христовым: 047 2CO 010 015 не в безмерная хвалящеся в чуждих трудех, упование же имуще, растущей вере вашей, в вас величатися по правилу нашему изобильно, 047 2CO 010 016 во еже и в дальших вас странах благовестити, не чужим правилом в готовых похвалитися. 047 2CO 010 017 Хваляйся же, о Господе да хвалится: 047 2CO 010 018 не хваляй бо себе сей искусен, но егоже Бог восхваляет. 047 2CO 011 001 О, да бысте мало потерпели безумию моему! Но и потерпите мя. 047 2CO 011 002 Ревную бо по вас Божиею ревностию: обручих бо вас единому мужу деву чисту представити Христови. 047 2CO 011 003 Боюся же, да не како, якоже змий Еву прельсти лукавством своим, тако истлеют и разумы ваши от простоты, яже о Христе. 047 2CO 011 004 Аще бо грядый инаго Иисуса проповедает, егоже не проповедахом, или Духа инаго приемлете, егоже не приясте, или благовествование ино, еже не приясте, добре бысте потерпели. 047 2CO 011 005 Непщую бо ничимже лишитися предних Апостол: 047 2CO 011 006 аще бо и невежда словом, но не разумом: но везде явльшеся о всем в вас. 047 2CO 011 007 Или грех сотворих себе смиряя, да вы вознесетеся, яко туне Божие Благовествование благовестих вам? 047 2CO 011 008 От иных церквей уях, приим оброк к вашему служению: и пришед к вам, и в скудости быв, не стужих ни единому: 047 2CO 011 009 скудость бо мою исполниша братия, пришедше от Македонии: и во всем без стужения вам себе соблюдох и соблюду. 047 2CO 011 010 Есть истина Христова во мне, яко похваление сие не заградится о мне в странах Ахайских. 047 2CO 011 011 Почто? Зане не люблю ли вас? Бог весть. А еже творю, и сотворю, 047 2CO 011 012 да отсеку вину хотящым вины, да, о немже хвалятся, обрящутся якоже и мы. 047 2CO 011 013 Таковии бо лживи апостоли, делателе льстивии, преобразующеся во Апостолы Христовы. 047 2CO 011 014 И не дивно: сам бо сатана преобразуется во Ангела светла: 047 2CO 011 015 не велие убо, аще и служителие его преобразуются яко служители правды: имже кончина будет по делом их. 047 2CO 011 016 Паки глаголю: да никтоже мнит мя безумна быти: аще ли ни, поне яко безумна приимите мя, да и аз мало что похвалюся. 047 2CO 011 017 А еже глаголю, не глаголю по Господе, но яко в безумии в сей части похвалы: 047 2CO 011 018 понеже мнози хвалятся по плоти, и аз похвалюся. 047 2CO 011 019 Любезно бо приемлете безумныя, мудри суще: 047 2CO 011 020 приемлете бо, аще кто вас порабощает, аще кто поядает, аще кто не влепоту проторит, аще кто по лицу биет вы, аще кто величается. 047 2CO 011 021 По досаждению глаголю, зане аки мы изнемогохом. О немже аще дерзает кто, несмысленно глаголю, дерзаю и аз. 047 2CO 011 022 Еврее ли суть? И аз. Израилите ли суть? И аз. Семя Авраамле ли суть? И аз. 047 2CO 011 023 Служителие ли Христовы суть? Не в мудрости глаголю, паче аз. В трудех множае, в ранах преболе, в темницах излиха, в смертех многащи. 047 2CO 011 024 От Иудей пять краты четыредесять разве единыя приях: 047 2CO 011 025 трищи палицами биен бых, единою каменьми наметан бых, трикраты корабль опровержеся со мною: нощь и день во глубине сотворих: 047 2CO 011 026 в путных шествиих множицею: беды в реках, беды от разбойник, беды от сродник, беды от язык, беды во градех, беды в пустыни, беды в мори, беды во лжебратии: 047 2CO 011 027 в труде и подвизе, во бдениих множицею, во алчбе и жажди, в пощениих многащи, в зиме и наготе. 047 2CO 011 028 Кроме внешних, нападение еже по вся дни, и попечение всех церквей. 047 2CO 011 029 Кто изнемогает, и не изнемогаю? Кто соблазняется, и аз не разжизаюся? 047 2CO 011 030 Аще хвалитися ми подобает, о немощи моей похвалюся. 047 2CO 011 031 Бог и Отец Господа нашего Иисуса Христа весть, сый благословен во веки, яко не лгу. 047 2CO 011 032 В Дамасце языческий князь Арефы царя стрежаше Дамаск град, яти мя хотя: 047 2CO 011 033 и оконцем в кошнице свешен бых по стене, и избегох из руку его. 047 2CO 012 001 Похвалитися же не пользует ми: прииду бо в видения и откровения Господня. 047 2CO 012 002 Вем человека о Христе, прежде лет четыренадесяти: аще в теле, не вем, аще ли кроме тела, не вем, Бог весть: восхищена бывша таковаго до третияго небесе. 047 2CO 012 003 И вем такова человека: аще в теле, или кроме тела, не вем: Бог весть: 047 2CO 012 004 яко восхищен бысть в рай, и слыша неизреченны глаголголы, ихже не леть есть человеку глаголати. 047 2CO 012 005 О таковем похвалюся: о себе же не похвалюся, токмо о немощех моих. 047 2CO 012 006 Аще бо восхощу похвалитися, не буду безумен, истину бо реку: жажду же, да не како кто вознепщует о мне паче, еже видит мя, или слышит что от мене. 047 2CO 012 007 И за премногая откровения да не превозношуся, дадеся ми пакостник плоти, аггел сатанин, да ми пакости деет, да не превозношуся. 047 2CO 012 008 О сем трикраты Господа молих, да отступит от мене, 047 2CO 012 009 и рече ми: довлеет ти благодать Моя: сила бо Моя в немощи совершается. Сладце убо похвалюся паче в немощех моих, да вселится в мя сила Христова. 047 2CO 012 010 Темже благоволю в немощех, в досаждениих, в бедах, во изгнаниих, в теснотах по Христе: егда бо немощствую, тогда силен есмь. 047 2CO 012 011 Бых несмыслен хваляся: вы мя понудисте. Аз бо должен бех от вас хвалимь бывати: ничимже бо лишихся первейших Апостол, аще и ничтоже есмь: 047 2CO 012 012 знамения бо Апостолова содеяшася в вас во всяцем терпении, в знамениих и чудесех и силах. 047 2CO 012 013 Что бо есть, егоже лишистеся паче прочих церквей, разве точию яко аз сам не стужих вам? Дадите ми неправду сию. 047 2CO 012 014 Се третие готов есмь приити к вам, и не стужу вам: не ищу бо ваших, но вас. Не должна бо суть чада родителем снискати имения, но родителе чадом. 047 2CO 012 015 Аз же в сладость иждиву и иждивен буду по душах ваших, аще и излишше вас любя, менше любимь есмь. 047 2CO 012 016 Буди же, аз не отягчих вас, но коварен сый, лестию вас приях. 047 2CO 012 017 Еда коим от посланных к вам лихоимствовах вас? 047 2CO 012 018 Умолих Тита, и с ним послах брата: еда лихоимствова чим вас Тит? Не темже ли духом ходихома? Не темиже ли стопами? 047 2CO 012 019 Паки ли мните, яко ответ вам творим? Пред Богом, о Христе глаголем: вся же, возлюбленнии, о вашем созидании и утверждении. 047 2CO 012 020 Боюся же, еда како пришед, не яцех же хощу, обрящу вас, и аз обрящуся вам, якова же не хощете: да не како будут рвения, зависти, ярости, рети, клеветы, шептания, кичения, нестроения: 047 2CO 012 021 да не паки пришедша мя смирит Бог мой у вас, и восплачуся многих прежде согрешших и не покаявшихся о нечистоте и блужении и студоложствии, яже содеяша. 047 2CO 013 001 Третицею се гряду к вам: при устех двою или триех свидетелей станет всяк глагол. 047 2CO 013 002 Прежде рех и предглаголю, яко у вас быв второе, и отсутствуя ныне пишу прежде согрешившым и прочым всем, яко аще прииду паки, не пощажду: 047 2CO 013 003 понеже искушения ищете глаголющаго во мне Христа, Иже в вас не изнемогает, но может в вас: 047 2CO 013 004 ибо аще и распят бысть от немощи, но жив есть от силы Божия: ибо и мы немощствуем в Нем, но живи будем с Ним от силы Божия в вас: 047 2CO 013 005 себе искушайте, аще есте в вере: себе искушайте. Или не знаете себе, яко Иисус Христос в вас есть? Разве точию чим неискусни есте. 047 2CO 013 006 Уповаю же, яко разумети имате, яко мы несмы неискусни. 047 2CO 013 007 Молимся же к Богу, не сотворити вам ни единаго зла, не яко да мы искусни явимся, но да вы доброе сотворите, мы же яко неискусни будем. 047 2CO 013 008 Ничтоже бо можем на истину, но по истине. 047 2CO 013 009 Радуемся бо, егда мы немощствуем, вы же сильни бываете: о сем же и молимся, о вашем совершении. 047 2CO 013 010 Сего ради не сый у вас сия пишу, да не пришед безщадно сотворю по власти, юже Господь дал ми есть в создание, а не на разорение. 047 2CO 013 011 Прочее же, братие, радуйтеся, совершайтеся, утешайтеся, тожде мудрствуйте, мир имейте. И Бог любве и мира будет с вами. 047 2CO 013 012 Целуйте друг друга лобзанием святым. 047 2CO 013 013 Целуют вы святии вси. 047 2CO 013 014 Благодать Господа нашего Иисуса Христа, и любы Бога и Отца, и общение Святаго Духа со всеми вами. Аминь. # # BOOK 048 GAL Galatians Послание к Галатам 048 GAL 001 001 Павел, Апостол ни от человек, ни человеком, но Иисус Христом и Богом Отцем воскресившим Его из мертвых, 048 GAL 001 002 и иже со мною вся братия, церквам Галатийским: 048 GAL 001 003 благодать вам и мир от Бога Отца и Господа нашего Иисуса Христа, 048 GAL 001 004 давшаго Себе по гресех наших, яко да избавит нас от настоящаго века лукаваго, по воли Бога и Отца нашего, 048 GAL 001 005 Емуже слава во веки веков. Аминь. 048 GAL 001 006 Чуждуся, яко тако скоро прелагаетеся от звавшаго вы благодатию Христовою, во ино благовествование: 048 GAL 001 007 еже несть ино, точию нецыи суть смущающии вы и хотящии превратити благовествование Христово. 048 GAL 001 008 Но и аще мы, или Ангел с небесе благовестит вам паче, еже благовестихом вам, анафема да будет. 048 GAL 001 009 Якоже предрекохом, и ныне паки глаголю: аще кто вам благовестит паче, еже приясте, анафема да будет. 048 GAL 001 010 Ныне бо человеки препираю, или Бога, или ищу человеком угождати? Аще бо бых еще человеком угождал, Христов раб не бых убо был. 048 GAL 001 011 Сказую же вам, братие, Благовествование благовещенное от мене, яко несть по человеку: 048 GAL 001 012 ни бо аз от человека приях е, ниже научихся, но явлением Иисус Христовым. 048 GAL 001 013 Слышасте бо мое житие иногда в Жидовстве, яко по премногу гоних Церковь Божию и разрушах ю, 048 GAL 001 014 и преспевах в Жидовстве паче многих сверстник моих в роде моем, излиха ревнитель сый отеческих моих преданий. 048 GAL 001 015 Егда же благоволи Бог, избравый мя от чрева матере моея и призвавый благодатию Своею, 048 GAL 001 016 явити Сына Своего во мне, да благовествую Его во языцех, абие не приложихся плоти и крови, 048 GAL 001 017 ни взыдох во Иерусалим к первейшым мене Апостолом, но идох во Аравию, и паки возвратихся в Дамаск. 048 GAL 001 018 Потом же по триех летех взыдох во Иерусалим соглядати Петра, и пребых у него дний пятьнадесять. 048 GAL 001 019 Иного же от Апостол не видех, токмо Иакова брата Господня. 048 GAL 001 020 А яже пишу вам, се пред Богом, яко не лгу. 048 GAL 001 021 Потом же приидох в страны Сирския и Киликийския. 048 GAL 001 022 Бех же не знаемь лицем церквам Иудейским, яже о Христе, 048 GAL 001 023 точию же слышаще бяху, яко гоняй нас иногда, ныне благовествует веру, юже иногда разрушаше: 048 GAL 001 024 и славляху о мне Бога. 048 GAL 002 001 Потом же по четыренадесяти летех паки взыдох во Иерусалим с Варнавою, поем с собою и Тита. 048 GAL 002 002 Взыдох же по откровению, и предложих им благовествование, еже проповедую во языцех, наедине же мнимым, да не како вотще теку, или текох. 048 GAL 002 003 Но ни Тит, иже со мною, Еллин сый, нужден бысть обрезатися. 048 GAL 002 004 И за пришедшую лжебратию, иже привнидоша соглядати свободы нашея, юже имамы о Христе Иисусе, да нас поработят: 048 GAL 002 005 имже ни к часу повинухомся в покорение, да истина благовестия пребудет в вас. 048 GAL 002 006 От мнящихся же быти что, якови некогда беша, ничтоже ми разнствует: лица Бог человеча не приемлет. Мне бо мнимии ничтоже привозложиша: 048 GAL 002 007 но сопротивное, уразумевше, яко уверено ми бысть благовестие необрезания, якоже Петру обрезания: 048 GAL 002 008 ибо Споспешествовавый Петру в послание обрезания, споспешествова и мне во языки: 048 GAL 002 009 и познавше благодать данную ми, Иаков и Кифа и Иоанн, мнимии столпи быти, десницы даша мне и Варнаве общения, да мы во языки, они же во обрезание, 048 GAL 002 010 точию нищих да помнима: еже и потщахся сие истое сотворити. 048 GAL 002 011 Егда же прииде Петр во Антиохию, в лице ему противустах, яко зазорен бе. 048 GAL 002 012 Прежде бо даже не приити неким от Иакова, с языки ядяше: егда же приидоша, опряташеся и отлучашеся, бояся сущих от обрезания. 048 GAL 002 013 И лицемеришася с ним и прочии Иудеи, яко и Варнаве пристати лицемерству их. 048 GAL 002 014 Но егда видех, яко не право ходят ко истине Благовествования, рекох Петру пред всеми: аще ты, Иудей сый, язычески, а не иудейски живеши, почто языки нудиши иудейски жительствовати? 048 GAL 002 015 Мы естеством Иудее, а не от язык грешницы: 048 GAL 002 016 уведевше же, яко не оправдится человек от дел закона, но токмо верою Иисус Христовою, и мы во Христа Иисуса веровахом, да оправдимся от веры Христовы, а не от дел закона: зане не оправдится от дел закона всяка плоть. 048 GAL 002 017 Аще ли, ищуще оправдитися о Христе, обретохомся и сами грешницы, Христос убо греху ли служитель? Да не будет. 048 GAL 002 018 Аще бо, яже разорих, сия паки созидаю, преступника себе представляю. 048 GAL 002 019 Аз бо законом закону умрох, да Богови жив буду. Христови сраспяхся: 048 GAL 002 020 живу же не ктому аз, но живет во мне Христос. А еже ныне живу во плоти, верою живу Сына Божия, возлюбившаго мене и предавшаго Себе по мне. 048 GAL 002 021 Не отметаю благодати Божия. Аще бо законом правда, убо Христос туне умре. 048 GAL 003 001 О, несмысленнии Галате, кто вы прельстил есть не покоритися истине, имже пред очима Иисус Христос преднаписан бысть, в вас распят? 048 GAL 003 002 Сие едино хощу уведети от вас: от дел ли закона Духа приясте, или от слуха веры? 048 GAL 003 003 Тако ли несмысленни есте? Наченше духом, ныне плотию скончаваете? 048 GAL 003 004 Толика пострадасте туне? Аще точию и туне. 048 GAL 003 005 Подаяй убо вам Духа и действуяй силы в вас, от дел ли закона, или от слуха веры? 048 GAL 003 006 Якоже Авраам верова Богу, и вменися ему в правду. 048 GAL 003 007 Разумейте убо, яко сущии от веры, сии суть сынове Авраамли. 048 GAL 003 008 Предувидевшее же Писание, яко от веры оправдает языки Бог, прежде благовествова Аврааму, яко благословятся о тебе вси языцы. 048 GAL 003 009 Темже сущии от веры, благословятся с верным Авраамом: 048 GAL 003 010 елицы бо от дел закона суть, под клятвою суть. Писано бо есть: проклят всяк, иже не пребудет во всех писанных в книзе законней, яко творити я. 048 GAL 003 011 А яко в законе никтоже оправдается от Бога, яве, яко праведный от веры жив будет. 048 GAL 003 012 Закон же несть от веры: но сотворивый та человек жив будет в них. 048 GAL 003 013 Христос ны искупил есть от клятвы законныя, быв по нас клятва: писано бо есть: проклят всяк висяй на древе: 048 GAL 003 014 да в языцех благословение Авраамле будет о Христе Иисусе, да обетование Духа приимем верою. 048 GAL 003 015 Братие, по человеку глаголю: обаче человеческаго предутвержденна завета никтоже отметает или приповелевает. 048 GAL 003 016 Аврааму же речени быша обеты, и семени его. Не глаголет же: и семенем, яко о мнозех, но яко о едином: и семени твоему, иже есть Христос. 048 GAL 003 017 Сие же глаголю, завета предутвержденнаго от Бога во Христа, бывый по летех четыриста и тридесятих закон не отметает, во еже разорити обетование. 048 GAL 003 018 Аще бо от закона наследие, не ктому уже от обетования: Аврааму же обетованием дарова Бог. 048 GAL 003 019 Что убо закон? Преступлений ради приложися, дондеже приидет семя, емуже обетовася, вчинен Ангелы, рукою ходатая. 048 GAL 003 020 Ходатай же единаго несть, Бог же един есть. 048 GAL 003 021 Закон ли убо противу обетованием Божиим? Да не будет. Аще бо дан бысть закон могий оживити, воистинну от закона бы была правда: 048 GAL 003 022 но затвори Писание всех под грехом, да обетование от веры Иисус Христовы дастся верующым. 048 GAL 003 023 Прежде же пришествия веры, под законом стрегоми бехом, затворени в хотящую веру открытися. 048 GAL 003 024 Темже закон пестун нам бысть во Христа, да от веры оправдимся: 048 GAL 003 025 пришедшей же вере, уже не под пестуном есмы. 048 GAL 003 026 Вси бо вы сынове Божии есте верою о Христе Иисусе: 048 GAL 003 027 елицы бо во Христа крестистеся, во Христа облекостеся. 048 GAL 003 028 Несть Иудей, ни Еллин: несть раб, ни свободь: несть мужеский пол, ни женский: вси бо вы едино есте о Христе Иисусе. 048 GAL 003 029 Аще ли вы Христовы, убо Авраамле семя есте, и по обетованию наследницы. 048 GAL 004 001 Глаголю же: в елико время наследник млад есть, ничимже лучший есть раба, господь сый всех: 048 GAL 004 002 но под повелители и приставники есть даже до нарока отча. 048 GAL 004 003 Такожде и мы, егда бехом млади, под стихиами бехом мира порабощени: 048 GAL 004 004 егда же прииде кончина лета, посла Бог Сына Своего Единороднаго, Раждаемаго от жены, бываема под законом, 048 GAL 004 005 да подзаконныя искупит, да всыновление восприимем. 048 GAL 004 006 И понеже есте сынове, посла Бог Духа Сына Своего в сердца ваша, вопиюща: Авва Отче. 048 GAL 004 007 Темже уже неси раб, но сын: аще ли же сын, и наследник Божий Иисус Христом. 048 GAL 004 008 Но тогда убо, не ведуще Бога, служисте не по естеству сущым богом: 048 GAL 004 009 ныне же, познавше Бога, паче же познани бывше от Бога, како возвращаетеся паки на немощныя и худыя стихии, имже паки свыше служити хощете? 048 GAL 004 010 Дни смотряете, и месяцы, и времена, и лета. 048 GAL 004 011 Боюся о вас, еда како всуе трудихся в вас. 048 GAL 004 012 Будите якоже аз, зане и аз, якоже вы: братие, молю вы. Ничимже мене обидесте: 048 GAL 004 013 весте же, яко за немощь плоти благовестих вам первее. 048 GAL 004 014 И искушения моего, еже во плоти моей, не уничижисте, ни оплевасте, но якоже Ангела Божия приясте мя, яко Христа Иисуса. 048 GAL 004 015 Кое убо бяше блаженство ваше, свидетельствую бо вам, яко, аще бы было мощно, очеса ваша извертевше дали бысте ми. 048 GAL 004 016 Темже враг вам бых, истину вам глаголя? 048 GAL 004 017 Ревнуют по вас не добре, но отлучити вас хотят, да им ревнуете. 048 GAL 004 018 Добро же, еже ревновати всегда в добрем, и не точию внегда приходити ми к вам. 048 GAL 004 019 Чадца моя, имиже паки болезную, дондеже вообразится Христос в вас: 048 GAL 004 020 хотел же бых приити к вам ныне и изменити глас мой, яко не домышляюся о вас. 048 GAL 004 021 Глаголите ми, иже под законом хощете быти: закона ли не слушаете? 048 GAL 004 022 Писано бо есть, яко Авраам два сына име: единаго от рабы, а другаго от свободныя. 048 GAL 004 023 Но иже от рабы, по плоти родися: а иже от свободныя, по обетованию. 048 GAL 004 024 Иже суть иносказаема: сия бо еста два завета: един убо от горы Синайския, в работу раждаяй, иже есть Агарь: 048 GAL 004 025 Агарь бо, Сина гора есть во Аравии, прилагается же нынешнему Иерусалиму, работает же с чады своими: 048 GAL 004 026 а вышний Иерусалим свободь есть, иже есть мати всем нам. 048 GAL 004 027 Писано бо есть: возвеселися, неплоды, не раждающая: расторгни и возопи, неболящая: яко многа чада пустыя паче, нежели имущия мужа. 048 GAL 004 028 Мы же, братие, по Исааку обетования чада есмы. 048 GAL 004 029 Но якоже тогда по плоти родивыйся гоняше духовнаго, тако и ныне. 048 GAL 004 030 Но что глаголет Писание? Изжени рабу и сына ея, не имать бо наследовати сын рабынин с сыном свободныя. 048 GAL 004 031 Темже, братие, несмы рабынина чада, но свободныя. 048 GAL 005 001 Свободою убо, еюже Христос нас свободи, стойте, и не паки под игом работы держитеся. 048 GAL 005 002 Се аз Павел глаголю вам, яко аще обрезаетеся, Христос вас ничтоже пользует. 048 GAL 005 003 Свидетельствую же паки всякому человеку обрезающемуся, яко должен есть весь закон творити. 048 GAL 005 004 Упразднистеся от Христа, иже законом оправдаетеся, от благодати отпадосте: 048 GAL 005 005 мы бо духом от веры упования правды ждем. 048 GAL 005 006 О Христе бо Иисусе ни обрезание что может, ни необрезание, но вера любовию поспешествуема. 048 GAL 005 007 Течасте добре: кто вам возбрани не покарятися истине? 048 GAL 005 008 Препрение не от Призвавшаго вы. 048 GAL 005 009 Мал квас все смешение квасит. 048 GAL 005 010 Аз надеюся о вас в Господе, яко ничтоже ино разумети будете: смущаяй же вас понесет грех, кто бы ни был. 048 GAL 005 011 Аз же, братие, аще обрезание еще проповедую, почто еще гонимь есмь? Убо упразднися соблазн креста. 048 GAL 005 012 О, дабы отсечени были развращающии вас. 048 GAL 005 013 Вы бо на свободу звани бысте, братие: точию да не свобода ваша в вину плоти, но любовию работайте друг другу. 048 GAL 005 014 Ибо весь закон в единем словеси исполняется, во еже: возлюбиши ближняго твоего якоже себе. 048 GAL 005 015 Аще же друг друга угрызаете и снедаете, блюдитеся, да не друг от друга истреблени будете. 048 GAL 005 016 Глаголю же: духом ходите, и похоти плотския не совершайте: 048 GAL 005 017 плоть бо похотствует на духа, дух же на плоть: сия же друг другу противятся, да не яже хощете, сия творите. 048 GAL 005 018 Аще ли духом водими есте, несте под законом. 048 GAL 005 019 Явлена же суть дела плотская, яже суть прелюбодеяние, блуд, нечистота, студодеяние, 048 GAL 005 020 идолослужение, чародеяния, вражды, рвения, завиды, ярости, разжжения, распри, соблазны, ереси, 048 GAL 005 021 зависти, убийства, пиянства, безчинни кличи и подобная сим: яже предглаголю вам, якоже и предрекох, яко таковая творящии Царствия Божия не наследят. 048 GAL 005 022 Плод же духовный есть любы, радость, мир, долготерпение, благость, милосердие, вера, 048 GAL 005 023 кротость, воздержание: на таковых несть закона. 048 GAL 005 024 А иже Христовы суть, плоть распяша со страстьми и похотьми. 048 GAL 005 025 Аще живем духом, духом и да ходим. 048 GAL 005 026 Не бываим тщеславни, друг друга раздражающе, друг другу завидяще. 048 GAL 006 001 Братие, аще и впадет человек в некое прегрешение, вы духовнии исправляйте таковаго духом кротости: блюдый себе, да не и ты искушен будеши. 048 GAL 006 002 Друг друга тяготы носите, и тако исполните закон Христов. 048 GAL 006 003 Аще бо кто мнит себе быти что, ничтоже сый, умом льстит себе. 048 GAL 006 004 Дело же свое да искушает кийждо, и тогда в себе точию хваление да имать, а не во инем: 048 GAL 006 005 кийждо бо свое бремя понесет. 048 GAL 006 006 Да общается же учяйся словеси учащему во всех благих. 048 GAL 006 007 Не льститеся: Бог поругаемь не бывает. Еже бо аще сеет человек, тожде и пожнет: 048 GAL 006 008 яко сеяи в плоть свою, от плоти пожнет истление: а сеяи в дух, от духа пожнет живот вечный. 048 GAL 006 009 Доброе же творяще, да не стужаем си: во время бо свое пожнем, не ослабеюще. 048 GAL 006 010 Темже убо, дондеже время имамы, да делаим благое ко всем, паче же к присным в вере. 048 GAL 006 011 Видите, колицеми книгами писах вам моею рукою. 048 GAL 006 012 Елицы хотят хвалитися по плоти, сии нудят вы обрезатися, точию да не креста ради Христова гоними будут: 048 GAL 006 013 ни бо обрезающиися сами закон хранят, но хотят вам обрезоватися, да в вашей плоти похвалятся: 048 GAL 006 014 мне же да не будет хвалитися, токмо о кресте Господа нашего Иисуса Христа, имже мне мир распятся, и аз миру. 048 GAL 006 015 О Христе бо Иисусе ни обрезание что может, ни необрезание, но нова тварь. 048 GAL 006 016 И елицы правилом сим жительствуют, мир на них и милость, и на Израили Божии. 048 GAL 006 017 Прочее, труды да никтоже ми дает: аз бо язвы Господа Иисуса на теле моем ношу. 048 GAL 006 018 Благодать Господа нашего Иисуса Христа со духом вашим, братие. Аминь. # # BOOK 049 EPH Ephesians Послание к Ефесянам 049 EPH 001 001 Павел, посланник Иисус Христов волею Божиею, святым сущым во Ефесе и верным о Христе Иисусе: 049 EPH 001 002 благодать вам и мир от Бога Отца нашего и Господа Иисуса Христа. 049 EPH 001 003 Благословен Бог и Отец Господа нашего Иисуса Христа, благословивый нас всяцем благословением духовным в небесных о Христе. 049 EPH 001 004 Якоже избра нас в Нем прежде сложения мира, быти нам святым и непорочным пред Ним в любви, 049 EPH 001 005 прежде нарек нас во усыновление Иисус Христом в Него, по благоволению хотения Своего, 049 EPH 001 006 в похвалу славы благодати Своея, еюже облагодати нас о Возлюбленнем: 049 EPH 001 007 о Немже имамы избавление Кровию Его, и оставление прегрешении, по богатству благодати Его, 049 EPH 001 008 юже преумножил есть в нас во всяцей премудрости и разуме, 049 EPH 001 009 сказав нам тайну воли Своея по благоволению Своему, еже прежде положи в Нем, 049 EPH 001 010 в смотрение исполнения времен, возглавити всяческая о Христе, яже на небесех и яже на земли в нем: 049 EPH 001 011 в Немже и наследницы сотворихомся, прежде наречени бывше по прозрению Божию вся Действующаго по совету воли Своея, 049 EPH 001 012 яко быти нам в похваление славы Его, прежде уповавшым во Христа: 049 EPH 001 013 в Немже и вы, слышавше слово истины, благовествование спасения нашего, в Немже и веровавше знаменастеся Духом обетования Святым, 049 EPH 001 014 Иже есть обручение наследия нашего, во избавление снабдения, в похвалу славы Его. 049 EPH 001 015 Сего ради и аз слышав вашу веру о Христе Иисусе и любовь, яже ко всем святым, 049 EPH 001 016 не престаю благодаря о вас, поминание о вас творя в молитвах моих, 049 EPH 001 017 да Бог Господа нашего Иисуса Христа, Отец славы, даст вам Духа премудрости и откровения, в познание Его, 049 EPH 001 018 просвещенна очеса сердца вашего, яко уведети вам, кое есть упование звания Его, и кое богатство славы достояния Его во святых, 049 EPH 001 019 и кое преспеющее величество силы Его в нас верующих по действу державы крепости Его, 049 EPH 001 020 юже содея о Христе, воскресив Его от мертвых и посадив одесную Себе на небесных, 049 EPH 001 021 превыше всякаго Началства и Власти и Силы и Господства, и всякаго имене именуемаго не точию в веце сем, но и во грядущем: 049 EPH 001 022 и вся покори под нозе Его, и Того даде главу выше всех Церкви, 049 EPH 001 023 яже есть Тело Его, исполнение Исполняющаго всяческая во всех. 049 EPH 002 001 И вас сущих прегрешеньми мертвых и грехи вашими, 049 EPH 002 002 в нихже иногда ходисте по веку мира сего, по князю власти воздушныя, духа, иже ныне действует в сынех противления, 049 EPH 002 003 в нихже и мы вси жихом иногда в похотех плоти нашея, творяще волю плоти и помышлений, и бехом естеством чада гнева, якоже и прочии: 049 EPH 002 004 Бог же, богат сый в милости, за премногую любовь Свою, еюже возлюби нас, 049 EPH 002 005 и сущих нас мертвых прегрешеньми, сооживи Христом: благодатию есте спасени: 049 EPH 002 006 и с Ним воскреси, и спосади на небесных во Христе Иисусе, 049 EPH 002 007 да явит в вецех грядущих презелное богатство благодати Своея благостынею на нас о Христе Иисусе. 049 EPH 002 008 Благодатию бо есте спасени чрез веру: и сие не от вас, Божии дар: 049 EPH 002 009 не от дел, да никтоже похвалится. 049 EPH 002 010 Того бо есмы творение, создани во Христе Иисусе на дела благая, яже прежде уготова Бог, да в них ходим. 049 EPH 002 011 Темже поминайте, яко вы, иже иногда языцы во плоти, глаголемии необрезание от рекомаго обрезания во плоти, рукотвореннаго, 049 EPH 002 012 яко бесте во время оно без Христа, отчуждени жития Израилева и чужди от завет обетования, упования не имуще и безбожни в мире: 049 EPH 002 013 ныне же о Христе Иисусе вы, бывшии иногда далече, близ бысте Кровию Христовою. 049 EPH 002 014 Той бо есть мир наш, сотворивый обоя едино, и средостение ограды разоривый, 049 EPH 002 015 вражду Плотию Своею, закон заповедий ученьми упразднив, да оба созиждет Собою во единаго новаго человека, творя мир, 049 EPH 002 016 и примирит обоих во единем теле Богови крестом, убив вражду на нем: 049 EPH 002 017 и пришед благовести мир вам, дальним и ближним, 049 EPH 002 018 зане Тем имамы приведение обои во единем Дусе ко Отцу. 049 EPH 002 019 Темже убо ктому несте странни и пришелцы, но сожителе святым и приснии Богу, 049 EPH 002 020 наздани бывше на основании Апостол и пророк, сущу краеугольну Самому Иисусу Христу, 049 EPH 002 021 о немже всяко создание составляемо растет в церковь святую о Господе: 049 EPH 002 022 о немже и вы созидаетеся в жилище Божие Духом. 049 EPH 003 001 Сего ради аз Павел юзник Иисус Христов о вас языцех. 049 EPH 003 002 Аще убо слышасте смотрение благодати Божия данныя мне в вас, 049 EPH 003 003 яко по откровению сказася мне тайна, якоже преднаписах вмале: 049 EPH 003 004 о немже можете чтуще разумети разум мой в тайне Христове, 049 EPH 003 005 яже во инех родех не сказася сыном человеческим, якоже ныне открыся святым Его Апостолом и пророком Духом Святым: 049 EPH 003 006 яко быти языком снаследником и стелесником и спричастником обетования Его о Христе Иисусе, благовествованием, 049 EPH 003 007 емуже бых служитель по дару благодати Божия, данныя мне по действу силы Его. 049 EPH 003 008 Мне меншему всех святых дана бысть благодать сия, во языцех благовестити неизследованное богатство Христово 049 EPH 003 009 и просветити всех, что есть смотрение тайны сокровенныя от веков в Бозе, создавшем всяческая Иисус Христом, 049 EPH 003 010 да скажется ныне началом и властем на небесных Церковию многоразличная премудрость Божия, 049 EPH 003 011 по предложению век, еже сотвори о Христе Иисусе Господе нашем, 049 EPH 003 012 о Немже имамы дерзновение и приведение в надеянии верою Его. 049 EPH 003 013 Темже молю (вы) не стужати си в скорбех моих о вас, яже есть слава ваша. 049 EPH 003 014 Сего ради преклоняю колена моя ко Отцу Господа нашего Иисуса Христа, 049 EPH 003 015 из Негоже всяко отечество на небесех и на земли именуется: 049 EPH 003 016 да даст вам по богатству славы Своея, силою утвердитися Духом Его во внутреннем человеце, 049 EPH 003 017 вселитися Христу верою в сердца ваша: в любви вкоренени и основани, 049 EPH 003 018 да возможете разумети со всеми святыми, что широта и долгота и глубина и высота, 049 EPH 003 019 разумети же преспеющую разум любовь Христову, да исполнитеся во всяко исполнение Божие. 049 EPH 003 020 Могущему же паче вся творити по преизбыточествию, ихже просим или разумеем, по силе действуемей в нас, 049 EPH 003 021 Тому слава в Церкви о Христе Иисусе во вся роды века веков. Аминь. 049 EPH 004 001 Молю убо вас аз юзник о Господе, достойно ходити звания, в неже звани бысте, 049 EPH 004 002 со всяким смиреномудрием и кротостию, с долготерпением, терпяще друг другу любовию, 049 EPH 004 003 тщащеся блюсти единение духа в союзе мира. 049 EPH 004 004 Едино тело, един дух, якоже и звани бысте во единем уповании звания вашего: 049 EPH 004 005 един Господь, едина вера, едино крещение, 049 EPH 004 006 един Бог и Отец всех, Иже над всеми и чрез всех и во всех нас. 049 EPH 004 007 Единому же комуждо нас дадеся благодать по мере дарования Христова. 049 EPH 004 008 Темже глаголет: возшед на высоту, пленил еси плен, и даде даяния человеком. 049 EPH 004 009 А еже, взыде, что есть, точию яко и сниде прежде в долнейшыя страны земли? 049 EPH 004 010 Сшедый, Той есть и возшедый превыше всех небес, да исполнит всяческая. 049 EPH 004 011 И Той дал есть овы убо Апостолы, овы же пророки, овы же Благовестники, овы же пастыри и учители, 049 EPH 004 012 к совершению святых, в дело служения, в созидание Тела Христова, 049 EPH 004 013 дондеже достигнем вси в соединение веры и познания Сына Божия, в мужа совершенна, в меру возраста исполнения Христова: 049 EPH 004 014 да не бываем ктому младенцы, влающеся и скитающеся всяким ветром учения, во лжи человечестей, в коварстве козней льщения: 049 EPH 004 015 истинствующе же в любви, да возрастим в Него всяческая, Иже есть глава Христос, 049 EPH 004 016 из Негоже все тело, составляемо и счиневаемо приличне всяцем осязанием подаяния, по действу в мере единыя коеяждо части, возращение тела творит в создание самаго себе любовию. 049 EPH 004 017 Сие убо глаголю и послушествую о Господе, ктому не ходити вам, якоже и прочии языцы ходят в суете ума их, 049 EPH 004 018 помрачени смыслом, суще отчуждени от жизни Божия, за невежество сущее в них, за окаменение сердец их: 049 EPH 004 019 иже в нечаяние вложшеся, предаша себе студодеянию, в делание всякия нечистоты в лихоимании. 049 EPH 004 020 Вы же не тако познасте Христа: 049 EPH 004 021 аще убо слышасте Его и о Нем научистеся, якоже есть истина о Иисусе: 049 EPH 004 022 отложити вам, по первому житию, ветхаго человека, тлеющаго в похотех прелестных, 049 EPH 004 023 обновлятися же духом ума вашего, 049 EPH 004 024 и облещися в новаго человека, созданнаго по Богу в правде и в преподобии истины. 049 EPH 004 025 Темже отложше лжу, глаголите истину кийждо ко искреннему своему. Зане есмы друг другу удове. 049 EPH 004 026 Гневайтеся и не согрешайте: солнце да не зайдет в гневе вашем: 049 EPH 004 027 ниже дадите места диаволу. 049 EPH 004 028 Крадый ктому да не крадет, но паче да труждается, делая своима рукама благое, да имать подаяти требующему. 049 EPH 004 029 Всяко слово гнило да не исходит из уст ваших, но точию еже есть благо к созданию веры, да даст благодать слышащым. 049 EPH 004 030 И не оскорбляйте Духа Святаго Божия, Имже знаменастеся в день избавления. 049 EPH 004 031 Всяка горесть, и гнев, и ярость, и кличь, и хула да возмется от вас, со всякою злобою: 049 EPH 004 032 бывайте же друг ко другу блази, милосерди, прощающе друг другу, якоже и Бог во Христе простил есть вам. 049 EPH 005 001 Бывайте убо подражателе Богу, якоже чада возлюбленная, 049 EPH 005 002 и ходите в любви, якоже и Христос возлюбил есть нас, и предаде Себе за ны приношение и жертву Богу в воню благоухания. 049 EPH 005 003 Блуд же и всяка нечистота и лихоимство ниже да именуется в вас, якоже подобает святым: 049 EPH 005 004 и сквернословие, и буесловие, или кощуны, яже неподобная, но паче благодарение: 049 EPH 005 005 сие бо да весте, яко всяк блудник, или нечист, или лихоимец, иже есть идолослужитель, не имать достояния в Царствии Христа и Бога. 049 EPH 005 006 Никтоже вас да льстит суетными словесы, сих бо ради грядет гнев Божий на сыны непокоривыя. 049 EPH 005 007 Не бывайте убо сопричастницы сим. 049 EPH 005 008 Бесте бо иногда тма, ныне же свет о Господе: якоже чада света ходите: 049 EPH 005 009 плод бо духовный есть во всяцей благостыни и правде и истине: 049 EPH 005 010 искушающе, что есть благоугодно Богови: 049 EPH 005 011 и не приюбщайтеся к делом неплодным тмы, паче же и обличайте. 049 EPH 005 012 Бываемая бо отай от них, срамно есть и глаголати. 049 EPH 005 013 Вся же обличаемая от света являются, все бо являемое свет есть: 049 EPH 005 014 сего ради глаголет: востани, спяй, и воскресни от мертвых, и осветит тя Христос. 049 EPH 005 015 Блюдите убо, како опасно ходите, не якоже немудри, но якоже премудри, 049 EPH 005 016 искупующе время, яко дние лукави суть. 049 EPH 005 017 Сего ради не бывайте несмысленни, но разумевайте, что есть воля Божия. 049 EPH 005 018 И не упивайтеся вином, в немже есть блуд: но паче исполняйтеся Духом, 049 EPH 005 019 глаголюще себе во псалмех и пениих и песнех духовных, воспевающе и поюще в сердцах ваших Господеви, 049 EPH 005 020 благодаряще всегда о всех о имени Господа нашего Иисуса Христа Богу и Отцу, 049 EPH 005 021 повинующеся друг другу в страсе Божии. 049 EPH 005 022 Жены, своим мужем повинуйтеся, якоже Господу, 049 EPH 005 023 зане муж глава есть жены, якоже и Христос глава Церкве, и Той есть Спаситель тела: 049 EPH 005 024 но якоже Церковь повинуется Христу, такожде и жены своим мужем во всем. 049 EPH 005 025 Мужие, любите своя жены, якоже и Христос возлюби Церковь, и Себе предаде за ню, 049 EPH 005 026 да освятит ю, очестив банею водною в глаголголе: 049 EPH 005 027 да представит ю Себе славну Церковь, не имущу скверны, или порока, или нечто от таковых, но да будет свята и непорочна. 049 EPH 005 028 Тако должни суть мужие любити своя жены, яко своя телеса: любяй бо свою жену, себе самаго любит. 049 EPH 005 029 Никтоже бо когда свою плоть возненавиде, но питает и греет ю, якоже и Господь Церковь: 049 EPH 005 030 зане уди есмы Тела Его, от плоти Его и от костей Его. 049 EPH 005 031 Сего ради оставит человек отца своего и матерь, и прилепится к жене своей, и будета два в плоть едину. 049 EPH 005 032 Тайна сия велика есть: аз же глаголю во Христа и во Церковь. 049 EPH 005 033 Обаче и вы, по единому кийждо свою жену сице да любит, якоже (и) себе: а жена да боится (своего) мужа. 049 EPH 006 001 Чада, послушайте своих родителей о Господе: сие бо есть праведно. 049 EPH 006 002 Чти отца твоего и матерь: яже есть заповедь первая во обетовании: 049 EPH 006 003 да благо ти будет, и будеши долголетен на земли. 049 EPH 006 004 И отцы, не раздражайте чад своих, но воспитовайте их в наказании и учении Господни. 049 EPH 006 005 Раби, послушайте господий своих по плоти со страхом и трепетом, в простоте сердца вашего, якоже и Христа, 049 EPH 006 006 не пред очима точию работающе яко человекоугодницы, но якоже раби Христовы, творяще волю Божию от души, 049 EPH 006 007 со благоразумием служаще якоже Господу, а не яко человеком, 049 EPH 006 008 ведяще, яко кийждо, еже аще сотворит благое, сие приимет от Господа, аще раб, аще свободь. 049 EPH 006 009 И господие, таяжде творите к ним, послабляюще им прещения, ведуще, яко и вам самем и тем Господь есть на небесех, и обиновения лица несть у Него. 049 EPH 006 010 Прочее же, братие моя, возмогайте во Господе и в державе крепости Его: 049 EPH 006 011 облецытеся во вся оружия Божия, яко возмощи вам стати противу кознем диаволским, 049 EPH 006 012 яко несть наша брань к крови и плоти, но к началом и ко властем (и) к миродержителем тмы века сего, к духовом злобы поднебесным. 049 EPH 006 013 Сего ради приимите вся оружия Божия, да возможете противитися в день лют и вся содеявше стати. 049 EPH 006 014 Станите убо препоясани чресла ваша истиною, и оболкшеся в броня правды, 049 EPH 006 015 и обувше нозе во уготование благовествования мира: 049 EPH 006 016 над всеми же восприимше щит веры, в немже возможете вся стрелы лукаваго разжженныя угасити: 049 EPH 006 017 и шлем спасения восприимите, и мечь духовныи, иже есть Глаголгол Божий: 049 EPH 006 018 всякою молитвою и молением молящеся на всяко время духом, и в сие истое бдяще во всяком терпении и молитве о всех святых 049 EPH 006 019 и о мне, да дастся ми слово во отверзение уст моих, с дерзновением сказати тайну благовествования, 049 EPH 006 020 о немже посолствую во узах, да в нем дерзаю, якоже подобает ми глаголати. 049 EPH 006 021 Да увесте же и вы, яже о мне, что делаю, вся скажет вам Тихик, возлюбленный брат и верен служитель о Господе, 049 EPH 006 022 егоже послах к вам на сие истое, да увесте, яже о нас, и да утешит сердца ваша. 049 EPH 006 023 Мир братии и любовь с верою от Бога Отца и Господа Иисуса Христа. 049 EPH 006 024 Благодать со всеми любящими Господа нашего Иисуса Христа в неистлении. Аминь. # # BOOK 050 PHI Philippians Послание к Филиппийцам 050 PHI 001 001 Павел и Тимофей, раби Иисус Христовы, всем святым о Христе Иисусе сущым в Филиппех, с епископы и диаконы: 050 PHI 001 002 благодать вам и мир от Бога Отца нашего и Господа Иисуса Христа. 050 PHI 001 003 Благодарю Бога моего о всей памяти вашей, 050 PHI 001 004 всегда во всяцей молитве моей за всех вас с радостию молитву мою творя, 050 PHI 001 005 о общении вашем в благовествование от перваго дне даже и доныне, 050 PHI 001 006 надеявся на сие истое, яко начный дело благо в вас совершит е даже до дне Иисус Христова: 050 PHI 001 007 якоже есть праведно мне сие мудрствовати о всех вас, за еже имети ми в сердцы вас, во узах моих и во ответе и извещении благовестия, сообщников мне благодати всех вас сущих. 050 PHI 001 008 Свидетель бо ми есть Бог, яко люблю всех вас по милости Иисус Христове: 050 PHI 001 009 и о сем молюся, да любовь ваша еще паче и паче избыточествует в разуме и во всяцем чувствии, 050 PHI 001 010 во еже искушати вам лучшая, да будете чисти и непреткновенни в день Христов, 050 PHI 001 011 исполнени плодов правды Иисус Христом, в славу и похвалу Божию. 050 PHI 001 012 Разумети же хощу вам, братие, яко яже о мне паче во успех благовествования приидоша, 050 PHI 001 013 яко узы моя явленны о Христе быша во всем судищи и в прочих всех, 050 PHI 001 014 и множайшии братия о Господе, надеявшиися о узах моих, паче дерзают без страха слово Божие глаголати. 050 PHI 001 015 Нецыи убо по зависти и ревности, друзии же и за благоволение Христа проповедают: 050 PHI 001 016 ови убо от рвения Христа возвещают нечисте, мняще печаль нанести узам моим: 050 PHI 001 017 ови же от любве, ведяще, яко во ответе благовествования лежу. 050 PHI 001 018 Что убо? Обаче всяцем образом, аще виною, аще истиною Христос проповедаемь есть, и о сем радуюся, но и возрадуюся: 050 PHI 001 019 вем бо, яко сие сбудется ми во спасение вашею молитвою и подаянием Духа Иисус Христова, 050 PHI 001 020 по чаянию и упованию моему, яко ни о единем же постыжуся, но во всяцем дерзновении, якоже всегда, и ныне возвеличится Христос в теле моем, аще животом, аще ли смертию. 050 PHI 001 021 Мне бо еже жити, Христос, и еже умрети, приобретение (есть). 050 PHI 001 022 Аще же, еже жити (ми) телом, сие мне плод дела: и что изволю, не вем. 050 PHI 001 023 Обдержимь же есмь от обою, желание имый разрешитися и со Христом быти, много паче лучше: 050 PHI 001 024 а еже пребывати во плоти, нужнейше (есть) вас ради. 050 PHI 001 025 И сие известне вем, яко буду и спребуду вам всем в ваш успех и радость веры, 050 PHI 001 026 яко да похвала ваша избыточествует о Христе Иисусе во мне, моим пришествием паки к вам. 050 PHI 001 027 Точию достойне благовествованию Христову жителствуйте, да аще пришед и видев вас, аще и не сый у вас, услышу яже о вас, яко (истиною) стоите во единем дусе, и единодушне сподвизающеся по вере Благовествования (волею), 050 PHI 001 028 и не колеблющеся ни о единем же от сопротивных: еже тем убо есть явление погибели, вам же спасения. И сие от Бога: 050 PHI 001 029 яко вам даровася, еже о Христе, не токмо еже в Него веровати, но и еже по Нем страдати, 050 PHI 001 030 тойже подвиг имуще, яков же во мне видесте и ныне слышите о мне. 050 PHI 002 001 Аще убо кое утешение о Христе, (или) аще кая утеха любве, аще кое общение духа, аще кое милосердие и щедроты, 050 PHI 002 002 исполните мою радость, да тожде мудрствуете, ту же любовь имуще, единодушни, единомудренни: 050 PHI 002 003 ничтоже по рвению или тщеславию, но смиреномудрием друг друга честию болша себе творяще. 050 PHI 002 004 Не своих си кийждо, но и дружних кийждо смотряйте. 050 PHI 002 005 Сие бо да мудрствуется в вас, еже и во Христе Иисусе: 050 PHI 002 006 Иже, во образе Божии сый, не восхищением непщева быти равен Богу: 050 PHI 002 007 но Себе умалил, зрак раба приим, в подобии человечестем быв, и образом обретеся якоже человек: 050 PHI 002 008 смирил Себе, послушлив быв даже до смерти, смерти же крестныя. 050 PHI 002 009 Темже и Бог Его превознесе и дарова Ему имя, еже паче всякаго имене, 050 PHI 002 010 да о имени Иисусове всяко колено поклонится небесных и земных и преисподних, 050 PHI 002 011 и всяк язык исповесть, яко Господь Иисус Христос в славу Бога Отца. 050 PHI 002 012 Темже, возлюбленнии мои, якоже всегда послушасте мене, не якоже в пришествии моем точию, но ныне много паче во отшествии моем, со страхом и трепетом свое спасение содевайте: 050 PHI 002 013 Бог бо есть действуяй в вас и еже хотети и еже деяти о благоволении. 050 PHI 002 014 Вся творите без роптания и размышления, 050 PHI 002 015 да будете неповинни и цели, чада Божия непорочна посреде рода строптива и развращена, в нихже являетеся якоже светила в мире, 050 PHI 002 016 слово животно придержаще, в похвалу мне в день Христов, яко не вотще текох, ни вотще трудихся. 050 PHI 002 017 Но аще и жрен бываю о жертве и службе веры вашея, радуюся и сорадуюся всем вам: 050 PHI 002 018 такожде и вы радуйтеся и сорадуйтеся мне. 050 PHI 002 019 Уповаю же о Господе Иисусе Тимофеа вскоре послати к вам, да и аз благодушствую, уведев яже о вас. 050 PHI 002 020 Ни единаго бо имам равнодушна, иже приснее о вас попечется: 050 PHI 002 021 вси бо своих си ищут, (а) не яже Христа Иисуса. 050 PHI 002 022 Искусство же его знаете, зане якоже отцу чадо, со мною поработал в благовестии. 050 PHI 002 023 Сего же убо уповаю послати абие, повнегда увем яже о мне. 050 PHI 002 024 Надеюся же о Господе, яко и сам скоро прииду к вам. 050 PHI 002 025 Потребнее же возмнех Епафродита брата и споспешника и своинника моего, вашего же посланника и служителя потребе моей, послати к вам, 050 PHI 002 026 понеже желанием желаше видети всех вас, и тужаше, зане слышасте, яко боле. 050 PHI 002 027 Ибо боле близ смерти: но Бог помилова его, не его же токмо, но и мене, да не скорбь на скорбь прииму. 050 PHI 002 028 Скорее убо послах его, да видевше его паки, возрадуетеся, и аз безпечален пребуду. 050 PHI 002 029 Приимите убо его о Господе со всякою радостию, и таковыя честны имейте, 050 PHI 002 030 зане за дело Христово даже до смерти приближися, понудив себе вседушно, да исполнит ваше лишение службы яже ко мне. 050 PHI 003 001 Прочее же, братие моя, радуйтеся о Господе. Таяжде (бо) писати вам, мне убо неленостно, вам же твердо. 050 PHI 003 002 Блюдитеся от псов, блюдитеся от злых делателей, блюдитеся от сечения: 050 PHI 003 003 мы бо есмы обрезание, иже духом Богу служим и хвалимся о Христе Иисусе, а не в плоти надеемся: 050 PHI 003 004 ибо и аз имею надеяние такожде во плоти. Аще кто ин мнит надеятися во плоти, аз паче, 050 PHI 003 005 обрезан осмодневно, от рода Израилева, колена Вениаминова, Евреин от Еврей, по закону фарисей, 050 PHI 003 006 по ревности гоних Церковь Божию, по правде законней быв непорочен. 050 PHI 003 007 Но яже ми бяху приобретения, сия вмених Христа ради тщету. 050 PHI 003 008 Но убо вменяю вся тщету быти за превосходящее разумение Христа Иисуса Господа моего, Егоже ради всех отщетихся, и вменяю вся уметы быти, да Христа приобрящу 050 PHI 003 009 и обрящуся в Нем, не имый моея правды, яже от закона, но яже верою (Иисус) Христовою, сущую от Бога правду в вере: 050 PHI 003 010 яко разумети Его, и силу воскресения Его, и союбщение страстей Его, сообразуяся смерти Его, 050 PHI 003 011 аще како достигну в воскресение мертвых. 050 PHI 003 012 Не зане уже достигох, или уже совершихся: гоню же, аще и постигну, о немже и постижен бых от Христа Иисуса. 050 PHI 003 013 Братие, аз себе не у помышляю достигша: едино же, задняя убо забывая, в предняя же простираяся, 050 PHI 003 014 со усердием гоню, к почести вышняго звания Божия о Христе Иисусе. 050 PHI 003 015 Елицы убо совершенни, сие да мудрствуим: и еже аще ино что мыслите, и сие Бог вам открыет. 050 PHI 003 016 Обаче в неже достигохом, тоже да мудрствуем и темже правилом жителтвуем. 050 PHI 003 017 Подобни ми бывайте, братие, и смотряйте тако ходящыя, якоже имате образ нас. 050 PHI 003 018 Мнози бо ходят, ихже многажды глаголах вам, ныне же и плачя глаголю, враги креста Христова: 050 PHI 003 019 имже кончина погибель, имже бог чрево, и слава в студе их, иже земная мудрствуют. 050 PHI 003 020 Наше бо житие на небесех есть, отюнудуже и Спасителя ждем, Господа (нашего) Иисуса Христа, 050 PHI 003 021 Иже преобразит тело смирения нашего, яко быти сему сообразну телу славы Его, по действу еже возмогати Ему и покорити Себе всяческая. 050 PHI 004 001 Темже, братие моя возлюбленная и вожделенная, радосте и венче мой, тако стойте о Господе, возлюбленнии. 050 PHI 004 002 Еводию молю и Синтихию молю тожде мудрствовати о Господе: 050 PHI 004 003 ей, молю и тебе, супружниче присный, споспешествуй им, яже во благовествовании сподвизашася со мною и с Климентом и с прочими споспешники моими, ихже имена в книгах животных. 050 PHI 004 004 Радуйтеся всегда о Господе: и паки реку: радуйтеся. 050 PHI 004 005 Кротость ваша разумна да будет всем человеком. Господь близ. 050 PHI 004 006 Ни о чемже пецытеся, но во всем молитвою и молением со благодарением прошения ваша да сказуются к Богу: 050 PHI 004 007 и мир Божий, превосходяй всяк ум, да соблюдет сердца ваша и разумения ваша о Христе Иисусе. 050 PHI 004 008 Прочее же, братие (моя), елика суть истинна, елика честна, елика праведна, елика пречиста, елика прелюбезна, елика доброхвальна, аще кая добродетель и аще кая похвала, сия помышляйте. 050 PHI 004 009 Умже и научистеся, и приясте, и слышасте, и видесте во мне, сия творите: и Бог мира будет с вами. 050 PHI 004 010 Возрадовахся же о Господе вельми, яко уже когда воспомянусте пещися о мне: понеже и печастеся, но непогодным временем обдержастеся. 050 PHI 004 011 Не яко по скудости глаголю: аз бо навыкох, в нихже есмь, доволен быти: 050 PHI 004 012 вем и смиритися, вем и избыточествовати: во всем и во всех навыкох, и насыщатися и алкати, и избыточествовати и лишатися. 050 PHI 004 013 Вся могу о укрепляющем мя (Иисусе) Христе. 050 PHI 004 014 Обаче добре сотвористе, сприобщившеся печали моей. 050 PHI 004 015 Весте же и вы, Филипписиане, яко в начале благовествования, егда изыдох от Македонии, ни едина ми церковь общевася в слово даяния и приятия, точию вы едини: 050 PHI 004 016 яко и в Солунь и единою и дващи в требование (мое) посласте ми. 050 PHI 004 017 Не яко ищу даяния, но ищу плода множащагося в слово ваше. 050 PHI 004 018 Приях же вся и избыточествую: исполнихся, приемь от Епафродита посланная от вас, воню благоухания, жертву приятну, благоугодну Богу. 050 PHI 004 019 Бог же мой да исполнит всякое требование ваше по богатству Своему в славе, о Христе Иисусе. 050 PHI 004 020 Богу же и Отцу нашему слава во веки веков. Аминь. 050 PHI 004 021 Целуйте всякаго свята о Христе Иисусе. Целуют вы сущая со мною братия. 050 PHI 004 022 Целуют вы святии вси, паче же иже от кесарева дому. 050 PHI 004 023 Благодать Господа нашего Иисуса Христа со всеми вами. Аминь. # # BOOK 051 COL Colossians Послание к Колоссянам 051 COL 001 001 Павел, Апостол Иисус Христов волею Божиею, и Тимофей брат, 051 COL 001 002 сущым в Колоссаех святым и верным братиям о Христе Иисусе: 051 COL 001 003 благодать вам и мир от Бога Отца нашего, и Господа Иисуса Христа. Благодарим Бога и Отца Господа нашего Иисуса Христа, всегда о вас молящеся, 051 COL 001 004 слышавше веру вашу, яже о Христе Иисусе, и любовь, юже имате ко всем святым, 051 COL 001 005 за упование отложенное вам на небесех, еже прежде слышасте в словеси истины благовествования, 051 COL 001 006 сущаго в вас, якоже и во всем мире: и есть плодоносно и растимо, якоже и в вас, от негоже дне слышасте и разуместе благодать Божию во истине: 051 COL 001 007 якоже и уведесте от Епафраса, возлюбленнаго соработника нашего, иже есть верен о вас служитель Христов, 051 COL 001 008 иже и яви нам вашу любовь в дусе. 051 COL 001 009 Сего ради и мы, от негоже дне слышахом, не престаем о вас молящеся и просяще, да исполнитеся в разуме воли Его, во всяцей премудрости и разуме духовнем, 051 COL 001 010 яко ходити вам достоине Богу во всяцем угождении и всяком деле блазе, плодоносяще и возрастающе в разуме Божии, 051 COL 001 011 всякою силою возмогающе по державе славы Его, во всяцем терпении и долготерпении с радостию. 051 COL 001 012 Благодаряще Бога и Отца, призвавшаго вас в причастие наследия святых во свете. 051 COL 001 013 Иже избави нас от власти темныя и престави в Царство Сына любве Своея, 051 COL 001 014 о Немже имамы избавление Кровию Его и оставление грехов. 051 COL 001 015 Иже есть образ Бога невидимаго, перворожден всея твари. 051 COL 001 016 Яко Тем создана быша всяческая, яже на небеси и яже на земли, видимая и невидимая, аще престоли, аще господствия, аще начала, аще власти: всяческая Тем и о Нем создашася. 051 COL 001 017 И Той есть прежде всех, и всяческая в Нем состоятся. 051 COL 001 018 И Той есть глава телу Церкве, Иже есть начаток, перворожден из мертвых, яко да будет во всех Той первенствуя. 051 COL 001 019 Яко в Нем благоизволи всему исполнению вселитися, 051 COL 001 020 и Тем примирити всяческая к Себе, умиротворив Кровию креста Его, чрез Него, аще земная, аще ли небесная. 051 COL 001 021 И вас, иногда сущих отчужденных и врагов помышленьми в делех лукавых, 051 COL 001 022 ныне же примири в теле Плоти Его смертию Его, представити вас святых и непорочных и неповинных пред Собою, 051 COL 001 023 аще убо пребываете в вере основани и тверди, и неподвижими от упования благовествования, еже слышасте, проповеданное всей твари поднебесней, емуже бых аз Павел служитель. 051 COL 001 024 Ныне радуюся во страданиих моих о вас, яко исполняю лишение скорбей Христовых во плоти моей за Тело Его, еже есть Церковь. 051 COL 001 025 Ейже бых аз служитель по смотрению Божию, данному мне в вас, исполнити слово Божие, 051 COL 001 026 тайну сокровенную от век и от родов: ныне же явися святым Его, 051 COL 001 027 Имже восхоте Бог сказати, кое богатство славы тайны сея во языцех, иже есть Христос в вас, упование славы, 051 COL 001 028 Егоже мы проповедуем, наказующе всякаго человека и учаще всяцей премудрости, да представим всякаго человека совершенна о Христе Иисусе: 051 COL 001 029 в немже и труждаюся и подвизаюся по действу Его действуемому во мне силою. 051 COL 002 001 Хощу убо вас ведети, колик подвиг имам о вас и о сущих в Лаодикии и во Иераполи, и елицы не видеша лица моего во плоти, 051 COL 002 002 да утешатся сердца их, снемшихся в любви и во всяцем богатстве извещения разума, в познание тайны Бога и Отца и Христа, 051 COL 002 003 в Немже суть вся сокровища премудрости и разума сокровенна. 051 COL 002 004 Сие же глаголю, да никтоже вас прельстит в словопрении. 051 COL 002 005 Аще бо и плотию отстою, но духом с вами есмь, радуяся и видя ваш чин и утверждение вашея веры, яже во Христа. 051 COL 002 006 Якоже убо приясте Христа Иисуса Господа, такожде в Нем ходите, 051 COL 002 007 укоренени и наздани в Нем и извествовани верою, якоже научистеся, избыточествующе в ней благодарением. 051 COL 002 008 (Братие, ) блюдитеся, да никтоже вас будет прельщая философиею и тщетною лестию, по преданию человеческому, по стихиам мира, а не по Христе. 051 COL 002 009 Яко в Том живет всяко исполнение Божества телесне: 051 COL 002 010 и да будете в Нем исполнени, Иже есть глава всякому началу и власти: 051 COL 002 011 о Немже и обрезани бысте обрезанием нерукотворенным, в совлечении тела греховнаго плоти, во обрезании Христове, 051 COL 002 012 спогребшеся Ему крещением: о Немже и совостасте верою действия Бога, Воскресившаго Его из мертвых. 051 COL 002 013 И вас, мертвых сущих в прегрешениих и в необрезании плоти вашея, сооживил есть с Ним, даровав нам вся прегрешения, 051 COL 002 014 истребив еже на нас рукописание ученьми, еже бе сопротивно нам, и то взят от среды, пригвоздив е на кресте: 051 COL 002 015 совлек начала и власти, изведе в позор дерзновением, изобличив их в Себе. 051 COL 002 016 Да никтоже убо вас осуждает о ядении, или о питии, или о части праздника, или о новомесячиих, или о субботах: 051 COL 002 017 яже суть стень грядущих, тело же Христово. 051 COL 002 018 Никтоже вас да прельщает изволенным ему смиреномудрием и службою Ангелов, яже не уведе учя, без ума дмяся от ума плоти своея, 051 COL 002 019 а не держя главы, из неяже все тело, составы и соузы подаемо и снемлемо, растит возращение Божие. 051 COL 002 020 Аще убо умросте со Христом от стихий мира, почто аки живуще в мире стязаетеся? 051 COL 002 021 Не коснися, ниже вкуси, ниже осяжи: 051 COL 002 022 яже суть вся во истление употреблением, по заповедем и учением человеческим: 051 COL 002 023 яже суть слово убо имуща премудрости в самовольней службе и смиреномудрии и непощадении тела, не в чести коей к сытости плоти. 051 COL 003 001 Аще убо воскреснусте со Христом, вышних ищите, идеже есть Христос о десную Бога седя: 051 COL 003 002 горняя мудрствуйте, (а) не земная. 051 COL 003 003 Умросте бо, и живот ваш сокровен есть со Христом в Бозе: 051 COL 003 004 егда же Христос явится, живот ваш, тогда и вы с Ним явитеся в славе. 051 COL 003 005 Умертвите убо уды вашя, яже на земли: блуд, нечистоту, страсть, похоть злую и лихоимание, еже есть идолослужение, 051 COL 003 006 ихже ради грядет гнев Божии на сыны противления. 051 COL 003 007 В нихже и вы иногда ходисте, егда живясте в них. 051 COL 003 008 Ныне же отложите и вы та вся: гнев, ярость, злобу, хуление, срамословие от уст ваших: 051 COL 003 009 не лжите друг на друга, совлекшеся ветхаго человека с деяньми его 051 COL 003 010 и облекшеся в новаго, обновляемаго в разум по образу Создавшаго его, 051 COL 003 011 идеже несть Еллин, ни Иудей, обрезание и необрезание, варвар и Скиф, раб и свободь, но всяческая и во всех Христос. 051 COL 003 012 Облецытеся убо якоже избраннии Божии, святи и возлюбленни, во утробы щедрот, благость, смиреномудрие, кротость и долготерпение, 051 COL 003 013 приемлюще друг друга и прощающе себе, аще кто на кого имать поречение: якоже и Христос простил есть вам, тако и вы. 051 COL 003 014 Над всеми же сими (стяжите) любовь, яже есть соуз совершенства: 051 COL 003 015 и мир Божии да водворяется в сердцах ваших, в оньже и звани бысте во едином теле: и благодарни бывайте. 051 COL 003 016 Слово Христово да вселяется в вас богатно, во всякой премудрости: учаще и вразумляюще себе самех во псалмех и пениих и песнех духовных, во благодати поюще в сердцах ваших Господеви. 051 COL 003 017 И все, еже аще что творите словом или делом, вся во имя Господа Иисуса Христа, благодаряще Бога и Отца Тем. 051 COL 003 018 Жены, повинуйтеся своим мужем, якоже подобает о Господе. 051 COL 003 019 Мужие, любите жены вашя, и не огорчайтеся к ним. 051 COL 003 020 Чада, послушайте родителей (своих) во всем: сие бо угодно есть Господеви. 051 COL 003 021 Отцы, не раздражайте чад ваших, да не унывают. 051 COL 003 022 Раби, послушайте по всему плотских господии (ваших), не пред очима точию работающе аки человекоугодницы, но в простоте сердца, боящеся Бога. 051 COL 003 023 И всяко, еже аще что творите, от души делайте, якоже Господу, а не человеком, 051 COL 003 024 ведяще, яко от Господа приимете воздаяние достояния: Господу бо Христу работаете. 051 COL 003 025 А обидяй восприимет, еже обиде: и несть лица обиновения. 051 COL 004 001 Господие, правду и уравнение рабом подавайте, ведяще, яко и вы имате Господа на небесех. 051 COL 004 002 В молитве терпите, бодрствующе в ней со благодарением: 051 COL 004 003 молящеся и о нас вкупе, да Бог отверзет нам двери слова, проглаголати тайну Христову, еяже ради и связан есмь: 051 COL 004 004 да явлю ю, якоже подобает ми глаголати. 051 COL 004 005 В премудрости ходите ко внешним, время искупующе. 051 COL 004 006 Слово ваше (да бывает) всегда во благодати, солию растворено, ведети, како подобает вам единому комуждо отвещавати. 051 COL 004 007 Иже о мне, вся скажет вам Тихик, возлюбленный брат и верен служитель и соработник о Господе, 051 COL 004 008 егоже послах к вам на се истое, да разумеет яже о вас и утешит сердца ваша, 051 COL 004 009 со Онисимом, верным и возлюбленным братом нашим, иже есть от вас: вся вам скажут, яже зде. 051 COL 004 010 Целует вы Аристарх спленник мой, и Марко анепсий Варнавин, о немже приясте заповеди: аще приидет к вам, приимите его: 051 COL 004 011 и Иисус нареченный Иуст, сущий от обрезания: сии едини споспешницы во Царство Божие, иже быша ми утешение. 051 COL 004 012 Целует вы Епафрас, иже от вас, раб Иисуса Христа, всегда подвизаяйся о вас в молитвах, да будете совершени и исполнени во всяцей воли Божией. 051 COL 004 013 Свидетелствую бо о нем, яко имать ревность многу (и болезнь) о вас и о сущих в Лаодикии и во Иераполи. 051 COL 004 014 Целует вы Лука врачь возлюбленный, и Димас. 051 COL 004 015 Целуйте братию сущую в Лаодикии, и Нимфана, и домашнюю его церковь. 051 COL 004 016 И егда прочтется послание сие у вас, сотворите, да и в Лаодикиистей церкви прочтено будет, и написаное от Лаодикии да и вы прочтете. 051 COL 004 017 И рцыте Архиппу: блюди служение, еже приял еси о Господе, да довершиши е. 051 COL 004 018 Целование моею рукою Павлею. Поминайте моя узы. Благодать со (всеми) вами. Аминь. # # BOOK 052 1TH 1 Thessalonians Первое послание к Фессалоникийцам 052 1TH 001 001 Павел и Силуан и Тимофей церкви Солунстей о Бозе Отце и Господе Иисусе Христе: благодать вам и мир от Бога Отца нашего и Господа Иисуса Христа. 052 1TH 001 002 Благодарим Бога всегда о всех вас, поминание о вас творяще в молитвах наших, 052 1TH 001 003 непрестанно поминающе ваше дело веры, и труд любве, и терпение упования Господа нашего Иисуса Христа, пред Богом и Отцем нашим, 052 1TH 001 004 ведяще, братие возлюбленная, от Бога избрание ваше: 052 1TH 001 005 яко благовествование наше не бысть к вам в слове точию, но и в силе, и в Дусе Святе, и во извещении мнозе, якоже и весте, какови быхом в вас ради вас. 052 1TH 001 006 И вы подобницы бысте нам и Господу, приемше слово в скорби мнозе с радостию Духа Святаго, 052 1TH 001 007 яко быти вам образ всем верующым в Македонии и Ахаии. 052 1TH 001 008 От вас бо промчеся слово Господне не токмо в Македонии и Ахаии, но и во всяко место вера ваша, яже к Богу, изыде, яко не требовати нам глаголати что. 052 1TH 001 009 Тии бо о нас возвещают, каков вход имехом к вам, и како обратистеся к Богу от идол, работати Богу живу и истинну 052 1TH 001 010 и ждати Сына Его с небес, Егоже воскреси из мертвых, Иисуса, избавляющаго нас от гнева грядущаго. 052 1TH 002 001 Сами бо весте, братие, вход наш иже к вам, яко не вотще бысть: 052 1TH 002 002 но предпострадавше и досаждени бывше, якоже весте, в Филиппех, дерзнухом о Бозе нашем глаголати к вам благовествование Божие со многим подвигом. 052 1TH 002 003 Утешение бо наше не от прелести, ни от нечистоты, ни лестию: 052 1TH 002 004 но якоже искусихомся от Бога верни быти прияти благовествование, тако глаголем, не аки человеком угождающе, но Богу искушающему сердца наша. 052 1TH 002 005 Никогдаже бо в словеси ласкания быхом к вам, якоже весте, ниже в вине лихоимания: Бог свидетель! 052 1TH 002 006 Ни ищуще от человек славы, ни от вас, ни от инех: 052 1TH 002 007 могуще в тяготе быти, якоже Христовы Апостоли, но быхом тиси посреде вас, якоже доилица греет своя чада. 052 1TH 002 008 Тако желающе вас, благоволихом подати вам не точию благовествование Божие, но и душы своя, занеже возлюблени бысте нам. 052 1TH 002 009 Помните бо, братие, труд наш и подвиг: нощь бо и день делающе, да не отяготим ни единаго от вас, проповедахом вам благовествование Божие. 052 1TH 002 010 Вы свидетеле и Бог, яко преподобно и праведно и непорочно вам верующым быхом, 052 1TH 002 011 якоже весте, зане единаго когождо вас, якоже отец чада своя, 052 1TH 002 012 моляще и утешающе вас, и свидетельствующе вам ходити достойно Богу, призвавшему вы во Свое Царство и славу. 052 1TH 002 013 Сего ради и мы благодарим Бога непрестанно, яко приемше слово слышания Божия от нас, приясте не аки слово человеческо, но, якоже есть воистинну, слово Божие, еже и действуется в вас верующих. 052 1TH 002 014 Вы бо подобницы бысте, братие, церквам Божиим сущым во Иудеи о Христе Иисусе, зане таяжде и вы пострадасте от своих сплеменник, якоже и тии от Иудей, 052 1TH 002 015 убивших и Господа Иисуса и Его пророки, и нас изгнавших, и Богу не угодивших, и всем человеком противящихся, 052 1TH 002 016 и возбраняющих нам глаголати языком, да спасутся, во еже исполнити им грехи своя всегда: постиже же на них гнев до конца. 052 1TH 002 017 Мы же, братие, осиротевше от вас ко времени часа лицем, а не сердцем, лишше тщахомся лице ваше видети многим желанием. 052 1TH 002 018 Темже хотехом приити к вам, аз убо Павел, единою и дважды: и возбрани нам сатана. 052 1TH 002 019 Кто бо нам упование или радость или венец похваления? Не и вы ли пред Господем нашим Иисус Христом во пришествии Его? 052 1TH 002 020 Вы бо есте слава наша и радость. 052 1TH 003 001 Темже уже не терпяще, благоволихом остатися во Афинех едини, 052 1TH 003 002 и послахом Тимофеа, брата нашего и служителя Божия и споспешника нашего во благовестии Христове, утвердити вас и утешити о вере вашей, 052 1TH 003 003 яко ни единому смущатися в скорбех сих: сами бо весте, яко на сие истое лежим. 052 1TH 003 004 Ибо егда у вас бехом, предрекохом вам, яко имамы скорбети, еже и бысть, и весте. 052 1TH 003 005 Сего ради и аз ктому не терпя, послах разумети веру вашу, да не како искусил вы искушаяй, и вотще будет труд наш. 052 1TH 003 006 Ныне же пришедшу Тимофею к нам от вас и благовестившу нам веру вашу и любовь, и яко имате память о нас благу, всегда желающе нас видети, якоже и мы вас: 052 1TH 003 007 сего ради утешихомся, братие, о вас, во всякой скорби и нужде нашей, вашею верою: 052 1TH 003 008 яко мы ныне живи есмы, аще вы стоите о Господе. 052 1TH 003 009 Кое бо благодарение Богу можем воздати о вас, о всякой радости, еюже радуемся вас ради пред Богом нашим, 052 1TH 003 010 нощь и день преизлиха молящеся видети лице ваше и совершити лишение веры вашея? 052 1TH 003 011 Сам же Бог и Отец наш и Господь наш Иисус Христос да исправит путь наш к вам. 052 1TH 003 012 Вас же Господь да умножит и да избыточествит любовию друг ко другу и ко всем, якоже и мы к вам, 052 1TH 003 013 во еже утвердити сердца ваша непорочна в святыни пред Богом и Отцем нашим, в пришествие Господа нашего Иисуса Христа со всеми святыми Его. Аминь. 052 1TH 004 001 Темже убо, братие, просим вы и молим о Христе Иисусе, якоже приясте от нас, како подобает вам ходити и угождати Богови, якоже и ходите, да избыточествуете паче: 052 1TH 004 002 весте бо, какова повеления дахом вам Господем Иисусом. 052 1TH 004 003 Сия бо есть воля Божия, святость ваша, хранити себе самех от блуда, 052 1TH 004 004 и ведети комуждо от вас свой сосуд стяжавати во святыни и чести, 052 1TH 004 005 а не в страсти похотней, якоже и языцы не ведящии Бога, 052 1TH 004 006 и еже не преступати и лихоимствовати в вещи брата своего: зане мститель есть Господь о всех сих, якоже и прежде рекохом к вам и засвидетельствовахом. 052 1TH 004 007 Не призва бо нас Бог на нечистоту, но во святость. 052 1TH 004 008 Темже убо отметаяй не человека отметает, но Бога, Давшаго Духа Своего Святаго в нас. 052 1TH 004 009 О братолюбии же, не требуете, да пишется к вам, сами бо вы Богом учени есте, еже любити друг друга: 052 1TH 004 010 ибо творите то ко всей братии, сущей во всей Македонии. Молим же вы, братие, избыточествовати паче, 052 1TH 004 011 и любезно прилежати, еже безмолвствовати и деяти своя и делати своима рукама, якоже повелехом вам: 052 1TH 004 012 да ходите благообразно ко внешним и ни чесогоже требуете. 052 1TH 004 013 Не хощу же вас, братие, не ведети о умерших, да не скорбите, якоже и прочии не имущии упования. 052 1TH 004 014 Аще бо веруем, яко Иисус умре и воскресе, тако и Бог умершыя во Иисусе приведет с Ним. 052 1TH 004 015 Сие бо вам глаголем словом Господним, яко мы живущии, оставшии в пришествие Господне, не имамы предварити умерших: 052 1TH 004 016 яко Сам Господь в повелении, во гласе Архангелове и в трубе Божии снидет с небесе, и мертвии о Христе воскреснут первее: 052 1TH 004 017 потом же мы, живущии оставшии, купно с ними восхищени будем на облацех в сретение Господне на воздусе, и тако всегда с Господем будем. 052 1TH 004 018 Темже утешайте друг друга в словесех сих. 052 1TH 005 001 А о летех и о временех, братие, не требе есть вам писати, 052 1TH 005 002 сами бо вы известно весте, яко день Господень, якоже тать в нощи, тако приидет. 052 1TH 005 003 Егда бо рекут: мир и утверждение, тогда внезапу нападет на них всегубительство, якоже болезнь во чреве имущей, и не имут избежати. 052 1TH 005 004 Вы же, братие, несте во тме, да день вас якоже тать постигнет: 052 1TH 005 005 вси бо вы сынове света есте: и сынове дне: несмы нощи, ниже тьмы. 052 1TH 005 006 Темже убо да не спим, якоже и прочии, но да бодрствуим и трезвимся. 052 1TH 005 007 Спящии бо, в нощи спят, и упивающиися в нощи упиваются. 052 1TH 005 008 Мы же, сынове суще дне, да трезвимся, оболкшеся в броню веры и любве и шлем упования спасения, 052 1TH 005 009 яко не положи нас Бог в гнев, но в получение спасения Господем нашим Иисус Христом, 052 1TH 005 010 умершим за нас, да, аще бдим, аще ли спим, купно с Ним живем. 052 1TH 005 011 Сего ради утешайте друг друга, и созидайте кийждо ближняго, якоже и творите. 052 1TH 005 012 Молим же вы, братие, знайте труждающихся у вас, и настоятелей ваших о Господе, и наказующих вы, 052 1TH 005 013 и имейте их по преизлиха в любви за дело их: мирствуйте в себе. 052 1TH 005 014 Молим же вы, братие, вразумляйте безчинныя, утешайте малодушныя, заступайте немощныя, долготерпите ко всем. 052 1TH 005 015 Блюдите, да никтоже зла за зло кому воздаст: но всегда доброе гоните и друг ко другу и ко всем. 052 1TH 005 016 Всегда радуйтеся. 052 1TH 005 017 Непрестанно молитеся. 052 1TH 005 018 О всем благодарите: сия бо есть воля Божия о Христе Иисусе в вас. 052 1TH 005 019 Духа не угашайте. 052 1TH 005 020 Пророчествия не уничижайте. 052 1TH 005 021 Вся же искушающе, добрая держите. 052 1TH 005 022 От всякия вещи злыя огребайтеся. 052 1TH 005 023 Сам же Бог мира да освятит вас всесовершенных во всем: и всесовершен ваш дух и душа и тело непорочно в пришествие Господа нашего Иисуса Христа да сохранится. 052 1TH 005 024 Верен Призвавый вас, Иже и сотворит. 052 1TH 005 025 Братие, молитеся о нас. 052 1TH 005 026 Целуйте братию всю лобзанием святым. 052 1TH 005 027 Заклинаю вы Господем, прочести послание сие пред всею святою братиею. 052 1TH 005 028 Благодать Господа нашего Иисуса Христа с вами. Аминь. # # BOOK 053 2TH 2 Thessalonians Второе послание к Фессалоникийцам 053 2TH 001 001 Павел и Силуан и Тимофей, церкви Солунстей, о Бозе Отце нашем и Господе Иисусе Христе: 053 2TH 001 002 благодать вам и мир от Бога Отца нашего, и Господа Иисуса Христа. 053 2TH 001 003 Благодарити должни есмы Бога всегда о вас, братие, якоже достойно есть, яко превозрастает вера ваша, и множится любовь единаго коегождо всех вас друг ко другу: 053 2TH 001 004 яко самем нам хвалитися о вас в церквах Божиих, о терпении вашем и вере во всех гонениих ваших и скорбех, яже приемлете, 053 2TH 001 005 показание праведнаго суда Божия, во еже сподобитися вам Царствия Божия, егоже ради и страждете. 053 2TH 001 006 Аще убо праведно у Бога, воздати скорбь оскорбляющым вас, 053 2TH 001 007 а вам оскорбляемым отраду с нами, во откровении Господа Иисуса с небесе, со Ангелы силы Своея, 053 2TH 001 008 во огни пламенне дающаго отмщение не ведущым Бога и не послушающым благовествования Господа нашего Иисуса Христа: 053 2TH 001 009 иже муку приимут, погибель вечную, от лица Господня и от славы крепости Его, 053 2TH 001 010 егда приидет прославитися во святых Своих и дивен быти во всех веровавших, яко уверися свидетельство наше в вас, в день он. 053 2TH 001 011 За сие и молимся всегда о вас, да вы сподобит званию Бог наш и исполнит всяко благоволение благости и дело веры в силе, 053 2TH 001 012 яко да прославится имя Господа нашего Иисуса Христа в вас, и вы в Нем, по благодати Бога нашего и Господа Иисуса Христа. 053 2TH 002 001 Молим же вы, братие, о пришествии Господа нашего Иисуса Христа и нашем собрании о Нем, 053 2TH 002 002 не скоро подвизатися вам от ума, ни ужасатися ниже духом, ниже словом, ни посланием аки от нас посланным, яко уже настоит день Христов. 053 2TH 002 003 Да никтоже вас прельстит ни по единому же образу: яко аще не приидет отступление прежде, и открыется человек беззакония, сын погибели, 053 2TH 002 004 противник и превозносяйся паче всякаго глаголемаго Бога или чтилища, якоже ему сести в церкви Божией аки Богу, показующу себе, яко Бог есть. 053 2TH 002 005 Не помните ли, яко еще живый у вас, сия глаголах вам? 053 2TH 002 006 И ныне удержавающее весте, во еже явитися ему в свое ему время. 053 2TH 002 007 Тайна бо уже деется беззакония, точию держяй ныне дондеже от среды будет: 053 2TH 002 008 и тогда явится беззаконник, егоже Господь Иисус убиет духом уст Своих, и упразднит явлением пришествия Своего, 053 2TH 002 009 егоже есть пришествие по действу сатанину во всяцей силе и знамениих и чудесех ложных, 053 2TH 002 010 и во всякой льсти неправды в погибающих, зане любве истины не прияша, во еже спастися им. 053 2TH 002 011 И сего ради послет им Бог действо льсти, во еже веровати им лжи, 053 2TH 002 012 да суд приимут вси не веровавшии истине, но благоволившии в неправде. 053 2TH 002 013 Мы же должни есмы благодарити Бога всегда о вас, братие возлюбленная от Господа, яко избрал есть вас Бог от начала во спасение во святыни Духа и веры истины, 053 2TH 002 014 в неже призва вас благовествованием нашим, в получение славы Господа нашего Иисуса Христа. 053 2TH 002 015 Темже убо, братие, стойте и держите предания, имже научистеся или словом, или посланием нашим. 053 2TH 002 016 Сам же Господь наш Иисус Христос, и Бог и Отец наш, возлюбивый нас и давый утешение вечно и упование благо в благодати, 053 2TH 002 017 да утешит сердца ваша и да утвердит во всяцем слове и деле блазе. 053 2TH 003 001 Прочее, молитеся о нас, братие, да слово Господне течет и славится, якоже и в вас, 053 2TH 003 002 и да избавимся от злых и лукавых человек: не всех бо есть вера. 053 2TH 003 003 Верен же есть Господь, Иже утвердит вас и сохранит от лукаваго. 053 2TH 003 004 Уповаем же на Господа о вас, яко, яже повелеваем вам, и творите и сотворите. 053 2TH 003 005 Господь же да исправит сердца ваша в любовь Божию и в терпение Христово. 053 2TH 003 006 Повелеваем же вам, братие, о имени Господа нашего Иисуса Христа, отлучатися вам от всякаго брата безчинно ходяща, а не по преданию, еже прияша от нас: 053 2TH 003 007 сами бо весте, како лепо есть вам подобитися нам: яко не безчинновахом у вас, 053 2TH 003 008 ниже туне хлеб ядохом у кого, но в труде и подвизе, нощь и день делающе, да не отягчим никогоже от вас: 053 2TH 003 009 не яко не имамы власти, но да себе образ дамы вам, во еже уподобитися нам. 053 2TH 003 010 Ибо егда бехом у вас, сие завещавахом вам: яко аще кто не хощет делати ниже да яст. 053 2TH 003 011 Слышим бо некия безчинно ходящыя у вас, ничтоже делающыя, но лукавно обходящыя: 053 2TH 003 012 таковым запрещаем и молим о Господе нашем Иисусе Христе, да с безмолвием делающе, свой хлеб ядят. 053 2TH 003 013 Вы же, братие, не стужайте, доброе творяще. 053 2TH 003 014 Аще же кто не послушает словесе нашего посланием, сего назнаменуйте и не примешайтеся ему, да посрамится: 053 2TH 003 015 и не аки врага имейте его, но наказуйте якоже брата. 053 2TH 003 016 Сам же Господь мира да даст вам мир всегда во всяцем образе: Господь со всеми вами. 053 2TH 003 017 Целование моею рукою Павлею, еже есть знамение во всяцем послании: сице пишу: 053 2TH 003 018 благодать Господа нашего Иисуса Христа со всеми вами. Аминь. # # BOOK 054 1TI 1 Timothy Первое послание к Тимофею 054 1TI 001 001 Павел, посланник Иисус Христов по повелению Бога Спаса нашего и Господа Иисуса Христа упования нашего, 054 1TI 001 002 Тимофею присному чаду в вере: благодать, милость, мир от Бога Отца нашего и Христа Иисуса Господа нашего. 054 1TI 001 003 Якоже умолих тя пребыти во Ефесе, идый в Македонию, да завещаеши неким не инако учити, 054 1TI 001 004 ниже внимати баснем и родословием безконечным, яже стязания творят паче, нежели Божие строение, еже в вере. 054 1TI 001 005 Конец же завещания есть любы от чиста сердца и совести благия и веры нелицемерныя, 054 1TI 001 006 в нихже нецыи погрешивше, уклонишася в суесловия, 054 1TI 001 007 хотяще быти законоучителе, не разумеюще ни яже глаголют, ни о нихже утверждают. 054 1TI 001 008 Вемы же, яко добр закон (есть), аще кто его законне творит, 054 1TI 001 009 ведый сие, яко праведнику закон не лежит, но беззаконным и непокоривым, нечестивым (же) и грешником, неправедным и скверным, отца и матере досадителем, мужеубийцам, 054 1TI 001 010 блудником, мужеложником, разбойником, (клеветником, скотоложником, ) лживым, клятвопреступником, и аще что ино здравому учению противится, 054 1TI 001 011 по благовестию славы блаженнаго Бога, еже мне уверено бысть. 054 1TI 001 012 И благодарю укрепляющаго мя Христа Иисуса Господа нашего, яко верна мя непщева, положив (мя) в службу, 054 1TI 001 013 бывша мя иногда хульника и гонителя и досадителя: но помилован бых, яко неведый сотворих в неверствии: 054 1TI 001 014 упреумножися же благодать Господа нашего (Иисуса Христа) с верою и любовию яже о Христе Иисусе. 054 1TI 001 015 Верно слово и всякаго приятия достойно, яко Христос Иисус прииде в мир грешники спасти, от нихже первый есмь аз. 054 1TI 001 016 Но сего ради помилован бых, да во мне первем покажет Иисус Христос все долготерпение, за образ хотящих веровати Ему в жизнь вечную. 054 1TI 001 017 Царю же веков нетленному, невидимому, единому премудрому Богу, честь и слава во веки веков. Аминь. 054 1TI 001 018 Сие же завещание предаю ти, чадо Тимофее, по бывших на тя прежде пророчествиих, да воинствуеши в них доброе воинство, 054 1TI 001 019 имея веру и благую совесть, юже нецыи отринувше, от веры отпадоша: 054 1TI 001 020 от нихже есть Именей и Александр, ихже предах сатане, да накажутся не хулити. 054 1TI 002 001 Молю убо прежде всех творити молитвы, моления, прошения, благодарения за вся человеки, 054 1TI 002 002 за царя и за всех, иже во власти суть, да тихое и безмолвное житие поживем во всяцем благочестии и чистоте: 054 1TI 002 003 сие бо добро и приятно пред Спасителем нашим Богом, 054 1TI 002 004 Иже всем человеком хощет спастися и в разум истины приити. 054 1TI 002 005 Един бо есть Бог, и един ходатай Бога и человеков, человек Христос Иисус, 054 1TI 002 006 давый Себе избавление за всех: свидетелство времены своими, 054 1TI 002 007 в неже поставлен бых аз проповедник и Апостол, истину глаголю о Христе, не лгу, учитель языков в вере и истине. 054 1TI 002 008 Хощу убо, да молитвы творят мужие на всяцем месте, воздеюще преподобныя руки без гнева и размышления: 054 1TI 002 009 такожде и жены во украшении лепотнем, со стыдением и целомудрием да украшают себе не в плетениих, ни златом, или бисерми, или ризами многоценными, 054 1TI 002 010 но, еже подобает женам обещавающымся благочестию, делы благими. 054 1TI 002 011 Жена в безмолвии да учится со всяким покорением: 054 1TI 002 012 жене же учити не повелеваю, ниже владети мужем, но быти в безмолвии. 054 1TI 002 013 Адам бо прежде создан бысть, потом же Ева: 054 1TI 002 014 и Адам не прельстися, жена же прельстившися, в преступлении бысть: 054 1TI 002 015 спасется же чадородия ради, аще пребудет в вере и любви и во святыни с целомудрием. 054 1TI 003 001 Верно слово: аще кто епископства хощет, добра дела желает. 054 1TI 003 002 Подобает убо епископу быти непорочну, единыя жены мужу, трезвену, целомудру, (благоговейну, ) честну, страннолюбиву, учителну, 054 1TI 003 003 не пиянице, не бийце, не сварливу, не мшелоимцу, но кротку, (не завистливу, ) не сребролюбцу, 054 1TI 003 004 свой дом добре правящу, чада имущу в послушании со всякою чистотою: 054 1TI 003 005 аще же кто своего дому не умеет правити, како о Церкви Божией прилежати возможет? 054 1TI 003 006 Не новокрещенну, да не разгордевся в суд впадет диаволь. 054 1TI 003 007 Подобает же ему и свидетелство добро имети от внешних, да не в поношение впадет и в сеть неприязнену. 054 1TI 003 008 Диаконом такожде чистым, не двоязычным, не вину многу внимающым, не скверностяжателным, 054 1TI 003 009 имущым таинство веры в чистей совести. 054 1TI 003 010 И сии убо да искушаются прежде, потом же да служат, непорочни суще. 054 1TI 003 011 Женам такожде чистым, не клеветивым, (не навадницам, ) трезвенным, верным во всем. 054 1TI 003 012 Диакони да бывают единыя жены мужие, чада добре правяще и своя домы: 054 1TI 003 013 ибо служившии добре степень себе добр снискают и многое дерзновение в вере, яже о Христе Иисусе. 054 1TI 003 014 Сия пишу тебе, уповая приити к тебе скоро: 054 1TI 003 015 аще же замедлю, да увеси, како подобает в дому Божии жити, яже есть Церковь Бога жива, столп и утверждение истины. 054 1TI 003 016 И исповедуемо велия есть благочестия тайна: Бог явися во плоти, оправдася в Дусе, показася Ангелом, проповедан бысть во языцех, веровася в мире, вознесеся во славе. 054 1TI 004 001 Дух же явственне глаголет, яко в последняя времена отступят нецыи от веры, внемлюще духовом лестчым и учением бесовским, 054 1TI 004 002 в лицемерии лжесловесник, сожженных своею совестию, 054 1TI 004 003 возбраняющих женитися, удалятися от брашен, яже Бог сотвори в снедение со благодарением верным и познавшым истину. 054 1TI 004 004 Зане всякое создание Божие добро, и ничтоже отметно, со благодарением приемлемо, 054 1TI 004 005 освящается бо словом Божиим и молитвою. 054 1TI 004 006 Сия вся сказуя братии, добр будеши служитель Иисуса Христа, питаемь словесы веры и добрым учением, емуже последовал еси. 054 1TI 004 007 Скверных же и бабиих басней отрицайся, обучай же себе ко благочестию: 054 1TI 004 008 телесное бо обучение вмале есть полезно, а благочестие на все полезно есть, обетование имеющее живота нынешняго и грядущаго. 054 1TI 004 009 Верно слово и всякаго приятия достойно. 054 1TI 004 010 На сие бо и труждаемся и поношаеми есмы, яко уповахом на Бога жива, Иже есть Спаситель всем человеком, паче же верным. 054 1TI 004 011 Завещавай сия и учи. 054 1TI 004 012 Никтоже о юности твоей да нерадит: но образ буди верным словом, житием, любовию, духом, верою, чистотою. 054 1TI 004 013 Дондеже прииду, внемли чтению, утешению, учению. 054 1TI 004 014 Не неради о своем даровании живущем в тебе, еже дано тебе бысть пророчеством с возложением рук священничества. 054 1TI 004 015 В сих поучайся, в сих пребывай, (в сих разумевай, ) да преспеяние твое явлено будет во всех. 054 1TI 004 016 Внимай себе и учению и пребывай в них: сия бо творя, и сам спасешися и послушающии тебе. 054 1TI 005 001 Старцу не твори пакости, но утешай якоже отца: юношы, якоже братию: 054 1TI 005 002 старицы, якоже матери: юныя, якоже сестры, со всякою чистотою. 054 1TI 005 003 Вдовицы чти сущыя истинныя вдовицы. 054 1TI 005 004 Аще же кая вдовица чада или внучата имать, да учатся прежде свой дом благочестиво устроити и взаем воздаяти родителем: сие бо есть благоугодно пред Богом. 054 1TI 005 005 А сущая истинная вдовица и уединена, уповает на Бога и пребывает в молитвах и молениих день и нощь: 054 1TI 005 006 питающаяся же пространно, жива умерла. 054 1TI 005 007 И сия завещавай, да непорочни будут. 054 1TI 005 008 Аще же кто о своих, паче же о присных не промышляет, веры отверглся есть и невернаго горший есть. 054 1TI 005 009 Вдовица же да причитается не менши лет шестидесятих, бывши единому мужу жена, 054 1TI 005 010 в делех добрых свидетелствуема, аще чада воспитала есть, аще святых нозе умы, аще странныя прият, аще скорбным утешение бысть, аще всякому делу благу последовала есть. 054 1TI 005 011 Юных же вдовиц отрицайся: егда бо разсвирепеют о Христе, посягати хотят, 054 1TI 005 012 имущыя грех, яко первыя веры отвергошася: 054 1TI 005 013 купно же и праздны учатся обходити домы, не точию же праздны, но и блядивы и оплазивы, глаголющыя, яже не подобает. 054 1TI 005 014 Хощу убо юным вдовицам посягати, чада раждати, дом строити, ни едины же вины даяти противному хулы ради: 054 1TI 005 015 се бо некия развратишася вслед сатаны. 054 1TI 005 016 Аще кто верен или верна имать вдовицы, да довлит их, и да не тяготится Церковь, да сущих истинных вдовиц удоволит. 054 1TI 005 017 Прилежащии же добре пресвитери сугубыя чести да сподобляются: паче же труждающиися в слове и учении. 054 1TI 005 018 Глаголет бо Писание: вола молотяща не обротиши: и: достоин делатель мзды своея. 054 1TI 005 019 На пресвитера хулы не приемли, разве при двою или триех свидетелех. 054 1TI 005 020 Согрешающих же пред всеми обличай, да и прочии страх имут. 054 1TI 005 021 Засвидетелствую пред Богом, и Господем Иисус Христом, и избранными (его) Ангелы, да сия сохраниши без лицемерия, ничесоже творя по уклонению. 054 1TI 005 022 Руки скоро не возлагай ни на когоже, ниже приобщайся чужым грехом: себе чиста соблюдай. 054 1TI 005 023 Ктому не пий воды, но мало вина приемли, стомаха ради твоего и частых твоих недугов. 054 1TI 005 024 Неких (же) человек греси предявлени суть, предваряюще на суд: неким же и последствуют. 054 1TI 005 025 Такожде и добрая дела предявлена суть: и сущая инако, утаитися не могут. 054 1TI 006 001 Елицы суть под игом раби, своих господий всякия чести да сподобляют, да имя Божие не хулится и учение. 054 1TI 006 002 Имущии же верных господий да не нерадят о них, понеже братия суть: но паче да работают, зане верни суть и возлюблени, иже благодать восприемлющии. Сия учи и моли. 054 1TI 006 003 Аще ли кто инако учит и не приступает к здравым словесем Господа нашего Иисуса Христа и учению, еже по благоверию, 054 1TI 006 004 разгордеся, ничтоже ведый, но недугуяй о стязаниих и словопрениих, от нихже бывает зависть, рвение, хулы, непщевания лукава, 054 1TI 006 005 беседы злыя растленных человеков умом и лишенных истины, непщующих приобретение быти благочестие. Отступай от таковых. 054 1TI 006 006 Есть же снискание велие благочестие с доволством. 054 1TI 006 007 Ничтоже бо внесохом в мир сей: яве, яко ниже изнести что можем. 054 1TI 006 008 Имеюще же пищу и одеяние, сими доволни будем. 054 1TI 006 009 А хотящии богатитися впадают в напасти и сеть, и в похоти многи несмысленны и вреждающыя, яже погружают человеки во всегубителство и погибель: 054 1TI 006 010 корень бо всем злым сребролюбие есть, егоже нецыи желающе заблудиша от веры, и себе пригвоздиша болезнем многим. 054 1TI 006 011 Ты же, о, человече Божий, сих бегай: гони же правду, благочестие, веру, любовь, терпение, кротость: 054 1TI 006 012 подвизайся добрым подвигом веры, емлися за вечную жизнь, в нюже и зван был еси, и исповедал еси доброе исповедание пред многими свидетели. 054 1TI 006 013 Завещаваю ти пред Богом оживляющим всяческая, и Христом Иисусом свидетелствовавшим при Понтийстем Пилате доброе исповедание: 054 1TI 006 014 соблюсти тебе заповедь нескверну и незазорну, даже до явления Господа нашего Иисуса Христа, 054 1TI 006 015 еже во своя времена явит блаженный и един сильный, Царь царствующих и Господь господствующих, 054 1TI 006 016 един имеяй безсмертие и во свете живый неприступнем, Егоже никтоже видел есть от человек, ниже видети может: емуже честь и держава вечная. Аминь. 054 1TI 006 017 Богатым в нынешнем веце запрещай не высокомудрствовати, ниже уповати на богатство погибающее, но на Бога жива, дающаго нам вся обилно в наслаждение: 054 1TI 006 018 благое делати, богатитися в делех добрых, благоподатливым быти, общителным, 054 1TI 006 019 сокровищующе себе основание добро в будущее, да приимут вечную жизнь. 054 1TI 006 020 О, Тимофее, предание сохрани, уклоняяся скверных суесловий и прекословий лжеименнаго разума: 054 1TI 006 021 о немже нецыи хвалящеся, о вере погрешиша. Благодать с тобою. Аминь. # # BOOK 055 2TI 2 Timothy Второе послание к Тимофею 055 2TI 001 001 Павел, Апостол Иисус Христов волею Божиею, по обетованию жизни, яже о Христе Иисусе, 055 2TI 001 002 Тимофею возлюбленному чаду: благодать, милость, мир от Бога Отца и Христа Иисуса Господа нашего. 055 2TI 001 003 Благодарю Бога, Емуже служу от прародителей чистою совестию, яко непрестанную имам о тебе память в молитвах моих день и нощь, 055 2TI 001 004 желая видети тя, поминая слезы твоя, да радости исполнюся, 055 2TI 001 005 воспоминание приемля о сущей в тебе нелицемерней вере, яже вселися прежде в бабу твою Лоиду и в матерь твою Евникию: известен же есмь, яко и в тебе. 055 2TI 001 006 Еяже ради вины воспоминаю тебе возгревати дар Божий живущий в тебе возложением руку моею: 055 2TI 001 007 не бо даде нам Бог духа страха, но силы и любве и целомудрия. 055 2TI 001 008 Не постыдися убо страстию Господа нашего Иисуса Христа, ни мною юзником Его: но спостражди благовествованию (Христову) по силе Бога, 055 2TI 001 009 спасшаго нас и призвавшаго званием святым, не по делом нашым, но по Своему благоволению и благодати данней нам о Христе Иисусе прежде лет вечных, 055 2TI 001 010 явльшейся же ныне просвещением Спасителя нашего Иисуса Христа, разрушившаго убо смерть и возсиявшаго жизнь и нетление благовествованием, 055 2TI 001 011 в неже поставлен бых аз проповедник и Апостол и учитель языков. 055 2TI 001 012 Еяже ради вины и сия стражду: но не стыждуся. Вем бо, Емуже веровах, и известихся, яко силен есть предание мое сохранити в день он. 055 2TI 001 013 Образ имей здравых словес, ихже от мене слышал еси, в вере и любви, яже о Христе Иисусе. 055 2TI 001 014 Доброе завещание соблюди Духом Святым живущим в нас. 055 2TI 001 015 Веси ли сие, яко отвратишася от мене вси, иже от Асии, от нихже есть Фигелл и Ермоген. 055 2TI 001 016 Да даст (же) милость Господь Онисифорову дому, яко многажды мя упокои и вериг моих не постыдеся, 055 2TI 001 017 но пришед в Рим, тощнее взыска мя и обрете: 055 2TI 001 018 да даст ему Господь обрести милость от Господа в день он: и елико во Ефесе послужи ми, добрее ты веси. 055 2TI 002 001 Ты убо, чадо мое, возмогай во благодати, яже о Христе Иисусе, 055 2TI 002 002 и яже слышал еси от мене многими свидетели, сия предаждь верным человеком, иже доволни будут и иных научити. 055 2TI 002 003 Ты убо злопостражди яко добр воин Иисус Христов. 055 2TI 002 004 Никтоже (бо) воин бывая обязуется куплями житейскими, да воеводе угоден будет. 055 2TI 002 005 Аще же и постраждет кто, не венчается, аще не законно мучен будет. 055 2TI 002 006 Труждающемуся делателю прежде подобает от плода вкусити. 055 2TI 002 007 Разумей, яже глаголю: да даст убо тебе Господь разум о всем. 055 2TI 002 008 Поминай (Господа) Иисуса Христа воставшаго от мертвых, от семене Давидова, по благовествованию моему, 055 2TI 002 009 в немже злостражду даже до уз, яко злодей: но слово Божие не вяжется. 055 2TI 002 010 Сего ради вся терплю избранных ради, да и тии спасение улучат еже о Христе Иисусе, со славою вечною. 055 2TI 002 011 Верно слово: аще бо с Ним умрохом, то с Ним и оживем: 055 2TI 002 012 аще терпим, с Ним и воцаримся: аще отвержемся, и Той отвержется нас: 055 2TI 002 013 аще не веруем, Он верен пребывает: отрещися бо Себе не может. 055 2TI 002 014 Сия воспоминай, засвидетелствуя пред Господем, не словопретися, ни на куюже потребу, на разорение слышащих. 055 2TI 002 015 Потщися себе искусна поставити пред Богом, делателя непостыдна, право правяща слово истины. 055 2TI 002 016 Скверных же тщегласий отметайся: наипаче бо преспеют в нечестие, 055 2TI 002 017 и слово их яко гаггрена жир обрящет: от нихже есть Именей и Филит, 055 2TI 002 018 иже о истине погрешиста, глаголюща, яко воскресение уже бысть: и возмущают некоторых веру. 055 2TI 002 019 Твердое убо основание Божие стоит, имущее печать сию: позна Господь сущыя Своя, и: да отступит от неправды всяк именуяй имя Господне. 055 2TI 002 020 В велицем же дому не точию сосуди злати и сребряни суть, но и древяни и глиняни: и ови убо в честь, ови же не в честь. 055 2TI 002 021 Аще убо кто очистит себе от сих, будет сосуд в честь, освящен и благопотребен Владыце, на всякое дело благое уготован. 055 2TI 002 022 Похотей юных бегай, держися же правды, веры, любве, мира со всеми призывающими Господа от чистаго сердца. 055 2TI 002 023 Буих же и ненаказанных стязаний отрицайся, ведый, яко раждают свары: 055 2TI 002 024 рабу же Господню не подобает сваритися, но тиху быти ко всем, учителну, незлобиву, 055 2TI 002 025 с кротостию наказующу противныя, еда како даст им Бог покаяние в разум истины, 055 2TI 002 026 и возникнут от диаволския сети, живи уловлени от него в свою его волю. 055 2TI 003 001 Сие же веждь, яко в последния дни настанут времена люта. 055 2TI 003 002 Будут бо человецы самолюбцы, сребролюбцы, величави, горди, хулницы, родителем противящиися, неблагодарни, неправедни, нелюбовни, 055 2TI 003 003 непримирителни, (продерзиви, возносливи, прелагатае, ) клеветницы, невоздержницы, некротцы, неблаголюбцы, 055 2TI 003 004 предателе, нагли, напыщени, сластолюбцы паче нежели боголюбцы, 055 2TI 003 005 имущии образ благочестия, силы же его отвергшиися. И сих отвращайся. 055 2TI 003 006 От сих бо суть поныряющии в домы и пленяющии женишца отягощенныя грехами, водимыя похотьми различными, 055 2TI 003 007 всегда учащяся и николиже в разум истины приити могущыя. 055 2TI 003 008 Якоже Ианний и Иамврий противистася Моисею, такожде и сии противляются истине, человецы растленни умом (и) неискусни о вере. 055 2TI 003 009 Но не преуспеют более: безумие бо их явлено будет всем, якоже и онех бысть. 055 2TI 003 010 Ты же последовал еси моему учению, житию, привету, вере, долготерпению, любви, терпению, 055 2TI 003 011 изгнанием, страданием, якова ми быша во Антиохии, (и) во Иконии, (и) в Листрех: якова изгнания приях, и от всех мя избавил есть Господь. 055 2TI 003 012 И вси же хотящии благочестно жити о Христе Иисусе, гоними будут: 055 2TI 003 013 лукавии же человецы и чародее преупеют на горшее, прельщающе и прельщаеми. 055 2TI 003 014 Ты же пребывай в нихже научен еси и яже вверена суть тебе, ведый, от кого научился еси: 055 2TI 003 015 и яко измлада священная писания умееши, могущая тя умудрити во спасение верою, яже о Христе Иисусе. 055 2TI 003 016 Всяко Писание богодухновенно и полезно (есть) ко учению, ко обличению, ко исправлению, к наказанию еже в правде, 055 2TI 003 017 да совершен будет Божий человек, на всякое дело благое уготован. 055 2TI 004 001 Засвидетелствую убо аз пред Богом и Господем нашим Иисус Христом, хотящим судити живым и мертвым в явлении Его и Царствии Его: 055 2TI 004 002 проповедуй слово, настой благовременне и безвременне, обличи, запрети, умоли со всяким долготерпением и учением. 055 2TI 004 003 Будет бо время, егда здраваго учения не послушают, но по своих похотех изберут себе учители, чешеми слухом: 055 2TI 004 004 и от истины слух отвратят, и к баснем уклонятся. 055 2TI 004 005 Ты же трезвися о всем, злопостражди, дело сотвори благовестника, служение твое известно сотвори. 055 2TI 004 006 Аз бо уже жрен бываю, и время моего отшествия наста: 055 2TI 004 007 подвигом добрым подвизахся, течение скончах, веру соблюдох: 055 2TI 004 008 прочее убо соблюдается мне венец правды, егоже воздаст ми Господь в день он, праведный Судия: не токмо же мне, но и всем возлюбльшым явление Его. 055 2TI 004 009 Потщися скоро приити ко мне. 055 2TI 004 010 Димас бо мене остави, возлюбив нынешний век, и иде в Солунь: Крискент в Галатию, Тит в Далматию: Лука един есть со мною. 055 2TI 004 011 Марка поемь приведи с собою, есть бо ми благопотребен в службу. 055 2TI 004 012 Тихика же послах во Ефес. 055 2TI 004 013 Фелон, егоже оставих в Троаде у Карпа, грядый принеси, и книги, паче же кожаныя. 055 2TI 004 014 Александр ковачь многа ми зла сотвори: да воздаст ему Господь по делом его: 055 2TI 004 015 от негоже и ты себе блюди, зело бо противится словесем нашым. 055 2TI 004 016 В первый мой ответ никтоже бысть со мною, но вси мя оставиша: да не вменится им. 055 2TI 004 017 Господь же мне предста и укрепи мя, да мною проповедание известно будет, и услышат вси языцы: и избавлен бых от уст львов. 055 2TI 004 018 И избавит мя Господь от всякаго дела лукава и спасет во Царствие Свое Небесное: Емуже слава во веки веков. Аминь. 055 2TI 004 019 Целуй Прискиллу и Акилу и Онисифоров дом. 055 2TI 004 020 Ераст оста в Коринфе: Трофима же оставих в Милите боляща. 055 2TI 004 021 Потщися прежде зимы приити. Целует тя Еввул и Пуд, и Лин и Клавдиа и братия вся. 055 2TI 004 022 Господь Иисус Христос со духом твоим. Благодать с вами. Аминь. # # BOOK 056 TIT Titus Послание к Титу 056 TIT 001 001 Павел, раб Божий, Апостол же Иисус Христов, по вере избранных Божиих и разуму истины, яже по благочестию, 056 TIT 001 002 о уповании жизни вечныя, юже обетова неложный Бог прежде лет вечных, 056 TIT 001 003 яви же во времена своя слово Свое проповеданием, еже мне поручено бысть по повелению Спасителя нашего Бога: 056 TIT 001 004 Титу, присному чаду по общей вере: благодать, милость, мир от Бога Отца и Господа Иисуса Христа Спаса нашего. 056 TIT 001 005 Сего ради оставих тя в Крите, да недокончанная исправиши и устроиши по всем градом пресвитеры, якоже тебе аз повелех: 056 TIT 001 006 аще кто есть непорочен, единыя жены муж, чада имый верна, не во укорении блуда, или непокорива. 056 TIT 001 007 Подобает бо епископу без порока быти, якоже Божию строителю: не себе угождающу, (не дерзу, не напрасливу, ) не гневливу, не пиянице, не биице, не скверностяжательну, 056 TIT 001 008 но страннолюбиву, благолюбцу, целомудренну, праведну, преподобну, воздержателну, 056 TIT 001 009 держащемуся вернаго словесе по учению, да силен будет и утешати во здравем учении, и противящыяся обличати. 056 TIT 001 010 Суть бо мнози непокориви, суесловцы и умом прельщени, наипаче же сущии от обрезания, 056 TIT 001 011 ихже подобает уста заграждати: иже вся домы развращают, учаще яже не подобает, сквернаго ради прибытка. 056 TIT 001 012 Рече же некто от них, свой им пророк: Критяне присно лживи, злии зверие, утробы праздныя. 056 TIT 001 013 Свидетельство сие истинно есть. Еяже ради вины обличай их нещадно, да здрави будут в вере, 056 TIT 001 014 не внимающе Иудейским баснем, ни заповедем человек отвращающихся от истины. 056 TIT 001 015 Вся убо чиста чистым: оскверненым же и неверным ничтоже чисто, но осквернися их и ум и совесть. 056 TIT 001 016 Бога исповедуют ведети, а делы отмещутся Его, мерзцы суще и непокориви и на всякое дело благое неискусни. 056 TIT 002 001 Ты же глаголи, яже подобает здравому учению: 056 TIT 002 002 старцем трезвенным быти, честным, целомудренным, здравствующым верою, любовию, терпением: 056 TIT 002 003 старицам такожде во украшении святолепным, не клеветивым, не вину многу порабощенным, доброучителным, 056 TIT 002 004 да уцеломудрят юныя, мужелюбицам быти, чадолюбицам, 056 TIT 002 005 целомудренным, чистым, домы добре правящым, благим, покаряющымся своим мужем, да не слово Божие хулится: 056 TIT 002 006 юношы такожде моли целомудрствовати. 056 TIT 002 007 О всем (же) сам себе подавая образ добрых дел, во учении независтное, честность, нетление, 056 TIT 002 008 слово здравое, незазорное. Да противный посрамится, ничтоже имея глаголати о нас укорно. 056 TIT 002 009 Рабы, своим господем повиноватися, во всем благоугодным быти, не прекословным, 056 TIT 002 010 не крадущым, но веру всяку являющым благу. Да учение Спасителя нашего Бога украшают во всем. 056 TIT 002 011 Явися бо благодать Божия спасителная всем человеком, 056 TIT 002 012 наказующи нас, да отвергшеся нечестия и мирских похотей, целомудренно и праведно и благочестно поживем в нынешнем веце, 056 TIT 002 013 ждуще блаженнаго упования и явления славы великаго Бога и Спаса нашего Иисуса Христа, 056 TIT 002 014 Иже дал есть Себе за ны, да избавит ны от всякаго беззакония и очестит Себе люди избранны, ревнители добрым делом. 056 TIT 002 015 Сия глаголи, и моли, и обличай со всяким повелением. Да никтоже тя преобидит. 056 TIT 003 001 Воспоминай тем началствующым и владеющым повиноватися и покарятися, и ко всякому делу благу готовым быти: 056 TIT 003 002 ни единаго хулити, не сварливым быти, но тихим, всяку являющым кротость ко всем человеком. 056 TIT 003 003 Бехом бо иногда и мы несмысленни, и непокориви, и прельщени, работающе похотем и сластем различным, в злобе и зависти живуще, мерзцы (суще и) ненавидяще друг друга. 056 TIT 003 004 Егда же благодать и человеколюбие явися Спаса нашего Бога, 056 TIT 003 005 не от дел праведных, ихже сотворихом мы, но по Своей Его милости, спасе нас банею пакибытия и обновления Духа Святаго, 056 TIT 003 006 Егоже излия на нас обилно Иисус Христом, Спасителем нашим, 056 TIT 003 007 да оправдившеся благодатию Его, наследницы будем по упованию жизни вечныя. 056 TIT 003 008 (Чадо Тите, ) верно слово, и о сих хощу тя извещати, да пекутся добрым делом прилежати веровавшии Богу: сия суть полезна человеком и добра. 056 TIT 003 009 Буих же стязаний и родословий и рвений и сваров законных отступай: суть бо неполезны и суетны. 056 TIT 003 010 Еретика человека по первом и вторем наказании отрицайся, 056 TIT 003 011 ведый, яко развратися таковый, и согрешает, и есть самоосужден. 056 TIT 003 012 Егда послю Артему к тебе или Тихика, потщися приити ко мне в Никополь: тамо бо судих озимети. 056 TIT 003 013 Зину законника и Аполлоса скоро предпосли, и да ничтоже им скудно будет. 056 TIT 003 014 Да учатся же и наши добрым делом прилежати в нужная требования, да не будут безплодни. 056 TIT 003 015 Целуют тя со мною сущии вси. Целуй любящыя ны в вере. Благодать со всеми вами. Аминь. # # BOOK 057 PHM Philemon Послание к Филимону 057 PHM 001 001 Павел юзник Иисус Христов, и Тимофей брат, Филимону возлюбленному и споспешнику нашему, 057 PHM 001 002 и Апфии сестре возлюбленнеи, и Архиппу совоинственнику нашему, и домашней твоей церкви: 057 PHM 001 003 благодать вам и мир от Бога Отца нашего, и Господа Иисуса Христа. 057 PHM 001 004 Благодарю Бога моего, всегда память о тебе творя в молитвах моих, 057 PHM 001 005 слышав любовь твою и веру, юже имаши ко Господу Иисусу и ко всем святым. 057 PHM 001 006 Яко да общение твоея веры действенно будет в разуме всякаго блага, еже в вас, о Христе Иисусе. 057 PHM 001 007 Радость бо имам многу и утешение о любви твоей, яко утробы святых почиша тобою, брате. 057 PHM 001 008 Сего ради многое дерзновение имея во Христе повелевати тебе, еже потребно есть, 057 PHM 001 009 любве же ради паче молю, таков сый якоже Павел старец, ныне же и узник Иисуса Христа: 057 PHM 001 010 молю тя о моем чаде, егоже родих во узах моих Онисима, 057 PHM 001 011 иногда тебе непотребнаго, ныне же тебе и мне благопотребна, егоже возпослах тебе, 057 PHM 001 012 ты же его, сиречь мою утробу, приими. 057 PHM 001 013 Егоже аз хотех у себе держати, да вместо тебе послужит ми во узах благовествования: 057 PHM 001 014 без твоея же воли ничтоже восхотех сотворити, да не аки по нужди благое твое будет, но по воли. 057 PHM 001 015 Негли бо ради сего разлучися на час, да вечна того приимеши, 057 PHM 001 016 не ктому аки раба, но выше раба, брата возлюбленна, паче же мне, кольми же паче тебе, и по плоти и о Господе. 057 PHM 001 017 Аще убо имаши мене общника, приими сего якоже мене. 057 PHM 001 018 Аще же в чесом обиде тебе, или должен есть, мне сие вмени. 057 PHM 001 019 Аз Павел написах рукою моею: аз воздам: да не реку тебе, яко и сам себе ми еси должен. 057 PHM 001 020 Ей, брате, аз да получу еже прошу у тебе о Господе: упокой мою утробу о Господе. 057 PHM 001 021 Надеявся на послушание твое написах тебе, ведый, яко и паче, еже глаголю, сотвориши. 057 PHM 001 022 Купно же и уготови ми обитель: уповаю бо, яко молитвами вашими дарован буду вам. 057 PHM 001 023 Целует тя Епафрас, спленник мой о Христе Иисусе, 057 PHM 001 024 Марко, Аристарх, Димас, Лука, споспешницы мои. 057 PHM 001 025 Благодать Господа нашего Иисуса Христа со духом вашим. Аминь. # # BOOK 058 HEB Hebrews Послание к Евреям 058 HEB 001 001 Многочастне и многообразне древле Бог глаголавый отцем во пророцех, 058 HEB 001 002 в последок дний сих глагола нам в Сыне, Егоже положи наследника всем, Имже и веки сотвори. 058 HEB 001 003 Иже сый сияние славы и образ ипостаси Его, нося же всяческая глаголголом силы Своея, Собою очищение сотворив грехов наших, седе о десную престола величествия на высоких, 058 HEB 001 004 толико лучший быв Ангелов, елико преславнее паче их наследствова имя. 058 HEB 001 005 Кому бо рече когда от Ангел: Сын Мой еси Ты, Аз днесь родих Тя? И паки: Аз буду Ему во Отца, и Той будет Мне в Сына? 058 HEB 001 006 Егда же паки вводит Первороднаго во вселенную, глаголет: и да поклонятся Ему вси Ангели Божии. 058 HEB 001 007 И ко Ангелом убо глаголет: творяй Ангелы Своя духи и слуги Своя огнь палящь. 058 HEB 001 008 К Сыну же: престол Твой, Боже, в век века: жезл правости жезл Царствия Твоего: 058 HEB 001 009 возлюбил еси правду и возненавидел еси беззаконие: сего ради помаза Тя, Боже, Бог Твой елеем радости паче причастник Твоих. 058 HEB 001 010 И (паки): в начале Ты, Господи, землю основал еси, и дела руку Твоею суть небеса: 058 HEB 001 011 та погибнут, Ты же пребываеши: и вся, якоже риза, обетшают, 058 HEB 001 012 и яко одежду свиеши их, и изменятся: Ты же тойжде еси, и лета Твоя не оскудеют. 058 HEB 001 013 Кому же от Ангел рече когда: седи о десную Мене, дондеже положу враги Твоя подножие ног Твоих? 058 HEB 001 014 Не вси ли суть служебнии дуси, в служение посылаеми за хотящих наследовати спасение? 058 HEB 002 001 Сего ради подобает нам лишше внимати слышанным, да не когда отпадем. 058 HEB 002 002 Аще бо глаголанное Ангелы слово бысть известно, и всяко преступление и ослушание праведное прият мздовоздаяние: 058 HEB 002 003 како мы убежим, о толицем нерадивше спасении, еже зачало приемь глаголатися от Господа, слышавшими в нас известися, 058 HEB 002 004 сосвидетелствующу Богу знаменьми же и чудесы, и различными силами, и Духа Святаго разделеньми, по Своей Ему воли? 058 HEB 002 005 Не Ангелом бо покори Бог вселенную грядущую, о нейже глаголем: 058 HEB 002 006 засвидетелствова же негде некто, глаголя: что есть человек, яко помниши его? Или сын человеческий, яко посещаеши и? 058 HEB 002 007 Умалил еси его малым нечим от Ангел: славою и честию венчал еси его и поставил еси его над делы руку Твоею, 058 HEB 002 008 вся покорил еси под нозе его. Внегда же покорити ему всяческая, ничтоже остави ему непокорено. Ныне же не у видим ему всяческая покорена: 058 HEB 002 009 а умаленаго малым чим от Ангел видим Иисуса, за приятие смерти славою и честию венчанна, яко да благодатию Божиею за всех вкусит смерти. 058 HEB 002 010 Подобаше бо ему, Егоже ради всяческая и Имже всяческая, приведшу многи сыны в славу, началника спасения их страданьми совершити. 058 HEB 002 011 И святяй бо и освящаемии, от Единаго вси: еяже ради вины не стыдится братию нарицати их, глаголя: 058 HEB 002 012 возвещу имя Твое братии Моей, посреде церкве воспою Тя. 058 HEB 002 013 И паки: Аз буду надеяся Нань. И паки: се, Аз и дети, яже Ми дал есть Бог. 058 HEB 002 014 Понеже убо дети приобщишася плоти и крови, и Той приискренне приобщися техже, да смертию упразднит имущаго державу смерти, сиречь диавола, 058 HEB 002 015 и избавит сих, елицы страхом смерти чрез все житие повинни беша работе. 058 HEB 002 016 Не от Ангел бо когда приемлет, но от семене Авраамова приемлет: 058 HEB 002 017 отнюдуже должен бе по всему подобитися братии, да милостив будет и верен первосвященник в тех, яже к Богу, во еже очестити грехи людския. 058 HEB 002 018 В немже бо пострада, Сам искушен быв, может и искушаемым помощи. 058 HEB 003 001 Темже, братие святая, звания небеснаго причастницы, разумейте Посланника и Святителя исповедания нашего Иисуса Христа, 058 HEB 003 002 верна суща Сотворшему Его, якоже и Моисей во всем дому Его. 058 HEB 003 003 Множайшей бо славе Сей паче Моисеа сподобися, елико множайшую честь имать паче дому сотворивый его: 058 HEB 003 004 всяк бо дом созидается от некоего: а сотворивый всяческая Бог. 058 HEB 003 005 И Моисей убо верен бе во всем дому Его, якоже слуга, во свидетелство глаголатися имевшым: 058 HEB 003 006 Христос же якоже Сын в дому Своем: Егоже дом мы есмы, аще дерзновение и похвалу упования даже до конца известно удержим. 058 HEB 003 007 Темже, якоже глаголет Дух Святый, днесь, аще глас Его услышите, 058 HEB 003 008 не ожесточите сердец ваших, якоже в прогневании, во дни искушения в пустыни, 058 HEB 003 009 идеже искусиша Мя отцы ваши, искусиша Мя и видеша дела Моя четыредесять лет. 058 HEB 003 010 Сего ради негодовах рода того и рех: присно заблуждают сердцем, тии же не познаша путий Моих: 058 HEB 003 011 яко кляхся во гневе Моем, аще внидут в покой Мой. 058 HEB 003 012 Блюдите, братие, да не когда будет в некоем от вас сердце лукаво, (исполнено) неверия, во еже отступити от Бога жива. 058 HEB 003 013 Но утешайте себе на всяк день дондеже днесь нарицается, да не ожесточится некто от вас лестию греховною: 058 HEB 003 014 причастницы бо быхом Христу, аще точию начаток состава даже до конца известен удержим: 058 HEB 003 015 внегда глаголет: днесь, аще глас Его услышите, не ожесточите сердец ваших, якоже в прогневании. 058 HEB 003 016 Нецыи бо слышавше прогневаша, но не вси изшедшии из Египта с Моисеом. 058 HEB 003 017 Коих же негодова четыредесять лет? Не согрешивших ли, ихже кости падоша в пустыни? 058 HEB 003 018 Которым же клялся не внити в покоище Его? Яве, яко противльшымся. 058 HEB 003 019 И видим, яко не возмогоша внити за неверствие. 058 HEB 004 001 Да убоимся убо, да не когда оставлену обетованию внити в покой Его, явится кто от вас лишився. 058 HEB 004 002 Ибо нам благовествовано есть, якоже и онем: но не пользова онех слово слуха, не растворенное верою слышавших. 058 HEB 004 003 Входим бо в покой веровавшии, якоже рече: яко кляхся во гневе Моем, аще внидут в покой Мой: аще и делом от сложения мира бывшым. 058 HEB 004 004 Рече бо негде о седмем сице: и почи Бог в день седмый от всех дел Своих. 058 HEB 004 005 И в сем паки: аще внидут в покой Мой. 058 HEB 004 006 Понеже убо лишени нецыи внити в него, и имже прежде благовествовано бе, не внидоша за непослушание: 058 HEB 004 007 паки некий уставляет день, днесь, в Давиде глаголя, по толицех летех, якоже прежде глаголася: днесь, аще глас Его услышите, не ожесточите сердец ваших. 058 HEB 004 008 Аще бо бы онех Иисус упокоил, не бы о инем дни глаголал по сих. 058 HEB 004 009 Убо оставлено есть (и еще) субботство людем Божиим: 058 HEB 004 010 вшедый бо в покой Его, и той почи от дел своих, якоже от Своих Бог. 058 HEB 004 011 Потщимся убо внити во оный покой, да не кто в ту же притчу противления впадет. 058 HEB 004 012 Живо бо слово Божие и действенно, и острейше паче всякаго меча обоюду остра, и проходящее даже до разделения души же и духа, членов же и мозгов, и судително помышлением и мыслем сердечным. 058 HEB 004 013 И несть тварь неявлена пред Ним, вся же нага и объявлена пред очима Его, к Немуже нам слово. 058 HEB 004 014 Имуще убо Архиереа велика, прошедшаго небеса, Иисуса Сына Божия, да держимся исповедания. 058 HEB 004 015 Не имамы бо архиереа не могуща спострадати немощем нашым, но искушена по всяческим по подобию, разве греха. 058 HEB 004 016 Да приступаем убо с дерзновением к престолу благодати, да приимем милость и благодать обрящем во благовременну помощь. 058 HEB 005 001 Всяк бо первосвященник, от человек приемлемь, за человеки поставляется на службы яже к Богу, да приносит дары же и жертвы о гресех, 058 HEB 005 002 спострадати могий невежствующым и заблуждающым, понеже и той немощию обложен есть: 058 HEB 005 003 и сего ради должен есть якоже о людех, такожде и о себе приносити за грехи. 058 HEB 005 004 И никтоже сам себе приемлет честь, но званный от Бога, якоже и Аарон. 058 HEB 005 005 Тако и Христос не Себе прослави быти первосвященника, но Глаголавый к Нему: Сын Мой еси Ты, Аз днесь родих Тя: 058 HEB 005 006 якоже и инде глаголет: Ты еси священник во век по чину Мелхиседекову. 058 HEB 005 007 Иже во днех плоти Своея моления же и молитвы к Могущему спасти Его от смерти с воплем крепким и со слезами принес, и услышан быв от благоговеинства, 058 HEB 005 008 аще и Сын бяше, обаче навыче от сих, яже пострада, послушанию, 058 HEB 005 009 и совершився бысть всем послушающым Его виновен спасения вечнаго, 058 HEB 005 010 наречен от Бога Первосвященник по чину Мелхиседекову. 058 HEB 005 011 О немже многое нам слово и неудобь сказаемое глаголати, понеже немощни бысте слухи. 058 HEB 005 012 Ибо, должни суще быти учителие лет ради, паки требуете учитися, кая писмена начала словес Божиих: и бысте требующе млека, а не крепкия пищи. 058 HEB 005 013 Всяк бо причащаяйся млека неискусен слова правды, младенец бо есть: 058 HEB 005 014 совершенных же есть твердая пища, имущих чувствия обучена долгим учением в разсуждение добра же и зла. 058 HEB 006 001 Темже оставльше начала Христова слово, на совершение да ведемся, не паки основание покаяния полагающе от мертвых дел, и веры в Бога, 058 HEB 006 002 крещений учения, возложения же рук, воскресения же мертвых и суда вечнаго. 058 HEB 006 003 И сие сотворим, аще Бог повелит. 058 HEB 006 004 Невозможно бо просвещенных единою и вкусивших дара небеснаго, и причастников бывших Духа Святаго, 058 HEB 006 005 и добраго вкусивших Божия глаголгола и силы грядущаго века, 058 HEB 006 006 и отпадших, паки обновляти в покаяние, второе распинающих Сына Божия себе и обличающих. 058 HEB 006 007 Земля бо пившая сходящий на ню множицею дождь и раждающая былия добрая оным, имиже и делаема бывает, приемлет благословение от Бога: 058 HEB 006 008 а износящая терния и волчец непотребна есть и клятвы близ, еяже кончина в пожжение. 058 HEB 006 009 Надеемся же о вас, возлюбленнии, лучших и придержащихся спасения, аще и тако глаголем. 058 HEB 006 010 Не обидлив бо Бог, забыти дела вашего и труда любве, юже показасте во имя Его, послуживше святым и служаще. 058 HEB 006 011 Желаем же, да кийждо вас являет тожде тщание ко извещению упования даже до конца, 058 HEB 006 012 да не лениви будете, но подражателе наследствующих обетования верою и долготерпением. 058 HEB 006 013 Аврааму бо обетовая Бог, понеже ни единем имяше болшим клятися, клятся Собою, 058 HEB 006 014 глаголя: воистинну благословя благословлю тя и умножая умножу тя. 058 HEB 006 015 И тако долготерпев, получи обетование. 058 HEB 006 016 Человецы бо болшим кленутся, и всякому их прекословию кончина во извещение клятва (есть). 058 HEB 006 017 В немже лишше хотя Бог показати наследником обетования непреложное совета Своего, ходатайствова клятвою: 058 HEB 006 018 да двема вещьми непреложными, в нихже невозможно солгати Богу, крепкое утешение имамы прибегшии ятися за предлежащее упование, 058 HEB 006 019 еже аки котву имамы души, тверду же и известну, и входящую во внутреннейшее завесы, 058 HEB 006 020 идеже предтеча о нас вниде Иисус, по чину Мелхиседекову Первосвященник быв во веки. 058 HEB 007 001 Сей бо Мелхиседек, царь Салимский, священник Бога Вышняго, иже срете Авраама возвращшася от сеча царей и благослови его, 058 HEB 007 002 емуже и десятину от всех отдели Авраам, первее убо сказуется царь правды, потом же царь Салимский, еже есть, царь мира, 058 HEB 007 003 без отца, без матере, без причта рода, ни начала днем, ни животу конца имея, уподоблен же Сыну Божию, пребывает священник выну. 058 HEB 007 004 Видите же, елик сей, емуже и десятину дал есть Авраам патриарх от избранных. 058 HEB 007 005 И приемлющии убо священство от сынов Левиин заповедь имут одесятствовати люди по закону, сиречь, братию свою, аще и от чресл Авраамовых изшедшую: 058 HEB 007 006 не причитаемый же родом к ним, одесятствова Авраама и имущаго обетования благослови: 058 HEB 007 007 без всякаго же прекословия меншее от болшаго благословляется. 058 HEB 007 008 И зде убо десятины человецы умирающии приемлют: тамо же свидетелствуемый, яко жив есть. 058 HEB 007 009 И да сице реку, Авраамом и Левий, приемляй десятины, десятины дал есть: 058 HEB 007 010 еще бо в чреслех отчиих бяше, егда срете его Мелхиседек. 058 HEB 007 011 Аще убо совершенство левитским священством было, людие бо на нем взаконени быша: кая еще потреба по чину Мелхиседекову иному востати священнику, а не по чину Ааронову глаголатися? 058 HEB 007 012 Прелагаему бо священству, по нужди и закону пременение бывает. 058 HEB 007 013 О Немже бо глаголются сия, колену иному причастися, от негоже никтоже приступи ко олтарю: 058 HEB 007 014 яве бо, яко от колена Иудова возсия Господь наш, о немже колене Моисей о священстве ничесоже глагола. 058 HEB 007 015 И лишше еще яве есть, яко по подобию Мелхиседекову востает Священник ин, 058 HEB 007 016 Иже не по закону заповеди плотския бысть, но по силе живота неразрушаемаго. 058 HEB 007 017 Свидетелствует бо, яко Ты еси священник во век по чину Мелхиседекову. 058 HEB 007 018 Отлагание убо бывает прежде бывшия заповеди за немощное ея и неполезное: 058 HEB 007 019 ничтоже бо совершил закон: привведение же есть лучшему упованию, имже приближаемся к Богу. 058 HEB 007 020 И по елику не без клятвы: 058 HEB 007 021 они бо без клятвы священницы быша, Сей же с клятвою чрез глаголющаго к Нему: клятся Господь и не раскается: Ты еси священник во век по чину Мелхиседекову: 058 HEB 007 022 по толику лучшаго завета бысть испоручник Иисус. 058 HEB 007 023 И они множайши священницы быша, зане смертию возбранени суть пребывати: 058 HEB 007 024 Сей же, занеже пребывает во веки, непреступное имать священство, 058 HEB 007 025 темже и спасти до конца может приходящих чрез Него к Богу, всегда жив сый, во еже ходатайствовати о них. 058 HEB 007 026 Таков бо нам подобаше Архиерей: преподобен, незлобив, безсквернен, отлучен от грешник и вышше небес бывый, 058 HEB 007 027 Иже не имать по вся дни нужды, якоже первосвященницы, прежде о своих гресех жертвы приносити, потом же о людских: сие бо сотвори единою, Себе принес. 058 HEB 007 028 Закон бо человеки поставляет первосвященники, имущыя немощь: слово же клятвенное, еже по законе, Сына во веки совершенна. 058 HEB 008 001 Глава же о глаголемых: такова имамы Первосвященника, Иже седе о десную престола величествия на небесех, 058 HEB 008 002 святым служитель и скинии истинней, юже водрузи Господь, а не человек. 058 HEB 008 003 Всяк бо первосвященник, во еже приносити дары же и жертвы, поставляемь бывает: темже потреба имети что и Сему, еже принесет. 058 HEB 008 004 Аще бы бо был на земли, не бы был священник, сущым священником приносящым по закону дары, 058 HEB 008 005 иже образу и стени служат небесных, якоже глаголано бысть Моисею, хотящу сотворити скинию: виждь бо, рече, сотвориши вся по образу показанному ти на горе. 058 HEB 008 006 Ныне же лучшее улучи служение, по елику и лучшаго завета есть ходатай, иже на лучших обетованиих узаконися. 058 HEB 008 007 Аще бо бы первый он непорочен был, не бы второму искалося место. 058 HEB 008 008 Укоряя бо их глаголет: се, дние грядут, глаголет Господь, и совершу на дом Израилев и на дом Иудов завет нов, 058 HEB 008 009 не по завету, егоже сотворих отцем их в день, в оньже емшу ми их за руку, извести их от земли Египетския: зане тии не пребыша в завете Моем, и Аз нерадих о них, глаголет Господь. 058 HEB 008 010 Яко сей завет, егоже завещаю дому Израилеву по онех днех, глаголет Господь, дая законы Моя в мысли их, и на сердцах их напишу их, и буду им Бог, и тии будут Мне людие. 058 HEB 008 011 И не имать научити кийждо искренняго своего и кийждо брата своего, глаголя: познай Господа: яко вси уведят Мя от мала даже и до велика их, 058 HEB 008 012 зане милостив буду неправдам их и грехов их и беззаконий их не имам помянути ктому. 058 HEB 008 013 Внегда же глаголет нов, обветши перваго: а обветшавающее и состаревающееся близ есть истления. 058 HEB 009 001 Имеяше убо первая скиния оправдания службы, святое же людское: 058 HEB 009 002 скиния бо сооружена бысть первая, в нейже светилник и трапеза и предложение хлебов, яже глаголется святая. 058 HEB 009 003 По вторей же завесе скиния глаголемая Святая святых, 058 HEB 009 004 злату имущи кадилницу и ковчег завета окован всюду златом, в немже стамна злата имущая манну, и жезл Ааронов прозябший, и скрижали завета: 058 HEB 009 005 превышше же его херувими славы, осеняющии олтарь: о нихже не леть ныне глаголати подробну. 058 HEB 009 006 Сим же тако устроеным, в первую убо скинию выну вхождаху священницы, службы совершающе: 058 HEB 009 007 во вторую же единою в лето един архиерей, не без крове, юже приносит за себе и о людских невежествиих. 058 HEB 009 008 Сие являющу Духу Святому, яко не у явися святых путь, еще первей скинии имущей стояние. 058 HEB 009 009 Яже притча во время настоящее утвердися, в неже дарове и жертвы приносятся, не могущыя по совести совершити служащаго, 058 HEB 009 010 точию в брашнах и питиях, и различных омовениих, и оправданиих плоти, даже до времене исправления належащая. 058 HEB 009 011 Христос же пришед Архиерей грядущих благ, болшею и совершеннейшею скиниею, нерукотворенною, сиречь, не сея твари, 058 HEB 009 012 ни кровию козлею ниже телчею, но Своею Кровию, вниде единою во святая, вечное искупление обретый. 058 HEB 009 013 Аще бо кровь козляя и телчая и пепел юнчий кропящий оскверненыя освящает к плотстей чистоте: 058 HEB 009 014 кольми паче Кровь Христова, Иже Духом Святым Себе принесе непорочна Богу, очистит совесть нашу от мертвых дел, во еже служити нам Богу живу и истинну? 058 HEB 009 015 И сего ради новому завету ходатай есть, да смерти бывшей, во искупление преступлений бывших в первем завете, обетование вечнаго наследия приимут званнии. 058 HEB 009 016 Идеже бо завет, смерти нужно есть вноситися завещающаго, 058 HEB 009 017 завет бо в мертвых известен есть: понеже ничесоже может, егда жив есть завещаваяй. 058 HEB 009 018 Темже ни первый без крове обновлен бысть. 058 HEB 009 019 Реченней бо бывшей всяцей заповеди по закону от Моисеа всем людем, приемь кровь козлюю и телчую, с водою и волною червленою и иссопом, самыя же тыя книги и вся люди покропи, 058 HEB 009 020 глаголя: сия кровь завета, егоже завеща к вам Бог. 058 HEB 009 021 И скинию же и вся сосуды служебныя кровию такожде покропи. 058 HEB 009 022 И отнюд кровию вся очищаются по закону, и без кровопролития не бывает оставление. 058 HEB 009 023 Нужда убо бяше образом небесных сими очищатися: самем же небесным лучшими жертвами, паче сих. 058 HEB 009 024 Не в рукотворенная бо святая вниде Христос, противообразная истинных, но в самое небо, ныне да явится лицу Божию о нас, 058 HEB 009 025 ниже да многажды приносит Себе, якоже первосвященник входит во святая (святых) по вся лета с кровию чуждею: 058 HEB 009 026 понеже подобаше бы Ему множицею страдати от сложения мира: ныне же единою в кончину веков, во отметание греха, жертвою Своею явися. 058 HEB 009 027 И якоже лежит человеком единою умрети, потом же суд, 058 HEB 009 028 тако и Христос единою принесеся, во еже вознести многих грехи, второе без греха явится, ждущым Его во спасение. 058 HEB 010 001 Сень бо имый закон грядущих благ, (а) не самый образ вещей, на всякое лето темиже жертвами, ихже приносят выну, никогдаже может приступающих совершити. 058 HEB 010 002 Понеже престали бы быти приносимы, ни едину ктому имущым совесть о гресех служащым, единою очищенным. 058 HEB 010 003 Но в них воспоминание грехов на коеждо лето бывает, 058 HEB 010 004 невозможно бо крови юнчей и козлей отпущати грехи. 058 HEB 010 005 Темже входя в мир, глаголет: жертвы и приношения не восхотел еси, тело же совершил Ми еси: 058 HEB 010 006 всесожжений и о гресе не благоволил еси. 058 HEB 010 007 Тогда рех: се, иду: в главизне книжней написася о Мне, еже сотворити волю Твою, Боже. 058 HEB 010 008 Выше глаголя: яко жертвы и приношения и всесожжений и о гресех не восхотел еси, ниже благоволил еси: яже по закону приносятся: 058 HEB 010 009 тогда рече: се, иду сотворити волю Твою, Боже. Отемлет первое, да второе поставит. 058 HEB 010 010 О нейже воли освящени есмы принесением тела Иисус Христова единою. 058 HEB 010 011 И всяк убо священник стоит на всяк день служя и тыяжде множицею принося жертвы, яже никогдаже могут отяти грехов. 058 HEB 010 012 Он же едину о гресех принес жертву, всегда седит о десную Бога, 058 HEB 010 013 прочее ожидая, дондеже положатся врази Его подножие ног Его: 058 HEB 010 014 единем бо приношением совершил есть во веки освящаемых. 058 HEB 010 015 Свидетелствует же нам и Дух Святый, по реченному бо прежде: 058 HEB 010 016 сей завет, егоже завещаю к ним по днех онех, глаголет Господь, дая законы Моя на сердца их, и в помышлениих их напишу их: 058 HEB 010 017 (таже глаголет Господь: ) и грехов их и беззаконий их не имам помянути ктому. 058 HEB 010 018 А идеже отпущение сих, ктому несть приношения о гресех. 058 HEB 010 019 Имуще убо дерзновение, братие, входити во святая Кровию Иисус Христовою, путем новым и живым, 058 HEB 010 020 егоже обновил есть нам завесою, сиречь плотию Своею, 058 HEB 010 021 и Иереа велика над домом Божиим, 058 HEB 010 022 да приступаем со истинным сердцем во извещении веры, окроплени сердцы от совести лукавыя и измовени телесы водою чистою: 058 HEB 010 023 да держим исповедание упования неуклонное, верен бо есть Обещавый: 058 HEB 010 024 и да разумееваем друг друга в поощрении любве и добрых дел, 058 HEB 010 025 не оставляюще собрания своего, якоже есть неким обычай, но (друг друга) подвизающе, и толико паче, елико видите приближающийся день (судный). 058 HEB 010 026 Волею бо согрешающым нам по приятии разума истины, ктому о гресех не обретается жертва, 058 HEB 010 027 страшно же некое чаяние суда и огня ревность, поясти хотящаго сопротивныя. 058 HEB 010 028 Отверглся кто закона Моисеова, без милосердия при двоих или триех свидетелех умирает: 058 HEB 010 029 колико мните горшия сподобится муки, иже Сына Божия поправый, и Кровь заветную скверну возмнив, еюже освятися, и Духа благодати укоривый? 058 HEB 010 030 Вемы бо Рекшаго: Мне отмщение, Аз воздам, глаголет Господь. И паки: яко судит Господь людем Своим. 058 HEB 010 031 Страшно (есть) еже впасти в руце Бога живаго. 058 HEB 010 032 Воспоминайте же первыя дни вашя, в нихже просветившеся, многия страсти претерпесте страданий, 058 HEB 010 033 ово убо, поношеньми и скорбьми позор бывше, ово же, общницы бывше живущым тако: 058 HEB 010 034 ибо узам моим спострадасте и разграбление имений ваших с радостию приясте, ведяще имети себе имение на небесех пребывающее и лучшее. 058 HEB 010 035 Не отлагайте убо дерзновения вашего, еже имать мздовоздаяние велико. 058 HEB 010 036 Терпения бо имате потребу, да волю Божию сотворше, приимете обетование: 058 HEB 010 037 еще бо мало елико елико, Грядый приидет и не укоснит. 058 HEB 010 038 А праведный от веры жив будет: и аще обинется, не благоволит душа Моя о нем. 058 HEB 010 039 Мы же (братие) несмы обиновения в погибель, но веры в снабдение души. 058 HEB 011 001 Есть же вера уповаемых извещение, вещей обличение невидимых. 058 HEB 011 002 В сей бо свидетелствовани быша древнии. 058 HEB 011 003 Верою разумеваем совершитися веком глаголголом Божиим, во еже от неявляемых видимым быти. 058 HEB 011 004 Верою множайшую жертву Авель паче Каина принесе Богу, еюже свидетелствован бысть быти праведник, свидетелствующу о дарех его Богу: и тою умерый еще глаголет. 058 HEB 011 005 Верою Енох преложен бысть не видети смерти: и не обреташеся, зане преложи его Бог: прежде бо преложения его свидетелствован бысть, яко угоди Богу. 058 HEB 011 006 Без веры же невозможно угодити (Богу): веровати же подобает приходящему к Богу, яко есть, и взыскающым Его мздовоздатель бывает. 058 HEB 011 007 Верою ответ приим Ное о сих, яже не у виде, убоявся сотвори ковчег во спасение дому своего: еюже осуди (весь) мир, и правды, яже по вере, бысть наследник. 058 HEB 011 008 Верою зовом Авраам послуша изыти на место, еже хотяше прияти в наследие, и изыде не ведый, камо грядет. 058 HEB 011 009 Верою прииде Авраам на землю обетования, якоже на чужду, в кровы вселися со Исааком и Иаковом снаследникома обетования тогожде: 058 HEB 011 010 ждаше бо основания имущаго града, емуже художник и содетель Бог. 058 HEB 011 011 Верою и сама Сарра неплоды силу во удержание семене прият и паче времене возраста роди, понеже верна непщева Обетовавшаго. 058 HEB 011 012 Темже и от единаго родишася, да еще умерщвленнаго, якоже звезды небесныя множеством и яко песок вскрай моря безчисленный. 058 HEB 011 013 По вере умроша сии вси, не приемше обетований, но издалеча видевше я, и целовавше, и исповедавше, яко страннии и пришелцы суть на земли: 058 HEB 011 014 ибо таковая глаголющии являются, яко отечествия взыскуют. 058 HEB 011 015 И аще бы убо оно помнили, из негоже изыдоша, имели бы время возвратитися: 058 HEB 011 016 ныне же лучшаго желают, сиречь небеснаго: темже не стыдится сими Бог, Бог нарицатися их: уготова бо им град. 058 HEB 011 017 Верою приведе Авраам Исаака искушаемь, и единороднаго приношаше, обетования приемый, 058 HEB 011 018 к немуже глаголано бысть: яко о Исааце наречется тебе семя: 058 HEB 011 019 помыслив, яко и из мертвых воскресити силен (есть) Бог, темже того и в притче прият. 058 HEB 011 020 Верою о грядущих благослови Исаак Иакова и Исава. 058 HEB 011 021 Верою Иаков умирая коегождо сына Иосифова благослови и поклонися на верх жезла его. 058 HEB 011 022 Верою Иосиф умирая о исхождении сынов Израилевых памятствова и о костех своих заповеда. 058 HEB 011 023 Верою Моисей родився сокровен бысть три месяцы от отец своих, зане видеша красно отроча и не убояшася повеления царева. 058 HEB 011 024 Верою Моисей, велик быв, отвержеся нарицатися сын дщере фараоновы: 058 HEB 011 025 паче (же) изволи страдати с людьми Божиими, нежели имети временную греха сладость, 058 HEB 011 026 болшее богатство вменив Египетских сокровищ поношение Христово: взираше бо на мздовоздаяние. 058 HEB 011 027 Верою остави Египет, не убоявся ярости царевы: Невидимаго бо яко видя, терпяше. 058 HEB 011 028 Верою сотвори Пасху и пролитие крове, да не погубляяй перворожденная коснется их. 058 HEB 011 029 Верою преидоша Чермное море аки по сусе земли: егоже искушение приемше Египтяне истопишася. 058 HEB 011 030 Верою стены Иерихонския падоша обхождением седмих дний. 058 HEB 011 031 Верою Раав блудница не погибе с сопротивльшимися, приимши сходники с миром (и иным путем изведши). 058 HEB 011 032 И что еще глаголю? Не достанет бо ми повествующу времене о Гедеоне, Вараце же и Сампсоне и Иеффаи, о Давиде же и Самуиле, и о (других) пророцех, 058 HEB 011 033 иже верою победиша царствия, содеяша правду, получиша обетования, заградиша уста львов, 058 HEB 011 034 угасиша силу огненную, избегоша острея меча, возмогоша от немощи, быша крепцы во бранех, обратиша в бегство полки чуждих: 058 HEB 011 035 прияша жены от воскресения мертвых своих: инии же избиени быша, не приемше избавления, да лучшее воскресение улучат: 058 HEB 011 036 друзии же руганием и ранами искушение прияша, еще же и узами и темницею, 058 HEB 011 037 камением побиени быша, претрени быша, искушени быша, убийством меча умроша, проидоша в милотех (и) в козиях кожах, лишени, скорбяще, озлоблени: 058 HEB 011 038 ихже не бе достоин (весь) мир, в пустынех скитающеся и в горах и в вертепах и в пропастех земных. 058 HEB 011 039 И сии вси послушествани бывше верою, не прияша обетования, 058 HEB 011 040 Богу лучшее что о нас предзревшу, да не без нас совершенство приимут. 058 HEB 012 001 Темже убо и мы, толик имуще облежащь нас облак свидетелей, гордость всяку отложше и удобь обстоятелный грех, терпением да течем на предлежащий нам подвиг, 058 HEB 012 002 взирающе на началника веры и совершителя Иисуса, Иже вместо предлежащия Ему радости претерпе крест, о срамоте нерадив, о десную же престола Божия седе. 058 HEB 012 003 Помыслите убо таковое Пострадавшаго от грешник на Себе прекословие, да не стужаете, душами своими ослабляеми. 058 HEB 012 004 Не у до крове стасте, противу греха подвизающеся, 058 HEB 012 005 и забысте утешение, еже вам яко сыном глаголет: сыне мой, не пренемогай наказанием Господним, ниже ослабей, от Него обличаемь. 058 HEB 012 006 Егоже бо любит Господь, наказует: биет же всякаго сына, егоже приемлет. 058 HEB 012 007 Аще наказание терпите, якоже сыновом обретается вам Бог. Который бо есть сын, егоже не наказует отец? 058 HEB 012 008 Аще же без наказания есте, емуже причастницы быша вси, убо прелюбодейчищи есте, а не сынове. 058 HEB 012 009 К сим, плоти нашей отцы имехом наказатели, и срамляхомся: не много ли паче повинемся Отцу духовом, и живи будем? 058 HEB 012 010 Они бо в мало дний, якоже годе им бе, наказоваху нас: а Сей на пользу, да причастимся святыни Его. 058 HEB 012 011 Всякое бо наказание в настоящее время не мнится радость быти, но печаль: последи же плод мирен наученым тем воздает правды. 058 HEB 012 012 Темже ослабленныя руки и ослабленная колена исправите 058 HEB 012 013 и стези правы сотворите ногами вашими, да не хромое совратится, но паче да изцелеет. 058 HEB 012 014 Мир имейте и святыню со всеми, ихже кроме никтоже узрит Господа: 058 HEB 012 015 смотряюще, да не кто лишится благодати Божия: да не кий корень горести, выспрь прозябаяй, пакость сотворит, и тем осквернятся мнози: 058 HEB 012 016 да не кто блудодей, или сквернитель, якоже Исав, иже за ядь едину отдал есть первородство свое. 058 HEB 012 017 Весте бо, яко и потом похотев наследовати благословение, отвержен бысть: покаяния бо места не обрете, аще и со слезами поискал его. 058 HEB 012 018 Не приступисте бо к горе осязаемей и разгоревшемуся огню, и облаку и сумраку, и буре 058 HEB 012 019 и трубному звуку, и гласу глаголгол, егоже слышавшии отрекошася, да не приложится им слово, 058 HEB 012 020 не терпяху бо повелевающаго: аще и зверь прикоснется горе, камением побиен будет: 058 HEB 012 021 и тако страшно бе видимое, Моисей рече: пристрашен есмь и трепетен. 058 HEB 012 022 Но приступисте к Сионстей горе и ко граду Бога живаго, Иерусалиму небесному и тмам Ангелов, 058 HEB 012 023 торжеству и церкви первородных на небесех написанных, и Судии всех Богу и духом праведник совершенных, 058 HEB 012 024 и к Ходатаю завета новаго Иисусу и Крови кропления, лучше глаголющей, нежели Авелева. 058 HEB 012 025 Блюдите (же), да не отречетеся Глаголющаго. Аще бо не избежаша они отрекшиися пророчествующаго на земли, множае паче мы отрицающиися небеснаго, 058 HEB 012 026 Егоже глас землю тогда поколеба, ныне же обетова, глаголя: еще единою Аз потрясу не токмо землею, но и небом. 058 HEB 012 027 А еже еще единою, сказует колеблемых преложение, аки сотворенных, да пребудут, яже суть неподвижимая. 058 HEB 012 028 Темже царство непоколебимо приемлюще, да имамы благодать, еюже служим благоугодно Богу с благоговением и страхом, 058 HEB 012 029 ибо Бог наш огнь поядаяй (есть). 058 HEB 013 001 Братолюбие да пребывает: 058 HEB 013 002 страннолюбия не забывайте, тем бо не ведяще нецыи странноприяша Ангелы. 058 HEB 013 003 Поминайте юзники, аки с ними связани: озлобляемыя, аки и сами суще в теле. 058 HEB 013 004 Честна женитва во всех и ложе нескверно: блудником же и прелюбодеем судит Бог. 058 HEB 013 005 Не сребролюбцы нравом, доволни сущими. Той бо рече: не имам тебе оставити, ниже имам от тебе отступити: 058 HEB 013 006 яко дерзающым нам глаголати: Господь мне помощник, и не убоюся: что сотворит мне человек? 058 HEB 013 007 Поминайте наставники вашя, иже глаголаша вам слово Божие: ихже взирающе на скончание жителства, подражайте вере (их). 058 HEB 013 008 Иисус Христос вчера и днесь Тойже, и во веки. 058 HEB 013 009 В научения странна и различна не прилагайтеся: добро бо благодатию утверждати сердца, (а) не брашны, от нихже не прияша пользы ходившии в них. 058 HEB 013 010 Имамы (же) олтарь, от негоже не имут власти ясти служащии сени. 058 HEB 013 011 Ихже бо кровь животных вносится во святая за грехи первосвященником, сих телеса сжигаются вне стана: 058 HEB 013 012 темже Иисус, да освятит люди Своею Кровию, вне врат пострадати изволил. 058 HEB 013 013 Темже убо да исходим к Нему вне стана, поношение Его носяще: 058 HEB 013 014 не имамы бо зде пребывающаго града, но грядущаго взыскуем. 058 HEB 013 015 Тем убо приносим жертву хваления выну Богу, сиречь плод устен исповедающихся имени Его. 058 HEB 013 016 Благотворения же и общения не забывайте: таковыми бо жертвами благоугождается Бог. 058 HEB 013 017 Повинуйтеся наставником вашым и покаряйтеся: тии бо бдят о душах ваших, яко слово воздати хотяще: да с радостию сие творят, а не воздыхающе, несть бо полезно вам сие. 058 HEB 013 018 Молитеся о нас: уповаем бо, яко добру совесть имамы, во всех добре хотяще жити. 058 HEB 013 019 Лишше же молю, сие творите, да вскоре устроюся вам. 058 HEB 013 020 Бог же мира, возведый из мертвых Пастыря овцам великаго Кровию завета вечнаго, Господа нашего Иисуса Христа, 058 HEB 013 021 да совершит вы во всяцем деле блазе, сотворити волю Его, творя в вас благоугодное пред Ним Иисус Христом: Емуже слава во веки веков. Аминь. 058 HEB 013 022 Молю же вы, братие, приимите слово утешения: ибо вмале написав послах вам. 058 HEB 013 023 Знайте брата нашего отпущена Тимофеа, с нимже, аще скорее приидет, узрю вас. 058 HEB 013 024 Целуйте вся наставники вашя и вся святыя. Целуют вы иже от Италии сущии. 058 HEB 013 025 Благодать со всеми вами. Аминь. # # BOOK 059 JAM James Послание Иакова 059 JAM 001 001 Иаков, Богу и Господу Иисусу Христу раб, обеманадесяте коленома, иже в разсеянии, радоватися. 059 JAM 001 002 Всяку радость имейте, братие моя, егда во искушения впадаете различна, 059 JAM 001 003 ведяще, яко искушение вашея веры соделовает терпение: 059 JAM 001 004 терпение же дело совершенно да имать, яко да будете совершенни и всецели, ни в чемже лишени. 059 JAM 001 005 Аще же кто от вас лишен есть премудрости, да просит от дающаго Бога всем нелицеприемне и не поношающаго, и дастся ему. 059 JAM 001 006 Да просит же верою, ничтоже сумняся: сумняйся бо уподобися волнению морскому, ветры возметаему и развеваему. 059 JAM 001 007 Да не мнит бо человек он, яко приимет что от Бога. 059 JAM 001 008 Муж двоедушен неустроен во всех путех своих. 059 JAM 001 009 Да хвалится же брат смиренный в высоте своей, 059 JAM 001 010 богатый же во смирении своем, зане якоже цвет травный мимоидет: 059 JAM 001 011 возсия бо солнце со зноем, и изсуши траву, и цвет ея отпаде, и благолепие лица ея погибе: сице и богатый в хождении своем увядает. 059 JAM 001 012 Блажен муж, иже претерпит искушение: зане искусен быв, приимет венец жизни, егоже обеща Бог любящым Его. 059 JAM 001 013 Никтоже искушаемь да глаголет, яко от Бога искушаемь есмь: Бог бо несть искуситель злым, не искушает же Той ни когоже, 059 JAM 001 014 кийждо же искушается, от своея похоти влекомь и прельщаемь: 059 JAM 001 015 таже похоть заченши раждает грех, грех же содеян раждает смерть. 059 JAM 001 016 Не льститеся, братие моя возлюбленная: 059 JAM 001 017 всяко даяние благо и всяк дар совершен свыше есть, сходяй от Отца светов, у Негоже несть пременение, или преложения стень. 059 JAM 001 018 Восхотев бо породи нас словом истины, во еже быти нам начаток некий созданием Его. 059 JAM 001 019 Темже, братие моя возлюбленная, да будет всяк человек скор услышати и косен глаголати, косен во гнев, 059 JAM 001 020 гнев бо мужа, правды Божия не соделовает. 059 JAM 001 021 Сего ради отложше всяку скверну и избыток злобы, в кротости приимите всажденное слово, могущее спасти душы вашя. 059 JAM 001 022 Бывайте же творцы слова, а не точию слышатели, прельщающе себе самех. 059 JAM 001 023 Зане аще кто есть слышатель слова, а не творец, таковый уподобися мужу смотряющу лице бытия своего в зерцале: 059 JAM 001 024 усмотри бо себе и отиде, и абие забы, каков бе. 059 JAM 001 025 Приникий же в закон совершен свободы, и пребыв, сей не слышатель забытлив быв, но творец дела, сей блажен в делании своем будет. 059 JAM 001 026 Аще кто мнится верен быти в вас, и не обуздовает языка своего, но льстит сердце свое, сего суетна есть вера. 059 JAM 001 027 Вера бо чиста и нескверна пред Богом и Отцем сия есть, еже посещати сирых и вдовиц в скорбех их, (и) нескверна себе блюсти от мира. 059 JAM 002 001 Братие моя, не на лица зряще имейте веру Господа нашего Иисуса Христа славы. 059 JAM 002 002 Аще бо внидет в сонмище ваше муж, злат перстень нося, в ризе светле, внидет же и нищь в худе одежди, 059 JAM 002 003 и воззрите на носящаго ризу светлу, и речете ему: ты сяди зде добре: и нищему речете: ты стани тамо, или сяди зде на подножии моем: 059 JAM 002 004 и не разсмотристе в себе, и бысте судии помышлений злых. 059 JAM 002 005 Слышите, братие моя возлюбленная, не Бог ли избра нищыя мира сего богаты в вере и наследники Царствия, еже обеща любящым Его? 059 JAM 002 006 Вы же укористе нищаго. Не богатии ли насилуют вам, и тии влекут вы на судища? 059 JAM 002 007 Не тии ли хулят доброе имя нареченное на вас? 059 JAM 002 008 Аще убо закон совершаете царский, по Писанию: возлюбиши искренняго своего якоже себе самаго, добре творите: 059 JAM 002 009 аще же на лица зрите, то грех содеваете, обличаеми от закона якоже преступницы. 059 JAM 002 010 Иже бо весь закон соблюдет, согрешит же во единем, бысть всем повинен. 059 JAM 002 011 Рекий бо: не прелюбы сотвориши, рекл есть и: не убиеши. Аще же не прелюбы сотвориши, убиеши же, был еси преступник закона. 059 JAM 002 012 Тако глаголите и тако творите, яко законом свободным имущии суд прияти. 059 JAM 002 013 Суд бо без милости не сотворшему милости: и хвалится милость на суде. 059 JAM 002 014 Кая польза, братие моя, аще веру глаголет кто имети, дел же не имать? Еда может вера спасти его? 059 JAM 002 015 Аще же брат или сестра нага будета и лишена будета дневныя пищи, 059 JAM 002 016 речет же има кто от вас: идита с миром, грейтася и насыщайтася? Не даст же има требования телеснаго: кая польза? 059 JAM 002 017 Такожде и вера, аще дел не имать, мертва есть о себе. 059 JAM 002 018 Но речет кто: ты веру имаши, аз же дела имам: покажи ми веру твою от дел твоих, и аз тебе покажу от дел моих веру мою. 059 JAM 002 019 Ты веруеши, яко Бог един есть: добре твориши: и беси веруют, и трепещут. 059 JAM 002 020 Хощеши же ли разумети, о, человече суетне, яко вера без дел мертва есть? 059 JAM 002 021 Авраам отец наш не от дел ли оправдася, вознес Исаака сына своего на жертвенник? 059 JAM 002 022 Видиши ли, яко вера поспешествоваше делом его, и от дел совершися вера? 059 JAM 002 023 И совершися Писание глаголющее: верова же Авраам Богови, и вменися ему в правду, и друг Божий наречеся. 059 JAM 002 024 Зрите ли убо, яко от дел оправдается человек, а не от веры единыя? 059 JAM 002 025 Такожде же и Раав блудница не от дел ли оправдася, приемши сходники и иным путем изведши их? 059 JAM 002 026 Якоже бо тело без духа мертво есть, тако и вера без дел мертва есть. 059 JAM 003 001 Не мнози учителие бывайте, братие моя, ведяще, яко болшее осуждение приимем, 059 JAM 003 002 много бо согрешаем вси. Аще кто в слове не согрешает, сей совершен муж, силен обуздати и все тело. 059 JAM 003 003 Се бо и конем узды во уста влагаем, да повинуются нам, и все тело их обращаем: 059 JAM 003 004 се, и корабли велицы суще и от жестоких ветров заточаеми, обращаются малым кормилцем, аможе стремление правящаго хощет: 059 JAM 003 005 такожде же и язык мал уд есть, и вельми хвалится. Се мал огнь, и коль велики вещи сожигает. 059 JAM 003 006 И язык огнь, лепота неправды: сице и язык водворяется во удех наших, скверня все тело, и паля коло рождения нашего, и опаляяся от геенны: 059 JAM 003 007 всяко бо естество зверей же и птиц, гад же и рыб, укрощается и укротится естеством человеческим, 059 JAM 003 008 языка же никтоже может от человек укротити: не удержимо бо зло, исполнь яда смертоносна. 059 JAM 003 009 Тем благословляем Бога и Отца, и тем кленем человеки бывшыя по подобию Божию: 059 JAM 003 010 от техже уст исходит благословение и клятва. Не подобает, братие моя возлюбленная, сим тако бывати. 059 JAM 003 011 Еда ли источник от единаго устия источает сладкое и горькое? 059 JAM 003 012 Еда может, братие моя, смоковница маслины творити, или виноградная лоза смоквы? Такожде ни един источник слану и сладку творит воду. 059 JAM 003 013 Кто премудр и худог в вас, да покажет от добраго жития дела своя в кротости и премудрости. 059 JAM 003 014 Аще же зависть горьку имате и рвение в сердцах ваших, не хвалитеся, ни лжите на истину: 059 JAM 003 015 несть сия премудрость свыше низходящи, но земна, душевна, бесовска: 059 JAM 003 016 идеже бо зависть и рвение, ту нестроение и всяка зла вещь. 059 JAM 003 017 А яже свыше премудрость, первее убо чиста есть, потом же мирна, кротка, благопокорлива, исполнь милости и плодов благих, несуменна и нелицемерна. 059 JAM 003 018 Плод же правды в мире сеется творящым мир. 059 JAM 004 001 Откуду брани и свары в вас? Не отсюду ли, от сластей ваших, воюющих во удех ваших? 059 JAM 004 002 Желаете, и не имате: убиваете и завидите, и не можете улучити: сваряетеся и борете, и не имате, зане не просите: 059 JAM 004 003 просите, и не приемлете, зане зле просите, да в сластех ваших иждивете. 059 JAM 004 004 Прелюбодее и прелюбодейцы, не весте ли, яко любы мира сего вражда Богу есть, иже бо восхощет друг быти миру, враг Божии бывает. 059 JAM 004 005 Или мните, яко всуе Писание глаголет: к зависти желает дух, иже вселися в ны? 059 JAM 004 006 Болшую же дает благодать: темже глаголет: Господь гордым противится, смиренным же дает благодать. 059 JAM 004 007 Повинитеся убо Богу, противитеся же диаволу, и бежит от вас. 059 JAM 004 008 Приближитеся Богу, и приближится вам: очистите руце, грешницы, исправите сердца ваша, двоедушнии: 059 JAM 004 009 постраждите и слезите и плачитеся: смех ваш в плачь да обратится, и радость в сетование: 059 JAM 004 010 смиритеся пред Господем, и вознесет вы. 059 JAM 004 011 Не оклеветайте друг друга, братие: оклеветаяй бо брата, или осуждаяй брата своего, оклеветает закон и осуждает закон: аще же закон осуждаеши, неси творец закона, но судия. 059 JAM 004 012 Един есть Законоположник и Судия, могий спасти и погубити: ты же кто еси осуждаяй друга? 059 JAM 004 013 Слышите ныне, глаголющии: днесь или утре пойдем во он град, и сотворим ту лето едино, и куплю деем и приобретение: 059 JAM 004 014 иже не весте, что утре случится: кая бо жизнь ваша, пара бо есть, яже вмале является, потом же исчезает. 059 JAM 004 015 Вместо еже бы глаголати вам: аще Господь восхощет, и живи будем, и сотворим сие или оно: 059 JAM 004 016 ныне же хвалитеся в гордынех ваших: всяка хвала такова зла есть. 059 JAM 004 017 Ведущему убо добро творити, и не творящему, грех ему есть. 059 JAM 005 001 Приидите ныне, богатии, плачитеся и рыдайте о лютых скорбех ваших грядущих на вы. 059 JAM 005 002 Богатство ваше изгни, и ризы вашя молие поядоша. 059 JAM 005 003 Злато ваше и сребро изоржаве, и ржа их в послушество на вас будет, и снесть плоти вашя аки огнь: егоже снискасте в последния дни. 059 JAM 005 004 Се, мзда делателей делавших нивы вашя, удержаная от вас, вопиет, и вопиения жавших во ушы Господа Саваофа внидоша. 059 JAM 005 005 Возвеселистеся на земли, и насладистеся: упитасте сердца ваша аки в день заколения. 059 JAM 005 006 Осудисте, убисте Праведнаго: не противится вам. 059 JAM 005 007 Долготерпите убо, братие моя, до пришествия Господня. Се земледелец ждет честнаго плода от земли, долготерпя о нем, дондеже приимет дождь ран и позден: 059 JAM 005 008 долготерпите убо и вы, утвердите сердца ваша, яко пришествие Господне приближися. 059 JAM 005 009 Не воздыхайте друг на друга, братие, да не осуждени будете: се, Судия пред дверьми стоит. 059 JAM 005 010 Образ приимите, братие моя, злострадания и долготерпения пророки, иже глаголаша именем Господним. 059 JAM 005 011 Се, блажим терпящыя. Терпение Иовле слышасте, и кончину Господню видесте, яко многомилостив есть Господь и щедр. 059 JAM 005 012 Прежде же всех, братие моя, не кленитеся ни небом, ни землею, ни иною коею клятвою: буди же вам еже ей, ей, и еже ни, ни: да не в лицемерие впадете. 059 JAM 005 013 Злостраждет ли кто в вас? Да молитву деет: благодушствует ли кто? Да поет. 059 JAM 005 014 Болит ли кто в вас, да призовет пресвитеры Церковныя, и да молитву сотворят над ним, помазавше его елеем во имя Господне: 059 JAM 005 015 и молитва веры спасет болящаго, и воздвигнет его Господь: и аще грехи сотворил есть, отпустятся ему. 059 JAM 005 016 Исповедайте убо друг другу согрешения и молитеся друг за друга, яко да исцелеете: много бо может молитва праведнаго поспешествуема. 059 JAM 005 017 Илиа человек бе подобострастен нам, и молитвою помолися, да не будет дождь, и не одожди по земли лета три и месяц шесть: 059 JAM 005 018 и паки помолися, и небо дождь даде, и земля прозябе плод свой. 059 JAM 005 019 Братие, аще кто в вас заблудит от пути истины, и обратит кто его, 059 JAM 005 020 да весть, яко обративый грешника от заблуждения пути его спасет душу от смерти и покрыет множество грехов. # # BOOK 060 1PE 1 Peter Первое послание Петра 060 1PE 001 001 Петр, Апостол Иисус Христов, избранным пришельцем разсеяния Понта, Галатии, Каппадокии, Асии и Вифинии, 060 1PE 001 002 по прозрению Бога Отца, во святыни Духа, в послушание и кропление Крове Иисус Христовы: благодать вам и мир да умножится. 060 1PE 001 003 Благословен Бог и Отец Господа нашего Иисуса Христа, Иже по мнозей Своей милости порождей нас во упование живо воскресением Иисус Христовым от мертвых, 060 1PE 001 004 в наследие нетленно и нескверно и неувядаемо, соблюдено на небесех вас ради, 060 1PE 001 005 иже силою Божиею соблюдаеми есте чрез веру, во спасение готовое явитися во время последнее. 060 1PE 001 006 О немже радуйтеся, мало ныне, аще лепо есть, прискорбни бывше в различных напастех: 060 1PE 001 007 да искушение вашея веры многочестнейше злата гибнуща, огнем же искушена, обрящется в похвалу и честь и славу, во откровении Иисус Христове, 060 1PE 001 008 Егоже не видевше любите, и на Негоже ныне не зряще, верующе же, радуетеся радостию неизглаголанною и прославленною, 060 1PE 001 009 приемлюще кончину вере вашей, спасение душам: 060 1PE 001 010 о немже спасении взыскаша и испыташа пророцы, иже о вашей благодати прорекоша, 060 1PE 001 011 испытающе, в каково или в кое время являше в них Дух Христов, прежде свидетельствуя о Христовых страстех, и о славах, яже по сих: 060 1PE 001 012 имже открыся, яко не им самем, но нам служаху сия, яже ныне возвестишася вам благовествовавшими вам Духом Святым посланным с небесе, в няже желают Ангели приникнути. 060 1PE 001 013 Темже, возлюбленнии, препоясавше чресла помышления вашего, трезвящеся, совершенне уповайте на приносимую вам благодать откровением Иисус Христовым. 060 1PE 001 014 Яко чада послушания, не преобразующеся первыми неведения вашего похотении, 060 1PE 001 015 но по звавшему вы Святому, и сами святи во всем житии будите. 060 1PE 001 016 Зане писано есть: святи будите, яко Аз свят есмь. 060 1PE 001 017 И аще Отца называете нелицемерно судяща комуждо по делу, со страхом жития вашего время жительствуйте, 060 1PE 001 018 ведяще, яко не истленным сребром или златом избавистеся от суетнаго вашего жития отцы преданнаго, 060 1PE 001 019 но честною Кровию яко Агнца непорочна и пречиста Христа, 060 1PE 001 020 предуведена убо прежде сложения мира, явльшася же в последняя лета вас ради, 060 1PE 001 021 иже Его ради веруете в Бога Воздвигшаго Его из мертвых и славу Ему давша, яко да вера ваша и упование будет на Бога. 060 1PE 001 022 Душы вашя очистивше в послушании истины Духом, в братолюбие нелицемерно, от чиста сердца друг друга любите прилежно, 060 1PE 001 023 порождени не от семене истленна, но неистленна, словом живаго Бога и пребывающа во веки. 060 1PE 001 024 Зане всяка плоть яко трава, и всяка слава человеча яко цвет травный: изсше трава, и цвет ея отпаде: 060 1PE 001 025 глаголгол же Господнь пребывает во веки. Се же есть глаголгол благовествованный в вас. 060 1PE 002 001 Отложше убо всяку злобу и всяку лесть и лицемерие и зависть и вся клеветы, 060 1PE 002 002 яко новорождени младенцы, словесное и нелестное млеко возлюбите, яко да о нем возрастете во спасение: 060 1PE 002 003 понеже вкусисте, яко благ Господь. 060 1PE 002 004 К Немуже приходяще, камени живу, от человек убо уничижену, от Бога же избрану, честну, 060 1PE 002 005 и сами яко камение живо зиждитеся во храм духовен, святителство свято, возносити жертвы духовны, благоприятны Богови Иисус Христом. 060 1PE 002 006 Зане писано есть в Писании: се полагаю в Сионе камень краеуголен, избран, честен: и веруяй вонь не постыдится. 060 1PE 002 007 Вам убо честь верующым, а противящымся камень, егоже небрегоша зиждущии, сей бысть во главу угла, и камень претыкания и камень соблазна: 060 1PE 002 008 о немже и претыкаются слову противляющиися, на неже и положени быша. 060 1PE 002 009 Вы же род избран, царское священие, язык свят, людие обновления, яко да добродетели возвестите из тмы вас Призвавшаго в чудный Свой свет: 060 1PE 002 010 иже иногда не людие, ныне же людие Божии: иже не помиловани, ныне же помиловани бысте. 060 1PE 002 011 Возлюбленнии, молю яко пришелцев и странников, огребатися от плотских похотей, яже воюют на душу, 060 1PE 002 012 житие ваше имуще добро во языцех, да о немже клевещут вас аки злодеев, от добрых дел видевше, прославят Бога в день посещения. 060 1PE 002 013 Повинитеся убо всякому человечу созданию Господа ради: аще царю, яко преобладающу: 060 1PE 002 014 аще ли же князем, яко от него посланным, во отмщение убо злодеем, в похвалу же благотворцем. 060 1PE 002 015 Яко тако есть воля Божия, благотворящым обуздовати безумных человек невежство: 060 1PE 002 016 яко свободни, а не яко прикровение имуще злобы свободу, но яко раби Божии. 060 1PE 002 017 Всех почитайте, братство возлюбите, Бога бойтеся, царя чтите. 060 1PE 002 018 Раби, повинуйтеся во всяцем страсе владыкам, не токмо благим и кротким, но и строптивым. 060 1PE 002 019 Се бо есть угодно пред Богом, аще совести ради Божия терпит кто скорби, стражда без правды. 060 1PE 002 020 Кая бо похвала, аще согрешающе мучими терпите? Но аще добро творяще и страждуще терпите, сие угодно пред Богом, 060 1PE 002 021 на сие бо и звани бысте: зане и Христос пострада по нас, нам оставль образ, да последуем стопам Его: 060 1PE 002 022 иже греха не сотвори, ни обретеся лесть во устех Его: 060 1PE 002 023 иже укаряемь противу не укаряше, стражда не прещаше, предаяше же Судящему праведно: 060 1PE 002 024 иже грехи нашя Сам вознесе на теле Своем на древо, да от грех избывше, правдою поживем: Егоже язвою изцелесте. 060 1PE 002 025 Бесте бо яко овцы заблуждшыя не имущя пастыря: но возвратистеся ныне к Пастырю и Посетителю душ ваших. 060 1PE 003 001 Такожде же и жены, повинующяся своим мужем, да и аще нецыи не повинуются слову, женским житием без слова пленени будут, 060 1PE 003 002 видевше еже со страхом чисто житие ваше. 060 1PE 003 003 Умже да будет не внешняя, плетения влас и обложения злата, или одеяния риз, лепота, 060 1PE 003 004 но потаеный сердца человек, в неистлении кроткаго и молчаливаго духа, еже есть пред Богом многоценно. 060 1PE 003 005 Тако бо иногда и святыя жены, уповающыя на Бога, украшаху себе, повинующяся своим мужем: 060 1PE 003 006 якоже Сарра послушаше Авраама, господина того зовущи: еяже бысте чада, благотворящя и не боящяся ни единаго страха. 060 1PE 003 007 Мужие такожде, вкупе живуще со своими женами по разуму, яко немощнейшу сосуду женскому воздающе честь, яко и снаследницы благодатныя жизни, во еже не прекращатися молитвам вашым. 060 1PE 003 008 Конец же, вси единомудрени будите, милостиви, братолюбцы, милосердни, благоутробни, мудролюбцы, смиреномудри: 060 1PE 003 009 не воздающе зла за зло, или досаждения за досаждение: супротивное же, благословяще, ведяще, яко на се звани бысте, да благословение наследите. 060 1PE 003 010 Хотяй бо живот любити и видети дни благи, да удержит язык свой от зла, и устне свои еже не глаголати льсти. 060 1PE 003 011 Да уклонится от зла, и да сотворит благо, да взыщет мира и да держится его: 060 1PE 003 012 зане очи Господни на праведныя, и ушы Его в молитву их, лице же Господне на творящыя злая, еже потребити их от земли. 060 1PE 003 013 И кто озлобит вас, аще благому подобницы будете? 060 1PE 003 014 Но аще и страждете правды ради, блажени есте: страха же их не убойтеся, ниже смущайтеся. 060 1PE 003 015 Господа же Бога освятите в сердцах ваших: готови же присно ко ответу всякому вопрошающему вы словесе о вашем уповании, с кротостию и страхом: 060 1PE 003 016 совесть имуще благу, да о немже клевещут вас аки злодеев, постыдятся злословящии ваше благое о Христе житие. 060 1PE 003 017 Лучше бо есть благое творящым, аще хощет воля Божия, пострадати, нежели зло творящым: 060 1PE 003 018 зане и Христос единою о гресех наших пострада, праведник за неправедники, да приведет ны Богови, умерщвлен убо быв плотию, ожив же духом: 060 1PE 003 019 о немже и сущым в темнице духовом сошед проповеда, 060 1PE 003 020 противльшымся иногда, егда ожидаше Божие долготерпение, во дни Ноевы, делаему ковчегу, в немже мало, сиречь осмь душ, спасошася от воды. 060 1PE 003 021 Егоже воображение ныне и нас спасает крещение, не плотския отложение скверны, но совести благи вопрошение у Бога, воскресением Иисус Христовым, 060 1PE 003 022 Иже есть о десную Бога, возшед на небо, покоршымся Ему Ангелом и Властем и Силам. 060 1PE 004 001 Христу убо пострадавшу за ны плотию, и вы в ту же мысль вооружитеся: зане пострадавый плотию, преста от греха, 060 1PE 004 002 во еже не ктому человеческим похотем, но воли Божией прочее во плоти жити время. 060 1PE 004 003 Довлеет бо вам мимошедшее время жития, волю языческую творившым, хождшым в нечистотах, в похотех, в мужеложстве, в скотоложстве, в помыслех, в пиянстве, в козлогласованиих, в лихоимании и богомерзких идолослужениих: 060 1PE 004 004 о немже дивятся, не сходящымся вам в тоже блуда разлияние, хуляще: 060 1PE 004 005 иже воздадят слово готову Сущему судити живым и мертвым. 060 1PE 004 006 На се бо и мертвым благовестися, да суд убо приимут по человеку плотию, поживут же по Бозе духом. 060 1PE 004 007 Всем же кончина приближися. Уцеломудритеся убо и трезвитеся в молитвах. 060 1PE 004 008 Прежде же всех друг ко другу любовь прилежну имейте, зане любовь покрывает множество грехов. 060 1PE 004 009 Страннолюбцы друг ко другу, без роптании. 060 1PE 004 010 Кийждо якоже прият дарование, между себе сим служаще, яко добрии строителие различныя благодати Божия. 060 1PE 004 011 Аще кто глаголет, яко словеса Божия: аще кто служит, яко от крепости, юже подает Бог: да о всем славится Бог Иисус Христом, Емуже есть слава и держава во веки веков. Аминь. 060 1PE 004 012 Возлюбленнии, не дивитеся еже в вас раждежению ко искушению вам бываему, яко чужду вам случающуся: 060 1PE 004 013 но понеже приобщаетеся Христовым страстем, радуйтеся, яко да и в явление славы Его возрадуетеся веселящеся. 060 1PE 004 014 Аще укоряеми бываете о имени Христове, блажени есте яко Славы и Божий Дух на вас почивает: онеми убо хулится, а вами прославляется. 060 1PE 004 015 Да не кто убо от вас постраждет яко убийца, или яко тать, или яко злодей, или яко чуждопосетитель: 060 1PE 004 016 аще ли же яко Христианин, да не стыдится, да прославляет же Бога в части сей. 060 1PE 004 017 Яко время начати суд от дому Божия: аще же прежде от вас, кая кончина противящымся Божию Евангелию? 060 1PE 004 018 И аще праведник едва спасется, нечестивый и грешный где явится? 060 1PE 004 019 Темже и страждущии по воли Божией, яко верну Зиждителю да предадят душы своя во благотворении. 060 1PE 005 001 Старцы иже в вас молю, яко старец сый и свидетель Христовым страстем, иже и хотящей славе явитися общник: 060 1PE 005 002 пасите еже в вас стадо Божие, посещающе не нуждею, но волею и по Бозе, ниже неправедными прибытки, но усердно, 060 1PE 005 003 ни яко обладающе причту, но образи бывайте стаду: 060 1PE 005 004 и явльшуся Пастыреначальнику, приимете неувядаемый славы венец. 060 1PE 005 005 Такоже юнии, повинитеся старцем: вси же друг другу повинующеся, смиреномудрие стяжите, зане Бог гордым противится, смиренным же дает благодать. 060 1PE 005 006 Смиритеся убо под крепкую руку Божию, да вы вознесет во время: 060 1PE 005 007 всю печаль вашу возвергше Нань, яко Той печется о вас. 060 1PE 005 008 Трезвитеся, бодрствуйте, зане супостат ваш диавол, яко лев рыкая, ходит, иский кого поглотити: 060 1PE 005 009 емуже противитеся тверди верою, ведуще, яко теже страсти случаются вашему братству, еже в мире. 060 1PE 005 010 Бог же всякия благодати, призвавый вас в вечную Свою славу о Христе Иисусе, мало пострадавшыя, Той да совершит вы, да утвердит, да укрепит, да оснует. 060 1PE 005 011 Тому слава и держава во веки веков. Аминь. 060 1PE 005 012 Силуаном вам верным братом, яко непщую, вмале написах, моля и засвидетельствуя сей быти истинней благодати Божией, в нейже стоите. 060 1PE 005 013 Целует вы яже в Вавилоне соизбранная, и Марко сын мой. 060 1PE 005 014 Целуйте друг друга лобзанием любве. Мир вам всем о Христе Иисусе. Аминь. # # BOOK 061 2PE 2 Peter Второе послание Петра 061 2PE 001 001 Симон Петр, раб и посланник Иисус Христов, равночистную с нами получившими веру в правде Бога нашего и Спаса Иисуса Христа: 061 2PE 001 002 благодать вам и мир да умножится в познании Бога, и Христа Иисуса Господа нашего. 061 2PE 001 003 Яко вся нам Божественныя силы Его, яже к животу и благочестию, подана разумом Призвавшаго нас славою и добродетелию. 061 2PE 001 004 Имиже честная нам и великая обетования даровашася, да сих ради будете Божественнаго причастницы естества, отбегше, яже в мире, похотныя тли: 061 2PE 001 005 и в самое же сие, тщание все привнесше, подадите в вере вашей добродетель, в добродетели же разум, 061 2PE 001 006 в разуме же воздержание, в воздержании же терпение, в терпении же благочестие, 061 2PE 001 007 во благочестии же братолюбие, в братолюбии же любовь. 061 2PE 001 008 Сия бо сущая в вас и множащаяся, не праздных ниже безплодных сотворят вы в Господа нашего Иисуса Христа познание: 061 2PE 001 009 емуже бо несть сих, слеп есть, мжай, забвение приемь очищения древних своих грехов. 061 2PE 001 010 Темже паче, братие, потщитеся известно ваше звание и избрание творити: сия бо творяще, не имате согрешити никогдаже, 061 2PE 001 011 сице бо обилно приподастся вам вход в вечное Царство Господа нашего и Спаса Иисуса Христа. 061 2PE 001 012 Сего ради не обленюся воспоминати присно вам о сих, аще и ведите, и утверждени есте в настоящей истине. 061 2PE 001 013 Праведно бо мню, донележе есмь в сем телеси, возставляти вас воспоминанием, 061 2PE 001 014 ведый, яко скоро есть отложение телесе моего, якоже и Господь наш Иисус Христос сказа мне. 061 2PE 001 015 Потщуся же и всегда имети вас по моем исходе память о сих творити. 061 2PE 001 016 Не ухищренным бо баснем последовавше сказахом вам силу и пришествие Господа нашего Иисуса Христа, но самовидцы бывше величествия Онаго. 061 2PE 001 017 Прием бо от Бога Отца честь и славу, гласу пришедшу к Нему от велелепныя славы. Сей есть Сын Мой возлюбленный, о Немже Аз благоизволих. 061 2PE 001 018 И сей глас мы слышахом с небесе сшедшь, с Ним суще на горе святей. 061 2PE 001 019 И имамы известнейшее пророческое слово: емуже внимающе якоже светилу сияющу в темнем месте, добре творите, дондеже день озарит, и денница возсияет в сердцах ваших, 061 2PE 001 020 сие прежде ведуще, яко всяко пророчество книжное по своему сказанию не бывает. 061 2PE 001 021 Ни бо волею бысть когда человеком пророчество, но от Святаго Духа просвещаеми глаголаша святии Божии человецы. 061 2PE 002 001 Быша же и лживии пророцы в людех, якоже и в вас будут лживии учителие, иже внесут ереси погибели, и искупльшаго их Владыки отметающеся, приводяще себе скору погибель. 061 2PE 002 002 И мнози последствуют их нечистотам, ихже ради путь истинный похулится. 061 2PE 002 003 И в преумножении льстивых словес вас уловят: ихже суд искони не коснит, и погибель их не дремлет. 061 2PE 002 004 Аще бо Бог аггелов согрешивших не пощаде, но пленицами мрака связав, предаде на суд мучимых блюсти: 061 2PE 002 005 и перваго мира не пощаде, но осмаго Ноа правды проповедника сохрани, потоп миру нечествовавших наведе: 061 2PE 002 006 и грады Содомския и Гоморрския сжег, разорением осуди, образ хотящым нечествовати положив: 061 2PE 002 007 и праведнаго Лота, обидима от беззаконных в нечистоте сожития, избави. 061 2PE 002 008 Видением бо и слухом праведный, живый в них, день от дне душу праведну беззаконными делы мучаше: 061 2PE 002 009 весть Господь благочестивыя от напасти избавляти, неправедники же на день судныи мучимы блюсти, 061 2PE 002 010 наипаче же вслед плотския похоти сквернения ходящыя и о господстве нерадящыя: продерзателе, себе угодницы, славы не трепещут хуляще: 061 2PE 002 011 идеже Ангели крепостию и силою больши суще, не терпят на ся от Господа укоризнен суд. 061 2PE 002 012 Сии же, яко скоти животни естеством бывше в погибель и тлю, в нихже не разумеют хуляще, во истлении своем истлеют, 061 2PE 002 013 приемлюще мзду неправедну, сласть мняще вседневное насыщение, сквернители и порочницы, питающеся лестьми своими, ядуще с вами, 061 2PE 002 014 очи имуще исполнь блудодеяния и непрестаемаго греха, прельщающе душы неутверждены, сердце научено лихоимству имуще, клятвы чада: 061 2PE 002 015 оставльше правый путь заблудиша, последовавше пути Валаама Восорова, иже мзду неправедну возлюби, 061 2PE 002 016 обличение же име своего беззакония: подяремник безгласен, человеческим гласом провещавшь, возбрани пророка безумие. 061 2PE 002 017 Сии суть источницы безводни, облацы и мглы от ветр преносими, имже мрак темный во веки блюдется. 061 2PE 002 018 Прегордая бо суеты вещающе, прельщают в скверны плотския похоти, отбегающих всячески от них живущих во льсти, 061 2PE 002 019 свободу им обещавающе, сами раби суще тления: имже бо кто побежден бывает, сему и работен есть. 061 2PE 002 020 Аще бо отбегше скверн мира в разум Господа и Спаса нашего Иисуса Христа, сими же паки сплетшеся побеждаеми бывают, быша им последняя горша первых. 061 2PE 002 021 Лучше бо бе им не познати пути правды, нежели познавшым возвратитися вспять от преданныя им святыя заповеди. 061 2PE 002 022 Случися бо им истинная притча: пес возвращься на свою блевотину, и: свиния, омывшися, в кал тинный. 061 2PE 003 001 Сие уже, возлюбленнии, второе вам пишу послание, в нихже возбуждаю воспоминанием ваш чистый смысл, 061 2PE 003 002 помянути прежде реченныя глаголы от святых пророк, и Апостол ваших заповедь Господа и Спаса: 061 2PE 003 003 сие прежде ведяще, яко приидут в последния дни ругателе, по своих похотех ходяще 061 2PE 003 004 и глаголюще: где есть обетование пришествия Его, отнележе бо отцы успоша, вся тако пребывают от начала создания. 061 2PE 003 005 Таится бо им сие хотящым, яко небеса беша исперва, и земля от воды и водою составлена, Божиим словом: 061 2PE 003 006 темже тогдашнии мир, водою потоплен быв, погибе. 061 2PE 003 007 А нынешняя небеса и земля темже Словом сокровена суть, огню блюдома на день суда и погибели нечестивых человек. 061 2PE 003 008 Едино же сие да не утаится вас, возлюбленнии, яко един день пред Господем яко тысяща лет, и тысяща лет яко день един. 061 2PE 003 009 Не коснит Господь обетования, якоже нецыи коснение мнят: но долготерпит на нас, не хотя да кто погибнет, но да вси в покаяние приидут. 061 2PE 003 010 Приидет же день Господень яко тать в нощи, в оньже небеса убо с шумом мимо идут, стихии же сжигаемы разорятся, земля же и яже на ней дела сгорят. 061 2PE 003 011 Сим убо всем разоряемым, кацем подобает быти вам во святых пребываниих и благочестиих, 061 2PE 003 012 чающым и скорее быти желающым пришествия Божияго дне, егоже ради небеса жегома разорятся, и стихии опаляемы растаются? 061 2PE 003 013 Нова же небесе и новы земли по обетованию Его чаем, в нихже правда живет. 061 2PE 003 014 Темже, возлюбленнии, сих чающе, потщитеся нескверни и непорочни Тому обрестися в мире, 061 2PE 003 015 и Господа нашего долготерпение спасение непщуите, якоже и возлюбленный наш брат Павел по данней ему премудрости написа вам, 061 2PE 003 016 якоже и во всех своих посланиих, глаголя в них о сих: в нихже суть неудобь разумна некая, яже ненаучени и неутверждени развращают, якоже и прочая Писания, к своей погибели им. 061 2PE 003 017 Вы же убо, возлюбленнии, предведяще хранитеся, да не лестию беззаконных сведени бывше, отпадете своего утверждения. 061 2PE 003 018 Но да растете во благодати и разуме Господа нашего и Спаса Иисуса Христа. Тому слава и ныне и в день века. Аминь. # # BOOK 062 1JO 1 John Первое послание Иоанна 062 1JO 001 001 Еже бе исперва, еже слышахом, еже видехом очима нашима, еже узрехом, и руки нашя осязаша, о Словеси животнем: 062 1JO 001 002 и живот явися, и видехом, и свидетелствуем, и возвещаем вам живот вечный, иже бе у Отца и явися нам: 062 1JO 001 003 еже видехом и слышахом, поведаем вам, да и вы общение имате с нами: общение же наше со Отцем и с Сыном Его Иисусом Христом. 062 1JO 001 004 И сия пишем вам, да радость ваша будет исполнена. 062 1JO 001 005 И сие есть обетование, еже слышахом от Него и поведаем вам, яко Бог свет есть, и тмы в Нем несть ни единыя. 062 1JO 001 006 Аще речем, яко общение имамы с Ним, и во тме ходим, лжем и не творим истины: 062 1JO 001 007 аще же во свете ходим, якоже Сам Той есть во свете, общение имамы друг ко другу, и Кровь Иисуса Христа Сына Его очищает нас от всякаго греха. 062 1JO 001 008 Аще речем, яко греха не имамы, себе прельщаем, и истины несть в нас. 062 1JO 001 009 Аще исповедаем грехи нашя, верен есть и праведен да оставит нам грехи нашя и очестит нас от всякия неправды. 062 1JO 001 010 Аще речем, яко не согрешихом, лжа творим Его, и слово Его несть в нас. 062 1JO 002 001 Чадца моя, сия пишу вам, да не согрешаете: и аще кто согрешит, ходатая имамы ко Отцу, Иисуса Христа праведника: 062 1JO 002 002 и Той очищение есть о гресех наших, не о наших же точию, но и о всего мира. 062 1JO 002 003 И о сем разумеем, яко познахом Его, аще заповеди Его соблюдаем. 062 1JO 002 004 Глаголяй, яко познах Его, и заповеди Его не соблюдает, ложь есть, и в сем истины несть: 062 1JO 002 005 а иже аще соблюдает слово Его, поистинне в сем любы Божия совершенна есть: о сем разумеем, яко в Нем есмы. 062 1JO 002 006 Глаголяй, в Нем пребывати, должен есть, якоже Он ходил есть, и сей такожде да ходит. 062 1JO 002 007 Возлюбленнии, не заповедь нову пишу вам, но заповедь ветху, юже иместе исперва. Заповедь ветха есть слово, еже слышасте исперва. 062 1JO 002 008 Паки заповедь нову пишу вам, еже есть поистинне в Нем и в вас: яко тма мимоходит и свет истинный сей уже сияет. 062 1JO 002 009 Глаголяй себе во свете быти, а брата своего ненавидяй, во тме есть доселе. 062 1JO 002 010 Любяй брата своего во свете пребывает, и соблазна в нем несть. 062 1JO 002 011 А ненавидяй брата своего во тме есть, и во тме ходит, и не весть, камо идет, яко тма ослепи очи ему. 062 1JO 002 012 Пишу вам, чадца, яко оставляются вам греси имене Его ради. 062 1JO 002 013 Пишу вам, отцы, яко познасте Безначалнаго. Пишу вам, юноши, яко победисте лукаваго. Пишу вам, дети, яко познасте Отца. 062 1JO 002 014 Писах вам, отцы, яко познасте Исконнаго: писах вам, юноши, яко крепцы есте, и слово Божие в вас пребывает, и победисте лукаваго. 062 1JO 002 015 Не любите мира, ни яже в мире: аще кто любит мир, несть любве Отчи в нем: 062 1JO 002 016 яко все, еже в мире, похоть плотская и похоть очима и гордость житейская, несть от Отца, но от мира сего есть. 062 1JO 002 017 И мир преходит, и похоть его, а творяй волю Божию пребывает во веки. 062 1JO 002 018 Дети, последняя година есть. И якоже слышасте, яко антихрист грядет, и ныне антихристи мнози быша, от сего разумеваем, яко последний час есть. 062 1JO 002 019 От нас изыдоша, но не беша от нас: аще бы от нас были, пребыли убо быша с нами: но да явятся, яко не суть вси от нас. 062 1JO 002 020 И вы помазание имате от Святаго, и весте вся. 062 1JO 002 021 Не писах вам, яко не весте истины, но яко весте ю и яко всяка лжа от истины несть. 062 1JO 002 022 Кто есть лживый, точию отметаяйся, яко Иисус несть Христос? Сей есть антихрист, отметаяйся Отца и Сына. 062 1JO 002 023 Всяк отметаяйся Сына, ни Отца имать: а исповедаяй Сына, и Отца имать. 062 1JO 002 024 Вы убо еже слышасте исперва, в вас да пребывает: (и) аще в вас пребудет, еже исперва слышасте, и вы в Сыне и Отце пребудете. 062 1JO 002 025 И сие есть обетование, еже Сам обеща нам, живот вечный. 062 1JO 002 026 Сия писах вам о льстящих вас. 062 1JO 002 027 И вы еже помазание приясте от Него, в вас пребывает, и не требуете, да кто учит вы: но яко то само помазание учит вы о всем, и истинно есть, и несть ложно: и якоже научи вас, пребывайте в нем. 062 1JO 002 028 И ныне, чадца, пребывайте в Нем, да егда явится, имамы дерзновение и не посрамимся от Него в пришествии Его. 062 1JO 002 029 Аще весте, яко праведник есть, разумейте, яко всяк творяй правду от Него родися. 062 1JO 003 001 Видите, какову любовь дал есть Отец нам, да чада Божия наречемся, и будем. Сего ради мир не знает нас, зане не позна Его. 062 1JO 003 002 Возлюбленнии, ныне чада Божия есмы, и не у явися, что будем: вемы же, яко, егда явится, подобни Ему будем, ибо узрим Его, якоже есть. 062 1JO 003 003 И всяк имеяй надежду сию Нань, очищает себе, якоже Он чист есть. 062 1JO 003 004 Всяк творяй грех, и беззаконие творит: и грех есть беззаконие. 062 1JO 003 005 И весте, яко Он явися, да грехи нашя возмет, и греха в Нем несть. 062 1JO 003 006 Всяк, иже в Нем пребывает, не согрешает: всяк согрешаяй не виде Его, ни позна Его. 062 1JO 003 007 Чадца, никтоже да льстит вас. Творяй правду праведник есть, якоже Он праведен есть. 062 1JO 003 008 Творяй грех от диавола есть, яко исперва диавол согрешает. Сего ради явися Сын Божий да разрушит дела диаволя. 062 1JO 003 009 Всяк рожденный от Бога греха не творит, яко семя Его в нем пребывает: и не может согрешати, яко от Бога рожден есть. 062 1JO 003 010 Сего ради явлена суть чада Божия и чада диаволя: всяк не творяй правды несть от Бога, и не любяй брата своего. 062 1JO 003 011 Яко се есть завещание, еже слышасте исперва, да любим друг друга, 062 1JO 003 012 не якоже Каин от лукаваго бе и закла брата своего. И за кую вину закла его? Яко дела его лукава беша, а брата его праведна. 062 1JO 003 013 Не чудитеся, братие моя, аще ненавидит вас мир. 062 1JO 003 014 Мы вемы, яко преидохом от смерти в живот, яко любим братию: не любяй бо брата пребывает в смерти. 062 1JO 003 015 Всяк ненавидяй брата своего человекоубийца есть: и весте, яко всяк человекоубийца не имать живота вечнаго в себе пребывающа. 062 1JO 003 016 О сем познахом любовь, яко Он по нас душу Свою положи: и мы должни есмы по братии душы полагати. 062 1JO 003 017 Иже убо имать богатство мира сего, и видит брата своего требующа, и затворит утробу свою от него, како любы Божия пребывает в нем? 062 1JO 003 018 Чадца моя, не любим словом ниже языком, но делом и истиною. 062 1JO 003 019 И о сем разумеем, яко от истины есмы, и пред Ним смиряем сердца наша: 062 1JO 003 020 зане аще зазирает нам сердце наше, яко болий есть Бог сердца нашего и весть вся. 062 1JO 003 021 Возлюбленнии, аще сердце наше не зазрит нам, дерзновение имамы к Богу, 062 1JO 003 022 и егоже аще просим, приемлем от Него, яко заповеди Его соблюдаем и угодная пред Ним творим. 062 1JO 003 023 И сия есть заповедь Его, да веруем во имя Сына Его Иисуса Христа и любим друг друга, якоже дал есть заповедь нам. 062 1JO 003 024 И соблюдаяй заповеди Его в Нем пребывает, и Той в нем. И о сем разумеем, яко пребывает в нас, от духа, егоже дал есть нам. 062 1JO 004 001 Возлюбленнии, не всякому духу веруйте, но искушайте духи, аще от Бога суть: яко мнози лжепророцы изыдоша в мир. 062 1JO 004 002 О сем познавайте Духа Божия и духа лестча: всяк дух, иже исповедует Иисуса Христа во плоти пришедша, от Бога есть: 062 1JO 004 003 и всяк дух, иже не исповедует Иисуса Христа во плоти пришедша, от Бога несть: и сей есть антихристов, егоже слышасте, яко грядет, и ныне в мире есть уже. 062 1JO 004 004 Вы от Бога есте, чадца, и победисте тех: яко болий есть Иже в вас, нежели иже в мире. 062 1JO 004 005 Они от мира суть: сего ради от мира глаголют, и мир тех послушает. 062 1JO 004 006 Мы от Бога есмы: иже знает Бога, послушает нас, и иже несть от Бога, не послушает нас. О сем познаваем духа истины и духа лестча. 062 1JO 004 007 Возлюбленнии, возлюбим друг друга, яко любы от Бога есть, и всяк любяй от Бога рожден есть, и знает Бога: 062 1JO 004 008 а не любяй не позна Бога, яко Бог любы есть. 062 1JO 004 009 О сем явися любы Божия в нас, яко Сына Своего Единороднаго посла Бог в мир, да живи будем Им. 062 1JO 004 010 О сем есть любы, не яко мы возлюбихом Бога, но яко Той возлюби нас, и посла Сына Своего очищение о гресех наших. 062 1JO 004 011 Возлюбленнии, аще сице возлюбил есть нас Бог, и мы должни есмы друг друга любити. 062 1JO 004 012 Бога никтоже нигдеже виде. Аще друг друга любим, Бог в нас пребывает, и любы Его совершенна есть в нас. 062 1JO 004 013 О сем разумеем, яко в Нем пребываем, и Той в нас, яко от Духа Своего дал есть нам. 062 1JO 004 014 И мы видехом и свидетелствуем, яко Отец посла Сына Спасителя миру. 062 1JO 004 015 Иже аще исповесть, яко Иисус есть Сын Божий, Бог в нем пребывает, и той в Бозе. 062 1JO 004 016 И мы познахом и веровахом любовь, юже имать Бог к нам. Бог любы есть, и пребываяй в любви в Бозе пребывает, и Бог в нем пребывает. 062 1JO 004 017 О сем совершается любы с нами, да дерзновение имамы в день судный, зане, якоже Он есть, и мы есмы в мире сем. 062 1JO 004 018 Страха несть в любви, но совершенна любы вон изгоняет страх, яко страх муку имать: бояйся же не совершися в любви. 062 1JO 004 019 Мы любим Его, яко Той первее возлюбил есть нас. 062 1JO 004 020 Аще кто речет, яко люблю Бога, а брата своего ненавидит, ложь есть: ибо не любяй брата своего, егоже виде, Бога, Егоже не виде, како может любити? 062 1JO 004 021 И сию заповедь имамы от Него, да любяй Бога любит и брата своего. 062 1JO 005 001 Всяк веруяй, яко Иисус есть Христос, от Бога рожден есть: и всяк любяй Рождшаго любит и Рожденнаго от Него. 062 1JO 005 002 О сем вемы, яко любим чада Божия, егда Бога любим и заповеди Его соблюдаем. 062 1JO 005 003 Сия бо есть любы Божия, да заповеди Его соблюдаем: и заповеди Его тяжки не суть. 062 1JO 005 004 Яко всяк рожденный от Бога побеждает мир: и сия есть победа, победившая мир, вера наша. 062 1JO 005 005 Кто есть побеждаяй мир, токмо веруяй, яко Иисус есть Сын Божий? 062 1JO 005 006 Сей есть пришедый водою и кровию и Духом, Иисус Христос, не водою точию, но водою и кровию: и Дух есть свидетелствуяй, яко Дух есть истина. 062 1JO 005 007 Яко трие суть свидетелствующии на небеси, Отец, Слово и Святый Дух: и Сии три едино суть. 062 1JO 005 008 И трие суть свидетелствующии на земли, дух и вода и кровь: и трие во едино суть. 062 1JO 005 009 Аще свидетелство человеческое приемлем, свидетелство Божие более есть: яко сие есть свидетелство Божие, еже свидетелствова о Сыне Своем. 062 1JO 005 010 Веруяй в Сына Божия имать свидетелство в себе: не веруяй Богови лжа сотворил есть Его, яко не верова во свидетелство, еже свидетелствова Бог о Сыне Своем. 062 1JO 005 011 И сие есть свидетелство, яко живот вечный дал есть нам Бог, и сей живот в Сыне Его есть. 062 1JO 005 012 Имеяй Сына Божия имать живот: а не имеяй Сына Божия живота не имать. 062 1JO 005 013 Сия писах вам верующым во имя Сына Божия, да весте, яко живот вечный имате, и да веруете во имя Сына Божия. 062 1JO 005 014 И сие есть дерзновение, еже имамы к Нему, яко аще чесо просим по воли Его, послушает нас: 062 1JO 005 015 и аще вемы, яко послушает нас, еже аще просим, вемы, яко имамы прошения, ихже просихом от Него. 062 1JO 005 016 Аще кто узрит брата своего согрешающа грех не к смерти, да просит, и даст ему живот, согрешающым не к смерти. Есть грех к смерти: не о том, глаголю, да молится. 062 1JO 005 017 Всяка неправда грех есть, и есть грех не к смерти. 062 1JO 005 018 Вемы, яко всяк рожденный от Бога не согрешает: но рожденный от Бога блюдет себе, и лукавый не прикасается ему. 062 1JO 005 019 Вемы, яко от Бога есмы, и мир весь во зле лежит. 062 1JO 005 020 Вемы же, яко Сын Божий прииде и дал есть нам (свет и) разум, да познаем Бога истиннаго и да будем во истиннем Сыне Его Иисусе Христе: Сей есть истинный Бог и живот вечный. 062 1JO 005 021 Чадца, храните себе от треб идолских. Аминь. # # BOOK 063 2JO 2 John Второе послание Иоанна 063 2JO 001 001 Старец избранней госпоже и чадом ея, ихже аз люблю воистинну, и не аз точию, но и вси разумевшии истину. 063 2JO 001 002 За истину пребывающую в нас, и с нами будет во веки. 063 2JO 001 003 Да будет с вами благть, милость, мир от Бога Отца, и от Господа Иисуса Христа, Сына Отча, во истине и любви. 063 2JO 001 004 Возрадовахся зело, яко обретох от чад твоих ходящих во истине, якоже заповедь прияхом от Отца. 063 2JO 001 005 И ныне молю тя, госпоже, не яко заповедь пишу тебе нову, но юже имамы исперва, да любим друг друга. 063 2JO 001 006 И сия есть любы, да ходим по заповедем Его. Сия есть заповедь, якоже слышасте исперва, да в ней ходите: 063 2JO 001 007 зане мнози лестцы внидоша в мир, не исповедающе Иисуса Христа пришедша во плоти, сей есть льстец и антихрист. 063 2JO 001 008 Блюдите себе, да не погубите яже деласте добрая, но да мзду совершенну восприимете. 063 2JO 001 009 Всяк преступаяй и не пребываяй во учении Христове, Бога не имать: пребываяй же во учении Христове, сей и Отца и Сына имать. 063 2JO 001 010 Аще кто приходит к вам, и сего учения не приносит, не приемлите его в дом, и радоватися ему не глаголите. 063 2JO 001 011 Глаголяи бо ему радоватися, сообщается делом его злым. 063 2JO 001 012 Многа имех писати вам, и не восхотех хартиею и чернилом, но надеюся приити к вам и усты ко устом глаголати, да радость ваша будет исполнена. 063 2JO 001 013 Целуют тя чада сестры твоея избранныя. Аминь. # # BOOK 064 3JO 3 John Третье послание Иоанна 064 3JO 001 001 Старец Гаиеви возлюбленному, егоже аз люблю воистинну. 064 3JO 001 002 Возлюбленне, во всех молюся (о тебе) благоспеятися тебе и здравствовати, якоже благоспеется тебе душа. 064 3JO 001 003 Возрадовахся зело, пришедшым братиям и свидетельствующым твою истину, якоже ты во истине ходиши. 064 3JO 001 004 Болши сея не имам радости, да слышу моя чада во истине ходяща. 064 3JO 001 005 Возлюбленне, верно твориши, еже аще делаеши в братию и в странныя, 064 3JO 001 006 иже свидетельствоваша о твоей любви пред церковию. Ихже предпослав достойно Богу, добре твориши. 064 3JO 001 007 О имени бо Его изыдоша, ничтоже приемлюще от язык. 064 3JO 001 008 Мы убо должни есмы приимати таковых, да поспешницы будем истине. 064 3JO 001 009 Писах церкви: но первенстволюбец их Диотреф не приемлет нас. 064 3JO 001 010 Сего ради, аще прииду, воспомяну его дела, яже творит, словесы лукавыми укоряя нас: и недоволен бывая о сих, ни сам приемлет братию, и хотящым возбраняет, и от церкве изгонит. 064 3JO 001 011 Возлюбленне, не уподобляися злому, но благому. Благотворяй от Бога есть: а злотворяй не виде Бога. 064 3JO 001 012 Димитриеви свидетельствовася от всех и от самыя истины: и мы же свидетельствуем, и весте, яко свидетельство наше истинно есть. 064 3JO 001 013 Многа имех писати, но не хощу чернилом и тростию писати тебе, 064 3JO 001 014 уповаю же абие видети тя и усты ко устом глаголати. Мир тебе. Целуют тя друзи: целуй други по имени. Аминь. # # BOOK 065 JUD Jude Послание Иуды 065 JUD 001 001 Иуда, Иисуса Христа раб, брат же Иакова, сущым о Бозе Отце освященным, Иисус Христом соблюденным званным: 065 JUD 001 002 милость вам и мир и любы да умножится. 065 JUD 001 003 Возлюбленнии, всяко тщание творя писати вам о общем спасении вашем, нужду возимех писати вам, моля подвизатися о преданнеи вере святым единою. 065 JUD 001 004 Привнидоша бо нецыи человецы, древле предуставленнии на сие осуждение, нечестивии, Бога нашего благодать прелагающии в скверну, и единаго Владыки Бога и Господа нашего Иисуса Христа отметающиися. 065 JUD 001 005 Воспомянути же вам хощу, ведущым и вам единою сие, яко Господь люди от земли Египетския спасе, последи неверовавшыя погуби: 065 JUD 001 006 аггелы же не соблюдшыя своего начальства, но оставльшыя свое жилище, на суд великаго дне узами вечными под мраком соблюде. 065 JUD 001 007 Якоже Содома и Гоморра и окрестнии их грады, подобным им образом преблудивше и ходивше вслед плоти иныя, предлежат в показание, огня вечнаго суд подемше, 065 JUD 001 008 такожде убо и сии, сония видяще, плоть убо сквернят, господства же отметаются, славы же хуляще (не трепещут). 065 JUD 001 009 Михаил же Архангел, егда со диаволом разсуждая глаголаше о Моисеове телеси, не смеяше суда навести хульна, но рече: да запретит тебе Господь. 065 JUD 001 010 Сии же, елика убо не ведят, хулят: елика же по естеству яко безсловесная животная ведят, в сих сквернятся. 065 JUD 001 011 Горе им. Яко в путь Каинов поидоша, и в лесть Валаамовы мзды устремишася, и в пререкании Корреове погибоша. 065 JUD 001 012 Сии суть в любвах ваших сквернители, с вами ядуще, без боязни себе пасуще: облацы безводни, от ветр преносими: древеса есенна, безплодна, дважды умерша, искоренена. 065 JUD 001 013 Волны свирепыя моря, воспеняющя своя стыдения: звезды прелестныя, имже мрак тьмы во веки блюдется. 065 JUD 001 014 Пророчествова же и о сих седмый от Адама Енох, глаголя: се приидет Господь во тьмах святых Ангел Своих, 065 JUD 001 015 сотворити суд о всех и изобличити всех нечестивых о всех делех нечестия их, имиже нечествоваша, и о всех жестоких словесех их, яже глаголаша Нань грешницы нечестивии. 065 JUD 001 016 Сии суть ропотницы, укорители, (часть порочна, ) в похотех своих ходяще нечестием и законопреступлением: и уста их глаголют прегордая: чудящеся лицам пользы ради. 065 JUD 001 017 Вы же, возлюбленнии, поминайте глаголы преждереченныя от Апостол Господа нашего Иисуса Христа. 065 JUD 001 018 Зане глаголаху вам, яко в последнее время будут ругатели, по своих похотех ходяще и нечестиих. 065 JUD 001 019 Сии суть отделяюще себе (от единости веры, и суть) телесни, духа не имуще. 065 JUD 001 020 Вы же, возлюбленнии, стою вашею верою назидающе себе, Духом Святым молящеся, 065 JUD 001 021 сами себе в любви Божиеи соблюдайте, ждуще милости Господа нашего Иисуса Христа, в жизнь вечную. 065 JUD 001 022 И овех убо милуйте разсуждающе. 065 JUD 001 023 Овех же страхом спасайте, от огня восхищающе. Обличайте же с боязнию, ненавидяще и яже от плоти оскверненую ризу. 065 JUD 001 024 Могущему же сохранити вы без греха и без скверны и поставити пред славою Своею непорочных в радости, 065 JUD 001 025 Единому Премудрому Богу и Спасу нашему, Иисусом Христом Господем нашим, слава и величие, держава и власть, прежде всего века, и ныне, и во вся веки. Аминь. # # BOOK 066 REV Revelation Откровение ап. Иоанна Богослова 066 REV 001 001 Апокалипсис Иисуса Христа, егоже даде Ему Бог, показати рабом Своим, имже подобает быти вскоре. И сказа, послав чрез Ангела Своего рабу Своему Иоанну, 066 REV 001 002 иже свидетелствова слово Божие и свидетелство Иисус Христово, и елика виде. 066 REV 001 003 Блажен чтый, и слышащии словеса пророчествия, и соблюдающии писаная в нем: время бо близ. 066 REV 001 004 Иоанн седмим церквам, яже суть во Асии: благодать вам и мир от Сущаго, и Иже бе, и Грядущаго, и от седми духов, иже пред престолом Его суть, 066 REV 001 005 и от Иисуса Христа, Иже есть свидетель верный, первенец из мертвых и князь царей земных: любящу ны и омывшу нас от грех наших Кровию Своею, 066 REV 001 006 и сотворил есть нас цари и иереи Богу и Отцу Своему, Тому слава и держава во веки веков. Аминь. 066 REV 001 007 Се, грядет со облаки, и узрит Его всяко око и иже Его прободоша, и плачь сотворят о Нем вся колена земная. Ей, аминь. 066 REV 001 008 Аз есмь Алфа и Омега, начаток и конец, глаголет Господь, сый, и Иже бе, и грядый, Вседержитель. 066 REV 001 009 Аз Иоанн, иже и брат ваш и общник в печали и во царствии и в терпении Иисус Христове, бых во острове нарицаемем Патмос за слово Божие и за свидетелство Иисус Христово. 066 REV 001 010 Бых в дусе в день неделный, и слышах за собою глас велий яко трубы глаголющия: Аз есмь Алфа и Омега, Первый и Последний: 066 REV 001 011 и: яже видиши, напиши в книгу, и посли церквам, яже суть во Асии: во Ефес и в Смирну, в Пергам и в Фиатир, и в Сардис и в Филаделфию и в Лаодикию. 066 REV 001 012 И обратихся видети глас, иже глаголаше со мною: и обратився видех седмь светилник златых, 066 REV 001 013 и посреде седми светилников подобна Сыну Человечу, облечена в подир и препоясана при сосцу поясом златым: 066 REV 001 014 глава же Его и власи белы аки ярина белая, якоже снег: и очи Его яко пламень огнен: 066 REV 001 015 и нозе Его подобне халколивану, якоже в пещи разжженне: и глас Его яко глас вод мног: 066 REV 001 016 и держя в руце Своей десней седмь звезд: и из уст Его мечь обоюду остр изострен исходяй: и лице Его якоже солнце сияет в силе своей. 066 REV 001 017 И егда видех Его, падох к ногама Его яко мертв. И положи десницу Свою на мне, глаголя ми: не бойся: Аз есмь Первый и Последний 066 REV 001 018 и живый: и бых мертв, и се, жив есмь во веки веков, аминь: и имам ключи ада и смерти. 066 REV 001 019 Напиши убо, яже видел еси, и яже суть, и имже подобает быти по сем. 066 REV 001 020 Таинство седми звезд, яже видел еси на деснице Моей, и седмь светилник златых: седмь звезд Ангели седми церквей суть: и седмь светилников, яже видел еси, седмь церквей суть. 066 REV 002 001 Ангелу Ефесския церкве напиши: тако глаголет Держяй седмь звезд в деснице Своей, Ходяй посреде седми светилников златых: 066 REV 002 002 вем твоя дела, и труд твой, и терпение твое, и яко не можеши носити злых, и искусил еси глаголющыяся быти апостолы, и не суть, и обрел еси их ложных: 066 REV 002 003 и понесл еси, и терпение имаши, и за имя Мое трудился еси и не изнемогл еси. 066 REV 002 004 Но имам на тя, яко любовь твою первую оставил еси. 066 REV 002 005 Помяни убо, откуду спал еси, и покайся, и первая дела сотвори: аще же ни, гряду тебе скоро и двигну светилник твой от места своего, аще не покаешися. 066 REV 002 006 Но се имаши, яко ненавидиши дел Николаитских, ихже и Аз ненавижду. 066 REV 002 007 Имеяй ухо да слышит, что Дух глаголет церквам: побеждающему дам ясти от древа животнаго, еже есть посреде рая Божия. 066 REV 002 008 И Ангелу церкве Смирнския напиши: тако глаголет Первый и Последний, Иже бысть мертв, и (се, ) жив есть: 066 REV 002 009 вем твоя дела и скорбь и нищету, но богат еси, и хулы глаголющихся быти Иудей, и не суть, но сонмище сатанино. 066 REV 002 010 Не бойся ничесоже, яже имаши пострадати. Се, имать диавол всаждати от вас в темницы, да искуситеся: и имети будете скорбь до десяти дний. Буди верен даже до смерти, и дам ти венец живота. 066 REV 002 011 Имеяй ухо слышати да слышит, что Дух глаголет церквам: побеждаяй не имать вредитися от смерти вторыя. 066 REV 002 012 И Ангелу Пергамския церкве напиши: тако глаголет Имеяй мечь обоюду изощрен: 066 REV 002 013 вем дела твоя, и где живеши, идеже престол сатанин: и держиши имя Мое, и не отверглся еси веры Моея и в (Моя) дни, в няже Антипас свидетель Мой верный, иже убиен бысть в вас, идеже живет сатана. 066 REV 002 014 Но имам на тя мало, яко имаши ту держащих учение Валаамово, иже учаше Валака положити соблазн пред сынми Израилевыми, ясти жертвы идолския и любы творити. 066 REV 002 015 Тако имаши и ты держащыя учение Николаитско, егоже ненавижду. 066 REV 002 016 Покайся: аще ли ни, прииду тебе скоро и брань сотворю с ними мечем уст Моих. 066 REV 002 017 Имеяй ухо слышати да слышит, что Дух глаголет церквам: побеждающему дам ясти от манны сокровенныя, и дам ему камень бел и на камени имя ново написано, егоже никтоже весть, токмо приемляй. 066 REV 002 018 И Ангелу Фиатирския церкве напиши: тако глаголет Сын Божий, Имеяй очи свои яко пламень огнен, и нозе Его подобне халколивану: 066 REV 002 019 вем твоя дела и любовь, и службу и веру, и терпение твое и дела твоя, и последняя болша первых. 066 REV 002 020 Но имам на тя мало, яко оставляеши жене Иезавели, глаголющей себе быти пророчицу, учити и льстити Моя рабы, любодействовати и снести жертву идолскую. 066 REV 002 021 И дах ей время, да покается от любодейства своего, и не покаяся. 066 REV 002 022 Се, Аз полагаю ю на одре и любодеющыя с нею в скорбь велию, аще не покаются от дел своих: 066 REV 002 023 и чада их умрут смертию: и уразумеют вся церкви, яко Аз есмь испытаяй сердца и утробы: и дам вам комуждо по делом вашым. 066 REV 002 024 Вам же глаголю и прочым сущым в Фиатире, иже не имут учения сего и иже не разумеют глубин сатаниных, якоже глаголют: не возложу на вы тяготы иныя: 066 REV 002 025 токмо, еже имате, держите, дондеже прииду. 066 REV 002 026 И побеждающему и соблюдающему дела Моя до конца, дам ему власть на языцех, 066 REV 002 027 и упасет я жезлом железным, яко сосуды скудельничи сокрушатся, якоже и Аз приях от Отца Моего: 066 REV 002 028 и дам ему звезду утреннюю. 066 REV 002 029 Имеяй ухо слышати да слышит, что Дух глаголет церквам. 066 REV 003 001 И Ангелу Сардийския церкве напиши: тако глаголет Имеяй седмь духов Божиих и седмь звезд: вем твоя дела, яко имя имаши яко жив, а мертв еси. 066 REV 003 002 Буди бдя и утверждая прочая, имже умрети: не обретох бо дел твоих скончаных пред Богом (твоим). 066 REV 003 003 Поминай убо, како приял еси и слышал еси, и соблюдай и покайся. Аще убо не бдиши, прииду на тя яко тать, и не имаши почути, в кий час прииду на тя. 066 REV 003 004 Но имаши мало имен и в Сардии, иже не оскверниша риз своих, и ходити имут со Мною в белых, яко достойни суть. 066 REV 003 005 Побеждаяй, той облечется в ризы белыя, и не имам отмыти имене его от книг животных, и исповем имя его пред Отцем Моим и пред Ангелы Его. 066 REV 003 006 Имеяй ухо да слышит, что Дух глаголет церквам. 066 REV 003 007 И Ангелу Филаделфийския церкве напиши: тако глаголет Святый Истинный, имеяй ключь Давидов, отверзаяй, и никтоже затворит, затворяяй, и никтоже отверзет: 066 REV 003 008 вем твоя дела: се, дах пред тобою двери отверсты, и никтоже может затворити их: яко малу имаши силу, и соблюл еси Мое слово, и не отверглся еси имене Моего. 066 REV 003 009 Се, даю от сонмища сатанина глаголющыяся быти Иудеи, и не суть, но лгут: се, сотворю их, да приидут и поклонятся пред ногама твоима, и уразумеют, яко Аз возлюбих тя. 066 REV 003 010 Яко соблюл еси слово терпения Моего, и Аз тя соблюду от годины искушения, хотящия приити на всю вселенную искусити живущыя на земли. 066 REV 003 011 Се, гряду скоро: держи, еже имаши, да никтоже приимет венца твоего. 066 REV 003 012 Побеждающаго сотворю столпа в церкви Бога Моего, и боле не имать изыти ктому: и напишу на нем имя Бога Моего и имя града Бога Моего, новаго Иерусалима, сходящаго с небес от Бога Моего, и имя Мое новое. 066 REV 003 013 Имеяй ухо да слышит, что Дух глаголет церквам. 066 REV 003 014 И Ангелу Лаодикийския церкве напиши: тако глаголет Аминь, свидетель верный и истинный, начаток создания Божия: 066 REV 003 015 вем твоя дела, яко ни студен еси ни тепл: не да студен бы был ни тепл. 066 REV 003 016 Тако, яко обуморен еси, и ни тепл ни студен, изблевати тя от уст Моих имам. 066 REV 003 017 Зане глаголеши, яко богат есмь и обогатихся и ничтоже требую: и не веси, яко ты еси окаянен и беден, и нищь и слеп и наг. 066 REV 003 018 Совещаю тебе купити от Мене злато разжжено огнем, да обогатишися, и одеяние бело, да облечешися, и да не явится срамота наготы твоея: и коллурием помажи очи твои, да видиши. 066 REV 003 019 Аз, ихже аще люблю, обличаю и наказую. Ревнуй убо и покайся. 066 REV 003 020 Се, стою при дверех и толку: аще кто услышит глас Мой и отверзет двери, вниду к нему и вечеряю с ним, и той со Мною. 066 REV 003 021 Побеждающему дам сести со Мною на престоле Моем, якоже и Аз победих и седох со Отцем Моим на престоле Его. 066 REV 003 022 Имеяй ухо да слышит, что Дух глаголет церквам. 066 REV 004 001 По сих видех: и се, двери отверсты на небеси, и глас первый, егоже слышах яко трубу глаголющь со мною, глаголя: взыди семо, и покажу ти, емуже подобает быти по сих. 066 REV 004 002 И абие бых в дусе: и се, престол стояше на небеси, и на престоле Седящь: 066 REV 004 003 и Седяй бе подобен видением камени иаспису и сардинови: и (бе) дуга окрест престола подобна видением смарагдови. 066 REV 004 004 И окрест престола престоли двадесять и четыри: и на престолех видех двадесять и четыри старцы седящыя, облечены в белыя ризы, и имяху венцы златы на главах своих. 066 REV 004 005 И от престола исхождаху молния и громи и гласи: и седмь свещников огненных горящих пред престолом, иже суть седмь духов Божиих: 066 REV 004 006 и пред престолом море сткляно, подобно кристаллу: и посреде престола и окрест престола четыри животна исполнена очес спреди и созади. 066 REV 004 007 И животно первое подобно льву, и второе животно подобно телцу, и третие животно имущее лице яко человек, и четвертое животно подобно орлу летящу. 066 REV 004 008 И животна четыри, едино коеждо их имеяху по шесть крил окрест, и внутрьуду исполнена очес: и покоя не имут день и нощь, глаголюще: свят, свят, свят Господь Бог Вседержитель, Иже бе и сый и грядый. 066 REV 004 009 И егда даша животная славу и честь и благодарение Седящему на престоле, Живущему во веки веков, 066 REV 004 010 падоша двадесять и четыри старцы пред Седящим на престоле, и поклонишася Живущему во веки веков, и положиша венцы своя пред престолом, глаголюще: 066 REV 004 011 достоин еси, Господи, прияти славу и честь и силу, яко Ты еси создал всяческая, и волею Твоею суть, и сотворена. 066 REV 005 001 И видех в деснице Седящаго на престоле книгу написану внутрьуду и внеуду, запечатану седмию печатию. 066 REV 005 002 И видех Ангела крепка проповедающа гласом великим: кто есть достоин разгнути книгу и разрешити печати ея? 066 REV 005 003 И никтоже можаше ни на небеси, ни на земли, ниже под землею, разгнути книгу, ниже зрети ю. 066 REV 005 004 И аз плакахся много, яко ни един обретеся достоин разгнути и прочести книгу, ниже зрети ю. 066 REV 005 005 И един от старец глагола ми: не плачися: се, победил есть лев, иже сый от колена Иудова, корень Давидов, разгнути книгу и разрешити седмь печатей ея. 066 REV 005 006 И видех, и се, посреде престола и четырех животных и посреде старец Агнец стоящь яко заколен, имущь рогов седмь и очес седмь, еже есть седмь духов Божиих, посланных во всю землю. 066 REV 005 007 И прииде и прият книгу от десницы Седящаго на престоле. 066 REV 005 008 И егда прият книгу, четыри животна и двадесять и четыри старцы падоша пред Агнцем, имуще кийждо гусли и фиалы златы полны фимиама, иже суть молитвы святых: 066 REV 005 009 и поют песнь нову, глаголюще: достоин еси прияти книгу и отверзти печати ея, яко заклался и искупил еси Богови нас Кровию Своею от всякаго колена и языка и людий и племен, 066 REV 005 010 и сотворил еси нас Богови нашему цари и иереи: и воцаримся на земли. 066 REV 005 011 И видех, и слышах глас Ангелов многих окрест престола и животных и старец, и бе число их тысяща тысящами, 066 REV 005 012 глаголюще гласом великим: достоин есть Агнец заколенный прияти силу и богатство, и премудрость и крепость, и честь и славу и благословение. 066 REV 005 013 И всяко создание, еже есть на небеси и на земли, и под землею и на мори яже суть, и сущая в них, вся слышах глаголющыя: Седящему на престоле и Агнцу благословение и честь, и слава и держава во веки веков. 066 REV 005 014 И четыри животна глаголаху: аминь. И двадесять и четыри старцы падоша и поклонишася Живущему во веки веков. 066 REV 006 001 И видех, егда отверзе Агнец едину от седми печатей, и слышах единаго от четырех животных глаголюща якоже глас громный: гряди и виждь. 066 REV 006 002 И видех, и се, конь бел, и седяй на нем имеяше лук, и дан бысть ему венец: и изыде побеждаяй, и да победит. 066 REV 006 003 И егда отверзе печать вторую, слышах второе животно глаголющее: гряди и виждь. 066 REV 006 004 И изыде другий конь рыжь: и седящему на нем дано бысть взяти мир от земли, и да убиют друг друга: и дан бысть ему мечь великий. 066 REV 006 005 И егда отверзе третию печать, слышах третие животно глаголющее: гряди и виждь. И видех, и се, конь ворон, и седяй на нем имеяше мерило в руце своей. 066 REV 006 006 И слышах глас посреде четырех животных глаголющий: мера пшеницы за динарь и три меры ячменя за динарь: и елеа и вина не вреди. 066 REV 006 007 И егда отверзе четвертую печать, слышах глас четвертаго животна глаголющий: гряди и виждь. 066 REV 006 008 И видех, и се, конь блед, и седяй на нем, имя ему смерть: и ад идяше вслед его: и дана бысть ему область на четвертей части земли убити оружием и гладом, и смертию и зверьми земными. 066 REV 006 009 И егда отверзе пятую печать, видех под олтарем душы избиенных за слово Божие и за свидетелство, еже имеяху. 066 REV 006 010 И возопиша гласом великим, глаголюще: доколе, Владыко Святый и Истинный, не судиши и не мстиши крове нашея от живущих на земли? 066 REV 006 011 И даны быша коемуждо их ризы белы, и речено бысть им, да почиют еще время мало, дондеже скончаются и клеврети их и братия их, имущии избиени быти, якоже и тии. 066 REV 006 012 И видех, егда отверзе шестую печать, и се, бысть трус велий, и солнце мрачно бысть яко вретище власяно, и луна бысть яко кровь: 066 REV 006 013 и звезды небесныя падоша на землю, якоже смоковница отметает пупы своя, от ветра велика движима: 066 REV 006 014 и небо отлучися яко свиток свиваемо, и всяка гора и остров от мест своих двигнушася: 066 REV 006 015 и царие земстии и вельможи, и богатии и тысящницы и сильнии, и всяк раб и всяк свободь скрышася в пещерах и камении горстем, 066 REV 006 016 и глаголаша горам и камению: падите на ны и покрыйте ны от лица Седящаго на престоле и от гнева Агнча: 066 REV 006 017 яко прииде день великий гнева Его, и кто может стати? 066 REV 007 001 И по сем видех четыри Ангелы стоящыя на четырех углех земли, держащыя четыри ветры земския, да не дышет ветр на землю, ни на море, ни на всяко древо. 066 REV 007 002 И видех инаго Ангела восходяща от восхода солнца, имуща печать Бога живаго. И возопи гласом велиим к четырем Ангелом, имже дано бысть вредити землю и море, глаголя: 066 REV 007 003 не вредите ни земли, ни моря, ни древес, дондеже запечатлеем рабы Бога нашего на челех их. 066 REV 007 004 И слышах число запечатленных: сто четыредесять четыри тысящи запечатленных от всякаго колена сынов Израилевых. 066 REV 007 005 От колена Иудова дванадесять тысящ запечатленных: от колена Рувимова дванадесять тысящ запечатленных: от колена Гадова дванадесять тысящ запечатленных: 066 REV 007 006 от колена Асирова дванадесять тысящ запечатленных: от колена Неффалимля дванадесять тысящ запечатленных: от колена Манассиина дванадесять тысящ запечатленных: 066 REV 007 007 от колена Симеонова дванадесять тысящ запечатленных: от колена Левиина дванадесять тысящ запечатленных: от колена Иссахарова дванадесять тысящ запечатленных: 066 REV 007 008 от колена Завулоня дванадесять тысящ запечатленных: от колена Иосифова дванадесять тысящ запечатленных: от колена Вениаминова дванадесять тысящ запечатленных. 066 REV 007 009 По сих видех, и се, народ мног, егоже изчести никтоже может, от всякаго языка и колена, и людий и племен, стояще пред престолом и пред Агнцем, облечены в ризы белы, и финицы в руках их. 066 REV 007 010 И возопиша гласом велиим, глаголюще: спасение седящему на престоле Богу нашему и Агнцу. 066 REV 007 011 И вси Ангели стояху окрест престола и старец и четырех животных: и падоша на лицы пред престолом и поклонишася Богу, 066 REV 007 012 глаголюще: аминь: благословение и слава, и премудрость и хвала, и честь и сила и крепость Богу нашему во веки веков. Аминь. 066 REV 007 013 И отвеща един от старец, глаголя ми: сии облеченнии в ризы белыя кто суть и откуду приидоша? 066 REV 007 014 И рех ему: господи, ты веси. И рече ми: сии суть, иже приидоша от скорби великия, и испраша ризы своя, и убелиша ризы своя в Крови Агнчи: 066 REV 007 015 сего ради суть пред престолом Божиим и служат Ему день и нощь в церкви Его, и Седяй на престоле вселится в них: 066 REV 007 016 не взалчут ктому, ниже вжаждут, не имать же пасти на них солнце, ниже всяк зной: 066 REV 007 017 яко Агнец, Иже посреде престола, упасет я и наставит их на животныя источники вод, и отимет Бог всяку слезу от очию их. 066 REV 008 001 И егда отверзе седмую печать, бысть безмолвие на небеси яко пол часа. 066 REV 008 002 И видех седмь Ангелов, иже пред Богом стояху: и дано бысть им седмь труб. 066 REV 008 003 И другий Ангел прииде и ста пред олтарем, имеяй кадилницу злату: и даны быша ему фимиами мнози, да даст молитвам святых всех на олтарь златый сущий пред престолом. 066 REV 008 004 И изыде дым кадилный молитвами святых от руки Ангела пред Бога. 066 REV 008 005 И взят Ангел кадилницу, и наполни ю от огня сущаго на олтари, и положи на земли: и быша гласи и громи и блистания и трус. 066 REV 008 006 И седмь Ангел, иже имеяху седмь труб, уготовашася, да вострубят. 066 REV 008 007 И первому Ангелу вострубившу, бысть град и огнь, смешены с кровию, и падоша на землю: и третия часть древа погоре, и всяка трава злачная погоре. 066 REV 008 008 И вторый Ангел воструби, и яко гора велика огнем жегома ввержена бысть в море: и бысть третия часть моря кровь, 066 REV 008 009 и умре третия часть созданий сущих в мори, имущих душы, и третия часть кораблей погибе. 066 REV 008 010 И третий ангел воструби, и паде с небесе звезда велика, горящи яко свеща, и паде на третию часть рек и на источники водныя: 066 REV 008 011 и имя звезде глаголется апсинфос: и бысть третия часть вод яко пелынь, и мнози от человек умроша от вод, яко горьки беша. 066 REV 008 012 И четвертый Ангел воструби, и уязвена бысть третия часть солнца и третия часть луны и третия часть звезд, да затмится третия часть их, и дне третия часть да не светит, и нощь такожде. 066 REV 008 013 И видех и слышах единаго Ангела паряща посреде небесе, глаголюща гласом великим: горе, горе, горе живущым на земли от прочих гласов трубных триех Ангел хотящих трубити. 066 REV 009 001 И пятый Ангел воструби, и видех звезду с небесе спадшу на землю: и дан бысть ей ключь студенца бездны: 066 REV 009 002 и отверзе студенца бездны, и взыде дым от студенца яко дым пещи велики, и омерче солнце и воздух от дыма студеничнаго. 066 REV 009 003 И от дыма изыдоша прузи на землю, и дана бысть им область, якоже имут область скорпии земныя. 066 REV 009 004 И речено бысть им, да не вредят травы земныя, ни всякаго злака, ни всякаго древа, но человеки точию, иже не имут печати Божия на челех своих. 066 REV 009 005 И дано бысть им, да не убиют их, но да муку приимут пять месяцей: и мучение их яко мучение скорпиево, егда усекнет человека. 066 REV 009 006 И в тыя дни взыщут человецы смерти, и не обрящут ея: и вожделеют умрети, и убежит от них смерть. 066 REV 009 007 И уподобления пругов подобна конем уготовленым на брань: и на главах их яко венцы уподоблени злату, и лица их яко лица человеческа: 066 REV 009 008 и имеяху власы, яко власы женския, и зубы их, яко львов беша: 066 REV 009 009 и имеяху броня, яко броня железны, и глас крил их, яко глас колесниц, егда кони мнози текут на брань: 066 REV 009 010 и имеяху ошибы подобны скорпииным, и жала бяху во ошибех их: и дана бе область им вредити человеки пять месяц. 066 REV 009 011 И имели над собою царя аггела бездны, емуже имя еврейски Аваддон, а еллински Аполлион. 066 REV 009 012 Горе едино отиде: се, грядут еще два горя по сих. 066 REV 009 013 И шестый Ангел воструби, и слышах глас един от четырех рогов олтаря златаго сущаго пред Богом, 066 REV 009 014 глаголющий шестому Ангелу имеющу трубу: разреши четыри Ангелы связаны при реце велицей Евфрат. 066 REV 009 015 И разрешени быша четыри Ангели уготовани на час и день, и месяц и лето, да избиют третию часть человек. 066 REV 009 016 И число воинов конных две тме тем: и слышах число их. 066 REV 009 017 И тако видех в видении кони, и седящыя на них имущыя броня огненны и иакинфовы и жупелны: и главы конем (их) яко главы львом, и из уст их исхождаше огнь и дым и жупел. 066 REV 009 018 И от триех язв сих погибе третия часть человеков, от огня и от дыма и от жупела, исходящих из уст их: 066 REV 009 019 область бо коней во устех их бе, и ошиби их подобни змием, имуще главы и теми пакости деюще. 066 REV 009 020 И прочии от человек, иже не вреждени быша язвами сими, ниже покаяшася от дел рук своих, да не поклонятся демоном, ни идолом златым и сребряным, и медяным и каменным и древяным, иже ни видети могут, ни слышати, ни ходити: 066 REV 009 021 и не покаяшася от убийств своих, ни от волхвований своих, ниже от блуда своего, ниже от татьб своих. 066 REV 010 001 И видех инаго Ангела крепка сходяща с небесе, оболчена во облак, и дуга над главою (его), и лице его яко солнце, и нозе его яко столпи огнени, 066 REV 010 002 и имеяше в руце своей книгу разгибену: и постави ногу свою десную на мори, а шуюю на земли, 066 REV 010 003 и возопи гласом великим, яко лев рыкая: и егда возгласи, глаголаша седмь громов гласы своя. 066 REV 010 004 И егда возгласиша седмь громов гласы своя, хотех писати: и слышах глас с небесе глаголющь ми: запечатлей, яже глаголаша седмь громов, и сего не пиши. 066 REV 010 005 И Ангел, егоже видех стояща на мори и на земли, воздвиже руку свою на небо 066 REV 010 006 и клятся Живущим во веки веков, Иже созда небо и яже на нем, и землю и яже на ней, и море и яже в нем, яко лета уже не будет: 066 REV 010 007 но во дни гласа седмаго Ангела, егда имать вострубити, тогда скончается тайна Божия, якоже благовести Своими рабы пророки. 066 REV 010 008 И глас его слышах с небесе паки глаголющь со мною, и глагола: иди и приими книжицу разгнутую в руце Ангела стоящаго на мори и на земли. 066 REV 010 009 И идох ко Ангелу, глаголя ему: даждь ми книжицу. И рече ми: приими и снеждь ю: и горька будет во чреве твоем, но во устех ти сладка будет яко мед. 066 REV 010 010 И приях книгу от руки Ангела и снедох ю: и бе во устех моих яко мед сладка: и егда снедох ю, горька бяше во чреве моем. 066 REV 010 011 И рече ми: подобает ти паки пророчествовати в людех и во племенех, и во языцех и в царех мнозех. 066 REV 011 001 И дана ми бысть трость подобна жезлу, глаголя: востани и измери церковь Божию и олтарь, и кланяющыяся в ней: 066 REV 011 002 а двор сущий внутрь церкве изнеси внеуду, ниже измери его, зане дан бысть языком: и град святый поперут четыредесять и два месяцы. 066 REV 011 003 И дам обема свидетелема Моима, и прорицати будут дний тысящу двесте и шестьдесят, оболчена во вретище. 066 REV 011 004 Сии суть две маслицы и два свещника пред Богом земли стояща. 066 REV 011 005 И иже им неправду сотворит, огнь исходит из уст их и пояст враги их: и иже восхощет обидети их, сему подобает убиену быти. 066 REV 011 006 И сии имут область затворити небо, да не снидет дождь (на землю) во дни прорицания их, и область имут на водах, обращати я в кровь и поразити землю всякою язвою, елижды аще восхощут. 066 REV 011 007 И егда скончают свидетелство свое, зверь, иже исходит от бездны, сотворит с ними брань и победит их и убиет я, 066 REV 011 008 и трупы их оставит на стогнах града великаго, иже нарицается духовне Содом и Египет, идеже и Господь наш распят бысть. 066 REV 011 009 И зрети имут от людий и племен, и от язык и колен, телеса их дни три и пол, и трупы их не оставят положити во гробех. 066 REV 011 010 И живущии на земли возрадуются и возвеселятся о них, и дары послют друг ко другу, яко оба сия пророка мучиста живущыя на земли. 066 REV 011 011 И по триех днех и пол, дух животен внидет в ня от Бога, и станут (оба) на ногах своих: и страх велий нападет на зрящих их. 066 REV 011 012 И услышат глас велий с небесе, глаголющь им: взыдита семо. И взыдоста на небо на облацех, и видеша я врази их. 066 REV 011 013 И в час той трус бысть велий, и десятая часть града паде, и погибе трусом имен человеческих седмь тысящ: и прочии пристрашни быша и даша славу Богу небесному. 066 REV 011 014 Горе второе отиде: се, горе третие грядет скоро. 066 REV 011 015 И седмый Ангел воструби, и быша гласи велицы на небесех, глаголюще: бысть царство мира Господа нашего и Христа Его, и воцарится во веки веков. 066 REV 011 016 И двадесять и четыри старцы, пред Богом седящии на престолех своих, падоша на лица своя и поклонишася Богу, 066 REV 011 017 глаголюще: хвалим Тя, Господи Боже Вседержителю, Иже сый и бе и грядый, яко приял еси силу Твою великую и воцарился еси: 066 REV 011 018 и языцы прогневашася: и прииде гнев Твой, и время мертвым суд прияти, и дати мзду рабом Твоим пророком и святым и боящымся имене Твоего, малым и великим, и растлити посмраждшыя землю. 066 REV 011 019 И отверзеся храм Божий на небеси, и явися кивот завета Его в храме Его: и быша блистания и гласи, и громи и трус, и град велик. 066 REV 012 001 И знамение велие явися на небеси: жена облечена в солнце, и луна под ногама ея, и на главе ея венец от звезд двоюнадесяте: 066 REV 012 002 и во чреве имущи, вопиет болящи и страждущи родити. 066 REV 012 003 И явися ино знамение на небеси: и се, змий велик чермен, имея глав седмь и рогов десять, и на главах его седмь венец: 066 REV 012 004 и хобот его отторже третию часть звезд небесных и положи я в землю. И змий стояше пред женою хотящею родити, да, егда родит, снесть чадо ея. 066 REV 012 005 И роди сына мужеска, иже имать упасти вся языки жезлом железным: и восхищено бысть чадо ея к Богу и престолу Его. 066 REV 012 006 А жена бежа в пустыню, идеже име место уготовано от Бога, да тамо питается дний тысящу двесте шестьдесят. 066 REV 012 007 И бысть брань на небеси: Михаил и Ангели его брань сотвориша со змием, и змий брася и аггели его, 066 REV 012 008 и не возмогоша, и места не обретеся им ктому на небеси. 066 REV 012 009 И вложен бысть змий великий, змий древний, нарицаемый диавол и сатана, льстяй вселенную всю, и вложен бысть на землю, и аггели его с ним низвержени быша. 066 REV 012 010 И слышах глас велий на небеси, глаголющь: ныне бысть спасение и сила и царство Бога нашего и область Христа Его, яко низложен бысть клеветник братии нашея, оклевещая их пред Богом нашим день и нощь. 066 REV 012 011 И тии победиша его кровию Агнчею и словом свидетелства своего, и не возлюбиша душ своих даже до смерти. 066 REV 012 012 Сего ради веселитеся, небеса и живущии на них. Горе живущым на земли и мори, яко сниде диавол к вам, имея ярость великую, ведый, яко время мало имать. 066 REV 012 013 И егда виде змий, яко низложен бысть на землю, гоняше жену, яже роди мужеска. 066 REV 012 014 И дана быша жене два крила орла великаго, да парит в пустыню в место свое, идеже препитана бяше ту время и времен и пол времене, от лица змиина. 066 REV 012 015 И испусти змий за женою из уст своих воду яко реку, да ю в реце потопит. 066 REV 012 016 И поможе земля жене, и отверзе земля уста своя, и пожре реку, юже изведе змий от уст своих. 066 REV 012 017 И разгневася змий на жену и иде сотворити брань со оставшим семенем ея, иже соблюдают заповеди Божия и имеют свидетелство Иисус Христово. 066 REV 013 001 И стах на песце морстем: и видех из моря зверя исходяща, имуща глав седмь и рогов десять, и на розех его венец десять, а на главах его имена хулна. 066 REV 013 002 Зверь, егоже видех, бе подобен рыси, и нозе ему яко медведи, и уста его яко уста львова: и даде ему змий силу свою и престол свой и область великую. 066 REV 013 003 И видех едину от глав его яко заколену в смерть, и язва смерти его изцеле. И чудися вся земля вслед зверя, и поклонишася змию, иже даде область зверю, 066 REV 013 004 и поклонишася зверю, глаголюще: кто подобен зверю и кто может ратоватися с ним? 066 REV 013 005 И дана быша ему уста глаголюща велика и хулна, и дана бысть ему область творити месяц четыредесять два. 066 REV 013 006 И отверзе уста своя в хуление к Богу, хулити имя Его и селение Его и живущыя на небеси. 066 REV 013 007 И дано бысть ему брань творити со святыми и победити я: и дана бысть ему область на всяцем колене (людий) и на языцех и племенех. 066 REV 013 008 И поклонятся ему вси живущии на земли, имже не написана суть имена в книгах животных Агнца заколенаго от сложения мира. 066 REV 013 009 Аще кто имать ухо, да слышит. 066 REV 013 010 Иже аще в пленение ведет, в пленение пойдет: аще кто оружием убиет, подобает ему оружием убиену быти. Зде есть терпение и вера святых. 066 REV 013 011 И видех инаго зверя восходящаго от земли, и имеяше рога два, подобна агнчым, и глаголаше яко змий. 066 REV 013 012 И власть перваго зверя всю творяше пред ним: и творяше землю и вся живущыя на ней поклонитися первому зверю, емуже изцелена бысть язва смертная: 066 REV 013 013 и сотвори чудеса велика, да и огнь сотворит сходити с небесе на землю пред человеки. 066 REV 013 014 И льстит живущыя на земли, ради знамений, яже дана быша ему пред зверем творити, глаголя живущым на земли, сотворити образ зверю, иже имать язву оружную и жив бысть. 066 REV 013 015 И дано бысть ему дати дух образу зверину, да проглаголет икона зверина и сотворит, да иже аще не поклонятся образу звериному, убиени будут. 066 REV 013 016 И сотворит вся малыя и великия, богатыя и убогия, свободныя и работныя, да даст им начертание на десней руце их или на челех их, 066 REV 013 017 да никтоже возможет ни купити, ни продати, токмо кто имать начертание, или имя зверя, или число имене его. 066 REV 013 018 Зде мудрость есть. Иже имать ум, да почтет число зверино: число бо человеческо есть, и число его шесть сот шестьдесят шесть. 066 REV 014 001 И видех, и се, Агнец стояше на горе Сионстей, и с Ним сто и четыредесять и четыри тысящы, имуще имя Отца Его написано на челех своих. 066 REV 014 002 И слышах глас с небесе, яко глас вод многих и яко глас грома велика: и глас слышах гудец гудущих в гусли своя 066 REV 014 003 и поющих яко песнь нову пред престолом и пред четыри животными и старцы: и никтоже можаше навыкнути песни, токмо сии сто и четыредесять и четыри тысящы искуплени от земли. 066 REV 014 004 Сии суть, иже с женами не осквернишася, зане девственницы суть: сии последуют Агнцу, аможе аще пойдет. Сии суть куплени от людий первенцы Богу и Агнцу, 066 REV 014 005 и во устех их не обретеся лесть: без порока бо суть пред престолом Божиим. 066 REV 014 006 И видех инаго Ангела паряща посреде небесе, имущаго Евангелие вечно благовестити живущым на земли и всякому племени и языку, и колену и людем, 066 REV 014 007 глаголюща гласом великим: убойтеся Бога и дадите Ему славу, яко прииде час суда Его, и поклонитеся Сотворшему небо и землю, и море и источники водныя. 066 REV 014 008 И ин Ангел вслед иде, глаголя: паде, паде Вавилон град великий, зане от вина ярости любодеяния своего напои вся языки. 066 REV 014 009 И третий Ангел вслед его иде, глаголя гласом великим: иже аще кто покланяется зверю и иконе его и приемлет начертание на челе своем или на руце своей, 066 REV 014 010 и той имать пити от вина ярости Божия, вина нерастворена в чаши гнева Его, и будет мучен огнем и жупелом пред Ангелы святыми и пред Агнцем: 066 REV 014 011 и дым мучения их во веки веков восходит, и не имут покоя день и нощь покланяющиися зверю и образу его и приемлющии начертание имене его. 066 REV 014 012 Зде есть терпение святых, иже соблюдают заповеди Божия и веру Иисусову. 066 REV 014 013 И слышах глас с небесе, глаголющь ми: напиши: блажени мертвии, умирающии о Господе отныне. Ей, глаголет Дух, да почиют от трудов своих: дела бо их ходят вслед с ними. 066 REV 014 014 И видех, и се, облак светел, и на облаце седяй подобен Сыну Человеческому, имея на главе своей венец злат, и в руце его серп остр. 066 REV 014 015 И ин Ангел изыде из храма, вопия велиим гласом седящему на облаце: посли серп твой и жни, яко прииде час пожати, зане изсше трава земная. 066 REV 014 016 И положи седяй на облаце серп свой на землю, и пожата бысть земля. 066 REV 014 017 И ин Ангел изыде из церкве сущия на небеси, имый и той серп остр. 066 REV 014 018 И ин Ангел изыде от олтаря, имый область на огни, и возопи кличем великим ко имущему серп острый, глаголя: посли серп твой острый и объемли грозды винограда земнаго, яко созреша уже гроздие ея. 066 REV 014 019 И положи Ангел серп свой на земли, и обере виноград земский и вложи в точило великия ярости Божия. 066 REV 014 020 И испрано бысть точило вне града, и изыде кровь от точила даже до узд конских, от стадий тысяща и шесть сот. 066 REV 015 001 И видех ино знамение на небеси велие и чудно, седмь Ангел имущих седмь язв последних, зане в тех скончается ярость Божия. 066 REV 015 002 И видех яко море сткляно смешено со огнем, и победившыя зверя и образ его, и начертание его и число имене его, стоящыя на мори стклянем, имущыя гусли Божия: 066 REV 015 003 и пояху песнь Моисеа раба Божия и песнь Агнчу, глаголюще: велия и дивна дела Твоя, Господи Боже Вседержителю: праведни и истинни путие Твои, Царю святых: 066 REV 015 004 кто не убоится Тебе, Господи, и прославит имя Твое? Яко един преподобен еси, яко вси языцы приидут и поклонятся пред Тобою: яко оправдания Твоя явишася. 066 REV 015 005 И по сих видех, и се, отверзеся храм скинии свидения на небеси: 066 REV 015 006 и изыдоша седмь Ангел из храма, иже имеяху седмь язв, облечени в ризы льняны чисты и светлы, и препоясани на персех поясы златыми. 066 REV 015 007 И едино от четырех животных даде седмим Ангелом седмь фиал златых, исполненых ярости Бога живущаго во веки веков. 066 REV 015 008 И наполнися храм дыма от славы Божия и от силы Его, и никтоже можаше внити во храм, дондеже скончаются седмь язв седмих Ангел. 066 REV 016 001 И слышах глас велий от храма глаголющь седмим Ангелом: идите и излийте седмь фиал ярости Божия на землю. 066 REV 016 002 И иде первый Ангел и излия фиал свой на землю: и бысть гной зол и лют на человецех имущих начертание зверино и кланяющихся иконе его. 066 REV 016 003 И вторый Ангел излия фиал свой в море: и бысть кровь яко мертвеца, и всяка душа жива умре в мори. 066 REV 016 004 И третий Ангел излия фиал свой на реки и на источники водныя: и бысть кровь. 066 REV 016 005 И слышах Ангела воднаго глаголюща: праведен еси, Господи, сый и Иже бе, и преподобн, яко сия судил еси: 066 REV 016 006 зане кровь святых и пророк излияша, и кровь им дал еси пити: достойни бо суть. 066 REV 016 007 И слышах другаго от олтаря глаголюща: ей, Господи Боже Вседержителю, истинни и прави суди Твои. 066 REV 016 008 И четвертый Ангел излия фиал свой на солнце: и дано бысть ему опаляти человеки огнем. 066 REV 016 009 И опалишася человецы зноем великим, и хулиша имя Божие, иже имать область на язвах сих, и не покаяшася дати Ему славы. 066 REV 016 010 И пятый Ангел излия фиал свой на престол зверин: и бысть царство его омрачено, и жваху языки своя от болезни, 066 REV 016 011 и хулиша Бога небеснаго от болезни и от язв своих, и не покаяшася от дел своих. 066 REV 016 012 И шестый Ангел излия фиал свой на реку велику Евфрат: и изсяче вода ея, да уготовится путь царем сущым от восток солнечных. 066 REV 016 013 И видех из уст змия и из уст зверя и из уст лжаго пророка духи три нечистыя, яко жабы исходящыя: 066 REV 016 014 суть бо дуси демонстии творяще знамения, иже исходят к царем всея вселенныя, собрати я на брань в день той великий Бога Вседержителя. 066 REV 016 015 Се, гряду яко тать: блажен бдяй и блюдый ризы своя, да не наг ходит и узрят срамоту его. 066 REV 016 016 И собра их на место нарицаемое еврейски Армагеддон. 066 REV 016 017 И седмый Ангел излия фиал свой на воздух: и изыде глас велий от храма небесе от престола, глаголя: бысть. 066 REV 016 018 И быша блистания и громи и гласи, и бысть трус велик, яков николиже бысть, отнележе быша человецы на земли, толик трус, тако велий. 066 REV 016 019 И бысть град велик в три части, и гради язычестии падоша, и Вавилон великий помяновен бысть пред Богом, дати ему чашу вина ярости гнева Своего. 066 REV 016 020 И всяк остров бежа, и горы не обретошася: 066 REV 016 021 и град велик, яко талантес, сниде с небесе на человеки: и хулиша человецы Бога от язвы градныя, яко велия есть язва его зело. 066 REV 017 001 И прииде един от седми Ангел имущих седмь фиал, и глагола со мною, глаголя ми: прииди, да покажу ти суд любодейцы великия, седящия на водах многих: 066 REV 017 002 с неюже любодеяша царие земстии, и упишася живущии на земли от вина любодеяния ея. 066 REV 017 003 И веде мя в пусто место духом: и видех жену седящу на звери червлене, исполненем имен хулных, иже имеяше глав седмь и рогов десять. 066 REV 017 004 И жена бе облечена в порфиру и червленицу, и позлащена златом и камением драгим и бисером, имущи чашу злату в руце своей полну мерзости и скверн любодеяния ея: 066 REV 017 005 и на челе ея написано имя: тайна, Вавилон великий, мати любодейцам и мерзостем земским. 066 REV 017 006 И видех жену пияну кровьми святых и кровьми свидетелей Иисусовых, и дивихся, видев ю, дивом великим. 066 REV 017 007 И рече ми Ангел: что дивишися? Аз ти реку тайну жены (сея) и зверя носящаго ю, седмь глав имуща и рогов десять. 066 REV 017 008 Зверь, егоже видел еси, бе, и несть, и имать взыти от бездны, и в пагубу пойдет: и удивятся живущии на земли, имже имена не написана суть в книгу животную от сложения мира, видяще, яко зверь бе, и несть, и преста. 066 REV 017 009 Зде ум, иже имать мудрость. Седмь глав горы суть седмь, идеже жена седит на них, 066 REV 017 010 и царие седмь суть: пять их пало, и един есть, (а) другий еще не прииде: и егда приидет, мало ему есть пребыти. 066 REV 017 011 И зверь, иже бе и несть, и той осмый есть, и от седмих есть, и в пагубу идет. 066 REV 017 012 И десять рогов, яже видел еси, десять царей суть, иже царства еще не прияша, но область яко царие на един час приимут со зверем. 066 REV 017 013 Сии едину волю имут, и силу и область свою зверю дадут: 066 REV 017 014 сии со Агнцем брань сотворят, и Агнец победит я, яко Господь господем есть и Царь царем: и сущии с Ним званнии и избраннии и верни. 066 REV 017 015 И глагола ми: воды, яже еси видел, идеже любодейца седит, людие и народи суть, и племена и языцы. 066 REV 017 016 И десять рогов, яже видел еси на звери, сии любодейцу возненавидят, и запустевшу сотворят ю и нагу, и плоть ея снедят, и сожгут ю огнем: 066 REV 017 017 Бог бо дал есть в сердца их, сотворити волю Его, и сотворити едину волю, и дати царство свое зверю, дондеже скончаются глаголголы Божии. 066 REV 017 018 И жена, юже видел еси, град есть великий, иже имать царство над цари земными. 066 REV 018 001 И по сих видех ина Ангела сходяща с небесе, имуща область велию: и земля просветися от славы его. 066 REV 018 002 И возопи в крепости, гласом велиим глаголя: паде, паде Вавилон великий, и бысть жилище бесом и хранитель всякому духу нечисту, и хранилище всех птиц нечистых и ненавидимых: яко от вина ярости любодеяния своего напои вся языки, 066 REV 018 003 и царие земстии с нею любы деяша, и купцы земстии от силы пищи ея разбогатеша. 066 REV 018 004 И слышах глас ин с небесе, глаголющь: изыдите из нея, людие Мои, да не причаститеся грехом ея и от язв ея да не вредитеся: 066 REV 018 005 яко прилепишася греси ея даже до небесе, и помяну Бог неправды ея. 066 REV 018 006 Воздадите ей, яко и та воздаде вам, и усугубите ей сугубо по делом ея: чашею, еюже черпа (вам), черплите ей сугубо. 066 REV 018 007 Елико прославися и разсвирепе, толико дадите ей мук и рыданий: яко в сердцы своем глаголет, (яко) сежу царицею, и вдова несмь, и рыдания не имам видети. 066 REV 018 008 Сего ради во един день приидут язвы ей, смерть и плачь и глад, и огнем сожжена будет, яко крепок Господь Бог судяй ей. 066 REV 018 009 И возрыдают и восплачутся ея царие земстии, любы деявшии с нею и разсвирепевшии, егда узрят дым запаления ея, 066 REV 018 010 издалеча стояще за страх мук ея, глаголюще: горе, горе, град великий Вавилон, град крепкий, яко во един час прииде суд твой. 066 REV 018 011 И купцы земстии возрыдают и восплачутся о нем, яко бремен их никтоже купует ктому, 066 REV 018 012 бремен злата и сребра, и камения драгаго и бисера, и висса и порфиры, и шелка и червени, и всякаго древа фиинна, и всякаго сосуда из кости слоновыя, и всякаго сосуда от древа честнаго, и медяна и железна и мраморна, 066 REV 018 013 и корицы и фимиама, и мира и ливана, и вина и елеа, и семидала и пшеницы, и скота и овец, и коней и колесниц, и телес и душ человеческих. 066 REV 018 014 И овощи похотей души твоея отидоша от тебе, и вся тучная и светлая отидоша от тебе, и ктому не имаши обрести их. 066 REV 018 015 Купцы сими обогащшеся от нея, издалеча станут за страх мучения ея, рыдающе и плачущеся, 066 REV 018 016 и глаголюще: горе, горе, град великий, облеченный виссом и порфирою и червленицею, и позлащеный златом и камением драгим и бисером 066 REV 018 017 яко во един час погибе толико богатство. И всяк кормчий, и всяк плаваяй в кораблех, и всяк елик в мори делаяй, издалеча сташа, 066 REV 018 018 и вопияху, видяще дым раждежения его, глаголюще: кий подобен граду великому? 066 REV 018 019 И положиша персть на главах своих, и возопиша плачущеся и рыдающе, глаголюще: горе, горе, град великий, в немже обогатишася вси имущии корабли в мори, от чести его: яко единем часом запусте. 066 REV 018 020 Веселися о сем, небо, и святии Апостоли и пророцы, яко суди Бог суд ваш от него. 066 REV 018 021 И взят един Ангел крепок камень велик яко жернов и верже в море, глаголя: тако стремлением ввержен будет Вавилон град великий, и не имать обрестися ктому: 066 REV 018 022 и глас гудец и мусикий, и пискателей и труб не имать слышатися ктому в тебе: и всяк хитрец всякия хитрости не обрящется ктому в тебе, и шум жерновный не будет слышан в тебе: 066 REV 018 023 и свет светилника не имать светити в тебе ктому, и глас жениха и невесты не имать слышан быти в тебе ктому: яко купцы твои беша вельможи земстии, яко волхвовании твоими прельщени быша вси языцы. 066 REV 018 024 И в нем кровь пророческа и святых обретеся и всех избиенных на земли. 066 REV 019 001 И по сих слышах глас велий народа многа на небеси, глаголющаго: аллилуиа: спасение и слава, и честь и сила Господу нашему, 066 REV 019 002 яко истинни и прави суди Его: яко судил есть любодейцу велику, яже посмради землю любодеянием своим, и отмстил кровь рабов Своих от руки ея. 066 REV 019 003 И второе реша: аллилуиа. И дым ея восхождаше во веки веков. 066 REV 019 004 И падоша двадесять и четыри старцы и четыри животна и поклонишася Богови седящему на престоле, глаголюще: аминь, аллилуиа. 066 REV 019 005 И глас изыде от престола глаголющь: пойте Богу нашему, вси раби Его и боящиися Его, и малии и велицыи. 066 REV 019 006 И слышах яко глас народа многа, и яко глас вод многих, и яко глас громов крепких, глаголющих: аллилуиа, яко воцарися Господь Бог Вседержитель: 066 REV 019 007 радуимся и веселимся, и дадим славу Ему: яко прииде брак Агнчий, и жена Его уготовила есть себе. 066 REV 019 008 И дано бысть ей облещися в виссон чист и светел: виссон бо оправдания святых есть. 066 REV 019 009 И глагола ми: напиши: блажени званнии на вечерю брака Агнча. И глагола ми: сия словеса истинна Божия суть. 066 REV 019 010 И пад пред ногама его, поклонихся ему: и глагола ми: виждь, ни: клеврет ти есмь и братий твоих имущих свидетелство Иисусово: Богу поклонися: свидетелство бо Иисусово есть дух пророчествия. 066 REV 019 011 И видех небо отверсто, и се, конь бел, и седяй на нем Верен и Истинен, и Правосудный и Воинственный: 066 REV 019 012 очи же Ему (еста) яко пламень огнен, и на главе Его венцы мнози: имый имя написано, еже никтоже весть, токмо Он Сам: 066 REV 019 013 и облечен в ризу червлену кровию. И нарицается имя Его Слово Божие. 066 REV 019 014 И воинства небесная идяху вслед Его на конех белых, облечени в виссон бел и чист. 066 REV 019 015 И из уст Его изыде оружие остро, да тем избиет языки: и Той упасет я жезлом железным, и Той перет точило вина ярости и гнева Божия Вседержителева. 066 REV 019 016 И имать на ризе и на стегне Своем имя написано: Царь царем и Господь господем. 066 REV 019 017 И видех единаго Ангела стояща на солнце: и возопи гласом велиим, глаголя всем птицам парящым посреде небесе: приидите и соберитеся на вечерю великую Божию, 066 REV 019 018 да снесте плоти царей и плоти крепких и плоти тысящников, и плоти коней и седящих на них, и плоти всех свободных и рабов, и малых и великих. 066 REV 019 019 И видех зверя и цари земныя и вои их собраны сотворити брань с Седящим на кони и с воинствы Его. 066 REV 019 020 И ят бысть зверь и с ним лживый пророк, сотворивый знамения пред ним, имиже прельсти приемшыя начертание зверино и покланяющыяся иконе его: жива ввержена быста оба в езеро огненное горящее жупелом: 066 REV 019 021 а прочии убиени быша оружием Седящаго на кони, изшедшим из уст Его: и вся птицы насытишася от плотей их. 066 REV 020 001 И видех Ангела сходяща с небесе, имеюща ключь бездны и уже велико в руце своей: 066 REV 020 002 и ят змия, змия древняго, иже есть диавол и сатана, и связа и на тысящу лет, 066 REV 020 003 и в бездну затвори его, и заключи его, и запечатле над ним, да не прельстит ктому языки, дондеже скончается тысяща лет: и по сих подобает ему отрешену быти на мало время. 066 REV 020 004 И видех престолы и седящыя на них, и суд дан бысть им: и душы растесаных за свидетелство Иисусово и за слово Божие, иже не поклонишася зверю, ни иконе его, и не прияша начертания на челех своих и на руце своей. И ожиша и воцаришася со Христом тысящу лет: 066 REV 020 005 прочии же мертвецы не ожиша, дондеже скончается тысяща лет. Се воскресение первое. 066 REV 020 006 Блажен и свят, иже имать часть в воскресении первем: на нихже смерть вторая не имать области, но будут иерее Богу и Христу и воцарятся с Ним тысящу лет. 066 REV 020 007 И егда скончается тысяща лет, разрешен будет сатана от темницы своея и изыдет прельстити языки сущыя на четырех углех земли, Гога и Магога, собрати их на брань, ихже число яко песок морский. 066 REV 020 008 И взыдоша на широту земли и обыдоша святых стан и град возлюбленный. 066 REV 020 009 И сниде огнь от Бога с небесе и пояде я: 066 REV 020 010 и диавол льстяй их ввержен будет в езеро огненно и жупелно, идеже зверь и лживый пророк: и мучени будут день и нощь во веки веков. 066 REV 020 011 И видех престол велик бел и Седящаго на нем, Егоже от лица бежа небо и земля, и место не обретеся им. 066 REV 020 012 И видех мертвецы малыя и великия стоящя пред Богом, и книги разгнушася: и ина книга отверзеся, яже есть животная: и суд прияша мертвецы от написаных в книгах, по делом их. 066 REV 020 013 И даде море мертвецы своя, и смерть и ад даста своя мертвецы: и суд прияша по делом своим, 066 REV 020 014 и смерть и ад ввержена быста в езеро огненное. И се есть вторая смерть. 066 REV 020 015 И иже не обретеся в книзе животней написан, ввержен будет в езеро огненное. 066 REV 021 001 И видех небо ново и землю нову: первое бо небо и земля первая преидоста, и моря несть ктому. 066 REV 021 002 И аз Иоанн видех град святый, Иерусалим нов сходящь от Бога с небесе, приготован яко невесту украшену мужу своему. 066 REV 021 003 И слышах глас велий с небесе, глаголющь: се, скиния Божия с человеки, и вселится с ними: и тии людие Его будут, и Сам Бог будет с ними Бог их: 066 REV 021 004 и отимет Бог всяку слезу от очию их, и смерти не будет ктому: ни плача, ни вопля, ни болезни не будет ктому, яко первая мимоидоша. 066 REV 021 005 И рече Седяй на престоле: се, нова вся творю. И глагола ми: напиши, яко сия словеса истинна и верна суть. 066 REV 021 006 И рече ми: совершишася. Аз есмь Алфа и Омега, начаток и конец: аз жаждущему дам от источника воды животныя туне. 066 REV 021 007 Побеждаяй наследит вся, и буду ему Бог, и той будет Мне в сына. 066 REV 021 008 Страшливым же и неверным, и скверным и убийцам, и блуд творящым и чары творящым, идоложерцем и всем лживым, часть им в езере горящем огнем и жупелом, еже есть смерть вторая. 066 REV 021 009 И прииде ко мне един от седми Ангел, имущих седмь фиал исполненых седмих язв последних, и рече ко мне, глаголя: гряди, покажу ти невесту Агнчу жену. 066 REV 021 010 И веде мя духом на гору велику и высоку и показа ми град великий, святый Иерусалим низходящь с небесе от Бога, 066 REV 021 011 имущь славу Божию: и светило его подобно камени драгому, яко камени иаспису кристаловидну: 066 REV 021 012 имущь стену велику и высоку, имущь врат дванадесять, и на вратех Ангелов дванадесять и имена написана, яже суть имена дванадесятим коленом сынов Израилевых: 066 REV 021 013 от востока врата троя и от севера врата троя, от юга врата троя и от запада врата троя. 066 REV 021 014 И стена града имеяше оснований дванадесять, и на них имен дванадесять Апостолов Агнчих. 066 REV 021 015 И глаголяй со мною имеяше трость злату, да измерит град и врата его и стены его. 066 REV 021 016 И град на четыри углы стоит, и долгота его толика есть, елика же и широта. И измери град тростию на стадий дванадесять тысящ: долгота и широта и высота его равна суть. 066 REV 021 017 И размери стену его во сто и четыридесять и четыри лакти, в меру человеческу, яже есть Ангела. 066 REV 021 018 И бе создание стены его иаспис: и град злато чисто, подобен стклу чисту. 066 REV 021 019 И основания стены града всяким драгим камением украшена бяху: основание первое иаспис, второе сапфир, третие халкидон, четвертое смарагд, 066 REV 021 020 пятое сардоникс, шестое сардий, седмое хрисолиф, осмое вирилл, девятое топазий, десятое хрисопрас, первоенадесять иакинф, второенадесять амефист. 066 REV 021 021 И дванадесять врат дванадесять бисеров: едина каяждо врата беша от единаго бисера. И стогны града злато чисто, яко сткло пресветло. 066 REV 021 022 И храма не видех в нем: Господь бо Бог Вседержитель храм ему есть, и Агнец. 066 REV 021 023 И град не требуя солнца и луны, да светят в нем, слава бо Божия просвети его, и светилник его Агнец. 066 REV 021 024 И языцы спасени во свете его пойдут, и царие земстии принесут славу и честь свою в него. 066 REV 021 025 И врата его не имут затворитися во дни: нощи бо не будет ту. 066 REV 021 026 И принесут славу и честь языков в него: 066 REV 021 027 и не имать в него внити всяко скверно, и творяй мерзость и лжу, но токмо написаныя в книгах животных Агнца. 066 REV 022 001 И показа ми чисту реку воды животныя, светлу яко кристалл, исходящу от престола Божия и Агнча. 066 REV 022 002 Посреде стогны его и по обаполы реки древо животное, еже творит плодов дванадесяте, на кийждо месяц воздая плод свой: и листвие древа во изцеление языком. 066 REV 022 003 И всяка анафема не будет ктому: и престол Божий и Агнечь будет в нем, и раби Его послужат Ему, 066 REV 022 004 и узрят лице Его, и имя Его на челех их. 066 REV 022 005 И нощи не будет тамо, и не потребуют света от светилника, ни света солнечнаго, яко Господь Бог просвещает я: и воцарятся во веки веков. 066 REV 022 006 И рече ми: сия словеса верна и истинна: и Господь Бог святых пророк посла Ангела Своего показати рабом Своим, имже подобает быти вскоре. 066 REV 022 007 Се, гряду скоро: блажен соблюдаяй словеса пророчества книги сея. 066 REV 022 008 И аз Иоанн видех сия и слышах. И егда слышах и видех, падох поклонитися на ногу Ангела показующаго ми сие: 066 REV 022 009 и глагола ми: виждь, ни: клеврет бо твой есмь и братии твоея пророков и соблюдающих словеса книги сея: Богу поклонися. 066 REV 022 010 И глагола ми: не запечатлей словес пророчествия книги сея: яко время близ есть. 066 REV 022 011 Обидяй да обидит еще, и скверный да осквернится еще: и праведный правду да творит еще: и святый да святится еще. 066 REV 022 012 И се, гряду скоро, и мзда Моя со Мною, воздати коемуждо по делом его. 066 REV 022 013 Аз есмь Алфа и Омега, начаток и конец, Первый и Последний. 066 REV 022 014 Блажени творящии заповеди Его, да будет область им на древо животное, и враты внидут во град. 066 REV 022 015 Вне же пси и чародее, и любодее и убийцы, и идолослужителе и всяк любяй и творяй лжу. 066 REV 022 016 Аз Иисус послах Ангела Моего засвидетелствовати вам сия в церквах. Аз есмь корень и род Давидов, и звезда утренняя и денница. 066 REV 022 017 И Дух и невеста глаголют: прииди, и слышяй да глаголет: прииди. И жаждяй да приидет, и хотяй да приимет воду животную туне. 066 REV 022 018 Сосвидетелствую бо всякому слышащему словеса пророчества книги сея: аще кто приложит к сим, наложит Бог на него язв написанных в книзе сей: 066 REV 022 019 и аще кто отимет от словес книги пророчествия сего, отимет Бог часть его от книги животныя, и от града святаго, и написанных в книзе сей. 066 REV 022 020 Глаголет свидетелствуяй сия: ей, гряду скоро: аминь. Ей, гряди Господи Иисусе. 066 REV 022 021 Благодать Господа нашего Иисуса Христа со всеми вами. Аминь.