## Aionian Bible ## File Name: Holy-Bible---SlavonicChurch---Church-Slavonic-Elizabeth---Source-Edition.SWORD.txt ## File Usage: Holy-Bible---SlavonicChurch---Church-Slavonic-Elizabeth ## File Created: 08/11/2022 19:09:04 ## File Purpose: Supporting resource for the Aionian Bible project ## File Location: https://resources.AionianBible.org ## Publisher Name: Nainoia Inc ## Publisher Contact: https://www.AionianBible.org/Publisher ## Publisher Mission: https://www.AionianBible.org/Preface ## Publisher Website: https://NAINOIA-INC.signedon.net ## Publisher Facebook: https://www.Facebook.com/AionianBible ## Source URL: https://crosswire.org/ftpmirror/pub/sword/packages/rawzip/CSlElizabeth.zip ## Source Date: 08/10/2022 06:48:33 ## Source Text: unaltered below ## [ Testament 1 Heading ] Genesis 0:0
Бытие Genesis 1:0 Genesis 1:1 В начале сотвори Бог небо и землю. Genesis 1:2 Земля же бе невидима и неустроена, и тма верху бездны, и Дух Божий ношашеся верху воды. Genesis 1:3 И рече Бог: да будет свет. И бысть свет. Genesis 1:4 И виде Бог свет, яко добро, и разлучи Бог между светом и между тмою. Genesis 1:5 И нарече Бог свет день, а тму нарече нощь. И бысть вечер, и бысть утро, день един. Genesis 1:6 И рече Бог: да будет твердь посреде воды, и да будет разлучающи посреде воды и воды. И бысть тако. Genesis 1:7 И сотвори Бог твердь, и разлучи Бог между водою, яже бе под твердию, и между водою, яже бе над твердию. Genesis 1:8 И нарече Бог твердь небо. И виде Бог, яко добро. И бысть вечер, и бысть утро, день вторый. Genesis 1:9 И рече Бог: да соберется вода, яже под небесем, в собрание едино, и да явится суша. И бысть тако. И собрася вода, яже под небесем, в собрания своя, и явися суша. Genesis 1:10 И нарече Бог сушу землю, и собрания вод нарече моря. И виде Бог, яко добро. Genesis 1:11 И рече Бог: да прорастит земля былие травное, сеющее семя по роду и по подобию, и древо плодовитое творящее плод, емуже семя его в нем, по роду на земли. И бысть тако. Genesis 1:12 И изнесе земля былие травное, сеющее семя по роду и по подобию, и древо плодовитое творящее плод, емуже семя его в нем, по роду на земли. И виде Бог, яко добро. Genesis 1:13 И бысть вечер, и бысть утро, день третий. Genesis 1:14 И рече Бог: да будут светила на тверди небесней, освещати землю и разлучати между днем и между нощию: и да будут в знамения и во времена, и во дни и в лета, Genesis 1:15 и да будут в просвещение на тверди небесней, яко светити по земли. И бысть тако. Genesis 1:16 И сотвори Бог два светила великая: светило великое в начала дне, и светило меншее в начала нощи, и звезды: Genesis 1:17 и положи я Бог на тверди небесней, яко светити на землю, Genesis 1:18 и владети днем и нощию, и разлучати между светом и между тмою. И виде Бог, яко добро. Genesis 1:19 И бысть вечер, и бысть утро, день четвертый. Genesis 1:20 И рече Бог: да изведут воды гады душ живых, и птицы летающыя по земли, по тверди небесней. И бысть тако. Genesis 1:21 И сотвори Бог киты великия, и всяку душу животных гадов, яже изведоша воды по родом их, и всяку птицу пернату по роду. И виде Бог, яко добра. Genesis 1:22 И благослови я Бог, глаголя: раститеся и множитеся, и наполните воды, яже в морях, и птицы да умножатся на земли. Genesis 1:23 И бысть вечер, и бысть утро, день пятый. Genesis 1:24 И рече Бог: да изведет земля душу живу по роду, четвероногая и гады, и звери земли по роду. И бысть тако. Genesis 1:25 И сотвори Бог звери земли по роду, и скоты по роду их, и вся гады земли по роду их. И виде Бог, яко добра. Genesis 1:26 И рече Бог: сотворим человека по образу Нашему и по подобию, и да обладает рыбами морскими, и птицами небесными, (и зверми) и скотами, и всею землею, и всеми гады пресмыкающимися по земли. Genesis 1:27 И сотвори Бог человека, по образу Божию сотвори его: мужа и жену сотвори их. Genesis 1:28 И благослови их Бог, глаголя: раститеся и множитеся, и наполните землю, и господствуйте ею, и обладайте рыбами морскими, (и зверми) и птицами небесными, и всеми скотами, и всею землею, и всеми гадами пресмыкающимися по земли. Genesis 1:29 И рече Бог: се, дах вам всякую траву семенную сеющую семя, еже есть верху земли всея: и всякое древо, еже имать в себе плод семене семеннаго, вам будет в снедь: Genesis 1:30 и всем зверем земным, и всем птицам небесным, и всякому гаду пресмыкающемуся по земли, иже имать в себе душу живота, и всяку траву зелену в снедь. И бысть тако. Genesis 1:31 И виде Бог вся, елика сотвори: и се добра зело. И бысть вечер, и бысть утро, день шестый. Genesis 2:0 Genesis 2:1 И совершишася небо и земля, и все украшение их. Genesis 2:2 И соверши Бог в день шестый дела Своя, яже сотвори: и почи в день седмый от всех дел Своих, яже сотвори. Genesis 2:3 И благослови Бог день седмый, и освяти его: яко в той почи от всех дел Своих, яже начат Бог творити. Genesis 2:4 Сия книга бытия небесе и земли, егда бысть, в оньже день сотвори Господь Бог небо и землю, Genesis 2:5 и всякий злак селный, прежде даже быти на земли, и всякую траву селную, прежде даже прозябнути: не бо одожди Господь Бог на землю, и человек не бяше делати ю: Genesis 2:6 источник же исхождаше из земли и напаяше все лице земли. Genesis 2:7 И созда Бог человека, персть (взем) от земли, и вдуну в лице его дыхание жизни: и бысть человек в душу живу. Genesis 2:8 И насади Господь Бог рай во Едеме на востоцех, и введе тамо человека, егоже созда. Genesis 2:9 И прозябе Бог еще от земли всякое древо красное в видение и доброе в снедь: и древо жизни посреде рая, и древо еже ведети разуметелное добраго и лукаваго. Genesis 2:10 Река же исходит из Едема напаяти рай: оттуду разлучается в четыри начала. Genesis 2:11 Имя единей Фисон: сия окружающая всю землю Евилатскую: тамо убо есть злато. Genesis 2:12 Злато же оныя земли доброе: и тамо есть анфракс и камень зеленый. Genesis 2:13 И имя реце вторей Геон: сия окружающая всю землю Ефиопскую. Genesis 2:14 И река третия Тигр: сия проходящая прямо Ассириом. Река же четвертая Евфрат. Genesis 2:15 И взя Господь Бог человека, егоже созда, и введе его в рай Сладости, делати его и хранити. Genesis 2:16 И заповеда Господь Бог Адаму, глаголя: от всякаго древа, еже в раи, снедию снеси: Genesis 2:17 от древа же, еже разумети доброе и лукавое, не снесте от него: а в оньже аще день снесте от него, смертию умрете. Genesis 2:18 И рече Господь Бог: не добро быти человеку единому: сотворим ему помощника по нему. Genesis 2:19 И созда Бог еще от земли вся звери селныя и вся птицы небесныя, и приведе я ко Адаму видети, что наречет я: и всяко еже аще нарече Адам душу живу, сие имя ему. Genesis 2:20 И нарече Адам имена всем скотом, и всем птицам небесным, и всем зверем земным. Адаму же не обретеся помощник подобный ему. Genesis 2:21 И наложи Бог изступление на Адама, и успе: и взя едино от ребр его, и исполни плотию вместо его. Genesis 2:22 И созда Господь Бог ребро, еже взя от Адама, в жену, и приведе ю ко Адаму. Genesis 2:23 И рече Адам: се, ныне кость от костей моих и плоть от плоти моея: сия наречется жена, яко от мужа своего взята бысть сия. Genesis 2:24 Сего ради оставит человек отца своего и матерь и прилепится к жене своей, и будета два в плоть едину. Genesis 2:25 И беста оба нага, Адам же и жена его, и не стыдястася. Genesis 3:0 Genesis 3:1 Змий же бе мудрейший всех зверей сущих на земли, ихже сотвори Господь Бог. И рече змий жене: что яко рече Бог: да не ясте от всякаго древа райскаго? Genesis 3:2 И рече жена змию: от всякаго древа райскаго ясти будем: Genesis 3:3 от плода же древа, еже есть посреде рая, рече Бог, да не ясте от него, ниже прикоснетеся ему, да не умрете. Genesis 3:4 И рече змий жене: не смертию умрете: Genesis 3:5 ведяше бо Бог, яко в оньже аще день снесте от него, отверзутся очи ваши, и будете яко бози, ведяще доброе и лукавое. Genesis 3:6 И виде жена, яко добро древо в снедь и яко угодно очима видети и красно есть, еже разумети: и вземши от плода его яде, и даде мужу своему с собою, и ядоста. Genesis 3:7 И отверзошася очи обема, и разумеша, яко нази беша: и сшиста листвие смоковное, и сотвориста себе препоясания. Genesis 3:8 И услышаста глас Господа Бога ходяща в раи по полудни: и скрыстася Адам же и жена его от лица Господа Бога посреде древа райскаго. Genesis 3:9 И призва Господь Бог Адама и рече ему: Адаме, где еси? Genesis 3:10 И рече Ему: глас слышах Тебе ходяща в раи, и убояхся, яко наг есмь, и скрыхся. Genesis 3:11 И рече ему Бог: кто возвести тебе, яко наг еси, аще не бы от древа, егоже заповедах тебе сего единаго не ясти, от него ял еси? Genesis 3:12 И рече Адам: жена, юже дал еси со мною, та ми даде от древа, и ядох. Genesis 3:13 И рече Господь Бог жене: что сие сотворила еси? И рече жена: змий прельсти мя, и ядох. Genesis 3:14 И рече Господь Бог змию: яко сотворил еси сие, проклят ты от всех скотов и от всех зверей земных: на персех твоих и чреве ходити будеши, и землю снеси вся дни живота твоего: Genesis 3:15 и вражду положу между тобою и между женою, и между семенем твоим и между семенем тоя: той твою блюсти будет главу, и ты блюсти будеши его пяту. Genesis 3:16 И жене рече: умножая умножу печали твоя и воздыхания твоя: в болезнех родиши чада, и к мужу твоему обращение твое, и той тобою обладати будет. Genesis 3:17 И Адаму рече: яко послушал еси гласа жены твоея и ял еси от древа, егоже заповедах тебе сего единаго не ясти, от него ял еси: проклята земля в делех твоих, в печалех снеси тую вся дни живота твоего: Genesis 3:18 терния и волчцы возрастит тебе, и снеси траву селную: Genesis 3:19 в поте лица твоего снеси хлеб твой, дондеже возвратишися в землю, от неяже взят еси: яко земля еси, и в землю отидеши. Genesis 3:20 И нарече Адам имя жене своей Жизнь, яко та мати всех живущих. Genesis 3:21 И сотвори Господь Бог Адаму и жене его ризы кожаны, и облече их. Genesis 3:22 И рече Бог: се, Адам бысть яко един от Нас, еже разумети доброе и лукавое: и ныне да не когда прострет руку свою и возмет от древа жизни и снест, и жив будет во век. Genesis 3:23 И изгна его Господь Бог из рая Сладости делати землю, от неяже взят бысть. Genesis 3:24 И изрину Адама, и всели его прямо рая Сладости: и пристави Херувима, и пламенное оружие обращаемое, хранити путь древа жизни. Genesis 4:0 Genesis 4:1 Адам же позна Еву жену свою, и заченши роди Каина и рече: стяжах человека Богом. Genesis 4:2 И приложи родити брата его, Авеля. И бысть Авель пастырь овец, Каин же бе делаяй землю. Genesis 4:3 И бысть по днех, принесе Каин от плодов земли жертву Богу: Genesis 4:4 и Авель принесе и той от первородных овец своих и от туков их. И призре Бог на Авеля и на дары его: Genesis 4:5 на Каина же и на жертвы его не внят. И опечалися Каин зело, и испаде лице его. Genesis 4:6 И рече Господь Бог Каину: вскую прискорбен был еси? И вскую испаде лице твое? Genesis 4:7 Еда аще право принесл еси, право же не разделил еси, не согрешил ли еси? Умолкни: к тебе обращение его, и ты тем обладаеши. Genesis 4:8 И рече Каин ко Авелю брату своему: пойдем на поле. И бысть внегда быти им на поли, воста Каин на Авеля брата своего и уби его. Genesis 4:9 И рече Господь Бог ко Каину: где есть Авель брат твой? И рече: не вем: еда страж брату моему есмь аз? Genesis 4:10 И рече Господь: что сотворил еси сие? Глас крове брата твоего вопиет ко Мне от земли: Genesis 4:11 и ныне проклят ты на земли, яже разверзе уста своя прияти кровь брата твоего от руки твоея: Genesis 4:12 егда делаеши землю, и не приложит силы своея дати тебе: стеня и трясыйся будеши на земли. Genesis 4:13 И рече Каин ко Господу Богу: вящшая вина моя, еже оставитися ми: Genesis 4:14 аще изгониши мя днесь от лица земли, и от лица Твоего скрыюся, и буду стеня и трясыйся на земли, и будет, всяк обретаяй мя убиет мя. Genesis 4:15 И рече ему Господь Бог: не тако: всяк убивый Каина седмижды отмстится. И положи Господь Бог знамение на Каине, еже не убити его всякому обретающему его. Genesis 4:16 И изыде Каин от лица Божия и вселися в землю Наид, прямо Едему. Genesis 4:17 И позна Каин жену свою, и заченши роди Еноха. И бе зиждяй град, и именова град во имя сына своего Енох. Genesis 4:18 Родися же Еноху Гаидад: и Гаидад роди Малелеила: и Малелеил роди Мафусала: Мафусал же роди Ламеха. Genesis 4:19 И взя себе Ламех две жены: имя единей Ада и имя вторей Селла. Genesis 4:20 И роди Ада Иовила: сей бяше отец живущих в селениих скотопитателей. Genesis 4:21 И имя брату его Иувал: сей бяше показавый певницу и гусли. Genesis 4:22 Селла же и тая роди Фовела: сей бяше млатобиец, ковачь меди и железа: сестра же Фовелова Ноема. Genesis 4:23 Рече же Ламех своим женам: Ада и Селла, услышите глас мой, жены Ламеховы, внушите моя словеса: яко мужа убих в язву мне и юношу в струп мне: Genesis 4:24 яко седмицею отмстися от Каина, от Ламеха же седмьдесят седмицею. Genesis 4:25 Позна же Адам Еву жену свою: и заченши роди сына, и именова имя ему Сиф, глаголющи: воскреси бо ми Бог семя другое, вместо Авеля, егоже уби Каин. Genesis 4:26 И Сифу бысть сын: именова же имя ему Енос: сей упова призывати имя Господа Бога. Genesis 5:0 Genesis 5:1 Сия книга бытия человеча, в оньже день сотвори Бог Адама, по образу Божию сотвори его, Genesis 5:2 мужа и жену сотвори их и благослови их: и нарече имя ему Адам, в оньже день сотвори их. Genesis 5:3 Поживе же Адам лет двесте тридесять и роди сына по виду своему и по образу своему, и нарече имя ему Сиф. Genesis 5:4 Быша же дние Адамовы, яже поживе, по еже родити ему Сифа, лет седмь сот, и роди сыны и дщери. Genesis 5:5 И быша вси дние Адамовы, яже поживе, лет девять сот и тридесять: и умре. Genesis 5:6 Поживе же Сиф лет двесте пять и роди Еноса. Genesis 5:7 И поживе Сиф, по еже родити ему Еноса, лет седмь сот и седмь, и роди сыны и дщери. Genesis 5:8 И быша вси дние Сифовы лет девять сот и дванадесять: и умре. Genesis 5:9 И поживе Енос лет сто девятьдесят и роди Каинана. Genesis 5:10 И поживе Енос, по еже родити ему Каинана, лет седмь сот и пятьнадесять, и роди сыны и дщери. Genesis 5:11 И быша вси дние Еносовы лет девять сот и пять: и умре. Genesis 5:12 И поживе Каинан лет сто седмьдесят и роди Малелеила. Genesis 5:13 И поживе Каинан, по еже родити ему Малелеила, лет седмь сот и четыредесять, и роди сыны и дщери. Genesis 5:14 И быша вси дние Каинановы лет девять сот и десять: и умре. Genesis 5:15 И поживе Малелеил лет сто шестьдесят пять и роди Иареда. Genesis 5:16 И поживе Малелеил, по еже родити ему Иареда, лет седмь сот и тридесять, и роди сыны и дщери. Genesis 5:17 И быша вси дние Малелеиловы лет осмь сот и девятьдесят пять: и умре. Genesis 5:18 И поживе Иаред лет сто шестьдесят два и роди Еноха. Genesis 5:19 И поживе Иаред, по еже родити ему Еноха, лет осмь сот, и роди сыны и дщери. Genesis 5:20 И быша вси дние Иаредовы лет девять сот и шестьдесят два: и умре. Genesis 5:21 И поживе Енох лет сто шестьдесят пять и роди Мафусала. Genesis 5:22 Угоди же Енох Богу, и поживе Енох, по еже родити ему Мафусала, лет двесте, и роди сыны и дщери. Genesis 5:23 И быша вси дние Еноховы лет триста шестьдесят пять. Genesis 5:24 И угоди Енох Богу, и не обреташеся, зане преложи его Бог. Genesis 5:25 И поживе Мафусал лет сто осмьдесят седмь и роди Ламеха. Genesis 5:26 И поживе Мафусал, по еже родити ему Ламеха, лет седмь сот осмьдесят два, и роди сыны и дщери. Genesis 5:27 И быша вси дние Мафусаловы, яже поживе, лет девять сот и шестьдесят девять: и умре. Genesis 5:28 И поживе Ламех лет сто осмьдесят осмь и роди сына, Genesis 5:29 и нарече имя ему Ное, глаголя: сей упокоит нас от дел наших и от печали рук наших, и от земли, юже прокля Господь Бог. Genesis 5:30 И поживе Ламех, по еже родити ему Ноа, лет пять сот и шестьдесят пять, и роди сыны и дщери. Genesis 5:31 И быша вси дние Ламеховы лет седмь сот и пятьдесят три: и умре. Genesis 5:32 И бе Ное лет пяти сот, и роди сыны три, Сима, Хама, Иафефа. Genesis 6:0 Genesis 6:1 И бысть егда начаша человецы мнози бывати на земли, и дщери родишася им: Genesis 6:2 видевше же сынове Божии дщери человечи, яко добры суть, пояша себе жены от всех, яже избраша. Genesis 6:3 И рече Господь Бог: не имать Дух Мой пребывати в человецех сих во век, зане суть плоть: будут же дние их лет сто двадесять. Genesis 6:4 Исполини же бяху на земли во дни оны: и потом, егда вхождаху сынове Божии к дщерем человеческим, и раждаху себе: тии бяху исполини, иже от века, человецы именитии. Genesis 6:5 Видев же Господь Бог, яко умножишася злобы человеков на земли: и всяк помышляет в сердцы своем прилежно на злая во вся дни: Genesis 6:6 и помысли Бог, яко сотвори человека на земли, и размысли. Genesis 6:7 И рече Бог: потреблю человека, егоже сотворих, от лица земли, от человека даже до скота, и от гад даже до птиц небесных: зане размыслих, яко сотворих я. Genesis 6:8 Ное же обрете благодать пред Господем Богом. Genesis 6:9 Сия же бытия Ноева: Ное человек праведен совершен сый в роде своем, Богу угоди Ное. Genesis 6:10 Роди же Ное три сыны, Сима, Хама, Иафефа. Genesis 6:11 Растлеся же земля пред Богом, и наполнися земля неправды. Genesis 6:12 И виде Господь Бог землю, и бе растленна: яко растли всяка плоть путь свой на земли. Genesis 6:13 И рече Господь Бог Ною: время всякаго человека прииде пред Мя, яко исполнися земля неправды от них: и се, Аз погублю их и землю. Genesis 6:14 Сотвори убо себе ковчег от древ (негниющих) четвероуголных: гнезда сотвориши в ковчезе, и посмолиши его внутрьуду и внеуду смолою. Genesis 6:15 И тако сотвориши ковчег: трех сот лактей долгота ковчега, и пятидесяти лактей широта, и тридесяти лактей высота его. Genesis 6:16 Собирая сводом сотвориши ковчег, и в лакоть свершиши его свыше: дверь же ковчега сотвориши от страны: обиталища двокровна и трекровна сотвориши в нем. Genesis 6:17 Аз же, се, наведу потоп, воду на землю, погубити всяку плоть, в нейже есть дух жизни под небесем: и елика суть на земли, скончаются. Genesis 6:18 И поставлю завет Мой с тобою: внидеши же в ковчег ты и сынове твои, и жена твоя и жены сынов твоих с тобою. Genesis 6:19 И от всех скотов и от всех гад, и от всех зверей, и от всякия плоти, два два от всех введеши в ковчег, да питаеши с собою: мужеский пол и женский будут. Genesis 6:20 От всех птиц пернатых по роду, и от всех скотов по роду, и от всех гадов ползающих по земли по роду их, два два от всех внидут к тебе, питатися с тобою, мужеский пол и женский. Genesis 6:21 Ты же возми себе от всех брашен, яже имате ясти, и собереши к себе, и будут тебе и оным брашно. Genesis 6:22 И сотвори Ное вся елика заповеда ему Господь Бог, тако сотвори. Genesis 7:0 Genesis 7:1 И рече Господь Бог к Ною: вниди ты и весь дом твой в ковчег, яко тя видех праведна предо Мною в роде сем: Genesis 7:2 от скотов же чистых введи к себе седмь седмь, мужеский пол и женский: от скотов же нечистых два два, мужеский пол и женский: Genesis 7:3 и от птиц небесных чистых седмь седмь, мужеский пол и женский: и от всех птиц нечистых две две, мужеский пол и женский, препитати семя по всей земли: Genesis 7:4 еще бо дний седмь, Аз наведу дождь на землю четыредесять дний и четыредесять нощей: и потреблю всякое востание, еже сотворих, от лица всея земли. Genesis 7:5 И сотвори Ное вся, елика заповеда ему Господь Бог. Genesis 7:6 Ное же бе лет шести сот, и потоп водный бысть на земли. Genesis 7:7 Вниде же Ное и сынове его, и жена его и жены сынов его с ним в ковчег, воды ради потопа. Genesis 7:8 И от птиц чистых и от птиц нечистых, и от скот чистых и от скот нечистых, (и от зверей,) и от всех гадов пресмыкающихся по земли, Genesis 7:9 два два внидоша к Ною в ковчег, мужеский пол и женский, якоже заповеда (Господь) Бог Ною. Genesis 7:10 И бысть по седми днех, и вода потопная бысть на земли. Genesis 7:11 В шестьсотное лето в житии Ноеве, втораго месяца, в двадесять седмый день месяца, в день той разверзошася вси источницы бездны, и хляби небесныя отверзошася: Genesis 7:12 и бысть дождь на землю четыредесять дний и четыредесять нощей. Genesis 7:13 В день той вниде Ное, Сим, Хам, Иафеф, сынове Ноевы, и жена Ноева, и три жены сынов его с ним в ковчег. Genesis 7:14 И вси зверие земнии по роду, и вси скоти по роду, и всякий гад движущийся на земли по роду, и всякая птица пернатая по роду своему, Genesis 7:15 внидоша к Ною в ковчег два два, мужеский пол и женский, от всякия плоти, в нейже есть дух животный: Genesis 7:16 и входящая мужеский пол и женский от всякия плоти, внидоша к Ною в ковчег, якоже заповеда Господь Бог Ною: и затвори Господь Бог ковчег отвне его. Genesis 7:17 И бысть потоп четыредесять дний и четыредесять нощей на земли, и умножися вода и взя ковчег, и возвысися от земли: Genesis 7:18 и возмогаше вода, и умножашеся зело на земли, и ношашеся ковчег верху воды. Genesis 7:19 Вода же возмогаше зело зело на земли: и покры вся горы высокия, яже бяху под небесем: Genesis 7:20 пятьнадесять лактей горе возвысися вода, и покры вся горы высокия. Genesis 7:21 И умре всякая плоть движущаяся по земли птиц и скотов и зверей, и всякий гад движущийся на земли, и всякий человек, Genesis 7:22 и вся елика имут дыхание жизни, и все еже бе на суши умре. Genesis 7:23 И потребися всякое востание, еже бяше на лицы всея земли, от человека даже до скота и гадов и птиц небесных, и потребишася от земли: и оста Ное един, и иже с ним в ковчезе. Genesis 7:24 И возвысися вода над землею дний сто пятьдесят. Genesis 8:0 Genesis 8:1 И помяну Бог Ноа, и вся звери, и вся скоты, и вся птицы, и вся гады пресмыкающыяся, елика беху с ним в ковчезе: и наведе Бог дух на землю, и преста вода. Genesis 8:2 И заключишася источницы бездны и хляби небесныя: и удержася дождь от небесе. Genesis 8:3 И вспять пойде вода идущая от земли: и умаляшеся вода по сте пятидесятих днех. Genesis 8:4 И седе ковчег в месяц седмый, в двадесять седмый день месяца, на горах Араратских. Genesis 8:5 Вода же уходящи умаляшеся даже до десятаго месяца: и в десятый месяц, в первый день месяца явишася верси гор. Genesis 8:6 И бысть до четыредесятих днех отверзе Ное оконце ковчега, еже сотвори, Genesis 8:7 и посла врана (видети, аще уступила вода от лица земли): и изшед не возвратися, дондеже изсяче вода от земли. Genesis 8:8 И посла голубицу по нем видети, аще уступила вода от лица земли: Genesis 8:9 и не обретши голубица покоя ногама своима, возвратися к нему в ковчег, яко вода бяше по всему лицу всея земли: и простер руку свою, прият ю и внесе ю к себе в ковчег. Genesis 8:10 И премедлив еще седмь дний, паки посла голубицу из ковчега. Genesis 8:11 И возвратися к нему голубица к вечеру, и имеяше сучец масличен с листвием во устех своих: и позна Ное, яко уступи вода от лица земли. Genesis 8:12 И премедлив еще седмь дний других, паки посла голубицу, и не приложи возвратитися к нему потом. Genesis 8:13 И бысть в первое и шестьсотное лето жития Ноева, в первый день перваго месяца, изсяче вода от лица земли: и откры Ное покров ковчега, егоже сотвори, и виде, яко изсяче вода от лица земли. Genesis 8:14 В месяц же вторый, в двадесять седмый день месяца изсше земля. Genesis 8:15 И рече Господь Бог Ноеви, глаголя: Genesis 8:16 изыди из ковчега ты и жена твоя, и сынове твои и жены сынов твоих с тобою: Genesis 8:17 и вся звери, елицы суть с тобою, и всяку плоть от птиц даже до скотов, и всяк гад движущийся по земли изведи с собою: и раститеся и множитеся на земли. Genesis 8:18 И изыде Ное и жена его, и сынове его и жены сынов его с ним, Genesis 8:19 и вси зверие, и вси скоти, и вся птицы и вси гади движущиися по роду своему на земли изыдоша из ковчега. Genesis 8:20 И созда Ное жертвенник Господеви: и взя от всех скотов чистых и от всех птиц чистых и вознесе во всесожжение на жертвенник. Genesis 8:21 И обоня Господь воню благоухания. И рече Господь Бог размыслив: не приложу ктому прокляти землю за дела человеческая, зане прилежит помышление человеку прилежно на злая от юности его: не приложу убо ктому поразити всякую плоть живущую, якоже сотворих: Genesis 8:22 во вся дни земли сеятва и жатва, зима и зной, лето и весна, день и нощь не престанут. Genesis 9:0 Genesis 9:1 И благослови Бог Ноа и сыны его и рече им: раститеся и множитеся, и наполните землю и обладайте ею: Genesis 9:2 и страх и трепет ваш будет на всех зверех земных (и на всех скотех земных,) на всех птицах небесных и на всех движущихся по земли и на всех рыбах морских: в руце вашы вдах (я). Genesis 9:3 И всякое движущееся, еже есть живо, вам будет в снедь: яко зелие травное дах вам все. Genesis 9:4 Точию мяса в крови души да не снесте. Genesis 9:5 Крови бо вашей, душ ваших, от руки всякаго зверя изыщу (ея): и от руки человека брата изыщу ея. Genesis 9:6 Проливаяй кровь человечу, в ея место его пролиется: яко во образ Божий сотворих человека. Genesis 9:7 Вы же раститеся и множитеся, и наполните землю, и множитеся на ней. Genesis 9:8 И рече Бог Ноеви и сыном его с ним, глаголя: Genesis 9:9 се, Аз поставляю завет Мой вам и семени вашему по вас, Genesis 9:10 и всякой души живущей с вами от птиц и от скот и всем зверем земным, елика с вами (суть) от всех изшедших из ковчега: Genesis 9:11 и поставлю завет Мой с вами: и не умрет всяка плоть ктому от воды потопныя, и ктому не будет потоп водный, еже истлити всю землю. Genesis 9:12 И рече Господь Бог Ноеви: сие знамение завета, еже Аз даю между Мною и вами, и между всякою душею живою, яже есть с вами, в роды вечныя: Genesis 9:13 дугу Мою полагаю во облаце, и будет в знамение завета (вечнаго) между Мною и землею. Genesis 9:14 И будет егда наведу облаки на землю, явится дуга Моя во облаце: Genesis 9:15 и помяну завет Мой, иже есть между Мною и вами, и между всякою душею живущею во всякой плоти, и не будет ктому вода в потоп, яко потребити всяку плоть. Genesis 9:16 И будет дуга Моя во облаце: и узрю ю, еже помянути завет вечный между Мною и землею, и между всякою душею живущею во всякой плоти, яже есть на земли. Genesis 9:17 И рече Бог Ноеви: сие знамение завета, егоже положих между Мною и между всякою плотию, яже есть на земли. Genesis 9:18 Быша же сынове Ноевы изшедшии из ковчега, Сим, Хам, Иафеф: Хам же бяше отец Ханаань. Genesis 9:19 Трие сии суть сынове Ноевы: от сих разсеяшася по всей земли. Genesis 9:20 И начат Ное человек делатель (быти) земли, и насади виноград: Genesis 9:21 и испи от вина, и упися, и обнажися в дому своем. Genesis 9:22 И виде Хам отец Ханаань наготу отца своего, и изшед вон поведа обема братома своима. Genesis 9:23 И вземше сим и Иафеф ризу, возложиша (ю) на обе раме свои, и идоша вспять зряще, и покрыша наготу отца своего: и лице их вспять зря, и наготы отца своего не видеша. Genesis 9:24 Истрезвися же Ное от вина, и разуме елика сотвори ему сын его юнейший, Genesis 9:25 и рече: проклят (буди) Ханаан отрок: раб будет братиям своим. Genesis 9:26 И рече: благословен Господь Бог Симов: и будет Ханаан отрок раб ему: Genesis 9:27 да распространит Бог Иафефа, и да вселится в селениих Симовых, и да будет Ханаан раб ему. Genesis 9:28 Поживе же Ное по потопе лет триста пятьдесят. Genesis 9:29 И быша вси дние Ноевы лет девять сот пятьдесят: и умре. Genesis 10:0 Genesis 10:1 Сия же (суть) бытия сынов Ноевых, Сима, Хама, Иафефа. И родишася им сынове по потопе. Genesis 10:2 Сынове Иафефовы: Гамер и Магог, и Мадай и Иован, и Елиса и Фовел, и Мосох и Фирас. Genesis 10:3 Сынове же Гамеровы: Асханас и Рифаф и Форгама. Genesis 10:4 Сынове же Иовани: Елиса и Фарсис, Китийстии и Родийстии. Genesis 10:5 От сих разделишася острови языков (всех) в земли их: кийждо по языку в племенех своих и в народех своих. Genesis 10:6 Сынове же Хамовы: Хус и Месраин, Фуд и Ханаан. Genesis 10:7 Сынове Хусовы: Сава и Евила, и Савафа и Регма, и Савафака. Сынове же Регмановы: Сава и Дадан. Genesis 10:8 Хус же роди Неврода: сей начат быти исполин на земли: Genesis 10:9 сей бе исполин ловец пред Господем Богом: сего ради рекут: яко Неврод исполин ловец пред Господем. Genesis 10:10 И бысть начало царства его Вавилон и Орех, и Архад и Халанни на земли Сеннаар. Genesis 10:11 От земли тоя изыде Ассур: и созда Ниневию, и Роовоф град, и Халах. Genesis 10:12 И Дасем между Ниневиею и между Халахом: сей есть град великий. Genesis 10:13 Месраин же роди Лудиима и Неффалима, и Енеметиима и Лавиима, Genesis 10:14 и Патросониима и Хасмониима, отнюдуже изыде Филистиим, и Гаффориима. Genesis 10:15 Ханаан же роди Сидона первенца (своего) и Хеттеа, Genesis 10:16 и Иевусеа и Аморреа, и Гергесеа Genesis 10:17 и Евеа, и Арукеа и Асеннеа, Genesis 10:18 и Арадиа и Самареа, и Амафию. И посем разсеяшася племена Хананейская: Genesis 10:19 и быша пределы Хананейстии от Сидона даже приити до Герара и Газы, идуще даже до Содома и Гоморры, до Адамы и Севоима, даже до Даса. Genesis 10:20 Сии сынове Хамовы в племенех своих, по языком своим, в странах своих и в народех своих. Genesis 10:21 И Симу родися и тому, отцу всех сынов Еверовых, брату Иафефа старейшаго. Genesis 10:22 Сынове Симовы: Елам и Ассур, и Арфаксад и Луд, и Арам и Каинан. Genesis 10:23 И сынове Арамли: Ос и Ул, и Гатер и Мосох. Genesis 10:24 И Арфаксад роди Каинана, Каинан же роди Салу, Сала же роди Евера. Genesis 10:25 И родистася Еверу два сына: имя единому Фалек: во дни бо его разделися земля: и имя брату его Иектан. Genesis 10:26 Иектан же роди Елмодада и Салефа, и Сармофа и Иараха, Genesis 10:27 и Одорра и Евила и Декла, Genesis 10:28 и Евала и Авимаила и Совева, Genesis 10:29 и Уфира и Евила и Иовава: вси сии сынове Иектановы. Genesis 10:30 И бысть селение их от Маси даже приити до Сафира, горы восточныя. Genesis 10:31 Сии сынове Симовы, в племенех своих, по языком их, в странах их и в народех их. Genesis 10:32 Сия племена сынов Ноевых по родом их, по языком их: от сих разсеяшася острови языков на земли по потопе. Genesis 11:0 Genesis 11:1 И бе вся земля устне едине, и глас един всем. Genesis 11:2 И бысть внегда поити им от восток, обретоша поле в земли Сеннаарстей и вселишася тамо. Genesis 11:3 И рече человек ближнему своему: приидите, сотворим плинфы и испечем их огнем. И бысть им плинфа в камень, и брение вместо мела. Genesis 11:4 И рекоша: приидите, созиждем себе град и столп, егоже верх будет даже до небесе: и сотворим себе имя, прежде неже разсеятися нам по лицу всея земли. Genesis 11:5 И сниде Господь видети град и столп, егоже созидаша сынове человечестии. Genesis 11:6 И рече Господь: се, род един, и устне едине всех, и сие начаша творити: и ныне не оскудеют от них вся, елика аще восхотят творити. Genesis 11:7 Приидите, и сошедше смесим тамо язык их, да не услышат кийждо гласа ближняго (своего). Genesis 11:8 И разсея их оттуду Господь по лицу всея земли: и престаша зиждуще град и столп. Genesis 11:9 Сего ради наречеся имя его Смешение, яко тамо смеси Господь устна всея земли, и оттуду разсея их Господь по лицу всея земли. Genesis 11:10 И сия бытия Симова: и бяше Сим сын ста лет, егда роди Арфаксада, во второе лето по потопе: Genesis 11:11 и поживе Сим, повнегда родити ему Арфаксада, лет пять сот и роди сыны и дщери: и умре. Genesis 11:12 И поживе Арфаксад лет сто тридесять пять и роди Каинана: Genesis 11:13 и поживе Арфаксад, повнегда родити ему Каинана, лет триста тридесять и роди сыны и дщери: и умре. И поживе Каинан лет сто тридесять и роди Салу: и поживе Каинан, повнегда родити ему Салу, лет триста тридесять и роди сыны и дщери: и умре. Genesis 11:14 И поживе Сала лет сто тридесять и роди Евера: Genesis 11:15 и поживе Сала, повнегда родити ему Евера, лет триста тридесять и роди сыны и дщери: и умре. Genesis 11:16 И поживе Евер лет сто тридесять четыри и роди Фалека: Genesis 11:17 и поживе Евер, повнегда родити ему Фалека, лет триста седмьдесят и роди сыны и дщери: и умре. Genesis 11:18 И поживе Фалек лет сто тридесять и роди Рагава: Genesis 11:19 и поживе Фалек, повнегда родити ему Рагава, лет двесте девять и роди сыны и дщери: и умре. Genesis 11:20 И поживе Рагав лет сто тридесять два и роди Серуха: Genesis 11:21 и поживе Рагав, повнегда родити ему Серуха, лет двесте седмь и роди сыны и дщери: и умре. Genesis 11:22 И поживе Серух лет сто тридесять и роди Нахора: Genesis 11:23 и поживе Серух, повнегда родити ему Нахора, лет двесте и роди сыны и дщери: и умре. Genesis 11:24 И поживе Нахор лет седмьдесят девять и роди Фарру: Genesis 11:25 и поживе Нахор, повнегда родити ему Фарру, лет сто двадесять девять и роди сыны и дщери: и умре. Genesis 11:26 И поживе Фарра лет седмьдесят и роди Аврама и Нахора и Аррана. Genesis 11:27 Сия же бытия Фарры: Фарра роди Аврама и Нахора и Аррана. Арран же роди Лота: Genesis 11:28 и умре Арран пред Фаррою отцем своим в земли, в нейже родися, в стране Халдейстей. Genesis 11:29 И пояста Аврам и Нахор себе жены: и имя жене Аврамли Сара, и имя жене Нахорове Мельха, дщи Арраня: сей есть отец Мельхин и отец Есхин. Genesis 11:30 Бяше же Сара неплоды и не раждаше детей. Genesis 11:31 И поят Фарра Аврама сына своего и Лота сына Арраня, сына сына своего, и Сару сноху свою, жену Аврама сына своего: и изведе я из земли Халдейския ити на землю Ханаанску: и приидоша даже до Харрана и вселишася тамо. Genesis 11:32 Быша же вси дние Фаррины в земли Харрани лет двесте пять: и умре Фарра в Харране. Genesis 12:0 Genesis 12:1 И рече Господь Авраму: изыди от земли твоея, и от рода твоего, и от дому отца твоего, и иди в землю, юже ти покажу: Genesis 12:2 и сотворю тя в язык велий, и благословлю тя, и возвеличу имя твое, и будеши благословен: Genesis 12:3 и благословлю благословящыя тя, и кленушыя тя проклену: и благословятся о тебе вся племена земная. Genesis 12:4 И иде Аврам, якоже глагола ему Господь, и идяше с ним Лот: Аврам же бе лет седмидесяти пяти, егда изыде от (земли) Харран. Genesis 12:5 И поят Аврам Сару жену свою, и Лота сына брата своего, и вся имения своя, елика стяжаша, и всякую душу, юже стяжаша в Харране: и изыдоша поити в землю Ханааню. Genesis 12:6 И пройде Аврам землю в долготу ея даже до места Сихем, до дуба Высокаго: Хананее же тогда живяху на земли (той). Genesis 12:7 И явися Господь Авраму и рече ему: семени твоему дам землю сию. И созда тамо Аврам жертвенник Господу явльшемуся ему. Genesis 12:8 И отступи оттуду в гору на восток (лицем) прямо Вефилю, и постави тамо кущу свою в Вефили при мори, и Агге к востоком: и созда тамо жертвенник Господу, и призва во имя Господа (явльшася ему). Genesis 12:9 И воздвижеся Аврам, и шед ополчися в пустыни. Genesis 12:10 И бысть глад на земли: и сниде Аврам во Египет вселитися тамо, яко одоле глад на земли. Genesis 12:11 Бысть же егда приближися Аврам внити во Египет, рече Аврам Саре жене своей: вем аз, яко жена добролична еси: Genesis 12:12 будет убо егда увидят тя Египтяне, рекут, яко жена его есть сия: и убиют мя, тебе же снабдят: Genesis 12:13 рцы убо, яко сестра ему есмь, да добро мне будет тебе ради, и будет жива душа моя тебе ради. Genesis 12:14 Бысть же егда вниде Аврам во Египет, видевше Египтяне жену его, яко добра бяше зело, Genesis 12:15 и видеша ю князи фараони и похвалиша ю пред фараоном, и введоша ю в дом фараонов. Genesis 12:16 И Авраму добре бяше ея ради: и быша ему овцы и телцы и ослы, и рабы и рабыни, и мски и велблюды. Genesis 12:17 И мучи Господь казньми великими и лютыми фараона и дом его Сары ради жены Аврамли. Genesis 12:18 Призвав же фараон Аврама, рече ему: что сие сотворил еси мне, яко не поведал ми еси, яко жена твоя есть? Genesis 12:19 Вскую рекл еси, яко сестра ми есть? И поях ю себе в жену. И ныне се, жена твоя пред тобою: поемь ю отиди. Genesis 12:20 И заповеда фараон мужем о Авраме, проводити его и жену его, и вся, елика быша его, и Лота с ним. Genesis 13:0 Genesis 13:1 Изыде же Аврам от Египта сам и жена его, и вся, елика его, и Лот с ним в пустыню. Genesis 13:2 Аврам же бяше богат зело скоты и сребром и златом. Genesis 13:3 И иде отнюдуже прииде, в пустыню до Вефила, до места, идеже бе ему куща первее, между Вефилем и между Агге, Genesis 13:4 на место жертвенника, идеже сотвори его первее: и призва тамо Аврам имя Господне. Genesis 13:5 И Лоту ходящу со Аврамом бяху овцы, и волы, и кущы. Genesis 13:6 И не вмещаше их земля жити вкупе, яко имения их бяху многа: и не можаху жити вкупе. Genesis 13:7 И бысть распря между пастухи скота Аврамля и между пастухи скота Лотова: Хананее же и Ферезее тогда живяху на земли (той). Genesis 13:8 Рече же Аврам Лоту: да не будет распря между мною и тобою, и между пастухи твоими и между пастухи моими, яко человецы братия мы есмы: Genesis 13:9 не се ли вся земля пред тобою есть? Отлучися ты от мене: аще ты на лево, аз на десно: аще же ты на десно, аз на лево. Genesis 13:10 И возвед Лот очи свои, виде всю окрестную страну Иорданскую, яко вся напаяема бяше водою, прежде неже низвратити Богу Содом и Гоморр, яко рай Божий, и яко земля Египетска, даже приити до Зогора: Genesis 13:11 и избра себе Лот всю окрестную страну Иорданскую, и отиде Лот от востока: и разлучистася кийждо от брата своего. Genesis 13:12 Аврам же вселися в земли Ханаанстей, Лот же вселися во граде окрестных стран и вселися в Содоме. Genesis 13:13 Человецы же сущии в Содоме зли и грешни пред Богом зело. Genesis 13:14 Бог же рече Авраму, повнегда разлучитися Лоту от него: воззри очима твоима и виждь от места, идеже ты ныне еси, к северу, и ливе, и к востоку, и морю: Genesis 13:15 яко всю землю, юже ты видиши, тебе дам ю и семени твоему во веки, Genesis 13:16 и сотворю семя твое, яко песок земный: аще кто может исчести песок земный, то и семя твое изочтет: Genesis 13:17 востав проиди землю в долготу ея и в широту: яко тебе дам ю и семени твоему во век. Genesis 13:18 И отселився Аврам, пришед вселися у дуба Мамврийскаго, иже бяше в Хевроне: и созда ту жертвенник Господу. Genesis 14:0 Genesis 14:1 Бысть же в царство Амарфала царя Сеннаарска, и Ариох царь Елласарск, и Ходоллогомор царь Еламск, и Фаргал царь языческий Genesis 14:2 сотвориша рать с Валлою царем Содомским и с Варсою царем Гоморрским, и с Сеннааром царем Адамы и с симовором царем Севоимским, и с царем Валаки: сия есть Сигор. Genesis 14:3 Вси сии совещашася на юдоль Сланую: сие есть море Сланое. Genesis 14:4 Дванадесять лет тии работаша Ходоллогомору: третияго же надесять лета отступиша. Genesis 14:5 И в четвертое надесять лето, прииде Ходоллогомор, и цари иже с ним, и изсекоша Исполинов сущих во Астарофе и в Карнаине, и языки крепки вкупе с ними, и омеов, иже в Сави граде, Genesis 14:6 и Хорреов, иже в горах Сиирских, даже до Теревинфа Фарана, иже есть в пустыни. Genesis 14:7 И возвратившеся приидоша ко источнику Судному, иже есть Кадис: и ссекоша вся князи Амаликовы, и Аморреов живущих во Асасанфамаре. Genesis 14:8 Изыде же царь Содомский и царь Гоморрский, и царь Адаманский и царь Севоимский, и царь Валаки, сия есть Сигор: и ополчишася противу их на брань во юдоли Сланой, Genesis 14:9 на Ходоллогомора царя Еламска и Фаргала царя языческа, и Амарфала царя Сеннаарска и Ариоха царя Елласарска: четыри цари на пять. Genesis 14:10 Юдоль же Сланая имяше кладязи смоляныя. И побеже царь Содомский и царь Гоморрский, и падоша тамо: оставшиися же бежаша в горняя (и одержаша я). Genesis 14:11 Взяша же вся конныя Содомския и Гоморрския и вся брашна их, и отидоша. Genesis 14:12 Взяша же и Лота сына брата Аврамова и имение его, и отидоша: бе бо в Содомех живый. Genesis 14:13 Пришед же един от уцелевших, возвести Авраму пришелцу, иже живяше у дуба Мамврийскаго, Аморреа брата Есхоля и брата Авнаня, иже беша союзницы Аврамовы. Genesis 14:14 Слышав же Аврам, яко пленен бысть Лот братаничь его, сочте домочадцы своя триста и осмьнадесять, и погна вслед их даже до Дана. Genesis 14:15 И нападе на ня нощию сам и отроцы его (с ним): и порази их и гони их даже до Ховала, иже есть ошуюю Дамаска: Genesis 14:16 и возврати вся конныя Содомския, и Лота сына брата своего возврати, и вся имения его, и жены, и люди. Genesis 14:17 Изыде же царь Содомский в сретение ему, повнегда возвратитися ему от сеча Ходоллогоморскаго, и царей сущих с ним, в юдоль Савину: сие же бяше поле царево: Genesis 14:18 и Мелхиседек царь Салимский изнесе хлебы и вино: бяше же священник Бога Вышняго. Genesis 14:19 И благослови Аврама, и рече: благословен Аврам Богом Вышним, иже созда небо и землю: Genesis 14:20 и благословен Бог Вышний, Иже предаде враги твоя под руки тебе. И даде ему десятину Аврам от всего. Genesis 14:21 Рече же царь Содомский ко Авраму: даждь ми мужы, а кони возми себе. Genesis 14:22 Рече же Аврам к царю Содомску: воздвигну руку мою ко Господу Богу Вышнему, иже сотвори небо и землю: Genesis 14:23 аще от нити до ременя сапожнаго возму от всего твоего, да не речеши, яко аз обогатих Аврама: Genesis 14:24 кроме сих, яже снедоша отроцы, и части мужей, иже ходиша со мною, Есхол, Авнан, Мамврий: сии да возмут части (своя). Genesis 15:0 Genesis 15:1 По глаголех же сих, бысть слово Господне ко Авраму в видении нощию, глаголя: не бойся, Авраме: Аз защищаю тя, мзда твоя многа будет зело. Genesis 15:2 Глагола же Аврам: Владыко Господи, что ми даси? Аз же отпущаюся безчаден: сын же масек домочадицы моея, сей Дамаск Елиезер. Genesis 15:3 И рече Аврам: понеже мне не дал еси семене, домочадец же мой наследник мой будет. Genesis 15:4 И абие глас Господень бысть к нему, глаголющий: не будет сей наследник твой, но иже изыдет из тебе, той будет наследник тебе. Genesis 15:5 Изведе же его вон и рече ему: воззри на небо и изочти звезды, аще возможеши исчести я. И рече: тако будет семя твое. Genesis 15:6 И верова Аврам Богу, и вменися ему в правду. Genesis 15:7 Рече же к нему: Аз (есмь) Бог изведый тя от страны Халдейския, яко дати тебе землю сию наследствовати. Genesis 15:8 И рече: Владыко Господи, по чесому уразумею, яко наследити ю имам? Genesis 15:9 Рече же к нему: возми Мне юницу трилетну и козу трилетну и овна трилетна, и горлицу и голубя. Genesis 15:10 Взя же он вся сия и раздели я на полы, и положи я противолична едина ко другому: птиц же не раздели. Genesis 15:11 Слетеша же птицы на телеса растесаная их: и седе близу их Аврам. Genesis 15:12 Заходящу же солнцу, ужас нападе на Аврама, и се, страх темен велий нападе нань. Genesis 15:13 И речено бысть ко Авраму: ведый увеси, яко преселно будет семя твое в земли не своей, и поработят я, и озлобят я, и смирят я лет четыриста: Genesis 15:14 языку же, емуже поработают, сужду Аз: по сих же изыдут семо со имением многим: Genesis 15:15 ты же отидеши ко отцем твоим в мире, препитан в старости добрей: Genesis 15:16 в четвертем же роде возвратятся семо: не бо исполнишася греси Аморреов до ныне. Genesis 15:17 Егда же бысть солнце на западе, пламень бысть: и се, пещь дымящися, и свещы огненны, яже проидоша между растесании сими. Genesis 15:18 В день той завеща Господь Авраму завет, глаголя: семени твоему дам землю сию от реки Египетския даже до реки великия Евфрата: Genesis 15:19 Кенеов и Кенезеов и Кедмонеов, Genesis 15:20 и Хеттеов и Ферезеов и Рафаинов, Genesis 15:21 и Аморреов и Хананеов, и Евеов и Гергесеов и Иевусеов. Genesis 16:0 Genesis 16:1 Сара же жена Аврамля не раждаше ему: бяше же ей раба Египтяныня, ейже имя Агарь. Genesis 16:2 Рече же Сара ко Авраму: се, заключи мя Господь, еже не раждати: вниди убо к рабе моей, да чада сотворю от нея. Послуша же Аврам гласа Сарина. Genesis 16:3 И поимши Сара жена Аврамля Агарь Египтяныню рабу свою, по десяти летех вселения Аврамля в земли Ханаани, даде ю в жену Авраму мужу своему. Genesis 16:4 И вниде ко Агари, и зачат: и виде, яко во чреве имать, и укорена бысть госпожа (ея) пред нею. Genesis 16:5 И рече Сара ко Авраму: обида ми от тебе: аз дах рабу мою в недро твое: она же видевши, яко во чреве имать, укорена бых пред нею: суди Бог между мною и тобою. Genesis 16:6 Рече же Аврам к Саре: се, раба твоя в руку твоею: твори ей, якоже ти есть угодно. И озлоби ю Сара: и отбеже от лица ея. Genesis 16:7 И обрете ю Ангел Господень у источника воды в пустыни, у источника на пути Сур. Genesis 16:8 И рече ей Ангел Господень: Агарь, рабо Сарина, откуду идеши и камо грядеши? И рече: от лица Сары госпожи моея аз бегу. Genesis 16:9 Рече же ей Ангел Господень: возвратися к госпоже своей и покорися под руку ея. Genesis 16:10 И рече ей Ангел Господень: умножая умножу семя твое, и не сочтется от множества. Genesis 16:11 И рече ей Ангел Господень: се, ты во чреве имаши и родиши сына, и наречеши имя ему Исмаил: яко услыша Господь смирение твое: Genesis 16:12 сей будет селный человек: руце его на всех, и руки всех на него, и пред лицем всея братии своея вселится. Genesis 16:13 И призва Агарь имя Господа глаголющаго к ней: Ты Бог призревый на мя: яко рече: ибо предо мною видех явльшагося мне. Genesis 16:14 Сего ради прозва кладязь той: Кладязь, идеже предо мною видех: се между Кадисом и между Варадом. Genesis 16:15 И роди Агарь Авраму сына, и нарече Аврам имя сыну своему, егоже роди ему Агарь, Исмаил. Genesis 16:16 Аврам же бе лет осмидесяти шести, егда роди Агарь Авраму Исмаила. Genesis 17:0 Genesis 17:1 Бысть же Авраму лет девятьдесят девять: и явися Господь Авраму и рече ему: Аз есмь Бог твой, благоугождай предо Мною и буди непорочен: Genesis 17:2 и положу завет Мой между Мною и между тобою: и умножу тя зело. Genesis 17:3 И паде Аврам на лицы своем, и рече ему Бог, глаголя: Genesis 17:4 и Аз се, завет Мой с тобою, и будеши отец множества языков: Genesis 17:5 и не наречется ктому имя твое Аврам, но будет имя твое Авраам: яко отца многих языков положих тя: Genesis 17:6 и возращу тя зело зело, и положу тя в народы, и царие из тебе изыдут: Genesis 17:7 и поставлю завет Мой между Мною и между тобою, и между семенем твоим по тебе в роды их, в завет вечен, да буду тебе Бог и семени твоему по тебе: Genesis 17:8 и дам тебе и семени твоему по тебе землю, в нейже обитаеши, всю землю Ханааню во одержание вечное, и буду им Бог. Genesis 17:9 И рече Бог ко Аврааму: ты же завет Мой соблюдеши, ты и семя твое по тебе в роды их. Genesis 17:10 И сей завет, егоже соблюдеши между Мною и вами, и между семенем твоим по тебе в роды их: обрежется от вас всяк мужеск пол, Genesis 17:11 и обрежете плоть крайнюю вашу, и будет в знамение завета между Мною и вами. Genesis 17:12 И младенец осми дний обрежется вам, всяк мужеский пол в родех ваших: и домочадец, и купленый от всякаго сына чуждаго, иже несть от семене твоего: обрезанием обрежется домочадец дому твоего и купленый. Genesis 17:13 И будет завет Мой на плоти вашей в завет вечен. Genesis 17:14 Необрезаный же мужеский пол, иже не обрежет плоти крайния своея в день осмый, погубится душа та от рода своего: яко завет Мой разори. Genesis 17:15 И рече Бог Аврааму: Сара жена твоя не наречется имя ея Сара, но Сарра будет имя ей: Genesis 17:16 благословлю же ю и дам тебе от нея чадо: и благословлю е, и будет в языки, и царие языков из него будут. Genesis 17:17 И паде Авраам на лице свое, и посмеяся, и рече в мысли своей, глаголя: еда столетному (мужу) родится сын? Еда и Сарра девятидесяти лет (сущи) родит? Genesis 17:18 Рече же Авраам к Богу: Исмаил сей да живет пред Тобою. Genesis 17:19 Рече же Бог ко Аврааму: воистинну, се, Сарра жена твоя родит тебе сына, и наречеши имя ему Исаак: и поставлю завет Мой с ним в завет вечен, да буду ему в Бога и семени его по нем. Genesis 17:20 О Исмаиле же се послушах тебе: и се благослових его, и возращу его, и умножу его зело: дванадесять языки родит: и дам его в язык велий. Genesis 17:21 Завет же Мой поставлю со Исааком, егоже родит тебе Сарра, во время сие, в лето второе. Genesis 17:22 Сконча же (Бог) глаголя к нему, и взыде Бог от Авраама. Genesis 17:23 И поя Авраам Исмаила сына своего, и вся домочадцы своя и вся купленыя, и весь мужеск пол мужей, иже в дому Авраамли, и обреза плоть крайнюю их во время дне того, якоже глагола ему Бог. Genesis 17:24 Авраам же девятидесяти девяти лет бяше, егда обреза плоть крайнюю свою. Genesis 17:25 Исмаил же сын его бяше лет трехнадесяти, егда обреза плоть крайнюю свою. Genesis 17:26 Во время (же) дне онаго обрезася Авраам и Исмаил сын его, Genesis 17:27 и вси мужие дому его, и домочадцы (его) и куплении от инородных языков, и обреза я. Genesis 18:0 Genesis 18:1 Явися же ему Бог у дуба Мамврийска, седящу ему пред дверми сени своея в полудни. Genesis 18:2 Воззрев же очима своима, виде, и се, трие мужие стояху над ним: и видев притече в сретение им от дверей сени своея: и поклонися до земли Genesis 18:3 и рече: Господи, аще убо обретох благодать пред Тобою, не мини раба Твоего: Genesis 18:4 да принесется вода и омыются ноги ваши, и прохладитеся под древом: Genesis 18:5 и принесу хлеб, да ясте, и посем пойдете в путь свой, егоже ради уклонистеся к рабу вашему. И рекоша: тако сотвори, якоже глаголал еси. Genesis 18:6 И потщася Авраам в сень к Сарре и рече ей: ускори и смеси три меры муки чисты, и сотвори потребники. Genesis 18:7 И тече Авраам ко кравам, и взя телца млада и добра, и даде рабу, и ускори приготовити е. Genesis 18:8 И взя масло, и млеко, и телца, егоже приготова: и предложи им, и ядоша: сам же стояше пред ними под древом. Genesis 18:9 Рече же к нему: где Сарра жена твоя? Он же отвещав, рече: се, в сени. Genesis 18:10 Рече же: (се) возвращаяся прииду к тебе во время сие в часы, и родит сына Сарра жена твоя. Сарра же услыша пред дверми сени сущи за ним. Genesis 18:11 Авраам же и Сарра стара (беста,) заматеревшая во днех: и престаша Сарре бывати женская. Genesis 18:12 Разсмеяся же Сарра в себе, глаголющи: не у было ми убо доселе, господин же мой стар. Genesis 18:13 И рече Господь ко Аврааму: что яко разсмеяся Сарра в себе, глаголющи: еда истинно рожду? Аз же состарехся. Genesis 18:14 Еда изнеможет у Бога слово? В сие время возвращуся к тебе в часы, и будет Сарре сын. Genesis 18:15 Отречеся же Сарра, глаголющи: не разсмеяхся: убояся бо. И рече ей: ни, но разсмеялася еси. Genesis 18:16 Воставше же оттуду мужие, воззреша на лице Содома и Гоморра: Авраам же идяше с ними, провождая их. Genesis 18:17 Господь же рече: еда утаю Аз от Авраама раба Моего, яже Аз творю? Genesis 18:18 Авраам же бывая будет в язык велик и мног, и благословятся о нем вси языцы земнии: Genesis 18:19 вем бо, яко заповесть сыном своим и дому своему по себе, и сохранят пути Господни творити правду и суд, яко да наведет Господь на Авраама вся, елика глагола к нему. Genesis 18:20 Рече же Господь: вопль Содомский и Гоморрский умножися ко Мне, и греси их велицы зело: Genesis 18:21 сошед убо узрю, аще по воплю их грядущему ко Мне совершаются: аще же ни, да разумею. Genesis 18:22 И обратившеся оттуду мужие, приидоша в Содом: Авраам же еще бяше стояй пред Господем. Genesis 18:23 И приближився Авраам, рече: погубиши ли праведнаго с нечестивым, и будет праведник яко нечестивый? Genesis 18:24 Аще будут пятьдесят праведницы во граде, погубиши ли я? Не пощадиши ли всего места пятидесяти ради праведных, аще будут в нем? Genesis 18:25 Никакоже Ты сотвориши по глаголу сему, еже убити праведника с нечестивым, и будет праведник яко нечестивый: никакоже, Судяй всей земли, не сотвориши ли суда? Genesis 18:26 Рече же Господь: аще будут в Содомех пятьдесят праведницы во граде, оставлю весь град и все место их ради. Genesis 18:27 И отвещав Авраам, рече: ныне начах глаголати ко Господу моему, аз же есмь земля и пепел: Genesis 18:28 аще же умалятся пятьдесят праведницы в четыредесять пять, погубиши ли четыредесяти пятих ради весь град? И рече: не погублю, аще обрящу тамо четыредесять пять. Genesis 18:29 И приложи еще глаголати к Нему, и рече: аще же обрящутся тамо четыредесять? И рече: не погублю ради четыредесяти. Genesis 18:30 И рече: что, Господи, аще возглаголю? Аще же обрящется тамо тридесять? И рече: не погублю тридесятих ради. Genesis 18:31 И рече: понеже имам глаголати ко Господу: аще же обрящутся тамо двадесять? И рече: не погублю, аще обрящутся тамо двадесять. Genesis 18:32 И рече: что, Господи, аще возглаголю еще единою? Аще же обрящутся тамо десять? И рече: не погублю десятих ради. Genesis 18:33 Отиде же Господь, яко преста глаголя ко Аврааму: и Авраам возвратися на место свое. Genesis 19:0 Genesis 19:1 Приидоста же два Ангела в Содом в вечер: Лот же седяше пред враты Содомскими. Видев же Лот, воста в сретение им и поклонися лицем на землю Genesis 19:2 и рече: се, господие, уклонитеся в дом раба вашего и почийте, и омыйте ноги вашя, и обутреневавше отидете в путь свой. Реша же: ни, но на стогне почием. Genesis 19:3 И принуди я, и уклонишася к нему, и внидоша в дом его: и сотвори им учреждение, и опресноки испече им, и ядоша. Genesis 19:4 Пред спанием же мужие града Содомляне оыдоша дом, от юноши даже до старца, весь народ вкупе: Genesis 19:5 и иззываху Лота, и глаголаху к нему: где суть мужие вшедшии к тебе нощию? Изведи я к нам, да будем с ними. Genesis 19:6 Изыде же Лот к ним в преддверие, двери же затвори за собою. Genesis 19:7 Рече же к ним: никакоже, братие, не дейте зла: Genesis 19:8 суть же ми две дщери, яже не познаша мужа: изведу их к вам, и творите им, якоже угодно есть вам: точию мужем сим не сотворите обиды, того бо ради внидоша под кров дому моего. Genesis 19:9 Реша же ему: отиди отсюду: пришел еси (семо) обитати, еда ли и суд судити? Ныне убо тя озлобим паче, нежели оных. И насилствоваша мужа Лота зело, и приближишася разбити двери. Genesis 19:10 Простерше же мужие руки, вовлекоша Лота к себе в храмину, и двери храмины заключиша: Genesis 19:11 мужы же, сущыя пред дверми дому, поразиша слепотою от мала даже до велика: и разслабишася ищуще дверий. Genesis 19:12 Реша же мужие к Лоту: суть ли тебе зде зятие или сынове или дщери? Или аще кто тебе ин есть во граде, изведи (я) от места сего: Genesis 19:13 яко мы погубляем место сие, понеже возвысися вопль их пред Господем, и посла нас Господь истребити его. Genesis 19:14 Изыде же Лот и глагола к зятем своим, поимшым дщери его, и рече: востаните и изыдите от места сего, яко погубляет Господь град. Возмнеся же играти пред зятьми своими. Genesis 19:15 Егда же утро бысть, понуждаху Ангели Лота, глаголюще: востав, поими жену твою и две дщери твоя, яже имаши, и изыди, да не и ты погибнеши со беззаконми града. Genesis 19:16 И смутишася, и взяша Ангели за руку его, и за руку жену его, и за руки двух дщерей его, понеже пощаде и Господь. Genesis 19:17 И бысть егда изведоша я вон, и реша: спасая спасай твою душу: не озирайся вспять, ниже постой во всем пределе (сем): в горе спасайся, да не когда купно ят будеши. Genesis 19:18 Рече же Лот к ним: молюся, Господи, Genesis 19:19 понеже обрете раб Твой милость пред Тобою, и возвеличил еси правду Твою, юже твориши на мне, еже жити души моей: аз же не возмогу спастися в горе, да не когда постигнут мя злая, и умру: Genesis 19:20 се, град сей близ еже убежати ми тамо, иже есть мал, и тамо спасуся: не мал ли есть? И жива будет душа моя Тебе ради. Genesis 19:21 И рече ему: се, удивихся лицу твоему, и о словеси сем, еже не погубити града, о немже глаголал еси: Genesis 19:22 потщися убо спастися тамо: не возмогу бо сотворити дела, дондеже внидеши тамо: сего ради прозва имя граду тому Сигор. Genesis 19:23 Солнце взыде над землю, Лот же вниде в Сигор. Genesis 19:24 И Господь одожди на Содом и Гоморр жупел, и огнь от Господа с небесе. Genesis 19:25 И преврати грады сия, и всю окрестную страну, и вся живущыя во градех, и вся прозябающая от земли. Genesis 19:26 И озреся жена его вспять, и бысть столп слан. Genesis 19:27 Востав же Авраам заутра (иде) на место, идеже стояше пред Господем, Genesis 19:28 и воззре на лице Содома и Гоморра, и на лице окрестныя страны, и виде: и се, восхождаше пламень от земли, аки дым пещный. Genesis 19:29 И бысть егда преврати Бог вся грады страны тоя, помяну Бог Авраама и изсла Лота от среды превращения, егда преврати Господь грады, в нихже живяше Лот. Genesis 19:30 Изыде же Лот от Сигора, и седе в горе сам, и две дщери его с ним: убояся бо жити в Сигоре: и вселися в пещеру сам и дщери его с ним. Genesis 19:31 Рече же старейшая к юнейшей: отец наш стар, и никтоже есть на земли, иже внидет к нам, якоже обычно всей земли: Genesis 19:32 гряди убо, упоим отца нашего вином и преспим с ним, и возставим от отца нашего семя. Genesis 19:33 Упоиша же отца своего вином в нощи оней: и вшедши старейшая, преспа со отцем своим тоя нощи: и не поразуме он, егда преспа и егда воста. Genesis 19:34 Бысть же наутрие, и рече старейшая к юнейшей: се, (аз) преспах вчера со отцем нашим: упоим его вином и в сию нощь, и вшедши преспи с ним, и возставим от отца нашего семя. Genesis 19:35 Упоиша же и в ту нощь отца своего вином: и вшедши юнейшая преспа со отцем своим: и не поразуме он, егда преспа и егда воста. Genesis 19:36 И зачаша обе дщери Лотовы от отца своего: Genesis 19:37 и роди старейшая сына и нарече имя ему Моав, глаголющи: от отца моего. Сей отец Моавитом даже до нынешняго дне. Genesis 19:38 Роди же юнейшая сына и нарече имя ему Амман, глаголющи: сын рода моего. Сей отец Амманитом до нынешняго дне. Genesis 20:0 Genesis 20:1 И пойде оттуду Авраам на землю полуденную и вселися между Кадисом и между Суром: и обита в Герарех. Genesis 20:2 Рече же Авраам о Сарре жене своей, яко сестра ми есть: убояся бо рещи, яко жена ми есть, да не когда убиют его мужие градстии ея ради. Посла же Авимелех царь Герарский и взя Сарру. Genesis 20:3 И прииде Бог ко Авимелеху нощию во сне и рече ему: се, ты умираеши жены ради сея, юже поял еси: сия же есть сожителствующая мужу. Genesis 20:4 Авимелех же не прикоснуся ей и рече: Господи, язык неведущий и праведен погубиши ли? Genesis 20:5 Не сам ли ми рече: сестра ми есть? И сия ми рече: брат ми есть? Чистым сердцем и в правде рук сотворих сие. Genesis 20:6 Рече же ему Бог во сне: и Аз познах, яко чистым сердцем сотворил еси сие, и пощадех тя, да не согрешиши ко Мне: сего ради не попустих ти коснутися ея: Genesis 20:7 ныне же отдаждь жену мужу, яко пророк есть, и помолится о тебе, и жив будеши: аще же не отдаси, веждь, яко умреши ты и вся твоя. Genesis 20:8 И воста рано Авимелех, и призва вся отроки своя, и глагола словеса сия вся во ушы их: убояшася же вси человецы зело. Genesis 20:9 И призва Авимелех Авраама и рече ему: что сие сотворил еси нам? Еда что согрешихом тебе, яко навел еси на мя и на царство мое грех велик? Дело, еже никтоже сотвори, сотворил еси мне. Genesis 20:10 И рече Авимелех Аврааму: что умыслив, сотворил еси сие? Genesis 20:11 Рече же Авраам: рекох бо: негли несть благочестия на месте сем: и убиют мя жены ради моея: Genesis 20:12 ибо истинно сестра ми есть по отцу, а не по матери: бысть же ми в жену: Genesis 20:13 и бысть егда изведе мя Бог от дому отца моего, и рех ей: правду сию сотвориши ми: во всяко место, идеже аще приидем, тамо рцы о мне, яко брат ми есть. Genesis 20:14 Взя же Авимелех тысящу дидрахм (сребра), и овцы, и телцы, и рабы, и рабыни, и даде Аврааму: и отдаде ему Сарру жену его. Genesis 20:15 И рече Авимелех Аврааму: се, земля моя пред тобою: идеже аще тебе угодно есть, вселися. Genesis 20:16 Сарре же рече: се, дах тысящу дидрахм брату твоему: сия будут тебе в честь лица твоего, и всем, яже суть с тобою, и во всем истинствуй. Genesis 20:17 Помолися же Авраам Богу, и исцели Бог Авимелеха и жену его и рабыни его, и начаша раждати: Genesis 20:18 яко заключая заключи Господь от внеуду всяка ложесна в дому Авимелеха, Сарры ради жены Авраамли. Genesis 21:0 Genesis 21:1 И Господь посети Сарру, якоже рече: и сотвори Господь Сарре, якоже глагола. Genesis 21:2 И заченши Сарра роди Аврааму сына в старости, во время, якоже глагола ему Господь: Genesis 21:3 и нарече Авраам имя сыну своему рождшемуся ему, егоже роди ему Сарра, Исаак: Genesis 21:4 обреза же Авраам Исаака во осмый день, якоже заповеда ему Бог. Genesis 21:5 Авраам же бе ста лет, егда бысть ему Исаак сын его. Genesis 21:6 Рече же Сарра: смех мне сотвори Господь: иже бо аще услышит, обрадуется со Мною. Genesis 21:7 И рече: кто возвестит Аврааму, яко млеком питает отроча Сарра, яко родих сына в старости моей? Genesis 21:8 И возрасте отроча, и отдоено бысть: и сотвори Авраам учреждение велие, в оньже день отдоися Исаак сын его. Genesis 21:9 Видевши же Сарра сына Агари Египтяныни, иже бысть Аврааму, играюща со Исааком сыном своим, Genesis 21:10 и рече Аврааму: изжени рабу сию и сына ея: не наследит бо сын рабы сея с сыном моим Исааком. Genesis 21:11 Жесток же явися глагол сей зело пред Авраамом о сыне его Исмаиле. Genesis 21:12 И рече Бог Аврааму: да не будет жестоко пред тобою о отроце и о рабыни: вся елика аще речет тебе Сарра, слушай гласа ея: яко во Исааце наречется тебе семя: Genesis 21:13 сына же рабыни сея в язык велик сотворю его, яко семя твое есть. Genesis 21:14 Воста же Авраам заутра и взя хлебы и мех воды, и даде Агари: и возложи на плещы ея отроча и отпусти ю. Отшедши же заблуждаше в пустыни, у кладязя Клятвеннаго: Genesis 21:15 оскуде же вода из меха: и поверже отроча под елию единою. Genesis 21:16 Отшедши же седяше прямо ему издалече, якоже дострелити из лука: рече бо: да не вижду смерти детища моего. И седе прямо ему издалече. Воскричав же отроча, восплакася: Genesis 21:17 услыша же Бог глас отрочате от места, идеже бяше: и воззва Ангел Божий Агарь с небесе и рече ей: что есть, Агарь? Не бойся: услыша бо Бог глас отрочища от места, идеже есть: Genesis 21:18 востани и поими отроча, и ими рукою твоею его: в язык бо велик сотворю его. Genesis 21:19 И отверзе Бог очи ея, и узре кладязь воды живы: и иде, и налия мех воды, и напои отроча. Genesis 21:20 И бяше Бог со отрочатем, и возрасте, и вселися в пустыни, и бысть стрелец. Genesis 21:21 И поселися в пустыни Фаран: и поят ему мати его жену от земли Египетския. Genesis 21:22 Бысть же в то время, и рече Авимелех, и Охозаф невестоводитель его, и Фихол воевода силы его, ко Аврааму, глаголя: Бог с тобою во всех, яже твориши: Genesis 21:23 ныне убо кленися ми Богом, не обидети мене, ниже семене моего, ниже имене моего: но по правде, юже сотворих с тобою, сотвориши со мною и земли, идеже ты вселился еси на ней. Genesis 21:24 И рече Авраам: аз кленуся. Genesis 21:25 И обличи Авраам Авимелеха о кладязех водных, яже отяша отроцы Авимелеховы. Genesis 21:26 И рече ему Авимелех: не ведех, кто сотвори тебе вещь сию: ниже ты ми поведал еси, ниже аз слышах, токмо днесь. Genesis 21:27 И взя Авраам овцы и юнцы и даде Авимелеху: и завещаста оба завет. Genesis 21:28 И постави Авраам седмь агниц овчих единых. Genesis 21:29 И рече Авимелех Аврааму: что суть седмь агницы овец сих, яже поставил еси едины? Genesis 21:30 И рече Авраам: яко седмь сих агниц возмеши у мене, да будут ми во свидетелство, яко аз ископах кладязь сей. Genesis 21:31 Сего ради наименова имя месту тому кладязь Клятвенный: яко тамо клястася оба Genesis 21:32 и завещаста завет у кладязя Клятвеннаго. Воста же Авимелех, и Охозаф невестоводитель его, и Фихол воевода силы его, и возвратишася в землю Филистимску. Genesis 21:33 И насади Авраам ниву у кладязя Клятвеннаго, и призва ту имя Господа, Бога вечнаго. Genesis 21:34 Обита же Авраам в земли Филистимстей дни многи. Genesis 22:0 Genesis 22:1 И бысть по глаголех сих, Бог искушаше Авраама и рече ему: Аврааме, Аврааме. И рече: се аз. Genesis 22:2 И рече: поими сына твоего возлюбленнаго, егоже возлюбил еси, Исаака, и иди на землю Высоку и вознеси его тамо во всесожжение, на едину от гор, ихже ти реку. Genesis 22:3 Востав же Авраам утро, оседла осля свое: поят же с собою два отрочища и Исаака сына своего: и растнив дрова во всесожжение, востав иде, и прииде на место, еже рече ему Бог, в третий день. Genesis 22:4 И воззрев Авраам очима своима, виде место издалече. Genesis 22:5 И рече Авраам отроком своим: сядите зде со ослятем: аз же и детищь пойдем до онде, и поклонившеся возвратимся к вам. Genesis 22:6 Взя же Авраам дрова всесожжения и возложи на Исаака сына своего: взя же в руки и огнь, и ножь, и идоста оба вкупе. Genesis 22:7 Рече же Исаак ко Аврааму отцу своему: отче. Он же рече: что есть, чадо? Рече же: се, огнь и дрова, где есть овча еже во всесожжение? Genesis 22:8 Рече же Авраам: Бог узрит Себе овча во всесожжение, чадо. Шедша же оба вкупе, Genesis 22:9 приидоста на место, еже рече ему Бог: и созда тамо Авраам жертвенник и возложи дрова: и связав Исаака сына своего, возложи его на жертвенник верху дров. Genesis 22:10 И простре Авраам руку свою, взяти ножь, заклати сына своего. Genesis 22:11 И воззва и Ангел Господень с небесе, и рече: Аврааме, Аврааме. Он же рече: се, аз. Genesis 22:12 И рече: да не возложиши руки твоея на отрочища, ниже да сотвориши ему что: ныне бо познах, яко боишися ты Бога, и не пощадел еси сына твоего возлюбленнаго Мене ради. Genesis 22:13 И воззрев Авраам очима своима виде, и се, овен един держимый рогама в саде савек: и иде Авраам, и взя овна, и вознесе его во всесожжение вместо Исаака сына своего. Genesis 22:14 И нарече Авраам имя месту тому: Господь виде: да рекут днесь: на горе Господь явися. Genesis 22:15 И воззва Ангел Господень Авраама вторицею с небесе, Genesis 22:16 глаголя: Мною Самем кляхся, глаголет Господь, егоже ради сотворил еси глагол сей и не пощадел еси сына твоего возлюбленнаго Мене ради: Genesis 22:17 воистинну благословя благословлю тя, и умножая умножу семя твое, яко звезды небесныя, и яко песок вскрай моря: и наследит семя твое грады супостатов, Genesis 22:18 и благословятся о семени твоем вси языцы земнии, занеже послушал еси гласа Моего. Genesis 22:19 Возвратися же Авраам ко отроком своим, и воставше идоша купно ко кладязю Клятвенному: и вселися Авраам у кладязя Клятвеннаго. Genesis 22:20 Бысть же по глаголех сих, и поведаша Аврааму, глаголюще: се, роди Мелха и та сыны брату твоему Нахору, Genesis 22:21 Окса первенца, и Вавкса брата его, и Камуила отца Сирска, Genesis 22:22 и Хазада, и Азава, и Фалдеса, и Елдафа, и Вафуила: Genesis 22:23 Вафуил же роди Ревекку: осмь сии сынове, ихже роди Мелха Нахору брату Авраамлю: Genesis 22:24 и наложница его, ейже имя Ревма, роди и сия Тавека, и Таама, и Тохоса, и Моха. Genesis 23:0 Genesis 23:1 Бысть же житие Саррино лет сто двадесять седмь. Genesis 23:2 И умре Сарра во граде Арвоце, иже есть в раздолии: сей есть Хеврон в земли Ханаанстей. Прииде же Авраам рыдати по Сарре и плакати. Genesis 23:3 И воста Авраам от мертвеца своего и рече сыном Хеттеовым, глаголя: Genesis 23:4 преселник и пришлец аз есмь у вас, дадите ми убо стяжание гроба между вами, да погребу мертвеца моего от мене. Genesis 23:5 Отвещаша же сынове Хеттеовы ко Аврааму, глаголюще: ни, господине: Genesis 23:6 послушай же нас: царь от Бога ты еси в нас: во избранных гробех наших погреби мертвеца твоего: никтоже бо от нас возбранит гроба своего от тебе, еже погребсти мертвеца твоего тамо. Genesis 23:7 Востав же Авраам поклонися народу земли, сыном Хеттеовым, Genesis 23:8 и рече к ним Авраам, глаголя: аще имате в души вашей, яко погребсти мертвеца моего от лица моего, послушайте мене и рцыте о мне Ефрону Саарову: Genesis 23:9 и да даст ми пещеру Сугубую, яже есть его, сущую на части села его: сребром достойным да даст ми ю у вас в стяжание гроба. Genesis 23:10 Ефрон же седяше посреде сынов Хеттеовых. Отвещав же Ефрон Хеттейский ко Аврааму, рече слышащым сыном Хеттеовым и всем приходящым во град, глаголя: Genesis 23:11 у мене буди, господине, и послушай мене: село и пещеру яже в нем, тебе даю: пред всеми гражданы моими дах тебе, погреби мертвеца твоего. Genesis 23:12 И поклонися Авраам пред народом земли Genesis 23:13 и рече Ефрону во ушеса пред всем народом земли: понеже по мне еси, послушай мене: сребро села возми у мене, и погребу мертвеца моего тамо. Genesis 23:14 Отвеща же Ефрон Аврааму, глаголя: Genesis 23:15 ни, господине: слышах бо, яко земля четырех сот дидрахм сребра: но что было бы сие между мною и тобою? Ты же мертвеца твоего погреби. Genesis 23:16 И послуша Авраам Ефрона, и даде Авраам Ефрону сребро, еже глагола во ушеса сынов Хеттеовых, четыре ста дидрахм сребра искушена купцами. Genesis 23:17 И бысть село Ефроново, еже бе в Сугубей пещере, еже есть лицем к Мамврии, село и пещера яже бе в нем, и всякое древо, иже бе на селе, и все еже есть в пределех его окрест, Genesis 23:18 Аврааму (бысть) в стяжание пред сыны Хеттеовыми и пред всеми приходящими во град. Genesis 23:19 По сих погребе Авраам Сарру жену свою в пещере селней Сугубей, яже есть противу Мамврии: сия есть Хеврон в земли Ханаанстей. Genesis 23:20 И утверждено есть село и пещера, яже бе на нем, Аврааму в стяжание гроба от сынов Хеттеовых. Genesis 24:0 Genesis 24:1 Авраам же бяше стар, заматеревший во днех: и Господь благослови Авраама во всех. Genesis 24:2 И рече Авраам рабу своему старейшему дому своего, обладающему всеми его: положи руку твою под стегно мое, Genesis 24:3 и заклену тя Господем Богом небесе и Богом земли, да не поймеши сыну моему Исааку жены от дщерей Хананейских, с нимиже аз живу в них: Genesis 24:4 но токмо на землю мою, идеже родихся, пойдеши, и ко племени моему, и поймеши жену сыну моему Исааку оттуду. Genesis 24:5 Рече же к нему раб: еда убо не восхощет ити жена вслед со мною на землю сию, возвращу ли сына твоего в землю, от неяже изшел еси? Genesis 24:6 Рече же к нему Авраам: внемли себе, да не возвратиши сына моего онамо. Genesis 24:7 Господь Бог небесе и Бог земли, Иже поя мя из дому отца моего и от земли, в нейже родихся, Иже глагола мне и Иже кляся мне, глаголя: тебе дам землю сию и семени твоему, Той послет Ангела Своего пред тобою, и поймеши жену сыну моему Исааку оттуду: Genesis 24:8 аще же не восхощет жена поити с тобою в землю сию, чист будеши от заклятия моего: точию сына моего не возврати тамо. Genesis 24:9 И положи раб руку свою под стегно Авраама господина своего, и кляся ему о словеси сем. Genesis 24:10 И взя раб десять велблюд от велблюд господина своего, и от всех благ господина своего с собою, и востав иде в Месопотамию во град Нахоров: Genesis 24:11 и постави велблюды вне града у кладязя воднаго под вечер, егда исходят (жены) почерпати воды, Genesis 24:12 и рече: Господи, Боже господина моего Авраама, благоустрой предо мною днесь, и сотвори милость с господином моим Авраамом: Genesis 24:13 се, аз стах у кладязя воднаго, дщери же живущих во граде исходят почерпати воды: Genesis 24:14 и будет девица, ейже аз реку: преклони водонос твой, да пию, и речет ми: пий ты, и велблюды твоя напою, дондеже напиются: сию уготовал еси рабу Твоему Исааку: и по сему увем, яко сотворил еси милость с господином моим Авраамом. Genesis 24:15 И бысть прежде неже скончати ему глаголющу во уме своем, и се, Ревекка исхождаше, яже родися Вафуилу, сыну Мелхи жены Нахора, брата же Авраамля, держащи водонос на рамех своих: Genesis 24:16 девица же бяше доброзрачна зело: дева бе, муж не позна ея. Сошедши же на кладязь, наполни водонос свой и взыде. Genesis 24:17 Тече же раб во сретение ей и рече: напой мя мало водою от водоноса твоего. Genesis 24:18 Сия же рече: пий, господине. И потщася, и сня водонос на мышца своя, и напои его, дондеже напися. Genesis 24:19 И рече: и велблюдом твоим налию, дондеже вси напиются. Genesis 24:20 И потщася, и испраздни водонос в поило: и тече паки на кладязь почерпнути воды, и влия велблюдом всем. Genesis 24:21 Человек же выразумеваше ю и помолчеваше, да уразумеет, аще благоустрои Бог путь ему, или ни. Genesis 24:22 Бысть же егда престаша вси велблюды пиюще, взя человек усерязи златы весом по драхме и два запястия на руки ея: десять златниц вес их. Genesis 24:23 И вопроси ю и рече: чия еси дщерь? Повеждь ми, аще есть у отца твоего место нам витати? Genesis 24:24 Она же рече ему: дщерь Вафуилева есмь (сына) Мелхина, егоже роди Нахору. Genesis 24:25 И рече ему: и плевы и сена много у нас, и место витати. Genesis 24:26 И благословив человек, поклонися Господу Genesis 24:27 и рече: благословен Господь Бог господина моего Авраама, Иже не остави правды Своея и истины от господина моего: и мене благоустрои Господь в дом брата господина моего. Genesis 24:28 И текши девица в дом матере своея, поведа по глаголом сим. Genesis 24:29 Ревекце же бяше брат, емуже имя Лаван: и тече Лаван к человеку вон на кладязь. Genesis 24:30 И бысть егда виде усерязи, и запястия на руку сестры своея, и егда слыша словеса Ревекки сестры своея, глаголющия: сице глагола мне человек: и прииде к человеку, стоящу ему у велблюд у кладязя, Genesis 24:31 и рече ему: гряди, вниди благословенный от Господа, почто стоиши вне? Аз же уготовах храмину и место велблюдом. Genesis 24:32 И вниде человек в дом, и разседла велблюды, и даде плевы и сено велблюдом, и воду умыти нозе его, и ноги мужем, иже бяху с ним: Genesis 24:33 и предложи им хлебы ясти, и рече: не ям, дондеже возглаголю словеса моя. И рече: глаголи. Genesis 24:34 И рече: раб Авраамль есмь аз: Genesis 24:35 Господь же благослови господина моего зело, и возвысися: и даде ему овцы и телцы, сребро и злато, рабы и рабыни, и велблюды и ослы: Genesis 24:36 и роди Сарра, жена господина моего, сына единаго господину моему, состаревшемуся ему, и даде ему елика имяше: Genesis 24:37 и закля мя господин мой, глаголя: не поймеши жены сыну моему от дщерей Хананейских, в нихже аз обитаю в земли их: Genesis 24:38 но в дом отца моего пойдеши, и в племя мое, и поймеши жену сыну моему оттуду: Genesis 24:39 рех же (аз) господину моему: а егда не восхощет жена со мною ити? Genesis 24:40 И рече ми: Господь Бог, Емуже благоугодих пред ним, он послет Ангела Своего с тобою и благоустроит путь твой, и поймеши жену сыну моему от племене моего и от дому отца моего: Genesis 24:41 тогда будеши чист от заклинания моего: егда бо дойдеши в племя мое, и не дадят ти, и будеши чист от заклинания моего: Genesis 24:42 и пришед днесь на кладязь, рекох: Господи, Боже господина моего Авраама, аще Ты благоустрояеши путь мой, в оньже ныне аз иду: Genesis 24:43 се, аз стах у кладязя воднаго, и дщери граждан исходят почерпати воды: и будет девица, ейже аще аз реку: напой мя от водоноса твоего мало водою: Genesis 24:44 и речет ми: и ты пий, и велблюдом твоим влию: сия (будет) жена, юже уготова Господь рабу Своему Исааку: и по сему уразумею, яко сотворил еси милость господину моему Аврааму. Genesis 24:45 И бысть прежде неже скончати мне глаголющу во уме своем, абие Ревекка исхождаше держащи водонос на раму, и сниде на кладязь, и почерпе воды: и рекох ей: напой мя. Genesis 24:46 И потщавшися сня водонос с себе на мышцу свою и рече: пий ты, и велблюды твоя напою. И напихся, и велблюды моя напои. Genesis 24:47 И вопросих ю и рекох: чия еси дщерь? Повеждь ми. Она же рече: дщерь Вафуилева есмь сына Нахорова, егоже роди ему Мелха. И дах ей усерязи, и запястия на руце ея, Genesis 24:48 и благоволив поклонихся Господу: и благослових Господа Бога господина моего Авраама, Иже благоустрои мя на пути истины пояти дщерь брата господина моего сыну его: Genesis 24:49 аще убо сотворите вы милость и правду к господину моему: аще же ни, поведите ми: да обращуся или на десно, или на лево. Genesis 24:50 Отвещавша же Лаван и Вафуил, рекоста: от Господа прииде дело сие: не возможем ти противу рещи зло или благо: Genesis 24:51 се, Ревекка пред тобою: поемь ю, иди: и да будет жена сыну господина твоего, якоже глагола Господь. Genesis 24:52 Бысть же егда услыша раб Авраамль словеса сия, поклонися до земли Господу. Genesis 24:53 И изнес раб сосуды златы и сребряны и ризы, даде Ревекце: и дары даде брату ея и матери ея. Genesis 24:54 И ядоша и пиша и той и мужие, иже бяху с ним, и почиша. И востав заутра, рече: отпустите мя, да отиду к господину моему. Genesis 24:55 Реша же братия ея и мати: да пребудет девица с нами яко десять дний, и посем пойдет. Genesis 24:56 Он же рече к ним: не держите мя, Господь бо благоустрои путь мой во мне: отпустите мя, да иду к господину моему. Genesis 24:57 Они же реша: призовем девицу и вопросим ея изоуст. Genesis 24:58 И призваша Ревекку и реша ей: пойдеши ли с человеком сим? Она же рече: пойду. Genesis 24:59 И отпустиша Ревекку сестру свою, и имения ея, и раба Авраамля, и иже с ним быша. Genesis 24:60 И благословиша Ревекку и реша ей: сестра наша еси, буди в тысящы тем, и да наследит семя твое грады супостат. Genesis 24:61 Воставши же Ревекка и рабыни ея, вседоша на велблюды и поидоша с человеком. И поим раб Ревекку, отиде. Genesis 24:62 Исаак же прехождаше сквозе пустыню у кладязя Видения: сам же живяше на земли на полудне. Genesis 24:63 И изыде Исаак поглумитися на поле к вечеру, и воззрев очима своима, виде велблюды идущыя. Genesis 24:64 И воззревши Ревекка очима своима, виде Исаака: и изскочи с велблюда. Genesis 24:65 И рече рабу: кто есть человек оный, иже идет по полю во сретение нам? Рече же раб: сей есть господин мой. Она же вземши ризу летнюю, облечеся. Genesis 24:66 И поведа раб Исааку вся словеса, яже сотвори. Genesis 24:67 Вниде же Исаак в дом матере своея, и поя Ревекку, и бысть ему жена: и возлюби ю, и утешися Исаак по Сарре матери своей. Genesis 25:0 Genesis 25:1 Приложив же Авраам, поя жену, ейже имя Хеттура: Genesis 25:2 роди же ему Зомврана и Иезана, и Мадала и Мадиама, и Иесвока и Соиена. Genesis 25:3 Иезан же роди Савана и Фамана и Дедана. Сынове же Дедани быша: Рагуил и Навдеил, и Асуриим и Латусиим и Лаомим. Genesis 25:4 Сынове же Мадиамли: Ефар и афир, и Енох и Авида и Елдага. Вси сии быша сынове Хеттурины. Genesis 25:5 Даде же Авраам вся своя имения Исааку сыну своему: Genesis 25:6 сыном же наложниц своих даде Авраам дары и отпусти я от Исаака сына своего, еще жив сый, к востоку на землю восточную. Genesis 25:7 Сия же лета дний жития Авраамля, елика поживе, лет сто седмьдесят пять: Genesis 25:8 и ослабев умре Авраам в старости добрей, старец исполнен дний, и приложися к людем своим. Genesis 25:9 И погребоша его Исаак и Исмаил два сынове его в пещере Сугубей, на селе Ефронове сына Саарова Хеттеанина, еже есть прямо Мамврии, Genesis 25:10 на селе и в пещере, юже притяжа Авраам от сынов Хеттеовых: тамо погребоша Авраама и Сарру жену его. Genesis 25:11 Бысть же по умертвии Авраамли, благослови Бог Исаака сына его: и вселися Исаак у кладязя Видения. Genesis 25:12 Сия же бытия Исмаила сына Авраамля, егоже роди Агарь Египтяныня, раба Саррина, Аврааму: Genesis 25:13 и сия имена сынов Исмаилих, по именом родов его: первенец Исмаилов Наваиоф, и Кидар и Навдеил, и Массам Genesis 25:14 и Масма, и Дума и Масси, Genesis 25:15 и Ходдан и Феман, и Иетур и Нафес и Кедма. Genesis 25:16 Сии суть сынове Исмаили: и сия имена их в скиниях их и в селех их: дванадесять князи в языцех их. Genesis 25:17 И сия лета жития Исмаилова, сто тридесять седмь лет: и ослабев умре, и приложися к роду своему. Genesis 25:18 Вселися же от Евилата даже до Сура, иже есть в лице Египту, даже доити ко Ассириом: пред лицем всех братий своих вселися. Genesis 25:19 И сия бытия Исаака сына Авраамля: Авраам роди Исаака. Genesis 25:20 Бяше же Исаак лет четыредесяти, егда поя Ревекку дщерь Вафуила Сирина от Месопотамии Сирския, сестру Лавана Сирина, себе в жену. Genesis 25:21 Моляшеся же Исаак Господеви о Ревекце жене своей, яко неплоды бяше: послуша же его Бог, и зачат во утробе Ревекка жена его. Genesis 25:22 Играста же младенца в ней, и рече: аще тако ми хощет быти, почто ми сие? И иде вопрошати Господа. Genesis 25:23 И рече ей Господь: два языка во утробе твоей суть, и двои людие от утробы твоея разлучатся: и людие людий превзыдут, и болший поработает меншему. Genesis 25:24 И исполнишася дние родити ей, и бяху сей близнята во утробе ея: Genesis 25:25 изыде же сын первенец чермен, весь, яко кожа, космат: и нарече имя ему Исав: Genesis 25:26 и посем изыде брат его, рука же его придержася пяте Исавове: и нарече имя ему Иаков. Исааку же бе шестьдесят лет, егда роди их Ревекка. Genesis 25:27 Возрастоша же юноши: и бысть Исав человек ведый ловити, селный: Иаков же бысть человек нелукав, живый в дому. Genesis 25:28 И возлюби Исаак Исава, яко ловитва его бяше брашно ему: Ревекка же любляше Иакова. Genesis 25:29 Свари же Иаков варение: и прииде Исав с поля изнемог, Genesis 25:30 и рече Исав Иакову: напитай мя варением сочива сего, яко изнемогаю. Сего ради прозвася имя ему Едом. Genesis 25:31 И рече Иаков Исаву: отдаждь ми днесь первенство свое. Genesis 25:32 Рече же Исав: се, аз иду умрети, и вскую ми первенство сие? Genesis 25:33 И рече Иаков ему: кленися ми днесь. И кляся ему, и отдаде Исав Иакову первенство свое. Genesis 25:34 Иаков же даде Исаву хлеб и варение сочевно: яде же и пи, и востав отиде: и нивочтоже вмени себе Исав первенство. Genesis 26:0 Genesis 26:1 Бысть же глад на земли, кроме глада бывшаго прежде во время Авраамле. Отиде же Исаак ко Авимелеху царю Филистимску в Герар: Genesis 26:2 явися же ему Господь и рече: не ходи во Египет, вселися же в земли, в нейже ти реку, Genesis 26:3 и обитай в земли той, и буду с тобою, и благословлю тя: тебе бо и семени твоему дам всю землю сию и поставлю клятву Мою, еюже кляхся Аврааму отцу твоему: Genesis 26:4 и умножу семя твое, яко звезды небесныя, и дам семени твоему всю землю сию: и благословятся о семени твоем вси языцы земнии: Genesis 26:5 понеже послуша отец твой Авраам Моего гласа и соблюде заповеди Моя и повеления Моя, и оправдания Моя и законы Моя. Genesis 26:6 Вселися же Исаак в Герарех. Genesis 26:7 Вопросиша же мужие места того о Ревекце жене его, и рече: сестра ми есть. Убояся бо рещи, яко жена ми есть, да не когда убиют его мужие места того Ревекки ради, понеже бе доброзрачна. Genesis 26:8 Бысть же много время тамо: и приникнув Авимелех царь Герарский окном, виде Исаака играюща с Ревеккою женою своею. Genesis 26:9 Призва же Авимелех Исаака и рече ему: убо жена твоя есть? Почто рекл еси, яко сестра ми есть? Рече же ему Исаак: рех бо, да не умру ея ради. Genesis 26:10 Рече же ему Авимелех: что сие сотворил еси нам? Вмале не бысть некто от рода моего с женою твоею, и навел бы еси на ны неведение. Genesis 26:11 Заповеда же Авимелех всем людем своим, глаголя: всяк, иже прикоснется мужу сему, или жене его, смерти повинен будет. Genesis 26:12 Сея же Исаак в земли той, и приобрете в то лето стократный плод ячменя: благослови же его Господь. Genesis 26:13 И возвысися человек, и преуспевая болший бываше, дондеже велик бысть зело. Genesis 26:14 Быша же ему скоти овец и скоти волов и земледелия многа. Позавидеша же ему Филистимляне: Genesis 26:15 и вся кладязи, яже ископаша раби отца его, во время отца его, заградиша я Филистимляне и наполниша тыя землею. Genesis 26:16 Рече же Авимелех ко Исааку: отиди от нас, яко силнейший сотворился еси от нас зело. Genesis 26:17 И отиде оттуду Исаак и обита в дебри Герарстей, и вселися тамо. Genesis 26:18 И паки Исаак ископа кладязи водныя, яже ископаша раби Авраама отца его, и заградиша тыя Филистимляне, по умертвии Авраама отца его: и прозва им имена, по именам, имиже прозва Авраам отец его. Genesis 26:19 И ископаша раби Исааковы в дебри Герарстей, и обретоша тамо кладязь воды живы. Genesis 26:20 И пряхуся пастырие Герарстии с пастырми Исааковыми, глаголюще: наша есть вода. И прозва имя кладязю тому Обида: обидяху бо его. Genesis 26:21 Отшед же оттуду Исаак, ископа кладязь другий. Пряхуся же и о том: и прозва имя ему Вражда. Genesis 26:22 Отшед же оттуду, ископа кладязь другий. И не пряхуся о том, и прозва имя ему Пространство, глаголя: яко ныне распространи Господь нам и возрасти нас на земли. Genesis 26:23 Взыде же оттуду ко кладязю Клятвенному: Genesis 26:24 и явися ему Господь в ту нощь и рече: Аз есмь Бог Авраама отца твоего, не бойся, с тобою бо есмь: и благословлю тя, и умножу семя твое Авраама ради отца твоего. Genesis 26:25 И созда тамо жертвенник, и призва имя Господне: и постави тамо скинию свою: ископаша же тамо раби Исааковы кладязь в дебри Герарстей. Genesis 26:26 И Авимелех прииде к нему от Герар, и Охозаф невестоводитель его, и Фихол воевода сил его. Genesis 26:27 И рече им Исаак: вскую приидосте ко мне? Вы же возненавидесте мене и отсласте мя от себе. Genesis 26:28 Они же реша: видевше узрехом, яко бе Господь с тобою, и рехом: буди клятва между нами и между тобою, и завещаим с тобою завет, Genesis 26:29 да не сотвориши с нами зла, якоже не возгнушахомся тобою мы, и якоже сотворихом тебе добро, и отпустихом тя с миром: и ныне благословен ты от Господа. Genesis 26:30 И сотвори им пир, и ядоша и пиша. Genesis 26:31 И воставше заутра, клятся кийждо ближнему: и отпусти я Исаак, и отидоша от него здравы. Genesis 26:32 Бысть же в той день, и пришедше раби Исааковы поведаша ему о кладязе, егоже ископаша, и рекоша: не обретохом воды. Genesis 26:33 И прозва его Клятва. Сего ради прозва имя граду оному кладязь Клятвенный, даже до днешняго дне. Genesis 26:34 Бяше же Исав лет четыредесяти: и поя жену Иудифу, дщерь Веоха Хеттеина, и Васемафу, дщерь Елона Хеттеина. Genesis 26:35 И быша противящеся Исаакови и Ревекце. Genesis 27:0 Genesis 27:1 Бысть же, повнегда состаретися Исаакови, и притупишася очи его еже видети: и призва Исава сына своего старейшаго, и рече ему: сыне мой. И рече: се, аз. Genesis 27:2 И рече Исаак: се, состарехся, и не вем дне скончания моего: Genesis 27:3 ныне убо возми орудие твое, тул же и лук, и изыди на поле, и улови ми лов: Genesis 27:4 и сотвори ми снеди, якоже люблю аз: и принеси ми, да ям, яко да благословит тя душа моя, прежде даже не умру. Genesis 27:5 Ревекка же слыша глаголюща Исаака ко Исаву сыну своему. Изыде же Исав на поле уловити лов отцу своему. Genesis 27:6 Ревекка же рече ко Иакову сыну своему меншему: се, аз слышах отца твоего беседующа ко Исаву брату твоему, глаголюща: Genesis 27:7 принеси ми лов, и сотвори ми снеди, да ядый благословлю тя пред Господем, прежде неже умрети ми: Genesis 27:8 ныне убо, сыне мой, послушай мене, якоже аз заповедаю ти: Genesis 27:9 и шед во овцы, поими мне оттуду два козлища мягка и добра, и сотворю я снеди отцу твоему, якоже любит: Genesis 27:10 и внесеши отцу твоему, и будет ясти, яко да благословит тя отец твой, прежде даже не умрет. Genesis 27:11 Рече же Иаков к Ревекце матери своей: Исав брат мой есть муж космат, Аз же муж гладкий: Genesis 27:12 да не како осяжет мя отец мой, и буду пред ним яко презираяй, и наведу на себе клятву, а не благословение. Genesis 27:13 Рече же ему мати: на мне клятва твоя, чадо: точию послушай гласа моего, и шед принеси ми. Genesis 27:14 Шед же взя и принесе матери, и сотвори мати его снеди, якоже любляше отец его. Genesis 27:15 И вземши Ревекка одежду Исава сына своего старейшаго добрую, яже бысть у нея в дому, облече оною Иакова сына своего меншаго, Genesis 27:16 и кожицами козлячими обложи мышцы его, и нагое выи его: Genesis 27:17 и даде снеди и хлебы, яже сотвори, в руце Иакову сыну своему. Genesis 27:18 И внесе отцу своему и рече: отче. Он же рече: се, аз: кто еси ты, чадо? Genesis 27:19 И рече Иаков отцу: аз Исав первенец твой, сотворих, якоже рекл ми еси: востав сяди и яждь от лова моего, яко да благословит мя душа твоя. Genesis 27:20 Рече же Исаак сыну своему: что сие, еже скоро обрел еси, о чадо? Он же рече: еже даде Господь Бог твой предо мною. Genesis 27:21 Рече же Исаак Иакову: приближися ко мне, и осяжу тя, чадо, аще ты еси сын мой Исав, или ни. Genesis 27:22 Приближися же Иаков ко Исааку отцу своему, и осяза его и рече: глас убо глас Иаковль, руце же руце Исавове. Genesis 27:23 И не позна его: бесте бо руце его, яко руце Исава брата его космате. И благослови его Genesis 27:24 и рече: ты ли еси сын мой Исав? Он же рече: аз. Genesis 27:25 И рече: принеси ми, и ям от лова твоего, чадо, да благословит тя душа моя. И принесе ему, и яде, и принесе ему вино, и пи. Genesis 27:26 И рече ему Исаак отец его: приближися ко мне и облобызай мя, чадо. Genesis 27:27 И приближився лобыза его: и обоня воню риз его, и благослови его и рече: се, воня сына моего, яко воня нивы исполнены, юже благослови Господь: Genesis 27:28 и да даст тебе Бог от росы небесныя и от тука земли, и множество пшеницы и вина: Genesis 27:29 и да поработают тебе языцы, и да поклонятся тебе князи, и буди господин брату твоему, и поклонятся тебе сынове отца твоего: проклинаяй тя проклят, благословляяй же тя благословен. Genesis 27:30 И бысть по еже престати Исааку благословляющу Иакова сына своего: и бысть егда изыде Иаков от лица Исаака отца своего, и Исав брат его прииде с ловитвы. Genesis 27:31 Сотвори же и той снеди и принесе отцу своему, и рече отцу: да востанет отец мой, и да яст от лова сына своего, яко да благословит мя душа твоя. Genesis 27:32 И рече ему Исаак отец его: кто еси ты? Он же рече: аз есмь сын твой первенец Исав. Genesis 27:33 Ужасеся же Исаак ужасом велиим зело и рече: кто убо уловивый мне лов и принесый ми? И ядох от всех, прежде неже приити тебе, и благослових его, и благословен будет. Genesis 27:34 Бысть же егда услыша Исав глаголы отца своего Исаака, возопи гласом велиим и горьким зело, и рече: благослови убо и мене, отче. Genesis 27:35 Рече же ему: пришед брат твой с лестию, взя благословение твое. Genesis 27:36 И рече (Исав): праведно наречеся имя ему Иаков: запя бо мя се уже вторицею, и первенство мое взя, и ныне взя благословение мое. И рече Исав отцу своему: не оставил ли еси (и) мне благословения, отче? Genesis 27:37 Отвещав же Исаак, рече Исаву: аще господина его сотворих тебе, и всю братию его сотворих рабы ему, пшеницею и вином утвердих его: тебе же что сотворю, чадо? Genesis 27:38 Рече же Исав ко отцу своему: еда едино есть благословение у тебе, отче? Благослови убо и мене, отче. Умилившуся же Исааку, возопи гласом велиим Исав и восплакася. Genesis 27:39 Отвещав же Исаак отец его, рече ему: се, от тука земли будет вселение твое, и от росы небесныя свыше: Genesis 27:40 и мечем твоим жити будеши, и брату твоему поработаеши: будет же (время) егда низложиши и отрешиши ярем его от выи твоея. Genesis 27:41 И враждоваше Исав на Иакова о благословении, имже благослови его отец его. Рече же Исав во уме своем: да приближатся дние плача отца моего, да бых убил Иакова брата моего. Genesis 27:42 Возвещена же быша Ревекце словеса Исава сына ея старейшаго: и пославши призва Иакова сына своего юнейшаго и рече ему: се, Исав брат твой грозит тебе убити тя: Genesis 27:43 ныне убо, чадо, послушай моего гласа, и востав бежи в Месопотамию к Лавану брату моему в Харран, Genesis 27:44 и поживи с ним дни некия, дондеже отвратится ярость и гнев брата твоего от тебе, Genesis 27:45 и забудет яже ему сотворил еси, и пославши приведу тя оттуду, да не когда безчадна буду от обоих вас в день един. Genesis 27:46 Рече же Ревекка ко Исааку: стужих си жизнию моею дщерей ради сынов Хеттейских: аще поймет Иаков жену от дщерей земли сея, то вскую ми жити? Genesis 28:0 Genesis 28:1 Призвав же Исаак Иакова, благослови его и заповеда ему, глаголя: да не поймеши жены от дщерей Хананейских: Genesis 28:2 востав отбежи в Месопотамию в дом Вафуила отца матере твоея, и поими себе оттуду жену от дщерей Лавана брата матере твоея: Genesis 28:3 Бог же мой да благословит тя и возрастит тя и умножит тя, и будеши в собрания языков: Genesis 28:4 и да даст тебе благословение Авраама отца моего, тебе и семени твоему по тебе наследити землю обитания твоего, юже даде Бог Аврааму. Genesis 28:5 Посла же Исаак Иакова: и отиде в Месопотамию к Лавану сыну Вафуила Сирина, к брату же Ревекки матере Иаковли и Исавли. Genesis 28:6 Виде же Исав, яко благослови Исаак Иакова и посла в Месопотамию сирскую пояти оттуду себе жену, егда благослови его и заповеда ему, глаголя: да не поймеши жены от дщерей Хананейских. Genesis 28:7 И послуша Иаков отца и матере своея, и отиде в Месопотамию сирскую. Genesis 28:8 Видев же Исав, яко злы суть дщери Хананейския пред Исааком отцем его, Genesis 28:9 отиде Исав ко Исмаилу и взя Маелефу дщерь Исмаила сына Авраамля, сестру Навеофову, жену к женам своим. Genesis 28:10 И отиде Иаков от кладязя Клятвеннаго и иде в Харран, Genesis 28:11 и обрете место и успе тамо, зайде бо солнце: и взя от камения места (того) и положи в возглавие себе, и спа на месте онем. Genesis 28:12 И сон виде: и се, лествица утверждена на земли, еяже глава досязаше до небесе, и Ангели Божии восхождаху и низхождаху по ней: Genesis 28:13 Господь же утверждашеся на ней и рече: Аз есмь Бог Авраама отца твоего и Бог Исаака, не бойся: земля, идеже ты спиши на ней, тебе дам ю и семени твоему: Genesis 28:14 и будет семя твое яко песок земный, и распространится на море, и ливу, и север, и на востоки: и благословятся о тебе вся колена земная и о семени твоем: Genesis 28:15 и се, Аз есмь с тобою, сохраняяй тя на всяком пути, аможе аще пойдеши, и возвращу тя в землю сию: яко не имам тебе оставити, дондеже сотворити ми вся, елика глаголах тебе. Genesis 28:16 И воста Иаков от сна своего и рече: яко есть Господь на месте сем, аз же не ведех. Genesis 28:17 И убояся и рече: яко страшно место сие: несть сие, но дом Божий, и сия врата небесная. Genesis 28:18 И воста Иаков заутра, и взя камень, егоже положи тамо в возглавие себе: и постави его в столп, и возлия елей верху его. Genesis 28:19 И прозва Иаков имя месту тому Дом Божий: Уламлуз же бе имя граду первее. Genesis 28:20 И положи Иаков обет, глаголя: аще будет Господь Бог со мною и сохранит мя на пути сем, в оньже аз иду, и даст ми хлеб ясти, и ризы облещися, Genesis 28:21 и возвратит мя здрава в дом отца моего, и будет Господь мне в Бога: Genesis 28:22 и камень сей, егоже поставих в столп, будет ми дом Божий, и от всех, яже ми даси, десятину одесятствую та Тебе. Genesis 29:0 Genesis 29:1 И востав Иаков на нозе, иде в землю восточную к Лавану сыну Вафуила Сирина, брату же Ревекки матере Иаковли и Исавли. Genesis 29:2 Узре же, и се, кладязь на поли: и бяху тамо три стада овец, почивающе при нем: от того бо кладязя напаяхуся стада. Камень же велий бяше над устием кладязя. Genesis 29:3 И собирахуся тамо вся стада: и отваляху камень от устия кладязя и напаяху овцы: и паки полагаху камень на устии кладязя на месте своем. Genesis 29:4 Рече же им Иаков: братия, откуду есте вы? Они же реша: от Харрана есмы. Genesis 29:5 Рече же им: знаете ли Лавана сына Нахорова? Они же реша: знаем. Genesis 29:6 Рече же им: здравствует ли? Они же реша: здравствует. И се, Рахиль дщи его идяше со овцами. Genesis 29:7 И рече Иаков: еще есть дне много, не у час собирати скота: напоивше овцы, шедше пасите. Genesis 29:8 Они же реша: не можем, дондеже соберутся вси пастуси и отвалят камень от устия кладязя, и напоим овцы. Genesis 29:9 Еще ему глаголющу к ним, и се, Рахиль дщи Лаваня грядяше со овцами отца своего: она бо пасяше овцы отца своего. Genesis 29:10 Бысть же яко узре Иаков Рахиль дщерь Лавана брата матере своея и овцы Лавана брата матере своея, и приступив Иаков отвали камень от устия кладязя: Genesis 29:11 и напои овцы Лавана брата матере своея, и целова Иаков Рахиль, и возопив гласом своим, восплакася: Genesis 29:12 и поведа Рахили, яко брат отца ея есть и яко сын Ревеккин есть. И текши поведа отцу своему по словесем сим. Genesis 29:13 Бысть же яко услыша Лаван имя Иакова сына сестры своея, тече во сретение ему и объемь его лобза, и введе его в дом свой. И поведа Лавану вся словеса сия. Genesis 29:14 И рече ему Лаван: от костей моих и от плоти моея еси ты. И бе с ним месяц дний. Genesis 29:15 Рече же Лаван Иакову: понеже брат мой еси ты, да не поработаеши мне туне: повеждь ми, что мзда твоя есть? Genesis 29:16 У Лавана же бесте две дщери: имя старейшей Лиа, имя же юнейшей Рахиль. Genesis 29:17 Очи же Лиины болезненны: Рахиль же бе добра видом и красна взором зело. Genesis 29:18 Возлюби же Иаков Рахиль. И рече: поработаю тебе седмь лет за Рахиль дщерь твою меншую. Genesis 29:19 Рече же ему Лаван: лучше ми тебе дати ю, нежели иному отдати мужеви: со мною живи. Genesis 29:20 И работа Иаков за Рахиль седмь лет: и быша пред ним яко малы дни, занеже любяше ю. Genesis 29:21 Рече же Иаков Лавану: даждь ми жену мою, понеже совершишася дние, да вниду к ней. Genesis 29:22 Собра же Лаван вся мужы места того, и сотвори брак. Genesis 29:23 И бысть вечер, и поемь Лаван Лию дщерь свою, введе ко Иакову: и вниде к ней Иаков. Genesis 29:24 Даде же Лаван Лии дщери своей Зелфу рабыню свою, ей в рабу. Genesis 29:25 Бысть же заутра, и се, бяше Лиа, и рече Иаков Лавану: что сие сотворил ми еси? Не Рахили ли ради работах у тебе? Вскую же обидел мя еси? Genesis 29:26 Отвеща же Лаван: несть тако в нашем месте вдати меншую прежде старейшия. Genesis 29:27 Скончай убо седмины сея, и дам ти и сию за дело, еже делаеши у мене еще седмь лет другия. Genesis 29:28 Сотвори же Иаков тако: и исполни седмины сея: и даде ему Лаван Рахиль дщерь свою ему в жену. Genesis 29:29 Даде же Лаван Рахили дщери своей Валлу рабу свою, ей в рабу. Genesis 29:30 И вниде (Иаков) к Рахили: возлюби же Рахиль паче, неже Лию: и работа ему седмь лет другия. Genesis 29:31 Видев же Господь Бог, яко ненавидима бяше Лиа, отверзе ложесна ея: Рахиль же бяше неплоды. Genesis 29:32 И зачат Лиа и роди сына Иакову: нарече же имя ему Рувим, глаголя: яко призре Господь на мое смирение и даде ми сына: ныне убо возлюбит мя муж мой. Genesis 29:33 И зачат паки Лиа и роди сына втораго Иакову и рече: зане услыша Господь, яко ненавидима есмь, и придаде ми и сего. И нарече имя ему Симеон. Genesis 29:34 И зачат еще и роди сына и рече: в нынешнее время у мене будет муж мой, родих бо ему три сыны. Сего ради нарече имя ему Левий. Genesis 29:35 И заченши еще роди сына и рече: ныне еще сие исповем Господу. Сего ради нарече имя ему Иуда, и преста раждати. Genesis 30:0 Genesis 30:1 Видевши же Рахиль, яко не роди Иакову, и поревнова Рахиль сестре своей и рече Иакову: даждь ми чада: аще же ни, умру аз. Genesis 30:2 Разгневався же Иаков на Рахиль, рече ей: еда вместо Бога аз есмь, Иже лиши тя плода утробнаго? Genesis 30:3 Рече же Рахиль Иакову: се, раба моя Валла: вниди к ней, и да родит на коленах моих, и чадо сотворю и аз от нея. Genesis 30:4 И даде ему Валлу рабу свою ему в жену: и вниде к ней Иаков. Genesis 30:5 И зача Валла раба Рахилина и роди Иакову сына. Genesis 30:6 И рече Рахиль: суди ми Бог и послуша гласа моего, и даде ми сына. Сего ради прозва имя ему Дан. Genesis 30:7 И зачат еще Валла раба Рахилина и роди сына втораго Иакову. Genesis 30:8 И рече Рахиль: подя мя Бог, и сравнихся с сестрою моею, и возмогох. И прозва имя его Неффалим. Genesis 30:9 Виде же Лиа, яко преста раждати, и взя Зелфу рабу свою и даде ю Иакову в жену: и вниде к ней. Genesis 30:10 И зачат Зелфа раба Лиина и роди Иакову сына. Genesis 30:11 И рече Лиа: благо мне случися. И нарече имя ему Гад. Genesis 30:12 И зачат еще Зелфа раба Лиина и роди Иакову сына втораго. Genesis 30:13 И рече Лиа: блажена аз, яко ублажат мя жены. И прозва имя ему Асир. Genesis 30:14 Иде же Рувим в день жатвы пшеницы и обрете яблока мандрагорова на поли, и принесе я к Лии матери своей. Рече же Рахиль к Лии сестре своей: даждь ми от мандрагоров сына твоего. Genesis 30:15 Рече же Лиа: не доволно ли тебе, яко взяла еси мужа моего? Еда и мандрагоры сына моего возмеши? Рече же Рахиль: не тако: да будет сея нощи с тобою за мандрагоры сына твоего. Genesis 30:16 Прииде же Иаков с поля в вечер, и изыде Лиа во сретение ему и рече: ко мне внидеши днесь: наяла бо тя есмь за мандрагоры сына моего. И бысть с нею тоя нощи. Genesis 30:17 И послуша Бог Лию, и заченши роди Иакову сына пятаго. Genesis 30:18 И рече Лиа: даде ми Бог мзду мою, зане дах рабу мою мужу моему. И прозва имя ему Иссахар, еже есть мзда. Genesis 30:19 И зачат еще Лиа и роди сына шестаго Иакову. Genesis 30:20 И рече Лиа: дарова ми Бог дар добр в нынешнее время: возлюбит мя муж мой: родих бо ему шесть сынов. И прозва имя ему Завулон. Genesis 30:21 И посем роди дщерь, и прозва имя ей Дина. Genesis 30:22 Помяну же Бог Рахиль, и услыша ю Бог, и отверзе утробу ея: Genesis 30:23 и заченши, роди Иакову сына. И рече Рахиль: отя Бог укоризну мою. Genesis 30:24 И нарече имя ему Иосиф, глаголющи: да придаст ми Бог сына другаго. Genesis 30:25 Бысть же яко роди Рахиль Иосифа, рече Иаков Лавану: отпусти мя, да иду на место мое и в землю мою: Genesis 30:26 отдаждь ми жены моя и дети моя, ихже ради работах тебе, да отиду: ты бо веси работу, юже работах ти. Genesis 30:27 Рече же ему Лаван: аще обретох благодать пред тобою: усмотрих бо, яко благослови мя Бог пришествием твоим: Genesis 30:28 раздели мзду свою у мене, и дам ти. Genesis 30:29 Рече же Иаков: ты веси, яже работах тебе, и колико бе скота твоего у мене: Genesis 30:30 мало бо бе елико твоего у мене и возрасте во множество: и благослови тя Господь пришествием моим: ныне убо когда сотворю и аз себе дом? Genesis 30:31 И рече к нему Лаван: что ти дам? Рече же ему Иаков: не даси ми ничтоже: аще сотвориши ми глагол сей, паки пасти имам овцы твоя, и сохраню: Genesis 30:32 оыди вся овцы твоя ныне и разлучи оттуду всякую овцу пелесую во овцах, и всяку беловатую и пеструю в козах, будет ми мзда (и будет мое): Genesis 30:33 и послушает мене правда моя во утрешний день, яко есть мзда моя пред тобою: все еже аще не будет пестро и беловатое в козах, и пелесо во овцах, за украденое будет мною. Genesis 30:34 Рече же ему Лаван: буди по словеси твоему. Genesis 30:35 И разлучи в той день козлы пестрыя и беловатыя, и вся козы пестрыя и беловатыя, и все еже бе пелесо во овцах, и все еже бяше белое в них: и даде в руце сыном своим: Genesis 30:36 и разстави путем трех дний, и между ими и между Иаковом: Иаков же пасяше овцы Лавановы оставшыяся. Genesis 30:37 Взя же Иаков себе жезл стиракинов зеленый, и орехов, и яворовый: и острога я Иаков пестрением белым, сострогая кору: являшеся же на жезлах белое, еже острога, пестро. Genesis 30:38 И положи жезлы, яже острога, в поилных корытех воды: да егда приидут овцы пити, пред жезлы пришедшым им пити, зачнут овцы по жезлом: Genesis 30:39 и зачинаху овцы по жезлом, и раждаху овцы беловатыя и пестрыя и пепеловидныя пестрыя. Genesis 30:40 Агницы же разлучи Иаков и постави прямо овцам овна беловатаго и всякое пестрое во агнцах: и разлучи себе стада по себе, и не смеси сих со овцами Лавановыми. Genesis 30:41 Бысть же во время, в неже зачинаху овцы во чреве приемлющя, положи Иаков жезлы пред овцами в корытех, еже зачинати им по жезлом: Genesis 30:42 егда же раждаху овцы, не полагаше: быша же неназнаменаныя Лавановы, а знаменаныя Иаковли. Genesis 30:43 И разбогате человек зело зело: и быша ему скоти мнози, и волове, и раби, и рабыни, и велблюды, и ослы. Genesis 31:0 Genesis 31:1 Слыша же Иаков словеса сынов Лавановых, глаголющих: взя Иаков вся яже отца нашего, и от сущих отца нашего сотвори всю славу сию. Genesis 31:2 И виде Иаков лице Лаване, и се не бяше к нему, яко вчера и третияго дне. Genesis 31:3 Рече же Господь ко Иакову: возвратися в землю отца твоего и в род твой, и буду с тобою. Genesis 31:4 Послав же Иаков, призва Лию и Рахиль на поле, идеже бяху стада, Genesis 31:5 и рече им: вижду аз лице отца вашего, яко несть ко мне, якоже вчера и третияго дне: Бог же отца моего бе со мною: Genesis 31:6 и вы сами весте, яко всею силою моею работах отцу вашему: Genesis 31:7 отец же ваш обиде мя и измени мзду мою десяти агнцев, но не даде ему Бог зла сотворити мне. Genesis 31:8 Аще сице речет: пестрыя, будет твоя мзда: и родятся вся овцы пестрыя. Аще же речет: белыя, будет твоя мзда: и родятся вся овцы белыя. Genesis 31:9 И отя Бог вся скоты отца вашего и даде я мне. Genesis 31:10 И бысть егда зачинаху овцы во чреве приемлющя, и видех очима моима во сне: и се, козлы и овны восходяще бяху на овцы и козы, беловатыя и пестрыя и пепеловидныя пестрыя. Genesis 31:11 И рече ми Ангел Божий во сне: Иакове. Аз же рех: что есть? Genesis 31:12 И рече: воззри очима твоима и виждь козлы и овны восходящыя на овцы и козы, белыя и пестрыя и пепеловидныя пестрыя: видех бо, елика тебе Лаван творит: Genesis 31:13 Аз есмь Бог явивыйся тебе на Месте Божии, идеже помазал Ми еси тамо столп, и обетовал Ми еси тамо обет: ныне убо востани и изыди от земли сея, и иди в землю рождения твоего, и буду с тобою. Genesis 31:14 И отвещавши Рахиль и Лиа, рекосте ему: еда есть нам еще часть или наследие в дому отца нашего? Genesis 31:15 Не яко ли чужыя вменихомся ему? Продаде бо нас и снеде снедию сребро наше: Genesis 31:16 все богатство и слава, юже отя Бог от отца нашего, нам будет и чадом нашым: ныне убо, елика тебе рече Бог, твори. Genesis 31:17 Востав же Иаков, взя жены своя и дети своя на велблюды, Genesis 31:18 и забра вся имения своя и вся стяжания, яже притяжа в Месопотамии, и вся своя, еже отити ко Исааку отцу своему в землю Ханаанскую. Genesis 31:19 Лаван же отиде острищи овцы своя: украде же Рахиль идолы отца своего. Genesis 31:20 Утаи же Иаков от Лавана Сирина, не поведати ему, яко уходит, Genesis 31:21 и отбеже сам, и вся яже его, и прейде реку, и взыде на гору Галаад. Genesis 31:22 Поведася же Лавану Сирину в третий день, яко бежа Иаков: Genesis 31:23 и поим сыны и братию свою с собою, гна вслед его путем седмь дний: и достиже его на горе Галаад. Genesis 31:24 Прииде же Бог к Лавану Сирину нощию во сне и рече ему: блюди себе, да не когда возглаголеши ко Иакову зла. Genesis 31:25 И постиже Лаван Иакова: Иаков же постави кущу свою на горе: Лаван же разстави братию свою на горе Галаад. Genesis 31:26 Рече же Лаван Иакову: что сотворил еси? Вскую тайно ушел еси и окрал еси мя, и отвел дщери моя, яко пленницы оружием? Genesis 31:27 И аще бы ми поведал еси, отпустил бых тя с веселием и с мусикиею, и тимпаны и гусльми: Genesis 31:28 и не сподобихся целовати детей моих и дщерей моих: ныне же несмысленно сотворил еси: Genesis 31:29 и ныне рука моя может озлобити тя. Но Бог отца твоего вчера рече ко мне, глаголя: блюди себе, да не когда возглаголеши ко Иакову зла. Genesis 31:30 Ныне убо отшел еси: желанием бо возжелал еси отити в дом отца твоего: вскую украл еси боги моя? Genesis 31:31 Отвещав же Иаков рече к Лавану: понеже убояхся: рех бо, да не како отимеши дщери твоя от мене, и вся моя. Genesis 31:32 И рече Иаков: у негоже аще обрящеши боги твоя, да не будет жив пред братиею нашею: узнавай, что есть твоего у мене, и возми. И не позна у него ничтоже: не ведяше же Иаков, яко Рахиль жена его украде я. Genesis 31:33 Вшед же Лаван, оыска в кущи Лиине, и не обрете. И изыде из кущи Лиины, и оыска кущу Иаковлю и в кущи двоих рабынь, и не обрете. Вниде же и в кущу Рахилину. Genesis 31:34 Рахиль же взя идолы и положи оныя под седло велблюже и седе на них, Genesis 31:35 и рече отцу своему: не имей себе тяжко, господине: не могу востати пред тобою, яко обычная женская ми суть. Иска же Лаван по всей кущи, и не обрете идолов. Genesis 31:36 Разгневася же Иаков и пряшеся с Лаваном. Отвещав же Иаков рече Лавану: кая неправда моя? И кий грех мой, яко погнал еси вслед мене, Genesis 31:37 и яко оыскал еси вся сосуды дому моего? Что обрел еси от всех сосудов дому твоего? Положи зде пред братиею твоею и братиею моею, и да разсудят между обема нама: Genesis 31:38 се, двадесять лет аз есмь с тобою: овцы твоя и козы твоя не быша без плода: овнов овец твоих не поядох: Genesis 31:39 звероядины не принесох к тебе: аз воздаях тебе от мене самаго татбины денныя и татбины нощныя: Genesis 31:40 бых во дни жегомь зноем, и студению в нощи, и отхождаше сон от очию моею: Genesis 31:41 се, мне двадесять лет аз есмь в дому твоем, работах тебе четыренадесять лет двух ради дщерей твоих и шесть лет за овцы твоя, и преобидел еси мзду мою десятию агницами: Genesis 31:42 аще не бы Бог отца моего Авраама, и страх Исаака был мне, ныне тща отпустил бы мя еси: смирение мое и труд руку моею увиде Бог, и обличи тя вчера. Genesis 31:43 Отвещав же Лаван, рече ко Иакову: дщери дщери моя и сынове сынове мои, и скоти скоти мои, и вся елика ты видиши моя суть и дщерей моих: что сотворю им днесь, или чадом их, яже родиста? Genesis 31:44 Ныне убо гряди, завещаим завет аз и ты: и будет во свидетелство между мною и тобою. Рече же ему Иаков: се, никтоже с нами есть: виждь, Бог свидетель между мною и тобою. Genesis 31:45 И взем Иаков камень, постави его в столп. Genesis 31:46 Рече же Иаков братии своей: соберите камение. И собраша камение и сотвориша холм: и ядоша, и пиша тамо на холме. Рече же ему Лаван: холм сей свидетелствует между мною и тобою днесь. Genesis 31:47 И прозва его Лаван холм Свидетелства: Иаков же прозва холм Свидетель. Genesis 31:48 Рече же Лаван ко Иакову: се, холм сей и столп, егоже поставих между мною и тобою, свидетелствует холм сей и свидетелствует столп сей: сего ради прозвася имя холм Свидетелствует, Genesis 31:49 и Видение, еже рече: да видит Бог между мною и тобою, яко отидем друг от друга: Genesis 31:50 аще смириши дщери моя, аще поймеши жены над дщери моя виждь, никтоже с нами есть видяй: Бог свидетель между мною и между тобою. Genesis 31:51 И рече Лаван Иакову: се, холм сей свидетель и столп сей: Genesis 31:52 аще бо аз не прейду к тебе, ниже ты да прейдеши ко мне холма сего и столпа сего со злобою: Genesis 31:53 Бог Авраамль и Бог Нахоров да судит между нама. И кляся Иаков страхом отца своего Исаака, Genesis 31:54 и пожре Иаков жертву на горе и воззва братию свою: ядоша же и пиша и спаша на горе. Genesis 31:55 Востав же Лаван заутра, лобыза сыны и дщери своя и благослови я: и возвратився Лаван, отиде на место свое. Genesis 32:0 Genesis 32:1 И Иаков иде в путь свой. И воззрев виде полк Божий воополчившийся: и сретоша его Ангели Божии. Genesis 32:2 Рече же Иаков, егда виде их: полк Божий сей. И прозва имя месту тому Полки. Genesis 32:3 Посла же Иаков послы пред собою ко Исаву брату своему в землю Сиир, в страну Едом, Genesis 32:4 и заповеда им глаголя: тако рцыте господину моему Исаву: тако глаголет раб твой Иаков: у Лавана обитах и умедлих даже до ныне: Genesis 32:5 и быша ми волове и ослы и овцы, и раби и рабыни: и послах поведати господину моему Исаву, дабы обрел раб твой благодать пред тобою. Genesis 32:6 И возвратишася послы ко Иакову, глаголюще: ходихом ко брату твоему Исаву, и се, сам идет во сретение тебе, и четыриста мужей с ним. Genesis 32:7 Убояся же Иаков зело и в недоумении бе: и раздели люди сущыя с собою, и волы и велблюды и овцы на два полка, Genesis 32:8 и рече Иаков: аще приидет Исав на един полк и изсечет и, будет вторый полк во спасении. Genesis 32:9 Рече же Иаков: Бог отца моего Авраама и Бог отца моего Исаака, Господи Боже, Ты рекий ми: иди в землю рождения твоего, и благо тебе сотворю: Genesis 32:10 довлеет ми от всея правды и от всея истины, юже сотворил еси рабу Твоему: с жезлом бо сим преидох Иордан сей, ныне же бех в два полка: Genesis 32:11 изми мя от руки брата моего, от руки Исава: яко боюся аз его, да не когда пришед убиет мя и матерь с чады: Genesis 32:12 ты же рекл еси: благо тебе сотворю и положу семя твое яко песок морский, иже не изочтется от множества. Genesis 32:13 И спа тамо нощи тоя, и взя, яже имяше дары, и посла Исаву брату своему: Genesis 32:14 коз двести, козлов двадесять, овец двести, овнов двадесять, Genesis 32:15 велблюдов дойных, и жребят их тридесять, волов четыредесять, юнцов десять, ослов двадесять и жребят десять: Genesis 32:16 и даде их рабом своим, (коеждо) стадо особо, и рече рабом своим: идите предо мною, и разстояние творите между стадом и стадом. Genesis 32:17 И заповеда первому глаголя: аще тя срящет Исав брат мой и вопросит тя глаголя: чий еси, и камо идеши, и чия сия, яже пред тобою идут? Genesis 32:18 Речеши: раба твоего Иакова: дары посла господину моему Исаву: и се, сам за нами (идет). Genesis 32:19 И заповеда первому, и второму, и третиему, и всем предидущым вслед стад сих глаголя: по словеси сему глаголите Исаву, егда обрящете его вы, Genesis 32:20 и рцыте: се, раб твой Иаков идет за нами: рече бо: укрощу лице его дарами предидущими его, и посем узрю лице его: негли бо приимет лице мое? Genesis 32:21 И предидяху дары пред лицем его, сам же преспа тоя нощи в полце. Genesis 32:22 Востав же тоя нощи, поя обе жены (своя) и обе рабыни и единонадесять сынов своих, и прейде брод Иавок: Genesis 32:23 и взя их, и прейде поток, и преведе вся своя. Genesis 32:24 Остася же Иаков един. И боряшеся с ним Человек даже до утра. Genesis 32:25 Виде же, яко не может противу ему: и прикоснуся широте стегна его: и отерпе широта стегна Иаковля, егда боряшеся с Ним. Genesis 32:26 И рече ему: пусти Мя: взыде бо заря. Он же рече: не пущу Тебе, аще не благословиши мене. Genesis 32:27 Рече же ему: что ти имя есть? Он же рече: Иаков. Genesis 32:28 И рече ему: не прозовется ктому имя твое Иаков, но Исраиль будет имя твое: понеже укрепился еси с Богом и с человеки силен будеши. Genesis 32:29 Вопроси же Иаков и рече: повеждь ми имя Твое. И рече: вскую сие вопрошаеши ты имене Моего? Еже чудно есть. И благослови его тамо. Genesis 32:30 И прозва Иаков имя месту тому Вид Божий: видех бо Бога лицем к лицу, и спасеся душа моя. Genesis 32:31 Возсия же ему солнце, егда прейде Вид Божий: он же хромаше стегном своим. Genesis 32:32 Сего ради не ядят сынове Израилевы жилы, яже отерпе, яже есть в широте стегна, даже до дне сего: понеже прикоснуся широте стегна Иаковли жилы, яже отерпе. Genesis 33:0 Genesis 33:1 Воззрев же Иаков очима своима, виде: и се, Исав брат его идый, и четыриста мужей с ним. И раздели Иаков дети Лии и Рахили и двум рабыням, Genesis 33:2 и постави обе рабыни и сыны их в первых, Лию же и дети ея позади, а Рахиль и Иосифа в последних: Genesis 33:3 сам же изыде первее пред ними и поклонися до земли седмижды, дондеже приближися к брату своему. Genesis 33:4 И притече Исав во сретение ему: и объемь его, припаде на выю его и облобыза его: и плакастася оба. Genesis 33:5 И воззрев Исав, виде жены и дети и рече: что сии тебе суть? Он же рече: дети, имиже помилова Бог раба твоего. Genesis 33:6 И приступиша рабыни и дети их и поклонишася: Genesis 33:7 и приступи Лиа и дети ея и поклонишася: посем же приступи Рахиль и Иосиф и поклонистася. Genesis 33:8 И рече: что сия тебе суть, полцы сии вси, яже сретох? Он же рече: да обрящет раб твой благодать пред тобою, господине. Genesis 33:9 Рече же Исав: суть мне многа, брате: да будут тебе твоя. Genesis 33:10 И рече Иаков: аще обретох благодать пред тобою, приими дары от руку моею: сего ради видех лице твое, яко бы аще кто видел лице Божие: и возблаговолиши о мне: Genesis 33:11 приими благословение мое, еже принесох тебе, яко помилова мя Бог, и суть ми вся. И принуди его, и взя. Genesis 33:12 И рече: воставше пойдем прямо. Genesis 33:13 Рече же ему: господин мой весть, яко дети мои юны, овцы же и говяда бременны у мене: аще убо пожену я един день, измрет весь скот: Genesis 33:14 да предидет господин мой пред рабом своим: аз же укреплюся на пути умедлением шествия моего, еже предо мною, и якоже возмогут ити дети, дондеже прииду к господину моему в Сиир. Genesis 33:15 И рече Исав: оставлю с тобою от людий сущих со мною. Он же рече: вскую сие? Довлеет, яко обретох благодать пред тобою, господине. Genesis 33:16 Возвратися же Исав в том дни путем своим в Сиир: Genesis 33:17 и Иаков пойде в Кущы, и постави себе тамо храмины, и скоту своему сотвори кущы: сего ради нарече имя месту тому Кущы. Genesis 33:18 И прииде Иаков в салим град Сикимск, иже есть в земли Ханаанстей, егда прииде от Месопотамии Сирския, и ста пред лицем града: Genesis 33:19 и купи часть села, идеже постави кущу свою тамо, у Еммора отца Сихемля, стома агнцы: Genesis 33:20 и постави тамо жертвенник, и призва Бога Израилева. Genesis 34:0 Genesis 34:1 Изыде же Дина дщи Лиина, юже роди Иакову, познати дщери обитателей. Genesis 34:2 И виде ю Сихем сын Емморов Хорреанин, князь тоя земли: и поим ю, бысть с нею и смири ю: Genesis 34:3 и внят душею Дине дщери Иаковли, и возлюби девицу, и глагола к ней по мысли девицы. Genesis 34:4 Рече же Сихем ко Еммору отцу своему, глаголя: поими мне отроковицу сию в жену. Genesis 34:5 Иаков же слыша, яко оскверни сын Емморов Дину дщерь его: сынове же его бяху со скоты его на поли: премолча же Иаков, дондеже приити им. Genesis 34:6 Изыде же Еммор отец Сихемль ко Иакову глаголати к нему. Genesis 34:7 Сынове же Иаковли приидоша с поля: егда же услышаша, смутишася мужие, и жалостно им бысть зело, яко не лепо сотвори во Израили, быв со дщерию Иаковлею: и не будет сице. Genesis 34:8 И рече им Еммор, глаголя: Сихем сын мой избра душею дщерь вашу: дадите убо ю в жену ему: Genesis 34:9 и сосватайтеся с нами: дщери вашя дадите нам, и дщери нашя поимите сыновом своим, Genesis 34:10 и у нас населитеся: и се, земля пространна пред вами: населитеся и куплю дейте на ней, и притяжите на ней. Genesis 34:11 Рече же Сихем ко отцу ея и ко братиям ея: да обрящу благодать пред вами, и еже аще речете, дадим: Genesis 34:12 умножите вено зело, и дам, якоже речете ми: и дасте ми отроковицу сию в жену. Genesis 34:13 Отвещаша же сынове Иаковли Сихему и Еммору отцу его с лестию, и глаголаша к ним, яко оскверниша Дину сестру их. Genesis 34:14 И рекоста им Симеон и Левий, братия Динины (сынове Лии): не возможем сотворити глагола сего, дати сестру нашу человеку, иже имать крайнюю плоть необрезанну: есть бо укоризна нам: Genesis 34:15 токмо в сем уподобимся вам и вселимся у вас, аще будете якоже мы и вы, егда обрежете весь мужеск пол: Genesis 34:16 и дадим дщери нашя вам, и от дщерей ваших поймем себе жены и вселимся у вас, и будем яко един род: Genesis 34:17 аще же не послушаете нас, еже обрезатися, поимше дщерь нашу отидем. Genesis 34:18 И угодна быша словеса пред Еммором и пред Сихемом сыном Емморовым: Genesis 34:19 и не премедли юноша сотворити глагол сей: любяше бо дщерь Иаковлю. Сей же бяше славнейший всех, иже в дому отца его. Genesis 34:20 Прииде же Еммор и Сихем сын его пред врата града своего и глаголаста к мужем града своего, рекуще: Genesis 34:21 человецы сии мирни суть, с нами да населятся на земли и да куплю деют на ней: земля же се пространна пред ними: дщери их да поймем себе в жены, и дщери нашя дадим им: Genesis 34:22 в сем точию уподобятся нам человецы, еже жити с нами, яко быти людем единем: внегда обрезати нам весь мужеск пол, якоже и тии обрезани суть: Genesis 34:23 и скоти их и четвероногая, и имения их не наша ли будут? Точию в сем уподобимся им, и вселятся с нами. Genesis 34:24 И послушаша Еммора и Сихема сына его вси исходящии из врат града своего и обрезаша плоть крайнюю свою, всяк мужеск пол. Genesis 34:25 Бысть же в третий день, егда бяху в болезни, взяша два сына Иаковля Симеон и Левий, братия Динины, кийждо свой мечь, и внидоша во град безопасно и изсекоша весь мужеск пол: Genesis 34:26 Еммора же и Сихема сына его усекнуша острием меча, и взяша Дину от дому Сихема и изыдоша. Genesis 34:27 Сынове же Иаковли внидоша к побиенным и разграбиша град, в немже оскверниша Дину сестру их: Genesis 34:28 и овцы их и говяда их и ослы их, и елика бяху во граде, и елика бяху на поли, взяша: Genesis 34:29 и вся чада их и вся сосуды их и жены их плениша: и разграбиша, елика бяху во граде, и елика бяху в домех. Genesis 34:30 Рече же Иаков к Симеону и Левии: ненавистна мя сотвористе, яко злу мне быти всем живущым на земли, в Хананеах и Ферезеах, аз же мал есмь числом: и собравшеся на мя изсекут мя, и истреблен буду аз и дом мой. Genesis 34:31 Они же рекоша: аки блудницу ли возимеют сестру нашу? Genesis 35:0 Genesis 35:1 Рече же Бог ко Иакову: востав взыди на место Вефиль, и живи тамо, и сотвори тамо жертвенник Богу явльшемуся тебе, егда бежал еси от лица Исава брата твоего. Genesis 35:2 Рече же Иаков дому своему и всем иже с ним: поверзите боги чуждыя, иже с вами, от среды вас и очиститеся, и измените ризы своя: Genesis 35:3 и воставше взыдем в Вефиль и сотворим тамо жертвенник Богу послушавшему мене в день скорбения, Иже бе со мною и спасе мя на пути, в оньже ходих. Genesis 35:4 И вдаша Иакову боги чуждыя, иже бяху в руках их, и усерязи яже во ушесех их: и скры я Иаков под теревинфом иже в Сикимех: И погуби я до днешняго дне. Genesis 35:5 И воздвижеся Израиль от Сикимов, и бысть страх Божий на градех, иже окрест их: и не гнаша вслед сынов Израилевых. Genesis 35:6 Прииде же Иаков в Лузу, яже есть в земли Ханаанстей, яже есть Вефиль, сам и вси людие, иже бяху с ним, Genesis 35:7 и созда тамо жертвенник, и прозва имя месту тому Вефиль: тамо бо явися ему Бог, егда бежаше он от лица Исава брата своего. Genesis 35:8 Умре же Девора, доилица Ревеккина, и погребоша ю ниже Вефиля под дубом, и прозва имя ему дуб плача. Genesis 35:9 Явися же Бог Иакову еще в Лузе, егда прииде от Месопотамии Сирския, и благослови его Бог Genesis 35:10 и рече ему Бог: имя твое не прозовется ктому Иаков, но Израиль будет имя тебе. И нарече имя ему Израиль. Genesis 35:11 Рече же ему Бог: Аз Бог твой: расти и множися: языцы и собрания языков будут от тебе, и царие из чресл твоих изыдут: Genesis 35:12 и землю, юже дах Аврааму и Исааку, тебе дах ю, тебе будет, и семени твоему по тебе дам землю сию. Genesis 35:13 Взыде же Бог от него от места, идеже глагола с ним: Genesis 35:14 и постави Иаков столп на месте, идеже глагола с ним Бог, столп каменный, и пожре на нем жертву и возлия на него елей: Genesis 35:15 и прозва Иаков имя месту тому, идеже глагола с ним Бог, Вефиль. Genesis 35:16 (Востав же (Иаков) от Вефиля, и постави кущу свою далее столпа Гадер.) бысть же егда приближися к хаврафе приити до земли Ефрафа, роди Рахиль и возбедствова в рождении: Genesis 35:17 бысть же внегда жестоко ей родити, рече ей баба: дерзай, ибо сей тебе есть сын. Genesis 35:18 Бысть же егда оставляше ю душа, умираше бо, прозва имя ему Сын Болезни моея: отец же прозва имя ему Вениамин. Genesis 35:19 Умре же Рахиль, и погребоша ю на пути ипподрома Ефрафы: сия есть Вифлеем: Genesis 35:20 и постави Иаков столп на гробе ея: сей есть столп над гробом Рахилиным даже до дне сего. Genesis 35:21 Изыде же оттуду Израиль и постави кущу свою за столпом Гадер. Genesis 35:22 Бысть же егда вселися Израиль в земли той, иде Рувим и спа с Валлою, наложницею отца своего Иакова. И слыша Израиль, и зло явися пред ним. Беша же сынове Иаковли дванадесять. Genesis 35:23 Сынове Лиины: Рувим, первенец Иаковль, Симеон, Левий, Иуда, Иссахар, Завулон. Genesis 35:24 Сынове же Рахилины: Иосиф и Вениамин. Genesis 35:25 Сынове же Валлы, рабы Рахилины: Дан и Неффалим. Genesis 35:26 Сынове же Зелфы, рабы Лиины: Гад и Асир. Сии сынове Иаковли, иже родишася ему в Месопотамии Сирстей. Genesis 35:27 Прииде же Иаков ко Исааку отцу своему (еще живу сущу ему) в Мамврию, во Град Польный: сей есть Хеврон в земли Ханаанстей, идеже обита Авраам и Исаак. Genesis 35:28 Быша же дние Исааковы, яже поживе, сто осмьдесят лет: Genesis 35:29 и ослабев Исаак умре, и приложися к роду своему стар исполнь дний: и погребоста его Исав и Иаков, сынове его. Genesis 36:0 Genesis 36:1 Сии же родове Исавли, сей есть Едом. Genesis 36:2 Исав же поя себе жены от дщерей Хананейских: Аду, дщерь Елома Хеттеина, и Оливему, дщерь Ананю сына Севегона Евеина, Genesis 36:3 и Васемафу, дщерь Исмаилю, сестру Навеофову. Genesis 36:4 Роди же Ада Исаву Елифаса, и Васемаф роди Рагуила, Genesis 36:5 и Оливема роди Иеуса и Иеглома и Кореа: сии сынове Исавли, иже быша ему в земли Ханаанстей. Genesis 36:6 Поя же Исав жены своя и сыны своя и дщери своя, и вся телеса дому своего и вся имения своя и вся скоты, и вся, елика притяжа, и вся, елика приобрете в земли Ханаанстей, и отиде Исав из земли Ханаанския от лица Иакова брата своего: Genesis 36:7 бяху бо имения их многа, еже жити вкупе: и не можаше земля обитания их вместити их, от множества имений их. Genesis 36:8 Вселися же Исав на горе Сиир: Исав той есть Едом. Genesis 36:9 Сии же родове Исава, отца Едомля, на горе Сиир: Genesis 36:10 и сия имена сынов Исавлих: Елифас, сын Ады, жены Исавли, и Рагуил, сын Васемафы, жены Исавли. Genesis 36:11 Быша же Елифасу сынове: Феман, Омар, Софар, Гофом и Кенез. Genesis 36:12 Фамна же бяше наложница Елифаса, сына Исавля, и роди Елифасу Амалика: сии сынове Ады, жены Исавли. Genesis 36:13 Сии же сынове Рагуиловы: Нахоф, Заре, Соме и Мозе: сии быша сынове Васемафы, жены Исавли. Genesis 36:14 Сии же сынове Оливемы дщере Анани сына Севегоня, жены Исавли: роди же Исаву Иеуса и Иеглома и Кореа. Genesis 36:15 Сии старейшины сына Исавля, сынове Елифаса, первенца Исавля: старейшина Феман, старейшина Омар, старейшина Софар, старейшина Кенез, Genesis 36:16 старейшина Корей, старейшина Гофом, старейшина Амалик: сии старейшины Елифаса в земли Идумейстей, сии сынове Адины. Genesis 36:17 И сии сынове Рагуила, сына Исавля: старейшина Нахоф, старейшина Заре, старейшина Соме, старейшина Мозе: сии старейшины Рагуиловы в земли Едомстей, сии сынове Васемафы, жены Исавли. Genesis 36:18 Сии же сынове Оливемы, жены Исавли: старейшина Иеус, старейшина Иеглом, старейшина Корей: сии старейшины Оливемы, дщере Анани, жены Исавли, Genesis 36:19 сии сынове Исавли и сии старейшины их, сии суть сынове Едомли. Genesis 36:20 Сии же сынове Сиира Хорреова жившаго на земли: Лотан, Совал, Севегон, Ана Genesis 36:21 и Дисон, и Асар и Рисон: сии старейшины Хорреова сына Сиира в земли Едомстей. Genesis 36:22 Быша же сынове Лотани: Хорри и Еман, сестра же Лотаня Фамна. Genesis 36:23 Сии же сынове Соваловы: Голам и Манахаф, и Гевил и Софар и Омар. Genesis 36:24 И сии сынове Севегони: Аие и Ана: сей есть Ана, иже обрете иаминь в пустыни, егда пасяше подяремники Севегона, отца своего. Genesis 36:25 Сии же сынове Анани: Дисон и Оливема, дщи Ананя. Genesis 36:26 Сии же сынове Дисоновы: Амада и Асван, и Ифран и Харран. Genesis 36:27 Сии же сынове Асаровы: Валаам и Зукам, и Укам и Укан. Genesis 36:28 Сии же сынове Рисоновы: Ос и Аран. Genesis 36:29 Сии же старейшины Хорриовы: старейшина Лотан, старейшина Совал, старейшина Севегон, старейшина Ана, Genesis 36:30 старейшина Дисон, старейшина Асар, старейшина Рисон: сии старейшины Хорриовы во областех их в земли Едомли. Genesis 36:31 И сии царие царствовавшии во Едоме, прежде царствования царей во Израили: Genesis 36:32 и царствова во Едоме Валак, сын Веоров: имя же граду его Деннава. Genesis 36:33 Умре же Валак, и царь бысть по нем Иовав, сын Зарин от Восорры. Genesis 36:34 Умре же Иовав, и царь бысть по нем Асом от земли Феманони. Genesis 36:35 Умре же Асом, и бысть царь по нем Адад сын Варадов, иже изсече Мадиама на поли Моавли: имя же граду его Гетфем. Genesis 36:36 Умре же Адад, и царь бысть по нем Самада от Массеккаса. Genesis 36:37 Умре же Самада, и царь бысть по нем Саул из Роовофа, иже есть близ реки. Genesis 36:38 Умре же Саул, и царь бысть по нем Вааленнон, сын Аховорь. Genesis 36:39 Умре же Вааленнон сын Аховорь, и царь бысть по нем Арад, сын Варадов: и имя граду его Фогор, имя же жене его Метевеиль, дщерь Матраифа, сына Мезоовля. Genesis 36:40 Сия имена старейшин Исавлих в племенех их, по месту их, во странах их и в языцех их: старейшина Фамна, старейшина Гола, старейшина Иефер, Genesis 36:41 старейшина Оливема, старейшина Ила, старейшина Финон, Genesis 36:42 старейшина Кенез, старейшина Феман, старейшина Мазар, Genesis 36:43 старейшина Магедиил, старейшина Зафой: сии старейшины Едомли, живущии в земли притяжания их: сей Исав отец Едомль. Genesis 37:0 Genesis 37:1 Вселися же Иаков в земли, идеже обита Исаак, отец его, в земли Ханаани. Genesis 37:2 Сии же роди Иаковли. Иосиф же бяше седминадесяти лет, пасый овцы отца своего с братиею своею, юн сый, с сынми Валлы и с сынми Зелфы, жен отца своего: нанесоша же на Иосифа злу клевету ко Израилю отцу своему. Genesis 37:3 Иаков же любляше Иосифа паче всех сынов своих, яко сын в старости ему бысть: и сотвори ему ризу пестру. Genesis 37:4 Видевше же братия его, яко любит его отец паче всех сынов своих, возненавидеша его и не можаху глаголати к нему ничтоже мирно. Genesis 37:5 Видев же Иосиф сон, поведа и братии своей Genesis 37:6 и рече им: послушайте сна сего, егоже видех: Genesis 37:7 мнех вас вяжущих снопы среде поля: и воста мой сноп и ста прямо, ваши же снопы обратившеся поклонишася моему снопу. Genesis 37:8 Реша же ему братия его: еда царствуя царствовати будеши над нами, или господствуя господствовати будеши над нами? И приложиша еще ненавидети его снов ради его и ради словес его. Genesis 37:9 Виде же сон другий и поведа его отцу своему и братии своей, и рече: се, видех другий сон: аки бы солнце и луна и единонадесять звезд покланяхуся мне. Genesis 37:10 И запрети ему отец его и рече ему: что сон сей, егоже еси видел? Еда пришедше приидем аз и мати твоя и братия твоя поклонитися тебе до земли? Genesis 37:11 Позавидеша же ему братия его: отец же его соблюде слово сие. Genesis 37:12 Отидоша же братия его пасти овцы отца своего в Сихем. Genesis 37:13 И рече Израиль ко Иосифу: еда братия твоя не пасут в Сихеме? Гряди да послю тя к ним. Рече же ему: се, аз. Genesis 37:14 Рече же ему Израиль: шед, виждь, аще здравствуют братия твоя и овцы, и повеждь ми. И посла его от юдоли Хеврони. И прииде в Сихем: Genesis 37:15 и обрете его человек заблуждающа на поли: вопроси же его человек глаголя: чесого ищеши? Genesis 37:16 Он же рече: братии моея ищу: повеждь ми, где пасут. Genesis 37:17 Рече же ему человек: отидоша отсюду: слышах бо их глаголющих: пойдем в Дофаим. И иде Иосиф вслед братии своея и обрете я в Дофаиме. Genesis 37:18 Предузреша же его издалече, прежде приближения его к ним, и зле умыслиша убити его: Genesis 37:19 рече же кийждо к брату своему: се, сновидец оный идет: Genesis 37:20 ныне убо приидите, убием его и ввержим его во един от рвов, и речем: зверь лют снеде его: и узрим, что будут сония его. Genesis 37:21 Слышав же Рувим, отя его из рук их и рече: не убием его на души. Genesis 37:22 Рече же им Рувим: не пролийте крове, вверзите его во един от рвов сих, иже в пустыни, руки же не возложите на него: (тщашеся бо) яко да изымет его от рук их и отдаст его отцу своему. Genesis 37:23 Бысть же егда прииде Иосиф к братии своей, совлекоша со Иосифа ризу пеструю, яже на нем, Genesis 37:24 и поемше его ввергоша в ров: ров же тощь, воды не имяше. Genesis 37:25 И седоша ясти хлеб, и воззревше очима видеша, и се, путницы Исмаилтяне идяху от Галаада, и велблюды их полны фимиама и ритины и стакти: идяху же везуще во Египет. Genesis 37:26 Рече же Иуда ко братии своей: кая польза, аще убием брата нашего и скрыем кровь его? Genesis 37:27 Грядите продадим его Исмаилтяном сим: руце же наши да не будут на нем, яко брат наш и плоть наша есть. Послушаша же братия его. Genesis 37:28 И мимоидоша человецы Мадиамстии купцы: и извлекоша и возведоша Иосифа из рова, и продаша Иосифа Исмаилтяном на двадесять златниц. И поведоша Иосифа во Египет. Genesis 37:29 Возвратися же Рувим к рову и не узре Иосифа в рове: и растерза ризы своя, Genesis 37:30 и прииде ко братии своей и рече: отрочища несть, аз же камо иду ктому? Genesis 37:31 Вземше же ризу Иосифову, заклаша козлище от коз и помазаша ризу кровию: Genesis 37:32 и послаша ризу пеструю, и принесоша ко отцу своему и рекоша: сию обретохом: познавай, аще риза сына твоего есть, или ни? Genesis 37:33 И позна ю и рече: риза сына моего есть: зверь лют снеде его: зверь восхити Иосифа. Genesis 37:34 И растерза Иаков ризы своя, и возложи вретище на чресла своя, и плакашеся сына своего дни многи. Genesis 37:35 Собрашася же вси сынове его и дщери и приидоша утешити его: и не хотяше утешитися, глаголя: яко сниду к сыну моему сетуя во ад. И плакася о нем отец его. Genesis 37:36 Мадиане же продаша Иосифа во Египет Пентефрию евнуху фараонову, архимагиру. Genesis 38:0 Genesis 38:1 Бысть же в то время, отиде Иуда от братии своея и прииде к человеку некоему Одолламитину, емуже имя Ирас: Genesis 38:2 и виде тамо Иуда дщерь человека Хананейска, ейже имя Сава: и поят ю, и вниде к ней: Genesis 38:3 и заченши роди сына, и нарече имя ему Ир: Genesis 38:4 и заченши еще роди сына и нарече имя ему Авнан: Genesis 38:5 и приложивши роди сына (третияго) и нарече имя Силом: сия же бе в Хасве, егда роди сих. Genesis 38:6 И поя Иуда жену Иру первенцу своему, ейже имя Фамарь. Genesis 38:7 Бысть же Ир первенец Иудин зол пред Господем: и уби его Бог. Genesis 38:8 Рече же Иуда Авнану: вниди к жене брата твоего и совокупися с нею, и возстави семя брату твоему. Genesis 38:9 Познав же Авнан, яко не ему будет семя, бысть егда вхождаше к жене брата своего, проливаше (семя) на землю, еже не дати семене брату своему: Genesis 38:10 зло же явися пред Богом, яко сотвори сие: и умертви и сего. Genesis 38:11 Рече же Иуда Фамари, невестце своей (по смерти дву сынов своих): седи вдовою в дому отца твоего, дондеже велик будет Силом, сын мой. Рече бо (во уме си): да не когда умрет и сей, якоже и братия его. Отшедши же Фамарь, седяше в дому отца своего. Genesis 38:12 Умножишася же дние, и умре Сава жена Иудина. И утешився Иуда, взыде к стригущым овцы его сам, и Ирас пастырь его Одолламитин, во Фамну. Genesis 38:13 И возвестиша Фамари невестце его, глаголюще: се, свекор твой восходит во Фамну стрищи овцы своя. Genesis 38:14 Она же свергши ризы вдовства с себе, облечеся в ризу летнюю и украсися, и седе пред враты Енани, яже суть на пути Фамны: ведяше бо, яко велик бысть Силом: сей же не даде ея ему в жену. Genesis 38:15 И видев ю Иуда, возмне ю блудницу быти: покры бо лице свое, и не позна ея. Genesis 38:16 Уклонися же к ней путем и рече ей: попусти ми внити к себе. Не позна бо, яко невестка ему есть. Она же рече: что ми даси, аще внидеши ко мне? Genesis 38:17 Он же рече: аз тебе послю козлище коз от овец моих. Она же рече: аще даси ми залог, дондеже пришлеши. Genesis 38:18 Он же рече: кий залог тебе дам? Она же рече: перстень твой и гривну, и жезл иже в руце твоей. И даде ей, и вниде к ней, и зача во утробе от него. Genesis 38:19 И воставши отиде, и сверже ризу летнюю с себе и облечеся в ризы вдовства своего. Genesis 38:20 Посла же Иуда козлище от коз рукою пастыря своего Одолламитина взяти залог от жены, и не обрете ея. Genesis 38:21 Вопроси же мужей места того и рече им: где есть блудница бывшая во Енане на распутии? И реша: не бе зде блудница. Genesis 38:22 И возвратися ко Иуде и рече: не обретох: и человецы места того глаголют: несть зде блудницы. Genesis 38:23 Рече же Иуда: да имать та: но да не когда посмеются нам: аз убо послах козлище сие, ты же не обрел еси. Genesis 38:24 Бысть же по трех месяцех, поведаша Иуде, глаголюще: соблуди Фамарь невестка твоя, и се, во утробе имать от блуда. Рече же Иуда: изведите ю, и да сожгут ю. Genesis 38:25 Она же ведома посла к свекру своему, глаголющи: от человека, егоже сия суть, аз во утробе имам. И рече: познай, чий перстень и гривна и жезл сей. Genesis 38:26 Позна же Иуда и рече: оправдася Фамарь паче мене, яко не дах ея Силому сыну моему. И не приложи ктому познати ю. Genesis 38:27 Бысть же егда раждаше, и беста близнята во утробе ея. Genesis 38:28 Бысть же в рождении ея, един произнесе руку: вземши же баба навяза на руку его червлень, глаголющи: сей изыдет первый. Genesis 38:29 Егда же вовлече руку, и абие изыде брат его. Она же рече: что пресечеся тебе ради преграждение? И прозва имя ему Фарес. Genesis 38:30 И посем изыде брат его, емуже бе на руце его червлень: и прозва имя ему Зара. Genesis 39:0 Genesis 39:1 Иосиф же приведен бысть во Египет. И купи его Пентефрий евнух фараонов архимагир, муж Египтянин, от рук Исмаилтян, иже приведоша его тамо. Genesis 39:2 И бяше Господь со Иосифом: и бяше муж благополучен, и бысть в дому господина своего Египтянина. Genesis 39:3 Ведяше же господин его, яко Господь бе с ним, и елика творит, Господь благоустрояет в руку его. Genesis 39:4 И обрете Иосиф благодать пред господином своим и благоугоди ему: и постави его над домом своим, и вся, елика быша ему, даде в руки Иосифовы. Genesis 39:5 Бысть же егда постави его над домом своим и над всеми, елика имеяше, и благослови Господь дом Египтянина Иосифа ради: и бысть благословение Господне на всем имении его в дому и в селех его. Genesis 39:6 И предаде вся, елика быша ему, в руки Иосифовы: и не ведяше от сущих у себе ничтоже, кроме хлеба, егоже ядяше сам: и бяше Иосиф добр образом и красен взором зело. Genesis 39:7 И бысть по словесех сих, и возложи жена господина его очи своя на Иосифа и рече: пребуди со мною. Genesis 39:8 Он же не хотяше и рече жене господина своего: аще господин мой не весть мене ради ничтоже в дому своем, и вся, елика суть ему, вдаде в руце мои, Genesis 39:9 и ничто есть выше мене в дому сем, ниже изято бысть от мене чтолибо, кроме тебе, понеже ты жена ему еси: и како сотворю глагол злый сей и согрешу пред Богом? Genesis 39:10 Егда же Иосифу глаголаше день от дне, и не послушаше ея еже спати и быти с нею. Genesis 39:11 Бысть же сицевый некий день, и вниде Иосиф в дом делати дела своя, и никтоже бяше от сущих в дому внутрь: Genesis 39:12 и ухвати его за ризы, глаголющи: лязи со мною. И оставив ризы своя в руках ея, убеже и изыде вон. Genesis 39:13 И бысть егда виде, яко оставль ризы своя в руках ея, бежа и изыде вон: Genesis 39:14 и воззва сущих в дому и рече им глаголющи: видите, введе нам отрока Евреина наругатися нам: вниде ко мне, глаголя: преспи со мною: и возопих гласом великим: Genesis 39:15 и егда услыша он, яко возвысих глас мой и возопих, оставль ризы своя у мене, отбеже и изыде вон. Genesis 39:16 И удержа ризы у себе, дондеже прииде господин в дом свой. Genesis 39:17 И поведа ему по словесех сих, глаголющи: вниде ко мне отрок Евреин, егоже ввел еси к нам, поругатися мне, и рече ми: да буду с тобою: Genesis 39:18 егда же услыша, яко воздвигох глас мой и возопих, оставль ризы своя у мене, отбеже и изыде вон. Genesis 39:19 И бысть егда услыша господин его глаголы жены своея, елика рече к нему, глаголющи: сице сотвори ми отрок твой: и разгневася яростию, Genesis 39:20 и взем господин Иосифа, вверже его в темницу, в место, идеже узники царевы держатся тамо в твердыни. Genesis 39:21 И бяше Господь со Иосифом, и возлия на него милость, и даде ему благодать пред началным стражем темничным: Genesis 39:22 и вдаде старейшина стражей темницу в руце Иосифу и всех вверженых в темницу: и вся, елика творяху тамо, той бе творяй. Genesis 39:23 Старейшина же стражей темничных ничтоже бе ведый его ради: вся бо быша в руках Иосифовых, занеже Господь бяше с ним: и елика той творяше, Господь благопоспешаше в руку его. Genesis 40:0 Genesis 40:1 Бысть же по словесех сих, согреши старейшина винарск царя Египетска и старейшина житарск господину своему царю Египетскому. Genesis 40:2 И разгневася фараон на оба евнухи своя, на старейшину винарска и на старейшину житарска, Genesis 40:3 и вверже их в темницу во узилище, в место, идеже Иосиф ввержен бяше. Genesis 40:4 И вручи их старейшина темницы Иосифу, и предста им: и беста дни (некия) в темнице, Genesis 40:5 и видеста оба сон во едину нощь: видение же сонное старейшины винарска и старейшины житарска, иже беста царя Египетска, суще в темнице, бяше сие. Genesis 40:6 Вниде же к ним Иосиф заутра и виде их, и бяху смущени: Genesis 40:7 и вопрошаше евнухов фараоних, иже быша с ним в темнице, у господина своего, глаголя: что, яко лица ваша уныла днесь? Genesis 40:8 Они же реша ему: сон видехом, и разсуждаяй его несть. Рече же им Иосиф: еда не Богом изявление их есть? Поведите убо мне. Genesis 40:9 И поведа старейшина винарск сон свой Иосифу и рече: во сне моем бяше виноград предо мною: Genesis 40:10 в винограде же три леторасли, и той цветущь произнесе отрасли, зрелы грозды лозныя: Genesis 40:11 и чаша фараонова в руце моей: и взях грезн, и изжах оный в чашу, и дах чашу в руку фараоню. Genesis 40:12 И рече ему Иосиф: сие разсуждение сему: три леторасли три дни суть: Genesis 40:13 еще три дни, и помянет фараон сан твой, и паки поставит тя в старейшинство твое винарско, и подаси чашу фараону в руку его по сану твоему первому, якоже был еси виночерпчий: Genesis 40:14 но помяни мя тобою, егда благо ти будет, и сотвориши надо мною милость, и да помянеши о мне фараону, и изведеши мя от твердыни сея: Genesis 40:15 яко татьбою украден бых из земли Еврейския, и зде ничто зло сотворих, но ввергоша мя в ров сей. Genesis 40:16 И виде старейшина житарск, яко прямо разсуди, и рече Иосифу: и аз видех сон, и мняхся три кошницы хлебов держати на главе моей: Genesis 40:17 в кошнице же верхней от всех родов, яже фараон яст, дело хлебенное, и птицы небесныя ядяху тая от кошницы, яже на главе моей. Genesis 40:18 Отвещав же Иосиф, рече ему: сие разсуждение его: три кошницы три дние суть: Genesis 40:19 еще три дние, и отимет фараон главу твою от тебе и повесит тя на древе, и изядят птицы небесныя плоть твою от тебе. Genesis 40:20 Бысть же в день третий, день рождения бяше фараоня, и творяше пир всем отроком своим: и помяну старейшинство старейшины винарска и старейшинство старейшины житарска, посреде отрок своих: Genesis 40:21 и постави старейшину винарска в старейшинство его: и подаде чашу в руку фараоню: Genesis 40:22 старейшину же житарска повеси (на древе), якоже сказа има Иосиф. Genesis 40:23 И не помяну старейшина винарск Иосифа, но забы его. Genesis 41:0 Genesis 41:1 Бысть же по двою лету дний, фараон виде сон: мняшеся стояти при реце: Genesis 41:2 и се, аки из реки исхождаху седмь крав добры видом и избранны телесы, и пасяхуся по брегу: Genesis 41:3 другия же седмь крав изыдоша по сих из реки, злы видом и телесы худы, и пасяхуся с кравами по брегу речному: Genesis 41:4 и поядоша седмь кравы злыя и худыя телесы седмь крав добрых видом и избранных телесы: (и сия невидимы быша, яко внидоша в чресла их). Воста же фараон. Genesis 41:5 И виде сон вторый: и се, седмь класи исхождаху из стеблия единаго избранны и добры: Genesis 41:6 друзии же седмь класи тонцыи, истончени ветром, израстаху по них: Genesis 41:7 и пожроша седмь класи тонцыи и истончени ветром седмь класов избранных и полных. Воста же фараон, и бяше сон. Genesis 41:8 Бысть же заутра, и возмутися душа его: и послав, созва вся сказатели Египетския и вся мудрыя его: и поведа им фараон сон свой: и не бяше сказуяй того фараону. Genesis 41:9 И рече старейшина винарск к фараону, глаголя: грех мой воспоминаю днесь: Genesis 41:10 фараон разгневася на рабы своя и вверже нас в темницу в дому архимагира, мене и старейшину житарска: Genesis 41:11 и видехом сон оба единыя нощи аз и он, кийждо свой сон видехом: Genesis 41:12 бяше же тамо с нами юноша, отрок Евреин архимагиров, и поведахом ему, и разсуди нам: Genesis 41:13 бысть же, якоже сказа нам, тако и случися, мне паки быти во своем старейшинстве, а оному повешену. Genesis 41:14 Послав же фараон, призва Иосифа: и изведоша его из твердыни, и остригоша его, и измениша ризы ему, и прииде к фараону. Genesis 41:15 Рече же фараон Иосифу: сон видех, и сказуяй его несть: аз же слышах о тебе глаголющих, яко слышав сны разсуждаеши тыя. Genesis 41:16 Отвещав же Иосиф фараону, рече: без Бога не отвещается спасение фараону. Genesis 41:17 Рече же фараон Иосифу, глаголя: во сне моем мняхся стояти на брезе речнем: Genesis 41:18 и аки из реки исхождаху седмь кравы добры видом и избранны телесы, и пасяхуся по брегу: Genesis 41:19 и се, другия седмь крав исхождаху вслед их из реки, злы и недобры видом и худы телесы, яковых не виде таковых во всей земли Египетстей хуждших: Genesis 41:20 и изядоша седмь кравы злыя и худыя седмь крав первых добрых и избранных: Genesis 41:21 и внидоша во утробы их, и не явишася, яко внидоша во утробы их: и обличия их зла быша, яко и исперва. Востав же, (паки) уснух, Genesis 41:22 и видех паки во сне моем, и аки седмь класи исхождаху из единаго стеблия полны и добры: Genesis 41:23 друзии же седмь класи тонцыи и ветром истончени изницаху вслед их: Genesis 41:24 и пожроша седмь класи тонцыи и ветром истончени седмь класов добрых и полных. Рех убо сказателем, и не бысть поведаяй мне того. Genesis 41:25 И рече Иосиф фараону: сон фараонов един есть: елика Бог творит, показа фараону: Genesis 41:26 седмь кравы добрыя седмь лет суть: и седмь класи добрии седмь лет суть: сон фараонов един есть: Genesis 41:27 и седмь кравы худыя, яже изыдоша по сих, седмь лет суть, и седмь класи тонцыи и истончени ветром седмь лет суть: будут седмь лет глада: Genesis 41:28 слово же еже рех фараону, елика Бог творит, показа фараону: Genesis 41:29 се, седмь лет приходит, обилность многа во всей земли Египетстей: Genesis 41:30 приидут же седмь лет глада по сих, и забудут сытости будущия во всем Египте, и погубит глад землю, Genesis 41:31 и не познается обилие на земли от глада будущаго по сих: силен бо будет зело: Genesis 41:32 повторися же сон фараону дважды, яко истинно будет слово еже от Бога, и ускорит Бог сотворити оно: Genesis 41:33 ныне убо усмотри человека мудра и смыслена и постави его над землею Египетскою: Genesis 41:34 и да сотворит фараон и поставит местоначалники по земли, и да собирают пятую часть от всех плодов земли Египетския седми лет обилных, Genesis 41:35 и да соберут всякую пищу седми лет грядущих добрых сих: и да соберется пшеница под руку фараоню, пища во градех да хранится: Genesis 41:36 и будет пища соблюдена земли на седмь лет гладных, яже имут быти в земли Египетстей, да не потребится земля в гладе. Genesis 41:37 Угодно же бысть слово пред фараоном и пред всеми рабы его. Genesis 41:38 И рече фараон всем рабом своим: еда обрящем человека сицеваго, иже имать Духа Божия в себе? Genesis 41:39 Рече же фараон Иосифу: понеже показа Бог тебе вся сия, несть человека мудрейша и смысленнейша паче тебе: Genesis 41:40 ты будеши в дому моем, и уст твоих да послушают вси людие мои, разве престолом аз более тебе буду. Genesis 41:41 Рече же фараон Иосифу се, поставляю тя днесь над всею землею Египетскою. Genesis 41:42 И снем фараон перстень с руки своея, возложи его на руку Иосифову, и облече его в ризу червлену, и возложи гривну злату на выю его, Genesis 41:43 и всади его на колесницу свою вторую, и проповеда пред ним проповедник: и постави его над всею землею Египетскою. Genesis 41:44 Рече же фараон Иосифу: аз фараон: без тебе не воздвигнет руки своея никтоже во всей земли Египетстей. Genesis 41:45 И нарече фараон имя Иосифу Псонфомфаних: и даде ему Асенефу, дщерь Петефриа жреца Илиопольскаго, ему в жену. Genesis 41:46 Иосиф же бяше лет тридесяти, егда предста фараону царю Египетскому. Изыде же Иосиф от лица фараоня и пройде всю землю Египетскую. Genesis 41:47 И сотвори земля в седми летех обилну жатву. Genesis 41:48 И собра всякую пищу седми лет, в нихже бяше обилность в земли Египетстей: и положи пищу во градех: пищы поль града, сущих окрест его, положи в нем. Genesis 41:49 И собра Иосиф пшеницу яко песок морский многу зело, дондеже не можаху исчести: без числа бо бяше. Genesis 41:50 Иосифу же беста два сына, прежде пришествия седми лет гладных, ихже роди ему Асенефа, дщерь Петефриа жреца Илиопольска: Genesis 41:51 нарече же Иосиф имя первенцу Манассиа, (глаголя:) яко забыти мне сотвори Бог вся болезни моя, и вся, яже отца моего. Genesis 41:52 Имя же второму нарече Ефраим, (глаголя:) яко возрасти мя Бог в земли смирения моего. Genesis 41:53 Минуша же седмь лет обилных, яже быша в земли Египетстей, Genesis 41:54 и начаша седмь лет гладных приходити, якоже рече Иосиф. И бысть глад по всей земли: во всей же земли Египетстей быша хлебы. Genesis 41:55 И взалка вся земля Египетская: возопи же народ к фараону о хлебех. Рече же фараон всем Египтяном: идите ко Иосифу, и еже речет вам, сотворите. Genesis 41:56 И глад бяше на лицы всея земли. Отверзе же Иосиф вся житницы, и продаяше всем Египтяном: Genesis 41:57 и вся страны прихождаху во Египет, куповати ко Иосифу: обдержаше бо глад всю землю. Genesis 42:0 Genesis 42:1 Видев же Иаков, яко купля есть (пшеницы) во Египте, рече сыном своим: почто не радите? Genesis 42:2 Се, слышах, яко есть пшеница во Египте: идите тамо и купите нам мало пищи, да живи будем и не умрем. Genesis 42:3 Идоша же братия Иосифовы десять купити пшеницы во Египет. Genesis 42:4 Вениамина же, брата Иосифова, не отпусти с братиею его, рече бо: да не когда случится (на пути) ему зло. Genesis 42:5 Приидоша же сынове Израилевы купити с приходящими: бяше бо глад в земли Ханаанстей. Genesis 42:6 Иосиф же бяше князь земли: сей продаяше всем людем земли (тоя). Пришедше же братия Иосифовы, поклонишася ему лицем до земли. Genesis 42:7 Видев же Иосиф братию свою, позна: и отчуждашеся их, и глаголаше им жестоко, и рече им: откуду приидосте? Они же реша: от земли Ханаанския купити пищи. Genesis 42:8 Позна же Иосиф братию свою: они же не познаша его. Genesis 42:9 И помяну Иосиф сны своя, яже виде он: и рече им: соглядатаи есте, соглядати путий страны (сея) приидосте. Genesis 42:10 Они же реша: ни, господине, раби твои приидохом купити пищи: Genesis 42:11 вси есмы сынове единаго человека: мирницы есмы, не суть раби твои соглядатаи. Genesis 42:12 Рече же им: ни, но пути земли (сея) приидосте соглядати. Genesis 42:13 Они же реша: дванадесять есмы братия раби твои в земли Ханаани: и се, менший (от нас) со отцем нашим днесь, а другаго несть. Genesis 42:14 Рече же им Иосиф: сие есть, еже рекох вам, глаголя, яко соглядатаи есте: Genesis 42:15 в сем явитеся: тако ми здравия фараоня, не изыдете отсюду, аще брат ваш менший не приидет семо: Genesis 42:16 послите от себе единаго, и возмите брата вашего: вы же держими будите, дондеже яве будут словеса ваша, аще истинствуете, или ни: аще же ни, тако ми здравия фараоня, воистинну соглядатаи есте. Genesis 42:17 И даде я под стражу на три дни. Genesis 42:18 Рече же им в день третий: сие сотворите, и живи будете: Бога бо аз боюся: Genesis 42:19 аще мирницы есте, брат ваш да удержится един под стражею: сами же идите и отвезите купленую пшеницу вашу, Genesis 42:20 и брата вашего меншаго приведите ко мне, и верна будут словеса ваша: аще же ни, умрете. И сотвориша тако. Genesis 42:21 И рече кийждо к брату своему: ей, во гресех бо есмы брата ради нашего, яко презрехом скорбение души его, егда моляшеся нам, и не послушахом его: и сего ради прииде на ны скорбение сие. Genesis 42:22 Отвещав же Рувим, рече им: не рех ли вам, глаголя: не преобидите детища? И не послушасте мене: и се, кровь его взыскуется. Genesis 42:23 Тии же не ведеша, яко разумеет Иосиф: толмачь бо между ими бяше. Genesis 42:24 Отвратився же от них, проплакася Иосиф: и паки прииде к ним и рече им. И поя Симеона от них, и связа его пред ними. Genesis 42:25 Повеле же Иосиф наполнити сосуды их пшеницы и возвратити сребро их комуждо во вретище свое и дати им брашно на путь. И бысть им тако. Genesis 42:26 И возложивше пшеницу на ослы своя, отидоша оттуду. Genesis 42:27 Отрешив же един вретище свое дати пищу ослом своим, идеже сташа, и виде узол сребра своего, и бе верху устия вретищнаго. Genesis 42:28 И рече братии своей: возвращено ми есть сребро, и се, сие во вретищи моем. И ужасеся сердце их: и возмятошася, друг ко другу глаголюще: что сие сотвори Бог нам? Genesis 42:29 Приидоша же ко Иакову, отцу своему, в землю Ханааню и поведаша ему вся случившаяся им, глаголюще: Genesis 42:30 глагола муж господин земли (оныя) к нам жестоко и вверже нас в темницу, аки соглядаюших землю: Genesis 42:31 рехом же ему: мирницы есмы, несмы соглядатаи: Genesis 42:32 дванадесять братия есмы, сынове отца нашего: единаго несть, а менший со отцем нашим днесь в земли Ханаани: Genesis 42:33 рече же нам муж господин земли (тоя): по сему увем, яко мирницы есте: брата единаго оставите зде у мене, а купленую пшеницу дому вашему вземше отидите Genesis 42:34 и приведите ко мне брата вашего меншаго: и увем, яко не соглядатаи есте, но яко мирницы есте: и брата вашего отдам вам, и куплю творите в земли. Genesis 42:35 Бысть же егда испраздняху вретища своя, и бяше узол сребра во вретищи коегождо их: и видеша узлы сребра своего сами и отец их, и убояшася. Genesis 42:36 Рече же им Иаков отец их: мене безчадна сотвористе: Иосифа несть, Симеона несть, и Вениамина ли поймете? На мя быша сия вся. Genesis 42:37 Рече же Рувим отцу своему, глаголя: двоих сынов моих убий, аще не приведу его к тебе: даждь его в руце мои, и аз приведу его к тебе. Genesis 42:38 Он же рече: не пойдет сын мой с вами, яко брат его умре, и той един оста: и случится ему зло на пути, в оньже аще пойдете, и сведете старость мою с печалию во ад. Genesis 43:0 Genesis 43:1 Глад же одоле на земли. Genesis 43:2 Бысть же егда скончаша пшеницу ядуще, юже принесоша из Египта: и рече им отец их: паки шедше купите нам мало пищи. Genesis 43:3 Рече же ему Иуда, глаголя: клятвою засвидетелствова нам муж господин земли (тоя) глаголя: не узрите лица моего, аще брат ваш менший не приидет с вами: Genesis 43:4 аще убо послеши брата нашего с нами, пойдем и купим тебе пищи: Genesis 43:5 аще же не послеши брата нашего с нами, не пойдем: муж бо рече нам, глаголя: не узрите лица моего, аще брат ваш менший не приидет с вами. Genesis 43:6 Рече же Израиль: почто зло сотвористе ми, поведавше мужу, яко есть вам брат? Genesis 43:7 Они же реша: вопрошая вопроси нас муж и рода нашего, глаголя: аще еще отец ваш жив есть, и аще есть вам брат? И поведахом ему по вопросу сему: еда ведехом, яко речет нам: приведите брата вашего? Genesis 43:8 Рече же Иуда ко Израилю, отцу своему: отпусти отрочища со мною: и воставше пойдем, да живи будем и не умрем, и мы и ты и имение наше: Genesis 43:9 аз же возму его: от руку моею взыщи его: аще не приведу его к тебе, и поставлю его пред тобою, грешен буду к тебе вся дни: Genesis 43:10 аще бо быхом не умедлили, уже возвратилися бы дважды. Genesis 43:11 Рече же им Израиль отец их: аще тако есть, сие сотворите: возмите от плодов земных в сосуды своя и донесите человеку дары, ритину, мед, фимиама же и стакти, и теревинф и орехи: Genesis 43:12 и сребро сугубо возмите в руце свои, и сребро обретенное во вретищах ваших возвратите с собою, да не како неведение есть: Genesis 43:13 и брата своего поимите, и воставше идите к мужу: Genesis 43:14 Бог же мой да даст вам благодать пред мужем и отпустит брата вашего единаго, и Вениамина: аз бо якоже обезчадех, обезчадех. Genesis 43:15 Вземше же мужие дары сия, и сребро сугубое взяша в руце свои, и Вениамина: и воставше приидоша во Египет, и сташа пред Иосифом. Genesis 43:16 Виде же их Иосиф, и Вениамина брата своего единоматерня, и рече строителю дому своего: введи мужы (сия) в дом, и заколи от скота, и уготовай: со мною бо ясти имут мужие (сии) хлеб в полудне. Genesis 43:17 Сотвори же человек, якоже рече Иосиф, и введе мужы в дом Иосифов. Genesis 43:18 Видевше же мужие, яко введоша их в дом Иосифов, реша: сребра ради возвращеннаго во вретищах наших первее, вводят ны, еже бы оклеветати нас и нанести на ны, да поймут нас в рабы, и ослы нашя. Genesis 43:19 Приступивше же к человеку сущему над домом Иосифовым, рекоша ему при вратех дому, Genesis 43:20 глаголюще: молим тя, господине: приидохом первее купити пищи: Genesis 43:21 бысть же егда приидохом на стан и отрешихом вретища своя, и се, сребро коегождо во вретищи его: тое сребро наше весом возвратихом ныне руками нашими: Genesis 43:22 и сребро другое принесохом с собою купити пищи: не вемы, кто вложи сребро во вретища наша. Genesis 43:23 Рече же им: мир вам, не бойтеся: Бог ваш и Бог отец ваших даде вам сокровища во вретищах ваших: а сребро ваше за приятое имею. И изведе к ним Симеона: Genesis 43:24 и принесе воду омыти нозе им, и даде пажити ослом их. Genesis 43:25 Уготоваша же дары, дондеже приидет Иосиф в полудне: слышаша бо, яко тамо имать обедати. Genesis 43:26 Прииде же Иосиф в дом: и принесоша ему дары, яже имяху в руках своих, в дом: и поклонишася ему лицем до земли. Genesis 43:27 И вопроси их: здрави ли есте? И рече им: здрав ли есть отец ваш, старец, егоже рекосте, еще ли жив есть? Genesis 43:28 Они же рекоша: здрав есть раб твой, отец наш, еще жив есть. И рече: благословен человек оный Богу. И приникше поклонишася ему. Genesis 43:29 Воззрев же очима своима Иосиф, виде Вениамина брата своего единоматерня и рече: сей ли есть брат ваш юнейший, егоже рекосте ко мне привести? И рече: Бог да помилует тя, чадо. Genesis 43:30 Возмутися же Иосиф: подвижеся бо утроба его о брате своем, и искаше плакати: вшед же в ложницу, плакася тамо. Genesis 43:31 И умыв лице, изшед удержася и рече: предложите хлебы. Genesis 43:32 И предложиша ему единому, и оным особно, и Египтяном, иже с ним ядяху, особно: не можаху бо Египтяне ясти хлеба со Евреи: мерзость бо есть Египтяном (всяк пастух овчий). Genesis 43:33 Седоша же прямо ему первенец по старейшинству своему и менший по меншеству своему, и дивляхуся мужие кийждо ко брату своему: Genesis 43:34 и взяша части от него к себе: вящшая же бысть часть Вениаминова паче всех частей пятерицею, неже оных: пиша же и упишася с ним. Genesis 44:0 Genesis 44:1 И заповеда Иосиф домостроителю своему, глаголя: наполните вретища мужем пищи, елико могут понести: и вложите комуждо сребро верху устия вретища: Genesis 44:2 и чашу мою сребряную вложите во вретище меншаго, и цену пшеницы его. Бысть же по словеси Иосифову, якоже рече. Genesis 44:3 Утро возсия, и мужие отпустишася сами, и ослята их. Genesis 44:4 Изшедше же они из града, не отидоша далече: и рече Иосиф домостроителю своему: востав гони вслед мужей и постигни их, и рцы им: что яко воздасте (ми) злая за благая? Genesis 44:5 Вскую украдосте чашу мою сребряну? Не сия ли есть, из неяже пиет господин мой? Он же и волхвованием волхвует в ней: злая совершисте, яже сотвористе. Genesis 44:6 Обрет же их, рече им по словесем сим. Genesis 44:7 Они же реша ему: вскую глаголет господин словеса сия? Не буди рабом твоим сотворити по словеси сему: Genesis 44:8 аще сребро, еже обретохом во вретищах наших, возвратихом к тебе от земли Ханаани, како быхом украли из дому господина твоего сребро или злато? Genesis 44:9 У негоже аще обрящеши чашу от раб твоих, да умрет: и мы будем раби господину нашему. Genesis 44:10 Он же рече: и ныне, якоже глаголете, тако будет: у негоже аще обрящется чаша, будет мой раб, вы же будете чисти. Genesis 44:11 И потщашася, и сверже кийждо вретище свое на землю, и отверзоша кийждо вретище свое. Genesis 44:12 Изыска же от старейшаго зачен, дондеже прииде до меншаго, и обрете чашу во вретищи Вениамини. Genesis 44:13 И растерзаша ризы своя, и возложиша кийждо вретище свое на осля свое, и возвратишася во град. Genesis 44:14 Вниде же Иуда и братия его ко Иосифу, еще ему сущу ту, и падоша пред ним на землю. Genesis 44:15 Рече же им Иосиф: что дело сие сотвористе? Не ведасте ли, яко несть волхвователь человек, якоже аз? Genesis 44:16 Рече же Иуда: что отвещаем господину, или что возглаголем, или чим оправдимся? Бог же обрете неправду рабов твоих: се, мы есмы раби господину нашему, и мы, и у негоже обретеся чаша. Genesis 44:17 Рече же Иосиф: не буди ми сотворити глагол сей: муж, у негоже обретеся чаша, той будет ми раб: вы же поидите в целости ко отцу своему. Genesis 44:18 Приступив же к нему Иуда, рече: молю тя, господине, да речет раб твой слово пред тобою, и не прогневайся на раба твоего, яко ты еси по фараоне: Genesis 44:19 господине, ты вопрошал еси рабов твоих, глаголя: аще имате отца, или брата? Genesis 44:20 И рехом господину: есть нам отец стар, и отрочищь на старость менший ему, а брат его умре, он же един остася у матере своея, отец же возлюби его. Genesis 44:21 Ты же рекл еси рабом твоим: приведите его ко мне, да вижду его. Genesis 44:22 И рехом господину: не возможет отрочищь оставити отца своего: аще же оставит отца, умрет. Genesis 44:23 Ты же рекл еси рабом твоим: аще не приидет брат ваш менший с вами, не приложите ктому видети лица моего. Genesis 44:24 Бысть же егда приидохом к рабу твоему отцу нашему, поведахом ему словеса господина нашего, Genesis 44:25 рече же нам отец наш: идите паки и купите нам мало пищи. Genesis 44:26 Мы же рекохом: не возможем ити: но аще брат наш менший идет с нами, пойдем: ибо не возможем видети лице мужа, брату нашему меншему не сущу с нами. Genesis 44:27 Рече же раб твой, отец наш к нам: вы весте, яко двоих роди мне жена: Genesis 44:28 и отиде един от мене, и рекосте, яко зверем снеден бысть, и не видех его даже до ныне: Genesis 44:29 аще убо поймете и сего от лица моего, и случится ему зло на пути, и сведете старость мою с печалию во ад. Genesis 44:30 Ныне убо аще пойду к рабу твоему, отцу же нашему, и отрочища не будет с нами: (душа же его связана есть с душею сего,) Genesis 44:31 и будет егда увидит он не суща отрочища с нами, умрет: и сведут раби твои старость раба твоего, отца же нашего, с печалию во ад: Genesis 44:32 раб бо твой от отца взя отрочища, глаголя: аще не приведу его к тебе и поставлю его пред тобою, грешен буду ко отцу вся дни. Genesis 44:33 Ныне убо пребуду тебе раб вместо отрочища, раб господину: отрочищь же да идет с братиею своею: Genesis 44:34 како бо пойду ко отцу, отрочищу не сущу с нами? Да не вижду злых, яже обрящут отца моего. Genesis 45:0 Genesis 45:1 И не можаше Иосиф удержатися всем предстоящым ему, но рече: отослите всех от мене. И не предстояше ни един Иосифу, егда познавашеся братии своей. Genesis 45:2 И испусти глас с плачем: слышаша же вси Египтяне, и слышано бысть в дому фараонове. Genesis 45:3 Рече же Иосиф братии своей: аз есмь Иосиф: еще ли отец мой жив есть? И не могоша братия отвещати ему: смутишася бо. Genesis 45:4 Рече же Иосиф братии своей: приближитеся ко мне. И приближишася. И рече: аз есмь Иосиф, брат ваш, егоже продасте во Египет: Genesis 45:5 ныне убо не скорбите, ниже жестоко вам да явится, яко продасте мя семо: на жизнь бо посла мя Бог пред вами: Genesis 45:6 сие бо второе лето глад на земли, и еще пять лет оста, в нихже не будет орания, ни жатвы: Genesis 45:7 посла бо мя Бог пред вами оставити вам останок на земли и препитати ваш останок велий: Genesis 45:8 ныне убо не вы посласте мя семо, но Бог: и сотвори мя яко отца фараону и господина всему дому его и князя всей земли Египетстей: Genesis 45:9 потщавшеся убо, взыдите ко отцу моему и рцыте ему: сия глаголет сын твой Иосиф: сотвори мя Бог господина всей земли Египетстей: сниди убо ко мне и не умедли: Genesis 45:10 и вселишися в земли Гесемли аравийстей, и будеши близ мене ты и сынове твои, и сынове сынов твоих, овцы твоя и волове твои, и елика суть твоя: Genesis 45:11 и препитаю тя тамо, еще бо пять лет будет глад на земли, да не погибнеши ты и сынове твои, и вся имения твоя. Genesis 45:12 Се, очи ваши видят, и очи Вениамина брата моего, яко уста моя глаголющая к вам: Genesis 45:13 возвестите убо отцу моему всю славу мою сущую во Египте, и елика видите: и ускоривше, приведите отца моего семо. Genesis 45:14 И напад на выю Вениамина, брата своего, плакася над ним, и Вениамин плакася на выи его. Genesis 45:15 И облобызав всю братию свою, плакася над ними: и по сих глаголаша к нему братия его. Genesis 45:16 И пронесеся глас в дому фараонове, глаголюще: приидоша братия Иосифова. Возрадовася же фараон и раби его. Genesis 45:17 Рече же фараон ко Иосифу: рцы братии своей: сие сотворите: наполните сосуды вашя (пшеницы) и идите в землю Ханааню, Genesis 45:18 и вземше отца вашего и имения ваша, приидите ко мне: и дам вам от всех благ Египетских, и снесте тук земли: Genesis 45:19 ты же заповеждь сия: взяти им колесницы от земли Египетския, детем их и женам их: и поимше отца своего, приидите: Genesis 45:20 и не пощадите очима сосудов ваших: вся бо благая Египетская вам будут. Genesis 45:21 Сотвориша же тако сынове Израилевы: даде же им Иосиф колесницы по повелению фараона царя (Египетска), и даде им брашно на путь: Genesis 45:22 и всем даде сугубы ризы, Вениамину же даде триста златниц и пятеры ризы пременныя: Genesis 45:23 и отцу своему посла такожде, и десять ослов везущих от всех благ Египетских, и десять мсков везущих хлебы на путь отцу его. Genesis 45:24 И отпусти братию свою. И отидоша. И рече им: не гневайтеся на пути. Genesis 45:25 Изыдоша же из Египта и приидоша в землю Ханааню ко Иакову отцу своему Genesis 45:26 и поведаша ему глаголюще: яко сын твой Иосиф жив есть, и он владеет над всею землею Египетскою. И ужасеся в мысли Иаков: не вероваше бо им. Genesis 45:27 Глаголаша же ему вся реченная от Иосифа, елика рече им. Узрев же колесницы, яже посла Иосиф, еже взяти его, оживе дух Иакова, отца их, Genesis 45:28 и рече Израиль: велико ми есть (сие), аще еще Иосиф сын мой жив есть: шед узрю его, прежде неже умрети ми. Genesis 46:0 Genesis 46:1 Востав же Израиль сам и вся сущая его, прииде ко кладязю Клятвенному и пожре жертву Богу отца своего Исаака. Genesis 46:2 Рече же Бог ко Израилю в видении нощию, глаголя: Иакове, Иакове. Он же рече: что есть? Genesis 46:3 Он же рече ему: Аз есмь Бог отцев твоих, не убойся изыти во Египет: в язык бо велий сотворю тя тамо: Genesis 46:4 и Аз сниду с тобою во Египет, и Аз возведу тя до конца: и Иосиф возложит руки своя на очи твои. Genesis 46:5 Воста же Иаков от кладязя Клятвеннаго, и взяша сынове Израиля отца своего, и стяжание, и жены своя на колесницы, яже посла Иосиф, взяти его: Genesis 46:6 и вземше имения своя и все стяжание, еже стяжаша в земли Ханаанстей, внидоша во Египет Иаков и все семя его с ним: Genesis 46:7 сынове и сынове сынов его с ним, дщери и дщери дщерей его, и все семя свое введе во Египет. Genesis 46:8 Сия же имена сынов Израилевых вшедших во Египет купно со Иаковом отцем своим: Иаков и сынове его: первенец Иаковль Рувим. Genesis 46:9 Сынове же Рувимли: Енох и Фаллос, Асрон и Харми. Genesis 46:10 Сынове же Симеони: Иемуил и Иамин, и Аод и Ахин, и Саар и Саул, сын Хананитидин. Genesis 46:11 Сынове же Левиини: Гирсон, Кааф и Мерарий. Genesis 46:12 Сынове же Иудины: Ир и Авнан, и Силом и Фарес и Зара: умроша же Ир и Авнан в земли Ханаани. Быша же сынове Фаресу: Есром и Иемуил. Genesis 46:13 Сынове же Иссахаровы: Фола и Фуа, и Асум и Самвран. Genesis 46:14 Сынове же Завулони: Серед и Аллон и Ахоил. Genesis 46:15 Сии сынове Лиини, ихже роди Иакову в Месопотамии Сирстей, и Дину дщерь его: всех душ сынов и дщерей тридесять три. Genesis 46:16 Сынове же Гадовы: Сафон и Ангис, и Саннис и Фасован, и Аидис и Ароидис и Ареилис. Genesis 46:17 Сынове же Асировы: Иемна и Ессуа, и Иеул и Вариа, и Сара сестра их. Сынове же Вариины: Ховор и Мелхиил. Genesis 46:18 Сии сынове Зелфины, юже даде Лаван Лии, дщери своей, яже роди сих Иакову, шестьнадесять душ. Genesis 46:19 Сынове же Рахили, жены Иаковли: Иосиф и Вениамин. Genesis 46:20 Быша же сынове Иосифу в земли Египетстей, ихже роди ему Асенефа, дщи Петефриа жреца Илиопольска, Манассию и Ефрема. Быша же сынове Манассиины, ихже роди ему наложница Сира, Махира. Махир же роди Галаада. Сынове же Ефраима, брата Манассиина: Суталаам и Таам. Сынове же Суталаамли, Едом. Genesis 46:21 Сынове же Вениамини: Вала и Ховор и Асфил. Быша же сынове Валовы: Гира и Ноеман, и Анхис и Рос, и Мамфим и Офимим. Гира же роди Арада. Genesis 46:22 Сии сынове Рахилины, ихже роди Иакову, всех душ осмьнадесять. Genesis 46:23 Сынове же Дановы: Асом. Genesis 46:24 Сынове же Неффалимли: Асиил и Гони, и Иссаар и Селлим. Genesis 46:25 Сии сынове Валлины, юже даде Лаван Рахили дщери своей, яже роди сих Иакову: всех душ седмь. Genesis 46:26 Всех же душ вшедших со Иаковом во Египет, яже изыдоша из чресл его, кроме жен сынов Иаковлих, всех душ шестьдесят шесть. Genesis 46:27 Сынове же Иосифовы, иже быша ему в земли Египетстей, душ девять: всех душ дому Иаковля, яже приидоша со Иаковом во Египет, душ седмьдесят пять. Genesis 46:28 Иуду же посла пред собою ко Иосифу срести его у Иройска града в земли Рамессийстей. Genesis 46:29 Впряг же Иосиф колесницы своя, изыде во сретение Израилю, отцу своему, ко Ироону граду: и явився ему, нападе на выю его и плакася плачем великим. Genesis 46:30 И рече Израиль ко Иосифу: да умру отныне, понеже видех лице твое: еще бо ты еси жив. Genesis 46:31 Рече же Иосиф ко братии своей: шед повем фараону и реку ему: братия моя и дом отца моего, иже быша в земли Ханаани, приидоша ко мне: Genesis 46:32 они же суть мужие пастуси, мужие бо скотопитателие быша: и скоты, и волы, и вся своя приведоша: Genesis 46:33 аще убо призовет вас фараон и речет вам: что дело ваше есть? Genesis 46:34 Рцыте: мужие скотопитателие есмы, раби твои, издетска даже до ныне, и мы и отцы наши: да вселитеся в земли Гесем аравийстей: мерзость бо есть Египтяном всяк пастух овчий. Genesis 47:0 Genesis 47:1 Пришед же Иосиф, поведа фараону глаголя: отец мой и братия моя, и скоти и волове их, и вся сущая их приидоша из земли Ханаани: и се, суть в земли Гесем. Genesis 47:2 От братий же своих поя пять мужей и постави их пред фараоном. Genesis 47:3 И рече фараон к братиям Иосифовым: что дело ваше? Они же реша фараону: пастуси овчии, раби твои, и мы и отцы наши отдетска и доселе. Genesis 47:4 Рекоша же фараону: обитати в земли приидохом, несть бо пажити скотом раб твоих: одоле бо глад на земли Ханаани: ныне убо да вселимся раби твои в земли Гесем. Genesis 47:5 И рече фараон Иосифу, глаголя: отец твой и братия твоя приидоша к тебе: Genesis 47:6 се, земля Египетская пред тобою есть: на лучшей земли посели отца твоего и братию твою, да вселятся в земли Гесем: аще же веси, яко суть в них мужие сильнии, постави их старейшины скотом моим. (приидоша же во Египет ко Иосифу Иаков и сынове его: и услыша фараон царь Египетский). Genesis 47:7 Введе же Иосиф Иакова отца своего и постави его пред фараоном, и благослови Иаков фараона. Genesis 47:8 Рече же фараон ко Иакову: колико лет дний жития твоего? Genesis 47:9 И рече Иаков фараону: дние лет жития моего, яже обитаю, сто тридесять лет: малы и злы быша дние лет жития моего: не достигоша во дни лет жития отец моих, яже дни обиташа. Genesis 47:10 И благословив Иаков фараона, отиде от него. Genesis 47:11 И всели Иосиф отца своего и братию свою, и даде им обдержание в земли Египетстей, на лучшей земли, в земли Рамессийстей, якоже повеле фараон. Genesis 47:12 И деляше Иосиф пшеницу отцу своему и братии своей и всему дому отца своего по числу лиц. Genesis 47:13 Пшеницы же не бяше во всей земли, одоле бо глад зело: скончавашеся же земля Египетская и земля Ханааня от глада. Genesis 47:14 Собра же Иосиф все сребро обретшееся в земли Египетстей и в земли Ханаани, за пшеницу, юже куповаху, и размеряше им пшеницу, и внесе Иосиф все сребро в дом фараонов. Genesis 47:15 И оскуде все сребро от земли Египетския и от земли Ханаанския: приидоша же вси Египтяне ко Иосифу, глаголюще: даждь нам хлебы, и вскую умираем пред тобою? Скончася бо сребро наше. Genesis 47:16 Рече же им Иосиф: пригоните скоты вашя, и дам вам хлебы за скоты вашя, аще скончася сребро ваше. Genesis 47:17 Пригнаша же скоты своя ко Иосифу, и даде им Иосиф хлебы за кони и за овцы, и за волы и за ослы, и прекорми их хлебами за вся скоты их в том лете. Genesis 47:18 Прейде же то лето, и приидоша к нему во второе лето и рекоша ему: да не како погибнем от господина нашего? Аще бо скончася сребро наше, и имение и скоты пред тобою, господине, и не остася нам пред господином нашим, точию едино тело и земля наша: Genesis 47:19 да не умрем убо пред тобою, и земля опустеет, купи нас и землю нашу хлебами: и будем мы и земля наша раби фараону: даждь семя, да посеем и живи будем, и не умрем, и земля не опустеет. Genesis 47:20 И купи Иосиф всю землю Египетскую фараону: продаша бо Египтяне землю свою фараону, ибо одоле им глад: и бысть земля фараону. Genesis 47:21 И люди поработи ему в рабы, от края предел Египетских даже до краев, Genesis 47:22 кроме земли жреческия токмо, тоя бо не купи Иосиф: даянием бо даде в дар жерцем фараон, и ядяху даяние, еже даде им фараон: сего ради не продаша земли своея. Genesis 47:23 Рече же Иосиф всем Египтяном: се, купих вас и землю вашу днесь фараону: возмите себе семена и сейте на земли: Genesis 47:24 и будут плоды ея, и да дасте пятую часть фараону, четыри же части будут вам самем в семена земли и на препитание вам и всем сущым в домех ваших. Genesis 47:25 И рекоша: оживил ны еси, обретохом благодать пред господином нашим, и будем раби фараону. Genesis 47:26 И устави им Иосиф заповедь даже до сего дне на земли Египетстей пятую часть даяти фараону, кроме земли жреческия: та точию не бяше фараоня. Genesis 47:27 Вселися же Израиль в земли Египетстей, на земли Гесем, и наследствоваше ю: и возрастоша, и умножишася зело. Genesis 47:28 Поживе же Иаков в земли Египетстей седмьнадесять лет: и быша дние Иаковли лет жизни его, сто четыредесять седмь лет. Genesis 47:29 Приближишася же дние Израилю еже умрети, и призва сына своего Иосифа и рече ему: аще обретох благодать пред тобою, подложи руку твою под стегно мое и сотвориши надо мною милость и истину, еже не погребсти мене во Египте, Genesis 47:30 но да почию со отцы моими: и изнесеши мя из Египта, и погребеши мя во гробе их. Он же рече: аз сотворю по словеси твоему. Genesis 47:31 Рече же: кленися мне. И клятся ему. И поклонися Израиль на конец жезла его. Genesis 48:0 Genesis 48:1 Бысть же по глаголех сих, и поведано бысть Иосифу, яко отец твой изнемогает: и поим два сына своя, Манассию и Ефрема, прииде ко Иакову. Genesis 48:2 Поведаша же Иакову, глаголюще: се, сын твой Иосиф грядет к тебе. И укрепився Израиль седе на одре, Genesis 48:3 и рече Иаков ко Иосифу: Бог мой явися мне в Лузе, в земли Ханаани, и благослови мя Genesis 48:4 и рече ми: се, Аз возращу тя и умножу тя, и сотворю тя в собрания языков: и дам ти землю сию и семени твоему по тебе во одержание вечное. Genesis 48:5 Ныне убо два сына твоя, иже быша тебе в земли Египетстей прежде пришествия моего к тебе во Египет, мои суть: Ефрем и Манассиа, аки Рувим и Симеон будут мне: Genesis 48:6 сыны же, яже аще родиши по сих, будут тебе: во имя братии своея призовутся ко жребиям оных: Genesis 48:7 аз же егда идях от Месопотамии Сирския, умре Рахиль мати твоя в земли Ханаани, приближающуся ми ко ипподрому Хаврафы земли, еже приити во Ефрафу: и погребох ю на пути ипподрома: сей есть Вифлеем. Genesis 48:8 Видев же Израиль сыны Иосифовы, рече: что тебе сии? Genesis 48:9 Рече же Иосиф отцу своему: сынове мои суть, яже даде ми Бог зде. И рече Иаков: приведи ми я, да благословлю их. Genesis 48:10 Очи же Израилю тяжко видеста от старости, и не можаше видети: и приближи их к нему, и лобза их, и объят я. Genesis 48:11 И рече Израиль ко Иосифу: се, лица твоего не лишихся, и се, показа ми Бог и семя твое. Genesis 48:12 И отведе их Иосиф от колен его, и поклонишася ему лицем до земли. Genesis 48:13 Поим же Иосиф два сына своя, Ефрема в десницу, прямо левицы Израиля, Манассию же в левую, прямо десницы Израилевы, приближи их к нему. Genesis 48:14 Простер же Израиль руку десную, возложи на главу Ефремлю, сей же бяше менший, а левую на главу Манассиину, пременив руце, Genesis 48:15 и благослови я и рече: Бог, Емуже благоугодиша отцы мои пред ним, Авраам и Исаак, Бог, Иже питает мя измлада даже до дне сего, Genesis 48:16 Ангел, иже мя избавляет от всех зол, да благословит детища сия, и прозовется в них имя мое, и имя отец моих, Авраама и Исаака, и да умножатся во множество многое на земли. Genesis 48:17 Видев же Иосиф, яко возложи отец его руку десную свою на главу Ефремлю, тяжко ему явися: и прия Иосиф руку отца своего отяти ю от главы Ефремли на главу Манассиину, Genesis 48:18 и рече Иосиф отцу своему: не тако, отче: сей бо (есть) первенец, возложи руку десную твою на главу его. Genesis 48:19 И не хотяше, но рече: вем, чадо, вем: и сей будет в люди, и сей вознесется: но брат его менший болий его будет, и семя его будет во множество языков. Genesis 48:20 И благослови я в том дни, глаголя: в вас благословится Израиль, глаголюще: да сотворит тя Бог якоже Ефрема и яко Манассию. И постави Ефрема вышше Манассии. Genesis 48:21 Рече же Израиль Иосифу: се, аз умираю, и будет Бог с вами, и возвратит вас от земли сея на землю отец ваших: Genesis 48:22 аз же даю ти Сикиму избранную свыше братии твоея, юже взях из руки Аморрейски мечем моим и луком. Genesis 49:0 Genesis 49:1 Призва же Иаков сыны своя и рече им: соберитеся, да возвещу вам, что срящет вас в последния дни: Genesis 49:2 соберитеся и послушайте мене, сынове Иаковли, послушайте Израиля, послушайте отца вашего. Genesis 49:3 Рувим, первенец мой, ты крепость моя и начало чад моих: жесток терпети и жесток упорник: Genesis 49:4 досадил еси яко вода, да не воскипиши: возшел бо еси на ложе отца твоего, тогда осквернил еси постелю, идеже возшел еси. Genesis 49:5 Симеон и Левий братия совершиста обиду от воли своея: Genesis 49:6 в совет их да не приидет душа моя, и к собранию их да не прилепятся внутренняя моя: яко во гневе своем избиста человеки, и в похоти своей пререзаста жилы юнца: Genesis 49:7 проклята ярость их, яко упорна, и гнев их, яко ожесточися: разделю их во Иакове и разсею их во Израили. Genesis 49:8 Иудо, тебе похвалят братия твоя, руце твои на плещу враг твоих: поклонятся тебе сынове отца твоего: Genesis 49:9 скимен львов Иуда: от леторасли, сыне мой, возшел еси: возлег уснул еси яко лев и яко скимен: кто возбудит его? Genesis 49:10 Не оскудеет князь от Иуды и вождь от чресл его, дондеже приидут отложеная Ему, и Той чаяние языков: Genesis 49:11 привязуяй к лозе жребя свое и к винничию жребца осляте своего, исперет вином одежду свою и кровию гроздия одеяние свое: Genesis 49:12 радостотворны очи его паче вина, и белы зубы его паче млека. Genesis 49:13 Завулон при мори вселится, и той на пристанищи кораблей, и прострется даже до Сидона. Genesis 49:14 Иссахар доброе возжела, почивая посреде пределов, Genesis 49:15 и видев покой, яко добр, и землю, яко тучна, подложи рамы свои на труд, и бысть муж земледелец. Genesis 49:16 Дан судити имать люди своя, яко и едино племя во Израили, Genesis 49:17 и да будет Дан змий на пути, седяй на распутии, угрызая пяту конску: Genesis 49:18 и падет конник вспять, спасения ждый Господня. Genesis 49:19 Гад, искушение искусит его: он же искусит того при ногах. Genesis 49:20 Асир, тучен его хлеб, и той даст пищу князем. Genesis 49:21 Неффалим стебль распущающаяся, издаяй во отрасли доброту. Genesis 49:22 Сын возращен Иосиф, сын возращен мой ревностный, сын мой юнейший, ко мне обратися: Genesis 49:23 на негоже советующе укоряху и наляцаху нань господие стреляний, Genesis 49:24 и сотрошася с крепостию луки их, и разслабеша жилы мышцей рук их, рукою сильнаго Иакова: оттуду укрепися Израиль от Бога отца твоего, Genesis 49:25 и поможе тебе Бог мой, и благослови тя благословением небесным свыше и благословением земли и имущия вся: благословения ради сосцев и ложесн, Genesis 49:26 благословения отца твоего и матере твоея: преодоле паче благословения гор пребывающих и благословения холмов вечных: будут на главе Иосифове и на версе (главы) братий, имиже обладаше. Genesis 49:27 Вениамин волк хищник, рано яст еще и на вечер дает пищу. Genesis 49:28 Вси сии сынове Иаковли дванадесять: и сия глагола им отец их, и благослови их: коегождо по благословению его благослови их, Genesis 49:29 и рече им: аз прилагаюся к людем моим: погребите мя со отцы моими в пещере, яже есть в селе Ефрона Хеттеанина, Genesis 49:30 в пещере Сугубей, яже прямо Мамврии в земли Ханаани, юже стяжа Авраам пещеру у Ефрона Хеттеанина в стяжание гроба. Genesis 49:31 Тамо погребоша Авраама и Сарру жену его, тамо погребоша Исаака и Ревекку жену его, тамо погребоша Лию, Genesis 49:32 в стяжании села и пещеры, яже есть в нем у сынов Хеттеовых. Genesis 49:33 И преста Иаков завещая сыном своим, и возложив Иаков нозе свои на одр умре, и приложися к людем своим. Genesis 50:0 Genesis 50:1 И припад Иосиф на лице отца своего, плакася (горько) о нем и облобыза его: Genesis 50:2 и повеле Иосиф рабом своим погребателем погребсти отца своего. И погребоша погребателие Израиля. Genesis 50:3 И исполнишася ему четыредесять дний: тако бо исчисляются дние погребения: и плакася его Египет седмьдесят дний. Genesis 50:4 Егда же преидоша дние плача, глагола Иосиф ко вельможам фараоновым, глаголя: аще обретох благодать пред вами, рцыте о мне во ушы фараону, глаголюще: Genesis 50:5 отец мой закля мя прежде скончания (своего), глаголя: во гробе, егоже ископах себе в земли Ханаани, тамо мя погреби: ныне убо возшед погребу отца моего и возвращуся. И рекоша фараону по словеси Иосифову. Genesis 50:6 И рече фараон ко Иосифу: взыди, погреби отца твоего, якоже закля тя. Genesis 50:7 И взыде Иосиф погребсти отца своего. И совзыдоша с ним вси раби фараони и старейшины дому его, и вси старейшины земли Египетския, Genesis 50:8 и весь дом Иосифов и братия его, и весь дом отца его и сродницы его: овцы же и волы оставиша в земли Гесем. Genesis 50:9 И совзыдоша с ним и колесницы и конницы, и бысть полк велик зело. Genesis 50:10 И приидоша на Гумно Атадово, еже есть об он пол Иордана, и рыдаша его рыданием велиим и крепким зело: и сотвори плачь отцу своему седмь дний. Genesis 50:11 И видеша жителие земли Ханаанския плачь на Гумне Атадове и реша: плачь велик сей есть Египтяном. Сего ради наречеся имя месту тому плачь Египетск, еже есть об он пол Иордана. Genesis 50:12 И сотвориша ему тако сынове его, якоже заповеда им. Genesis 50:13 И взяша его сынове его в землю Ханааню и погребоша его в пещере Сугубей, юже стяжа Авраам пещеру в стяжание гроба от Ефрона Хеттеанина, прямо Мамврии. Genesis 50:14 И возвратися Иосиф во Египет, сам и братия его и вси совозшедшии погребсти отца его. Genesis 50:15 Видевше же братия Иосифовы, яко умре отец их, реша: да не когда воспомянет злобу нашу Иосиф и воздаянием воздаст нам за вся злая, яже показахом ему. Genesis 50:16 И пришедше ко Иосифу рекоша: отец твой закля прежде кончины своея, глаголя: Genesis 50:17 тако рцыте Иосифу: остави им неправду и грех их, яко лукавая тебе показаша: и ныне приими неправду рабов Бога отца твоего. И плакася Иосиф, глаголющим им к нему. Genesis 50:18 И пришедше к нему рекоша: се, мы тебе раби. Genesis 50:19 И рече к ним Иосиф: не бойтеся, Божий бо есмь аз: Genesis 50:20 вы совещасте на мя злая, Бог же совеща о мне благая, дабы было якоже днесь, и препиталися бы людие мнози. Genesis 50:21 И рече им: не бойтеся, аз препитаю вас и домы вашя. И утеши их, и глагола им по сердцу их. Genesis 50:22 И вселися Иосиф во Египте сам и братия его и весь дом отца его: и поживе Иосиф лет сто десять. Genesis 50:23 И виде Иосиф Ефремли дети до третияго рода: и сынове Махира сына Манассиина родишася при бедрех Иосифовых. Genesis 50:24 И рече Иосиф братии своей, глаголя: аз умираю, посещением же посетит вас Бог и изведет вас от земли сея в землю, о нейже клятся Бог отцем нашым Аврааму, Исааку и Иакову. Genesis 50:25 И закля Иосиф сыны Израилевы, глаголя: в посещении, имже посетит вас Бог, совознесите и кости моя отсюду с вами. Genesis 50:26 И скончася Иосиф сый лет ста десяти: и погребоша его, и положиша в раце во Египте.
Exodus 0:0
Исход Exodus 1:0 Exodus 1:1 Сия имена сынов Израилевых, входящих во Египет вкупе со Иаковом отцем их, кийждо со всем домом своим внидоша: Exodus 1:2 Рувим, Симеон, Левий, Иуда, Exodus 1:3 Иссахар, Завулон и Вениамин, Exodus 1:4 Дан и Неффалим, Гад и Асир: Иосиф же бяше во Египте. Exodus 1:5 Бяше же всех душ изшедших из Иакова седмьдесят пять. Exodus 1:6 Умре же Иосиф, и вся братия его, и весь род оный: Exodus 1:7 сынове же Израилевы возрастоша и умножишася, и мнози быша и укрепишася зело зело: умножи же их земля. Exodus 1:8 Воста же царь ин во Египте, иже не знаше Иосифа, Exodus 1:9 рече же языку своему: се, род сынов Израилевых великое множество и укрепляется паче нас: Exodus 1:10 приидите убо, прехитрим их, да не когда умножатся: и егда аще приключится нам брань, приложатся и сии к супостатом, и одолевше нам изыдут из земли (нашея). Exodus 1:11 И пристави над ними приставники дел, да озлобят их в делех. И создаша грады тверды фараону: Пифо, и Рамесси, и он, иже есть Илиополь. Exodus 1:12 По елику же их смиряху, толико множайшии бываху и укрепляхуся зело зело. И гнушахуся Египтяне сынми Израилевыми, Exodus 1:13 и насилие творяху Египтяне сыном Израилевым нуждею, Exodus 1:14 и болезненну тем жизнь творяху в делех жестоких брением и плинфоделанием, и всеми делы, яже в полях, во всех делех, имиже порабощаху их с нуждею. Exodus 1:15 И рече царь Египетский бабам Еврейским: единей их имя Сепфора и имя вторей Фуа, Exodus 1:16 и рече (им): егда бабите Евреаныням, и суть к рождению, аще убо мужеский пол будет, убивайте его: аще же женский, снабдевайте его. Exodus 1:17 Убояшася же бабы Бога, и не сотвориша, якоже повеле им царь Египетский, и живляху мужеский пол. Exodus 1:18 Призва же царь Египетский бабы и рече им: что яко сотвористе вещь сию, и оживляете мужеский пол? Exodus 1:19 Рекоша же бабы фараону: не яко жены Египтяныни, тако и жены Евреаныни: раждают бо прежде неже внити к ним бабам, и раждаху. Exodus 1:20 Благо же творяше Бог бабам, и множахуся людие и укрепляхуся зело. Exodus 1:21 И понеже бояхуся бабы Бога, сотвориша себе жилища. Exodus 1:22 Заповеда же фараон всем людем своим, глаголя: всяк мужеский пол, иже родится Евреом, в реку ввергайте, и всяк женский пол снабдевайте и жив. Exodus 2:0 Exodus 2:1 Бяше же некто от племене Левиина, иже поя от дщерей Левииных, и имяше ю: Exodus 2:2 и зача во чреве и роди мужеский пол. Видевше же его лепа, крыша его три месяцы: Exodus 2:3 и понеже не можаху его ктому крыти, взя ему мати его ковчежец ситовый и помаза и клеем и смолою, и вложи отроча в него, и положи его в лучице при реце: Exodus 2:4 и наблюдаше сестра его издалеча, да уведает, что будет ему. Exodus 2:5 Сниде же дщерь фараонова измытися на реку, и рабыни ея прохождаху при реце. И видевши ковчежец в лучице, пославши рабыню, взя и. Exodus 2:6 Отверзши же, видит отроча плачущееся в ковчежце, и пощаде е дщерь фараоня, и рече: от детей Еврейских сие. Exodus 2:7 И рече сестра его дщери фараонове: хощеши ли, призову ти жену кормилицу от Еврей, и воздоит ти отроча? Exodus 2:8 И рече ей дщерь фараонова: иди. Шедши же отроковица, призва матерь отрочате. Exodus 2:9 Рече же к ней дщерь фараонова: соблюди ми отроча сие и воздой ми е: аз же дам ти мзду. Взя же отроча жена и дояше е. Exodus 2:10 Возмужавшу же отрочати, введе е ко дщери фараонове, и бысть ей в сына, и нарече имя ему Моисей, глаголющи: от воды взях его. Exodus 2:11 Бысть же во дни многия оны, велик быв Моисей, изыде к братиям своим, сыном Израилевым. Разумев же болезнь их, виде человека Египтянина биюща некоего Евреанина от братии его сынов Израилевых. Exodus 2:12 Обозревся же семо и овамо, ни когоже виде: и поразив Египтянина, скры его в песце. Exodus 2:13 Изшед же во вторый день, виде два мужа Евреанина биющася и глагола обидящему: чесо ради ты биеши искренняго? Exodus 2:14 Он же рече: кто тя постави князя и судию над нами? Еда убити мя ты хощеши, имже образом убил еси вчера Египтянина? Убояся же Моисей и рече: аще сице явлен бысть глагол сей? Exodus 2:15 Услыша же фараон глагол сей и искаше убити Моисеа. Отиде же Моисей от лица фараонова и вселися в земли Мадиамстей: пришед же в землю Мадиамскую седе при кладязе. Exodus 2:16 Священнику же Мадиамскому беша седмь дщерей, пасущих овцы отца своего Иофора: пришедшя же черпаху, дондеже наполниша корыта, напоити овцы отца своего Иофора. Exodus 2:17 Пришедше же пастырие изгнаша я. Востав же Моисей избави их, и налия им и напои овцы их. Exodus 2:18 Приидоша же к Рагуилу отцу своему. Он же рече им: что яко ускористе приити днесь? Exodus 2:19 Оныя же рекоша: человек Египтянин избави нас от пастырей, и начерпа нам и напои овцы нашя. Exodus 2:20 Он же рече дщерем своим: и где есть? И вскую сице остависте человека? Призовите убо его, да яст хлеб. Exodus 2:21 Вселися же Моисей у человека: и даде Сепфору дщерь свою Моисею в жену. Exodus 2:22 Во чреве же заченши жена роди сына, и нарече Моисей имя ему Гирсам, глаголя: яко пришлец есмь в земли чуждей. Еще же заченши роди сына втораго, и нарече имя ему Елиезер, глаголя: Бог бо отца моего помощник мой и избави мя из руки фараоновы. Exodus 2:23 По днех же многих тех, умре царь Египетский, и возстенаша сынове Израилевы от дел и возопиша, и взыде вопль их к Богу от дел. Exodus 2:24 И услыша Бог стенание их: и помяну Бог завет Свой иже ко Аврааму и Исааку и Иакову, Exodus 2:25 и призре Бог на сыны Израилевы, и познан бысть ими. Exodus 3:0 Exodus 3:1 Моисей же бяше пасый овцы Иофора тестя своего, священника Мадиамска: и гнаше овцы в пустыню, и прииде в гору Божию Хорив. Exodus 3:2 Явися же ему Ангел Господнь в пламени огненне из купины: и видит, яко купина горит огнем, купина же не сгараше. Exodus 3:3 Рече же Моисей: мимошед увижду видение великое сие, яко не сгарает купина. Exodus 3:4 Егда же виде Господь, яко приступает видети, воззва его Господь из купины, глаголя: Моисее, Моисее. Он же рече: что есть, Господи? Exodus 3:5 Он же рече: не приближайся семо: изуй сапоги от ног твоих: место бо, на немже ты стоиши, земля свята есть. Exodus 3:6 И рече ему: Аз есмь Бог отца твоего, Бог Авраамов и Бог Исааков и Бог Иаковль. Отврати же Моисей лице свое: благоговеяше бо воззрети пред Бога. Exodus 3:7 Рече же Господь к Моисею: видя видех озлобление людий Моих, иже во Египте, и вопль их услышах от дел приставников: уведех болезнь их, Exodus 3:8 и снидох изяти их от руку Египетску, и извести я из земли тоя, и ввести их в землю благу и многу, в землю кипящую млеком и медом, в место Хананейско и Хеттейско, и Аморрейско и Ферезейско, и Гергесейско и Евейско и Иевусейско: Exodus 3:9 и се, ныне вопль сынов Израилевых прииде ко Мне, и Аз видех тугу, еюже Египтяне стужают им: Exodus 3:10 и ныне гряди, да послю тя к фараону царю Египетскому, и изведеши люди Моя, сыны Израилевы из земли Египетския. Exodus 3:11 И рече Моисей к Богу: кто есмь аз, яко да пойду к фараону царю Египетскому, и яко да изведу сыны Израилевы от земли Египетския? Exodus 3:12 Рече же Бог к Моисею, глаголя: яко буду с тобою: и сие тебе знамение, яко Аз тя посылаю: внегда извести тебе люди Моя из Египта, и помолитеся Богу в горе сей. Exodus 3:13 И рече Моисей к Богу: се, аз пойду к сыном Израилевым и реку к ним: Бог отец наших посла мя к вам: и аще вопросят мя, что имя Ему, что реку к ним? Exodus 3:14 И рече Бог к Моисею, глаголя: Аз есмь Сый. И рече: тако речеши сыном Израилевым: Сый посла мя к вам. Exodus 3:15 И рече Бог паки к Моисею: тако речеши сыном Израилевым: Господь Бог отец наших, Бог Авраамов и Бог Исааков и Бог Иаковль, посла мя к вам: сие Мое есть имя вечное и память родов родом: Exodus 3:16 пришед убо собери старцы сынов Израилевых и рцы к ним: Господь Бог отец наших явися мне, Бог Авраамов и Бог Исааков и Бог Иаковль, глаголя: присещением присетих вас, и елика случишася вам во Египте: Exodus 3:17 и рече: изведу вас от озлобления Египетскаго в землю Хананейску и Хеттейску, и Аморрейску и Ферезейску, и Гергесейску и Евейску и Иевусейску, в землю кипящую млеком и медом: Exodus 3:18 и послушают гласа твоего, и внидеши ты и старейшины Израилевы к фараону царю Египетскому, и речеши к нему: Господь Бог Еврейский воззва нас: да пойдем убо путем трех дний в пустыню, да пожрем Господу Богу нашему: Exodus 3:19 Аз же вем, яко не отпустит вас фараон царь Египетский пойти, аще не рукою крепкою: Exodus 3:20 и простер руку Мою, поражу Египтяны всеми чудесы Моими, яже сотворю в них: и по сих отпустит вы, Exodus 3:21 и дам благодать людем сим пред Египтяны: егда же пойдете, не отидете тщы: Exodus 3:22 но да испросит жена от соседы и подруги своея сосуды сребряны и златы, и ризы: и украсите сыны вашя и дщери вашя, и оберите Египтян. Exodus 4:0 Exodus 4:1 Отвеща же Моисей и рече: аще не уверуют ми, ниже послушают гласа моего, рекут бо, яко не явися тебе Бог, что реку к ним? Exodus 4:2 И рече к нему Господь: что сие есть в руце твоей? Он же рече: жезл. Exodus 4:3 И рече: поверзи его на землю. И верже и на землю, и бысть змий: и отбеже Моисей от него. Exodus 4:4 И рече Господь к Моисею: простри руку и ими за хвост. Простер убо руку, взя за хвост, и бысть жезл в руце его. Exodus 4:5 Да уверуют ти, яко явися тебе Господь Бог отец твоих, Бог Авраамов и Бог Исааков и Бог Иаковль. Exodus 4:6 Рече же ему Господь паки: вложи руку твою в недро твое. И вложи руку в недро свое, и изят ю от недра своего, и бысть рука его прокажена яко снег. Exodus 4:7 И рече паки ему Господь: вложи руку твою в недро твое. И вложи руку свою в недро свое, и изят ю от недра своего, и бысть паки в румянстве плоти своея. Exodus 4:8 Аще же не уверуют тебе, ниже послушают гласа знамения перваго, уверуют тебе ради гласа знамения втораго: Exodus 4:9 и будет аще не уверуют тебе двема знамениями сими, ниже послушают гласа твоего, да возмеши от воды речныя, и пролиеши на сухо: и будет вода, юже возмеши от реки, кровию на сусе. Exodus 4:10 Рече же Моисей ко Господу: молюся ти, Господи: недоброречив есмь прежде вчерашняго и третияго дне, ниже отнележе начал еси глаголати рабу Твоему: худогласен и косноязычен аз есмь. Exodus 4:11 И рече Господь к Моисею: кто даде уста человеку? И кто сотвори нема и глуха, и видяща и слепа? Не Аз ли Господь Бог? Exodus 4:12 И ныне иди, и Аз отверзу уста твоя и устрою тебе, еже имаши глаголати. Exodus 4:13 Рече же Моисей: молюся ти, Господи, избери могуща иного, егоже послеши. Exodus 4:14 И разгневався яростию Господь на Моисеа, рече: не се ли брат твой Аарон Левитин? Вем, яко глаголя возглаголет он вместо тебе: и се, той изыдет во сретение тебе, и узрев тя, возрадуется в себе: Exodus 4:15 и речеши к нему, и вдаси словеса Моя во уста его: Аз же отверзу уста твоя и уста его, и устрою вам яже имате творити: Exodus 4:16 и той возглаголет от тебе к людем, и той будет уста твоя: ты же будеши ему в тех, яже к Богу: Exodus 4:17 и жезл сей обращенный в змию, возми в руку твою, сим сотвориши знамения. Exodus 4:18 Пойде же Моисей, и возвратися ко Иофору тестю своему и рече: пойду и возвращуся ко братии моей, иже во Египте, и увижду, аще еще живи суть. И рече Иофор к Моисею: иди здрав. По днех же оных многих, умре царь Египетский. Exodus 4:19 И рече Господь к Моисею в земли Мадиамстей: иди, отиди во Египет: измроша бо вси ищущии души твоея. Exodus 4:20 Поим же Моисей жену свою и отрочата, всади я на ослята, и возвратися во Египет. И взя Моисей жезл, иже от Бога, в руку свою. Exodus 4:21 Рече же Господь к Моисею: идущу тебе и возвращающуся во Египет, зри вся чудеса, яже дах в руце твои, да сотвориши Я пред фараоном: Аз же ожесточу сердце его, и не отпустит людий: Exodus 4:22 ты же возглаголеши фараону: сия глаголет Господь Бог Еврейский: сын Мой первенец Израиль: Exodus 4:23 рех же тебе: отпусти люди Моя, да Ми послужат: аще убо не хощеши отпустити их, блюди убо, Аз убию сына твоего первенца. Exodus 4:24 Бысть же на пути на стану, срете его Ангел Господнь и искаше его убити. Exodus 4:25 И вземши Сепфора камень, обреза конечную плоть сына своего, и припаде к ногам его и рече: ста кровь обрезания сына моего. Exodus 4:26 И отиде от него Ангел, занеже рече: ста кровь обрезания сына моего. Exodus 4:27 Рече же Господь ко Аарону: изыди во сретение Моисею в пустыню. И иде, и срете его в горе Божии: и целовастася оба. Exodus 4:28 И поведа Моисей Аарону вся словеса Господня, яже посла, и вся знамения, яже заповеда ему. Exodus 4:29 Иде же Моисей и Аарон, и собраша вся старцы сынов Израилевых: Exodus 4:30 и глагола им Аарон вся словеса сия, яже глагола Бог к Моисею: и сотвори знамения пред людьми. Exodus 4:31 И вероваша людие, и возрадовашася, яко посети Бог сыны Израилевы и яко призре на их скорбение: и преклоншеся людие поклонишася. Exodus 5:0 Exodus 5:1 И по сих вниде Моисей и Аарон к фараону и реша ему: сия глаголет Господь Бог Израилев: отпусти люди Моя, да праздник сотворят Мне в пустыни. Exodus 5:2 Рече же фараон: кто есть, Егоже послушаю гласа, яко отпустити имам сыны Израилевы? Не вем Господа, и Израиля не отпущу. Exodus 5:3 И глаголют ему: Бог Еврейский призва нас: пойдем убо путем трех дний в пустыню, да пожрем Господу Богу нашему, да не когда случится нам смерть или убийство. Exodus 5:4 И рече им царь Египетский: вскую, Моисей и Аарон, развращаете люди моя от дел их? Идите кийждо вас на дела своя. Exodus 5:5 И рече фараон: се, ныне умножишася людие сии на земли: убо не дадим почити им от дел. Exodus 5:6 Заповеда же фараон приставником дел людских и книгочиям, глаголя: Exodus 5:7 не ктому приложите даяти плев людем к плинфоделанию, якоже вчера и третияго дне: но сами да идут и собирают плевы себе: Exodus 5:8 и урок плинфоделания, еже они творят, на кийждо день наложите им: не уемлите ничтоже: праздни бо суть: сего ради возопиша, глаголюще: да пойдем, и пожрем Богу нашему: Exodus 5:9 да отягчатся дела людий сих, и да пекутся о них, и не помыслят о словесех суетных. Exodus 5:10 Понуждаху же их приставницы и книгочия и глаголаху людем, рекуще: сия глаголет фараон: не ктому даю вам плев: Exodus 5:11 сами вы шедше собирайте себе плевы, идеже аще обрящете: ибо не будет уято от урока вашего ничтоже. Exodus 5:12 И разыдошася людие по всей земли Египетстей собирати тростие на плевы. Exodus 5:13 Приставницы же понуждаху их, глаголюще: совершайте дела ваша урочная на всяк день, якоже и егда плевы даяхом вам. Exodus 5:14 И биени быша книгочия рода сынов Израилевых, иже быша приставлени над ними от приставников фараоновых, глаголюще: почто не совершисте урока вашего плинфеннаго, якоже вчера и третияго дне, такожде и днесь? Exodus 5:15 Вшедше же книгочия сынов Израилевых, возопиша к фараону, глаголюще: почто ты тако твориши рабом твоим? Exodus 5:16 Плев не дают рабом твоим, и плинфы нам глаголют творити: и се, раби твои мучими суть: обидиши убо людий твоих. Exodus 5:17 И рече им: праздни, праздни есте: сего ради глаголете: да идем, пожрем Богу нашему: Exodus 5:18 ныне убо шедше делайте плев бо не дам вам, урок же делания плинфеннаго да отдаете. Exodus 5:19 Видяху же книгочии сынов Израилевых себе во злых, глаголюще: не оставите плинфоделания урочнаго дню. Exodus 5:20 Сретоша же Моисеа и Аарона, идущих во сретение им, исходящым им от фараона, Exodus 5:21 и реша им: да видит Бог и судит вам, яко огнусисте дух ваш пред фараоном и пред рабы его, дати мечь в руки его убити нас. Exodus 5:22 Возвратися же Моисей ко Господу и рече: молютися, Господи, почто озлобил еси люди сия? И вскую послал еси мя? Exodus 5:23 И отнележе внидох к фараону, глаголати Твоим именем, (он) озлоби люди сия, и не избавил еси людий Твоих. Exodus 6:0 Exodus 6:1 И рече Господь к Моисею: се, узриши, что сотворю фараону: рукою бо крепкою отпустит их и мышцею высокою изженет их от земли своея. Exodus 6:2 Глагола же Бог к Моисею и рече ему: Аз Господь, Exodus 6:3 и явихся Аврааму, и Исааку, и Иакову, Бог Сый их, и имене Моего Господь не явих им: Exodus 6:4 и поставих завет Мой с ними, яко дати им землю Ханаанску, землю пришелствия их, на нейже и обитаху: Exodus 6:5 Аз же услышах стенание сынов Израилевых, имже Египтяне поработиша их, и помянух завет Мой: Exodus 6:6 иди, рцы сыном Израилевым глаголя: Аз Господь, и изведу вас от насилия Египетска, и избавлю вас от работы (их), и отиму вас мышцею высокою и судом великим, Exodus 6:7 и прииму вы Себе в люди, и буду вам Бог: и уразумеете, яко Аз Господь Бог ваш, изведый вас от земли Египетския и от насилия Египетска: Exodus 6:8 и введу вас в землю, на нюже прострох руку Мою, дати ю Аврааму и Исааку и Иакову: и дам ю вам в наследие, Аз Господь. Exodus 6:9 Глагола же Моисей тако сыном Израилевым, и не послушаша Моисеа от малодушия и от дел жестоких. Exodus 6:10 Рече же Господь к Моисею, глаголя: Exodus 6:11 вниди, глаголи фараону царю Египетскому, да отпустит сыны Израилевы из земли своея. Exodus 6:12 Рече же Моисей пред Господем глаголя: се, сынове Израилевы не послушаша мене, и како послушает мене фараон? Аз же несловесен есмь. Exodus 6:13 Рече же Господь к Моисею и Аарону и завеща им внити к фараону царю Египетскому, да отпустит сыны Израилевы от земли Египетския. Exodus 6:14 И сии старейшины домов отечеств их: сынове Рувима, первенца Израилева, Енох и Фаллос, Асрон и Харми: сие племя Рувимово. Exodus 6:15 Сынове же Симеоновы: Иемуил и Иамин, и Аод и Ахин, и Саар и Саул, иже от Финиссины: сия рождения сынов Симеоновых. Exodus 6:16 И сия имена сынов Левииных по сродством их: Гирсон, Кааф и Мерари: лет же жития Левиина сто тридесять седмь. Exodus 6:17 Сии же сынове Гирсони: Ловени и Семей: домове рождения их. Exodus 6:18 Сынове же Каафовы: Амврам и Иссаар, Хеврон и Озиил: лет же жития Каафова сто тридесять три. Exodus 6:19 Сынове же Мерарины: Мооли и Омуси: сии домове рождения Левиина по сродством их. Exodus 6:20 И поя Амврам Иохаведу, дщерь брата отца своего, себе в жену, и роди ему Аарона и Моисеа и Мариамь сестру их: лет же жития Амврамова сто тридесять седмь. Exodus 6:21 Сынове же Иссааровы: Коре и Нафек и Зехри. Exodus 6:22 Сынове же Озииловы: Мисаил и Елисафан и Сегри. Exodus 6:23 Поя же Аарон Елисавету, дщерь Аминадавову, сестру Наассонову, себе в жену, и роди ему Надава и Авиуда, и Елеазара и Ифамара. Exodus 6:24 Сынове же Кореовы: Асир и Елкана и Авиасар: сия рождения Кореова. Exodus 6:25 И Елеазар, сын Ааронов, поя от дщерей Футииловых себе в жену, и роди ему Финееса: сия старейшинства отечества левитска по сродством их. Exodus 6:26 Сей Аарон и Моисей, имже рече Бог извести сыны Израилевы из земли Египетския с силою их. Exodus 6:27 Сии суть, иже глаголаста к фараону царю Египетскому, еже извести сыны Израилевы от земли Египетския: сей Аарон и Моисей, Exodus 6:28 в оньже день глагола Господь к Моисею в земли Египетстей. Exodus 6:29 И рече Господь к Моисею глаголя: Аз Господь: глаголи к фараону царю Египетскому, елика Аз глаголю к тебе. Exodus 6:30 И рече Моисей пред Господем: се, аз худогласен есмь, и како послушает мене фараон? Exodus 7:0 Exodus 7:1 И рече Господь к Моисею, глаголя: се, дах тя Бога фараону, и Аарон брат твой будет твой пророк: Exodus 7:2 ты же возглаголеши ему вся, елика тебе заповедаю: Аарон же брат твой возглаголет к фараону, да отпустит сыны Израилевы от земли своея: Exodus 7:3 Аз же ожесточу сердце фараоново и умножу знамения Моя и чудеса в земли Египетстей: Exodus 7:4 и не послушает вас фараон, и возложу руку Мою на Египет и изведу с силою Моею люди Моя сыны Израилевы от земли Египетския, со отмщением великим: Exodus 7:5 и уведят вси Египтяне, яко Аз есмь Господь, простирая руку Мою на Египет, и изведу сыны Израилевы от среды их. Exodus 7:6 Сотвори же Моисей и Аарон, якоже заповеда им Господь, тако сотвориша. Exodus 7:7 Моисей же бе осмидесяти лет, Аарон же брат его осмидесяти трех лет, егда глаголаста к фараону. Exodus 7:8 И рече Господь к Моисею и Аарону глаголя: Exodus 7:9 и аще речет к вам фараон, глаголя: дадите нам знамение или чудо: и речеши Аарону брату твоему: возми жезл и повержи на землю пред фараоном и пред рабы его, и будет змий. Exodus 7:10 Вниде же Моисей и Аарон пред фараона и пред рабы его, и сотвориша тако, якоже заповеда им Господь: и поверже Аарон жезл пред фараоном и пред рабы его, и бысть змий. Exodus 7:11 Созва же фараон мудрецы Египетския и волхвы: и сотвориша и волсви египетскии чарованиями своими такожде: Exodus 7:12 и повергоша кийждо жезл свой, и быша змиеве: и пожре жезл Ааронов оных жезлы. Exodus 7:13 И укрепися сердце фараоне, и не послуша их, якоже глагола им Господь. Exodus 7:14 И рече Господь к Моисею: отягчися сердце фараоне, еже не отпустити людий: Exodus 7:15 иди к фараону заутра: се, той исходит на воды, и буди сретая его на брезе речнем: и жезл обращейся в змия возми в руку твою, Exodus 7:16 и речеши к нему: Господь Бог Еврейский посла мя к тебе, глаголя: отпусти люди Моя, да Ми послужат в пустыни: и се, не послушал еси доселе: Exodus 7:17 сия глаголет Господь: по сему увеси, яко Аз Господь: се, аз ударю жезлом, иже в руце моей, по воде речней, и преложится в кровь: Exodus 7:18 и рыбы, яже в реце изомрут, и возсмердится река, и не возмогут Египтяне пити воды от реки. Exodus 7:19 Рече же Господь к Моисею: рцы Аарону брату твоему: возми жезл твой в руку твою, и простри руку твою на воды Египетския и на реки их и на кладязи их и на езера их и на всякое собрание вод их, и будет кровь, и бысть кровь по всей земли Египетстей, в древесех же и в камениих. Exodus 7:20 И сотвориша тако Моисей и Аарон, якоже заповеда им Господь: и взем Аарон жезл свой, удари воду речную пред фараоном и пред рабы его, и преложи всю воду речную в кровь: Exodus 7:21 и рыбы яже в реце изомроша, и возсмердеся река, и не можаху Египтяне пити воды от реки, и бяше кровь по всей земли Египетстей. Exodus 7:22 Сотвориша же и волсви Египетстии волхвованиями своими такожде: и ожесточися сердце фараоново, и не послуша их, якоже рече Господь. Exodus 7:23 Возвратився же фараон вниде в дом свой, и не положи себе и сего во уме. Exodus 7:24 Ископаша же вси Египтяне окрест реки, да пиют воду: и не можаху пити воды от реки. Exodus 7:25 И исполнишася седмь дний, по ударении Господни в реку. Exodus 8:0 Exodus 8:1 И рече Господь к Моисею: вниди к фараону и речеши к нему: сия глаголет Господь: отпусти люди Моя, да Ми послужат: Exodus 8:2 аще же не хощеши ты отпустити, се, Аз побиваю вся пределы твоя жабами: Exodus 8:3 и изрыгнет река жабы, и излезшя внидут в домы твоя и в клети ложниц твоих, и на постели твоя и в домы рабов твоих и людий твоих, и в теста твоя и в пещы твоя, Exodus 8:4 и на тя и на рабы твоя и на люди твоя возлезут жабы. Exodus 8:5 Рече же Господь к Моисею: рцы Аарону брату твоему: простри рукою твоею жезл твой на реки и на кладязи и на езера, и изведи жабы на землю Египетскую. Exodus 8:6 И простре Аарон руку на воды Египетския и изведе жабы: и излезоша жабы и покрыша землю Египетскую. Exodus 8:7 Сотвориша же и волсви Египетстии волхвованиями своими такожде и изведоша жабы на землю Египетскую. Exodus 8:8 Призва же фараон Моисеа и Аарона и рече: помолитеся о мне ко Господу, да отженет от мене жабы и от людий моих: и отпущу люди, и пожрут Господви. Exodus 8:9 Рече же Моисей к фараону: определи мне, когда помолюся о тебе и о рабех твоих и о людех твоих, да погибнут жабы от тебе и от людий твоих и от домов ваших, точию в реце да останутся. Exodus 8:10 Он же рече: заутра. Рече убо: якоже рекл еси, да увеси, яко несть иного разве Господа: Exodus 8:11 и отженутся жабы от тебе и от домов ваших и от сел, и от рабов твоих и от людий твоих, точию в реце останутся. Exodus 8:12 Изыде же Моисей и Аарон от фараона, и возопи Моисей ко Господу о определении жаб, якоже совеща с фараоном. Exodus 8:13 Сотвори же Господь, якоже рече Моисей: и изомроша жабы от домов и от сел и от нив их: Exodus 8:14 и собраша я в стоги стоги, и возсмердеся земля. Exodus 8:15 Видев же фараон, яко бысть отрада, отяготися сердце его, и не послуша их, якоже рече Господь. Exodus 8:16 И рече Господь к Моисею: рцы Аарону: простри рукою жезл твой и удари в персть земную, и будут скнипы в человецех и в скотех, и на фараоне и на доме его и рабех его, и весь песок земный станет скнипами во всей земли Египетстей. Exodus 8:17 Простре убо Аарон рукою жезл и удари в персть земную: и быша скнипы в человецех и в скотех, и во всякой персти земной быша скнипы во всей земли Египетстей. Exodus 8:18 Твориша же и волсви волхвованми своими такожде извести скнипы, и не возмогоша: и быша скнипы в человецех и скотех. Exodus 8:19 Реша убо волсви фараону: перст Божий есть сие. И ожесточися сердце фараоново, и не послуша их, якоже рече Господь. Exodus 8:20 Рече же Господь к Моисею: востани заутра и стани пред фараоном, и се, он изыдет на воду, и речеши ему: сия глаголет Господь: отпусти люди Моя, да Ми послужат в пустыни: Exodus 8:21 аще же не хощеши отпустити людий Моих, се, Аз посылаю на тя и на рабы твоя, и на люди твоя и на домы вашя песия мухи: и наполнятся домове Египетстии песиих мух и в земли, на нейже суть: Exodus 8:22 и прославлю в той день землю Гесемску, на нейже людие Мои сташа, на нейже не будет тамо песиих мух, да увеси, яко Аз есмь Господь, Бог всея земли: Exodus 8:23 и положу разлучение между людьми Моими и людьми твоими: во утрии же будет знамение сие на земли. Exodus 8:24 Сотвори же Господь тако: и прииде песиих мух множество в домы фараоновы и в домы рабов его и во всю землю Египетску, и погибе земля от песиих мух. Exodus 8:25 Воззва же фараон Моисеа и Аарона, глаголя: шедше пожрите жертву Господу Богу вашему в земли сей. Exodus 8:26 И рече Моисей: не может се тако быти, хулно бо се Египтяном: не положим требу Господу Богу нашему: аще бо положим требу по хулению Египетску пред ними, камением побиют ны: Exodus 8:27 путем триех дний пойдем в пустыню и пожрем Господу Богу нашему, якоже рече Господь нам. Exodus 8:28 И рече фараон: аз отпущаю вы, и пожрите Господу Богу вашему в пустыни: но не далече простирайтеся ити: помолитеся убо и о мне ко Господу. Exodus 8:29 Рече же Моисей: се, аз изыду от тебе и помолюся ко Господу Богу, и отидут песия мухи от тебе и от рабов твоих и от людий твоих заутра: да не приложиши еще, фараоне, прельстити, еже не отпустити людий пожрети Господу. Exodus 8:30 Изыде же Моисей от фараона и помолися Богу. Exodus 8:31 Сотвори же Господь, якоже рече Моисей, и отя песия мухи от фараона и от рабов его и от людий его, и не остася ни едина. Exodus 8:32 И отяготи фараон сердце свое и во время сие, и не восхоте отпустити людий. Exodus 9:0 Exodus 9:1 Рече же Господь к Моисею: вниди к фараону и речеши ему: сия глаголет Господь Бог Еврейский: отпусти люди Моя, да послужат Мне: Exodus 9:2 аще убо не восхощеши отпустити людий Моих, но и еще их удержиши: Exodus 9:3 се, рука Господня будет на скоты твоя в полях и на кони, и на ослы и на велблюды, и на говяда и на овцы, смерть велика зело: Exodus 9:4 и дивна сотворю Аз во время оно между скоты Египетскими и между скоты сынов Израилевых: и не умрет от всех скотов сынов Израилевых ни едино. Exodus 9:5 И даде Бог предел глаголя: во утрие сотворит Господь глаголгол сей на земли. Exodus 9:6 И сотвори Господь глаголгол сей на утрии, и измре весь скот Египетский: от скота же сынов Израилевых не умре ни едино. Exodus 9:7 Видев же фараон, яко не умре от всех скотов сынов Израилевых ни едино, отягчися сердце фараону, и не отпусти людий. Exodus 9:8 Рече же Господь к Моисею и Аарону, глаголя: возмите вы полны руце пепела пещнаго, и да разсыплет Моисей к небеси пред фараоном и пред рабы его: Exodus 9:9 и да будет прах по всей земли Египетстей, и будут на человецех и на скотех гнойнии струпи, горящии на человецех и на скотех по всей земли Египетстей. Exodus 9:10 И взя пепел пещный пред фараоном, и разсыпа его Моисей к небеси: и быша гнойнии струпи, горящии на человецех и на скотех, Exodus 9:11 и не можаху волсви стояти пред Моисеом струпов ради: быша бо струпи на волсвех и на всей земли Египетстей. Exodus 9:12 Ожесточи же Господь сердце фараоново, и не послуша их, якоже повеле Господь Моисею. Exodus 9:13 И рече Господь к Моисею: востани заутра и стани пред фараоном, и рцы к нему: сице глаголет Господь Бог Еврейский: отпусти люди Моя, да послужат Мне: Exodus 9:14 в сей бо час Аз испущу вся казни Моя в сердце твое и рабов твоих и людий твоих: да увеси, яко несть ин, якоже Аз, во всей земли: Exodus 9:15 ныне бо пустив руку Мою, поражу тя и люди твоя умерщвлю, и потребишися от земли: Exodus 9:16 и сего ради пощаден еси доселе, да покажу на тебе крепость Мою, и яко да проповестся имя Мое по всей земли: Exodus 9:17 еще ли убо ты востаеши на людий Моих, еже не отпустити их? Exodus 9:18 Се, Аз одождю в сей же час заутра град мног зело, яков не бяше во Египте, от негоже дне создася, даже до дне сего: Exodus 9:19 ныне убо потщися собрати скот твой, и елика ти суть на поли: вси бо человецы и скоти, елицы аще обрящутся на полях и не внидут в дом, падет же на ня град, измрут. Exodus 9:20 Иже убояся слова Господня от рабов фараоновых, собра скоты своя в домы: Exodus 9:21 а иже не вня мыслию слову Господню, остави скоты на полях. Exodus 9:22 Рече же Господь к Моисею: простри руку твою на небо, и будет град по всей земли Египетстей, на человеки и на скоты и на всю траву земную. Exodus 9:23 Простре же Моисей руку на небо, и Господь даде громы и град, и течаше огнь по земли, и одожди Господь град по всей земли Египетстей: Exodus 9:24 бяше же град и огнь горящь со градом, град же мног зело зело, яков не бысть во Египте, отнележе быша люди в нем. Exodus 9:25 Порази же град во всей земли Египетстей от человека до скота, и всяку траву яже на поли порази град, и вся древа яже на полях сотре град: Exodus 9:26 токмо в земли Гесемстей, идеже бяху сынове Израилевы, не бысть град. Exodus 9:27 Послав же фараон, призва Моисеа и Аарона и рече им: согреших ныне: Господь праведен аз же и людие мои нечестиви: Exodus 9:28 помолитеся убо о мне ко Господу, и да престанут быти громи Божии и град и огнь на земли, и отпущу вы, и ктому не приложите медлити. Exodus 9:29 Рече же ему Моисей: егда изыду из града, простру руце мои на небо ко Господу, и громи престанут, и град и дождь не будет ктому, да увеси, яко Господня есть земля: Exodus 9:30 ты же и раби твои, вем, яко еще не убоястеся Господа. Exodus 9:31 Лен же и ячмень побит есть, ячмень бо испущаше класы, а лен семя: Exodus 9:32 пшеница же и жито не побиты, поздны бо бяху. Exodus 9:33 Изыде же Моисей от фараона из града и простре руце свои ко Господу, и громове престаша, и град и дождь не укану на землю ктому. Exodus 9:34 Видев же фараон, яко преста дождь и град и громи, приложи согрешати еще, и отягчи сердце свое и рабов своих: Exodus 9:35 и ожесточися сердце фараоново и рабов его, и не отпусти сынов Израилевых, якоже глагола Господь к Моисею. Exodus 10:0 Exodus 10:1 Рече же Господь к Моисею глаголя: вниди к фараону: Аз бо ожесточих сердце его и рабов его, да и еще приидут знамения сия на них: Exodus 10:2 яко да повесте во ушеса чад ваших и чадом чад ваших, елико наругахся Египтяном, и знамения Моя, яже сотворих в них, и увесте, яко Аз Господь. Exodus 10:3 Вниде же Моисей и Аарон пред фараона и реста ему: сия глаголет Господь Бог Еврейский: доколе не хощеши усрамитися Мене? Отпусти люди Моя, да послужат Ми: Exodus 10:4 аще же не хощеши ты отпустити люди Моя, се, Аз наведу в сей час заутра пруги многи на вся пределы твоя, Exodus 10:5 и покрыют лице земли, и не возможеши видети земли, и поядят весь останок земли оставшийся, егоже остави вам град, и изядят всяко древо растущее вам на земли: Exodus 10:6 и наполнятся домове твои и домове рабов твоих, и вси домове по всей земли Египетстей: ихже никогдаже видеша отцы твои, ни прадеды их, от негоже дне быша на земли, даже до дне сего. И уклонився Моисей, изыде от фараона. Exodus 10:7 Рекоша же раби фараоновы к нему: доколе нам сия будет мука? Отпусти люди, да послужат Господу Богу своему: или видети хощеши, яко погибнет Египет? Exodus 10:8 И возвратиша Моисеа и Аарона пред фараона, и рече им фараон: идите и послужите Господу Богу вашему: кто же и кто суть идущии? Exodus 10:9 И рече Моисей: с юнотами нашими и с старцы пойдем, с сынми и дщерьми, и со овцами и волами нашими: будет бо праздник Господа Бога нашего. Exodus 10:10 И рече им фараон: да будет тако, Господь с вами: якоже отпущаю вас, еда и стяжание ваше? Видите, яко лукавство обретается в вас: Exodus 10:11 не тако: но да идут мужие и да послужат Богу: сего бо сами просите. И изгнаша их от лица фараонова. Exodus 10:12 Рече же Господь Моисею: простри руку твою на землю Египетскую, и да взыдут прузи на землю Египетскую, и снедят всю траву земную и весь плод древесный, егоже остави град. Exodus 10:13 И воздвиже Моисей жезл на небо, Господь же наведе ветр южный на землю во весь той день и во всю нощь: утро бысть, и ветр южный взя пруги, Exodus 10:14 и наведе я на всю землю Египетскую: и нападоша на вся пределы Египетския мнози зело: прежде сих не быша сицевии прузи, и по сих не будут тако, Exodus 10:15 и покрыша лице земное, и истле земля: и снедоша всю траву земную и весь плод древесный, иже остася от града: не остася зелено ничтоже на древех и во всей траве польней, по всей земли Египетстей. Exodus 10:16 Потщася же фараон призвати Моисеа и Аарона, глаголя: согреших пред Господем Богом вашим и к вам: Exodus 10:17 простите убо мой грех еще ныне и помолитеся Господу Богу вашему, да отимет от мене смерть сию. Exodus 10:18 Изыде же Моисей от фараона и помолися ко Господу: Exodus 10:19 и премени Господь от моря ветр велик и взя пруги, и вверже их в море Чермное: и не остася ни един пруг на всей земли Египетстей. Exodus 10:20 И ожесточи Господь сердце фараоново, и не отпусти сынов Израилевых. Exodus 10:21 Рече же Господь Моисею: простри руку твою на небо, и да будет тма по земли Египетстей, осязаемая тма. Exodus 10:22 Простре же Моисей руку свою на небо, и бысть тма, мрак, буря по всей земли Египетстей три дни: Exodus 10:23 и не виде никтоже брата своего три дни, и не воста никтоже от одра своего три дни, всем же сыном Израилевым бяше свет во всех (жилищах), в нихже пребываху. Exodus 10:24 И призва фараон Моисеа и Аарона, глаголя: идите, послужите Господу Богу вашему: токмо овцы и волы оставите: стяжание же ваше да идет с вами. Exodus 10:25 И рече Моисей: ни: но и ты нам даси всесожжения и жертвы, яже сотворим Господу Богу нашему: Exodus 10:26 и скот наш пойдет с нами, не оставим и копыта: от них бо возмем на службу Господу Богу нашему: мы же не вемы, чим послужим Господу Богу нашему, дондеже дойдем тамо. Exodus 10:27 Ожесточи же Господь сердце фараоново, и не восхоте отпустити их: Exodus 10:28 и рече ему фараон: отиди от мене, внемли себе ктому, да не приложиши видети лица моего: в оньже бо день аще явишися мне, умреши. Exodus 10:29 Рече же Моисей: якоже рекл еси, ктому не явлюся пред лицем твоим. Exodus 11:0 Exodus 11:1 Рече же Господь к Моисею: еще едину язву Аз наведу на фараона и на Египет, и по сих отпустит вы отсюду: егда же отпустит вы со всем, изженет вас изгнанием: Exodus 11:2 глаголи убо отай во ушы людем, и да испросит кийждо у соседа, и жена у соседы своея сосуды сребряны и златы, и ризы. Exodus 11:3 Господь же даде благодать людем Своим пред Египтяны, и даша им. Человек же Моисей велик бысть зело пред Египтяны и пред фараоном, и пред рабы его и пред очима всех людий. Exodus 11:4 И рече Моисей: сия глаголет Господь: в полунощи Аз вниду посреде Египта. Exodus 11:5 И измрет всяк первенец в земли Египетстей, от первенца фараонова, иже седит на престоле, и даже до первенца рабыни, яже у жернов, и до первенца всякаго скота: Exodus 11:6 и будет вопль велик по всей земли Египетстей, яков не бе, и таков ктому не будет. Exodus 11:7 Во всех же сынех Израилевых не поскомлет пес языком своим, от человека до скота: да узриши елико прославится Господь между Египтяны и сынми Израилевыми: Exodus 11:8 и приидут вси отроцы твои сии ко мне и поклонятся мне, глаголюще: отиди ты, и вси людие твои, ихже ты отводиши: и по сих отиду. Изыде же Моисей от фараона со гневом. Exodus 11:9 И рече Господь к Моисею: не послушает вас фараон, да умножая умножу знамения Моя и чудеса в земли Египетстей. Exodus 11:10 Моисей же и Аарон сотвориша вся знамения и чудеса сия пред фараоном: и ожесточи Господь сердце фараоново, и не восхоте отпустити сынов Израилевых от земли Египетския. Exodus 12:0 Exodus 12:1 Рече же Господь к Моисею и Аарону в земли Египетстей, глаголя: Exodus 12:2 месяц сей вам начало месяцей, первый будет вам в месяцех лета: Exodus 12:3 рцы ко всему сонму сынов Израилевых, глаголя: в десятый месяца сего да возмет кийждо овча по домом отечеств, кийждо овча по дому: Exodus 12:4 аще же мало их есть в дому, яко не доволным быти на овча, да возмет с собою соседа ближняго своего по числу душ: кийждо доволное себе сочтет на овча: Exodus 12:5 овча совершенно, мужеск пол, непорочно и единолетно будет вам, от агнец и от козлищ приимете: Exodus 12:6 и будет вам соблюдено даже до четвертагонадесять дне месяца сего: и заколют то все множество собора сынов Израилевых к вечеру, Exodus 12:7 и приимут от крове и помажут на обою подвою и на прагах в домех, в нихже снедят тое, Exodus 12:8 и снедят мяса в нощи той печена огнем и опресноки с горьким зелием снедят: Exodus 12:9 не снесте от них сурово, ниже варено в воде, но печеное огнем, главу с ногами и со утробою: Exodus 12:10 не оставите от него до утрия и кости не сокрушите от него, останки же от него до утра огнем сожжете: Exodus 12:11 сице же снесте е: чресла ваша препоясана, и сапози ваши на ногах ваших, и жезлы ваши в руках ваших, и снесте е со тщанием: Пасха есть Господня: Exodus 12:12 и пройду землю Египетскую сея нощи, и убию всякаго первенца в земли Египетстей, от человека до скота, и во всех бозех Египетских сотворю отмщение: Аз Господь: Exodus 12:13 и будет кровь вам в знамение на домех, в нихже вы будете тамо, и узрю кровь и покрыю вы, и не будет в вас язвы, еже погибнути, егда поражу землю Египетскую: Exodus 12:14 и будет вам день сей в память, и празднуйте той праздник Господу во вся роды вашя: законно вечно празднуйте его: Exodus 12:15 седмь дний опресноки ядите, от перваго же дне измите квас из домов ваших: всяк, иже снесть кисло, погибнет душа та от Израиля, от дне перваго даже до дне седмаго: Exodus 12:16 и первый день наречется свят, и седмый день нарочит свят да будет вам: всякаго дела работна да не сотворите в них, разве елика (снести) сотворятся всякой души, сия точию да сотворятся вам: Exodus 12:17 и сохраните заповедь сию: в сей бо день изведу силу вашу от земли Египетския: и сотворите день сей в роды вашя, законно вечно: Exodus 12:18 начинающе в четвертыйнадесять день перваго месяца, с вечера да снесте опресноки, до двадесять перваго дне месяца, до вечера: Exodus 12:19 седмь дний квас да не явится в домех ваших: всяк, иже аще снесть квасно, погубится душа та от сонма сынов Израилевых и в пришелцех и в жителех тоя земли: Exodus 12:20 всякаго кваснаго да не ясте, во всех же домех ваших да ясте опресноки. Exodus 12:21 Созва же Моисей вся старцы сынов Израилевых и рече им: шедше поимите себе овча по сродством вашым и пожрите пасху: Exodus 12:22 возмите же кисть иссопа, и омочивше в кровь, яже близ дверий, помажите праги, и на обою подвою, от крове, яже есть близ дверий: вы же да не изыдете кийждо из дверий дому своего до заутрия: Exodus 12:23 и мимо пройдет Господь избити Египтяны, и узрит кровь на празе и на обою подвою, и минет Господь двери, и не попустит погубляющему внити в домы вашя убивати: Exodus 12:24 и сохраните слово сие законно себе и сыном вашым до века: Exodus 12:25 аще же внидете в землю, юже даст Господь вам, якоже глагола, сохраните служение сие, Exodus 12:26 и будет егда возглаголют вам сынове ваши: что есть служение сие? Exodus 12:27 И рцыте им: жертва пасха сия Господу, Иже покры домы сынов Израилевых во Египте, егда поби Египтяны, домы же нашя избави. И преклоншеся людие поклонишася. Exodus 12:28 И отшедше сотвориша сынове Израилевы, якоже заповеда Господь Моисею и Аарону, тако сотвориша. Exodus 12:29 Бысть же в полунощи, и Господь порази всякаго первенца в земли Египетстей, от первенца фараонова седящаго на престоле, до первенца пленницы, яже в рове, и до первенца всякаго скотска. Exodus 12:30 Воста же фараон нощию, и вси раби его, и вси Египтяне, и бысть вопль велик по всей земли Египетстей, ибо не бысть дом, в немже не бе мертвеца. Exodus 12:31 И призва фараон Моисеа и Аарона в нощи и рече им: востаните и отидите от людий моих, и вы, и сынове Израилевы: идите и послужите Господу Богу вашему, якоже глаголете: Exodus 12:32 и овцы и говяда вашя поимше идите, благословите же и мене. Exodus 12:33 И нуждаху Египтяне людий со тщанием изринути их от земли: рекоша бо, яко вси мы измрем. Exodus 12:34 Взяша же людие муку свою прежде вскисения теста своего, и ввязавше в ризы, (возложиша) на рамы своя. Exodus 12:35 Сынове же Израилевы сотвориша, якоже заповеда им Моисей: и испросиша от Египтян сосуды сребряны и златы, и ризы: Exodus 12:36 и даде Господь благодать людем Своим пред Египтяны: и даша им, и обраша Египтян. Exodus 12:37 Воздвигошася же сынове Израилевы от Рамессы в Сокхоф до шести сот тысящ пеших мужей, кроме домочадства: Exodus 12:38 и пришелцы мнози изыдоша с ними, и овцы, и волы, и скоти мнози зело. Exodus 12:39 И испекоша тесто, еже изнесоша из Египта, опресноки не кислы, не вскисоша бо: ибо изгнаша их Египтяне, и не возмогоша помедлити, ниже брашна сотвориша себе на путь. Exodus 12:40 Обитания же сынов Израилевых, иже обиташа в земли Египетстей и в земли Ханаани сии и отцы их, лет четыреста тридесять. Exodus 12:41 И бысть по четырех стех и тридесяти летех, изыде вся сила Господня от земли Египетския в нощи. Exodus 12:42 Стражба есть Господу, еже извести их от земли Египетския: оная нощь самая стражба Господу, яко всем сыном Израилевым быти в роды их. Exodus 12:43 И рече Господь к Моисею и Аарону: сей закон Пасхи: всяк иноплеменник да не яст от нея, Exodus 12:44 и всякаго раба или купленаго обрежеши его, и тогда да яст от нея: Exodus 12:45 пришлец или наемник да не яст от нея: Exodus 12:46 в дому единем да снестся: не оставите от мяс на утрие, и не изнесите мяс вон из дому, и кости не сокрушите от него: Exodus 12:47 весь сонм сынов Израилевых сотворит сие: Exodus 12:48 аще же кто приидет пришлец к вам сотворити Пасху Господню, обрежеши его всяк мужеский пол, и тогда приступит сотворити ю, и будет аки житель земли тоя: всяк же необрезаный да не яст от нея: Exodus 12:49 закон един да будет тоя земли жителю и пришелцу пришедшему в вас. Exodus 12:50 И сотвориша сынове Израилевы, якоже заповеда Господь Моисею и Аарону, тако сотвориша. Exodus 12:51 И бысть в день он, изведе Господь сыны Израилевы от земли Египетския с силою их. Exodus 13:0 Exodus 13:1 И рече Господь к Моисею глаголя: Exodus 13:2 освяти Ми всякаго первенца перворожденнаго, разверзающаго всякая ложесна в сынех Израилевых от человека до скота, яко Мне есть. Exodus 13:3 Рече же Моисей к людем: помните день сей, в оньже изыдосте от земли Египетския, из дому работы: рукою бо крепкою изведе вас Господь отсюду: и не ядите квасна, Exodus 13:4 понеже в днешний день исходите в месяце плодов новых: Exodus 13:5 и будет, егда введет тя Господь Бог твой в землю Хананейску и Хеттейску, и Аморрейску и Евейску, и Иевусейску и Гергесейску и Ферезейску, еюже клятся ко отцем твоим, дати тебе землю точащую млеко и мед, и сотвориши службу сию сего месяца: Exodus 13:6 шесть дний ядите опресноки, в седмый же день праздник Господу, Exodus 13:7 опресноки ядите седмь дний: да не явится тебе квасное, ниже будет тебе квас во всех пределех твоих, Exodus 13:8 и возвестиши сыну твоему в день он, глаголя: сего ради сотворил Господь Бог мне, егда исхождах из Египта: Exodus 13:9 и будет тебе знамение на руце твоей, и воспоминание пред очима твоима, яко да будет закон Господнь во устех твоих, рукою бо крепкою изведе тя Господь Бог из Египта: Exodus 13:10 и сохраните закон сей по временом уставленым, от дний до дний, Exodus 13:11 и будет егда введет тя Господь Бог твой в землю Хананейску, якоже кляся отцем твоим, и даст ю тебе: Exodus 13:12 и отлучиши всякое разверзающее ложесна, мужеск пол Господу: всякое разверзающее ложесна от стад или от скот твоих, елика будут тебе, мужеск пол освятиши Господу: Exodus 13:13 всякое разверзающее утробу ослю премениши овцею: аще же не премениши, искупиши е: и всякаго первенца человеча сынов твоих да искупиши: Exodus 13:14 аще же вопросит тя сын твой по сих, глаголя: что сие? И речеши ему: яко рукою крепкою изведе нас Господь из земли Египетския, из дому работы, Exodus 13:15 егда бо ожесточися фараон отпустити нас, изби Господь всякаго первенца в земли Египетстей, от первенца человеча до первенца скотия: сего ради аз в жертву приношу всякое разверзающее ложесна, мужеск пол Господу, и всякаго первенца сынов моих искуплю, Exodus 13:16 и будет в знамение на руце твоей, и непоколебимо пред очесы твоими: рукою бо крепкою изведе тя Господь из Египта. Exodus 13:17 Егда же отпусти фараон люди, не поведе их Бог путем земли Филистимския, яко близ бяше, ибо рече Бог: да не когда раскаются людие, видевше рать, и возвратятся во Египет. Exodus 13:18 И обведе Бог люди путем, иже в пустыню к Чермному морю. Пятаго же рода изыдоша сынове Израилевы от земли Египетския. Exodus 13:19 И взя Моисей кости Иосифовы с собою: клятвою бо закля Иосиф сыны Израилевы, глаголя: присещением присетит вас Господь, и изнесете отсюду кости моя с собою. Exodus 13:20 Воздвигшеся же сынове Израилевы от Сокхофа, ополчишася во Офоме при пустыни. Exodus 13:21 Бог же вождаше их, в день убо столпом облачным, показати им путь, нощию же столпом огненным, светити им: Exodus 13:22 и не оскуде столп облачный во дни и столп огненный нощию пред всеми людьми. Exodus 14:0 Exodus 14:1 И рече Господь к Моисею глаголя: Exodus 14:2 рцы сыном Израилевым, и обратившеся да ополчатся прямо придворию, между Магдолом и между Морем, прямо Веельсепфону: пред ними ополчишися при мори: Exodus 14:3 и речет фараон людем своим о сынех Израилевых: заблуждают сии по земли, затвори бо их пустыня: Exodus 14:4 Аз же ожесточу сердце фараоново, и поженет созади их, и прославлюся в фараоне и во всем воинстве его: и уразумеют вси Египтяне, яко Аз есмь Господь. И сотвориша тако. Exodus 14:5 И возвещено бысть царю Египетскому, яко бежаша людие, и превратися сердце фараоново и рабов его на люди, и рекоша: что сие сотворихом, отпустивше сыны Израилевы, да не работают нам? Exodus 14:6 Впряже убо фараон колесницы своя, и вся люди своя собра с собою: Exodus 14:7 и поят шесть сот колесниц избранных, и вся кони Египетския, и тристаты над всеми. Exodus 14:8 И ожесточи Господь сердце фараона царя Египетскаго и рабов его, и погна созади сынов Израилевых. Сынове же Израилевы исхождаху рукою высокою. Exodus 14:9 И погнаша Египтяне вслед их, и обретоша их ополчившихся при мори: и вся кони и колесницы фараоновы, и конницы, и воинство его прямо придворию, противу Веельсепфона. Exodus 14:10 И фараон приближашеся. Воззревше же сынове Израилевы очима, видеша: и се, Египтяне ополчишася вслед их: и убояшася зело, и возопиша сынове Израилевы ко Господу Exodus 14:11 и рекоша к Моисею: за еже не быти гробом во Египте, извел еси нас умертвити в пустыни: что сие сотворил еси нам, извед нас из Египта? Exodus 14:12 Не сей ли бяше глагол, егоже рекохом к тебе во Египте, глаголюще: остави нас, да работаем Египтяном: лучше бо бяше нам работати Египтяном, нежели умрети в пустыни сей. Exodus 14:13 Рече же Моисей к людем: дерзайте, стойте и зрите спасение еже от Господа, еже сотворит нам днесь: имже бо образом видесте Египтян днесь, не приложите ктому видети их в вечное время: Exodus 14:14 Господь поборет по вас, вы же умолкните. Exodus 14:15 И рече Господь к Моисею: что вопиеши ко Мне? Рцы сыном Израилевым, и да путешествуют, Exodus 14:16 ты же возми жезл твой и простри руку твою на море, и расторгни е: и да внидут сынове Израилевы посреде моря по суху: Exodus 14:17 и се, Аз ожесточу сердце фараоново и всех Египтян, и внидут вслед их: и прославлюся в фараоне и во всем воинстве его, и в колесницах и в конех его, Exodus 14:18 и уведят вси Египтяне, яко Аз есмь Господь, егда прославляюся в фараоне и в колесницах и в конех его. Exodus 14:19 Взятся же Ангел Божий ходяй пред полком сынов Израилевых и пойде созади их, взятся же и столп облачный от лица их и ста созади их. Exodus 14:20 И вниде посреде полка Египетска и посреде полка сынов Израилевых и ста: и бысть тма и мрак, и прииде нощь, и не смесишася друг с другом во всю нощь. Exodus 14:21 Простре же Моисей руку на море, и возгна Господь море ветром южным сильным всю нощь, и сотвори море сушу, и разступися вода. Exodus 14:22 И внидоша сынове Израилевы посреде моря по суху, и вода им стена бысть одесную и стена ошуюю. Exodus 14:23 Погнаша же Египтяне и внидоша вслед их, и всяк конь фараонов, и колесницы, и всадники посреде моря. Exodus 14:24 Бысть же в стражу утреннюю, и воззре Господь на полк Египетский в столпе огненнем и облачнем, и смяте полк Египетский, Exodus 14:25 и связа оси колесниц их, и ведяше их с нуждею. И рекоша Египтяне: бежим от лица Израилева, Господь бо поборает по них на Египтяны. Exodus 14:26 И рече Господь к Моисею: простри руку твою на море, и да совокупится вода и да покрыет Египтяны, колесницы же и всадники. Exodus 14:27 Простре же Моисей руку на море, и устроися вода ко дню на место: Египтяне же бежаша под водою, и истрясе Господь Египтяны посреде моря: Exodus 14:28 и обратившися вода покры колесницы и всадники и всю силу фараонову, вшедши вслед их в море: и не оста от них ни един. Exodus 14:29 Сынове же Израилевы проидоша по суху посреде моря: вода же им стена (бысть) одесную и стена ошуюю, Exodus 14:30 и избави Господь Израиля в день он из руки Египетския: и видеша сынове Израилевы Египтян измерших при краи моря. Exodus 14:31 Виде же Израиль руку великую, яже сотвори Господь Египтяном, и убояшася людие Господа и вероваша Богу и Моисею угоднику Его. Тогда воспе Моисей и сынове Израилевы песнь сию Господви, и рекоша глаголюще: Exodus 15:0 Exodus 15:1 Поим Господви, славно бо прославися: коня и всадника вверже в море: Exodus 15:2 Помощник и Покровитель бысть мне во спасение: Сей мой Бог и прославлю Его, Бог отца моего и вознесу Его: Exodus 15:3 Господь сокрушаяй брани, Господь имя Ему, Exodus 15:4 колесницы фараоновы и силу его вверже в море, избранныя всадники тристаты потопи в Чермнем мори, Exodus 15:5 пучиною покры их, погрязоша во глубине яко камень: Exodus 15:6 десница Твоя, Господи, прославися в крепости, десная Твоя рука, Господи, сокруши враги: Exodus 15:7 и множеством славы Твоея стерл еси сопротивных, послал еси гнев Твой, пояде я яко стеблие, Exodus 15:8 и духом ярости Твоея разступися вода: огустеша яко стена воды, огустеша и волны посреде моря: Exodus 15:9 рече враг: гнав постигну, разделю корысть, исполню душу мою, убию мечем моим, господствовати будет рука моя: Exodus 15:10 послал еси духа Твоего, покры я море, погрязоша яко олово в воде зелней: Exodus 15:11 кто подобен Тебе в бозех, Господи, кто подобен Тебе? Прославлен во святых, дивен в славе, Творяй чудеса: Exodus 15:12 простерл еси десницу Свою, пожре я земля, Exodus 15:13 наставил еси правдою Твоею люди Твоя сия, яже избавил еси, утешил еси крепостию Твоею во обитель святую Твою: Exodus 15:14 слышаша языцы и прогневашася, болезни прияша живущии в Филистиме: Exodus 15:15 тогда потщашася владыцы Едомстии и князи Моавитстии, прият я трепет: растаяша вси живущии в Ханаане: Exodus 15:16 да нападет на ня страх и трепет: величием мышцы Твоея да окаменятся, дондеже пройдут людие Твои, Господи, дондеже пройдут людие Твои сии, яже стяжал еси: Exodus 15:17 введ насади я в гору достояния Твоего, в готовое жилище Твое, еже соделал еси, Господи, святыню, Господи, юже уготовасте руце Твои: Exodus 15:18 Господь царствуяй веки, и на век, и еще: Exodus 15:19 егда вниде конница фараонова с колесницами и всадники в море, и наведе на них Господь воду морскую: сынове же Израилевы проидоша сушею посреде моря. Exodus 15:20 Взя же Мариам пророчица, сестра Ааронова, тимпан в руце свои, и изыдоша вся жены вслед ея со тимпаны и лики: Exodus 15:21 преднача же им Мариам, глаголющи: поим Господви, славно бо прославися: коня и всадника вверже в море. Exodus 15:22 Поят же Моисей сыны Израилевы от моря Чермнаго и веде их в пустыню Сур: и идяху три дни в пустыни, и не обретаху воды пити. Exodus 15:23 Приидоша же в Мерру, и не можаху пити воды от Мерры, горька бо бе: сего ради наречеся имя месту тому Горесть. Exodus 15:24 И роптаху людие на Моисеа, глаголюще: что пием? Exodus 15:25 Возопи же Моисей ко Господу, и показа ему Господь древо, и вложи е в воду, и усладися вода: тамо положи ему оправдания и судбы, и тамо его искуси, Exodus 15:26 и рече: аще слухом услышиши глас Господа Бога твоего, и угодная пред ним сотвориши, и внушиши заповедем Его, и сохраниши вся оправдания Его: всяку болезнь, юже наведох Египтяном, не наведу на тя: Аз бо есмь Господь Бог твой исцеляяй тя. Exodus 15:27 И приидоша во Елим, и бяху тамо дванадесять источников вод, и седмьдесят стеблий финиковых: и ополчишася тамо при водах. Exodus 16:0 Exodus 16:1 Воздвигошася же от Елима, и прииде весь сонм сынов Израилевых в пустыню Син, яже есть между Елимом и между Синою. В пятый же надесять день втораго месяца изшедшым им от земли Египетския, Exodus 16:2 возропта весь сонм сынов Израилевых на Моисеа и Аарона, Exodus 16:3 и рекоша к ним сынове Израилевы: о дабы быхом измерли мы уязвени от Господа в земли Египетстей, егда седяхом над котлы мясными и ядохом хлебы до сытости: яко изведосте ны в пустыню сию уморити весь сонм сей гладом. Exodus 16:4 Рече же Господь к Моисею: се, Аз одождю вам хлебы с небесе: и изыдут людие, и соберут доволное дню, на (всяк) день, яко да искушу их, аще пойдут в законе Моем, или ни. Exodus 16:5 И будет в день шестый, и уготовят, еже внесут, и да будет сугубо, еже собираша на всяк день. Exodus 16:6 Рече же Моисей и Аарон ко всему сонму сынов Израилевых: в вечер (сей) увесте, яко Господь изведе вы от земли Египетския, Exodus 16:7 и заутра узрите славу Господню, внегда услышати Господу роптание ваше на Бога: мы же что есмы, яко ропщете на ны? Exodus 16:8 И рече Моисей: егда даст Господь вам в вечер мяса ясти и хлебы заутра до сытости, понеже услыша Господь роптание ваше, имже ропщете на ны: мы же что есмы? Не на нас бо роптание ваше, но точию на Бога. Exodus 16:9 И рече Моисей ко Аарону: глаголи ко всему сонму сынов Израилевых: приидите пред Бога, услыша бо роптание ваше. Exodus 16:10 Егда же глаголаше Аарон всему сонму сынов Израилевых, и обратишася в пустыню, и слава Господня явися во облаце, Exodus 16:11 и рече Господь к Моисею глаголя: Exodus 16:12 слышах роптание сынов Израилевых: рцы к ним глаголя: к вечеру да снесте мяса и заутра насытитеся хлебов, и увесте, яко Аз есмь Господь Бог ваш. Exodus 16:13 Бысть же вечер, и приидоша крастели и покрыша полк. Заутра же бысть спадшей росе около полка, Exodus 16:14 и се, на лицы пустыни мелко яко кориандр, бело аки лед на земли. Exodus 16:15 Узревше же то сынове Израилевы, реша друг ко другу: что есть сие? Не ведяху бо, что бяше. Рече же Моисей к ним: сей хлеб, егоже даде Господь вам ясти: Exodus 16:16 сей глаголгол, егоже завеща Господь: соберите от него кийждо на домашния, гомор поглавно по числу душ ваших, кийждо вас с домашними своими соберите. Exodus 16:17 И сотвориша тако сынове Израилевы, и собраша ов много, ов же мало: Exodus 16:18 и измеривше гомором, не преизбыточествова иже много, и иже мало, не мнее прият: кийждо на домашних своих собраша. Exodus 16:19 И рече Моисей к ним: никтоже да оставит на утрие от него. Exodus 16:20 И не послушаша Моисеа, но оставиша нецыи от него на утрие, и воскипе червми и возсмердеся. И оскорбися на них Моисей. Exodus 16:21 И собираша оное рано рано, кийждо надлежащее себе: егда же огреваше солнце, растаяваше. Exodus 16:22 Бысть же в день шестый, собраша потребное сугубо, два гомора комуждо. Приидоша же вси князи сонма и поведаша Моисею. Exodus 16:23 Рече же Моисей к ним: сие слово есть, еже глагола Господь: суббота покой свят Господу заутра: елика аще печете, пецыте, и елика аще варите, варите, все же избыточное оставите в скрове на утрие. Exodus 16:24 И оставиша от того до утрия, якоже заповеда им Моисей: и не возсмердеся, ниже червь бысть в нем. Exodus 16:25 Рече же Моисей: ядите днесь, есть бо суббота покой Господу: днесь не обрящете на поли: Exodus 16:26 шесть дний собирайте, в седмый же день суббота: яко не будет в нем. Exodus 16:27 Бысть же в седмый день, изыдоша нецыи от людий собирати, и не обретоша. Exodus 16:28 Рече же Господь Моисеови: доколе не хощете послушати заповедий Моих и закона Моего? Exodus 16:29 Зрите: Господь бо даде вам субботу день сей: сего ради Той даде вам в день шестый хлеба на два дни: седите кийждо вас в дому своем у себе, никтоже да исходит от места своего в день седмый. Exodus 16:30 И субботствоваша людие в день седмый. Exodus 16:31 И прозваша сынове Израилевы имя тому манна: бяше же яко семя кориандрово бело, вкус же его аки мука с медом. Exodus 16:32 Рече же им Моисей: сей глаголгол, егоже завеща Господь: наполните гомор от манны в скров в роды вашя: да видят хлеб, егоже ядосте вы в пустыни, егда изведе вас Господь от земли Египетския. Exodus 16:33 И рече Моисей ко Аарону: возми стамну златую едину и вложи в ню гомор полный от манны, и положиши тую пред Богом в соблюдение в роды вашя. Exodus 16:34 Якоже заповеда Господь Моисею, положи ю Аарон пред свидением в соблюдение. Exodus 16:35 Сынове же Израилевы ядоша манну лет четыредесять, дондеже приидоша в землю обитаемую, и ядоша манну, дондеже приидоша во страну Финикийскую: Exodus 16:36 гомор же десятая часть трех мер бяше. Exodus 17:0 Exodus 17:1 И воздвижеся весь сонм сынов Израилевых от пустыни Син по полком своим словом Господним и ополчишася в Рафидине. Не бяше же воды людем пити, Exodus 17:2 и хуляху людие Моисеа, глаголюще: даждь нам воду, да пием. И рече им Моисей: что хулите мя? И что искушаете Господа? Exodus 17:3 Возжаждаша же тамо людие воды и роптаху на Моисеа, глаголюще: вскую сие? Извел еси нас из Египта уморити нас и чада наша и скоты жаждею? Exodus 17:4 Возопи же Моисей ко Господу глаголя: что сотворю людем сим? Еще мало, и побиют мя камением. Exodus 17:5 И рече Господь к Моисею: пойди пред людьми сими, и поими с собою от старец людских, и жезл, имже пресекл еси море, возми в руку твою, и пойди: Exodus 17:6 Аз же стану тамо прежде пришествия твоего у камене в Хориве: и удариши в камень, и изыдет из него вода, и да пиют людие. Сотвори же Моисей тако пред сыны Израилевыми, Exodus 17:7 и прозва имя месту тому Искушение и Похуление, хулы ради сынов Израилевых, и занеже искусиша Господа, глаголюще: аще есть в нас Господь, или ни? Exodus 17:8 Прииде же Амалик и воева на Израиля в Рафидине. Exodus 17:9 Рече же Моисей ко Иисусу: избери себе мужы сильны и изшед ополчися на Амалика заутра: и се, аз стану на верху горы, и жезл Божий в руце моей. Exodus 17:10 И сотвори Иисус, якоже рече ему Моисей, и изшед ополчися на Амалика: Моисей же и Аарон и Ор взыдоша на верх горы. Exodus 17:11 И бысть егда воздвизаше Моисей руце, одолеваше Израиль: егда же опускаше руце, одолеваше Амалик: Exodus 17:12 руце же Моисеовы тяжки беша: и вземше камень, подложиша ему, и седяше на нем: Аарон же и Ор поддержаста руце ему, един отсюду, а другий оттуду: и быша Моисеови руце укреплены до захождения солнца: Exodus 17:13 и преодоле Иисус Амалика и вся люди его убийством меча. Exodus 17:14 Рече же Господь к Моисею: впиши сие на память в книги и вдай во ушы Иисусу, яко пагубою погублю память Амаликову от поднебесныя. Exodus 17:15 И созда Моисей олтарь Господу и прозва имя ему Господь Прибежище мое: Exodus 17:16 яко рукою тайною ратует Господь на Амалика от рода в род. Exodus 18:0 Exodus 18:1 Услыша же Иофор, иерей Мадиамский, тесть Моисеов, вся, елика сотвори Господь Израилю Своим людем, яко изведе Господь Израиля из Египта: Exodus 18:2 и поя Иофор, тесть Моисеов, Сепфору, жену Моисеову, по отпущении ея, Exodus 18:3 и два сына ея: имя единому от них Гирсам, глаголя: пришлец бых в земли чуждей, Exodus 18:4 и имя второму Елиезер, глаголя: Бог бо отца моего помощник мой и избави мя из руки фараони. Exodus 18:5 И прииде Иофор, тесть Моисеов, и сынове и жена к Моисею в пустыню, идеже ополчися при горе Божией. Exodus 18:6 Возвестиша же Моисею, глаголюще: се, Иофор, тесть твой, идет к тебе, и жена твоя, и оба сына твоя с ним. Exodus 18:7 Изыде же Моисей во сретение тестю своему и поклонися ему и целова его, и приветствоваша друг друга: и введе их Моисей в кущу. Exodus 18:8 И поведа Моисей тестю своему вся, елика сотвори Господь фараону и всем Египтяном Израиля ради, и весь труд бывший им на пути, и яко избави их Господь от руки фараони и от руки Египетския. Exodus 18:9 Ужасеся же Иофор о всех благих, яже сотвори им Господь, яко избави их Господь от руки Египетския и от руки фараони, Exodus 18:10 и рече Иофор: благословен Господь, яко избави люди Своя из руки Египетския и из руки фараони: Exodus 18:11 ныне уведех, яко велик Господь паче всех богов, сего ради, яко налегоша на них. Exodus 18:12 И взя Иофор тесть Моисеов всесожжения и жертвы Богу: прииде же Аарон и вси старцы Израилевы ясти хлеба с тестем Моисеовым пред Богом. Exodus 18:13 И бысть на утрие, седе Моисей судити люди: стояху же пред Моисеом вси людие от утра до вечера. Exodus 18:14 Видев же Иофор вся, елика творяше людем, рече: что сие, еже ты твориши людем? Почто ты един седиши, вси же людие предстоят тебе от утра до вечера? Exodus 18:15 Рече же Моисей тестю: понеже приходят людие ко мне просити суда от Бога: Exodus 18:16 егда бо бывает им распря, и приходят ко мне, разсуждаю коемуждо и сказую им повеления Божия и закон Его. Exodus 18:17 Рече же тесть Моисеов к нему: не право ты твориши глагол сей: Exodus 18:18 трудом утрудишися несносным и ты, и вси людие сии, иже суть с тобою: тяжек тебе глагол сей, не возможеши творити ты един: Exodus 18:19 ныне убо послушай мене и присоветую тебе, и будет Бог с тобою: буди ты людем в тех яже к Богу, и донесеши словеса их к Богу, Exodus 18:20 и засвидетелствуй им повеления Божия и закон Его, и повеждь им пути Его, имиже пойдут, и дела, яже сотворят: Exodus 18:21 ты же усмотри себе от всех людий мужы сильны, Бога боящыяся, мужы праведны, ненавидящыя гордости, и поставиши их над ними тысященачалники и стоначалники, и пятьдесятоначалники и десятоначалники и писмовводители, Exodus 18:22 и судят людий по вся часы: слово же неудоборешителное донесут к тебе: малыя же суды да судят они, и облегчат тя и спомогут тебе: Exodus 18:23 аще слово сие сотвориши, укрепит тя Бог, и возможеши настоятелствовати, и вси людие сии приидут во свое место с миром. Exodus 18:24 Послуша же Моисей гласа тестя своего и сотвори вся, елика рече ему: Exodus 18:25 и избра Моисей мужы сильны от всего Израиля, и сотвори я над ними тысященачалники и стоначалники, и пятьдесятоначалники и десятоначалники и писмовводители: Exodus 18:26 и суждаху людем по вся часы: всякое же слово неудоборешителное доносиша к Моисею, всякое же слово легкое суждаху сами. Exodus 18:27 Отпусти же Моисей тестя своего, и отиде в землю свою. Exodus 19:0 Exodus 19:1 Месяца же третияго изшествия сынов Израилевых от земли Египетския, в сий день приидоша в пустыню Синайскую: Exodus 19:2 и воздвигошася от Рафидина и приидоша в пустыню Синайскую, и ополчися тамо Израиль прямо горы. Exodus 19:3 Моисей же взыде на гору Божию, и воззва его Бог от горы глаголя: сия возглаголеши дому Иаковлю и повеси сыном Израилевым: Exodus 19:4 сами видесте, елика сотворих Египтяном, и подях вас яко на крилех орлих и приведох вас к Себе: Exodus 19:5 и ныне аще слухом послушаете гласа Моего и сохраните завет Мой, будете Ми людие избранни от всех язык: Моя бо есть вся земля: Exodus 19:6 вы же будете Ми царское священие и язык свят: сия словеса да речеши сыном Израилевым. Exodus 19:7 Прииде же Моисей и призва старцы людския и предложи им вся словеса сия, яже завеща им Бог. Exodus 19:8 Отвещаша же вси людие единодушно и рекоша: вся, елика рече Бог, сотворим и послушаем. Донесе же Моисей словеса сия к Богу, Exodus 19:9 и рече Господь к Моисею: се, Аз прииду к тебе в столпе облачне, да услышат людие глаголюща мя к тебе и да тебе веруют во веки. Поведа же Моисей словеса людий ко Господу. Exodus 19:10 Рече же Господь Моисею: сошед засвидетелствуй людем и очисти я днесь и утре, и да исперут ризы, Exodus 19:11 и да будут готовы в день третий: в третий бо день снидет Господь на гору Синайскую пред всеми людьми: Exodus 19:12 и устроиши люди окрест глаголя: внемлите себе не восходити на гору и ни чимже коснутися ея: всяк прикоснувыйся горе смертию умрет: Exodus 19:13 не коснется ей рука, камением бо побиется или стрелою устрелится, аще скот, аще человек, не будет жив: егда же гласи и трубы и облак отидет от горы, сии взыдут на гору. Exodus 19:14 Сниде же Моисей с горы к людем, и освяти я, и испраша ризы своя: Exodus 19:15 и рече людем: будите готови, три дни не входите к женам. Exodus 19:16 Бысть же в третий день бывшу ко утру, и быша гласи и молния и облак мрачен на горе Синайстей, глас трубный глашаше зело: и убояшася вси людие, иже в полце: Exodus 19:17 изведе же Моисей люди во сретение Богу из полка, и сташа под горою. Exodus 19:18 Гора же Синайская дымяшеся вся, схождения ради Божия на ню во огни, и восхождаше дым, яко дым пещный: и ужасошася вси людие зело. Exodus 19:19 Быша же гласи трубнии происходяще крепцы зело: Моисей глаголаше, Бог же отвещаваше ему гласом. Exodus 19:20 Сниде же Господь на гору Синайскую на верх горы, и воззва Господь Моисеа на верх горы, и взыде Моисей: Exodus 19:21 и рече Бог к нему глаголя: сошед засвидетелствуй людем, да не когда приступят к Богу уразумети, и падут от них мнози: Exodus 19:22 жерцы же приступающии ко Господу Богу да освятятся, да не когда погубит от них Господь. Exodus 19:23 И рече Моисей к Богу: не возмогут людие взыти на гору Синайскую: Ты бо завещал еси нам глаголя: определи гору и освяти ю. Exodus 19:24 И рече ему Господь: иди, сниди и взыди ты и Аарон с тобою: жерцы же и людие да не нудятся взыти к Богу, да не когда погубит от них Господь. Exodus 19:25 Сниде же Моисей к людем и поведа им. Exodus 20:0 Exodus 20:1 И глагола Господь вся словеса сия к Моисею глаголя: Exodus 20:2 Аз есмь Господь Бог твой, изведый тя от земли Египетския, от дому работы: Exodus 20:3 да не будут тебе бози инии разве Мене. Exodus 20:4 Не сотвори себе кумира и всякаго подобия, елика на небеси горе и елика на земли низу, и елика в водах под землею: Exodus 20:5 да не поклонишися им, ни послужиши им: Аз бо есмь Господь Бог твой, Бог ревнитель, отдаяй грехи отец на чада до третияго и четвертаго рода ненавидящым Мене, Exodus 20:6 и творяй милость в тысящах любящым Мя и хранящым повеления Моя. Exodus 20:7 Не возмеши имене Господа Бога твоего всуе: не очистит бо Господь приемлющяго имя Его всуе. Exodus 20:8 Помни день субботный, еже святити его: Exodus 20:9 шесть дний делай и сотвориши (в них) вся дела твоя: Exodus 20:10 в день же седмый, суббота Господу Богу твоему: да не сотвориши всякаго дела в онь ты и сын твой и дщерь твоя, и раб твой и раба твоя, и вол твой и осля твое и всякий скот твой, и пришлец обитаяй у тебе: Exodus 20:11 зане в шести днех сотвори Господь небо и землю, море и вся яже в них, и почи в день седмый: сего ради благослови Господь день седмый и освяти его. Exodus 20:12 Чти отца твоего и матерь твою, да благо ти будет и да долголетен будеши на земли блазе, юже Господь Бог твой дает тебе. Exodus 20:13 Не убий. Exodus 20:14 Не прелюбы сотвори. Exodus 20:15 Не укради. Exodus 20:16 Не послушествуй на друга своего свидетелства ложна. Exodus 20:17 Не пожелай жены искренняго твоего, не пожелай дому ближняго твоего, ни села его, ни раба его, ни рабыни его, ни вола его, ни осла его, ни всякаго скота его, ни всего, елика суть ближняго твоего. Exodus 20:18 И вси людие зряху глас и свещы, и глас трубный и гору дымящуюся: и убоявшеся вси людие сташа издалече, Exodus 20:19 и рекоша Моисею: глаголи ты с нами, и да не глаголет к нам Бог, да не когда умрем. Exodus 20:20 Рече же им Моисей: дерзайте: искушения бо ради прииде Бог к вам, яко да будет страх Его в вас, да не согрешаете. Exodus 20:21 Стояху же вси людие издалече: Моисей же вниде во мрак, идеже бяше Бог. Exodus 20:22 Рече же Господь к Моисею: сия речеши дому Иаковлю и возвестиши сыном Израилевым: вы видесте, яко с небесе глаголах к вам: Exodus 20:23 не сотворите себе сами богов сребряных и богов златых не сотворите самым себе: Exodus 20:24 олтарь из земли сотворите Ми и пожрете на нем всесожжения ваша и спасителная ваша, и овцы и телцы вашя, на всяком месте, идеже нареку имя Мое тамо, и прииду к тебе и благословлю тя: Exodus 20:25 аще же олтарь от камений сотвориши Ми, да не устроиши их тесаных: сечиво бо твое аще возложиши на них, то осквернятся: Exodus 20:26 да не взыдеши по степенем ко олтарю Моему, яко да не открыеши срамоты твоея на нем. Exodus 21:0 Exodus 21:1 И сия оправдания, яже да положиши пред ними: Exodus 21:2 аще стяжеши раба Евреина, шесть лет да поработает тебе, в седмое же лето отпустиши его свободна туне: Exodus 21:3 аще сам един внидет, то един и изыдет: аще же жена внидет с ним, то и жена отидет с ним: Exodus 21:4 аще же господин даст ему жену, и родит ему сыны или дщери, жена и дети да будут господину его, сам же един да отидет. Exodus 21:5 Аще же отвещав раб речет: возлюбих господина моего и жену мою и дети моя, не отхожду свободен: Exodus 21:6 да приведет его господин его пред судище Божие, и тогда приведет его пред двери на праг, и да провертит ему ухо господин его шилом, и да поработает ему во веки. Exodus 21:7 Аще же кто продаст свою дщерь в рабыню, да не отидет, якоже отходят рабыни: Exodus 21:8 аще не угодит пред очима господина своего, юже он взяти в жену обеща, да отпустит ю: языку же чуждему господин да не продаст ея, понеже отверже ю: Exodus 21:9 аще же сыну своему обещал ю, по обыкновению дщерей да сотворит ей: Exodus 21:10 аще же другую поймет себе, потребных и одежд и союбщения ея да не лишит: Exodus 21:11 аще же сих трех не сотворит ей, да отидет без сребра туне. Exodus 21:12 И аще кого кто ударит, и умрет, смертию да умрет (и той): Exodus 21:13 аще же не хотя, но Бог предаде в руце его, дам тебе место, в неже убежит тамо убивый: Exodus 21:14 аще же кто приложит убити ближняго своего лестию и прибегнет ко олтарю, от олтаря Моего да возмеши того умертвити. Exodus 21:15 Иже биет отца своего или матерь свою, смертию да умрет. Exodus 21:16 Иже злословит отца своего или матерь свою, смертию да умрет. Exodus 21:17 Аще кто кого украдет от сынов Израилевых, и соодолев сему продаст его, и обрящется у него, смертию да скончается. Exodus 21:18 Аще же сварятся два мужа, и ударит един другаго каменем или пястию, и не умрет, но сляжет на одре: Exodus 21:19 аще востав человек походит вне о жезле, неповинен будет ударивый его: точию за неделание его да даст цену и на цельбу. Exodus 21:20 Аще же кто ударит раба своего или рабу свою жезлом, и умрет от руки его, судом да отмстится: Exodus 21:21 аще же преживет день един или два, да не мстится: сребро бо его есть. Exodus 21:22 Аще же биются два мужа, и поразят жену непраздну, и изыдет младенец ея неизображен, тщетою да отщетится: якоже наложит муж жены тоя, подобающее да отдаст: Exodus 21:23 аще же изображен будет, да даст душу за душу, Exodus 21:24 око за око, зуб за зуб, руку за руку, ногу за ногу, Exodus 21:25 жжение за жжение, язву за язву, вред за вред. Exodus 21:26 Аще же кто исткнет око рабу своему или око рабыни своей и ослепит, свободны да отпустит я за око их: Exodus 21:27 аще же зуб рабу своему или зуб рабе своей избиет, свободны да отпустит я за зуб их. Exodus 21:28 Аще же вол убодет мужа или жену, и умрет, камением да побиется вол той, и да не снедят мяса его, господин же вола неповинен будет: Exodus 21:29 аще же вол бодлив будет прежде вчерашняго и третияго дне, и возвестят господину его, и не заключит его, и убиет мужа или жену: вол камением да побиется, и господин его купно да умрет: Exodus 21:30 аще же окуп наложится ему, да даст окуп за душу свою, елико наложат ему: Exodus 21:31 аще же сына или дщерь убодет, по сему же суду да сотворят ему: Exodus 21:32 аще же раба или рабу убодет вол, сребра тридесять дидрахм да даст господину их, и вол камением да побиется. Exodus 21:33 Аще же кто отверзет яму или ископает яму и не покрыет ея, и впадется в ню телец или осля, Exodus 21:34 господин ямы отдаст (цену), сребро даст господину их: умершее же ему да будет. Exodus 21:35 Аще же чий вол убодет вола ближняго, и умрет, да продадут вола живаго, и да разделят цену его, и вола умершаго да разделят: Exodus 21:36 аще же знаемь есть вол, яко бодлив есть прежде вчерашняго и третияго дне, и глаголаша господину его, и той не заключит его: да отдаст вола за вола, мертвый же ему да будет. Exodus 22:0 Exodus 22:1 Аще же кто украдет телца или овцу, и заколет или продаст, пять телцев да воздаст за телца и четыри овцы за овцу. Exodus 22:2 Аще же в подкопании обрящется тать, и язвен умрет, несть ему убийство: Exodus 22:3 аще же взыдет солнце над ним, повинен есть, умрет за него: аще же не имать имения, да продастся за татьбу: Exodus 22:4 аще же ят будет, и обрящется в руце его украденое от осляте до овцы живо, сугубо да отдаст я. Exodus 22:5 Аще же кто потравит ниву или виноград, и пустит скот свой пастися на чужей ниве, да даст от нивы своея по плоду его: аще же всю ниву потравит, лучшая нивы своея и лучшая винограда своего да отдаст. Exodus 22:6 Аще же изшед огнь обрящет терние и запалит гумно, или класы, или ниву, да отдаст, иже возже огнь. Exodus 22:7 Аще же кто даст другу сребро или сосуд сохранити, и украдется из дому мужа того, аще обрящется украдый, да воздаст сугубо: Exodus 22:8 аще же не обрящется украдый, да приидет господин дому пред бога и да кленется, яко поистинне не слукавствова он о всем положении дружнем. Exodus 22:9 По всей реченней неправде, о теляти и о осляти и о овце, и о ризе и о всей гибели нанесенней, что убо ни было бы, пред богом да приидет суд обоих, и обвиненный богом да отдаст сугубо ближнему. Exodus 22:10 Аще же кто даст другу осля или телца, или овцу, или всяк скот хранити, и умрет или погибнет, или пленено будет, и никтоже увесть, Exodus 22:11 клятва да будет Божия между обоими, яко поистинне не слукавствова он о всем ближняго положении, и тако приимет господин его, и да не отдаст: Exodus 22:12 аще же украдено будет от него, да отдаст господину: Exodus 22:13 аще же зверь снеде, да ведет его на звероядину, и не отдаст: Exodus 22:14 аще же кто испросит у друга, и погибнет, или умрет, или пленится, господин же его не будет с ним, отдаст: Exodus 22:15 аще же господин его будет с ним, да не отдаст: аще же наемник есть, да будет ему вместо мзды его. Exodus 22:16 Аще же прельстит кто не обручену девицу, и будет с нею, веном да отвенит ю, (и поймет ю) себе в жену: Exodus 22:17 аще же возбраняя возбранит и не восхощет отец ея дати ю ему в жену, сребро да воздаст отцу, елико есть вено девическо. Exodus 22:18 Волхвом живым быти не попустите. Exodus 22:19 Всякаго со скотом бывающа смертию убиете его. Exodus 22:20 Иже жертву приносит богом, смертию да потребится, но точию Господу единому. Exodus 22:21 И пришелца не озлобите, ниже оскорбите его: пришелцы бо бесте в земли Египетстей. Exodus 22:22 Всякия вдовы и сироты не озлобите: Exodus 22:23 аще же злобою озлобите Я, и возстенавше возопиют ко мне, слухом услышу глас их Exodus 22:24 и разгневаюся яростию, и побию вы мечем, и будут жены вашя вдовы, и чада ваша сироты. Exodus 22:25 Аще же даси сребро взаем брату нищему иже у тебе, не буди его понуждаяй, ниже наложиши ему лихвы. Exodus 22:26 И аще заложит в залог ризу друг твой, до захождения солнца отдаси ему: Exodus 22:27 есть бо сия покровение ему, сия едина риза стыдения его, в чем спати будет: аще убо возопиет ко Мне, услышу его: милостив бо есмь. Exodus 22:28 Богов да не злословиши и князю людий твоих да не речеши зла. Exodus 22:29 Начатки от гумна и от точила твоего да не косниши принести (Мне): первенцы сынов твоих да даси Мне: Exodus 22:30 тако сотвориши телцу твоему, и овце твоей, и ослу твоему: седмь дний да будет у матери, в осмый же день да отдаси оное Мне. Exodus 22:31 Люди святи будете Ми, и мяса звероядиннаго да не снесте, псом повержете е. Exodus 23:0 Exodus 23:1 Да не приимеши слуха суетна, да не приложишися с неправедным быти свидетель неправеден: Exodus 23:2 да не будеши со многими на злобу, да не приложишися ко множеству уклонитися со множайшими, яко превратити суд, Exodus 23:3 и нищаго да не помилуеши на суде. Exodus 23:4 Аще же срящеши говядо врага твоего или осля его заблуждающее, обратив да отдаси ему: Exodus 23:5 аще же узриши осля врага твоего падшее под бременем его, да не мимоидеши е, но да воздвигнеши е с ним. Exodus 23:6 Да не превратиши суда нищему в суде его. Exodus 23:7 От всякаго слова неправеднаго да отступиши: неповинна и праведна да не убиеши, и не оправдиши нечестиваго даров ради, Exodus 23:8 и да не возмеши даров: дары бо ослепляют очи видящым и погубляют словеса праведна. Exodus 23:9 И пришелца не оскорбляйте, ни стужите (ему): вы бо весте душу пришелчу, понеже сами бесте пришелцы в земли Египетстей. Exodus 23:10 Шесть лет да сееши землю твою и да собереши плоды ея: Exodus 23:11 в седмое же оставление да сотвориши и опустиши ю, и да ясти будут убозии языка твоего, останки же да снедят зверие дивии: тако да сотвориши винограду твоему и масличию твоему. Exodus 23:12 В шесть дний да сотвориши дела твоя, в седмый же день покой: да почиет вол твой и осел твой, и да почиет сын рабы твоея и пришлец. Exodus 23:13 Вся, елика глаголах вам, сохраните, имен же богов инех не поминайте, ниже да слышатся изо уст ваших. Exodus 23:14 Три краты в лете сотворите Ми праздник: Exodus 23:15 праздник опресноков сохраните творити, седмь дний ядите опресноки, якоже заповедах тебе, во время месяца новых плодов, в той бо изшел еси из Египта, да не явишися предо Мною тощь: Exodus 23:16 и праздник жатвы первородных жит сотвориши от дел твоих, яже посееши на ниве твоей: и праздник скончания при исходе лета в собрании дел твоих, яже от нив твоих. Exodus 23:17 Три краты в лете да явится всяк мужеск пол твой пред Господем Богом твоим. Exodus 23:18 Егда бо изжену языки от лица твоего и разширю пределы твоя, да не пожреши на квасе крове жертвы Моея, ниже да долежит тук праздника Моего до утрия. Exodus 23:19 Начатки первых жит земли твоея да внесеши в дом Господа Бога твоего. Да не свариши ягняте во млеце матере его. Exodus 23:20 И се, Аз послю Ангела Моего пред лицем твоим, да сохранит тя на пути, яко да введет тя в землю, юже уготовах тебе: Exodus 23:21 вонми себе и послушай Его, и не ослушайся Его: не обинется бо тебе, имя бо Мое есть на Нем: Exodus 23:22 аще слухом послушаеши гласа Моего и сотвориши вся, елика Аз заповедаю тебе, и сохраниши завет Мой, будете Ми люди избранни от всех язык: Моя бо есть вся земля, вы же будете Ми царское священие и язык свят. Сия словеса да речеши сыном Израилевым. Аще слухом послушаеши гласа Моего и сотвориши вся, елика реку тебе, враг буду врагом твоим и сопротивлюся сопротивником твоим. Exodus 23:23 Пойдет бо Ангел Мой наставляяй тя и введет тя ко Аморрею и Хеттею, и Ферезею и Хананею, и Гергесею и Евею и Иевусею, и потреблю их (от лица вашего): Exodus 23:24 да не поклонишися богом их, ниже послужиши им: да не сотвориши по делом их, но разорением разориши и сокрушением сокрушиши капища их, Exodus 23:25 и да послужиши Господу Богу твоему: и благословлю хлеб твой и вино твое и воду твою, и отвращу болезнь от вас. Exodus 23:26 Не будет безчаден, ниже неплоды на земли твоей: число дний твоих исполняя исполню. Exodus 23:27 И страх послю ведущий тя, и устрашу вся языки, в няже ты входиши к ним, и дам вся сопротивники твоя в бегуны: Exodus 23:28 и послю шершни пред тобою, и изжену Аморреи и Евеи, и Иевусеи и Хананеи и Хеттеи от тебе: Exodus 23:29 не изжену их в лете единем, да не будет земля пуста, и мнози будут на тя звери земнии: Exodus 23:30 помалу помалу изжену их от тебе, дондеже возрастеши и наследиши землю. Exodus 23:31 И положу пределы твоя от Чермнаго моря до моря Филистимля, и от пустыни до реки великия Евфрата, и предам в руце ваши седящих на земли и изжену их от тебе: Exodus 23:32 да не смесишися с ними, и с боги их да не завещаеши завета, Exodus 23:33 и да не останутся на земли твоей, да не сотворят тя согрешити ко Мне: аще бо поработаеши богом их, сии будут тебе в соблазн. Exodus 24:0 Exodus 24:1 И Моисею рече: взыди ко Господу ты и Аарон, и Надав и Авиуд и седмьдесят старец Израилевых, и да поклонятся издалече Господу: Exodus 24:2 и да приступит Моисей един к Богу, они же да не приступят: и людие с ними да не взыдут. Exodus 24:3 Прииде же Моисей и поведа людем вся словеса Божия и оправдания. Отвещаша же вси людие гласом единым, глаголюще: вся словеса, яже глагола Господь, сотворим и послушаем. Exodus 24:4 И написа Моисей вся словеса Господня: обутрев же Моисей заутра, созда олтарь под горою, и дванадесять камений в дванадесять племен Израилевых: Exodus 24:5 и посла юношы сынов Израилевых, и принесоша всесожжения, и пожроша жертву спасения Господу Богу телцы. Exodus 24:6 Взем же Моисей половину крове, влия в чашы, половину же крове возлия на олтарь, Exodus 24:7 и взем книгу завета, прочте людем во ушы. И рекоша: вся, елика глагола Господь, сотворим и послушаем. Exodus 24:8 Взем же Моисей кровь, окропи люди и рече: се, кровь завета, егоже завеща Господь к вам о всех словесех сих. Exodus 24:9 И взыде Моисей и Аарон, и Надав и Авиуд и седмьдесят от старец Израилевых, Exodus 24:10 и видеша место, идеже стояше Бог Израилев: и под ногама Его яко дело камене сапфира, и яко видение тверди небесныя чистотою. Exodus 24:11 И от избранных Израилевых не повредися ни един: и явишася на месте Божии, и ядоша, и пиша. Exodus 24:12 И рече Господь к Моисею: взыди ко Мне на гору и стани тамо, и дам ти скрижали каменныя, закон и заповеди, яже написах законоположити им. Exodus 24:13 И востав Моисей и Иисус предстоявый ему, взыдоша на гору Божию Exodus 24:14 и старцем реша: пождите в молчании зде, дондеже возвратимся к вам: и се, Аарон и Ор с вами: аще кому случится суд, да идут к ним. Exodus 24:15 И взыде Моисей на гору, и покры облак гору, Exodus 24:16 и сниде слава Божия на гору Синайскую, и покры ю облак шесть дний. И воззва Господь Моисеа в день седмый из среды облака: Exodus 24:17 обличие же славы Господни, яко огнь пламенуя на версе горы, пред сыны Израилевы. Exodus 24:18 И вниде Моисей в среду облака и взыде на гору, и бе тамо на горе четыредесять дний и четыредесять нощей. Exodus 25:0 Exodus 25:1 И рече Господь к Моисею, глаголя: Exodus 25:2 рцы сыном Израилевым, и да возмут Ми начатки от всех, яже угодна будут сердцу их, да возмете начатки Моя. Exodus 25:3 Сей же есть начаток, егоже возмете от них: злато и сребро и медь, Exodus 25:4 и синету и багряницу, и червленицу сугубу (пряденую), и виссон сканый, и власы козия, Exodus 25:5 и кожы овни очервленены, и кожы сини, и древа негниющая, Exodus 25:6 и елей в свещение, фимиам во елей помазания и в сложение фимиама, Exodus 25:7 и камени Сардийския, и камени в ваяние на епомиду и подир. Exodus 25:8 И да сотвориши Ми освящение, и явлюся в вас: Exodus 25:9 и сотвориши ми по всему, елика Аз покажу тебе на горе, образ скинии и образ всех сосудов ея: сице да сотвориши. Exodus 25:10 И сотвориши кивот свидения от древ негниющих, двою лактий и пол в долготу, и лактя и пол в широту, и лактя и пол в высоту: Exodus 25:11 и позлатиши его златом чистым, внутрьуду и внеуду позлатиши его, и сотвориши верху его венец злат витый окрест: Exodus 25:12 и слиеши ему четыри колца злата, и возложиши на четыри страны его, два колца на едину страну, и два на другую страну. Exodus 25:13 Сотвориши же носила от древа негниюща и позлатиши я златом чистым: Exodus 25:14 и вложиши носила в колца, яже на странах кивота, носити ими кивот: Exodus 25:15 в колцах кивота да будут носила не зыблющеся: Exodus 25:16 и вложиши в кивот свидения, яже дам тебе. Exodus 25:17 И да сотвориши очистилище покров от злата чиста, двою лактий и пол в долготу, лактя же и пол в широту: Exodus 25:18 и сотвориши два херувима злата изваянна, и возложиши я от обоих стран очистилища: Exodus 25:19 да сотворятся херувими, един от страны сея и другий от страны другия очистилища, и сотвориши два херувима на обоих странах: Exodus 25:20 да будут херувими распростирающе крила верху, соосеняюще крилами своими над очистилищем, и лица их ко другъдругу, на очистилище будут лица херувимска: Exodus 25:21 и да возложиши очистилище на кивот верху, и в кивот да вложиши свидения, яже дам тебе. Exodus 25:22 И познан буду тебе оттуду, и возглаголю тебе с верху очистилища между двема херувимы, иже суть над кивотом свидения, и по всем, елика аще заповем тебе к сыном Израилевым. Exodus 25:23 И сотвориши трапезу от древ негниющих, двою лактий в долготу, и лактя в широту, и лактя и пол в высоту: Exodus 25:24 и позлатиши ю златом чистым, и сотвориши ей витое обложение златое окрест, и сотвориши ей венец длани окрест, Exodus 25:25 и сотвориши витое обложение венцу окрест. Exodus 25:26 И сотвориши четыри колца злата, и возложиши четыри колца на четыри страны ног ея под венец: Exodus 25:27 и да будут колца на влагалища носилам, яко воздвизати ими трапезу. Exodus 25:28 И сотвориши носила ея от древ негниющих, и позлатиши я златом чистым, и воздвизатися будет на них трапеза. Exodus 25:29 И сотвориши блюда ея и фимиамники, и возливалники и чашы, имиже возливати будеши: от злата чиста да сотвориши я. Exodus 25:30 И возлагати будеши на трапезу хлебы предложения предо Мною присно. Exodus 25:31 И да сотвориши светилник от злата чиста, изваян да сотвориши светилник: стебль его и ветви, и чашы и крузи и крины от него да будут: Exodus 25:32 шесть же ветвий исходящих от стран, три ветви светилника от страны его единыя и три ветви светилника от страны вторыя: Exodus 25:33 и три чашы во образ ореха, на единей ветви круг и крин: тако шести ветвам исходящым от светилника: Exodus 25:34 и на светилнике четыри чашы во образ ореха, на единей ветви крузи и крины его: Exodus 25:35 круг под двема ветвми от него, и круг под четырми ветвми от него: тако шести ветвам исходящым от светилника: и на светилнике четыри чашы во образ ореха: Exodus 25:36 крузи и ветви от него да будут: весь изваян от единаго злата чиста. Exodus 25:37 И да сотвориши светил его седмь, и поставиши светила его, и светити будут от единаго лица его: Exodus 25:38 и щипцы его, и подставы его от злата чиста сотвориши: Exodus 25:39 талантом злата чиста да сотвориши вся сосуды сия. Exodus 25:40 Виждь, да сотвориши по образу показанному тебе на горе. Exodus 26:0 Exodus 26:1 Скинию же да сотвориши от десяти опон от виссона сканаго и синеты, и багряницы и червленицы сканыя: херувимы делом тканым да сотвориши я. Exodus 26:2 Долгота опоны единыя двадесять и осмь лактий, и широта четырех лактий, опона едина да будет: мера таяжде да будет всем опонам. Exodus 26:3 Пять же опон да будут взаим придержащяся едина от другия, и пять опон да будут содержащяся друга о друзей. Exodus 26:4 И да сотвориши им петли из синеты у края опоны единыя, от единыя страны в сложение: и сице сотвориши на краю опоны внешния к сложению второму. Exodus 26:5 Пятьдесят же петлей сотвориши единей опоне, и пятьдесят петлей да сотвориши от края опоны по сложению вторыя, лицем к лицу сходящыяся между собою каяждо. Exodus 26:6 И сотвориши пятьдесят крючков златых и совокупиши опоны едину ко друзей крючками: и будет скиния едина. Exodus 26:7 И да сотвориши опоны власяныя в покров над скиниею, единонадесять опон сотвориши их. Exodus 26:8 Долгота опоны единыя да будет тридесяти лактий, и четырех лактий широта опоны единыя: таяжде мера да будет единонадесяти опонам. Exodus 26:9 И совокупиши пять опон вкупе, и шесть опон вкупе: и усугубиши опону шестую ко входу скинии. Exodus 26:10 И да сотвориши петлей пятьдесят на краи опоны единыя, яже среде по сложению, и пятьдесят петлей да сотвориши на краи опоны совокупляющияся вторыя. Exodus 26:11 И сотвориши крючков медяных пятьдесят: и совокупиши крючки с петлями, и да совокупиши опоны, и будет едино. Exodus 26:12 И да подложиши излишнее от опон скинии: полуюпоною оставшеюся да покрыеши излишнее опон скинии: да прикрыеши созади скинии. Exodus 26:13 Лакоть (един) от сего, и лакоть (един) от другаго, от излишняго опон, в долготу опон скинии: да будет покрывающее на стране скинии, сюду и сюду да покрывает. Exodus 26:14 И да сотвориши покров скинии от кож овних червленых, и прикрывала от кож синих сверху. Exodus 26:15 И да сотвориши столпы скинии от древ негниющих: Exodus 26:16 десяти лактий (в высоту) да сотвориши столп един, лактя же единаго и пол широта столпа единаго: Exodus 26:17 два закройца (на краях) столпу единому, противу стояща другъдругу: тако сотвориши всем столпом скинии. Exodus 26:18 И да сотвориши столпы скинии, двадесять столпов от страны яже к северу: Exodus 26:19 и четыредесять стоялов сребряных да сотвориши двадесятим столпом: два стояла единому столпу на обоих краех его и два стояла другому столпу на обоих краех его: Exodus 26:20 и в стране вторей южней двадесять столпов: Exodus 26:21 и четыредесять стоялов им сребряных: два стояла столпу единому на обоих краех его и два стояла столпу другому на обоих краех его. Exodus 26:22 И созади скинии по стране яже к морю да сотвориши шесть столпов, Exodus 26:23 и два столпа сотвориши во углах скинии созади. Exodus 26:24 И будут равни от долу: по томужде да будут равни от глав в состав един: тако да сотвориши обоим двум углам: равни да будут. Exodus 26:25 И да будут осмь столпы и стояла их сребряна шестьнадесять: два стояла единому столпу и два стояла другому столпу, на обоих краех его. Exodus 26:26 И да сотвориши вереи от древ негниющих: пять верей столпу единому от единыя страны скинии, Exodus 26:27 и пять верей столпу единому вторей стране скинии, и пять верей столпу заднему стране скинии, яже к морю: Exodus 26:28 и верея средняя посреде столпов да проходит от единыя страны в другую страну. Exodus 26:29 И столпы да позлатиши златом: и колца сотвориши злата, в няже вложиши вереи: и позлатиши вереи златом. Exodus 26:30 И возставиши скинию по образу показанному тебе на горе. Exodus 26:31 И да сотвориши завесу от синеты и багряницы, и червленицы сканыя и виссона пряденаго: делом тканым да сотвориши ю херувимы. Exodus 26:32 И возложиши ю на четыри столпы негниющыя позлащены златом: и верхи их златы, и стояла их четыри сребряна. Exodus 26:33 И повесиши завесу на столпех, и внесеши тамо внутрь завесы кивот свидения: и разделяти будет завеса вам посреде святилища и посреде Святая святых, Exodus 26:34 и закрыеши завесою кивот свидения во Святая святых. Exodus 26:35 И поставиши трапезу вне завесы, и светилник прямо трапезы на стране скинии, яже к югу: и трапезу поставиши на стране скинии, яже к северу. Exodus 26:36 И да сотвориши закров в дверех скинии от синеты и багряницы, и червленицы сканыя и виссона сканаго, делом пестрящаго. Exodus 26:37 И да сотвориши завесе пять столпов от древ негниющих, и позлатиши их златом, и верхи их златы: и да слиеши им пять стоял медяных. Exodus 27:0 Exodus 27:1 И да сотвориши олтарь от древ негниющих, пяти лакот в долготу и пяти лакот в широту: четвероуголен да будет олтарь, и трех лактий высота его. Exodus 27:2 И да сотвориши роги на четырех углех: из него да будут роги, и покрыеши я медию. Exodus 27:3 И да сотвориши венец олтарю: и покров его, и фиалы его, и вилицы его, и кадилник его, и вся сосуды его да сотвориши медяны. Exodus 27:4 И да сотвориши ему огнище на подобие мрежи медяно: и сотвориши огнищу четыри колца медяна на четыри страны, Exodus 27:5 и подложиши я под огнище олтаря снизу, и будет огнище до среды олтаря. Exodus 27:6 И да сотвориши олтарю носила от древес негниющих, и окуеши я медию, Exodus 27:7 и вложиши носила в колца: и да будут носила олтарю по бокам, еже подимати его. Exodus 27:8 Тощь, дощатый сотвориши его: по показанному тебе на горе, тако сотвориши его. Exodus 27:9 И да сотвориши двор скинии: на стране, яже к югу, завесы двора из виссона сканаго: долгота сто лакот стране единей: Exodus 27:10 и столпы их двадесять, и стояла их двадесять медяна, и крючки их, и верхи их сребряны. Exodus 27:11 Такожде на стране, яже к северу, завесы сто лакот в долготу, и столпы их двадесять, и стояла их двадесять медяна, и крючки их, и верхи столпов, и стояла их посребрена сребром. Exodus 27:12 Широта же двора, яже к морю, опоны пятьдесят лакот: столпы их десять, и стояла их десять. Exodus 27:13 И широта двора, яже к востоку, завесы пятьдесят лактий: столпы их десять, и стояла их десять. Exodus 27:14 И пятьнадесять лакот высота опон стране единей: столпы их три, и стояла их три: Exodus 27:15 и стране вторей опон пятьнадесять лакот высота: столпы их три, и стояла их три. Exodus 27:16 И вратам двора завеса двадесять лакот в высоту, от синеты и багряницы, и червленицы сканыя и виссона сканаго пестрением швенным: столпы их четыри, и стояла их четыри. Exodus 27:17 Вси столпы двора окрест окованы сребром, и верхи их сребряны, и стояла их медяна. Exodus 27:18 Долгота же двора сто на сто, и широта пятьдесят на пятьдесят, и высота пяти лактий от виссона сканаго: и стояла их медяна. Exodus 27:19 И все устроение, и вся орудия, и гвозди двора медяны. Exodus 27:20 И ты заповеждь сыном Израилевым, и да возмут тебе елей от масличия без дрождей чист изжат в светение, да горит светилник всегда. Exodus 27:21 В скинии свидения вне завесы, яже над заветом, возжигати будет его Аарон и сынове его, от вечера даже до утра, пред Господем, законно вечно в роды вашя от сынов Израилевых. Exodus 28:0 Exodus 28:1 И ты приведи к себе Аарона, брата твоего, и сыны его от сынов Израилевых, да священнодействуют Мне Аарон и Надав, и Авиуд и Елеазар и Ифамар, сынове Аарони. Exodus 28:2 И да сотвориши ризу святу Аарону брату твоему в честь и славу. Exodus 28:3 И ты возглаголи ко всем премудрым умом, ихже наполних духа мудрости и смышления: и да сотворят ризу святу Аарону, в нейже имать священнодействовати Мне во святилищи. Exodus 28:4 И сия суть ризы, ихже сотворят: наперсник и ризу верхнюю, и долгую ризу и ризу тресновиту, и наглавие и пояс: и да сотворят ризы святы Аарону и сыном его, во еже священнодействовати Мне. Exodus 28:5 И сии да возмут злато и синету, и багряницу и червленицу и виссон, Exodus 28:6 и да сотворят ризу верхнюю от виссона сканаго, дело тканно пестрящаго. Exodus 28:7 Две ризы верхния да будут ему придержащяся едина друзей, на обе стране связаныя. Exodus 28:8 И ткание риз верхних, еже есть на них, по сотворению их да будет от злата чиста и синеты, и багряницы и червленицы пряденыя и виссона сканаго. Exodus 28:9 И возмеши два каменя, камене смарагда, и изваяеши на них имена сынов Израилевых: Exodus 28:10 шесть имен на камени единем и шесть имен прочиих на камени друзем по родом их, Exodus 28:11 дело каменныя хитрости: ваянием печати изваяеши оба каменя имены сынов Израилевых. Exodus 28:12 И положиши оба каменя на раменах верхния ризы: камени в память суть сыном Израилевым: и воздвигнет Аарон имена сынов Израилевых пред Господем на оба рамена своя в память о них. Exodus 28:13 И да сотвориши щитцы от злата чиста, Exodus 28:14 и да сотвориши две тресновицы от злата чиста, смешены цветами, дело плетения: и возложиши тресновицы сплетеныя на щитцы по нарамником их сопреди. Exodus 28:15 И да сотвориши слово судное, дело пестрящаго: по составу ризы верхния да сотвориши сие от злата и синеты, и багряницы и червленицы пряденыя и виссона сканаго: Exodus 28:16 сотвориши е четвероуголно: да будет сугубо, пяди долгота его и пяди широта, Exodus 28:17 и нашиеши на нем швение каменное в четыри ряда. Ряд камений да будет: сардий, топазий и смарагд, ряд един: Exodus 28:18 и ряд вторый, анфракс и сапфир и иаспис: Exodus 28:19 и ряд третий, лигирий и ахат и амефист: Exodus 28:20 и ряд четвертый, хрисолиф и вириллий и онихий: объяты златом, исплетены в злате да будут по ряду своему. Exodus 28:21 И камение да будут от имен двунадесяти сынов Израилевых пред Господем: на дву раменах его дванадесять по именам их и по родом их, изваяни печатми, коегождо по имени да будут в дванадесять племен. Exodus 28:22 И да сотвориши на слове тресны сплетены, делом верижным, от злата чиста. Exodus 28:23 И да сотвориши на словеси два колца злата: и возложиши два колца злата на оба края словесе. Exodus 28:24 И возложиши тресны и чепи златы на два колца от обоих краев словесе. Exodus 28:25 И два края двух тресн наложиши на две чепочки, и возложиши на рамена верхних риз лицем ко другъдругу. Exodus 28:26 И сотвориши два колца злата, и возложиши на обе страны словесе на край от края задняго верхних риз, отвнутрь. Exodus 28:27 И сотвориши два колца злата, и возложиши на оба рамена верхния ризы снизу его, лицем по согбению свыше соткания верхних риз. Exodus 28:28 И стягнеши слово колцами, яже на нем, с колцами верхних риз сложеными, из синеты плетеными во ткание верхних риз, да не низпускается слово с верхних риз. Exodus 28:29 И да возмет Аарон имена сынов Израилевых на слове суднем на персех, входящь во святое на память пред Богом. И да положиши на словеси суднем тресны: плетения на оба края словесе возложиши, и оба щита возложиши на обе раме нарамника на лице. Exodus 28:30 И да возложиши на слово судное явление и истину: и да будет на персех Аарону, егда внидет в святое пред Господа: и да носит Аарон суды сынов Израилевых на персех пред Господем всегда. Exodus 28:31 И да сотвориши ризу внутреннюю подир всю синю. Exodus 28:32 И да будет устие посреде его, ожерелие имущо кругом устия делом тканым, сгиб сошвен от него, да не раздерется. Exodus 28:33 И да сотвориши на омете ризнем снизу, аки шипка цветущаго, пугвицы из синеты и багряницы, и червленицы пряденыя и виссона сканаго, на омете ризы кругом: в тойже образ пугвицы златы, и звонцы между сими окрест. Exodus 28:34 При пугвице злат звонец, и цвет на омете ризнем, кругом. Exodus 28:35 И да будет Аарону, егда служит, слышан глас его, входящу во святое пред Господа, и исходящу, да не умрет. Exodus 28:36 И да сотвориши дщицу злату чисту: и изобразиши на ней образ печати, Святыня Господня, Exodus 28:37 и да возложиши ю на синету сканую, и да будет на увясле, спреди увясла да будет, Exodus 28:38 и да будет на челе Аарони: и отимет Аарон согрешения святых, елика освятят сынове Израилевы от всякаго даяния святых своих, и да будет на челе Аарони всегда приято ими пред Господем. Exodus 28:39 И тресны риз от виссона: и сотвориши клобук виссонный, и пояс да сотвориши дело пестрящаго. Exodus 28:40 И сыном Аароновым да сотвориши ризы и поясы, и клобуки да сотвориши им в честь и славу: Exodus 28:41 и облечеши в ня Аарона брата твоего и сыны его с ним, и да помажеши их, и исполниши руце их и освятиши их, да Ми священнодействуют. Exodus 28:42 И да сотвориши им надраги льняны покрывати стыдения плоти их, от бедр даже до стегн будут, Exodus 28:43 и да имать Аарон и сынове его, егда входят в скинию свидения, или егда приходят служити к жертвеннику святыни: и да не наведут на ся греха, да не умрут: законное вечное (да будет) ему и семени его по нем. Exodus 29:0 Exodus 29:1 И сия суть, яже сотвориши им: освятиши я, яко священнодействовати им Мне: да возмеши же телца единаго от говяд и овна два непорочна: Exodus 29:2 и хлебы пресны смешены с елеем, и опресноки помазаны елеем: из муки пшеничны сотвориши я: Exodus 29:3 и да вложиши я в кош един, и принесеши я в коши, и телца и два овна. Exodus 29:4 И Аарона и сыны его приведеши пред двери скинии свидения, и измыеши я водою: Exodus 29:5 и взем ризы святыя, облечеши Аарона брата твоего, и в хитон подир, и в ризу верхнюю, и в слово: и совокупиши ему слово к нарамнику: Exodus 29:6 и возложиши на главу его клобук: и возложиши дщицу освящение на увясло: Exodus 29:7 и да возмеши от елеа помазания, и да возлиеши и на главу его и помажеши его. Exodus 29:8 И сыны его приведеши и облечеши я в ризы: Exodus 29:9 и опояшеши я поясы, и возложиши на них клобуки, и будет ими священство мне во веки: и совершиши руце Аарони и руце сынов его. Exodus 29:10 И да приведеши телца пред двери скинии свидения, и возложат Аарон и сынове его руце свои на главу телца пред Господем у дверий скинии свидения. Exodus 29:11 И да заколеши телца пред Господем у дверий скинии свидения: Exodus 29:12 и да возмеши от крове телчи и помажеши на рогах олтаревых перстом твоим: останок же весь крове пролиеши у стояла олтарнаго: Exodus 29:13 и да возмеши весь тук, иже на утробе, и препонку печени, и обе почки, и тук иже на них, и возложиши на олтарь: Exodus 29:14 мяса же телча, и кожу, и мотыла да сожжеши на огни вне полка: за грех бо есть. Exodus 29:15 И овна да поймеши единаго, и да возложат Аарон и сынове его руки своя на главу овню: Exodus 29:16 и заколеши его, и взем кровь пролиеши у олтаря окрест: Exodus 29:17 и овна да разсечеши на уды и измыеши внутренняя и ноги в воде, и возложиши на разсеченныя части со главою: Exodus 29:18 и вознесеши всего овна на олтарь, всесожжение Господу в воню благоухания: жертва Господу есть. Exodus 29:19 И да поймеши овна втораго, и возложит Аарон и сынове его руки своя на главу овню: Exodus 29:20 и заколеши его, и возмеши от крове его, и возложиши на край ушесе Аароня деснаго и на край руки десныя и на край ноги десныя, и на край ушес сынов его десных и на край рук их десных и на край ног их десных: Exodus 29:21 и да возмеши от крове, яже на олтари, и от елеа помазания, и да воскропиши на Аарона и на ризу его, и на сыны его и на ризы сынов его с ним: и освятится сам и ризы его, и сыны его и ризы сынов его с ним: кровь же овню да пролиеши у олтаря окрест. Exodus 29:22 И да возмеши от овна тук его, и тук покрывающий утробу его, и препонку печени, и обе почки, и тук иже на них, и рамо десное: есть бо совершение сие: Exodus 29:23 и хлеб един с елеем, и опреснок един от коша опресноков, предложенных пред Господем: Exodus 29:24 и возложиши вся на руки Аарони и на руки сынов его, и отделиши я отделение пред Господем: Exodus 29:25 и да возмеши я от рук их, и вознесеши на олтарь всесожжения в воню благоухания пред Господем: приношение есть Господу. Exodus 29:26 И да возмеши грудь от овна совершения, яже есть Аарону, и отделиши ю отделение пред Господем, и будет тебе в часть: Exodus 29:27 и освятиши грудь отделение, и рамо отлучения, еже отделися, и яже отяся от овна совершения от Аарона и от сынов его, Exodus 29:28 и будет Аарону и сыном его законно вечно от сынов Израилевых: есть бо отделение сие, и отятие будет от сынов Израилевых от жертв спасителных сынов Израилевых, отделение Господу. Exodus 29:29 И ризы святы, яже суть Аарону, да будут сыном его по нем, помазатися им в них и совершити руки своя. Exodus 29:30 Седмь дний да облачится в ня иерей великий, иже вместо его от сынов его, иже внидет в скинию свидения служити во святилищи. Exodus 29:31 И овна совершения да возмеши и испечеши мяса на месте святе, Exodus 29:32 и да ядят Аарон и сынове его мяса овня, и хлебы, яже в коши у дверий скинии свидения: Exodus 29:33 да ядят сия, имиже освятишася в них, совершити руки своя, освятити я: и иноплеменник да не снест от них, суть бо свята. Exodus 29:34 Аще же останется от мяс жертвы совершения и от хлебов до утрия, да сожжеши останки огнем: да не снедятся, освящение бо есть. Exodus 29:35 И сотвориши Аарону и сыном его тако по всем, елика заповедах тебе: седмь дний совершиши руце их. Exodus 29:36 И телца греха ради да сотвориши в день очищения: и да очистиши олтарь, егда освящаеши на нем: и помажеши его, яко освятити его. Exodus 29:37 Седмь дний очистиши олтарь и освятиши его, и будет олтарь святая святых: всяк прикасаяйся олтарю освятится. Exodus 29:38 И сия суть, яже сотвориши на олтари: агнца единолетна непорочна два на всяк день на олтари присно жертву непрестанную: Exodus 29:39 агнца единаго да сотвориши рано, и втораго агнца да сотвориши в вечер: Exodus 29:40 и десятую часть муки пшеничны с елеем смешены, в четвертую часть ина, и возлияние четвертую часть меры ина вина единому овну. Exodus 29:41 И агнца втораго да сотвориши в вечер, якоже утреннюю жертву, и возлияние его: сотвориши в воню благоухания приношение Господу. Exodus 29:42 Жертву всегдашнюю в слухи и в роды вашя пред дверми скинии свидения пред Господем, в нихже познан буду тебе тамо, якоже глаголати к тебе. Exodus 29:43 И завещаю тамо сыном Израилевым, и освящуся во славе Моей, Exodus 29:44 и освящу скинию свидения и олтарь, и Аарона и сыны его освящу, священнодействовати Мне, Exodus 29:45 и нарекуся в сынех Израилевых, и буду им Бог: Exodus 29:46 и уведят, яко Аз есмь Господь Бог их, изведый их из земли Египетския, нарещися им и быти им Бог. Exodus 30:0 Exodus 30:1 И да сотвориши олтарь кадилный от древ негниющих: Exodus 30:2 и сотвориши и лактя в долготу и лактя в широту, четвероуголен да будет, и двою лактий в высоту: от него да будут роги его. Exodus 30:3 И позлатиши златом чистым огнище его, и стены его около, и роги его: и да сотвориши ему витый венец злат около. Exodus 30:4 И два колца злата чиста да сотвориши под витым венцем его на обою углу, да сотвориши на обоих странах: и будут колца носилам, якоже подимати оный ими. Exodus 30:5 И да сотвориши носила от древес негниющих, и позлатиши я златом: Exodus 30:6 и да положиши его прямо завесы, сущия у кивота свидения, в нихже познан буду тебе оттуду. Exodus 30:7 И да кадит над ним Аарон фимиамом сложеным благовонным рано рано: егда устрояет светила, да кадит над ним: Exodus 30:8 и егда вжигает Аарон светила с вечера, да кадит над ним: фимиам всегдашний присно пред Господем в роды их: Exodus 30:9 и да не принесеши над него фимиама инаго: приношения, жертвы и возлияния да не пролиеши на него. Exodus 30:10 И да очистит над ним Аарон у рогов его единою в лето: от крове очищения грехов умилостивления единою в лето да очистит его в роды их: святое святых есть Господу. Exodus 30:11 И рече Господь к Моисею, глаголя: Exodus 30:12 аще возмеши исчисление сынов Израилевых в пресмотрении их, и дадят кийждо искупление за душу свою Господу, и не будет в них падения в пресмотрении их. Exodus 30:13 И сие есть, еже дадят, елицы аще приступят в пресмотрение, полдидрахмы, еже есть по дидрахме святей: двадесять цат дидрахма: пол же дидрахмы, дань Господу. Exodus 30:14 Всяк входяй в пресмотрение от двадесяти лет и вышше, да дадут дань Господу: Exodus 30:15 богатый да не приложит, и нищий да не умалит от полудидрахмы, егда дают дань Господу (от сынов Израилевых), еже умоляти о душах ваших. Exodus 30:16 И да возмеши сребро дани от сынов Израилевых, и даси е на соделание скинии свидения: и да будет сыном Израилевым память пред Господем, еже умоляти о душах ваших. Exodus 30:17 И рече Господь Моисею, глаголя: Exodus 30:18 сотвори умывалницу медяну и стояло ей медяно, еже умыватися, и да поставиши ю между скиниею свидения и между олтарем, и да влиеши в ню воду: Exodus 30:19 и да умывает Аарон и сынове его из нея руки своя и ноги водою: Exodus 30:20 егда входят в скинию свидения, да омыются водою, и не умрут: или егда приходят ко олтарю служити и приносити всесожжения Господу, Exodus 30:21 умыют руце и нозе водою, егда входят в скинию свидения, да не умрут, и да будет им законно вечно, ему и родом его по нем. Exodus 30:22 И рече Господь к Моисею, глаголя: Exodus 30:23 и ты возми ароматы, цвет смирны избранныя пять сот сиклев, и киннамома благовонна пол сего, двести пятьдесят, и трости благовонныя двести пятьдесят, Exodus 30:24 и касии пять сот сиклев святаго, и елеа от маслин (меру) ин, Exodus 30:25 и сотвориши сей елей помазание святое, миро помазателное художеством мироварца: елей помазание святое будет, Exodus 30:26 и да помажеши от него скинию свидения, и кивот скинии свидения, Exodus 30:27 и вся сосуды ея, и светилник и вся сосуды его, и олтарь кадилный, Exodus 30:28 и олтарь всесожжения и вся его сосуды, и трапезу и вся ея сосуды, и умывалницу и стояло ея, Exodus 30:29 и освятиши я, и будут святая святых: всяк прикасаяйся им освятится: Exodus 30:30 и Аарона и сыны его помажеши, и освятиши я священнодействовати Мне: Exodus 30:31 и сыном Израилевым да речеши, глаголя: елей масть помазания свят да будет сей вам в роды вашя: Exodus 30:32 плоть человеча да не помажется (им), и по сложению сему да не сотворите сами себе иного сице: свят есть и освящение будет вам: Exodus 30:33 иже аще сотворит сице, и иже аще даст от него иноплеменнику, потребится от людий своих. Exodus 30:34 И рече Господь к Моисею: возми себе ароматы, стакти, ониха и халвана благовонна и ливана чистаго: все то в равну меру да будет: Exodus 30:35 и да сотворят в нем фимиам мироварный, дело мироварца смешеное, чисто, дело сто: Exodus 30:36 и раздробиши от сих по тонку, и положиши прямо свидению в скинии свидения, отюнудуже познан буду тебе тамо: святое святых будет вам фимиам: Exodus 30:37 по сложению сему да не сотворите себе сами, освящение будет вам от Господа: Exodus 30:38 иже аще сотворит сице, еже обоняти от него, погибнет душа того от людий своих. Exodus 31:0 Exodus 31:1 И рече Господь к Моисею, глаголя: Exodus 31:2 се, нарекох именем Веселеила сына Урии, сына Орова, от племене Иудина, Exodus 31:3 и наполних его Духом Божиим премудрости и смышления и ведения, во всяком деле разумети Exodus 31:4 и архитектонствовати, делати злато и сребро и медь, и синету и багряницу, и червленицу прядену и виссон сканый, Exodus 31:5 и каменное дело, и различная древоделства делати во всех делех: Exodus 31:6 и Аз дах его и Елиава сына Ахисамахова от племене Данова, и всякому смысленному сердцем дах смысл, и потрудятся, и сотворят вся, елика заповедах тебе: Exodus 31:7 скинию свидения и кивот завета, и очистилище еже верху его, и утварь скинии, Exodus 31:8 и жертвенники, и трапезу и вся сосуды ея, и светилник чистый и вся сосуды его, Exodus 31:9 и умывалницу и стояло ея, Exodus 31:10 и ризы служебныя Аароновы и ризы сынов его, еже священнодействовати Мне, Exodus 31:11 и елей помазания, и фимиам сложения святаго: по всем, елика заповедах тебе, сотворят. Exodus 31:12 И рече Господь к Моисею, глаголя: Exodus 31:13 и ты заповеждь сыном Израилевым, глаголя: смотрите и субботы Моя сохраните: есть бо знамение между Мною и вами в роды вашя, да увесте, яко Аз Господь освящаяй вас: Exodus 31:14 и сохраните субботу, яко свята сия есть Господу и вам: осквернивый ю смертию умрет: всяк, иже сотворит в ню дело, потребится душа та от среды людий своих: Exodus 31:15 шесть дний да сотвориши дела, в день же седмый суббота, покой свят Господу: всяк, иже сотворит дело в седмый день, смертию умрет: Exodus 31:16 и да сохранят сынове Израилевы субботы держати я в роды их: Exodus 31:17 завет вечен во Мне и в сынех Израилевых, знамение есть во мне вечное: яко в шести днех сотвори Господь небо и землю, в седмый же день преста, и почи. Exodus 31:18 И даде (Бог) Моисею, егда преста глаголя ему на горе Синайстей, две скрижали свидения, скрижали каменны написаны перстом Божиим. Exodus 32:0 Exodus 32:1 И видевше людие, яко умедли Моисей снити с горы, восташа людие на Аарона и глаголаша ему: востани и сотвори нам боги, иже пойдут пред нами: Моисей бо сей человек, иже изведе нас от земли Египетския, не вемы, что бысть ему. Exodus 32:2 И рече им Аарон: измите усерязи златыя, яже во ушесех жен ваших и дщерей, и принесите ко мне. Exodus 32:3 И изяша вси людие усерязи златы, яже во ушесех жен их, и принесоша ко Аарону. Exodus 32:4 И взя от рук их и слия их делом литым, и сотвори им телца литаго. И рекоша: сии бози твои, Израилю, иже изведоша тя из земли Египетския. Exodus 32:5 И видев Аарон, созда олтарь прямо ему, и проповеда Аарон, глаголя: праздник Господнь утре. Exodus 32:6 И обутреневав наутрие, вознесе всесожжения и принесе жертву спасения. И седоша людие ясти и пити и восташа играти. Exodus 32:7 И рече Господь к Моисею глаголя: иди скоро, сниди отсюду, беззаконноваша бо людие твои, ихже извел еси из земли Египетския: Exodus 32:8 преступиша с пути скоро, егоже заповедал еси им: сотвориша себе телца, и поклонишася ему, и пожроша ему, и реша: Exodus 32:9 сии бози твои, Израилю, иже изведоша тя из земли Египетския: Exodus 32:10 и ныне остави Мя, и возярився гневом на ня, потреблю их, и сотворю тя в язык велик. Exodus 32:11 И помолися Моисей пред Господем Богом и рече: вскую, Господи, яришися гневом на люди Твоя, ихже извел еси из земли Египетския крепостию великою и мышцею Твоею высокою? Exodus 32:12 Да не когда рекут Египтяне, глаголюще: с лукавством изведе их погубити в горах и потребити их от земли: утоли гнев ярости Твоея и милостив буди о злобе людий Твоих, Exodus 32:13 помянув Авраама и Исаака и Иакова, Твоя рабы, имже клялся еси Собою, и рекл еси к ним, глаголя: зело умножу семя ваше, яко звезды небесныя множеством, и всю сию землю, юже рекл еси дати семени их, и обладают ею во веки. Exodus 32:14 И умилостивися Господь о зле, еже рече сотворити людем Своим. Exodus 32:15 И возвратився Моисей, сниде с горы: и две скрижали свидения в руку его, скрижали каменны написаны от обою страну их, сюду и сюду быша написаны: Exodus 32:16 и скрижали дело Божие быша, и написание, написание Божие изваяно на скрижалех. Exodus 32:17 И услышав Иисус глас людий кричащих, рече к Моисею: глас ратный в полце. Exodus 32:18 И рече Моисей: несть глас начинающих одолевати, ниже глас начинающих бежати, но глас начинающих напиватися вином аз слышу. Exodus 32:19 И егда приближашеся к полку, узре телца и лики: и возярився гневом Моисей, поверже из руку своею обе скрижали, и сокруши я под горою: Exodus 32:20 и взем телца, егоже сотвориша, сожже его во огни и сотре его подробну, и разсыпа его по воде, и напои ею сыны Израилевы. Exodus 32:21 И рече Моисей Аарону: что сотвориша тебе людие сии, яко навел еси на них грех велик? Exodus 32:22 И рече Аарон к Моисею: не гневайся, господине: ты бо веси людий сих устремление. Exodus 32:23 Глаголаша бо ми: сотвори нам боги, иже пойдут пред нами: Моисей бо сей человек, иже изведе ны от Египта, не вемы, что бысть ему: Exodus 32:24 и рекох им: иже имать злато, измите: и изяша, и даша мне, и ввергох е во огнь, и излияся телец сей. Exodus 32:25 Видев же Моисей люди, яко разделишася, раздели бо их Аарон в порадование супостатом их: Exodus 32:26 ста же Моисей во вратех полка и рече: аще кто есть Господнь, да идет ко мне. Снидошася убо к нему вси сынове Левиины. Exodus 32:27 И рече им: сия глаголет Господь Бог Израилев: препояшите кийждо свой мечь при бедре и пройдите, и возвратитеся от врат до врат сквозе полк, и убийте кийждо брата своего и кийждо ближняго своего и кийждо соседа своего. Exodus 32:28 И сотвориша сынове Левиины, якоже глагола им Моисей: и паде от людий в той день до трех тысящ мужей. Exodus 32:29 И рече им Моисей: наполнисте руки вашя днесь Господу, кийждо в сыне своем и в брате своем, да дастся на вас благословение. Exodus 32:30 И бысть на утрие, рече Моисей к людем: вы согрешисте грех велик: и ныне взыду к Богу, да умолю о гресе вашем. Exodus 32:31 И возвратися Моисей ко Господу и рече: молюся ти, Господи: согрешиша людие сии грех велик и сотвориша себе боги златы: Exodus 32:32 и ныне, аще убо оставиши им грех их, остави: аще же ни, изглади мя из книги Твоея, в нюже вписал еси. Exodus 32:33 И рече Господь к Моисею: аще кто согреши предо Мною, изглажу его из книги Моея: Exodus 32:34 ныне же иди, сниди и возведи люди сия на место, еже рех тебе: се, Ангел Мой предидет пред лицем твоим: в оньже день присещу, наведу на них грех их. Exodus 32:35 И порази Господь люди за сотворение телца, егоже сотвори Аарон. Exodus 33:0 Exodus 33:1 И рече Господь к Моисею: предиди, взыди отсюду ты и людие твои, ихже извел еси от земли Египетския на землю, еюже кляхся Аврааму и Исааку и Иакову, глаголя: семени вашему дам ю: Exodus 33:2 и послю купно Ангела Моего пред лицем твоим, и изженет Хананеа, Аморреа и Хеттеа, и Ферезеа и Гергесеа, и Евеа и Иевусеа: Exodus 33:3 и введу тя в землю текущую млеком и медом: Сам бо не пойду с тобою, яко людие жестоковыйнии суть, да не убию тебе на пути. Exodus 33:4 И услышавше людие слово сие страшное, восплакашася в плачевных (ризах). Exodus 33:5 И рече Господь к Моисею: глаголи сыном Израилевым: вы людие жестоковыйнии, блюдитеся, да не язву другую наведу на вы и потреблю вы: ныне убо сымите ризы славы вашея и утварь, и покажу, яже сотворю вам. Exodus 33:6 И отяша сынове Израилевы утварь свою и ризы от горы Хорива. Exodus 33:7 И взем Моисей кущу свою, потче ю вне полка, далече от полка, и прозвася скиния свидения: и бысть, всяк взыскуяй Господа исхождаше в скинию, яже вне полка. Exodus 33:8 Егда же вхождаше Моисей в скинию вне полка, стояху вси людие смотряще кийждо пред дверми кущи своея, и зряху отходящу Моисею даже внити ему в скинию. Exodus 33:9 Егда же вниде Моисей в скинию, сниде столп облачный и ста пред дверми скинии, и глагола (Господь) Моисею. Exodus 33:10 И видяху вси людие столп облачный стоящь пред дверми скинии: и ставше вси людие, поклонишася кийждо из дверий кущи своея: Exodus 33:11 и глагола Господь к Моисею лицем к лицу, якоже аще бы кто возглаголал к своему другу, и отпущашеся в полк: слуга же Иисус, сын Навин, юноша не исхождаше из скинии. Exodus 33:12 И рече Моисей ко Господу: се, Ты мне глаголеши: изведи люди сия: Ты же не явил ми еси, кого послеши со мною: Ты же мне рекл еси: вем тя паче всех и благодать имаши у Мене: Exodus 33:13 аще убо обретох благодать пред Тобою, яви ми Тебе самаго, да разумно вижду тя, яко да обрет буду благодать пред Тобою, и да познаю, яко людие Твои язык велик сей. Exodus 33:14 И глагола (ему Господь): Аз Сам предиду пред тобою и упокою тя. Exodus 33:15 И рече к Нему Моисей: аще Сам Ты не идеши с нами, да не изведеши мя отсюду: Exodus 33:16 и како ведомо будет воистинну, яко обретох благодать у Тебе аз же и людие Твои, точию идущу Ти с нами? И прославлен буду аз же и людие Твои паче всех язык, елицы суть на земли. Exodus 33:17 Рече же Господь к Моисею: и сие тебе слово, еже рекл еси, сотворю: обрел бо еси благодать предо Мною, и вем тя паче всех. Exodus 33:18 И глагола Моисей: покажи ми славу Твою. Exodus 33:19 И рече (Господь к Моисею): Аз предиду пред тобою славою Моею и воззову о имени Моем, Господь пред тобою: и помилую, егоже аще милую, и ущедрю, егоже аще щедрю. Exodus 33:20 И рече: не возможеши видети лица Моего: не бо узрит человек лице Мое, и жив будет. Exodus 33:21 И рече Господь: се, место у Мене, и станеши на камени: Exodus 33:22 егда же прейдет слава Моя, и положу тя в разселине камене, и покрыю рукою Моею над тобою, дондеже мимоиду: Exodus 33:23 и отиму руку Мою, и тогда узриши задняя Моя: лице же Мое не явится тебе. Exodus 34:0 Exodus 34:1 И рече Господь к Моисею: истеши себе две скрижали каменны, якоже и первыя, и взыди ко Мне на гору: и напишу на скрижалех словеса, яже бяху на скрижалех первых, яже сокрушил еси: Exodus 34:2 и буди готов заутра, и взыдеши на гору Синайскую и предстанеши Мне тамо на версе горы: Exodus 34:3 и да никтоже взыдет с тобою, ниже да явится на всей горе: и овцы и говяда да не пасутся близ горы тоя. Exodus 34:4 И истеса две скрижали каменны, якоже и первыя: и утренневав Моисей заутра, взыде на гору Синайскую, якоже завеща ему Господь: и взя Моисей с собою две скрижали каменныя. Exodus 34:5 И сниде Господь во облаце, и предста ему тамо Моисей, и призва именем Господним. Exodus 34:6 И мимоиде Господь пред лицем его и воззва: Господь, Господь Бог щедр и милостив, долготерпелив и многомилостив и истинен, Exodus 34:7 и правду храняй, и творяй милость в тысящы, отемляй беззакония и неправды и грехи, и повиннаго не очистит, наводяй грехи отцев на чада, и на чада чад, до третияго и четвертаго рода. Exodus 34:8 И потщався Моисей, приник на землю, поклонися Богу Exodus 34:9 и рече: аще обретох благодать пред Тобою, да идет Господь мой с нами: людие бо жестоковыйнии суть: и отимеши ты грехи нашя и беззакония наша, и будем Твои. Exodus 34:10 И рече Господь к Моисею: се, Аз полагаю тебе завет пред всеми людьми твоими, и сотворю славная, яже не быша по всей земли и во всех языцех: и узрят вси людие, в нихже еси ты, дела Господня, яко чудна суть, яже Аз сотворю тебе: Exodus 34:11 внемли ты вся, елика Аз заповедаю тебе: се, Аз изжену пред лицем вашим Аморреа и Хананеа, и Хеттеа и Ферезеа, и Евеа и Гергесеа и Иевусеа: Exodus 34:12 внемли себе, да не когда завещаеши завет седящым на земли, в нюже внидеши, да не будет соблазн в вас: Exodus 34:13 капища их разорите и кумиры их сокрушите, и дубравы их посецыте, и изваяная богов их сожжите огнем, Exodus 34:14 не бо поклонитеся богом иным: ибо Господь Бог ревниво имя, Бог ревнив есть: Exodus 34:15 да не когда завещаеши завет седящым на земли, и соблудят вслед богов их, и пожрут богом их, и призовут тя, и снеси от жертв их: Exodus 34:16 и поймеши от дщерей их сыном твоим, и от дщерей твоих даси сыном их, и соблудят дщери твоя вслед богов их, и сынове твои соблудят вслед богов их: Exodus 34:17 и богов слияных да не сотвориши себе: Exodus 34:18 и праздник опресночный да сохраниши: седмь дний да яси опресноки, якоже заповедах тебе, во время в месяце новых плодов: в месяце бо новых плодов изшел еси от земли Египетския: Exodus 34:19 всяко разверзающее ложесна мужеск Мне пол (да будет), всяко первородное телца и первородное овцы: Exodus 34:20 и первородное осляте искупиши овцею: аще же не искупиши е, цену да даси его: всякаго первенца от сынов твоих да искупиши, да не явишися предо Мною тощь: Exodus 34:21 в шесть дний да делаеши, в седмый же день да почиеши, от сеятвы и жатвы да почиеши, Exodus 34:22 и праздник седмиц да сотвориши ми, начало жатвы пшеницы, и праздник собрания посреде лета: Exodus 34:23 в три времена лета да явится всяк мужеск пол твой пред Господем Богом Израилевым: Exodus 34:24 егда бо изжену языки от лица твоего и разширю пределы твоя, никтоже возжелает земли твоея, егда приидеши явитися пред Господем Богом твоим в три времена лета: Exodus 34:25 да не заколеши с квасом крове жертв Моих, и да не прележит до утрия жертва праздника Пасхи: Exodus 34:26 первородная жит земли твоея да внесеши в дом Господа Бога твоего: да не свариши агнца во млеце матере его. Exodus 34:27 И рече Господь к Моисею: напиши себе словеса сия, в словесех бо сих положих тебе завет и Израилю. Exodus 34:28 И бе тамо Моисей пред Господем четыредесять дний и четыредесять нощей: хлеба не яде и воды не пи: и написа (Моисей) на скрижалех словеса сия завета, десять словес. Exodus 34:29 Сходящу же Моисею с горы Синайския, и обе скрижали в руку Моисеову: сходящу же ему с горы, и Моисей не ведяше, яко прославися зрак плоти лица его, егда глаголаше с ним. Exodus 34:30 И виде Аарон и вси сынове Израилевы Моисеа, и бяше прославлен зрак плоти лица его: и убояшася приступити к нему. Exodus 34:31 И воззва их Моисей, и обратишася к нему Аарон и вси князи сонма: и глагола Моисей к ним. Exodus 34:32 И по сих приидоша к нему вси сынове Израилевы: и заповеда им вся, елика глагола к нему Господь на горе Синайстей. Exodus 34:33 И егда преста глаголя к ним, возложи на лице свое покров. Exodus 34:34 Егда же вхождаше Моисей пред Господа глаголати к Нему, снимаше покров, дондеже исхождаше: и изшед глаголаше ко всем сыном Израилевым, елика заповеда ему Господь. Exodus 34:35 И видеша сынове Израилевы лице Моисеово, яко прославися: и возлагаше Моисей покров на лице свое, дондеже внидет глаголати с Ним. Exodus 35:0 Exodus 35:1 И собра Моисей весь сонм сынов Израилевых и рече к ним: сия словеса, яже глагола Господь творити я: Exodus 35:2 шесть дний сотвориши дела, в день же седмый почиеши, свята суббота, покой Господу: всяк творяй дело в ню, да умрет: Exodus 35:3 да не возгнетите огня во всех домех ваших в день субботный: Аз Господь. Exodus 35:4 И рече Моисей ко всему сонму сынов Израилевых, глаголя: сие слово, еже завеща Господь глаголя: Exodus 35:5 возмите от себе самих участие Господу: всяк по воли сердца своего да принесет начатки Господу, злато, сребро, медь, Exodus 35:6 синету, багряницу, червленицу сугубу спрядену, и виссон сканый и волну козию, Exodus 35:7 и кожы овни очервлены, и кожы сини, и древеса негниюща, Exodus 35:8 и елей во свещение, и фимиам в елей помазания, и в сложение фимиама: Exodus 35:9 и камени сардийски, и камени в ваяние на ризу верхнюю и на подир: Exodus 35:10 и всяк премудрый сердцем в вас шед да делает вся, елика заповеда Господь: Exodus 35:11 скинию и завесы, и покровы и разворы, и колки и вереи, и столпы и стояла: Exodus 35:12 и кивот свидения и носила его, и очистилище его и завесу, (и опоны двора, и столпы его, и камени смарагдовы, и фимиам и елей помазания,) Exodus 35:13 и трапезу и носила ея, и вся сосуды ея, и хлебы предложения, (и олтарь и вся сосуды его,) Exodus 35:14 и светилник света и вся сосуды его, и светила его и елей светилный, Exodus 35:15 и олтарь кадилный и носила его, и елей помазания, и фимиам сложения, и завесу дверий скинии, Exodus 35:16 и олтарь всесожжения, и огнище его медяно и носила его, и вся сосуды его, и умывалницу, и стояло ея, Exodus 35:17 и опоны двора, и столпы его и стояла его, и завесу дверий двора, Exodus 35:18 и колки скинии, и колки двора, и ужы их: Exodus 35:19 и ризы святыя Аарона жерца, и ризы, в нихже служити имут во святем, и ризы сыном Аароновым священства (и елей помазания, и фимиам сложения). Exodus 35:20 И изыде весь сонм сынов Израилевых от Моисеа. Exodus 35:21 И принесоша кийждо, яже возлюби сердце их, и якоже возмнеся души их, принесоша участие Господу на вся дела скинии свидения, и на вся сосуды ея, и на вся ризы святилища: Exodus 35:22 и принесоша мужие от жен своих, кийждо, якоже помысли умом, принесоша печати и усерязи, и перстни и пленицы, и мониста и всяк сосуд злат: и вси елицы принесоша участие злата Господу, Exodus 35:23 и всяк у негоже обретеся синета и багряница, и червленица и виссон, и кожы сини и кожы сини очервлены, (и кожы козия) принесоша: Exodus 35:24 всяк отделяяй участие, сребро и медь, принесоша участия Господу: и у нихже обретошася древеса негниющая, на вся соделования сосудов принесоша: Exodus 35:25 и всяка жена мудрая умом рукама прясти, принесе пряденая, синету и багряницу и червленицу и виссон: Exodus 35:26 и вся жены, имже возлюбися во уме их, хитростию спрядоша волну козию: Exodus 35:27 и князи принесоша камени смарагдовы и камени на совершение ризе верхней, и на слово, Exodus 35:28 и на сложение, и на елей помазания, и на сложение фимиама: Exodus 35:29 и всяк муж, или жена, имже наносяше ум их, вшедшим творити вся дела, елика заповеда Господь творити я Моисеом, принесоша сынове Израилевы участие Господу. Exodus 35:30 И рече Моисей сыном Израилевым: се, нарече Бог именем Веселеила сына Уриина, сына Орова, от племене Иудина, Exodus 35:31 и наполни его Духа Божия, премудрости и разума, и умений всех, Exodus 35:32 архитектонствовати во всех делесех древоделания, творити злато и сребро и медь, Exodus 35:33 и ваяти камени, и делати древо, и творити по всему делу премудрости: Exodus 35:34 и преуспевати даде во уме ему и Елиаву Ахисамахову, от племене Данова: Exodus 35:35 и наполни их премудрости, ума, еже разумети творити вся дела святыни, ткания и пестрения ткати червленицею и багряницею и виссоном, творити всякое дело художества различна. Exodus 36:0 Exodus 36:1 И сотвори Веселеил и Елиав, и всяк мудрый умом, емуже дана есть премудрость и хитрость в них, разумети творити вся дела, яже ко святыни надлежащая, по всем, елика заповеда Господь. Exodus 36:2 И призва Моисей Веселеила и Елиава и вся имущыя премудрость, имже даде Бог разум в сердцы, и вся волею хотящыя приходити к делам, еже совершати я: Exodus 36:3 и взяша от Моисеа вся участия, яже принесоша сынове Израилевы на вся дела святыни творити я: и тии приимаху еще приносимая от приносящих заутра заутра. Exodus 36:4 И прихождаху вси мудрии, иже творяху дела святыни, кийждо по своему делу, еже сами делаху: Exodus 36:5 и рекоша Моисею, яко много приносят людие свыше дел, елика заповеда Господь сотворити. Exodus 36:6 И повеле Моисей, и проповеда в полце, глаголя: муж и жена ктому да не делают на начатки святыни. И возбранени быша людие ктому приносити. Exodus 36:7 И дела быша им доволна на строение творити, и преизбыша. Exodus 36:8 И сотвори всяк премудрый в делающих ризы святыни, яже суть Аарону иерею, якоже заповеда Господь Моисею. Exodus 36:9 И сотвориша ризу верхнюю от злата и синеты, и багряницы и червленицы прядены и виссона сканаго: Exodus 36:10 и изрезаша дщицы златы аки власы, еже соткати с синетою и с багряницею, и с червленицею пряденою и с виссоном сканым: дело тканое сотвориша е. Exodus 36:11 Ризы верхния придержащыяся от обоих стран, Exodus 36:12 дело тканно, между собою сплетено: от него сотвориша е по его творению, от злата и синеты, и багряницы и червленицы спрядены и виссона сканаго, якоже заповеда Господь Моисею. Exodus 36:13 И сотвориша оба камени смарагдовы состеганы вервию и обложены златом, изваяны и вырезаны ваянием печати, от имен сынов Израилевых: Exodus 36:14 и возложиша я на рамена ризы верхния камение в память сынов израилевых, якоже заповеда Господь Моисею. Exodus 36:15 И сотвориша слово, дело тканно пестротою, по делу ризы верхния, от злата и синеты, и багряницы и червленицы спрядены и виссона сканаго, Exodus 36:16 четвероуголно сугубо сотвориша логион пяди в долготу, и пяди в широту, сугубо: Exodus 36:17 и сшиста на нем швением по три камени четырми ряды: ряд камений: сардий и топазий и смарагд, ряд един: Exodus 36:18 и ряд вторый, анфракс и сапфир и иаспис: Exodus 36:19 и ряд третий, лигирий и ахат и амефист: Exodus 36:20 и ряд четвертый, хрисолиф и вириллий и онихий, окованы около златом и всаждени в злате: Exodus 36:21 и камение бяху от имен сынов Израилевых дванадесять, по именам их изваяно в печати, кийждо своим именем в дванадесять племен. Exodus 36:22 И сотвориша над логионом тресны сплетены, дело плетеное от злата чиста: Exodus 36:23 и сотвориша два щитца злата и два колца злата, и возложиша два колца злата на оба конца логиона: Exodus 36:24 и вложиша плетеницы златы в колца, со обоих стран логиона, Exodus 36:25 и в два сложения две плетеницы, и возложиша на два щитца: и возложиша на рамена ризы верхния, противу лицем к лицу. Exodus 36:26 И сотвориша два колца злата, и возложиша на два крила на край логиона, и на край созади верхния ризы, внутрьуду: Exodus 36:27 и сотвориша два колца злата, и положиша на оба рамена ризы верхния с низу его на лице по согбению свыше состава ризы верхния: Exodus 36:28 и стягнуша логион колцами, яже на нем, с колцами верхния ризы сложеными, из синеты сплетенными, во ткание ризы верхния, да не низпускается логион от ризы верхния, якоже заповеда Господь Моисею. Exodus 36:29 И сотвориша исподнюю ризу, яже под верхнюю, дело тканно, все синее: Exodus 36:30 ожерелие же во внутренней ризе, на среде швенно, сплетено, ометы имущо около ожерелие неразлучено. Exodus 36:31 И сотвориша на омете ризы внутренния долу яко процветающаго шипка пугвицы от синеты и багряницы, и червленицы прядены и виссона сканаго. Exodus 36:32 И сотвориша звонцы златы, и возложиша звонцы на ометы ризы внутренния окрест между пугвицами: Exodus 36:33 звонец злат и пугвица на омете внутренния ризы окрест, к служению, якоже повеле Господь Моисею. Exodus 36:34 И сотвориша ризы виссонныя дело тканно, Аарону и сыном его, Exodus 36:35 и клобуки из виссона, и увясло из виссона, и надраги из виссона сканаго, Exodus 36:36 и поясы их из виссона и синеты, и багряницы и червленицы прядены, дело пестрящаго, якоже заповеда Господь Моисею. Exodus 36:37 И сотвориша дщицу злату, отделение святыни от злата чиста, и написаша на ней писмена изваяна печатию: освящение Господу: Exodus 36:38 и возложиша ю на омет синь, еже бы лежати на увясле свыше, якоже заповеда Господь Моисею. Exodus 37:0 Exodus 37:1 И сотвориша скинии десять опон: Exodus 37:2 двадесять и осмь лакот долгота единыя опоны, таяжде бяше всем, и четырех лакот широта опоны единыя. Exodus 37:3 И сотвориша завесу от синеты и багряницы, и червленицы спрядены и виссона сканаго, дело швенно херувимы: Exodus 37:4 и возложиша ю на четыри столпы негниющыя позлащены златом, и верхи их златы, и стояла их четыри сребряна. Exodus 37:5 И сотвориша завесу дверем скинии свидения от синеты и багряницы, и червленицы спрядены и виссона сканаго, дело швенно херувимы, Exodus 37:6 и столпы их пять и крючки их: и главицы их и верхи их позлатиша златом, и стояла их пять медяна. Exodus 37:7 И сотвориша двор к югу, опоны двора из виссона сканаго, сто на сто: Exodus 37:8 и столпы их двадесять, и стояла их двадесять медяна: Exodus 37:9 и страна к северу, сто на сто: и страна к югу, сто на сто, и столпы их двадесять, и стояла их двадесять медяна: Exodus 37:10 и страна к морю, опоны пятидесят лактей, столпы их десять, и стояла их десять: Exodus 37:11 и страна к востоку пятидесят лактей, Exodus 37:12 опоны пятинадесяти лактей, яже созади, и столпы их три, и стояла их три. Exodus 37:13 И на вторей задней стране сюду и сюду у дверий двора, опоны пятинадесяти лактей: столпы их три, и стояла их три. Exodus 37:14 Вся опоны скинии из виссона сканаго, Exodus 37:15 и стояла столпов их медяна, и петли их сребряны, и главицы их посребрены сребром, и столпы их посребрены сребром, вси столпи двора. Exodus 37:16 И завеса дверий двора дело пестрящаго, из синеты и багряницы, и червленицы прядены и виссона сканаго: двадесяти лактей долгота, и высота и широта пяти лактей, равны опонам двора: Exodus 37:17 и столпы их четыри, и стояла их четыри медяна, и петли их сребряны, и главицы их посребрены сребром: Exodus 37:18 и вси колки двора около медяны, и тии посребрены сребром. Exodus 37:19 И сие сочинение скинии свидения, якоже заповедано бысть Моисею, служению быти левитов чрез Ифамара сына Аароня иереа: Exodus 37:20 и Веселеил, сын Уриев, от племене Иудина, сотвори, якоже заповеда Господь Моисею, Exodus 37:21 и Елиав, сын Ахисамахов, от племене Данова, иже созидаше тканыя вещи и швеныя и пестрыя, еже ткати из червленицы и виссона. Exodus 38:0 Exodus 38:1 И сотвори Веселеил кивот Exodus 38:2 и позлати его златом чистым внутрьуду и внеуду, Exodus 38:3 и сотвори ему злат обвод обоюду: и слия ему четыри колца злата на четыри страны его: два на стране единей, и два на стране друзей, Exodus 38:4 широки носилам, яко носити его ими. Exodus 38:5 И сотвори очистилище над кивотом от злата чиста, Exodus 38:6 и два херувима златы: Exodus 38:7 херувима единаго на стране очистилища, и херувима втораго на стране вторей очистилища, Exodus 38:8 осеняющыя крилами своими над очистилищем. Exodus 38:9 И сотвори трапезу предложения от злата чиста, Exodus 38:10 и слия ей четыри колца злата: два колца на стране единей, и два колца на стране вторей, широки яко носити носилами в них. Exodus 38:11 И носила кивоту и трапезе сотвори, и позлати их златом. Exodus 38:12 И сотвори сосуды трапезе, блюда и фимиамники, и чашы златы и возливалники, имиже возливати будет, от злата. Exodus 38:13 И сотвори светилник, еже светити, златый, крепок стеблом, Exodus 38:14 и ветви от обоих стран его: Exodus 38:15 и от ветвий его отрасли исходящыя, три от единыя и три от вторыя страны, равны друг другу: Exodus 38:16 и светила их, яже на верху их, во образ ореха, от них: и цветцы от них, (и крузи их,) да будут светила на них: и цветец седмый, иже на краю светила, на верху свыше, крепкий весь злат: Exodus 38:17 и седмь светил на нем златых, и щипцы его златыя, и подставы их златы. Exodus 38:18 Сей посребри столпы и слия столпом колца злата, и позлати вереи златом, и позлати столпы завесе златом, и сотвори петли златы: Exodus 38:19 сей сотвори и крючки скинии златы, и крючки двора, и крючки на распрострение завесы сверху медяны: Exodus 38:20 сей слия главицы сребряны скинии, и главицы медяны дверий скинии, и двери двора, и петли сотвори сребряны на столпах: сей посребри их: Exodus 38:21 сей сотвори колки скинии и колки двора медяны. Exodus 38:22 сей сотвори олтарь медян из кадилниц медяных, яже быша мужем вскрамолившымся с Кореовым сонмищем: Exodus 38:23 сей сотвори вся сосуды олтаря и кадилник его, и стояло его и чашы, и вилицы его медяны: Exodus 38:24 сей сотвори олтарю окрест обложение делом мрежным, снизу огнища под ним даже до среды его, и положи на нем четыри колца от четырех стран обложения олтаря медяны, широки носилам, еже носити олтарь на них: Exodus 38:25 сей сотвори елей помазания святый, и сложение фимиама, дело чистое мироварца: Exodus 38:26 сей сотвори умывалницу медяну и стояло ея медяно из зерцал постниц, яже постишася у дверий скинии свидения, в оньже день постави ю: Exodus 38:27 и сотвори умывалницу, да омывают из нея Моисей и Аарон и сынове его руце свои и нозе, входящым им в скинию свидения: или егда приходят ко олтарю служити, омывахуся из нея, якоже заповеда Господь Моисею. Exodus 39:0 Exodus 39:1 Все злато, еже соделано бысть в деле по всякому деланию святых, бяше злата начатков двадесять девять талантов и седмь сот тридесять сиклев, по сиклю святому: Exodus 39:2 и сребра участие от исчисленных мужей сонма, сто талантов и тысяща седмь сот седмьдесят пять сиклев: Exodus 39:3 драхма едина с главы пол сикля, по сиклю святому: всяк приходяй к пресмотрению от двадесяти лет и вышше, на шестьдесят тем и на три тысящы пять сот и пятьдесят. Exodus 39:4 И быша сто талант сребра на слияние ста главиц скинии и на главицы завесныя, сто главиц на сто талант, талант на главицу: Exodus 39:5 и тысящу седмь сот седмьдесят пять сиклев сотвори на петли столпам, и позлати главицы их, и украси я. Exodus 39:6 И медь участия, седмьдесят талант и две тысящы и четыреста сиклев. Exodus 39:7 И сотвориша из нея стояла дверная скинии свидения, Exodus 39:8 и стояла двора окрест, и стояла дверий двора, и колки скинии, и колки двора окрест, Exodus 39:9 и обложение медяно окрест олтаря, и вся сосуды олтаря, и вся орудия скинии свидения. Exodus 39:10 И сотвориша сынове Израилевы, якоже заповеда Господь Моисею, тако сотвориша. Exodus 39:11 От избывшаго же злата участия сотвориша сосуды, еже служити в них пред Господем: Exodus 39:12 и от оставшия синеты и багряницы, и червленицы и виссона, сотвориша ризы служебныя Аарону, еже служити в них во святилищи. Exodus 39:13 И принесоша ризы к Моисею, и скинию и сосуды ея, и вереи ея и столпы и стояла ея, Exodus 39:14 и кивот завета и носила его, Exodus 39:15 и олтарь и вся сосуды его, и елей помазания и фимиам сложения, Exodus 39:16 и светилник чистый и светила его, светила вжигания и елей светения: Exodus 39:17 и трапезу предложения и вся сосуды ея, и хлебы предложенныя: Exodus 39:18 и ризы святыя, яже суть Аарони, и ризы сынов его на жречество: Exodus 39:19 и опоны двора, и столпы, и стояла его, и завесу дверий скинии и дверий двора: и вся сосуды скинии и вся орудия ея: Exodus 39:20 и покровцы кожы овни очервлены, и покровы кожы синия, и прочих опоны: Exodus 39:21 и колки, и вся орудия на дела скинии свидения: Exodus 39:22 елика заповеда Господь Моисею, тако сотвориша сынове Израилевы все устроение. Exodus 39:23 И виде Моисей вся дела, и бяху сотворена та, якоже заповеда Господь Моисею, тако сотвориша я, и благослови их Моисей. Exodus 40:0 Exodus 40:1 И рече Господь к Моисею, глаголя: Exodus 40:2 в день первый месяца перваго, в новомесячие поставиши скинию свидения: Exodus 40:3 и да положиши кивот свидения, и покрыеши кивот завесою: Exodus 40:4 и внесеши трапезу, и предложиши предложение ея: и внесеши светилник, и поставиши светила его: Exodus 40:5 и положиши олтарь златый, в каждение пред кивотом свидения, и возложиши покров завесы над дверию скинии свидения: Exodus 40:6 и олтарь приношений поставиши у дверий скинии свидения, Exodus 40:7 и поставиши умывалницу между скиниею свидения и между олтарем, и влиеши в ню воду: Exodus 40:8 и поставиши двор окрест и даси завесу дверий двора: Exodus 40:9 и возмеши елей помазания и помажеши скинию и вся яже в ней, и освятиши ю и вся сосуды ея, и будут свята: Exodus 40:10 и да помажеши олтарь приношений и вся сосуды его, и освятиши олтарь, и будет олтарь святый святых: Exodus 40:11 и помажеши умывалницу и стояло ея и освятиши ю: Exodus 40:12 и да приведеши Аарона и сынов его пред двери скинии свидения и измыеши их водою: Exodus 40:13 и да облечеши Аарона в ризы святыя и помажеши его, и освятиши его, и да жрет Мне: Exodus 40:14 и сыны его да приведеши и облечеши я в ризы, Exodus 40:15 и да помажеши я, якоже помазал еси отца их, да жрут Мне: и будет, еже быти им помазанию жречества во век, в роды их. Exodus 40:16 И сотвори Моисей вся, елика заповеда ему Господь, сице сотвори. Exodus 40:17 И бысть в первый месяц во второе лето исходящым им от Египта, в новомесячии ста скиния. Exodus 40:18 И постави Моисей скинию, и подложи стояла ея, и возложи главицы, и вложи разворы, и постави столпы, Exodus 40:19 и простре опоны на скинию, и возложи покрывало скинии на ню с верху, якоже заповеда Господь Моисею: Exodus 40:20 и взем свидения, вложи в кивот, и подстави ноги под кивотом, и возложи очистилище над кивотом: Exodus 40:21 и внесе кивот в скинию, и возложи покров завесы, и закры кивот свидения, якоже заповеда Господь Моисею: Exodus 40:22 и постави трапезу в скинии свидения, на страну скинии свидения, яже к северу, внеуду завесы скинии: Exodus 40:23 и возложи на ню хлебы предложения пред Господем, якоже заповеда Господь Моисею: Exodus 40:24 и постави светилник в скинии свидения прямо трапезы, на страну скинии, яже к югу: Exodus 40:25 и постави свещники его пред Господем, якоже заповеда Господь Моисею: Exodus 40:26 и постави олтарь златый в скинии свидения противу завесы, Exodus 40:27 и покади над ним фимиамом сложения, якоже заповеда Господь Моисею: Exodus 40:28 и положи завесу дверий скинии, Exodus 40:29 и олтарь приношений постави у дверий скинии покрова свидения, и вознесе на нем всесожжение и жертву, якоже заповеда Господь Моисею: Exodus 40:30 и сотвори умывалницу между скиниею свидения и между жертвенником, Exodus 40:31 и влия в ню воду, да умывают от нея Моисей и Аарон и сынове его руки своя и ноги, входящым им в скинию свидения: Exodus 40:32 или приходяще к жертвеннику служити, умывахуся от нея, якоже заповеда Господь Моисею: Exodus 40:33 и постави двор окрест скинии и олтаря и положи завесу двора. И сконча Моисей вся дела. Exodus 40:34 И покры облак скинию свидения, и славы Господни исполнися скиния, Exodus 40:35 и не можаше Моисей внити в скинию свидения, яко осеняше над нею облак, и славы Господни исполнися скиния: Exodus 40:36 егда же восхождаше облак от скинии, воздвизахуся сынове Израилевы со имением своим: Exodus 40:37 аще же не взыде облак, не воздвизахуся даже до дне, в оньже взыдет облак: Exodus 40:38 облак бо Господнь бяше над скиниею в день, и огнь бяше над нею в нощь пред всем Израилем во всех путешествиих их.
Leviticus 0:0
Левит Leviticus 1:0 Leviticus 1:1 И воззва Господь Моисеа, и рече ему из скинии свидения, глаголя: Leviticus 1:2 глаголи сыном Израилевым, и речеши к ним: человек от вас аще принесет дары Господу, от скотов и от говяд и от овец да принесете дары вашя: Leviticus 1:3 аще всесожжение дар его, от говяд мужеск пол непорочен принесет, пред двери скинии свидения да принесет е приятно пред Господем, Leviticus 1:4 и да возложит руку на главу приношения, приятно ему, умилостивити о нем: Leviticus 1:5 и да заколют телца пред Господем: и да принесут сынове Аароновы жерцы кровь, и да пролиют кровь на олтарь окрест, иже у дверий скинии свидения, Leviticus 1:6 и одравше всесожжение, да раздробят е на уды, Leviticus 1:7 и да возложат сынове Аарони жерцы огнь на олтарь, и да вскладут дрова на огнь: Leviticus 1:8 и да вскладут сынове Аарони жерцы раздробленая, и главу, и тук на дрова сущая на огни яже на олтари, Leviticus 1:9 утробу же и ноги да измыют водою: и да возложит жрец вся на олтарь: приношение есть жертва, воня благоухания Господу. Leviticus 1:10 Аще же от овец дар свой Господви (принесет) от агнец и от козлищ во всесожжение, мужеск пол непорочен да принесет и, Leviticus 1:11 и да возложит руку на главу его, и да заколют е в стране олтаря к северу пред Господем: и да пролиют сынове Аарони жерцы кровь его на олтарь окрест: Leviticus 1:12 и да раздробят его на уды, и главу, и тук его, и да вскладут я жерцы на дрова сущая на огни яже на олтари, Leviticus 1:13 и утробу и ноги измыют водою: и принесет жрец вся, и да возложит на олтарь: приношение есть жертва, воня благоухания Господу. Leviticus 1:14 Аще же от птиц приношение принесет дар свой Господу, и принесет от горлиц или от голубов дар свой, Leviticus 1:15 и да принесет и жрец ко олтарю, и да отторгнет главу его, и да возложит жрец на олтарь и исцедит кровь у стояла олтаря: Leviticus 1:16 и да отлучит гортань с перием, и извергнет ю от олтаря на восток на место пепела: Leviticus 1:17 и да изломит его от крил, и да не разделит: и да возложит е жрец на олтарь на дрова, яже на огни: приношение есть жертва, воня благоухания Господу: Leviticus 2:0 Leviticus 2:1 Аще же душа принесет дар жертву Господу, мука пшенична да будет дар его, и да возлиет на ню елей, и возложит на ню ливан: жертва есть: Leviticus 2:2 и да принесет ю к сыном Аароним жерцем, и возмет от нея полну горсть муки пшеничны с елеем и весь ливан ея, и да возложит жрец память ея на олтарь: жертва воня благоухания Господу: Leviticus 2:3 и останок от жертвы Аарону и сыном его: святое святых от жертв Господних. Leviticus 2:4 Аще же принесет дар жертву печену в пещи от муки пшеничны, хлебы пресны спряжены с елеем и опресноки помазаны елеем. Leviticus 2:5 Аще же жертва от сковрады дар твой, мука пшенична смешена со елеем, пресна да будут: Leviticus 2:6 и да разломиши я на укрухи, и возлиеши на на елей: жертва есть Господу. Leviticus 2:7 Аще же жертву от огнища дар твой, мука пшенична с елеем да сотворена будет: Leviticus 2:8 и принесет жертву, юже аще сотворит от сих Господу, и да принесет к жерцу: Leviticus 2:9 и приступив ко олтарю, да отимет жрец от жертвы память ея, и да возложит жрец на олтарь: приношение воня благовония Господу: Leviticus 2:10 останок же от жертвы Аарону и сыном его: святая святых от приношений Господу. Leviticus 2:11 Всяку жертву, юже аще приносите Господу, не сотворите квасну: всяк бо квас и всяк мед да не принесете от него, еже приносити Господу дар. Leviticus 2:12 От начатков да принесете я Господу: на олтарь же да не вознесутся в воню благовония Господу. Leviticus 2:13 И всяк дар жертвы вашея солию да осолится: да не отставите соли завета Господня от жертв ваших, во всяком даре вашем да принесете Господу Богу вашему соль. Leviticus 2:14 Аще же принесеши жертву от начатков жит Господу, новы спряжены зелены класы истлачены Господу, и принесеши жертву от начатков жит: Leviticus 2:15 и да возлиеши на ню елей, и да возложиши на ню ливан: жертва есть: Leviticus 2:16 и да вознесет жрец память ея от спряженых с елеем, и весь ливан ея: принос есть Господу. Leviticus 3:0 Leviticus 3:1 Аще же жертва спасения дар его Господу, аще убо от говяд е принесет, аще мужеск пол или женск, непорочен да принесет и пред Господа: Leviticus 3:2 и возложит руце свои на главу дара, и да заколет и пред Господем у дверий скинии свидения: и да возлиют сынове Аарони жерцы кровь на олтарь всесожжений окрест, Leviticus 3:3 и да принесут от жертвы спасения принос Господу, тук покрывающий утробу, и весь тук иже на утробе, Leviticus 3:4 и обе почки, и тук иже на них и иже на стегнах, и препонку, яже на печени, с почками отимет: Leviticus 3:5 и да вознесут я сынове Аарони жерцы, на олтарь во всесожжения на дрова сущая на огни, яже на олтари: принос воня благовония Господу. Leviticus 3:6 Аще же от овец дар его жертва спасения Господу, мужеск пол или женск, непорочен да принесет, Leviticus 3:7 аше агнца принесет дар свой, да приведет его пред Господа, Leviticus 3:8 и да возложит руку на главу дара своего, и да заколет его у дверий скинии свидения: и да пролиют сынове Аарони жерцы кровь на олтарь окрест, Leviticus 3:9 и да принесет от жертвы спасения принос Господу, тук и чресла чиста с лядвиями да отлучит и: и весь тук покрывающий утробу, и весь тук иже на утробе, Leviticus 3:10 и обе почки, и тук иже на них, иже на стегнах: и препонку, яже на печени, с почками отемь, Leviticus 3:11 да вознесет жрец на олтарь: воня благоухания, принос Господви. Leviticus 3:12 Аще же от козлов дар его Господу, да принесет пред Господа: Leviticus 3:13 и возложит руце на главу его, и да заколют е пред Господем у дверий скинии свидения: и да пролиют сынове Аарони жерцы кровь на олтарь около: Leviticus 3:14 и да вознесет от него принос Господу тук покрывающий утробу, и весь тук иже на утробе, Leviticus 3:15 и обе почки, и весь тук, иже на них, иже на стегнах, и препонку, яже на печени, с почками отлучит: Leviticus 3:16 и да вознесет жрец на олтарь, принос воня благовония Господу: весь тук Господу. Leviticus 3:17 Законное в веки в роды вашя, во всяком обитании вашем: всякаго тука и всякия крове да не ясте. Leviticus 4:0 Leviticus 4:1 И рече Господь к Моисею, глаголя. Leviticus 4:2 Рцы к сыном Израилевым, глаголя: душа аще согрешит пред Господем не хотящи от всех повелений Господних, ихже не леть есть творити, и сотворит едино что от них: Leviticus 4:3 аше убо архиерей помазанный согрешит, во еже людем согрешити, и да приведет о гресе своем, имже согрешил, телца от говяд непорочна Господви от гресе: Leviticus 4:4 и да приведет телца к дверем скинии свидения пред Господа, и да возложит руку свою на главу телца пред Господем, и да заколет телца пред Господем: Leviticus 4:5 и взем жрец помазанный совершен руками от крове телца, и да внесет ю в скинию свидения, Leviticus 4:6 и да омочит жрец перст в крови, и да покропит от крове седмижды перстом пред Господем, у завесы святыни: Leviticus 4:7 и да возложит жрец от крове телчи на роги олтаря фимиама сложения иже пред Господем, иже есть в скинии свидения, и всю кровь телчу да излиет у стояла олтаря всесожжений, иже есть у дверий скинии свидения, Leviticus 4:8 и весь тук телца, иже от гресе, да отимет от него, тук покрывающий утробу, и весь тук иже на утробе, Leviticus 4:9 и обе почки, и тук иже на них, иже есть на стегнах, и препонку, яже на печени, с почками отимет е, Leviticus 4:10 якоже отемлется оное от телца жертвы спасения, и да вознесет жрец на олтарь приношения: Leviticus 4:11 и кожу телчу, и всю его плоть со главою, и с крайними частми, и со утробою, и с мотылы: Leviticus 4:12 и да изнесут всего телца вне полка на место чисто, идеже изсыпают пепел, и да сожгут его на дровах огнем: на месте изсыпания пепела да сожжен будет. Leviticus 4:13 Аще же весь сонм сынов Израилевых согрешит не хотящь, и утаится глагол от лица сонма, и сотворят едину от всех заповедий Господних, еяже не леть есть творити, и согрешат, Leviticus 4:14 и увестся им грех, имже согрешиша в нем: и да приведет сонм телца от волов непорочна от гресе, и приведет и пред двери скинии свидения: Leviticus 4:15 и да возложат старцы сонма руки своя на главу телца пред Господем, и да заколют телца пред Господем, Leviticus 4:16 и да внесет жрец помазанный от крове телчи в скинию свидения, Leviticus 4:17 и да омочит жрец перст свой в крови телчи, и да покропит седмижды пред Господем, пред завесою святыни: Leviticus 4:18 и от крове да возложит жрец на роги олтаря фимиамов сложения, иже есть пред Господем, иже есть в скинии свидения: и всю кровь да излиет у стояла олтаря приношений, иже есть у дверий скинии свидения, Leviticus 4:19 и весь тук его да возмет от него, и вознесет на олтарь: Leviticus 4:20 и сотворит телцу сему, якоже сотвори телцу, иже о гресе, тако сотворится: и да помолится от них жрец, и оставится им грех: Leviticus 4:21 и да изнесут телца всего вне полка, и да сожгут телца, якоже сожгоша телца перваго: грех (бо) сонма есть. Leviticus 4:22 Аще же князь согрешит, и сотворит едину от всех заповедий Господа Бога своего, не хотя, иже не леть есть творити, и согрешит, и преступит, Leviticus 4:23 и увестся ему грех, имже согреши в нем: да принесет дар свой козла от коз мужеск пол непорочен греха ради, Leviticus 4:24 и возложит руку свою на главу козла: и да заколют его на месте, идеже закалают всесожжения пред Господем: о гресе (бо) есть: Leviticus 4:25 и да возложит жрец от крове, яже от гресе, перстом на роги олтаря всесожжений, и всю кровь его да излиет у стояла олтаря всесожжений, Leviticus 4:26 и весь тук его вознесет на олтарь, якоже тук жертвы спасения: и да помолится о нем жрец греха ради его, и оставится ему. Leviticus 4:27 Аще же душа едина согрешит не хотящи от людий земли, внегда сотворити едину от всех заповедий Господних, еже не леть есть творити, и согрешит, Leviticus 4:28 и увестся ему грех, имже согреши в нем, и да принесется дар свой козу от коз женск пол непорочну, да принесет греха ради, имже согреши: Leviticus 4:29 и да возложит руку свою на главу греха своего: и заколют козу, яже греха ради, на месте, идеже закалают всесожжения: Leviticus 4:30 и да возмет жрец от крове ея перстом, и да возложит на роги олтаря всесожжений, и всю кровь ея излиет у стояла олтаря: Leviticus 4:31 и весь тук да отимет, якоже отемлется тука от жертвы спасения, и да вознесет жрец на олтарь в воню благовония Господу: и да помолится жрец о нем, и оставится ему. Leviticus 4:32 Аше же овцу принесет дар свой греха ради, женск пол непорочен да принесет ю: Leviticus 4:33 и да возложит руку свою на главу яже о гресе, и да заколют ю греха ради на месте, на немже закалают всесожжения (на месте святе): Leviticus 4:34 и взем жрец от крове, яже о гресе, перстом своим, да возложит на роги олтаря всесожжения: и всю кровь ея да излиет у стояла олтаря всесожжения, Leviticus 4:35 и весь тук ея да отимет, якоже отемлется тук овцы от жертвы спасения: и да возложит его жрец на олтарь на всесожжение Господне: и да помолится за него жрец о гресе, имже согреши, и оставится ему. Leviticus 5:0 Leviticus 5:1 Аще же душа согрешит, и услышит глас клятвы, и сей свидетель или виде или сведа, аще не возвестит, приимет грех. Leviticus 5:2 Душа она, яже аще прикоснется ко всякой вещи нечистей, или мертвечине, или звероядине нечистей, или мертвечинам гнусностей нечистых, или мертвечинам скотов нечистых, и мертвечине гад нечистых, и забыв их осквернится: Leviticus 5:3 или прикоснется нечистоте человечи, от всякия нечистоты его, ейже прикоснувся осквернится, и забудет, посем же увесть, повинен будет греху. Leviticus 5:4 Душа беззаконная, аще обещает устнама своима зле или добре сотворити, по всем, елика изречет человек с клятвою, и утаится его пред очесы, и сей увесть, и согрешит едино что от сих, Leviticus 5:5 и исповесть грех, имже согреши противу себе: Leviticus 5:6 и да принесет Господу о гресе, имже согреши, женск пол, от овец агницу, или козу от коз греха ради: и да помолится о нем жрец греха ради его, имже согреши, и оставится ему грех. Leviticus 5:7 Аще же не может рука его доволства имети на овцу, да принесет греха ради своего, имже согреши, две горлицы, или два птенца голубина Господу, един греха ради и един во всесожжение: Leviticus 5:8 и принесет я к жерцу, и приведет жрец еже за грех прежде, и да отторгнет жрец главу его созади, но да не отлучит: Leviticus 5:9 и да покропит от крове, яже за грех, на стену олтаря, останок же крове да исцедит на стояло олтаря: о гресе бо есть: Leviticus 5:10 и вторым да сотворит всесожжение, якоже подобает, и да помолится от нем жрец греха ради его, имже согреши, и оставится ему. Leviticus 5:11 Аще же не обрящет рука его супруга горлиц, или двух птенцев голубиных, и принесет дар свой за грех, десятую часть меры ефимуки пшеничны за грех: да не возлиет на ню елеа, ниже да возложит на ню ливана, понеже о гресе есть: Leviticus 5:12 и да принесет ю к жерцу, и взем жрец о нея полну горсть в память его, возложит на жертвенник всесожжения Господня: о гресе (бо) есть: Leviticus 5:13 и да помолится о нем жрец греха ради его, имже согреши отединаго сих, и оставится ему: останок же будет жерцу, якоже жертва муки пшеничны. Leviticus 5:14 И рече Господь к Моисею, глаголя: Leviticus 5:15 душа яже аще забудет забвением, и согрешит не хотящи от святынь Господних, и да принесет о преступлении своем Господу овна непорочна от овец, емуже цена сребра сиклев, по сиклю святых, о немже согреши: Leviticus 5:16 и еже согреши от святых, да отдаст е, и пятую часть приложит нань, и даст е жерцу: и жрец да помолится о нем овнов преступления его, и оставится ему. Leviticus 5:17 И душа яже аше согрешит, и сотворит едину от всех заповедий Господних, ихже не леть есть творити, и не уведе, и согрешит, и приимет грех свой, Leviticus 5:18 и да принесет овна непорочна от овец, ценою сребра греха ради, к жерцу и да помолится о нем жрец, о неведении его, егоже не веде, и сам не ведяще, и оставится ему: Leviticus 5:19 согреши бо согрешением пред Господем. Leviticus 6:0 Leviticus 6:1 И рече Господь к Моисею, глаголя: Leviticus 6:2 душа яже аще согрешит, и презрев презрит заповеди Господня, и солжет к другу о вдании, или о общине, или о хищении, или преобиде чим ближняго, Leviticus 6:3 или обрете погубленое, и солжет о нем, и кленется в неправду о единем от всех, яже аще сотворит человек яко согрешити в них: Leviticus 6:4 и будет егда согрешит и преступит, и отдаст похищеное, еже похити, или обиду, еюже преобиде, или вдание, еже вдано бысть ему, или погибшее, еже обрете: Leviticus 6:5 от всякия вещи, еяже ради кляся в неправду, и да отдаст самое то истое, и пятую часть свою приложит ктому: егоже есть, тому да отдаст, в оньже день обличится: Leviticus 6:6 и о преступлении своем да принесет Господу овна от овец непорочна, ценою в немже прегреши: Leviticus 6:7 и да помолится жрец о нем пред Господем, и оставится ему за едино от всех, яже сотвори и преступи в нем. Leviticus 6:8 И рече Господь к Моисею, глаголя: Leviticus 6:9 заповеждь Аарону и сыном его, глаголя: сей закон всесожжения: сие всесожжение на горении его на олтари всю нощь до заутра, и огнь олтаря да горит на нем, и не угасает: Leviticus 6:10 и да облечется жрец в срачицу льняну, и надраги льняны да возвлечет на тело свое, и да изнесет принос, егоже аще изжжет огнь всесожжения от олтаря, и да поставит близ олтаря: Leviticus 6:11 и да совлечет ризы своя, и да облечется в ризы ины, и да изнесет принос вне полка на место чисто: Leviticus 6:12 и огнь на олтари да горит на нем и не угасает: и да возжжет на нем жрец дрова по вся утра, и да возкладет нань всесожжение, и да возложит нань тук спасения: Leviticus 6:13 и огнь всегда да горит на олтари, не угасает: Leviticus 6:14 сей закон жертвы, юже принесут сынове Аарони жерцы пред Господем, прямо олтаря: Leviticus 6:15 и да возмет от него (жрец) горсть муки пшеничны жертвенныя с елеем ея и со всем ливаном ея, сущими на жертве: и да вознесет на олтарь принос в воню благовония, в память ея Господу: Leviticus 6:16 оставшееся же от нея снест Аарон и сынове его: пресна да снедятся в месте святе, в притворе скинии свидения да снедят я: Leviticus 6:17 да не испечется квасна: часть сию дах им от приносов Господних: святая святых суть, якоже еже о гресе, и якоже еже о преступлении: Leviticus 6:18 всяк мужеск пол жреческ да снедят ю: законно вечно в роды вашя от принос Господних: всяк, иже аще прикоснется им, освятится. Leviticus 6:19 И рече Господь к Моисею, глаголя: Leviticus 6:20 сей дар Аарону и сыном его, егоже принесут Господу в день, в оньже аще помажеши его: десятую часть меры ефи муки пшеничны в жертву всегда, пол ея заутра и пол ея в вечер: Leviticus 6:21 на сковраде в елеи да сотворится, спряжену да принесет ю витую жертву от укрухов, жертву в воню благовония Господу: Leviticus 6:22 жрец помазанный, иже вместо его от сынов его, да сотворит ю: законно вечно, все да совершится: Leviticus 6:23 и всяка жертва жреческа всесожженна да будет и да не снестся. Leviticus 6:24 И рече Господь Бог Моисею, глаголя: Leviticus 6:25 рцы Аарону и сыном его, глаголя: сей закон согрешения: на месте, на немже закалают всесожжения, да закалают яже греха ради пред Господем: святая (бо) святых суть: Leviticus 6:26 жрец приносяй ю да снест ю: в месте святе да снестся, в притворе скинии свидения: Leviticus 6:27 всяк прикасайся мяс ея освятится: и емуже аще воскропится от крове ея на ризу, яже аще воскропится на ню, да исперется на месте святе: Leviticus 6:28 и сосуд глинян, в немже варится, да разбиется: аще же в медян сосуде сварится, да изтрет его, и измыет водою: Leviticus 6:29 всяк мужеск пол в жерцех да снест ю: святая (бо) святых суть Господу: Leviticus 6:30 и вся, яже от гресе аще принесутся от крове их в скинию свидения, ко очищению во святыни, да не снедятся, огнем да сожгутся. Leviticus 7:0 Leviticus 7:1 И сей закон овна иже о преступлении: святая святых суть: Leviticus 7:2 на месте, на немже закалают всесожжение, да заколют овна иже о преступлении пред Господем, и кровь да пролиют на стояла олтаря окрест: Leviticus 7:3 и весь тук его да принесет от него, и чресла, и весь тук покрывающий утробу, и весь тук иже на утробе, Leviticus 7:4 и обе почки, и тук иже на них, иже на стегнах, и препонку, яже на печени, с почками да отимет я: Leviticus 7:5 и вознесет я жрец на олтарь, принос в воню благовония Господу: о преступлении (бо) есть: Leviticus 7:6 всяк мужеск пол от жрец да снест я, на месте святе да снедят я: святая святых суть: Leviticus 7:7 якоже греха ради, тако и преступления ради, закон един их: жрец иже помолится о нем, ему да будет: Leviticus 7:8 и жрец приносяй всесожжение человечо, кожа всесожжения, еже приносит он, ему да будет: Leviticus 7:9 и всяка жертва, яже сотворится в пещи, и всяка, яже сотворится на огнищи, или на сковраде, жерцу, иже приносит ю, тому да будет: Leviticus 7:10 и всяка жертва спряжена с елеем, и яже не спряжена, всем сыном Аароним комуждо равно да будет. Leviticus 7:11 Сей закон жертвы спасения, юже принесут Господу: Leviticus 7:12 аще убо похваления ради принесет ю, и принесет на жертву хваления хлебы от муки пшеничны пряжены в елеи, и опресноки помазаны елеем, и муку пшеничну смешену с елеем: Leviticus 7:13 с хлебы квасными да принесет дар свой на жертву хваления спасителнаго: Leviticus 7:14 и да принесет един от всех даров своих участие Господу: жерцу возливающему кровь жертвы спасения, тому да будет: Leviticus 7:15 и мяса жертвы хваления спасителнаго тому да будут, и в оньже день принесутся, да снедятся: да не оставят от него на утрие: Leviticus 7:16 и аще обет будет, или вольный пожрет дар свой, в оньже аще день жертву свою принесет, да снестся, и на утрие: Leviticus 7:17 и оставшееся от мяс жертвы до дне третияго на огни да сожжется: Leviticus 7:18 аще же ядый снест от мяс в день третий, не приимется приносящему ю, ниже вменится ему: осквернение есть: душа же, яже аще снест от них, грех приимет: Leviticus 7:19 и мяса, яже аще прикоснутся всякому нечисту, да не снедятся, на огни да сожгутся: всяк чистый да снест мяса: Leviticus 7:20 душа же, яже аще снест от мяс жертвы спасения, яже есть Господу, и нечистота его на нем, погибнет душа она от людий своих: Leviticus 7:21 всякой вещи нечистей, или от нечистоты человечи или от четвероногих нечистых, или всякой мерзости нечистей, и снест от мяс жертвы спасения, яже есть Господня, погибнет душа та от людий своих. Leviticus 7:22 И рече Господь к Моисею, глаголя: Leviticus 7:23 рцы сыном Израилевым, глаголя: всякаго тука говяжа и овча и козия да не снесте: Leviticus 7:24 и тук мертвечинен и звероядный да сотворится на всяко дело, в ядении же да не снестся: Leviticus 7:25 всяк ядый тук от скотов, от нихже принесет дар Господу, погибнет душа та от людий своих: Leviticus 7:26 всякия крове да не снесте во всех селениих ваших и от скотов и от птиц: Leviticus 7:27 всяка душа, яже аще снест кровь, погибнет душа та от людий своих. Leviticus 7:28 И рече Господь к Моисею, глаголя: Leviticus 7:29 и сыном Израилевым речеши, глаголя: приносяй жертву спасения Господу да принесет дар свой Господу, и от жертвы спасения: Leviticus 7:30 руце его да принесут принос Господу: тук иже на грудех, и препонку печени да принесет я, якоже возложити дар пред Господа: Leviticus 7:31 и да вознесет жрец тук иже на грудех, на олтарь, и груди да будут Аарону и сыном его, Leviticus 7:32 и рамо десное да дастся участие жерцу от жертв спасения вашего: Leviticus 7:33 приносящему кровь спасения и тук от сынов Аароновых, тому да будет рамо десное во участие: Leviticus 7:34 грудь бо возложения и рамо участия взях от сынов Израилевых от жертв спасения вашего, и дах я Аарону жерцу и сыном его, законно вечно от сынов Израилевых. Leviticus 7:35 Сие помазание Аароне и помазание сынов его от приносов Господних, в оньже день приведе я жрети Господу: Leviticus 7:36 якоже заповеда Господь дати им, в оньже день помаза я от сынов Израилевых: законно вечно в роды их. Leviticus 7:37 Сей закон всесожжений и жертвы, и о гресе и о преступлении, и совершении и жертве спасения: Leviticus 7:38 якоже заповеда Господь Моисею на горе Синайстей, в оньже день заповеда сыном Израилевым приносити дары своя пред Господа, в пустыни Синайстей. Leviticus 8:0 Leviticus 8:1 И рече Господь к Моисею, глаголя: Leviticus 8:2 поими Аарона и сыны его, и ризы его, и елей помазания, и телца иже за грех, и два овна, и кошницу опресноков, Leviticus 8:3 и весь сонм собери пред двери скинии свидения. Leviticus 8:4 И сотвори Моисей, якоже повеле ему Господь: и собра сонм пред двери скинии свидения. Leviticus 8:5 И рече Моисей к сонму: сие есть слово, еже завеща Господь сотворити. Leviticus 8:6 И приведе Моисей Аарона и сыны его и измы я водою:: Leviticus 8:7 и облече его в срачицу, и опояса его поясом, и облече его в исподнюю ризу, и возвлече нань верхнюю ризу: Leviticus 8:8 и опояса его по устроению ефуда, и стисне его им: и возложи нань слово, и возложи на слово явление и истину: Leviticus 8:9 и возложи увясло на главу его, и возложи на увясло против лица его дщицу златую освященную святую, якоже повеле Господь Моисею. Leviticus 8:10 И взя Моисей от елеа помазания, Leviticus 8:11 и воскропи от него на олтарь седмижды, и помаза олтарь и освяти его и вся сосуды его, и умывалницу и стояло ея, и освяти я, и помаза скинию и вся сосуды ея, и освяти ю, Leviticus 8:12 и возлия Моисей от елеа помазания на главу Аароню, и помаза его, и освяти его. Leviticus 8:13 И приведе Моисей сыны Аарони, и облече я в срачицы, и опояса я поясы, и возложи на ня клобуки, якоже повеле Господь Моисею. Leviticus 8:14 И приведе Моисей телца иже за грех, и возложи Аарон и сынове его руки на главу телца иже за грех, Leviticus 8:15 и закла его ю взя Моисей от крове, и возложи на роги олтаря окрест перстом, и очисти олтарь: и кровь пролия на стояло олтаря, и освяти его, еже молитися у него. Leviticus 8:16 И взя Моисей весь тук иже на утробе, и препонку яже на печени, и обе почки, и тук иже на них, и вознесе Моисей на олтарь: Leviticus 8:17 телца же и кожу его, и мяса его и мотылы его, сожже я огнем вне полка, якоже повеле Господь Моисею. Leviticus 8:18 И приведе Моисей овна иже во всесожжение, и возложи Аарон и сынове его руки своя на главу овню. Leviticus 8:19 И закла Моисей овна, и пролия Моисей кровь на олтарь окрест: Leviticus 8:20 овна же раздроби на уды его, и вознесе Моисей главу и уды и тук, и утробу и ноги измы водою: Leviticus 8:21 и вознесе Моисей всего овна на олтарь: всесожжение есть в воню благовония: принос есть Господу, якоже заповеда Господь Моисею. Leviticus 8:22 И приведе Моисей овна втораго, овна совершения: и возложи Аарон и сынове его руки своя на главу овню, Leviticus 8:23 и закла его: и взя Моисей от крове его, и возложи на край уха Аароня деснаго, и на край руки его десныя, и на край ноги его десныя. Leviticus 8:24 И приведе Моисей сыны Аарони, и возложи Моисей от крове на край ушес их десных, и на край рук их десных, и на край ног их десных: и пролия Моисей кровь на олтарь окрест: Leviticus 8:25 и взя Моисей тук и чресла, и тук иже на утробе, и препонку печени, и обе почки, и тук иже на них, и рамо десное, Leviticus 8:26 и от кошницы совершения, яже есть пред Господем, и взя хлеб един пресный, и хлеб елеен един, и опреснок един, и возложи на тук, и рамо десное: Leviticus 8:27 и возложи вся на руце Аарони и на руце сынов его, и вознесе я участие пред Господа. Leviticus 8:28 И взя Моисей от рук их и вознесе на олтарь на всесожжение совершения, еже есть воня благоухания: принос есть Господу. Leviticus 8:29 И взем Моисей грудь, отлучи ю возложение пред Господем от овна совершения: и бысть Моисею в масть, якоже заповеда Господь Моисею. Leviticus 8:30 И взя Моисей от елеа помазания и от крове яже на олтари, и воскропи на Аарона и на ризы его, и на сыны его и на ризы сынов его с ним: и освяти Аарона и ризы его, и сыны его и ризы сынов его с ним. Leviticus 8:31 И рече Моисей Аарону и сыном его: сварите мяса во дворе скинии свидения на месте святе, и тамо да снесте я, и хлебы иже в кошнице совершения, якоже заповедано бысть мне глаголя: Аарон и сынове его да снедят я: Leviticus 8:32 и останок мяс и хлебов на огни да сожжете: Leviticus 8:33 и из дверий скинии свидения да не изыдете седмь дний, дондеже день скончается, день совершения вашего: в седмь бо дний совершит руки вашя: Leviticus 8:34 якоже сотвори в день сей, в оньже заповеда Господь сотворити, яко молитися о вас: Leviticus 8:35 и у дверий скинии свидения седите седмь дний, день и нощь, и сохраните повеления Господня, да не умрете: тако бо заповеда мне Господь Бог. Leviticus 8:36 И сотвори Аарон и сынове его вся словеса, яже завеща Господь Моисею. Leviticus 9:0 Leviticus 9:1 И бысть в день осмый, призва Моисей Аарона и сыны его и старцы Израилевы, Leviticus 9:2 и рече Моисей ко Аарону: возми себе телца от говяд греха ради и овна на всесожжение, непорочны, и принеси я пред Господа: Leviticus 9:3 и старцем Израилевым речеши, глаголя: возмите козла от коз единаго от гресе, и овна, и телца и агнца единолетна, в приношение, непорочны: Leviticus 9:4 и телца от говяд, и овна на жертву спасения пред Господа, и муку пшеничну спряжену с елеем: зане днесь Господь явится в вас. Leviticus 9:5 И взяша, якоже заповеда Моисей пред скиниею свидения: и прииде весь сонм, и сташа пред Господем. Leviticus 9:6 И рече Моисей: сие слово, еже рече Господь, сотворите, и явится в вас слава Господня. Leviticus 9:7 И рече Моисей Аарону: приступи ко олтарю и сотвори еже греха ради твоего, и всесожжение твое, и помолися о себе и о доме твоем: и сотвори дары людския, и помолися о них, якоже заповеда Господь Моисею. Leviticus 9:8 И приступи Аарон ко олтарю, и закла телца, иже греха ради его. Leviticus 9:9 И принесоша сынове Аарони кровь к нему: и омочи перст свой в кровь, и возложи на роги олтаря, и кровь излия у стояла олтаря: Leviticus 9:10 и тук, и обе почки, и препонку печени, яже греха ради, возложи на олтарь, якоже заповеда Господь Моисею: Leviticus 9:11 мяса же и кожу сожже на огни вне полка, Leviticus 9:12 и закла всесожжение. И принесоша сынове Аарони кровь к нему: и пролия на олтарь окрест. Leviticus 9:13 И всесожжение принесоша к нему по удам: сия и главу возложи на олтарь, Leviticus 9:14 и измы утробу и ноги водою, и возложи во всесожжение на олтарь. Leviticus 9:15 И принесе дар людский: и взя козла, иже греха ради людска, и закла его, и очисти его, якоже и перваго, Leviticus 9:16 и принесе всесожжение, и сотвори е, якоже достоит. Leviticus 9:17 И принесе жертву, и наполни руце от нея, и возложи на олтарь кроме всесожжения утренняго, Leviticus 9:18 и закла телца и овна жертвы спасения людска. И принесоша сынове Аарони кровь к нему: и пролия на олтарь окрест. Leviticus 9:19 И тук телчий, и овняя чресла, и тук покрывающий утробу, и обе почки, и тук иже на них, и препонку печени: Leviticus 9:20 и возложи туки на груди, и вознесе туки на олтарь: Leviticus 9:21 и груди и рамо десное отя Аарон участие пред Господем, якоже повеле Господь Моисею. Leviticus 9:22 И воздвиг Аарон руце к людем, благослови я: и сниде сотворив приношение греха ради, и всесожжение, и яже о спасении. Leviticus 9:23 И вниде Моисей и Аарон в скинию свидения, и изшедше благословиста вся люди. И явися слава Господня всем людем: Leviticus 9:24 и изыде огнь от Господа, и пояде яже на олтари, и всесожжения и туки. И видеша вси людие, и ужасошася, и падоша на лице. Leviticus 10:0 Leviticus 10:1 И вземше два сына Аароня, Надав и Авиуд, кийждо свою кадилницу, вложиста в ня огнь и возложиста нань фимиам, и принесоста пред Господа огнь чуждь, егоже не повеле има Господь. Leviticus 10:2 И изыде огнь от Господа, и пояде я, и умроста пред Господем. Leviticus 10:3 И рече Моисей ко Аарону: сие есть, еже рече Господь, глаголя: в приближающихся Мне освящуся и во всем сонме прославлюся. И умилися Аарон. Leviticus 10:4 И призва Моисей Мисаила и Елисафана, сыны Озиилевы, сыны брата отца Аароня, и рече им: приступите и возмите братий своих от лица святых вне полка. Leviticus 10:5 И приступиша, и взяша их в ризах их, (и изнесоша) вне полка, якоже рече Моисей. Leviticus 10:6 И рече Моисей ко Аарону и Елеазару и Ифамару, сыном его оставшымся: глав ваших не открывайте и риз ваших не раздирайте, да не умрете, и на весь сонм будет гнев: кратия же вашя весь дом Израилев да плачутся запаления, имже запалишася от Господа: Leviticus 10:7 и из дверий скинии свидения не исходите, да не умрете: елей бо помазания, иже от Господа, на вас есть. И сотвориша по словеси Моисеову. Leviticus 10:8 И рече Господь ко Аарону, глаголя: Leviticus 10:9 вина и сикера не пийте, ты и сынове твои с тобою, егда входите в скинию свидения, или приступающым вам ко олтарю, да не умрете: (и будет сие) законно вечно в роды вашя: Leviticus 10:10 отлучити между вещми святыми и между сквернавыми, и между нечистыми и между чистыми, Leviticus 10:11 и устроити сыном Израилевым вся законная, яже глагола Господь к ним рукою Моисеовою. Leviticus 10:12 И рече Моисей ко Аарону, и Елеазару и Фамару, сыном, его оставшымся: возмите жертву оставшуюся от приносов Господних и ядите опресноки у олтаря: яко святая святых суть: Leviticus 10:13 и ядите я на месте святе: законно бо тебе есть, и законно сыном твоим, сие от приносов Господних: сице бо ми заповеда Господь: Leviticus 10:14 и груди участия и рамо участия ядите на месте святе ты и сынове твои, и дом твой с тобою: законно бо тебе, и законно сыном твоим дадеся от жертв спасении сынов Израилевых: Leviticus 10:15 рамо участия и груди участия в приносех тучных да принесут, участие еже приносити пред Господа: и да будет тебе и сыном твоим и дщерем твоим с тобою законно вечно, якоже повеле Господь Моисею. Leviticus 10:16 И козла, иже греха ради, взыскуя взыска Моисей: и сей сожжен бяше. И разгневася Моисей на Елеазара и Ифамара, сыны Аарони оставльшыяся, глаголя: Leviticus 10:17 почто не снедосте на месте святе, еже греха ради, яко святая святых суть, сие даде вам ясти, да отимете грех сонма и помолитеся о них пред Господем: Leviticus 10:18 не внесеся бо от крове его в святое: пред лицем внутрь да ясте е на месте святе, якоже повеле мне Господь. Leviticus 10:19 И рече Аарон к Моисею, глаголя: аще днесь принесоша яже греха ради своего и всесожжения своего пред Господа, и случишася мне сицевая, и снем, яже греха ради, днесь, еда угодно будет Господу? Leviticus 10:20 И слыша Моисей, и угодно ему бысть. Leviticus 11:0 Leviticus 11:1 И рече Господь к Моисею и Аарону, глаголя: Leviticus 11:2 рцыте сыном Израилевым, глаголюще: сии скоти, ихже имате ясти от всех скотов, иже на земли: Leviticus 11:3 всяк скот раздвояющь копыто и пазнокти имеющь на двое, и отрыгаяй жвание в скотех, сия да ясте: Leviticus 11:4 токмо от сих да не снесте от отрыгающих жвание и от раздвояющих копыта и делящих пазнокти: велблюда, яко сей износит жвание, но пазноктей не делит на двое, нечист сей вам: Leviticus 11:5 и хирогриля, яко износит жвание, а пазноктей не делит, нечист сей вам: Leviticus 11:6 и заяца, иже отрыгает жвание, но пазноктей не делит на двое, нечист сей вам: Leviticus 11:7 и свинии, яко делит пазнокти на двое и копыто раздвояет, но не отрыгает жвания, нечиста сия вам: Leviticus 11:8 от мяс их да не ясте и мертвечине их да не прикасаетеся, нечиста сия вам. Leviticus 11:9 И сия да ясте от всех, яже в водах: вся, имже суть перия и чешуя в водах, и в морях и в езерах, сия да ясте: Leviticus 11:10 и всем, Имже несть перие ни чешуи в водах, и в морях и в езерах, от всех, яже износят воды, и всяка душа живущая в воде, скверна есть, и скверна да будут вам: Leviticus 11:11 от мяс их да не ядите и мертвечины их гнушайтеся: Leviticus 11:12 и вся, имже несть перия и чешуи, иже в водах, скверна сия суть вам. Leviticus 11:13 И сих гнушайтеся от птиц, и да не ясте их, гнусни суть: орла и грифа и морскаго орла, Leviticus 11:14 и неясыти и иктина и подобных сим: Leviticus 11:15 и струфа и совы, и сухолапля и подобных им: Leviticus 11:16 и всякаго врана и подобных ему: и ястреба и подобных ему: Leviticus 11:17 и врана нощнаго и лилика и ивина, Leviticus 11:18 и порфириона и пелекана и лебедя, Leviticus 11:19 и еродиа и харадриона и подобных ему: и вдода и нощнаго нетопыря. Leviticus 11:20 И вся гады птичия, иже ходят на четырех, мерзость есть вам: Leviticus 11:21 но сия да ясте от всех гад птичных, иже ходят четвероножны, иже имут голени выше плесну своею, скакати ими по земли: Leviticus 11:22 и сия да ясте от сих: вруха и подобная ему, и аттака и подобная ему, офиомаха и еже подобно к нему, и акриду и подобная ей: Leviticus 11:23 и всяк гад от птиц, имже суть четыри ноги, мерзость есть вам, и в сих да не осквернитеся: Leviticus 11:24 всяк прикасаяйся мертвечине их нечист будет до вечера: Leviticus 11:25 и всяк вземляй мертвечину их да измыет ризы своя и нечист будет до вечера. Leviticus 11:26 Во всех скотех, иже раздвояет копыто и пазнокти имеет, а жвания не отрыгает, нечиста да будут вам: всяк прикасаяйся мертвечине их нечист будет даже до вечера: Leviticus 11:27 и всяк иже ходит на лапах, во всех зверех, иже ходят на четырех, нечиста будут вам: всяк прикасаяйся мертвечине их нечист будет до вечера: Leviticus 11:28 и вземляй мертвечину их да исперет ризы своя и нечист будет до вечера: нечиста сия будут вам. Leviticus 11:29 И сия вам нечиста от гад плежущих по земли: ласица и мыш и крокодил земный, Leviticus 11:30 мигали и хамелеон, и халавотис и ящер и кроторыя: Leviticus 11:31 сии нечисти вам от всех гад плежущих по земли: всяк прикасаяйся мертвечине их нечист будет до вечера. Leviticus 11:32 И всяко, в неже аше впадет от них нечто от мертвечины их, нечист будет всяк сосуд древян, или риза, или кожа, или вретище: всякий сосуд, в немже творится дело, в воде погрузится и нечист будет до вечера, и по сих чист будет: Leviticus 11:33 и всяк сосуд глинян, в оньже аще впадет от сих внутрь, елика суть в нем, нечиста будут, и сосуд да разбиется. Leviticus 11:34 И всяка снедь юже ясте, на нюже аще возлиется вода, нечиста будет вам: и всякое питие, еже пиете во всяком сосуде, нечисто будет (вам): Leviticus 11:35 и все, еже аще впадет в не от мертвечины их, нечисто будет: пещи и огнища да сокрушатся, нечиста сия суть и нечиста будут вам. Leviticus 11:36 Кроме источник водных и поток, и собраний водных, будут чисти: а иже прикасается мертвечинам их, нечист будет. Leviticus 11:37 Аще же впадет от мертвечины их на всяко семя семянное, еже сеется, чисто будет: Leviticus 11:38 аще же возлиется вода на всяко семя, и впадет от мертвечины их на не, нечисто будет вам. Leviticus 11:39 Аще же умрет от скота, егоже вам ясти, прикасаяйся мертвечине его, нечист будет до вечера: Leviticus 11:40 и ядый от мертвечин сих да исперет ризы своя и нечист будет до вечера: и вземляй мертвечину их да измыет ризы своя и измыется водою, и нечист будет до вечера. Leviticus 11:41 И всяк гад плежущий по земли мерзость вам есть сие, да не снестся. Leviticus 11:42 И всяко ходящее на чреве, и всяко ходящее на четырех всегда, и (всяко) многоножное во всех гадех, иже плежут по земли, да не снесте е, яко мерзость вам есть: Leviticus 11:43 и да не омерзите душ ваших во всех гадех плежущих по земли, и да не осквернитеся ими, и да не будете нечисти в них, Leviticus 11:44 яко Аз есмь Господь Бог ваш: и да освятитеся и будете святи, яко свят есмь Аз Господь Бог ваш: и да не оскверните душ ваших во всех гадех движущихся по земли, Leviticus 11:45 яко Аз есмь Господь, изведый вас из земли Египетския, да буду вам Бог, и будете святи, яко свят есмь Аз Господь. Leviticus 11:46 Сей закон о скотех и о птицах, и всякой души движущейся в водах и всякой души пресмыкающейся по земли, Leviticus 11:47 разлучити между нечистыми и между чистыми, и научити сыны Израилевы между оживляющими ядомая и между оживляющими не ядомая. Leviticus 12:0 Leviticus 12:1 И рече Господь к Моисею, глаголя: Leviticus 12:2 глаголи сыном Израилевым и речеши к ним, глаголя: жена, яже аще зачнет и родит мужеск пол, нечиста будет седмь дний: по днем (естественнаго) разлучения скверны ея, нечиста будет: Leviticus 12:3 и в день осмый да обрежет плоть конечную его: Leviticus 12:4 и сидети будет тридесять и три дни в крови нечистей своей: всякой вещи святей да не прикоснется и в святилище да не внидет, дондеже скончаются дние очищения ея. Leviticus 12:5 Аще же женск пол родит, и нечиста будет четыренадесять дний по (естественней) скверне ея, и шестьдесят и шесть дний сидети будет в крови нечистоты своея. Leviticus 12:6 И егда исполнятся дние очищения ея о сыне ея или дщери, да принесет агнца непорочна единолетна во всесожжение, и птенца голубина или горлицу греха ради, пред двери скинии свидения к жерцу, Leviticus 12:7 и да принесет е пред Господа: и помолится о ней жрец и очистит ю от тока крове ея: сей закон раждающия мужеск пол или женск. Leviticus 12:8 Аще же не обрящет рука ея доволнаго на агнца, и да возмет две горлицы или два птенца голубина, единаго на всесожжение и другаго греха ради: и помолится о ней жрец, и очистится. Leviticus 13:0 Leviticus 13:1 И рече Господь к Моисею и Аарону, глаголя: Leviticus 13:2 человеку емуже аще будет на кожи плоти его струп знамения или блеск, и будет на кожи плоти его язва прокажения, да приведется ко Аарону жерцу или ко единому от сынов его жерцов: Leviticus 13:3 и узрит жрец язву на кожи плоти его, и влас в язве изменится в бело, и взор язвы умален от кожи плоти его, язва проказы есть: и узрит жрец, и осквернит его. Leviticus 13:4 Аще же и блеск бел будет на кожи плотней его, и не менший будет взор его от кожи, и влас его не изменися во влас бел, и той есть темен, и отлучит жрец язву на седмь дний: Leviticus 13:5 и узрит жрец язву в день седмый, и се, язва пребывает пред ним, и не изменися язва на кожи, и отлучит его жрец на другия седмь дний: Leviticus 13:6 и узрит его жрец в седмый день вторицею, и се, язва потемне, и не изменися язва на кожи, и очистит его жрец: знамение бо есть: и измыв ризы своя, чист будет. Leviticus 13:7 Аще же изменяющееся изменится знамение на кожи, повнегда видети его жерцу еже очистити его, и явится второе жерцу: и узрит его жрец, и се, изменися знамение в кожи, Leviticus 13:8 и да осквернит его жрец: проказа бо есть. Leviticus 13:9 И язва прокажения аще будет на человеце, и приидет к жерцу: Leviticus 13:10 и узрит жрец, и се, струп бел на кожи, и сей изменил влас бел, и от здравыя плоти живыя в струпе: Leviticus 13:11 проказа ветха есть на кожи плоти его, и осквернит его жрец и отлучит его, яко нечист есть. Leviticus 13:12 Аще же процветая процветет проказа на кожи, и покрыет прокажение всю кожу язвою, от главы да ногу его, по всему взору жерцову: Leviticus 13:13 и узрит жрец, и се, покрыло прокажение всю кожу плоти его, да очистит жрец язву: яко вся изменися в бело, чист есть. Leviticus 13:14 И в оньже день аще явится на нем плоть жива, осквернится: Leviticus 13:15 и узрит жрец плоть здраву, и осквернит его плоть здрава, яко нечиста есть, прокажение есть. Leviticus 13:16 Аще же составится плоть здрава, и изменится в бело, и приидет к жерцу: Leviticus 13:17 и узрит жрец, и се, изменися язва в бело, и очистит жрец язву, чист есть. Leviticus 13:18 И тело аще будет на кожи его болячка гнойна, и исцелеет, Leviticus 13:19 и будет на месте болячки струп бел, или блеск белеющься или рдящься, и явится жерцу: Leviticus 13:20 и узрит жрец, и се, взор нижае кожи, и влас его изменися в бело, и осквернит его жрец, яко блеск прокажения есть, на болячке процвете. Leviticus 13:21 Аще же увидит жрец, и се, несть в нем влас бел, и не нижае есть от кожи плотския, и сей есть темен, и отлучит его жрец на седмь дний. Leviticus 13:22 Аще ли разсыпанием разсыплется по кожи, и осквернит его жрец, блеск прокажения есть, на болячке процвете. Leviticus 13:23 Аще ли на месте своем пребывает блеск и не разсыпается, струп болячки есть, и очистит его жрец. Leviticus 13:24 И плоть аще будет на кожи его жжение огнено, и будет на кожи его исцелевшее от жжения блещащееся бело или червлено или пробелующееся: Leviticus 13:25 и узрит его жрец, и се, пременися влас бел в блещащийся, и взор ему нижае от кожи, прокажение есть, во жжении процвете, и осквернит его жрец, язва прокажения есть. Leviticus 13:26 Аще же увидит его жрец, и се, несть на блещащемся влас бел, и не нижае есть от кожи, само же темно, и отлучит его жрец на седмь дний: Leviticus 13:27 и узрит его жрец в день седмый, и аще разсыпанием разсыплется по кожи, и осквернит его жрец: язва прокажения есть, бо гной процвете. Leviticus 13:28 Аще же на месте пребудет блещание и не разсыплется по кожи, сие же темно есть, струп сожжения есть, да очистит его жрец: образ бо сожжения есть. Leviticus 13:29 Мужу же или жене, аще будет на них язва прокажения на главе или на браде, Leviticus 13:30 и узрит жрец язву, и се, обличие ея глубочае кожи, в нейже влас желтуяся тонок, и осквернит его жрец: вред есть, прокажение главы или прокажение брады есть. Leviticus 13:31 И аще увидит жрец язву вреда, и се, не будет обличие нижае кожи, и влас желтуяся не будет в нем, да отлучит жрец язву вреда на седмь дний: Leviticus 13:32 и узрит жрец язву в день седмый, и се, не разсыпася вред, и влас желтуяся несть в нем, и обличие вреда несть нижае кожи: Leviticus 13:33 и острижет кожу, вред же да не острижется, и отлучит жрец вред на седмь дний второе: Leviticus 13:34 и узрит жрец вред в день седмый, и се, не разсыпася вред по кожи по острижении его, и обличие вреда несть нижае кожи, и очистит его жрец, и измыв ризы, чист будет. Leviticus 13:35 Аще же разсыпанием разсыплется вред по кожи по очищении его: Leviticus 13:36 и узрит его жрец, и се, не разсыпася вред по кожи, да не присетит жрец о власе желтеющемся, яко нечист есть. Leviticus 13:37 Аще же пред ним будет на месте вред, и влас черн явится в нем, исцеле вред, чист есть, и очистит его жрец. Leviticus 13:38 Мужу же или жене, аще будут на кожи плоти его блещания блещащая белеющаяся: Leviticus 13:39 и увидит жрец, и се, на кожи плоти его блещания и блещащая белеющаяся, лишай есть, процвете на кожи плоти его, чист есть. Leviticus 13:40 Аще же кому облезе глава, плешив есть, чист есть: Leviticus 13:41 аще же спреди облезе глава, взлыс есть, чист есть: Leviticus 13:42 аще же будет на плеши его или на взлысине его блеск бел или червленуяся, прокажение процветающее на плеши его или на взлысине его: Leviticus 13:43 и увидит его жрец, и се, обличие блеска бело или червлено на плеши его или на взлысине его, яко обличие прокажения на кожи плоти его: Leviticus 13:44 человек прокажен есть, осквернением осквернит его жрец, на главе его блеск его. Leviticus 13:45 И прокажен, на немже есть язва, ризы его да будут раздраны, и глава его не покровена, и около уст своих да обвиется, и нечист прозовется: Leviticus 13:46 вся дни, в няже будет на нем язва, нечист сый, нечист будет: отлучен да седит, вне полка да будет ему пребывание. Leviticus 13:47 И риза аще будет на ней язва прокажения, на ризе сукняне, или на изгребийней, Leviticus 13:48 или на прядене, или на кроках, или на льнех, или на волне, или на кожи, или на всякой кожи деланей, Leviticus 13:49 и явится язва зелена или червленуяся на кожи, или на ризе, или на пряденех, или на кроках, или на всяком деле кожанем, язва прокажения есть, и покажет жерцу: Leviticus 13:50 и увидит жрец язву, и отлучит жрец язву на седмь дний. Leviticus 13:51 И да увидит жрец язву в день седмый: аще же разсыпася язва по ризе, или по прядене, или по кроках, или по кожи, по всему елика творятся кожы в делании, прокажение исто есть язва, нечист есть: Leviticus 13:52 да сожжет ризу, или прядения, или кроки, или на волне, или на льне, или на всяком сосуде кожане, на немже аще будет язва: понеже прокажение исто есть, на огни да сожжется. Leviticus 13:53 Аще ли узрит жрец, и не разсыплется язва по ризе, или по прядене, или по кроках, или по всякому сосуду кожану: Leviticus 13:54 и повелит жрец, и измыет, на немже будет язва, и да отлучит жрец язву на другия седмь дний: Leviticus 13:55 и увидит жрец по измытии его язву, и аще не изменила язва лица своего, и язва не разсыпася, нечисто есть, на огни да сожжется: утвердися бо на ризе, или на прядене, или на кроках. Leviticus 13:56 И аще увидит жрец, и будет темна язва по испрании ея, да отторгнет е от ризы, или от прядена, или от крок, или от кожи. Leviticus 13:57 И аще явится еще на ризе или на прядене, или на кроках, или на всяком сосуде кожане, прокажение процветающее есть, на огни да сожжется, на немже есть язва. Leviticus 13:58 И риза, или прядено, или кроки, или всяк сосуд кожан, еже исперется, и отступит от него язва, и измыется второе, и чисто будет. Leviticus 13:59 Сей закон язве прокажения ризы сукняны, или изгребийны, или прядены, или куделныя, или всякаго сосуда кожана, во еже очистити е, или осквернити е. Leviticus 14:0 Leviticus 14:1 И рече Господь к Моисею, глаголя: Leviticus 14:2 сей закон прокаженному, в оньже день аще очистится, и приведется к жерцу: Leviticus 14:3 и да изыдет жрец вне полка, и узрит жрец, и се, исцеле язва прокажения от прокаженнаго: Leviticus 14:4 и повелит жрец, да возмутся очищенному два птичища жива чиста и древо кедрово, и соскана червленица и иссоп: Leviticus 14:5 и повелит жрец, да заколют птичище едино в сосуд глинян, над водою живою, Leviticus 14:6 и живое птичище да возмет, и древо кедрово и соскану червленицу и иссоп, и да омочит их и птичище живое в крови закланаго птичища над водою живою: Leviticus 14:7 и да воскропит на очистившагося от прокажения седмижды, и чист будет: и да отпустит птичище живое на поле: Leviticus 14:8 и да исперет очистивыйся ризы своя и да острижет вся власы своя и да измыется водою, и чист будет: и по сих да внидет в полк и да пребудет вне дому своего седмь дний. Leviticus 14:9 И будет в день седмый, обриются вси власы его, глава его и брада и брови, и всяк влас его да обриется: и да измыет ризы своя, и да омыется тело его водою, и чист будет. Leviticus 14:10 И в день осмый да возмет два агнца единолетна непорочна и овцу едину единолетну непорочну, и три десятины муки пшеничны на жертву смешаныя с елеем и меру елеа едину: Leviticus 14:11 и да поставит жрец очищаяй человека очищаемаго и сия пред Господем, у дверий скинии свидения: Leviticus 14:12 и возмет жрец агнца единаго и приведет его преступления ради, и чашу елеа, и отлучит я жрец во отлучение пред Господем: Leviticus 14:13 и заколют агнца на месте идеже закалают всесожжения и яже греха ради, на месте святе: есть бо еже греха ради, якоже и преступления ради есть жерцу: святая святых суть: Leviticus 14:14 и возмет жрец от крове яже преступления ради, и возложит жрец на обушие уха очищаемаго деснаго, и на край руки его десныя, и на край ноги его десныя: Leviticus 14:15 и взем жрец от чаши елеа, возлиет на руку левую свою: Leviticus 14:16 и да омочит жрец перст свой десный в елей, иже есть в руце его левей, и да воскропит от елеа перстом седмижды пред Господем: Leviticus 14:17 оставшийся же елей, иже в руце его, да возложит жрец на обушие уха очищаемаго деснаго, и на край руки его десныя, и на край ноги его десныя, на место крове яже преступления ради: Leviticus 14:18 оставшийся же елей, иже в руце жерца, да возложит жрец на главу очищенному: и помолится о нем жрец пред Господем: Leviticus 14:19 и сотворит жрец еже греха ради, и помолится жрец от очищающемся от греха своего: и по сем заколет жрец всесожжение: Leviticus 14:20 и вознесет жрец всесожжение и жертву на олтарь пред Господем, и помолится о нем жрец, и очистится. Leviticus 14:21 Аще же убог есть, и рука его не достигнет, да возмет агнца единолетнаго единаго, в оньже преступил на отлучение, яко помолитися о нем, и десятину муки пшеничны смешаны с елеем в жертву, и чашу елеа едину, Leviticus 14:22 и два горличища, или два птенца голубина, елика обрете рука его, и да будет един греха ради, и другий во всесожжение: Leviticus 14:23 и да принесет я в день осмый, во еже очистити его, к жерцу, пред двери скинии свидения пред Господа: Leviticus 14:24 и взем жрец агнца иже преступления ради, и чашу елеа, возложит я возложение пред Господем, Leviticus 14:25 и заколет агнца иже преступления ради, и возмет жрец от крове яже преступления ради, и возложит на обушие уха очищаемаго деснаго, и на край руки его десныя, и на край ноги его десныя: Leviticus 14:26 и от елеа возлиет жрец на руку свою левую, Leviticus 14:27 и воскропит жрец перстом своим десным от елеа, иже в руце его левей, седмижды пред Господем: Leviticus 14:28 и возложит жрец от елеа сущаго в руце его на обушие уха очищаемаго деснаго, и на краи руки его десныя, и на край ноги его десныя, на месте крове яже преступления ради: Leviticus 14:29 оставшееся же от елеа, еже есть в руце жерца, да возложит на главу очистившемуся: и помолится о нем жрец пред Господем, Leviticus 14:30 и сотворит едину от горлиц, или от птенцев голубиных, якоже обрете рука его, Leviticus 14:31 едину греха ради, и другую во всесожжение с жертвою: и помолится жрец о очищаемем пред Господем. Leviticus 14:32 Сей закон в немже есть язва прокажения, и не обретающему рукою во очищение свое. Leviticus 14:33 И рече Господь к Моисею и Аарону, глаголя: Leviticus 14:34 егда внидете в землю Ханаанску, юже Аз даю вам в притяжание, и дам язву прокажения в домех земли притяжанныя вам: Leviticus 14:35 и приидет, егоже дом, и повесть жерцу глаголя: аки язва является в дому моем. Leviticus 14:36 И повелит жрец испразднити сосуды дому, прежде неже внити жерцу видети язву, и да не будут нечиста вся яже в дому. По сих же внидет жрец соглядати дом: Leviticus 14:37 и узрит жрец язву, и се, язва на стенах дому удолия зеленеющаяся или червленеющаяся, и обличие их худее стен: Leviticus 14:38 изшед жрец из дому к дверем дому, и отлучит жрец дом на седмь дний. Leviticus 14:39 И возвратится жрец в седмый день, и узрит дом, и се, разсыпася язва по стенам дому: Leviticus 14:40 и повелит жрец, да изимут камение, на нихже есть язва, и да изнесут е вон из града на место нечисто: Leviticus 14:41 и да постружут извнутри дом окрест, и изсыплют персть состроганую вне града на место нечисто: Leviticus 14:42 и да возмут камение ино острогано, и вложат я вместо камения: и персть ину да возмут, и помажут дом. Leviticus 14:43 Аще же паки найдет язва, и явится в дому но изнесении камения и по острогании дому и по помазании, Leviticus 14:44 и внидет жрец, и узрит аще разсыпася язва в дому, прокажение пребывающее есть в дому, нечист есть: Leviticus 14:45 и разорят дом, и древа его и камение его и всю персть дому изнесут вне града, на место нечисто. Leviticus 14:46 И входяй в дом вся дни, в няже есть отлучен, нечист будет до вечера: Leviticus 14:47 и спяй в дому да исперет ризы своя и нечист будет до вечера: и ядый в дому да исперет ризы своя и нечист будет до вечера. Leviticus 14:48 Аще же пришедый внидет жрец, и увидит: и се, разсыпанием не разсыпася язва в дому но помазании дому, да очистит жрец дом, яко исцеле язва: Leviticus 14:49 и возмет очистити дом, два птичища жива чиста и древо кедрово, и соскану червленицу и иссоп: Leviticus 14:50 и да заколет птичище едино в сосуд глинян над водою живою: Leviticus 14:51 и возмет древо кедрово и соскание червленое, и иссоп и птичище живое, и да омочит е в кровь птичища закланаго над водою живою, и да окропит ими в дому седмижды: Leviticus 14:52 и очистит дом кровию птичищною и водою живою, и птичищем живым и древом кедровым, и иссопом и сосканою червленицею: Leviticus 14:53 и да отпустит птичище живое вне града на поле и помолится о доме, и чист будет. Leviticus 14:54 Сей закон о всякой язве прокажения и вреда, Leviticus 14:55 и прокажения ризы и дому, Leviticus 14:56 и струпа, и знамения, и блещащагося, и поведати в оньже день нечисто, и в оньже день очистится: сей закон прокажения. Leviticus 15:0 Leviticus 15:1 И рече Господь к Моисею и Аарону, глаголя: Leviticus 15:2 глаголи сыном Израилевым и речеши к ним: мужу, мужу, емуже аще будет излияние от тела его, излияние его нечисто есть. Leviticus 15:3 И сей закон нечистоты его: изливаяй семя из тела своего, от излияния, имже составлено есть тело его излиянием, сия нечистота его в нем: вся дни излияния тела его, имже составлено тело его излиянием его, нечистота его есть: Leviticus 15:4 всяко ложе, на немже аше ляжет изливаяй семя, нечисто есть: и всяк сосуд, на немже аще сядет верху его изливаяй семя, нечист будет: Leviticus 15:5 и человек, иже аще прикоснется ложа его, да исперет ризы своя и да омыет тело свое водою, и нечист будет до вечера: Leviticus 15:6 и седяй на сосуде, на немже аще сядет верху его изливаяй семя, да исперет ризы своя и да омыется водою, и нечист будет до вечера: Leviticus 15:7 и прикоснувыйся к плоти изливающаго семя да исперет ризы своя и да омыется водою, и нечист будет до вечера. Leviticus 15:8 Аще же плюнет изливаяй семя на чистаго, да исперет ризы своя и да измыется водою, и нечист будет до вечера: Leviticus 15:9 и всяко седло ослее, на неже аще всядет верху его изливаяй семя, нечисто будет до вечера: Leviticus 15:10 и всяк прикоснувыйся всем, яже суть под ним, нечист будет до вечера: и вземляй я да исперет ризы своя и омыется водою, и нечист будет до вечера: Leviticus 15:11 и еликим аще коснется изливаяй семя и рук своих не омыет водою, да исперет ризы своя и омыет тело водою, и нечист будет до вечера: Leviticus 15:12 и сосуд глинян, емуже аще прикоснется изливаяй семя, да разбиется: а сосуд древяный да измыется водою, и чист будет. Leviticus 15:13 Аще же очистится изливаяй семя от излияния своего, и изчислит себе седмь дний на очищение свое, и исперет ризы своя и омыет тело свое водою живою, и чист будет: Leviticus 15:14 и в день осмый да возмет себе два горличища или два птенца голубина, и да принесет я пред Господа к дверем скинии свидения, и даст я жерцу: Leviticus 15:15 и сотворит я жрец един греха ради, и другий во всесожжение: и да помолится о нем жрец пред Господем о излиянии его. Leviticus 15:16 И человек, емуже аще изыдет от ложа его семя, и да омыет водою все тело свое, и нечист будет до вечера: Leviticus 15:17 и всяка риза и всяка кожа, на нейже аще будет ложе семенное, да измыется водою, и нечиста будет до вечера. Leviticus 15:18 И аще ляжет муж с женою своею на ложи семене, да измыются водою, и нечисты будут до вечера. Leviticus 15:19 И жена яже аще будет кровь точащи, и будет течение ея в телеси ея, седмь дний да будет в скверне своей: и всяк прикасаяйся ей нечист будет до вечера: Leviticus 15:20 и все, на немже аще седит в течении своем, нечисто будет, и всяко, на неже аще присядет (она), нечисто будет: Leviticus 15:21 и всяк, иже аще прикоснется ложа ея, да исперет ризы своя и да измыет водою тело свое, и нечист будет до вечера: Leviticus 15:22 и всяк прикасаяйся всякому сосуду, на немже аще сядет, да исперет ризы своя и да измыется водою, и нечист будет до вечера: Leviticus 15:23 аще же на ложи ей сущей, или на сосуде, на немже аще сядет (она), егда прикоснется кто ей, нечист будет до вечера. Leviticus 15:24 Аще же кто будет на ложи с нею, и будет нечистота ея на нем, нечист будет седмь дний: и всяко ложе, на немже аще ляжет, нечисто будет. Leviticus 15:25 И жена аще точит течение крове дни многи, не во время скверны ея, аше и течет по осквернении ея, вся дни течения нечистоты ея, якоже дни скверны ея, нечиста будет: Leviticus 15:26 и всяко ложе, на немже аще ляжет вся дни течения ея, по ложи скверны ея будет ей: и всяк сосуд, на немже аще сядет, нечист будет по нечистоте скверны ея: Leviticus 15:27 и всяк прикасаяйся ей нечист будет, да исперет ризы своя и омыет водою тело свое, и нечист будет до вечера. Leviticus 15:28 Аще же очистится от течения своего, да сочтет себе седмь дний, и по сих чиста будет: Leviticus 15:29 и во осмый день да возмет себе два горличища или два птенца голубина, и принесет я к жерцу к дверем скинии свидения, Leviticus 15:30 и да сотворит жрец, един греха ради и другий во всесожжение, и да помолится о ней жрец пред Господем о течении нечистоты ея. Leviticus 15:31 И благоговейны сотворите сыны Израилевы от нечистот их: и да не умрут нечистоты ради своея, внегда осквернити им скинию Мою яже в них. Leviticus 15:32 Сей закон изливающему семя, и аще кому изыдет из него ложе семенное, якоже осквернитися в нем, Leviticus 15:33 и точащей кровь в скверне своей, и изливающему семя во излиянии своем мужеску полу или женску, и мужу, иже аще поспит со сквернавою. Leviticus 16:0 Leviticus 16:1 И глагола Господь к Моисею, по умертвии двух сынов Аароних, егда принесоста огнь чуждий пред Господа и скончастася. Leviticus 16:2 И рече Господь к Моисею: глаголи Аарону, брату твоему, да не входит по вся часы в святое внутрь завесы, пред лице очистилища, еже есть над кивотом свидения, и да не умрет: во облаце бо явлюся над очистилищем: Leviticus 16:3 сице внидет Аарон в святое: с телцем от говяд греха ради, и со овном на всесожжение, Leviticus 16:4 и в ризу льняну освящену да облечется, и надраги льняны да будут на теле его, и поясом льняным да опояшется, и клобук льнян да возложит, ризы святы суть: и да омыет водою все тело свое, и да облечется в ня: Leviticus 16:5 и от сонма сынов Израилевых да возмет два козла от коз греха ради, и овна единаго во всесожжение, Leviticus 16:6 и да приведет Аарон телца, иже греха ради своего, и да помолится о себе и о доме своем, Leviticus 16:7 и да возмет два козла, и поставит я пред Господем у дверий скинии свидения: Leviticus 16:8 и да возложит Аарон на оба козла жребия: жребий един Господу и жребий другий отпущению. Leviticus 16:9 И да приведет Аарон козла, на немже паде жребий Господу, и да принесет греха ради: Leviticus 16:10 и козла, на немже паде жребий отпущения, да поставит его жива пред Господем, яко помолитися над ним и яко отпустити его во отпущение, и да отпустит его в пустыню: и возмет козел на ся беззакония их в землю непроходиму. Leviticus 16:11 И да приведет Аарон телца, иже греха ради своего, и да помолится о себе и о доме своем: и да заколет телца, иже греха ради своего. Leviticus 16:12 И да возмет кадилник полн углия огненна от олтаря, иже пред Господем, и да наполнит руце фимиама сложения чиста, и да принесет внутрь завесы: Leviticus 16:13 и да возложит фимиам на огнь пред Господем, и покрыет дым фимиамный очистилище еже на свидениих, и не умрет. Leviticus 16:14 И да возмет от крове телца, и да воскропит перстом на очистилище на востоки: пред лицем очистилище да воскропит седмижды от крове перстом своим. Leviticus 16:15 И да заколет козла иже греха ради, иже за люди, пред Господем: и да внесет от крове его внутрь завесы, и да сотворит крови его, якоже сотвори крови телчи, и да воскропит кровию его на очистилище прямо очистилищу, Leviticus 16:16 и очистит святое от нечистот сынов Израилевых и от неправд их, о всех гресех их: и тако сотворит скинии свидения сотворенней в них посреде нечистоты их. Leviticus 16:17 И всяк человек да не будет в скинии свидения, егда входит молитися во святое, дондеже изыдет: и да помолится о себе и о доме своем и о всем сонме сынов Израилевых. Leviticus 16:18 И изыдет ко олтарю, иже есть пред Господем, и помолится на нем, и да возмет от крове телца и от крове козла, и возложит на роги олтаря окрест: Leviticus 16:19 и да воскропит перстом своим нань седмижды от крове, и очистит его и освятит его от нечистот сынов Израилевых. Leviticus 16:20 И совершит очищая святое и скинию свидения и олтарь, и от жерцех очистит, и приведет козла живаго: Leviticus 16:21 и да возложит Аарон обе руце свои на главу козла живаго, и да исповесть на нем вся беззакония сынов Израилевых и вся неправды их и вся грехи их: и возложит я на главу козла живаго, и отпустит рукою человека уготованнаго в пустыню: Leviticus 16:22 и возмет козел на ся неправды их в землю непроходиму: и да отпустит козла в пустыню. Leviticus 16:23 И да внидет Аарон в скинию свидения, и да совлечет ризы льняны, в няже оболчен бяше, входящу ему во святое, и положит я тамо: Leviticus 16:24 и омыет тело свое водою на месте святе и да облечется в ризы своя, и изшед да сотворит всесожжение свое и всеплодие людское, и да помолится о себе и о доме своем, и о людех якоже и о жерцех: Leviticus 16:25 и тук иже грехов ради да вознесет на олтарь. Leviticus 16:26 И отпустивый козла отпущенаго во отпущение да исперет ризы своя и да омыет плоть свою водою, и по сих да внидет в полк. Leviticus 16:27 И телца иже греха ради, и козла иже греха ради, ихже кровь внесеся на очищение во святое, да изнесут я вне полка и да сожгут я на огни, и кожы их и мяса их и мотыла их: Leviticus 16:28 сожигаяй же я да исперет ризы своя и да омыет тело свое водою, и по сем да внидет в полк. Leviticus 16:29 И будет сие вам законное вечное: в месяц седмый, в десятый день месяца, покорите душы вашя, и всякаго дела да не сотворите, ни туземец, ни пришлец прилежай в вас: Leviticus 16:30 в той бо день помолится о вас, еже очистити вас от всех грехов ваших пред Господем, и чисти будете: Leviticus 16:31 суббота суббот покой да будет сия вам, и покорите душы вашя, законно вечно. Leviticus 16:32 Помолится жрец, егоже аще помажут и егоже аще совершат руце его, еже жрети ему по отце своем, и да облечется в ризу льняну свою, ризу святу, Leviticus 16:33 и да очистит Святое святаго и скинию свидения, и олтарь да очистит, и о жерцех и о всем сонме да помолится. Leviticus 16:34 И будет сие вам законное вечное, еже молитися о сынех Израилевых о всех гресех их, единою в лето да сотворится, якоже заповеда Господь Моисею. Leviticus 17:0 Leviticus 17:1 И рече Господь к Моисею, глаголя: Leviticus 17:2 глаголи Аарону и сыном его и ко всем сыном Израилевым, и речеши к ним: сие слово еже заповеда Господь, глаголя: Leviticus 17:3 человек человек от сынов Израилевых или от пришелец, иже прилежат в вас, иже аще заколет телца или овцу или козу в полце, и иже аще заколет вне полка Leviticus 17:4 и пред двери скинии свидения не принесет, якоже сотворити е во всесожжение или спасение Господу приятно, в воню благовония: и иже аще заколет вне и пред двери скинии свидения не принесет его, яко принести дар Господу пред скинию Господню: и вменится человеку тому кровь: кровь пролиял, да потребится душа она от людий своих: Leviticus 17:5 яко да принесут сынове Израилевы жертвы своя, елики аще сии заколют на поли, и да принесут я ко Господу к дверем скинии свидения к жерцу, и пожрут я в жертву спасения Господу. Leviticus 17:6 И да возлиет жрец кровь на олтарь окрест пред Господем у дверий скинии свидения: и да вознесет тук в воню благоухания Господу: Leviticus 17:7 и да не пожрут ктому жертв своих суетным, имже сами блудодействуют вслед их: законное вечное будет вам в роды вашя. Leviticus 17:8 И речеши к ним: человек человек от сынов Израилевых или от сынов пришелцов прилежащих в вас, иже аще сотворит всесожжение или жертву, Leviticus 17:9 и к дверем скинии свидения не принесет сотворити е Господви, потребится душа та от людий своих. Leviticus 17:10 И человек человек от сынов Израилевых или от пришелец прилежащих в вас, иже аще яст всякую кровь, и утвержу лице Мое на душу ядущую кровь, и погублю ю от людий своих: Leviticus 17:11 зане душа всякия плоти кровь его есть, и Аз дах ю вам у олтаря умоляти от душах ваших: кровь бо его вместо души умолит. Leviticus 17:12 Сего ради рекох сыном Израилевым: всяка душа от вас да не снест крове, и пришлец прилежащий в вас да не снест крове. Leviticus 17:13 И человек человек от сынов Израилевых или от пришлец прилежащих в вас, иже аще уловит ловитву зверя или птицу, еже ястся: пролиет кровь ея, и покрыет ю землею: Leviticus 17:14 душа бо всякия плоти кровь его есть. И рекох сыном Израилевым: крове всякия плоти да не снесте, яко душа всякия плоти кровь его есть: всяк ядый ю потребится: Leviticus 17:15 и всяка душа яже яст мертвечину или звероядину, от туземец или от пришелец, да исперет ризы своя и да омыет тело водою, и нечист будет до вечера, по сем же чист будет: Leviticus 17:16 аше же не исперет риз своих, ни омыет тела водою, то приимет беззаконие свое. Leviticus 18:0 Leviticus 18:1 И рече Господь к Моисею, глаголя: Leviticus 18:2 глаголи сыном Израилевым и речеши к ним: Аз Господь Бог ваш: Leviticus 18:3 по делом земли Египетския, в нейже обитасте, да не сотворите, и по начинанием земли Ханаанския, в нюже Аз веду вы тамо, не сотворите, и по законом их не ходите: Leviticus 18:4 судбы Моя сотворите, и повеления Моя сохраните и ходите в них: Аз Господь Бог ваш: Leviticus 18:5 и сохраните вся повеления Моя и вся судбы Моя, и сотворите я: Сотворивый та человек жив будет в них: Аз Господь Бог ваш. Leviticus 18:6 Человек человек ко всякому ближнему плоти своея да не приступит открыти срамоты: Аз Господь. Leviticus 18:7 Срамоты отца твоего и срамоты матере твоея да не открыеши: мати бо твоя есть, да не открыеши срамоты ея. Leviticus 18:8 Срамоты жены отца твоего да не открыеши: срамота отца твоего есть. Leviticus 18:9 Срамоты сестры твоея яже от отца твоего или от матере твоея, в дому рожденныя или вне рожденныя, да не открыеши срамоты их. Leviticus 18:10 Срамоты дщере сына твоего или дщере дщере твоея, да не открыеши срамоты их, яко твоя срамота есть. Leviticus 18:11 Срамоты дщере жены отца твоего да не открыеши, единоотча сестра ти есть, да не открыеши срамоты ея. Leviticus 18:12 Срамоты сестры отца твоего да не открыеши, своя бо отцу твоему есть. Leviticus 18:13 Срамоты сестры матере твоея да не открыеши, своя бо матери твоей есть. Leviticus 18:14 Срамоты брата отца твоего да не открыеши и к жене его да не внидеши, сродник бо ти есть. Leviticus 18:15 Срамоты невестки твоея да не открыеши, жена бо сына твоего есть, да не открыеши срамоты ея. Leviticus 18:16 Срамоты жены брата твоего да не открыеши, срамота брата твоего есть. Leviticus 18:17 Срамоты жены и дщере ея, да не открыеши, дщере сына ея, и дщери дщере ея да не поймеши открыти срамоты их, ближнии бо ти суть, нечестие есть. Leviticus 18:18 Сестру жены твоея да не поймеши в наложницу, открыти срамоту ея пред нею, еще живе сущей ей. Leviticus 18:19 И к жене во отлучении нечистоты ея да не внидеши открыти срамоты ея. Leviticus 18:20 И к жене ближняго твоего да не даси ложа семене твоего, осквернитися с нею. Leviticus 18:21 И от семене твоего да не даси служити Молоху, да не оскверниши имене Святаго: Leviticus 18:22 и с мужеским полом да не ляжеши женским ложем, мерзость бо есть. Leviticus 18:23 И всякому четвероногому да не даси ложа своего в семенение, осквернитися с ним: и жена да не станет ко всякому четвероногому снитися, гнусно бо есть. Leviticus 18:24 Не оскверняйтеся во всех сих: во всех бо сих осквернишася языцы, ихже Аз отжену пред лицем вашим: Leviticus 18:25 и осквернися земля, и воздах неправду им ея ради: и возненавиде земля седящих на ней. Leviticus 18:26 И сохраните вся законы Моя и вся повеления Моя, и не сотворите от всех гнусностей сих, туземец и прибывший пришлец в вас: Leviticus 18:27 вся бо сия гнусности сотвориша человецы земнии, бывшии прежде вас, и осквернися земля. Leviticus 18:28 И да не вознегодует на вас земля, внегда осквернити вам ю, имже образом вознегодова на языки иже прежде вас: Leviticus 18:29 яко всяк, иже аще сотворит от всех гнусностей сих, потребятся душы творящыя сие от людий своих. Leviticus 18:30 И сохраните повеления Моя, яко да не сотворите от всех закон гнусных, иже беша прежде вас: и да не осквернитеся в них, яко Аз Господь Бог ваш. Leviticus 19:0 Leviticus 19:1 И рече Господь к Моисею, глаголя: Leviticus 19:2 глаголи всему сонму сынов Израилевых, и речеши к ним: святи будите, якоже Аз свят (есмь) Господь Бог ваш. Leviticus 19:3 Вийждо отца своего и матере своея да боится, и субботы Моя сохраните: Аз Господь Бог ваш. Leviticus 19:4 Не последуйте идолом, и богов слияных не сотворите себе: Аз Господь Бог ваш. Leviticus 19:5 И аще пожрете жертву спасения Господу, приятну вам пожрите: Leviticus 19:6 в оньже день аще пожрете, (в той день) да снестся, и на утрие: и аще останется до третияго дне, на огни да сожжется: Leviticus 19:7 аще же ли ядением сястся в день третий, не жертвенно есть, не приимется: Leviticus 19:8 и иже яст е, грех приимет, яко святая Господня оскверни: и потребятся душы ядущыя от людий своих. Leviticus 19:9 И пожинающым вам жатву земли вашея, да не скончаете жатвы вашея, нивы твоея пожинания: и падающих клас от жатвы твоея да не собереши: Leviticus 19:10 и винограда твоего вторицею да не обереши, ниже грезн винограда твоего да собереши: нищему и пришелцу да оставиши я: Аз есмь Господь Бог ваш. Leviticus 19:11 Не украдите, ни солжите, ниже да оклеветает кийждо ближняго. Leviticus 19:12 И не кленитеся именем Моим в неправде, и да не оскверните имене святаго Бога вашего: Аз Господь Бог ваш. Leviticus 19:13 Да не обидиши ближняго: и да не отимеши, и да не прележит мзда наемника твоего у тебе до утрия. Leviticus 19:14 Зла да не речеши глухому, и пред слепым да не положиши претыкания: и да убоишися Господа Бога твоего: Аз Господь Бог ваш. Leviticus 19:15 Не сотворите неправды в суде: да не приимеши лица нищаго, ниже почудишися лицу могущаго: по правде да судиши ближнему твоему. Leviticus 19:16 Да не ходиши лестию во своем языце, и не востанеши на кровь ближняго твоего: Аз Господь Бог ваш. Leviticus 19:17 Да не возненавидиши брата твоего во уме твоем, обличением да обличиши ближняго твоего: и не приимеши ради его греха. Leviticus 19:18 И да не отмщает рука твоя, и да не враждуеши на сыны людий своих, и возлюбиши ближняго своего яко сам себе: Аз Господь Бог ваш. Leviticus 19:19 Закон Мой сохраните: и скота твоего да не смесиши со скотом инаго рода, и винограда твоего да не насадиши различна: и ризы из двух (вещей) сотканыя гнусныя да не возложиши на ся. Leviticus 19:20 И аще кто будет с женою ложем семене, и сия бяше раба хранима мужу, и ценою не искуплена или свобода не дана ей, наказаны да будут: не умрут, яко не свободися: Leviticus 19:21 и да приведет за преступление свое Господу к дверем скинии свидения овна преступления, Leviticus 19:22 и да помолится о нем жрец овном преступления пред Господем о гресе имже согреши, и оставится ему грех, егоже сотвори. Leviticus 19:23 Егда же внидете в землю, юже Господь Бог ваш дает вам, и насадите всяко древо снедное, и очистите нечистоту его, плод его три лета нечист да будет вам, да не снестся: Leviticus 19:24 в лето же четвертое будет всяк плод его свят, похвален Господу: Leviticus 19:25 в лето же пятое да снесте плод его, прибыток вам плоды его: Аз Господь Бог ваш. Leviticus 19:26 Не ядите на горах, и не вражите, и ни сряща смотрите от птиц. Leviticus 19:27 Не сотворите обстрижения кругом от влас глав ваших, ниже бриете брад ваших. Leviticus 19:28 И кроения не сотворите на теле вашем о души: и язв настреканных да не сотворите в вас: Аз Господь Бог ваш. Leviticus 19:29 Да не оскверниши дщере твоея еже блудити ей: и да не прелюбы деет земля, и наполнится земля беззаконий. Leviticus 19:30 Субботы Моя сохраните, и от святых Моих убойтеся: Аз Господь. Leviticus 19:31 Не последуйте утробным баснем, и к волхвом не прилепитеся, осквернитися в них: Аз Господь Бог ваш. Leviticus 19:32 Пред лицем седаго востани и почти лице старчо, и да убоишися Господа Бога твоего: Аз Господь Бог ваш. Leviticus 19:33 Аще же кто приидет к вам пришлец в землю вашу, не стужите ему: Leviticus 19:34 якоже туземец будет в вас пришлец, иже приидет к вам, и возлюбиши его яко сам себе: яко (и вы) пришелцы бесте в земли Египетстей: Аз Господь Бог ваш. Leviticus 19:35 Не сотворите неправды в суде, в мерах и в весах и в мерилех: Leviticus 19:36 мерила праведна и весы праведны и мера праведна да будет в вас: Аз есмь Господь Бог ваш, изведый вас от земли Египетския. Leviticus 19:37 И сохраните весь закон Мой и вся повеления Моя, и сотворите я: Аз Господь Бог ваш. Leviticus 20:0 Leviticus 20:1 И рече Господь к Моисею, глаголя: Leviticus 20:2 рцы сыном Израилевым, глаголя: аще кто от сынов Израилевых, или от прибывших пришелцев во Израили, иже аще даст от семене своего Молоху, смертию да умрет: людие земли да побиют его камением: Leviticus 20:3 и Аз утвержу лице Мое на человека того и погублю его от людий его, яко от семене своего даде Молоху, да осквернит святыню Мою и осквернит имя освященных Мне. Leviticus 20:4 Аще же презрением презрят туземцы земли очима своима от человека того, внегда дати ему от семене своего Молоху, еже не убити его: Leviticus 20:5 и утвержу лице Мое на человека того и на сродники его, и погублю его и всех единомыслящих с ним, еже соблуждати ему со идолы от людий своих. Leviticus 20:6 И душа яже аще последует утробным баснем или волхвом, яко соблудити вслед их, утвержу лице Мое на душу ту и погублю ю от людий ея. Leviticus 20:7 И будете святи, яко Аз свят Господь Бог ваш. Leviticus 20:8 И сохраните повеления Моя и сотворите я: Аз Господь освящаяй вас. Leviticus 20:9 Человек человек, иже аше зло речет отцу своему или матери своей, смертию да умрет: отцу своему или матери своей зле рече, повинен будет. Leviticus 20:10 Человек человек, иже аще прелюбы содеет с мужнею женою, или кто прелюбы содеет с женою ближняго своего, смертию да умрут прелюбодей и прелюбодейца. Leviticus 20:11 И иже аще пребудет с женою отца своего, срамоту отца своего открыл есть, смертию да умрут оба, повинни суть. Leviticus 20:12 И аще кто будет с невесткою своею, смертию да умрут оба, нечествоваша бо, повинни суть. Leviticus 20:13 И аще кто будет с мужеским полом ложем женским, гнусность сотвориша оба, смертию да умрут, повинни суть: Leviticus 20:14 иже аще поймет жену и матерь ея, беззаконие есть, огнем да сожгут его и оныя, и не будет беззаконие в вас. Leviticus 20:15 И иже аще даст ложе свое четвероножному, смертию да умрет, четвероножное же убиете. Leviticus 20:16 И жена яже аше приступит ко всякому скоту, еже быти с ним, да убиете жену и скот, смертию да умрут, повинни суть. Leviticus 20:17 Иже аще поймет сестру свою от отца своего или от матере своея, и увидит срамоту ея, и она увидит срамоту его, укоризна есть, да потребятся пред сыны рода их: срамоту сестры своея откры, грех приимут. Leviticus 20:18 И муж иже будет с женою сквернавою и открыет срамоту ея, течение ея откры, и она откры течение крове своея, да потребятся оба от рода их. Leviticus 20:19 И срамоту сестры отца твоего и сестры матере твоея да не открыеши: ужичество бо откры, грех понесут. Leviticus 20:20 Иже аще будет со сродницею своею, срамоту сродства своего откры, безчадни измрут. Leviticus 20:21 И человек иже аще поймет жену брата своего, нечистота есть: срамоту брата своего открыл есть, безчадни измрут. Leviticus 20:22 И сохраните вся повеления Моя и вся судбы Моя и сотворите я, и не вознегодует на вас земля, в нюже Аз введу вы тамо вселитися на ней. Leviticus 20:23 И не ходите в законы языческия, ихже Аз изгоню от вас: яко сия вся сотвориша, и возгнушахся ими. Leviticus 20:24 И рех к вам: вы наследите землю их, и Аз дам вам ю в притяжание, землю текущую медом и млеком, Аз Господь Бог ваш, отлучивый вас от всех язык. Leviticus 20:25 И отлучите себе между скоты чистыми и между скоты нечистыми, и между птицами чистыми и нечистыми: и не оскверните душ ваших в скотех и в птицах и во всех гадех земных, яже Аз отлучих вам в нечистоте, Leviticus 20:26 и будете Ми святи, яко Аз свят есмь Господь Бог ваш, отлучивый вас от всех язык быти Моими. Leviticus 20:27 И муж или жена иже аще будет от них чревобасник или волшебник, смертию да умрут оба: камением да побиете их, повинни суть. Leviticus 21:0 Leviticus 21:1 И рече Господь к Моисею, глаголя: рцы жерцем сыном Аароним, и речеши им: над душами да не осквернятся в языце своем, Leviticus 21:2 но разве в дому ближняго своего, над отцем и материю, и сынами и дщерьми, над братом Leviticus 21:3 и над сестрою своею девою, яже есть ближняя ему, не дана мужу, над сими да осквернятся: Leviticus 21:4 да не осквернится внезапу в людех своих, во осквернение свое. Leviticus 21:5 И да не обриете главы по мертвем, и обличия брады да не обриют, и на плотех своих да не сотворят язв: Leviticus 21:6 святи да будут Богу своему и не осквернят имене Бога своего: жертвы бо Господни дары Бога своего сами приносят, и будут святи. Leviticus 21:7 Жены блудницы и осквернены да не поймут, и жены изгнаныя от мужа ея да не поймут: яко святи суть Господу Богу своему: Leviticus 21:8 и да освятиши его: дары Господа Бога вашего сей приносит, свят будет: яко свят Аз есмь Господь Бог ваш освящая их. Leviticus 21:9 И дщерь человека жерца аще осквернится, еже соблудити, имя отца своего сия оскверняет: огнем да сожжется. Leviticus 21:10 И жрец великий от братий своих, емуже возлиян на главу елей помазания, и совершенный, еже облачитися в ризы, главы да не открыет, и риз своих да не раздерет, Leviticus 21:11 и ко всякой души умершей да не приидет: над отцем своим и над материю своею да не осквернится, Leviticus 21:12 и от святых да не изыдет, и да не осквернит имене святаго Бога своего, яко святый елей помазания Бога его на нем: Аз Господь. Leviticus 21:13 Сей в жену деву от рода своего да поймет: Leviticus 21:14 вдовицы же и изгнаныя, и оскверненыя и блудницы, сих да не поймет: но девицу от племене своего да поймет в жену: Leviticus 21:15 и да не осквернит семене своего в людех своих: Аз Господь Бог освящаяй его. Leviticus 21:16 И рече Господь к Моисею, глаголя: Leviticus 21:17 рцы ко Аарону, глаголя: человек от рода твоего в родех ваших, аще коему будет на нем порок, да не приступит приносити дары Бога своего: Leviticus 21:18 всяк человек, емуже аще будет на нем порок, да не приступит: человек слеп, или хром, или корносый, или ухорезан, Leviticus 21:19 или человек, емуже есть сокрушение руки или сокрушение ноги, Leviticus 21:20 или горбат, или гноеточив очима, или бельмоочен, или человек, на немже суть красты дивия, или лишаи, или единоятрный: Leviticus 21:21 всяк, емуже аще будет на нем порок от семене Аарона жерца, да не приступит принести жертв Богу твоему, зане порок на нем: даров Божиих да не приступит приносити: Leviticus 21:22 дары Бога своего святая святых, и от святых да снест: Leviticus 21:23 обаче к завесе да не приступит, и ко олтарю да не приближится, яко порок имать: и да не осквернит святилища Бога своего, яко Аз Господь освящаяй их. Leviticus 21:24 И глагола Моисей ко Аарону и сыном его, и ко всем сыном Израилевым. Leviticus 22:0 Leviticus 22:1 И рече Господь к Моисеовы, глаголя: Leviticus 22:2 рцы Аарону и сыном его, да внимают от святынь сынов Израилевых, и да не осквернят имене святаго Моего, елика они освящают Ми: Аз Господь. Leviticus 22:3 Рцы им: в роды вашя всяк человек, иже аще приступит от всякаго семене вашего ко святым, елика аще освятят сынове Израилевы Господу, и нечистота его на нем будет, потребится душа оная от Мене: Аз Господь Бог ваш. Leviticus 22:4 И человек от семене Аарона жерца, и сей прокажен, или семя изливает, от святых да не снест, дондеже очистится: и прикасаяйся всякой нечистоте души, или человек, емуже аще изыдет от его ложа семя, Leviticus 22:5 или иже аще прикоснется всякому гаду нечисту, иже осквернит его, или человеку, иже осквернит его, по всякой нечистоте его: Leviticus 22:6 душа, яже аще прикоснется их, нечиста будет до вечера: да не снест от святых, аще не омыет тела своего водою, Leviticus 22:7 и зайдет солнце, и чист будет: и тогда да снест от святых, яко хлеб его есть. Leviticus 22:8 Мертвечины и звероядины да не снест, еже осквернитися ему в них: Аз Господь. Leviticus 22:9 И да сохранят повеления Моя, да не приимут сих ради греха, и измрут за них, аще осквернят их: Аз Господь Бог освящаяй их. Leviticus 22:10 И всяк иноплеменник да не снест святынь: приселник иереев или наемник да не снест святынь. Leviticus 22:11 Аще же жрец пристяжет душу пристяжаную сребром, сия да снест хлебы его: и домочадцы его, и сии да снедят хлебы его. Leviticus 22:12 И дщерь человека жерца, аще посягнет за мужа иноплеменника, сия от начатков святых да не снест. Leviticus 22:13 И дщерь жерца аще будет вдова или отпущена, плода же не будет ей, возвратится в дом отца своего, по юности своей, от хлебов отца своего да снест: всяк же иноплеменник да не снест от них. Leviticus 22:14 И человек, иже аще яст святая по неведению, и да приложит пятую свою часть ко истому, и да даст сие жерцу святое. Leviticus 22:15 И да не осквернят святынь сынов Израилевых, ихже они отделяют Господу: Leviticus 22:16 и да не наведут на себе беззаконие преступления, внегда ясти им святыню их, яко Аз Господь освящаяй их. Leviticus 22:17 И рече Господь к Моисею, глаголя: Leviticus 22:18 глаголи Аарону и сыном его и всему сонму Израилеву и речеши к ним: человек человек от сынов Израилевых, или от пришлец прилежащих к ним во Израили, иже аще принесет дары своя по всякому исповеданию своему, или по всякому изволению своему, елика аще принесут Господу на всесожжение, Leviticus 22:19 приятны вам непорочны мужеск пол от стад волов, или от овен и от коз: Leviticus 22:20 всех, елика аще имут порок на себе, да не принесут Господу, понеже неприятно будет вам. Leviticus 22:21 И человек иже аще принесет жертву спасения Господу, отлучив обет или по изволению, или в праздники вашя, от стад волов или от овец, непорочно да будет в приятие, всяк порок да не будет на нем: Leviticus 22:22 слепо, или сокрушено, или язык урезан имущо, или червиво, или крастово, или лишаво, да не принесут тех Господу, и в жертву не дадите от них на олтарь Господви: Leviticus 22:23 и телца или овцу ухорезну, или безхвостну, в заколение сотвориши я себе (по изволению), в обет же твой да не приимется: Leviticus 22:24 емуже суть ятра сокрушена, и емуже раздавлена, и изрезана, и исторжена, да не принесете сих Господу, и в земли вашей да не сотворите. Leviticus 22:25 И от руки иноплеменника да не принесете даров Богу вашему от всех сих, яко вреждения суть на них, порок на них, не приимутся сия от вас. Leviticus 22:26 И рече Господь к Моисею, глаголя: Leviticus 22:27 телец, или овча, или козля, егда родится, да будет седмь дний под материю своею, в день же осмый и далее принесется в дар, принос Господу: Leviticus 22:28 и телца и овчате вкупе с материю да не заколете в един день, Leviticus 22:29 аше же пожреши жертву обет радования Господви, приятно вам пожрите е: Leviticus 22:30 сия в тойже день да снестся, да не оставите от мяс на утрие: Аз есмь Господь. Leviticus 22:31 И сохраните заповеди Моя и сотворите я: Аз Господь: Leviticus 22:32 и не оскверните имене Святаго, и освящуся посреде сынов Израилевых: Аз Господь освящаяй вас, Leviticus 22:33 изведый вы из земли Египетския, яко быти вам в Бога: Аз Господь. Leviticus 23:0 Leviticus 23:1 И рече Господь к Моисею, глаголя: Leviticus 23:2 глаголи сыном Израилевым и речеши к ним: праздницы Господни, яже наречете нарочитыя святыя, сии суть праздницы Мои: Leviticus 23:3 в шесть дний да сотвориши дела, и в день седмый суббота, покой нареченный свят Господви, всякаго дела да не сотворите: суббота есть Господви во всем обитании вашем. Leviticus 23:4 Сии праздницы Господу наречены святи, яже наречете сия во времена их: Leviticus 23:5 в первем месяце в четвертыйнадесять день месяца, между вечерними, Пасха Господу: Leviticus 23:6 и в пятыйнадесять день месяца перваго праздник опресноков Господу: седмь дний опресноки да ясте. Leviticus 23:7 И день первый наречен свят будет вам: всякаго дела работня не сотворите: Leviticus 23:8 и да принесете всесожжения Господу седмь дний, и день седмый наречен свят будет вам: всякаго дела работня не сотворите. Leviticus 23:9 И рече Господь к Моисею, глаголя: Leviticus 23:10 глаголи сыном Израилевым и речеши к ним: егда внидете в землю, юже Аз даю вам, и пожнете жатву ея, и принесете снопы начаток жатвы вашея к жерцу, Leviticus 23:11 и вознесет сноп пред Господа приятен вам: на утрие перваго дне субботы да вознесет его жрец. Leviticus 23:12 И сотворите в день, в оньже аще принесете сноп, овча непорочно единолетно во всесожжение Господу: Leviticus 23:13 и жертву его две десятины муки пшеничны спряжены в елеи: жертва Господу, в воню благовония Господу: и возлияние его вина четвертую часть ина. Leviticus 23:14 И хлеба, и пряженых класов новых да не снесте, даже до того дне самаго, дондеже принесете вы дары Богу вашему: законно вечно в роды ваша во всем населении вашем. Leviticus 23:15 И сочтите себе от наутрия суббот, от дне, в оньже аще принесете снопы возложения, седмь седмиц целых Leviticus 23:16 даже до наутрия последния седмицы да сочтете пятьдесят дний, и да принесете жертву нову Господу. Leviticus 23:17 От вселения вашего да принесете хлебы возложение, два хлеба: от двух десятин муки пшеничны да будут, квашены да испекутся от первых плодов Господу: Leviticus 23:18 и да принесете со хлебами седмь агнцев непорочных единолетных, и телца единаго от стад, и овна два непорочна: и будут во всесожжение Господу, и жертвы их, и возлияния их, жертва воня благовония Господу. Leviticus 23:19 И сотворите козла от коз единаго о гресе, и два агнца единолетна в жертву спасения с хлебами первых жит. Leviticus 23:20 И да возложит я жрец с хлебами первых жит, возложение пред Господем со обема агнцы: свята будут Господу, жерцу иже приносит я, тому да будут. Leviticus 23:21 И прозовете сей день, нарочит свят будет вам: всякаго дела работня не сотворите в онь: законно вечно в роды вашя во всем населении вашем. Leviticus 23:22 И егда жнете жатву земли вашея, не потребите останка жатвы нивы своея, егда жнете, и от падающих от жатвы вашея да не собереши: нищему и пришелцу оставиши я: Аз Господь Бог ваш. Leviticus 23:23 И рече Господь к Моисею, глаголя: Leviticus 23:24 рцы сыном Израилевым, глаголя: месяца седмаго, в первый день месяца, да будет вам покой, память труб: наречен свят будет вам: Leviticus 23:25 всякаго дела работня не сотворите, и принесете всесожжение Господу. Leviticus 23:26 И рече Господь к Моисею, глаголя: Leviticus 23:27 и в десятый день седмаго месяца сего день очищения, наречен свят да будет вам: и смирите душы вашя, и принесите всесожжение Господу: Leviticus 23:28 всякаго дела не сотворите в самый день сей: есть бо день очищения сей вам, Їмолити о вас пред Господем Богом вашим: Leviticus 23:29 всяка бо душа, яже не покорится в день той, потребится от людий своих: Leviticus 23:30 и всяка душа, яже сотворит дело в самый день сей, погибнет душа та от людий своих: Leviticus 23:31 всякаго дела не сотворите, законно вечно в роды вашя, во всех селениих ваших. Leviticus 23:32 Субботы суббот будут вам: и смирите душы вашя, от девятаго дне месяца от вечера, даже до десятаго дне месяца, до вечера, субботствуйте субботы вашя. Leviticus 23:33 И рече Господь к Моисею, глаголя: Leviticus 23:34 рцы сыном Израилевым, глаголя: в пятыйнадесять день месяца седмаго сего, праздник кущей седмь дний Господу: Leviticus 23:35 и день первый наречен свят будет: всякаго дела работня не сотворите: Leviticus 23:36 седмь дний да принесете всесожжения Господу: и день осмый наречен свят будет вам, и принесете всесожжения Господу: исходное есть, всякаго дела работня не сотворите. Leviticus 23:37 Сии праздницы Господни, яже наречете нарочиты святы, еже приносити приносы Господу: всесожжения и жертвы их, и возлияния их от дне до дне, Leviticus 23:38 кроме суббот Господних и кроме даров ваших, и кроме всех обетов ваших и кроме благовольных ваших, яже аще дадите Господу. Leviticus 23:39 И в пятыйнадесять день месяца седмаго сего, егда скончаете жита земли, празднуйте Господу седмь дний: в день первый покой, и в день осмый покой: Leviticus 23:40 и да возмете себе в день первый плод древа красен, и ветвь финическую, и ветви древа частыя, и вербы, и агновы ветви от потока, и возвеселитеся пред Господем Богом вашим седмь дний в лето: Leviticus 23:41 законно вечно в роды вашя, в месяц седмый празднуйте его: Leviticus 23:42 в кущах да пребудете седмь дний: всяк туземец во Израили да пребудет в кущах: Leviticus 23:43 яко да уведят роды вашя, яко в кущах вселих сыны Израилевы, внегда извести мне их из земли Египетския: Аз Господь Бог ваш. Leviticus 23:44 И поведа Моисей праздники Господни сыном Израилевым. Leviticus 24:0 Leviticus 24:1 И рече Господь к Моисею, глаголя: Leviticus 24:2 заповеждь сыном Израилевым, да возмут ти елей от масличия чист исцежен в светение, да горит светило всегда, Leviticus 24:3 вне завесы в скинии свидения, и возжигати будут его Аарон и сынове его от вечера до заутра пред Господем непрестанно, законно вечно в роды вашя: Leviticus 24:4 на светилнице чистем возжигати будете светила пред Господем даже до утра. Leviticus 24:5 И возмете муки пшеничны, и сотворите от нея дванадесять хлебов: дву десятин да будет хлеб един: Leviticus 24:6 и возложите их на два положения, по шести хлебов едино положение на трапезе чисте пред Господем: Leviticus 24:7 и возложите на едино положение ливан чист и соль, и да будут хлебы в память предлежащыя пред Господем: Leviticus 24:8 в день субботы да предлагаются пред Господем всегда от сынов Израилевых, завет вечный: Leviticus 24:9 и да будут Аарону и сыном его, и да снедят я на месте святе, суть бо святая святых: сие им от жертв Господу в закон вечный. Leviticus 24:10 И изыде сын жены Израилтяныни, и сей бе сын Египтянина в сынех Израилевых: и пряхуся в полце иже от Израилтяныни и муж Израилтянин: Leviticus 24:11 и нарек сын жены Израилтяныни имя (Господне) прокля. И приведоша его к Моисею. Имя же матере его Саломииф, дщерь Давриина, от племене Данова. Leviticus 24:12 И ввергоша его в темницу, разсудити о нем повелением Господним. Leviticus 24:13 И рече Господь к Моисею, глаголя: Leviticus 24:14 изведи клявшаго вне полка, и да возложат вси слышавшии руце свои на главу его, и да побиют его камением весь сонм: Leviticus 24:15 и сыном Израилевым глаголи и речеши к ним: человек человек, иже аще прокленет Бога своего, грех приимет: Leviticus 24:16 нарицаяй же имя Господне смертию да умрет: камением да побиют его весь сонм израильский: аще туземец, или пришлец, егда наречет имя Господне, да умрет: Leviticus 24:17 и человек, иже аще поразит всяку душу человечу, и умрет, смертию да умрет: Leviticus 24:18 и иже аще ударит скота, и умрет, да воздаст душу вместо души: Leviticus 24:19 и аще кто сотворит порок ближнему, якоже сотвори ему, такожде и ему да сотворят: Leviticus 24:20 изломление за изломление, око за око, зуб за зуб: якоже сотворил порок человеку, такожде да сотворят и ему: Leviticus 24:21 иже аше ударит человека, и умрет смертию да умрет: Leviticus 24:22 оправдание едино будет пришелцу и туземцу, яко Аз есмь Господь Бог ваш. Leviticus 24:23 И глагола Моисей к сыном Израилевым, и изведоша клявшаго вне полка, и побиша его камением весь сонм: и сынове Израилевы сотвориша, якоже заповеда Господь Моисею. Leviticus 25:0 Leviticus 25:1 И рече Господь к Моисею на горе Синайстей, глаголя: Leviticus 25:2 глаголи сыном Израилевым и речеши к ним: егда внидете в землю, юже Аз даю вам, и почиет земля, юже Аз даю вам, субботы Господу. Leviticus 25:3 Шесть лет да сееши ниву твою, и шесть лет да режеши виноград твой и собереши плод его: Leviticus 25:4 в седмое же лето суббота, покой да будет земли, суббота Господня: нивы твоея сеяти и винограда твоего резати не будеши, Leviticus 25:5 и сама собою произрастающая нивы твоея да не пожнеши, и винограда отлучения твоего да не собереши: лето покоя будет земли. Leviticus 25:6 И будут субботы земли яди тебе, и рабу твоему и рабыни твоей, и наемнику твоему и обиталнику прилежащему к тебе, Leviticus 25:7 и скотом твоим и зверем сущым на земли твоей да будет всяк плод его в снедь. Leviticus 25:8 И исчислиши себе седмь лет покоя, седмь лет седмижды: и будут тебе седмь седмин лет, четыредесять девять лет. Leviticus 25:9 И возвестите трубным гласом во всей земли вашей месяца седмаго в десятый день месяца: в день очищения возвестите трубою во всей земли вашей. Leviticus 25:10 И освятите лето, пятьдесятое лето, и разгласите оставление на земли всем живущым на ней: лето оставления знамение сие будет вам: и да отидет кийждо вас в притяжание свое, и кийждо во отечество свое отидете. Leviticus 25:11 Оставления знамение сие будет вам, лето пятьдесятое, лето будет вам: ни сеяти, ниже жати будете, еже само произникнет на ней, и да не объемлеши освященных (Богу) ея: Leviticus 25:12 яко оставления знамение есть, свято да будет вам: от нив ядите плоды ея: Leviticus 25:13 и в лето оставления знамения сего да возвратится кийждо в притяжание свое. Leviticus 25:14 Аще же отдаси куплею ближнему твоему, или аще притяжеши от ближняго твоего, да не оскорбляет человек ближняго: Leviticus 25:15 по числу лет по знамении, да притяжеши от ближняго, по числу лет плодов да продастся тебе. Leviticus 25:16 Якоже аще более лет, умножит притяжание его, и якоже аще мнее лет, уменшит притяжание его: яко число плодов его, тако да продаст тебе. Leviticus 25:17 Да не оскорбит человек ближняго, и да убоишися Господа Бога твоего: Аз Господь Бог ваш. Leviticus 25:18 И сотворите вся оправдания Моя и вся суды Моя, сохраните же и сотворите я, и вселитеся на земли уповающе. Leviticus 25:19 И даст земля плоды своя, и снесте в сытость, и вселитеся на ней уповающе. Leviticus 25:20 Аще же речете: что ясти будем в седмое лето сие, аще не сеем, ни собираем плодов своих, Leviticus 25:21 и послю благословение Мое вам в лето шестое, и сотворит плоды своя на три лета: Leviticus 25:22 и посеете в лето осмое, и снесте от плодов ветхих даже до лета девятаго: дондеже приспеют плоды ея, снесте ветхая ветхих. Leviticus 25:23 И земля да не продастся во утверждение: Моя бо есть земля, яко пришелцы и приселницы вы есте предо Мною: Leviticus 25:24 и по всей земли одержания вашего, искуп дадите земли. Leviticus 25:25 Аще же нищетствует брат твой, иже с тобою, и продаст от одержания своего, да приидет ужик ближний ему и искупит продание брата своего. Leviticus 25:26 Аще же не будет кому ужика, и возможет рука его обрести доволен искуп его, Leviticus 25:27 и исчислит лета продания его, и воздаст еже излише имать, человеку емуже продано бе оное, и возвратится во одержание свое. Leviticus 25:28 Аще же не обрящет рука его доволное, еже отдати ему, да будет проданое купившему е даже до шестаго лета оставления, и изыдет во оставление, и возвратится во одержание свое. Leviticus 25:29 Аще же кто продаст дом обитаемый во граде огражденнем, и будет искупление его, дондеже исполнится: лето дний будет искупление его. Leviticus 25:30 Аще же не искупит, дондеже скончается лето все, да укрепится дом сущий во граде имущем ограждение в твердость купившему его, в роды его, и не возвратится во оставление. Leviticus 25:31 Домы же иже на селех, имже несть окрест их ограждения, к селу земли да приложатся: искупуемы всегда да будут, и во оставление да возвратятся. Leviticus 25:32 И гради левитстии, домы градов одержания их, искупуемы да будут всегда левитом. Leviticus 25:33 И иже аще искупит от левит: и изыдет продание домов града одержания их во оставление, яко домы градов левитских одержание их, посреде сынов Израилевых. Leviticus 25:34 И села отделеная градом их да не продадутся, яко одержание вечное сие их есть. Leviticus 25:35 Аще же нищетствует брат твой, иже с тобою, и изнеможет руками у тебе, заступи его яко пришелца и приселника, да поживет брат твой с тобою: Leviticus 25:36 да не возмеши от него лихвы, ниже более (данаго), и убоишися Бога твоего: Аз Господь: и поживет брат твой с тобою. Leviticus 25:37 Сребра твоего да не даси ему в лихву, и ради прибытка не даси ему пищей твоих. Leviticus 25:38 Аз Господь Бог ваш, изведый вы из земли Египетския, еже дати вам землю Ханаанску, яко быти Мне Богу вашему. Leviticus 25:39 Аще же оубожает брат твой у тебе, и продастся тебе, да не поработает тебе работы рабския: Leviticus 25:40 аки наемник или пришлец да будет тебе, даже до лета оставления делати будет у тебе, Leviticus 25:41 и да изыдет от тебе, и дети его с ним в лето оставления, и да отидет в род свой, и во одержание отчее свое возвратится, Leviticus 25:42 понеже раби Мои суть сии, ихже изведох из земли Египетския, да не продастся проданием рабиим: Leviticus 25:43 да не отяготиши его трудом, и убоишися Господа Бога твоего. Leviticus 25:44 И раб и рабыня, иже ще будут у тебе от язык, иже окрест тебе суть, от тех да притяжете раба и рабыню. Leviticus 25:45 И от сынов приселничих, иже суть в вас, от сих притяжете, и от сродников их, елицы аще будут в земли вашей, да будут вам во одержание, Leviticus 25:46 и да разделите я детем вашым по вас, и да будут вам во одержание во век: братии же вашея, сынов Израилевых, кийждо брата своего да не отяготит его в трудех. Leviticus 25:47 Аще же обрящет рука пришелца или приселника иже у тебе, и обнищав брат твой продастся к пришелцу или приселнику иже у тебе, или родившемуся от рода пришелча, Leviticus 25:48 по продании ему, искуп да будет ему, един от братий его да искупит его: Leviticus 25:49 брат отца его, или сын брата отца его, да искупит его, или от свойственных плоти племене его искупит его: аще же возможет рука его, искупит себе, Leviticus 25:50 да сочтется с притяжавшим его, от лета в неже продася ему даже до лета оставления, и будет сребро продания его аки день наемника: от лета до лета да будет с ним. Leviticus 25:51 Аще же кому множае лет будет, против тех отдаст искуп свой, от сребра продания своего. Leviticus 25:52 Аще же мало останется от лет до лета оставления, и да сочтет ему по летом его, и отдаст искуп его аки наемник: Leviticus 25:53 от года до года да будет с ним: да не отяготиши его трудом пред тобою. Leviticus 25:54 Аше же не искупится по сим, да изыдет в лето оставления сам и дети его с ним: Leviticus 25:55 яко Мои сынове Израилевы раби суть, отроцы Мои сии суть, ихже изведох из земли Египетския: Аз Господь Бог ваш. Leviticus 26:0 Leviticus 26:1 Не сотворите себе (образов) рукотвореных, ниже изваяных, ниже столпа поставите себе, ниже камене поставите в земли вашей во знамение, ко еже покланятися ему: Аз есмь Господь Бог ваш. Leviticus 26:2 Субботы Моя сохраните, и от святых Моих убойтеся: Аз есмь Господь. Leviticus 26:3 Аще в повелениих Моих ходите, и заповеди Моя сохранитеи сотворите я: Leviticus 26:4 и дам дождь вам во время свое, и земля даст плоды своя, и древеса селная отдадят плод свой: Leviticus 26:5 и постигнет вам млачение (жит) обрание вина, и обрание вина постигнет сеятву, и снесте хлеб ваш в сытость, и вселитеся с твердостию на земли вашей, и рать не пройдет сквозе землю вашу: Leviticus 26:6 и дам мир в земли вашей, и уснете, и не будет устрашаяй вас: и погублю звери лютыя от земли вашея: Leviticus 26:7 и рать сквозе землю вашу не пройдет, и поженете враги вашя, и падут пред вами убиением: Leviticus 26:8 и поженут от вас пять сто, и сто вас поженет тмы, и падут врази ваши пред вами мечем: Leviticus 26:9 и призрю на вас и благословлю вас, и возращу вас и умножу вас, и поставлю завет Мой с вами: Leviticus 26:10 и снесте ветхая и ветхая ветхих, и ветхая от лица новых изнесете: Leviticus 26:11 и поставлю завет Мой в вас, и не возгнушается душа Моя вами: Leviticus 26:12 и похожду в вас, и буду вам Бог, и вы будете Ми людие: Leviticus 26:13 Аз есмь Господь Бог ваш, изведый вас из земли Египетския, сущым вам рабом: и сокруших узы ярма вашего, и изведох вас со дерзновением. Leviticus 26:14 Аше же не послушаете Мене, ниже сотворите повелений Моих сих, Leviticus 26:15 но ни покоритеся им, и о судбах Моих вознегодует душа ваша, яко не творити вам всех заповедий Моих, яко разорити завет Мой, Leviticus 26:16 и Аз сотворю сице вам, и наведу на вас скудость и красту, и желтяницу вреждающую очи ваша и душы вашя истаевающую: и посеете вотще семена ваша, и поядят я супостаты вашя: Leviticus 26:17 и утвержу лице Мое на вас, и падете пред враги вашими, и поженут вы ненавидящии вас, и побегнете ни комуже гонящу вас. Leviticus 26:18 И аще до сего не послушаете Мене, и приложу наказати вы язвами седмижды за грехи вашя: Leviticus 26:19 и сокрушу досаждение гордыни вашея, и положу небо вам аки железно, и землю вашу аки медяну: Leviticus 26:20 и будет вотще крепость ваша, и не даст земля ваша семене своего, и древа села вашего не дадут плода своего. Leviticus 26:21 И аще по сих пойдете страною и не восхощете послушати Мене, приложу вам язв седмь по грехом вашым, Leviticus 26:22 и послю на вы звери лютыя земныя, и изядят вы и потребят скоты вашя, и умалены сотворю вы, и пусты будут путие ваши. Leviticus 26:23 И аще сими не накажетеся, но пойдете ко Мне страною, Leviticus 26:24 пойду и Аз с вами в ярости страною, и поражу вы и аз седмижды грех ради ваших, Leviticus 26:25 и наведу на вы мечь мстяй месть завета, и вбегнете в грады вашя: и послю на вы смерть, и предани будете в руце враг ваших: Leviticus 26:26 внегда скорбети вам скудостию хлебов, и испекут десять жен хлебы вашя в пещи единей, и отдадят хлебы вашя весом, и ясти будете, и не насытитеся. Leviticus 26:27 Аще же в сих не послушаете Мене и пойдете ко Мне страною, Leviticus 26:28 и Аз пойду с вами в ярости страною, и накажу вы аз седмижды по грехом вашым: Leviticus 26:29 и ясти будете плоти сынов ваших, и плоти дщерей ваших ясти имате, Leviticus 26:30 и сотворю пустая капища ваша и потреблю древяная рукотворения ваша, и положу трупы вашя на трупех кумир ваших, и возненавидит вас душа Моя: Leviticus 26:31 и сотворю грады вашя пусты, и опустошу святая ваша, и не обоняю вони жертв ваших: Leviticus 26:32 и сотворю пусту аз землю вашу, и удивятся о ней врази ваши, живущии на ней: Leviticus 26:33 и разсыплю вы в языки, и потребит вы находяй мечь, и будет земля ваша пуста, и грады ваши будут пусты. Leviticus 26:34 Тогда возблаговолит земля субботы своя, во вся дни запустения своего, и вы будете в земли враг ваших: тогда воспразднует земля и возблаговолит субботы своя: Leviticus 26:35 во вся дни опустения своего воспразднует, яже не празднова в субботах ваших, егда живясте на ней. Leviticus 26:36 И оставльшымся от вас вложу страх в сердца их в земли враг их, и поженет их глас листа летяща, и побегнут яко бежащии от рати, и падут ни кимже гоними. Leviticus 26:37 И презрит брат брата аки на рати, ни кому нападающу, и не возможете противустати врагом вашым: Leviticus 26:38 и погибнете в языцех, и потребит вас земля враг ваших. Leviticus 26:39 И оставльшиися от вас истлеют за грехи своя и за грехи отец своих, в земли враг своих истают, Leviticus 26:40 и исповедят грехи своя и грехи отец своих, яко преступиша и презреша Мя, и яко ходиша предо Мною страною: Leviticus 26:41 и Аз пойду с ними в ярости страною и погублю их в земли врагов их: тогда усрамится сердце их необрезаное и тогда познают грехи своя:: Leviticus 26:42 и помяну завет Иаковль и завет Исааков, и завет Авраамль помяну, Leviticus 26:43 и землю помяну, и земля останется от них. Тогда приимет земля субботы своя, внегда опустети ей их ради: и они приимут своя беззакония, ихже ради презреша судбы Моя, и о повелениих Моих вознегодова душа их: Leviticus 26:44 обаче сущым им в земли врагов своих, не презрех их, ниже вознегодовах о них, яко потребити я и разорити завет Мой иже к ним: Аз бо есмь Господь Бог их. Leviticus 26:45 И помяну завет их первый, егда изведох их из земли Египетския, из дому работы пред языки, еже быти Мне Богу их: Аз есмь Господь. Leviticus 26:46 Сия судбы Моя и повеления Моя, и закон, егоже даде Господь между Собою и между сыны Израилевы, на горе Синайстей, рукою Моисеовою. Leviticus 27:0 Leviticus 27:1 И рече Господь к Моисею, глаголя: Leviticus 27:2 глаголи сыном Израилевым и речеши к ним, глаголя: человек, иже аще обещает обет, яко цену души своея Господу, Leviticus 27:3 да будет цена мужеска полу от двадесяти лет до шестидесяти лет, да будет цена его пятьдесят дидрахм сребра весом святым, Leviticus 27:4 женска же полу да будет цена тридесять дидрахм: Leviticus 27:5 аще же от пяти лет до двадесяти лет, да будет цена мужеску полу двадесять дидрахм, женску же полу десять дидрахм: Leviticus 27:6 от месяца же единаго до пяти лет, да будет цена мужеска полу пять дидрахм сребра, женска же полу три дидрахмы сребра: Leviticus 27:7 аще же от шестидесяти лет и вышше, аще убо мужеск пол будет, да будет цена его пятьнадесять дидрахм сребра, аще же женск пол, десять дидрахм. Leviticus 27:8 Аще же убог будет ценою своею, да станет пред жерцем, и да оценит его жрец: якоже может рука обещавшагося, тако оценит его жрец. Leviticus 27:9 Аще же от скотов приносимых от них дар Господу, иже аще даст от сих Господу, будет свято. Leviticus 27:10 Да не пременит добра злым, ниже зла добрым: аще же изменяя изменит оный скот скотом, да будет и той и пременение свята. Leviticus 27:11 Аще же всяк скот нечист, от нихже не приносится дар Господу, да поставит скота пред жерцем, Leviticus 27:12 и оценит его жрец между добрым и между злым: и якоже оценит его жрец, тако да будет. Leviticus 27:13 Аще же искупуя искупит его, да приложит пятую часть к цене его. Leviticus 27:14 И человек, иже аще освятит дом свой свят Господу, и оценит его жрец между добрым и между злым: якоже оценит его жрец, тако да станет. Leviticus 27:15 Аще же освятивый его искупит дом свой, да приложит к сему пятую часть сребра цены его, и будет ему. Leviticus 27:16 Аще же от нив одержания своего освятит человек Господу, и да будет цена его по сеянию его, за спуд ячменя пятьдесят дидрахм сребра. Leviticus 27:17 Аще же от лета оставления освятит ниву свою, по цене ея да станет. Leviticus 27:18 Аще же напоследок по оставлении освятит ниву свою, да причтет ему сребро жрец к летом оставшымся даже до лета оставления, и отимется от цены его Leviticus 27:19 аще же искупит ниву освятивый ю, да приложит пятую часть сребра к цене ея, и да будет ему. Leviticus 27:20 Аще же не искупит нивы, и отдаст ниву человеку иному, не ктому да искупит ю: Leviticus 27:21 но да будет нива минувшу лету оставления, свята хвална Господу, якоже земля отлученая: жерцу да будет во одержание его. Leviticus 27:22 Аще же от нивы, юже стяжа, яже несть от села одержания его, освятит Господу, Leviticus 27:23 да сочтет ему жрец останок цены от лета оставления, и да отдаст цену в той день святу Господу: Leviticus 27:24 и в лето оставления да отдастся нива человеку, от негоже притяжа ю, егоже бе одержание земли. Leviticus 27:25 И всяка цена да будет весами святыми, двадесять пенязей будет дидрахма. Leviticus 27:26 И всяк первенец, иже аще родится в скоте твоем, да будет Господу, и да не освятит его никтоже: аще телец, аше овча, Господу есть. Leviticus 27:27 Аще же от четвероножных нечистых, да пременит по цене его, и да приложит пятую часть его к сему, и да будет ему: аще же не искупится, да продастся по цене его. Leviticus 27:28 Всяк же обет, егоже аше обещает человек Господу от всех, елика ему суть, от человека даже до скота, и от нив одержания его, не продастся, ниже искупится всякий обет свят святых будет Господу. Leviticus 27:29 И всяк обет, иже аще обещан будет от человек, не искупится, но смертию да умертвится. Leviticus 27:30 Всяка десятина земли, от семене земнаго и от плода древянаго Господу есть, свято Господу. Leviticus 27:31 Аще же искупуя искупит человек десятину свою, пятую часть его да приложит к нему, и да будет ему. Leviticus 27:32 И всяка десятина волов и овец, и всяко, еже аще приидет в число под жезл десятое, будет свято Господу. Leviticus 27:33 Не премениши добраго злым, ниже добрым злаго: аще же пременяя премениши е, то и пременение его будет свято, да не искупится, Leviticus 27:34 сия суть заповеди, яже заповеда Господь Моисею к сыном Израилевым на горе Синайстей.
Numbers 0:0
Числа Numbers 1:0 Numbers 1:1 И глагола Господь к Моисею в пустыни Синайстей, в скинии свидения, в первый день месяца втораго, втораго лета изшедшым им от земли Египетския, глаголя: Numbers 1:2 возмите сочтение всего сонма сынов Израилевых по сродством их, по домом отечества их, по числу имен их, по главам их: Numbers 1:3 всяк мужеск пол от двадесяти лет и вышше, всяк исходяй с силою Израилевою, соглядайте их с силою их, ты и Аарон созирайте их: Numbers 1:4 и с вами да будут с силою своею кийждо, кийждо по племени коегождо от князей, по домом отечеств да будут. Numbers 1:5 И сия имена мужей, иже станут с вами: от Рувима Елисур сын Седиуров, Numbers 1:6 от Симеона Саламиил сын Сурисадаев, Numbers 1:7 от Иуды Наассон сын Аминадавль, Numbers 1:8 от Иссахара Нафанаил сын Согаров, Numbers 1:9 от Завулона Елиав сын Хелонь, Numbers 1:10 от сынов Иосифовых, иже от Ефрема, Елисам сын Семиудов, от Манассии Гамалиил сын Фадассуров, Numbers 1:11 от Вениаминя Авидан сын Гадеониев, Numbers 1:12 от Дана Ахиезер сын Амисадаев, Numbers 1:13 от Асира Фагаиил сын Ехранов, Numbers 1:14 от Гада Елисаф сын Рагуилов, Numbers 1:15 от Неффалима Ахирей сын Енань. Numbers 1:16 Сии нареченнии сонма князи от племен, по отечествам их, тысященачалницы Израилевы суть. Numbers 1:17 И поя Моисей и Аарон мужы сия нареченныя именем. Numbers 1:18 И весь сонм собраша в первый день месяца втораго лета, и соглядаша я по родом их, по отечествам их, по числу имен их, от двадесяти лет и вышше, всяк мужеск пол по главам их, Numbers 1:19 якоже повеле Господь Моисею: и соглядашася сии в пустыни Синайстей. Numbers 1:20 И быша сынове Рувима, первенца Израилева, по сродством их, по сонмом их, по домом отечеств их, по числу имен их, по главам их, всяк мужеск пол от двадесяти лет и вышше, всяк исходяй с силою, Numbers 1:21 соглядание их от племене Рувимля четыредесять шесть тысящ и пять сот. Numbers 1:22 Сынов Симеоновых по сродством их, по сонмом их, по домом отечеств их, по числу имен их, по главам их, всяк мужеск пол от двадесяти лет и вышше, всяк исходяй с силою, Numbers 1:23 соглядание их от племене Симеоня пятьдесят девять тысящ и триста. Numbers 1:24 Сынов Иудиных по сродством их, по сонмом их, по домом отечеств их, по числу имен их, по главам их, всяк мужеск пол от двадесяти лет и вышше, всяк исходяй с силою, Numbers 1:25 соглядание их от племене Иудина седмьдесят четыри тысящы и шесть сот. Numbers 1:26 От сынов Иссахаровых по сродством их, по сонмом их, по домом отечеств их, по числу имен их, по главам их, всяк мужеск пол от двадесяти лет и вышше, всяк исходяй с силою, Numbers 1:27 соглядание их от племене Иссахарова пятьдесят и четыри тысящы и четыре ста. Numbers 1:28 От сынов Завулоних по сродством их, по сонмом их, по домом отечеств их, по числу имен их, по главам их, всяк мужеск пол от двадесяти лет и вышше, всяк исходяй с силою, Numbers 1:29 соглядание их от племене Завулоня пятьдесят седмь тысящ и четыре ста. Numbers 1:30 От сынов Иосифовых, сынов Ефремлих по сродством их, по сонмом их, по домом отечеств их, по числу имен их, по главам их, всяк мужеск пол от двадесяти лет и вышше, всяк исходяй с силою, Numbers 1:31 соглядание их от племене Ефремля четыредесять тысящ и пять сот. Numbers 1:32 От сынов Манассииных по сродством их, по сонмом их, по домом отечеств их, по числу имен их, по главам их, всяк мужеск пол их от двадесяти лет и вышше, всяк исходяй с силою, Numbers 1:33 соглядание их от племене Манассиина тридесять и две тысящи и двести. Numbers 1:34 От сынов Вениаминовых по сродством их, по сонмом их, по домом отечеств их, по числу имен их, по главам их, всяк мужеск пол их от двадесяти лет и вышше, всяк исходяй с силою, Numbers 1:35 соглядание их от племене Вениаминя тридесять и пять тысящ и четыре ста. Numbers 1:36 От сынов Гадовых, по сродством их, по сонмом их, по домом отечеств их, по числу имен их, по главам их, всяк мужеский пол их от двадесяти лет и вышше, всяк исходяй с силою, Numbers 1:37 соглядание их от племене Гадова четыредесять пять тысящ и шесть сот пятьдесят. Numbers 1:38 От сынов Дановых по сродством их, по сонмом их, по домом отечеств их, по числу имен их, по главам их, всяк мужеск пол их от двадесяти лет и вышше, всяк исходяй с силою, Numbers 1:39 соглядание их от племене Данова шестьдесят и две тысящы и седмь сот. Numbers 1:40 От сынов Асировых по сродством их, по сонмом их, по домом отечеств их, по числу имен их, по главам их, всяк мужеск пол их от двадесяти лет и вышше, всяк исходяй с силою, Numbers 1:41 соглядание их от племене Асирова четыредесять едина тысяща и пять сот. Numbers 1:42 От сынов Неффалимлих по сродством их, по сонмом их, по домом отечеств их, по числу имен их, по главам их, всяк мужеск пол их от двадесяти лет и вышше, всяк исходяй с силою, Numbers 1:43 соглядание их от племене Неффалимля пятьдесят и три тысящы и четыре ста. Numbers 1:44 Сие сочисление, еже соглядаша Моисей и Аарон и князи Израилевы, дванадесять мужей, муж един от племене единаго, по племени домов отечества их быша. Numbers 1:45 И бысть всего соглядания сынов Израилевых с силою их, от двадесяти лет и вышше, всяк исходяй ополчатися во Израили, Numbers 1:46 шесть сот тысящ и три тысящы и пять сот и пятьдесят. Numbers 1:47 Левити же от племене отечества их не сочислишася в сынех Израилевых. Numbers 1:48 И рече Господь к Моисею, глаголя: Numbers 1:49 виждь, плеюмене Левиина да на сочислиши, и числа их да не приимеши среди сынов Израилевых: Numbers 1:50 и ты пристави левиты к скинии свидения и ко всем сосудом ея, и ко всем, елика суть в ней: да носят сии скинию и вся сосуды ея, и тии да служат в ней, и окрест скинии да ополчаются: Numbers 1:51 и внегда воздвизати скинию, да снимают ю левити, и внегда поставити скинию, да возставят: и иноплеменник приступаяй да умрет. Numbers 1:52 И да ополчаются сынове Израилевы, всяк в своем чине и всяк по своему старейшинству, с силою своею: Numbers 1:53 левити же да ополчаются сопротив, окрест скинии свидения, и не будет согрешения в сынех Израилевых, и да стрегут левити сами стражу скинии свидения. Numbers 1:54 И сотвориша сынове Израилевы по всем, елика заповеда Господь Моисею и Аарону, тако сотвориша. Numbers 2:0 Numbers 2:1 И рече Господь к Моисею и Аарону, глаголя: Numbers 2:2 человек держайся по чину своему, по знамениям, по домом отечеств своих, да ополчаются сынове Израилевы пред Господем, окрест скинии свидения да ополчаются сынове Израилевы. Numbers 2:3 И ополчающиися первии на восток чин полка Иудина с силою их, и князь от сынов Иудиных Наассон сын Аминадавль: Numbers 2:4 сила его согляданая седмьдесят и четыри тысящы и шесть сот. Numbers 2:5 И ополчающиися близ от племене Иссахарова, и князь сынов Иссахаровых Нафанаил сын Согаров: Numbers 2:6 сила его согляданая пятьдесят и четыри тысящы и четыре ста. Numbers 2:7 И ополчающиися близ от племене Завулоня, и князь сынов Завулоних Елиав сын Хелонь: Numbers 2:8 сила его согляданая пятьдесят седмь тысящ и четыре ста. Numbers 2:9 Всех сочтеных от полка Иудина сто осмьдесят шесть тысящ и четыре ста, с силою их первии да воздвизаются. Numbers 2:10 Чины полка Рувимля к югу с силою его, и князь сынов Рувимлих Елисур сын Седиуров: Numbers 2:11 сила его согляданая четыредесять и шесть тысящ и пять сот. Numbers 2:12 И ополчающиися близ его от племене Симеоня, и князь сынов Симеоних Саламииль сын Сурисадаин: Numbers 2:13 сила его сочтеная пятьдесят и девять тысящ и три ста. Numbers 2:14 И ополчающиися близ его от племене Гадова, и князь сынов Гадовых Елисаф сын Рагуиль: Numbers 2:15 сила его согляданая четыредесять и пять тысящ и шесть сот и пятьдесят. Numbers 2:16 Всех же сочтеных полка Рувимля сто пятьдесят едина тысяща и четыре ста и пятьдесят, с силою их втории да воздвизаются. Numbers 2:17 И да воздвигнется скиния свидения и полк левитский посреде полков: якоже ополчатся, тако и да воздвигнутся, кийждо держася по чину своему. Numbers 2:18 Чин полка Ефремля к морю с силою их, и князь сынов Ефремлих Елисама сын Емиудов: Numbers 2:19 сила его сочтеная четыредесять тысящ и пять сот. Numbers 2:20 И ополчающиися близ племя Манассиино, и князь сынов Манассииных Гамалиил сын Фадассуров: Numbers 2:21 сила его согляданая тридесять две тысящы и двести. Numbers 2:22 И ополчающиися близ от племене Вениаминя, и князь сынов Вениаминих Авидан сын Гадеониев: Numbers 2:23 сила его сочтеная тридесять пять тысящ и четыре ста. Numbers 2:24 Всех сочтеных полка Ефремля сто осмь тысящ и сто, с силою их гретии да воздвизаются. Numbers 2:25 Чин полка Данова к северу с силою их, и князь сынов Дановых Ахиезер сын Амисадаин: Numbers 2:26 сила его согляданая шестьдесят две тысящы и седмь сот. Numbers 2:27 И ополчающиися близ его племя Асирово, и князь сынов Асировых Фагаиил сын Ехранов: Numbers 2:28 сила его согляданая четыредесять едина тысяща и пять сот. Numbers 2:29 И ополчающиися близ племя Неффалимле, и князь сынов Неффалимлих Ахирей сын Енань: Numbers 2:30 сила его согляданая пятьдесят три тысящы и четыре ста. Numbers 2:31 Всех сочтеных полка Данова сто пятьдесят седмь тысящ и шесть сот, с силою их последнии да воздвизаются по чину своему. Numbers 2:32 Сие сочтение сынов Израилевых по домом отечеств их: вся соглядания полков с силами их шесть сот три тысящы и пять сот пятьдесят. Numbers 2:33 Левити же не соглядашася среди сынов Израилевых, якоже заповеда Господь Моисею. Numbers 2:34 И сотвориша сынове Израилевы вся, елика заповеда Господь Моисею: тако ополчахуся по чином своим, и тако воздвизахуся кийждо близ по сонмом своим, по домом отечеств своих. Numbers 3:0 Numbers 3:1 И сия рождения Аарона и Моисеа, в день в оньже глагола Господь Моисею на горе Синайстей: Numbers 3:2 и сия имена сынов Аароних: первенец Надав и Авиуд, и Елеазар и Ифамар: Numbers 3:3 сия имена сынов Аароних, жерцы помазаныя, имже совершишася руце их жрети: Numbers 3:4 и скончашася Надав и Авиуд пред Господем, приносящым им огнь чуждь пред Господем в пустыни Синайстей, и чад не бе им: и жречествоваху Елеазар и Ифамар со Аароном, отцем своим. Numbers 3:5 И рече Господь к Моисею, глаголя: Numbers 3:6 поими племя Левиино, и поставиши я пред Аароном жерцем, и да служат ему: Numbers 3:7 и да стрегут стражбы его и стражбы сынов Израилевых пред скиниею свидения, делати дела скинии: Numbers 3:8 и да хранят вся сосуды скинии свидения и стражбы сынов Израилевых по всем делом скинии: Numbers 3:9 и да даси левиты Аарону брату твоему и сыном его жерцем: в дар даны сии Мне суть от сынов Израилевых: Numbers 3:10 и Аарона и сыны его поставиши над скиниею свидения, и да хранят жречество свое, и вся яже у олтаря и внутрь завесы: иноплеменник же прикасаяйся умрет. Numbers 3:11 И рече Господь к Моисею, глаголя: Numbers 3:12 и се, Аз взях левиты от среды сынов Израилевых, вместо всякаго первенца, отверзающаго ложесна от сынов Израилевых: искупления их будут, и да будут Мне левити: Numbers 3:13 Мне бо всяк первенец: в оньже день побих всякаго первенца в земли Египетстей, освятих Себе всякаго первенца во Израили, от человека до скота Мне да будут: Аз Господь. Numbers 3:14 И рече Господь к Моисею в пустыни Синайстей, глаголя: Numbers 3:15 соглядай сынов Левииных по домом отечеств их по сонмом их, по рождению их: всяк мужеск пол от месяца единаго и вышше да соглядаете их. Numbers 3:16 И сочте их Моисей и Аарон повелением Господним, якоже повеле им Господь. Numbers 3:17 И бяху сии сынове Левиины от имен их: Гирсон, Кааф и Мерари. Numbers 3:18 И сия имена сынов Гирсоних по сонмом их: Ловени и Семей. Numbers 3:19 И сынове Каафовы по сонмом их: Амрам и Иссаар, Хеврон и Озиил. Numbers 3:20 И сынове Мерарины по сонмом их: Мооли и Муси: сии суть сонми Левитстии по домом отечеств их. Numbers 3:21 От Гирсона сонм Ловениин и сонм Семеинь: сии суть сонми Гирсоновы. Numbers 3:22 Соглядание их по числу всего мужеска полу, от месяца единаго и вышше, соглядание их седмь тысящ и пять сот. Numbers 3:23 И сынове Гирсоновы за скиниею да ополчаются к морю. Numbers 3:24 И князь дому отечества сонма Гирсоня Елисаф сын Даиль. Numbers 3:25 И стражба сынов Гирсоновых в скинии свидения, скиния и покров ея, и покров дверий скинии свидения, Numbers 3:26 и опоны двора, и завеса дверий двора, иже есть у скинии, и прочая всех дел его. Numbers 3:27 От Каафа сонм Амрамль един и сонм Иссааров един, и сонм Хевронь един и сонм Озиил един: сии суть сонми Каафовы: Numbers 3:28 по числу всяк мужеск пол от месяца единаго и вышше осмь тысящ и шесть сот, стрегущии стражбы Святых. Numbers 3:29 Сонми сынов Каафовых да ополчаются от страны скинии к югу, Numbers 3:30 и князь дому отечеств сонмов Каафовых Елисафан сын Озиил: Numbers 3:31 и стражба их кивот и трапеза, и светилник и олтари, и сосуды святаго, в нихже служат, и покров, и вся дела их. Numbers 3:32 И князь над князи левитскими Елеазар сын Аарона жерца, поставлен стрещи стражбы святых. Numbers 3:33 От Мерара же сонм Мооли и сонм Муси: сии суть сонми Мерарины, Numbers 3:34 соглядание их по числу, всяк мужеск пол от месяца единаго и вышше, шесть тысящ и двести. Numbers 3:35 И князь дому отечеств сонма Мерарина Суриил сын Авихеов: от страны скинии да ополчаются к северу, Numbers 3:36 соглядание стражбы сынов Мерариных главицы скинии и вереи ея, и столпы ея и стояла ея, и вся сосуды их и вся дела их, Numbers 3:37 и столпы двора окрест и стояла их, и колки их и верви их. Numbers 3:38 Ополчающиися сопреди скинии свидения на востоки Моисей и Аарон и сынове его, стрегуще стражбы святаго, в стражбах сынов Израилевых: и иноплеменник прикасаяйся да умрет. Numbers 3:39 Все соглядание левитов, ихже согляда Моисей и Аарон повелением Господним по сонмом их, всяк мужеск пол от месяца единаго и вышше, двадесять и две тысящы. Numbers 3:40 И рече Господь к Моисею, глагола: соглядай всякаго первенца мужеска полу сынов Израилевых от месяца единаго и вышше, и возми число их по имени, Numbers 3:41 и да поймеши Мне левиты за вся первенцы сынов Израилевых: Аз Господь: и скоты левитски вместо всех первенцев в скотех сынов Израилевых. Numbers 3:42 И согляда Моисей, якоже заповеда ему Господь, всякаго первенца в сынех Израилевых. Numbers 3:43 И быша вси первенцы мужескаго полу, по числу имен от месяца единаго и вышше, от соглядания их двадесять две тысящы двести и седмьдесят три. Numbers 3:44 И рече Господь к Моисею, глаголя: Numbers 3:45 поими левиты вместо всех первенцев сынов Израилевых, и скоты левитски вместо скотов их, и будут Мне левиты: Аз Господь: Numbers 3:46 и искуп дву сот седмидесяти трех, иже преизбывают сверх левитов от первенцов сынов Израилевых: Numbers 3:47 и да возмеши по пяти сикль на главу, по сиклю святому возмеши двадесять пенязей сикль, Numbers 3:48 и даси сребро Аарону и сыном его искуп от преизбывающих в них. Numbers 3:49 И взя Моисей сребро искупное от преизбывающих в них на искуп левитом: Numbers 3:50 от первенец сынов Израилевых взя сребра тысящу три ста шестьдесят пять сиклев, по сиклю святому. Numbers 3:51 И даде Моисей окуп от преизбывших Аарону и сыном его, повелением Господним, якоже заповеда Господь Моисею. Numbers 4:0 Numbers 4:1 И рече Господь к Моисею и Аарону, глаголя: Numbers 4:2 возми сочисление сынов Каафовых от среды сынов Левииных, по сонмом их, по домом отечеств их, Numbers 4:3 от двадесяти и пяти лет и вышше, даже до пятидесяти лет, всяк входяй служити, творити вся дела в скинии свидения. Numbers 4:4 И сия дела сынов Каафовых от среды сынов Левииных, по сонмом их, по домом отечеств их, в скинии свидения Святое Святых. Numbers 4:5 И да внидут Аарон и сынове его, егда воздвигнется полк, и да снимут завесу осеняющую, и да обвиют в ню кивот свидения, Numbers 4:6 и да покрыют его покровом кожаным синим, и да возложат нань одежду всю синетную сверху, и да вложат носила: Numbers 4:7 и на трапезе предложения да положат на ней одежду всю багряную и блюда, и кадилницы и чашы, и возливалницы, имиже возливают, и хлебы на ней всегда да будут: Numbers 4:8 и да возложат на ню одежду червлену, и да покрыют ю покровом кожаным синим, и да вложат носила ея: Numbers 4:9 и да возмут одежду синю, и покрыют светилник светящий и свещы его, и щипцы его и очищала его, и вся сосуды елеа его, имиже служат в них: Numbers 4:10 и да вложат его и вся сосуды его в покров кожан синий, и да возложат его на носила: Numbers 4:11 и на олтарь златый да положат одежду синю, и да покрыют его покровом кожаным синим, и да вложат носила его: Numbers 4:12 и да возмут вся сосуды служебныя, еликими служат в них во святых, и вложат во одежду синю, и да покрыют их покровом кожаным синим, и да возложат на носила: Numbers 4:13 и покров да возложат на олтарь, и покрыют его одеждою всею багряною: Numbers 4:14 и да возложат на него вся сосуды его, еликими служат на нем в них, и кадилники, и вилицы и чашы, и покров и вся сосуды олтаря, и да возложат на него покров кожан синь и да вложат носила его: и да возмут одежду багряну, и да покрыют умывалницу и стояла ея: и да вложат ю в покров кожаный синий, и да возложат на носила. Numbers 4:15 И совершат Аарон и сынове его, покрывающе святая и вся сосуды святыя, внегда воздвизатися полку: и по сих да внидут сынове Каафовы воздвизати, и да не прикоснутся святых, да не умрут. Сия да воздвизают сынове Каафовы в скинии свидения. Numbers 4:16 Надсмотритель Елеазар, сын Аарона жерца, елей светилный, и фимиам сложения, и жертва яже по вся дни, и елей помазания, надсмотрение всея скинии и елика суть в ней во святем, во всех делех. Numbers 4:17 И рече Господь к Моисею и Аарону, глаголя: Numbers 4:18 не потребите сонм племене Каафова от среды левитов: Numbers 4:19 сие сотворите им, и живи будут и не умрут: приходящым им ко Святым Святых, Аарон и сынове его да внидут и да устроят их коегождо по ношению его, Numbers 4:20 и да не внидут внезапу видети святая, и умрут. Numbers 4:21 И рече Господь к Моисею, глаголя: Numbers 4:22 возми сочисление сынов Гирсоних, и иже по домом отечеств их, по сонмом их и по племенем их, Numbers 4:23 от двадесяти и пяти лет и вышше, даже до пятидесяти лет, соглядайте я, всяк входяй служити и творити дела в скинии свидения. Numbers 4:24 Сия служба сонма Гирсонова, служити и воздвизати. Numbers 4:25 И да воздвигнет опоны скинии и скинию свидения, и покров ея и покров синий сущий сверх ея, и опону дверий скинии свидения, Numbers 4:26 и опоны двора, и завесу дверий двора, елика над скиниею свидения, и яже окрест олтаря, и прочая их, и вся сосуды служебныя, еликими служат в них, да сотворят. Numbers 4:27 По слову Аарона и сынов его да будет вся служба сынов Гирсоновых по всем службам их и по всем делам их: и да соглядаеши их по именам, вся носимая ими. Numbers 4:28 Сия служба сонма сынов Гирсоновых в скинии свидения, и стражба их рукою Ифамара, сына Аароня жерца. Numbers 4:29 Сынове Мерарины по сонмом их, по домом отечеств их, соглядайте их, Numbers 4:30 от двадесяти и пяти лет и вышше, даже до пятидесяти лет, соглядайте их, всяк входяй служити дела скинии свидения. Numbers 4:31 И сия хранения воздвизаемых ими, по всем делом их в скинии свидения: главицы скинии и вереи ея, и столпы ея и стояла ея, и покров и стояла их, и столпы их, и покров дверий скинии, Numbers 4:32 и столпы двора окрест и стояла их, и столпы завесы дверий двора и стояла их, и колки их и верви их, и вся сосуды их и вся служения их: по именам соглядайте их и вся сосуды стражбы воздвизаемых ими. Numbers 4:33 Сия служба сонма сынов Мерариных во всех делех их, в скинии свидения рукою Ифамара, сына Аароня жерца. Numbers 4:34 И согляда Моисей и Аарон и князи Израилевы сыны Каафовы по сонмом их, по домом отечеств их, Numbers 4:35 от двадесяти и пяти лет и вышше, даже до пятидесяти лет, всяк входяй служити и творити дела в скинии свидения. Numbers 4:36 И бысть соглядание их по сонмом их, две тысящы седмь сот пятьдесят. Numbers 4:37 Сие сочтение сонма Каафова, всех служащих в скинии свидения, якоже согляда Моисей и Аарон повелением Господним, рукою Моисеовою. Numbers 4:38 И соглядани быша сынове Гирсони по сонмом своим, по домом отечеств своих, Numbers 4:39 от двадесяти и пяти лет и вышше, даже до пятидесяти лет, всяк входяй служити и творити дела в скинии свидения. Numbers 4:40 И бысть соглядание их по сонмом их, по домом отечеств их, две тысящы шесть сот тридесять. Numbers 4:41 Сие соглядание сонма сынов Гирсоновых, всех служащих в скинии свидения, ихже соглядаша Моисей и Аарон по глаголу Господню, рукою Моисеовою. Numbers 4:42 Соглядани же быша сынове Мерарины по сонмом своим, по домом отечеств своих, Numbers 4:43 от двадесяти и пяти лет и вышше, даже до пятидесяти лет, всяк входяй служити на дела скинии свидения. Numbers 4:44 И бысть сочтение их по племеном их, по сонмом их, по домом отечеств их, три тысящы и двести. Numbers 4:45 Сие сочисление сонма сынов Мерариных, ихже согляда Моисей и Аарон по глаголу Господню, рукою Моисеовою. Numbers 4:46 Вси согляданнии левиты, ихже согляда Моисей и Аарон и князи сынов Израилевых, по сонмом их и по домом отечеств их, Numbers 4:47 от двадесяти и пяти лет и вышше, даже до пятидесяти лет, всяк входяй на дело дел, и к делам воздвизаемым в скинии свидения. Numbers 4:48 И быша согляданнии осмь тысящ пять сот осмьдесят. Numbers 4:49 Повелением Господним соглядаше их Моисей, мужа по мужу над делы их, и яже воздвизаху сии, и соглядани суть, якоже повеле Господь Моисею. Numbers 5:0 Numbers 5:1 И рече Господь к Моисею, глаголя: Numbers 5:2 повели сыном Израилевым, и да изгонят из полка всякаго прокаженнаго, и всякаго проливающаго семя, и всякаго нечистаго душею: Numbers 5:3 от мужеска полу до женска, изгоните вне полка, и да не осквернят полков своих, в нихже Аз пребываю. Numbers 5:4 И сотвориша сынове Израилевы тако, и изгнаша их вне полка: якоже глагола Господь Моисею, тако сотвориша сынове Израилевы. Numbers 5:5 И рече Господь к Моисею, глаголя: Numbers 5:6 рцы сыном Израилевым, глаголя: муж или жена, иже аще сотворит от всех грехов человеческих и презирая презрит Господа, и преступит душа она: Numbers 5:7 да исповесть грех, егоже сотвори, и да отдаст преступление истое, пятую часть его да приложит к тому, и да отдаст, емуже согреши. Numbers 5:8 Аще же несть человеку ужика, яко отдати ему преступление, преступление отдаемое Господу, жерцу да будет, кроме овна очищения, имже помолится о нем. Numbers 5:9 И всяк начаток, и вся освящаемая в сынех Израилевых, елика аще приносят Господу, жерцу самому да будут: Numbers 5:10 и коегождо освященая, тому да будут и муж аще даст жерцу, тому да будет. Numbers 5:11 И рече Господь к Моисею, глаголя: Numbers 5:12 глаголи сыном Израилевым и речеши к ним: мужа, мужа аще преступит жена его, и презирающи презрит его, Numbers 5:13 и будет кто с нею ложем семене, и утаится от очию мужа ея, и укрыется, она же будет осквернена, и свидетеля не будет на ню и сия несть ята, Numbers 5:14 и приидет на него дух ревнования, и возревнует к жене своей, она же осквернена есть, или приидет ему дух ревнования, и возревнует к жене своей, она же не будет осквернена, Numbers 5:15 и да приведет муж жену свою к жерцу, и да принесет дар за ню, десятую часть меры ефи муки ячныя: да не возлиет на ню елеа, ниже да возложит на ню ливана: жертва бо ревнования есть, жертва памяти воспоминающая грех. Numbers 5:16 И приведет ю жрец и поставит ю пред Господем: Numbers 5:17 и да возмет жрец воду живу чисту в сосуде глиняне, и от персти на земли сущия у скинии свидения, и взем жрец да всыплет в воду: Numbers 5:18 и да поставит жрец жену пред Господем, и да открыет главу жене, и да даст в руце ея жертву памяти, жертву ревнования: в руце же жерца да будет вода обличения клятвенная сия. Numbers 5:19 И да закленет ю жрец и речет жене: аще никтоже бысть с тобою, и неси преступила осквернитися под мужем твоим, невинна буди от воды обличения клятвенныя сея: Numbers 5:20 аще же преступила еси, мужата сущи, или осквернена еси, и даде кто тебе ложе свое, кроме мужа твоего. Numbers 5:21 И закленет жрец жену клятвами клятвы сея, и речет жрец жене: да даст тя Господь в клятву и проклятие среди людий твоих, внегда дати Господу стегну твоему отпасти и чреву твоему разсестися: Numbers 5:22 и внидет вода клятвенная сия во чрево твое, еже расторгнути утробу твою, и отпасти стегну твоему. И отвещает жена: Numbers 5:23 и да напишет жрец клятвы сия в книзе, и изгладит в воде обличения клятвеннаго: Numbers 5:24 и напоит жену водою обличения клятвенною, и внидет в ню вода клятвенная обличения. Numbers 5:25 И да возмет жрец от руки женски жертву ревнования, и да возложит жертву пред Господем, и да принесет ю ко олтарю: Numbers 5:26 и да возмет жрец горстию от жертвы память ея, и да принесет ю на олтарь, и по сем напоит водою жену. Numbers 5:27 И будет аше есть осквернена, и аще утаением утаися от мужа своего, и внидет в ню вода клятвенная обличения, и надмет чрево ея, и отпадет стегно ея, и будет жена в проклятие в людех своих: Numbers 5:28 аще же не будет осквернена жена, и чиста есть, и невинна будет, и плодствовати будет семя. Numbers 5:29 Сей закон ревнования, комулибо аще преступит жена, мужата сущи, и осквернится: Numbers 5:30 или человек, емуже аще найдет нань дух ревнования, и возревнует к жене своей, и поставит жену свою пред Господем, и да сотворит ей жрец весь закон сей: Numbers 5:31 и чист будет человек от греха, и жена та возмет грех свой. Numbers 6:0 Numbers 6:1 И рече Господь к Моисею, глаголя: Numbers 6:2 глаголи сыном Израилевым и речеши к ним: муж или жена, иже аше обещается зело обетом, еже очиститися чистотою Господу, Numbers 6:3 да воздержится от вина и сикера, и оцта винна и оцта от сикера да не пиет: и, елика делаются от грозд винных, да не пиет, и гроздия свежаго и сухаго да не снест. Numbers 6:4 Во вся дни обета своего от всех, елика бывают от винничины вина, от кости и до скорлупы да не пиете, ниже ясте от всего. Numbers 6:5 Во вся дни обета очищения своего бритва да не взыдет на главу его, дондеже скончаются дние, елики обещал есть Господу: свят будет растяй власы главы своея. Numbers 6:6 Во вся дни обета своего Господу, ко всякой душе скончавшейся да не внидет. Numbers 6:7 Над отцем и над материю, и над братом и над сестрою, да не осквернится над ними, умершым им, яко обет Бога его на главе его. Numbers 6:8 Вся дни обета его свят будет Господу. Numbers 6:9 Аше же кто смертию внезапу умрет у него, абие осквернится глава обета его, и обриет главу свою, в оньже день очистится, в день седмый да обриется, Numbers 6:10 и в день осмый да принесет два горличища или два птенца голубина к жерцу пред двери скинии свидения: Numbers 6:11 и да сотворит жрец едину греха ради, и другую во всесожжение, и да помолится о нем жрец, о нихже согреши, о души, и освятит главу свою в той день, в оньже освятися Господу, во дни обета своего. Numbers 6:12 И да приведет агнца единолетна в преступление, и дние прежнии да не будут ему в число, понеже осквернися глава обета его. Numbers 6:13 И сей закон обещавшагося, в оньже день скончает дни обета своего, да принесет сам к дверем скинии свидения: Numbers 6:14 и да приведет дар свой Господу агнца единолетна непорочна единаго во всесожжение, и агницу единолетну едину непорочну греха ради, и овна единаго непорочна во спасение, Numbers 6:15 и кош опресноков от муки пшеничны, хлебы смешаны с елеем, и опресноки помазаны елеем, и жертву их и возлияние их. Numbers 6:16 И да принесет жрец пред Господа, и да сотворит еже греха ради его, и всесожжение его, Numbers 6:17 и овна сотворит жертву спасения Господу на кошнице опресноков, и да сотворит жрец жертву его и возлияние его. Numbers 6:18 И да обриет обещавый пред дверми скинии свидения главу обета своего, и да возложит власы на огнь, иже есть под жертвою спасения: Numbers 6:19 и да возмет жрец рамо варено от овна, и хлеб един опресночный от кошницы, и опреснок един, и да возложит на руки обещавшемуся, по обритии главы его, Numbers 6:20 и да принесет я жрец возложение пред Господа: свято да будет жерцу на грудех возложения и на раме участия: и по сих обещавыйся да пиет вино. Numbers 6:21 Сей закон обещавшагося, иже аще обещает дар Господу о обете, кроме сих яже обрящет рука его: по силе обета его, егоже аще обещает, по закону очищения. Numbers 6:22 И рече Господь к Моисею, глаголя. Numbers 6:23 Рцы Аарону и сыном его, глаголя: сице благословите сыны Израилевы, глаголюще им: Numbers 6:24 да благословит тя Господь и сохранит тя: Numbers 6:25 да просветит Господь лице Свое на тя и помилует тя: Numbers 6:26 да воздвигнет Господь лице Свое на тя и даст ти мир: Numbers 6:27 и да возложат имя Мое на сыны Израилевы, и Аз Господь благословлю я. Numbers 7:0 Numbers 7:1 И бысть в день в оньже сконча Моисей, якоже поставити скинию, и помаза ю, и освяти ю и вся сосуды ея, и олтарь и вся сосуды его, и помаза я. Numbers 7:2 И приведоша князи Израилтестии дванадесять, князи домов отечеств своих, сии князи коегождо племене, сии предстоящии над согляданием: Numbers 7:3 и приведоша дары своя пред Господа шесть колесниц покрытых и дванадесять волов: колесницу едину от двоих князей, и телца от коегождо и приведоша пред скинию. Numbers 7:4 И рече Господь к Моисею, глаголя: Numbers 7:5 возми от них, и да будут на дела служебная скинии свидения: и даси я левитом, коемуждо по его служению. Numbers 7:6 И взем Моисей колесницы и волы, даде я левитом: Numbers 7:7 две колесницы и четыри волы даде сыном Гирсоним по службам ихже, Numbers 7:8 и четыри колесницы и осмь волов даде сыном Мерариным по службам их, чрез Ифамара, сына Аарона жерца: Numbers 7:9 и сыном Каафовым не даде, яко службы святаго имеют: на раменах да воздвизают я. Numbers 7:10 И принесоша князи на обновление олтаря в день, в оньже помаза его, и принесоша князи дары своя пред олтарь. Numbers 7:11 И рече Господь к Моисею: князь един на день, князь на день да принесут дары своя на обновление олтаря. Numbers 7:12 И бяше приносяй дар свой в первый день Наассон сын Аминадавль, князь племене Иудина: Numbers 7:13 и принесе дар свой, блюдо сребряно едино, вес его сто и тридесять сикль: чашу едину сребряну седмьдесят сикль, по сиклю святому: обоя полны муки пшеничны спряжены с елеем на жертву: Numbers 7:14 фимиамник един десяти златник, полн фимиама: Numbers 7:15 телца единаго от волов, овна единаго, агнца единаго единолетна во всесожжение: Numbers 7:16 и козла от коз единаго греха ради: Numbers 7:17 и на жертву спасения юницы две, овнов пять, козлов пять, агниц единолетных пять: сей дар Наассона сына Аминадавля. Numbers 7:18 Во вторый день принесе Нафанаил сын Согаров, князь племене Иссахаря: Numbers 7:19 и принесе дар свой, блюдо сребряно едино, вес его сто и тридесять сикль: чашу едину сребряну седмьдесят сикль, по сиклю святому: обоя полны муки пшеничны спряжены с елеем на жертву: Numbers 7:20 фимиамник един десяти златник, полн фимиама: Numbers 7:21 телца единаго от волов, овна единаго, агнца единаго единолетна во всесожжение: Numbers 7:22 и козла от коз единаго греха ради: Numbers 7:23 и на жертву спасения юницы две, овнов пять, козлов пять, агниц единолетных пять: сей дар Нафанаила сына Согарова. Numbers 7:24 В третий день князь сынов Завулоних, Елиав сын Хелонов: Numbers 7:25 дар его блюдо сребряно едино, вес его сто и тридесять сикль: чашу едину сребряну седмьдесят сикль, по сиклю святому: обоя полны муки пшеничны спряжены с елеем на жертву: Numbers 7:26 фимиамник един десяти златник, полн фимиама: Numbers 7:27 телца единаго от волов, овна единаго, агнца единаго единолетна во всесожжение: Numbers 7:28 и козла от коз единаго греха ради: Numbers 7:29 и на жертву спасения юницы две, овнов пять, козлов пять, агниц единолетных пять: сей дар Елиава сына Хелонова. Numbers 7:30 В четвертый день князь сынов Рувимлих, Елисур сын Седиуров: Numbers 7:31 дар его блюдо сребряно едино, вес его сто и тридесять сикль: чашу едину сребряну седмьдесят сикль, по сиклю святому: обоя полны муки пшеничны спряжены с елеем на жертву: Numbers 7:32 фимиамник един десяти златник, полн фимиама: Numbers 7:33 телца единаго от волов, овна единаго, агнца единаго единолетна во всесожжение: Numbers 7:34 и козла от коз единаго греха ради: Numbers 7:35 и на жертву спасения юницы две, овнов пять, козлов пять, агниц единолетных пять: сей дар Елисура сына Седиурова. Numbers 7:36 В пятый день князь сынов Симеоних, Саламиил сын Сурисадаиль: Numbers 7:37 дар его блюдо сребряно едино, вес его сто и тридесять сикль: чашу едину сребряну седмьдесят сикль, по сиклю святому: обоя полны муки пшеничны спряжены с елеем на жертву: Numbers 7:38 фимиамник един десяти златник, полн фимиама: Numbers 7:39 телца единаго от волов, овна единаго, агнца единаго единолетна во всесожжение: Numbers 7:40 и козла от коз единаго греха ради: Numbers 7:41 и на жертву спасения юницы две, овнов пять, козлов пять, агниц единолетных пять: сей дар Саламиила сына Сурисадаиля. Numbers 7:42 В шестый день князь сынов Гадовых, Елисаф сын Рагуилев: Numbers 7:43 дар его блюдо сребряно едино, вес его сто и тридесять сикль: чашу едину сребряну седмьдесят сикль, по сиклю святому: обоя полны муки пшеничны спряжены с елеем на жертву: Numbers 7:44 фимиамник един десяти златник, полн фимиама: Numbers 7:45 телца единаго от волов, овна единаго, агнца единаго единолетна во всесожжение: Numbers 7:46 и козла от коз единаго греха ради: Numbers 7:47 и на жертву спасения юницы две, овнов пять, козлов пять, агниц единолетных пять: сей дар Елисафа сына Рагуилева. Numbers 7:48 В седмый день князь сынов Ефремлих, Елисама сын Емиудов: Numbers 7:49 дар его блюдо сребряно едино, вес его сто и тридесять сикль: чашу едину сребряну седмьдесят сикль, по сиклю святому: обоя полны муки пшеничны спряжены с елеем на жертву: Numbers 7:50 фимиамник един десяти златник, полн фимиама: Numbers 7:51 телца единаго от волов, овна единаго, агнца единаго единолетна во всесожжение: Numbers 7:52 и козла от коз единаго греха ради: Numbers 7:53 и на жертву спасения юницы две, овнов пять, козлов пять, агниц единолетных пять: сей дар Елисамы сына Емиудова. Numbers 7:54 В осмый день князь сынов Манассииных, Гамалиил сын Фадассуров: Numbers 7:55 дар его блюдо сребряно едино, вес его сто и тридесять сикль: чашу едину сребряну седмьдесят сикль, по сиклю святому: обоя полны муки пшеничны спряжены с елеем на жертву: Numbers 7:56 фимиамник един десяти златник, полн фимиама: Numbers 7:57 телца единаго от волов, овна единаго, агнца единаго единолетна во всесожжение: Numbers 7:58 и козла от коз единаго греха ради: Numbers 7:59 и на жертву спасения юницы две, овнов пять, козлов пять, агниц единолетных пять: сей дар Гамалиила сына Фадассурова. Numbers 7:60 В девятый день князь сынов Вениаминих, Авидан сын Гадеонин: Numbers 7:61 дар его блюдо сребряно едино, вес его сто и тридесять сикль: чашу едину сребряну седмьдесят сикль, по сиклю святому: обоя полны муки пшеничны спряжены с елеем на жертву: Numbers 7:62 фимиамник един десяти златник, полн фимиама: Numbers 7:63 телца единаго от волов, овна единаго, агнца единаго единолетна во всесожжение: Numbers 7:64 и козла от коз единаго греха ради: Numbers 7:65 и на жертву спасения юницы две, овнов пять, козлов пять, агниц единолетных пять: сей дар Авидана, сына Гадеонина. Numbers 7:66 В десятый день князь сынов Дановых, Ахиезер сын Амисадаин: Numbers 7:67 дар его блюдо сребряно едино, вес его сто и тридесять сикль: чашу едину сребряну седмьдесят сикль, по сиклю святому: обоя полны муки пшеничны спряжены с елеем на жертву: Numbers 7:68 фимиамник един десяти златник, полн фимиама: Numbers 7:69 телца единаго от волов, овна единаго, агнца единаго единолетна во всесожжение: Numbers 7:70 и козла от коз единаго греха ради: Numbers 7:71 и на жертву спасения юницы две, овнов пять, козлов пять, агниц единолетных пять: сей дар Ахиезера сына Амисадаина. Numbers 7:72 В первыйнадесять день князь сынов Асировых, Фагаиил сын Ехрань: Numbers 7:73 дар его блюдо сребряно едино, вес его сто и тридесять сикль: чашу едину сребряну седмьдесят сикль, по сиклю святому: обоя полны муки пшеничны спряжены с елеем на жертву: Numbers 7:74 фимиамник един десяти златник, полн фимиама: Numbers 7:75 телца единаго от волов, овна единаго, агнца единаго единолетна во всесожжение: Numbers 7:76 и козла от коз единаго греха ради: Numbers 7:77 и на жертву спасения юницы две, овнов пять, козлов пять, агниц единолетных пять: сей дар Фагаиила сына Ехраня. Numbers 7:78 Во вторыйнадесять день князь сынов Неффалимлих, Ахирей сын Енань: Numbers 7:79 дар его блюдо сребряно едино, вес его сто и тридесять сикль: чашу едину сребряну седмьдесят сикль, по сиклю святому: обоя полны муки пшеничны спряжены с елеем на жертву: Numbers 7:80 фимиамник един десяти златник, полн фимиама: Numbers 7:81 телца единаго от волов, овна единаго, агнца единаго единолетна во всесожжение: Numbers 7:82 и козла от коз единаго греха ради: Numbers 7:83 и на жертву спасения юницы две, овнов пять, козлов пять, агниц единолетных пять: сей дар Ахиреа сына Енаня. Numbers 7:84 Сие обновление олтаря, в оньже день помаза его, от князей сынов Израилевых, блюд сребряных дванадесять, чаш сребряных дванадесять, фимиамников златых дванадесять: Numbers 7:85 по святу и тридесяти сикль в коемждо блюде, и по седмидесяти сикль чаша едина: всего сребра в сосудех две тысящы четыреста сиклев, по сиклю святому: Numbers 7:86 фимиамников златых дванадесять полных фимиама, по десяти златник в коемждо фимиамнике, по сиклю святому: всего злата в фимиамницех сто и двадесять златник. Numbers 7:87 Всех говяд во всесожжение, телцов дванадесять, овнов дванадесять, агнцев единолетных дванадесять, и жертвы их и возлияния их: и козлов от коз дванадесять, греха ради: Numbers 7:88 всех говяд на жертву спасения, юниц двадесять четыре, овнов шестьдесят, козлов единолетных шестьдесят, агниц единолетных непорочных шестьдесят. Сие обновление олтаря, по исполненнии рук его и по помазании его. Numbers 7:89 Егда вхождаше Моисей в скинию свидения глаголати ему, и услыша глас Господа, глаголюща к нему свыше очистилища, еже есть над ковчегом свидения между двема херувимы: и глаголаше к нему. Numbers 8:0 Numbers 8:1 И рече Господь к Моисею, глаголя: Numbers 8:2 глаголи Аарону и речеши к нему: егда поставиши светила, от страны спреди светилника да светят седмь светила. Numbers 8:3 И сотвори тако Аарон: от единыя страны спреди светилника возжже светила его, якоже повеле Господь Моисею. Numbers 8:4 И сие устроение светилника: слияно злато стебль его и крины его, слияно все: по образу, егоже показа Господь Моисею, тако сотвори светилник. Numbers 8:5 И рече Господь к Моисею, глаголя: Numbers 8:6 поими левиты от среды сынов Израилевых, и да очистиши я: Numbers 8:7 и сице да сотвориши им очищение их: покропиши на них воду очищения, и да взыдет бритва на все тело их, и исперут ризы своя, и чисти будут: Numbers 8:8 и да возмут телца единаго от волов, и сего жертву муки пшеничны, спряжены с елеем, и телца единолетна от волов да возмеши греха ради: Numbers 8:9 и да приведеши левиты пред скинию свидения, и собереши весь сонм сынов Израилевых: Numbers 8:10 и приведеши левиты пред Господа, и да возложат сынове Израилстии руки своя на левиты: Numbers 8:11 и да отлучит Аарон левиты отдание пред Господа от сынов Израилевых, и да служат службы Господви: Numbers 8:12 левити же да возложат руки на главы телцев: и да сотвориши единаго от гресе и единаго во всесожжение Господу, умилостивити о них: Numbers 8:13 и поставиши левиты пред Господем и пред Аароном и пред сынми его, и отдаси я отдание Господу: Numbers 8:14 и да отлучиши левиты от среды сынов Израилевых, и будут Мне: Numbers 8:15 и по сих да внидут левиты делати дела скинии свидения: и да очистиши их, и отдаси я пред Господем: яко отдание отданы сии Мне суть от среды сынов Израилевых: Numbers 8:16 вместо отверзающих всяка ложесна первенцев всех от сынов Израилевых, приях я Себе: Numbers 8:17 яко Мне есть всяк первенец от сынов Израилевых, от человека до скота: в день в оньже поразих всякаго первенца в земли Египетстей, освятих я Себе, Numbers 8:18 и взях левиты вместо всякаго первенца сынов Израилевых, Numbers 8:19 и отдах левиты отданием Аарону и сыном его от среды сынов Израилевых делати дела сынов Израилевых в скинии свидения и умилостивляти о сынех Израилевых: да не будет язва на сынех Израилевых, внегда приступати им к святым. Numbers 8:20 И сотвори Моисей и Аарон и весь сонм сынов Израилевых левитом, якоже заповеда Господь Моисею о левитех, тако сотвориша им сынове Израилевы. Numbers 8:21 И очистишася левити и испраша ризы своя: и отдаде я Аарон отдание пред Господем, и помолися о них Аарон, очищения ради их. Numbers 8:22 И но сих внидоша левити служити службы своя в скинии свидения пред Аароном и пред сыны его: якоже повеле Господь Моисею о левитех, тако сотвориша им. Numbers 8:23 И рече Господь к Моисею глаголя: Numbers 8:24 сие есть еже о левитех: от двадесяти пяти лет и вышше, да внидут служити служение в скинии свидения: Numbers 8:25 и от пятидесяти лет да отстанут от служения и не служат ктому. Numbers 8:26 И да служат братия его в скинии свидения еже стрещи стражи, дел же да не делают. Тако сотвориши левитом в стражах их. Numbers 9:0 Numbers 9:1 И глагола Господь к Моисею в пустыни Синайстей, во второе лето изшедшым им из земли Египетския, в первый месяц, глаголя: Numbers 9:2 рцы да сотворят сынове Израилстии Пасху во время ея, Numbers 9:3 в четвертыйнадесять день месяца перваго к вечеру, и сотвориши ю во время ея: по закону ея и по уставу ея сотвориши ю. Numbers 9:4 И рече Моисей сыном Израилтеским сотворити Пасху. Numbers 9:5 И сотвориша Пасху, начинающуся первому месяцу в четвертыйнадесять день в пустыни Синайстей: якоже повеле Господь Моисею, тако сотвориша сынове Израилевы. Numbers 9:6 И приидоша мужие, иже бяху нечисти о души человечи, и не можаху сотворити Пасхи в той день: и приидоша пред Моисеа и Аарона в той день. Numbers 9:7 И рекоша мужие Онии к нему: мы нечисти есмы о души человечи: еда убо лишимся принести дар Господу во время свое посреде сынов Израилевых? Numbers 9:8 И рече Моисей к ним: станите ту, да яслышу, что повелит Господь о вас. Numbers 9:9 И рече Господь к Моисею, глаголя: Numbers 9:10 рцы сыном Израилевым, глаголя: человек человек, иже аще будет нечист о души человечи, или на пути далече, или в вас, или в родех ваших, и да сотворит Пасху Господу, Numbers 9:11 в месяц вторый, в четвертыйнадесять день (месяца) к вечеру да сотворят ю, со опресноки и с горьким зелием да снедят ю: Numbers 9:12 да не оставят от нея на утрие, и кости да не сокрушат от нея, по всему закону Пасхи да сотворят ю. Numbers 9:13 И человек, иже аще чист будет, и на пути далече несть, и оставит сотворити Пасху, потребится душа та от людий своих: яко дара Господви не принесе во время свое, грех свой приимет человек той. Numbers 9:14 Аще же приидет к вам пришлец в землю вашу и сотворит Пасху Господу, по закону Пасхи и по чину ея, тако сотворит ю: закон един да будет вам и пришелцу и туземцу. Numbers 9:15 И в день, в оньже поставися скиния, покры облак скинию и дом свидения: от вечера же бяше над скиниею аки вид огнен до заутрия: Numbers 9:16 тако бываше всегда: облак покрываше ю в день, и вид огнен нощию:, Numbers 9:17 и егда восхождаше облак от скинии, и по сих воздвизахуся сынове Израилтестии: и на месте, на немже стояше облак, тамо ополчахуся сынове Израилевы. Numbers 9:18 По повелению Господню да ополчаются сынове Израилевы и повелением Господним да воздвизаются: во вся дни, в няже осеняет облак над скиниею, да ополчаются сынове Израилевы: Numbers 9:19 и егда премедлит облак над скиниею дни многи, да стрегут сынове Израилтестии стражу Господню и да не воздвижутся: Numbers 9:20 и будет егда покрыет облак дни числа над скиниею, глаголголом Господним да ополчаются и повелением Господним да воздвижутся: Numbers 9:21 и будет егда пребудет облак от вечера до заутрия, и аще воздвигнется облак заутра, да воздвигнутся днем или нощию, Numbers 9:22 и аще воздвигнется облак, да пойдут: или день или месяц дний умножит облак осеняющь над нею, да ополчатся сынове Израилевы, и да не воздвизаются: во отступлении его, воздвизахуся: Numbers 9:23 яко повелением Господним да ополчаются и повелением Господним да воздвизаются: стражу Господню стрежаху по повелению Господню рукою Моисеовою. Numbers 10:0 Numbers 10:1 И рече Господь к Моисею, глаголя: Numbers 10:2 сотвори себе две трубы сребряны: кованы сотвориши я, и будут тебе на созвание сонма и возставляти полки: Numbers 10:3 и да вострубиши ими, и да соберется к тебе весь сонм пред двери скинии свидения Numbers 10:4 аще же единою трубою вострубят, да приидут к тебе вси князи и тысященачалники Израилтестии: Numbers 10:5 и вострубите в знамение, и воздвигнутся полцы ополчающиися на востоки: Numbers 10:6 и вострубите в знамение второе, и воздвигнутся полцы ополчающиися от юга: и вострубите в знамение третие, и да воздвигнутся полцы ополчающиися от моря: и вострубите в знамение четвертое, и воздвигнутся полцы ополчающиися от севера: знамением да вострубят в воздвижение их. Numbers 10:7 И егда соберете сонм, вострубите, не в знамение. Numbers 10:8 И сынове Аарони жерцы да вострубят трубами: и да будет вам законно вечно в роды вашя. Numbers 10:9 Аще же изыдете на брань в земли вашей к супостатом супротивящымся вам, и вострубите и назнаменуйте трубами, и воспомянетеся пред Господем и избавитеся от враг ваших. Numbers 10:10 И во днех веселия вашего и в праздницех ваших и в новомесячиих ваших вострубите трубами на всесожжения и на жертвы спасений ваших, и будет вам воспоминание пред Богом вашим: Аз Господь Бог ваш. Numbers 10:11 И бысть во второе лето, во вторый месяц, в двадесятый месяца, вознесеся облак от скинии свидения, Numbers 10:12 и воздвигошася сынове Израилевы со имениями своими от пустыни Синайския, и ста облак в пустыни Фарани. Numbers 10:13 И воздвигошася первии по гласу Господню рукою Моисеовою: Numbers 10:14 и воздвигоша знамя полка сынов Иудиных первии с силою своею: и над силою их Наассон сын Аминадавль: Numbers 10:15 и над силою племене сынов Иссахаровых Нафанаил сын Согаров: Numbers 10:16 и над силою племене сынов Завулоних Елиав сын Хелонь. Numbers 10:17 И сложиша скинию, и воздвигоша сынове Гирсони и сынове Мерарины, носящии скинию. Numbers 10:18 И воздвигоша знамя полка Рувимля с силою своею: и над силою их Елисур сын Седиуров: Numbers 10:19 и над силою племене сынов Симеоних Саламиил сын Сурисадаев: Numbers 10:20 и над силою племене сынов Гадовых Елисаф сын Рагуилев: Numbers 10:21 и воздвигошася сынове Каафовы, воздвизающии святая: и поставиша скинию, дондеже приидоша. Numbers 10:22 И воздвигоша знамя полка Ефремля с силою своею: и над силою их Елисама сын Емиудов: Numbers 10:23 и над силою племене сынов Манассииных Гамалиил сын Фадассуров: Numbers 10:24 и над силою племене сынов Вениаминих Авидан сын Гадеонин. Numbers 10:25 И воздвигоша знамя полка сынов Дановых, последнии всех полков с силою своею: и над силою их Ахиезер сын Амисадаев: Numbers 10:26 и над силою племене сынов Асировых Фагаиил сын Ехрань: Numbers 10:27 и над силою племене сынов Неффалимлих Ахирей сын Енань. Numbers 10:28 Сии полцы сынов Израилевых, и воздвигошася с силою своею. Numbers 10:29 И рече Моисей Иоваву сыну Рагуилеву Мадианитину, тестю Моисеову: воздвизаемся мы на место, о немже Господь рече: сие дам вам: пойди с нами, и сотворим тебе добро, яко Господь добрая глагола о Израили. Numbers 10:30 И отвеща к нему: не пойду, но в землю мою и в род мой иду. Numbers 10:31 И рече: не остави нас, понеже был еси с нами в пустыни, и будеши в нас старейшина: Numbers 10:32 и будет аще пойдеши с нами, и будут благая оная, елика благосотворит Господь нам, благосотворим и тебе. Numbers 10:33 И отидоша от горы Господни в путь трех дний: и кивот завета Господня предидяше пред ними в путь трех дний, соглядати им стана. Numbers 10:34 И бысть егда воздвизаху кивот, и рече Моисей: востани, Господи, и да разсыплются врази Твои, и да бежат вси ненавидящии Тебе. Numbers 10:35 И в поставлении (кивота) рече: возвращай, Господи, тысящы тем во Израили. Numbers 10:36 И облак Господнь бысть осеняющь над ними в день, егда воздвизахуся из полка. Numbers 11:0 Numbers 11:1 И быша людие ропщуще злая пред Господем: и слыша Господь и разгневася гневом, и разгореся в них огнь от Господа и потреби часть некую от полка. Numbers 11:2 И возопиша людие к Моисею: и помолися Моисей к Господу, и преста огнь. Numbers 11:3 И прозвася имя месту тому Запаление: яко разгореся в них огнь от Господа. Numbers 11:4 И общий народ иже в них похотеша похотением: и седше плакахуся сынове Израилевы и рекоша: кто ны напитает мясы? Numbers 11:5 Помянухом рыбы, яже ядохом в земли Египетстей туне, и огурцы и дыни, лук и червленый лук и чеснок: Numbers 11:6 ныне же душа наша изсохла, ничтоже точию манна пред очима нашима. Numbers 11:7 Манна же бяше аки семя кориандрово, и вид ея яко вид кристалла: Numbers 11:8 и исхождаху людие и собираху, и меляху в жерновах и толцаху в ступах, и варяху в горшках и творяху из нея потребники: и бяше вкус ея, яко вкус муки пряжены с елеем: Numbers 11:9 и егда схождаше роса на полк нощию, схождаше манна нань. Numbers 11:10 И услыша Моисей плачущихся их в сонмех своих, коегождо их пред своими дверми: и разгневася Господь гневом зело, и пред Моисеом бяше зло. Numbers 11:11 И рече Моисей ко Господу: вскую озлобил еси раба Твоего? И почто не обретох благодати пред Тобою, еже возложити устремление людий сих на мя? Numbers 11:12 Еда аз во утробе зачах вся люди сия? Или аз родих я? Яко глаголеши ми: возми их в недра твоя, якоже доилица носит доимыя, в землю, еюже клялся еси отцем их: Numbers 11:13 откуду мне мяса дати всем людем сим? Яко плачут на мя, глаголюще: даждь нам мяса, да ядим: Numbers 11:14 не возмогу аз един водити людий сих, яко тяжко мне есть слово сие: Numbers 11:15 аще же тако Ты твориши мне, то убий мя убиением, аще обретох благодать пред Тобою, да не вижу озлобления моего. Numbers 11:16 И рече Господь к Моисею: собери Ми седмьдесят мужей от старец Израилевых, ихже ты сам веси, яко тии суть старцы людстии и книгочия их: и да приведеши я ко скинии свидения, и да станут тамо с тобою: Numbers 11:17 и сниду и возглаголю тамо с тобою, и уйму от Духа, иже в тебе, и возложу на ня: да подимут с тобою устремление людий, и не будеши водити их ты един: Numbers 11:18 и людем речеши: очиститеся наутрие, и снесте мяса, яко плакастеся пред Господем, глаголюще: кто ны напитает мясы? Яко добро нам бысть во Египте: и даст Господь вам мяса ясти, и снесте мяса: Numbers 11:19 не един день ясти будете, ни два, ни пять дний, ни десять дний, ниже двадесять дний: Numbers 11:20 до месяца дний ясти будете, дондеже изыдет из ноздрий ваших: и будет вам в мерзость, яко не покористеся Господу, Иже есть в вас, и плакастеся пред Ним, глаголюще: вскую бе нам изыти из Египта? Numbers 11:21 И рече Моисей: шесть сот тысящ пеших людий, в нихже Аз есмь, и Ты рекл еси: мяса им дам ясти, и будут ясти месяц дний: Numbers 11:22 еда овцы и волы заколются им, и доволно будет им? Или вся рыбы морския соберутся им, и доволно будет им? Numbers 11:23 И рече Господь к Моисею: еда рука Господня не доволна будет? Ныне уразумееши, аще постигнет тя слово Мое, или ни. Numbers 11:24 И изыде Моисей и глагола людем словеса Господня: и собра седмьдесят мужей от старец людских, и постави я окрест скинии. Numbers 11:25 И сниде Господь во облаце и глагола к нему: и уя от Духа, иже на нем, и возложи на седмьдесят мужей старец: егда же препочи Дух на них, и пророчествоваша, и ктому не приложиша. Numbers 11:26 И осташася два мужа в полце: имя единому Елдад, и имя второму Модад: и препочи на них Дух. И сии беша от вписанных, и не приидоша ко скинии, и пророчествоваша в полце. Numbers 11:27 И притек юноша возвести Моисею, и рече, глаголя: Елдад и Модад пророчествуют в полцех. Numbers 11:28 И отвещав Иисус Навин, предстояй Моисею избранный ему, рече господи мой Моисею, запрети им. Numbers 11:29 И рече ему Моисей: еда ревнуеши ты мне? И кто даст всем людем Господним (быти) пророки, егда даст Господь Духа Своего на них? Numbers 11:30 И иде Моисей в полк сам и старцы Израилтестии. Numbers 11:31 И дух изыде от Господа, и изведе крастели из моря и наведе на полк день ходу отсюду и день ходу отюнуду, окрест полка яко на два лактя от земли. Numbers 11:32 И воставше людие весь день и всю нощь, и весь день наутрие, и собраша крастели: иже мало, собра десять спуд: и иссушиша себе сушаницы окрест полка. Numbers 11:33 И мяса бяху им еще в зубех их, прежде оскудения, и Господь разгневася зело на люди, и порази Господь люди язвою великою зело: Numbers 11:34 и прозвася имя месту тому Гробы Похотения: яко тамо погребоша людий похотевших. Numbers 11:35 (И) воздвигошася людие от Гробов Похотения во Асироф, и быша людие во Асирофе. Numbers 12:0 Numbers 12:1 И возглаголаста Мариам и Аарон на Моисеа жены ради Ефиопляныни, юже поя Моисей, ибо жену поя Ефиопляныню, Numbers 12:2 и рекоста: еда Моисею единому глагола Господь? Еда и нам не глаголаше? И услыша Господь. Numbers 12:3 И человек Моисей кроток зело паче всех человек сущих на земли. Numbers 12:4 И рече Господь внезапу к Моисею и Аарону и Мариаме: изыдите вы трие в скинию свидения. Numbers 12:5 И изыдоша трие в скинию свидения. И сниде Господь в столпе облачне ста над дверми скинии свидения: и призва Аарона и Мариам. И изыдоста оба. Numbers 12:6 И рече к ним: послушайте словес Моих: аще будет в вас пророк Господнь, в видении ему познаюся, и во сне возглаголю ему: Numbers 12:7 не тако якоже раб Мой Моисей, во всем дому Моем верен есть: Numbers 12:8 усты ко устом возглаголю ему яве, и не гаданием, и славу Господню виде: и почто не убоястеся глаголати на раба Моего Моисеа? Numbers 12:9 И гнев ярости Господни (бысть) на них. И отиде. Numbers 12:10 И облак отступи от скинии, и се, Мариам прокажена бысть яко снег: и воззре Аарон на Мариам, и се, прокажена. Numbers 12:11 И рече Аарон к Моисею: молю тя, господи, не возлагай на ны греха, понеже не ведяхом, яко согрешихом: Numbers 12:12 да не будет сия яко мертва, яко изверг извержен из ложесн матерних, и (се, уже) пояде пол плоти ея. Numbers 12:13 И возопи Моисей ко Господу, глаголя: Боже, молютися, исцели ю. Numbers 12:14 И рече Господь к Моисею: аще бы отец ея плюя заплевал в лице ея, не посрамится ли седмь дний? Да отлучится седмь дний вне полка, и по сих да внидет. Numbers 12:15 И отлучися Мариам вне полка на седмь дний: и людие не воздвигошася, дондеже очистися Мариам. Numbers 13:0 Numbers 13:1 И по сих воздвигошася людие от Асирофа и ополчишася в пустыни Фарани. Numbers 13:2 И рече Господь к Моисею, глаголя: Numbers 13:3 посли от себе мужы, и да соглядают землю Ханаанску, юже Аз даю сыном Израилевым во одержание: мужа единаго от племене, по сонмом отечеств их, да послеши их всякаго старейшину от них. Numbers 13:4 И посла я Моисей от пустыни Фарани глаголголом Господним: вси мужи старейшины сынов Израилевых сии, и сия имена их: Numbers 13:5 от племене Рувимля Самуил сын Закхуров: Numbers 13:6 от племене Симеоня Сафат сын Сурин: Numbers 13:7 от племене Иудина Халев сын Иефонниин: Numbers 13:8 от племене Иссахаря Игал сын Иосифль: Numbers 13:9 от племене Ефремля Авсис сын Навин: Numbers 13:10 от племене Вениаминя Фалтий сын Рафуов: Numbers 13:11 от племене Завулоня Гудиил сын Судин: Numbers 13:12 от племене Иосифля сынов Манассииных Гадди сын Сусин: Numbers 13:13 от племене Данова Амиил сын Гамалин: Numbers 13:14 от племене Асирова Сафур сын Михаиль: Numbers 13:15 от племене Неффалимля Навий сын Савинь: Numbers 13:16 от племене Гадова Гудиил сын Махииль. Numbers 13:17 Сия имена мужей, ихже посла Моисей соглядати землю: и прозва Моисей Авсиа сына Навина Иисус. Numbers 13:18 И посла я Моисей от пустыни Фарани соглядати земли Ханаанския, и рече к ним: взыдите пустынею сею, и взыдете на гору. Numbers 13:19 И узрите землю, какова есть, и люди седящыя на ней, аще сильни суть, или немощни, мало ли их есть, или много? Numbers 13:20 И какова земля, на нейже сии седят, добра ли есть, или зла? И какови гради, в нихже живут сии, ограждени ли суть, или не ограждени? Numbers 13:21 И какова земля, изюбилна ли, или не изюбилна? Суть ли на ней древеса, или ни? И укрепившеся, возмите от плодов земли. Дние же бяху весенни, предваряющии ягоды. Numbers 13:22 И шедше соглядаша землю от пустыни Син даже да Роова, до входов Емаф. Numbers 13:23 И идоша по пустыни, и приидоша до Хеврона: и тамо (живяше) Ахиман и Сессий и Феламин, роды Енаковы: и Хеврон создася седмию леты прежде Танина (града) Египетскаго. Numbers 13:24 И приидоша до дебри Гроздныя, и соглядаша ю: и урезаша оттуду ветвь, и грозд винограда един на ней, и воздвигоша ю на жердь, и от шипков, и от смоквей. Numbers 13:25 И место оно назваша дебрь Гроздная, грозда ради, егоже урезаша оттуду сынове Израилтестии. Numbers 13:26 И возвратишася оттуду, соглядавше землю по четыредесяти днех. Numbers 13:27 И ходивше приидоша к Моисею и Аарону и ко всему сонму сынов Израилевых в пустыню Фараню в Кадис: и поведаша им слово и всему сонму, и показаша им плод земный., Numbers 13:28 и поведаша ему, и рекоша: ходихом на землю, на нюже посылал еси нас, на землю кипящую млеком и медом, и сий плод ея: Numbers 13:29 кроме яко людие сильни зело, иже на ней живут, и гради утверждени ограждением велицы зело, и род Енаков видехом тамо: Numbers 13:30 и Амалик живет в земли к югу: и Хеттей и Евей, и Иевусей и Аморрей живут в горах: и Хананей живет при мори и при Иордане реце. Numbers 13:31 И утиши Халев люди пред Моисеом, и рече ему: никакоже, на восходя взыдем и приимем ю в наследие, яко сильни есмы преодолети им. Numbers 13:32 И человецы ходившии с ним рекоша: не идем, яко не можем изыти противу языку (сему), яко крепльший есть паче нас. Numbers 13:33 И изнесоша ужас земли, юже соглядаша, к сыном Израилевым, глаголюще: землю юже проидохом соглядающе, земля есть поядающи живущыя на ней, и вси люди, ихже видехом на ней, мужи превысоцыи: Numbers 13:34 и тамо видехом исполины, сыны Енаковы, и бехом пред ними яко прузи, и тако бехом пред ними. Numbers 14:0 Numbers 14:1 И взем весь сонм, даде глас: и плакахуся людие всю нощь ту: Numbers 14:2 и роптаху на Моисеа и Аарона вси сынове Израилтестии, и рекоша к ним весь сонм: Numbers 14:3 о дабы умерли быхом в земли Египетстей, или в пустыни сей да быхом умерли: и вскую вводит нас Господь в землю сию, еже пасти на брани? Жены нашя и дети наша будут в разграбление: ныне убо лучше есть нам возвратитися во Египет. Numbers 14:4 И рече друг ко другу: поставим себе старейшину, и возвратимся бо Египет. Numbers 14:5 И падоста Моисей и Аарон ниц пред всем сонмом сынов Израилевых. Numbers 14:6 Иисус же сын Навин и Халев сын Иефонниин от соглядавших землю, растерзаста ризы своя. Numbers 14:7 И рекоста ко всему сонму сынов Израилевых, глаголюще: земля, юже соглядахом, добра есть зело зело: Numbers 14:8 аще любит нас Господь, введет нас в землю ту и даст ю нам: земля же есть кипящая медом и млеком: Numbers 14:9 но от Господа не будите отступницы: вы же не убойтеся людий земли тоя, понеже в снедь нам есть: отступило бо время от них, Господь же с нами: не убойтеся их. Numbers 14:10 И рече весь сонм побити их камением: и слава Господня явися во облаце над скиниею свидения всем сыном Израилевым. Numbers 14:11 И рече Господь к Моисею: доколе преогорчевают Мя людие сии? И доколе не веруют Мне во всех знамениих, яже сотворих в них? Numbers 14:12 Поражу их смертию и погублю их: и сотворю тя и дом отца твоего в язык велик и мног паче нежели сей. Numbers 14:13 И рече Моисей ко Господу: иуслышат Египтяне, яко возвел еси крепостию Твоею люди Твоя сия от них: Numbers 14:14 но и вси живущии на земли сей слышаша, яко Ты еси Господь в людех сих, иже очима ко очесем являешися, Господи, и облак Твой ста над ними, и столпом облачным идеши Ты пред ними в день, и столпом огненным в нощи: Numbers 14:15 и потребиши люди сия аки единаго человека: и рекут вси языцы, елицы слышаша имя Твое, глаголюще: Numbers 14:16 занеже не возможе Господь людий Своих ввести в землю, о нейже клятся им, погуби их в пустыни: Numbers 14:17 и ныне да вознесется рука Твоя, Господи, якоже рекл еси, глаголя: Numbers 14:18 Господь долготерпелив и многомилостив и истинен, отемляй беззакония и неправды и грехи, и очищением не очистит повиннаго, отдая грехи отцев на чада, до третияго и четвертаго рода: Numbers 14:19 остави грех людем сим по велицей милости Твоей, якоже милостив был еси им от Египта даже до ныне. Numbers 14:20 И рече Господь к Моисею: милостив им есмь по словеси твоему: Numbers 14:21 но живу Аз, и присно живет имя Мое, и наполнит слава Господня всю землю: Numbers 14:22 яко вси мужие видящии славу Мою и знамения, яже сотворих во Египте и в пустыни сей, и искусиша Мя, се, десятое, и не послушаша гласа Моего, Numbers 14:23 истинно не узрят земли, еюже кляхся отцем их: разве чадом их, яже суть со Мною зде, иже не ведят добра и зла, всяк юноша не ведый, сим дам землю: вси же разгневавшии Мя не узрят ю: Numbers 14:24 раб же Мой Халев, яко бысть дух ин в нем, и возследова Мне, введу его в землю, в нюже ходил тамо, и семя его наследит ю: Numbers 14:25 Амалик же и Хананей живут во юдоли: утре возвратитеся и подвигнитеся вы в пустыню путем моря Чермнаго. Numbers 14:26 И рече Господь к Моисею и Аарону, глаголя: Numbers 14:27 доколе сонм сей злый? Яже они ропщут противу Мне, роптание сынов Израилевых, имже возропташа о вас, слышах: Numbers 14:28 рцы им: живу Аз, глаголет Господь: истинно, якоже глаголасте во ушы Мои, тако сотворю вам: Numbers 14:29 в пустыни сей падут телеса ваша, и все соглядание ваше, и сочтения ваша, от двадесяти лет и вышше, елицы ропташа на Мя: Numbers 14:30 аще вы внидете в землю, на нюже прострох руку Мою, вселити вас на ней, разве Халев сын Иефонниин и Иисус сын Навин: Numbers 14:31 и чада ваша, ихже ресте в разграблении быти, введу Я в землю, и наследят землю, от неяже вы отвергостеся: Numbers 14:32 и телеса ваша падут в пустыни сей: Numbers 14:33 сынове же ваши пасоми будут в пустыни четыредесять лет, и носити имут блужение ваше, дондеже потребятся телеса ваша в пустыни: Numbers 14:34 по числу дний, в нихже соглядасте землю, четыредесять дний, за день лето целое, понесете грехи вашя четыредесять лет, и увесте ярость гнева Моего: Numbers 14:35 Аз Господь глаголах вам: истинно тако сотворю сонму сему злому, воставшему на Мя: в пустыни сей потребятся, и тамо измрут. Numbers 14:36 И мужие, ихже посыла Моисей соглядати землю, и пришедше возропташа на ню к сонму, еже бы изнести словеса зла о земли, Numbers 14:37 и изомроша мужи, глаголавшии о земли зло, язвою пред Господем: Numbers 14:38 и Иисус сын Навин и Халев сын Иефонниин живы остастася от мужей тех ходивших соглядати землю. Numbers 14:39 И глагола Моисей словеса сия ко всем сыном Израилевым: и восплакашася людие зело, Numbers 14:40 и воставше заутра, взыдоша на верх горы, глаголюще: се, мы взыдем на место, еже рече Господь, яко согрешихом. Numbers 14:41 И рече Моисей: вскую вы преступаете слово Господне? Не благопоспешно будет вам: Numbers 14:42 не восходите: несть бо Господь с вами: и падете пред лицем враг ваших: Numbers 14:43 зане Амалик и Хананей тамо пред вами, и падете мечем, понеже отвратистеся, не покаряющеся Господу, и не будет Господь с вами. Numbers 14:44 И понудившеся взыдоша на верх горы: кивот же завета Господня и Моисей не двигнушася из среды полка. Numbers 14:45 И сниде Амалик и Хананей седяй в горе той, и сотроша их, и изсекоша их даже до Ермана: и возвратишася в полк. Numbers 15:0 Numbers 15:1 И рече Господь к Моисею, глаголя: Numbers 15:2 глаголи сыном Израилевым и речеши к ним: егда внидете в землю вселения вашего, юже Аз даю вам, Numbers 15:3 и сотворите принос Господу во всесожжение или жертву, еже возвеличити мольбу, или благовольну, или в праздники вашя в воню благовония Господу, аще убо от волов, или от овец: Numbers 15:4 и да принесет приносяй дар свой Господу жертву, муки пшеничны десятую часть ефи (меры), вмешены в елей четвертыя части ина (меры): Numbers 15:5 и вина на возлияние четвертую часть ина сотворите во всесожжение или в жертву: агнцу единому да сотвориши толико, принос воню благовония Господу. Numbers 15:6 И овну, егда творите его во всесожжение или в жертву, да сотвориши жертву муки пшеничны две десятины вмешаны в елеи, третию часть ина (меры): Numbers 15:7 и вина на возлияние третию часть ина принесете в воню благовония Господу. Numbers 15:8 Аще же творите от волов во всесожжение или в жертву, еже возвеличити мольбу, или во спасителное Господу, Numbers 15:9 и принесет с телцем принос муки пшеничны три десятины вмешаны в елей, пол ина (меры): Numbers 15:10 и вина на возлияние пол ина (меры), принос в воню благовония Господу. Numbers 15:11 Тако да сотвориши телцу единому, или овну единому, или агнцу единому от овец или от коз: Numbers 15:12 по числу их, яже аще сотворите, тако сотворите единому по числу их. Numbers 15:13 Всяк туземец да сотворит тако сицевая принести приношения в воню благовония Господу: Numbers 15:14 аще же пришлец в вас прибудет в земли вашей, или иже аще будет в вас в родех ваших, и сотворит принос в воню благовония Господу, якоже творите вы, тако да сотворит. Numbers 15:15 Сонме Господнь, закон един да будет вам и пришелцем прилежащым в вас, закон вечный в роды вашя: якоже вы, (тако) и пришлец да будет пред Господем: Numbers 15:16 закон един да будет и оправдание едино да будет вам и пришелцу прилежащему в вас. Numbers 15:17 И рече Господь к Моисею, глаголя: Numbers 15:18 глаголи сыном Израилевым и речеши к ним: егда внидете в землю, в нюже Аз ввожду вас тамо, Numbers 15:19 и будет егда ясте от хлебов земли (тоя), отложите участие во отделение Господу: начаток теста вашего, Numbers 15:20 хлеб отлучите участие оное: якоже участие от гумна, Numbers 15:21 тако отделите той хлеб, начаток теста вашего, и дадите Господу участие в роды вашя. Numbers 15:22 Егда же согрешите и не сотворите всех заповедий сих, ихже глагола Господь Моисею, Numbers 15:23 якоже повеле Господь Бог к вам рукою Моисеовою, от дне в оньже повеле Господь к вам, и потом в роды вашя, Numbers 15:24 и будет аще от очес сонма сотворится неволею, и да сотворит весь сонм телца единаго непорочна от волов во всесожжение, в воню благовония Господу, и жертву сего, и возлияние его по уставлению, и козла единаго от коз греха ради: Numbers 15:25 и да помолится жрец от всем сонме сынов Израилевых, и оставится им, яко нехотение есть: и сии принесоша дар свой, принесение Господу греха ради своего пред Господем, нехотений ради своих, Numbers 15:26 и оставится всему сонму сынов Израилевых и пришелцу прилежащему в вас, яко всем людем нехотенное. Numbers 15:27 Аще же душа едина не хотящи согрешит, да приведет козу едину единолетну греха ради: Numbers 15:28 и да помолится жрец о души нехотевшей и согрешшей нехотением пред Господем, и да помолится о ней, и оставится ей. Numbers 15:29 Населнику (земли) сынов Израилевых и пришелцу прилежащему в них, закон един да будет им, иже аще сотворит не хотящь. Numbers 15:30 И душа яже сотворит рукою гордости от туземец или от пришелцев, Бога сия разгневает, и потребится душа та от людий своих: Numbers 15:31 яко слово Господне презре и заповеди Его разсыпа, сотрением да сотрется душа та: и грех ея на ней. Numbers 15:32 И бяху сынове Израилевы в пустыни, и обретоша мужа собирающа дрова в день субботный, Numbers 15:33 и приведоша его обретшии собирающа дрова в день субботный к Моисею и Аарону и ко всему сонму сынов Израилевых, Numbers 15:34 и ввергоша его в темницу: не совещаша бо, что сотворят ему. Numbers 15:35 И рече Господь к Моисею, глаголя: смертию да умрет человек сей, да побиете его камением весь сонм вне полка. Numbers 15:36 И изведоша его весь сонм вне полка, и побиша его камением весь сонм вне полка, якоже глагола Господь Моисею. Numbers 15:37 И рече Господь к Моисею, глаголя: Numbers 15:38 глаголи сыном Израилевым и речеши им: и да сотворят себе рясны на воскрилиих риз своих в роды своя: и возложите на рясны воскрилий прядение синее, Numbers 15:39 и будет вам на ряснах: и узрите их, и воспомянете вся заповеди Господни и сотворите я, и не развратитеся вслед мыслей своих и вслед очес ваших, имиже вы соблудисте вслед их: Numbers 15:40 яко да помянете и сотворите вся заповеди Моя, и будете святи Богу вашему: Numbers 15:41 Аз Господь Бог ваш, изведый вас из земли Египетския, быти вам Бог: Аз Господь Бог ваш. Numbers 16:0 Numbers 16:1 И глагола Корей, сын Иссаара сына Каафа сына Левиина, и Дафан и Авирон, сынове Елиавли, и Авнан сын Фалефа сына Рувимля: Numbers 16:2 и восташа на Моисеа, и мужи сынов Израилевых двести и пятьдесят началницы сонма, сигклитики совета и мужи именити. Numbers 16:3 Совосташа на Моисеа и Аарона и реша к ним: довлеет вам, яко весь сонм вси святи, и в них Господь: и чесо ради востаете на сонм Господнь? Numbers 16:4 И слышав Моисей, паде ниц. Numbers 16:5 И глагола к Корею и ко всему сонму его, глаголя: согляда и позна Господь сущих Его и святых, и приведе к Себе: и ихже не избра Себе, не приведе к себе: Numbers 16:6 сие сотворите: возмите себе сами кадилники, Корей и весь сонм его, Numbers 16:7 и вложите огнь в ня, и вложите в ня фимиам пред Господем утре: и будет муж, егоже аще изберет Господь, сей свят: да довлеют вам сынове Левиины. Numbers 16:8 И рече Моисей Корею: послушайте мене, сынове Левиини: Numbers 16:9 еда мало есть сие вам, яко отлучи вас Бог от сонма Израилева и приведе вас к Себе служити службы в скинии Господни и стояти пред сонмом Господним, еже служити им? Numbers 16:10 И приведе тя и всю братию твою, сыны Левиины с тобою, и просите священствовати? Numbers 16:11 Тако ты и весь сонм твой собравшийся на Бога: и Аарон кто есть, яко ропщете нань? Numbers 16:12 И посла Моисей призвати Дафана и Авирона, сыны Елиавли. И реша: не идем: Numbers 16:13 еда мало се, яко извел еси ны из земли кипящия млеком и медом, еже погубити нас в пустыни, яко владееши нами? Князь еси: Numbers 16:14 и ты ли в землю кипящую медом и млеком ввел еси нас и дал еси нам часть села и винограда? Очи человек тех изткнул еси: не идем. Numbers 16:15 И отягча Моисей гневом зело и рече к Господу: не внемли на жертву их: ни единаго похотения от них приях, ниже озлобих кого от них. Numbers 16:16 И рече Моисей к Корею: освяти сонм твой, и будите готови пред Господа ты и Аарон и они заутра: Numbers 16:17 и возмите кийждо кадилник свой, и возложите на ня фимиам, и принесите пред Господа кийждо кадилник свой, двести и пятьдесят кадилников, и ты и Аарон кийждо кадилник свой. Numbers 16:18 И взяша кийждо свой кадилник, и возложиша на ня огнь, и вложиша в ня фимиам, и сташа пред дверми скинии свидения Моисей и Аарон. Numbers 16:19 И собра на ня Корей весь сонм свой пред дверми скинии свидения: и явися слава Господня всему сонму. Numbers 16:20 И рече Господь к Моисею и Аарону, глаголя: Numbers 16:21 отступите кийждо от среды сонма сего, и потреблю Я абие. Numbers 16:22 И падоста на лица своя и рекоста: Боже, Боже духов и всякия плоти: аще человек един согреши, на весь ли сонм гнев Господнь? Numbers 16:23 И рече Господь к Моисею, глаголя: Numbers 16:24 рцы сонму, глаголя: отступите окрест от сонма Кореева и Дафаня и Авироня. Numbers 16:25 И воста Моисей, и иде к Дафану и Авирону: и идоша с ним вси старцы Израилтестии. Numbers 16:26 И рече к сонму, глаголя: отступите от кущ человек жестокосердых сих, и не прикоснитеся ко всем, елика суть им, да не погибнете купно во всем гресе их. Numbers 16:27 И отступиша от кущ Кореа и Дафана и Авирона окрест: Дафан же и Авирон изыдоста и стаста пред дверми кущ своих, и жены их, и дети их и имение их. Numbers 16:28 И рече Моисей: в сем познаете, яко Господь посла мя сотворити вся дела сия, яко не от себе (аз творю сия): Numbers 16:29 аще смертию всех людий умрут сии, и аще по присещению всех человек посещение будет их, то не Господь посла мене: Numbers 16:30 но явно покажет Господь, и отверзши земля уста своя пожрет я и домы их, и кущы их и вся, елика суть их, и снидут живи во ад, и уведите, яко разгневаша человецы сии Господа. Numbers 16:31 Егда же преста глаголя вся словеса сия, разседеся земля под ногами их: Numbers 16:32 и разверзеся земля, и пожре я и домы их, и вся люди сущыя с Кореом, и скоты их: Numbers 16:33 и снидоша тии, и вся, елика суть их, живи во ад, и покры их земля, и погибоша от среды сонма: Numbers 16:34 и весь Израиль, и иже окрест их, отбегоша от вопля их, зане рекоша, глаголюще: да не пожрет нас земля. Numbers 16:35 И огнь изыде от Господа и пояде двести и пятьдесят мужей принесших фимиам. Numbers 16:36 И рече Господь к Моисею. Numbers 16:37 И ко Елеазару сыну Ааронову жерцу: соберите кадилники медяныя от среды изгоревших, и огнь чуждий сей разсыплите тамо, яко освятишася кадилницы грешных сих в душах их: Numbers 16:38 и сотворите я дщицы кованы, обложение у олтаря, яко принесошася пред Господа и освятишася, и быша в знамение сыном Израилевым. Numbers 16:39 И взя Елеазар сын Аарона жерца кадилники медяныя, елики принесоша изгоревшии, и обложиша я во обложение олтаря, Numbers 16:40 в память сыном Израилевым яко да никтоже приидет иноплеменник, иже несть от семене Аароня, еже возложити фимиам пред Господем, и да не будет, якоже Корей и советницы его, якоже глагола ему Господь рукою Моисеовою. Numbers 16:41 И возропташа сынове Израилтестии на утрие на Моисеа и Аарона, глаголюще: вы избисте люди Господни. Numbers 16:42 И бысть егда нападе сонм на Моисеа и Аарона, и устремишася к скинии свидения: Numbers 16:43 и покры оную облак, и явися слава Господня: и вниде Моисей и Аарон пред скинию свидения. Numbers 16:44 И рече Господь к Моисею и Аарону, глаголя: Numbers 16:45 уступите от среды сонма сего и потреблю я единицею . И падоста на лица своя. Numbers 16:46 И рече Моисей ко Аарону: возми кадилник, и вложи в него огнь от олтаря, и возложи нань фимиам, и понеси скоро в полк, и помолися о них: изыде бо гнев от лица Господня, и нача губити люди. Numbers 16:47 И взя Аарон, якоже глагола ему Моисей, и тече в сонм, уже бо начася пагуба в людех: и возложи фимиам, и помолися о людех: Numbers 16:48 и ста между мертвыми и живыми, и преста пагуба. Numbers 16:49 И бысть умерших в пагубе четыренадесять тысящ и седмь сот кроме умерших Кореа ради. Numbers 16:50 И возвратися Аарон к Моисею, к дверем скинии свидения, и преста пагуба. Numbers 17:0 Numbers 17:1 И рече Господь к Моисею, глаголя: Numbers 17:2 глаголи сыном Израилевым, и возми от них но единому жезлу, жезл от всех князей их, по домом отечества их, дванадесять жезлов, имя же коегождо напиши на жезле его, Numbers 17:3 и имя Аароне напиши на жезле Левиине: есть бо жезл един: по племени дому отечеств своих да дадят: Numbers 17:4 и да положиши их в скинии свидения, прямо свидению, в нихже явлюся тебе ту: Numbers 17:5 и будет человек, егоже аще изберу, жезл его прозябнет: и отиму от мене роптание сынов Израилевых, елика сии ропщут на вы. Numbers 17:6 И глагола Моисей сыном Израилевым: и даша ему вси князи их по жезлу, князя единаго жезл, по княжению, по домом отечеств их, дванадесять жезлов: и жезл Ааронь посреде жезлов их. Numbers 17:7 И положи Моисей жезлы пред Господем в скинии свидения. Numbers 17:8 И бысть на утрие, и вниде Моисей и Аарон в скинию свидения: и се, прозябе жезл Ааронь в дому Левиине, и израсти ветвь, и процветоша цвети, и израсти орехи: Numbers 17:9 и изнесе Моисей вся жезлы от лица Господня ко всем сыном Израилевым: и видеша, и взя кийждо жезл свой. Numbers 17:10 И рече Господь к Моисею: отложи жезл Ааронь пред свидением в сохранение, в знамение сынов ослушливых: и да престанет роптание их от Мене, и не измрут. Numbers 17:11 И сотвори Моисей и Аарон, якоже повеле Господь Моисею, тако сотвориша. Numbers 17:12 И рекоша сынове Израилевы к Моисею, глаголюще: се, потребихомся, погибохом, исчезохом: Numbers 17:13 всяк прикасаяйся ко скинии свидения Господня умирает: даже до конца ли умирающе погибнем? Numbers 18:0 Numbers 18:1 И рече Господь ко Аарону, глаголя: ты и сынове твои, и дом отца твоего с тобою, возмите грехи святых, ты же и сынове твои возмите грехи жречества вашего: Numbers 18:2 и братию твою, племя Левиино, сонм отца твоего приведи к себе, и да приложатся к тебе, и да служат тебе, и ты и сынове твои с тобою пред скиниею свидения, Numbers 18:3 и да блюдут стражбы твоя и стражбы скинии: токмо к сосудом святым и ко олтарю да не приступают, да не измрут и сии, и вы: Numbers 18:4 и приложатся к тебе и да блюдут стражбы скинии свидения по всем службам скинии, и иноплеменник да не приступит к тебе, Numbers 18:5 и соблюдете стражбы святых и стражбы олтаря, и не будет ктому гнева на сынех Израилевых: Numbers 18:6 и Аз взях братию вашу левиты от среды сынов Израилевых в дар данный Господу служити службы скинии свидения. Numbers 18:7 И ты и сынове твои с тобою сохраните жречество ваше по всему образу олтаря, и еже внутрь завесы, и да служите службы в дар жречества вашего: и иноплеменник приступаяй умрет. Numbers 18:8 И рече Господь ко Аарону: и се, Аз дах вам снабдение начатков моих от всех освященных Мне от сынов Израилевых: тебе дах я в честь, и сыном твоим по тебе законно вечно: Numbers 18:9 и сие да будет вам от освященных святых приношений, от всех даров их и от всех жертв их, и от всякаго преступления их и от всех грех их, елика отдают Мне, от всех святынь, тебе да будут и сыном твоим. Numbers 18:10 Во святем святых ядите я: всяк мужеский пол да яст я, ты и сынове твои: свята будут тебе. Numbers 18:11 И сие да будет вам от начатков даяний их, от всех возложений сынов Израилевых: тебе дах я, и сыном твоим и дщерем твоим с тобою, законно вечно: всяк чистый в дому твоем да яст я. Numbers 18:12 Всяк начаток елеа, и всяк начаток вина и пшеницы, начаток их, елика аще отдадят Господу, тебе дах я: первородная вся елика в земли их, елика аще принесут Господу, тебе да будут: Numbers 18:13 всяк чистый в дому твоем да яст я. Numbers 18:14 Всяко освященное в сынех Израилевых тебе да будет, Numbers 18:15 и всякое разверзающее всяка ложесна от всякия плоти, елика приносят Господу, от человека до скота, тебе да будут: но токмо искуплением искупятся первенцы человечестии, и первенцы скотов нечистых да искупятся: Numbers 18:16 и искуп его от единаго месяца, сценение пять сикль, по сиклю святому: двадесять медниц есть: Numbers 18:17 обаче первородная телцев и первородная овец и первородная коз да не искупятся: свята суть: и кровь их пролиеши у олтаря, и тук принесеши принос в воню благовония Господу. Numbers 18:18 И мяса тебе да будут, якоже и груди возложения: и по раму десному тебе да будут. Numbers 18:19 Всяко участие святых, елика аще отлучат сынове Израилтестии Господу, тебе дах и сыном твоим и дщерем твоим с тобою, законно вечно: завет соли вечныя есть пред Господем, тебе и семени твоему по тебе. Numbers 18:20 И рече Господь ко Аарону: в земли их да не наследиши наследия, и части да не будет тебе в них: яко Аз часть твоя и наследие твое посреде сынов Израилевых. Numbers 18:21 И сыном Левииным, се, дах всю десятину во Израили в жребий за службы их, елико служат тии служение в скинии свидения: Numbers 18:22 и да не приступают по сем сынове Израилтестии к скинии свидения прияти грех смертоносный: Numbers 18:23 и да служат левити сами службу скинии свидения, и тии возмут грехи их: законно вечно в роды их: и посреде сынов Израилевых да не наследят наследия: Numbers 18:24 яко десятины сынов Израилевых, елики аще отлучат Господу, участие дах левитом в жребий: сего ради рекох им: среди сынов Израилевых да не наследят жребия. Numbers 18:25 И рече Господь к Моисею, глаголя: Numbers 18:26 и левитом да глаголеши и речеши к ним: аще возмете десятину от сынов Израилевых, юже дах вам от них во жребий, и отделите вы от нея участие Господу, десятину от десятины ея, Numbers 18:27 и вменятся вам участия ваша яко пшеница от гумна и яко участие от точила: Numbers 18:28 тако отделите их и вы от всех участий Господних, от всех десятин ваших, елики аще возмете от сынов Израилевых, и дадите от них участие Господу, Аарону жерцу: Numbers 18:29 от всех даяний ваших отделите участие Господу, или от всех начатков освященное от него, Numbers 18:30 и речеши к ним: егда отделите начаток от него, и вменится левитом аки жито от гумна и яко участие от точила: Numbers 18:31 и ядите то во всяком месте вы и сынове ваши и домове ваши, яко мзда сия вам есть за службы вашя, яже в скинии свидения: Numbers 18:32 и не приимете за сие греха, яко аще отлучите начаток от него: и святынь сынов Израилевых не оскверните, да не умрете. Numbers 19:0 Numbers 19:1 И рече Господь к Моисею и Аарону, глаголя: Numbers 19:2 се, расположение закона, елика заповеда Господь, глаголя: глаголи сыном Израилевым, и да приведут к тебе юницу рыжу непорочну, яже не имать на себе порока, и на нюже не бе возложено иго: Numbers 19:3 и даси ю ко Елеазару жерцу: и да изведут ю вне полка на место чисто, и да заколют ю пред ним: Numbers 19:4 и да возмет Елеазар от крове ея и да покропит спреди скинии свидения от крове ея седмижды: Numbers 19:5 и да сожгут ю пред ним, и кожу ея и мяса ея и кровь ея с мотылы ея да сожгут: Numbers 19:6 и да возмет жрец древо кедрово, и иссоп, и соскание червленое, и да вложат в средину сожжения юницы: Numbers 19:7 и да измыет ризы своя жрец и да омыет тело свое водою, и потом да внидет в полк, и нечист будет жрец до вечера: Numbers 19:8 и иже сожигает ю, да исперет ризы своя и да омыет тело свое водою, и нечист будет до вечера: Numbers 19:9 и да соберет чистый человек пепел юницы и да изнесет вне полка на место чисто, и да будет сонму сынов Израилевых в сохранение: вода окропления очищение есть: Numbers 19:10 и собираяй пепел юницы да исперет ризы своя, и нечист будет до вечера: и да будет сыном Израилевым и пришелцем прилежащым посреде вас законно вечно. Numbers 19:11 Прикасаяйся мертвому всякия души человечи нечист будет седмь дний: Numbers 19:12 сей да очистится (сею водою) в день третий и в день седмый, и чист будет: аще же не очистится ею в день третий и в день седмый, нечист будет. Numbers 19:13 Всяк прикасаяйся мертвому от всякия души человечи, аще умрет, и не очистится, скинию Господню оскверни: потребится душа та от Израиля, яко вода окропления не воскропися нань, нечист есть, еще нечистота его на нем есть. Numbers 19:14 И сей закон: человек аще умрет в дому, всяк входяй в дом, и елика суть в дому, нечиста будут седмь дний. Numbers 19:15 И всяк сосуд непокровен, и елики обвязанием не обвязаны, нечисти суть. Numbers 19:16 И всяк иже аще прикоснется на поли язвенному, или мертвому, или кости человечи, или гробу, седмь дний нечист будет: Numbers 19:17 и да возмут нечистому от пепела сожженнаго очищения, и да возлиют нань воду живу в сосуд: Numbers 19:18 и да возмет иссоп и омочит в воду муж чист, и да воскропит на дом и на сосуды и на душы, елики суть тамо, и на коснувшася кости человечей, или язвенному, или мертвечине, или гробу: Numbers 19:19 и да воскропит чистый на нечистаго в день третий и в день седмый, и очистится седмаго дне: и да исперет ризы своя и да омыет тело свое водою, и нечист будет до вечера. Numbers 19:20 И человек, иже аше осквернится, и не очистит себе, потребится душа та от среды сонма, яко святая Господня осквернави , яко вода окропления не воскропися Нань, нечист есть. Numbers 19:21 И да будет вам законно вечно, и окропляяй водою окропления да исперет ризы своя, и прикасаяся воде окропления нечист будет до вечера. Numbers 19:22 И всякое, емуже прикоснется нечистый, нечисто будет: и душа прикасающаяся нечиста будет до вечера. Numbers 20:0 Numbers 20:1 И приидоша сынове Израилтестии, весь сонм, в пустыню Син, в месяц первый, и пребываху людие в Кадисе: и скончася ту Мариам, и погребеся тамо. Numbers 20:2 И не бяше воды сонму: и собрашася на Моисеа и Аарона, Numbers 20:3 и ропташа людие на Моисеа, глаголюще: о , дабы умерли быхом в погибели братии нашея пред Господем: Numbers 20:4 и вскую введосте сонм Господнь в пустыню сию, погубити ны и скоты нашы? Numbers 20:5 И вскую сие? Изведосте ны из Египта, еже приити (нам) на место злое сие, место, в немже не сеется, ни смокви, ни винограды, ниже яблоки, ниже вода есть пити. Numbers 20:6 И прииде Моисей и Аарон от лица сонма пред двери скинии свидения, и падоста ниц: и явися слава Господня над ними. Numbers 20:7 И рече Господь к Моисею, глаголя: Numbers 20:8 возми жезл твой и созови сонм ты и Аарон, брат твой, и рцыте ко каменю пред ними, и даст воды своя: и изведете им воды из камене, и напойте сонм и скоты их. Numbers 20:9 И взя Моисей жезл иже пред Господем, якоже повеле Господь. Numbers 20:10 И созва Моисей и Аарон сонм пред камень, и рече к ним: послушайте мене, непокоривии: еда из камене сего изведем вам воду? Numbers 20:11 И воздвиг Моисей руку свою, удари в камень жезлом дважды: и изыде вода многа, и напися сонм (весь) и скоты их. Numbers 20:12 И рече Господь к Моисею и Аарону: понеже не веровасте освятити Мя пред сынми Израилтескими, сего ради не введете вы сонма сего в землю, юже дах им: Numbers 20:13 сия вода Пререкания, яко возропташа сынове Израилтестии пред Господем, и освятися в них. Numbers 20:14 И посла Моисей послы от Кадиса к Царю Едомскому, глаголя: тако глаголет брат твой Израиль: ты веси весь труд обретший нас: Numbers 20:15 и снидоша отцы наши в Египет, и жихом во Египте дни многи, и озлобиша нас Египтяне и отцев наших: Numbers 20:16 и возопихом ко Господу, и услыша Господь глас наш, и послав Ангела, изведе ны из Египта: и ныне есмы в Кадисе граде, на конце предел твоих: Numbers 20:17 да прейдем сквозе землю твою: не пройдем сквозе села, ни сквозе винограды, ни пием воды в потоцех твоих: путем царским пойдем, не совратимся ни на десно, ни на лево, дондеже прейдем пределы твоя. Numbers 20:18 И рече к ним Едом: не пройдеши сквозе мене: аще же ни, ратию изыду противу тебе. Numbers 20:19 И рекоша к нему сынове Израилевы: под горою пройдем: аще же от воды твоея испием аз и скоты моя, дам цену тебе: но вещь сия ничтоже есть, под горою да пройдем. Numbers 20:20 Он же рече: не пройдеши сквозе мене. И изыде противу им Едом с народом тяжким и рукою крепкою. Numbers 20:21 И не восхоте Едом дати Израилю проити сквозе пределы своя, и уклонися Израиль от него. Numbers 20:22 И воздвигошася от Кадиса, и приидоша сынове Израилтестии, весь сонм, в гору Ор. Numbers 20:23 И рече Господь к Моисею и Аарону в горе Ор у предел земли Едомли, глаголя: Numbers 20:24 да приложится Аарон к людем своим, яко не внидете в землю, юже дах сыном Израилевым в наследие, понеже преогорчисте Мя у воды Пререкания: Numbers 20:25 возми Аарона брата твоего и Елеазара сына его, и возведи я на Ор гору пред всем сонмом: Numbers 20:26 и совлецы Аарону ризы его и облецы Елеазара сына его, и Аарон приложився да умрет тамо. Numbers 20:27 И сотвори Моисей, якоже повеле ему Господь: и возведе я на Ор гору пред всем сонмом, Numbers 20:28 и совлече Аарона с риз его, и облече в ня Елеазара сына его: Numbers 20:29 и умре Аарон тамо на версе горы: и сниде Моисей и Елеазар с горы. И виде весь сонм, яко умре Аарон: и плакашася по Аароне тридесять дний весь дом Израилев. Numbers 21:0 Numbers 21:1 И услыша Хананей царь Арадский живый при пустыни, яко прииде Израиль путем Афаримским, и ратова противу Израиля, и взя от них плен. Numbers 21:2 И обещася Израиль обетом Господу и рече: аще мне предаси люди сия подручны, погублю их и грады их. Numbers 21:3 И услыша Господь глас Израилев и предаде Хананеа подручна ему: и опустоши его и грады его, и прозва има месту тому Запустение. Numbers 21:4 И воздвигшеся от Ора горы путем иже к морю Чермному, обыдоша землю Едомлю: и малодушествоваша людие на пути, Numbers 21:5 и роптаху людие на Бога и на Моисеа, глаголюще: вскую извел еси ны из Египта убити нас в пустыни, яко несть хлеба, ни воды? И душа наша негодует о хлебе сем тщем. Numbers 21:6 И посла Господь на люди змиев умерщвляющих, и угрызаху людий: и умроша люди мнози от сынов Израилевых. Numbers 21:7 И пришедше людие к Моисеови глаголаша: согрешихом, яко роптахом на Господа и на тя: помолися убо ко Господу, да отженет от нас змии. И помолися Моисей ко Господу о людех. Numbers 21:8 И рече Господь к Моисею: сотвори себе змию (медяну) и положи ю на знамя: и будет аще угрызет змия человека, всяк угрызенный видев ю жив будет. Numbers 21:9 И сотвори Моисей змию медяну и постави ю на знамени: и бысть егда угрызаше змия человека, и взираше на змию медяну, и оживаше. Numbers 21:10 И воздвигошася сынове Израилевы, и ополчишася во Овофе: Numbers 21:11 и воздвигшеся от Овофа, ополчишася во Ахалгеи об ону страну пустыни, яже есть пред лицем Моавитским, на восток солнца: Numbers 21:12 и оттуду воздвигошася, и ополчишася в дебри Заред: Numbers 21:13 и оттуду воздвигшеся, ополчишася об ону страну Арнона в пустыни, яже исходит от предел Аморрейских: есть бо Арнон предел Моавль между Моавом и между Аморреом. Numbers 21:14 Сего ради глаголется в книзе брань Господня: Зоову попали, и потоки Арнони, Numbers 21:15 и потоки устрои в селение Ир, и прилежит пределом Моавлим. Numbers 21:16 И оттуду (воздвигошася) ко Кладязю: сей есть кладязь, о немже рече Господь к Моисею: собери люди, и дам им воду пити. Numbers 21:17 Тогда воспе Израиль песнь сию у кладязя: начинайте ему: Numbers 21:18 кладязь, ископаша его князи, изсекоша его царие язычестии во царствии их, внегда обладати ими. И от кладязя (воздвигошася) в Манфанаил: Numbers 21:19 и от Манфанаила в Наадиил, и от Наадиила в Вамоф: Numbers 21:20 и от Вамофа в Напин, иже есть на поли Моавли, от верха Изсеченаго, зрящаго пред лице пустыни. Numbers 21:21 И посла Моисей послы к Сиону царю Аморрейску, словесы мирными глаголя: Numbers 21:22 да пройдем сквозе землю твою, путем пойдем: не уклонимся ни на села, ни на винограды, не испием воды от кладязь твоих: путем царским пойдем, дондеже пройдем пределы твоя. Numbers 21:23 И не даде Сион Израилю проити сквозе пределы своя: и собра Сион вся люди своя, и изыде ополчитися на Израиля в пустыню: и прииде во Иассан, и ополчися на Израиля. Numbers 21:24 И порази его Израиль убийством меча, и обладаше землею его от Арнона до Иавока, даже до сынов Амманих: яко Иазир пределы сынов Амманих суть. Numbers 21:25 И взя Израиль вся грады сия: и вселися Израиль во всех градех Аморрейских, во Есевоне и во всех подлежащих ему: Numbers 21:26 есть бо Есевон град Сиона царя Аморрейска: и сей повоева царя Моавля прежде и взя всю землю его от Ароира даже до Арнона. Numbers 21:27 Сего ради рекут приточницы: приидите во Есевон, да соградится и созиждется град Сион: Numbers 21:28 яко огнь изыде от Есевона и пламень от града Сиона, и пояде даже до Моава, и пожре столпы Арнонския: Numbers 21:29 горе тебе, Моаве, погибосте, людие Хамосовы: продани быша сынове их в заключение и дщери их пленницы царю Аморрейскому Сиону: Numbers 21:30 и семя их погибнет, Есевон даже до Девона: и жены их еще разожгоша огнь на Моава. Numbers 21:31 Вселися же Израиль во вся грады Аморрейски: Numbers 21:32 и посла Моисей соглядати Иазира: и взяша его и села его, и изгнаша Аморреа живущаго тамо: Numbers 21:33 и возвратившеся, приидоша путем в Васан. И изыде Ог, царь Васанский, противу им и вси людие его на брань во Едраин. Numbers 21:34 И рече Господь к Моисею: не убойся его, яко в руце твои предах его и вся люди его и всю землю его: и сотвориши ему, якоже сотворил еси Сиону царю Аморрейску, иже живяше во Есевоне. Numbers 21:35 И порази его и сыны его и вся люди его, даже не оста в них живый: и наследиша землю его. Numbers 22:0 Numbers 22:1 И воздвигшеся сынове Израилтестии, ополчишася на запады Моава у Иордана ко Иерихону. Numbers 22:2 И видев Валак сын Сепфоров вся, елика сотвори Израиль Аморрею, Numbers 22:3 и убояся Моав людий зело, яко мнози бяху, и оскорбе Моав от лица сынов Израилевых, Numbers 22:4 и рече Моав старейшинам Мадиамлим: ныне потребит сонм сей всех, иже окрест нас, якоже потребляет телец злак на поли. И Валак, сын Сепфоров, бяше царь Моавль в то время, Numbers 22:5 и посла послы к Валааму, сыну Веорову, во Фафуру яже есть у реки земли сынов людий его, призвати его, глаголя: се, людие изыдоша из Египта, и се, покрыша лице земли, и сии седят при одержании моем: Numbers 22:6 и ныне прииди, проклени мне люди сия, понеже крепльшии суть паче нас, аше возможем сих избити, и изжену их из земли: яко вем, ихже аще благословиши ты, благословени суть, и ихже аще прокленеши ты, прокляти. Numbers 22:7 И идоша старейшины Моавли и старейшины Мадиамли, и волхвования в руках их: и приидоша к Валааму и глаголаша ему словеса Валакова. Numbers 22:8 И рече к ним: препочийте зде нощь (сию), и отвещаю вам деяния, яже аще возглаголет Господь ко мне. И пребыша князи Моавли у Валаама. Numbers 22:9 И прииде Бог к Валааму и рече ему: что человецы сии у тебе? Numbers 22:10 И рече Валаам к Богу: Валак сын Сепфоров, царь Моавль, посла их ко мне, глаголя: Numbers 22:11 се, людие изыдоша из Египта и покрыша лице земли, и сии седят при одержании моем: и ныне прииди, проклени ми их, негли возмогу избити их и изгнати я от земли. Numbers 22:12 И рече Бог к Валааму: да не идеши с ними, ниже да кленеши людий: суть бо благословени. Numbers 22:13 И востав Валаам заутра, рече князем Валаковым: возвратитеся к господину своему: не попущает ми Бог ити с вами. Numbers 22:14 И воставше князи Моавли приидоша к Валаку и рекоша ему: не хощет Валаам приити с нами. Numbers 22:15 И приложи Валак еще послати князи множайшии и честнейшии сих. Numbers 22:16 И приидоша к Валааму и глаголаша ему: сия глаголет Валак, сын Сепфоров: молю тя, не обленися приити ко мне: Numbers 22:17 честне бо тя почту, и вся, елика аще речеши ми, сотворю тебе: и прииди, и проклени ми люди сия. Numbers 22:18 И отвеща Валаам и рече князем Валаковым: аще ми даст Валак полну храмину свою злата и сребра, не могу преступити слова Господа Бога, еже сотворити то мало или велико в разуме моем: Numbers 22:19 и ныне потерпите зде и вы нощь сию, и увем, что приложит Господь глаголати ко мне. Numbers 22:20 И прииде Бог к Валааму нощию и рече ему: аще звати тя приидоша человецы сии, востав иди вслед их, но слово, еже аше реку тебе, то да сотвориши. Numbers 22:21 И востав Валаам заутра, оседла осля свое и иде со князи Моавли. Numbers 22:22 И разгневася яростию Бог, яко иде сей: и воста Ангел Божий препяти ему на пути. Сей же седяше на осляти своем и два раба его с ним. Numbers 22:23 И узрев осел Ангела Божия супротив стояща на пути, и мечь извлечен в руце его, и совратися осел с пути и идяше на поле: и бияше (Валаам) осля жезлом своим, еже направити е на путь: Numbers 22:24 и ста Ангел Божий на броздах виноградных: ограждение отсюду, и ограждение отюнуду: Numbers 22:25 и узрев осел Ангела Божия, приложися ко ограде и прижме ногу Валааму ко ограде, и приложи еще бити его: Numbers 22:26 и приложи Ангел Божии, и шед свята в месте узком, в немже не бяше уклонитися ни на десно, ни на лево: Numbers 22:27 и видя осля Ангела Божия, паде под Валаамом: и разгневася Валаам, и бияше осля жезлом. Numbers 22:28 И отверзе Бог уста осляти, и рече Валааму: что сотворих тебе, яко се, в третие биеши мя? Numbers 22:29 И рече Валаам осляти: яко поругалося ми еси: и аще бых мечь имел в руку моею, пробол бых тя. Numbers 22:30 И рече осля Валааму: не аз ли ослица твоя, на нейже ты ездиши от юности своея до днешняго дне? Еда презорством презревши сотворих тебе сие? Он же рече: ни. Numbers 22:31 Отверзе же Бог очи Валааму, и узре Ангела Божия противостояща на пути, и мечь извлечен в руце его: и приклонився поклонися ему лицем своим. Numbers 22:32 И рече ему Ангел Божий: почто биеши осля твое сие в третие? И се, Аз приидох на препятие твое, яко неприятен путь твой предо Мною: и видя мя ослица, совратися от Мене се третие: Numbers 22:33 и аще бы не уклонилася от Мене, ныне тя убо убил бых, сию же сохранил бых. Numbers 22:34 И рече Валаам ко Ангелу Господню: согреших, не ведех бо, яко Ты мне противостоял еси на пути: и ныне аще Тебе не угодно, возвращуся. Numbers 22:35 И рече Ангел Божий к Валааму: иди ты с человеки: обаче слово, еже аще реку тебе, сие сохрани глаголати. И иде Валаам со князи Валаковы. Numbers 22:36 И услышав Валак, яко приходит Валаам, изыде во сретение ему во град Моавль, иже есть в пределех Арноних, иже есть на краи пределов. Numbers 22:37 И рече Валак к Валааму: не послах ли к тебе звати тя? Почто не пришел еси ко мне? Или не возмогу почтити тебе? Numbers 22:38 И рече Валаам к Валаку: се, прихожду к тебе ныне: мощен ли буду глаголати что? Слово, еже аще вложить Бог во уста моя, сие реку. Numbers 22:39 И иде Валаам с Валаком, и внидоша во Грады Селныя. Numbers 22:40 И закла Валак телцы и овцы, и посла Валааму и князем иже с ним. Numbers 22:41 И бысть заутра, и взяв Валак Валаама, возведе его на столп Ваалов, и показа ему оттуду часть некую людий. Numbers 23:0 Numbers 23:1 И рече Валаам к Валаку: созижди мне зде седмь требищ, и уготовай мне зде седмь телцев и седмь овнов. Numbers 23:2 И сотвори Валак, якоже рече ему Валаам: и вознесе телца и овна на требище. Numbers 23:3 И рече Валаам к Валаку: стани у требы своея, и пойду, аще явится мне Бог в сретение, и слово, еже мне укажет, повем тебе. И ста Валак у требы своея. Numbers 23:4 И Валаам иде вопросити Бога, и иде прямо: и явися Бог Валааму. И рече к нему Валаам: седмь требищ изготових и возложих телца и овна на требище. Numbers 23:5 И вложи Бог слово во уста Валааму и рече: возвратився к Валаку тако глаголи. Numbers 23:6 И возвратися к нему: он же стояше у всесожжений своих, и вси князи Моавли с ним: и бысть Дух Божий на нем. Numbers 23:7 И восприим притчу свою рече: от Месопотамии приведе мя Валак царь Моавль, от гор восточных, глаголя: гряди, проклени ми Иакова, и гряди, проклени ми Израиля: Numbers 23:8 что проклену, егоже не кленет Господь? Или что зло реку, егоже не злословит Бог? Numbers 23:9 Яко от верха гор узрю его и от холм проуразумею его: се, людие едини населятся и со языки не вменятся: Numbers 23:10 кто изследит семя Иаковле? И кто изочтет сонмы Израиля? Да умрет душа моя в душах праведных, и буди семя мое, якоже семя их. Numbers 23:11 И рече Валак к Валааму: что сотворил еси ми? На проклятие враг моих призвах тя, и се, благословил еси (я) благословением. Numbers 23:12 И рече Валаам к Валаку: не елика ли вложит Бог во уста моя, сие сохраню глаголати? Numbers 23:13 И рече к нему Валак: пойди еще со мною на место ино, с негоже не узриши их оттуду, но разве часть некую их узриши, всех же не узриши, и проклени ми их оттуду. Numbers 23:14 И поя его на стражу села, на верх Истесанаго, и созда тамо седмь требищ, и возложи телца и овна на требище. Numbers 23:15 И рече Валаам к Валаку: стани у требы своея, аз же пойду вопросити Бога. Numbers 23:16 И срете Бог Валаама, и вложи слово во уста ему и рече: возвратися к Валаку, и речеши сия. Numbers 23:17 И возвратися к нему: он же стояше у всесожжений своих, и вси князи Моавли с ним. И рече ему Валак: что глагола Господь? Numbers 23:18 И восприим притчу свою, рече: востани, Валак, и послушай, внуши свидетель, сыне Сепфоров: Numbers 23:19 не яко человек Бог колеблется, ниже яко сын человеческий изменяется: Той глаголаше, не сотворит ли? Речет, и не пребудет ли? Numbers 23:20 Се, благословляти приведен есмь: благословлю, и не отвращу: Numbers 23:21 не будет труда во Иакове, ниже узрится болезнь во Израили: Господь Бог его с ним, слава царская на нем: Numbers 23:22 Бог изведый его из Египта, якоже слава единорога в нем: Numbers 23:23 несть бо вражбы во Иакове, ниже волхвования во Израили: во время наречется Иакову и Израилю, что совершит Бог: Numbers 23:24 се, людие яко львичища востанут, и яко лев вознесется: не уснет, дондеже снест лов и кровь посеченых испиет. Numbers 23:25 И рече Валак к Валааму: ни клятвами мне клени их, ниже благословением благослови их. Numbers 23:26 И отвещав Валаам, рече к Валаку: не рех ли ти, глаголя: слово, еже аще возглаголет Бог, сие сотворю? Numbers 23:27 И рече Валак к Валааму: гряди, пойму тя на место ино, аще угодно будет Богу, и проклени ми их оттуду. Numbers 23:28 И поя Валак Валаама на верх Фогора, простирающася в пустыню. Numbers 23:29 И рече Валаам к Валаку: созижди мне зде седмь требищ, и уготовай мне зде седмь телцев и седмь овнов. Numbers 23:30 И сотвори Валак, якоже рече ему Валаам: и вознесе телца и овна на требище. Numbers 24:0 Numbers 24:1 И видев Валаам, яко добро есть пред Господем благословляти Израиля, не иде по обычаю своему в сретение волхвованием, и возврати лице свое в пустыню. Numbers 24:2 И возвед Валаам очи свои, узре Израиля ополчившася по племеном: и бысть Дух Божий на нем. Numbers 24:3 И восприим притчу свою рече: глаголет Валаам, сын Веоров, глаголет человек истинно зряй, Numbers 24:4 глаголет слушаяй словеса Крепкаго, иже видение Божие виде во сне: отверсты очи его: Numbers 24:5 коль добри доми твои, Иакове, и кущы твоя, Израилю: Numbers 24:6 яко дубравы осеняющыя и яко садие при реках, и яко кущы, яже водрузи Господь, и яко кедри при водах: Numbers 24:7 изыдет человек от семене его, и обладает языки многими: и возвысится паче Гога царство его, и возрастет царство его: Numbers 24:8 Бог изведе его из Египта, якоже слава единорога ему: пояст языки враг своих и толщы их измождит, и стрелами своими устрелит врага: Numbers 24:9 возлег почи яко лев и яко скимен: кто возбудит его? Благословящии тя благословени, и проклинающии тя прокляти. Numbers 24:10 И разгневася Валак на Валаама, и плесну руками своими, и рече Валак к Валааму: кляти тя врага моего призвах, и се, благословил еси их в третие: Numbers 24:11 ныне убо бежи на место свое: рекох, почту тя: и ныне лиши тя Господь славы. Numbers 24:12 И рече Валаам к Валаку: и послом твоим, ихже послал еси ко мне, не рекох ли, глаголя: Numbers 24:13 аще ми даст Валак храмину свою полну сребра и злата, не могу преступити слова Божия, еже сотворити е зло или добро от мене самаго: елика аще речет ми Бог, сия возглаголю? Numbers 24:14 И ныне, се, иду до места своего: гряди, присоветую тебе, что сотворят людие сии людем твоим, в последняя дни. Numbers 24:15 И восприим притчу свою рече: глаголет Валаам сын Веоров, глаголет человек истинно зряй, Numbers 24:16 слышай словеса Божия, умея умение Вышняго и видение Божие видевый во сне: отверсты очи его: Numbers 24:17 покажу ему, и не ныне: ублажаю, и не приближается: возсияет звезда от Иакова, и востанет человек от Израиля и погубит князи Моавитския, и пленит вся сыны Сифовы: Numbers 24:18 и будет Едом наследие, и будет наследие Исав враг его, и Израиль сотвори крепость: Numbers 24:19 и востанет от Иакова, и погубит спасаемаго от града. Numbers 24:20 И видев Амалика и восприим притчу свою, рече: начало языков Амалик, и семя их погибнет. Numbers 24:21 И видев Кенеона и восприим притчу свою, рече: сильно селение твое: и аще положиши на камени гнездо твое, Numbers 24:22 и аще будет Веору гнездо коварства, Ассириане пленят тя. Numbers 24:23 И видев Ога и восприим притчу свою, рече: горе, горе, кто жив будет, егда положит Бог сия? Numbers 24:24 И изыдут из рук Китиейских, и озлобят Ассура, и озлобят Евреов, и сами вкупе погибнут. Numbers 24:25 И востав Валаам отиде, возвратився на место свое: и Валак отиде к себе. Numbers 25:0 Numbers 25:1 И живяше Израиль в Саттиме, и осквернишася людие блужением со дщерми Моавли: Numbers 25:2 и призваша я в требы кумир своих, и ядоша людие требы их и поклонишася кумиром их: Numbers 25:3 и причастися Израиль Веельфегору, и разгневася яростию Господь на Израиля. Numbers 25:4 И рече Господь к Моисею: поими вся князи людския, и обличи я Господу прямо солнцу, и отвратится гнев ярости Господни от Израиля. Numbers 25:5 И рече Моисей к племенем Израилским: избийте кийждо ужика своего служившаго Веельфегору. Numbers 25:6 И се, человек от сынов Израилевых пришед приведе брата своего к Мадианитыне пред Моисеем и пред всем сонмом Израилевым: сии же плакахуся пред дверми скинии свидения. Numbers 25:7 И видев Финеес, сын Елеазара сына Аарона жерца, воста из среды сонма, и взем сулицу в руку, Numbers 25:8 вниде вслед человека Израилтянина в блудилище, и прободе обоих, и человека Израилтянина, и жену сквозе ложесна ея: и преста вред от сынов Израилевых. Numbers 25:9 И быша умершии язвою двадесять четыри тысящы. Numbers 25:10 И рече Господь к Моисею, глаголя: Numbers 25:11 Финеес сын Елеазара сына Аарона жерца утоли гнев Мой от сынов Израилевых, егда возревнова ревность Моя в них, и не потребих сынов Израилевых в ревности Моей: Numbers 25:12 тако рцы: се, Аз даю ему заветзавет Мой мирный, Numbers 25:13 и будет ему и семени его по нем завет жречества вечный, понеже возревнова по Бозе своем и умилостиви о сынех Израилевых. Numbers 25:14 Имя же человеку Израилтянину, егоже уби с Мадианитынею, Замврий сын Салмонь, князь дому отечества сынов Симеоних: Numbers 25:15 и имя жене Мадианитыне прободеной Хазви, дщи Сура, князя рода Соммофова, дому отечества есть Мадиамля. Numbers 25:16 И рече Господь к Моисею, глаголя: рцы сыном Израилевым, глаголя: Numbers 25:17 враждуйте Мадианитом и бийте я: Numbers 25:18 зане враждуют вам сии лестию, елико прельщают вас Фогором и Хазвиею дщерию князя Мадиамля, сестрою своею прободеною, в день язвы Фогора ради. Numbers 26:0 Numbers 26:1 И бысть но язве, и рече Господь к Моисею и Елеазару жерцу, глаголя: Numbers 26:2 возми начало всего сонма сынов Израилевых от двадесяти лет и вышше, но домом отечеств их, всяк исходяй вооружитися во Израили. Numbers 26:3 И глагола Моисей и Елеазар жрец к ним во Аравофе Моавли при Иордане у Иерихона, глаголя: Numbers 26:4 от двадесяти лет и вышше, якоже заповеда Господь Моисею: и сынове Израилтестии изшедшии из Египта: Numbers 26:5 Рувим первенец Израилев. Сынове же Рувимли: Енох и сонм Енохов, Фаллу сонм Фаллов, Numbers 26:6 Асрону сонм Асронов, Харму сонм Хармиин. Numbers 26:7 Сии сонми Рувимли: и бысть соглядание их четыредесять три тысящы и шесть сот и тридесять. Numbers 26:8 И сынове Фалловы Елиав. Numbers 26:9 И сынове Елиавли Намуил и Дафан и Авирон: сии нарочитии сонму: сии суть воставше на Моисеа и Аарона в сонме Кореове в крамоле на Господа: Numbers 26:10 и отверзши земля уста своя пожре их и Кореа в смерти сонма его, егда пояде огнь двести и пятьдесят, и быша в знамение. Numbers 26:11 Сынове же Кореовы не измроша. Numbers 26:12 И сынове Симеони, сонм сынов Симеоних: Намуилу сонм Намуилов, Иамину сонм Иаминов, Иахину сонм Иахинов, Numbers 26:13 Заре сонм Зарин, Саулу сонм Саулов. Numbers 26:14 Сии сонми Симеони от соглядания их двадесять две тысящы и двести. Numbers 26:15 Сынове же Иудины Ир и Авнан и Силом, и Фарес и Зара: и умре Ир и Авнан в земли Ханаани. Numbers 26:16 И быша сынове Иудины по сонмом своим: Силому сонм Силомль, Фаресу сонм Фаресов, Заре сонм Зарин. Numbers 26:17 И быша сынове Фаресовы: Асрону сонм Асронов, Иамуилу сонм Иамуилов. Numbers 26:18 Сии сонми Иудины по согляданию их седмьдесят шесть тысящ и пять сот. Numbers 26:19 И сынове Иссахаровы по сонмом своим: Фоле сонм Фолин Фуеви сонм Фуин, Numbers 26:20 Иасуву сонм Иасувин, Амвраму сонм Амврамль. Numbers 26:21 Сии сонми Иссахаровы но согляданию их шестьдесят и четыри тысящы и четыреста. Numbers 26:22 Сынове Завулони по сонмом своим: Сареду сонм Саредин, Аллону сонм Аллонин, Аллилу сонм Аллилин. Numbers 26:23 Сии сонми Завулони по согляданию их шестьдесят тысящ и пять сот. Numbers 26:24 Сынове Гадовы по сонмом их: Сафону сонм Сафонин, Аггину сонм Аггинов, Сунину сонм Сунинов, Numbers 26:25 Азену сонм Азенин, Адду сонм Аддин, Numbers 26:26 Ароаду сонм Ароадин, Ариилу сонм Арииль. Numbers 26:27 Сии сонми сынов Гадовых но согляданию их четыредесять и четыри тысящы и пять сот. Numbers 26:28 Сынове Асировы по сонмом их: Иамину сонм Иаминов, Иесую сонм Иесуинь, Numbers 26:29 Вариаю сонм Вариаинь, Ховеру сонм Ховерин, Мелхиилу сонм Мелхиилин, Numbers 26:30 имя же дщери Асирове Сара, Numbers 26:31 сии сонми Асировы но согляданию их четыредесять три тысящи и четыреста. Numbers 26:32 Сынове Иосифли по сонмом их: Манассиа и Ефрем. Numbers 26:33 Сынове Манассиины: Махиру сонм Махирин: и Махир роди Галаада, Галааду сонм Галаадин. Numbers 26:34 И сии сынове Галаадины: Ахиезеру сонм Ахиезеров, Хелеку сонм Хелеков, Numbers 26:35 Есриилу сонм Есриилов, Сихему сонм Сихемль, Numbers 26:36 Симаеру сонм Симаерин, и Оферу сонм Оферов. Numbers 26:37 И Салпааду сыну Оферову не быша ему сынове, но токмо дщери. И сия имена дщерем Салпаадовым: Маала и Нуа, и Егла и Мелха и Ферса. Numbers 26:38 Сии сонми Манассиины по согляданию их пятьдесят и две тысящы и седмь сот. Numbers 26:39 И сии сынове Ефремли: Суфалу сонм Суфалин, Танаху сонм Танахин. Numbers 26:40 Сии сынове Суфаловы: Едену сонм Еденин. Numbers 26:41 Сии сонми Ефремли по согляданию их тридесять две тысящы и пять сот. Сии сонми сынов Иосифовых по сонмом их. Numbers 26:42 Сынове Вениамини по сонмом их: Валу сонм Валин, Асивиру сонм Асивиров, Иахирану сонм Иахиранин, Софану сонм Софанин. Numbers 26:43 И быша сынове Валу Адерь и Ноеман: Numbers 26:44 Адеру сонм Адерин, и Ноеману сонм Ноеманин. Numbers 26:45 Сии сынове Вениамини по сонмом их по согляданию их четыредесять и пять тысящ и шесть сот. Numbers 26:46 И сынове Дановы по сонмом их: Самею сонм Самеин: сии сонми Дановы но сонмом их. Numbers 26:47 Вси сонми Самеини по согляданию их шестьдесят четыри тысящы и четыреста. Numbers 26:48 Сынове Неффалимли по сонмом их: Асиилу сонм Асиилев, Гоину сонм Гоинин, Numbers 26:49 Иесрию сонм Иесриев, Селлиму сонм Селлимов. Numbers 26:50 Сии сонми Неффалимли по согляданию их четыредесять пять тысящ и четыреста. Numbers 26:51 Сие соглядание сынов Израилевых шесть сот едина тысяща и седмь сот тридесять. Numbers 26:52 И рече Господь к Моисею, глаголя: Numbers 26:53 сим разделится земля в наследие по числу имен: Numbers 26:54 множайшым да умножиши наследие, и малейшым да умалиши наследие их: коемуждо, якоже суть соглядани, да дастся наследие их: Numbers 26:55 по жребием да разделится земля именам, по племенем отечеств своих да наследят: Numbers 26:56 от жребия да разделиши наследие их между многими и малыми. Numbers 26:57 И сынове Левиини но сонмом их: Гирсону сонм Гирсонов, Каафу сонм Каафов, Мераре сонм Мерарин. Numbers 26:58 Сии сонми сынов Левииных: сонм Ловенин, сонм Хевронин, и сонм Мусин, и сонм Кореов. И Кааф роди Амрама. Numbers 26:59 Имя же жене Амрамли Иохавеф, дщи Левиина, яже роди сих Левии во Египте, и роди Амраму Аарона и Моисеа и Мариам сестру их. Numbers 26:60 И родишася Аарону Надав и Авиуд, и Елеазар и Ифамар. Numbers 26:61 И умре Надав и Авиуд, егда принесоста огнь чуждий пред Господем в пустыни Синайстей. Numbers 26:62 И быша от соглядания их двадесять три тысящы, всяк мужеск пол от единаго месяца и вышше: не быша бо соглядани посреде сынов Израилевых, яко не дадеся им жребий посреде сынов Израилевых. Numbers 26:63 И сие соглядание Моисеа и Елеазара жерца, иже соглядаша сынов Израилевых во Аравофе Моавли, у Иордана при Иерихоне. Numbers 26:64 И в сих не бяше человек от согляданых Моисеом и Аароном, ихже соглядаша сынов Израилевых в пустыни Синайстей. Numbers 26:65 Понеже рече Господь им: смертию измрут в пустыни. И не остася от них ни един, кроме Халева сына Иефонниина и Иисуса сына Навина. Numbers 27:0 Numbers 27:1 И пришедшя дщери Салпаада сына Оферова, сына Галаадова, сына Махирова, сонма Манассиина, сынов Иосифовых, и сия имена их: Маала и Нуа, и Егла и Мелха и Ферса, Numbers 27:2 и ставшя пред Моисеом и пред Елеазаром жерцем, и пред князи и пред всем сонмом у дверий скинии свидения, глаголаша: Numbers 27:3 отец наш умре в пустыни, и сей не бе среде сонма воставшаго на Господа в сонме Кореове, яко греха ради своего умре, и сынове не быша ему: Numbers 27:4 да не погибнет имя отца нашего от среды сонма своего, яко несть сына ему: дадите нам наследие посреде братии отца нашего. Numbers 27:5 И принесе Моисей суд их пред Господа. Numbers 27:6 И рече Господь к Моисею, глаголя: Numbers 27:7 право глаголаша дщери Салпаадовы: даяние да даси им одержание наследия посреде братий отца их, и да приложиши им жребий отца их: Numbers 27:8 и сыном Израилевым да речеши, глаголя: человек аще умрет, и не будет сына ему, дадите наследие его дщери его: Numbers 27:9 аще же дщери не будет ему, дадите наследие его брату его: Numbers 27:10 аще же не будут ему братия, дадите наследие брату отца его: Numbers 27:11 аще же не будут братия отца его, дадите наследие ужику ближнему его от племене его наследити яже его: и да будет сие сыном Израилевым оправдание суда, якоже заповеда Господь Моисею. Numbers 27:12 И рече Господь к Моисею: взыди на гору, яже об ону страну Иордана, сия гора Навав, и виждь землю Ханааню, юже Аз даю сыном Израилевым во одержание: Numbers 27:13 и узриши ю, и приложишися к людем своим и ты, якоже приложися Аарон брат твой на горе Ор: Numbers 27:14 понеже преступисте слово Мое в пустыни Син, внегда супротивитися сонму освятити Мя, не освятисте Мене у воды пред ними: сия есть вода Пререкания в Кадисе в пустыни Син. Numbers 27:15 И рече Моисей ко Господу: Numbers 27:16 да изберет Господь Бог духов и всякия плоти человека над сонмом сим, Numbers 27:17 иже изыдет пред лицем их, иже внидет пред лицем их, и иже изведет их и иже введет их, и да не будет сонм Господень, яко овцы не имущя пастыря. Numbers 27:18 И рече Господь к Моисею, глаголя: поими к себе Иисуса сына Навина, человека, иже имать Духа в себе: и да возложиши руце твои на него: Numbers 27:19 и поставиши его пред Елеазаром жерцем, и заповеждь ему пред всем сонмом, и заповеждь о нем пред ними: Numbers 27:20 и даси на него от славы твоея, яко да послушают его вси сынове Израилевы: Numbers 27:21 и пред Елеазаром жерцем да станет, и да вопросят от него суда явленных пред Господем: по словеси его да исходят, и по словеси его да входят сам и сынове Израилевы вкупе, и весь сонм. Numbers 27:22 И сотвори Моисей, якоже повеле ему Господь Бог: и взем Иисуса постави его пред Елеазаром жерцем и пред всем сонмом: Numbers 27:23 и возложи руце свои на него, и устрои его, якоже повеле Господь Моисею. Numbers 28:0 Numbers 28:1 И рече Господь к Моисею, глаголя: Numbers 28:2 заповеждь сыном Израилевым, и речеши к ним, глаголя: дары Моя, даяния Моя, приносы Моя, в воню благовония соблюдите приносити Мне на праздники Моя. Numbers 28:3 И да речеши к ним: сия приношения, яже принесете Господу, агнцев единолетных непорочных два на день во всесожжение выну: Numbers 28:4 агнца единаго сотворите рано, и агнца втораго сотворите в вечер: Numbers 28:5 и да сотвориши десятую часть ефи (меры) муки пшеничны на жертву, вмешану в елеи четвертую часть (меры) ина: Numbers 28:6 всесожжение непрестанное, якоже бысть в горе Синайстей, в воню благовония Господу. Numbers 28:7 И возлияние его четвертую часть (меры) ина агнцу единому: во святем да возлиеши возлияние сикеру Господу: Numbers 28:8 и агнца втораго сотвориши к вечеру: по жертве его и по возлиянию его да сотвориши, в воню благовония Господу. Numbers 28:9 И в день суббот приведете два агнца единолетна непорочна и две десятины муки пшеничны вмешаны в елеи на жертву и возлияние, Numbers 28:10 всесожжения субботы в субботах, на всесожжение всегдашнее и возлияние его. Numbers 28:11 И в новомесячиих да принесете во всесожжение Господу телца два от говяд и овна единаго, агнцев единолетных седмь непорочных: Numbers 28:12 три десятины муки пшеничны вмешаны в елеи телцу единому, и две десятины муки пшеничны вмешаны в елеи овну единому, Numbers 28:13 по десятине муки пшеничны вмешаны в елеи агнцу единому: жертву в воню благовония принос Господу. Numbers 28:14 Возлияние их от вина пол (меры) ина да будет телцу единому: и третия часть (меры) ина да будет овну единому: и четвертая часть (меры) ина да будет агнцу единому: сие всесожжение от месяца до месяца в месяцы лета. Numbers 28:15 И козла единаго от коз греха ради Господу на всесожжение присное сотворите и возлияние его. Numbers 28:16 И в месяце первем в четвертыйнадесять день месяца Пасха Господу: Numbers 28:17 и в пятыйнадесять день месяца сего праздник: седмь дний опресноки да ясте. Numbers 28:18 И день первый нарочит свят да будет вам: всякаго дела служебна да не сотворите. Numbers 28:19 И принесете всесожжения принос Господу, телца от волов два, овна единаго, агнцев единолетных седмь: непорочни будут вам. Numbers 28:20 И жертва их мука пшенична вмешана в елеи: три десятины телцу единому и две десятины овну единому да сотворите: Numbers 28:21 по десятине сотвориши агнцу единому, седми агнцем: Numbers 28:22 и козла единаго от коз греха ради, во еже умолити о вас. Numbers 28:23 Кроме всесожжения всегдашняго утренняго, еже есть всесожжение всегдашнее, сотворите сия. Numbers 28:24 По сему сотворите на (всяк) день, в седмь дний, дар, принос в воню благовония Господу: на всесожжение всегдашнее сотвориши возлияние его. Numbers 28:25 И день седмый нарочит свят да будет вам: всякаго дела служебнаго да не сотворите в онь. Numbers 28:26 И день новых (плодов), егда принесете Господеви жертву нову седмиц, нарочит свят будет вам: всякаго дела служебна да не сотворите. Numbers 28:27 И да принесете всесожжения в воню благовония Господу, телца от волов два, овна единаго, агнцев единолетных седмь непорочных. Numbers 28:28 Жертва их мука пшенична вмешана в елеи: три десятины телцу единому и две десятины овну единому: Numbers 28:29 по десятине агнцу единому, седми агнцем: Numbers 28:30 и козла единаго от коз греха ради, во еже умолити о вас. Numbers 28:31 Кроме всесожжения всегдашняго, и жертву их сотворите Мне, непорочни да будут вам, и возлияния их. Numbers 29:0 Numbers 29:1 И в месяц седмый, первый (день) месяца нарочит свят да будет вам: всякаго дела служебна да не сотворите: день знамения будет вам. Numbers 29:2 И сотворите всесожжения в воню благовония Господу, телца от волов единаго, овна единаго, агнцев единолетных седмь непорочных: Numbers 29:3 жертва их мука пшенична вмешана в елеи: три десятины телцу единому и две десятины овну единому: Numbers 29:4 по десятине агнцу единому, седми агнцем: Numbers 29:5 и козла от коз единаго греха ради, во еже умолити о вас: Numbers 29:6 кроме всесожжений новомесячия и жертвы их, и возлияния их, и всесожжение всегдашнее: и жертвы их и возлияния их, по уставу их, в воню благовония Господу. Numbers 29:7 И десятый день месяца сего нарочит свят да будет вам: и озлобите душы вашя, и всякаго дела служебна да не сотворите, Numbers 29:8 и принесете всесожжение в воню благовония Господу, приносы Господу: телца единаго от говяд, овна единаго, агнцев единолетных седмь: непорочны да будут вам: Numbers 29:9 жертва их мука пшенична вмешана в елеи: три десятины телцу единому и две десятины овну единому: Numbers 29:10 по десятине агнцу единому, на седмь агнцев: Numbers 29:11 и козла единаго от коз греха ради, во еже умолити о вас: кроме еже греха ради очищения, и всесожжение всегдашнее: жертва его и возлияние его, по уставу его в воню благовония принос Господу. Numbers 29:12 И пятыйнадесять день седмаго месяца сего нарочит свят да будет вам: всякаго дела служебна да не сотворите, и празднуйте той праздник Господеви седмь дний, Numbers 29:13 и принесите всесожжения принос в воню благовония Господу: в первый день телцев от говяд тринадесять, овна два, агнцев единолетных четыренадесять: непорочны да будут вам: Numbers 29:14 жертвы их мука пшенична вмешана в елеи: три десятины телцу единому, тремнадесяти телцем, и две десятины овну единому, на два овна: Numbers 29:15 по десятине агнцу единому, на четыренадесять агнцев: Numbers 29:16 и козла единаго от коз греха ради: кроме всесожжения всегдашняго, жертвы их и возлияния их. Numbers 29:17 И в день вторый телцев дванадесять, овна два, агнцев единолетных четыренадесять непорочных: Numbers 29:18 жертва их и возлияния их телцем и овном и агнцем по числу их, по уставу их: Numbers 29:19 и козла единаго от коз греха ради: кроме всесожжения всегдашняго, жертвы их и возлияния их. Numbers 29:20 В день третий телцев единнадесять, овна два, агнцев единолетных четыренадесять непорочных: Numbers 29:21 жертва их и возлияния их телцем и овном и агнцем по числу их, по уставу их: Numbers 29:22 и козла от коз единаго греха ради: кроме всесожжения всегдашняго, жертвы их и возлияния их. Numbers 29:23 В день четвертый телцев десять, овна два, агнцев единолетных четыренадесять непорочных: Numbers 29:24 жертвы их и возлияния их телцем и овном и агнцем по числу их, по уставу их: Numbers 29:25 и козла от коз единаго греха ради: кроме всесожжения всегдашняго, жертвы их и возлияния их. Numbers 29:26 В день пятый телцев девять, овна два, агнцев единолетных четыренадесять непорочных: Numbers 29:27 жертвы их и возлияния их телцем и овном и агнцем но числу их, по уставу их: Numbers 29:28 и козла от коз единаго греха ради: кроме всесожжения всегдашняго, жертвы их и возлияния их. Numbers 29:29 В день шестый телцев осмь, овна два, агнцев единолетных четыренадесять непорочных: Numbers 29:30 жертвы их и возлияния их телцем и овном и агнцем по числу их, по уставу их: Numbers 29:31 и козла от коз единаго греха ради: кроме всесожжения всегдашняго, жертвы их и возлияния их. Numbers 29:32 В день седмый телцев седмь, овна два, агнцев единолетных четыренадесять непорочных: Numbers 29:33 жертвы их и возлияния их телцем и овном и агнцем по числу их, по уставу их: Numbers 29:34 и козла от коз единаго греха ради: кроме всесожжения всегдашняго, жертвы их и возлияния их. Numbers 29:35 И в день осмый исход будет вам: всякаго дела служебна да не сотворите в онь, Numbers 29:36 и да принесете всесожжения в воню благовония Господу, телца единаго, овна единаго, агнцев единолетных седмь непорочных: Numbers 29:37 жертвы их и возлияния их телцу и овну и агнцем по числу их, по уставу их: Numbers 29:38 и козла от коз единаго греха ради: кроме всесожжения всегдашняго, жертвы их и возлияния их. Numbers 29:39 Сия сотворите Господу в праздники вашя, кроме обетов ваших, и вольная ваша, и всесожжения ваша, и жертвы вашя, и возлияния ваша, и спасителная ваша. Numbers 30:0 Numbers 30:1 И глагола Моисей сыном Израилевым по всем, елика заповеда Господь Моисею: Numbers 30:2 и глагола Моисей князем племен сынов Израилевых, глаголя: сие слово, еже повеле Господь. Numbers 30:3 Человек человек, иже аще обещает обет Господу, или закленется клятвою, или определит пределом о души своей, не осквернавит словесе своего: вся, елика изыдут из уст его, да сотворит. Numbers 30:4 Аще же обещает жена обет Господу, или определит определение в дому отца своего в юности своей, Numbers 30:5 и услышит отец ея обеты ея и определения ея, яже определи на душу свою, и премолчит отец ея, и да состоятся вся обеты ея, и вся определения, яже определи на душу свою, да пребудут ей. Numbers 30:6 Аще же возбранением возбранит отец ея, в оньже день услышит вся обеты ея и определения, яже определи на душу свою, не состоятся: и Господь очистит ю, яко возбрани отец ея. Numbers 30:7 Аще же посягла за мужа, и обеты ея на ней, по определении уст ея, елика определи на душу свою, Numbers 30:8 и услышит муж ея, и премолчит ей, в оньже день услышит, и тако состоятся вся обеты ея, и определения ея, яже определи на душу свою, да состоятся. Numbers 30:9 Аще же возбранением возбранит муж ея, в оньже день услышит вся обеты ея и определения ея, яже определи на душу свою, да не пребудут, яко муж возбрани ей: и Господь очистит ю. Numbers 30:10 И обет вдовицы и пущеницы, елика аще обещают на душу свою, да пребудут им. Numbers 30:11 Аще же в дому мужа ея обет ея или определение, еже на душу ея с клятвою, Numbers 30:12 и услышит муж ея, и премолчит ей, и не возбранит ей, и состоятся вся обеты ея, и вся определения ея, яже определи на душу свою да состоятся на ню. Numbers 30:13 Аще же отлучая отлучит муж ея, в оньже день услышит, вся елика изыдоша из уст ея по обетом ея и по определением ея яже на душу ея, не пребудут ей: муж бо ея отлучил есть, и Господь очистит ю. Numbers 30:14 Всяк обет и всяка клятва соуза во еже озлобити душу, муж ея поставит ей, и муж ея отимет. Numbers 30:15 Аще же молча премолчит ей день от дне, и поставит ей вся обеты ея, и определения яже на ней, поставит ей, яко умолча ей в день, в оньже услыша. Numbers 30:16 Аще же отлучая отлучит муж ея по дни, в оньже услыша, и приимет грех свой. Numbers 30:17 Сия оправдания, елика заповеда Господь Моисею, между мужем и между женою его, и между отцем и дщерию в юности ея, в дому отчи. Numbers 31:0 Numbers 31:1 И рече Господь к Моисею, глаголя: Numbers 31:2 отмсти месть сынов Израилевых от Мадианитов, и последи приложишися к людем своим. Numbers 31:3 И рече Моисей к людем, глаголя: вооружите от вас мужы и ополчитеся пред Господем на Мадиама, отдати отмщение от Господа Мадиаму: Numbers 31:4 тысящу от племене и тысящу от племене, от всех племен сынов Израилевых, послите ополчитися. Numbers 31:5 И сочтоша от тысящ Израилевых, по тысящи от племене, дванадесять тысящ вооруженых на брань. Numbers 31:6 И посла я Моисей тысящу от племене и тысящу от племене с силою их, и Финееса сына Елеазарова сына Аарона жерца: и сосуды святыя, и трубы знаменныя в руках их. Numbers 31:7 И ополчишася на Мадиама, якоже повеле Господь Моисею, и избиша весь мужеск пол: Numbers 31:8 и царей Мадиамских убиша вкупе с язвеными их, и Евина и Рокома, и Сура и Ура и ровока, пять царей Мадиамлих: и Валаама сына Веорова убиша мечем с язвеными их: Numbers 31:9 и плениша жен Мадиамлих и имения их, и скоты их и вся притяжания их, и силу их плениша: Numbers 31:10 и вся грады их, яже во обитаниих их, и веси их пожгоша огнем, Numbers 31:11 и взяша весь плен их и вся корысти их, от человека до скота: Numbers 31:12 и приведоша к Моисею и ко Елеазару жерцу и ко всем сыном Израилевым плен и корысти и имение в полк, во аравоф Моавль, иже есть у Иордана при Иерихоне. Numbers 31:13 И изыде Моисей и Елеазар жрец и вси князи сонма в сретение им вне полка. Numbers 31:14 И разгневася Моисей на надзирателей силы, тысященачалников и стоначалников идущих от ополчения брани. Numbers 31:15 И рече им Моисей: вскую жив остависте весь женск пол? Numbers 31:16 Тыя бо быша сыном Израилевым, по словеси Валаамлю, еже отступити и презрети слово Господне Фогора ради, и бысть язва в сонме Господни: Numbers 31:17 и ныне избийте всяк мужеск пол во всяком возрасте, и всяку жену, яже позна ложе мужеско, избийте: Numbers 31:18 и всяк возраст женск, яже не познаша ложа мужеска, живых оставите я: Numbers 31:19 и вы станите вне полка седмь дний: всяк убивый душу и прикоснувыйся убиеному да очистится в третий день и в день седмый, вы и плен ваш: Numbers 31:20 и всяку одежду, и всяк сосуд кожан, и всяко соделаное от козличины, и всяк сосуд древян очистите. Numbers 31:21 И рече Елеазар жрец к мужем силы приходящым от ополчения ратнаго: сие оправдание закона, еже заповеда Господь Моисею: Numbers 31:22 кроме сребра и злата, и меди и железа, и касситера и олова, Numbers 31:23 всяка вещь, яже пройдет сквозе огнь, и (огнем) очистится, но и водою очищения очистится: и вся, елика аще не пройдут сквозе огнь, да пройдут сквозе воду: Numbers 31:24 и исперите ризы вашя в день седмый, и очиститеся: и по сих внидете в полк. Numbers 31:25 И рече Господь к Моисею, глаголя: Numbers 31:26 возмите сочисление корыстей плена от человека до скота, ты и Елеазар жрец и князи отечеств сонма, Numbers 31:27 и разделите корысти между воины ходившими на брань и между всем сонмом, Numbers 31:28 и отлучите дань Господу от людий военных ходивших на брань, едину душу от пяти сот, от человек и от скотов, и от волов и от овец и от ослят, Numbers 31:29 и от половины их да возмете, и даси Елеазару жерцу начатки Господни: Numbers 31:30 и от половины сынов Израилевых да возмеши едино от пятидесяти человек, и от волов и от овец, и от ослят и от всех скотов, и даси я левитом, иже стрегут стражбы в скинии Господни. Numbers 31:31 И сотвори Моисей и Елеазар жрец, якоже повеле Господь Моисею. Numbers 31:32 И бысть множество плена, егоже плениша мужи воинстии, от овец шесть сот седмьдесят пять тысящ, Numbers 31:33 и волов седмьдесят две тысящы, Numbers 31:34 и ослов шестьдесят едина тысяща, Numbers 31:35 и душ человеческих от женска полу, яже не познаша ложа мужеска, всех душ тридесять две тысящы: Numbers 31:36 и бысть половина часть ходивших на брань, от числа овец триста тридесять седмь тысящ и пять сот: Numbers 31:37 и бысть дань Господу от овец шесть сот седмьдесят пять: Numbers 31:38 и волов тридесять шесть тысящ, и дань Господу седмьдесят и два: Numbers 31:39 и ослов тридесять тысящ пять сот, и дань Господу шестьдесят един: Numbers 31:40 и душ человеческих шестьнадесять тысящ, и дань от сих Господу тридесять две души. Numbers 31:41 И даде Моисей дань Господу, участие Божие Елеазару жерцу, якоже повеле Господь Моисею. Numbers 31:42 От половины сынов Израилевых, ихже раздели Моисей от мужей военных: Numbers 31:43 и бысть половина от сонма, от овец триста и тридесять седмь тысящ и пять сот: Numbers 31:44 и волов тридесять шесть тысящ: Numbers 31:45 ослов тридесять тысящ и пять сот: Numbers 31:46 и человечих душ шестьнадесять тысящ: Numbers 31:47 и взя Моисей от половины сынов Израилевых, едино от пятидесяти, от человек и от скотов, и даде я левитом стрегущым стражбы скинии Господни, якоже повеле Господь Моисею. Numbers 31:48 И приидоша к Моисею вси поставленнии над тысящами силы, тысященачалники и стоначалники, Numbers 31:49 и рекоша к Моисею: отроцы твои взяша сочтение от мужей воинских, иже суть у нас, и никтоже погибе от них: Numbers 31:50 и принесохом дар Господу, муж еже обрете, сосуд злат и обручие, и гривну и перстень, и усерязи и чепь златую, умолити о нас пред Господем. Numbers 31:51 И взя Моисей и Елеазар жрец злато от них, всяк сосуд соделан. Numbers 31:52 И бысть всего злата участие, еже отлучися Господу, шестьнадесять тысящ и седмь сот и пятьдесят сикль от тысященачалников и от стоначалников. Numbers 31:53 И мужи воинстии плениша кийждо себе. Numbers 31:54 И взяша Моисей и Елеазар жрец злато от тысященачалников и от стоначалников и внесоша е в скинию свидения, в память сынов Израилевых пред Господем. Numbers 32:0 Numbers 32:1 И скота множество бяше сыном Рувимлим и сыном Гадовым, много зело. И видеша страну Иазирову и страну Галаадову, и бяше место, место скотно. Numbers 32:2 И пришедше сынове Рувимли и сынове Гадовы рекоша к Моисею и ко Елеазару жерцу и ко князем сонма, глаголюще: Numbers 32:3 Атароф и Девон, и Иазир и Намра, и Есевон и Елеали, и Севама и Навав и Веан, Numbers 32:4 земля, юже предаде Господь пред сыны Израилевыми, земля скотопитателна есть, рабом же твоим скот есть. Numbers 32:5 И реша: аще обретохом благодать пред тобою, да дастся нам земля сия рабом твоим во одержание, и не преводи нас чрез Иордан. Numbers 32:6 И рече Моисей сыном Гадовым и сыном Рувимлим: братия вашя пойдут на брань, и вы ли сядете ту? Numbers 32:7 И вскую развращаете сердце сынов Израилевых, не прейти на землю, юже дает Господь им? Numbers 32:8 Не тако ли сотвориша отцы ваши, егда послах я от Кадис-Варни соглядати землю? Numbers 32:9 И взыдоша до дебри Грезновныя, и соглядаша землю, и отвратиша сердце сынов Израилевых, яко да не внидут в землю, юже даде им Господь? Numbers 32:10 И разгневася яростию Господь в день Он и клятся, глаголя: Numbers 32:11 аще узрят человецы сии изшедшии из Египта, от двадесяти лет и вышше, ведущии добро и зло, землю, еюже кляхся Аврааму и Исааку и Иакову: не последоваша бо вслед Мене, Numbers 32:12 точию Халев сын Иефонниин Отлученный и Иисус сын Навин, яко последоваша вслед Господа. Numbers 32:13 И разгневася яростию Господь на Израиля, и томи я в пустыни четыредесять лет, дондеже потребися весь род творящий злая пред Господем. Numbers 32:14 Се, востасте вместо отец ваших, сокрушение человек грешников, приложити еще к ярости гнева Господня на Израиля: Numbers 32:15 яко отвратитеся от Него, приложити еще оставити его в пустыни, и возбеззаконнуете на весь сонм сей. Numbers 32:16 И приидоша к нему и глаголаша: ограды овцам да соградим зде скотом своим, и грады имением нашым: Numbers 32:17 и мы вооружени пойдем на стражбу первии сыном Израилевым, дондеже введем я в место их: и да вселятся имения наша во градех утвержденых ради живущих на земли: Numbers 32:18 не возвратимся в домы нашя, дондеже разделятся сынове Израилтестии, кийждо в наследие свое: Numbers 32:19 и ктому не наследим в них об ону страну Иордана и далее, яко прияхом жребия нашя сию страну Иордана на востоки. Numbers 32:20 И рече к ним Моисей: аще сотворите по словеси сему, аще вооружитеся пред Господем на брань, Numbers 32:21 и прейдет всяк оружник ваш Иордан пред Господем на брань, дондеже потребится враг Его от лица Его, Numbers 32:22 и обладана будет земля пред Господем, и посем возвратитеся, и будете безвинни пред Господем и от Израиля: и будет земля сия вам во одержание пред Господем: Numbers 32:23 аще же не сотворите тако, согрешите пред Господем, и увесте грех ваш, егда вас постигнут злая: Numbers 32:24 и соградите вы себе грады имению вашему и ограды скотом вашым: и исходящее из уст ваших сотворите. Numbers 32:25 И рекоша сынове Рувимли и сынове Гадовы к Моисею, глаголюще: раби твои сотворят, якоже Господь наш повелел есть: Numbers 32:26 имение наше, и жены наши, и весь скот наш да будут во градех Галаадовых: Numbers 32:27 раби же твои прейдут вси вооружени и уготовани пред Господем на брань, якоже глаголет Господь. Numbers 32:28 И пристави им Моисей Елеазара жерца и Иисуса сына Навина, и князи отечеств племен сынов Израилевых. Numbers 32:29 И рече к ним Моисей: аще прейдут сынове Рувимли и сынове Гадовы с вами чрез Иордан, всяк вооружен на брань пред Господем, и обладаете землею пред собою, и дадите им землю Галаадову во одержание. Numbers 32:30 Аще ли не прейдут вооружени с вами на брань пред Господем, то предпослите имение их и жены их и скоты их прежде вас на землю Ханааню, и да наследят купно с вами в земли Ханаани. Numbers 32:31 И отвещаша сынове Рувимли и сынове Гадовы, глаголюще: елика глаголет Господь рабом Своим, тако сотворим мы: Numbers 32:32 прейдем вооружени пред Господем в землю Ханааню, и дадите нам во одержание страну сию Иордана. Numbers 32:33 И даде им Моисей сыном Гадовым и сыном Рувимлим и полуплемени Манассиину сынов Иосифовых царство Сиона царя Аморрейска и царство Ога царя Васанска, землю и грады с пределы ея, грады окрестныя земли. Numbers 32:34 И соградиша сынове Гадовы Девон и Атароф и Ароир, Numbers 32:35 и Софан и Иазир, и вознесоша их, Numbers 32:36 и Намрам и Вефаран грады тверды, и ограды овцам. Numbers 32:37 И сынове Рувимли соградиша Есевон и Елеали и Кариафаим, Numbers 32:38 и Навон и Веельмеон ограждены, и Севама: и прозваша по именом своим имена градом, яже соградиша. Numbers 32:39 И иде ур сын Махиров, внук Манассиев, в Галаад, и взя его, и погуби Аморреа живущаго в нем: Numbers 32:40 и даде Моисей Галаад Махиру сыну Манассиину, и вселися ту. Numbers 32:41 И Иаир сын Манассиев иде и взя села их, и прозваша я села Иаирова. Numbers 32:42 И Навав иде и взя Каафа и села его, и именова я Навоф от имене своего. Numbers 33:0 Numbers 33:1 И сии станове сынов Израилевых, егда изыдоша из земли Египетския с силою своею рукою Моисеовою и Ааронею. Numbers 33:2 И написа Моисей воздвижения их и станы их, по словеси Господню. И сии станове шествия их: Numbers 33:3 воздвигошася от Рамессы в месяц первый, в пятыйнадесять день перваго месяца: наутрие Пасхи изыдоша сынове Израилтестии рукою высокою пред всеми Египтяны: Numbers 33:4 и Египтяне погребаху умершыя от них вся, яже изби Господь всякаго первенца в земли Египетстей: и в бозех их сотвори отмщение Господь. Numbers 33:5 И воздвигшеся сынове Израилевы от Рамессы, ополчишася в Сокхофе: Numbers 33:6 и воздвигшеся от Сокхофа, ополчишася в Вуфане, иже есть часть некая пустыни: Numbers 33:7 и воздвигошася от Вуфана, и ополчишася во устии Ирофа, иже есть прямо Веельсепфону, и ополчишася прямо Магдолу: Numbers 33:8 и воздвигошася прямо Ирофу, и проидоша среди моря в пустыню: и идоша путем три дни в пустыни тии, и ополчишася в Горькостех. Numbers 33:9 И воздвигошася от Горькостей и приидоша в Елим: и в Елиме (быша) дванадесять источники вод, и седмьдесят стеблий фиников, и ополчишася у воды тамо. Numbers 33:10 И воздвигошася от Елима и ополчишася у моря Чермнаго: Numbers 33:11 и воздвигошася от моря Чермнаго и ополчишася в пустыни Син: Numbers 33:12 и воздвигошася от пустыни Син и ополчишася в Рафаке: Numbers 33:13 и воздвигошася от Рафака и ополчишася в Елусе: Numbers 33:14 и воздвигошася от Елуса и ополчишася в Рафидине: и не бысть тамо воды людем пити. Numbers 33:15 И воздвигошася от Рафидина и ополчишася в пустыни Сина: Numbers 33:16 и воздвигошася от пустыни Сина и ополчишася во гробех Похотения: Numbers 33:17 и воздвигошася от Гробов Похотения и ополчишася во Асирофе: Numbers 33:18 и воздвигошася от Асирофа и ополчишася в Рафаме: Numbers 33:19 и воздвигошася от Рафама и ополчишася в Ремнон-Фаресе: Numbers 33:20 и воздвигошася от Ремнон-Фареса и ополчишася в Лемвоне: Numbers 33:21 и воздвигошася от Лемвона и ополчишася в Рессане: Numbers 33:22 и воздвигошася от Рессана и ополчишася в Макеллафе: Numbers 33:23 и воздвигошася от Макеллафа и ополчишася во Арсафафе: Numbers 33:24 и воздвигошася от Арсафафа горы и ополчишася в Харадафе: Numbers 33:25 и воздвигошася от Харадафа и ополчишася в Макидофе: Numbers 33:26 и воздвигошася от Макидофа и ополчишася в Катаафе: Numbers 33:27 и воздвигошася от Катаафа и ополчишася во Фарафе: Numbers 33:28 и воздвигошася от Фарафа и ополчишася в Мафекке: Numbers 33:29 и воздвигошася от Мафекка и ополчишася во Аселмоне: Numbers 33:30 и воздвигошася от Аселмона и ополчишася в Масуруфе: Numbers 33:31 и воздвигошася от Масуруфа и ополчишася в Ванаккане: Numbers 33:32 и воздвигошася от Ванаккана и ополчишася в горе Гаддад: Numbers 33:33 и воздвигошася от горы Гаддад и ополчишася во Етевафе: Numbers 33:34 и воздвигошася от Етевафа и ополчишася во Евроне: Numbers 33:35 и воздвигошася от Еврона и ополчишася в Гесион-Гавере: Numbers 33:36 и воздвигошася от Гесион-Гавера и ополчишася в пустыни Син: и воздвигошася от пустыни Син и ополчишася в пустыни Фарани, яже есть Кадис: Numbers 33:37 и воздвигошася от Кадиса и ополчишася в горе Ор близ земли Едомли. Numbers 33:38 И взыде Аарон жрец на гору Ор повелением Господним, и умре тамо в четыредесятое лето изшествия сынов Израилевых из земли Египетския, месяца пятаго в первый день месяца. Numbers 33:39 И Аарон бяше ста двадесяти трех лет, егда умре в горе Ор. Numbers 33:40 И услыша Хананей царь Арадский, и сей живяше в земли Ханаани, егда вхождаху сынове Израилевы. Numbers 33:41 И воздвигошася от горы Ор и ополчишася в Селмоне: Numbers 33:42 и воздвигошася от Селмона и ополчишася в Финоне: Numbers 33:43 и воздвигошася от Финона и ополчишася во Овофе: Numbers 33:44 и воздвигошася от Овофа и ополчишася в Гаи, об ону страну предел Моавлих: Numbers 33:45 и воздвигошася от Гаи и ополчишася в Девон-Гаде: Numbers 33:46 и воздвигошася от Девон-Гада и ополчишася в Гелмон-Девлафаиме: Numbers 33:47 и воздвигошася от Гелмон-Девлафаима и ополчишася в горах Аваримлих прямо Нававу: Numbers 33:48 и воздвигошася от гор Аваримлих и ополчишася на западе Моавли, у Иордана при Иерихоне: Numbers 33:49 и воздвигошася от запада Моавля и ополчишася у Иордана, между Есимофом, до Велсаттима на запады Моава. Numbers 33:50 И рече Господь к Моисею в западе Моава у Иордана при Иерихоне, глаголя: Numbers 33:51 глаголи сыном Израилевым и речеши к ним: вы преходите Иордан в землю Ханааню, Numbers 33:52 и погубите вся живущыя на земли от лица вашего, и разрушите стражбы их, и вся идолы излиянныя их сокрушите я, и вся капища их разрушите, Numbers 33:53 и погубите вся живущыя на земли, и вселитеся в ню: вам бо дах землю их по жребию: Numbers 33:54 и наследите землю их жребием по племенам вашым: многим умножите одержание их, и малым умалите одержание их: в неже изыдет имя его, тамо да будет жребий его: по племенам отечествий ваших наследите: Numbers 33:55 аще же не погубите живущих на земли от лица вашего, будут, ихже оставите от них, остны во очесех ваших и стрелы в ребрах ваших, и совраждуют вам на земли, на нейже вы вселитеся: Numbers 33:56 и будет якоже умыслих сотворити онем, то сотворю вам. Numbers 34:0 Numbers 34:1 И рече Господь к Моисею, глаголя: Numbers 34:2 заповеждь сыном Израилевым, и речеши к ним: вы входите в землю Ханааню, сия будет вам в наследие, земля Ханааня с пределы ея: Numbers 34:3 и будет вам страна, яже к ливе от пустыни Син даже до Едома: и будут вам пределе к ливе, от края моря Сланаго от востоков, Numbers 34:4 и обыдут вас пределы от ливы до возшествия Акравиня, и пройдут Еннак, и будет исход его к ливе Кадис-Варни, и изыдет на село Арад, и пройдет Аселмона: Numbers 34:5 и обыдут пределы от Аселмона водотечу Египетскую, и будет исход море (великое): Numbers 34:6 и пределы морстии будут вам, море великое определит, сие будет вам пределы морстии: Numbers 34:7 и сие будет вам предел к северу: от моря великаго измерите сами себе при горе Гору: Numbers 34:8 и от горы Гору измерите сами себе, входяще во Емаф, и будут преход его пределы Садада: Numbers 34:9 и изыдут пределы Зефрона, и будет исход его Арсенаин: сие будет вам пределы от севера: Numbers 34:10 и измерите сами себе пределы восточныя от Арсенаина до Сепфамара: Numbers 34:11 и снидут пределы от Сепфамар-Вила от восток на источники, и снидут пределы Вилы, и пройдут на хребет моря Хенереф, от восток: Numbers 34:12 и снидут пределы на Иордан, и будет преход его море Сланое: сия будет земля вам, и пределы ея окрест. Numbers 34:13 И заповеда Моисей сыном Израилевым, глаголя: сия земля, юже приимете в наследие по жребию, якоже повеле Господь, дати ю девяти племеном и полуплемени Манассиину: Numbers 34:14 яко взя племя сынов Рувимлих и племя сынов Гадовых, по домом отечеств их, и пол племене Манассиина восприяша жребия своя: Numbers 34:15 два племена и пол племене прияша жребия своя за Иорданом при Иерихоне от полудня на востоки. Numbers 34:16 И рече Господь к Моисею, глаголя: Numbers 34:17 сия имена мужей, иже разделят вам землю: Елеазар жрец и Иисус Навин: Numbers 34:18 и по князю единому от племене возмете разделити вам землю. Numbers 34:19 И сия имена мужем: племене Иудина Халев сын Иефонниин, Numbers 34:20 племене Симеоня Саламиил сын Семиудов, Numbers 34:21 племене Вениаминя Елдад сын Хаслонь, Numbers 34:22 племене Данова князь Воккор сын Иеклинин, Numbers 34:23 сынов Иосифовых племене сынов Манассииных князь Аниил сын Суфидов, Numbers 34:24 племене сынов Ефремлих князь Камуил сын Сафтанов, Numbers 34:25 племене Завулоня князь Елисафан сын Харнахов, Numbers 34:26 племене сынов Иссахаровых князь Фалтиил сын Озаин, Numbers 34:27 племене сынов Асировых князь Ахиор сын Селемиин,, Numbers 34:28 племене Неффалимля князь Фадаил сын Амиудов. Numbers 34:29 Сим заповеда Господь разделити сыном Израилевым в земли Ханаани. Numbers 35:0 Numbers 35:1 И рече Господь к Моисею на западе Моавли у Иордана при Иерихоне, глаголя: Numbers 35:2 заповеждь сыном Израилевым, да дадят левитом от жребий одержания своего грады вселитися, и предградия градская окрест их да дадят левитом: Numbers 35:3 и будут им грады вселятися, и участия их да будут скотом их и всем четвероножным их: Numbers 35:4 и прилежащая градом, ихже дадите левитом, от стены града и вне, две тысящы лакот окрест: Numbers 35:5 и да измериши страну вне града, яже на восток, две тысящы лакот, и страну, яже к ливе, две тысящы лакот, и страну, яже к морю, две тысящы лакот, и страну, яже к северу, две тысящы лакот, и град посреде сего будет вам, и пределы градов: Numbers 35:6 и грады яже дадите левитом, шесть градов (да будут) убежных, ихже дадите убегати в ня убившему, и к сим четыредесять и два града: Numbers 35:7 всех градов дадите левитом четыредесять и осмь градов, сия и предградия их: Numbers 35:8 и грады, ихже дадите от одержания сынов Израилевых, от многих многа, а от малых мала: кийждо по наследию своему, еже наследят, да дадят от градов левитом. Numbers 35:9 И рече Господь к Моисею, глаголя: Numbers 35:10 глаголи сыном Израилевым и речеши к ним: вы преходите Иордан в землю Ханааню: Numbers 35:11 и разделите сами себе грады убежища да будут вам убегати в ня убийце, всяк убивый душу нехотяй: Numbers 35:12 и будут гради вам убежища от ужика крове, и да не умрет убивый, дондеже станет пред сонмом на суде: Numbers 35:13 и грады, яже дадите, шесть градов, убежища да будут вам. Numbers 35:14 Три грады дадите об ону страну Иордана, и три грады дадите в земли Ханаани: Numbers 35:15 убежище да будет сыном Израилевым, и пришелцу, и обиталнику иже в вас, да будут гради сии во убежище убегати тамо всякому убившему душу нехотением. Numbers 35:16 Аще же орудием железным убиет его, и умрет, убийца есть: смертию да умрет убийца. Numbers 35:17 Аще же камением из руки убиет его, и умрет от него, убийца есть: смертию да умрет убийца. Numbers 35:18 Аще же орудием древяным из руки, от негоже умрет, убиет его, и умрет, убийца есть: смертию да умрет убийца. Numbers 35:19 Ужик крове, сей да убиет убившаго: егда усрящет его, сей да убиет его. Numbers 35:20 Аще же вражды ради ринет его и вержет на него всяк сосуд по навету, и умрет, Numbers 35:21 или от ненависти поразил его рукою, и умрет, смертию да умрет убивый, убийца есть: смертию да умрет убиваяй: ужик крове да убиет убийцу, егда сретится с ним. Numbers 35:22 Аще же внезапу не вражды ради ринет его, или вержет на него всяк сосуд не по навету, Numbers 35:23 или всяким каменем, имже вержет не ведый, и падет на него, и умрет, он же враг его не бе, ниже ищяй зла ему творити, Numbers 35:24 и да судит сонм между убившим и между ужиком крове, по судбам сим, Numbers 35:25 и избавит сонм убившаго от ужика крове, и да возвратит его сонм во град убежища его, в оньже убежа, и да поживет тамо, дондеже умрет жрец великий, егоже помазаша елеем святым. Numbers 35:26 Аще же исходом изыдет убивый вне предел града, в оньже убежа тамо, Numbers 35:27 и обрящет его ужик крове вне предел града убежища его, и убиет ужик крове убившаго, несть повинен: Numbers 35:28 во граде бо убежания да живет, дондеже умрет жрец великий, и по умертвии жерца великаго да возвратится убивый в землю одержания своего. Numbers 35:29 И да будут сия вам во оправдание суда в роды вашя во всех селениих ваших. Numbers 35:30 Всякаго убившаго душу, пред свидетелми да убиеши убившаго: и свидетель един да не свидетелствует на смерть души. Numbers 35:31 И да не возмете искупа за душу от убившаго, повинна суща убиению: смертию бо умрет: Numbers 35:32 ниже да возмете искупа убежания во град убежища, да паки живет на земли, дондеже умрет жрец великий. Numbers 35:33 И да не убиете земли, на нейже вы обитаете: кровь бо сия убивает землю, и не очистится земля от крове пролиянныя на ней, но токмо кровию проливающаго: Numbers 35:34 и да не оскверните земли, на нейже живете, на нейже Аз вселяюся посреде вас: Аз бо есмь Господь вселяяйся посреде сынов Израилевых. Numbers 36:0 Numbers 36:1 И приидоша князи племене сынов Галаадовых, сына Махирова сына Манассиина от племене сынов Иосифовых, и глаголаша пред Моисеом и пред Елеазаром жерцем и пред князи домов отечеств сынов Израилевых, Numbers 36:2 и рекоша: господину нашему повеле Господь отдати землю наследия по жребию сыном Израилевым: и господину нашему заповеда Господь дати наследие Салпаада брата нашего дщерем его: Numbers 36:3 и будут единому от племен сынов Израилевых в жены, и отлучится жребий их от одержания отец наших, и приложится к наследию племене, имже будут в жены, и от жребия наследия нашего отлучится: Numbers 36:4 аще же будет оставление сынов Израилевых, и приложится наследие их к наследию племене, имже аще будут в жены, и от наследия племене отечества нашего отимется наследие их. Numbers 36:5 И заповеда Моисей сыном Израилевым по повелению Господню, глаголя: сице племя сынов Иосифовых глаголют: Numbers 36:6 сие слово, еже заповеда Господь дщерем Салпаадовым, глаголя: идеже угодно им, да будут в жены, токмо от сонма отечества своего да будут в жены, Numbers 36:7 и не превратится наследие сынов Израилевых от племене в племя ино: яко кийждо в наследии племене отечества своего женитися имут сынове Израилевы: Numbers 36:8 и всяка дщи, ужичествующая наследие от племен сынов Израилевых, единому сущих от сонма отца ея да будет жена: да ужичествуют сынове Израилевы кийждо наследие отца своего: Numbers 36:9 и не превратится жребий от племене в племя ино, но кийждо в наследии своем да женятся сынове Израилевы. Numbers 36:10 Якоже повеле Господь Моисею, тако сотвориша дщери Салпаадовы. Numbers 36:11 И быша Маала и Ферса, и Егла и Мелха и Нуа, дщери Салпаадовы, сыном братии своея, от сонма Манассиина сынов Иосифовых, быша в жены: Numbers 36:12 и бысть наследие их в племени сонма отца их. Numbers 36:13 Сия заповеди и оправдания и суды, яже заповеда Господь рукою Моисеовою на западе Моавли при Иордане прямо Иерихону.
Deuteronomy 0:0
Второзаконие Deuteronomy 1:0 Deuteronomy 1:1 Сия словеса, яже глагола Моисей всему Израилю об ону страну Иордана, в пустыни на запады, близ Чермнаго моря, между Фараном и Тофолом, и Ловоном и Авлоном и златыми рудами: Deuteronomy 1:2 единонадесяти дний от Хорива путь чрез гору Сиир даже до Кадис-Варни. Deuteronomy 1:3 И бысть в четыредесятое лето, в первыйнадесять месяц, в первый день месяца глагола Моисей ко всем сыном Израилевым, по всему елико заповеда ему Господь к ним, Deuteronomy 1:4 по убиении Сиона царя Аморрейска, жившаго во Есевоне, и Ога царя Васанска, жившаго во Астарофе и во Едраине, Deuteronomy 1:5 об ону страну Иордана в земли Моавли, нача Моисей изясняти закон сей, глаголя: Deuteronomy 1:6 Господь Бог наш глагола нам в Хориве, глаголя: да довлеет вам жити в горе сей: Deuteronomy 1:7 обратитеся и воздвигнитеся вы, и внидите в гору Аморрейску, и ко всем населником Аравы, в гору и поле, и к югу и в приморскую землю Ханааню, и во Антиливан, даже до реки великия, реки Евфрата: Deuteronomy 1:8 видите, предах пред вами землю, вшедше наследите землю, еюже клятся Господь отцем вашым, Аврааму и Исааку и Иакову, дати ю им и семени их по них. Deuteronomy 1:9 И рекох к вам во время оно глаголя: не возмогу един водити вас: Deuteronomy 1:10 Господь Бог ваш умножил вы есть, и се, есте днесь яко звезды небесныя множеством: Deuteronomy 1:11 Господь Бог отец ваших да приложит вам, яко да будете тысящами сугубо, и да благословит вас, яко же глагола вам: Deuteronomy 1:12 како возмогу един носити труды вашя и тяжести вашя и пререкания ваша? Deuteronomy 1:13 Изберите себе мужы мудры и уметелны и смысленны в племенех ваших, и поставлю их над вами старейшины вам. Deuteronomy 1:14 И отвещасте ми и рекосте: добро слово, еже глаголал еси сотворити. Deuteronomy 1:15 И взях от вас мужы мудры и уметелны и смысленны, и поставих их владети над вами тысященачалники и стоначалники, и пятьдесятоначалники и десятоначалники, и писмовводители судиям вашым. Deuteronomy 1:16 И заповедах судиям вашым во время оно, глаголя: разслушайте посреде братий ваших, и судите праведно посреде мужа и посреде брата его и посреде пришелца его: Deuteronomy 1:17 да не познаете лица в суде, малому и великому судиши, и не устыдишися лица человеча, яко суд Божий есть: и речь, яже аще жестока будет у вас, донесете ю ко мне, и услышу ю. Deuteronomy 1:18 И заповедах вам во время оно вся словеса, яже сотворите. Deuteronomy 1:19 И воздвигшеся от Хорива, проидохом всю пустыню великую и страшную ону, юже видесте, путь горы Аморрейски, якоже заповеда нам Господь Бог наш: и приидохом до Кадис-Варни. Deuteronomy 1:20 И рекох вам: приидосте до горы Аморрейски, юже Господь Бог наш дает вам: Deuteronomy 1:21 видите, предаде Господь Бог ваш пред лицем вашим землю: вшедше наследите, якоже глагола Господь Бог отец ваших вам: небойтеся, ни ужасайтеся. Deuteronomy 1:22 И приидосте ко мне вси и рекосте: да послем мужы пред нами, и да соглядают нам землю, и да поведят нам ответ, путь, имже дойдем ея, и грады, в няже внидем. Deuteronomy 1:23 И угодно бысть слово предо мною, и поях от вас дванадесять мужей, мужа единаго от коегождо племене. Deuteronomy 1:24 И обратившеся взыдоша на гору, и приидоша до дебри Грезновныя, и соглядаша ю: Deuteronomy 1:25 и взяша в руце свои от плода земли и принесоша к нам, и глаголаху: блага земля, юже Господь Бог наш дает нам. Deuteronomy 1:26 И не восхотесте взыти, но преслушасте глаголгол Господа Бога вашего: Deuteronomy 1:27 и возроптасте в кущах своих и рекосте: ненависти ради изведе ны Господь из земли Египетския предати нас в руки Аморрейския, потребити нас: Deuteronomy 1:28 камо мы взыдем? Братия же вашя отвратиша сердца ваша, глаголюще: язык велик и мног и крепчае нас, и грады велицы и ограждени даже до небесе, но и сыны Исполинов видехом тамо. Deuteronomy 1:29 И глаголах к вам: не ужасайтеся, ниже убойтеся от них: Deuteronomy 1:30 Господь Бог ваш предходяй пред лицем вашим, Той повоюет их с вами, по всему елико сотвори вам в земли Египетстей пред очима вашима, Deuteronomy 1:31 и в пустыни сей, юже видесте: яко воспита тебе Господь Бог твой, якоже некий человек питает сына своего, по всему пути в оньже ходисте, дондеже приидосте на место сие. Deuteronomy 1:32 И в словеси сем не веровасте Господеви Богу вашему, Deuteronomy 1:33 иже предходит пред вами в путь избрати вам место, путеводя вас огнем нощию, показуя вам путь, имже ити по нем, и облаком во дни. Deuteronomy 1:34 И услыша Господь (Бог) глас словес ваших, и разгневався клятся, глаголя: Deuteronomy 1:35 аще узрит кто от мужей сих землю благую сию, еюже Аз кляхся отцем их, Deuteronomy 1:36 разве Халев сын Иефонниин, сей узрит ю, и сему дам землю, на нюже взыде, и сыном его, понеже прилежит Господеви. Deuteronomy 1:37 И на мя разгневася Господь вас ради, глаголя: ниже ты внидеши тамо: Deuteronomy 1:38 Иисус сын Навин, иже стоит пред тобою, сей внидет тамо: сего укрепи, яко сей даст ю в наследие Израилю: Deuteronomy 1:39 и отрочата ваша, о нихже глаголасте, яко в пленении имут быти, и всяко отроча младо, еже не весть днесь добра или зла, сии внидут тамо, и сим дам ю, и сии наследят ю: Deuteronomy 1:40 и вы обратившеся ополчистеся в пустыню, путем к Чермному морю. Deuteronomy 1:41 И отвещасте и рекосте мне: согрешихом пред Господем Богом нашим: мы шедше повоюем, по всему елико заповеда Господь Бог наш нам. И вземше кийждо орудия ратная своя и собравшеся взыдосте на гору. Deuteronomy 1:42 И рече Господь ко мне: рцы им: не восходите, ниже ратуйте, несмь бо с вами, и да не будете сотрени пред враги вашими. Deuteronomy 1:43 И глаголах к вам, и не послушасте мене: и преступисте слово Господне, и понудившеся взыдосте на гору. Deuteronomy 1:44 И изыде Аморрей живущий на горе той противу вам, и прогна вас, аки бы пчелы творили, и уязвляху вас от Сиира даже до Ермы. Deuteronomy 1:45 (И возвратистеся,) и седше плакасте пред Господем, и не послуша Господь гласа вашего, ниже внят вам: Deuteronomy 1:46 и седесте в Кадисе дни многи, елики дни тогда седесте. Deuteronomy 2:0 Deuteronomy 2:1 И возвратившеся воздвигохомся в пустыню, путем моря Чермнаго, якоже глагола Господь ко мне: и обходихом гору Сиир дни многи. Deuteronomy 2:2 И рече Господь ко мне: Deuteronomy 2:3 довлеет вам обхождати гору сию: возвратитеся убо к северу: Deuteronomy 2:4 и людем заповеждь, глаголя: вы пройдите сквозе пределы братии вашея, сынов Исавовых, живущих в Сиире, и убоятся вас и ужаснутся зело: Deuteronomy 2:5 не сотворите с ними рати: не дах бо вам от земли их ниже стопы ноги, яко во жребий дах сыном Исавовым гору Сиир: Deuteronomy 2:6 сребром пищу купите себе у них и ядите, и воду в меру возмите от них на цене и пийте: Deuteronomy 2:7 ибо Господь Бог твой благослови тебе во всяком деле руку твоею: разумей, како прошел еси пустыню великую и страшную сию: се, четыредесять лет Господь Бог твой с тобою, и не востребовал еси словесе. Deuteronomy 2:8 И минухом братию свою сыны Исавли, живущыя в Сиире, у пути Аравскаго от Елона и от Гесион-Гавера, и возвратившеся преидохом путь в пустыню Моавлю. Deuteronomy 2:9 И рече Господь ко мне: не совраждуйтеся Моавитом и не сотворите с ними рати: не дах бо вам от земли их во жребий, сыном бо Лотовым дах Ароир наследити. Deuteronomy 2:10 Оммины прежде седяху на ней, народ велик и мног и крепок якоже Енакими: Deuteronomy 2:11 Рафаины глаголются и сии, якоже и Енакими: и Моавити прозывают я Оммины. Deuteronomy 2:12 И в Сиире седяше Хорреи прежде, но сынове Исавовы потребиша я и искорениша я от лица своего: и вселишася вместо их, имже образом сотвори Израиль земли наследия своего, юже даде Господь им. Deuteronomy 2:13 Ныне убо вы востаните и воздвигнитеся, и пройдите дебрь Заретову. Deuteronomy 2:14 И дни, в няже отидохом от Кадис-Варни дондеже преидохом дебрь Заретову, тридесять и осмь лет, дондеже паде весь род мужей воинских от полка, якоже клятся им Господь Бог. Deuteronomy 2:15 И рука Божия бяше на них, погубити я от полка, дондеже падоша. Deuteronomy 2:16 И бысть внегда падоша вси мужи воинстии умирающе от среды людий, Deuteronomy 2:17 и рече Господь ко мне, глаголя: Deuteronomy 2:18 ты прейдеши днесь пределы Моавлими Ароир: Deuteronomy 2:19 и пришедше близ сынов Амманих, не совраждуйтеся им и не сотворите с ними рати: не дам бо тебе от земли сынов Амманих во жребий, яко сыном Лотовым дах ю во жребий. Deuteronomy 2:20 Земля Рафаинска возименуются: Рафаини бо на ней прежде живяху: Амманитяне же прозывают их Зоммин: Deuteronomy 2:21 язык велик и мног и крепок, якоже и Енакими: и погуби я Господь от лица их, и прияша наследие и вселишася вместо их даже до сего дне: Deuteronomy 2:22 якоже сотвориша сыном Исавовым живущым в Сиире, имже образом потребиша Хорреа от лица своего и наследиша их, и вселишася вместо их даже до сего дне: Deuteronomy 2:23 и Евее живущии во Асирофе даже до Газы, и Каппадоки изшедшии из Каппадокии потребиша я, и вселишася вместо их. Deuteronomy 2:24 Ныне убо востаните и воздвигнитеся, и прейдите вы дебрь Арноню: се, предах в руце твои Сиона царя Есевоня Аморрейска и землю его: начни наследовати, сотвори с ним рать днешний день: Deuteronomy 2:25 начинай даяти трепет твой и страх твой пред лицем всех языков сущих под небесем, иже слышавше имя твое возмятутся, и болезнь приимут от лица твоего. Deuteronomy 2:26 И послах послы от пустыни Кедамоф к Сиону царю Есевоню словесы мирными, глаголя: Deuteronomy 2:27 да пройду сквозе землю твою: по пути пройду, не совращуся ни на десно, ни на лево: Deuteronomy 2:28 пищу на цене даси ми, и ям: и воду на цене даси ми, и пию: точию ногама моима да прейду: Deuteronomy 2:29 якоже сотвориша ми сынове Исавли живущии в Сиире и Моавити живущии во Ароире, дондеже прейду Иордан на землю, юже Господь Бог наш дает нам. Deuteronomy 2:30 И не восхоте Сион цар Есевонь, да пройдем сквозе его, яко ожесточи Господь Бог наш дух его и укрепи сердце его, да предастся в руце твои якоже во днешний день. Deuteronomy 2:31 И рече Господь ко мне: се, начах предаяти пред лицем твоим Сиона царе Есевоня Аморрейска и землю его, и начинай наследити землю его. Deuteronomy 2:32 И изыде Сион царь Есевонь противу нам сам и вси людие его на брань во Иассу: Deuteronomy 2:33 и предаде его Господь Бог наш пред лицем нашим в руце наши: и убихом его, и сыны его и вся люди его: Deuteronomy 2:34 и одержихом вся грады его во оно время, и разорихом всяк град, ктому и жены их и дети их не оставихом живы: Deuteronomy 2:35 токмо скот пленихом себе, и корысти градов взяхом. Deuteronomy 2:36 Из Ароира, иже есть при устии водотечи Ариони, и град иже есть в дебри, и даже до горы Галаадовы, не бысть град уцелевый от нас: вся предаде Господь Бог наш в руце наши: Deuteronomy 2:37 токмо в земли сынов Амманих не приступахом ко всем прилежащым к водотечи Иавокове и ко градом иже в горах, якоже повеле нам Господь Бог наш. Deuteronomy 3:0 Deuteronomy 3:1 И обратившеся взыдохом путем иже к Васану: и изыде Ог царь Васанский противу нам, сам и вси людие его с ним на брань во Едраим. Deuteronomy 3:2 И рече Господь ко мне: не убойся его, яко в руце твои предах его, и вся люди его, и всю землю его: и сотвориши ему, якоже сотворил еси Сиону царю Аморрейску, иже живяше во Есевоне. Deuteronomy 3:3 И предаде его Господь Бог наш в руце наши, и Ога царя Васанска, и вся люди его: и избихом его, дондеже не остася от него семя: Deuteronomy 3:4 и одержахом вся грады его во время оно, не бысть града, егоже не взяхом от них: шестьдесят градов, вся пределы Аргова царя Ога в Васане, Deuteronomy 3:5 вся грады тверды, стены высоки, врата и вереи, кроме градов ферезейских многих зело: Deuteronomy 3:6 потребихом их, якоже сотворихом Сиону царю Есевоню, и потребихом вся грады, вкупе и жены их и чада: Deuteronomy 3:7 и вся скоты, и корысти градныя пленихом себе, Deuteronomy 3:8 и взяхом в то время землю от рук двух царей Аморрейских, иже быша об оны пол Иордана, от водотечи Арнони, даже и до горы Аермона. Deuteronomy 3:9 Финикиане прозывают Аермон Саниором, Аморрей же прозва его Саниром. Deuteronomy 3:10 Вси грады мисоровы, и весь Галаад, и весь Васан даже до Елхи и Едраима, грады царствия Огова в Васане: Deuteronomy 3:11 яко точию Ог царь Васанский остася от Рафаинов: се, одр его одр железен, се, той есть в Краеградии сынов Аммановых: девять лакот долгота его и четыри лакти широта его лактем мужеским. Deuteronomy 3:12 И землю ту наследихом во оно время от Ароира, иже есть у устия водотечи Ариони, и пол горы Галаадовы: и грады его дах Рувиму и Гаду: Deuteronomy 3:13 и оставшее Галаадово, и все Васанское царство Огово дах полуплемени Манассиину, и весь предел Аргова, весь Васан оный, земля Рафаиня вменится. Deuteronomy 3:14 И Иаир сын Манассиин взя вся пределы Аргова, даже до предел Гаргасинских и Махафинских: прозва я по имени своему Васан Авоф Иаир, даже до сего дне: Deuteronomy 3:15 и Махиру дах Галаад, Deuteronomy 3:16 и Рувиму и Гадови дах от Галаада даже до водотечи Арнони, среди водотечи предел, и даже до Иавока: водотеча предел сынов Амманих: Deuteronomy 3:17 и арава и Иордан предел от Махенерефа и даже до моря Аравскаго, моря Сланаго, под асидофом Фазги от востока. Deuteronomy 3:18 И повелех вам во время оно, глаголя: Господь Бог ваш даде вам землю сию во жребий: вооружени поидите пред лицем братии вашея сынов Израилевых, всяк сильный: Deuteronomy 3:19 точию жены вашя и дети вашя и скоти вашя, вем, яко скот мног есть вам, да пребудут во градех ваших, яже дах вам: Deuteronomy 3:20 дондеже упокоит Господь Бог наш братию вашу, якоже и вас, и наследят и сии землю, юже Господь Бог ваш дает им об ону страну Иордана: и возвратитеся кийждо в наследие свое иже дах вам. Deuteronomy 3:21 И Иисусу заповедах во время оно, глаголя: очи ваши видеша вся, елика сотвори Господь Бог наш обоим царем сим, тако сотворит Господь Бог наш всем царством, ихже сквозе ты пройдеши тамо: Deuteronomy 3:22 не убойтеся от них, яко Господь Бог наш Сам поборет по вас. Deuteronomy 3:23 И молихся Господви во оно время, глаголя: Deuteronomy 3:24 Господи Боже, Ты начал еси показовати Твоему рабу крепость Твою и силу Твою, и руку крепкую и мышцу высокую: кто бо есть бог на небеси или на земли, иже сотворит, якоже сотворил еси Ты, и по крепости Твоей? Deuteronomy 3:25 Прешед убо увижду землю благую сию, яже об ону страну Иордана, гору сию благу и Антиливан. Deuteronomy 3:26 И презре мя Господь вас ради, и не послуша мене, и рече Господь ко Мне: довлеет ти, не приложи к сему глаголати словесе сего: Deuteronomy 3:27 взыди на верх горы Изсеченыя и воззри очима твоима к морю и северу, и югу и на востоки, и виждь очима твоима, яко не прейдеши Иордана сего: Deuteronomy 3:28 и заповеждь Иисусу, и укрепи его, и утеши его: яко сей прейдет пред лицем людий сих, и сей разделит им в наследие всю землю, юже еси видел. Deuteronomy 3:29 И пребыхом во юдоли близ дому Фогорова. Deuteronomy 4:0 Deuteronomy 4:1 И ныне, Израилю, послушай оправданий и судов, елика аз учу вас днесь делати, да поживете и умножитеся, и вшедше наследите землю, юже Господь Бог отец ваших дает вам в наследие: Deuteronomy 4:2 да не приложите к словеси, еже аз заповедаю вам, ниже да отимете от него: сохраните заповеди Господа Бога нашего, елика аз заповедаю вам днесь. Deuteronomy 4:3 Очи ваши видеша вся, елика сотвори Господь Бог наш Веельфегору: яко всяк человек иже иде вслед Веельфегора, потреби его Господь Бог наш от вас: Deuteronomy 4:4 вы же, прилежащии Господеви Богу вашему, живете вси до днесь: Deuteronomy 4:5 видите, показах вам оправдания и суды, якоже заповеда мне Господь Бог мой сотворити сице на земли, в нюже вы идете тамо, наследити ю: Deuteronomy 4:6 и сохраните, и сотворите, яко сия премудрость ваша и смышление пред всеми языки, елицы аще услышат вся оправдания сия и рекут: се, людие премудрии и уметелны: язык великий сей. Deuteronomy 4:7 Кий бо язык тако велий, емуже есть бог, приближаяйся ему, яко Господь Бог наш во всех, в нихже аще призовем Его? Deuteronomy 4:8 И кий язык велик, емуже суть оправдания и суды правы по всему закону сему, егоже аз даю пред вами днесь? Deuteronomy 4:9 Вонми себе и снабди душу твою зело, и не забуди всех словес, яже видеста очи твои, и да не отступят от сердца твоего вся дни живота твоего: и да наставиши сыны твоя и сыны сынов твоих, Deuteronomy 4:10 в день в оньже стоясте пред Господем Богом вашим в Хориве в день собрания, егда рече Господь ко мне: собери ко Мне люди, и да слышат словеса Моя, да научатся боятися Мене вся дни, в няже сии живут на земли, и сыны своя да научат. Deuteronomy 4:11 И приидосте, и стасте под горою: и гора горяше огнем даже до небесе, тма, мрак, и вихр. Deuteronomy 4:12 И глагола Господь к вам на горе из среды огня: глас словес Его вы слышасте, и образа не видесте, токмо глас: Deuteronomy 4:13 и возвести вам завет Свой, егоже заповеда вам творити, десять словес, и написа я на двоих скрижалех каменных: Deuteronomy 4:14 и мне заповеда Господь во время оно, научити вас оправданием и судам, творити вам я на земли, в нюже вы входите тамо наследити ю. Deuteronomy 4:15 И снабдите душы своя зело, яко не видесте всякаго подобия в день, в оньже глагола Господь к вам в горе Хориве из среды огня: Deuteronomy 4:16 не беззаконнуйте, и не сотворите себе самим подобия ваянна, всякаго образа подобия мужеска пола или женска: Deuteronomy 4:17 и подобия всякаго скота, иже есть на земли, подобия всякия птицы пернатыя, под небесем парящия: Deuteronomy 4:18 подобия всякаго гада, иже плежет по земли: подобия всякия рыбы, елики суть в водах под землею: Deuteronomy 4:19 да не когда воззрев на небо и видев солнце и луну и звезды, и всю красоту небесную, прельстився поклонишися им и послужиши им, яже раздели Господь Бог твой всем языком, иже под небесем. Deuteronomy 4:20 Вас же взя Господь Бог и изведе вас от пещи железны из Египта, да будете Ему людие в жребий, якоже в днешний день. Deuteronomy 4:21 И Господь Бог разгневася на мя о словесех ваших, и клятся, да не прейду Иордана сего и да не вниду в землю, юже Господь Бог твой дает тебе в наследие: Deuteronomy 4:22 аз бо умру в сей земли, и не прейду Иордана сего, вы же прейдете и наследите землю благую сию. Deuteronomy 4:23 Вонмите вы, да не когда забудете завета Господа Бога вашего, егоже завеща к вам, и да не сотворите сами себе изваянна подобия всех, яже заповеда тебе Господь Бог твой, Deuteronomy 4:24 яко Господь Бог твой огнь потребляяй есть, Бог ревнитель. Deuteronomy 4:25 Аще же родиши сыны и сыны сынов твоих, и умедлите на земли, и возбеззаконнуете, и сотворите изваянно подобие всякаго, и сотворите злое пред Господем Богом, вашим, еже раздражити Его, Deuteronomy 4:26 засвидетелствую вам днесь небесем и землею, яко пагубою погибнете от земли, на нюже вы преходите чрез Иордан тамо наследити ю: не пребудете много дний на ней, но потреблением потребитеся: Deuteronomy 4:27 и разсыплет вы Господь во всех языцех, и останетеся мали числом во языцех, в няже введет вы Господь тамо, Deuteronomy 4:28 и послужите тамо богом иным, делом рук человеческих, древу и камению, иже не узрят и не услышат, ни ядят, ни обоняют: Deuteronomy 4:29 и взыщете тамо Господа Бога вашего, и обрящете Его, егда взыщете Его от всего вашего сердца и от всея души вашея в скорби вашей. Deuteronomy 4:30 И постигнут тя вся сия словеса в последняя дни, и обратишися к Господеви Богу твоему, и услышиши глас Его, Deuteronomy 4:31 яко Бог щедр и милосерд Господь Бог твой, не оставит тебе, ниже потребит тебе, не забудет завета отец твоих, имже клятся им. Deuteronomy 4:32 Вопросите дний первых, бывших прежде вас, от дне в оньже сотвори Бог человека на земли, и от края небесе даже до края небесе, аще бысть по словеси великому сему, аще слышано бысть сицево: Deuteronomy 4:33 аще (кий) язык слыша глас Бога живаго глаголюща от среды огня, имже образом слышал еси ты, и жив был еси: Deuteronomy 4:34 аще искуси бог вшед взяти себе язык от среды языка искушением, и знамении и чудесы, и бранию и рукою сильною, и мышцею высокою и видении великими, по всему елико сотвори Господь Бог наш во Египте пред тобою зрящим, Deuteronomy 4:35 яко да разумееши ты, яко Господь Бог твой сей Бог есть, и несть разве Его. Deuteronomy 4:36 От небесе слышан сотвори тебе глас Свой, еже научити тя, и на земли показа тебе огнь Свой великий, и глаголголы Его слышал еси из среды огня: Deuteronomy 4:37 занеже возлюби отцы твоя, избра семя их по них вас, и изведе тя Сам силою Своею великою из Египта Deuteronomy 4:38 потребити языки великия и крепчайшыя тебе пред лицем твоим, ввести тя, дати тебе землю их в наследие, якоже имаши днесь. Deuteronomy 4:39 И увеси днесь, и обратишися умом, яко Господь Бог твой Сей Бог на небеси горе и на земли долу, и несть разве Его, Deuteronomy 4:40 и да сохраниши заповеди Его и оправдания Его, елика аз заповедаю тебе днесь, да благо тебе будет и сыном твоим по тебе, яко да будете долголетни на земли, юже Господь Бог твой дает тебе вся дни. Deuteronomy 4:41 Тогда отдели Моисей три грады об ону страну Иордана на восток солнца, Deuteronomy 4:42 еже убегати тамо убийце, иже аще убиет ближняго не ведый, и сей не ненавидя его прежде вчера и третияго дне, и да вбегнет во един град от сих и жив будет: Deuteronomy 4:43 Восор в пустыни в земли селней Рувиму, и Раммоф в Галааде Гадду, и Гавлон в Васане Манассии. Deuteronomy 4:44 Сей закон, егоже предложи Моисей пред сыны Израилтескими: Deuteronomy 4:45 сия свидения и оправдания и суды, елика глагола Моисей сыном Израилевым в пустыни, изшедшым им из земли Египетския, Deuteronomy 4:46 об он пол Иордана, в дебри, близ дому Фогорова, в земли Сиона царя Аморрейска, иже живяше во Есевоне, егоже изби Моисей и сынове Израилевы, изшедшым им из земли Египетския. Deuteronomy 4:47 И наследиша землю его и землю Ога царя Васанска, дву царей Аморрейских, иже бяху об он пол Иордана на восток солнца, Deuteronomy 4:48 от Ароира, иже есть во устии водотечи Арнони и у горы Сиона, яже есть Аермон, Deuteronomy 4:49 всю араву об ону страну Иордана, на восток солнца под асидофом Тесаным. Deuteronomy 5:0 Deuteronomy 5:1 И призва Моисей всего Израиля и рече к ним: слыши, Израилю, оправдания и суды, елика аз глаголю во ушы ваши во днешний день, и научитеся их, и сохраните творити я. Deuteronomy 5:2 Господь Бог ваш завеща вам завет в Хориве: Deuteronomy 5:3 не отцем вашым завеща Господь завет сей, но токмо вам: вы же зде вси живи днесь. Deuteronomy 5:4 Лицем к лицу глагола Господь к вам на горе из среды огня, Deuteronomy 5:5 и аз стоях между Господем и вами во время оно возвестити вам глаголголы Господня, яко убоястеся от лица огня и не взыдосте на гору, глаголя: Deuteronomy 5:6 Аз есмь Господь Бог твой, изведый тя из земли Египетския, от дому работы: Deuteronomy 5:7 да не будут тебе бози инии пред лицем Моим. Deuteronomy 5:8 Да не сотвориши себе кумира, ни всякаго подобия, елика на небеси горе, и елика на земли низу, и елика в водах под землею, Deuteronomy 5:9 да не поклонишися им, ниже послужиши им: яко Аз есмь Господь Бог твой, Бог ревнив, отдаяй грехи отцев на чада до третияго и четвертаго рода ненавидящым Мене, Deuteronomy 5:10 и творяй милость в тысящах любящым Мене и хранящым повеления Моя. Deuteronomy 5:11 Да не приимеши имене Господа Бога твоего всуе: не очистит бо Господь Бог твой приемлющаго имя Его всуе. Deuteronomy 5:12 Снабди день субботный святити его, якоже заповеда тебе Господь Бог твой: Deuteronomy 5:13 шесть дний делай, и да сотвориши вся дела твоя, Deuteronomy 5:14 в день же седмый суббота Господу Богу твоему: да не сотвориши в онь всякаго дела, ты и сын твой и дщерь твоя, раб твой и раба твоя, вол твой и осел твой и всяк скот твой, и пришлец обитаяй у тебе, да почиет раб твой и раба твоя, и осел твой, якоже и ты: Deuteronomy 5:15 и да помянеши, яко (и ты) раб был еси в земли Египетстей и изведе тя Господь Бог твой оттуду рукою крепкою и мышцею высокою: сего ради повеле тебе Господь Бог твой, еже хранити день субботный и святити его. Deuteronomy 5:16 Чти отца твоего и матерь твою, якоже заповеда тебе Господь Бог твой, да благо ти будет и да долголетен будеши на земли, юже Господь Бог твой дает тебе. Deuteronomy 5:17 Не убий. Deuteronomy 5:18 Не прелюбодействуй. Deuteronomy 5:19 Не укради. Deuteronomy 5:20 Не послушествуй на ближняго твоего свидетелства ложна. Deuteronomy 5:21 Не пожелай жены ближняго твоего, не пожелай дому ближняго твоего, ни села его, ни раба его, ни рабыни его, ни вола его, ни осляте его, ни всякаго скота его, ниже всех, елика ближняго твоего суть. Deuteronomy 5:22 Сия словеса глагола Господь ко всему сонму вашему на горе из среды огня: тма, мрак, буря, глас велик, и не приложи: и написа я на двоих скрижалех каменных, и даде мне. Deuteronomy 5:23 И бысть яко услышасте глас из среды огня, и гора горяше огнем, и приидосте ко мне вси началницы племен ваших и старейшины ваши, Deuteronomy 5:24 и ресте: се, показа нам Господь Бог наш славу Свою, и глас Его слышахом из среды огня: во днешний день видехом, яко возглаголет Бог человеку, и жив будет: Deuteronomy 5:25 и ныне да не измрем, яко потребит нас огнь великий сей, аще приложим мы слышати глас Господа Бога нашего ктому, и умрем: Deuteronomy 5:26 кая бо плоть, яже слыша глас Бога жива, глаголюща из среды огня, якоже мы, и жива будет? Deuteronomy 5:27 Приступи ты, и послушай вся, елика к тебе речет Господь Бог наш, и ты речеши к нам вся, елика речет Господь Бог наш к тебе, и услышим, и сотворим. Deuteronomy 5:28 И услыша Господь глас словес ваших, глаголющым вам ко мне, и рече Господь ко мне: слышах глас словес людий сих, елика глаголаша к тебе: право вся, елика глаголаша: Deuteronomy 5:29 кто даст еже быти тако сердцу их в них, яко боятися Мене и хранити заповеди Моя во вся дни, да благо будет им и сыном их во веки? Deuteronomy 5:30 Гряди, рцы им: возвратитеся в в домы своя: Deuteronomy 5:31 ты же зде стани со Мною, и возглаголю к тебе вся заповеди и оправдания и суды, еликим научиши их: и да сотворят сице в земли, юже Аз даю им в жребий: Deuteronomy 5:32 и сохраните творити, якоже заповеда тебе Господь Бог твой: не совратитеся ни на десно, ни на лево, Deuteronomy 5:33 по всему пути, егоже заповеда тебе Господь Бог твой ходити в нем, да тя упокоит, и благо тебе будет: и многи дни будете на земли, юже наследите. Deuteronomy 6:0 Deuteronomy 6:1 И сия заповеди и оправдания и суды, елика заповеда Господь Бог ваш научити вас творити тако на земли, в нюже вы входите тамо, наследити ю: Deuteronomy 6:2 да боитеся Господа Бога вашего, хранити вся оправдания Его и заповеди Его, яже аз заповедаю тебе днесь, ты и сынове твои, и сыны сынов твоих, во вся дни живота твоего, да многи дни пребудете. Deuteronomy 6:3 И послушай, Израилю, и снабди творити, да благо ти будет, и да умножитеся зело, якоже глагола Господь Бог отец ваших, дати тебе землю кипящую млеком и медом. И сия оправдания и суды, елика заповеда Господь (Бог) сыном Израилевым в пустыни, изшедшым им из земли Египетския. Deuteronomy 6:4 Слыши, Израилю: Господь Бог наш Господь един есть. Deuteronomy 6:5 И возлюбиши Господа Бога твоего от всего сердца твоего и от всея души твоея и от всея силы твоея. Deuteronomy 6:6 И да будут словеса сия, яже Аз заповедаю тебе днесь, в сердцы твоем и в души твоей, Deuteronomy 6:7 и да накажеши ими сыны твоя, и да возглаголеши о них седяй в дому и идый путем, и лежа и востая: Deuteronomy 6:8 и навяжеши я в знамение на руку твою, и да будут непоколеблема пред очима твоима: Deuteronomy 6:9 и да напишете я на празех храмине ваших и врат ваших. Deuteronomy 6:10 И будет егда введет тя Господь Бог твой в землю, еюже клятся отцем твоим, Аврааму и Исааку и Иакову, дати тебе грады велики и добры, ихже не создал еси, Deuteronomy 6:11 домы полны всяких благ, ихже не наполнил еси, потоки ископаны, ихже не ископал еси, винограды и маслины, ихже не насадил еси: и ядый и насытився, Deuteronomy 6:12 вонми себе, да не разширится сердце твое, да не забудеши Господа Бога твоего, изведшаго тебе из земли Египетския, от дому работы. Deuteronomy 6:13 Господа Бога твоего да убоишися, и тому единому послужиши, и к Нему прилепишися, и именем Его кленешися. Deuteronomy 6:14 Да не ходите вслед богов иных, богов языческих, иже окрест вас: Deuteronomy 6:15 яко Бог ревнив Господь Бог твой посреде тебе: да не разгневався яростию Господь Бог твой на тя, потребит тя от лица земли. Deuteronomy 6:16 Да не искусиши Господа Бога твоего, якоже искушасте во Искушении. Deuteronomy 6:17 Храня да сохраниши заповеди Господа Бога твоего, свидения Его и оправдания Его, елика заповеда тебе: Deuteronomy 6:18 и да сотвориши угодное и благое пред Господем Богом твоим, да благо будет тебе, и внидеши и наследиши землю благую, еюже клятся Господь отцем вашым, Deuteronomy 6:19 отгнати вся враги твоя от лица твоего, якоже глагола Господь. Deuteronomy 6:20 И будет егда вопросит тя сын твой утре, глаголя: что суть свидения и оправдания и суды, елика заповеда Господь Бог наш нам? Deuteronomy 6:21 И речеши сыну твоему: раби бехом фараону в земли Египетстей, и изведе нас Господь Бог оттуду рукою крепкою и мышцею высокою: Deuteronomy 6:22 и даде Господь (Бог) знамения и чудеса велика и зла во Египте на фараона и на дом его и на силу его пред нами, Deuteronomy 6:23 и нас изведе Господь Бог наш оттуду, да введет нас дати нам землю сию, еюже клятся Господь Бог наш отцем нашым, дати ю нам: Deuteronomy 6:24 и заповеда нам Господь творити вся оправдания сия, боятися Господа Бога нашего, да благо будет нам во вся дни, да живем, якоже и днесь, Deuteronomy 6:25 и милосердие будет нам, аще сохраним творити вся заповеди закона сего пред Господем Богом нашим, якоже заповеда нам. Deuteronomy 7:0 Deuteronomy 7:1 И будет егда введет тя Господь Бог твой в землю, в нюже входиши тамо наследити ю, и изженет языки великия и многия от лица твоего, Хеттеа и Гергесеа, и Аморреа и Хананеа, и Ферезеа и Евеа и Иевусеа, седмь языков великих и многих, и крепчае вас: Deuteronomy 7:2 и предаст их Господь Бог твой в руце твои, и избиеши я, пагубою погубиши я, да не завещаеши к ним завета, ниже да помилуеши их, Deuteronomy 7:3 ниже сватовства сотвориши с ними: дщери своея не даси сыну его, и дщере его да не поймеши сыну твоему: Deuteronomy 7:4 отвратит бо сына твоего от Мене, и послужит богом инем: и разгневается Господь гневом на вы, и потребит тя вскоре. Deuteronomy 7:5 Но сице да сотворите им: требища их разсыплете, и столпы их да сокрушите, и дубравы их да посечете, и ваяния богов их да сожжете огнем: Deuteronomy 7:6 яко люди святи есте Господеви Богу вашему: и вас избра Господь Бог ваш, да будете Ему люди избранни паче всех языков, елицы на лицы земли. Deuteronomy 7:7 Не яко мнози есте паче всех язык, предприя вас Господь и избра вас Господь, вы бо есте меншии от всех языков: Deuteronomy 7:8 но яко возлюби Господь вас, и храня клятву, еюже клятся отцем вашым, изведе Господь вас рукою крепкою и мышцею высокою, и избави тя от дому работы, от руки фараона царя Египетска, Deuteronomy 7:9 и да увеси, яко Господь Бог твой Сей Бог: Бог верный, храняй завет Свой и милость любящым Его и хранящым заповеди Его в тысящы родов: Deuteronomy 7:10 и воздаяй ненавидящым Его в лице потребити я, и не умедлит ненавидящым, в лице воздаст им. Deuteronomy 7:11 И да сохраниши заповеди и оправдания и суды сия, елика аз заповедаю тебе творити днесь. Deuteronomy 7:12 И будет егда послушаете вся оправдания сия, и сохраните и сотворите я, сохранит и Господь Бог твой тебе завет и милость, якоже клятся отцем вашым, Deuteronomy 7:13 и возлюбит тя, и благословит тя и умножит тя, и благословит плод чрева твоего и плод земли твоея, пшеницу твою и вино твое и елей твой, и стада волов твоих и паствы овец твоих на земли, юже клятся Господь отцем твоим дати тебе: Deuteronomy 7:14 и благословен будеши паче всех язык и не будет в вас безчадный, ниже неплоды, и в скотех твоих: Deuteronomy 7:15 и отимет Господь Бог твой от тебе всяко разслабление и всяку язю Египетскую злую, яже видел еси и елика веси: не возложит на тя, но возложит я на вся ненавидящыя тебе: Deuteronomy 7:16 и ясти будеши вся корысти языков, яже Господь Бог твой дает тебе: да не пощадит их око твое, и да не послужиши богом их, яко претыкание тебе есть сие. Deuteronomy 7:17 Аще же речеши во уме твоем: яко язык сей множае паче мене, како возмогу аз потребити я? Deuteronomy 7:18 Не убоишися их: памятию да помянеши, елика сотвори Господь Бог твой фараону и всем Египтяном, Deuteronomy 7:19 искушения великая, яже видеста очи твои, знамения она и чудеса великая, руку крепкую и мышцу высокую, якоже изведе тя Господь Бог твой: тако сотворит Господь Бог ваш всем языком, ихже ты боишися от лица их: Deuteronomy 7:20 и шершни послет Господь Бог твой на них, дондеже потребятся оставшиися и сокрывшиися от тебе: Deuteronomy 7:21 не повредишися от лица их: яко Господь Бог твой в тебе, Бог великий и крепкий: Deuteronomy 7:22 и погубит Господь Бог твой языки сия от лица твоего, помалу малу: не возможеши погубити их вскоре, да не будет земля пуста, и умножатся зверие дивии на тя: Deuteronomy 7:23 и предаст их Господь Бог твой в руце твои, и погубиши их погублением великим, дондеже искорените их: Deuteronomy 7:24 и предаст цари их в руце твои, и погубите имя их от места онаго: ниже един постоит пред лицем твоим, дондеже погубиши их. Deuteronomy 7:25 Ваяния богов их да сожжете огнем, да не похощеши злата и сребра взяти себе от них, да не когда согрешиши того ради, яко мерзость есть Господеви Богу твоему: Deuteronomy 7:26 и да не внесеши мерзости в свой дом, и проклят будеши якоже сия: ненавидением да возненавидиши, и омерзением да омерзиши, яко проклятие есть. Deuteronomy 8:0 Deuteronomy 8:1 Вся заповеди, яже аз заповедаю вам днесь, снабдите творити, да живете, и умножитеся, и внидете, и наследите землю благую, еюже клятся Господь Бог отцем вашым. Deuteronomy 8:2 И да помянеши весь путь, имже проведе тебе Господь Бог твой, сие четыредесятое лето в пустыни, да искусит тя и озлобит тя, и уразумеются яже в сердцы твоем, аще сохраниши заповеди Его или ни. Deuteronomy 8:3 И озлоби тя, и гладом замори тя, и напита тя манною, еяже ты не уведел еси, ни отцы твои: да возвестит тебе, яко не от хлебе единем жив будет человек, но о всяком словеси исходящем из уст Божиих жив будет человек. Deuteronomy 8:4 Ризы твоя не обетшаша на тебе: нозе твои не язвишася, се, четыредесять лет. Deuteronomy 8:5 И уразумееши сердцем твоим, яко имже образом аще кий человек накажет сына своего, тако Господь Бог твой накажет тя. Deuteronomy 8:6 И сохраниши заповеди Господа Бога твоего ходити в путех Его и боятися Его. Deuteronomy 8:7 Господь бо Бог твой введет тя в землю благую и многу, идеже водотечи водныя и источники бездны исходящыя по полям и горам, Deuteronomy 8:8 в землю пшеницы и ячменя, (идеже) виногради, смокви и щипцы, в землю масличия елеа и меда: Deuteronomy 8:9 в землю на нейже не с нищетою снеси хлеб твой, и ничесого востребуеши на ней: в землю в нейже камение железно, и от гор ея ископаеши медь: Deuteronomy 8:10 и ясти будеши, и насытишися, и благословиши Господа Бога твоего на земли блазей, юже даде тебе. Deuteronomy 8:11 Вонми себе, не забуди Господа Бога твоего, еже не сохранити заповеди Его и судбы и оправдания Его, елика аз заповедаю тебе днесь: Deuteronomy 8:12 да не когда ядый и насытився, и домы добры соградив и вселився в ня, Deuteronomy 8:13 и волом твоим и овцам твоим умножившымся тебе, сребру и злату умножившымся тебе, и всем, елика тебе будут, умножившымся тебе, Deuteronomy 8:14 вознесешися сердцем твоим, и забудеши Господа Бога твоего, изведшаго тя из земли Египетския, из дому работы: Deuteronomy 8:15 проведшаго тя сквозе пустыню великую и страшную ону, в нейже змии угрызающыя, и скорпии, и жажда, в нейже не бяше воды: изведшаго тебе из камене несекома источник водный: Deuteronomy 8:16 питавшаго тя манною в пустыни, еяже не ведел еси ты, ниже ведяху отцы твои, да озлобит тя и да искусит тя, и благо тебе сотворит на последок твой: Deuteronomy 8:17 да не речеши в сердцы твоем: крепость моя и сила руки моея сотвори мне силу великую сию, Deuteronomy 8:18 и помянеши Господа Бога твоего, яко Той даде тебе крепость, еже сотворити силу, и да уставит завет Свой, имже клятся отцем твоим, якоже днесь. Deuteronomy 8:19 И будет аще забвением забудеши Господа Бога твоего, и пойдеши вслед богов иных, и послужиши им, и поклонишися им, засвидетелствую вам днесь небесем и землею, яко пагубою погибнете: Deuteronomy 8:20 якоже и прочии языцы, яже Господь Бог погубляет от лица вашего, тако погибнете, занеже не послушасте гласа Господа Бога вашего. Deuteronomy 9:0 Deuteronomy 9:1 Слыши, Израилю, ты преходиши Иордан днесь, внити еже наследити языки великия и крепчайшы паче вас, грады велики и ограждены до небесе, Deuteronomy 9:2 люди велики и многи и предолги, сыны Енаковы, яже ты веси, и ты слышал еси: кто противу станет сыном Енаковым? Deuteronomy 9:3 И увеси днесь, яко Господь Бог твой Сей предидет пред лицем твоим: огнь попаляяй есть: Сей потребит я, и Сей отвратит я от лица твоего, и потребит я вскоре, якоже рече тебе Господь. Deuteronomy 9:4 Не рцы в сердцы твоем, егда потребит Господь Бог твой языки сия пред лицем твоим, глаголя: правд ради моих введе мя Господь наследити землю благую сию: Deuteronomy 9:5 не ради правды твоея, ниже преподобия ради сердца твоего ты входиши наследити землю их, но нечестия ради и беззакония языков сих Господь от лица твоего потребит я, и да уставит завет, имже клятся Господь отцем вашым, Аврааму и Исааку и Иакову: Deuteronomy 9:6 и да увеси днесь, яко не ради правды твоея Господь Бог твой дает тебе землю благую сию наследити: яко людие жестоковыйнии есте. Deuteronomy 9:7 Помни, не забуди, колико разгневасте Господа Бога своего в пустыни: от негоже дне изыдосте из земли Египетския, даже внидосте в место сие, не покаряющеся совершасте яже противу Господа: Deuteronomy 9:8 и в Хориве разгневасте Господа, и разгневася Господь на вы, потребити вас, Deuteronomy 9:9 восходящу мне на гору, взяти скрижали каменныя, скрижали завета, яже завеща Господь к вам: и пребых в горе четыредесять дний и четыредесять нощей: хлеба не ядох и воды не пих. Deuteronomy 9:10 И даде ми Господь две скрижали каменны, написаны перстом Божиим, и на них бяху написана вся словеса, яже глагола Господь к вам в горе из среды огня в день собрания: Deuteronomy 9:11 и бысть но четыредесяти днех и по четыредесяти нощех, даде ми Господь две скрижали каменны, скрижали завета, Deuteronomy 9:12 и рече Господь ко мне: востани и сниди скоро отсюду, яко беззаконноваша людие твои, яже извел еси из земли Египетски: соступиша скоро с пути, егоже заповедал еси им, и сотвориша себе слияние. Deuteronomy 9:13 И рече Господь ко мне: глаголах тебе единою и дважды, глаголя: видех люди сия, и се, людие жестоковыйнии суть: Deuteronomy 9:14 остави Мя, да потреблю Я, и погублю имя их под небесем, и сотворю тя в язык велик и крепок и мног паче сих. Deuteronomy 9:15 И возвратився снидох с горы, и гора горяше огнем: и две скрижали свидений во обою руку моею: Deuteronomy 9:16 и видев, яко согрешисте пред Господем Богом вашим, и сотвористе себе телца слияна, и соступисте с пути скоро, егоже заповеда Господь вам творити, Deuteronomy 9:17 и взем обе скрижали, повергох я из руку моею и сокруших их пред вами. Deuteronomy 9:18 И молихся пред Господем второе, якоже и первое, четыредесять дний и четыредесять нощей, хлеба не ядох и воды не пих, всех ради грехов ваших, имиже согрешисте, творяще злое пред Господем Богом вашим, еже разгневати Его: Deuteronomy 9:19 и боязнен бех гнева ради и ярости, яко разгневася Господь на вы, да потребит вас: и послуша мене Господь и в то время. Deuteronomy 9:20 И на Аарона разгневася Господь зело, еже погубити его: и молихся и за Аарона во время оно. Deuteronomy 9:21 И грех ваш, егоже сотвористе, телца, взях его и сожгох его на огни, и избих его и сотрох его зело, даже бысть дробен, и бысть яко прах, и изсыпах прах в водотечу сходящую с горы. Deuteronomy 9:22 И в Запалении, и во Искушении, и во гробех Похотения разгневасте Господа Бога вашего. Deuteronomy 9:23 И егда посла вас Господь от Кадис-Варни, глаголя: взыдите и наследите землю, юже Аз даю вам: и сопротивитися глаголголу Господа Бога вашего, и не веровасте Ему, и не послушасте гласа Его: Deuteronomy 9:24 и не покаряющеся бысте Господу от дне, в оньже познася вам. Deuteronomy 9:25 И молихся пред Господем четыредесять дний и четыредесять нощей, в няже молихся: рече бо Господь погубити вас. Deuteronomy 9:26 И молихся Богу и рекох: Господи, Господи Царю богов, не погуби людий Твоих и наследия Твоего, еже избавил еси крепостию Твоею великою, яже извел еси из земли Египетския крепостию Твоею великою и рукою сильною и мышцею Твоею высокою: Deuteronomy 9:27 помяни Авраама и Исаака и Иакова, рабы Твоя, имже клялся еси Собою: не призирай на жестокость людий сих, и на нечестие их и на грехи их: Deuteronomy 9:28 да не когда рекут живущии на земли, отнюдуже извел еси нас, глаголюще: не могий Господь ввести их в землю, юже им обеща, и ненавидя их Господь, изведе погубити их в пустыни: Deuteronomy 9:29 и сии людие Твои и жребий Твой, ихже извел еси из земли Египетския крепостию Твоею великою и мышцею Твоею высокою. Deuteronomy 10:0 Deuteronomy 10:1 Во оно время рече Господь ко мне: истеши себе две скрижали каменны якоже первыя, и взыди ко Мне на гору, и да сотвориши себе ковчег древян: Deuteronomy 10:2 и напишу на скрижалех словеса, яже бяху на скрижалех первых, ихже сокрушил еси, и да вложиши я в ковчег. Deuteronomy 10:3 И сотворих ковчег от древ негниюших, и истесах две скрижали каменны якоже и первыя, и взыдох на гору: и обе скрижали во юбою руку моею: Deuteronomy 10:4 и написа на скрижалех по писанию первому десять словес, яже глагола Господь к вам на горе от среды огня, и даде я Господь мне. Deuteronomy 10:5 И обратився снидох с горы, и вложих скрижали в ковчег, егоже сотворих: и беста ту, якоже повеле ми Господь. Deuteronomy 10:6 И сынове Израилевы воздвигошася от Вирофа сынов Иакимлих в Мисадай: тамо умре Аарон, и погребен бысть ту, и бысть жрец Елеазар сын его вместо его. Deuteronomy 10:7 Оттуду же воздвигошася в Гадгад, и от Гадгада до Етавафа, земли водотечи вод. Deuteronomy 10:8 Во оно время отдели Господь племя Левиино носити ковчег завета Господня, предстояти пред Господем, служити и молитися и благословляти о имени Его до днешняго дне: Deuteronomy 10:9 сего ради несть левитом части и жребия в братии их: Господь Сам жребий их, якоже рече им. Deuteronomy 10:10 И аз стоях на горе четыредесять дний и четыредесять нощей, и послуша Господь мене и во время сие, и не восхоте Господь погубити вас. Deuteronomy 10:11 И рече Господь ко мне: гряди, воздвигнися пред людьми сими, и да внидут и наследят землю, еюже кляхся отцем их, дати ю им. Deuteronomy 10:12 И ныне, Израилю, что просит Господь Бог твой у тебе, точию еже боятися Господа Бога твоего и ходити во всех путех Его, и любити Его и служити Господу Богу твоему от всего сердца твоего и от всея души твоея, Deuteronomy 10:13 хранити заповеди Господа Бога твоего и оправдания Его, елика аз заповедаю тебе днесь, да благо тебе будет? Deuteronomy 10:14 Се, Господа Бога твоего небо и небо небесе, земля и вся елика суть на ней: Deuteronomy 10:15 обаче отцы вашы произволи Господь любити их, и избра семя их по них, вас, паче всех язык, в день сей. Deuteronomy 10:16 И обрежите жестокосердие ваше, и выи вашея не ожесточите ктому: Deuteronomy 10:17 ибо Господь Бог ваш сей Бог богов и Господь господей, Бог великий и крепкий и страшный, иже не дивится лицу, ниже вземлет дара: Deuteronomy 10:18 творяй суд пришелцу и сиру и вдовице, и любит пришелца дати ему хлеб и ризу. Deuteronomy 10:19 И возлюбите пришелца: пришелцы бо бесте в земли Египетстей. Deuteronomy 10:20 Господа Бога твоего да убоишися, и Тому (единому) послужиши, и к Нему прилепишися, и именем Его кленешися: Deuteronomy 10:21 Той хвала твоя и Той Бог твой, иже сотвори тебе великая и славная сия, яже видесте очи твои: Deuteronomy 10:22 в седмидесятих и пяти душах снидоша отцы твои во Египт: ныне же сотвори тя Господь Бог твой яко звезды небесныя множеством. Deuteronomy 11:0 Deuteronomy 11:1 И да возлюбиши Господа Бога твоего, и сохраниши стражбы Его и оправдания Его и заповеди Его и суды Его во вся дни. Deuteronomy 11:2 И увесте днесь, яко не чада ваша, елицы не сведеша, ниже видеша наказания Господа Бога твоего и величества Его, и руки сильныя и мышцы высокия, Deuteronomy 11:3 и знамений Его и чудес Его, елика сотвори посреде Египта фараону царю Египетску и всей земли его, Deuteronomy 11:4 и елика сотвори силе Египетстей: колесницы их и кони их како потопи вода моря Чермнаго, пред лицем их, гонящым им вслед вас, и погуби их Господь Бог до днешняго дне: Deuteronomy 11:5 и елика сотвори вам в пустыни, дондеже приидосте на место сие: Deuteronomy 11:6 и елика сотвори Дафану и Авирону сыном Елиава сына Рувимля, яже отверзши земля уста своя пожре их, и домы их, и кущы их, и все их имение с ними, среди всего Израиля: Deuteronomy 11:7 яко очи ваши видеста вся дела Господня великая, елика сотвори в вас днесь. Deuteronomy 11:8 И сохраните вся заповеди Его, елики аз заповедаю вам днесь, да живете и умножитеся, и внидете и наследите землю, на нюже вы преходите чрез Иордан тамо наследити ю: Deuteronomy 11:9 да многи дни будете на земли, еюже клятся Господь отцем вашым дати им и семени их по них землю кипящую млеком и медом. Deuteronomy 11:10 Есть бо земля, на нюже вы идете тамо наследити ю, не яко земля Египетска есть, отнюдуже изыдосте, егда сеют семя и напаяют ю ногами своими, аки вертоград зелейный: Deuteronomy 11:11 земля же, в нюже ты входиши тамо наследити ю, земля нагорная и равная, от дождя небеснаго напаяется водою: Deuteronomy 11:12 земля, на нюже Господь Бог твой присещает всегда, очи Господа Бога твоего на ней от начала лета и до конца лета. Deuteronomy 11:13 Аще же слухом послушаете всех заповедий Его, яже аз заповедаю тебе днесь, любити Господа Бога твоего и служити Ему от всего сердца твоего и от всея души твоея, Deuteronomy 11:14 и даст дождь земли твоей во время ранный и поздный, и собереши жита твоя и вино твое и елей твой: Deuteronomy 11:15 и даст пищу на селех скотом твоим. Deuteronomy 11:16 И ядый и насытився, внемли себе, да не разширится сердце твое, и преступите, и послужите богом иным, и поклонитеся им: Deuteronomy 11:17 и яростию разгневается Господь на вы и затворит небо, и не будет дождя, и земля не даст плода своего, и погибнете вскоре от земли благия, юже Господь даде вам. Deuteronomy 11:18 И вложите словеса сия в сердца ваша и в душу вашу, и наважите я в знамение на руку вашу, и будут непоколебима между очима вашима, Deuteronomy 11:19 и научите сим чада своя глаголати сия, седящу тебе в дому и идущу тебе в пути, и возлежащу ти и востающу ти: Deuteronomy 11:20 и напишите я на празех домов ваших и врат ваших, Deuteronomy 11:21 да умножатся дние ваши и дни сынов ваших на земли, еюже клятся Господь отцем вашым дати им, якоже дние неба на земли. Deuteronomy 11:22 И будет аще слухом послушаете всех заповедий сих, яже аз заповедаю вам днесь творити, любити Господа Бога вашего и ходити во всех путех Его и прилепятися к Нему, Deuteronomy 11:23 тогда изженет Господь вся языки сия от лица вашего, и одержите языки великия и крепкия паче вас. Deuteronomy 11:24 Всякое место, на немже станет стопа ног ваших, вам будет: от пустыни и Антиливана, и от реки великия Евфрата, и даже до моря, еже на западе, будут пределы ваши: Deuteronomy 11:25 никтоже противостанет пред лицем вашим: и трепет ваш и страх ваш возложит Господь Бог ваш на лице всея земли, на нюже аще взыдете, якоже глагола Господь к вам. Deuteronomy 11:26 Се, Аз даю пред вами днесь благословение и клятву: Deuteronomy 11:27 благословение, аще послушаете заповедий Господа Бога вашего, елики аз заповедаю вам днесь: Deuteronomy 11:28 и клятву, аще не послушаете заповедий Господа Бога вашего, елики аз заповедаю вам днесь, и совратитеся с пути, егоже заповедах вам, идуще послужити богом иным, ихже не весте. Deuteronomy 11:29 И будет егда введет тебе Господь Бог твой в землю, в нюже преходиши тамо наследити ю, да даси благословение на горе Гаризин и клятву на горе Гевал: Deuteronomy 11:30 не се ли сия суть об ону страну Иордана, за путем иже на западе солнца, в земли Ханаана обитающаго на западе солнца близ Галгала у дуба Высокаго? Deuteronomy 11:31 Вы бо преходите Иордан, вшедше наследити землю, юже Господь Бог ваш дает вам в жребий вся дни, и приимете ю, и вселитеся в ню: Deuteronomy 11:32 и да сохраните творити вся заповеди Его и суды Его, яже аз даю пред вами днесь. Deuteronomy 12:0 Deuteronomy 12:1 И сия заповеди и суды, яже снабдите творити на земли, юже Господь Бог отец ваших дает вам в жребий во вся дни, в няже вы жити будете на земли: Deuteronomy 12:2 пагубою погубите вся места, в нихже служиша тамо языцы богом своим, яже вы приимете, на горах высоких и холмех и под древом сеновным: Deuteronomy 12:3 и да раскопаете требища их и сокрушите столпы их, и дубравы их ссечете, и ваяние богов их сожжете огнем, и погубите имя их от места того. Deuteronomy 12:4 Да не сотворите тако Господу Богу вашему, Deuteronomy 12:5 токмо на месте, идеже изберет Господь Бог ваш, во единем от племен ваших, нарещи имя Его тамо и призвати, и взыщете, и внидете тамо: Deuteronomy 12:6 и принесете тамо всесожжения ваша, и жертвы вашя, и начатки ваши, и обеты ваши, и вольная ваша, и исповедания ваша, первенцы волов ваших и овец ваших, Deuteronomy 12:7 и ясти будете тамо пред Господем Богом вашим и возвеселитеся о всех, на няже возложите руки вашя вы и домове ваши, якоже тя благословил есть Господь Бог твой. Deuteronomy 12:8 Да не сотворите тамо всех, елика вы творите зде днесь, кийждо угодное пред собою: Deuteronomy 12:9 не приидосте бо до ныне в покой и в наследие, еже Господь Бог ваш дает вам. Deuteronomy 12:10 И егда прейдете Иордан и вселитеся на земли, юже Господь Бог ваш даст в наследие вам, и упокоит вас от всех враг ваших, иже окрест вас, и вселитеся со утверждением: Deuteronomy 12:11 и будет место, иже изберет Господь Бог ваш призвати има Его тамо, ту принесете вся, елика аз заповедаю вам днесь: всесожжения ваша и жертвы вашя, и десятины вашя и начатки рук ваших, и всяк избран дар ваш, елика обещаете Господеви Богу вашему: Deuteronomy 12:12 и возвеселитеся пред Господем Богом вашим вы и сынове ваши и дщери ваши, и рабы ваши и рабыни ваши, и левити, иже у врат ваших: яко несть им части ни жребия с вами. Deuteronomy 12:13 Внемли себе, да не принесеши всесожжений твоих на всяком месте, еже аще узриши, Deuteronomy 12:14 токмо на месте, еже изберет Господь Бог твой, в единем от племен твоих, тамо да принесеши всесожжения твоя и тамо сотвориши вся, елика аз заповедаю тебе днесь. Deuteronomy 12:15 Но токмо всем желанием души твоея да пожреши, и снеси мяса по благословению Господа Бога твоего, еже даде тебе во всяком граде: нечистый при тебе и чистый вкупе да яст я, яко серну, или еленя. Deuteronomy 12:16 Токмо крове да не снесте: на землю пролиете ю, аки воду. Deuteronomy 12:17 Не возможеши ясти в градех твоих десятины пшеницы твоея и вина твоего и елеа твоего, первенцов волов твоих и овец твоих, и всех обетове, елики обещаете, и исповеданий ваших, и начатков рук ваших: Deuteronomy 12:18 токмо пред Господем Богом твоим да снеси я на месте, еже изберет Господь Бог твой Себе, ты и сын твой и дщерь твоя, и раб твой и раба твоя, и левит, и пришлец иже во градех твоих, и возвеселишися пред Господем Богом твоим во всех, на няже возложиши руку твою. Deuteronomy 12:19 Внемли себе, да не оставиши левитина во все время, дондеже еси жив на земли. Deuteronomy 12:20 Аще же разширит Господь Бог твой пределы твоя, якоже глагола тебе, и речеши: снем мяса, аще вожделеет душа твоя, яко ясти мяса, во всем желании души твоея да снеси мяса. Deuteronomy 12:21 Аще же далече отстоит место от тебе, иже изберет Господь Бог твой призывати имя Его тамо, и заколеши от волов твоих и от овец твоих, яже даст тебе Бог твой, якоже заповедах тебе, и снеси во градех твоих по желанию души твоея. Deuteronomy 12:22 Якоже ястся серна и елень, тако да снеси е: нечистый при тебе, и чистый такожде да снест. Deuteronomy 12:23 Вонми крепце, еже не ясти крове: кровь бо есть душа его: да на снестся душа с мясы: Deuteronomy 12:24 да не снесте ея, на землю пролиете ю аки воду: Deuteronomy 12:25 да не снеси ю, да благо тебе будет и сыном твоим по тебе во веки, аще сотвориши се, еже добро и угодно есть пред Господем Богом твоим. Deuteronomy 12:26 Разве святая твоя, яже аще будут тебе, и обеты твоя взем да приидеши на место, еже изберет Господь Бог твой оное себе призвати имя Его тамо: Deuteronomy 12:27 и сотвориши всесожжения твоя: мяса да вознесеши на олтарь Господа Бога твоего, кровь же жертв твоих да пролиеши пред степени олтаря Господа Бога твоего, мяса же да снеси. Deuteronomy 12:28 Снабди и послушай, и да сотвориши вся словеса, яже Аз заповедаю тебе, да благо тебе будет и сыном твоим во веки, аще сотвориши добро и угодно пред Господем Богом твоим. Deuteronomy 12:29 Аще же потребит Господь Бог твой языки, в няже входиши ты тамо, наследити землю их, от лица твоего, и приимеши ю в наследие, и вселишися в земли их: Deuteronomy 12:30 внемли себе, да не взыщеши последовати им, по потреблении их от лица твоего, не взыщи богов их, глаголя: якоже творят языцы сии богом своим, сотворю и аз: Deuteronomy 12:31 да не сотвориши Господу Богу твоему тако: мерзостна бо Господеви, яже возненавиде, сотвориша богом своим, яко сыны своя и дщери своя жгут огнем богом своим. Deuteronomy 12:32 Всяко слово, еже аз заповедаю тебе днесь, сие снабди творити: да не приложиши к сему, ни отимеши от него. Deuteronomy 13:0 Deuteronomy 13:1 Аще же востанет в тебе пророк, или видяй соние, и даст тебе знамение или чудо, Deuteronomy 13:2 и приидет знамение или чудо, еже рече к тебе, глаголя: идем да послужим богом иным, ихже не весте: Deuteronomy 13:3 да не послушаете глагол пророка того, или видящаго сон той: яко искушает Господь Бог твой вас, иже уведети, аще любите Господа Бога вашего всем сердцем вашим и всею душею вашею: Deuteronomy 13:4 вслед Господа Бога вашего ходите, и Того бойтеся, и заповеди Его сохраните, и гласа Его послушайте, и Тому служите, и к Нему прилепитеся: Deuteronomy 13:5 и пророк той или видяй сон да умрет: глагола бо, иже прельстити тя от Господа Бога твоего изведшаго тя из земли Египетския, избавльшаго тя из работы, еже совратити тя с пути, егоже заповеда тебе Господь Бог твой ходити по нему: и погубите сами злое от вас самих. Deuteronomy 13:6 Аще же помолит тя брат твой от отца твоего или от матере твоея, или сын твой, или дщерь твоя, или жена твоя яже на лоне твоем, или друг твой, равен души твоей, отай глаголя: идем и послужим богом иным, ихже не видел еси ты и отцы твои, Deuteronomy 13:7 от богов языков, иже окрест вас, близ сущих тебе, или дальних от тебе, от конца земли до конца земли, Deuteronomy 13:8 да не соизволиши ему и не послушаеши его, и да не пощадит его око твое, и не возлюбиши его, ниже прикрыеши его: Deuteronomy 13:9 возвещая да возвестиши о нем, и рука твоя да будет на нем в первых убити его, и руки всех людий послежде: Deuteronomy 13:10 и побиют его камением, и умрет, яко взыскал есть отвратити тебе от Господа Бога твоего, изведшаго тя из земли Египетския, от дому работы: Deuteronomy 13:11 и весь Израиль услышав убоится, и не приложит ктому сотворити по словеси сему злому еже в вас. Deuteronomy 13:12 Аще же услышиши в единем от градов твоих, яже Господь Бог дает тебе, вселитися тамо, глаголющих: Deuteronomy 13:13 изыдоша мужи беззаконнии от вас и отвратиша вся живущыя во граде их, глаголюще: идем, да послужим богом иным, ихже не весте, Deuteronomy 13:14 и да взыщеши и вопросиши и обыщеши зело, и се, истинно слово яве, сотворися мерзость сия в вас: Deuteronomy 13:15 убивая да убиеши вся живущыя во граде онем убийством меча, проклятием проклените его, и вся яже в нем, Deuteronomy 13:16 и вся корысти его собереши на распутия его, и зажжеши град огнем, и вся корысти его всенародно пред Господем Богом твоим, и будет пуст во веки, не возградится по сем: Deuteronomy 13:17 и да ничтоже прилепится от проклятия руце твоей, да отвратится Бог от ярости гнева Своего: и даст тебе милость и помилует тя, и умножит тя, якоже глагола тебе, якоже клятся Господь отцем твоим, Deuteronomy 13:18 аще послушаеши гласа Господа Бога твоего, еже хранити вся заповеди Его, яже аз заповедаю тебе днесь, творити доброе и угодное пред Господем Богом твоим. Deuteronomy 14:0 Deuteronomy 14:1 Сынове есте Господа Бога вашего: да не нарезуетеся и не возложите плеши между очима вашима над мертвым: Deuteronomy 14:2 яко людие святи есте Господеви Богу вашему, и вас избра Господь Бог ваш быти вам людем избранным Ему от всех языков иже на лицы земли. Deuteronomy 14:3 Да не снесте всякия мерзости. Deuteronomy 14:4 Сия скоты ядите: телца от говяд и агнца от овец и козла от коз: Deuteronomy 14:5 еленя и серну, и буйвола и ланя, и зубря и онагра и сайгака. Deuteronomy 14:6 Всяк скот на двое деля пазнокти, и копыто на двое копыта, и отрыгая жвание в скотех, да ясте. Deuteronomy 14:7 И сих да не снесте от отрыгающих жвание и от делящих пазнокти на двое, но копыт не раздвояющих: велблюда и заяца и хирогрилля: яко отрыгают жвание сии, но копыт не раздвояют, нечиста сия вам суть. Deuteronomy 14:8 И свинии, яко на двое делит пазнокти и копыта раздвояет, и сия жвания не отрыгает, нечиста сия вам есть: от мяс их да не ясте, и мертвечинам их да не прикоснетеся. Deuteronomy 14:9 И сия да ясте от всех яже в воде: вся, имже суть перие и чешуя, ядите. Deuteronomy 14:10 И всех, имже несть перия, на чешуи, да не ясте: нечиста суть вам. Deuteronomy 14:11 Всяку птицу чисту да ясте. Deuteronomy 14:12 И сих да не ясте от них: Deuteronomy 14:13 орла и грифа и орла морскаго, Deuteronomy 14:14 и неясыти и иктина и подобных сим: Deuteronomy 14:15 и врана и врабия, и выпелицы и сухолапля, и ястреба и подобных сим: Deuteronomy 14:16 и врана нощнаго и лилика и подобных сим: Deuteronomy 14:17 и еродиа и лебедя, и ивина и катаракта, и вдода Deuteronomy 14:18 и нощнаго нетопыря, и сыча и теслоноса, и харадриона и подобных сим, и порфириона. Deuteronomy 14:19 Вся гады птичия нечиста суть вам: да не ясте от них. Deuteronomy 14:20 Всяку птицу чисту да ясте. Deuteronomy 14:21 Всякия мертвечины да не ясте: приселнику, иже во градех твоих, да дасте, и да яст, или да продасте страннику: яко людие святи есте Господеви Богу вашему. Да не свариши ягняте во млеце матере его. Deuteronomy 14:22 Десятины да даси от всего плода семене своего, плод нив твоих от года до года, Deuteronomy 14:23 и да снеси я пред Господем Богом твоим на месте, идеже изберет Господь Бог твой призывати имя Его тамо: да принесеши десятину пшеницы твоея и вина твоего и елеа твоего, и первенцы волов твоих и овец твоих, да научишися боятися Господа Бога твоего вся дни. Deuteronomy 14:24 Аще же далече будет путь от тебе и не возможеши донести их, яко далече место от тебе, еже изберет Господь Бог твой призывати имя Его тамо, яко да благословит тя Господь Бог твой: Deuteronomy 14:25 и продаси сие на цене, и возмеши сребро в руку твою, и пойдеши на место, иже изберет Господь Бог твой, Deuteronomy 14:26 и даси сребро за все, на неже пожелает душа твоя, на волы и овцы, или на вино, или на сикеру, или на все, егоже желает душа твоя, и да снеси тамо пред Господем Богом твоим, и возвеселишися ты и дом твой. Deuteronomy 14:27 И левит иже во градех твоих, не оставивши его, яко несть ему части ни жребия с тобою: Deuteronomy 14:28 по трех летех да изнесеши всю десятину жит твоих в лето оно, да положиши ю во градех твоих: Deuteronomy 14:29 и приидет левит, яко несть ему части ни жребия с тобою, и пришлец, и сирота и вдова, яже во градех твоих, да ядят и насытятся: да благословит тя Господь Бог твой во всех делех твоих, яже аще сотвориши. Deuteronomy 15:0 Deuteronomy 15:1 В седмое лето да сотвориши отпущение. Deuteronomy 15:2 И сице заповедь отпущения: да оставивши весь долг твой, имже должен ближний тебе, и от брата своего не истяжеши, яко наречеся отпущение Господу Богу твоему. Deuteronomy 15:3 От чуждаго да истяжеши, елика суть твоя у него: брату же твоему отпущение да сотвориши долга твоего. Deuteronomy 15:4 Яко не будет у тебе недостаточен: сего ради словесе благословением благословит тя Господь Бог твои в земли, юже тебе Господь Бог дает во жребий прияти ю. Deuteronomy 15:5 Аще же слухом послушаете гласа Господа Бога вашего хранити и творити вся заповеди сия, яже аз заповедаю тебе днесь, яко Господь Бог твой благословил тя есть, якоже глагола тебе, Deuteronomy 15:6 и взаим даси языком многим, ты же не займеши, и обладати будеши ты языки многими, тобою же не возобладают. Deuteronomy 15:7 Аще же брат от братии твоея будет тебе недостаточен во единем от градов твоих в земли, юже Господь Бог твои дает тебе, да не отвратиши сердца твоего, ниже сожмеши руки твоея пред братом твоим требующим: Deuteronomy 15:8 отверзая да отверзеши руку твою ему, и взаим да даси ему, елико просит, и елико ему не достанет. Deuteronomy 15:9 Внемли себе: да не будет слово тайно в сердцы твоем беззакония, глаголя: близ есть седмое лето, лето отпущения, и возлукавнует око твое брату твоему требующему, и не даси ему, и возопиет на тя ко Господу, и будет тебе грех велик: Deuteronomy 15:10 даянием да даси ему, и взаим да даси ему, елико воспросит, якоже требует: и не опечалися в сердцы своем, дающу ти ему, яко сего ради слова благословит тя Господь Бог твой во всех делех твоих, и во всем, на неже возложиши руку твою: Deuteronomy 15:11 ибо не оскудеет недостаточный от земли твоея, сего ради аз заповедаю тебе творити слово сие, глаголя: отверзая отверзи руце твои брату твоему нищему и просящему на земли твоей. Deuteronomy 15:12 Аще же продастся тебе брат твой Евреанин, или Евреаныня, да поработает тебе шесть лет, и в седмое да отпустиши его свободна от себе: Deuteronomy 15:13 егда же пустиши его свободна от себе, да не отпустиши его тща: Deuteronomy 15:14 напутное ему да уготовиши от овец твоих и от пшеницы твоея и от вина твоего: якоже благослови тя Господь Бог твой, да даси ему, Deuteronomy 15:15 и помяни, яко раб и ты был еси в земли Египетстей, и свободи тя Господь Бог твой оттуду: сего ради аз заповедаю тебе творити слово сие. Deuteronomy 15:16 Аще же речет к тебе: не отиду от тебе, яко возлюбих тя и дом твой, яко добро есть есть у тебе: Deuteronomy 15:17 да возмеши шило, и провертиши ему ухо пред дверми у степени, и будет ти раб во веки: и рабе твоей сотвориши такожде. Deuteronomy 15:18 Да не будет жестоко пред тобою, отпущаемым им от тебе свободным, понеже годовую мзду наемничу работа тебе шесть лет: и благословит тя Господь Бог твой во всем, еже твориши. Deuteronomy 15:19 Всяко первородное, еже родится от волов твоих и от овец твоих, мужеск пол да освятиши Господеви Богу твоему: да не делаеши первородным телцем твоим и да не стрижеши первенца во овцах твоих. Deuteronomy 15:20 Пред Господем Богом твоим да яси я от лета до лета, на месте, идеже изберет Господь Бог твои, ты и дом твой. Deuteronomy 15:21 Аще же будет на нем порок, хромота, или слепота, и всякий порок зол, да не пожреши его Господу Богу твоему. Deuteronomy 15:22 Во градех твоих да снеси я: нечистый и чистый у тебе такожде да яст, яко серну или еленя. Deuteronomy 15:23 Токмо крове да не снесте: на землю проливай ю аки воду. Deuteronomy 16:0 Deuteronomy 16:1 Храни месяц новых (плодов), и да сотвориши Пасху Господеви Богу твоему, яко в месяце новых изшел еси из Египта нощию. Deuteronomy 16:2 И да пожреши Пасху Господеви Богу твоему, овцы и говяда на месте, еже изберет Господь Бог твой призывати имя Его тамо. Deuteronomy 16:3 Да не снеси в ню кваснаго: седмь дний да яси в ню опресноки, хлеб озлобления, яко со тщанием изыдосте из Египта, да поминаете день исхода вашего от земли Египетския вся дни жития вашего: Deuteronomy 16:4 да не явится тебе квасно во всех пределех твоих седмь дний, и да не преноществует от мяс, яже пожреши в вечер в первый день, до утрия. Deuteronomy 16:5 Не возможеши жрети Пасхи ни в единем от градов твоих, яже Господь Бог твой дает тебе: Deuteronomy 16:6 но токмо на месте, еже изберет Господь Бог твой призывати имя Его ту, тамо пожреши Пасху в вечер при захождении солнца, во время в неже изшел еси из земли Египетския: Deuteronomy 16:7 и свариши, и испечеши, и снеси на месте, идеже изберет Господь Бог твой: и возвратишися заутра, и пойдеши в дом твой. Deuteronomy 16:8 Шесть дний да яси опресноки, в седмый же день исходный праздник Господеви Богу твоему: да не сотвориши в нем всякаго дела, кроме яже суть души. Deuteronomy 16:9 Седмь седмиц всецелых да сочтеши себе: в начало же твоего серпа на жатву начни исчисляти седмь седмиц, Deuteronomy 16:10 и да сотвориши праздник седмиц Господеви Богу твоему, якоже рука твоя может, елика даст тебе, якоже благослови тя Господь Бог твой. Deuteronomy 16:11 И возвеселишися пред Господем Богом твоим ты и сын твой и дщерь твоя, и раб твой и раба твоя, и левит иже во градех твоих, и пришлец, и сирота и вдова, яже в вас, на месте, идеже изберет Господь Бог твой призывати имя Его тамо: Deuteronomy 16:12 и помянеши, яко раб был еси (ты) в земли Египетстей, и сохраниши и сотвориши заповеди сия. Deuteronomy 16:13 Праздник кущей да сотвориши себе седмь дний, егда собереши от нивы твоея и от точила твоего: Deuteronomy 16:14 и да возвеселишися в празднице твоем ты и сын твой и дщи твоя, раб твой и раба твоя, и левит и пришлец, и сирота и вдова, яже во градех твоих: Deuteronomy 16:15 седмь дний да празднуеши Господеви Богу твоему на месте, еже изберет Господь Бог твой призывати имя Его тамо: аще же благословит тя Господь Бог твой во всех плодех твоих и во всяком деле рук твоих, и будеши веселяся. Deuteronomy 16:16 В три времена лета да явится всяк мужеск пол пред Господем Богом твоим, на месте, еже изберет Господь Бог твой: в праздник опресноков, и в праздник седмиц, и в праздник кущей: да не явишися пред Господем Богом твоим тощь: Deuteronomy 16:17 кийждо по силе рук своих, по благословению Господа Бога твоего, еже даде тебе. Deuteronomy 16:18 Судии и книгочии поставиши себе во всех градех твоих, яже Господь Бог твой дает тебе по племенам, и да судят людем суд праведный: Deuteronomy 16:19 да не уклонят суда, ниже познают лице, ниже да возмут даров: дары бо ослепляют очи мудрых и отмещут словеса праведных. Deuteronomy 16:20 Праведне праведное гоните, да поживете, и вшедше наследите землю, юже Господь Бог твой дает вам. Deuteronomy 16:21 Да не насадиши себе дубравы: всякаго древа близ олтаря Господа Бога твоего да не сотвориши себе, Deuteronomy 16:22 да не поставиши себе капища, еже возненавиде Господь Бог твой. Deuteronomy 17:0 Deuteronomy 17:1 Да не пожреши Господеви Богу твоему телца или овчате, на немже есть порок, всяк глагол зол: яко мерзость Господеви Богу твоему есть. Deuteronomy 17:2 Аще же обрящется у тебе во единем от градов твоих, яже Господь Бог твои дает тебе, муж или жена, иже сотворит лукавое пред Господем Богом твоим, преступити завет Его: Deuteronomy 17:3 и шедше послужат богом иным и поклонятся им, солнцу, или луне, или всякому яже от красоты небесныя, ихже не повелех тебе: Deuteronomy 17:4 и возвестится тебе, и взыщеши зело, и се, истинно бысть слово, мерзость сотворися сия во Израили: Deuteronomy 17:5 да изведеши человека того, или жену ту, иже сотвориша дело злое сие, пред двери, и побиете их камением, и да умрут. Deuteronomy 17:6 При двою свидетелех или при трех да умрет: умираяй да не умрет при единем свидетели: Deuteronomy 17:7 и рука свидетелей да будет на нем в первых, умертвити его, и рука всех людий послежде: и измите злое от вас самех. Deuteronomy 17:8 Аще же неудоборешимо слово у тебе в суде между кровию и кровию, и между судом и судом, и между язвою и язвою, и между прением и прением, словеса судная в градех твоих, и востав взыдеши на место, еже изберет Господь Бог твой призвати имя Его тамо: Deuteronomy 17:9 и приидеши к жерцем левитом, и к судии, иже будет в тыя дни, и взыскавше возвестят тебе суд: Deuteronomy 17:10 и сотвориши по словеси, еже возвестят тебе от места, еже изберет Господь Бог твой призывати имя Его тамо, и да сохраниши зело творити вся, елика законоположатся тебе: Deuteronomy 17:11 по закону и по суду, егоже рекут тебе, сотвориши, да не уклонишися от словесе, еже известят тебе, ни на десно, ни на лево. Deuteronomy 17:12 И человек, иже сотворит в гордости, еже не послушати жерца предстоящаго служити во имя Господа Бога твоего, или судии, иже в тыя дни будет, да умрет человек той, и да измеши злое от Израиля: Deuteronomy 17:13 и вси людие услышавше убоятся, и не будут нечествовати ктому. Deuteronomy 17:14 Аще же внидеши в землю, юже Господь Бог твой дает тебе в жребий, и приимеши ю, и вселишися на ней, и речеши: поставлю князя над собою, якоже и прочии языцы, иже окрест мене: Deuteronomy 17:15 поставляя да поставиши над собою князя, егоже изберет Господь Бог твой, от братии твоея да поставиши над собою князя, не возможеши поставити над собою князя человека чуждаго, яко не брат твой есть. Deuteronomy 17:16 Обаче да не умножит себе коней, ниже да возвратит людий во Египет, яко да не умножит себе коней: Господь же рече вам: не приложите возвратитися путем сим ктому: Deuteronomy 17:17 и да не умножит себе жен, да не превратится сердце его: и сребра и злата да не умножит себе зело. Deuteronomy 17:18 И будет егда сядет на престоле власти своея, да напишет себе второзаконие сие в книзе от жерцев левитов, Deuteronomy 17:19 и будет с ним, и да чтет ю во вся дни жития своего, да научится боятися Господа Бога своего и хранити вся заповеди сия и оправдания сия, творити я: Deuteronomy 17:20 да не возвысится сердце его от братии его, да не преступит от заповедий ни на десно, ни на лево яко да будет многа лета во власти своей, той и сыны его с ним, в сынех Израилевых. Deuteronomy 18:0 Deuteronomy 18:1 Да не будет жерцем левитом всему племени Левиину части ниже жребия со Израилем: приношения Господу жребий их, да ядят я: Deuteronomy 18:2 жребий же да не будет ему в братии его: Господь Сам жребий его, якоже рече ему. Deuteronomy 18:3 И сей суд жерцев, яже от людий, от приносящих жертвы, аще телца, аще овцу: и даси жерцу рамо, и челюсти, и утробу: Deuteronomy 18:4 и начатки пшеницы твоея и вина твоего и елеа твоего, и начаток стрижения овец твоих да даси ему: Deuteronomy 18:5 яко того избра Господь Бог твой от всех племен твоих предстояти пред Господем Богом твоим, служити и благословити во имя Господне, той и сынове его во вся дни. Deuteronomy 18:6 Аще же приидет левит от единаго градов ваших, от всех сынов Израилевых, идеже той обитает, якоже желает душа его, на место, еже изберет Господь, Deuteronomy 18:7 да служит имени Господа Бога вашего, якоже и вся братия Его левити предстоящии тамо пред Господем: Deuteronomy 18:8 часть отделеную да яст, кроме продажи яже по отечеству. Deuteronomy 18:9 Аще же внидеши в землю, юже Господь Бог твой дает тебе, да не навыкнеши творити по мерзостем языков тех: Deuteronomy 18:10 да не обрящется в тебе очищая сына своего и дщерь свою огнем, волхвуя волхвованием и чаруяй и птицеволшебствуяй, Deuteronomy 18:11 чародей обавая обаванием, утробоволхвуяй и знаменосмотритель, и вопрошаяй мертвых: Deuteronomy 18:12 есть бо мерзость Господеви Богу твоему всяк творяй сия: сих бо ради мерзостей потребит я Господь Бог твой от лица твоего. Deuteronomy 18:13 Совершен да будеши пред Господем Богом твоим. Deuteronomy 18:14 Языцы бо сии, ихже ты наследиши, сии чарований и волхвований послушают: тебе же не тако даде Господь Бог твой. Deuteronomy 18:15 Пророка от братии твоея, якоже мене, возставит тебе Господь Бог твой, Того послушайте: Deuteronomy 18:16 по всему, елико просил еси от Господа Бога твоего в Хориве в день собрания, глаголюще: да не приложим слышати гласа Господа Бога нашего, и огня великаго сего не увидим по сем, да не измрем. Deuteronomy 18:17 И рече Господь ко мне: право вся, елика глаголаху к тебе: Deuteronomy 18:18 Пророка возставлю им от среды братии их, якоже тебе: и вдам слово Мое во уста Его, и возглаголет им, якоже заповедаю Ему: Deuteronomy 18:19 и человек той, иже не послушает словес Его, елика возглаголет Пророк оный во имя Мое, Аз отмщу от него: Deuteronomy 18:20 обаче пророк, иже вознечествует глаголати во имя Мое слово, егоже не повелех ему глаголати, и иже аще возглаголет во имя богов инех, да умрет пророк той. Deuteronomy 18:21 Аще же речеши в сердцы своем: како познаем слово, егоже не глагола Господь? Deuteronomy 18:22 Елика аще возглаголет пророк во имя Господне, и не сбудется, и не случится слово сие, егоже не рече Господь: в нечестии глагола Пророк той, не убойтеся его. Deuteronomy 19:0 Deuteronomy 19:1 Егда же погубит Господь Бог твой языки, ихже Господь Бог твой дает тебе землю, и наследиши их и вселишися во градех их и в домех их, Deuteronomy 19:2 три грады да отлучиши себе среди земли твоея, юже Господь Бог твой дает тебе в наследие. Deuteronomy 19:3 Уготови себе путь, и на трое раздели пределы земли твоея, юже разделяет тебе Господь Бог твой: и да будет убежище тамо всякому убийце. Deuteronomy 19:4 Сие же да будет заповедание убийце, иже аще убежит тамо, и жив будет: иже аще убиет ближняго своего не ведя, и сей не ненавиде его прежде вчерашняго дне и третияго, Deuteronomy 19:5 и иже аще пойдет с подругом своим в лес собирати дрова, и поползнется рука его с секирою секущаго дрова, и спадши секира с топорища улучит подруга его, и умрет, сей да убежит во един от градов сих, и жив да будет: Deuteronomy 19:6 да не погнав ужик крове вслед убившаго, яко разгорится сердце ему, и постигнет его, аще должайший будет путь, и убиет душу его, и умрет: и сему несть суд смертный, понеже не бе ненавидя его прежде вчерашняго и третияо дне: Deuteronomy 19:7 сего ради заповедаю аз тебе слово сие, глаголя: три грады да отлучиши себе. Deuteronomy 19:8 Аще же разширит Господь Бог твой пределы твоя, якоже клятся отцем твоим, и даст тебе Господь всю землю, юже рече дати отцем твоим, Deuteronomy 19:9 аще послушаеши творити вся заповеди сия, яже аз заповедаю тебе днесь, любити Господа Бога твоего, ходити во всех путех Его вся дни: и да приложиши себе еще три грады к сим трием градом, Deuteronomy 19:10 и да не пролиется кровь безвинна в земли твоей, юже Господь Бог твой дает тебе в жребий, и да не будет в тебе крови повинен. Deuteronomy 19:11 Аще же будет у тебе человек ненавидяй ближняго своего, и навет сотворит нань, и востанет нань, и поразит душу его, и умрет, и вбегнет во един от градов сих, Deuteronomy 19:12 да послют старейшины града того, и возмут его оттуду, и да предадят его в руце ужиков крове, и да умрет: Deuteronomy 19:13 да не пощадит его око твое, и да очистиши кровь неповинную от Израиля, и благо будет тебе. Deuteronomy 19:14 Да не предвижеши пределов ближняго своего, яже поставиша отцы твои в наследии твоем, еже наследовал еси в земли, юже Господь Бог твой дает тебе во жребий. Deuteronomy 19:15 Да не пребудет свидетель един во свидетелство на человека по всякой обиде и по всякому преступлению и по всякому греху, имже аще согрешит: при устех двою свидетелей и при устех триех свидетелей да станет всяк глагол. Deuteronomy 19:16 Аще же востанет свидетель неправеден на человека, глаголя на него нечестие, Deuteronomy 19:17 да станут оба человека, имже есть пря, пред Господем и пред жерцы и пред судиями, иже будут в тыя дни, Deuteronomy 19:18 и да испытают их судии прилежно, и се, свидетель неправеден свидетелствова неправду, воста на брата своего: Deuteronomy 19:19 да сотворите ему, якоже и он умысли сотворити супротив брата своего, и измите злое от вас самех: Deuteronomy 19:20 да и прочии услышавше убоятся, и не приложат ктому творити словесе злаго сего в вас: Deuteronomy 19:21 да не пощадит его око твое: душу за душу, око за око, зуб за зуб, руку за руку, ногу за ногу, якоже аще кто даст порок на ближняго своего, сице воздастся ему. Deuteronomy 20:0 Deuteronomy 20:1 Аще же изыдеши на брань на враги твоя, и узриши кони и всадники и люди множайшыя тебе, да не убоишися их: яко Господь Бог твой с тобою, изведый тя из земли Египетския. Deuteronomy 20:2 И будет егда приближишися к рати, и приступив жрец да возглаголет к людем и речет к ним: Deuteronomy 20:3 послушай, Израилю, вы исходите днесь на рать ко врагом вашым: да не ослабеет сердце ваше, ни убойтеся, ниже устрашитеся и не уклонитеся от лица их: Deuteronomy 20:4 яко Господь Бог ваш идый пред вами споборствует вам на враги вашя и спасет вас. Deuteronomy 20:5 И да рекут книгочия к людем, глаголюще: кий человек создавый храмину нову, и не обнови ея? Да идет, и да возвратится в дом свой, да не умрет на рати, и человек ин обновит ю: Deuteronomy 20:6 и кии человек, иже насади виноград, и не веселися от него? Да идет, и возвратится в дом свой, да не умрет на рати, и человек ин возвеселится от него: Deuteronomy 20:7 и кий человек, иже обручи себе жену, и не понял ю? Да идет, и возвратится в дом свой, да не умрет на рати, и ин человек поймет ю. Deuteronomy 20:8 И да приложат книгочия глаголати к людем, и да рекут: кий человек страшлив и слаб сердцем? Да идет, и возвратится в дом свой, да не устрашит сердца брата своего, аки сердце свое. Deuteronomy 20:9 И будет егда умолкнут книгочия глаголюще к людем, и поставят воеводы воинства вожды людий. Deuteronomy 20:10 Аще же приидеши ко граду воевати нань, и воззовеши я с миром: Deuteronomy 20:11 аще убо мирное отвещают ти, и отверзут тебе (град), вси людие обретшиися во граде да будут тебе дань дающе и послушающии тебе: Deuteronomy 20:12 аще же не покорятся тебе, и сотворят с тобою рать, да обсядеши его, Deuteronomy 20:13 дондеже предаст я Господь Бог твой в руце твои: да избиеши всяк мужеск пол в нем убийством меча, Deuteronomy 20:14 кроме жен и имения, и вся скоты, и вся елика суть во граде, и все стяжание да плениши себе, и да снеси весь плен врагов твоих, яже Господь Бог твой дает тебе. Deuteronomy 20:15 Тако да сотвориши всем градом, иже суть далече от тебе зело, иже не суть от градов языков сих, ихже Господь Бог дает тебе наследити землю их: Deuteronomy 20:16 от них да не оставите жива всякаго дыхания: Deuteronomy 20:17 но и проклятием проклените их, Хеттеа и Аморреа, и Хананеа и Ферезеа, и Евеа и Иевусеа и Гергесеа, якоже заповеда тебе Господь Бог твой: Deuteronomy 20:18 да не научат вас творити всякия мерзости своя, елики твориша богом своим, и согрешите пред Господем Богом вашим. Deuteronomy 20:19 Аще же обсядеши град един дни многи воевати его в приятие себе, да не истребиши садовия его, возложив железо нань, но токмо да яси плод от них, самого же да не посечеши: еда древо, еже в дубраве, человек есть, иже внити от лица твоего в забрала? Deuteronomy 20:20 Но древо, еже веси, яко не ястся плод его, сие потребиши и посечеши, и сотвориши лествицы на град, иже творит на тя рать, дондеже предастся. Deuteronomy 21:0 Deuteronomy 21:1 Аще же обрящется убиеный на земли, юже Господь Бог дает тебе наследити, лежащь на поли, и не ведят убившаго и: Deuteronomy 21:2 да изыдут старцы и судии твои и да измерят до градов, иже окрест убиенаго: Deuteronomy 21:3 и будет град приближаяйся убиеному, и да возмут старейшины града того юницу от говяд, еюже не делано, и яже ярма не понесе: Deuteronomy 21:4 и да изведут старейшины града того юницу в дебрь суху, яже не оранна, ниже насеяна, и да пресекут жилы юницы в дебри: Deuteronomy 21:5 и да приступят жерцы Левити: яко сих избра Господь Бог твой предстояти Ему и благословляти во имя Его: и во устех их да будет всякое прекословие и всякая язва: Deuteronomy 21:6 и вси старейшины града того, приближающиися убиеному, да омыют руце над главою юницы, ейже пресечены суть жилы в дебри, Deuteronomy 21:7 и отвещавше да рекут: руце наши не пролияша крове сея, и очи наши не видеша: Deuteronomy 21:8 милостив буди людем Твоим Израилю, ихже извел еси, Господи, из земли Египетския, да не будет кровь неповинна на людех Твоих Израили: и очистится им кровь: Deuteronomy 21:9 ты же отимеши кровь неповинну от среды себе, аще сотвориши доброе и угодное пред Господем Богом твоим. Deuteronomy 21:10 Аще же изыдеши на брань противу врагом твоим, и предаст я Господь Бог твой в руце твои, и плениши плен от них, Deuteronomy 21:11 и узриши в плене добру обличием, и возлюбиши ю, и поймеши ю себе в жену, Deuteronomy 21:12 и введеши ю внутрь в дом твой, и да обриеши главу ея, и да обрежеши ногти ея, Deuteronomy 21:13 и да совлечеши ризы пленныя ея с нея: и да сядет в дому твоем, и да плачется отца своего и матере своея месяц дний: и но сем внидеши к ней, и совокупишися с нею, и будет тебе жена. Deuteronomy 21:14 И будет аще не восхощеши ея, да отпустиши ю свободну, продажею же да не продаси ея на цене: да не отринеши ея, понеже смирил еси ю. Deuteronomy 21:15 Аще же будут мужу две жены, едина от них люба, и другая не люба, и породят ему любая и нелюбая, и будет сын перворожденный от нелюбимыя: Deuteronomy 21:16 и будет в оньже день разделит сыном своим имение свое, не возможет первенцем быти сын любимыя, презрев сына нелюбимыя первенца: Deuteronomy 21:17 но сына нелюбимыя за первенца да признает, и даст ему сугубо от всего, еже обрящется ему, яко сей есть начало чад его, и сему достоит первенство. Deuteronomy 21:18 Аще же кому будет сын непокорив и грубитель, не послушаяй гласа отца своего и гласа матере своея, и накажут его, и не послушает их, Deuteronomy 21:19 да возмут его отец его и мати его, и да изведут его пред старейшины града своего и пред врата места своего, Deuteronomy 21:20 и да рекут к мужем града своего: сын наш сей непокорив есть и грубитель и не слушает речи нашея, сластолюбствуя пиянствует: Deuteronomy 21:21 и да побиют его мужие града того камением, и да умрет: и измите злое от себе самих, да и прочии слышавше убоятся. Deuteronomy 21:22 Аще же будет на ком грех, суд смертный, и да умрет, и повесите его на древе, Deuteronomy 21:23 да не пренощует тело его на древе, но во гробе погребите его в тойже день: яко проклят есть от Бога всяк висяй на древе: и да не оскверните земли, юже Господь Бог твой дает тебе во жребий. Deuteronomy 22:0 Deuteronomy 22:1 Видев телца брата твоего или овцу его заблуждающыя на пути, да не презриши я: но возвращением возвратиши я к брату твоему, и да отдаси ему. Deuteronomy 22:2 Аще же несть близ тебе брат твой, ниже увеси его, собери я внутрь дому твоего, и да будут у тебе, дондеже взыщет их брат твой, и отдаси их ему. Deuteronomy 22:3 Такожь сотвориши осляти его, и тако да сотвориши ризе его, и тако да сотвориши всему погубленому брата твоего: елика аще погибнут от него, и обрящеши я, да не возможеши пренебрещи я. Deuteronomy 22:4 Аще увидиши осля брата твоего или телца его падшыя на пути, да не презриши я: возставляя да возставиши я с собою. Deuteronomy 22:5 Да не будет утварь мужеска на жене, ни да облачится муж в ризу женску: яко мерзость есть Господеви Богу твоему всяк творяй сия. Deuteronomy 22:6 Аще же улучиши гнездо птичие пред лицем твоим на пути, или на древе некоем, или на земли, и в нем птенцы или яица, и мати седит на птенцех или яицех, да не возмеши матере со птенцы: Deuteronomy 22:7 отпущением да отпустиши матерь, птенцы же возмеши себе, да благо тебе будет и долгоденствен будеши. Deuteronomy 22:8 Аще же созиждеши дом нов, и сотвориши ограждение дому твоему, и да не сотвориши убийства в дому твоем, аще падет падый от него. Deuteronomy 22:9 Да не насееши винограда твоего различна, да не освятится плод, и семя, еже насееши с плодом винограда твоего. Deuteronomy 22:10 Да не ореши юнцем и ослятем вкупе. Deuteronomy 22:11 Ниже да облечешися в ризу разноличну от льна и волны вкупе ткану. Deuteronomy 22:12 Тресны да сотвориши себе на четырех краях одежды своея, в нюже облечешися. Deuteronomy 22:13 Аще же кто поймет жену и будет с нею, и возненавидит ю, Deuteronomy 22:14 и наложит на ню обвинителная словеса, и нанесет на ню имя злое, и возглаголет: жену сию поях, и пришед к ней, не обретох ю девицею: Deuteronomy 22:15 и взем отец девицы и матерь, да изнесут девическая отроковицы пред старейшины ко вратом, Deuteronomy 22:16 и речет отец отроковицы ко старейшинам: дщерь мою сию дах мужу сему в жену, и ныне возненавидев ю сей, Deuteronomy 22:17 возлагает ей обвинителная словеса, глаголя: не обретох дщере твоея девою: и се, девическая дщере моея: и да разгнут ризы пред старейшины града онаго, Deuteronomy 22:18 и да возмут старейшины града онаго мужа того и накажут его, Deuteronomy 22:19 и да обвинят его стом сиклей, и дадят отцу отроковицы, яко изнесе имя зло на девицу Израилтеску, и (паки) да будет ему жена: не возможет отпустити ю во вся лета. Deuteronomy 22:20 Аще же будет воистинну слово сие, и не обрящутся девическая отроковице, Deuteronomy 22:21 и да изведут девицу пред врата дому отца ея, и побиют ю камением мужие градстии, и да умрет, яко сотвори безумие в сынех Израилевых, оскверни дом отца своего: и измите злое от себе самих. Deuteronomy 22:22 Аще же обрящется человек лежай с женою мужатою, убийте обоих, человека лежащаго с женою и жену: и измите злое от Израиля. Deuteronomy 22:23 Аще же будет дева обрученая мужу, и обрет ю человек (другий) во граде, будет с нею, Deuteronomy 22:24 изведите обоих пред врата града их, и побийте (обоих) камением, и да умрут: отроковицу, понеже не вопила во граде, и мужа, понеже обиде жену ближняго своего: и измите злое от себе самих. Deuteronomy 22:25 Аще же на поли обрящет человек деву обрученую, и насиловав будет с нею, убийте человека единаго бывшаго с нею: Deuteronomy 22:26 а отроковице ничтоже сотворите: несть бо деве греха смертнаго: якоже аще кто бы востал на ближняго своего, и убил бы душу его, тако сие дело: Deuteronomy 22:27 понеже на селе обрете ю, возопи отроковица обрученая, и не бе помогаяй ей. Deuteronomy 22:28 Аще же кто обрящет отроковицу деву, яже несть обручена, и насиловав будет с нею, и обличится: Deuteronomy 22:29 да даст человек бывый с нею отцу отроковицы пятьдесят дидрахм сребра, и тому да будет жена, понеже обиде ю: не возможет отпустити ю во все время. Deuteronomy 22:30 Да не поймет человек жены отца своего, и да не открыет покровения отца своего. Deuteronomy 23:0 Deuteronomy 23:1 Да не входит каженик и скопец в сонм Господень. Deuteronomy 23:2 Ниже да внидет блудородный во храм Господень до десятаго рода. Deuteronomy 23:3 Да не внидет Амманитин и Моавитин в храм Господень: и даже до десятаго рода да не входит в храм Господень, и даже до века, Deuteronomy 23:4 понеже не сретоша они вас с хлебы и водою на пути, исходящым вам из земли Египетския, и яко наяша на тя Валаама сына Веорова от Месопотамии, да тя прокленет: Deuteronomy 23:5 и не восхоте Господь Бог твой послушати Валаама, и обрати Господь Бог твой клятвы в благословение, зане возлюби тя Господь Бог твой: Deuteronomy 23:6 да не совещаеши мирная им и полезная им во вся дни твоя во веки. Deuteronomy 23:7 Да не возгнушаешися Идумеанином, яко брат твой есть: да не возгнушаешися Египтянином, яко пришлец был еси в земли его: Deuteronomy 23:8 сынове аще родятся им, в роде третием да внидут в храм Господень. Deuteronomy 23:9 Аще же изыдеши ополчитися на враги твоя, и да сохранишися от всякаго слова зла. Deuteronomy 23:10 Аще будет у тебе человек, иже не будет чист от излияния его нощию, и да изыдет вне полка, и да не внидет в полк: Deuteronomy 23:11 и егда будет к вечеру, да омыет тело свое водою, и зашедшу солнцу да внидет в полк. Deuteronomy 23:12 И место тебе да будет вне полка, и изыдеши тамо вон: Deuteronomy 23:13 и рылец да будет тебе за поясом твоим, и будет егда сядеши вне, и да ископаеши им (яму), и навратив покрыеши стыдение твое в ней: Deuteronomy 23:14 яко Господь Бог твой ходит в полце твоем избавляти тя и предати враги твоя в руце твои пред лицем твоим: и да будет полк твой свят, и да не явится у тебе стыдение вещи, и отвратится от тебе. Deuteronomy 23:15 Да не предаси раба господину его, иже прииде к тебе от господина своего: Deuteronomy 23:16 с тобою да обитает, с вами да живет во всяком месте, идеже угодно будет ему: да не оскорбиши его. Deuteronomy 23:17 Да не будет блудница от дщерей Израилевых, и да не будет блудник от сынов Израилевым. Deuteronomy 23:18 Да не принесеши мзды блудничи, ниже цене песии в дом Господа Бога твоего на всяк обет, яко мерзость суть Господеви Богу твоему и обоя. Deuteronomy 23:19 Да не даси брату твоему в лихву сребра и в лихву пищей и в лихву всякия вещи, емуже аще взаим даси: Deuteronomy 23:20 чуждему да даси в лихву, брату же твоему да не даси в лихву, да благословит тя Господь Бог твой во всех делех твоих на земли, в нюже входиши тамо наследити ю. Deuteronomy 23:21 Аще же обещаеши обет Господеви Богу твоему, да не умедлиши воздати его, яко взыская взыщет Господь Бог твой от тебе, и будет на тебе грех: Deuteronomy 23:22 аще же не восхощеши обещати, несть ти греха. Deuteronomy 23:23 Исходящая на уст твоих сохрани и сотвори, имже образом обещал еси Господеви Богу твоему дар, егоже глаголал еси устами твоими. Deuteronomy 23:24 Аще же внидеши на ниву ближняго своего, и собереши в руце свои класы, а серпа да не возложиши на ниву ближняго. Deuteronomy 23:25 Аще же внидеши в виноград ближняго своего, да яси гроздие, елико души твоей насытитися, в сосуд же да не вложиши. Deuteronomy 24:0 Deuteronomy 24:1 Аще же кто поймет жену и поживет с нею, и будет аще не обрящет благодати пред ним, яко обрете в ней срамное дело, да напишет ей книгу отпущения и вдаст в руце ея, и да отпустит ю из дому своего, Deuteronomy 24:2 и отшедши будет (жена) мужу иному: Deuteronomy 24:3 и аще возненавидит ю муж вторый, и напишет ей книгу отпущения и даст ей в руце ея, и отпустит ю из дому своего, или умрет муж ея вторый, иже бе ю поял себе в жену: Deuteronomy 24:4 не возможет муж первый, отпустивый ю, возвратив пояти ю себе в жену, по осквернении ея, яко гнусно есть пред Господем Богом твоим: и да не осквернавите земли, юже Господь Бог ваш дает вам в наследие. Deuteronomy 24:5 Аще же кто поймет жену внове, да не идет на брань, и да не наложится ему ни каяже вещь: неповинен будет в дому своем лето едино, да веселит жену свою, юже поял есть. Deuteronomy 24:6 Да не возмеши в залог жерновных каменей, яко душу сей дает в залог. Deuteronomy 24:7 Аще же ят будет человек крадый душу от братии своея сынов Израилевых, и насилием продает ю, да умрет тать той, и измите злое от вас самих. Deuteronomy 24:8 Внемли себе в язве проказы, и храни зело творити по всему закон, егоже возвестят вам жерцы левити: якоже заповедах вам, да храните творити: Deuteronomy 24:9 помяни, елика сотвори Господь Бог твой Мариаме на пути, исходящым вам из Египта. Deuteronomy 24:10 Аще же долг есть на ближнем твоем, долг каковый либо, да не внидеши в дом его взяти залог его: Deuteronomy 24:11 вне станеши, и человек той, на немже есть долг твой, изнесет залог вон. Deuteronomy 24:12 Аще же человек убог есть, да не преноществует залог его у тебе: Deuteronomy 24:13 отданием да отдаси ризу его до захождения солнца, и да почиет в ризе своей, и благословит тя, и будет тебе милость пред Господем Богом твоим. Deuteronomy 24:14 Да не лишиши мзды убогаго и требующаго от братии твоея, или от пришлец иже во градех твоих: Deuteronomy 24:15 в той же день да отдаси мзду ему, да не зайдет солнце ему, яко убог есть, и в том имать надежду, и да не возопиет на тя к Господеви, и будет тебе грех. Deuteronomy 24:16 Да не умрут отцы за сыны, и сынове да не умрут за отцы: кийждо за свой грех да умрет. Deuteronomy 24:17 Не уклониши суда пришелцу и сиру и вдове, и да не вземлеши в залог ризы вдовичи, Deuteronomy 24:18 и помянеши, яко раб (и ты) был еси в земли Египетстей, и свободи тя Господь Бог твой оттуду: сего ради аз тебе заповедаю творити сие слово. Deuteronomy 24:19 Аще же пожнеши ниву твою на селе твоем, и забудеши сноп на ниве твоей, да не возвратишися взяти его: пришелцу и убогу, и сиру и вдове да будет, да благословит тя Господь Бог твой во всех делех руку твоею. Deuteronomy 24:20 Аще же масличие собираеши, да не возвратишися останков собрати яже за тобою: пришелцу и сиру и вдове да будут: и воспомянеши, яко раб был еси в земли Египетстей: сего ради аз тебе заповедаю творити слово сие. Deuteronomy 24:21 Аше же обираеши виноград твой, да не собираеши останков яже за тобою: пришелцу и сиру и вдове да будут: Deuteronomy 24:22 и помянеши, яко раб был еси в земли Египетстей: сего ради аз тебе заповедаю творити сие слово. Deuteronomy 25:0 Deuteronomy 25:1 Аще же будет пря между человеки, и приидут на суд, и да судят, и оправдят праваго, и осудят нечестиваго: Deuteronomy 25:2 и будет, аще достоин есть ран нечестивый, да поставиши его пред судиями, и да биют его пред ними по нечестию его: Deuteronomy 25:3 и числом четыредесять ран да наложат ему, и да не приложат к сему: аще же приложат паче ран сих бити его множае, срам будет брату твоему пред тобою. Deuteronomy 25:4 Да не обротиши вола молотяща. Deuteronomy 25:5 Аше же живут братия вкупе, и умрет един от них, семене же не будет ему, да не будет жена умершаго иному мужу несродну: брат мужа ея да внидет к ней и поймет ю себе в жену, и да поживет с нею: Deuteronomy 25:6 и будет очроча, еже аще родится, да поставится во имя умершаго, и не погибнет имя его от Израиля. Deuteronomy 25:7 Аще же не восхощет человек пояти жены брата своего, да приидет жена ко вратом пред старейшины и речет: не хощет брат мужа моего возставити имя брата своего во Израили, не восхоте брат мужа моего: Deuteronomy 25:8 и да призовут его старейшины града того и рекут ему, и став речет: не хощу пояти ю: Deuteronomy 25:9 и приступивши жена брата его к нему пред старейшины, и изует сапог его един от ноги его, и да плюнет на лице его, и отвещавши речет: сице да сотворят человеку, иже не созиждет дому брата своего во Израили: Deuteronomy 25:10 и прозовется имя его во Израили дом изутаго из сапога. Deuteronomy 25:11 Аще же биются человека два вкупе, человек с братом своим, и приступит жена единаго от них отяти мужа своего от руки биющаго и, и простерши руку свою, имет за ятра его, Deuteronomy 25:12 да отсечеши руку ея: да не пощадит око твое ея. Deuteronomy 25:13 Да не будет во влагалищи твоем мерило и мерило, великое и малое, Deuteronomy 25:14 да не будет в дому твоем мера и мера, велика и мала: Deuteronomy 25:15 мерило истинно и праведно да будет тебе, и мера истинна и праведна да будет тебе, да многи дни будеши на земли, юже Господь Бог твой дает тебе в жребий, Deuteronomy 25:16 яко мерзость Господеви Богу твоему всяк творяй сия, всяк творяй неправду. Deuteronomy 25:17 Помяни, елика тебе сотвори Амалик на пути, исходящу тебе из Египта: Deuteronomy 25:18 како сопротивоста тебе на пути и посече задний полк твой утружден за тобою: ты же алчен был еси и утружден: и не убояся Бога: Deuteronomy 25:19 и будет егда упокоит тя Господь Бог твой от всех враг твоих, иже окрест тебе на земли, юже Господь Бог твой дает тебе в жребий, еже наследити ю, да погубиши имя Амаликово от земли, яже под небесем, и да не забудеши. Deuteronomy 26:0 Deuteronomy 26:1 И будет аще внидеши в землю, юже Господь Бог твой дает тебе в жребий еже наследити ю, и вселишися на ней, Deuteronomy 26:2 и да возмеши от начатка плодов земли твоея, юже Господь Бог твой дает тебе в жребий, и вложиши в кошницу, и пойдеши на место, еже изберет Господь Бог твой призывати имя Его тамо: Deuteronomy 26:3 и приидеши к жерцу, иже будет в тыя дни, и речеши к нему: возвещаю днесь Господеви Богу твоему, яко внидох в землю, еюже клятся Господь отцем нашым дати нам: Deuteronomy 26:4 и да возмет жрец от руку твоею кошницу и да положит ю пред олтарем Господа Бога твоего: Deuteronomy 26:5 и отвещав речеши пред Господем Богом твоим: Сирию остави отец мой и сниде во Египте и обита тамо в числе малем, и бысть тамо в язык велик и во множество много и велико: Deuteronomy 26:6 и озлобиша нас Египтяне, и смириша ны, и возложиша на ны дела жестокая: Deuteronomy 26:7 и возопихом ко Господу Богу отец наших, и услыша Господь вопль наш и виде смирение наше и труд наш и скорбь нашу, Deuteronomy 26:8 и изведе ны Господь из Египта Сам крепостию Своею великою и рукою сильною и мышцею высокою, и в видениих великих и в знамениих и в чудесех, Deuteronomy 26:9 и введе ны в место сие, и даде нам землю сию, землю кипящую медом и млеком: Deuteronomy 26:10 и ныне се, принесох начатки от плодов земли, юже дал ми еси, Господи, землю кипящую медом и млеком. И оставиши е пред Господем Богом твоим, и поклонишися тамо пред Господем Богом твоим, Deuteronomy 26:11 и возвеселишися о всех благих, яже даде тебе Господь Бог твой, и дом твой, и левит, и пришлец иже у тебе. Deuteronomy 26:12 Егда же совершиши одесятити всю десятину плодов земли твоея в лето третие, вторую десятину да даси левиту и пришелцу и сироте и вдове, и ядят во градех твоих и насытятся: Deuteronomy 26:13 и речеши пред Господем Богом твоим: очистих святая из дому моего, и дах я левиту и пришелцу и сироте и вдове, по всем заповедем Твоим, яже заповедал еси мне: не преступих заповеди Твоея и не забых, Deuteronomy 26:14 и не ядох в болезни моей от них, не принесох от них в нечистое, ниже дах от них умершему: послушах гласа Господа Бога моего, сотворих, якоже заповедал еси мне: Deuteronomy 26:15 призри с небесе от храма святаго Твоего, и благослови люди Твоя Израиля и землю, юже дал еси им якоже клялся еси отцем нашым, дати нам землю кипящую медом и млеком. Deuteronomy 26:16 В сей день заповеда тебе Господь Бог твой сотворити вся оправдания сия и судбы: и сохраните и сотворите я от всего сердца вашего и от всея души вашея. Deuteronomy 26:17 Господа избрал еси днесь быти тебе в Бога, и ходити во всех путех Его и хранити оправдания и заповеди и судбы Его, и послушати гласа Его. Deuteronomy 26:18 И Господь избра вас днесь, да будете Ему люди избраннии, якоже рече тебе, хранити вся заповеди Его, Deuteronomy 26:19 и быти тебе вышше всех язык, иже сотвори тя именита и хвальна и славна, быти вам людем святым Господу Богу вашему, якоже глагола. Deuteronomy 27:0 Deuteronomy 27:1 И заповеда Моисей и старейшины сынов Израилевых, глаголя: сохраните вся заповеди сия, елики аз заповедаю вам днесь. Deuteronomy 27:2 И будет в оньже день прейдете Иордан на землю, юже Господь Бог твой дает тебе во жребий, и поставиши себе камение велико и обелиши я мелом, Deuteronomy 27:3 и напишеши на каменех тех вся словеса закона сего, егда прейдете Иордан, егда внидете в землю, юже Господь Бог твой дает тебе, землю кипящую медом и млеком, якоже рече Господь Бог отец твоих тебе. Deuteronomy 27:4 И будет егда прейдете Иордан, да поставите камение сие, яже аз повелеваю вам днесь, в горе Гевал, и побелиши их мелом: Deuteronomy 27:5 и да созиждеши тамо олтарь Господеви Богу твоему, олтарь от камения: да не возложиши на них железа: Deuteronomy 27:6 камением всецелым да созиждеши олтарь Господеви Богу твоему и вознесеши на нем всесожжения Господеви Богу твоему, Deuteronomy 27:7 и пожреши жертву спасения: и яси, и насытишися тамо, и возвеселишися пред Господем Богом твоим, Deuteronomy 27:8 и напишеши на камениих сих весь закон сей яве зело. Deuteronomy 27:9 И глагола Моисей и жерцы левити всему Израилю, глаголюще: молчи и слыши, Израилю, в день сей стался еси в люди Господеви Богу твоему: Deuteronomy 27:10 и да послушаеши гласа Господа Бога твоего, и да сотвориши вся заповеди Его и оправдания Его, яже аз заповедаю тебе днесь. Deuteronomy 27:11 И заповеда Моисей людем в той день, глаголя: Deuteronomy 27:12 сии да станут благословляти люди на горе Гаризин, прешедше Иордан: Симеон, Левий, Иуда, Иссахар, Иосиф и Вениамин: Deuteronomy 27:13 и сии да станут на клятву на горе Гевал: Рувим, Гад и Асир, Завулон, Дан и Неффалим. Deuteronomy 27:14 И отвещавше рекут левити всему Израилю гласом великим: Deuteronomy 27:15 проклят человек, иже сотворит изваяние и слияние, мерзость Господеви, дело рук художника, и положит е в сокровении. И отвещавше вси людие рекут: буди. Deuteronomy 27:16 Проклят безчестяй отца своего или матерь свою. И рекут вси людие: буди. Deuteronomy 27:17 Проклят прелагаяй пределы ближняго своего. И рекут вси людие буди. Deuteronomy 27:18 Проклят прельщаяй слепаго в пути. И рекут вси людие: буди. Deuteronomy 27:19 Проклят, иже уклонит суд пришелцу и сироте и вдове. И рекут вси людие: буди. Deuteronomy 27:20 Проклят лежай с женою отца своего, яко открыл есть покровение отца своего. И рекут вси людие: буди. Deuteronomy 27:21 Проклят лежай со всяким скотом. И рекут вси людие: буди. Deuteronomy 27:22 Проклят лежай с сестрою своею, дщерию отца своего или дщерию матере своея и рекут вси людие: буди. Deuteronomy 27:23 Проклят лежай с тещею своею. И рекут вси людие: буди. Проклят лежай с сестрою жены своея. И рекут вси людие: буди. Deuteronomy 27:24 Проклят бияй ближняго с лестию. И рекут вси людие: буди. Deuteronomy 27:25 Проклят, иже возмет дары поразити душу крове неповинныя. И рекут вси людие: буди. Deuteronomy 27:26 Проклят всяк человек, иже не пребудет во всех словесех закона сего, еже творити я. И рекут вси людие: буди. Deuteronomy 28:0 Deuteronomy 28:1 И будет егда прейдете Иордан в землю, юже Господь Бог ваш дает вам, аще слухом послушаете гласа Господа Бога вашего хранити и творити вся заповеди Его, яже аз заповедаю тебе днесь, и даст тя Господь Бог твой вышше всех язык земли: Deuteronomy 28:2 и приидут на тя вся благословения сия и обрящете тя. Аще слухом послушаеши гласа Господа Бога твоего, Deuteronomy 28:3 благословен ты во граде и благословен ты на селе, Deuteronomy 28:4 благословена исчадия чрева твоего и плоды земли твоея, и стада волов твоих и паствы овец твоих, Deuteronomy 28:5 благословены житницы твои и останцы твои, Deuteronomy 28:6 благословен ты внегда входити тебе и благословен ты внегда исходити тебе. Deuteronomy 28:7 Да предаст тебе Господь Бог враги твоя, сопротивящыяся тебе, сокрушены пред лицем твоим: путем единем изыдут на тя и седмию путьми побежат от лица твоего. Deuteronomy 28:8 Да послет Господь на тя благословение в хранилищах твоих и на вся, на няже возложиши руку твою на земли, юже Господь Бог твой дает тебе. Deuteronomy 28:9 Да возставит тя Господь Бог твой Себе люд свят, якоже клятся отцем твоим. Аще послушаеши гласа Господа Бога твоего и ходити будеши в путех Его, Deuteronomy 28:10 и узрят тя вси языцы земнии яко имя Господа (Бога твоего) призвася на тя, и убоятся тебе, Deuteronomy 28:11 и умножит тя Господь Бог твой во благая во исчадиех утробы твоея и во исчадиех скотов твоих, и в плодех земли твоея, на земли твоей, юже клятся Господь отцем твоим дати тебе. Deuteronomy 28:12 Да отверзет тебе Господь сокровище Свое благое, небо, иже дати дождь земли твоей во время свое, да благословит вся дела рук твоих: и даси взаим языком многим, ты же не одолжишися: и обладаеши ты многими языки, тобою же не возобладают. Deuteronomy 28:13 Да поставит тя Господь Бог твой во главу, а не в хвост: и будеши тогда выше, и не будеши ниже, аще послушаеши заповедий Господа Бога твоего, елика аз заповедаю тебе днесь хранити и творити: Deuteronomy 28:14 да не преступиши от всех словес, яже аз заповедаю тебе днесь, на десно ниже на лево, ходити вслед богов иных служити им. Deuteronomy 28:15 И будет аще не послушаеши гласа Господа Бога твоего хранити и творити вся заповеди Его, елики аз заповедаю тебе днесь, и приидут на тя вся клятвы сия и постигнут тя: Deuteronomy 28:16 проклят ты во граде и проклят ты на селе, Deuteronomy 28:17 прокляты житницы твои и останки твои, Deuteronomy 28:18 проклята исчадия утробы твоея и плоды земли твоея, стада волов твоих и паствы овец твоих, Deuteronomy 28:19 проклят ты внегда входити тебе и проклят ты внегда исходити тебе. Deuteronomy 28:20 Да послет тебе Господь скудость и глад и истребление на вся, на няже возложиши руку твою, елика аще сотвориши, дондеже потребит тя и дондеже погубит тя вскоре, злых ради начинаний твоих, зане оставил еси Мя. Deuteronomy 28:21 Да прилепит Господь к тебе смерть, дондеже потребит тя от земли, в нюже ты входиши тамо наследити ю. Deuteronomy 28:22 Да поразит тя Господь неимением и огневицею, и стужею и жжением, и убийством и ветром тлетворным и бледостию, и поженут тя, дондеже погубят тя. Deuteronomy 28:23 И будет небо над главою твоею медяно и земля под тобою железна. Deuteronomy 28:24 Да даст Господь дождь земли твоей прах, и персть с небесе снидет на тя, дондеже сокрушит тя и дондеже погубит тя. Deuteronomy 28:25 Да даст тя Господь на изсечение пред враги твоими: путем единем изыдеши к ним и седмию пути побежиши от лица их, и будеши в разсеяние во всех царствах земных, Deuteronomy 28:26 и будут мертвецы ваши снедь птицам небесным и зверем земным, и не будет отгоняяй. Deuteronomy 28:27 Да поразит тя Господь вредом Египетским в седалищах и крастою дивиею и свербом, яко не мощи тебе исцелитися. Deuteronomy 28:28 Поразит тя Господь неистовством и слепотою и изступлением ума, Deuteronomy 28:29 и будеши осязаяй в полудни, якоже осязает слепый во тме, и не исправит путий твоих: и будеши тогда обидим и расхищаемь во вся дни, и не будет помогаяй тебе. Deuteronomy 28:30 Жену поймеши, и ин муж возимеет ю: дом созиждеши, и не поживеши в нем: виноград насадиши, и не обереши его: Deuteronomy 28:31 телец твой заклан пред тобою, и не снеси от него: осля твое отято от тебе, и не отдастся тебе: овцы твоя отданы (будут) врагом твоим, и не будет тебе помогаяй: Deuteronomy 28:32 сынове твои и дщери твоя отданы (будут) языку иному, и очи твои узрят истаевающе на сия, и не возможет рука твоя: Deuteronomy 28:33 плоды земли твоея и вся труды твоя пояст язык, егоже не веси, и будеши обидимь и сокрушаем во вся дни, Deuteronomy 28:34 и будеши изумлен, видений ради очес твоих, яже узриши. Deuteronomy 28:35 Да поразит тя Господь вредом злым на коленах и на голенех, яко не мощи исцелитися тебе от стоп ног твоих даже до верха (главы) твоея. Deuteronomy 28:36 Да отведет тя Господь и князи твоя, яже поставиши себе, в язык, егоже не веси ты и отцы твои, и послужиши тамо богом иным, древу и камению, Deuteronomy 28:37 и будеши тамо в гадание и в притчу и повесть во всех языцех, в няже введет тя Господь (Бог) тамо. Deuteronomy 28:38 Семя много изнесеши на поле, и мало внесеши, яко поядят я прузи: Deuteronomy 28:39 виноград насадиши и возделаеши, и вина не испиеши, ниже возвеселишися от него, яко пояст я червь: Deuteronomy 28:40 маслины будут тебе во всех пределех твоих, и елеем не помажешися, яко истечет маслина твоя: Deuteronomy 28:41 сыны и дщери родиши, и не будут тебе, отидут бо в плен: Deuteronomy 28:42 вся древесная твоя и вся жита земли твоея потребит ржа: Deuteronomy 28:43 пришлец, иже есть у тебе, взыдет над тя выше выше, ты же низидеши низу низу: Deuteronomy 28:44 сей взаим даст тебе, ты же ему взаим не даси: сей будет глава, ты же будеши хвост. Deuteronomy 28:45 И приидут на тя вся клятвы сия, и поженут тя и постигнут тя, дондеже потребят тя и дондеже погубят тя: яко не послушал еси гласа Господа Бога твоего, еже хранити заповеди Его и оправдания Его, елика заповеда тебе. Deuteronomy 28:46 И будут на тебе знамения и чудеса, и в семени твоем до века, Deuteronomy 28:47 понеже не послужил еси Господеви Богу твоему с веселием и благим сердцем, множества ради всех (благих), Deuteronomy 28:48 и послужиши врагом твоим, яже послет Господь Бог твой на тя с гладом и жаждею, и наготою и оскудеением всех: и возложит ярем железен на выю твою, дондеже сокрушит тя. Deuteronomy 28:49 И наведет Господь на тя язык издалеча от края земли аки устремление орле, язык, егоже не уразумееши глагола, Deuteronomy 28:50 язык безстуден лицем, иже не удивится лицу старчу и юна не помилует: Deuteronomy 28:51 и пояст плоды скотов твоих и плоды земли твоея, яко не оставит тебе пшеницы, ни вина, ни елеа, стад волов твоих и паств овец твоих, дондеже погубит тя: Deuteronomy 28:52 и сокрушит тя во всех градех твоих, дондеже разорятся стены твоя высокия и крепкия, на нихже ты уповаеши, во всей земли твоей: и озлобит тя во всех градех твоих, яже даде тебе Господь Бог твой. Deuteronomy 28:53 И снеси чада утробы твоея, плоть сынов и дщерей твоих, ихже даде тебе Господь Бог твой, в тесноте твоей и в скорби твоей, еюже оскорбит тя враг твой. Deuteronomy 28:54 Юный в вас и младый зело позавидит оком своим брату своему и жене яже на лоне его, и оставшымся чадом, яже аще останутся ему: Deuteronomy 28:55 яко дати единому их от плотей чад своих, ихже ял еси, понеже ничто остася ему в тесноте и скорби твоей, еюже оскорбят тя врази твои во всех градех твоих. Deuteronomy 28:56 И юная в вас (жена) и млада зело, еяже не обыче нога ея ходити по земли юности ради и младости, позавидит оком своим мужу своему иже на лоне ея, и сыну и дщери своей, Deuteronomy 28:57 и блоне своей изшедшей из чресл ея, и чаду своему еже аще родит: снест бо я тайно, скудости ради всех в тесноте и скорби своей, еюже оскорбит тя враг твой во всех градех твоих. Deuteronomy 28:58 Аще не послушаете творити вся словеса закона сего, написанная в книзе сей, еже боятися имене чуднаго и чуднаго сего, Господа Бога твоего, Deuteronomy 28:59 и удивит Господь язвы твоя и язвы семене твоего, язвы великия и дивныя, и болезни злыя и известныя, Deuteronomy 28:60 и обратит на тя всю болезнь Египетскую злую, еяже ты боялся еси от лица их, и прилепятся к тебе: Deuteronomy 28:61 и все разслабление, и всю язву ненаписанную и всю писаную в книзе закона сего наведет Господь на тя, дондеже потребит тя: Deuteronomy 28:62 и останетеся в числе малем, вместо того егда бысте яко звезды небесныя множеством, яко не послушасте гласа Господа Бога вашего. Deuteronomy 28:63 И будет, якоже возвеселися Господь о вас благотворити вам и умножити вас, тако возвеселится Господь о вас потребити вас: и возметеся от земли, в нюже вы входите тамо наследити ю, Deuteronomy 28:64 и разсеет тя Господь Бог твой во вся языки, от края земли даже до края ея, и послужиши тамо богом иным, древу и камению, ихже не знал еси ты и отцы твои: Deuteronomy 28:65 но и во языцех онех не упокоит тя, ниже будет стояния стопе ноги твоея: и даст тебе Господь тамо сердце печальное и оскудевающая очеса и истаявающую душу: Deuteronomy 28:66 и будет живот твой висящь пред очима твоима, и убоишися во дни и в нощи, и не будеши веры яти житию твоему: Deuteronomy 28:67 заутра речеши: како будет вечер? И в вечер речеши: како будет утро? От страха сердца твоего, имже убоишися, и от видении очес твоих, имиже узриши: Deuteronomy 28:68 и возвратит тя Господь Бог во Египет в кораблех, и на пути егоже рекох, не приложите ксему видети его: и продани будете тамо врагом вашым в рабы и в рабыни, и не будет купующаго. Deuteronomy 29:0 Deuteronomy 29:1 Сия словеса завета, яже завеща Господь Моисею уставити сыном Израилевым в земли Моавли, кроме завета, егоже завеща им в Хориве. Deuteronomy 29:2 И призва Моисей вся сыны Израилевы и рече к ним: вы видесте вся, елика сотвори Господь в земли Египетстей пред вами фараону и всем слугам его и всей земли его, Deuteronomy 29:3 искушения великая, яже видеста очи твои, знамения и чудеса великая оная, руку крепкую и мышцу высокую: Deuteronomy 29:4 и не даде Господь Бог вам сердца разумети и очес видети и ушес слышати, даже до дне сего: Deuteronomy 29:5 и водил вас четыредесять лет по пустыни: не обетшаша ризы вашя, и сапози ваши не сотрошася на ногах ваших: Deuteronomy 29:6 хлеба не ядосте, вина и сикера не писте, да познаете, яко Сей Господь Бог ваш: Deuteronomy 29:7 и приидосте до сего места: и изыде Сион царь Есевонский и Ог царь Васанский во сретение нам на брань, Deuteronomy 29:8 и поразихом их на брани, и прияхом землю их: и дах ю во жребий Рувиму и Гаду и полуплемени Манассиину. Deuteronomy 29:9 И сохраните творити вся словеса завета сего творити я, да разумеете вся, елика сотворите. Deuteronomy 29:10 Вы стасте вси днесь пред Господем Богом вашим, племеноначалницы ваши и старейшины ваши, и судии ваши и писмовводители ваши, всяк муж Израилтеск, Deuteronomy 29:11 и жены вашя и чада ваша, пришлец иже посреде полка вашего, от древосечца вашего даже до водоносца вашего, Deuteronomy 29:12 еже прейти в завет Господа Бога вашего и в клятвы Его, елика завещает Господь Бог твой к тебе днесь: Deuteronomy 29:13 да поставит тя Себе в люди, и Той будет тебе Бог, якоже тебе рече и якоже клятся отцем твоим, Аврааму и Исааку и Иакову. Deuteronomy 29:14 И не вам единем аз завет сей и клятву сию завещаваю, Deuteronomy 29:15 но и зде сущым с вами днесь, пред Господем Богом вашим, и не сущым с вами зде днесь. Deuteronomy 29:16 Яко вы весте, како жихом в земли Египетстей и како проидохом посреде языков, ихже преидосте, Deuteronomy 29:17 и видесте мерзости их и кумиры их, древо и камение, сребро и злато, яже суть у них. Deuteronomy 29:18 Еда кто есть в вас муж или жена, или отечество или племя, егоже сердце уклонися от Господа Бога вашего, ити еже служити богом языков оных? Еда кий есть в вас корень горе прорастающь в желчи и горести? Deuteronomy 29:19 И будет аще услышит словеса клятвы сея и похвалится в сердцы своем, глаголя: преподобно мне да будет, яко в прельщении сердца моего пойду, да не погубит грешник безгрешнаго (с собою): Deuteronomy 29:20 не восхощет Бог милостив быти ему, но тогда разгорится гнев Господень и ревность Его на человека того: и прилепятся ему вся клятвы завета сего, писанныя в книзе закона сего: и потребит Господь имя его от поднебесныя, Deuteronomy 29:21 и отлучит его Господь на злая от всех сынов Израилевых, по всем клятвам завета написаннаго в книзе закона сего. Deuteronomy 29:22 И речет род ин, сынове ваши, иже востанут по вас, и чуждый иже приидет от земли далекия, и узрят язвы земли оныя и недуги ея, яже посла Господь на ню, Deuteronomy 29:23 жупел и соль сожженную: вся земля ея не насеется, ни прозябнет, ниже возникнет на ней всяк злак: якоже опровержеся Содом и Гоморр, Адама и Севоим, яже опроверже Господь в ярости и гневе Своем. Deuteronomy 29:24 И рекут вси языцы: почто сотвори Господь сице земли сей? Кая ярость гнева великая сия? Deuteronomy 29:25 И рекут: яко оставиша завет Господа Бога отец своих, егоже завеща отцем их, егда изведе их от земли Египетския, Deuteronomy 29:26 и шедше послужиша богом иным, и поклонишася им, ихже не ведяху, и не даде им ничтоже ни един: Deuteronomy 29:27 и разгневася яростию Господь на землю ту, еже навести на ню по всем клятвам завета, писанным в книгах закона сего: Deuteronomy 29:28 и изят их Господь от земли их яростию и гневом, и прогневанием великим зело, и изверже их в землю ину якоже ныне. Deuteronomy 29:29 Тайная Господеви Богу нашему, нам же явленная и чадом нашым во веки, творити вся словеса закона сего. Deuteronomy 30:0 Deuteronomy 30:1 И будет егда приидут на тя вся словеса сия, благословение и клятва, юже дах пред лицем твоим, и приимеши в сердце твое во всех языцех, в няже расточит тя Господь Бог твой тамо, Deuteronomy 30:2 и обратишися ко Господу Богу твоему, и послушаеши гласа Его по всем, елика аз заповедаю тебе днесь, ты и сын твой, от всего сердца твоего и от всея души твоея, Deuteronomy 30:3 и исцелит Господь грехи твоя и помилует тя, и паки соберет тя от всех языков, в няже разсыпа тя Господь Бог тамо. Deuteronomy 30:4 Аще будет разсеяние твое от края небесе даже до края небесе, оттуду соберет тя Господь Бог твой и оттуду возмет тя, Deuteronomy 30:5 и введет тя Господь Бог твой оттуду в землю, юже наследиша отцы твои, и наследиши ю: и благо тебе сотворит, и умножит тя паче отец твоих Deuteronomy 30:6 и очистит Господь сердце твое и сердце семене твоего, любити Господа Бога твоего от всего сердца твоего и от всея души твоея, да живеши ты: Deuteronomy 30:7 и даст Господь Бог твой клятвы сия на враги твоя и на ненавидящыя тя, иже изгнаша тя: Deuteronomy 30:8 и ты обратишися и послушаеши гласа Господа Бога твоего и сотвориши заповеди Его, елики аз заповедаю тебе днесь. Deuteronomy 30:9 И благословит тя Господь Бог твой во всяком деле руку твоею, в плодех утробы твоея и в плодех скотов твоих и в житех земли твоея, яко обратится Господь Бог твой возвеселитися о тебе во благих, якоже возвеселися от отцех твоих: Deuteronomy 30:10 аще послушаеши гласа Господа Бога твоего хранити и творити вся заповеди Его и оправдания Его и суды Его, написанныя в книзе закона сего: аще обратишися ко Господу Богу твоему от всего сердца твоего и от всея души твоея. Deuteronomy 30:11 Яко заповедь сия, юже аз заповедаю тебе днесь, не тяжка есть, ниже далече есть от тебе: Deuteronomy 30:12 не на небеси есть, глаголя: кто взыдет от нас на небо и возмет ю нам, и услышавше ю сотворим? Deuteronomy 30:13 Ниже об ону страну моря есть, глаголяй: кто прейдет нам на юну страну моря и возмет ю нам, и услышавше ю сотворим? Deuteronomy 30:14 Близ тебе есть глагол зело, во устех твоих и в сердцы твоем и в руку твоею, творити его. Deuteronomy 30:15 Се, дах пред лицем твоим днесь жизнь и смерть, благо и зло. Deuteronomy 30:16 Аще послушаеши заповедий Господа Бога твоего, яже аз заповедаю тебе днесь, любити Господа Бога твоего, ходити во всех путех Его и хранити оправдания Его и заповеди Его и суды Его, и поживеши, и умножишися, и благословит тя Господь Бог твой на всей земли, в нюже входиши наследити ю тамо. Deuteronomy 30:17 И аще превратится сердце твое, и не послушаеши, и заблудив поклонишися богом иным и послужиши им, Deuteronomy 30:18 возвещаю вам днесь, яко погибелию погибнете, и не многодневни будете на земли, юже Господь Бог дает тебе, в нюже вы преходите Иордан тамо наследити ю. Deuteronomy 30:19 Засвидетелствую вам днесь небом и землею: живот и смерть дах пред лицем вашим, благословение и клятву: и избери живот, да живеши ты и семя твое, Deuteronomy 30:20 любити Господа Бога твоего, послушати гласа Его и прилепитися к Нему: яко сие живот твой, и долгота дний твоих, жити на земли, еюже клятся Господь Бог отцем твоим, Аврааму и Исааку и Иакову, дати им. Deuteronomy 31:0 Deuteronomy 31:1 И сконча Моисей глаголя вся словеса сия ко всем сыном Израилевым Deuteronomy 31:2 и рече к ним: ста и двадесяти лет аз есмь днесь: не возмогу ксему входити и исходити: Господь же рече ко мне: не прейдеши Иордана сего: Deuteronomy 31:3 Господь Бог твой предидый пред лицем твоим, Той потребит языки сия от лица твоего, и наследиши их: и Иисус предидый пред лицем твоим, якоже глагола Господь: Deuteronomy 31:4 и сотворит им Господь, якоже сотвори Сиону и Огу, двум царем Аморрейским, иже быша об он пол Иордана, и земли их, якоже потреби их Deuteronomy 31:5 и предаде их Господь в руце ваши: и сотворите им, якоже заповедах вам: Deuteronomy 31:6 мужайся и крепися, не бойся, ни ужасайся, ни устрашайся от лица их: яко Господь Бог твой, Сей предидый с вами, и не отступит от тебе, ниже оставит тя. Deuteronomy 31:7 И призва Моисей Иисуса и рече ему пред всем Израилем: мужайся и крепися: ты бо внидеши пред лицем людий сих в землю, юже клятся Господь отцем вашым дати им, и ты в наследие разделиши ю им: Deuteronomy 31:8 и Господь, идый с тобою, не отступит от тебе, ниже оставит тя: не бойся, ни ужасайся. Deuteronomy 31:9 И вписа Моисей вся словеса закона сего в книгу и даде жерцем сыном Левииным, воздвижущым ковчег завета Господня, и старцем сынов Израилевых. Deuteronomy 31:10 И заповеда им Моисей в той день, глаголя: по седми летех во время лета оставления, в праздник кущей? Deuteronomy 31:11 Егда сходится весь Израиль явитися пред Господем Богом твоим на месте, еже изберет Господь, читайте закон сей пред всем Израилем во ушы их: Deuteronomy 31:12 соберите люди, мужы и жены и дети, и пришелца, иже во градех ваших, да услышат и научатся боятися Господа Бога вашего, и послушают творити вся словеса закона сего: Deuteronomy 31:13 и сынове их, иже не ведят, услышат и научатся боятися Господа Бога вашего во вся дни, елики поживут на земли, на нюже вы преходите Иордан тамо наследити ю. Deuteronomy 31:14 И рече Господь к Моисею: се, приближишася дние смерти твоея: призови Иисуса, и станите пред дверми скинии свидения, и заповем ему и иде Моисей и Иисус ко скинии свидения, и счаста пред дверми скинии свидения. Deuteronomy 31:15 И сниде Господь в столпе облачне, и ста у дверий скинии свидения: и ста столп облачный у дверий скинии свидения. Deuteronomy 31:16 И рече Господь к Моисею: се, ты почиеши со отцы твоими, и воставше людие сии соблудят вслед богов чуждих земли, в нюже входят сии тамо, и оставят Мя, и разорят завет Мой, егоже завещах им: Deuteronomy 31:17 и разгневаюся яростию на ня в той день, и оставлю я, и отвращу лице Мое от них, и будут в снедь: и обрящут я зла многа и скорби, и рекут в день той: понеже несть Господа Бога в нас, постигнуша ны злая сия: Deuteronomy 31:18 Аз же отвращением отвращу лице Мое от них в той день, злоб ради всех яже сотвориша, яко обратишася к богом чуждим: Deuteronomy 31:19 и ныне напишите словеса песни сея, и научите ей сыны Израилевы, и вложите ю во уста их, да будет Мне песнь сия во свидетелство в сынех Израилевых: Deuteronomy 31:20 введу бо их в землю благую, еюже кляхся отцем их, дати им землю кипящую медом и млеком, и ядят, и насытившеся утолстеют, и обратятся к богом чуждим, и послужат им, и разгневают Мя, и разорят завет Мой, егоже завещах им: Deuteronomy 31:21 и будет егда постигнут их многа зла и скорби, и противостанет песнь сия пред лице их свидетелствующи, яко не забвена будет от яст их и от уст семене их: Аз бо вем злобу их, елика творят днесь зде, прежде введения их в землю благую, еюже кляхся отцем их. Deuteronomy 31:22 И написа Моисей песнь сию в той день и научи ей сыны Израилевы и заповеда Моисей Иисусу сыну Навину и рече ему: Deuteronomy 31:23 мужайся и крепися: ты бо введеши сыны Израилевы в землю, еюже клятся им Господь, и Той будет с тобою. Deuteronomy 31:24 Егда же сконча Моисей пиша вся словеса закона сего в книгу даже до конца, Deuteronomy 31:25 и заповеда левитом воздвижущым ковчег завета Господня, глаголя: Deuteronomy 31:26 вземше книгу закона сего, положите ю от страны ковчега завета Господа Бога вашего, и будет тамо вам во свидетелство: Deuteronomy 31:27 яко аз вем рвение твое и выю твою жестокую: еще бо мне живу сущу с вами днесь, преогорчающе бысте Господа, кольми паче по смерти моей? Deuteronomy 31:28 Соберите ко мне племеноначалники вашя и старцы вашя, и судии вашя и книговводители вашя, да возглаголю во ушы их вся словеса сия и засвидетелствую им небом и землею: Deuteronomy 31:29 вем бо, яко по скончании моем беззаконием собеззаконнуете и уклонитеся от пути, егоже (аз) заповедах вам, и срящут вас злая в последния дни, яко сотворите злое пред Господем Богом, прогневати Его в делех рук ваших. Deuteronomy 31:30 И глагола Моисей во ушеса всего сонма Израилева словеса песни сея даже до конца: Deuteronomy 32:0 Deuteronomy 32:1 Вонми, небо, и возглаголю, и да слышит земля глаголы уст моих, Deuteronomy 32:2 да чается яко дождь вещание мое, и да снидут яко роса глаголи мои, яко туча на троскот и яко иней на сено: Deuteronomy 32:3 яко имя Господне призвах, дадите величие Богу нашему. Deuteronomy 32:4 Бог, истинна дела Его, и вси путие Его суд: Бог верен, и несть неправды в Нем: праведен и преподобен Господь. Deuteronomy 32:5 Согрешиша, не Того чада порочная: роде строптивый и развращенный, Deuteronomy 32:6 сия ли Господеви воздаете, сии людие буии и не мудри? Не Сам ли сей Отец твой стяжа тя, и сотвори тя, и созда тя? Deuteronomy 32:7 Помяните дни вечныя, разумейте лета рода родов: вопроси отца твоего, и возвестит тебе, старцы твоя, и рекут тебе. Deuteronomy 32:8 Егда разделяюще Вышний языки, яко разсея сыны Адамовы, постави пределы языков по числу ангел Божиих, Deuteronomy 32:9 и бысть часть Господня, людие Его Иаков, уже наследия Его Израиль: Deuteronomy 32:10 удовли его в пустыни, в жажди зноя в безводне: обыде его и наказа его, и сохрани его яко зеницу ока: Deuteronomy 32:11 яко орел покры гнездо свое, и на птенцы своя возжеле: простер криле свои и прият их, и подят их на раму своею. Deuteronomy 32:12 Господь един вождаше их, и не бе с ними бог чуждь: Deuteronomy 32:13 возведе я на силу земли, насыти их жит селных: ссаша мед из камене и елей от тверда камене, Deuteronomy 32:14 масло кравие и млеко овчее с туком агнчим и овним сынов юнчих и козлих, с туком пшеничным, и кровь гроздову пияху вино. Deuteronomy 32:15 И яде Иаков и насытися, и отвержеся возлюбленный: уты, утолсте, разшире: и остави Бога сотворшаго его, и отступи от Бога спаса своего. Deuteronomy 32:16 Прогневаша Мя о чуждих, и в мерзостех своих преогорчиша Мя. Deuteronomy 32:17 Пожроша бесовом, а не Богу, богом, ихже не ведеша: нови и секрати приидоша, ихже не ведеша отцы их. Deuteronomy 32:18 Бога рождшаго тя оставил еси и забыл еси Бога питающаго тя. Deuteronomy 32:19 И виде Господь, и возревнова, и раздражися за гнев сынов их и дщерей, Deuteronomy 32:20 и рече: отвращу лице Мое от них и покажу, что будет им напоследок, яко род развращен есть, сынове, имже несть веры в них: Deuteronomy 32:21 тии раздражиша Мя не от бозе, прогневаша Мя во идолех своих: и Аз раздражу их не о языце, от языце же неразумливе прогневаю их: Deuteronomy 32:22 яко огнь возгорится от ярости Моея, разжжется до ада преисподняго, снест землю и жита ея, попалит основания гор: Deuteronomy 32:23 соберу на них злая, и стрелы Моя скончаю в них: Deuteronomy 32:24 тающе гладом и снедию птиц, и горб неисцелен: зубы зверий послю в на, с яростию пресмыкающихся по земли: Deuteronomy 32:25 отвне обезчадит их мечь, и от храмов их страх: юноша с девою, ссущее с совершенным старцем. Deuteronomy 32:26 Рех: разсею их, уставлю же от человек память их: Deuteronomy 32:27 токмо за гнев врагов, да не долголетствуют, и да не налягут супостати, да не рекут: рука наша высока, и не Господь сотвори сия вся: Deuteronomy 32:28 яко язык погубивый совет есть, и несть в них художества, не смыслиша разумети: Deuteronomy 32:29 сия вся да приимут во грядущее лето. Deuteronomy 32:30 Како поженет един тысящы, и два двигнета тмы, аще не Бог отдаде их, и Господь предаде их? Deuteronomy 32:31 Не суть бо бози их, яко Бог наш: врази же наши неразумливи. Deuteronomy 32:32 От виноградов бо Содомских виноград их, и розга их от Гоморры: грозд их грозд желчи, грозд горести их: Deuteronomy 32:33 ярость змиев вино их, и ярость аспидов неисцельна. Deuteronomy 32:34 Не сия ли вся собрашася у Мене и запечатлешася в сокровищах Моих? Deuteronomy 32:35 В день отмщения воздам, во время егда соблазнится нога их: яко близ день погибели их, и предстоят готовая вам: Deuteronomy 32:36 яко судити имать Господь людем Своим, и о рабех Своих умолен будет: виде бо их разслабленны и истаявшя во время и изнемогшя. Deuteronomy 32:37 И рече Господь: где суть бози их, на нихже уповаша, Deuteronomy 32:38 ихже тук жертв их ядясте, и пиясте вино треб их? Да воскреснут и помогут вам, и будут вам покровители. Deuteronomy 32:39 Видите, видите, яко Аз есмь, и несть Бог разве Мене: Аз убию и жити сотворю: поражу и Аз исцелю, и несть иже измет от руку Моею: Deuteronomy 32:40 яко воздвигну на небо руку Мою, и кленуся десницею Моею, и реку: живу Аз во веки: Deuteronomy 32:41 яко поострю якоже молнию мечь Мой, и приимет суд рука Моя, и воздам месть врагом и ненавидящым Мя воздам: Deuteronomy 32:42 упою стрелы Моя от крове, и мечь Мой снест мяса от крове язвеных и пленения, от глав князей языческих. Deuteronomy 32:43 Возвеселитеся, небеса, купно с Ним, и да поклонятся Ему вси Ангели Божии: возвеселитеся, языцы, с людьми Его, и да укрепятся ему вси сынове Божии: яко кровь сынов Своих отмщает и отмстит, и воздаст месть врагом и ненавидящым Его воздаст: и очестит Господь землю людий Своих. Deuteronomy 32:44 И написа Моисей песнь сию в той день, и научи ей сыны Израилевы: и вниде Моисей к людем и глагола вся словеса закона сего во ушы людем, сам и Иисус Навин. Deuteronomy 32:45 И сконча Моисей глаголя словеса сия вся всему Израилю, Deuteronomy 32:46 и рече к ним: внемлите сердцем вашим вся словеса сия, яже аз засвидетелствую вам днесь, яже да заповесте сыном вашым, хранити и творити вся словеса закона сего, Deuteronomy 32:47 яко не тщетно слово сие вам, зане сия жизнь ваша, и ради слова сего долги дни будете на земли, на нюже вы преходите Иордан тамо наследити ю. Deuteronomy 32:48 И рече Господь к Моисею в день сей, глаголя: Deuteronomy 32:49 взыди на гору Аварим, сия гора Навав, яже есть в земли Моавли прямо Иерихону, и виждь землю Ханааню, юже аз даю сыном Израилевым во обдержание: Deuteronomy 32:50 и скончайся тамо на горе, на нюже восходиши, и приложися к людем твоим, якоже умре Аарон брат твой на горе Ор и приложися к людем своим: Deuteronomy 32:51 понеже не покористеся словеси Моему в сынех Израилевых у воды Пререкания Кадис в пустыни Син, понеже не освятисте Мене в сынех Израилевых: Deuteronomy 32:52 яко прямо узриши землю, и тамо не внидеши, юже даю сыном Израилевым. Deuteronomy 33:0 Deuteronomy 33:1 И сие благословение, имже благослови Моисей человек Божий сыны Израилевы прежде скончания своего, Deuteronomy 33:2 и рече: Господь от Синаи прииде, и явися от Сиира нам, и приспе от горы Фарани, и прииде со тмами святых, одесную Его ангели с ним, Deuteronomy 33:3 и пощаде люди Своя: и вси освященнии под руками Твоими, и сии под Тобою суть. Deuteronomy 33:4 И прия от словес Его закон, егоже заповеда нам Моисей, наследие сонму Иаковлю: Deuteronomy 33:5 и будет в Возлюбленнем князь, собравшымся князем людским купно с племены Израилевыми. Deuteronomy 33:6 Да живет Рувим, и да не умрет, и Симеон да будет мног числом. Deuteronomy 33:7 И сие Иуде: услыши, Господи, глас Иудин и в люди его вниди: руце его поборют по нем, и помощник на враги его да будеши. Deuteronomy 33:8 И Левию рече: дадите Левию явленная Его, и истину Его мужу преподобну, егоже искусиша Искушением, укориша его у воды Пререкания: Deuteronomy 33:9 глаголяй отцу своему и матери своей: не видех тебе: и братии своея не позна, и сынов своих не уведе: сохрани словеса Твоя и завет Твой соблюде: Deuteronomy 33:10 явят оправдания Твоя Иакову и закон Твой Израилю: возложат фимиам во гневе Твоем всегда на олтарь Твой: Deuteronomy 33:11 благослови, Господи, крепость его и дела руку его приими: порази чресла воставших на него врагов его, и ненавидящии его да не востанут. Deuteronomy 33:12 И Вениамину рече: возлюбленный Господем уповаяй вселится (в Нем), и Бог осеняет его во вся дни, и посреде рамен Его почи. Deuteronomy 33:13 И Иосифови рече: от благословения Господня земля его, от красот небесных и росы, и от бездн источников низу, Deuteronomy 33:14 и во время плодов солнечных обращений, и от схождений месячных, Deuteronomy 33:15 и от верха гор начала, и от верха холмов вечных, Deuteronomy 33:16 и по времени земли исполнения: и приятная Явившемуся в купине, да приидут на главу Иосифу, и на версе прославивыйся в братии. Deuteronomy 33:17 Первородный юнца доброта его, рози единорога рози его: ими языки избодет вкупе даже до края земли: сия тмы Ефремовы, и сия тысящи Манассиины. Deuteronomy 33:18 И Завулону рече: возвеселися, Завулоне, во исходе твоем, и Иссахаре в селениих твоих: Deuteronomy 33:19 языки потребят: и призовете тамо, и пожрете тамо жертву правды: яко богатство морское воздоит тя, и купли от язык при мори живущих. Deuteronomy 33:20 И Гаду рече: благословен разширяяй Гада: яко лев почи, сокрушивый мышцу и князя: Deuteronomy 33:21 и виде начатки своя, яко тамо разделися земля, князей собранных вкупе с началники людскими: правду Господь сотвори и суд Свой со Израилем. Deuteronomy 33:22 И Дану рече: Дан, скимен львов, и изскочит от Васана. Deuteronomy 33:23 И Неффалиму рече: Неффалиму насыщение приятных, и да насытится благословением от Господа: море и юг наследит. Deuteronomy 33:24 И Асиру рече: благословен от чад Асир, и будет приятен братии своей: омочит в елей ногу свою: Deuteronomy 33:25 железо и медь сапог его будет, и аки дни твоя крепость твоя. Deuteronomy 33:26 Несть якоже Бог Возлюбленнаго: восходяй на небо помощник твой, и великолепый в тверди: Deuteronomy 33:27 и покрыет тя Божие начало, и под крепостию мышцей вечных: и отженет от лица твоего врага, глаголя: да погибнеши: Deuteronomy 33:28 и вселится Израиль уповая един на земли Иаковли в вине и пшенице: и небо ему облачно росою. Deuteronomy 33:29 Блажен еси, Израилю: кто подобен тебе, людие спасаемии от Господа? Защитит помощник твой, и мечь хвала твоя: и солжут тебе врази твои, и ты на выю их наступиши. Deuteronomy 34:0 Deuteronomy 34:1 И взыде Моисей от аравофа Моавля на гору Навав, на верх Фазга, яже есть прямо Иерихону: и показа ему Господь всю землю Галаадску даже до Дана, Deuteronomy 34:2 и всю землю Неффалимлю, и всю землю Ефремову и Манассиину, и всю землю Иудину даже до моря последняго, Deuteronomy 34:3 и пустыню и окрестная (села) Иерихона, град Фиников даже до Сигора, Deuteronomy 34:4 и рече Господь к Моисею: сия земля, еюже кляхся Аврааму и Исааку и Иакову, глаголя: семени вашему дам ю: и показах ю очесем твоим, и тамо не внидеши. Deuteronomy 34:5 И скончася тамо Моисей раб Господень в земли Моавли словом Господним. Deuteronomy 34:6 И погребоша его в земли Моавли близ дому Фогорова. И не уведа никтоже погребения его даже до дне сего. Deuteronomy 34:7 Моисею же бе сто и двадесять лет, егда скончася: не отемнесте очи его, ни истлеста устне его. Deuteronomy 34:8 И плакашася сынове Израилевы Моисеа во Аравофе Моавли у Иордана близ Иерихона тридесять дний. И скончашася дние плача сетования о Моисей. Deuteronomy 34:9 И Иисус сын Навин наполнися духа разума: возложи бо Моисей руце свои на него. И послушаша его сынове Израилевы, и сотвориша якоже заповеда Господь Моисею. Deuteronomy 34:10 И не воста ктому пророк во Израили якоже Моисей, егоже позна Господь лицем к лицу, Deuteronomy 34:11 во всех знамениих и чудесех, егоже посла Господь сотворити я в земли Египетстей фараону и рабом его и всей земли его, Deuteronomy 34:12 дивная великая, и руку крепкую (и мышцу высокую), яже сотвори Моисей пред всем Израилем.
Joshua 0:0
Иисус Навин Joshua 1:0 Joshua 1:1 И бысть по скончании Моисеа раба Господня, и рече Господь Иисусу сыну Навину, служителю Моисеову, глаголя: Joshua 1:2 Моисей раб Мой скончася: ныне убо востав прейди Иордан ты и вси людие сии в землю, юже Аз даю им: Joshua 1:3 всякое место, по немуже прейдете стопою ног ваших, вам дам е, якоже глаголах Моисею: Joshua 1:4 пустыню и Антиливан сей даже до реки великия реки Евфрата, всю землю Ефеоню, и даже до моря последняго: от запада солнца будут пределы ваши: Joshua 1:5 не супротивится человек пред вами во вся дни живота твоего, и якоже бех с Моисеом, тако буду и с тобою: и не оставлю тебе, ниже презрю тя: Joshua 1:6 крепися и мужайся: ты бо разделиши людем сим землю, еюже кляхся отцем вашым дати им: Joshua 1:7 крепися убо, и мужайся зело, хранити и творити, якоже тебе заповеда Моисей раб Мой, и не уклонися от них ни на десно, ни на лево, да смыслиши во всех, яже твориши: Joshua 1:8 и да не отступит книга закона сего от уст твоих, и да поучаешися в ней день и нощь, да уразумееши творити вся писанная: тогда благоуспееши и исправиши пути твоя, и тогда уразумееши: Joshua 1:9 се, заповедаю тебе: крепися и мужайся, ни ужасайся, ниже убойся: яко с тобою Господь Бог твой во всех, аможе аще пойдеши. Joshua 1:10 И заповеда Иисус книгочиям людским, глаголя: Joshua 1:11 внидите посреде полка людий и заповедайте людем, глаголюще: уготовайте брашно, яко еще три дни, и вы прейдете Иордан сей, вшедше прияти землю, юже Господь Бог отец ваших дает вам в причастие. Joshua 1:12 И Рувиму и Гаду и полуплемени Манассиину рече Иисус: Joshua 1:13 помяните слово, еже заповеда вам Моисей раб Господень, глаголя: Господь Бог ваш упокои вас и даде вам землю сию: Joshua 1:14 жены ваши и дети ваши и скоти ваши да живут на земли, юже даде вам Моисей у Иордана: вы же прейдете вооружени пред братиею вашею, всяк крепок, и споборствуете им, Joshua 1:15 дондеже упокоит Господь Бог ваш братию вашу, якоже и вас, и наследят и сии землю, юже Господь Бог ваш дает им: и отидете кийждо в наследие свое, и наследите е, еже даде вам Моисей об Ону страну Иордана от востоков солнца. Joshua 1:16 И отвещавше Иисусу, реша: вся, елика заповеси нам, сотворим, и во всякое место, аможе послеши нас, пойдем: Joshua 1:17 по всем, елика слушахом Моисеа, тебе послушаем: токмо да будет Господь Бог наш с тобою, якоже бе с Моисеем: Joshua 1:18 человек же, иже аще не покорится тебе и иже не послушает словес твоих, якоже заповеси ему, да умрет: точию крепися и мужайся. Joshua 2:0 Joshua 2:1 И посла Иисус сын Навин из Саттина два юношы соглядати втай, глаголя: взыдите и видите землю и Иерихон. И шедша два юношы внидоста во Иерихон и внидоста в дом жены блудницы, ейже имя Раав: и витаста тамо. Joshua 2:2 И поведаша царю Иерихонскому, глаголюще: се, мужие внидоша семо (в сию нощь) от сынов Израилевых соглядати землю. Joshua 2:3 И посла царь Иерихонский и рече к Рааве, глаголя: изведи мужы вшедшыя в дом твой нощию: соглядати бо землю приидоша. Joshua 2:4 И поемши жена два мужа, сокры их: и рече им, глаголющи: приидоша ко мне мужие, но не вем откуду быша: Joshua 2:5 егда же врата затворяху в сумраки, и мужие изыдоша: не вем камо поидоша: пожените скоро вслед их, аще постигнете их. Joshua 2:6 Она же возведе я на храмину и сокры я в паздере льняне собранем у нея на храмине. Joshua 2:7 И мужие гнаша вслед их путем ко Иордану к преходом, и врата затворены быша. Joshua 2:8 И бысть егда изыдоша женущии вслед их, и сии прежде неже уснути им, и она взыде к ним на храмину и рече к ним: Joshua 2:9 вем, яко предаде Господь землю (сию) вам: нападе бо страх ваш на ны, и ужасошася вси обитающии на земли от лица вашего: Joshua 2:10 слышахом бо, яко изсуши Господь Бог море Чермное пред лицем вашим, егда исхождасте из Египта, и елика сотвористе двоим царем Аморрейским, иже быша об ону страну Иордана, Сиону и Огу, ихже потребисте: Joshua 2:11 и слышавше мы ужасохомся в сердцы нашем, и не ста ктому дух ни во единем от нас от лица вашего: яко Господь Бог ваш, Бог на небеси горе и на земли доле: Joshua 2:12 и ныне кленитеся мне Господем Богом (вашим), яко аз творю милость вам, да сотворите и вы милость в дому отца моего, и дадите ми знамение истинно: Joshua 2:13 и оживите дом отца моего, и матерь мою, и братию мою, и сестры моя, и вся, елика суть им, и измите душы нашя от смерти. Joshua 2:14 И рекоша ей мужие: душа наша вместо вас на смерть, аще ныне не объявиши нас. Она же рече: и будет егда предаст Господь вам град (сей), сотворите мне милость и истину. Joshua 2:15 И свеси их на верве окном: яко дом ея при стене, и при стене сия живяше: Joshua 2:16 и рече им: отидите в гору, да не срящут вас гонящии, и скрыйтеся тамо три дни, дондеже возвратятся гонящии вслед вас: и по сих отидете в путь ваш. Joshua 2:17 И реша к ней мужие: неповинни есмы клятве сей твоей, еюже закляла еси нас: Joshua 2:18 се, мы входим в часть града, и поставиши знамение, вервь червлену, сию да обяжеши у окна, имже спустила еси нас: отца же твоего и матерь твою, и братию твою и весь дом отца твоего да собереши к себе в дом твой: Joshua 2:19 и будет всяк, иже аще изыдет из дверий дому твоего вон, сам себе повинен будет, мы же неповинни (будем) клятве твоей сей: и елицы аще с тобою будут в дому твоем, мы будем повинни, аще рука прикоснется их: Joshua 2:20 аще же кто нас обидит, или открыет словеса наша сия, будем неповинни клятве твоей сей, еюже закляла еси нас. Joshua 2:21 И рече им: по словеси вашему тако да будет. И отпусти их, и отидоша: и привяза вервь червлену у окна. Joshua 2:22 И отидоша, и проидоша в гору, и пребыша тамо три дни, дондеже возвратишася гнавшии. И искаша гонящии по всем путем, и не обретоша. Joshua 2:23 И возвратистася два юношы и снидоста с горы: и преидоста (Иордан) ко Иисусу сыну Навину, и поведаста ему вся случившаяся има: Joshua 2:24 и реста ко Иисусу: яко предаде Господь Бог наш в руце наши всю землю, и убояшася вси живущии на земли той от нас. Joshua 3:0 Joshua 3:1 И воста заутра Иисус, и воздвигошася из Саттина, и приидоша до Иордана той и вси сынове Израилевы, и сташа тамо прежде неже прейти. Joshua 3:2 И бысть по триех днех, проидоша книгочия чрез полк, Joshua 3:3 и заповедаша людем, глаголюще: егда узрите кивот завета Господа Бога нашего, и жерцы нашя, и левиты воздвизающыя его, да воздвигнетеся и вы от мест ваших и пойдете вслед его: Joshua 3:4 но подалее да будет между вами и оным, елико две тысящы лакот станете: не приближитеся к нему, да увесте путь, по немуже пойдете: не ходисте бо путем тем ни вчера, ни третияго дне. Joshua 3:5 И рече Иисус к людем: очиститеся наутрие, яко заутра сотворит в вас Господь чудная. Joshua 3:6 И рече Иисус к жерцем: воздвигните кивот завета Господня и предидите пред людьми. И взяша жерцы кивот завета Господня и идоша пред людьми. Joshua 3:7 И рече Господь ко Иисусу: в сей день начинаю возвышати тя пред всеми сынми Израилевыми, да уведят, якоже бех с Моисеом, тако буду и с тобою: Joshua 3:8 и ныне заповеждь жерцем воздвизающым кивот завета, глаголя: егда внидете на часть воды Иордана, и во Иордане станете. Joshua 3:9 И рече Иисус сыном Израилевым: приступите семо, и слышите слово Господа Бога вашего: Joshua 3:10 в сих увесте, яко Господь живяй в вас и потребляяй потребит от лица вашего Хананеа и Хеттеа, и Ферезеа и Евеа, и Гергесеа и Аморреа и Иевусеа: Joshua 3:11 се, кивот завета Господа всея земли преходит Иордан: Joshua 3:12 изберите себе дванадесять мужей от сынов Израилевых, единаго от коегождо племене, Joshua 3:13 и будет егда почиют нози жерцев воздвизающих кивот завета Господа всея земли в воде Иордана, вода Иорданова оскудеет, вода же низтекущая станет. Joshua 3:14 И бысть егда воздвигнушася людие от кущ своих прейти Иордан, жерцы же воздвигоша кивот завета Господня пред людьми: Joshua 3:15 егда же внидоша жерцы воздвижуще кивот завета Господня во Иордан, и нози жерцев воздвизающих кивот завета Господня омочишася в части воды Иордана, Иордан же наполняшеся во вся краи своя, якоже во дни жатвы пшеницы: Joshua 3:16 и сташа воды текущыя свыше, ста огустение едино отлучившееся далече зело зело от Адами града даже до страны Кариафиарима: низтекущая же низтече в море Аравско, в море Сланое, дондеже до конца оскуде. Joshua 3:17 И людие стояху прямо Иерихону. И сташа жерцы воздвизающии кивот завета Господня на сусе посреде Иордана: и вси сынове Израилевы прехождаху по суху, дондеже скончаша вси людие преходяще Иордан. Joshua 4:0 Joshua 4:1 И егда скончаша вси людие преходяще Иордан, и рече Господь к Иисусу, глаголя: Joshua 4:2 поими дванадесять мужей от людий, мужа единаго от коегождо племене, Joshua 4:3 повели им, глаголя: возмите от среды Иордана, идеже стояша нози жречестии, готовых дванадесять каменей, и изнесше я с собою, положите в полце вашем, идеже станете тамо в нощи. Joshua 4:4 И призвав Иисус дванадесять мужей славных от сынов Израилевых, единаго от коегождо племене, рече им: Joshua 4:5 идите предо мною пред лицем Господним в средину Иордана: и взем оттуду кийждо камень един да возложит на рамена своя, по числу племен (сынов) Израилевых: Joshua 4:6 да будут вам сии в знамение посреде вас лежаще всегда, да егда вопросит тебе утро сын твой, глаголя: что суть камение сие вам? Joshua 4:7 И ты возвестиши сыну твоему, глаголя: яко оскуде Иордан река от лица кивота завета Господа всея земли, егда прехождаше его, и изсяче вода Иорданова: и будут вам камение сие в память сынов Израилевых даже до века. Joshua 4:8 И сотвориша тако сынове Израилевы, якоже заповеда Господь Иисусу: и вземше дванадесять каменей от среды Иордана, якоже заповеда Господь Иисусу в скончании прехождения сынов Израилевых, и принесоша их с собою в полк, и положиша их тамо. Joshua 4:9 Постави же Иисус и другия дванадесять каменей в самем Иордане на месте, идеже стояху нози жерцев воздвизающих кивот завета Господня, и суть тамо даже до сего дне. Joshua 4:10 Стояху же жерцы воздвизающии кивот завета Господня во Иордане, дондеже сконча Иисус вся, елика заповеда Господь Иисусу поведати людем, по всем, елика заповеда Моисей Иисусу: и потщашася людие, и преидоша. Joshua 4:11 И бысть егда скончаша вси людие преходити (Иордан), прейде и кивот завета Господня, и камение пред ними. Joshua 4:12 И преидоша сынове Рувимли и сынове Гадовы и пол племене Манассиина устроены пред сынми Израилевы, якоже заповеда им Моисей: Joshua 4:13 четыредесять тысящ вооружени на рать преидоша пред Господем на брань ко граду Иерихону. Joshua 4:14 В той день возвеличи Господь Иисуса пред всем родом Израилевым: и бояхуся его, якоже бояхуся Моисеа, елико время поживе. Joshua 4:15 И рече Господь ко Иисусу, глаголя: Joshua 4:16 заповеждь жерцем, воздвизающым кивот завета свидения, изступити из Иордана. Joshua 4:17 И заповеда Иисус жерцем, глаголя: изыдите из Иордана. Joshua 4:18 И бысть егда изыдоша жерцы воздвизающии кивот завета Господня от среды Иордана, и поставиша ноги на сусе, и устремися вода Иорданова на место и пойде якоже вчера и третияго дне по всему краю. Joshua 4:19 И людие взыдоша от Иордана в десятый день перваго месяца: и ополчишася сынове Израилевы в Галгалех на стране, яже на восток солнца от Иерихона. Joshua 4:20 И дванадесять камения сия, яже взя от Иордана, постави Иисус в Галгалех, и рече к сыном Израилевым, глаголя: Joshua 4:21 егда вопросят вас сынове ваши, глаголюще: что суть камение сие? Joshua 4:22 Возвестите сыном вашым: яко по суху прейде Израиль Иордан сей, Joshua 4:23 изсушившу Господу Богу вашему воду Иорданю пред ними, дондеже преидоша, якоже сотвори Господь Бог ваш Чермному морю, еже изсуши Господь Бог ваш пред вами, дондеже преидохом: Joshua 4:24 да уведят вси языцы земнии, яко рука Господня крепка есть, и вы да чтете Господа Бога вашего во всякое время. Joshua 5:0 Joshua 5:1 И бысть егда услышаша царие Аморрейстии, иже бяху об ону страну Иордана, и царие Финическии, иже бяху близ моря, яко изсуши Господь Бог Иордан реку пред сыны Израилевыми, внегда преходити им, и истаяша мысли их, и ужасошася, и не бяше в них смышления ни единаго от лица сынов Израилевых. Joshua 5:2 В сие же время рече Господь Иисусу: сотвори себе ножи каменны от камене остраго, и сед обрежи сыны Израилевы второе. Joshua 5:3 И сотвори Иисус себе ножи каменны остры и обреза сыны Израилевы на месте нареченнем Холм обрезания. Joshua 5:4 И тако обреза Иисус сыны Израилевы: елицы тогда родишася на пути, и елицы тогда не обрезани быша от изшедших из Египта, всех сих обреза Иисус: вси людие изшедшии из Египта мужеска полу, вси мужие ратнии измроша в пустыни на пути, внегда изыдоша из Египта: Joshua 5:5 яко обрезани быша вси людие изшедшии, вси же людие, иже родишася в пустыни на пути, егда изыдоша из Египта, не обрезани быша: Joshua 5:6 четыредесять бо и два лета хождаше Израиль в пустыни Мавдаритиде: сего ради не обрезани быша мнози от тех воинов изшедших из земли Египетския, не послушавшии заповедий Господних, имже и определи Господь не видети земли, еюже клятся Господь отцем их дати нам землю кипящую медом и млеком: Joshua 5:7 вместо же сих постави сыны их, ихже обреза Иисус, яко скончаныя плоти бяху им, яко родишася на пути не обрезани: Joshua 5:8 обрезавшеся же покой имяху тамо седяще в полце, дондеже исцелишася. Joshua 5:9 И рече Господь Иисусу: в днешний день отях поношение Египетско от вас. И нарече имя месту тому Галгала, даже до сего дне. Joshua 5:10 И ополчишася сынове Израилевы в Галгалех и сотвориша Пасху в четвертыйнадесять день месяца от вечера на западе на поли Иерихонстем, Joshua 5:11 и ядоша от пшеницы земли оноя опресноки и новая: Joshua 5:12 в той день преста манна, повнегда ядоша от пшеницы земли, и ктому не бысть сыном Израилевым манны: но ядоша от плодов земли Финическия в лето оное. Joshua 5:13 И бысть егда бяше Иисус у Иерихона, и воззрев очима своима, виде человека стояща пред ним, и мечь его обнажен в руце его. И приступив Иисус, рече ему: наш ли еси, или от сопостат наших? Joshua 5:14 Он же рече ему: аз архистратиг силы Господни, ныне приидох (семо). И Иисус паде лицем своим на землю и поклонися ему, и рече: господи, что повелеваеши рабу твоему? Joshua 5:15 И рече архистратиг Господень ко Иисусу: иззуй сапог с ногу твоею: место бо, на немже ты стоиши, свято есть. И сотвори Иисус тако. Joshua 5:16 Иерихон же заключен и огражден бысть от лица сынов Израилевых: и никтоже из него исхождаше, ниже вхождаше. Joshua 6:0 Joshua 6:1 И рече Господь ко Иисусу: се, Аз предаю тебе в руце Иерихон и царя его, и сущыя в нем, сильны крепостию: Joshua 6:2 и обходите град окрест вси мужие крепцыи единою (на день), тако сотворите шесть дний: Joshua 6:3 и седмь жерцы да возмут седмь труб рожаных пред кивотом: и в седмый день оыдите град седмижды, и жерцы да вострубят в трубы рожаны: Joshua 6:4 и будет егда вострубите трубою рожаною, внегда услышати вам глас трубы, да воскликнут вси людие: и воскликнувшым им, падут сами стены града во основании своем, и внидут вси людие устремившеся кийждо прямо себе во град. Joshua 6:5 И вниде Иисус сын Навин к жерцем сынов Израилевых и рече им глаголя: возмите кивот завета Господня, и седмь жерцы да возмут седмь труб рожаных пред лицем кивота Господня. Joshua 6:6 И рече им глаголя: повелите людем оыти и окружити град, и воини да предидут вооружени пред кивотом Господним. Joshua 6:7 И бысть егда рече Иисус к людем, и седмь жерцы имуще седмь труб священных да предидут такожде пред Господем, и да вострубят доброгласно: и кивот завета Господня вслед по них да идет: Joshua 6:8 воини же да предидут напреди, и жерцы трубяще в трубы, и последующии созади кивота завета Господня бяху идуще и трубяще трубами. Joshua 6:9 Людем же заповеда Иисус, глаголя: не вопите, ниже да слышит кто гласа вашего, ниже да изыдет из уст ваших слово до дне, в оньже повелю вам сам воскликнути, и тогда воскликните. Joshua 6:10 И обшед кивот завета Божия окрест града (единою), абие иде в полк, и ста тамо. Joshua 6:11 Во вторый же день воста Иисус заутра, и воздвигоша жерцы кивот завета Господня. Joshua 6:12 И жерцы седмь носящии седмь труб предидяху пред кивотом Господним и трубиша трубами, и воини вооружени идяху, и прочии людие вслед кивота завета Господня идуще, и жерцы вострубиша трубами рожаными. Joshua 6:13 И обыдоша град в день вторый единою, и поидоша паки в полк: сице творяху шесть дний. Joshua 6:14 И бысть в седмый день, восташа в востание утреннее, и обыдоша град в той день седмижды. Joshua 6:15 И бысть во обхождении седмем вострубиша жерцы трубами, и рече Иисус к сыном Израилевым: воскликните, предаде бо Господь вам град: Joshua 6:16 и будет град сей проклят, и вся, елика суть в нем, Господу сил: токмо Раав блудницу снабдите ю, и вся, елика суть в дому ея, яко сокры прелагатаи, ихже посылахом: Joshua 6:17 но вы соблюдитеся от клятвы, да не когда помысливше вы возмете от клятвы, и сотворите полк сынов Израилевых клятву, и потребите ны: Joshua 6:18 злато же все и сребро, и медь и железо свято да будет Господу: в сокровище Господне да внесется. Joshua 6:19 И вострубиша жерцы трубами: егда же услышаша людие глас трубный, воскликнуша вси купно людие гласом великим и сильным: и падоша вся стены града окрест, и внидоша вси людие во град, кийждо противу себе, и прияша град. Joshua 6:20 И прокля и Иисус, и елика быша во граде, от мужеска полу и до женска, от юноши и до старца, и от телца до овцы и до осляте, все под мечь. Joshua 6:21 И двоим юношам соглядавшым землю рече Иисус: внидите в дом жены блудницы, и изведите ю оттуду, и вся, елика суть ея, якоже клястеся ей. Joshua 6:22 И внидоста два юношы соглядавшии град в дом жены, и изведосте Раав блудницу, и отца ея и матерь ея, и братию ея и все сродство ея, и вся елика быша ей, изведоста и постависта я вне полка Израилева. Joshua 6:23 И град сожгоша огнем со всем, еже бе в нем, кроме злата и сребра, меди и железа, яже отдаша в дом Господень внести Господеви. Joshua 6:24 И Раав блудницу и весь дом ея отеческий остави живы Иисус, и обитати сотвори во Израили даже до дне сего, понеже сокры прелагатаи, ихже посла Иисус соглядати Иерихона. Joshua 6:25 И прокля Иисус в той день, глаголя: проклят человек пред Господем, иже поставит и созиждет град сей Иерихон: на первенце своем оснует его, и на меншем своем поставит врата его. И сице сотвори Азан, иже от Вефиля: на Авироне первенце своем основа и, и на меншем спасенем постави врата его. Joshua 6:26 И бяше Господь со Иисусом, и бе имя его по всей земли. Joshua 7:0 Joshua 7:1 И прегрешиша сынове Израилевы прегрешением великим, и взяша от клятвы: взя бо Ахар сын Хармии, сына Замврии, сына Зары, от племене Иудина, от клятвы. И разгневася Господь яростию на сыны Израилевы. Joshua 7:2 И посла Иисус мужы от Иерихона в Гай, иже есть противу Вифавн на восток Вефиля, и рече им, глаголя: шедше соглядайте землю. И идоша мужие и соглядаша Гай. Joshua 7:3 И возвратишася ко Иисусу и рекоша ему: да не идут вси людие, но яко две тысящы или три тысящы мужей да идут и да воюют Гай: да не ведеши тамо всех людий, мало бо есть их (тамо). Joshua 7:4 И идоша от людий тамо, аки три тысящы мужей, и побегоша от лица мужей Гайских: Joshua 7:5 и убиша от них мужие Гайстии яко тридесять и шесть мужей, и отгнаша их от врат, дондеже сокрушиша их на стремнине: и ужасеся сердце людий, и бысть яко вода. Joshua 7:6 И растерза Иисус ризы своя, и паде на земли на лице свое пред Господем даже до вечера, сам и старцы Израилевы: и посыпаша персть на главы своя. Joshua 7:7 И рече Иисус: молюся, Господи Господи, вскую преведе раб Твой люди сия чрез Иордан предати их Аморреом на погубление? От, да быхом пребыли и вселилися у Иордана: Joshua 7:8 Господи, что реку? Понеже отврати Израиль выю свою пред враги своими: Joshua 7:9 и услышав Хананей и вси живущии на земли обыдут нас и потребят нас от земли: и что сотвориши имени Твоему великому? Joshua 7:10 И рече Господь ко Иисусу: востани, вскую ты пал еси на лице твое? Joshua 7:11 Согрешиша людие и преступиша завет Мой, егоже завещах к ним, и украдше от клятвы, скрыша в сосудех своих: Joshua 7:12 сего ради не могут сынове Израилевы стати пред лицем врагов своих, но хребет обратят пред враги своими, яко клятвою сташася: не приложу ксему быти с вами, аще не измете клятвы от себе самих: Joshua 7:13 востав очисти люди и рцы: очиститеся на утро: яко сия глаголет Господь Бог Израилев: клятва есть в вас, не возможете стати пред враги вашими, дондеже измете от себе самих клятву: Joshua 7:14 и соберитеся вси заутра по племеном (вашым), и будет племя, еже покажет Господь, да приведете по сонмом: и сонм, егоже покажет Господь, да приведете по домом: и дом, егоже покажет Господь, да приведете по мужем: Joshua 7:15 и иже обличится, да сожжется огнем, сам и вся елика суть его, яко преступи завет Господень и сотвори беззаконие во Израили. Joshua 7:16 И воста Иисус заутра, и приведе людий по племеном: и обличися племя Иудино. Joshua 7:17 И приведеся по сонмом, и обличися сонм Зараин: и приведеся сонм Зараин по мужем, и обличися дом Замвриин. Joshua 7:18 И приведеся дом его по мужем, и обличися Ахар сын Хармиин сына Замвриина, сына Зараня, от племене Иудина. Joshua 7:19 И рече Иисус Ахару: сыне мой, даждь славу днесь Господу Богу Израилеву, и даждь Ему исповедание, и исповеждь ми, что сотворил еси, и не утай от мене. Joshua 7:20 И отвеща Ахар Иисусу и рече: поистинне аз согреших пред Господем Богом Израилевым: сице и сице сотворих: Joshua 7:21 видех в плене ризу красну и добру и двести дидрахм сребра, и сосуд един злат, пятьдесят дидрахм вес его: и помыслив на ня взях: и се, сия сокровенна суть в земли в кущи моей, и сребро сокровенно под ними. Joshua 7:22 И посла Иисус послы, и идоша в кущу в полк: и сия бяху сокровенна в кущи его, и сребро под ними, Joshua 7:23 и изнесоша я из кущи, и принесоша ко Иисусу и к старцем Израилевым, и положиша я пред Господем. Joshua 7:24 И взя Иисус Ахара сына Зараня, и сребро и ризу и сосуд златый, и возведе его в дебрь Ахор, и сыны его и дщери его, и телцы его и ослята его и вся овцы его, и кущу его и вся имения его, и весь Израиль по нем: и возведе я (со всем) во емек Ахор. Joshua 7:25 И рече Иисус Ахару: почто потребил еси нас? Да потребит тя Господь, якоже и днесь. И побиша его камением весь Израиль, и сожгоша вся огнем, и наметаша их камением, Joshua 7:26 и наметаша на нем громаду камения велику. И преста Господь от ярости гнева Своего. Сего ради прозвася имя месту тому емек Ахор даже до дне сего. Joshua 8:0 Joshua 8:1 И рече Господь ко Иисусу: не бойся, ниже ужасайся: поими с собою вся мужы воинския, и востав взыди в Гай: се, предах в руце твои царя Гайска и землю его, и люди его и град его: Joshua 8:2 и да сотвориши Гаю и царю его, якоже сотворил еси Иерихону и царю его: и плен его и скоты его да плениши себе: устрой же себе подсаду граду за собою. Joshua 8:3 И воста Иисус и вси мужие воинстии, да внидут в Гай: и избра Иисус тридесять тысящ мужей воинских сильных крепостию и посла их нощию, Joshua 8:4 и заповеда им, глаголя: вы скрыйтеся за градом: не далече будите от града зело, и будите вси готови: Joshua 8:5 аз же и вси людие иже со мною приступим ко граду: и будет егда изыдут живущии в Гаи в сретение нам, якоже и прежде, и побегнем от лица их: Joshua 8:6 и егда изыдут вслед нас, отторгнем их от града: и рекут: бежат сии от лица нашего, якоже и прежде: Joshua 8:7 вы же востанете от подсады, и пойдете во град, и предаст его Господь Бог наш в руце ваши: Joshua 8:8 и будет егда возмете град, запалите его огнем, по словеси сему сотворите: се, заповедаю вам. Joshua 8:9 И посла их Иисус, и идоша в подсаду: и седоша между Вефилем и между Гаием, от моря Гаиа. Joshua 8:10 И востав Иисус заутра, согляда люди: и взыде сам и старцы Израилтестии пред людьми в Гай. Joshua 8:11 И вси людие воинстии с ним взыдоша, и идуще приидоша сопротив града от востоков: и подсады града от моря. Joshua 8:12 И ополчишася от севера Гаиа, и (бысть) дебрь между ими и между Гаием. И взя яко пять тысящ мужей, и положи их на подсаду между Вефилем и Гаием от запада Гаиа. Joshua 8:13 И поставиша людие весь полк от севера града, а прочая его от моря града. И пойде Иисус в нощь ону посреде дебри. Joshua 8:14 И бысть егда увиде царь Гайский, потщася, и воста рано и изыде в сретение им прямо на брань, сам и вси людие его с ним во время, пред лицем подсады: он же не ведяше, яко подсада ему есть за градом (его). Joshua 8:15 И увиде, и отиде Иисус и весь люд от лица их, и побеже путем пустыни, Joshua 8:16 и укрепися весь люд гнати вслед их, и погнаша вслед сынов Израилевых, и отступиша от града. Joshua 8:17 (И) не остася никтоже в Гаи и Вефили, иже не погна вслед Израиля: и оставиша град отверст, и гнаша вслед Израиля. Joshua 8:18 И рече Господь ко Иисусу: простри руку твою с копием, еже в руце твоей, на град, зане в руку твою предах его: и подсады востанут вскоре от места своего. И простре Иисус руку свою и с копием на град. Joshua 8:19 И подсады восташа скоро от места своего: и изыдоша, егда простре руку, и внидоша во град, и взяша его: и потщавшеся запалиша град огнем. Joshua 8:20 И озревшеся обитатели Гайстии вспять себе, узреша дым восходящь от града до небесе, и ктому не имеша камо побегнути, семо или овамо: людие же бегущии в пустыню обратишася на гонящих. Joshua 8:21 Иисус же и весь Израиль увидеша, яко взяша подсады град, и яко восходит дым градный до небесе: и обратившеся избиша мужей Гайских. Joshua 8:22 И сии изыдоша из града противу им, и быша посреде полка Израилева, сии отсюду и сии отюнуду: и избиша их, дондеже не остася ни един от них цел, ни убежа. Joshua 8:23 И царя Гайска яша жива, и приведоша его ко Иисусу. Joshua 8:24 И бысть егда престаша сынове Израилевы секуще всех сущих в Гаи и сущих на полях и на горе исхода, идеже гониша их, и падоша вси острием меча на ней до конца: и обратися Иисус в Гай и посече их мечем. Joshua 8:25 И быша вси падшии в той день от мужеска полу и до женска дванадесять тысящ, вси живущии в Гаи. Joshua 8:26 Иисус же не обрати руки своея, юже простре с копием, дондеже прокля всех обитающих в Гаи. Joshua 8:27 Кроме скотов (их) и имения, яже во граде онем, вся плениша себе сынове Израилевы по повелению Господню, якоже повеле Господь Иисусу. Joshua 8:28 И запали град Иисус огнем: землю необитаему во век положи его даже до сего дне. Joshua 8:29 И царя Гайска повеси на древе сугубем: и бяше на древе до вечера: и заходящу солнцу повеле Иисус, и сняша тело его с древа, и повергоша и в ров пред враты града: и насыпа над ним громаду велику камения даже до сего дне. Joshua 8:30 Тогда созда Иисус олтарь Господу Богу Израилеву на горе Гевал, Joshua 8:31 якоже заповеда Моисей раб Господень сыном Израилевым, и якоже написася в законе Моисеове, олтарь от камений всецелых, на нихже не возложися железо: и вознесе тамо всесожжения Господу и жертву спасения. Joshua 8:32 И написа Иисус на камениих вторый закон, закон Моисеов, егоже написа пред сыны Израилевыми. Joshua 8:33 И весь Израиль, и старцы их и судии их и книгочия их предходяху сюду и сюду пред кивотом, и жерцы и левити воздвизаша кивот завета Господня, пришелец же и туземец: иже быша половина их близ горы Гаризин, и половина их близ горы Гевал, якоже заповеда Моисей раб Господень благословити людий Израилевых в первых. Joshua 8:34 И по сих тако прочте Иисус вся словеса закона сего, благословения и клятвы, по всему написанному в законе Моисеове. Joshua 8:35 Не бяше словесе от всех, яже заповеда Моисей Иисусу, егоже не прочте Иисус во уши всего сонма сынов Израилевых, мужем и женам, и детем и пришелцем приходящым ко Израилю. Joshua 9:0 Joshua 9:1 Егда же услышаша вси царие Аморрейстии, иже об ону страну Иордана, иже в горней и иже в равней, и иже во всем примории моря великаго и иже при Антиливане, и Хеттеи и Аморреи, и Гергесеи и Хананеи, и Ферезеи и Евеи и Иевусеи, Joshua 9:2 снидошася вкупе сещися со Иисусом и со Израилем единомысленно. Joshua 9:3 И живущии в холме в Гаваоне слышаша вся, елика сотвори Господь Иерихону и Гаю, Joshua 9:4 и сотвориша и сии с лукавством, и шедше уготоваша брашна и уготовашася: и вземше вретища ветха на ослы своя, и мехи вина ветхи и разседшыяся завязаны: Joshua 9:5 и сапоги ветхи и заплачены на ногу их, и ризы обветшаны на них, и хлебы брашна их беша пресохли и сплеснели и сдроблени. Joshua 9:6 И приидоша ко Иисусу в полк Израилев в Галгалы, и рекоша ко Иисусу и всему Израилю: от земли дальния приидохом, и ныне завещайте нам завет. Joshua 9:7 И рекоша сынове Израилевы к Хоррею: виждь, не посреде ли нас живеши, и како тебе завещаю завет? Joshua 9:8 И рекоша ко Иисусу: раби есмы твои. И рече к ним Иисус: откуду есте? И откуду приидосте? Joshua 9:9 И рекоша к нему: от дальния земли зело приидохом раби твои во имя Господа Бога твоего: слышахом бо имя Его и вся, елика сотвори во Египте, Joshua 9:10 и вся, елика сотвори двоим царем Аморрейским, иже быша об ону страну Иордана, Сиону царю Есевонску и Огу царю Васанску, иже живяше во Астарофе и во Едраине. Joshua 9:11 И слышавше рекоша к нам старцы наши и вси живущии на земли нашей, глаголюще: возмите себе брашно на путь и идите противу им, и рцыте к ним: раби есмы ваши, и ныне завещайте нам завет: Joshua 9:12 сии хлебы наши, теплыя на путь взяхом их от домов наших, в оньже день изыдохом приити к вам: ныне же пресхоша и быша содроблени: Joshua 9:13 и сии меси вина, ихже налияхом новы, и сии разседошася: и ризы нашя сия и обувища наша обетшаша от долгаго пути зело. Joshua 9:14 И взяша князи брашно их, а Господа не вопросиша. Joshua 9:15 И сотвори Иисус с ними мир, и устави к ним завет, еже снабдети их: и кляшася им князи сонма. Joshua 9:16 И бысть по триех днех по завещании к ним завета, услышаша, яко близ их суть и яко посреде их живут. Joshua 9:17 И восташа сынове Израилевы и внидоша во грады их в третий день: гради же их (бяху) Гаваон и Кефира, и Вирот и град Иарим. Joshua 9:18 И не сотвориша с ними рати (Иисус и) сынове Израилевы, яко кляшася им вси князи сонма Господем Богом Израилевым. И ропташа весь сонм Израилев на князей. Joshua 9:19 И рекоша вси князи всему сонму: мы кляхомся им Господем Богом Израилевым, и ныне не возможем коснутися их: Joshua 9:20 сие сотворим им, еже живити их, и снабдим их, и не будет на нас гнева клятвы ради, еюже кляхомся им. Joshua 9:21 И рекоша им князи: да живут сии, и будут древосечцы и водоносцы всему сонму. И сотвори весь сонм, якоже рекоша им князи. Joshua 9:22 И созва их Иисус и рече им, глаголя: почто прельстисте мя, глаголюще: далече есмы от тебе зело? Вы же населницы есте от живущих в нас: Joshua 9:23 и ныне прокляти есте: и не оскудеет от вас раб, ниже древосечец, ниже водоносец мне и Богу моему. Joshua 9:24 И отвещаша Иисусу, глаголюще: понеже возвестися нам (рабом твоим), елика заповеда Господь Бог твой Моисею рабу Своему, дати вам землю сию и потребити нас и вся живущыя на ней от лица вашего, сего ради убояхомся зело от душах наших от лица вашего, и сотворихом дело сие: Joshua 9:25 и ныне, се, мы подручни вам, якоже угодно есть вам, и якоже вам мнится, творите нам. Joshua 9:26 И сотвориша им сице: и избави я Иисус в той день от руку сынов Израилевых, и не убиша их. Joshua 9:27 И постави я Иисус в той день древосечцы и водоносцы всему сонму и олтарю Божию. Сего ради быша живущии в Гаваоне древосечцы и водоносцы олтарю Божию, даже до днешняго дне, и на месте еже аще изберет Господь. Joshua 10:0 Joshua 10:1 Егда же услыша Адонивезек царь Иерусалимский, яко взя Иисус Гай и потреби его, якоже сотвори Иерихону и царю его, тако сотвори и Гаю и царю его, и яко сами вдашася живущии в Гаваоне ко Иисусу и ко Израилю, и быша в них, Joshua 10:2 и убояшася сами в себе зело: ведяху бо, яко град бяше велик Гаваон, яко един от великих градов, и вси мужие иже в нем крепцы. Joshua 10:3 И посла Адонивезек царь Иерусалимский к Еламу царю Хевронску и Фераану царю Иеримуфску, и ко Афию царю Лахисску, и к Давиру царю Одолламску, глаголя: Joshua 10:4 приидите, взыдите ко мне и помозите ми, да повоюем Гаваона: вдашася бо сами ко Иисусу и к сыном Израилевым. Joshua 10:5 И собрашася и взыдоша пять царей Иевусейских: царь Иерусалимский и царь Хевронский, и царь Иеримуфский и царь Лахисский и царь Одолламский, сами и вси людие их, и обседоша Гаваона и воеваша на него. Joshua 10:6 И послаша живущии в Гаваоне ко Иисусу в полк Израилев в Галгалы, глаголюще: не отрешай руки твоея от раб твоих: взыди к нам скоро и помози нам, и изми нас: яко собрани суть на ны вси царие Аморрейстии, живущии в горней. Joshua 10:7 И взыде Иисус от Галгал, сам и вси людие воинстии с ним, всяк сильный крепостию. Joshua 10:8 И рече Господь ко Иисусу: не убойся их, яко в руце твои предах я: не останет от них ни един пред вами. Joshua 10:9 И прииде на них Иисус внезапу: всю бо нощь иде от Галгал. Joshua 10:10 И ужаси я Господь от лица сынов Израилевых: и сокруши я Господь сокрушением великим в Гаваоне: и погнаша я путем восхода Вифоронска, и сечаху их даже до Азика и до Макида. Joshua 10:11 Внегда же бежати им от лица сынов Израилевых до восхода Вифоронска, и Господь верже на ня камение великое града с небесе даже до Азика, и бысть множае умерших от града каменна, неже убиенных от сынов Израилевых мечем на брани. Joshua 10:12 Тогда глагола Иисус ко Господу, в оньже день предаде Господь Бог Аморреа под руку Израилеву, егда сокруши их в Гаваоне, и сокрушишася от лица Израилева: и рече Иисус: да станет солнце прямо Гаваону, и луна прямо дебри Елон. Joshua 10:13 И ста солнце и луна в стоянии, дондеже отмсти Бог врагом их. Не сие ли есть писано в книгах Праведнаго: и ста солнце посреде небесе и не идяше на запад в совершение дне единаго? Joshua 10:14 И не бысть день таковый ниже прежде, ниже последи, еже послушати Богу тако гласа человеча, яко Господь споборствова Израилю. Joshua 10:15 И возвратися Иисус и весь Израиль с ним в полк в Галгалы. Joshua 10:16 И убегоша пять царие сии и скрышася в пещере яже в Макиде. Joshua 10:17 И поведаша Иисусу, глаголюще: обретошася пять царие скрывшиися в пещере яже в Макиде. Joshua 10:18 И рече Иисус: привалите камение велие ко устию пещеры и приставите над ними мужы стрещи их: Joshua 10:19 вы же не стойте зде, гоняще вслед врагов ваших, и постигните останок их, и не дадите внити им во грады их, предаде бо я Господь Бог наш в руце наши. Joshua 10:20 И бысть егда преста Иисус и вси сынове Израилевы секуще их сечением великим зело даже до конца, и уцелевшии от них внидоша во грады тверды. Joshua 10:21 И возвратишася вси людие в полк ко Иисусу в Макиду здрави, и не возскомле никтоже от сынов Израилевых языком своим. Joshua 10:22 И рече Иисус: отверзите устие пещеры и изведите ко мне пять царей сих из пещеры. Joshua 10:23 И сотвориша тако, и изведоша к нему пять царей из пещеры: царя Иерусалимска и царя Хевронска, и царя Иеримуфска и царя Лахисска и царя Одолламска. Joshua 10:24 И егда изведоша их ко Иисусу, и созва Иисус всего Израиля и началники воинския ходящыя с ним, глаголя к ним: приступите и наступите ногами вашими на выи царей сих. И приступивше наступиша ногами своими на выи их. Joshua 10:25 И рече к ним Иисус: не бойтеся их, ни ужасайтеся: мужайтеся и крепитеся, яко сице сотворит Господь всем врагом вашым, ихже вы повоюете. Joshua 10:26 И уби я Иисус, и повеси я на пяти древесех: и быша висяще на древах даже до вечера. Joshua 10:27 И бысть при захождении солнца, повеле Иисус, и сняша я с древес, и ввергоша я в пещеру, в нюже вбегоша тамо: и завалиша камением великим пещеру до днешняго дне. Joshua 10:28 Взяша же и Макиду в той день, и избиша ю острием меча и царя ея, и потребиша их и все дышущее еже бяше в ней: и не остася никтоже в ней цел и избегший. И сотвориша царю Макидску, якоже сотвориша царю Иерихонску. Joshua 10:29 И отиде Иисус и весь Израиль с ним от Макиды в Левну, и облеже Левну. Joshua 10:30 И предаде ю Господь в руце Израилю: и взяша ю и царя ея, и избиша ю острием меча, и все дышущее в ней: и не остася в ней ни един цел и избегший. И сотвориша царю ея, якоже сотвориша царю Иерихонску. Joshua 10:31 И отиде Иисус и весь Израиль с ним от Левны в Лахис, и облеже его, и воеваше нань. Joshua 10:32 И предаде Господь Лахис в руце Израилевы: и взя его в день вторый, и избиша его острием меча (и все дышущее в нем), и потребиша его, якоже сотвориша Левне. Joshua 10:33 Тогда взыде Орам царь Газерск, помогаяй Лахису: и порази его Иисус острием меча, и люди его, дондеже не остася от них ни един цел и избегший. Joshua 10:34 И отиде Иисус и весь Израиль с ним от Лахиса во Аглон, и облеже и, и воева на него. Joshua 10:35 И предаде и Господь в руце Израилю: и взя и в той день, и изби и острием меча, и все дышущее в нем уби, и сотвори ему якоже и Лахису. Joshua 10:36 И отиде Иисус и весь Израиль с ним в Хеврон, и обсяде и: Joshua 10:37 и взя его, и порази его острием меча, и царя его, и вся веси его, и вся дышущая елика бяху в нем: не бе уцелевый: якоже сотвориша Аглону, потребиша и и все дышущее, елика в нем бяху. Joshua 10:38 И обратися Иисус и весь Израиль с ним в Давир: и обседше и, Joshua 10:39 взяша его и царя его и вся веси его, и поразиша и мечем, и потребиша и и все дышущее в нем, и не оставиша в нем ни единаго уцелевша: якоже сотвориша Хеврону и царю его, тако сотвориша Давиру и царю его, и якоже сотвориша Левне и царю ея. Joshua 10:40 И порази Иисус всю землю горную и Нагев, и равную и Асидоф, и вся цари его: не оставиша в нем ни единаго уцелевша: и все дышущее потребиша, якоже заповеда Господь Бог Израилю. Joshua 10:41 И изби их Иисус от Кадис-Варни даже до Газы, и всю землю Госом даже до Гаваона: Joshua 10:42 и вся цари сия и землю их взя Иисус единою: яко Господь Бог Израилев помогаше Израилю. Joshua 10:43 И возвратися Иисус и весь Израиль с ним в полк в Галгалы. Joshua 11:0 Joshua 11:1 Егда же услыша Иавин царь Асорск, посла ко Иоваву царю Мадонску, и к царю Семеронску и к царю Ахиавску, Joshua 11:2 и к царем иже в Сидоне велицем и в горней, и в Араву прямо Хенерефу, и на поляну, и в Нафеддор, Joshua 11:3 и к приморским Хананеам от восток, и к приморским Аморреом и Хеттеом, и Ферезеом и Иевусеом, иже на горе, и Евеом, и иже под Аермоном, в землю Массифа. Joshua 11:4 И изыдоша сии и царие их с ними, людие мнози, яко песок иже при краи моря множеством, и кони и колесницы многи зело. Joshua 11:5 И снидошася вси царие сии, и приидоша вкупе, и ополчишася при воде Маррон воевати на Израиля. Joshua 11:6 И рече Господь ко Иисусу: не убойся от лица их, яко заутра в сей час Аз предам их язвенных пред сыны Израилевы: конем их жилы пресечеши и колесницы их да сожжеши огнем. Joshua 11:7 И прииде Иисус и вси людие воинстии с ним на них к воде Марронстей внезапу, и нападоша на ня в горней. Joshua 11:8 И предаде их Господь под руце Израилевы: и секуще их, прогнаша даже до Сидона великаго и до Масрефоф-Маима и до поль Массифских к востоком: и изсекоша их, дондеже не остася в них ни един цел и избегший. Joshua 11:9 И сотвори им Иисус, якоже заповеда ему Господь: конем их жилы пресече и колесницы их сожже огнем. Joshua 11:10 И обратися Иисус в то время, и взя Асор, и царя его уби мечем: Асор бо бе прежде обладающий всеми царствы сими: Joshua 11:11 и изби все дышущее, еже в нем бысть, острием меча, и потребиша вся, и не остася в нем все дышущее: и Асор запалиша огнем. Joshua 11:12 И вся грады царств сих и вся цари их взя Иисус и изби я мечем, и потреби их, якоже повеле им Моисей раб Господень. Joshua 11:13 Но вся грады крепки не запали Израиль, точию Асор един запали Иисус. Joshua 11:14 И вся корысти их и вся скоты их плениша себе сынове Израилевы: людий же всех потребиша мечем, дондеже погубиша их, и не оставиша от них ни единаго дышущаго. Joshua 11:15 Якоже повеле Господь Моисею рабу Своему, тако Моисей заповеда Иисусу: и тако сотвори Иисус, не преступи ни единаго же от всех, яже заповеда Господь Моисею. Joshua 11:16 И взя Иисус всю землю горную и всю землю нагев, и всю землю Госомску, и равную, и яже на запад, и гору Израилеву, и поля яже при горе, Joshua 11:17 от горы Хелха, и яже восходит к Сеиру, и даже до Валгада, и поле Ливана под горою Аермон: и вся цари их взя и изби. Joshua 11:18 И многи дни сотвори Иисус с цари сими брань: Joshua 11:19 и не бе ни единаго града, егоже не предаде Господь сыном Израилевым, кроме Евеа обитающаго в Гаваоне: всех взяша бранию: Joshua 11:20 яко Господем бысть укрепитися их сердцу, сопротивитися на брани противу Израиля, да потребят их, яко да не дастся им милость, но да потребятся, якоже глагола Господь к Моисею. Joshua 11:21 И прииде Иисус в то время, и потреби (вся) Енакимы от горныя, от Хеврона и от Давира и от Анова, и от всея горы Израилевы и от всея горы Иудины, с грады их, и потреби я Иисус: Joshua 11:22 не остася ни един Енаким от сынов Израилевых, но точию в Газе и в Гефе и во Асидофе осташася. Joshua 11:23 И взя Иисус всю землю, якоже заповеда Господь Моисею: и даде ю Иисус в наследие Израилю, разделением по племеном их. И преста земля воюема быти. Joshua 12:0 Joshua 12:1 И сии царие земли, ихже избиша сынове Израилевы и наследиша землю их об ону страну Иордана, от восток солнца, от дебри Арнонския даже до горы Аермон, и всю землю араву от восток: Joshua 12:2 Сиона царя Аморрейска, иже живяше во Есевоне, обладаяй от Ароира, иже есть в дебри Арнонстей от страны дебри, и пол (земли) Галаада даже до Иавока, (идеже) пределы сынов Аммоних: Joshua 12:3 и арава даже до моря Хенереф на востоки, и даже до моря арава, моря Солищнаго от восток, путем иже ко Вифсимофу, и от Фемана иже под Асидоф-Фасгою: Joshua 12:4 и Ог царь Васанский остася от Исполинов, иже обита во Астарофе и во Едраине, Joshua 12:5 обладаяй от горы Аермон, и от Селхи, и всею землею Васан даже до предел Гесури, и Махафи, и пол Галаада до предел Сиона царя Есевонска. Joshua 12:6 Моисей раб Господень и сынове Израилевы поразиша я: и даде ю Моисей раб Господень в наследие Рувиму и Гаду и полплемени Манассиину. Joshua 12:7 И сии царие Аморрейстии, яже изби Иисус и сынове Израилевы об ону страну Иордана, при мори Валгад на поли Ливана, и даже до горы Алок, восходящих в Сиир: и даде ю Иисус племеном Израилевым в наследие по жребию их, Joshua 12:8 на горе и на поли, и во Араве и во Асидофе, и в пустыни и во нагеве, Хеттеа и Аморреа, и Хананеа и Ферезеа, и Евеа и Иевусеа: Joshua 12:9 царя Иерихонска и царя Гайска, иже есть близ Вефиля, Joshua 12:10 царя Иерусалимска, царя Хевронска, Joshua 12:11 царя Иеримуфска, царя Лахисска, Joshua 12:12 царя Еглонска, царя Газерска, Joshua 12:13 царя Давирска, царя Гадерска, Joshua 12:14 царя Ермафска, царя Адерска, Joshua 12:15 царя Левнска, царя Одолламска, Joshua 12:16 царя Макидска, царя Вефилска, Joshua 12:17 царя Апфуска, царя Оферска, Joshua 12:18 царя Афекска, царя Хесаромска, Joshua 12:19 царя Самвронска, царя Фувска, Joshua 12:20 царя Маронска, царя Ахсафска, Joshua 12:21 царя Фанахска, царя Магдедонска, Joshua 12:22 царя Кедесска, царя Иеконама Хермела, Joshua 12:23 царя Адорска Нафеддоря, Joshua 12:24 царя Гоимска Гелгеля, царя Ферска. Вси сии царие тридесять един. Joshua 13:0 Joshua 13:1 Иисус же состареся прошед дни. И рече Господь ко Иисусу: ты состарелся еси денми, и земля остася многа в наследие: Joshua 13:2 и сия земля оставшаяся: пределы Филистимли, Гесури и Хананей, Joshua 13:3 от Необитаемыя, яже от лица Египта даже до предел Аккаронских ошуюю Хананеов, причисляется пятим областем Филистимским: Газеу и Азотию, и Аскалониту и Гетфею, и Аккарониту и Евею: Joshua 13:4 от Феман и всей земли Ханаанстей прямо Газе, и Сидонии даже до Афека, даже до предел Аморрейских: Joshua 13:5 и всю землю Гавли Филистимлю, и весь Ливан от восток солнца, от Галгал под горою Аермон даже до входа Емаф: Joshua 13:6 всяк обитающий в горней от Ливана даже до Масрефофмаима, всех Сидонян Аз потреблю от лица Израилева: но раздай ю во жребий Израилю, якоже заповедах тебе: Joshua 13:7 и ныне раздели землю сию в наследие девяти племеном и полплемени Манассиину от Иордана даже до моря великаго, к западу солнца даси ю: море великое предел будет. Joshua 13:8 Дву же племеном и полуплемени Манассиину, Рувиму и Гаду, даде Моисей об ону страну Иордана: к востоком солнца даде им Моисей раб Господень, Joshua 13:9 от Ароира, иже есть на устии водотечи Арнони, и град иже посреде дебри, и весь Мисор от Медавана: Joshua 13:10 вся грады Сиона царя Аморрейска, иже царствова во Есевоне, даже до предел сынов Аммоних: Joshua 13:11 и Галаад, и пределы Гесури, и Махафи, всю гору Аермон, и всю Васанитску до Елхи: Joshua 13:12 все царство Огово в Васанитиде, иже царствова во Астарофе и во Едраине: сей остася (един) от Исполинов, и уби его Моисей, и потреби. Joshua 13:13 И не потребиша сынове Израилевы Гесура и Махафа и Хананеа: и живяше царь Гесури и Махафи в сынех Израилевых даже до сего дне. Joshua 13:14 Токмо племени Левиину не дадеся наследие: Господь Бог Израилев, сам наследие их, якоже рече им Господь. И сие разделение, еже раздели Моисей сыном Израилевым (по племеном их) во Аравофе Моавли об ону страну Иордана противу Иерихона. Joshua 13:15 И даде Моисей племени сынов Рувимлих по сонмом их: Joshua 13:16 и быша им пределы от Ароира, иже есть прямо дебри Арнонския, и град, иже есть в дебри Арнонстей, Joshua 13:17 и всю землю Мисорску даже до Есевона, и вся грады иже суть в мисоре, и Девор, и Вамоф-Ваал, и домы Веелмони, Joshua 13:18 и Иасса и Кедимофа и Мифааф, Joshua 13:19 и Кариафем и Севама, и Сарф и Сиор на горе Енак, Joshua 13:20 и Веффогор и Асидоф-Фасга и Вифсимуф, Joshua 13:21 и вся грады Мисорски, и все царство Сиона царя Аморрейска, егоже уби Моисей самаго, и старейшины Мадиамли, и Евиа и Рокома, и Сура и Ура и ровека, князи Сиорския, и живущих на земли (той): Joshua 13:22 и Валаама сына Веорова волхва убиша мечем сынове Израилевы в сражении. Joshua 13:23 Быша же пределы Рувимли, Иордан предел. Сие наследие сынов Рувимлих по сонмом их, грады их и села их. Joshua 13:24 Даде же Моисей сыном Гадовым по сонмом их, Joshua 13:25 и быша им пределы Иазир: вси гради Галаади и полземли сынов Аммоних до Ароира, иже есть пред лицем Раввафа: Joshua 13:26 и от Есевона до Рамофа к Масфе, и Вотаниму, и Манаиму до предел Давировых, Joshua 13:27 и во емеке Вифарам и Вифнамра, и Сохоф и Сафон, и прочее царство Сиона царя Есевонска: и Иордан определяет даже до страны моря Хенереф, об ону страну Иордана от восток. Joshua 13:28 Сие наследие сынов Гадовых по сонмом их и по градом их и селам их. Joshua 13:29 И даде Моисей полуплемени Манассиину по сонмом их, Joshua 13:30 и быша пределы их от Манаима, и все царство Васанско, и все царство Ога царя Васанска, и вся веси Иаира, яже суть в Васанитиде, шестьдесят градов: Joshua 13:31 и пол Галаада, и во Астарофе, и во Едраине, грады царства Огова в Васанитиде: и дашася сыном Махировым, сыном Манассииным, и половине сынов Махировых по сонмом их. Joshua 13:32 Сии суть, имже даде наследие Моисей об ону страну Иордана во Аравофе Моавли, прямо Иерихона на востоки. Joshua 13:33 Племени же Левиину не даде Моисей наследия: понеже Сам Господь Бог Израилев наследие Его есть, якоже глагола им. Joshua 14:0 Joshua 14:1 И сии наследовавшии от сынов Израилевых в земли Ханаанстей, имже разделиша ю в наследие Елеазар жрец и Иисус сын Навин и князи отечеств племен сынов Израилевых: Joshua 14:2 по жребием наследиша, якоже заповеда Господь Моисеом дати девяти племеном и полплемени (Манассиину), Joshua 14:3 даде бо Моисей наследие дву племеном и полплемени Манассиину об ону страну Иордана: левитом же не даде жребия в них: Joshua 14:4 занеже быша сынове Иосифовы два племена, Манассиино и Ефремле: и не дадеся части в земли левитом, но токмо грады обитати, и предградия скотом их, и скоты их. Joshua 14:5 Якоже заповеда Господь Моисею, тако сотвориша сынове Израилевы и разделиша землю. Joshua 14:6 И приидоша сынове Иудины ко Иисусу в Галгалы. И рече к нему Халев Иефонниин Кенезей: ты веси слово, еже глагола Господь к Моисею человеку Божию о мне и о тебе в Кадис-Варни: Joshua 14:7 четыредесяти бо лет бех, егда посла мя Моисей раб Господень от Кадис-Варни соглядати землю: и отвещах ему слово по сердцу его: Joshua 14:8 братия моя ходившии со мною превратиша сердце людий, аз же приложихся последовати Господеви Богу моему: Joshua 14:9 и клятся Моисей в той день, глаголя: земля, на нюже возшел еси, тебе будет в жребий и чадом твоим во век, яко приложился еси последовати Господу Богу моему: Joshua 14:10 и ныне препита мя Господь, якоже рече, сие четыредесять и пятое лето, отнележе глагола Господь слово сие к Моисею, и хождаше Израиль в пустыни: и ныне се, ми днесь осмьдесят и пять лет: Joshua 14:11 еще есмь днесь могий, якоже егда посла мя Моисей: тако и ныне могу входити и исходити на брань: Joshua 14:12 и ныне прошу у тебе горы сея, якоже рече Господь в день он, яко ты слышал еси слово сие в день оный: ныне же Енакими тамо суть, грады тверды и велицы: аще убо будет Господь со мною, потреблю их, якоже рече ми Господь. Joshua 14:13 И благослови его Иисус, и даде Хеврон Халеву сыну Иефонниину, сыну Кенезеину в жребий. Joshua 14:14 Сего ради бысть Хеврон Халеву Иефонниину Кенезеину в жребий даже до дне сего: понеже возследова повелению Господа Бога Израилева. Joshua 14:15 Имя же Хеврону прежде бяше Град Аргов: Митрополь Енакимлян сей. И почи земля от брани. Joshua 15:0 Joshua 15:1 И быша пределы сынов Иудиных по сонмом их, от предел Идумейских, от пустыни Син к ливу даже до Кадис к югу: Joshua 15:2 и быша пределы их от полудне до части моря Сланаго, от верха клонящагося к югу, Joshua 15:3 и проходят прямо восхождению Акраввим, и обходят Сена, и восходят от юга до Кадис-Варни: и исходят из Есрона, и восходят во Аддару, и исходят на запады Кадис, обходят Аккарки, Joshua 15:4 и исходят во Асемону, и преходят даже до дебри Египетския: и будет исход пределов его к морю. Сии суть пределы их от юга. Joshua 15:5 И пределы от восток, все море Сланое даже до части Иордана, и пределы их к северу, и от верха моря, и от части Иордански: Joshua 15:6 восходят пределы (тии) в Вифаглу и преходят от севера к Вефару, и восходят пределы к камени Веора сына Рувимля, Joshua 15:7 и восходят пределы к Девиру дебри Ахоровы, и нисходят до Галгалы, яже есть прямо схождению Адоммин, иже есть к югу дебри, и восходит предел к воде источника Солнечна, и будет исход его источник Рогиль: Joshua 15:8 и восходят пределы в дебрь Енном, созади Иевуса от полудне, сей есть Иерусалим: и исходят пределы на верх горы, яже есть пред лицем дебри Енном к морю, яже есть от части земли Рафаин к северу: Joshua 15:9 и преходит предел от верха горы ко источнику воды Наффо и преходит к горе Ефрони, и изведет предел в Ваал, сей есть Град Иарим: Joshua 15:10 и обыдет предел от Ваала к морю и прейдет в гору Сиир, и прейдет созади града Иарима от севера, сей есть Хасалон: и снидет ко граду Солнечну и прейдет к югу: Joshua 15:11 и преходит предел созади Аккарона до севера, и преходят пределы в Сакхарон, и прейдут гору земли Валаани, и преходят ко Иавнилу, и будет исход пределов к морю, и пределы их от моря, море великое определит. Joshua 15:12 Сии пределы сынов Иудиных окрест по сонмом их. Joshua 15:13 И даде (Иисус) Халеву сыну Иефонниину часть посреде сынов Иудиных повелением Божиим, и даде ему Иисус Град Арвок, отца Енакова: сей есть Хеврон. Joshua 15:14 И потреби оттуду Халев сын Иефонниин три сыны Енаковы, Сусиа и Фолмаи и Ахима: Joshua 15:15 и взыде оттуду Халев на живущих в Давире: имя же прежде бяше Давиру Град Писмен. Joshua 15:16 И рече Халев: иже аще возмет кто Град Писмен и возобладает им, дам ему Асхань дщерь мою в жену. Joshua 15:17 И взя его Гофониил сын Кенеза, брата Халевова, юнейший: и даде ему Асхань дщерь свою в жену. Joshua 15:18 И бысть внегда отходити ей, и совеща с ним, глаголющи: попрошу у отца моего села. И воззва со осляти. И рече ей Халев: что ти есть? Joshua 15:19 И рече ему: даждь ми благословение, яко в землю полуденную отдал еси мя: даждь ми Голаф-Маим. И даде ей Халев Голаф-Маим вышний и Голаф нижний. Joshua 15:20 Сие наследие племене сынов Иудиных по сонмом их: Joshua 15:21 быша же гради их гради племене сынов Иудиных к пределом едомлим в пустыни, Кавсеил и Едраим и Иагур, Joshua 15:22 и Кина и Димона и Адада, Joshua 15:23 и Кедес и Асор и Ифнаксиф, Joshua 15:24 и Телем и Валоф, Joshua 15:25 и Асор Новый и Град Асером (сей есть Асор): Joshua 15:26 Амам и Самаа и Модада, Joshua 15:27 и Асергадда и Веффалеф, Joshua 15:28 и Асарсула и Вирсавее (и села их и предградия их): Joshua 15:29 и Ваала и Авим и Асем, Joshua 15:30 и Елфолад и Хесил и Ерма, Joshua 15:31 и Сикелег и Ведевина и Сансанна, Joshua 15:32 и Лавоф и Селеим, и Аин и Реммон: всех градов двадесять и девять, и села их. Joshua 15:33 В напольней, Есфаол и Сараа, и Асна (и Рамен), Joshua 15:34 и Зано и Ингоним, и Фаффуа и Инаим, Joshua 15:35 и Иеримуф и Одоллам, (и Немра) и Сохо и Азика, Joshua 15:36 и Сагарим и Адиафаим, и Гадира и села ея: гради четыренадесять и веси их. Joshua 15:37 Сеннам и Адаса и Магдалгад, Joshua 15:38 и Далаан и Масфа и Иекфаил, Joshua 15:39 и Лахис и Васхаф и Еглом, Joshua 15:40 и Хаввон и Ламас и Хафлос, Joshua 15:41 и Гадироф и Виф-Дагон, и Нома и Макида: гради шестьнадесять и веси их. Joshua 15:42 Левна и Афер и Асан, Joshua 15:43 и Иеффа и Асенна и Несив, Joshua 15:44 и Кеила и Ахзев, и Мариса (и Едом): гради девять и веси их. Joshua 15:45 Аккарон и села его и предградия его. Joshua 15:46 (И) от Аккарона, иемне и вси елики суть близ Асдофа, и веси их: Joshua 15:47 Асдоф и веси его и предградия его: Газа и веси ея и предградия ея, даже до водотечи Египетския, и море великое определяет. Joshua 15:48 И в горней, Сафир и Иефер и Сохо, Joshua 15:49 и Ренна, Град Писмен (сей есть Давир), Joshua 15:50 и Анов и Есфемо и Аним, Joshua 15:51 и Госом и Хилуон и Гилон: градов единонадесять и веси их. Joshua 15:52 Ерев и Есан и Рума, Joshua 15:53 и Ианум и Веф-Фапфуе и Афака, Joshua 15:54 и Хаммата и Град Арво (сей есть Хеврон) и Сиор: градов девять и села их. Joshua 15:55 Маон и Хермел, и Зиф и Иетта, Joshua 15:56 и Иездраель и Иекдаам и Зано, Joshua 15:57 Аким и Гаваа и Фамна: гради десять и веси их. Joshua 15:58 Алул и Вефсур и Гедор, Joshua 15:59 и Мароф и Вефанон и Елфекен: гради шесть и веси их: Феко и Ефрафа (сей есть Вифлеем): и Фагор и Етам, и Кулон и Татами, и Сорис и Карем, и Галлим и Вефир и Манохо: градов единонадесять и веси их. Joshua 15:60 Кариаф-Ваал (сей Град Иарим) и Аревва: гради два, и села их и предградия их. Joshua 15:61 Ваддаргис и Вифарава, (и) Мадон и Сохоха, Joshua 15:62 и Невсан и град Соли и Ингадди: гради шесть и веси их. Joshua 15:63 И Иевусей обиташе во Иерусалиме, и не возмогоша сынове Иудины погубити их: и обиташа Иевусее с сынми Иудиными во Иерусалиме даже до дне онаго. Joshua 16:0 Joshua 16:1 И быша пределы сынов Иосифовых от Иордана иже ко Иерихону от восток, и восходят от Иерихона в горную пустыню в Вефиль, Joshua 16:2 и исходят от Вефиля в Лузу, и преходят к пределом Ахиатарофа: Joshua 16:3 и прейдут к морю к пределом Иефалтимским, даже до предел Вефорона нижняго и даже до Газера, и будет исход их к морю. Joshua 16:4 И наследствоваша сынове Иосифовы Ефрем и Манассий, Joshua 16:5 и быша пределы сынов Ефремлих по сонмом их: и быша пределы наследия их от восток Атароф и Адар, даже до Вефорона вышняго и Газары, Joshua 16:6 и преходят пределы к морю в Махфоф от севера, и идут на восток во Финаф-Силом, и прейдут от восток во Ианоха, Joshua 16:7 и от Ианоха снидут во Атароф и в Наарафа и веси их: и приходят ко Иерихону и исходят ко Иордану, Joshua 16:8 и от Тапфу пойдут пределы к морю к водотечи Кана, и будет исход его к морю. Сие наследие племене сынов Ефремлих по сонмом их. Joshua 16:9 И грады отлученныя сыном Ефремлим посреде наследия сынов Манассииных, вси гради и веси их. Joshua 16:10 И не погуби Ефрем Хананеа живущаго в Газере: и обиташа Хананее посреде Ефрема, дающе ему дани до днешняго дне, дондеже взыде фараон царь Египетский, и взя град, и запали его огнем: и Хананеев и Ферезеев и живущих в Газере избодоша: и даде его фараон в вено дщери своей. Joshua 17:0 Joshua 17:1 И быша пределы племене сынов Манассииных, яко сей первенец Иосифу, Махирови первенцу Манассиину, отцу Галаадову, (сей бо бысть муж храбр) в Галаадитиде и Васанитиде. Joshua 17:2 И быша сыном Манассииным прочым по сонмом их: сыном Ахиезеровым и сыном Елековым и сыном Есриилевым, и сыном Сехемовым и сыном Семираеловым и сыном Оферовым: сии суть сынове Манассиины, сына Иосифова, мужеск пол по племеном своим. Joshua 17:3 И Салпааду сыну Оферову, сына Галаадова, сына Махирова, сына Манассиина, не быша сыны, но токмо дщери: и сия имена дщерем Салпаадовым: Маала и Нуа, и Егла и Мелха и Ферса. Joshua 17:4 И сташа пред Елеазаром жерцем и пред Иисусом сыном Навиным и пред князи, глаголющя: Бог заповеда рукою Моисеовою дати нам наследие посреде братии нашея. И дадеся им наследие повелением Господним, жребий в братии отца их. Joshua 17:5 И паде жребий Манассию поле лавеково кроме земли Галаадовы и Васани, яже есть об ону страну Иордана, Joshua 17:6 понеже дщери сынов Манассииных наследиша жребий посреде братий своих: земля же Галаадова бысть сыном Манассииным прочым. Joshua 17:7 И быша пределы сынов Манассииных от Асир-Махфофа, и данаф, яже есть пред лицем Сихема, и идут пределы на Иамин и на Иасиф ко источнику Фаффоф. Joshua 17:8 Манассию будет земля Фаффоф: и Фаффоф над пределы Манассииными сыном Ефремлим: Joshua 17:9 и снидут пределы к дебри Кана на юг по дебри Иарим: Теревинф Ефрему посреде града Манассиина. И пределы Манассиины к северу на водотечь, и будет исход его море: Joshua 17:10 от юга Ефрему, и к северу Манассии, и будет море предел им: и ко Асиру совокупятся к северу, и Иссахару от восток. Joshua 17:11 И будет Манассию (предел) между Иссахаром и между Асиром Вефсан и веси их, и Иевлаам и веси его, и живущыя в Доре и веси его, и живущыя в ендоре и веси его, и живущыя в Магедде и веси его, и живущыя в Танахе и веси его, и третия часть Нафефа и веси его. Joshua 17:12 И не возмогоша сынове Манассиины потребити градов сих: и нача Хананей жити в земли сей. Joshua 17:13 И бысть егда укрепишася сынове Израилевы, и сотвориша Хананеов послушных, потреблением же не потребиша их. Joshua 17:14 Противореша же сынове Иосифовы Иисусу, глаголюще: почто наследствовал еси нас жребием единым и ужем единым? Аз же люд мног есмь, и благослови мя Бог (даже доселе). Joshua 17:15 И рече им Иисус: аще люд мног еси, взыди в дубраву и отреби себе тамо место в земли Ферезеа и Рафаима, аще утесняет тя гора Ефремля. Joshua 17:16 И реша сынове Иосифовы: не доволно нам горы Ефремли: и конь преизбранный и железо всему Хананею живущему в земли емек, в Вефсане и в весех ея, и во юдоле Иезраель. Joshua 17:17 И рече Иисус к сыном Иосифовым, Ефрему и Манассию, глаголя: аще люд мног еси и силу велику имаши, не будет ти жребий един: Joshua 17:18 зане дубрава будет тебе, понеже дубрава есть, и отребиши ю, и будет тебе, и концы ея, егда потребиши Хананеа, аще конь преизбранный ему есть: (и сам силен,) ты бо пресилиши его. Joshua 18:0 Joshua 18:1 И собрася весь сонм сынов Израилевых в Силом, и водрузиша тамо скинию свидения: и земля одержася от них. Joshua 18:2 И осташася сынове Израилевы, иже не наследиша наследия своего седмь племен. Joshua 18:3 И рече Иисус сыном Израилевым: доколе вы разслабляетеся внити наследити землю, юже даде вам Господь Бог отец ваших? Joshua 18:4 Дайте от вас по три мужы от племене, и послю их, и воставше да пройдут землю и да опишут ю предо мною, якоже есть лепо разделити ю. И приидоша к нему. Joshua 18:5 И раздели им на седмь частей: Иуда да поставит предел своим от лива, и сынове Иосифли да поставят предел своим от севера: Joshua 18:6 вы же разделите землю на седмь частей, и принесите ко мне семо, и изнесу вам жребий пред Господем Богом вашим: Joshua 18:7 несть бо части у вас сыном Левииным, зане жречество Господне часть их: Гад же и Рувим и полплемене Манассиина взяша наследие свое об ону страну Иордана на востоки, еже даде им Моисей раб Господень. Joshua 18:8 И воставше мужие поидоша. И заповеда Иисус мужем идущым описати землю, глаголя: идите и обыдите землю, и опишите ю, и приидите ко мне, и изнесу вам зде жребий пред Господем в Силоме. Joshua 18:9 И идоша мужие, и обыдоша землю и соглядаша ю, и описаша ю по градом ея на седмь частей в книгу, и принесоша ко Иисусу в полк в Силом. Joshua 18:10 И верже им Иисус жребий пред Господем в Силоме: и раздели тамо землю Иисус сыном Израилевым по разделению их. Joshua 18:11 И изыде жребий племене сынов Вениаминовых первый по сонмом их: и изыдоша пределы жребия их посреде сынов Иудиных и посреде сынов Иосифовых. Joshua 18:12 И быша пределы их от севера: от Иордана взыдут пределы созади Иерихона к северу и взыдут к горе к морю, и будет исход его Мавдарит Вефавн: Joshua 18:13 и пройдут оттуду пределы Лузы созади Лузы от юга: сия есть Вефиль: и снидут пределы сии от Атароф-Аддар на горную, яже есть к ливу Вефорон нижний, Joshua 18:14 и прейдут пределы, и обыдут к стране зрящи к морю от ливы, от горы к лицу Вефорон Лива, и будет исход его в Кариаф-Ваал: сей есть Кариафиарим, Град сынов Иудиных. Сия есть часть яже к морю. Joshua 18:15 И часть яже к ливу от части Кариаф-Ваал: и пройдут пределы морския в Гаин, на источник воды Наффоновы, Joshua 18:16 и снидут пределы на страну горы, яже есть пред лицем дубравы, сына Енома, яже есть от части емек Рафаин от севера, и снидут к Геенному созади Иевуса от юга, и снидут на источник Рогиль, Joshua 18:17 и пройдут сквозе от севера, и пройдут на источник Самеса, и пройдут на Галилоф, иже есть прямо к восходу Едомим: и снидут на камень Ваан сынов Рувимлих, Joshua 18:18 и пройдут созади вефаравы от севера, и снидут ко араве, Joshua 18:19 и снидут с Аравы (на) пределы созади Вефагла от севера, и будет исход пределов на холм моря Сланаго от севера в страну Иорданову от ливы. Сии пределы суть от юга: и Иордан определит ю от страны востока. Joshua 18:20 Сие наследие сынов Вениаминовых, пределы его окрест по сонмом их. Joshua 18:21 И быша грады племене сынов Вениаминовых по сонмом их, Иерихо и Вифагла и Амеккасис, Joshua 18:22 и Вефарава и Семрим и Вифил, Joshua 18:23 и Авим и Афара, и Афра (и Екарен), Joshua 18:24 и Кафираммин и Афни и Гаваа: грады дванадесять и веси их: Joshua 18:25 Гаваон и Рама и Вироф, Joshua 18:26 и Масфа и Хефира и Амоса, Joshua 18:27 и Рекем и Иерфаил и Фарала, Joshua 18:28 и Силалеф и Иевус (сей есть Иерусалим), и Гавааф и Град Иарим: грады тринадесять и веси их. Сие наследие сынов Вениаминовых по сонмом их. Joshua 19:0 Joshua 19:1 И изыде вторый жребий Симеону, племени сынов Симеоновых по сонмом их, и бысть наследие их посреде жребия сынов Иудиных. Joshua 19:2 И бысть жребий их Вирсавее и Савее и Молада, Joshua 19:3 и Асерсуал и Вафул, и Велвола и Асом, Joshua 19:4 и Елфулад и Ерма, Joshua 19:5 и Секелаг и Вефаммаргасвоф, и Асерсусим Joshua 19:6 и Вефалваф, и села их: грады тринадесять и веси их. Joshua 19:7 Аин и Реммоф, и Еефер и Асам, грады четыри и веси их: Joshua 19:8 и вся предградия, яже окрест градов сих даже до Ваалферирраммоф, идущих во Иамеф к ливу. Сие наследие племен сынов Симеоновых по сонмом их. Joshua 19:9 От жребия Иудина наследие племене сынов Симеоновых, яко бысть часть сынов Иудиных болшая нежели их: и наследиша сынове Симеоновы посреде жребия их. Joshua 19:10 И изыде жребий третий Завулону по сонмом их: и будут пределы наследия их до Сарида: Joshua 19:11 и восходят пределы их к морю и Мариле, и дойдут к Давасефу, и снидутся в дебрь, яже есть к лицу Иекнама, Joshua 19:12 и обратятся от Сарида противу от востоков Самес на пределы Хасалоф-Фавор, и пройдут к Даврафу, и взыдут к Иафаги: Joshua 19:13 и оттуду обыдут супротив на востоки в Гефаефер, во град Касим, и пройдут на Реммонам Мафарим Аннуа, Joshua 19:14 и обыдут пределы к северу на Еннафоф, и будет исход их к Гаю Иеффаил, Joshua 19:15 и Каттаф и Наалол, и Семрон и Иадила и Вифлеем: грады дванадесять и веси их. Joshua 19:16 Сие наследие племене сынов Завулоновых по сонмом их, грады их и веси их. Joshua 19:17 И Иссахару изыде жребий четвертый, сыном Иссахаровым по сродством их, Joshua 19:18 и быша пределы их Иезраель и Ахаселоф и Сунам, Joshua 19:19 и Аферарим и Сиан, (и Ренаф) и Анахареф, Joshua 19:20 и Раввоф и Кесион и Аеме, Joshua 19:21 и Рамаф и Инганним, и Инадда и Веффасис: Joshua 19:22 и снидутся пределы к Фавору и к Сасимафу к морю, и вефсмас, и будет его исход предел Иордан: грады шестьнадесять и веси их. Joshua 19:23 Сие наследие племене сынов Иссахаровых по сонмом их, грады и предградия их. Joshua 19:24 И изыде жребий пятый племене сынов Асировых по сонмом их, Joshua 19:25 и быша пределы их Хелкаф и Ооли, и Ватне и Ахсаф, Joshua 19:26 и Елимелех и Амад и Масал: и приближатся к Кармилу к морю, и Сиору и Лаванафу, Joshua 19:27 и обратятся от восток солнца в Виф-Дагон, и приближатся к Завулону, и в Гай Иеффаил к северу, (и внидут пределы Асафа) в Виф-Аемек, и да идут по долине Аниила, и пройдут в Хавол ошуюю, Joshua 19:28 и Ахран и Роов, и Аммон и Кана, даже до Сидона великаго: Joshua 19:29 и возвратятся пределы в Раму, и даже до града тверда Тириан, и возвратятся пределы до Сусы, и будет исход его море, и от ужа в Ахзиф, Joshua 19:30 и Амма и Афек и Раов: грады двадесять два и веси их. Joshua 19:31 Сие наследие племене сынов Асировых по сонмом их, грады их и веси их. Joshua 19:32 И Неффалиму изыде жребий шестый, сыном Неффалимлим по сонмом их, Joshua 19:33 и быша пределы их Меелеф и Милон, и Весенаним и Арме, и Накев и Иавнил, даже до Лаккун: и быша исходи их Иордан: Joshua 19:34 и возвратятся пределы к морю в Азаноф-Фавор, и пройдут оттуду во Икок, и приткнутся к Завулону от юга, и Асиру приближатся к морю, и ко Иуде Иордан от восток солнца. Joshua 19:35 И грады ограждени Тириан, Тир и Амаф, и Реккаф и Хенероф, Joshua 19:36 и Адами и Рама и Асор, Joshua 19:37 и Кедес и Едраи и источник Асор, Joshua 19:38 и Иарион и Магдалиил, Оран и Вефанаф и Фасмус: грады девятьнадесят и веси их. Joshua 19:39 Сие наследие племене сынов Неффалимлих по сродству их, грады и предградия их. Joshua 19:40 И Дану и племени сынов Дановых по сонмом их изыде жребий седмый, Joshua 19:41 и быша пределы их Сараа и Есфаол и грады Самес, Joshua 19:42 и Саламинь и Еалон и Иефла, Joshua 19:43 и Елон и Фамна и Аккарон, Joshua 19:44 и Елфеко и Гавафон и Ваафоф, Joshua 19:45 и Иуф и Ваниварак и Гефреммон, Joshua 19:46 и от моря Иераконска, и Ираккон, предел близ Иоппы, и изыде предел сынов Дановых от них. Joshua 19:47 И изыдоша сынове Дановы и воеваша Ласем, и взяша его и поразиша его острием меча: и обиташа в нем, и нарекоша имя его Ласендан, по имени Дана отца своего. И Аморрей остася жити во Еломе и в Саламине: и отяготе рука Ефремля на них, и быша им данницы. Joshua 19:48 Сие наследие племене сынов Дановых по сонмом их, грады их и веси их. И не истребиша сынове Дановы Аморреа озлобляющаго их на горе, и не даяху им Аморрее исходити на юдоль, и утесниша от них предел части их. Joshua 19:49 И совершиша разделяти землю в пределех ея: и даша сынове Израилевы жребий Иисусу сыну Навину повелением Господним среде себе, Joshua 19:50 и даша ему град, егоже проси, Фамнаф-Сараи, иже есть в горе Ефраим: и созда град, и вселися в нем. Joshua 19:51 Сия разделения, яже разделиша Елеазар жрец и Иисус Навин и князи отечеств в племенех Израилевых по жребиям в Силоме пред Господем, у дверий скинии свидения. И скончаша делити землю. Joshua 20:0 Joshua 20:1 И рече Господь ко Иисусу, глаголя: Joshua 20:2 рцы сыном Израилевым, глаголя: дадите грады убежений, яже рекох к вам Моисеом: Joshua 20:3 убежище убийце поразившему душу неволею: и будут вам грады убежище, и не умрет убийца от ужика крове, дондеже предстанет пред сонмом на суд. Joshua 20:4 И (аще кто) убегнет во един от градов сих, и станет во вратех града, и исповесть во уши старцем града того словеса своя: и приимут его сонм к себе, и дадят ему место жити с ними: Joshua 20:5 и егда поженет ужик крове вслед его, и не дадут убившаго в руце его: яко не ведый уби ближняго своего и не ненавидя той его от вчера и третияго дне: Joshua 20:6 и да вселится в той град, дондеже станет пред лицем сонма на суд, и дондеже умрет жрец великий, иже будет в тыя дни: тогда да обратится убийца, и внидет во град свой и в дом свой, и во град, отнюдуже избеже. Joshua 20:7 И отделиша Кедес в Галилеи, в горе Неффалимли, и Сихем в горе Ефремли, и Град Арво (сей есть Хеврон) в горе Иуде: Joshua 20:8 и об ону страну Иордана ко Иерихону на восток, даша Восор в пустыни в поли от племене Рувимля, и Рамоф в Галааде от племене Гадова, и Голан в Васанитиде от племене Манассиина: Joshua 20:9 сии грады избраны быша всем сыном Израилевым и пришелцу прилежащему в них, еже убежати тамо всякому убивающему душу неволею, да не умрет от руку ужика крове, дондеже станет пред сонмом на суд. Joshua 21:0 Joshua 21:1 И приидоша старейшины отечеств сынов Левииных к Елеазару жерцу и ко Иисусу сыну Навину и к старейшинам отечеств от племен сынов Израилевых, Joshua 21:2 и реша к ним в Силоме в земли Ханаани, глаголюще: заповеда Господь рукою Моисеовою дати нам грады еже обитати, и окрестная их предградия скотом нашым. Joshua 21:3 И даша сынове Израилевы левитом от участий своих по повелению Господню грады сия и окрестная предградия их. Joshua 21:4 И изыде жребий сонму Каафову, и бысть сыном Аароним жерцем левитом от племене Иудина и от племене Симеоня и от племене Вениаминя по жребием грады тринадесять: Joshua 21:5 и сыном Каафовым оставшымся от (сродства) племене Ефремова и от племене Данова и от полуплемене Манассиина по жребию грады десять: Joshua 21:6 и сыном Гирсоним от племене Иссахарова и от племене Асирова, и от племене Неффалимля и от полуплемене Манассиина (еже) в Васане, по жребию грады тринадесять: Joshua 21:7 и сыном Мерариным по сонмом их, от племене Рувимля и от племене Гадова и от племене Завулоня, по жребию грады дванадесять. Joshua 21:8 И даша сынове Израилевы левитом грады сия и окрестная их, якоже заповеда Господь Моисею, по жребию. Joshua 21:9 И даде племя сынов Иудиных и племя сынов Симеоновых и племя сынов Вениаминовых грады сия: и нарекоша по имени. Joshua 21:10 И быша сыном Аароновым от сонма Каафова сынов Левииных, яко сим бысть жребий первый. Joshua 21:11 И даде им Кариафарвок, Митрополь сынов Енаковых (сей есть Хеврон в горе Иудине), и окрестная их. Joshua 21:12 И села града (сего) и веси его даде Иисус Халеву сыну Иефонниину во обдержание его. Joshua 21:13 И сыном Аарона жерца даде град убежище убившему Хеврон и отлученная яже к нему: Joshua 21:14 и Левну и отлученная яже к ней: и Иефер и отлученная яже к нему: и Есфемо и отлученная яже к нему: Joshua 21:15 и Олон и отлученная яже к нему: и Давир и отлученная яже к нему: Joshua 21:16 и Аин и отлученная ему: и Иетта и отлученная ему: и Вефсамис и отлученная ему: грады девять от дву племен сих. Joshua 21:17 И от племене Вениаминя Гаваон и отлученная ему: и Гавее и окрестная его: Joshua 21:18 и Анафоф и окрестная его: и Алмон и окрестная его: грады четыри. Joshua 21:19 Вси грады сынов Аароновых жерцев, грады тринадесять и окрестная их. Joshua 21:20 И сонмом сынов Каафовых левитом, оставлшымся от сынов Каафовых, и бысть град пределов их от племене Ефремова. Joshua 21:21 И даша им град убежище убившему Сихем и окрестная его в горе Ефремли: и Газер и окрестная его: Joshua 21:22 и Кавсаим и окрестная его: и Вефорон и окрестная его: грады четыри. Joshua 21:23 И от племене Данова Елфеко и окрестная его: и Гавефон и окрестная его: Joshua 21:24 и Елон и окрестная его: и Гефреммон и окрестная его: грады четыри. Joshua 21:25 И от полуплемене Манассиина Фаанах и окрестная его: и Вефсам и окрестная его: града два. Joshua 21:26 Вси грады десять и окрестная их сонмом сынов Каафовых оставлшымся. Joshua 21:27 И сыном Гирсоним сродником левитским, от полуплемене Манассиина, грады отлученныя убившым, Голан в Васанитиде и окрестная его: и Веесфера и окрестная его: града два. Joshua 21:28 И от племене Иссахарова Кисион и окрестная его: и Девраф и окрестная его: Joshua 21:29 и Иермоф и окрестная его: и Источник Писмен и окрестная его: грады четыри. Joshua 21:30 И от племене Асирова Масаал и окрестная его: и Авдон и окрестная его: Joshua 21:31 и Фелкаф и окрестная его: и Роов и окрестная его: грады четыри. Joshua 21:32 И от племене Неффалимова град определенный убившему Кедес в Галилеи и окрестная его: и Емафдор и окрестная его: и Ноеммон и отлученная его: грады три. Joshua 21:33 Вси грады Гирсоновы по сонмом их, грады тринадесять и отлученная их. Joshua 21:34 И сонму сынов Мерариных левитом прочым, от племене сынов Завулоних, Иекнаам и окрестная его: и Карфа и окрестная его: Joshua 21:35 и Дамна и окрестная его: и Наалол и окрестная его: грады четыри. Joshua 21:36 И об ону страну Иордана ко Иерихону от племене Рувимова даде град убежище убившему Восор в пустыни Мисор и окрестная его: и Иазир и окрестная его: Joshua 21:37 и Гедсон и окрестная его: и Масфа и окрестная его: грады четыри. Joshua 21:38 И от племене Гадова град убежища убившему Рамоф в Галааде и окрестная его: и Манаим и окрестная его: Joshua 21:39 и Есевон и окрестная его: и Иазир и окрестная его: грады четыри. Joshua 21:40 Вси грады сыном Мерариным по сонмом их, оставлшихся от племене Левиина, и быша пределы их грады дванадесять. Joshua 21:41 Вси грады левитстии посреде обдержания сынов Израилевых четыредесять и осмь градов и окрестная их, окрест градов сих: Joshua 21:42 град и окрестная окрест града: тако всем градом сим. И соверши Иисус разделивый землю в пределех ея: и даша сынове Израилевы часть Иисусу повелением Господним: даша ему град, егоже проси: Фамнасахар даша ему на горе Ефремове. И созда Иисус град, егоже проси, и вселися в нем. И взя Иисус ножы каменныя, имиже обрезова сыны Израилевы, родившыяся на пути в пустыни, яко не обрезашася в пустыни, и положи я во Фамнасахаре. Joshua 21:43 И даде Господь Израилю всю землю, юже клятся дати отцем их: и наследиша ю и вселишася в ней. Joshua 21:44 И упокои Господь их окрест, якоже клятся отцем их: не воста никтоже противу им от всех врагов их: и вся враги их предаде им Господь в руки их. Joshua 21:45 Не оскуде слово (ни едино) от всех глаголгол благих, яже рече Господь сыном Израилевым: вся собышася. Joshua 22:0 Joshua 22:1 Тогда созва Иисус сыны Рувимли и сыны Гадовы и полплемене Манассиина, и рече им: Joshua 22:2 вы слышасте вся, елика заповеда вам Моисей раб Господень, и послушасте гласа моего, по всему елика заповедах вам: Joshua 22:3 не остависте братии вашея в сия дни и множайшыя, даже до дне сего: сохранисте заповедь Господа Бога вашего: Joshua 22:4 ныне же упокои Господь Бог ваш братию вашу, якоже рече им: ныне убо возвратившеся отидите в домы вашя и в землю обдержания вашего, юже даде вам Моисей раб Господень об ону страну Иордана: Joshua 22:5 но сохраните зело творити заповеди и закон, егоже заповеда вам Моисей раб Господень, любити Господа Бога вашего и ходити во всех путех Его, хранити заповеди Его и прилежати Ему и служити Ему от всего сердца вашего и от всея души вашея. Joshua 22:6 И благословив их Иисус отпусти их: и отидоша в домы своя. Joshua 22:7 И полу (племене) Манассиину даде Моисей (обдержание) в Васане, и половине даде Иисус с братиею их у Иордана к морю. И егда отпусти их Иисус в домы их, и благослови их: Joshua 22:8 и со имением многим отидоша в домы своя: и скоты многи зело, и сребро и злато, и медь и железо, и ризы многи зело, и разделиша плен врагов своих с братиею своею. Joshua 22:9 И возвратившеся отидоша сынове Рувимли и сынове Гадовы и полплемене Манассиина от сынов Израилевых, от Силома земли Ханаани, отити в землю Галаадску, в землю обдержания своего, юже наследиша по повелению Господню рукою Моисеовою. Joshua 22:10 И приидоша в Галилоф Иорданск, иже есть в земли Ханаани: и создаша сынове Рувимли и сынове Гадовы и полплемене Манассиина тамо олтарь у Иордана, олтарь велик еже видети. Joshua 22:11 И услышаша сынове Израилевы глаголющих: се, создаша сынове Рувимли и сынове Гадовы и полплемене Манассиина олтарь у пределов земли Ханаани, в галилофе у Иордана об ону страну сынов Израилевых. Joshua 22:12 И услышаша сынове Израилевы, и собрашася вси сынове Израилевы в Силон, еже возшедше воевати их. Joshua 22:13 И послаша сынове Израилевы к сыном Рувимлим и к сыном Гадовым и к полуплемени Манассиину в землю Галаадску Финееса сына Елеазара, сына Аарона жерца, Joshua 22:14 и десять князей с ним: князь един от дому отечества, от всех племен сынов Израилевых: мужие князи домов отечеств их, иже суть тысященачалницы Израилевы. Joshua 22:15 И приидоша к сыном Рувимлим и к сыном Гадовым и к полуплемени Манассиину в землю Галаадову, и реша к ним, глаголюще: Joshua 22:16 сия глаголет весь сонм Господень: кое прегрешение сие, имже согрешисте пред Господем Богом Израилевым, отвратитися днесь от Господа Бога Израилева, создавше себе требище, еже отступником вам быти днесь от Господа? Joshua 22:17 Еда мал вам грех Фогоров, яко не очистихомся от него даже до сего дне? И бысть язва в сонме Господни: Joshua 22:18 и вы отвратистеся днесь от Господа: и будет егда отступите днесь от Господа, и заутра на всем Израили будет гнев Господень: Joshua 22:19 и ныне аще мала вам земля обдержания вашего, прейдите вы в землю обдержания Господня, идеже пребывает скиния Господня, и наследите среде нас, и не будите отступницы от Господа, и от нас не отступите, за еже создати вам требище кроме олтаря Господа Бога нашего: Joshua 22:20 не се ли Ахар сын Заранов прегрешением прегреши от проклятия, и бысть на весь сонм Израилев гнев? Аще и един бяше, но не един умре грехом своим. Joshua 22:21 И отвещаша сынове Рувимли и сынове Гадовы и полплемене Манассиина, и реша тысященачалником Израилевым, глаголюще: Joshua 22:22 Бог бог, Господь есть, и Бог бог Господь Сам весть, и Израиль сам познает, аще во отступлении прегрешихом пред Господем, да не избавит нас во днешний день: Joshua 22:23 и аще создахом себе требище, еже отступити нам от Господа Бога нашего, или вознести нам нань жертву всесожжений, или еже сотворити на нем жертву спасения, Сам Господь взыщет: Joshua 22:24 но ради благоговения глагола сотворихом сие, глаголюще: да не рекут заутра чада ваша чадом нашым, глаголюще: что вам и Господеви Богу Израилеву? Joshua 22:25 И пределы постави Господь между вами и нами, сынове Рувимли и сынове Гадовы, Иордан, и несть вам части Господни: и отчуждят сынове ваши сынов наших, яко да не служат Господу: Joshua 22:26 и рекохом сотворити сице, еже создати требище сие, не приношений ради, ниже жертв ради, Joshua 22:27 но да будет свидетелство сие между вами и нами и между роды нашими по нас, еже служити службу Господеви пред ним в приношениих наших и в жертвах наших и в жертвах спасений наших: и да не рекут чада ваша заутра чадом нашым: несть вам части Господни. Joshua 22:28 И рекохом: аще будет когда, и возглаголют к нам или к родом нашым заутра и рекут: зрите подобие жертвенника Господня, егоже сотвориша отцы наши, не приношения ради, ниже жертв ради, но свидетелство есть между нами и между вами и между сыны нашими: Joshua 22:29 да не будет убо нам отступити от Господа, еже отвратитися во днешний день от Господа, еже сотворити нам жертвенник приношением и жертвам саламин и жертве спасения, кроме олтаря Господа Бога нашего, иже есть пред скиниею Его. Joshua 22:30 И услышавше Финеес жрец и вси князи сонма, и тысященачалницы Израилевы, иже быша с ним, словеса сия, яже глаголаша сынове Рувимли и сынове Гадовы и полплемене Манассиина, и угодно им бысть сие. Joshua 22:31 И рече Финеес жрец сыном Рувимлим и сыном Гадовым и полуплемени Манассиину: днесь познахом, яко с нами есть Господь, иже не погрешисте пред Господем прегрешения, но днесь избависте сыны Израилевы от руки Господни. Joshua 22:32 И возвратися Финеес жрец и князи отечеств от сынов Рувимлих и от сынов Гадовых и от полуплемене Манассиина от земли Галаадовы в землю Ханааню к сыном Израилевым: и отвещаша им словеса сия. Joshua 22:33 И угодно бысть слово сие сыном Израилевым, и благословиша Бога сынове Израилевы и рекоша: ктому да не изыдем к ним на брань потребити землю сынов Рувимлих и сынов Гадовых и полуплемене Манассиина. И вселишася на ней. Joshua 22:34 И нарече Иисус требище сынов Рувимлих и сынов Гадовых и полуплемене Манассиина и рече: яко свидение есть между ими, яко Господь бог Бог их есть. Joshua 23:0 Joshua 23:1 И бысть по днех мнозех, егда упокои Господь Бог Израиля от всех врагов его иже окрест, и Иисус состареся прошед дни. Joshua 23:2 И созва Иисус вся сыны Израилевы и старейшины их, и князи их и судии их и книгочия их, и рече к ним: аз состарехся и проидох дни: Joshua 23:3 вы же видесте вся, елика сотвори Господь Бог ваш всем языком сим от лица вашего, зане Господь Бог наш споборствовавый нам: Joshua 23:4 видите, яко низвергох вам языки оставшыяся вам сия во жребиих племеном вашым, от Иордана вся языки потребих, и от моря великаго, еже определит на запад солнца: Joshua 23:5 Господь же Бог ваш Сам потребит их от лица вашего, дондеже погибнут, и послет на ня звери дивия, дондеже потребит их и цари их от лица вашего, и наследите землю их, якоже глагола вам Господь Бог ваш: Joshua 23:6 укрепитеся убо зело хранити и творити вся написанная в книгах закона Моисеова, да не уклонитеся от него на десно или на лево: Joshua 23:7 яко да не внидете во языки оставшыяся сия, и имена богов их да не возименуются в вас, ниже да кленетеся ими, ниже да послужите им, ниже поклонитеся им: Joshua 23:8 но токмо Господу Богу вашему прилепитеся, якоже твористе до сего дне: Joshua 23:9 и потреби Господь от лица вашего языки велики и сильны, и никто противоста вам до сего дне: Joshua 23:10 един от вас прогна тысящы, яко Господь Бог ваш споборствоваше вам: Joshua 23:11 и сохраните зело любити Господа Бога вашего: Joshua 23:12 аще бо отвратитеся и приложитеся ко оставшымся языком сим, иже с вами, и браки сотворите с ними, и смеситеся с ними, и они с вами, Joshua 23:13 ведением уведите, яко не приложит Господь потребити языки сия от лица вашего: и будут вам в сети и в соблазны, и в гвоздия в пятах ваших и в стрелы во очесех ваших, дондеже погибнете от земли благия сея, юже даде вам Господь Бог ваш: Joshua 23:14 аз же днесь отхожду в путь, якоже и вси иже на земли: и познаете всем сердцем вашим и душею вашею, яко ни едино слово отпаде от всех словес благих, яже рече Господь Бог ваш к вам: вся приходят вам, и не разнствова от них ни едино слово: Joshua 23:15 и будет, имже образом приходят на вас вся словеса добрая, яже глагола Господь Бог к вам, тако наведет Господь на вы вся словеса злая, дондеже потребит вы от земли благия сея, юже даде вам Господь Бог ваш: Joshua 23:16 внегда преступите завет Господа Бога вашего, егоже заповеда вам, и шедше послужите богом иным и поклонитеся им: и разгневается яростию Господь на вы, и погибнете скоро от земли благия, юже даде Господь вам. Joshua 24:0 Joshua 24:1 И собра Иисус вся племена Израилева в Сихем, и созва старейшины Израилевы и князи их, и судии их и книгочия их, и сташа пред Господем Богом. Joshua 24:2 И рече Иисус ко всем людем, глаголя: сия глаголет Господь Бог Израилев: об ону страну реки жиша отцы ваши исперва, Фара отец Авраамов и отец Нахоров, и служиша богом иным: Joshua 24:3 и поях отца вашего Авраама от об ону страну реки, и водих его во всей земли Ханаанстей: и умножих семя его, и дах ему Исаака: Joshua 24:4 Исааку же дах Иакова и Исава и дах Исаву гору Сиир наследие ему: Иаков же и сынове его снидоша во Египет, и быша тамо в язык велик и крепок и мног, и озлобиша их Египтяне: Joshua 24:5 и послах Моисеа и Аарона, и поразих Египта во знамениих, яже сотворих в них, и по сем изведох вас, Joshua 24:6 и изведох отцы вашя из Египта, и внидосте в море Чермное: и погнаша Египтяне вслед отец ваших на колесницах и на конех в море Чермное: Joshua 24:7 и возопихом ко Господу, и даде облак и мглу между нами и между Египтяны, и наведе на них море, и покры их: и видеша очеса ваша, елика сотвори Господь в земли Египетстей: и бысте в пустыни дни многи: Joshua 24:8 и приведе вас в землю Аморреов живущих об ону страну Иордана, и ополчишася на вы: и предаде я Господь в руки вашя, и наследисте землю их, и потребисте их от лица вашего: Joshua 24:9 и воста Валак сын Сепфоров, царь Моавль, и ополчися противу Израиля, и послав призва Валаама сына Веорова кляти вас: Joshua 24:10 и не восхоте Господь Бог погубити тя, но благословением благослови вас и избави вас от рук их: Joshua 24:11 и преидосте Иордан и приидосте во Иерихон, и бишася с вами живущии во Иерихоне, Аморрей и Ферезей, и Хананей и Хеттей, и Гергесей и Евей и Иевусей, и предаде их Господь в руки вашя: Joshua 24:12 и посла пред вами шершни, и изгна от лица вашего два царя Аморрейска, не оружием твоим, ниже луком твоим, Joshua 24:13 и даде вам землю, о нейже не трудистеся на ней, и грады, ихже не создасте, и пожисте в них, и винограды и масличие, ихже не насадисте вы, ядосте: Joshua 24:14 и ныне убойтеся Господа, и послужите Ему в правде и правоте: и отвержите боги чуждыя, имже служиша отцы ваши об ону страну реки и во Египте, и служите Господеви: Joshua 24:15 аще же не угодно вам служити Господеви, изберите сами себе днесь, кому послужите, или богом отец ваших, иже быша об ону страну реки, или богом Аморрейским, в нихже вы живете на земли их: аз же и дом мой служити будем Господеви, яко свят есть. Joshua 24:16 И отвещавше людие, реша: не буди нам оставити Господа, еже служити богом иным: Joshua 24:17 Господь бо Бог наш Той Бог есть, Той изведе нас и отцы нашы от земли Египетския, от дому работы, иже сотвори пред очима нашима знамения велия, и сохрани нас во всем пути, по немуже идохом, и во всех языцех, ихже сквозе проидохом: Joshua 24:18 и изгна Господь вся языки и Аморреа живущаго на земли от лица нашего: но и мы послужим Господеви, Сей бо есть Бог наш. Joshua 24:19 И рече Иисус к людем: не возможете служити Господеви Богу, яко Бог свят есть и ревнитель сей: не оставит грех ваших и беззаконий ваших: Joshua 24:20 егда оставите Господа и послужите богом чуждим, и пришед озлобит вас и потребит вас, вместо еже благо сотвори вам. Joshua 24:21 И рекоша людие ко Иисусу: ни, но Господеви послужим. Joshua 24:22 И рече Иисус к людем: свидетели вы сами на ся, яко вы избрасте служити Господеви Самому. И рекоша: свидетели мы. Joshua 24:23 И ныне отвержите боги чуждыя, иже суть в вас, и исправите сердца ваша ко Господу Богу Израилеву. Joshua 24:24 И рекоша людие ко Иисусу: Господеви Богу нашему послужим, и гласа Его послушаем. Joshua 24:25 И завеща Иисус завет к людем в день он, и даде им закон и суд в Сихеме, пред скиниею Господа Бога Израилева. Joshua 24:26 И вписа Иисус словеса сия в книгу закона Божия: и взя камень велий, и постави его под теревинфом, иже есть пред Господем. Joshua 24:27 И рече Иисус к людем: се, камень сей будет вам во свидение: яко сей слыша вся глаголголанная от Господа, елика глагола к вам днесь, и сей будет вам во свидение в последния дни, и егда солжете Господеви Богу вашему. Joshua 24:28 И отпусти Иисус люди, коегождо в места своя. Joshua 24:29 И послужи Израиль Господеви во вся дни Иисусовы и во вся дни старцев, иже препроводиша время со Иисусом и иже видеша вся дела Господня, елика сотвори Израилю. Joshua 24:30 И бысть по сих, и умре Иисус сын Навин раб Господень, (пожив) сто и десять лет. Joshua 24:31 И погребоша его в пределех жребия его во Фамнасахаре, в горе Ефремли, от севера горы Гаасовы, и положиша тамо с ним во гробе, в немже погребоша его, ножы каменныя, имиже обреза сыны Израилевы в Галгалех (Иисус), егда изведе их из Египта, якоже повеле Господь: и тамо суть даже до дне сего. Joshua 24:32 И кости Иосифовы изнесоша сынове Израилевы из Египта и закопаша их в Сихемех, в части села, еже притяжа Иаков от Аморрей живущих в Сихемех стом агниц, и даде ю Иосифу в часть. Joshua 24:33 И бысть по сих, и Елеазар сын Ааронов архиерей скончася: и погребен бысть в Гаваафе Финееса сына своего, егоже даде ему в горе Ефремове. Joshua 24:34 В той день вземше сынове Израилевы кивот Божий, обношаху с собою: и Финеес жречествова вместо Елеазара отца своего, дондеже умре и погребеся в Гаваафе своем. Joshua 24:35 Сынове же Израилевы отидоша кийждо в место свое и в свой град. Joshua 24:36 И почитаху сынове Израилевы Астарту и Астарофа и боги языков сущих окрест их. И предаде их Господь в руки Еглому царю Моавлю, и облада ими лет осмьнадесять.
Judges 0:0
Книга Судей Judges 1:0 Judges 1:1 И бысть по скончании Иисусове, и вопрошаху сынове Израилевы Господа, глаголюще: кто взыдет нам к Хананею воевода, ратовати на них? Judges 1:2 И рече Господь: Иуда взыдет: се, дах землю в руку его. Judges 1:3 И рече Иуда к Симеону брату своему: взыди со мною в жребий мой, и ополчимся на Хананеа: и пойду и аз с тобою в жребий твой. И пойде с ним Симеон. Judges 1:4 И взыде Иуда, и предаде Господь Хананеа и Ферезеа в руце их: и избиша их в Везеце до десяти тысящ мужей. Judges 1:5 И обретоша Адонивезека в Везеце, и секошася с ним: и избиша Хананеа и Ферезеа. Judges 1:6 И побеже Адонивезек: и гнаша вслед его, и яша его, и отсекоша краи рук его и краи ног его. Judges 1:7 И рече Адонивезек: седмидесяти царем обсекох краи рук их и краи ног их, и быша собирающе (от крупиц) под трапезою моею: якоже убо сотворих, тако воздаде ми Бог. И приведоша его во Иерусалим, и умре тамо. Judges 1:8 И воеваша сынове Иудины на Иерусалим, и взяша его, и поразиша его острием меча, и град сожгоша огнем. Judges 1:9 И по сих снидоша сынове Иудины воевати на Хананеа живущаго в горней к югу и в равней. Judges 1:10 И пойде Иуда на Хананеа живущаго в Хевроне. И изыде Хеврон со страны: имя же бе Хеврону прежде Кариафарвок-Сефер: и убиша Сесина и Ахимана и Фолмиа, роды Енаковы. Judges 1:11 И взыдоша оттуду к живущым в Давире: имя же Давиру бе прежде Кариафсефер, Град Писмен. Judges 1:12 И рече Халев: иже аще поразит Град Писмен и возмет его, дам ему Асхань дщерь мою в жену. Judges 1:13 И взя его Гофониил сын Кенеза брата Халевова юнейший, и даде ему Халев Асхань дщерь свою в жену. Judges 1:14 И бысть внегда отходити ей, и подвиже ю Гофониил просити у отца своего села, и ропташе (седящи) на осляти, и вопияше со осляти: на землю южную отдал мя еси. И рече ей Халев: что ти есть? Judges 1:15 И рече ему Асхань: даждь ми благословение: яко на землю южную отдал еси мя, да даси мне и исходища водная. И даде ей Халев по сердцу ея исходища вышних и исходища нижних. Judges 1:16 И сынове Иофора Кинеева, ужика Моисеова, взыдоша от града Финическа к сыном Иудиным в пустыню сущую на юг Иуды ко исходу Аредову, и поидоша, и вселишася с людьми. Judges 1:17 И пойде Иуда с Симеоном братом своим, и изби Хананеа живущаго в Сефефе, и потребиша его: и прозваша имя граду Потребление. Judges 1:18 И взя Иуда Газу и предел ея, и Аскалона и предел его, и Аккарон и предел его, и Азот и окрестная его. Judges 1:19 И бяше Господь со Иудою. И взя гору, яко не возмогоша потребити живущих во юдоли, зане Рихав противоста им, и колесницы железныя бяху там. Judges 1:20 И даша Халеву Хеврон, якоже глагола Моисей: и наследствова тамо три грады сынов Енаковых, и изгна оттуду три сыны Енаковы. Judges 1:21 И Иевусеа живущаго во Иерусалиме не изгнаша сынове Вениаминовы, и живяше Иевусей с сынми Вениамини во Иерусалиме даже до сего дне. Judges 1:22 И взыдоша сынове Иосифли и сии в Вефиль: и Господь бяше с ними. Judges 1:23 И ополчишася, и соглядаша (сынове Иосифовы) Вефиль: имя же бе прежде граду Луза. Judges 1:24 И видеша стрегущии мужа исходящаго из града, и яша его и рекоша ему: покажи нам вход во град, и сотворим с тобою милость. Judges 1:25 И показа им вход градный: и поразиша град острием меча, мужа же и сродство его отпустиша. Judges 1:26 И отиде муж в землю Хеттиим, и созда тамо град, и прозва имя ему Луза: сие имя ему даже до дне сего. Judges 1:27 И не разори Манассий Вефсана, иже есть Скифский град, ниже дщерей его, ниже окрестных (предел) его, ниже Фанаха, ниже дщерей его, ниже живущих в Доре, ниже дщерей его, ниже живущих во Иевламе, ниже окрестных его, ниже дщерей его, и живущих в Магеддоне, ниже окрестных его и дщерей его. И нача Хананей жити на земли сей. Judges 1:28 И бысть егда укрепися Израиль, и сотвори Хананеа данника: изгнанием же не изгна его. Judges 1:29 И Ефрем не изгна Хананеа живущаго в Газере: и живяше Хананей среде его в Газере, и бысть ему в данника. Judges 1:30 И Завулон не изгна живущих в Хевроне и живущих во Аммане: и вселися Хананей посреде их и бысть ему данник. Judges 1:31 И Асир не изгна живущих во Акхоре, (и бысть ему данник,) ни живущих в Доре, ни живущих в Сидоне, ни живущих в Далафе и во Ахазиве, и во Елве и во Афеке и в Роове. Judges 1:32 И вселися Асир посреде Хананеа живущаго на земли (той), зане не возможе изгнати его. Judges 1:33 И Неффалим не изгна живущих в Вефсамисе, ниже живущих в Вефанахе: и вселися Неффалим среде Хананеа живущаго на земли (сей): живущии же в Вефсамисе и в Вефанахе быша ему данницы. Judges 1:34 И утесни Аморрей сыны Дановы в горе, яко не попусти им низходити во юдоль. Judges 1:35 И нача Аморрей жити в горе Чрепней, идеже медведи и лисицы, в Мирсиноне и в Салавине: и отяготе рука дому Иосифля на Аморреа, и бысть ему данник. Judges 1:36 И предел Аморрейский идумей от восхода Акравиня, от Камене и выше. Judges 2:0 Judges 2:1 И взыде Ангел Господень от Галгал к месту Плача и к Вефилю и к дому Израилеву, и рече к ним: сия глаголет Господь: изведох вас из Египта, и введох вас в землю, еюже кляхся отцем вашым дати вам: и рекох: не разорю завета Моего, иже с вами, во веки: Judges 2:2 и вы не завещайте завета с седящими на земли сей, ниже богом их да поклонитеся, но изваянная их сокрушите, и олтари их раскопайте: и не послушасте гласа Моего, яко сия сотвористе: Judges 2:3 и Аз рех: не приложу преселити людий, ихже рех изгнати, ниже отиму их от лица вашего, и будут вам в терние, и бози их будут вам в соблазн. Judges 2:4 И бысть егда глагола Ангел Господень словеса сия ко всем сыном Израилевым, и воздвигоша людие глас свой, и восплакашася. Judges 2:5 И сего ради прозвася имя месту тому Плачь: и пожроша тамо Господеви. Judges 2:6 И отпусти Иисус люди, и отидоша сынове Израилевы кийждо в домы своя и кийждо в наследие свое наследити землю. Judges 2:7 И работаша людие Господеви во вся дни Иисусовы и во вся дни старейшин, елицы пожиша многи дни со Иисусом, елицы разумеша все дело Господне великое, еже сотвори Израилю. Judges 2:8 И скончася Иисус сын Навин раб Господень, сын ста и десяти лет. Judges 2:9 И погребоша его в пределех наследия его в Фамнафаресе, в горе Ефремли, от севера горы Гаас: Judges 2:10 и весь род он приложишася ко отцем своим. И воста род другий по сих, иже не познаша Господа и дела, еже сотвори во Израили. Judges 2:11 И сотвориша сынове Израилевы злое пред Господем и послужиша Ваалу, Judges 2:12 и оставиша Господа Бога отец своих, изведшаго их из земли Египетски, и поидоша вслед богов иных, от богов языческих, Иже окрест их, и поклонишася им: и разгневаша Господа, Judges 2:13 и оставиша Его, и послужиша Ваалу и Астартом. Judges 2:14 И разгневася яростию Господь на Израиля и предаде его в руки пленяющих, и плениша их: и отдаде их в руки врагов их, иже окрест их, и не возмогоша ктому противостати пред лицем врагов своих, во всех в нихже прохождаху. Judges 2:15 И рука Господня бяше на них во злая, якоже глагола Господь и якоже клятся Господь им, и озлоби их зело. Judges 2:16 И возстави (им) Господь судии, и избави их Господь от руки пленяющих я. Judges 2:17 Но и судий не послушаша, яко соблудиша вслед богов иных и поклонишася им, и разгневаша Господа: и уклонишася с пути скоро, по немуже ходиша отцы их послушати заповедий Господних: не сотвориша тако. Judges 2:18 И яко возстави им Господь судий, и бяше Господь с судиею, и спасе я от руки врагов их во вся дни судии: яко умилися Господь от воздыхания их, от лица воюющих на ня и озлобляющих я. Judges 2:19 И бысть егда умираше судия, и отвращахуся, и паки растлевахуся паче отец своих, идуще вслед богов иных служити им и покланятися им: не отвергоша начинаний своих и не отступиша от путий своих жестоких. Judges 2:20 И разгневася яростию Господь на Израиля и рече: понеже остави род сей завет Мой, егоже заповедах отцем их, и не послушаша гласа Моего, Judges 2:21 и Аз не приложу изгнати мужа от лица их от сих языков, ихже остави Иисус сын Навин на земли и умре, Judges 2:22 еже искушати в них Израиля, аще сохранят путь Господень ходити в нем, якоже сохраниша отцы их, или ни. Judges 2:23 И остави Господь языки сия не истребити их вскоре, и не предаде их в руку Иисусову. Judges 3:0 Judges 3:1 И сия языки, яже остави Господь, да искусит ими Израиля, вся неведущыя браней Ханаанских, Judges 3:2 токмо ради родов сынов Израилевых, еже научити я брани, обаче иже прежде их не уведаша их: Judges 3:3 пять воеводств иноплеменнических, и всего Хананеа и Сидония, и Евеа живущаго в Ливане от горы Ваал-Ермон до Лавоемафа. Judges 3:4 И бысть да искусит ими Израиля, да увесть, аще послушают заповедий Господних, яже заповеда отцем их рукою Моисеовою. Judges 3:5 И сынове Израилевы обиташа посреде Хананеа и Хеттеа, и Аморреа и Ферезеа, и Евеа и Гергесеа и Иевусеа, Judges 3:6 и пояша дщери их себе в жены, и дщери своя даша сыном их, и послужиша богом их. Judges 3:7 И сотвориша сынове Израилевы злое пред Господем и забыша Господа Бога своего, и послужиша Ваалу и Дубравам. Judges 3:8 И разгневася яростию Господь на Израиля и предаде их в руки Хусарсафема царя Месопотамии Сирския: и работаша сынове Израилевы Хусарсафему лет осмь. Judges 3:9 И возопиша сынове Израилевы ко Господу. И возстави Господь спасителя Израилю, и спасе их, Гофониила, сына Кенеза брата Халевова юнейшаго его. Judges 3:10 И бысть на нем Дух Господень, и суди Израиля. И изыде на рать к Хусарсафему: и предаде Господь в руце его Хусарсафема царя Сирска, и укрепися рука его над Хусарсафемом. Judges 3:11 И бысть в покои земля четыредесять лет. И умре Гофониил сын Кенезов. Judges 3:12 И приложиша сынове Израилевы сотворити злое пред Господем: и укрепи Господь Еглома царя Моавля на Израиля, занеже сотвориша злое пред Господем. Judges 3:13 И собра к себе вся сыны Аммони и Амаликовы: и иде, и порази Израиля, и взя град Финическ. Judges 3:14 И работаша сынове Израилевы Еглому царю Моавлю лет осмьнадесять. Judges 3:15 И возопиша сынове Израилевы ко Господу: и возстави им Господь спасителя, Аода сына Гираня, сына Иемениина, мужа ободесноручна: и послаша сынове Израилевы дары рукою его Еглому царю Моавлю. Judges 3:16 И сотвори себе Аод нож обоюдуостр, на пядь едину долгота его, и припояса его под ризу по бедре десней своей. Judges 3:17 И иде, и принесе дары Еглому царю Моавлю: Еглом же муж добротелесен бе зело. Judges 3:18 И бысть егда сконча Аод принося дары, и отсла носящих дары: Judges 3:19 и Еглом обратися от идол иже в Галгалех. И рече Аод: слово мне есть к тебе тайно, царю. И рече Еглом к нему: молчи. И отсла от себе всех предстоящих пред ним. Judges 3:20 И Аод вниде к нему. Сей же седяше в горнице летней своей един. И рече Аод: слово Божие мне к тебе, царю. И воста Еглом со престола близ его. Judges 3:21 И бысть егда воста, и простре Аод руку левую свою, и извлече нож, иже над стегном его десным, и вонзе во чрево егломово: Judges 3:22 и втисне и рукоять за острием, и заключи тук за острием, яко не извлече ножа из чрева его, (и изыде лайно). Judges 3:23 И изыде Аод в притвор, и пройде стрегущих, и затвори двери горницы за собою и заключи, Judges 3:24 и сам изыде. И раби его приидоша и узреша, и се, двери горницы заключены, и реша: еда у потребы седит во отлучении ложа? Judges 3:25 И преждаша дондеже посрамишася: и се, не бысть отверзаяй двери горницы. И взяша ключь, и отверзоша: и се, господин их лежит на земли мертв. Judges 3:26 И Аод спасеся внегда смущахуся, и не бе помышляющаго о нем: а он прейде идолы, и спасеся в Сетирофе. Judges 3:27 И бысть егда прииде Аод в землю Израилеву, и воструби рогом в горе Ефремли: и снидоша с ним с горы сынове Израилевы, и той пред ними. Judges 3:28 И рече к ним: идите вслед мене, яко предаде Господь Бог враги нашя Моавляны в руки нашя. И идоша вслед его, и предвзяша преходы Иордана Моавля, и ни единому мужу попустиша преити. Judges 3:29 И избиша Моава в то время яко десять тысящ мужей, вся воины, иже в них, и всякаго мужа сильна: и ни един муж спасеся. Judges 3:30 И пременися Моав в той день под руку Израилеву, и бысть в покои земля осмьдесят лет: и суди их Аод дондеже умре. Judges 3:31 И по нем воста Самегар сын Анафов: и изби иноплеменников шесть сот мужей ралом воловым: и спасе и сей Израиля. Judges 4:0 Judges 4:1 И приложиша сынове Израилевы сотворити злое пред Господем: и Аод умре. Judges 4:2 И отдаде их Господь в руку Иавина царя Ханаанска, иже царствова во Асоре. И воевода силы его Сисара, и той живяше во Арисофе языков. Judges 4:3 И возопиша сынове Израилевы ко Господу, яко девять сот колесниц железных бяше ему: и той озлоби Израиля зело лет двадесять. Judges 4:4 И Деввора, жена пророчица, жена Лафидофова, сия судяше Израилю в то время: Judges 4:5 и сия живяше под Фиником Деввора между Рамою и между Вефилем, в горе Ефремли: и восхождаху сынове Израилевы к ней тамо на суд. Judges 4:6 И посла Деввора, и призва Варака сына Авинеемля из Кедеса Неффалимова, и рече к нему: не заповеда ли тебе Господь Бог Израилев? И пойдеши в гору Фавор, и поймеши с собою десять тысящ мужей от сынов Неффалимлих и от сынов Завулоних: Judges 4:7 и приведу к тебе в водотечь Кисонь Сисару воеводу силы Иавини, и колесницы его, и множество (вой) его, и предам его в руки твоя. Judges 4:8 И рече к ней Варак: аще пойдеши со мною, пойду, и аще не пойдеши со мною, не пойду: яко не вем дне, в оньже благоустроит Господь Ангела со мною. Judges 4:9 И рече Деввора к нему: идущи пойду с тобою: обаче веждь, яко не будет тебе слава на пути, в оньже ты идеши: понеже в руку женску предаст Господь Сисару. И воста Деввора и пойде с Вараком до Кадиса. Judges 4:10 И воззва Варак Завулона и Неффалима до Кадиса, и поидоша вслед его десять тысящ мужей, и иде с ним Деввора. Judges 4:11 И Хавер Киней отлучися от Кены и от сынов Иовава, ужика Моисеова: и потче кущу свою под дубом Почивающих, иже есть при Кедесе. Judges 4:12 И возвестиша Сисаре, яко взыде Варак сын Авинеемль на гору Фавор. Judges 4:13 И созва Сисара вся колесницы своя, девять сот колесниц железных, и вся люди иже с ним, от Арисофа языков в водотечь Кисонь. Judges 4:14 И рече Деввора к Вараку: востани, яко сей день, в оньже предаде Господь Сисару в руку твою, зане Господь изыдет пред тобою. И сниде Варак с горы Фавор, и десять тысящ мужей вслед его. Judges 4:15 И сотре Господь Сисару и вся колесницы его и весь полк его острием меча пред Вараком. И сниде Сисара с колесницы своея и побеже ногами своими. Judges 4:16 И Варак гоняй вслед колесниц его и вслед полка, даже до Дубравы языков. И паде весь полк Сисарин острием меча: не остася ни един. Judges 4:17 И Сисара убеже ногами своими в кущу Иаили, жены Хавера Кинеева: яко мир бяше между Иавином царем Асорским и между домом Хавера Кинеева. Judges 4:18 И изыде Иаиль во сретение Сисаре и рече к нему: уклонися, господине мой, уклонися ко мне, не бойся. И уклонися к ней в кущу: и покры его одеждею своею. Judges 4:19 И рече Сисара к ней: напой мя мало воды, яко возжаждах. И отреши мех млечный, и напои его, и покры его. Judges 4:20 И рече к ней Сисара: стани во дверех кущи, и будет аще кто приидет к тебе, и вопросит тя, и речет: есть ли зде муж? И речеши: несть. Judges 4:21 И взя Иаиль, жена Хаверова, кол кущный, и взя млат в руку свою, и вниде к нему тихо, и водрузи кол во скрании его, и пронзе до земли: и сей утруждся спаше, и издше. Judges 4:22 И се, Варак гоняй Сисару. И изыде Иаиль во сретение ему и рече ему: прииди, и покажу тебе мужа, егоже ты ищеши. И вниде к ней, и се, Сисара лежаше мертв, и кол во скрании его. Judges 4:23 И покори Господь Бог в той день Иавина царя Ханааня пред сыны Израилевыми: Judges 4:24 и хождаше рука сынов Израилевых ходящи, и ожесточися на Иавина царя Ханаанска, дондеже истребиша его. Judges 5:0 Judges 5:1 И воспе Деввора и Варак сын Авинеемов в той день, и рече: Judges 5:2 внегда начати вождом во Израили, и в произволении людий, благословите Господа. Judges 5:3 Услышите, царие, и внушите, князи: аз Господеви воспою и пою Богу Израилеву. Judges 5:4 Господи, во исходе Твоем от Сиира, внегда воздвизатися Тебе от села Едомова, земля потрясеся, и небо возмутися, и облацы искапаша воду: Judges 5:5 горы подвигошася от лица Господа Елои, тая Сина от лица Господа Бога Израилева. Judges 5:6 Во дни Самегара сына Анафова, во дни Иаили, оскудеша путие, и идоша в пути кривы, и идоша в пути развращенны: Judges 5:7 оскудеша жнвущии во Израили, оскудеша дондеже воста Деввора, дондеже воста мати во Израили: Judges 5:8 избраша боги новы, яко хлеб ячен, тогда воеваша грады князей: щит не явися, ниже копие в четыредесяти тысящах во Израили. Judges 5:9 Сердце мое на учиненная во Израили: сильнии людий, благословите Господа. Judges 5:10 Ездящии на ослятех белых в полудне, и седящии на судищи, и ходящии на пути сонмов, провещайте. Judges 5:11 Глас плещущих посреде веселящихся: тамо дадят правду. Господи, правды укрепи во Израили: тогда разыдошася во грады своя людие Господни. Judges 5:12 Востани, востани, Деввора: востани, востани, глаголи с песнию: востани, Вараче, и плени плен твой, сыне Авинеемль. Judges 5:13 Тогда возвеличися сила Его: Господь смири мне крепльшыя мене. Judges 5:14 Людие Ефремли утомиша их в долине: брат твой Вениамин в людех твоих: от мене Махир снидоша взыскующии, и от Завулона укрепляющиися в скиптре повествования писменника. Judges 5:15 И началницы во Иссахаре с Девворою и Вараком: тако Варак отпусти пеших своих в долину, в разделения Рувимова, велика испытания сердца. Judges 5:16 Вскую ми седиши посреде мосфафемов, слышати звиздание воставающих проити в разделения Рувимля? Велия испытания сердца. Judges 5:17 Галаад, об ону страну Иордана вселися: и Дан, вскую обитаеши в кораблех? Асир обита при брезех морских, и в разделениих своих вселися. Judges 5:18 Завулон, людие укориша душу свою на смерть: и Неффалим на высотах села. Judges 5:19 И приидоша к нему царие, и ополчишася, тогда воеваша царие Ханаанстии во Фанаахе, у воды Магеддо: множества сребра не взяша. Judges 5:20 От небесе ополчишася звезды, от чина своего ополчишася с Сисарою. Judges 5:21 Водотечь Кисонов изверже их, водотечь Кадимин, водотечь Кисонов: поперет его душа моя сильная. Judges 5:22 Тогда отсекошася копыта конская от топтания сильных его. Judges 5:23 Проклинайте Мазора, рече Ангел Господень, проклятием проклените живущих в нем, яко не приидоша в помощь Господню, в помощь (Господню) в сильных. Judges 5:24 Да благословится в женах Иаиль, жена Хавера Кинеева, от жен в кущи да благословится: Judges 5:25 воды проси у нея, и даде ему млеко в чаши: преимущих принесе масло кравие: Judges 5:26 руку свою левую к колу простре, и десницу свою ко млату работающих, и уби Сисару: разби главу его, и порази, прободе скрания его: Judges 5:27 между ногама ея повалися: паде утружден, и умре посреде ног ея, и тамо паде бедне. Judges 5:28 Оконцем взираше мати Сисарина, окном сквозе решетку, что замедли колесница его приити? Вскую умедлиша стопы колесниц его? Judges 5:29 Мудрии началствующии ея отвещаша ей, и сама отвещаваше словеса своя себе: Judges 5:30 не обрящут ли его разделяюща корысти, удружающа другом на главу мужа сильна? Корысти шаров Сисаре, корысти шаров различия, шары испещренных, сия выи его корысти. Judges 5:31 Тако да погибнут вси врази Твои, Господи: и любящии Его, якоже восток солнца в силе своей. И бысть в покои земля четыредесять лет. Judges 6:0 Judges 6:1 И сотвориша сынове Израилевы злое пред Господем, и предаде их Господь в руку Мадиамлю седмь лет. Judges 6:2 И укрепися рука Мадиамля на Израиля: и сотвориша себе сынове Израилевы от лица Мадиамля ограды в горах и в пещерах и в твердынех. Judges 6:3 И бысть егда сеяше муж Израилев, и восхождаше Мадиам и Амалик и сынове восточнии, и восхождаху на него, Judges 6:4 и ополчахуся на них, и разоряху плоды земныя, дондеже внити в Газу: и не оставляху бытия жизненнаго во Израили, и стад и телца и осла: Judges 6:5 яко сами и скоти их восхождаху, и кущы их преношаху, и прихождаху яко прузи множеством, и самем и велблюдом их не бяше числа: и прихождаху на землю Израилеву разорити ю. Judges 6:6 И обнища Израиль зело от лица Мадиамля. Judges 6:7 И возопиша сынове Израилевы ко Господу: и бысть егда возопиша сынове Израилевы ко Господу Мадиама ради, Judges 6:8 и посла Господь мужа пророка к сыном Израилевым, и рече им: сия глаголет Господь Бог Израилев: Аз есмь изведый вас из Египта, и изведох вас из дому работы: Judges 6:9 и избавих вас от руки Египетския и от руки всех стужающих вам: и изгнах я от лица вашего, и дах вам землю их, Judges 6:10 и рекох вам: Аз есмь Господь Бог ваш, не убойтеся богов Аморрейских, в нихже вы живете в земли их: и не послушасте гласа Моего. Judges 6:11 И прииде Ангел Господень, и седе под дубом, иже есть во Ефрафе, иже бысть Иоаса отца Езри. И Гедеон сын его млачаше пшеницу на гумне его, бежати от лица Мадиамля. Judges 6:12 И явися ему Ангел Господень и рече к нему: Господь с тобою, сильный крепостию. Judges 6:13 И рече к нему Гедеон: во мне, Господи мой: и аще есть Господь с нами, и вскую обретоша ны вся злая сия? И где суть вся чудеса Его, елика поведаша нам отцы наши, глаголюще: не из Египта ли изведе нас Господь? И ныне отверже нас Господь и предаде нас в руку Мадиамлю. Judges 6:14 И воззре на него Ангел Господень и рече ему: иди в крепости твоей сей, и спасеши Израиля от руки Мадиамли: и се, послах тя. Judges 6:15 И рече к нему Гедеон: во мне, Господи, в чесом спасу Израиля? Се, тысяща моя хуждша в Манассии, и аз есмь мний в дому отца моего. Judges 6:16 И рече к нему Господь: понеже Аз буду с тобою, и избиеши Мадиама яко мужа единаго. Judges 6:17 И рече к Нему Гедеон: и аще обретох благодать пред очима Твоима, и да сотвориши мне днесь знамение, яко Ты глаголеши со мною: Judges 6:18 не отиди отсюду, дондеже приити мне к Тебе, и принесу жертву мою, и пожру пред Тобою. И рече: Аз есмь, премедлю, дондеже обратишися ты. Judges 6:19 И Гедеон вниде, и сотвори козлище от коз, и четверть ифи муки опресноков, и мяса вложи в кошницу, и юху влия в горнец: и изнесе к Нему под дуб, и поклонися. Judges 6:20 И рече к нему Ангел Господень: возми мяса и хлебы пресныя, и положи у камене онаго, и юху близ излий. И сотвори тако. Judges 6:21 И простре Ангел Господень конец жезла, иже в руце его, и прикоснуся мясом и хлебом пресным: и возгореся огнь из камене, и пояде мяса и опресноки: и Ангел Господень отиде от очей его. Judges 6:22 И виде Гедеон, яко Ангел есть Господень, и рече Гедеон: увы мне, Господи, Господи, яко видех Ангела Господня лицем к лицу. Judges 6:23 И рече ему Господь: мир тебе, и не бойся, не умреши. Judges 6:24 И созда тамо Гедеон жертвенник Господу, и назва его Мир Господень, даже до дне сего, еще сущу ему во Ефрафе отца Езри. Judges 6:25 И бысть в ту нощь, и рече ему Господь: возми телца упитаннаго (от скотов) отца твоего, и телца втораго седми лет, и разориши олтарь Ваалов, иже есть отца твоего, и дубраву, яже у него, да посечеши: Judges 6:26 и да соградиши олтарь Господеви Богу твоему явившемуся тебе на верху (горы) маози во предчинии: и да поймеши телца втораго и вознесеши всесожжения на древех дубравы, юже посечеши. Judges 6:27 И поя Гедеон десять мужей от рабов своих, и сотвори, якоже заповеда ему Господь. И бысть яко убояся дому отца своего и мужей града, еже сотворити во дни, и сотвори нощию. Judges 6:28 И обутреневаша мужие градстии заутра: и се, раскопан олтарь Ваалов, и дубрава яже у него посечена, и видеша телца втораго вознесена на всесожжение на олтарь новосогражденный. Judges 6:29 И рече муж к ближнему своему: кто сотвори вещь сию? И вопрошаху и искаху, и познаша, яко Гедеон сын Иоасов сотвори вещь сию. Judges 6:30 И рекоша мужие градстии ко Иоасу: изведи сына твоего, и да умрет, яко раскопа олтарь Ваалов и яко посече дубраву яже над ним. Judges 6:31 И рече Иоас к мужем воставшым на него: еда вы ныне суд глаголете о Ваале? Или вы его спасете? Иже аще кто сотвори обиду, да умрет до заутрия: аще Бог есть, да мстит себе, яко раскопа олтарь его. Judges 6:32 И прозва его в той день Иероваалом, глаголя: да отмстит на нем Ваал, яко раскопа олтарь его. Judges 6:33 И весь Мадиам и Амалик и сынове востоков снидошася вкупе, и преидоша (реку), и ополчишася в долине Иезраель. Judges 6:34 И Дух Божий укрепи Гедеона, и воструби рогом, и возопи Авиезер вслед его. Judges 6:35 И посла послы ко всему Манассию, и созвася и сей вслед его. Посем посла послы во Асир и в Завулон и в Неффалим, и взыдоша во сретение им. Judges 6:36 И рече Гедеон к Богу: аще Ты спасаеши рукою моею Израиля, якоже глаголал еси, Judges 6:37 се, аз положу руно овчее на гумне: и аще будет роса на руне точию, и по всей земли суша, уразумею, яко спасеши рукою моею Израиля, якоже глаголал еси. Judges 6:38 И бысть тако: и урани Гедеон наутрие, и исцеди руно, и истече роса из руна, исполнен окрин воды. Judges 6:39 И рече Гедеон к Богу: да не разгневается ярость Твоя на мя, и возглаголю еще единою, и искушу еще единою руном: да будет суша на руне токмо, и по всей земли да будет роса. Judges 6:40 И сотвори Бог тако в нощи той: и бысть суша на руне токмо, и по всей земли бысть роса. Judges 7:0 Judges 7:1 И обутренева Иероваал, сей есть Гедеон, и вси людие иже с ним, и ополчишася у источника Арад: и полк Мадиамль и Амаликов бяше ему с севера на холме Мосе Гавааф-Аморе в долине. Judges 7:2 И рече Господь к Гедеону: мнози людие иже с тобою, сего ради не предам Мадиама в руку их, да не когда похвалится Израиль на Мя, глаголя: рука моя спасе мя: Judges 7:3 и ныне рцы во ушы людем, глаголя: кто боязлив и ужастив, да возвратится и да отидет от горы Галаадовы. И возвратишася от людий двадесять две тысящы, и десять тысящ осташася. Judges 7:4 И рече Господь к Гедеону: еще людие мнози суть: сведи я на воду, и искушу тебе их тамо: и будет егоже аще реку тебе, сей да идет с тобою, той да пойдет с тобою: и всяк егоже аще реку тебе, сей да не пойдет с тобою, той да не пойдет с тобою. Judges 7:5 И сведе люди на воду, и рече Господь к Гедеону: всяк иже полочет языком своим от воды, якоже лочет пес, да поставиши его особь: и всяк иже на колену падет пити, отлучи его особь. Judges 7:6 И бысть число в горстех локавших языком триста мужей: и вси оставшии людие преклонишася на колена своя пити воду. Judges 7:7 И рече Господь к Гедеону: треми сты мужей локавшими воду спасу вас, и предам Мадиама в руку твою: и вси людие да пойдут, кийждо на место свое. Judges 7:8 И взяша себе брашно от людий в руку свою и роги своя: и всякаго мужа Израилтеска отпусти коегождо в кущу свою, а триста мужей удержа: полк же Мадиамль бяше ниже его в долине. Judges 7:9 И бысть в ту нощь, и рече к нему Господь: востав сниди отсюду скоро в полк, яко предах их в руку твою: Judges 7:10 и аще боишися ты снити, сниди ты и Фара раб твой в полк, Judges 7:11 и услышиши, что возглаголют: и по сем укрепятся руце твои, и снидеши в полк. И сниде сам и Фара раб его в часть пятьдесятников, иже быша в полце. Judges 7:12 И Мадиам и Амалик и вси сынове востоков стояху в долине яко прузи множеством, и велблюдом их не бяше числа, но бяху яко песок на краи морстем множеством. Judges 7:13 И вниде Гедеон, и се, муж поведаше сон подругу своему, и рече: сей сон егоже видех, и се, тесто хлеба ячна валяющееся в полце Мадиамли, и привалися к кущи Мадиамли, и поби ю, и преврати ю, и паде куща. Judges 7:14 И отвеща подруг его и рече: несть (сие тесто), но мечь Гедеона сына Иоасова мужа Израилева: предаде Бог в руку его Мадиама и весь полк. Judges 7:15 И бысть яко услыша Гедеон поведание сна и разсуждение его, и поклонися Господеви, и возвратися в полк Израилев и рече: востаните, яко предаде Господь в руки нашя полк Мадиамль. Judges 7:16 И раздели триста мужей на три началства, и вдаде роги в руце всем, и водоносы тщы, и свещы среде водоносов, Judges 7:17 и рече им: мене смотрите, и такожде творите: и се, аз вниду в часть полка, и будет якоже сотворю, такожде сотворите: Judges 7:18 и аз вострублю рогом, и вси иже со мною, да вострубите и вы в роги окрест всего полка, и да речете: (мечь) Богу и Гедеону. Judges 7:19 И вниде Гедеон и сто мужей иже с ним в часть полка в начале стражи средния: и убужением возбудиша стрегущих, и вострубиша в роги, и сразиша водоносы иже в руках их. Judges 7:20 И вострубиша три началства в роги и сокрушиша водоносы, и удержаша в левых руках своих свещы, и в десных руках их роги, в няже трубити: и возопиша: мечь Господеви и Гедеону. Judges 7:21 И сташа кийждо о себе окрест полка: и смятеся весь полк, и возопиша, и побегоша. Judges 7:22 И вострубиша в триста рогов: и положи Господь мечь мужа на подруга его во всем полце, и пробеже полк до Вифасетта, и собрася до страны Авелмаула и к Тавафу. Judges 7:23 И возопиша мужие Израилтестии от Неффалима и от Асира и от всего Манассии, и погнаша вслед Мадиама. Judges 7:24 И посла послы Гедеон во всю гору Ефремлю, глаголя: снидите во сретение Мадиаму и удержите им воду до Вефира и Иордана. И воззва всяк муж Ефремль, и предотяша воду до Вефира и Иордана, Judges 7:25 и яша два князя Мадиамля, Орива и Зива: и убиша Орива в Суре, и Зива убиша во Иакефзиве: и погнаша Мадиама, и главу Орива и Зива принесоша к Гедеону от оноя страны Иордана. Judges 8:0 Judges 8:1 И рекоша к Гедеону мужие Ефремли: что сие сотворил еси нам, яко не позвал еси нас, егда ходил воевати на Мадиама? И пряхуся с ним сильно. Judges 8:2 И рече к ним (Гедеон): что сотворих ныне якоже вы? Не лучше ли гроздец Ефремль, нежели обрание винограда Авиезерова? Judges 8:3 В руку вашу предаде Господь князи Мадиамли, Орива и Зива: и что возмогох сотворити якоже вы? Тогда утолися дух их от него, егда глагола им слово сие. Judges 8:4 И прииде Гедеон ко Иордану, и прейде сам и иже с ним триста мужей, алчни и утруждени гоняще. Judges 8:5 И рече мужем Сокхофским: дадите хлебы на пищу мужем сим иже со мною, яко алчни суть: аз же гоню вслед Зевеа и Салмана, царей Мадиамских. Judges 8:6 И рекоша князи Сокхофстии: еда рука Зевеа и Салмана ныне в руце твоей, яко дадим воем твоим хлебы? Judges 8:7 И рече Гедеон: не тако: но егда предаст Господь Зевеа и Салмана в руку мою, аз сотру плоти вашя тернием пустынным и волчцами. Judges 8:8 И взыде оттуду во Фануил и глагола к ним такожде. И отвещаша ему мужие Фануили, якоже отвещаша ему мужие Сокхофстии. Judges 8:9 И рече Гедеон мужем Фануилским, глаголя: егда возвращуся с миром, раскопаю столп сей. Judges 8:10 И Зевей и Салман быша в Каркаре, и полк их с ними до пятьнадесяти тысящ (мужей) оставшихся от всего полка сынов восточных: и умерших бяше сто и двадесять тысящ мужей держащих оружие. Judges 8:11 И взыде Гедеон путем живущих в кущах от востоков прямо Навы и Иегевала: и изби полк, полк же бяше надежен. Judges 8:12 И побегоста Зевей и Салман: и гна вслед их, и поима оба царя Мадиамля, Зевеа и Салмана, и весь полк их смяте. Judges 8:13 И возвратися Гедеон сын Иоасов от рати прежде восхода солнца, Judges 8:14 и ят отрочища от мужей Сокхофских и вопроси его: и вписа от него имена князей Сокхофских и старейшин их, седмидесяти и седми мужей. Judges 8:15 И прииде Гедеон ко князем Сокхофским и рече им: се, Зевей и Салман, ихже ради укористе мя, глаголюще: еда рука Зевеа и Салмана ныне в руце твоей, яко дадим мужем твоим утруждшымся хлебы? Judges 8:16 И поя князи и старейшины града, и терние от пустыни и волчцы, и сотре ими мужы Сокхофски: Judges 8:17 и столп Фануилев раскопа, и изби мужы градския. Judges 8:18 И рече к Зевею и Салману: какови мужие, ихже избисте в Фаворе? И реша: якоже ты, тако они, подобен ты еси им, яко подобие сынов царевых. Judges 8:19 И рече Гедеон: братия моя и сынове матере моея суть: жив Господь, аще бысте живили их, не убил бых вас. Judges 8:20 И рече Иеферу первенцу своему: востав убий их. И не извлече отрочищь меча своего: зане убояся, яко млад бяше. Judges 8:21 И рече Зевей и Салман: востани убо ты, и сопротивися нам: зане яко муж сила его. И воста Гедеон, и уби Зевеа и Салмана: и взя украшения, яже на выях велблюдов их. Judges 8:22 И рекоша мужие Израилстии ко Гедеону: владей нами и ты, и сынове твои, и сынове сынов твоих, яко ты спасл еси нас от руки Мадиамли. Judges 8:23 И рече к ним Гедеон: не возобладаю аз вами, и не возобладает сын мой вами: Господь да владеет вами. Judges 8:24 И рече к ним Гедеон: попрошу у вас прошения, и да даст мне всяк муж усерязь от плена своего: яко усерязи златы (мнози) и бяху им, зане Исмаилтяне бяху. Judges 8:25 И рекоша: дающе дадим. И простре ризу, и ввергоша ту мужие по и усерязю от плена своего. Judges 8:26 И бысть вес усерязь златых, ихже испроси, тысяща и седмь сот сикль злата, кроме плениц и монист (енфофовых), и риз багряных, яже на царех Мадиамлих, и кроме чепей златых, яже на выях велблюдов их. Judges 8:27 И сотвори от них Гедеон ефуд, и постави его во граде своем во Ефрафе. И соблуди весь Израиль по нем тамо: и бысть Гедеону и всему его дому в соблазн. Judges 8:28 И смирися Мадиам пред сыны Израилевыми, и не приложиша воздвигнути главы своея. И бысть в покои земля четыредесять лет, во дни Гедеоновы. Judges 8:29 И иде Иероваал сын Иоасов, и седе в дому своем. Judges 8:30 И Гедеону быша седмьдесят сынов, изшедшии от чресл его, яко жены бяху многи ему. Judges 8:31 И подложница его яже в Сикиме и сия роди ему сына, и нарече имя ему Авимелех. Judges 8:32 И умре Гедеон сын Иоасов в старости блазе, и погребеся во гробе Иоаса отца своего, во Ефрафе, отца Езриева. Judges 8:33 И бысть егда умре Гедеон, и совратишася сынове Израилевы и соблудиша вслед Ваалима, и сотвориша себе со Ваалверифом завет, да им будет бог: Judges 8:34 и не воспомянуша сынове Израилевы Господа Бога своего, избавльшаго их из руки всех враг их окрестных: Judges 8:35 и не сотвориша милости с домом Иеровааловым, сей есть Гедеон, по всей благостыни его, юже сотвори со Израилем. Judges 9:0 Judges 9:1 И пойде Авимелех сын Иероваалов в Сихем ко братии матере своея и глагола к ним и ко всему сродству дому отца матере своея, глаголя: Judges 9:2 глаголите во ушы всех мужей Сихемских: что лучше вам, еже владети вами седмидесяти мужем всем сыном Иеровааловым, или владети вами мужу единому? И помяните, яко кость ваша и плоть ваша есмь аз. Judges 9:3 И глаголаша братия матере его о нем во ушы всех мужей Сихемских вся словеса сия. И уклонися сердце их вслед Авимелеха, рекоша бо: брат наш есть. Judges 9:4 И даша ему седмьдесят сребреник от дому Ваалверифа: и ная ими Авимелех мужей праздных и скитающихся, и поидоша вслед его. Judges 9:5 И вниде в дом отца своего во Ефрафу, и изби братию свою, сыны Иеровааловы, седмьдесят мужей, на камени единем, и остася Иоафам сын Иеровааль юнейший, зане скрыся. Judges 9:6 И собрашася вси мужие Сихемстии и весь дом Маалов, и поидоша, и поставиша Авимелеха царем у дуба стана, иже в Сихемех. Judges 9:7 И поведаша Иоафаму, и пойде, и ста на версе горы Гаризин: и воздвиже глас свой, и воззва, и рече им: послушайте мене, мужие Сихемстии, и да услышит вас Бог. Judges 9:8 Идуще идоша древа помазати себе царя и реша масличине: буди нам царь. Judges 9:9 И рече им масличина: еда оставивши тучность мою, юже во мне прослави бог и человецы, пойду владети древами? Judges 9:10 И рекоша древа смоковнице: прииди, царствуй над нами. Judges 9:11 И рече им смоковница: еда оставивши мою сладость и плод мой благий, пойду владети древами? Judges 9:12 И рекоша древа к лозе виноградней: прииди, буди нам царь. Judges 9:13 И рече им лоза виноградная: еда оставивши вино мое, веселящее бога и человеки, пойду владети древами? Judges 9:14 И рекоша вся древа тернию: прииди, буди нам царь. Judges 9:15 И рече терние ко древам: аще по истине помазуете себе царя мене над вами, приидите и внидите под сень мою: аще ли же ни, да изыдет огнь из терния и пояст кедры Ливанския. Judges 9:16 И ныне аще по истине и по совершенству сотвористе, и постависте Авимелеха царем, и аще благо сотвористе со Иероваалом и с домом его, и аще по воздаянию руки его сотвористе ему, Judges 9:17 якоже воева отец мой по вас, и поверже душу свою в страну, и избави вас от руки Мадиамли: Judges 9:18 и вы востасте на дом отца моего днесь и избисте сыны его, седмьдесят мужей, на единем камени, и постависте царем Авимелеха сына рабыни его над мужи Сикимскими, яко брат ваш есть: Judges 9:19 и аще по истине и по совершенству сотвористе со Иероваалом и домом его днесь, благословени вы будите, и возвеселитеся о Авимелесе, и той о вас да возвеселится: Judges 9:20 аще же ни, да изыдет огнь от Авимелеха и пояст мужы Сикимски и дом Мааллонь: и да изыдет огнь от мужей Сикимских и от дому Мааллоня и да пояст Авимелеха. Judges 9:21 И избеже Иоафам, и побеже, и пойде в Виру, и вселися тамо от лица Авимелеха брата своего. Judges 9:22 И облада Авимелех во Израили три лета. Judges 9:23 И посла Бог дух зол между Авимелехом и между мужи Сикимскими: и возгнушашася мужие Сикимстии домом Авимелеховым, Judges 9:24 еже навести неправду седмидесяти сынов Иероваалих и крови их возложити на Авимелеха брата их, иже уби их, и на мужы Сикимски, яко укрепиша руце его избити братию свою: Judges 9:25 и поставиша нань мужие Сикимстии подсады на версех гор, и разграбляху всех идущих к ним на пути. И возвестися сие Авимелеху. Judges 9:26 И прииде Гаал сын Аведов и братия его, и преидоша в Сикиму, и уповаша на него мужие Сикимстии: Judges 9:27 и изыдоша на село, и обраша винограды своя, и изгнетоша, и сотвориша лики: и ходиша во храм богов своих, и ядоша и пиша, кленуще Авимелеха. Judges 9:28 И рече Гаал сын Аведов: кто есть Авимелех, и кто есть сын Сихемль, яко да поработаем ему? Не сын ли Иеровааль, и Зевул страж его раб его с мужи Еммора отца Сихемля? И почто имамы работати ему? Judges 9:29 И кто даст люди сия в руку мою? И преставлю Авимелеха, и реку ко Авимелеху: умножи силу твою, и изыди. Judges 9:30 И услыша Зевул князь града словеса Гаала сына Аведова, и разгневася яростию: Judges 9:31 и посла послы ко Авимелеху отай, глаголя: се, Гаал сын Аведов и братия его приидоша в Сихему, и се, сии обседят на тя град: Judges 9:32 и ныне востани нощию ты и людие иже с тобою, и засяди до заутрия на селе: Judges 9:33 и будет рано, егда взыдет солнце, обутрееши и протягнешися ко граду: и се, той и людие иже с ним изыдут к тебе, и сотвориши ему, елико возможет рука твоя. Judges 9:34 И воста Авимелех и вси людие, иже с ним, нощию, и заседоша на Сихем на четыри части. Judges 9:35 И бысть заутра, и изыде Гаал сын Аведов и ста пред дверию врат градских. И воста Авимелех и людие, иже с ним, от засады. Judges 9:36 И виде Гаал сын Аведов люди и рече к Зевулу: се, народ людий исходит с верхов гор. И рече к нему Зевул: стень гор ты видиши яко мужы. Judges 9:37 И приложи еще Гаал глаголати и рече: се, людие исходят при мори от высоты земли, и полк един идет путем дубравы Маоненим. Judges 9:38 И рече к нему Зевул: и где суть ныне уста твоя глаголющая: кто есть Авимелех, яко поработаем ему? Не сии ли суть людие, яже ты уничтожил еси? Изыди убо ныне, и ополчися противу их. Judges 9:39 И изыде Гаал пред мужы Сихемски, и ополчися противу Авимелеху: Judges 9:40 и погна его Авимелех, и побеже от лица его: и падоша язвеннии мнози даже до врат градских. Judges 9:41 И вниде Авимелех во Ариму: и Зевул изгна Гаала и братию его, да не живут в Сихеме. Judges 9:42 И бысть наутрие, и изыдоша и людие на поле, и поведаша Авимелеху: Judges 9:43 и взя людий, и раздели их на три части, и засяде на селе: и виде, и се, людие изыдоша из града, и воста на ня, и изби их. Judges 9:44 И Авимелех и началницы, иже с ним, протягошася и сташа у дверий врат градских: и две части пролияшася на вся, яже на селе, и избиша я. Judges 9:45 Авимелех же добываше града весь день той, и взя град, и люди иже в нем изби, и разори град, и посея в нем соль. Judges 9:46 И услышаша сие вси мужие столпа Сихемля и внидоша в твердь дому (бога) Вефилвериф. Judges 9:47 И возвестися Авимелеху, яко собрашася вси мужие столпа Сихемска. Judges 9:48 И взыде Авимелех на гору Селмон сам и вси людие, иже с ним: и взя Авимелех секиру в руку свою, и усече ветвь от древа, и воздвиже ю, и возложи на раму свою: и рече людем иже с ним: еже видесте мя творяща, сотворите скоро якоже и аз. Judges 9:49 И усекоша вси людие ветвия и взяша, и поидоша вслед Авимелеха, и возложиша на твердыню, и запалиша на них твердыню огнем: и изомроша вси людие столпа Сихемска до тысящи мужей и жен. Judges 9:50 И иде Авимелех в Фивис и обсяде его, и взя его: Judges 9:51 и столп бе тверд среде града, и вбегоша ту вси мужие и жены и вси старейшины града, и заключишася и взыдоша на кров столпа: Judges 9:52 и прииде Авимелех до столпа, и супротивишася ему: и приступи Авимелех ко вратом столпа, еже запалити его огнем: Judges 9:53 и сверже жена едина уломок жерновный на главу Авимелеха, и сокруши ему темя: Judges 9:54 и возопи скоро Авимелех ко отроку носящему сосуды его и рече ему: извлецы мечь твой и убий мя, да не рекут, яко жена уби его. И прободе его отрок его, и умре. Judges 9:55 И видеша мужие Израилстии, яко умре Авимелех: и отидоша кийждо на свое место. Judges 9:56 И воздаде Бог зло Авимелеху, еже сотвори отцу своему, убив седмьдесят братий своих: Judges 9:57 и всяку злобу мужей Сихемлих обрати Бог на главы их: и взыде на ня клятва Иоафама сына Иеровааля. Judges 10:0 Judges 10:1 И воста по Авимелесе спасти Израиля Фола сын Фуи, сын брата отца его, муж от Иссахара: и сей живяше в Самире в горе Ефремове, Judges 10:2 и суди Израиля лет двадесять три, и умре, и погребен быти в Самире. Judges 10:3 И воста по нем Иаир Галаадитин, и суди Израиля лет двадесять два: Judges 10:4 и быша ему сынове тридесять два ездящии на тридесяти двух ослех: и грады им тридесять два: и прозываху их грады Иаировы, даже до днесь, иже суть в земли Галаадове: Judges 10:5 и умре Иаир, и погребен бысть в Камоне. Judges 10:6 И приложиша сынове Израилевы творити злое пред Господем и послужиша Ваалимам и Астарофам и богом Сирским и богом Сидонским и богом Моавлским и богом сынов Аммоних и богом иноплеменников: и оставиша Господа и не работаша Ему. Judges 10:7 И разгневася Господь яростию на Израиля и предаде их в руку Филистимску и в руку сынов Аммоних. Judges 10:8 И озлобиша, и сокрушиша сынов Израилевых в то время осмьнадесять лет, всех сынов Израилевых, иже об ону страну Иордана в земли Аморреа иже в Галааде. Judges 10:9 И преидоша сынове Аммони Иордан воевати на Иуду и Вениамина и на дом Ефремов: и оскорблени быша сынове Израилевы зело. Judges 10:10 И возопиша сынове Израилевы ко Господу, глаголюще: согрешихом Тебе, яко оставихом Бога нашего и работахом Ваалиму. Judges 10:11 И рече Господь к сыном Израилевым: не от Египта ли и от Аморреа и от сынов Аммоних и от Филистима Judges 10:12 и от Сидонян и от Амалика и от Мадиама, иже стужиша вам, и возописте ко Мне, и спасох вы от руки их? Judges 10:13 Вы же остависте Мене и работасте богом иным: сего ради не приложу спасти вас: Judges 10:14 идите и возопийте к богом, ихже избрасте себе, и тии да спасут вы во время скорби вашея. Judges 10:15 И реша сынове Израилевы ко Господу: согрешихом, сотвори ты нам по всему, елико угодно пред очима Твоима: точию избави нас в сей день. Judges 10:16 И извергоша боги чуждыя от среды себе и послужиша Господеви единому: и сжалеся душа Его о утруждении Израилеве. Judges 10:17 И взыдоша сынове Аммони, и ополчишася в Галааде: и собрашася и сынове Израилевы, и ополчишася в Массифе. Judges 10:18 И реша людие князи Галаадстии кийждо ко ближнему своему: муж, иже начнет битися с сынми Аммоновыми, той будет князь всем живущым в Галааде. Judges 11:0 Judges 11:1 И бяше Иеффай Галаадитянин силен крепостию: и той бысть сын жены блудницы, яже роди Галааду Иеффая. Judges 11:2 И роди жена Галаадова сынов ему: и возмужаша сынове жены и изгнаша Иеффая, и рекоша ему: не наследиши в дому отца нашего, яко сын жены блудныя еси ты. Judges 11:3 И отбеже Иеффай от лица братии своея и вселися в земли Тов: и собирахуся ко Иеффаю мужие праздни, и хождаху с ним. Judges 11:4 И бысть по днех сих, и воеваша сынове Аммони на Израиля. Judges 11:5 И егда воеваша сынове Аммони на Израиля, и поидоша старейшины Галаадовы пояти Иеффая от земли Тов, Judges 11:6 и рекоша ко Иеффаю: прииди и буди нам началник, и ополчимся на сыны Аммони. Judges 11:7 И рече Иеффай старейшинам Галаадским: не вы ли возненавидесте мя, и изгнасте мя из дому отца моего, и отпустисте мя от себе? И почто приидосте ко мне ныне, егда нужду возиместе? Judges 11:8 И рекоша старейшины Галаадстии ко Иеффаю: сего ради ныне приидохом к тебе, да пойдеши с нами, и ополчимся на сыны Аммони: и будеши нам князь всем живущым в Галааде. Judges 11:9 И рече Иеффай ко старейшинам Галаадовым: аще возвращаете мя ополчитися на сыны Аммони, и предаст их Господь предо мною, и аз вам буду ли князь? Judges 11:10 И рекоша старейшины Галаадстии ко Иеффаю: Господь да будет послух между нами, аще по слову твоему тако не сотворим. Judges 11:11 И пойде Иеффай со старейшинами Галаадскими, и поставиша его людие над собою главу и князя: и глагола Иеффай вся словеса своя пред Господем в Массифе. Judges 11:12 И посла Иеффай послы к царю сынов Аммоних, глаголя: что мне и тебе, яко пришел еси ко мне воевати на земли моей? Judges 11:13 И рече царь сынов Аммоних к послом Иеффаевым: яко взя Израиль землю мою, егда изыде из Египта, от Арнона даже до Иавока и до Иордана: и ныне возврати ю с миром, и отиду. Judges 11:14 И возвратишася послы ко Иеффаю. И приложи еще Иеффай, и посла послы к царю сынов Аммоних, и рекоша ему: Judges 11:15 тако глаголет Иеффай: не взя Израиль земли Моавли и земли сынов Аммоних, Judges 11:16 понеже егда исхождаше из Египта, пойде Израиль по пустыни до моря Чермнаго, и прииде до Кадиса: Judges 11:17 и посла Израиль послы к царю Едомску, глаголя: да прейду сквозе землю твою: и не послуша царь Едомск: такожде посыла и к царю Моавску, и не восхоте: и седе Израиль в Кадисе: Judges 11:18 и иде пустынею, и обыде землю Едомлю и землю Моавлю, и прииде на востоки солнца земли Моавли, и ополчися об ону страну Арнона, и не вниде в пределы Моавли, яко Арнон бяше предел Моавль: Judges 11:19 и посла Израиль послы к Сиону царю Аморрейску, царю Есевонску, и рече к нему Израиль: да прейдем по земли твоей до места нашего: Judges 11:20 и не восхоте Сион Израилю преити по пределом своим, и собра Сион вся люди своя, и ополчися во Иасе, и воева на Израиля: Judges 11:21 и предаде Господь Бог Израилев Сиона и вся люди его в руки Израиля, и изби их: Judges 11:22 и наследова Израиль всю землю Аморреа живущаго на земли той: и взя весь предел Аморрейск от Арнона даже до Иавока, и от пустыни до Иордана: Judges 11:23 и ныне Господь Бог Израилев изгна Аморреа от лица людий Своих Израиля, и ты ли хощеши наследити его? Judges 11:24 Ни, но елико даде в наследие тебе Хамос бог твой, сия да наследиши: а всех, ихже изгна Господь Бог наш от лица нашего, сия мы наследим: Judges 11:25 и ныне еда лучший еси ты Валака сына Сепфорова, царя Моавля? Не бранию ли боряшеся со Израилем, или воюя воева его? Judges 11:26 Егда вселися Израиль во Есевоне и в пределех его, и во Ароире и в пределех его, и во всех градех, иже у Иордана, триста лет, и почто не избавил еси их во время оно? Judges 11:27 Аз же не согреших тебе, и ты твориши со мною зло, воюя на мя: да судит Господь судяй днесь между сыны Израилевыми и между сыны Аммони. Judges 11:28 И не послуша царь сынов Аммоних словес Иеффаевых, яже посылаше к нему. Judges 11:29 И бысть на Иеффаи Дух Господень, и прейде Галаада и Манассию, и прейде Стражбу Галаадову, и от Стражбы Галаадовы иде на ону страну сынов Аммоних. Judges 11:30 И обеща Иеффай обет Господеви и рече: аще преданием предаси сыны Аммони в руку мою, Judges 11:31 и будет исходяй, иже аще изыдет из врат дому моего во сретение мне, егда возвращуся с миром от сынов Аммоних, и будет Господеви, и вознесу его во всесожжение. Judges 11:32 И прииде Иеффай к сыном Аммоним воевати на ня: и предаде я Господь в руце его Judges 11:33 и изби их от Ароира, дондеже приити в Мениф, двадесять градов, и даже до Авеля Виноградов, язвою великою зело. И покорени быша сынове Аммони пред лицем сынов Израилевых. Judges 11:34 И прииде Иеффай в Массифу в дом свой: и се, дщерь его исхождаше во сретение его с тимпаны и лики: и сия бяше единородна ему возлюбленна: и не бе ему сына, ни другия дщере, кроме ея. Judges 11:35 И бысть егда увиде ю сам, растерза ризы своя и рече: о, дщи моя, смущающи смутила мя еси: и ты ныне в претыкание была еси пред очима моима: аз бо отверзох уста моя на тя ко Господу и не возмогу вспять возвратити. Judges 11:36 И рече к нему: отче, аще отверзл еси уста твоя ко Господу, сотвори мне, якоже изыде изо уст твоих, занеже сотвори тебе Господь месть врагом твоим от сынов Аммоних. Judges 11:37 И рече ко отцу своему: сотвори, отче мой, сие слово: остави мя два месяца, да пойду и взыду на горы и плачуся девства моего аз и другини мои. Judges 11:38 И рече: иди. И отпусти ю на два месяца: и иде сама и другини ея, и плакася девства своего на горах. Judges 11:39 И бысть в конце двою месяцу, и возвратися ко отцу своему: и сотвори на ней обет свой, имже обещася: и сия не позна мужа. И бысть в повеление во Израили: Judges 11:40 от дний до дний исхождаху дщери Израилевы плакати о дщери Иеффая Галаадитина четыри дни в лете. Judges 12:0 Judges 12:1 И собрашася мужие Ефремли и приидоша в Сефину, и реша Иеффаю: почто ходил еси ополчитися на сыны Аммони, и нас не позвал еси ити с тобою? Дом твой с тобою сожжем огнем. Judges 12:2 И рече к ним Иеффай: имех прю аз и людие мои, и сынове Аммони оскорбиша мене зело: и воззвах вас, и не избависте мене от руки их: Judges 12:3 и видех, яко не бяше спасающаго, и положих душу мою в руку мою, и приидох к сыном Аммоним, и предаде я Господь в руку мою: и вскую приидосте ко мне днесь, ополчити ли ся на мя? Judges 12:4 И собра Иеффай вся мужы Галаадски и ополчися на Ефрема: и избиша мужие Галаадстии Ефрема, понеже глаголаху: уцелевшии от Ефрема, вы Галаад среде Ефрема и среде Манассии. Judges 12:5 И засяде Галаад проходы у Иордана Ефремовы. И бысть егда реша уцелевшии от Ефрема: прейдем: и рекоша им мужие Галаадстии: еда ли от Ефрема вы? И реша: несмы. Judges 12:6 И реша им: рцыте, клас. И не управиша рещи тако: и имаху их, и закалаху у преходов Иорданих: и падоша в то время от Ефрема четыредесять и две тысящы. Judges 12:7 И суди Иеффай Израилеви лет шесть: и умре Иеффай Галаадитин, и погребен бысть во граде своем в Галааде. Judges 12:8 И суди по нем Израилеви Есевон от Вифлеема: Judges 12:9 и быша ему тридесять сыны и тридесять дщери, яже отдаде вон (мужем), и тридесять жен приведе сыном своим отвне: и суди Израилеви седмь лет: Judges 12:10 и умре Есевон, и погребен бысть в Вифлееме. Judges 12:11 И суди по нем Израилеви Елон Завулонянин десять лет: Judges 12:12 и умре Елон Завулонянин, и погребен бысть во Елиме в земли Завулони. Judges 12:13 И суди по нем Израилеви Авдон сын Еллихов Фарафонитин: Judges 12:14 и быша ему четыредесять сынове и тридесять внуцы, ездящии на седмидесяти ослех: и суди Израилеви осмь лет: Judges 12:15 и умре Авдон сын Еллихов Фарафонитин, и погребен бысть в Фарафоне, в земли Ефремли, в горе Амаликове. Judges 13:0 Judges 13:1 И приложиша еще сынове Израилевы творити зло пред Господем: и предаде я Господь в руку Филистимску четыредесять лет. Judges 13:2 И бяше муж един от Сараи, от племене Данова, имя же ему Маное: и жена ему бяше неплоды и не раждаше. Judges 13:3 И явися Ангел Господень к жене и рече к ней: се, ты неплоды и не раждала еси, и зачнеши и родиши сына: Judges 13:4 и ныне блюдися, и не пий вина и сикера, и не яждь всякаго нечистаго: Judges 13:5 яко се, ты во утробе приимеши и родиши сына: и железо на главу его не взыдет, яко назорей Богови будет сие отроча от чрева: и сей начнет спасати Израиля из руки Филистимли. Judges 13:6 И вниде жена и рече мужу своему, глаголющи: человек Божий прииде ко мне, и образ его яко образ Ангела Божия, страшен зело: и вопрошах его, откуду еси? И имене своего не поведа ми, Judges 13:7 и рече мне: се, ты во утробе зачнеши и родиши сына: и ныне не пий вина, ни сикера, и не яждь всякаго нечистаго, яко назорей Богу будет отрочищь от утробы даже до дне смерти своея. Judges 13:8 И помолися Маное ко Господу и рече: во мне, Господи, человек Божий, егоже послал еси, да приидет еще к нам и наставит ны, что сотворим отрочати раждающемуся. Judges 13:9 И послуша Бог молитвы Маноевы: и прииде паки Ангел Божий к жене, сия же седяше на селе, и Маное муж ея не бяше с нею. Judges 13:10 И потщася жена, и текши скоро поведа мужу своему, и рече к нему: се, явися мне муж, иже приходил в день он ко мне. Judges 13:11 И востав иде Маное вслед жены своея, и прииде к мужу и рече ему: ты ли еси муж глаголавый к жене (моей)? И рече Ангел: аз. Judges 13:12 И рече Маное: ныне убо да приидет слово твое, кий будет суд отрочате, и что дела его? Judges 13:13 И рече Ангел Господень к Маною: от всех, яже глаголах к жене, да сохранится: Judges 13:14 от всего, еже исходит из винограда, да не яст, и вина и сикера да не пиет, и всякаго нечистаго да не яст: и вся, елика заповедах ей, да хранит. Judges 13:15 И рече Маное ко Ангелу Господню: да удержим тя зде, и сотворим пред тобою козлище от коз. Judges 13:16 И рече Ангел Господень к Маною: аще мя понудиши, не буду ясти хлеба твоего: но аще сотвориши всесожжение Господеви, то вознеси е. Не ведяше бо Маное, яко Ангел Господень той. Judges 13:17 И рече Маное ко Ангелу Господню: что имя твое? Да егда сбудется слово твое, прославим тя. Judges 13:18 И рече ему Ангел Господень: почто сие вопрошаеши имене моего? И то есть чудно. Judges 13:19 И взя Маное козлища от коз и жертву, и вознесе на камень Господеви чудная творящему: Маное же и жена его зряста. Judges 13:20 И бысть егда пламень взыде выше олтаря даже до небесе, и взыде Ангел Господень в пламени олтаря: Маное же и жена его смотряста, и падоста лицем своим на землю. Judges 13:21 И не приложи ктому Ангел Господень явитися Маною и жене его. Тогда уведе Маное, яко Ангел Господень есть. Judges 13:22 И рече Маное к жене своей: смертию умрем, яко Бога видехом. Judges 13:23 И рече ему жена его: аще бы хотел Господь умертвити нас, не бы взял от рук наших всесожжения и жертвы, и не бы показал нам сих всех, и не бы слышана сия сотворил нам якоже ныне. Judges 13:24 И роди жена сына, и нарече имя ему Сампсон. И возмужа отроча, и благослови е Господь: Judges 13:25 и нача Дух Господень ходити с ним в полце Данове, посреде Сараи и посреде Есфаола. Judges 14:0 Judges 14:1 И сниде Сампсон во Фамнафу и виде жену во Фамнафе от дщерей Филистимских, и угодна бысть пред ним. Judges 14:2 И взыде и поведа отцу своему и матери своей, и рече: жену видех во Фамнафе от дщерей Филистимских, и ныне поимите ю мне в жену. Judges 14:3 И рече ему отец его и мати его: еда несть дщерей от братии твоея и от всех людий моих жены, яко ты идеши пояти жену от дщерей иноплеменников необрезанных? И рече Сампсон ко отцу своему: сию поими мне, яко та угодна есть пред очима моима. Judges 14:4 Отец же его и мати его не разумеша, яко сие от Господа есть, яко отмщения он ищет от Филистимлян: в то бо время владяху Филистимляне сыны Израилевыми. Judges 14:5 И сниде Сампсон и отец его и мати его во Фамнафу, и приидоша до винограда Фамнафа: и се, львичищь рыкающь во сретение ему. Judges 14:6 И сниде на него Дух Господень, и растерза его яко козлища от коз, и ничтоже бяше в руку его: и не поведа отцу своему и матери своей, еже сотвори. Judges 14:7 И поидоша и рекоша жене, и угодна бысть пред очима Сампсона. Judges 14:8 И возвратися по днех пояти ю, и обратися видети труп львов, и се, рой пчел во устех львовых и мед: Judges 14:9 и изя его от уст его в руце свои, и идяше идый и ядый: и пойде ко отцу своему и матери своей, и даде им, и ядоша: и не поведа им, яко от уст львовых изя сей мед. Judges 14:10 И сниде отец его к жене, и сотвори Сампсон тамо пир седмь дний, яко тако творят юношы: Judges 14:11 и бысть внегда боятися им его, приставиша к нему тридесять другов, и быша с ним: Judges 14:12 и рече им Сампсон: предлагаю ныне вам гадание, и аще отгадающе поведите мне сие в седмь дний пира и обрящете, дам вам тридесять поняв и тридесять риз одежд: Judges 14:13 аще же не возможете сие поведати мне, дадите вы мне тридесять поняв и тридесять риз изменных. И рекоша ему: предложи гадание твое, и услышим е. Judges 14:14 И глагола им: от ядущаго ядомое изыде, и от крепкаго изыде сладкое. И не могоша поведати гадания до трех дний. Judges 14:15 И бысть в день четвертый, и рекоша жене Сампсонове: прельсти мужа своего, и да повесть тебе гадание, да не сожжем тя и дом отца твоего огнем: или оубожити призвасте ны? Judges 14:16 И плакася жена Сампсонова пред ним и рече: разве возненавидел еси мене и не возлюбил еси мене, яко гадания, еже еси предложил сыном людий моих, не поведал еси его мне. И рече ей Сампсон: се, отцу моему и матери моей не поведах сего, и тебе ли повем? Judges 14:17 И плакася пред ним седмь дний, в няже бе им пир. И бысть в день седмый, и поведа ей, яко стужи ему: и та поведа сыном людий своих. Judges 14:18 И рекоша ему мужие градстии в день седмый прежде зашествия солнца: что слаждше меда? И что креплее льва? И рече им Сампсон: аще не бысте орали юницею моею, не бысте уведали гадания моего. Judges 14:19 И нападе на него Дух Господень, и сниде во Аскалон, и изби тамо тридесять мужей, и взя ризы их, и даде ризы поведавшым гадание. И разгневася яростию Сампсон, и взыде в дом отца своего. Judges 14:20 Жена же Сампсонова иде за инаго мужа, иже бысть един от другов его. Judges 15:0 Judges 15:1 И бысть по днех во дни жатвы пшеницы, и посети Сампсон жену свою, несый козлище от коз, и рече: да вниду к жене моей в ложницу. И не даде ему отец ея внити. Judges 15:2 И рече отец ея, глаголя: рех, яко ненавидя возненавидел еси ю, и отдах ю единому от другов твоих: не се ли сестра ея меншая добрейши ея есть? Да будет тебе ныне вместо ея. Judges 15:3 И рече ему Сампсон: чист есмь ныне от Филистимлян, яко сотворю аз с ними зло. Judges 15:4 И пойде Сампсон, и ят триста лисиц, и взя свещы, и связа ошиб ко ошибу, и устрои едину свещу между двема ошибома: Judges 15:5 и разжже огнь в свещах, и пусти я в нивы Филистимски: и запали нивы от гумен и даже до класов простых и до винограда и масличия. Judges 15:6 И рекоша иноплеменницы: кто сотвори сия? И рекоша: Сампсон зять Фамнафеев, яко взя жену его и даде ю единому от другов его. И взыдоша иноплеменницы и сожгоша ю и дом отца ея огнем. Judges 15:7 И рече им Сампсон: аще и сотвористе вы тако ей, аз не благоизволю, но отмщение мое единому комуждо вас сотворю, и посем почию. Judges 15:8 И порази их голени до бедр язвою велиею: и сниде, и вселися у водотечи в пещере камене Итама. Judges 15:9 И изыдоша Филистимляне, и ополчишася во Иуде, и разсеяшася в Лехи. Judges 15:10 И рече им всяк муж Иудин: почто приидосте на ны? И рекоша иноплеменницы: связати Сампсона приидохом и сотворити ему, якоже сотвори нам. Judges 15:11 И снидоша три тысящы мужей от Иуды к пещере камене Итама и рекоша к Сампсону: не веси ли, яко владеют нами Филистимляне? И вскую сия сотворил еси нам? И рече им Сампсон: якоже ми сотвориша, тако сотворих им. Judges 15:12 И рекоша ему: связати тебе приидохом и предати тя в руце иноплеменником. И рече им Сампсон: кленитеся мне, да не убиете мене вы. Judges 15:13 И рекоша ему, глаголюще: ни, но токмо соузом свяжем тя и предадим тя в руки их, смертию же не умертвим тебе. И связаша его двема ужы новыми и изведоша его от камене того. Judges 15:14 И той прииде до Челюсти: иноплеменницы же воскликнуша и текоша противу ему. И сниде на него Дух Господень, и быша ужя на мышцах его яко изгребие, егда зажжется огнем: и разрешишася узы его от руку его: Judges 15:15 и обрете челюсть ослю повержену, и простре руку свою, и взя ю: и изби ею тысящу мужей. Judges 15:16 И рече Сампсон: челюстию ослею потребляя потребих их, яко челюстию ослею избих тысящу мужей. Judges 15:17 И бысть егда преста глаголя, и поверже челюсть от руки своея: и нарече место тое Избиение Челюстное. Judges 15:18 И возжажда зело, и возопи ко Господу, и рече: Ты благоволил еси в руце раба Твоего спасение великое сие, и ныне умираю жаждею, и впаду в руки необрезанных. Judges 15:19 И разверзе Бог язву на Челюсти, и изыде из нея вода, и пи: и возвратися дух его, и оживе: сего ради прозвася имя ей Источник призывающаго, иже есть в Челюсти, даже до дне сего. Judges 15:20 И суди Израилю во дни Филистимлян двадесять лет. Judges 16:0 Judges 16:1 И иде Сампсон в Газу, и виде тамо жену блудницу и вниде к ней. Judges 16:2 И поведаша Газяном, глаголюще: прииде Сампсон семо. И обыдоша и подседоша ему всю нощь у врат градных, и утаишася всю нощь, глаголюще: дондеже осветает утро, и убием его. Judges 16:3 И спа Сампсон до полунощи: и воста в полунощи, и восхити двери у врат града со обеими вереями, и подя оныя с заворою, и возложи я на рамена своя, и вознесе я на верх горы, яже пред лицем Хеврона, и положи их тамо. Judges 16:4 И бысть по сем, и возлюби жену от водотечи Сориховы: имя же ей Далида. Judges 16:5 И взыдоша к ней князи иноплеменничи и рекоша ей: прельсти его, и виждь, в чем есть крепость его великая, и чим преможем его, и свяжем его, яко смирити его: и мы тебе дадим кийждо тысящу и сто сребреников. Judges 16:6 И рече Далида к Сампсону: повеждь ми ныне, в чем крепость твоя (тако) великая, и чим свяжешися и смиришися? Judges 16:7 И рече ей Сампсон: аще свяжут мя седмию тятивами сырыми неистлевшими, и изнемогу, и буду яко един от человек. Judges 16:8 И принесоша ей князи от иноплеменник седмь тятив мокрых неистлевших, и связа его ими: Judges 16:9 и подсада ему седяше в храмине. И рече ему: иноплеменницы на тя, Сампсоне. И расторже тятивы, аки бы кто расторгнул соскание изгребий, егда коснется ему огнь: и не уведася крепость его. Judges 16:10 И рече Далида к Сампсону: се, прельстил еси мя, глаголя ко мне лжу: ныне убо повеждь ми, чим свяжешися? Judges 16:11 И рече к ней: аще вяжуще свяжут мя ужы новыми, имиже не делано, и изнемогу, и буду яко един от человек. Judges 16:12 И взя Далида ужы новы и связа его ими, и рече ему: иноплеменницы на тя, Сампсоне. Подсада же седяше в храмине. И расторже я от руку своею аки нить. Judges 16:13 И рече Далида к Сампсону: даже до ныне прельщал мя еси и глаголал ко мне лжу: повеждь ми убо, чим свяжешися? И рече ей: аще сплетеши седмь плениц влас главы моея спрядением и вбиеши колом в стену, и буду немощен яко един от человек. Judges 16:14 И успи Далида его на коленех своих, и бысть внегда уснути ему, взя Далида седмь плениц влас главы его и сплете спрядением и вонзе колом в стену, и рече: иноплеменницы на тя, Сампсоне. И возбну от сна своего и исторже кол сплетением из стены, и не уведася крепость его. Judges 16:15 И рече к нему Далида: како глаголеши, возлюбих тя, и сердце твое несть со мною? Се, третие прельстил еси мя, и не поведал еси мне, в чем крепость твоя великая. Judges 16:16 И бысть егда стужи ему словесы своими по вся дни, и убеди его, и изнеможе даже до умертвия. Judges 16:17 И поведа ей все сердце свое, и рече к ней: железо не взыде на главу мою, яко назорей есмь аз Господу от утробы матере моея: аще убо обриюся, отступит от мене крепость моя, и изнемогу, и буду якоже вси человецы. Judges 16:18 И виде Далида, яко поведа ей все сердце свое, посла и призва князи иноплеменничи, глаголющи: взыдите еще единою, яко поведа ми все сердце свое. И взыдоша к ней вси князи иноплеменничи, и принесоша сребро в руках своих. Judges 16:19 И успи Далида Сампсона на коленех своих: и призва стригача, и остриже седмь плениц влас главы его: и нача смирятися, и отступи крепость его от него. Judges 16:20 И рече Далида: иноплеменницы на тя, Сампсоне. И возбудися от сна своего и рече: изыду якоже и прежде, и отрясуся. И не разуме, яко Господь отступи от него. Judges 16:21 И яша его иноплеменницы, и избодоша ему очи, и введоша его в Газу, и оковаша его путы медяны: и бяше меля в храмине темничней. Judges 16:22 И начаша власы главы его расти по острижении. Judges 16:23 И князи иноплеменничи собрашася пожрети жертву велику Дагону богу своему и возвеселитися, и рекоша: предаде бог наш в руки нашя Сампсона врага нашего. Judges 16:24 И видеша его людие, и похвалиша бога своего, яко реша: предаде бог наш в руки нашя врага нашего, опустошившаго землю нашу, и иже умножи язвенных наших. Judges 16:25 И бысть егда возблажа сердце их, и рекоша: призовите Сампсона из дому темничнаго, и да играет пред нами. И призваша Сампсона из дому темничнаго, и играша пред ними: и заушаху его, и поставиша его между столпы. Judges 16:26 И рече Сампсон ко юноши держащему его за руку: остави мене, да осяжу столпы, на нихже дом сей утвержден есть, и опруся на них. Юноша же сотвори тако. Judges 16:27 Дом же бяше полн мужей и жен, и тамо вси князи иноплеменничи: на крове же том до трех тысящ мужей и жен, зряще ругаемаго Сампсона. Judges 16:28 И воззва Сампсон ко Господу и рече: Адонаи Господи, Господи Сил, помяни мя ныне, и укрепи мя еще единою, Боже, да воздам мщение едино за два ока моя Филистимом. Judges 16:29 И объя Сампсон оба столпа средния, на нихже храмина бяше утверждена, и опреся на них, держя един рукою десною, а другий левою. Judges 16:30 И рече Сампсон: да умрет душа моя со иноплеменники. И преклонися крепостию, и паде храмина на князи и на вся люди иже в ней: и бысть мертвых, ихже умертви Сампсон при смерти своей, множае неже ихже умертви в животе своем. Judges 16:31 И снидоша братия его и весь дом отца его, и взяша его: и взыдоша, и погребоша его между Сараи и между Есфаолом во гробе Маноя отца его. И сей суди Израилю лет двадесять. (и воста по Сампсоне Емегар сын Енань, и уби от иноплеменников шесть сот мужей кроме скота, и спасе и он Израиля.) Judges 17:0 Judges 17:1 И бысть муж от горы Ефремли, и имя ему Миха: Judges 17:2 и рече матери своей: тысяща и сто сребреников иже украдены у тебе, и заклинала мя еси и глаголала еси во ушы мои: се, сребро у мене, аз взях е. И рече мати его: благословен сын мой Господеви. Judges 17:3 И отдаде тысящу и сто сребреников матери своей. И рече мати его: освящающи освятих сребро Господеви от руки моея, тебе сынови моему сотворити (кумир) изваян и слиян, и ныне отдам е тебе. Judges 17:4 И отдаде сребро матери своей. И взя мати его двести сребреников и даде их среброделю, и сотвори тое (кумир) изваян и слиян: и бысть в дому Михи. Judges 17:5 И дом Михин ему дом Божий. И сотвори ефуд и ферафин: и наполни руку единому от сынов своих, и бысть ему жрец. Judges 17:6 В тыя же дни не бяше царя во Израили: кийждо муж, еже право видяшеся пред очима его, творяше. Judges 17:7 И бысть юноша от Вифлеема Иудина и от рода племене Иудина, и сей левитин, и обиташе тамо: Judges 17:8 и пойде сей муж от града Вифлеема Иудина обитати, идеже обрящет место: и прииде до горы Ефремли и даже до дому Михина, еже сотворити путь свой. Judges 17:9 И рече ему Миха: откуду идеши? И рече ему левитин: аз есмь от Вифлеема Иудина, и иду обитати, идеже обрящу место. Judges 17:10 И рече ему Миха: седи со мною и буди ми отец и жрец, и аз дам тебе сребреников десять в год и двои ризы, и яже на житие тебе. Judges 17:11 И пойде левит, и нача обитати у мужа. И бысть юноша ему яко един от сынов его. Judges 17:12 И наполни Миха руку левитину, и бысть ему юноша жрец, и бяше в дому Михи. Judges 17:13 И рече Миха: ныне уведех, яко благосотворит мне Господь, яко бысть мне левитин жрец. Judges 18:0 Judges 18:1 В тыя дни не бяше царя во Израили: и в тыя дни племя Даново искаше себе наследия вселитися, яко не паде ему наследие до дний оных среде племен сынов Израилевых. Judges 18:2 И послаша сынове Дановы от сонмов своих пять мужей от части своея, мужы сильны от Сараи и Есфаола, соглядати землю и изследити ю, и рекоша к ним: идите и изследите землю. И приидоша до горы Ефремли, до дому Михина, и сташа тамо в дому Михи. Judges 18:3 И тии познаша глас юноши левитина, и уклонишася тамо, и рекоша ему: кто тя приведе семо? И что твориши в месте сем? И что тебе зде? Judges 18:4 И рече им: сице и сице сотвори мне Миха, и ная мя, и бых ему жрец. Judges 18:5 И рекоша ему: вопроси убо Бога, и увемы, аще благопоспешится путь наш, в оньже мы идем. Judges 18:6 И рече им жрец: идите с миром: пред Господем путь ваш, в оньже идете. Judges 18:7 И идоша пять мужие и приидоша в Лаис: и видеша людий живущих в нем, седящих со упованием по обычаю Сидонян, в тишине и надежде, и не бе устрашаяй, или посрамляяй словесе на земли, наследник истязуяй сокровища: зане далече бяху от Сидонян, и не имяху словесе с киим либо человеком. Judges 18:8 И приидоша пять мужей ко братии своей в Сараю и Есфаол и рекоша братии своей: что вы седите? Judges 18:9 И реша: востаните, и взыдем на ня, зане видехом землю, и се, блага зело, и вы молчите: не обленитеся ити и внити еже наследити землю: Judges 18:10 и егда приидете, внидете в люди живущыя со упованием, а земля пространна: яко предаде ю Бог в руки вашя, место на немже несть скудости во всем еже на земли. Judges 18:11 И воздвигошася оттуду от племене Данова, от Сараи и Есфаола, шесть сот мужей препоясани во оружие ополчения, Judges 18:12 и взыдоша и ополчишася в Кариафиариме во Иуде: сего ради наречеся место то полк Данов и до сего дне: се созади Кариафиарима. Judges 18:13 И преидоша оттуду в гору Ефремлю и приидоша до дому Михина. Judges 18:14 И отвещаша пять мужей ходившии соглядати землю Лаис и рекоша ко братии своей: разуместе ли, яко есть в дому сем ефуд и ферафин, и изваяно и слияно? И ныне уведите, что сотворите. Judges 18:15 И уклонишася тамо и внидоша в дом юноши левитина, в дом Михин, и вопросиша его в мире. Judges 18:16 И шесть сот мужей препоясани во оружие ополчения своего, стояще у дверий вратных, иже от сынов Дановых. Judges 18:17 И взыдоша пять мужей ходивших соглядати землю: и вшедше тамо взяша изваяно, и ефуд и ферафин, и слияное: жрец же стояше у дверий вратных, и шесть сот мужей препоясани во оружие воинско: Judges 18:18 и сии внидоша в дом Михин и взяша ефуд и ферафин, и слияно и изваяно. И рече к ним жрец: что вы творите? Judges 18:19 И реша ему: умолчи, положи руку твою на уста твоя и пойди с нами, и буди нам отец и жрец: еда уне есть тебе быти жерцу единаго мужа дому, нежели быти жерцу племени и дому и сонма Израилева? Judges 18:20 И возблажа сердце жреческо, и взя ефуд и ферафин, и изваяное и слияное, и вниде посреде людий. Judges 18:21 И возвратишася и отидоша, и пустиша пред собою чада и притяжание свое честное. Judges 18:22 Удалившымся же им от дому Михина, и се, Миха и мужие иже в жилищах, яже с домом Михиным быша, воззваша и постигоша сыны Дановы, Judges 18:23 и возопиша к сыном Дановым: и обратиша сынове Дановы лица своя и реша к Михе: что есть тебе, яко воззвал еси? Judges 18:24 И рече Миха: яко изваяное мое, еже сотворих, взясте, и жерца, и поидосте: и что мне еще? И что сие глаголете мне: что вопиеши? Judges 18:25 И рекоша ему сынове Дановы: да не услышится ныне глас твой вслед нас, да не востанут на вы мужие лютою душею, и положиши душу твою и душу дому твоего. Judges 18:26 И идоша сынове Дановы в путь свой. И виде Миха, яко сильнейшии суть паче его, и возвратися в дом свой. Judges 18:27 И сынове Дановы взяша, елика сотвори Миха, и жерца, иже бяше у него, и приидоша в Лаис, к людем молчащым и уповающым надеждею, и избиша их острием меча, и град сожгоша огнем: Judges 18:28 и не бяше избавляяй, яко далече бяху от Сидонян, и словесе не бяше им с человеком: и сей (град бысть) во удолии Дому Роовля: и соградиша град и вселишася в нем, Judges 18:29 и нарекоша граду имя Дан, во имя Дана отца своего, иже родися Израилю: и бяше прежде имя граду Лаис. Judges 18:30 И поставиша себе сынове Дановы изваяное: Ионафан же сын Гирсонь сын Манассиин, той и сынове его бяху жерцы племени Данову до дне преселения земли: Judges 18:31 и поставиша себе изваяное, еже сотвори Миха, во вся дни, в няже бяше дом Божий в Силоме. Judges 19:0 Judges 19:1 И бысть в тыя дни не бяше царя во Израили: и бысть муж левитин живый во стране горы Ефремовы, и поя себе жену подложницу от Вифлеема Иудина: Judges 19:2 и разгневася нань подложница его, и отиде от него в дом отца своего в Вифлеем Иудин, и бе тамо четыри месяцы: Judges 19:3 и воста муж ея и иде вслед ея глаголати в сердце ея, обратити ю к себе и привести паки к себе: и отрок его с ним, и двое ослят: она же введе его в дом отца своего: Judges 19:4 и виде его отец отроковицы и изыде с веселием во сретение его, и удержа его тесть его отец отроковицы, и пребысть с ним три дни, и ядоша и пиша, и спаша тамо. Judges 19:5 И бысть в день четвертый, и обутреша заутра, и воста поити. И рече отец отроковицы к зятю своему: укрепи сердце твое укрухом хлеба, и по сем пойдете. Judges 19:6 И седоша, и ядоша оба вкупе и пиша. И рече отец отроковицы к мужу: иди ныне и преспи, и возблажает сердце твое. Judges 19:7 И воста муж поити: и понуди его тесть его, и седе, и пребысть тамо. Judges 19:8 И воста рано в пятый день да идет. И рече отец отроковицы: укрепи убо сердце твое хлебом, и пребуди дондеже преклонится день. И ядоша и пиша оба. Judges 19:9 И воста муж да идет сам и подложница его и отрок его. И рече ему тесть его отец отроковицы: се, уже преклонися день к вечеру, пребуди зде, и возблажает сердце твое, и обутреете утро в путь ваш, и отидеши в селение свое. Judges 19:10 И не изволи муж пребыти, и воста и отиде: и прииде даже прямо Иевусу, сей есть Иерусалим, и с ним двое ослят с бремены, и подложница его с ним. Judges 19:11 И приидоша до Иевуса, и день преклонися к вечеру зело: и рече отрок ко господину своему: гряди убо, да уклонимся во град сей Иевус и пребудем в нем. Judges 19:12 И рече к нему господин его: не уклонимся во град чуждь, в немже несть от сынов Израилевых, но прейдем до Гаваона. Judges 19:13 И рече ко отроку своему: гряди, да приступим ко единому от мест Гаваонских и пребудем в Гаваоне или в Раме. Judges 19:14 И минуша, и идоша, и зайде им солнце близ Гаваона, иже есть Вениаминь: Judges 19:15 и уклонишася тамо внити превитати в Гаваоне, и внидоша и седоша на стогнах града: и не бе муж вводяй их в дом превитати. Judges 19:16 И се, муж стар идяше с дела своего из поля в вечер, и сей муж от горы Ефремли, и той обиташе в Гаваоне: и мужие места сынове Вениамини. Judges 19:17 И возвед очи свои, виде мужа путника на стогнах градных, и рече муж старец: камо идеши и откуду грядеши? Judges 19:18 И рече к нему: грядем мы от Вифлеема Иудина даже до стран горы Ефремли, отюнудуже аз есмь: и ходих до Вифлеема Иудина, и иду аз в дом мой: и несть мужа вводящаго мя в дом: Judges 19:19 а плевы и пища ослятом нашым есть, и мне хлеб и вино есть, и отроковице и отроку: рабом твоим несть скудно ни коея вещи. Judges 19:20 И рече муж стар: мир тебе: и весь недостаток твой на мне, обаче на стогнах не лязи. Judges 19:21 И введе его в дом свой, и даде место ослятом его: и омыша ноги своя, и ядоша и пиша. Judges 19:22 Егда же возвеселися сердце их, и се, мужие градстии сынове беззаконников обыдоша дом биюще в двери, и реша мужу господину дому старцу, глаголюще: изведи мужа иже вниде в дом твой, да познаем его. Judges 19:23 И изыде к ним муж господин дому и рече: ни, братия, не сотворите зла мужу сему повнегда внити ему в дом мой, и не сотворите безумия сего: Judges 19:24 се, дщерь моя дева, и подложница его: изведу их, и смирите их, и сотворите им еже благо пред очима вашима: а мужу сему не сотворите словесе безумия сего. Judges 19:25 И не изволиша мужие послушати его. И взя муж подложницу его и изведе ю к ним вон: и познаша ю и ругашася над нею всю нощь даже до утра, и отпустиша ю, егда взыде денница. Judges 19:26 И прииде жена к заутрию, и паде у дверий дому, идеже бяше муж ея, до разсветания. Judges 19:27 И воста муж ея заутра, и отверзе двери дому и изыде поити в путь свой: и се, жена его подложница лежаше при дверех дому, и руце ея на преддверии. Judges 19:28 И рече к ней: востани, да идем. И не отвеща ему, бяше бо мертва. И возложи ю на осля, и воста муж и пойде на место свое. Judges 19:29 И прииде в дом свой, и взя нож, и взя подложницу свою, и раздроби ю по удесем ея на дванадесять частей, и посла я во вся племена Израилева. Judges 19:30 И бысть всяк видящий глаголаше: не бысть, ни видено бе сице от дне изшествия сынов Израилевых от земли Египетския даже до дне сего. И заповеда мужем, ихже посла, глаголя: сице глаголите ко всему Израилю: аще бысть по словеси сему? Уставите сами себе о ней совет и глаголите. Judges 20:0 Judges 20:1 И изыдоша вси сынове Израилевы, и собрашася весь сонм яко един муж, от Дана и до Вирсавии, и земля Галаадска к Господеви в Массифу, Judges 20:2 и сташа пред лицем Господним вся племена Израилева в сонме людий Божиих, четыреста тысящ мужей пеших воздвизающих оружия. Judges 20:3 И услышаша сынове Вениамини, яко взыдоша сынове Израилевы в Массифу, и рекоша сынове Израилевы: глаголите, где бысть злоба сия? Judges 20:4 И отвеща муж левитин, муж жены умореныя, глаголя: в Гаваон Вениаминь приидох аз и подложница моя витати: Judges 20:5 и восташа на мя мужие Гаваонстии и обыдоша мя во дворе нощию, и хотеша мя убити, и подложницу мою обидеша и обругаша, и умре: Judges 20:6 и взях подложницу мою и раздробих ю, и послах ю во вся пределы наследия Израилева, яко сотвориша безумие во Израили: Judges 20:7 се, вси вы сынове Израилевы, дадите себе слово и совет зде. Judges 20:8 И восташа вси людие яко един муж, глаголюще: не отидет муж в селение свое, и не возвратится муж в дом свой: Judges 20:9 и ныне слово сие, еже сотворим Гаваону: взыдем на него по жребию, Judges 20:10 токмо возмем по десяти мужей от ста во всех племенех Израилевых, и сто от тысящи, и тысяща от тмы, взяти брашно людем исходящым в Гаваю Вениаминю, сотворити ему по всему согрешению, еже сотвори во Израили. Judges 20:11 И собрашася вси мужие Израилевы ко граду, яко един муж из градов исходяще, Judges 20:12 и послаша племена Израилева мужей во все племя Вениамине, глаголюще: кая злоба сия бывшая в вас? Judges 20:13 И ныне дадите мужей беззаконных, иже в Гаваи, сынов велиаловых, и умертвим их, и очистим зло от Израиля. И не изволиша сынове Вениамини послушати гласа братии своея сынов Израилевых. Judges 20:14 И собрашася сынове Вениамини от градов своих в Гаваю, изыти на брань к сыном Израилевым. Judges 20:15 И сочтошася сынове Вениамини от градов в той день двадесять и пять тысящ мужей воздвизающих оружия, кроме живущих в Гаваи: Judges 20:16 ихже сочтеся седмь сот мужей избранных от всех людий ободесноручных: сии вси пращницы мещуще камение ко власу и не погрешающе. Judges 20:17 И всех мужей Израилевых сочтеся, кроме сынов Вениаминовых, четыреста тысящ мужей воздвизающих оружие: вси сии мужие воини. Judges 20:18 И восташа, и взыдоша в Вефиль, и вопросиша Бога, и рекоша сынове Израилевы: кто от нас взыдет в начале воевати на сыны Вениамини? И рече Господь: Иуда в начале да взыдет вождь. Judges 20:19 И восташа сынове Израилевы заутра и ополчишася на Гаваю. Judges 20:20 И изыде всяк муж Израилев на брань с Вениамином, и сразишася с ними мужие Израилевы на брани у Гаваи. Judges 20:21 И изыдоша сынове Вениаминовы из Гаваи, и избиша во Израили в той день двадесять две тысящы мужей на земли. Judges 20:22 И укрепися всяк муж Израилев, и приложиша снитися на брань на место, идеже снидошася в день первый. Judges 20:23 И взыдоша сынове Израилевы и плакашася пред Господем до вечера, и вопросиша Господа, глаголюще: аще приложим еще приступити на брань к сыном Вениаминим братиям нашым? И рече Господь: взыдите к ним. Judges 20:24 И приидоша сынове Израилевы к сыном Вениаминим в день вторый. Judges 20:25 И изыдоша сынове Вениамини противу им от Гаваи в день вторый, и избиша еще от сынов Израилевых осмьнадесять тысящ мужей на земли: сии вси воздвизающии оружие. Judges 20:26 И взыдоша вси сынове Израилевы и вси людие, и приидоша в Вефиль, и плакашася, и седоша тамо пред Господем, и постишася в той день даже до вечера: Judges 20:27 и вознесоша всесожжение спасения пред Господем, яко тамо кивот завета Господа Бога во дни оны, Judges 20:28 и Финеес сын Елеазара сына Аароня предстоя пред ним в тыя дни. И вопросиша сынове Израилевы Господа, глаголюще: аще приложим взыти еще на брань к сыном Вениаминим братиям нашым, или оставим? И рече Господь: взыдите, заутра предам их в руки вашя. Judges 20:29 И поставиша сынове Израилевы подсаду окрест Гаваи. Judges 20:30 И взыдоша сынове Израилевы к сыном Вениаминим в день третий: и ополчишася на Гаваю яко единою и единою. Judges 20:31 И изыдоша сынове Вениамини противу людем и протягошася из града, и начаша убивати людий уязвленых, якоже первое и второе на путех, от нихже есть един сходяй в Вефиль, а другий в Гаваю на селе, яко тридесять мужей во Израили. Judges 20:32 И рекоша сынове Вениамини: падают пред нами якоже и прежде. И сынове Израилевы рекоша: побежим и отторгнем их от града на пути. И сотвориша тако. Judges 20:33 И вси мужие Израилевы восташа от места своего и снидошася в Ваал-Фамаре: подсада же Израилева нахождаше от места своего от запада Гаваи. Judges 20:34 И приидоша противу Гаваи десять тысящ мужей избранных от всего Израиля, и брань бяше тяжка: и тии не разумеша, яко постизает их зло. Judges 20:35 И порази Господь Вениамина пред сыны Израилевыми: и избиша сынове Израилевы от Вениамина в той день двадесять пять тысящ и сто мужей: сии вси воздвизаху оружие. Judges 20:36 И видеша сынове Вениамини, яко поражени суть. И даша место сынове Израилевы Вениамину, понеже уповаша на подсаду, юже подсадиша у Гаваи: Judges 20:37 и подвижеся подсада, и устремися на Гаваю, и избиша весь град острием меча. Judges 20:38 И Израилтяне имяху знамение с подсадою брани, явити знамение дыма из града. Judges 20:39 И возвратися Израиль на брань, и Вениамин нача убивати язвеных во Израили до тридесяти мужей, яко рекоша: паки падением падают пред нами, якоже и первая брань. Judges 20:40 И знамение взыде наипаче над градом, аки столп дыма: и озреся Вениамин вспять, и се, взыде скончание града до небеси. Judges 20:41 И муж Израилев возвратися: и потщашася мужие Вениамини, видеша бо, яко постиже их зло, Judges 20:42 и побегоша пред сыны Израилевыми на путь пустыни, брань же постиже их, и иже из градов избиваша их среде себе: Judges 20:43 и побиваху Вениамина, и гнаша его от Нуа вслед его до Гаваи без опочивания, и поразиша его даже противу Гаваи на восток солнца. Judges 20:44 И падоша от Вениамина осмьнадесять тысящ мужей, сии вси мужие сильнии. Judges 20:45 И озрешася оставшии, и побегоша в пустыню к каменю Реммоню: и пожаша от них сынове Израилевы по стезям яко стеблие пять тысящ мужей, и гнаша вслед их до Гадаама и избиша от них две тысящы мужей. Judges 20:46 И быти всех падших от Вениамина в той день двадесять пять тысящ мужей воздвизающих оружие, вси сии мужие сильнии. Judges 20:47 И озрешася оставшии, и вбегоша в пустыню к каменю Реммоню шесть сот мужей, и седеша в камени Реммони четыри месяцы. Judges 20:48 Сынове же Израилевы возвратишася к сыном Вениаминим, и избиша я оружием от града вне, даже и до скота, и все еже обретеся во всех градех, и грады вся обретшыяся пожгоша огнем. Judges 21:0 Judges 21:1 И сынове Израилевы кляшася в Массифе, глаголюще: муж от нас да не даст Вениамину дщере своея в жену. Judges 21:2 И приидоша людие в Вефиль и седеша тамо до вечера пред Богом: и воздвигоша глас свой, и плакашася плачем велиим, и рекоша: Judges 21:3 вскую, Господи Боже Израилев, бысть сице днесь во Израили, еже оскудети от Израиля племени единому? Judges 21:4 И бысть на утрия, и обутреша людие, и соградиша тамо олтарь, и вознесоша всесожжение спасения, и рекоша сынове Израилевы: Judges 21:5 кто не взыде в сонм от всех племен Израилевых ко Господу? Яко велика клятва бяше не вшедшым ко Господу в Массифу, глаголюще: смертию да умрет. Judges 21:6 И умилишася сынове Израилевы о Вениамине брате своем, и рекоша: изсечено днесь едино племя от Израиля: Judges 21:7 что сотворим оставшымся о женах? И мы кляхомся Господем не дати им от дщерей наших в жены. Judges 21:8 И рекоша: кто един от племен Израилевых, иже не взыде ко Господу в Массифу? И се, ни един прииде в полк от Иависа Галаадова в сонм. Judges 21:9 И соглядаша людий, и се, не бяше тамо мужа от живущих во Иависе Галаадове. Judges 21:10 И послаша тамо сонм дванадесять тысящ мужей от сынов силы и заповедаша им, глаголюще: идите и избийте живущыя во Иависе Галаадове оружием жены и народы: Judges 21:11 и сие сотворите: всяк мужеский пол и всяку жену, познавшую ложе мужеско, побиете: девицы же снабдите. И сотвориша тако. Judges 21:12 И обретоша от живущих во Иависе Галаадове четыре ста отроковиц дев, яже не познаша ложа мужеска: и приведоша я в полк в Силом, иже есть в земли Ханаани. Judges 21:13 И послаша весь сонм и глаголаша к сыном Вениаминовым, иже в камени Реммони, и призваша их с миром. Judges 21:14 И возвратися Вениамин к сыном Израилевым в то время, и даша им сынове Израилевы жены, яже живо сохраниша от дщерей Иависа Галаадова: и угодно бысть им тако. Judges 21:15 И людие умилишася о Вениамине, яко сотвори Господь истребление в племенех Израилевых. Judges 21:16 И рекоша старейшины сонма: что сотворим оставшым о женах? Яко погибе от Вениамина жена: Judges 21:17 и како будет наследие уцелевших от Вениамина, да не погибнет племя от Израиля? Judges 21:18 И мы не возможем дати им жен от дщерей наших, яко кляшася сынове Израилевы, глаголюще: проклят даяй жену Вениамину. Judges 21:19 И рекоша: се, праздник Господень в Силоме от дний во дни, иже есть от севера Вефиля, на восток солнца на пути восходящем от Вефиля в Сихем, и от юга Левоны. Judges 21:20 И заповедаша сыном Вениаминим, глаголюще: идите и засядите в виноградех, Judges 21:21 и узрите, и се, егда изыдут дщери живущих в Силоме плясати в лики, да изыдете из виноградов и восхитите муж жену себе от дщерей Силомлих, и идите на землю Вениаминю: Judges 21:22 и будет егда приидут отцы их или братия их судитися к нам, и речем им: помилуйте нас ими, яко не взя муж жены своея в полце: понеже вы не дали есте им яко жребий, согрешисте. Judges 21:23 И сотвориша тако сынове Вениамини, и пояша жены по числу своему от пляшущих, яже восхитиша: и отидоша и возвратишася в наследие свое, и создаша грады и вселишася в них. Judges 21:24 И отидоша оттуду сынове Израилевы в то время, муж во племя свое и в род свой: и изыде оттуду муж в наследие свое. И в тыя дни не бяше царя во Израили: муж еже угодно пред очима его, творяше.
Ruth 0:0
Книга Руфь Ruth 1:0 Ruth 1:1 И бысть внегда судяху судии, бысть глад на земли. И иде муж от Вифлеема Иудина обитати в селе Моавли, сам и жена его, и два сыны его: Ruth 1:2 имя же мужеви Елимелех, имя же жене его Ноемминь и имя двема сынома его Маалон и Хелеон, Ефрафейстии от Вифлеема Иудина. И приидоша в село Моавле, и беша тамо. Ruth 1:3 И умре Елимелех муж Ноемминин, и остася она и оба сыны ея: Ruth 1:4 и пояста себе жены Моавитския: имя единей Орфа и имя вторей Руфь: и жиша тамо до десяти лет. Ruth 1:5 И умроста оба сыны ея, Маалон и Хелеон, и остася жена от мужа своего и от обоих сынов ея. Ruth 1:6 И воста она и обе снохи ея, и возвратишася с села Моавля: зане услыша на селе Моавли, яко присети Господь людий Своих дати им хлебы. Ruth 1:7 И отиде от места, идеже бе, она и обе снохи ея с нею, и идяху в путь возвратитися в землю Иудину. Ruth 1:8 И рече Ноемминь обема снохама своима: идите убо, возвратитеся каяждо в дом отца своего: да сотворит Господь с вами милость, якоже сотвористе со умершими и со мною: Ruth 1:9 да даст Господь Бог вам обрести покой коейждо в дому мужа своего. И целова я: они же воздвигоша гласы своя и плакашася, Ruth 1:10 и рекоша ей: ни, но идем с тобою в люди твоя. Ruth 1:11 И рече Ноемминь: обратитеся убо, дщери мои, вскую идете со мною? Или еще мне сынове во утробе моей, и будут вам мужи? Ruth 1:12 Возвратитеся убо, дщери мои и отидите, яко состарехся, и не буду мужу: аще же бых и рекла, яко у мене есть надежда, да буду мужу и рожду сыны, Ruth 1:13 вы ли пождете их, дондеже возрастут? И вы ли удержитеся, да не будете иному мужу? Ни, дщери мои, яко горько бысть мне паче вас, яко изыде на мя рука Господня. Ruth 1:14 И воздвигоша гласы своя, и плакаша паки. И целова Орфа свекровь свою, и возвратися в люди своя, Руфь же последова ей. Ruth 1:15 И рече Ноемминь к Руфе: се, возвратися ятровь твоя к людем своим и к богом своим, возвратися убо и ты вслед ятрове своея. Ruth 1:16 И рече Руфь: не срящи мене то, еже оставити тебе или обратитися мне от тебе, но идеже идеши ты, и аз пойду, и идеже водворишися ты, водворюся и аз: людие твои людие мои, и Бог твой Бог мой: Ruth 1:17 и идеже аще умреши, умру и тамо погребуся: тако да сотворит мне Господь, и сия да приложит, яко смерть разлучит между мною и тобою. Ruth 1:18 Видевши же Ноемминь, яко укрепися она ити с нею, умолче глаголати к ней ктому. Ruth 1:19 Идосте же обе, дондеже приидосте в Вифлеем. И бысть егда приидосте они в Вифлеем, и возгласи весь град о них, и рекоша: еда сия есть Ноемминь? Ruth 1:20 И рече к ним: не зовите убо мене Ноемминь, но зовите мене Горька: яко исполни мя горести Вседержитель зело: Ruth 1:21 аз исполнь отидох, и ныне тщу мя возврати Господь: и вскую мя нарицаете Ноемминь, Господь смири мя и Вседержитель озлоби мя? Ruth 1:22 И возвратися Ноемминь и Руфь Моавитиня сноха ея с нею, обращающыяся с села Моавля: и приидосте в Вифлеем в начале жатвы ячменя. Ruth 2:0 Ruth 2:1 И бе муж знаемый мужу Ноемминю: муж же силен от рода Елимелехова, имя же ему Вооз. Ruth 2:2 И рече Руфь Моавитиня к Ноеммини: да иду убо на ниву и соберу класы вследствующи, идеже аще обрящу благодать пред очима его. Рече же ей: иди, дщи (моя). Ruth 2:3 И иде, и пришедши собираше на ниве вследствующи жателем: и прииде по случаю в часть нивы Воозовы, иже от сродства Елимелехова. Ruth 2:4 И се, Вооз прииде от Вифлеема и рече жнущым: Господь с вами. И реша ему: да благословит тя Господь. Ruth 2:5 И рече Вооз отроку своему стоящему над жатели: чия отроковица сия? Ruth 2:6 И отвеща отрок стояй над жнущими, и рече: отроковица Моавитиня есть, пришедшая с Ноемминою от села Моавля: Ruth 2:7 и рече: да соберу ныне и сложу в снопех по следу жнущих: и прииде, и ста от утра даже и до вечера, и ни мало почи на ниве. Ruth 2:8 И рече Вооз к Руфе: слыши, дщи, не ходи собирати на ниву ину, и ты да не отидеши отсюду: но зде прилепися ко отроковицам моим, Ruth 2:9 и очи твои да будут на ниве, идеже жнут, и да ходиши вслед их: се, заповедах отроком не коснутися тебе: и егда возжаждеши, и да идеши к сосудом, и пиеши отнюдуже черплют отроцы. Ruth 2:10 И паде (отроковица) ниц и поклонися до земли, и рече ему: что яко обретох благодать пред очима твоима, еже познати мя, аз же есмь странна? Ruth 2:11 И отвеща Вооз и рече к ней: возвещением возвестися мне, елика сотворила еси со свекровию твоею по умертвии мужа твоего, и како оставила еси отца твоего и матерь твою и землю рождения твоего, и пришла еси в люди, ихже не ведала от вчера и третияго дне: Ruth 2:12 да воздаст Господь дело твое, и да будет мзда твоя исполнь от Господа Бога Израилева, к Немуже пришла еси уповати под крилома Его. Ruth 2:13 Она же рече: обретох благодать пред очима твоима, господине мой, яко утешил мя еси, и яко глаголал еси в сердце рабы твоея, и се, аз буду яко едина от рабынь твоих. Ruth 2:14 И рече ей Вооз: уже час ясти, приближися убо семо, да яси хлеб мой, и омочи укрух твой во оцет. И сяде Руфь от страны жателей: и подаде ей Вооз пряжмо, и яде и насытися, и оста: Ruth 2:15 и воста собирати. И заповеда Вооз отроком своим, глаголя: среде снопов да собирает, и не посрамите ю: Ruth 2:16 и носяще носите ей, и отлагающе отлагайте ей от снопов, и оставите ю собирати и ясти, и не возбраните ей. Ruth 2:17 И собира до вечера на ниве, и измлати еже собра, и бысть яко ифи мера ячменя: Ruth 2:18 и взя, и прииде во град. И виде свекровь ея еже собра: и иземши Руфь от недр своих, даде свекрови своей, еже оставила, от нихже насытися. Ruth 2:19 И рече к ней свекровь ея: где еси собирала днесь, и где работала? Да будет благословен познавый тя. И поведа Руфь свекрови своей, где работала, и рече: имя мужу Вооз, у негоже работах днесь. Ruth 2:20 Рече же Ноемминь снохе своей: благословен есть Господем, яко не остави милости своея с живыми и со умершими. И рече ей Ноемминь: ужик есть нам муж той, и есть от ужик наших. Ruth 2:21 И рече Руфь ко свекрови своей: и мне убо рече: ко отроковицам моим пристани, дондеже скончают всю жатву, яже есть мне. Ruth 2:22 И рече Ноемминь к Руфе снохе своей: благо, дщи, яко ходила еси со отроковицами его, и не сопротивятся тебе на иней ниве. Ruth 2:23 И приста Руфь ко отроковицам Воозовым собирати (класы), дондеже скончася жатва ячменя и пшеницы: и седе со свекровию своею. Ruth 3:0 Ruth 3:1 Рече же ей Ноемминь свекровь ея: дщи (моя), не поищу ли тебе покоя, да благо ти будет? Ruth 3:2 И ныне Вооз не ужик ли нам, идеже со отроковицами его была еси? Се, той веет на гумне ячмень сея нощи: Ruth 3:3 ты же измыйся, и помасти лице твое, и облецыся в ризы твоя (светлыя), и изыди на гумно: не явися мужу, дондеже скончает ясти и пити: Ruth 3:4 и будет внегда уснути ему, и познаеши место, где ляжет, тамо да внидеши, и открыеши у ног его, и ляжеши: и той повесть тебе, яже имаши творити. Ruth 3:5 И рече Руфь к ней: вся елика речеши мне, сотворю. Ruth 3:6 И иде на гумно, и сотвори по всему, елика заповеда ей свекровь ея. Ruth 3:7 И яде Вооз и пи, и возблажа сердце его, и иде спати со страны стога: она же прииде втай, и откры яже у ног его, и ляже. Ruth 3:8 И бысть в полунощи, ужасеся муж и возмятеся, и се, жена лежит у ног его: Ruth 3:9 и рече (ей Вооз): кто еси ты? Она же рече: аз есмь Руфь раба твоя, да возложиши крило твое на рабу твою, яко ужик ты еси. Ruth 3:10 И рече Вооз: благословена ты Господем Богом, дщи, яко разблажила еси милость твою последнюю паче первыя, еже не ити тебе вслед юнот, аще убог, аще богат: Ruth 3:11 и ныне, дщи, не бойся: вся елика речеши, сотворю тебе: весть бо все племя людий моих, яко жена силы ты еси: Ruth 3:12 и ныне поистинне ужик есмь аз: но еще есть ужик ближший мене: Ruth 3:13 прележи сию нощь, и будет заутра аще приимет тя, то благо: да поймет: аще ли не восхощет пояти тебе, то поиму тя аз, жив Господь: прележи до заутрия. Ruth 3:14 И лежа у ног его до заутрия: она же воста, прежде неже познати мужу подруга своего. И рече Вооз: да не увестся, яко приходила жена на гумно. Ruth 3:15 И рече ей: принеси покрывало еже на тебе, и держи е. Она же держа е, и намери ей шесть мер ячменя, и заде ей: и иде во град. Ruth 3:16 И прииде Руфь ко свекрови своей. Она же рече ей: что есть, дщи? И поведа ей вся, елика сотвори ей муж. Ruth 3:17 И рече ей: шесть мер сих ячменя даде ми, глагола бо ко мне: да не идеши тща ко свекрови своей. Ruth 3:18 Она же рече: седи, дщи, дондеже увеси, како падет слово: не умолчит бо муж, дондеже совершится слово днесь. Ruth 4:0 Ruth 4:1 И Вооз прииде ко вратом и седе тамо: и се, ужик мимоидяше, о немже глагола Вооз. И рече ему Вооз: уклонився сяди зде. Он же уклонися и седе. Ruth 4:2 И поя Вооз десять мужей от старейшин града, и рече: сядите зде. И седоша. Ruth 4:3 И рече Вооз ужику: часть села, яже есть брата нашего Елимелеха, яже дадеся Ноеммине возвратившейся от села Моавля: Ruth 4:4 аз же рекох: явлю тебе сие во ухо твое, глаголя, пристяжи пред седящими и пред старейшины людий моих: и аще ужичествуеши, ужичествуй: аще же не ужичествуеши, повеждь ми, да ведаю: яко несть разве тебе еже ужичествовати ближший, и аз есмь по тебе. Он же рече: аз есмь, ужичествую. Ruth 4:5 И рече Вооз: в день в оньже пристяжеши село от руки Ноеммини, и от Руфы Моавитяныни жены умершаго, и сию достоит ти пояти, да возставиши имя умершаго в наследие его. Ruth 4:6 И рече ужик: не возмогу ужичествовати себе, да не разсыплю наследия моего: ужичествуй себе ты ужичество мое, аз бо не возмогу ужичествовати. Ruth 4:7 И сие управление бысть прежде во Израили о ужичествовании и о пременении, еже укрепити всякое слово: и иззуваше муж сапог свой, и даяше подругу своему ужичествующу ужичество его: и сие бяше свидетелство во Израили. Ruth 4:8 И рече ужик Воозу: пристяжи себе ужичество мое. И иззув сапог свой, даде ему. Ruth 4:9 И рече Вооз старейшинам и всем людем: свидетеле вы днесь, яко пристяжах днесь вся, яже Елимелехова, и вся елика суть Хелеонова и Маалонова, от руки Ноеммини: Ruth 4:10 ксему же Руфь Моавитяныню жену Маалоню поемлю себе в жену возставити имя умершаго в наследие его, да не погибнет имя умершаго от братии его и от племене людий его: свидетеле вы днесь. Ruth 4:11 И отвещаша вси людие иже у врат: свидетеле есмы. И старейшины реша: да даст Господь жене твоей, входящей в дом твой, якоже Рахили и яко Лии, яже создаша обе дом Израилев, и сотвориша силу во Ефрафе, и будет имя в Вифлееме: Ruth 4:12 и буди дом твой якоже дом Фаресов, егоже роди Фамарь Иуде, от семене твоего даст тебе Господь от рабы сея чада. Ruth 4:13 И поя Вооз Руфь, и бысть ему жена, и вниде к ней: и даде ей Господь зачати, и роди сына. Ruth 4:14 И рекоша жены к Ноеммине: благословен Господь, Иже не разсыпа ужика твоего днесь, и прозовется имя твое во Израили, Ruth 4:15 и будет тебе во обращающаго душу и в прекормление старости твоея, яко сноха твоя, возлюбившая тебе, роди сына, яже есть блага тебе паче седми сынов. Ruth 4:16 И взя Ноемминь отроча, и положи е на лоне своем, и бысть ему кормилица. Ruth 4:17 И прозваша соседи имя его, глаголюще: родися сын Ноеммине. И нарекоша имя ему Овид: сей есть отец Иессеа, отца Давидова. Ruth 4:18 И сия родства Фаресова: Фарес роди Есрома: Ruth 4:19 Есром же роди Арама: Арам же роди Аминадава: Ruth 4:20 Аминадав же роди Наассона: Наассон же роди Салмона: Ruth 4:21 Салмон же роди Вооза: Вооз же роди Овида: Ruth 4:22 Овид же роди Иессеа: Иессей же роди Давида.
I Samuel 0:0
Первая книга Царств I Samuel 1:0 I Samuel 1:1 И бысть человек от Армафем Сифы, от горы Ефремли, и имя ему Елкана сын Иеремииль, сына Илиина, сына Фокеля в Насиве от Армафема от горы Ефремли: I Samuel 1:2 и сему две жены (быша): имя единей Анна и имя вторей Феннана: и бяху Феннане дети, Анне же не бяше отрочате. I Samuel 1:3 И восхождаше человек от дне до дне из града своего Армафема покланятися и жрети Господу Богу Саваофу в Силом. И тамо бе Илий и два сына его Офни и Финеес, жерцы Господни. I Samuel 1:4 И бысть день, и пожре Елкана и даде Феннане жене своей и сыном ея и дщерем ея части: I Samuel 1:5 Анне же даде часть едину, яко не бе ей чада, обаче Анну любляше Елкана паче Феннаны. И Господь затвори ложесна ея: I Samuel 1:6 занеже не даде ей Господь чада по скорби ея и по сетованию оскорбления ея, и сетоваше сего ради, яко затвори Господь утробу ея не дати ей чада. I Samuel 1:7 Тако творяше от года до года, внегда приходити ей в дом Господень: (укоряше ея тако,) и сетоваше, и плакаше, и не ядяше. I Samuel 1:8 И рече ей Елкана муж ея: Анна. И рече ему: се, аз, господи. И рече ей: что ти есть, яко плачешися? И почто не яси? И почто биеши сердце твое? Несмь ли аз тебе добрее паче десяти чад? I Samuel 1:9 И воставши Анна по ядении их в Силоме, и ста пред Господем. Илий же жрец седяше на престоле, при празе двери храма Господня. I Samuel 1:10 И та умиленна душею, и помолися Господу и плачущи проплака, I Samuel 1:11 и обеща обет Господу, глаголющи: Адонаи Господи Елои Саваоф, аще призирая призриши на смирение рабы Твоея и помянеши мя, и даси рабе Твоей семя мужеско, то дам е пред Тобою в дар до дне смерти его: и вина и пиянственнаго не испиет, и железо не взыдет на главу его. I Samuel 1:12 И бысть егда умножи молящися пред Господем, Илий же жрец смотряше на уста ея. I Samuel 1:13 И та глаголаше в сердцы своем, токмо устне ея двизастеся, а глас ея не слышашеся: и мняше ю Илий пияну сущу. I Samuel 1:14 И рече ей Илий: доколе пияна будеши? Отими вино твое и иди от места Господня. I Samuel 1:15 И отвеща Анна и рече: ни, господи: жена в жесток день аз есмь, вина и пиянства не пих, но изливаю пред Господем душу мою: I Samuel 1:16 не даждь рабы твоея во дщерь погибели, яко от множества глумления моего и от множества сетования моего истаях даже доселе. I Samuel 1:17 И отвеща Илий и рече к ней: иди с миром, Бог Израилев да даст ти все прошение твое, еже просила еси от Него. I Samuel 1:18 И рече Анна: обрете раба твоя благодать пред очима твоима. И иде жена в путь свой, и вниде во обитель свою, и яде с мужем своим и пи, и лице ея не испаде ктому. I Samuel 1:19 И утреневаша заутра, и поклонишася Господу, и идоша путем своим. И вниде Елкана в дом свой во Армафем и позна Елкана жену свою Анну: и помяне ю Господь, и зачат. I Samuel 1:20 И бысть во время дний, и роди Анна сына и нарече имя ему Самуил: и рече: яко от Господа Бога Саваофа испросих его. I Samuel 1:21 И взыде человек Елкана и весь дом его в Силом пожрети жертву дний и обеты своя и вся десятины земли своея. I Samuel 1:22 Анна же не взыде с ним, яко рече мужеви своему: дондеже взыдет отроча, и аще отдою е, тогда явится лицу Господню и пребудет тамо до века. I Samuel 1:23 И рече ей Елкана муж ея: твори благое пред очима твоима, седи дондеже отдоиши е: но да утвердит Господь (слово твое), изшедшее из уст твоих. И седе жена, и млеком питаше сына своего, дондеже отдои его. I Samuel 1:24 И взыде с ним в Силом, егда отдои его, с телцем трилетным и с хлебы и со ефи муки пшеничны и мехом вина: и внидоша в дом Господень в Силом, и отроча с ними. I Samuel 1:25 И приведоша е пред Господа: и закла отец его жертву, юже творяше от дний на дни Господеви: и приведоша отроча, и закла телца. И приведе Анна мати отроча ко Илию I Samuel 1:26 и рече: во мне, господи, да живет душа твоя, господине мой, аз жена стоявшая пред тобою, о сем помолитися Господу: I Samuel 1:27 о отрочати сем молихся, и даде ми Господь прошение мое, еже просих у Него: I Samuel 1:28 и аз отдаю е Господеви во вся дни живота его на служение Господеви. И поклонися тамо Господеви. I Samuel 2:0 I Samuel 2:1 И помолися Анна и рече: утвердися сердце мое в Господе, вознесеся рог мой в Бозе моем, разширишася уста моя на враги моя, возвеселихся о спасении Твоем: I Samuel 2:2 яко несть свят яко Господь, и несть праведен яко Бог наш, и несть свят паче Тебе: I Samuel 2:3 не хвалитеся и не глаголите высокая в гордыни, ниже да изыдет велеречие из уст ваших: яко Бог разумов Господь, и Бог уготовляяй начинания Своя: I Samuel 2:4 лук сильных изнеможе, и немощствующии препоясашася силою: I Samuel 2:5 исполненнии хлеба лишишася, и алчущии пришелствоваша землю: яко неплоды роди седмь, и многая в чадех изнеможе: I Samuel 2:6 Господь мертвит и живит, низводит во ад и возводит, I Samuel 2:7 Господь убожит и богатит, смиряет и высит, I Samuel 2:8 возставляет от земли убога и от гноища воздвизает нища посадити его с могущими людий, и престол славы дая в наследие им: I Samuel 2:9 даяй молитву молящемуся и благослови лета праведнаго, яко не в крепости силен муж: I Samuel 2:10 Господь немощна сотвори сопостата Его, Господь свят: да не хвалится премудрый премудростию своею, и да не хвалится сильный силою своею, и да не хвалится богатый богатством своим: но о сем да хвалится хваляйся, еже разумети и знати Господа, и творити суд и правду посреде земли: Господь взыде на небеса и возгреме: той судит концем земли, праведен сый, и даст крепость царем нашым и вознесет рог христа Своего. I Samuel 2:11 И оставиша его тамо пред Господем и отидоша во Армафем в дом свой: отроча же бе служа лицу Господню пред лицем Илии жерца. I Samuel 2:12 Сынове же Илии жерца (быша) сынове погибелнии, не ведуще Господа, I Samuel 2:13 ни оправдания жреческа пред людьми всеми жрущими. И прихождаше отрок жреческ, егда варятся мяса, и удица трезубна в руку его, I Samuel 2:14 и влагаше ю в коноб великий, или в медяный сосуд, или горнец, и все еже вонзеся на удицу, взимаше е себе жрец: и тако творяху всему Израилеви приходящему пожрети Господеви в Силоме. I Samuel 2:15 И прежде каждения тука, прихождаше отрок жреческ и глаголаше мужеви жрущему: даждь мяса испещи жерцу, и не возму от тебе мяса варенаго от коноба. I Samuel 2:16 И глаголаше муж жряй: да покадится первее тук, якоже подобает, и тогда возмеши себе от всех, еже хощет душа твоя. И рече: ни, ныне даждь: аще же не даси, возму силою. I Samuel 2:17 И бе пред Господем грех отроков велий зело, яко отметаху жертву Господню. I Samuel 2:18 И Самуил бе служа пред Господем, отрочищь сый опоясан во ефуд льнян. I Samuel 2:19 И хламиду малу сотвори ему мати его, и приношаше ему от дний во дни, егда восхождаше с мужем своим пожрети жертву дний. I Samuel 2:20 И благослови Илий Елкану и жену его, глаголя: да воздаст ти Господь семя от жены сея за дар, егоже даровал еси Господеви. И отиде человек в место свое. I Samuel 2:21 И посети Господь Бог Анну, и зача, и роди еще три сыны и дщери две. И возвеличися отрок Самуил пред Господем. I Samuel 2:22 Илий же состареся зело: и услыша, яже творяху сынове его всем сыном Израилевым, и яко бываху с женами предстоящими у дверий скинии свидения, I Samuel 2:23 и рече им: почто творите по глаголу сему, егоже аз слышу из уст всех людий Господних (о вас)? I Samuel 2:24 Ни, чада, ни: яко не благ слух, егоже аз слышу о вас: не творите тако, яко не добры слухи, яже аз слышу, еже не работати людем Богу: I Samuel 2:25 аще согрешая согрешит муж мужеви, помолятся о нем ко Господу: аще же Господеви согрешит, кто помолится о нем? И не послушаста гласа отца своего, яко хотяй восхоте Господь погубити я. I Samuel 2:26 Отрок же Самуил хождаше предуспевая, и бе благ пред Господем и человеки. I Samuel 2:27 И прииде человек Божий ко Илию и рече: сия глаголет Господь: открываяся открыхся в дому отца твоего, сущым им в земли Египетстей рабом в дому фараони, I Samuel 2:28 и избрах дом отца твоего от всех домов Израилевых Мне служити, еже восходити ко олтарю Моему и кадити кадилом и носити ефуд, и дах дому отца твоего вся, яже огня жертвенная сынов Израилевых, в снедь: I Samuel 2:29 и почто ты воззрел еси на фимиам Мой и на жертву Мою безстудным оком, и прославил сыны твоя паче Мене, еже благословляти начаток всякия жертвы Израилевы предо Мною? I Samuel 2:30 Сего ради сия глаголет Господь Бог Израилев, глаголя: рекох, дом твой и дом отца твоего прейдет предо Мною до века: а ныне глаголет Господь: никакоже Мне, зане токмо прославляющыя Мя прославлю, и уничижаяй Мя безчестен будет: I Samuel 2:31 се, дние идут, и потреблю семя твое и семя дому отца твоего, и не будет старца в дому твоем во вся дни, I Samuel 2:32 и узриши державу Мою во всех, имиже разблажает Израиля, и не будет старца в дому твоем во вся дни: I Samuel 2:33 и мужа не истреблю тебе от олтаря Моего, во еже оскудети очесем его и истаяти души его: и вси прочии дому твоего падут оружием мужеским: I Samuel 2:34 и сие тебе знамение, еже приидет на оба сына твоя сия Офни и Финееса: в день един умрут оба: I Samuel 2:35 и возставлю Себе жерца верна, иже вся яже в сердцы Моем и яже в души Моей сотворит, и созижду ему дом верен, и предидет пред христом Моим во вся дни: I Samuel 2:36 и будет всяк оставшийся в дому твоем приидет поклонитися ему с цатою сребра и хлебом единым, глаголя: приими мя к единому от священнослужений твоих, еже ясти хлеб. I Samuel 3:0 I Samuel 3:1 И отрочищь Самуил бе служа Господеви пред Илием иереем, и глаголгол Господень бе честен в тыя дни, не бе видение посылаемо. I Samuel 3:2 И бысть в день он, и Илий спаше на месте своем, и очи его начаста тяжце быти, и не можаше зрети: I Samuel 3:3 и прежде неже угасе светилник Божий, и Самуил спаше в церкви Господни, идеже кивот Божий, I Samuel 3:4 и воззва Господь: Самуиле, Самуиле. И рече: се, аз. I Samuel 3:5 И тече ко Илию и рече: се, аз, яко звал мя еси. И рече (Илий): не звах тебе, возвратися и спи. И возвратися и спа. I Samuel 3:6 И приложи Господь и воззва еще: Самуиле, Самуиле. И воста Самуил и иде ко Илию вторицею, и рече: се, аз, яко звал мя еси. И рече: не звах тебе, чадо мое, возвратися, спи. I Samuel 3:7 Самуил же в то время еще не познаваше Бога, прежде откровения ему гласа Господня. I Samuel 3:8 И приложи Господь призвати Самуила третицею: и востав, и иде ко Илию и рече: се, аз, яко звал мя еси. И разуме Илий, яко Господь призывает отрочища, и рече: возвратися и спи, чадо: I Samuel 3:9 и будет аще воззовет тя Зовый, и речеши: глаголи, Господи, яко слышит раб Твой. И иде Самуил, и спа на месте своем. I Samuel 3:10 И прииде Господь и ста и воззва его якоже первое и второе: Самуиле, Самуиле. И рече Самуил: глаголи (Господи), яко слышит раб Твой. I Samuel 3:11 И рече Господь к Самуилу: се, Аз творю глаголголы Моя во Израили, яко всякому слышащему сия пошумит во обоих ушесех его: I Samuel 3:12 в день той воздвигну на Илиа вся, елика глаголах на дом его: начну и скончаю: I Samuel 3:13 и возвестих ему, яко отмщу Аз на доме его до века в неправдах сынов его, о нихже ведяше, яко злословиста Бога сынове его, и не наказа их: I Samuel 3:14 и сего ради кляхся дому Илиину, яко не очистится неправда дому Илиина в кадилах и жертвах его до века. I Samuel 3:15 И спа Самуил до утра, и утренева заутра, и отверзе двери храма Господня. Самуил же убояся поведати видения Илию. I Samuel 3:16 И рече Илий к Самуилу: Самуиле чадо. И рече: се, аз. I Samuel 3:17 И рече (Илий): что глаголгол глаголголанный к тебе? Не скрый убо от мене: сия да сотворит тебе Бог и сия да приложит, аще утаиши от мене слово от всех словес глаголголанных к тебе во ушеса твоя. I Samuel 3:18 И поведа Самуил Илию вся словеса, и не утаи от него (ни единаго глаголгола). И рече Илий: Господь Сам, еже благо пред Ним, да сотворит. I Samuel 3:19 И возвеличен бысть Самуил, и Господь бе с ним, и не паде от всех словес его на земли (ни един глагол). I Samuel 3:20 И разумеша вси Израилтяне от Дана даже и до Вирсавии, яко верен Самуил Господу во пророцех. I Samuel 3:21 И приложи Господь явитися в Силоме, яви бо Ся Господь Самуилу: и уверися Самуил пророк быти Господеви во всем Израили, от конца до конца земли. Илий же состареся зело, и сынове его ходяще хождаху, и лукав путь их пред Господем. I Samuel 4:0 I Samuel 4:1 И бысть во дни оны, и собрашася иноплеменницы противу Израиля на брань: и изыде Израиль во сретение им на брань, и ополчишася во Авенезере, и иноплеменницы ополчишася во Афеце: I Samuel 4:2 и сразишася иноплеменницы на брани со Израилтяны, и преклонися брань, и падоша мужие Израилевы пред иноплеменники, и убиени быша в брани на селе четыри тысящы мужей. I Samuel 4:3 И приидоша людие в полк, и реша старейшины Израилевы: почто порази нас Господь днесь пред иноплеменники? Возмем кивот Бога нашего от Силома, и изыдет посреде нас и спасет ны от руки враг наших. I Samuel 4:4 И послаша людие в Силом, и взяша оттуду кивот Господа седящаго на херувимех: и (быша) тамо оба сына Илиина с кивотом Божиим, Офни и Финеес. I Samuel 4:5 И бысть егда прииде кивот Господень в полк, и возопи весь Израиль гласом великим, и возшуме земля. I Samuel 4:6 И услышаша иноплеменницы глас вопля и реша: что сей вопль великий в полце Еврейсте? И уразумеша, яко кивот Господень прииде в полк. I Samuel 4:7 И убояшася иноплеменницы и реша: сии бози приидоша к ним в полк: горе нам, изми ны, Господи, днесь: яко не бысть тако вчера и третияго дне: I Samuel 4:8 горе нам, кто ны измет от руки богов крепких сих? Сии суть бози, побившии Египта всякими язвами и в пустыни: I Samuel 4:9 укрепитеся и будите в мужы, иноплеменницы, яко да не поработаете Евреом, якоже поработаша нам, будите убо в мужы и бийтеся с ними. I Samuel 4:10 И бишася с ними: и падоша мужие Израилевы пред иноплеменники, и побеже кийждо в селение свое, и бысть язва велика зело: и паде от Израиля тридесять тысящ чинов: I Samuel 4:11 и кивот Божий взят бысть, и оба сыны Илиины умроша, Офни и Финеес. I Samuel 4:12 И тече муж от брани Иеминей, и прииде в Силом в день он, и ризы своя растерзав, и персть бе на главе его. I Samuel 4:13 И прииде, и се, Илий седяше на престоле своем у дверий, смотря на путь, яко бе сердце его во ужасе (велице) о кивоте Божии. И человек вниде во град возвещая: и возопи весь град гласом великим: I Samuel 4:14 и слыша Илий глас вопля и рече: что есть глас вопля сего? И человек потщався вниде и поведа Илию. I Samuel 4:15 И бе Илий девятидесяти осми лет, и очи его изнемогоста, и не видяше. I Samuel 4:16 И рече Илий мужем предстоящым себе: что глас вопля сего? И муж потщався вниде ко Илию и рече ему: аз есмь пришедый из полка, и аз прибежах от брани днесь. И рече Илий: что бывший глагол, чадо? I Samuel 4:17 И отвеща отрочищь и рече: побежаша мужие Израилевы от лица иноплеменников, и язва велия бысть в людех, и оба сыны твоя умроша, и кивот Божий взят есть. I Samuel 4:18 И бысть егда помяну о кивоте Божии, и паде (Илий) с престола взнак близ дверий, и сокрушися хребет его, и умре, яко стар бе человек и тяжек: и той суди Израилеви четыредесять лет. I Samuel 4:19 И сноха его жена Финеесова заченшая родити, и слыша весть, яко взят бысть кивот Божий и яко умре свекор ея и муж ея, и восплакася (горько), и роди, яко обратишася на ню болезни ея. I Samuel 4:20 И во время, внегда умираше, реша ей жены предстоящыя ей: не бойся, яко сына родила еси. И не отвеща, и не разуме сердце ея. I Samuel 4:21 И нарече отрочища Уехавоф: и реша о кивоте Божии и о свекре ея и о мужи ея: преселися слава от Израиля, яко взятся кивот Господень, и яко умре свекор ея и муж ея. I Samuel 4:22 И рече: преселися слава Израилева, яко взят бысть кивот Божий. I Samuel 5:0 I Samuel 5:1 И взяша иноплеменницы кивот Божий и изнесоша его от Авенезера во Азот: I Samuel 5:2 и взяша иноплеменницы кивот Господень и внесоша его в храм Дагонов, и поставиша его близ Дагона. I Samuel 5:3 И обутреневаша Азотяне наутрие и внидоша в храм Дагонов: и увидеша, и се, Дагон паде на землю на лице свое пред кивотом Божиим. И воздвигоша Дагона, и поставиша его на месте своем. I Samuel 5:4 И бысть егда восташа заутра, и се, Дагон лежаше лицем на земли пред кивотом завета Господня: глава же Дагонова и обе плесне ног его отяты на празе особо каяждо, и обе длани рук его лежаще при дверех, точию труп Дагонов остася. I Samuel 5:5 Того ради не вступают жерцы Дагоновы и вси входящии в храм Дагонов на праг дому Дагонова во Азоте даже до дне сего: яко преступающе преступают. I Samuel 5:6 И отяготе рука Господня на Азоте, и наведе на них, и воскипе им на седалищах их, во Азоте и в пределех Его, и посреде страны его умножишася мышы: и бысть смущение смерти велико во граде. I Samuel 5:7 И видеша мужие Азотстии, яко тако (бысть), и глаголаша: яко не пребудет кивот Бога Израилева с нами, яко жестока рука Его на ны и на Дагона бога нашего. I Samuel 5:8 И пославше собраша воевод иноплеменничих к себе и глаголаша: что сотворим кивоту Бога Израилева? И реша Гефее: да прейдет кивот Бога Израилева к нам в Геф. И прейде кивот Бога Израилева в Геф. I Samuel 5:9 И бысть по прешествии его, и бысть рука Господня на граде, мятеж велий зело: и порази мужы града от мала до велика, и порази их на седалищах их. И сотвориша Гефее себе седалища (злата), I Samuel 5:10 и отпустиша кивот Божий во Аскалон. И бысть егда вниде кивот Бога Израилева во Аскалон, и возопиша Аскалонитяне глаголюще: почто возвратисте кивот Бога Израилева к нам, уморити ны и люди нашя? I Samuel 5:11 И послаша и собраша вся воеводы иноплеменничи и реша: отпустите кивот Бога Израилева, и да поставится на месте своем, и да не уморит нас и людий наших. Яко бысть мятеж смерти во всем граде тяжек зело, егда вниде кивот Бога Израилева тамо. I Samuel 5:12 И живущии и не умершии уязвишася на седалищах, и взыде вопль града до небесе. I Samuel 6:0 I Samuel 6:1 И бе кивот Господень на селе иноплеменников седмь месяц: и воскипе земля их мышами. I Samuel 6:2 И призваша иноплеменницы жерцев и волхвов и обаянников своих, глаголюще: что сотворим кивоту Господню? Скажите нам, како послем его на место его? I Samuel 6:3 И реша: аще отпущаете вы кивот завета Господа Бога Израилева, да не послете его тща, но отдающе отдадите Ему за муки (дары), и тогда исцелитеся, и умилостивится вам: еда ли не отступит рука Его от вас? I Samuel 6:4 И глаголаша: что Ему за муки отдадим? И реша: по числу воевод и иноплеменничих пять седалищ златых и пять мышей златых, яко прегрешения в вас и в князех ваших и в людех: I Samuel 6:5 и сотворите подобие седалищ ваших и подобие мышей ваших, растлевающих землю, и воздадите славу Богу (Израилеву), яко да облегчит руку Свою от вас и от богов ваших и от земли вашея: I Samuel 6:6 и почто отягощаете сердца ваша, якоже отягчи Египет и фараон сердце свое? Не егда ли поругася им, отпусти их, и отидоша? I Samuel 6:7 И ныне возмите и сотворите колесницу нову едину и две кравы первородившыя без телят, на нихже не бяше ярмо: и впрязите кравы в колесницу, а телята их возвратите вспять в дом: I Samuel 6:8 и возмите кивот Господень, и возложите и на колесницу, и сосуды златыя отдадите Ему за муки, и положите в ковчежце от страны его: и отпустите его, да идет: I Samuel 6:9 и узрите, аще путем пределов своих пойдет в Вефсамис, той сотвори нам зло великое сие: аще же ни, то уразумеем, яко не рука его прикоснуся нас, но приключение сие бысть нам. I Samuel 6:10 И сотвориша иноплеменницы тако, и взяша две кравы первородившыя, и впрягоша я в колесницу, телята же их затвориша в доме: I Samuel 6:11 и возложиша кивот Господень на колесницу, и ковчежец, и мышы златыя, и подобия седалищ своих: I Samuel 6:12 и управишася кравы на пути в путь Вефсамский, на пути имже идяху, и труждахуся, и не совращахуся на десно, ниже на шуе: и воеводы иноплеменничи идяху вслед его даже до предел Вефсамских. I Samuel 6:13 И иже в Вефсамисе жняху жатву пшеницы во юдоли: и возведоша очи свои, и видеша кивот Господень, и возвеселишася во сретение ему. I Samuel 6:14 И колесница вниде в село Осиево сущее в Вефсамисе, (и ста тамо,) и поставиша тамо при нем камень велий: и иссекоша древеса колесничная, и кравы вознесоша на всесожжение Господу. I Samuel 6:15 Левити же вознесоша кивот Господень, и ковчежец иже с ним, и яже в нем сосуды златы, и положиша на камени велицем: мужие же Вефсамстии вознесоша всесожжения и пожроша жертву в той день Господу. I Samuel 6:16 И пять воевод иноплеменничи зряху, и возвратишася во Аккарон в день той. I Samuel 6:17 И сия седалища златая, яже воздаша иноплеменницы за муку Господу: Азотско едино, Газско едино, Аскалонско едино, Гефско едино, Аккаронско едино. I Samuel 6:18 И златыя мышы по числу всех градов иноплеменничих пяти воевод, от града утвержена и даже до веси ферезеовы и до камене великаго, на немже положиша кивот завета Господня, иже есть даже до сего дне, на селе Осии Вефсамиситянина. I Samuel 6:19 И не порадовашася сынове Иехониины в мужех Вефсамских, яко видеша кивот Господень: и уби в них пятьдесят тысящ и седмьдесят мужей. И плакашася людие, яко порази Господь людий язвою великою зело. I Samuel 6:20 И реша мужие иже от Вефсамиса: кто возможет поити пред Господем Богом святым сим? И к кому взыдет кивот завета Господня от нас? I Samuel 6:21 И послаша послы к живущым в Кариафиариме, глаголюще: возвратиша иноплеменницы кивот Господень, снидите и вознесите его к себе. I Samuel 7:0 I Samuel 7:1 И приидоша мужие Кариафиаримстии и взяша кивот завета Господня, и внесоша его в дом Аминадавль иже на холме: и Елеазара сына его освятиша сохраняти кивот завета Господня. I Samuel 7:2 И бысть от негоже дне бе кивот в Кариафиариме, умножишася дние, и быти двадесять лет: и воззре весь дом Израилев вслед Господа. I Samuel 7:3 И рече Самуил ко всему дому Израилеву, глаголя: аще всем сердцем вашим вы обращаетеся ко Господу, отимите боги чуждыя от среды вас, и Дубравы, и уготовайте сердца ваша ко Господу, и поработайте Ему единому, и избавит вас от руки иноплеменничи. I Samuel 7:4 И отвергоша сынове Израилевы Ваалима и дубравы Астарофа, и поработаша Господу единому. I Samuel 7:5 И рече Самуил: соберите ко мне всего Израиля в Массифаф, и помолюся о вас ко Господу. I Samuel 7:6 И собрашася людие в Массифаф, и почерпаху воду и проливаху пред Господем на землю: и постишася в той день, и реша: согрешихом пред Господем. И судяше Самуил сыны Израилевы в Массифафе. I Samuel 7:7 И услышаша иноплеменницы, яко собрашася вси сынове Израилевы в Массифаф, и взыдоша воеводы иноплеменничи на Израиля. И слышаша сынове Израилевы и убояшася от лица иноплеменник: I Samuel 7:8 и реша сынове Израилевы к Самуилу: не премолчи о нас вопия ко Господу Богу нашему, да избавит ны от руки иноплеменничи. И рече Самуил: не буди мне еже отступити от Господа Бога моего и не вопити о вас с молением. I Samuel 7:9 И взя Самуил ягня едино ссущее, и принесе е на всесожжение со всеми людьми Господеви: и возопи Самуил ко Господу о Израили, и послуша его Господь. I Samuel 7:10 И бяше Самуил возносяй всесожжение, и иноплеменницы приближишася на брань на Израиля: и возгреме Господь гласом велиим в день он на иноплеменники, и смятошася и падоша пред Израилем: I Samuel 7:11 и изыдоша мужие Израилевы от Массифафа, и погнаша иноплеменников, и биша их даже до подолия Вефхор. I Samuel 7:12 И взя Самуил камень един и постави его между Массифафом и между Ветхим: и нарече имя ему Авенезер, сиречь камень помощи, и рече: до зде поможе нам Господь. I Samuel 7:13 И смири Господь иноплеменники, и не приложиша ктому ити в пределы Израилевы: и бысть рука Господня на иноплеменников во вся дни Самуиловы. I Samuel 7:14 И отдашася грады, ихже взяша иноплеменницы от сынов Израилевых, и отдаша их Израилю, от Аккарона даже до Гефа, и пределы Израиля свободишася от руки иноплеменничи: и бе мир между Израилем и между Аморреем. I Samuel 7:15 И судяше Самуил Израилю во вся дни живота своего. I Samuel 7:16 И хождаше от года до года, и окрест Вефиля и Галгалы и Массифафа, и суждаше Израиля во всех священных сих. I Samuel 7:17 Бяше же ему возвращение во Армафем, яко тамо бяше дом его: и судяше тамо Израиля, и созда тамо олтарь Господеви. I Samuel 8:0 I Samuel 8:1 И бысть егда состареся Самуил, и постави сыны своя судити Израилеви. I Samuel 8:2 И сия имена сыном его: первенец Иоиль, и имя второму Авиа, судии в Вирсавеи. I Samuel 8:3 И не поидоша сынове его путем его: и уклонишася вслед лихоимания, и приимаху дары, и развращаху суды. I Samuel 8:4 И собрашася мужие Израилевы, и приидоша к Самуилу во Армафем I Samuel 8:5 и реша ему: се, ты состарелся еси, сынове же твои не ходят по пути твоему: и ныне постави над нами царя, да судит ны, якоже и прочии языки. I Samuel 8:6 И бысть лукав глагол пред очима Самуиловыма, яко реша: даждь нам царя, да судит ны. И помолися Самуил ко Господу. I Samuel 8:7 И рече Господь Самуилу: послушай гласа людий, якоже глаголют к тебе, яко не тебе уничижиша, но Мене уничижиша, еже не царствовати Ми над ними: I Samuel 8:8 по всем делом, яже сотвориша Ми, от негоже дне изведох их из земли Египетски до днешняго дне, и оставиша Мя, и послужиша богом иным, тако тии творят и тебе: I Samuel 8:9 и ныне послушай гласа их: обаче засвидетелствуя засвидетелствуеши им и возвестиши им правду цареву, иже царствовати будет над ними. I Samuel 8:10 И рече Самуил вся словеса Господня к людем просящым от него царя, I Samuel 8:11 и глагола (им): сие будет оправдание царево, иже царствовати имать над вами: сыны вашя возмет и поставит я колесничники своя, и на кони всадит их, и предтекущих пред колесницами его: I Samuel 8:12 и поставит я себе сотники и тысящники и жателми жатвы своея, и оымут оыманием гроздия его, и творити орудия воинская его и орудия колесниц его: I Samuel 8:13 и дщери вашя возмет в мироварницы и в поварницы и в хлебницы: I Samuel 8:14 и села ваша и винограды вашя и масличины вашя благия возмет и даст рабом своим: I Samuel 8:15 и семена ваша и винограды вашя одесятствует и даст скопцем своим и рабом своим: I Samuel 8:16 и рабы вашя и рабыни вашя и стада ваша благая и ослы вашя отимет и одесятствует на дела своя: I Samuel 8:17 и пажити вашя одесятствует, и вы будете ему раби: I Samuel 8:18 и возопиете в день он от лица царя вашего, егоже избрасте себе, и не услышит вас Господь в день он, яко вы сами избрасте себе царя. I Samuel 8:19 И не восхотеша людие послушати Самуила и реша ему: ни, но царь да будет над нами, I Samuel 8:20 и будем и мы якоже вси языцы: и судити имать нас царь наш, и изыдет пред нами, и поборет поборением о нас. I Samuel 8:21 И слыша Самуил вся глаголы людий и глагола я во ушы Господеви. I Samuel 8:22 И рече Господь к Самуилу: послушай гласа их, и постави им царя. И рече Самуил к мужем Израилевым: да идет кийждо вас во свой град. I Samuel 9:0 I Samuel 9:1 И бе муж от сынов Вениаминовых, емуже имя Кис, сын Авиилов, сына Иаредова, сына Вахирова, сына Афекова, сына мужа Иеминеова, муж силен крепостию. I Samuel 9:2 И сему бе сын, имя ему Саул, добровеличен, муж благ: и не бе в сынех Израилевых благ паче его, от рамен и выше высок паче всех людий. I Samuel 9:3 И заблудиша ослята Киса отца Саулова. И рече Кис к Саулу сыну своему: возми с собою единаго от отрок, и воставше идите и поищите ослят. I Samuel 9:4 И проидоша гору Ефремлю, и проидоша землю Селха, и не обретоша: и проидоша землю Сегалимлю, и не бе: и проидоша землю Иаминю, и не обретоша. I Samuel 9:5 И пришедшым им в землю Сифову, и рече Саул ко отроку своему иже с ним: гряди и возвратимся, да не како отец мой оставя ослята, печется о нас. I Samuel 9:6 И рече ему отрок: се, зде человек Божий во граде сем, и человек славен: все еже аще речет приходящым к нему, будет им: и ныне пойдем тамо, да возвестит нам путь наш, имже пойдем. I Samuel 9:7 И рече Саул отроку своему иже с ним: се, пойдем, и что принесем к человеку Божию? Яко хлебы оскудеша от вретищ наших, и ктому несть у нас, еже внести к человеку Божию от имения нашего. I Samuel 9:8 И приложи отрок отвещати Саулу и рече: се, обретается в руце моей четвертая часть сикля сребра, и даси человеку Божию, и возвестит нам путь наш. I Samuel 9:9 Прежде бо во Израили сице глаголаше кийждо, егда кто идяше вопрошати Бога: гряди, да идем к прозорливцу: яко пророка нарицаху людие прежде прозорливцем. I Samuel 9:10 И рече Саул отроку своему: добр глагол твой: гряди, да идем. И идоша во град, идеже бе человек Божий. I Samuel 9:11 Восходящым же им на восход града, и се, обретоша девиц изшедших почерпсти воды, и реша им: есть ли зде прозорливец? I Samuel 9:12 И отвещаша им девицы, глаголющя: есть, се пред лицем вашим: ныне же потщитеся, яко дне ради грядет во град, яко жертва днесь людем в ваме: I Samuel 9:13 и егда внидете во град, тако обрящете его во граде, прежде неже взыти ему в ваму ясти: яко не имут ясти людие, дондеже внидет сей, яко той благословит жертву, и по сих ядят страннии: и ныне взыдите, яко дне ради обрящете его. I Samuel 9:14 И взыдоша во град. Имже входящым среди града, и се, Самуил изыде во сретение им, еже взыти в ваму. I Samuel 9:15 И Господь откры во ухо Самуилу днем единым прежде пришествия к нему Сауля, глаголя: I Samuel 9:16 якоже время сие, утро послю к тебе мужа от племене Вениаминова, и да помажеши его царя над людьми Моими Израилем, и спасет люди Моя от руки иноплеменничи: яко призрех на смирение людий Моих, яко взыде вопль их ко Мне. I Samuel 9:17 И виде Самуил Саула, и Господь рече к нему: се, человек, о немже рекох ти: сей будет в людех Моих царствовати. I Samuel 9:18 И приближися Саул к Самуилу посреде града и рече: возвести ми, который дом прозорливца. I Samuel 9:19 И отвеща Самуил Саулу и рече: аз сам есмь: взыди предо мною в ваму, и яждь со мною днесь, и отпущу тя заутра, и вся яже в сердцы твоем возвещу ти: I Samuel 9:20 и о ослятех твоих заблудивших днесь третий день, не помышляй в сердцы своем о них, ибо обретошася: и кому красная Израилева? Не тебе ли и дому отца твоего? I Samuel 9:21 И отвеща Саул и рече: не сын ли есмь аз мужа иеминеа, меншаго скиптра племене Израилева? И племене малейшаго от всего скиптра Вениаминова? И отечество мое меншее паче всех отечеств Вениаминовых? И вскую глаголал еси ко мне по глаголу сему? I Samuel 9:22 И поят Самуил Саула и отрока его, и введе я во обиталище, и даде им тамо место в первых званых, яко в седмидесяти мужех. I Samuel 9:23 И рече Самуил повару: даждь ми часть, юже дах ти, и о нейже рех ти положити ю у себе. I Samuel 9:24 И взя повар плече, и предложи е Саулови. И рече Самуил Саулу: се, избыток, предложи пред ся и яждь, яко во свидетелство предложися тебе паче иных, прикоснися. И яде Саул с Самуилом в той день. I Samuel 9:25 И сниде от вамы во град, и постлаша Саулови на горнице, и спа. I Samuel 9:26 И бысть егда приближашеся утро, и воззва Самуил Саула на горнице, и рече: востани, и отпущу тя. И воста Саул, и изыде сам и Самуил вон. I Samuel 9:27 Имже исходящым в часть града, и рече Самуил к Саулу: рцы юноши, да предидет пред нами: а ты стани якоже днесь, и слышан сотворю тебе глаголгол Божий. I Samuel 10:0 I Samuel 10:1 И взя Самуил сосуд с елеем, и возлия на главу его, и лобыза его, и рече ему: не помаза ли тебе Господь на царство людем Своим иже во Израили? И ты царствовати будеши в людех Господних, и ты спасеши я от руки враг их окрест: и сие тебе знамение, яко помаза тя Господь над наследием Своим в князя: I Samuel 10:2 егда отидеши днесь от мене, обрящеши два мужа при гробех Рахилиных в пределех Вениаминих в Силоме, в Вакалафе скачущих зелно, и рекут тебе: обретошася ослята, ихже ходисте искати: и се, отец твой отверже глагол о ослятех и зело печется вас ради, глаголя: что сотворю о сыне моем? I Samuel 10:3 И отидеши оттуду, и далее приидеши до дубравы Фавора, и обрящеши тамо три мужы восходящыя к Богу в Вефиль, единаго ведуща трое козлят, а другаго несуща три вретища хлебов, а третияго несуща мех вина: I Samuel 10:4 и вопросят тя яже о мире, и дадут ти два начатка хлебов, и возмеши от рук их: I Samuel 10:5 и по сих да взыдеши на холм Божий, идеже есть собрание иноплеменник, тамо началницы иноплеменничи: и будет егда внидеши тамо во град, срящеши лик пророков исходящих от вамы, и пред ними свирели и тимпаны, и сопели и гусли, и тии прорицающии: I Samuel 10:6 и снидет на тя Дух Господень, и воспророчествуеши с ними, и обратишися в мужа иного: I Samuel 10:7 и будет егда приидут знамения сия на тя, твори вся, елика обрящет рука твоя, яко Бог с тобою: I Samuel 10:8 и снидеши прежде мене в Галгалы, и се, аз сниду к тебе вознести всесожжение и пожрети жертвы мирны: седмь дний пождеши, дондеже прииду к тебе, и покажу ти, что сотвориши. I Samuel 10:9 И бысть внегда отвратити ему плещы своя отити от Самуила, преложи ему Бог сердце на ино. И приидоша вся знамения сия в день он. I Samuel 10:10 И взыде оттуду на холм, и се, лик пророческий противу ему: и взыде нань Дух Божий, и прорицаше среде их. I Samuel 10:11 И быша вси видевшии его вчера и третияго дне, и видеша, и се, той посреде пророк прорицаяй. И реша людие кийждо ко искреннему своему: что сие бывшее сыну Кисову? Еда и Саул во пророцех? I Samuel 10:12 И отвеща некто от них и рече: и кто отец ему? Не Кис ли? И сего ради бысть в притчу: еда и Саул во пророцех? I Samuel 10:13 И сконча пророчествуя, и прииде оттуду на холм. I Samuel 10:14 И рече ужик его к нему и ко отрочищу его: камо ходисте? И реша: ослят искати, и видехом, яко несть их, и внидохом к Самуилу. I Samuel 10:15 И рече ужик к Саулу: возвести ми ныне, что ти рече Самуил? I Samuel 10:16 И рече Саул ужику своему: вестию возвести ми, яко обретошася ослята. Словесе же о царстве не возвести ему, еже рече Самуил. I Samuel 10:17 И заповеда Самуил всем людем приити ко Господу в Массифаф. I Samuel 10:18 И рече Самуил к сыном Израилевым: сия рече Господь Бог Израилев, глаголя: Аз изведох отцы вашя сыны Израилевы из Египта, и изях вы от руки фараона царя Египетскаго и от всех царств оскорбляющих вы: I Samuel 10:19 и вы днесь уничижисте Бога вашего, Иже Сам есть спасаяй вы от всех зол ваших и скорбей ваших, и ресте: ни, но царя да поставиши над нами: и ныне станите пред Господем по хоругвам вашым и по племенем вашым и по тысящам вашым. I Samuel 10:20 И приведе Самуил вся колена Израилева, и паде жребий на хоругвь Вениаминю. I Samuel 10:21 И приведе хоругвь Вениаминю по племенам, и паде жребий на племя Маттариино: и приведоша племя Маттариино по мужем, и паде жребий на Саула сына Кисова: и искаху его, и не обреташеся. I Samuel 10:22 И вопроси Самуил еще Господа, глаголя: аще приидет семо муж еще? И рече Господь: се, той сокрыся в сосудех. I Samuel 10:23 И тече Самуил, и взя его оттуду, и постави его посреде людий: и бысть вышше всех людий, от рамен и вышше. I Samuel 10:24 И рече Самуил ко всем людем: видесте ли, егоже избра себе Господь, яко несть подобен ему во всех вас? И познаша вси людие и реша: да живет царь. I Samuel 10:25 И рече Самуил к людем оправдания царствия, и написа в книзе, и положи пред Господем. I Samuel 10:26 И отпусти Самуил вся люди, и идоша кийждо во своя си, и Саул иде в дом свой в Гаваю: и идоша с ним сынове сил, ихже коснеся Господь сердец их, с Саулом. I Samuel 10:27 Сынове же погибелнии реша: кто спасет нас, сей ли? И безчествоваша его, и не принесоша ему даров. I Samuel 11:0 I Samuel 11:1 И бысть аки по месяце, и взыде Наас Аманитянин, и ополчися на Иавис Галаадский. И реша вси мужие Иависстии к Наасу аманитянину: положи нам завет, и поработаем ти. I Samuel 11:2 И рече к ним Наас Аманитянин: сей завет положу вам, изверчу комуждо вас око десное, и положу поношение на Израиля. I Samuel 11:3 И реша ему мужие Иависа Галаадскаго: остави нам седмь дний, да послем вестники во вся пределы Израилевы: и аще не будет спасающаго нас, изыдем к вам. I Samuel 11:4 И приидоша вестницы в Гаваю к Саулу и поведаша словеса сия во ушы людий: и воздвигоша вси людие глас свой и плакашася. I Samuel 11:5 И се, Саул прииде по заутрии от села, и рече Саул: что яко плачут людие? И поведаша ему глаголы мужей Иависских. I Samuel 11:6 И сниде Дух Господень на Саула, егда услыша словеса сия, и разгневася на них зело: I Samuel 11:7 и взя две кравы, и раздроби я на уды, и посла во вся пределы Израилевы руками вестников, глаголя: иже не будет идый вслед Саула и вслед Самуила, по сему сотворят говядом его. И сниде ужас Господень на Израилтян, и изыдоша яко един муж. I Samuel 11:8 И сочте их в Везеце, в ваме, и бысть всех мужей Израилтеских шесть сот тысящ, и мужей Иудиных седмьдесят тысящ. I Samuel 11:9 И рече вестником пришедшым: сия поведите мужем Иависа Галаадскаго: заутра будет вам спасение восходящу солнцу. И приидоша вестницы во град и возвестиша мужем Иависским: и возрадовашася, I Samuel 11:10 и реша мужие Иависстии к Наасу аманитянину: утро изыдем к вам, и сотворите нам, еже благо пред очима вашима. I Samuel 11:11 И бысть по заутрии, и Саул раздели люди на три начала: и внидоша посреде полка в стражу утреннюю, и бияху сынов Аммонитских, дондеже разогреся день: и бысть, и оставшиися разбегошася, и не осташася ни два от них вкупе. I Samuel 11:12 И реша людие к Самуилу: кто есть рекий, яко да Саул не воцарится над нами? Предаждь мужей, и избием их. I Samuel 11:13 И рече Саул: да не умрет ни един в днешний день, яко днесь сотвори Господь спасение во Израили. I Samuel 11:14 И рече Самуил к людем, глаголя: приидите да идем в Галгалы и обновим тамо царство. I Samuel 11:15 И идоша вси людие в Галгалы, и помаза тамо Самуил Саула на царство пред Господем в Галгалех. И пожроша тамо жертвы и мирная пред Господем, и возвеселися тамо Саул и вси мужие Израилевы зело. I Samuel 12:0 I Samuel 12:1 И рече Самуил ко всем мужем Израилевым: се, послушах гласа вашего о всех, елика ми ресте, и поставих над вами царя: I Samuel 12:2 и се, ныне царь предходит пред вами, аз же состарехся и седети буду, и сынове мои се с вами: и аз се, ходих пред вами от юности моея и даже до днешняго дне: I Samuel 12:3 се, аз, отвещайте на мя пред Господем и пред христом Его, еда у кого телца взях, или осля, или кого от вас насилствовах, или кого утесних, или от руку некоего приях мзду, или обущу? Извещайте на мя, и возвращу вам. I Samuel 12:4 И реша к Самуилу: не обидел еси нас, ниже насилствовал еси нам, ниже утеснил еси нас, ниже взял еси от руки чиея что. I Samuel 12:5 И рече Самуил к людем: свидетель есть Господь в вас, и свидетель христос Его днесь в сей день, яко ничтоже обретосте в руку моею. И реша людие: свидетель. I Samuel 12:6 И рече Самуил к людем, глаголя: свидетель Господь сотворивый Моисеа и Аарона и изведый от земли Египетския отцы нашя: I Samuel 12:7 и ныне предстаните, и разсуждуся с вами пред Господем и возвещу вам вся оправдания Господня, яже сотвори вам и отцем вашым: I Samuel 12:8 егда вниде Иаков и сынове его во Египет, и смириша их Египтяне: и возопиша отцы наши ко Господу, и посла Господь Моисеа и Аарона, и изведе отцы нашя из Египта и всели их на месте сем: I Samuel 12:9 и забыша Господа Бога своего, и вдаде я в руце Сисаре архистратигу Иавина царя Асорска, и в руки иноплеменничи, и в руки царя Моавска, и воеваша их: I Samuel 12:10 и возопиша ко Господу и реша: согрешихом, яко оставихом Господа и поработахом Ваалиму и Дубравам, и ныне изми ны от рук враг наших, и поработаем Тебе: I Samuel 12:11 и посла Господь Иероваала и Варака и Иеффая и Самуила, и изят вы из рук враг ваших окрестных, и обитасте уповающе: I Samuel 12:12 и весте, яко Наас царь сынов Аммоних прииде на вы, и ресте: ни, но царь да царствует над нами: егда Господь Бог царствова над вами: I Samuel 12:13 и се, ныне царь, егоже избрасте и егоже просисте: и се, даде Господь над вами царя: I Samuel 12:14 аще убоитеся Господа и поработаете Ему, и послушаете гласа Его и не воспротивитеся устом Господним, и будете и вы и царь царствуяй над вами вслед Господа ходяще: то рука Господня не будет на вас: I Samuel 12:15 аще же не послушаете гласа Господня и воспротивитеся устом Господним, будет рука Господня на вас и на царя вашего: I Samuel 12:16 и ныне станите и видите глаголгол сей великий, егоже сотворит Господь пред очима вашима: I Samuel 12:17 несть ли жатва пшеницы днесь? Призову Господа, и даст громы и дождь, и уразумеете и увидите, яко злоба ваша велика, юже сотвористе пред Господем, испросивше себе царя. I Samuel 12:18 И призва Самуил Господа, и даде Господь гром и дождь в той день: и убояшася вси людие зело Господа и Самуила, I Samuel 12:19 и реша вси людие к Самуилу: помолися о рабех твоих ко Господу Богу твоему, да не умрем: яко приложихом ко всем грехом нашым злобу, просяще себе царя. I Samuel 12:20 И рече Самуил к людем: не бойтеся: вы сотвористе всю злобу сию: токмо не уклонитеся от последования Господня и поработайте Господу всем сердцем вашим, I Samuel 12:21 и не преступите вслед ничтоже сущих, иже не пособствуют и не изимут, яко ничтоже суть: I Samuel 12:22 понеже не отринет Господь людий Своих имене ради Своего великаго, яко кротце Господь прият вас Себе в люди: I Samuel 12:23 и да никакоже ми согрешити Господу, оставити еже молитися о вас ко Господу, и поработаю Господеви и покажу вам путь благ и прав, I Samuel 12:24 токмо бойтеся Господа и работайте Ему во истине и всем сердцем вашим, яко видите яже великая сотвори Господь с вами: I Samuel 12:25 и аще злобою зло сотворите, то вы и царь ваш погибнете. I Samuel 13:0 I Samuel 13:1 Сын единаго лета Саул, егда нача царствовати, и два лета царствова над Израилем. I Samuel 13:2 И избра себе Саул три тысящы мужей от мужей Израилевых, и быша с Саулом две тысящы в Махмасе и в горе Вефили, и тысяща беша со Ионафаном в Гаваи Вениаминове: и останок людий отпусти коегождо во своя селения. I Samuel 13:3 И порази Ионафан насива иноплеменника иже в холме. И услышаша иноплеменницы, и Саул воструби трубою во всю землю, глаголя: отвергошася раби. I Samuel 13:4 И слыша весь Израиль глаголющих, яко порази Саул насива иноплеменника, и омерзе Израиль во иноплеменницех. И собрашася людие вслед Саула в Галгалех. I Samuel 13:5 И иноплеменницы собрашася на брань на Израиля: и приидоша на Израиля тридесять тысящ колесниц и шесть тысящ конник и множество людий, яко песок иже при мори: и шедше ополчишася в Махмасе противу Вефорону на юг. I Samuel 13:6 И видеша мужие Израилевы, яко не могоша противу стати, и скрышася людие в вертепех и в оградех и в камениих и в пропастех и во рвах: I Samuel 13:7 и преходяще преидоша Иордан в землю Гадову и Галаадску. И Саул бяше еще в Галгалех, и вси людие ужасошася, иже бяху с ним. I Samuel 13:8 И ждаше седмь дний по свидетелству, якоже рече Самуил, и не прииде Самуил в Галгалы: и разсеяшася людие его от него. I Samuel 13:9 И рече Саул: приведите, яко да сотворю всесожжение и мирная. И вознесе всесожжение. I Samuel 13:10 И бысть егда соверши вознося всесожжение, и се, Самуил прииде: и Саул изыде на сретение ему благословитися им. I Samuel 13:11 И рече Самуил: что сотворил еси? И рече Саул: видех, яко отидоша людие от мене, и ты не пришел еси, якоже определил еси свидетелством дний, иноплеменницы же собрашася в Махмас, I Samuel 13:12 и рех: ныне приидут иноплеменницы ко мне в Галгалы, и лица Господня не умолих: и не удержахся, и вознесох всесожжение. I Samuel 13:13 И рече Самуил к Саулу: безумие бысть тебе, понеже не сохранил еси заповеди моея, юже заповеда ти Господь: яко ныне уготовал бы Господь царство твое во Израили до века: I Samuel 13:14 и ныне царство твое не станет тебе, и изыщет Господь Себе человека по сердцу Своему, и повелит ему Господь властелину быти над людьми Своими, яко не сохранил еси, елика заповеда тебе Господь. I Samuel 13:15 И воста Самуил и иде от Галгал в путь свой: и останок людий идоша вслед Саула на сретение людем ратным. Имже приходящым от Галгал в Гаваю Вениаминову, и сочте Саул люди обретшыяся с ним яко шесть сот мужей. I Samuel 13:16 Саул же и Ионафан сын его и людие обретшиися с ними седоша в Гаваи Вениаминове и плакашася: иноплеменницы же ополчишася в Махмасе. I Samuel 13:17 И изыдоша губящии от села иноплеменников тремя началы: начало едино зрящее путь Гофера на землю Совалю: I Samuel 13:18 и начало едино зрящее путь Вефоронь: и начало едино зрящее путь Гаваи, клонящийся к Гаисавим пустыни. I Samuel 13:19 И ковачь железа не обреташеся во всей земли Израилеве, яко реша иноплеменницы, да не сотворят Еврее меча и копия. I Samuel 13:20 И хождаху вси сынове Израилевы в землю иноплеменничу ковати кийждо своя косы и орудия своя, и кийждо секиры своя и серпы своя. I Samuel 13:21 И притупишася вся орудия приспевшей жатве, секиры и серпы, поправления же има не бысть. I Samuel 13:22 И бысть во дни брани Махмасския, и не обретеся меча и копия в руках всех людий, иже с Саулом и со Ионафаном: точию у Саула и Ионафана сына его. I Samuel 13:23 И изыдоша от стана иноплеменнича об ону страну Махмаса. I Samuel 14:0 I Samuel 14:1 И бысть во един день, и рече Ионафан сын Саулов отрочищу носящему оружие его: гряди, и прейдем в мессаву иноплеменников иже на оней стране. И отцу своему не возвести сего. I Samuel 14:2 И Саул седяше на верху холма под древом яблонным еже в Магдоне, и бяше с ним яко шесть сот мужей. I Samuel 14:3 И Ахиа сын Ахитов, брата Иохаведова, сына Финеесова, сына Илии, иерей Божий в Силоме нося ефуд: и людие не ведяху, яко отиде Ионафан. I Samuel 14:4 Посреде же прехода, идеже хотяше Ионафан прейти в стан иноплеменничь, бысть камень острый отсюду и камень острый отюнуду: имя единому Васес и другому Сенна: I Samuel 14:5 камень един стояше от севера противу Махмаса, и камень вторый от юга противу Гаваи. I Samuel 14:6 И рече Ионафан ко отрочищу носящему оружие его: гряди, прейдем в мессаву необрезанных сих, негли что сотворит нам Господь, яко несть Господу не удобно спасти во многих или в малых. I Samuel 14:7 И рече ему носяй оружие его: твори все, на неже сердце твое склоняется: се, аз с тобою есмь, якоже сердце твое сердце мое. I Samuel 14:8 И рече Ионафан: се, мы прейдем к мужем и явимся к ним: I Samuel 14:9 аще сия рекут к нам: помедлите тамо, дондеже возвестим вам: то постоим сами на месте своем и не пойдем к ним: I Samuel 14:10 аще же к нам сице рекут: взыдите к нам: то взыдем, яко предаде их Господь в руки нашя: сие нам знамение (да будет). I Samuel 14:11 И внидоста оба в мессаву иноплеменников. И глаголаша иноплеменницы: се, Еврее исходят из разселин своих, идеже скрышася. I Samuel 14:12 И отвещаша мужие мессавли ко Ионафану и к носящему оружие его, и реша: взыдите к нам, и явим вам глагол. И рече Ионафан к носящему оружие его: гряди по мне, яко предаде их Господь в руки Израилевы. I Samuel 14:13 И взыде Ионафан (ползущь) на руках и на ногах своих, и носяй оружие его за ним. И узреша иноплеменницы лице Ионафане, и порази их: и носяй оружие его идяше вслед его. I Samuel 14:14 И бысть язва первая, еюже порази Ионафан и носяй оружие его, яко двадесять мужей копийцами и каменовержением и кремением полевым. I Samuel 14:15 И бысть ужас в полце и на селе: и вси людие иже в мессаве и губящии ужаснушася, и тии не хотяху братися: и вострепета земля, и бысть ужас от Господа. I Samuel 14:16 И видеша соглядатае Сауловы в Гаваи Вениамини, и се, полк смятеся семо и онамо. I Samuel 14:17 И рече Саул людем сущым с ним: разсмотрите ныне и видите, кто отиде от вас. И разсмотриша, и се, не обретеся Ионафан и носяй оружие его. I Samuel 14:18 И рече Саул ко Ахии: принеси ефуд, яко бе кивот Божий в той день с сынми Израилевыми. I Samuel 14:19 И бысть егда глаголаше Саул ко иерею, и шум в полце иноплеменничи ходя идяше и множашеся. И рече Саул ко иерею: пригни руки твоя. I Samuel 14:20 И изыде Саул и вси людие иже с ним, и изыдоша до сечи. И се, бысть оружие коегождо на ближняго своего, (и бысть) мятеж велик зело. I Samuel 14:21 Но и раби, иже быша со иноплеменники вчера и третияго дне, вшедшии в полк, обратишася и тии еже быти им со Израилтяны сущими с Саулом и со Ионафаном. I Samuel 14:22 И вси Израилтяне скрывшиися в горе Ефремли услышаша, яко отбегоша иноплеменницы: приложишася и тии вслед их на брань. I Samuel 14:23 И спасе Господь в той день Израиля: брань же пройде даже до Вамофа: и вси людие бяху с Саулом, яко десять тысящ мужей, и бе брань разсыпана во весь град на горе Ефремли. I Samuel 14:24 И Саул сотвори безумие велие в день той, и закля люди, глаголя: проклят человек, иже ясти будет хлеб даже до вечера, дондеже отмщу врагом моим. И не вкусиша людие вси хлеба: I Samuel 14:25 и вся земля обедаше: и се, бяше дубрава пчелная пред лицем села: I Samuel 14:26 и внидоша людие во пчелник, и се, исхождаху глаголюще: (яко истече мед,) и не бе возвращающаго руки своея ко устом своим, яко убояшася людие клятвы Господни. I Samuel 14:27 Ионафан же не слышаше, егда заклинаше отец его люди: и простре конец жезла своего, иже в руку ему, и омочи его в соте медвене, и обрати руку свою во уста своя, и прозреша очи его. I Samuel 14:28 И рече един от людий, глаголя: кленый прокля отец твой люди, глаголя: проклят человек, иже ясти будет хлеб в день сей: и изнемогоша людие. I Samuel 14:29 И уразуме Ионафан и рече: смути отец мой землю: виждь, яко прозреша очи мои, егда вкусих мало от меда сего: I Samuel 14:30 о, дабы яли ядуще днесь людие от корыстей врагов своих, ихже обретоша, множайшая бы днесь язва была во иноплеменницех. I Samuel 14:31 И поразиша в день той от иноплеменников множае нежели в Махмасе: и утрудишася людие зело. I Samuel 14:32 И устремишася людие на корысти, и пояша людие стада и буйволы и говяда: и закалаху на земли, и ядоша людие с кровию. I Samuel 14:33 И возвестиша Саулу, глаголюще: согрешиша людие ко Господу, ядуще с кровию. И рече Саул: от гефема привалите мне семо камень велий. I Samuel 14:34 И рече Саул: шедше к людем рцыте им: да принесет кийждо семо телца своего и кийждо овцу свою, и да заколют на камени сем, и ядите я, и не согрешайте Господу ядуще с кровию. И приведоша нощию вси людие свое кийждо, еже имяше в руце своей, и закалаху тамо. I Samuel 14:35 И созда Саул тамо олтарь Господу: сей нача Саул созидати олтарь Господу. I Samuel 14:36 И рече Саул: снидем вслед иноплеменник нощию, и расхитим их, дондеже заря будет, и не оставим от них мужа. И реша: все еже благо пред очима твоима, твори. И рече иерей: приступим семо к Богу. I Samuel 14:37 И вопроси Саул Бога: сниду ли вслед иноплеменников? Предаси ли их в руки Израилтяном? И не отвеща ему Господь в день той. I Samuel 14:38 И рече Саул: приведите семо вся колена Израилева, и уразумейте и увеждьте, на ком бысть грех сей днесь, I Samuel 14:39 яко жив Господь спасый Израиля, яко аще ответ будет на Ионафана сына моего, смертию да умрет. И не бе отвещающаго от всех людий. I Samuel 14:40 И рече Саул всему Израилю: вы станите на едину страну, аз же и Ионафан сын мой станем на другую страну. И реша людие к Саулу: еже благо пред тобою, твори. I Samuel 14:41 И рече Саул: Господи Боже Израилев, что яко не отвещал еси рабу Твоему днесь? Или моя есть, или сына моего Ионафана неправда? Господи Боже Израилев, даждь знамение: и аще речеши сия, даждь ныне людем Твоим Израилю, даждь ныне преподобие. И паде жребий на Ионафана и Саула, и людие изыдоша. I Samuel 14:42 И рече Саул: верзите жребий на мя и на Ионафана сына моего: егоже объявит Господь, смертию да умрет. И реша людие к Саулу: несть сей глагол. И преможе Саул люди, и вергоша о нем и Ионафане сыне его, и паде на Ионафана жребий. I Samuel 14:43 И рече Саул ко Ионафану: возвести ми, что сотворил еси? И возвести ему Ионафан и рече: вкушая вкусих мало меду омочив конец жезла, иже в руку моею, и се, аз умираю. I Samuel 14:44 И рече ему Саул: сия да сотворит ми Бог, и сия да приложит ми, яко смертию умреши днесь. I Samuel 14:45 И реша людие к Саулу: еда днесь умрет сотворивый спасение сие велие во Израили? Не буди то, жив Господь, аще падет влас главы его на землю, яко милость Божию сотвори в день сей. И помолишася людие о Ионафане в день той, и не умре. I Samuel 14:46 И не иде Саул вслед иноплеменников: иноплеменницы же отидоша в место свое. I Samuel 14:47 И Саул укрепися царствовати во Израили, и побеждаше окрест вся враги своя в Моаве и в сынех Аммоних и в сынех Едомлих и в Вефоре и в царствии Сувани и во иноплеменницех: и аможе аще обращашеся, спасашеся. I Samuel 14:48 И сотвори силу, и победи Амалика, и избави Израиля из руки попирающих его. I Samuel 14:49 И беша сынове Сауловы Ионафан и Иисуй и Мелхисуе: имена же двою дщерию его, имя первородней Мерова и имя вторей Мелхола: I Samuel 14:50 имя же жене его Ахиноома, дщерь Ахимаасова: и имя старейшине вой его Авенир сын Нира сына ужика Саулова: I Samuel 14:51 Кис же отец Саулов, и Нир отец Авениров сын иамина сына Авиилева. I Samuel 14:52 И бе брань крепка на иноплеменники во вся дни Сауловы: и видев Саул всяка мужа сильна и всяка мужа сына силы, собираше их к себе. I Samuel 15:0 I Samuel 15:1 И рече Самуил к Саулу: посла мя Господь помазати тя на царство в людех Его во Израили: и ныне послушай гласа словес Господних: I Samuel 15:2 сия рече Господь Саваоф: ныне отмщу, яже сотвори Амалик Израилю, егда срете его на пути, восходящу ему от Египта: I Samuel 15:3 и ныне ты иди, и поразиши Амалика и Иерима, и вся яже суть его, и не снабдиши от них (ничтоже), и искорениши его: и прокленеши его и вся сущая его, и не пощадиши его: и да убиеши от мужеска полу и до женска и от юнош и до ссущих млеко, и от говяд до овец и от велблюд до ослят. I Samuel 15:4 И собра люди Саул и сочте я в Галгалех двесте тысящ пеших и десять тысящ от Иуды в полцех: I Samuel 15:5 и прииде Саул до градов Амаликовых и засяде в потоце. I Samuel 15:6 И рече Саул ко Кинеови: иди и уклонися от среды Амалика, да не погублю тя с ним, ты бо сотворил еси милость с сынми Израилевыми, егда исхождаху из Египта. И уклонися Киней от среды Амалика. I Samuel 15:7 И порази Саул Амалика от Евилы даже до Сура, иже пред лицем Египта: I Samuel 15:8 и ят Агага царя Амаликова жива, и вся люди изби, и Иерима уби мечем. I Samuel 15:9 И сохрани Саул и вси людие Агага царя жива и благая от стад и буйволов, и снедей (и одежд), и виноградов и от всех благих: и не хотяху искоренити я, точию хуждшее и уничиженое истребиша. I Samuel 15:10 И бысть глаголгол Господень к Самуилу, глаголя: I Samuel 15:11 раскаяхся, яко помазах Саула на царство, понеже отвратися от Мене и словес Моих не соблюде. И опечалися Самуил и вопияше ко Господу всю нощь. I Samuel 15:12 И воста рано Самуил, и идяше на сретение Израилтяном рано. И возвестиша Самуилу, глаголюще: идет Саул в Кармил, и се, воздвиже руку себе, и возврати колесницу, и сниде в Галгалы. И прииде Самуил к Саулу, и се, той возношаше всесожжение Господу, первая от корыстей, ихже взя от Амаликов. I Samuel 15:13 И прииде Самуил к Саулу, и рече ему Саул: благословен ты Господу, сотворих бо вся, елика (ми) глагола Господь. I Samuel 15:14 И рече Самуил: и кий глас стад сих во ушию моею, и глас говяд, егоже аз слышу? I Samuel 15:15 И рече Саул: от Амалика пригнах я, ихже сохраниша людие лучшая от стад и от волов, еже пожрети я Господу Богу твоему, прочая же избих. I Samuel 15:16 И рече Самуил к Саулу: потерпи, и возвещу ти, яже глагола Господь ко мне нощию. I Samuel 15:17 И рече ему (Саул): глаголи. И рече Самуил к Саулу: еда не мал был еси ты пред Ним, и не властелина ли тя постави хоругви колена Израилева? И помаза тя Господь на царство Израилево: I Samuel 15:18 и посла тя Господь путем и рече тебе: иди и искорени Амалика, и погуби согрешших предо Мною, и воюй их, дондеже скончаеши их: I Samuel 15:19 и почто не послушал еси гласа Господня по всему, елико глагола тебе, но устремился еси на корысти и сотворил еси лукавое пред Господем? I Samuel 15:20 И рече Саул к Самуилу: послушах гласа людий и идох путем, имже посла мя Господь, и приведох Агага царя Амаликова, и Амалики искорених: I Samuel 15:21 и взяша людие корысти от стад и буйволы, первая от истребляемых на пожрение Господу Богу нашему в Галгалех. I Samuel 15:22 И рече Самуил: еда угодны Господу всесожжения и жертвы, якоже послушати гласа Господня? Се, послушание паче жертвы благи, и покорение паче тука овня: I Samuel 15:23 якоже грех есть чарование, тако (грех есть) противление, и якоже грех есть идолопоклонение, тако непокорение: понеже уничижил еси глаголгол Господень, и уничижит тя Господь не быти тебе царем во Израили. I Samuel 15:24 И рече Саул к Самуилу: согреших, яко преступих слово Господне и глагол твой, убояхся бо людий и послушах гласа их: I Samuel 15:25 и ныне возми грех мой и возвратися со мною, да поклонюся Господу Богу твоему. I Samuel 15:26 И рече Самуил к Саулу: не возвращуся с тобою, яко уничижил еси глаголгол Господень, и уничижит тя Господь не быти тебе царем во Израили. I Samuel 15:27 И отврати Самуил лице свое еже отити: и ят Саул за воскрилие ризы его и раздра е. I Samuel 15:28 И рече ему Самуил: раздра Господь царство Израилево от руку твоею днесь, и даст е ближнему твоему, лучшему паче тебе, I Samuel 15:29 и разделится Израиль на двое: и не обратится, ниже раскается Святый Израилев, занеже не яко человек есть, еже раскаятися Ему, запретит, и не пребудет. I Samuel 15:30 И рече Саул: согреших, но прослави мя ныне пред старейшины Израилевы и пред людьми моими, и возвратися со мною, и поклонюся Господу Богу твоему. I Samuel 15:31 И возвратися Самуил вслед Саула, и поклонися Саул Господу. I Samuel 15:32 И рече Самуил: приведите ми Агага царя Амаликова. И прииде к нему Агаг трепеща, и рече Агаг: тако ли горька смерть? I Samuel 15:33 И рече Самуил ко агагу: якоже обезчадствова жен оружие твое, тако обезчадится в женах мати твоя. И закла Самуил Агага пред Господем в Галгалех. I Samuel 15:34 И отиде Самуил во Армафем: и Саул отиде в дом свой в Гаваю. I Samuel 15:35 И не приложи Самуил ктому видети Саула даже до дне смерти своея, понеже плакаше Самуил о Сауле, занеже раскаяся Господь, яко постави Саула царя во Израили. I Samuel 16:0 I Samuel 16:1 И рече Господь к Самуилу: доколе ты плачеши о Сауле, Аз же уничижих его, не царствовати во Израили? Наполни рог твой елеа и прииди, послю тя ко Иессею до Вифлеема, яко узрех в сынех его Себе царя. I Samuel 16:2 И рече Самуил: како пойду? И услышит Саул, и убиет мя. И рече Господь: юницу от волов возми в руце твои и речеши: пожрети Господеви иду: I Samuel 16:3 и призовеши Иессеа и сыны его к жертве: и Аз ти покажу, яже сотвориши, и помажеши Ми, егоже ти реку. I Samuel 16:4 И сотвори Самуил вся, елика рече ему Господь: и прииде в Вифлеем, и ужасошася старейшины града о пришествии его и реша: мир ли вход твой, о, прозорливче? I Samuel 16:5 И рече: мир: пожрети Господу приидох: освятитеся и возвеселитеся днесь со мною. И освяти Иессеа и сыны его, и призва я к жертве. I Samuel 16:6 И бысть внегда внити им, и виде Елиава и рече: сей ли пред Господем помазанник Его? I Samuel 16:7 И рече Господь Самуилу: не зри на лице его, ниже на возраст величества его, яко уничижих его: понеже не тако зрит человек, яко зрит Бог: яко человек зрит на лице, Бог же зрит на сердце. I Samuel 16:8 И призва Иессей Аминадава и представи его пред лице Самуила. И рече (Самуил): ниже сего избра Господь. I Samuel 16:9 И приведе Иессей Саммаа. И рече: и сего не избра Господь. I Samuel 16:10 И приведе Иессей седмь сынов своих пред Самуила. И рече Самуил ко Иессею: не избра Господь от сих. I Samuel 16:11 И рече Самуил ко Иессею: не достало ли уже детей? И рече Иессей: еще есть един мал, и сей пасет на пажити. И рече Самуил ко Иессею: посли и приведи его, яко не возляжем, дондеже приидет той семо. I Samuel 16:12 И посла, и введе его: и той чермен, добрыма очима, и благ взором Господеви. И рече Господь к Самуилу: востани и помажи Давида, яко сей благ есть. I Samuel 16:13 И прия Самуил рог со елеем и помаза его посреде братии его. И ношашеся Дух Господень над Давидом от того дне и потом. И воста Самуил и отиде во Армафем. I Samuel 16:14 И Дух Господень отступи от Саула, и давляше его дух лукавый от Господа. I Samuel 16:15 И реша отроцы Сауловы к нему: се, ныне дух лукавый от Господа давит тя: I Samuel 16:16 да рекут раби твои ныне пред тобою, и взыщут господину нашему мужа знающа пети в гусли: и внегда будет дух лукавый на тебе, и тогда да поет в гусли своя, и благо ти будет, и упокоит тя. I Samuel 16:17 И рече Саул ко отроком своим: посмотрите ми мужа добре поюща и введите его ко мне. I Samuel 16:18 И отвеща един от отрок его и рече: се, видех сына Иессеова из Вифлеема, и той весть пение, и муж разумен, и борец, и мудр в словеси, и муж благ видом, и Господь с ним. I Samuel 16:19 И посла Саул вестники ко Иессею, глаголя: отпусти ко мне Давида сына твоего, иже у стада твоего. I Samuel 16:20 И взя Иессей бремя хлебов и мех вина и козля от коз едино, и посла к Саулу рукою Давида сына своего. I Samuel 16:21 И вниде Давид к Саулу, и предстояше пред ним, и возлюби его зело Саул, и бысть ему носяй оружие его. I Samuel 16:22 И посла Саул ко Иессею, глаголя: да предстоит Давид предо мною, яко обрете благодать пред очима моима. I Samuel 16:23 И бысть внегда быти духу лукаву на Сауле, и взимаше Давид гусли и играше рукою своею, и отдыхаше Саул, и благо ему бяше, и отступаше от него дух лукавый. I Samuel 17:0 I Samuel 17:1 И собираша иноплеменницы полки своя на брань, и собрашася в Сокхофе Иудейстем, и ополчишася среде Сокхофа и среди Азика во Афесдоммине. I Samuel 17:2 Саул же и мужие Израилевы собрашася и ополчишася во удоли Теревинфа и устрояхуся на брань противу иноплеменником. I Samuel 17:3 И иноплеменницы стояху на горе отсюду особь, Израиль же стояше на горе отюнуду, и удоль между ими бяше. I Samuel 17:4 И изыде муж силен из полка иноплеменнича, имя ему Голиаф от Гефа, высота его шесть лакот и пядь: I Samuel 17:5 и шлем медян на главе его, и в броню кольчату той оболчен бяше: и вес брони его пять тысящ сикль меди и железа: I Samuel 17:6 и поножы медяны верху голений его, и щит медян на плещах его: I Samuel 17:7 и ратовище копия его аки орудие ткущих, и копие его шесть сот сикль железа: и носяй оружие его идяше пред ним. I Samuel 17:8 И ста и возопи пред полки Израилевыми и рече им: почто изыдосте, ополчитися ли на брань противу нам? Несмь ли аз иноплеменник, вы же Еврее Сауловы? Изберите себе мужа, и да снидет ко мне: I Samuel 17:9 и аще возможет со мною братися и одолеет ми, будем вам раби: аще же аз возмогу одолети ему, будете вы нам раби и поработаете нам. I Samuel 17:10 И рече иноплеменник: се, аз днесь уничижих полк Израилев в сей день: дадите ми мужа, иже поборется со мною един. I Samuel 17:11 И слыша Саул и весь Израиль глаголы иноплеменничи сия и ужасошася и убояшася зело. I Samuel 17:12 Давид же Ефрафеев, сей бе от Вифлеема Иудина, имя же отцу его Иессей, емуже бе осмь сынов. Во дни же Сауловы бе муж той состареся в мужех. I Samuel 17:13 И идоша три сыны Иессеевы старейшии на брань с Саулом: имена же сынов его пошедших на брань, Елиав первородный его, и вторый Аминадав, и третий Самма. I Samuel 17:14 Давид же бе юнейший, и три болшии его идоша вслед Саула. I Samuel 17:15 Давид же возвратився от Саула, отиде пасти овцы отца своего в Вифлеем. I Samuel 17:16 И прихождаше иноплеменник утро и в вечер, являяся пред Израилем четыредесять дний. I Samuel 17:17 И рече Иессей Давиду сыну своему: возми убо братиям твоим меру ефи муки и десять хлеб сих, и иди в полк, и даждь братиям твоим: I Samuel 17:18 и десять сыров от млека сего, и даждь тысящнику: и братию свою посети в мире, и еликих аще требуют, увеси, субботствовати же будеши со мною. I Samuel 17:19 Саул же и вси людие бяху во удоли дуба ратующеся со иноплеменники. I Samuel 17:20 И воста Давид рано, овцы же остави со стражею, и взя, и отиде, якоже заповеда ему отец его Иессей: и прииде на место, идеже исхождаху сильнии на брань и вопияху в полцех. I Samuel 17:21 Занеже вооружашеся Израиль противу иноплеменником, и иноплеменницы вооружахуся противу Израиля. I Samuel 17:22 И положи Давид бремя свое в руках стража, и тече в полк, и пришед вопроси братию свою в мире. I Samuel 17:23 Глаголющу же ему с ними, и се, муж месейский, емуже имя Голиаф, Филистимлянин от Гефы, изыде от полков иноплеменничих и глагола по словесем сим, и услыша Давид. I Samuel 17:24 И вси мужие Израилевы егда увидеша мужа, и бежаша от лица его и убояшася зело. I Samuel 17:25 И реша мужие Израилтестии: видесте ли мужа сего восходяща, яко поносити Израиля прииде? И аще будет муж, иже убиет его, обогатит его царь богатством велиим, и дщерь свою даст ему, и дом отца его сотворит свободен во Израили. I Samuel 17:26 И рече Давид к мужем стоящым с ним, глаголя: что сотворите мужу, иже убиет иноплеменника онаго и отимет поношение от Израиля? Яко кто есть иноплеменник необрезанный сей, иже поносит полку Бога живаго? I Samuel 17:27 И рекоша ему людие по словеси сему, глаголюще: тако сотворится мужу, иже убиет его. I Samuel 17:28 И услыша Елиав брат его болший, внегда глаголати ему к мужем: и разгневася яростию Елиав на Давида и рече: почто семо пришел еси? И кому оставил еси малыя овцы оны в пустыни? Вем аз гордость твою и злобу сердца твоего, яко видения ради брани пришел еси. I Samuel 17:29 И рече Давид: что сотворих ныне? Несть ли речь? I Samuel 17:30 И отвратися от него ко иному и рече по словеси сему. И отвещаша ему людие по словеси прежнему. I Samuel 17:31 И слышаны быша глаголы, ихже глагола Давид, и возвестиша пред Саулом: и пояша его людие и приведоша его пред Саула. I Samuel 17:32 И рече Давид к Саулу: да не ужасается сердце господину моему о сем, раб твой пойдет и поборется со иноплеменником сим. I Samuel 17:33 И рече Саул к Давиду: не возможеши пойти ко иноплеменнику сему братися с ним, яко ты детищь еси, сей же муж борец есть от юности своея. I Samuel 17:34 И рече Давид к Саулу: егда пасяше раб твой отца своего стадо, и егда прихождаше лев или медведица и восхищаше от стада овцу едину: I Samuel 17:35 и аз вслед его исхождах и поражах его, и исторгах из уст его (взятое): и аще воспротивляшеся ми, то взем за гортань его, поражах и умерщвлях его: I Samuel 17:36 и льва и медведицу бияше раб твой, и будет иноплеменник необрезанный сей яко един от сих: не поиду ли, и поражу его, и отиму днесь поношение от Израиля? Понеже кто необрезанный сей, иже уничижи полк Бога жива? I Samuel 17:37 И рече Давид: Господь иже изят мя от руки львовы и от руки медведицы, той измет мя от руки иноплеменника сего необрезаннаго. И рече Саул к Давиду: иди, и да будет Господь с тобою. I Samuel 17:38 И облече Саул Давида одеждею, и шлем медян возложи на главу его, I Samuel 17:39 и препояса Давида оружием своим верху одежды его. Давид же походив (во оружии) семо и овамо, утрудися, яко не обыче. И рече Давид Саулу: не могу ити в сих, яко не обыкох. И взяша от него сия. I Samuel 17:40 И взя палицу свою в руку свою, и избра себе пять камений гладких от потока, и вложи я в тоболец пастырский егоже ношаше, и пращу свою имый в руце своей, и иде к мужу иноплеменнику. I Samuel 17:41 И идяше иноплеменник приближаяся к Давиду, и носяй оружие его пред ним (идяше). I Samuel 17:42 И виде Голиаф иноплеменник Давида и обезчествова его, зане той детищь бе, и чермен и леп очима. I Samuel 17:43 И рече иноплеменник к Давиду: еда пес аз есмь, яко ты идеши противу мене с палицею и камением? И рече Давид: ни, но и хуждший пса. И прокля иноплеменник Давида боги своими. I Samuel 17:44 И рече иноплеменник к Давиду: гряди ко мне, и дам плоть твою птицам небесным и зверем земным. I Samuel 17:45 И рече Давид иноплеменнику: ты идеши на мя с мечем и с копием и щитом, аз же иду на тя во имя Господа Бога Саваофа, Бога ополчения Израилева, егоже ты уничижил еси днесь: I Samuel 17:46 и предаст тя Господь днесь в руце мои, и убию тя, и отиму главу твою от тебе, и дам тело твое и телеса полка иноплеменнича в день сей птицам небесным и зверем земным: и уразумеет вся земля, яко есть Господь Бог во Израили, I Samuel 17:47 и уразумеет весь сонм сей, яко не мечем ни копием спасает Господь, яко Господня брань, и предаст Господь вас в руки нашя. I Samuel 17:48 И воста иноплеменник и иде во сретение Давиду. И ускори Давид и тече на сражение во сретение иноплеменнику. I Samuel 17:49 И простре Давид руку свою в тоболец, и изя из него камень един, (и вложи в пращу,) и верже пращею, и порази иноплеменника в чело его, и унзе камень под шлемом его в чело его, и паде (Голиаф) на лицы своем на землю. I Samuel 17:50 И укрепися Давид над иноплеменником пращею и каменем, и порази иноплеменника, и умертви его: оружия же не бе в руце Давидове. I Samuel 17:51 И тече скоро Давид, и ста над ним, и взя мечь его, и извлече его от недр его, и умертви его, и отсече им главу его. И видеша иноплеменницы, яко умре сильный их, и бежаша. I Samuel 17:52 И восташа мужие Израилевы и Иудины и воскликнуша, и погнаша созади их даже до входа Гефова и до врат Аскалонских: и падоша уязвленни (мнози) иноплеменницы по пути врат и даже до Гефа и Аккарона. I Samuel 17:53 И возвратишася мужие Израилевы гнавшии вслед иноплеменник, и потопташа полки их. I Samuel 17:54 И взя Давид главу иноплеменника и внесе ю во Иерусалим, и оружие его положи во храмине своей. I Samuel 17:55 И егда виде Саул Давида исходяща во сретение иноплеменника, рече ко Авениру князю силы: чий есть сын юноша сей, Авенире? И рече Авенир: да живет душа твоя, царю, яко не вем. I Samuel 17:56 И рече царь: вопроси убо ты, чий есть сын юноша сей? I Samuel 17:57 Егда же возвратися Давид по убиении иноплеменника, взя его Авенир и приведе его пред Саула: глава же иноплеменнича бе в руце его. I Samuel 17:58 И рече к нему Саул: чий еси сын, юноше? И рече Давид: сын раба твоего Иессеа от Вифлеема. I Samuel 18:0 I Samuel 18:1 И бысть егда преста глаголати к Саулу, и душа Ионафана с душею Давидовою спряжеся, и возлюби его Ионафан от души своея. I Samuel 18:2 И поят его Саул во дни оны и не даде ему возвратитися в дом отца его. I Samuel 18:3 И завеща Ионафан и Давид завет, понеже возлюби его от души своея: I Samuel 18:4 и совлече Ионафан ризу свою верхнюю и даде ю Давиду, и ины одежды своя даже до меча своего и до лука своего и до пояса своего. I Samuel 18:5 И хождаше Давид разумно во всех, аможе аще посылаше его Саул: постави же его Саул над мужи воинскими, и угоден бе пред очима всех людий и пред слугами Сауловыми. I Samuel 18:6 И бысть, внегда входити им, егда возвратися Давид от победы над иноплеменником: и изыдоша (девы) ликовствующыя во сретение Саула царя от всех градов Израилевых поющя и скачущя в тимпанех с радостию и с гусльми. I Samuel 18:7 И исхождаху жены ликующя и глаголющя: победи Саул с тысящами своими, а Давид со тмами своими. I Samuel 18:8 И разгневася Саул зело, и лукавы явишася глаголы пред очима сауловыма о словеси сем. И рече Саул: Давиду даша тмы, мне же даша тысящы: и чего ему (несть), точию царства? I Samuel 18:9 И бе Саул подзирая Давида от дне онаго и потом. I Samuel 18:10 И бысть от утрешняго дне, и нападаше дух лукавый от Бога на Саула, и прорицаше посреде дому своего: и Давид пояше рукою своею (в гусли), якоже и по вся дни: копие же в руце Саули: I Samuel 18:11 и взя Саул копие и рече: поражу Давида к стене. И уклонися Давид от лица его дважды. I Samuel 18:12 И убояся Саул от лица Давидова, яко Господь бе с ним, а от Саула отступи: I Samuel 18:13 и отстави его Саул от себе, и постави его себе тысященачалника: и исхождаше и вхождаше пред людьми. I Samuel 18:14 И бе Давид во всех путех своих смысля, и Господь бе с ним. I Samuel 18:15 И виде Саул, яко той смыслит зело, и бояшеся от лица его. I Samuel 18:16 Весь же Израиль и Иуда любляху Давида, яко той вхождаше и исхождаше пред лицем людий. I Samuel 18:17 И рече Саул к Давиду: се, дщи моя болшая Меров, сию тебе дам в жену, токмо буди ми в сына силы и поборай брани Господни. И Саул рече: да не будет рука моя на нем, но да будет рука иноплеменнича. I Samuel 18:18 И рече Давид к Саулу: кто аз есмь? И кое житие сродства отца моего во Израили, яко да буду зять царский? I Samuel 18:19 И бысть во время, егда даней быти подобаше Мерове дщери Саулове Давиду, сия дадеся Адриилу Молафитскому в жену. I Samuel 18:20 И возлюби Мелхола дщерь Саулова Давида: и возвестися Саулу, и угодно бысть пред очима его слово. I Samuel 18:21 И рече Саул: дам ему ю, и будет ему в соблазн. И бе на Саула рука иноплеменнича. И рече Саул к Давиду: в силах будеши ми зять днесь. I Samuel 18:22 И заповеда Саул отроком своим, глаголя: рцыте вы тайно Давиду, глаголюще: се, благоволит о тебе царь, и вси отроцы его любят тя, и ты буди зять царю. I Samuel 18:23 И глаголаша отроцы Сауловы во ушы Давиду глаголы сия. И рече Давид: еда легко пред очима вашима, еже быти (ми) зятем царю? Аз бо есмь муж смирен и не славен. I Samuel 18:24 И возвестиша отроцы Саулу сия словеса, яже глагола Давид. I Samuel 18:25 И рече Саул: тако рцыте Давиду: не хощет царь с богатством (зятя), но токмо во сте краенеобрезаний иноплеменнических отмстити врагом царевым. Саул бо мысляше вдати Давида в руце иноплеменником. I Samuel 18:26 И возвестиша отроцы Сауловы глаголы сия Давиду, и угодна быша словеса сия пред очима Давидовыма, еже быти в зятя царю. I Samuel 18:27 И не по мнозех днех, воста Давид и иде сам и мужие его с ним, и уби от иноплеменник двести мужей: и принесе краенеобрезания их царю и вдаде я ему, и бысть зять царю, и вдаде ему царь Мелхолу дщерь свою в жену. I Samuel 18:28 И виде Саул, яко Господь есть с Давидом, и весь Израиль любит его: I Samuel 18:29 и приложи Саул оттоле паче боятися Давида. И бысть Саул враждуя на Давида во вся дни. I Samuel 18:30 И исхождаху князи иноплеменничи, и бысть от начала исхождения их, Давид разумен бе паче всех слуг Сауловых, и почтеся имя его зело. I Samuel 19:0 I Samuel 19:1 И глагола Саул к Ионафану сыну своему и ко всем отроком своим, да умертвят Давида. Ионафан же сын Саулов любяше Давида зело. I Samuel 19:2 И возвести Ионафан Давиду, глаголя: отец мой Саул ищет тя убити: сохранися убо заутра рано, и скрыйся, и сяди втайне: I Samuel 19:3 и аз изыду, и стану при отце моем на селе, идеже еси ты: и аз возглаголю отцу моему о тебе, и узрю, что будет, и возвещу тебе. I Samuel 19:4 И глагола Ионафан о Давиде благая к Саулу отцу своему, и рече к нему: да не согрешает царь на раба своего Давида, яко не согреши пред тобою, и дела его блага суть зело: I Samuel 19:5 и положи душу свою в руце своей и победи иноплеменника, и сотвори Господь спасение велико всему Израилю, и вси видеша и возрадовашася: и почто согрешаеши в кровь неповинну, еже убити Давида туне? I Samuel 19:6 И послуша Саул гласа Ионафаня: и клятся Саул, глаголя: жив Господь, яко не умрет (Давид). I Samuel 19:7 И призва Ионафан Давида и возвести ему вся глаголы сия, и введе Ионафан Давида к Саулу, и бе пред ним яко вчера и третияго дне. I Samuel 19:8 И приложися брань быти на Саула, и укрепися Давид, и победи иноплеменники, и изби язвою великою зело, и бежаша от лица его. I Samuel 19:9 И бысть от Бога дух лукавый на Сауле, и той в дому своем седяше, и копие в руце его, Давид же играше руками своими: I Samuel 19:10 и искаше Саул копием поразити Давида, и отступи Давид от лица Сауля, и удари Саул копием в стену: Давид же отшед спасеся в нощь ту. I Samuel 19:11 И посла Саул вестники в дом Давидов стрещи его, еже убити его рано. И возвести Давиду Мелхола жена его, глаголющи: аще ты не спасеши души твоея в нощь сию, заутра умреши. I Samuel 19:12 И свеси Мелхола Давида оконцем, и отиде, и убежа, и спасеся: I Samuel 19:13 и прият Мелхола тщепогребалная, и положи на одре, и печень козию положи на возглавии его, и покры я ризами. I Samuel 19:14 И посла Саул вестники, да имут Давида, и рекоша, яко болен есть. I Samuel 19:15 И посла Саул, да оглядают Давида, глаголя: принесите его на одре ко мне, еже умертвити его. I Samuel 19:16 И приидоша слуги, и се, тщепогребалная на одре и козия печень при возглавии его. I Samuel 19:17 И рече Саул к Мелхоле: почто тако обманула мя еси, и отпустила еси врага моего, и гонзе мене? И рече Мелхола Саулу: сам ми рече: отпусти мя: аще же ни, погублю тя. I Samuel 19:18 И Давид убежа и спасеся, и иде к Самуилу во Армафем и поведа ему вся, елика сотвори ему Саул. И идоста Давид и Самуил и седоста в Навафе в Раме. I Samuel 19:19 И возвестиша Саулу, глаголюще: се, Давид в Навафе в Раме. I Samuel 19:20 И посла слуги Саул яти Давида, и видеша собор пророков, и Самуил стояше настоятель над ними: и бысть Дух Божий на слугах Саулих, и начаша прорицати. I Samuel 19:21 И возвестиша Саулу, и посла другия слуги, и прорицати начаша и тии. И приложи Саул послати слуги третия, и начаша и тии прорицати. I Samuel 19:22 И разгневася гневом Саул, и иде и сам во Армафем, и прииде даже до кладязя гумна, еже есть в Сефе, и вопроси и рече: где есть Самуил и Давид? И реша: се, в Навафе в Раме. I Samuel 19:23 И иде оттуду в Наваф (иже) в Раме: и бысть и на нем Дух Божий, и идяше идый и прорицая, дондеже приити ему в Наваф иже в Раме. I Samuel 19:24 И совлече ризы своя и прорицаше пред ними: и паде наг весь день той и всю нощь. Того ради глаголаху: еда и Саул во пророцех? I Samuel 20:0 I Samuel 20:1 И отбеже Давид от Навафа (иже) в Раме и прииде ко Ионафану и рече: что сотворих? И что неправда моя? И что согреших пред отцем твоим, яко ищет души моея? I Samuel 20:2 И рече ему Ионафан: никакоже, ты не умреши: се, не имать сотворити отец мой глагола велика, или мала, и не открыет уха моего: и что яко скрыет отец мой глагол сей от мене? Не буди сие. I Samuel 20:3 И отвеща Давид Ионафану и рече: ведая ведает отец твой, яко обретох благодать пред очима твоима, и глаголет: да не познает сего Ионафан, негли не восхощет: но жив Господь и жива душа твоя, зане якоже рекох, исполнися между мною и между отцем твоим даже до смерти. I Samuel 20:4 И рече паки Ионафан к Давиду: чесого желает душа твоя, и что сотворю тебе? I Samuel 20:5 И рече Давид ко Ионафану: се, новомесячие заутра, и аз седя не сяду с царем ясти, и послеши мя, и скрыюся на поли до вечера дне третияго: I Samuel 20:6 и аще смотря усмотрит мя отец твой, и речеши: прося упросися от мене Давид отити до Вифлеема града своего, яко жертва дний тамо всему племени: I Samuel 20:7 аще тако речет: благо: мир рабу твоему: аще же жестоко отвещает тебе, разумей, яко совершися злоба от него: I Samuel 20:8 и да сотвориши милость с рабом твоим, яко ввел еси в завет Господень раба твоего с собою: и аще есть неправда в рабе твоем, умертви мя ты, а ко отцу твоему почто тако имаши мя вводити? I Samuel 20:9 И рече Ионафан: никакоже (буди) тебе: егда аще разумевая уразумею, яко совершися злоба отца моего, еже приити на тебе, аще и не будеши во градех твоих, аз возвещу тебе. I Samuel 20:10 И рече Давид ко Ионафану: кто возвестит ми, аще отвещает отец твой жестоко? I Samuel 20:11 И рече Ионафан к Давиду: иди, и пребуди на поли. И идоста оба на поле. I Samuel 20:12 И рече Ионафан к Давиду: Господь Бог Израилев весть, яко искушу отца моего во время (сие) заутра, или третияго дне, и сие, аще благо будет о Давиде, и не имам послати к тебе на поле и возвестити сия во ушы твои: I Samuel 20:13 сия да сотворит Бог Ионафану и сия да приложит, аще не возвещу злая на тя, и открыю ухо твое, и отпущу тя, и отидеши в мире: и будет Господь с тобою, якоже бе со отцем моим: I Samuel 20:14 и аще убо еще жив буду аз, да сотвориши милость со мною: I Samuel 20:15 и аще смертию умру, да не отимеши милости твоея от дому моего до века: I Samuel 20:16 аще же ни, егда искоренит Господь враги Давидовы, коегождо от лица земли, да обрящется имя Ионафане в дому Давидове, и изыщет Господь враги Давидовы. I Samuel 20:17 И приложи Ионафан еще клятися Давиду, яко возлюби душу любящаго его. I Samuel 20:18 И рече Ионафан к нему: заутра новомесячие, и присмотрен будеши, яко праздно усмотрено будет место твое: I Samuel 20:19 ты же премедлиши три дни и пребудеши на месте твоем, идеже скрыешися в день делания, и сядеши при Ергаве онем: I Samuel 20:20 и аз утрою стрелами стреляя, и стрелю вергая до амаггариа: I Samuel 20:21 и се, послю отрока, глаголя: иди и обрящи ми стрелу: и аще реку отроку: зде стрела от тебе, и зде, возми ю: и ты гряди ко мне, яко мир тебе, и несть о тебе слова, жив Господь: I Samuel 20:22 аще же тако реку юноши: тамо стрела от тебе и далее: иди, яко отсла тя Господь: I Samuel 20:23 и глагол егоже аз и ты глаголахом, се, Господь свидетель между тобою и мною до века. I Samuel 20:24 И скрыся Давид на поли, и прииде новомесячие, и прииде царь на трапезу ясти, I Samuel 20:25 и седе царь на месте своем якоже и всегда на престоле при стене, и предвари Ионафана, и седе Авенир от страны Сауловы, и усмотрено бысть (праздно) место Давидово. I Samuel 20:26 И не глагола Саул ничтоже в той день, помысли бо, случай видится, нечисту быти, яко не очистися. I Samuel 20:27 И бысть наутрие месяца в день вторый, и усмотрено бысть праздно место Давидово, и рече Саул ко Ионафану сыну своему: что яко не прииде сын Иессеев ни вчера, ни днесь на трапезу? I Samuel 20:28 И отвеща Ионафан к Саулу и рече ему: упросися от мене Давид до Вифлеема града своего ити, I Samuel 20:29 и рече: отпусти мя ныне (в Вифлеем), яко жертва колена нашего во граде, и заповедаша мне братия моя: и ныне аще обретох благодать пред очима твоима, да пойду ныне и узрю братию мою: сего ради не прииде на трапезу цареву. I Samuel 20:30 И разгневася гневом Саул на Ионафана зело и рече ему: сыне девок блудниц, не вем ли, яко сообщник еси ты сыну Иессееву в срамоту твою и в срамоту откровения матере твоея? I Samuel 20:31 Яко во вся дни, в няже сын Иессеев жити имать на земли, не уготовится царство твое: ныне убо послав, поими юношу, яко сын смерти есть сей. I Samuel 20:32 И отвеща Ионафан Саулу отцу своему и рече: за что умирает? Что сотвори? I Samuel 20:33 И верже Саул копием на Ионафана, еже умертвити его. И позна Ионафан, яко совершися злоба сия от отца его, да умертвит Давида: I Samuel 20:34 и вскочи Ионафан от трапезы во гневе ярости, и не яде хлеба в день вторый месяца, яко сокрушися о Давиде, зане соверши (злобу) на него отец его. I Samuel 20:35 И бысть заутра, и изыде Ионафан на село, якоже совещася о свидении с Давидом, и отрок мал с ним. I Samuel 20:36 И рече отроку: тецы, и обрящи ми стрелы, имиже аз стреляю. И отрок тече, и он стрели стрелою за него. I Samuel 20:37 И прииде отрок до места стрелы, идеже стрелил Ионафан. И возопи Ионафан вслед отрока и рече: тамо стрела от тебе и далее. I Samuel 20:38 И паки возопи Ионафан вслед отрока своего, глаголя: потщися скоро, и не стой. И собра отрок Ионафану стрелы и принесе их к господину своему. I Samuel 20:39 Отрок же не уведе ничесоже, токмо Ионафан и Давид ведеста вещь. I Samuel 20:40 И отда Ионафан оружие свое отроку своему и рече отроку своему: поиди и отнеси во град. I Samuel 20:41 И егда отиде отрок, и Давид воста от Ергава, и паде на лице свое, и поклонися ему трижды, и облобыза кийждо друг друга, и плакася кийждо о друг друзе до скончания велика. I Samuel 20:42 И рече Ионафан Давиду: иди с миром, и якоже кляхомся мы оба именем Господним, глаголюще: Господь да будет свидетель между мною и тобою и между семенем моим и между семенем твоим до века. I Samuel 20:43 И воста Давид и отиде. Ионафан же вниде во град. I Samuel 21:0 I Samuel 21:1 И прииде Давид в Номву ко Авимелеху иерею: и ужасеся Авимелех о пришествии его и рече ему: что яко ты един, и никтоже с тобою? I Samuel 21:2 И рече Давид иерею: царь заповеда ми глагол днесь и рече ко мне: никтоже да уразумеет глагола, егоже ради аз посылаю тя и о немже аз заповедаю ти: и отроки оставих на месте глаголемем еммоним: I Samuel 21:3 и ныне аще суть у тебе пять хлебы, даждь ми елико имаши. I Samuel 21:4 И отвеща иерей Давиду и рече: не суть хлебы прости у мене, но точию хлебы у мене священнии: аще сохранени отроцы суть токмо от жены, снедят. I Samuel 21:5 И отвеща Давид иерею и рече ему: и (мы) от жен воздержахомся вчера и третияго дне: отнележе изыдох аз на путь, быша вси отроцы очищени, и сей путь нечист, но освятится днесь сосуд ради моих. I Samuel 21:6 И даде ему Авимелех иерей хлебы предложения, яко тамо не бе хлеба, но токмо хлебы лица, иже взяты от лица Господня, еже предложитися хлебу теплому, в оньже день взя их. I Samuel 21:7 И бе тамо един от отрок Сауловых в день он удержан пред Господем, и имя ему Доик Сирин, (старейшина от пастырь Сауловых,) пасый мски Сауловы. I Samuel 21:8 И рече Давид ко Авимелеху: виждь, аще есть зде у тебе копие или мечь, яко меча моего и оружия моего не взях с собою, яко царево повеление внезапу ми бысть. I Samuel 21:9 И рече иерей: се, мечь Голиафа иноплеменника, егоже ты убил еси во юдоли Ила, и той обвит бяше в ризу за ефудом: аще той хощеши взяти, возми себе, несть бо инаго зде кроме сего. И рече Давид: се, несть якоже той: даждь ми его. И даде его ему. I Samuel 21:10 И воста Давид, и убеже в той день от лица Саулова, и прииде Давид ко Анхусу царю Гефску. I Samuel 21:11 И реша отроцы Анхусовы к нему: не сей ли Давид царь земли? Не сему ли изыдоша (жены) ликующыя, глаголющя: победи Саул с тысящами своими, и Давид со тмами своими? I Samuel 21:12 И положи Давид глаголы сия в сердцы своем, и убояся зело от лица Анхуса царя Гефска. I Samuel 21:13 И измени лице свое пред ним, и притворися в день той, и бияше во врата града, яко в тимпан, и падаше на руки своя, и паде у врат града, и слины своя точаше по браде своей. I Samuel 21:14 И рече Анхус ко отроком своим: се, видесте мужа неистова, почто его введосте ко мне? I Samuel 21:15 Еда не имею аз неистовых, яко введосте его, да беснуется предо мною? Сей да не внидет в дом мой. I Samuel 22:0 I Samuel 22:1 И отиде Давид оттуду, и спасеся, и прииде в пещеру Одолламску: и слышавше братия его и дом отца его, приидоша к нему тамо. I Samuel 22:2 И собрашася к нему всяк иже в нужде, и всяк должник, и всяк печальный душею, и бе ими обладаяй, и бяше с ним яко четыреста мужей. I Samuel 22:3 И отиде Давид оттуду в Массифаф Моавитский и рече к царю Моавитску: да будут ныне отец мой и мати моя у тебе, дондеже познаю, что сотворит мне Бог. I Samuel 22:4 И умоли лице царя Моавитска, и пребываху у него по вся дни, сущу Давиду во области той. I Samuel 22:5 И рече Гад пророк к Давиду: не седи во области сей: иди, и да внидеши в землю Иудину. И иде Давид и пришед седе в граде Сарих. I Samuel 22:6 И слыша Саул, яко познан бысть Давид, и мужие иже с ним: и Саул седяше на холме под дубравою яже в Раме, и копие в руку его, и вси отроцы его предстояху ему. I Samuel 22:7 И рече Саул ко отроком своим предстоящым ему: слышите ныне, сынове Вениаминовы, аще воистинну всем вам даст сын Иессеев села и винограды и поставит вас всех в сотники и тысящники: I Samuel 22:8 яко вси согласистеся на мя, и несть открываяй во ухо мое, егда положи завет сын мой с сыном Иессеовым, и несть от вас ни един боляй о мне и возвещаяй во ушы мои, яко воздвиже сын мой раба моего на мя врага, якоже день сей? I Samuel 22:9 И отвеща Доик Сирин приставленый над мсками Сауловыми и рече: видех сына Иессеева пришедша в Номву ко Авимелеху сыну Ахитову иерею: I Samuel 22:10 и вопрошаше о нем Бога, и брашно вдаде ему, и мечь Голиафа иноплеменника вдаде ему. I Samuel 22:11 И посла царь призвати Авимелеха сына Ахитова, и вся сыны отца его иереи от Номвы. И приидоша вси к царю. I Samuel 22:12 И рече Саул: слыши ныне, сыне Ахитов. И рече: се, аз, глаголи, господине. I Samuel 22:13 И рече ему Саул: почто совещался еси на мя ты и сын Иессеев, яко вдал еси ему хлеб и мечь, и вопрошал еси о нем Бога положити его на мя во врага, якоже день сей? I Samuel 22:14 И отвеща Авимелех царю и рече: и кто во всех рабех твоих верен якоже Давид, и зять царев, и князь всем заповедем твоим, и славен в дому твоем? I Samuel 22:15 Еда днесь начах вопрошати о нем Бога? Никако: да не возложиши, царю, на раба твоего словесе сего, и на весь дом отца моего, яко не ведяше раб твой во всех сих словесе мала, или велика. I Samuel 22:16 И рече царь Саул: смертию умреши, Авимелех, ты и весь дом отца твоего. I Samuel 22:17 И рече царь скороходцем предстоящым пред ним: приведите и избийте иереи Господни, яко рука их с Давидом, и понеже познаша, яко бежит той, и не возвестиша во ушию моею. И не хотяху отроцы царевы возложити рук своих на иереи Господни. I Samuel 22:18 И рече царь Доику: обратися ты, и устремися на иереи. И обратися Доик Сирин, и уби иереев Господних в той день, триста пять мужей, всех носящих ефуд: I Samuel 22:19 и Номву град иерейский погуби острием оружия от мужеска полу и до женска, от отрока и до ссущаго, и телца и осла и овчате. I Samuel 22:20 И угонзе един сын Авимелеха сына Ахитова, имя ему Авиафар, и бежа вслед Давида. I Samuel 22:21 И возвести Авиафар Давиду, яко изби Саул вся иереи Господни. I Samuel 22:22 И рече Давид ко Авиафару: ведях в день той, яко тамо бе Доик Сирин, яко возвещая возвестит Саулу: аз есмь виновен о душах дому отца твоего: I Samuel 22:23 седи со мною, не бойся, яко идеже аще взыщу души моей место, взыщу и души твоей, яко сохранен будеши ты у мене. I Samuel 23:0 I Samuel 23:1 И возвестиша Давиду, глаголюще: се, иноплеменницы облегоша Кеиль, и расхищают и попирают плоды. I Samuel 23:2 И вопроси Давид Господа, глаголя: аще пойду и избию иноплеменники сия? И рече Господь: иди, и победиши иноплеменники сия, и спасеши Кеиль. I Samuel 23:3 И реша мужие Давидовы к нему: се, мы зде во Иудеи боимся, и како будет, аще идем в Кеиль, в плен иноплеменников внидем? I Samuel 23:4 И приложи еще Давид вопросити Господа. И отвеща ему Господь и рече ему: востани и сниди в Кеиль, яко Аз предаю иноплеменники в руце твои. I Samuel 23:5 И иде Давид и мужие его с ним в Кеиль, и брашася со иноплеменники: и бежаша (иноплеменницы) от лица его, и взя скоты их, и порази их язвою великою, и спасе Давид живущыя в Кеиле. I Samuel 23:6 И бысть егда бежа Авиафар сын Авимелехов к Давиду, и той с Давидом в Кеиль сниде, имый ефуд в руце своей. I Samuel 23:7 И возвестися Саулу, яко прииде Давид в Кеиль. И рече Саул: предаде его Бог в руце мои, яко заключися вшед в град (имущь) врата и вереи. I Samuel 23:8 И заповеда Саул всем людем на брань снити в Кеиль, яти Давида и мужы его. I Samuel 23:9 И уведе Давид, яко не премолкает злобы о нем Саул, и рече Давид ко Авиафару жерцу: принеси ефуд Господень. I Samuel 23:10 И рече Давид: Господи Боже Израилев, слышав услыша раб Твой, яко ищет Саул приити на Кеиль растлити град мене ради: I Samuel 23:11 аще заключится? И ныне аще снидет Саул, якоже слыша раб Твой? Господи Боже Израилев, возвести рабу Твоему. И рече Господь: заключится. I Samuel 23:12 И рече Давид: аще предадят мя иже в Кеиле, и мужы моя в руки Саули? И рече Господь: предадят. I Samuel 23:13 И воста Давид и мужие его с ним, яко четыреста, и изыдоша из Кеилы, и идоша, аможе хотяху. И возвестиша Саулу, яко угонзе Давид из Кеилы: и остави ити. I Samuel 23:14 И седе Давид в Масереме в пустыни во узинах, и седяше в пустыни на горе Зиф, в земли знойне: и искаше его Саул во вся дни, и не предаде его Бог в руце его. I Samuel 23:15 И виде Давид, яко исходит Саул искати его: и Давид бяше на горе знойне, в дубраве Зиф. I Samuel 23:16 И воста Ионафан сын Саулов и иде к Давиду в дубраву, и утверди руце его во Господе, I Samuel 23:17 и рече к нему: не бойся, яко не имать обрести тебе рука отца моего Саула, и ты имаши царствовати во Израили, и аз буду по тебе другий, и Саул отец мой уведа тако. I Samuel 23:18 И положиста оба завет пред Господем: и седяше Давид в дубраве, а Ионафан отиде в дом свой. I Samuel 23:19 И изыдоша Зифее от знойныя земли к Саулу на холм, глаголюще: не се ли Давид скрыся у нас в Мессаре во узинах в дубраве на холме Ехелатсте, иже одесную Иесемона? I Samuel 23:20 И ныне все еже по души цареве ко исхождению, да снидет (убо) к нам: заключиша бо его в руки царевы. I Samuel 23:21 И рече им Саул: благословени вы Господеви, яко поболесте о мне: I Samuel 23:22 идите ныне, и уготовите еще, и познайте место его, идеже будет нога его вскоре, тамо идеже ресте, да не како прехитрит: I Samuel 23:23 и видите и уразумейте о всех местех, идеже той крыется, и возвратитеся ко мне на готово, и иду с вами: и будет, аще есть на земли, изыскати имам его во всех тысящах Иудиных. I Samuel 23:24 И восташа Зифее, и идоша пред Саулом: Давид же и мужие его бяху в пустыни Маон к западу одесную Иесемона. I Samuel 23:25 И иде Саул и мужие его искати Давида. И возвестиша Давиду, и сниде ко каменю иже в пустыни Маон. И услыша Саул, и погна вслед Давида в пустыню Маон. I Samuel 23:26 И идяше Саул и мужие его от страны горы отсюду, Давид же бе и мужие его от страны горы отюнуду: и бе Давид укрываяся ити от лица Сауля, а Саул и мужие его ополчишася на Давида и на мужы его яти их. I Samuel 23:27 И прииде вестник к Саулу глаголя: потщися и иди, яко нападоша иноплеменницы на землю твою. I Samuel 23:28 И возвратися Саул не гнати вслед Давида, и иде противу иноплеменником: сего ради наречеся место оно Камень Разделенный. I Samuel 24:0 I Samuel 24:1 И воста Давид оттуду и седе во узинах Енгадди. I Samuel 24:2 И бысть егда возвратися Саул вспять от иноплеменник, и возвестиша ему, глаголюще: се, Давид в пустыни Енгадстей. I Samuel 24:3 И взя Саул с собою три тысящы мужей избранных от всего Израиля и иде искати Давида и мужей его прямо лицу саддеем: I Samuel 24:4 и прииде до стад пасомых на пути, и бе тамо вертеп: и Саул вниде испразднитися, Давид же и мужие его во внутренних вертепа седяху. I Samuel 24:5 И реша мужие Давидовы к нему: се, день сей, о немже рече Господь тебе предати врага твоего в руце твои, и сотвориши ему якоже угодно пред очима твоима. И воста Давид, и отреза воскрилие одежды Саули отай. I Samuel 24:6 И бысть по сих, и вострепета Давиду сердце его, яко отреза воскрилие одежды Саули: I Samuel 24:7 и рече Давид к мужем своим: никакоже ми от Господа, аще сотворю глагол сей господину моему христу Господню, еже нанести руку мою нань, яко христос Господень есть сей. I Samuel 24:8 И увеща Давид мужы своя словесы и не даде им воставшым убити Саула. И воста Саул, и сниде на путь. I Samuel 24:9 И изыде Давид вслед его из вертепа: и возопи Давид вслед Саула, глаголя: господине царю. И озреся Саул вслед себе, и преклонися Давид лицем своим до земли, и поклонися ему. I Samuel 24:10 И рече Давид к Саулу: почто слушаеши словес людий глаголющих: се, Давид ищет души твоея? I Samuel 24:11 Се, днесь видеста очи твои, яко предаде тя Господь днесь в руце мои в вертепе, и не восхотех убити тебе, и пощадех тя, и рех: не нанесу руки моея на господа моего, яко помазанник Господень сей есть: I Samuel 24:12 и се, воскрилие одежды твоея в руце моей, аз отях воскрилие одежды твоея, и не убих тебе: и уразумей, и виждь днесь, яко несть злобы в руце моей, ниже нечестия и презорства, ниже согреших к тебе, а ты ищеши души моея изяти ю: I Samuel 24:13 да судит Господь между мною и тобою, и да защитит мя Господь от тебе: рука же моя не будет на тя, I Samuel 24:14 якоже глаголется притча древняя: от беззаконник изыдет преступление: рука же моя не будет на тя: I Samuel 24:15 и ныне ты, царю Израилев, вслед кого исходиши? Кого ты гониши? Вслед ли пса умерша и вслед блохи единыя? I Samuel 24:16 Да будет Господь судия и отмститель между мною и тобою, да видит Господь и судит суд мой, и осудит мя от руки твоея. I Samuel 24:17 И бысть, егда сконча Давид глаголы сия, глаголя к Саулу, и рече Саул: твой ли глас сей, чадо Давиде? И воздвиже Саул глас свой и восплакася. I Samuel 24:18 И рече Саул к Давиду: праведен еси ты паче мене, яко ты воздал ми еси благая, аз же тебе воздах злая: I Samuel 24:19 и ты возвестил ми еси днесь, яже сотворил ми благая, яко заключи мя Господь в руки твоя днесь, и не убил мя еси: I Samuel 24:20 и якоже аще кто обрел бы врага своего в печали, и отпустил бы его в путь благ, и Господь воздаст ему благая, якоже ты сотворил еси днесь: I Samuel 24:21 и ныне се, аз вем, яко царюя царствовати имаши, и стати имать в руце твоей царство Израилево: I Samuel 24:22 и ныне кленися ми Господем, яко не искорениши семене моего по мне и не погубиши имене моего от дому отца моего. I Samuel 24:23 И клятся Давид Саулу. И отиде Саул на место свое, Давид же и мужие его взыдоша в мессеру тесную. I Samuel 25:0 I Samuel 25:1 И умре Самуил, и собрашася весь Израиль, и плакашася его, и погребоша его в дому его во Армафеме. И воста Давид, и сниде в пустыню Маоню. I Samuel 25:2 И бе человек в Маоне и стада его на Кармиле, и человек велик зело: и сему овец три тысящы и коз тысяща: и бысть егда стрижаше стада своя на Кармиле: I Samuel 25:3 имя же человеку Навал и имя жене его Авигеа: и жена его блага смыслом и добра взором зело, муж же ея человек жесток и лукав в начинаниих и человек зверонравен. I Samuel 25:4 И услыша Давид в пустыни, яко стрижет Навал на Кармиле стада своя. I Samuel 25:5 И посла Давид десять отроков и рече отроком: взыдите на Кармил и идите к Навалу и вопросите его именем моим с миром, I Samuel 25:6 и рцыте сия: здрав ли еси ты и дом твой, и вся твоя здрава ли суть? I Samuel 25:7 И ныне се, услышах, яко стригут тебе ныне пастуси твои, иже беша с нами в пустыни, и не возбранихом им, и не повелехом им ничесоже во вся дни, егда беша на Кармиле: I Samuel 25:8 вопроси отроков твоих и возвестят ти: и да обрящут отроцы твои благодать пред очима твоима, яко в день благ приидохом: даждь убо ныне еже обрящет рука твоя отроком твоим и сыну твоему Давиду. I Samuel 25:9 И приидоша отроцы Давидовы и глаголаша словеса сия к Навалу, по всем глаголом сим именем Давидовым. I Samuel 25:10 И возскочи Навал и отвеща отроком Давидовым и рече: кто Давид? И кто сын Иессеов? Днесь умножени суть раби отходяще кийждо от лица господина своего: I Samuel 25:11 и возму ли хлебы моя и вино мое и закланая моя, яже заклах стригущым моя овцы, и дам ли оная мужем, ихже не вем откуду суть? I Samuel 25:12 И возвратишася отроцы Давидовы путем своим, и возвращшеся приидоша и возвестиша Давиду по глаголом сим. I Samuel 25:13 И рече Давид мужем своим: препояшитеся кийждо оружием своим. И препоясашася оружием своим, и сам Давид препоясася мечем своим, и идоша вслед Давида, яко четыреста мужей, а двести их осташася у сосудов. I Samuel 25:14 И Авигеи жене Навалове поведа един отрок, глаголя: се, присыла Давид послы от пустыни благословити господина нашего, он же отвратися от них: I Samuel 25:15 мужие же блази (беша) нам зело, не возбраняху нам, ниже повелеваху нам что во вся дни, в няже бехом с ними: I Samuel 25:16 и сущым нам на селе, аки стена беша окрест нас, и в нощи и во дни, по вся дни в няже бехом с ними пасуще стада: I Samuel 25:17 и ныне разумей и виждь ты, что сотвориши, яко совершися злоба на господина нашего и на дом его, и сей сын губитель, и не возможно глаголати к нему. I Samuel 25:18 И потщася Авигеа, и взя двести хлебов и два сосуда вина и пять овец устроеных и пять мер муки чистыя и кошницу гроздия и двести вязаниц смоквей, и возложи на ослята, I Samuel 25:19 и рече ко отроком своим: поидите предо мною, и се, аз вслед вас иду. Мужу же своему не возвести. I Samuel 25:20 И бысть, вседшей ей на ослицу и сходящей в подгорие, и се, Давид и мужие его идяху сопротиву ея, и срете их. I Samuel 25:21 И рече Давид: воистинну всуе вся навалова сохраних в пустыни, и ничесоже повелех взяти от всех яже его, и воздаде ми злая за благая: I Samuel 25:22 сия да сотворит Бог Давиду и сия да приложит, аще до утра оставлю от всех Наваловых даже до мочащагося к стене. I Samuel 25:23 И увиде Авигеа Давида, и потщася и скочи со осляте, и паде пред Давидом на лице свое, и поклонися ему до земли, I Samuel 25:24 и паде на ноги его и рече: во мне, господине мой, неправда моя: да глаголет ныне раба твоя во ушы твои, и послушай словес рабы твоея: I Samuel 25:25 да не возложит ныне господин мой сердца своего на человека гибелнаго сего, яко по имени своему той есть: Навал имя ему, и безумие с ним: аз же раба твоя не видех отроков господина моего, ихже послал еси: I Samuel 25:26 и ныне, господине мой, жив Господь и жива душа твоя, якоже возбрани тебе Господь еже не приити на кровь неповинну и спасти тебе руку твою: и ныне да будут якоже Навал врази твои и ищущии господину моему зла: I Samuel 25:27 и ныне возми благословение сие, еже принесе раба твоя господину моему, и даждь отроком предстоящым господину моему: I Samuel 25:28 отими ныне неправду рабы твоея, яко творя сотворит Господь дом верен господину моему, яко на брани господина моего Господь споборет, и злоба не обрящется в тебе никогдаже: I Samuel 25:29 и аще востанет человек гоняй тя и ищай души твоея, и будет душа господина моего привязана соузом жизни у Господа Бога, и душу врагов твоих поразиши пращею посреде пращи: I Samuel 25:30 и будет егда сотворит Господь господину моему вся, елика глаголаше благая о тебе, и повелит тебе Господь (быти) вождем во Израили, I Samuel 25:31 и не будет тебе сие мерзость и соблазн сердцу господина моего, еже излияти кровь неповинную туне и спасти руку свою себе: и да благо сотворит Господь господину моему, и воспомянеши рабу твою, еже благосотворити ей. I Samuel 25:32 И рече Давид ко Авигеи: благословен Господь Бог Израилев, иже посла тя днесь на сретение ми, I Samuel 25:33 и благословен совет твой, и благословена ты удержавшая мя в день сей ити на пролитие крове, и спасти ми руку мою: I Samuel 25:34 обаче жив Господь Бог Израилев, иже возбрани ми днесь зло сотворити тебе: зане аще бы не потщалася и не пришла еси на сретение мне, тогда рех: аще останется Навалу до утренняго света мочащийся к стене. I Samuel 25:35 И прия Давид от руку ея вся, яже принесе ему, и рече ей: иди с миром в дом свой: виждь, послушах гласа твоего и приях лице твое. I Samuel 25:36 И прииде Авигеа к Навалу: и се, у него пир в дому его, яко пир царев: и сердце навалово весело в нем, и той пиян до зела. И не возвести Авигеа Навалу глагола ни велика ни мала до света утренняго. I Samuel 25:37 И бысть заутра, егда истрезвися Навал от вина, поведа ему жена его вся глаголы сия, и умре сердце его в нем, и той бысть яко камень. I Samuel 25:38 И бысть яко десять дний, и порази Господь Навала, и умре. I Samuel 25:39 И услыша Давид и рече: благословен Господь, иже суди суд поношения моего от руки Навали, и раба Своего удержа от руки злых, и злобу Навалю обрати Господь на главу его. И посла Давид и глагола ко Авигеи пояти ю себе в жену. I Samuel 25:40 И приидоша отроцы Давидовы ко Авигеи в Кармил, и реша ей, глаголюще: Давид посла нас к тебе, да тя поймет себе в жену. I Samuel 25:41 И воста и поклонися до земли лицем и рече: се, раба твоя в рабыню умывати ноги отроком твоим. I Samuel 25:42 И воста Авигеа, и вседе на осля, и пять девиц идяху вслед ея, и пойде вслед отроков Давидовых, и бысть ему в жену. I Samuel 25:43 И Ахинааму поят Давид от Иезраеля, и бесте ему обе жены. I Samuel 25:44 Саул же даде Мелхолу дщерь свою жену Давидову Фалтию сыну Амисову иже от Роммы. I Samuel 26:0 I Samuel 26:1 И приидоша Зифее от знойныя к Саулу на холм, глаголюще: се, Давид скрыся у нас на холме Ехелаф, прямо Иессемону. I Samuel 26:2 И воста Саул, и сниде в пустыню Зиф, и с ним три тысящы мужей избранных от Израиля, искати Давида в пустыни Зиф. I Samuel 26:3 И ополчися Саул на холме Ехелаф иже прямо Иессемону при пути, Давид же седяше в пустыни. И виде Давид, яко идет Саул вслед его в пустыню, I Samuel 26:4 и посла Давид соглядатаи, и разуме, яко идет Саул готов из Кеиля: I Samuel 26:5 и воста Давид отай, и вниде в место, идеже почиваше Саул, и тамо бяше Авенир сын Ниров, первый воевода его, и Саул спаше в колеснице царстей, и людие ополчившеся окрест его. I Samuel 26:6 И отвеща Давид и рече ко Авимелеху Хеттеину и ко Авессе сыну Саруину брату Иоавлю, глаголя: кто внидет со мною к Саулу в полк? И рече Авесса: аз вниду с тобою. I Samuel 26:7 И внидоста Давид и Авесса в люди нощию: и се, Саул спяй сном в колеснице царстей, и копие его водружено в землю при главе его, Авенир же и воини его спаху окрест его. I Samuel 26:8 И рече Авесса к Давиду: заключи Господь днесь врага твоего в руце твои, и ныне поражу его копием в землю единожды, и не повторю ему. I Samuel 26:9 И рече Давид ко Авессе: не убивай его, яко кто прострет руку свою на христа Господня, и неповинен будет? I Samuel 26:10 И рече Давид: жив Господь, аще не Господь поразит его, или день его приидет, и умрет, или на брань снидет и погибнет: I Samuel 26:11 да не будет ми от Господа нанести руку мою на христа Господня: и ныне возми копие от возглавия его и сосуд водный, и отидем мы о себе. I Samuel 26:12 И взя Давид копие и сосуд водный от возглавия его, и отидоста о себе: и не бе иже бы видел или разумел, и не бяше востающаго, вси бо спаху, яко сон крепок от Господа нападе на ня. I Samuel 26:13 И прейде Давид на он пол и ста на версе горы издалеча, и мног бе путь между ими. I Samuel 26:14 И воззва Давид к людем, и Авениру рече глаголя: не отвещаеши ли, Авенире? И отвеща Авенир и рече: кто ты еси зовый мя? I Samuel 26:15 И рече Давид ко Авениру: не муж ли еси ты? И кто, якоже ты, во Израили? И почто не храниши господина твоего царя? Яко вниде един от людий убити господина твоего царя: I Samuel 26:16 и не благо сие (зело), еже сотворил еси: жив Господь, яко сынове смерти вы, не хранящии господа своего царя христа Господня: и ныне виждь, где есть копие царево и сосуд водный, яже беша при главе его? I Samuel 26:17 И позна Саул глас Давидов и рече: твой ли глас сей, чадо Давиде? И рече Давид: аз раб твой, господи царю. I Samuel 26:18 И рече Давид: почто гониши раба твоего, господи царю? Яко что (ти) согреших? И кая обретеся во мне неправда? I Samuel 26:19 И ныне да послушает господь мой царь глаголов раба своего: аще Бог поощряет тя на мя, да будет благовонна жертва твоя: аще же сынове человечестии, прокляти сии пред Господем, яко изгнаша мя днесь не утвердитися в жребии Господни, глаголюще: пойди, работай богом чуждим: I Samuel 26:20 и ныне да не падет кровь моя на землю пред лицем Господним, яко изыде царь Израилев искати души моея, и гонит якоже нощный вран по горам. I Samuel 26:21 И рече Саул: согреших: возвратися, чадо Давиде, яко ктому не сотворю ти зла, зане честна душа моя пред очима твоима в день сей: безумно сотворих, и погреших много зело. I Samuel 26:22 И отвеща Давид и рече: се, копие царево, да приидет отрок един и возмет е: I Samuel 26:23 и Господь да возвратит коемуждо по правде его и по вере его: якоже предаде тя Господь днесь в руце мои, и не восхотех нанести руки моея на христа Господня: I Samuel 26:24 и се, якоже возвеличися душа твоя днесь во очию моею, тако да возвеличится душа моя пред Господем, и да покрыет мя и измет мя от всякия печали. I Samuel 26:25 И рече Саул к Давиду: благословен ты, чадо, и творяй сотвориши и могий возможеши. И отиде Давид в путь свой, а Саул возвратися на место свое. I Samuel 27:0 I Samuel 27:1 И рече Давид в сердцы своем, глаголя: ныне впаду в день един в руки Саули, и не будет ми благо, аще не спасуся в земли иноплеменничи, и престанет Саул искати мене во всяком пределе Израилеве, и спасуся из руки его. I Samuel 27:2 И воста Давид и шесть сот мужей иже с ним, и иде ко Агхусу сыну Аммахову царю Гефску. I Samuel 27:3 И пребысть Давид у Агхуса в Гефе, сам и мужие его вси и дом его, и Давид и обе жены его, Ахинаам Иезраилитыня и Авигеа жена Навала Кармилскаго. I Samuel 27:4 И возвестиша Саулу, яко отбеже Давид в Геф, и не приложи ктому (Саул) искати его. I Samuel 27:5 И рече Давид ко Агхусу: аще обрете раб твой благодать пред очима твоима, да даси ми место во единем от градов иже на селе, и сяду тамо: и вскую седит раб твой во граде царственнем с тобою? I Samuel 27:6 И даде ему Агхус в день той Секелаг: сего ради бысть царю Иудейску Секелаг до днешняго дне. I Samuel 27:7 И бысть число дний, в няже седяше Давид на селе иноплеменничи, четыри месяцы. I Samuel 27:8 И восхождаше Давид и мужие его и нападаху на всякаго Гессера и на Амаликита, и се, земля населяшеся от Ламсура и до земли Египетския: I Samuel 27:9 и поражаше Давид землю, и не оставляше в живых мужеска полу и женска: и взимаху стада, и буйволицы и ослята, и велблюды и ризы, и возвращающеся прихождаху ко Агхусу. I Samuel 27:10 И рече Агхус к Давиду: на кого нападосте ныне? И рече Давид ко Агхусу: к югу Иудеи и к югу Иесмеги и к югу Кенезиа: I Samuel 27:11 и мужеска полу и женска не оставлях в живых еже вводити в Геф, глаголя: да не возвестят в Гефе на нас, глаголюще: сия творит Давид. И сие оправдание его во вся дни, в няже седяше Давид на селе иноплеменничи. I Samuel 27:12 И уверися Давид Агхусу зело, глаголя: омерзением омерзе в людех своих во Израили, и будет ми раб во веки. I Samuel 28:0 I Samuel 28:1 И бысть во дни оны, и собрашася иноплеменницы в полки своя изыти братися со Израилтяны. И рече Агхус к Давиду: разумея разумей, яко со мною изыдеши на брань ты и мужие твои. I Samuel 28:2 И рече Давид ко Агхусу: тако ныне уразумееши, яже сотворит раб твой. И рече Агхус к Давиду: темже началника хранителей телу (моему) поставлю тя во вся дни. I Samuel 28:3 И Самуил умре, и рыдаше по нем весь Израиль, и погребоша его во Армафеме во граде его: и Саул изби чревобасники и волхвы земли своея. I Samuel 28:4 И собрашася иноплеменницы и приидоша и ополчишася в Сонаме: и собра Саул вся мужы Израилевы, и ополчишася в Гелвуе. I Samuel 28:5 И виде Саул полки иноплеменничи, и убояся, и ужасеся сердце его зело. I Samuel 28:6 И вопроси Саул Господа, и не отвеща ему Господь ни во сне, ни во явлениих, ни во пророцех. I Samuel 28:7 И рече Саул отроком своим: поищите ми жены волшебницы, и пойду к ней, и вопрошу ея. И реша отроцы его к нему: се, жена волшебница во Аендоре. I Samuel 28:8 И прикрыся Саул и облечеся в ризы ины, и иде сам и два мужа с ним, и прииде нощию к жене и рече ей: поволхвуй ми чревоволшебством, и возведи ми, егоже реку ти. I Samuel 28:9 И рече ему жена: се, ныне ты сам веси, елика сотвори Саул, како истреби чревобасники и волхвы от земли, и вскую ты ловиши душу мою, еже умертвити ю? I Samuel 28:10 И клятся ей Саул, глаголя: жив Господь, аще срящет тя неправда о словеси сем. I Samuel 28:11 И рече жена Саулу: кого возведу ти? И рече Саул: Самуила возведи ми. I Samuel 28:12 И виде жена Самуила, и возгласи гласом велиим, и рече жена к Саулу: почто мя прельстил еси? И ты еси Саул. I Samuel 28:13 И рече ей царь: не бойся, рцы кого видела еси? И рече ему жена: боги видех восходящыя от земли. I Samuel 28:14 И рече ей: что познала еси? И рече ему (жена): (видех) мужа стара восходяща от земли, и сей оболчен одеянием долгим. И уразуме Саул, яко сей Самуил (есть), и преклони лице свое на землю и поклонися ему. I Samuel 28:15 И рече ему Самуил: почто понудил еси мя взыти ми? И рече Саул: скорблю зело, яко иноплеменницы воюют на мя, и Бог отступи от мене, и не услыша мене ктому ни в руках пророческих, ни во снех, ни во явлениих: и ныне призвах тя, да скажеши ми, что сотворю. I Samuel 28:16 И рече Самуил: почто вопрошаеши мя, а Господь отступи от тебе и бысть со ближним твоим? I Samuel 28:17 И сотвори Господь тебе, якоже глагола Господь рукою моею, и исторгнет Господь царство твое из руку твоею и вдаст е ближнему твоему Давиду, I Samuel 28:18 понеже не послушал еси гласа Господня и не исполнил еси гнева ярости Его на Амалике, глагола ради того сотвори тебе Господь в день сей: I Samuel 28:19 и предаст Господь Израиля с тобою в руки иноплеменничи, и заутра ты и сынове твои падут с тобою, и полк Израилев предаст Господь в руки иноплеменничи. I Samuel 28:20 И потщася Саул, и паде стоящь на землю, и убояся зело от словес Самуиловых, и не бысть ктому крепости в нем: яко не яде хлеба во весь день той и во всю нощь ту. I Samuel 28:21 И вниде жена к Саулу, и виде его, яко смятеся зело, и рече к нему: се, ныне послуша раба твоя гласа твоего, и положих душу мою в руце мои, и послушах словес, яже ми глаголал еси: I Samuel 28:22 и ныне послушай гласа рабы твоея, и положу пред тобою укрух хлеба, и яждь, и будет в тебе крепость, яко идеши в путь. I Samuel 28:23 И не хотяше ясти: и понудиша его отроцы его и жена, и послуша гласа их, и воста от земли, и седе на седалищи. I Samuel 28:24 Жене же бяше юница питомая в дому: и потщася, и закла ю: и взя муку и смеси, и испече опресноки, I Samuel 28:25 и принесе пред Саула и пред отроки его: и ядоша, и восташа и отидоша в нощь ону. I Samuel 29:0 I Samuel 29:1 И собраша иноплеменницы вся полки своя во Афек, Израилтяне же ополчишася во Аендоре иже во Иезраели. I Samuel 29:2 И воеводы иноплеменничи предидяху со стами и тысящами, Давид же и мужие его идяху в последних со Агхусом. I Samuel 29:3 И реша воеводы иноплеменничи кто суть идущии сии? И рече Агхус к воеводам иноплеменничим: не сей ли Давид раб Саула царя Израилева, иже бысть с нами дний сие второе лето? И не обретох в нем ничтоже, от дне в оньже прииде ко мне даже до сего дне. I Samuel 29:4 И прискорбни быша о нем воеводы иноплеменничи и глаголаша ему: возврати мужа, и да возвратится на место свое, идеже поставил еси его тамо, и да не идет с нами на брань, и да не будет наветник в полцех: и чим примирится сей господину своему? Не главами ли мужей сих? I Samuel 29:5 Не сей ли есть Давид, емуже изыдоша с лики, глаголюще: победи Саул с тысящами своими, и Давид со тмами своими? I Samuel 29:6 И призва Агхус Давида и рече ему: жив Господь, яко прав ты и благ пред очима моима, и вход твой и исход твой со мною в полце, и яко не обретох в тебе злобы, отнележе еси пришел ко мне до днешняго дне, но пред очима воевод не благ еси ты: I Samuel 29:7 и ныне возвратися и иди с миром, и да не сотвориши зла пред очима воевод иноплеменничих. I Samuel 29:8 И рече Давид ко Агхусу: что сотворих ти? И что обрел еси в рабе твоем, от негоже дне бех пред тобою, и даже до сего дне, да не иду воевати врагов господина моего царя? I Samuel 29:9 И отвеща Агхус Давиду: вем, яко благ ты пред очима моима яко Ангел Божий, но воеводы иноплеменничи глаголют: да не идет с нами на брань: I Samuel 29:10 и ныне востани рано ты и отроцы господина твоего ходящии с тобою и идите на место, идеже поставих вас, и словесе пагубна да не положиши на сердцы твоем, яко благ еси ты предо мною: и востаните рано в путь, егда разсветает вам, и идите. I Samuel 29:11 И урани Давид сам и мужие его отити и стрещи земли иноплеменничи, и иноплеменницы взыдоша на брань во Иезраель. I Samuel 30:0 I Samuel 30:1 И бысть приходящу Давиду и мужем его к Секелагу в день третий, и Амалик нападе на южную страну и на Секелаг, и порази Секелаг и сожже его огнем: I Samuel 30:2 жен же и всех сущих в нем от мала до велика не умертвиша мужа ни жены, но плениша, и отидоша в путь свой. I Samuel 30:3 И прииде Давид и мужие его во град, и се, сожжен бяше огнем, жены же их и сынове их и дщери их пленени быша. I Samuel 30:4 И воздвиже Давид и мужие его глас свой и плакашася дондеже не бе в них силы ктому плакатися. I Samuel 30:5 И жены обе Давидовы пленени быша, Ахинаам Иезраилитыня, и Авигеа бывшая жена Навала Кармилскаго. I Samuel 30:6 И оскорбе Давид зело, яко совещашася людие камением побити его, яко скорбна бяше душа всех людий коегождо о сынех своих и о дщерех своих. И укрепися Давид о Господе Бозе своем, I Samuel 30:7 и рече Давид ко Авиафару иерею сыну Авимелехову: принеси ефуд. И принесе Авиафар ефуд к Давиду. I Samuel 30:8 И вопроси Давид Господа, глаголя: пожену ли вслед полчища сего? И постигну ли их? И рече Господь: гони, яко постизая постигнеши их и избавляя избавиши. I Samuel 30:9 И иде Давид сам и шесть сот мужей с ним, и приидоша даже до потока Восорска, прочии же осташася: I Samuel 30:10 и гна с четырми сты мужей, двести же мужей осташася, иже седоша об он пол потока Восорска. I Samuel 30:11 И обретоша мужа Египтянина на селе, и яша его, и приведоша его к Давиду, и даша ему хлеба, и яде, и напоиша его водою: I Samuel 30:12 и даша ему часть смоквей, и яде, и укрепися дух его в нем, яко не яде хлеба и не пи воды три дни и три нощы. I Samuel 30:13 И рече ему Давид: откуду еси, и чий еси ты? И рече отрок Египтянин: аз есмь раб мужа Амаликитянина, и остави мя господин мой, яко изнемогох днесь уже третий день: I Samuel 30:14 и мы ходихом на юг до Хелефи и на Иудейския страны и на Гелвуй, и Секелагу пожгохом огнем. I Samuel 30:15 И рече ему Давид: доведеши ли мя до полчища сего? И рече: кленися ми Богом, яко не убиеши мя и не предаси мя в руце господину моему, и доведу тя до полчища сего. I Samuel 30:16 (И клятся ему Давид:) и приведе его онамо, и се, тии разсеяни быша по лицу всея земли, ядуще и пиюще и празднующе о всех корыстех великих, яже взяша от земли иноплеменничи и от земли Иудины. I Samuel 30:17 И прииде на них Давид, и изби их от утра даже до вечера и наутрие: и не спасеся от них муж, разве четыреста отрок, иже вседоша на велблюды и убежаша. I Samuel 30:18 И отя Давид вся елика взяша Амаликиты, и обе жены своя отя, I Samuel 30:19 и не погибе им от мала даже до велика, и от корыстей, и даже до сынов и дщерей и даже до всех, яже взяша, и вся возврати Давид: I Samuel 30:20 и взя Давид вся стада и паствины, и погна пред пленом: и плен оный нарицашеся сей плен Давидов. I Samuel 30:21 И прииде Давид к двема стом мужем оставшымся ити вслед Давида, ихже посади на потоце Восорсте, и изыдоша на сретение Давиду и на сретение людем иже с ним: и прииде Давид до людий, и вопросиша его о мирных. I Samuel 30:22 И отвещаша вси мужие пагубнии и лукавнии от мужей ратных ходивших с Давидом и реша: яко не гониша с нами, не дадим им от плена, егоже взяхом, но токмо кийждо жену свою и чада своя да возмут и возвратятся. I Samuel 30:23 И рече Давид: не сотворите, братия моя, тако, повнегда предаде Господь нам и сохрани нас, и предаде Господь полчище сие нашедшее на ны в руки нашя: I Samuel 30:24 и кто послушает ваших словес сих? Яко не менши нас суть: понеже по части исходящаго на брань, тако будет часть седящаго при сосудех, по томужде разделятся. I Samuel 30:25 И бысть от дне того и выше, и бысть в повеление и на оправдание Израилю даже до дне сего. I Samuel 30:26 И прииде Давид в Секелаг, и посла старейшинам от корыстей Иудиных и искренним своим, глаголя: се, вам благословение от корыстей врагов Господних, I Samuel 30:27 сущым в Вефсуре и в Раме южней и в Гефоре, I Samuel 30:28 и во Ароире и во Аммаде, и во Сафе и во Есфифе и в Гефе, I Samuel 30:29 и в Кинане и в Сафеце, и в Фимафе и в Кармиле, и сущым во градех Иеремиила и во градех Кенезия, I Samuel 30:30 и сущым во Иеримуфе и во Вирсавеи и в Номве, I Samuel 30:31 и сущым в Хевроне, и во вся места, яже пройде Давид тамо сам и мужие его. I Samuel 31:0 I Samuel 31:1 И иноплеменницы воеваху на Израиля, и бежаша мужие Израилевы от лица иноплеменнича, и падаху язвеннии на горе Гелвуе. I Samuel 31:2 И снидошася иноплеменницы с Саулом и с сынми его, и убиша иноплеменницы Ионафана и Аминадава и Мелхисуа, сыны Сауловы. I Samuel 31:3 И отяготе брань на Саула, и обретоша его копейницы мужие стрелцы, и уязвен бысть (Саул) во утробу. I Samuel 31:4 И рече Саул к носящему оружие его: изсуни мечь твой и прободи мя им, да не приидут необрезаннии сии и избодут мя, и поругаются мне. И не хотяше носяй оружие его, яко убояся зело. И взя Саул мечь свой и паде на него. I Samuel 31:5 И виде носяй оружие его, яко умре Саул, и паде и той на мечь свой и умре с ним. I Samuel 31:6 И умре Саул и трие сынове его, и носяй оружие его, и вси мужие его в день той купно. I Samuel 31:7 И видеша мужие Израилстии, иже об он пол юдоли и иже об он пол Иордана, яко бежаша мужие Израилстии, и яко умре Саул и сынове его, и оставиша грады своя и бежаша: и приидоша иноплеменницы и вселишася в них. I Samuel 31:8 И бысть на утрие, и приидоша иноплеменницы обнажити мертвых, и обретоша Саула и три сыны его падшыя на горе Гелвуе, I Samuel 31:9 и обратиша его, и сняша оружие его, и отсекоша главу его, и послаша в землю иноплеменничу окрест возвещающе идолом их и людем их: I Samuel 31:10 и положиша оружие его у Астарта, тело же его воткнуша на стене Вефсамли. I Samuel 31:11 И услышаша живущии во Иависе Галаадитийстем, яже сотвориша иноплеменницы Саулу, I Samuel 31:12 и восташа вси мужие сильнии, и идоша всю нощь, и взяша тело Саулово и тело Ионафана сына его с стены Вефсамски, и принесоша я во Иавис, и сожгоша я тамо: I Samuel 31:13 и взяша кости их, и погребоша я в дубраве яже во Иависе, и постишася седмь дний.
II Samuel 0:0
Вторая книга Царств II Samuel 1:0 II Samuel 1:1 И бысть егда умре Саул, и Давид возвратися победив Амалика, и пребысть Давид в Секелазе дни два. II Samuel 1:2 И бысть в третий день, и се, муж прииде от полка людий Сауловых, ризы же его (бяху) раздраны, и персть на главе его: и бысть егда вниде к Давиду (отрок), и пад на земли поклонися ему. II Samuel 1:3 И рече ему Давид: откуду ты пришел еси? И рече ему: от полка Израилева аз избегох. II Samuel 1:4 И рече ему Давид: что слово сие? Возвести ми. И рече: яко побегоша людие от брани, и падоша мнози от людий, и измроша, и Саул и Ионафан сын его умре. II Samuel 1:5 И рече Давид отроку возвестившему ему: како знаеши, яко умре Саул и Ионафан сын его? II Samuel 1:6 И рече отрок возвещаяй ему: по случаю приидох в гору Гелвуйскую, и се, Саул нападаше на копие свое, и се, колесницы и вельможи собрашася нань: II Samuel 1:7 и обозреся вспять (Саул) и виде мя, и призва мя, и рех: се, аз: II Samuel 1:8 и рече ми: кто ты еси? И рех: Амаликитин есмь аз: II Samuel 1:9 и рече ми: прииди убо на мя и убий мя, яко объят мя тма лютая, яко еще душа моя во мне: II Samuel 1:10 и стах над ним, и убих его: ведех бо, яко не будет жив по падении своем: и взяв венец царский, иже бе на главе его, и нарамницу, яже бе на плещу его, и принесох сия к господину моему семо. II Samuel 1:11 И емься Давид за ризы своя, и раздра я, и вси мужие иже с ним раздраша ризы своя, II Samuel 1:12 и рыдаша и плакашася, и постишася до вечера о Сауле, и о Ионафане сыне его, и о людех Иудиных и о доме Израилеве, яко избиени быша мечем. II Samuel 1:13 И рече Давид отроку возвестившему ему: откуду ты еси? И рече: сын мужа пришелца Амаликитина есмь аз. II Samuel 1:14 И рече ему Давид: како не убоялся еси воздвигнути руку твою погубити христа Господня? II Samuel 1:15 И призва Давид единаго от отрок своих и рече: иди, убий его. И уби его, и умре. II Samuel 1:16 И рече ему Давид: кровь твоя на главе твоей, яко уста твоя на тя возвещаша, глаголюще: яко аз убих христа Господня. II Samuel 1:17 И плакася Давид плачем сим о Сауле и о Ионафане сыне его, II Samuel 1:18 и рече еже научити сыны Иудины стрелянию. Се написано в книзе Праведнаго. II Samuel 1:19 И рече: воздвигни столп, Израилю, над умершими на высоких твоих язвеными: како падоша сильнии? II Samuel 1:20 Не возвещайте в Гефе, ниже поведайте на исходищих Аскалоних, да не возвеселятся дщери иноплеменничи, ни да возрадуются дщери необрезанных. II Samuel 1:21 Горы Гелвуйския, да не снидет роса ниже дождь на вас: и села начатков (житных), яко тамо повержен бысть щит сильных: щит Саулов не быти помазан елеем: II Samuel 1:22 от крове язвеных и от тука сильных лук Ионафанов не возвратися тощь вспять, и мечь Саулов не возвратися тощь: II Samuel 1:23 Саул и Ионафан возлюбленнии и прекраснии неразлучни, благолепни в животе своем, и в смерти своей не разлучишася: паче орлов легцы и паче львов крепцы: II Samuel 1:24 плачите по Сауле, дщери Израилевы, иже вас облачаше в червленицы со украшением вашим, и возлагаше украшение злато на ризы вашя: II Samuel 1:25 како падоша сильнии посреде брани? Ионафане, до смерти на высоких твоих язвен еси: II Samuel 1:26 болезную о тебе, брате мой Ионафане, красный ми зело, удивися любовь твоя от мене паче любве женския: II Samuel 1:27 како падоша сильнии, и погибоша оружия бранная? II Samuel 2:0 II Samuel 2:1 И бысть по сих, и вопроси Давид Господа, глаголя: вниду ли в един от градов Иудиных? И рече Господь к нему: и вниди. И рече Давид: камо вниду? И рече: в Хеврон. II Samuel 2:2 И иде тамо Давид в Хеврон, и обе жены его, Ахинаам Иезраилитыня и Авигеа (бывшая) жена Навала Кармилскаго, II Samuel 2:3 и мужие иже с ним кийждо, и домове их, и начаша жити во градех Хевронских. II Samuel 2:4 И приидоша мужие от Иудеи и помазаша тамо Давида, да царствует над домом Иудиным. И возвестиша Давиду, глаголюще: яко мужие Иависа Галаадититскаго погребоша Саула. II Samuel 2:5 И посла Давид послы к старейшинам Иависа Галаадититскаго и рече к ним Давид: благословени вы Господу, яко сотвористе милость сию над господином вашим Саулом, христом Господним, и погребосте его и Ионафана сына его: II Samuel 2:6 и ныне да сотворит Господь с вами милость и истину: и аз сотворю с вами сие благое, понеже сотвористе глагол сей: II Samuel 2:7 и ныне да укрепятся руки вашя, и да будете сынове сильнии, яко умре господин ваш Саул, мене же помаза дом Иудин, да царствую над ними. II Samuel 2:8 И Авенир сын Ниров, началный воевода Саулов, взя Иевосфеа сына Сауля, и изведе его из полка в Манаем, II Samuel 2:9 и воцари его над Галаадитиею и над Фасириею и над Иезраилем и над Ефремом и над Вениамином и над всем Израилем. II Samuel 2:10 Четыредесять лет Иевосфею бе сыну Саулову, егда нача царствовати над Израилем, и два лета царствова, кроме дому Иудина, иже бысть за Давидом. II Samuel 2:11 И быша дние, в няже Давид царствова в Хевроне над домом Иудиным, седмь лет и шесть месяц. II Samuel 2:12 И изыде Авенир сын Ниров и отроцы Иевосфеа сына Сауля из Манаема в Гаваон. II Samuel 2:13 И Иоав сын Саруиев и отроцы Давидовы изыдоша от Хеврона и сретошася с ними у потока Гаваоня купно, и седоша сии над потоком отсюду, и тии оттуду. II Samuel 2:14 И рече Авенир ко Иоаву: да востанут ныне отроцы и да поиграют пред нами. И рече Иоав: да востанут. II Samuel 2:15 И восташа и преидоша от отрок Вениаминовых, числом дванадесять Иевосфеа сына Сауля, и от отрок Давидовых дванадесять: II Samuel 2:16 и взя кийждо рукою за главу искренняго своего, и мечь его в ребра искренняго его, и падоша вкупе: и наречеся имя месту тому Часть Наветников, яже есть в Гаваоне. II Samuel 2:17 И бысть брань жестока зело в той день: и паде Авенир и мужие Израилстии пред отроки Давидовы. II Samuel 2:18 И быша тамо три сынове Саруиевы, Иоав и Авесса и Асаил: Асаил же бе легок ногама своима, яко едина серна от сущих на селе. II Samuel 2:19 И погна Асаил вслед Авенира, и не уклонися ни на десно ни на лево, но вслед Авенира: II Samuel 2:20 и озреся Авенир назад себе и рече: ты ли еси сам, Асаиле? И рече: аз есмь. II Samuel 2:21 И рече ему Авенир: уклонися ты на десно или на шуее, и возми себе единаго от отрок, и возми себе все оружие его. И не восхоте Асаил уклонитися от него. II Samuel 2:22 И приложи еще Авенир глаголати ко Асаилу: отступи от мене, да не поражу тя о землю: и како явлю лице мое ко Иоаву? II Samuel 2:23 И где суть сия? Возвратися ко Иоаву брату твоему. И не хотяше отступити. И удари его Авенир копием созади в лядвия: и пройде копие сквозе его, и паде тамо и умре пред ним: и бысть всяк приходяй до места, идеже паде Асаил и умре, и остановляшеся. II Samuel 2:24 И погнаша Иоав и Авесса вслед Авенира, и солнце заходяше: и тии приидоша даже до холма Амма, иже есть пред лицем Гаи, путь пустыни Гаваони. II Samuel 2:25 И собрашася сынове Вениаминовы за Авениром и быша в снитии единем, и сташа на версе холма единаго. II Samuel 2:26 И воззва Авенир ко Иоаву и рече: еда в победу пояст мечь? Или не веси, яко горька будут последняя? И доколе не речеши людем возвратитися созади братий наших? II Samuel 2:27 И рече Иоав: жив Господь, яко, аще бы не рекл еси, тогда от утра бы людие мои престали гоняще кийждо вслед брата своего. II Samuel 2:28 И воструби Иоав трубою, и сташа вси людие, и не погнаша вслед Израилтян, и не приложиша ктому ратовати. II Samuel 2:29 Авенир же и мужие его идоша на запад всю нощь ону, и преидоша Иордан, и проидоша всю страну ту, и приидоша в Полк. II Samuel 2:30 И Иоав возвратися вспять от Авенира, и собра вся люди, и исчислиша отрок Давидовых (падших) девятьнадесять мужей, и Асаила. II Samuel 2:31 Отроцы же Давидовы убиша сынов Вениаминих мужей Авенировых триста и шестьдесят мужей. II Samuel 2:32 И взяша Асаила, и погребоша его во гробе отца его в Вифлееме. И иде Иоав и мужие его с ним всю нощь, и осветоша в Хевроне. II Samuel 3:0 II Samuel 3:1 И бысть брань на много между домом Саулим и между домом Давидовым, и дом Давидов возвышашеся и укрепляшеся, дом же Сауль идяше и изнемогаше. II Samuel 3:2 И родишася Давиду в Хевроне сынов шесть: и бе первородный ему Амнон от Ахинаамы Иезраилитыни, II Samuel 3:3 и вторый ему сын Далуиа от Авигеи Кармилския, и третий Авессалом сын Маахи дщере Фолми царя Гессирска, II Samuel 3:4 четвертый Адониа сын Аггифы, и пятый Сафатиа от Авиталы, II Samuel 3:5 и шестый Иефераам от Еглы жены Давидовы: сии родишася Давиду в Хевроне. II Samuel 3:6 И бысть внегда быти брани между домом Саулим и между домом Давидовым, и бяше Авенир держа дом Саулов. II Samuel 3:7 И Саулова подложница бе, ейже бе имя Ресфа, дщерь Иоля. И вниде к ней Авенир, и рече Иевосфей сын Сауль ко Авениру: что яко вшел еси к подложнице отца моего? II Samuel 3:8 И разгневася зело Авенир о словеси сем на Иевосфеа и рече ему Авенир: еда песия глава есмь аз? Сотворих днесь милость дому Саула отца твоего и братии и знаемым, и не отступих в дом Давидов, и ищеши на мне ты о неправде жены днесь? II Samuel 3:9 Сия да сотворит Бог Авениру и сия да приложит ему, зане якоже клятся Господь Давиду, тако сотворю ему в сей день, II Samuel 3:10 еже отяти царство от дому Сауля и воздвигнути престол Давидов во Израили и во Иуде от Дана даже до Вирсавии. II Samuel 3:11 И не возможе ктому Иевосфей отвещати Авениру словесе от боязни, яже к нему. II Samuel 3:12 И посла Авенир к Давиду послы в Фелам, идеже бе, абие, глаголя: положи завет твой со мною, и се, рука моя с тобою, еже возвратити ми к тебе весь дом Израилев. II Samuel 3:13 И рече Давид: добре, аз положу с тобою завет, токмо словесе единаго прошу у тебе, глаголя: не имаши видети лица моего, аще не приведеши Мелхолы дщере Саули, приходящу ти видети лице мое. II Samuel 3:14 И посла Давид ко Иевосфею сыну Саулю вестники, глаголя: отдаждь мне жену мою Мелхолу, юже взях за сто необрезаний иноплеменничих. II Samuel 3:15 И посла Иевосфей, и взят ю от мужа ея от Фалтиила сына Селлимова. II Samuel 3:16 И идяше муж ея с нею плачася даже до Варакима. И рече к нему Авенир: иди, возвратися. И возвратися. II Samuel 3:17 И рече Авенир к старейшинам Израилевым, глаголя: вчера и третияго дне искасте Давида, да царствует над вами: II Samuel 3:18 и ныне сотворите, якоже Господь глагола о Давиде, глаголя: рукою раба Моего Давида спасу люди Моя Израиля от руки иноплеменничи и от руки всех врагов их. II Samuel 3:19 И глагола Авенир во ушы Вениамину: и иде Авенир глаголати во ушы Давидовы в Хеврон вся, елика угодна беша пред очима Израилевыма и пред очима всего дому Вениаминя. II Samuel 3:20 И прииде Авенир к Давиду в Хеврон, и с ним двадесять мужей. И сотвори Давид пир Авениру и мужем его иже с ним. II Samuel 3:21 И рече Авенир к Давиду: востану ныне и пойду и соберу к господину моему царю всего Израиля, и положу с ним завет, и царствовати имаши всеми, ихже желает душа твоя. И посла Давид Авенира, и иде с миром. II Samuel 3:22 И се, отроцы Давидовы и Иоав идяху от исхода и корысть многу несяху с собою, и Авенир уже не бе с Давидом в Хевроне, яко отслан бяше, и отиде с миром. II Samuel 3:23 Иоав же и все воинство его прииде: и возвестиша Иоаву, глаголюще: прихождаше Авенир сын Ниров к Давиду, и отсла его, и отиде с миром. II Samuel 3:24 И вниде Иоав к царю и рече: что сие сотворил еси? Се, прихождаше Авенир к тебе, и почто отпустил еси его, и отиде с миром? II Samuel 3:25 Или не веси злобы Авенира сына Нирова, яко слукавствовати к тебе прииде, и уразумети исход твой и вход твой, и уведати вся елика твориши ты? II Samuel 3:26 И возвратися Иоав от Давида, и посла послы вслед Авенира, и возвратиша его от кладязя Сеирамска: Давид же не ведяше. II Samuel 3:27 И возврати Авенира в Хеврон, и соврати его Иоав на страну от врат глаголати к нему лукавно: и удари его в лядвия, и умре в крови Асаила брата Иоавля. II Samuel 3:28 И услыша Давид по сих и рече: чист есмь аз и царство мое от Господа и отныне и до века от крове Авенира сына Нирова: II Samuel 3:29 да снидет на главу Иоавлю и на весь дом отца его, и да не оскудеет от дому Иоавля изливаяй семя, и прокаженный, и держайся жезла, и падаяй оружием, и умаленный хлебами. II Samuel 3:30 Иоав же и Авесса брат его наблюдаху Авенира, понеже уби Асаила брата их в Гаваоне на брани. II Samuel 3:31 И рече Давид ко Иоаву и ко всем людем его: раздерите ризы вашя и препояшитеся вретищы, и рыдайте о Авенире. Сам же царь Давид идяше вслед одра. II Samuel 3:32 И погребоша Авенира в Хевроне. И воздвиже царь глас свой и плакася над гробом его, и вси людие плакаша о Авенире. II Samuel 3:33 И плакася царь над Авениром и рече: еда смертию Навала умре Авенир? II Samuel 3:34 Руце твои не связаны, нозе твои не во оковах: не приступил еси якоже Навал, пред сынми неправды пал еси. И собрашася вси людие плакатися его, II Samuel 3:35 и приидоша вси людие предложити Давиду ясти хлебы еще сущу дни. И клятся Давид, глаголя: сия да сотворит ми Бог и сия да приложит, яко аще не зайдет солнце, не имам вкусити хлеба ни иного чего. II Samuel 3:36 И познаша вси людие, и угодна быша пред ними вся, елика сотвори царь пред людьми. II Samuel 3:37 И разумеша вси людие и весь Израиль в той день, яко не бысть от царя убийства Авениру сыну Нирову. II Samuel 3:38 И рече царь отроком своим: не весте ли, яко властелин велик паде в сей день во Израили? II Samuel 3:39 И яко аз есмь ближний днесь и возставлен в царя? Мужие же сии сынове Саруины жесточайшии мене суть: да воздаст Господь творящему лукавная по злобе его. II Samuel 4:0 II Samuel 4:1 И слыша Иевосфей сын Сауль, яко умре Авенир сын Ниров в Хевроне, и ослабеша руце его, и вси мужие Израилевы изнемогоша. II Samuel 4:2 И два мужа старейшины полков Иевосфеа сына Сауля: имя единому Ваана и имя другому Рихав, сынове Реммона Вирофейскаго от сынов Вениаминих: яко Вироф вменяшеся в сынех Вениаминих. II Samuel 4:3 И отбегоша Вирофее в Гефем, и беша тамо живуще до днешняго дне. II Samuel 4:4 И Ионафану сыну Саулю сын бе хром ногама, сын пяти лет: и той, егда прииде возвещение о Сауле и Ионафане сыне его от Иезраеля, и взят его пестунница его, и бежа: и бысть тщащейся ей на отшествие, и паде, и охроме, имя же ему Мемфивосфей. II Samuel 4:5 И поидоста сынове Реммона Вирофейскаго, Рихав и Ваана, и внидоста во время зноя дневнаго в дом Иевосфеов, и той почиваше на одре в полудне: II Samuel 4:6 и се, вратник дому очищаше пшеницу и воздрема и спаше, Рихав же и Ваана братия утаившася внидоста в дом: II Samuel 4:7 Иевосфей же почиваше на одре своем в ложнице своей: и биста его, и умертвиста его, и отяста главу его, и взяста главу его, и отидоста путем иже на запад всю нощь: II Samuel 4:8 и принесоста главу Иевосфеову к Давиду в Хеврон и реста к царю: се, глава Иевосфеа сына Саулова врага твоего, иже искаше души твоея, и даде Господь господину нашему царю отмщение врагов его, якоже день сей, от Саула врага твоего и от семене его. II Samuel 4:9 И отвеща Давид Рихаву и Ваане брату его, сыном Реммона Вирофейскаго, и рече има: жив Господь, иже избави душу мою от всякия скорби: II Samuel 4:10 ибо возвестивый мне, яко умре Саул и Ионафан, и той бяше аки благовествуяй предо мною, и ях его и убих его в Секелазе, емуже должен бех дати дар: II Samuel 4:11 и ныне мужие лукавии убиша мужа праведна в дому его на одре его, и ныне взыщу крове его от руки вашея и искореню вас от земли. II Samuel 4:12 И заповеда Давид отроком своим, и убиша их, и отсекоша руце их и нозе их, и повесиша их над источником в Хевроне, и главу Иевосфеову погребоша во гробе Авенира сына Нирова (в Хевроне). II Samuel 5:0 II Samuel 5:1 И приидоша вся племена Израилева к Давиду в Хеврон и глаголаша ему: се, кости твоя и плоть твоя мы есмы: II Samuel 5:2 и вчера и третияго дне Саулу сущу царю над нами, ты был еси вводяй и изводяй Израиля, и рече Господь к тебе: ты упасеши люди Моя Израиля и ты будеши вождь людем Моим Израилю. II Samuel 5:3 И приидоша вси старейшины Израилевы к царю в Хеврон, и положи им царь Давид завет в Хевроне пред Господем: и помазаша Давида на царство над всем Израилем. II Samuel 5:4 Сын тридесяти лет Давид внегда воцаритися ему, и царствова четыредесять лет: II Samuel 5:5 седмь лет и месяцей шесть царствова в Хевроне над Иудою, и тридесять три лета царствова над всем Израилем и Иудою во Иерусалиме. II Samuel 5:6 И пойде Давид и вси мужие его во Иерусалим ко Иевусею, живущему на земли той. И реша Давиду: не внидеши семо, яко восташа хромии и слепии глаголюще: яко не внидет Давид семо. II Samuel 5:7 И взя Давид крепость Сионю: сия есть град Давидов. II Samuel 5:8 И рече Давид в день той: всяк поражаяй Иевусеа да касается мечем и хромых и слепых и ненавидящих души Давидовы. Сего ради рекут: слепии и хромии не внидут в дом Господень. II Samuel 5:9 И седе Давид в крепости, и наречеся сия град Давидов: и созда той град около от Краеградия, и дом свой. II Samuel 5:10 И идяше Давид идый и величаемь, и Господь Вседержитель с ним. II Samuel 5:11 И посла Хирам царь Тирский послы к Давиду, и древа кедрова, и древоделей, и каменоделателей, и создаша дом Давиду. II Samuel 5:12 И уразуме Давид, яко уготова его Господь в царя над Израилем, и яко вознесеся царство его людий Его ради Израиля. II Samuel 5:13 И поят Давид еще жены и подложницы от Иерусалима по пришествии своем от Хеврона: и быша Давиду еще сынове и дщери. II Samuel 5:14 И сия имена родившымся ему во Иерусалиме: Самус и Совав, и Нафан и Соломон, II Samuel 5:15 и Евеар и Елисуе, и Нафек и Иефие, II Samuel 5:16 и Елисама и Елидае и Елифалаф, Самае, Иесиваф, Нафан, Галамаан, Иеваар, Феисус, Елифалаф, Нагеф, Нафек, Ианафан и Леасамис, Ваалимаф, Елифааф. II Samuel 5:17 И услышаша иноплеменницы, яко помазася Давид царь над Израилем, и взыдоша вси иноплеменницы искати Давида. И услыша Давид, и сниде в крепость. II Samuel 5:18 Иноплеменницы же приидоша и соединишася во юдоли Титанстей. II Samuel 5:19 И вопроси Давид Господа, глаголя: взыду ли ко иноплеменником? И предаси ли я в руце мои? И рече Господь к Давиду: взыди, яко предая предам иноплеменники в руце твои. II Samuel 5:20 И прииде Давид с Вышних Сечей и посече иноплеменники тамо. И рече Давид: изсече Господь враги моя иноплеменники предо мною, якоже пресекаются воды. Сего ради наречеся имя места того Свыше Сечей. II Samuel 5:21 И оставиша тамо (иноплеменницы) боги своя, и взя их Давид и мужие иже с ним (и рече Давид сожещи их во огни). II Samuel 5:22 И приложиша паки приити иноплеменницы и собрашася на юдоли Титанстей. II Samuel 5:23 И вопроси Давид Господа: взыду ли ко иноплеменником? И предаси ли их в руце мои? И рече ему Господь: не исходи на сретение им, но уклонися от них, и приступиши к ним близ дубравы плача: II Samuel 5:24 и будет, егда услышиши глас шума от дубравы плача, тогда снидеши к ним, яко тогда изыдет Господь пред тобою сещи на брани иноплеменники. II Samuel 5:25 И сотвори Давид, якоже заповеда ему Господь, и изби иноплеменники от Гаваона даже до земли Газира. II Samuel 6:0 II Samuel 6:1 И собра Давид еще всякаго юношу от Израиля, яко седмьдесят тысящ. II Samuel 6:2 И воста и иде Давид и вси людие, иже с ним, и от князей Иудиных, на восход, еже вознести оттуду кивот Божий, над нимже призвася имя Господа Сил, седящаго на херувимех над ним: II Samuel 6:3 и возложиша кивот Господень на колесницу нову, и отвезоша его из дому и Аминадавля иже на холме: Оза же и братия его сынове Аминадавли везяху колесницу с кивотом (Господним): II Samuel 6:4 и братия его идяху пред кивотом (Божиим), II Samuel 6:5 Давид же и сынове Израилевы (идяху) пред Господем, играюще во органы устроенныя в крепости, и в пениих и в гуслех, и в свирелех и в тимпанех, и в кимвалех и в цевницах, II Samuel 6:6 и приидоша до гумна Нахорова. И простре Оза руку свою на кивот Божий придержати его, и ятся за него, понеже превращаше его телец. II Samuel 6:7 И разгневася гневом Господь на Озу и порази его тамо Бог, и умре тамо у кивота Господня пред Богом. II Samuel 6:8 И опечалися Давид, понеже порази Господь поражением Озу: и наречеся место то поражение Озино и до сего дне. II Samuel 6:9 И убояся Господа Давид в день той, глаголя: како внидет ко мне кивот Господень? II Samuel 6:10 И не хотяше Давид, да приидет к нему кивот завета Господня во град Давидов: и уклони его Давид в дом Аведдара Гефеанина. II Samuel 6:11 И стояше кивот Господень в дому Аведдара Гефеанина месяцы три, и благослови Господь весь дом Аведдаров и вся, яже его. II Samuel 6:12 И возвестиша царю Давиду, глаголюще: благослови Господь дом Аведдаров и вся, яже его, кивота ради Божия. И иде Давид, и взя кивот Божий из дому Аведдарова во град Давидов в веселии: II Samuel 6:13 и беша с ним несуще кивот Господень седмь ликов, и жертва телец и агнцы: II Samuel 6:14 и Давид бряцаше во органы устроены пред Господем, и оболчен бысть Давид во одежду изящну: II Samuel 6:15 и Давид и весь дом Израилев несяху кивот Господень с воплем и со гласом трубным. II Samuel 6:16 И бысть кивоту приносиму ко граду Давидову, и Мелхола дщи Саулова приницаше оконцем и виде царя Давида скачуща и играюща пред Господем, и уничижи его в сердцы своем. II Samuel 6:17 И внесоша кивот Господень, и поставиша его на месте его посреде скинии, юже постави ему Давид: и вознесе Давид всесожигаемая пред Господа и мирная, II Samuel 6:18 и соверши Давид возносяй всесожжения и мирная, и благослови люди о имени Господа Сил, II Samuel 6:19 и раздели всем людем на всю силу Израилеву от Дана даже до Вирсавии, и от мужа даже до жены, коемуждо по укруху хлеба, и по части печенаго мяса, и по сковрадному млину. И отидоша вси людие, кийждо в дом свой. II Samuel 6:20 И возвратися Давид благословити дом свой, и изыде Мелхола дщи Саулова на сретение Давиду, и благослови его и рече: коль прославися днесь царь Израилев, иже открыся днесь пред очима рабынь рабов своих, якоже открывается открывшийся един от пляшущих? II Samuel 6:21 И рече Давид к Мелхоле: пред Господем плясати буду: и благословен Господь, иже избра мя паче отца твоего и паче всего дому его, поставити мя властелина над людьми Своими над Израилем, и буду играти и плясати пред Господем: II Samuel 6:22 и открыюся еще такожде и буду непотребен пред очима твоима, и с рабынями, о нихже рекла еси, непрославлену быти ми. II Samuel 6:23 И у Мелхолы дщере Саули не бысть детища до дне смерти ея. II Samuel 7:0 II Samuel 7:1 И бысть егда сяде царь в дому своем, и Господь унаследи его окрест от всех врагов его окрестных, II Samuel 7:2 и рече царь к Нафану пророку: се, ныне аз живу в дому кедровем, кивот же Божий стоит посреде скинии. II Samuel 7:3 И рече Нафан к царю: вся елика суть в сердцы твоем, иди и твори, яко Господь с тобою. II Samuel 7:4 И бысть в нощи той, и бысть слово Господне к Нафану, глаголя: II Samuel 7:5 иди и рцы рабу Моему Давиду: сия глаголет Господь: не ты созиждеши Мне дом, еже обитати Мне: II Samuel 7:6 яко не обитах в дому, от негоже дне изведох сыны Израилевы из земли Египетския до дне сего, но бех ходя во обиталищи и в кущи, II Samuel 7:7 во всех идеже хождах во всем Израили: аще глаголя глаголах ко единому колену Израилеву, емуже заповедах пасти люди Моя Израиля, глаголя: почто не создасте Ми дому кедрова? II Samuel 7:8 И ныне сия речеши рабу Моему Давиду: сице глаголет Господь Вседержитель: поях тя от пажити овчия на властелинство людем Моим Израилю, II Samuel 7:9 и бех с тобою во всех, аможе ходил еси, и искорених вся враги твоя от лица твоего, и сотворих тя именита по имени великих иже на земли, II Samuel 7:10 и положу место людем Моим Израилю, и насажду их, и вселятся о себе сами, и не попекутся ктому: и не приложит сын неправды обидети их, якоже исперва, II Samuel 7:11 и от дний в няже поставих судии в людех Моих во Израили: и упокою тя от всех враг твоих: и возвестит ти Господь, яко созиждеши дом Ему: II Samuel 7:12 и будет егда исполнятся дние твои, и уснеши со отцы твоими, и возставлю семя твое по тебе, иже будет от чрева твоего, и уготовлю царство его: II Samuel 7:13 той созиждет дом имени Моему, и управлю престол его до века: II Samuel 7:14 Аз буду ему во отца, и той будет Ми в сына: и аще приидет неправда его, и обличу его жезлом мужей и язвами сынов человеческих: II Samuel 7:15 милости же Моея не отставлю от него, якоже отставих от тех, ихже отставих от лица Моего: II Samuel 7:16 и верен будет дом его и царство его до века предо Мною: и престол его будет исправлен во век. II Samuel 7:17 По всем словесем сим и по всему видению сему, тако глагола Нафан ко Давиду. II Samuel 7:18 И вниде царь Давид и седе пред Господем и рече: кто есмь аз, Господи мой, Господи? И что дом мой, яко возлюбил мя еси даже до сих? II Samuel 7:19 И мала сия пред Тобою суть, Господи мой, Господи, и глаголал еси о доме раба Твоего вдалеко: сей же закон человека, Господи мой, Господи: II Samuel 7:20 и что приложит Давид еще глаголати к Тебе? И ныне Ты веси раба Твоего, Господи мой, Господи, II Samuel 7:21 и раба Твоего ради сотворил еси и по сердцу Твоему сотворил еси все величество сие, сказати рабу Твоему, II Samuel 7:22 величия ради Твоего, Господи мой, Господи: несть бо ин якоже Ты, и несть Бога разве Тебе во всех, яже слышахом ушима нашима: II Samuel 7:23 и кто якоже людие Твои Израиль язык ин на земли? Яко настави их Бог, еже избавити Себе людий, еже положити Тебе имя, еже сотворити величие и просвещение, еже изринути тебе от лица людий Твоих, ихже избавил еси Себе от Египта, языки и селения, II Samuel 7:24 и уготовал еси Себе люди Твоя Израиля в люди до века, и Ты, Господи, был еси им в Бога: II Samuel 7:25 и ныне, Господи мой, Господи, слово, еже глаголал еси о рабе Твоем и о доме его, увери до века, якоже глаголал еси, сотвори: II Samuel 7:26 и ныне да возвеличится имя Твое до века, глаголя: Господь Вседержитель Бог над Израилем, и дом раба Твоего Давида да будет исправлен пред Тобою: II Samuel 7:27 яко Ты Господь Вседержитель Бог Израилев, отверзл еси ухо рабу Твоему, глаголя: дом созижду тебе: сего ради обрете раб Твой сердце свое еже помолитися к Тебе молитвою сею: II Samuel 7:28 и ныне, Господи мой, Господи, Ты еси Бог, и словеса Твоя будут истинна, и глаголал еси о рабе Твоем благая сия, II Samuel 7:29 и ныне начни и благослови дом раба Твоего, еже быти ему во век пред Тобою, яко Ты, Господи мой, Господи, глаголал еси, и от благословения Твоего да благословится дом раба Твоего, еже быти во век пред Тобою. II Samuel 8:0 II Samuel 8:1 И бысть по сих, и порази Давид иноплеменники и победи их, и взя Давид отлученное от руки иноплеменничи. II Samuel 8:2 И порази Давид Моава, и размери их ужами, положив их на земли: и быша два ужа на умерщвление, и два ужа на оживление: и бысть Моав Давиду в раба дающа дань. II Samuel 8:3 И порази Давид Адраазара сына Раава царя Сувска, идущу ему поставити руку свою на реце Евфрате: II Samuel 8:4 и предвзя Давид от него тысящу колесниц и седмь тысящ конник и двадесять тысящ мужей пешцев, и разруши Давид вся колесницы, и остави себе от них сто колесниц. II Samuel 8:5 И прииде Сириа Дамаскова помощи Адраазару царю Сувску, и порази Давид от Сирии двадесять две тысящы мужей, II Samuel 8:6 и постави Давид стражу в Сирии, яже под Дамаском, и бысть Сириа Давиду в рабы дающыя дань: и спасе Господь Давида во всех, аможе хождаше. II Samuel 8:7 И взя Давид гривны златыя, яже быша на отроцех Адраазара царя Сувска, и принесе я во Иерусалим: и взя их Сусаким царь Египетск, егда взыде во Иерусалим во дни Ровоама сына Соломоня. II Samuel 8:8 И от Метевака и от избранных градов Адраазаровых взя Давид медь многу зело, из неяже сотвори Соломон море медяно и столпы, и умывалницы и вся сосуды. II Samuel 8:9 И услыша Фоа царь Имафский, яко порази Давид всю силу Адраазарову, II Samuel 8:10 и посла Фоа Иеддурама сына своего к царю Давиду вопросити его яже о мире, и благословити его, понеже победи Адраазара и уби его, зане сопротивляяся бе Адраазару: и в руку его быша сосуды сребряны и сосуды златы и сосуды медяны: II Samuel 8:11 и сия освяти царь Давид Господу со сребром и златом, еже освяти от всех градов, имиже возоблада, II Samuel 8:12 от Идумеи и от Моава, и от сынов Аммоних и от иноплеменник, и от Амалика и от корыстей Адраазара сына Раава, царя Сувска. II Samuel 8:13 И сотвори Давид (себе) имя: и егда возвращашеся, порази Идумею в Гевелеме, до осминадесять тысящ: II Samuel 8:14 и постави во Идумеи Давид стражу, во всей Идумеи, и быша вси Идумеане раби царю Давиду: и спасе Господь Давида во всех, аможе хождаше. II Samuel 8:15 И царствова Давид над всем Израилем, и бе Давид творяй суд и правду над всеми людьми своими. II Samuel 8:16 И Иоав сын Саруин над воинствы (его), и Иосафат сын Ахилудов над памятописанми, II Samuel 8:17 и Садок сын Ахитов и Ахимелех сын Авиафарь жерцы, и Саса книжник, II Samuel 8:18 и Ванеа сын Иодаев советник, и Хелефий и Фелетий, и сынове Давидовы началницы двора быша. II Samuel 9:0 II Samuel 9:1 И рече Давид: есть ли еще оставшийся в дому Саули, и сотворю с ним милость Ионафана ради? II Samuel 9:2 И от дому Сауля бе отрок, и имя ему Сива: и призваша его к Давиду, и рече к нему царь: ты ли еси Сива? И рече: аз раб твой. II Samuel 9:3 И рече царь: остася ли от дому Сауля еще муж, и сотворю с ним милость Божию? И рече Сива к царю: еще есть сын Ионафанов, хром ногама. II Samuel 9:4 И рече царь: где есть? И рече Сива к царю: се, в дому Махира сына Амииля от Лодавара. II Samuel 9:5 И посла царь Давид, и взя его из дому Махира сына Амииля от Лодавара. II Samuel 9:6 И прииде Мемфивосфей сын Ионафана сына Саулова к царю Давиду, и паде на лицы своем и поклонися ему. И рече ему Давид: Мемфивосфее. И рече: се, раб твой. II Samuel 9:7 И рече ему Давид: не бойся, яко творя сотворю с тобою милость Ионафана ради отца твоего, и возвращу тебе вся села Саула деда твоего, и ты яждь хлеб на трапезе моей всегда. II Samuel 9:8 И поклонися ему Мемфивосфей и рече: кто есмь аз раб твой, яко призрел еси на пса умершаго подобнаго мне? II Samuel 9:9 И призва царь Сиву отрочища Сауля, и рече ему: вся елика суть Сауля и весь дом его дах сыну господина твоего: II Samuel 9:10 и делай ему землю ты и сынове твои и раби твои, и да приносиши сыну господина твоего хлебы, да яст: и Мемфивосфей сын господина твоего да яст хлеб всегда на трапезе моей. У Сивы же бяху пятьнадесять сынов и двадесять рабов. II Samuel 9:11 И рече Сива к царю: по всем, елика заповеда господин мой царь рабу своему, тако сотворит раб твой. И Мемфивосфей ядяше на трапезе Давидове, якоже един от сынов царевых. II Samuel 9:12 И Мемфивосфею сын бе мал, и имя ему Миха, и все обитание дому Сивина раби бяху Мемфивосфеовы. II Samuel 9:13 И Мемфивосфей живяше во Иерусалиме, яко на трапезе цареве ядяше всегда: и той бяше хром обема ногама своима. II Samuel 10:0 II Samuel 10:1 И бысть по сих, и умре царь сынов Аммоних, и царствова сын его Аннон вместо его. II Samuel 10:2 И рече Давид: сотворю милость со Анноном сыном Наасовым, имже образом сотвори отец его милость со мною. И посла Давид утешити его рукою рабов своих о отце его. И приидоша отроцы Давидовы в землю сынов Аммоних. II Samuel 10:3 И реша старейшины сынов Аммоних ко Аннону господину своему: еда прославления ради отца твоего пред тобою посла к тебе Давид утешители? Не да испытают ли град, и соглядают его, еже разрушити его, посла Давид рабы своя к тебе? II Samuel 10:4 И взя Аннон отроки Давидовы, и остриже половину брад их, и обреза одеяния их половину даже до чресл их, и отпусти их. II Samuel 10:5 И возвестиша Давиду о мужех, и посла в сретение им, яко беша мужие тии обезчещени зело. И рече царь: седите во Иерихоне, дондеже возрастут брады вашя, и возвратитеся. II Samuel 10:6 И видеша сынове Аммони, яко посрамлени быша людие Давидовы: и послаша сынове Аммони, и наяша Сирию Вефраамлю, и Сирию Сувску и Роовлю двадесять тысящ пешцев, и царя Амалика Мааха тысящу мужей, и Истова дванадесять тысящ мужей. II Samuel 10:7 И слыша Давид, и посла Иоава и всю силу сильных. II Samuel 10:8 И изыдоша сынове Аммони, и устроиша брань пред враты града: Сириа же Сувска и Роов, и Истов и Амалик, едини (сташа) на селе. II Samuel 10:9 И виде Иоав, яко бысть на него противное лице брани сопреди и созади, и избра от всех юнош Израилевых, и устрои их противу Сириан, II Samuel 10:10 останок же людий даде в руце брату своему Авессе и устрои я противу сынов Аммоних, II Samuel 10:11 и рече (Иоав ко Авессе): аще укрепится Сириа паче мене, и будете мне на спасение: аще же укрепятся сынове Аммони паче тебе, и будем спасати тя: II Samuel 10:12 мужаимся и укрепимся о людех наших и о градех Бога нашего, и Господь сотворит благое пред очима Своима. II Samuel 10:13 И прииде Иоав и людие его с ним на брань на Сирию, и побегоша от лица его. II Samuel 10:14 И видеша сынове Аммони, яко бежаша Сириане, и бежаша от лица Авессы и внидоша во град. И возвратися Иоав от сынов Аммоних, и прииде во Иерусалим. II Samuel 10:15 И видеша Сириане, яко падоша пред Израилем, и собрашася вкупе. II Samuel 10:16 И посла Адраазар, и собра Сирианы, иже об он пол реки Халамака, и приидоша во Елам: и Совак старейшина силы Адраазаровы пред ними. II Samuel 10:17 И возвестиша Давиду, и собра всего Израиля, и прейде Иордан, и прииде во Елам. И устроишася Сириане на Давида, и брашася с ним, II Samuel 10:18 и бежаша Сириане от лица Израилтян. И отя Давид от Сирии седмь сот колесниц и четыредесять тысящ конник, и Совака старейшину силы его уби, и умре тамо. II Samuel 10:19 И видеша вси царие раби Адраазаровы, яко падоша пред Израилем, и пребегоша ко Израилю и работаша им: и убояшася Сириане спасати ктому сынов Аммоних. II Samuel 11:0 II Samuel 11:1 И бысть по возвращении лета, во время исхождения царей (на брань), и посла Давид Иоава и отроки своя с ним, и всего Израиля: и расточиша сыны Аммони и обседоша окрест Раввафа, и Давид седе во Иерусалиме. II Samuel 11:2 И бысть при вечере, и воста Давид от ложа своего, и хождаше на крове дому царскаго, и увиде жену с крова мыющуюся: жена же взором добра велми: II Samuel 11:3 и посла Давид, и взыска жену, и рече: не сия ли Вирсавиа дщерь Елиавля, жена Урии Хеттеанина? II Samuel 11:4 И посла Давид слуги, и взя ю, и вниде к ней, и преспа с нею: и та бе очистилася от нечистоты своея, и возвратися в дом свой. II Samuel 11:5 И зачат жена во чреве: и пославши возвести Давиду и рече: се, аз есмь во чреве имущая. II Samuel 11:6 И посла Давид ко Иоаву, глаголя: посли ко мне Урию Хеттеанина. И посла Иоав Урию к Давиду. II Samuel 11:7 И прииде Уриа и вниде к нему, и вопроси его Давид о мире Иоава и о мире людий и о мире брани. II Samuel 11:8 И рече Давид ко Урии: иди в дом твой, и умый нозе твои. И изыде Уриа из дому царева, и иде вслед его снедь царева. II Samuel 11:9 И спа Уриа пред враты дому царева с рабы господина своего, а не иде в дом свой. II Samuel 11:10 И возвестиша Давиду, глаголюще: яко не ходи Уриа в дом свой. И рече Давид ко Урии: не с пути ли пришел еси? Почто не вшел еси в дом твой? II Samuel 11:11 И рече Уриа к Давиду: кивот Божий и Израиль и Иуда пребывают в кущах, и господин мой Иоав и раби господина моего на лицы сел пребывают, аз же вниду ли в дом мой ясти и пити и спати с женою моею? Како? Жива душа твоя, аще сотворю глагол сей. II Samuel 11:12 И рече Давид ко Урии: поседи зде и днесь, и заутра отпущу тя. И пребысть Уриа во Иерусалиме в той день и во утрешний. II Samuel 11:13 И призва его Давид, и яде пред ним и пияше, и упои его, и отиде в вечер спати на ложе свое с рабы господина своего, в дом же свой не иде. II Samuel 11:14 И бысть утро, и написа Давид писание ко Иоаву, и посла рукою Урииною. II Samuel 11:15 И написа в писании, глаголя: введи Урию противу брани крепкия и возвратитеся вспять от него, да язвен будет и умрет. II Samuel 11:16 И бысть егда стрежаше Иоав у града, и постави Урию на месте, идеже ведяше, яко мужие сильни тамо. II Samuel 11:17 И изыдоша мужие из града и бияхуся со Иоавом: и падоша от людий от рабов Давидовых, умре же и Уриа Хеттеанин. II Samuel 11:18 И посла Иоав, и возвести Давиду вся словеса, яже о брани, глаголати к царю. II Samuel 11:19 И заповеда (Иоав) послу, глаголя: егда скончаеши вся речи, яже от брани, к царю глаголати, II Samuel 11:20 и будет аще разгневается царь и речет ти: почто приближистеся ко граду на брань? Не ведасте ли, яко стреляти будут с стены? II Samuel 11:21 Кто уби Авимелеха сына Иеровааля сына Нирова? Не жена ли верже нань уломком жернова с стены, (и урази его,) и умре в Фамасе? Почто приступасте к стене? И речеши: и раб твой Уриа Хеттеанин (убиен бысть, и) умре. II Samuel 11:22 И иде посол Иоавль к царю во Иерусалим, и прииде, и возвести Давиду вся, елика глагола ему Иоав, вся глаголы брани. И разгневася Давид на Иоава и рече к послу: почто приближистеся ко граду битися? Не ведасте ли, яко язвени будете со стены? Кто уби Авимелеха сына Иеровааля? Не жена ли верже нань уломок жернова со стены, и умре в Фамасе? Почто приближистеся к стене? II Samuel 11:23 И рече посол к Давиду: яко укрепишася на ны мужие и изыдоша на ны на село, и гонихом я до врат града: II Samuel 11:24 и стреляша стрелцы со стены на рабы твоя, и умроша от отрок царских, и раб твой Уриа Хеттеанин умре. II Samuel 11:25 И рече Давид к послу: сице да речеши ко Иоаву: да не будет зло пред очима твоима слово сие, яко овогда убо сице, овогда же инако поядает мечь: укрепи брань твою на град, и раскопай и: и укрепи его. II Samuel 11:26 И услыша жена Уриина, яко умре Уриа муж ея, и рыдаше по мужи своем. II Samuel 11:27 И прейде плачь, и посла Давид, и введе ю в дом свой, и бысть ему жена, и роди ему сына. И зол явися глагол, егоже сотвори Давид, пред очима Господнима. II Samuel 12:0 II Samuel 12:1 И посла Господь Нафана пророка к Давиду. И вниде к нему (и рече ему: отвещай ми, царю, ныне суд сей:) и рече ему: два мужа беста во единем граде, един богат, а другий убог: II Samuel 12:2 и у богатаго стада бяху и буйволи мнози зело, II Samuel 12:3 у убогаго же ничтоже бе, но токмо агница едина мала, юже стяжа и снабде, и вскорми ю, и возрасте с ним и с сынами его вкупе: от хлеба его ядяше и от чаши его пияше, и на лоне его почиваше, и бе ему яко дщерь: II Samuel 12:4 и прииде некто с пути к мужу богатому, и не восхоте взяти от стад своих и от буйволиц своих на сотворение обеда путнику пришедшу к нему: но взя агницу убогаго, и уготова ю на обед мужу пришедшу к нему. II Samuel 12:5 И разгневася гневом зело Давид на мужа (того), и рече Давид к Нафану: жив Господь, яко сын смерти есть муж сотворивый сие: II Samuel 12:6 и агницу возвратит седмерицею за сие, яко сотворил глагол сей, и за сие, яко не пощаде. II Samuel 12:7 И рече Нафан к Давиду: ты еси муж сотворивый сие: сия глаголет Господь Бог Израилев: Аз есмь помазавый тя в царя над Израилем, и Аз есмь избавивый тя от руки Сауловы: II Samuel 12:8 и дах ти дом господина твоего и жены господина твоего на лоно твое, и дах ти дом Израилев и Иудин: и аще мало ти есть, приложу тебе к сим: II Samuel 12:9 и что яко презрел еси слово Господне, еже сотворити лукавое пред очима Его? Урию Хеттеанина убил еси мечем, и жену его поял еси себе в жену, и того убил еси мечем сынов Аммоних: II Samuel 12:10 и ныне не отступит мечь от дому твоего до века: зане уничижил Мя еси и поял еси жену Урии Хеттеанина в жену себе: II Samuel 12:11 сия глаголет Господь: се, Аз воздвигну на тя злая от дому твоего, и возму жены твоя пред очима твоима и дам ближнему твоему, и будет спати со женами твоими пред солнцем сим: II Samuel 12:12 яко ты сотворил еси втайне, Аз же сотворю глаголгол сей пред всем Израилем и пред солнцем сим. II Samuel 12:13 И рече Давид к Нафану: согреших ко Господу. И рече Нафан к Давиду: и Господь отя согрешение твое, не умреши: II Samuel 12:14 обаче яко поощряя изострил еси врагов Господних глаголом сим, и сын твой родивыйся тебе смертию умрет. II Samuel 12:15 И отиде Нафан в дом свой. И сокруши Господь детище, еже роди жена Уриина Давиду, и разболеся. II Samuel 12:16 И взыска Давид Бога о детищи, и постися Давид постом, и вниде и водворися, и лежаше на земли: II Samuel 12:17 и внидоша к нему старейшины дому его воздвигнути его от земли, и не восхоте, и не яде с ними хлеба. II Samuel 12:18 И бысть в день седмый, и умре отроча. И убояшася раби Давидовы поведати ему, яко умре отроча, реша бо: се, егда отроча еще живо бяше, глаголахом к нему, и не послуша гласа нашего: и како речем к нему, яко умре отроча, и сотворит злая? II Samuel 12:19 И разуме Давид, яко отроцы его шепчут, и позна Давид, яко умре отроча. И рече Давид отроком своим: умре ли отроча? И реша: умре. II Samuel 12:20 И воста Давид от земли, и умыся и помазася, и измени ризы своя, и вниде в дом Божий, и поклонися ему, и вниде в дом свой, и проси ясти хлеба, и предложиша ему хлеб, и яде. II Samuel 12:21 И реша отроцы его к нему: что глагол сей, егоже сотворил еси отрочате ради, яко еще сущу отрочати живу, постился еси и плакал и бдел еси: егда же умре отроча, востал, и ял еси хлеб, и пил еси? II Samuel 12:22 И рече Давид: егда бе отроча еще живо, постихся и плаках, яко рех: кто весть, помилует ли мя Господь и живо будет отроча? II Samuel 12:23 Ныне же умре, почто мне поститися? Еда возмогу возвратити е ктому? Аз имам ити к нему, тое же не возвратится ко мне. II Samuel 12:24 И утеши Давид Вирсавию жену свою, и вниде к ней и спа с нею, и зача и роди сына, и нарече имя ему Соломон: и Господь возлюби его. II Samuel 12:25 И посла рукою Нафана пророка, и нарече имя ему Иеддеди словом Господним. II Samuel 12:26 Иоав же воева в Раввафе сынов Аммоних и взя град царства. II Samuel 12:27 И посла Иоав вестники к Давиду и рече: воевах на Равваф и взях град вод: II Samuel 12:28 и ныне собери останок людий и ополчися на град, и приими его, да не аз возму град, и наречется имя мое на нем. II Samuel 12:29 И собра Давид вся люди, и пойде в Равваф, и ополчися нань, и взя его: II Samuel 12:30 и взя венец Молхома царя их с главы его, талант злата вес его, и от камения драга, и бе на главе Давидове, и корысть изнесе из града многу зело: II Samuel 12:31 и люди сущыя в нем изведе, и положи на пилы и на трезубы железны и секиры железны, и превождаше их сквозе пещь плинфяну. И тако сотвори всем градом сынов Аммоних. И возвратися Давид и весь Израиль во Иерусалим. II Samuel 13:0 II Samuel 13:1 И бысть по сих, и у Авессалома сына Давидова бе сестра добра взором зело, имя же ей Фамарь, и возлюби ю Амнон сын Давидов: II Samuel 13:2 и скорбяше Амнон, яко и разболетися (ему) сестры своея ради Фамары, зане дева бяше сия, и не удобно бе пред очима Амнонима что сотворити ей. II Samuel 13:3 И бе Амнону друг, имя же ему Ионадав, сын Самаа брата Давидова, и Ионадав муж мудр зело. II Samuel 13:4 И рече ему (Ионадав): что ти, яко ты тако болиши, сыне царев, утро утро? И не возвещаеши ми? И рече ему Амнон: Фамару сестру Авессалома брата моего аз люблю. II Samuel 13:5 И рече ему Ионадав: лязи на постели твоей и разболися, и внидет отец твой видети тя, и речеши к нему: да приидет ныне Фамарь сестра моя, и да ми даст ясти, и да сотворит пред очима моима снедь, да увижду и вкушу от рук ея. II Samuel 13:6 И ляже Амнон и разболеся: и вниде царь видети его. И рече Амнон к царю: да приидет ныне Фамарь сестра моя ко мне и да испечет два пряжма пред очима моима, и имам ясти от руку ея. II Samuel 13:7 И посла Давид к Фамаре в дом, глаголя: иди ныне в дом Амнона брата твоего и сотвори ему снедь. II Samuel 13:8 И иде Фамарь в дом Амнона брата своего, и той лежаше. И взя тесто, и смеси, и устрои пред очима его, и испече пряжма: II Samuel 13:9 и взя сковраду и изложи пред него, и не восхоте ясти. И рече Амнон: изжените вся мужы от мене. И изгнаша вся мужы от него. II Samuel 13:10 И рече Амнон к Фамаре: внеси ми снедь во внутреннюю храмину, и ям от руку твоею. И взя Фамарь пряжма, яже испече, и внесе Амнону брату своему во внутреннюю храмину, II Samuel 13:11 и представи ему да яст. И ят ю, и рече ей: гряди, лязи со мною, сестро моя. II Samuel 13:12 И рече ему: ни, брате мой, не обругай мене, понеже не сотворится тако во Израили, не сотвори безумия сего: II Samuel 13:13 и аз камо скрыю безчестие мое? И ты будеши яко един от безумных во Израили: и ныне глаголи к царю, да не отлучит мене от тебе. II Samuel 13:14 И не восхоте Амнон послушати гласа ея, и преодоле ей, и смири ю, и преспа с нею. II Samuel 13:15 И возненавиде ю Амнон ненавистию великою зело, яко велиим ненавидением возненавиде ю паче любве, еюже любляше ю, и рече ей Амнон: востани и отиди. II Samuel 13:16 И рече ему Фамарь: (ни, брате,) яко злоба болши есть последняя паче первыя, юже сотворил еси со мною, еже отслати мене. И не восхоте Амнон слышати гласа ея. II Samuel 13:17 И призва отрока своего, приставника дому своего, и рече ему: отсли ныне сию от мене вон, и заключи двери вслед ея. II Samuel 13:18 И бе риза на ней испещрена, понеже тако облачахуся дщери царевы, сущыя девицы, во одежды своя. И изведе ю вон слуга его и затвори двери вслед ея. II Samuel 13:19 И взя Фамарь пепел, и насыпа на главу свою, и одежду испещренную растерза на себе, и возложи руце свои на главу свою, и идущи идяше и вопияше. II Samuel 13:20 И рече к ней Авессалом брат ея: еда Амнон брат твой бысть с тобою? И ныне, сестро моя, умолчи, яко брат твой есть: не полагай на сердцы твоем еже глаголати слово сие. И седе Фамарь вдовствующи в дому Авессалома брата своего. II Samuel 13:21 И слыша царь Давид вся словеса сия, и разгневася зело, и не опечали духа Амнона сына своего, понеже любляше его, яко первенец бе ему. II Samuel 13:22 И не глагола Авессалом со Амноном ни о добре, ни о зле, понеже возненавиде Авессалом Амнона того ради, понеже Фамару сестру его обругал. II Samuel 13:23 И бысть по двух летех дний, и беша стригуще (овцы) Авессаломовы (раби) в Веласоре близ Ефрема: и призва Авессалом вся сыны царевы. II Samuel 13:24 И прииде Авессалом ко царю и рече: се, ныне стригут рабу твоему, да идет убо царь и отроцы его с рабом твоим. II Samuel 13:25 И рече царь ко Авессалому: ни, сыне мой, да не пойдем вси мы, и да не отяготим тя. И нуждаше его: и не восхоте (царь) ити, и благослови его. II Samuel 13:26 И рече Авессалом к нему: аще же ни, поне да идет с нами Амнон брат мой. И рече ему царь: почто идет с тобою Амнон? II Samuel 13:27 И принуди его Авессалом, и отпусти с ним Амнона и вся сыны царевы. И сотвори Авессалом пир, якоже творит пир царь. II Samuel 13:28 И заповеда Авессалом отроком своим, глаголя: видите егда возблажает сердце Амноне от вина, и реку вам: поразите Амнона, и умертвите его: не убойтеся, яко не аз ли есмь повелеваяй вам? Мужайтеся и будите в сыны силы. II Samuel 13:29 И сотвориша отроцы Авессаломли Амнону, якоже заповеда им Авессалом. И восташа вси сынове царевы, и вседе кийждо на мска своего, и бежаша. II Samuel 13:30 И бысть, сущым им на пути, и слух дойде до Давида, глаголя: изби Авессалом вся сыны царевы, и не избысть от них ни един. II Samuel 13:31 И воста царь, и растерза ризы своя, и ляже на земли, и вси отроцы его предстоящии ему растерзаша ризы своя. II Samuel 13:32 И рече Ионадав, сын Самаа брата Давидова, и рече: да не речет господин мой царь, яко вся отроки сыны царевы уби, но Амнон есть един убиен, яко той из уст Авессалому не исхождаше, отнележе обруга сестру его Фамару: II Samuel 13:33 и ныне да не полагает господин мой царь словесе на сердцы своем, глаголя: вси сынове царевы умроша: яко Амнон един умре. II Samuel 13:34 И побеже Авессалом. И воздвиже отрок страж очеса своя и виде: и се, людие мнози идуще путем вслед его со страны гор в низхождение. И прииде страж и возвести царю и рече: мужы видех от пути Оронска со страны горы. II Samuel 13:35 И рече Ионадав ко царю: се, сынове царевы приходят: по словеси раба твоего, тако бысть. II Samuel 13:36 И бысть егда сконча глаголя, и се, сынове царевы приидоша и воздвигоша глас свой и плакаша: и сам царь и вси отроцы его плакаша плачем великим зело. II Samuel 13:37 И Авессалом убеже, и прииде ко Фолму сыну Емиуда, царю Гедсурску, в землю Хамаахадску. И плакаше Давид царь о сыне своем вся дни. II Samuel 13:38 И Авессалом убеже, и иде в Гедсур, и бе тамо три лета. II Samuel 13:39 И остави царь Давид изыти вслед Авессалома, яко утешися о Амноне, яко умре. II Samuel 14:0 II Samuel 14:1 И разуме Иоав сын Саруин, яко сердце царево преклонися ко Авессалому. II Samuel 14:2 И посла Иоав в Фекою, и взя оттуду жену мудру и рече к ней: сетуй ныне, и облецыся в ризы сетования, и не помажися елеем, и будеши яко жена сетующая о умершем дни многи: II Samuel 14:3 и внидеши ко царю и речеши к нему по глаголу сему. И положи Иоав словеса своя во уста ея. II Samuel 14:4 И вниде жена Фекоитяныня ко царю и паде на лицы своем на землю, и поклонися ему, и рече: спаси, царю, спаси мя. II Samuel 14:5 И рече ей царь: что ти есть? Она же рече: издавна вдова жена аз есмь, и умре муж мой: II Samuel 14:6 и рабе твоей два сына, и бистася оба на селе, и не бысть кто бы их разлучил, и нападе един на брата своего, и умертви его: II Samuel 14:7 и се, воста все отечество на рабу твою и реша: дай убившаго брата своего, и умертвим его вместо души брата, егоже уби, и погубим и наследника вашего: и угасят искру мою оставшуюся, яко не оставити мужу моему останка и имене на лицы земли. II Samuel 14:8 И рече царь к жене: иди здрава в дом свой, и аз заповедаю о тебе. II Samuel 14:9 И рече жена Фекоитяныня ко царю: на мне беззаконие, господи мой царю, и на дому отца моего, царь же и престол его неповинен. II Samuel 14:10 И рече царь: кто глаголяй к тебе, и приведеши его ко мне, и не приложит ктому коснутися ему? II Samuel 14:11 И рече жена: да воспомянет ныне царь Господа Бога своего, внегда умножити ужика крове, еже растлити, и не имут погубити сына моего. И рече (царь): жив Господь, аще и влас падет сыну твоему с главы на землю. II Samuel 14:12 И рече жена: да глаголет ныне раба твоя ко господину моему царю слово. Он же рече: глаголи. II Samuel 14:13 И рече жена: почто помыслил еси тако о людех Божиих? Еда от уст царевых слово сие аки преступление, еже не возвратити царю отриновеннаго своего? II Samuel 14:14 Яко смертию умрем, и яко вода низходящая на землю, яже не соберется, и приимет Бог душу, и помышляяй спасти от Него отриновеннаго: II Samuel 14:15 и ныне яко приидох глаголати ко царю господину моему глагол сей, яко увидят мя людие, и речет раба твоя: да глаголет убо ко господину моему царю, негли сотворит царь слово рабы своея, II Samuel 14:16 яко услышит царь: да измет рабу свою из рук мужей ищущих погубити мя и сына моего от участия Божия: II Samuel 14:17 и речет раба твоя: да будет ныне слово господа моего царя на жертву: якоже бо Ангел Божий, тако господь мой царь, еже слышати благое и злое: и Господь Бог твой будет с тобою. II Samuel 14:18 И отвеща царь и рече к жене: никакоже да утаиши от мене глагола, о немже аз вопрошу тя. И рече жена: да глаголет убо господь мой царь. II Samuel 14:19 И рече царь: еда рука Иоавля о всем сем с тобою? И рече жена к царю: да живет душа твоя, господи мой царю, аще есть одесную или ошуюю от всех, яже глагола господин мой царь, яко раб твой Иоав той заповеда мне, и той вложи во уста рабе твоей вся словеса сия: II Samuel 14:20 за еже приити лицу глагола сего, еже сотвори раб твой Иоав слово сие: господин же мой царь мудр, якоже мудрость Ангела Божия, еже разумети вся, яже на земли. II Samuel 14:21 И рече царь ко Иоаву: се, ныне сотворих ти по словеси твоему сему: иди, возврати отрока Авессалома. II Samuel 14:22 И паде на лицы своем Иоав на землю, и поклонися, и благослови царя. И рече Иоав: днесь позна раб твой, яко обретох благодать пред очима твоима, господи мой царю, яко сотвори господин мой царь слово раба своего. II Samuel 14:23 И воста Иоав и иде в Гедсур, и приведе Авессалома во Иерусалим. II Samuel 14:24 И рече царь: да возвратится в дом свой, лица же моего да не видит. И возвратися Авессалом в дом свой, лица же царева не виде. II Samuel 14:25 И якоже Авессалом не бе муж во всем Израили хвален зело: от пяты ноги его и до верха его не бе в нем порока: II Samuel 14:26 и внегда стрищи ему главу свою, и бысть от начала дний до дний в няже стрижашеся, яко тяжко бяше ему от них, и стригущься весяше власы главы своея двести сиклей по сиклю царскому. II Samuel 14:27 И родишася Авессалому три сыны и дщерь едина, и имя ей Фамарь: сия бе жена добра зело взором, и бысть жена Ровоаму сыну Соломоню, и роди ему Авию. II Samuel 14:28 И седяше Авессалом во Иерусалиме два лета дний, и лица царева не виде. II Samuel 14:29 И посла Авессалом ко Иоаву, дабы послати его ко царю, и не восхоте приити к нему: и посла второе к нему, и не восхоте приити. II Samuel 14:30 И рече Авессалом ко отроком своим: видите, часть на селе Иоавли близ мене, его тамо ячмень, идите и запалите его огнем. И запалиша раби Авессаломли часть (Иоавлю) огнем. И приидоша раби Иоавли к нему раздравше ризы своя, и реша: пожгоша раби Авессаломли часть твою огнем. II Samuel 14:31 И воста Иоав и прииде ко Авессалому в дом, и рече к нему: почто сожгоша раби твои часть мою огнем? II Samuel 14:32 И рече Авессалом ко Иоаву: се, посылах к тебе, глаголя: иди семо, и послю тя ко царю, глаголя: почто приидох из Гедсура? Лучше ми бе быти еще тамо: и ныне се, лица царева не видех: аще же есть во мне неправда, то умертви мя. II Samuel 14:33 И вниде Иоав ко царю и возвести ему. И призва Авессалома, и прииде ко царю, и поклонися ему, и паде лицем своим на землю пред лицем царевым, и облобыза царь Авессалома. II Samuel 15:0 II Samuel 15:1 И бысть по сих, и сотвори себе Авессалом колесницы и кони и пятьдесят муж текущих пред ним: II Samuel 15:2 и воставаше рано Авессалом, и стояше при самем пути врат: и бысть всяк муж, емуже бяше пря, прииде пред царя на суд, и возопи к нему Авессалом, и глаголаше ему: от коего града ты еси? И рече ему муж: от единаго колен Израилевых раб твой. II Samuel 15:3 И рече к нему Авессалом: се, словеса твоя блага и удобна, но слушающаго несть ти от царя. II Samuel 15:4 И рече Авессалом: кто мя поставит судию на земли, и ко мне приидет всяк муж имеяй прю и суд, и оправдаю его? II Samuel 15:5 И бысть егда приближашеся муж поклонитися ему, и простираше руку свою, и приимаше его, и целоваше его. II Samuel 15:6 И сотвори Авессалом по глаголу сему всему Израилю приходящым на суд к царю и приусвои Авессалом сердца сынов Израилевых. II Samuel 15:7 И бысть от конца четыредесяти лет, и рече Авессалом ко отцу своему: пойду ныне и воздам обеты моя, яже обещах Господу в Хевроне: II Samuel 15:8 зане обет обеща раб твой, егда жих в Гедсуре Сирийстем, глаголя: аще возвращая возвратит мя Господь во Иерусалим, и послужу Господу. II Samuel 15:9 И рече ему царь: иди с миром. И востав иде в Хеврон. II Samuel 15:10 И посла Авессалом соглядатаи во вся колена Израилева, глаголя: егда услышите вы глас трубы рожаны, и рцыте: воцарися царь Авессалом в Хевроне. II Samuel 15:11 И идоша со Авессаломом двести мужей от Иерусалима позвани: и идяху в простоте своей, и не разумеша всякаго глагола. II Samuel 15:12 И посла Авессалом, и призва Ахитофела Галамонийскаго, советника Давидова, от града его Голамы, егда жряше жертвы. И бысть смятение крепко: и людий множество идущих со Авессаломом. II Samuel 15:13 И прииде вестник к Давиду, глаголя: бысть сердце мужей Израилевых со Авессаломом. II Samuel 15:14 И рече Давид всем отроком своим сущым с ним во Иерусалиме: востаните, и бежим, яко несть нам спасения от лица Авессаломля: ускорите ити, да не ускорит и возмет нас, и наведет на нас злобу, и избиет град острием меча. II Samuel 15:15 И реша отроцы царевы к царю: вся елика заповесть господь наш царь, се, мы отроцы твои. II Samuel 15:16 И изыде царь и весь дом его ногами своими, и остави царь десять жен подложниц своих хранити дом. II Samuel 15:17 И изыде царь и вси отроцы его пеши и сташа в Дому Сущем Далече: II Samuel 15:18 и вси отроцы его от обою страну его идяху, и вси Хелефее и вси Фелефее и вси Гефее, шесть сот мужей шедше пеши от Гефа предидяху пред лицем царевым. II Samuel 15:19 И рече царь ко Еффею Геффеину: почто и ты идеши с нами? Возвратися и живи с царем, яко чуждь еси ты, и яко преселился еси ты от места твоего: II Samuel 15:20 аще вчера пришел еси, и днесь ли подвигну тя ити с нами? И аз иду, аможе пойду: иди и возвратися, и возврати братию твою с тобою, и Господь да сотворит с тобою милость и истину. II Samuel 15:21 И отвеща Еффей к царю и рече: жив Господь, и жив господин мой царь, яко на месте, идеже будет господин мой царь, или в смерти, или в животе, тамо будет раб твой. II Samuel 15:22 И рече царь ко Еффею: гряди, и прейди со мною. И прейде Еффей Геффеин и царь и вси отроцы его и весь народ иже с ним. II Samuel 15:23 И вся земля плакашеся гласом великим. И вси людие прехождаху по потоку Кедрску, и царь прейде чрез поток Кедрский, и вси людие и царь идяху к лицу пути пустыннаго. II Samuel 15:24 И се, и Садок иерей и вси левити с ним, носяще кивот завета Господня от Вефары: и поставиша кивот Божий: и Авиафар взыде, дондеже престаша вси людие исходити из града. II Samuel 15:25 И рече царь к Садоку: возврати кивот Божий во град, и да станет на месте своем: аще обрящу благодать пред очима Господнима, и возвратит мя, и покажет ми его и лепоту его: II Samuel 15:26 и аще тако речет: не благоволих в тебе: се, аз есмь, да сотворит ми по благому пред очима Своима. II Samuel 15:27 И рече царь Садоку иерею: видите, ты возвращаешися во град с миром и Ахимаас сын твой и Ионафан сын Авиафаров, два сыны ваши с вами: II Samuel 15:28 видите, аз вселяюся во аравоф пустынный, дондеже приидет ми слово от вас, еже возвестити ми. II Samuel 15:29 И возврати Садок и Авиафар кивот Божий во Иерусалим, и седе тамо. II Samuel 15:30 И Давид восхождаше восходом на гору Елеонскую восходя и плачася, и покрыв главу свою, и сам идяше босыма ногама: и вси людие иже с ним покрыша кийждо главу свою, и восхождаху восходяще и плачущеся. II Samuel 15:31 И возвестиша Давиду глаголюще: и Ахитофел в мятежницех со Авессаломом. И рече Давид: разруши совет Ахитофелев, Господи, Боже мой. II Samuel 15:32 И бе Давид грядый даже до роса, идеже поклонися Богу. И се, на сретение ему (изыде) Хусий первый друг Давидов, растерзав ризы своя, и персть на главе его. II Samuel 15:33 И рече ему Давид: аще пойдеши со мною, и будеши ми в тягость: II Samuel 15:34 аще же возвратишися во град и речеши Авессалому: минуша братия твоя, и царь за мною мину отец твой, и ныне раб твой есмь, царю, пощади мя жива быти: раб бех отца твоего тогда и доселе, ныне же аз твой раб: и разруши ми совет Ахитофелев: II Samuel 15:35 и се, с тобою тамо Садок и Авиафар иерее: и будет всяк глагол, егоже услышиши из уст царских, и скажеши Садоку и Авиафару иереем: II Samuel 15:36 се, тамо с ними два сына их, Ахимаас сын Садоков и Ионафан сын Авиафаров: и послите рукою их ко мне всяк глагол, егоже аще услышите. II Samuel 15:37 И вниде Хусий друг Давидов во град, и Авессалом тогда вхождаше во Иерусалим. II Samuel 16:0 II Samuel 16:1 И Давид прейде мало что от роса, и се, Сива отрок Мемфивосфеов в сретение ему: и супруг ослят оседланых, и на них двести хлебов, и сто гроздий, и сто фиников, и мех вина. II Samuel 16:2 И рече царь к Сиве: что сия тебе? И рече Сива: ослята на яждение дому цареву, а хлебы и финики на снедение отроком, и вино пити ослабевшым в пустыни. II Samuel 16:3 И рече царь: и где сын господина твоего? И рече Сива ко царю: се, седит во Иерусалиме, яко рече: днесь возвратят ми весь дом Израилев царство отца моего. II Samuel 16:4 И рече царь к Сиве: се, тебе вся елика суть Мемфивосфеова. И рече Сива поклонився: да обрящу благодать пред очима твоима, господи мой царю. II Samuel 16:5 И прииде Давид царь до Вафирима, и се, оттуду муж исхождаше от рода дому Сауля, имя же ему Семей сын Гирань: изыде же исходя и проклиная II Samuel 16:6 и камением метая на Давида и на вся отроки царя Давида: и вси людие и вси сильнии одесную и ошуюю царя бяху. II Samuel 16:7 И тако рече Семей проклиная его: изыди, изыди, мужу кровей и мужу беззаконный: II Samuel 16:8 возврати на тя Господь вся крови дому Сауля, понеже воцарился еси вместо его: и даде Господь царство в руце Авессалома сына твоего: и се, ты в злобе твоей, яко муж кровей ты. II Samuel 16:9 И рече Авесса сын Саруин ко царю: почто проклинает пес умерший сей господина моего царя? Ныне пойду, и отиму главу его. II Samuel 16:10 И рече царь ко Авессе: что мне и вам, сынове Саруины? Оставите его, и тако да проклинает, яко Господь рече ему проклинати Давида: и кто речет: почто сотворил еси тако? II Samuel 16:11 И рече Давид ко Авессе и ко всем отроком своим: се, сын мой изшедый из чрева моего ищет души моея, а кольми паче сын Иеминиев: оставите его проклинати мя, яко рече ему Господь: II Samuel 16:12 негли призрит Господь на смирение мое, и возвратит ми благая вместо клятвы Его во днешний день. II Samuel 16:13 И идяше Давид и вси мужие его путем: а Семей идяше со страны горы близ его идый и проклиная, и камением меща со страны его, и перстию сыпая. II Samuel 16:14 И прииде царь и вси людие иже с ним утруждени, и препочиша ту. II Samuel 16:15 Авессалом же и вси мужие Израилевы внидоша во Иерусалим, и Ахитофел с ним. II Samuel 16:16 И бысть егда прииде Хусий первый друг Давидов ко Авессалому: и рече Хусий ко Авессалому: да живет царь. II Samuel 16:17 И рече Авессалом к Хусию: сия ли милость твоя со другом твоим? Почто не отшел еси со другом твоим? II Samuel 16:18 И рече Хусий ко Авессалому: ни, но вслед (иду), егоже избра Господь и людие сии и вси мужие Израилевы, того есмь, и с тем буду: II Samuel 16:19 и второе, кому аз поработаю? Не пред сыном ли его? Якоже работах пред отцем твоим, тако буду и пред тобою. II Samuel 16:20 И рече Авессалом ко Ахитофелу: дадите себе совет, что сотворим? II Samuel 16:21 И рече Ахитофел ко Авессалому: вниди к подложницам отца твоего, яже остави стрещи дом свой, и услышат вси Израилтяне, яко посрамил еси отца твоего, и возмогут руки всех сущих с тобою. II Samuel 16:22 И поставиша Авессалому шатер на палате, и вниде Авессалом к подложницам отца своего пред очима всех Израилтян. II Samuel 16:23 И совет Ахитофелев, егоже совещаваше во дни первыя, имже образом вопросил бы кто Бога о словеси, тако всяк совет Ахитофелев, и иже Давиду, и иже Авессалому. II Samuel 17:0 II Samuel 17:1 И рече Ахитофел ко Авессалому: изберу ныне себе дванадесять тысящ мужей и востану, и пожену вслед Давида нощию, II Samuel 17:2 и найду на него, и той утружден и ослаблен руками, и устрашу его, и побежат вси людие иже с ним, и убию царя единаго: II Samuel 17:3 и возвращу вся люди к тебе, имже образом обращается невеста к мужеви своему: ты бо токмо души единаго мужа ищеши, всем же людем будет мир. II Samuel 17:4 И угодно слово бысть пред очима Авессаломлима и пред очима всех старейшин Израилевых. II Samuel 17:5 И рече Авессалом: призовите же и Хусиа Арахиина, и услышим что из уст его. II Samuel 17:6 И вниде Хусий ко Авессалому, и рече Авессалом к нему, глаголя: по глаголу сему глагола Ахитофел: сотворим ли по словеси его? Аще же ни, ты глаголи. II Samuel 17:7 И рече Хусий ко Авессалому: не благ совет сей, егоже совеща Ахитофел единою сие. II Samuel 17:8 И рече Хусий: ты веси отца твоего и мужей его, яко сильни суть зело, и гневливи душами своими, яко медведица чад лишеная на селе, и аки вепрь свирепый на поли: и отец твой муж борец, и не даст почити людем: II Samuel 17:9 се бо, той ныне скрыся на некоторем холме или на некоторем месте: и будет внегда напасти на них в начале, и услышит слушаяй, и речет: бысть сокрушение в людех иже за Авессаломом: II Samuel 17:10 и той сын силы, емуже сердце якоже сердце льву таящо истает: понеже весть весь Израиль, яко силен отец твой, и сынове силы вси иже с ним: II Samuel 17:11 тако советуя аз усоветовах, и собираяся соберется к тебе весь Израиль от Дана и до Вирсавии, аки песок иже при мори во множестве, и лице твое идущее посреде их: II Samuel 17:12 и приидем к нему на едино место, идеже обрящем его тамо, и ополчимся на него, якоже спадает роса на землю, и не оставим в нем и в мужех его иже с ним ни единаго: II Samuel 17:13 и аще во град соберутся, и возмет весь Израиль ко граду тому ужы, и совлечем его в поток, дондеже не останется тамо ниже камень. II Samuel 17:14 И рече Авессалом и вси мужие Израилтестии: благ совет Хусиа Арахиина паче совета Ахитофелева. И Господь заповеда разорити совет Ахитофелев благий, яко да наведет Господь на Авессалома злая вся. II Samuel 17:15 И рече Хусий арахиин ко Садоку и Авиафару иереем: тако и тако советова Ахитофел Авессалому и старейшинам Израилевым: и аз тако и тако советовах: II Samuel 17:16 и ныне послите скоро и возвестите Давиду, глаголюще: не пребуди нощь сию во Аравофе пустыни, но пойти потщися, да не како пожерт будет царь и вси людие иже с ним. II Samuel 17:17 И Ионафан и Ахимаас стояста на студенце Рогили, и иде рабыня и поведа има: и тии идоста и возвестиста Давиду царю, яко не могоста явитися еже внити во град. II Samuel 17:18 И виде их отрочищь и поведа Авессалому. И идоста оба скоро и приидоста в дом мужа в Ваурим: и тому ров на дворе, и снидоста тамо. II Samuel 17:19 И взя жена, и положи покров на устии рова, и суши на нем арафоф, и не познася глагол. II Samuel 17:20 И приидоша отроцы Авессаломли к жене в дом и реша: где Ахимаас и Ионафан? И рече им жена: преидоста вмале воду. И искаша, и не обретоша, и возвратишася во Иерусалим. II Samuel 17:21 Бысть же по отшествии их, и излезоста из рова, и идоста, и возвестиста Давиду царю и глаголаста ему: востаните, и прейдите скоро воду, яко сице совеща на вы Ахитофел. II Samuel 17:22 И воста Давид и вси людие иже с ним и преидоша Иордан до света заутра, и ни един не оста, иже бы не прешел Иордана. II Samuel 17:23 И Ахитофел виде, яко не сбыстся совет его, и оседла осля свое, и воста, и отиде в дом свой, во град свой: и заповеда дому своему, и удавися, и умре, и погребен бысть во гробе отца своего. II Samuel 17:24 И Давид прейде в Манаим, Авессалом же прейде Иордан сам и вси мужие Израилтестии с ним. II Samuel 17:25 И Амессая постави Авессалом вместо Иоава над силою: Амессай же сын мужа, емуже имя Иефер Иезраилитин, сей вниде ко Авигеи дщери Иессеине, сестре Саруии матере Иоавли. II Samuel 17:26 И ополчися Авессалом и весь Израиль в земли Галаадстей. II Samuel 17:27 И бысть егда вниде Давид в Манаим, и Уесвий сын Наасов от Раввафа сынов Аммоних, и Махир сын Амииль иже из Лодавара, и Верзеллий Галаадитин из Рогеллима, II Samuel 17:28 принесоша десять постель устроеных и конобов десять и сосуды скуделны и пшеницу и ячмень и муку и пшено и боб и сочевицу II Samuel 17:29 и мед и масло и овцы и сыры кравия, и принесоша Давиду и людем иже с ним ясти: быша бо людие гладни и утруждени и жаждни в пустыни. II Samuel 18:0 II Samuel 18:1 И согляда Давид всех людий сущих с ним, и постави над ними тысященачалники и сотники. II Samuel 18:2 И посла Давид третию часть людий под рукою Иоавлею и третию часть под рукою Авессы сына Саруина брата Иоавля, и третию часть под рукою Еффеа Геффеина, и рече Давид к людем: шед изыду и аз с вами. II Samuel 18:3 И реша: не изыди, яко аще бегством побегнем, не положат на нас сердца: и аще умрем пол нас, не положат на нас сердца, понеже ты аки мы десять тысящ: и ныне лучше, яко останеши во граде на помощь нам. II Samuel 18:4 И рече им царь: еже угодно пред очима вашима, сотворю. И ста царь при вратех: и вси людие исхождаху стами и тысящами. II Samuel 18:5 И заповеда царь Иоаву и Авессе и Еффееви, глаголя: пощадите ми отрока Авессалома. И вси людие слышаша заповедающа царя всем князем о Авессаломе. II Samuel 18:6 И изыдоша вси людие в дубраву сопротив Израилю: и бысть брань в дубраве Ефремли. II Samuel 18:7 И падоша тамо людие Израилевы пред отроки Давидовыми, и бысть сокрушение велико в той день, яко двадесять тысящ мужей. II Samuel 18:8 И бысть тамо брань разсыпана по лицу всея земли: и умножи дубрава поядати людий, паче неже их пояде мечь в той день. II Samuel 18:9 И набежа Авессалом на отроки Давидовы: Авессалом же бе седяй на мске своем, и вбежа (с ним) меск в чащу дуба великаго, и обвишася власы главы его на дубе, и повисе между небом и землею, меск же под ним пройде. II Samuel 18:10 И виде муж един и возвести Иоаву, и рече: се, видех висяща Авессалома на дубе. II Samuel 18:11 И рече Иоав мужу возвестившему ему: аще видел еси, почто не убил еси его тамо на землю? И аз дал бых тебе пятьдесят сикль сребра и пояс един. II Samuel 18:12 И рече муж Иоаву: аще ты вложиши в руце мои и тысящу сикль сребра, то не возложу руки моея на сына царева, яко при ушесах наших заповеда царь тебе и Авессе и Еффееви, глаголя: соблюдите ми отроча Авессалома, II Samuel 18:13 не сотворити души его неправды: и всяко слово не утаится пред царем, ты же стоиши сопротивно. II Samuel 18:14 И рече Иоав: сие аз начну, не тако пребуду пред тобою. И взя Иоав три стрелы в руце свои, и вонзе я в сердце Авессалому. И еще ему живу сущу на дубе, II Samuel 18:15 и обступиша десять отрок носящии оружие Иоавле, и поразиша Авессалома, и умертвиша его. II Samuel 18:16 И воструби Иоав трубою рожаною, и возвратишася людие не гнати вслед Израиля, яко щадяше Иоав людий. II Samuel 18:17 И взя Иоав Авессалома, и вверже его в пропасть велику в дубраве, и складе над ним купу камения велику зело. И вси Израилтяне бежаша кийждо в селения своя. II Samuel 18:18 Авессалом же еще жив сый, взя и постави себе столп во юдоли царстей, рече бо, яко несть ми сына на память имене моего: и нарече столп именем своим и нарече его рука Авессаломля, даже до днешняго дне. II Samuel 18:19 И Ахимаас сын Садоков рече ко Иоаву: потеку ныне и возвещу царю, яко суди ему Господь от руки врагов его. II Samuel 18:20 И рече ему Иоав: неси муж ты возвещаяй благо днесь, но возвестиши в день другий: в днешний же день не добро возвещение, понеже сын царев умре. II Samuel 18:21 И рече Иоав Хусию: шед повеждь царю елика видел еси. И поклонися Хусий Иоаву и отиде. II Samuel 18:22 И приложи еще Ахимаас сын Садоков и рече ко Иоаву: что будет, аще и аз теку вслед Хусиа? И рече Иоав: почто ты хощеши тещи, сыне мой? Гряди, несть тебе возвещение в пользу идущему. II Samuel 18:23 И рече Ахимаас: что бо аще потеку? И рече ему Иоав: тецы. И бежаше Ахимаас путем равным и предвари Хусиа. II Samuel 18:24 Давид же седяще посреде двою врат. И изыде страж на кров врат ко стене, и воздвиже очи свои, и виде, и се, муж текий един пред ним. II Samuel 18:25 И возопи страж и сказа цареви. И рече царь: аще един есть, благо возвещение во устех его. И идяше идый и приближаяся. II Samuel 18:26 И виде страж мужа другаго текуща, и возопи к дверем и рече: се, муж и другий текущь един. И рече царь: и той есть благо возвещаяй. II Samuel 18:27 И рече страж: аз вижду течение перваго, яко течение Ахимааса сына Садокова. И рече царь: муж благ сей, и возвестие благое приидет. II Samuel 18:28 И возопи Ахимаас и рече ко царю: мир. И поклонися царю лицем своим на землю и рече: благословен Господь Бог твой, иже затвори мужей воздвигших руки своя на господина моего царя. II Samuel 18:29 И рече царь: мир ли отрочищу Авессалому? И рече Ахимаас: видех множество велико веселящееся, егда отпущаше раб царев Иоав раба твоего, и не разумех что тамо. II Samuel 18:30 И рече царь: возвратися, и стани зде. И шед ста созади. II Samuel 18:31 И се, Хусий вслед его прииде и рече царю: возвещается благо господину моему царю, яко суди тебе Господь днесь от руки всех востающих на тя. II Samuel 18:32 И рече царь к Хусию: мир ли отрочищу Авессалому? И рече Хусий: да будут, якоже отрочищь, врази господина моего царя, и вси елицы восташа нань злобою. II Samuel 18:33 И смятеся царь, и взыде на горницу яже на вратех, и плакася: и тако глаголаше, егда плакаше: сыне мой, Авессаломе, сыне мой, сыне мой, Авессаломе: кто даст смерть мне вместо тебе? Аз вместо тебе, Авессаломе, сыне мой, сыне мой, сыне мой Авессаломе. II Samuel 19:0 II Samuel 19:1 И поведаша Иоаву, глаголюще: се, царь плачет и рыдает о Авессаломе. II Samuel 19:2 И бысть спасение в той день в рыдание всем людем, услышаша бо людие в той день, глаголюще: яко печален есть царь о сыне своем. II Samuel 19:3 И украдахуся людие в той день еже входити во град, якоже украдаются людие посрамленнии, внегда бегати им на брани. II Samuel 19:4 И царь покры лице свое: и возопи царь гласом великим, глаголя: сыне мой, Авессаломе, Авессаломе, сыне мой. II Samuel 19:5 И вниде Иоав к царю в дом и рече: посрамил еси днесь лица раб твоих всех иземших тя днесь и душу сынов твоих и дщерей твоих и душу жен твоих и подложниц твоих, II Samuel 19:6 еже любити ненавидящыя тебе и ненавидети любящыя тя: и явил еси днесь, яко не суть тебе князи, ниже отроцы: но разумех днесь, яко аще бы Авессалом жив был, мы вси днесь мертвы быхом были, яко тогда право было бы пред очима твоима: II Samuel 19:7 и ныне востав изыди и глаголи в сердца рабов твоих, яко о Господе кляхся, яко аще не изыдеши днесь, не останет ни един муж с тобою в нощь сию: и разумей в себе, яко зло ти есть сие паче всех зол, яже приидоша на тя от юности твоея до ныне. II Samuel 19:8 И воста царь и седе при дверех. И возвестиша всем людем глаголюще: се, царь седит в дверех. И внидоша вси людие пред лице царево пред двери: мужие же Израилевы бежаша во селения своя. II Samuel 19:9 И пряхуся вси людие во всех коленах Израилевых, глаголюще: царь Давид избави ны от всех враг наших, и се, изя нас от руки иноплеменничи, и ныне бежа от земли и от царства своего и от Авессалома: II Samuel 19:10 Авессалом же, егоже помазахом над нами, умре на брани: и ныне что вы молчите, еже возвратити царя? И глагол всего Израиля прииде ко царю. II Samuel 19:11 И царь Давид посла ко Садоку и ко Авиафару иереом, глаголя: рцыте старейшинам Иудиным, глаголюще: почто бысте последнии, еже возвратити царя в дом его? Слово же всего Израиля прииде к царю в дом его: II Samuel 19:12 братия моя вы, кости моя и плоть моя вы есте, то почто бысте последнии, еже возвратити царя в дом его? II Samuel 19:13 И Амессаю рцыте: неси ли кость моя и плоть моя ты? И ныне сия ми да сотворит Бог и сия да приложит, аще не будеши князь силы предо мною во вся дни вместо Иоава. II Samuel 19:14 И преклони сердца всех мужей Иудиных яко мужа единаго. И послаша к царю, глаголюще: возвратися ты и вси раби твои. II Samuel 19:15 И возвратися царь и прииде до Иордана, и мужие Иудины приидоша в Галгалы еже изыти на сретение царю, превести царя чрез Иордан. II Samuel 19:16 И ускори Семей сын Гирань сына Иеминиева, иже от Ваурима, и сниде с мужми Иудиными во сретение царю Давиду, II Samuel 19:17 и тысяща мужей с ним от Вениамина, и Сива отрок дому Сауля, и пятьнадесять сынов его с ним, и двадесять рабов его с ним: и управиша на Иордан путь пред царем, II Samuel 19:18 и послужиша служением о преведении цареве. И прейде преход еже превести дом царев и сотворити правое пред очима его. И Семей сын Гирань паде на лицы своем пред царем, егда прехождаше Иордан, II Samuel 19:19 и рече ко царю: да не вменит господин мой беззакония, и не помяни елика неправдова раб твой в день он, в оньже господин мой царь исхождаше из Иерусалима, еже содержати царю в сердцы своем: II Samuel 19:20 понеже разуме раб твой, яко аз согреших, и се, аз приидох днесь первее всего Израиля и дому Иосифля, еже снити ми на сретение господину моему царю. II Samuel 19:21 И отвеща Авесса сын Саруин и рече: сего ли ради не умертвится Семей, яко прокля христа Господня? II Samuel 19:22 И рече Давид: что мне и вам, сынове Саруины, яко бысте мне днесь в навет? Днесь не умертвится муж от Израиля, понеже не вем ли, яко днесь царствую аз над Израилем? II Samuel 19:23 И рече царь и Семею: не умреши. И клятся ему царь. II Samuel 19:24 И се, Мемфивосфей сын Ионафана сына Сауля сниде на сретение царю, и не омы ног своих, и не обреза ногтей, ниже управи брады своея, и риз своих не измы от дне того, в оньже изыде царь, до дне в оньже той возвратися с миром. II Samuel 19:25 И бысть егда вниде во Иерусалим на сретение царю, и рече ему царь: что яко не пошел еси со мною, Мемфивосфее? II Samuel 19:26 И рече к нему Мемфивосфей: господи мой царю, пренебреже мене раб мой, яко рече раб твой ему: оседлай ми осля, и всяду на не, и пойду с царем, яко хром раб твой: II Samuel 19:27 и оболга раба твоего ко господину моему царю: и господин мой царь яко Ангел Божий, и сотвори благое пред очима твоима: II Samuel 19:28 яко не бе весь дом отца моего, разве мужие (повиннии) смерти господину моему царю, и посадил еси раба твоего с ядущими на трапезе твоей: и кое есть мне еще оправдание, и возопити мне еще к царю? II Samuel 19:29 И рече ему царь: почто глаголеши еще словеса твоя? Рех тебе и Сиве: разделите себе села. II Samuel 19:30 И рече Мемфивосфей к царю: и вся да возмет, повнегда приити господину моему царю в мире в дом свой. II Samuel 19:31 И Верзеллий Галаадитин сниде из Рогеллима, и прейде с царем Иордан, еже превести его чрез Иордан. II Samuel 19:32 И Верзеллий муж стар зело, сын осмидесяти лет, и той препита царя, егда живяше в Манаиме, яко муж бе велий зело. II Samuel 19:33 И рече царь к Верзеллию: ты прейдеши со мною, и препитаю старость твою со мною во Иерусалиме. II Samuel 19:34 И рече Верзеллий к царю: колицы дни лет живота моего, яко да взыду с царем во Иерусалим? II Samuel 19:35 Сын осмидесяти лет аз днесь есмь: еда уразумею посреде блага и посреде лукава? Или уразумеет еще раб твой, еже ям, или еже пию? Или услышу глас еще поющих и воспевающих? И вскую будет еще раб твой в тяжесть господину моему царю? II Samuel 19:36 Мало прейдет раб твой Иордан с царем: и почто воздает ми царь воздаяние сие? II Samuel 19:37 Да возвратится ныне раб твой, и умру во граде моем, у гроба отца моего и матере моея: и се, раб твой сын мой Хамаам прейдет с господем моим царем, и сотвори ему благое пред очима твоима. II Samuel 19:38 И рече царь: со мною да прейдет Хамаам, и аз сотворю ему благое пред очима моима, и вся елика изберет себе у мене, сотворю тебе. II Samuel 19:39 И преидоша вси людие Иордан, и царь прейде, и целова царь Верзеллиа и благослови его, и отпусти его в дом его. II Samuel 19:40 И прейде царь в Галгалы, и Хамаам прейде с ним, и вси людие Иудины провождаху царя и пол людий Израилевых. II Samuel 19:41 И се, вси мужие Израилевы приидоша к царю и реша к царю: что яко украдоша тебе братия нашя мужие Иудины, и преведоша царя и дом его чрез Иордан, и вси мужие Давидовы с ним? II Samuel 19:42 И отвещаша вси мужие Иудины к мужем Израилевым и реша: зане ближний нам царь: и почто тако разгневастеся от словеси сем? Еда яди ядохом от царя? Или дары даде нам, Или дани отя от нас? II Samuel 19:43 И отвещаша мужие Израилстии к мужем Иудиным и реша: десять рук мы у царя, и в Давиде есмы паче тебе, и первенец аз, нежели ты: и почто сице укоряеши мя? И не вменися слово мое прежде мене Иуде возвратити царя мне? И отягча слово мужей Иудиных паче словес мужей Израилевых. II Samuel 20:0 II Samuel 20:1 И тамо бяше сын беззаконный, имя же ему Савей, сын Вохоров, муж Иеминиов, и воструби трубою рожаною и рече: несть нам части в Давиде, ниже наследия нам в сыне Иессееве: (возвратитеся,) мужие Израилтестии, в селения ваша. II Samuel 20:2 И отступиша вси мужие Израилевы от Давида вслед Савеа сына Вохорова: мужие же Иудины прилепишася к царю своему от Иордана даже и до Иерусалима. II Samuel 20:3 И вниде Давид в дом свой во Иерусалим, и взя царь десять жен подложниц своих, яже остави стрещи дом, и даде их в дом стражбы: и препита их, и (оттоле) не вниде к ним: и беша храними до дне смерти своея, вдовски живущя. II Samuel 20:4 И рече царь ко Амессаю: созови ми мужы Иудины в три дни, ты же зде стани. II Samuel 20:5 И пойде Амессай созвати мужей Иудиных, и умедли от времене, в неже повеле ему Давид. II Samuel 20:6 И рече Давид ко Авессе: ныне зло сотворит нам Савей сын Вохорь паче Авессалома: и ныне ты поими с собою отроки господина своего, и пожени вслед его, да не како обрящет себе грады тверды и застенится от очес наших. II Samuel 20:7 И изыдоша вслед его Авесса и мужие Иоавли, и Хереффи и Фелеффи и вси сильнии, и изыдоша из Иерусалима гнати вслед Савеа сына Вохорова. II Samuel 20:8 И тии (бяху) у камене великаго, иже в Гаваоне, и Амессай вниде пред ними: Иоав же препоясан ризами одеяния своего, и верху того препоясан мечем припряженым при чреслех его в ножнах его, и егда отиде, и мечь изсунуся и паде. II Samuel 20:9 И рече Иоав Амессаю: здрав ли еси, брате? И взя Иоав рукою десною за браду Амессаеву лобзати его: II Samuel 20:10 Амессай же не побрежеся меча, иже в руце Иоавли: и удари его Иоав мечем в чресла его, и излияся чрево его на землю, и не повтори ему, и умре (Амессай). Иоав же и Авесса брат его гнаста вслед Савеа сына Вохоря. II Samuel 20:11 И муж ста над ним от отрок Иоавлих и рече: кто хощет (быти) Иоавль, и кто Давидов, вслед Иоава (да идет). II Samuel 20:12 Амессай же мертв валяшеся в крови посреде пути. И виде муж, яко остановляхуся над ним вси людие, и соврати Амессая с пути на село, и возложи на него ризу, понеже видяше всякаго приходяща над ним стоявша: II Samuel 20:13 и бысть егда принесе от пути, преидоша вси мужие Израилевы вслед Иоава, еже гнати вслед Савеа сына Вохоря. II Samuel 20:14 И сей пройде вся колена Израилева во Авель и во Вефмаху: и вси в Харре, и вси грады собрашася, и идоша вслед его, II Samuel 20:15 и приидоша и ополчишася на него окрест во Авели и во Вефмахе: и насыпаша землю ко граду, и ста на предстении: и вси людие иже со Иоавом помышляху низложити стену (градскую). II Samuel 20:16 И возопи жена мудрая со стены и рече: слышите, слышите, рцыте ныне Иоаву, да приближится до зде, и возглаголю к нему. II Samuel 20:17 И приближися к ней (Иоав), и рече жена: ты ли еси Иоав? Он же рече: аз. И рече ему: послушай словес рабы твоея. И рече Иоав: послушаю, аз есмь. II Samuel 20:18 И рече глаголющи: слово глаголаша в первых, глаголюще: вопрошаемь вопрошен бысть во Авели и в Дане, аще оскудеша, яже положиша вернии Израилевы: вопрошающе да вопросят во Авели, и тако рече, аще оскудеша: II Samuel 20:19 аз есмь мирная утверждений Израилевых, ты же ищеши умертвити град и матерь градов Израилевых: и почто потопляеши достояние Господне? II Samuel 20:20 И отвеща Иоав и рече: милостив мне, милостив мне, аще потоплю и аще разрушу: II Samuel 20:21 не тако слово, яко муж с горы Ефремли, Савей сын Вохорь имя ему, и воздвиже руку свою на царя Давида: дадите ми того единаго, и отиду от града. И рече жена ко Иоаву: се, глава его свержется к тебе со стены. II Samuel 20:22 И вниде жена ко всем людем и глагола ко всему граду мудростию своею, отяти главу Савеа сына Вохоря. И отсекоша главу Савеа сына Вохоря, и свергоша ю ко Иоаву. И Иоав воструби в трубу, и разыдошася мужие от града вси в селения своя. Иоав же возвратися во Иерусалим ко царю. II Samuel 20:23 И (бе) Иоав над всею силою Израилевою, и Ванеа сын Иодаев над Хереффи и над Фелеффи, II Samuel 20:24 Адонирам же над данми, и Иосафат сын Ахилуфов воспоминаяй, II Samuel 20:25 и Суса книгочий, Садок же и Авиафар иерее, II Samuel 20:26 Ирас же Иаринь бысть жрец Давидов. II Samuel 21:0 II Samuel 21:1 И бысть глад на земли во дни Давидовы три лета, лето по лету. И вопроси Давид лица Господня и рече Господь: над Саулом и над домом его обида в смерти кровей его, понеже умертви Гаваониты. II Samuel 21:2 И призва царь Давид Гаваониты и рече к ним: и Гаваонитяне не суть сынове Израилевы, но токмо от остатков Аморрейских, и сынове Израилевы кляшася им: Саул же взыска поразити я, внегда поревновати ему по сынех Израилевых и Иудиных. II Samuel 21:3 И рече Давид ко Гаваонитяном: что сотворю вам? И чим умолю, да благословите достояние Господне? II Samuel 21:4 И реша ему Гаваонитяне: несть нам сребра или злата со Саулом и с домом его, и несть нам мужа умертвити от всего Израиля. И рече: что вы глаголете, и сотворю вам? II Samuel 21:5 И реша ко царю: мужа, иже соверши над нами и погна ны, иже умысли потребити ны, потребим его, да не будет во всех пределех Израилевых: II Samuel 21:6 дадите нам седмь мужей от сынов его, и повесим их на солнце Господеви в Гаваоне Саули избранных Господних. И рече царь: аз дам. II Samuel 21:7 И пощаде царь Мемфивосфеа, сына Ионафаня сына Сауля, клятвы ради Господни, яже посреде их и посреде Давида и посреде Ионафана сына Сауля. II Samuel 21:8 И взя царь два сына Ресфы дщере Аиа, подложницы Саули, ихже роди Саулу, Ермониа и Мемфивосфеа, и пять сынов Мелхолы дщере Саули ихже роди Есдриилу сыну Верзеллиа Моулафиева, II Samuel 21:9 и даде их в руки Гаваонитом. И повесиша я на солнце на горе пред Господем, и падоша тамо сии седмь вкупе: тии же умроша во днех жатвы первых, в начале жатвы ячменя. II Samuel 21:10 И взя Ресфа дщи Аиина вретище, и потче е себе при камени, в начале жатвы ячменя дондеже снидоша на них воды Божия с небесе, и не даде птицам небесным днем почити на них, ниже зверем земным нощию. II Samuel 21:11 И поведаша Давиду вся елика сотвори Ресфа дщерь Аиа, подложница Сауля. И истлеша, и взя я Дан сын Иой, иже от исчадий исполиновых. II Samuel 21:12 И иде Давид, и взя кости Саули и кости Ионафана сына его от мужей сынов Иависа Галаадскаго, иже украдоша их от стогны Вефсани, зане повесиша их тамо иноплеменницы в день, в оньже поразиша иноплеменницы Саула в Гелвуи. II Samuel 21:13 И вознесе Давид кости Саули оттуду и кости Ионафана сына его, и собра кости повешеных на солнце: II Samuel 21:14 и погребоша кости Саули и кости Ионафана сына его, и кости повешеных на солнце, в земли Вениаминове, при Краи во гробе Киса отца его, и сотвориша вся елика заповеда царь. И послуша Бог земли по сих. II Samuel 21:15 И бысть паки брань иноплеменником со Израилтяны. И сниде Давид и отроцы его с ним, и бишася со иноплеменники: и утрудися Давид. II Samuel 21:16 И Иесвий, иже бе от внук Рафаних, (у негоже) бе вес копия его триста сикль веса медяна, и той бе препоясан оружием, и хотяше поразити Давида. II Samuel 21:17 И поможе ему Авесса сын Саруин, и избави Давида Авесса, и порази иноплеменника, и умертви его. Тогда кляшася мужие Давидовы, глаголюще: не изыдеши ктому с нами на брань, да не угасиши светилника Израилева. II Samuel 21:18 И бысть по сих еще брань в Гефе со иноплеменники: тогда порази Совохей иже от Асофы собранныя внуки Гигантовы. II Samuel 21:19 И бысть паки брань в Роме со иноплеменники: и порази Елеанан сын Ариоргима Вифлеемлянин Голиафа иже от Геффеа, и древо копия его бысть аки навой ткущих. II Samuel 21:20 И бысть паки брань в Гефе: и бе муж от мадона, и персты рук его и персты ног его по шести, числом двадесять четыри: и той родися от Рафы, II Samuel 21:21 и уничижи Израиля: и уби его Ионафан сын Сафая брата Давидова. II Samuel 21:22 Четыри сии родишася внуцы Гигантовы рафе в Гефе, и падоша от руку Давидову и от руку рабов его. II Samuel 22:0 II Samuel 22:1 И глагола Давид ко Господу словеса песни сея в день, в оньже избави и Господь из руки всех враг его и из руки Сауловы, II Samuel 22:2 и рече песнь: Господи, каменю мой и утверждение мое, и избавляяй мя мне: II Samuel 22:3 Бог мой, хранитель мой будет мне, уповая буду на Него: защитник мой и рог спасения моего, Заступник мой и прибежище мое спасения моего, от неправеднаго спасеши мя. II Samuel 22:4 Хвальнаго призову Господа, и от враг моих спасуся: II Samuel 22:5 яко одержаша мя болезни смертныя и потоцы беззакония смятоша мя, II Samuel 22:6 болезни смертныя обыдоша мя, предвариша мя жестокости смертныя. II Samuel 22:7 Внегда скорбети ми призову Господа, и к Богу моему воззову, и услышит от храма святаго Своего глас мой, и вопль мой внидет во ушы Его. II Samuel 22:8 И смятеся и трепетна бысть земля, и основания небесе смятошася и подвигошася, яко прогневася на ня Господь: II Samuel 22:9 взыде дым гневом Его, и огнь из уст Его пояст: углие возгорешася от Него, II Samuel 22:10 и преклони небеса и сниде, и мрак под ногама Его, II Samuel 22:11 и вседе на Херувимы и лете, и явися на крилу ветреню, II Samuel 22:12 и положи тму закров Свой: окрест Его селение Его, темноту вод огусти во облацех воздушных: II Samuel 22:13 от сияния пред Ним разгорешася углие огненнии. II Samuel 22:14 И возгреме с небесе Господь, и Вышний даде глас Свой, II Samuel 22:15 и посла стрелы, и расточи их: и блесну молнию, и устраши я: II Samuel 22:16 и явишася источницы морстии, и открышася основания вселенныя от запрещения Господня, от дохновения духа гнева Его: II Samuel 22:17 посла с высоты и прият мя, извлече мя от вод многих: II Samuel 22:18 избави мя от враг моих сильных и от ненавидящих мя, яко укрепишася паче мене: II Samuel 22:19 предвариша мя в день печали моея. И бысть Господь утверждение мое, II Samuel 22:20 и изведе мя на широту, и избави мя, яко благоволи во мне. II Samuel 22:21 И воздаде ми Господь по правде моей, и по чистоте руку моею воздаде ми, II Samuel 22:22 яко сохраних пути Господни и не нечествовах от Бога моего, II Samuel 22:23 яко вся судбы Его предо мною, и оправдания Его не отступиша от мене, II Samuel 22:24 и буду непорочен Ему, и сохранюся от беззакония моего. II Samuel 22:25 И воздаст ми Господь по правде моей и по чистоте руку моею пред очима Его. II Samuel 22:26 С преподобным преподобен будеши, и с мужем неповинным неповинен будеши: II Samuel 22:27 и со избранным избран будеши, и со строптивым развратишися: II Samuel 22:28 люди же смиренныя спасеши, и очи гордых смириши. II Samuel 22:29 Яко Ты просвещаеши светилник мой, Господи, и Господь просветит ми тму мою: II Samuel 22:30 яко Тобою потеку препоясан, и о Бозе моем прелезу стену. II Samuel 22:31 Крепок, непорочен путь Его: глаголгол Господень державен, разжжен: защитник есть всем уповающым на Него. II Samuel 22:32 Яко кто крепок разве Господа? И кто творец разве Бога нашего? II Samuel 22:33 Крепок укрепляяй мя силою, и положи непорочен путь мой: II Samuel 22:34 положивый нозе мои яко елени, и на высоких поставляяй мя: II Samuel 22:35 научаяй руце мои на брань, и положивый лук медян мышца моя. II Samuel 22:36 И дал ми еси защищение спасения моего, и кротость Твоя умножи мя. II Samuel 22:37 Разширил еси стопы моя подо мною, и не позыбнустеся голени мои. II Samuel 22:38 Пожену враги моя и потреблю я, и не возвращуся дондеже скончаю их: II Samuel 22:39 и сокрушу их, и не востанут, и падут под ногама моима. II Samuel 22:40 И укрепиши мя силою на брань, подклониши востающыя на мя под мя. II Samuel 22:41 И враги моя дал ми еси хребет, ненавидящыя мя, и умертвил еси их: II Samuel 22:42 возопиют, и несть помощника, ко Господу, и не услыша их: II Samuel 22:43 и истних я яко прах земный, яко брение путий истончих я. II Samuel 22:44 И избавиши мя от пререкания людий моих, сохраниши мя в главу языков. И людие, ихже не ведях, работаша ми. II Samuel 22:45 Сынове чуждии солгаша ми, в слух уха услыша мя: II Samuel 22:46 сынове чуждии отвержени будут, и вострепещут во градех своих. II Samuel 22:47 Жив Господь, и благословен хранитель мой, и вознесется Бог мой, хранитель спасения моего. II Samuel 22:48 Крепкий Господь даяй отмщения мне и наказуяй люди под мя, II Samuel 22:49 и изводяй мя от враг моих, и от востающих на мя вознесеши мя, от мужа неправедна избавиши мя. II Samuel 22:50 Сего ради исповемся Тебе, Господи, во языцех, и имени Твоему воспою: II Samuel 22:51 величаяй спасения царя Своего, и творяй милость христу Своему Давиду и семени его до века. II Samuel 23:0 II Samuel 23:1 И сия словеса Давидова последняя. Верен Давид сын Иессеов, и верен муж, егоже возстави Господь в христа Бога Иаковля, и благолепны псалмы Израилевы. II Samuel 23:2 И Дух Господень глагола во мне, и слово Его на языце моем. II Samuel 23:3 Глаголет Бог Израилев: мне глагола хранитель Израилев притчу: рех в человецех: како удержите страх Божий? II Samuel 23:4 И во свете Божии утреннем, и возсия солнце заутра, не прейде от сияния, и яко от дождя злачна от земли. II Samuel 23:5 Не тако бо дом мой с Крепким: завет бо вечен положи ми, готов во всяком времени сохранен: яко все спасение мое и все хотение во Господе, яко не имать прозябнути беззаконный. II Samuel 23:6 Якоже терние извержено вси сии, яко не возмутся рукою, II Samuel 23:7 и муж не потрудится в них: и множество железа, и древо копийное, и огнем сожжет, и попалятся в срамоту свою. II Samuel 23:8 Сия имена сильных Давидовых: Иевосфей Хананеанин князь третияго есть: адинон асоней, сей обнажи мечь свой на осмь сот воинов (и победи) единою. II Samuel 23:9 И по нем Елеазар, сын отца брата его, в триех сильных братиях, сей бе со Давидом (во сирране) внегда поносити ему во иноплеменницех: и иноплеменницы собрашася тамо на брань, II Samuel 23:10 и изыдоша мужие Израилевы противу лица их, и той воста и убиваше иноплеменники, дондеже утрудися рука его и прильпе рука его к мечу: и сотвори Господь спасение велико в той день: и людие обратишася вслед его токмо совлачати. II Samuel 23:11 И по нем Самаиа сын Асы, Арухейский: и собрашася иноплеменницы во Фирию: и бе тамо часть села исполнь лящи: и людие бежаша от лица иноплеменнича: II Samuel 23:12 и ста аки столп посреде части, и исхити ю, и порази иноплеменники: и сотвори Господь спасение велико. II Samuel 23:13 И снидоша три князи от тридесятих, и приидоша в касон к Давиду в вертеп Одоллам: и чинове иноплеменник ополчишася во юдоли Рафаинстей. II Samuel 23:14 И Давид тогда бе во обдержании, и стан иноплеменническ бе тогда в Вифлееме. II Samuel 23:15 И возжада Давид и рече: кто напоит мя водою из рова, иже в Вифлееме при вратех? Стан же бе тогда иноплеменничь в Вифлееме. II Samuel 23:16 И расторгоша трие сильнии ополчение иноплеменничо, и почерпоша воды из рова Вифлеемскаго, иже при вратех: и взяша, и приидоша ко Давиду, и не восхоте пити ея: и возлия ю Господу II Samuel 23:17 и рече: милостив мне, Господи, еже сотворити сие, кровь ли мужей пошедших в душах своих пити имам? И не восхоте пити ея. Сия сотвориша трие сильнии. II Samuel 23:18 И Авесса брат Иоавль сын Саруин, сей бе князь в триех, и сей воздвиже копие свое на триста язвеных, и тому имя есть в триех. II Samuel 23:19 От триех оных славный, и бысть им князь, и даже до триех не прииде. II Samuel 23:20 И Ванеа сын Иодаев, муж сей премног в делех, от Кавасаила, и сей уби два сына Ариила Моавскаго: и той сниде, и уби льва посреде рова в день снежен: II Samuel 23:21 и той порази мужа Египтянина, мужа красна, в руце же Египтянина копие яко древо лествицы корабленыя: и сниде к нему со палицею, и исторже копие из руку Египтянина, и уби его копием его: II Samuel 23:22 сия сотвори Ванеа сын Иодаев, и тому имя в триех сильных, II Samuel 23:23 от триех славный, и ко трием не прииде: и постави его Давид над таинники своими. II Samuel 23:24 И сия имена сильных Давида царя: Асаил брат Иоавль, сей в тридесятих: Елеанан сын отца брата его от Вифлеема: II Samuel 23:25 Семоф Ародиин: II Samuel 23:26 Хеллис Келофийский: Ира сын Еккиса Фекоитскаго: II Samuel 23:27 Авиезер Анафофитский: Савухей иже от Асофиты: II Samuel 23:28 Еллон Алонитский: моей Нетофафитянин: II Samuel 23:29 Ели сын Ваань, иже от Нетофафит: Еффи сын Ривань от Гаваона сынов Вениаминих: II Samuel 23:30 Ванеас Фарафонитский: Урий от Наалгеа: II Samuel 23:31 Ариил сын Аравофитянина: Заор Варсамитский: II Samuel 23:32 Елеаса сын Салавонитский: Васей гонитский: II Samuel 23:33 Ионафан сын Самана Ароритскаго: Ахиан сын Арати Арафурскаго: II Samuel 23:34 Елифалаф сын Маахиавль: Елиав сын Ахитофела Гелонитскаго: II Samuel 23:35 Асараи Кармилский: Урем сын Асви: II Samuel 23:36 и Гала сын Нафанов: и Ваан сын Агарин: II Samuel 23:37 Елли Амманитский: Гелорей Вирофийский, носяй оружие Иоава сына Саруина: II Samuel 23:38 Ирас Еффирский: Гарев Иерфейский: и Уриа Гефейский. II Samuel 23:39 Всех тридесять и седмь. II Samuel 24:0 II Samuel 24:1 И приложи Господь гневу разгоретися во Израили, и подвиже в них Давида, глаголя: иди и изочти Израиля и Иуду. II Samuel 24:2 И рече царь ко Иоаву князю силы иже с ним: пройди ныне вся колена Израилева и Иудина, от Дана даже и до Вирсавии, и сочти люди, и да увем число людем. II Samuel 24:3 И рече Иоав ко царю: да приложит Господь Бог твой к людем твоим, якоже быти им сторицею, и очи господина моего царя да увидят: и господин мой царь почто помышляет о словеси сем? II Samuel 24:4 И превозможе слово царево ко Иоаву и ко князем силы. И изыде Иоав и князи крепости пред царем сочести люди Израилевы. II Samuel 24:5 И преидоша Иордан, и ополчишася во Ароире одесную града иже посреде дебри Гад и Елиезер. II Samuel 24:6 И приидоша в Галаад и в землю Фавасон и Истон и в Дасу, и внидоша в Данидан и обыдоша Сидон, II Samuel 24:7 и приидоша во Мапсар Тирский и во вся грады Евеины и в Хананеины, и идоша на юг Иуды в Вирсавию, II Samuel 24:8 и обыдоша всю землю, и приидоша во Иерусалим, скончавше девять месяц и двадесять дний. II Samuel 24:9 И даде Иоав число сочтеных людий царю: и бе Израиля числом осмь сот тысящ сильных держащих оружие, и мужей Иудиных пять сот тысящ мужей борцев. II Samuel 24:10 И убояся сердце Давидово по счислении людий, и рече Давид ко Господу: согреших зело, яко сотворих глагол сей: и ныне, Господи, отими беззаконие раба Твоего, яко обуях зело. II Samuel 24:11 И воста Давид заутра: и слово Господне бысть ко Гаду пророку прозорливцу, глаголя: II Samuel 24:12 иди и рцы Давиду, глаголя: тако глаголет Господь: трое Аз наведу на тя, и избери себе едино от сих, и сотворю ти. II Samuel 24:13 И вниде Гад к Давиду, и поведа, и рече ему: избери себе быти: или приидут тебе три лета глада на землю твою: или три месяцы бегати имаши пред враги твоими, и будут гоняще тя: или три дни быти смерти в земли твоей: ныне убо разумей и виждь, что отвещаю Пославшему мя. II Samuel 24:14 И рече Давид ко Гаду: тесна ми суть отвсюду зело три сия: да впаду убо в руце Господни, яко многи суть щедроты Его зело: в руце же человечи да не впаду. И избра себе Давид смерть и дни жатвенныя пшеницы. II Samuel 24:15 И даде Господь смерть во Израили от утра до часа обедняго, и начася язва быти в людех, и умроша от людий Господних от Дана и до Вирсавии седмьдесят тысящ мужей. II Samuel 24:16 И простре Ангел Божий руку свою на Иерусалим погубити его, и раскаяся Господь о зле, и рече Ангелу погубляющему люди: доволно ныне, отими руку твою. И Ангел Господнь бе стоя пред гумном Орны Иевусеанина. II Samuel 24:17 И рече Давид ко Господу, егда виде Ангела биюща люди, и рече: се, аз есмь согрешивый, аз есмь пастырь зло сотворивый, а сии овцы что сотвориша? Да будет ныне рука Твоя на мне и на дому отца моего. II Samuel 24:18 И прииде Гад к Давиду в день той и рече ему: взыди, и постави Господеви олтарь на гумне Орны Иевусеанина. II Samuel 24:19 И взыде Давид по глаголу Гада пророка, имже образом заповеда ему Господь. II Samuel 24:20 И преклонися Орна, и виде царя и отроки его восходящыя выше его, и изыде Орна, и поклонися царю на лицы своем на земли, II Samuel 24:21 и рече Орна: что яко прииде господин мой царь к рабу своему? И рече Давид: купити у тебе гумно (приидох), на создание олтаря Господня, и престанет язва от людий. II Samuel 24:22 И рече Орна к Давиду: да приимет и вознесет господин мой царь Господу (Богу) еже благо пред очима его: се, волове во всесожжение, и колеса и сосуди волов на дрова. II Samuel 24:23 Вся даде Орна царю. И рече Орна к царю: Господь Бог твой да благословит тя. II Samuel 24:24 И рече царь ко Орне: ни, но токмо купуя куплю от тебе ценою, и не вознесу Господу Богу моему всесожжения туне. И купи Давид гумно и волы на пятидесяти сиклех сребра. II Samuel 24:25 И созда тамо Давид олтарь Господеви: и вознесе всесожжения и мирная. И приложи Соломон ко олтарю последи, зане мал бе прежде. И послуша Господь земли, и отят язву от Израиля.
I Kings 0:0
Третья книга Царств I Kings 1:0 I Kings 1:1 И царь Давид бысть стар прешед дни, и одеваху его ризами (многими), и не согревашеся. I Kings 1:2 И реша отроцы его ему: да поищут господину нашему царю девицы юныя, и предстоит цареви, и будет греющи его, и да лежит с ним, и согреется господин наш царь. I Kings 1:3 И искаша отроковицы добрыя от всего предела Израилева, и обретоша Ависагу Сумантяныню, и приведоша ю ко царю. I Kings 1:4 И бе отроковица добра видением зело: и бысть греющи царя и служаше ему: царь же не позна ея. I Kings 1:5 И Адониа сын Аггифин вознесеся, глаголя: аз имам царствовати. И сотвори себе колесницы и конники, и пятьдесят мужей еже ходити пред ним. I Kings 1:6 И не возбрани ему отец его никогда, глаголя: почто сие ты сотворил еси? И бе той красен зраком зело, и того роди по Авессаломе. I Kings 1:7 И беша совети его со Иоавом сыном Саруиным и со Авиафаром иереом, и помогаху вслед Адонии. I Kings 1:8 Садок же иерей и Ванеа сын Иодаев, и Нафан пророк и Семей, и Рисий и сынове сильнии Давидовы не быша по Адонии. I Kings 1:9 И пожре Адониа овцы и телцы и агнцы при камени Зоелефе, иже бе близ источника Рогиля: и призва всю братию свою, сыны царевы, и вся мужы Иудовы, отроки царевы: I Kings 1:10 Нафана же пророка и Ванеа и сильных и Соломона брата своего не зва. I Kings 1:11 И рече Нафан ко Вирсавии матери Соломони, глаголя: не слышала ли еси, яко воцарися Адониа сын Аггифин, господин же наш Давид не весть: I Kings 1:12 ныне убо совещаю ти совет, и избавиши душу свою и душу сына твоего Соломона: I Kings 1:13 гряди, вниди к царю Давиду и речеши к нему, глаголющи: не ты ли, господи мой царю, клялся еси рабе твоей, глаголя: яко Соломон сын твой имать царствовати по мне, и той сядет на престоле моем? И что яко воцарися Адониа? I Kings 1:14 И се, еще глаголющей тебе тамо со царем, и аз вниду вслед тебе и дополню словеса твоя. I Kings 1:15 И вниде Вирсавиа ко царю в ложницу. И царь стар зело, и Ависаг Сумантяныня бяше служащи царю. I Kings 1:16 И приклонися Вирсавиа и поклонися цареви. И рече царь: что ти есть? I Kings 1:17 Она же рече: господи мой царю, ты клялся еси пред Господем Богом твоим рабе твоей, глаголя: яко сын твой Соломон имать царствовати по мне, и той сядет на престоле моем: I Kings 1:18 и се, ныне Адониа царствует, ты же, господи мой царю, не веси: I Kings 1:19 и пожре телцы и агнцы и овцы во множестве, и созва вся сыны царевы, и Авиафара жерца и Иоава князя силы, Соломона же раба твоего не призва: I Kings 1:20 ты же, господи мой царю, очи всего Израиля к тебе: да возвестиши им, кто сядет на престоле господина моего царя по нем: I Kings 1:21 и будет егда уснет господин мой царь со отцы своими, и буду аз и сын мой Соломон грешни. I Kings 1:22 И се, еще ей глаголющей с царем, и Нафан пророк прииде. I Kings 1:23 И возвестиша царю, глаголюще се, Нафан пророк. И вниде пред лице царево, и поклонися царю пред лицем его до земли, I Kings 1:24 и рече Нафан: господи мой царю, ты ли рекл еси: Адониа да царствует по мне, и той да сядет на престоле моем? I Kings 1:25 Яко сниде днесь и закла телцы и агнцы и овцы во множестве, и созва вся сыны царевы и князи сильных, и Авиафара иереа: и се, суть ядуще и пиюще пред ним, и реша: да живет царь Адониа: I Kings 1:26 и мене самаго раба твоего, и Садока иереа, и Ванеа сына Иодаева, и Соломона раба твоего не зва: I Kings 1:27 от господина ли царя моего бысть глагол сей? И не сказал еси рабу твоему, кто сядет на престоле господина моего царя по нем? I Kings 1:28 И отвеща царь Давид и рече: призовите ми Вирсавию. И вниде (Вирсавиа) пред царя и ста пред лицем его. I Kings 1:29 И клятся царь и рече: жив Господь, иже избави душу мою от всея печали: I Kings 1:30 якоже бо кляхтися пред Господем Богом Израилевым, глаголя: яко Соломон сын твой воцарится по мне, и той сядет на престоле моем вместо мене, яко тако сотворю ему в днешний день. I Kings 1:31 И преклонися Вирсавиа лицем на землю, и поклонися царю и рече: да живет господин мой царь Давид во веки. I Kings 1:32 И рече царь Давид: призовите мне Садока жерца и Нафана пророка, и Ванеа сына Иодаева. И внидоша пред царя. I Kings 1:33 И рече им царь: поимите с собою рабы господина вашего, и всадите сына моего Соломона на мска моего, и ведите его к Гиону, I Kings 1:34 и да помажет его тамо Садок иерей и Нафан пророк в царя над Израилем, и вострубите трубою рожаною и речете: да живет царь Соломон: I Kings 1:35 и изыдите вслед его, и внидет, и сядет на престоле моем, и той воцарится вместо мене: и аз заповедах, да будет властелин над Израилем и Иудою. I Kings 1:36 И отвеща Ванеа сын Иодаев царю и рече: буди тако: да утвердит Господь Бог глагол сей господина моего царя: I Kings 1:37 якоже бе Господь со господином моим царем, тако да будет и с Соломоном, и да возвеличит престол его паче престола господина моего царя Давида. I Kings 1:38 И сниде Садок иерей и Нафан пророк, и Ванеа сын Иодаев, и Хереффи и Фелеффи, и всадиша Соломона на мска царя Давида, и возведоша его к Гиону: I Kings 1:39 и взя Садок иерей рог с елеем от скинии, и помаза Соломона, и воструби трубою рожаною, и реша вси людие: да живет царь Соломон. I Kings 1:40 И взыдоша вси людие вслед его и ликоваша в лицех, и веселяхуся веселием великим, и разседеся земля от гласа их. I Kings 1:41 И слыша Адониа и вси званнии его, и тии скончаша уже ядуще. И слыша Иоав глас трубы рожаны и рече: кий глас есть града шумяща? I Kings 1:42 И еще Ему глаголющу, и се, Ионафан сын Авиафара иереа прииде. И рече Адониа: вниди, яко муж силы ты еси, и благая возвести. I Kings 1:43 И отвеща Ионафан и рече: известно, господин наш царь Давид постави Соломона царем: I Kings 1:44 и посла с ним царь Садока иереа и Нафана пророка, и Ванеа сына Иодаева, и Хереффи и Фелеффи, и всадиша его на мска царева: I Kings 1:45 и помазаша его Садок иерей и Нафан пророк на царство в Гионе, и взыдоша оттуду веселящеся, и возшуме град: сей глас, егоже слышасте: I Kings 1:46 и седе Соломон на престоле царстем: I Kings 1:47 и внидоша раби царевы благословити господина нашего царя Давида, глаголюще: да ублажит Бог имя Соломона сына твоего паче имене твоего, и да возвеличит престол его паче престола твоего: и поклонися царь на одре своем, I Kings 1:48 и сице рече царь: благословен Господь Бог Израилев, Иже даде днесь от семене моего седяща на престоле моем, и очи мои видят. I Kings 1:49 И ужасошася ужасом, и восташа вси званнии Адониевы, и отиде кийждо путем своим. I Kings 1:50 И Адониа убояся от лица Соломоня, и воста и отиде, и ятся за рог олтаря. I Kings 1:51 И возвестиша Соломону, глаголюще: се, Адониа убояся царя Соломона, и держится за рог олтаря, глаголя: да кленетмися днесь царь Соломон, яко не убиет раба своего оружием. I Kings 1:52 И рече Соломон: аще будет сын силы, ни влас главы его упадет на землю: аще же злоба обрящется в нем, умрет. I Kings 1:53 И посла царь Соломон, и сведоша его со олтаря. И вниде, и поклонися царю Соломону. И рече ему Соломон: иди в дом свой. I Kings 2:0 I Kings 2:1 И приближишася Давиду дние умрети ему, и заповеда Соломону сыну своему, глаголя: I Kings 2:2 аз отхожду в путь всея земли: ты же крепися, и буди муж совершен, I Kings 2:3 и сохрани завет Господа Бога твоего, еже ходити во всех путех Его, хранити заповеди Его и оправдания Его, и судбы Его и свидения Его, писанная в законе Моисеове: да разумееши яже сотвориши по всем, елика заповедах тебе: I Kings 2:4 да утвердит Господь слово Свое, еже рече о мне, глаголя: аще сохранят сынове твои пути своя, еже ходити предо Мною во истине всем сердцем своим и всею душею своею, глаголя: не искоренится тебе муж с престола Израилева: I Kings 2:5 и ты веси, елика сотвори мне Иоав сын Саруин, елика сотвори двема воеводама сил Израилевых, Авениру сыну Нирову и Амессаю сыну Иеферову, и уби их, и излия крови брани в мире, и даде кровь неповинных на поясе своем, иже на чреслех его, и на сапозе своем сущем на нозе его: I Kings 2:6 и сотвориши по мудрости твоей, и не сведеши старости его с миром во ад: I Kings 2:7 сыном же Верзеллии Галаадитина сотвориши милость, и да будут с ядущими трапезу твою: яко тако приближишася мне, внегда бежати мне от лица Авессалома брата твоего: I Kings 2:8 и се, с тобою Семей сын Гирань сын Иемениин от Ваурима, и той прокля мя проклятием горьким, в день в оньже исхождах в Полки: и той сниде на сретение ми на Иордан, и кляхся ему о Господе, глаголя: не убию тя оружием: I Kings 2:9 и да не обезвиниши его, яко муж мудр еси ты, и увеси что сотвориши ему, и сведеши старость его с кровию во ад. I Kings 2:10 И успе Давид со отцы своими, и погребен бысть во граде Давидове. I Kings 2:11 И бысть дний, в няже царствова Давид во Израили, четыредесять лет: в Хевроне царствова седмь лет, во Иерусалиме же тридесять три лета. I Kings 2:12 И Соломон седе на престоле Давида отца своего сын дванадесяти лет, и уготовася царствие его зело. I Kings 2:13 И вниде Адониа сын Аггифин к Вирсавии матери Соломони, и поклонися ей. Она же рече: мир ли вход твой? И рече: мир. I Kings 2:14 И рече: слово мне к тебе. И рече ему: глаголи. I Kings 2:15 И рече ей: ты веси, яко мне бе царство, и на мя весь Израиль положи лице свое, еже царствовати, и обратися царство, и бысть брату моему, яко от Господа бысть ему: I Kings 2:16 и ныне прошения единаго аз прошу от тебе, не отврати лица своего. И рече ему Вирсавиа: глаголи. I Kings 2:17 И рече к ней: рцы к Соломону царю, яко не имать отвратити лица своего от тебе, и дабы ми дал Ависагу Сумантяныню в жену. I Kings 2:18 И рече Вирсавиа: добре, аз имам глаголати о тебе к царю. I Kings 2:19 И вниде Вирсавиа пред царя Соломона глаголати ему о Адонии. И воста царь на сретение ей, и поклонися ей, и седе на престоле своем: и поставиша престол другий матери цареве, и седе одесную его, I Kings 2:20 и рече ему: прошения мала единаго аз прошу у тебе, не отврати лица моего. И рече к ней царь: проси, мати моя, яко не отвращуся от тебе. I Kings 2:21 И рече: даждь Ависагу Сумантяныню Адонии брату твоему в жену. I Kings 2:22 И отвеща царь Соломон и рече матери своей: вскую ты просиши Ависаги Сумантяныни Адонии? Еще проси ему и царства, яко той брат мой болший мене, и ему Авиафар иерей, и ему Иоав сын Саруин воевода друг. I Kings 2:23 И клятся царь Соломон Господем, глаголя: сия да сотворит мне Бог и сия да приложит, яко на душу свою глагола Адониа слово сие: I Kings 2:24 и ныне жив Господь, Иже уготова мя, и посади мя на престоле отца моего Давида, и Той сотвори ми дом, якоже глагола Господь, яко днесь умрет Адониа. I Kings 2:25 И посла царь Соломон рукою Ванеа сына Иодаева, и уби его, и умре Адониа в той день. I Kings 2:26 И Авиафару иерею рече царь: тецы ты во Анафоф на село твое, яко муж смерти еси ты в днешний день, но не умерщвлю тебе, яко носил еси кивот завета Господня пред отцем моим (Давидом), и яко озлоблен был еси во всех, имиже озлоблен бе отец мой. I Kings 2:27 И изгна Соломон Авиафара, еже не быти ему иереем Господним, якоже сбытися словеси Господню, еже глагола на дом Илиев в Силоме. I Kings 2:28 И слух дойде до Иоава сына Саруина, яко Иоав последова Адонии, и в след Соломонь не уклонися. И бежа Иоав в скинию Господню, и ятся рогов олтаревых. I Kings 2:29 И возвестиша Соломону, глаголюще: яко бежа Иоав в скинию Господню, и се, держится рогов олтаревых. И посла царь Соломон ко Иоаву, глаголя: что ти бысть, яко убежал еси во олтарь? И рече Иоав: яко убояхся от лица твоего, и бежах ко Господу. И посла Соломон Ванеа сына Иодаева, глаголя: иди, и убий его, и погреби его. I Kings 2:30 И прииде Ванеа сын Иодаев ко Иоаву в скинию Господню, и рече ему: сия глаголет царь: изыди. И рече Иоав: не изыду, но да зде умру. И возвратися Ванеа сын Иодаев и рече царю, глаголя: сия глагола Иоав и сия отвеща мне. I Kings 2:31 И рече ему царь: иди и сотвори ему, якоже рече, и убий его, и погреби его, и отими днесь кровь, юже туне пролия Иоав, от мене и от дому отца моего: I Kings 2:32 и возврати Господь кровь неправды его на главу его, якоже нападе на два мужа праведна и блага паче его, и уби их оружием: и отец мой Давид не разуме крове их, Авенира сына Нирова, воеводу Израилева, и Амессая сына Иеферова, воеводу Иудина: I Kings 2:33 и возвратися кровь их на главу его и на главу семене его во веки: Давиду же и семени его, и дому его, и престолу его мир да будет до века от Господа. I Kings 2:34 И взыде Ванеа сын Иодаев и нападе на него, и уби его, и погребе его в дому его в пустыни. I Kings 2:35 И постави царь Соломон Ванеа сына Иодаева вместо его над воинством: царство же управляшеся во Иерусалиме. И Садока иереа даде Соломон царь во иереа перваго вместо Авиафара. 1 и даде Господь смысл Соломону и премудрость многу зело, и широту сердца, якоже песок иже при мори: 2 и исполнися разума Соломон паче разума всех древних сынов и паче всех мудрых Египетских. И поят дщерь фараоню, и введе ю во град Давидов, дондеже сконча себе здати дом свой, и дом Господень в первых, и стену Иерусалима окрест: 3 в седмь лет сотвори и сконча. 4 и бяше у Соломона седмьдесят тысящ (мужей) носящих бремена, и осмьдесят тысящ каменосечцев в горе. И сотвори Соломон море, и подкрепления, и бани великия, и столпы, и источник дворный, и море медяное: 5 и созда краеградие, и забрала над ним, и разсече град Давидов. 6 тако дщи фараоня прейде от града Давидова в дом свой, егоже созда ей: 7 тогда созда краеградие. И Соломон возношаше трижды в лето всесожжения и мирная на олтарь, егоже созда Господеви, и кадяше пред Господем, и соверши дом. И сии старейшины приставлени над делами Соломоними, 8 три тысящы и шесть сот приставник за людьми делающими дело. И созда 9 Ассур, и Магдон и Газер, и Вефорон вышний и Валалаф: обаче по создании дому Господня и стены Иерусалимския окрест, по сих созда грады сия. И еще жив сый Давид, заповеда Соломону глаголя: 10 се, с тобою Семей сын Гирань, сын семене Иемениина, от Хеврона: сей кляше мя клятвою укоризненною, в день в оньже идох в Полки: и той сниде в сретение ми на Иордан, и кляхся ему Господем, глаголя, яко не умерщвлю его оружием: и ныне да не обезвиниши его, яко муж смыслен еси ты, и разумееши яже сотвориши ему, и сведеши старость его с кровию во ад. I Kings 2:36 И послав царь Соломон, призва Семеа и рече ему: созижди себе дом во Иерусалиме и седи тамо, и не исходи оттуду никаможе: I Kings 2:37 и будет в день исхода твоего, и прейдеши поток Кедрский, разумея разумей, яко смертию умреши: кровь твоя будет на главе твоей. И заклят его царь в день той. I Kings 2:38 И рече Семей к царю: благ глагол, егоже глаголал еси, господи мой царю: тако сотворит раб твой. И седе Семей во Иерусалиме три лета. I Kings 2:39 И бысть по триех летех, и бежаста два раба Семеина ко Агхусу сыну Маахаину, царю Гефску. И возвестиша Семею, глаголюще: се, раби твои во Гефе. I Kings 2:40 И воста Семей, и оседла осля свое, и иде во Геф ко Агхусу взыскати рабы своя: и пойде Семей, и приведе рабы своя от Гефа. I Kings 2:41 И возвестиша Соломону, глаголюще: яко Семей ходи из Иерусалима в Геф и возврати рабы своя. I Kings 2:42 И посла царь и призва Семеа и рече к нему: не заклях ли тя Господем, и засвидетелствовах тебе, глаголя: в оньже аще день изыдеши из Иерусалима и пойдеши на десно или на шуее, разумея разумей, яко смертию умреши? И рекл ми еси: благ глагол, егоже слышах: I Kings 2:43 и что яко не сохранил еси клятвы Господни и заповеди, юже заповедах на тя? I Kings 2:44 И рече царь к Семею: ты веси всю злобу твою, юже весть сердце твое, яже сотворил еси Давиду отцу моему: и возврати Господь злобу твою на главу твою: I Kings 2:45 и царь Соломон благословен, и престол Давидов будет готов пред Господем во веки. I Kings 2:46 И заповеда царь Соломон Ванею сыну Иодаеву: и изыде, и уби его, и умре (Семей). I Kings 3:0 I Kings 3:1 Егда же царство утвердися в руце Соломона, сватовство сотвори Соломон с фараоном царем Египетским: и поят дщерь фараоню и введе ю во град Давидов, дондеже сконча здати дом свой и дом Господень и стену Иерусалима окрест. I Kings 3:2 Обаче людие тогда бяху жруще на высоких, яко не бе создан дом Господеви даже до дне онаго. I Kings 3:3 И возлюби Соломон Господа, ходити в заповеданиих Давида отца своего, токмо на холмех жряше и кадяше. I Kings 3:4 И воста Соломон, и иде в Гаваон пожрети тамо, яко тамо бе высота велия: тысящу всесожжения вознесе на жертвеннице в Гаваоне. I Kings 3:5 И явися Господь Соломону во сне нощию и рече ему: проси что хощеши себе. I Kings 3:6 И рече Соломон: Ты сотворил еси с рабом Твоим Давидом отцем моим милость велию, якоже ходи пред Тобою истиною и правдою и правым сердцем с Тобою, и сохранил еси ему милость великую сию, еже дати сыну его седети на престоле его, якоже днесь: I Kings 3:7 и ныне, Господи Боже мой, Ты дал еси раба Твоего вместо Давида отца моего: и аз есмь отрочищь мал, и не вем исхода моего и входа моего: I Kings 3:8 раб же Твой посреде людий Твоих, ихже избрал еси людий многих, иже не изочтутся от множества: I Kings 3:9 и даси рабу Твоему сердце смыслено слышати и судити люди Твоя в правде, еже разумевати посреде добра и зла: яко кто может судити людем Твоим тяжким сим? I Kings 3:10 И угодно бысть слово сие пред Господем, яко испроси Соломон глагол сей. I Kings 3:11 И рече Господь к нему: занеже просил еси от мене глагола сего, и не просил еси от мене дний многих, и не просил еси богатства, ниже просил еси душ враг твоих, но испросил еси себе разума, еже слышати суд: I Kings 3:12 се, сотворих по глаголу твоему, се, дах ти сердце смыслено и мудро: якоже ты, не бысть муж прежде тебе и по тебе не востанет подобен тебе: I Kings 3:13 и яже не просил еси, дах тебе, и богатство и славу, якоже ты, не бысть муж подобен тебе в царех во вся дни твоя: I Kings 3:14 и аще пойдеши путем Моим сохранити заповеди Моя и повеления Моя, якоже хождаше Давид отец твой, и умножу дни твоя. I Kings 3:15 И возбудися Соломон, и се, сновидение. И воста, и иде во Иерусалим, и ста пред лицем жертвенника, пред лицем кивота завета Господня в Сионе, и вознесе всесожжения и сотвори мирная, и сотвори пир велий себе и всем отроком своим. I Kings 3:16 Тогда явистеся две жене блуднице пред царем и стасте пред ним. I Kings 3:17 И рече жена едина: во мне, господи мой: аз и жена сия жихоме в дому единем и родихоме в дому: I Kings 3:18 и бысть по третием дни рождения моего, и роди и жена сия: и бехом купно, и не бе никтоже с нами, кроме обоих нас в дому: I Kings 3:19 и умре сын жены сея в нощи, яко лежа на нем: I Kings 3:20 и воста в полунощи, и взя отроча мое от объятий моих, и успи е на лоне своем, а отроча свое умершее положи на лоне моем: I Kings 3:21 и востах заутра накормити отроча мое, и обретох и мертво: и се, разсмотрих его рано, и се, не бе сын мой, егоже родих: I Kings 3:22 и рече другая жена: ни, но се есть сын мой живый, се же есть сын твой умерый. И прястеся пред царем. I Kings 3:23 И рече има царь: ты глаголеши, яко сей сын мой живый, сын же сея мертвый: и ты глаголеши: ни, но живый есть сын мой, твой же сын умерший. I Kings 3:24 И рече царь: принесите ми мечь. И принесоша мечь пред царя. I Kings 3:25 И рече царь: разсецыте отроча ссущее живое на двое, и дадите половину его сей, и другую половину оней. I Kings 3:26 И отвеща жена, еяже бе сын живый, и рече ко царю, понеже смятеся утроба ея о сыне ея, и рече: во мне, господи мой, дадите ей отроча живое, смертию же не умертвите его. И та рече: да не будет ни мне, ни тебе, но пресецыте е. I Kings 3:27 И отвеща царь и рече: дадите детище живо жене рекшей: дадите сей е, смертию же не умертвите его: сия мати его. I Kings 3:28 И слыша весь Израиль суд сей, имже суди царь, и убояшася от лица царева, разумеша бо, яко разум Божий в нем еже творити оправдания. I Kings 4:0 I Kings 4:1 И бе царь Соломон царствуяй над Израилем. I Kings 4:2 И сии старейшины иже беша с ним: I Kings 4:3 Азариа сын Садоков, жрец: Елиаф и Ахиа сынове Сивины, книгочии: и Иосафат сын Ахилудов, напоминатель: I Kings 4:4 и Ванеа сын Иодаев над силою: и Садок и Авиафар, иерее: I Kings 4:5 и Азариа сын Нафань над настоятелми: и Завуф сын Нафань друг царев: I Kings 4:6 и Ахисар бе строитель, и Елиав сын Сафатов над отечеством: и Адонирам сын Авдонов над даньми. I Kings 4:7 И у Соломона бяху дванадесять приставник над всем Израилем, еже подаяти царю и дому его: по месяцу в лете бываше един, еже подаяти, I Kings 4:8 и сия имена их: Вен сын Оров на горе Ефремли, един: I Kings 4:9 сын Дакарь во Махемате и во Висаламине и Вефсамисе и Елоне, даже до Вефанана, един: I Kings 4:10 сын Седов во Аравофе, сего Сохо и вся земля Оферова: I Kings 4:11 сына Аминадавля вся Неффадор: Тефаф дщи Соломоня бе ему в жену, един: I Kings 4:12 Вана сын Ахилуфов во Ифаанахе и Магеддо и весь Дом Саныи, иже при Сесафане под Езраелем, и от Вифсана даже до Савелмаула, даже до Маевер Лукам, един: I Kings 4:13 сын Наверов в Равофе Галаадстем: сему область Ергав в Васане, шестьдесят градов великих огражденных стенами, и вереи медяны, един: I Kings 4:14 Ахинадав сын Саддов во Маанаиме: I Kings 4:15 Ахимаас в Неффалиме: и сей поят Васемафу дщерь Соломоню в жену, един: I Kings 4:16 Ваана сын Хусиин во Асире и во Ваалофе, един: I Kings 4:17 Иосафат сын Фаруев во Иссахаре, I Kings 4:18 Семей сын Илы во Вениамине, I Kings 4:19 Гавер сын Адаев в земли Галааде, в земли Сиона царя Есевонска и Ога царя Васанска, и Насиф един в земли Иудове. I Kings 4:20 Иуда и Израиль мнози аки песок иже при мори во множестве, ядуще и пиюще и веселящеся. I Kings 4:21 И Соломон бе началствуяй во всех царствах, от реки земли Филистимския и даже до предел Египетских, (и бяху) приносяще дары и работающе Соломону во вся дни живота его. I Kings 4:22 И сия потребная Соломону в день един: тридесять мер муки семидалныя и шестьдесят мер муки смешаныя, I Kings 4:23 десять телцев избранных и двадесять волов тучных и сто овец, кроме еленей и серн и птиц, избранна от избранных тучна. I Kings 4:24 Понеже бе началствуяй во всех об он пол реки от Фапсы и даже до Газы, над всеми царми об он пол реки, и мир бе ему от всех стран окрест. I Kings 4:25 И живяху Иуда и Израиль безпечально, кийждо под виноградом своим и под смоковницею своею, ядуще и пиюще, от Дана и даже до Вирсавии, во вся дни Соломона. I Kings 4:26 И бяше у Соломона четыредесять тысящ кобылиц в колесницы и двадесять тысящ конник. I Kings 4:27 И тако подаяху приставники царю Соломону, и вся повеленная на трапезу цареву, кийждо в месяц свой, не пременяюще словесе: I Kings 4:28 и ячмень и плевы конем, и колесницами привозяху на место, идеже бе царь, кийждо по чину своему. I Kings 4:29 И даде Господь смысл и мудрость Соломону многу зело, и широту сердца, яко песок иже при мори: I Kings 4:30 и умножися мудрость Соломонова зело, паче смысла всех древних человек и паче всех смысленных Египетских: I Kings 4:31 и умудрися паче всех человек, и умудрися паче Гефана Езраилитнна и Емана, и Халкада и Дарды, сына Самадова, и прославися имя его во всех странах окрест. I Kings 4:32 И изглагола Соломон три тысящы притчей, и быша песни его пять тысящ: I Kings 4:33 и глагола о древех, от кедра иже в Ливане и даже до иссопа исходящаго из стены: и глагола о скотех и о птицах и о гадех и о рыбах. I Kings 4:34 И прихождаху вси людие слышати премудрость Соломоню: и приимаше дары от всех царей земных, елицы слышаху премудрость его. I Kings 5:0 I Kings 5:1 И посла Хирам царь Тирский отроки своя к Соломону: услыша бо, яко помазаша его на царство вместо Давида отца его, яко любяше Хирам Давида во вся дни. I Kings 5:2 И посла Соломон к Хираму, глаголя: I Kings 5:3 ты веси отца моего Давида, яко не возможе создати дому имени Господа Бога моего, от лица противных, окруживших его, дондеже даде я Господь под стопы ног его: I Kings 5:4 и ныне упокои Господь Бог мой мне окрест, несть наветника, ниже сопротивника лукаваго: I Kings 5:5 и се, аз глаголю создати дом имени Господа Бога моего, якоже глагола Господь Бог к Давиду отцу моему, глаголя: сын твой, егоже дам вместо тебе на престол твой, той созиждет дом имени Моему: I Kings 5:6 и ныне заповеждь, да насекут ми древ от Ливана, и се, раби мои с рабы твоими, и мзду трудов твоих дам ти по всему елика речеши, понеже ты веси, яко несть нам ведущаго древа сещи, якоже Сидоняне. I Kings 5:7 И бысть егда услыша Хирам словеса Соломоня, возрадовася зело и рече: благословен Бог днесь, Иже даде Давиду сына разумна над людьми сими многими. I Kings 5:8 И посла Хирам к Соломону, глаголя: слышах о всех, ихже ради послал еси ко мне: аз сотворю все хотение твое о древах кедровых и певговых: I Kings 5:9 слуги мои изнесут я от Ливана к морю, и аз положу я в складения на место, идеже возвестиши мне, и довезу я тамо: и ты возмеши, и сотвориши хотение мое, еже дати хлебы дому моему. I Kings 5:10 И бе Хирам дая Соломону кедры и певги и всю волю его. I Kings 5:11 И даде Соломон Хираму двадесять тысящ мер пшеницы, и пищу дому его, и двадесять тысящ мер елеа чистаго: по сему даваше Соломон Хираму на всяко лето. I Kings 5:12 И Господь даде Соломону премудрость, якоже глагола ему. И бе мир между Хирамом и между Соломоном, и положиша завет между собою. I Kings 5:13 И взя царь дань от всего Израиля, и бе дань тридесять тысящ мужей. I Kings 5:14 И посла я в Ливан, десять тысящ на месяц в премену: месяц быша в Ливане и два месяца в дому своем: и бяше Адонирам над данию. I Kings 5:15 И бяше Соломону седмьдесят тысящ носящих бремена и осмьдесят тысящ секущих камение в горе, I Kings 5:16 кроме старейшин приставленых над делами Соломоними, три тысящы и шесть сот приставник делающих дела. I Kings 5:17 И заповеда царь, и взяша камение великое, камение честное на основание храма, и камение нетесаное. I Kings 5:18 И истесаша сынове Соломони и сынове Хирамли и каменосечцы Гевалстии: и изготовиша камения и древа в три лета. I Kings 6:0 I Kings 6:1 И бысть в четыредесятное и в четвертосотное лето исхода сынов Израилевых из Египта, в лето четвертое, в месяц вторый, царствующу царю Соломону над Израилем, и созда храм Господеви. I Kings 6:2 И храм, егоже созда Соломон царь Господеви, (бяше) шестьдесят лакот долгота его, и двадесяти лакот широта его, и тридесяти лакот высота его: I Kings 6:3 и притвор, иже пред лицем храма, двадесяти лакот долгота его в широту дому, и десяти лакот широта его пред лицем дому: и созда храм, и соверши его. I Kings 6:4 И сотвори храму окна преклонены сокровены. I Kings 6:5 И созда на стене дому притворы около храма и давира. I Kings 6:6 И сотвори бока около, бок иже с низу, пяти лакот широта его, и средний шести лакот широта, и третий седми лакот широта его: понеже разстояние дому сотвори окрест внеуду храма, яко да не досязают стен храма. I Kings 6:7 И храму зиждему сущу, камением краесекомым нетесаным создася: млат же, и теслица, и всякое орудие железно не слышася в храме, егда созидатися ему. I Kings 6:8 И двери бока нижняго под стеною храма десною, и извиенный восход до средины, а от средины до трекровных. I Kings 6:9 И созда храм, и соверши его: и обстави храм дсками кедровыми. I Kings 6:10 И сотвори вязания окрест всего храма, пять лакот в высоту его, и связа вязание древом кедровым. I Kings 6:11 И бысть слово Господне к Соломону, глаголющее: I Kings 6:12 храм сей егоже ты созидаеши, аще пойдеши по заповедем Моим, и судбы Моя сотвориши, и сохраниши вся повеления Моя, еже пребывати в них, утвержу слово Мое с тобою, еже глаголах Давиду отцу твоему, I Kings 6:13 и вселюся посреде сынов Израилевых, и не оставлю людий Моих Израиля. I Kings 6:14 И созда Соломон храм, и сконча его. I Kings 6:15 И созда стены храму внутрь древом кедровым, от земли храма и даже до стен и даже до верха: около обстави содержащая древами внутрьуду и укрепи внутрь храма боками певговыми. I Kings 6:16 И созда двадесяти лакот от края стены бок един от земли даже до верха: и сотвори ему внутрь от давира стену до Святая святых. I Kings 6:17 И четыредесяти лакот бяше храм: сей (есть) храм внутреннейший. I Kings 6:18 И от кедра во храме внутрь постави плетение и дщицы и ваяния вся кедрова: камень не являшеся. I Kings 6:19 Пред лицем давира, посреде храма внутрь уготова поставити тамо кивот завета Господня. I Kings 6:20 И пред лицем давира двадесяти лакот долгота, и двадесяти лакот широта, и двадесяти лакот высота его, и объят его златом чистым: и сотвори олтарь кедровый: и повлече Соломон храм внутрь златом чистым, и пригвозди гвоздми златыми пред лицем давира, и объят и златом. I Kings 6:21 И весь храм объят златом до скончания всего храма. I Kings 6:22 И все внутрь давира покры златом. I Kings 6:23 И сотвори в давире два херувима от древ кипарисных, десять лакот мерою величество: I Kings 6:24 и пяти лакот крило херувима единаго, и пяти лакот крило его второе, десяти лакот от края крила его до края крила его: I Kings 6:25 и десяти лакот такожде (мера) херувиму второму, мера едина совершение едино обоим херувимом: I Kings 6:26 и высота херувима единаго десять лакот, такожде и второму херувиму. I Kings 6:27 И постави оба херувима посреде храма внутренняго: и простираху крила своя, и досязаше крило едино до стены храма, и крило другаго херувима досязаше до стены вторыя: и крила их яже бяху посреде храма, касашеся крило с крилом: I Kings 6:28 и объяты быша херувимы златом. I Kings 6:29 И на всех стенах храма около ваяния написа подобием херувимов, и финики, и изваянна произницающая внутрьуду и внеуду. I Kings 6:30 И помост храма из внутрьуду и внеуду объят златом. I Kings 6:31 И входу давира сотвори двери от древ смерчиих, и праги пятеричны, I Kings 6:32 и двои двери от древ певговых, и изваяния на них изваяна, херувимы, и финики, и дщицы простертыя, и объят я златом, и бяше златом устроено до херувимов и до фиников. I Kings 6:33 И тако сотвори вратом храма: и праги от древ смерчиих, притворы четверогубо. I Kings 6:34 И на обоих дверях древа певгова: два затвора дверь едина и вереи их, и два затвора дверь вторая вращающаяся в себе, I Kings 6:35 (на нихже сотвори) изваянныя херувимы и финики, и дщицы простертыя, и объятыя златом свешеным на изображение. I Kings 6:36 И созда двор внутренний: в три ряда нетесаных, и ряд тесанаго кедра около. I Kings 6:37 В лето четвертое основа храм Господень в месяце зии, во вторый месяц. I Kings 6:38 Во единонадесятое лето в месяце Вул, сей месяц осмый, совершися храм по всему словеси своему и по всему устроению своему: и созда его в седмь лет. I Kings 7:0 I Kings 7:1 И дом свой созда Соломон треминадесять леты, и соверши Соломон весь дом свой. I Kings 7:2 И созда дом древом Ливанским, сто лакот долгота его, и тридесять лакот высота его, и пятьдесят лакот широта его, и три ряды столпов кедровых, и рамена кедрова столпом. I Kings 7:3 И покры дсками кедровыми дом свыше над странами столпов: и число столпов четыредесять и пять, I Kings 7:4 по пятинадесяти ряд: и окон три ряда, и камара над камарою трегубо. I Kings 7:5 И вся двери и камары четвероуголны притворени: от дверий над дверми трегубо. I Kings 7:6 И елам столпов, пятьдесят лакот в долготу, и тридесять лакот в широту привязани ко Еламу пред лицем их: и столпи и толстота пред лицем того елама. I Kings 7:7 И елам престолов идеже судити, елам судилища, и покры и от земли даже до верха дщицами кедровыми. I Kings 7:8 И дом в немже живяше, двор един распростерт сим по делу сему: и дом созда дщери фараони, юже взя Соломон, по еламу сему. I Kings 7:9 Вся сия бяху от каменей драгоценных изваяна от разстояния внутрьуду, и от основания до крова. I Kings 7:10 И внеуду ко двору великому основаному камением драгим великим, камением десяти лакот и осми лакот, I Kings 7:11 и с верху честным камением, по тойже мере несеченых, и кедрами. I Kings 7:12 Окрест двора великаго три ряда нетесаных, и ряд тесанаго кедра: и созда двор храма внутреннейший притвора дому Сущаго пред лицем храма. I Kings 7:13 И посла царь Соломон в Тир, и взя Хирама от Тира, I Kings 7:14 сына жены вдовицы, и той бе от колена Неффалимля: и отец его бе муж Тирин, делатель меди, и исполнен художества и разума и ведения, еже делати всяко дело медяное. И приведоша его ко царю Соломону: и сотвори вся дела: I Kings 7:15 и слия два столпа еламу храма, осминадесяти лакот высота столпа, и окрест мера его четыренадесятих лакот окружаше его толстота столпа: четырех перстов вглубления: такожде бе и вторый столп: I Kings 7:16 и два возложения сотвори, лежати на главах столпов излиянная от меди: пяти лакот высота возложения единаго, и пяти лакот высота возложения втораго: I Kings 7:17 и сотвори две мрежи еже покрыти возложения столпов: и мрежу возложению единому, и мрежу возложению второму: I Kings 7:18 и дело висимо, два ряда яблок медяных сомрежены, дело висимо, ряд над рядом: такожде сотвори возложению второму: I Kings 7:19 и возложения на главах столпов, подобна крину, якоже во еламе, четырех лакот: I Kings 7:20 и строение над обоими столпами, и свыше стран возложение строения, и яблоков двести рядов около на вторей главе. I Kings 7:21 И постави столпы во еламе храма: и постави столп един и нарече имя ему Иахун, и постави столп вторый и нарече имя ему Воос. I Kings 7:22 И на главах столпов дело криново, и сконча дело столпов. I Kings 7:23 И сотвори море лияно десять лакот от края до края его, кругло окрест его: пять лакот высота его, и объятие его тридесять лактей окружаше е окрест: I Kings 7:24 и подкрепления под краем его окрест, окружаху е десять лакот около: два ряда подкреплений слиты во слиянии его стояща. I Kings 7:25 И дванадесять волов под морем, три зрящии на север, и три зрящии на юг, и три на запад, и три на восток, и вся задняя их внутрьуду, и море верху их. I Kings 7:26 И устие его бяше яко устие потиря прозябающаго крина, и толстота его на длань. I Kings 7:27 И сотвори десять мехонофов медяных, пять лакот долгота мехонофа единаго, и четыри лакти широта его, и шесть лакот высота его: I Kings 7:28 и сие дело мехонофов, споеное о себе и споеное посреде произницающих: I Kings 7:29 и на споениих их посреде произницающих львы и волы и херувимы, и над произницающими, такожде и свыше и снизу львов и волов места, дело низхождения: I Kings 7:30 и четыри колеса медна и мехонофу коемуждо, и придержания медяна, и четыри части их, и рамена их под умывалницами, и рамена слияная об ону страну коегождо прилежаще. I Kings 7:31 И уста его внутрь главы, и выше единаго лактя, и уста его кругла: дело такожде лактя единаго и пол лактя: и на устах его изваяния, и междустолпия их четвероуголна, а не кругла. I Kings 7:32 И четыри колеса под междустолпиями, и руце в колесех в мехонофе: и высота единаго колеса лакоть и пол. I Kings 7:33 И дело колес, яко дело колес колесницы: руце их и выи их, и хребты их и делания их вся лияна. I Kings 7:34 Четыри рамена на четырех углех мехонофа единаго, и от мехонофа рамена его. I Kings 7:35 И на главе мехонофа пол лактя величество его, кругло окрест над главою мехонофовою: и начало рук его и спаяния его от него: и отверзашеся в началех рук своих. I Kings 7:36 И спаяния его подобия херувимов и львов и фиников стоящая, держащееся коеждо противу лица его внутрь и окрест. I Kings 7:37 По томужде сотвори вся десять мехонофы, по чину единому и по мере единей, мера едина всем. I Kings 7:38 И сотвори десять конобов медяных вмещающих по четыредесяти мер во един коноб, мерою четырех лактей: коноб един на коемждо мехонофе, от десяти мехонофов. I Kings 7:39 И постави пять мехонофов по десней стране храма на восток, и пять по левей стране храма: и море от страны храма одесную на востоки в угле полуденнем. I Kings 7:40 И сотвори Хирам конобы и теплицы и фиалы: и сконча Хирам вся дела творя, яже творяше цареви Соломону во храме Господни: I Kings 7:41 столпа два, и обвития столпов над главами столпов два: и мрежи две, еже покрывати оба обвития изваяных, яже на столпех суть: I Kings 7:42 яблоков медяных четыреста обема мрежема, два ряда яблоков мрежи единей, покрывати оба обвития мехонофа, яже на обоих столпех: I Kings 7:43 и мехонофов десять и конобов десять на мехонофе: I Kings 7:44 и море едино, и волов дванадесять под морем: I Kings 7:45 и конобы и теплицы и фиалы, и вся сосуды, яже сотвори Хирам царю Соломону во храме Господни: и столпов четыредесять и осмь дому царева и дому Господня: вся дела царева, яже сотвори Хирам, быша медяна вся. I Kings 7:46 Близ Иордана слия их царь в толстоте земли, между Сокхофом и между Сирамом. I Kings 7:47 Не бе веса меди, от неяже творяше вся дела сия, от множества зело, не бе предела весу меди. I Kings 7:48 И даде царь Соломон вся сосуды, яже сотвори во храм Господень: олтарь златый и трапезу, на нейже хлебы приношения, златую, I Kings 7:49 и свещники пять одесную и пять ошуюю пред лицем давира (Святая святых) златыя спаяны, и лампады, и светилники, и щипцы златыя, I Kings 7:50 и преддверие, и гвоздие, и фиалы и блюда и кадилницы златы спаяны: и вереи врат дому внутренняго Святаго Святых, и двери храма златыя. I Kings 7:51 И совершися дело, еже сотвори Соломон во храме Господни: и внесе Соломон святая Давида отца своего и вся святая Соломонова, сребро и злато, и сосуды даде в сокровище храма Господня. I Kings 8:0 I Kings 8:1 И собра царь Соломон вся старейшины Израилевы, вся начала колен, старейшины отечеств сынов Израилевых к себе во Сион, еже пренести кивот завета Господня от града Давидова: той есть Сион. I Kings 8:2 И собрашася ко царю Соломону вси людие Израилевы в месяц Афаним в праздник: сей есть месяц седмый. I Kings 8:3 И приидоша вси старейшины Израилевы, и взяша иерее кивот, I Kings 8:4 и вознесоша кивот Господень, и скинию свидения, и вся сосуды святыя яже во скинии свидения: и вознесоша я иерее и левити. I Kings 8:5 Царь же Соломон и весь собор Израилский, собравшеся к нему, с ним пред кивотом жряху волы и овцы несочтенны, безчисленны от множества. I Kings 8:6 И внесоша иерее кивот завета Господня на место его во давир храма, во Святая Святых, под крила херувимов. I Kings 8:7 Херувими бо беша распростерше криле над местом кивота: и окрываху херувими над кивотом и над святыми его сверху. I Kings 8:8 И обдержаста освященая: и зряхуся главы освященных от святых к лицу давира, и не являхуся вне. I Kings 8:9 Не бе в кивоте токмо две скрижали каменны, скрижали завета, ихже положи Моисей в Хориве, яже завеща Господь со сынами Израилевыми, внегда исходити им от земли Египетския. I Kings 8:10 И бысть егда изыдоша иерее из святилища, и облак исполни храм Господень, I Kings 8:11 и не можаху иерее стати служити от лица облака, яко исполни слава Господня храм. I Kings 8:12 Тогда рече Соломон: Господь рече еже обитати во мгле, I Kings 8:13 аз же создах дом имени Твоему свят Тебе и готов, и престолу твоему, еже обитати Тебе в нем во веки. I Kings 8:14 И обрати царь лице свое и благослови царь всего Израиля: весь же собор Израилев стояше. I Kings 8:15 И рече (царь): благословен Господь Бог Израилев днесь, Иже глагола усты Своими о Давиде отце моем и рукама Своима исполни, глаголя: I Kings 8:16 от дне в оньже изведох люди Моя Израиля из Египта, не избрах града от всех племен Израилевых на создание храму, еже быти имени Моему тамо: но избрах во Иерусалиме быти имени Моему тамо: и избрах Давида быти ему властелину над людьми Моими Израилем: I Kings 8:17 и бысть на сердцы отцу моему Давиду, еже создати храм имени Господа Бога Израилева, I Kings 8:18 и рече Господь к Давиду отцу моему: понеже взыде на сердце твое еже создати храм имени Моему, добре сотворил еси, яко бысть на сердцы твоем: I Kings 8:19 обаче ты не созиждеши храма, но разве сын твой, иже изыде из чресл твоих, той созиждет храм имени Моему: I Kings 8:20 и возстави Господь глаголгол Свой егоже глагола: и востах вместо Давида отца моего, и седох на престоле Израилеве, якоже глагола Господь, и создах храм имени Господа Бога Израилева, I Kings 8:21 и поставих тамо место кивоту, в немже есть тамо завет Господень, егоже завеща Господь со отцы нашими во извождении их из земли Египетския. I Kings 8:22 И ста Соломон пред лицем олтаря Господня пред всем собором Израилевым и воздвиже руце свои на небо, I Kings 8:23 и рече: Господи Боже Израилев, несть якоже Ты Бог на небеси горе и на земли низу, храняй завет и милость рабу Твоему ходящему пред Тобою всем сердцем своим, I Kings 8:24 яже сохранил еси рабу Твоему Давиду отцу моему: ибо глаголал еси усты Твоими и рукама Твоима совершил еси, якоже день сей: I Kings 8:25 и ныне, Господи Боже Израилев, сохрани рабу Твоему Давиду отцу моему, яже рекл еси ему, глаголя: не оскудеет муж от лица Моего седяй на престоле Израилеве, токмо аще сохранят чада твоя пути своя, еже ходити предо Мною, якоже ходил еси предо Мною: I Kings 8:26 и ныне, Господи Боже Израилев, да уверится глаголгол Твой, егоже рекл еси Давиду отцу моему: I Kings 8:27 яко аще истинно вселится Бог с человеки на земли? Аще небо и небо небесе не довлеют Ти, кольми паче храм сей, егоже создах имени Твоему? I Kings 8:28 И да призриши на молитву мою, Господи Боже Израилев, послушати молитвы, еюже молится раб Твой пред тобою к Тебе днесь, I Kings 8:29 да будут очи Твои отверсты на храм сей день и нощь, на место о немже рекл еси: будет имя Мое тамо на услышание молитвы, еюже молится раб Твой на месте сем день и нощь: I Kings 8:30 и услышиши молитву раба Твоего и людий Твоих Израиля, о нихже помолятся на месте сем: и ты услышиши на месте обиталища Твоего на небеси, и сотвориши и помилуеши: I Kings 8:31 елика аще согрешит кийждо ко искреннему своему, и аще приимет на него клятву еже кляти его, и приидет, и исповесть пред лицем олтаря Твоего в храме сем: I Kings 8:32 и Ты услышиши от небесе, и сотвориши суд людем Твоим Израилю: осудити беззаконнаго, дати путь его на главу его, и оправдити праведнаго, дати ему по правде его: I Kings 8:33 егда падут людие Твои Израиль пред враги, яко согрешат Ти, и обратятся к Тебе, и исповедятся имени Твоему, и помолятся и возглаголют молитву к Тебе в храме сем: I Kings 8:34 и Ты услышиши с небесе, и милостив будеши о согрешениих людий Своих Израиля, и возвратиши я в землю, юже дал еси отцем их: I Kings 8:35 внегда заключитися небеси и не быти дождю, яко согрешат Ти, и помолятся на месте сем, и исповедятся имени Твоему, и от грех своих обратятся, егда смириши их: I Kings 8:36 и услышиши с небесе, и милостив будеши о гресех раба Твоего и людий Твоих Израиля: яко явиши им путь благий ходити по нему, и даси дождь на землю, юже дал еси людем Твоим в достояние: I Kings 8:37 глад аще будет, смерть аще будет, егда будет возжжение, гусеницы, ржа аще будет, и аще оскорбят я врази их в единем от градов их: все противное, всяка болезнь, I Kings 8:38 всяка молитва, всяко моление аще будет всякому человеку от людий Израилевых, егда познает кийждо болезнь сердца своего, и воздвигнет руце свои в храме сем: I Kings 8:39 и Ты услышиши от небесе, от готоваго жилища Твоего, и милостив будеши, и сотвориши, и даси коемуждо по путем его, якоже увеси сердце его, яко Ты един токмо веси всех сердца сынов человеческих: I Kings 8:40 да боятся Тебе вся дни, в няже поживут на земли, юже дал еси отцем нашым: I Kings 8:41 и чуждему, иже несть от людий Твоих Израиля, той аще приидет от земли издалеча ради имене Твоего, зане услышат имя Твое велико, и руку Твою крепкую, и мышцу Твою высокую, I Kings 8:42 и приидет, и помолится на месте сем: I Kings 8:43 и ты услышиши с небесе от готоваго жилища Твоего, и сотвориши по всем, в еликих аще призовет Тя чуждий, яко да уразумеют вси людие земнии имя Твое и убоятся Тебе, якоже людие Твои Израиль, и разумеют, яко имя Твое наречеся на храме сем, егоже создах: I Kings 8:44 егда изыдут людие Твои на брань на враги своя, путем имже возвратиши я, и помолятся именем Господним путем града, егоже избрал еси Себе, и ко храму, егоже аз создах имени Твоему: I Kings 8:45 и ты услышиши с небесе молитву их и моления их, и сотвориши оправдание им: I Kings 8:46 яко согрешат Ти, яко несть человек, иже не согрешит, и разгневаешися на ня, и предаси я пред враги, и попленят их пленящии в землю далече, или близ, I Kings 8:47 и обратят сердца своя в земли, аможе преселишася, и обратятся, и помолятся Тебе в земли преселения своего, глаголюще: согрешихом, беззаконновахом, неправдовахом: I Kings 8:48 и обратятся ко Тебе всем сердцем своим и всею душею своею в земли враг своих, аможе превел еси их, и помолятся к Тебе по пути земли своея, юже дал еси отцем их, и ко граду, егоже избрал еси, и ко храму, егоже создах имени Твоему: I Kings 8:49 и услышиши от небесе, от готоваго жилища Твоего молитву их и моление их, и сотвориши оправдание им, I Kings 8:50 и милостив будеши неправдам их, имиже согрешиша Ти, и по всем отметанием их, имиже отвергошася Тебе, да даси их в щедроты пред пленившими их, и ущедрят я: I Kings 8:51 яко людие Твои и наследие Твое суть, ихже извел еси из земли Египетския от среды пещи железныя: I Kings 8:52 и да будут уши Твои и очи Твои отверсты на молитву раба Твоего и к молению людий Твоих Израиля, послушати их о всех, о нихже призовут Тя, I Kings 8:53 яко Ты избрал еси я Себе в наследие от всех людий земли, якоже глаголал еси рукою раба Твоего Моисеа, внегда извести Тебе отцы нашя из земли Египетския, Господи Господи. Тогда глагола Соломон о храме, егда соверши созидати его: солнце познано сотвори на небеси: Господь рече пребывати во мгле: созижди храм Мой, храм благолепный себе, еже пребывати в новости: не сие ли писано в книгах песни? I Kings 8:54 И бысть егда сконча Соломон моляся ко Господу всею молитвою и молением сим, и воста от лица олтаря Господня припад на колена своя, и руце свои возде на небо, I Kings 8:55 и ста, и благослови весь собор Израилев, гласом велиим глаголя: I Kings 8:56 благословен Господь (Бог) днесь, Иже даде покой людем Своим Израилю, по всем елика глагола: не пременися слово ни едино во всех словесех Его благих, имиже глагола рукою Моисеа раба Своего: I Kings 8:57 да будет Господь Бог наш с нами, якоже бе со отцы нашими: да не оставит нас, ниже да отвратит нас, I Kings 8:58 преклонити сердца наша к Нему, еже ходити во всех путех Его и хранити вся заповеди Его и повеления Его и оправдания Его, яже заповеда отцем нашым: I Kings 8:59 и да будут словеса сия, имиже молихся пред Господем Богом нашим днесь, приближающеся Господу Богу нашему день и нощь, еже творити оправдания рабу Твоему и оправдания людем Твоим Израилю во вся дни: I Kings 8:60 яко да разумеют вси людие земли, яко Господь Бог Той Сам Бог, и несть инаго, I Kings 8:61 и да будут сердца наша совершенна ко Господу Богу нашему преподобно ходити в повелениих Его и хранити заповеди Его, якоже день сей. I Kings 8:62 И царь и вси сынове Израилевы пожроша жертву пред Господем. I Kings 8:63 И пожре царь Соломон жертвы мирныя, яже пожре Господу, волов двадесять две тысящы и овец сто и двадесять тысящ. И обнови царь храм Господень и вси сынове Израилевы. I Kings 8:64 В той день освяти царь (Соломон) средину двора, яже пред лицем храма Господня: яко сотвори тамо всесожжение и дары, и жертвы и тучная мирных, яко олтарь медяный, иже пред Господем, мал бе, еже не возмощи вместити всесожжения даров и жертвы мирных. I Kings 8:65 И сотвори Соломон праздник в той день, и весь Израиль с ним, собор велий, от входа Емафа даже до реки Египта, пред Господем Богом нашим, у храма, егоже созда, ядый и пия и веселяся пред Господем Богом нашим седмь дний, I Kings 8:66 и во осмый день распусти люди. И благословиша царя, и идоша кийждо в домы своя, радующеся веселым сердцем о благих, яже сотвори Господь Давиду рабу Своему и Израилю людем Своим. I Kings 9:0 I Kings 9:1 И бысть егда сконча Соломон зиждяй храм Господень и дом царев и всякое дело свое Соломон, елика восхоте сотворити, I Kings 9:2 и явися Господь Соломону вторицею, якоже явися ему в Гаваоне, I Kings 9:3 и рече к нему Господь: услышах глас молитвы твоея и моления твоего, имже молился еси предо Мною: сотворих ти по всей молитве твоей, и освятих храм сей, егоже создал еси, еже положити имя Мое тамо во веки, и будут очи Мои ту и сердце Мое во вся дни: I Kings 9:4 и ты аще пойдеши предо Мною, якоже ходи Давид отец твой в преподобии сердца и в правоте, и еже творити по всем, яже заповедах ему, и повеления Моя и заповеди Моя сохраниши: I Kings 9:5 и возставлю престол царствия твоего во Израили во веки, якоже глаголах к Давиду отцу твоему, глаголя: не оскудеет ти муж властелин во Израили: I Kings 9:6 аще же отвращающеся отвратитеся вы и чада ваша от Мене и не сохраните заповедий Моих и повелений Моих, яже даде Моисей пред вами, и пойдете и поработаете богом иным и поклонитеся им: I Kings 9:7 и изрину Израиля из земли, юже дах им, и храм сей, егоже освятих имени Моему, отвергу от лица Моего: и будет Израиль в погубление и во глаголание всем людем: I Kings 9:8 и дом сей будет высокий, всяк преходяй сквозе его ужаснется, и возсвищет и речет: чесо ради сотвори Господь тако земли сей и храму сему? I Kings 9:9 И рекут: понеже оставиша Господа Бога своего, иже изведе отцы их из Египта, из дому работы, и прияша боги чуждыя, и поклонишася им, и поработаша им, сего ради наведе на ня Господь зло сие. I Kings 9:10 И бысть по двадесяти летех, в няже созда Соломон два домы, храм Господень и дом царев, I Kings 9:11 Хирам царь Тирский помогаше Соломону древы кедрскими и древы певговыми и златом и всем хотением его: тогда даде Соломон Хираму двадесять градов в земли Галилейстей. I Kings 9:12 И изыде Хирам из Тира и пойде в Галилею видети грады, яже даде ему Соломон: и не быша ему угодни, I Kings 9:13 и рече: что гради сии, яже дал ми еси, брате? И нарече я предел (Хавуль), до днешняго дне. I Kings 9:14 И принесе Хирам Соломону сто и двадесять талант злата. I Kings 9:15 Сие же есть число даяния еже принесе царь Соломон, да созиждет храм Господень и дом царев, и Мелон и стену Иерусалимску и Краеградие еже оградити стену града Давидова, и Асур и Магедо и Газер. I Kings 9:16 Фараон царь Египетский взыде и взя Газер и сожже и огнем, и Ханаана живущаго во граде том погуби: и даде его в дар дщери своей, жене Соломони. I Kings 9:17 И согради Соломон Газер и Вефорон нижний, I Kings 9:18 и Валааф и Фамор в пустыни. I Kings 9:19 И вся грады крепкия, иже быша Соломону, и вся грады, идеже бяху колесницы, и вся грады, идеже бяху конницы его, и все еже бысть угодно царю Соломону, созда во Иерусалиме, и в Ливане и во всей земли царства своего. I Kings 9:20 Всех людий оставшихся от Аморреа и Хеттеа, и Ферезеа и Хананеа, и Евеа и Иевусеа и Гергесеа, не сущих от сынов Израилевых, I Kings 9:21 сынов их оставшихся по них на земли, ихже не возмогоша сынове Израилевы потребити их, царь Соломон поработи их даяти дань даже до дне сего: I Kings 9:22 от сынов же Израилевых не даде в работу Соломон, яко тии бяху мужие храбрии, и отроцы его, и князи его, и тристаты его, и воеводы колесниц его, и конницы его. I Kings 9:23 И бяху старейшины приставленным над делы царя Соломона, пять сот пятьдесят повелевающии людем делающым дело. I Kings 9:24 Дщерь же фараона прейде из града Давидова в дом свой, егоже созда ей Соломон, тогда созда Мелон. I Kings 9:25 И приношаше Соломон трижды в год всесожжения и мирныя жертвы на олтарь, егоже созижде Господу, и кадяше фимиам пред Господем: и соверши храм. I Kings 9:26 И сотвори царь Соломон корабль в Гасионе Гаверстем, иже при Елафе, при устии моря Последняго, в земли Едомстей. I Kings 9:27 И посла Хирам на корабли от отрок своих мужы корабелники управляти ведущих море со отроки Соломони: I Kings 9:28 и приидоша в Софир, и взяша оттуду злата четыре ста и двадесять талант и принесоша царю Соломону. I Kings 10:0 I Kings 10:1 И царица Савска услыша имя Соломоне и имя Господне, и прииде искусити его притчами: I Kings 10:2 и прииде во Иерусалим с силою тяжкою зело: и на велблюдех привезоша ароматы и злата много зело, и камение драгое: и вниде к Соломону и глагола ему вся, елика име на сердцы своем. I Kings 10:3 И возвести ей Соломон вся глаголы ея: и не бе слово презрено от царя, егоже не возвести ей. I Kings 10:4 И виде царица Савска весь смысл Соломонь и дом егоже созда, I Kings 10:5 и снеди Соломони, и жилища отроков его, и предстояние служащих ему, и облачение его, и виночерпцы его, и всесожжения его, яже приношаше во храме Господни, и вне себе бысть, I Kings 10:6 и рече к Соломону царю: истинна суть словеса, яже слышах в земли моей, I Kings 10:7 о словесех твоих и о смысле твоем: и не ях веры глаголющым ми, дондеже приидох семо, и видеста очи мои: и се, несть ни пол того, якоже ми поведаша: приложил еси премудрость и благая к сим паче всякаго слуха, егоже слышах в земли моей: I Kings 10:8 блаженны жены твоя, блажени отроцы твои сии, иже предстоят пред тобою всегда, слышаще всякий смысл твой: I Kings 10:9 буди Господь Бог твой благословен, иже восхоте тя дати на престол Израилев, понеже возлюби Господь Израиля утвердити во веки и постави тя царя над ними творити суд в правде и в судбах их. I Kings 10:10 И даде Соломону сто и двадесять талант злата, и ароматы многи зело, и камение драгое: не приидоша еще таковыя ароматы во множестве, яже даде царица Савска царю Соломону. I Kings 10:11 И корабль Хирамль приносящь злато из Софира, (и) принесе древа нетесана многа зело, и камение драгое. I Kings 10:12 И сотвори царь древом нетесаным подпоры храму Господню и дому цареву, и сопели и гусли певцем: не приидоша по сем таковая древеса нетесаная на земли, ниже видена быша где даже до дне сего. I Kings 10:13 И царь Соломон даде царице Савстей вся, елика восхоте и елики проси у него, кроме всех, яже даде ей рукама своима Соломон царь, и возвратися, и отиде в землю свою, сама и вси отроцы ея. I Kings 10:14 И бе вес принесеннаго злата Соломону во едино лето шесть сот и шестьдесят и шесть талант злата, I Kings 10:15 кроме даней от подданных и от купцов и от всех царей странных и от воевод земных. I Kings 10:16 И сотвори царь Соломон триста копий златых кованных, по триста златых во едино копие вдела: I Kings 10:17 и триста щитов кованных златых, по три литры злата бяше на коемждо щите: и даде я царь во храм дубравы Ливанския. I Kings 10:18 И сотвори царь престол от костей слоновых велий и позлати его златом искушеным: I Kings 10:19 шесть степеней престолу, и образы телцов престолу созади, и верх престола кругл бе созади его, и руце сюду и сюду на престоле седалища, и два льва стояща при руках, I Kings 10:20 и дванадесять львы стояще ту на шести степенех сюду и сюду: не бяше тако во всяком царстве. I Kings 10:21 И вси сосуди, иже бяху при царе Соломоне, злати беша, и умывалницы златы и вси сосуди в храме дубравы Ливанския златокованны: не бяше сребра, понеже за ничто бе сребро во дни Соломони: I Kings 10:22 корабль бо Фарсийский царю Соломону на мори с корабли Хирамлими, единою во триех летех прихождаше цареви корабль из Фарсиса и приношаше злато и сребро, и зубы слоновы, и пифики и павы, и камение точеное и тесаное. I Kings 10:23 И возвеличися Соломон паче всех царей земных и богатством и смыслом. I Kings 10:24 И вси царие земстии искаху видети лице Соломона, еже бы услышати смысла его, егоже даде ему Господь в сердцы его: I Kings 10:25 и тии приношаху кийждо дары своя, и сосуды златы и сребряны, и ризы, стакти и сладкости, и кони и мски на всякое лето. I Kings 10:26 И собра Соломон колесницы и кони, и бяху Соломону четыредесять тысящ кобылиц в колесницы, и дванадесять тысящ конных: и постави я во градех колесниц, а (друзии бяху) у царя во Иерусалиме: и бе властелин всем царем от реки и до земли иноплеменник и до предел Египта. I Kings 10:27 И сложи царь злато и сребро во Иерусалиме якоже камение, и кедры сложи якоже черничие, еже на поли во множестве. I Kings 10:28 И привождаху Соломону кони от Египта и от Фекуя купцы царстии и куповаху от Фекуя променою. I Kings 10:29 И прихождаху колесницы из Египта за шесть сот сребреник, и конь за сто пятьдесят сребреник: такожде и ко всем царем Хеттимским и Сирийским по морю исхождаху. I Kings 11:0 I Kings 11:1 И царь Соломон бе женолюбив, и поя жены чуждыя, и дщерь фараоню, Моавитяныни, Амманитяныни, и Аморреаныни, I Kings 11:2 от язык, ихже отрече Господь сыном Израилевым: не входите в ня, и тии да не входят в вас, да не отвратят душ ваших вслед идол своих: к тем прилепися Соломон любити, I Kings 11:3 и быша ему жен началных седмь сот, и подложниц триста. I Kings 11:4 И бысть в время старости Соломони, и совратиша жены чуждия сердце его вслед богов иных, и не бе сердце его совершенно с Господем Богом его, якоже сердце Давида отца его, I Kings 11:5 и хождаше Соломон вслед Астарта мерзости Сидонския и вслед царя их, идола сынов Аммоних. I Kings 11:6 И сотвори Соломон лукавое пред Господем: и не хождаше вслед Господа, якоже Давид отец его. I Kings 11:7 Тогда созда Соломон высоко (капище) Хамосу, идолу Моавлю, и царю их, идолу сынов Аммоних, и Астарте, мерзости Сидонстей, на горе яже пред Иерусалимом: I Kings 11:8 и тако сотвори всем женам своим чуждим, яже кадяху и жряху идолом своим. I Kings 11:9 И разгневася Господь на Соломона, яко уклони сердце свое от Господа Бога Израилева, и явльшагося ему дважды I Kings 11:10 и заповедавшаго ему дважды о словеси сем, весма не ходити ему вслед богов инех, но хранити и творити яже заповеда ему Господь Бог, I Kings 11:11 и рече Господь к Соломону: понеже быша сия с тобою, и не сохранил еси заповедий Моих и повелений Моих, яже заповедах тебе, раздирая раздеру царство твое из руку твоею и дам е рабу твоему: I Kings 11:12 обаче во дни твоя не сотворю сих Давида ради отца твоего: от руки же сына твоего отиму е: I Kings 11:13 токмо всего царства не возму, скипетр един дам сыну твоему Давида ради раба Моего и Иерусалима ради града, егоже избрах. I Kings 11:14 И воздвиже Господь противника на Соломона Адера Идумеанина от семене царска во Идумеи. I Kings 11:15 И бысть егда искорени Давид Едома, егда иде Иоав воевода вой погребати побиенныя, изсече всяк мужеск пол во Идумеи: I Kings 11:16 яко шесть месяц седяше тамо Иоав и весь Израиль во Идумеи, дондеже изби всяк мужеск пол в Идумеи: I Kings 11:17 и избеже Адер сам и вси мужие Идумейстии от отроков отца его с ним, и внидоша во Египет: Адер же бяше отрочищь мал. I Kings 11:18 И восташа мужие из града Мадиамска, и приидоша в Фаран, и взяша мужей с собою и приидоша к фараону царю Египетскому. И вниде Адер к фараону, и даде ему (царь) дом, и пищу определи ему, и землю даде ему. I Kings 11:19 И обрете Адер благодать пред очима фараонима зело, и даде ему в жену сестру жены своея, сестру Фекемины болшую. I Kings 11:20 И роди ему сестра Фекемины Адеру Ганивафа сына своего, и воскорми его Фекемина посреде сынов фараоних, и бе Ганиваф посреде сынов фараоних. I Kings 11:21 И Адер услыша бо Египте, яко успе Давид со отцы своими, и яко умре Иоав воевода воинству, и рече Адер к фараону: отпусти мя, да возвращуся в землю мою. I Kings 11:22 И рече фараон Адеру: чим ты не доволен еси у мене? И се, ты просишися отити в землю свою? И рече ему Адер: яко отпущая да отпустиши мя. И возвратися Адер в землю свою. I Kings 11:23 И воздвиже Господь противника Соломону Разона, сына Елиадаева, иже убеже от Ададезера царя Сувска, господина своего. I Kings 11:24 И собрашася к нему мужие, и бе воевода полка мятежнаго, егда убиваше я Давид: и идоша в Дамаск, и седоша в нем, и воцаришася в Дамасце. I Kings 11:25 И бе стужая Израилеви во вся дни Соломони: сия злоба Адера: и отягчи Израиля и воцарися в земли Едомстей. I Kings 11:26 И Иеровоам сын Наватов, Ефрафянин от Сариры, сын жены вдовицы, раб Соломонов, и воздвиже руце на царя Соломона. I Kings 11:27 И сия вина, яко воздвиже руце на царя Соломона: царь Соломон созидаше Краеградие и ограждаше стеною град Давида отца своего: I Kings 11:28 Иеровоам же человек крепок силою. И виде Соломон отрока, яко муж дел есть, и постави его над бременами дому Иосифова. I Kings 11:29 И бысть во время оно, и Иеровоам изыде из Иерусалима, и обрете его Ахиа Силонитянин пророк на пути, и соврати его с пути: и бе Ахиа облечен в ризу нову: и (беста) оба едины на поли. I Kings 11:30 И взя Ахиа за ризу свою новую, яже бе на нем, и раздра ю на дванадесять жребий, I Kings 11:31 и рече Иеровоаму: приими себе десять жребий, яко тако глаголет Господь Бог Израилев: се, Аз отторгаю царство из руки Соломони, и дам ти хоругвий десять: I Kings 11:32 и две хоругви будут ему, раба ради Моего Давида и Иерусалима ради града, егоже избрах Себе от всех колен Израилевых, I Kings 11:33 занеже остави Мя и поклонися Астарте мерзости Сидонстей и Хамосу и кумиром Моавлим и царю их претыканию сынов Аммоних, и не пойде по путем Моим, еже творити угодная предо Мною, якоже Давид отец его: I Kings 11:34 и не отиму царства всего от руку его, понеже защищая защищу его во вся дни живота его, Давида ради раба Моего, егоже избрах, иже сохрани заповеди Моя и оправдания: I Kings 11:35 и отиму царство от руки сына его, и дам ти десять хоругвий, I Kings 11:36 сыну же его дам две хоругви, яко да будет престол рабу Моему Давиду во вся дни предо Мною во Иерусалиме граде, егоже избрах Себе на положение имени Моему тамо: I Kings 11:37 и прииму тя, и воцаришися, в нихже желает душа твоя, и ты будеши царь над Израилем: I Kings 11:38 и будет аще сохраниши вся, елика заповедаю ти, и пойдеши по путем Моим, и сотвориши угодная предо Мною, хранити заповеди Моя и повеления Моя, якоже сотвори Давид раб Мой, и буду с тобою, и созижду ти дом верен, якоже создах Давиду, и дам ти Израиля: I Kings 11:39 и озлоблю род Давидов за сия, но не во вся дни. I Kings 11:40 И искаше Соломон убити Иеровоама. И воста Иеровоам, и убежа во Египет к Сусакиму царю Египетску, и бе во Египте, дондеже Соломон умре. I Kings 11:41 И прочая словес Соломоних, и вся елика сотвори, и весь смысл его, не се ли, сия писана быша в книзе словес Соломоних? I Kings 11:42 И дние, в няже царствова Соломон во Иерусалиме над всем Израилем, четыредесять лет. I Kings 11:43 И успе Соломон со отцы своими: и погребоша его во граде Давида отца его, и воцарися Ровоам сын его вместо его. I Kings 12:0 I Kings 12:1 И иде царь Ровоам в Сикиму, яко в Сикиму прииде весь Израиль воцарити его. I Kings 12:2 И бысть егда услыша Иеровоам сын Наватов, сущу ему еще во Египте, яко убегл бе от лица Соломона, и возвратися Иеровоам из Египта: I Kings 12:3 и послаша, и призваша его. И прииде Иеровоам и весь сонм Израилев, и рекоша людие к царю Ровоаму глаголюще: I Kings 12:4 отец твой отягчи ярем наш, ты же ныне облегчи от работы отца твоего жестокия и от ярма его тяжкаго, егоже возложи на ны, и поработаем ти. I Kings 12:5 И рече к ним: отидите (и пребудите) до третияго дне, и возвратитеся ко мне. И идоша. I Kings 12:6 И возвести Ровоам царь старейшинам, иже быша предстояще пред Соломоном отцем его, еще живу ему сущу, глаголя: како вы мыслите, да отвещаю людем сим слово? I Kings 12:7 И реша ему, глаголюще: аще в днешний день будеши раб людем сим и поработаеши им, и речеши им словеса блага, и будут ти раби во вся дни. I Kings 12:8 И пренебреже совет старейшин, яже совещаша ему, и советова со отроки воспитанными с ним предстоявшими пред лицем его, I Kings 12:9 и рече им: что вы совещаваете? И что отвещаю людем сим, иже реша ко мне, глаголюще: облегчи наш ярем, егоже возложи отец твой на ны? I Kings 12:10 И глаголаша к нему отроцы воспитаннии с ним и реша ему: сице да глаголеши людем сим, иже реша к тебе, глаголюще: отец твой отягчи ярем наш: ты же ныне облегчи от нас: сия речеши к ним: юность моя толстее чресл отца моего: I Kings 12:11 и ныне отец мой наложи на вы ярем тяжек, аз же приложу к ярму вашему: отец мой наказа вы ранами, аз же накажу вы скорпионами. I Kings 12:12 И прииде весь Израиль к царю Ровоаму в день третий, якоже рече им царь, глаголя: возвратитеся ко мне в день третий. I Kings 12:13 И отвеща царь к людем жестоко: и остави царь Ровоам совет старейшин, яже совещаша ему, I Kings 12:14 и рече к ним по совету отроков, глаголя: отец мой отягчи ярем ваш, аз же приложу к ярму вашему: отец мой наказа вы ранами, аз же накажу вы скорпионами. I Kings 12:15 И не послуша царь людий, яко бе превращение от Господа, яко да утвердит глаголгол Свой, егоже глагола рукою Ахии Силонитянина о Иеровоаме сыне Наватове. I Kings 12:16 И виде весь Израиль, яко не послуша царь гласа их, и отвещаша людие царю, глаголюще: кая нам часть в Давиде? И несть нам наследия в сыне Иессеове: бежи, Израилю, в кровы своя: ныне паси дом твой, Давиде. И отиде Израиль в кровы своя. I Kings 12:17 Над сынми же Израилевыми, иже живяху во градех Иудиных, воцарися Ровоам над ними. I Kings 12:18 И посла царь Ровоам Адонирама, иже над данию, и поби его камением весь Израиль, и умре. Царь же Ровоам потщася взыти на колесницу убежати во Иерусалим. I Kings 12:19 И отложися Израиль от дому Давидова даже до днесь. I Kings 12:20 И бысть егда услыша весь Израиль, яко возвратися Иеровоам от Египта, и послаша, и призваша его на собор, и воцариша его над Израилем: и не бе вслед дому Давидова, токмо хоругвь Иудина и Вениаминова. I Kings 12:21 И Ровоам вниде во Иерусалим и собра весь сонм Иудин и хоругвь Вениаминю, сто и двадесять тысящ юношей, творящих брань, ратовати на дом Израилев, еже возвратити царство Ровоаму сыну Соломоню. I Kings 12:22 И бысть слово Господне ко Самею человеку Божию, глаголя: I Kings 12:23 рцы к Ровоаму сыну Соломоню царю Иудину и ко всему дому Иудину и Вениаминову и ко оставшымся людем, глаголя: I Kings 12:24 тако глаголет Господь: не восходите, ниже ратуйте на братию вашу, на сыны Израилевы: но возвратитеся кийждо в домы своя, яко от Мене бысть глаголгол сей. И послушаша словесе Господня, и престаша ити по глаголголу Господню. I Kings 12:25 И созда Иеровоам Сикиму в горе Ефремли, и вселися в ней, и изыде оттуду, и созда Фануила. I Kings 12:26 И рече Иеровоам в сердцы своем: се, ныне возвратится царство в дом Давидов, I Kings 12:27 аще взыдут людие сии вознести жертву в храме Господни во Иерусалим, и обратится сердце людий ко Господу и господину своему, к Ровоаму царю Иудину, и убиют мя, и возвратятся к Ровоаму царю Иудину. I Kings 12:28 И усоветова царь, и сотвори две юницы златы, и рече к людем: довлеет вам восходити во Иерусалим: се, бози твои, Израилю, изведшии тя из земли Египетския. I Kings 12:29 И постави едину в Вефили, а другую в Дане. I Kings 12:30 И бысть слово сие на согрешение, и идяху людие пред лицем юницы единыя даже до Дана, и оставиша храм Господень. I Kings 12:31 И сотвори капища на высоких, и сотвори жерцов часть от людий, иже не беша от сынов Левииных. I Kings 12:32 И сотвори Иеровоам праздник в осмый месяц в пятыйнадесять день месяца, по празднику, иже в земли бе Иудине, и взыде на олтарь, егоже сотвори в Вефили, жрети юницам, яже сотвори, и постави в Вефили жерцы на высоких, яже сотвори. I Kings 12:33 И взыде на олтарь, егоже сотвори в Вефили, в осмый месяц, в пятыйнадесять день в праздник, егоже состави по сердцу своему: и сотвори праздник сыном Израилевым, и взыде на олтарь еже пожрети. I Kings 13:0 I Kings 13:1 И се, человек Божий прииде от Иуды по словеси Господню в Вефиль, и Иеровоам стояше на олтари своем жрети хотя: I Kings 13:2 и воззва ко олтарю словом Господним и рече: олтарю, олтарю, сице глаголет Господь: се, сын раждается дому Давидову, Иосиа имя ему, и пожрет на тебе жерцы, иже на высоких жрущыя на тебе, и кости человеческия сожжет на тебе. I Kings 13:3 И даст в день той чудо, глаголя: сей глаголгол, егоже рече Господь, глаголя: се, олтарь разсядется, и излиется тук иже на нем. I Kings 13:4 И бысть егда услыша царь Иеровоам словеса человека Божия воззвавшаго ко олтарю иже в Вефили, и простре царь руку свою от олтаря, глаголя: имите его. И се, усше рука его, юже простре нань, и не можаше возвратити ю к себе: I Kings 13:5 и олтарь разседеся, и излияся тук от олтаря, по чудеси, еже даде человек Божий словом Господним. I Kings 13:6 И рече царь Иеровоам человеку Божию: помолися ныне пред лицем Господа Бога твоего, дабы возвратилася рука моя ко мне. И помолися человек Божий пред лицем Господним, и возвратися рука царя к нему, и бысть якоже прежде. I Kings 13:7 И глагола царь к человеку Божию: вниди со мною в дом, и обедай, и дам ти дар. I Kings 13:8 И рече человек Божий к цареви: аще даси ми пол дому твоего, не вниду с тобою, ниже ям хлеба, ниже пию воды на месте сем, I Kings 13:9 яко тако заповеда ми Господь словом, глаголя: ни яждь хлеба, ни пий воды, ниже возвратися путем, имже шел еси. I Kings 13:10 И отиде путем иным, и не возвратися путем, имже прииде во Вефиль. I Kings 13:11 И пророк един стар живяше в Вефили, и приидоша сынове его и поведаша ему вся дела, яже сотвори человек Божий в день той в Вефили, и словеса, яже глагола цареви, поведаша отцу своему. I Kings 13:12 И рече к ним отец их, глаголя: киим путем иде? И показаша ему сынове его путь, имже иде человек Божий изшедый от Иуды. I Kings 13:13 И рече сыном своим: оседлайте ми осля. И оседлаша ему осля, и вседе на не, I Kings 13:14 и иде вслед человека Божия, и обрете его под дубом седяща, и рече ему: ты ли еси человек Божий пришедый от Иуды? И рече ему: аз. I Kings 13:15 И рече ему: гряди со мною, и яждь хлеб. I Kings 13:16 И рече ему: не могу возвратитися с тобою, ниже ям хлеба, ни пию воды на месте сем, I Kings 13:17 яко тако заповеда ми Господь словом, глаголя: не яждь хлеба тамо, ниже пий воды тамо, и да не возвратишися путем тем, имже шел еси. I Kings 13:18 И рече к нему: и аз пророк есмь якоже ты, и Ангел глагола ко мне словом Господним, глаголя: возврати его к себе в дом твой, да снест хлеба и пиет воду. И солга ему, I Kings 13:19 и возврати его: и яде хлеб, и пи воду в дому его. I Kings 13:20 И бысть им седящым на трапезе, и бысть слово Господне ко пророку возвращшему его. I Kings 13:21 И рече к человеку Божию пришедшему от Иуды, глаголя: сице глаголет Господь: понеже преогорчил еси глаголгол Господень и не сохранил еси заповеди, юже заповеда тебе Господь Бог твой, I Kings 13:22 и возвратився ял еси хлеб и пил еси воду на месте сем, о немже рече к тебе, глаголя: да не яси хлеба и не пиеши воды: сего ради не внидет во гроб тело твое со отцы твоими. I Kings 13:23 И бысть по ядении хлеба и по питии воды, и оседла осля тому пророку, и возвратися, и отиде: I Kings 13:24 и обрете его лев на пути, и умертви его: и бе тело его повержено на пути, и осел стояше над ним, и лев стояше близ телесе (его): I Kings 13:25 и се, мужие мимоидуще, и видеша мертва повержена на пути и льва стояща близ мертваго: и приидоша, и поведаша во граде, в немже живяше пророк старый. I Kings 13:26 И услыша (сие пророк) возвративый его с пути и рече: человек Божии сей есть, иже преступи глаголгол Божий, и предаде его Господь льву, и сокруши его, и умертви его по глаголголу Господню, егоже рече ему. I Kings 13:27 И повеле сыном своим, глаголя: оседлайте ми осля. И оседлаша. I Kings 13:28 И пойде, и обрете тело его повержено на пути, и осел и лев стояста над телом, и не снеде лев телесе человека Божия и не сокруши осла. I Kings 13:29 И взя пророк тело человека Божия, и возложи е на осля, и возврати е пророк, и вниде во град погребсти его, I Kings 13:30 и положи тело его во гробе своем, и рыдаше по нем: увы, брате. I Kings 13:31 И бысть по рыдании о нем, и рече к сыном своим, глаголя: аще умру, погребите мя во гробе сем, идеже человек Божий погребен есть, при костех его положите мя, да спасутся кости моя с костьми его, I Kings 13:32 яко сбудется глагол, егоже глагола словом Господним о олтари, иже во Вефили, и о домех высоких, иже в Самарии. I Kings 13:33 И по глаголе сем не обратися Иеровоам от злобы своея, и возвратися, и сотвори от части единыя людий жерцы высоких: иже хотяше, исполняше руку свою, и бываше жрец на высоких. I Kings 13:34 И бысть глагол сей в прегрешение дому Иеровоамлю, и на испровержение, и на изчезновение от лица земли. I Kings 14:0 I Kings 14:1 Во время оно разболеся Авиа сын Иеровоамль. I Kings 14:2 И рече Иеровоам к жене своей: востани и измени ризы своя, да не познают, яко ты жена Иеровоамова, и иди в Силом: се бо, тамо Ахиа пророк: той глагола мне еже царствовати над людьми сими: I Kings 14:3 и возми в руце твои человеку Божию десять хлебов, и опресноки чадом его, и гроздие и сосуд меда, и иди к нему: той возвестит ти, что будет отрочати. I Kings 14:4 И сотвори тако жена Иеровоамля: и воста и иде в Силом, и вниде в дом Ахиин: человек же стар бяше еже видети, и притупистася очи его от старости его. I Kings 14:5 И рече Господь ко Ахии: се, жена Иеровоамова входит вопрошати тя о сыне своем, яко болезнует: по сему и по сему да глаголеши к ней. И бысть внегда внити ей, и она странноявляшеся. I Kings 14:6 И бысть егда услыша Ахиа шум ног ея, входящей ей во врата, и рече: вниди, жено Иеровоамова, почто ты тако странноявляешися? Аз бо есмь посланник к тебе жесток: I Kings 14:7 шедши рцы Иеровоаму: сия глаголет Господь Бог Израилев: понеже толико вознесох тя от среды людий, и дах тя вожда над людьми Моими Израилем, I Kings 14:8 и раздрах царство от дому Давидова, и дах е тебе, ты же не был еси якоже раб Мой Давид, иже сохрани заповеди Моя, и иже хождаше вслед Мене всем сердцем своим, еже творити всякую правоту пред очима Моима, I Kings 14:9 и излукавствовал еси, еже творити паче всех елицы быша пред лицем твоим, и пошел еси и сотворил еси себе боги чужды и слияны, еже раздражити Мя, и отвергл Мя еси назад себе: I Kings 14:10 сего ради се, Аз навожду злая на дом Иеровоамов, и потреблю Иеровоамля мочащаго к стене, держащагося и оставленаго во Израили, и истреблю дом Иеровоамов, якоже истребляется гной, дондеже скончатися ему: I Kings 14:11 умерших Иеровоамлих во граде снедят пси, и умершаго на селе снедят птицы небесныя, яко Господь глагола: I Kings 14:12 ты же воставши иди в дом твой: внегда входити ногама твоима во град, умрет детищь, I Kings 14:13 и восплачется по нем весь Израиль, и погребут его, яко той един внидет Иеровоаму во гроб, яко обретеся в нем глагол благ о Господе Бозе Израилеве в дому Иеровоамли: I Kings 14:14 и возставит Господь Себе царя над Израилем, иже поразит дом Иеровоамов в сей день: а что, и ныне? I Kings 14:15 И поразит Господь Бог Израиля, якоже колеблется трость на воде: и истребит Израиля свыше земли благия сея, юже даде отцем их, и завеет их за ону страну реки, понеже сотвориша дубравы своя, прогневляюще Господа, I Kings 14:16 и предаст Господь Израиля за грехи Иеровоамли, иже согреши и иже во грех введе Израиля. I Kings 14:17 И воста жена Иеровоамля и прииде во Сариру. И бысть егда вниде в преддверие дому, и детищь умре. I Kings 14:18 И погребоша его, и плакашася его весь Израиль по словеси Господню, еже глагола рукою раба Своего Ахии пророка. I Kings 14:19 И останок словес Иеровоамовых, елика ратоваше и елика царствоваше, се, сия написана в книзе словес дний царей Израилевых. I Kings 14:20 И дние, в нихже царствова Иеровоам, двадесять два лета: и успе со отцы своими, и воцарися Нават сын его вместо его. I Kings 14:21 Ровоам же сын Соломонов царствова над Иудою: бе четыредесяти и единаго лета, егда нача царствовати, и седмьнадесять лет царствова во Иерусалиме граде, егоже избра Господь положити имя Свое тамо от всех племен Израилевых. И имя матере его Наама Амманитяныня. I Kings 14:22 И сотвори Ровоам лукавое пред Господем: и раздражи Его о всех, яже сотвориша отцы их, о гресех их, имиже согрешиша: I Kings 14:23 и создаша сии себе высокая, и столпы, и капища на всяцем холме высоцем и под всяцем древом сеновным: I Kings 14:24 и смешение бе в земли их, и сотвориша от всех мерзостей языческих, яже отя Господь от лица сынов Израилевых. I Kings 14:25 И бысть в лето пятое царствующаго Ровоама, взыде Сусаким царь Египетский на Иерусалим I Kings 14:26 и взя вся сокровища дому Господня и сокровища дому царева, и копия златая, яже взя Давид из руки отроков Адраазара царя Сувскаго и внесе я во Иерусалим: вся сия взя, и щиты златыя, яже сотвори Соломон, и внесе я во Египет. I Kings 14:27 И сотвори царь Ровоам щиты медяныя вместо тех, и постави над ними властели от предходящих пред ним, иже храняху врата дому царева: I Kings 14:28 и бысть егда вхождаше царь в дом Господень, и ношаху оныя предходящии, и паки возвращаху тыя во оружехранилище предходящих. I Kings 14:29 Прочая же словес Ровоамлих, и вся яже сотвори, не се ли, сия писана суть в книзе словес дний царства Иудина? I Kings 14:30 И брань бе между Ровоамом и между Иеровоамом во вся дни. I Kings 14:31 И успе Ровоам со отцы своими, и погребен бысть со отцы своими во граде Давидове. И воцарися Авиа сын его вместо его. I Kings 15:0 I Kings 15:1 И во осмоенадесять лето царства Иеровоама сына Наватова, воцарися Авиа сын Ровоамль над Иудою, I Kings 15:2 и три лета царствова во Иерусалиме. Имя же матере его Мааха, дщи Авессаломля. I Kings 15:3 И хождаше во всех гресех отца своего, яже сотвори пред ним, и не бе сердце его совершено с Господем Богом его, якоже сердце Давида отца его: I Kings 15:4 яко Давида ради остави ему Господь Бог его останок во Иерусалиме, да возставит по нем чада его и утвердит Иерусалим, I Kings 15:5 понеже сотвори Давид правое пред Господем и не уклонися от всех, яже заповеда ему вся дни живота его, кроме слова Урии Хеттеанина. I Kings 15:6 И брань бе между Ровоамом и между Иеровоамом во вся дни живота их. I Kings 15:7 И прочая словес Авииных, и вся яже сотвори, не се ли, сия написана в книзе слов дний царей Иудиных? И брань бе между Авиею и между Иеровоамом. I Kings 15:8 И успе Авиа со отцы своими в двадесятое лето Иеровоама, и погребоша его со отцы его во граде Давидове. И воцарися Аса сын его вместо его. I Kings 15:9 И в лето двадесятое Иеровоама царя Израилева, царствоваше Аса над Иудою, I Kings 15:10 и четыредесять и едино лето царствова во Иерусалиме. Имя же матере его Ана, дщи Авессаломля. I Kings 15:11 И сотвори Аса правое пред Господем, якоже Давид отец его, I Kings 15:12 и отя скверная от земли, и искорени вся изваянная, яже сотвориша отцы его, I Kings 15:13 и Ану матерь свою отстави еже не владети ей, понеже сотвори сонмище в Дубраве своей: и изсече Аса Гай ея и сожже огнем в потоце Кедрстем: I Kings 15:14 высоких же не искорени, обаче сердце Асы бе совершенно пред Господем во вся дни его: I Kings 15:15 и внесе столпы отца своего, и столпы своя внесе во храм Господень сребряны и златы, и сосуды. I Kings 15:16 И брань бе между Асою и между Ваасом царем Израилевым во вся дни их. I Kings 15:17 И взыде Вааса царь Израилев на Иуду и созда Раму, яко не быти на исхождение и вхождение Асе царю Иудину. I Kings 15:18 И взя Аса все сребро и злато обретшееся в сокровищах дому Господня и в сокровищах дому царева и даде я в руце отрок своих: и посла их царь Аса ко сыну Адерову сыну Таверема во Рамман, ко сыну Азаила, царя Сирскаго, живущаго в Дамасце, глаголя: I Kings 15:19 положи завет между мною и тобою, и между отцем моим и отцем твоим: се, послах ти дары, сребро и злато: прииди, разруши завет твой, иже со Ваасою царем Израилевым, да отидет от мене. I Kings 15:20 И послуша сын Адеров царя Асы, и посла воеводы сил своих на грады Израилевы, и поразиша Аина и Дана, и Авеля, Дому Маахиина, и весь Хеннереф, даже до всея земли Неффалимли. I Kings 15:21 И бысть яко услыша Вааса, и остави созидати Раму, и возвратися во Ферсу. I Kings 15:22 Царь же Аса заповеда всему Иуде во енакиме, и взяша камение из Рамы и древа ея, имиже основа Вааса, и созда в них царь Аса всяк Холм Вениаминь и Стражбища. I Kings 15:23 Прочая же словес Асиных, и вся сила его, и вся яже сотвори, и грады яже созда, не се ли, сия писана суть в книзе словес дний царей Иудиных? Обаче во время старости своея начат болети ногама своима: I Kings 15:24 и успе Аса со отцы своими, и погребен бысть во граде Давида отца своего. И воцарися Иосафат сын его вместо его. I Kings 15:25 Нават же сын Иеровоамль нача царствовати над Израилем во второе лето Асы царя Иудина, и царствова над Израилем два лета, I Kings 15:26 и сотвори лукавое пред Господем, и хождаше путем отца своего и во гресех его, имиже согрешити сотвори Израилю. I Kings 15:27 И обседе его Вааса сын Ахиин в дому Велаана сына Ахиина, и уби его во Гавафоне иноплеменничи: Нават же и весь Израиль обседоша Гавафон. I Kings 15:28 И умертви его Вааса в лето третие Асы царя Иудина, и воцарися вместо его. I Kings 15:29 И бысть егда воцарися, изби весь дом Иеровоамль и не остави ничтоже от всего дыхания Иеровоамля, дондеже искорени их по глаголу Господню, егоже глагола рукою раба Своего Ахии Силонитскаго, I Kings 15:30 грех ради Иеровоамлих, иже согреши, иже введе во грех Израиля, и в прогневании его, имже прогнева Господа Бога Израилева. I Kings 15:31 И прочая словеса Навата, и вся яже сотвори, не се ли, сия писана суть в книзе словес дний царей Израилевых? I Kings 15:32 И бяше брань между Асою (царем Иудиным) и Ваасою царем Израилевым во вся дни их. I Kings 15:33 И в третие лето Асы царя Иудина царствова Вааса сын Ахиин над всем Израилем во Ферсе двадесять и четыре лета, I Kings 15:34 и сотвори лукавое пред Господем, и иде путем Иеровоама сына Наватова, и во гресех его, имиже в согрешение приведе Израиля. I Kings 16:0 I Kings 16:1 И бысть слово Господне рукою Иуа сына Ананиева ко Ваасе, глаголя: I Kings 16:2 понеже вознесох тя от земли и дах тя властеля над людьми Моими Израилем, и пошел еси путем Иеровоамлим и ввел еси в грех люди Моя Израиля, еже прогневати Мя суетными их: I Kings 16:3 се, Аз отвергу наследие Ваасы и наследие дому его, и сотворю дом твой яко дом Иеровоама сына Наватова: I Kings 16:4 умершаго Ваасова во граде снедят его пси, и умершаго на поли снедят его птицы небесныя. I Kings 16:5 И прочая словес Ваасовых, и вся яже сотвори, и сильная его, не се ли, суть писана в книзе словес дний царей Израилевых? I Kings 16:6 И успе Вааса со отцы своими, и погребен бысть во Ферсе, и воцарися Ила сын его вместо его. I Kings 16:7 И рукою Иуа сына Анании пророка глагола Господь на Ваасу и на дом его всю злобу, юже сотвори пред Господем, еже прогневати Его делами рук своих, быти ему якоже и дому Иеровоамлю, и о еже ему поражену быти. I Kings 16:8 В лето двадесять шестое Асы царя Иудина, царствова Ила сын Ваасин над Израилем во Ферсе два лета. I Kings 16:9 И воздвиже (Господь) на него отроки его, и Замвриа воеводу половины конников: и Ила бе во Ферсе упиваяся, и пиян сый в дому Арсы домостроителя во Ферсе: I Kings 16:10 и вниде Замврий, и порази его, и умертви его, в лето двадесять седмое Асы царя Иудина, и воцарися вместо его. I Kings 16:11 И бысть царствующу ему, внегда сести ему на престоле его, и изби весь дом Ваасов: не остави ему мочащаго к стене, и ужиков его, и друга его. I Kings 16:12 И изби Замврий весь дом Ваасов по глаголу Господню, егоже глагола на дом Ваасов и ко Иую пророку, I Kings 16:13 о всех гресех Ваасовых и Илы сына его, яко сотвори согрешити Израилю, еже разгневати Господа Бога Израилева суетными их. I Kings 16:14 Прочая же словес Илы, яже сотвори, не се ли, сия писана в книзе словес дний царей Израилевых? I Kings 16:15 В лето двадесять седмое Асы царя Иудина царствова Замврий седмь дний во Ферсе: и бе полк Израилев на Гавафон иноплеменнический. I Kings 16:16 И слышаша людие сущии в полце, глаголющих: превратися Замврий и порази царя. И поставиша царем во Израили Амвриа воеводу, иже над воями во Израили в день он в полце. I Kings 16:17 И взыде Амврий и весь Израиль с ним от Гавафона и обседе Ферсу. I Kings 16:18 И бысть егда увиде Замврий, яко предвзят бысть град его, и вниде во внутренний дом царский, и зажже над собою дом царев огнем, и умре I Kings 16:19 за грехи своя, яже сотвори, сотворения ради лукаваго пред Господем, еже ходити путем Иеровоама сына Наватова, и во гресех его, яже сотвори, яко введе во грех Израиля. I Kings 16:20 И прочая словес Замврииных, и наветы его, яже совеща, не се ли, сия суть писана в книгах словес дний царей Израилевых? I Kings 16:21 Тогда разделишася людие Израилстии, пол людий бысть за Фамнием сыном Гонафовым, яко да царствует он, и пол людий бысть со Амврием. I Kings 16:22 Людие же сущии по Амврии превозмогоша людий бывших со Фамнием сыном Гонафовым и умре Фамний и Иорам брат его во время оно, и воцарися Амврий по фамнии. I Kings 16:23 В лето тридесять первое Асы царя Иудина царствова Амврий во Израили дванадесять лет, во Ферсе же шесть лет царствова. I Kings 16:24 И купи Амврий гору Семерон у Семира господина горы двема таланты сребра, и созда гору, и нарече имя горе, юже созда, во имя Семира господина горы оныя, гора Семирон. I Kings 16:25 И сотвори Амврий лукавое пред Господем, и прелукавнова паче всех бывших пред ним: I Kings 16:26 и хождаше по всем путем Иеровоама сына Наватова и во гресех его, имиже введе во грех Израиля, еже разгневати Господа Бога Израилева в суетных их. I Kings 16:27 И прочая словес Амвриевых, и вся яже сотвори, и вся сила его, не се ли, сия писана в книзе словес дний царей Израилевых? I Kings 16:28 И успе Амврий со отцы своими, и погребен бысть в Самарии. И воцарися Ахаав сын его вместо его. I Kings 16:29 Ахаав же сын Амвриев воцарися над Израилем в лето тридесять осмое Асы царя Иудина: царствова же Ахаав сын Амвриев над Израилем в Самарии двадесять два лета: I Kings 16:30 и сотвори Ахаав лукавое пред Господем, и прелукавнова паче всех бывших прежде его: I Kings 16:31 и не бе ему доволно, еже ходити во гресех Иеровоама сына Наватова, и взя жену Иезавель дщерь Иефеваала царя Сидонскаго: и иде, и нача служити Ваалу, и поклонися ему, I Kings 16:32 и постави требище Ваалу в дому мерзостей его, егоже созда в Самарии: I Kings 16:33 и сотвори Ахаав дубраву: и приложи Ахаав творити прогневания, еже разгневати Господа Бога Израилева и душу свою погубити: злодействова паче всех царей Израилевых бывших прежде его. I Kings 16:34 Во дни же его созда Ахиил Вефилянин Иерихон: на Авироне первороднем своем основа его, и на Сегуве юнейшем своем постави двери его, по глаголу Господню, егоже глагола рукою Иисуса сына Навина. I Kings 17:0 I Kings 17:1 И рече Илиа пророк Фесвитянин, иже от фесвии Галаадския, ко Ахааву: жив Господь Бог сил, Бог Израилев, Емуже предстою пред Ним, аще будет в лета сия роса и дождь, точию от уст словесе моего. I Kings 17:2 И бысть глагол Господень ко Илии: I Kings 17:3 иди отсюду на восток и скрыйся в потоце Хорафа прямо лицу Иорданову: I Kings 17:4 и будеши пити от потока воду, и враном заповедах препитати тя тамо. I Kings 17:5 И сотвори Илиа по глаголу Господню, и седе при потоце Хорафове прямо лицу Иорданову: I Kings 17:6 и вранове приношаху ему хлебы и мяса заутра, и хлебы и мяса к вечеру, и от потока пияше воду. I Kings 17:7 И бысть по днех, и изсше источник, яко не бе дождя на землю, I Kings 17:8 и бысть глагол Господень ко Илии глаголя: I Kings 17:9 востани и иди в Сарепту Сидонскую, и пребуди тамо: се бо, заповедах тамо жене вдовице препитати тя. I Kings 17:10 И воста и иде в Сарепту Сидонскую, и прииде ко вратом града: и се, тамо жена вдова собираше дрова. И возопи Илиа вслед ея и рече ей: принеси ныне ми мало воды в сосуде, и испию. I Kings 17:11 И иде взяти. И возопи вслед ея Илиа и рече ей: приими убо мне и укрух хлеба в руце своей, да ям. I Kings 17:12 И рече жена: жив Господь Бог твой, аще есть у мене опреснок, но токмо горсть муки в водоносе и мало елеа в чванце: и се, аз соберу два поленца, и вниду, и сотворю е себе и детем моим, и снемы е, и умрем. I Kings 17:13 И рече к ней Илиа: дерзай, вниди и сотвори но глаголу твоему: но сотвори ми оттуду опреснок мал прежде, и принеси ми, себе же и чадом своим да сотвориши послежде, I Kings 17:14 яко тако глаголет Господь Бог Израилев: водонос муки не оскудеет, и чванец елеа не умалится до дне, дондеже даст Господь дождь на землю. I Kings 17:15 И иде жена, и сотвори по глаголу Илиину, и даде ему, и яде той, и та, и чада ея. I Kings 17:16 И от того дне водонос муки не оскуде, и чванец елеа не умалися, по глаголу Господню, егоже глагола рукою Илииною. I Kings 17:17 И бысть по сих, и разболеся сын жены госпожи дому, и бе болезнь его крепка зело, дондеже не остася в нем дух его. I Kings 17:18 И рече ко Илии: что мне и тебе, человече Божий? Вшел еси ко мне воспомянути неправды моя и уморити сына моего. I Kings 17:19 И рече Илиа к жене: даждь ми сына твоего. И взят его от недра ея, и вознесе его в горницу, идеже сам почиваше, и положи его на одре своем. I Kings 17:20 И возопи Илиа ко Господу и рече: увы мне, Господи, свидетелю вдовы, у неяже аз ныне пребываю, Ты озлобил еси еже уморити сына ея. И дуну на отрочища трижды, и призва Господа и рече: Господи Боже мой, да возвратится убо душа отрочища сего в онь. И бысть тако: и возопи отрочищь, и сведе его с горницы в дом, и даде его матери его. И рече Илиа: виждь, жив есть сын твой. I Kings 17:21 И возопи Илиа ко Господу и рече: увы мне, Господи, свидетелю вдовы, у неяже аз ныне пребываю, Ты озлобил еси еже уморити сына ея. И дуну на отрочища трижды, и призва Господа и рече: Господи Боже мой, да возвратится убо душа отрочища сего в онь. И бысть тако: и возопи отрочищь, и сведе его с горницы в дом, и даде его матери его. И рече Илиа: виждь, жив есть сын твой. I Kings 17:22 И возопи Илиа ко Господу и рече: увы мне, Господи, свидетелю вдовы, у неяже аз ныне пребываю, Ты озлобил еси еже уморити сына ея. И дуну на отрочища трижды, и призва Господа и рече: Господи Боже мой, да возвратится убо душа отрочища сего в онь. И бысть тако: и возопи отрочищь, и сведе его с горницы в дом, и даде его матери его. И рече Илиа: виждь, жив есть сын твой. I Kings 17:23 И рече жена ко Илии: се, уразумех, яко человек Божий еси ты, и глагол Господень во устех твоих истинен. I Kings 18:0 I Kings 18:1 И бысть по днех мнозех, и глагол Господень бысть ко Илии в лето третие глаголя: иди и явися Ахааву, и дам дождь на лице земли. I Kings 18:2 И иде Илиа ко Ахааву явитися, и бе глад крепок в Самарии. I Kings 18:3 И призва Ахаав Авдиа строителя дому: и Авдий бе бояся Господа зело. I Kings 18:4 И бысть егда нача избивати Иезавель пророки Господни, и взя Авдий сто мужей пророки и скры я по пятидесяти во двоих вертепех и кормяше их хлебом и водою. I Kings 18:5 И рече Ахаав ко Авдию: гряди, и прейдем на землю, и на источники водныя, и на вся потоки, да негли како обрящем былие и прекормим кони и мски, да не изгибнут от скот. I Kings 18:6 И разделиша себе путь ити по нему: Ахаав иде путем единым един, и Авдий иде путем другим един. I Kings 18:7 И бе Авдий един на пути: и прииде Илиа на сретение ему един. И Авдий потщася, и паде на лице свое и рече: ты ли еси сам, господи мой Илие? I Kings 18:8 И рече Илиа ко Авдию: аз есмь: иди и повеждь господину твоему, глаголя: се, Илиа. I Kings 18:9 И рече Авдий: что согреших аз, яко предаеши раба твоего в руце Ахаавли еже умертвити мя? I Kings 18:10 Жив Господь Бог твой, аще есть язык или царство, аможе не посла господин мой искати тебе: и реша, несть: и закля царство и страны его, яко не обрете тебе: I Kings 18:11 и ныне ты глаголеши ми: иди, возвести господину твоему: се, Илиа: I Kings 18:12 и будет егда аз отиду от тебе, и Дух Господень возмет тя в землю, еяже не вем, и вниду возвестити Ахааву, и не обрящет тебе, и убиет мя: раб же твой есть бояйся Господа от юности своея: I Kings 18:13 или не возвестися тебе господину моему, яже сотворих, егда убиваше Иезавель пророки Господни, и сокрых пророки Господни сто мужей, по пятидесяти в вертепе, и кормих их хлебом и водою? I Kings 18:14 И ныне ты глаголеши ми: иди, повеждь господину твоему: се, Илиа: и убиет мя. I Kings 18:15 И рече Илиа: жив Господь Сил, емуже предстою пред Ним, яко днесь покажуся ему. I Kings 18:16 И иде Авдий во сретение Ахааву и возвести ему. И ускори Ахаав и иде во сретение Илии. I Kings 18:17 И бысть егда узре Ахаав Илию, и рече Ахаав ко Илии: ты ли еси развращаяй Израиля? I Kings 18:18 И рече Илиа: не развращаю аз Израиля, но разве ты и дом отца твоего, егда остависте вы Господа Бога вашего и идосте вслед Ваала: I Kings 18:19 и ныне посли и собери ко мне всего Израиля на гору Кармилскую, и пророки студныя Вааловы четыреста и пятьдесят, и пророков дубравных четыреста, ядущих трапезу Иезавелину. I Kings 18:20 И посла Ахаав во весь Израиль, и приведе вся пророки на гору Кармилскую. I Kings 18:21 И приведе ко всем им Илию, и рече им Илиа: доколе вы храмлете на обе плесне вашы? Аще есть Господь Бог, идите вслед Его: аще же Ваал есть, то идите за ним. И не отвещаша людие словесе. I Kings 18:22 И рече Илиа к людем: аз остах пророк Господень един: и пророцы Вааловы четыреста и пятьдесят мужей, и пророков дубравных четыреста. I Kings 18:23 (И рече Илиа:) да дадят нам два вола, и да изберут себе единаго, и да растешут и (на уды), и возложат на дрова, и да не возгнетят огня: и аз растешу вола другаго, и возложу на дрова, и огня не возгнещу: I Kings 18:24 и да призовете имена богов ваших, и аз призову имя Господа Бога моего: и будет Бог, Иже аще послушает огнем, Той есть Бог. И отвещаша вси людие и реша: добр глагол (Илиин), егоже глагола (да будет тако). I Kings 18:25 И рече Илиа пророком студным: изберите себе юнца единаго, и сотворите вы прежде, яко вас есть множество: и призовите имена богов ваших, и огня не возгнещайте. I Kings 18:26 И пояша юнца, и сотвориша (тако), и призываху имя Ваалово от утра до полудне, и реша: послушай нас, Ваале, послушай нас. И не бе гласа, ни послушания. И ристаху около жертвенника, егоже сотвориша. I Kings 18:27 И бысть в полудне, и поругася им Илиа Фесвитянин и рече: зовите гласом великим, яко бог есть, яко непраздность ему есть, и негли что ино строит, или спит сам, и востанет. I Kings 18:28 И зовяху гласом великим, и крояхуся по обычаю своему ножами, и мнози бишася бичми, до пролития крове своея, I Kings 18:29 и прорицаху, дондеже прейде вечер: и бысть егда прииде время взыти жертве, и не бе гласа, ниже послушания. И рече Илиа Фесвитянин пророком студным, глаголя: отступите ныне, да и аз сотворю жертву мою. И отступиша тии, и умолкнуша. I Kings 18:30 И рече Илиа к людем: приступите ко мне. И приступиша вси людие к нему. I Kings 18:31 И взя Илиа дванадесять камений по числу колен Израилевых, якоже глагола к нему Господь, глаголя: Израиль будет имя твое. I Kings 18:32 И созда камение во имя Господне, и изцели олтарь раскопанный, и сотвори море вмещающее две меры семене окрест олтаря. I Kings 18:33 И воскладе дрова на олтарь, егоже сотвори, и растеса на уды всесожегаемая, и возложи на дрова, и воскладе на олтарь. I Kings 18:34 И рече Илиа: принесите ми четыри водоносы воды, и возливайте на всесожжение и на полена. И сотвориша тако. И рече: удвойте. И удвоиша. И рече: утройте. И утроиша. I Kings 18:35 И прохождаше вода окрест олтаря, и море исполнися воды. I Kings 18:36 И возопи Илиа на небо и рече: Господи Боже Авраамов и Исааков и Иаковль, послушай мене, Господи, послушай мене днесь огнем, и да уразумеют вси людие сии, яко Ты еси Господь един Израилев, и аз раб Твой, и Тебе ради сотворих дела сия: I Kings 18:37 послушай мене, Господи, послушай мене огнем, и да разумеют вси людие сии, яко Ты еси (един) Господь Бог, и Ты обратил еси сердца людий сих вслед Тебе. I Kings 18:38 И спаде огнь от Господа с небесе, и пояде всесожегаемая, и дрова, и воду, яже в мори, и камение и персть полиза огнь. I Kings 18:39 И падоша вси людие на лице свое и реша: воистинну Господь Бог Той есть Бог. I Kings 18:40 И рече Илиа к людем: поимайте пророки Вааловы, да ни един скрыется от них. И яша их, и веде я Илиа на поток Киссов, и закла их тамо. I Kings 18:41 И рече Илиа ко Ахааву: взыди, и яждь и пий, яко глас есть дождевнаго хождения. I Kings 18:42 И взыде Ахаав ясти и пити. Илиа же взыде на Кармил, и преклонися на землю, и положи лице свое между коленома своима, I Kings 18:43 и рече отрочищу своему: взыди и воззри на путь морский. И взыде, и воззре отрочищь, и рече: несть ничтоже. И рече Илиа: и ты обратися седмижды. I Kings 18:44 И обратися отрочищь седмижды: и бысть в седмое, и се, облак мал, аки след ноги мужеския, возносящь воду из моря. И рече: взыди и рцы Ахааву: впрязи колесницу твою и сниди, да не постигнет тебе дождь. I Kings 18:45 И бысть до зде и до зде, и небо примрачися облаки и духом, и бысть дождь велий. И плакася, и иде Ахаав до Иезраеля. I Kings 18:46 И рука Господня бысть на Илии, и стягне чресла своя, и тече пред Ахаавом во Иезраель. I Kings 19:0 I Kings 19:1 И возвести Ахаав Иезавели жене своей вся, елика сотвори Илиа, и яко изби пророки оружием. I Kings 19:2 И посла Иезавель ко Илии и рече: аще ты еси Илиа, аз же Иезавель: сия да сотворят ми бози и сия да приложат ми, яко в сей же час утро положу душу твою, якоже душу единаго от них. I Kings 19:3 И убояся Илиа, и воста, и отиде души ради своея, и прииде в Вирсавию землю Иудину, и остави отрочище свое тамо, I Kings 19:4 сам же иде в пустыню дне путь, и прииде, и седе под смерчием, и проси души своей смерти, и рече: довлеет ныне (ми), возми убо от мене душу мою, Господи, яко несмь аз лучший отец моих. I Kings 19:5 И ляже, и успе под садом: и се, Ангел Господень коснуся ему и рече ему: востани, яждь и пий. I Kings 19:6 И воззре Илиа: и се, у возглавия его опреснок ячменный и чванец воды. И воста, и яде и пи, и возвратився успе. I Kings 19:7 И обратися Ангел Господень вторицею, и коснуся ему, и рече ему: востани, яждь и пий, яко мног от тебе путь. I Kings 19:8 И воста, и яде и пи: и иде в крепости яди тоя четыредесять дний и четыредесять нощей до горы Божия Хорив. I Kings 19:9 И вниде тамо в пещеру, и вселися в ней. И се, глагол Господень к нему и рече: что ты зде, Илие? I Kings 19:10 И рече Илиа: ревнуя поревновах по Господе (Бозе) Вседержители, яко оставиша Тя сынове Израилевы: олтари Твоя раскопаша, и пророки Твоя избиша оружием, и остах аз един, и ищут души моея изяти ю. I Kings 19:11 И рече: изыди утро и стани пред Господем в горе: и се, мимо пойдет Господь, и дух велик и крепок разоряя горы и сокрушая камение в горе пред Господем, (но) не в дусе Господь: и по дусе трус, и не в трусе Господь: I Kings 19:12 и по трусе огнь, и не во огни Господь: и по огни глас хлада тонка, и тамо Господь. I Kings 19:13 И бысть яко услыша Илиа, покры лице свое милотию своею, и изыде и ста пред вертепом. И се, к нему бысть глас и рече: что ты зде, Илие? I Kings 19:14 И рече Илиа: ревнуя поревновах по Господе Бозе Вседержители, яко оставиша завет Твой сынове Израилевы, и олтари Твоя раскопаша, и пророки Твоя избиша оружием, и остах аз един, и ищут души моея изяти ю. I Kings 19:15 И рече Господь к нему: иди, возвратися путем своим, и изыдеши на путь пустыни Дамасковы, и помажеши Азаила на царство Сирийское, I Kings 19:16 и Ииуа сына Намессиина помажеши на царство над Израилем, и Елиссеа сына Сафатова от Авелмаула помажеши вместо себе пророка: I Kings 19:17 и будет спасаемаго от оружия Азаилева убиет Ииуй, и спасаемаго от оружия Ииуина убиет Елиссей: I Kings 19:18 и оставиши во Израили седмь тысящ мужей, вся колена, яже не преклониша колена Ваалу, и всяка уста, яже не молишася ему. I Kings 19:19 И иде оттуду, и обрете Елиссеа сына Сафатова, и сей оряше двеманадесятьма супругома волов пред ним, и той сам по двоюнадесяти супруг. И прииде Илиа к нему, и поверже милоть свою на него. I Kings 19:20 И остави Елиссей волы, и тече вслед Илии, и рече: (молю тя,) да облобыжу отца моего и матерь мою, и иду вслед тебе. И рече ему Илиа: иди, возвратися, яко сотворих тебе. I Kings 19:21 И возвратися от него: и взя супруги волов, и закла, и испече я в сосудех воловных, и даде людем, и ядоша. И воста, и иде вслед Илии, и служаше ему. I Kings 20:0 I Kings 20:1 И сын Адеров царь Сирский собра всю силу свою, и возшед обседе Самарию, и с ним тридесять два царя и вси конницы и колесницы: и взыдоша, и обседоша Самарию, и ратоваша на ню: I Kings 20:2 и посла ко Ахааву царю Израилеву во град и рече к нему: сице глаголет сын Адеров: I Kings 20:3 сребро твое и злато твое мое есть, и жены твоя и чада твоя добрая моя суть. I Kings 20:4 И отвеща царь Израилев и рече: якоже глаголал еси, господи мой царю, твой есмь аз и вся моя. I Kings 20:5 И возвратишася послы и реша: сице глаголет сын Адеров: аз посылах к тебе, глаголя: сребро и злато твое и жены твоя и чада твоя даждь мне: I Kings 20:6 яко в сей час утро послю рабы моя к тебе, и изыщут дом твой и домы отрок твоих, и будут вся желаемая очес их, на нихже аще возложат руки своя, и возмут. I Kings 20:7 И призва царь Израилев вся старейшины земли и рече: знайте ныне и видите, яко той зле просит, яко присла ко мне (глаголя) о женах моих и о сынех моих и о дщерех моих: сребра моего и злата моего не возбраних ему. I Kings 20:8 И реша ему старейшины и вси людие: не послушай, ни восхощи (дати). I Kings 20:9 И рече послом сына Адерова: рцыте господину вашему: вся, ихже ради посылал еси к рабу твоему прежде, сотворю, сего же глагола не могу сотворити. И отидоша мужие (адеровы) и возвестиша ему слово. I Kings 20:10 И паки посла к нему сын Адеров, глаголя: сия да сотворят ми бози и сия да приложат, аще доволна будет персть Самарии горстем всех людий пешцев моих. I Kings 20:11 И отвеща царь Израилев и рече: доволно: да не хвалится слячен, якоже прямый. I Kings 20:12 И бысть егда отвеща ему слово сие, бе пиющь сам и вси царие, иже бяху с ним в кущах: и рече отроком своим: сотворите вал. И Сотвориша вал над градом. I Kings 20:13 И се, пророк един прииде к Ахааву царю Израилеву и рече: сия глаголет Господь: видиши ли весь народ сей великий? Се, Аз дам его днесь в руце твои, и уразумееши, яко Аз (есмь) Господь. I Kings 20:14 И рече Ахаав: в чем? И рече: сице глаголет Господь: во отроцех князей градских. И рече Ахаав: кто начнет брань? И рече: ты. I Kings 20:15 И сочте Ахаав отроки князей градских, и бысть их двести тридесять и два: и по сих сочте люди вся сыны силы, седмь тысящ. I Kings 20:16 И изыде в полудне: и сын Адеров пиян бе зело в Сокхофе сам и царие (иже с ним), тридесять два царя помощника ему. I Kings 20:17 И изыдоша отроцы воевод градских в первых. И посла сын Адеров, и возвестиша царю сирскому, глаголюще: мужие изыдоша из Самарии. I Kings 20:18 И рече им: аще на мир изыдоша, поимите их живых: и аще на брань изыдоша, живых поимите их, да не исходят из града. I Kings 20:19 И тии изыдоша из града отроцы воевод градских, и сила вслед их. I Kings 20:20 И порази кийждо противнаго себе, и удвои кийждо противнаго себе. И бежа Сириа: и погна их Израиль, и гонзе токмо сын Адеров царь Сирский на кони конника. I Kings 20:21 И изыде царь Израилев, и взя вся кони и колесницы, и порази язвою великою в Сирии. I Kings 20:22 И прииде пророк к царю Израилеву и рече: укрепися и разумей, и виждь, что сотвориши, яко преходящу лету сему, сын Адеров, царь Сирийский, приидет на тя. I Kings 20:23 И отроцы царя Сирийска реша ему: Бог гор Бог Израилев, а не Бог юдолий, сего ради укрепися паче нас: аще же сразимся с ними на равнине, истинно укрепимся паче их: I Kings 20:24 по глаголу же сему сотвори: распусти цари коегождо на место свое, и постави вместо их воеводы, I Kings 20:25 и пременим тебе силу вместо силы падшия у тебе, и кони вместо коней, и колесницы вместо колесниц, и сразимся с ними на равнине, и укрепимся паче их. И послуша гласа их и сотвори тако. I Kings 20:26 И бысть минувшу лету тому, и сочте сын Адеров Сирию, и взыде во Афеку на брань на Израиля. I Kings 20:27 И сынове Израилевы сочислишася и изыдоша во сретение им. И ополчишася Израилтяне противу им, аки два стада коз: Сириане же наполниша землю. I Kings 20:28 И прииде человек Божий и рече к царю Израилеву: сице глаголет Господь: понеже рече Сириа: Бог гор Господь Бог Израилев, и не Бог юдолий той, и дам силу великую сию в руку твою, и уразумееши, яко Аз Господь. I Kings 20:29 И ополчишася тии противу им седмь дний. И бысть в день седмый, и приближися брань, и порази Израиль Сириан, сто и двадесять тысящ пешцев во един день. I Kings 20:30 И бежаша оставшиися во Афеку град, и паде стена на двадесять седмь тысящ мужей оставшихся: сын же Адеров бежа и вниде в дом ложа, в чертог. I Kings 20:31 И реша к нему отроцы его: се, ныне вемы, яко царие дому Израилева милостиви суть: да возложим ныне вретища на чресла наша и ужа на выи нашя, и изыдем ко царю Израилеву, да негли оживит душы нашя. I Kings 20:32 И препоясашася во вретища по чреслом своим, и возложиша ужя на выи своя, и приидоша к царю Израилеву и реша: раб твой сын Адеров глаголет: да живет душа моя. И рече: аще есть еще жив, брат ми есть. I Kings 20:33 И мужие за знак и в залог прияша слово от уст его, и реша: брат твой сын Адеров. И рече: идите и приведите его. И изыде к нему сын Адеров. И возведоша его к нему на колесницу. I Kings 20:34 И рече к нему: грады, яже взя отец мой от отца твоего, отдам тебе: и на исход сотвориши я себе в Дамасце, якоже положи отец мой в Самарии, и аз в завете пущу тя. И положи ему завет и отпусти его. I Kings 20:35 И человек един от сынов пророчих рече ко ближнему своему по словеси Господню: бий мя ныне. И не восхоте человек бити его. I Kings 20:36 И рече к нему: понеже не послушал еси гласа Господня, се, ты отидеши от мене, и поразит тя лев. И отиде от него, и обрете его лев и порази его. I Kings 20:37 И обрете человека инаго и рече: бий мя ныне. И би его человек, и поразив сокруши его. I Kings 20:38 И иде пророк и предста царю Израилеву на пути и покры покрывалом очи свои. I Kings 20:39 И бысть егда мимоидяше царь, и сей возопи ко царю и рече: раб твой изыде на войну брани, и се, муж приведе ко мне мужа и рече ко мне: сохрани мужа сего: аще же отрешився отскочит, и будет душа твоя вместо души его, или талант отдаси сребра: I Kings 20:40 и бысть яко озреся раб твой семо и овамо, и сего не бысть. И рече к нему царь Израилев: се, суд твой при мне, сам себе убил еси. I Kings 20:41 И ускори и отя покрывало от очес своих. И позна его царь Израилев, яко от пророк сей есть. I Kings 20:42 И рече к нему: тако глаголет Господь: понеже испустил еси ты мужа пагубнаго из руки твоея, и будет душа твоя вместо души его, и людие твои вместо людий его. I Kings 20:43 И отиде царь Израилев к дому своему смущен и разслаблен, и прииде в Самарию. I Kings 21:0 I Kings 21:1 И бысть по глаголех сих, и виноград един бе у Навуфеа Иезраилитянина при гумне Ахаава царя Самарийска. I Kings 21:2 И рече Ахаав к Навуфею, глаголя: даждь ми виноград твой, и будет ми во вертоград зелий, яко близ есть сей дому моего, и дам ти вместо сего виноград ин добр паче сего: аще же угодно пред тобою, дам ти сребро измену винограда сего, и будет ми во вертоград зелий. I Kings 21:3 И рече Навуфей ко Ахааву: да не будет мне от Господа Бога моего дати наследие отец моих тебе. I Kings 21:4 И прииде Ахаав в дом свой смущен и оскорблен о словеси, еже глагола к нему Навуфей Иезраилитянин, и рече: не дам тебе наследия отец моих. И бысть дух Ахаавль смущен, и успе на одре своем и покры лице свое и не яде хлеба. I Kings 21:5 И вниде Иезавель жена его к нему и рече к нему: что дух твой есть смущен, и не яси ты хлеба? I Kings 21:6 И рече к ней (Ахаав): яко глаголах Навуфею Иезраилитянину глаголя: даждь ми виноград твой за сребро: и аще хощеши, дам ти виноград ин вместо его: и рече: не дам ти наследия отец моих. I Kings 21:7 И рече к нему Иезавель жена его: ты ли ныне твориши тако, царю Израилев? Востани и яждь хлеб и молча буди, аз же дам ти виноград Навуфеа Иезраилитянина. I Kings 21:8 И написа книгу на имя Ахаавле, и запечата ю печатию его, и посла книгу к старейшинам и свободным живущым с Навуфеем. I Kings 21:9 И писано бяше в книзе тако: поститеся постом и посадите Навуфеа и в начале людий: I Kings 21:10 и посадите два мужа сыны законопреступных противу ему, и да засвидетелствуют о нем, глаголюще, яко (не) благослови Бога и царя: и да изведут его и побиют камением, и да умрет. I Kings 21:11 И сотвориша тако мужие града его старейшии и свободнии живущии во граде его, якоже посла к ним Иезавель, и якоже писано бяше в книгах, яже посла к ним: I Kings 21:12 и нарекоша пост, и посадиша Навуфеа в начале людий, I Kings 21:13 и приидоста два мужа сынове законопреступных и седоста противу его, и засвидетелствоваша на него мужие отступницы Навуфеовы пред людьми, глаголюще: сей (не) благослови Бога и царя. И изведоша его вон из града и побиша его камением, и умре. I Kings 21:14 И послаша ко Иезавели, глаголюще: камением побиен бысть Навуфей и умре. I Kings 21:15 И бысть егда услыша Иезавель глаголющих, яко побиен Навуфей и умре, и рече Иезавель ко Ахааву: востани, наследуй виноград Навуфеа Иезраилитянина, иже не взя у тебе сребра, и уже несть Навуфей жив, но умре. I Kings 21:16 И бысть егда услыша Ахаав, яко убиен бысть Навуфей Иезраилитянин, и раздра ризы своя и облечеся во вретище. И бысть по сих, и воста и сниде Ахаав в виноград Навуфеа Иезраилитянина наследити его. I Kings 21:17 И рече Господь ко Илии Фесвитянину, глаголя: I Kings 21:18 востани и сниди на сретение Ахааву царю Израилеву, иже в Самарии, се бо, сей в винограде Навуфееве, яко сниде тамо наследити его: I Kings 21:19 и речеши ему, глаголя: сице глаголет Господь: понеже ты убил еси (Навуфеа) и приял еси в наследие (виноград его), сего ради тако глаголет Господь: на месте, идеже полизаша свинии и пси кровь его, тамо полижут и кровь твою, и блудницы измыются в крови твоей. I Kings 21:20 И рече Ахаав ко Илии: обрел ли еси мя, враже мой? И рече Илиа: обретох: понеже ты всуе продан еси сотворити лукавое пред Господем, во еже разгневати Его: I Kings 21:21 сице глаголет Господь: се, Аз наведу на тя злая и попалю задняя твоя, и искореню Ахаавля мочащагося к стене, и содержимыя и оставшихся во Израили: I Kings 21:22 и предам дом твой якоже дом Иеровоама сына Наватова, и якоже дом Ваасы сына Ахиина, о прогневаниих, имиже прогневал Мя еси, и грешити сотворил еси Израиля. I Kings 21:23 И ко Иезавели рече Господь, глаголя: пси снедят ю в предградии Иезраеля: I Kings 21:24 умершаго Ахаавля во граде снедят пси, и умершаго его на поли снедят птицы небесныя: I Kings 21:25 и в суете ты еси, Ахааве, иже продан бысть сотворити лукавое пред Господем, яко преврати его Иезавель жена его. I Kings 21:26 И омерзися зело, еже ходити вслед мерзостей, яже сотвори Аморрей, егоже истреби Господь от лица сынов Израилевых. I Kings 21:27 И бысть егда услыша Ахаав словеса сия, умилися от лица Господня, и идяше плачася, и раздра ризы своя, и препоясася вретищем по телу своему и постися: и бе облечен во вретище от дне, в оньже уби Навуфеа Иезраилитянина, и хождаше скорбен. I Kings 21:28 И бысть глагол Господень рукою раба его Илии о Ахааве, I Kings 21:29 и рече Господь: видел ли еси, яко умилися Ахаав от лица Моего? Сего ради не наведу зла во днех его: но во днех сына его наведу зло на дом его. I Kings 22:0 I Kings 22:1 И седе три лета, и не бе брани между Сириею и между Израилем. I Kings 22:2 И бысть в лето третие, и сниде Иосафат царь Иудин к царю Израилеву. I Kings 22:3 И рече царь Израилев ко отроком своим: весте ли, яко моя есть Реммафа Галаадская, и мы молчим взяти ю от руки царя Сирийска? I Kings 22:4 И рече царь Израилев ко Иосафату: взыдеши ли с нами в Реммафу Галаадскую на брань? И рече Иосафат: якоже аз, такожде и ты: якоже людие мои, людие твои: якоже кони мои, кони твои. I Kings 22:5 И рече Иосафат царь Иудин к царю Израилеву: вопросите убо днесь Господа. I Kings 22:6 И собра царь Израилев вся пророки яко четыреста мужей, и рече царь им: взыду ли в Реммафу Галаадскую на брань, или оставлю? И реша: взыди, яко дая предаст Господь в руки царевы. I Kings 22:7 И рече Иосафат к царю Израилеву: несть ли зде пророка Господня, и вопросили быхом Господа им? I Kings 22:8 И рече царь Израилев ко Иосафату: еще есть един муж на вопрошение им Господа, и аз возненавидех его, яко не глаголет о мне добре, но злая, Михеа сын Иемвлаань. И рече царь Иосафат Иудин: не глаголи, царю, тако. I Kings 22:9 И призва царь Израилев скопца единаго и рече: скоро иди по Михею сына Иемвлааня. I Kings 22:10 Царь же Израилев и Иосафат царь Иудин седяста кийждо на престоле своем вооружени во вратех Самарийских, и вси пророцы прорицаху пред ними. I Kings 22:11 И сотвори себе Седекиа сын Ханаань рога железна и рече: тако глаголет Господь: сими рогами избодеши Сирию, дондеже скончается. I Kings 22:12 И вси пророцы прорицаху тако, глаголюще: взыди в Реммафу Галаадскую, и наставит тя, и предаст Господь в руце твои царя Сирийскаго. I Kings 22:13 И посол шед призвати Михею, рече ему, глаголя: се, ныне вси пророцы усты едиными глаголют добрая о цари, буди убо и ты в словесех твоих по словесем единаго от сих и глаголи добрая. I Kings 22:14 И рече Михеа: жив Господь, яко яже речет Господь ко мне, сия возглаголю. I Kings 22:15 И прииде ко царю. И рече ему царь: Михее, взыду ли в Реммафу Галаадскую на брань, или оставлю? И рече ему: взыди, и благопоспешит Господь в руки царевы. I Kings 22:16 И рече ему царь: еще аз дважды заклинаю тя, да речеши истину пред Господем. I Kings 22:17 И рече Михеа: не тако: видех всего Израиля разсеяна по горам якоже стада, имже несть пастыря: и рече Господь: не Господь ли сим в Бога? Да возвратится кийждо в дом свой с миром. I Kings 22:18 И рече царь Израилев ко Иосафату царю Иудину: не рех ли тебе, яко не проричет сей ми добрая, но токмо злая? I Kings 22:19 И рече Михеа: не тако: не аз: слыши глагол Господень: не тако: видех Господа Бога Израилева седящаго на престоле Своем, и все воинство небесное стояше окрест Его одесную Его и ошуюю Его: I Kings 22:20 и рече Господь: кто прельстит Ахаава царя Израилева, и взыдет и падет в Реммафе Галаадстей? И рече сей тако, и сей тако: I Kings 22:21 и изыде дух, и ста пред Господем, и рече: аз прельщу и: I Kings 22:22 и рече к нему Господь: в чем? И рече: изыду и буду дух лжив во устех всех пророк его: и рече: прельстиши и возможеши: изыди и сотвори тако: I Kings 22:23 и се, ныне даде Господь дух лжив во уста всех пророк твоих сих, и Господь глагола на тя злая. I Kings 22:24 И приступи Седекиа сын Ханаань, и порази Михею в лице и рече: каковый сей прейде Дух Господень от мене, еже глаголати в тебе? I Kings 22:25 И рече Михеа: се, ты узриши в день он, егда внидеши в ложницу сокровища твоего, еже скрытися ту. I Kings 22:26 И рече царь Израилев: поимите Михею, и возвратите его ко Аммону князю града и ко Иоасу сыну цареву, I Kings 22:27 и рцыте, да посадят его в темницу, и да кормят его хлебом печальным и водою печальною, дондеже возвращуся в мире. I Kings 22:28 И рече Михеа: аще возвращаяся возвратишися в мире, то не глагола Господь мною. И рече: слышите, людие вси. I Kings 22:29 И взыде царь Израилев и Иосафат царь Иудин с ним в Реммафу Галаадскую. I Kings 22:30 И рече царь Израилев ко Иосафату царю Иудину: прикрый мя, и вниду в сечь, и ты облецыся в ризу мою. И прикрыся царь Израилев и вниде в сечь. I Kings 22:31 Царь же Сирский заповеда князем колесниц своих тридесятим и двум, глаголя: не бийтеся ни с великим ни с малым, но токмо с царем Израилевым единым. I Kings 22:32 И бысть егда узреша воеводы колесниц Иосафата царя Иудина, и реша: видится царь Израилев сей. И обступиша его еже сразитися с ним: и возопи Иосафат. I Kings 22:33 И бысть егда узреша воеводы колесниц, яко несть царь Израилев той, и возвратишася от него: I Kings 22:34 и наляче лук един муж приметно, и порази царя Израилева между легким и щитом. И рече (царь) всаднику своему: обрати руки твоя, и изведи мя от брани, яко язвен есмь. I Kings 22:35 И умножися брань в той день, и царь бе стоя на колеснице противу Сириан от утра даже до вечера, и лияшеся кровь из язвы в недра колесницы, и умре в вечер, и изливашеся кровь от язвы даже до недр колесницы. I Kings 22:36 И ста проповедник о западе солнца, глаголя: кийждо вас да идет во свой град и во свою землю, яко умре царь. I Kings 22:37 И приидоша в Самарию, и погребоша в Самарии царя. I Kings 22:38 И омыша кровь с колесницы на источнице Самарийстем, и полизаша свинии и пси кровь его, и блудницы измышася в крови его, по глаголу Господню, егоже глагола. I Kings 22:39 Прочая же словес Ахаавлих, и вся яже сотвори, и храм слоновый, егоже созда, и вся грады, яже сотвори, не се ли, сия писана быша в книзе словес дний царей Израилевых? I Kings 22:40 И успе Ахаав со отцы своими, и воцарися Охозиа сын его вместо его. I Kings 22:41 И Иосафат сын Асы воцарися над Иудою в четвертое лето Ахаава царя Израилева. I Kings 22:42 Иосафат сын тридесяти пяти лет (бе), егда нача царствовати, и двадесять пять лет царствова во Иерусалиме. Имя же матери его Азува, дщи Салаиля. I Kings 22:43 И хождаше по всем путем Асы отца своего, не уклонися от него, творя правое пред очима Господнима, токмо высоких не разори: еще людие жряху и кадяху на высоких. I Kings 22:44 И умирися Иосафат с царем Израилевым. I Kings 22:45 Прочая же словес Иосафатовых, и силы его, елика сотвори, не се ли, писана суть в книзе словес дний царей Иудиных? I Kings 22:46 И прочее мерзости, еже остася во дни Асы отца его, отя от земли. I Kings 22:47 И царя не бе во Едоме поставленнаго. I Kings 22:48 Царь же Иосафат сотвори корабли Фарсийския, еже ити во Офир по злато, но не поидоша, зане сокрушишася корабли во Асеон-Гавере. I Kings 22:49 Тогда рече Охозиа сын Ахаавль ко Иосафату: да идут раби мои с рабы твоими в кораблех. И не восхоте Иосафат. I Kings 22:50 И умре Иосафат со отцы своими, и погребен бысть у отец своих во граде Давида отца своего. И воцарися Иорам сын его вместо его. I Kings 22:51 И Охозиа сын Ахаавов воцарися над Израилем в Самарии, в лето седмоенадесять Иосафата царя Иудина, и царствова над Израилем в Самарии лета два, I Kings 22:52 и сотвори лукавое пред Господем, и нача ходити по путем отца своего Ахаава и по пути Иезавели матере своея, и во гресех дому Иеровоама сына Наватова, иже введе во грех Израиля: I Kings 22:53 и поработа Ваалу, и поклонися ему, и разгнева Господа Бога Израилева, по всем бывшым прежде его.
II Kings 0:0
Четвертая книга Царств II Kings 1:0 II Kings 1:1 И отступи Моав от Израиля, по умертвии Ахаавли. II Kings 1:2 Охозиа же паде из окна, еже в горнице его в Самарии, и разболеся, и посла послы и рече к ним: идите и вопросите у Ваала сквернаго бога Аккаронска, аще жив буду от болезни моея сея? И идоша вопрошати его ради. II Kings 1:3 И Ангел Господень рече ко Илии Фесвитянину, глаголя: востав, иди на сретение послом Охозии царя Самарийска и речеши к ним: или несть Бога во Израили, яко грядете вопрошати Ваала сквернаго бога во Аккароне? II Kings 1:4 И сего ради сице глаголет Господь одр, на негоже возшел еси ту, не имаши слезти с него, яко ту смертию умреши, и иде Илиа и рече к ним. II Kings 1:5 И возвратишася послы к нему, и рече к ним: что яко возвратистеся? II Kings 1:6 И реша к нему: муж изыде в сретение нам и рече к нам: идите возвратитеся к царю пославшему вы и глаголите к нему: сице глаголет Господь: или нему Бога во Израили, яко вы грядете вопрошати Ваала сквернаго бога во Аккароне? Сего ради от одра, на негоже возшел еси, не имаши слезти с него, яко ту смертию умреши. II Kings 1:7 И рече к ним царь, глаголя: каков взором бяше муж той вшедый в сретение вам и глаголавый вам словеса сия? II Kings 1:8 И реша к нему: муж космат и поясом усменным препоясан о чреслех своих. И рече царь: Илиа Фесвитянин сей есть. II Kings 1:9 И посла к нему стареишину пятьдесятника и пятьдесят мужей его. И взыде и прииде к нему: и се, Илиа бе седя верху горы. И глагола пятьдесятник к нему и рече: человече Божии, царь зовет тя, сниди. II Kings 1:10 И отвеща Илиа и рече к пятьдесятнику: аще есмь человек Божий аз, то да снидет огнь с небесе и снест тя и пятьдесят твоих (с тобою). И сниде огнь с небесе и снеде его и пятьдесят мужей его. II Kings 1:11 И приложи царь послати к нему другаго пятьдесятника и пятьдесят (мужей) с ним. И возшед, и глагола пятьдесятник к нему и рече: человече Божий, сице глаголет царь: потщався сниди. II Kings 1:12 И отвеща Илиа и глагола к нему и рече: аще человек Божий аз есмь, то да снидет огнь с небесе, и да снест тя и пятьдесят (мужей) с тобою. И сниде огнь с небесе и снеде его и пятьдесят мужей его. II Kings 1:13 И приложи царь еще послати стареишину, пятьдесятника третияго, и пятьдесят мужей с ним. И прииде к нему пятьдесятник третий, и поклонися на колена своя пред Илиею, и моли его, и глагола к нему и рече: человече Божий, пощади душу мою и душу раб твоих сих пятьдесят пред очима твоима: II Kings 1:14 се, сниде огнь с небесе и пояде два пятьдесятника первыя с пятиюдесятми их: и ныне да пощадится душа рабов твоих пред очима твоима. II Kings 1:15 И глагола Ангел Господень ко Илии и рече: сниди с ним, не убойся от лица их. И воста Илиа и сниде с ним к царю, II Kings 1:16 и глагола к нему и рече: сице глаголет Господь: что яко послал еси послы вопрошати Ваала сквернаго бога во Аккароне, аки бы не был Бог во Израиле, еже вопросити от Него словесе? Сего ради от одра, наньже возшел еси ту, не имаши слезти с него яко смертию умреши. II Kings 1:17 И умре по глаголу Господню, егоже глаголгола Илиа. И царствова Иорам брат Охозиин вместо его, понеже не име сына Охозиа, в лето второе Иорама сына Иосафата царя Иудина. II Kings 1:18 И прочая словес Охозииных, елика сотвори, не се ли, сия писана в книгах словес дний царей Израилевых? II Kings 2:0 II Kings 2:1 И бысть внегда взяти Господу Илию в вихре яко на небо и идяше Илиа и Елиссей от Галгал. II Kings 2:2 И рече Илиа ко Елиссею: седи убо зде, яко Господь посла мя до Вефиля и рече Елиссей: жив Господь и жива душа твоя, аще оставлю тя и приидоста в Вефиль. II Kings 2:3 И приидоша сынове пророчестии, иже в Вефили, ко Елиссею и реша к нему: разумееши ли, яко взимает Господь днесь господина твоего верху главы твоея (от тебе)? И рече: и аз уразумех, молчите. II Kings 2:4 И рече Илиа ко Елиссею: сяди убо зде, яко Господь посла мя во Иерихон. И рече Елиссей: жив Господь и жива душа твоя, аще оставлю тя. И приидоста во Иерихон. II Kings 2:5 И приближишася сынове пророков, иже во Иерихоне, ко Елиссею и реша ему: разумееши ли, яко днесь вземлет Господь господина твоего свыше главы твоея (от тебе)? И рече: ибо и аз уразумех, молчите. II Kings 2:6 И рече ему Илиа: седи зде, яко Господь посла мя до Иордана. И рече Елиссей: жив Господь и жива душа твоя, аще оставлю тебе. И поидоста оба, II Kings 2:7 и пятьдесят мужей от сынов пророческих, и сташа противу издалеча: и сии оба стаста при Иордане. II Kings 2:8 И прият Илиа милоть свою, и свит ю, и удари ею в воду, и разступися вода сюду и сюду: и проидоста оба по суху. II Kings 2:9 И бысть преходящема има, и рече Илиа ко Елиссееви: проси, что сотворю ти прежде неже взят буду от тебе. И рече Елиссей: да будет убо дух, иже в тебе, сугуб во мне. II Kings 2:10 И рече Илиа: ожесточил еси просити: аще узриши мя вземлема от тебе, будет ти тако: аще ли не (узриши), и будет. II Kings 2:11 И бысть идущема има, идяста и глаголаста: и се, колесница огненная и кони огненнии, и разделиша между обема. И взят бысть Илиа вихром яко на небо. II Kings 2:12 И Елиссей зряше и вопияше: отче, отче, колесница Израилева и конница его. И не увиде его ктому: и ятся (Елиссей) за ризы своя, и растерза я в два растерзания, II Kings 2:13 и взя милоть Илину Елиссей падшую верху его, и возвратися Елиссей, и ста на брезе Иорданове. II Kings 2:14 И прият (Елиссей) милоть Илиину, яже паде верху его, и удари в воду, и не разступися вода. И рече: где Бог Илиин Аффо? И удари Елиссей воды (вторицею), и разступишася сюду и сюду, и прейде Елиссей по суху. II Kings 2:15 И видеша его сынове пророчестии, иже во Иерихоне сопротив, и реша: почи дух Илиин на Елиссеи. И приидоша на сретение ему и поклонишася ему до земли, II Kings 2:16 и реша к нему: се, ныне со отроки твоими пятьдесят мужей сынов сильных: шедше да взыщут господина твоего, еда како Дух Господень взя, и поверже его на Иордане, или на единей от гор, или на единем от холмов и рече Елиссей: не посылайте. II Kings 2:17 И принудиша его, и дондеже устыдеся, и рече: послите. И послаша пятьдесят мужей, и искаша три дни, и не обретоша его, II Kings 2:18 и возвратишася к нему: и той седяше во Иерихоне. И рече Елиссей к ним: не глаголах ли к вам, не идите? II Kings 2:19 И реша мужие града ко Елиссею: се, жилище града благо, якоже ты, господине, видиши, но воды злы и земля неплодна. II Kings 2:20 И рече Елиссей: принесите ми водонос нов, и всыплите в онь соль. И взяша, и принесоша к нему. II Kings 2:21 И изыде Елиссей на исходища водная, и всыпа ту соль, и рече: сице глаголет Господь: изцелих воды сия, не будет от них ктому смерти и неплодства. II Kings 2:22 И изцелеша воды до дне сего, по глаголу Елиссееву, егоже глагола. II Kings 2:23 И взыде оттуду во Вефиль. И восходящу ему путем, и дети малы изыдоша из града, и ругахуся ему, и реша ему: гряди, плешиве, гряди. II Kings 2:24 И озреся вслед их, и виде я, и проклят я именем Господним. И се, изыдоша две медведицы из дубравы и растерзаша от них четыредесять два отрочища. II Kings 2:25 И иде оттуду в гору Кармилскую, и оттуду возвратися в Самарию. II Kings 3:0 II Kings 3:1 И Иорам сын Ахаавов воцарися над Израилем в Самарии, в лето осмоенадесять Иосафата царя Иудина, и царствова лет дванадесять, II Kings 3:2 и сотвори лукавое пред очима Господнима: обаче не якоже отец его и не якоже мати его: и разруши капища Ваалова, яже сотвори отец его: II Kings 3:3 обаче ко греху Иеровоама сына Наватова, иже введе во грех Израиля, прилепися и не отступи от него. II Kings 3:4 И Моса царь Моавль бе нокид и даяше дань царю Израилеву, сто тысящ агнцев и сто тысящ овнов с рунами. II Kings 3:5 И бысть по умертвии Ахаавли и отвержеся царь Моавль царя Израилева. II Kings 3:6 И изыде царь Иорам во дни оны от Самарии и согляда Израиля, II Kings 3:7 и иде, и посла ко Иосафату царю Иудину, глаголя: царь Моавль отвержеся мене: идеши ли со мною на брань на Моава? И рече: взыду: сице мне, якоже и тебе: якоже людие мои, людие твои: якоже кони мои, кони твои. II Kings 3:8 И рече: киим путем взыдем? И рече: путем пустыни Едомския. II Kings 3:9 И иде царь Израилев и царь Иудин и царь Едомль, и идоша путем седмь дний: и не бе полку воды и скотом сущым с ними. II Kings 3:10 И рече отроком своим царь Израилев: о, яко созва Господь три сия цари идущыя предати их в руце Моавли. II Kings 3:11 И рече Иосафат к нему царь Иудин: есть ли зде пророк Господень, и вопросим Господа им? И отвеща един отрок царя Израилева и рече: зде есть Елиссей сын Сафатов, иже возливаше воду на руце Илиине. II Kings 3:12 И рече Иосафат: есть с ним глагол Господень. И сниде к нему царь Израилев и Иосафат царь Иудин и царь Едомль. II Kings 3:13 И рече Елиссей ко царю Израилеву: что мне и тебе? Иди ко пророком отца твоего и ко пророком матере твоея. И рече ему царь Израилев: еда созва Господь три цари, еже предати я в руце Моавли? II Kings 3:14 И рече Елиссей: жив Господь Сил емуже предстою пред Ним, яко аще бых не лице Иосафата царя Иудина аз приял, то воззрел ли бых на тя, и видел ли бых тя? II Kings 3:15 И ныне приведи ми певца. И бысть егда воспеваше певец, и бысть на нем рука Господня, II Kings 3:16 и рече: тако глаголет Господь: сотворите поток сей рвами рвами, II Kings 3:17 яко тако глаголет Господь: не узрите духа, и ниже увидите дождя: и поток сей наполнится воды, и пиете вы и стяжания ваша и скоти ваши: II Kings 3:18 и легко сие пред очима Господнима, и предам Моава в руки вашя, II Kings 3:19 и поразите всяк град тверд, и всяко древо благо низложите, и всяк источник воды заградите, и всяку часть благу разбиете камением. II Kings 3:20 И бысть заутра восходящей жертве, и се, воды идяху путем Едомским, и исполнися воды земля. II Kings 3:21 И вси Моавитяне услышаша, яко взыдоша тридесяти царя братися с ними. И возопиша отвсюду препоясаннии оружием и реша: ох: и сташа у предела. II Kings 3:22 И ураниша заутра, и солнце возсия на воды: и виде Моав сопротив воды чермны яко кровь, II Kings 3:23 и рече: кровь сия есть от оружия: и бишася царие, и уби муж искренняго своего: и ныне (гряди) на корысти, Моаве. II Kings 3:24 И внидоша в полк Израилев, Израилтяне же восташа. И избиша Моавлян: и побегоша от лица их: и внидоша входяще и биюще Моава, II Kings 3:25 и грады разбиша, и всяку часть благу навергоша мужие камением, и наполниша ю, и всяк источник заградиша, и всяко древо благо изсекоша, донележе оставиша камение стен разбиено: и обступиша пращницы и разбиша его. II Kings 3:26 И виде царь Моавль, яко укрепися над ним брань, и взя с собою седмь сот мужей со обнаженным оружием, еже просещися ко царю Едомску: и не возмогоша. II Kings 3:27 И поят сына своего первенца, егоже воцари вместо себе, и вознесе его во всесожжение на стене: и бысть раскаяние великое во Израили: и отступиша от него и возвратишася в землю свою. II Kings 4:0 II Kings 4:1 И жена едина от сынов пророчих возопи ко Елиссею, глаголющи: раб твой муж мой умре, ты же веси, яко раб твой бе бояся Господа: и заимодавец прииде взяти два сына моя себе в рабы. II Kings 4:2 И рече Елиссей: что сотворю ти? Повеждь ми, что имаши ныне в дому? Она же рече: несть у рабы твоея ничтоже в дому, токмо мало елеа, имже помажуся. II Kings 4:3 И рече к ней: иди, испроси себе сосуды отвне от всех сосед твоих, сосуды праздны, не умали: II Kings 4:4 и вниди, и затвори дверь за собою и за сынома твоима, и влиеши (от елеа твоего) во вся сосуды сия, и наполненное возмеши. II Kings 4:5 И отиде от него и сотвори тако, и затвори дверь за собою и за сынома своима: та приношаста к ней, она же вливаше: II Kings 4:6 и бысть егда наполнишася вси сосуды, и рече сынома своима: приближита ми еще сосуд. И реста ей: несть еще сосуда. И ста елей. II Kings 4:7 И прииде и возвести человеку Божию. И рече Елиссей: иди и продаждь сей елей, и заплати лихву твою, и ты и сына твоя жити будете от оставшаго елеа. II Kings 4:8 И бысть во един день, и прейде Елиссей в Соман, и ту жена велия и удержа его снести хлеба: и бысть ему входити и исходити множицею, и уклоняшеся тамо ясти хлеба. II Kings 4:9 И рече жена к мужу своему: се, ныне разумех, яко человек Божий свят сей мимо ходит нас присно: II Kings 4:10 сотворим убо ему горницу, место мало, и поставим ему тамо одр и трапезу, и престол и свещник: и будет внегда входити ему к нам, и уклоняется тамо. II Kings 4:11 И бысть во един день, и вниде тамо, и уклонися в горницу, и спа тамо. II Kings 4:12 И рече ко Гиезию отрочищу своему: призови ми Соманитяныню сию. И призва ю, и ста пред ним. II Kings 4:13 И рече ему: рцы убо ей: се, удивила еси нас всем попечением сим: что подобает сотворити тебе? Аще есть тебе слово к царю или ко князю силы? Она же рече: (несть,) посреде людий моих аз есмь живущи. II Kings 4:14 И рече ко Гиезию: что подобает сотворити ей? И рече Гиезий отрочищь его: воистинну сына несть у нея и муж ея стар. II Kings 4:15 И рече призови ю. И призва ю, и ста при дверех. II Kings 4:16 И рече Елиссей к ней: во время сие, якоже час сей живущи, ты зачнеши сына. Она же рече: ни, господине, не солжи рабе твоей. II Kings 4:17 И зачат во чреве жена, и роди сына во время сие, якоже час сей живущи, якоже глагола к ней Елиссей. II Kings 4:18 И возмужа отрочищь. И бысть, егда изыде ко отцу своему, к жнущым, II Kings 4:19 и рече ко отцу своему: глава моя, глава моя (болит). И рече ко отроку: неси его к матери его. II Kings 4:20 И несе его к матери его, и лежаше на колену ея до полудне, и умре. II Kings 4:21 И вознесе его, и положи его на одре человека Божия: и затвори его, и изыде, и призва мужа своего, и рече ему: II Kings 4:22 посли ми убо единаго от отрок, и едино от ослят, и теку до человека Божия, и возвращуся. II Kings 4:23 И рече: что яко ты идеши к нему днесь? Не нов месяц, ниже суббота. Она же рече: мир. II Kings 4:24 И оседла осля, и рече ко отрочищу своему: веди, и иди, да не удержиши мене, еже всести, якоже реку тебе: гряди, и иди, и прииди к человеку Божию на гору Кармилскую. II Kings 4:25 И иде, и прииде до человека Божия в гору Кармилскую. И бысть яко виде ю Елиссей грядущую, и рече ко Гиезию отрочищу своему: се, убо Соманитяныня оная: II Kings 4:26 ныне тецы во сретение ея и речеши ей: мир ли тебе? И тече во сретение ей и рече ей: мир ли тебе? Мир ли мужу твоему, мир ли отрочищу твоему? Она же рече: мир. II Kings 4:27 И прииде ко Елиссею на гору, и ятся за нозе его. И приближнся Гиезий отринути ю. И рече Елиссей: остави ю, яко душа ея болезненна в ней, и Господь укры от мене и не возвести мне. II Kings 4:28 Она же рече: еда просих сына у господина моего, яко рекох: не прельсти мене? II Kings 4:29 И рече Елиссей ко Гиезию: препояши чресла твоя и возми жезл мой в руце твои, и иди, яко аще обрящеши мужа, да не благословиши его, и аще благословит тя муж, не отвещай ему: и возложи жезл мой на лице отрочища. II Kings 4:30 И рече мати отрочища: жив Господь и жива душа твоя, аще оставлю тебе. И воста Елиссей и иде вслед ея. II Kings 4:31 И Гиезий иде пред нею, и возложи жезл на лице отрочища, и не бе гласа, и не бе слышания. И возвратися во сретение его и поведа ему глаголя: не воста отрочищь. II Kings 4:32 И вниде Елиссей в храмину, и се, отрочищь умерый положен на одре его. II Kings 4:33 И вниде Елиссей в дом и затвори дверь за двою собою, и помолися Господу. II Kings 4:34 И взыде, и ляже на отрочищи, и положи уста своя на устех его, и очи свои на очи его, и руце свои на руце его, и плесне свои на плесну его: и слячеся над ним, и дуну на него, и согреся плоть отрочища. II Kings 4:35 И обратися, и походи в храмине сюду и сюду: и взыде, и слячеся над отрочищем седмижды, и отверзе отрочищь очи свои. II Kings 4:36 И возопи Елиссей ко Гиезию и рече: призови ми Соманитяныню сию. И призва ю, и вниде к нему. И рече Елиссей: приими сына твоего. II Kings 4:37 И вниде жена, и паде на ногу его, и поклонися ему до земли: и прият сына своего, и изыде. II Kings 4:38 И Елиссей возвратися в Галгалы. И бе глад в земли той, и сынове пророчи седяху пред ним. И рече Елиссей отрочищу своему: настави коноб велий и свари варение сыном пророчим. II Kings 4:39 И изыде един на село собрати зелия дивия: и обрет виноград на селе, и набра в нем яблока дивияго полну ризу свою, и всыпа в котел на сварение, яко не разумеша, II Kings 4:40 и принесе мужем ясти. И бысть ядущым им от варения, и се, возопиша и реша: смерть в конобе, человече Божий. И не могоша ясти. II Kings 4:41 И рече: возмите муки и всыплите в коноб. И рече Елиссей ко Гиезию отрочищу своему: изнеси людем, да ядят. И не бысть ктому злаго глагола в конобе. II Kings 4:42 И муж прииде от Вефариса и принесе к человеку Божию первородных двадесять хлебов ячменных и смоквы. И рече: дадите людем, да ядят. II Kings 4:43 И рече отрок его: что дам сие сту мужем? И рече: даждь людем я, да ядят, яко сице глаголет Господь: будут ясти, и останет. II Kings 4:44 И ядоша, и оста по глаголу Господню. II Kings 5:0 II Kings 5:1 И Нееман князь силы Сирийския бе муж велий пред господином своим и дивен лицем, яко им даде Господь спасение Сирии: и муж бе силен крепостию прокажен. II Kings 5:2 И из Сирии изыдоша воини и плениша юнотку малу от земли Израилевы: и бе пред женою Неемановою (служа) II Kings 5:3 и рече госпоже своей: о, дабы господин мой был у пророка Божия, иже в Самарии, той бы очистил его и проказы его. II Kings 5:4 И вниде и возвести господину своему и рече: тако и тако глагола юнотка, яже от земли Израилевы. II Kings 5:5 И рече царь Сирийский ко Нееману: иди, вниди, и послю писание ко царю Израилеву. И пойде, и взя в руце свои десять талант сребра и шесть тысящ златник и десять изменяемых риз. II Kings 5:6 И внесе писание к царю Израилеву глаголя: и ныне егда приидет писание сие к тебе, се, послах к тебе Неемана раба моего, да очистиши его от проказы его. II Kings 5:7 И бысть егда прочте писание царь Израилев, раздра ризы своя и рече: еда аз Бог есмь, еже мертвити и животворити, яко сей посла и мне, да очищу мужа от проказы его? Прочее разумейте и видите, яко се ищет вины ко мне. II Kings 5:8 И бысть егда услыша Елиссеи, яко раздра ризы своя царь Израилев, и посла к царю Израилеву, глаголя: почто раздрал еси ризы твоя? Да приидет ко мне ныне Нееман, и да разумеет, яко есть пророк во Израили. II Kings 5:9 И прииде Нееман на конех и на колесницех и ста при дверех дому Елиссеева. II Kings 5:10 И посла Елиссей посланника к нему, глаголя: шед измыйся седмижды во Иордане, и возвратится плоть твоя к тебе, и очистишися. II Kings 5:11 И разгневася Нееман, и отиде, и рече: се, убо глаголах, яко изыдет ко мне, и станет, и призовет во имя Бога своего, и возложит руку свою на место, и очистит проказу: II Kings 5:12 не благи ли Авана и Фарфар реки Дамасковы паче Иордана и всех вод Израилевых? Не шед ли измыюся в них и очишуся? И уклонися и отиде во гневе. II Kings 5:13 И приближишася отроцы его и реша ему: аще бы велие слово глаголал пророк тебе, не бы ли сотворил еси? А яко рече к тебе: измыйся, и очистишися. II Kings 5:14 И сниде Нееман, и погрузися во Иордане седмижды, по глаголу Елиссееву: и возвратися плоть его яко плоть отрочате млада, и очистися. II Kings 5:15 И возвратися ко Елиссею сам и все ополчение его, и прииде и ста пред ним и рече: се, ныне разумех, яко несть Бога во всей земли, но токмо во Израили: и ныне приими благословение от раба твоего. II Kings 5:16 И рече Елиссей: жив Господь, Емуже предстах пред ним, аще прииму. И понуждаше его взяти, и не послуша. II Kings 5:17 И рече Нееман: аще ли не (хощеши взяти), то даждь рабу твоему время, супруг мсков, от земли сея червленыя: яко и сотворит отселе раб твой всесожжения и жертвы богом иным, но Господу единому, II Kings 5:18 по глаголу сему и о словеси сем: и очистит Господь раба твоего, егда внидет господин мой в дом Ремманов на поклонение тамо: и той почиет на руку моею, и поклонюся в дому Реммани, внегда кланятися ему в дому Реммани, и очистит Господь раба твоего по словеси сему. II Kings 5:19 И рече Елиссей ко Нееману: иди с миром. И отиде от него на Хаврафа земли. II Kings 5:20 И рече Гиезий отрочищь Елиссеев: се, пощаде господин мой Неемана Сирянина сего, еже не взяти от руки его, яже принесе: жив Господь, яко имам тещи вслед его, и возму от него нечто. II Kings 5:21 И тече Гиезий во след Нееманов. И виде его Нееман текуща вслед себе, и возвратися с колесницы на сретение ему и рече: мир ли? II Kings 5:22 И рече Гиезий: мир: господин мой посла мя, глаголя: се, ныне приидоста ко мне два отрочища от горы Ефремли от сынов пророчих: даждь убо има талант сребра и две премены риз. II Kings 5:23 И рече Нееман: возми два таланта сребра. И взя два таланта во два мешца и две премены риз, и возложи на два отрочиша своя, и несоста пред ним: II Kings 5:24 и приидоша в сумраки, и взя от рук их и сокры во храмине, и отпусти мужы. II Kings 5:25 И сам вниде и предста господину своему. И рече к нему Елиссей: откуду (пришел еси), Гиезие? И рече Гиезий: не исходил раб твой никаможе. II Kings 5:26 И рече к нему Елиссей: не ходило ли сердце мое с тобою, и видех, егда возвращашеся муж с колесницы своей во сретение тебе? И ныне взял еси сребро и ризы взял еси, да купиши за них вертограды и маслины и винограды, и овцы и волы, и отроки и отроковицы: II Kings 5:27 и проказа Нееманова да прильпнет к тебе и к семени твоему во веки. И изыде от лица его прокажен яко снег. II Kings 6:0 II Kings 6:1 И реша сынове пророчи ко Елиссею: се, убо место, идеже мы живем противу тебе, тесно нам: II Kings 6:2 да идем ныне до Иордана, и да возмем оттуду кийждо муж по бервну единому и сотворим себе ту обиталища пребывати тамо. И рече: идите. II Kings 6:3 И рече един кротце: гряди и сам с рабы твоими. И рече: аз пойду. II Kings 6:4 И иде с ними: и приидоша ко Иордану, и секоша древа: II Kings 6:5 и егда един отсекаше бервно, и се, железо спаде с топорища и впаде в воду. И возопи: о, господине, и сие заемное. II Kings 6:6 И рече человек Божий: где паде? И показа ему место. И отсече древо и вверже и тамо: и всплыве железо. II Kings 6:7 И рече: возми себе. И простре руку свою и взят е. II Kings 6:8 И царь Сирский бе воюя на Израиля, и совеща со отроки своими, глаголя: на месте некоем сокровеннем ополчуся. II Kings 6:9 И посла Елиссей ко царю Израилеву, глаголя: блюдися не преити на место сие, яко ту Сиряне залягоша. II Kings 6:10 И посла царь Израилев на место, о немже рече ему Елиссей, и соблюдеся оттуду не единою, ниже дважды. II Kings 6:11 И смутися душа царя Сирска о словеси сем: и призва отроки своя и рече и ним: не возвестите ли мне, кто предает мя царю Израилеву? II Kings 6:12 И рече един от отрок его: ни, господине мой царю: яко пророк Елиссей, иже во Израили, возвещает царю Израилеву вся словеса, яже аще глаголеши в сокровищи ложницы твоея. II Kings 6:13 И рече: идите, видите, где сей, и послав возму его. И возвестиша ему, глаголюще: се, есть в Дофаиме. II Kings 6:14 И посла тамо кони и колесницы и силу тяжку: и приидоша нощию и окружиша град. II Kings 6:15 И урани раб Елиссеев востати, и изыде: и се, сила обступи град, и кони и колесницы. И рече отрок его к нему: о, господине, что сотворим? II Kings 6:16 И рече Елиссей: не бойся, яко множае иже с нами, нежели с ними. II Kings 6:17 И помолися Елиссей и рече: Господи, отверзи ныне очи отрока, да узрит. И отверзе Господь очи его, и виде: и се, гора исполнь коней, и колесница огненна окрест Елиссеа. II Kings 6:18 И снидоша к нему: и помолися Елиссей ко Господу и рече: порази убо язык сей невидением. И порази их невидением по глаголу Елиссееву. II Kings 6:19 И рече к ним Елиссей: не сей путь и не сей град: грядите по мне, и отведу вы к мужу, егоже ищете. И отведе их в Самарию. II Kings 6:20 И бысть егда внидоша в Самарию, и рече Елиссей: отверзи убо, Господи, очи их, и да видят. И отверзе Господь очи их, и видеша: и се, бяху посреде Самарии. II Kings 6:21 И рече царь Израилев ко Елиссею, егда увиде я: аще поражу я поражением, отче? II Kings 6:22 И рече Елиссеи: да не поразиши: еда ли пленил еси их мечем твоим и луком твоим, да избиеши? И предложи им хлебы и воду, да ядят и да пиют и да отидут ко господину своему. II Kings 6:23 И предложи им предложение велие, и ядоша и пиша, и отпусти я, и идоша ко господину своему: и не приложиша ктому воини приходити из Сирии в землю Израилеву. II Kings 6:24 И бысть по сих, и собра сын Адеров царь Сирийский все ополчение свое, и взыде и обседе Самарию. II Kings 6:25 И бысть глад велик в Самарии: и се, обседоша ю, дондеже бысть глава ослова за пятьдесят сикль сребра, и четвертая часть меры гноя голубинаго за пять сикль сребра. II Kings 6:26 И бысть царь Израилев обходяй по стенам: и жена (некая) возопи к нему, глаголющи: спаси мя, господине мой царю. II Kings 6:27 И рече ей: аще тебе не спасает Господь, како аз спасу тя? Еда от гумна или от точила? II Kings 6:28 И рече ей царь: что ти есть? И рече: сия жена ко мне рече: даждь сына твоего, да съядим его днесь, а утро моего сына съядим: II Kings 6:29 и испекохом сына моего и снедохом его: и рех к ней в день вторый: даждь сына твоего, и съядим его: и скры сына своего. II Kings 6:30 И бысть егда услыша царь Израилев словеса жены, раздра ризы своя и сам хождаше по стене, и видеша людие вретище на плоти его внутрь. II Kings 6:31 И рече царь: сия да сотворит ми Бог и сия да приложит ми, аще будет глава Елиссеева на нем днесь. II Kings 6:32 Елиссей же седяше в дому своем, и старцы седяху с ним. И посла царь мужа пред лицем своим. И прежде даже приити посланному к нему, и той рече ко старцем: не весте ли, яко посла сын убийцы сей, да отсечет главу мою? Видите, егда приидет вестник, заключите двери и стисните его во дверех: не топот ли ног господина его вслед его? II Kings 6:33 И еще ему глаголющу с ними, и се, вестник сниде к нему и рече: се, сие зло от Господа: что потерплю Господеви ксему? II Kings 7:0 II Kings 7:1 И рече Елиссей: слышите слово Господне, сице глаголет Господь: якоже час сей, утро мера муки пшеничны будет за сикль един, и две меры ячменя за сикль един во вратех Самарии. II Kings 7:2 И отвеща тристат, на егоже руку царь почиваше, и рече и Елиссею: се, аще отверзет Господь и хляби небесныя, то не будет глагол сей. И Елиссей рече: се, ты узриши очима твоима, и оттуду не имаши ясти. II Kings 7:3 И бяху четыре мужа прокажени при вратех града. И рече муж ко искреннему своему: что мы седим зде дондеже умрем? II Kings 7:4 Аще речем: внидем во град, то глад есть во граде, и умрем тамо: аще же седим зде, то и тако умрем: и ныне идем и внидем в полк Сирийский: аще живят ны, живи будем: аще ли умертвят ны, то умрем. II Kings 7:5 И восташа в сумраце ити в полк Сирийский и внидоша среде полка Сирийска, и се, не бе мужа ту. II Kings 7:6 И Господь слышан сотвори полку Сирийску глас колесниц и глас коней и глас силы великия. И рече муж ко брату своему: се, ныне наял есть на нас царь Израилев цари Хеттейски и цари Египетския приити на ны. II Kings 7:7 И восташа, и бежаша в сумраце, и оставиша сени своя и кони своя и ослы своя, якоже быша во стану, и бежаша души ради своея. II Kings 7:8 И внидоша прокаженнии сии до среды полка, и внидоша в сень едину, и ядоша и пиша, и взяша оттуду сребро и злато и одежды, и отидоша, и скрыша: и возвратишася, и внидоша в другую сень, и взяша оттуду, и отидоша, и скрыша. II Kings 7:9 И рече муж ко искреннему своему: не тако мы творим: день сей день благоговещения есть, мы же молчим и медлим до света утренняго, и обрящем беззаконие: и ныне приидем и внидем, и возвестим в дому цареве. II Kings 7:10 И внидоша, и возопиша ко вратом града и возвестиша им, глаголюще: внидохом в полк Сирийский, и се, не бысть ту мужа, ни гласа человеча, но токмо кони привязани, и ослята, и сени их якоже суть. II Kings 7:11 И возопиша вратницы, и возвестиша в дому цареве внутрь. II Kings 7:12 И воста нощию царь и рече ко отроком своим: возвещу вам ныне, яже сотвориша нам Сириане: разумеша, яко гладни есмы, и изыдоша из стана, и сокрышася на селе, глаголюще: яко изыдут из града, и имем я живы и во град внидем. II Kings 7:13 И отвеща един от отрок его и рече: да возмут ныне пять коней оставших, иже осташася зде, се, суть у толикаго множества Израилева оставшиися, и послем тамо, и узрим. II Kings 7:14 И взяша два всадника коней: и посла царь Израилев вслед царя Сирска, глаголя: идите и видите. II Kings 7:15 И идоша вслед их даже до Иордана, и се, весь путь исполнен одежд и оружия, яже повергоша Сириане, внегда устрашится им. И возвратишася посланнии, и возвестиша царю. II Kings 7:16 И изыдоша людие, и разграбиша весь стан Сирский. И бысть мера муки пшеничны за сикль един и две меры ячменя за сикль, по глаголу Господню. II Kings 7:17 И царь пристави тристата, на егоже руце царь почиваше, у врат: и попраша его людие во вратех, и умре, якоже глагола человек Божий, иже глагола, егда посланный прииде к нему. II Kings 7:18 И бысть якоже рече Елиссей к царю глаголя: две меры ячменя за сикль един, и мера муки пшеничны за сикль: и будет якоже сей час заутра во вратех Самарии. II Kings 7:19 И отвеща тристат Елиссею и рече: аще Господь отверзет хляби небесныя, не будет глагол сей. И рече Елиссей: се, узриши очима твоима, и оттуду и не имаши ясти.. II Kings 7:20 И бысть тако, и попраша его людие во вратех, и умре. II Kings 8:0 II Kings 8:1 И глагола Елиссей к жене, еяже воскреси сына, глаголя: востани и иди ты и дом твой, и обитай идеже аще можеши обитати, яко призва Господь глад на землю, и приидет на землю седмь лет. II Kings 8:2 И воста жена, и сотвори но глаголу Елиссееву, и пойде сама и дом ея, и обита на земли иноплеменничи седмь лет. II Kings 8:3 И бысть но скончании седми лет, и возвратися жена от земли иноплеменничи во град, и прииде возопити к царю о доме своем и о селех своих. II Kings 8:4 И глагола царь ко Гиезию отроку Елиссеа человека Божия глаголя: повеждь ми ныне вся великая, яже сотвори Елиссей. II Kings 8:5 И бысть ему поведающу цареви, яко жива сотвори сына умершаго: и се, жена, еяже воскреси Елиссей сына ея, вопиющи ко цареви о доме своем и о селех своих, и рече Гиезий: господине царю, сия жена и сей сын ея, егоже жива сотвори Елиссей. II Kings 8:6 И вопроси царь жену: и поведа ему. И даде ей царь скопца единаго, глаголя возврати вся, яже ея суть, и вся плоды села ея, от да, в оньже остави землю, даже до ныне. II Kings 8:7 И прииде Елиссей в Дамаск. И сын Адеров царь Сирский разболеся, и возвестиша ему, глаголюще: прииде человек Божий до зде. II Kings 8:8 И рече царь ко Азаилу: приими в руку свою дар, и иди во сретение человеку Божию, и вопроси Господа им, глаголя: аще ли жив буду от болезни сея? II Kings 8:9 И иде Азаил на сретение ему, и взя дар в руку свою, и вся благая Дамаскова, бремя четыредесять велблюдов, и прииде, и ста пред ним, и рече ко Елиссею: сын твой, сын Адеров, царь Сирский, посла мя к тебе вопросити, глаголя: буду ли жив от болезни моея сея? II Kings 8:10 И рече к нему Елиссей: иди и рцы ему: живя поживеши: но показа ми Господь, яко смертию умрет. II Kings 8:11 И предста лицу его, и возложи (руки) даже до постыдения, и плакася человек Божий. II Kings 8:12 И рече Азаил: что яко господин мой плачет? И рече: вем елика сотвориши сыном Израилевым зла: крепости их сожжеши огнем, и избранныя их избиеши мечем, и младенцы их разбиеши, и во чреве имеющыя их расторгнеши. II Kings 8:13 И рече Азаил: кто есть раб твой, пес мертвый, яко сотворит глагол сей? И рече Елиссей: показа ми тя Господь царствующа над Сириею. II Kings 8:14 И отиде от Елиссеа и вниде ко господину своему. И рече ему (царь): что ти рече Елиссей? Отвеща: рече ми Елиссей, живя поживеши. II Kings 8:15 И бысть во утрии, и взя одеяло, и намочи в воде, и обложи на лице его, и умре: и воцарися Азаил вместо его. II Kings 8:16 В лето пятое Иорама сына Ахаава царя Израилева и Иосафата царя Иудина, воцарися Иорам сын Иосафатов царь Иудин: II Kings 8:17 сын тридесяти и двою лету бе, внегда воцаритися ему, и осмь лет царствова во Иерусалиме, II Kings 8:18 и ходи в пути царей Израилевых, якоже сотвори дом Ахаавль, бе бо дщи Ахаавля жена ему, и сотвори лукавое пред Господем. II Kings 8:19 И не хотяше Господь потребити Иуды, Давида ради раба Своего, якоже рече дати ему светилник и сыном его во вся дни. II Kings 8:20 Во дни его отвержеся Едом из под руки Иудины и постави над собою царя. II Kings 8:21 И взыде Иорам в Сиор, и вся колесницы яже с ним. И бысть ему воставшу, и изби Едома обступившаго окрест его, и князи колесниц, и бежаша людие в селения своя. II Kings 8:22 И отступи Едом из под руки Иудины да дне сего: тогда отвержеся Ловна во время оно. II Kings 8:23 И прочая словес Иорамлих, и вся елика сотвори, не се ли, сия писана в книзе словес дний царей Иудиных? II Kings 8:24 И успе Иорам со отцы своими, и погребен бысть со отцы своими во граде Давида отца своего: и царствова Охозиа сын его вместо его. II Kings 8:25 В лето второенадесять Иорама сына Ахаавля царя Израилева, царствовати нача Охозиа сын Иорама царя Иудина: II Kings 8:26 сын двадесяти двух лет бысть Охозиа, егда нача царствовати, и лето едино царствова во Иерусалиме. Имя же матери его Гофолиа, дщерь Амвриа царя Израилева. II Kings 8:27 И хождаше по путем дому Ахаавля, и сотвори лукавое пред Господем, якоже дом Ахаавль: зять бо бе дому Ахаавля. II Kings 8:28 И иде со Иорамом сыном Ахаавлим на брань, на Азаила царя иноплеменнича в Рамоф Галаадский, и уязвиша Сиряне Иорама. II Kings 8:29 И возвратися царь Иорам целитися во Иезраель от язв, имиже уязвиша его в Рамофе, егда ратоваше той на Азаила царя Сирска, и Охозиа сын Иорамль царь Иудин сниде видети Иорама, сына Ахаавля, во Иезраель, яко боляше той. II Kings 9:0 II Kings 9:1 Елиссей пророк призва единаго от сынов пророчих и рече ему: препояши чресла своя, и возми сосуд елеа сего в руку твою, и иди в Рамоф Галаадский: II Kings 9:2 и внидеши тамо, и узриши тамо Ииуа сына Иосафата сына Намессиева, и внидеши, и изведеши его от среды братии его, и введеши его во внутреннюю клеть: II Kings 9:3 и возмеши сосуд елеа, и возлиеши на главу его, и рцы: сице глаголет Господь: помазах тя в царя над Израилем: и отверзеши двери, и да бежиши, и да не пребудеши тамо. II Kings 9:4 И иде отрочищь пророк в Рамоф Галаадский: II Kings 9:5 и вниде, и се, князи силы седяху, и рече: слово ми есть к тебе, о, княже. И рече Ииуй: к кому от всех нас? И рече: к тебе, княже. II Kings 9:6 И воста и вниде в дом: и возлия елей на главу его и рече ему: сице глаголет Господь Бог Израилев: помазах тя в царя над людьми Господними, над Израилем. II Kings 9:7 И да потребиши дом Ахаава господина твоего от лица Моего, и отмстиши кровь рабов Моих пророков и кровь всех рабов Господних от руки Иезавелины. II Kings 9:8 И от руки всего дому Ахаавля, и потребиши от дому Ахаавля мочащагося к стене, и содержащагося, и оставльшагося во Израили: II Kings 9:9 и предам дом Ахаавль, якоже дом Иеровоама сына Наватова и якоже дом Ваасы сына Ахиина: II Kings 9:10 и Иезавель снедят пси в части Иезраеля, и не будет погребающаго ю. И отверзе двери и убежа. II Kings 9:11 Ииуй же изыде ко отроком господина своего. И реша ему: мир ли? Что яко вниде неистовый сей к тебе? И рече им: вы весте мужа и суесловие его. II Kings 9:12 И реша: не правда, (аще не возвестиши?) возвести убо нам. И рече Ииуй к ним: тако и тако рече ко мне, глаголя: сице глаголет Господь: помазах тя в царя над Израилем. II Kings 9:13 И слышавше текоша спешно, и взя кийждо ризы своя, и положиша под ним, понеже на единем от степений седяше, и вострубиша в рог и реша: воцарися Ииуй. II Kings 9:14 И возвратися Ииуй сын Иосафата сына Намессиева ко Иораму. Иорам же сам стрежаше в Рамофе Галаадстем и весь Израиль от лица Азаила царя Сирийска. II Kings 9:15 И возвратися Иорам царь целитися во Иезраели от язв, имиже уязвиша его Сиряне, егда брашеся со Азаилом царем Сирийским. И рече Ииуй: аще есть душа ваша со мною, да не изыдет из града беглец, ити и возвестити во Иезраели. II Kings 9:16 И вседе на коня, и пойде Ииуй, и сниде во Иезраель, яко Иорам царь Израилев целяшеся во Иезраели от стреляний, имиже устрелиша его Арамины в Рамофе на брани со Азаилом царем Сирским, яко той бе силен и муж силы, и лежаше тамо. И Охозиа царь Иудин прииде видети Иорама. II Kings 9:17 И страж взыде на столп во Иезраели, и виде прах Ииуев, егда ити ему и рече: прах аз вижу. И рече Иорам: всади мужа на конь и посли противу им, и да речет: мир ли? II Kings 9:18 И иде всадник конный на сретение ему и рече: тако глаголет царь: мир ли? И рече Ииуй: что тебе и миру? Обратися вслед мене. И возвести страж, глаголя: прииде посланный до них и не возвратися. II Kings 9:19 И посла всадника коннаго втораго, и прииде к нему и рече: тако рече царь: мир ли? И рече Ииуй: что тебе и миру? Возвратися вслед мене. II Kings 9:20 И возвести страж, глаголя: прииде до них и не возвратися: и вождь ведяше Ииуа сына Намессиина, яко в премене бысть. II Kings 9:21 И рече Иорам: впрязите. И впрягоша колесницу: и изыде Иорам царь Израилев и Охозиа царь Иудин, кийждо на колеснице своей, и изыдоста на сретение Ииуа, и обретоста его и части Навуфеа Иезраилитина. II Kings 9:22 И бысть яко увиде Иорам Ииуа, и рече мир ли, Ииуе? И рече Ииуй что тебе и миру? Еще блуды Иезавели матери твоея, и чарове ея многия. II Kings 9:23 И обрати Иорам руки своя и бежа, и рече ко Охозии: лесть, Охозие. II Kings 9:24 И наляче Ииуй рукою своею лук и устрели Иорама посреде плещу его, и изыде стрела сквозе сердце его: и преклонися на колена своя. II Kings 9:25 И рече Ииуй к Вадекару тристату своему: возми и верзи его на части села Навуфеа Иезраилитина, яко помню, аз и ты вседшии на колесницы идохом вслед Ахаава отца его, и Господь рече о нем пррочество сие, глаголя: II Kings 9:26 не видех ли крове Навуфеевы и крове сынов его вчера, рече Господь? И воздам ему на части сей, рече Господь: и ныне убо взем поверзи его на части сей по глаголу Господню. II Kings 9:27 И Охозиа царь Иудин виде, и побеже путем вефган и гна по нем Ииуй и рече: и сего (не имам оставити). И порази его на колеснице егда идяше в Гай, иже есть Иевлаам и убежа в Магеддон, и умре тамо. II Kings 9:28 И возложиша его отроцы его на колесницу и везоша его во Иерусалим, и погребоша его во гробе его во граде Давидове. II Kings 9:29 И в первоенадесять лето Иорама царя Израилева воцарися Охозиа над Иудою. II Kings 9:30 И прииде Ииуй во Иезраель (град). Иезавель же услыша, и намаза лице свое и украси главу свою, и приниче окном. II Kings 9:31 И Ииуй вхождаше во град и рече: мир ли Замврию, убийце господина своего? II Kings 9:32 И воззре лицем своим на окно и виде ю и рече: кто ты еси? Сниди ко мне. И преклонистася к нему два скопца. II Kings 9:33 И рече Ииуй: сверзита ю. И свергоста ю, и окропишася кровию ея стены и кони, и попраша ю. II Kings 9:34 И вниде Ииуй, и яде и пи, и рече: осмотрите ныне проклятую сию, и погребите ю, яко дщерь царева есть. II Kings 9:35 И идоша погребсти ю, и не обретоша от нея ничто ино, токмо лоб и ноги и длани рук. II Kings 9:36 И возвратишася и возвестиша ему. И рече: слово Господне, еже глагола рукою раба Своего Илии Фесвитянина, глаголя: в части Иезраеля снедят пси плоть Иезавелину: II Kings 9:37 и будет труп Иезавелин аки гной на лицы села в части Иезраеля, яко не рещи им: сия есть Иезавель. II Kings 10:0 II Kings 10:1 И Ахааву беша седмьдесят сынове во Самарии. И написа писание Ииуй и посла в Самарию ко князем Самарийским и к старейшинам и ко кормителем сынов Ахаавлих, глаголя: II Kings 10:2 и ныне егда приидет писание сие к вам, и с вами сынове господина вашего, и с вами колесницы и кони, и грады тверды и оружия: II Kings 10:3 и узрите благаго и праваго в сынех господина вашего, и поставите его на престоле отца его, и да воюете о доме господина вашего. II Kings 10:4 И убояшася зело и реша: се, два царя не возмогоста стати противу лицу его, и како мы станем? II Kings 10:5 И послаша иже над домом и иже над градом, и старейшины, и кормителе ко Ииую, глаголголюще: отроцы мы твои, и елика аще речеши к нам, сотворим: не воцарим мужа, благое пред очима твоима сотворим. II Kings 10:6 И написа к ним Ииуй писание второе, глаголя: аще вы мои и гласа моего вы послушаете, возмите главы мужей сынов господина вашего и принесите ко мне, якоже час утро, во Иезраель. И бе сынов царевых седмьдесят мужей, сии началницы града вскормиша их. II Kings 10:7 И бысть егда прииде к ним писание, и взяша сыны царевы и заклаша их седмьдесят мужей, и возложиша главы их в кошницы и послаша их к нему во Иезраель. II Kings 10:8 И прииде вестник, и возвести ему, глаголя: принесоша главы сынов царевых. И рече: положите я в два холма при вратех града до заутра. II Kings 10:9 И бысть заутра, и изыде и ста во вратех града, и рече ко всем людем: праведни вы: се, аз есмь, обратихся на господина моего и убих его: и кто порази всех сих? II Kings 10:10 Видите убо, яко не падет от глагола Господня на землю, егоже глагола Господь на дом Ахаавль: и Господь сотвори, елика глагола рукою раба Своего Илии. II Kings 10:11 И изби Ииуй всех оставшихся в дому Ахаавли во Иезраели, и вся вельможы его, и знаемыя его, и жерцы его, яко не остатися его останку. II Kings 10:12 И воста и иде в Самарию сам, в Вефакад пастырский при пути. II Kings 10:13 И Ииуй обрете братию Охозии царя Иудина и рече: кто вы? И реша: братия Охозиины мы, и снидохом поздравити сыны царевы и сыны обладающия. II Kings 10:14 И рече: поимите я живы. И взяша их живых, и заклаша их в Вефакаде, четыредесять два мужа: и не остави мужа от них. II Kings 10:15 И иде оттуду, и обрете Ионадава сына Рихавля на пути во сретение себе, и благослови его. И рече к нему Ииуй: аще есть сердце твое с сердцем моим право, якоже сердце мое с сердцем твоим? И рече Ионадав: есть. И рече Ииуй: и аще есть, даждь руку твою. И даде руку свою. И возведе его к себе на колесницу II Kings 10:16 и рече к нему: гряди со мною и виждь, внегда ревновати мне по Господе саваофе. И посади его на колесницу свою. II Kings 10:17 И вниде в Самарию, и изби всех оставшихся Ахаавлих в Самарии, дондеже истребити ему по глаголу Господню, егоже глагола ко Илии. II Kings 10:18 И собра Ииуй вся люди и рече к ним: Ахаав поработа Ваалу мало, Ииуй же поработает ему много: II Kings 10:19 и ныне вся пророки Вааловы, вся рабы его и жерцы его призовите ко мне, муж да не потаится, яко жертва велика Ваалу: и всяк иже потаится, не будет жив. И Ииуй сотвори лестию, да погубит рабы Вааловы. II Kings 10:20 И рече Ииуй: освятите жертву Ваалу и служение. И проповедаша. II Kings 10:21 И посла Ииуй во весь Израиль и рече, глаголя: и ныне вси раби Вааловы, и вси жерцы его, и вси пророцы его, да никтоже останется, яко жертву велику творю: иже останется, не будет жив и приидоша вси раби Вааловы, и вси жерцы его, и вси пророцы его: не остася муж, иже не прииде: и внидоша во храм Ваалов, и наполнися храм Ваалов от края да края. II Kings 10:22 И рече Ииуй к сущым над домом одежд: изнесите одежды всем рабом Вааловым. И изнесе им ризохранитель. II Kings 10:23 И вниде Ииуй и Ионадав сын Рихавль в храмину Ваалову и рече рабом Вааловым: испытайте и видите, аще есть с вами от рабов Господних, и вышлите всех рабов Господних обретшихся тамо. И бысть якоже глагола Ииуй, яко не бе от рабов Господних, но токмо едини раби Вааловы. II Kings 10:24 И вниде сотворити жертвы и всесожжения и Ииуй постави себе вне осмьдесят мужей и рече: муж иже аще угонзет от мужей, ихже аз извожду в руки вашя, душа его вместо души его. II Kings 10:25 И бысть егда сконча творяй всесожжения, и рече Ииуй предтекущым и тристатом: вшедше избийте их, да не изыдет от них муж. И избиша их острием меча и повергоша предтекущии и тристаты, и идоша даже до града храма Ваалова: II Kings 10:26 и изнесоша кумир Ваалов и сожгоша его: II Kings 10:27 и разбиша кумиры Вааловы, и низвергоша дом Ваалов, и определиша его на афедрон даже до дне сего. II Kings 10:28 И погуби Ииуй храм Ваалов от Израиля. II Kings 10:29 Обаче от грехов Иеровоама сына Наватова, иже введе в грех Израиля, не отступи Ииуй от последования их: юницы златыя, яже в Вефили и в Дане. II Kings 10:30 И рече Господь ко Ииую: за сия, елика ублажил еси сотворити правое пред очима Моима, и вся елика по сердцу Моему сотворил еси дому Ахаавлю, сынове твои до четвертаго рода сядут на престоле во Израили. II Kings 10:31 И Ииуй не сохрани ходити в законе Господни всем сердцем своим: не отступи от грехов Иеровоама сына Наватова, иже в грех введе Израиля. II Kings 10:32 Во дни оны нача Господь посецати во Израили: и порази их Азаил во всех пределех Израилевых, II Kings 10:33 от Иордана на восток солнца, всю землю Галаадску и Гаддииску, и Рувимову и Манассиину, от Ароира, иже есть при устии потока Арнонска, и Галаад и Васан. II Kings 10:34 И прочая словес Ииуевых, и вся яже сотвори, и вся сила его, и совещания, яже совеща, не се ли, сия написана в книзе словес дний царей Израилевых? II Kings 10:35 И успе Ииуй со отцы своими, и погребоша его в Самарии. И воцарися Иоахаз сын его вместо его. II Kings 10:36 И дний бяше, в няже Ииуй царствова над Израилем в Самарии, двадесять осмь лет. II Kings 11:0 II Kings 11:1 И Гофолиа мати Охозиина виде, яко умре сын ея, и воста и погуби все семя царево. II Kings 11:2 Иосавееф же дщи царя Иорама, сестра Охозиина, поя Иоаса сына брата своего, и украде его от среды сынов царевых избиеных, того и доилицу его в клети постельней, и утаи его от лица Гофолиина, и не умертвиша его: II Kings 11:3 и бе с нею крыемь в дому Господни шесть лет: и Гофолиа бе царствующи в земли той. II Kings 11:4 И в седмое лето посла Иодай жрец, и поят стоначалники хорримски и расимски, и возведе я к себе в дом Господень, и завеща им завет Господень, и закля их пред Господем: и показа им Иодай сына царска, II Kings 11:5 и заповеда им, глаголя: сие слово, еже сотворите: третия часть от вас да снидет в субботу, и да стрежете стражбу дому царева во вратех, II Kings 11:6 и третия часть у дверий Пути, и третия часть у врат созади протекаюшнх, и да устрежете стражбу дому: II Kings 11:7 и две части в вас, всяк исходяй в субботу, и да хранят стражбу дому Господня при цари: II Kings 11:8 и обступите царя около, кийждо оружие свое имый в руце своей, и входяй в садироф и да умрет: и будите с царем, егда входити ему и исходити. II Kings 11:9 И сотвориша стоначалницы вся, елика заповеда Иодай смысленый: и поя кийждо мужы своя, и входящыя в субботу со исходяшими в субботу, и внидоша ко Иодаю жерцу. II Kings 11:10 И даде жрец сотником копия и щиты царя Давида, яже быша в дому Господни: II Kings 11:11 и быша в руках воевод и предтекущих, и сотвориша сотницы и предходящии по всему, елико заповеда им жрец. И собра жрец Господень вся люди земли в дом Господень: и сташа предтекущии, кийждо их оружие имый в руце своей, от страны дому десныя, даже да страны дому шуия жертвенныя, и дому царева около: II Kings 11:12 и изведе сына царева, и возложи на него венец (царский) и свидение, и воцари его, и помаза его. И восплескаша руками и реша: да живет царь. II Kings 11:13 И услыша Гофолиа глас предтекущих людий, и вниде к народу в дом Господень, II Kings 11:14 и виде, и се, царь стояше на столпе по обычаю: и бяху пред царем певцы и трубы, и вси людие земли радующеся и трубяще в трубы. И раздра Гофолиа ризы своя и возопи: измена, измена. II Kings 11:15 И заповеда Иодай жрец стоначалником и властелем силы, и рече к ним: изведите ю вон из полков, и входяй вслед ея смертию да умрет от оружия: понеже рече жрец, да не умрет в дому Господни. II Kings 11:16 И возложиша на ню руце, и изведоша ю скопцы путем исхода коней дому царева, и умре ту. II Kings 11:17 И завеща Иодай завет между Господем и между царем и между людьми, яко быти им в люди Господни: и между царем и между людьми. II Kings 11:18 И внидоша вси людие земли в дом Ваалов и разбиша его, и жертвенники его и образы его сокрушиша добре, и Мафана жерца Ваалова убиша пред лицем жертвенников. И постави жрец властели в дому Господни, II Kings 11:19 и взя стоначалники, и хоррима и расима, и вся люди земли, и изведе царя от дому Господня: и внидоша путем врат предтекущих дому царева, и посадиша его на престоле цареве. II Kings 11:20 И возрадовашася вси людие земли, и град умолче: и Гофолию умертвиша мечем в дому цареве. II Kings 11:21 Сын седми лет Иоас егда нача царствовати. II Kings 12:0 II Kings 12:1 В лето седмое Ииуа воцарися Иоас, и четыредесять лет царствова во Иерусалиме. Имя же матере его Савиа от Вирсавеи. II Kings 12:2 И сотвори Иоас правое пред Господем во вся дни, в няже просвети его Иодай иерей: II Kings 12:3 обаче высоких не преставиша, и тамо еще людие жряху и кадяху на высоких. II Kings 12:4 И рече Иоас к жерцем: все сребро святых вносимое в дом Господень, сребро оценения, муж сребро взявый оценения, все сребро, еже аще взыдет на сердце мужа внести в дом Господень, II Kings 12:5 да возмут себе жерцы, муж от продания своего, и тии да укрепят ведек дому во всех, идеже аще обрящется ведек. II Kings 12:6 И бысть в двадесять третие лето царя Иоаса, не укрепиша жерцы ведека храма: II Kings 12:7 и призва царь Иоас Иодая жерца и жерцы, и рече к ним: что яко не укреписте ведека храма? И ныне не приимайте сребра от продажей ваших, яко на ведек храма дасте е. II Kings 12:8 И совещашася жерцы не приимати сребра от людий и не укрепляти ведека храма. II Kings 12:9 И взя Иодай жрец кивот един, и сотвори в нем скважню, и положи его при олтари одесную входящих мужей в дом Господень: и влагаху тамо жерцы хранящии дверь все сребро приносимое в дом Господень. II Kings 12:10 И бысть егда увидеша, яко много сребра в ковчезе, и взыде писчий царев, и жрец великий, и сребросечцы и открыша, и сочтоша сребро обретшееся в дому Господни: II Kings 12:11 и даша сребро уготованное в руце творящих дела на сосуды дому Господня: и раздаша древоделем и делателем зиждущым в дому Господни, II Kings 12:12 и стеноделателем, и художником, и секущым камения на купление древес, и камения тесанаго на строение ведека дому Господня, на вся елика иждивена быша на утверждение храма. II Kings 12:13 Обаче не творишася храму Господню двери сребряны, гвоздие, фиалы и трубы, ни вси сосуды златы, и сосуды сребряны от сребра принесеннаго в дом Господень: II Kings 12:14 понеже творящым дела дадеся сие, и утвердиша тем дом Господень. II Kings 12:15 И не сочитаху мужей, имже даяху сребро в руки, даяти творящым дела, зане верно творяху. II Kings 12:16 Сребро за грехи и сребро за преступление, елико внесено бысть в дом Господень, жерцем бысть. II Kings 12:17 Тогда взыде Азаил царь Сирский и воева на Геф, и взя его Азаил и разби его: и обрати Азаил лице свое взыти на Иерусалим. II Kings 12:18 И взя Иоас царь Иудин вся святая, елика освяти Иосафат и Иорам и Охозиа, отцы его и царие Иудины, и святая его, и все злато обретшееся в сокровищих дому Господня и дому царева, и посла Азаилу царю Сирску, и отиде от Иерусалима. II Kings 12:19 И прочая словес Иоасовых, и вся елика сотвори, не се ли, сия писана в книзе словес дний царей Иудиных? II Kings 12:20 И восташа отроцы его, и совещаша всяк совет, и убиша Иоаса в доме Маллони, иже в Саале. II Kings 12:21 И Иезехар сын Иемуафов, и Иезевуф сын Сомиров, раби его убиша его, и умре, и погребоша его со отцы его во граде Давидове. И воцарися Амессиа сын его вместо его. II Kings 13:0 II Kings 13:1 В лето двадесять третие Иоаса сына Охозиина царя Иудина царствова Иоахаз сын Ииуев над Израилем в Самарии седмьнадесять лет, II Kings 13:2 и сотвори лукавое пред очима Господнима, и иде вслед грехов Иеровоама сына Наватова, иже в грех введе Израиля и не остася злобы тоя. II Kings 13:3 И разгневася Господь гневом на Израиля, и вдаде их в руце Азаилу царю Сирску и в руце сына Адера, сына Азаилева, во вся дни. II Kings 13:4 И помолися Иоахаз лицу Господню, и услыша его Господь, яко виде скорбь Израилеву, понеже оскорби их царь Сирский. II Kings 13:5 И даде Господь спасение Израилю, и избыша от руку Сирску: и вселишася и сынове Израилевы в селения своя якоже и вчера и третияго дне: II Kings 13:6 обаче не отступиша от грехов дому Иеровоама сына Наватова, иже и в грех введе Израиля, в нем ходяху: и дубрава стояше в Самарии. II Kings 13:7 Яко не осташася Иоахазу людие, но токмо пятьдесят конник, и десять колесниц, и десять тысящ пешцев, яко изгубил их царь Сирский, и положи я яко прах на попрание. II Kings 13:8 И прочая словес Иоахазовых, и вся елика сотвори, и силы его, не сия ли писана в книзе словес дний царей Израилевых? II Kings 13:9 И успе Иоахаз со отцы своими, и погребоша его в Самарии: и воцарися Иоас сын его вместо его. II Kings 13:10 В лето тридесять седмое Иоаса царя Иудина царствова Иоас сын Иоахазов над Израилем в Самарии шестьнадесять лет, II Kings 13:11 и сотвори лукавое пред очима Господнима: и отступи от всех грехов Иеровоама сына Наватова, иже в грех введе Израиля, в том хождаше. II Kings 13:12 И прочая словес Иоасовых и вся елика сотвори, и силы его, яже сотвори со Амессием царем Иудиным, не сия ли писана в книзе словес дний царей Израилевых? II Kings 13:13 И успе Иоас со отцы своими, Иеровоам же седе на престоле его: и погребен бысть Иоас в Самарии с царми Израилевыми. II Kings 13:14 И Елиссей разболеся болезнию своею, от неяже умре. И прииде к нему Иоас царь Израилев, и плакася над лицем его, и рече: отче, отче, колесница Израилева и кони его. II Kings 13:15 И рече ему Елиссей возми лук и стрелы. И взя к себе лук и стрелы. II Kings 13:16 И рече царю: возложи руку свою на лук. И возложи Иоас руку свою на лук, и Елиссей возложи руки своя на руки царевы, II Kings 13:17 и рече: отверзи окно еже на восток. И отверзе. И рече Елиссей: стрели. И стрели (царь). И рече Елиссей: стрела спасения Господня и стрела спасения на Сирию, и победиши Сирию во Афеке даже до скончания. II Kings 13:18 И рече ему Елиссей: возми лук. И взя. И рече царю Израилеву: удари на землю. И удари царь трижды, и ста. II Kings 13:19 И оскорбе человек Божий о нем и рече: аще бы ударил еси пятищи или шестищи, тогда бы еси поразил Сирию до скончания, ныне же победиши Сирию трижды. II Kings 13:20 И умре Елиссей, и погребоша его. Воини же Моавли приидоша в землю наставающу лету тому. II Kings 13:21 И бысть им погребающим мужа, и се, видеша воинов, и повергоша мужа во гробе Елиссеове: (и впаде тело человека мертва,) и прикоснуся костем Елиссеовым, и оживе и воста на ноги своя. II Kings 13:22 Азаил же оскорбляше Израиля во вся дни Иоахазовы. II Kings 13:23 И помилова и Господь, и ущедри я, и призре на ня завета ради Своего, иже со Авраамом и Исааком и Иаковом, и не восхоте Господь потребити их, ниже отверже их от лица Своего. II Kings 13:24 И умре Азаил царь Сирский, и воцарися Адер сын его вместо его. II Kings 13:25 И возвратися Иоас сын Иоахазов, и взя грады от руки Адера сына Азаилева, ихже взя от руку Иоахаза отца его в брани: трижды победи его Иоас, и возврати грады Израилевы. II Kings 14:0 II Kings 14:1 В лето второе Иоаса сына Иоахаза царя Израилева, и воцарися Амессиа сын Иоасов, царь Иудин: II Kings 14:2 сын двадесяти пяти лет бе, внегда царствовати ему и двадесять пять лет царствова во Иерусалиме. Имя же матере его Иоадина от Иерусалима. II Kings 14:3 И сотвори правое пред очима Господнима, обаче не якоже Давид отец его: по всем, елика сотвори отец его Иоас, сотвори, II Kings 14:4 токмо высоких не разруши: еще людие жряху и кадяху на высоких. II Kings 14:5 И бысть егда утвердися царство в руку его, и изби рабы своя убившыя отца его: II Kings 14:6 сынов же убийц тех не изби, якоже писано в книзе закона Моисеова, якоже заповеда Господь, глаголя: да не умирают отцы за сыны, и сынове да не умирают за отцы, но токмо кийждо за своя грехи да умрет. II Kings 14:7 Сей порази Едома в Гемеле десять тысящ и взя Камень и на брани, и нарече имя ему Иефоил до днешняго дне. II Kings 14:8 Тогда посла Амессиа послы ко Иоасу сыну Иоахаза сына Ииуа царя Израилева, глаголя: прииди, да видимся в лице. II Kings 14:9 И посла Иоас царь Израилев ко Амессии царю Иудину, глаголя: терн, иже в Ливане, посла к кедрови сущему в Ливане, глаголя: даждь дщерь твою сыну моему в жену: и приидоша зверие лужнии, иже в Ливане, и попраша терние:: II Kings 14:10 побивая поразил еси Идумею, и вознесе тя сердце твое, прославися седя в дому твоем, и почто любопришися в злобе твоей? И падеши ты, и Иуда с тобою. II Kings 14:11 И не послуша Амессиа. И взыде Иоас царь Израилев, и видестася лицем той и Амессиа царь Иудин в Вефсамисе Иудине. II Kings 14:12 И паде Иуда пред лицем Израилевым, и побеже кийждо в домы своя. II Kings 14:13 И Амессию сына Иоасова, сына Охозии, царя Иудина, ят Иоас сын Иоахазов царь Израилев в Вефсамисе: и прииде во Иерусалим, и разби стену Иерусалиму от врат Ефремлих до врат уголных, на четыреста лакот: II Kings 14:14 и взя сребро и злато, и вся сосуды обретеныя в дому Господни и в сокровищах дому царева, и сыны смесившихся, и возвратися в Самарию. II Kings 14:15 И прочая словес Иоасовых, елика сотвори в силе своей, якоже брася со Амессиею царем Иудиных, не сия ли писана в книзе словес дний царей Израилевых? II Kings 14:16 И успе Иоас со отцы своими и погребен бысть в Самарии с цари и Израилевыми. И воцарися Иеровоам сын его вместо его. II Kings 14:17 И поживе Амессиа сын Иоасов, царь Иудин, по умертвии Иоаса сына Иоахаза царя Израилева пятьнадесять лет. II Kings 14:18 И прочая словес Амессиевых, и вся елика сотвори, не сия ли писана в книзе словес дний царей Иудиных? II Kings 14:19 И восташа на него полки во Иерусалиме: и убеже в Лахисы, и послаша вслед его в Лахисы, и убиша его ту: II Kings 14:20 и взяша его на кони, и погребен бысть со отцы своими во Иерусалиме во граде Давидове. II Kings 14:21 И пояша вси людие Иудины Азарию, и той сын шестинадесяти лет, и поставиша его царем вместо отца его Амессии: II Kings 14:22 той созда Елоф, и возврати его Иуде по умертвии царя со отцы его. II Kings 14:23 В лето пятоенадесять Амессии сына Иоаса царя Иудина, царствова Иеровоам сын Иоасов над Израилем в Самарии четыредесять и едино лето, II Kings 14:24 и сотвори лукавое пред Господем: не отступи от всех грехов Иеровоама сына Наватова, иже в грех введе Израиля: II Kings 14:25 той приврати предел Израилев от входа Емафова даже и до моря аравитскаго, по глаголу Господа Бога Израилева, егоже глагола и рукою раба Своего Ионы, сына Амафиина, пророка, иже от Гефаховера, II Kings 14:26 яко виде Господь смирение Израилево горько зело, и мало содержимых, и умаленных, и оставленых, и не бе помогающаго им. II Kings 14:27 И не глагола Господь искоренити семене Израилева под небесем: и спасе я рукою Иеровоама сына Иоасова. II Kings 14:28 И прочая словес Иеровоамовых, и вся елика сотвори, и силы его, елика повоева, и како возврати Дамаск и Емаф Иуде во Израили, не сия ли писана в книзе словес дний царей Израилевых? II Kings 14:29 И успе Иеровоам со отцы своими, со цари Израилевыми: и воцарися Захариа сын его вместо его. II Kings 15:0 II Kings 15:1 В лето двадесять седмое Иеровоама царя Израилева воцарися Азариа сын Амессии царя Иудина: II Kings 15:2 сын шестинадесяти лет бе, егда нача царствовати, и пятьдесят два лета царствова во Иерусалиме. Имя же матере его Иехелиа от Иерусалима. II Kings 15:3 И сотвори правое пред очима Господнима по всему, елика сотвори отец его Амессиа, II Kings 15:4 обаче высоких не разори: еще людие жряху и кадяху на высоких. II Kings 15:5 И коснуся Господь царя, и бысть прокажен до дне смерти своея: и царствова в дому апфусоф. И Иоафам сын царев бе над домом судя людем земли тоя. II Kings 15:6 И прочая словес Азарии, и вся елика сотвори, не сия ли написана в книзе словес дний царей Иудиных? II Kings 15:7 И успе Азариа со отцы своими, и погребоша его со отцы его во граде Давидове. И воцарися Иоафам сын его вместо его. II Kings 15:8 В лето тридесять осмое Азарии царя Иудина царствова Захариа сын Иеровоамль над Израилем в Самарии шесть месяц. II Kings 15:9 И сотвори лукавое пред очима Господнима, якоже сотвориша отцы его, не отступи от всех грехов Иеровоама сына Наватова, иже в грех введе Израиля. II Kings 15:10 И востаста нань Селлум сын Иависов и Кевлаам, и поразиста его, и умертвиста его: и воцарися Селлум вместо его. II Kings 15:11 И прочая словес Захариевых, се, суть написана в книзе словес дний царей Израилевых. II Kings 15:12 Сие слово Господне, еже глагола ко Ииую, рекий: сынове четвертии сядут тебе и на престоле Израилеве. И бысть тако. II Kings 15:13 И Селлум сын Иависов воцарися во Израили: и в лето тридесять девятое Азарии царя Иудина, царствова Селлум месяц дний в Самарии. II Kings 15:14 И взыде Манаим сын Гаддиин от Ферсилы, и прииде в Самарию, и уби Селлума сына Иависова в Самарии, и умертви его, и воцарися вместо его. II Kings 15:15 И прочая словес Селлумовых, и совещание его, имже совещася, се, суть писана в книзе словес дний царей Израилевых. II Kings 15:16 Тогда порази Манаим и Ферсу, и вся, яже в ней, и пределы ея от Ферсы, понеже не отверзоша ему, и разби ю и всех, иже в ней, и имущих во чреве разсече. II Kings 15:17 В лето тридесять девятое Азарии царя Иудина, царствова Манаим сын Гаддиин над Израилем десять лет в Самарии, II Kings 15:18 и сотвори лукавое пред очима Господнима, (во вся дни своя) не отступи от всех грехов Иеровоама сына Наватова, иже в грех введе Израиля. II Kings 15:19 Во дни его взыде Фула царь Ассирийский на землю (Израилеву), и Манаим даде Фуле тысящу талант сребра, да будет рука его с ним, (еже укрепити царство в руку его). II Kings 15:20 И возложи Манаим дань на Израиля, на всех сильных, дати царю Ассирийску пятьдесят сикль сребра мужу коемуждо: и возвратися царь Ассирийск, и не ста тамо в земли. II Kings 15:21 И прочая словес Манаимовых, и вся елика сотвори, не се ли, сия написана в книзе словес дний царей Израилевых? II Kings 15:22 И успе Манаим со отцы своими, и воцарися Факиа сын его вместо его. II Kings 15:23 В лето пятьдесятое Азарии царя Иудина, царствова Факиа сын Манаимль над Израилем в Самарии лета два, II Kings 15:24 и сотвори лукавое пред очима Господнима, и отступи от грехов Иеровоама сына Наватова, иже в грех введе Израиля. II Kings 15:25 И воста на него Факей сын Ромелиин, тристат его, и уби его в Самарии близ дому царева, со Арговом и со Арием, и с ним (бяху) пятьдесят мужей от Галаадитов, и умертви его, и воцарися вместо его. II Kings 15:26 И прочая словес Факиевых, и вся елика сотвори се, суть, писана в книзе словес дний царей Израилевых. II Kings 15:27 В лето пятьдесят второе Азарии царя Иудина, царствова Факей сын Ромелиин над Израилем в Самарии двадесять лет, II Kings 15:28 и сотвори лукавое пред очима Господнима, не отступи от всех грехов Иеровоама сына Наватова, иже в грех введе Израиля. II Kings 15:29 Во дни Факеа царя Израилева прииде Фелгаффелласар царь Ассирийский, и взя Аин и Авелвефмааха, и Аоха и Кенезу, и Асора и Галаад и Галилею, всю землю Неффалимлю, и приведе я ко Ассирианом. II Kings 15:30 И воста Осиа сын Илы на Факеа сына Ромелиина, и порази его, и умертви его, и воцарися вместо его в двадесятое лето Иоафама сына Азариина. II Kings 15:31 И прочая словес Факеевых, и вся елика сотвори, се, сия написана в книзе словес дний царей Израилевых. II Kings 15:32 В лето второе Факеа сына Ромелиина царя Израилева воцарися Иоафам, сын Азарии царя Иудина: II Kings 15:33 сын двадесяти пяти лет бе, егда нача царствовати, и шестьнадесять лет царствова во Иерусалиме. Имя же матере его Иеруса дщи Садокова. II Kings 15:34 И сотвори правое пред очима Господнима, по всему елика сотвори отец его Азариа, II Kings 15:35 обаче высоких не разори: еще людие жряху и кадяху на высоких. Той созда двери храму Господню вышния. II Kings 15:36 И прочая словес Иоафамовых, и вся елика сотвори, не сия ли написана в книзе словес дний царей Иудиных? II Kings 15:37 Во дни оны начат Господь посылати на Иуду Раассона царя Сирска и Факеа сына Ромелиина. II Kings 15:38 И успе Иоафам со отцы своими, и погребен бысть со отцы своими во граде Давида отца своего. И воцарися Ахаз сын его вместо его. II Kings 16:0 II Kings 16:1 В лето седмоенадесять Факеа сына Ромелиина, воцарися Ахаз сын Иоафама царя Иудина: II Kings 16:2 сын двадесяти лет бе Ахаз, егда нача царствовати, и шестьнадесять лет царствова во Иерусалиме, и не сотвори правое пред очима Господа Бога своего верно, якоже Давид отец его, II Kings 16:3 и ходи в пути Иеровоама сына Наватова царя Израилева, ксему и сына своего преведе сквозе огнь по мерзостем языков, ихже отят Господь от лица сынов Израилевых: II Kings 16:4 и жряше и кадяше на высоких и на холмех и под всяким древом частым. II Kings 16:5 Тогда взыде Раассон царь Сирск и Факей сын Ромелиин царь Израилев во Иерусалим на брань, и воеваста на Ахаза, и не можаста (ему) одолети. II Kings 16:6 Во время оно возврати Раассон царь Сирский Елаф Сирии и изгна Иудеев из Елафа, и Идумее приидоша во Елаф и вселишася тамо даже до дне сего. II Kings 16:7 И посла Ахаз послы к Фелгаффелласару царю Ассирийску, глаголя: раб твой и сын твой аз есмь, взыди и отими мя от руки царя Сирска и от руки царя Израилева, воставших на мя. II Kings 16:8 И взя Ахаз злато и сребро обретшееся в сокровищих дому Господня и в сокровищих дому царева, и посла царю Ассирийску дары. II Kings 16:9 И послуша его царь Ассирийский: и взыде царь Ассирийский в Дамаск, и взя его, и пресели его, и Раассона царя уби. II Kings 16:10 И иде царь Ахаз на сретение Фелгаффелласару царю Ассирийску в Дамаск, и виде жертвенник в Дамасце: и посла царь Ахаз ко Урии иерею подобие жертвенника, и начертание, и все творение его. II Kings 16:11 И созда Уриа иерей жертвенник по всем, елика посла царь Ахаз от Дамаска. II Kings 16:12 И прииде царь Ахаз из Дамаска и виде жертвенник, и взыде на него, II Kings 16:13 и покади всесожжение свое и жертву свою и возлияние свое, и пролия кровь мирных на жертвенник, II Kings 16:14 олтарь же медяный, иже пред Господем, принесе от лица дому Господня, и от среды жертвенника и от среды дому Господня: и постави его о едину страну жертвенника к северу. II Kings 16:15 И заповеда царь Ахаз Урии иерею, глаголя: на жертвеннице велицем приношаяй всесожжения утренняя, и жертву вечернюю, и всесожжения царева, и жертву его, и всесожжения всех людий, и жертву их, и возлияния их, и всяку кровь всесожжения, и всяку кровь жертвенную излиеши на нем: олтарь не медян да будет мне на утро. II Kings 16:16 И сотвори Уриа иерей по всем, елика заповеда ему царь Ахаз. II Kings 16:17 И изсече Ахаз царь споения подставов, и пренесе от них умывалницу, и море низложи от волов медяных, иже беша под ним, и положи е на подставе каменнем: II Kings 16:18 и основание седалища создано в дому Господни, и вход царев внешний обрати в дом Господень, от лица царя Ассирийска. II Kings 16:19 И прочая словес Ахазовых, елика сотвори, не сия ли написана в книзе словес дний царей Иудиных: II Kings 16:20 и успе Ахаз со отцы своими, и погребен бысть со отцы своими во граде Давидове. И воцарися Езекиа сын его вместо его. II Kings 17:0 II Kings 17:1 В лето второенадесять Ахаза царя Иудина, царствова Осиа сын Илы в Самарии над Израилем девять лет, II Kings 17:2 и сотвори лукавое пред очима Господнима, обаче не якоже царие Израилевы, иже беша прежде его. II Kings 17:3 И взыде нань Саламанассар царь Ассирийск . И бысть ему Осиа раб и даваше ему дань. II Kings 17:4 И обрете царь Ассирийск во Осии неправду, занеже посла послы к Сигору царю Египетску и не принесе дани царю Ассирийску лета того. И осади его царь Ассирийский и связа его в храмине темничней. II Kings 17:5 И прииде царь Ассирийск во всю землю (его), и взыде в Самарию, и воева ю три лета. II Kings 17:6 В лето девятое Осии взя царь Ассирийский Самарию, и заведе Израилтян во Ассирию, и посели их на Алаи и на Аворе, реках Гозанских, и в пределех Мидских. II Kings 17:7 И (сие) бысть, яко согрешиша сынове Израилевы Господу Богу своему изведшему их из земли Египетския, из под руки фараона царя Египетска, и убояшася богов инех, II Kings 17:8 и ходиша по преданием языков, ихже истреби Господь от лица сынов Израилевых, и царие Израилевы елицы сотвориша, II Kings 17:9 и елицы сокрыша сынове Израилевы словеса, не тако на Господа Бога своего: и создаша себе высокая во всех градех своих, от столпа стрегущих даже до града тверда, II Kings 17:10 и поставиша себе кумиры и Дубравы на всяцем холме высоце и под всяким древом чащным, II Kings 17:11 и кадяху тамо на всех высоких, якоже языцы, яже удали Господь от лица их, и сотвориша общники, и начаша яве прогневляти Господа, II Kings 17:12 и послужиша идолом, о нихже рече им Господь: не сотворите глагола сего Господеви. II Kings 17:13 И засвидетелствова Господь во Израили и во Иуде, и руками всех пророк Своих всякаго прозорливаго, глаголя: обратитеся от путий ваших лукавых, и сохраните заповеди Моя и оправдания Моя, и весь закон, егоже заповедах отцем вашым, елика послах им руками раб Моих пророков. II Kings 17:14 И не послушаша, и ожесточиша выю свою паче выи отец своих, иже не вероваша Господу Богу своему: II Kings 17:15 и отвергоша завет Его и оправдания, яже завеща отцем их и свидений Его, елика засвидетелствова им, не сохраниша, и идоша вслед суетных и осуетишася, и вслед языков сущих окрест их, о нихже заповеда Господь их, еже не сотворити по сему: II Kings 17:16 и оставиша заповеди Господа Бога своего и сотвориша себе две юницы слиты, и сотвориша дубравы, и поклонишася всей силе небесней и послужиша Ваалу: II Kings 17:17 и превождаху сыны своя и дщери своя чрез огнь, и волхвоваху волхвованием и вражаху: и продашася, еже творити лукавое пред очима Господнима, еже прогневати Его. II Kings 17:18 И разгневася Господь на Израиля зело и отрину их от лица Своего, и не остася, токмо едино колено Иудино. II Kings 17:19 И Иуда такожде не сохрани заповедий Господа Бога своего: и хождаху по оправданием Израилевым, яже сотвориша, и отвергошася Господа. II Kings 17:20 И разгневася Господь на все семя Израилево и поколеба я, и даде я в руки расхищающым я дондеже отверже я от лица Своего. II Kings 17:21 Яко отторжеся Израиль от дому Давидова, и поставиша себе царя Иеровоама сына Наватова: и отрину Иеровоам Израиля от Господа и введе их во грех великий. II Kings 17:22 И хождаху сынове Израилевы по всему греху Иеровоамлю, егоже сотвори: не отступиша от него, II Kings 17:23 дондеже отверже Господь Израиля от лица Своего, якоже глагола Господь рукою всех раб Своих пророков. И преселен бысть Израиль от земли своея во Ассирианы, даже до дне сего. II Kings 17:24 И приведе царь Ассирийский из Вавилона иже от Хуфы и от Аиа, и от Емафа и Сепфаруима, и вселени быша во градех Самарийских вместо сынов Израилевых, и наследиша Самарию и вселишася во градех ея. II Kings 17:25 И бысть в начале седения их, не убояшася Господа, и пусти на ня Господь львы, и бяху убивающе я. II Kings 17:26 И реша царю Ассирийску, глаголюще: языки, ихже превел и пресадил еси во градех Самарийских, не разумеша суда Бога земли, и посла Господь на них львы, и се, суть убивающе их, яко не разумеша суда Бога земли. II Kings 17:27 И заповеда царь Ассирийский глаголя: отведите тамо единаго жерца от плененых, да идут и да вселятся тамо, и да просветит их судом Бога земли. II Kings 17:28 И отведоша единаго от жерцев ихже взяша от Самарии, и седе в Вефили, и бе просвещая жрец их, яко да убоятся Господа. II Kings 17:29 И беша творяще кийждо язык боги своя: и поставиша я во храмех на высоких, ихже сотвориша Самаряне, кийждо язык во градех своих, в нихже живяху. II Kings 17:30 И мужие Вавилонстии сотвориша Сокхоф Вениф, и мужие Хуфовы сотвориша Гигель, и мужие Емафовы сотвориша Асимаф, II Kings 17:31 и Евее сотвориша Авлазер и Фарфак и Сепфаруим, егда сожигаху сыны своя огнем Андрамелеху и Анемелеху, богом Сепфаруимским. II Kings 17:32 И бяху боящеся Господа: и вселиша мерзости своя во храмех на высоких, ихже сотвориша в Самарии, кийждо язык во граде, в немже живяху. II Kings 17:33 И беша боящеся Господа и сотвориша себе жерцы в высоких, и сотвориша себе в храмине высоких и Господа бояхуся, и идолом своим служаху по обычаю языков отюнудуже преселиша их. II Kings 17:34 Даже до дне сего тии творяху по обычаю их: не бояхуся Господа, и не творяху по оправданием их, и по суду их, и по закону, и по заповеди, юже заповеда Господь сыном Иаковлим, идеже и нарече имя ему Израиль. II Kings 17:35 И положи Господь с ними завет и заповеда им, глаголя: не убойтеся богов иных и не поклонитеся им, и не послужите им и не пожрите им: II Kings 17:36 но токмо Господеви, иже изведе вы из земли Египта крепостию великою и мышцею высокою: Того убойтеся, и Тому поклонитеся, и Тому пожрите: II Kings 17:37 и оправдания Его, и суды Его, и закон Его, и заповеди, яже написа вам творити, храните во вся дни, и не убойтеся богов иных: II Kings 17:38 и завета, егоже завеща с вами, не забывайте: и не убойтеся богов иных, II Kings 17:39 но токмо Господа и вашего убойтеся, и Той измет вы от всех враг ваших. II Kings 17:40 И не послушаша сего, но по обычаем своим преждним твориша. II Kings 17:41 И бяху языцы сии боящеся Господа, и изваянным своим служаще: такожде и сынове их и сынове сынов их, якоже сотвориша отцы их, тако творят и до сего дне. II Kings 18:0 II Kings 18:1 И бысть в лето третие Осии сына Илы царя Израилева, воцарися Езекиа сын Ахаза царя Иудина: II Kings 18:2 сын двадесяти пяти лет бе егда нача царствовати, и двадесять девять леть царствова во Иерусалиме. Имя же матере его Авуфа дщи Захариина. II Kings 18:3 И сотвори правое пред очима Господнима, по всем елика сотвори отец его Давид: II Kings 18:4 той разруши высокая, и сокруши вся капища, и искорени дубравы и змию медяную, юже сотвори Моисей, яко и до дний тех сынове Израилевы беху кадяще ей: и назва имя ей Неестан. II Kings 18:5 На Господа Бога Израилева упова, и но нем не бысть подобен ему в царех Иудиных и в бывших прежде его: II Kings 18:6 и прилепися Господеви, не отступи от Него, и сохрани заповеди Его, елики заповеда Моисей: II Kings 18:7 и бе Господь с ним, и во всех, яже творяше, смысляше. И сопротивися царю Ассирийскому и не поработа ему: II Kings 18:8 той победи иноплеменники даже до Газы и до предел ея, от столпа стрегущих и даже и града тверда. II Kings 18:9 И бысть в лето четвертое царя Езекии, сие же лето седмое Осии, сыну Илы, царю Израилеву, взыде Саламанассар царь Ассирийск на Самарию и обседе ю, II Kings 18:10 и взя ю при концы триех лет, в шестое лето Езекиево, сие лето девятое Осии царя Израилева, и пленена бысть Самариа. II Kings 18:11 И преведе царь Ассирийский Самаряны во Ассирию, и посади я на Алаи и на Аворе, реках Гозанских, и в пределех Мидских: II Kings 18:12 понеже не послушаша гласа Господа Бога своего и преступиша завет Его, вся елика заповеда Моисей раб Господень, и не послушаша, и не сотвориша. II Kings 18:13 И в четвертоенадесять лето царя Езекии, взыде Сеннахирим царь Ассирийский на грады Иудины твердыя и взят я. II Kings 18:14 И посла Езекиа царь Иудин послы к царю Ассирийску в Лахис, глаголя: согреших, возвратися от мене: еже аще возложиши на мя, то понесу. И возложи царь Ассирийский на Езекию царя Иудина триста талант сребра и тридесять талантов злата. II Kings 18:15 И даде Езекиа все сребро обретшееся в дому Господни и в сокровищих дому царева. II Kings 18:16 Во время оно ссече Езекиа царь Иудин двери храма Господня и утвержения, яже позлати Езекиа царь Иудин, и даде их царю Ассирийску. II Kings 18:17 И посла царь Ассирийск Фарфана и Равосаиа и Рапсака от Лахиса на Иерусалим к царю Езекии с силою тяжкою зело. И взыдоша, и приидоша ко Иерусалиму, и сташа у водотечи купели вышния, яже есть на пути села белилнаго, II Kings 18:18 и возопиша ко Езекии. И изыде к ним Елиаким сын Хелкиев строитель, и Сомнас книгочий, и Иоас сын Сафатов воспоминатель. II Kings 18:19 И рече к ним Рапсак: рцыте ныне ко Езекии: сице глаголет царь великий, царь Ассирийский: что упование сие, на неже уповаеши? II Kings 18:20 Рекл еси: токмо словеса устен, совет и сила на брань: ныне убо на кого надежду отвергл еси мене? II Kings 18:21 Ныне с, надеешися ты на жезл тростяный сломленый сей, на Египет ли? Наньже аще опрется муж, внидет в руку его и пронзет ю: тако фараон царь Египетский всем надеющымся нань: II Kings 18:22 и аще мне речете: на Господа Бога надеемся: не той ли сей, егоже и отстави Езекиа высокая его и жертвенники его, и рече Иуде и Иерусалиму: поклонитеся пред жертвенником сим во Иерусалиме? II Kings 18:23 И ныне соединитеся с господином моим царем Ассирийским, и дам тебе две тысящы коней, аще можеши имети всадники на ня: II Kings 18:24 и како отвратиши лице топарха единаго от рабов господина моего малейших, и уповал еси сам на Египет, на колесницы и кони? II Kings 18:25 И ныне убо еда без Господа взыдохом на место сие, еже потребити и рече бо Господь ко мне: взыди на землю сию и потреби ю. II Kings 18:26 И рече Елиаким сын Хелкиин и Сомнас и Иоас ко Рапсаку: глаголи ныне ко отроком твоим сирски, яко слышим мы, а не глаголи к нам иудейски, и почто глаголеши во ушы людий, иже на стене? II Kings 18:27 И рече к ним Рапсак: еда к господину твоему и к тебе посла мя господин мой глаголати словеса сия? Не к мужем ли седящым на стене, еже ясти им гной свой и пити им сечь свою с вами вкупе? II Kings 18:28 И ста Рапсак, и возопи гласом великим иудейски, и глагола, и рече: слышите словеса великаго царя Ассирийска: II Kings 18:29 сице глаголет царь: да не возносит вас царь Езекиа словесы, понеже не возможет вас изяти из руки моея: II Kings 18:30 и да не обнадеживает вас Езекиа Господем, глаголя: изимая измет вы Господь, и не имать предатися град сей в руце царя Ассирийска: II Kings 18:31 не послушайте Езекии, яко сице глаголет царь Ассирийский: сотворите со мною благословение и изыдите ко мне, и да пиет муж от винограда своего, и муж вкусит от смоквей своих, и да пиет воду от рова своего, II Kings 18:32 дондеже прииду и поиму вы в землю (такову) якоже земля ваша, земля пшеницы и вина, и хлебов и виноградов, земля масличин елеа и меда, и живи будете и не умрете: и не послушайте Езекии, яко прельщает вы, глаголя: Господь ны избавит: II Kings 18:33 еда избавляюще избавиша бози языков кийждо их свою страну из руки царя Ассирийска? II Kings 18:34 Где есть бог Емафа и Арфада? Где есть бог Сепфаруима, Ана и Ава? Еда избавиша Самарию из руку моею? II Kings 18:35 Кто во всех бозех земных, иже избавиша земли и от руки моея? И како измет Господь Иерусалима из руки моея? II Kings 18:36 И умолкоша людие и не отвещаша ему слова, яко заповеда им царь глаголя: не отвещайте ему. II Kings 18:37 И вниде Елиаким сын Хелкиин строитель, и Сомнас книгочий, и Иоас сын Сафатов воспоминатель ко Езекии, раздравше ризы своя, и возвестиша ему словеса Рапсакова. II Kings 19:0 II Kings 19:1 И бысть егда услыша царь Езекиа, и раздра ризы своя, и облечеся во вретище, и вниде в дом Господень. II Kings 19:2 И посла Елиакима строителя, и Сомнаса книгочиа и старейшины жерцев облечены во вретище ко Исаии пророку сыну Амосову. II Kings 19:3 И реша ему: сице глаголет Езекиа: день скорби и обличения и прогневания день сей, яко приидоша сынове даже до болезнорождения, и крепости несть раждающей: II Kings 19:4 аще како послушает Господь Бог твой всех словес Рапсаковых, егоже и посла царь Ассирийский господин его поносити Богу живому и хулити словесы, ихже слыша Господь Бог твой, и приими молитву о останце обретающемся. II Kings 19:5 И приидоша отроцы царя Езекии и ко Исаии. II Kings 19:6 И рече им Исаиа: сице рцыте господину вашему: тако глаголет Господь: не убойся от лица словес, ихже слышал еси, имиже похулиша Мя отроцы царя Ассирийска: II Kings 19:7 се, Аз даю ему духа, и услышит возвещение и возвратится в землю и свою: и низложу его оружием в земли и его. II Kings 19:8 И возвратися Рапсак и обрете и царя Ассирийска воююща на Ловну: услыша бо, яко отступи от Лахиса. II Kings 19:9 И слыша о Фараке цари Ефиопстем, глаголя: се, изыде ратоватися с тобою. И возвратися и посла послы ко Езекии, глаголя: тако рцыте Езекии царю Иудейску: II Kings 19:10 да не возносит тя Бог твой, на негоже ты надеешися глаголя: не имать предан быти Иерусалим в руце и царя Ассирийска: II Kings 19:11 се, ты слышал еси вся, елика и сотвориша царие Ассирийстии всем землем, еже прокляти их, и ты ли избудеши? II Kings 19:12 Еда избавляюще избавиша их и бози языков, ихже расточиша отцы и мои, Гозану и Харану, и Фаресу и сыны Едомли, иже во Фалассаре? II Kings 19:13 Где есть царь Емафов и царь и Арфадов? И где есть царь града Сепфаруима, Ана и Ава? II Kings 19:14 И прият царь Езекиа книги от руки послов и прочте я: и вниде в храм Господень, и разгну их Езекиа пред Господем, II Kings 19:15 и молися Езекиа пред Господем и рече: Господи Боже Израилев, седяй на Херувимех, Ты еси и Бог един бо всех царствиих земли, Ты сотворил еси небо и землю: II Kings 19:16 приклони, Господи, ухо Твое и услыши мя: отверзи, Господи, очи Твои и виждь, и услыши словеса Сеннахирима, яже посла поношая Тебе Богу живу: II Kings 19:17 яко поистинне, Господи, опустошиша царие Ассирийстии языки, II Kings 19:18 и даша боги их на огнь, яко не бози беша, но дела руку человечу, древа и камения, и погубиша я: II Kings 19:19 и ныне, Господи Боже наш, спаси ны из руки его, и уразумеют вся царствия земли, яко Ты еси Господь Бог един. II Kings 19:20 И посла Исаиа сын Амосов ко Езекии, глаголя: тако глаголет Господь Бог Сил, Бог Израилев: слышах, о нихже молился еси ко Мне, о Сеннахириме царе Ассирийсте. II Kings 19:21 Сие слово, еже глагола Господь на него: уничижи тя и поругася тебе девица и дщи Сионя, над тобою главою своею покива дщи Иерусалимля: II Kings 19:22 кому поносил еси, и кого похулил еси? И на кого вознесл еси глас, и воздвигл еси на высоту очи твои? На Святаго Израилева. II Kings 19:23 Рукою послов твоих поносил еси Господу, и рекл еси: со множеством колесниц моих взыду аз на вышнюю часть горы Ливанския, и усеку величество от кедр ея и избранныя кипарисов ея, и прииду в средину чащи Кармилския: II Kings 19:24 аз изсуших, и пиях воды чуждыя, и опустоших стопами ног моих вся реки окрестныя: II Kings 19:25 еда не слышал еси? Издавна ю сотворих, от дний первых создах ю и принесох ю: и бысть в холмы преселников воююших грады тверды: II Kings 19:26 и живущии в них изнемогоша рукою, сотрясошася и постыдешася, быша (яко) трава селная, или злачно былие, злак иже на зданиих, и попрания противу стоящаго: II Kings 19:27 и седение твое, и исход твой, и вход твой разумех, и гнев твой на Мя, II Kings 19:28 занеже разгневался еси на Мя и шум твой вниде во ушы Мои, и вложу удицу Мою в ноздри твоя и бразду во устне твои, и возвращу тя по пути, имже пришел еси. II Kings 19:29 И сие тебе знамение, (Езекие): яждь в сие лето прозябающая самородная, и в лето второе прозябающая, и в лето третие сейте семена и жните, садите винограды, и да ясте плод их: II Kings 19:30 и приложит спасшееся дому Иудова, оставшееся, корень доле, и сотворит плод горе, II Kings 19:31 яко из Иерусалима изыдет останок, и спасаемый из горы Сиони: ревность Господа Сил сотворит сие. II Kings 19:32 Сего ради тако глаголет Господь (Сил) на царя Ассирийска: не имать внити во град сей, и не имать устрелити нам стрелы, и не достигнет к нему щит, и не имать осыпати его землею: II Kings 19:33 но путем, имже прииде темже возвратится, и во град сей не имать внити, глаголет Господь, II Kings 19:34 и защищу град сей, еже спасти его Мене ради и Давида ради раба Моего. II Kings 19:35 И бысть в нощь ону, и сниде Ангел Господнь и уби от полка Ассирийскаго сто осмьдесят и пять тысящ. И восташа заутра, и се, вся трупия мертва. II Kings 19:36 И воста, и отиде, и возвратися Сеннахирим царь Ассирийский, и вселися в Ниневию. II Kings 19:37 И бысть ему кланяющуся во храме Месераха бога своего, и Адрамелех и Сарасар сынове его убиста его мечем: сами же бежаста в землю Араратску. И воцарися Асордан сын его вместо его. II Kings 20:0 II Kings 20:1 Во днех онех разболеся Езекиа (царь) да смерти. И вниде к нему Исаиа пророк сын Амосов и рече к нему: тако глаголет Господь: заповеждь дому твоему, умреши бо ты и не будеши жив. II Kings 20:2 И обрати Езекиа лице свое ко стене и помолися ко Господу, глаголя: II Kings 20:3 Господи помяни ныне, яко истиною ходих пред Тобою и сердцем совершенным, и угодная пред очима Твоима сотворих. И плакася Езекиа плачем великим. II Kings 20:4 И бяше Исаиа еще посреде двора, и бысть слово Господне к нему, глаголя: II Kings 20:5 возвратися и рцы Езекии вожду людий Моих: тако глаголет Господь Бог Давида отца твоего: услышах молитву твою и видех слезы твоя: се, Аз изцелю тя, и в день третий взыдеши в дом Господень: II Kings 20:6 и приложу к летом твоим лет пятьнадесять, и от руки царя Ассирийска избавлю тя и град сей, и защищу град сей Мене ради и Давида ради раба Моего. II Kings 20:7 И рече Исаиа: да возмут перевясло смоквей и да положат на вред, и изцелеет. II Kings 20:8 И рече Езекиа ко Исаии: кое знамение, яко изцелит мя Господь и взыду в дом Господень в день третий? II Kings 20:9 И рече Исаиа: сие знамение от Господа, яко сотворит Господь слово, еже глагола: (хощеши ли да) пойдет стень десять степений, или возвратится десять степений? II Kings 20:10 И рече Езекиа: удобно стени уклонитися десять степений: ни, но да возвратится стень на десять степений вспять. II Kings 20:11 И возопи Исаиа пророк ко Господу, и возвратися стень по числу назад десять степений. II Kings 20:12 Во время оно посла Мародах Валадан, сын Валаданов, царь Вавилонский, книги и дары ко Езекии: слыша бо, яко разболеся (царь) Езекиа. II Kings 20:13 И порадовася Езекиа о них, и показа им весь дом свой сокровищный, сребро и злато, и ароматы и елей добрый, и дом сосудов и елика обретошася в сокровищих его: и не бе места, егоже не показа им Езекиа в дому своем и во всей области своей. II Kings 20:14 И вниде Исаиа пророк ко Езекии царю и рече к нему: что глаголаша мужие сии, и откуду приидоша к тебе? И рече Езекиа: от земли дальния приидоша ко мне, от Вавилона. II Kings 20:15 И рече: что видеша в дому твоем? И рече Езекиа: вся, елика в дому моем, видеша: несть в дому моем, егоже им не показах, но и яже в сокровищих моих (видеша). II Kings 20:16 И рече Исаиа ко Езекии: слыши слово Господне: II Kings 20:17 се, дние грядут, рече Господь, взята будут вся, яже в дому твоем, и вся, яже собраша отцы твои до дне сего, внидут в Вавилон: и не останется слово, еже рече Господь. II Kings 20:18 И сынове твои, иже изыдут из тебе, ихже родиши, возмутся и будут скопцы в дому царя Вавилонскаго. II Kings 20:19 И рече Езекиа ко Исаии: благо слово Господне еже глагола: да будут мир во дни моя. II Kings 20:20 И прочая словес Езекиевых, и вся сила его, и елика сотвори, источник и водотечь, и введе воду во град, не се ли, сия написана в книзе словес дний царей Иудиных? II Kings 20:21 И успе Езекиа со отцы своими, и погребен бысть во граде Давидове. И воцарися Манассиа сын его вместо его. II Kings 21:0 II Kings 21:1 Сын дванадесяти лет Манассиа, егда нача царствовати, и пятьдесят пять лет царствова во Иерусалиме. Имя матере его Офовиа. II Kings 21:2 И сотвори лукавое пред очима Господнима, и хождаше вслед мерзостей языков, ихже отрину Господь от лица сынов Израилевых: II Kings 21:3 и обратися, и созда высокая, иже разори отец его Езекиа, и воздвиже жертвенник Ваалу, и сотвори дубравы, яже сотвори Ахаав царь Израилев, и поклонися всей силе небесней и поработа им: II Kings 21:4 и созда олтарь в дому Господни, якоже рече Господь: во Иерусалиме положу имя Мое. II Kings 21:5 И сотвори олтарь всей силе небесней на дву двору дому Господня: II Kings 21:6 и провождаше сыны своя чрез огнь, и вражаше, и волшвения творяше, и сотвори капища, и волшебницы умножи творити лукавое пред очима Господнима, еже прогневати Его: II Kings 21:7 и постави изваяное Дубравы в храме, о немже рече Господь к Давиду и к Соломону сыну его: в храме сем и во Иерусалиме, егоже избрах от всех колен Израилевых, и положу ту имя Мое на веки, II Kings 21:8 и не приложу подвигнутися нозе Израилеве от земли, юже дах отцем их, аще тии соблюдут вся елика заповедах, по всей заповеди, юже заповеда им раб Мой Моисей. II Kings 21:9 И не послушаша, и прельсти их Манассиа, еже сотворити лукавое пред очима Господнима паче язык, яже истреби Господь от лица сынов Израилевых. II Kings 21:10 И глагола Господь рукою рабов Своих пророков, глаголя: II Kings 21:11 за сия, елика сотвори Манассиа царь Иудин мерзости сия лукавыя, паче всех яже сотвориша Аморрее, иже прежде сего быша, и введе во грех и Иуду, в кумирех своих: II Kings 21:12 не тако: сице глаголет Господь Бог Израилев: се, Аз наведу злая на Иерусалим и на Иуду, яко всякому слышащему пошумят обоя уха его, II Kings 21:13 и простру на Иерусалим меру Самарийскую и весы дому Ахаавля: и истреблю Иерусалима, якоже изглаждается алавастр изглаждаемый и превращается в лице свое: II Kings 21:14 и изрину останки достояния Моего и предам их в руки врагов их, и будут в расхищение и в плен всем врагом своим: II Kings 21:15 понеже сотвориша лукавое пред очима Моима и быша прогневляюще Мя от дне, в оньже изведох отцы их от земли Египетския, и до дне сего. II Kings 21:16 Еще же кровь неповинную излия Манассиа многу зело, дондеже наполни Иерусалиму уста до уст, кроме грехов его, имиже во грех введе Иуду, сотворити лукавое пред очима Господнима. II Kings 21:17 И прочая словес Манассииных, и вся елика сотвори, и грех его, имже согреши, не сия ли написана в книзе словес дний царей Иудиных? II Kings 21:18 И успе Манассиа со отцы своими, и погребен бысть в вертограде дому своего, в вертограде Озы. И воцарися Аммон сын его вместо его: II Kings 21:19 сын двадесяти дву лет бе Аммон, егда нача царствовати и два лета царствова во Иерусалиме. Имя же матери его Месоллам, дщи Арусова из Иетевы. II Kings 21:20 И сотвори лукавое пред очима Господнима, якоже сотвори Манассиа отец его, II Kings 21:21 и хождаше по всему пути, имже ходи отец его, и поработа кумиром, имже поработа отец его, и поклонися им: II Kings 21:22 и остави Господа Бога отец своих, и не ходи путем Господним. II Kings 21:23 И восташа отроцы Аммоновы нань и умертвиша царя в дому его. II Kings 21:24 Людие же земли (тоя) избиша всех воставших на царя Аммона, и воцариша людие земли тоя Иосию сына его вместо его. II Kings 21:25 И прочая словес Аммоновых, елика сотвори, не се ли, сия написана и в книзе словес дний царей Иудиных? II Kings 21:26 И погребоша его во гробе его в вертограде Озине. И воцарися Иосиа сын его вместо его. II Kings 22:0 II Kings 22:1 Сын осми лет бе Иосиа, егда нача царствовати, и тридесять едино лето царствова во Иерусалиме. Имя же матери его Иедида, дщи Едеева, от Васурофа. II Kings 22:2 И сотвори правое пред очима Господнима, и хождаше во всех путех Давида отца своего, не совратися ни на десно, ни на шуее. II Kings 22:3 И бысть во осмоенадесять лето царства Иосиина, в седмый месяц, посла царь Сафана, сына Езелиина, сына Месолламля, книгочию дому Господня, глаголя: II Kings 22:4 взыди к Хелкии жерцу великому и запечатлей сребро внесеное в дом Господень, еже собраша стрегущии врат от людий, II Kings 22:5 и да дадут е в руки творящих дела приставником в храме Господни: да дадят е творящым дела в дому Господни, еже подкрепляти разселины храма, II Kings 22:6 древоделем и каменосечцем и покупающым древа и камение тесаное на утверждение разселин храма. II Kings 22:7 Обаче не сочисляху их о сребре даемем им, яко верно тии творяху. II Kings 22:8 И рече Хелкиа жрец великий ко Сафану книгочию: книгу закона (Божия) обретох в дому Господни. И даде Хелкиа книгу Сафану, и прочте ю. II Kings 22:9 И вниде в дом Господень и царю Иосии, и возвести царю слово и рече: слияша раби твои сребро обретшееся в дому Господни, и даша е приставницы в руки творящым дела в храме Господни. II Kings 22:10 И рече Сафан книгочия к царю, глаголя книгу закона даде ми Хелкиа жрец. И прочте ю Сафан пред царем. II Kings 22:11 И бысть яко услыша царь словеса книги законныя, и раздра ризы своя, II Kings 22:12 и заповеда царь Хелкии жрецу и Ахикаму сыну Сафаню, и Аховору сыну Михеину и Сафану книгочию и Асаию рабу цареву, глаголя: II Kings 22:13 приидите, испросите Господа о мне и о всех людех и о всем Иуде, и о словесех книги обретшияся сея, яко велик гнев Господень разжженый на нас, понеже не послушаша отцы наши словес книги сея, еже творити по всем написанным на ны. II Kings 22:14 И иде Хелкиа жрец и Ахикам, и Аховор и Сафан и Асаиас ко Олдаме пророчице, жене Селима сына Фекуева, сына Араса ризохранителя: и сия живяше во Иерусалиме в масене: и глаголаша к ней по сему. II Kings 22:15 И рече им: сице глаголет Господь Бог Израилев: рцыте мужеви пославшему вы ко мне: II Kings 22:16 тако глаголет Господь: се, Аз наведу злая на место сие и на живущыя в нем, вся словеса книжная, яже прочте царь Иудин: II Kings 22:17 понеже оставиша Мя и кадяху богом другим, яко да прогневают Мя делесы рук своих, и разжжется ярость Моя на место сие и не угаснет: II Kings 22:18 и ко царю Иудину пославшему вас вопросити Господа, сице рцыте ему: тако глаголет Господь Бог Израилев: словеса, яже слышал еси, II Kings 22:19 за сия, яко умягчися сердце твое и смирился еси пред лицем Господним, услышав елика глаголах на место сие и на живущыя в нем, еже быти в погубление и в проклятие, и раздрал еси ризы твоя, и плакался предо Мною, и Аз убо услышах, глаголет Господь: II Kings 22:20 сего ради Аз приложу тя ко отцем твоим, и соберешися во гроб твой в мире, и не узриши очима твоима всех злых, яже Аз имам навести на место сие и на живущыя в нем. II Kings 23:0 II Kings 23:1 И возвестиша сия глаголы цареви: и посла царь, и собра к себе вся старейшины Иудины и Иерусалимляны, II Kings 23:2 и вниде царь в дом Господень, и вси мужие Иудины и вси живущии во Иерусалиме с ним, и жерцы, и пророцы, и вси людие от мала и до велика, и прочте во ушеса их вся словеса книги завета обретшияся в дому Господни: II Kings 23:3 и ста царь у столпа и завеща завет пред Господем, еже ходити вслед Господа и хранити заповеди Его и свидения Его и оправдания Его всем сердцем и всею душею, еже возставити словеса завета сего, яже писана в книзе сей. И сташа вси людие в завете. II Kings 23:4 И заповеда царь Хелкии жерцу великому и жерцем вторым и стрегущым врат изнести от храма Господня вся сосуды сотвореныя Ваалу и Дубраве и всей силе небесней, и сожже и вне Иерусалима в Садимофе Кедрсте и изверже прах их в Вефиль: II Kings 23:5 и сожже хомаримы, ихже даша царие Иудины, и кадяху в высоких и во градех Иудиных и во окрестных Иерусалима, и кадящих Ваалу, и солнцу, и луне, и планетам и всей силе небесней: II Kings 23:6 и изнесе кумир из храма Господня вне Иерусалима на поток Кедрск, и сожже его в потоце Кедрсте, и истни в прах, и вверже прах их в гробы сынов людских: II Kings 23:7 и разруши храм кадисимов, иже бе в храме Господни, идеже жены прядяху ризы кумиру: II Kings 23:8 и возведе вся жерцы от градов Иудиных, и оскверни высокая, идеже кадяху жерцы, от Гаваи да Вирсавеи: и разруши храм врат, иже бе при дверех врат Иисуса князя граднаго, иже ошуюю входящым дверми града. II Kings 23:9 Обаче не вхождаху жерцы высоких ко олтарю Господню во Иерусалиме, но токмо ядяху опресноки посреде братии своея. II Kings 23:10 И оскверни Тафефа, иже в дебри сынов Еномлих, еже не превести мужу сына своего и мужу дщере своея Молоху сквозе огнь: II Kings 23:11 и сожже кони, ихже даша царие Иудины солнцу во входе храму Господня, при влагалищи Нафана, царева скопца во Фаруриме: и колесницу солнечную сожже огнем: II Kings 23:12 и олтари, яже на крове горницы Ахазовы, яже сотвориша царие Иудины и олтари, иже созда Манассиа во двою двору храма Господня, раскопа царь, и сверже оттуду, и всыпа прах их в поток Кедрск: II Kings 23:13 и храм, иже пред лицем Иерусалима, одесную горы Мосфаф, егоже созда Соломон царь Израилев Астарте мерзости Сидонстей и Хамосу мерзости Моавли и Молхолу мерзости сынов Аммоних, оскверни царь: II Kings 23:14 и сокруши столпы, и искорени дубравы, и наполни места их костми человеческими: II Kings 23:15 и олтарь иже во Вефили высокий, егоже сотвори Иеровоам сын Наватов, иже в грех введе Израиля, и олтарь той высокий раскопа, и сокруши камение его, и истни в прах, и сожже кумиры. II Kings 23:16 И восклонися Иосиа, и виде гробы сущыя во граде тамо, и посла, и взя кости от гроб, и сожже на олтари, и оскверни его по глаголу Господню, егоже глагола человек Божий, егда стояше Иеровоам в праздник пред олтарем: и обращься возведе очи свои на гроб человека Божия глаголавшаго словеса сия. II Kings 23:17 И рече: что могила сия, юже аз вижду? И реша ему мужие града: гроб сей человека Божия есть, иже прииде от Иуды и проглагола словеса сия, яже сотворил еси ныне над олтарем, иже в Вефили. II Kings 23:18 И рече: оставите его, да не подвижет ни един муж костей его. И оставиша кости его с костьми пророка пришедшаго от Самарии. II Kings 23:19 Еще и вся храмы высоких сущих во градех Самарийских, яже сотвориша царие Израилевы прогневляюще Господа, отверже Иосиа, и сотвори им вся дела, яже сотвори в Вефили, II Kings 23:20 и закла вся жерцы высоких сущыя тамо пред олтарми, и сожже на них кости человечи, и возвратися во Иерусалим. II Kings 23:21 И заповеда царь всем людем, глаголя: сотворите пасху Господеви Богу нашему, якоже писано в книзе завета сего: II Kings 23:22 яко не бысть пасха сия от дний судий, иже судиша Израилеви, и во всех днех царей Израилевых и царей Иудиных: II Kings 23:23 но токмо во осмоенадесять лето царя Иосии бысть пасха Господу во Иерусалиме. II Kings 23:24 Еще и волшебники, и вражбиты, и ферафимы, и кумиры, и вся мерзости бывшыя в земли Иудине и во Иерусалиме, искорени царь Иосиа, да утвердит словеса законная писанная в книзе, юже обрете Хелкиа жрец в храме Господни. II Kings 23:25 Подобен ему не бысть пред ним царь, иже обратися к Господеви всем сердцем своим и всею душею своею и всею силою своею по всему закону Моисеову, и по нем не воста подобен ему. II Kings 23:26 Обаче не отвратися Господь от ярости гнева Своего великаго, имже возярися гневом на Иуду, на прогневания, имиже прогнева Его Манассиа, II Kings 23:27 и рече Господь: еще и Иуду отрину от лица Моего, якоже отринух Израиля, и град сей отвергу, егоже избрах, Иерусалима, и храм, о немже рех: будет имя Мое ту. II Kings 23:28 И прочая словес Иосиевых, и вся елика сотвори, не сия ли написана в книзе словес дний царей Иудиных? II Kings 23:29 Во днех же его взыде фараон Нехао царь Египетск на царя Ассирийска на реку Евфрат: и изыде царь Иосиа на сретение ему, и уби его Нехао царь в Магеддоне, егда его узре. II Kings 23:30 И взяша его отроцы его мертва из Магеддона и принесоша его во Иерусалим, и погребоша его во гробе его во граде Давидове. И пояша людие земли тоя Иоахаза сына Иосиина и помазаша его, и воцариша его вместо отца его. II Kings 23:31 Сын двадесяти и триех лет бе Иоахаз, внегда нача царствовати и три месяцы царствова во Иерусалиме. Имя же матери его Амитала, дщи Иеремии из Ловны. II Kings 23:32 И сотвори лукавое пред очима Господнима, по всем елика сотвориша отцы его. II Kings 23:33 И пресели его фараон Нехао в Ревлаам в землю Емаф, да не царствует во Иерусалиме, и возложи дань на землю ту сто талант сребра и сто талант злата. II Kings 23:34 И постави царем фараон Нехао над ними Елиакима, сына Иосии царя Иудина, вместо Иосии отца его, и премени имя ему Иоаким: Иоахаза же взя и введе во Египет и умре тамо. II Kings 23:35 И сребро и злато даде Иоаким фараону, обаче написа землю даяти сребро по словеси фараоню: муж по оценению своему даяше сребро и злато от людий земли тоя даяти фараону Нехао. II Kings 23:36 Сын бе двадесяти и пяти лет Иоаким, егда нача царствовати, и единонадесять лет царствова во Иерусалиме. Имя же матери его Иелдаф, дщи Фадаиля, от Румы. II Kings 23:37 И сотвори лукавое пред очима Господнима, по всем елика сотвориша отцы его. II Kings 24:0 II Kings 24:1 Во днех его взыде Навуходоносор царь Вавилонский, и бысть ему Иоаким раб три лета, и отвратися, и отвержеся его. II Kings 24:2 И посла Господь ему единопоясники Халдейския и единопоясники Сирийския, поясники сынов Аммоних, и посла их в землю Иудову на побеждение по словеси Господню, еже глагола рукою рабов Своих пророков. II Kings 24:3 Обаче прииде по гневу Господню на Иуду, еже отставити его от лица Своего грех ради Манассииных, по всем елика сотвори, II Kings 24:4 и кровь неповинную пролия, и наполни Иерусалим крове неповинныя, сего ради не восхоте Господь умилостивитися. II Kings 24:5 И прочая словес Иоакимовых, и вся елика сотвори, не се ли, сия написана в книзе словес дний царей Иудиных? II Kings 24:6 И успе Иоаким со отцы своими, и воцарися Иехониа вместо его. II Kings 24:7 И не приложи ксему царь Египетский изыти из земли своея, яко взя царь Вавилонский от потока Египетска даже до реки Евфрата, вся елика быша царя Египетска. II Kings 24:8 Сын осминадесяти лет Иехониа, егда нача царствовати, и три месяцы царствова во Иерусалиме. Имя же матере его Несфа, дщи Еланасфана, от Иерусалима. II Kings 24:9 И сотвори лукавое пред очима Господнима, по всему елико сотвори отец его. II Kings 24:10 И в время то взыде Навуходоносор царь Вавилонскими на Иерусалим, и бысть град во облежении. II Kings 24:11 И прииде Навуходоносор царь Вавилонский на град Иерусалим, и отроцы его около обседяху град. II Kings 24:12 И изыде Иехониа царь Иудин ко царю Вавилонскому, сам и отроцы его, и мати его, и князи его, и скопцы его, и взя его царь Вавилонский в осмое лето царства своего. II Kings 24:13 И изнесе вся сокровища оттуду сущая во храме Господни и сокровища дому царева, и сокруши вся сосуды златыя, яже сотвори Соломон царь Израилев во храме по глаголу Господню, II Kings 24:14 и пресели Иерусалимляны и вся князи, и сильныя крепостию, плена десять тысящ пленив, и всякаго древоделя, и художники: и никтоже остася, токмо убозии земли тоя: II Kings 24:15 и преведе Иехонию в Вавилон, и матерь цареву, и жены царевы, и скопцы его, и крепкия земли тоя введе на преселение из Иерусалима в Вавилон: II Kings 24:16 и вся мужы силы, седмь тысящ, и древодель и художников тысящу, вси сильнии творящии брань, и введе их царь Вавилонский в преселение в Вавилон. II Kings 24:17 И постави царем Вавилонский царь Ватфанию сына его и вместо его, и преложи имя ему Седекиа. II Kings 24:18 Сын двадесяти и единаго лета Седекиа, внегда нача царствовати, и единонадесять лет царствова во Иерусалиме. Имя же матере его Амитала, дщи Иеремиина, от Ловны. II Kings 24:19 И сотвори лукавое пред очима Господнима, по всему елика сотвори Иоаким, II Kings 24:20 яко ярость бе Господня на Иерусалиме и на Иуде, дондеже отверже я от лица Своего. И отвержеся Седекиа царя Вавилонска. II Kings 25:0 II Kings 25:1 И бысть в лето девятое царства его, в месяц десятый, прииде Навуходоносор царь Вавилонский и вся сила его на Иерусалим: и обступи его отвсюду, и создаша окрест его бойницы. II Kings 25:2 И бысть град во облежении до первагонадесять лета царства Седекиина, девятаго дне месяца: II Kings 25:3 и превозможе во граде глад, и не бысть хлеба людем земли тоя: II Kings 25:4 и разседеся град, и вси мужие воинстии изыдоша нощию путем врат, яже посреде стен, яже суть у вертограда царева, и Халдее окрест града (беша). И побеже (царь Седекиа) путем пустынным: II Kings 25:5 и погна сила Халдейская вслед царя, и яша его во Аравофе Иерихонстем, и вся сила его разсыпася от него: II Kings 25:6 и пояша царя и поведоша его к царю Вавилонску в Ревлафу: и глагола с ним суд: II Kings 25:7 и сыны Седекиины закла пред очима его, и очи Седекиины избоде, и связа его узами, и отведе его во Вавилон. II Kings 25:8 В месяц же пятый, в седмый день месяца, сие лето девятоенадесять Навуходоносора царя Вавилонска, прииде Навузардан архимагир, раб царя Вавилонскаго, во Иерусалим II Kings 25:9 и зажже храм Господень и дом царев, и вся домы Иерусалимли и вся домы великия сожже архимагир: II Kings 25:10 и стены Иерусалимли окрест раскопа сила Халдейская. II Kings 25:11 И останок людий избывших во граде и впадших, иже отпадоша ко царю Вавилонску, и прочее и утверждение пренесе Навузардан воевода. II Kings 25:12 И от нищих земли тоя остави архимагир винограды блюсти и вертограды. II Kings 25:13 И столпы медяны в храме Господни, и подставы, и море медное сущее во храме Господни сокрушиша Халдее, и взяша медь их во Вавилон: II Kings 25:14 и конобы, и котлы и фиалы, и кадилницы, и вся сосуды медяныя, в нихже служаху, взяша: II Kings 25:15 и кадилницы, и фиалы златыя и сребряныя взя архимагир, II Kings 25:16 столпы два, и моря едино, и подставы, яже сотвори Соломон храму Господню: не бе веса меди всех сосудов. II Kings 25:17 Осминадесяти лакот бысть высота столпа единаго, и глава медяна на нем: и высота главе три лакти, и на главе мрежи и шипки окрест, вся медяна: по сему же и столп вторый со мрежею. II Kings 25:18 И поят архимагир Сареа жерца перваго и Софонию жерца втораго, и три стражы вратныя: II Kings 25:19 и от града взя скопца единаго, иже бе приставник над мужи военными, и пять мужей предстоящих пред лицем царевым, обретшихся во граде, и книгочиа князя силы, иже строяше люди земли тоя, и шестьдесят мужей людий земли тоя обретшихся во граде: II Kings 25:20 и поят я Навузардан архимагир, и приведе я к царю Вавилонскому в Ревлафу. II Kings 25:21 И порази их царь Вавилонский, и умори я в Ревлафе, в земли Емафове. И преселися Иуда свыше земли своея. II Kings 25:22 И людие оставшиися в земли Иудове, ихже остави Навуходоносор царь Вавилонский, и постави над ними Годолию, сына Ахикамля, сына Сафаня. II Kings 25:23 И услышаша вси князи силы сами и мужие их, яко постави царь Вавилонский Годолию, и приидоша к Годолии в Массифу, и Исмаил сын Нафаниин, и Иоанан сын Карифов, и Сараиа сын Фанамафов Нетофафитский, и Иезониа сын Махаффов, сами и мужие их (приидоша). II Kings 25:24 И клятся им Годолиа и мужем их и рече им: не бойтеся пришествия Халдеев: седите на земли и работайте царю Вавилонскому, и добро будет вам. II Kings 25:25 И бысть в месяц седмый, прииде Исмаил сын Нафаниин сына Елисамля от семене царска, и десять мужей с ним, и порази Годолию, и умре, и Иудеев и Халдеев, иже с ним бяху в Массифе. II Kings 25:26 И восташа вси людие, от мала и до велика, и князи сил, и внидоша во Египет, яко убояшася от лица Халдейска. II Kings 25:27 И бысть в лето тридесять седмое преселения Иоахина царя Иудина, в дванадесятый месяц, в двадесять седмый день месяца, вознесе Евилмародах царь Вавилонский, в лето царства своего, главу Иоахина царя Иудина, и изведе его из дому темницы его, II Kings 25:28 и глагола с ним благая, и даде престол ему свыше престолов царей, иже бяху с ним в Вавилоне: II Kings 25:29 и измени ризы его темничныя, и ядяше хлеб с ним всегда, во вся дни живота своего. II Kings 25:30 И пища его от дому царска давана бяше, и все изобилие во дни его, во вся дни живота его.
I Chronicles 0:0
Первая книга Паралипоменон I Chronicles 1:0 I Chronicles 1:1 Адам, Сиф, Енос, I Chronicles 1:2 Каинан, Малелеил, Иаред, I Chronicles 1:3 Енох, Мафусал, Ламех, I Chronicles 1:4 Ное, Сим, Хам, Иафеф. I Chronicles 1:5 Сынове Иафефовы: Гамер и Магог и Мадай, Иован, Елиса и Фовел, и Мосох и Фирас. I Chronicles 1:6 Сынове же Гамеровы: Асханаз и Рифаф и Форгама. I Chronicles 1:7 Сынове же Иовани: Елиса и Фарсис, и Хеттим и Доданим. I Chronicles 1:8 Сынове же Хамовы: Хус и Месраим, Фуд и Ханаан. I Chronicles 1:9 Сынове же Хусовы: Сава и Евила, и Савафа и Регма и Севефаха. Сынове же Регмановы: Сава и Дадан. I Chronicles 1:10 Хус же роди Неврода: сей нача быти исполин ловец на земли. I Chronicles 1:11 Месраим же роди Лодиима и Анамиима, и Лавиима и Неффосеимы, I Chronicles 1:12 и Фафероимы и Патросониимы, и Хаслоимы, от нихже изыдоша Филистими, и Каффориимы. I Chronicles 1:13 Ханаан же роди Сидона первенца своего и Хеттеа, I Chronicles 1:14 и Иевусеа и Аморреа, и Гергесеа I Chronicles 1:15 и Евеа, и Арукеа и Асенеа, I Chronicles 1:16 и Арадиа и Самареа и Амафиа. I Chronicles 1:17 Сынове же Симовы: Елам и Ассур, и Арфаксад и Луд и Арам. Сынове же Арамли: Уз и Ул, и Гефер и Мосох. I Chronicles 1:18 Арфаксад же роди Каинана, Каинан же роди Салу, Сала же роди Евера. I Chronicles 1:19 Еверу же родистася два сына: имя единому Фалек, яко бо дни его разделена бысть земля, и имя брату его Иектан. I Chronicles 1:20 Иектан же роди Елмодада и Салефа, и Асермофа и Иадера, I Chronicles 1:21 и Адорама и Узала, и Деклу I Chronicles 1:22 и Гамаала, и Авимеила и Саву, I Chronicles 1:23 и Уфира и Евилата и Иоава: вси сии сынове Иектановы. I Chronicles 1:24 Сынове же Симовы: Арфаксад, Каинан, Сала, I Chronicles 1:25 Евер, Фалек, Рагав, I Chronicles 1:26 Серух, Нахор, Фара, I Chronicles 1:27 Аврам, той есть Авраам. I Chronicles 1:28 Сынове же Авраамли: Исаак и Исмаил. I Chronicles 1:29 Сии же роди их: первенец Исмаилов Наваиоф и Кидар, и Навдеил и Мавсан, I Chronicles 1:30 и Масма и Идума, и Массий и Ходдад, и Феман I Chronicles 1:31 и Иетур, и Нафес и Кедма: сии суть сынове Исмаили. I Chronicles 1:32 Сынове же Хеттуры подложницы Авраамовы, и роди ему Зомврана и Иезана, и Мадала и Мадиама, и Иесвока и Суеа. Сынове же Иезани: Сава и Дедан. Сынове же Дедановы: Рагуил и Навдеил, и Ассуриим и Латусиим и Асомин. I Chronicles 1:33 Сынове же Мадиамли: Гефар и Офер, и Енох и Авида и Елдад: вси тии сынове Хеттурини. Роди же Авраам Исаака. I Chronicles 1:34 Сынове же Исааковы Исав и Израиль. I Chronicles 1:35 Сынове же Исавовы: Елифаз и Рагуил, и Иевул и Иеглом и Корей. I Chronicles 1:36 Сынове Елифазовы: Феман и Омар, и Софар и Гофам и Кенез. Фамна же подложница Елифазова роди ему Амалика. I Chronicles 1:37 Сынове же Рагуилевы: Нахеф и Заре, и Сомме и Мозе. I Chronicles 1:38 Сынове же Сиировы: Лотан и Совал, и Севегон и Ана, и Дисон и Асар и Рисон. I Chronicles 1:39 Сынове же Лотани: Хорри и Еман, и сестре Лотаня Фамна. I Chronicles 1:40 Сынове же Совали: Адуар и Манааф, и Увал и Саифи и онан. Сынове же Севегони: Аиа и Онам. I Chronicles 1:41 Сынове же Анани: Дисон и Еливама, дщи Ананя, двое. Сынове же Дисоновы: Амада и Есеван, и Ефран и Харран. I Chronicles 1:42 Сынове же Асаровы: Валаам и Занан и Илакан, и сынове Дисони: Ос и Арран. I Chronicles 1:43 И сии царие их, иже царствоваша в земли Едомли, прежде неже бысть царь над сыны Израилевыми: Валак сын Веоров, и имя граду его Деннава: I Chronicles 1:44 умре же Валак, и царствова вместо его Иовав, сын Зарин, от Восорры. I Chronicles 1:45 И умре Иовав, и царствова вместо его Асом от земли Феманони. I Chronicles 1:46 И умре Асом, и царствова вместо его Адад, сын Варадов, иже порази Мадиама на поли Моавли: и имя граду его Гетфем. I Chronicles 1:47 И умре Адад, и царствова вместо его Самаа от Мессеккаса. I Chronicles 1:48 И умре Самаа, и царствова вместо его Саул от Роовофа, иже близ реки. I Chronicles 1:49 Умре же Саул, и царствова вместо его Валаеннон сын Аховоров. I Chronicles 1:50 И умре Валаеннон, и царствова вместо его Адад сын Варадов, егоже граду имя бе Фогор и имя жене его Метевеиль, дщерь Матраифа. I Chronicles 1:51 И умре Адад, и начаша быти князи Едомли: князь Феман, князь Алуа, князь Иефаф, I Chronicles 1:52 князь Еливама, князь Ила, князь Финон, I Chronicles 1:53 князь Кенез, князь Феман, князь Вамаил, I Chronicles 1:54 князь Гамесил, князь Арераман. Сии быша князи Едомстии. I Chronicles 2:0 I Chronicles 2:1 Сынове же Израилевы сии суть: Рувим, Симеон, Левий, Иуда, Иссахар, Завулон, I Chronicles 2:2 Дан, Иосиф, Вениамин, Неффалим, Гад и Асир. I Chronicles 2:3 Сынове Иудины: Ир, Авнан и Силом: сии трие родишася ему от дщере Савы Хананитяныни. Бысть же Ир первенец Иудин лукав пред Господем: и уби его. I Chronicles 2:4 Фамарь же невестка его роди ему Фареса и Зару. Всех сынов Иудиных пять. I Chronicles 2:5 Сынове же Фаресовы: Есром и Иемуил. I Chronicles 2:6 Сынове же Зарины: Замврий и Ифам, и Емуан и Калхад и Даралей: всех пять. I Chronicles 2:7 Сынове же Хармиины Ахар, иже смути Израиля, иже сложися на проклятие. I Chronicles 2:8 И сынове Ифамли Азариа. I Chronicles 2:9 Сынове же Есромовы, иже родишася ему: Иерамеил и Арам и Халови. I Chronicles 2:10 Арам же роди Аминадава, Аминадав же роди Наассона, князя дому Иудину, I Chronicles 2:11 Наассон же роди Салмона, и Салмон роди Вооза, I Chronicles 2:12 и Вооз роди Овида, и Овид роди Иессеа. I Chronicles 2:13 Иессей же роди первенца своего Елиава, и втораго Аминадава, и третияго Самеа, I Chronicles 2:14 и четвертаго Нафанаила, и пятаго Реила, I Chronicles 2:15 и шестаго Асака, и седмаго Давида. I Chronicles 2:16 И сестры их быша: Саруиа и Авигеа. Сынове же Саруины: Авесса и Иоав и Асаил, трие сии. I Chronicles 2:17 Авигеа же роди Амессу, егоже отец бысть Иофор Исмаилтянин. I Chronicles 2:18 И Халев сын Есромов поя жену Азуву и Иериофу. И сии сынове ея: Иасар и Сував и Ардон. I Chronicles 2:19 И умре Азува, и взя себе Халев жену Ефрафу, яже роди ему Ора, I Chronicles 2:20 Ор же роди Урию, и Уриа роди Веселеила. I Chronicles 2:21 По сем же вниде Есром ко дщери Махира отца Галаадова, и сей поя ю, сый в летех шестидесяти пятих: и роди ему Сегува. I Chronicles 2:22 Сегув роди Иаира, и беша ему двадесять три грады в земли Галаадстей. I Chronicles 2:23 Взя же Гедсур и Арам веси Иаировы, Канаф и села его, шестьдесят градов. Вси тии сынове Махира отца Галаадова. I Chronicles 2:24 И по умертвии Есрома вниде Халев во Ефрафу, жена же Есромля Авиа, и роди ему Асдома отца Фекоева. I Chronicles 2:25 И беша сынове Иерамеила первенца Есромля: Рам первенец и Ваана, и Арам и Асом брат его. I Chronicles 2:26 И бе жена ина Иерамеилу, именем Атара, яже бысть мати Унамля. I Chronicles 2:27 И быша сынове Рама первенца Иерамеиля: Маас и Иамин и Акор. I Chronicles 2:28 И быша сынове Унамли Саммаа и Еддай. Сынове же Саммаины Надав и Ависур. I Chronicles 2:29 И имя жене Ависурове Авигеа: и роди ему Озва и Моддиа. I Chronicles 2:30 Сынове же Надавли Салад и Апфаин: и умре Салад не имый чад. I Chronicles 2:31 И сынове Апфаини Иесий: и сын Иесиев Сосан: и сынове Сосани Дадай. I Chronicles 2:32 Сынове же Дадаини: Ахисама и Иефер и Ионафан: и умре Иефер не имый чад. I Chronicles 2:33 Сынове же Ионафани Фалеф и Заза. Тии быша сынове Иерамеили. I Chronicles 2:34 Сосан же не име сынов, но точию дщери, и имяше Сосан раба Египтянина, именем Иераа: I Chronicles 2:35 и даде Сосан дщерь свою Иераю рабу своему в жену, и роди ему Еффеа, I Chronicles 2:36 Еффей же роди Нафана, и Нафан роди Заведа, I Chronicles 2:37 Завед же роди Офлада, Офлад же роди Иовида, I Chronicles 2:38 Иовид же роди Ииуа, Ииуй роди Азарию, I Chronicles 2:39 Азариа же роди Хеллиса, и Хеллис роди Елеаса, I Chronicles 2:40 Елеас же роди Сосомаиа, и Сосомай роди Саллума, I Chronicles 2:41 Саллум же роди Иекомию, и Иекомиа роди Елисама. I Chronicles 2:42 Сынове же Халева брата Иерамеиля, Мариса первенец его: той отец Зифов: и сынове Марисы отца Хевронова. I Chronicles 2:43 И сынове Хеврони: Корей и Фафуй, и Реком и Самаа. I Chronicles 2:44 Самаа же роди Раема, отца Иеркаанова, Иеркаан же роди Саммаа. I Chronicles 2:45 Сын же Саммаин Маон, и Маон отец Вефсуров. I Chronicles 2:46 Гефа же подложница Халевова роди Арана и Мосаа и Газера: Аран же роди Газиза. I Chronicles 2:47 Сынове же Аддаини: Регма и Иоафам, и Гирсом и Фалет, и Гефа и Сегав. I Chronicles 2:48 И подложница Халевова Моха роди Севера и Фархана. I Chronicles 2:49 Роди же Сагаф отца Мадминаева, и Саула отца Мадевина, и отца Аговдаева, и дщи Халевова Асха. I Chronicles 2:50 Сии бяху сынове Халевовы, сынове Ора первенца Ефрафова: Совал, отец Кариафиаримов, I Chronicles 2:51 и Соломон отец Вифлеемов, и Арим отец Вефгедоров. I Chronicles 2:52 Быша же сынове Совалу отцу Кариафиаримлю: Араа и Есий, и Амманиф I Chronicles 2:53 и Умасфае, и Кариафиарим и Мифифим, и Исамафим и Исамареим: от тех изыдоша Сарафее и Есфаголее. I Chronicles 2:54 Сынове же Соломони: Вифлеем и Нетофат и Атароф, дому Иоавля, и половина Манафиев Исараи, I Chronicles 2:55 отечества Писарей обитающих во Иависе, Фаргафиим и Самафиим и Сохафим: сии суть Кинее, иже приидоша от Емафа, отца дому Рихавля. I Chronicles 3:0 I Chronicles 3:1 Сии же быша сынове Давидовы, иже родишася ему в Хевроне: перворожденный Амнон от Ахинаамы Иезраилитиды: вторый Далуиа от Авигеи Кармилския: I Chronicles 3:2 третий Авессалом сын Маахи, дщере Фоломиа царя Гесурска: четвертый Адониа сын Аггифин: I Chronicles 3:3 пятый Сафатиа от Авиталы: шестый Иефраам от Аглаи жены его: I Chronicles 3:4 шесть родишася ему в Хевроне, идеже царствова седмь лет и шесть месяц: и тридесять три лета царствова во Иерусалиме. I Chronicles 3:5 И сии родишася ему во Иерусалиме: Самаа и Совав, и Нафан и Соломон, четыри от Вирсавии дщере Амииловы: I Chronicles 3:6 и Евар и Елисама, и Елифалет I Chronicles 3:7 и Нагис, и Нафек и Иафие, I Chronicles 3:8 и Елисама и Елиадак и Елифалет, девять. I Chronicles 3:9 Вси сынове Давидова кроме сынов подложничих и Фамары сестры их. I Chronicles 3:10 Сынове же Соломони: Ровоам, Авиа сын его, Аса сын его, Иосафат сын его, I Chronicles 3:11 Иорам сын его, Охозиа сын его, Иоас сын его, I Chronicles 3:12 Амасиа сын его, Озиа сын его, Иоафам сын его, I Chronicles 3:13 Ахаз сын его, Езекиа сын его, Манассиа сын его, I Chronicles 3:14 Амон сын его, Иосиа сын его. I Chronicles 3:15 Сынове же Иосиины: первенец Иоахаз, вторый Иоаким, третий Седекиа, четвертый Селлум. I Chronicles 3:16 Сынове же Иоакимовы: Иехониа сын его, Седекиа сын его. I Chronicles 3:17 Сынове же Иехониины: Асир, Салафииль сын его, I Chronicles 3:18 Мелхирам, Фадаиа и Анесар, и Иезекиа и Осамон и Савадиа. I Chronicles 3:19 Сынове же Салафиилевы: Зоровавель и Семей. Сынове же Зоровавелевы: Мосоллам и Ананиа, и Салимин сестра их, I Chronicles 3:20 и Асувеа и Оел, и Варахиа и Асадиа и Асовед, пять. I Chronicles 3:21 Сынове же Ананиины: Фалтиас, и Иесиа сын его, Рафал сын его, Орна сын его, Авдиа сын его, Сехениа сын его, I Chronicles 3:22 и сын Сехениин Самеа. И сынове Самеины: Хаттус и Иоил, и Верриа и Ноадиа и Саф, шесть. I Chronicles 3:23 И сынове Ноадиины: Елионей и Езекиа и Езрикам, трие. I Chronicles 3:24 Сынове Елионеевы: Уадиа и Елиасевон, и Фадаиа и Акаум, и Иоанан и Далеа и Анан, седмь.. I Chronicles 4:0 I Chronicles 4:1 Сынове же Иудины: Фарес, Есром и Хармий, и Ор и Сувал, I Chronicles 4:2 и Рада сын Суваль. Сувал же роди Иефа, Иеф же роди Ахимеа и Лаада: сии родове Арафиины. I Chronicles 4:3 И сии сынове Етановы: Иезраиль и Иесман и Иевдан: имя же сестре их Есиадесфон. I Chronicles 4:4 И Фануил отец Гедоров, и Езер отец Осань: сии сынове Ора первенца Ефрафа, отца Вефлаемля. I Chronicles 4:5 Ассуру же отцу Фекоеву бысте две жене: Халла и Маара: I Chronicles 4:6 роди же ему Маара Ахаза и Афера, и Фемана и Аасфира: вси сии сынове Маарины. I Chronicles 4:7 И сынове Хеллани: Сереф и Саар и Есфанам. I Chronicles 4:8 Кое же роди Енова и Совива и рождение брата Рихава, сына Иаримля. I Chronicles 4:9 Бысть же Иавис честнейший братии своея: и мати его нарече имя его в болезни. I Chronicles 4:10 И призва Иавис Бога Израилева, глаголя: аще благословляя благословиши мене и распространиши пределы моя, и будет рука Твоя со мною, и сотвориши мя во уразумение, еже не смирити мя. И даде ему Бог вся, елика просих есть. I Chronicles 4:11 Халев же отец Асхань роди Махира: сый отец Ассафонов. I Chronicles 4:12 И Ассафон роди Сафрефу и Фессию, и Фана отца града Нааса, брата Селома Кенезиина и Ахазова: сии мужие Рихавли. I Chronicles 4:13 Сынове же Кенезиины: Гофониил и Сараиа. Сынове же Гофониилевы Афаф. I Chronicles 4:14 Манафай же роди Гофора, и Сараиа роди Иорама, отца Гисасариимля, зане художницы быша. I Chronicles 4:15 Сынове же Халева сына Иефонниина Ир, Ила и Наам. Сынове же Илы Кенез. I Chronicles 4:16 Сынове же Амелимли: Зиф и Зефа, и Фириа и Есерил. I Chronicles 4:17 Сынове же Еврины: Иефер, Морад, и Афер и Иамон: и роди Иефер Марона, и Семею, и Иесву отца Гедорова и отца Есфамоня. I Chronicles 4:18 Жена же его сия Адиа роди ему Иареда отца Гедоря, и Авера отца Сохоня, и Ехфииля, отца Заноня. Сии же сынове Веффии дщере фараоновы, юже поят Морил. I Chronicles 4:19 И сынове жены Идумеаныни, сестры Ханема и Далиа отца Кеила, и Симеон отец Иомамов. И сынове Наимовы отца Кеилова: Гармий и Есфемоний иже из Махафы. I Chronicles 4:20 Сынове же Симеони: Амнон и Рамнон сын Анань и Фимнон. И сынове Еси: Зохаф, и сынове Зохафовы. I Chronicles 4:21 Сынове Силома, сына Иудина: Ир отец Лихавль, и Лаада отец Марисань: и племя дому делателей виссона в дому Есовы, I Chronicles 4:22 и Иоаким, и мужие Хозива и Иоас и Сараф, иже вселишася в Моаве: и возврати их Аведир в Мафукиим. I Chronicles 4:23 Сии скудельницы обитающии во атаиме и гадире с царем, и в царстве его укрепишася и вселишася тамо. I Chronicles 4:24 Сынове Симеони: Намуил и Иамин и Иарив, Саре, Саул. I Chronicles 4:25 Салем сын его, масан сын его, Масма сын его, I Chronicles 4:26 Амуил сын его, Савуд сын его, Закхур сын его, Семей сын его. I Chronicles 4:27 Сынове же Семеины шестьнадесять и дщерей шесть. Братиям же их не быша сынове мнози, и вся племена их не умножишася якоже сынове Иудины, I Chronicles 4:28 и обитаху в Вирсавеи и саваде, и Монаде и во Есерсуале, I Chronicles 4:29 и в Валааи и во Асеме, и во Фоладе I Chronicles 4:30 и в Вафуиле, и в Ерме и в Сикелаи, I Chronicles 4:31 и во Вефмаримофе и во Имисусеосине и в дому Варусеоримли: сии грады их даже до царя Давида, I Chronicles 4:32 и села их: Етам и Ин, Рамнон и Фоккан и Есар, градов пять. I Chronicles 4:33 И вся веси их окрест градов сих, даже до Ваала: сие обдержание их и разделение их. I Chronicles 4:34 Мосовав же и Иемолох, и Иосиа сын Амасиев, I Chronicles 4:35 и Иоиль и Ииуй сын Асавиев, сын Сараев, сын Асииль, I Chronicles 4:36 и Елионай и Иокава, и Иасуиа и Асеа, и Иедиил и Исмаил и Ванеа I Chronicles 4:37 и Зуза сын Сафеиев, сына Алоня, сына Иедиина, сына Семриня, сына Самеина. I Chronicles 4:38 Сии произшедшии во именех князей, в родех своих и в домех отечеств своих умножишася во множество, I Chronicles 4:39 и поидоша да внидут в Герары даже до восток дебри взыскати пажити скотом своим: I Chronicles 4:40 и обретоша пажити премноги и благи: и земля пространна пред ними, и мир и покой, зане прежде обитаху от сынов Хамовых тамо. I Chronicles 4:41 И приидоша сии написаннии имены во дни Езекии царя Иудина и побиша жителей их и обитание, ихже обретоша ту, и искорениша их даже до дне сего: и вселишася вместо их, яко пажить скотом их бяше тамо. I Chronicles 4:42 От сих же от сынов Симеоних идоша в гору Сиир мужей пять сот, и Фалтиа и Ноадиа, и Рафаиа и Озиил, сынове Иесы, князи их: I Chronicles 4:43 и побиша останки оставшыяся от Амалика, и вселишася тамо даже до дне сего. I Chronicles 5:0 I Chronicles 5:1 Сынове же Рувима первенца Израилева: яко той первенец: и внегда ему взыти на ложе отца своего, даде благословение его сыну своему Иосифу, сыну Израилеву, и не бысть (той) вменен в первенство, I Chronicles 5:2 яко Иуда силен крепостию и в братии своей, и в вожда из него, и благословение Иосифу. I Chronicles 5:3 Сынове Рувима первенца Израилева: Енох и Фаллус, Асрон и Хармий. I Chronicles 5:4 Сынове Иоилевы: Семей и Ванеа сын его. Сынове же Гога сына Семеина: I Chronicles 5:5 сын его Миха, сын его Риха, сын его Ваал, I Chronicles 5:6 Векра сын его, егоже пресели Фаглафалласар царь Ассирииский: сей бысть князь колена Рувимова. I Chronicles 5:7 И братия его во отечестве своем, в исчислениих своих, по родом их, князь Иоиль и Захариа, I Chronicles 5:8 и Валек сын Азузов, сын Саммы, сын Иоилев: той обита во Ароире и в Наване и Веелмаоне, I Chronicles 5:9 и противу востока обита даже до входа пустыни, от реки Евфрата, яко скот их мног в земли Галаадстей. I Chronicles 5:10 Во дни же Саула возведоша брань противу Агарян: и падоша в руках их обитающии в жилищах своих вси к востоку Галаадску. I Chronicles 5:11 Сынове Гадовы прямо их обиташа в земли Васани до Селха: I Chronicles 5:12 Иоиль первенец, и Сафам вторый, и Ианин книжник Васанский. I Chronicles 5:13 И братия их, по домом отечеств их: Михаил и Мосоллам, и Савей и Иора, и Иохан и Иовиа и Овид, седмь. I Chronicles 5:14 Сии сынове Авихаила сына Рувиина, и Адди, сына Галаадова, сына Михаилова, сына Иессеина, сына Иедаина, сына Вузова, I Chronicles 5:15 брата сына Авдиилова, сына Гуниина, князь дому отечеств их. I Chronicles 5:16 Обиташа в Галааде, в Васане и в весех их и во всех окрестных Саронских, даже до исхода. I Chronicles 5:17 Вси сии сочтени быша во дни Иоафама царя Иудина и во дни Иеровоама царя Израилева. I Chronicles 5:18 Сынове Рувимовы и Гадовы и полплемене Манассиина (биша) сынове сильни, мужие носяще щиты и мечы и напрязающе луки и научени брани, четыредесять и четыри тысящы и седмь сот и шестьдесят, исходящии на ополчение. I Chronicles 5:19 И твориша брань со Агаряны и Итуреаны, и Нафисеаны и Надавеаны, I Chronicles 5:20 и укрепишася над ними: и предашася в руце их Агаряне и вся обитания их, зане к Богу воззваша во брани, и услыша их, зане уповаша на Него. I Chronicles 5:21 И плениша имения их, велблюдов пятьдесят тысящ, и овец двести пятьдесят тысящ, и ослов две тысящы, и душ человеческих сто тысящ: I Chronicles 5:22 ранении же мнози падоша, зане (бысть) от Бога брань: и вселишася вместо их даже до преселения. I Chronicles 5:23 И полплемене Манассиина вселишася в земли от Васана даже до Ваала Ермоня и Санира и горы Аермонски: и сии в Ливане умножишася. I Chronicles 5:24 И сии (быша) князи дому отечеств их: Гофер и Иеси, и Елиил и Иеремиа, и Иодуиа и Иедиил, мужие сильни в крепости, мужие именитии, князи по домом отечеств своих. I Chronicles 5:25 И оставиша Бога отец своих и соблудиша вслед богов людий земли, ихже потреби Бог от лица их: I Chronicles 5:26 и воздвиже Бог Израилев дух Фула царя Ассирийска и дух Фаглафалласара царя Ассирийска, и пресели Рувима и Гада и полплемене Манассиина, и введе их во Аллан и Иовор, и во Аран и на реку Гозан, даже до дне сего. I Chronicles 6:0 I Chronicles 6:1 Сынове Левии: Герсон, Кааф и Мерари. I Chronicles 6:2 Сынове же Каафовы: Амрам и Иссаар, Хеврон и Озиил. I Chronicles 6:3 Сынове же Амрамли: Аарон и Моисей и Мариам. Сынове же Аароновы: Надав и Авиуд, Елеазар и Ифамар. I Chronicles 6:4 И Елеазар роди Финееса, и Финеес роди Авиуда, I Chronicles 6:5 и Авиуд роди Воккиа, и Воккий роди Озию, I Chronicles 6:6 Озиа же роди Сареа, и Сарей роди Мариофа, I Chronicles 6:7 Мариоф же роди Амарию, Амариа же роди Ахитова, I Chronicles 6:8 Ахитов же роди Садока, и Садок роди Ахимааса, I Chronicles 6:9 Ахимаас же роди Азарию и Азариа роди Иоанана, I Chronicles 6:10 Иоанан же роди Азарию, той есть Азариа, иже священствова в дому, егоже созда Соломон во Иерусалиме. I Chronicles 6:11 Роди же Азариа Амарию, и Амариа роди Ахитова, I Chronicles 6:12 Ахитов же роди Садока, и Садок роди Селлума, I Chronicles 6:13 и Селлум роди Хелкию, и Хелкиа роди Азарию, I Chronicles 6:14 и Азариа роди Сареа, и Сарей роди Иоседека. I Chronicles 6:15 Иоседек же изыде, егда пресели Господь Иуду и Иерусалима рукою Навуходоносора в Вавилон. I Chronicles 6:16 Сынове же Левиини: Герсон, Кааф и Мерари. I Chronicles 6:17 И сия имена сынов Герсоних: Ловений и Семей. I Chronicles 6:18 Сынове же Каафовы: Амрам и Иссаар, Хеврон и Озиил. I Chronicles 6:19 Сынове же Мерарины: Мооли и Муси. И сии роди Левиини по отечеством их. I Chronicles 6:20 Герсонови: Ловений сын его, Иеф сын его, Семна сын его, I Chronicles 6:21 Иола сын его, Аддо сын его, Зара сын его, Иефри сын его. I Chronicles 6:22 Сынове Каафовы: Иссаар сын его, Аминадав сын его, Корей сын его, Асир сын его, I Chronicles 6:23 Елкана сын его, Ависаф сын его, Асир сын его, I Chronicles 6:24 Кааф сын его, Уриил сын его, Озиа сын его, Саул сын его. I Chronicles 6:25 Сынове же Елкановы: Амаси сын его, Амиоф сын его, I Chronicles 6:26 Елкана сын его, Суфий сын его, и Нааф сын его, I Chronicles 6:27 Елиав сын его, Иеремеил сын его, Елкана сын его, Самуил сын его. I Chronicles 6:28 Сынове же Самуили: первенец его Иоиль и вторый Авиа. I Chronicles 6:29 Сынове же Мерарины: Мооли сын его, Ловений сим его, Семей сын его, Озиа сын его, I Chronicles 6:30 Саммаа сын его, Ананий сын его, Асаиа сын его. I Chronicles 6:31 Сии же суть, ихже постави Давид над певцы в дому Господни, егда постави кивот: I Chronicles 6:32 и бяху служаще пред скиниею дому свидения в пении, дондеже созда Соломон дом Господень во Иерусалиме, и стояху по чину своему в служении своем. I Chronicles 6:33 И сии предстоящии и сынове их от сынов Каафовых: Еман певец сын Иоиля, сына Самуилева, I Chronicles 6:34 сына Елканова, сына Еремеилева, сына Елиавля, сына Наафова, I Chronicles 6:35 сына Суфова, сына Елканаева, сына Амиофова, сына Амасова, I Chronicles 6:36 сына Елканова, сына Иоилева, сына Азариева, сына Сафаниева, I Chronicles 6:37 сына Маафова, сына ассерова, сына Авиасафова, сына Асирова, сына Кореова, I Chronicles 6:38 сына аминадавова, сына Исаарова, сына Каафова, сына Левиина, сына Израилева: I Chronicles 6:39 и брат его Асаф, иже стояша одесную его: Асаф сын Варахии, сына Самааева, I Chronicles 6:40 сына Михаилова, сына Масилова, сына Мелхиева, I Chronicles 6:41 сына Афаниева, сына Зараева, сына Адаиева, I Chronicles 6:42 сына Ифамова, сына Земмина, сына Семеиева, I Chronicles 6:43 сына Иеефова, сына Герсонова, сына Левиина. I Chronicles 6:44 Сынове же Мерарины братия их ошуюю: Ефам сын Хусии, сына Авдиина, сына Малохова, I Chronicles 6:45 сына Савиева, сына Амасиева, сына Хелкиева, I Chronicles 6:46 сына Амасиева, сына Ваниина, сына Семирова, I Chronicles 6:47 сына Моолиина, сына Мусиева, сына Мерарина, сына Левиина. I Chronicles 6:48 Братия же их по домом отечеств их, левитяне даны во всякое дело служения скинии дому Божия: I Chronicles 6:49 и Аарон и сынове его кадяху над олтарем всесожжений и над олтарем фимиама во всякое дело Святых Святым, и да молятся за Израиля по всему, елика повеле Моисей раб Божий. I Chronicles 6:50 Сии же сынове Аарони: Елеазар сын его, Финеес сын его, Авиуд сын его, I Chronicles 6:51 Вокхий сын его, Озий сын его, Сарей сын его, I Chronicles 6:52 Мариоф сын его, Амариа сын его, Ахитов сын его, I Chronicles 6:53 Садок сын его, Ахимаас сын его. I Chronicles 6:54 И сия обитания их, по селам их и в пределех их, сыном Аароним племени Каафову, тем бо бысть жребий: I Chronicles 6:55 и даша им Хеврон в земли Иудине и подградия его окрест его: I Chronicles 6:56 и села града и веси его даша Халеву сыну Иефонниину. I Chronicles 6:57 Сыном же Аароним даша грады убежищ: Хеврон и подградия его, и Ловну и подградия ея, и Алом и окрестная его, I Chronicles 6:58 и Келом и окрестная его, и Давир и окрестная его, I Chronicles 6:59 и Асан и подградия его, и Вефсамис и подградия его, и Вефсур и подградия его: I Chronicles 6:60 от колена же Вениаминова Гаваон и подградия его, и Еламоф и подградия его, и еламвей и подградия его, и Анафоф и подградия его: всех градов их тринадесять, градов по племенем их. I Chronicles 6:61 И сыном Каафовым оставшымся от племене рода, от полуплемене Манассиина, даша по жребию десять градов. I Chronicles 6:62 И сыном Герсоним по племенем их от колена Иссахарова и от колена Асирова, и от колена Неффалимова и от колена Манассиина в Васане, грады тринадесять. I Chronicles 6:63 И сыном Мерариным по племенем их от колена Рувимова и от колена Гадова и от колена Завулоня даша по жребию градов дванадесять. I Chronicles 6:64 Даша же сынове Израилевы левитом грады и подградия их. I Chronicles 6:65 Даша же по жребию от колена сынов Иудиных и от колена сынов Симеоних и от колена сынов Вениаминих грады сия, ихже назваша имены (своими). I Chronicles 6:66 И от племен сынов Каафовых, и быша грады пределов их от колена Ефремова: I Chronicles 6:67 и даша им грады убежищ: Сихем с подградиями его в горе Ефремове и Газер с подградиями его, I Chronicles 6:68 и Екмаан с подградиями его, и Вефорон и подградие его, I Chronicles 6:69 и Елон с подградиями его, и Гефремон с подградиями его: I Chronicles 6:70 и от половины колена Манассиина Анеир и подградия его, и Иевлаам и подградная его, по племени сыном Каафовым оставшымся. I Chronicles 6:71 Сыном Герсоним от отечеств полуплемене Манассиина Гавлон от Васана и подградная его, и Асироф с подградными его: I Chronicles 6:72 и от колена Иссахарова Кедес с подградными его, и Надар с подградными его, I Chronicles 6:73 и Рамоф и подградная его, и Енан с подградными его: I Chronicles 6:74 и от колена Асирова Масию с подградными его, и Рамоф и подградие его, I Chronicles 6:75 и Акак и подградие его, и Роов с подградными его: I Chronicles 6:76 и от колена Неффалимля Кадис в Галилеи и подградная его, и Хамоф с подградными его, и Кариафаим и подградная его. I Chronicles 6:77 И сыном Мерариным оставшымся от колена Завулоня Реммон и подградная его, и Фавор с подградными его, I Chronicles 6:78 и за Иорданом Иерихон противу востока Иорданова: от колена Рувимова Восор в пустыни с подградными его, и Есса с подградными его, I Chronicles 6:79 и Кадимоф и подградная его, и Моапсаф с подградными его: I Chronicles 6:80 и от колена Гадова Раммоф Галаадский и подградная его, и Наим с подградными его, I Chronicles 6:81 и Есевон с подградными его, и Иазир с подградными его. I Chronicles 7:0 I Chronicles 7:1 И сии сынове Иссахаровы: Фола и Фуа, и Ясув и Сомврам, четыре. I Chronicles 7:2 Сынове же Фолы: Озий и Рафеа, и Иериил и Амин, и Иаффам и Самуил, князи по домом отечеств их, иже от колена Фолина, крепцы силою по родом их, ихже число во дни Давидовы двадесять и две тысящы и шесть сот. I Chronicles 7:3 Сынове же Озиины Иезрий, и сынове Иезриины Михаил и Авдиа, и Иоиль и Иесиа, пять всех князей. I Chronicles 7:4 И с ними по родом их, по домом отечеств их, препоясани и сильни ко ополчению на брань, тридесять и шесть тысящ: много бо имеша жен и сынов. I Chronicles 7:5 Братия же их во всех племенех Иссахаровых крепцы силою, осмьдесят и седмь тысящ сочтение всех их. I Chronicles 7:6 Сынове же Вениаминовы: Валай и Ховор и Иедиил, три. I Chronicles 7:7 Сынове же Вллаевы: Есевон и Озиа, и Озиил и Иеримуф и Уриа, пять князей домов отечеств их, крепцы силою, и число их двадесять и две тысящы и тридесять четыре. I Chronicles 7:8 Сынове же Ховоровы: Замириа и Иоав, и Елиезер и Елиана, и Амариа и Иеримуф и Авиа и Анафоф и Елмефем: вси сии сынове Ховоровы. I Chronicles 7:9 Сочтение же их по родом их, князи домов отечеств их, крепцы силою, двадесять тысящ и двести. I Chronicles 7:10 Сынове же Иедиилевы Валаам, и сынове Валаамовы Иеос и Вениамин, и Аоф и Аханаан, и Зифан и Фарсис и Асаир: I Chronicles 7:11 вси сии сынове Иедиилевы, князи племен крепчайшии силою, седмьнадесять тысящ и двести ко ополчению с силою исходящии. I Chronicles 7:12 И Сафан и Ифан, сынове Иеримуфовы, Есуд сын его, I Chronicles 7:13 Неффалим сын его, и Есиил и Гоини, и Иесер и Селлим, сынове его, Валаам сын его. I Chronicles 7:14 Сынове Манассии: Езриил, егоже роди наложница его Сира, роди же ему и Махира отца Галаадова. I Chronicles 7:15 Махир же поят жену Офирови и Сафинови, и имя сестре его Мооха, имя же второму Салпаад. Родишажеся Салпааду дщери. I Chronicles 7:16 И роди Мооха жена Махирова сына и нарече имя его Фарес: и имя брату его Сороор: и сынове его Улам и Ракам. I Chronicles 7:17 Сынове же Уламовы Валаам: сии сынове Галаада сына Махирова сына Манассиева. I Chronicles 7:18 Сестра же его Малехеф роди Иесуда и Авиезера и Маалу. I Chronicles 7:19 Беху же сынове Семира: Аим и Сихем, и Докиим и Ениам. I Chronicles 7:20 Сынове же Ефремли Фусалам, и Раам сын его, и Фаам сын его, и Елаад сын его, и Фаа сын его, I Chronicles 7:21 и Завад сын его, и Софела сын его, и Езер и Езлада. Убиша же их мужие Гефстии, иже родишася в земли той: зане изыдоша взяти скоты их. I Chronicles 7:22 И плакася Ефрем отец их многи дни: и приидоша братия его, да утешат его. I Chronicles 7:23 И вниде к жене своей: и зача во чреве, и роди сына, и нарече имя его Вариа, яко в злых дому его рожден есть. I Chronicles 7:24 Дщи же его Сараа, и бо оных оставшихся: и созда Вефорон нижний и вышний и Садру. I Chronicles 7:25 Рафай же сын его, и Расеф и Фалай сынове его, и Фаан сын его, I Chronicles 7:26 и Ладан сын его, и Амиуд сын его, Елисама сын его, I Chronicles 7:27 Рун сын его, Иосий сын его. I Chronicles 7:28 И одержание их и обитание их Вефиль и веси его противу востока Наараня, и к западней стране Газера и веси его, и Сихем и веси его даже до Газы и веси ея, I Chronicles 7:29 и даже до предел сынов Манассииных, Вефсан и веси его, Фанаах и веси его, и Магеддон и веси его, Дор и веси его: в тех вселишася сынове Иосифа сына Израилева. I Chronicles 7:30 Сынове Асировы: Иамна и Есуд, и Иесуе и Вариа, и Сарреа сестра их. I Chronicles 7:31 Сынове же Вариевы Ховер и Мелхиил: сей отец Завефов. I Chronicles 7:32 И Ховер роди Иафлета и Сомира, и Хофана и Сулу сестру их. I Chronicles 7:33 И сынове Иафлетовы: Фасех и Амамааф и Асоаф: сии сынове Иафлетовы. I Chronicles 7:34 Сынове же Сомировы: Ихиур, Равгоа и Иава и Арам. I Chronicles 7:35 Сынове же Асуда брата его: Софа и Иамна, и Елим и Алам. I Chronicles 7:36 Сынове Софовы: Суе, Ариафер и Суан, и Ворин и Имрам, I Chronicles 7:37 и Васар и Иуд, и Самма и Селимван, и Иефран и Веера. I Chronicles 7:38 Сынове же Иеферовы: Иефон и Фасфа и Арей. I Chronicles 7:39 Сынове же Олани: Орех и Аниил и Расиа. I Chronicles 7:40 Вси сии сынове Асировы, вси князи домов отечества избраннии и крепцы силою, князи, воеводы: сочтение их во время брани на ополчение двадесять шесть тысящ мужей. I Chronicles 8:0 I Chronicles 8:1 Вениамин же роди Валу первенца своего, и Азвила втораго, и Диеру третияго, I Chronicles 8:2 и Науила четвертаго, и Рафу пятаго. I Chronicles 8:3 Быша же сынове Вале: Адир, Гира и Авиуд, I Chronicles 8:4 и Ависуй и Ноаман, и Ахиа I Chronicles 8:5 и Гира, и Сефуфам и Урам. I Chronicles 8:6 Сии сынове Аоди, сии суть князи племен обитающым в Гаваи, ихже преселиша в Мануаф: I Chronicles 8:7 и Нааман и Ахиа, и Гира, тойже иглаам, и (Гира) роди Азана и Нуа. I Chronicles 8:8 И Сеорим роди на поли Моавли, повнегда отпустити ему Осиму и Вааду жены своя: I Chronicles 8:9 роди же от Валы жены своея Иовава и Самию, и Мису и Мелхома, I Chronicles 8:10 и Иоаса и Сехию и Мармию: сии сынове его князи отечеств: I Chronicles 8:11 от Осимы же роди Амитова и Елифаада. I Chronicles 8:12 Сынове же Елифаадовы: Евер и Мисоам и Самиил: той созда Анон и Лодон и веси их, еод и веси его: I Chronicles 8:13 Вериа же и Сама. Сии князи племенем живущим во Еламе, и тии изгнаша живущих в Гефе. I Chronicles 8:14 И братия их Сосил и Иеримоф, I Chronicles 8:15 и Завадиа и Орид, и Авад I Chronicles 8:16 и Мосоллам, и Иесфа и Иезиа, сынове Вериины. I Chronicles 8:17 И Завадиа и Мосоллам, и Азаки и Авер, I Chronicles 8:18 и Иассий и Самари, и Иезелиа и Иовав, сынове Елфаали. I Chronicles 8:19 И Иаким и Хезрий, и Завдий I Chronicles 8:20 и Елиоинай, и Салафий и Елиил, I Chronicles 8:21 и Адаиа и Вареа и Самараф, сынове Семеины. I Chronicles 8:22 И Иесфан и Авер, и Елеил (и Адриа), I Chronicles 8:23 и Авдон и Зехрий, и Анан I Chronicles 8:24 и Ананиа, и Илам и Анафафиа, I Chronicles 8:25 и Иефадиа и Фануил, сынове Сосиковы. I Chronicles 8:26 И Самоас и Сареа, и Ефниа I Chronicles 8:27 и Иарасиа, и Илиа и Зехриа, сынове Иеромоимли. I Chronicles 8:28 Сии князи отечеств по племенем их: началницы сии обиташа во Иерусалиме. I Chronicles 8:29 В Гаваоне же вселися Иеиль отец Гаваона и имя жене его Мааха: I Chronicles 8:30 сын же его первенец Авдон, и Сур и Кис, и Ваел и Надав, и Нир I Chronicles 8:31 и Геддор и Аиуй и братия его, и Саур и Махелод. I Chronicles 8:32 Махелод же роди Самаа. Сии же обиташа прямо братии своей во Иерусалиме с братиею своею. I Chronicles 8:33 Нир же роди Киса, и Кис роди Саула, Саул же роди Ионафана и Мелхисуа, и Аминадава и Иесваала. I Chronicles 8:34 Сын же Ионафанов Мемфиваал (или Мемфивосфей): и Мемфиваал роди Миху. I Chronicles 8:35 Сынове же Михины: Фифоф и Малоф, и Фарес и Хааз. I Chronicles 8:36 Хааз же роди Иаду, Иада же роди Салемефа и Асмофа и Замвриа, Замврий же роди Месу, I Chronicles 8:37 Меса же роди Ваану: Рафеа сын его, Еласа сын его, Асаил сын его. I Chronicles 8:38 Асаилу же шесть сынов, и сия имена их: Езрикам первенец его, и Исмаил и Азариа, и Авдиа и Сараиа и Анан: вси тии сынови Асаилевы. I Chronicles 8:39 Сынове же Асена брата его: Улам первенец его, и Иесус вторый, и Елифас третий. I Chronicles 8:40 Быша же сынове Уламли мужие крепцы силою, напрязающе лук и умножающе сыны и сыны сынов, сто пятьдесят. Вси сии от сынов Вениаминих. I Chronicles 9:0 I Chronicles 9:1 И весь Израиль сочтен есть: и се, суть писаны в книзе царей Израилевых и Иудиных со преселившимися в Вавилон за беззакония своя, имиже беззаконноваша. I Chronicles 9:2 И иже обиташа первее во одержаниих своих во градех Израилевых, священницы и левити и вданнии (на служение). I Chronicles 9:3 И во Иерусалиме обиташа от сынов Иудиных и от сынов Вениаминих и от сынов Ефремлих и Манассииных: I Chronicles 9:4 Уфий сын Амиуды сына Амвриина, сына Амвраимова, сына Ваниина, сына сынов Фареса сына Иудина: I Chronicles 9:5 и от Силона Асаиа первенец его и сынове его: I Chronicles 9:6 от сынов же Зары Иеил и братия их шесть сот и девятьдесят. I Chronicles 9:7 И от сынов Вениаминих: Сахом сын Васоллама, сына Одуиева, сына Сануина: I Chronicles 9:8 и Иевнаа сын Иеровоамов и Елав: и сии сынове Озии сына Махирова: и Мосоллам сын Сафатии, сына Рагуилева, сына Иеваня. I Chronicles 9:9 Братия же их по родом их девять сот пятьдесят шесть, вси мужие князи племенем по домом отечеств своих. I Chronicles 9:10 От священник же Иодаиа и Иоарим, и Иоаким I Chronicles 9:11 и Азариа сын Хелкии, сына Мосолламова, сына Садокова, сына Марариофова, сына Ахитова началника дому Божия: I Chronicles 9:12 и Адиам сын Иероамль, сына Фасгора, сына Мелхиаева, и Маасий сын Адиила, сына Езирова, сына Мосолламля, сына Маселимофова, сына Еммарова. I Chronicles 9:13 Братия же их князи по домов отечеств своих, тысяща и седмь сот и шестьдесят, сильни крепостию к деланию служения в дому Божии. I Chronicles 9:14 От левит же Самеиа сын Асувов, сына Езрикамова, сына Савиева от сынов Мерариных, I Chronicles 9:15 Ваквакар же и Арис, и Гареа и Мафаниа сын Михаев, сына Зехри, сына Асафова: I Chronicles 9:16 и Авдиа сын Самеа, сына Галилова, сына Идифуня, и Варахиа сын Ассы, сына Елканова, иже обита во дворех Нетофафовых. I Chronicles 9:17 Дверницы же: Селлум и Акум, и Телмон и Емман, и братия их: Селлум князь. I Chronicles 9:18 И даже доселе во вратех царских к востоку: сия врата на ополчения сынов Левииных. I Chronicles 9:19 И Селлум сын Кореа, сына Авиасафова, сына Кореова: и братия его по дому отечеств их, Кореане над делами служения стрегуще стражбы скинии: а отцы их над полком Господним, стрегуще входа. I Chronicles 9:20 Финеес же сын Елеазаров бысть вождь их пред Господем, и сии с ним. I Chronicles 9:21 Захариа сын Мосолламов, дверник врат скинии свидения. I Chronicles 9:22 Вси избраннии дверницы над враты двести дванадесять, сии в селех своих сочтени: сих постави Давид и Самуил провидец в вере их. I Chronicles 9:23 И сии и сынове их (быша) при вратех дому Господня и в дому скинии стрещи почередно. I Chronicles 9:24 По четырем ветром быша двери к востоку, к западу, к северу, к югу. I Chronicles 9:25 Братия же их, иже живяху в селех своих, прихождаху по седми днех от времене даже до времене (на премену тем): I Chronicles 9:26 понеже четырем дверником сильным вверени быша двери: и левити быша над хранилищи, и над сокровищи дому Божия ополчахуся, I Chronicles 9:27 и окрест дому Божия живяху: яко на них бе стражба их: и сии над ключами, еже утро утро отверзати двери святилища. I Chronicles 9:28 От тех же (бяху) над сосуды служения, по числу бо вношаху сосуды и по числу изношаху я. I Chronicles 9:29 От тех же поставлени над сосуды и над всеми сосуды святыми, и над мукою пшеничною и вином и елеем, и фимиамом и ароматы. I Chronicles 9:30 От сынов же священнических беша мироварцы, миро соделоваху из аромат. I Chronicles 9:31 И Маттафиа от левит, сей первенец Селлуму Кореанину, емуже вверена дела жертвы сковрадныя великаго жерца: I Chronicles 9:32 и Ванеа Каафитянин от братий их над хлебы предложения, еже уготовляти в субботы и субботы. I Chronicles 9:33 И сии псалмопевцы князи отечеств левитских, определени почередно во храминах, повседневно, яко да день и нощь свое служение отслуживают. I Chronicles 9:34 Сии князи отечеств левитских по племенем своим, началницы сии пребываху во Иерусалиме. I Chronicles 9:35 В Гаваоне же живяше отец Гаваонь Иеиль: и имя жене его Мааха: I Chronicles 9:36 и сын первенец его Авдон, и Сур и Кис, и Ваель и Нир, и Надав I Chronicles 9:37 и Гедор, и братия его Аиун и Зехриа и Макелоф. I Chronicles 9:38 Макелоф же роди Саму: и сии вселишася посреде братий своих во Иерусалиме с братиями своими. I Chronicles 9:39 Нир же роди Киса, и Кис роди Саула, и Саул роди Ионафана и Мелхисуа, и Аминадава и Иесваала. I Chronicles 9:40 Сын же Ионафань Мемфиваал: и Мемфиваал роди Миху. I Chronicles 9:41 Сынове же Михи: Филоф и Мелхиил, и Фараа и Хааз. I Chronicles 9:42 Хааз же роди Иаду, Иада же роди Алефа и Асмофа и Замвриа: Замврий же роди Месу, I Chronicles 9:43 Меса же роди Ваану: Рафеа сын его, Еласа сын его, Асаил сын его. I Chronicles 9:44 Асаилу же (быша) шесть сынов, и сия имена их: Езрикам первенец его, и Исмаил и Азариа, и Авдиа и Анан и Аса: сии сынове асаиловы. I Chronicles 10:0 I Chronicles 10:1 Филистими же воеваша противу Израиля, и бежаша мужие Израилевы от лица иноплеменническа и падоша ранени на горе Гелвуи. I Chronicles 10:2 И погнаша иноплеменницы вслед Саула и вслед сынов его: и убиша иноплеменницы Ионафана и Аминадава и Мелхисуа, сынов Сауловых. I Chronicles 10:3 И отягчися брань на Саула, и обретоша его стрелцы в луках и в трудех, и изнеможе от стрел. I Chronicles 10:4 И рече Саул к носящему оружие его: извлецы мечь твой и прободи мя им, да не когда приидут необрезаннии сии и поругаются мне. И не восхоте носяй оружие его, яко убояся зело. И взя Саул мечь и нападе нань. I Chronicles 10:5 И виде носяй оружие его, яко умре Саул, и нападе и он на мечь свой и умре. I Chronicles 10:6 И умре Саул и три сына его в день он: и весь дом его купно умре. I Chronicles 10:7 И видеша вси мужие Израилевы, иже во юдоли, яко побежа Израиль, и яко умре Саул и сынове его, и оставиша грады своя и побегоша: и приидоша иноплеменницы и вселишася в них. I Chronicles 10:8 И бысть заутра, и приидоша иноплеменницы совлачати падших корысти, и обретоша Саула и сынов его падших на горе Гелвуи: I Chronicles 10:9 и обнажиша его, и взяша главу его и оружие его, и послаша в землю иноплеменничу, да обносится (и покажется) идолом их и людем: I Chronicles 10:10 оружия же их положиша в капищи бога своего: и главу его поткнуша в капищи Дагонове. I Chronicles 10:11 И услышаша вси живущии во Иависе Галаадстем вся, яже Филистими сотвориша Саулу и сыном его и Израилю: I Chronicles 10:12 и восташа от Галаада вси мужие крепцыи, и приидоша и взяша труп Саулов и труп сынов его, и принесоша их во Иавис, и погребоша кости их под дубом во Иависе: и постишася седмь дний. I Chronicles 10:13 И умре Саул за беззакония своя, имиже беззаконнова Господеви по словеси Господню, понеже не сохрани, яко вопроси Саул волшебницы еже вопросити, и отвеща ему Самуил пророк. I Chronicles 10:14 И не взыска Господа Саул: сего ради уби его и возврати царство его Давиду сыну Иессееву. I Chronicles 11:0 I Chronicles 11:1 И собрася весь Израиль к Давиду в Хеврон, глаголюще: се, кости твоя и плоть твоя мы: I Chronicles 11:2 вчера же и третияго дне, егда еще царствоваше Саул, ты был еси изводяй и вводяй Израиля, и тебе рече Господь Бог твой: ты упасеши люди Моя Израиля, и ты будеши князь над людьми Моими Израилем. I Chronicles 11:3 И приидоша вси старейшины Израилевы ко царю в Хеврон: и утверди Давид с ними завет в Хевроне пред Господем: и помазаша Давида в царя над Израилем по словеси Господню, (еже глагола) рукою Самуиловою. I Chronicles 11:4 И иде царь Давид и весь Израиль во Иерусалим, сей есть Иевус, идеже бяху Иевусее жителие земли. I Chronicles 11:5 Рекоша же Давиду, иже обиташа в Иевусе: не внидеши семо. И взя Давид крепость Сионю, яже есть град Давидов. I Chronicles 11:6 Рече же Давид: всяк иже убиет Иевусеа в первых, будет князь и воевода. И взыде нань прежде Иоав сын Саруиев и бысть князем. I Chronicles 11:7 И седе Давид во обдержании: сего ради именова е град Давидов. I Chronicles 11:8 И созда град окрест от Маала даже да окружения: Иоав же прочее града сострои: и воева и взя град. I Chronicles 11:9 Преспеваше же Давид идый и растый, и Господь Вседержитель бе с ним. I Chronicles 11:10 Сии же князи сильных Давидовых, иже помогаху ему в царстве его со всем Израилем, да царь будет по словеси Господню, над Израилем, I Chronicles 11:11 и сие число крепких Давидовых: Иесваал сын Ахамань, первый между тридесятми: той извлече мечь свой единожды на триста язвеных во едино время. I Chronicles 11:12 И по нем Елеазар, сын Додеа Ахохии: сей бе между треми сильными: I Chronicles 11:13 сей бе с Давидом в Фасодомине, идеже иноплеменницы собрани быша на брань, и бе часть нивы полна ячменя, и людие побегоша от лица иноплеменнича: I Chronicles 11:14 и ста посреде части и защити ю, и изби иноплеменники, и сотвори Господь спасение велие (людем Своим). I Chronicles 11:15 Снидоша же тии трие от тридесяти князей на камень ко Давиду в пещеру Одолламлю, а полк иноплеменничь стояше во юдоли Гигантов. I Chronicles 11:16 Давид же бе тогда в крепости, полк же иноплеменничь бе тогда в Вифлееме. I Chronicles 11:17 И возжада Давид и рече: кто напоит мя водою от кладязя Вифлеемска, иже есть во вратех? I Chronicles 11:18 И трие тии проторгошася сквозе полк иноплеменничь и почерпоша воду из кладязя, иже в Вифлееме, иже бе во вратех, и взяша и принесоша к Давиду, да пиет. И не восхоте Давид пити ея и возлия ю Господеви I Chronicles 11:19 и рече: милостив ми Бог, еже сотворити глагол сей: аще кровь мужей сих испию в душах их, понеже душами своими принесоша. И не восхоте пити ея. Сие сотвориша трие сильнии. I Chronicles 11:20 И Авесса брат Иоавль, той бе первый в триех: сей извлече мечь свой противу триех сот мужей во един час и уби их, и той бе посреде триех именит: I Chronicles 11:21 от триех между двема преславный, и бе им началник, обаче ко трием первым не достиже. I Chronicles 11:22 И Ванеа сын Иодаев, сын мужа крепкаго, многа дела его, от Каваслила: той уби двоих Ариилов Моавских, и той сниде и уби льва у кладязя во время снега: I Chronicles 11:23 и той уби мужа Египтянина, емуже возраст бе пять лакот, и в руце Египтянина копие яко вратило ткущих: и сниде к нему Ванеа с жезлом, и восхити копие из руки Египтянина и уби его копием его: I Chronicles 11:24 сия сотвори Ванеа сын Иодаев, и бе именит посреде триех сильных: I Chronicles 11:25 над тридесятию бе славен сей, а ко трием не достиже: и постави его Давид над отечеством своим. I Chronicles 11:26 И сильнии сил: Асаил, брат Иоавль, Елеанан, сын Додоев от Вифлеема, I Chronicles 11:27 Саммоф Аддитянин, Хелкий Афелонин, I Chronicles 11:28 Орей сын от Киса Фекуйский, Авиезер Анафофский, I Chronicles 11:29 Совохай Асофийский, Илий Ахойский, I Chronicles 11:30 Воорай сын Нетофафиев, Еллаф сын Ваинака Нетофафийскаго, I Chronicles 11:31 Ифай сын Ривеин от холма Вениаминя, Ванеа сын Фарафониев, I Chronicles 11:32 Урий от Неали, Галсавиил Аравефийский, I Chronicles 11:33 Азмоф Варсамийский, Елиава Саламийский, I Chronicles 11:34 Ирас Гоинийский, Ионафан сын Саги Арарийский, I Chronicles 11:35 Ахиам сын Сахара Арарийскаго, Зифаал сын Орин, I Chronicles 11:36 Афер Мехурафинский, Ахиа Фелонийский, I Chronicles 11:37 Асарай Мармелинский, Ноорай сын Авдиев, I Chronicles 11:38 Иоиль брат Нафанов, Мавар сын Тараиев, I Chronicles 11:39 Селлик Аммониин, Наарей Вирофин, иже носил оружие Иоава сына Саруиева, I Chronicles 11:40 Ира Иефериин, Гарив Фериин, I Chronicles 11:41 Уриа Хетфейский, Вазаф сын Оолиев, I Chronicles 11:42 Адина сын Саха, Рувима князь, и у него тридесять, I Chronicles 11:43 Анан сын Маахин, и Иосафат Фафаин, I Chronicles 11:44 Озиа Астарофин, Самма и Иеил сынове Хофана Арариина, I Chronicles 11:45 Иедиил сын Саамерин, и Иозае брат его Фосаин, I Chronicles 11:46 Иелиил Маоин, и Арива, и Осоиа сын его, Енаам, и Иефема Моавитский, I Chronicles 11:47 Елиил, и Овид, и Иесиил Месовиев. I Chronicles 12:0 I Chronicles 12:1 И сии приидоша ко Давиду в Сикелаг, егда еще обдержимь бяше от лица Саула сына Кисова: и сии от сильных помогающе во брани, I Chronicles 12:2 напрязающе лук десными и шуими руками, и пращницы каменем и стрелами, от братий Сауловых от (колена) Вениамина: I Chronicles 12:3 князь Ахиезер, и Иоас сын Самаа Гавафита, и Иезиил, и Фалиф, сынове Замофовы, и Варахиа, и Ииуа Анафофитин, I Chronicles 12:4 и Самаиа Гаваонитин, сильный посреде тридесятих и над тридесятию, и Иеремиа, и Иезекииль, и Иоаннан, и Иозаваф Гадарафитин, I Chronicles 12:5 Елиозий, и Иеримуф, и Ваалиа, и Самариа, и Сафатиа Аруфин, I Chronicles 12:6 Елкана, и Иесиа, и Иелиил, и Иезаар, и Иесваам, Коритяне, I Chronicles 12:7 и Иоила, и Завадиа, сынове Иероамли, и иже от Гедора. I Chronicles 12:8 И от Гадди прибегоша к Давиду, (егда таяшеся) в пустыни, мужие крепцы и бойцы нарочити, держащии щиты и копия: лица же их яко лица львова, и легцы яко серны на горах скоростию: I Chronicles 12:9 Азер в первых, Авдиа вторый, Алиад третий, I Chronicles 12:10 Масман четвертый, Иеремиа пятый, I Chronicles 12:11 Иеффиа шестый, Елиил седмый, I Chronicles 12:12 Иоанан осмый, Ельзавель девятый, I Chronicles 12:13 Иеремиа десятый, Махавенай первыйнадесять. I Chronicles 12:14 Сии от сынов Гадовых князи воинстии, един над стом малый, великий же над тысящею: I Chronicles 12:15 сии иже преидоша Иордан месяца перваго: и сей наполнен во всех брезех своих: и изгнаша всех, иже живяху в юдолех от восток даже до запад. I Chronicles 12:16 Приидоша же от сынов Вениаминих и Иудиных на помощь Давиду. I Chronicles 12:17 И изыде Давид во сретение им и рече им: аще мирно приидосте ко мне, да будет сердце мое такожде к вам: аще же предати мя супостатом моим не во истине руки, да видит Бог отец наших и судит. I Chronicles 12:18 И облече дух Амасию князя над тридесятию, и рече: иди, Давида сыне Иессеев, и людие твои: мир, мир тебе, и мир помощником твоим, яко тебе помогает Бог твой. И восприят их Давид и постави их князей сил. I Chronicles 12:19 И от Манассии прибегоша к Давиду, егда идяху иноплеменницы на Саула на брань, и не поможе им Давид, яко совет быти у воевод иноплеменничих, глаголющих: с главами мужей сих обратится ко господину своему Саулу. I Chronicles 12:20 И егда идяше Давид в Сикелаг, прибегоша к нему от Манассии Еднай и Иозаваф, и Иавнил и Михаил и Иосафаф и Елиу и Салафий, князи над тысящами у Манассии: I Chronicles 12:21 сии даша помощь Давиду на полчище геддуров, вси бо крепцы силою: и беша крепцы началницы в воинстве силою. I Chronicles 12:22 Зане на всяк день прихождаху к Давиду на помощь ему, в силу велику, аки сила Божия. I Chronicles 12:23 И сия имена князей воинства, иже приидоша ко Давиду в Хеврон, да возвратят царство Саулово к нему по словеси Господню: I Chronicles 12:24 сынове Иудины носящии щиты и копия шесть тысящ и осмь сот, крепцы ко ополчению: I Chronicles 12:25 от сынов Симеоних, крепцы силою на ополчение седмь тысящ и сто: I Chronicles 12:26 от сынов Левииных четыри тысящы и шесть сот: I Chronicles 12:27 и Иодда князь от колена Аароня, и с ним три тысящы и седмь сот: I Chronicles 12:28 и Садок, отрок крепкий силою, и дому отца его князи двадесять два: I Chronicles 12:29 от сынов же Вениаминих братий Сауловых три тысящы, и еще болшая часть их наблюдаше стражбу дому Сауля: I Chronicles 12:30 и от сынов Ефремлих двадесять тысящ и осмь сот крепцы силою, мужие именитии по домом отечеств их: I Chronicles 12:31 и от полуплемене Манассиина осмьнадесять тысящ, и иже нарекошася именем, да поставят царем Давида: I Chronicles 12:32 от сынов Иссахаровых мужие учени, иже познаваху времена разсуждению, что сотворити имать Израиль, в начала их двести, и вся братия их с ними: I Chronicles 12:33 и от Завулона исходящии ко ополчению брани, со всякими оружии бранными, пятьдесят тысящ, в помощь Давиду не с праздными руками: I Chronicles 12:34 и от Неффалима князей тысяща, и с ними в щитах и с копиями тридесять и седмь тысящ: I Chronicles 12:35 и от сынов Дановых ополчающиися на брань двадесять осмь тысящ и шесть сот: I Chronicles 12:36 и от Асира исходящии помощи в брани четыредесять тысящ: I Chronicles 12:37 и со оныя страны Иордана от сынов Рувимовых и от Гадовых и от полуплемене Манассиина во всем оружии браннем сто и двадесять тысящ. I Chronicles 12:38 Вси сии мужие браннии управлени ко ополчению сердцем мирным: и приидоша в Хеврон, да поставят царя Давида над всем Израилем: и прочии от Израиля едино сердце бяху, да царь будет Давид. I Chronicles 12:39 Быша же ту с Давидов три дни, ядуще и пиюще, уготоваша бо им братия их. I Chronicles 12:40 И иже близ их бяху даже до Иссахара и Завулона и Неффалима, приношаху им на ослех и велблюдех, и мсках и волех пищу, муку, перевясла смоквей и гроздие сухое, вино и елей, и волы и овны во множестве, радость бо бысть во Израили. I Chronicles 13:0 I Chronicles 13:1 И сотвори совет Давид (со князи) и тысящники, и сотники и всеми началники, I Chronicles 13:2 и рече Давид ко всему собранию Израилеву: аще угодно вам, и от Господа Бога нашего благопоспешится, да послем к братиям нашым оставшымся во всей земли Израилеве, и с ними священницы и левити, во градех обдержания их, да соберутся к нам, I Chronicles 13:3 и да принесем кивот Бога нашего к нам, не взыскахом бо его во дни Саули. I Chronicles 13:4 И отвеща все собрание, да тако будет, зане угодно бысть слово сие всем людем. I Chronicles 13:5 И собра Давид всего Израиля от предел Египетских даже до входа Имафова, еже внести кивот Божий от Града Иарима. I Chronicles 13:6 И принесе его Давид: и весь Израиль взыде во град Давидов, иже бяше Иудин, еже вознести тамо кивот Господа Бога седяща на Херувимех, идеже призвано есть имя Его: I Chronicles 13:7 и постави кивот Божий на колесницу нову из дому Аминадавля: Оза же и братия его ведяху колесницу: I Chronicles 13:8 Давид же и весь Израиль играху пред Богом всею силою и в песнех и в гуслех, и псалтири и тимпанех, и кимвалех и в трубах: I Chronicles 13:9 и приидоша ко гумну Хидоню: и простре Оза руку свою, да поддержит кивот, юнец бо уклони его: I Chronicles 13:10 и прогневася Господь гневом на Озу и порази его ту, того ради, яко простре руку свою (и прикоснуся) кивоту, и умре ту пред Богом. I Chronicles 13:11 И оскорбися Давид, яко пресече Господь пресечением Озу, и нарече место то пресечение Озане, даже до дне сего. I Chronicles 13:12 И убояся Давид Бога в той день, глаголя: како внесу ко мне кивот Божий? I Chronicles 13:13 И не возврати Давид кивота к себе во град Давидов, но возврати и в дом Аведдара Гефеина: I Chronicles 13:14 и пребываше кивот Божий в дому Аведдарове три месяцы, и благослови Бог Аведдара и вся, яже имеяше. I Chronicles 14:0 I Chronicles 14:1 И посла Хирам царь Тирский послы к Давиду, и древа кедровл, и здателей стен, и древоделей, да созиждут ему дом. I Chronicles 14:2 И позна Давид, яко уготова его Господь царем над Израилем, яко воздвижеся в высоту царство его, ради людий его Израиля, I Chronicles 14:3 и поят Давид еще жены во Иерусалиме: и родишася ему еще сынове и дщери. I Chronicles 14:4 И сия имена их, иже родишася ему во Иерусалиме: Саммаа и Совав, Нафан и Соломон, I Chronicles 14:5 и Иеваар и Елисуй и Елифааф I Chronicles 14:6 и Нагеф, и Нафаг и Иафие, I Chronicles 14:7 и Елисама и Валиада и Елифалет. I Chronicles 14:8 И услышаша иноплеменницы, яко помазан бысть Давид в царя над всем Израилем, и изыдоша вси иноплеменницы взыскати Давида. И услыша Давид и изыде противу их. I Chronicles 14:9 Иноплеменницы же приидоша и разлияшася во юдоли Исполинов. I Chronicles 14:10 И вопроси Давид Бога, глаголя: аще взыду на иноплеменники, и предаси ли их в руки моя? И рече ему Бог: взыди, и предам их в руки твоя. I Chronicles 14:11 И изыде во Ваал-Фарасин, и порази их тамо Давид. И рече Давид: разсече Бог враги моя рукою моею, якоже разсечение воды. Сего ради нарече имя месту тому Фарасин, Разсечение. I Chronicles 14:12 И оставиша тамо боги своя иноплеменницы, ихже Давид повеле сожещи огнем. I Chronicles 14:13 И приложиша еще иноплеменницы, и разлияшася еще во юдоли Исполинов. I Chronicles 14:14 И вопроси паки Давид Бога. И рече ему Бог: не исходи за ними: отвратися от них, и приидеши на них прямо грушей: I Chronicles 14:15 и будет егда услышиши глас шума верхов грушей, тогда изыдеши на брань, яко изыде Бог пред тобою, да поразит полки иноплеменнически. I Chronicles 14:16 И сотвори Давид, якоже повеле ему Бог: и порази полки филистимов от Гаваона даже до Газира. I Chronicles 14:17 И прославися имя Давидово во всех странах, и Господь даде страх его на вся языки. I Chronicles 15:0 I Chronicles 15:1 И сотвори себе домы во граде Давидове, и уготова место кивоту Божию, и сотвори ему скинию. I Chronicles 15:2 Тогда рече Давид: не леть есть, (да от всякаго) носится кивот Божий, но токмо от левит, понеже избра их Господь носити кивот Господень и служити Ему даже до века. I Chronicles 15:3 И собра Давид весь Израиль во Иерусалим, да внесется кивот Божий на место, еже уготова ему. I Chronicles 15:4 И собра Давид сынов Аароновых и левиты: I Chronicles 15:5 от сынов Каафовых Уриил началник и братия его, сто двадесять: I Chronicles 15:6 от сынов Мерариных Асаиа началник и братия его, двести пятьдесят: I Chronicles 15:7 от сынов Герсоних Иоиль началник и братия его, сто тридесять: I Chronicles 15:8 от сынов Елисафаних Семеиа началник и братия его, двести: I Chronicles 15:9 от сынов Хевроновых Елиил началник и братия его, осмьдесят: I Chronicles 15:10 от сынов Озиилевых Аминадав началник и братия его, сто дванадесять. I Chronicles 15:11 И призва Давид Садока и Авиафара священники, и левиты Уриила, Асаиа и Иоиля, и Семеиана и Елиила и Аминадава, I Chronicles 15:12 и рече к ним: вы, началницы отечеств левитских, освятитеся вы и братия ваша, и принесите кивот Господа Бога Израилева (на место), идеже уготовах ему: I Chronicles 15:13 яко прежде вам не готовым сущым, раздели Господь Бог наш в нас, яко не взыскахом Его по разсуждению. I Chronicles 15:14 И освятишася священницы и левити, да внесут кивот Господа Бога Израилева. I Chronicles 15:15 И взяша сынове левитстии кивот Божий, якоже повеле Моисей словом Божиим по писанию, рамены своими на носилех. I Chronicles 15:16 И рече Давид началником левитским: поставите братию свою певцев во органех, песнех мусикийских, псалтирех, в гуслех и кимвалех, да возгласят в высоту гласом веселия. I Chronicles 15:17 И поставиша левити Емана сына Иоилева: и от братий его Асафа сына Варахиина: и от сынов Мерариных, братий его, Ефана сына Кисеова: I Chronicles 15:18 и с ними братия их, втории (чином), Захариа и Озиил, и Семирамоф и Иеиил, и Ананий и Елиав, и Ванеа и Маасиа, и Маттафиа и Елифала, и Макениа и Авдедом, и Иеиил и Озиа, дверницы. I Chronicles 15:19 И певцы Еман, Асаф и Ефам в кимвалы медяны (возглашающе) в слышание: I Chronicles 15:20 Захариа же и Озиил, и Семирамоф и Иеиил, и Ананий и Елиав, и Маасиа и Ванеа со гусльми тайны пояху: I Chronicles 15:21 и Маттафиа и Елифала, и Макениа и Авдедом, и Иеиил и Озиа в кимвалех пояху, еже превзыти: I Chronicles 15:22 и Хонениа началник левитский, началник пений, зане разумен бе: I Chronicles 15:23 и Варахиа и Елкана дверницы кивота: I Chronicles 15:24 и Совениа и Иосафат, и Нафанаил и Амасиа, и Захариа и Ванай и Елиезер священницы трубящии трубами пред кивотом Божиим: и Авдедом и Иеиа дверницы кивота Божия. I Chronicles 15:25 И бе Давид и старейшины Израилевы и тысящницы идущии, еже изнести кивот завета Господня из дому Авдедомля с веселием. I Chronicles 15:26 И бысть егда укрепляше Бог левиты носящыя кивот завета Господня, и пожроша седмь телцев и седмь овнов: I Chronicles 15:27 Давид же бяше одеян ризою виссонною, и вси левити, носящии кивот завета Господня, певцы же и Хонениа началник песней поющих, на Давиде же бе ефуд виссонный. I Chronicles 15:28 И весь Израиль провождаше кивот завета Господня с восклицанием и гласом трубным, и с трубами и кимвалы, глашающе в гусли и кифары. I Chronicles 15:29 И бысть егда прииде кивот завета Господня даже до града Давидова, и Мелхола дщи Сауля смотряше во окно, и виде царя Давида скачуща и играюща и уничижи его в сердцы своем. I Chronicles 16:0 I Chronicles 16:1 Принесоша убо кивот Божий и поставиша его посреде скинии, юже водрузи ему Давид, и принесоша всесожжения и спасителная пред Господем. I Chronicles 16:2 И соверши Давид вознося всесожжения и спасителная, и благослови люди во имя Господне, I Chronicles 16:3 и раздели всякому мужу Израилску, от мужа даже до жены, мужу хлеб един печеный, (и часть печена мяса,) и пряженый со елеем семидал: I Chronicles 16:4 постави же пред лицем кивота завета Господня от левит, еже служити и возглашати (дела Его), и исповедати и хвалити Господа Бога Израилева: I Chronicles 16:5 Асаф началник, и другий по нем Захариа, Иеиил и Семирамоф, и Иеиил и Маттафиа, и Елиав и Ванеа и Авдедом: Иеиил же во органех и псалтири и гуслех, Асаф же в кимвалех возглашая: I Chronicles 16:6 и Ванеа и Озиил священницы (трубиша) выну в трубы пред кивотом завета Божия. I Chronicles 16:7 В той день устрои Давид в начале хвалити Господа рукою Асафа и братии его. I Chronicles 16:8 Песнь. Исповедайтеся Господеви и призывайте Его во имени Его, знаема сотворите людем начинания Его: I Chronicles 16:9 пойте Ему и воспойте Ему, поведите вся чудеса Его, яже сотвори Господь: I Chronicles 16:10 хвалите имя святое Его, да возвеселится сердце ищущее благоволения Его: I Chronicles 16:11 взыщите Господа и укрепитеся, взыщите лица Его выну: I Chronicles 16:12 помяните чудеса Его, яже сотвори, знамения и судбы уст Его, I Chronicles 16:13 семя Израилево, раби Его, сынове Иаковли, избраннии Его. I Chronicles 16:14 Той Господь Бог наш, во всей земли судбы Его. I Chronicles 16:15 Помянем во век завет Его, слово Его, еже заповедал в тысящы родов, I Chronicles 16:16 еже завеща Аврааму, и клятву Свою Исааку: I Chronicles 16:17 и постави е Иакову в повеление, Израилю в завет вечен, I Chronicles 16:18 глаголя: тебе дам землю Ханааню, уже достояния вашего. I Chronicles 16:19 Внегда быти им малым числом, яко умалишася и преселишася в ню, I Chronicles 16:20 и преидоша от языка в язык и от царствия к людем иным, I Chronicles 16:21 не остави мужа обидети их, и обличи о них цари: I Chronicles 16:22 не прикасайтеся помазанным Моим, и во пророцех Моих не лукавнуйте. I Chronicles 16:23 Воспойте Господеви, вся земля, возвестите от дне на день спасение Его, I Chronicles 16:24 возвестите во языцех славу Его, во всех людех чудеса Его, I Chronicles 16:25 яко велий Господь и хвален зело, страшен есть над всеми боги. I Chronicles 16:26 Яко вси бози языков идоли: Господь же наш небеса сотвори. I Chronicles 16:27 Слава и величество пред лицем Его, крепость и похвала в месте Его святем. I Chronicles 16:28 Дадите Господеви, отечествия языков, дадите Господеви славу и крепость, I Chronicles 16:29 дадите Господеви славу имени Его: возмите дары и принесите пред лице Его, и поклонитеся Господеви во дворех святых Его. I Chronicles 16:30 Да убоится от лица Его вся земля, да исправится земля и да не подвижится: I Chronicles 16:31 да возвеселятся небеса и да возрадуется земля, и да рекут во языцех: Господь царствует. I Chronicles 16:32 Да возгласит море и исполнение его, и древа польская, и вся яже на них. I Chronicles 16:33 Тогда возвеселятся древа дубравная пред лицем Господним, яко прииде судити земли. I Chronicles 16:34 Исповедайтеся Господеви, яко благ, яко в век милость Его, I Chronicles 16:35 и глаголите: спаси ны, Боже, Спасителю наш, и собери нас, и изми нас от язык, да хвалим имя святое Твое, и хвалимся во хвалениих Твоих. I Chronicles 16:36 Благословен Господь Бог Израилев от века даже и до века. И рекут вси людие: аминь. И восхвалиша Господа. I Chronicles 16:37 И оставиша тамо пред кивотом завета Господня Асафа и братию его, да служат пред кивотом выну по вся дни: I Chronicles 16:38 и Авдедом и братия его, шестьдесят осмь: и Авдедом сын Идифунь и Осай (поставлени) во дверники: I Chronicles 16:39 Садока же священника и братию его священниками пред скиниею Господнею в вышних иже в Гаваоне, I Chronicles 16:40 да возносят всесожжения Господеви на олтари всесожжений выну утро и вечер, и по всем яже писана суть в законе Господни, елика повеле сыном Израилевым рукою Моисеа раба Божия: I Chronicles 16:41 и с ними Еман и Идифум и прочии избраннии кийждо званием своим еже хвалити Господа, яко в век милость Его: I Chronicles 16:42 и с ними трубы и кимвалы еже возглашати, и органы пений Божиих: сынове же Идифумли во вратех (стояху). I Chronicles 16:43 И идоша вси людие кийждо в дом свой, и Давид возвратися, да благословит дом свой. I Chronicles 17:0 I Chronicles 17:1 И бысть егда обиташе Давид в дому своем, и рече Давид к Нафану пророку: се, аз живу в дому кедрове, кивот же завета Господня под кожами. I Chronicles 17:2 И рече Нафан к Давиду: все еже в сердцы твоем твори, яко Бог с тобою есть. I Chronicles 17:3 И бысть нощи тоя, и бысть слово Господне к Нафану, глаголя: I Chronicles 17:4 иди и рцы Давиду рабу Моему: сия рече Господь: не созиждеши ты Мне дому, еже обитати Ми в нем: I Chronicles 17:5 яко не обитах в дому от дне, в оньже изведох Израиля (от земли Египетския), даже до дне сего, но бых в скинии и в шатре: I Chronicles 17:6 во всех аможе ходих со всем Израилем, аще глаголя глаголах коему колену Израилеву, имже повелех да пасут люди Моя, глаголя: чесо ради не создасте Мне дому кедрова? I Chronicles 17:7 И ныне тако рцы рабу Моему Давиду: сия рече Господь Вседержитель: Аз изях тя от паствы, егда последовал еси стаду, еже быти тебе вождем над людьми Моими Израилем, I Chronicles 17:8 и бых с тобою во всех, идеже ходил еси, и потребих вся враги твоя от лица твоего, и сотворих тебе имя якоже имя великих, иже на земли: I Chronicles 17:9 и дах место людем Моим Израилю, и насадих я, и обитают в нем, и не возскорбят ктому: ни сынове беззакония приложат смирити их якоже от начала I Chronicles 17:10 и от дний, в няже дах судии людем Моим Израилю, и смирих вся враги твоя, и возращу тя, и дом созиждет ти Господь: I Chronicles 17:11 и будет егда исполнятся дние твои и почиеши со отцы твоими, и воздвигну семя твое по тебе, еже будет от чрева твоего, и возставлю царство его: I Chronicles 17:12 той созиждет Мне дом, и укреплю престол его даже до века: I Chronicles 17:13 Аз буду ему во отца, и той будет Мне в сына: и милость Мою не отиму от него, якоже отях от бывших прежде тебе: I Chronicles 17:14 и уверю его в дому Моем и во царствии его даже до века, и престол его будет исправлен до века. I Chronicles 17:15 По всем словесем сим и по всему видению сему тако глаголал есть Нафан к Давиду. I Chronicles 17:16 И прииде царь Давид, и седе пред Господем, и рече: кто есмь аз, Господи Боже мой? И что дом мой, яко возлюбил мя еси до века? I Chronicles 17:17 И сия мала суть пред Тобою, Боже, и глаголал еси на дом раба Твоего (еще) издалеча, и призрел еси на мя яко видение человека, и возвысил мя еси, Господи Боже: I Chronicles 17:18 что приложит еще Давид к Тебе еже прославити? И ты раба Твоего веси: I Chronicles 17:19 Господи, раба Твоего ради сотворил еси все величие сие и по сердцу Твоему, еже знаема сотворити вся величия Твоя: I Chronicles 17:20 Господи, несть подобен Тебе, и несть Бога разве Тебе, по всем елика слышахом ушима нашима, I Chronicles 17:21 и несть, якоже людие Твои Израиль, язык еще на земли, яко пойде Бог избавити люди Себе, еже положити имя Себе велие и славное, еже изгнати от лица людий Твоих, ихже избавил еси от Египта, языки: I Chronicles 17:22 и дал еси люди Твоя Израиля Тебе в люди даже до века, и Ты, Господи, был еси им в Бога: I Chronicles 17:23 и ныне, Господи, слово Твое, еже глаголал еси рабу Твоему и на дом его, да уверится до века: и сотвори якоже глаголал еси, I Chronicles 17:24 и да уверится и возвеличится имя Твое даже до века, глаголющих: Господи, Господи Вседержителю, Боже Израилев, и дом Давида раба Твоего да будет исправлен пред Тобою: I Chronicles 17:25 Ты бо, Господи Боже мой, отверзл еси ухо раба Твоего создати ему дом, сего ради обрете раб Твой (дерзновение) молитися пред лицем Твоим: I Chronicles 17:26 и ныне, Господи, Ты еси Сам Бог, и глаголал еси к рабу Твоему благая сия: I Chronicles 17:27 и ныне начни благословити дом раба Твоего, да будет во веки пред Тобою: яко Ты, Господи, благословил еси, и благослови во веки. I Chronicles 18:0 I Chronicles 18:1 И бысть по сих, и порази Давид иноплеменники, и прогна их: и взя Геф и веси его от руки иноплеменничи. I Chronicles 18:2 И порази Давид Моава, и бяху Моавити раби Давиду приносяще ему дань. I Chronicles 18:3 И порази Давид Адраазара царя Сувска во Емафе, идущу ему поставити руку свою над рекою Евфратом: I Chronicles 18:4 и взя от него Давид тысящу колесниц и седмь тысящ конник и двадесять тысящ мужей пешцев, и разби Давид вся колесницы, и остави от них сто колесниц, (ихже удержа себе). I Chronicles 18:5 И прииде Сир от Дамаска, да помощь даст Адраазару царю Сувску, и порази Давид от Сировых двадесять две тысящы мужей: I Chronicles 18:6 и постави Давид стражу в Сирии, яже близ Дамаска, и бяху Давиду в рабы приносяще дани: и спасе Господь Давида во всех, в нихже хождаше. I Chronicles 18:7 И взя Давид гривны златыя, ихже имеша раби Адраазаровы, и принесе я во Иерусалим. I Chronicles 18:8 И из Метавефа и от избранных градов Адраазаровых взя Давид меди много зело, из неяже сотвори Соломон море медяно, и столпы, и сосуды медяныя. I Chronicles 18:9 И услыша Фоа царь Емафский, яко порази Давид всю силу Адраазара царя Сувска, I Chronicles 18:10 и посла Адурама сына своего к царю Давиду, да вопросит его, яже о мире, и благословити его о сем, яко победи Адраазара и порази его, понеже муж противен бяше Фоа Адраазару. I Chronicles 18:11 И вся сосуды златыя и сребряныя и медяныя, и сия освяти царь Давид Господу со сребром и златом, яже взя от всех язык, от Идумеи и Моава, и от сынов Аммоних и от иноплеменник и от Амалика. I Chronicles 18:12 Авесса же сын Саруиев порази Идумею во юдоли Сланей, осмьнадесять тысящ: I Chronicles 18:13 и постави во юдоли стражу, и беша вси Идумеане раби Давиду. И спасаше Господь Давида во всех, в нихже хождаше. I Chronicles 18:14 И воцарися Давид над всем Израилем, и бе творя суд и правду всем людем своим. I Chronicles 18:15 Иоав же сын Саруиев (бысть) над воинством, и Иосафат сын Ахилудов памятописец, I Chronicles 18:16 и Садок сын Ахитов и Авимелех сын Авиафаров священницы, и Суса книгочий, I Chronicles 18:17 и Ванеа сын Иодаев над Херефием и над Фелефием: сынове же Давидовы первии преемницы царевы. I Chronicles 19:0 I Chronicles 19:1 И бысть по сих, умре Наас царь сынов Аммоних, и воцарися Амам сын его вместо его. I Chronicles 19:2 И рече Давид: сотворю милость со Ананом сыном Наасовым, якоже сотвори отец его милость со мною. И посла Давид послы на утешение ему о отце его. И приидоша отроцы Давидовы в землю сынов Аммоних ко Анану, да утешат его. I Chronicles 19:3 И рекоша началницы сынов Аммоних ко Анану: еда прославляя Давид отца твоего пред тобою, посла к тебе утешители? Никако: но да испытают град и соглядают землю, приидоша к тебе отроцы его. I Chronicles 19:4 И взя Анан рабов Давидовых, и обри их, и отреза от риз их половину даже до чресл, и отпусти их. I Chronicles 19:5 И приидоша возвестити Давиду о мужех: и посла во сретение им, яко быша обезчещени зело. И рече царь: седите во Иерихоне, дондеже возрастут брады вашя, и возвратитеся. I Chronicles 19:6 И видеша сынове Аммони, яко посрамлени быша людие Давидовы, и посла Анан и сынове Аммони тысящу талант сребра, да наймут себе от Сирии Месопотамски, и от Сирии Мааха, и от Сувы колесницы и конники: I Chronicles 19:7 и наяша себе тридесять две тысящы колесниц и царя Мааха и людий его: и приидоша и ополчишася прямо Мидаве: и сынове Аммони собрашася от градов своих и приидоша на брань. I Chronicles 19:8 И услыша Давид, и посла Иоава и все воинство сильных. I Chronicles 19:9 И изыдоша сынове Аммони и ополчишася на брань при вратех градских: царие же пришедшии ополчишася особно на поли. I Chronicles 19:10 И виде Иоав, яко бысть на него противное лице брани сопреди и созади, и избра от всех юнош Израилевых и устрои их противу Сира, I Chronicles 19:11 и останок людий даде в руце брату своему Авессе, и ополчишася противу сынов Аммоних. I Chronicles 19:12 И рече: аще укрепится Сир паче мене, то будеши мне во спасение: аще же сынове Аммони укрепятся паче тебе, то аз спасу тя: I Chronicles 19:13 мужайся, и укрепимся о людех наших и о градех Бога нашего, и Господь, еже благо пред очима его, сотворит. I Chronicles 19:14 И ополчися Иоав и вси людие, иже с ним, противу Сирян на брань, и побегоша от них. I Chronicles 19:15 Сынове же Аммони видеша, яко побегоша Сиряне, и побегоша и они от лица Авессы и от лица Иоава брата его, и внидоша во град: Иоав же возвратися во Иерусалим. I Chronicles 19:16 И виде Сир, яко победи его Израиль, и посла послы: и изведоша Сира, иже бе за рекою, Софак же первоначалник тысящником силы Адраазаровы пред ними. I Chronicles 19:17 И возвещено бысть Давиду, и собра весь Израиль, и прейде Иордан, и прииде на них, и ополчися противу их: и ополчися Давид противу Сира на брань и воева нань. I Chronicles 19:18 И убеже Сир от лица Израилева, и уби Давид от Сира седмь тысящ колесниц и четыредесять тысящ пешцев, и Софака первоначалника силы уби. I Chronicles 19:19 И видеша раби Адраазаровы, яко падоша от лица Израилева, и прибегоша к Давиду, и служаху ему: и не восхоте Сир помогати сыном Аммоним ктому. I Chronicles 20:0 I Chronicles 20:1 И бысть в находящее лето во время исхождения царей (ко брани), и собра Иоав всю силу воинства, и опустоши землю сынов Аммоних: приидоша же и обседоша Равваф. Давид же пребываше во Иерусалиме: Иоав же порази Равваф и разори его. I Chronicles 20:2 Взя же Давид венец Молхома царя их от главы его, и обретеся вес в нем талант злата, и в нем камень драгий, и бе на главе Давидове: плены же градски взя многи зело, I Chronicles 20:3 и людий сущих в нем изведе и претре пилами и орудии железными и разсецающими: тако сотвори Давид всем градом сынов Аммоних, и возвратися Давид и вси людие его во Иерусалим. I Chronicles 20:4 И бысть по сем, и начася еще брань в Газере со иноплеменники: тогда порази Совохай Усафитянин Сафута от сынов Исполиновых и смири его. I Chronicles 20:5 И бысть еще брань противу иноплеменник, и порази Елеанан сын Иаиров Лаомиа, брата Голиафа Гефейскаго, емуже древо копия его яко навой ткущих. I Chronicles 20:6 И бысть еще брань в Гефе, и бе муж зело велик, по шести имеющь перстов, всех двадесять четыре, и сей бе от колена Исполинов, I Chronicles 20:7 и поноси Израиля: и порази его Ионафан сын Саммаа брата Давидова. I Chronicles 20:8 Сии родишася Рафаю в Гефе, всех их бе четыри исполины, и падоша рукою Давидовою и рукою рабов его. I Chronicles 21:0 I Chronicles 21:1 Воста же диавол на Израиля и подусти Давида, да сочислит Израиля. I Chronicles 21:2 И рече царь Давид ко Иоаву и к началником силы: идите и сочтите Израиля от Вирсавеи даже до Дана, и принесите ко мне, да познаю число их. I Chronicles 21:3 И рече Иоав: да приложит Господь к людем Своим, якоже сии сторицею, и очи господина моего царя да видят: не вси ли господину моему царю раби суть? И почто хощет сего господин мой? Дабы не вменилося в грех Израилю. I Chronicles 21:4 Но слово царево преможе Иоава: и пойде Иоав, и обыде всего Израиля, и прииде во Иерусалим. I Chronicles 21:5 И даде Иоав Давиду число сочтения людий: и обретеся всего Израиля тысяща тысящ и сто тысящ мужей и носящих оружия: и от сынов Иудиных четыре ста и седмьдесят тысящ мужей носящих оружие: I Chronicles 21:6 Левии же и Вениамина не сочте среде их, понеже вознегодова о словеси цареве Иоав. I Chronicles 21:7 И не угодно явися пред Богом повеление сие, и порази Израиля. I Chronicles 21:8 Рече же Давид ко Богу: согреших зело, яко сотворих вещь сию: и ныне молю, отими беззаконие раба Твоего, яко обезумихся зело. I Chronicles 21:9 И рече Господь ко Гаду пророку Давидову, глаголя: I Chronicles 21:10 иди и рцы к Давиду, глаголя: тако глаголет Господь: трие Аз наведу на тя, избери себе едино от них, и сотворю тебе. I Chronicles 21:11 И прииде Гад к Давиду и рече ему: I Chronicles 21:12 сице глаголет Господь: избери себе, (еже хощеши,) или три лета глада, или три месяцы бегати тебе от лица враг твоих, и оружие враг твоих постигнет тя, или три дни мечь Господень, и смерть на землю, и Ангел Господень убиваяй во всем наследии Израилеве: ныне убо разсмотри, что отвещаю Пославшему мя со словом. I Chronicles 21:13 И рече Давид ко Гаду: тесна ми суть три сия зело: но лучше ми есть впасти в руце Господни, зане многи щедроты Его зело, в руки же человеческия да не впаду. I Chronicles 21:14 И посла Господь смерть во Израиля, и падоша от Израиля седмьдесят тысящ мужей. I Chronicles 21:15 И посла Бог Ангела во Иерусалим, да избиет его. И егда избиваше, виде Господь и раскаяся о зле, и рече Ангелу избивающему: довлеет ти, отими руку твою. Ангел же Господень стояше на гумне Орны Иевусеанина. I Chronicles 21:16 И возведе Давид очи своя, и виде Ангела Господня стояща между землею и небом, и мечь его извлечен в руку его, простерт на Иерусалим. И паде Давид и старейшины (Израилевы) облеченнии во вретище на лице свое, I Chronicles 21:17 и рече Давид к Богу: не аз ли повелех сочислити люди? Аз есмь, иже согреших, и зло творя зло сотворих, сия же овцы что сотвориша? Господи Боже мой, да будет рука Твоя на мне и на дому отца моего, а не на людех Твоих в погубление, Господи. I Chronicles 21:18 Ангел же Господень рече Гаду, еже глаголати к Давиду: да взыдет и созиждет олтарь Господу Богу на гумне Орны Иевусеанина. I Chronicles 21:19 И взыде Давид по словеси Гадову, еже глагола именем Господним. I Chronicles 21:20 И обратися Орна и виде царя, и четыри сынове его с ним крыющиися. Орна же бе (в то время) млатя на гумне пшеницу. I Chronicles 21:21 И прииде Давид ко Орне, и обратися Орна, и узре Давида, и пойде от гумна, и поклонися Давиду лицем на землю. I Chronicles 21:22 Рече же Орне Давид: даждь мне место гумна твоего, да созижду на нем олтарь Господеви, на сребре достойне даждь ми е, и престанет язва от людий. I Chronicles 21:23 Рече же Орна к Давиду: возми себе, и да сотворит господин мой царь, еже угодно пред ним: се, даю телцы на всесожжение, и плуг на дрова, и пшеницу в жертву, вся (добровольно) даю. I Chronicles 21:24 И рече царь Давид Орне: ни, но куплею куплю, сребром достойным, понеже не возму Господеви, яже суть твоя, еже вознести всесожжение туне Господеви. I Chronicles 21:25 И даде Давид Орне за место то сикль златых весом шесть сот. I Chronicles 21:26 И созда ту Давид олтарь Господеви, и вознесе всесожжения и спасителная и воззва ко Господу, и услыша его во огни от небесе на олтарь всесожжения, и потреби всесожжение. I Chronicles 21:27 И рече Господь ко Ангелу: и вложи мечь во влагалище его. I Chronicles 21:28 Во время оно, егда виде Давид, яко услыша его Господь на гумне Орны Иевусеанина, и пожре ту жертвы. I Chronicles 21:29 И скиния Господня, юже сотвори Моисей в пустыни, и олтарь всесожжения во время оно бысть в вышнем, еже в Гаваоне. I Chronicles 21:30 И не возможе Давид ити пред него, еже вопросити Бога, понеже устрашен бысть от лица меча Ангела Господня. I Chronicles 22:0 I Chronicles 22:1 Рече же Давид: се есть дом Господа Бога, и сей олтарь на всесожжения Израилю. I Chronicles 22:2 И рече Давид собрати вся пришелцы, иже на земли Израилеве, и постави каменосечцев сещи камения тесаная, да созиждется дом Божий. I Chronicles 22:3 Железо же много на гвозди дверем и вратом на спаяние уготова Давид, и меди множеству не бе числа: I Chronicles 22:4 и древам кедровым не бе числа: яко принесоша Сидоняне и Тиряне древ кедровых множество Давиду. I Chronicles 22:5 И рече Давид: Соломон сын мой детищь млад, дом же еже созидати Господеви в величество высоко, во имя и в славу во всю землю, уготовлю ему. И уготова Давид (всего) множество прежде скончания своего. I Chronicles 22:6 И призва Давид Соломона сына своего и заповеда ему, да созиждет дом Господу Богу Израилеву. I Chronicles 22:7 Рече же Давид к Соломону: чадо, мне бяше в сердцы, да созижду дом имени Господа Бога моего: I Chronicles 22:8 и бысть слово Господне ко мне, глаголющее: многи крови пролиял еси и многи брани сотворил еси, не созиждеши дому имени Моему, яко многи крови пролиял еси на землю предо Мною: I Chronicles 22:9 се, сын родится тебе, сей будет муж покоя, и упокою его от всех враг его окрест, зане Соломон имя ему, и мир и покой дам ему над Израилем во дни его: I Chronicles 22:10 той созиждет дом имени Моему, и той будет Мне в сына, и Аз буду ему во отца: и исправлю престол царства его во Израили до века: I Chronicles 22:11 ныне убо, сыне мой, будет Господь с тобою и благопоспешит, и созиждеши дом Господу Богу твоему, якоже глагола о тебе: I Chronicles 22:12 да даст же тебе премудрость и разум Господь и да укрепит тя над Израилем, еже хранити и творити закон Господа Бога твоего: I Chronicles 22:13 тогда благопоспешит, аще сохраниши творити заповеди и судбы, яже повеле Господь Моисеови, (да учит) Израиля: мужайся и крепися, не бойся, ниже устрашися: I Chronicles 22:14 и се, аз по убожеству моему уготовах на дом Господень злата талантов сто тысящ, и сребра тысяща тысящ талантов, медь же и железо, емуже несть веса, понеже множество есть, и древа и камения уготовах, и к сим да приложиши: I Chronicles 22:15 и с тобою Господь, и приложиши ко множеству творящих дела, художницы, и строителие камений, и древоделе, и всяк мудрец во всяцем деле, I Chronicles 22:16 в злате и сребре, в меди и железе несть числа: востани убо и твори, и Господь с тобою. I Chronicles 22:17 И повеле Давид всем началником Израилевым, да помогают Соломону сыну его, глаголя: I Chronicles 22:18 не Господь ли с вами? И даде вам покой окрест, зане даде в руки вашя живущих на земли, и покорена земля пред Господем и пред людьми Его: I Chronicles 22:19 ныне убо дадите сердца ваша и душы вашя еже взыскати Господа Бога вашего, и востаните и созидайте святыню Господу Богу вашему, да внесется кивот завета Господня и сосуды святыя Богови в дом созидаемый имени Господню. I Chronicles 23:0 I Chronicles 23:1 И Давид стар и исполнен дний, и воцари Соломона сына своего вместо себе над Израилем: I Chronicles 23:2 и собра всех князей Израилевых, и священников, и левитов: I Chronicles 23:3 сочтени же быша левити, от тридесяти лет и вышше, и бысть число их по главам их, мужей тридесять и осмь тысящ: I Chronicles 23:4 от сих избрани на дела дому Господня двадесять четыри тысящы, и книгочей и судий шесть тысящ, I Chronicles 23:5 и четыри тысящы дверников, и четыри тысящы поющих Господеви во органы, ихже сотвори ко хвалению Господню. I Chronicles 23:6 И раздели их Давид на чреды сыном Левииным, Гирсону, Каафу и Мераре: I Chronicles 23:7 и Гирсону и Леадану и Семею. I Chronicles 23:8 Сынове Леадани: началник Иеиил и Зефоф и Иоиль, трие. I Chronicles 23:9 Сынове же Семеовы: Саломиф и Азаил и Арам, трие: сии началницы отечеств Леаданих. I Chronicles 23:10 И сыном Семеовым Иеф и Зизай, и Иоас и Вериа: тии сынове Семеовы четыре. I Chronicles 23:11 Бе же Иеф первый и Зизай вторый: Иоас же и Вариа не иместа многих сынов и быста в дому отечества в причтение едино. I Chronicles 23:12 Сынове Каафовы: Амврам и Иссаар, Хеврон, Озиил, четыри. I Chronicles 23:13 Сынове Амврамли: Аарон и Моисей: отлучен же бысть Аарон еже освящати Святая Святых, той и сынове его во веки, и да кадит фимиамом пред Господем, служит Ему и молится во имя Его до века. I Chronicles 23:14 Моисей же человек Божий и сынове его причтени суть в колено Левиино. I Chronicles 23:15 Сынове Моисеовы: Гирсам и Елиезер. I Chronicles 23:16 Сынове Гирсамли, Суваил началник. I Chronicles 23:17 Быша же сынове Елиезеру, Равиа началник: и не беша Елиезеру сынове инии: сынове же Равиини умножени суть зело. I Chronicles 23:18 Сынове Иссааровы, Саллумоф началник. I Chronicles 23:19 Сынове Хеврони: Иериав первый, Амариа вторый, Иазиил третий Иезекиа четвертый. I Chronicles 23:20 Сынове же Озиили: Миха первый, и Иессиа вторый. I Chronicles 23:21 Сынове Мерарины: Мооли и Муси. I Chronicles 23:22 Сынове моолиевы: Елеазар и Кис. Умре же Елеазар, и не быша ему сынове, но токмо дщери: и пояша их сынове Кисовы братия их. I Chronicles 23:23 Сынове Мусиины: Мооли и Едер и Иаримоф, трие. I Chronicles 23:24 Сии сынове Левиини по домом отечеств их, началницы отечеств их, по согляданию их, по числу имен их, по главам их, иже творяху дела служения дому Господня, от двадесяти лет и вышше. I Chronicles 23:25 Рече бо Давид: покой даде Господь Бог людем Своим Израилю, и вселися во Иерусалиме даже да века, I Chronicles 23:26 и левити не быша носяще скинию и вся сосуды ея к служению ея. I Chronicles 23:27 По повелению бо Давидову последнему есть число сыновом Левииным от двадесяти лет и вышше: I Chronicles 23:28 зане постави их под руку сыном Аароним, еже служити в дому Господни во дворех и в притворех, и во очищении всех святынь, и в делех служения дому Божия, I Chronicles 23:29 и над хлебами предложения, и над мукою пшеничною жертвы, и над пряжмами опресночными, и над сковрадою, и над печеным, и над всяким весом и мерою, I Chronicles 23:30 и еже стояти, утро хвалити и исповедатися Господеви, такожде и к вечеру, I Chronicles 23:31 и над всеми возносимыми всесожжении Господеви в субботы, и в новомесячиих, и в праздницех, по числу, по чину их выну Господеви, I Chronicles 23:32 и да сохранят стражбы скинии свидения, и стражу святилища, и стражбы сынов Аароних братий своих, да служат в дому Господни. I Chronicles 24:0 I Chronicles 24:1 И сыном Аароним разделения: сынове Аарони: Надав и Авиуд, и Елеазар и Ифамар. I Chronicles 24:2 И умроста Надав и Авиуд прежде отца своего, и сынове не быша има: и священствова Елеазар и Ифамар, сынове Аарони. I Chronicles 24:3 И раздели их Давид, и Садок от сынов Елеазаровых, Ахимелех же от сынов Ифамаровых по сочислению их, по служению их и по домом отечеств их. I Chronicles 24:4 И обретошася сынове Елеазаровы множайшии в началники сил, нежели сынове Ифамаровы: и раздели их сыном Елеазаровым в началники в домы отечеств шестьнадесять, и сыном Ифамаровым по домом отечеств их, осмь. I Chronicles 24:5 Раздели же их по жребием между ими, понеже бяху началницы святилища и началницы Божии в сынех Елеазаровых и в сынех Ифамаровых: I Chronicles 24:6 описа же их Самаиа сын Нафанаиль писарь от левит пред царем и князи и Садоком священником и Ахимелехом сыном Авиафара, и началницы отечеств священников и левитов дому отечества, един ко Елеазару и един ко Ифамару. I Chronicles 24:7 И изыде жребий первый Иоариму, Иедию вторый, I Chronicles 24:8 Хариву третий, Сеориму четвертый, I Chronicles 24:9 Мелхию пятый, Меиамину шестый, I Chronicles 24:10 Аккосу седмый, Авии осмый, I Chronicles 24:11 Иисую девятый, Сехении десятый, I Chronicles 24:12 Елиасиву единонадесятый, Иакиму дванадесятый, I Chronicles 24:13 Оффаю тринадесятый, Иесваалу четыренадесятый, I Chronicles 24:14 Велгии пятыйнадесять, Еммиру шестыйнадесять, I Chronicles 24:15 Иефию седмыйнадесять, Афессию осмыйнадесять, I Chronicles 24:16 Феттию девятыйнадесять, и Езекиилю двадесятый, I Chronicles 24:17 Ахину двадесять первый, Гамуилу двадесять вторый, I Chronicles 24:18 Далеию двадесять третий, Иеилю двадесять четвертый. I Chronicles 24:19 Сие сочисление их по служению их входити в дом Господень по чину своему, рукою Аарона отца их, якоже повеле Господь Бог Израилев. I Chronicles 24:20 И сыном Левииным прочиим: сыном Амврамлим Соваил, сыном Соваилим Иадаиа, I Chronicles 24:21 сыном Равииным началник Иесиа, I Chronicles 24:22 сыном Иасарииным Саломоф, сыном Саломофовым Иаф: I Chronicles 24:23 сынове Иедиуа: Иериав первый, Амадиа вторый, Иазиил третий, Иекмоам четвертый. I Chronicles 24:24 Сыном Озиилим Миха, сынове Михины Самир: I Chronicles 24:25 брат Михин Исиа, сын Исиин Захариа. I Chronicles 24:26 Сынове Мерарины: Мооли и Муси, сын Озиин Вонний: I Chronicles 24:27 сынове Мерарины Озиа: сынове его Иесома и Закхур и Иовфи: I Chronicles 24:28 Моолию Елеазар (и Ифамар). Умре же Елеазар, не беша ему сынове. I Chronicles 24:29 Кису сын Кисов Иерамеил. I Chronicles 24:30 Сынове Мусины: Мооли и Едер и Еримоф. Сии сынове левитстии по домом отечеств своих. I Chronicles 24:31 Прияша же и тии жребия, якоже и братия их сынове Аарони, пред Давидом царем и Садоком и Ахимелехом и началники отечеств священнических и левитских: патриарси Аарони, якоже и братия его юнейшии. I Chronicles 25:0 I Chronicles 25:1 И постави Давид царь и князи силы над делы сыны Асафовы и Емани и Идифумовы, иже провещаваху в гуслех и псалтирех и кимвалех, и бысть число их по главам мужей творящих дела своя. I Chronicles 25:2 Сынове Асафовы: Закхур и Иосиф, и Нафаниа и Асиил: сынове Асафовы держащеся Асафа пророка близ царя. I Chronicles 25:3 Идифуму сынове Идифумли: Годолиа и Сури, и Исеа и Семей, и Асавиа и Маттафиа, шесть по отце своем Идифуме в гусли бряцающе исповедание и хваление Господеви. I Chronicles 25:4 Еману сынове Емани: Вукиа и Мафаниа, и Озиил и Суваил, и Иеримуф и Ананиа, и Анан и Елиафа, и Годоллафий и Ромамфиезер, и Савах и Маллифий, а Офир и Мазиоф. I Chronicles 25:5 Вси сии сынове Емана бряцающаго царю в словесех Божиих, да вознесется рог. Даде же Бог Еману сынов четыренадесять и три дщери: I Chronicles 25:6 вси сии со отцем своим воспевающе в дому Божии в кимвалех и во псалтирех и гуслех, в служение дому Божия близ царя, и Асаф и Идифум, и Еман. I Chronicles 25:7 Бысть же число их со братиею их научени пению Господню и всех разумеющих (пения) двести осмьдесят и осмь. I Chronicles 25:8 Вергоша же и сии жребия чреды дневныя, по малу и по велику совершенных и учащихся. I Chronicles 25:9 И изыде жребий первый сынов его и братии его Асафу Иосифову, Годолиа: вторый иниа, сынове его и братия его дванадесять: I Chronicles 25:10 третий Закхур, сынове его и братия его дванадесять: I Chronicles 25:11 четвертый Иезрий, сынове его и братия его дванадесять: I Chronicles 25:12 пятый Нафан, сынове его и братия его дванадесять: I Chronicles 25:13 шестый Вукиа, сынове его и братия его дванадесять: I Chronicles 25:14 седмый Иериил, сынове его и братии его дванадесять: I Chronicles 25:15 осмый Иосиа, сынове его и братия его дванадесять, I Chronicles 25:16 девятый Матфаниа, сынове его и братии его дванадесять: I Chronicles 25:17 десятый Семеиа, сынове его и братия его дванадесять: I Chronicles 25:18 первыйнадесять Езриил, сынове его и братия его дванадесять: I Chronicles 25:19 вторыйнадесять Асавиа, сынове его и братия его дванадесять: I Chronicles 25:20 третийнадесять Суваил, сынове его и братии его дванадесять: I Chronicles 25:21 четвертыйнадесять Матфафиа, сынове его и братии его дванадесять: I Chronicles 25:22 пятыйнадесять Иеримуф, сынове его и братия его дванадесять: I Chronicles 25:23 шестыйнадесять Ананиа, сынове его и братия его дванадесять: I Chronicles 25:24 седмыйнадесять Иесвак, сынове его и братия его дванадесять: I Chronicles 25:25 осмыйнадесять Ананиа, сынове его и братия его дванадесять: I Chronicles 25:26 девятыйнадесять Меллифий, сынове его и братия его дванадесять: I Chronicles 25:27 двадесятый Елиафа, сынове его и братия его дванадесять: I Chronicles 25:28 двадесять первый Иефир, сынове его и братия его дванадесять: I Chronicles 25:29 двадесять вторый Годоллафий, сынове его и братия его дванадесять: I Chronicles 25:30 двадесять третий Меазоф, сынове его и братия его дванадесять: I Chronicles 25:31 двадесять четвертый Рометфиезер, сынове его и братия его дванадесять. I Chronicles 26:0 I Chronicles 26:1 Разделение же дверников: сынове Кореовы, Моселлемиа сын Кореов от сынов Асафовых. I Chronicles 26:2 Сынове же Моселлемии: Захариа первенец и Иадиил вторый, Завадиа третий и Иафанаил четвертый, I Chronicles 26:3 Олам пятый, Ионафан шестый, Елионай седмый, Авдедом осмый. I Chronicles 26:4 Авдедому же сынове: Самиа первенец, Иозаваф вторый, Иоаф третий, Сахар четвертый, Рофануил пятый, I Chronicles 26:5 Амиил шестый, Иссахар седмый, Фелафий осмый, яко благослови его Бог. I Chronicles 26:6 Семею же сыну его рождени суть сынове первенца началницы в дому отечестем его, бяху бо сильни. I Chronicles 26:7 Сынове Семеиевы: Офни и Рафаил, и Овид и Елзавад и Ахиа, сынове сильни, Елиу и Савахиа и Исваком. I Chronicles 26:8 Вси тии от сынов Авдедомлих, сии и сынове их и братия их труждающеся крепко в делании, вси шестьдесят два Авдедому. I Chronicles 26:9 Моселлемию же сынове и братия осмьнадесять, сильнии. I Chronicles 26:10 Осе же от сынов Мерариных сынове Стрегущии начало, понеже не бысть ему первенец: и постави его отец его в началника разделения втораго: I Chronicles 26:11 Хелкиа вторый, Тавелиа третий, Захариа четвертый: вси сии сынове и братия Осины тринадесять. I Chronicles 26:12 Сии разделени суть в дверницы, да началствуют над сильными чреды, якоже и братия их служити в дому Господни. I Chronicles 26:13 И метнуша жребия на коегождо мала и велика по домом отечеств своих на каяждо врата: I Chronicles 26:14 и паде жребий сущих на востоки Селемию и Захарии. Сынове соазовы мелхии метнуша жребия, и паде жребий к северу. I Chronicles 26:15 Авдедому к югу прямо дому Есефима. I Chronicles 26:16 Во второе Осе к западу по вратех притвора восхождения, стража противу стражи. I Chronicles 26:17 Ко востоку по шести на день: к северу четыре на день: к полудни на день четыре: и к дому совета по два пременяющеся. I Chronicles 26:18 И Осе к западу по вратех притвора три, стражба противу стражбы восхождения к востоком, по шести на день, и на север по четыре, и к югу четыре, и к дому совета два пременяющеся, и к западу четыре, и к стези два пременяющеся. I Chronicles 26:19 Сия разделения дверником сыном Кореовым и сыном Мерариным. I Chronicles 26:20 Левити же братия их (беша) над сокровищи дому Господня и над сокровищи святынь. I Chronicles 26:21 Сынове Ладановы, сии сынове Герсони: Ладану началницы отечеств Ладаних, Герсону Иеиил. I Chronicles 26:22 Сынове Иеиили Земеф и Иоиль братия над сокровищи дому Господня, I Chronicles 26:23 Амвраму и Иссаару, Хеврону и Озиилу. I Chronicles 26:24 Суваил же сын Гирсама сына Моисеова настоятель над сокровищи. I Chronicles 26:25 Брату же его Елиезеру Равиа сын его, и Иосиа и Иорам, и Зехрий и Саломоф. I Chronicles 26:26 Той Саломоф и братия его над всеми сокровищи святыми, ихже освяти Давид царь и началницы отечеств, тысящницы и сотницы и вождеве силы, I Chronicles 26:27 яже взя из градов и от корыстей, и освяти я на пособление зданию дому Господня. I Chronicles 26:28 И над всеми, яже освяти Богу Самуил пророк и Саул сын Кисов, и Авенир сын Ниров и Иоав сын Саруиев, все еже освятиша рукою Саломофовою и братии его. I Chronicles 26:29 Иссаарию Хонениа и сынове его делания внешняго над Израилем, к наказанию и суждению. I Chronicles 26:30 Хеврону Асавиа и братия его сынове сильнии, тысяща и седмь сот над созиранием Израиля за Иорданом противу запада, на всякую службу Господню и на делание царево. I Chronicles 26:31 Хеврону Уриа началник Хевронитов по родом их, по отечеством, в четыредесятое лето царства Давидова сочтени суть, и обретени мужие сильни в них во Иазире Галаадитстем. I Chronicles 26:32 И братия его сынове сильнии, две тысящы седмь сот, началницы отечеств, и постави их Давид царь над Рувимом и Гадом и над половиною колена Манассиина, во всякое повеление Господне и слово царево. I Chronicles 27:0 I Chronicles 27:1 Сынове же Израилевы но числу своему, началницы отечеств, тысящницы и сотницы и книгочии служащии царю, и на всякое слово царево по разделением, и на всякое слово входящаго и исходящаго, месяц от месяца, во вся месяцы лета разделение едино, двадесять четыре тысящы. I Chronicles 27:2 И над первым разделением в первый месяц бысть Извоаз сын Завдиилов, в разделении его двадесять четыре тысящы: I Chronicles 27:3 от сынов Фаресовых, началник всем князем воинства месяца перваго. I Chronicles 27:4 И над разделением месяца втораго Додай Екхотский и над разделением его, и Макеллоф вождь, и в разделении его двадесять четыре тысящи, князи силы. I Chronicles 27:5 Третий месяца третияго Ванеа сын Иодаев, иже священник началный, и в разделении его двадесять четыре тысящы: I Chronicles 27:6 сей Ванеа крепчайший между тридесятми, и над тридесятми: и над разделением его Завад сын его. I Chronicles 27:7 Четвертый месяца четвертаго Асаил брат Иоавль, и Завадиа сын его и братия, и в полце его двадесять четыре тысящы. I Chronicles 27:8 Пятый пятаго месяца началник Самаоф сын Иезраев, и в полце его двадесять и четыре тысящы. I Chronicles 27:9 Шестый месяца шестаго Одуиа сын Еккисов Фекуитянин, и в полце его двадесять и четыре тысящы. I Chronicles 27:10 Седмый месяца седмаго Хеллис иже от Фалуса, от сынов Ефремлих, и в полце его двадесять и четыре тысящы. I Chronicles 27:11 Осмый месяца осмаго Совохай Усафитянин, от колена Зараина, и в полце его двадесять и четыре тысящы. I Chronicles 27:12 Девятый месяца девятаго Авиезер, иже от Анафофа, от земли Вениамини, и в полце его двадесять и четыре тысящы. I Chronicles 27:13 Десятый месяца десятаго Меирай, иже от Нетофафита, от колена Зараина, и в полце его двадесять и четыре тысящы. I Chronicles 27:14 Первыйнадесять месяца первагонадесять Ванаиа, иже от Фарафона, от сынов Ефремлих и в полце его двадесять и четыре тысящы. I Chronicles 27:15 Вторыйнадесять месяца вторагонадесять Холдиа, иже от Нетофафита, от колена Гофониилева, и в полце его двадесять и четыре тысящы. I Chronicles 27:16 И над племены Израилевыми, Рувиму вождь Елиезер, сын Зехриев: Симеону Сафатиа, сын Мааха: I Chronicles 27:17 Левию Асавиа, сын Камуилев: Аарону Садок: I Chronicles 27:18 Иуде Елиав от братий Давидовых: Иссахару Амри, сын Михаилов: I Chronicles 27:19 Завулону Самаиа, сын Авдиев: Неффалиму Иеримоф, сын Озииль: I Chronicles 27:20 Ефрему Осий, сын Озазиев: полуплемени Манассиину Иоиль, сын Фадеев: I Chronicles 27:21 полуплемени Манассиину сущему в земли Галаадстей Иаддай сын Завадиин: сыном Вениаминим Иасиил, сын Авениров: I Chronicles 27:22 Дану Азариил, сын Иорамов. Сии быша началницы племеном Израилевым. I Chronicles 27:23 Не хоте же Давид счести их от двадесятилетнаго и нижае: зане рече Господь умножити Израиля, яко звезды небесныя. I Chronicles 27:24 Иоав же сын Саруиев нача сочитати люди, и не соверши: сего ради бысть гнев Божий на Израиля: и не внесеся сочисление в книгу словес царя Давида. I Chronicles 27:25 Над сокровищи же царскими бысть Асмоф сын Одиилев: и над сокровищи, иже на нивах и в селех, и в весех и в столпех, Ионафан сын Озиев: I Chronicles 27:26 и над земледелатели землю делающими Ездрай сын Хелувов: I Chronicles 27:27 и над селы Семей Армафейский: и над сокровищами виноградными Замвдиа сын Сефамиев: I Chronicles 27:28 над маслинами же и над черничием, иже бяху на полях, Валанан Гедоритянин: над сокровищи елеа Иоас: I Chronicles 27:29 над скоты же, иже пасяхуся в Сароне, Сатрай Саронитянин: и над волы, иже во юдолех, Софат сын Адаин: I Chronicles 27:30 над велблюды же Увиа Исмаилтянин: над ослы же Иадиа, иже от Марафона: I Chronicles 27:31 и над овцами Иоас Агаритин. Вси тии началницы имений Давида царя. I Chronicles 27:32 Ионафан же дядя Давидов (бысть) советник, муж мудр и книжен сый: и Иеиль сын Ахаманиев бе с сынами царевыми. I Chronicles 27:33 Ахитофел советник царев, и Хусиа первейший друг царев, I Chronicles 27:34 и по (нем) Ахитофеле бысть (близ)) Иодай сын Ванеин и Авиафар: и Иоав началный воевода царев. I Chronicles 28:0 I Chronicles 28:1 Собра же Давид вся началники Израилевы, началники судий и колен, и вся началники полков, почредно стрегущих царя, и началники тысящей и сотней, и стражы сокровищ, и сущыя над имениями своими и над всем стяжанием царевым, и сынов своих со евнухами, и сильныя и храбрыя воинства во Иерусалим. I Chronicles 28:2 И воста Давид царь посреде собрания и рече: слышите мя, братия моя и людие мои: бысть мне на сердцы создати дом упокоения кивоту завета Господня и подножие ног Господа (Бога) нашего, и уготовах на созидание потребная: I Chronicles 28:3 Бог же рече: не созиждеши мне дому еже именовати имя Мое в нем, зане человек воин еси ты и крови пролиял еси: I Chronicles 28:4 и избра Господь Бог Израилев мене от всего дому отца моего, да буду царь над Израилем во веки, и во Иуде избра царство, и от дому Иудина дом отца моего: и от сынов отца моего во мне благоволи, еже быти ми царю над всем Израилем: I Chronicles 28:5 от сынов же моих всех, сыны бо мне многи даде Господь, избра Соломона сына моего, да седит на престоле царства Господня, над Израилем: I Chronicles 28:6 и рече мне Бог: Соломон сын твой созиждет дом Мой и двор Мой, зане того избрах Мне в сына быти, и Аз буду ему во Отца I Chronicles 28:7 и укреплю царство его даже до века, аще укрепится хранити заповеди Моя и судбы Моя, якоже и днесь: I Chronicles 28:8 ныне убо пред лицем всего собрания Господня и во ушы Бога нашего, храните и взыщите вся заповеди Господа Бога нашего, да наследите землю благу и оставите в наследие сыном вашым по вас даже до века: I Chronicles 28:9 и ныне, Соломоне, сыне мой, да знаеши Бога отец твоих и служи Ему сердцем совершенным и душевною волею, вся бо сердца испытует Господь и всяко помышление разумеет: аще взыщеши Его, обрящеттися: аще же оставиши Его, оставит тя в конец: I Chronicles 28:10 ныне убо виждь, яко избра тя Господь, да созиждеши ему дом во освящение, крепися и соверши. I Chronicles 28:11 Даде же Давид Соломону сыну своему начертание храма и домов его, и камар его, и горниц, и полагалищ внутренних, и дому очищения, I Chronicles 28:12 и подобие, еже помысли духом своим, дворов дому Господня, и всех камар окрест в сокровищих дому Господня, и влагалищ святынь, I Chronicles 28:13 и виталищ, и дневных чред иерейских и левитских, во вся дела служения дому Господня, и влагалищ служебных сосудов службы дому Господня: I Chronicles 28:14 и меру веса их златых и сребряных, I Chronicles 28:15 светилников вес даде ему и свещников. I Chronicles 28:16 Даде ему подобне вес трапезы предложения, кияждо трапезы златыя, такожде и сребряных, I Chronicles 28:17 и удиц, и возлиялниц, и фиал златых, и вес златых и сребряных, и кадилниц златых, коегождо веса: I Chronicles 28:18 и жертвенника фимиамов от злата чиста вес оказа ему, и подобие колесницы херувимов простирающих крила и осеняющих над кивотом завета Господня. I Chronicles 28:19 Вся писанная рукою Господнею даде Давид Соломону, по сущему в нем разуму дела изображения. I Chronicles 28:20 И рече Давид Соломону сыну своему: укрепляйся и мужайся и твори: не бойся, ниже страшися, зане Господь Бог мой с тобою, не отступит от тебе, ниже оставит тя, дондеже совершиши ты все дело служения дому Господня: и се, подобие храма и дому Его, и камар Его, и горниц, и полагалищ внутренних, и дому очищения, и подобие дому Господня: I Chronicles 28:21 и се, дневныя чреды иереев и левитов во всяко служение Дому Господня, и с тобою во всяцем действе, и всяк усердный в мудрости во всяцем художестве, и князи, и вси людие во вся словеса твоя. I Chronicles 29:0 I Chronicles 29:1 И рече Давид царь ко всему собранию: Соломон сын мой, егоже избра себе Господь, юн и млад, а дело велико, занеже не человеку уготовится здание, но Господу Богу: I Chronicles 29:2 всею силою уготовах на дом Бога моего злато, сребро, медь, железо, древа, камение мраморное, и множество камений многоценных и различных, и всякое честное камение, и камений парийских много: I Chronicles 29:3 и еще внегда благоволити ми в дому Бога моего, есть у мене еже приготовах злато и сребро, и се, дах в дом Бога моего, в высоту, кроме оных, яже уготовах на дом святых: I Chronicles 29:4 три тысящи талант злата Суфирска и седмь тысящ талант сребра искушена к позлащению стен святилища, I Chronicles 29:5 идеже дело златое златом, а идеже сребряное сребром, и на всякое дело рукою художников: и кто благоволяй исполнити руку свою днесь Господу? I Chronicles 29:6 И обещаша усердно началницы отечеств и князи сынов Израилевых, и тысящницы и сотницы, и началницы дел и икономы царевы, I Chronicles 29:7 и даша на дела дому Господня злата талант пять тысящ, и златник десять тысящ, и сребра талант десять тысящ, и меди талант осмьнадесять тысящ, железа же сто тысящ талант: I Chronicles 29:8 и у нихже обретеся камение, даша во влагалище дому Господня, под руку Иеииля Герсонина. I Chronicles 29:9 И возвеселишася людие о усерднем подаянии, понеже всем сердцем приношаху Господу, и Давид царь возвеселися зело: I Chronicles 29:10 и благослови царь Давид Господа пред всем множеством, глаголя: благословен еси, Господи Боже Израилев, Отец наш, от века и до века: I Chronicles 29:11 Тебе, Господи, величество, и сила, и слава, и одоление, и исповедание, и крепость, яко Ты всеми, иже на небеси и на земли, владычествуеши: от лица Твоего трепещет всяк царь и язык: и Тебе, Господи, царство и великолепие во всех и во всяцем начале: I Chronicles 29:12 от Тебе богатство и слава, Ты над всеми началствуеши, Господи, начало всякаго начала, и в руку Твоею крепость и власть, и в руку Твоею милость, Вседержителю, возвеличити и укрепити вся: I Chronicles 29:13 и ныне, Господи, исповедаемся Тебе и хвалим имя хваления Твоего: I Chronicles 29:14 и кто аз есмь, и кто людие мои, яко возмогохом сия Тебе благовольне обещати? Твоя бо суть вся, и от твоих дахом Тебе: I Chronicles 29:15 пришелцы бо есмы пред Тобою и преселницы, якоже вси отцы наши: дние наши яко сень на земли, и несть постояния: I Chronicles 29:16 Господи Боже наш, ко всему множеству сему, еже уготовах, да созиждется дом имени святому Твоему, от руку Твоею суть, и Тебе вся: I Chronicles 29:17 и вем, Господи мой, яко Ты еси испытуяй сердца, и правду любиши: в простоте сердца моего произволих сия вся, и ныне людий Твоих, иже зде обретошася, видех с радостию Тебе произволивших (принести дары): I Chronicles 29:18 Господи Боже Авраама и Исаака и Израиля отец наших, сохрани сия в воли сердца людий Твоих во веки, и исправи сердца их к Тебе: I Chronicles 29:19 Соломону же сыну моему даждь сердце благо, да хранит заповеди Твоя и свидения Твоя и повеления Твоя, и к совершению привести здание дому Твоего. I Chronicles 29:20 И рече Давид всему собранию (людий): благословите Господа Бога нашего. И благословиша все собрание Господа Бога отец своих: и преклонше колена поклонишася Господу и царю. I Chronicles 29:21 И пожре Давид жертвы Господу, и вознесе всесожжения Богу на утрие перваго дне, телец тысящу, овнов тысящу, агнец тысящу, и возлияния их, и жертвы множество от всего Израиля. I Chronicles 29:22 И ядоша и пиша пред Господем в день той с великим веселием: и поставиша царем второе Соломона сына Давидова, и помазаша его Господу в царя, и Садока же во архиереа. I Chronicles 29:23 И седе Соломон на престоле Господни в царя, вместо Давида отца своего, и благоугоден бысть: и покорися ему весь Израиль. I Chronicles 29:24 Князи и сильнии и вси сынове царя Давида отца его повинушася ему. I Chronicles 29:25 И возвеличи Господь Соломона над всем Израилем и даде ему славу царства, еяже ни един царь име прежде его. I Chronicles 29:26 И Давид сын Иессеев царствова над всем Израилем четыредесять лет, I Chronicles 29:27 в Хевроне седмь лет, а во Иерусалиме лет тридесять три, I Chronicles 29:28 и умре в старости блазе, исполнь дний, в богатстве и славе, и воцарися Соломон сын его вместо его. I Chronicles 29:29 Прочая же словеса царя Давида первая и последняя написана суть в словесех Самуила видящаго и в словесех Нафана пророка и в словесех Гада провидящаго, I Chronicles 29:30 о всем царстве его и крепости его, и времена яже быша при нем и во Израили и во всех царствах земных.
II Chronicles 0:0
Вторая книга Паралипоменон II Chronicles 1:0 II Chronicles 1:1 И укрепися Соломон сын Давидов на царстве своем, и Господь Бог его (бе) с ним и возвеличи его в высоту. II Chronicles 1:2 И рече Соломон ко всему Израилю, тысящником и сотником, и судиям и всем началником пред Израилем. II Chronicles 1:3 И иде Соломон и все множество в вышний Гаваон, идеже бе скиния свидения Божия, юже сотвори Моисей раб Божий в пустыни. II Chronicles 1:4 Кивот же Господень принесе Давид от Града Кариафиарима на место, еже уготова ему Давид, яко водрузи ему скинию во Иерусалиме. II Chronicles 1:5 И олтарь медян, егоже содела Веселеил сын Урии сына Орова, ту бе пред скиниею Господнею и взыска его Соломон и вся церковь. II Chronicles 1:6 Вознесе же ту Соломон на олтари медянем пред Господем, иже в скинии свидения, и принесе на нем тысящу всесожжений. II Chronicles 1:7 В ту нощь явися Господь Соломону и рече ему: проси (что хощеши) да дам тебе. II Chronicles 1:8 Рече же Соломон к Богу: Ты сотворил еси с Давидом отцем моим милосердие велико и поставил мя еси царя вместо его: II Chronicles 1:9 и ныне, Господи Боже, да исполнится слово Твое к Давиду отцу моему, Ты бо мене сотворил царя над людьми многими, якоже прах земный: II Chronicles 1:10 ныне даждь мне премудрость и разум, да вниду и изыду пред людьми твоими сими, кто бо может судити сих людий Твоих многих? II Chronicles 1:11 И рече Бог к Соломону: понеже бысть сие в сердцы твоем, и не попросил еси богатства имений, ниже славы, ниже душ противящихся тебе, и дний многих не просил еси, но просил еси себе премудрости и разума, да судити можеши люди Моя, над нимиже поставих тя царя, II Chronicles 1:12 премудрость и разум даю тебе, богатство же и имения и славу дам тебе, яко не бысть в царех преждебывших тебе подобен тебе, и по тебе такожде не будет. II Chronicles 1:13 Прииде же Соломон от вышняго Гаваона во Иерусалим пред скинию свидения и царствова над Израилем. II Chronicles 1:14 И собра Соломон колесницы и конники, и быша ему тысяща и четыреста колесниц и дванадесять тысящ конник: и остави их во градех колесничных, людие же с царем во Иерусалиме. II Chronicles 1:15 И положи царь сребро и злато во Иерусалиме яко камение, кедры же во Иудеи яко черничие, еже на поли во множестве. II Chronicles 1:16 Исхождение же коней Соломоновых из Египта ценою купцов царских, иже хождаху и куповаху. II Chronicles 1:17 И восхождаху и привождаху из Египта колесницу едину за шесть сот сребреник, и коня за сто и пятьдесят сребреник: такожде и от всех царств Хеттейских и от царей Сирийских рукама их приводима бываху. II Chronicles 2:0 II Chronicles 2:1 И повеле Соломон созидати дом имени Господню и дом царству своему. II Chronicles 2:2 И собра царь Соломон седмьдесят тысящ мужей носящих времена и осмьдесят тысящах каменосечцев в горах, приставленных же над ними три тысящы и шесть сот. II Chronicles 2:3 И посла Соломон к Хираму царю Тирску, глаголя: якоже сотворил еси с Давидом отцем моим и послал еси ему кедры, да созиждет себе дом, в немже ему обитати, II Chronicles 2:4 и се, аз сын его созидаю дом имени Господа Бога моего, да освяшу его Ему, еже кадити пред Ним фимиам ароматов и предложение всегда, и возносити всесожжения выну, утро и к вечеру, и в субботы, и в новомесячиих, и в праздницех Господа Бога нашего: во век сие бо Израили: II Chronicles 2:5 и дом, егоже аз созидаю, велик, велик бо есть Господь Бог наш паче всех богов, II Chronicles 2:6 и кто возможет создати Ему дом? Аще бо небо и небо небесе не могут вместити славы Его: и кто аз, созидаяй Ему дом? Но токмо еже кадити фимиам пред Ним: II Chronicles 2:7 ныне убо посли мне мужа мудра, иже весть дела творити в злате и сребре, и меди и железе, и порфире и в червлени и в синете, и иже знает ваяти ваяние, с мудрыми, иже у мене во Иудеи и во Иерусалиме, яже уготова Давид отец мой: II Chronicles 2:8 и посли ми древа кедрова и аркевфова и певгова от Ливана, вем бо аз, яко раби твои умеют сещи древа от Ливана: II Chronicles 2:9 и се, раби твои с рабы моими пойдут, да уготовают мне древа многа, дом бо, егоже аз созидаю, велик и преславен: II Chronicles 2:10 и се, делателем, иже секут древа, дах в пищу рабом твоим пшеницы мер двадесять тысящ и ячменя мер двадесять тысящ, и вина мер двадесять тысящ и елеа мер двадесять тысящ. II Chronicles 2:11 Рече же Хирам царь Тирский чрез писание и посла к Соломону, глаголя: понеже возлюби Господь люди Своя, постави тя над ними царя. II Chronicles 2:12 И рече Хирам: благословен Господь Бог Израилев, иже сотвори небо и землю, иже даде Давиду царю сына премудра и учена, и умна и разумна, иже созиждет дом Господу и дом царству своему: II Chronicles 2:13 и ныне послах тебе мужа мудра и сведуща разум, Хирама раба моего: II Chronicles 2:14 матерь его от дщерей Дановых, отец же его муж Тирянин, иже весть делати в злате и сребре, и в меди и в железе, и в камениих и в древах, и ткати в порфире и в синете и в виссоне и в червленице, и ваяти всякую резь, и разумети всяко разумение, елика аще даси ему, с мудрыми твоими и с мудрыми господина моего Давида, отца твоего: II Chronicles 2:15 и ныне пшеницу и ячмень, и елей и вино, яже обещал еси, господине мой, посли рабом твоим, II Chronicles 2:16 мы же будем сещи древа от Ливана на всяку потребу твою и послем я плотами по морю Иоппийскому, ты же приведеши я во Иерусалим. II Chronicles 2:17 И собра Соломон всех мужей пришелцев, иже бяху в земли Израилеве, по сочтению, имже сочте их Давид отец его, и обретени суть сто пятьдесят три тысящы и шесть сот: II Chronicles 2:18 сотвори же от них седмьдесят тысящ бременоносцев и осмьдесят тысящ каменосечцев, три тысящы и шесть сот приставники над делами людскими. II Chronicles 3:0 II Chronicles 3:1 И нача Соломон созидати дом Господень во Иерусалиме, на горе Амориа, на месте, еже уготова Давид на гумне Орны Иевусеанина: II Chronicles 3:2 нача же созидати в месяц вторый лета четвертаго царства своего. II Chronicles 3:3 И сице нача Соломон созидати дом Божий: в долготу лакот, размер первый, лакот шестьдесят, в широту же лакот двадесять: II Chronicles 3:4 и притвор пред лицем дому, долгота по лицу широты дому, лакот двадесять, высота же лакот сто двадесять и позлати его внутрь златом чистым. II Chronicles 3:5 Дом же великий окры дсками кедровыми и позлати златом чистым: извая же на нем подобия фиников и яко мрежицы промежь себе сплетающяся, II Chronicles 3:6 и украси храм камением драгим славно, и позлати златом, еже от Фаруима . II Chronicles 3:7 И позлати дом и стены его, и врата и праги, и окна и двери златом, и извая херувимы на стенах. II Chronicles 3:8 Сотвори же дом Святая Святых, долгота его по лицу широты дому, лакот двадесять, широта такожде двадесять лакот, и позлати и златом чистым на херувимех, талант шесть сот. II Chronicles 3:9 И вес гвоздий, вес гвоздя единаго пятьдесят сикль злата, и горницу позлати златом. II Chronicles 3:10 И сотвори в дому Святая Святых Херувима два, дело от древ негниюших и позлати их златом. II Chronicles 3:11 И криле херувимов, долгота двадесять лакот, и едино крило лакот пяти, прикасающееся стене дому, II Chronicles 3:12 и другое крило пяти лакот, прикасающееся крилу херувима другаго: II Chronicles 3:13 криле же херувимов сих распростерте на лакот двадесять, тии же стояху на нозех своих, лица же их (зряще) к дому. II Chronicles 3:14 Сотвори же завесу от синеты и багряницы, и червленицы и виссона, и сотка на ней херувимы. II Chronicles 3:15 И сотвори пред храмом столпа два, лакот тридесять пять в высоту, и главы их пять лакот. II Chronicles 3:16 И сотвори чепи в давире и положи на главах столпов, и шипков сотвори сто, ихже положи на мрежи. II Chronicles 3:17 И постави столпы пред лицем храма, единаго одесную, а другаго ошуюю: и нарече имя сущему одесную Исправление, имя же сущему ошуюю Крепость. II Chronicles 4:0 II Chronicles 4:1 Сотвори же и олтарь медян, двадесять лакот в долготу и двадесять лакот в широту и десять лакот в высоту. II Chronicles 4:2 И сотвори море (медяно) слияно, десять лакот от устия до устия его, кругло окрест, и пяти лакот в высоту, и округлость его тридесяти лактей: II Chronicles 4:3 и подобие телцев под ним окрест окружающих е: десять лакот обдержаху умывалницу окрест: два рода слияша телцев в слиянии их, II Chronicles 4:4 имже сотвориша их дванадесять телцев, иже трие сматряху к северу и трие к западу, и трие к полудню и трие к востоку, и море на них (наставлено), задняя же их бяху внутрь (под морем): II Chronicles 4:5 и толстота его дланная, и устие его яко устие потира, изваянна яко отрасли крина, вмещающее три тысящы мер: и соверши. II Chronicles 4:6 Сотвори же омывалниц десять и постави пять одесную и пять ошуюю, да омывают в них вся приносимая на всесожжения и очищают в них, море же, да омываются священницы в нем. II Chronicles 4:7 Сотвори же и подсвещник златых десять по мере их и постави я в храм пять одесную и пять ошуюю. II Chronicles 4:8 И сотвори столов десять и постави в храм пять одесную и пять ошуюю, и фиал златых сотвори сто. II Chronicles 4:9 И сотвори двор священником и двор великий, и двери двора и вереи их помедяны медию. II Chronicles 4:10 И море постави от угла дому одесную аки к востоку прямо. II Chronicles 4:11 Сотвори же Хирам удицы мясныя, и кадилницы, и сковраду жертвенную, и вся сосуды его: и соверши Хирам творити всякое дело, еже сотвори Соломону царю в дому Божии: II Chronicles 4:12 столпа два, и на них окружилия, и венцы на главах дву столпу, и мрежице две, еже покрывати главы венцев иже суть над главами столпов: II Chronicles 4:13 и звонцев златых четыреста в две мрежи, и два ряда шипков во мрежи единей, еже покрывати два окружилия венцев, иже суть верху столпов: II Chronicles 4:14 и подставов сотвори десять, и умывалницы сотвори на подставах, II Chronicles 4:15 и море едино и волов дванадесять под ним, II Chronicles 4:16 и котлы, и удицы мясныя и вся сосуды их, яже сотвори Хирам и принесе царю Соломону в дом Господень от меди чистыя. II Chronicles 4:17 Во стране Иордана слия их царь, в толщи земней, между Сокхофом и между Саридафом. II Chronicles 4:18 И сотвори Соломон вся сосуды сия многочисленны зело, понеже не оскуде тягость меди. II Chronicles 4:19 Сотвори же Соломон вся сосуды дому Божия, и олтарь злат, и трапезы, и на них хлебы предложения, II Chronicles 4:20 и подсвещники, и светилники света, да светят пред Святая святых по чину, от злата чиста, II Chronicles 4:21 и щипцы их, и светилники их, и фиалы, и чашицы, и кадилницы от злата чиста, II Chronicles 4:22 и двери храма внутренния яже во Святая Святых и двери дому храма златыя. И совершися все дело еже сотвори Соломон в дому Господни. II Chronicles 5:0 II Chronicles 5:1 И внесе Соломон святая Давида отца своего, сребро и злато и вся сосуды, и даде в сокровище дому Господня. II Chronicles 5:2 Тогда собра Соломон вся старейшины Израилевы и вся началники колен, вожды отечеств сынов Израилевых во Иерусалим, да вознесут кивот завета Господня от града Давидова, иже есть Сион. II Chronicles 5:3 И собрашася ко царю вси мужие Израилевы в праздник, сей есть месяц седмый. II Chronicles 5:4 И приидоша вси старейшины Израилевы, и взяша вси левити кивот II Chronicles 5:5 и внесоша его и скинию свидения и вся сосуды святыя, иже в скинии, и внесоша его священницы и левити. II Chronicles 5:6 Царь же Соломон и весь сонм сынов Израилевых, и боящиися и собрании пред кивотом, жряху телцы и овцы безчисленны и несочисляемы от множества. II Chronicles 5:7 И внесоша священницы кивот завета Господня на место его, еже есть молитвенник храма, во Святая Святых, под криле херувимов. II Chronicles 5:8 И бяху херувими распростерше крила своя над местом кивота, и покрываху херувими над кивотом и над носилами его свыше. II Chronicles 5:9 И длиннее бяху носила, и видяхуся главы носил от святых в лице молитвенника, и не видяхуся вне, и быша тамо даже до настоящаго дне. II Chronicles 5:10 Ничтоже бе в кивоте, токмо две скрижали, ихже положи Моисей в Хориве, егда закон даде Господь сыном Израилевым, исходящым им из земли Египетския. II Chronicles 5:11 И бысть исходящым священником от святых, вси бо священницы, иже ту обретошася, освящени быша и не бяху расположени в дневную чреду, II Chronicles 5:12 левити же и певцы вси с сынми Асафовыми, со Еманом, Идифумом, и с сынми их и с братиями их, облечени в ризы льняны, в кимвалех и псалтири и гуслех (возглашаху) стояще пред олтарем, и с ними жерцев сто двадесять трубяще трубами: II Chronicles 5:13 и бысть един глас в трублении и в псалмопении и в возглашении гласом единым еже хвалити и исповедатися Господеви. И егда воздвигоша глас в трубах и кимвалех и органех песней, и глаголаху: исповедайтеся Господеви, яко благ, яко в век милость Его: и дом исполнися облака славы Господни, II Chronicles 5:14 и не могоша священницы стати служити от лица облака, наполни бо слава Господня дом Божий. II Chronicles 6:0 II Chronicles 6:1 Тогда рече Соломон: Господь рече обитати во мгле, II Chronicles 6:2 аз же создах дом имени Твоему Святый Тебе, и уготован еже обитати Тебе во веки. II Chronicles 6:3 И обрати царь лице свое и благослови все собрание Израилево, и все собрание Израилево предстояше, и рече: II Chronicles 6:4 благословен Господь Бог Израилев, якоже глагола усты Своими ко Давиду отцу моему, и руками Своими соверши, глаголя: II Chronicles 6:5 от дне, в оньже изведох люди Моя от земли Египетския, не избрах града от всех колен Израилевых, да созиждется в нем дом имени Моему ту, ниже избрах мужа быти вождем над людьми Моими во Израили: II Chronicles 6:6 но избрах Иерусалима, да будет имя Мое в нем, и избрах Давида быти над людьми Моими Израилем: II Chronicles 6:7 и бысть на сердцы Давида отца моего создати дом имени Господа Бога Израилева: II Chronicles 6:8 и рече Господь ко Давиду отцу моему: понеже бысть на сердцы твоем создати дом имени Моему, добре сотворил еси, яко бысть на сердцы твоем, II Chronicles 6:9 обаче ты не созиждеши Мне дому, но сын твой, иже изыдет из чресл твоих, той созиждет дом имени Моему: II Chronicles 6:10 и соверши Господь слово сие, еже глагола, и бых вместо Давида отца моего, и седох на престоле Израилеве, якоже глагола Господь, и создах дом имени Господа Бога Израилева, II Chronicles 6:11 и поставих в нем кивот, в немже есть завет Господень, егоже завеща Израилю. II Chronicles 6:12 И ста пред олтарем Господним, пред всем множеством Израилевым, и простре руце свои: II Chronicles 6:13 сотвори бо Соломон стояло медяно и постави его посреде двора святилища, пять лакот долгота его и пять лакот широта его и три лакти высота его: и ста на нем, и паде на колена своя пред всем множеством Израилевым, и простре руки своя на небо и рече: II Chronicles 6:14 Господи Боже Израилев, несть подобен Тебе Бог на небеси и на земли, сохраняяй завет и милость с рабы Твоими, иже ходят пред Тобою всем сердцем своим, II Chronicles 6:15 яже сохранил еси рабу Твоему Давиду отцу моему, елика рекл еси ему глаголя, и глаголал еси усты Твоими и руками Твоими совершил еси, якоже день сей: II Chronicles 6:16 и ныне, Господи Боже Израилев, сохрани рабу Твоему Давиду отцу моему, яже рекл еси ему глаголя, и глаголал еси усты Твоими и исполнил еси якоже в день сей, глаголя: не оскудеет тебе муж от лица Моего седяй на престоле Израилеве, токмо аще сохранят сынове твои пути Моя ходити в законе Моем, якоже ходил еси предо Мною: II Chronicles 6:17 и ныне, Господи Боже Израилев, да укрепится слово Твое, еже глаголал еси рабу Твоему Давиду: II Chronicles 6:18 убо истинно ли Бог обитати будет с человеки на земли? Аще небо и небо небесе не довлеют Ти, и кольми паче дом сей, егоже создах? II Chronicles 6:19 И призри на моление раба Твоего и на молитву мою, Господи Боже мой, еже услышати молитвы моя и моление, имже раб Твой молится пред Тобою днесь, II Chronicles 6:20 еже быти очесем Твоим отверстым на дом сей день и нощь, на место сие, о немже глаголал еси, да призовется имя Твое тамо, еже услышати молитву, еюже раб Твой молится на месте сем: II Chronicles 6:21 и послушати мольбу раба Твоего и людий Твоих Израиля, елика аще помолятся на месте сем и ты услышиши на месте жилища Твоего с небесе, и услышиши, и милостив будеши: II Chronicles 6:22 аще согрешит муж ко искреннему своему и приимет на него клятву еже клясти его, и приидет и прокленет пред олтарем в дому сем, II Chronicles 6:23 и Ты услыши от небесе и суди рабом Твоим, еже воздати беззаконному, и воздати пути его на главу его, и оправдити праведнаго, воздая ему по правде его: II Chronicles 6:24 и аще одолени будут людие Твои Израиль от враг, аще согрешат Тебе и обратятся, и исповедятся имени Твоему, и помолятся пред Тобою в храме сем, II Chronicles 6:25 и Ты услыши с небесе и милостив буди грехом людий Твоих Израиля и возврати их в землю, юже дал еси им и отцем их: II Chronicles 6:26 егда заключиши небо, и не будет дождя, яко согрешат Тебе, и помолятся на месте сем, и восхвалят имя Твое, и обратятся от грех своих, егда смириши их, II Chronicles 6:27 и Ты услыши с небесе и милостив буди грехом рабов и людий Твоих Израиля, яко явиши им путь благ, по немуже пойдут, и даждь дождь на землю Твою, юже дал еси людем Твоим в наследие: II Chronicles 6:28 глад аще будет на земли, губителство аще будет, воздуха растление и иктер, прузи и гусеницы аще будут, и аще оскорбит их враг пред градами их, всякою язвою и всякою болезнию, II Chronicles 6:29 и всяка молитва, и всяко моление, еже аще будет всякому человеку и всем людем Твоим Израилю, аще познает человек язву свою и грех свой и прострет руце свои в дому сем, II Chronicles 6:30 и Ты услыши с небесе от готоваго жилища Твоего, и очести, и даждь коемуждо по путем его, якоже веси по сердцу его, Ты бо един веси сердца сынов человеческих, II Chronicles 6:31 яко да боятся Тебе, еже ходити бо всех путех Твоих вся дни, в няже живут на лицы земли юже дал еси отцем нашым: II Chronicles 6:32 и всяк чуждии, иже несть от людий Твоих Израиля, и приидет от земли дальния ради имене Твоего великаго и ради руки Твоея сильныя и мышцы Твоея высокия, и приидет и помолится на месте сем, II Chronicles 6:33 и Ты услыши с небесе от готоваго жилища Твоего, и сотвориши по всему, елико призовет Тя чуждий, да уведят вси людие земли имя Твое и убоятся Тебе, якоже людие Твои Израиль, и познают, яко имя Твое призвано есть на дом сей, егоже создах: II Chronicles 6:34 аще же изыдут людие Твои на брань противу супостат своих по пути, имже послеши их, и помолятся Тебе по пути града сего, егоже избрал еси Себе, и дому, егоже создах имени Твоему, II Chronicles 6:35 да услышиши с небесе молитву их и моление их, и сотвориши оправдание их: II Chronicles 6:36 зане согрешат Тебе, яко несть человек, иже не согрешит, и поразиши их, и предаси их в руки врагов их, и пленят их пленяющии в землю врагов, в землю дальнюю или ближнюю, II Chronicles 6:37 и обратят сердце свое в земли их, в нюже пленени будут, и тамо обратятся, и помолятся Тебе в пленении своем, глаголюще: согрешихом, беззаконновахом, неправдовахом, II Chronicles 6:38 и обратятся к Тебе всем сердцем своим и всею душею своею в земли пленивших я, идеже плениша их, и помолятся путем земли своея, юже дал еси отцем их, и града, егоже избрал еси, и дому, егоже создах имени Твоему: II Chronicles 6:39 да услышиши с небесе от готоваго жилища Твоего молитву их и моление их, и сотвориши суд, и милостив буди людем Твоим согрешившым Ти: II Chronicles 6:40 и ныне, Господи, да будут отверсте очи Твои, и уши Твои внятне к молению места сего: II Chronicles 6:41 и ныне востани, Господи Боже, в покой Твой, Ты и кивот крепости Твоея: священницы Твои, Господи Боже, да облекутся во спасение, и преподобнии Твои возвеселятся во благих: II Chronicles 6:42 Господи Боже, да не отвратиши лица христа Твоего, помяни щедроты Давида раба Твоего. II Chronicles 7:0 II Chronicles 7:1 И егда соверши Соломон моляся, и огнь сниде с небесе и пояде всесожжения и жертвы и слава Господня исполни дом: II Chronicles 7:2 и не можаху священницы внити в храм Господнь во время оно, яко исполни слава Господня дом Господень. II Chronicles 7:3 И вси сынове Израилевы видяху сходящь огнь и славу Господню на дом, и падоша ниц на землю на помост постлан камением, и поклонишася, и восхвалиша Господа, яко благ, яко во век милость Его. II Chronicles 7:4 Царь же и вси людие пожроша жертвы пред Господем. II Chronicles 7:5 И пожре царь Соломон жертву волов двадесять и две тысящы, овец сто и двадесять тысящ, и освяти дом Божий царь и вси людие. II Chronicles 7:6 Священницы же стояху на стражах своих, и левити во органы пояху песни Господни, яже сотвори Давид царь к похвалению Господа: (яко благ,) яко во век милость Его, песни Давидовы (поюще) руками своими: и священницы пояху трубами пред ними, и весь Израиль стояше. II Chronicles 7:7 Освяти же Соломон среднее двора, иже пред церковию Господнею, принесе бо ту всесожжения и туки мирных, яко олтарь медян, егоже сотвори Соломон, не можаше вместити всесожжений и жертв и туков. II Chronicles 7:8 И сотвори Соломон праздник во время оно седмь дний, и весь Израиль с ним, собрание велико зело от входа во Емаф даже до потока Египетска: II Chronicles 7:9 сотвори же в день осмый торжество, понеже освящению олтаря сотвори седмь дний праздник. II Chronicles 7:10 И в день двадесять третий месяца седмаго отпусти людий в жилище их веселящихся и радующихся о благих, яже сотвори Господь Давиду и Соломону и Израилю людем Своим. II Chronicles 7:11 И соверши Соломон дом Господень и дом царев: и вся, елика восхоте в сердцы своем Соломон творити в дому Господни и в дому своем, благопоспешися. II Chronicles 7:12 И явися Господь Соломону нощию и рече ему: услышах моление твое и избрах место сие мне в дом жертвы: II Chronicles 7:13 аще заключу небо, и дождь не излиется, и аще повелю пругом поясти древо, и аще послю губителство на люди Моя, II Chronicles 7:14 и аще посрамлени будут людие Мои, на нихже призвано есть имя Мое, и помолятся, и взыщут лица Моего, и отвратятся от путий своих злых: и Аз услышу с небесе и милостив буду грехом их, и изцелю землю их: II Chronicles 7:15 и ныне очи Мои будут отверсте, и уши Мои послушне к молению места сего: II Chronicles 7:16 и ныне избрах и освятих дом сей, да будет на Мое ту даже до века, и будут очи Мои и сердце Мое ту вся дни: II Chronicles 7:17 ты же аще ходити будеши предо Мною, якоже ходил Давид отец твой, и сотвориши по всем, яже повелех тебе, и повеления Моя и судбы Моя сохраниши: II Chronicles 7:18 и воздвигну престол царства твоего, якоже завещах Давиду отцу твоему глаголя: не отимется от тебе муж вождь во Израили: II Chronicles 7:19 аще же отвратитеся вы и оставите повеления Моя и заповеди Моя, яже предах вам, и пойдете и послужите богом иным и поклонитеся им, II Chronicles 7:20 исторгну вас от земли, юже дах вам: и дом сей, егоже освятих имени Моему, отвергу от лица Моего и предам его в притчу и в повесть всем языком: II Chronicles 7:21 и дом сей высокий (в притчу), всяк мимоходяй его ужаснется и речет: почто сотвори Господь тако земли сей и дому сему? II Chronicles 7:22 И отвещают: яко оставиша Господа Бога отец своих, иже изведе их от земли Египетския, и прияша боги чуждыя, и поклонишася им, и поработаша им, и сего ради наведе на них вся сия злая. II Chronicles 8:0 II Chronicles 8:1 И бысть по двадесяти летех, в нихже созда Соломон дом Господень и дом свой, II Chronicles 8:2 и грады яже даде Хирам Соломону, созда оны Соломон и всели ту сыны Израилевы. II Chronicles 8:3 И прииде Соломон во Емаф-Сува и одержа его. II Chronicles 8:4 И созда Федмор в пустыни и вся грады крепкия, яже созда во Емафе. II Chronicles 8:5 Сострои же Вефорон вышний и Вефорон нижний, грады укреплены стенами, вратами и вереями: II Chronicles 8:6 и Валааф, и вся грады крепкия, иже быша Соломону, и вся грады колесниц и грады конник, и елика восхоте Соломон по желанию создати бо Иерусалиме и в Ливане и во всем царстве своем. II Chronicles 8:7 Весь народ оставшийся от Хеттеа и Аморреа, и Ферезеа и Евеа и Иевусеа, иже не бяху от племене Израилева, II Chronicles 8:8 но беша от сынов их оставшихся по них на земли, ихже не избиша сынове Израилевы, подведе их Соломон в дань даже до дне сего. II Chronicles 8:9 От сынов же Израилевых не даде Соломон в рабы царству своему: тии бо бяху мужие ратницы и князи, и сильнии и началницы колесниц и конник его. II Chronicles 8:10 И сии началницы предстоящих царю Соломону, двести пятьдесят приставницы над делы людскими. II Chronicles 8:11 Дщерь же Фараоню преведе Соломон от града Давидова в дом, егоже созда ей, рече бо: да не обитает жена моя в дому Давида царя Израилева, понеже освящен есть, аможе вниде кивот Господень. II Chronicles 8:12 Тогда вознесе Соломон всесожжения Господеви на олтарь, егоже созда Господеви пред храмом, II Chronicles 8:13 по словеси от дне до дне возносити, по повелению Моисееву, в субботы и в новомесячия и в праздники, трижды в год, в праздник опресноков и в праздник седмиц и в праздник кущей. II Chronicles 8:14 И постави по разсуждению Давида отца своего разделения священником и по служением их: и левиты над стражами их, да хвалят и служат пред священники по чину единаго коегождо дний: и дверницы по разделением их, по вратом и вратом: тако бо повеле Давид человек Божий. II Chronicles 8:15 Не преступиша заповедий царевых о священницех и левитех по всякому словеси, и в сокровищих. II Chronicles 8:16 И уготовася всяко делание от дне, в оньже основа, до дне, в оньже соверши Соломон дом Господень. II Chronicles 8:17 Тогда иде Соломон в Гасионъгавер и во Елаф, иже при мори в земли Идумейстей. II Chronicles 8:18 И посла Хирам рукою слуг своих корабли и рабы знающыя морския проходы, и хождаху с рабы Соломоними в Софир, и взяша оттуду четыреста и пятьдесят талант злата и принесоша ко царю Соломону. II Chronicles 9:0 II Chronicles 9:1 Царица же Савска услыша имя Соломоново и прииде искусити его гаданьми во Иерусалиме с силою тяжкою зело: и велблюды носящии ароматы и злата множество и камения драгаго: и прииде к Соломону и глагола ему вся, елика беша в сердцы ея. II Chronicles 9:2 И возвести ей Соломон вся словеса ея, и не прейде слово, егоже бы не возвестил ей. II Chronicles 9:3 И виде царица Савска премудрость Соломоню, и дом егоже созда, II Chronicles 9:4 и яди столов его, и седалища рабов его, и состояние служебников его и ризы их, и виночерпчия его и украшение их, и всесожжения, яже жряше в дому Господни, и вне себе бысть. II Chronicles 9:5 Рече же ко царю: истинно есть слово, еже слышах в земли моей о словесех твоих и о премудрости твоей: II Chronicles 9:6 и не веровах словесем их, дондеже приидох, и видеста очи мои, и се, не возвестиша мне половины множества премудрости твоея: приложил еси ко слышанию яже слышах: II Chronicles 9:7 блажени мужие твои и блажени раби твои сии, иже предстоят пред тобою на всяко время и слышат премудрость твою: II Chronicles 9:8 да будет Господь Бог твой благословен, иже благоволи в тебе, еже дати тя на престол Свой царя Господу Богу твоему: зане возлюби Господь Бог твой Израиля, еже утвердити его во век, и постави тя над ними царя, да сотвориши суд и правду. II Chronicles 9:9 Даде же царю сто двадесять талант злата и ароматы многи зело и камение драгое, и не быша ароматы таковы яко сия, яже даде царица Савска царю Соломону. II Chronicles 9:10 Но и раби Хирамовы с рабы Соломоними приношаху злато Соломону драгое. II Chronicles 9:11 И сотвори Соломон царь от древ певговых степени в дом Господень и в дом царев, и гусли и псалтири песней, и никогдаже видена быша в земли Иудине прежде такоая. II Chronicles 9:12 Царь же Соломон даде царице Савстей вся по желанию ея, ихже просила, кроме всех яже принесе царю Соломону, и возвратися в землю свою. II Chronicles 9:13 Бе же вес злата приносимаго к Соломону на всяко лето шесть сот шестьдесят шесть талант злата, II Chronicles 9:14 кроме мужей подданных и купцов, иже приношаху, и всех царей Аравских и властелей земли, иже вси приношаху злато и сребро царю Соломону. II Chronicles 9:15 Сотвори убо царь Соломон двести щитов златых тягненых, шесть сот златник чистых бяху во единем щите: II Chronicles 9:16 и триста щитов златых тягненых, по триста златник бяше во единем коемждо щите, и положи я царь в дому древа Ливанова. II Chronicles 9:17 Сотвори же царь престол от слоновых зубов велик, и позлати его златом чистым, II Chronicles 9:18 и шесть степений у престола позлащени златом, и мышчицы две туду и сюду над престолом седалища, и два льва стояща близ мышчцей, II Chronicles 9:19 и дванадесять львов стоящих тамо на шести степенех от обоих стран: и не бысть таков престол во всяцем царстве. II Chronicles 9:20 Вси же сосуди царя Соломона бяху златы, и вси сосуди дому дубравы Ливанския златом окружены, сребро бо во днех Соломоних ни во что вменяшеся: II Chronicles 9:21 зане корабль царев хождаше в Фарсис с рабы Хирамовыми, единицею в лета три прихождаше корабль от Фарсиса ко царю, полн злата и сребра и зубов слоновых и обезян. II Chronicles 9:22 И возвеличися Соломон паче всех царей земных богатством и мудростию. II Chronicles 9:23 Вси же царие земстии желаху видети лице Соломоне и слышати премудрость его, юже даде Бог в сердце его: II Chronicles 9:24 и приношаху ему кийждо дары своя, сосуды сребряны и златы, и одеяния и стакту, и сладости, кони и мски, на всякое лето. II Chronicles 9:25 И бяху царю Соломону четыредесять тысящ кобылиц к колесницы и дванадесять тысящ конник, и постави их во градех колесничных и со царем во Иерусалиме. II Chronicles 9:26 И быть вождь всех царей от реки (Евфрата) даже до земли иноплеменник и даже до предел Египетских. II Chronicles 9:27 И даде царь злато и сребро во Иерусалиме яко камение, и кедры яко черничие, еже (раждается) в полях множество. II Chronicles 9:28 И приводяху кони Соломону от Египта и от всея земли. II Chronicles 9:29 И прочая словеса Соломоня первая и последняя, се, сия писана суть в словесех Нафана пророка и в словесех Ахии Силониты и в видениих Иоиля видящаго, противу Иеровоама сына Наватова. II Chronicles 9:30 И царствова Соломон во Иерусалиме над всем Израилем четыредесять лет. II Chronicles 9:31 И успе Соломон со отцы своими, и погребоша его во граде Давида отца его. И воцарися Ровоам сын его вместо его. II Chronicles 10:0 II Chronicles 10:1 И прииде Ровоам в Сихем, зане в Сихем весь Израиль снидеся поставити его царем. II Chronicles 10:2 И бысть егда услыша Иеровоам сын Наватов, иже бе во Египте, яко убеже от лица Соломона царя, и обита Иеровоам во Египте, и возвратися Иеровоам от Египта. II Chronicles 10:3 И послаша и призваша его. И прииде Иеровоам и все собрание Израилево ко царю Ровоаму, глаголюще: II Chronicles 10:4 отец твой ожесточи иго наше, ты же ныне ослаби от работы отца твоего жестокия и от ига его тяжкаго, еже возложи на нас, и послужим тебе. II Chronicles 10:5 И рече им: поидите даже до триех дний и приидите ко мне. И отидоша людие. II Chronicles 10:6 И собра царь Ровоам старейшины, иже стояху пред Соломон отцем его, егда еще живяше, глаголя: каков вы даете совет отвещати людем сим? II Chronicles 10:7 И реша ему: аще днесь будеши во благое людем сим, и благоугодиши, и речеши им словеса благая, то послужат тебе во вся дни. II Chronicles 10:8 И остави совет старейшин, егоже совещаша ему: и советоваше со юношами, иже с ним воспитани бяху и стояху пред ним, II Chronicles 10:9 и рече к ним: что вы собетуете, да отвещаю людем сим, иже реша мне, глаголюще: облегчи иго, еже наложи на ны отец твой? II Chronicles 10:10 И отвещаша ему отроцы воспитаннии с ним, глаголюще: тако речеши людем, ихже рекоша тебе, глаголюще: отец твой отягчи иго наше, ты же облегчи нам: тако отвещай к ним: менший перст мой толстее есть чресл отца моего: II Chronicles 10:11 отец мой наложи вам тяжкое иго, аз же (тягости) приложу на иго ваше: отец мой бил вас бичми, аз же буду бити вас скорпионами. II Chronicles 10:12 И прииде Иеровоам и вси людие к Ровоаму в день третий, якоже повеле им царь, глаголя: возвратитеся ко мне в день третий. II Chronicles 10:13 И отвеща царь жестоко, и остави царь Ровоам совет старейшин, и рече к ним по совету юнош, глаголя: II Chronicles 10:14 отец мой отяготи иго ваше, аз же приложу к нему: отец мой бил вас бичми, аз же бити буду вы скорпионами. II Chronicles 10:15 И не послуша царь людий, яко бе превращение от Бога, глаголя: возстави Господь слово Свое, еже глагола рукою Ахии Силониты о Иеровоаме сыне Наватове II Chronicles 10:16 и о всем Израили, зане не послуша царь их. И отвещаша людие ко царю, глаголюще: кая нам часть в Давиде и наследие в сыне Иессееве? Возвратися в жилища твоя, Израилю, ныне смотри дому твоего, Давиде. И иде весь Израиль в жилища своя. II Chronicles 10:17 Мужие же Израилевы, иже обитаху во градех Иудиных, воцариша над собою Ровоама. II Chronicles 10:18 И посла царь Ровоам к ним Адонирама бывша над даньми, и камением побиша его сынове Израилевы, и умре. И услыша царь Ровоам, и потщася взыти на колесницу, и побеже во Иерусалим. II Chronicles 10:19 И отвержеся Израиль от дому Давидова даже до дне сего. II Chronicles 11:0 II Chronicles 11:1 Прииде же Ровоам во Иерусалим, и созва (весь) дом Иудин и Вениаминь, сто осмьдесят тысящ избранных юношей творящих брань, и воеваше противу Израиля и Иеровоама, да обратит к себе царство. II Chronicles 11:2 И бысть слово Господне к Самею человеку Божию, глаголя: II Chronicles 11:3 глаголи к Ровоаму сыну Соломоню, царю Иудину, и ко всему Израилю, иже есть во Иуде и Вениамине: II Chronicles 11:4 сия рече Господь: не восходите, ниже ополчайтеся противу братии вашея: возвратитеся кийждо в дом свой, зане от Мене бысть глаголгол сей. И послушаша слова Господня, и возвратишася, и не поидоша противу Иеровоама. II Chronicles 11:5 Обита же Ровоам во Иерусалиме и созда грады стенаты во Иудеи: II Chronicles 11:6 сострои же Вифлеем и Етам, и Фекуе II Chronicles 11:7 и Вефсур, и Сокхоф и Одоллам, II Chronicles 11:8 и Геф и Марисан, и Зиф II Chronicles 11:9 и Адурем, и Лахис и Азику, II Chronicles 11:10 и Салаю и Елон и Хеврон, иже есть Иудин и Вениаминь, грады крепкия: II Chronicles 11:11 и укрепи их стенами, и постави в них началники, житохранилища, и елей и вино, II Chronicles 11:12 во всяцем граде щиты и копия, и укрепи их во множестве зело, и быста под ним Иуда и Вениамин. II Chronicles 11:13 Священницы же и левиты, иже бяху во всем Израили, собрашася к нему от всех предел: II Chronicles 11:14 яко оставиша левити селения одержания своего и поидоша ко Иуде во Иерусалим, понеже изгна их Иеровоам и сынове его, еже не служити Господеви: II Chronicles 11:15 и постави себе жерцы на высоких, и идолом, и суетным, и телцем, ихже сотвори Иеровоам. II Chronicles 11:16 И изгна их от всех колен Израилевых, иже вдаша сердце свое, да взыщут Господа Бога Израилева: и приидоша во Иерусалим пожрети Господу Богу отец своих: II Chronicles 11:17 и укрепиша царство Иудино. И укрепися Ровоам сын Соломонь в три лета, хождаше бо по путем Давида и Соломона отца своего лета три. II Chronicles 11:18 И взя себе Ровоам жену Моолафу, дщерь Иеримофа сына Давидова, и Авигею дщерь Елиава сына Иессеова. II Chronicles 11:19 И роди ему сыны: Иеуса и Самориа и Заама. II Chronicles 11:20 По сих же поя себе Мааху дщерь Авессаломлю, и роди ему Авию и Иеффиа, и Зизу и Салимофа. II Chronicles 11:21 И возлюби Ровоам Мааху дщерь Авессаломлю паче всех жен своих и подложниц своих, яко жен осмьнадесять име и подложниц шестьдесят: и роди двадесять осмь сынов и шестьдесят дщерей. II Chronicles 11:22 И постави в началника Ровоам Авию сына Маахина и князем над всею братиею его, того бо и царем сотворити помышляше. II Chronicles 11:23 И возрасте паче всех братий своих во всех пределех Иудиных и Вениаминих и во градех крепких, и даде им пищи множество много, и многих взыска жен. II Chronicles 12:0 II Chronicles 12:1 И бысть егда устроися царство Ровоамово, и укрепися, остави заповеди Господни, и весь Израиль с ним. II Chronicles 12:2 И бысть в лето пятое царства Ровоамля взыде Сусаким царь Египетский на Иерусалим, зане согрешиша пред Господем, II Chronicles 12:3 с тысящию и двема сты колесниц и шестьдесят тысящ конник, и не бе числа народу пришедшему с ним от Египта, Ливиане, Троглодитяне и Ефиопляне: II Chronicles 12:4 и взяша грады крепкия, иже бяху во Иуде, и приидоша даже до Иерусалима. II Chronicles 12:5 Самеа же пророк вниде к Ровоаму и к началником Иудиным, иже собрани бяху во Иерусалим от лица Сусакимова, и рече к ним: сия рече Господь: вы остависте Мя, и Аз оставлю вас в руку Сусакима. II Chronicles 12:6 И посрамишася началницы Израилевы и царь и рекоша: праведен Господь. II Chronicles 12:7 Егда же виде Господь, яко смиришася, и бысть слово Господне к Самею, глаголя: смиришася, не разорю их, и дам им вмале спасение, и не уканет ярость Моя на Иерусалим, II Chronicles 12:8 обаче будут в рабы, да познают работу Мою и работу царства земли. II Chronicles 12:9 И взыде Сусаким царь Египетский во Иерусалим, и взя сокровища, яже в дому Господни, и сокровища, яже в дому цареве, вся взя: и взя щиты златыя, ихже сотвори Соломон. II Chronicles 12:10 И сотвори царь Ровоам щиты медяны вместо их. И постави на ним Сусаким царь Египетский началников предходящих стрегущих врата царева: II Chronicles 12:11 и бысть внегда входити царю в дом Господень, вхождаху стрегущии и предходящии, и обращающеся восхождаху предходящии ко оружехранителнице своей. II Chronicles 12:12 И егда смирися той, отвратися от него ярость Господня, а не в разорение в конец: ибо и во Иуде бяху словеса блага. II Chronicles 12:13 И укрепися царь Ровоам во Иерусалиме и царствова: четыредесяти же и единаго лета бысть Ровоам, егда царствовати нача, и седмьнадесять лет царствова во Иерусалиме, во граде, егоже избра Господь, да именуется имя Его ту от всех колен Израилевых. Имя же матери его Ноома Амманитыня. II Chronicles 12:14 И сотвори лукавое, яко не исправи сердца своего, да взыщет Господа. II Chronicles 12:15 Словеса же Ровоамова первая и последняя не се ли, суть писана в словесех Самеа пророка и Адда провидящаго, и деяния его? И воеваше Ровоам и Иеровоам во вся дни. II Chronicles 12:16 И умре Ровоам и погребен бысть со отцы своими во граде Давидове. И воцарися Авиа сын его вместо его. II Chronicles 13:0 II Chronicles 13:1 В лето осмоенадесять царства Иеровоамля воцарися Авиа над Иудою: II Chronicles 13:2 три лета царствова во Иерусалиме. Имя же матери его Мааха дщерь Уриилева от Гаваона. И бе брань между Иеровоамом и между Авиею. II Chronicles 13:3 И ополчися Авиа в силе воинския силы, в четырех стах тысящах мужей сильных: Иеровоам же устрои сопротиву его брань во осми стах тысящах мужей военных крепких силою. II Chronicles 13:4 Ста же Авиа на горе Сомори, яже есть на горе Ефремли, и рече: слышите Иеровоам и весь Израиль: II Chronicles 13:5 или не весте, яко Господь Бог Израилев даде царство Давиду над Израилем во веки и сыновом его в завет вечен? II Chronicles 13:6 И воста Иеровоам сын Наватов, раб Соломона сына Давидова, и отвержеся от господина своего: II Chronicles 13:7 и собрашася к нему мужие пагубнии, сынове законопреступнии, и воста противу Ровоама сына Соломонова, Ровоам же бе юнейший и сердцем страшлив, и не возможе противостати лицу его: II Chronicles 13:8 и ныне вы глаголете противостати лицу царства Господня в руце сынов Давидовых: и вы мнози зело, и с вами телцы златии, ихже сотвори вам Иеровоам в боги: II Chronicles 13:9 не извергосте ли священников Господних сынов Аароних и левитов, и сотвористе себе жерцы от людий всея земли, приходяй наполнити руку свою телцем от волов и овнами седмию, и сотворися жерцем не сущему богу: II Chronicles 13:10 мы же Господа Бога нашего не оставихом, и священницы Его служат Господу, сынове Аарони и левити, II Chronicles 13:11 и по чредам своим жрут Господу всесожжения утро и пред вечером, и фимиам сложения, и предложения хлебов на трапезе чистей, и светилник златый, и свещники возжжения возжизати к вечеру: мы бо храним стражбы Господа Бога отец наших, вы же Его остависте: II Chronicles 13:12 и се, с нами в начале Господь, и священницы Его, и трубы знаменования, еже знаменати противу вам: сынове Израилевы, не ратуйте противу Господа Бога отец ваших, понеже не благопоспешится вам. II Chronicles 13:13 Иеровоам же обрати подсаду приити ему созади, и бысть противу Иуды (сам), подсада же созади. II Chronicles 13:14 И обратися Иуда, и се, ему брань сопреди и созади, и возопиша ко Господу, и священницы вострубиша трубами: II Chronicles 13:15 и возопиша мужие Иудины. И бысть вопиющым мужем Иудиным, и Господь порази Иеровоама и Израиля пред Авиею и Иудою: II Chronicles 13:16 и бежаша сынове Израилевы от лица Иуды, и предаде их Господь Бог в руки их: II Chronicles 13:17 и порази их Авиа и людие его язвою великою, и падоша ранени от Израиля пять сот тысящ мужей крепких. II Chronicles 13:18 И смиришася сынове Израилевы в день той, и укрепишася сынове Иудины, яко уповаша на Господа Бога отец своих. II Chronicles 13:19 Погна же Авиа вслед Иеровоама и взя от него грады: Вефиль и села его, и Иесину и села ея, и Ефрон и села его. II Chronicles 13:20 И не возможе ктому противитися Иеровоам во вся дни Авии, и порази его Господь: и умре. II Chronicles 13:21 Авиа же укрепися, и поят себе жен четыренадесять, и роди двадесять два сына и шестьнадесять дщерей. II Chronicles 13:22 Прочая же словеса Авиева и деяния его и словеса его писана в книзе Адды пророка. II Chronicles 14:0 II Chronicles 14:1 И успе Авиа со отцы своими, и погребоша его во граде Давидове. И воцарися Аса сын его вместо его во дни же Асы почи земля Иудина лет десять. II Chronicles 14:2 И сотвори Аса благое и правое пред Господем Богом своим: II Chronicles 14:3 и отверже олтари чуждых и высокая, и сокруши идолы и посече дубравы: II Chronicles 14:4 и повеле Иуде, да взыщет Господа Бога отец своих и да сотворит закон Его и заповеди: II Chronicles 14:5 и изверже из всех градов Иудиных олтари и идолы, и царствова в мире. II Chronicles 14:6 И созда грады крепки в земли Иудине, зане в покои бысть земля, и не бе ему брани в лета сия, мир во Господь даде ему. II Chronicles 14:7 Рече же Иуде: созиждем грады сия, и сотворим стены и столпы, и врата и вереи, дондеже землею господствуем: зане якоже взыскахом Господа Бога нашего, взыска и нас, и воздаде нам мир окрест, и благопоспешствова нам. II Chronicles 14:8 И бысть сила Асе оруженосцев носящих щиты и копия в земли Иудине триста тысящ, в земли же Вениамини щитников и стрелцев двести осмьдесят тысящ: вси сии воини сильнии. II Chronicles 14:9 Изыде же противу их Зарай Ефиоплянин с силою в тысящы тысящей, и колесниц триста, и прииде даже до Мариса. II Chronicles 14:10 И изыде Аса противу ему и устрои брань в дебри на север Мариса. II Chronicles 14:11 И возопи Аса ко Господу Богу своему и рече: Господи, не изнеможет у Тебе спасати во многих и в малых, укрепи нас, Господи Боже наш, яко на Тя уповахом и о имени Твоем изыдохом на множество многое сие: Господи Боже наш, Ты еси Бог, да не превозможет противу Тебе человек. II Chronicles 14:12 И порази Господь Ефиопы пред Асою и Иудою и бежаша Ефиопи: II Chronicles 14:13 и погна их Аса и людие его даже до Гедора: и падоша Ефиопи, даже не быти в них останку, яко сотрени быша пред Господем и пред силою Его, и плениша корысти многи: II Chronicles 14:14 и изсекоша веси их окрест Гедора, велик бо страх Господень объят их, и плениша вся грады их, зане многи корысти быша в них: II Chronicles 14:15 и кущы скотския и амазонов изсекоша, и взяша скота множество и велблюды, и возвратишася во Иерусалим. II Chronicles 15:0 II Chronicles 15:1 Азариа же сын Ададов, бысть на нем Дух Божий: II Chronicles 15:2 и изыде во сретение Асе и всему Иуде и Вениамину и рече ему: услышите мя, Аса и весь Иуда и Вениамин: Господь с вами, яко бысте с Ним: и аще взыщете Его, обрящется вам, аще же оставите Его, оставит вас: II Chronicles 15:3 мнози дние (будут) во Израили без Бога истиннаго и без священника учащаго и без закона: II Chronicles 15:4 егда же обратятся в печали ко Господу Богу Израилеву и взыщут Его, и обрящется им: II Chronicles 15:5 и во время оно не будет мир исходящему и входящему, яко ужас Господень на всех обитающих на земли II Chronicles 15:6 и ополчится язык на язык и град противу града, яко Господь смутит их во всяцей печали: II Chronicles 15:7 и вы укрепитеся, и да не ослабеют руки вашя, есть бо мзда делу вашему. II Chronicles 15:8 И егда услыша Аса словеса сия и пророчество Азарии пророка, укрепися и отя вся идолы от всея земли Иудины и Вениамини и от градов, ихже содержаше Иеровоам в горе Ефремли, и освяти олтарь Господень, иже бе пред храмом Господним: II Chronicles 15:9 собра же (всего) Иуду и Вениамина и пришелцев обитающих с ним от Ефрема и от Манассии и от Симеона, мнози бо к нему прибегоша от Израиля, егда увидеша, яко Господь Бог его с ним. II Chronicles 15:10 И собрашася во Иерусалим в месяц третий, в лето пятоенадесять царства Асы, II Chronicles 15:11 и пожроша Господу в день той от корыстей, ихже приведоша, волов седмь сот и овец седмь тысящ, II Chronicles 15:12 и поидоша в завете, еже искати Господа Бога отец своих всем сердцем и всею душею своею: II Chronicles 15:13 и (рече): всяк, иже аще не взыщет Господа Бога Израилева, да умрет от юнаго даже до старейшаго, от мужа даже до жены. II Chronicles 15:14 И кляшася Господу гласом великим в восклицании и в трубах и в рожаных. II Chronicles 15:15 И возрадовася весь Иуда о клятве, яко от всея души кляшася, и всею волею взыскаша Его, и обретеся им, и даде им Господь покой окрест. II Chronicles 15:16 И Мааху матерь свою отлучи, да не служит Астарту, и сокруши идола и сожже в потоце Кедрстем. II Chronicles 15:17 Токмо высоких не отстави, еще бо бяху во Израили, но сердце Асы бе совершенно во всех днех его: II Chronicles 15:18 и внесе святая Давида отца своего и святая своя в дом Божий, сребро и злато и сосуды. II Chronicles 15:19 И брань не бысть ему даже до тридесять пятаго лета царства Асина. II Chronicles 16:0 II Chronicles 16:1 И в лето тридесять осмое царства Асина, взыде Вааса царь Израилев на Иуду и стенами укрепи Раму, да не даст входа и исхода Асе царю Иудину. II Chronicles 16:2 И взя Аса сребро и злато от сокровищ дому Господня и дому царева, и посла ко (Венададу) сыну Адера царя Сирска, живущему в Дамасце, глаголя: II Chronicles 16:3 положи завет между мною и тобою и между отцем моим и отцем твоим: се послах тебе сребро и злато: прииди и отжени от мене Ваасу царя Израилева, и да отидет от мене. II Chronicles 16:4 И послуша сын Адеров царя Асы и посла началники воев своих на грады Израилевы, и порази Аинона и Дана, и Авелмаина и вся окрестная Неффалимля. II Chronicles 16:5 И бысть егда услыша Вааса царь Израилев, остави ктому созидати Раму и остави дело свое. II Chronicles 16:6 Аса же царь взя всего Иуду и взя камение от Рамы и лес ея, яже на создание уготова Вааса, и созда из них Гаваю и Масфу. II Chronicles 16:7 И во время оно прииде Ананий пророк ко Асе царю Иудину и рече ему: понеже имел еси упование на царя Сирска, а не уповал еси на Господа Бога твоего, того ради спасеся сила царя Сирскаго от руку твоею: II Chronicles 16:8 не Ефиопи ли и Ливиане бяху на тя в силе мнозе, в дерзости колесниц и конник во множество зело? И егда уповал еси на Господа, предаде их в руку твою: II Chronicles 16:9 очи бо Господни назирают всю землю, еже укрепити сущих сердцем совершенным к Нему: буе сотворил еси сие, (сего ради) отныне будет на тя брань. II Chronicles 16:10 Разгневася же Аса на пророка и всади его в темницу, понеже прогневася о сем: и уби Аса от людий во время то (многих). II Chronicles 16:11 И се, словеса Асы, первая и последняя, писана суть в книзе царей Иудиных и Израиля. II Chronicles 16:12 И разболеся Аса в лето тридесять девятое царства своего ногама, болезнию зелнейшею: и ниже в немощи своей взыска Господа, но врачев. II Chronicles 16:13 Успе же Аса со отцы своими, и умре в лето четыредесять первое царства своего: II Chronicles 16:14 и погребоша его во гробе, егоже ископа себе во граде Давидове, и положиша его на одре, и наполниша ароматами и родами миров благоуханных, и сотвориша ему погребение велико зело. II Chronicles 17:0 II Chronicles 17:1 И воцарися Иосафат сын его вместо его, и укрепися Иосафат над Израилем: II Chronicles 17:2 расположи же силу во всех градех Иудиных крепких и постави воеводы во градех Иудиных и во градех Ефремовых ихже побра прежде Аса отец его. II Chronicles 17:3 И бысть Господь со Иосафатом, яко хождаше в путех Давида отца своего первых и не взыска идолов, II Chronicles 17:4 но Господа Бога отца своего взыска и пойде в повелениих отца своего, а не по делом Израилевым: II Chronicles 17:5 и укрепи Господь царство в руку его, и даша вся Иудеа дары Иосафату, и бысть ему богатство и слава многа. II Chronicles 17:6 И вознесеся сердце его в пути Господни, и ктому изя высокая и дубравы от земли Иудины. II Chronicles 17:7 В третие же лето царства своего посла началники своя и сынов сильных Авдию и Захарию, и Нафанаила и Михеа, да учат во градех Иудиных: II Chronicles 17:8 и с ними левити Самеа и Нафаниа, и Завдиа и Асиил, и Семирамоф и Ионафан, и Адониа и Товиа и Товадониа левити, и с ними Елисама и Иорам жерцы: II Chronicles 17:9 учаху же во Иудеи, имеюще книгу закона Господня, и прохождаху грады Иудины и учаху люди. II Chronicles 17:10 И бысть страх Господень на всех царствах земных окрест Иуды, и не воеваша противу Иосафата. II Chronicles 17:11 И от иноплеменник Иосафату дары приношаху сребро и дани: Арави же привождаху ему овнов овчих седмь тысящ и седмь сот, и козлов седмь тысящ седмь сот. II Chronicles 17:12 И бе Иосафат предуспевая велик в высоту и созда во Иудеи домы и грады крепки. II Chronicles 17:13 И многа дела быша ему во Иудеи: и мужие ратницы крепцы сильнии во Иерусалиме. II Chronicles 17:14 И сие число их по домом отечеств их: и во Иуде тысященачалницы Еднас вождь и с ним сынове сильнии силы триста тысящ: II Chronicles 17:15 и по нем Иоанан началник и с ним двести осмьдесят тысящ: II Chronicles 17:16 по немже Амасиа, сын Захариин, усердсвуяй Господу и с ним двести тысящ мужей сильных. II Chronicles 17:17 И от Вениаминя сильнии силы Елиад, и с ним держащих лук и щиты двести тысящ сильных: II Chronicles 17:18 и по нем Иозавад, и с ним сто осмьдесят тысящ, сильнии ко брани. II Chronicles 17:19 Сии служащии царю, кроме оных, ихже постави царь по градом крепким во всей Иудеи. II Chronicles 18:0 II Chronicles 18:1 И бысть Иосафату богатство и слава многа, и поят жену в дому Ахаавли. II Chronicles 18:2 И сниде при концы лет ко Ахааву в Самарию: и закла ему Ахаав овны и волы многи, и людем сущым с ним, и увещаваше его, да снидет с ним в Рамоф Галаадский. II Chronicles 18:3 И рече Ахаав царь Израилев ко Иосафату царю Иудину: пойдеши ли со мною в Рамоф Галаадский? И рече ему: якоже аз, тако и ты: и якоже людие твои, тако и людие мои с тобою на брань. II Chronicles 18:4 И рече Иосафат царю Израилеву: вопроси убо днесь Господа. II Chronicles 18:5 И собра царь Израилев пророков четыреста мужей и рече к ним: пойду ли в Рамоф Галаадский на брань, или удержуся? И реша: взыди, и предаст Бог в руку цареву. II Chronicles 18:6 Рече же Иосафат: несть ли зде пророка Господня еще, да от него вопросим? II Chronicles 18:7 И рече царь Израилев ко Иосафату: есть еще муж един, имже вопросити Господа, но аз ненавижду его, понеже не прорицает мне во благая, зане вси дние его во злая: сей Михеа сын Иемвлин . Рече же Иосафат: не глаголи, царю тако. II Chronicles 18:8 И призва царь Израилев единаго от евнух и рече ему: (призови) скоро Михею сына Иемвлина. II Chronicles 18:9 Царь же Израилев и Иосафат царь Иудин кийждо седяше на престоле своем, и облечена красотою царскою, седяста же на пространстве близ врат Самарийских, и вси пророцы пророчествоваху пред нима. II Chronicles 18:10 И сотвори себе Седекиа сын Ханаань роги железны и рече: сия глаголет Господь: сими избодеши Сирию, дондеже скончается. II Chronicles 18:11 И вси пророцы прорицаху тако, глаголюще: взыди в Рамоф Галаадский и предуспееши, и предаст Господь в руку цареву. II Chronicles 18:12 Вестник же, шедый призвати Михею, рече ему: се, рекоша пророцы единеми усты благая о цари да будут убо и твоя словеса, якоже единаго от них, и да речеши благая. II Chronicles 18:13 И отвеща Михеа: жив Господь, яко еже аще речет Бог ко мне, сие возглаголю. II Chronicles 18:14 И прииде ко царю, и рече ему царь: Михее, имам ли ити Рамоф Галаадский на брань, или удержуся? И отвеща: взыди и предуспееши, и предадутся (врази) в руки вашя. II Chronicles 18:15 И рече ему царь: колико крат заклинаю тя, да не глаголеши мне, токмо истину во имя Господне. II Chronicles 18:16 И рече Михеа: видех всего Израиля расточена по горам яко овцы, имже несть пастыря: и рече Господь: не имут сии вожда, да возвратятся кийждо в дом свой в мире. II Chronicles 18:17 И рече царь Израилев ко Иосафату: не рех ли тебе, яко не прорицает о мне благая, но токмо злая? II Chronicles 18:18 И рече Михеа: не тако: слышите слово Господне: видех Господа седяща на престоле Своем, и вся сила небесная предстояше одесную Его и ошуюю Его: II Chronicles 18:19 и рече Господь: кто прельстит Ахаава царя Израилева, да взыдет и падет в Рамофе Галаадстем? И глаголаше един тако, и ин рече тако: II Chronicles 18:20 и изыде дух, и ста пред Господем, и рече: аз прельщу его: емуже Господь, в чем, рече, (прельстиши)? II Chronicles 18:21 И рече: изыду и буду дух лжив во устех всех пророков его: рече же (Господь): прельстиши и превозможеши, изыди и сотвори тако: II Chronicles 18:22 и ныне се, Господь даде духа лжива во уста всем пророком твоим сим, и Господь глагола о тебе злая. II Chronicles 18:23 И приступи Седекиа сын Ханаань, и удари Михею в ланиту и рече ему: коим путем пройде Дух Господень от мене, еже глаголати к тебе? II Chronicles 18:24 Рече же Михеа: се, узриши в день той, егда внидеши в ложницу из ложницы, да укрыешися. II Chronicles 18:25 И рече царь Израилев: возмите Михею, и отведите ко Еммиру началнику града и ко Иоасу князю сыну цареву, II Chronicles 18:26 и рцыте: сия глаголет царь: вверзите сего в темницу, и да яст хлеб печали и воду печали, дондеже возвращуся в мире. II Chronicles 18:27 Рече же Михеа: аще возвращаяся возвратишися в мире, не глагола Господь мною. И рече: слышите, вси людие. II Chronicles 18:28 И взыде царь Израилев и Иосафат царь Иудин в Рамоф Галаадский. II Chronicles 18:29 Рече же царь Израилев ко Иосафату: прикрыюся и вниду во брань, ты же облецыся в ризы моя. И прикрыся царь Израилев и вниде во брань. II Chronicles 18:30 Царь же Сирский повеле вождем колесниц своих, глаголя: не устремляйтеся на мала и на велика, но токмо на самаго царя Израилева. II Chronicles 18:31 И бысть егда увидеша началницы колесниц Иосафата, глаголаша: царь Израилев есть сей. И обыдоша его воююще. Иосафат же возопи ко Господу, и Господь послуша его, и отврати их Бог от него. II Chronicles 18:32 И бысть егда увидеша воеводы колесниц, яко не бяше царь Израилев, оставиша его. II Chronicles 18:33 И муж наляче лук приметно и порази царя Израилева между легким и персями. И рече возатаю своему: обрати руку твою и изведи мя от брани яко изнемогох. II Chronicles 18:34 И скончана бысть брань в день той, и царь Израилев бе стоя на колеснице своей противу Сириом даже до вечера, и умре заходящу солнцу. II Chronicles 19:0 II Chronicles 19:1 И возвратися Иосафат царь Иудин в дом свой мирно во Иерусалим. II Chronicles 19:2 И изыде во сретение ему Ииуй сын Ананиин пророк и рече к нему: царю Иосафате, нечестиву ли даеши помощь, или ненавидимому от Господа дружиши? И рече ему Ииуй: сего ради бысть на тя гнев Господень: II Chronicles 19:3 но токмо дела благая обретошася в тебе, зане отял еси кумиры от земли Иудины и исправил еси сердце твое взыскати Господа. II Chronicles 19:4 И вселися Иосафат во Иерусалиме, и паки изыде к людем от Вирсавеи даже до горы Ефремли, и возврати их ко Господу Богу отец своих. II Chronicles 19:5 И постави судии во всех градех Иудиных крепких, во всяцем граде, II Chronicles 19:6 и рече судиям: видите, что вы творите, не человеческий бо вы суд творите, но Господень, и с вами словеса суда: II Chronicles 19:7 и ныне да будет страх Господень на вас, и храните и творите, яко несть у Господа Бога нашего неправды, ниже дивления лицу, ни приятия мзды. II Chronicles 19:8 Во Иерусалиме же постави Иосафат левитов и священников и отценачалников от Израиля в суд Господень, да судят живущих во Иерусалиме. II Chronicles 19:9 Повеле же им, глаголя: тако творите во страсе Господни, во истине и сердцем совершенным: II Chronicles 19:10 всякую распрю, яже приидет к вам, братий ваших обитающих во градех своих, между кровию крове, и между повелением и заповедию, и оправданьми и судбами, разсудите им, да не согрешают Господеви, и не приидет гнев на вас и на братию вашу: тако творите и не согрешите: II Chronicles 19:11 и се Амариа, священник вождь над вами во всяко слово Господне: и Завдиа сын Исмаиль вождь в дому Иудине во всякому слову цареву: и книжницы и левити пред вами: укрепитеся и творите, и будет Господь со благим. II Chronicles 20:0 II Chronicles 20:1 По сих же приидоша сынове Моавли и сынове Аммони и с ними от Амманитов ко Иосафату на брань. II Chronicles 20:2 Приидоша же и сказаша Иосафату, глаголюще: идет противу тебе велико множество от об он пол моря от Сирии, и се, стоят во Асасан-Фамаре, иже есть Енгадди. II Chronicles 20:3 И убояся, и вдаде Иосафат лице свое взыскати Господа, и проповеда пост во всей Иудеи. II Chronicles 20:4 И собрася весь Иуда взыскати Господа: и от всех градов Иудиных приидоша ко умолению Господню. II Chronicles 20:5 И ста Иосафат в собрании Иуды во Иерусалиме, в дому Господни пред лицем двора новаго, II Chronicles 20:6 и рече: Господи Боже отец наших, не Ты ли еси Бог на небеси горе, и Ты владычствуеши всеми царствы язык, и в руку Твоею есть крепость силы, и кто противостанет Тебе? II Chronicles 20:7 Не Ты ли еси Бог наш искоренивый живущыя на земли сей от лица людий Твоих Израиля, и дал еси ю семени Авраамлю возлюбленному Твоему во веки? II Chronicles 20:8 И вселишася на ней, и устроиша в ней святыню имени Твоему, глаголюще: II Chronicles 20:9 аще нападут на ны злая, мечь, суд, губителство, глад, станем пред домом сим и пред Тобою, яко призвано имя Твое в дому сем, и возопием к Тебе от скорбей наших, и услышиши и спасеши: II Chronicles 20:10 и ныне се, сынове Аммони и Моавли и гора Сиир, сквозе яже не изволил еси Израилю проити, егда исхождаху от земли Египетския, но уклонишася от них и не избиша их: II Chronicles 20:11 и се, ныне сии нападают на ны исходяще изгонити нас от наследия нашего, еже предал еси нам. II Chronicles 20:12 Господи Боже наш, не судиши ли им? В нас бо несть толика крепость, да можем сему множеству сопротивитися, еже нападе на ны, и не вемы что соделати имамы им: но токмо очи наши к Тебе. II Chronicles 20:13 И весь Иуда стояше пред Господем, и чада их, и жены их. II Chronicles 20:14 Бе же Иозиил сын Захариин, сынов Ванеа, сынов Елеила, сынов Мафаниа левитина, от сынов Асафовых, и бысть на нем Дух Господень посреде народа, II Chronicles 20:15 и рече: слышите, весь Иуда и обитающии во Иерусалиме, и ты, царю Иосафате: сия рече Господь вам: не бойтеся, ниже ужасайтеся от лица народа сего многаго, несть бо ваше ополчение, но Божие: II Chronicles 20:16 заутра изыдите противу их: се, восходят по восходу Ассис, и обрящете их на краи реки противу пустыни Иериил: II Chronicles 20:17 не ваше есть воевати: сия разумейте и узрите сие спасение Господне с вами, Иудо и Иерусалиме: не убойтеся, ни ужасайтеся заутра изыти противу их, и Господь с вами. II Chronicles 20:18 И преклонься Иосафат на лице свое, и весь Иуда, и обитающии во Иерусалиме, падоша пред Господем поклонитися Господеви. II Chronicles 20:19 И восташа левити от сынов Каафовых и от сынов Кореовых, хвалити Господа Бога Израилева гласом великим в высоту. II Chronicles 20:20 И заутра восташа рано и изыдоша в пустыню Фекое. И внегда исходити им, ста Иосафат (посреде их), и возопи и рече: услышите мя, мужие Иудины и вси обитающии во Иерусалиме: веруйте в Господа Бога нашего и уверитеся: веруйте пророку Его, и благопоспешится вам. II Chronicles 20:21 И советова с людьми, и постави псалмопевцы, и хвалящих исповедатися, и хвалити святая, внегда изыти пред силою, и глаголаху: исповедайтеся Господеви, яко благ, яко в век милость Его. II Chronicles 20:22 Егда же начаша хваления и исповедания, обрати Господь воевати сынов Аммоних на Моава и гору Сиир, изшедших на Иуду, и поражени быша. II Chronicles 20:23 И восташа сынове Аммони и Моавли на обитающих в горе Сиири, да побиют их и сокрушат: и егда скончаша обитающих в Сиире, восташа друг на друга, да потребятся. II Chronicles 20:24 Иуда же прииде на созирание от пустыни, и воззре, и виде множество: и се, вси мертви падше на землю, и не бе спасыйся. II Chronicles 20:25 И изыде Иосафат и людие его взяти корысти их, и обретоша скота много, и одежды, и корысти, и сосуды дражайшыя и плениша их: и быша собирающе корысти их три дни, яко многи бяху. II Chronicles 20:26 Дне же четвертаго собрахуся во удоль благословения, ибо тако благословиша Господа: сего ради прозваша место то удоль благословения даже до сего дне. II Chronicles 20:27 И возвратишася вси мужие Иудины во Иерусалим и Иосафат вождь их с веселием великим: яко возвесели их Господь о вразех их. II Chronicles 20:28 И внидоша во Иерусалим со псалтирми и гусльми и трубами в дом Господень. II Chronicles 20:29 И бысть страх Господень на вся царства земная, внегда услышати им, яко порази Господь враги Израилевы. II Chronicles 20:30 И умирися царство Иосафатово, и даде ему Господь покой окрест. II Chronicles 20:31 И царствова Иосафат над Иудою, сый лет тридесяти пяти, егда царство прия и двадесять пять лет царствова во Иерусалиме. Имя же матери его Азува, дщи Салиина. II Chronicles 20:32 И хождаше в путех отца своего Асы, и не уклонися от них творити правое пред Господем: II Chronicles 20:33 обаче высокая еще бяху, и еще людие не управиша сердца своего ко Господу Богу отец своих. II Chronicles 20:34 Прочая же деяния Иосафатова первая и последняя, се, писана суть во словесех Ииуа сына Ананиина, иже написа книгу царей Израилевых. II Chronicles 20:35 И по сих сообщися Иосафат царь Иудин со Охозиею царем Израилевым, и сей беззаконнова, II Chronicles 20:36 занеже сотвори, и отиде к нему, да сотворят корабли, еже ити во Фарсис: и сотвори корабли в Гасион-Гавере. II Chronicles 20:37 И пророчествова Елиезер сын Додиа от Марисиса на Иосафата, глаголя: понеже возимел еси любовь со Охозиею, сокруши Господь дело твое, и сокрушишася корабли твоя и не возмогоша поити во Фарсис. II Chronicles 21:0 II Chronicles 21:1 И успе Иосафат со отцы своими, и погребен бысть с ними во граде Давидове. И воцарися Иорам сын его вместо его. II Chronicles 21:2 И братия его сынове Иосафатовы шесть: Азариа и Иеил, и Захариа и Азариа, и Михаил и Сафатиа: вси сии сынове Иосафата царя Иудина. II Chronicles 21:3 И даде им отец их многи дары: сребро и злато, и оружие со грады крепкими во Иудеи, царство же даде Иораму, понеже сей бе первенец. II Chronicles 21:4 И воста Иорам на царство свое, и укрепися, и изби всю братию свою мечем и некиих от началник Израилевых. II Chronicles 21:5 Тридесяти и дву лет бе Иорам, егда нача царствовати, и осмь лет царствова во Иерусалиме, II Chronicles 21:6 и хождаше по путем царей Израилевых, якоже содела дом Ахаавль: дщи бо Ахаавля бысть жена его: и сотвори злое пред Господем. II Chronicles 21:7 И не хоте Господь искоренити дому Давидова ради завета, егоже завеща с Давидом, и якоже рече ему, дати ему светилник и сыном его во вся дни. II Chronicles 21:8 Во днех онех отступи Едом от Иуды и постави себе царя. II Chronicles 21:9 И пойде Иорам с началники своими, и вся конница с ним: и бысть, и воста нощию, и порази Едома, иже обыде окрест его, и началники колесниц: и побегоша людие в селения своя. II Chronicles 21:10 И отступи от Иуды Едом даже до сего дне тогожде времене и Ловна отступи из под руки его, зане остави Господа Бога отец своих: II Chronicles 21:11 ибо той сотвори высокая бо градех Иудиных, и блудити сотвори обитающих во Иерусалиме и прельсти Иуду. II Chronicles 21:12 И прииде к нему писание от Илии пророка, глаголя: сия рече Господь Бог Давида отца твоего: понеже не ходил еси по пути Иосафата отца твоего и в путех Асы царя Иудина, II Chronicles 21:13 и ходил еси в путех царей Израилевых, и блудити сотворил еси Иуду и обитающих во Иерусалиме, якоже соблуди дом Ахаавль, и братию твою, сыны отца твоего, лучшх тебе избил еси, II Chronicles 21:14 се, Господь поразит тя язвою великою с людьми твоими и с сынми твоими и с женами твоими и со всем имением твоим: II Chronicles 21:15 ты же будеши в язве лютей, в болезни чрева, дондеже изыдут внутренняя твоя с язвою от дний во дни. II Chronicles 21:16 И воздвиже Господь на Иорама иноплеменники и Аравов и сопределныя Ефиопы: II Chronicles 21:17 и взыдоша на Иуду, и преодолеша, и плениша вся сокровища, яже обретоша в дому цареве, и сынов его и дщери его и жены его, и не остася ему сын, токмо Охозиа менший сынов его. II Chronicles 21:18 И по сих всех порази его Господь чрева болезнию неизцельною. II Chronicles 21:19 И бысть от дний во дни, и егда прииде время дний два дни, и изыде чрево его с болезнию, и умре в разслаблении лютем. И не сотвориша ему людие по обычаю погребения, якоже погребение отцем его. II Chronicles 21:20 Тридесяти двою лет бяше, егда царствовати нача, и осмь лет царствова во Иерусалиме: ходи же не хвально, и погребоша его во граде Давидове, обаче не во гробех царских. II Chronicles 22:0 II Chronicles 22:1 Поставиша же царем обитающии во Иерусалиме Охозию сына его меншаго вместо его: всех бо старших избиша нашедшии на них разбойницы Арави и Алимазоняне, и воцарися Охозиа сын Иорамов царь Иудин: II Chronicles 22:2 двадесяти дву лет сый Охозиа царствовати нача, и едино лето царствова во Иерусалиме. И имя матери его Гофолиа дщи Амвриина. II Chronicles 22:3 И сей ходил есть по пути дому Ахаавля, мати бо его бе советница, да грешит: II Chronicles 22:4 и сотвори лукавое пред Господем якоже дом Ахаавов, сии бо быша ему советницы по смерти отца его, в погубление ему, II Chronicles 22:5 и в советех их хождаше: и пойде со Иорамом сыном Ахаава царя Израилева на брань противу Азаила царя Сирска в Рамоф Галаадский. И поразиша стрелцы Иорама. II Chronicles 22:6 И возвратися Иорам изцелитися во Иезраель от ран, имиже раниша его Сиряне в Рамофе, внегда братися ему со Азаилем царем Сирским. Охозиа же сын Иорамль царь Иудин сниде посетити Иорама сына Ахаавля во Иезраель, разболеся бо. II Chronicles 22:7 И от Бога бысть превращение Охозии, да приидет ко Иораму: и внегда приити ему, изыде с ним Иорам противу Ииуа сына Намессиина, егоже помаза Господь на дом Ахаавль. II Chronicles 22:8 И бысть егда отмсти Ииуй дому Ахаавлю, и обрете началники Иудины и братию Охозиину, служащих Охозии, и уби их: и уби Ииуй Иорама, и убежа Охозиа. II Chronicles 22:9 И рече Ииуй, еже взыскати Охозию: и яша его врачующася в Самарии и приведоша его ко Ииуеви, и уби его, и погребоша его: реша бо, яко сын Иосафатов есть, иже взыска Господа всем сердцем своим. И не бысть в дому Охозиине восприяти силу о царстве. II Chronicles 22:10 И Гофолиа мати Охозиина виде, яко умре сын ея, и воста и погуби все семя царское в дому Иудине. II Chronicles 22:11 И взя Иосавееф дщи царева Иоаса сына Охозиина, и украде его от среды сынов царевых, егда убиваху их, и даде его и кормилицу его в храмину постельнюю, и скры его Иосавееф дщерь царя Иорама, сестра Охозиина, жена Иодаа архиереа, и скры его от лица Гофолиина, и не уби его. II Chronicles 22:12 И бысть с ними в дому Божии сокрыт шесть лет, и царствова Гофолиа на земли. II Chronicles 23:0 II Chronicles 23:1 В лето же седмое укрепися Иодай, и взя сотники, Азарию сына Иорамля и Исмаила сына Иоананя, и Азарию сына Овидова и Амасию сына Адиева и Елисафана сына Захариина с собою в дом Господень. II Chronicles 23:2 И обыдоша Иудею, и собраша левиты от всех градов Иудиных и началники отечеств Израилевых, и приидоша во Иерусалим. II Chronicles 23:3 И завеща все собрание Иудино завет в дому Божии со царем: и показа им сына царева и рече им (Иодай): се, сын царев да воцарится, якоже глагола Господь о доме Давидове: II Chronicles 23:4 и ныне слово сие, еже сотворите: третия часть от вас да изыдет в субботу, священников и левитов, и во врата входов, II Chronicles 23:5 и третия часть в дому цареве, и третия часть во вратех средних, и вси людие (да будут) во дворех дому Господня: II Chronicles 23:6 и никтоже да внидет в дом Господень, токмо священницы и левити и иже служат от левит: тии внидут, яко освящени суть, вси же людие да держат стражу Господню: II Chronicles 23:7 левити же да ходят окрест царя, кийждо имея оружие свое в руку своею, и входяй в церков да убиется, и да будут со царем, входящу ему и исходящу. II Chronicles 23:8 И сотвориша левити и весь Иуда по всему, елика повеле им Иодай жрец: и взяша кийждо мужы своя от начала субботы даже до исхода субботы: занеже не остави Иодай жрец службы дневныя. II Chronicles 23:9 И даде Иодай священник сотником по чину поставленным мечы и щиты и броня, яже бяху царя Давида в дому Божии, II Chronicles 23:10 и постави вся люди, коегождо во оружии его, от десныя страны церкве даже до левыя страны олтаря и церкве, над царем окрест: II Chronicles 23:11 и изведе сына царева, и возложиша на него диадиму и свидения, и поставиша его царем, и помаза его Иодай жрец и сынове его и рекоша да живет царь. II Chronicles 23:12 И услыша Гофолиа глас людий текущих и исповедающих и хвалящих царя, и вниде ко царю в церковь Господню, II Chronicles 23:13 и виде, и се, царь стояше на степени своем, на входе же князи и трубы, и началницы окрест царя: и вси людие земли возрадовашася и вострубиша трубами, и поюще во органы певцы, и хваляще хвалою. И растерза Гофолиа ризы своя, и возопи и рече: нападающе нападаете. II Chronicles 23:14 Изыде же Иодай архиерей, и повеле сотником и началником силы и рече им: изрините ю вон из церкве, и изыдите вслед ея, и да убиется мечем. Рече бо священник да не умрет в дому Господни. II Chronicles 23:15 И даша ей ослабу на мало, дондеже пройде врата конник дому царева и убиша ю тамо. II Chronicles 23:16 И завеща Иодай завет между собою и всеми людьми и царем, да быша были людие Господни. II Chronicles 23:17 И внидоша вси людие земли в дом Ваалов и разориша его, и олтари его и идолы его сокрушиша, и Матфана жерца Ваалова убиша пред олтарем его. II Chronicles 23:18 И вручи Иодай жрец дела дому Господня в руку священников и левитов, и возстави дневныя чреды жерцев и левитов, яже раздели Давиде в дому Господни, и вознесе всесожжения Господеви, якоже писано есть в законе Моисеове, в радости и пениих по расположению Давидову: II Chronicles 23:19 и постави придверники во вратех дому Господня, и да не внидет нечист во всяцей вещи: II Chronicles 23:20 и взя отечеств началники, и сильныя, и началники людий, и вся люди земли, и возведоша царя от дому Господня, и вниде вратами внутренними в дом царев, и посадиша царя на престоле царстем. II Chronicles 23:21 И возвеселишася вси людие земстии и град упокоися, и Гофолиа убиена есть мечем. II Chronicles 24:0 II Chronicles 24:1 Седми лет бе Иоас, егда царствовати нача, и четыредесять лет царствова во Иерусалиме. Имя же матери его Савиа от Вирсавеи. II Chronicles 24:2 Сотвори же Иоас угодное пред Господем во вся дни Иодаа священника. II Chronicles 24:3 И поят ему Иодай жены две, и родиша сыны и дщери. II Chronicles 24:4 И бысть по сих, и взыде на сердце Иоасу, да возновит дом Господень. II Chronicles 24:5 И собра священники и левиты и рече им: идите во грады Иудины, и соберите от всего Израиля сребро ко обновлению храма Господня от лета до лета, и поспешно сотворите. Левити же не потщашася. II Chronicles 24:6 И призва царь Иоас Иодаа началника и рече ему: почто не надсматрял еси левитов, еже принести от Иуды и от Иерусалима, еже уставлено есть от Моисеа человека Божия, егда собра Израиля в скинию свидения? II Chronicles 24:7 Гофолиа бо бе нечестива, и сынове ея разориша дом Божий, яко святая дому Господня сотвориша Ваалиму. II Chronicles 24:8 И повеле царь, да сотворят ковчежец и поставят при вратех Господних извне, II Chronicles 24:9 и да проповедят во Иудеи и во Иерусалиме, приносити Господу, якоже устави Моисей раб Божий над Израилем в пустыни. II Chronicles 24:10 И даша вси началницы и вси людие, и вношаху и влагаху в ковчежец, дондеже наполнися. II Chronicles 24:11 И бысть егда приношаху ковчежец к настоятелем царевым руками левитскими, и егда увидеша, яко умножися сребро, и прихождаше писарь царев и настоятель великаго жерца, и выбираху из ковчежца, и (паки) поставляху на место его: тако творяху от дне до дне, и собраша сребра много. II Chronicles 24:12 И вдаде е царь и Иодай жрец творящым дела на дело дому Господня: и наимаху каменосечцы и древодели, да устрояют дом Господень, и ковачы железу и меди, да укрепят дом Господень. II Chronicles 24:13 И творяху творящии дела, и взыде долгота дел руками их, и возставиша дом Господень в состояние (прежнее) его, и укрепиша. II Chronicles 24:14 Егда же совершиша, принесоша ко царю и ко Иодаю останок сребра, из негоже сотвориша сосуды в дом Господень, сосуды в служение всесожжений, и кадилницы златыя и сребряныя, и приношаху всесожжения в дому Господни непрестанно, во вся дни Иодаевы. II Chronicles 24:15 И состареся Иодай исполнен дний, и умре сый ста тридесяти лет внегда скончатися ему: II Chronicles 24:16 и погребоша его во граде Давидове со царми, понеже сотвори благое со Израилем и с Богом и с домом Его. II Chronicles 24:17 И бысть по скончании Иодаеве, внидоша началницы Иудины и поклонишася царю: тогда послуша их царь. II Chronicles 24:18 И оставиша церковь Господа Бога отец своих и служаху Астарте и истуканным: и бысть гнев (Господень) на Иуду и Иерусалим в день той. II Chronicles 24:19 И посла к ним пророки, да обратятся ко Господу, и не послушаша: и засвидетелствова им, и не покоришася. II Chronicles 24:20 И Дух Божий облече Азарию священника сына Иодаева, и ста пред людьми и рече им: сия глаголет Господь: почто преступаете повеления Господня? Не поспешится вам, яко остависте Господа, и оставит вас. II Chronicles 24:21 И нападоша на него и побиша и камением по повелению Иоаса царя, во дворе дому Господня. II Chronicles 24:22 И не воспомяну Иоас царь милосердия, еже сотвори Иодай отец его с ним, но уби сына его: иже, егда умираше, рече: да видит и судит Господь. II Chronicles 24:23 И бысть по скончании лета, воста на него сила Сирская, и прииде на Иуду и на Иерусалим, и убиша вся началники в людех в церкви, и весь плен их послаша ко царю в Дамаск: II Chronicles 24:24 зане в малых мужех прииде сила Сирская, и Бог предаде в руце их силу многу зело, зане оставиша Господа Бога отец своих: и на Иоаса сотвори суд. II Chronicles 24:25 И по отшествии их от него, оставлену ему сущу в болезнех великих, и нападоша на него раби его за кровь священника сына Иодаева, и убиша его на постели его, и умре: и погребоша его во граде Давидове, но не погребоша его во гробех царских. II Chronicles 24:26 Нападшии же на него, Завед сын Семаафов Амманитянин и Иозавед сын Самарифов Моавитянин, II Chronicles 24:27 и сынове его вси, и приступиша к нему пять. И прочая словес его, се, написана в летописце царстем. И воцарися Амасиа сын его вместо его. II Chronicles 25:0 II Chronicles 25:1 Двадесяти пяти лет бысть Амасиа, егда царствовати нача, и двадесять девять лет царствова во Иерусалиме. Имя же матери его Иоадаень от Иерусалима. II Chronicles 25:2 И сотвори правое пред Господем, обаче не сердцем совершенным. II Chronicles 25:3 И бысть егда утвердися царство в руце его, и умертви рабы своя иже убиша царя отца его. II Chronicles 25:4 Сынов же их не изби по заповедем закона Господня, якоже писано есть в книзе закона Моисеова, якоже повеле Господь, глаголя: не умрут отцы за сыны, и сынове не умрут за отцы, но кийждо во гресе своем умрет. II Chronicles 25:5 И собра Амасиа дом Иудин, и постави их по домом отечеств их в тысящники и сотники, во всей Иудеи и Вениамине: и сочте их от двадесяти лет и вышше, и обрете их триста тысящ сильных исходити на брань, держащих копия и щиты. II Chronicles 25:6 Еще же ная от Израиля сто тысящ храбрых в силе, за сто талант сребра. II Chronicles 25:7 И прииде человек Божий к нему, глаголя: о, царю да не изыдет с тобою сила Израилева, несть бо Господь со Израилем, со всеми сыны Ефремли: II Chronicles 25:8 яко аще мниши укрепитися с ними, в бегство обратит тя Господь пред враги, зане от Господа есть укрепитися и в бегство обратитися. II Chronicles 25:9 Рече же Амасиа к человеку Божию: и что сотворю о сте талантах, яже дах силе Израилеве? И рече человек Божий: имать Господь дати тебе множае сих. II Chronicles 25:10 И отлучи Амасиа силу пришедшую к нему от Ефрема, отити на место свое. И разгневашася зело на Иуду, и возвратишася во страну свою во гневе ярости. II Chronicles 25:11 И Амасиа укрепися, и взя люди своя и иде во удоль Сланую, и порази тамо сынов Сиир десять тысящ. II Chronicles 25:12 И десять тысящ живых яша сынове Иудины, и приведоша их на верх некоторыя стремнины, и свергоша их стремглав с высоты стремнины, и вси разседошася. II Chronicles 25:13 Сынове же силы, ихже отсла Амасиа, да не идут с ним на брань, нападоша на грады Иудины от Самарии даже до Вефорона: и убиша от них три тысящы, и плениша плен мног. II Chronicles 25:14 И бысть егда возвратися Амасиа поразив Идумею, и принесе себе богов сынов Сиир, и постави в боги себе, и покланяшеся им и сам кадяше им. II Chronicles 25:15 И бысть гнев Господень на Амасию, и посла к нему пророка, и рече ему: почто взыскал еси богов людских, иже не избавиша людий своих от руку твоею? II Chronicles 25:16 И бысть егда той глаголаше к нему, и отвеща ему: еда советника царева поставих тя? Внемли, да не биен будеши. И умолча пророк и рече: вем, яко восхоте Господь потребити тя, занеже сотворил еси сие зло) и не послушал еси совета моего. II Chronicles 25:17 И совеща Амасиа царь Иудин, и посла ко Иоасу сыну Иоахаза сына Ииуева, ко царю Израилеву, глаголя: прииди, да увидимся между собою в лице. II Chronicles 25:18 И посла Иоас царь Израилев ко Амасии царю Иудину, глаголя: терн, иже в Ливане, посла ко кедру ливанску, глаголя: даждь дщерь твою сыну моему в жену, и се, приидут зверие, иже в дубраве Ливанстей: и приидоша зверие и потопташа терн: II Chronicles 25:19 рекл еси: се, поразих Идумею, и воздвизается сердце твое в гордыню: ныне седи в дому твоем, и почто совещаваеши себе лукавое? Падеши ты и Иуда с тобою. II Chronicles 25:20 И не послуша Амасиа, зане от Господа бысть, да предастся в руки Иоасу, яко взыска богов Идумейских. II Chronicles 25:21 И взыде Иоас царь Израилев, и явистася друг другу, той и Амасиа царь Иудин, в Вефсамисе, иже есть Иудин. II Chronicles 25:22 И паде Иуда пред лицем Израилевым, и бежа кийждо в жилище свое. II Chronicles 25:23 И Амасию царя Иудина сына Иоасова, сына Охозиина, ят Иоас царь Израилев в Вефсамисе, и введе его во Иерусалим, и разори стены Иерусалимли от врат Ефремлих даже до врат угла на четыреста лакот: II Chronicles 25:24 и все злато и сребро, и вся сосуды обретшыяся в дому Господни и у Авдедома, и сокровища дому царева, и сынов залога, и возврати в Самарию. II Chronicles 25:25 И поживе Амасиа сын Иоасов, царь Иудин, по умертвии Иоаса сына Иоахазова царя Израилева пятьнадесять лет. II Chronicles 25:26 Прочая же словеса Амасиина первая и последняя, не се ли, писана суть в книзе царей Иудиных и Израилевых? II Chronicles 25:27 И во время егда Амасиа отступи от Господа, и нападоша на него нападением, и побеже из Иерусалима в Лахис. И послаша вслед его в Лахис, и убиша его ту. II Chronicles 25:28 И взяша его на конех и погребоша его со отцы его во граде Давидове. II Chronicles 26:0 II Chronicles 26:1 И взяша вси людие Иудины (сына его) Озию, он же бе лет шестинадесяти, и поставиша его царем вместо Амасии отца его. II Chronicles 26:2 Той созда Елаф, той возврати его Иуде по успении царя со отцы его. II Chronicles 26:3 Шестинадесяти лет бысть Озиа, егда царствовати нача, и пятьдесят два лета царствова во Иерусалиме. Имя же матери его Иехелиа от Иерусалима. II Chronicles 26:4 И сотвори правое пред Господем по всем, елика сотвори Амасиа отец его, II Chronicles 26:5 и бе взыская Господа во дни Захарии разумеющаго во страсе Господни, и во дни его взыска Господа, и благопоспеши ему Господь. II Chronicles 26:6 И изыде, и ополчися противу иноплеменников, и разори стены Гефски и стены Иавнира и стены Азота и созда грады Азотски и во иноплеменницех. II Chronicles 26:7 И укрепи его Господь противу иноплеменников и противу Аравов, иже обитаху в камениих, и противу Минеов. II Chronicles 26:8 И даша Минее дары Озии, и прослы имя его даже до входа Египетскаго, понеже укрепися до высоты. II Chronicles 26:9 Созда же Озиа столпы во Иерусалиме и над враты угла и над враты юдольными и над углами, и укрепи их: II Chronicles 26:10 и устрои столпы в пустыни, и ископа кладязи многи, понеже имяше многи скоты на поли и в пустыни, и делатели виноградов на горах и на Кармиле, бе бо муж любоземледелен. II Chronicles 26:11 Бысть же Озии сила творящая брань, и исходящая к ополчению на брань, и входящая на ополчение в число: и бе число их под рукою Иеиля писаря и Маасии судии и под рукою Анании наместника царска. II Chronicles 26:12 Все число отечеств началников сильных на брань две тысящы шесть сот, II Chronicles 26:13 и с ними силы военныя триста седмь тысящ и пять сот: сии творяху брань в силе крепце, помогающе царю противу супостат. II Chronicles 26:14 Уготова же им Озиа всей силе щиты и копия, и шлемы и броня, луки же и пращы на метание камения. II Chronicles 26:15 И сотвори во Иерусалиме хитрости ухищреныя вымыслом, еже быти им на столпех и на углех, да мещут стрелы и камения велия: и слышано бысть устроение его до далеча, понеже удивлен бысть ищя помощи (от Господа), дондеже укрепися. II Chronicles 26:16 И егда укрепися, вознесеся сердце его на пагубу (свою): и обиде Господа Бога своего, и вниде в церковь Господню покадити над олтарем фимиамов. II Chronicles 26:17 И вниде по нем Азариа священник и с ним священницы Господни осмьдесят, сынове сильнии. II Chronicles 26:18 И сташа противно Озии царю и рекоша ему: несть твое, Озие, да кадиши фимиамом Господеви, но токмо священником сыном Аароним освященным кадити: изыди из святилища, яко отступил еси от Господа: и не вменится тебе сие во славу от Господа Бога. II Chronicles 26:19 И прогневася Озиа, и в руку его кадилница еже кадити во храме: и внегда разярися он на жерцы Господни, и проказа взыде на чело егоже пред священники в дому Господни, на олтари фимиамнем. II Chronicles 26:20 И обратися к нему Азариа архиерей и священницы, и се, той прокажен на челе своем, и изгнаша его оттуду, ибо и сам тщашеся изыти, яко обличи его Господь. II Chronicles 26:21 Бысть же Озиа царь прокажен даже до дне смерти своея и седяше в дому отлучене прокажен, понеже отторжен бысть от дому Господню: Иоафам же сын его бе над царством его судя людем земли. II Chronicles 26:22 Прочая же словеса Озии первая и последняя написана у Исаии сына Амосова пророка. II Chronicles 26:23 И успе Озиа со отцы своими, и погребоша его со отцы его в поли царских гробов, зане реша, яко прокажен бысть. И воцарися Иоафам сын его вместо его. II Chronicles 27:0 II Chronicles 27:1 Сын двадесяти и пяти лет бяше Иоафам, егда царствовати нача, и шестьнадесять лет царствова во Иерусалиме. Имя же матере его Иеруса, дщи Садокова. II Chronicles 27:2 И сотвори правое пред Господем по всем, яже сотвори Озиа отец его, обаче не вниде в церковь Господню, и еще людие согрешаху. II Chronicles 27:3 Той созда врата дому Господня высокая, и на стене Офли созда многа: II Chronicles 27:4 и грады созда на горах Иудиных, и в дубравех дворы и столпы. II Chronicles 27:5 И той ополчися противу царя сынов Аммоних и одоле его: и даяху ему сынове Аммони на всякое лето по сту талант сребра и десять тысящ кор (мер) пшеницы и десять тысящ ячменя: сия ему приношаше царь сынов Аммоних на лето, в первое лето и второе и третие. II Chronicles 27:6 И укрепися Иоафам, яко уготова пути своя пред Господем Богом своим. II Chronicles 27:7 Прочая же словеса Иоафамля, и брань, и деяния его, се, писана в книзе царей Иудиных и Израилевых. II Chronicles 27:8 Сын двадесяти и пяти лет бяше, егда царствовати нача, и шестьнадесять лет царствова во Иерусалиме. II Chronicles 27:9 Успе же Иоафам со отцы своими и погребен бысть во граде Давидове. И воцарися Ахаз сын его вместо его. II Chronicles 28:0 II Chronicles 28:1 Сын двадесяти и пяти лет бе Ахаз, егда царствовати нача, и шестьнадесять лет царствова во Иерусалиме: и не сотвори правое пред Господем, якоже Давид отец его. II Chronicles 28:2 И пойде по путем царей Израилевых: ибо и изваянная сотвори, II Chronicles 28:3 и идолом их пожре в земли Веенномли и проведе сынов своих сквозе огнь по мерзостем языков, ихже потреби Господь от лица сынов Израилевых: II Chronicles 28:4 и кадяше на высоких и на холмех и под всяким древом дубравным. II Chronicles 28:5 И предаде его Господь Бог его в руце царя Сирска и порази его, и плени от них плен мног, и приведе в Дамаск, и в руки царя Израилева предаде его, и порази его язвою великою. II Chronicles 28:6 И уби Факей сын Ромелиев царь Израилев от Иуды во един день сто двадесять тысящ мужей крепких силою, егда оставиша Господа Бога отец своих. II Chronicles 28:7 И уби Зехрий муж силен от Ефрема Маасию сына царева и Езрикама началника дому его и Елкана наместника царева. II Chronicles 28:8 Плениша же сынове Израилевы от братии своих триста тысящ жен, сынов и дщерей: и плен мног плениша от них, и принесоша корысти в Самарию. II Chronicles 28:9 И бе тамо пророк Господень, именем Одид, иже изыде во сретение воем грядущым в Самарию и рече им: се, гнев Господа Бога отец ваших противу Иуды, и предаде их в руки вашя, и убисте их во гневе, и даже до небесе достиже (ваше немилосердие): II Chronicles 28:10 и ныне сынов Иудиных и Иерусалимлих вы глаголете покорити в рабы и рабыни: не се ли, аз есмь с вами, свидетелствовати Господу Богу вашему? II Chronicles 28:11 И ныне послушайте мене и возвратите плен, егоже пленисте от братий ваших, яко гнев ярости Господни на вас. II Chronicles 28:12 И восташа началницы от сынов Ефремлих, Азариа сын Иоанан и Варахиа сын Васаллимофов, и Езекиа сын Селлумов и Амасиа сын Елдаев на грядущих от брани, II Chronicles 28:13 и рекоша им: не введите плена семо к нам, зане согрешим Господу, вы хощете приложити ко грехом нашым и к безумию нашему, велик бо грех наш, и гнев ярости Господни на Израили. II Chronicles 28:14 И оставиша воини плен и корысти пред началники и пред всем множеством. II Chronicles 28:15 И восташа мужие реченнии по имени и взяша плененых, и всех нагих облекоша от корыстей, и одеяша их и обуша их, и даша ясти и пити им и помазатися, и всадиша на подяремника всякаго немощнаго, и отвезоша их во Иерихон град финический ко братии их, и возвратишася в Самарию. II Chronicles 28:16 Во время оно посла царь Ахаз ко царю Ассурску, прося помощи себе и в том, II Chronicles 28:17 понеже Идумеане нападоша и поразиша Иуду и плениша плен: II Chronicles 28:18 и иноплеменницы нападоша на грады напольныя и от полуденныя Иудеи и взяша Вефсамис, и яже в дому Господни, и яже в дому царстем, и князей, и даша царю Аилон и Гадироф, и Сохоф и веси его, и Гамзон и веси его, и Фамну и веси ея, и вселишася тамо. II Chronicles 28:19 Яко смири Господь Иудею ради Ахаза царя Иудина, понеже отступи отступлением от Господа. II Chronicles 28:20 И прииде на него Фелгафелласар царь Ассурский, и озлоби его, и пресели, иже бяху в Дамасце, в Мидию, из Сирии же пресели в Дамаск пребывати. II Chronicles 28:21 И взя Ахаз сущая в дому Господни и яже в дому царстем и у началников, и даде царю Ассурску: и не бысть на помощь ему, но токмо к печали его. II Chronicles 28:22 И приложи отступити от Господа и рече царь Ахаз: II Chronicles 28:23 взышу богов Дамасковых биющих мя. И рече: бози царя Сирска, тии укрепляют их, сим убо пожру, и будут ми в помощь. Тии же быша к падению его и всего Израиля. II Chronicles 28:24 И остави Ахаз сосуды дому Господня и сокруши их, и заключи врата дому Божия, и сотвори себе требища во всех углех Иерусалима, II Chronicles 28:25 и во всех градех Иудиных сотвори высокая, еже кадити богом чуждим, и разгнева Господа Бога отец своих. II Chronicles 28:26 Прочая же словеса его и деяния его первая и последняя, се, писана суть в книзе царей Иудиных и Израилевых. II Chronicles 28:27 И успе Ахаз со отцы своими, и погребоша его во граде Давидове, ибо не внесоша его во гробы царей Израилевых. И воцарися Езекиа сын его вместо его. II Chronicles 29:0 II Chronicles 29:1 И Езекиа нача царствовати сый двадесяти и пяти лет, и двадесять девять лет царствова во Иерусалиме. Имя же матери его Авиа, дщерь Захариина. II Chronicles 29:2 Сотвори же правое пред Господем по всем, яже сотвори Давид отец его. II Chronicles 29:3 И бысть егда ста на царстве своем в месяц первый, отверзе двери дому Господня и обнови их, II Chronicles 29:4 и введе священники и левиты, и постави их на стране яже к востоку, II Chronicles 29:5 и рече им: послушайте мя, левити, ныне очиститеся и очистите дом Господа Бога отец наших, и изрините нечистоту из святилища: II Chronicles 29:6 яко отступиша отцы наши и сотвориша лукавое пред Господем Богом нашим, и оставиша Его, и отвратиша лице свое от скинии Господни, и даша хребет, II Chronicles 29:7 и заключиша врата храма, и погасиша светилники, и фимиамом не кадиша, и всесожжений не принесоша во святилищи Богу Израилеву: II Chronicles 29:8 и разгневася яростию Господь на Иуду и на Иерусалим, и предаде их во ужас и погубление и на звиздание, якоже вы видите очима вашима: II Chronicles 29:9 и се, поражени быша отцы наши мечем, и сынове наши и дщери нашя и жены нашя в пленении в земли не своей, якоже и ныне суть: II Chronicles 29:10 ныне убо положите на сердца ваша, еже завещати завет с Господем Богом Израилевым, и отвратит гнев ярости Своея от нас: II Chronicles 29:11 и ныне не пренебрегайте, яко вас избра Господь стояти пред Ним, служити Ему, и да будете Ему служаще и кадяще. II Chronicles 29:12 И восташа левити, Маал сын Амасиев и Иоиль сын Захариев от сынов Каафовых, и от сынов Мерариных Кис сын Авдиев и Азариа сын Илаелилов, и от сынов Гедсоних Иоадад сын Земмань и Иоадам, сии сынове Иоахаини: II Chronicles 29:13 от сынов Елисафаних Самарий и Иеиил, и от сынов Асафовых Захариа и Матфаниа, II Chronicles 29:14 и от сынов Еманих Иеиил и Семей, от сынов же Идифумлих Самафиа и Озиил: II Chronicles 29:15 собраша же братию свою и освятишася по заповеди цареве повелением Господним, да очистят дом Божий: II Chronicles 29:16 и внидоша священницы внутрь церкве Господни, да очистят ю, и извергоша всю нечистоту обретенную в дому Господни и во дворе дому Господня: и вземше левити, изнесоша к потоку Кедрску вон. II Chronicles 29:17 И начаша в первый день новомесячия перваго месяца очищати, и в день осмый того месяца внидоша во храм Господень, и очистиша церковь Господню во осми днех, и в день шестыйнадесять месяца перваго совершиша. II Chronicles 29:18 И внидоша внутрь ко Езекии царю и рекоша: очистихом вся, яже в дому Господни, олтарь всесожжения и сосуды его, и трапезу предложения со всеми сосуды ея, II Chronicles 29:19 и вся сосуды, яже оскверни царь Ахаз в царство свое во отступлении своем, уготовахом и очистихом, и се, суть пред олтарем Господним. II Chronicles 29:20 И воста рано Езекиа царь, и собра началники града, и взыде в дом Господень, II Chronicles 29:21 и вознесе телцев седмь и овнов седмь, агнцев седмь и козлов от коз седмь за грех, за царство и за святилище и за Израиля, и рече сыном Аароним священником, да взыдут на олтарь Господень жрети телцев. II Chronicles 29:22 И заклаша телцев, и взяша кровь священницы и излияша на олтарь: и заклаша овнов и кровь на олтарь возлияша: и заклаша агнцев и облияша кровию олтарь: II Chronicles 29:23 и приведоша козлов, иже за грех, пред царя и церковь, и возложиша руки своя на них, II Chronicles 29:24 и пожроша их священницы, и покропиша кровию их пред олтарем, и помолишася о всем Израили: зане рече царь, о всем Израили всесожжение и яже о гресе. II Chronicles 29:25 Постави же левиты в дому Господни с кимвалы и псалтирми и гусльми, по заповеди Давида царя и Гада провидца царю и Нафана пророка, яко по заповеди Господней повеление (бысть) рукою пророков Его. II Chronicles 29:26 Сташа же левити со органы Давидовы и священницы с трубами. II Chronicles 29:27 И повеле Езекиа, да вознесут всесожжение на олтарь: и егда начаша возносити всесожжение, начаша хвалы пети Господеви и трубити при органех Давида царя Израилева. II Chronicles 29:28 И вся церковь покланяшеся, и певцы пояху, и трубы трубяху, дондеже совершися всесожжение. II Chronicles 29:29 Егда же скончаша приношение, преклонися царь и вси иже бяху с ним и поклонишася Господеви. II Chronicles 29:30 Повеле же Езекиа царь и князи левитом, да восхвалят Господа словесы Давидовыми и Асафа пророка: иже восхвалиша в веселии, и падоша, и поклонишася Господеви. II Chronicles 29:31 И отвеща Езекиа и рече: ныне исполнисте руки вашя Господу, приведите и принесите жертвы хваления в дом Господень. И принесе (все) собрание жертвы и хвалы в дом Господень, и всяк усердный сердцем всесожжения. II Chronicles 29:32 И бысть число всесожжения, еже принесе собрание, телцев седмьдесят, овнов сто, агнцев двести, вся сия во всесожжение Господеви: II Chronicles 29:33 освященных же телцев шестьсот, овец три тысящы. II Chronicles 29:34 Но священницы не мнози бяху и не можаху одирати кож всесожжения, и помогоша им братия их левити, дондеже исполнися дело и дондеже освятишася жерцы, левити бо усерднее освятишася, нежели священницы: II Chronicles 29:35 всесожжения же много в туках совершения спасения, и возлияний всесожжения: и исправися дело в дому Господни. II Chronicles 29:36 Возвеселися же Езекиа и вси людие, яко уготова Бог людем, понеже внезапу бысть слово. II Chronicles 30:0 II Chronicles 30:1 Посла же Езекиа ко всему Израилю и Иуде, и написа послания ко Ефрему и Манассии, да приидут к дому Господню во Иерусалим сотворити пасху Господу Богу Израилеву. II Chronicles 30:2 И усоветова царь и князи и все множество во Иерусалиме сотворити пасху во вторый месяц: II Chronicles 30:3 не возмогоша бо сотворити во время свое, яко священницы не очистишася доволни, и людие не у собрашася во Иерусалим. II Chronicles 30:4 И угодно бысть слово цареви и всему множеству. II Chronicles 30:5 И поставиша слово, да пройдет проповедь во весь Израиль от Вирсавеи даже до Дана, да приидут сотворити пасху Господу Богу Израилеву во Иерусалиме, мнози бо не сотвориша по писанию. II Chronicles 30:6 И поидоша гонцы с посланьми от царя и от началников во весь Израиль и Иудею по повелению цареву, глаголюще: сынове Израилевы, обратитеся ко Господу Богу Авраамлю и Исаакову и Иаковлю, и обратите спасшихся, иже избыша от руки царя Ассурска, II Chronicles 30:7 и не будите якоже отцы ваши и братия ваша, иже отступиша от Господа Бога отец своих, и предаде их в погубление, якоже вы видите: II Chronicles 30:8 и ныне не ожесточите сердец ваших, якоже отцы ваши: дадите славу Господу Богу и внидите во святилище Его, еже освяти во век, и служите Господу Богу вашему, и отвратит от вас гнев ярости Своея: II Chronicles 30:9 понеже егда обратитеся вы ко Господу, братия ваша и чада ваша будут в щедротах пред всеми пленившими их, и возвратит в землю сию, зане милостив и щедр Господь Бог наш, и не отвратит лица Своего от нас, аще обратимся к Нему. II Chronicles 30:10 И бяху гонцы проходяще от града во град, на горе Ефремли и Манассиине, даже и до Завулона: и быша яко посмеяваеми и поругаеми. II Chronicles 30:11 Но мужие от Асира и от Манассии и от Завулона устыдишася и приидоша в Иерусалим и во Иудею. II Chronicles 30:12 И бысть рука Господня дати им сердце едино приити, еже сотворити по повелению цареву и князей слово Господне. II Chronicles 30:13 И собрашася во Иерусалим людие мнози, да сотворят праздник опресноков в месяц вторый, сонм мног зело. II Chronicles 30:14 И восташа, и разориша олтари, иже во Иерусалиме, и вся, в нихже кадяху идолом, испровергоша и ввергоша их в поток Кедрский, II Chronicles 30:15 и пожроша пасху в четвертыйнадесять день месяца втораго: священницы же и левити умилишася и освятишася, и принесоша всесожжения в дом Господень: II Chronicles 30:16 и сташа в чине своем по обычаю своему, по заповеди Моисеа человека Божия, и священницы приемляху кровь от руку левитску. II Chronicles 30:17 Понеже мног народ освящен не бысть, левити же бяху жруще пасху всякому, иже не можаше освятитися Господу: II Chronicles 30:18 понеже болшая часть людий от Ефрема и Манассии, и Иссахара и Завулона освященна не бысть, но ядоша пасху не по писанию. II Chronicles 30:19 И помолися Езекиа о них глаголя Господь Бог благ да умилостивится о всяцем сердцы направившемся еже взыскати Господа Бога отец своих, а не по очищению святынь. II Chronicles 30:20 И услыша Господь Езекию и изцели люди. II Chronicles 30:21 И сотвориша сынове Израилевы обретшиися во Иерусалиме праздник опресноков седмь дний в веселии велице хваляще Господа на всяк день, левити же и священницы во органы Господу. II Chronicles 30:22 И глагола Езекиа ко всякому сердцу левитов, иже имех разум благ ко Господу: и скончаша праздник опресноков седмь дний жруще жертву спасения и исповедающеся Господу Богу отец своих. II Chronicles 30:23 И усоветова весь собор купно сотворити ины седмь дний (праздника): и сотвориша седмь дний иных в веселии. II Chronicles 30:24 Понеже Езекиа царь Иудин даде начатки всему народу тысящу телцев и седмь тысящ овец: началницы же даша людем телцев тысящу и овец десять тысящ, и освятишася священников множество. II Chronicles 30:25 И возрадовася вся церковь, священницы и левити, и все множество Иудино и обретшиися из Иерусалима, и пришелцы пришедшии от земли Израилевы и обитающии во Иудеи. II Chronicles 30:26 И бысть веселие велие во Иерусалиме: яко от дний Соломона, сына Давидова царя Израилева, не бысть таковый праздник во Иерусалиме. II Chronicles 30:27 И восташа священницы и левити и благословиша людий, и услышан бысть глас их, и прииде моление их в жилище святое Его на небо. II Chronicles 31:0 II Chronicles 31:1 Егда же сия вся совершишася, изыде весь Израиль обретшийся во градех Иудиных, и сокрушиша идолы и посекоша дубравы, и разориша высокая и требища от всея Иудеи и Вениамина, и от Ефрема и от Манассии в конец: и возвратися весь Израиль, кийждо во одержание свое и во грады своя. II Chronicles 31:2 И устави Езекиа чреды священников и левитов, и чреды коегождо по служению его, священников и левитом, во всесожжение и в жертву спасения, и дабы хвалили и исповедалися и служили во вратех во дворех дому Господня. II Chronicles 31:3 Часть же царева бысть от имения его во всесожжение утреннее и вечернее, и всесожжения в субботы и в новомесячия и в праздники писанныя в законе Господни. II Chronicles 31:4 И заповеда людем живущым во Иерусалиме дати часть священником и левитом, да укрепятся во служении дому Господня. II Chronicles 31:5 И егда устави слово, даша много сынове Израилевы начаток пшеницы и вина и елеа и меда, и вся яже родит земля, и десятины вся принесоша зело много сынове Израилевы и Иудины. II Chronicles 31:6 И иже обитаху во градех Иудиных, и тии принесоша десятины от телцев и овец, и десятины от коз, и посвятиша Господу Богу своему, и внесоша и положиша купы многи. II Chronicles 31:7 Месяца третияго начаша купам полагати основания, и месяца седмаго и совершиша их. II Chronicles 31:8 И вниде Езекиа и началницы, и видеша купы, и благословиша Господа и люди Его Израиля. II Chronicles 31:9 Вопроси же Езекиа священников и левитов о купах. II Chronicles 31:10 И отвеща к нему Азариа священник началный в дому Садоков и рече отнележе начаша приносити начатки в дом Господень, ядохом и пихом, и оставихом даже до множества, яко благослови Господь люди Своя, и оставихом еще множество сие. II Chronicles 31:11 И повеле Езекиа еще уготовити житницы в дому Господни: и уготоваша. II Chronicles 31:12 И внесоша тамо начатки и десятины верно: над ними же бе настоятель Хонениа левит, и Семей брат его вторый, II Chronicles 31:13 и Иеиил и Озиа, и Наеф и Асаил, и Иеримоф и Иозавад, и Елиил и Самахиа, и Мааф и Ванаиа, и сынове его приставлени рукою Хонении и Семеа брата его, якоже повеле Езекиа царь и Азариа началник дому Господня. II Chronicles 31:14 И Корей сын Иемнаин левит, дверник к востоку над даяньми, еже даяти начатки Господни и Святая святых, II Chronicles 31:15 рукою Одома и Вениамина, и Иисуса и Семеа, и Амариа и Сехониа, рукою священников верно, даяти братии своей по чредам, малу и велику, II Chronicles 31:16 кроме рожденных мужеска полу от лет триех и вышше, всем, иже вхождаху в церковь Господню по числу дний на день, в службу чред расположения их. II Chronicles 31:17 Сие разделение священников по домом отечеств: и левити в чредах своих, от двадесяти лет и вышше, по чином, в разделениих. II Chronicles 31:18 Всякому рожденному жен их и сынов их и дщерей их во все множество, понеже верно освятиша святое. II Chronicles 31:19 И сыновом Аароним священствующым в селех, и иже от градов их во всяцем граде и граде, мужие иже именовани суть по имени, даяти часть всякому мужеску полу во священницех и всякому сочисляемому в левитех. II Chronicles 31:20 И сотвори тако Езекиа во всей Иудеи, и сотвори благое и правое и истинное пред Господем Богом своим, II Chronicles 31:21 и во всяцем деле, еже нача делати в дому Господни, и в законе и в повелениих взыска Бога своего всем сердцем своим и сотвори, и благопоспешися ему. II Chronicles 32:0 II Chronicles 32:1 И по словесех сих и по истине сей, прииде Сеннахирим царь Ассирийский, и прииде на Иудею, и ополчися на грады крепкия хотя взяти их. II Chronicles 32:2 И виде Езекиа, яко прииде Сеннахирим, и лице его воевати на Иерусалим: II Chronicles 32:3 и советова со старейшины своими и с сильными, да заключат воды источников, иже беша вне града: и соизволиша ему. II Chronicles 32:4 И собра много людий, и заключи воды источников и поток текущь посреде града, глаголя: да не приидет царь Ассирийский, и обрящет вод много, и укрепится. II Chronicles 32:5 И укрепися Езекиа, и созда вся стены, яже быша разсыпаны, и столпы, и отвне предстение ино, и укрепи разрушенная града Давидова, и уготова оружия многа: II Chronicles 32:6 и постави началники бранем над людьми, и собрашася к нему на площадь врат дебри, и глагола в сердца их глаголя: II Chronicles 32:7 укрепитеся и мужайтеся и не устрашайтеся, ниже ужасайтеся от лица царя Ассирийска и от лица всего множества, еже с ним: яко множайшии с нами суть неже с ним: II Chronicles 32:8 с ним мышца плотская, с нами же Господь Бог наш, еже спасати и поборати на брани нашей. И укрепишася людие словесы Езекии царя Иудина. II Chronicles 32:9 И по сих посла Сеннахирим царь Ассирийский рабы своя во Иерусалим, сам же со всеми вои своими обстояше Лахис, и посла ко Езекии царю Иудину и ко всему Иуде, иже во Иерусалиме, глаголя: II Chronicles 32:10 сия глаголет Сеннахирим царь Ассирийский: на что вы уповаете и седите во обстоянии во Иерусалиме? II Chronicles 32:11 Ни ли Езекиа прельщает вас, да предаст вы в смерть и в глад и жажду, глаголя: Господь Бог наш спасет нас от руки царя Ассирийска? II Chronicles 32:12 Не сей ли есть Езекиа, иже разори олтари Его и вышняя Его, и повеле Иуде и живущым во Иерусалиме, глаголя: олтарем пред олтарем сим покланяйтеся и в нем кадите фимиам? II Chronicles 32:13 Или не весте сего, что аз сотворих и отцы мои всем людем земли? Еда могуще возмогоша бози языков всея земли избавити люди своя от руки моея? II Chronicles 32:14 Кто во всех бозех языков сих, ихже искорениша отцы мои? Еда возмогоша избавити люди своя от руки моея, и како может Бог ваш избавити вас от руки моея? II Chronicles 32:15 Ныне убо да не прельщает вас Езекиа и да не творит вас уповати по сему, и не веруйте ему: аще бо ни един бог всякаго языка и царства возможе избавити люди своя от руки моея и от руку отец моих, то ниже Бог ваш возможет избавити вас от руки моея. II Chronicles 32:16 И ина (многа) глаголаша раби его противу Господа Бога и противу Езекии раба Его. II Chronicles 32:17 И послания написа поношая Господа Бога Израилева, и рече Нань, глаголя: якоже бози язык земли не могоша избавити людий своих от руки моея, тако ниже Бог Езекиин избавит люди Своя от руки моея. II Chronicles 32:18 И возопи воплем великим языком Иудейским к людем, иже седяху на стенах Иерусалимлих, да устрашит их и ужасит, и возмет град: II Chronicles 32:19 и глагола на Бога Иерусалимля, якоже и на богов людий земли, дела рук человеческих. II Chronicles 32:20 И помолися Езекиа царь и Исаиа сын Амосов пророк о сих, и возопиша на небо. II Chronicles 32:21 И посла Господь Ангела, и порази всех мужей храбрых и бранников, и началников и воевод в полцех царя Ассирийска: и возврати лице его со стыдом на землю его, и прииде в дом бога своего, и сынове его изшедшии из чрева его погубиша его мечем. II Chronicles 32:22 И спасе Господь Езекию и обитающих во Иерусалиме от руки Сеннахирима царя Ассирийска и от руку всех, и подаде им покой окрест. II Chronicles 32:23 И мнози приношаху дары Господу во Иерусалим и даяния Езекии царю Иудину, и возвышен бысть пред очесы всех языков по сих. II Chronicles 32:24 Во днех оных разболеся Езекиа даже до смерти и помолися ко Господу: и услыша его и даде ему знамение. II Chronicles 32:25 И не по воздаянию, еже даде ему, воздаде Езекиа, но вознесеся сердце его, и бысть на него гнев и на Иуду и на Иерусалим. II Chronicles 32:26 И смирися Езекиа от высоты сердца своего сам и живущии во Иерусалиме, и не прииде на них гнев Господень во дни Езекиины. II Chronicles 32:27 И бысть Езекиеви богатство и слава многа зело: и сокровища себе собра сребра и злата и камения честнаго, и ароматы, и оружия хранилницы, и сосуды драгоценны, II Chronicles 32:28 и житницы жит, пшеницы и вина и елеа, и села, и ясли всякому скоту, и ограды стадом, II Chronicles 32:29 и грады, яже созда себе, и строения овцам и волом множество: зане даде ему Господь собрания многа зело. II Chronicles 32:30 Той Езекиа загради исход воды Геона вышняго и проведе ю в низ к полудню града Давидова. И преуспе Езекиа во всех делех своих. II Chronicles 32:31 И тако послом князей от Вавилона, иже послани бяху к нему, да вопросят его о чудеси, еже случися на земли, остави его Господь, да искусит его уведати, яже в сердцы его. II Chronicles 32:32 Прочая же словес Езекииных, и щедроты его, се, писана суть в пророчестве Исаии пророка сына Амосова и в книзе царей Иудиных и Израилевых. II Chronicles 32:33 И успе Езекиа со отцы своими, и погребоша его на восходех гробов сынов Давидовых: и славу и честь даша ему в смерти его весь Иуда и живущии во Иерусалиме. И воцарися Манассиа сын его вместо его. II Chronicles 33:0 II Chronicles 33:1 Дванадесяти лет бе Манассиа, егда царствовати нача, и пятьдесят пять лет царствова во Иерусалиме: II Chronicles 33:2 сотвори же лукавое пред Господем по всем мерзостем языческим, ихже истреби Господь от лица сынов Израилевых: II Chronicles 33:3 и возврати и созда высокая, яже раскопа Езекиа отец его, и сострои кумиры Ваалиму, и сотвори дубравы, и поклонися всему воинству небесному, и послужи им, II Chronicles 33:4 и созда олтари в дому Господни, о немже глагола Господь: во Иерусалиме будет имя Мое во веки: II Chronicles 33:5 созда же жертвенники всему воинству небесному во двою дворех дому Господня. II Chronicles 33:6 Той же проведе чада своя чрез огнь во удоли Веенномли и вражаше (со жребии), и последоваше гаданием, и волхвованием служаше, и имеяше чревоволшебники и обаянники, и многа лукавая сотвори пред Господем, да прогневает Его: II Chronicles 33:7 истуканы же и слиянны образы сотвори и постави в дому Божии, о немже глагола Бог к Давиду и к Соломону сыну его: в дому сем и во Иерусалиме, егоже избрах от всех колен Израилевых, положу имя Мое во век, II Chronicles 33:8 и не приложу подвигнути ногу Израилеву от земли, юже предах отцем их, токмо аще сохранят сотворити вся, яже повелех им, по всему закону и повелением и судбам, рукою Моисеовою. II Chronicles 33:9 И прельсти Манассиа Иуду и живущих во Иерусалиме, да сотворят лукавое паче всех язык, ихже испроверже Господь от лица сынов Израилевых. II Chronicles 33:10 И глагола Господь к Манассии и к людем его, и не послушаша. II Chronicles 33:11 И наведе Господь на них началники воев царя Ассирийска, и яша Манассию во узах, и связаша его оковы ножными, и отведоша в Вавилон. II Chronicles 33:12 И егда озлоблен бысть, взыска лице Господа Бога своего, и смирися зело пред лицем Бога отец своих, II Chronicles 33:13 и помолися к Нему и послуша его, и услыша вопль его, и возврати его во Иерусалим на царство его: и позна Манассиа, яко Господь Той есть Бог. II Chronicles 33:14 И по сих созда стену вне града Давидова от Ливы к югу в потоце и ко входу врат Рыбных, исходящым вратами сущими окрест в высоту, и возвыси зело: и постави началники воем во всех градех Иудиных стенатых, II Chronicles 33:15 и отят боги чуждыя и идолы от дому Господня, и вся олтари, яже созда в горе дому Господня и во Иерусалиме, и изверже вся вон из града. II Chronicles 33:16 И паки воздвиже олтарь Господень, и пожре на том жертву спасения и хваления, и заповеда Иуде, да служат Господу Богу Израилеву. II Chronicles 33:17 Но еще людие жряху на высоких, обаче Господу Богу своему. II Chronicles 33:18 Прочая же словес Манассииных, и молитва его, яже к Богу, и словеса провидящих, иже глаголаху к нему во имя Господа Бога Израилева, II Chronicles 33:19 се, во словесех молитвы его, и яко услыша его, и вси греси его и отступления его, и места, на нихже созида высокая, и сотвори тамо Дубравы и изваянная, прежде неже обратитися ему, се, писана суть во словесех провидящих. II Chronicles 33:20 Успе же Манассиа со отцы своими, и погребоша его в саду дому его. И воцарися вместо его сын его Амон. II Chronicles 33:21 Двадесяти дву лет бе Амон, егда царствовати нача, и два лета царствова во Иерусалиме, II Chronicles 33:22 и сотвори лукавое пред Господем, якоже творяше Манассиа отец его, и всем идолом, ихже сотвори Манассиа отец его, пожре Амон и послужи им: II Chronicles 33:23 и не смирися пред Господем, якоже смирися Манассиа отец его, зане сын его Амон умножи грехи. II Chronicles 33:24 И нападоша нань раби его и убиша его в дому его. II Chronicles 33:25 И убиша людие земли нападших на царя Амона, и поставиша людие земли царя Иосию сына его вместо его. II Chronicles 34:0 II Chronicles 34:1 Осми лет бысть Иосиа, егда царствовати нача, и тридесять едино лето царствова во Иерусалиме, II Chronicles 34:2 и сотвори правое пред Господем, и ходи в путех Давида отца своего, и не уклонися ни на десно, ни на лево. II Chronicles 34:3 И во осмое лето царства своего, и той еще сый отрок, нача взыскати Господа Бога отца своего Давида: и во второенадесять лето царства своего нача очищати Иудею и Иерусалим от высоких и лесов, и от капищ и от истуканных. II Chronicles 34:4 И разориша пред лицем его олтари Ваалимли, и высокая, яже на них: и посече дубравы и истуканныя, и слиянная сокруши и истни, и растопи и поверже пред лицем гробов жрущих им: II Chronicles 34:5 и кости жерцев сожже на олтарех их, и очисти Иуду и Иерусалим, II Chronicles 34:6 и во градех Манассииных и Ефремлих и Симеоних даже до Неффалима, и в местех их окрест: II Chronicles 34:7 и олтари размета и лесы, и идолы разсече в частицы, и вся высокая изсече от всея земли Израилевы, и возвратися во Иерусалим. II Chronicles 34:8 И во осмоенадесять лето царства своего, егда очищена бысть земля и церковь Господня, посла Сафана сына Еселиева и Амесию началника града и Иоаса сына Иоахазова памятописца своего, да утвердят дом Господа Бога своего. II Chronicles 34:9 И приидоша ко Хелкии священнику великому, и даша сребро принесенное в дом Господень, еже собраша левити хранящии дверь от руки Манассиины и Ефремли, и от началников и от всех прочих во Израили, и от сынов Иудиных и Вениаминих и обитающих во Иерусалиме, II Chronicles 34:10 и даша оное в руце творящих дела, приставницы в дому Господни, и даша е творящым дела, иже творяху в дому Господни да, обновят и укрепят храм: II Chronicles 34:11 и даша тектоном и домоздателем, да купят камение четвероуголное и древа на бервна на покрытие домов, ихже разориша царие Иудины. II Chronicles 34:12 И мужие верно творяху в делех, и над ними надзирателе Иеф и Авдиа левити от сынов Мерариных, и Захариа и Мосоллам от сынов Каафовых надзирати, и всяк левитин, и всяк знаяй во органы пети: II Chronicles 34:13 и над носящими бремена и над всеми творящими дела, всяким деланием: и от левит беша писареве и судии и дверницы. II Chronicles 34:14 И внегда износити им сребро принесенное в церковь Господню, обрете Хелкиа священник книгу закона Господня, (яже дана бысть) рукою Моисеовою. II Chronicles 34:15 И отвеща Хелкиа и рече к Сафану писарю: книгу закона обретох в дому Господни. И даде Хелкиа книгу Сафану. II Chronicles 34:16 И принесе Сафан книгу ко царю, и возвести еще ко царю слово, глаголя: все сребро дано в руки рабов твоих творящих дела: II Chronicles 34:17 и слияша сребро обретенное в дому Господни, и даша в руки надзирателей и в руки творящих дело. II Chronicles 34:18 И возвести Сафан писарь слово царю, глаголя: книгу даде ми Хелкиа священник. И прочте ю Сафан пред царем. II Chronicles 34:19 И бысть егда услыша царь словеса закона, и растерза ризы своя. II Chronicles 34:20 И повеле царь Хелкиеви и Ахикаму сыну Сафанову и Авдону сыну Михееву, и Сафану писарю и Асаию рабу цареву, глаголя: II Chronicles 34:21 идите и молитеся Господу за мя и за всякаго оставшагося во Израили и Иуде, о словесех книги, яже обретена есть, велик бо гнев Господень разгореся на нас, понеже не послушаша отцы наши словес Господних, еже творити по всем написанным в книзе сей. II Chronicles 34:22 И иде Хелкиа, и имже повеле царь, ко Олдане пророчице, жене Селлима сына Фекуева, сына Есерии ризохранителя, хранящей заповеди, яже обиташе во Иерусалиме в масане, и глаголаша ей по сим. II Chronicles 34:23 И та отвеща им: сия рече Господь Бог Израилев: глаголите мужу, иже посла вас ко мне: сия рече Господь: II Chronicles 34:24 се, Аз наведу злая на место сие и на обитающих в нем вся словеса, яже писана суть в книзе прочтенней пред царем Иудиным, II Chronicles 34:25 зане оставиша Мя и кадяху богом чуждим, да прогневают Мя во всех делех рук своих: и разгореся ярость Моя на место сие и не угасится: II Chronicles 34:26 и ко царю Иудину, иже посла вас ко Господу помолитися, тако глаголите ему: сия рече Господь Бог Израилев: словеса, яже слышал еси, II Chronicles 34:27 и сокрушися сердце твое, и смирился еси пред лицем Моим, егда услышал еси словеса Моя на место сие и на обитающих в нем, и смирился еси предо Мною, и растерзал еси ризы твоя, и плакал еси предо Мною, и Аз услышах, рече Господь: II Chronicles 34:28 се, приложу тя ко отцем твоим, и приложишися ко гробом твоим в мире, и не узрят очи твои всякаго зла, яже Аз наведу на место сие и на обитающих в нем. И возвестиша царю слово. II Chronicles 34:29 И посла царь, и собра старейшины Иудины и Иерусалимли. II Chronicles 34:30 И взыде царь в дом Господень и вси мужие Иудины и живущии во Иерусалиме, и священницы и левити, и вси людие от мала даже до велика: и читаше во ушеса их вся словеса книги завета обретенныя в дому Господни. II Chronicles 34:31 И ста царь на столпе, и завеща завет пред Господем ходити пред Господем, хранити заповеди Его и свидения Его и повеления Его всем сердцем и всею душею, еже творити словеса завета написанная в книзе сей. II Chronicles 34:32 И постави всех, иже обретени бяху во Иерусалиме и Вениамине, и сотвориша обитающии во Иерусалиме завет в дому Господа Бога отец своих. II Chronicles 34:33 И отя Иосиа вся мерзости от всея земли, яже бе сынов Израилевых, и сотвори всех обретшихся во Иерусалиме и во Израили служити Господу Богу своему во вся дни своя, и не уклонися от Господа Бога отец своих. II Chronicles 35:0 II Chronicles 35:1 И сотвори Иосиа во Иерусалиме пасху Господу Богу своему, и пожре пасху в четвертыйнадесять день месяца перваго: II Chronicles 35:2 и постави священники на стражах их, и укрепи их на дела дому Господня, II Chronicles 35:3 и рече левитом сильным во всем Израили, да освятятся Господу и поставят кивот святый в дому Господни. И поставиши кивот святый во храме, егоже созда Соломон сын Давида царя Израилева. И рече царь: несть вам на раменах носити ничтоже: ныне убо служите Господу Богу вашему и людем Его Израилю, II Chronicles 35:4 и уготовайтеся по домом отечеств ваших и по чредам вашым, по писанию Давида царя Израилева и рукою Соломона сына его, II Chronicles 35:5 и стойте во храме по разделением домов отечеств ваших во братии вашей сынех людских, и по части дому отечества в левитех: II Chronicles 35:6 и пожрите пасху и святая уготовайте братии вашей, еже сотворити по словеси Господню, (еже глагола) рукою Моисеовою. II Chronicles 35:7 И даде начатки Иосиа сыном людским овцы и агнцы и козлы от коз, вся на пасху, и всех обретеных в число тридесять тысящ, и волов три тысящы, сия от царева имения. II Chronicles 35:8 И началницы его даша начатки людем и священником и левитом: даде же и Хелкиа и Захариа и Иеиил началницы священником дому Господня, и даша на пасху овец и агнцев и козлищ две тысящы шесть сот и волов триста. II Chronicles 35:9 Хонениа же и Ванеа, и Самеа и Нафанаил брат его, и Асавиа и Иеиил и Иозавад, началницы левитов, даша левитом на пасху пять тысящ овец и волов пять сот. II Chronicles 35:10 И уготовано бысть служение, и сташа священницы в чине своем и левити по разделением своим по повелению цареву, II Chronicles 35:11 и пожроша пасху, и пролияша священницы рукама своима кровь, и левити одираху кожы: II Chronicles 35:12 и уготоваша всесожжения предати им по разделению, по домом отечеств сыном людским, принести Господеви всесожжения, якоже писано есть в книзе закона Моисеова: тако и заутра: II Chronicles 35:13 и испекоша пасху на огни по чину, и святая свариша в медницах и в котлех, и предуспе им, и разделиша всем сыном людским: II Chronicles 35:14 себе же и священником потом уготоваша, яко в возношении всесожегаемых и туков даже до нощи священницы (быша не праздни), и левити уготоваша им и братии их сыном Аароним. II Chronicles 35:15 И певцы сынове Асафовы (стояху) в чине своем по повелению Давида, и Асафа и Емана и Идифума пророков царевых: и началницы и дверницы всех врат, имже не бе возможно отлучитися от службы святых, понеже братия их левити уготоваша им (брашна). II Chronicles 35:16 И управися и уготовася вся служба Господня в день той, да сотворят пасху и принесут всесожжения на олтарь Господень по повелению царя Иосии. II Chronicles 35:17 И сотвориша сынове Израилевы, иже обретени бяху, пасху во время то и праздник опресноков седмь дний. II Chronicles 35:18 И не бысть пасхи подобныя той во Израили от дний Самуила пророка, и вси царие Израилева не сотвориша пасхи, юже сотвори Иосиа и священницы и левити, и весь Иуда и Израиль, иже обретен бысть, и обитающии во Иерусалиме, Господу. II Chronicles 35:19 Во осмоенадесять лето царства Иосиина сия пасха празднована бысть. II Chronicles 35:20 По сих всех, ихже сотвори Иосиа в дому, и басночревных и волхвующих, и кумирницы и идолы и дубравы, яже бяху во Иерусалиме и во Иудеи, пожже огнем царь Иосиа, да утвердит глаголы закона писанныя в книзе, юже обрете Хелкиа жрец в дому Господни: подобен ему не бысть пред ним, иже бы обратился ко Господу всем сердцем своим и всею душею своею и всею крепостию своею по всему закону Моисеову, и по нем не воста подобен ему. Обаче не отвратися Господь от гнева ярости Своея великия, еюже разгневася яростию Господь на Иудею, всех ради разгневаний ея, имиже прогнева Манассиа. И рече Господь: и Иуду убо отрину от лица Моего, якоже отринух дом Израилев, и отвергох град, егоже избрах, Иерусалим, и храм, о немже рех: будет имя Мое тамо. И изыде фараон Нехао царь Египетский на царя Ассирийскаго на реку Евфрат, еже ратовати его в Хархамисе. И изыде во сретение ему Иосиа царь. II Chronicles 35:21 И посла к нему послы, глаголя: что мне и тебе, царю Иудин? Не противу тебе днесь иду воевати, но на место брани моея: и Бог рече потщатися мне: внемли ты о Бозе иже со мною, да не убиет тя. II Chronicles 35:22 И не возврати Иосиа лица своего от него, но ратовати его укрепися, ниже послуша словес Нехаовых, яже от уст Божиих, но иде, да воюет на поли Магеддо. II Chronicles 35:23 И устрелиша стрелцы в царя Иосию. И рече царь отроком своим: изведите мене (от брани), яко изнемогох зело. II Chronicles 35:24 И сведоша его отроцы его с колесницы, и в другую колесницу посадиша его, яже бяше ему, и привезоша его во Иерусалим, и умре и погребен бысть со отцы своими: и весь Иуда и Иерусалим плакаша о Иосии. II Chronicles 35:25 И Иеремиа возрыда по Иосии, и глаголаша вси князи и княгини плачь по Иосии даже до днесь: и даша его в повеление Израилю, и се, писано есть в рыданиих. II Chronicles 35:26 Прочая же словеса Иосиина и упование его бяху писана в законе Господни: II Chronicles 35:27 дела же его, первая и последняя, се, писана суть в книзе царей Израилевых и Иудиных. II Chronicles 36:0 II Chronicles 36:1 И взяша людие земли Иоахаза сына Иосиина, и помазаша его, и поставиша его царем вместо отца его во Иерусалиме. II Chronicles 36:2 Двадесяти триех лет бысть Иоахаз, егда царствовати нача, и три месяцы царствова во Иерусалиме. Имя же матере его Амитал, дщерь Иеремиина от Ловны. И сотвори лукавое пред Господем по всем, яже сотвориша отцы его. (и плени Иоахаза,) и окова его фараон Нехао в Девлафе в земли Ефамли, еже не царствовати ему во Иерусалиме, II Chronicles 36:3 и преведе его царь во Египет, и возложи дань на землю (Израилеву) сто талант сребра и талант злата. II Chronicles 36:4 И постави фараон Нехао Елиакима сына Иосиина царем над Иудою и Иерусалимом вместо Иосии отца его, и премени имя его Иоаким. Иоахаза же брата его взя фараон Нехао и введе его во Египет, и умре тамо: сребро же и злато даде фараону. Тогда нача земля поддана быти, еже даяти сребро по словеси фараонову: и кийждо по силе истязаше сребро и злато от людий земли, еже даяти фараону Нехао. II Chronicles 36:5 Двадесяти пяти лет бе Иоаким, егда царствовати нача, и единонадесять лет царствова во Иерусалиме. Имя же матере его Зехора, дщерь Нириева от Рамы. Сотвори же лукавое пред Господем по всем, елика сотвориша отцы его. Во дни его прииде Навуходоносор царь Вавилонский на землю, и бе ему служа три лета и отступи от него. И посла Господь на них Халдеи и разбойники Сирския и разбойники Моавитския, и сынов Аммоновых и Самарийских, и по словеси сем отступиша по словеси Господню, (еже глагола) усты рабов Своих пророков. Обаче ярость Господня бе на Иуде, еже отринути его от лица Своего, грех ради Манассииных во всех, яже сотвори, и в крови неповинней, юже излия Иоаким, и наполни Иерусалим крове неповинныя. Но не восхоте Господь искоренити их. II Chronicles 36:6 И взыде на него Навуходоносор царь Вавилонский, и окова его оковами медяными, и приведе его в Вавилон: II Chronicles 36:7 и часть сосудов дому Господня пренесе в Вавилон и постави я во храме своем в Вавилоне. II Chronicles 36:8 Прочая же словес Иоакимовых, и вся, яже содела, не се ли, сия писана в книзе словес дний царей Иудиных? И успе Иоаким со отцы своими и погребен бысть в Ганозане со отцы своими. И воцарися Иехониа сын его вместо его. II Chronicles 36:9 Осминадесяти лет бе Иехониа, егда царствовати нача, и три месяцы и десять дний царствова во Иерусалиме, и сотвори лукавое пред Господем. II Chronicles 36:10 Егда же лету круг вращашеся, посла Навуходоносор царь, иже и введе его в Вавилон с предрагими сосуды дому Господня, а царем постави Седекию брата отцу его над Иудою и Иерусалимом. II Chronicles 36:11 Двадесять едино лето бысть Седекии, егда царствовати нача, единнадесять лет царствова во Иерусалиме: II Chronicles 36:12 и сотвори лукавое пред Господем Богом своим, и не усрамися лица Иеремии пророка от уст Господних, II Chronicles 36:13 егда от царя Навуходоносора отвержеся, иже закля его пред Богом: и ожесточи выю свою и сердце свое укрепи, да не обратится ко Господу Богу Израилеву. II Chronicles 36:14 И вси славнии Иудины и священницы и людие земли умножиша еже преступити преступления мерзостей языческих, и оскверниша дом Господень, иже во Иерусалиме. II Chronicles 36:15 И посылаше Господь Бог отец их к ним рукою пророков Своих утренюя и посылая вестники Своя, понеже щадяше людий Своих и святилища Своего: и тии поношаху послом Божиим, II Chronicles 36:16 и уничижаху словеса Его, и ругахуся пророком Его, дондеже сниде гнев Господень на люди Его, дондеже не бысть изцеления. II Chronicles 36:17 И наведе на них царя Халдейска, и поби младенцы их мечем в дому святыни его: и не пощаде Седекии и дев их не помилова, и старцы их изведе, и всех предаде в руки их, II Chronicles 36:18 и вся сосуды дому Божия великия и малыя, и сокровища церкве Господни, и вся сокровища царева и вельмож, вся внесе в Вавилон: II Chronicles 36:19 и зажже дом Господень и разори стену Иерусалимлю, и столпы его сожже огнем и всяк сосуд драгий истни: II Chronicles 36:20 и пресели оставшихся в Вавилон, и быша ему и сыном его в рабы даже до царства Мидскаго, II Chronicles 36:21 да исполнится слово Господне устами Иеремии, донележе прия земля субботы своя субботствовати во вся дни запустения своего: субботствова до совершения седмидесяти лет. II Chronicles 36:22 В лето первое Кира царя Персскаго, повнегда исполнитися словесем Господним усты Иеремии, воздвиже Господь дух Кира царя Персскаго, и повеле проповедати во всем царствии своем писанием, глаголя: II Chronicles 36:23 сия глаголет Кир царь Персский: вся царства земли даде ми Господь Бог небесный, и Той заповеда мне создати Себе дом во Иерусалиме, иже есть во Иудеи: кто в вас от всех людий Его? Да будет Бог его с ним, и да взыдет.
Prayer of Manasses 0:0
Молитва Манассии царя Иудейска, егда пленен держашеся во Вавилоне Prayer of Manasses 1:0 Prayer of Manasses 1:1 Господи Вседержителю, Боже отец наших, Авраамов и Исааков и Иаковль и семене их праведнаго, сотворивый небо и землю со всею лепотою их и связавый море словом повеления Твоего, заключивый бездну и запечатствовавый ю страшным и славным именем Твоим, егоже вся боятся, и трепещут от лица силы Твоея, Prayer of Manasses 1:2 яко никтоже постоит пред великолепием славы Твоея, и нестерпимь гнев, Prayer of Manasses 1:3 еже на грешники, прещения Твоего. Prayer of Manasses 1:4 Безмерна же и неизследованна милость обещания Твоего: Ты бо еси Господь, вышний, благоутробен, долготерпелив и многомилостив и каяйся о злобах человеческих. Ты, Господи, по множеству благости Твоея Prayer of Manasses 1:5 обещал еси покаяние и оставление согрешившым Тебе, и множеством щедрот Твоих определил еси покаяние грешником во спасение. Ты убо, Господи Боже сил, Prayer of Manasses 1:6 не положил еси покаяние праведным Аврааму и Исааку и Иакову, не согрешившым Тебе, но положил еси покаяние мне грешному, Prayer of Manasses 1:7 зане согреших паче числа песка морскаго: умножишася беззакония моя, Господи, умножишася беззакония моя, и несмь достоин воззрети и видети высоту небесную от множества неправд моих. Prayer of Manasses 1:8 Слячен есмь многими узами железными, во еже не возвести главы моея, и несть ми ослабления: зане прогневах ярость Твою Prayer of Manasses 1:9 и лукавое пред Тобою сотворих: не сотворивый воли Твоея и не сохранивый повелений Твоих, поставих мерзости и умножих претыкания. Prayer of Manasses 1:10 И ныне приклоняю колена сердца, требуя от Тебе благости. Согреших, Господи, согреших, и беззакония моя аз вем, но прошу моляся: ослаби ми, Господи, ослаби ми, и не погуби мене со беззаконии моими, ниже в век враждовав соблюдеши зол моих, ниже осудиши мя в преисподних земли: зане Ты еси, Боже, Бог кающихся, и на мне явиши всю благость Твою: яко недостойна суща спасеши мя по мнозей милости Твоей, Prayer of Manasses 1:11 и восхвалю Тя выну во днех живота моего: яко Тя поет вся сила небесная, и Твоя есть слава во веки веков. Аминь.
Ezra 0:0
Первая книга Ездры Ezra 1:0 Ezra 1:1 В лето первое Кира царя Персскаго, да исполнится слово Господне от уст Иеремииных, воздвиже Господь дух Кира царя Персскаго, и повеле проповедати во всем царствии своем, и писаньми, глаголя: Ezra 1:2 сия глаголет Кир царь Персский: вся царства земная даде мне Господь Бог небесный, и Той повеле ми, да созижду Ему дом во Иерусалиме, иже во Иудеи: Ezra 1:3 кто в вас от всех людий Его? И будет Бог его с ним, и да взыдет во Иерусалим, иже во Иудеи, и да созиждет дом Богу Израилеву, Той есть Бог, Иже во Иерусалиме: Ezra 1:4 и всяк оставшийся от всех мест, идеже той обитает, и да помогут ему мужие от места его сребром и златом, и сосуды и скоты, с добровольными обещании (принесут) в церковь Божию, яже во Иерусалиме. Ezra 1:5 И восташа князи отечеств Иудиных и Вениаминих и священницы и левити, и вси, имже воздвиже Бог дух их, да взыдут созиданию церкве Господни, яже во Иерусалиме: Ezra 1:6 и вси, иже бяху окрест, помогоша рукам их сосуды сребрбяными, златом, потребными, и скотами, и драгими вещми, кроме добровольных. Ezra 1:7 И царь Кир изнесе сосуды церкве Господни, ихже взя Навуходоносор из Иерусалима и положи тыя в церкви бога своего: Ezra 1:8 изнесе же тыя Кир царь Персский рукою Мифридата Гасваринова, и сочте тыя Сасавассару князю Иудейску. Ezra 1:9 И сие число их: умывалниц златых тридесять, умывалниц же сребряных тысяща, ножей двадесять девять, Ezra 1:10 и чаш златых тридесять, и сребряных двойных четыреста десять, и сосудов иных тысяща: Ezra 1:11 всех сосудов златых и сребряных пять тысящ и четыреста, вся взя с собою Сасавассар от преселения Вавилонскаго во Иерусалим. Ezra 2:0 Ezra 2:1 Сии же суть сынове страны, иже взыдоша от плена преселения, ихже пресели Навуходоносор царь Вавилонский в Вавилон: и возвратишася во Иерусалим и Иудею кийждо муж во град свой. Ezra 2:2 Иже приидоша с Зоровавелем: Иисус, Неемиа, Сараиа, Реелиа, Мардохей, Валасан, Масфар, Вагуй, Реум, Ваана. Сие число мужем людий Израилевых: Ezra 2:3 сынове Фаресовы две тысящы сто седмьдесят и два, Ezra 2:4 сынове Сафатиевы триста седмьдесят два, Ezra 2:5 сынове Аресовы седмь сот седмьдесят пять, Ezra 2:6 сынове Фааф-Моавли от сынов Иисуевух и Иоавлих две тысящы осмь сот дванадесять, Ezra 2:7 сынове Еламли тысяща двести пятьдесят четыри, Ezra 2:8 сынове Зафуевы девять сот четыредесять пять, Ezra 2:9 сынове Закхани седмь сот шестьдесят, Ezra 2:10 сынове Вануевы шесть сот четыредесять два, Ezra 2:11 сынове Ваваевы шесть сот двадесять три, Ezra 2:12 сынове Авгадовы тысяща двести двадесять два, Ezra 2:13 сынове Адоникамовы шесть сот шестьдесят шесть, Ezra 2:14 сынове Вагуевы две тысящы пятьдесят шесть, Ezra 2:15 сынове Адины четыриста пятьдесят четыри, Ezra 2:16 сынове Атировы, иже бяху от Езекии, девятьдесят осмь, Ezra 2:17 сынове Вассуевы триста двадесять три, Ezra 2:18 сынове Иоравовы сто дванадесять, Ezra 2:19 сынове Асумли двести двадесять три, Ezra 2:20 сынове Гаверовы девятьдесят пять, Ezra 2:21 сынове Вефлаемли сто двадесять три, Ezra 2:22 сынове Нетофаевы пятьдесят шесть, Ezra 2:23 сынове Анафофовы сто двадесять осмь, Ezra 2:24 сынове Азмофовы четыредесять три, Ezra 2:25 сынове Кариафиаримли, Хафира и Вироф, седмь сот четыредесять три, Ezra 2:26 сынове от Рамы и Гаваи шесть сот двадесять един, Ezra 2:27 мужей Махмаских сто двадесять два, Ezra 2:28 мужей Вефилских и Гайских четыреста двадесять три, Ezra 2:29 сынове от Навы пятьдесят два, Ezra 2:30 сынове Магевисовы сто пятьдесят шесть, Ezra 2:31 сынове Иламаровы тысяща двести пятьдесят четыри, Ezra 2:32 сынове Ирамли триста двадесять, Ezra 2:33 сынове Лиддоновы, Лодадидовы и Оновы седмь сот двадесять пять, Ezra 2:34 сынове Иерихони триста четыредесять пять, Ezra 2:35 сынове Сеннааевы три тысящы шесть сот тридесять. Ezra 2:36 Священницы же: сынове Иедуевы в дому Иисуеве девять сот седмьдесят три, Ezra 2:37 сынове Еммировы тысяща пятьдесят два, Ezra 2:38 сынове Фассуровы тысяща двести четыредесять седмь, Ezra 2:39 сынове Иремли тысяща седмьнадесять. Ezra 2:40 Левити же сынове Иисуевы и Кадмиили от сынов Одуиевых седмьдесят четыри. Ezra 2:41 Певцы же сынове Асафовы сто двадесять осмь. Ezra 2:42 Сынове дверников: сынове Селлумли, сынове Атироы, сынове Телмоновы, сынове Акувовы, сынове Атитовы, сынове Соваиевы, всех сто тридесять девять. Ezra 2:43 Нафинее: сынове Суавли, сынове Суфатовы, сынове Тавваофли, Ezra 2:44 сынове Кирасовы, сынове Сирсавли, сынове Фадонины, Ezra 2:45 сынове Лавановы, сынове Агавовы, сынове Акувовы, Ezra 2:46 сынове Агавовы, сынове Селамиины, сынове Анановы, Ezra 2:47 сынове Геддилины, сынове Гааровы, сынове Раиаевы, Ezra 2:48 сынове Расоновы, сынове Некодовы, сынове Газемли, Ezra 2:49 сынове Азоковы, сынове Фасиевы, сынове Расиины, Ezra 2:50 сынове Асенаевы, сынове Мунниновы, сынове Нефусимли, Ezra 2:51 сынове Ваквуковы, сынове Акуфаевы, сынове Ануровы, Ezra 2:52 сынове Васалофовы, сынове Мидановы, сынове Арсановы, Ezra 2:53 сынове Варкосовы, сынове Сисарины, сынове Фемавли, Ezra 2:54 сынове Нафиевы, сынове Атифовы. Ezra 2:55 Сынове слуг Соломоновых: сынове Сотаевы, сынове Сефирины, сынове Фадуровы, Ezra 2:56 сынове Иеалаевы, сынове Дерконовы, сынове Геддилины, Ezra 2:57 сынове Сафатиевы, сынове Аттилевы, сынове Фахерафовы, сынове Асевоимли, сынове Имеевы: Ezra 2:58 вси нафанимовы и сынове слуг Соломоновых триста девятьдесят два. Ezra 2:59 И сии, иже восхождаху от Фелмелеха, Фелариса, Херув, Идан, Еммир, и не могоша сказати дому отечества своего и семене своего, от Израиля ли быша: Ezra 2:60 сынове Далаиевы, сынове Товиевы, сынове Некодаевы, шесть сот пятьдесят два: Ezra 2:61 и от сынов священнических сынове Оваиевы, сынове Аккусовы, сынове Верзеллаевы, иже поя от дщерей Верзеллаа Галаадитина жену и наречеся именем их: Ezra 2:62 тии искаша писания роду своему и не обретоша, и изгнани суть от священства. Ezra 2:63 И рече Аферсафа им, да не ядят от святаго святых, дондеже востанет священник со изявлением и истиною. Ezra 2:64 Все же множество купно яко четыри тмы две тысящы триста шестьдесят, Ezra 2:65 кроме рабов их и рабынь их, сих седмь тысящ триста тридесять седмь: и сии певцы и певницы двести. Ezra 2:66 Коней их седмь сот тридесять шесть, мсков их двести четыредесять пять, Ezra 2:67 велблюдов их четыреста тридесять пять, ослов их шесть тысящ седмь сот двадесять. Ezra 2:68 И от князей отечеств, егда вхождаху тии в церковь Господню, яже во Иерусалиме, добровольно принесоша в дом Божий, поставити его на основании его: Ezra 2:69 по силе своей даша в росход дела, злата драхм шестьдесят тысящ и тысящу, и сребра мнас пять тысящ, и одеяний священнических сто. Ezra 2:70 И седоша священницы и левити, и иже от людий, и певцы и дверницы и нафинимляне во градех своих, и весь Израиль во градех своих. Ezra 3:0 Ezra 3:1 Пришедшу же месяцу седмому, и бяху сынове Израилевы во градех своих, и собрашася людие аки человек един во Иерусалим. Ezra 3:2 И воста Иисус сын Иоседеков и братия его священницы, и Зоровавель сын Салафиилев и братия его, и создаша олтарь Богу Израилеву, да принесут на нем всесожжения, якоже писано есть в законе Моисеа человека Божия. Ezra 3:3 И уготоваша олтарь на основании его, понеже страх бе на них от людий земных, и вознесоша на том всесожжение Господеви утро и в вечер: Ezra 3:4 и сотвориша праздник кущей, якоже писано, и всесожжения на всяк день числом по повелению, дело дне в день свой: Ezra 3:5 и посем всесожжения непрестанная и в новомесячия и во вся праздники Господеви освященныя, и о всяцем добровольно приносящем со усердием Господеви. Ezra 3:6 От перваго дне месяца седмаго начаша возносити всесожжения Господеви, дом же Господень не бе еще основан. Ezra 3:7 И вдаша пенязи каменосечцем и древоделем, пищу же и питие и елей Сидоняном и Тиряном, да принесут древа кедрова от Ливана к морю Иоппийскому, якоже соизволи Кир царь Персский о них. Ezra 3:8 И в лето второе, внегда приити им к дому Божию во Иерусалим, месяца втораго нача Зоровавель сын Салафиилев и Иисус сын Иоседеков, и прочии от братии их священницы и левити, и вси, иже приидоша от пленения во Иерусалим, и поставиша левитов от двадесяти лет и вышше над творящими дела во храме Господни. Ezra 3:9 И ста Иисус и сынове его и братия его, Кадоил и сынове его, сынове Иудины, якоже муж един да единодушно настоят над творящими дела в дому Божии, сынове Инададовы, сынове их и братия их левити. Ezra 3:10 И основаша созидающе дом Господень: и сташа священницы во украшении своем со трубами, и левити сынове Асафовы, в кимвалех да хвалят Господа, по уставу Давида царя Израилева: Ezra 3:11 и вопияху в песнех и исповедании Господеви, яко благ, яко в век милость Его над Израилем: и вси людие возглашаху гласом великим хваление Господу при основании дому Господня. Ezra 3:12 И мнози от священников и левит, и князи отечеств и старейшины, иже видеша дом преждний на основании своем, и сей дом пред очесы своими, плакаху гласом велиим: и народ возглашающь, в веселии возвышаху: Ezra 3:13 и не можаху людие познати гласа восклицания веселящихся от гласов плача народнаго, понеже людие восклицаху гласом великим, и глас велик слышашеся издалеча. Ezra 4:0 Ezra 4:1 И услышаша врази Иудины и Вениамини, яко сынове преселения созидают церковь Господу Богу Израилеву, Ezra 4:2 и приступиша к Зоровавелю и ко князем отечеств и рекоша им: созиждем с вами, понеже, якоже и вы, ищем Бога вашего и Ему мы жрем жертву от дний Асарадана царя Ассурска приведшаго ны семо. Ezra 4:3 И рече им Зоровавель и Иисус и прочии князи отечеств Израилевых: несть нам и вам создати дом Богу нашему, понеже мы сами особно созиждем Господу Богу нашему, якоже повеле нам Кир царь Персский. Ezra 4:4 И быша людие земли (тоя) ослабляюще руки людий Иудейских, и препинаху им в созидании, Ezra 4:5 и наимаху на них советников, да разорят совет их, во вся дни Кира царя Персскаго и даже до царства Дариа царя Персскаго. Ezra 4:6 В царство же Ассуира, (иже есть Артаксеркс,) в начале царства его, написаша свиток на живущих во Иудеи и во Иерусалиме. Ezra 4:7 И во дни Арфасафана написа в мире Мифридат и Тавеил со прочими сослужители ко Артаксерксу царю Персскому: написа писмоносец писание Сирским языком и претолковано. Ezra 4:8 Реум Валтаам и Сампса книгочий написаста послание едино на Иерусалим ко Артаксерксу царю: Ezra 4:9 тако судил Реум Валтаам и Сампса книгочий и прочии сослужителие наши, Динее, Афарсафахее, Тарфалее, Арфасее, Архиее, Вавилоняне, Сусанахее, Савее, Еламите Ezra 4:10 и прочии от язык, ихже преведе Ассенафар великий и преславный и всели их во градех Самарийских и прочих об он пол реки. Ezra 4:11 Сие есть сказание послания, еже послаша к нему, ко Артаксерксу царю: раби твои, мужие, иже за рекою: Ezra 4:12 ведомо да будет царю, яко Иудее, иже взыдоша от тебе к нам, приидоша во Иерусалим град отступный и лукавый, егоже созидают: и стены его состроены суть, и основание его возвысиша: Ezra 4:13 ныне убо ведомо да будет царю, яко, аще град сей создан будет, и стены его совершатся, дани не будут тебе, ниже (летняго воздаяния) дадут: и сие царем зло творит, Ezra 4:14 и посрамощения царева не леть нам видети: сего ради послахом и возвестихом царю, Ezra 4:15 да разсмотрено будет в книзе памятописней отцев твоих, и обрящеши в книзе памятописней и познаеши, яко град он отступный есть и обидящь царей и страны, и убежища слуг бывают посреде его от дний древних, сего ради и град той опустошен есть: Ezra 4:16 ведомо убо творим царю, яко, аще град той создан будет и стены его совершатся, то не будет ти мира. Ezra 4:17 И посла царь ко Реуму Валтааму и Сампсаю книгочию и ко прочым сослужителем их обитающым в Самарии и прочым за рекою Мир Ezra 4:18 и рече: писмоносец, егоже посласте к нам, призван пред мене, Ezra 4:19 и от мене повелено есть, и соглядахом и обретохом, яко град той от дний древних на царей возносится, отступления и убежища бывают в нем: Ezra 4:20 и царие крепцы быша во Иерусалиме и обладаху всею страною, яже за рекою, дани же многи и часть давашеся им: Ezra 4:21 и ныне повелите мужем оным престати от дела, и град оный да не созидается ктому: Ezra 4:22 яко да от повеления сего опасни будете нерадение творити о сем, да не когда умножится погибель на зло царем. Ezra 4:23 Тогда писмоносец Артаксеркса царя прочте свиток пред Реумом Валтаамом и Сампсаем книгочием и сослужителми их: и идоша тщателно во Иерусалим и во Иудею, и удержаша их мышцею сильною. Ezra 4:24 Тогда преста дело дому Божия, еже во Иерусалиме, и не творяшеся даже до лета втораго царства Дариа царя Персскаго. Ezra 5:0 Ezra 5:1 Пророчествова же Аггей пророк и Захариа сын Аддов прорицание ко Иудеом, иже бяху во Иудеи и Иерусалиме, во имя Бога Израилева на них. Ezra 5:2 Тогда востаста Зоровавель сын Салафиилев и Иисус сын Иоседеков и начаста здати дом Божий, иже во Иерусалиме: и с нима пророцы Божии помогающе има. Ezra 5:3 В то время прииде к ним Фафанай князь сущий за рекою и Сафарвузанай и сослужителие их, и сия рекоша им: кто даде вам власть созидати дом сей и стены сия возставляти? Ezra 5:4 Тогда сия рекоша им: кая суть имена мужей созидающих град сей? Ezra 5:5 И очи Божии на пленение Иудино, и не возбраниша им, дондеже послание к Дарию отнесено, и тогда послася с писмоносцем о сем. Ezra 5:6 Изявление послания, еже посла Фафанай князь об он пол реки и Сафарвузанай и сослужителие их Афарсахее, иже бяху за рекою, Дарию царю: Ezra 5:7 словесы послаша к нему, и сия писана в нем: Дарию царю мир всяк: Ezra 5:8 ведомо да будет царю, яко ходихом во Иудейскую страну к дому Бога великаго, и той созидается камением избранным, и древа ставятся в стенах, дело же то со тщанием строится и благопоспешается в руках их: Ezra 5:9 тогда вопросихом старейшин тех и тако рекохом им: кто даде вам власть дом сей созидати и стены сия возставляти? Ezra 5:10 И о именех их вопросихом их, да возвестим тебе, яко да напишем тебе имена мужей, иже суть началницы их: Ezra 5:11 и сицева словеса отвещаша нам глаголюще: мы есмы раби Бога небесе и земли, и созидаем дом, иже бысть устроен прежде сего за лета многа, и царь Израилев великий созда его и соверши его им: Ezra 5:12 егда же прогневаша отцы наши Бога небеснаго, предаде их в руки Навуходоносора царя Вавилонскаго Халдеанина, и дом сей разори и люди преведе в Вавилон: Ezra 5:13 но в лето первое Кира царя, Кир царь Вавилонский постави повеление, да дом Божий сей созиждется, Ezra 5:14 и сосуды дому Божия златыя и сребряныя, яже Навуходоносор взя из дому, иже во Иерусалиме, и отнесе я в храм Вавилонский, изнесе тыя Кир царь от храма Вавилонскаго и даде их Саванасару хранителю, иже над сокровищем, Ezra 5:15 и рече ему: вся сосуды сия возми и иди, и постави их в дому, иже есть во Иерусалиме, на место их: Ezra 5:16 тогда Саванасар той прииде и постави основание дому Божия во Иерусалиме, и от того времене даже доныне созидается, и еще не совершен есть: Ezra 5:17 и ныне аще (видится) царю благо, да посмотрит в дому сокровища царя Вавилонскаго, да увеси, яко от царя Кира бысть повеление созидати дом Божий сей, иже во Иерусалиме, и уведав о сем царь да послет к нам. Ezra 6:0 Ezra 6:1 Тогда Дарий царь повеле, и искаша во книгохранителницах, идеже сокровище лежит в Вавилоне. Ezra 6:2 И обретеся во Амафе граде Мидийстем в палате главизна едина, и сие писано бе в ней на память: Ezra 6:3 в лето первое Кира царя, Кир царь царь повеле о доме Божии, иже во Иерусалиме: дом да созиждется, и место, идеже жрут жертвы: и положи меру высоты лакот шестьдесят, широта его лакот шестьдесят: Ezra 6:4 и стены каменныя твердыя три, и стена древяная едина, иждивение же от дому царева да дастся: Ezra 6:5 и сосуди дому Божия златии и сребрянии, ихже Навуходоносор взя от дому, иже во Иерусалиме, и пренесе их в Вавилон, да отдадутся и внесутся в дом, иже во Иерусалиме, на место, идеже и поставлени бяху в дому Божии: Ezra 6:6 ныне убо дадите, князие сущии за рекою, Сафарвузанай и сослужителие их Афарсахее, иже за рекою, далече отидите оттуду: Ezra 6:7 ныне оставите дело дому Божия: князие Иудейстии и старейшины их дом Божий той да созидают на месте своем: Ezra 6:8 и от мене повелено бысть, да не когда что сотворите противно старейшинам Жидовским в созидании дому Божия онаго: и от имений царских даней сущих за рекою прилежно на иждивение да дается мужем тем, еже бы не престало дело то: Ezra 6:9 и еже аще оскудеет, и телцы и овны и агнцы, во всесожжения Богу небесному, пшеница, соль, вино, елей, по словеси священников, иже во Иерусалиме, да дается им по вся дни, еже аще воспросят, Ezra 6:10 да будут приносящии благоухания Богу небесному и да молятся о жизни царя и сынов его: Ezra 6:11 и от мене уставлено повеление, да всяк человек, иже преступит повеление сие, возмется древо от дому его, и воздвижен обесится на нем, и дом его мне будет взят: Ezra 6:12 и Бог, Егоже обитает имя тамо, да низвратит всякаго царя и люди, иже прострут руку свою пременити или разорити дом Божий, иже есть во Иерусалиме: аз Дарий поставих повеление, с прилежанием да будет. Ezra 6:13 Тогда Фафанай князь страны заречныя, Сафарвузанай и сослужебницы его, якоже посла Дарий царь, тако сотвориша тщателно. Ezra 6:14 Старейшины же Иудейстии созидаху и левити по пророчеству Аггеа пророка и Захарии сына Аддова. И создаша и совершиша по повелению Бога Израилева и по повелению Кира и Дариа и Артаксеркса царей Персских, Ezra 6:15 и совершиша дом той даже до дне третияго, месяца Адара, иже есть в лето шестое царства Дариа царя. Ezra 6:16 Сотвориша же сынове Израилевы, священницы и левити, и прочии сынов преселения обновление дому Божия в радости, Ezra 6:17 и принесоша на обновление дому Божия телцев сто, овнов двести, агнцев четыреста, козлов от коз за грехи всего Израиля дванадесять, по числу колен Израилевых: Ezra 6:18 и поставиша священников в чинех своих и левиты в частех своих на служение дому Божия во Иерусалиме, якоже писано есть в книзе Моисеове. Ezra 6:19 И сотвориша сынове преселения пасху в четвертыйнадесять день месяца перваго: Ezra 6:20 очищени бо бяху священницы и левити даже до единаго вси чисти, и пожроша пасху всем сыном преселения и братии их священником и себе самым. Ezra 6:21 И ядоша сынове Израилевы пасху, иже от преселения, и всяк отлучивыйся от осквернения языков земли к ним, еже взыскати Господа Бога Израилева. Ezra 6:22 И сотвориша праздник опресночный седмь дний в веселии, яко возвесели их Господь и обрати сердце царя Ассурска к ним, укрепити руки их в делех дому Бога Израилева. Ezra 7:0 Ezra 7:1 По сих же словесех, в царство Артаксеркса царя Персскаго, взыде Ездра сын Сареа, сына Азариева, сына Хелкиева, Ezra 7:2 сына Селлумля, сына Саддукова, сына Ахитовля, Ezra 7:3 сына Самариева, сына Есриева, сына Мареофова, Ezra 7:4 сына Зараиева, сына Езеиева, сына Воккиева, Ezra 7:5 сына Ависуева, сына Финеесова, сына Елеазарова, сына Аарона священника перваго: Ezra 7:6 сей Ездра взыде от Вавилона и сей писец скор в законе Моисеове, егоже даде Господь Бог Израилю. И даде ему царь, яко рука Господа Бога его на нем бе во всех, яже искаше он. Ezra 7:7 И взыдоша от сынов Израилевых и от священников и от левитов, и певцы и придверницы и нафиними во Иерусалим, в лето седмое Артаксеркса царя, Ezra 7:8 и приидоша во Иерусалим месяца пятаго: сие есть лето седмое царево: Ezra 7:9 зане в первый день месяца перваго той нача восходити от Вавилона, и в первый день месяца пятаго приидоша во Иерусалим, яко рука Бога его блага на нем бе: Ezra 7:10 Ездра бо уготова сердце свое, да взыщет закона (Господня) и да творит и учит во Израили повелением и судбам. Ezra 7:11 И сие есть сказание послания еже даде царь Артаксеркс Ездре священнику, писцу книги словес заповедий Господних и повелений Его во Израили: Ezra 7:12 Артаксеркс царь царей Ездре священнику, писцу закона Господа Бога небеснаго: да совершится слово и ответ: Ezra 7:13 от мене повелено есть, да кийждо, иже имать усердие благо во царстве моем от людий Израилевых и от священников и от левитов поити во Иерусалим, с тобою да идет: Ezra 7:14 от лица царева и седми советников его послан еси, да посетиши Иудею и Иерусалим в законе Бога их, сущем в руку твоею, Ezra 7:15 и да отнесеши в дом Господень сребро и злато, еже царь и советницы его со усердием даша Богу Израилеву, Иже во Иерусалиме обитает, Ezra 7:16 и все злато и сребро, еже аще обрящеши во всей области Вавилонстей, с добровольным даянием людским и священников, волею приносящих в дом Божий, иже во Иерусалиме: Ezra 7:17 и всякий доход той усердно впиши в книгу сию: телцы, овны, агнцы, и жертвы их и возлияния их: и принеси та на олтарь дому Бога вашего, иже есть во Иерусалиме: Ezra 7:18 и аще что тебе и братии твоей благо возмнится от оставшагося сребра и злата сотворити, якоже угодно Богу вашему, сотворите: Ezra 7:19 и сосуды, иже даны тебе в службу дому Божия, вдаждь пред Богом во Иерусалиме: Ezra 7:20 и прочыя потребы дому Бога твоего, еже аще возмнится тебе дати, да даси из домов сокровища царева Ezra 7:21 и от мене аз Артаксеркс царь уставих повеление всем хранителем сокровищ, иже суть за рекою, да все, еже аще воспросит от вас Ездра священник и писец закона Бога небеснаго, готово да будет: Ezra 7:22 сребра даже до ста талант, и пшеницы даже до ста мер, и вина даже до ста бочек, и елеа даже до ста чванов, а соли без записания: Ezra 7:23 все, еже есть по воли Бога небеснаго, да будет в дому Бога небеснаго: вонмите, да не кто прострет руку на дом Бога небеснаго, да не когда будет гнев на царство царево и сынов его: Ezra 7:24 и вам знаемо творим сие, от всех священников и левитов, певцев, дверников, нафинимов и слуг дому Божия дань да не будет тебе, ниже имейте власти порабощати их: Ezra 7:25 ты же, Ездра, по премудрости Бога твоего, яже в руце твоей, постави книжники и судии, да судят вся люди, иже суть за рекою, всем знающым закон Бога твоего, и не ведающему ведати сотворите: Ezra 7:26 и всяк, иже не сотворит закона Бога твоего и закона царева усердно, суд да будет сотворен на него, аще в смерть, или в наказание, или во отщетение живота, или в темницу. Ezra 7:27 Благословен Господь Бог отец наших, иже даде сице в сердце царево, да прославит дом Господень, иже во Иерусалиме, Ezra 7:28 и на мя уклони милосердие пред очима царя и советников его и всех князей царевых сильных: и аз укреплен бых, яко рука Божия благая на мне, и собрах от Израиля князей взыти со мною. Ezra 8:0 Ezra 8:1 И сии князие отечеств их вождеве, иже взыдоша со мною в царство Артаксеркса царя Вавилонска: Ezra 8:2 от сынов Финеесовых Гирсон, от сынов Ифамарих Даниил, от сынов Давидовых Аттус, Ezra 8:3 от сынов Саханииных, от сынов Форосовых Захариа, и с ним мужей сто пятьдесят, Ezra 8:4 от сынов Фааф-Моава Елиана сын Сараиев, и с ним двести мужей, Ezra 8:5 и от сынов Зафоисовых Ехениа сын Азиилев, и с ним триста мужей, Ezra 8:6 и от сынов Адиных Овин сын Ионафанов, и с ним пятьдесят мужей, Ezra 8:7 и от сынов Едамлих Исаиа сын Афелиин, и с ним седмьдесят мужей, Ezra 8:8 и от сынов Сафатиевых Завдиа сын Михаилов, и с ним осмьдесят мужей, Ezra 8:9 и от сынов Иоавлих Авдиа сын Иеиилев и с ним двести осмьнадесять мужей, Ezra 8:10 и от сынов Вааниевых Селимуф сын Иосефиев, и с ним сто шестьдесят мужей, Ezra 8:11 и от сынов Вавиевых Захариа сын Вавиев, и с ним двадесять осмь мужей, Ezra 8:12 и от сынов Азгадовых Ионан сын Икатанов, и с ним сто десять мужей, Ezra 8:13 и от сынов Адоникамлих последнии, и сия имена их: Едифалаф, Иеиил и Самаиа, и с ним шестьдесят мужей, Ezra 8:14 и от сынов Вагуаевых Уфай и Завуд, и с ними седмьдесят мужей. Ezra 8:15 Собрах же их к реце текущей ко Евии, и пребыхом ту три дни: исках же в людех и во священницех, и от сынов Левииных не обретох тамо. Ezra 8:16 И послах ко Елеазару, Ариилу, Семеию и к Маонану, и Иериву и Елнафаму, и Нафану и Захарии и Месолламу, и ко Иоариму и Елнафану, премудрых, Ezra 8:17 и изведох их ко Адаю началнику на месте Касфиа и вложих во уста их словеса глаголати ко Адаю и братии его афинимом на месте Касфии, привести нам поющих в дом Бога нашего. Ezra 8:18 И приидоша к нам, понеже рука Бога нашего бе блага на нас, муж сахон от сынов Моолиевых сына Левиина, сына Израилева, и Саравиа, и сынове его и братия его осмьнадесять: Ezra 8:19 и Асевиа, и Исаиа от сынов Мерариных и братия его и сынове его двадесять: Ezra 8:20 и от нафинимов, ихже даде Давид и князие ко службе левитом, нафинимов двести двадесять, вси собрашася по именом. Ezra 8:21 И проповедах тамо пост близ реки Ауи, еже смиритися пред Господем Богом нашим, просити от Него пути праваго нам и чадом нашым и всему стяжанию нашему: Ezra 8:22 устыдехся бо испросити от царя силы и конник защитити нас от врага на пути, понеже рехом царю глаголюще: рука Бога нашего есть на всех ищущих Его во благое и крепость Его, ярость же Его на всех оставляющих Его. Ezra 8:23 Постихомся же и молихомся Богу нашему о сем, и услыша нас. Ezra 8:24 И отлучих от князей священнических дванадесять, Сараию, Асавию и с ними от братии их десять: Ezra 8:25 возвеснх же им сребро и злато и сосуды начатков дому Бога нашего, яже вознесе царь и советницы его и князие его, и весь Израиль обретаяйся, Ezra 8:26 и дах весом в руки их сребра талантов шесть сот пятьдесят, и сосудов сребряных сто, и злата сто талант, Ezra 8:27 и чаш златых двадесять, драхм тысящу, и сосуды меди светлыя добрыя различныя, драгоценныя яко злато, Ezra 8:28 и рекох им: вы святи Господу Богу, и сосуди святи и сребро и злато, еже волею вдано есть Господу Богу отец наших: Ezra 8:29 бдите и стрегите, дондеже весом отдадите пред князи священников и левитов и пред князи отечеств Израилевых во Иерусалиме, во скиниих дому Господня. Ezra 8:30 И прияша священницы и левити вес сребра и злата и сосудов, да вознесут во Иерусалим в дом Бога нашего. Ezra 8:31 И воздвигохомся от реки Ауи во вторыйнадесять день месяца перваго, да идем во Иерусалим: и рука Бога нашего бе на нас и избави нас от рук вражиих и ратников на пути, Ezra 8:32 и приидохом во Иерусалим и пребыхом ту три дни. Ezra 8:33 И бысть в день четвертый, отдахом весом сребро и злато и сосуды в дому Бога нашего под руку Маримофа сына Урии священника, и с ним Елеазар сын Финеесов, и с ними Иозавад сын Иисусов и Ноадиа сын Ванаиев левити, Ezra 8:34 по числу и весу вся: и написан бысть весь вес. Ezra 8:35 Во время то, иже приидоша от пленения сынове преселения, принесоша всесожжения Богу Израилеву, телцев дванадесять за всего Израиля, овнов девятьдесят шесть, агнцев седмьдесят седмь, козлов за грехи дванадесять, вся во всесожжение Господу. Ezra 8:36 И даша повеление царево правителем царским и князем, иже за рекою: и прославиша людий и дом Божий. Ezra 9:0 Ezra 9:1 И егда совершена быша сия, приступиша ко мне князие, глаголюще: не отлучишася людие Израилевы и священницы и левити от людий земных, (но) в мерзостех их (суть), иже суть Хананее, Еффее, Ферезее, Иевусее, Аммонитяне, Моавитяне и Мосеритяне и Аморреане, Ezra 9:2 понеже пояша от дщерей их себе и сыном своим, и смесися семя святое с людьми земными, и рука князей и воевод в преступлении сем в начале. Ezra 9:3 И егда услышах словеса сия, раздрах ризы моя, и вострепетах, и терзах власы главы моея и брады моея, и седох тужа. Ezra 9:4 И собрашася ко мне вси боящиися слова Бога Израилева за преступление пришедших от пленения, и аз седях прискорбен даже до жертвы вечерния. Ezra 9:5 И в жертву вечернюю востах от сетования моего, и внегда раздрах ризы моя, и трепетах, и преклоних колена моя, и прострох руце мои ко Господу Богу моему Ezra 9:6 и рекох: Господи Боже мой, стыждуся и срамляюся воздвигнути лице мое к Тебе, яко беззакония наша умножишася паче глав наших, и прегрешения наша возрастоша даже до небесе: Ezra 9:7 от дний отец наших в преступлении велицем есмы даже до дне сего, и в беззакониих наших предани есмы мы и царие наши и священницы наши и сынове наши в руку царей языческих, в мечь и в пленение, и в расхищение и в стыдение лица нашего, якоже в день сей: Ezra 9:8 и ныне умилостивися над нами Бог наш, еже оставити ны во спасение и дати нам твердость на месте святыни Его, еже просветити очеса наша и дати оживление малое в работе нашей: Ezra 9:9 яко раби есмы, и в работе нашей не остави нас Господь Бог наш: и преклони на нас милосердие пред цари Персскими, дати нам живот, еже воздвигнути им дом Богу нашему и возставити запустевшая его, и дати нам ограждение во Иудеи и Иерусалиме: Ezra 9:10 и ныне что речем, Боже наш, по сем? Яко оставихом повеления Твоя, Ezra 9:11 яже дал еси нам рукою раб Твоих пророков, глаголя: земля, на нюже вы входите наследити ю, земля нечиста есть, по нечистоте людий языческих, в мерзостех их, имиже наполниша ю от уст даже до уст во сквернениих своих, Ezra 9:12 и ныне дщерей ваших не дадите сыном их и дщерей их не приемлите сыновом вашым, и не ищите мира их и блага их даже до века, яко да укрепитеся и снесте благая земли, и наследие дадите сыновом вашым даже до века: Ezra 9:13 и по всех, яже приидоша на нас в делех наших злых и гресе нашем велицем, понеже несть якоже Бог наш, иже избавил еси нас от беззаконий наших и дал еси нам спасение: Ezra 9:14 зане обратихомся разорити заповеди Твоя и смеситися с людьми земными: не прогневайся на нас даже до скончания, еже не быти останку и спасаемому: Ezra 9:15 Господи Боже Израилев, праведен еси Ты, яко остахомся спасени, якоже день сей: се, мы пред Тобою есмы вси в беззакониих наших, понеже не возможно стати пред Тобою сего ради. Ezra 10:0 Ezra 10:1 И егда моляшеся Ездра и егда исповедашеся плачущь и моляся пред домом Божиим, собрашася к нему от Израиля собрание велие зело, мужие и жены и отроцы яко плакахуся людие и вознесоша плачь. Ezra 10:2 И отвеща Сехениа сын Иеилев от сынов Иламлих и рече Ездре: мы преступихом пред Богом нашим и пояхом жены чуждия от людий земли, и ныне есть упование Израилю о сем: Ezra 10:3 и ныне завещаем завет Богу нашему, да отвержем вся жены и рожденых от них, якоже хощет: востани и устраши их заповедьми Бога нашего, и по закону да будет: Ezra 10:4 востани, понеже на тебе есть глагол, и мы с тобою: укрепися и сотвори. Ezra 10:5 И воста Ездра, и закля князи, священники и левиты и всего Израиля, да сотворят по словеси сему. И кляшася. Ezra 10:6 И воста Ездра от лица дому Божия и иде в сокровищный дом Ионана сына Елисувова и седе тамо: хлеба не яде и воды не пи, плакаше бо о преступлении пришедших от пленения. Ezra 10:7 И послано бысть слово во Иудею и во Иерусалим всем сыновом преселения, да соберутся во Иерусалим: Ezra 10:8 всяк, иже аще не приидет в три дни, по совету князей и старейшин, возмется все имение его, и той отлучен будет от сонмища преселения. Ezra 10:9 И собрашася вси мужие Иудины и Вениамини во Иерусалим треми денми: сей есть месяц девятый: в двадесятый день месяца седоша вси людие пред домом Божиим трепещуще о словеси и от зимы. Ezra 10:10 И воста Ездра священник и рече к ним: вы преступисте и взясте жены иноплеменнически, еже приложити ко греху Израилеву: Ezra 10:11 и ныне дадите хвалу Господу Богу отец наших, и сотворите угодное пред Ним, и отлучитеся от людий земли и от жен иноплеменнических. Ezra 10:12 И отвещаша все множество гласом великим и реша: по словеси твоему к нам сотворим: Ezra 10:13 обаче людие мнози суть, и время зимнее, и несть мощно стояти вне: и дело несть дне единаго или двух, зело бо много согрешихом во словеси сем: Ezra 10:14 да поставятся князие наши во всем множестве и во всех градех наших, иже пояша жены иноплеменничи, да приидут во времена повеленная, и с ними старейшины от всякаго града и судии, еже отвратити гнев ярости Бога нашего от нас словесе ради сего. Ezra 10:15 Обаче Ионафан сын Асаилев и Иасса сын Фекуев со мною о сем, и Месоллам и Савафай левитин помагаяй им. Ezra 10:16 И сотвориша тако сынове преселения: и разыдошася Ездра священник и мужие князие отечеств в домы, и вси по именом, яко обратишася в день первый месяца десятаго, да взыщут глагола: Ezra 10:17 и совершиша во всех мужех, иже пояша жены иноплеменничи, даже до дне перваго месяца перваго. Ezra 10:18 И обретени суть от сынов священнических иже введоша жены иноплеменничи, от сынов Иисуса сына Иоседекова и братия его Маасиа и Елиезер, и Иарим и Гадалиа: Ezra 10:19 и даша руки своя изгонити жены своя, и согрешившии принесоша от овец о преступлении своем овна: Ezra 10:20 и от сынов Еммировых Ананий и Завдиа: Ezra 10:21 и от сынов Ирамлих Маасиа и Еллиа, и Самиа и Иеиил и Озиа: Ezra 10:22 и от сынов Фассуровых Елиоинай, Маасиа и Исмаил, и Нафанаель и Иозавад и Иласа: Ezra 10:23 и от левитов Иозавад и Фамуй и Колиа, тойже и Колит, и Фефеиа, и Иуда и Елиезер: Ezra 10:24 и от певцев Елисав: и от дверник Солмин и Телмин и Одуа: Ezra 10:25 и от Израиля, от сынов Форосовых Рамиа и Азиа, и Мелхиа и Мелмин, и Елиазар и Асавиа и Ванеа: Ezra 10:26 и от сынов Иламовых Матфаниа и Захариа, и Иаиил и Авдий, и Иеримоф и Илиа: Ezra 10:27 и от сынов Зафуевых Елионай, Елисув, Мафанай и Армоф, и Завад и Озиза: Ezra 10:28 и от сынов Вавеиных Ионан, Ананиа и Завуй и Фали: Ezra 10:29 и от сынов Вануевых Мосоллам, Маллух, Адаиа, Иасув и Саал и Римоф: Ezra 10:30 и от сынов Фааф-Моавлих Еднеа и Халил и Ванаиа, Маасиа, Матфаниа, Веселеил и Вануй и Манассии: Ezra 10:31 и от сынов Ирамовых Елиезер, Иесиа, Мелхиа, Самаиа, Семеон, Ezra 10:32 Вениамин, Малух, Самариа: Ezra 10:33 и от сынов Асимовых Метфанаиа, Мафафа, Завад, Елифалет, Иерами Манассий, Семей: Ezra 10:34 и от сынов Ванииных Моодиа, Амрам и Уил, Ezra 10:35 Ванаиа, Вадаиа, Хелиа, Ezra 10:36 Уаниа, Маримоф и Елиасив, Ezra 10:37 Матфаниа Мафанай. Ezra 10:38 И сотвориша сынове Вануиевы и сынове Семеины, Ezra 10:39 и Салемиа и Нафан и Адаиа, Ezra 10:40 Махнада, Авусесей, Ezra 10:41 Аруесриил и Самариа, Ezra 10:42 Селлум, Амариа, Иосиф: Ezra 10:43 от сынов Навуиных Иеиил, Мафафиа, Завад, Зевенай, Иадай и Иоиль и Ванеа. Ezra 10:44 Вси тии пояша жены иноплеменнически, и родиша от них сыны.
Nehemiah 0:0
Книга Неемии Nehemiah 1:0 Nehemiah 1:1 Словеса Неемии сына Ахалиина. И бысть в месяце Хаселев, двадесятаго лета, и аз бех в Сусан-Авире. Nehemiah 1:2 И прииде (ко мне) Ананиа един от братий моих с мужи Иудовы, и вопросих их о спасшихся, иже осташася от пленения, и о Иерусалиме. Nehemiah 1:3 И рекоша ми: оставшиися от пленения тамо во стране, во озлоблении велице и в поношении, и стены Иерусалимския разорены, и врата его сожжена огнем. Nehemiah 1:4 И бысть егда услышах словеса сия, седох и плаках и рыдах дни (многи), и бех постяся и моляся пред лицем Бога небеснаго, Nehemiah 1:5 и рекох: молю Тя, Господи Боже небесный, крепкий, великий и страшный, храняй завет и милосердие любящым Тя и хранящым заповеди Твоя: Nehemiah 1:6 да будут уши Твои внемлюще и очи Твои отверсте, еже слышати молитву раба Твоего, еюже аз молюся пред Тобою днесь, день и нощь, о сынех Израилевых рабех Твоих: и исповедаюся о гресех сынов Израилевых, имиже согрешихом пред Тобою, и аз и дом отца моего согрешихом: Nehemiah 1:7 преступлением преступихом Тебе и не сохранихом заповедий (твоих) и повелений и судеб, яже повелел еси Моисею рабу Твоему: Nehemiah 1:8 помяни убо слово, еже заповедал еси Моисею рабу Твоему глаголя: аще преступите вы, Аз расточу вы в люди, Nehemiah 1:9 и аще обратитеся ко Мне и сохраните заповеди Моя и сотворите я, аще будет разсеяние ваше до конца небесе, оттуду соберу вы и введу вы в место, еже избрах вселитися имени Моему тамо: Nehemiah 1:10 и тии раби Твои и людие Твои, ихже искупил еси силою Твоей великою и рукою Твоею крепкою: Nehemiah 1:11 молю, Господи, да будет ухо Твое внемлющее на молитву раба Твоего и на молитву рабов Твоих хотящих боятися имене Твоего: и благопоспеши убо рабу Твоему днесь, и даждь его в щедроты пред мужем сим. И аз бых виночерпчий царев. Nehemiah 2:0 Nehemiah 2:1 И бысть в месяце Нисане лета двадесятаго Артаксеркса царя, и вино бе предо мною: и взях вино и дах царю, и не бе ин пред ним. Nehemiah 2:2 И рече ми царь: чесо ради лице твое прискорбно есть, а неси болезнуяй? И несть сие, разве скорбь сердца. И убояхся зело Nehemiah 2:3 и рекох царю: царю, во веки живи: како не быти прискорбну лицу моему, понеже град, дом гробов отец моих опусте, и врата его сожжена суть огнем. Nehemiah 2:4 И рече ми царь: почто о сем ты вопрошаеши? И помолихся Господу Богу небесному Nehemiah 2:5 и рекох ко царю: аще царю видится благо, и аще угоден будет раб твой пред тобою, да послеши мене во Иудею, во град гробов отец моих, и возсозижду его. Nehemiah 2:6 Рече же ми царь, и наложница седяше близ его: до коего времене будет путь твой, и когда возвратишися? И угодно бысть пред лицем царевым, и посла мя, и положих ему время. Nehemiah 2:7 И рекох царю: аще царю видится благо, даждь мне послание ко воеводам стран за рекою, да преведут мене, дондеже прииду во Иудею, Nehemiah 2:8 и послание ко Асафу стражу дубравы царевы, да даст ми древа покрыти врата столпа дому, и на стены градныхя, и на дом, в оньже вниду. И даде ми царь, якоже рука Божия благая (бе) со мною. Nehemiah 2:9 И приидох ко воеводам стран за рекою и дах им послание царево: посла же царь со мною началники силы и конницы. Nehemiah 2:10 И услыша Санаваллат Аронитин и Товиа раб Аммонитин, и зло има бысть, яко прииде человек взыскати блага сыновом Израилевым. Nehemiah 2:11 И приидох во Иерусалим и бых ту три дни. Nehemiah 2:12 И востах нощию аз и мужие не мнози со мною, и ни комуже возвестих, что Бог дает в сердце мое сотворити со Израилем, и скота не бе со мною, токмо скот, на немже аз седях. Nehemiah 2:13 И внидох во врата Юдоли нощию, ко устию источника Смоковничнаго и ко вратом Гнойным, и бых размышляя о стене Иерусалимстей разореней и о вратах его пояденых огнем. Nehemiah 2:14 И приидох ко вратом Источника и ко купели цареве, и не бысть места скоту, на немже седях, да пройдет. Nehemiah 2:15 И взыдох на стену потока нощию, и размышлях о стене, и бех во вратех Юдоли, и возвратихся. Nehemiah 2:16 Стрегущии же не ведяху, камо ходих и что аз творю, и Иудеом и священником, и честным и воеводам и прочым творящым дела даже до тогда не сказах. Nehemiah 2:17 И рекох им: вы видите озлобление сие, в немже есмы, како Иерусалим опустошен, и врата его предана огню: приидите, и созиждем стены Иерусалима, и не будем ктому в поношение. Nehemiah 2:18 И сказах им руку Божию, яже есть блага со мною, и словеса царева, яже глагола мне, и рекох: востанем и созиждем. И укрепишася руцы их во благое. Nehemiah 2:19 И услыша Санаваллат Аронитин и Товиа раб Аммонитин и Гисам Аравитин, и посмеяшася нам, и приидоша к нам, и уничижиша, и рекоша: что дело сие, еже вы творите? Еда вы противу царя отметаетеся? Nehemiah 2:20 И воздах им слово и рекох к ним: Бог Небесе, Той благопоспешит нам, и мы раби Его чистии, (востанем) и созиждем: вам же несть части и правды и памяти во Иерусалиме. Nehemiah 3:0 Nehemiah 3:1 И воста Елиасув священник великий и братия его священницы, и создаша врата Овчая: сии освятиша их и поставиша двери их и даже до столпа Ста Лакот освятиша их, даже до столпа Анамеиля. Nehemiah 3:2 И близ его созидаша мужие Иерихонстии, и близ их созида Закхур сын Аманиин. Nehemiah 3:3 Врата же Рыбная созидаша сынове Асанаевы: сии покрыша их и поставиша двери их и заворы их и вереи их. Nehemiah 3:4 И близ их созидаше из Рамофы сын Уриин, сына Аккосова: и близ его созидаше Мосоллам сын Варахиин, сына Мазевиля: и близ их созидаше Садок сын Ваанаев: Nehemiah 3:5 и близ их созидаша Фекоими, сильнии же их не положиша выи своея в дело Господа Бога своего. Nehemiah 3:6 И врата старая созидаше Иоида сын Фасеков и Месуллам сын Васодиев: тии покрыста их и постависта двери их и заворы и вереи их. Nehemiah 3:7 И близ их созидаша Малтиа Гаваонитин и Еварон Миронофит, мужие от Гаваона и Масфы, даже до престола князя (иже бысть) об он пол реки. Nehemiah 3:8 И близ его созида Озиил сын Арахиев златарь: и близ его созида Ананиа сын Рокеима, и возставиша Иерусалим даже до стены широкия. Nehemiah 3:9 И близ их созидаше Рафаиа сын Сурин, началник половины окрестныя страны Иерусалимли. Nehemiah 3:10 И близ их созидаше Иедеа сын Еромафов, и противу дому его: и близ его созида Аттуф сын Асаваниин. Nehemiah 3:11 И вторую часть созидаше Мелхиа сын Ирамов и Асув сын Фааф-Моавль, и даже до столпа Пещнаго. Nehemiah 3:12 И близ его созидаше Саллум сын Аллоисов, началник половины страны окрестныя Иерусалимли, той и дщери его. Nehemiah 3:13 Врата Юдоли созидаша Анун и обитающии в Заноне: тии создаша их и поставиша двери их и заворы их и вереи их, и тысяща лакот в стене даже до врат Гнойных. Nehemiah 3:14 И врата Гнойная созидаше Мелхиа сын Рихавль, началник окрестныя страны Вифакрамския, той и сынове его, и покрыша их и поставиша двери их и заворы их и вереи их. Nehemiah 3:15 И врата Источника созидаше Соломон сын Халезеов, началник страны Масфы: той созда их и покры их, и постави двери их и заворы их и вереи их, и стену купели Силоамли ко вертограду цареву и даже до степеней низходящих от града Давидова. Nehemiah 3:16 По немже созидаше Неемиа сын Завухов, началник половины страны Вифсуровы, даже до вертограда гроба Давидова и даже до купели устроеныя и даже до дому сильных. Nehemiah 3:17 По нем созидаша левити, Раум сын Ванаимль: по нем созидаше Асавиа, началник половины страны Кеилы на стране своей, Nehemiah 3:18 и по нем созидаша братия их, Веней сын Инададов, началник половины окрестныя страны Кеилы. Nehemiah 3:19 И созидаше близ его Азур сын Иисусов, началник Масфы, меру вторую столпа восхода касающагося углу. Nehemiah 3:20 И по нем созидаше Варух, сын Завуев, меру вторую от угла даже до врат дому Елиасува священника великаго. Nehemiah 3:21 По нем созидаше Мерамоф сын Урии, сына Аккосова, меру вторую от врат дому Елиасувова даже до конца дому Елиасувова. Nehemiah 3:22 И по нем созидаша священницы, мужие от поля (иорданска). Nehemiah 3:23 И по нем созидаста Вениамин и Асув противу домов своих: и по нем созидаше Азариа сын Маасиев, сына Ананиина, близ дому своего. Nehemiah 3:24 По нем созидаше Ваней сын Ададов меру вторую от дому Азарии даже до угла и даже до уклонения. Nehemiah 3:25 Фалах сын Узаин противу угла и столпа возвышенаго из дому царева высоко, иже во дворе темничнем: и по нем Фадаиа сын Форосов. Nehemiah 3:26 И нафиними обиташа во Офале, даже до вертограда врат Водных ко востоком и даже до столпа, иже бе возвышен. Nehemiah 3:27 И по них созидаша Фекоими меру вторую от страны столпа великаго и высокаго даже до стены Офлы. Nehemiah 3:28 Вышше врат Конских созидаша священницы, един кийждо противу дому своего. Nehemiah 3:29 И по нем созидаше Саддук сын Еммирь противу дому своего: и по нем созидаше Самаиа сын Сехениев, страж врат восточных. Nehemiah 3:30 По нем созидаше Ананиа сын Селемиев и Аном сын Селефов шестый меру вторую: по нем созидаше Месуллам сын Варахиев противу сокровищницы своея. Nehemiah 3:31 По нем созидаше Мелхиа сын Сарефиев даже до дому нафинимля и щиты продающих, противу врат Судных, и даже до горницы угла. Nehemiah 3:32 И посреде врат Овчих созидаша ковачи и щитопродавцы. Nehemiah 4:0 Nehemiah 4:1 И бысть егда услыша Санаваллат, яко мы созидаем стены, и зло ему вменися, и разгневася зело, и посмеяшеся Иудеом, Nehemiah 4:2 и рече пред братиею своею, иже бяху сила Соморов, и рече: что Иудее сии созидают свой град? Еда жрети будут? Или возмогут? Или днесь изцелят камение, повнегда быти им в прах земли сожженным? Nehemiah 4:3 И Товиа Амманитянин близ его прииде и рече им: еда пожрут, или ясти имут на месте своем? Не взыдет ли лисица и разорит стену каменей их? Nehemiah 4:4 И рече Неемиа: услыши, Боже наш, яко сотворени есмы в посмеяние, Nehemiah 4:5 и обрати поношение их на главу их, и даждь их в посмеяние в землю пленения, Nehemiah 4:6 и не покрый беззакония их. Nehemiah 4:7 Бысть же егда услыша Санаваллат и Товиа, и Аравляне и Амманите, яко взыде отрасль стен Иерусалимских, зане начаша разселины заграждати, и зло им явися зело. Nehemiah 4:8 И собрашася вси вкупе, да приидут и ополчатся на Иерусалим и разорят его. Nehemiah 4:9 И молихомся ко Богу нашему и поставихом стражы на стене противу их день и нощь от лица их. Nehemiah 4:10 Рече же Иуда: истомлена есть сила (от) враг, и земля многа есть, и мы не можем созидати стены. Nehemiah 4:11 И рекоша оскорбляющии нас: не познают и не увидят, дондеже приидем посреде их и убием их, и престати сотворим делу. Nehemiah 4:12 И бысть егда приидоша Иудее, иже обитаху близ их, и реша нам: восходят от всех язык на ны. Nehemiah 4:13 И поставих в нижайших местех созади стен в закровении, и поставих люди по племеном с мечи их и с сулицами их и с луками. Nehemiah 4:14 И видех, и востах, и рекох ко честным и к воеводам и ко прочым людем: не убойтеся от лица их, помяните Господа Бога нашего великаго и страшнаго, и ополчитеся за братию вашу, за сыны вашя и дщери вашя, жены вашя и домы вашя. Nehemiah 4:15 Бысть же егда услышаша врази наши, яко ведомо бысть нам, и разори Бог совет их: и возвратихомся вси мы на стены, кийждо ко делу своему. Nehemiah 4:16 И бысть от дне того, пол вчиненых делаху дело, и половина их уготована бысть ко брани с сулицами и щитами, и луки и бронями, и началницы созади всего дому Иудина. Nehemiah 4:17 Созидающии стену и носящии бремена со оружием: единою рукою своею творяху дело, а другою держаху мечь. Nehemiah 4:18 Созидающым же единому коемуждо мечь бысть опоясан при бедре его, и созидаху, и трубяху трубами близ их. Nehemiah 4:19 И рекох ко честным и ко старейшинам и ко прочым людем: дело велико есть и пространно, и мы разлучени есмы на стене далече кийждо от брата своего: Nehemiah 4:20 на месте идеже услышите глас трубный, тамо тецыте к нам, и Бог наш ополчится о нас. Nehemiah 4:21 И мы быхом творяще дело, и пол нас держаху сулицы от восхода зари утренния даже до восхода звезд. Nehemiah 4:22 Во время же то рекох людем: кийждо со отроком своим да пребывает в среде Иерусалима: и будет вам нощь на стражу, а день на делание. Nehemiah 4:23 Аз же и братия мои и отроцы и мужие стражи, иже бяху созади мене, не снимахом одеяний наших тамо ни един от нас. Nehemiah 5:0 Nehemiah 5:1 И бысть вопль людий и жен их велик на братию свою Иудеи. Nehemiah 5:2 И быша нецыи глаголюще: сынове наши и дщери нашя мнози суть нам, и да возмем (за цену) пшеницу и ядим и живи будем. Nehemiah 5:3 И быша нецыи глаголюще: села наша и винограды нашя и домы нашя мы да дадим в залог, и возмем пшеницу, и ясти будем. Nehemiah 5:4 И быша нецыи глаголюще: взаим взяхом сребро на дани царевы, дадим села наша и винограды нашя и домы нашя: Nehemiah 5:5 и ныне якоже плоть братий наших, плоть наша, якоже сынове их, сынове наши: и се, мы порабощаем сыны нашя и дщери нашя в рабы, и суть от дщерей наших порабощены, и несть силы в руках наших (откупити) и села наша и винограды нашя у вельмож. Nehemiah 5:6 И оскорбех зело, егда услышах вопль их и словеса сия. Nehemiah 5:7 И усоветова сердце мое во мне, и воспретих державным и началным и рекох им: лихвы ли кийждо от брата своего истяжет, юже вы истязуете? И собрах противу им собрание велико Nehemiah 5:8 и рекох им: мы искупихом братию нашу Иудеов, проданых языком, по силе нашей: вы же продасте братию вашу, и отдадутся нам? И умолчаша, и не обретоша что отвещати. Nehemiah 5:9 И рекох: не добро дело, еже вы творите: тако не во страсе Бога нашего (ходяще) убежите ли от поношения языков врагов наших? Nehemiah 5:10 И аз и братия моя и знаемии мои взаим дахом им пенязи и пшеницу: оставим убо лихоимство сие: Nehemiah 5:11 возвратите же им днесь села их и винограды их и маслины их и домы их, и от сребра пшеницу и вино и елей отдадите им. Nehemiah 5:12 И рекоша: отдадим и от них не взыщем, тако сотворим, якоже ты глаголеши. И призвах священников и заклях их сотворити по словеси сему. Nehemiah 5:13 И отрясох одежду мою и рекох: тако да истрясет Бог всякаго мужа, иже не исполнит слова сего, от дому его и от трудов его, и да будет тако оттрясен и тощь. И рече все множество: аминь. И восхвалиша Бога. И сотвориша людие по глаголу сему. Nehemiah 5:14 От дне того, в оньже повеле (царь) мне быти вождем их в земли Иудине, от лета двадесятаго и даже до лета тридесять втораго Артаксеркса царя, лет дванадесять, аз и братия моя оброку их не ядохом. Nehemiah 5:15 И оброков первых, имиже прежде мене отягчиша их, и прияша от них в хлебе и в вине, по сих сребра (на всяк день) дидрахм четыредесять: и служебницы их обладаша людьми. Аз же не сотворих тако ради страха Божия. Nehemiah 5:16 И в деле стены сия созидах: и села не стяжах, и вси отроцы мои собрани бяху тамо на дело. Nehemiah 5:17 Иудей же и началников сто пятьдесят мужей, и приходящии к нам от язык, иже окрест нас, при трапезе Моей. Nehemiah 5:18 И бе уготовано мне на всяк день: телец един и овец шесть избранных и козел быша мне (и птицы), и между десяти дний всем вина много: и с сими хлеба господству моему не взысках, зане тяжка работа на людех сих. Nehemiah 5:19 Помяни мя, Боже мой, во благо по всем, елика сотворих людем сим. Nehemiah 6:0 Nehemiah 6:1 Бысть же егда услыша Санаваллат и Товиа и Гисам Аравийский и прочии врази наши, яко создах стену, и не остася в них скважня: и аз даже до времене онаго дверий не поставих во вратех: Nehemiah 6:2 и посла Санаваллат и Гисам ко мне, глаголюща: прииди, и соберемся вкупе в весех на поли Оно (глаголемем). Тии же помышляста мне сотворити злое. Nehemiah 6:3 И послах к нима послов, глаголя: дело велико аз творю и не могу снити, да не престанет дело: егда же совершу е, взыду к вама. Nehemiah 6:4 И посласта ко мне, якоже глагол сей, четырижды, и послах к нима по сим. Nehemiah 6:5 И присла ко мне Санаваллат пятое отрока своего, и послание отверсто в руку его, и бе написано в нем: Nehemiah 6:6 во языцех услышано есть, и Гисам рече, яко ты и Иудее мыслите отступити, сего ради ты созидаеши стену, и ты да будеши им в царя: Nehemiah 6:7 и к сим пророки поставил еси себе, да будеши во Иерусалиме царем над Иудою: и ныне возвестятся царю словеса сия: и сего ради ныне прииди, да сотворима совет вкупе. Nehemiah 6:8 И послах к нему, глаголя: не сотворися по словесем сим, якоже ты глаголеши, зане от сердца твоего ты лжеши в сих: Nehemiah 6:9 яко вси страшат нас, глаголюще: ослабеют руцы их от дела сего, и не сотворится: и ныне укрепих руки моя. Nehemiah 6:10 И аз внидох в дом Семеа сына Далаиева, сына Метавеилева, и той заключен, и рече: да соберемся в дом Божий посреде его и заключим двери его, яко приходят нощию, да убиют тя. Nehemiah 6:11 И рекох: кто есть муж, яков аз, и убежит? Или кто яко аз, иже внидет в дом, и жив будет? Не вниду. Nehemiah 6:12 И уразумех, и се, Бог не посла его: яко пророчествова слово на мя. Nehemiah 6:13 И Товиа и Санаваллат наяста на мя народ, да устрашуся, и сотворю тако, и согрешу, и да буду им во имя зло, яко да поносят ми. Nehemiah 6:14 Помяни, Боже, Товию и Санаваллата по делом их сим, и Ноадиа пророка и прочих пророк, иже страшаху мя. Nehemiah 6:15 И совершися стена в двадесять пятый месяца Елула в пятьдесят и два дни. Nehemiah 6:16 И бысть егда услышаша вси врази наши, и убояшася вси языцы, иже окрест нас, и нападе страх велик пред очи их, и познаша, яко от Господа Бога нашего совершено бысть дело сие. Nehemiah 6:17 И во дни оны от многих державных Иудиных послания прихождаху к Товии, и Товиина (послания) прихождаху к ним. Nehemiah 6:18 Мнози бо во Иудеи кляшася ему, яко зять бе Сехении сына Ираева: и Ионафан сын его поя дщерь Месулама сына Варахиина в жену. Nehemiah 6:19 И словеса его быша глаголющии ко мне, и словеса моя быша износящии ему. И послание посла Товиа, да устрашит мене. Nehemiah 7:0 Nehemiah 7:1 И бысть егда создася стена, и поставих двери, и сочтох придверники и певцы и левиты: Nehemiah 7:2 и повелех Анании брату моему и Анании началнику дому, иже во Иерусалиме: той бо бе яко муж истинен и бояйся Бога паче прочих: Nehemiah 7:3 и рекох има: да не отверзутся врата Иерусалимская, дондеже взыдет солнце: и еще им бдящым, да заключатся врата и засунута да будут засовами: и постави стражы от обитающих во Иерусалиме, кийждо во стражи своей и кийждо противу дому своего. Nehemiah 7:4 Град же бысть широк и велик, и людий мало в нем, и не бяху домы создани. Nehemiah 7:5 И даде Бог в сердце мое, и собрах честных и князей и народ в собрание: и обретох книгу сочисления тех, иже взыдоша первее, и обретох написано в ней: Nehemiah 7:6 и тии сынове страны возшедшии от пленения преселения, ихже пресели Навуходоносор царь Вавилонский, и возвратишася во Иерусалим и Иудею, кийждо муж во град свой, Nehemiah 7:7 с Зоровавелем и Иисусом и Неемиею, Азариа и Веелма, Наеман, Мардохей, Ваасан, Маасфараф, Ездра, Вогуиа, Инаум, Ваана, Масфар, мужие людий Израилевых: Nehemiah 7:8 сынове Форосовы две тысящы сто седмьдесят два, Nehemiah 7:9 сынове Сафатиевы триста седмьдесят два, Nehemiah 7:10 сынове Ираевы шесть сот пятьдесят два, Nehemiah 7:11 сынове Фааф-Моавли сынов Иисусовых и Иоавлих две тысящы шесть сот и осмьнадесять, Nehemiah 7:12 сынове Еламовы тысяща двести пятьдесят четыри, Nehemiah 7:13 сынове Соффуевы осмь сот четыредесять пять, Nehemiah 7:14 сынове Заханевы седмь сот шестьдесят, Nehemiah 7:15 сынове Вануиевы шесть сот четыредесять осмь, Nehemiah 7:16 сынове Вереиевы шесть сот двадесять осмь, Nehemiah 7:17 сынове Гетадовы две тысящы триста двадесять два, Nehemiah 7:18 сынове Адоникамли шесть сот шестьдесят седмь, Nehemiah 7:19 сынове Вагуиевы две тысящы шестьдесят седмь, Nehemiah 7:20 сынове Идини шесть сот пятьдесят четыри, Nehemiah 7:21 сынове Атировы и сынове Езекиевы девятьдесят осмь, Nehemiah 7:22 сынове Исамиевы триста двадесять осмь, Nehemiah 7:23 сынове Васеиевы триста двадесять четыри, Nehemiah 7:24 сынове Арифовы сто дванадесять, сынове Асеновы двести двадесять три, Nehemiah 7:25 сынове Гаваони девятьдесят пять, Nehemiah 7:26 сынове Вефалеимли сто двадесять три, сынове Атофовы пятьдесят шесть, Nehemiah 7:27 сынове Анафофовы сто двадесять осмь, Nehemiah 7:28 сынове Азамофовы, мужие Вифовы, четыредесять два, Nehemiah 7:29 мужие Кариафиаримли, Кафировы и Вирофовы седмь сот четыредесять три, Nehemiah 7:30 мужие Арама и Гаваа шесть сот двадесять един, Nehemiah 7:31 мужие Махимасовы сто двадесять два, Nehemiah 7:32 мужие Вефили и Аиевы сто двадесять три, мужие анавиа другаго сто пятьдесят два, Nehemiah 7:33 сынове Мегевосовы сто пятьдесят шесть, Nehemiah 7:34 мужие Иламаевы тысяща двести пятьдесят два, Nehemiah 7:35 сынове Ирамли триста двадесять, Nehemiah 7:36 сынове Иериховы триста четыредесять пять, Nehemiah 7:37 сынове Лодовы, Адидовы и Оновы седмь сот двадесять един, Nehemiah 7:38 сынове Ананини три тысящы девять сот тридесять: Nehemiah 7:39 священницы, сынове Иодаевы в дому Иисусове девять сот седмьдесят три, Nehemiah 7:40 сынове Еммировы тысяща пятьдесят два, Nehemiah 7:41 сынове Фассеуровы тысяща двести четыредесять седмь, Nehemiah 7:42 сынове Ирамовы тысяща седмьнадесять: Nehemiah 7:43 левити, сынове Иисуса Кадмиильскаго от сынов Удуилих седмьдесят четыри: Nehemiah 7:44 певцы, сынове Асафовы сто двадесять осмь: Nehemiah 7:45 дверницы сынове Селлумли, Nehemiah 7:46 сынове Атировы, сынове Телмони, сынове Аккувовы, сынове Атитовы, сынове Савиины сто тридесять осмь: Nehemiah 7:47 нафиними, сынове Илаевы, сынове Асефовы, сынове Заваофовы, Nehemiah 7:48 сынове Кирасовы, сынове Сисаины, сынове Фадони, сынове Лавани, сынове Агавовы, сынове Акувовы, Nehemiah 7:49 сынове Утаевы, сынове Китаровы, сынове Гавовы, сынове Селмеини, сынове Анановы, Nehemiah 7:50 сынове Садеины, сынове Гааровы, сынове Рааиины, Nehemiah 7:51 сынове Раасони, сынове Некодовы, Nehemiah 7:52 сынове Гизамли, сынове Озины, сынове Фессовы, Nehemiah 7:53 сынове Висиины, сынове Меиноновы, сынове Нефосаины, Nehemiah 7:54 сынове Ваквуковы, сынове Ахифовы, сынове Арурины, Nehemiah 7:55 сынове Васалофовы, сынове Мидаевы, сынове Адасани, Nehemiah 7:56 сынове Варкуевы, сынове Сисарафовы, сынове Фимаевы, Nehemiah 7:57 сынове Нисиины, сынове Атифовы: сынове рабов Соломоновых, Nehemiah 7:58 сынове Сутеины, сынове Сафаратовы, сынове Феридины, Nehemiah 7:59 сынове Лелилины, сынове Доркони, сынове Гадаили, сынове Фарахасовы, Nehemiah 7:60 сынове Саваини, сынове Иммини: Nehemiah 7:61 вси Нафиними и сынове слуг Соломоновых триста девятьдесят два. Nehemiah 7:62 И сии взыдоша от Фелмефа, Феласар, Харув, Ирон, Иемир, и не могоша сказати домов отечеств своих и семене своего, от Израиля ли быша: Nehemiah 7:63 сынове Далеаевы, сынове Вуаевы, сынове Товиины, сынове Некодаевы, шесть сот четыредесять два: Nehemiah 7:64 и от священник сынове Авиевы, сынове Аккосовы, сынове Верзеллаины, яко пояша от дщерей Верзеллаа Галаадитина жены и прозвашася по имени их. Nehemiah 7:65 Сии искаша писания своего родословия, и не обретоша, и извержени суть от священства. Nehemiah 7:66 Рече же Аферсафа им, да не ядят от святая святых, дондеже востанет священник изявляяй. Nehemiah 7:67 И бысть весь собор единодушно аки четыредесять две тысящы триста шестьдесят, Nehemiah 7:68 кроме рабов их и рабынь их, ихже бяху седмь тысящ триста тридесять седмь: и певцы и певницы двести тридесять шесть. Nehemiah 7:69 Кони (их) седмь сот тридесять шесть, мски их двести четыредесять пять, велблюды их четыре ста тридесять пять, ослы их шесть тысящ седмь сот двадесять. Nehemiah 7:70 И от части началников отечеств даша в дело Аферсафе, даша в сокровище златых тысящу, фиал пятьдесят и риз жреческих тридесять. Nehemiah 7:71 И от началников отечеств даша в сокровище дела злата драхм двадесять тысящ и сребра мнас две тысящы и триста. Nehemiah 7:72 И даша прочии людие злата драхм двадесять тысящ и сребра мнас две тысящы и двести, и риз священнических шестьдесят седмь. Nehemiah 7:73 И седоша священницы и левити и дверницы и певцы и прочий народ и нафиними и весь Израиль во градех своих. Nehemiah 8:0 Nehemiah 8:1 И прииде месяц седмый, сынове же Израилевы бяху во градех своих: и собрашася вси людие яко муж един на пространство, еже пред враты Водными, и рекоша Ездре писарю, да принесет книгу закона Моисеова, егоже заповеда Господь Израилю. Nehemiah 8:2 И принесе Ездра священник закон пред множество от мужей даже до жен, и всем, иже можаху разумети слышаще, в день первый месяца седмаго, Nehemiah 8:3 и чте в нем (явно на пространстве, еже пред враты Водными), от утра даже до полудне, пред мужи и женами, и сии бяху разумеюще, и уши всех людий ко книзе закона. Nehemiah 8:4 И ста Ездра писец на степени древянем, егоже сотвориша к народовещанию, и сташа близ его Матфафиа и Самеа, и Ананиа и Уриа, и Хелкиа и Маасиа одесную его, ошуюю же Фадаиа и Мисаил, и Мелхиа и Осам, и Асавадма и Захариа и Месоллам. Nehemiah 8:5 И разгну Ездра книгу пред всеми людьми, яко той бе над людьми, и бысть егда разгибаше ю, сташа вси людие. Nehemiah 8:6 И благослови Ездра Господа Бога великаго, и отвещаша вси людие и реша аминь, воздвигше руце свои, и преклонишася и поклонишася Господеви лицем на землю. Nehemiah 8:7 Иисус же и Ванаиа и Саравиа, Акан, Саватей, Камптас, Азариа, Иозавадан, Анифанес и левити бяху вразумляюще людий в законе: людие же стояху на стоянии своем. Nehemiah 8:8 И чтоша в книзе закона Божия, и поучаше Ездра и изясняше ко разумению Господню, и разумеша людие чтение. Nehemiah 8:9 Рече же Неемиа и Ездра священник и писец, и левити и толкующии людем, и реша всем людем: день свят есть Господу Богу нашему, не рыдайте и не плачите. Понеже плакаша вси людие, егда услышаша словеса закона. Nehemiah 8:10 И рече им: идите и ядите тучная и пийте сладкая, и послите части не имущым, яко свят есть день Господеви нашему, и не печалитеся, ибо радость Господня сия есть сила наша. Nehemiah 8:11 Левити же молчание творяху во всех людех, глаголюще: молчите, яко день свят есть, и не тужите. Nehemiah 8:12 И отидоша вси людие ясти и пити, и послати части, и сотворити веселие велико, яко разумеша словеса, имже научиша их. Nehemiah 8:13 И в день вторый собрашася князие отечеств со всеми людьми, священницы и левити ко Ездре писцу, да протолкует всем словеса законная. Nehemiah 8:14 И обретоша писано в законе, егоже заповеда Господь рукою Моисеовою, да обитают сынове Израилевы в кущах в праздник месяца седмаго, Nehemiah 8:15 и да проповедят трубами во всех градех их и во Иерусалиме. И рече Ездра: изыдите на гору, и принесите ветви масличны, и ветви древес кипарисных, и ветви мирсинныя, и ветви финиковы, и ветви древес дубравных, сотворити кущы по писаному. Nehemiah 8:16 И изыдоша людие, и принесоша, и сотвориша себе кущы кийждо на крове своем и во дворех своих, и во дворех дому Божия и на пространстве врат Водных и на пространстве врат Ефремлих. Nehemiah 8:17 И сотвориша весь сонм возвративыйся от пленения кущы, и седоша в кущах, яко не сотвориша от дний Иисуса сына Навина тако сынове Израилевы даже до дне того. И бысть веселие велико. Nehemiah 8:18 И читаху в книзе закона Божия на всяк день, от дне перваго даже до дне последняго. И сотвориша праздник седмь дний, и в день осмый собрание по обычаю. Nehemiah 9:0 Nehemiah 9:1 В день же двадесять четвертый месяца сего собрашася сынове Израилевы в посте и во вретищих, и персть на главах их. Nehemiah 9:2 И отлучишася сынове Израилевы от всякаго сына чужда, и исповедаху грехи своя и беззакония отец своих. Nehemiah 9:3 И сташа на стоянии своем и чтоша в книзе закона Господа Бога своего четверицею в день, и бяху исповедающеся Господеви и покланяющеся Господу Богу своему. Nehemiah 9:4 И сташа на степени левитов Иисус и сынове Кадмиили, Саханиа сын Саравиин, сынове Ханани, и возопиша гласом великим ко Господу Богу своему, Nehemiah 9:5 и рекоша левити, Иисус и Кадмиил: востаните, благословите Господа Бога нашего от века даже до века: и благословят имя славы Твоея, и вознесут во всяцем благословении и хвале. Nehemiah 9:6 И рече Ездра: Ты еси Сам Господь един, Ты сотворил еси небо и небо небесе и вся вои их, землю и вся, елика на ней суть, моря и вся, яже в них, и Ты оживляеши вся, и вои небеснии покланяются Тебе: Nehemiah 9:7 Ты еси Господь Бог, ты избрал еси Аврама и извел еси его от страны Халдейския, и положил еси имя ему Авраам, Nehemiah 9:8 и обрел еси сердце его верно пред Тобою, и завещал еси с ним завет дати ему землю Хананейску и Хеттейску, и Аморрейску и Ферезейску, и Иевусейску и Гергесейску, и семени его: и утвердил еси словеса Твоя, яко праведен еси: Nehemiah 9:9 и видел еси озлобление отец наших во Египте, и вопль их услышал еси на мори Чермнем, Nehemiah 9:10 и дал еси знамения и чудеса во Египте на фараона и на вся рабы его и на вся люди земли его: познал бо еси, яко возгордешася на них, и сотворил еси Себе имя, якоже день сей: Nehemiah 9:11 и море расторгл еси пред ними, и проидоша посреде моря по суху, и гонители их ввергл еси в глубину, яко камень в воде зелней: Nehemiah 9:12 и в столпе облачне водил еси их во дни и в столпе огненне в нощи, еже осветити им путь, по немуже идоша: Nehemiah 9:13 и на гору Синайскую сшел еси, и глаголал еси к ним с небесе, и дал еси им судбы правы и закон истинный, повеления и заповеди благи: Nehemiah 9:14 и субботу святую Твою явил еси им, заповеди, повеления и закон повелел еси им рукою Моисеа раба Твоего: Nehemiah 9:15 хлеб же с небесе дал еси им во алчбе их в пищу им, и воду из камене извел еси им в жажди их, и рекл еси им, да внидут и наследят землю, на нюже простерл еси руку Твою дати им: Nehemiah 9:16 тии же и отцы наши возгордешася и ожесточиша выя своя и не послушаша заповедий Твоих, Nehemiah 9:17 и не восхотеша слышати, и не воспомянуша чудес Твоих, яже сотворил еси им: и ожесточиша выю свою, и даша начало возвратитися на работу свою во Египет: Ты же, Боже, милостив и щедр, долготерпелив и многомилостив, и не оставил еси их: Nehemiah 9:18 еще же сотвориша себе и телца слияна и рекоша: сии бози изведоша нас из Египта: и сотвориша раздражения велия: Nehemiah 9:19 Ты же в щедротах Твоих многих не оставил еси их в пустыни, столп облачный не уклонил еси от них во дни, еже наставити их на путь, и столп огненный в нощи, еже осветити им путь по немуже идоша, Nehemiah 9:20 и Дух Твой благ дал еси, еже научити их, и манны Твоея не лишил еси от уст их, и воду дал еси им в жажди их, Nehemiah 9:21 и четыредесять лет препитал еси их в пустыни, ничтоже им оскуде: одеяния их не состарешася, и сапози их не раздрашася: Nehemiah 9:22 и дал еси им царства, и люди разделил еси им, и наследиша землю Сиона царя Есевонска и землю Ога царя Васанска: Nehemiah 9:23 и умножил еси сыны их яко звезды небесныя, и ввел еси их в землю, о нейже глаголал еси отцем их внити и наследити ю: Nehemiah 9:24 (и внидоша сынове их) и наследиша землю: и сокрушил еси пред ними обитающих в земли Хананейстей, и дал еси их в руку их, и цари их и люди земли, да сотворят им якоже угодно пред ними: Nehemiah 9:25 и взяша грады высокия, и одержаша домы полны всех благих, кладязи ограждены камением, винограды и маслины и всяко древо снедное во множество, и ядоша и насытишася, и утолстеша и разширишася во благости Твоей велицей: Nehemiah 9:26 и изменишася и отступиша от Тебе, и повергоша закон Твой созади плоти своея, и пророки Твоя избиша, иже засвидетелствоваху им, да обратятся к Тебе, и сотвориша хулы велики: Nehemiah 9:27 и дал еси их в руку оскорбляющих я, и озлобиша их: и во бремя печали своея возопиша к Тебе, и Ты с небесе Твоего услышал еси, и по щедротам Твоим многим дал еси им спасителей, и спасл еси их от рук враг их: Nehemiah 9:28 и егда упокоишася, возвратишася сотворити лукавое пред Тобою: и оставил еси их в руках враг их, и обладаша ими: и паки возопиша к Тебе, Ты же от небесе услышал еси, и избавил еси их в щедротах Твоих мнозех, Nehemiah 9:29 и засвидетелствовал еси им, да обратятся к закону Твоему: они же возгордешася и не послушаша, но в заповедех Твоих и в судбах Твоих согрешиша, яже сотворив человек жив будет в них: и даша плещы непокоривыя, и выю свою ожесточиша, и не послушаша: Nehemiah 9:30 и продолжил еси на них лета многа, и засвидетелствовал еси им Духом Твоим и рукою пророк Твоих, и не вняша, и предал еси их в руку людий земных: Nehemiah 9:31 в милосердиих же Твоих многих не сотворил еси их в скончание, ниже оставил еси их, яко Бог силен еси и милостив и щедр: Nehemiah 9:32 и ныне, Боже наш крепкий, великий, державный и страшный, храняй завет Твой и милость Твою, да не явится мал пред Тобою всяк труд, иже обрете нас и цари нашя, и началники нашя и священники нашя, и пророки нашя и отцы нашя и вся люди Твоя, от дний царей Ассурских и даже до дне сего: Nehemiah 9:33 и Ты праведен во всех, яже приидоша на нас, яко истину сотворил еси, мы же согрешихом: Nehemiah 9:34 и царие наши и началницы наши, и священницы наши и отцы наши не сотвориша закона Твоего и не внимаша повелением Твоим и свидением Твоим, имиже засвидетелствовал еси им, Nehemiah 9:35 и тии во царствии Твоем и во благостыни Твоей мнозе, юже дал еси им, и в земли широцей и тучней, юже дал еси пред ними, не послужиша Тебе и не отвратишася от начинаний своих лукавых: Nehemiah 9:36 се, мы днесь есмы раби, и земля, юже дал еси отцем нашым ясти плод ея и благая ея, се, есмы раби на ней: Nehemiah 9:37 и плоды ея мнози царем, имже предал еси нас за грехи нашя, и телесы нашими владычествуют и скоты нашими, якоже угодно им, и в печали велицей есмы: Nehemiah 9:38 и во всех сих мы полагаем завет верен и пишем, и печатают вси началницы наши, левити наши и священницы наши. Nehemiah 10:0 Nehemiah 10:1 И в печатлеющих быша сии: Неемиа Артасаста сын Ахалиев и Седекиа Nehemiah 10:2 сын Араиев, и Азариа и Иеремиа, Nehemiah 10:3 Фасур, Амариа, Мелхиа, Nehemiah 10:4 Аттус, Севаниа, Маллух, Nehemiah 10:5 Ирам, Мерамоф, Авдиа, Nehemiah 10:6 Даниил, Ганафон, Варух, Nehemiah 10:7 Месуллам, Авиа, Миамин, Nehemiah 10:8 Маазиа, Велгаи, Самаиа: сии священницы. Nehemiah 10:9 Левити же: Иисус сын Азариин, Ваней от сынов Инададовых, Кадмиил Nehemiah 10:10 и братия его Саваниа, Одуиа, Калитан, Фелиа, Анан, Nehemiah 10:11 Миха, Роов, Асевиа, Nehemiah 10:12 Закхор, Саравиа, Севаниа, Nehemiah 10:13 Одуа, сынове Вануини. Nehemiah 10:14 Началницы людий: Форос, Фааф-Моав, Илам, Зафуиа, Nehemiah 10:15 сынове Ванниины Азгад, Вивай, Nehemiah 10:16 Ананиа, Вагой, Идин, Nehemiah 10:17 Атир, Езекиа, Азур, Nehemiah 10:18 Одувиа, Исам, Висий, Nehemiah 10:19 Ариф, Анафоф, Новай, Nehemiah 10:20 Мегафис, Месуллам, Изир, Nehemiah 10:21 Месозевил, Садук, Иеддуа, Nehemiah 10:22 Фалтиа, Анан, Анаиа, Nehemiah 10:23 Осиа, Ананиа, Асув, Nehemiah 10:24 Адой, Фалаа, Совик, Nehemiah 10:25 Раум, Ессавана, Маасиа Nehemiah 10:26 и Аиа, Енан, Инам, Nehemiah 10:27 Малух, Ирам, Ваана. Nehemiah 10:28 И прочии от людий, священницы, левити, дверницы, певцы, нафиними и всяк приходяй от людий земских ко закону Божию, жены их, сынове их, дщери их, всяк ведяй и разумеяй, Nehemiah 10:29 укрепляхуся над братиею своею, и заклинаша их, и внидоша в клятву и в роту, еже ходити в законе Божии, иже дан есть рукою Моисеа раба Божия, да сотворят и сохранят вся заповеди Господни и судбы Его и повеления Его, Nehemiah 10:30 и еже не дати дщерей наших людем земским, и дщерей их не возмем сыновом нашым: Nehemiah 10:31 людие же земли носящии продаемая и вся купуемая во дни субботы продавати, не купим от них в субботы, ни в день святый: и оставим лето седмое, и даяние всех рук. Nehemiah 10:32 И поставим над нами заповедь даяти нам третию часть дидрахмы на лето, на дело дому Бога нашего, Nehemiah 10:33 на хлебы предложения и на жертвы повседневныя, и во всесожжение присное суббот, новомесячий, в праздники и во святая, и яже о гресех, помолитися за Израиля, и на дела дому Бога нашего. Nehemiah 10:34 И жребий метнухом о ношении древес, священницы и левити и людие, носити в дом Бога нашего, по домом отечеств наших, от времене до времене, от лета до лета возжигати на олтари Господу Богу нашему, якоже писано есть в законе, Nehemiah 10:35 и приносити первородная земли нашея и первородная плода всякаго древа, от лета до лета, в дом Господень, Nehemiah 10:36 и первенцы сынов наших и скотов наших, якоже писано есть в законе, и первенцы волов наших и стад наших приносити в дом Бога нашего, священником служащым в дому Бога нашего: Nehemiah 10:37 и начатки жит наших и плод всякаго древа, вина и елеа, приносити будем священником в сокровище дому Божия, и десятину земли нашея левитом, и тии левити десятину приемлют во всех градех дел наших. Nehemiah 10:38 Будет же священник сын Ааронов с левиты в десятинах левитов, и левити имут приносити десятую часть десятины в дом Бога нашего в сокровище дому Божия, Nehemiah 10:39 яко в сокровища принесут сынове Израилевы и сынове левитстии начатки пшеницы и вина и елеа, и тамо (будут) сосуди святии, и священницы и служителие и дверницы и певцы, и не оставим дому Бога нашего. Nehemiah 11:0 Nehemiah 11:1 И вселишася началницы людий во Иерусалиме, и прочии людие метнуша жребия взяти единаго от десяти, да пребывает во Иерусалиме граде святем, и девять частей во градех. Nehemiah 11:2 И благословиша людие всех мужей, иже сами произволиша обитати во Иерусалиме. Nehemiah 11:3 И сии началницы страны, иже обиташа во Иерусалиме: и во градех Иудиных обиташе кийждо во одержании своем, во градех своих Израилевых, священницы и левити, и нафинее и сынове рабов Соломоновых. Nehemiah 11:4 И во Иерусалиме обиташа от сынов Иудиных и от сынов Вениаминих. От сынов Иудиных Афаиа сын Озиин, сын Захариин, сын Самариин, сын Сафатиев, сын Масеиль и от сынов Фаресовых, Nehemiah 11:5 и Маасиа, сын Варухов, сын Халазов, сын Озиев, сын Адаиев, сын Иоаривль, сын Захариев, сын Силониев: Nehemiah 11:6 вси сынове Фаресовы, иже обиташа во Иерусалиме, четыреста шестьдесят осмь мужие крепцы. Nehemiah 11:7 Сии же сынове Вениамини: Силон сын Месулаев, сын Иоадов, сын Фадаиев, сын Колиев, сын Маасиев, сын Ефииль, сын Иессиев, Nehemiah 11:8 и по нем Гевеил, Силиев, девять сот двадесять осмь. Nehemiah 11:9 И Иоиль сын Зехрин настоятель над ними, и Иуда сын Асанаев, от града, вторый. Nehemiah 11:10 От священников: и Иадиа сын Иоаривль, Иахинь, Nehemiah 11:11 Сареа сын Елхиев, сын Месуламов, сын Саддуков, сын Мариофов, сын Етофов, началник дому Божия, Nehemiah 11:12 и братия их делающе дело церкве осмь сот двадесять два: и Адаиа сын Иероамль, сына Фалалиина, сына Намасова, сына Захариина, сына Фасефурова, сына Мелхиина, Nehemiah 11:13 и братия его началницы отечеств двести четыредесять два: и Амесай сын Езрииль, сына Сакхиева, сына Масаримофова, сына Еммирова, Nehemiah 11:14 и братия его сильнии во бранех сто двадесять осмь: и настоятель их Сохриил, сын Великих. Nehemiah 11:15 И от левит: Самаиа сын Асува, сына Езрикама, сына Асавии, сына Вонни, Nehemiah 11:16 и Саввафей, и Иосавад над делами дому Божия внешняго и от началников левитских, Nehemiah 11:17 и Матфаниа, сын Михаев, сын Зехриев, сына Асафова, началник хваления, и Иуда молитвы, и Вокхиа вторый от братий своих, и Авдиа сын Самеа сына Галелова, сына Идифунова: Nehemiah 11:18 всех левитов во граде святем двести осмьдесят четыре. Nehemiah 11:19 И дверницы: Акув, Теламин и братия их, стрегущии врат, сто седмьдесят два. Nehemiah 11:20 Прочии же от Израиля иерее же и левити во всех градех Иудеи кийждо в наследии своем. Nehemiah 11:21 И нафинее, иже обиташа во Офле, Сиай и Гесф от нафинеев. Nehemiah 11:22 И началник левитов во Иерусалиме Озий сын Ваниин сына Савиева, сына Матфаниева, сына Михаева, от сынов Асафовых поющих над делом дому Божия, Nehemiah 11:23 яко заповедь царева (бе) им: и пребываше верно над певцами оброк коегождо дне в день свой. Nehemiah 11:24 И Фафеа, сын Массизавилов от сынов Зариных, сына Иудина, при руце цареве всякия потребы ради людий. Nehemiah 11:25 И при дворех, иже на селех их: и от сынов Иудиных обиташа в Кариафарвоце и в селех его, и в Девоне и в селех его, и в Кафсеиле и в селех его, Nehemiah 11:26 и во Иисусе, и в Моладе, и в Веффалате, Nehemiah 11:27 и во Асерсоале, и в Вирсавеи и в селех ея, Nehemiah 11:28 и в Секелаге, и Мавне и в селех ея, Nehemiah 11:29 и в Ремаоне, и в Саре, и во Иеримуфе, Nehemiah 11:30 и в Заннои, и во Одолламе и в селех их, и в Лахисе и в селех его, и во Азике и в селех ея: и ополчишася в Вирсавеи даже до дебри Еннон. Nehemiah 11:31 И сынове Вениамини от Гаваи и Магмаса и Вефиля и от весей его, Nehemiah 11:32 и во Анафофе, в Нове, во Ании, Nehemiah 11:33 во Асоре, в Раме, в Гефаиме, Nehemiah 11:34 в Адоде, в Севоиме, в Навалате, Nehemiah 11:35 в Лидде и во Оногиарасим. Nehemiah 11:36 И от левитов части Иудины и Вениамини. Nehemiah 12:0 Nehemiah 12:1 И сии суть священницы и левити, возшедшии с Зоровавелем сыном Салафиилевым и Иисусом: Сараиа, Иеремиа, Ездра, Nehemiah 12:2 Амариа, Малух, Аттуй, Nehemiah 12:3 Сехениа, Реум, Маримоф, Nehemiah 12:4 Адаиа, Генафон, Авиа, Nehemiah 12:5 Миамин, Маадиа, Велга, Nehemiah 12:6 Семиа, Иоиарив, Идиа, Nehemiah 12:7 Салуй, Амук Хелкиа, Одуиа: сии началницы священников и братия их во дни Иисуса. Nehemiah 12:8 И левити: Иисус, Вануй, Кадмиил, Саравиа, Иодай и Матфаниа, при руках той, и братия их в чредныя служения: Nehemiah 12:9 и Ваквакиа и Анай, братия их, прямо их во чреды дневныя. Nehemiah 12:10 Иисус же роди Иоакима, Иоаким роди Елиасива, Елиасив роди Иодаа, Nehemiah 12:11 Иодай же роди Ионафана, и Ионафан роди Адуа. Nehemiah 12:12 Во дни же Иоакима беху братия его священницы и началницы отечеств: Сараии Амариа, Иеремии Ананиа, Nehemiah 12:13 Ездре Месуллам, Амарии Иоанан, Nehemiah 12:14 Амалуху Ионафан, Сехении Иосиф, Nehemiah 12:15 Аресу Еднас, Мариофу Елкей, Nehemiah 12:16 Аддаю Захариа, Ганафону Месуллам, Nehemiah 12:17 Авии Зехрий, Миамину Маадай, Фелетию, Nehemiah 12:18 Валгасу Самуей, Семии Ионафан, Nehemiah 12:19 Иоариву Матфанай, Едию Озий, Nehemiah 12:20 Салаию Калаиа, Амеку Авед, Nehemiah 12:21 Елкии Асавиа, Иедии Нафанаил. Nehemiah 12:22 Левити во дни Елиасива, Иоада и Иоа, и Иоанан и Идуа, написани началницы отечеств, и священницы в царство Дариа Персскаго. Nehemiah 12:23 И сынове Левии началницы отечеств писани в книзе словес дний и даже до дний Иоанана сына Елисуева. Nehemiah 12:24 И началницы левитом Асавиа и Саравиа и Иисус, и сынове Кадмииловы и братия их пред ними в песнех хвалити и исповедовати, по заповеди Давида человека Божия, по чредам от дне до дне. Nehemiah 12:25 Матфаниа и Ваквакиа, Авдиа, Месуллам, Телмон, Акув, стрегущии дверницы стражу, внегда собрати ми дверники. Nehemiah 12:26 Во дни Иоакима сына Иисусова, сына Иоседекова, и во дни Неемии и Ездры священника и книгочии, Nehemiah 12:27 и во обновлении стены Иерусалимския, взыскаша левитов в местех их да возведут их во Иерусалим сотворити обновление и веселие во хвалении и песнех, в кимвалех и псалтирех и гуслех. Nehemiah 12:28 И собрашася сынове поющих и от страны окрестныя во Иерусалим, и от сел Нетофатиевых, Nehemiah 12:29 и от Дому (Галгал) и от стран (Гева и Азмавет), яко села создаша себе певцы окрест Иерусалима: Nehemiah 12:30 и очистишася священницы и левити, и очистиша людий и врата и стену. Nehemiah 12:31 И возведох началников Иудиных на стену, и поставих два клироса велика, хвалы ради, и проидоша от десныя страны на стену ко вратом Гнойным. Nehemiah 12:32 И идоша за ними Осаиа и половина началников Иудиных, Nehemiah 12:33 и Азариа и Ездра и Месуллам, Nehemiah 12:34 Иуда и Вениамин, и Самаиа и Иеремиа: Nehemiah 12:35 и от сынов священничих с трубами Захариа сын Ионафанов, сын Самаии, сын Мафаниин, сын Михаин, сын Закхуров, сын Асафов, Nehemiah 12:36 и братия его Самаиа и Озиил, Гелол, Маиа, Нафанаил и Иуда и Ананий, еже хвалити в песнех Давида человека Божия: Nehemiah 12:37 и Ездра книгочий пред ними при вратех Источника, хвалити прямо их. И взыдоша на лествицы града Давидова, на восход стены выше дому Давидова и даже до врат Водных к востоку. Nehemiah 12:38 И клирос вторый хвалу воздающих идяше сопротив их, и аз по нем, и половина людий по стене, верху столпа Фануримля и даже до стены пространнейшия, Nehemiah 12:39 и на врата Ефраима, и на врата старая, и на врата Рыбная, и на столп Анамеиль, и на столп Емаф, и даже до врат Овчих. Nehemiah 12:40 И сташа на вратех Стражи, сташа же два клироса хваляща в дому Божии, и аз и половина воевод со мною, Nehemiah 12:41 и священницы Елиаким, Маасиа, Миамин, Михеа, Елиона, Захариа, Ананиа с трубами, Nehemiah 12:42 и Маасиа и Семеиа, и Елеазар и Озиа, и Иоанан и Мелхиа, и Елеамий и Иезур. И слышани быша певцы и Иезриа, и соглядани, и восхвалиша. Nehemiah 12:43 И пожроша в день той жертвы великия и возвеселишася, яко Бог возвесели их вельми: и жены их и чада их радовахуся, и слышано бысть веселие то во Иерусалиме издалеча. Nehemiah 12:44 И поставиша в день той мужей над сокровищными хранилищи, на начатки и десятины, и да собирают сими началниками от градов части священником и левитом, яко веселие бе во Иудеи, во священницех и в левитех предстоящих, Nehemiah 12:45 и стрежаху стражу Бога своего, и хранение очищения, и певцев и дверников, по повелению Давида и Соломона сына его. Nehemiah 12:46 Яко во дни Давидовы Асаф от начала первый в певцех и в песнех и хвалении Богу, Nehemiah 12:47 и весь Израиль во дни Зоровавеля и во дни Неемии даяху оброк певцем и дверником от дне до дне и освящаху левитом, левити же освящаху сыновом Аароним. Nehemiah 13:0 Nehemiah 13:1 В день той чтено бысть в книзе Моисеове во слышание людем, и обретеся написано в ней: да не имут внити Амманитяне и Моавитяне в церковь Божию даже до века, Nehemiah 13:2 понеже не сретоша сынов Израилевых со хлебом и водою и наяша на них Валаама на проклятие их: и обрати Бог наш проклятство на благословение. Nehemiah 13:3 И бысть егда слышаху закон, и отлучиша всех чуждих от Израиля. Nehemiah 13:4 И прежде сего Елиасив священник живяше в сокровищнем дому Бога нашего, сродник Товиин, Nehemiah 13:5 и сотвори ему сокровищный дом велик: таможе бяху прежде приносяще жертву и ливан, и сосуды и десятину пшеницы и вина и елеа, уставленая левитом и певцем и дверником, и начатки священническия. Nehemiah 13:6 Во всех же сих не бых во Иерусалиме, понеже в лето тридесять второе Артаксеркса царя Вавилонскаго приидох ко царю: и по скончании дний испросих от царя Nehemiah 13:7 и приидох во Иерусалим, и уразумех зло, еже сотвори Елиасив Товии, сотворити ему сокровищный дом во дворе дому Божия, Nehemiah 13:8 и зло явися ми зело: и извергох вся сосуды дому Товиева вон из дому сокровищнаго, Nehemiah 13:9 и рекох, и очистиша сокровищный дом: и возвратих онамо сосуды дому Божия, жертву и ливан. Nehemiah 13:10 И познах, яко части левитския не быша даны, и побегоша кийждо на село свое левити и певцы творящии дело. Nehemiah 13:11 И пряхся со стратигами и рекох: чесо ради оставлен бысть дом Божий? И собрах их и поставих оных во стояниих своих. Nehemiah 13:12 И весь Иуда принесоша десятину пшеницы и вина и елеа в сокровища под руку Селемии священника и Садока писца и фадаии от левит, Nehemiah 13:13 и при них Анан сын Закхуров, сын Матфаниев, яко верни искушени суть над ними разделяти братиям своим. Nehemiah 13:14 Помяни мя, Боже, того ради, и да не погибнет милость моя, юже сотворих в дому Господа Бога моего и в чинех его. Nehemiah 13:15 Во днех тех видех во Иуде топчущих точило в субботу, и носящих снопы, и возлагающих на ослы и вино, и гроздие, и смоквы, и всякое бремя, и носящих во Иерусалим во дни субботныя: и засвидетелствовах им в день продаяния их. Nehemiah 13:16 И Тиряне обиташа в нем приносяще рыбы, и вся продаемая продающе в субботы сыновом Иудиным и во Иерусалиме. Nehemiah 13:17 И обличих сынов Иудиных свободных и рекох им: что сия вещь злая, юже вы творите, и скверните день субботный? Nehemiah 13:18 Не сия ли сотвориша отцы ваши, и наведе на них Бог наш и на нас вся злая сия, и на град сей, и вы прилагаете гнев на Израиля, скверняще субботу? Nehemiah 13:19 Бысть же егда поставишася врата во Иерусалиме прежде субботы, и рекох, и запроша двери и повелех, да не отверзают их даже по субботе: и от отрок моих поставих над враты, да ни един вносит бремя в день субботный. Nehemiah 13:20 И сташа вси и творяху куплю вне Иерусалима единощи и дващи. Nehemiah 13:21 И засвидетелствовах о них и рекох им: что вы пребываете пред стеною? Аще вторицею сие сотворите, простру руку мою на вас. И от времене того не приидоша в субботу. Nehemiah 13:22 И рекох левитом, иже бяху очищени, дабы приходили хранити врат и святити день субботный. И сих ради помяни мя, Боже, и прости ми по множеству милости Твоея. Nehemiah 13:23 И во днех онех видех Иудеев поемших жены Азотския, Амманитяны, Моавитския, Nehemiah 13:24 и сынове их от полу глаголаху азотским языком и не умеяху глаголати иудейски: Nehemiah 13:25 и запретих им, и проклях их, и поразих от них мужей, и оплеших их, и заклях их Богом, аще дадите дщери вашя сыновом их и аще поймете от дщерей их сыновом вашым и себе: Nehemiah 13:26 не тако ли согреши Соломон царь Израилев? И во языцех мнозех не бысть царь подобен ему, и возлюблен Богу бе, и постави его Бог царем над всем Израилем, и того прельстиша жены чуждия: Nehemiah 13:27 и мы послушаем ли вас творити всяко зло сие, согрешити Богу нашему, еже пояти жены иноплеменничи? Nehemiah 13:28 И от сынов Иоада сына Ельтува священника великаго, зятя Санаваллатова Уранитина, и изгнах его от мене. Nehemiah 13:29 Помяни им, Боже, за осквернение священства и завета священническа и левитска. Nehemiah 13:30 И очистих их от всякия чуждия нечистоты, и поставих чреды священником и левитом, комуждо по делу его, Nehemiah 13:31 и даяние древес во временех уставленых и первородных. Помяни мя, Боже наш, во благое.
I Esdras 0:0
Вторая книга Ездры I Esdras 1:0 I Esdras 1:1 И сотвори Иосиа пасху во Иерусалиме Господу своему, и пожре пасху четвертагонадесять дне перваго месяца, I Esdras 1:2 поставляя священники по чредам в ризы одеянны в церкви Господни: I Esdras 1:3 и рече левитом священнослужителем Израилевым, да освятят себе Господеви на поставление святаго кивота Господня в дому, егоже созда Соломон сын Давидов царь: I Esdras 1:4 не будет вам взяти его на раменах и ныне служите Господу Богу вашему и пецытеся о языцех Его Израили, и уготовайтеся по отечеством и племеном вашым по писанию Давида царя Израилева и по величеству Соломона сына его: I Esdras 1:5 и станите в церкви по участию началства отеческаго вашего левитскаго, иже пред братиею вашею сынми Израилевыми, I Esdras 1:6 по чину пожрите пасху, и жертвы уготовайте братиям вашым, и сотворите пасху по заповеди Господни данней Моисею. I Esdras 1:7 И даде Иосиа людем обретшымся (тамо) агнцев и овнов тридесять тысящ, телцев три тысящы: сия от царских дана суть по обещанию людем и священником и левитом.. I Esdras 1:8 И даде Хелкиа и Захариа и Сиил приставницы святилища жерцем на пасху овец две тысящы шесть сот, телцев триста. I Esdras 1:9 И Иехониа, и Самеа, и Нафанаил брат, и Асавиа, и Охиил, и Иорам тысященачалницы даша левитом на пасху овец пять тысящ, телцев седмь сот. I Esdras 1:10 И сим бывшым, благолепно сташа священницы и левити, имеюще опресноки, по племеном I Esdras 1:11 и по частеначалством отцев, пред людьми приносити Господу по писанным в книзе Моисеове, и тако во утрие. I Esdras 1:12 И испекоша пасху огнем, якоже подобаше, и жертвы свариша в сосудех медяных и в конобех со благовонием, и принесоша всем, иже от народа. I Esdras 1:13 И по сих уготоваша себе и священником братиям своим сыновом Аароним. I Esdras 1:14 Иерее бо возношаху тучная до конца часа, а левити уготоваша себе и жерцем братии своей, сыном Аароним. I Esdras 1:15 Священнопевцы же сынове Асафовы бяху в чину своем по заповеди Давидове: и Асаф, и Захариа, и Еддинус иже бяше от царя. I Esdras 1:16 И вратари при киихждо дверех: да не преступает кийждо своея чреды, братия бо их левити уготоваша им. I Esdras 1:17 И совершишася жертвы Господни в той день сотворити пасху I Esdras 1:18 и принести жертвы на жертвенник Божий по повелению царя Иосии. I Esdras 1:19 И обретшиися во время то пасху и праздник опресночный дний седмь. I Esdras 1:20 И не принесеся пасха такова во Израили от времене Самуила пророка, I Esdras 1:21 и вси царие Израилевы не праздноваша таковыя пасхи, какову сотвори Иосиа, и священницы и левити, и Иудее и весь израиль обретшийся во обитании своем во Иерусалиме. I Esdras 1:22 Во осмоенадесять лето царствующу Иосии празднована бысть пасха сия. I Esdras 1:23 И управлена быша дела Иосиева пред Господем его сердцем полным благочестия: I Esdras 1:24 и яже о нем, писана суть в прежних временех, о согрешивших и нечествовавших противу Господа паче всякаго языка и царства и имиже оскорбиша Его в разуме: и словеса Господня восташа на Израиля. I Esdras 1:25 И по всему деянию сему Иосиину, случися фараону царю Египетскому идущу брань воздвигнути в Харкамисе при Евфрате: и изыде сопротиву ему Иосиа. I Esdras 1:26 И посла царь Египетский к нему, глаголя: что мне и тебе есть, царю Иудин? I Esdras 1:27 Несмь на тя послан от Господа Бога, на Евфрат бо брань моя есть: и ныне Господь со мною есть, и Господь поспешаяй ми есть, отступи от мене и не сопротивляйся Господеви. I Esdras 1:28 И не возвратися Иосиа на колесницу свою, но ратовати его усиловашеся, не внемля словесем Иеремии пророка от уст Господних: I Esdras 1:29 но постави противу его брань на поли Магеддонстем. И снидоша началницы ко царю Иосии. I Esdras 1:30 И рече царь отроком своим: изведите мя от брани, изнемогох бо зело. И абие изведоша его отроцы его из ополчения. I Esdras 1:31 И взыде на колесницу вторую свою, и пришед во Иерусалим жизнь свою премени, и погребен во отчем гробе. I Esdras 1:32 И во всей Иудеи плакаша о Иосии: и рыдаше Иеремиа пророк о Иосии, и председящии со женами плакаху его даже до сего дне. И издадеся сие быти всегда на весь род Израилев. I Esdras 1:33 Сия же вписана суть в книзе повестей о царех Иудиных, и коеждо сотвореное деяния Иосиина, и славы его, и разума его в законе Господни: яже прежде сотвореная от него, и яже ныне, писана суть в книзе царей Израилевых и Иудиных. I Esdras 1:34 И вземше сущии от языка Иоахаза сына Иосиина, поставиша царем вместо Иосии отца его, суша двадесяти триех лет. I Esdras 1:35 И царствова над Иудою и над Иерусалимом месяцы три: и отстави его царь Египетский, да не царствует во Иерусалиме. I Esdras 1:36 И наложи на народ (Иудин) сребра талант сто и злата един талант. I Esdras 1:37 И постави царь Египетский Иоакима брата его царем Иудеи и Иерусалиму. I Esdras 1:38 И связа Иоаким вельможы, Заракина же брата своего емь изведе из Египта. I Esdras 1:39 Лет же бяше двадесяти пяти Иоаким, егда царствовати нача в земли Иудине и Иерусалиме: и сотвори лукавое пред Господем. I Esdras 1:40 На негоже изыде Навуходоносор царь Вавилонский, и связа его медяными узами, и приведе в Вавилон: I Esdras 1:41 и священныя сосуды Господни взем Навуходоносор и принес положи в Вавилоне во храме своем. I Esdras 1:42 А яже о нем глаголанная, и о нечистоте его и о злочестии, писана суть в книзе времен царских. I Esdras 1:43 И воцарися Иоаким сын его вместо его: егда же поставлен бысть, бяше лет осминадесяти: I Esdras 1:44 царствова же месяцы три и дний десять во Иерусалиме, и сотвори лукавое пред Господем. I Esdras 1:45 И по лете послав Навуходоносор, пресели его в Вавилон вкупе со священными сосуды Господними, I Esdras 1:46 и постави Седекию царя Иудеи и Иерусалиму, суща лет двадесяти единаго: царствова же лет единонадесять, I Esdras 1:47 и сотвори лукавое пред Господем и не устыдеся от словес реченных Иеремиею пророком от уст Господних. I Esdras 1:48 И заклят бысть от царя Навуходоносора именем Господним, и клявся отступи, и ожесточив свою выю и сердце свое, преступи законная Господа Бога Израилева. I Esdras 1:49 И князие людий и священников многая беззакония сотвориша, и преступиша паче всех нечистот всех языков, и оскверниша дом Господень освященный во Иерусалиме. I Esdras 1:50 И посла Бог отец их чрез ангела Своего призвати их, яко щадяше и и жилище Свое: I Esdras 1:51 тии же поругашася посланным Его: и в оньже день глагола Господь, бяху ругающеся пророком Его, I Esdras 1:52 дондеже прогневан Той на язык Свой за злочестия, повеле изыти на них царем Халдейским: I Esdras 1:53 тии убиша юнош их мечем окрест святаго дому их: и не пощадеша юноши и девы, и старца и младенца, I Esdras 1:54 но всех предаде в руки их: и вся священныя сосуды Господни малыя и великия, и сосуды кивота Господня, и царския ковчеги вземше принесоша в Вавилон: I Esdras 1:55 и сожгоша дом Господень, и разориша стены Иерусалима, и столпы его сожгоша огнем, I Esdras 1:56 и скончаша вся честнейшая его в ничтоже, и оставшихся от меча отведоша и Вавилон: I Esdras 1:57 и беша раби ему и сыном его даже до царства Персскаго, во исполнение словес Господних от уст Иеремииных: I Esdras 1:58 дондеже благоизволит земля субботы своя, во все время опустения своего субботствовати будет во исполнение лет седмидесяти. I Esdras 2:0 I Esdras 2:1 Царствующу Киру Персскому перваго лета, во исполнение слова Господня усты Иеремииными, I Esdras 2:2 воздвиже Господь дух Кира царя Персскаго, и проповеда во всем царстве своем, и купно писаньми, глаголя: I Esdras 2:3 сия глаголет Кир царь Персский: (Господь) мене постави царя вселенней, Господь Израилев, Господь Вышний, I Esdras 2:4 и назнамена мне создати Ему дом во Иерусалиме, иже во Иудеи: I Esdras 2:5 аще убо кто есть в вас от языка Его, да будет Господь его с ним: и возшед во Иерусалим, иже во Иудеи, да созиждет дом Господа Израилева: Сей Господь, иже вселися во Иерусалиме: I Esdras 2:6 елицы убо окрест мест обитают, да помогут ему, иже суть на месте том, и златом и сребром, I Esdras 2:7 даянием с конми и скоты и иными по обещанию предлагаемыми во святилище Господне, еже во Иерусалиме. I Esdras 2:8 И стоящии началницы коленом отечеств Иудиных и колена Вениаминова, и священницы и левити, и вси, ихже дух воздвиже Господь взыти, создати дом Господень, иже во Иерусалиме, I Esdras 2:9 и иже окрест их, помогоша во всем златом и сребром, конми и скоты и обетами многими зело, ихже чувство воздвижено бысть. I Esdras 2:10 И Кир царь изнесе священныя сосуды Господни, ихже пренесе Навуходоносор (царь Вавилонский) из Иерусалима и постави их во идолнице своей: I Esdras 2:11 и изнесе тыя Кир царь Персский и предаде я Мифридату сокровищехранителю своему, I Esdras 2:12 той же предаде Сасавассару властителю Иудейскому. I Esdras 2:13 Ихже сие число бе: возливалниц златых тысяща, и возливалниц сребряных тысяща, кадилниц сребряных двадесять девять, фиал златых тридесять, сребряных две тысящы четыре ста и десять, и иных сосудов тысяща: I Esdras 2:14 всех же сосудов пренесеных златых и сребряных пять тысящ четыре ста шестьдесят девять. I Esdras 2:15 Принесени же Сасавассаром вкупе с теми, иже от пленения из Вавилона во Иерусалим. I Esdras 2:16 Во временех же Артаксеркса царя Персскаго, восписаша ему на обитающих во Иудеи и Иерусалиме Вилемос и Мифридат, и Тавеллий и Рафим, и Веелтефм и Самеллий писец, и прочии соучиненнии, обитающии в Самарии и во иных местех, нижеписанное послание: I Esdras 2:17 царю Артаксерксу господину отроцы твои, Рафим писец случаев и Самеллий писец, и прочии от совета их и судии, иже в Килисирии и Финикии: I Esdras 2:18 и ныне знаемо да будет господину царю, яко Иудее, иже взыдоша от вас, к нам пришедшии во Иерусалим град отметный и строптивый, созидают торжища его, и составляют стены его, и храм воздвизают: I Esdras 2:19 аще убо град той созиждется и стены совершены будут, не токмо дани не потерпят даяти, но и царем воспротивятся: I Esdras 2:20 а понеже действуются яже о храме, право быти разсуждаем не презрети сего, I Esdras 2:21 но знаемо сотворити господину нашему царю, да аще возмнится тебе, да взыщется в книгах отец твоих, I Esdras 2:22 и обрящеши в летописцех писано о тех, и познаеши, яко град той бяше отметник и царей и грады смущающь, I Esdras 2:23 и Иудее отступницы, и ополчение сотворяюще в нем от века, еяже ради вины и град той опустошен бысть: I Esdras 2:24 ныне убо знаемо ти творим, господине царю яко аще град сей создан будет и стены его возставлены будут, исходу тебе ктому не будет в Килисирию и Финикию. I Esdras 2:25 Тогда восписа царь Рафиму пишущему случаемая и Веелтефму и Самеллию писцу и прочым, соучиненым и обитающым в Самарии и Сирии и Финикии, сия писаная: I Esdras 2:26 чтох послание, еже посласте ко мне: повелех убо взыскати, и обретено есть, яко град той есть от начала царем противляющься, I Esdras 2:27 и человецы отступления и ополчение в нем сотворяюще, и царие крепцы и жестоцы быша во Иерусалиме, обладающе и дани налагающе на Килисирию и Финикию: I Esdras 2:28 ныне убо повелех возбранити человеком оным созидати град и предусмотряти, да ничтоже боле сих сотворят, I Esdras 2:29 ни да происходят бо множайшая лукавства, во еже царем труд творити. I Esdras 2:30 Тогда прочетше от царя Артаксеркса написанная Рафим и Самеллий писец и с ними соучиненнии, впрягше потщанно приидоша во Иерусалим с конники и народным ополчением, I Esdras 2:31 и начаша созидающих удержавати: и упразднися созидание храма, иже во Иерусалиме, даже до втораго лета царства Дариа царя Персскаго. I Esdras 3:0 I Esdras 3:1 И воцарився Дарий сотвори вечерю велику всем, иже под ним, и всем, иже от дому рода его, и всем вельможам Мидским и Персским, I Esdras 3:2 и всем сатрапом, и наместником, и воеводам, иже под ним от Индии даже до Ефиопии на сто двадесять седмь воеводств. I Esdras 3:3 И егда ядоша и пиша, и насытившеся возвратишася, тогда Дарий царь вниде в ложницу свою, и поспа и возбудися. I Esdras 3:4 Тогда трие юноши телеснии стражы, иже стрежаху тело царево, рекоша друг ко другу: I Esdras 3:5 рцем кийждо от нас едино слово: и иже превозможет, и егоже явится слово мудрейше другаго, даст ему царь Дарий дары великия и почести великия, I Esdras 3:6 и порфирою одеян будет, и во злате пити и на злате спати, и колесницу златоуздну, и кидар виссонный, и гривну окрест выи, I Esdras 3:7 и вторый сядет по Дарии ради премудрости своея, и сродник Дариев наречется. I Esdras 3:8 И тогда написавше кийждо свое слово запечаташа и подложиша под возглавие Дариа царя, I Esdras 3:9 и рекоша: егда востанет царь, дадут ему писание, и егоже разсудит царь и три вельможи Персстии, яко слово его мудрейше есть, тому да дастся победа, якоже писано есть, I Esdras 3:10 един написа: сильнее есть вино, I Esdras 3:11 другий написа: сильнее есть царь. I Esdras 3:12 Третий написа: сильнее суть жены, паче же всех побеждает истина. I Esdras 3:13 Егда же воста царь, вземше писания даша ему, и прочте. I Esdras 3:14 И послав созва всех вельможей Персских и Мидских и сатрапов, и воевод и наместников и ипатов, I Esdras 3:15 и седе в советней палате, и прочтено бысть писание пред ними. I Esdras 3:16 И рече: призовите юнош, и тии известят словеса своя. И призвани быша и внидоша. I Esdras 3:17 И рече им: возвестите нам о тех, яже писана суть. И нача первый, иже глагола о крепости вина, I Esdras 3:18 и рече сице: о, мужие, коль премогает вино! Всех человек пиющих его прельщает: I Esdras 3:19 ум царев и сираго творит ум един, и раба и свободнаго, и убогаго и богатаго, I Esdras 3:20 и всяк ум превращает в безстрашие и веселие, и не памятует всякия печали и всякаго долга: I Esdras 3:21 и вся сердца сотворяет богата, и не памятует царя, ниже вельможи, и вся по талантом глаголати творит: I Esdras 3:22 и не памятуют, егда пиют, угождати другом и братии, и не много потом извлачат мечы: I Esdras 3:23 и егда от вина востанут, не помнят, яже сотвориша: I Esdras 3:24 о, мужие не премогает ли вино, еже тако понуждает творити? И умолча глаголавый сице. I Esdras 4:0 I Esdras 4:1 И нача вторый глаголати, рекий о крепости царстей: I Esdras 4:2 о, мужие! Не премогают ли человецы, землю и море обдержаще, и вся, яже в них? I Esdras 4:3 Царь же премогает и господствует всеми и владычествует ими, и все, еже речет им, творят: I Esdras 4:4 аще речет им творити брань ко друг другу, творят: и аще послет их на супостаты, идут и истрывают горы и стены и столпы, I Esdras 4:5 убивают и убиваеми бывают, и царева словесе не преступают: аще же победят, царю приносят вся, и елика аще пленят, и ина вся: I Esdras 4:6 и елицы не воюют, ниже ополчаются, но делают землю, паки, егда сеют, зажинающе приносят цареви, I Esdras 4:7 и един другаго понуждающе, приносят дань царю: I Esdras 4:8 и той сам един есть: аще речет убити, убивают: аще речет отпустити, отпускают: речет поразити, поразят: I Esdras 4:9 речет разорити разорят: речет созидати, созидают: речет, посецыте, посецают: речет насадити, насаждают: I Esdras 4:10 и вси людие его и силы его слушают единаго: и к сим той возлежит, яст и пиет и спит: I Esdras 4:11 тии же стрегут окрест его и не могут отити, кийждо творити дел своих, ниже преслушают его: I Esdras 4:12 о, мужие! Како не превозмогает царь, егоже тако слушают? И умолча. I Esdras 4:13 Третий же, иже рече о женах и о истине, той есть Зоровавель, нача глаголати: I Esdras 4:14 о, мужие! Не велик ли есть царь и мнози человецы, и вино не премогает ли? Кто же есть властвуяй ими или кто господствуяй ими? Не жены ли? I Esdras 4:15 Жены родиша царей и всех людий, иже господствуют над морем и землею: I Esdras 4:16 и от тех рождени суть, и тыя воздоиша тех, иже насадиша винограды, от которых вино творится: I Esdras 4:17 и тыя творят ризы (красны) человеком, и тыя творят славу человеком, и не могут человецы быти без жен: I Esdras 4:18 и аще соберут злато и сребро и всяку вещь красну, и увидят жену едину добру зраком и красотою, I Esdras 4:19 и вся сия оставльше, на ню внемлют, и отверстыми усты зрят ю, и вси оныя желают паче злата и сребра и всякия вещи предрагия: I Esdras 4:20 человек отца своего оставляет, иже воспита его и свою страну, и ко своей жене прилепляется, I Esdras 4:21 и с женою оставляет душу, и ниже отца памятует, ни матере, ниже страны: I Esdras 4:22 и отсюду подобает вам разумети яко жены властвуют вами: не болезнуете ли, и труждаетеся, и вся женам даете и приносите? I Esdras 4:23 И вземлет человек оружие свое, и исходит на путь творити разбой, (убийства,) и татьбу и на море плавати и на реки, I Esdras 4:24 и льва видит, и во мрак входит: и егда украдет и похитит и корысть обрящет, ко возлюбленней своей приносит: I Esdras 4:25 и паче любит человек жену свою, нежели отца и матерь: I Esdras 4:26 и мнози обезумишася от лиц женских и раби быша ради тех, I Esdras 4:27 и мнози погибоша и прельстишася и согрешиша ради жен: I Esdras 4:28 и ныне не веруете ли мне? Не велик ли есть царь во власти своей? Не вся ли страны не смеют прикоснутися ему? I Esdras 4:29 Видех его и Апаминю, дщерь Вартака дивнаго, наложницу цареву, седящую одесную царя I Esdras 4:30 и отемлющую диадиму со главы царевы и возлагающу на себе, и по ланите бияше царя левою рукою: I Esdras 4:31 и кроме сих царь отверстыми усты зряше на ню: и аще посмеется пред ним, смеется и он: аще же разгневана будет нань, ласкает ю, дондеже примирится ему: I Esdras 4:32 о, мужие, не сильны ли жены, яко сице творят? I Esdras 4:33 И тогда царь и вельможи смотряху друг на друга. И нача глаголати о истине: I Esdras 4:34 о, мужие, не сильны ли жены? Велика земля, и высоко небо, и быстро течением солнце, яко обращается на крузе небеснем и паки притекает на место свое во един день: I Esdras 4:35 не велик ли, иже сия творит? И истина велика и крепчае паче всех: I Esdras 4:36 вся земля истину призывает, и небо оную благословляет, и вся дела трясутся и трепещут (ея), и несть с нею обиды ни единыя: I Esdras 4:37 обидит вино, обидит царь, обидит жены, неправедни вси сынове человечестии, и неправедна вся дела их сицевая, и несть в них истины, и во своей неправости погибают: I Esdras 4:38 истина же пребывает и возмогает во век, и живет и обладает во век века, I Esdras 4:39 и несть у нея приятия лица, ниже различия, но правая творит и от всех неправедных и лукавых огребается, и вси благоволят в делех ея, I Esdras 4:40 и несть в суде ея ничтоже неправедно: и сия крепость и царство, и власть и величество всех веков: благословен Бог истины. I Esdras 4:41 И преста глаголати. И вси людие тогда возопиша и рекоша: велика есть истина и премогает. I Esdras 4:42 Тогда царь рече ему: проси еже хощеши, множае писаных, и дам тебе, понеже обретен еси мудрейший, и близ мене да сядеши, и сродник мой наречешися. I Esdras 4:43 Тогда рече царю: помяни обещание твое, имже обещал еси создати Иерусалим в день, в оньже царство твое приял еси, I Esdras 4:44 и вся сосуды взятыя из Иерусалима отпустити, ихже отлучи Кир, егда заклятся изсещи Вавилон, и обеща послати тамо: I Esdras 4:45 ты же обещал еси создати храм, егоже сожгоша Идумее, егда опустошена бысть Иудеа от Халдеи: I Esdras 4:46 и ныне сие есть, еже прошу от тебе, господи царю и о том молю тя, и сие есть величество, еже от тебе: молю убо, да сотвориши обещание, еже обещал еси Царю Небесному сотворити из уст твоих. I Esdras 4:47 Тогда востав царь Дарий, облобыза его и написа о нем послание ко всем правителем и воеводам, и наместником и вельможам, да проводят его и всех сущих с ним восходящих созидати Иерусалим: I Esdras 4:48 и всем наместником, иже бяху в Килисирии и Финикии и иже в Ливане, написа послание, да привозят древа кедрова от Ливана во Иерусалим и да созидают с ним град: I Esdras 4:49 писа же и всем Иудеом восходящым от царства во Иудею о свободе, да всяк сильный и вельможа, и наместник и правитель не приходит ко вратом их, I Esdras 4:50 и всю страну, юже обдержат, безданну быти им: и Идумее да оставят села Иудейская, имиже обладают: I Esdras 4:51 и на созидание храма даяти по всякое лето талант двадесять, дондеже созиждется: I Esdras 4:52 и на жертвенник всесожжения приносити на всяк день, якоже имеют заповедь, иных талант седмьнадесять, да приносят десять на коеждо лето: I Esdras 4:53 и всем приходящым от Вавилона созидати град, да будет свобода им и сыном их, и всем священником приходящым. I Esdras 4:54 Написа же и подаяние, и священническую ризу (повеле дати), в нейже служат. I Esdras 4:55 И левитом писа даяти оброк даже до дне, в оньже совершится дом и Иерусалим созиждется. I Esdras 4:56 И всем стрегущым града писа, даяти им жребии и оброки. I Esdras 4:57 И отпусти вся сосуды, яже отлучи Кир от Вавилона, и вся елика рече Кир сотворити, и он повеле творити и послати во Иерусалим. I Esdras 4:58 И егда изыде юноша (сей), воздвиг лице на небо прямо Иерусалиму, благослови Царя Небеснаго, глаголя: I Esdras 4:59 от Тебе победа и от Тебе премудрость, и Твоя слава, и аз раб Твой: I Esdras 4:60 благословен еси, иже дал еси мне премудрость, и Тебе исповемся, Господи Боже отец наших. I Esdras 4:61 И прия послания, и изыде, и прииде в Вавилон, и возвести братии своей всем. I Esdras 4:62 И благословиша Бога отец своих, яко даде им ослабу и отпущение, I Esdras 4:63 да взыдут и созиждут Иерусалим и храм, идеже именовано есть имя Его в нем. И радовахуся с мусикиею и веселием дний седмь. I Esdras 5:0 I Esdras 5:1 По сих же избрани суть изыти началницы домов отечеств по племеном их, и жены их, и сынове их, и дщери их, и раби их, и рабыни их, и скоти их: I Esdras 5:2 и Дарий царь посла с ними конники тысящу, дондеже возведут их во Иерусалим с миром и с мусикиею, с тимпаны и трубами: I Esdras 5:3 и вся братия их бяху играюще, и сотвори их взыти вкупе с ними. I Esdras 5:4 И сия суть имена мужей, иже взыдоша по отечеством своим и по коленом в части началств своих: I Esdras 5:5 священницы сынове Финееса, сына Аароня, Иисус сын Иоседека Сареова и Иоаким сын Зоровавеля сына Салафиилева, от дому Давидова, от рода Фаресова, колена же Иудина, I Esdras 5:6 иже глаголаше при Дарии цари Персстем словеса премудра, во второе лето царства его, месяца Нисана, перваго месяца. I Esdras 5:7 Суть же сии от Иудеи изшедшии от плена преселения, ихже пресели Навуходоносор царь Вавилонский в Вавилон, I Esdras 5:8 и возвратишася во Иерусалим и во прочую Иудею, кийждо во свой град, иже приидоша с Зоровавелем и Иисусом, Неемиею, Захариею, Рисеем, Енинием, Мардохеем, Веелсаром, со Асфарасом, с Реелием, с Роимом с Вааном, началники их. I Esdras 5:9 Число сущих от языка и началницы их: сынове Форосовы две тысящы и сто седмьдесят два, сынове Сафатовы четыреста седмьдесят два, I Esdras 5:10 сынове Аресовы седмь сот пятьдесят шесть, I Esdras 5:11 сынове Фааф-Моавли две тысящы осмь сот и дванадесять, I Esdras 5:12 сынове Иламовы тысяща двести пятьдесят четыре, сынове Зафуины девять сот четыредесять пять, сынове Корвеовы седмь сот пять, сынове Ваниины шесть сот четыредесять осмь, I Esdras 5:13 сынове Виваины шесть сот двадесять три, сынове Садасовы три тысящы двести двадесять два, I Esdras 5:14 сынове Адоникамовы шесть сот шестьдесят седмь, сынове Вагоины две тысящы шестьдесят шесть, сынове Адинуевы четыре ста пятьдесят четыре, I Esdras 5:15 сынове Атирезекиевы девятьдесят два, сынове Килановы и Азитасовы шестьдесят седмь, сынове Азурановы четыре ста тридесять два, I Esdras 5:16 сынове Ананиевы сто един, сынове Аромовы тридесять два, сынове Вассаевы триста дванадесять три, сынове Арсифурифовы сто два, I Esdras 5:17 сынове Метировы три тысящи пять, сынове от Вефломонов сто двадесять три, I Esdras 5:18 иже от Нетофаи пятьдесят пять, иже от Анафофа сто пятьдесят осмь, иже от Вефсамоса четыредесять два, I Esdras 5:19 иже от Кариафиарима двадесять пять, иже из Кафиры и Вирофа седмь сот четыредесять три, иже из пиры седмь сот, I Esdras 5:20 иже Хадиасовы и Амидиевы четыре ста двадесять два, иже от Кирама и Гаввиса шесть сот двадесять един, I Esdras 5:21 иже от Макалона сто двадесять два, иже от Витолиа пятьдесят два, сынове Нифисовы сто пятьдесят шесть, I Esdras 5:22 сынове Каламолалуевы и Онусовы седмь сот дванадесять пять, сынове Иереховы триста четыредесять пять, I Esdras 5:23 сынове Анаасовы три тысящы триста тридесять. I Esdras 5:24 Жерцы: сынове Иеддуа, сына Иисуева, с сыны Санасивовыми девять сот седмьдесят два, сынове от Мируфа тысяща пятьдесят два, I Esdras 5:25 сынове Фасарони тысяща четыредесять седмь, сынове Хармиевы тысяща седмьнадесять. I Esdras 5:26 Левити же: сынове Иесуевы и Кадмииловы, и Ваннуевы и Судиевы, седмьдесят четыре. I Esdras 5:27 Священнопевцы: сынове Асафовы сто четыредесять осмь. I Esdras 5:28 Дверницы же: сынове Салумовы, сынове Аттаровы, сынове Толмановы, сынове Дакувиевы, сынове Титаевы, сынове Самиевы, всех сто тридесять девять. I Esdras 5:29 Священнослужителие: сынове Исавовы, сынове Асифаевы, сынове Таваофовы, сынове Кирасовы, сынове Судовы, сынове Фалеевы, сынове Лаванаевы, сынове Аграваевы, I Esdras 5:30 сынове Акуаевы, сынове Утаевы, сынове Китавовы, сынове Агаваевы, сынове Сиваиевы, сынове Анани, сынове Кафуаевы, сынове Геддуровы, I Esdras 5:31 сынове Иаировы, сынове Десановы, сынове Ноиваевы, сынове Хасеваевы, сынове Газираевы, сынове Озиевы, сынове Финоевы, сынове Асараевы, сынове Васфаиевы, сынове Асанаевы, сынове Меаниевы, сынове Нафисиевы, сынове Акувовы, сынове Акифаевы, сынове Асуровы, сынове Фаракимовы, сынове Васалофовы, I Esdras 5:32 сынове Меедаевы, сынове Куфаевы, сынове Хареевы, сынове Харкусовы, сынове Асирари, сынове Фомиевы, сынове Насифовы, сынове Атифаевы. I Esdras 5:33 Сынове отрок Соломоновых: сынове Асапфионовы, сынове Фарираевы, сынове Иеилевы, сынове Лозони, сынове Издаилевы, сынове Сафифовы, I Esdras 5:34 сынове Агиаевы, сынове Фахарефовы, сынове Савиины, сынове Сарофиевы, сынове Масиасовы, сынове Гаровы, сынове Аддусовы, сынове Сувасовы, сынове Афераевы, сынове Варадисовы, сынове Сафатовы, сынове Алломовы. I Esdras 5:35 Всех священнослужителей и сынов отрок Соломоновых триста седмьдесят два. I Esdras 5:36 Сии возшедшии от Фермелефа и Фелерсаса, вождь их Хараафаларь и Ааларь, I Esdras 5:37 и не могоша возвестити отечеств своих и родов, яко от Израиля ли суть: сынове Ладана сына Ванова, сынове Некодановы, шесть сот пятьдесят два: I Esdras 5:38 и от жерцев творящии жречество, и не обретошася: сынове Авдиины, сынове Аккосовы, сынове Аддуса, поемшаго Авгию жену от дщерей Верзеллеевых, и прозван бысть во имя его: I Esdras 5:39 и сих взыскану бывшу родословному писанию и не обретену, отлучени суть от священства. I Esdras 5:40 И рече им Неемиа и Атфариа, да не причащаются святынь, дондеже востанет архиерей облечен во изявление и истину. I Esdras 5:41 Вси же бяху от Израиля, от двунадесяти лет и выше, кроме рабов и рабынь, четыредесять две тысящы триста шестьдесят: раби сих и рабыни седмь тысящ триста четыредесять седмь, певцы и певицы двести четыредесять пять: I Esdras 5:42 велблюд четыре ста тридесять пять, коней седмь тысящ тридесять шесть, мсков двести четыредесять пять, подяремник пять тысящ пять сот двадесять пять. I Esdras 5:43 И от настоятелей по отечеством, егда приидоша во храм Божий, иже во Иерусалиме, обещаша воздвигнути храм на месте его по силе своей I Esdras 5:44 и даяти во святое сокровище на дела злата мнас тысящу и сребра мнас пять тысящ и риз священнических сто. I Esdras 5:45 И вселишася священницы и левити, и иже (изыдоша) от народа во Иерусалим и во страну, и священнопевцы, и дверницы, и весь Израиль в селех своих. I Esdras 5:46 Настоящу же седмому месяцу и сущым сыном Израилевым коемуждо во своих, собрашася единодушно во двор первых врат восточных. I Esdras 5:47 И востав Иисус сын Иоседеков и братия его священницы и Зоровавель сын Салафиилев и братия его, уготоваша олтарь Богу Израилеву, I Esdras 5:48 да возносят на нем всесожжения по чину, якоже в книзе Моисеа человека Божия писана суть, I Esdras 5:49 и собрашася к ним от иных народов земли, и воздвигнуша жертвенник на месте своем, яко во вражде бяху с ними, и премогоша их вси языцы земстии: и приношаху жертвы по времени и всесожжения Господеви, утреннее и вечернее. I Esdras 5:50 И сотвориша кущей потчения праздник, якоже повелено в законе, и жертвы на всяк день, якоже подобаше, I Esdras 5:51 и по сих приношения непрестанная, и жертвы субботния и новомесячныя и праздников всех освященных. I Esdras 5:52 И елицы обещаша обет Богу от новомесячия седмаго месяца, начаша приносити жертвы Богу, храм же Господень не бысть еще создан. I Esdras 5:53 И даша сребро каменосечцем и делателем пищу и питие с радостию, и даша карры Сидоняном и Тиряном, да привозят им от Ливана древа кедрова, да приведут судна во Иоппийское пристанище, по повелению, еже писано бысть им от Кира царя Персскаго. I Esdras 5:54 И во второе лето пришед во храм Божии во Иерусалим, месяца втораго, нача Зоровавель сын Салафиилев и Иисус сын Иоседеков и братия их, и священницы, левити и вси, иже приидоша от пленения во Иерусалим, I Esdras 5:55 и основаша храм Божий в новомесячии втораго месяца втораго лета, егда приидоша во Иудею и во Иерусалим, I Esdras 5:56 и поставиша левиты от двадесяти лет на дела Господня: и ста Иисус и сынове его и братия и Кадмиил брат, и сынове Мадиавуни, и сынове Иодаа Илиадуева с сынми и братиями, вси левити единодушно дела призирателие, творяще дела в дому Господни, и создаша делателие дом Господень. I Esdras 5:57 И сташа священницы облечени в ризы с мусикиею и трубами, и левити сынове Асафовы имеюще кимвалы, восхваляюще Господа и благословяще, по Давиду царю Израилеву, I Esdras 5:58 и пояху песньми благословяще Господа, яко благость Его и слава во веки во всем Израили. I Esdras 5:59 И вси людие вострубиша и возгласиша гласом великим, восхваляюще Господа о воздвижении дому Господня. I Esdras 5:60 И приидоша от священников, левитов и предстоятелей по отечеством своим старейшины, иже видеша прежний дом, к сему созиданию с плачем и воплем великим, I Esdras 5:61 и мнози со трубами и радостию гласа велия, I Esdras 5:62 яко людем не слышати труб плача ради людскаго, народ бо бысть трубящь зело, яко далече слышатися. I Esdras 5:63 И услышавше врази колена Иудина и Вениаминова, приидоша познати, кий глас трубный? I Esdras 5:64 И познаша, яко сущии от пленения созидают храм Господу Богу Израилеву. I Esdras 5:65 И приступльше к Зоровавелю и Иисусу и к началником отечеств, рекоша им: да созидаем вкупе с вами: I Esdras 5:66 тако бо, якоже вы, слушаем Господа вашего и Ему жрем от дний Асвасарефа царя Ассирийскаго, иже пресели нас зде. I Esdras 5:67 И рече им Зоровавель и Иисус и началницы отечеств Израилевых: несть вам и нам созидати дом Господу Богу нашему: I Esdras 5:68 мы бо сами созиждем Господу Богу Израилеву по чину, якоже повеле нам Кир царь Персский. I Esdras 5:69 Языцы же земстии стужающе сущым во Иудеи и пакости творяще, не попущаху созидати, I Esdras 5:70 и козни и людий наводяще и крамолы творяще возбраниша совершити дело созидания во все время жизни Кира царя, и препятие сотвориша созиданию лета два, даже до Дариева царства. I Esdras 6:0 I Esdras 6:1 Во второе же лето царства Дариева пророчества Аггей и Захариа сын Аддов, пророцы, ко Иудеем, иже во Иудеи и во Иерусалиме, именем Господа Бога Израилева к ним. I Esdras 6:2 Тогда став Зоровавель сын Салафиилев и Иисус сын Иоседеков, начаста созидати дом Господень, иже во Иерусалиме, сущым с ними пророком Господним помагающым им. I Esdras 6:3 В то время прииде к ним Сисинний воевода Сирийский и Финикийский и Сафравузан и друзие его, и рекоша им: I Esdras 6:4 чиим повелением вы дом сей созидаете, и кров сей, и ина вся совершаете? И кто суть строителие, иже сия созидают, I Esdras 6:5 и имеша благодать посещения бывшаго на пленение от Господа старейшины Иудейстии: I Esdras 6:6 и не возбраниша им созидати, дондеже возвестится Дарию о сих и отвещано будет. I Esdras 6:7 Образ же послания, еже писаша Дарию и послаша: Сисинний воевода Сирийский и Финикийский и Сафравузан и друзие, иже в Сирии и Финикии воеводы, царю Дарию радоватися: I Esdras 6:8 вся знаема да будут господину нашему царю, яко пришедше во страну Иудейску и вшедше во Иерусалим град, обретохом от пленения старейшин Иудейских во Иерусалиме граде I Esdras 6:9 созидающих дом Господу велик, нов от каменей тесаных драгих, полагающе древа в стенах, I Esdras 6:10 и дела та с прилежанием творятся, и преспевает дело в руках их и во всей славе и прилежании совершается: I Esdras 6:11 тогда вопросихом старейшин оных, глаголюще: чиим повелением вы созидаете дом сей и дела та основаете? I Esdras 6:12 Вопросихом убо их, да ведомо сотворим тебе и напишем ти человек предстателей, и имен писания испросихом от оных предстателей: I Esdras 6:13 тии же отвещаша нам, глаголюще: мы есмы раби Господа, иже сотвори небо и землю, I Esdras 6:14 и созидашеся сей дом прежде лет многих от царя Израилева великаго и крепкаго, и совершися, I Esdras 6:15 и понеже отцы наши прогневавше согрешиша к Богу Израилеву небесному, предаде их в руки Навуходоносора царя Вавилонскаго, царя Халдейска, I Esdras 6:16 дом же той разоривше сожгоша и людий плениша в Вавилон: I Esdras 6:17 в первое же лето царствующу Киру царю над страною Вавилонскою, писа царь Кир дом той созидати, I Esdras 6:18 и священныя сосуды златыя и сребряныя, ихже изнесе Навуходоносор из дому, иже во Иерусалиме, и постави я во своем капищи, паки изнесе та Кир царь от храма, иже в Вавилоне и предаде их Зоровавелю и Санавассару воеводе, I Esdras 6:19 и повелено бысть ему отнести вся сия сосуды и возложити во храм, иже во Иерусалиме, и храм Господень сей созидати на месте его: I Esdras 6:20 тогда Санавассар оный пришед, положи основания дому Господня, иже во Иерусалиме, и от онаго даже доныне зиждемый не прия совершения: I Esdras 6:21 ныне убо, аще угодно тебе, о, царю, да поищется в царских книгохранилницах Кировых (яже в Вавилоне), I Esdras 6:22 и аще обретено будет с повелением Кира царя бывшее строение дому Господня, иже во Иерусалиме, и судится от господина царя нашего, да возвестится о тех нам. I Esdras 6:23 Тогда царь Дарий повеле искати в царских книгохранилницах сущих в Вавилоне, и обретено бысть во Екватанех, во граде сущем во стране Мидийстей, место едино (в летописце), в немже написана бяху сия: I Esdras 6:24 в лето первое царствующу Киру, царь Кир повеле дом Господень, иже во Иерусалиме, созидати, идеже жряху огнем непрестанным, I Esdras 6:25 егоже высота лакот шестьдесят, широта лакот шестьдесят, с домами каменей тесаных треми и с домом древяным того места новым единым, и расходы даяти из дому Кира царя: I Esdras 6:26 и священныя сосуды дому Господня златыя же и сребряны, ихже взя Навуходоносор из дому (Господня), иже во Иерусалиме, и отнесе в Вавилон, возвратити в дом, иже во Иерусалиме, идеже бяху прежде, да поставятся тамо. I Esdras 6:27 Повеле же (царь) прилежати Сисиннию воеводе Сирийску и Финикийску и Сафравузану и клевретом его и учиненным в Сирии и Финикии началником, да не приступают к месту, оставят же отроку Господню Зоровавелю, началнику же Иудейскому, и старейшинам Иудейским дом Господень оный созидати на месте его. I Esdras 6:28 И аз повелех всячески созидати и прилежати, да помогают сущым от пленения Иудеом, дондеже совершится храм Господень: I Esdras 6:29 и от дани Килисирийския и Финикийския прилежно собрание даяти сим человеком на жертву Господню, Зоровавелю епарху, на юнцы и овны и агнцы, I Esdras 6:30 такожде и пшеницу и соль, и вино и елей, всегда на всяко лето, якоже священницы, иже во Иерусалиме, рекут иждивати на всяк день, без сомнения: I Esdras 6:31 да приносятся возлияния Вышнему Богу за царя и отроки его, и да молят за их живот: I Esdras 6:32 и да возвестится, елицы аще преступят что от предписанных или презрят, да возмется древо от своих ему, и на том да обесится, имения же его царю припишутся: I Esdras 6:33 сих ради и Господь, Егоже имя призывается тамо, да истребит всякаго царя и язык, иже руку свою прострет возбранити, или озлобити дом Господень оный, иже во Иерусалиме: I Esdras 6:34 аз царь Дарий повелех прилежно. I Esdras 7:0 I Esdras 7:1 Тогда Сисинний епарх Килисирийский и Финикийский, и Сафравузан, и друзие, последующе от Дариа царя повелением, I Esdras 7:2 настояху священным делом, прилежнее содействующе старейшинам Иудеев и священноначалником: I Esdras 7:3 и благопоспешна бяху священная дела, прорицающым Аггею и Захарии пророком. I Esdras 7:4 И совершиша сия по заповеди Господа Бога Израилева и с повелением Кира и Дариа и Артаксеркса царей Персских: I Esdras 7:5 и совершен бысть дом святый даже до третияго и двадесятаго дне месяца Адара, шестаго лета Дариа царя. I Esdras 7:6 И сотвориша сынове Израилевы и священницы и левити и прочии, иже бяху от пленения, приставленнии, по написанным в книзе Моисеове, I Esdras 7:7 и принесоша во обновление святилища Господня юнцев сто овнов двести, агнцев четыре ста, I Esdras 7:8 козлов за грехи всего Израиля дванадесять по числу, от племеноначалников Израилевых дванадесяти. I Esdras 7:9 И сташа священницы и левити по племеном одеяни в ризы, над делы Господа Бога Израилева, по книзе Моисеове, и вратари над киимиждо дверми, I Esdras 7:10 и содеяша сынове Израилевы с сущими от пленения пасху в четвертыйнадесять день перваго месяца, егда освятишася священницы и левити. I Esdras 7:11 Вси же сынове пленения не вкупе очистишася, понеже левити вси вкупе очистишася I Esdras 7:12 и пожроша пасху всем сыновом пленения и братиям их священником и себе сами. I Esdras 7:13 И ядоша сынове Израилевы, иже от пленения, вси отлучившиися от мерзостей языков земли, ищуще Господа, I Esdras 7:14 и праздноваша праздник опресноков седмь дний, веселящеся пред Господем, I Esdras 7:15 понеже обрати совет царя Ассирийскаго к ним, еже укрепити руки их на дела Господа Бога Израилева. I Esdras 8:0 I Esdras 8:1 И по сих, царствующу Артаксерксу царю Персскому, приступи Ездра сын Сариин, Езериев, Хелкиев, Салумов, I Esdras 8:2 Садуков, Ахитов, Амариев, Езиев, Мемерофов, Зареев Сауиев, Воккаев, Ависумов, Финеесов, Елеазаров, Аарона перваго священника: I Esdras 8:3 той Ездра взыде от Вавилона, яко книгочий благоразумен сый в законе Моисеове, даннем от Господа Бога Израилева, I Esdras 8:4 и даде ему царь славу, обретшему благодать пред ним, над всеми достоинствы его. I Esdras 8:5 И взыдоша вкупе с ним от сынов Израилевых, и священников и левитов, и священнопевцев и вратарей и рабов церковных во Иерусалим, I Esdras 8:6 лета седмаго царствующу Артаксерксу в пятый месяц: то лето седмое царю: изшедше бо из Вавилона в новомесячии перваго месяца, приидоша во Иерусалим по данному им поспеху в путь от Господа: I Esdras 8:7 ибо Ездра многое сведение обдержаше, дабы ничто оставити сущих от закона Господня и от заповеди, еже научити всего Израиля всем оправданием и судбам. I Esdras 8:8 Прииде же написанное повеление от Артаксеркса царя ко Ездре священнику и чтецу закона Господня, егоже есть списание подлежащее: I Esdras 8:9 царь Артаксеркс Ездре священнику и чтецу закона Господня радоватися: I Esdras 8:10 человеколюбно аз судив, повелех хотящым от языка Иудейскаго с волею благою, и от священник и левит, и иже суть в царствии нашем, ити с тобою во Иерусалим: I Esdras 8:11 елицы убо вожделеют, да соберутся и пойдут с тобою, якоже угодно мне и седми другом моим советником: I Esdras 8:12 да увидят деемая во Иудеи и Иерусалиме, якоже есть в законе Господни, I Esdras 8:13 и да вносят дары Господу Израилеву, ихже обещах аз и друзи во Иерусалим, и все злато и сребро, еже обретено будет во стране Вавилонстей, Господу во Иерусалим, с дарованным от языка во святилище Господа Бога их, еже во Иерусалим: I Esdras 8:14 да соберется злато и сребро на юнцы и овны и агнцы, и яже тем последуют, I Esdras 8:15 да приносят жертвы Господу на олтарь Господа Бога их, иже во Иерусалиме: I Esdras 8:16 и вся елика хощеши с братиею твоею сотворити златом и сребром, соверши по воли Бога твоего, I Esdras 8:17 и священныя сосуды Господни, иже даны суть тебе, к делу дому Господа Бога твоего, иже во Иерусалиме, да положиши пред Господем Богом твоим, иже во Иерусалиме: I Esdras 8:18 и прочая, елика аще тебе потребна будут к делом храму Бога твоего, да даси от царскаго сокровища: I Esdras 8:19 и аз царь Артаксеркс повелех стражем сокровища Сирийскаго и Финикийскаго, да, елико напишет Ездра священник и чтец закона Господа Бога Вышняго, прилежно дают ему, даже до сребра талант ста, I Esdras 8:20 такожде и до пшеницы спудов ста и вина до мер ста: I Esdras 8:21 и ина премнога вся по закону Божию да совершатся с поспешением Богу Вышнему, да не востанет гнев на царство царево и сынов его: I Esdras 8:22 вам же глаголю, да всем священником и левитом, и священнопевцем и вратником, и рабом церковным и писцем церкве тоя, ни едина дань, ниже ина тягота будет, и ни едину власть имети налагати что на них: I Esdras 8:23 ты же, Ездро, по премудрости Божией, постави судии и началники, да судят во всей Сирии и Финикии всех ведущих закон Бога твоего, а неведущих учи: I Esdras 8:24 и вси елицы преступят закон Бога твоего и царский тщателно да накажутся, или смертию, или казнию, или сребра лишением, или изгнанием. I Esdras 8:25 И рече Ездра книгочий: благословен един Господь Бог отец моих, иже даде сия в сердце царево прославити дом Его, иже во Иерусалиме, I Esdras 8:26 и мене почте пред царем и советниками и всеми други и вельможи его: I Esdras 8:27 и аз благодерзостен бых по помощи Господа Бога моего, и собрах от Израиля мужы, да вкупе взыдут со мною. I Esdras 8:28 И сии предводителие по своим отечеством и началством, иже изыдоша со мною из Вавилона в царство Артаксеркса царя: I Esdras 8:29 от сынов Финеесовых Гирсон, от сынов Ифамаровых Гамалиил, от сынов Давидовых Латтус, сын Сехениев, I Esdras 8:30 от сынов Форосовых Захариа и с ним описанных мужей сто пятьдесят, I Esdras 8:31 от сынов Фааф-Моавлих Елиаониа Зареов и с ним мужей двести, I Esdras 8:32 от сынов Зафоевых Сехениа Езеилев и с ним мужей триста, от сынов Адиних Овиф Ионафуев и с ним мужей двести пятьдесят, I Esdras 8:33 от сынов Иламовых Иесиа Гофолиев и с ним мужей седмьдесят, I Esdras 8:34 от сынов Сафатиевых Зараиа Михаилов и с ним мужей седмьдесят, I Esdras 8:35 от сынов Иоавлих Авадиа Иезилов и с ним мужей двести дванадесять, I Esdras 8:36 от сынов Ваниевых Ассалимоф сын Иосафиев и с ним мужей сто шестьдесят, I Esdras 8:37 от сынов Вавиевых Захариа Виваиев и с ним мужей двадесять осмь, I Esdras 8:38 от сынов Астафовых Иоанн Акатань и с ним мужей сто десять, I Esdras 8:39 от сынов Адоникамовых последнии, и сия суть имена их: Елифала сын Иеуилев и Самеа и с нима мужей седмьдесят, I Esdras 8:40 от сынов Вагоевых Уфий Истакуров и с ним мужей седмьдесят. I Esdras 8:41 И собрах их к реце яже нарицается Феран, и ополчихомся три дни зде, и пресмотрих их. I Esdras 8:42 И от сынов священничих и от левитских не обрет тамо, I Esdras 8:43 послах ко Елеазару и Идуилу, и Маазману и Алнафану, и Мамею и Самею и Иориву, Нафану, Еннатану, Захарии и Месулламу, предводителем и ученым, I Esdras 8:44 и рекох им, да приидут к Доддею вожду, иже на месте сокровищехранилницы, I Esdras 8:45 заповедав им рещи Доддею и братии его и сущым на месте сокровищехранителем, да послют к нам священствовати имущих в дому (Господа) Бога нашего. I Esdras 8:46 И приведоша к нам державною рукою Господа Бога нашего мужы учены от сынов Моолиа сына Левиина, сына Израилева, Асевевию и сынов его и братию осмьнадесять, I Esdras 8:47 и Асевию и Аннуа и Осеа брата от сынов Ханунеевых, и сынов их мужей двадесять: I Esdras 8:48 и от церковных служителей, ихже даде Давид и началницы к деланию левитом, церковных служителей двести двадесять: всех же имена знаменованна суть в писании. I Esdras 8:49 И обещах ту пост юношам пред Господем Богом нашим, I Esdras 8:50 да взыщем от Него благ путь нам и сущым с нами чадом нашым и скотом. I Esdras 8:51 Усрамихбося просити от царя пеших и конников и проводников ради охранения нам от супостат, I Esdras 8:52 рекохом бо царю, яко сила Господа нашего будет со ищущими Его на всякое управление. I Esdras 8:53 И паки помолихомся Господу Богу нашему о сих и милостива получихом. I Esdras 8:54 И отлучих от племеноначалников и священников мужей дванадесять Есеврию и Ассамию и с ними от братии их мужей десять, I Esdras 8:55 и извесих им сребро, злато и сосуды священныя дому Бога нашего, яже дарова царь и советницы его и вельможи и весь Израиль: I Esdras 8:56 и извесив предах им сребра талант шесть сот пятьдесят, и сосуд сребряных талант сто, и злата талант сто, и сосудов позлащенных двадесять, и сосудов медяных от избранныя меди блещащихся златовидных, сосудов дванадесять, I Esdras 8:57 и рекох им: и вы святи есте Господу, и сосуди святи, и злато и сребро обещанное Господу Богу отец наших: I Esdras 8:58 бдите и храните, дондеже воздадите вы вся племеноначалником священников и левитов и началником отечеств Израилевых во Иерусалиме в сосудохранителнице дому Бога нашего. I Esdras 8:59 И приемше священницы и левити сребро и злато и сосуды во Иерусалим, внесоша во храм Господень. I Esdras 8:60 И воздвигшеся от реки Феры в дванадесятый день перваго месяца, внидохом во Иерусалим с крепкою рукою Господа нашего, яже с нами: и избави нас Господь от исхода пути от всех враг, и приидохом во Иерусалим. I Esdras 8:61 И егда бысть тамо третий день, в четвертый день измереное злато и сребро предано в дом Господа Бога нашего Мармофе сыну Уриину священнику, I Esdras 8:62 и с ним (бе) Елеазар сын Финеесов, и быста с нима Иосавад сын Иисусов и Моиф Саванниев сын, левитяне: вся по числу и весу, и написан бысть весь вес их в той час. I Esdras 8:63 Пришедшии же от пленения принесоша жертвы Богу Израилеву юнец дванадесять за весь Израиль, овен девятьдесят шесть, агнец седмьдесят два, козлов за спасение дванадесять вся в жертву Господню. I Esdras 8:64 И отдаша повеления царева царевым строителем и епархом Килисирии и Финикии, и почтоша язык и храм Господень. I Esdras 8:65 И совершившымся сим, приступиша ко мне предводителие, глаголюще: I Esdras 8:66 не отлучися род Израилев и началницы, и священницы и левити от иноплеменных языков земли и от нечистот их, от язык Хананеов и Хеттеов, и Ферезеов и Иевусеов, и Моавитов и Египтян и Идумеов: I Esdras 8:67 сопрягошася бо со дщерьми их, и тии и сынове их, и смесися семя святое со иноплеменными языки земскими, и причастницы быша предводителие и вельможи беззакония сего от начала вещи. I Esdras 8:68 И абие, егда услышах сия, раздрах одеяния и священную ризу, и терзах власы главы и брады, и седех скорбен и печален, I Esdras 8:69 и собрашася ко мне, елицы тогда подвизахуся во слове Господа Бога Израилева, мне плачущу о беззаконии, и седех скорбен даже до вечерния жертвы: I Esdras 8:70 и востах от поста, раздрана имеющь одеяния и священную ризу, преклонив колена и простер руце ко Господу, рекох: I Esdras 8:71 Господи, постыдехся и усрамихся пред лицем Твоим, I Esdras 8:72 греси бо наши умножишася выше глав наших, и безумия наша воздвигошася даже до небесе, I Esdras 8:73 еще от времен отец наших, и есмы в велице гресе даже до дне сего: I Esdras 8:74 и ради грех наших и отец наших предани есмы со братиями нашими и с царьми нашими и со священники нашими царем земным в мечь и пленение и в грабление со стыдением даже до днешняго дне: I Esdras 8:75 и ныне колико бысть нам милосердие от Тебе, Господи Боже, еже оставити нам корень и имя на месте святыни Твоея I Esdras 8:76 и еже открыти светилник нам в дому Господа Бога нашего, дати нам пищу во время работы нашея: и егда служихом, не быхом оставлени от Господа Бога нашего, I Esdras 8:77 но постави нас во благодати пред цари Персскими дати нам пищу, I Esdras 8:78 и прославити храм Господа нашего, и воздвигнути опустошенный Сион, дати нам твердыню во Иудеи и Иерусалиме: I Esdras 8:79 и ныне что речем, Господи, имеюще сия? Преступихом бо повеления Твоя, яже дал еси рукою отроков Твоих пророков, глаголя: I Esdras 8:80 яко земля, в нюже ходите наследити, земля осквернена есть скверною иноплеменных земли, и нечистотою своею наполниша ю, I Esdras 8:81 и ныне дщерей ваших не сопрязите сыном их, и дщерей их не приемлите сыновом вашым, I Esdras 8:82 и не взыщите мира имети с ними во все время, да укрепившеся ядите благая земли и достояние разделяете сыновом вашым даже до века: I Esdras 8:83 и яже случаются нам, вся бывают ради дел наших лукавых и великих грех наших: Ты бо, Господи, облегчил еси грехи нашя I Esdras 8:84 и дал еси нам сицевый корень, и паки обратихомся преступити закон Твой, еже смеситися с нечистотою язык земских: I Esdras 8:85 не прогневался ли еси на ны погубити нас, дондеже не останется корень и семя и имя наше? I Esdras 8:86 Господи Боже Израилев, истинен еси, остахомся бо корень до днешняго дне: I Esdras 8:87 се, ныне есмы пред Тобою во беззакониих наших, несть бо стати еще пред Тобою в сих. I Esdras 8:88 И егда моляся Ездра исповедашеся, плачущь на земли ниц простерт пред храмом, собрашася к нему от Иерусалима народ мног зело, мужие и жены, и юноши и юноты: плачь бо бысть велик в том множестве. I Esdras 8:89 И возопив Иехониа Иеилев от сынов Израилевых, рече: Ездро, мы согрешихом ко Господу Богу, пояхом жены иноплеменничи от язык земли: и ныне есть пред тобою весь Израиль: I Esdras 8:90 в том да будет нам клятва пред Господем, еже изгнати всех жен наших, яже от иноплеменных, со чады их, якоже судися тебе, и елицы повинуются закону Господню: I Esdras 8:91 востав совершай, к тебе пристоит дело, и мы с тобою мужественно сотворим. I Esdras 8:92 И востав Ездра, закля племеноначалников священнических и левитских всего Израиля сотворити по сим. И кляшася. I Esdras 9:0 I Esdras 9:1 И востав Ездра от притвора храма, иде в сосудохранилницу Иоанана сына Елиасивова, I Esdras 9:2 и водворився тамо не вкушаше хлеба, ниже воды пияше, рыдая о беззакониих великих народа. I Esdras 9:3 И бысть проповедание во всей Иудеи и Иерусалиме всем, иже бяху от пленения, еже собратися во Иерусалим: I Esdras 9:4 и елицы не приидут в два или три дни, по суду председящих старейшин возмется имение их, и той чуждь будет от множества бывшаго в пленении. I Esdras 9:5 И собрашася вси, иже бяху от колена Иудина и Вениаминова, в три дни во Иерусалим, сей месяц девятый, в двадесятый день месяца, I Esdras 9:6 и седоша все множество на пространствии церковнем, дрожаще ради зимы настоящия. I Esdras 9:7 И востав Ездра рече им: вы беззаконно сотворили есте, и поясте себе жены иноплеменничи, да приложите грехи ко Израилю: I Esdras 9:8 и ныне дадите исповедание и славу Господу Богу отец наших I Esdras 9:9 и сотворите волю Его, и отлучитеся от язык земных и от жен иноплеменных. I Esdras 9:10 И возопи все множество и рекоша гласом великим: тако, якоже рекл еси, сотворим: I Esdras 9:11 но множество велико есть, и время зимно, и не можем стояти без покрова, а дело несть нам единаго дне, ни дву, много бо в сих согрешихом: I Esdras 9:12 да предстанут же и предводителие народа, и вси, иже с нами обитают, елицы имеют жен иноплеменных, да приидут обретше время, I Esdras 9:13 и от всякаго места старейшины и судии, дондеже разрешится гнев Господень от нас, дела сего. I Esdras 9:14 Ионафас сын Азаилев и Езекиа Фокануев сын Прияста по сему, и Месуллам и Левис и Савватий вкупе содействоваша има: I Esdras 9:15 и сотвориша по всему сему бывшии от пленения. I Esdras 9:16 И избра себе Ездра священник мужы началники отечеств их всех по имени, и седоша вкупе в новомесячии десятаго месяца испытати дело то. I Esdras 9:17 И приведено бысть ко окончанию о мужех, иже имяху жены иноплеменничи, даже до новомесячия перваго месяца. I Esdras 9:18 И обретошася от иереев собравшиися имуще жен иноплеменничих: I Esdras 9:19 от сынов Иисуса сына Иоседекова и братии его Мафила и Елеазар, и Иорив и Иоадан, I Esdras 9:20 и возложиша руки, да изгонят жены своя, и во умилостивление овны за неведение свое: I Esdras 9:21 и от сынов Еммировых Ананиа и Завдей, и Ианин и Самиа, и Иереил и Азариа, I Esdras 9:22 и от сынов Фесуровых Елионас, Масиа, Исмаил и Нафанаил, и Окидил и Салоа: I Esdras 9:23 и от левит Иозавад и Семей, и Колий (сей есть Калита) и Фафей, и Иуда и Иона: I Esdras 9:24 от священнопевцев Елиаксур, Вакхур: I Esdras 9:25 от дверник Саллум и Толван: I Esdras 9:26 от Израиля, от сынов Форосовых Иерма, Иеддиа и Мелхиа, и Маил и Елеазар, и Асивиа и Ваанеа, I Esdras 9:27 от сынов Илаевых Матфаниа, Захариа и Иереил, и Иеримоф и Аидиа, I Esdras 9:28 и от сынов Замофовых Елиада, Елисим, Офониа, Иаримоф, Сават и Сардей, I Esdras 9:29 и от сынов Виваевых Иоанн и Ананиа, и Иозавад и Емафий, I Esdras 9:30 от сынов Маниевых Олам, Мамух, Иеддей, Иасув и Иасаил и Иеримоф, I Esdras 9:31 и от сынов Аддиевых Наафий и Моосиа, Лакун и Наид, и Матфаниа и Сесфил, и Валнуй и Манассиа, I Esdras 9:32 и от сынов Ананих Елиона и Иасей, и Мелхиа и Саввей и Симон Хосамей, I Esdras 9:33 и от сынов Асомовых Алтаней и Матфий, и Ванеа и Елифалат, и Манассиа и Семей, I Esdras 9:34 и от сынов Ваанииных Иеремиа, Момдий, Исмаир, Иуил, Мавдай и Педиа и Анос, Равасион и Иенасив и Мамнитанаим, Елиасий, Вануй, Елиалий, Самий, Селемиа, Нафаниа, и от сынов Озораевых Сесий, Езрил, Азаил, Самат, Замврий, Иосиф, I Esdras 9:35 и от сынов Ефмы Мазитиа, Завадаиа, Идаий, Иуил, Ванеа: I Esdras 9:36 вси сии пояша себе жены иноплеменничи и отпустиша их со чады. I Esdras 9:37 И вселишася священницы и левити, и иже (бяху) от Израиля во Иерусалиме и во стране, в новомесячии седмаго месяца, и сынове Израилевы во обителех своих. I Esdras 9:38 И собрася все множество единодушно на пространство, еже ко востоку врат священных, I Esdras 9:39 и рекоша Ездре архиерею и чтецу, да принесет закон Моисеов, преданный от Господа Бога Израилева. I Esdras 9:40 И принесе Ездра архиерей закон всему множеству, от мужа даже до жены, и всем священником слышати закон в новомесячии седмаго месяца, I Esdras 9:41 и чтяше на пространстве, еже пред священными враты церковными, от утра даже до полудне пред мужми же и женами: и даша все множество чувства в закон. I Esdras 9:42 И ста Ездра священник и чтец закона на древянем амвоне, иже соделан бысть: I Esdras 9:43 и сташа при нем Маттафиа, Самуй, Ананиа, Азариа, Уриа, Езекиа, Валасам одесную, I Esdras 9:44 ошуюю же Фалдей и Мисаил, Мелхиа, Аофасув, Навариа, Захариа. I Esdras 9:45 И взем Ездра книгу закона пред всем множеством, председяше бо во славе пред всеми, I Esdras 9:46 и егда толковаше закон, вси прямо стояху. И благослови Ездра Господа Бога Вышняго, Бога Саваофа Вседержителя. I Esdras 9:47 И возгласи весь народ: аминь. И воздвигше горе руки и припадше на землю, поклонишася Господу. I Esdras 9:48 Иисус и Ануй, и Саравиа и Иадин и Иакув, Саватиа, Автей, Меаней и Калита, Азариа и Иозавд, и Ананиа и Виата, левити, учаху закону Господню и ко множеству чтяху закон Господень, внушающе купно чтение. I Esdras 9:49 И рече Атфарат Ездре архиерею и чтецу, и левитом, иже учаху множество, глаголя: I Esdras 9:50 день сей свят есть Господу, и вси плакаху, егда слышаху закон. (и рече Ездра:) I Esdras 9:51 шедше убо ядите тучная и пийте сладкая и послите неимущым: I Esdras 9:52 свят бо день Господень, и не скорбите, Господь бо прославит вас. I Esdras 9:53 И левити повелеша всему сонму, глаголюще: день сей свят Господеви, не скорбите. I Esdras 9:54 И идоша вси ясти и пити и веселитися и дати неимущым, да радуются (зело) много: I Esdras 9:55 еще бо содержаша словеса, имже научишася, и собрашася.
Tobit 0:0
Книга Товита Tobit 1:0 Tobit 1:1 Книга словес Товита, сына Товиилева, сына Ананиилева, сына Адуилева, сына Гаваилева, от семене Асиилева, от племене Неффалимля, Tobit 1:2 иже пленен бе во дни Енемессара Сара царя Ассирийска от Фисвы, яже есть одесную Кидиа Неффалимля в Галилеи выше Асира. Аз Товит путем истины ходих и правды вся дни живота моего Tobit 1:3 и милостыни многи творих братии моей и языку моему, шедшым со мною во страну Ассирийскую в Ниневию: Tobit 1:4 и егда бех во стране моей в земли Израилеве, юнеишу ми сущу, все племя Неффалима отца моего отступи от дому Иерусалимля, избраннаго от колен Израилевых, еже жрети всем коленом: и освящен бысть храм обитания Вышнему и создан бысть во вся роды века: Tobit 1:5 и вся колена купно отступившая жряху Ваалове юнице, и дом Неффалима отца моего: Tobit 1:6 аз же един хождах многажды во Иерусалим в праздники, якоже писано есть всему Израилю в повелении вечне, начатки и десятины плодов и первострижения имеяй, Tobit 1:7 и даях я иереем сыном Аароним ко олтарю: от всех плодов десятину даях сыном Левииным служащым во Иерусалиме, и вторую десятину продаях, и хождах и иждивах я во Иерусалиме на коеждо лето, Tobit 1:8 третию же даях, имже подобаше, якоже заповеда Деввора мати отца моего,зане сир остах от отца моего. Tobit 1:9 И егда бых муж, поях Анну жену от семене отечества нашего, и родих от нея Товию. Tobit 1:10 И егда пленени быхом в Ниневию, вся кратия моя и иже от рода моего ядоша от хлебов языческих: Tobit 1:11 аз же соблюдох душу мою еже не ясти, Tobit 1:12 яко памятствовах Бога всею душею моею. Tobit 1:13 И даде Вышний благодать и доброту пред Енемессаром, и бых его купец: Tobit 1:14 и идох в Мидию и вдах Гаваилу брату Гавриеву в Рагах Мидийских сребра десять талант. Tobit 1:15 И егда умре Енемессар, воцарися Сеннахирим сын его вместо его, и путие его непостоянни быша, и ктому не возмогох ити в Мидию. Tobit 1:16 И во днех Енемессара милостыни многи творих братии моей: Tobit 1:17 хлебы моя даях алчущым и одеяние нагим, и аще коего от рода моего видех умерша и извержена вне стены Ниевии, погрбах его: Tobit 1:18 и аще коего убиваше Сеннахирим царь, егда прииде бежай от Иудеи, погребах их отай: многих бо уби в ярости своей: и искома бываху от царя телеса, и не обретахуся. Tobit 1:19 Шед же един от сущих в Ниневии, сказа царю о мне, яко погребаю их. И скрыхся. Уедав же, яко ищут мя убити, убоявся отидох: Tobit 1:20 и разграблена быша вся имения моя, и не остася ми ничтоже, кроме Анны жены моея и Товии сына моего. Tobit 1:21 И не преидоша дние пятьдесят, донележе убиста его два сына его и бежаста в горы Араратския: и воцарися Сахердан сын его вместо его, и постави Ахиахара Анаила, сына брата моего, над всем сочислением царствия своего и над всем устроением. Tobit 1:22 И проси Ахиахар о мне, и приидох в Ниневию. Ахиахар же бе вииочерпчий и над перстнем, и управитель и сочислитель, и постави его Сахердан вторым: бе же сын брата моего. Tobit 2:0 Tobit 2:1 Егда же приидох в дом мой, и отдана бысть мне Анна жена моя и Товиа сын мой, в праздник пятьдесятницы, иже есть свят седмь седмиц, бысть обед добр мне, и возлегох, еже ясти. Tobit 2:2 И узрех снеди многи и рех сыну моему: иди и приведи, егоже аще обрящеши от братии нашея нищаго, иже помнит Господа, и се, ожидаю тебе. Tobit 2:3 И пришед рече: отче, един от рода нашего удавлен повержен есть на торжищи. Tobit 2:4 И аз, прежде неже вкусити ми, взях его в некий дом, донележе зайде солнце: Tobit 2:5 и возвратився умыхся и ядох хлеб мой в скорби, Tobit 2:6 и помянух пророчество Амоса, якоже рече: обратятся дние ваши в плачь, и вся веселия ваша в сетование: Tobit 2:7 и плакахся: и егда зайде солнце, поидох и ископав погребох его. Tobit 2:8 Ближнии же посмевахуся, глаголюще: еще не боится убиен быти за дело сие: и бежа, и се, паки погребает мертвыя. Tobit 2:9 И в ту нощь, егда погребох, возвратихся и легох осквернен при стене двора, и лице мое откровено бе: Tobit 2:10 не видех же, яко врабия на стене суть, и очесем моим отверстым сущым, испустиша врабия теплое на очеса моя, и быша бельма на очесех моих: и идох ко врачем и не пользоваша мя: Ахиахар же питаше мя, дондеже отидох во Елимаиду. Tobit 2:11 А жена моя Анна волну прядяше в домех женских Tobit 2:12 и посылаше господием: даяху же ей и они мзду, придавше и козля. Tobit 2:13 Егда же прииде ко мне, нача вопити: и рех ей: откуду козля? Не украдено ли есть? Отдаждь е господием: не бо лепо есть ясти краденое. Tobit 2:14 Она же рече: дар дадеся ми над мзду. И не веровах ей и глаголах отдати е господием, и стыдяхся пред нею. Она же отвещавши рече ми: где суть милостыни твоя и правды твоя? Се, ведома вся с тобою. Tobit 3:0 Tobit 3:1 И опечалився плаках, и молихся с болезнию, глаголя: Tobit 3:2 праведен еси, Господи, и вся дела Твоя, и вси путие Твои милость и истниа, и суд истинен и праведен Ты судиши во век: Tobit 3:3 помяни мя и призри на мя да не отмщаеши ми грехи моя и неведения моя и отец моих, имиже согрешиша пред Тобою: Tobit 3:4 преслушаша бо заповеди Твоя и дал еси нас в расхищение и пленение и смерть и в притчу поношения всем языком, в няже расточихомся: Tobit 3:5 и ныне многи судбы Твоя суть и истинны, творите со мною о гресех моих и отец моих, яко не сотворихом повелений Твоих, не бо ходихом во истине пред Тобою: Tobit 3:6 и ныне, якоже угодно пред Тобою, сотвори со мною: повели отяти дух мой, яко да разрешуся и буду земля, понеже уне есть ми умрети, нежели живу быти, зане поношения лжива слышах, и печаль есть многа во мне: повели отрешитися ми от нужды уже на вечное место, да не отвратиши лица Твоего от мене. Tobit 3:7 В тойже день случися дщери Рагуилевей Сарре бо Екватанех Мидии, и той поносимей быти от рабынь отца ея: Tobit 3:8 ако бяше дана седми мужем, и Асмодей лукавый демон уби их, прежде даже быти им с нею яко с женами: и реша ей: не разумееши ли убивающи твоих мужей? Уже седмь имела еси, и ни единаго их нареклася еси: Tobit 3:9 что нас биеши? Аще измроша, иди с ними, да не видим твоего сына или дщере во век. Tobit 3:10 Сия слышавши опечалися зело, яко удавитися, и рече: едина убо есмь отцу моему: аще сотворю сие, укоризна ему будет, и старость его низведу с болезнию во ад. Tobit 3:11 И моляшеся при оконцы и рече: благословен еси, Господи Боже мой, и благословено имя Твое святое и честное во веки: да благословят Тя вся дела Твоя во век: Tobit 3:12 и ныне, Господи, очи мои и лице мое ко Тебе дах: Tobit 3:13 рех да разрешиши мя от земли и да не слышу аз ктому поношения: Tobit 3:14 ты веси, Господи, яко чиста есмь от всякаго греха мужня Tobit 3:15 и не оскверних имене моего ниже имене отца моего в земли пленения моего: единородна есмь отцу моему, и несть ему отрочища, иже наследит его, ниже брата ближняго, ниже сущаго ему сына да соблюду мя тому в жену: уже погибоша ми седмь: вскую ми жити? И аще не угодно есть Тебе убити мя, повели призрети на мя и помиловати мя, да не ктому слышу поношение. Tobit 3:16 И услыша Господь молитву обоих пред славою великаго Рафаила, Tobit 3:17 и послан бе изцелити обоих, Товиту очистити бельма и Сарру дщерь Рагуилеву дати Товии сыну Товитову в жену, и связати Асмодеа лукаваго демона, зане Товии подоает наследити ю. В то время возвратився Товит, вниде в дом свой, а Сарра дщи Рагуилева сниде от горницы своея. Tobit 4:0 Tobit 4:1 В день он воспомяну Товит о сребре, еже вдаде Гаваилу в Рагах Мидийских, Tobit 4:2 и рече в себе: аз просих смерти, что не зову Товии сына моего, да ему объявлю, прежде даже умрети ми? Tobit 4:3 И призвав его рече: чадо, аще умру, погреби мя, и да не презираеши матере твоея: чти ю вся дни живота твоего и твори еже угодно ей, и да не опечаляеши ея: Tobit 4:4 помяни, чадо, яко многа бедстгвия виде о тебе во чреве: егда умрет, поогреби ю при мне во единем гробе: Tobit 4:5 вся дни, чадо, Господа Бога нашего помни, и да не похощеши согрешати и преступати заповеди Его: правду твори вся дни живота твоего, и да не ходиши путем неправды, Tobit 4:6 зане творящу ти истину благопоспешества будут в делех твоих и всем творящым правду: Tobit 4:7 от имений твоих твори милостыню, и да не зазрит твое око, внегда творити ти милостыню: да не отвращаеши лица твоего от всякаго нищаго, и от тебе не отвратится лице Божие: Tobit 4:8 якоже тебе будет по множеству, твори от них милостыню: аще мало тебе будет, по малому да не боишися творити милостыню: Tobit 4:9 залог бо добр сокровищствуеши тебе на день нужды, Tobit 4:10 зане милостыня от смерти избавляет и не оставляет ити во тму: Tobit 4:11 дар бо добр есть милостыня всем творящым ю пред Вышним: Tobit 4:12 внемли себе, чадо, от всякаго блудодеяния, и жену первее поими от семене отец твоих: да не поймеши жены чуждия, яже несть от племене отца твоего, зане сынове пророков есмы: Ное, Авраам, Исаак, Иаков отцы наши от века: помяни, чадо, яко сии вси пояша жены от братии своих и благословени быша в чадех своих, и семя их наследит землю: Tobit 4:13 и ныне, чадо, люби братию твою и не возносися сердцем твоим паче братий твоих и сынов и дщерей людий твоих, пояти тебе от них жену, зане в гордыни погибель и развращение много, и в непотребстве умаление и убожество велико, ибо непотребство мати есть глада: Tobit 4:14 мзда всякаго человека, иже аще работати будет у тебе, да не премедлит, но отдаждь ему абие: аще послужиши Богу, воздастся тебе: внемли тебе, чадо, во всех делех твоих и буди наказан во всем житии твоем, Tobit 4:15 и еже ненавидиши, да ни комуже твориши: вина в пиянство да не пиеши и да не ходит с тобою пиянство в пути твоем: Tobit 4:16 от хлеба твоего даждь алчущему и от одяний твоих нагим: все, еже аще преизбудет тебе, твори милостыню, и да не зазрит твое око, внегда творити ти милостыню: Tobit 4:17 иждивай хлебы твоя при гробе праведных, грешником же да не даси: Tobit 4:18 совета у всякаго премудраго ищи, и да не небрежеши о всяцем совете полезнем: Tobit 4:19 и на всякое время благослови Господа Бога и от Него проси, яко да путие твои прави будут, и вся стези и совети твои да благоуспеют, зане всяк язык не имет совета, но Сам Господь дает вся благая, и егоже аще восхощет, смиряет, якоже хощет: и ныне, чадо, помяни заповеди моя, и да не изгладятся от сердца твоего: Tobit 4:20 и ныне объявляю тебе десять талант сребра, яже вдах Гаваилу сыну Гавриину в Рагах Мидийских: Tobit 4:21 и не бойся, чадо, яко обнищахом: суть тебе многа, аще уоишися Бога и отступиши от всякаго греха и сотвориши, еже угодно пред Ним. Tobit 5:0 Tobit 5:1 И отвешав Товиа, рече ему: отче, сотворю вся, елика заповедал еси ми: Tobit 5:2 но како возмогу взяти сребро, а не знаю его? Tobit 5:3 И даде ему рукописание и рече ему: ищи себе человека, иже пойдет с тобою, и дам ему мзду, дондеже жив есмь, и шед возми сребро. Tobit 5:4 И иде искати человека, и обрете Рафаила, иже бе Ангел, и не ведяше: Tobit 5:5 и рече ему: могу ли пойти с тобою в Раги Мидииския, и известен ли еси о местех? Tobit 5:6 И рече ему Ангел: пойду с тобою, и путь вем, и у Гаваила брата нашего живях. Tobit 5:7 И рече ему Товиа: пожди мя, и реку отцу моему. Tobit 5:8 И рече ему: иди и не косни. Tobit 5:9 И вшед рече отцу: се, обретох, иже пойдет со мною сей же рече: пригласи его ко мне, да увем, коего племене есть, и аще верен есть, еже ити с тобою. Tobit 5:10 И призва его: и вниде, и приветствоваста друг друга. Tobit 5:11 И рече ему Товит: брате, от коего племене и от коего отечества еси ты? Скажи ми. Tobit 5:12 И рече ему: племене и отечества ты ищеши? Или наемника, иже спутьшествует с сыном твоим? И рече ему Товит: хощу брате, ведати род твой и имя. Tobit 5:13 Он же рече: аз Азариа Анании великаго от братии твоея. Tobit 5:14 И рече ему: благо пришел еси, брате, и на мя да не гневаешися, яко взысках племя твое и отечество твое уведати, и ты еси брат мой от добра и блага рода: знах бо аз Ананию и Ионафана сынов Семеа великаго, яко ходихом купно во Иерусалим кланятися, приносяще первородная и десятины плодов, и не заблудиша в заблуждении братии нашея: от корене великаго еси, брате: Tobit 5:15 но рцы мне, кую тебе имам мзду дати? Драхму на день и нуждная тебе якоже и сынови моему: Tobit 5:16 и еще приложу тебе над мзду, аще здрави возвратитеся. Tobit 5:17 И благоизволиста тако. И рече к Товии: готов буди к пути, и да благоспешится вама. И уготова сын его, яже к пути. И рече ему отец его: иди с человеком сим: обитаяй же на небеси Бог благоустроит путь ваш, и Ангел Его да спутьшествует вама. И изыдоста оба отити, и пес отрочища с нима. Tobit 5:18 Плакася же Анна мати его и рече к Товиту: почто отпустил еси чадо наше? Или не жезл руки нашея есть, внегда входите ему и исходити пред нама? Tobit 5:19 Сребро сребром да не возвратится, но уметы сына нашего да будет: Tobit 5:20 яко бо дадеся нама жити от Господа, сие доволно есть нама. Tobit 5:21 И рече ей Товит: не печалися, сестро, здрав приидет, и очи твои узрят его: Tobit 5:22 Ангел бо благ спутьшествовати будет ему и благоуспеется путь его, и возвратится здрав. Tobit 6:0 Tobit 6:1 И преста плакати. Tobit 6:2 Она же шедша путем, приидоста в вечер ко Тигру реце и пребыста тамо. Tobit 6:3 Отрочищь же сниде омытися и изскочи рыба от реки и хотяше пожрети отрочища. Tobit 6:4 Ангел же рече ему: возми рыбу. И ят рыбу отрочищь и изверже ю на землю. Tobit 6:5 И рече ему Ангел: разрежи рыбу, и взяв сердце и печень и желчь, положи сохранно. Tobit 6:6 И сотвори отрочищь, якоже рече ему Ангел: рыбу же испекша, снедоста: и идоста оба, донелиже прилижистася ко Екватаном. Tobit 6:7 И рече отрочищь Ангелу: Азариа брате, что есть сердце и печень и желчь рыбия? Tobit 6:8 И рече ему: сердце и печень, аще кого смущает демон или дух зол, сим подобает курити пред человеком или женою, и ктому не будет смущатсия: Tobit 6:9 желчь же, помазати человека, иже имать бельма на очесех, и изцелеет. Tobit 6:10 Егда же приближистася ко Раге, Tobit 6:11 рече Ангел отрочищу: брате, днесь пребудем у Рагуила, и он сродник твой есть, и есть ему дщерь единородна именем Сарра: Tobit 6:12 возглаголю о ней, еже датися тебе ей в жену, зане тебе надлежит наследие ея, и ты един еси от рода ея: отроковица же красна и умна есть: Tobit 6:13 и ныне послушай мя, и возглаголю отцу ея, и егда возвратимся от Раг, сотворим брак: понеже вем Рагуила, яко не даст ея мужу иному по закону Моисеову, или повинен будет смерти, зане наследие тебе подобает прияти, нежели всякому человеку. Tobit 6:14 Тогда рече отрочищь Ангелу: Азариа брате, слышах аз, яко отроковица дана бе седми мужем, и вси в невестнице погибоша: Tobit 6:15 и ныне аз един есмь отцу и боюся, да не вшед умру якоже и прежднии, понеже демон любит ю иже не вредит ни когоже разве приходящих к ней: и ныне аз боюся да не умру и низведу живот отца моего и матере моея с печалию о мне во гроб их, и сын другий несть има, иже погребет я. Tobit 6:16 Рече же ему Ангел: не помниши ли словес, яже заповеда тебе отец твой, о еже взяти тебе жену от рода твоего? И ныне послушай мя, брате, понеже тебе будет в жену, а о демон ни единыя мысли имей, зане в нощь сию дастся тебе она в жену: Tobit 6:17 и аще внидеши в невестник, возмеши жераток фимиамный, и возложиши от сердца и от печени рыбныя и покуриши: Tobit 6:18 и обоняет демон, и отбежит и не возвратитися во век века: егда же приидеши к ней, востаните оба и возопийте к милостивому Богу, и спасет вас и помилует: не бойся, зане тебе сия уготована есть от века, и ты ю спасеши, и пойдет с тобою, и непщую, яко тебе будут от нея чада. И яко услыша Товиа сия, возлюби ю, и душа его прилепися зело ей. И приидоста во Екватаны. Tobit 7:0 Tobit 7:1 И приидоста в дом Рагуилев: Сарра же срете их и радостно приветствоваше их, а она ю: и введе их в дом. Tobit 7:2 И рече Рагуил Едне жене своей: коль подобен юноша Товиту сыну брата моего? Tobit 7:3 И вопроси их Рагуил: откуду есте, братия? И реста ему: от сынов Неффалимлих плененных в Ниневию. Tobit 7:4 И рече има: знаета ли Товита брата нашего? Она же реста: знаема. И рече има: здравствует ли? Tobit 7:5 Она же реста: и жив есть и здравствует. И рече Товиа: отец мой есть. Tobit 7:6 И изскочи Рагуил, и облобыза его, и плакася, Tobit 7:7 и благослови его, и рече ему: добраго и благаго человека сын. И слышав, яко Товит погуби очи свои, скорбен бысть и плакася: Tobit 7:8 и Една жена его и Сарра дщерь его плакастеся. И прияша их усердно, Tobit 7:9 и заклаша овна от овец, и предложиша снеди множайшыя. Рече же Товиа Рафаилу: Азариа брате, рцы, о нихже глаголал еси на пути, и да совершится дело. Tobit 7:10 И сообщи слово Рагуилу. И рече Рагуил к Товии: яждь, пий и благодушествуй, тебе бо достоит детище мое взяти: обаче объявлю тебе истину: Tobit 7:11 вдавах детище мое седми мужем, и егда вхождаху к ней, умираху под нощь: но ныне благодушествуй. И рече Товиа: не вкушу ничтоже зде, дондеже поставите и совещаетеся со мною. И рече Рагуил: поими ю отныне по обычаю: ты бо брат еси ея, и она твоя есть, милостив же Бог да благопоспешит вама во благая. Tobit 7:12 И призва Сарру дщерь свою, и емь руку ея, предаде ю Товии в жену и рече: се, по закону Моисеову поими ю и отведи ко отцу твоему и благослови их. Tobit 7:13 И призва Едну жену свою, и взем книгу, написа пнсание и запечатле. Tobit 7:14 И начаша ясти. Tobit 7:15 И призва Рагуил Едну жену свою и рече ей: сестро, уготови ин чертог и введи ю. Tobit 7:16 И сотвори, якоже рече: и введе ю тамо и плакася: и восприят слезы дщере своея и рече ей: Tobit 7:17 уповай, чадо, Господь небесе и земли да даст тебе радость вместо печали твоея тоя: уповай, дщи. Tobit 8:0 Tobit 8:1 Егда же окончаша вечерю, введоша Товию к ней. Tobit 8:2 Он же идый помяну словеса Рафаилова, и взя жераток фимиамный, и возложи сердце рыбие и печень, и покури: Tobit 8:3 егда же обоня демон воню, отбеже в вышняя Египта, и связа его Ангел. Tobit 8:4 Егда же заключена быста оба, воста Товиа от ложа и рече: востани, сестро, и помолимся, да помилует ны Господь. Tobit 8:5 И нача Товиа глаголати: благословен еси, Боже отец наших, и благословено имя Твое святое и славное во веки, да благословят Тя небеса и вся создания Твоя: Tobit 8:6 Ты сотворил еси Адама и дал еси ему помощницу Еву утверждение жену его: от тех родися человеческое семя: Ты рекл еси: не добро быти человеку единому, сотворим ему помощницу подобную ему: Tobit 8:7 и ныне, Господи, не блудодеяния ради аз поемлю сестру мою сию, но по истине: повели помиловану ми быти и с нею состаретися. Tobit 8:8 И рече с ним: аминь. Tobit 8:9 И спаста оба нощию, и востав Рагуил пойде и ископа гроб, глаголя: Tobit 8:10 еда и той умре? Tobit 8:11 И прииде Рагуил в дом свой Tobit 8:12 и рече Едне жене своей: посли едину от рабынь, и да видит, аще жив есть: аще же ни, да погребем его, и да никтоже увесть. Tobit 8:13 И вниде рабыня отверзши дверь, и обрете обоих спящих, Tobit 8:14 и изшедши возвести им, яко жив есть. Tobit 8:15 И благослови Рагуил Бога, глаголя: благословен еси Ты, Боже, во всяцем благословении чистем и святем: и да благословят Тя святии Твои и вся создания Твоя, и вси Ангели Твои и избранни Твои: да благословят Тя во веки: Tobit 8:16 благословен еси, яко возвеселил мя еси, и не бысть ми, якоже непщевах, но по мнозей милости Твоей сотворил еси с нами: Tobit 8:17 благословен еси, яко помиловал еси двоих единородных: сотвори има, Владыко, милость, соверши живот их во здравии с веселием и милостию. Tobit 8:18 Повеле же рабом засыпати гроб, Tobit 8:19 и сотвори им брак дний четыренадесять, Tobit 8:20 и рече ему Рагуил, прежде даже совершитися днем брака, с клятвою, да не изыдет, аще не исполнятся четыренадесять дние брака: Tobit 8:21 и тогда взем пол имений своих да пойдет со здравием ко отцу: прочая же, егда умру и жена моя. Tobit 9:0 Tobit 9:1 И призва Товиа Рафаила и рече ему: Tobit 9:2 Азариа брате возми с собою отрока и два велблюда, и пойди в Раги Мидииския ко Гаваилу, и принеси ми сребро, и самого приведи ми на брак, Tobit 9:3 понеже закля Рагуил не исходити ми, Tobit 9:4 а отец мой сочисляет дни, и аще премедлю много, скорбети будет зело. Tobit 9:5 И иде Рафаил, и пребысть у Гаваила, и даде ему рукописание: он же изнесе мешцы с печатьми и вдаде ему. Tobit 9:6 И обутреневаста купно и приидоста на брак. И благослови Товиа жену свою. Tobit 10:0 Tobit 10:1 И Товит отец его сочисляше кийждо день: и егда исполнишася дние пути, и не прихождаху, Tobit 10:2 рече Товит: еда како посрамлени суть? Или негли умре Гаваил, и никтоже ему дает сребра? Tobit 10:3 И скорбяше зело. Tobit 10:4 Рече же ему жена его: погибе отрочищь, понеже умедли. И нача плакастися его и рече: Tobit 10:5 несть попечения мне, чадо, понеже лишихся тя света очию моею. Tobit 10:6 Товит же глаголет ей: молчи, не печалися, здрав есть. Tobit 10:7 И рече ему молчи, не прельщай мене, погибе отрочищь мой. И исхождаше на всяк день на путь вне, имже отиде: и во дни хлеба не ядяше, в нощех же не преставаше плачущися Товии сына своего, донележе скончашася четыренадесять дние брака, в няже закля Рагуил пребыти ему тамо. Рече же Товиа Рагуилу: отпусти мя, зане отец мой и мати моя не ктому надеются видети мя. Tobit 10:8 Рече же ему тесть его: пребуди у мене, и Аз послю ко отцу твоему, и возвестят ему, яже о тебе. Tobit 10:9 И Товиа рече: ни, но отпусти мя ко отцу моему. Tobit 10:10 Востав же Рагуил, даде ему Сарру жену его и пол имений, рабы и скоты и сребро, Tobit 10:11 и благословив я отпусти, глаголя: да благопоспешит вам, чада, Бог Небесе прежде неже умрети ми. Tobit 10:12 И рече дщери своей: чти свекров твоих, тии ныне родителие твои суть, да слышу о тебе слух добр. И облобыза ю. И Една рече ко Товии: брате возлюбленне, да возвратит тя Господь Небесе и да даст ми видети твоя чада от Сарры дщере моея, да возвеселюся пред Господем: и се, вдаю тебе дщерь мою в залог, и да не опечаляеши ея. Tobit 10:13 По сих отиде Товиа благословя Бога, яко благопоспеши путь его: и благословяше Рагуила и Едну жену его, и идяше, дондеже приближитися им к Ниневии. Tobit 11:0 Tobit 11:1 И рече Рафаил ко Товии: не веси ли, брате, како оставил еси отца твоего? Tobit 11:2 Предтецем пред женою твоею и уготоваим дом: Tobit 11:3 возми же в руку желчь рыбию. И поидоста, и купно иде пес вслед их. Tobit 11:4 Анна же седяше обзирающи на пути сына своего. Tobit 11:5 И усмотри его грядуща и рече отцу его: се, сын мой грядет и человек пошедый с ним. Tobit 11:6 А Рафаил рече: вем аз, Товие, яко отверзет очи отец твой: Tobit 11:7 ты убо помажи желчию на очесех его, и угрызен отрет, и отверзет бельма, и узрит тя. Tobit 11:8 И притекши Анна нападе на выю сына своего и рече ему: видех тя, чадо, отныне да умру. И плакастася оба. Tobit 11:9 Товит же исхождаше ко дверем и преткнуся. Сын же его притече к нему Tobit 11:10 и подя отца своего и посыпа желчь на очеса отца своего, глаголя: дерзай, отче. Tobit 11:11 Егда же огрызена быша, отре очи свои, Tobit 11:12 и отртошася от углов очес его бельма, и видев сына своего, нападе на выю его Tobit 11:13 и плакася и рече: благословен еси, Боже, и благословено имя Твое во веки, и благословени вси святии Твои Ангели, Tobit 11:14 яко наказал еси и помиловал еси мя: се, вижду Товию сына моего. И вниде сын его радуяся, и возвести отцу своему величия бывшая ему в Мидии. Tobit 11:15 И изыде Товит во сретение невестки своея радуяся и благословя Бога, ко вратом Ниневии. И чудяхуся видящии его грядуща, яко прозре. Tobit 11:16 И Товит исповедашеся пред ними, яко помилова его Бог. И егда приближися Товит к Сарре невестце своей, благослови ю, глаголя: прииди здрава, дщи: благословен Бог, Иже приведе тя к нам, и отец твой и мати твоя. И бысть радость всем сущым в Ниневии братиям его. Tobit 11:17 И прииде Ахиахар, и Насвас сын брата его, Tobit 11:18 и бысть брак Товии с веселием дний седмь. Tobit 12:0 Tobit 12:1 И призва Товит Товию сына своего и рече ему: промысли, чадо мзду человеку ходившему с тобою: и приложити ему подобает. Tobit 12:2 И рече: отче, не буду обижден дав ему пол, яже принесох, Tobit 12:3 понеже приведе мя тебе здрава и жену мою изцели, и сребро мое принесе, и тебе такожде уврачева. Tobit 12:4 И рече старец: праведно есть ему. Tobit 12:5 И призва Ангела и рече ему: возми пол всех, яже принесосте, и пойди здрав. Tobit 12:6 Тогда призвав обоих тайно, рече има: благословите Бога и Тому исповедайтеся, и величие дадите Ему, и исповедайтеся Ему пред всеми живущими о сих, яже сотвори с вама: добро еже благословити Бога и возносити имя Его, словеса дел Божиих благочестно сказующе: и да не ленитеся исповедатися Ему: Tobit 12:7 тайну цареву добро хранити, дела же Божия открывати славно: добро творите, и зло не обрящет вы: Tobit 12:8 благо молитва с постом и милостынею и правдою: благо малое с правдою, нежели много с неправдою: добро творити милостыню, нежели сокровиществовати злато, Tobit 12:9 милостыня бо от смерти избавляет и тая очищает всяк грех: творящии милостыни и правды исполнятся жизни, Tobit 12:10 согрешающии же врази суть своего живота: Tobit 12:11 не утаю от вас всякаго словесе, рех бо: тайну цареву хранити добро, дела же Божия открывати славно: Tobit 12:12 и ныне, егда молился еси ты и невестка твоя Сарра, аз приношах память молитвы вашея пред Святаго, и егда погребал еси мертвыя, подобне присутствовах тебе, Tobit 12:13 и егда не ленился еси востати и оставити обед твой, да отшед покрыеши мертваго, не утаился еси мене благотворяй, но с тобою бех: Tobit 12:14 и ныне посла мя Бог изцелити тя и невестку твою Сарру: Tobit 12:15 аз есмь Рафаил, един от седми святых Ангелов, иже приносят молитвы святых и входят пред славу Святаго. Tobit 12:16 И смятостася оба и падоста на лице, зане убоястася. Tobit 12:17 И рече има: не бойтеся, яко мир вама будет, Бога же благословите во век: Tobit 12:18 яко не своею си благодатию, но волею Бога нашего приидох, сего ради благословите Его во век: Tobit 12:19 вся дни являхся вама, и не ядох, ниже пих, но видение вы зрясте: Tobit 12:20 и ныне исповедайтеся Богу, зане восхожду к Пославшему мя, и напишите вся, яже совершишася, в книгу. Tobit 12:21 И востаста и не ктому видеста его: Tobit 12:22 и исповедаста дела велия и чудная Божия, и како явися има Ангел Господень. Tobit 13:0 Tobit 13:1 И Товит написа молитву в радость и рече: благословен Бог живый во веки и царство Его, Tobit 13:2 зане Он наказует и милует, низводит во ад и возводит, и несть иже избежит руки Его: Tobit 13:3 исповедайтеся Ему, сынове Израилевы, пред языки, зане Той разсея нас в них, Tobit 13:4 тамо являйте величие Его, возносите Его пред всяким живущим, яко Той Господь наш и Бог, Той Отец наш во вся веки, Tobit 13:5 и наказовати имать нас в неправдах наших, и паки помилует и соберет ны от всех языков, идеже аще расточени будете в них: Tobit 13:6 аще обратитеся к Нему всем сердцем вашим и всею душею вашею творити пред Ним истину, тогда обратится к вам и не скрыет лица Своего от вас, и узрите, яже сотворит с вами: и исповедайтеся Ему всеми усты вашими, и благословите Господа правды и возносите Царя веков: аз в земли пленения моего исповедаюся Ему и сказую крепость и величие Его языку грешников: обратитеся, грешницы, и творите правду пред Ним: кто весть, аще благоволит о вас и сотворит милость вам? Tobit 13:7 Бога моего возношу, и душа моя Царя Небеснаго, и возвеселится о величии Его: Tobit 13:8 да возглаголют вси и да исповедятся Ему во Иерусалиме: Tobit 13:9 Иерусалиме, граде святый, накажет тя за дела сынов твоих и паки помилует сыны праведных: Tobit 13:10 исповедайя Господеви благо и благослови Царя веков, да паки скиния Его созиждется в тебе с радостию, и да возвеселит в тебе плененныя, и да возлюбит в тебе бедныя во вся роды века: Tobit 13:11 языцы мнози отдалеча приидут ко имени Господа Бога, дары в руках имуще и дары Царю Небесе, родове родов восхвалят тя и дадут радование: Tobit 13:12 прокляти вси ненавидящии тя, благословени будут вси любящии тя во век: Tobit 13:13 радуйся и веселися о сынех праведных, зане соберутся и возблагословят Господа праведных: Tobit 13:14 о, блажени любящии тя, возрадуются о мире твоем: блажени, елицы скорвеша о всех наказаниих твоих, зане о тебе возрадуются, видяще всю славу твою, и возвеселятся во век: Tobit 13:15 душа моя да благословит Бога Царя великаго, Tobit 13:16 яко наздан будет Иерусалим сапфиром и смарагдом и каменем честным, стены твоя и столпи и забрала златом чистым, Tobit 13:17 и стогны Иерусалимския вириллом и анфраксом и камением от Суфира утелются, Tobit 13:18 и рекут вся стогны его: аллилуиа и восхвалят, глаголюще: благословен Бог, Иже вознесе во вся веки. Tobit 14:0 Tobit 14:1 И преста исповедаяся Товит. Tobit 14:2 И бе лет осмидесяти осми, егда погуби зраки, и по летех осми прозре: и творяше милостыни, и приложи боятися Господа Бога и исповедатися Ему: Tobit 14:3 зело же состареся, и призва сына своего и шесть сынов его и рече ему: чадо, возми сыны твоя, се, состарехся и при исхождении от жития есмь: Tobit 14:4 пойди в Мидию, чадо, уверихся бо, елика глагола Иона пророк о Ниневии, яко разорится, в Мидии же будет мир паче даже до времене, и яко братия наша на земли расточатся от благия земли, и Иерусалим будет пуст, и дом Божий в нем сожжен будет и пуст будет до времене: Tobit 14:5 и паки помилует их Бог и возвратит их в землю, и созиждут дом, не яков первый, дондеже исполнятся времена века: и по сих возвратятся от пленений и созиждут Иерусалим честно, и дом Божий в нем созиждется во вся роды века зданием славным, якоже глаголаша о нем пророцы: Tobit 14:6 и вси языцы обратятся истинно боятися Господа Бога и опровергнут идолы своя, Tobit 14:7 и возблагословят вси языцы Господа, и людие Его исповедятся Богу, и вознесет Господь люди Своя, и возрадуются вси любящии Господа Бога во истине и правде, творяще милость братии нашей: Tobit 14:8 и ныне, чадо, отиди от Ниневии, яко всячески будут, яже глагола пророк Иона: Tobit 14:9 ты же сохрани закон и повеления и буди любомилостив и праведен, да тебе благо будет: Tobit 14:10 и погреби мя добре, и матерь твою со мною, и да не ктому пребудете в Ниневии: чадо, виждь, что сотвори Аман Ахиахару кормившему его, яко от света отведе его во тму, и елика воздаде ему: и Ахиахар убо спасеся, тому же воздаяние воздадеся, и той сниде во тму: Манассиа сотвори милосердие и спасеся от сети смертныя, юже потче ему: Аман же паде в сеть и погибе: Tobit 14:11 и ныне, чада, веждьте, что милостыня творит и правда избавляет. И сия глаголя, испусти душу свою на одре: бе же лет ста пятидесяти осми. И погребе его славно. Tobit 14:12 И егда умре Анна, погребе ю со отцем своим. Отиде же Товиа с женою своею и с сынми своими во Екватаны ко Рагуилу тестю своему, Tobit 14:13 и состареся честно, и погребе тестев своих славно, и наследи имение их и Товита отца своего: Tobit 14:14 и умре (сый) лет ста двадесяти седми во Екватанех Мидийских: Tobit 14:15 и слыша, прежде неже умрети ему, погубление Ниневии, юже плени Навуходоносор и Асуир: и возрадовася, прежде неже умре, о Ниневии.
Judith 0:0
Книга Иудифь Judith 1:0 Judith 1:1 Лета вторагонадесять царства Навуходоносора, иже царствова над Ассирианы в Ниневии граде велицем, во дни Арфаксада, иже царствова над Мидяны во Екватанех Judith 1:2 и созда во Екватанех окрест стены от каменей тесаных в широту лактей триех, а в долготу лактей шести, и сотвори высоту стены лактей седмидесяти, а широту ея лактей пятидесяти: Judith 1:3 и столпы ея постави на вратех его лактей сто, и широту их основа на лактей шетьдесят: Judith 1:4 и сотвори врата его врата воздвижена в высоту лактей седмьдесят, а широту их лактей четыредесять ко исходу сил сильных его и устроением пешцев его: Judith 1:5 и сотвори брань во дни оны царь Навуходоносор на царя Арфаксада на поли велицем, еже есть в пределех Рагавлих. Judith 1:6 И собрашася к нему вси живущии в горней и вси обитающии при Евфрате и Тигре и Идаспи и на поли Ариоха царя Елимеонска, и собрашася языцы мнози зело на ополчение сынов Хелеудих. Judith 1:7 И посла Навуходоносор царь Ассирийский ко всем обитающым в Персиде и ко всем живущым к западом, обитающым в Киликии и Дамасце, и Ливане и Антиливане, и ко всем живущым на лицы примория, Judith 1:8 и к сущым во языцех Кармила и в Галааде, и в вышней Галилеи и на велицем поли Есдрилона, Judith 1:9 и ко всем сущым в Самарии и градех ея, и об он пол Иордана даже до Иерусалима и Ветани, и Хелла и Кадиса, и реки Египетския и Тафны, и Рамесси и всея земли Гесемския, Judith 1:10 дондеже приити выше Таниса и Мемфиса, и ко всем обитающым во Египте, дондеже приити на пределы Ефиопии. Judith 1:11 И ни во что вмениша вси обитающии по всей земли слово Навуходоносора царя Ассирийска, и не снидошася к нему на брань, понеже не бояшася его, но бысть пред ними аки муж един: и возвратиша посланников его тщих со безчестием от лица своего. Judith 1:12 И разярися Навуходоносор на всяку землю сию зело, и клятся престолом и царством своим всячески отмстити всем пределом Киликии и Дамаска и Сирии, погубити мечем своим и вся живущыя в земли Моавли и сыны Аммони, и всю Иудею и всех сущих во Египте, дондеже приити на пределы двух морь. Judith 1:13 И ополчися в силе своей на Арфаксада царя в лето седмоенадесять, и одоле на брани своей, и победи всю силу Арфаксадову и всю конницу его и вся колесницы его, Judith 1:14 и возоблада градами его: и прииде даже до Екватан, и одержа столпы, и плени стогны его, и красоту его положи во уничижение его: Judith 1:15 и взя Арфаксада на горах Рагавлих, и избоде его сулицами своими, и истреби его даже в день оный: Judith 1:16 и возвратися с ними в Ниневию сам и все присовокупление его, множество мужей ратных многое зело, и бе тамо почивая и пиршествуя сам и сила его дний сто двадесять. Judith 2:0 Judith 2:1 И в лето осмоенадесять, и в двадесять вторый (день) перваго месяца, бысть слово в дому Навуходоносора царя Ассирийска, отмстити всяцей земли, якоже глаголаше. Judith 2:2 И созва вся служители своя и вся вельможы своя, и сообщи с ними тайну совета своего, и соверши всю злобу земли от яст своих: Judith 2:3 и тии судиша истребити всяку плоть, иже не последоваша словеси уст его. Judith 2:4 И бысть, егда соверши совет свой, призва Навуходоносор царь Ассирийский Олоферна вождоначалника силы своея, втораго суща по нем, и рече к нему: Judith 2:5 сия глаголет царь великий, господин всея земли: се, ты изыдеши от лица моего и возмеши с собою мужей уповающих в крепости своей, пешцев до тысящей сто двадесять, и множество коней со всадниками тысящей дванадесять, Judith 2:6 и изыдеши бо сретение всей земли на запады, яко не повинушася глаголу уст моих: Judith 2:7 и возвестиши им уготовляти землю и воду, яко изыду в ярости моей на них, и покрыю все лице земли ногами силы моея, и дам их в расхищение им: Judith 2:8 и язвеннии их исполнят дебри и потоки их, и река наводняющаяся мертвыми их наполнится: Judith 2:9 и приведу плен их до конец всея земли: Judith 2:10 ты же изшед приодержиши мне всяк предел их, и отдадут тебе самих себе, и соблюдеши ми их на день обличения их: Judith 2:11 непокаряющихся же не пощадит око твое, еже дати их на убиение и расхищение во всей земли твоей: Judith 2:12 яко жив аз, и держава царства моего: глаголах и сотворю сия рукою моею: Judith 2:13 ты же да не преступиши единаго коего от глагол господина твоего, но совершая да совершиши, якоже заповедах тебе, и да не укосниши сотворити сия. Judith 2:14 И изыде Олоферн от лица господина своего, и созва вся вельможы и воеводы и началники силы Ассурския, Judith 2:15 и изчисли избранных мужей на ополчение, якоже заповеда ему господин его, до дванадесять тем, и конников стрелцев дванадесять тысящей, Judith 2:16 и устрои их, имже образом брани множество устроевается: Judith 2:17 и взя велблюды и ослы и мски припасов ради своих множество много зело, и овцы и волы и козлы на уготование их, имже не бе числа, Judith 2:18 и пищи всякому мужу во множестве, и злата и сребра из дому царева много зело: Judith 2:19 и изыде сам и вся сила его в путь, еже предити царю Навуходоносору и покрыти все лице земли к западом колесницами и конницами и пешцами избранными своими: Judith 2:20 и многое примешение яко прузи изыдоша с ними и яко песок земли, не бо бе числа от множества их. Judith 2:21 И изыдоша из Ниневии путем триех дний на лице поля Вектилеф, и ополчишися от Вектилефа близ горы сущия ошуюю вышния Киликии. Judith 2:22 И поя всю силу свою, пешцы и конники и колесницы своя, и отиде оттуду в горнюю, Judith 2:23 и изсече Фуда и Луда, и поплени всех сынов Рассиса и сынов Исмаилевых сущих по лицу пустыни Хеллеонския к югу. Judith 2:24 И прейде Евфрат, и пройде Месопотамию, и раскопа вся грады высокия сущыя при потоце Авроне, дондеже приити к морю: Judith 2:25 и объят пределы Киликийския, и посече всех противостоящих себе: и прииде даже до предел Иафефовых, сущих к югу на лицы Аравии, Judith 2:26 и обыде всех сынов Мадиамлих, и пожже селения их и плени стада их: Judith 2:27 и сниде на поле Дамасково во днех жатвы пшениц, и пожже вся нивы их, а овчия и воловыя стада даде в погубление, и грады их поплени, и поля их опустоши, и порази вся юношы их острием меча. Judith 2:28 И нападе страх и трепет его на всех живущих в примории, сущих в Сидоне и Тире и обитающих в Суре и Окине и на всех живущих во Иемнаане. И живущии во Азоте и Аскалоне убояшася его зело. Judith 3:0 Judith 3:1 И послаша к нему посланников словесы мирными, глаголюще: Judith 3:2 се, мы отроцы Навуходоносора царя великаго повергаемся пред тобою, употреби нас, якоже угодно есть лицу твоему: Judith 3:3 се, села наша, и всякое место наше, и все поле пшениц, и овчия и воловыя стада, и вся ограды селений наших, суть пред лицем твоим, употреби, якоже угодно тебе: Judith 3:4 се, и гради наши, и живущии в них раби твои суть: шед срети их, якоже есть благо пред очима твоима. Judith 3:5 И приидоша мужие ко Олоферну и возвестиша ему по словесем сим. Judith 3:6 И сниде на поморие сам и сила его, и утверди стражею грады высокия и взя из них на споборение мужей избранных. Judith 3:7 И прияша его тии и вся окрестная их с венцами и лики и тимпаны. Judith 3:8 И разори вся пределы их, и дубравы их изсече. И бе заповедано ему истребити всех богов земли, яко да самому единому Навуходоносору послужат вси роди и вси языцы, и вся племена их да призывают его в Бога. Judith 3:9 И прииде на лице Есдрилона близ Дотеи, яже есть противу великия пилы Иудеи, Judith 3:10 и ополчися между Гаваем и Скифским градом, и бе тамо месяц дний, ко еже собрати всякий припас силы своея. Judith 4:0 Judith 4:1 И услышаша сынове Израилевы живущии во Иудеи вся, елика сотвори Олоферн языком, вождоначалник Навуходоносора царя Ассирийскаго, и имже образом расхити вся священная их и даде сия во истребление: Judith 4:2 и убояшася зело от лица его, и о Иерусалиме и о храме Господа Бога своего смятошася, Judith 4:3 понеже недавно изыдоша от пленения и недавно вси людие соврашася Иудейстии, и сосуди и олтарь и дом от осквернения освящена быша. Judith 4:4 И послаша во всякий предел Самарии и Конии, и Вефорона и Велмена и Иерихона, и в Хову и Есору и во юдоль Салимскую, Judith 4:5 и предприяша вся верхи гор высоких, и оградиша стенами сущыя в них села, и отложиша на пищу ко приуготовлению брани, яко недавно быша поля их пожата. Judith 4:6 И писа Иоаким иерей великий, иже бе во днех онех во Иерусалиме, живущым во Ветилуи и Ветомесфеме, иже есть противу Есдрилоиа, на лицы поля сущаго близ Дофаима, Judith 4:7 глаголя одержати восходы горния, ибо ими бе вход во Иудею, и бе удобно возбраняти их приходящих, тесну проходу сушу, яко всем мужем по два (проити). Judith 4:8 И сотвориша сынове Израилевы, якоже повеле им Иоаким иерей великий и старейшинство всего сонма Израилева, иже седяху во Иерусалиме. Judith 4:9 И возопиша всякий муж Израилев к Богу с прилежанием великим и смириша душы своя в прилежании велицем: Judith 4:10 сами и жены их и младенецы их, и скоти их, и всякий пришлец и наемник, и сребром купленый их, возложиша вретища на чресла своя. Judith 4:11 И всякий муж Израилев и жена, и дети, и жнвущии во Иерусалиме падоша пред лицем храма, и посыпаша перстию главы своя, и простроша вретища своя пред лицем Господним, Judith 4:12 и олтарь вретищем одеяша, и возопиша к Богу Израилеву единодушно прилежно, еже не дати в расхищение младенцев их, и жен в пленение, и градов наследия их в разорение, и святая во осквернение и поношение, обрадование языком. Judith 4:13 И услыша Господь глас их и призре на скорбь их. И бяху людие постящеся дни многи во всей Иудеи и Иерусалиме, пред лицем святых Господа Вседержителя. Judith 4:14 И Иоаким иерей великий, и вси предстоящии пред Господем, иерее и служащии Господеви, вретищами препоясани о чреслех своих, приношаху всесожжение непрестанное и обеты и произвольная даяния людий: Judith 4:15 и бе пепел на кидарех их, и вопияху ко Господу от всея силы, да посетит во благо весь дом Израилев. Judith 5:0 Judith 5:1 И возвещено бысть Олоферну вождоначалнику силы Ассурския, яко сынове Израилевы уготовашася на брань, и проходы горния заключиша, и оградиша стенами всякий верх горы высокия, и положиша на полях преткновения. Judith 5:2 И разгневася яростию зело, и созва всех началников Моавлих и воевод сынов Аммоних и всех властелей помория, Judith 5:3 и рече им: возвестите убо ми, сынове Ханаани, кто людие сии живущии в горней, и каковы, в нихже живут, гради, и множество силы их, и в чем держава их и крепость их, и кто поставлен над ними царь вождь воинства их? Judith 5:4 И чесо ради сопротивишася, еже не изыти во сретение мне, паче всех живущих на западех? Judith 5:5 И рече к нему Ахиор вождь всех сынов Аммоних: послушай убо, господине мой, слова от уст раба твоего, и возвещу тебе истину о людех сих, иже обитают в горней сей близ тебе живуще, и не изыдет ложь из уст раба твоего: Judith 5:6 людие сии суть исчадия Халдеов Judith 5:7 и вселишася первее в Месопотамии, понеже не восхотеша последовати богом отцев своих, иже беша в земли Халдейстей: Judith 5:8 и отвратишася от пути отец своих и поклонишася Богу небесе, Богу, Егоже познаша: и изгнаша их от лица богов своих, и побегоша в Месопотамию и обиташа тамо дни многи: Judith 5:9 и рече Бог их, да изыдут от пришелствия своего и да идут в землю Ханааню: и вселишася тамо, и умножишася златом и сребром и скоты многими зело: Judith 5:10 и снидоша во Египет, покры бо лице земли Ханаани глад, и пришелствоваша тамо, дондеже прекормишася, и быша тамо во множество много, и не бе числа роду их: Judith 5:11 и воста на них царь Египетский и прехитри их, и в труде и плинфе смири их, и положи их в рабы: Judith 5:12 и возопиша к Богу своему, и порази всю землю Египетскую язвами, в нихже не бе изцеление, и изгнаша их Египтяне от лица своего: Judith 5:13 и изсуши Бог Чермное море пред ними, Judith 5:14 и веде их на путь Сины и Кадис-Варни, и изгнаша всех живущих в пустыни, Judith 5:15 и вселишася в земли Аморреов, и всех Есевонитов истребиша крепостию своею, и прешедше Иордан наследиша всю горнюю: Judith 5:16 и изгнаша от лица своего Хананеа и Ферезеа, и Иевусеа и Сихема и всех Гергесеов, и обиташа в ней дни многи: Judith 5:17 и дондеже не согрешиша пред Богом своим, беша благая с ними, понеже Бог ненавидяй неправды с ними есть: Judith 5:18 егда же отступиша от пути, егоже завеща им, истребишася во мнозех бранех на много зело, и пленени быша в землю не свою, и храм Бога их бысть в попрание, и гради их одержани быша от супостат: Judith 5:19 и ныне обратившеся к Богу своему, взыдоша от разсеяния, идеже разсеяни быша тамо, и одержаша Иерусалим, идеже святилище их, и вселишася в горней, понеже бе пуста: Judith 5:20 и ныне, владыко господине, аще убо есть безумие в людех сих, и согрешают к Богу своему, и разсмотрим сие, яко есть в них соблазн сей, и взыдем и повоюем их: Judith 5:21 аще же несть беззакония в языце их, да прейдет господин мой, да не когда защитит Господь их и Бог их по них, и будем в поношение пред всею землею. Judith 5:22 И бысте яко преста Ахиор глаголя словеса сия, и возропташа вси людие обстоящии шатер и предстоящии, и реша вельможи Олоферновы и вси живущии в примории и в Моаве посещи его: Judith 5:23 не бо убоимся от сынов Израилевых: се бо, людие, в нихже несть силы, ниже могутства ко ополчению крепкому: Judith 5:24 темже убо взыдим, и будут во снедь всему воинству твоему, владыко Олоферне. Judith 6:0 Judith 6:1 И егда утишися мятеж мужей сущих окрест заседания и рече Олоферн вождоначалник силы Ассурския ко Ахиору пред всем народом иноплеменников и ко всем сыном Моавлим: Judith 6:2 и кто еси ты, Ахиоре, и наемницы Ефремли, яко пророчествовал еси в нас, якоже днесь, и рекл еси род Израилев не воевати, яко Бог их защищает их? И кто Бог, аще не Навуходоносор? Сей послет державу свою и истребит их от лица земли, и не избавит их Бог их: Judith 6:3 но мы раби его поразим их яки человека единаго, и не претерпят крепости коней наших, Judith 6:4 поперем бо их ими, и горы их упиются в крови их, и поля их исполнятся мертвыми их, и не постоит стопа ног их противу лица нашего, но погублением погибнут, глаголет царь Навуходоносор, господин всея земли, рече бо: не вотще будут глаголы словес его: Judith 6:5 ты же, Ахиоре, наемниче Аммонь, иже глаголал еси словеса сия в день неправды твоея, не узриши ктому лица моего от дне сего, дондеже не отмшу роду сущих из Египта, Judith 6:6 и тогда пройдет мечь воинства моего и народа рабов моих ребра твоя, и падеши в язвенных их, егда возвращуся: Judith 6:7 и отведут тя раби мои в горнюю, и оставят тя во единем от градов восходов, Judith 6:8 и не погибнеши дондеже истреблен будеши с ними: Judith 6:9 и аще уповаеши сердцем твоим, яко не возмутся да не испадает твое лице: рех, и ничтоже отпадет от глаголов моих. Judith 6:10 И повеле Олоферн рабом своим, иже предстояху в шатре его, яти Ахиора и отвсти его к Ветилуи и предати в руки сынов Израилевых. Judith 6:11 И яша его раби его и изведоша его вне полка на поле, и воздвигошася от среды напольныя в горнюю и приидоша на источники, иже быша под Ветилуею. Judith 6:12 И яко увидеша их мужие града на верху горы, взяша оружия своя и отидоша вне града на верх горы: и всякий муж пращник одержаша восход свой и метаху камением на них. Judith 6:13 И подшедше под гору, связаша Ахиора и оставиша поверженна под коренем горы, и отидоша ко господину своему. Judith 6:14 Снизошедше же сынове Израилевы от града своего сташа над ним, и разрешивше его введоша в Ветилую и поставиша его пред началниками града своего, Judith 6:15 иже быша во днех тых, Озиа сын Михин от племене Симеоня, и Хаврий сын Гофониилев, и Хармий сын Мелхиилев. Judith 6:16 И созваша всех старейшин града: и стекошася всякий юноша их и жены в собрание, и поставиша Ахиора посреде всего народа своего. И вопроси его Озиа о случившемся. Judith 6:17 И отвещав возвести им глаголы заседания Олофернова и вся глаголы, елика глагола посреде князей сынов Ассурских, и елика велеречева Олоферн на дом Израилев. Judith 6:18 И падше людие поклонишася Богу и возопиша, глаголюще: Judith 6:19 Господи Боже Небесе, призри на гордыни их, и помилуй смирение рода нашего, и призри на лице освященных Тебе в день сей. Judith 6:20 И утешиша Ахиора и похвалиша его зело. Judith 6:21 И взя его Озиа из собрания в дом свой и сотвори пир старейшинам, и призываху Бога Израилева на помощь всю нощь ону. Judith 7:0 Judith 7:1 Во утрие же объяви Олоферн всему воинству своему и всем людем своим, иже приидоша на споборение ему, воздвигнутися к Ветилуи и восходы горния предвосприяти и творити брань противу сынов Израилевых. Judith 7:2 И воздвижеся в день той всяк муж сильный их: а сила их мужей ратных, мужей пеших сто седмьдесять тысящ, и коиников тысящей дванадесять, кроме приуготовления и мужей, иже быша пешцы в них, множество много зело. Judith 7:3 И ополчишася во юдоли близ Ветилуи при источнице, и протягошася в широту от Дофаима даже до Велфема, и в долготу от Ветилуи даже до Киамона, иже есть противу Есдрилоиа. Judith 7:4 Сынове же Израилевы, яко увидеша их множество, смутишася зело, и рече кийждо ко ближнему своему: ныне полижут сии лице земли всея, и ниже горы высокия, ниже дебри, ниже холми снесут тяжесть их. Judith 7:5 И вземше кийждо орудия ратная своя и возжегше огни на башнех своих, пребываша стрегуще всю нощь ону. Judith 7:6 Во вторый же день изведе Олоферн всю конницу свою противу лица сынов Израилевых,иже быша в Ветилуи, Judith 7:7 и усматриваше восходов града их, и на источники града их найде, и предвосприя их, и пристави к ним ополчения мужей ратных, а сам возвратися к людем своим. Judith 7:8 И пришедше к нему вси началницы сынов Исавлих и вси вождеве людий Моавлих и воеводы примория реша: Judith 7:9 да послушает убо словесе владыка наш, да не будет сокрушения в силе твоей: Judith 7:10 народ бо сей сынов Израилевых не уповают на копия своя, но на высоты гор своих, в нихже они живут, не бо есть удобно приити верхами гор их: Judith 7:11 и ныне, владыко, не ратуй на них, якоже бывает рать ополчения, и не падет от людий твоих муж един: Judith 7:12 пребуди в полце твоем, соблюдаяй всякаго мужа от силы твоея, и да обдержат отроцы твои источник водный, иже исходит из корене горы, Judith 7:13 зане оттуду напаяются вси живущии в Ветилуи: и погубит их жажда, и отдадят град свой, а мы и людие наши взыдем на близкия верхи гор и оиолчимся на них в предохранение, еже не изыти из града мужу единому: Judith 7:14 и истают гладом сами и жены их и чада их и прежде неже приити мечу на них, падут на стогнах обитания своего: Judith 7:15 и воздаси им воздаяние лукавое, понеже бозкрамолствоваша и не сретоша лица твоего в мире. Judith 7:16 И угодна быша словеса их пред Олоферном и пред всеми слуги его, и уставиша сотворити, якоже глаголаша. Judith 7:17 И воздвижеся полк сынов Аммоних, и с ними пять тысящей сынов Ассурских, и оиолчишася во юдоли и предвосприяша воды и источники вод сынов Израилевых. Judith 7:18 И взыдоша сынове Исавли и сынове Аммони и ополчишася в горней противу Дофима, и послаша от себе к югу и востоку противу Екревила, иже есть близ Хуса, иже есть при потоце Мохмур: а прочее воинство Ассириов ополчишася на поли и покрыша все лице земли: и шатры и припасы их разставишася в народе мнозе, и быша во множество много зело. Judith 7:19 Сынове же Израилевы возопиша ко Господу Богу своему, зане возмалодушествова дух их, яко обыдоша всех врази их, и не бе возможно избежати из среды их. Judith 7:20 И пребысть окрест их все ополчение Ассурское, пешцы и колесницы и конницы их, дний тридесять четыре: и оскудеша всем живущым во Ветилуи вся приятелища их водная, Judith 7:21 и рвы оскудеваша, и не имеяху пити в сытость воды дне единаго, зане мерою даваху им пити. Judith 7:22 И смятошася младенцы их и жены их и юноши, изнемогаху от жажды и падаху на стогнах града и в проходех врат, и не бе крепости ктому в них. Judith 7:23 И собрашася вси людие ко Озии и князем града, юноши и жены и отроцы и возопиша гласом великим и реша пред всеми старейшинами: Judith 7:24 да судит Бог между нами и вами, яко сотвористе в нас неправду велию, не глаголюще мирная с сынми Ассурскими: Judith 7:25 и ныне несть помощника нам, но продаде нас Бог в руце их, еже низверженым быти пред ними жаждею и погублением великим: Judith 7:26 и ныне призовите их и отдадите град весь в расхищение людем Олоферновым и всей силе его: Judith 7:27 лучше бо нам быти им в расхищение, будем бо в рабы, и жива будет душа наша, и не узрим смерти младенцев наших во очесех наших, и жен и чад наших изчезащих душами своими: Judith 7:28 свидетелствуем вам небом и землею и Богом нашим и Господем отец наших, иже отмщает нам по грехом нашым и по грехом отец наших, да не сотворит по глаголом сим во днешний день. Judith 7:29 И бысть плачь велий посреде собрания всех единодушно, и возопиша ко Господу Богу гласом великим. Judith 7:30 И рече к ним Озиа: дерзайте, братия, претерпим еще пять дний, в нихже обратит Господь Бог наш милость Свою на нас, не бо оставит нас в конец: Judith 7:31 аще же прейдут сии, и не приидет на нас помощь, сотворю по словесем вашым. Judith 7:32 И распусти людий ко своему ополчению: и на стены и башни града своего отидоша, а жены и чада в домы их отсла. И быша во смирении мнозем во граде. Judith 8:0 Judith 8:1 И услыша во днех онех Иудиф дщерь Мерарии, сына Оксова, сына Иосифова, сына Озиилева, сына Елкиева, сына Ананиева, сына Гедеонова, сына Рафаинова, сына Акифонова, сына Илиева, сына Елиавова, сына Нафанаилева, сына Саламиилева, сына Саласадаиева, сына Иеилева. Judith 8:2 И муж ея Манассиа, от племене ея и отечества ея, и умре во днех жатвы ячменя: Judith 8:3 настояше бо над вяжущими снопы на поли, и зной прииде на главу его, и паде на одр и скончася во Ветилуи граде своем: и погребоша его со отцы его на селе сущем посреде Дофаима и Валамона. Judith 8:4 И бе Иудиф в дому своем вдовствующи лета три и месяцы четыри. Judith 8:5 И сотвори себе жилище на крове дому своего и возложи на чресло свое вретище, и бяху на ней ризы вдовства ея: Judith 8:6 и постяшеся вся дни вдовства своего кроме предсубботий и суббот, и предновомесячий и новомесячий, и праздников и радований дому Израилева: Judith 8:7 и бе добра видом и красна взором зело: и остави ей Манассиа муж ея сребро и злато, и отроки и отроковицы, и скоты и села, и пребываше над ними: Judith 8:8 и не бе, иже бы нанесл ей глагол злый понеже бояшеся Бога зело. Judith 8:9 И услыша глаголы людий злыя на началника, яко возмалодушествоваша о скудости вод: и слыша вся словеса Иудиф, яже глаголаше к ним Озиа, яко клятся им предати град по пяти днех Ассириом: Judith 8:10 и пославши рабыню свою, приставницу всему имению ея, призва Озию и Хаврииа и Хармина, старейшин града своего. Judith 8:11 И приидоша к ней, и рече к ним: послушайте убо мене, началницы живущих во Ветилуи, яко неправо слово ваше, еже глаголасте пред людьми в день сей, и устависте клятву, юже глаголасте между Богом и вами, и ресте предати град врагом нашым, аще не в тыя обратится Господь помощи нам: Judith 8:12 и ныне кто есте вы, иже искусисте Бога во днешний день, и устависте кроме Бога посреде сынов человеческих? Judith 8:13 И ныне Господа Вседержителя испытуете, и ничтоже познаете даже до века, Judith 8:14 понеже глубины сердца человеческаго не изследите и словес мысли его не постигнете: и како Бога, иже сотвори вся сия, испытаете, и ум Его уведаете, и мысль Его познаете? Никакоже, братия, не прогневляйте Господа Бога нашего: Judith 8:15 зане аще не восхощет в пяти днех помощи нам, Тои имать власть в киих хощет покрыти днех, или и истребити нас пред лицем врагов наших: Judith 8:16 вы же не одолжайте советами Господа Бога нашего, зане не яко человеку Богу претити, ниже яко сына человеча судити: Judith 8:17 сего ради ожидающе от Него спасения, призовем Его на помощь нашу, и послушает гласа нашего, аще будет Ему угодно: Judith 8:18 ибо не воста в родех наших, ниже есть во днешний день, ниже племя, ниже отечество, ниже сонм, ниже град от нас, иже покланяются богом рукотворенным, якоже бысть в первых днех, Judith 8:19 ихже ради предани быша под мечь и на расхищение отцы наши и падоша падением великим пред врагами нашими: Judith 8:20 мы же инаго Бога не познахом разве Его, темже уповаем, яко не презрит нас, ниже от рода нашего: Judith 8:21 понеже, внегда взятым быти нам, тако сядет вся Иудеа, и расхищена будут святая наша, и взущет осквернения их от уст наших, Judith 8:22 и убиения братии нашея и пленение земли и опустение наследия нашего обратит на главу нашу во языцех, идеже аще поработаем тамо, и будем в соблазн и в поношение пред стяжавшими нас, Judith 8:23 ибо не исиравится служба наша в благодать, но в безчестие положит ю Господь Бог наш: Judith 8:24 и ныне, братия, покажем братии нашей, яко от нас зависит душа их, и святая и дом и олтарь утверждается на нас: Judith 8:25 кроме сих всех возблагодарим Господеви Богу нашему, иже искушает нас, якоже и отцев наших: Judith 8:26 помяните, елика сотвори со Авраамом, и еликими искушаше Исаака, и елика быша Иакову в Месопотамии Сирстей, пасущу овцы Лавана брата матере своея, Judith 8:27 зане не якоже оных искуси во истязании сердца их, и нас не обиде, но в научение наказует Господь приближающихся Ему. Judith 8:28 И рече к ней Озиа: вся, елика рекла еси, благим средцем глаголала еси, и несть, иже бы противостал словесем твоим, Judith 8:29 понеже не ныне мудрость твоя явна есть, но от начала дний твоих ведают вси людие разум твой, како благо есть смышление сердца твоего: Judith 8:30 но людие жаждаху зело и принудиша сотворити нас, якоже глаголахом им, и навести клятву на нас, еяже не преступим: Judith 8:31 и ныне молися о нас, ибо жена благочестива еси, и послет Господь дождь во исполнение рвов наших, и оскудевати не будем ктому. Judith 8:32 И рече к ним Иудиф: послушайте мене, и сотворю дело, еже прострется в роды родов сыном рода нашего: Judith 8:33 вы станете при вратех в нощь сию, и изыду аз с рабынею моею, и во днех, по нихже ресте предати град врагом нашым, посетит Господь Израиля рукою моею: Judith 8:34 вы же не исиытуйте дела моего, не бо реку вам, дондеже совершатся, яже аз творю. Judith 8:35 И рече Озиа и началницы к ней: иди с миром, и Господь Бог пред тобою на отмщение врагов наших. Judith 8:36 И возвращьшеся от жилища, идоща ко ополчением своим. Judith 9:0 Judith 9:1 Иудиф же паде на лице, и возложи персть на главу свою, и сложи, имже одевашеся, вретище. И бяше недавно приносимо во Иерусалиме в дому Господни кадило в вечер той, и возопи глсом великим Иудиф ко Господу и рече: Judith 9:2 Господи, Боже отца моего Симеона, емуже дал еси в руку мечь во отмщение инородных, иже растлиша ложесна девича во осквернение и обнажиша недро в срамоту и оскверниша ложесна в поношение, Judith 9:3 рекл бо еси: да не будет тако: и сотвориша, за яже дал еси князи их на убиение, и постелю их, яже ведяше прельщение их, в кровь, и поразил еси рабов о владыцех и владыки на престолех их, Judith 9:4 и дал еси жены их в расхищение и дщери их в пленение и вся корысти их в разделение сыном возлюбленным от Тебе, иже и возревноваша ревностию Твоею и мерзишася осквернением крове своея и призваша Тя в помощника: Боже, Боже мой, и мене услыши вдову: Judith 9:5 Ты бо сотворил еси, яже прежде оных и оная, и яже по сих и яже ныне, и грядущая проразумел еси, и собышася, яже мыслил еси, Judith 9:6 и предсташа, яже уставил еси, и реша: се, есмы: вси бо путие Твои готови, и суд Твой во проразумении: Judith 9:7 се бо, Ассириане умножишася в силе своей, вознесошася о кони и о всаднице, возвеличашася в мышце пешев, уповаша на щит и копие и лук и пращу, и не познаша, яко Ты еси Господь сокрушаяй брани: Judith 9:8 Господь имя Тебе, Ты сокруши их крепость силою Твоею и низложи державу их яростию Твоею: усоветоваша бо омерзити святая Твоя, осквернити селение упокоения имене славы Твоея и опровергнути железом рог олтаря Твоего: Judith 9:9 воззри на гордость их, посли гнев Твой на главы их, даждь в руку мою вдовию, юже умыслих, крепость, Judith 9:10 порази раба от устен хитрости моея о князи и князя о рабе его, сокруши гордыню их рукою женскою: Judith 9:11 не бо во множестве крепость Твоя, ниже могутство Твое в сильных, но смиренных еси Бог, малейших еси помощник, заступник немощных, отчаянных покровитель, ненадежных спаситель: Judith 9:12 ей, ей, Боже отца моего и Боже наследия Израилева, Владыко небес и земли, Создателю вод, Царю всеяори Твоея, ты услыши моление мое Judith 9:13 и даждь слово мое и хитрость в язву и рану их иже противу завета Твоего и дому освященнаго Твоего, и в верха Сионя и дому одержания сынов Твоих усоветоваша жестокая, Judith 9:14 и сотвори во всем языце Твоем и во всем племени познание, еже ведати, яко Ты еси, Боже Бог всея силы и державы, и несть инаго защитника рода Израилева кроме Тебе. Judith 10:0 Judith 10:1 И бусть яко преста вопиющи ко Богу Израилеву и сконча вся глаголы сия, Judith 10:2 и воста от повержения и призва рабыню свою и сниде в дом, в немже пребываше во дни субботния и в праздники своя, Judith 10:3 и сложи вретище, имже одевашеся, и совлече ризы вдовства своего, и обмы тело водою и помазася миром богатым, и разчеса власы главы своея и возложи увясло на ню и облечеся в ризы веселия своего, имиже одевашеся во дни живота мужа своего Манассии: Judith 10:4 и взя сандалия на ноги своя, и обложи мониста и цепки, и перстни и усерязи и все украшение свое, и украсися зело на прельщение очес мужеских, елицы аще увидят ю: Judith 10:5 и даде рабыни своей оплетен сосуд вина и чванец елеа, и мешец наполни мукою и плетеницы смоквами и хлебы чистыми, и обви вся сосуды своя, и возложи на ню. Judith 10:6 И изыдосте ко вратом града Ветилуи и обретосте стоящих при них Озию и старцев града Хаврина и Хармина. Judith 10:7 Якоже увидеша ю, и бе изменено лице ея, и ризу премененну ея, и удивишася о красоте ея попремногу зело и реша ей: Judith 10:8 Бог, Бог отец наших да даст тя в благодать и совершит начинания твоя в величие сынов Израилевых и возвышение Иерусалима. И поклонися Богу Judith 10:9 и рече к ним: повелите отверсти ми врата града, и изыду ко совершению словес, ихже глаголасте со мною. И повелеша юношам отверсти ей, якоже глаголаше. Judith 10:10 И сотвориша тако. И изыде Иудиф сама и рабыня ея с нею: назираху же ю мужие града, дондеже сниде с горы, дондеже прейде юдоль, и ктому не увидеша ея. Judith 10:11 И идясте юдолию прямо. И срете ю первая стража Ассирийская, Judith 10:12 и взяша ю и вопросиша: от коих еси? И откуду грядеши? И камо идеши? И рече: дщи есмь Евреов и убегаю от лица их, яко имут предани быти вам на поглощение: Judith 10:13 и аз гряду пред лице Олоферна вождоначалника силы вашея, еже возвестити глаголы истины, и покажу пред лицем его путь, по немуже пойдет и возобладает всею горнею, и не погибнет от мужей его плоть едина,ниже дух жизни. Judith 10:14 Якоже услышаша мужие глаголы ея и усмотриша лице ея, и бяше пред ними чудна красотою зело, и реша к ней: Judith 10:15 спасла еси душу твою, потщавшися снити пред лице господина нашего: и ныне приступи ко шатру его, и от нас проводят тя, дондеже предадут тя в руце его: Judith 10:16 аще же станеши пред ним, да не убоишися сердцем твоим, но возвести по глаголом твоим, и благо тебе сотворит. Judith 10:17 И избраша от себе мужей сто и присовокупиша ей и рабыни ея, и ведоша я ко шатру Олофернову. Judith 10:18 И бысть стечение во всем ополчении, разгласися бо по шатром пришествие ея: и пришедше окружаху ю, яко стояше вне шатра Олофернова, дондеже возвестиша ему о ней. Judith 10:19 И чудяхуся о красоте ея и удивляхуся сыном Израилевым о ней, и реша кийждо ко ближнему ссвему: кто презрит людий сих, иже имут у себе жен таковых? Яко не добро есть оставити из них мужа единаго, иже оставлени бывше возмогут прехитрити всю землю. Judith 10:20 И изыдоша спящии при Олоферне и вси служителие его и введоша ю в шатер. Judith 10:21 И бе Олоферн опочивая на одре своем под завесою, яже бе от порфиры и злата и смарагда и камений многоценных втканных. Judith 10:22 И возвестиша ему о ней, и изыде в предсение, и лампады сребряныя предидяху ему. Judith 10:23 Егда же прииде пред лице его Иудиф и слуг его, дивишася вси о красоте лица ея. И падши на лице поклонися ему: и воздвигоша ю раби его. Judith 11:0 Judith 11:1 И рече к ней Олоферн: дерзай, жено, да не устрашаешися сердцем твоим, зане аз не озлобих человека, иже изволи служити царю Навуходоносору всея земли: Judith 11:2 и ныне людие твои живущии в горней, аще бы не уничтожили мя, не воздвигл бых копия моего на них, но они сами себе сотвориша сия: Judith 11:3 и ныне глаголи ми, чесо ради отшла еси от них и пришла еси к нам? Приходиши бо ко спасению: дерзай, в нощь сию жива будеши, и в прочее: Judith 11:4 несть бо, иже обидит тя, но благо тебе сотворит, якоже бывает рабом господина моего царя Навуходоносора. Judith 11:5 И рече к нему Иудиф: приими глаголы рабы твоея, и да проглаголет рабыня твоя пред лицем твоим, и не возвещу лжи госиодину моему в нощь сию: Judith 11:6 и аще имаши последовати словесем рабыни твоея, совершенно дело сотворит с тобою Бог, и не отпадет господин мои от начинаний своих: Judith 11:7 живет бо царь Навуходоносор всея земли, и живет держава его, иже посла тя во исправление всякия души, яко не токмо человецы тебе ради послужат ему, но и зверие польнии и скоти и птицы небесныя крепостию твоею живи будут о Навуходоносоре и всем доме его: Judith 11:8 слышахом бо премудрость твою и хитрости души твоея, и возвестися всей земли, яко ты един благ во всем царстве и силен в разуме и чуден во ополчениих брани: Judith 11:9 и ныне слово, еже изрече Ахиор в заседании твоем, слышахом глаголы его, яко снабдеша его мужие града Ветилуи, и возвести им вся, елика изглагола он у тебе: Judith 11:10 сего ради, владыко господине, да не преступаеши словесе его, но положи его в твоем сердцы, яко истинно есть: не бо отмщается род наш, не превозмогает мечь на них, аще не согрешат к Богу своему: Judith 11:11 и ныне да не будет господин мой отвержен и недействителен, и нападет смерть на лице их, и постигнет их согрешение, имже раздражат Бога своего, когда либо аще сотворят безместие: Judith 11:12 понеже бо оскудеша им брашна, и умалися вся вода, восхотеша устремитися на скоты своя, и вся, елика определи им Бог в законех Своих не ясти, умыслиша употребляти: Judith 11:13 и начатки пшеницы, и десятины вииа и елеа, яже соблюдаху освятивше иереом предстоящым во Иерусалиме пред лицем Бога нашего, судиша иждивати, имже ниже руками подобаше прикасатися кому от людий: Judith 11:14 и послаша во Иерусалим, яко и тамо живущии сотвориша сия, да принесут им разрешение от старейшин: Judith 11:15 и будет, егда возвестится им, и сотворят, дадутся тебе в погубление в день той: Judith 11:16 темже аз раба твоя, познавши сия вся, отбегох от лица их: и посла мя Бог творити с тобою дела, о нихже ужаснется вся земля, елицы аще услышат сия, Judith 11:17 зане раба твоя благочестива есть и служащи нощию и днем Богу Небесе: и ныне пребуду у тебе, господине мой, и да исходит раба твоя в нощи в дебрь и молится к Богу: и возвестит ми, егда сотворят согрешения своя: Judith 11:18 и пришедши возвещу тебе, и изыдеши со всею силою твоею, и несть, иже воспротивится тебе от них: Judith 11:19 и поведу тя сквозе Иудею, дондеже приити прямо Иерусалима, и положу седалище твое посреде его, и поженеши их аки овцы, имже несть пастыря, и не возскомлет пес языком своим противу тебе: зане мне сия речена суть по предведению моему и возвещена ми, и послана есмь возвестити тебе. Judith 11:20 И угодна быша словеса ея пред Олоферном и пред всеми слуги его, и дивишася о премудрости ея и реша: Judith 11:21 несть таковыя жены от конца даже до конца земли в красоте лица и в разуме словес. Judith 11:22 И рече к ней Олоферн: благо сотвори Бог пославый тя пред людьми, еже быти в руках наших державе, на уничиживших же господина моего погибели: Judith 11:23 и ныне красна еси ты взором твоим и блага во словесех твоих: зане аще сотвориши, якоже глаголала еси, Бог твой будет мой Бог, и ты в дому царя Навуходоносора сядеши и будеши именита по всей земли. Judith 12:0 Judith 12:1 И повеле ввести ю, идеже положени быша сосуди сребрянии его, и повеле уготовити ей от пищей устроеваемых себе и от вина своего пити. Judith 12:2 И рече Иудиф: не снем от них, да не будет соблазн, но от принесенных со мною мне подаваемо да будет. Judith 12:3 И рече к ней Олоферн: аще же оскудеют сущая с тобою, откуду принесем тебе давати подобная сим? Несть бо с нами от рода твоего. Judith 12:4 И рече Иудиф к нему: жива есть душа твоя, господине мой, яко не иждивет раба твоя сущих со мною, дондеже сотворит Господь рукою моею, яже устави. Judith 12:5 И ведоша ю отроцы Олоферновы в шатер, и спа даже до полунощи: и воста о утренней стражи Judith 12:6 и посла ко Олоферну, глаголющи: да повелит убо господин мой пущати рабу твою на молитву исходити. Judith 12:7 И повеле Олоферн телохранителем не возбраняти ей. И пребысть в полку дни три: и исхождаше в нощи в дебрь Ветилуи и умывашеся во ополчении во источнице воды, Judith 12:8 и яко взыде, моляшеся Господу Богу Израилеву, да управит путь ея ко возставлению сынов людий Своих: Judith 12:9 и входящи чиста пребываше в шатре, донелиже приношаше пищу свою ко вечеру. Judith 12:10 И бысть в день четвертый, сотвори Олоферн пир рабом своим единым, и не призва в послужение ни единаго от сущих при службах, Judith 12:11 и рече Вагою евнуху, иже бяше приставник над всеми сущими его: шед убо увещай жену Евреиню, яже есть у тебе, еже приити к нам и ясти и пити с нами: Judith 12:12 се бо, студно лицу нашему, аще жену сицевую оставим не беседовавше с нею, зане аще сея не призовем, посмеется нам. Judith 12:13 И изыде Вагоа от лица Олофернова и вниде к ней и рече: да не обленится убо отроковица добрая сия, пришедши ко господину моему, прославитися пред лицем его и пити с нами в веселие вино и быти в день сей, яко дщи едина от сынов Ассуровых, яже предстоят в дому Навуходоносорове. Judith 12:14 И рече к нему Иудиф: и кто есмь аз противоглаголющи господину моему? Зане все, еже будет пред очесы его угодно, потщавшися сотворю, и будет сие ми радование даже до дне смерти моея. Judith 12:15 И воставши украсися одеянием и всяким украшением женским: и прииде раба ея и постла ей пред Олоферном долу ковры, ихже взя от Вагои ко повседневному употреблению своему, во еже ясти возлегшей на них: Judith 12:16 и вшедши возлеже Иудиф. И изступи сердце Олоферново о ней, и подвижеся душа его: и бяше желателен зело, еже снитися с нею, и усмотреваше времене, еже обольстити ю, от негоже дне виде ю: Judith 12:17 и рече к ней Олоферн: пий убо и буди с нами в веселии. Judith 12:18 И рече Иудиф: буду убо пити, господине, яко возвеличися живот мой во мне днесь паче всех дний рождения моего. Judith 12:19 И вземши яде и пи пред ним, яже уготова раба ея. Judith 12:20 И возвеселися Олоферн о ней и пи вина много зело, елико не пи никогдаже в день един, отнелиже родися. Judith 13:0 Judith 13:1 Егда же позде бысть, потщашася раби его отити, и Вагоа заключи шатер отвне и отпусти предстоящих от лица господина своего, и отидоша к ложам своим, бяху бо вси утруждени, зане на мнозе пребысть пир. Judith 13:2 Остася же Иудиф едина в шатре, и Олоферн повержен на ложи своем: бяше бо преисполнен вином. Judith 13:3 И рече Иудиф рабе своей, да стоит вне ложницы ея и да смотрит исхода ея якоже по всяк день: рече бо, яко изыти имать на молитву свою: и Вагою глагола по словесем сим. Judith 13:4 И отидоша вси от лица ея, и ни един остася в ложнице от мала даже до велика. И ставши Иудиф при одре его, рече в сердцы своем: Господи, Боже всея силы, призри в час сей на дела рук моих ко возвышению Иерусалима, Judith 13:5 яко ныне время помоществовати наследию Твоему и совершити начинание мое ко сокрушению врагов, иже восташа на нас. Judith 13:6 И приступивши к столпнику одра, иже бяше у главы Олоферновы, снят мечь его с него, Judith 13:7 и приближившися ко одру, взя в горсть власы главы его и рече: укрепи мя, Господи Боже Израилев, в день сей. Judith 13:8 И удари в выю его дважды силою своею, и отя главу его от него, Judith 13:9 и отвали тело его от постели, и отя завесу от столпов: и по мале изыде и предаде рабыни своей главу Олофернову: Judith 13:10 и вложи ю в мешец снедей своих. И изыдосте обе купно по обычаю своему на молитву: и прошедше полк, обыдосте дебрь оную, и взыдосте на гору Ветилуи, и приидосте ко вратом ея. Judith 13:11 И рече Иудиф издалеча стрегущым на вратех: отверзите ныне, отверзите врата, с нами Бог, Бог наш, сотворити еще крепость во Израили и силу на враги, якоже и днесь сотвори. Judith 13:12 И бысть яко услышаша мужие града того глас ея, потщашася снити ко вратом града своего и созваша старцев града. Judith 13:13 И стекошася вси от мала даже до велика, яко паче чаяния бе им, еже приити ей, и отверзоша врата и восприяша их: и вжегше огнь во свещение, окружиша их. Judith 13:14 Она же рече к ним гласом великим: хвалите Бога, хвалите: хвалите Бога, иже не отстави милости Своея от дому Израилева, но сокруши враги нашя рукою моею в нощь сию. Judith 13:15 И иземши главу из мешца показа и рече им: се, глава Олоферна вождоначалника силы Ассурския, и се, завеса, за неюже лежаше во пиянствах своих, и порази его Господь рукою женскою: Judith 13:16 и жив есть Господь, иже сохрани мя в пути моем, имже ходих, яко прельсти его лице мое в пагубу его, и не сотвори греха со мною во осквернение и срамоту. Judith 13:17 И ужасошася вси людие зело, и падше поклонишася Богу, и реша единодушно: благословен еси, Боже наш, уничтоживый в день сей враги людий Твоих. Judith 13:18 И рече ей Озиа: благословена ты еси, дщи, Богом Вышним паче всех жен яже на земли, и благословен Господь Бог, Иже созда небеса и землю, Иже управи тя на сокрушение главы князя врагов наших: Judith 13:19 яко не отстанет надежда твоя от сердца человек, поминающих крепость Божию, даже до века: Judith 13:20 и да сотворит тебе сия Бог в возношение вечное, еже посещати тя во благих, за еже не пощадела еси души твоея смирения ради рода нашего, но пособствовала еси падению нашему, в правоте ходивши пред Богом нашим. И реша вси людие: буди, буди. Judith 14:0 Judith 14:1 И рече к ним Иудиф: послушайте убо мене, братия, и вземше главу сию повесите ю на забрале стены вашея: Judith 14:2 и будет егда возсияет утро, и взыдет солнце на землю, приимете кождо орудия бранная ваша, и изыдете всяк муж сильный вне града, и дадите воеводу над ними, аки сходяще на поле ко первей стражи сынов Ассуровых, и не снидете: Judith 14:3 и вземше сии всеоружия своя, пойдут ко ополчению своему, и возбудят воеводы силы Ассуровы, и стекутся ко шатру Олофернову, и не окрящут его, и нападет на них страх, и побегнут от лица вашего: Judith 14:4 и возследовавшии вам, и вси живущии во всем пределе Израилстем, постилайте я по путем их: Judith 14:5 прежде же еже сотворити сия, призовите мне Ахиора Амманитина, да видев познает уничтожающаго дом Израилев, и сего яко на смерть посланнаго к нам. Judith 14:6 И призваша Ахиора из дому Озиина. Егда же прииде и виде главу Олофернову в руце мужа единаго в собрании людий, паде на лице, и разслабися дух его. Judith 14:7 Егда же подяша его, припаде к ногама Иудифы, и поклонися лицу ея, и рече: благословена ты во всяцем селении Иудине и во всяцем языце, иже услышавше имя твое смятутся: Judith 14:8 и ныне возвести ми, елика сотворила еси во днех сих. И возвести ему Иудиф посреде людии вся, елика сотвори, от негоже дне изыде, дондеже глаголаше им. Judith 14:9 Егда же преста глаголющи, воскликнуша людие гласом великим и дадоша глас веселый во граде своем. Judith 14:10 Видев же Ахиор вся, елика сотвори Бог Израилев, верова Богу зело, и обреза плоть крайнюю свою, и приложися к дому Израилеву даже до дне сего. Judith 14:11 Егда же денница взыде, свесиша главу Олофернову со стены: и восприят всяк муж Израилев оружия своя, и изыдоша полками на восходы горы. Judith 14:12 Сынове же Ассуровы, яко увидеша их, разослаша к вождем своим: они же приидоша к воеводам и тысящником и ко всякому князю своему, Judith 14:13 и приидоша к шатру Олофернову, и реша сущему над всеми его: возбуди убо господина нашего, зане дерзнуша раби сходити к нам на брань, да истребятся в конец. Judith 14:14 И вниде Вагоа и толкну во двор шатра, мняше бо спати его со Иудифою. Judith 14:15 Егда же никтоже послушаше, растворив вниде в ложницу и обрете его при празе повержена мертва, и глава его отята бысть от него: Judith 14:16 и возопи гласом великим с плачем и стенанием и воплем крепким, и раздра ризы своя: Judith 14:17 и вниде в шатер, идеже бе Иудиф обитающи, и не обрете ея, и изскочи к людем и возопи: Judith 14:18 отвергошася раби, сотвори студ едина жена Еврейская на дом царя Навуходоносора: зане се, Олоферн долу, и главы несть на нем. Judith 14:19 Егда же услышаша сия глаголы князие силы Ассуровы, раздраша ризы своя, и смятеся душа их зело, и бысть их крик и вопль зело посреде полка. Judith 15:0 Judith 15:1 И егда услышаша в шатрех сущии, ужасошася о бывшем, Judith 15:2 и нападе на ня страх и трепет, и не бе человека пребывающа пред лицем ближняго ктому, но истекше единодушно бежаху по всякому пути поля и нагорныя: Judith 15:3 и иже ополчившиися в горней окрест Ветилуи обратишася в бегство: и тогда сынове Израилевы всяк муж ратник от них устремишася на них. Judith 15:4 И посла Озиа в Ветомасфем и Виваю, и Ховаю и Холу, и во всяк предел Израилев, вестники о совершившихся, и да вси потекут вслед врагов на погубление их. Judith 15:5 Егда же услышаша сынове Израилевы, вси единодушно нападоша на них и секоша их даже до Ховы. Такожде же и иже из Иерусалима приидоша и из всея нагорныя: возвестиша бо им бывшая ополчению врагов их: и иже в Галааде и в Галилеи бодоша их язвою великою, дондеже минуша Дамаск и пределы его. Judith 15:6 Прочии же живущии во Ветилуи, нападоша на полк Ассуров и плениша их и обогатишася зело. Judith 15:7 Сынове же Израилевы возвратившеся от сечи, возобладаша прочими, и веси и села, яже в горней и напольней, возобладаша многими корыстьми: бе бо множество много зело. Judith 15:8 Иоаким же иерей великий и старейшины сынов Израилевых живущии во Иерусалиме приидоша еже зрети благая, яже сотвори Господь Израилю, и еже видети Иудиф и глаголати с нею мир. Judith 15:9 Егда же приидоша к ней, благословиша ю вси единодушно и реша к ней: ты возвышение Израилево| ты радование велико Израилево| ты слава велия рода нашего| Judith 15:10 сотворила еси вся сия рукою твоею, сотворила еси благая со Израилем, и да благоволит о них Бог: благословена буди у Вседержителя Господа в вечное время. И реша вси людие: буди. Judith 15:11 И пленяху вси людие полк чрез дний тридесять, и даша Иудифе шатер Олофернов и вся сребряныя сосуды, и одры и умывалницы, и вся устроения его. И приемши она возложи на мска своего, и впряже колесницы, и сложи я на ня. Judith 15:12 И притече всякая жена Израилска еже видети ю, и благословиша ю и сотвориша ей лик от себе. И взя копия цветами украшенная в руце свои и даде женам сущым с нею: Judith 15:13 и увенчася маслиною сама и яже с нею, и идяше пред всеми людьми в лице, ведущи всех жен. И последоваше всяк муж Израилев вооружени с венцы и песньми во устах своих. Judith 15:14 И нача Иудиф исповедание сие во всем Израили, и возглашаху вси людие хваление сие. Judith 16:0 Judith 16:1 И рече Иудиф: начните Богу моему в тимпанех, пойте Господеви моему в кимвалех, красно воспойте Ему песнь нову, возносите и призывайте имя Его: Judith 16:2 яко Бог сокрушаяй брани Господь, яко во ополчениих Его посреде людий изят мя из руки гонящих мя: Judith 16:3 прииде Ассур из гор от севера, прииде во тмах силы своея, ихже множество загради источники, и конница их покры холмы: Judith 16:4 рече пожещи пределы моя, и юношы моя убити мечем, и ссущыя моя положити в помост, и младенцы моя дати в расхищение, и девы моя пленити: Judith 16:5 Господь Вседержитель опроверже их рукою жены, Judith 16:6 не бо паде сильный их от юнош, ниже сынове титановы поразиша его, ниже высоцы исполини нападоша на него, но Иудиф дщи Мерарина добротою лица своего разслаби его: Judith 16:7 совлечеся бо одеяния вдовства своего на возвышение бедствующих во Израили, помаза лице свое умащением Judith 16:8 и увенча власы своя увяслом и прият одежду льняну в прельщение его: Judith 16:9 сандалия ея похити око его, и доброта ея плени душу его, пройде мечь выю его: Judith 16:10 устрашишася персы державы ея, и Миды дерзновением ея разседошася: Judith 16:11 тогда воскликнуша смиреннии мои и возопиша немощнии мои, и устрашишася: вознесоша глас свой, и побеждени быша: Judith 16:12 сынове отроковиц бодоша их и яко рабов беглецов уязвляху их, погибоша от ополчения Господа моего: Judith 16:13 воспою Господеви моему песнь нову: Господи, велий еси и славен, дивен в крепости, непреборимый, Judith 16:14 Тебе да работает всяка тварь Твоя: яко рекл еси, и быша: послал еси Духа Твоего, и созда: и несть, иже противостанет гласу Твоему: Judith 16:15 горы бо от основании с водами подвигнутся, камение же от лица Твоего яко воск ратает: над боящимися же Тебе Ты умилостивляешися, Judith 16:16 яко мало всяка жертва в воню благоухания, и малейший всяк тук во всесожжение Тебе: бояйся же Господа велик выну: Judith 16:17 горе языком востающым на род мой: Господь Вседержитель отмстит им в день судный, дати огнь и червие на плоти их, и восплачутся в чувстве даже до века. Judith 16:18 Егда же внидоша во Иерусалим, поклонишася Богу: и егда очистишася людие, принесоша всесожегаемая своя и произвольная своя и дары своя. Judith 16:19 И возложи Иудиф вся сосуды Олоферновы, елики дадоша людие ей, и завесу, юже взя она от ложницы его, в дар Господу даде. Judith 16:20 И бяху людие веселящеся во Иерусалиме пред лицем святых месяцы три, и Иудиф с ними пребысть. Judith 16:21 По днех же сих возвратися кийждо во наследие свое: и Иудиф отиде во Ветилую, и пребываше над стяжанием своим, и бысть во время свое славна во всей земли. Judith 16:22 И мнози желаша ея, и не позна муж ея вся дни живота ея, от негоже дне умре Манассиа муж ея и приложися к людем своим. Judith 16:23 И произыде велика зело, и состареся в дому мужа своего лет ста пяти, и отпусти рабыню свою свободну, и умре во Ветилуи, и погребоша ю в пещере мужа ея Манассии. Judith 16:24 И плакася ея дом Израилев дний седмь. И раздели имения своя прежде смерти своея всем ближним Манассии мужа своего и ближним рода своего. Judith 16:25 И не бяше ктому устрашаяй сынов Израилевых во дни Иудифы и по смерти ея дни многи.
Esther 0:0
Книга Есфирь Предисловие
В лето второе царства Артаксеркса великаго, в первый день месяца Нисана, сон виде Мардохей сын Иаиров, Семеев, Кисеев, от племене Вениаминя, человек Иудеанин, обитаяй в Сусех граде, человек велик, служа во дворе цареве: бе же от плененных, ихже плени Навуходоносор царь Вавилонский от Иерусалима, со Иехониею царем Иудейским. И сицево его соние: и се, глас ужасный, громи и трус и смятение на земли: и се, два змиа велика произыдоста, готова оба между собою братися, и бысть глас их велик, и гласом их уготовася всяк язык на брань, да истребят язык праведных: и се, день тмы и мрака, скорбь и теснота, и озлобление и смятение велие на земли, и возмутися всяк язык праведен боящеся злобы их, и уготовашася на погибель, и возопиша ко Господу: от вопля же их бысть аки от малаго источника река велия, вода многа: и свет и солнце возсия, и смиреннии вознесошася и поядоша славных. И возбнув Мардохей видевый соние сие, и еже Бог восхоте сотворити, содержаше соние сие в сердцы, и во всяцем словеси хотяше разумети е даже до нощи. И пребываше Мардохей во дворе со Гавафом и Фарром двема евнухома царевыма, иже стрежаста двор: и слыша разглаголствия их, и советы их исиыта, и разуме, яко готовят руце свои возложити на царя Артаксеркса: и сказа царю о них. И испыта царь дву евнуху своею, и исповедавша повешена быста. И написа царь словеса сия на память, и Мардохей написа о словесех сих. И повеле царь Мардохею служити во дворе и даде ему дары за сие. И бе Аман Амадафов Вугеанин славен пред царем и восхоте озлобити Мардохеа и людий его дву ради евнуху цареву.
Esther 1:0 Esther 1:1 И бысть по словесех сих во днех Артаксеркса: сей Артаксеркс от Индии обладаше сто двадесять седмию странами (даже до Ефиопии): Esther 1:2 во дни же тыя, егда седе на престоле царь Артаксеркс в Сусех граде, Esther 1:3 в третие лето царства своего, сотвори пир другом и прочым языком, и Персским и Мидским славным, и началным сатрапом, Esther 1:4 и по сих, егда показа им богатство царства своего и славу веселия своего, во сто осмьдесят дний. Esther 1:5 И егда исполнишася дние пира, сотвори царь пиршество языком обретшымся во граде (Сусех) на дний шесть во дворе дому царева, Esther 1:6 украшеннем виссонными и зелеиыми завесами, простертыми на ужах виссонных и червленичных, на колцах златых и сребряных, на столпех мраморных и каменных: Esther 1:7 ложа злата и сребряна, на помосте камене смарагдова, и пиннинска и паринска мрамора, и плащаницы пестротами различными разцвечены, окрест шипцы разсеяни: Esther 1:8 сосуди злати и сребряни, и чаша анфракса (камене) предложенная, ценою талант тридесять тысящ: вино много и сладко, еже сам царь пияше: питие же сие не по уставленному закону бысть, тако бо восхоте царь и заповеда икономом сотворити волю свою и мужей. Esther 1:9 И Астинь царица сотвори пир женам в дому цареве, идеже царь Артаксеркс. Esther 1:10 В день же седмый развеселився царь, рече Аману и Вазану, и Фарре и Варазу, и Зафолфану и Аватазу и Фараву, седмим евнухом, иже служаху пред царем Артаксерксом, Esther 1:11 привести (Астинь) царицу пред него, еже воцарити ю и возложити на ню венец царский и показати ю всем началствующым и языком красоту ея, зане прекрасна бе. Esther 1:12 И не послуша его Астинь царица приити со евнухи. Esther 1:13 И опечалися царь, и разгневася, и рече ближним своим: сице рече Астинь: сотворите убо о сем закон и суд. Esther 1:14 И приступиша к нему Аркесей и Сарсофей и Малисеар, началницы Персстии и Мидстии, иже близ царя, первии седящии при цари, Esther 1:15 и возвестиша ему по законом, како подобает сотворити царице Астини, яко не сотвори повеленных от царя чрез евнухи. Esther 1:16 И рече Мухей ко царю и к боляром: не царя единаго обиде Астинь царица, но и вся князи и началники царевы, Esther 1:17 ибо поведа им словеса царицы, и како противорече царю: Esther 1:18 якоже убо противно рече царю Артаксерксу, сице и днесь госпожи жены прочыя князей Персских и Мидских, услышавшя царю реченная от нея, дерзнут такожде безчествовати мужеи своих: Esther 1:19 аще убо угодно царю, да повелит царским повелением, и да напишется по законом Мидским и Персским, и инако да не будет, ниже да внидет ктому царица к нему, и царство ея да предаст царь жене лучшей ея: Esther 1:20 и да будет услышан закон, иже от царя, егоже сотворит во царствии своем, и сице вся жены возложат честь на мужы своя от богата даже до убога. Esther 1:21 И угодно бысть слово пред царем и началники, и сотвори царь, якоже рече ему Мухей, Esther 1:22 и посла царь книги во все царство по странам по языку их, да будет страх им в жилищих их. Esther 2:0 Esther 2:1 И по словесех сих утолися царь от гнева, и не воспомяну ктому Астини, воспоминая, елика глагола и како осуди ея. Esther 2:2 И реша слуги царевы: да изыщутся царю девицы нерастленны, красны зраком, и да поставит царь взыскатели во всех странах царствия своего, Esther 2:3 и да изберут отроковиц девственных доброзрачных в Сусы град, в чертог женский, и да отдадутся евнухови цареву стражу жен, и да дадутся масти и прочыя потребы: Esther 2:4 и жена, юже возлюбит царь, да будет царицею вместо Астини. И угодно бе царю слово, и сотвори тако. Esther 2:5 И муж бе Иудеанин во граде Сусех, и имя ему Мардохей сын Иаиров, сына Семеина, сына Кисеова, от племене Вениаминя, Esther 2:6 иже бяше пленен от Иерусалима Навуходоносором царем Вавилонским: Esther 2:7 и бяше ему отроковица воспитана, дщерь Аминадава брата отцу его, и имя ей Есфирь. По преставлении же родителей ея, прия ю Мардохей во дщере место: и бяше девица красна и доброзрачна. Esther 2:8 И егда услышано бысть повеление царево, собраны быша девицы многи во град Сусы, под руку Гаиеву, и приведена бысть Есфирь ко Гаию хранителю жен: Esther 2:9 и угодна бысть ему отроковица и окрете благодать пред ним: и потщася дати ей масти и участие, и седмь девиц пристави к ней из дому царева, и снабдеваше ю и рабынь ея добре в дому женстем. Esther 2:10 И не поведа Есфирь рода своего, ниже отечества, Мардохей бо заповеда ей не возвещати. Esther 2:11 На всяк же день хождаше Мардохей по двору женскому, назирая, что Есфири случится. Esther 2:12 Сие же бе время девиц входити ко царю, егда исполнятся дванадесять месяцей: тако бо наполняхуся дние украшения, шесть месяц во ароматех и в мастех женских, и шесть месяц намазующяся смирновым елеем, Esther 2:13 и тогда вхождаху ко цареви: и емуже аще речет привести ю, входит с ним купно из дому женскаго даже до дому царева: Esther 2:14 на вечер вхождаше и заутра возвращашеся в дом женский вторый, идеже Гай евнух царев хранитель жен, и не вхождаше паки ко царю, аще не будет позвана именем. Esther 2:15 Егда же исполнися время Есфири дщери Аминадава, брата отца Мардохеова, (иже поял ю себе в дщере место,) внити ко цареви, ничтоже преступи от сих, яже заповеда ей евнух хранитель жен: бе бо Есфирь обретающая благодать пред всеми зрящими ю. Esther 2:16 И вниде Есфирь ко царю Артаксерксу во вторыйнадесять месяц, иже есть Адар, в лето седмое царства его. Esther 2:17 И возлюби царь Есфирь, и обрете благодать паче всех девиц, и возложи венец женский на главу ея. Esther 2:18 И сотвори царь пир всем другом своим и силам седмь дний, и вознесе брак Есфирин, и сотвори отраду сущым во царствии его. Esther 2:19 Мардохей же служаше во дворе (цареве). Esther 2:20 Есфирь же не поведа рода своего, (ни людий своих): сице бо заповеда ей Мардохей боятися Бога и творити заповеди Его, якоже бе с ним, Есфирь же не измени обычая своего. Esther 2:21 И опечалистася два евнуха царева началнейшии стражы тела его, яко предпочтен бысть Мардохей, и искаста убити Артаксеркса царя. Esther 2:22 И возвестися слово Мардохею, и сказа Есфири: она же поведа царю, яже наветуют. Esther 2:23 Царь же испыта дву евнуху, (и исповедаста,) и обеси их. И повеле царь вписати на память в царстей книгохранителнице о благодеянии Мардохеове в похвалу. Esther 3:0 Esther 3:1 И по сих прослави царь Артаксеркс Амана сына Амадафуина Вугеанина и вознесе его, и председяше вышше всех другов его: Esther 3:2 и вси, иже во дворе (цареве), покланяхуся Аману: сице бо повеле царь творити. Мардохей же не кланяшеся ему. Esther 3:3 И глаголаша сущии во дворе цареве Мардохею: мардохее, чесо ради не слушаеши глаголемых от царя? Esther 3:4 По вся же дни глаголаху ему, и не послушаше их. И возвестиша Аману, яко Мардохей сопротивляется повелению цареву, и поведа им Мардохей, яко Иудеанин есть. Esther 3:5 И уведав Аман, яко не кланяется ему Мардохеи, разгневася зело Esther 3:6 и умысли погубити вся Иудеи, иже в царстве Артаксерксове: Esther 3:7 и сотвори совет в лето второенадесять царства Артаксерксова, и меташе жребия день от дне и месяц от месяца, яко погубити во един день род Мардохеев: и паде жребий на четвертыйнадесять день месяца, иже есть Адар. Esther 3:8 И рече (Аман) ко царю Артаксерксу, глаголя: есть язык разсеянный во языцех во всем царстве твоем: законы же их странни паче всех язык, и законов царских не слушают, и не пользует царю оставити их: Esther 3:9 и аще годе есть цареви, да повелит погубити я: аз же запишу в сокровище царево десять тысящ талант сребра. Esther 3:10 И снем царь перстень (с руки своея), даде в руце Аману, да запечатает писания написанная на Иудей. Esther 3:11 И рече царь Аману: сребро убо имей ты себе, людем же твори, якоже хощеши. Esther 3:12 И призвани быша писцы царевы в третийнадесять день месяца перваго, и написаша, якоже повеле Аман, к воеводам и началником по всем странам, от Индийския области даже и до Ефиопии, сто двадесяти седми странам, началствующым над языки по их языку, именем Артаксеркса царя. Esther 3:13 И посла с писмоносцы писания в царство Артаксерксово, да побиют род Жидовский в день един месяца вторагонадесять, иже есть Адар, и да расхитят имения их. Списание же епистолии сицево бе: царь великий Артаксеркс началствующым от Индии даже до Ефиопии над сто двадесять седмию странами и местоначалником подданным. Над многими царствующь языки и обдержав всю вселенную, восхотех, не дерзостию области возносимь, но кротостию и тихостию всегда правя, безмятежно житие всегда устрояти подручных (наших), и царствие (свое) безмолвно и проходимо даже до конец соблюдая, обновити желаемый всем человеком мир. Вопросившу же ми советники моя, како бы возможно сие совершити, иже у нас целомудрием пресловутый и во благоволении неизменный и твердою верностию утвержденный и вторую честь по цари получивый Аман сказа нам, яко во всех по вселенней коленех смесися враждебный некий народ, законами сопротивный ко всякому языку и повеления царская всегда небрегущь, дабы не устроялося от нас благоуправляемое непорочно сообладание. Уразумевше убо, яко сей язык един сопротивляется всегда всякому человеку, уставление законов иностранное изменяет, и противяся нашым делом, горшая совершает злая, дабы царствие наше не получило благостояния: повелехом убо написанными к вам грамотами от Амана учиненаго над вещьми (царскими) и втораго отца нашего, всех со женами и чады погубити всекоренне вражиими мечьми без всякия милости и пощадения, в четвертыйнадесять день вторагонадесять месяца Адара, настоящаго лета, яко да бывшии древле и ныне врази во единем дни горько во ад сошедше, в прочее время тихо и безмолвно житие дадят нам до конца проходити. Esther 3:14 Списания же епистолии посылахуся по странам, и повелено бысть всем языком готовым быти в нареченный день. Esther 3:15 Приспе же дело и в Сусы: и царь убо и Аман пирующа наслаждастася, град же (Сусы) мятяшеся. Esther 4:0 Esther 4:1 Мардохей же разумев замышляемое, раздра ризы своя и облечеся во вретище и посыпася пепелом: и скочив в пространную улицу града, возопи воплем великим и горьким: взимается род ничтоже преступивый. Esther 4:2 И прииде даже до врат царевых и ста: не леть бо бе ему внити во двор во вретище облечену и пепелом осыпану сущу. Esther 4:3 И во всяцей стране, идеже показовахуся писания (царева), вопль бе и плачь и рыдание превелие Иудеом, вретище и пепел постилаху себе. Esther 4:4 И внидоща рабыни и евнуси царицыны и возвестиша ей. И смятеся услышавши бывшее: и посла ризы облещи Мардохеа и сняти вретище его. И не послуша. Esther 4:5 Есфирь же призва Ахрафеа скопца своего, предстоящаго ей, Esther 4:6 и посла его уведати от Мардохеа истину. Esther 4:7 Мардохей же сказа ему бывшее, и обещание, еже обеша Аман царю в сокровищный дом (положити) десять тысящ талант сребра, да погубит Иудей: Esther 4:8 и списание (повеления) изданнаго в Сусех (граде) на погубление их даде ему, да покажет Есфири: и рече ему, заповедати ей ити молити царя и просити его о людех, поминаюши дни смирения твоего, како воспитана еси в руце моей, зане Аман вторый по цари глагола противу нам на смерть: призови Господа и глаголи царю о нас, да избавит нас от смерти. Esther 4:9 Вшед же Ахрафей, поведа Есфири вся глаголы сия. Esther 4:10 И рече Есфирь ко Ахрафею: иди к Мардохею и рцы: Esther 4:11 понеже вси языцы царствия ведят, яко всяк муж или жена, иже аще внидет ко царвеи во внутренний дом не призван, несть ему спасения, точию к немуже аще прострет царь златый жезл, сей спасен будет: аз же несмь звана внити ко царю се уже тридесять дний. Esther 4:12 И возвести Ахрафей Мардохею вся глаголы Есфирины. Esther 4:13 И рече Мардохей ко Ахрафею: иди и рцы ей: Есфире, да не речеши в себе, яко ты едина спасешися во царствии паче всех Иудей: Esther 4:14 зане аще преслушаеши в сие время, отинуду помощь и покров будет Иудеом, ты же и дом отца твоего погибнете: и кто весть, аще на сие время воцарилася еси? Esther 4:15 И посла Есфирь пришедшаго к ней ко Мардохею, глаголющи: Esther 4:16 шед собери Иудеи иже в Сусех, и поститеся о мне, и не ядите ниже пийте три дни день и нощь: аз же и служебницы моя (такожде) не имамы ясти: и тогда вниду ко царю кроме закона, аще и погибнути ми приключится. Esther 4:17 И шед Мардохей сотвори, елика заповеда ему Есфирь, и помолися Господеви поминая вся дела Господня и рече: Господи, Господи Царю Вседержителю, яко во власти Твоей сие все есть, и несть противомудрствуяй Тебе, внегда восхощеши спасти Израиля: яко Ты сотворил еси небо и землю и все удивляемое в поднебесней и Господь еси всех, и несть, иже воспротивится Тебе Господеви: Ты вся веси, Ты знаеши, Господи, яко не в укоризне ни в гордости, ниже во тщелавии сотворих сие, еже не покланятися прегордому Аману, понеже благоволим бых лобзати и следы ног его спасения ради Израилева, но сие сотворих, да не воздам славы человеку паче славы Божя, и не поклонюся ни комуже, кроме Тебе Господа моего, и не сотворю сия в гордости: и ныне, Господи Боже, Царю, Боже Авраамов, пощади люди Твоя, яко назирают нам в погибель и вожделеша погубити еже из начала наследие Твое: не презри достояния Твоего, еже избавил еси Тебе от земли Египетския: услыши молитву мою, и умилосердися над жребием Твоим, и обрати рыдание наше в веселие, да живуще восхвалим имя Твое, Господи, и не погуби уст восхваляющих Тя, Господи. И весь Израиль возопи от крепости своея, яко смерть их пред очима их: и Есфирь царица притече ко Господу в подвизе смерти обдержима, и снемши ризы славы своея, облечеся в ризы тесноты и плача, и вместо многоценных мастей и благовонных пепелом и гноем посыпа главу свою, и плоть свою смири зело, и кождо место украшения веселия своего исполни растерзанными власы своими, и моляшеся Господу Богу Израилеву и рече: Господи мой, Царю наш, Ты еси един, помози ми единый и не имеющей помощи разве Тебе, яко беда моя в руце моей: аз слышах, Господи, от отца моего в племени отечества моего, яко Ты Господи, приял еси Израиля от всех язык и отцы нашя от всех праотец их в наследие вечное, и сотворил еси им, елика глаголал еси: и ныне согрешихом пред Тобою, и предал еси нас в руки враг наших, занеже славихом боги их: праведен еси, Господи: и ныне не доволни быша горестию работы нашея, но положиша руки своя на руки идол своих, исторгнути заповедь уст Твоих и погубити наследие Твое, и заградити уста хвалящих Тя и угасити славу храма Твоего и олтаря Твоего, и отверзти уста языком во угождения суетных и удивитися цареви плотскому во веки: не предаждь, Господи, скиптра Твоего сим, иже не суть, и да не посмеются в падении нашем, но обрати совет их на ня, наченшаго же на нас в притчу положи: помяни, Господи, познан буди во время скорби нашея и мене сподоби дерзновения: Царю богов и всякаго началства Содержителю, даждь слово благоугодно во уста моя пред львом, и премени сердце его в ненавидение воюющаго ны, во истребление его и с ним советующих: нас же изми рукою Твоею и помози ми единей и не имеющей ни когоже, токмо Тебе, Господи: всех разум имаши и веси, яко возненавидех славу беззаконных и гнушаюся ложа необрезанных и всякаго иноплеменника: Ты веси нужду мою, яко гнушаюся знамения гордости моея, еже есть на главе моей во днех видения моего, гнушаюся его, яко рубищ оскверненных, и не ношу его в день молчания моего: и не яде раба Твоя от трапезы Амановы, и не прославлях пира царева, ниже пиях вино требищ (идолских): и не возвеселися раба Твоя от дне пременения моего даже доныне, точию о Тебе, Господи Боже Авраамов: Боже, могий над всеми, услыши глас безнадежных, и избави нас от руки лукавнующих и изми мя от страха моего. Esther 5:0 Esther 5:1 И бысть по триех днех, егда преста молитися, совлечеся из риз прискорбных и облечеся в ризы славы своея: и бысть доброзрачна, призывающи всевидца Бога и Спасителя, и взя две рабыни с собою, и о едину убо опирашеся аки сладостьми обилующи, другая же последоваше, да облегчает ризы ея: и сия червленеющися добротою красоты своея, и лице ея осклабляющееся аки прелюбивейше, сердце же ея стеняше от страха. И прошедши вся двери, ста пред царем. Он же седяше на престоле царства своего, оболчен во все одеяние славы своея, весь во злате и камениих многоцвеных, и бяше страше зело: и возвед лице свое огневидно славою, зелною яростию воззре. И паде царица, и изменися лице ея со ослабленмем, и преклонися на главу рабыни предидущия. И премени Бог дух царев на кротость, и потщався сниде со престола своего и восприят ю во овятия своя, дондеже прииде в себе, и утеши ю глаголы мирными и рече ей: что ти есть, Есфире? Аз есмь брат твой, дерзай, не умреши: яко общее повеление наше есть, приступи. Esther 5:2 И взем златый жезл (царь) возложи на выю ея и облобыза ю и рече: глаголи ми. И рече ему: видех тя, господине, яко Ангела Божия, и смятеся сердце мое от страха славы твоея, яко дивен еси, господине, и лице твое благодатей исполнено. Беседующи же она к нему, паде от ослабления. Царь же смятеся, и вси раби его утешаху ея. Esther 5:3 И рече ей царь: что хощеши, Есфире? И что прошение твое? Будет ти даже и до полуцарства моего. Esther 5:4 И рече Есфирь: день моего празднования днесь есть: аще убо угодно есть цареви, да приидет царь и Аман на пир, егоже сотворю днесь. Esther 5:5 И рече царь: ускорите ити по Амана, да сотворим слово Есфирино. И приидоста оба на пир, егоже сотвори Есфирь. Esther 5:6 На пиру же рече царь ко Есфири: что есть, Есфире царице? (и кая есть мысль прошения твоего? Дам ти и до полуцарства моего,) и будет елико просиши. Esther 5:7 И рече Есфирь : прошение мое и моление: Esther 5:8 аще обретох благодать пред царем, да приидет царь и Аман еще заутра на пир, егоже сотворю има, и заутра сотворю сие прошение. Esther 5:9 И изыде Аман от царя зело радостен и весел: видев же Мардохеа Иудеанина во дворе (цареве не подвигнувшася и не кланяющатя пред ним), возярися зело: Esther 5:10 и вшед в дом свой, призва други своя и Зосару жену свою Esther 5:11 и показа им богатство свое и славу, еюже возвеличи его царь, и яко сотвори его перваго быти и правити царствие. Esther 5:12 И рече Аман: не зва царица ни единаго на пир со царем, но точию мене, и наутрие зваше мя: Esther 5:13 но сия не суть ми угодна, егда вижду Мардохеа Иудеанина во дворе (цареве). Esther 5:14 И рече ему Зосара жена его и друзие: приготови древо лакот пятьдесят, и заутра речеши цареви, и да повешен будет Мардохей на древе: ты же вниди со царем на пир и веселися. И угоден бысть Аману глагол сей, и уготова древо. Esther 6:0 Esther 6:1 Господь же отя сон от царя в нощи оней. И повеле рабу своему принести книги памятныя дний прочитати ему: Esther 6:2 и обрете писания написанная о Мардохеи, како поведа царю о двою евнуху царскую, внегда стрещи има, и умыслиста убити (царя) Артаксеркса. Esther 6:3 И рече царь: кую славу или благодать сотворихом Мардохею? И рекоша отроцы царевы: ничтоже сотворил еси ему? Esther 6:4 Вопрошающу же царю о благодеянии Мардохеове, се, Аман прииде во двор, и рече царь: кто есть во дворе? Аман же прииде рещи цареви, да повесит Мардохеа на древе, еже уготова. Esther 6:5 И рекоша отроцы царевы: се, Аман стоит во дворе. И рече царь: призовите его. Esther 6:6 И рече царь Аману: что сотворю мужу, егоже аз хощу прославити? Рече же в себе Аман: кого хощет царь прославити, разве мене? Esther 6:7 Рече же царю: мужа, егоже хощет царь прославити, Esther 6:8 да принесут отроцы царевы одежду виссонную, еюже царь облачается, и коня, на немже царь ездит, Esther 6:9 и да дастся единому от другов царевых славных, и да облечет мужа, егоже царь любит, и да посадит его на коня и проповесть на улицах града, глаголя: тако будет всякому человеку, егоже царь прославит. Esther 6:10 И рече царь Аману: добре рекл еси: тако сотвори Мардохею Иудеанину, угодно служащему во дворе (нашем), и да не изменится слово твое от сих, яже рекл еси. Esther 6:11 И взя Аман одежду и коня, и облече Мардохеа, и возведе его на коня, и пройде по улицам града, и проповедаше (пред ним), глаголя: сице будет всякому человеку, егоже хощет цар прославити. Esther 6:12 И возвратися Мардохеи во двор (царев): Аман же иде в дом свой скорбя преклонив главу. Esther 6:13 И сказа Аман случившаяся ему Зосаре жене своей и другом своим. И реша ему друзие его и жена: аще от племене Иудейскаго Мардохей, начал еси смирятися пред ним, падая падеши, и не возможеши ему отмстити, яко Бог живый есть с ним. Esther 6:14 И еще глаголющым им, приидоша евнуси, спешно зовуще Амана на пир, егоже уготова Есфирь. Esther 7:0 Esther 7:1 Вниде же царь и Аман пировати со царицею. Esther 7:2 И рече царь Есфири во вторый день на пиру: что есть, Есфире царице? И что прошение твое? И что моление твое? И будет тебе до полуцарствия моего. Esther 7:3 И отвещавши (Есфирь царица) рече: аще обретох благодать пред очима твоима, царю, да дастся душа моя прошению моему и людие мои молению моему: Esther 7:4 продани бо есмы, аз же и людие мои, на погибель и расхищение и в работу, мы же и чада наша в рабы и рабыни, и небрегох: несть бо достоин клеветник двора царева. Esther 7:5 И рече царь: кто есть сей, иже дерзну сотворити вещь сию? Esther 7:6 И рече Есфирь: человек враг, Аман лукавый сей. Аман же смятеся от царя и царицы. Esther 7:7 Царь же воста со гневом от пира (и иде) в вертоград: Аман же моляше царицу, видяше бо себе в бедах суща. Esther 7:8 Возвратися же царь из вертограда, и Аман припаде к ложу, на немже бе Есфирь, моля царицу. И рече царь: егда и жену насилует в дому моем? Аман же слышав изменися лицем. Esther 7:9 Рече же Вугафан един от скопцев, сей же ведяше о том древе, видев е в дому Аманове, егда призываше его на обед царский, и о сем испытав единаго от отрок, уразумев замышляемое, и рече ко царю: се, и древо уготова Аман Мардохею глаголавшему благая о цари, и стоит в дому Аманове возвышено на лакот пятьдесят. И рече царь: да повесится (Аман) на нем. Esther 7:10 И повешен бысть Аман на древе, еже уготова Мардохею. И тогда царь утолися от ярости. Esther 8:0 Esther 8:1 И в той день царь Артаксеркс дарова Есфири, елика бяху Амана клеветника (Иудейска): и Мардохеи призван бысть от царя, поведа бо Есфирь, яко сродник есть ей. Esther 8:2 И сня царь перстень свой, егоже отя у Амана, и даде Мардохееви. И постави Есфирь Мардохеа над всем имением Амановым, Esther 8:3 и приложи глаголати ко царю, и припаде пред ногама его (и восплака), и моляше его отвратити злобу Аманову и мысль его, еюже помысли на Иудеи. Esther 8:4 И простре царь Есфири жезл злат: воста же Есфирь и ста пред царем. Esther 8:5 И рече Есфирь: аще угодно ти есть, и обретох благодать пред тобою, посли возвратити писания посланная от Амана, писаная на погубление Иудеов, иже обитают во (всем) царствии твоем: Esther 8:6 како бо возмогу видети озлобление людий моих и како возмогу спастися в погибели отечества моего? Esther 8:7 И рече царь Есфири: аще вся имения Аманова дах и даровах тебе, и того повесих на древе, яко руце вознесе на Иудеи, что еще просиши? Esther 8:8 Напишите и вы именем моим, якоже угодно есть вам, и запечатайте перстнем моим: елика бо писана бывают царевым повелением и запечатаются перстнем моим, не возможно им противорещи. Esther 8:9 И призвани быша писцы (царевы) в первый месяц, иже есть Нисан, в двадесять третий день тогожде месяца, и написаша о Иудеех, елика заповеда Мардохей, ко управителем и ко началником воевод от Индийския страны даже до Ефиопии, сто двадесять седми воеводам, во всякую страну по своему их языку. Esther 8:10 Написана же быша велением царевым и запечатлешася перстнем его: и послаша писания чрез писмоносцы, Esther 8:11 яко повеле им жити по законом их во всяцем граде, и да помогают им, и да сотворят соперником их и противником их, якоже хотят, Esther 8:12 в день един по всему царству Артаксерксову, в третийнадесять день вторагонадесять месяца, иже есть Адар. Esther 8:13 Списание же епистолии сице бе: царь великий Артаксеркс сущым от Индии даже до Ефиопии сто двадесяти и седмим началством странами обладающым и властелем нам доброжелателствующым, радоватися. Мнози множайшею благодетелствующих благостию частее чествуеми паче меры возгордешася, и не точию подчиненных нам ищут озлобити, но доволства не могуще снести, и своим благодетелем начинают коварствовати: и благодарение не токмо от человек отемлюще, но еще (по обычаю) не приявших благодеяний киченьми вознесшеся, вся присно назирающаго Бога ненавидящаго зла мнят избежати суда. Многажды же и многих от поставленных на властех, имже уверися другов устрояти дела, ласкателство кровей неповинных виновными поставляя, подверже неуврачеванным злым, злонравия ложным прельщением тех, иже прельщают незлобивое благосердие владеющих. Видети же леть есть нам взыскующым не толико от древних, якоже предахом, историй, елико от тех, яже суть при ногах непреподобно соделанная губителством недостойно владеющих. Сего ради внимати надлежит по сих, во еже царство безмятежно всем человеком с миром устроити, не употребляюще пременений, приходящая же пред очеса всегда с приличным предварением разсуждающе. Егда бо Аман Амадафуев Македонянин, истинно чуждь Персския крове и много отстоящь от нашея благости, страннолюбно приятый от нас, толикое человеколюбие, еже ко всякому языку имеем, получи, яко нарицатися ему отцем нашим, и покланяемому от всех, второе царскаго престола лице содержати: неумерителен же в гордости прилежно искал, како бы нас области и живота лишити, купно же нашего блюстителя и всегдашняго благодетеля Мардохеа и непорочную царства сообщницу Есфирь со всем их племенем многоплетенными хитростей прельщеньми ищущь на погубление: сими бо образы возмне нас лишив блюстителей взяти, и власть Персскую ко Македоняном пренести. Мы же Иудеов, от трегубителнаго сего в погубление преданных, обретаем не злотворных, но праведнейшими управляемых законы, и сущих сынов Вышняго, превеличайнаго живаго Бога, управляющаго нам же и прародителем нашым царствие в добрейшем состоянии. Добре убо сотворите не употребляюще от Амана Амадафуева посланных Писаний, понеже он сия соделавый при вратех Сусских со всем домом своим повешен есть, достойный ему вскоре суд воздавшему всеми владеющему Богу. Списание же епистолии сея предложивше на всяцем месте со дерзновением, оставите Иудеов употребляти своя законы, спомоществующе им, яко да во время скорби воставшым на них отмстят в третийнадесять день вторагонадесять месяца Адара в самый той день: в сей бо (день) всемогущий Бог вместо погубления избраннаго рода сотвори им веселие. И вы убо во именитых ваших праздницех знаменитый день со всякою радостию провождайте, да и ныне, и по сих спасение нам убо и доброжелателным Персом будет, наветующым же нас в память погубления. Всяк же град или страна, яже по сим не сотворит, всячески мечем и огнем с толиким потребится гневом, яко не токмо человеком непроходна, но и зверем и птицам во всякое время мерзостнейша оставится. И списания сия да предложатся очевидно во всем царстве, еже готовым быти всем Иудеом на сей день ратовати своих противных. Esther 8:14 Конницы убо изыдоша спешно повеленная от царя совершити. Предлагашеся же повеление и в Сусех. Esther 8:15 И Мардохей изыде облечен в царскую одежду и венец имущь златый, диадиму виссонную, червленую. Видевше же сущии в Сусех возрадовашася, Esther 8:16 яко Иудеом бысть свет и веселие: Esther 8:17 во (всяцем) граде и стране, идеже аще предлагашеся повеление радость и веселие бе Иудеом, пирование и утешение. И мнози от язык обрезовахуся и закон Иудейский приимаху, страха ради Иудейскаго. Esther 9:0 Esther 9:1 Во вторыйнадесять месяц, иже есть Адар, в третийнадесять день месяца приидоша писания от царя. Esther 9:2 В той же день погибоша супостаты Иудеев: ни един бо сопротивися им бояся их. Esther 9:3 Началствующии бо странам и властителие и царстии книгочия почитаху Иудей: Esther 9:4 страх бо Мардохеев належаше на них. Esther 9:5 Приложися бо повеление царево именоватися ему по всему царствию. Esther 9:6 И в Сусех граде избиша Иудее пять сот мужей: Esther 9:7 Фарсана, нестанна и Делфона, и Фасгана Esther 9:8 и Фардафана, и Вареа и Сарвакана, Esther 9:9 и Мармасима и Руфеа, и Арсеа и Завуфефама, Esther 9:10 десять сынов Амана Амадафуева Вугеанина врага Иудеом, иже от Фармафеа, и разграбиша в той день (имения их): Esther 9:11 и сказаша число избиенных царю в Сусех граде. Esther 9:12 И рече царь ко Есфири: избиша Иудее в Сусе граде пять сот мужей, по окрестным же странам колико, мниши, погубиша? И чесого еще просиши, и будет ти? Esther 9:13 И рече Есфирь ко царю: да дастся такожде Иудеом творити заутра, яко да повесят десять сынов Амановых. Esther 9:14 И повеле царь тако быти, и попусти Иудеом вне града повесити телеса сынов Амановых. Esther 9:15 И собрашася Иудее, иже в Сусех, в четвертыйнадесять деень Адара, и избиша мужей триста, и ничтоже разграбиша. Esther 9:16 Прочии же Иудее, иже во царствии, собрашася и себе помогаху и почиша от браней: избиша бо от них пятьнадесять тысящ в третийнадесять Адара, и ничтоже расхитиша. Esther 9:17 И почиша в четвертыйнадесять день тогожде месяца и провождаху той день упокоения с радостию и веселием. Esther 9:18 Иудее же в Сусех граде собрашася и в четвертыйнадесять почиша: проводиша же и пятыйнадесять с радостию и веселием. Esther 9:19 Сего ради Иудее разсеяннии во всяцей стране внешней провождают четвертыйнадесять день Адара благ с веселием, посылающе части кийждо ближнему: живущий же в митрополиях и в пятыйнадесять день Адара веселия благий провождают, посылающе части ближним. Esther 9:20 Написа же Мардохей словеса сия в книгу и посла Иудеом, елицы беша в царствии Артаксерксове, близ и далече сущым, Esther 9:21 уставити дни сия благи, еже провождати четвертыйнадесять и пятыйнадесять день Адара: Esther 9:22 в сих бо днех почиша Иудее от враг своих: и месяц Адар, иже обратися им от плача в радость и от болезни во благий день, провождати весь во благих днех радости и веселия, посылающе части ко другом и нищым. Esther 9:23 И прияша Иудее, якоже написа им Мардохей: Esther 9:24 како Аман Амадафуев Македонянин ратоваше Иудеев, и како изнесе суд и жребий, еже погубити их, Esther 9:25 и яко вниде ко царю, глаголя, да повесит Мардохеа: елика нача наводити на Иудеи злая, на него быша, и повешен бысть сам и чада его. Esther 9:26 Сего ради нарекошася дние сии Фурим ради жребий, зане диалектом их жребии нарицаются фурим, ради словес епистолии сея, и елика пострадаша сих ради, и елика им приключишася. Esther 9:27 Устави убо, и тако прияша Иудее на себе и на семя свое и на ириложившихся к ним, ниже иначе да употребляют: дние же сии памяти совершаеми по роду и роду, и граду и отечеству и стране. Esther 9:28 Дние же сии Фурим да провождают во всякое лето, и память да не оскудеет от родов. Esther 9:29 И написа Есфирь царица дщи Аминадавля и Мардохей Иудеанин, елика сотвориша во утверждение епистолии о днех Фурим. Esther 9:30 И Мардохей и Есфирь царица устависта себе сами, и тогда устависта в посте своем совет свой. Esther 9:31 И Есфирь слово постави во веки, и написано бысть в память. Esther 10:0 Esther 10:1 Написа же царь по всему царствию своему, еже на земли и на мори, Esther 10:2 и силу свою, и мужественная исправления, богатство же и славу царствия своего: се, писана суть в книзе царей Персских и Мидских, на память. Esther 10:3 Мардохей бо вторый бе по цари Артаксерксе, и велик бе во царствии и прославлен от Иудей и любимь, поведаше содеянная всему языку своему. И рече Мардохей: от Бога быша сия: помянух бо о сонии, еже видех о словесех сих, ниже бо премину от сих слово: малый источник, иже бысть река, и бе свет, и солнце, и вода многа. Есфирь есть река, юже поя царь и сотвори царицу: два же змиа, аз есмь и Аман: языцы же (суть), иже собрашася истребити имя Иудеов: язык же мой сей есть Израиль, вопивший ко Богу, и спасошася: и спасе Господь люди Своя и избави нас Господь от всех зол сих: и сотвори Бог знамения и чудеса велия, яже не быша во языцех. Сего ради сотвори два жребия, един людем Божиим и един всем языком: и изыдоста два жребия сия в час и время и в день суда пред Богом во всех языцех: и помяну Господь Бог люди Своя и оправда достояние Свое: и будут им дние сии (праздничнии) в месяц Адар, в четвертыйнадесять и пятыйнадесять день месяца тогожде, с собором и радостию и с веселием пред Богом, в род во веки в людех Своих Израили. В лето четвертое царствия Птоломеева и Клеопатры, внесе Досифей, иже глаголашеся быти священник и левит, и Птоломей сын его, предлежащую епистолию о (днех) Фурим, юже сказоваху, яко истолкова Лисимах сын Птоломеев, живый во Иерусалиме.
Job 0:0
Книга Иова Job 1:0 Job 1:1 Человек некий бяше во стране Авситидийстей, емуже имя Иов, и бе человек он истинен, непорочен, праведен богочестив, удаляяся от всякия лукавыя вещи. Job 1:2 Быша же ему сынове седмь и дщери три. Job 1:3 И бяху скоти его, овец седмь тысящ, велблюдов три тысящы, супруг волов пять сот, и ослиц пасомых пять сот, и слуг много зело, и дела велия бяху ему на земли: и бе человек оный благороднейший сущих от Восток солнца. Job 1:4 Сходящеся же сынове его друг ко другу, творяху пир на кийждо день, споемлюще вкупе и три сестры своя, ясти и пити с ними. Job 1:5 И егда скончавашеся дние пира, посылаше Иов и очищаше их, востая заутра, и приношаше о них жертвы по числу их, и телца единаго о гресе о душах их. Глаголаше бо Иов: негли когда сынове мои согрешиша и в мысли своей злая помыслиша противу Бога? Тако убо творяше Иов вся дни. Job 1:6 И бысть яко день сей, и се, приидоша Ангели Божии предстати пред Господем, и диавол прииде с ними. Job 1:7 И рече Господь диаволу: откуду пришел еси? И отвещав диавол Господеви, рече: обшед землю и прошед поднебесную, се, есмь. Job 1:8 И рече ему Господь: внял ли еси мыслию твоею на раба Моего Иова? Зане несть яко он на земли: человек непорочен, истинен, богочестив, удаляяся от всякия лукавыя вещи. Job 1:9 Отвеща же диавол и рече пред Господем: Job 1:10 еда туне Иов чтит Господа? Не Ты ли оградил еси внешняя его и внутренняя дому его, и яже вне всех сущих его окрест? Дела же руку его благословил еси и скоты его многи сотворил еси на земли: Job 1:11 но посли руку Твою и коснися всех, яже имать, аще не в лице Тя благословит, Job 1:12 тогда рече Господь диаволу: се, вся, елика суть ему, даю в руку твою, но самого да не коснешися. И изыде диавол от Господа. Job 1:13 И бысть яко день сей, сынове иовлевы и дщери его пияху вино в дому брата своего старейшаго. Job 1:14 И се, вестник прииде ко Иову и рече ему: супрузи волов оряху, и ослицы пасяхуся близ их: Job 1:15 и пришедше пленителие плениша их и отроки избиша мечем, и спасохся аз един и приидох возвестити тебе. Job 1:16 Еще сему глаголющу, прииде ин вестник и рече ко Иову: огнь спаде с небесе и пожже овцы и пастыри пояде подобне, спасохся же аз един и приидох возвестити тебе. Job 1:17 Еще сему глаголющу, прииде ин вестник и рече ко Иову: конницы сотвориша началства три и окружиша велблюды и плениша их и отроки избиша мечьми, спасохся же аз един и приидох возвестити тебе. Job 1:18 Еще сему глаголющу, ин вестник прииде, глаголя Иову: сыном твоим и дщерем твоим ядущым и пиющым у брата своего старейшаго, Job 1:19 внезапу ветр велик найде от пустыни и коснуся четырем углом храмины, и паде храмина на дети твоя, и скончашася: спасохся же аз един и приидох возвестити тебе. Job 1:20 Тако (услышав) Иов, востав растерза ризы своя и остриже власы главы своея, (и посыпа перстию главу свою,) и пад на землю, поклонися (Господеви) Job 1:21 и рече: сам наг изыдох от чрева матере моея, наг и отиду тамо: Господь даде, Господь отят: яко Господеви изволися, тако бысть: буди имя Господне благословено (во веки). Job 1:22 Во всех сих приключившихся ему ничтоже согреши Иов пред Господем, (ниже устнама своима,) и не даде безумия Богу. Job 2:0 Job 2:1 Бысть же яко день сей, и приидоша Ангели Божии предстати пред Господем, и диавол прииде посреде их предстати пред Господем. Job 2:2 И рече Господь диаволу: откуду ты грядеши? Тогда рече диавол пред Господем: прошед поднебесную и обшед всю землю, приидох. Job 2:3 И рече Господь ко диаволу: внял ли еси убо (мыслию твоею) рабу Моему Иову? Яко несть такова от сущих на земли: человек незлобив, истинен, непорочен, богочестив, удаляяся от всякаго зла, еще же придержится незлобия: ты же рекл еси имения его погубити вотще. Job 2:4 Отвещав же диавол Господеви, рече: кожу за кожу, и вся, елика имать человек, даст за душу свою: Job 2:5 обаче посли руку Твою и коснися костем его и плоти его, аще не в лице Тя благословит. Job 2:6 Рече же Господь диаволу: се, предаю ти его, токмо душу его соблюди. Job 2:7 Изыде же диавол от лица Господня и порази Иова гноем лютым от ногу даже до главы. Job 2:8 И взя (Иов) чреп, да острогает гной свой, и той седяше на гноищи вне града. Job 2:9 Времени же многу минувшу, рече к нему жена его: доколе терпиши глаголя: се, пожду время еще мало, чая надежди спасения моего? Се бо, потребися от земли память твоя, сынове твои и дщери, моего чрева болезни и труды, имиже вотще трудихся с болезньми: ты же сам в гнои червей седиши, обнощевая вне без покрова, и аз скитающися и служащи, место от места преходящи, и дом от дому, ожидающи солнца, когда зайдет, да почию от трудов моих и от болезней, яже мя ныне обдержат: но рцы глагол некий ко Господу и умри. Job 2:10 Он же воззрев рече к ней: вскую яко едина от безумных жен возглаголала еси? Аще благая прияхом от руки Господни, злых ли не стерпим? Во всех сих приключившихся ему, ничимже согреши Иов устнама пред Богом (и не даде безумия Богу). Job 2:11 Услышавше же трие друзие его вся злая нашедшая нань, приидоша кийждо от своея страны к нему: Елифаз Феманский царь, Валдад Савхейский властитель, Софар Минейский царь: и приидоша к нему единодушно утешити и посетити его. Job 2:12 Увидевше же его издалеча, не познаша, и возопивше гласом велиим восплакашася, растерзавше кийждо одежду свою и посыпавше перстию главы своя: Job 2:13 седеша при нем седмь дний и седмь нощей, и никтоже от них возглагола к нему словесе: видяху бо язву люту сущу и велику зело. Job 3:0 Job 3:1 Посем отверзе Иов уста своя и прокля день свой, Job 3:2 глаголя: Job 3:3 да погибнет день, в оньже родихся, и нощь оная, в нюже реша: се, мужеск пол: Job 3:4 та нощь буди тма, и да не взыщет ея Господь свыше, ниже да приидет на ню свет, Job 3:5 и да приимет ю тма и сень смертная, да приидет на ню сумрак: проклят буди день той Job 3:6 и нощь оная: да постигнет ю тма, да не будет во днех лета, ниже да вчислится во днех месяцей: Job 3:7 но нощь оная да будет болезнь, и да не приидет на ню веселие и радость, Job 3:8 но да прокленет ю проклинаяй той день, иже имать одолети великаго кита: Job 3:9 да померкнут звезды тоя нощи, да ожидает и на свет да не приидет, и да не видит денницы возсиявающия, Job 3:10 яко не затвори врат чрева матере моея: отяла бо бы болезнь от очию моею: Job 3:11 почто бо во утробе не умрох? Из чрева же изшед, и абие не погибох? Job 3:12 Почто же мя прияша на колена? Почто же ссах сосца? Job 3:13 Ныне убо уснув умолчал бых, уснув же почил бых Job 3:14 со царьми и советники земли, иже хваляхуся оружии, Job 3:15 или со князи, имже много злата, иже наполниша домы своя сребра, Job 3:16 или якоже изверг излазяй из ложесн матерних, или якоже младенцы, иже не видеша света: Job 3:17 тамо нечестивии утолиша ярость гнева, тамо почиша претружденнии телом, Job 3:18 вкупе же в веце сем бывшии не слышат гласа собирающаго дань: Job 3:19 мал и велик тамо есть, и раб не бояйся господина своего: Job 3:20 почто бо дан есть сущым в горести свет и сущым в болезнех душам живот, Job 3:21 иже желают смерти и не получают, ищуще якоже сокровища, Job 3:22 обрадовани же бывают, аще улучат (смерть)? Job 3:23 Смерть бо мужу покой, егоже путь сокровен есть, затвори бо Бог окрест его: Job 3:24 прежде бо брашен моих воздыхание ми приходит, слезю же аз одержимь страхом, Job 3:25 страх бо, егоже ужасахся, прииде ми, и егоже бояхся, срете мя: Job 3:26 ни умирихся, ниже умолчах, ниже почих, и найде ми гнев. Job 4:0 Job 4:1 Отвеща же Елифаз Феманитин, глаголя: Job 4:2 еда множицею глаголано ти бысть в труде? Тяжести же глагол твоих кто стерпит? Job 4:3 Аще бо ты научил еси многи и руце немощных утешил еси, Job 4:4 немощныя же воздвигл еси словесы, коленом же немощным силу обложил еси. Job 4:5 Ныне же прииде на тя болезнь и коснуся тебе, ты же возмутился еси. Job 4:6 Еда страх твой есть не в безумии, и надежда твоя и злоба пути твоего? Job 4:7 Помяни убо, кто чист сый погибе? Или когда истиннии вси из корене погибоша? Job 4:8 Якоже видех орющих неподобная, сеющии же я болезни пожнут себе, Job 4:9 от повеления Господня погибнут, от духа же гнева Его изчезнут. Job 4:10 Сила львова, глас же львицы, веселие же змиев угасе: Job 4:11 мраволев погибе, занеже не имеяше брашна, скимни же львовы оставиша друг другу. Job 4:12 Аще же глагол кий истинен бе во словесех твоих, ни коеже бы от сих тя сретило зло. Не приимет ли ухо мое предивных от него? Job 4:13 Страхом же и гласом нощным, нападающь страх на человеки, Job 4:14 ужас же мя срете и трепет, и зело кости моя стрясе: Job 4:15 и дух на лице ми найде: устрашишася же ми власи и плоти, Job 4:16 востах и не разумех, видех, и не бе обличия пред очима моима, но токмо дух тих и глас слышах: Job 4:17 что бо? Еда чист будет человек пред Богом? Или в делех своих без порока муж? Job 4:18 Аще рабом Своим не верует, и во Ангелех Своих стропотно что усмотре, Job 4:19 живущих же в бренных храминах, от нихже и мы сами от тогожде брения есмы, порази, якоже молие, Job 4:20 и от утра даже до вечера ктому не суть: занеже не могоша себе помощи, погибоша: Job 4:21 дхну бо на ня, и изсхоша, и понеже не имеяху премудрости, погибоша. Job 5:0 Job 5:1 Призови же, аще кто тя услышит, или аще кого от святых Ангел узриши. Job 5:2 Безумнаго бо убивает гнев, заблуждшаго же умерщвляет рвение. Job 5:3 Аз же видех безумных укореняющихся, но абие поядено бысть их жилище. Job 5:4 Далече да будут сынове их от спасения, и да сотрутся при дверех хуждших, и не будет изимаяй. Job 5:5 Иже бо они собраша, праведницы поядят, сами же от зол не изяти будут: изможденна буди крепость их. Job 5:6 Не имать бо от земли изыти труд, ни от гор прозябнути болезнь: Job 5:7 но человек раждается на труд, птенцы же суповы высоко парят. Job 5:8 Обаче же аз помолюся Богови, Господа же всех Владыку призову, Job 5:9 Творящаго велия и неизследимая, славная же и изрядная, имже несть числа: Job 5:10 дающаго дождь на землю, посылающаго воду на поднебесную: Job 5:11 возносящаго смиренныя на высоту и погибшыя воздвизающаго во спасение: Job 5:12 расточающаго советы лукавых, да не сотворят руце их истины. Job 5:13 Уловляяй премудрых в мудрости их, совет же коварных разори. Job 5:14 Во дни обымет их тма, в полудне же да осяжут якоже в нощи, Job 5:15 и да погибнут на брани: немощный же да изыдет из руки сильнаго. Job 5:16 Буди же немощному надежда, неправеднаго же уста да заградятся. Job 5:17 Блажен же человек, егоже обличи Бог, наказания же Вседержителева не отвращайся: Job 5:18 Той бо болети творит и паки возставляет: порази, и руце Его изцелят: Job 5:19 шестижды от бед измет тя, в седмем же не коснеттися зло: Job 5:20 во гладе избавит тя от смерти, на брани же из руки железа изрешит тя: Job 5:21 от бича языка скрыет тя, и не убоишися от зол находящих: Job 5:22 неправедным и беззаконным посмеешися, от дивиих же зверей не убоишися, Job 5:23 зане с камением дивиим завет твой: зверие бо дивии примирятся тебе. Job 5:24 Потом уразумееши, яко в мире будет дом твой, жилище же храмины твоея не имать согрешити: Job 5:25 уразумееши же, яко много семя твое, и чада твоя будут яко весь злак селный: Job 5:26 внидеши же во гроб якоже пшеница созрелая во время пожатая, или якоже стог гумна во время свезенный. Job 5:27 Се, сия сице изследихом: сия суть, яже слышахом: ты же разумей себе, аще что сотворил еси. Job 6:0 Job 6:1 Отвещав же Иов, рече: Job 6:2 аще бы кто веся извесил гнев мой, болезни же моя взял бы на мерило вкупе, Job 6:3 то песка морскаго тяжчайшии были бы: но, якоже мнится, словеса моя зла суть. Job 6:4 Стрелы бо Господни в теле моем суть, ихже ярость испивает кровь мою: егда начну глаголати, бодут мя. Job 6:5 Что бо? Еда вотще возревет дивий осел, разве брашна прося? Или возревет гласом вол, в яслех имеяй брашно? Job 6:6 Снестся ли хлеб без соли? Или есть вкус во тщих словесех? Job 6:7 Не может бо утишитися душа моя: смрад бо зрю брашна моя, якоже воню львову. Job 6:8 Аще бо дал бы, да приидет прошение мое, и надежду мою дал бы Господь. Job 6:9 Начен Господь да уязвляет мя, до конца же да не убиет мя. Job 6:10 Буди же ми град гроб, на егоже стенах скаках в нем: не пощажу: не солгах бо во словесех святых Бога моего. Job 6:11 Кая бо крепость моя, яко терплю? Или кое ми время, яко терпит моя душа? Job 6:12 Еда крепость камения крепость моя? Или плоти моя суть медяны? Job 6:13 Или не уповах на него? Помощь же от мене отступи, Job 6:14 отречеся от мене милость, посещение же Господне презре мя. Job 6:15 Не воззреша на мя ближнии мои: якоже поток оскудеваяй, или якоже волны преидоша мя: Job 6:16 иже мене бояхуся, ныне нападоша на мя: Job 6:17 якоже снег или лед смерзлый, егда истает теплоте бывшей, не ктому познавается, что бе: Job 6:18 тако и аз оставлен есмь от всех, погибох же и бездомок бых: Job 6:19 видите пути Феманския, на стези Савонския смотрящии, Job 6:20 и студа исполнени будут на грады и на имения надеющиися. Job 6:21 Ныне же и вы наидосте на мя немилостивно: убо видевше мой струп убойтеся. Job 6:22 Что бо? Еда что у вас просих, или вашея крепости требую, Job 6:23 да спасете мя от врагов, или из руки сильных избавите мя? Job 6:24 Научите мя, аз же умолчу: аще что погреших, скажите ми. Job 6:25 Но, якоже мнится, зла (суть) мужа истиннаго словеса, не от вас бо крепости прошу: Job 6:26 ниже обличение ваше словесы мя утолит, ниже бо вещания вашего словес стерплю. Job 6:27 Обаче яко на сира нападаете, наскачете же на друга вашего. Job 6:28 Ныне же воззрев на лица ваша, не солжу. Job 6:29 Сядите ныне, и да не будет неправедно, и паки ко праведному снидитеся. Job 6:30 Ибо несть в языце моем неправды, и гортань мой не разуму ли поучается? Job 7:0 Job 7:1 Не искушение ли житие человеку на земли, и якоже наемника повседневнаго жизнь его? Job 7:2 Или якоже раб бояйся господа своего и улучив сень? Или якоже наемник ждый мзды своея? Job 7:3 Такожде и аз ждах месяцы тщы, нощи же болезней даны ми суть. Job 7:4 Аще усну, глаголю: когда день? Егда же востану, паки: когда вечер? Исполнен же бываю болезней от вечера до утра. Job 7:5 Месится же мое тело в гнои червей, обливаю же грудие земли, гной стружа. Job 7:6 Житие же мое есть скоряе беседы, погибе же во тщей надежди. Job 7:7 Помяни убо, яко дух мой живот, и ктому не возвратится око мое видети благая. Job 7:8 Не узрит мене око видящаго мя: очи Твои на мне, и ктому несмь, Job 7:9 якоже облак очищен от небесе: аще бо человек снидет во ад, ктому не взыдет, Job 7:10 ни возвратится во свой дом, ниже имать его познати ктому место его. Job 7:11 Убо ниже аз пощажу уст моих, возглаголю в нужди сый, отверзу уста моя горестию души моея сотеснен. Job 7:12 Еда море есмь, или змий, яко учинил еси на мя хранение? Job 7:13 Рекох, яко утешит мя одр мой, произнесу же ко мне на едине слово на ложи моем: Job 7:14 устрашаеши мя сониями и видениями ужасаеши мя: Job 7:15 свободиши от духа моего душу мою, от смерти же кости моя. Job 7:16 Не поживу бо во век, да долготерплю: отступи от мене, тще бо житие мое. Job 7:17 Что бо есть человек, яко возвеличил еси его? Или яко внимаеши умом к нему? Job 7:18 Или посещение твориши ему по всяко утро и в покои судити его имаши? Job 7:19 Доколе не оставиши мене, ниже отпускаеши мя, дондеже поглощу слины моя в болезни? Job 7:20 Аще аз согреших, что Тебе возмогу соделати, сведый ум человечь? Почто мя еси положил прекословна Тебе, и есмь Тебе бременем? Job 7:21 Почто неси сотворил беззаконию моему забвения, и очищения греха моего? Ныне же в землю отиду, утренюяй же несмь ктому. Job 8:0 Job 8:1 Отвещав же Валдад Савхейский, рече: доколе глаголати будеши сия? Job 8:2 Дух многоглаголив во устех твоих. Job 8:3 Еда Господь обидит судяй? Или вся сотворивый возмятет правду? Job 8:4 Аще сынове твои согрешиша пред Ним, посла руку на беззакония их: Job 8:5 ты же утренюй ко Господу Вседержителю моляся: Job 8:6 аще чист еси и истинен, молитву твою услышит, устроит же ти паки житие правды: Job 8:7 будут убо первая твоя мала, последняя же твоя без числа. Job 8:8 Вопроси бо рода перваго, изследи же по роду отцев: Job 8:9 вчерашни бо есмы и не вемы, сень бо есть наше житие на земли: Job 8:10 не сии ли научат тя и возвестят ти и от сердца изнесут словеса? Job 8:11 Еда произничет рогоз без воды, или растет ситник без напаяния? Job 8:12 Еще сущу на корени, и не пожнется ли? Прежде напаяния всякое былие не изсыхает ли? Job 8:13 Тако убо будут последняя всех забывающих Господа: надежда бо нечестиваго погибнет: Job 8:14 не населен бо будет дом его, паучина же сбудется селение его. Job 8:15 Аще подпрет храмину свою, не станет: емшуся же ему за ню, не пребудет. Job 8:16 Влажный бо есть под солнцем, и от тления его леторасль его изыдет: Job 8:17 на собрании камения спит, посреде же кремения поживет: Job 8:18 аще поглотит место, солжет ему, не видел еси таковая, Job 8:19 яко превращение нечестиваго таково, из земли же инаго произрастит. Job 8:20 Господь бо не отринет незлобиваго: всякаго же дара от нечестиваго не приимет. Job 8:21 Истинным же уста исполнит смеха, устне же их исповедания. Job 8:22 Врази же их облекутся в студ: жилище же нечестиваго не будет. Job 9:0 Job 9:1 Отвещав же Иов, рече: Job 9:2 воистинну вем, яко тако есть: како бо будет праведен человек у Господа? Job 9:3 Аще бо восхощет судитися с Ним, не послушает Его, да не преречет ко единому словеси Его от тысящи. Job 9:4 Премудр бо есть мыслию, крепок же и велик: кто жесток быв противу Его, пребысть? Job 9:5 Обетшаяй горы, и не ведят, превращаяй я гневом: Job 9:6 трясый поднебесную из оснований, столпи же ея колеблются: Job 9:7 глаголяй солнцу, и не восходит, звезды же печатствует: Job 9:8 прострый един небо и ходяй но морю, яко по земли: Job 9:9 творяй Плиады и Еспера, и Арктура и сокровища южная: Job 9:10 творяй велия и неизследованная, славная же и изрядная, имже несть числа. Job 9:11 Аще приидет ко мне, не имам видети: и аще мимоидет мене, никако уразумех. Job 9:12 Аще возмет, кто возвратит? Или кто речет Ему: что сотворил еси? Job 9:13 Сам бо отвращает гнев, слякошася под Ним кити поднебеснии. Job 9:14 Аще же мя услышит, или разсудит глаголы моя? Job 9:15 Аще бо и праведен буду, не услышит мене, суду Его помолюся: Job 9:16 аще же воззову, и услышит мя, не иму веры, яко услыша глас мой. Job 9:17 Да не мглою мя потребит, многа же ми сотрения сотвори всуе, Job 9:18 не оставляет бо мя отдохнути, исполни же мя горести. Job 9:19 Понеже силен есть крепостию: кто убо суду Его воспротивится? Job 9:20 Аще бо буду праведен, уста моя нечестия сотворят: аще же буду непорочен, стропотен буду. Job 9:21 Аще бо нечестие сотворих, не вем душею моею: обаче отемлется ми живот. Job 9:22 Темже рех: велика и сильна губит гнев. Job 9:23 Яко лукавии смертию лютою погибнут, обаче праведным посмеваются. Job 9:24 Предана есть земля в руце нечестиваго, лица судий ея покрывает: аще же не Сам есть, кто есть? Job 9:25 Житие же мое есть легчае скоротечца: отбегоша и не видеша. Job 9:26 Или есть кораблем след пути, или орла летяща, ищуща яди? Job 9:27 Аще бо реку: забуду глаголя, приникнув лицем воздохну, Job 9:28 трясуся всеми удесы: вем бо, яко не безвинна мя оставиши. Job 9:29 Аще же нечестив есмь, почто не умрох? Job 9:30 Аще бо измыюся снегом и очищуся руками чистыми, Job 9:31 доволно во скверне омочил мя еси, возгнушася же мною одежда моя. Job 9:32 Неси бо человек, якоже аз, Емуже противопрюся, да приидем вкупе на суд. Job 9:33 О, дабы ходатай нам был, и обличаяй и разслушаяй между обема. Job 9:34 Да отимет от мене жезл, страх же Его да не смущает мене: Job 9:35 и не убоюся, но возглаголю, ибо тако не вем сам себе. Job 10:0 Job 10:1 Труждаюся душею моею, стеня испущу на мя глаголы моя, возглаголю горестию души моея одержимь Job 10:2 и реку ко Господеви: не учи мя нечествовати, и почто ми сице судил еси? Job 10:3 Или добро Ти есть, аще вознеправдую, яко презрел еси дела руку Твоею, совету же нечестивых внял еси? Job 10:4 Или якоже человек видит, видиши? Или якоже зрит человек, узриши? Job 10:5 Или житие Твое человеческо есть? Или лета Твоя яко дние мужа? Job 10:6 Яко истязал еси беззаконие мое и грехи моя изследил еси. Job 10:7 Веси бо, яко не нечествовах: но кто есть изимаяй из руку Твоею? Job 10:8 Руце Твои сотвористе мя и создасте мя: потом же преложив, поразил мя еси. Job 10:9 Помяни, яко брение мя создал еси, в землю же паки возвращаеши мя. Job 10:10 Или не якоже млеко измелзил мя еси, усырил же мя еси равно сыру? Job 10:11 Кожею же и плотию мя облекл еси, костьми же и жилами сшил мя еси: Job 10:12 живот же и милость положил еси у мене, посещение же Твое сохрани мой дух. Job 10:13 Сия имеяй в Тебе, вем, яко вся можеши, и невозможно Тебе ничтоже. Job 10:14 Аще бо согрешу, храниши мя, от беззакония же не безвинна мя сотворил еси. Job 10:15 Аще бо нечестив буду, люте мне, аще же буду праведен, не могу возникнути: исполнен бо есмь безчестия, Job 10:16 ловимь бо есмь аки лев на убиение: паки же преложив, люте убиваеши мя. Job 10:17 Обновляяй на мя испытание мое, гнева бо великаго на мя употребил еси и навел еси на мя искушения. Job 10:18 Почто убо мя из чрева извел еси, и не умрох, око же мене не видело бы, Job 10:19 и бых бы аки не был? Почто убо из чрева во гроб не снидох? Job 10:20 Или не мало есть время жизни моея? Остави мене почити мало, Job 10:21 прежде даже отиду, отнюдуже не возвращуся, в землю темну и мрачну, Job 10:22 в землю тмы вечныя, идеже несть света, ниже видети живота человеческаго. Job 11:0 Job 11:1 Отвещав же Софар Минейский, рече: Job 11:2 глаголяй много, и противоуслышит: или многоречив мнится быти праведен? Благословен рожденный от жены малолетен. Job 11:3 Не мног во словесех буди: несть бо противовещаяй ти. Job 11:4 Не глаголи бо, яко чист есмь делы и безпорочен пред Ним: Job 11:5 но како Господь возглаголет к тебе и отверзет устне Свои с тобою? Job 11:6 Потом возвестит ти силу премудрости, яко сугуб будет в сих, яже противу тебе: и тогда уразумееши, яко достойная тебе сбышася от Господа, имиже согрешил еси, Job 11:7 или след Господень обрящеши? Или в последняя достигл еси, яже сотвори Вседержитель? Job 11:8 Высоко небо, и что сотвориши? Глубочае же сущих во аде что веси? Job 11:9 Не должае ли меры земныя, или широты морския? Job 11:10 Аще же превратит вся, кто речет Ему: что сотворил еси? Job 11:11 Той бо весть дела беззаконных: видев же нелепая, не презрит. Job 11:12 Человек же инако обилует словесы: земный же рожденный от жены равен ослу пустынному. Job 11:13 Аще бо ты чисто положил еси сердце твое, воздеваеши же руце твои к Нему, Job 11:14 аще беззаконно что есть в руку твоею, далече сотвори е от тебе, неправда же в жилищи твоем да не вселится: Job 11:15 тако бо ти возсияет лице, якоже вода чиста: совлечешися же скверны, и не убоишися, Job 11:16 и труда забудеши, якоже волны мимошедшия, и не устрашишися. Job 11:17 Молитва же твоя, аки денница, и паче полудне возсияет ти жизнь: Job 11:18 уповая же будеши, яко будет ти надежда: от туги же и попечения явится ти мир: Job 11:19 упокоишися бо, и не будет боряй тя: пременяющиися же мнози имут просити тя, Job 11:20 спасение же оставит их: надежда бо их пагуба, очи же нечестивых истают. Job 12:0 Job 12:1 Отвещав же Иов, рече: Job 12:2 убо вы ли едини есте человецы, или с вами скончается премудрость? Job 12:3 И у мене сердце есть якоже и у вас. Job 12:4 Праведен бо муж и непорочен бысть в поругание: Job 12:5 во время бо определеное уготован бысть пасти от иных, домы же его опустошены быти беззаконными. Обаче никтоже да уповает, лукав сый, неповинен быти, Job 12:6 елицы разгневляют Господа, аки и истязания им не будет. Job 12:7 Но вопроси четвероногих, аще ти рекут, и птиц небесных, аще ти возвестят: Job 12:8 повеждь земли, аще ти скажет, и исповедят ти рыбы морския. Job 12:9 Кто убо не разуме во всех сих, яко рука Господня сотвори сия? Job 12:10 Не в руце ли Его душа всех живущих и дух всякаго человека? Job 12:11 Ухо бо словеса разсуждает, гортань же брашна вкушает. Job 12:12 Во мнозем времени премудрость, во мнозе же житии ведение. Job 12:13 У Него премудрость и сила, у Того совет и разум. Job 12:14 Аще низложит, кто созиждет? Аще затворит от человеков, кто отверзет? Job 12:15 Аще возбранит воду, изсушит землю: аще же пустит, погубит ю превратив. Job 12:16 У Него держава и крепость, у Того ведение и разум. Job 12:17 Проводяй советники пленены, судии же земли ужаси: Job 12:18 посаждаяй цари на престолех и обвязуяй поясом чресла их: Job 12:19 отпущаяй жерцы пленники, сильных же земли низврати: Job 12:20 изменяяй устне верных, разум же старцев уразуме: Job 12:21 изливаяй безчестие на князи, смиренныя же изцели: Job 12:22 открываяй глубокая от тмы, изведе же на свет сень смертную: Job 12:23 прельщаяй языки и погубляяй их, низлагаяй языки и наставляяй их: Job 12:24 изменяяй сердца князей земных, прельсти же их на пути, егоже не ведяху, Job 12:25 да осяжут тму, а не свет, да заблудят же яко пияный. Job 13:0 Job 13:1 Се, сия виде око мое, и слыша ухо мое, Job 13:2 и вем, елика и вы весте: и не неразумнее есмь вас. Job 13:3 Но обаче и аз ко Господу возглаголю, обличу же пред Ним, аще восхощет. Job 13:4 Вы бо есте врачеве неправеднии и целителе злых вси, Job 13:5 буди же вам онемети, и сбудется вам в премудрость. Job 13:6 Слышите же обличение уст моих, суду же устен моих вонмите. Job 13:7 Не пред Богом ли глаголете и пред Ним вещаете лесть? Job 13:8 Или уклонитеся, вы же сами судии будите. Job 13:9 Добро бо, аще изследит вас: аще бо вси творящии приложитеся к нему, обаче обличит вы. Job 13:10 Аще же и тай лицам удивитеся, Job 13:11 не движение ли Его смятет вас, боязнь же от Него нападет на вы? Job 13:12 Отидет же величание ваше равно пепелу, тело же бренно. Job 13:13 Умолчите, да возглаголю и почию от гнева. Job 13:14 Вземля плоти моя зубами, душу же мою положу в руце моей. Job 13:15 Аще мя убиет Сильный, понеже и нача, обаче возглаголю и обличу пред Ним: Job 13:16 и сие ми сбудется во спасение: не внидет бо пред Ним лесть. Job 13:17 Послушайте, послушайте глагол моих: возвещу бо вам слышащым. Job 13:18 Се, аз близ есмь суда моего, вем аз, яко праведен явлюся. Job 13:19 Кто бо есть судяйся со мною, да ныне умолчу и изчезну? Job 13:20 Двое же ми сотвориши, тогда от лица Твоего не скрыюся: Job 13:21 руку от мене отими, страх же Твой да не ужасает мя: Job 13:22 посем призовеши, аз же Тя послушаю, или возглаголеши, аз же Ти дам ответ. Job 13:23 Колицы суть греси мои и беззакония моя? Научи мя, кая суть? Job 13:24 Почто крыешися от мене? Мниши же мя противна суща Тебе? Job 13:25 Или яко лист движимь ветром убоишися? Или яко сену носиму ветром противляешимися? Job 13:26 Яко написал еси на мя злая, обложил же ми еси юностныя грехи: Job 13:27 положил же еси ногу мою в возбранение: сохранил же еси дела моя вся: в корения же ног моих пришел еси: Job 13:28 иже обетшают якоже мех, или якоже риза молием изядена. Job 14:0 Job 14:1 Человек бо рожден от жены малолетен и исполнь гнева: Job 14:2 или якоже цвет процветый отпаде, отбеже же яко сень, и не постоит. Job 14:3 Не и о сем ли слово сотворил еси, и сему сотворил еси внити на суд пред Тя? Job 14:4 Кто бо чист будет от скверны? Никтоже, Job 14:5 аще и един день житие его на земли: изочтени же месяцы его от Тебе, на время положил еси, и не преступит. Job 14:6 Отступи от него, да умолкнет и изберет житие якоже наемник. Job 14:7 Есть бо древу надежда: аще бо посечено будет, паки процветет, и леторасль его не оскудеет: Job 14:8 аще бо состареется в земли корень его, на камени же скончается стебло его, Job 14:9 от вони воды процветет, сотворит же жатву, якоже новосажденное. Job 14:10 Муж же умерый отиде, пад же человек, ктому несть. Job 14:11 Временем бо оскудевает море, река же опустевши изсше: Job 14:12 человек же уснув не востанет, дондеже не будет небо сошвено, и не возбудятся от сна своего. Job 14:13 Убо, о, дабы во аде мя сохранил еси, скрыл же мя бы еси, дондеже престанет гнев Твой, и вчиниши ми время, в неже память сотвориши ми. Job 14:14 Аще бо умрет человек, жив будет: скончав дни жития своего, потерплю, дондеже паки буду. Job 14:15 Посем воззовеши, аз же послушаю Тя: дел же руку Твоею не отвращайся: Job 14:16 изчислил же еси начинания моя, и ничтоже Тя мимоидет от грех моих: Job 14:17 запечатлел же ми еси беззакония в мешце, назнаменал же еси, аще что неволею преступих. Job 14:18 Обаче и гора падающи распадется, и камень обетшает от места своего: Job 14:19 камение огладиша воды, и потопиша воды взнак холмы земныя, и ожидание человеческо погубил еси. Job 14:20 Отринул еси его до конца, и отиде: изменил еси ему лице и испустил еси. Job 14:21 Многим же бывшым сыном его, не весть: аще же и мало их будет, не знает: Job 14:22 но плоти его болеша, душа же его о себе сетова. Job 15:0 Job 15:1 Отвещав же Елифаз Феманитин, рече: Job 15:2 еда премудрый даст ответ разумен на ветр, и наполни болезнию чрево, Job 15:3 обличая глаголы, имиже не подобает, и словесы, ихже ни кая польза? Job 15:4 Не и ты ли отринул еси страх? Скончал же еси глаголы таковы пред Господем? Job 15:5 Повинен еси глаголом уст твоих, ниже разсудил еси глаголы сильных. Job 15:6 Да обличат тя уста твоя, а не аз, и устне твои на тя возсвидетелствуют. Job 15:7 Что бо? Еда первый от человек рожден еси? Или прежде холмов сгустился еси? Job 15:8 Или строение Господне слышал еси? Или в советника тя употреби Бог? И на тя (единаго) ли прииде премудрость? Job 15:9 Что бо веси, егоже не вемы? Или что разумееши ты, егоже и мы (не разумеем)? Job 15:10 И стар и древен есть в нас, старший отца твоего деньми. Job 15:11 Мало, о нихже согрешил еси, уязвлен еси, вельми выше меры возглаголал еси. Job 15:12 Что дерзостно бысть сердце твое? Или что вознесостеся очи твои? Job 15:13 Яко ярость изрыгнул еси пред Господем, изнесл же еси изо уст такова словеса? Job 15:14 Кто бо сый человек яко будет непорочен? Или аки будущий праведник рожден от жены? Job 15:15 Аще во святых не верит, небо же нечисто пред Ним, Job 15:16 кольми паче мерзкий и нечистый муж, пияй неправды, якоже питие. Job 15:17 Возвещу же ти, послушай мене: яже ныне видех, возвещу ти, Job 15:18 яже премудрии рекут, и не утаиша отцы их, Job 15:19 имже единым дана бысть земля, и не найде иноплеменник на ня. Job 15:20 Все житие нечестиваго в попечении, лета же изочтена дана сильному, Job 15:21 страх же его во ушесех его: егда мнит уже в мире быти, тогда приидет нань низвращение: Job 15:22 да не верует отвратитися от тмы, осужден бо уже в руки железа, Job 15:23 учинен же есть в брашно неясытем: весть же в себе, яко ждет падения, день же темен превратит его, Job 15:24 беда же и скорбь оымет его, якоже военачалник напреди стояй падает, Job 15:25 яко вознесе руце на Господа, пред Господем же Вседержителем ожесточи выю, Job 15:26 тече же противу Ему укоризною в толщи хребта щита своего: Job 15:27 яко покры лице свое туком своим и сотвори омет на стегнах: (хвала же его укоризна). Job 15:28 Да вселится же во градех пустых, внидет же в домы ненаселенныя: а яже они уготоваша, инии отнесут. Job 15:29 Ниже обогатится, ниже останет имение его, не имать положити на землю сени, Job 15:30 ниже избежит тмы: прозябение его да усушит ветр, и да отпадет цвет его: Job 15:31 да не верит, яко стерпит, тщетная бо сбудутся ему. Job 15:32 Посечение его прежде часа растлеет, и леторасль его не облиственеет: Job 15:33 да оыман будет якоже недозрелая ягода прежде часа, да отпадет же яко цвет масличия. Job 15:34 Послушество бо нечестиваго смерть, огнь же пожжет домы мздоимцев: Job 15:35 во чреве же приимет болезни, сбудется же ему тщета, чрево же его понесет лесть. Job 16:0 Job 16:1 Отвещав же Иов, рече: Job 16:2 слышах сицевая многа, утешителие зол вси. Job 16:3 Что бо? Еда чин есть во словесех ветра? Или кую ти пакость сотворит, яко отвещаеши? Job 16:4 И аз якоже вы возглаголю: аще бы душа ваша подлежала вместо моея, тогда наскочил бых на вы словесы, покиваю же на вы главою моею. Job 16:5 Буди же крепость во устех моих, движения же устен не пощажу. Job 16:6 Аще бо возглаголю, не возболю ли язвою? Аще же и умолчу, чим менше уязвен буду? Job 16:7 Ныне же преутруждена мя сотвори, буя, согнивша, и ят мя. Job 16:8 В послушество бых, и воста во мне лжа моя, противно лицу моему отвеща. Job 16:9 Гневен быв низложи мя, возскрежета зубы на мя, стрелы разбойников Его нападоша на мя. Job 16:10 Остротою очес наскака, мечем порази мя в колена: вкупе же потекоша на мя: Job 16:11 предаде бо мя Господь в руки неправедных, нечестивым же поверже мя. Job 16:12 Мирствующа разсыпа мя, взяв мя за власы оборва, постави мя аки примету. Job 16:13 Обыдоша мя копиями бодуще во истесы моя, не щадяще: излияша на землю желчь мою, Job 16:14 низложиша мя труп на труп, текоша ко мне могущии, Job 16:15 вретище сошиша на кожу мою, и мощь моя на земли угасе. Job 16:16 Чрево мое сгоре от плача, на веждах же моих стень смертная, Job 16:17 неправедно же ни едино бе в руку моею: молитва же моя чиста. Job 16:18 Земле, да не покрыеши над кровию плоти моея, ниже да будет место воплю моему. Job 16:19 И ныне се, на небесех Послух мой, Свидетель же ми во вышних. Job 16:20 Да приидет моя мольба ко Господу, пред Нимже да каплет око мое. Job 16:21 Буди же обличение мужу пред Господем, и сыну человеческому ко ближнему его. Job 16:22 Лета же изочтеная приидоша, и путем, имже не возвращуся, пойду. Job 17:0 Job 17:1 Тлею духом носимь, прошу же гроба и не улучаю. Job 17:2 Молю болезнуя, и что сотворю? Украдоша же ми имение чуждии. Job 17:3 Кто есть сей? Рукою моею связан да будет. Job 17:4 Яко сердце их сокрыл еси от мудрости, сего ради да не вознесеши их. Job 17:5 Части возвестит злобы: очи же на сынех истаяста. Job 17:6 Положил же мя еси в притчу во языцех, смех же бых им. Job 17:7 Ослепоста бо от гнева очи мои, повоеван бых вельми от всех: Job 17:8 чудо объя истинных о сем, праведник же на беззаконника да востанет: Job 17:9 да содержит же верный путь свой, чистый же рукама да приимет дерзость. Job 17:10 Но обаче вси належите и приидите, не бо обретаю в вас истины. Job 17:11 Дние мои преидоша в течении, расторгошася же удове сердца моего. Job 17:12 Нощь в день преложих: свет близ от лица тмы. Job 17:13 Аще бо стерплю, ад ми есть дом, в сумраце же постлася ми постеля. Job 17:14 Смерть назвах отца моего быти, матерь же и сестру ми гной. Job 17:15 Где убо еще есть ми надежда, или благая моя узрю? Job 17:16 Или со мною во ад снидут, или вкупе в персть снидем. Job 18:0 Job 18:1 Отвещав же Валдад Савхейский, рече: Job 18:2 доколе не престанеши? Пожди, да и мы возглаголем. Job 18:3 И почто аки четвероножная умолчахом пред тобою? Job 18:4 Пребысть ти гнев. Что бо? Аще ты умреши, не населенна ли будет поднебесная? Или превратятся горы из оснований? Job 18:5 И свет нечестивых угаснет, и не произыдет их пламень: Job 18:6 свет его тма в жилищи, светилник же в нем угаснет: Job 18:7 да уловят меншии имения его, погрешит же его совет: Job 18:8 ввержена же бысть нога его в пругло, мрежею да повиется: Job 18:9 да приидут же нань пругла, укрепит нань жаждущих: Job 18:10 скрыся в земли уже его, и ятие его на стези. Job 18:11 Окрест да погубят его болезни: мнози же окрест ног его обыдут во гладе теснем: Job 18:12 падение же ему уготовано велико. Job 18:13 Поядены же да будут плесны ног его, красная же его да пояст смерть. Job 18:14 Отторжено же буди от жития его изцеление, да имет же его беда виною царскою. Job 18:15 Да вселится в храмине его в нощи его, посыпана да будут лепотная его жупелом: Job 18:16 под ним корения его да изсохнут, свыше же нападет пожатие его. Job 18:17 Память его да погибнет от земли, и (не) будет имя его на лицы внешнем: Job 18:18 да отринет его от света во тму: Job 18:19 не будет знаемь в людех его, ниже спасен в поднебесней дом его: Job 18:20 но в своих ему поживут инии, над ним воздохнуша последнии, первых же объя чудо. Job 18:21 Сии суть домове неправедных, сие же место неведущих Бога. Job 19:0 Job 19:1 Отвещав же Иов, рече: Job 19:2 доколе притрудну творите душу мою и низлагаете мя словесы? Уразумейте токмо, яко Господь сотвори мя сице. Job 19:3 Клевещете на мя, не стыдящеся мене належите ми. Job 19:4 Буди, яко воистинну аз прельстихся, и у мене водворяется погрешение, глаголати словеса, яже не подобаше, словеса же моя погрешают, и не во время: Job 19:5 буди же, яко на мя величаетеся, наскакаете же ми поношением: Job 19:6 разумейте убо, яко Господь есть иже смяте мя и ограду Свою на мя вознесе. Job 19:7 Се, смеюся поношению, не возглаголю: возопию, и нигдеже суд. Job 19:8 Окрест огражден есмь и не могу прейти: пред лицем моим тму положи, Job 19:9 славу же с мене совлече и отя венец от главы моея: Job 19:10 растерза мя окрест, и отидох: посече же яко древо надежду мою. Job 19:11 Люте же гнева употреби на мя и возмне мя яко врага. Job 19:12 Вкупе же приидоша искушения Его на мя, на путех же моих обыдоша мя наветницы. Job 19:13 Братия моя отступиша от мене, познаша чуждих паче мене, и друзие мои немилостиви быша: Job 19:14 не снабдеша мя ближнии мои, и ведящии имя мое забыша мя. Job 19:15 Соседи дому и рабыни моя, (яко) иноплеменник бых пред ними: Job 19:16 раба моего звах, и не послуша, уста же моя моляхуся: Job 19:17 и просих жену мою, призывах же лаская сыны подложниц моих: Job 19:18 они же мене в век отринуша, егда востану, на мя глаголют. Job 19:19 Гнушахуся мене видящии мя, и ихже любих, восташа на мя. Job 19:20 В кожи моей согниша плоти моя, кости же моя в зубех содержатся. Job 19:21 Помилуйте мя, помилуйте мя, о, друзие! Рука бо Господня коснувшаяся ми есть. Job 19:22 Почто мя гоните якоже и Господь? От плотей же моих не насыщаетеся? Job 19:23 Кто бо дал бы, да напишутся словеса моя, и положатся оная в книзе во век? Job 19:24 И на дщице железне и олове, или на камениих изваяются? Job 19:25 Вем бо, яко присносущен есть, иже имать искупити мя, Job 19:26 (и) на земли воскресити кожу мою терпящую сия, от Господа бо ми сия совершишася, Job 19:27 яже аз в себе свем, яже очи мои видеста, а не ин: вся же ми совершишася в недре. Job 19:28 Аще же и речете: что речем противу ему? И корень словесе обрящем в нем. Job 19:29 Убойтеся же и вы от меча: ярость бо на беззаконныя найдет, и тогда увидят, где есть их вещество. Job 20:0 Job 20:1 Отвещав же Софар Минейский, рече: Job 20:2 не тако мнех сия тебе рещи противу, и не разумеете паче нежели и аз. Job 20:3 Наказание срамления моего услышу, и дух от разума отвещавает ми. Job 20:4 Еда сих не уразумел еси от века, отнележе положен человек бысть на земли? Job 20:5 Веселие бо нечестивых падение страшно, обрадование же беззаконных пагуба. Job 20:6 Аще взыдут на небо дары его, жертва же его облаков коснется: Job 20:7 егда бо мнится уже утвержден быти, тогда в конец погибнет. Видевшии же его рекут: где есть? Job 20:8 Якоже сон отлетевый не обрящется, отлете же аки мечтание нощное. Job 20:9 Око призре, и не приложит, и ктому не познает его место его. Job 20:10 Сынов его да погубят меншии, и руце его возжгут болезни. Job 20:11 Кости его наполнишася грехов юности его и с ним на персти уснут. Job 20:12 Аще усладится во устех его злоба, скрыет ю под языком своим: Job 20:13 не пощадит ея, и не оставит ея, и соберет ю посреде гортани своего, Job 20:14 и не возможет помощи себе: желчь аспидов во чреве его. Job 20:15 Богатство неправедно собираемо изблюется, из храмины его извлечет его Ангел. Job 20:16 Ярость же змиеву да ссет, да убиет же его язык змиин. Job 20:17 Да не узрит отдоения скотов, ниже прибытка меда и масла кравия. Job 20:18 Вотще и всуе трудися, богатство, от негоже не вкусит, якоже клоки не сожваемы и не поглощаемы. Job 20:19 Многих бо немощных домы сокруши, жилище же разграби и не постави. Job 20:20 Несть спасения имению его, в вожделении своем не спасется. Job 20:21 Несть останка брашну его, сего ради не процветут ему благая. Job 20:22 Егда же мнит уже исполнь быти, оскорбится, всяка же беда нань приидет. Job 20:23 Аще како либо исполнит чрево свое, напустит нань ярость гнева, одождит на него болезни: Job 20:24 и не спасется от руки железа, да устрелит его лук медян, Job 20:25 и да пройдет сквозе тело его стрела: звезды же в жилищих его: да приидут нань страси, Job 20:26 и всяка тма на нем да пребудет: да пояст его огнь нераздеженый, да озлобит же пришлец дом его: Job 20:27 и да открыет небо беззакония его, и земля да востанет нань: Job 20:28 да извлечет дом его пагуба до конца, день гнева да приидет нань. Job 20:29 Сия часть человека нечестиваго от Господа и стяжание имений его от Надзирателя. Job 21:0 Job 21:1 Отвещав же Иов, рече: Job 21:2 послушайте, послушайте словес моих, да не будет ми от вас сие утешение: Job 21:3 потерпите ми, аз же возглаголю, таже не посмеетемися. Job 21:4 Что бо? Еда человеческо ми обличение? Или почто не возярюся? Job 21:5 Воззревшии на мя удивитеся, руку положше на ланите. Job 21:6 Аще бо воспомяну, ужаснуся: обдержат бо плоть мою болезни. Job 21:7 Почто нечестивии живут, обетшаша же в богатстве? Job 21:8 Семя их по души, чада же их пред очима. Job 21:9 Домове их обилнии суть, страх же нигде, раны же от Господа несть на них. Job 21:10 Говядо их не изверже: спасена же бысть их имущая во чреве и не лишися. Job 21:11 Пребывают же яко овцы вечныя, дети же их предиграют, Job 21:12 вземше псалтирь и гусли, и веселятся гласом песни. Job 21:13 Скончаша во благих житие свое, в покои же адове успоша. Job 21:14 Глаголют же Господеви: отступи от нас, путий Твоих ведети не хощем: Job 21:15 что достоин, яко да поработаем Ему? И кая польза, яко да взыщем Его? Job 21:16 В руках бо их бяху благая, дел же нечестивых не надзирает. Job 21:17 Обаче же и нечестивых светилник угаснет, найдет же им развращение, болезни же их оымут от гнева: Job 21:18 будут же аки плевы пред ветром, или якоже прах, егоже взя вихр. Job 21:19 Да оскудеют сыном имения его: воздаст противу ему, и уразумеет. Job 21:20 Да узрят очи его свое убиение, от Господа же да не спасется. Job 21:21 Яко воля его с ним в дому его, и числа месяцей его разделишася. Job 21:22 Не Господь ли есть научаяй разуму и хитрости? Тойже мудрых разсуждает. Job 21:23 Той умрет в силе простоты своея, всецел же благодушествуяй и благоуспеваяй, Job 21:24 утроба же его исполнена тука, мозг же его разливается. Job 21:25 Ов же умирает в горести души, не ядый ничтоже блага. Job 21:26 Вкупе же на земли спят, гнилость же их покры. Job 21:27 Темже вем вас, яко дерзостию належите ми, Job 21:28 яко речете: где есть дом княжь? И где есть покров селений нечестивых? Job 21:29 Вопросите мимоходящих путем, и знамения их не чужда сотворите. Job 21:30 Яко на день пагубы соблюдается нечестивый, и в день гнева Его отведен будет. Job 21:31 Кто возвестит пред лицем его путь его, и еже той сотвори, кто воздаст ему? Job 21:32 И той во гроб отнесен бысть, и на гробищих побде. Job 21:33 Усладися ему дробное камение потока, и вслед его всяк человек отидет, и пред ним безчисленнии. Job 21:34 Како же мя утешаете суетными? А еже бы мне почити от вас, ничтоже. Job 22:0 Job 22:1 Отвещав же Елифаз Феманитин, рече: Job 22:2 не Господь ли есть научаяй разуму и хитрости? Job 22:3 Ибо кое попечение Господу, аще ты был еси делы непорочен? Или (кая) польза, яко прост творити будеши путь твой? Job 22:4 Или опасение имея от тебе обличит тя и внидет с тобою в суд? Job 22:5 Еда злоба твоя есть не многа? Безчисленнии же твои суть греси? Job 22:6 В залог бо имал еси от братии твоея вотще, одежду же нагих отнимал еси, Job 22:7 ниже водою жаждущих напоил еси, но алчущих лишил еси хлеба: Job 22:8 удивлялся же еси неких лицу и повергал еси убогих на земли: Job 22:9 вдовицы же отпустил еси тщы и сироты озлобил еси. Job 22:10 Сего ради обыдоша тя сети, и поспеши на тя рать велика: Job 22:11 свет тебе тма бысть, уснувшаго же вода тя покры. Job 22:12 Еда на высоких живый не призирает? Укоризною же возносящихся смири. Job 22:13 И рекл еси: что разуме Крепкий? Или во мраце разсудит? Job 22:14 Облак покров Его, и неувидимь будет, и круг небесе обходит. Job 22:15 Еда стезю древнюю сохраниши, в нюже ходиша мужие неправедни, Job 22:16 иже яти быша прежде времене? Река текущая основания их, Job 22:17 глаголющии: что сотворит нам Господь? Или что нанесет на ны Вседержитель? Job 22:18 Иже исполнил есть домы их благими: совет же нечестивых далече от Него. Job 22:19 Видевше праведницы возсмеяшася, непорочен же глумляшеся им: Job 22:20 не погибе ли имение их, и останки их пояст огнь? Job 22:21 Буди убо тверд, аще претерпиши, потом плод твой будет во благих. Job 22:22 Приими же из уст Его изречение и восприими словеса Его в сердце твое. Job 22:23 Аще же обратишися и смириши себе пред Господем, и далече сотвориши от жилища твоего неправду, Job 22:24 и положен будеши на персти в камени, и якоже камень потока Офирска. Job 22:25 Будет убо тебе Вседержитель помощник от враг, чиста же сотворит тя якоже сребро разжжено, Job 22:26 потом дерзновение возимееши пред Богом, воззрев весело на небо. Job 22:27 Помольшуся же тебе к Нему, услышит тя, даст же ти обеты твоя воздати, Job 22:28 устроит же ти жилище правды, на путех же твоих будет свет: Job 22:29 яко смирил еси себе, тогда речеши: вознесеся, и поникша очима спасет, Job 22:30 избавит неповиннаго, и спасешися чистыма рукама твоима. Job 23:0 Job 23:1 Отвещав же Иов, рече: Job 23:2 вем убо, яко из руки моея обличение мое есть, и рука Его тяжка бысть паче моего воздыхания. Job 23:3 Кто убо увесть, яко обрящу Его и прииду ко кончине? Job 23:4 И реку мой суд, уста же моя исполню обличения, Job 23:5 уразумею же изцеления, яже ми речет, и ощущу, что ми возвестит. Job 23:6 И аще со многою крепостию найдет на мя, посем же не воспретит ми. Job 23:7 Истина бо и обличение от Него: да изведет же в конец суд мой. Job 23:8 Аще бо во первых пойду, ктому несмь: в последних же, како вем Его? Job 23:9 Ошуюю творящу Ему, и не разумех: обложит одесную, и не узрю. Job 23:10 Весть бо уже путь мой, искуси же мя яко злато. Job 23:11 Изыду же в заповедех Его, пути бо Его сохраних, и не уклонюся от заповедий Его Job 23:12 и не преступлю, в недрех же моих сокрых глаголголы Его. Job 23:13 Аще же и Сам судил тако, кто есть рекий противу Ему? Сам бо восхоте и сотвори. Job 23:14 Сего ради о Нем трепетен бых, наказуемь же попекохся о Нем: Job 23:15 сего ради от лица Его потщуся, поучуся и убоюся от Него. Job 23:16 И Господь умягчил сердце мое, и Вседержитель потщася о мне: Job 23:17 не ведех бо, яко найдет на мя тма, пред лицем же моим покрыет мрак. Job 24:0 Job 24:1 Почто же Господа утаишася часы, Job 24:2 нечестивии же предел преидоша, стадо с пастырем разграбивше? Job 24:3 Подяремника сирых отведоша и вола вдовича в залог взяша: Job 24:4 уклониша немощных от пути праведнаго, вкупе же скрышася кротцыи земли: Job 24:5 изыдоша же, яко осли на село, на мя, изступивше своего чина: сладок бысть хлеб им ради юных. Job 24:6 Ниву прежде времене не свою сущу пожаша, немощнии же виноград нечестивых без мзды и без брашна возделаша: Job 24:7 нагих многих успиша без риз, одежду же души их отяша: Job 24:8 каплями горскими мокнут, занеже не имеяху покрова, в камение облекошася: Job 24:9 восхитиша сироту от сосца, падшаго же смириша: Job 24:10 нагия же успиша неправедно, от алчущих же хлеб отяша: Job 24:11 в теснинах неправедно заседоша, пути же праведнаго не ведеша. Job 24:12 Уже из града и из домов своих изгоними бываху, душа же младенцев стеняше вельми: Бог же почто сих посещения не сотвори? Job 24:13 На земли сущым им, и не разумеша, пути же праведнаго не ведеша, ни по стезям его ходиша. Job 24:14 Разумев же их дела, предаде их во тму, и в нощи будет яко тать. Job 24:15 И око прелюбодея сохрани тму, глаголя: не узрит мя око: и покрывало лицу наложи. Job 24:16 Прокопа в нощи храмины, во днех же запечатлеша себе, не познаша света: Job 24:17 яко абие заутра им сень смерти, понеже познает мятеж сени смертныя. Job 24:18 Легок есть на лицы воды: проклята буди часть их на земли, да явятся же садовия их на земли суха: Job 24:19 рукоятие бо сирых разграбиша. Job 24:20 Потом воспомянен бысть ему грех, и якоже мгла росы изчезе: воздано же буди ему, еже содея, сокрушен же буди всяк неправдив яко древо неизцельно: Job 24:21 неплодней бо не добро сотвори и жены не помилова. Job 24:22 Яростию же низврати немощныя: востав убо не имать веры яти о своем житии. Job 24:23 Егда же разболится, да не надеется здрав быти, но падет недугом. Job 24:24 Многи бо озлоби высота его: увяде же яко злак в знои, или якоже клас от стебла сам отпад. Job 24:25 Аще же ни, кто есть глаголяй лжу ми глаголати, и положит ни во чтоже глаголы моя? Job 25:0 Job 25:1 Отвещав же Валдад Савхейский, рече: Job 25:2 что бо начало, аще не страх от Него, иже творит всяческая в вышних? Job 25:3 Да никтоже бо мнит, яко есть умедление воинством: и на кого не найдет навет от Него? Job 25:4 Како бо будет праведен человек пред Богом? Или кто очистит себе рожденный от жены? Job 25:5 Аще луне повелевает, и не сияет, звезды же нечисты суть пред Ним, Job 25:6 кольми паче человек гной, и сын человеческий червь. Job 26:0 Job 26:1 Отвещав же Иов, рече: Job 26:2 кому прилежиши, или кому хощеши помогати? Не сему ли, емуже многа крепость и емуже мышца крепка есть? Job 26:3 Кому совет дал еси? Не емуже ли вся премудрость? Кого поженеши? Не емуже ли превелия сила? Job 26:4 Кому возвестил еси глаголы? Дыхание же чие есть исходящее из тебе? Job 26:5 Еда исполини родятся под водою и соседми ея? Job 26:6 Наг ад пред Ним, и несть покрывала Пагубе. Job 26:7 Простираяй север ни на чемже, повешаяй землю ни на чемже, Job 26:8 связуяй воду на облацех Своих, и не расторжеся облак под нею: Job 26:9 держай лице престола, простирая над ним облак Свой: Job 26:10 повеление окружи на лице воды даже до скончания света со тмою. Job 26:11 Столпи небеснии прострошася и ужасошася от запрещения Его. Job 26:12 Крепостию укроти море, и хитростию его низложен бысть кит: Job 26:13 вереи же небесныя убояшася Его: повелением же умертви змиа отступника. Job 26:14 Се, сия части пути Его: и о капли слова услышим в Нем: силу же грома Его кто уведа, когда сотворит? Job 27:0 Job 27:1 Еще же приложив Иов, рече в притчах: Job 27:2 жив Господь, иже ми сице суди, и Вседержитель, Иже огорчи ми душу: Job 27:3 дондеже еще дыхание мое есть и дух Божий сущий в ноздрех моих, Job 27:4 не возглаголют устне мои беззакония, ниже душа моя поучится неправде. Job 27:5 Не буди мне правдивыми нарещи вас, дондеже умру: не изменю бо незлобия моего. Job 27:6 Правде же внимая, не оставлю ея, не свем бо себе злых соделавша. Job 27:7 Обаче же, дабы были врази мои, якоже низвращение нечестивых, и востающии на мя, якоже пагуба пребеззаконных. Job 27:8 И кая бо есть надежда нечестивому, яко ожидает? Надеяся на Господа спасется ли? Job 27:9 Или мольбу его услышит Бог? Или нашедшей ему беде, Job 27:10 еда имать кое дерзновение пред Ним? Или яко призвавшу ему, услышит ли Его? Job 27:11 Сего ради возвещу вам, что есть в руце Господни, и, еже есть у Вседержителя, не солжу. Job 27:12 Се, вси весте, яко тщетная ко тщетным прилагаете. Job 27:13 Сия часть человека нечестиваго от Господа: и жребий сильных приидет от Вседержителя на ня. Job 27:14 Аще мнози будут сынове их, на заколение будут: аще же и возмужают, нищы будут: Job 27:15 оставшиися же ему смертию умрут, и вдовиц их никтоже помилует. Job 27:16 Аще соберет якоже землю сребро, и якоже брение уготовит злато, Job 27:17 сия вся праведнии одержат, имения же его истиннии возмут: Job 27:18 будет же дом его яко молие, и яко паучина, яже снабде. Job 27:19 Богатый уснет и не приложит, очи свои отверзе, и несть. Job 27:20 Обыдоша его якоже вода болезни, нощию же ят его примрак. Job 27:21 Возмет же его вар, и отидет, и возвеет его от места его, Job 27:22 и вержет на него, и не пощадит, из руку его бежанием побежит: Job 27:23 восплещет нань рукама своима и с шумом возмет его от места своего. Job 28:0 Job 28:1 Есть бо сребру место, отюнудуже и бывает, и место злату, отюнудуже очищается. Job 28:2 Железо бо из земли раждается, медь же равно камению сечется. Job 28:3 Чин положи тме, и вся концы сам испытует, камык тмы и сень смерти. Job 28:4 Пресечение потока от праха: забывающии же путь правый изнемогоша, от человек подвигошася. Job 28:5 Есть земля, из неяже изыдет хлеб: под нею обратися яко огнь. Job 28:6 Место сапфира камение ея, и персть злато ему. Job 28:7 Стезя, не позна ея птица, и не узре ю око супово, Job 28:8 и не ходиша по ней сынове величавых, и не прейде по ней лев. Job 28:9 На несекоме камени простре руку свою, преврати же из корения горы: Job 28:10 бреги рек расторже, всякое же честное виде око мое: Job 28:11 глубины же рек откры и показа силу свою на свет. Job 28:12 Премудрость же откуду обретеся? И кое место есть ведения? Job 28:13 Не весть человек пути ея, ниже обретеся в человецех. Job 28:14 Бездна рече: несть во мне: и море рече: несть со мною. Job 28:15 Не дастся сокровище за ню, и не извесится сребро на изменение ея, Job 28:16 и не сравнится со златом Софирским, со ониксом честным и сапфиром: Job 28:17 не равно будет ей злато и кристаль, и изменение ея сосуди злати. Job 28:18 Превысокая и бисерие не помянутся, и притяжи премудрость паче внутреннейших: Job 28:19 не уравнится ей топазий Ефиопский, со златом чистым не сравнится. Job 28:20 Премудрость же откуду обретеся? И кое место есть разуму? Job 28:21 Утаися от всякаго человека, и от птиц небесных скрыся. Job 28:22 Пагуба и смерть рекосте: слышахом ея славу. Job 28:23 Бог благо позна ея путь: Сам бо весть место ея. Job 28:24 Ибо Сам поднебесную всю надзирает, ведый, яже на земли, вся, яже сотвори. Job 28:25 Ветров вес и воде меру егда сотворил, Job 28:26 тако видяй сочте, и путь в сотрясении гласов, Job 28:27 тогда виде ю и поведа ю, уготовав изследи Job 28:28 и рече человеку: се, благочестие есть премудрость, а еже удалятися от зла есть ведение. Job 29:0 Job 29:1 Еще же приложив Иов, рече в притчах: Job 29:2 кто мя устроит по месяцам преждних дний, в нихже мя Бог храняше, Job 29:3 якоже егда светяшеся светилник Его над главою моею, егда светом Его хождах во тме, Job 29:4 егда бех тяжек в путех, егда Бог посещение творяше дому моему, Job 29:5 егда бех богат зело, окрест же мене раби, Job 29:6 егда обливахуся путие мои маслом кравиим, горы же моя обливахуся млеком, Job 29:7 егда исхождах изутра во град, на стогнах же поставляшеся ми престол? Job 29:8 Видяще мя юноши скрывашася, старейшины же вси воставаша: Job 29:9 вельможи же преставаху глаголати, перст возложше на уста своя. Job 29:10 Слышавшии же блажиша мя, и язык их прильпе гортани их: Job 29:11 яко ухо слыша и ублажи мя, око же видев мя уклонися. Job 29:12 Спасох бо убогаго от руки сильнаго, и сироте, емуже не бе помощника, помогох. Job 29:13 Благословение погибающаго на мя да приидет, уста же вдовича благословиша мя. Job 29:14 В правду же облачахся, одевахся же в суд яко в ризу. Job 29:15 Око бех слепым, нога же хромым: Job 29:16 аз бых отец немощным, распрю же, еяже не ведях, изследих: Job 29:17 сотрох же членовныя неправедных, от среды же зубов их грабление изях. Job 29:18 Рех же: возраст мой состареется якоже стебло финиково, многа лета поживу. Job 29:19 Корень разверзеся при воде, и роса пребудет на жатве моей. Job 29:20 Слава моя нова со мною, и лук мой в руце моей пойдет. Job 29:21 (Старейшины) слышавшии мя внимаху, молчаху же о моем совете. Job 29:22 К моему глаголу не прилагаху, радовахуся же, егда к ним глаголах: Job 29:23 якоже земля жаждущая ожидает дождя, тако сии моего глаголания. Job 29:24 Аще возсмеюся к ним, не вериша: и свет лица моего не отпадаше. Job 29:25 Избрах путь их, и седех князь, и вселяхся якоже царь посреде храбрых, аки утешаяй печальных. Job 30:0 Job 30:1 Ныне же поругашамися малейшии: ныне учат мя от части, ихже отцев уничтожах, ихже не вменях достойными псов моих стад. Job 30:2 Крепость же рук их во что мне бысть? У них погибаше скончание. Job 30:3 В скудости и гладе безплоден: иже бежаху в безводное вчера сотеснение и бедность: Job 30:4 иже обхождаху былие в дебрех, имже былие бяше брашно, безчестнии же и похуленнии, скудни всякаго блага, иже и корение древес жваху от глада великаго. Job 30:5 Восташа на мя татие, Job 30:6 ихже домове беша пещеры каменны: Job 30:7 от среды доброгласных возопиют, иже под хврастием дивиим живяху: Job 30:8 безумных сынове и безчестных, имя и слава угашена на земли. Job 30:9 Ныне же гусли есмь аз им, и мене в притчу имут: Job 30:10 возгнушалися же мною отступивше далече, ни лица моего пощадеша от плюновения. Job 30:11 Отверз бо тул Свой уязви мя, и узду устам моим наложи. Job 30:12 На десную отрасли восташа, нозе свои простроша и путесотвориша на мя стези пагубы своея. Job 30:13 Сотрошася стези моя, совлекоша бо ми одежду. Job 30:14 Стрелами своими устрели мя: сотвори ми, якоже восхоте: в болезнех скисохся, обращаются же ми скорби. Job 30:15 Отиде ми надежда якоже ветр, и якоже облак спасение мое. Job 30:16 И ныне на мя излиется душа моя: и одержат мя дние печалей: Job 30:17 нощию же кости моя смятошася, жилы же моя разслабеша. Job 30:18 Многою крепостию ятся за ризу мою: якоже ожерелие ризы моея объя мя. Job 30:19 Вменяеши же мя равна брению, в земли и пепеле часть моя. Job 30:20 Возопих же к Тебе, и не услышал мя еси: сташа же и смотриша на мя. Job 30:21 Наидоша же на мя без милости, рукою крепкою уязвил мя еси: Job 30:22 вчинил же мя еси в болезнех и отвергл еси мя от спасения. Job 30:23 Вем бо, яко смерть мя сотрет: дом бо всякому смертну земля. Job 30:24 Аще бы возможно было, сам бых себе убил, или молил бых иного, дабы ми то сотворил. Job 30:25 Аз же о всяцем немощнем восплакахся, воздохнух же видев мужа в бедах. Job 30:26 Аз же ждах благих, и се, сретоша мя паче дние зол. Job 30:27 Чрево мое воскипе и не умолчит: предвариша мя дние нищеты. Job 30:28 Стеня ходих без обуздания, стоях же в соборе вопия. Job 30:29 Брат бых сиринам, друг же птичий. Job 30:30 Кожа же моя помрачися вельми, и кости моя сгореша от зноя. Job 30:31 Обратишася же в плачь гусли моя, песнь же моя в рыдание мне. Job 31:0 Job 31:1 Завет положих очима моима, да не помышлю на девицу. Job 31:2 И что удели Бог свыше, и наследие Всесильнаго от вышних? Job 31:3 Увы, пагуба неправдивому и отчуждение творящым беззаконие. Job 31:4 Не Сам ли узрит путь мой и вся стопы моя изочтет? Job 31:5 Аще ходих с посмеятели, и аще потщася нога моя на лесть, Job 31:6 стах бо на мериле праведне, виде же Господь незлобие мое. Job 31:7 Аще уклонися нога моя от пути, аще и вслед ока моего иде сердце мое, и аще рукама моима прикоснухся даров, Job 31:8 да посею убо, а инии да поядят, без корене же да бых был на земли. Job 31:9 Аще вслед иде сердце мое жены мужа инаго, и аще приседяй бых при дверех ея, Job 31:10 угодна убо буди и жена моя иному мужу, младенцы же мои смирени да будут: Job 31:11 ярость бо гнева не удержана, еже осквернити мужа инаго жену: Job 31:12 огнь бо есть горяй на вся страны, идеже найдет, из корения погубит. Job 31:13 Аще же презрех суд раба моего или рабыни, прящымся им предо мною: Job 31:14 что бо сотворю, аще испытание сотворит ми Господь? Аще же и посещение, кий ответ сотворю? Job 31:15 Еда не якоже и аз бех во чреве, и тии быша? Бехом же в томже чреве. Job 31:16 Немощнии же, аще когда чесого требоваху, не не получиша, вдовича же ока не презрех. Job 31:17 Аще же и хлеб мой ядох един и сирому не преподах от него: Job 31:18 понеже от юности моея кормих якоже отец, и от чрева матере моея наставлях: Job 31:19 аще же презрех нага погибающа и не облекох его: Job 31:20 немощнии же аще не благословиша мя, от стрижения же агнцев моих согрешася плещы их: Job 31:21 аще воздвигох на сироту руку, надеяся, яко многа помощь мне есть: Job 31:22 да отпадет убо рамо мое от состава, мышца же моя от лактя да сокрушится: Job 31:23 страх бо Господень объя мя, и от тягости Его не стерплю. Job 31:24 Аще вчиних злато в крепость мою и аще на камения многоценная надеяхся, Job 31:25 аще же и возвеселихся, многу ми богатству сущу, аще же и на безчисленных положих руку мою: Job 31:26 или не видим солнца возсиявшаго оскудевающа, луны же умаляющияся? Не в них бо есть: Job 31:27 и аще прельстися отай сердце мое, аще и руку мою положив на устах моих лобзах: Job 31:28 и сие ми убо в беззаконие превелие да вменится, яко солгах пред Богом Вышним. Job 31:29 Аще же обрадовахся о падении враг моих, и рече сердце мое: благоже, благоже: Job 31:30 да услышит убо ухо мое клятву мою, озлославлен же да буду от людий моих озлобляемь. Job 31:31 Аще же и многажды реша рабыни моя: кто убо дал бы нам от плотей его насытитися, зело мне благу сущу? Job 31:32 И вне не водворяшеся странник, дверь же моя всякому приходящему отверста бе. Job 31:33 Аще же и согрешая неволею, скрых грех мой: Job 31:34 не посрамихся бо народнаго множества, еже не поведати пред ними: аще же и оставих маломощнаго изыти из дверий моих тщим недром: (аще бы не убоялся). Job 31:35 Кто даст слушающаго мене? Руки же Господни аще бых не убоялся, писание же, еже имех на кого, Job 31:36 на плещах возложив аки венец, читах, Job 31:37 и аще не раздрав его отдах, ничтоже взем от должника: Job 31:38 аще на мя когда земля возстена, аще и бразды ея восплакашася вкупе: Job 31:39 аще и силу ея ядох един без цены, или аще и душу господина земли взем оскорбих: Job 31:40 вместо пшеницы да взыдет ми кропива, а вместо ячменя терние. Job 32:0 Job 32:1 И умолча Иов словесы. Умолчаша же и трие друзие его ктому пререковати Иову, бе бо Иов праведен пред ними. Job 32:2 Разгневася же Елиус сын Варахиилев Вузитянин, от ужичества Арамска Авситидийския страны, разгневася же на Иова зело, занеже нарече себе праведна пред Богом, Job 32:3 и на триех же другов разгневася зело, яко не возмогоша отвещати противу Иову и судиша его быти нечестива. Job 32:4 Елиус же терпяше дати ответ Иову, яко старейшии его суть деньми (друзие его). Job 32:5 И виде Елиус, яко несть ответа во устех триех мужей, и возярися гневом своим. Job 32:6 Отвещав же Елиус сын Варахиилев Вузитянин, рече: юнейший убо есмь леты, вы же есте старейшии: темже молчах, убоявся возвестити вам хитрость мою: Job 32:7 рех же: время есть глаголющее, и во мнозех летех ведят премудрость, Job 32:8 но дух есть в человецех, дыхание же Вседержителево есть научающее: Job 32:9 не многолетнии суть премудри, ниже старии ведят суд: Job 32:10 темже рех: послушайте мене, и возвещу вам, яже вем, внушите глаголы моя: Job 32:11 реку бо вам послушающым, дондеже испытаете словеса, и даже вас уразумею, Job 32:12 и се, не бе Иова обличаяй, отвещаяй противно глаголом его от вас: Job 32:13 да не речете: обретохом премудрость, Господеви приложившеся: Job 32:14 человеку же попустисте глаголати таковая словеса: Job 32:15 ужаснушася, не отвещаша ктому, обетшаша от них словеса: Job 32:16 терпех, не глаголах бо, яко сташа, не отвещаша, яко да отвещаю и аз часть. Job 32:17 Отвеща же Елиус, глаголя: Job 32:18 паки возглаголю, исполнен бо есмь словес: убивает бо мя дух чрева: Job 32:19 чрево же мое яко мех мста вряща завязан, или якоже мех коваческий расторгнутый: Job 32:20 возглаголю, да почию, отверз уста: Job 32:21 человека бо не постыждуся, но ниже бреннаго посрамлюся: Job 32:22 не вем бо чудитися лицу: аще же ни, то и мене молие изядят. Job 33:0 Job 33:1 Но послушай, Иове, словес моих и беседу мою внуши: Job 33:2 се бо, отверзох уста моя, и возглагола язык мой: Job 33:3 чисто сердце мое во словесех, разум же устну моею чистая уразумеет: Job 33:4 Дух Божий сотворивый мя, дыхание же Вседержителево поучающее мя: Job 33:5 аще можеши, даждь ми ответ к сим: потерпи, стани противу мене, и аз противу тебе. Job 33:6 От брения сотворен еси ты, якоже и аз: от тогожде сотворения есмы: Job 33:7 не страх мой тя смятет, ниже рука моя тяжка будет на тя. Job 33:8 Обаче рекл еси во ушы мои, и глас глагол твоих услышах, занеже глаголеши: Job 33:9 чист есмь аз, не согрешая, непорочен же есмь, ибо не беззаконновах: Job 33:10 зазор же на мя обрете и мнит мя, яко противника Себе: Job 33:11 вложи же ногу мою в древо и надсмотрял пути моя вся. Job 33:12 Како бо глаголеши, яко прав есмь, и не послуша мене? Вечен бо есть, иже над земными. Job 33:13 Глаголеши бо: чесо ради правды моея не услыша всяко слово? Job 33:14 Единою бо возглаголет Господь, второе же во сне, или в поучении нощнем, Job 33:15 или, яко егда нападает страх лют на человеки, во дреманиих на ложи: Job 33:16 тогда открыет ум человеческий, виденьми страха тацеми их устрашит, Job 33:17 да возвратит человека от неправды, тело же его от падения избави, Job 33:18 пощаде же душу его от смерти, еже не пасти ему на брани. Job 33:19 Паки же обличи его болезнию на ложи и множество костей его разслаби: Job 33:20 всякаго же брашна пшенична не возможет прияти, а душа его яди хощет, Job 33:21 дондеже согниют плоти его, и покажет кости его тощя: Job 33:22 приближися же на смерть душа его, и живот его во аде. Job 33:23 Аще будет тысяща Ангел смертоносных, един от них не уязвит его: аще помыслит сердцем обратитися ко Господу, повесть же человеку свой зазор, и безумие свое покажет, Job 33:24 заступит е, еже не впасти ему в смерть, обновит же тело его якоже повапление на стене, кости же его исполнит мозга: Job 33:25 умягчит же его плоть якоже младенца, и устроит его возмужавша в человецех. Job 33:26 Помолится же ко Господу и прият им будет, внидет же лицем веселым со исповеданием, воздаст же человеком правду свою. Job 33:27 Посем тогда зазрит человек сам себе, глаголя: яковая содевах? И не по достоинству истяза мя, о нихже согреших: Job 33:28 спаси душу мою, еже не внити во истление, и жизнь моя свет узрит. Job 33:29 Се, сия вся творит Крепкий (Бог) пути три с мужем: Job 33:30 но избави душу мою от смерти, да живот мой во свете хвалит его. Job 33:31 Внимай, Иове, и послушай мене, премолчи, и аз возглаголю: Job 33:32 и аще тебе суть словеса, отвещай ми: глаголи, хощу бо оправдитися тебе: Job 33:33 аще же ни, ты послушай мене, умолчи, и научу тя премудрости. Job 34:0 Job 34:1 Отвещав же Елиус, рече: Job 34:2 послушайте мене, премудрии: сведущии, внушите (доброе), Job 34:3 яко ухо словеса искушает, гортань же вкушает брашна. Job 34:4 Суд изберем себе, уразумеем посреде себе, что лучшее. Job 34:5 Яко рече Иов: праведен есмь, Господь отят ми суд, Job 34:6 солга же суду моему: насильна стрела моя без неправды. Job 34:7 Кто муж, якоже Иов, пияй поругание, якоже воду, Job 34:8 не согрешая, ниже нечествовав, ниже приобщився к творящым беззакония, еже ходити с нечестивыми? Job 34:9 Не рцы бо, яко несть посещения мужеви, и посещения ему от Господа. Job 34:10 Темже, разумивии сердцем, послушайте мене, не буди ми пред Господем нечествовати и пред Вседержителем возмутити правду: Job 34:11 но воздает человекови, якоже творит кийждо их, и на стези мужестей обрящет и. Job 34:12 Мниши же Господа нелепая сотворити, или Вседержитель смятет суд, иже сотвори землю? Job 34:13 Кто же есть творяй поднебесную и яже в ней всяческая? Job 34:14 Аще бо восхощет запретити и дух у Себе удержати, Job 34:15 умрет всяка плоть вкупе, всяк же человек в землю пойдет, отнюдуже и создан бысть. Job 34:16 Аще же не увещаешися, послушай сих, внуши глас глагол. Job 34:17 Виждь ты ненавидящаго беззаконная и губящаго лукавыя, суща, вечна, праведна. Job 34:18 Нечестив есть глаголяй цареви, закон преступаеши, нечестивейше, князем: Job 34:19 иже не постыдеся лица честнаго, ниже весть честь возложити сильным, удивитися лицам их. Job 34:20 Тще же им сбудется, еже возопити и молити мужа: зане употребиша беззаконно, безчестяще немощных. Job 34:21 Той бо зритель есть дел человеческих, утаися же от Него ничтоже от тех, яже творят: Job 34:22 ниже будет место укрытися творящым беззаконная: Job 34:23 яко не на мужа положит еще. Job 34:24 Господь бо всех видит, постизаяй неизследная, славная же и изрядная, имже несть числа, Job 34:25 сведый их дела, и обратит нощь, и смирятся. Job 34:26 Угаси же нечестивыя, видими же пред ним: Job 34:27 яко уклонишася от закона Божия, оправданий же Его не познаша, Job 34:28 еже вознести к Нему вопль нищих, и вопль убогих услышит. Job 34:29 И Той тишину подаст, и кто осудит? И сокрыет лице, и кто узрит Его? И на язык, и на человека вкупе, Job 34:30 иже поставляет царем человека лицемера за строптивость людий. Job 34:31 Яко к Крепкому глаголяй: взях, не отиму вместо залога: Job 34:32 без мене узрю, Ты покажи ми: аще неправду соделах, не имам приложити. Job 34:33 Еда от тебе истяжет ю, яко ты отринеши, яко ты избереши, а не аз ли? И что разумееши? Глаголи. Job 34:34 Темже смысленнии сердцем рекут сия, муж же премудр услыша глагол мой. Job 34:35 Иов же не в разуме глаголаше, словеса же его не в хитрости. Job 34:36 Обаче навыкни, Иове, не даждь еще ответа, якоже немудрии: Job 34:37 да не приложим на грехи нашя: беззаконие же на нас вменится, многая глаголющих словеса на Господа. Job 35:0 Job 35:1 Отвещав же еще Елиус, рече: Job 35:2 что сие мнил еси на суде? Ты кто еси, яко рекл еси: прав есмь пред Господем? Job 35:3 Или речеши: что сотворю согрешив? Job 35:4 Аз же ти дам ответ и трием другом твоим. Job 35:5 Воззри на небо и виждь: смотри же на облаки, коль высоки суть от тебе. Job 35:6 Аще согрешил еси, что сотвориши? Аще же и много беззаконновал еси, что можеши сотворити? Job 35:7 Понеже убо праведен еси, что даси Ему? Или что из руки твоея возмет? Job 35:8 Мужеви подобному тебе нечестие твое, и сыну человеческому правда твоя. Job 35:9 От множества оклеветаемии воззовут, возопиют от мышцы многих: Job 35:10 и не рече: где есть Бог сотворивый мя, устрояяй стражбы нощныя, Job 35:11 отделяяй мя от четвероногих земных и от небесных птиц? Job 35:12 Тамо воззовут, и не имаши услышати, и от досады злых. Job 35:13 Безместная бо видети не хощет Господь: Сам бо Вседержитель зритель есть творящих беззаконная, и спасет мя. Job 35:14 Судися же пред Ним, аще можеши похвалити Его, якоже есть и ныне. Job 35:15 Яко несть посещаяй гневом Своим, и не позна прегрешения коеголибо зело. Job 35:16 Иов же всуе отверзает уста своя, неведением словеса отягощает. Job 36:0 Job 36:1 Приложив же еще Елиус, рече: Job 36:2 пожди ми мало еще, да тя научу: еще бо у мене есть слово. Job 36:3 Приим хитрость мою отдалеча, делы же моими праведная реку воистинну: Job 36:4 и не неправедны глаголы без правды уразумееши. Job 36:5 Виждь же, яко Господь не отринет незлобиваго: Job 36:6 силен крепостию сердца нечестивых не оживит и суд нищым даст, Job 36:7 не отимет от правдиваго очес Своих, и со цари на престоле посадит их на победу, и вознесутся. Job 36:8 Связаннии в ручных узах яти будут ужами нищеты, Job 36:9 и возвестит им дела их и прегрешение их, яко укрепятся: Job 36:10 но правдиваго услышит, и рече, яко обратятся от неправды. Job 36:11 Аще услышат и поработают, скончают дни своя во благих и лета своя в благолепоте: Job 36:12 нечестивых же не спасет, зане не хотеша познати Господа и занеже учими не послушливи беша. Job 36:13 И лицемери сердцем возмутят ярость: не возопиют, яко связа их: Job 36:14 да умрет убо в юности душа их, житие же их уязвляемо Ангелы, Job 36:15 занеже оскорбиша недужна и немощна, суд же кротких изложит. Job 36:16 Еще же исторгну тя от уст вражиих: бездна, пролитие под нею, и сниде трапеза твоя исполнена тука. Job 36:17 Не оскудеет же от праведных суд: Job 36:18 ярость же на нечестивыя будет, нечестия ради даров их, ихже приимаху на неправде. Job 36:19 Да не уклонит тя волею ум от мольбы в беде сущих немощных и всех содержащих крепость. Job 36:20 Не привлецы нощи, еже взыти людем вместо их: Job 36:21 но сохранися, да не содееши зла: сих бо ради изят еси от нищеты. Job 36:22 Се, Крепкий удержит крепостию Своею: кто бо есть, якоже Той, силен? Job 36:23 И кто есть испытуяй дел Его? Или кто рекий: содея неправду? Job 36:24 Помяни, яко велия дела Его суть, имиже владеша мужие. Job 36:25 Всяк человек видит в себе, елицы уязвляеми суть человецы. Job 36:26 Се, Крепкий великий, и не увемы: число лет Его безконечное: Job 36:27 изочтенны же ему суть капли дождевныя, и излиются дождем во облак: Job 36:28 потекут обетшания, осениша же облацы над премногими людьми: время постави скоту, ведят же ложа чин. О всех сих не дивитлитися ум, и не изменяетлися ти сердце от тела? Job 36:29 И аще уразумеет простертие облака, равенство скинии Его: Job 36:30 се, простирает на ню свет и корения морская покры: Job 36:31 теми бо судит людем, даст пищу могущему. Job 36:32 На руку покры свет и заповеда о нем сретающему: Job 36:33 возвестит о нем другу своему Господь, стяжание, и о неправде. Job 37:0 Job 37:1 И от сих возмятеся сердце мое и отторжеся от места своего. Job 37:2 Послушай слуха во гневе ярости Господни, и поучение изо уст Его изыдет. Job 37:3 Под всем небом началство его, и свет его на крилу земли. Job 37:4 Вслед его возопиет гласом, возгремит гласом величия Своего, и не изменит их, яко услышит глас Его. Job 37:5 Возгремит Крепкий гласом Своим дивная: сотвори бо велия, ихже не ведахом. Job 37:6 Повелеваяй снегу: буди на земли, и буря дождя, и буря дождев могутства Его. Job 37:7 В руце всякаго человека знаменает, да познает всяк человек свою немощь. Job 37:8 Внидоша же зверие под кров и умолкоша на ложи. Job 37:9 Из хранилищ внутренних находят болезни, и от внешних стран студень. Job 37:10 И от дыхания Крепка даст лед: управляет же воду, якоже хощет, Job 37:11 и избранное устрояет облак: разженет облак свет Его, Job 37:12 и Сам окрестная превратит, якоже хощет, в дела их: вся, елика заповесть им, сия чиноположена суть от Него на земли, Job 37:13 аще в наказание, аще на землю свою, аще на милость обрящет и. Job 37:14 Внуши сия, Иове: стани учайся силе Господни. Job 37:15 Вемы, яко Господь положи дела Своя, свет сотворив из тмы. Job 37:16 Весть же различие облаков и велия падения злых. Job 37:17 Твоя же одежда тепла, почивает же на земли от юга. Job 37:18 Утверждения с Ним в древности, крепка якоже видение слития. Job 37:19 Чесо ради, научи мя, что речем Ему? И престанем многа глаголюще. Job 37:20 Еда книга, или книгочиа ми предстоит? Да стоящь сотворю человеку молчати. Job 37:21 Не всем же видимь свет: светлый есть в древностех, якоже еже от него на облацех. Job 37:22 От севера облацы златозарни: в сих велия слава и честь Вседержителева. Job 37:23 И не обретаем иного подобна крепости Его: иже судит праведно, мниши ли, яко не слышит Той? Job 37:24 Темже убоятся Его человецы: убоятся же Его и премудрии сердцем. Job 38:0 Job 38:1 Преставшу же Елиусу от беседы, рече Господь Иову сквозе бурю и облаки: Job 38:2 кто сей скрываяй от Мене совет, содержай же глаголы в сердцы, Мене же ли мнится утаити? Job 38:3 Препояши яко муж чресла твоя: вопрошу же тя, ты же Ми отвещай. Job 38:4 Где был еси, егда основах землю? Возвести ми, аще веси разум. Job 38:5 Кто положи меры ея, аще веси? Или кто наведый вервь на ню? Job 38:6 На чемже столпи ея утверждени суть? Ктоже есть положивый камень краеуголный на ней? Job 38:7 Егда (сотворены) быша звезды, восхвалиша Мя гласом велиим вси Ангели Мои. Job 38:8 Заградих же море враты, егда изливашеся из чрева матере своея исходящее: Job 38:9 положих же ему облак во одеяние, мглою же пових е: Job 38:10 и положих ему пределы, обложив затворы и врата: Job 38:11 рех же ему: до сего дойдеши и не прейдеши, но в тебе сокрушатся волны твоя. Job 38:12 Или при тебе составих свет утренний, денница же весть чин свой, Job 38:13 ятися крил земли, оттрясти нечестивыя от нея? Job 38:14 Или ты, брение взем, от земли создал еси животно, и глаголиваго сего посадил еси на земли? Job 38:15 Отял же ли еси от нечестивых свет, мышцу же гордых сокрушил ли еси? Job 38:16 Пришел же ли еси на источники моря, во следах же бездны ходил ли еси? Job 38:17 Отверзаются же ли тебе страхом врата смертная, вратницы же адовы видевше тя убояшася ли? Job 38:18 Навыкл же ли еси широты поднебесныя? Повеждь убо ми, колика есть? Job 38:19 В коей же земли вселяется свет, тме же кое есть место? Job 38:20 Аще убо введеши мя в пределы их, аще же ли и веси стези их? Job 38:21 Вем убо, яко тогда рожден еси, число же лет твоих много. Job 38:22 Пришел же ли еси в сокровища снежная, и сокровища градная видел ли еси? Job 38:23 Подлежат же ли тебе в час врагов, в день браней и рати? Job 38:24 Откуду же исходит слана, или разсыпается юг на поднебесную? Job 38:25 Кто же уготова дождю велию пролияние, и путь молнии и грома, Job 38:26 одождити на землю, на нейже несть мужа, пустыню, идеже человека несть в ней, Job 38:27 насытити непроходиму и ненаселену, и прозябнути исход злака? Job 38:28 Кто есть дождю отец? Кто же есть родивый капли росныя? Job 38:29 Из чиего чрева исходит лед? Слану же на небеси кто родил, Job 38:30 яже нисходит яко вода текущая? Лице нечестива кто устраши? Job 38:31 Разумел же ли еси соуз Плиад, и ограждение Орионово отверзл ли еси? Job 38:32 Или отверзеши знамения небесная во время свое? И вечернюю звезду за власы ея привлечеши ли? Job 38:33 Веси же ли пременения небесная, или бывающая вкупе под небесем? Job 38:34 Призовеши же ли облак гласом? И трепетом воды великия послушает ли тя? Job 38:35 Послеши же ли молнии, и пойдут? Рекут же ли ти: что есть? Job 38:36 Кто же дал есть женам ткания мудрость, или испещрения хитрость? Job 38:37 Кто же изчисляяй облаки премудростию, небо же на землю преклонил, Job 38:38 разлияся же яко земля прах, спаях же е, аки каменем, на четыри углы? Job 38:39 Уловиши же ли львам ядь, и душы змиев насытиши ли? Job 38:40 Убояшася бо на ложах своих и седят в дебрех уловляюще. Job 38:41 Кто же врану уготова пищу? Птичищи бо его ко Господу воззваша, облетающе брашна ищуще. Job 39:0 Job 39:1 Аще уразумел еси время рождения коз живущих на горах каменных? Усмотрил же ли еси болезнь при рождении еленей? Job 39:2 Изчислил же ли еси месяцы их исполнены рождения их, болезни же их разрешил ли еси? Job 39:3 Вскормил же ли еси детищы их вне страха, болезни же их отслеши ли? Job 39:4 Извергнут чада своя, умножатся в порождении, изыдут и не возвратятся к ним. Job 39:5 Кто же есть пустивый осла дивияго свободна, узы же его кто разрешил? Job 39:6 Положих же жилище его пустыню и селения его сланость: Job 39:7 смеяйся многу народу града, стужания же данническаго не слышай, Job 39:8 усмотрит на горах пажить себе и вслед всякаго злака ищет. Job 39:9 Похощет же ли ти единорог работати, или поспати при яслех твоих? Job 39:10 Привяжеши ли ремением иго его, и провлечет ти бразды на поли? Job 39:11 Надеешилися нань, яко многа крепость его? Попустиши же ли ему дела твоя? Job 39:12 Повериши же ли, яко воздаст ти семя? Внесет же ли ти в гумно? Job 39:13 Крило веселящихся нееласса, аще зачнет асида и несса? Job 39:14 Яко оставит на земли яица своя, и на персти согреет, Job 39:15 и забы, яко нога разбиет, и зверие селнии поперут: Job 39:16 ожесточися на чада своя, аки бы не ея, вотще трудися без страха, Job 39:17 яко сокры Бог ей премудрость и не удели ей в разуме: Job 39:18 во время же на высоту вознесет, посмеется коню и седящему на нем. Job 39:19 Или ты обложил еси коня силою, и облекл же ли еси выю его в страх? Job 39:20 Обложил же ли еси его всеюружием, славу же персей его дерзостию? Job 39:21 Копытом копая на поли играет и исходит на поле с крепостию: Job 39:22 сретая стрелы посмеявается и не отвратится от железа: Job 39:23 над ним играет лук и мечь, Job 39:24 и гневом потребит землю и не имать веры яти, дондеже вострубит труба: Job 39:25 трубе же вострубившей глаголет, благоже: издалеча же обоняет рать, со скаканием и ржанием. Job 39:26 И твоею ли хитростию стоит ястреб, распростер криле недвижимь, зря на юг? Job 39:27 Твоим же ли повелением возносится орел, неясыть же на гнезде своем седя вселяется, Job 39:28 на версе камене и в сокровене? Job 39:29 Тамо же сый ищет брашна, издалеча очи его наблюдают, Job 39:30 птичищи же его валяются в крови: идеже аще будут мертвечины, абие обретаются. Job 39:31 И отвеща Господь Бог ко Иову и рече: Job 39:32 еда суд со Всесильным укланяется? Обличаяй же Бога отвещати имать Ему. Job 39:33 Отвещав же Иов, рече Господеви: Job 39:34 почто еще аз прюся, наказуемь и обличаемь от Господа, слышай таковая ничтоже сый? Аз же кий ответ дам к сим? Руку положу на устех моих: Job 39:35 единою глаголах, вторицею же не приложу. Job 40:0 Job 40:1 Паки же отвещав Господь, рече ко Иову из облака: Job 40:2 ни, но препояши яко муж чресла твоя: вопрошу же тя, ты же Ми отвещай. Job 40:3 Не отвергай суда Моего: мниши ли Мя инако тебе сотворша, разве да явишися правдив? Job 40:4 Еда мышца ти есть на Господа, или гласом на Него гремиши? Job 40:5 Приими же высоту и силу, в славу же и в честь облецыся: Job 40:6 пусти же Ангелы гневом и всякаго укорителя смири, Job 40:7 величава же угаси и согной нечестивыя абие: Job 40:8 скрый же в землю вне вкупе и лица их безчестия исполни. Job 40:9 Исповем, яко может десница твоя спасти. Job 40:10 Но убо се, зверие у тебе, траву аки волове ядят: Job 40:11 се убо, крепость его на чреслех, сила же его на пупе чрева: Job 40:12 постави ошиб яко кипарис, жилы же его (яко уже) сплетены суть, Job 40:13 ребра его ребра медяна, хребет же его железо слияно. Job 40:14 Сиесть начало создания Господня: сотворен поруган быти Ангелы Его: Job 40:15 возшед же на гору стреминную, сотвори радость четвероногим в тартаре: Job 40:16 под всяким древом спит, при рогозе и тростии и ситовии: Job 40:17 осеняют же над ним древеса велика с леторасльми и ветви напольныя: Job 40:18 аще будет наводнение, не ощутит: уповает, яко внидет Иордан во уста его: Job 40:19 во око свое возмет его, ожесточився продиравит ноздри. Job 40:20 Извлечеши ли змиа удицею, или обложиши узду о ноздрех его? Job 40:21 Или вдежеши колце в ноздри его? Шилом же провертиши ли устне его? Job 40:22 Возглаголет же ли ти с молением, (или) с прошением кротко? Job 40:23 Сотворит же ли завет с тобою? Поймеши же ли его раба вечна? Job 40:24 Поиграеши же ли с ним, якоже со птицею, или свяжеши его яко врабия детищу? Job 40:25 Питаются ли же им языцы, и разделяют ли его Финикийстии народи? Job 40:26 Вся же плавающая собравшеся не подимут кожи единыя ошиба его, и корабли рыбарей главы его. Job 40:27 Возложиши же ли нань руку, воспомянув брань бывающую на теле его? И ктому да не будет. Job 41:0 Job 41:1 Не видел ли еси его, и глаголемым не удивился ли еси? Не убоялся ли еси, яко уготовася Ми? Кто бо есть противляяйся Мне, или кто противостанет Ми и стерпит, Job 41:2 аще вся поднебесная Моя есть? Job 41:3 Не умолчу его ради и словом силы помилую равнаго ему. Job 41:4 Кто открыет лице облечения его, в согбение же персей его кто внидет? Job 41:5 Двери лица его кто отверзет? Окрест зубов его страх, Job 41:6 утроба его щиты медяны, союз же его якоже смирит камень, Job 41:7 един ко другому прилипают, дух же не пройдет его: Job 41:8 яко муж брату своему прилепится, содержатся и не отторгнутся. Job 41:9 В чхании его возблистает свет: очи же его видение денницы. Job 41:10 Из уст его исходят аки свещы горящыя, и размещутся аки искры огненныя: Job 41:11 из ноздрей его исходит дым пещи горящия огнем углия: Job 41:12 душа же его яко углие, и яко пламы из яст его исходит.. Job 41:13 На выи же его водворяется сила, пред ним течет пагуба. Job 41:14 Плоти же телесе его сольпнушася: лиет нань, и не подвижится. Job 41:15 Сердце его ожесте аки камень, стоит же аки наковальня неподвижна. Job 41:16 Обращшуся же ему, страх зверем четвероногим по земли скачущым. Job 41:17 Аще срящут его копия, ничтоже сотворят ему, копие вонзено и броня: Job 41:18 вменяет бо железо аки плевы, медь же аки древо гнило: Job 41:19 не уязвит его лук медян, мнит бо каменометную пращу аки сено: Job 41:20 аки стеблие вменишася ему млатове, ругаетжеся трусу огненосному. Job 41:21 Ложе его остни острии, всяко же злато морское под ним, якоже брение безчисленно. Job 41:22 Возжизает бездну, якоже пещь медяну: мнит же море яко мироварницу Job 41:23 и тартар бездны якоже пленника: вменил бездну в прохождение. Job 41:24 Ничтоже есть на земли подобно ему сотворено, поругано быти Ангелы Моими: Job 41:25 все высокое зрит: сам же царь всем сущым в водах. Job 42:0 Job 42:1 Отвещав же Иов, рече ко Господу: Job 42:2 вем, яко вся можеши, невозможно же Тебе ничтоже. Job 42:3 Кто есть таяй от Тебе совет, щадяй же словеса и от Тебе мнится утаити? Кто же возвестит ми, ихже не ведех, велия и дивная, ихже не знах? Job 42:4 Послушай же мене, Господи, да и аз возглаголю: вопрошу же Тя, ты же мя научи: Job 42:5 слухом убо уха слышах Тя первее, ныне же око мое виде Тя: Job 42:6 темже укорих себе сам, и истаях, и мню себе землю и пепел. Job 42:7 Бысть же егда изглагола Господь вся глаголголы сия Иову, рече Господь ко Елифазу Феманитину: согрешил еси ты и оба друзие твои: не глаголасте бо предо Мною ничтоже истинно, якоже раб Мои Иов: Job 42:8 ныне же возмите седмь телцев и седмь овнов и идите ко рабу Моему Иову, и сотворит жертву о вас: Иов же раб Мой помолится о вас, понеже точию лице его прииму: аще бо не его ради, погубил бых убо вас: не глаголасте бо истины на раба Моего Иова. Job 42:9 Отиде же Елифаз Феманитин и Валдад Савхейский и Софар Минейский и сотвориша, якоже повеле им Господь. И отпусти грехи им Иова ради. Job 42:10 Господь же возрасти Иова: молящуся же ему и о друзех своих, отпусти им грехи их, и даде Господь сугубая, елика бяху прежде Иову во усугубление. Job 42:11 Услышаша же вси братия его и сестры его вся случившаяся ему, и приидоша к нему, и вси елицы знаху его первее: ядше же и пивше у него, утешиша его и дивишася о всех, яже наведе нань Бог: даде же ему кийждо агницу едину и четыре драхмы злата назнаменована. Job 42:12 Господь же благослови последняя Иовля, неже прежняя: бяху же скоти его, овец четыренадесять тысящ, велблюдов шесть тысящ, супруг волов тысяща, ослиц стадных тысяща. Job 42:13 Родишажеся ему сынове седмь и дщери три: Job 42:14 и нарече первую убо День, вторую же Кассию, третию же Амалфеев Рог: Job 42:15 и не обретошася подобны в лепоте дщерем Иовлевым в поднебесней: даде же им отец наследие в братии их. Job 42:16 Поживе же Иов по язве лет сто седмьдесят, всех же лет поживе двести четыредесять осмь. И виде Иов сыны своя и сыны сынов своих, даже до четвертаго рода. Job 42:17 И скончася Иов стар и исполнь дний. Писано же есть паки востати ему, с нимиже Господь возставит и. Тако толкуется от Сирския книги: в земли убо живый Авситидийстей, на пределех Идумеи и Аравии: прежде же бяше имя ему Иовав: взем же жену Аравляныню, роди сына, емуже имя Еннон: бе же той отца убо Зарефа, Исавовых сынов сын, матере же Восорры, якоже быти ему пятому от Авраама. И сии царие царствовавшии во Едоме, еюже и той обладаше страною: первый Валак сын Веоров, и имя граду его Деннава: по Валаце же Иовав, нарицаемый Иов: по сем Ассом бывший вождь от Феманитидийския страны: по сем Адад, сын Варадов, иже изсече Мадиама на поли Моавли, и имя граду его Гефем. Пришедшии же к нему друзие, Елифаз (сын Софань) от сынов Исавовых, царь Феманийский, Валдад (сын Амнона Ховарскаго) Савхейский властитель, Софар Минейский царь.
Psalms 0:0
Псалтирь Psalms 1:0 Psalms 1:1 Блажен муж, иже не иде на совет нечестивых, и на пути грешных не ста, и на седалищи губителей не седе: Psalms 1:2 но в законе Господни воля его, и в законе Его поучится день и нощь. Psalms 1:3 И будет яко древо насажденое при исходищих вод, еже плод свой даст во время свое, и лист его не отпадет: и вся, елика аще творит, успеет. Psalms 1:4 Не тако нечестивии, не тако: но яко прах, егоже возметает ветр от лица земли. Psalms 1:5 Сего ради не воскреснут нечестивии на суд, ниже грешницы в совет праведных. Psalms 1:6 Яко весть Господь путь праведных, и путь нечестивых погибнет. Psalms 2:0 Psalms 2:1 Вскую шаташася языцы, и людие поучишася тщетным? Psalms 2:2 Предсташа царие земстии, и князи собрашася вкупе на Господа и на Христа Его. Psalms 2:3 Расторгнем узы их и отвержем от нас иго их. Psalms 2:4 Живый на небесех посмеется им, и Господь поругается им. Psalms 2:5 Тогда возглаголет к ним гневом Своим и яростию Своею смятет я: Psalms 2:6 Аз же поставлен есмь Царь от Него над Сионом, горою святою Его, Psalms 2:7 возвещаяй повеление Господне. Господь рече ко Мне: Сын Мой еси Ты, Аз днесь родих Тя: Psalms 2:8 проси от Мене, и дам ти языки достояние Твое, и одержание Твое концы земли: Psalms 2:9 упасеши я жезлом железным, яко сосуды скудельничи сокрушиши я. Psalms 2:10 И ныне, царие, разумейте, накажитеся вси судящии земли. Psalms 2:11 Работайте Господеви со страхом, и радуйтеся Ему со трепетом. Psalms 2:12 Приимите наказание, да не когда прогневается Господь, и погибнете от пути праведнаго, егда возгорится вскоре ярость Его: блажени вси надеющиися Нань. Psalms 3:0 Psalms 3:1 Псалом Давиду, внегда отбегаше от лица Авессалома сына своего. Psalms 3:2 Господи, что ся умножиша стужающии ми? Мнози востают на мя, Psalms 3:3 мнози глаголют души моей: несть спасения ему в Бозе его. Psalms 3:4 Ты же, Господи, заступник мой еси, слава моя, и возносяй главу мою. Psalms 3:5 Гласом моим ко Господу воззвах, и услыша мя от горы святыя Своея. Psalms 3:6 Аз уснух, и спах, востах, яко Господь заступит мя. Psalms 3:7 Не убоюся от тем людий, окрест нападающих на мя. Psalms 3:8 Воскресени, Господи, спаси мя, Боже мой: яко Ты поразил еси вся враждующыя ми всуе, зубы грешников сокрушил еси. Psalms 3:9 Господне есть спасение, и на людех Твоих благословение Твое. Psalms 4:0 Psalms 4:1 В конец, в песнех, Псалом Давиду. Psalms 4:2 Внегда призвати ми, услыша мя Бог правды моея: в скорби распространил мя еси: ущедри мя и услыши молитву мою. Psalms 4:3 Сынове человечестии, доколе тяжкосердии? Вскую любите суету и ищете лжи? Psalms 4:4 И уведите, яко удиви Господь преподобнаго Своего. Господь услышит мя, внегда воззвати ми к Нему. Psalms 4:5 Гневайтеся, и не согрешайте, яже глаголете в сердцах ваших, на ложах ваших умилитеся: Psalms 4:6 пожрите жертву правды и уповайте на Господа. Psalms 4:7 Мнози глаголют: кто явит нам благая? Знаменася на нас свет лица Твоего, Господи. Psalms 4:8 Дал еси веселие в сердцы моем: от плода пшеницы, вина и елеа своего умножишася: Psalms 4:9 в мире вкупе усну и почию, яко Ты, Господи, единаго на уповании вселил мя еси. Psalms 5:0 Psalms 5:1 О наследствующем, Псалом Давиду. Psalms 5:2 Глаголы моя внуши, Господи, разумей звание мое. Psalms 5:3 Вонми гласу моления моего, Царю мой и Боже мой: яко к Тебе помолюся, Господи. Psalms 5:4 Заутра услыши глас мой: заутра предстану Ти, и узриши мя: Psalms 5:5 яко Бог не хотяй беззакония Ты еси: не приселится к Тебе лукавнуяй, Psalms 5:6 ниже пребудут беззаконницы пред очима Твоима: возненавидел еси вся делающыя беззаконие, Psalms 5:7 погубиши вся глаголющыя лжу: мужа кровей и льстива гнушается Господь. Psalms 5:8 Аз же множеством милости Твоея вниду в дом Твой, поклонюся ко храму святому Твоему, в страсе Твоем. Psalms 5:9 Господи, настави мя правдою Твоею, враг моих ради исправи пред Тобою путь мой. Psalms 5:10 Яко несть во устех их истины, сердце их суетно, гроб отверст гортань их, языки своими льщаху. Psalms 5:11 Суди им, Боже, да отпадут от мыслей своих: по множеству нечестия их изрини я, яко преогорчиша Тя, Господи. Psalms 5:12 И да возвеселятся вси уповающии на Тя, во век возрадуются, и вселишися в них: и похвалятся о Тебе любящии имя Твое. Psalms 5:13 Яко Ты благословиши праведника, Господи, яко оружием благоволения венчал еси нас. Psalms 6:0 Psalms 6:1 В конец, в песнех о осмем, псалом Давиду. Psalms 6:2 Господи, да не яростию Твоею обличиши мене, ниже гневом Твоим накажеши мене. Psalms 6:3 Помилуй мя, Господи, яко немощен есмь: изцели мя, Господи, яко смятошася кости моя, Psalms 6:4 и душа моя смятеся зело: и Ты, Господи, доколе? Psalms 6:5 Обратися, Господи, избави душу мою, спаси мя ради милости Твоея: Psalms 6:6 яко несть в смерти поминаяй Тебе, во аде же кто исповестся Тебе? Psalms 6:7 Утрудихся воздыханием моим, измыю на всяку нощь ложе мое, слезами моими постелю мою омочу. Psalms 6:8 Смятеся от ярости око мое, обетшах во всех вразех моих. Psalms 6:9 Отступите от мене, вси делающии беззаконие, яко услыша Господь глас плача моего, Psalms 6:10 услыша Господь моление мое, Господь молитву мою прият. Psalms 6:11 Да постыдятся и смятутся вси врази мои, да возвратятся и устыдятся зело вскоре. Psalms 7:0 Psalms 7:1 Псалом Давиду, егоже воспет Господеви о словесех Хусиевых, сына Иемениина. Psalms 7:2 Господи Боже мой, на Тя уповах, спаси мя от всех гонящих мя и избави мя: Psalms 7:3 да не когда похитит яко лев душу мою, не сущу избавляющу, ниже спасающу. Psalms 7:4 Господи Боже мой, аще сотворих сие, аще есть неправда в руку моею, Psalms 7:5 аще воздах воздающым ми зла, да отпаду убо от враг моих тощь: Psalms 7:6 да поженет убо враг душу мою, и да постигнет, и поперет в землю живот мой, и славу мою в персть вселит. Psalms 7:7 Воскресени, Господи, гневом Твоим, вознесися в концах враг Твоих, и востани, Господи Боже мой, повелением, имже заповедал еси, Psalms 7:8 и сонм людий обыдет Тя: и о том на высоту обратися. Psalms 7:9 Господь судит людем: суди ми, Господи, по правде моей и по незлобе моей на мя. Psalms 7:10 Да скончается злоба грешных, и исправиши праведнаго, испытаяй сердца и утробы, Боже, праведно. Psalms 7:11 Помощь моя от Бога, спасающаго правыя сердцем. Psalms 7:12 Бог судитель праведен и крепок, и долготерпелив, и не гнев наводяй на всяк день. Psalms 7:13 Аще не обратитеся, оружие Свое очистит, лук Свой напряже, и уготова и, Psalms 7:14 и в нем уготова сосуды смертныя, стрелы Своя сгараемым содела. Psalms 7:15 Се, боле неправдою, зачат болезнь и роди беззаконие: Psalms 7:16 ров изры и ископа и, и падет в яму, юже содела. Psalms 7:17 Обратится болезнь его на главу его, и на верх его неправда его снидет. Psalms 7:18 Исповемся Господеви по правде Его и пою имени Господа Вышняго. Psalms 8:0 Psalms 8:1 В конец, о точилех, Псалом Давиду. Psalms 8:2 Господи Господь наш, яко чудно имя Твое по всей земли, яко взятся великолепие Твое превыше небес. Psalms 8:3 Из уст младенец и ссущих совершил еси хвалу, враг Твоих ради, еже разрушити врага и местника. Psalms 8:4 Яко узрю небеса, дела перст Твоих, луну и звезды, яже Ты основал еси: Psalms 8:5 что есть человек, яко помниши его? Или сын человечь, яко посещаеши его? Psalms 8:6 Умалил еси его малым чим от Ангел, славою и честию венчал еси его: Psalms 8:7 и поставил еси его над делы руку Твоею, вся покорил еси под нозе его: Psalms 8:8 овцы и волы вся, еще же и скоты польския, Psalms 8:9 птицы небесныя и рыбы морския, преходящыя стези морския. Psalms 8:10 Господи Господь наш, яко чудно имя Твое по всей земли. Psalms 9:0 Psalms 9:1 В конец, о тайных сына, псалом Давиду. Psalms 9:2 Исповемся Тебе, Господи, всем сердцем моим, повем вся чудеса Твоя. Psalms 9:3 Возвеселюся и возрадуюся о Тебе, пою имени Твоему, Вышний. Psalms 9:4 Внегда возвратитися врагу моему вспять, изнемогут и погибнут от лица Твоего. Psalms 9:5 Яко сотворил еси суд мой и прю мою: сел еси на престоле, судяй правду. Psalms 9:6 Запретил еси языком, и погибе нечестивый: имя его потребил еси в век и в век века. Psalms 9:7 Врагу оскудеша оружия в конец, и грады разрушил еси: погибе память его с шумом. Psalms 9:8 И Господь во век пребывает, уготова на суд престол Свой: Psalms 9:9 и Той судити имать вселенней в правду, судити имать людем в правоте. Psalms 9:10 И бысть Господь прибежище убогому, помощник во благовремениих, в скорбех. Psalms 9:11 И да уповают на Тя знающии имя Твое, яко не оставил еси взыскающих Тя, Господи. Psalms 9:12 Пойте Господеви, живущему в Сионе, возвестите во языцех начинания Его: Psalms 9:13 яко взыскаяй крови их помяну, не забы звания убогих. Psalms 9:14 Помилуй мя, Господи, виждь смирение мое от враг моих, возносяй мя от врат смертных: Psalms 9:15 яко да возвещу вся хвалы Твоя во вратех дщере Сиони: возрадуемся о спасении Твоем. Psalms 9:16 Углебоша языцы в пагубе, юже сотвориша: в сети сей, юже скрыша, увязе нога их. Psalms 9:17 Знаемь есть Господь судбы творяй: в делех руку своею увязе грешник. Psalms 9:18 Да возвратятся грешницы во ад, вси языцы забывающии Бога. Psalms 9:19 Яко не до конца забвен будет нищий, терпение убогих не погибнет до конца. Psalms 9:20 Воскресени, Господи, да не крепится человек, да судятся языцы пред Тобою. Psalms 9:21 Постави, Господи, законоположителя над ними, да разумеют языцы, яко человецы суть. Psalms 9:22 Вскую, Господи, отстоя далече, презираеши во благовремениих, в скорбех? Psalms 9:23 Внегда гордитися нечестивому, возгарается нищий: увязают в советех, яже помышляют. Psalms 9:24 Яко хвалимь есть грешный в похотех души своея, и обидяй благословимь есть. Psalms 9:25 Раздражи Господа грешный: по множеству гнева своего не взыщет: несть Бога пред ним. Psalms 9:26 Оскверняются путие его на всяко время: отемлются судбы Твоя от лица его: всеми враги своими обладает. Psalms 9:27 Рече бо в сердцы своем: не подвижуся от рода в род без зла: Psalms 9:28 егоже клятвы уста его полна суть, и горести и льсти: под языком его труд и болезнь. Psalms 9:29 Приседит в ловителстве с богатыми в тайных, еже убити неповиннаго: очи его на нищаго призираете. Psalms 9:30 Ловит в тайне яко лев во ограде своей, ловит еже восхитити нищаго, восхитити нищаго, внегда привлещи и в сети своей. Psalms 9:31 Смирит его: преклонится и падет, внегда ему обладати убогими. Psalms 9:32 Рече бо в сердцы своем: забы Бог, отврати лице Свое, да не видит до конца. Psalms 9:33 Воскресени, Господи Боже мой, да вознесется рука Твоя, не забуди убогих Твоих до конца. Psalms 9:34 Чесо ради прогнева нечестивый Бога? Рече бо в сердцы своем: не взыщет. Psalms 9:35 Видиши, яко Ты болезнь и ярость смотряеши, да предан будет в руце Твои: тебе оставлен есть нищий, сиру Ты буди помощник. Psalms 9:36 Сокруши мышцу грешному и лукавому: взыщется грех его и не обрящется. Psalms 9:37 Господь царь во век и в век века: погибнете, языцы, от земли Его. Psalms 9:38 Желание убогих услышал еси, Господи, уготованию сердца их внят ухо Твое. Psalms 9:39 Суди сиру и смирену, да не приложит ктому величатися человек на земли. Psalms 10:0 Psalms 10:1 В конец, псалом Давиду. На Господа уповах, како речете души моей: превитай по горам, яко птица? Psalms 10:2 Яко се, грешницы налякоша лук, уготоваша стрелы в туле, состреляти во мраце правыя сердцем. Psalms 10:3 Зане яже ты совершил еси, они разрушиша: праведник же что сотвори? Psalms 10:4 Господь во храме святем Своем. Господь, на небеси престол Его: очи Его на нищаго призираете, вежди Его испытаете сыны человеческия. Psalms 10:5 Господь испытает праведнаго и нечестиваго: любяй же неправду ненавидит свою душу. Psalms 10:6 Одождит на грешники сети: огнь и жупел, и дух бурен часть чаши их. Psalms 10:7 Яко праведен Господь и правды возлюби: правоты виде лице Его. Psalms 11:0 Psalms 11:1 В конец, о осмей, псалом Давиду. Psalms 11:2 Спси мя, Господи, яко оскуде преподобный: яко умалишася истины от сынов человеческих. Psalms 11:3 Суетная глагола кийждо ко искреннему своему: устне льстивыя в сердцы, и в сердцы глаголаша злая. Psalms 11:4 Потребит Господь вся устны льстивыя, язык велеречивый, Psalms 11:5 рекшыя: язык наш возвеличим, устны наша при нас суть: кто нам господь есть? Psalms 11:6 Страсти ради нищих и воздыхания убогих ныне воскресну, глаголет Господь: положуся во спасение, не обинюся о нем. Psalms 11:7 Словеса Господня словеса чиста, сребро разжжено, искушено земли, очищено седмерицею. Psalms 11:8 Ты, Господи, сохраниши ны и соблюдеши ны от рода сего и во век. Psalms 11:9 Окрест нечестивии ходят: по высоте твоей умножил еси сыны человеческия. Psalms 12:0 Psalms 12:1 В конец, псалом Давиду. Psalms 12:2 Доколе, Господи, забудеши мя до конца? Доколе отвращаеши лице Твое от мене? Psalms 12:3 Доколе положу советы в души моей, болезни в сердцы моем день и нощь? Доколе вознесется враг мой на мя? Psalms 12:4 Призри, услыши мя, Господи Боже мой: просвети очи мои, да не когда усну в смерть: Psalms 12:5 да не когда речет враг мой: укрепихся на него. Psalms 12:6 Стужающии ми возрадуются, аще подвижуся. Аз же на милость Твою уповах: возрадуется сердце мое о спасении Твоем: воспою Господеви благодеявшему мне и пою имени Господа Вышняго. Psalms 13:0 Psalms 13:1 Рече безумен в сердцы своем: несть Бог. Растлеша и омерзишася в начинаниих: несть творяй благостыню. Psalms 13:2 Господь с небесе приниче на сыны человеческия, видети, аще есть разумеваяй, или взыскаяй Бога. Psalms 13:3 Вси уклонишася, вкупе неключими быша: несть творяй благостыню, несть до единаго. Psalms 13:4 Ни ли уразумеют вси делающии беззаконие, снедающии люди моя в снедь хлеба? Господа не призваша. Psalms 13:5 Тамо убояшася страха, идеже не бе страх: яко Господь в роде праведных. Psalms 13:6 Совет нищаго посрамисте: Господь же упование его есть. Psalms 13:7 Кто даст от Сиона спасение Израилево? Внегда возвратит Господь пленение людий Своих, возрадуется Иаков, и возвеселится Израиль. Psalms 14:0 Psalms 14:1 Господи, кто обитает в жилищи Твоем? Или кто вселится во святую гору Твою? Psalms 14:2 Ходяй непорочен и делаяй правду, глаголяй истину в сердцы своем: Psalms 14:3 иже не ульсти языком своим и не сотвори искреннему своему зла, и поношения не прият на ближния своя: Psalms 14:4 уничижен есть пред ним лукавнуяй, боящыяжеся Господа славит: кленыйся искреннему своему и не отметаяся: Psalms 14:5 сребра своего не даде в лихву и мзды на неповинных не прият. Творяй сия не подвижится во век. Psalms 15:0 Psalms 15:1 Сохрани мя, Господи, яко на Тя уповах. Psalms 15:2 Рех Господеви: Господь мой еси Ты, яко благих моих не требуеши. Psalms 15:3 Святым, иже суть на земли его, удиви Господь вся хотения Своя в них. Psalms 15:4 Умножишася немощи их, по сих ускориша: не соберу соборы их от кровей, ни помяну же имен их устнама моима. Psalms 15:5 Господь часть достояния моего и чаши моея: Ты еси устрояяй достояние мое мне. Psalms 15:6 Ужя нападоша ми в державных моих: ибо достояние мое державно есть мне. Psalms 15:7 Благословлю Господа вразумившаго мя: еще же и до нощи наказаша мя утробы моя. Psalms 15:8 Предзрех Господа предо мною выну, яко одесную мене есть, да не подвижуся. Psalms 15:9 Сего ради возвеселися сердце мое, и возрадовася язык мой: еще же и плоть моя вселится на уповании. Psalms 15:10 Яко не оставиши душу мою во аде, ниже даси преподобному Твоему видети истления. Psalms 15:11 Сказал ми еси пути живота: исполниши мя веселия с лицем Твоим: красота в деснице Твоей в конец. Psalms 16:0 Psalms 16:1 Молитва Давиду. Услыши, Господи, правду мою, вонми молению моему, внуши молитву мою не во устнах льстивых. Psalms 16:2 От лица Твоего судба моя изыдет: очи мои да видита правоты. Psalms 16:3 Искусил еси сердце мое, посетил еси нощию: искусил мя еси, и не обретеся во мне неправда. Psalms 16:4 Яко да не возглаголют уста моя дел человеческих, за словеса устен Твоих аз сохраних пути жестоки. Psalms 16:5 Соверши стопы моя во стезях Твоих, да не подвижутся стопы моя. Psalms 16:6 Аз воззвах, яко услышал мя еси, Боже: приклони ухо Твое мне и услыши глаголы моя. Psalms 16:7 Удиви милости Твоя, спасаяй уповающыя на Тя от противящихся деснице Твоей: Psalms 16:8 сохрани мя, Господи, яко зеницу ока: в крове крилу Твоею покрыеши мя Psalms 16:9 от лица нечестивых острастших мя: врази мои душу мою одержаша Psalms 16:10 тук свой затвориша, уста их глаголаша гордыню. Psalms 16:11 Изгонящии мя ныне обыдоша мя, очи свои возложиша уклонити на землю. Psalms 16:12 Объяша мя яко лев готов на лов и яко скимен обитаяй в тайных. Psalms 16:13 Воскресени, Господи, предвари я и запни им: избави душу мою от нечестиваго, оружие Твое Psalms 16:14 от враг руки Твоея, Господи, от малых от земли: раздели я в животе их, и сокровенных Твоих исполнися чрево их: насытишася сынов, и оставиша останки младенцем своим. Psalms 16:15 Аз же правдою явлюся лицу Твоему, насыщуся, внегда явитимися славе Твоей. Psalms 17:0 Psalms 17:1 В конец, отроку Господню Давиду, яже глагола Господеви словеса песни сея, в день, в оньже избави его Господь от руки всех враг его и из руки Саули: и рече: Psalms 17:2 возлюблю Тя, Господи, крепосте моя: Psalms 17:3 Господь утверждение мое, и прибежище мое, и Избавитель мой, Бог мой, Помощник мой, и уповаю на Него: Защититель мой, и рог спасения моего, и Заступник мой. Psalms 17:4 Хваля призову Господа и от враг моих спасуся. Psalms 17:5 Одержаша мя болезни смертныя, и потоцы беззакония смятоша мя: Psalms 17:6 болезни адовы обыдоша мя, предвариша мя сети смертныя. Psalms 17:7 И внегда скорбети ми, призвах Господа и к Богу моему воззвах: услыша от храма святаго Своего глас мой, и вопль мой пред Ним внидет во ушы Его. Psalms 17:8 И подвижеся и трепетна бысть земля, и основания гор смятошася и подвигошася, яко прогневася на ня Бог. Psalms 17:9 Взыде дым гневом Его, и огнь от лица Его воспламенится: углие возгореся от Него. Psalms 17:10 И приклони небеса и сниде, и мрак под ногама Его. Psalms 17:11 И взыде на Херувимы и лете, лете на крилу ветреню. Psalms 17:12 И положи тму закров Свой: окрест Его селение Его: темна вода во облацех воздушных. Psalms 17:13 От облистания пред Ним облацы проидоша, град и углие огненное. Psalms 17:14 И возгреме с небесе Господь, и Вышний даде глас Свой. Psalms 17:15 Низпосла стрелы и разгна я, и молнии умножи и смяте я. Psalms 17:16 И явишася источницы воднии, и открышася основания вселенныя от запрещения Твоего, Господи, от дохновения духа гнева Твоего. Psalms 17:17 Низпосла с высоты и прият мя, восприят мя от вод многих. Psalms 17:18 Избавит мя от врагов моих сильных и от ненавидящих мя: яко утвердишася паче мене. Psalms 17:19 Предвариша мя в день озлобления моего: и бысть Господь утверждение мое. Psalms 17:20 И изведе мя на широту: избавит мя, яко восхоте мя. Psalms 17:21 И воздаст ми Господь по правде моей, и по чистоте руку моею воздаст ми, Psalms 17:22 яко сохраних пути Господни и не нечествовах от Бога моего. Psalms 17:23 Яко вся судбы Его предо мною, и оправдания Его не отступиша от мене. Psalms 17:24 И буду непорочен с Ним и сохранюся от беззакония моего. Psalms 17:25 И воздаст ми Господь по правде моей и по чистоте руку моею пред очима Его. Psalms 17:26 С преподобным преподобн будеши, и с мужем неповинным неповинен будеши, Psalms 17:27 и со избранным избран будеши, и со строптивым развратишися. Psalms 17:28 Яко Ты люди смиренныя спасеши и очи гордых смириши. Psalms 17:29 Яко Ты просветиши светилник мой, Господи: Боже мой, просветиши тму мою. Psalms 17:30 Яко Тобою избавлюся от искушения, и Богом моим прейду стену. Psalms 17:31 Бог мой, непорочен путь Его: словеса Господня разжжена. Защититель есть всех уповающих на Него. Psalms 17:32 Яко кто Бог, разве Господа? Или кто Бог, разве Бога нашего? Psalms 17:33 Бог препоясуяй мя силою, и положи непорочен путь мой: Psalms 17:34 совершаяй нозе мои яко елени, и на высоких поставляяй мя: Psalms 17:35 научаяй руце мои на брань, и положил еси лук медян мышца моя: Psalms 17:36 и дал ми еси защищение спасения, и десница Твоя восприят мя: и наказание Твое исправит мя в конец, и наказание Твое то мя научит. Psalms 17:37 Уширил еси стопы моя подо мною, и не изнемогосте плесне мои. Psalms 17:38 Пожену враги моя, и постигну я, и не возвращуся, дондеже скончаются: Psalms 17:39 оскорблю их, и не возмогут стати, падут под ногама моима. Psalms 17:40 И препоясал мя еси силою на брань, спял еси вся востающыя на мя под мя. Psalms 17:41 И врагов моих дал ми еси хребет и ненавидящыя мя потребил еси. Psalms 17:42 Воззваша, и не бе спасаяй: ко Господу, и не услыша их. Psalms 17:43 И истню я яко прах пред лицем ветра, яко брение путий поглажду я. Psalms 17:44 Избавиши мя от пререкания людий: поставиши мя во главу языков: людие, ихже не ведех, работаша ми, Psalms 17:45 в слух уха послушаша мя. Сынове чуждии солгаша ми, Psalms 17:46 сынове чуждии обетшаша и охромоша от стезь своих. Psalms 17:47 Жив Господь, и благословен Бог, и да вознесется Бог спасения моего, Psalms 17:48 Бог даяй отмщение мне и покоривый люди под мя, Psalms 17:49 избавитель мой от враг моих гневливых: от востающих на мя вознесеши мя, от мужа неправедна избавиши мя. Psalms 17:50 Сего ради исповемся Тебе во языцех, Господи, и имени Твоему пою: Psalms 17:51 величаяй спасения царева и творяй милость христу Своему Давиду и семени его до века. Psalms 18:0 Psalms 18:1 В конец, псалом Давиду. Psalms 18:2 Небеса поведают славу Божию, творение же руку Его возвещает твердь. Psalms 18:3 День дни отрыгает глагол, и нощь нощи возвещает разум. Psalms 18:4 Не суть речи, ниже словеса, ихже не слышатся гласи их. Psalms 18:5 Во всю землю изыде вещание их, и в концы вселенныя глаголы их: в солнце положи селение свое: Psalms 18:6 и той яко жених исходяй от чертога своего, возрадуется яко исполин тещи путь. Psalms 18:7 От края небесе исход его, и сретение его до края небесе: и несть, иже укрыется теплоты его. Psalms 18:8 Закон Господень непорочен, обращаяй душы: свидетелство Господне верно, умудряющее младенцы. Psalms 18:9 Оправдания Господня права, веселящая сердце: заповедь Господня светла, просвещающая очи. Psalms 18:10 Страх Господень чист, пребываяй в век века: судбы Господни истинны, оправданны вкупе, Psalms 18:11 вожделенны паче злата и камене честна многа, и слаждшя паче меда и сота. Psalms 18:12 Ибо раб Твой хранит я: внегда сохранити я, воздаяние много. Psalms 18:13 Грехопадения кто разумеет? От тайных моих очести мя, Psalms 18:14 и от чуждих пощади раба Твоего: аще не обладают мною, тогда непорочен буду, и очищуся от греха велика. Psalms 18:15 И будут во благоволение словеса уст моих, и поучение сердца моего пред Тобою выну, Господи, помощниче мой и Избавителю мой. Psalms 19:0 Psalms 19:1 В конец, псалом Давиду. Psalms 19:2 Услышит тя Господь в день печали, защитит тя имя Бога Иаковля. Psalms 19:3 Послет ти помощь от Святаго, и от Сиона заступит тя. Psalms 19:4 Помянет всяку жертву твою, и всесожжение твое тучно буди. Psalms 19:5 Даст ти Господь по сердцу твоему, и весь совет твой исполнит. Psalms 19:6 Возрадуемся о спасении твоем, и во имя Господа Бога нашего возвеличимся: исполнит Господь вся прошения твоя. Psalms 19:7 Ныне познах, яко спасе Господь Христа Своего: услышит его с небесе святаго Своего: в силах спасение десницы его. Psalms 19:8 Сии на колесницах, и сии на конех: мы же во имя Господа Бога нашего призовем. Psalms 19:9 Тии спяти быша и падоша: мы же востахом и исправихомся. Psalms 19:10 Господи, спаси царя, и услыши ны, в оньже аще день призовем Тя. Psalms 20:0 Psalms 20:1 Псалом Давиду. Psalms 20:2 Господи, силою Твоею возвеселится царь, и о спасении Твоем возрадуется зело. Psalms 20:3 Желание сердца его дал еси ему, и хотения устну его неси лишил его. Psalms 20:4 Яко предварил еси его благословением благостынным, положил еси на главе его венец от камене честна. Psalms 20:5 Живота просил есть у Тебе, и дал еси ему долготу дний во век века. Psalms 20:6 Велия слава его спасением Твоим: славу и велелепие возложиши на него. Psalms 20:7 Яко даси ему благословение во век века: возвеселиши его радостию с лицем Твоим. Psalms 20:8 Яко царь уповает на Господа, и милостию Вышняго не подвижится. Psalms 20:9 Да обрящется рука Твоя всем врагом Твоим, десница Твоя да обрящет вся ненавидящыя Тебе. Psalms 20:10 Яко положиши их яко пещь огненную во время лица Твоего: Господь гневом Своим смятет я, и снесть их огнь. Psalms 20:11 Плод их от земли погубиши, и семя их от сынов человеческих. Psalms 20:12 Яко уклониша на Тя злая, помыслиша советы, ихже не возмогут составити. Psalms 20:13 Яко положиши я хребет: во избытцех Твоих уготовиши лице их. Psalms 20:14 Вознесися, Господи, силою Твоею: воспоем и поем силы Твоя. Psalms 21:0 Psalms 21:1 В конец, о заступлении утреннем, псалом Давиду. Psalms 21:2 Боже, Боже мой, вонми ми, вскую оставил мя еси? Далече от спасения моего словеса грехопадений моих. Psalms 21:3 Боже мой, воззову во дни, и не услышиши, и в нощи, и не в безумие мне. Psalms 21:4 Ты же во Святем живеши, хвало Израилева. Psalms 21:5 На Тя уповаша отцы наши: уповаша, и избавил еси я: Psalms 21:6 к Тебе воззваша, и спасошася: на Тя уповаша, и не постыдешася. Psalms 21:7 Аз же есмь червь, а не человек, поношение человеков и уничижение людий. Psalms 21:8 Вси видящии мя поругашамися, глаголаша устнами, покиваша главою: Psalms 21:9 упова на Господа, да избавит его, да спасет его, яко хощет его. Psalms 21:10 Яко Ты еси исторгий мя из чрева, упование мое от сосцу матере моея. Psalms 21:11 К Тебе привержен есмь от ложесн, от чрева матере моея Бог мой еси Ты. Psalms 21:12 Да не отступиши от мене, яко скорбь близ, яко несть помогаяй ми. Psalms 21:13 Обыдоша мя телцы мнози, юнцы тучнии одержаша мя: Psalms 21:14 отверзоша на мя уста своя, яко лев восхищаяй и рыкаяй. Psalms 21:15 Яко вода излияхся, и разсыпашася вся кости моя: бысть сердце мое яко воск таяй посреде чрева моего. Psalms 21:16 Изсше яко скудель крепость моя, и язык мой прильпе гортани моему, и в персть смерти свел мя еси. Psalms 21:17 Яко обыдоша мя пси мнози, сонм лукавых одержаша мя: ископаша руце мои и нозе мои. Psalms 21:18 Изчетоша вся кости моя: тии же смотриша и презреша мя. Psalms 21:19 Разделиша ризы моя себе, и о одежди моей меташа жребий. Psalms 21:20 Ты же, Господи, не удали помощь твою от мене: на заступление мое вонми. Psalms 21:21 Избави от оружия душу мою, и из руки песии единородную мою. Psalms 21:22 Спаси мя от уст львовых, и от рог единорожь смирение мое. Psalms 21:23 Повем имя Твое братии моей, посреде церкве воспою Тя. Psalms 21:24 Боящиися Господа, восхвалите Его, все семя Иаковле, прославите Его, да убоится же от Него все семя Израилево: Psalms 21:25 яко не уничижи, ниже негодова молитвы нищаго, ниже отврати лице Свое от мене, и егда воззвах к Нему, услыша мя. Psalms 21:26 От Тебе похвала моя, в церкви велицей исповемся Тебе: молитвы моя воздам пред боящимися Его. Psalms 21:27 Ядят убозии, и насытятся, и восхвалят Господа взыскающии Его: жива будут сердца их в век века. Psalms 21:28 Помянутся и обратятся ко Господу вси концы земли, и поклонятся пред Ним вся отечествия язык: Psalms 21:29 яко Господне есть царствие, и Той обладает языки. Psalms 21:30 Ядоша и поклонишася вси тучнии земли: пред Ним припадут вси низходящии в землю: и душа моя тому живет. Psalms 21:31 И семя мое поработает Ему: возвестит Господеви род грядущий: Psalms 21:32 и возвестят правду Его людем рождшымся, яже сотвори Господь. Psalms 22:0 Psalms 22:1 Господь пасет мя, и ничтоже мя лишит. Psalms 22:2 На месте злачне, тамо всели мя, на воде покойне воспита мя. Psalms 22:3 Душу мою обрати, настави мя на стези правды, имене ради Своего. Psalms 22:4 Аще бо и пойду посреде сени смертныя, не убоюся зла, яко Ты со мною еси: жезл Твой и палица Твоя, та мя утешиста. Psalms 22:5 Уготовал еси предо мною трапезу сопротив стужающым мне: умастил еси елеом главу мою, и чаша твоя упоявающи мя, яко державна. Psalms 22:6 И милость Твоя поженет мя вся дни живота моего, и еже вселитимися в дом Господень в долготу дний. Psalms 23:0 Psalms 23:1 Господня земля, и исполнение ея, вселенная и вси живущии на ней. Psalms 23:2 Той на морях основал ю есть и на реках уготовал ю есть. Psalms 23:3 Кто взыдет на гору Господню? Или кто станет на месте святем Его? Psalms 23:4 Неповинен рукама и чист сердцем, иже не прият всуе душу свою и не клятся лестию искреннему своему: Psalms 23:5 сей приимет благословение от Господа и милостыню от Бога Спаса своего. Psalms 23:6 Сей род ищущих Господа, ищущих лице Бога Иаковля. Psalms 23:7 Возмите врата князи ваша, и возмитеся врата вечная: и внидет Царь славы. Psalms 23:8 Кто есть сей Царь славы? Господь крепок и силен, Господь силен в брани. Psalms 23:9 Возмите врата князи ваша, и возмитеся врата вечная: и внидет Царь славы. Psalms 23:10 Кто есть сей Царь славы? Господь сил, Той есть царь славы. Psalms 24:0 Psalms 24:1 К Тебе, Господи, воздвигох душу мою, Боже мой, на Тя уповах, да не постыжуся во век, ниже да посмеютмися врази мои: Psalms 24:2 ибо вси терпящии Тя не постыдятся. Psalms 24:3 Да постыдятся беззаконнующии вотще. Psalms 24:4 Пути Твоя, Господи, скажи ми и стезям Твоим научи мя. Psalms 24:5 Настави мя на истину Твою и научи мя: яко Ты еси Бог спас мой, и Тебе терпех весь день. Psalms 24:6 Помяни щедроты Твоя, Господи, и милости Твоя, яко от века суть. Psalms 24:7 Грех юности моея и неведения моего не помяни: по милости Твоей помяни мя Ты, ради благости Твоея, Господи. Psalms 24:8 Благ и прав Господь, сего ради законоположит согрешающым на пути. Psalms 24:9 Наставит кроткия на суд, научит кроткия путем Своим. Psalms 24:10 Вси путие Господни милость и истина, взыскающым завета Его и свидения Его. Psalms 24:11 Ради имене Твоего, Господи, и очести грех мой, мног бо есть. Psalms 24:12 Кто есть человек бояйся Господа? Законоположит ему на пути, егоже изволи. Psalms 24:13 Душа его во благих водворится, и семя его наследит землю. Psalms 24:14 Держава Господь боящихся Его, и завет Его явит им. Psalms 24:15 Очи мои выну ко Господу, яко Той исторгнет от сети нозе мои. Psalms 24:16 Призри на мя и помилуй мя, яко единород и нищь есмь аз. Psalms 24:17 Скорби сердца моего умножишася, от нужд моих изведи мя. Psalms 24:18 Виждь смирение мое и труд мой, и остави вся грехи моя. Psalms 24:19 Виждь враги моя, яко умножишася, и ненавидением неправедным возненавидеша мя. Psalms 24:20 Сохрани душу мою и избави мя, да не постыжуся, яко уповах на Тя. Psalms 24:21 Незлобивии и правии прилепляхуся мне, яко потерпех Тя, Господи. Psalms 24:22 Избави, Боже, Израиля от всех скорбей его. Psalms 25:0 Psalms 25:1 Суди ми, Господи, яко аз незлобою моею ходих: и на Господа уповая не изнемогу. Psalms 25:2 Искуси мя, Господи, и испытай мя, разжжи утробы моя и сердце мое. Psalms 25:3 Яко милость Твоя пред очима моима есть, и благоугодих во истине Твоей. Psalms 25:4 Не седох с сонмом суетным, и со законопреступными не вниду. Psalms 25:5 Возненавидех церковь лукавнующих, и с нечестивыми не сяду. Psalms 25:6 Умыю в неповинных руце мои, и обыду жертвенник Твой, Господи, Psalms 25:7 еже услышати ми глас хвалы Твоея и поведати вся чудеса Твоя. Psalms 25:8 Господи, возлюбих благолепие дому Твоего и место селения славы Твоея. Psalms 25:9 Да не погубиши с нечестивыми душу мою и с мужи кровей живот мой, Psalms 25:10 ихже в руку беззакония, десница их исполнися мзды. Psalms 25:11 Аз же незлобою моею ходих: избави мя, Господи, и помилуй мя. Psalms 25:12 Нога моя ста на правоте: в церквах благословлю Тя, Господи. Psalms 26:0 Psalms 26:1 Господь просвещение мое и спаситель мой, кого убоюся? Господь защититель живота моего, от кого устрашуся? Psalms 26:2 Внегда приближатися на мя злобующым, еже снести плоти моя, оскорбляющии мя и врази мои, тии изнемогоша и падоша. Psalms 26:3 Аще ополчится на мя полк, не убоится сердце мое: аще востанет на мя брань, на него аз уповаю. Psalms 26:4 Едино просих от Господа, то взыщу: еже жити ми в дому Господни вся дни живота моего, зрети ми красоту Господню и посещати храм Святый Его. Psalms 26:5 Яко скры мя в селении Своем в день зол моих, покры мя в тайне селения Своего, на камень вознесе мя. Psalms 26:6 И ныне се, вознесе главу мою на враги моя: обыдох и пожрох в селении Его жертву хваления и воскликновения: пою и воспою Господеви. Psalms 26:7 Услыши, Господи, глас мой, имже воззвах, помилуй мя и услыши мя. Psalms 26:8 Тебе рече сердце мое: Господа взыщу, взыска Тебе лице мое, лица Твоего, Господи, взыщу. Psalms 26:9 Не отврати лица Твоего от мене и не уклонися гневом от раба Твоего: помощник мой буди, не отрини мене и не остави мене, Боже, Спасителю мой. Psalms 26:10 Яко отец мой и мати моя остависта мя, Господь же восприят мя. Psalms 26:11 Законоположи ми, Господи, в пути Твоем, и настави мя на стезю правую враг моих ради. Psalms 26:12 Не предаждь мене в душы стужающих ми: яко восташа на мя свидетеле неправеднии, и солга неправда себе. Psalms 26:13 Верую видети благая Господня на земли живых. Psalms 26:14 Потерпи Господа, мужайся, и да крепится сердце твое, и потерпи Господа. Psalms 27:0 Psalms 27:1 К Тебе, Господи, воззову, Боже мой: да не премолчиши от мене: да не когда премолчиши от мене, и уподоблюся низходящым в ров. Psalms 27:2 Услыши, Господи, глас моления моего, внегда молитимися к Тебе, внегда воздети ми руце мои ко храму святому Твоему. Psalms 27:3 Не привлецы мене со грешники, и с делающими неправду не погуби мене, глаголющими мир с ближними своими, злая же в сердцах своих. Psalms 27:4 Даждь им, Господи, по делом их и по лукавству начинаний их, по делом руку их даждь им, воздаждь воздаяние их им. Psalms 27:5 Яко не разумеша в дела Господня и в дела руку Его: разориши я и не созиждеши я. Psalms 27:6 Благословен Господь, яко услыша глас моления моего. Psalms 27:7 Господь помощник мой и защититель мой: на Него упова сердце мое, и поможе ми, и процвете плоть моя: и волею моею исповемся Ему. Psalms 27:8 Господь утверждение людий Своих и защититель спасений Христа Своего есть. Psalms 27:9 Спаси люди Твоя, и благослови достояние Твое, и упаси я, и возми я до века. Psalms 28:0 Psalms 28:1 Принесите Господеви, сынове Божии, принесите Господеви сыны овни, принесите Господеви славу и честь: Psalms 28:2 принесите Господеви славу имени Его: поклонитеся Господеви во дворе святем Его. Psalms 28:3 Глас Господень на водах, Бог славы возгреме, Господь на водах многих. Psalms 28:4 Глас Господень в крепости, глас Господень в великолепии. Psalms 28:5 Глас Господа, сокрушающаго кедры: и стрыет Господь кедры Ливанския, Psalms 28:6 и истнит я яко телца Ливанска: и возлюбленный яко сын единорожь. Psalms 28:7 Глас Господа, пресецающаго пламень огня. Psalms 28:8 Глас Господа, стрясающаго пустыню: и стрясет Господь пустыню Каддийскую. Psalms 28:9 Глас Господень, свершающий елени, и открыет дубравы: и в храме Его всякий глаголет славу. Psalms 28:10 Господь потоп населяет, и сядет Господь царь в век. Psalms 28:11 Господь крепость людем Своим даст, Господь благословит люди Своя миром. Psalms 29:0 Psalms 29:1 Псалом песни обновления дому Давидова. Psalms 29:2 Вознесу Тя, Господи, яко подял мя еси, и не возвеселил еси врагов моих о мне. Psalms 29:3 Господи Боже мой, воззвах к Тебе, и изцелил мя еси. Psalms 29:4 Господи, возвел еси от ада душу мою, спасл мя еси от низходящих в ров. Psalms 29:5 Пойте Господеви, преподобнии Его, и исповедайте память святыни Его: Psalms 29:6 яко гнев в ярости Его, и живот в воли Его: вечер водворится плачь, и заутра радость. Psalms 29:7 Аз же рех во обилии моем: не подвижуся во век. Psalms 29:8 Господи, волею Твоею подаждь доброте моей силу: отвратил же еси лице Твое, и бых смущен. Psalms 29:9 К Тебе, Господи, воззову, и к Богу моему помолюся. Psalms 29:10 Кая польза в крови моей, внегда сходити ми во истление? Еда исповестся Тебе персть? Или возвестит истину Твою? Psalms 29:11 Слыша Господь и помилова мя: Господь бысть помощник мой. Psalms 29:12 Обратил еси плачь мой в радость мне, растерзал еси вретище мое и препоясал мя еси веселием, Psalms 29:13 яко да воспоет Тебе слава моя, и не умилюся. Господи Боже мой, во век исповемся Тебе. Psalms 30:0 Psalms 30:1 В конец, псалом Давиду, изступления. Psalms 30:2 На Тя, Господи, уповах, да не постыжуся во век: правдою Твоею избави мя и изми мя. Psalms 30:3 Приклони ко мне ухо Твое, ускори изяти мя: буди ми в Бога защитителя и в дом прибежища, еже спасти мя. Psalms 30:4 Яко держава моя и прибежище мое еси Ты: и имене Твоего ради наставиши мя и препитаеши мя. Psalms 30:5 Изведеши мя от сети сея, юже скрыша ми: яко Ты еси защититель мой, Господи. Psalms 30:6 В руце Твои предложу дух мой: избавил мя еси, Господи Боже истины. Psalms 30:7 Возненавидел еси хранящыя суеты вотще: аз же на Господа уповах. Psalms 30:8 Возрадуюся и возвеселюся о милости Твоей, яко призрел еси на смирение мое, спасл еси от нужд душу мою Psalms 30:9 и неси мене затворил в руках вражиих, поставил еси на пространне нозе мои. Psalms 30:10 Помилуй мя, Господи, яко скорблю: смятеся яростию око мое, душа моя и утроба моя. Psalms 30:11 Яко изчезе в болезни живот мой, и лета моя в воздыханиих: изнеможе нищетою крепость моя, и кости моя смятошася. Psalms 30:12 От всех враг моих бых поношение, и соседом моим зело, и страх знаемым моим: видящии мя вон бежаша от мене. Psalms 30:13 Забвен бых яко мертв от сердца: бых яко сосуд погублен. Psalms 30:14 Яко слышах гаждение многих живущих окрест: внегда собратися им вкупе на мя, прияти душу мою совещаша. Psalms 30:15 Аз же на Тя, Господи, уповах, рех: Ты еси Бог мой. Psalms 30:16 В руку Твоею жребии мои: избави мя из руки враг моих и от гонящих мя. Psalms 30:17 Просвети лице Твое на раба Твоего: спаси мя милостию Твоею. Psalms 30:18 Господи, да не постыжуся, яко призвах Тя: да постыдятся нечестивии, и снидут во ад. Psalms 30:19 Немы да будут устны льстивыя, глаголющыя на праведнаго беззаконие, гордынею и уничижением. Psalms 30:20 Коль многое множество благости Твоея, Господи, юже скрыл еси боящымся Тебе, соделал еси уповающым на Тя, пред сыны человеческими: Psalms 30:21 скрыеши их в тайне лица Твоего от мятежа человеческа, покрыеши их в крове от пререкания язык. Psalms 30:22 Благословен Господь, яко удиви милость Свою во граде ограждения. Psalms 30:23 Аз же рех во изступлении моем: отвержен есмь от лица очию Твоею: сего ради услышал еси глас молитвы моея, внегда воззвах к Тебе. Psalms 30:24 Возлюбите Господа, вси преподобнии Его: яко истины взыскает Господь и воздает излише творящым гордыню. Psalms 30:25 Мужайтеся, и да крепится сердце ваше, вси уповающии на Господа. Psalms 31:0 Psalms 31:1 Блажени, ихже оставишася беззакония, и ихже прикрышася греси. Psalms 31:2 Блажен муж, емуже не вменит Господь греха, ниже есть во устех его лесть. Psalms 31:3 Яко умолчах, обетшаша кости моя, от еже звати ми весь день, Psalms 31:4 яко день и нощь отяготе на мне рука Твоя: возвратихся на страсть, егда унзе ми терн. Psalms 31:5 Беззаконие мое познах и греха моего не покрых, рех: исповем на мя беззаконие мое Господеви: и Ты оставил еси нечестие сердца моего. Psalms 31:6 За то помолится к Тебе всяк преподобный во время благопотребно: обаче в потопе вод многих к нему не приближатся. Psalms 31:7 Ты еси прибежище мое от скорби обдержащия мя: радосте моя, избави мя от обышедших мя. Psalms 31:8 Вразумлю тя, и наставлю тя на путь сей, в оньже пойдеши: утвержу на тя очи Мои. Psalms 31:9 Не будите яко конь и меск, имже несть разума: броздами и уздою челюсти их востягнеши, не приближающихся к тебе. Psalms 31:10 Многи раны грешному: уповающаго же на Господа милость обыдет. Psalms 31:11 Веселитеся о Господе и радуйтеся праведнии, и хвалитеся, вси правии сердцем. Psalms 32:0 Psalms 32:1 Радуйтеся, праведнии, о Господе: правым подобает похвала. Psalms 32:2 Исповедайтеся Господеви в гуслех, во псалтири десятоструннем пойте Ему: Psalms 32:3 воспойте Ему песнь нову, добре пойте Ему со восклицанием: Psalms 32:4 яко право слово Господне, и вся дела Его в вере. Psalms 32:5 Любит милостыню и суд Господь, милости Господни исполнь земля. Psalms 32:6 Словом Господним небеса утвердишася, и духом уст Его вся сила их: Psalms 32:7 собираяй яко мех воды морския, полагаяй в сокровищих бездны. Psalms 32:8 Да убоится Господа вся земля, от Негоже да подвижутся вси живущии по вселенней: Psalms 32:9 яко Той рече, и быша: Той повеле, и создашася. Psalms 32:10 Господь разоряет советы языков, отметает же мысли людий и отметает советы князей. Psalms 32:11 Совет же Господень во век пребывает, помышления сердца Его в род и род. Psalms 32:12 Блажен язык, емуже есть Господь Бог Его, людие, яже избра в наследие Себе. Psalms 32:13 С небесе призре Господь, виде вся сыны человеческия: Psalms 32:14 от готоваго жилища Своего призре на вся живущыя на земли: Psalms 32:15 создавый на едине сердца их, разумеваяй на вся дела их. Psalms 32:16 Не спасается царь многою силою, и исполин не спасется множеством крепости своея. Psalms 32:17 Ложь конь во спасение, во множестве же силы своея не спасется. Psalms 32:18 Се, очи Господни на боящыяся Его, уповающыя на милость Его: Psalms 32:19 избавити от смерти душы их, и препитати я в глад. Psalms 32:20 Душа же наша чает Господа, яко помощник и защититель наш есть: Psalms 32:21 яко о Нем возвеселится сердце наше, и во имя святое Его уповахом. Psalms 32:22 Буди, Господи, милость Твоя на нас, якоже уповахом на Тя. Psalms 33:0 Psalms 33:1 Псалом Давиду, внегда измени лице свое пред Авимелехом: и отпусти его, и отиде. Psalms 33:2 Благословлю Господа на всякое время, выну хвала Его во устех моих. Psalms 33:3 О Господе похвалится душа моя: да услышат кротцыи и возвеселятся. Psalms 33:4 Возвеличите Господа со мною, и вознесем имя Его вкупе. Psalms 33:5 Взысках Господа, и услыша мя и от всех скорбей моих избави мя. Psalms 33:6 Приступите к Нему и просветитеся, и лица ваша не постыдятся. Psalms 33:7 Сей нищий воззва, и Господь услыша и, и от всех скорбей его спасе и. Psalms 33:8 Ополчится Ангел Господень окрест боящихся Его и избавит их. Psalms 33:9 Вкусите и видите, яко благ Господь: блажен муж, иже уповает Нань. Psalms 33:10 Бойтеся Господа, вси святии Его, яко несть лишения боящымся Его. Psalms 33:11 Богатии обнищаша и взалкаша: взыскающии же Господа не лишатся всякаго блага. Psalms 33:12 Приидите, чада, послушайте мене, страху Господню научу вас. Psalms 33:13 Кто есть человек хотяй живот, любяй дни видети благи? Psalms 33:14 Удержи язык твой от зла и устне твои, еже не глаголати льсти. Psalms 33:15 Уклонися от зла и сотвори благо: взыщи мира и пожени и. Psalms 33:16 Очи Господни на праведныя, и уши Его в молитву их. Psalms 33:17 Лице же Господне на творящыя злая, еже потребити от земли память их. Psalms 33:18 Воззваша праведнии, и Господь услыша их и от всех скорбей их избави их. Psalms 33:19 Близ Господь сокрушенных сердцем, и смиренныя духом спасет. Psalms 33:20 Многи скорби праведным, и от всех их избавит я Господь. Psalms 33:21 Хранит Господь вся кости их, ни едина от них сокрушится. Psalms 33:22 Смерть грешников люта, и ненавидящии праведнаго прегрешат. Psalms 33:23 Избавит Господь душы раб Своих, и не прегрешат вси уповающии на Него. Psalms 34:0 Psalms 34:1 Суди, Господи, обидящыя мя, побори борющыя мя. Psalms 34:2 Приими оружие и щит и востани в помощь мою: Psalms 34:3 изсуни мечь и заключи сопротив гонящих мя: рцы души моей: спасение твое есмь Аз. Psalms 34:4 Да постыдятся и посрамятся ищущии душу мою, да возвратятся вспять и постыдятся мыслящии ми злая. Psalms 34:5 Да будут яко прах пред лицем ветра, и Ангел Господень оскорбляя их: Psalms 34:6 да будет путь их тма и ползок, и Ангел Господень погоняяй их: Psalms 34:7 яко туне скрыша ми пагубу сети своея, всуе поносиша души моей. Psalms 34:8 Да приидет ему сеть, юже не весть, и ловитва, юже скры, да обымет и, и в сеть да впадет в ню. Psalms 34:9 Душа же моя возрадуется о Господе, возвеселится о спасении Его. Psalms 34:10 Вся кости моя рекут: Господи, Господи, кто подобен Тебе? Избавляяй нища из руки крепльших его, и нища, и убога от расхищающих его. Psalms 34:11 Воставше на мя свидетеле неправеднии, яже не ведях, вопрошаху мя. Psalms 34:12 Воздаша ми лукавая воз благая, и безчадие души моей. Psalms 34:13 Аз же, внегда они стужаху ми, облачахся во вретище и смирях постом душу мою, и молитва моя в недро мое возвратится. Psalms 34:14 Яко ближнему, яко брату нашему, тако угождах: яко плачя и сетуя, тако смиряхся. Psalms 34:15 И на мя возвеселишася и собрашася: собрашася на мя раны, и не познах: разделишася, и не умилишася. Psalms 34:16 Искусиша мя, подражниша мя подражнением, поскрежеташа на мя зубы своими. Psalms 34:17 Господи, когда узриши? Устрой душу мою от злодейства их, от лев единородную мою. Psalms 34:18 Исповемся Тебе в церкви мнозе, в людех тяжцех восхвалю Тя. Psalms 34:19 Да не возрадуются о мне враждующии ми неправедно, ненавидящии мя туне и помизающии очима: Psalms 34:20 яко мне убо мирная глаголаху, и на гнев лести помышляху. Psalms 34:21 Разшириша на мя уста своя, реша: благоже, благоже, видеша очи наши. Psalms 34:22 Видел еси, Господи, да не премолчиши: Господи, не отступи от мене. Psalms 34:23 Востани, Господи, и вонми суду моему, Боже мой и Господи мой, на прю мою. Psalms 34:24 Суди ми, Господи, по правде Твоей, Господи Боже мой, и да не возрадуются о мне. Psalms 34:25 Да не рекут в сердцах своих: благоже, благоже души нашей: ниже да рекут: пожрохом его. Psalms 34:26 Да постыдятся и посрамятся вкупе радующиися злом моим: да облекутся в студ и срам велеречующии на мя. Psalms 34:27 Да возрадуются и возвеселятся хотящии правды моея: и да рекут выну, да возвеличится Господь, хотящии мира рабу Его. Psalms 34:28 И язык мой поучится правде Твоей, весь день хвале Твоей. Psalms 35:0 Psalms 35:1 В конец, отроку Господню Давиду. Psalms 35:2 Глаголет пребеззаконный согрешати в себе: несть страха Божия пред очима его: Psalms 35:3 яко ульсти пред ним обрести беззаконие свое, и возненавидети. Psalms 35:4 Глаголы уст его беззаконие и лесть: не восхоте разумети еже ублажити. Psalms 35:5 Беззаконие помысли на ложи своем: предста всякому пути неблагу, о злобе же не негодова. Psalms 35:6 Господи, на небеси милость Твоя, и истина Твоя до облак: Psalms 35:7 правда Твоя яко горы Божия, судбы Твоя бездна многа: человеки и скоты спасеши, Господи. Psalms 35:8 Яко умножил еси милость Твою, Боже: сынове же человечестии в крове крилу Твоею надеятися имут. Psalms 35:9 Упиются от тука дому Твоего, и потоком сладости Твоея напоиши я. Psalms 35:10 Яко у Тебе источник живота, во свете Твоем узрим свет. Psalms 35:11 Пробави милость Твою ведущым Тя и правду Твою правым сердцем. Psalms 35:12 Да не приидет мне нога гордыни, и рука грешнича да не подвижит мене. Psalms 35:13 Тамо падоша вси делающии беззаконие: изриновени быша, и не возмогут стати. Psalms 36:0 Psalms 36:1 Не ревнуй лукавнующым, ниже завиди творящым беззаконие. Psalms 36:2 Зане яко трава скоро изсшут, и яко зелие злака скоро отпадут. Psalms 36:3 Уповай на Господа и твори благостыню: и насели землю, и упасешися в богатстве ея. Psalms 36:4 Насладися Господеви, и даст ти прошения сердца твоего. Psalms 36:5 Открый ко Господу путь твой и уповай на Него, и Той сотворит. Psalms 36:6 И изведет яко свет правду твою и судбу твою яко полудне. Psalms 36:7 Повинися Господеви и умоли Его. Не ревнуй спеющему в пути своем, человеку творящему законопреступление. Psalms 36:8 Престани от гнева и остави ярость: не ревнуй, еже лукавновати, Psalms 36:9 зане лукавнующии потребятся, терпящии же Господа, тии наследят землю. Psalms 36:10 И еще мало, и не будет грешника: и взыщеши место его и не обрящеши. Psalms 36:11 Кротцыи же наследят землю и насладятся о множестве мира. Psalms 36:12 Назирает грешный праведнаго и поскрежещет нань зубы своими: Psalms 36:13 Господь же посмеется ему, зане прозирает, яко приидет день его. Psalms 36:14 Мечь извлекоша грешницы, напрягоша лук свой, низложити убога и нища, заклати правыя сердцем. Psalms 36:15 Мечь их да внидет в сердца их, и луцы их да сокрушатся. Psalms 36:16 Лучше малое праведнику, паче богатства грешных многа. Psalms 36:17 Зане мышцы грешных сокрушатся, утверждает же праведныя Господь. Psalms 36:18 Весть Господь пути непорочных, и достояние их в век будет. Psalms 36:19 Не постыдятся во время лютое и во днех глада насытятся, яко грешницы погибнут. Psalms 36:20 Врази же Господни, купно прославитися им и вознестися, изчезающе яко дым изчезоша. Psalms 36:21 Заемлет грешный и не возвратит: праведный же щедрит и дает. Psalms 36:22 Яко благословящии Его наследят землю, кленущии же Его потребятся. Psalms 36:23 От Господа стопы человеку исправляются, и пути Его восхощет зело. Psalms 36:24 Егда падет, не разбиется, яко Господь подкрепляет руку его. Psalms 36:25 Юнейший бых, ибо состарехся, и не видех праведника оставлена, ниже семене его просяща хлебы. Psalms 36:26 Весь день милует и взаим дает праведный, и семя его во благословение будет. Psalms 36:27 Уклонися от зла и сотвори благо, и вселися в век века. Psalms 36:28 Яко Господь любит суд и не оставит преподобных Своих: во век сохранятся: беззаконницы же изженутся, и семя нечестивых потребится. Psalms 36:29 Праведницы же наследят землю и вселятся в век века на ней. Psalms 36:30 Уста праведнаго поучатся премудрости, и язык его возглаголет суд. Psalms 36:31 Закон Бога его сердцы его, и не запнутся стопы его. Psalms 36:32 Сматряет грешный праведнаго и ищет еже умертвити его: Psalms 36:33 Господь же не оставит его в руку его, ниже осудит его, егда судит ему. Psalms 36:34 Потерпи Господа и сохрани путь Его, и вознесет тя еже наследити землю: внегда потреблятися грешником, узриши. Psalms 36:35 Видех нечестиваго превозносящася и высящася яко кедры Ливанския: Psalms 36:36 и мимо идох, и се, не бе, и взысках его, и не обретеся место его. Psalms 36:37 Храни незлобие и виждь правоту, яко есть останок человеку мирну. Psalms 36:38 Беззаконницы же потребятся вкупе: останцы же нечестивых потребятся. Psalms 36:39 Спасение же праведных от Господа, и защититель их есть во время скорби: Psalms 36:40 и поможет им Господь и избавит их, и измет их от грешник и спасет их, яко уповаша на Него. Psalms 37:0 Psalms 37:1 Псалом Давиду, в воспоминание о субботе. Psalms 37:2 Господи, да не яростию Твоею обличиши мене, ниже гневом Твоим накажеши мене: Psalms 37:3 яко стрелы Твоя унзоша во мне, и утвердил еси на мне руку Твою. Psalms 37:4 Несть изцеления в плоти моей от лица гнева Твоего, несть мира в костех моих от лица грех моих. Psalms 37:5 Яко беззакония моя превзыдоша главу мою, яко бремя тяжкое отяготеша на мне. Psalms 37:6 Возсмердеша и согниша раны моя, от лица безумия моего. Psalms 37:7 Пострадах и слякохся до конца, весь день сетуя хождах: Psalms 37:8 яко лядвия моя наполнишася поруганий, и несть изцеления в плоти моей. Psalms 37:9 Озлоблен бых и смирихся до зела, рыках от воздыхания сердца моего. Psalms 37:10 Господи, пред Тобою все желание мое, и воздыхание мое от Тебе не утаися. Psalms 37:11 Сердце мое смятеся, остави мя сила моя, и свет очию моею, и той несть со мною. Psalms 37:12 Друзи мои и искреннии мои прямо мне приближишася и сташа. Psalms 37:13 И ближнии мои отдалече мене сташа, и нуждахуся ищущии душу мою: и ищущии злая мне глаголаху суетная, и льстивным весь день поучахуся. Psalms 37:14 Аз же яко глух не слышах, и яко нем не отверзаяй уст своих: Psalms 37:15 и бых яко человек не слышай и не имый во устех своих обличения. Psalms 37:16 Яко на Тя, Господи, уповах, Ты услышиши, Господи Боже мой. Psalms 37:17 Яко рех: да не когда порадуютмися врази мои: и внегда подвижатися ногам моим, на мя велеречеваша. Psalms 37:18 Яко аз на раны готов, и болезнь моя предо мною есть выну. Psalms 37:19 Яко беззаконие мое аз возвещу и попекуся о гресе моем. Psalms 37:20 Врази же мои живут и укрепишася паче мене, и умножишася ненавидящии мя без правды: Psalms 37:21 воздающии ми злая воз благая оболгаху мя, зане гонях благостыню. Psalms 37:22 Не остави мене, Господи Боже мой, не отступи от мене: Psalms 37:23 вонми в помощь мою, Господи спасения моего. Psalms 38:0 Psalms 38:1 В конец, Идифуму, песнь Давиду. Psalms 38:2 Рех: сохраню пути моя, еже не согрешати ми языком моим: положих устом моим хранило, внегда востати грешному предо мною. Psalms 38:3 Онемех и смирихся, и умолчах от благ, и болезнь моя обновися. Psalms 38:4 Согреяся сердце мое во мне, и в поучении моем разгорится огнь: глаголах языком моим: Psalms 38:5 скажи ми, Господи, кончину мою и число дний моих, кое есть, да разумею, что лишаюся аз. Psalms 38:6 Се, пяди положил еси дни моя, и состав мой яко ничтоже пред Тобою: обаче всяческая суета всяк человек живый. Psalms 38:7 Убо образом ходит человек, обаче всуе мятется: сокровищствует, и не весть, кому соберет я. Psalms 38:8 И ныне кто терпение мое? Не Господь ли? И состав мой от Тебе есть. Psalms 38:9 От всех беззаконий моих избави мя: поношение безумному дал мя еси. Psalms 38:10 Онемех и не отверзох уст моих, яко Ты сотворил еси. Psalms 38:11 Отстави от мене раны Твоя: от крепости бо руки Твоея аз изчезох. Psalms 38:12 Во обличениих о беззаконии наказал еси человека, и истаял еси яко паучину душу его: обаче всуе всяк человек. Psalms 38:13 Услыши молитву мою, Господи, и моление мое внуши, слез моих не премолчи: яко преселник аз есмь у Тебе и пришлец, якоже вси отцы мои. Psalms 38:14 Ослаби ми, да почию, прежде даже не отиду, и ктому не буду. Psalms 39:0 Psalms 39:1 В конец, псалом Давиду. Psalms 39:2 Терпя потерпех Господа, и внят ми и услыша молитву мою: Psalms 39:3 и возведе мя от рова страстей и от брения тины, и постави на камени нозе мои и исправи стопы моя: Psalms 39:4 и вложи во уста моя песнь нову, пение Богу нашему. Узрят мнози и убоятся, и уповают на Господа. Psalms 39:5 Блажен муж, емуже есть имя Господне упование его, и не призре в суеты и неистовления ложная. Psalms 39:6 Многа сотворил еси Ты, Господи Боже мой, чудеса Твоя, и помышлением Твоим несть кто уподобится Тебе: возвестих и глаголах: умножишася паче числа. Psalms 39:7 Жертвы и приношения не восхотел еси, тело же свершил ми еси: всесожжений и о гресе не взыскал еси. Psalms 39:8 Тогда рех: се, прииду: в главизне книжне писано есть о мне: Psalms 39:9 еже сотворити волю Твою, Боже мой, восхотех, и закон Твой посреде чрева моего. Psalms 39:10 Благовестих правду в церкви велицей, се, устнам моим не возбраню: Господи, Ты разумел еси. Psalms 39:11 Правду Твою не скрых в сердцы моем, истину Твою и спасение Твое рех, не скрых милость Твою и истину Твою от сонма многа. Psalms 39:12 Ты же, Господи, не удали щедрот Твоих от мене: милость Твоя и истина Твоя выну да заступите мя. Psalms 39:13 Яко одержаша мя злая, имже несть числа: постигоша мя беззакония моя, и не возмогох зрети: умножишася паче влас главы моея, и сердце мое остави мя. Psalms 39:14 Благоволи, Господи, избавити мя: Господи, во еже помощи ми, вонми. Psalms 39:15 Да постыдятся и посрамятся вкупе ищущии душу мою, изяти ю: да возвратятся вспять и постыдятся хотящии ми злая. Psalms 39:16 Да приимут абие студ свой глаголющии ми: благоже, благоже. Psalms 39:17 Да возрадуются и возвеселятся о Тебе вси ищущии Тебе, Господи, и да рекут выну, да возвеличится Господь, любящии спасение Твое. Psalms 39:18 Аз же нищь есмь и убог, Господь попечется о мне: помощник мой и защититель мой еси ты, Боже мой, не закосни. Psalms 40:0 Psalms 40:1 В конец, псалом Давиду. Psalms 40:2 Блажен разумеваяй на нища и убога, в день лют избавит его Господь. Psalms 40:3 Господь да сохранит его и живит его, и да ублажит его на земли и да не предаст его в руки врагов его. Psalms 40:4 Господь да поможет ему на одре болезни его: все ложе его обратил еси в болезни его. Psalms 40:5 Аз рех: Господи, помилуй мя, изцели душу мою, яко согреших Ти. Psalms 40:6 Врази мои реша мне злая: когда умрет, и погибнет имя его? Psalms 40:7 И вхождаше видети, всуе глаголаше сердце его: собра беззаконие себе, исхождаше вон и глаголаше вкупе. Psalms 40:8 На мя шептаху вси врази мои, на мя помышляху злая мне. Psalms 40:9 Слово законопреступное возложиша на мя: еда спяй не приложит воскреснути? Psalms 40:10 Ибо человек мира моего, на негоже уповах, ядый хлебы моя, возвеличи на мя запинание. Psalms 40:11 Ты же, Господи, помилуй мя и возстави мя, и воздам им. Psalms 40:12 В сем познах, яко восхотел мя еси, яко не возрадуется враг мой о мне. Psalms 40:13 Мене же за незлобие приял, и утвердил мя еси пред Тобою в век. Psalms 40:14 Благословен Господь Бог Израилев от века и до века: буди, буди. Psalms 41:0 Psalms 41:1 В конец, в разум сынов Кореовых, псалом Давиду. Psalms 41:2 Имже образом желает елень на источники водныя, сице желает душа моя к Тебе, Боже. Psalms 41:3 Возжада душа моя к Богу крепкому, живому: когда прииду и явлюся лицу Божию? Psalms 41:4 Быша слезы моя мне хлеб день и нощь, внегда глаголатися мне на всяк день: где есть Бог твой? Psalms 41:5 Сия помянух, и излиях на мя душу мою: яко пройду в место селения дивна, даже до дому Божия, во гласе радования и исповедания, шума празднующаго. Psalms 41:6 Вскую прискорбна еси, душе моя? И вскую смущаеши мя? Уповай на Бога, яко исповемся Ему, спасение лица моего и Бог мой. Psalms 41:7 Ко мне самому душа моя смятеся: сего ради помянух Тя от земли Иордански и Ермониимски, от горы Малыя. Psalms 41:8 Бездна бездну призывает во гласе хлябий Твоих: вся высоты Твоя и волны Твоя на мне преидоша. Psalms 41:9 В день заповесть Господь милость Свою, и нощию песнь Его от мене, молитва Богу живота моего. Psalms 41:10 Реку Богу: заступник мой еси, почто мя забыл еси? И вскую сетуя хожду, внегда оскорбляет враг? Psalms 41:11 Внегда сокрушатися костем моим, поношаху ми врази мои, внегда глаголати им мне на всяк день: где есть Бог твой? Psalms 41:12 Вскую прискорбна еси, душе моя? И вскую смущаеши мя? Уповай на Бога, яко исповемся Ему, спасение лица моего и Бог мой. Psalms 42:0 Psalms 42:1 Суди ми, Боже, и разсуди прю мою: от языка не преподобна, от человека неправедна и льстива избави мя. Psalms 42:2 Зане Ты еси, Боже, крепость моя, вскую отринул мя еси? И вскую сетуя хожду, внегда оскорбляет враг? Psalms 42:3 Посли свет Твой и истину Твою: та мя настависта, и введоста мя в гору святую Твою и в селения Твоя. Psalms 42:4 И вниду к жертвеннику Божию, к Богу веселящему юность мою: исповемся Тебе в гуслех, Боже, Боже мой. Psalms 42:5 Вскую прискорбна еси, душе моя? И вскую смущаеши мя? Уповай на Бога, яко исповемся Ему, спасение лица моего и Бог мой. Psalms 43:0 Psalms 43:1 В конец, сынов Кореовых, в разум, псалом. Psalms 43:2 Боже, ушима нашима услышахом, и отцы наши возвестиша нам дело, еже соделал еси во днех их, во днех древних. Psalms 43:3 Рука Твоя языки потреби, и насадил я еси: озлобил еси люди и изгнал еси я. Psalms 43:4 Не бо мечем своим наследиша землю, и мышца их не спасе их, но десница Твоя и мышца Твоя и просвещение лица Твоего, яко благоволил еси в них. Psalms 43:5 Ты еси сам Царь мой и Бог мой, заповедаяй спасения Иаковля. Psalms 43:6 О Тебе враги нашя избодем роги, и о имени Твоем уничижим востающыя на ны. Psalms 43:7 Не на лук бо мой уповаю, и мечь мой не спасет мене: Psalms 43:8 спасл бо еси нас от стужающих нам, и ненавидящих нас посрамил еси. Psalms 43:9 О Бозе похвалимся весь день, и о имени Твоем исповемыся во век. Psalms 43:10 Ныне же отринул еси и посрамил еси нас, и не изыдеши, Боже, в силах наших. Psalms 43:11 Возвратил еси нас вспять при вразех наших, и ненавидящии нас расхищаху себе. Psalms 43:12 Дал еси нас яко овцы снеди, и во языцех разсеял ны еси. Psalms 43:13 Отдал еси люди Твоя без цены, и не бе множество в восклицаниих наших. Psalms 43:14 Положил еси нас поношение соседом нашым, подражнение и поругание сущым окрест нас. Psalms 43:15 Положил еси нас в притчу во языцех, покиванию главы в людех. Psalms 43:16 Весь день срам мой предо мною есть, и студ лица моего покры мя, Psalms 43:17 от гласа поношающаго и оклеветающаго, от лица вражия и изгонящаго. Psalms 43:18 Сия вся приидоша на ны, и не забыхом Тебе, и не неправдовахом в завете Твоем, Psalms 43:19 и не отступи вспять сердце наше: и уклонил еси стези нашя от пути Твоего, Psalms 43:20 яко смирил еси нас на месте озлобления, и прикры ны сень смертная. Psalms 43:21 Аще забыхом имя Бога нашего, и аще воздехом руки нашя к богу чуждему, Psalms 43:22 не Бог ли взыщет сих? Той бо весть тайная сердца. Psalms 43:23 Зане Тебе ради умерщвляемся весь день, вменихомся яко овцы заколения. Psalms 43:24 Востани, вскую спиши, Господи? Воскресени, и не отрини до конца. Psalms 43:25 Вскую лице Твое отвращаеши? Забываеши нищету нашу и скорбь нашу? Psalms 43:26 Яко смирися в персть душа наша, прильпе земли утроба наша. Psalms 43:27 Воскресени, Господи, помози нам, и избави нас имене ради Твоего. Psalms 44:0 Psalms 44:1 В конец, о изменяемых сыном Кореовым в разум, песнь о возлюбленнем. Psalms 44:2 Отрыгну сердце мое слово благо, глаголю аз дела моя Цареви: язык мой трость книжника скорописца. Psalms 44:3 Красен добротою паче сынов человеческих, излияся благодать во устнах Твоих: сего ради благослови Тя Бог во век. Psalms 44:4 Препояши мечь Твой по бедре Твоей, Сильне, Psalms 44:5 красотою Твоею и добротою Твоею: и наляцы, и успевай, и царствуй истины ради и кротости и правды: и наставит Тя дивно десница Твоя. Psalms 44:6 Стрелы Твоя изощрены, Сильне: людие под Тобою падут в сердцы враг Царевых. Psalms 44:7 Престол Твой, Боже, в век века: жезл правости жезл царствия Твоего. Psalms 44:8 Возлюбил еси правду и возненавидел еси беззаконие: сего ради помаза Тя, Боже, Бог Твой елеем радости паче причастник Твоих. Psalms 44:9 Смирна и стакти и касиа от риз Твоих, от тяжестей слоновых, из нихже возвеселиша Тя. Psalms 44:10 Дщери царей в чести Твоей: предста царица одесную Тебе, в ризах позлащенных одеяна преиспещрена. Psalms 44:11 Слыши, дщи, и виждь, и приклони ухо твое, и забуди люди твоя и дом отца твоего: Psalms 44:12 и возжелает Царь доброты твоея, зане Той есть Господь твой, и поклонишися Ему, Psalms 44:13 и дщи Тирова с дары: лицу Твоему помолятся богатии людстии. Psalms 44:14 Вся слава дщере Царевы внутрь: рясны златыми одеяна и преиспещрена. Psalms 44:15 Приведутся Царю девы вслед ея, искренния ея приведутся Тебе: Psalms 44:16 приведутся в веселии и радовании, введутся в храм Царев. Psalms 44:17 Вместо отец Твоих быша сынове Твои: поставиши я князи по всей земли. Psalms 44:18 Помяну имя Твое во всяком роде и роде: сего ради людие исповедятся Тебе в век и во век века. Psalms 45:0 Psalms 45:1 В конец, о сынех Кореовых, о тайных, псалом. Psalms 45:2 Бог нам прибежище и сила, помощник в скорбех обретших ны зело. Psalms 45:3 Сего ради не убоимся, внегда смущается земля, и прелагаются горы в сердца морская. Psalms 45:4 Возшумеша и смятошася воды их, смятошася горы крепостию его. Psalms 45:5 Речная устремления веселят град Божий: освятил есть селение свое Вышний. Psalms 45:6 Бог посреде его, и не подвижится: поможет ему Бог утро заутра. Psalms 45:7 Смятошася языцы, уклонишася царствия: даде глас Свой Вышний, подвижеся земля. Psalms 45:8 Господь сил с нами, заступник наш Бог Иаковль. Psalms 45:9 Приидите и видите дела Божия, яже положи чудеса на земли: Psalms 45:10 отемля брани до конец земли, лук сокрушит и сломит оружие, и щиты сожжет огнем. Psalms 45:11 Упразднитеся и разумейте, яко Аз есмь Бог: вознесуся во языцех, вознесуся на земли. Psalms 45:12 Господь сил с нами, заступник наш Бог Иаковль. Psalms 46:0 Psalms 46:1 В конец, о сынех Кореовых, псалом. Psalms 46:2 Вси языцы, восплещите руками, воскликните Богу гласом радования: Psalms 46:3 яко Господь Вышний страшен, Царь велий по всей земли: Psalms 46:4 покори люди нам и языки под ноги наша: Psalms 46:5 избра нам достояния свое, доброту Иаковлю, юже возлюби. Psalms 46:6 Взыде Бог в воскликновении, Господь во гласе трубне. Psalms 46:7 Пойте Богу нашему, пойте: пойте Цареви нашему, пойте. Psalms 46:8 Яко Царь всея земли Бог, пойте разумно. Psalms 46:9 Воцарися Бог над языки: Бог седит на престоле святем Своем. Psalms 46:10 Князи людстии собрашася с Богом Авраамлим: яко Божии державнии земли зело вознесошася. Psalms 47:0 Psalms 47:1 Псалом песни сынов Кореовых, вторыя субботы. Psalms 47:2 Велий Господь и хвален зело во граде Бога нашего, в горе святей Его, Psalms 47:3 благокоренным радованием всея земли: горы Сионския, ребра северова, град Царя великаго. Psalms 47:4 Бог в тяжестех его знаемь есть, егда заступает и. Psalms 47:5 Яко се, царие земстии собрашася, снидошася вкупе: Psalms 47:6 тии видевше тако, удивишася, смятошася, подвигошася: Psalms 47:7 трепет прият я тамо, болезни яко раждающия. Psalms 47:8 Духом бурным сокрушиши корабли Фарсийския. Psalms 47:9 Якоже слышахом, тако и видехом во граде Господа сил, во граде Бога нашего: Бог основа и в век. Psalms 47:10 Прияхом, Боже, милость Твою посреде людий Твоих. Psalms 47:11 По имени Твоему, Боже, тако и хвала Твоя на концах земли: правды исполнь десница Твоя. Psalms 47:12 Да возвеселится гора Сионская, и да возрадуются дщери Иудейския, судеб ради Твоих, Господи. Psalms 47:13 Обыдите Сион и обымите его, поведите в столпех его: Psalms 47:14 положите сердца ваша в силу его, и разделите домы его, яко да повесте в роде инем. Psalms 47:15 Яко Той есть Бог наш во век и в век века: Той упасет нас во веки. Psalms 48:0 Psalms 48:1 В конец, сыном Кореовым, псалом. Psalms 48:2 Услышите сия, вси языцы, внушите, вси живущии по вселенней, Psalms 48:3 земнороднии же и сынове человечестии, вкупе богат и убог. Psalms 48:4 Уста моя возглаголют премудрость, и поучение сердца моего разум. Psalms 48:5 Приклоню в притчу ухо мое, отверзу во псалтири ганание мое. Psalms 48:6 Вскую боюся в день лют? Беззаконие пяты моея обыдет мя. Psalms 48:7 Надеющиися на силу свою и о множестве богатства своего хвалящиися: Psalms 48:8 брат не избавит, избавит ли человек? Не даст Богу измены за ся, Psalms 48:9 и цену избавления души своея: и утрудися в век, Psalms 48:10 и жив будет до конца, не узрит пагубы. Psalms 48:11 Егда увидит премудрыя умирающыя, вкупе безумен и несмыслен погибнут, и оставят чуждим богатство свое. Psalms 48:12 И гроби их жилища их во век, селения их в род и род, нарекоша имена своя на землях. Psalms 48:13 И человек в чести сый не разуме, приложися скотом несмысленным и уподобися им. Psalms 48:14 Сей путь их соблазн им, и по сих во устех своих благоволят. Psalms 48:15 Яко овцы во аде положени суть, смерть упасет я: и обладают ими правии заутра, и помощь их обетшает во аде: от славы своея изриновени быша. Psalms 48:16 Обаче Бог избавит душу мою из руки адовы, егда приемлет мя. Psalms 48:17 Не убойся, егда разбогатеет человек, или егда умножится слава дому его: Psalms 48:18 яко внегда умрети ему, не возмет вся, ниже снидет с ним слава его. Psalms 48:19 Яко душа его в животе его благословится, исповестся тебе, егда благосотвориши ему. Psalms 48:20 Внидет даже до рода отец своих, даже до века не узрит света. Psalms 48:21 И человек в чести сый не разуме, приложися скотом несмысленным и уподобися им. Psalms 49:0 Psalms 49:1 Бог Богов Господь глагола, и призва землю от восток солнца до запад. Psalms 49:2 От Сиона благолепие красоты Его: Psalms 49:3 Бог яве приидет, Бог наш, и не премолчит: огнь пред Ним возгорится, и окрест Его буря зелна. Psalms 49:4 Призовет небо свыше, и землю, разсудити люди Своя. Psalms 49:5 Соберите Ему преподобныя Его, завещающыя завет Его о жертвах. Psalms 49:6 И возвестят небеса правду Его: яко Бог судия есть. Psalms 49:7 Услышите, людие Мои, и возглаголю вам, Израилю, и засвидетелствую тебе: Бог, Бог твой есмь Аз. Psalms 49:8 Не о жертвах твоих обличу тя, всесожжения же твоя предо Мною суть выну: Psalms 49:9 не прииму от дому твоего телцев, ниже от стад твоих козлов. Psalms 49:10 Яко Мои суть вси зверие дубравнии, скоти в горах и волове: Psalms 49:11 познах вся птицы небесныя, и красота селная со Мною есть. Psalms 49:12 Аще взалчу, не реку тебе: Моя бо есть вселенная и исполнение ея. Psalms 49:13 Еда ям мяса юнча? Или кровь козлов пию? Psalms 49:14 Пожри Богови жертву хвалы и воздаждь Вышнему молитвы твоя: Psalms 49:15 и призови Мя в день скорби твоея, и изму тя, и прославиши Мя. Psalms 49:16 Грешнику же рече Бог: вскую ты поведаеши оправдания Моя и восприемлеши завет Мой усты твоими? Psalms 49:17 Ты же возненавидел еси наказание и отвергл еси словеса Моя вспять. Psalms 49:18 Аще видел еси татя, текл еси с ним, и с прелюбодеем участие твое полагал еси: Psalms 49:19 уста твоя умножиша злобу, и язык твой сплеташе льщения: Psalms 49:20 седя на брата твоего клеветал еси и на сына матере твоея полагал еси соблазн. Psalms 49:21 Сия сотворил еси, и умолчах, вознепщевал еси беззаконие, яко буду тебе подобен: обличу тя и представлю пред лицем твоим грехи твоя. Psalms 49:22 Разумейте убо сия, забывающии Бога, да не когда похитит, и не будет избавляяй. Psalms 49:23 Жертва хвалы прославит Мя, и тамо путь, имже явлю ему спасение Мое. Psalms 50:0 Psalms 50:1 В конец, псалом Давиду, внегда внити к нему Нафану пророку, Psalms 50:2 егда вниде к Вирсавии жене Уриеве. Psalms 50:3 Помилуй мя, Боже, по велицей милости Твоей, и по множеству щедрот Твоих очисти беззаконие мое. Psalms 50:4 Наипаче омый мя от беззакония моего и от греха моего очисти мя: Psalms 50:5 яко беззаконие мое аз знаю, и грех мой предо мною есть выну. Psalms 50:6 Тебе единому согреших и лукавое пред Тобою сотворих: яко да оправдишися во словесех Твоих и победиши, внегда судити Ти. Psalms 50:7 Се бо, в беззакониих зачат есмь, и во гресех роди мя мати моя. Psalms 50:8 Се бо, истину возлюбил еси, безвестная и тайная премудрости Твоея явил ми еси. Psalms 50:9 Окропиши мя иссопом, и очищуся: омыеши мя, и паче снега убелюся. Psalms 50:10 Слуху моему даси радость и веселие: возрадуются кости смиренныя. Psalms 50:11 Отврати лице Твое от грех моих и вся беззакония моя очисти. Psalms 50:12 Сердце чисто созижди во мне, Боже, и дух прав обнови во утробе моей. Psalms 50:13 Не отвержи мене от лица Твоего и Духа Твоего Святаго не отими от мене. Psalms 50:14 Воздаждь ми радость спасения Твоего и Духом владычним утверди мя. Psalms 50:15 Научу беззаконныя путем Твоим, и нечестивии к Тебе обратятся. Psalms 50:16 Избави мя от кровей, Боже, Боже спасения моего: возрадуется язык мой правде Твоей. Psalms 50:17 Господи, устне мои отверзеши, и уста моя возвестят хвалу Твою. Psalms 50:18 Яко аще бы восхотел еси жертвы, дал бых убо: всесожжения не благоволиши. Psalms 50:19 Жертва Богу дух сокрушен: сердце сокрушенно и смиренно Бог не уничижит. Psalms 50:20 Ублажи, Господи, благоволением Твоим Сиона, и да созиждутся стены Иерусалимския: Psalms 50:21 тогда благоволиши жертву правды, возношение и всесожегаемая: тогда возложат на олтарь Твой телцы. Psalms 51:0 Psalms 51:1 В конец, разума Давиду, Psalms 51:2 внегда приити Доику Идумейску, и возвестити Саулу, и рещи ему: прииде Давид в дом Авимелехов. Psalms 51:3 Что хвалишися во злобе, сильне? Беззаконие весь день. Psalms 51:4 Неправду умысли язык твой: яко бритву изощрену сотворил еси лесть. Psalms 51:5 Возлюбил еси злобу паче благостыни, неправду неже глаголати правду: Psalms 51:6 возлюбил еси вся глаголы потопныя, язык льстив. Psalms 51:7 Сего ради Бог разрушит тя до конца: восторгнет тя, и преселит тя от селения твоего и корень твой от земли живых. Psalms 51:8 Узрят праведнии и убоятся, и о нем возсмеются и рекут: Psalms 51:9 се, человек, иже не положи Бога помощника себе, но упова на множество богатства своего, и возможе суетою своею. Psalms 51:10 Аз же яко маслина плодовита в дому Божии: уповах на милость Божию во век и в век века. Psalms 51:11 Исповемся Тебе в век, яко сотворил еси: и терплю имя Твое, яко благо пред преподобными Твоими. Psalms 52:0 Psalms 52:1 В конец, о Маелефе, разума Давиду. Psalms 52:2 Рече безумен в сердцы своем: несть Бог. Растлеша и омерзишася в беззакониих, несть творяй благое. Psalms 52:3 Бог с небесе приниче на сыны человеческия, видети, аще есть разумеваяй или взыскаяй Бога. Psalms 52:4 Вси уклонишася, вкупе непотребни быша: несть творяй благое, несть до единаго. Psalms 52:5 Ни ли уразумеют вси делающии беззаконие, снедающии люди моя в снедь хлеба? Господа не призваша. Psalms 52:6 Тамо устрашишася страха, идеже не бе страх: яко Бог разсыпа кости человекоугодников: постыдешася, яко Бог уничижи их. Psalms 52:7 Кто даст от Сиона спасение Израилево? Внегда возвратит Бог пленение людий Своих, возрадуется Иаков и возвеселится Израиль. Psalms 53:0 Psalms 53:1 В конец, в песнех разума Давиду, Psalms 53:2 внегда приити Зифеем и рещи Саулови: не се ли, Давид скрыся в нас? Psalms 53:3 Боже, во имя Твое спаси мя и в силе Твоей суди ми. Psalms 53:4 Боже, услыши молитву мою, внуши глаголы уст моих: Psalms 53:5 яко чуждии восташа на мя, и крепцыи взыскаша душу мою, и не предложиша Бога пред собою. Psalms 53:6 Се бо, Бог помогает ми, и Господь заступник души моей: Psalms 53:7 отвратит злая врагом моим: истиною Твоею потреби их. Psalms 53:8 Волею пожру Тебе, исповемся имени Твоему, Господи, яко благо: Psalms 53:9 яко от всякия печали избавил мя еси, и на враги моя воззре око мое. Psalms 54:0 Psalms 54:1 В конец, в песнех разума, Асафу, псалом. Psalms 54:2 Внуши, Боже, молитву мою и не презри моления моего: Psalms 54:3 вонми ми и услыши мя: возскорбех печалию моею, и смятохся Psalms 54:4 от гласа вражия и от стужения грешнича: яко уклониша на мя беззаконие и во гневе враждоваху ми. Psalms 54:5 Сердце мое смятеся во мне, и боязнь смерти нападе на мя: Psalms 54:6 страх и трепет прииде на мя, и покры мя тма. Psalms 54:7 И рех: кто даст ми криле яко голубине? И полещу, и почию. Psalms 54:8 Се, удалихся бегая и водворихся в пустыни. Psalms 54:9 Чаях Бога спасающаго мя от малодушия и от бури. Psalms 54:10 Потопи, Господи, и раздели языки их: яко видех беззаконие и пререкание во граде. Psalms 54:11 Днем и нощию обыдет и по стенам его: беззаконие и труд посреде его, и неправда: Psalms 54:12 и не оскуде от стогн его лихва и лесть. Psalms 54:13 Яко аще бы враг поносил ми, претерпел бых убо: и аще бы ненавидяй мя на мя велеречевал, укрылбыхся от него. Psalms 54:14 Ты же, человече равнодушне, владыко мой и знаемый мой, Psalms 54:15 иже купно наслаждался еси со мною брашен: в дому Божии ходихом единомышлением. Psalms 54:16 Да приидет же смерть на ня, и да снидут во ад живи: яко лукавство в жилищих их, посреде их. Psalms 54:17 Аз к Богу воззвах, и Господь услыша мя. Psalms 54:18 Вечер и заутра и полудне повем и возвещу, и услышит глас мой. Psalms 54:19 Избавит миром душу мою от приближающихся мне: яко во мнозе бяху со мною. Psalms 54:20 Услышит Бог, и смирит я сый прежде век: несть бо им изменения, яко не убояшася Бога. Psalms 54:21 Простре руку свою на воздаяние: оскверниша завет Его. Psalms 54:22 Разделишася от гнева лица Его, и приближишася сердца их: умякнуша словеса их паче елеа, и та суть стрелы. Psalms 54:23 Возверзи на Господа печаль твою, и Той тя препитает: не даст в век молвы праведнику. Psalms 54:24 Ты же, Боже, низведеши их в студенец истления: мужие кровей и льсти не преполовят дний своих. Аз же, Господи, уповаю на Тя. Psalms 55:0 Psalms 55:1 В конец, о людех от святых удаленых, Давиду в столпописание, внегда удержаша и иноплеменницы в Гефе, псалом. Psalms 55:2 Помилуй мя, Боже, яко попра мя человек: весь день боря стужи ми. Psalms 55:3 Попраша мя врази мои весь день: яко мнози борющии мя с высоты. Psalms 55:4 В день не убоюся, аз же уповаю на Тя. Psalms 55:5 О Бозе похвалю словеса Моя: на Бога уповах, не убоюся: что сотворит мне плоть? Psalms 55:6 Весь день словес моих гнушахуся: на мя вся помышления их на зло. Psalms 55:7 Вселятся и скрыют, тии пяту мою сохранят, якоже потерпеша душу мою. Psalms 55:8 Ни о чесомже отринеши я, гневом люди низведеши. Psalms 55:9 Боже, живот мой возвестих Тебе: положил еси слезы моя пред Тобою, яко и во обетовании Твоем. Psalms 55:10 Да возвратятся врази мои вспять, в оньже аще день призову Тя: се, познах, яко Бог мой еси Ты. Psalms 55:11 О Бозе похвалю глаголгол, о Господе похвалю слово. Psalms 55:12 На Бога уповах, не убоюся: что сотворит мне человек? Psalms 55:13 Во мне, Боже, молитвы, яже воздам хвалы Твоея: Psalms 55:14 яко избавил еси душу мою от смерти, очи мои от слез и нозе мои от поползновения: благоугожду пред Господем во свете живых. Psalms 56:0 Psalms 56:1 В конец, да не растлиши, Давиду в столпописание, внегда ему отбегати от лица Саулова в пещеру. Psalms 56:2 Помилуй мя, Боже, помилуй мя: яко на Тя упова душа моя, и на сень крилу Твоею надеюся, дондеже прейдет беззаконие. Psalms 56:3 Воззову к Богу Вышнему, Богу благодеявшему мне. Psalms 56:4 Посла с небесе и спасе мя, даде в поношение попирающыя мя: посла Бог милость Свою и истину Свою, Psalms 56:5 и избави душу мою от среды скимнов. Поспах смущен: сынове человечестии, зубы их оружия и стрелы, и язык их мечь остр. Psalms 56:6 Вознесися на небеса, Боже, и по всей земли слава Твоя. Psalms 56:7 Сеть уготоваша ногам моим, и слякоша душу мою: ископаша пред лицем моим яму, и впадоша в ню. Psalms 56:8 Готово сердце мое, Боже, готово сердце мое: воспою и пою во славе моей. Psalms 56:9 Востани, слава моя, востани, псалтирю и гусли: востану рано. Psalms 56:10 Исповемся Тебе в людех, Господи, воспою Тебе во языцех: Psalms 56:11 яко возвеличися до небес милость Твоя и даже до облак истина Твоя. Psalms 56:12 Вознесися на небеса, Боже, и по всей земли слава Твоя. Psalms 57:0 Psalms 57:1 В конец, да не растлиши, Давиду в столпописание. Psalms 57:2 Аще воистинну убо правду глаголете, правая судите, сынове человечестии. Psalms 57:3 Ибо в сердцы беззаконие делаете на земли, неправду руки вашя сплетают. Psalms 57:4 Очуждишася грешницы от ложесн, заблудиша от чрева, глаголаша лжу. Psalms 57:5 Ярость их по подобию змиину, яко аспида глуха и затыкающаго уши свои, Psalms 57:6 иже не услышит гласа обавающих, обаваемь обавается от премудра. Psalms 57:7 Бог сокрушит зубы их во устех их: членовныя львов сокрушил есть Господь. Psalms 57:8 Уничижатся яко вода мимотекущая: напряжет лук свой, дондеже изнемогут. Psalms 57:9 Яко воск растаяв отимутся: паде огнь на них, и не видеша солнца. Psalms 57:10 Прежде еже разумети терния вашего рамна, яко живы, яко во гневе пожрет я. Psalms 57:11 Возвеселится праведник, егда увидит отмщение: руце свои умыет в крови грешника. Psalms 57:12 И речет человек: аще убо есть плод праведнику, убо есть Бог судя им на земли. Psalms 58:0 Psalms 58:1 В конец, да не растлиши, Давиду в столпописание, внегда посла Саул и стреже дом его, еже умертвити его. Psalms 58:2 Изми мя от враг моих, Боже, и от востающих на мя избави мя: Psalms 58:3 избави мя от делающих беззаконие, и от муж кровей спаси мя. Psalms 58:4 Яко се, уловиша душу мою, нападоша на мя крепцыи: ниже беззаконие мое, ниже грех мой, Господи: Psalms 58:5 без беззакония текох и исправих: востани в сретение мое и виждь. Psalms 58:6 И Ты, Господи Боже сил, Боже Израилев, вонми посетити вся языки: да не ущедриши вся делающыя беззаконие. Psalms 58:7 Возвратятся на вечер, и взалчут яко пес, и обыдут град. Psalms 58:8 Се, тии отвещают усты своими, и мечь во устнах их: яко кто слыша? Psalms 58:9 И Ты, Господи, посмеешися им, уничижиши вся языки. Psalms 58:10 Державу мою к Тебе сохраню: яко Ты, Боже, заступник мой еси. Psalms 58:11 Бог мой, милость Его предварит мя: Бог мой, явит мне на вразех моих. Psalms 58:12 Не убий их, да не когда забудут закон Твой: расточи я силою Твоею и низведи я, защитниче мой, Господи, Psalms 58:13 грех уст их, слово устен их: и яти да будут в гордыни своей, и от клятвы и лжи возвестятся в кончине, Psalms 58:14 во гневе кончины, и не будут: и уведят, яко Бог владычествует Иаковом и концы земли. Psalms 58:15 Возвратятся на вечер, и взалчут яко пес, и обыдут град: Psalms 58:16 тии разыдутся ясти: аще ли же не насытятся, и поропщут. Psalms 58:17 Аз же воспою силу Твою и возрадуюся заутра о милости Твоей: яко был еси заступник мой и прибежище мое в день скорби моея. Psalms 58:18 Помощник мой еси, Тебе пою: яко Бог заступник мой еси, Боже мой, милость моя. Psalms 59:0 Psalms 59:1 В конец, о изменитися хотящих, в столпописание Давиду, в научение: Psalms 59:2 внегда сожже Средоречие Сирийское и Сирию Совалскую, и возвратися Иоав и порази Едома в дебри Солей дванадесять тысящ. Psalms 59:3 Боже, отринул ны еси и низложил еси нас, разгневался еси и ущедрил еси нас. Psalms 59:4 Стрясл еси землю и смутил еси ю: изцели сокрушение ея, яко подвижеся. Psalms 59:5 Показал еси людем Твоим жестокая: напоил еси нас вином умиления. Psalms 59:6 Дал еси боящымся Тебе знамение, еже убежати от лица лука. Psalms 59:7 Яко да избавятся возлюбленнии Твои, спаси десницею Твоею и услыши мя. Psalms 59:8 Бог возглагола во святем Своем: возрадуюся, и разделю Сикиму, и юдоль Жилищ размерю. Psalms 59:9 Мой есть Галаад, и Мой есть Манассий, Ефрем крепость главы Моея, Иуда царь Мой. Psalms 59:10 Моав коноб упования Моего: на Идумею простру сапог Мой: Мне иноплеменницы покоришася. Psalms 59:11 Кто введет мя во град ограждения? Или кто наставит мя до Идумеи? Psalms 59:12 Не Ты ли, Боже, отринувый нас? И не изыдеши, Боже, в силах наших? Psalms 59:13 Даждь нам помощь от скорби: и суетно спасение человеческо. Psalms 59:14 О Бозе сотворим силу: и Той уничижит стужающыя нам. Psalms 60:0 Psalms 60:1 В конец, в песнех, Давиду Псалом. Psalms 60:2 Услыши, Боже, моление мое, вонми молитве моей: Psalms 60:3 от конец земли к Тебе воззвах, внегда уны сердце мое: на камень вознесл мя еси, наставил мя еси, Psalms 60:4 яко был еси упование мое, столп крепости от лица вражия. Psalms 60:5 Вселюся в селении Твоем во веки, покрыюся в крове крил Твоих. Psalms 60:6 Яко Ты, Боже, услышал еси молитвы моя, дал еси достояние боящымся имене Твоего. Psalms 60:7 Дни на дни царевы приложиши, лета его до дне рода и рода. Psalms 60:8 Пребудет в век пред Богом: милость и истину его кто взыщет? Psalms 60:9 Тако воспою имени Твоему во веки, воздати ми молитвы моя день от дне. Psalms 61:0 Psalms 61:1 В конец, о Идифуме, псалом Давиду. Psalms 61:2 Не Богу ли повинется душа моя? От Того бо спасение мое. Psalms 61:3 Ибо Той Бог мой и спас мой, заступник мой: не подвижуся наипаче. Psalms 61:4 Доколе належите на человека? Убиваете вси вы, яко стене преклонене и оплоту возриновену. Psalms 61:5 Обаче цену мою совещаша отринути, текоша в жажди: усты своими благословляху, и сердцем своим кленяху. Psalms 61:6 Обаче Богови повинися, душе моя: яко от Того терпение мое. Psalms 61:7 Ибо Той Бог мой и спас мой, заступник мой: не преселюся. Psalms 61:8 О Бозе спасение мое и слава моя: Бог помощи моея, и упование мое на Бога. Psalms 61:9 Уповайте на Него, весь сонм людий: излияйте пред Ним сердца ваша, яко Бог помощник наш. Psalms 61:10 Обаче суетни сынове человечестии, лживи сынове человечестии в мерилех еже неправдовати: тии от суеты вкупе. Psalms 61:11 Не уповайте на неправду, и на восхищение не желайте: богатство аще течет, не прилагайте сердца. Psalms 61:12 Единою глагола Бог, двоя сия слышах, зане держава Божия, Psalms 61:13 и Твоя, Господи, милость: яко Ты воздаси комуждо по делом его. Psalms 62:0 Psalms 62:1 Псалом Давиду, внегда быти ему в пустыни Иудейстей. Psalms 62:2 Боже, Боже мой, к Тебе утренюю: возжада Тебе душа моя, коль множицею Тебе плоть моя, в земли пусте и непроходне и безводне. Psalms 62:3 Тако во святем явихся Тебе, видети силу Твою и славу Твою. Psalms 62:4 Яко лучши милость Твоя паче живот: устне мои похвалите Тя. Psalms 62:5 Тако благословлю Тя в животе моем и о имени Твоем воздежу руце мои. Psalms 62:6 Яко от тука и масти да исполнится душа моя, и устнама радости восхвалят Тя уста моя. Psalms 62:7 Аще поминах Тя на постели моей, на утренних поучахся в Тя: Psalms 62:8 яко был еси помощник мой, и в крове крилу Твоею возрадуюся. Psalms 62:9 Прильпе душа моя по Тебе: мене же прият десница Твоя. Psalms 62:10 Тии же всуе искаша душу мою: внидут в преисподняя земли: Psalms 62:11 предадятся в руки оружия, части лисовом будут. Psalms 62:12 Царь же возвеселится о Бозе: похвалится всяк кленыйся Им, яко заградишася уста глаголющих неправедная. Psalms 63:0 Psalms 63:1 В конец, псалом Давиду. Psalms 63:2 Услыши, Боже, глас мой, внегда молитимися к тебе: от страха вражия изми душу мою. Psalms 63:3 Покрый мя от сонма лукавнующих, от множества делающих неправду: Psalms 63:4 иже изостриша яко мечь языки своя, напрягоша лук свой, вещь горьку, Psalms 63:5 состреляти в тайных непорочна: внезапу состреляют его, и не убоятся. Psalms 63:6 Утвердиша себе слово лукавое: поведаша скрыти сеть, реша: кто узрит их? Psalms 63:7 Испыташа беззаконие: изчезоша испытающии испытания: приступит человек, и сердце глубоко. Psalms 63:8 И вознесется Бог: стрелы младенец быша язвы их, Psalms 63:9 и изнемогоша на ня языцы их: смутишася вси видящии их. Psalms 63:10 И убояся всяк человек: и возвестиша дела Божия, и творения Его разумеша. Psalms 63:11 Возвеселится праведник о Господе и уповает на Него: и похвалятся вси правии сердцем. Psalms 64:0 Psalms 64:1 В конец, псалом песни Давиду, песнь Иеремиева и иезекиилева, людий преселения, егда хотяху исходити. Psalms 64:2 Тебе подобает песнь, Боже, в Сионе, и Тебе воздастся молитва во Иерусалиме. Psalms 64:3 Услыши молитву мою: к Тебе всяка плоть приидет. Psalms 64:4 Словеса беззаконник премогоша нас: и нечестия наша Ты очестиши. Psalms 64:5 Блажен, егоже избрал еси и приял, вселится во дворех Твоих. Исполнимся во благих дому Твоего: свят храм Твой. Psalms 64:6 Дивен в правде, услыши ны, Боже, Спасителю наш, упование всех концей земли и сущих в мори далече: Psalms 64:7 уготовляяй горы крепостию Своею, препоясан силою: Psalms 64:8 смущаяй глубину морскую, шуму волн его кто постоит? Смятутся языцы, Psalms 64:9 и убоятся живущии в концах от знамений Твоих: исходы утра и вечера украсиши. Psalms 64:10 Посетил еси землю и упоил еси ю, умножил еси обогатити ю: река Божия наполнися вод: уготовал еси пищу им, яко тако (есть) уготование. Psalms 64:11 Бразды ея упой, умножи жита ея: в каплях ея возвеселится возсияющи. Psalms 64:12 Благословиши венец лета благости Твоея, и поля Твоя исполнятся тука: Psalms 64:13 разботеют красная пустыни, и радостию холми препояшутся. Psalms 64:14 Одеяшася овни овчии, и удолия умножат пшеницу: воззовут, ибо воспоют. Psalms 65:0 Psalms 65:1 В конец, песнь псалма воскресения. Psalms 65:2 Воскликните Господеви вся земля, пойте же имени Его, дадите славу хвале Его. Psalms 65:3 Рцыте Богу: коль страшна дела Твоя? Во множестве силы Твоея солжут Тебе врази Твои. Psalms 65:4 Вся земля да поклонится Тебе и поет Тебе, да поет же имени Твоему, Вышний. Psalms 65:5 Приидите и видите дела Божия, коль страшен в советех паче сынов человеческих. Psalms 65:6 Обращаяй море в сушу, в реце пройдут ногами: тамо возвеселимся о Нем, Psalms 65:7 владычествующем силою Своею веком: очи Его на языки призираете: преогорчевающии да не возносятся в себе. Psalms 65:8 Благословите, языцы, Бога нашего, и услышан сотворите глас хвалы Его, Psalms 65:9 положшаго душу мою в живот, и не давшаго во смятение ног моих. Psalms 65:10 Яко искусил ны еси, Боже, разжегл ны еси, якоже разжизается сребро. Psalms 65:11 Ввел ны еси в сеть, положил еси скорби на хребте нашем. Psalms 65:12 Возвел еси человеки на главы нашя: проидохом сквозе огнь и воду, и извел еси ны в покой. Psalms 65:13 Вниду в дом Твой со всесожжением, воздам Тебе молитвы моя, Psalms 65:14 яже изрекосте устне мои, и глаголаша уста моя в скорби моей. Psalms 65:15 Всесожжения тучна вознесу Тебе с кадилом, и овны, вознесу Тебе волы с козлы. Psalms 65:16 Приидите, услышите, и повем вам, вси боящиися Бога, елика сотвори души моей. Psalms 65:17 К Нему усты моими воззвах, и вознесох под языком моим. Psalms 65:18 Неправду аще узрех в сердцы моем, да не услышит мене Господь. Psalms 65:19 Сего ради услыша мя Бог, внят гласу моления моего. Psalms 65:20 Благословен Бог, Иже не отстави молитву мою и милость Свою от мене. Psalms 66:0 Psalms 66:1 В конец, в песнех, псалом песни Давиду. Psalms 66:2 Боже, ущедри ны и благослови ны, просвети лице Твое на ны и помилуй ны: Psalms 66:3 познати на земли путь Твой, во всех языцех спасение Твое. Psalms 66:4 Да исповедятся Тебе людие, Боже, да исповедятся Тебе людие вси. Psalms 66:5 Да возвеселятся и да возрадуются языцы: яко судиши людем правотою, и языки на земли наставиши. Psalms 66:6 Да исповедятся Тебе людие, Боже, да исповедятся Тебе людие вси. Psalms 66:7 Земля даде плод свой: благослови ны, Боже, Боже наш, Psalms 66:8 благослови ны, Боже: и да убоятся Его вси концы земли. Psalms 67:0 Psalms 67:1 В конец, псалом песни Давиду. Psalms 67:2 Да воскреснет Бог, и расточатся врази Его, и да бежат от лица Его ненавидящии Его. Psalms 67:3 Яко изчезает дым, да изчезнут: яко тает воск от лица огня, тако да погибнут грешницы от лица Божия: Psalms 67:4 а праведницы да возвеселятся, да возрадуются пред Богом, да насладятся в веселии. Psalms 67:5 Воспойте Богу, пойте имени Его: путесотворите Возшедшему на запады, Господь имя Ему: и радуйтеся пред Ним. Psalms 67:6 Да смятутся от лица Его, Отца сирых и судии вдовиц: Бог в месте святем Своем. Psalms 67:7 Бог вселяет единомысленныя в дом, изводя окованныя мужеством, такожде преогорчевающыя живущыя во гробех. Psalms 67:8 Боже, внегда исходити Тебе пред людьми Твоими, внегда мимоходити Тебе в пустыни, Psalms 67:9 земля потрясеся, ибо небеса кануша от лица Бога Синаина, от лица Бога Израилева. Psalms 67:10 Дождь волен отлучиши, Боже, достоянию Твоему, и изнеможе, Ты же совершил еси е. Psalms 67:11 Животная Твоя живут на ней: уготовал еси благостию Твоею нищему, Боже. Psalms 67:12 Господь даст глагол благовествующым силою многою: Psalms 67:13 царь сил возлюбленнаго, красотою дому разделити корысти. Psalms 67:14 Аще поспите посреде предел, криле голубине посребрене, и междорамия ея в блещании злата: Psalms 67:15 внегда разнствит Небесный цари на ней, оснежатся в Селмоне. Psalms 67:16 Гора Божия, гора тучная, гора усыренная, гора тучная. Psalms 67:17 Вскую непщуете, горы усыренныя? Гора, юже благоволи Бог жити в ней: ибо Господь вселится до конца. Psalms 67:18 Колесница Божия тмами тем, тысяща гобзующих: Господь в них в Синаи во святем. Psalms 67:19 Возшел еси на высоту, пленил еси плен: приял еси даяния в человецех, ибо непокаряющыяся, еже вселитися. Psalms 67:20 Господь Бог благословен, благословен Господь день дне: поспешит нам Бог спасений наших. Psalms 67:21 Бог наш Бог еже спасати: и Господня, Господня исходища смертная. Psalms 67:22 Обаче Бог сокрушит главы врагов Своих, верх влас преходящих в прегрешениих своих. Psalms 67:23 Рече Господь: от Васана обращу, обращу во глубинах морских: Psalms 67:24 яко да омочится нога твоя в крови, язык пес твоих от враг от него. Psalms 67:25 Видена быша шествия Твоя, Боже, шествия Бога моего Царя, иже во святем. Psalms 67:26 Предвариша князи близ поющих, посреде дев тимпанниц. Psalms 67:27 В церквах благословите Бога, Господа от источник Израилевых. Psalms 67:28 Тамо Вениамин юнейший во ужасе, князи Иудовы владыки их, князи Завулони, князи Неффалимли. Psalms 67:29 Заповеждь, Боже, силою Твоею: укрепи, Боже, сие, еже соделал еси в нас. Psalms 67:30 От храма Твоего во Иерусалим Тебе принесут царие дары. Psalms 67:31 Запрети зверем тростным: сонм юнец в юницах людских, еже затворити искушенныя сребром: расточи языки хотящыя бранем. Psalms 67:32 Приидут молитвенницы от Египта: Ефиопиа предварит руку свою к Богу. Psalms 67:33 Царства земная, пойте Богу, воспойте Господеви, Psalms 67:34 возшедшему на небо небесе на востоки: се, даст гласу Своему глас силы. Psalms 67:35 Дадите славу Богови: на Израили велелепота Его, и сила Его на облацех. Psalms 67:36 Дивен Бог во святых Своих: Бог Израилев, Той даст силу и державу людем Своим. Благословен Бог. Psalms 68:0 Psalms 68:1 В конец, о изменшихся, псалом Давиду. Psalms 68:2 Спаси мя, Боже, яко внидоша воды до души моея. Psalms 68:3 Углебох в тимении глубины, и несть постояния: приидох во глубины морския, и буря потопи мя. Psalms 68:4 Утрудихся зовый, измолче гортань мой: изчезосте очи мои, от еже уповати ми на Бога моего. Psalms 68:5 Умножишася паче влас главы моея ненавидящии мя туне: укрепишася врази мои, изгонящии мя неправедно: яже не восхищах, тогда воздаях. Psalms 68:6 Боже, Ты уведел еси безумие мое, и прегрешения моя от Тебе не утаишася. Psalms 68:7 Да не постыдятся о мне терпящии Тебе, Господи, Господи сил: ниже да посрамятся о мне ищущии Тебе, Боже Израилев. Psalms 68:8 Яко Тебе ради претерпех поношение, покры срамота лице мое. Psalms 68:9 Чуждь бых братии моей и странен сыновом матере моея: Psalms 68:10 яко ревность дому Твоего снеде мя, и поношения поносящих Ти нападоша на мя. Psalms 68:11 И покрых постом душу мою, и бысть в поношение мне: Psalms 68:12 и положих одеяние мое вретище, и бых им в притчу. Psalms 68:13 О мне глумляхуся седящии во вратех, и о мне пояху пиющии вино. Psalms 68:14 Аз же молитвою моею к Тебе, Боже: время благоволения, Боже: во множестве милости Твоея услыши мя, во истине спасения Твоего. Psalms 68:15 Спаси мя от брения, да не углебну: да избавлюся от ненавидящих мя и от глубоких вод. Psalms 68:16 Да не потопит мене буря водная, ниже да пожрет мене глубина, ниже сведет о мне ровенник уст своих. Psalms 68:17 Услыши мя, Господи, яко блага милость Твоя: по множеству щедрот Твоих призри на мя. Psalms 68:18 Не отврати лица Твоего от отрока Твоего, яко скорблю: скоро услыши мя. Psalms 68:19 Вонми души моей и избави ю: враг моих ради избави мя. Psalms 68:20 Ты бо веси поношение мое, и студ мой, и срамоту мою: пред Тобою вси оскорбляющии мя. Psalms 68:21 Поношение чаяше душа моя и страсть: и ждах соскорбящаго, и не бе, и утешающих, и не обретох. Psalms 68:22 И даша в снедь мою желчь, и в жажду мою напоиша мя оцта. Psalms 68:23 Да будет трапеза их пред ними в сеть и в воздаяние и в соблазн. Psalms 68:24 Да помрачатся очи их, еже не видети, и хребет их выну сляцы. Psalms 68:25 Пролий на ня гнев Твой, и ярость гнева Твоего да постигнет их. Psalms 68:26 Да будет двор их пуст, и в жилищих их да не будет живый. Psalms 68:27 Зане егоже Ты поразил еси, тии погнаша, и к болезни язв моих приложиша. Psalms 68:28 Приложи беззаконие к беззаконию их, и да не внидут в правду Твою. Psalms 68:29 Да потребятся от книги живых, и с праведными да не напишутся. Psalms 68:30 Нищь и боляй есмь аз: спасение Твое, Боже, да приимет мя. Psalms 68:31 Восхвалю имя Бога моего с песнию, возвеличу Его во хвалении: Psalms 68:32 и угодно будет Богу паче телца юна, роги износяща и пазнокти. Psalms 68:33 Да узрят нищии и возвеселятся: взыщите Бога, и жива будет душа ваша. Psalms 68:34 Яко услыша убогия Господь, и окованныя Своя не уничижи. Psalms 68:35 Да восхвалят Его небеса и земля, море и вся живущая в нем. Psalms 68:36 Яко Бог спасет Сиона, и созиждутся гради Иудейстии, и вселятся тамо и наследят и: Psalms 68:37 и семя рабов Твоих удержит и, и любящии имя Твое вселятся в нем. Psalms 69:0 Psalms 69:1 В конец Давиду, в воспоминание, во еже спасти мя Господу. Psalms 69:2 Боже, в помощь мою вонми: Господи, помощи ми потщися. Psalms 69:3 Да постыдятся и посрамятся ищущии душу мою. Да возвратятся вспять и постыдятся хотящии ми злая: Psalms 69:4 да возвратятся абие стыдящеся глаголющии ми: благоже, благоже. Psalms 69:5 Да возрадуются и возвеселятся о Тебе вси ищущии Тебе, Боже: и да глаголют выну, да возвеличится Господь, любящии спасение Твое. Psalms 69:6 Аз же нищь есмь и убог, Боже, помози ми: помощник мой и Избавитель мой еси Ты, Господи, не закосни. Psalms 70:0 Psalms 70:1 На Тя, Господи, уповах, да не постыжуся в век. Psalms 70:2 Правдою Твоею избави мя и изми мя: приклони ко мне ухо Твое и спаси мя. Psalms 70:3 Буди ми в Бога защитителя и в место крепко спасти мя: яко утверждение мое и прибежище мое еси Ты. Psalms 70:4 Боже мой, избави мя из руки грешнаго, из руки законопреступнаго и обидящаго: Psalms 70:5 яко Ты еси терпение мое, Господи, Господи, упование мое от юности моея. Psalms 70:6 В Тебе утвердихся от утробы, от чрева матере моея Ты еси мой покровитель: о Тебе пение мое выну. Psalms 70:7 Яко чудо бых многим: и Ты помощник мой крепок. Psalms 70:8 Да исполнятся уста моя хваления, яко да воспою славу Твою, весь день великолепие Твое. Psalms 70:9 Не отвержи мене во время старости: внегда оскудевати крепости моей, не остави мене. Psalms 70:10 Яко реша врази мои мне, и стрегущии душу мою совещаша вкупе, Psalms 70:11 глаголюще: Бог оставил есть его, пожените и имите его, яко несть избавляяй. Psalms 70:12 Боже мой, не удалися от мене: Боже мой, в помощь мою вонми. Psalms 70:13 Да постыдятся и изчезнут оклеветающии душу мою, да облекутся в студ и срам ищущии злая мне. Psalms 70:14 Аз же всегда возуповаю на Тя, и приложу на всяку похвалу Твою. Psalms 70:15 Уста моя возвестят правду Твою, весь день спасение Твое, яко не познах книжная. Psalms 70:16 Вниду в силе Господни: Господи, помяну правду Тебе единаго. Psalms 70:17 Боже мой, имже научил мя еси от юности моея, и доныне возвещу чудеса Твоя. Psalms 70:18 И даже до старости и престарения, Боже мой, не остави мене, дондеже возвещу мышцу Твою роду всему грядущему, Psalms 70:19 силу Твою и правду Твою, Боже, даже до вышних, яже сотворил ми еси величия: Боже, кто подобен Тебе? Psalms 70:20 Елики явил ми еси скорби многи и злы? И обращься оживотворил мя еси и от бездн земли возвел мя еси. Psalms 70:21 Умножил еси на мне величествие твое, и обращься утешил мя еси, и от бездн земли паки возвел мя еси. Psalms 70:22 Ибо аз исповемся Тебе в людех, Господи, в сосудех псаломских истину Твою, Боже: воспою Тебе в гуслех, Святый Израилев. Psalms 70:23 Возрадуетеся устне мои, егда воспою Тебе, и душа моя, юже еси избавил: Psalms 70:24 еще же и язык мой весь день поучится правде Твоей, егда постыдятся и посрамятся ищущии злая мне. Psalms 71:0 Psalms 71:1 Боже, суд Твой цареви даждь, и правду Твою сыну цареву: Psalms 71:2 судити людем Твоим в правде и нищым Твоим в суде. Psalms 71:3 Да восприимут горы мир людем и холми правду. Psalms 71:4 Судит нищым людским, и спасет сыны убогих, и смирит клеветника. Psalms 71:5 И пребудет с солнцем, и прежде луны рода родов. Psalms 71:6 Снидет яко дождь на руно, и яко капля каплющая на землю. Psalms 71:7 Возсияет во днех его правда и множество мира, дондеже отимется луна. Psalms 71:8 И обладает от моря до моря, и от рек до конец вселенныя. Psalms 71:9 Пред ним припадут Ефиопляне, и врази его персть полижут. Psalms 71:10 Царие Фарсийстии и острови дары принесут, царие Аравстии и Сава дары приведут: Psalms 71:11 и поклонятся ему вси царие земстии, вси языцы поработают ему. Psalms 71:12 Яко избави нища от сильна, и убога, емуже не бе помощника. Psalms 71:13 Пощадит нища и убога, и душы убогих спасет: Psalms 71:14 от лихвы и от неправды избавит душы их, и честно имя его пред ними. Psalms 71:15 И жив будет, и дастся ему от злата Аравийска: и помолятся о нем выну, весь день благословят его. Psalms 71:16 Будет утверждение на земли на версех гор: превознесется паче Ливана плод его, и процветут от града яко трава земная. Psalms 71:17 Будет имя его благословено во веки, прежде солнца пребывает имя его: и благословятся в нем вся колена земная, вси языцы ублажат его. Psalms 71:18 Благословен Господь Бог Израилев, творяй чудеса един, Psalms 71:19 и благословено имя славы Его во век и в век века: и исполнится славы Его вся земля: буди, буди. Psalms 72:0 Psalms 72:1 Коль благ Бог Израилев правым сердцем. Psalms 72:2 Мои же вмале не подвижастеся нозе: вмале не пролияшася стопы моя: Psalms 72:3 яко возревновах на беззаконныя, мир грешников зря: Psalms 72:4 яко несть восклонения в смерти их и утверждения в ране их: Psalms 72:5 в трудех человеческих не суть, и с человеки не приимут ран. Psalms 72:6 Сего ради удержа я гордыня их до конца: одеяшася неправдою и нечестием своим. Psalms 72:7 Изыдет яко из тука неправда их: преидоша в любовь сердца. Psalms 72:8 Помыслиша и глаголаша в лукавстве, неправду в высоту глаголаша: Psalms 72:9 положиша на небеси уста своя, и язык их прейде по земли. Psalms 72:10 Сего ради обратятся людие Мои семо, и дние исполнени обрящутся в них. Psalms 72:11 И реша: како уведе Бог? И аще есть разум в Вышнем? Psalms 72:12 Се, сии грешницы и гобзующии в век удержаша богатство. Psalms 72:13 И рех: еда всуе оправдих сердце мое и умых в неповинных руце мои, Psalms 72:14 и бых язвен весь день, и обличение мое на утрених? Psalms 72:15 Аще глаголах, повем тако: се, роду сынов Твоих, емуже обещахся: Psalms 72:16 и непщевах разумети: сие труд есть предо мною, Psalms 72:17 дондеже вниду во святило Божие и разумею в последняя их. Psalms 72:18 Обаче за льщения их положил еси им злая, низложил еси я, внегда разгордешася. Psalms 72:19 Како быша в запустение? Внезапу изчезоша, погибоша за беззаконие свое. Psalms 72:20 Яко соние востающаго, Господи, во граде Твоем образ их уничижиши. Psalms 72:21 Яко разжжеся сердце мое, и утробы моя изменишася: Psalms 72:22 и аз уничижен, и не разумех, скотен бых у Тебе. Psalms 72:23 И аз выну с Тобою: удержал еси руку десную мою, Psalms 72:24 и советом Твоим наставил мя еси, и со славою приял мя еси. Psalms 72:25 Что бо ми есть на небеси? И от Тебе что восхотех на земли? Psalms 72:26 Изчезе сердце мое и плоть моя, Боже сердца моего, и часть моя, Боже, во век. Psalms 72:27 Яко се, удаляющии себе от Тебе погибнут: потребил еси всякаго любодеющаго от Тебе. Psalms 72:28 Мне же прилеплятися Богови благо есть, полагати на Господа упование мое, возвестити ми вся хвалы Твоя, во вратех дщере Сиони. Psalms 73:0 Psalms 73:1 Вскую, Боже, отринул еси до конца? Разгневася ярость Твоя на овцы пажити Твоея? Psalms 73:2 Помяни сонм Твой, егоже стяжал еси исперва, избавил еси жезлом достояния Твоего, гора Сион сия, в нейже вселился еси. Psalms 73:3 Воздвигни руце Твои на гордыни их в конец, елика лукавнова враг во святем Твоем. Psalms 73:4 И восхвалишася ненавидящии Тя посреде праздника Твоего: положиша знамения своя знамения, и не познаша. Psalms 73:5 Яко во исходе превыше: яко в дубраве древяне секирами разсекоша Psalms 73:6 двери его вкупе, сечивом и оскордом разрушиша и. Psalms 73:7 Возжгоша огнем святило Твое: на земли оскверниша жилище имене Твоего. Psalms 73:8 Реша в сердцы своем южики их вкупе: приидите, и отставим вся праздники Божия от земли. Psalms 73:9 Знамения их не видехом: несть ктому пророка, и нас не познает ктому. Psalms 73:10 Доколе, Боже, поносит враг? Раздражит противный имя Твое до конца? Psalms 73:11 Вскую отвращаеши руку Твою и десницу Твою от среды недра Твоего в конец? Psalms 73:12 Бог же, Царь наш, прежде века содела спасение посреде земли. Psalms 73:13 Ты утвердил еси силою Твоею море: Ты стерл еси главы змиев в воде: Psalms 73:14 Ты сокрушил еси главу змиеву, дал еси того брашно людем Ефиопским. Psalms 73:15 Ты расторгл еси источники и потоки: Ты изсушил еси реки ифамския. Psalms 73:16 Твой есть день, и Твоя есть нощь: Ты совершил еси зарю и солнце. Psalms 73:17 Ты сотворил еси вся пределы земли: жатву и весну Ты создал еси я. Psalms 73:18 Помяни сия: враг поноси Господеви, и людие безумнии раздражиша имя Твое. Psalms 73:19 Не предаждь зверем душу исповедающуюся Тебе: душ убогих Твоих не забуди до конца. Psalms 73:20 Призри на завет Твой: яко исполнишася помраченнии земли домов беззаконий. Psalms 73:21 Да не возвратится смиренный посрамлен: нищь и убог восхвалита имя Твое. Psalms 73:22 Востани, Боже, суди прю Твою: помяни поношение Твое, еже от безумнаго весь день. Psalms 73:23 Не забуди гласа молитвенник Твоих: гордыня ненавидящих Тя взыде выну. Psalms 74:0 Psalms 74:1 В конец, да не растлиши, псалом песни Асафу. Psalms 74:2 Исповемыся Тебе, Боже, исповемыся Тебе и призовем имя Твое: повем вся чудеса Твоя. Psalms 74:3 Егда прииму время, Аз правоты возсужду. Psalms 74:4 Растаяся земля и вси живущии на ней, Аз утвердих столпы ея. Psalms 74:5 Рех беззаконнующым, не беззаконнуйте: и согрешающым, не возносите рога. Psalms 74:6 Не воздвизайте на высоту рога вашего и не глаголите на Бога неправду: Psalms 74:7 яко ниже от исход, ниже и запад, ниже от пустых гор. Psalms 74:8 Яко Бог судия есть: сего смиряет, и сего возносит. Psalms 74:9 Яко чаша в руце Господни, вина нерастворена исполнь растворения, и уклони от сея в сию: обаче дрождие его не истощися, испиют вси грешнии земли. Psalms 74:10 Аз же возрадуюся в век, воспою Богу Иаковлю: Psalms 74:11 и вся роги грешных сломлю, и вознесется рог праведнаго. Psalms 75:0 Psalms 75:1 В конец, в песнех, псалом Асафу, песнь ко Ассирианину. Psalms 75:2 Ведом во Иудеи Бог: во Израили велие имя Его. Psalms 75:3 И бысть в Мире место Его, и жилище Его в Сионе. Psalms 75:4 Тамо сокруши крепости луков, оружие и мечь и брань. Psalms 75:5 Просвещаеши ты дивно от гор вечных. Psalms 75:6 Смятошася вси неразумнии сердцем: уснуша сном своим, и ничтоже обретоша вси мужие богатства в руках своих. Psalms 75:7 От запрещения Твоего, Боже Иаковль, воздремаша вседшии на кони. Psalms 75:8 Ты страшен еси, и кто противостанет Тебе? Оттоле гнев Твой. Psalms 75:9 С небесе слышан сотворил еси суд: земля убояся и умолча, Psalms 75:10 внегда востати на суд Богу, спасти вся кроткия земли. Psalms 75:11 Яко помышление человеческое исповестся Тебе, и останок помышления празднует Ти. Psalms 75:12 Помолитеся и воздадите Господеви Богу нашему: вси, иже окрест Его, принесут дары Psalms 75:13 Страшному и отемлющему духи князей, страшному паче царей земных. Psalms 76:0 Psalms 76:1 В конец, о Идифуме, псалом Асафу. Psalms 76:2 Гласом моим ко Господу воззвах, гласом моим к Богу, и внят ми. Psalms 76:3 В день скорби моея Бога взысках рукама моима, нощию пред ним, и не прельщен бых: отвержеся утешитися душа моя. Psalms 76:4 Помянух Бога и возвеселихся, поглумляхся, и малодушствоваше дух мой. Psalms 76:5 Предваристе стражбы очи мои: смятохся и не глаголах. Psalms 76:6 Помыслих дни первыя, и лета вечная помянух, и поучахся: Psalms 76:7 нощию сердцем моим глумляхся, и тужаше дух мой: Psalms 76:8 еда во веки отринет Господь и не приложит благоволити паки? Psalms 76:9 Или до конца милость Свою отсечет, сконча глаголгол от рода в род? Psalms 76:10 Еда забудет ущедрити Бог? Или удержит во гневе Своем щедроты Своя? Psalms 76:11 И рех: ныне начах, сия измена десницы Вышняго. Psalms 76:12 Помянух дела Господня: яко помяну от начала чудеса Твоя, Psalms 76:13 и поучуся во всех делех Твоих, и в начинаниих Твоих поглумлюся. Psalms 76:14 Боже, во святем путь Твой: кто Бог велий, яко Бог наш? Psalms 76:15 Ты еси Бог творяй чудеса: сказал еси в людех силу Твою, Psalms 76:16 избавил еси мышцею Твоею люди Твоя, сыны Иаковли и Иосифовы. Psalms 76:17 Видеша Тя воды, Боже, видеша Тя воды и убояшася: смятошася бездны. Psalms 76:18 Множество шума вод: глас даша облацы, ибо стрелы Твоя преходят. Psalms 76:19 Глас грома Твоего в колеси, осветиша молния твоя вселенную: подвижеся и трепетна бысть земля. Psalms 76:20 В мори путие Твои, и стези Твоя в водах многих, и следы Твои не познаются. Psalms 76:21 Наставил еси яко овцы люди Твоя рукою Моисеовою и Ааронею. Psalms 77:0 Psalms 77:1 Внемлите, людие мои, закону моему, приклоните ухо ваше во глаголы уст моих. Psalms 77:2 Отверзу в притчах уста моя, провещаю ганания исперва. Psalms 77:3 Елика слышахом и познахом я, и отцы наши поведаша нам: Psalms 77:4 не утаишася от чад их в род ин, возвещающе хвалы Господни, и силы Его и чудеса Его, яже сотвори. Psalms 77:5 И воздвиже свидение во Иакове, и закон положи во Израили, елика заповеда отцем нашым сказати я сыновом своим, Psalms 77:6 яко да познает род ин, сынове родящиися, и востанут и поведят я сыновом своим: Psalms 77:7 да положат на Бога упование свое, и не забудут дел Божиих, и заповеди Его взыщут: Psalms 77:8 да не будут якоже отцы их, род строптив и преогорчеваяй, род иже не исправи сердца своего и не увери с Богом духа своего. Psalms 77:9 Сынове Ефремли наляцающе и стреляюще луки возвратишася в день брани: Psalms 77:10 не сохраниша завета Божия, и в законе Его не восхотеша ходити. Psalms 77:11 И забыша благодеяния Его и чудеса Его, яже показа им Psalms 77:12 пред отцы их, яже сотвори чудеса в земли Египетстей, на поли Танеосе: Psalms 77:13 разверзе море и проведе их: представи воды яко мех, Psalms 77:14 и настави я облаком во дни и всю нощь просвещением огня. Psalms 77:15 Разверзе камень в пустыни и напои я яко в бездне мнозе: Psalms 77:16 и изведе воду из камене и низведе яко реки воды. Psalms 77:17 И приложиша еще согрешати Ему, преогорчиша Вышняго в безводней: Psalms 77:18 и искусиша Бога в сердцах своих, воспросити брашна душам своим. Psalms 77:19 И клеветаша на Бога и реша: еда возможет Бог уготовати трапезу в пустыни? Psalms 77:20 Понеже порази камень, и потекоша воды, и потоцы наводнишася: еда и хлеб может дати? Или уготовати трапезу людем Своим? Psalms 77:21 Сего ради слыша Господь и презре, и огнь возгореся во Иакове, и гнев взыде на Израиля: Psalms 77:22 яко не вероваша Богови, ниже уповаша на спасение Его. Psalms 77:23 И заповеда облаком свыше, и двери небесе отверзе: Psalms 77:24 и одожди им манну ясти, и хлеб небесный даде им. Psalms 77:25 Хлеб ангельский яде человек: брашно посла им до сытости. Psalms 77:26 Воздвиже юг с небесе, и наведе силою Своею лива: Psalms 77:27 и одожди на ня яко прах плоти, и яко песок морский птицы пернаты. Psalms 77:28 И нападоша посреде стана их, окрест жилищ их. Psalms 77:29 И ядоша и насытишася зело, и желание их принесе им. Psalms 77:30 Не лишишася от желания своего: еще брашну сущу во устех их, Psalms 77:31 и гнев Божий взыде на ня, и уби множайшая их, и избранным Израилевым запят. Psalms 77:32 Во всех сих согрешиша еще и не вероваша чудесем Его: Psalms 77:33 и изчезоша в суете дние их, и лета их со тщанием. Psalms 77:34 Егда убиваше я, тогда взыскаху Его и обращахуся и утреневаху к Богу: Psalms 77:35 и помянуша, яко Бог помощник им есть, и Бог Вышний Избавитель им есть: Psalms 77:36 и возлюбиша Его усты своими, и языком своим солгаша Ему: Psalms 77:37 сердце же их не бе право с Ним, ниже уверишася в завете Его. Psalms 77:38 Той же есть щедр, и очистит грехи их, и не растлит: и умножит отвратити ярость Свою, и не разжжет всего гнева Своего. Psalms 77:39 И помяну, яко плоть суть, дух ходяй и не обращаяйся: Psalms 77:40 колькраты преогорчиша Его в пустыни, прогневаша Его в земли безводней? Psalms 77:41 И обратишася, и искусиша Бога, и Святаго Израилева раздражиша: Psalms 77:42 и не помянуша руки Его в день, в оньже избави я из руки оскорбляющаго: Psalms 77:43 якоже положи во Египте знамения Своя, и чудеса Своя на поли Танеосе: Psalms 77:44 и преложи в кровь реки их и источники их, яко да не пиют. Psalms 77:45 Посла на ня песия мухи, и поядоша я, и жабы, и растли я: Psalms 77:46 и даде рже плоды их, и труды их пругом. Psalms 77:47 Уби градом винограды их и черничие их сланою: Psalms 77:48 и предаде граду скоты их, и имение их огню. Psalms 77:49 Посла на ня гнев ярости Своея, ярость и гнев и скорбь, послание аггелы лютыми. Psalms 77:50 Путесотвори стезю гневу Своему, и не пощаде от смерти душ их, и скоты их в смерти заключи: Psalms 77:51 и порази всякое первородное в земли Египетстей, начаток всякаго труда их в селениих Хамовых. Psalms 77:52 И воздвиже яко овцы люди Своя, и возведе я яко стадо в пустыни: Psalms 77:53 и настави я на упование, и не убояшася: и враги их покры море. Psalms 77:54 И введе я в гору святыни Своея, гору сию, юже стяжа десница Его. Psalms 77:55 И изгна от лица их языки, и по жребию даде им (землю) ужем жребодаяния, и всели в селениих их колена Израилева. Psalms 77:56 И искусиша и преогорчиша Бога Вышняго, и свидений Его не сохраниша: Psalms 77:57 и отвратишася и отвергошася, якоже и отцы их: превратишася в лук развращен: Psalms 77:58 и прогневаша Его в холмех своих, и во истуканных своих раздражиша Его. Psalms 77:59 Слыша Бог и презре, и уничижи зело Израиля: Psalms 77:60 и отрину скинию Силомскую, селение еже вселися в человецех: Psalms 77:61 и предаде в плен крепость их, и доброту их в руки врагов: Psalms 77:62 и затвори во оружии люди Своя и достояние Свое презре. Psalms 77:63 Юношы их пояде огнь, и девы их не осетованы быша: Psalms 77:64 священницы их мечем падоша, и вдовицы их не оплаканы будут. Psalms 77:65 И воста яко спя Господь, яко силен и шумен от вина: Psalms 77:66 и порази враги своя вспять, поношение вечное даде им: Psalms 77:67 и отрину селение Иосифово, и колено Ефремово не избра: Psalms 77:68 и избра колено Иудово, гору Сионю, юже возлюби: Psalms 77:69 и созда яко единорога святилище Свое: на земли основа и в век. Psalms 77:70 И избра Давида раба Своего, и восприят его от стад овчих: Psalms 77:71 от доилиц поят его, пасти Иакова раба Своего, и Израиля достояние Свое. Psalms 77:72 И упасе я в незлобии сердца своего, и в разумех руку своею наставил я есть. Psalms 78:0 Psalms 78:1 Боже, приидоша языцы в достояние Твое, оскверниша храм святый Твой, Psalms 78:2 положиша Иерусалим яко овощное хранилище: положиша трупия раб Твоих брашно птицам небесным, плоти преподобных Твоих зверем земным: Psalms 78:3 пролияша кровь их яко воду окрест Иерусалима, и не бе погребаяй. Psalms 78:4 Быхом поношение соседом нашым, подражнение и поругание сущым окрест нас. Psalms 78:5 Доколе, Господи, прогневаешися до конца? Разжжется яко огнь рвение Твое? Psalms 78:6 Пролий гнев Твой на языки незнающыя Тебе, и на царствия, яже имене Твоего не призваша: Psalms 78:7 яко поядоша Иакова, и место его опустошиша. Psalms 78:8 Не помяни наших беззаконий первых: скоро да предварят ны щедроты Твоя, Господи, яко обнищахом зело. Psalms 78:9 Помози нам, Боже, Спасителю наш, славы ради имене Твоего: Господи, избави ны и очести грехи нашя имене ради Твоего. Psalms 78:10 Да не когда рекут языцы: где есть Бог их? И да увестся во языцех пред очима нашима отмщение крове раб Твоих пролитыя. Psalms 78:11 Да внидет пред Тя воздыхание окованных: по величию мышцы Твоея снабди сыны умерщвленных. Psalms 78:12 Воздаждь соседом нашым седмерицею в недро их поношение их, имже поносиша Тя, Господи. Psalms 78:13 Мы же людие Твои и овцы пажити Твоея исповемыся Тебе, Боже, во век, в род и род возвестим хвалу Твою. Psalms 79:0 Psalms 79:1 В конец, о изменшихся, свидение Асафу, псалом. Psalms 79:2 Пасый Израиля вонми: наставляяй яко овча Иосифа, седяй на Херувимех, явися: Psalms 79:3 пред Ефремом и Вениамином и Манассием воздвигни силу Твою, и прииди во еже спасти нас. Psalms 79:4 Боже, обрати ны, и просвети лице Твое, и спасемся. Psalms 79:5 Господи Боже сил, доколе гневаешися на молитву раб Твоих? Psalms 79:6 Напитаеши нас хлебом слезным, и напоиши нас слезами в меру. Psalms 79:7 Положил еси нас в пререкание соседом нашым, и врази наши подражниша ны. Psalms 79:8 Господи Боже сил, обрати ны, и просвети лице Твое, и спасемся. Psalms 79:9 Виноград из Египта пренесл еси: изгнал еси языки, и насадил еси и: Psalms 79:10 путесотворил еси пред ним, и насадил еси корения его, и исполни землю. Psalms 79:11 Покры горы сень его, и ветвия его кедры Божия: Psalms 79:12 простре розги его до моря, и даже до рек отрасли его. Psalms 79:13 Вскую низложил еси оплот его, и оымают и вси мимоходящии путем? Psalms 79:14 Озоба и вепрь от дубравы, и уединенный дивий пояде и. Psalms 79:15 Боже сил, обратися убо, и призри с небесе и виждь, и посети виноград сей: Psalms 79:16 и соверши и, егоже насади десница Твоя, и на сына человеческаго, егоже укрепил еси Себе. Psalms 79:17 Пожжен огнем и раскопан: от запрещения лица Твоего погибнут. Psalms 79:18 Да будет рука Твоя на мужа десницы Твоея и на сына человеческаго, егоже укрепил еси Себе, Psalms 79:19 и не отступим от Тебе: оживиши ны, и имя Твое призовем. Psalms 79:20 Господи Боже сил, обрати ны, и просвети лице Твое, и спасемся. Psalms 80:0 Psalms 80:1 В конец, о точилех, псалом Асафу. Psalms 80:2 Радуйтеся Богу помощнику нашему, воскликните Богу Иаковлю: Psalms 80:3 приимите псалом и дадите тимпан, псалтирь красен с гусльми: Psalms 80:4 вострубите в новомесячии трубою, во благознаменитый день праздника вашего: Psalms 80:5 яко повеление Израилеви есть, и судба Богу Иаковлю. Psalms 80:6 Свидение во Иосифе положи е, внегда изыти ему от земли Египетския: языка, егоже не ведяше, услыша. Psalms 80:7 Отят от бремене хребет его: руце его в коши поработасте. Psalms 80:8 В скорби призвал Мя еси, и избавих тя: услышах тя в тайне бурне: искусих тя на воде Пререкания. Psalms 80:9 Слышите, людие Мои, и засвидетелствую вам, Израилю, аще послушаеши Мене: Psalms 80:10 не будет тебе бог нов, ниже поклонишися богу чуждему. Psalms 80:11 Аз бо есмь Господь Бог твой, изведый тя от земли Египетския: разшири уста твоя, и исполню я. Psalms 80:12 И не послушаша людие Мои гласа Моего, и Израиль не внят Ми: Psalms 80:13 и отпустих я по начинанием сердец их, пойдут в начинаниих своих. Psalms 80:14 Аще быша людие Мои послушали Мене, Израиль аще бы в пути Моя ходил: Psalms 80:15 ни о чесомже убо враги его смирил бых, и на оскорбляющыя их возложил бых руку Мою. Psalms 80:16 Врази Господни солгаша ему, и будет время их в век: Psalms 80:17 и напита их от тука пшенична, и от камене меда насыти их. Psalms 81:0 Psalms 81:1 Бог ста в сонме богов, посреде же боги разсудит. Psalms 81:2 Доколе судите неправду, и лица грешников приемлете? Psalms 81:3 Судите сиру и убогу, смирена и нища оправдайте: Psalms 81:4 измите нища и убога, из руки грешничи избавите его. Psalms 81:5 Не познаша, ниже уразумеша, во тме ходят: да подвижатся вся основания земли. Psalms 81:6 Аз рех: бози есте, и сынове Вышняго вси: Psalms 81:7 вы же яко человецы умираете, и яко един от князей падаете. Psalms 81:8 Воскресени, Боже, суди земли: яко Ты наследиши во всех языцех. Psalms 82:0 Psalms 82:1 Песнь псалма Асафу. Psalms 82:2 Боже, кто уподобится Тебе? Не премолчи, ниже укроти, Боже: Psalms 82:3 яко се, врази Твои возшумеша, и ненавидящии Тя воздвигоша главу. Psalms 82:4 На люди Твоя лукавноваша волею, и совещаша на святыя Твоя. Psalms 82:5 Реша: приидите и потребим я от язык, и не помянется имя Израилево ктому. Psalms 82:6 Яко совещаша единомышлением вкупе, на Тя завет завещаша: Psalms 82:7 селения Идумейска и Исмаилите, Моав и Агаряне, Psalms 82:8 Гевал и Аммон и Амалик, иноплеменницы с живущими в Тире: Psalms 82:9 ибо и Ассур прииде с ними, быша в заступление сыновом Лотовым: Psalms 82:10 сотвори им яко Мадиаму и Сисаре, яко Иавиму в потоце Киссове: Psalms 82:11 потребишася во Аендоре, быша яко гной земный. Psalms 82:12 Положи князи их яко Орива и Зива, и Зевеа и Салмана, вся князи их, Psalms 82:13 иже реша: да наследим себе святилище Божие. Psalms 82:14 Боже мой, положи я яко коло, яко трость пред лицем ветра. Psalms 82:15 Яко огнь попаляяй дубравы, яко пламень пожигаяй горы: Psalms 82:16 тако поженеши я бурею Твоею, и гневом Твоим смятеши я. Psalms 82:17 Исполни лица их безчестия, и взыщут имене Твоего, Господи. Psalms 82:18 Да постыдятся и смятутся в век века, и посрамятся и погибнут. Psalms 82:19 И да познают, яко имя Тебе Господь, Ты един Вышний по всей земли. Psalms 83:0 Psalms 83:1 В конец, о точилех, сыном Кореовым, псалом. Psalms 83:2 Коль возлюбленна селения Твоя, Господи сил. Psalms 83:3 Желает и скончавается душа моя во дворы Господни: сердце мое и плоть моя возрадовастася о Бозе живе. Psalms 83:4 Ибо птица обрете себе храмину, и горлица гнездо себе, идеже положит птенцы своя, олтари Твоя, Господи сил, Царю мой и Боже мой. Psalms 83:5 Блажени живущии в дому Твоем: в веки веков восхвалят Тя. Psalms 83:6 Блажен муж, емуже есть заступление его у Тебе: восхождения в сердцы своем положи, Psalms 83:7 во юдоль плачевную, в место еже положи: ибо благословение даст законополагаяй. Psalms 83:8 Пойдут от силы в силу: явится Бог богов в Сионе. Psalms 83:9 Господи Боже сил, услыши молитву мою, внуши, Боже Иаковль. Psalms 83:10 Защитниче наш, виждь, боже, и призри на лице христа Твоего. Psalms 83:11 Яко лучше день един во дворех Твоих паче тысящ: изволих приметатися в дому Бога моего паче, неже жити ми в селениих грешничих. Psalms 83:12 Яко милость и истину любит Господь, Бог благодать и славу даст: Господь не лишит благих ходящих незлобием. Psalms 83:13 Господи Боже сил, блажен человек уповаяй на Тя. Psalms 84:0 Psalms 84:1 В конец, сыном Кореовым, псалом. Psalms 84:2 Благоволил еси, Господи, землю Твою, возвратил еси плен Иаковль. Psalms 84:3 Оставил еси беззакония людий Твоих, покрыл еси вся грехи их. Psalms 84:4 Укротил еси весь гнев Твой, возвратился еси от гнева ярости Твоея. Psalms 84:5 Возврати нас, Боже спасений наших, и отврати ярость Твою от нас. Psalms 84:6 Еда во веки прогневаешися на ны? Или простреши гнев Твой от рода в род? Psalms 84:7 Боже, Ты обращься оживиши ны, и людие Твои возвеселятся о Тебе. Psalms 84:8 Яви нам, Господи, милость Твою, и спасение Твое даждь нам. Psalms 84:9 Услышу, что речет о мне Господь Бог: яко речет мир на люди Своя, и на преподобныя Своя, и на обращающыя сердца к нему. Psalms 84:10 Обаче близ боящихся Его спасение Его, вселити славу в землю нашу. Psalms 84:11 Милость и истина сретостеся, правда и мир облобызастася: Psalms 84:12 истина от земли возсия, и правда с небесе приниче: Psalms 84:13 ибо Господь даст благость, и земля наша даст плод свой. Psalms 84:14 Правда пред Ним предидет, и положит в путь стопы своя. Psalms 85:0 Psalms 85:1 Приклони, Господи, ухо Твое, и услыши мя: яко нищь и убог есмь аз. Psalms 85:2 Сохрани душу мою, яко преподобен есмь: спаси раба Твоего, Боже мой, уповающаго на Тя. Psalms 85:3 Помилуй мя, Господи, яко к Тебе воззову весь день. Psalms 85:4 Возвесели душу раба Твоего: яко к Тебе взях душу мою. Psalms 85:5 Яко Ты, Господи, благ и кроток и многомилостив всем призывающым Тя. Psalms 85:6 Внуши, Господи, молитву мою и вонми гласу моления моего. Psalms 85:7 В день скорби моея воззвах к Тебе, яко услышал мя еси. Psalms 85:8 Несть подобен Тебе в бозех, Господи, и несть по делом Твоим. Psalms 85:9 Вси языцы, елики сотворил еси, приидут и поклонятся пред Тобою, Господи, и прославят имя Твое: Psalms 85:10 яко велий еси Ты и творяй чудеса, Ты еси Бог един. Psalms 85:11 Настави мя, Господи, на путь Твой, и пойду во истине Твоей: да возвеселится сердце мое боятися имене Твоего. Psalms 85:12 Исповемся Тебе, Господи Боже мой, всем сердцем моим и прославлю имя Твое в век: Psalms 85:13 яко милость Твоя велия на мне, и избавил еси душу мою от ада преисподнейшаго. Psalms 85:14 Боже, законопреступницы восташа на мя, и сонм державных взыскаша душу мою, и не предложиша Тебе пред собою. Psalms 85:15 И Ты, Господи Боже мой, щедрый и милостивый, долготерпеливый и многомилостивый и истинный, Psalms 85:16 призри на мя и помилуй мя: даждь державу Твою отроку Твоему и спаси сына рабы Твоея. Psalms 85:17 Сотвори со мною знамение во благо: и да видят ненавидящии мя, и постыдятся, яко Ты, Господи, помогл ми и утешил мя еси. Psalms 86:0 Psalms 86:1 Сыном Кореовым, псалом песни. Psalms 86:2 Основания его на горах святых: любит Господь врата Сионя паче всех селений Иаковлих. Psalms 86:3 Преславная глаголашася о тебе, граде Божий. Psalms 86:4 Помяну Раав и Вавилона ведущым мя: и се, иноплеменницы и Тир и людие Ефиопстии, сии быша тамо. Psalms 86:5 Мати Сион речет: человек и человек родися в нем, и Той основа и Вышний. Psalms 86:6 Господь повесть в писании людий и князей, сих бывших в нем. Psalms 86:7 Яко веселящихся всех жилище в тебе. Psalms 87:0 Psalms 87:1 Песнь псалма Сыном Кореовым, в конец, о Маелефе еже отвещати, разума Еману Израилтянину. Psalms 87:2 Господи Боже спасения моего, во дни воззвах и в нощи пред Тобою: Psalms 87:3 да внидет пред Тя молитва моя, приклони ухо Твое к молению моему. Psalms 87:4 Яко исполнися зол душа моя, и живот мой аду приближися. Psalms 87:5 Привменен бых с низходящими в ров: бых яко человек без помощи, Psalms 87:6 в мертвых свободь: яко язвеннии спящии во гробе, ихже не помянул еси ктому, и тии от руки Твоея отриновени быша. Psalms 87:7 Положиша мя в рове преисподнем, в темных и сени смертней. Psalms 87:8 На мне утвердися ярость Твоя, и вся волны Твоя навел еси на мя. Psalms 87:9 Удалил еси знаемых моих от мене: положиша мя мерзость себе: предан бых и не исхождах. Psalms 87:10 Очи мои изнемогосте от нищеты: воззвах к Тебе, Господи, весь день, воздех к Тебе руце мои. Psalms 87:11 Еда мертвыми твориши чудеса? Или врачеве воскресят, и исповедятся Тебе? Psalms 87:12 Еда повесть кто во гробе милость Твою, и истину Твою в погибели? Psalms 87:13 Еда познана будут во тме чудеса Твоя, и правда Твоя в земли забвенней? Psalms 87:14 И аз к Тебе, Господи, воззвах, и утро молитва моя предварит Тя. Psalms 87:15 Вскую, Господи, отрееши душу мою? Отвращаеши лице Твое от мене? Psalms 87:16 Нищь есмь аз, и в трудех от юности моея: вознесжеся смирихся и изнемогох. Psalms 87:17 На мне преидоша гневи Твои, устрашения Твоя возмутиша мя: Psalms 87:18 обыдоша мя яко вода весь день, одержаша мя вкупе. Psalms 87:19 Удалил еси от мене друга и искренняго, и знаемых моих от страстей. Psalms 88:0 Psalms 88:1 Разума Ефама Израилтянина. Psalms 88:2 Милости Твоя, Господи, во век воспою, в род и род возвещу истину Твою усты моими. Psalms 88:3 Зане рекл еси: в век милость созиждется: на небесех уготовится истина Твоя. Psalms 88:4 Завещах завет избранным Моим, кляхся Давиду рабу Моему: Psalms 88:5 до века уготоваю семя твое, и созижду в род и род престол твой. Psalms 88:6 Исповедят небеса чудеса Твоя, Господи, ибо истину Твою в церкви святых. Psalms 88:7 Яко кто во облацех уравнится Господеви? Уподобится Господеви в сынех Божиих? Psalms 88:8 Бог прославляемь в совете святых, велий и страшен есть над всеми окрестными Его. Psalms 88:9 Господи Боже сил, кто подобен Тебе? Силен еси, Господи, и истина Твоя окрест Тебе. Psalms 88:10 Ты владычествуеши державою морскою: возмущение же волн его Ты укрочаеши. Psalms 88:11 Ты смирил, еси, яко язвена, гордаго: мышцею силы Твоея расточил еси враги Твоя. Psalms 88:12 Твоя суть небеса, и Твоя есть земля: вселенную и исполнение ея Ты основал еси. Psalms 88:13 Север и море Ты создал еси: Фавор и Ермон о имени Твоем возрадуетася. Psalms 88:14 Твоя мышца с силою: да укрепится рука Твоя, и вознесется десница Твоя. Psalms 88:15 Правда и судба уготование престола Твоего: милость и истина предидете пред лицем Твоим. Psalms 88:16 Блажени людие ведущии воскликновение: Господи, во свете лица Твоего пойдут, Psalms 88:17 и о имени Твоем возрадуются весь день, и правдою Твоею вознесутся. Psalms 88:18 Яко похвала силы их Ты еси, и во благоволении Твоем вознесется рог наш: Psalms 88:19 яко Господне есть заступление, и Святаго Израилева царя нашего. Psalms 88:20 Тогда глаголал еси в видении сыновом Твоим, и рекл еси: положих помощь на сильнаго, вознесох избраннаго от людий Моих: Psalms 88:21 обретох Давида раба Моего, елеем святым Моим помазах его. Psalms 88:22 Ибо рука Моя заступит его, и мышца Моя укрепит его. Psalms 88:23 Ничтоже успеет враг на него, и сын беззакония не приложит озлобити его. Psalms 88:24 И ссеку от лица его враги его, и ненавидящыя его побежду: Psalms 88:25 и истина Моя и милость Моя с ним, и о имени Моем вознесется рог его: Psalms 88:26 и положу на мори руку его, и на реках десницу его. Psalms 88:27 Той призовет Мя: отец мой еси Ты, Бог мой и заступник спасения моего. Psalms 88:28 И Аз первенца положу его, высока паче царей земных: Psalms 88:29 в век сохраню ему милость Мою, и завет Мой верен ему: Psalms 88:30 и положу в век века семя его, и престол его яко дние неба. Psalms 88:31 Аще оставят сынове его закон Мой, и в судбах Моих не пойдут: Psalms 88:32 аще оправдания Моя осквернят, и заповедий Моих не сохранят: Psalms 88:33 посещу жезлом беззакония их, и ранами неправды их, Psalms 88:34 милость же Мою не разорю от них, ни преврежду во истине Моей: Psalms 88:35 ниже оскверню завета Моего, и исходящих от уст Моих не отвергуся. Psalms 88:36 Единою кляхся о святем Моем: аще Давиду солжу? Psalms 88:37 Семя его во век пребудет, и престол его яко солнце предо Мною, Psalms 88:38 и яко луна совершена в век, и свидетель на небеси верен. Psalms 88:39 Ты же отринул еси и уничижил, негодовал еси помазаннаго Твоего: Psalms 88:40 разорил еси завет раба Твоего, осквернил еси на земли святыню его: Psalms 88:41 разорил еси вся оплоты его, положил еси твердая его страх. Psalms 88:42 Расхищаху его вси мимоходящии путем, бысть поношение соседом своим. Psalms 88:43 Возвысил еси десницу стужающих ему, возвеселил еси вся враги его: Psalms 88:44 отвратил еси помощь меча его и не заступил еси его во брани: Psalms 88:45 разорил еси от очищения его, престол его на землю повергл еси: Psalms 88:46 умалил еси дни времене его, облиял еси его студом. Psalms 88:47 Доколе, Господи, отвращаешися в конец, разжжется яко огнь гнев Твой? Psalms 88:48 Помяни, кий мой состав: еда бо всуе создал еси вся сыны человеческия? Psalms 88:49 Кто есть человек, иже поживет и не узрит смерти, избавит душу свою из руки адовы? Psalms 88:50 Где суть милости Твоя древния, Господи, имиже клялся еси Давиду во истине Твоей? Psalms 88:51 Помяни, Господи, поношение раб Твоих, еже удержах в недре моем многих язык: Psalms 88:52 имже поносиша врази Твои, Господи, имже поносиша изменению христа Твоего. Psalms 88:53 Благословен Господь во век: буди, буди. Psalms 89:0 Psalms 89:1 Молитва Моисеа человека Божия. Psalms 89:2 Господи, прибежище был еси нам в род и род. Psalms 89:3 Прежде даже горам не быти и создатися земли и вселенней, и от века и до века Ты еси. Psalms 89:4 Не отврати человека во смирение, и рекл еси: обратитеся, сынове человечестии. Psalms 89:5 Яко тысяща лет пред очима Твоима, Господи, яко день вчерашний, иже мимо иде, и стража нощная. Psalms 89:6 Уничижения их лета будут: утро яко трава мимо идет, утро процветет и прейдет: на вечер отпадет, ожестеет и изсхнет: Psalms 89:7 яко изчезохом гневом Твоим, и яростию Твоею смутихомся. Psalms 89:8 Положил еси беззакония наша пред Тобою, век наш в просвещение лица Твоего. Psalms 89:9 Яко вси дние наши оскудеша, и гневом Твоим изчезохом: Psalms 89:10 лета наша яко паучина поучахуся: дние лет наших в нихже седмьдесят лет, аще же в силах, осмьдесят лет, и множае их труд и болезнь: яко прииде кротость на ны, и накажемся. Psalms 89:11 Кто весть державу гнева Твоего, и от страха Твоего ярость Твою изчести? Psalms 89:12 Десницу Твою тако скажи ми, и окованныя сердцем в мудрости. Psalms 89:13 Обратися, Господи, доколе? И умолен буди на рабы Твоя. Psalms 89:14 Исполнихомся заутра милости Твоея, Господи, и возрадовахомся и возвеселихомся: Psalms 89:15 во вся дни нашя возвеселихомся, за дни, в няже смирил ны еси, лета, в няже видехом злая. Psalms 89:16 И призри на рабы Твоя и на дела Твоя, и настави сыны их. Psalms 89:17 И буди светлость Господа Бога нашего на нас, и дела рук наших исправи на нас, и дело рук наших исправи. Psalms 90:0 Psalms 90:1 Живый в помощи Вышняго, в крове Бога небеснаго водворится, Psalms 90:2 речет Господеви: заступник мой еси и прибежище мое, Бог мой, и уповаю на Него. Psalms 90:3 Яко Той избавит тя от сети ловчи и от словесе мятежна: Psalms 90:4 плещма Своима осенит тя, и под криле Его надеешися: оружием обыдет тя истина Его. Psalms 90:5 Не убоишися от страха нощнаго, от стрелы летящия во дни, Psalms 90:6 от вещи во тме преходящия, от сряща и беса полуденнаго. Psalms 90:7 Падет от страны твоея тысяща, и тма одесную тебе, к тебе же не приближится: Psalms 90:8 обаче очима твоима смотриши и воздаяние грешников узриши. Psalms 90:9 Яко ты, Господи, упование мое: Вышняго положил еси прибежище твое. Psalms 90:10 Не приидет к тебе зло, и рана не приближится телеси твоему: Psalms 90:11 яко Ангелом Своим заповесть о тебе, сохранити тя во всех путех твоих. Psalms 90:12 На руках возмут тя, да не когда преткнеши о камень ногу твою: Psalms 90:13 на аспида и василиска наступиши, и попереши льва и змия. Psalms 90:14 Яко на Мя упова, и избавлю и: покрыю и, яко позна имя Мое. Psalms 90:15 Воззовет ко Мне, и услышу его: с ним есмь в скорби, изму его и прославлю его: Psalms 90:16 долготою дний исполню его и явлю ему спасение Мое. Psalms 91:0 Psalms 91:1 Псалом песни, в день субботный. Psalms 91:2 Благо есть исповедатися Господеви и пети имени Твоему, Вышний: Psalms 91:3 возвещати заутра милость Твою и истину Твою на всяку нощь, Psalms 91:4 в десятоструннем псалтири с песнию в гуслех. Psalms 91:5 Яко возвеселил мя еси, Господи, в творении Твоем, и в делех руку Твоею возрадуюся. Psalms 91:6 Яко возвеличишася дела Твоя, Господи: зело углубишася помышления Твоя. Psalms 91:7 Муж безумен не познает, и неразумив не разумеет сих. Psalms 91:8 Внегда прозябоша грешницы яко трава, и проникоша вси делающии беззаконие, яко да потребятся в век века: Psalms 91:9 Ты же вышний во век, Господи. Psalms 91:10 Яко се, врази Твои, Господи, яко се, врази Твои погибнут, и разыдутся вси делающии беззаконие. Psalms 91:11 И вознесется яко единорога рог мой, и старость моя в елеи мастите: Psalms 91:12 и воззре око мое на враги моя, и востающыя на мя лукавнующыя услышит ухо мое. Psalms 91:13 Праведник яко финикс процветет: яко кедр, иже в Ливане, умножится. Psalms 91:14 Насаждени в дому Господни во дворех Бога нашего процветут: Psalms 91:15 еще умножатся в старости мастите, и благоприемлюще будут. Psalms 91:16 Да возвестят, яко прав Господь Бог наш, и несть неправды в Нем. Psalms 92:0 Psalms 92:1 Господь воцарися, в лепоту облечеся: облечеся Господь в силу и препоясася: ибо утверди вселенную, яже не подвижится. Psalms 92:2 Готов престол Твой оттоле: от века Ты еси. Psalms 92:3 Воздвигоша реки, Господи, воздвигоша реки гласы своя: Psalms 92:4 возмут реки сотрения своя, от гласов вод многих. Psalms 92:5 Дивны высоты морския: дивен в высоких Господь. Свидения Твоя уверишася зело. Дому Твоему подобает святыня, Господи, в долготу дний. Psalms 93:0 Psalms 93:1 Бог отмщений Господь, Бог отмщений не обинулся есть. Psalms 93:2 Вознесися, Судяй земли, воздаждь воздаяние гордым. Psalms 93:3 Доколе грешницы, Господи, доколе грешницы восхвалятся? Psalms 93:4 Провещают и возглаголют неправду, возглаголют вси делающии беззаконие? Psalms 93:5 Люди Твоя, Господи, смириша, и достояние Твое озлобиша: Psalms 93:6 вдовицу и сира умориша, и пришелца убиша, Psalms 93:7 и реша: не узрит Господь, ниже уразумеет Бог Иаковль. Psalms 93:8 Разумейте же, безумнии в людех, и буии некогда, умудритеся: Psalms 93:9 насаждей ухо, не слышит ли? Или создавый око, не сматряет ли? Psalms 93:10 Наказуяй языки, не обличит ли, учай человека разуму? Psalms 93:11 Господь весть помышления человеческая, яко суть суетна. Psalms 93:12 Блажен человек, егоже аще накажеши, Господи, и от закона Твоего научиши его: Psalms 93:13 укротити его от дний лютых, дондеже изрыется грешному яма. Psalms 93:14 Яко не отринет Господь людий Своих, и достояния Своего не оставит: Psalms 93:15 дондеже правда обратится на суд, и держащиися ея вси правии сердцем. Psalms 93:16 Кто востанет ми на лукавнующыя? Или кто спредстанет ми на делающыя беззаконие? Psalms 93:17 Аще не Господь помогл бы ми, вмале вселилася бы во ад душа моя. Psalms 93:18 Аще глаголах: подвижеся нога моя, милость Твоя, Господи, помогаше ми: Psalms 93:19 по множеству болезней моих в сердцы моем, утешения Твоя возвеселиша душу мою. Psalms 93:20 Да не пребудет Тебе престол беззакония, созидаяй труд на повеление. Psalms 93:21 Уловят на душу праведничу, и кровь неповинную осудят. Psalms 93:22 И бысть мне Господь в прибежище, и Бог мой в помощь упования моего: Psalms 93:23 и воздаст им Господь беззаконие их, и по лукавствию их погубит я Господь Бог. Psalms 94:0 Psalms 94:1 Приидите, возрадуемся Господеви, воскликнем Богу спасителю нашему: Psalms 94:2 предварим лице Его во исповедании, и во псалмех воскликнем Ему: Psalms 94:3 яко Бог велий Господь, и Царь велий по всей земли: Psalms 94:4 яко в руце Его вси концы земли, и высоты гор Того суть. Psalms 94:5 Яко Того есть море, и Той сотвори е, и сушу руце Его создасте. Psalms 94:6 Приидите, поклонимся и припадем ему, и восплачемся пред Господем сотворшим нас: Psalms 94:7 яко Той есть Бог наш, и мы людие пажити Его и овцы руки Его. Днесь аще глас Его услышите, Psalms 94:8 не ожесточите сердец ваших, яко в прогневании, по дни искушения в пустыни: Psalms 94:9 в оньже искусиша Мя отцы ваши, искусиша Мя, и видеша дела Моя. Psalms 94:10 Четыредесять лет негодовах рода того, и рех: присно заблуждают сердцем, тии же не познаша путий Моих: Psalms 94:11 яко кляхся во гневе Моем, аще внидут в покой Мой. Psalms 95:0 Psalms 95:1 Воспойте Господеви песнь нову, воспойте Господеви вся земля: Psalms 95:2 воспойте Господеви, благословите имя Его: благовестите день от дне спасение Его. Psalms 95:3 Возвестите во языцех славу Его, во всех людех чудеса Его. Psalms 95:4 Яко велий Господь и хвален зело, страшен есть над всеми боги. Psalms 95:5 Яко вси бози язык бесове: Господь же небеса сотвори. Psalms 95:6 Исповедание и красота пред Ним, святыня и великолепие во святиле Его. Psalms 95:7 Принесите Господеви, отечествия язык, принесите Господеви славу и честь. Psalms 95:8 Принесите Господеви славу имени Его: возмите жертвы и входите во дворы Его. Psalms 95:9 Поклонитеся Господеви во дворе святем Его: да подвижится от лица Его вся земля. Psalms 95:10 Рцыте во языцех, яко Господь воцарися: ибо исправи вселенную, яже не подвижится: судит людем правостию. Psalms 95:11 Да возвеселятся небеса, и радуется земля: да подвижится море и исполнение его: Psalms 95:12 возрадуются поля, и вся яже на них: тогда возрадуются вся древа дубравная Psalms 95:13 от лица Господня, яко грядет, яко грядет судити земли: судити вселенней в правду, и людем истиною Своею. Psalms 96:0 Psalms 96:1 Господь воцарися, да радуется земля, да веселятся острови мнози. Psalms 96:2 Облак и мрак окрест Его: правда и судба исправление престола Его. Psalms 96:3 Огнь пред Ним предидет и попалит окрест враги Его. Psalms 96:4 Осветиша молния Его вселенную: виде и подвижеся земля. Psalms 96:5 Горы яко воск растаяша от лица Господня, от лица Господа всея земли. Psalms 96:6 Возвестиша небеса правду Его, и видеша вси людие славу Его. Psalms 96:7 Да постыдятся вси кланяющиися истуканным, хвалящиися о идолех своих: поклонитеся Ему, вси ангели Его. Psalms 96:8 Слыша и возвеселися Сион, и возрадовашася дщери Иудейския, судеб ради Твоих, Господи: Psalms 96:9 яко Ты Господь вышний над всею землею, зело превознеслся еси над всеми боги. Psalms 96:10 Любящии Господа, ненавидите злая: хранит Господь душы преподобных Своих, из руки грешничи избавит я. Psalms 96:11 Свет возсия праведнику, и правым сердцем веселие. Psalms 96:12 Веселитеся, праведнии, о Господе, и исповедайте память святыни Его. Psalms 97:0 Psalms 97:1 Воспойте Господеви песнь нову, яко дивна сотвори Господь: спасе Его десница Его и мышца святая Его. Psalms 97:2 Сказа Господь спасение Свое, пред языки откры правду Свою. Psalms 97:3 Помяну милость Свою Иакову и истину Свою дому Израилеву: видеша вси концы земли спасение Бога нашего. Psalms 97:4 Воскликните Богови, вся земля, воспойте и радуйтеся и пойте. Psalms 97:5 Пойте Господеви в гуслех, в гуслех и гласе псаломсте, Psalms 97:6 в трубах кованых и гласом трубы рожаны: вострубите пред Царем Господем. Psalms 97:7 Да подвижится море и исполнение его, вселенная и вси живущии на ней. Psalms 97:8 Реки восплещут рукою вкупе, горы возрадуются Psalms 97:9 от лица Господня, яко грядет, яко идет судити земли: судити вселенней в правду, и людем правостию. Psalms 98:0 Psalms 98:1 Господь воцарися, да гневаются людие: седяй на Херувимех, да подвижится земля. Psalms 98:2 Господь в Сионе велик, и высок есть над всеми людьми. Psalms 98:3 Да исповедятся имени Твоему великому, яко страшно и свято есть. Psalms 98:4 И честь царева суд любит: Ты уготовал еси правоты, суд и правду во Иакове Ты сотворил еси. Psalms 98:5 Возносите Господа Бога нашего и покланяйтеся подножию ногу Его, яко свято есть. Psalms 98:6 Моисей и Аарон во иереех Его, и Самуил в призывающих имя Его: призываху Господа, и Той послушаше их. Psalms 98:7 В столпе облачне глаголаше к ним: яко храняху свидения Его и повеления Его, яже даде им. Psalms 98:8 Господи Боже наш, Ты послушал еси их: Боже, Ты милостив бывал еси им, и мщая на вся начинания их. Psalms 98:9 Возносите Господа Бога нашего и покланяйтеся в горе святей Его: яко свят Господь Бог наш. Psalms 99:0 Psalms 99:1 Воскликните Богови вся земля: Psalms 99:2 работайте Господеви в веселии, внидите пред Ним в радости. Psalms 99:3 Уведите, яко Господь Той есть Бог наш: Той сотвори нас, а не мы: мы же людие Его и овцы пажити Его. Psalms 99:4 Внидите во врата Его во исповедании, во дворы Его в пениих: исповедайтеся Ему, хвалите имя Его. Psalms 99:5 Яко благ Господь, в век милость Его, и даже до рода и рода истина Его. Psalms 100:0 Psalms 100:1 Милость и суд воспою Тебе, Господи: Psalms 100:2 пою и разумею в пути непорочне: когда приидеши ко мне? Прехождах в незлобии сердца моего посреде дому моего. Psalms 100:3 Не предлагах пред очима моима вещь законопреступную: творящыя преступление возненавидех. Psalms 100:4 Не прильпе мне сердце строптиво: уклоняющагося от мене лукаваго не познах. Psalms 100:5 Оклеветающаго тай искренняго своего, сего изгонях: гордым оком и несытым сердцем, с сим не ядях. Psalms 100:6 Очи мои на верныя земли, посаждати я со мною: ходяй по пути непорочну, сей ми служаше. Psalms 100:7 Не живяше посреде дому моего творяй гордыню: глаголяй неправедная не исправляше пред очима моима. Psalms 100:8 Воутрия избивах вся грешныя земли, еже потребити от града Господня вся делающыя беззаконие. Psalms 101:0 Psalms 101:1 Молитва нищаго, егда уныет и пред Господем пролиет моление свое. Psalms 101:2 Господи, услыши молитву мою, и вопль мой к Тебе да приидет. Psalms 101:3 Не отврати лица Твоего от мене: в оньже аще день скорблю, приклони ко мне ухо Твое: в оньже аще день призову Тя, скоро услыши мя. Psalms 101:4 Яко изчезоша яко дым дние мои, и кости моя яко сушило сосхошася. Psalms 101:5 Уязвлен бых яко трава, и изсше сердце мое, яко забых снести хлеб мой. Psalms 101:6 От гласа воздыхания моего прильпе кость моя плоти моей. Psalms 101:7 Уподобихся неясыти пустынней, бых яко нощный вран на нырищи. Psalms 101:8 Бдех и бых яко птица особящаяся на зде. Psalms 101:9 Весь день поношаху ми врази мои, и хвалящии мя мною кленяхуся. Psalms 101:10 Зане пепел яко хлеб ядях и питие мое с плачем растворях, Psalms 101:11 от лица гнева Твоего и ярости Твоея: яко вознес низвергл мя еси. Psalms 101:12 Дние мои яко сень уклонишася, и аз яко сено изсхох. Psalms 101:13 Ты же, Господи, во век пребываеши, и память Твоя в род и род. Psalms 101:14 Ты воскрес ущедриши Сиона: яко время ущедрити его, яко прииде время. Psalms 101:15 Яко благоволиша раби Твои камение его, и персть его ущедрят. Psalms 101:16 И убоятся языцы имене Господня, и вси царие земстии славы Твоея: Psalms 101:17 яко созиждет Господь Сиона и явится во славе Своей. Psalms 101:18 Призре на молитву смиренных и не уничижи моления их. Psalms 101:19 Да напишется сие в род ин, и людие зиждемии восхвалят Господа: Psalms 101:20 яко приниче с высоты святыя Своея, Господь с небесе на землю призре, Psalms 101:21 услышати воздыхание окованных, разрешити сыны умерщвленных: Psalms 101:22 возвестити в Сионе имя Господне и хвалу Его во Иерусалиме, Psalms 101:23 внегда собратися людем вкупе и царем, еже работати Господеви. Psalms 101:24 Отвеща Ему на пути крепости Его: умаление дний моих возвести ми: Psalms 101:25 не возведи мене во преполовение дний моих: в роде родов лета Твоя. Psalms 101:26 В началех Ты, Господи, землю основал еси, и дела руку Твоею суть небеса. Psalms 101:27 Та погибнут, Ты же пребываеши: и вся яко риза обетшают, и яко одежду свиеши я, и изменятся. Psalms 101:28 Ты же тойжде еси, и лета Твоя не оскудеют. Psalms 101:29 Сынове раб Твоих вселятся, и семя их во век исправится. Psalms 102:0 Psalms 102:1 Благослови, душе моя, Господа, и вся внутренняя моя, имя святое Его: Psalms 102:2 благослови, душе моя, Господа, и не забывай всех воздаяний Его: Psalms 102:3 очищающаго вся беззакония твоя, изцеляющаго вся недуги твоя, Psalms 102:4 избавляющаго от истления живот твой, венчающаго тя милостию и щедротами, Psalms 102:5 исполняющаго во благих желание твое: обновится яко орля юность твоя. Psalms 102:6 Творяй милостыни Господь и судбу всем обидимым. Psalms 102:7 Сказа пути Своя Моисеови, сыновом Израилевым хотения Своя. Psalms 102:8 Щедр и милостив Господь, долготерпелив и многомилостив. Psalms 102:9 Не до конца прогневается, ниже во век враждует: Psalms 102:10 не по беззаконием нашым сотворил есть нам, ниже по грехом нашым воздал есть нам. Psalms 102:11 Яко по высоте небесней от земли, утвердил есть Господь милость Свою на боящихся Его: Psalms 102:12 елико отстоят востоцы от запад, удалил есть от нас беззакония наша. Psalms 102:13 Якоже щедрит отец сыны, ущедри Господь боящихся Его. Psalms 102:14 Яко Той позна создание наше, помяну, яко персть есмы. Psalms 102:15 Человек, яко трава дние его, яко цвет селный, тако оцветет: Psalms 102:16 яко дух пройде в нем, и не будет, и не познает ктому места своего. Psalms 102:17 Милость же Господня от века и до века на боящихся Его, Psalms 102:18 и правда Его на сынех сынов, хранящих завет Его и помнящих заповеди Его творити я. Psalms 102:19 Господь на небеси уготова престол Свой, и царство Его всеми обладает. Psalms 102:20 Благословите Господа, вси Ангели Его, сильнии крепостию, творящии слово Его, услышати глас словес Его. Psalms 102:21 Благословите Господа, вся силы Его, слуги Его, творящии волю Его. Psalms 102:22 Благословите Господа, вся дела Его на всяком месте владычества Его: благослови, душе моя, Господа. Psalms 103:0 Psalms 103:1 Благослови, душе моя, Господа. Господи Боже мой, возвеличился еси зело: во исповедание и в велелепоту облеклся еси: Psalms 103:2 одеяйся светом яко ризою, простираяй небо яко кожу: Psalms 103:3 покрываяй водами превыспренняя Своя, полагаяй облаки на восхождение Свое, ходяй на крилу ветреню: Psalms 103:4 творяй ангелы Своя духи, и слуги Своя пламень огненный: Psalms 103:5 основаяй землю на тверди ея: не преклонится в век века. Psalms 103:6 Бездна яко риза одеяние ея, на горах станут воды: Psalms 103:7 от запрещения Твоего побегнут, от гласа грома Твоего убоятся. Psalms 103:8 Восходят горы, и низходят поля, в место еже основал еси им. Psalms 103:9 Предел положил еси, егоже не прейдут, ниже обратятся покрыти землю. Psalms 103:10 Посылаяй источники в дебрех, посреде гор пройдут воды. Psalms 103:11 Напаяют вся звери селныя, ждут онагри в жажду свою. Psalms 103:12 На тых птицы небесныя привитают: от среды камения дадят глас. Psalms 103:13 Напаяяй горы от превыспренних Своих: от плода дел Твоих насытится земля. Psalms 103:14 Прозябаяй траву скотом, и злак на службу человеком, извести хлеб от земли: Psalms 103:15 и вино веселит сердце человека, умастити лице елеем: и хлеб сердце человека укрепит. Psalms 103:16 Насытятся древа польская, кедри Ливанстии, ихже еси насадил: Psalms 103:17 тамо птицы вогнездятся, еродиево жилище предводителствует ими. Psalms 103:18 Горы высокия еленем, камень прибежище заяцем. Psalms 103:19 Сотворил есть луну во времена: солнце позна запад свой. Psalms 103:20 Положил еси тму, и бысть нощь, в нейже пройдут вси зверие дубравнии, Psalms 103:21 скимни рыкающии восхитити и взыскати от Бога пищу себе. Psalms 103:22 Возсия солнце, и собрашася, и в ложах своих лягут. Psalms 103:23 Изыдет человек на дело свое и на делание свое до вечера. Psalms 103:24 Яко возвеличишася дела Твоя, Господи: вся премудростию сотворил еси: исполнися земля твари Твоея. Psalms 103:25 Сие море великое и пространное: тамо гади, ихже несть числа, животная малая с великими: Psalms 103:26 тамо корабли преплавают, змий сей, егоже создал еси ругатися ему. Psalms 103:27 Вся к Тебе чают, дати пищу им во благо время. Psalms 103:28 Давшу Тебе им, соберут: отверзшу Тебе руку, всяческая исполнятся благости: Psalms 103:29 отвращшу же Тебе лице, возмятутся: отимеши дух их, и изчезнут и в персть свою возвратятся: Psalms 103:30 послеши духа Твоего, и созиждутся, и обновиши лице земли. Psalms 103:31 Буди слава Господня во веки: возвеселится Господь о делех Своих: Psalms 103:32 призираяй на землю и творяй ю трястися: прикасаяйся горам, и дымятся. Psalms 103:33 Воспою Господеви в животе моем, пою Богу моему, дондеже есмь: Psalms 103:34 да усладится Ему беседа моя, аз же возвеселюся о Господе. Psalms 103:35 Да изчезнут грешницы от земли, и беззаконницы, якоже не быти им. Благослови, душе моя, Господа. Psalms 104:0 Psalms 104:1 Исповедайтеся Господеви и призывайте имя Его, возвестите во языцех дела Его: Psalms 104:2 воспойте Ему и пойте Ему, поведите вся чудеса Его. Psalms 104:3 Хвалитеся о имени святем Его: да возвеселится сердце ищущих Господа: Psalms 104:4 взыщите Господа и утвердитеся, взыщите лица Его выну. Psalms 104:5 Помяните чудеса Его, яже сотвори, чудеса Его и судбы уст Его, Psalms 104:6 семя Авраамле раби Его, сынове Иаковли избраннии Его. Psalms 104:7 Той Господь Бог наш: по всей земли судбы Его. Psalms 104:8 Помяну в век завет Свой, слово, еже заповеда в тысящы родов, Psalms 104:9 еже завеща Аврааму, и клятву Свою Исааку: Psalms 104:10 и постави ю Иакову в повеление и Израилю в завет вечен, Psalms 104:11 глаголя: тебе дам землю Ханааню, уже достояния вашего. Psalms 104:12 Внегда быти им малым числом, малейшым и пришелцем в ней, Psalms 104:13 и преидоша от языка в язык и от царствия в люди ины: Psalms 104:14 не остави человека обидети их и обличи о них цари: Psalms 104:15 не прикасайтеся помазанным Моим, и во пророцех Моих не лукавнуйте. Psalms 104:16 И призва глад на землю: всяко утверждение хлебное сотры. Psalms 104:17 Посла пред ними человека: в раба продан бысть Иосиф. Psalms 104:18 Смириша во оковах нозе его, железо пройде душа его, Psalms 104:19 дондеже прииде слово Его: слово Господне разжже его. Psalms 104:20 Посла царь и разреши его: князь людий, и остави его. Psalms 104:21 Постави его господина дому своему и князя всему стяжанию своему, Psalms 104:22 наказати князи его яко себе и старцы его умудрити. Psalms 104:23 И вниде Израиль во Египет, и Иаков пришелствова в землю Хамову. Psalms 104:24 И возрасти люди Своя зело и укрепи я паче врагов их. Psalms 104:25 Преврати сердце их возненавидети люди Его, лесть сотворити в рабех Его. Psalms 104:26 Посла Моисеа раба Своего, Аарона, егоже избра себе: Psalms 104:27 положи в них словеса знамений Своих и чудес Своих в земли Хамове. Psalms 104:28 Посла тму и помрачи, яко преогорчиша словеса Его. Psalms 104:29 Преложи воды их в кровь и измори рыбы их. Psalms 104:30 Воскипе земля их жабами в сокровищницах царей их. Psalms 104:31 Рече, и приидоша песия мухи и скнипы во вся пределы их. Psalms 104:32 Положи дожди их грады, огнь попаляющь в земли их: Psalms 104:33 и порази винограды их и смоквы их, и сотры всякое древо предел их. Psalms 104:34 Рече, и приидоша прузи и гусеницы, имже не бе числа, Psalms 104:35 и снедоша всяку траву в земли их, и поядоша всяк плод земли их. Psalms 104:36 И порази всякаго первенца в земли их, начаток всякаго труда их: Psalms 104:37 и изведе я с сребром и златом: и не бе в коленех их боляй. Psalms 104:38 Возвеселися Египет во исхождении их: яко нападе страх их на ня. Psalms 104:39 Распростре облак в покров им, и огнь, еже просветити им нощию. Psalms 104:40 Просиша, и приидоша крастели, и хлеба небеснаго насыти я: Psalms 104:41 разверзе камень, и потекоша воды, потекоша в безводных реки: Psalms 104:42 яко помяну слово святое Свое, еже ко Аврааму рабу Своему. Psalms 104:43 И изведе люди Своя в радости и избранныя Своя в веселии. Psalms 104:44 И даде им страны язык, и труды людий наследоваша: Psalms 104:45 яко да сохранят оправдания Его и закона Его взыщут. Psalms 105:0 Psalms 105:1 Исповедайтеся Господеви, яко благ, яко в век милость Его. Psalms 105:2 Кто возглаголет силы Господни, слышаны сотворит вся хвалы Его? Psalms 105:3 Блажени хранящии суд и творящии правду во всякое время. Psalms 105:4 Помяни нас, Господи, во благоволении людий Твоих, посети нас спасением Твоим, Psalms 105:5 видети во благости избранныя Твоя, возвеселитися в веселии языка Твоего, хвалитися с достоянием Твоим. Psalms 105:6 Согрешихом со отцы нашими, беззаконновахом, неправдовахом: Psalms 105:7 отцы наши во Египте не разумеша чудес Твоих, ни помянуша множества милости Твоея: и преогорчиша восходяще в Чермное море. Psalms 105:8 И спасе их имене Своего ради, сказати силу Свою: Psalms 105:9 и запрети Чермному морю, и изсяче: и настави я в бездне яко в пустыни. Psalms 105:10 И спасе я из руки ненавидящих и избави я из руки врагов. Psalms 105:11 Покры вода стужающыя им: ни един от них избысть. Psalms 105:12 И вероваша словеси Его и воспеша хвалу Его. Psalms 105:13 Ускориша, забыша дела Его, не стерпеша совета Его: Psalms 105:14 и похотеша желанию в пустыни и искусиша Бога в безводней. Psalms 105:15 И даде им прошение их, посла сытость в душы их. Psalms 105:16 И прогневаша Моисеа в стану, Аарона святаго Господня. Psalms 105:17 Отверзеся земля и пожре Дафана и покры на сонмищи Авирона: Psalms 105:18 и разжжеся огнь в сонме их, пламень попали грешники. Psalms 105:19 И сотвориша телца в Хориве и поклонишася истуканному: Psalms 105:20 и измениша славу Его в подобие телца ядущаго траву. Psalms 105:21 И забыша Бога спасающаго их, сотворшаго велия во Египте, Psalms 105:22 чудеса в земли Хамове, страшная в мори Чермнем. Psalms 105:23 И рече потребити их, аще не бы Моисей избранный Его стал в сокрушении пред Ним, возвратити ярость Его, да не погубит их. Psalms 105:24 И уничижиша землю желанную, не яша веры словеси Его: Psalms 105:25 и поропташа в селениих своих, не услышаша гласа Господня. Psalms 105:26 И воздвиже руку Свою на ня, низложити я в пустыни, Psalms 105:27 и низложити семя их во языцех, и расточити я в страны. Psalms 105:28 И причастишася Веельфегору и снедоша жертвы мертвых: Psalms 105:29 и раздражиша Его в начинаниих своих, и умножися в них падение. Psalms 105:30 И ста Финеес и умилостиви, и преста сечь: Psalms 105:31 и вменися ему в правду, в род и род до века. Psalms 105:32 И прогневаша Его на воде Пререкания, и озлоблен бысть Моисей их ради: Psalms 105:33 яко преогорчиша дух его и разнствова устнама своима. Psalms 105:34 Не потребиша языки, яже рече Господь им. Psalms 105:35 И смесишася во языцех и навыкоша делом их: Psalms 105:36 и поработаша истуканным их, и бысть им в соблазн. Psalms 105:37 И пожроша сыны своя и дщери своя бесовом, Psalms 105:38 и пролияша кровь неповинную, кровь сынов своих и дщерей, яже пожроша истуканным Ханаанским: и убиена бысть земля их кровьми Psalms 105:39 и осквернися в делех их: и соблудиша в начинаниих своих. Psalms 105:40 И разгневася яростию Господь на люди Своя и омерзи достояние Свое: Psalms 105:41 и предаде я в руки врагов, и обладаша ими ненавидящии их. Psalms 105:42 И стужиша им врази их: и смиришася под руками их. Psalms 105:43 Множицею избави я: тии же преогорчиша Его советом своим, и смиришася в беззакониих своих. Psalms 105:44 И виде Господь, внегда скорбети им, внегда услышаше моление их: Psalms 105:45 и помяну завет Свой, и раскаяся по множеству милости Своея: Psalms 105:46 и даде я в щедроты пред всеми пленившими я. Psalms 105:47 Спаси ны, Господи, Боже наш, и собери ны от язык, исповедатися имени Твоему святому, хвалитися во хвале Твоей. Psalms 105:48 Благословен Господь Бог Израилев от века и до века. И рекут вси людие: буди, буди. Psalms 106:0 Psalms 106:1 Исповедайтеся Господеви, яко благ, яко в век милость Его. Psalms 106:2 Да рекут избавленнии Господем, ихже избави из руки врага, Psalms 106:3 и от стран собра их, от восток и запад, и севера и моря: Psalms 106:4 заблудиша в пустыни безводней, пути града обителнаго не обретоша: Psalms 106:5 алчуще и жаждуще, душа их в них изчезе. Psalms 106:6 И воззваша ко Господу, внегда скорбети им, и от нужд их избави я: Psalms 106:7 и настави я на путь прав, внити во град обителный. Psalms 106:8 Да исповедятся Господеви милости Его и чудеса Его сыновом человеческим: Psalms 106:9 яко насытил есть душу тщу, и душу алчущу исполни благ: Psalms 106:10 седящыя во тме и сени смертней, окованныя нищетою и железом, Psalms 106:11 яко преогорчиша словеса Божия, и совет Вышняго раздражиша. Psalms 106:12 И смирися в трудех сердце их, и изнемогоша, и не бе помагаяй. Psalms 106:13 И воззваша ко Господу, внегда скорбети им, и от нужд их спасе я: Psalms 106:14 и изведе я из тмы и сени смертныя, и узы их растерза. Psalms 106:15 Да исповедятся Господеви милости Его и чудеса Его сыновом человеческим: Psalms 106:16 яко сокруши врата медная, и вереи железныя сломи. Psalms 106:17 Восприят я от пути беззакония их: беззаконий бо ради своих смиришася. Psalms 106:18 Всякаго брашна возгнушася душа их, и приближишася до врат смертных. Psalms 106:19 И воззваша ко Господу, внегда скорбети им, и от нужд их спасе я: Psalms 106:20 посла слово Свое, и изцели я, и избави я от растлений их. Psalms 106:21 Да исповедятся Господеви милости Его и чудеса Его сыновом человеческим: Psalms 106:22 и да пожрут Ему жертву хвалы и да возвестят дела Его в радости. Psalms 106:23 Сходящии в море в кораблех, творящии делания в водах многих, Psalms 106:24 тии видеша дела Господня и чудеса Его во глубине. Psalms 106:25 Рече, и ста дух бурен, и вознесошася волны его: Psalms 106:26 восходят до небес и низходят до бездн: душа их в злых таяше: Psalms 106:27 смятошася, подвигошася яко пияный, и вся мудрость их поглощена бысть. Psalms 106:28 И воззваша ко Господу, внегда скорбети им, и от нужд их изведе я: Psalms 106:29 и повеле бури, и ста в тишину, и умолкоша волны его. Psalms 106:30 И возвеселишася, яко умолкоша, и настави я в пристанище хотения Своего. Psalms 106:31 Да исповедятся Господеви милости Его и чудеса Его сыновом человеческим: Psalms 106:32 да вознесут Его в церкви людстей, и на седалищи старец восхвалят Его. Psalms 106:33 Положил есть реки в пустыню и исходища водная в жажду, Psalms 106:34 землю плодоносную в сланость, от злобы живущих на ней. Psalms 106:35 Положил есть пустыню во езера водная и землю безводную во исходища водная. Psalms 106:36 И насели тамо алчущыя, и составиша грады обителны: Psalms 106:37 и насеяша села, и насадиша винограды, и сотвориша плод житен. Psalms 106:38 И благослови я, и умножишася зело: и скоты их не умали. Psalms 106:39 И умалишася и озлобишася от скорби зол и болезни: Psalms 106:40 излияся уничижение на князи их, и облазни я по непроходней, а не по пути. Psalms 106:41 И поможе убогу от нищеты и положи яко овцы отечествия. Psalms 106:42 Узрят правии и возвеселятся, и всякое беззаконие заградит уста своя. Psalms 106:43 Кто премудр и сохранит сия? И уразумеют милости Господни. Psalms 107:0 Psalms 107:1 Песнь, псалом Давиду. Psalms 107:2 Готово сердце мое, Боже, готово сердце мое: воспою и пою во славе моей. Psalms 107:3 Востани, слава моя, востани, псалтирю и гусли: востану рано. Psalms 107:4 Исповемся Тебе в людех, Господи, пою Тебе во языцех: Psalms 107:5 яко велия верху небес милость Твоя и до облак истина Твоя. Psalms 107:6 Вознесися на небеса, Боже, и по всей земли слава Твоя, Psalms 107:7 яко да избавятся возлюбленнии Твои: спаси десницею Твоею и услыши мя. Psalms 107:8 Бог возглагола во святем Своем: вознесуся и разделю Сикиму, и удоль Селений размерю. Psalms 107:9 Мой есть Галаад, и Мой есть Манассий, и Ефрем заступление главы Моея: Иуда царь Мой, Psalms 107:10 Моав коноб упования Моего: на Идумею наложу сапог Мой: мне иноплеменницы покоришася. Psalms 107:11 Кто введет мя во град ограждения? Или кто наставит мя до Идумеи? Psalms 107:12 Не Ты ли, Боже, отринувый нас, и не изыдеши, Боже, в силах наших? Psalms 107:13 Даждь нам помощь от скорби: и суетно спасение человеческо. Psalms 107:14 О Бозе сотворим силу, и Той уничижит враги нашя. Psalms 108:0 Psalms 108:1 Боже, хвалы моея не премолчи: Psalms 108:2 яко уста грешнича и уста льстиваго на мя отверзошася, глаголаша на мя языком льстивым, Psalms 108:3 и словесы ненавистными обыдоша мя, и брашася со мною туне. Psalms 108:4 Вместо еже любити мя, оболгаху мя, аз же моляхся: Psalms 108:5 и положиша на мя злая за благая, и ненависть за возлюбление мое. Psalms 108:6 Постави на него грешника, и диавол да станет одесную его: Psalms 108:7 внегда судитися ему, да изыдет осужден, и молитва его да будет в грех. Psalms 108:8 Да будут дние его мали, и епископство его да приимет ин: Psalms 108:9 да будут сынове его сири, и жена его вдова: Psalms 108:10 движущеся да преселятся сынове его и воспросят, да изгнани будут из домов своих. Psalms 108:11 Да взыщет заимодавец вся, елика суть его: и да восхитят чуждии труды его. Psalms 108:12 Да не будет ему заступника, ниже да будет ущедряяй сироты его: Psalms 108:13 да будут чада его в погубление, в роде единем да потребится имя его. Psalms 108:14 Да воспомянется беззаконие отец его пред Господем, и грех матере его да не очистится: Psalms 108:15 да будут пред Господем выну, и да потребится от земли память их: Psalms 108:16 занеже не помяну сотворити милость, и погна человека нища и убога, и умилена сердцем умертвити. Psalms 108:17 И возлюби клятву, и приидет ему: и не восхоте благословения, и удалится от него. Psalms 108:18 И облечеся в клятву яко в ризу, и вниде яко вода во утробу его и яко елей в кости его: Psalms 108:19 да будет ему яко риза, в нюже облачится, и яко пояс, имже выну опоясуется. Psalms 108:20 Сие дело оболгающих мя у Господа и глаголющих лукавая на душу мою. Psalms 108:21 И Ты, Господи, Господи, сотвори со мною имене ради Твоего, яко блага милость Твоя: Psalms 108:22 избави мя, яко нищь и убог есмь аз, и сердце мое смятеся внутрь мене. Psalms 108:23 Яко сень, внегда уклонитися ей, отяхся: стрясохся яко прузи. Psalms 108:24 Колена моя изнемогоста от поста, и плоть моя изменися елеа ради. Psalms 108:25 И аз бых поношение им: видеша мя, покиваша главами своими. Psalms 108:26 Помози ми, Господи Боже мой, и спаси мя по милости Твоей: Psalms 108:27 и да разумеют, яко рука Твоя сия, и Ты, Господи, сотворил еси ю. Psalms 108:28 Прокленут тии, и Ты благословиши: востающии на мя да постыдятся, раб же Твой возвеселится. Psalms 108:29 Да облекутся оболгающии мя в срамоту и одеждутся яко одеждою студом своим. Psalms 108:30 Исповемся Господеви зело усты моими и посреде многих восхвалю Его: Psalms 108:31 яко преста одесную убогаго, еже спасти от гонящих душу мою. Psalms 109:0 Psalms 109:1 Рече Господь Господеви моему: седи одесную Мене, дондеже положу враги Твоя подножие ног Твоих. Psalms 109:2 Жезл силы послет Ти Господь от Сиона, и господствуй посреде врагов Твоих. Psalms 109:3 С Тобою начало в день силы Твоея, во светлостех святых твоих: из чрева прежде денницы родих Тя. Psalms 109:4 Клятся Господь и не раскается: Ты иерей во век по чину Мелхиседекову. Psalms 109:5 Господь одесную Тебе сокрушил есть в день гнева Своего цари: Psalms 109:6 судит во языцех, исполнит падения, сокрушит главы на земли многих. Psalms 109:7 От потока на пути пиет: сего ради вознесет главу. Psalms 110:0 Psalms 110:1 Исповемся Тебе, Господи, всем сердцем моим в совете правых и сонме. Psalms 110:2 Велия дела Господня, изыскана во всех волях его: Psalms 110:3 исповедание и великолепие дело Его, и правда Его пребывает в век века. Psalms 110:4 Память сотворил есть чудес Своих: милостив и щедр Господь. Psalms 110:5 Пищу даде боящымся Его: помянет в век завет Свой. Psalms 110:6 Крепость дел Своих возвести людем Своим, дати им достояние язык. Psalms 110:7 Дела рук Его истина и суд, верны вся заповеди Его, Psalms 110:8 утвержены в век века, сотворены во истине и правоте. Psalms 110:9 Избавление посла людем Своим: заповеда в век завет Свой: свято и страшно имя Его. Psalms 110:10 Начало премудрости страх Господень, разум же благ всем творящым и: хвала Его пребывает в век века. Psalms 111:0 Psalms 111:1 Блажен муж бояйся Господа, в заповедех Его восхощет зело. Psalms 111:2 Сильно на земли будет семя его, род правых благословится: Psalms 111:3 слава и богатство в дому его, и правда его пребывает в век века. Psalms 111:4 Возсия во тме свет правым: милостив и щедр и праведен. Psalms 111:5 Благ муж щедря и дая: устроит словеса своя на суде, яко в век не подвижится. Psalms 111:6 В память вечную будет праведник. Psalms 111:7 От слуха зла не убоится: Psalms 111:8 готово сердце его уповати на Господа: утвердися сердце его, не убоится, дондеже воззрит на враги своя. Psalms 111:9 Расточи, даде убогим: правда его пребывает во век века: рог его вознесется в славе. Psalms 111:10 Грешник узрит и прогневается зубы своими поскрежещет и растает: желание грешника погибнет. Psalms 112:0 Psalms 112:1 Хвалите, отроцы, Господа, хвалите имя Господне. Psalms 112:2 Буди имя Господне благословено отныне и до века. Psalms 112:3 От восток солнца до запад хвально имя Господне. Psalms 112:4 Высок над всеми языки Господь: над небесы слава Его. Psalms 112:5 Кто яко Господь Бог наш? На высоких живый, Psalms 112:6 и на смиренныя призираяй на небеси и на земли: Psalms 112:7 воздвизаяй от земли нища, и от гноища возвышаяй убога: Psalms 112:8 посадити его с князи, с князи людий своих: Psalms 112:9 вселяя неплодовь в дом, матерь о чадех веселящуся. Psalms 113:0 Psalms 113:1 Во исходе Израилеве от Египта, дому Иаковля из людий варвар, Psalms 113:2 бысть Иудеа святыня Его, Израиль область Его. Psalms 113:3 Море виде и побеже, Иордан возвратися вспять: Psalms 113:4 горы взыграшася яко овни, и холми яко агнцы овчии. Psalms 113:5 Что ти есть, море, яко побегло еси, и тебе, Иордане, яко возвратился еси вспять? Psalms 113:6 Горы, яко взыграстеся яко овни, и холми яко агнцы овчии? Psalms 113:7 От лица Господня подвижеся земля, от лица Бога Иаковля: Psalms 113:8 обращшаго камень во езера водная и несекомый во источники водныя. Psalms 113:9 Не нам, Господи, не нам, но имени Твоему даждь славу о милости Твоей и истине Твоей: Psalms 113:10 да не когда рекут языцы: где есть Бог их? Psalms 113:11 Бог же наш на небеси и на земли, вся елика восхоте, сотвори. Psalms 113:12 Идоли язык сребро и злато, дела рук человеческих: Psalms 113:13 уста имут, и не возглаголют: очи имут, и не узрят: Psalms 113:14 ушы имут, и не услышат: ноздри имут, и не обоняют: Psalms 113:15 руце имут, и не осяжут: нозе имут, и не пойдут: не возгласят гортанем своим. Psalms 113:16 Подобни им да будут творящии я и вси надеющиися на ня. Psalms 113:17 Дом Израилев упова на Господа: помощник и защититель им есть. Psalms 113:18 Дом Ааронь упова на Господа: помощник и защититель им есть. Psalms 113:19 Боящиися Господа уповаша на Господа: помощник и защититель им есть. Psalms 113:20 Господь помянув ны благословил есть нас: благословил есть дом Израилев, благословил есть дом Ааронь, Psalms 113:21 благословил есть боящыяся Господа, малыя с великими. Psalms 113:22 Да приложит Господь на вы, на вы и на сыны вашя: Psalms 113:23 благословени вы Господеви, сотворшему небо и землю. Psalms 113:24 Небо небесе Господеви, землю же даде сыновом человеческим. Psalms 113:25 Не мертвии восхвалят Тя, Господи, ниже вси низходящии во ад: Psalms 113:26 но мы живии благословим Господа отныне и до века. Psalms 114:0 Psalms 114:1 Возлюбих, яко услышит Господь глас моления моего, Psalms 114:2 яко приклони ухо Свое мне: и во дни моя призову. Psalms 114:3 Объяша мя болезни смертныя, беды адовы обретоша мя: скорбь и болезнь обретох и имя Господне призвах: Psalms 114:4 о, Господи, избави душу мою: милостив Господь и праведен и Бог наш милует. Psalms 114:5 Храняй младенцы Господь: смирихся, и спасе мя. Psalms 114:6 Обратися, душе моя, в покой твой, яко Господь благодействова тя: Psalms 114:7 яко изят душу мою от смерти, очи мои от слез и нозе мои от поползновения. Psalms 114:8 Благоугожду пред Господем во стране живых. Psalms 115:0 Psalms 115:1 Веровах, темже возглаголах: аз же смирихся зело. Psalms 115:2 Аз же рех во изступлении моем: всяк человек ложь. Psalms 115:3 Что воздам Господеви о всех, яже воздаде ми? Psalms 115:4 Чашу спасения прииму и имя Господне призову: Psalms 115:5 молитвы моя Господеви воздам пред всеми людьми Его. Psalms 115:6 Честна пред Господем смерть преподобных Его. Psalms 115:7 О, Господи, аз раб Твой, аз раб Твой и сын рабыни Твоея: растерзал еси узы моя. Psalms 115:8 Тебе пожру жертву хвалы, и во имя Господне призову. Psalms 115:9 Молитвы моя Господеви воздам пред всеми людьми Его, Psalms 115:10 во дворех дому Господня, посреде тебе, Иерусалиме. Psalms 116:0 Psalms 116:1 Хвалите Господа, вси языцы, похвалите Его, вси людие: Psalms 116:2 яко утвердися милость Его на нас, и истина Господня пребывает во век. Psalms 117:0 Psalms 117:1 Исповедайтеся Господеви, яко благ, яко в век милость Его. Psalms 117:2 Да речет убо дом Израилев: яко благ, яко в век милость Его. Psalms 117:3 Да речет убо дом Ааронь: яко благ, яко в век милость Его. Psalms 117:4 Да рекут убо вси боящиися Господа: яко благ, яко в век милость Его. Psalms 117:5 От скорби призвах Господа, и услыша мя в пространство. Psalms 117:6 Господь мне помощник, и не убоюся: что сотворит мне человек? Psalms 117:7 Господь мне помощник, и аз воззрю на враги моя. Psalms 117:8 Благо есть надеятися на Господа, нежели надеятися на человека: Psalms 117:9 благо есть уповати на Господа, нежели уповати на князи. Psalms 117:10 Вси языцы обыдоша мя, и именем Господним противляхся им: Psalms 117:11 обышедше обыдоша мя, и именем Господним противляхся им: Psalms 117:12 обыдоша мя яко пчелы сот, и разгорешася яко огнь в тернии: и именем Господним противляхся им. Psalms 117:13 Отриновен превратихся пасти, и Господь прият мя. Psalms 117:14 Крепость моя и пение мое Господь, и бысть ми во спасение. Psalms 117:15 Глас радости и спасения в селениих праведных: десница Господня сотвори силу. Psalms 117:16 Десница Господня вознесе мя, десница Господня сотвори силу. Psalms 117:17 Не умру, но жив буду и повем дела Господня. Psalms 117:18 Наказуя наказа мя Господь, смерти же не предаде мя. Psalms 117:19 Отверзите мне врата правды: вшед в ня, исповемся Господеви. Psalms 117:20 Сия врата Господня: праведнии внидут в ня. Psalms 117:21 Исповемся Тебе, яко услышал мя еси и был еси мне во спасение. Psalms 117:22 Камень, егоже небрегоша зиждущии, сей бысть во главу угла: Psalms 117:23 от Господа бысть сей, и есть дивен во очесех наших. Psalms 117:24 Сей день, егоже сотвори Господь, возрадуемся и возвеселимся в онь. Psalms 117:25 О, Господи, спаси же: о, Господи, поспеши же. Psalms 117:26 Благословен грядый во имя Господне: благословихом вы из дому Господня. Psalms 117:27 Бог Господь, и явися нам: составите праздник во учащающих до рог олтаревых. Psalms 117:28 Бог мой еси Ты, и исповемся Тебе: Бог мой еси Ты, и вознесу Тя: исповемся Тебе, яко услышал мя еси и был еси мне во спасение. Psalms 117:29 Исповедайтеся Господеви, яко благ, яко в век милость Его. Psalms 118:0 Psalms 118:1 Блажени непорочнии в путь, ходящии в законе Господни. Psalms 118:2 Блажени испытающии свидения Его, всем сердцем взыщут Его. Psalms 118:3 Не делающии бо беззакония в путех Его ходиша. Psalms 118:4 Ты заповедал еси заповеди Твоя сохранити зело: Psalms 118:5 дабы исправилися путие мои, сохранити оправдания Твоя. Psalms 118:6 Тогда не постыжуся, внегда призрети ми на вся заповеди Твоя. Psalms 118:7 Исповемся Тебе в правости сердца, внегда научитимися судбам правды Твоея. Psalms 118:8 Оправдания Твоя сохраню: не остави мене до зела. Psalms 118:9 В чесом исправит юнейший путь свой? Внегда сохранити словеса Твоя. Psalms 118:10 Всем сердцем моим взысках Тебе: не отрини мене от заповедий Твоих. Psalms 118:11 В сердцы моем скрых словеса Твоя, яко да не согрешу Тебе. Psalms 118:12 Благословен еси, Господи: научи мя оправданием Твоим. Psalms 118:13 Устнама моима возвестих вся судбы уст Твоих. Psalms 118:14 На пути свидений Твоих насладихся, яко о всяком богатстве. Psalms 118:15 В заповедех Твоих поглумлюся, и уразумею пути Твоя. Psalms 118:16 Во оправданиих Твоих поучуся: не забуду словес Твоих. Psalms 118:17 Воздаждь рабу Твоему: живи мя, и сохраню словеса Твоя. Psalms 118:18 Открый очи мои, и уразумею чудеса от закона Твоего. Psalms 118:19 Пришлец аз есмь на земли: не скрый от мене заповеди Твоя. Psalms 118:20 Возлюби душа моя возжелати судбы Твоя на всякое время. Psalms 118:21 Запретил еси гордым: прокляти уклоняющиися от заповедий Твоих. Psalms 118:22 Отими от мене понос и уничижение, яко свидений Твоих взысках. Psalms 118:23 Ибо седоша князи и на мя клеветаху, раб же Твой глумляшеся во оправданиих Твоих: Psalms 118:24 ибо свидения Твоя поучение мое есть, и совети мои оправдания Твоя. Psalms 118:25 Прильпе земли душа моя: живи мя по словеси Твоему. Psalms 118:26 Пути моя возвестих, и услышал мя еси: научи мя оправданием Твоим. Psalms 118:27 Путь оправданий Твоих вразуми ми, и поглумлюся в чудесех Твоих. Psalms 118:28 Воздрема душа моя от уныния: утверди мя в словесех Твоих. Psalms 118:29 Путь неправды отстави от мене и законом Твоим помилуй мя. Psalms 118:30 Путь истины изволих и судбы Твоя не забых. Psalms 118:31 Прилепихся свидением Твоим, Господи, не посрами мене. Psalms 118:32 Путь заповедий Твоих текох, егда разширил еси сердце мое. Psalms 118:33 Законоположи мне, Господи, путь оправданий Твоих, и взыщу и выну: Psalms 118:34 вразуми мя, и испытаю закон Твой и сохраню и всем сердцем моим. Psalms 118:35 Настави мя на стезю заповедий Твоих, яко тую восхотех. Psalms 118:36 Приклони сердце мое во свидения Твоя, а не в лихоимство. Psalms 118:37 Отврати очи мои еже не видети суеты: в пути Твоем живи мя. Psalms 118:38 Постави рабу Твоему слово Твое в страх Твой. Psalms 118:39 Отими поношение мое, еже непщевах: яко судбы Твоя благи. Psalms 118:40 Се, возжелах заповеди Твоя: в правде Твоей живи мя. Psalms 118:41 И да приидет на мя милость Твоя, Господи, спасение Твое по словеси Твоему: Psalms 118:42 и отвещаю поношающым ми слово, яко уповах на словеса Твоя. Psalms 118:43 И не отими от уст моих словесе истинна до зела, яко на судбы Твоя уповах: Psalms 118:44 и сохраню закон Твой выну, в век и в век века. Psalms 118:45 И хождах в широте, яко заповеди Твоя взысках: Psalms 118:46 и глаголах о свидениих Твоих пред цари и не стыдяхся: Psalms 118:47 и поучахся в заповедех Твоих, яже возлюбих зело: Psalms 118:48 и воздвигох руце мои к заповедем Твоим, яже возлюбих, и глумляхся во оправданиих Твоих. Psalms 118:49 Помяни словеса Твоя рабу Твоему, ихже упование дал ми еси. Psalms 118:50 То мя утеши во смирении моем, яко слово Твое живи мя. Psalms 118:51 Гордии законопреступоваху до зела: от закона же Твоего не уклонихся. Psalms 118:52 Помянух судбы Твоя от века, Господи, и утешихся. Psalms 118:53 Печаль прият мя от грешник, оставляющих закон Твой. Psalms 118:54 Пета бяху мне оправдания Твоя на месте пришелствия моего. Psalms 118:55 Помянух в нощи имя Твое, Господи, и сохраних закон Твой. Psalms 118:56 Сей бысть мне, яко оправданий Твоих взысках. Psalms 118:57 Часть моя еси, Господи: рех сохранити закон Твой. Psalms 118:58 Помолихся лицу Твоему всем сердцем моим: помилуй мя по словеси Твоему. Psalms 118:59 Помыслих пути Твоя и возвратих нозе мои во свидения Твоя. Psalms 118:60 Уготовихся и не смутихся сохранити заповеди Твоя. Psalms 118:61 Ужя грешник обязашася мне, и закона Твоего не забых. Psalms 118:62 Полунощи востах исповедатися Тебе о судбах правды Твоея. Psalms 118:63 Причастник аз есмь всем боящымся Тебе и хранящым заповеди Твоя. Psalms 118:64 Милости Твоея, Господи, исполнь земля: оправданием Твоим научи мя. Psalms 118:65 Благость сотворил еси с рабом Твоим, Господи, по словеси Твоему: Psalms 118:66 благости и наказанию и разуму научи мя, яко заповедем Твоим веровах. Psalms 118:67 Прежде даже не смиритимися, аз прегреших: сего ради слово Твое сохраних. Psalms 118:68 Благ еси Ты, Господи: и благостию Твоею научи мя оправданием Твоим. Psalms 118:69 Умножися на мя неправда гордых: аз же всем сердцем моим испытаю заповеди Твоя. Psalms 118:70 Усырися яко млеко сердце их: аз же закону Твоему поучихся. Psalms 118:71 Благо мне, яко смирил мя еси, яко да научуся оправданием Твоим. Psalms 118:72 Благ мне закон уст Твоих паче тысящ злата и сребра. Psalms 118:73 Руце Твои сотвористе мя и создасте мя: вразуми мя, и научуся заповедем Твоим. Psalms 118:74 Боящиися Тебе узрят мя и возвеселятся, яко на словеса Твоя уповах. Psalms 118:75 Разумех, Господи, яко правда судбы Твоя, и воистинну смирил мя еси. Psalms 118:76 Буди же милость Твоя, да утешит мя, по словеси Твоему рабу Твоему: Psalms 118:77 да приидут мне щедроты Твоя, и жив буду, яко закон Твой поучение мое есть: Psalms 118:78 да постыдятся гордии, яко неправедно беззаконноваша на мя: аз же поглумлюся в заповедех Твоих. Psalms 118:79 Да обратят мя боящиися Тебе и ведящии свидения Твоя. Psalms 118:80 Буди сердце мое непорочно во оправданиих Твоих, яко да не постыжуся. Psalms 118:81 Изчезает во спасение Твое душа моя, на словеса Твоя уповах: Psalms 118:82 изчезоша очи мои в слово Твое, глаголюще: когда утешиши мя? Psalms 118:83 Зане бых яко мех на слане: оправданий Твоих не забых. Psalms 118:84 Колико есть дний раба Твоего? Когда сотвориши ми от гонящих мя суд? Psalms 118:85 Поведаша мне законопреступницы глумления, но не яко закон Твой, Господи. Psalms 118:86 Вся заповеди Твоя истина: неправедно погнаша мя, помози ми. Psalms 118:87 Вмале не скончаша мене на земли: аз же не оставих заповедий Твоих. Psalms 118:88 По милости Твоей живи мя, и сохраню свидения уст Твоих. Psalms 118:89 Во век, Господи, слово Твое пребывает на небеси. Psalms 118:90 В род и род истина Твоя: основал еси землю, и пребывает. Psalms 118:91 Учинением Твоим пребывает день: яко всяческая работна Тебе. Psalms 118:92 Яко аще бы не закон Твой поучение мое был, тогда убо погибл бых во смирении моем: Psalms 118:93 во век не забуду оправданий Твоих, яко в них оживил мя еси. Psalms 118:94 Твой есмь аз, спаси мя: яко оправданий Твоих взысках. Psalms 118:95 Мене ждаша грешницы погубити мя: свидения Твоя разумех. Psalms 118:96 Всякия кончины видех конец: широка заповедь Твоя зело. Psalms 118:97 Коль возлюбих закон Твой, Господи: весь день поучение мое есть. Psalms 118:98 Паче враг моих умудрил мя еси заповедию Твоею, яко в век моя есть. Psalms 118:99 Паче всех учащих мя разумех, яко свидения Твоя поучение мое есть. Psalms 118:100 Паче старец разумех, яко заповеди Твоя взысках. Psalms 118:101 От всякаго пути лукава возбраних ногам моим, яко да сохраню словеса Твоя: Psalms 118:102 от судеб Твоих не уклонихся, яко Ты законоположил ми еси. Psalms 118:103 Коль сладка гортани моему словеса Твоя: паче меда устом моим. Psalms 118:104 От заповедий Твоих разумех: сего ради возненавидех всяк путь неправды. Psalms 118:105 Светилник ногама моима закон Твой, и свет стезям моим. Psalms 118:106 Кляхся и поставих сохранити судбы правды Твоея. Psalms 118:107 Смирихся до зела: Господи, живи мя по словеси Твоему. Psalms 118:108 Вольная уст моих благоволи же, Господи, и судбам Твоим научи мя. Psalms 118:109 Душа моя в руку Твоею выну, и закона Твоего не забых. Psalms 118:110 Положиша грешницы сеть мне: и от заповедий Твоих не заблудих. Psalms 118:111 Наследовах свидения Твоя во век, яко радование сердца моего суть: Psalms 118:112 приклоних сердце мое сотворити оправдания Твоя в век за воздаяние. Psalms 118:113 Законопреступныя возненавидех, закон же Твой возлюбих. Psalms 118:114 Помощник мой и заступник мой еси Ты: на словеса Твоя уповах. Psalms 118:115 Уклонитеся от мене, лукавнующии, и испытаю заповеди Бога моего. Psalms 118:116 Заступи мя по словеси Твоему, и жив буду: и не посрами мене от чаяния моего: Psalms 118:117 помози ми, и спасуся, и поучуся во оправданиих Твоих выну. Psalms 118:118 Уничижил еси вся отступающыя от оправданий Твоих: яко неправедно помышление их. Psalms 118:119 Преступающыя непщевах вся грешныя земли: сего ради возлюбих свидения Твоя. Psalms 118:120 Пригвозди страху Твоему плоти моя: от судеб бо Твоих убояхся. Psalms 118:121 Сотворих суд и правду: не предаждь мене обидящым мя. Psalms 118:122 Восприими раба Твоего во благо, да не оклеветают мене гордии. Psalms 118:123 Очи мои изчезосте во спасение Твое и в слово правды Твоея: Psalms 118:124 сотвори с рабом Твоим по милости Твоей, и оправданием Твоим научи мя. Psalms 118:125 Раб Твой есмь аз: вразуми мя, и увем свидения Твоя. Psalms 118:126 Время сотворити Господеви: разориша закон Твой. Psalms 118:127 Сего ради возлюбих заповеди Твоя паче злата и топазиа. Psalms 118:128 Сего ради ко всем заповедем Твоим направляхся, всяк путь неправды возненавидех. Psalms 118:129 Дивна свидения Твоя: сего ради испыта я душа моя. Psalms 118:130 Явление словес Твоих просвещает и вразумляет младенцы. Psalms 118:131 Уста моя отверзох и привлекох дух, яко заповедий Твоих желах. Psalms 118:132 Призри на мя и помилуй мя, по суду любящих имя Твое. Psalms 118:133 Стопы моя направи по словеси Твоему, и да не обладает мною всякое беззаконие: Psalms 118:134 избави мя от клеветы человеческия, и сохраню заповеди Твоя. Psalms 118:135 Лице Твое просвети на раба Твоего и научи мя оправданием Твоим. Psalms 118:136 Исходища водная изведосте очи мои, понеже не сохраних закона Твоего. Psalms 118:137 Праведен еси, Господи, и прави суди Твои: Psalms 118:138 заповедал еси правду свидения Твоя, и истину зело. Psalms 118:139 Истаяла мя есть ревность Твоя: яко забыша словеса Твоя врази мои. Psalms 118:140 Разжжено слово Твое зело, и раб Твой возлюби е. Psalms 118:141 Юнейший аз есмь и уничижен: оправданий Твоих не забых. Psalms 118:142 Правда Твоя правда во век, и закон Твой истина. Psalms 118:143 Скорби и нужди обретоша мя: заповеди Твоя поучение мое. Psalms 118:144 Правда свидения Твоя в век: вразуми мя, и жив буду. Psalms 118:145 Воззвах всем сердцем моим, услыши мя, Господи: оправдания Твоя взыщу. Psalms 118:146 Воззвах Ти, спаси мя, и сохраню свидения Твоя. Psalms 118:147 Предварих в безгодии и воззвах: на словеса Твоя уповах. Psalms 118:148 Предваристе очи мои ко утру, поучитися словесем Твоим. Psalms 118:149 Глас мой услыши, Господи, по милости Твоей: по судбе Твоей живи мя. Psalms 118:150 Приближишася гонящии мя беззаконием: от закона же Твоего удалишася. Psalms 118:151 Близ еси Ты, Господи, и вси путие Твои истина. Psalms 118:152 Исперва познах от свидений Твоих, яко в век основал я еси. Psalms 118:153 Виждь смирение мое и изми мя: яко закона Твоего не забых. Psalms 118:154 Суди суд мой и избави мя: словесе ради Твоего живи мя. Psalms 118:155 Далече от грешник спасение, яко оправданий Твоих не взыскаша. Psalms 118:156 Щедроты Твоя многи, Господи: по судбе Твоей живи мя. Psalms 118:157 Мнози изгонящии мя и стужающии ми: от свидений Твоих не уклонихся. Psalms 118:158 Видех неразумевающыя и истаях: яко словес Твоих не сохраниша. Psalms 118:159 Виждь, яко заповеди Твоя возлюбих: Господи, по милости Твоей живи мя. Psalms 118:160 Начало словес Твоих истина, и во век вся судбы правды Твоея. Psalms 118:161 Князи погнаша мя туне: и от словес Твоих убояся сердце мое. Psalms 118:162 Возрадуюся аз о словесех Твоих, яко обретаяй корысть многу. Psalms 118:163 Неправду возненавидех и омерзих: закон же Твой возлюбих. Psalms 118:164 Седмерицею днем хвалих Тя о судбах правды Твоея. Psalms 118:165 Мир мног любящым закон Твой, и несть им соблазна. Psalms 118:166 Чаях спасения Твоего, Господи, и заповеди Твоя возлюбих. Psalms 118:167 Сохрани душа моя свидения Твоя и возлюби я зело. Psalms 118:168 Сохраних заповеди Твоя и свидения Твоя, яко вси путие мои пред Тобою, Господи. Psalms 118:169 Да приближится моление мое пред Тя, Господи: по словеси Твоему вразуми мя. Psalms 118:170 Да внидет прошение мое пред Тя: Господи, по словеси Твоему избави мя. Psalms 118:171 Отрыгнут устне мои пение, егда научиши мя оправданием Твоим. Psalms 118:172 Провещает язык мой словеса Твоя, яко вся заповеди Твоя правда. Psalms 118:173 Да будет рука Твоя еже спасти мя, яко заповеди Твоя изволих. Psalms 118:174 Возжелах спасение Твое, Господи, и закон Твой поучение мое есть. Psalms 118:175 Жива будет душа моя и восхвалит Тя: и судбы Твоя помогут мне. Psalms 118:176 Заблудих яко овча погибшее: взыщи раба Твоего, яко заповедий Твоих не забых. Psalms 119:0 Psalms 119:1 Ко Господу, внегда скорбети ми, воззвах, и услыша мя. Psalms 119:2 Господи, избави душу мою от устен неправедных и от языка льстива. Psalms 119:3 Что дастся тебе, или что приложится тебе к языку льстиву? Psalms 119:4 Стрелы сильнаго изощрены, со угльми пустынными. Psalms 119:5 Увы мне, яко пришелствие мое продолжися, вселихся с селении Кидарскими: Psalms 119:6 много пришелствова душа моя: с ненавидящими мира бех мирен: Psalms 119:7 егда глаголах им, боряху мя туне. Psalms 120:0 Psalms 120:1 Возведох очи мои в горы, отнюдуже приидет помощь моя. Psalms 120:2 Помощь моя от Господа, сотворшаго небо и землю. Psalms 120:3 Не даждь во смятение ноги твоея, ниже воздремлет храняй тя: Psalms 120:4 се, не воздремлет, ниже уснет храняй Израиля. Psalms 120:5 Господь сохранит тя, Господь покров твой на руку десную твою. Psalms 120:6 Во дни солнце не ожжет тебе, ниже луна нощию. Psalms 120:7 Господь сохранит тя от всякаго зла, сохранит душу твою Господь: Psalms 120:8 Господь сохранит вхождение твое и исхождение твое, отныне и до века. Psalms 121:0 Psalms 121:1 Возвеселихся о рекших мне: в дом Господень пойдем. Psalms 121:2 Стояще бяху ноги нашя во дворех твоих, Иерусалиме. Psalms 121:3 Иерусалим зиждемый яко град, емуже причастие его вкупе. Psalms 121:4 Тамо бо взыдоша колена, колена Господня, свидение Израилево, исповедатися имени Господню: Psalms 121:5 яко тамо седоша престоли на суд, престоли в дому Давидове. Psalms 121:6 Вопросите же яже о мире Иерусалима: и обилие любящым тя. Psalms 121:7 Буди же мир в силе твоей, и обилие в столпостенах твоих. Psalms 121:8 Ради братий моих и ближних моих глаголах убо мир о тебе. Psalms 121:9 Дому ради Господа Бога нашего взысках благая тебе. Psalms 122:0 Psalms 122:1 К Тебе возведох очи мои, Живущему на небеси. Psalms 122:2 Се, яко очи раб в руку господий своих, яко очи рабыни в руку госпожи своея: тако очи наши ко Господу Богу нашему, дондеже ущедрит ны. Psalms 122:3 Помилуй нас, Господи, помилуй нас, яко помногу исполнихомся уничижения: Psalms 122:4 наипаче наполнися душа наша поношения гобзующих и уничижения гордых. Psalms 123:0 Psalms 123:1 Яко аще не Господь бы был в нас, да речет убо Израиль: Psalms 123:2 яко аще не Господь бы был в нас, внегда востати человеком на ны, убо живых пожерли быша нас: Psalms 123:3 внегда прогневатися ярости их на ны, убо вода потопила бы нас. Psalms 123:4 Поток прейде душа наша: Psalms 123:5 убо прейде душа наша воду непостоянную. Psalms 123:6 Благословен Господь, иже не даде нас в ловитву зубом их. Psalms 123:7 Душа наша яко птица избавися от сети ловящих: сеть сокрушися, и мы избавлени быхом. Psalms 123:8 Помощь наша во имя Господа, сотворшаго небо и землю. Psalms 124:0 Psalms 124:1 Надеющиися на Господа, яко гора Сион: не подвижится в век живый во Иерусалиме. Psalms 124:2 Горы окрест его, и Господь окрест людий Своих, отныне и до века. Psalms 124:3 Яко не оставит Господь жезла грешных на жребий праведных, яко да не прострут праведнии в беззакония рук своих. Psalms 124:4 Ублажи, Господи, благия и правыя сердцем. Psalms 124:5 Уклоняющыяся же в развращения отведет Господь с делающими беззаконие: мир на Израиля. Psalms 125:0 Psalms 125:1 Внегда возвратити Господу плен Сионь, быхом яко утешени. Psalms 125:2 Тогда исполнишася радости уста наша, и язык наш веселия: тогда рекут во языцех: возвеличил есть Господь сотворити с ними. Psalms 125:3 Возвеличил есть Господь сотворити с нами: быхом веселящеся. Psalms 125:4 Возврати, Господи, пленение наше, яко потоки югом. Psalms 125:5 Сеющии слезами, радостию пожнут. Psalms 125:6 Ходящии хождаху и плакахуся, метающе семена своя: грядуще же приидут радостию, вземлюще рукояти своя. Psalms 126:0 Psalms 126:1 Аще не Господь созиждет дом, всуе трудишася зиждущии: аще не Господь сохранит град, всуе бде стрегий. Psalms 126:2 Всуе вам есть утреневати: востанете по седении ядущии хлеб болезни, егда даст возлюбленным Своим сон. Psalms 126:3 Се, достояние Господне сынове, мзда плода чревняго. Psalms 126:4 Яко стрелы в руце сильнаго, тако сынове оттрясенных. Psalms 126:5 Блажен, иже исполнит желание свое от них: не постыдятся, егда глаголют врагом своим во вратех. Psalms 127:0 Psalms 127:1 Блажени вси боящиися Господа, ходящии в путех Его: Psalms 127:2 труды плодов твоих снеси: блажен еси, и добро тебе будет. Psalms 127:3 Жена твоя яко лоза плодовита в странах дому твоего: Psalms 127:4 сынове твои яко новосаждения масличная окрест трапезы твоея. Psalms 127:5 Се, тако благословится человек бояйся Господа. Psalms 127:6 Благословит тя Господь от Сиона, и узриши благая Иерусалима вся дни живота твоего, и узриши сыны сынов твоих: мир на Израиля. Psalms 128:0 Psalms 128:1 Множицею брашася со мною от юности моея, да речет убо Израиль: Psalms 128:2 множицею брашася со мною от юности моея, ибо не премогоша мя. Psalms 128:3 На хребте моем делаша грешницы, продолжиша беззаконие свое. Psalms 128:4 Господь праведен ссече выя грешников. Psalms 128:5 Да постыдятся и возвратятся вспять вси ненавидящии Сиона: Psalms 128:6 да будут яко трава на здех, яже прежде восторжения изсше: Psalms 128:7 еюже не исполни руки своея жняй, и недра своего рукояти собираяй: Psalms 128:8 и не реша мимоходящии: благословение Господне на вы, благословихом вы во имя Господне. Psalms 129:0 Psalms 129:1 Из глубины воззвах к Тебе, Господи: Господи, услыши глас мой. Psalms 129:2 Да будут уши Твои внемлюще гласу моления моего. Psalms 129:3 Аще беззакония назриши, Господи, Господи, кто постоит? Яко у Тебе очищение есть. Psalms 129:4 Имене ради Твоего потерпех Тя, Господи, потерпе душа моя в слово Твое: упова душа моя на Господа. Psalms 129:5 От стражи утренния до нощи, от стражи утренния да уповает Израиль на Господа: Psalms 129:6 яко у Господа милость, и многое у Него избавление: и Той избавит Израиля от всех беззаконий его. Psalms 130:0 Psalms 130:1 Господи, не вознесеся сердце мое, ниже вознесостеся очи мои: ниже ходих в великих, ниже в дивных паче мене. Psalms 130:2 Аще не смиреномудрствовах, но вознесох душу мою, яко отдоеное на матерь свою, тако воздаси на душу мою. Psalms 130:3 Да уповает Израиль на Господа отныне и до века. Psalms 131:0 Psalms 131:1 Помяни, Господи, Давида и всю кротость его: Psalms 131:2 яко клятся Господеви, обещася Богу Иаковлю: Psalms 131:3 аще вниду в селение дому моего, или взыду на одр постели моея: Psalms 131:4 аще дам сон очима моима, и веждома моима дремание, и покой скраниама моима: Psalms 131:5 дондеже обрящу место Господеви, селение Богу Иаковлю. Psalms 131:6 Се, слышахом я во Евфрафе, обретохом я в полях Дубравы: Psalms 131:7 внидем в селения Его, поклонимся на место, идеже стоясте нозе Его. Psalms 131:8 Воскресени, Господи, в покой Твой, Ты и кивот святыни Твоея. Psalms 131:9 Священницы Твои облекутся правдою, и преподобнии Твои возрадуются. Psalms 131:10 Давида ради раба Твоего, не отврати лице помазаннаго Твоего. Psalms 131:11 Клятся Господь Давиду истиною, и не отвержется ея: от плода чрева твоего посажду на престоле твоем. Psalms 131:12 Аще сохранят сынове твои завет Мой и свидения Моя сия, имже научу я, и сынове их до века сядут на престоле твоем. Psalms 131:13 Яко избра Господь Сиона, изволи и в жилище Себе. Psalms 131:14 Сей покой Мой во век века, зде вселюся, яко изволих и. Psalms 131:15 Ловитву его благословляяй благословлю, нищыя его насыщу хлебы: Psalms 131:16 священники его облеку во спасение, и преподобнии его радостию возрадуются. Psalms 131:17 Тамо возращу рог Давидови, уготовах светилник помазанному Моему. Psalms 131:18 Враги его облеку студом, на немже процветет святыня моя. Psalms 132:0 Psalms 132:1 Се, что добро, или что красно, но еже жити братии вкупе? Psalms 132:2 Яко миро на главе, сходящее на браду, браду Аароню, сходящее на ометы одежды его: Psalms 132:3 яко роса Аермонская сходящая на горы Сионския: яко тамо заповеда Господь благословение и живот до века. Psalms 133:0 Psalms 133:1 Се, ныне благословите Господа, вси раби Господни, стоящии в храме Господни, во дворех дому Бога нашего. Psalms 133:2 В нощех воздежите руки вашя во святая и благословите Господа. Psalms 133:3 Благословит тя Господь от Сиона, сотворивый небо и землю. Psalms 134:0 Psalms 134:1 Хвалите имя Господне, хвалите, раби Господа, Psalms 134:2 стоящии во храме Господни, во дворех дому Бога нашего. Psalms 134:3 Хвалите Господа, яко благ Господь: пойте имени Его, яко добро: Psalms 134:4 яко Иакова избра Себе Господь, Израиля в достояние Себе: Psalms 134:5 яко аз познах, яко велий Господь, и Господь наш над всеми боги: Psalms 134:6 вся, елика восхоте Господь, сотвори на небеси и на земли, в морях и во всех безднах. Psalms 134:7 Возводя облаки от последних земли, молнии в дождь сотвори, изводяй ветры от сокровищ Своих. Psalms 134:8 Иже порази первенцы Египетския от человека до скота: Psalms 134:9 посла знамения и чудеса посреде тебе, Египте, на фараона и на вся рабы его. Psalms 134:10 Иже порази языки многи и изби цари крепки: Psalms 134:11 Сиона царя Аморрейска и Ога царя Васанска, и вся царствия Ханаанска: Psalms 134:12 и даде землю их достояние, достояние Израилю людем Своим. Psalms 134:13 Господи, имя Твое в век, и память Твоя в род и род: Psalms 134:14 яко судити имать Господь людем Своим, и о рабех Своих умолится. Psalms 134:15 Идоли язык сребро и злато, дела рук человеческих: Psalms 134:16 уста имут, и не возглаголют: очи имут, и не узрят: Psalms 134:17 уши имут, и не услышат: ниже бо есть дух во устех их. Psalms 134:18 Подобни им да будут творящии я и вси надеющиися на ня. Psalms 134:19 Доме Израилев, благословите Господа: доме Ааронь, благословите Господа: доме Левиин, благословите Господа: Psalms 134:20 боящиися Господа, благословите Господа. Psalms 134:21 Благословен Господь от Сиона, живый во Иерусалиме. Psalms 135:0 Psalms 135:1 Исповедайтеся Господеви, яко благ: яко в век милость Его. Psalms 135:2 Исповедайтеся Богу богов: яко в век милость Его. Psalms 135:3 Исповедайтеся Господеви господей: яко в век милость Его. Psalms 135:4 Сотворшему чудеса велия единому: яко в век милость Его. Psalms 135:5 Сотворшему небеса разумом: яко в век милость Его. Psalms 135:6 Утвердившему землю на водах: яко в век милость Его. Psalms 135:7 Сотворшему светила велия единому: яко в век милость Его: Psalms 135:8 солнце во область дне: яко в век милость Его: Psalms 135:9 луну и звезды во область нощи: яко в век милость Его. Psalms 135:10 Поразившему Египта с первенцы его: яко в век милость Его: Psalms 135:11 и изведшему Израиля от среды их: яко в век милость Его: Psalms 135:12 рукою крепкою и мышцею высокою: яко в век милость Его. Psalms 135:13 Раздельшему Чермное море в разделения: яко в век милость Его: Psalms 135:14 и проведшему Израиля посреде его: яко в век милость Его: Psalms 135:15 и истрясшему фараона и силу его в море Чермное: яко в век милость Его. Psalms 135:16 Проведшему люди Своя в пустыни: яко в век милость Его. Psalms 135:17 Поразившему цари велия: яко в век милость Его. Psalms 135:18 И убившему цари крепкия: яко в век милость Его: Psalms 135:19 Сиона царя Аморрейска: яко в век милость Его: Psalms 135:20 и Ога царя Васанска: яко в век милость Его. Psalms 135:21 И давшему землю их достояние: яко в век милость Его: Psalms 135:22 достояние Израилю рабу Своему: яко в век милость Его. Psalms 135:23 Яко во смирении нашем помяну ны Господь: яко в век милость Его. Psalms 135:24 И избавил ны есть от врагов наших: яко в век милость Его: Psalms 135:25 даяй пищу всякой плоти: яко в век милость Его. Psalms 135:26 Исповедайтеся Богу небесному: яко в век милость Его. Psalms 136:0 Psalms 136:1 На реках Вавилонских, тамо седохом и плакахом, внегда помянути нам Сиона: Psalms 136:2 на вербиих посреде его обесихом органы нашя. Psalms 136:3 Яко тамо вопросиша ны пленшии нас о словесех песней, и ведшии нас о пении: воспойте нам от песней Сионских. Psalms 136:4 Како воспоем песнь Господню на земли чуждей? Psalms 136:5 Аще забуду тебе, Иерусалиме, забвена буди десница моя. Psalms 136:6 Прильпни язык мой гортани моему, аще не помяну тебе, аще не предложу Иерусалима, яко в начале веселия моего. Psalms 136:7 Помяни, Господи, сыны Едомския в день Иерусалимль глаголющыя: истощайте, истощайте до оснований его. Psalms 136:8 Дщи Вавилоня окаянная, блажен, иже воздаст тебе воздаяние твое, еже воздала еси нам: Psalms 136:9 блажен, иже имет и разбиет младенцы твоя о камень. Psalms 137:0 Psalms 137:1 Исповемся Тебе, Господи, всем сердцем моим, и пред ангелы воспою Тебе, яко услышал еси вся глаголы уст моих: Psalms 137:2 поклонюся ко храму святому Твоему и исповемся имени Твоему о милости Твоей и истине Твоей, яко возвеличил еси над всем имя Твое святое. Psalms 137:3 В оньже аще день призову Тя, скоро услыши мя: умножиши мя в души моей силою Твоею. Psalms 137:4 Да исповедятся Тебе, Господи, вси царие земстии, яко услышаша вся глаголголы уст Твоих: Psalms 137:5 и да воспоют в путех Господних, яко велия слава Господня: Psalms 137:6 яко высок Господь, и смиренныя призирает, и высокая издалеча весть. Psalms 137:7 Аще пойду посреде скорби, живиши мя: на гнев враг моих простерл еси руку Твою, и спасе мя десница Твоя. Psalms 137:8 Господь воздаст за мя: Господи, милость Твоя во век: дел руку Твоею не презри. Psalms 138:0 Psalms 138:1 Господи, искусил мя еси и познал мя еси: ты познал еси седание мое и востание мое. Psalms 138:2 Ты разумел еси помышления моя издалеча: Psalms 138:3 стезю мою и уже мое Ты еси изследовал и вся пути моя провидел еси. Psalms 138:4 Яко несть льсти в языце моем: се, Господи, Ты познал еси Psalms 138:5 вся последняя и древняя: Ты создал еси мя и положил еси на мне руку Твою. Psalms 138:6 Удивися разум Твой от мене, утвердися, не возмогу к нему. Psalms 138:7 Камо пойду от Духа Твоего? И от лица Твоего камо бежу? Psalms 138:8 Аще взыду на небо, Ты тамо еси: аще сниду во ад, тамо еси. Psalms 138:9 Аще возму криле мои рано и вселюся в последних моря, Psalms 138:10 и тамо бо рука Твоя наставит мя, и удержит мя десница Твоя. Psalms 138:11 И рех: еда тма поперет мя? И нощь просвещение в сладости моей. Psalms 138:12 Яко тма не помрачится от Тебе, и нощь яко день просветится: яко тма ея, тако и свет ея. Psalms 138:13 Яко Ты создал еси утробы моя, восприял мя еси из чрева матере моея. Psalms 138:14 Исповемся Тебе, яко страшно удивился еси: чудна дела Твоя, и душа моя знает зело. Psalms 138:15 Не утаися кость моя от Тебе, юже сотворил еси в тайне, и состав мой в преисподних земли. Psalms 138:16 Несоделанное мое видесте очи Твои, и в книзе Твоей вси напишутся: во днех созиждутся, и никтоже в них. Psalms 138:17 Мне же зело честни быша друзи Твои, Боже, зело утвердишася владычествия их: Psalms 138:18 изочту их, и паче песка умножатся: востах, и еще есмь с Тобою. Psalms 138:19 Аще избиеши грешники, Боже: мужие кровей, уклонитеся от мене. Psalms 138:20 Яко ревниви есте в помышлениих, приимут в суету грады Твоя. Psalms 138:21 Не ненавидящыя ли Тя, Господи, возненавидех, и о вразех Твоих истаях? Psalms 138:22 Совершенною ненавистию возненавидех я: во враги быша ми. Psalms 138:23 Искуси мя, Боже, и увеждь сердце мое: истяжи мя и разумей стези моя: Psalms 138:24 и виждь, аще путь беззакония во мне, и настави мя на путь вечен. Psalms 139:0 Psalms 139:1 Изми мя, Господи, от человека лукава, от мужа неправедна избави мя: Psalms 139:2 иже помыслиша неправду в сердцы, весь день ополчаху брани: Psalms 139:3 изостриша язык свой яко змиин: яд аспидов под устнами их. Psalms 139:4 Сохрани мя, Господи, из руки грешничи, от человек неправедных изми мя, иже помыслиша запяти стопы моя. Psalms 139:5 Скрыша гордии сеть мне и ужы, препяша сеть ногама моима: Psalms 139:6 при стези соблазны положиша ми. Psalms 139:7 Рех Господеви: Бог мой еси Ты, внуши, Господи, глас моления моего. Psalms 139:8 Господи, Господи, сило спасения моего, осенил еси над главою моею в день брани. Psalms 139:9 Не предаждь мене, Господи, от желания моего грешнику: помыслиша на мя, не остави мене, да не когда вознесутся. Psalms 139:10 Глава окружения их, труд устен их покрыет я. Psalms 139:11 Падут на них углия огненная, низложиши я во страстех, и не постоят. Psalms 139:12 Муж язычен не исправится на земли: мужа неправедна злая уловят во истление. Psalms 139:13 Познах, яко сотворит Господь суд нищым и месть убогим. Psalms 139:14 Обаче праведнии исповедятся имени Твоему, и вселятся правии с лицем Твоим. Psalms 140:0 Psalms 140:1 Господи, воззвах к Тебе, услыши мя: вонми гласу моления моего, внегда воззвати ми к Тебе. Psalms 140:2 Да исправится молитва моя яко кадило пред Тобою: воздеяние руку моею, жертва вечерняя. Psalms 140:3 Положи, Господи, хранение устом моим и дверь ограждения о устнах моих. Psalms 140:4 Не уклони сердце мое в словеса лукавствия, непщевати вины о гресех с человеки делающими беззаконие: и не сочтуся со избранными их. Psalms 140:5 Накажет мя праведник милостию и обличит мя, елей же грешнаго да не намастит главы моея: яко еще и молитва моя во благоволениих их. Psalms 140:6 Пожерты быша при камени судии их: услышатся глаголи мои, яко возмогоша. Psalms 140:7 Яко толща земли проседеся на земли, расточишася кости их при аде. Psalms 140:8 Яко к Тебе, Господи, Господи, очи мои: на Тя уповах, не отими душу мою: Psalms 140:9 сохрани мя от сети, юже составиша ми, и от соблазн делающих беззаконие. Psalms 140:10 Падут во мрежу свою грешницы: един есмь аз, дондеже прейду. Psalms 141:0 Psalms 141:1 Разума Давиду, внегда быти ему в вертепе молящемуся. Psalms 141:2 Гласом моим ко Господу воззвах, гласом моим ко Господу помолихся. Psalms 141:3 Пролию пред Ним моление мое, печаль мою пред ним возвещу. Psalms 141:4 Внегда изчезати от мене духу моему, и ты познал еси стези моя: на пути сем, по немуже хождах, скрыша сеть мне. Psalms 141:5 Сматрях одесную и возглядах, и не бе знаяй мене: погибе бегство от мене, и несть взыскаяй душу мою. Psalms 141:6 Воззвах к Тебе, Господи, рех: Ты еси упование мое, часть моя еси на земли живых. Psalms 141:7 Вонми молению моему, яко смирихся зело: избави мя от гонящих мя, яко укрепишася паче мене. Изведи из темницы душу мою, исповедатися имени Твоему: мене ждут праведницы, дондеже воздаси мне. Psalms 142:0 Psalms 142:1 Господи, услыши молитву мою, внуши моление мое во истине Твоей, услыши мя в правде Твоей: Psalms 142:2 и не вниди в суд с рабом Твоим, яко не оправдится пред Тобою всяк живый. Psalms 142:3 Яко погна враг душу мою: смирил есть в землю живот мой: посадил мя есть в темных, яко мертвыя века. Psalms 142:4 И уны во мне дух мой, во мне смятеся сердце мое. Psalms 142:5 Помянух дни древния, поучихся во всех делех Твоих, в творениих руку Твоею поучахся. Psalms 142:6 Воздех к Тебе руце мои: душа моя яко земля безводная Тебе. Psalms 142:7 Скоро услыши мя, Господи, изчезе дух мой: не отврати лица Твоего от мене, и уподоблюся низходящым в ров. Psalms 142:8 Слышану сотвори мне заутра милость Твою, яко на Тя уповах: скажи мне, Господи, путь, в оньже пойду, яко к Тебе взях душу мою. Psalms 142:9 Изми мя от враг моих, Господи, к Тебе прибегох. Psalms 142:10 Научи мя творити волю Твою, яко Ты еси Бог мой: Дух Твой благий наставит мя на землю праву. Psalms 142:11 Имене Твоего ради, Господи, живиши мя правдою Твоею: изведеши от печали душу мою: Psalms 142:12 и милостию Твоею потребиши враги моя и погубиши вся стужающыя души моей: яко аз раб Твой есмь. Psalms 143:0 Psalms 143:1 Благословен Господь Бог мой, научаяй руце мои на ополчение, персты моя на брань. Psalms 143:2 Милость моя и прибежище мое, заступник мой и Избавитель мой, защититель мой, и на Него уповах: повинуяй люди моя под мя. Psalms 143:3 Господи, что есть человек, яко познался еси ему? Или сын человечь, яко вменяеши его? Psalms 143:4 Человек суете уподобися: дние его яко сень преходят. Psalms 143:5 Господи, преклони небеса, и сниди: коснися горам, и воздымятся: Psalms 143:6 блесни молнию, и разженеши я: посли стрелы Твоя, и смятеши я. Psalms 143:7 Посли руку Твою с высоты, изми мя и избави мя от вод многих, из руки сынов чуждих, Psalms 143:8 ихже уста глаголаша суету, и десница их десница неправды. Psalms 143:9 Боже, песнь нову воспою Тебе, во псалтири десятоструннем пою Тебе: Psalms 143:10 дающему спасение царем, избавляющему Давида раба Своего от меча люта. Psalms 143:11 Избави мя и изми мя из руки сынов чуждих, ихже уста глаголаша суету, и десница их десница неправды: Psalms 143:12 ихже сынове их яко новосаждения водруженая в юности своей, дщери их удобрены, преукрашены яко подобие храма: Psalms 143:13 хранилища их исполнена, отрыгающая от сего в сие: овцы их многоплодны, множащыяся во исходищих своих: волове их толсти: Psalms 143:14 несть падения оплоту, ниже прохода, ниже вопля в стогнах их. Psalms 143:15 Ублажиша люди, имже сия суть: блажени людие, имже Господь Бог их. Psalms 144:0 Psalms 144:1 Вознесу Тя, Боже мой, Царю мой, и благословлю имя Твое в век и в век века. Psalms 144:2 На всяк день благословлю Тя, и восхвалю имя Твое в век и в век века. Psalms 144:3 Велий Господь и хвален зело, и величию Его несть конца. Psalms 144:4 Род и род восхвалят дела Твоя и силу Твою возвестят: Psalms 144:5 великолепие славы святыни Твоея возглаголют и чудеса Твоя поведят: Psalms 144:6 и силу страшных Твоих рекут и величие Твое поведят: Psalms 144:7 память множества благости Твоея отрыгнут и правдою Твоею возрадуются. Psalms 144:8 Щедр и милостив Господь, долготерпелив и многомилостив. Psalms 144:9 Благ Господь всяческим, и щедроты Его на всех делех Его. Psalms 144:10 Да исповедятся Тебе, Господи, вся дела Твоя, и преподобнии Твои да благословят Тя: Psalms 144:11 славу царствия Твоего рекут и силу Твою возглаголют, Psalms 144:12 сказати сыновом человеческим силу Твою и славу великолепия царствия Твоего. Psalms 144:13 Царство Твое царство всех веков, и владычество Твое во всяком роде и роде: верен Господь во всех словесех Своих и преподобен во всех делех Своих. Psalms 144:14 Утверждает Господь вся низпадающыя и возставляет вся низверженныя. Psalms 144:15 Очи всех на Тя уповают, и Ты даеши им пищу во благовремении: Psalms 144:16 отверзаеши ты руку Твою и исполняеши всякое животно благоволения. Psalms 144:17 Праведен Господь во всех путех Своих и преподобен во всех делех Своих. Psalms 144:18 Близ Господь всем призывающым Его, всем призывающым Его во истине: Psalms 144:19 волю боящихся Его сотворит, и молитву их услышит, и спасет я. Psalms 144:20 Хранит Господь вся любящыя Его, и вся грешники потребит. Psalms 144:21 Хвалу Господню возглаголют уста моя: и да благословит всяка плоть имя святое Его в век и в век века. Psalms 145:0 Psalms 145:1 Хвали, душе моя, Господа: Psalms 145:2 восхвалю Господа в животе моем, пою Богу моему, дондеже есмь. Psalms 145:3 Не надейтеся на князи, на сыны человеческия, в нихже несть спасения. Psalms 145:4 Изыдет дух его, и возвратится в землю свою: в той день погибнут вся помышления его. Psalms 145:5 Блажен, емуже Бог Иаковль помощник его, упование его на Господа Бога своего, Psalms 145:6 сотворшаго небо и землю, море, и вся, яже в них: хранящаго истину в век, Psalms 145:7 творящаго суд обидимым, дающаго пищу алчущым. Господь решит окованныя: Psalms 145:8 Господь умудряет слепцы: Господь возводит низверженныя: Господь любит праведники. Psalms 145:9 Господь хранит пришелцы, сира и вдову приимет, и путь грешных погубит. Psalms 145:10 Воцарится Господь во век, Бог твой, Сионе, в род и род. Psalms 146:0 Psalms 146:1 Хвалите Господа, яко благ псалом: Богови нашему да усладится хваление. Psalms 146:2 Зиждай Иерусалима Господь: разсеяния Израилева соберет: Psalms 146:3 изцеляяй сокрушенныя сердцем и обязуяй сокрушения их: Psalms 146:4 изчитаяй множество звезд, и всем им имена нарицаяй. Psalms 146:5 Велий Господь наш, и велия крепость Его, и разума Его несть числа. Psalms 146:6 Приемляй кроткия Господь, смиряяй же грешники до земли. Psalms 146:7 Начните Господеви во исповедании, пойте Богови нашему в гуслех: Psalms 146:8 одевающему небо облаки, уготовляющему земли дождь: прозябающему на горах траву и злак на службу человеком: Psalms 146:9 дающему скотом пищу их, и птенцем врановым призывающым Его. Psalms 146:10 Не в силе констей восхощет, ниже в лыстех мужеских благоволит: Psalms 146:11 благоволит Господь в боящихся Его и во уповающих на милость Его. Psalms 147:0 Psalms 147:1 Похвали, Иерусалиме, Господа, хвали Бога твоего, Сионе: Psalms 147:2 яко укрепи вереи врат твоих, благослови сыны твоя в тебе. Psalms 147:3 Полагаяй пределы твоя мир, и тука пшенична насыщаяй тя: Psalms 147:4 посылаяй слово Свое земли, до скорости течет слово Его, Psalms 147:5 дающаго снег свой яко волну, мглу яко пепел посыпающаго, Psalms 147:6 метающаго голоть Свой яко хлебы: противу лица мраза Его кто постоит? Psalms 147:7 Послет слово Свое, и истает я: дхнет дух Его, и потекут воды. Psalms 147:8 Возвещаяй слово Свое Иакову, оправдания и судбы Своя Израилеви: Psalms 147:9 не сотвори тако всякому языку, и судбы Своя не яви им. Psalms 148:0 Psalms 148:1 Хвалите Господа с небес, хвалите Его в вышних. Psalms 148:2 Хвалите Его вси Ангели Его: хвалите Его, вся силы Его. Psalms 148:3 Хвалите Его, солнце и луна: хвалите Его вся звезды и свет. Psalms 148:4 Хвалите Его, небеса небес и вода, яже превыше небес. Psalms 148:5 Да восхвалят имя Господне: яко Той рече, и быша: Той повеле, и создашася. Psalms 148:6 Постави я в век и в век века: повеление положи, и не мимо идет. Psalms 148:7 Хвалите Господа от земли, змиеве и вся бездны: Psalms 148:8 огнь, град, снег, голоть, дух бурен, творящая слово Его: Psalms 148:9 горы и вси холми, древа плодоносна и вси кедри: Psalms 148:10 зверие и вси скоти, гади и птицы пернаты: Psalms 148:11 царие земстии и вси людие, князи и вси судии земстии: Psalms 148:12 юноши и девы, старцы с юнотами. Psalms 148:13 Да восхвалят имя Господне: яко вознесеся имя Того единаго, исповедание Его на земли и на небеси. Psalms 148:14 И вознесет рог людий Своих: песнь всем преподобным Его, сыновом Израилевым, людем приближающымся Ему. Psalms 149:0 Psalms 149:1 Воспойте Господеви песнь нову: хваление Его в церкви преподобных. Psalms 149:2 Да возвеселится Израиль о сотворшем его, и сынове Сиони возрадуются о Цари своем. Psalms 149:3 Да восхвалят имя Его в лице, в тимпане и псалтири да поют Ему. Psalms 149:4 Яко благоволит Господь в людех Своих, и вознесет кроткия во спасение. Psalms 149:5 Восхвалятся преподобнии во славе и возрадуются на ложах своих. Psalms 149:6 Возношения Божия в гортани их, и мечи обоюду остры в руках их: Psalms 149:7 сотворити отмщение во языцех, обличения в людех: Psalms 149:8 связати цари их путы, и славныя их ручными оковы железными: Psalms 149:9 сотворити в них суд написан. Слава сия будет всем преподобным Его. Psalms 150:0 Psalms 150:1 Хвалите Бога во святых Его, хвалите Его во утвержении силы Его: Psalms 150:2 хвалите Его на силах Его, хвалите Его по множеству величествия Его: Psalms 150:3 хвалите Его во гласе трубнем, хвалите Его во псалтири и гуслех: Psalms 150:4 хвалите Его в тимпане и лице, хвалите Его во струнах и органе: Psalms 150:5 хвалите Его в кимвалех доброгласных, хвалите Его в кимвалех восклицания. Psalms 150:6 Всякое дыхание да хвалит Господа. Псалом особь писан, Давидов, и вне числа 150 псалмов, внегда единоборствоваше на Голиафа. Psalms 151:0 Psalms 151:1 Мал бех в братии моей и юнший в дому отца моего: пасох овцы отца моего. Psalms 151:2 Руце мои сотвористе орган, и персты мои составиша псалтирь. Psalms 151:3 И кто возвестит Господеви моему? Сам Господь, Сам услышит: Psalms 151:4 Сам посла ангела Своего, и взят мя от овец отца моего, и помаза мя елеем помазания Своего. Psalms 151:5 Братия моя добри и велицы: и не благоволи в них Господь. Psalms 151:6 Изыдох в сретение иноплеменнику, и проклят мя идолы своими. Psalms 151:7 Аз же исторгнув мечь от него, обезглавих его и отях поношение от сынов Израилевых.
Proverbs 0:0
Притчи Proverbs 1:0 Proverbs 1:1 Притчи Соломона сына Давидова, иже царствова во Израили, Proverbs 1:2 познати премудрость и наказание и уразумети словеса мудрости, Proverbs 1:3 прияти же извития словес и разрешения гаданий, уразумети же правду истинную и суд исправляти: Proverbs 1:4 да даст незлобивым коварство, отрочати же юну чувство же и смысл. Proverbs 1:5 Сих бо послушав, мудрый премудрее будет, а разумный строителство стяжет: Proverbs 1:6 уразумеет же притчу и темное слово, речения же премудрых и гадания. Proverbs 1:7 Начало премудрости страх Господень, разум же благ всем творящым его: благочестие же в Бога начало чувства, премудрость же и наказание нечестивии уничижат. Proverbs 1:8 Слыши, сыне, наказание отца твоего и не отрини заветов матере твоея: Proverbs 1:9 венец бо благодатей приимеши на твоем версе и гривну злату о твоей выи. Proverbs 1:10 Сыне, да не прельстят тебе мужие нечестивии, ниже да восхощеши, Proverbs 1:11 аще помолят тя, глаголюще: иди с нами, приобщися крове, скрыем же в землю мужа праведна неправедно: Proverbs 1:12 пожрем же его якоже ад жива, и возмем память его от земли, Proverbs 1:13 стяжание его многоценное приимем, исполним же домы нашя корыстей: Proverbs 1:14 жребий же твой положи с нами: обще же влагалище стяжем вси, и мешец един да будет всем нам. Proverbs 1:15 Не иди в путь с ними: уклони же ногу твою от стезь их: Proverbs 1:16 нозе бо их на зло текут, и скори суть излияти кровь. Proverbs 1:17 Не без правды бо простираются мрежи пернатым: Proverbs 1:18 тии бо убийству приобщающеся, сокровищствуют себе злая: разрушение же мужей законопреступных зло. Proverbs 1:19 Сии путие суть всех творящих беззаконная: нечестием бо свою душу отемлют. Proverbs 1:20 Премудрость во исходех поется, в стогнах же дерзновение водит, Proverbs 1:21 на краех же стен проповедуется, у врат же сильных приседит, во вратех же града дерзающи глаголет: Proverbs 1:22 елико убо время незлобивии держатся правды, не постыдятся: безумнии же досады суще желателие, нечестивии бывше, возненавидеша чувство Proverbs 1:23 и повинни быша обличением. Се, предложу вам моего дыхания речение, научу же вас моему словеси. Proverbs 1:24 Понеже звах, и не послушасте, и простирах словеса, и не внимасте, Proverbs 1:25 но отметасте моя советы и моим обличением не внимасте: Proverbs 1:26 убо и аз вашей погибели посмеюся, порадуюся же, егда приидет вам пагуба, Proverbs 1:27 и егда приидет на вы внезапу мятеж, низвращение же подобно бури приидет, или егда приидет вам печаль и градоразорение, или егда найдет на вы пагуба. Proverbs 1:28 Будет бо егда призовете мя, аз же не послушаю вас: взыщут мене злии и не обрящут. Proverbs 1:29 Возненавидеша бо премудрость, словесе же Господня не прияша: Proverbs 1:30 ниже хотеша внимати моим советом, ругахуся же моим обличением. Proverbs 1:31 Темже снедят своих путий плоды и своего нечестия насытятся: Proverbs 1:32 ибо, зане обидеша младенцев, убиени будут, и истязание нечестивыя погубит. Proverbs 1:33 Мене же слушаяй вселится на уповании и почиет без страха от всякаго зла. Proverbs 2:0 Proverbs 2:1 Сыне, аще приим глагол моея заповеди, скрыеши в себе, Proverbs 2:2 послушает премудрости твое ухо, и приложиши сердце твое к разуму: приложиши же е в наказание сыну твоему. Proverbs 2:3 Аще бо премудрость призовеши и разуму даси глас твой, чувство же взыщеши великим гласом, Proverbs 2:4 и аще взыщеши ея яко сребра, и якоже сокровища испытаеши ю: Proverbs 2:5 тогда уразумееши страх Господень и познание Божие обрящеши: Proverbs 2:6 яко Господь дает премудрость, и от лица Его познание и разум: Proverbs 2:7 и сокровищствует исправляющым спасение, защищает же шествие их, Proverbs 2:8 еже сохранити пути оправданий, и путь благоговеинствующих Его сохранит. Proverbs 2:9 Тогда уразумееши правду и суд и исправиши вся стези благия. Proverbs 2:10 Аще бо приидет премудрость в твою мысль, чувство же твоей души добро быти возмнится. Proverbs 2:11 Совет добр сохранит тя, помышление же преподобное соблюдет тя, Proverbs 2:12 да избавит тя от пути злаго и от мужа, глаголюща ничтоже верно. Proverbs 2:13 О, оставившии пути правыя, еже ходити в путех тмы! Proverbs 2:14 О, веселящиися о злых и радующиися о развращении злем! Proverbs 2:15 Ихже стези стропотны, и крива течения их, еже далече тя сотворити от пути права, Proverbs 2:16 и чужда от праведнаго разума. Сыне, да тя не постигнет совет злый, Proverbs 2:17 оставляяй учение юности, и завета Божественнаго забывый: Proverbs 2:18 постави бо при смерти дом свой и при аде с земными деяния своя. Proverbs 2:19 Вси ходящии по нему не возвратятся, ниже постигнут стезь правых: ни бо достигнут лет жизни. Proverbs 2:20 Аще бо быша ходили в стези благия, обрели убо быша стези правы гладки: блази будут жителие на земли, незлобивии же останут на ней: Proverbs 2:21 яко правии вселятся на земли, и преподобнии останут на ней. Proverbs 2:22 Путие нечестивых от земли погибнут, пребеззаконнии же изринутся от нея. Proverbs 3:0 Proverbs 3:1 Сыне, моих законов не забывай, глаголы же моя да соблюдает твое сердце: Proverbs 3:2 долготу бо жития и лета жизни и мир приложат тебе. Proverbs 3:3 Милостыни и вера да не оскудевают тебе: обложи же я на твоей выи и напиши я на скрижали сердца твоего: и обрящеши благодать. Proverbs 3:4 И промышляй добрая пред Господем (Богом) и человеки. Proverbs 3:5 Буди уповая всем сердцем на Бога, о твоей же премудрости не возносися: Proverbs 3:6 во всех путех твоих познавай ю, да исправляет пути твоя. Proverbs 3:7 Не буди мудр о себе: бойся же Бога и уклоняйся от всякаго зла: Proverbs 3:8 тогда изцеление будет телу твоему и уврачевание костем твоим. Proverbs 3:9 Чти Господа от праведных твоих трудов и начатки давай ему от твоих плодов правды: Proverbs 3:10 да исполнятся житницы твоя множеством пшеницы, вино же точила твоя да источают. Proverbs 3:11 Сыне, не пренебрегай наказания Господня, ниже ослабевай от Него обличаемь: Proverbs 3:12 егоже бо любит Господь, наказует, биет же всякаго сына, егоже приемлет. Proverbs 3:13 Блажен человек, иже обрете премудрость, и смертен, иже уведе разум. Proverbs 3:14 Лучше бо сию куповати, нежели злата и сребра сокровища: Proverbs 3:15 честнейша же есть камений многоценных: не сопротивляется ей ничтоже лукаво, благознатна есть всем приближающымся ей: всяко же честное недостойно ея есть. Proverbs 3:16 Долгота бо жития и лета жизни в деснице ея, в шуйце же ея богатство и слава: от уст ея исходит правда, закон же и милость на языце носит. Proverbs 3:17 Путие ея путие добри, и вся стези ея мирны. Proverbs 3:18 Древо живота есть всем держащымся ея, и воскланяющымся на ню, яко на Господа, тверда. Proverbs 3:19 Бог премудростию основа землю, уготова же небеса разумом: Proverbs 3:20 в чувстве Его бездны разверзошася, облацы же источиша росу. Proverbs 3:21 Сыне, да не преминеши, соблюди же мой совет и мысль: Proverbs 3:22 да жива будет душа твоя, и благодать будет на твоей выи: (будет же изцеление плотем твоим и уврачевание костем твоим:) Proverbs 3:23 да ходиши надеяся в мире во всех путех твоих, нога же твоя не поткнется. Proverbs 3:24 Аще бо сядеши, безбоязнен будеши, аще же поспиши, сладостно поспиши. Proverbs 3:25 И не убоишися страха нашедшаго, ниже устремления нечестивых находящаго: Proverbs 3:26 Господь бо будет на всех путех твоих и утвердит ногу твою, да не поползнешися. Proverbs 3:27 Не отрецыся благотворити требующему, егда имать рука твоя помогати. Proverbs 3:28 Не рцы: отшед возвратися, и заутра дам, сильну ти сущу благотворити: не веси бо, что породит день находяй. Proverbs 3:29 Не соплетай на друга твоего зла, пришелца суща и уповающа на тя. Proverbs 3:30 Не враждуй на человека туне, да не что на тя содеет злое. Proverbs 3:31 Не стяжи злых мужей поношения, ни возревнуй путем их. Proverbs 3:32 Нечист бо пред Господем всяк законопреступник и с праведными не сочетавается. Proverbs 3:33 Клятва Господня в домех нечестивых, дворы же праведных благословляются. Proverbs 3:34 Господь гордым противится, смиренным же дает благодать. Proverbs 3:35 Славу премудрии наследят, нечестивии же вознесоша безчестие. Proverbs 4:0 Proverbs 4:1 Послушайте, дети, наказания отча и внемлите разумети помышление, Proverbs 4:2 дар бо благий дарую вам: моего закона не оставляйте. Proverbs 4:3 Сын бо бых и аз отцу послушливый, и любимый пред лицем матере, Proverbs 4:4 иже глаголаша и учиша мя: да утверждается наше слово в твоем сердцы: храни заповеди, не забывай: Proverbs 4:5 стяжи премудрость, стяжи разум: не забуди, ниже презри речения моих уст, ниже уклонися от глагол уст моих. Proverbs 4:6 Не остави ея, и имется тебе: возжелей ея, и соблюдет тя. Proverbs 4:7 Начало премудрости: стяжати премудрость, и во всем стяжании твоем стяжи разум. Proverbs 4:8 Огради ю, и вознесет тя: почти ю, да тя оымет, Proverbs 4:9 да даст главе твоей венец благодатей, венцем же сладости защитит тя. Proverbs 4:10 Слыши, сыне, и приими моя словеса, и умножатся лета живота твоего, да ти будут мнози путие жития. Proverbs 4:11 Путем бо премудрости учу тя, наставляю же тебе на течения правая: Proverbs 4:12 аще бо ходиши, не запнутся стопы твоя: аще ли течеши, не утрудишися. Proverbs 4:13 Имися моего наказания, не остави, но сохрани е себе в жизнь твою. Proverbs 4:14 На пути нечестивых не иди, ниже возревнуй путем законопреступных. Proverbs 4:15 На немже аще месте воя соберут, не иди тамо: уклонися же от них и измени: Proverbs 4:16 не уснут бо, аще зла не сотворят: отимется сон от них, и не спят: Proverbs 4:17 тии бо питаются пищею нечестия, вином же законопреступным упиваются. Proverbs 4:18 Путие же праведных подобне свету светятся: предходят и просвещают, дондеже исправится день. Proverbs 4:19 Путие же нечестивых темни: не ведят, како претыкаются. Proverbs 4:20 Сыне, моим глаголом внимай, к моим же словесем прилагай ухо твое: Proverbs 4:21 да не оскудеют ти источницы твои, храни я в сердцы твоем: Proverbs 4:22 живот бо суть всем обретающым я и всей плоти их изцеление. Proverbs 4:23 Всяцем хранением блюди твое сердце: от сих бо исходища живота. Proverbs 4:24 Отими от себе строптива уста, и обидливы устне далече от тебе отрини. Proverbs 4:25 Очи твои право да зрят, и вежди твои да помавают праведная. Proverbs 4:26 Права течения твори твоима ногама и пути твоя исправляй. Proverbs 4:27 Не уклонися ни на десно, ни на шуе: отврати же ногу твою от пути зла: Proverbs 4:28 пути бо десныя весть Господь, развращени же суть, иже ошуюю. Proverbs 4:29 Той же права сотворит течения твоя, и хождения твоя в мире поспешит. Proverbs 5:0 Proverbs 5:1 Сыне, моей премудрости внимай, к моим же словесем прилагай ухо твое, Proverbs 5:2 да сохраниши мысль благую: чувство же моих устен заповедает тебе. Proverbs 5:3 Не внимай злей жене: мед бо каплет от устен жены блудницы, яже на время наслаждает твой гортань: Proverbs 5:4 последи же горчае желчи обрящеши, и изощренну паче меча обоюду остра: Proverbs 5:5 безумия бо нозе низводят употребляющих ю со смертию во ад, стопы же ея не утверждаются: Proverbs 5:6 на пути бо животныя не находит, заблужденна же течения ея и неблагоразумна. Proverbs 5:7 Ныне убо, сыне, послушай мене и не отриновенна сотвори моя словеса: Proverbs 5:8 далече от нея сотвори путь твой и не приближися ко дверем домов ея, Proverbs 5:9 да не предаст иным живота твоего, и твоего жития немилостивым, Proverbs 5:10 да не насытятся инии твоея крепости, твои же труды в домы чуждыя внидут, Proverbs 5:11 и раскаешися на последок твой, егда иструтся плоти тела твоего, и речеши: Proverbs 5:12 како возненавидех наказание, и от обличений уклонися сердце мое? Proverbs 5:13 Не послушах гласа наказующаго мя, и ко учащему мя не прилагах уха моего: Proverbs 5:14 вмале бех во всяцем зле посреде церкве и сонмища. Proverbs 5:15 Сыне, пий воды от своих сосудов и от твоих кладенцев Источника: Proverbs 5:16 да преизливаются тебе воды от твоего источника, во твоя же пути да происходят твоя воды. Proverbs 5:17 Да будут тебе единому имения, и да никтоже чуждь причастится тебе. Proverbs 5:18 Источник твоея воды да будет тебе твой, и веселися с женою, яже от юности твоея: Proverbs 5:19 елень любве и жребя твоих благодатей да беседует тебе, твоя же да предидет тебе и да будет с тобою во всяко время: в дружбе бо сея спребываяй умножен будеши. Proverbs 5:20 Не мног буди к чуждей, ниже объят буди объятии не твоея: Proverbs 5:21 пред очима бо суть Божиима путие мужа, вся же течения его назирает. Proverbs 5:22 Законопреступления мужа уловляют: пленицами же своих грехов кийждо затязается. Proverbs 5:23 Сей скончавается с ненаказанными: от множества же своего жития извержется и погибает за безумие. Proverbs 6:0 Proverbs 6:1 Сыне, аще поручишися за твоего друга, предаси твою руку врагу. Proverbs 6:2 Сеть бо крепка мужу свои устне, и пленяется устнами своих уст. Proverbs 6:3 Твори, сыне, яже аз заповедую ти, и спасайся: идеши бо в руце злых за твоего друга: буди не ослабевая, поощряй же и твоего друга, егоже испоручил еси. Proverbs 6:4 Не даждь сна твоима очима, ниже да воздремлеши твоима веждома, Proverbs 6:5 да спасешися аки серна от тенет и яко птица от сети. Proverbs 6:6 Иди ко мравию, о, лениве, и поревнуй видев пути его, и буди онаго мудрейший: Proverbs 6:7 он бо, не сущу ему земледелцу, ниже нудящаго его имеяй, ниже под владыкою сый, Proverbs 6:8 готовит в жатву пищу и многое в лето творит уготование. Или иди ко пчеле и увеждь, коль делателница есть, делание же коль честное творит: еяже трудов царие и простии во здравие употребляют, любима же есть всеми и славна: аще силою и немощна сущи, (но) премудростию почтена произведеся. Proverbs 6:9 Доколе, о, лениве, лежиши? Когда же от сна востанеши? Proverbs 6:10 Мало убо спиши, мало же седиши, мало же дремлеши, мало же объемлеши перси рукама: Proverbs 6:11 потом же найдет тебе аки зол путник убожество: скудость же аки благий течец. Аще же не ленив будеши, приидет яко источник жатва твоя, скудость же аки злый течец (от тебе) отбежит. Proverbs 6:12 Муж безумен и законопреступный ходит в пути не благи: Proverbs 6:13 той же намизает оком и знамение дает ногою, учит же помаванием перстов. Proverbs 6:14 Развращенно же сердце кует злая: на всякое время таковый мятежы составляет граду. Proverbs 6:15 Сего ради внезапу приходит ему погибель, разсечение и сокрушение неизцельное. Proverbs 6:16 Яко радуется о всех, ихже ненавидит Бог, сокрушается же за нечистоту души: Proverbs 6:17 око досадителя, язык неправедный, руце проливающя кровь праведнаго, Proverbs 6:18 и сердце кующее мысли злы, и нозе тщащыяся зло творити потребятся. Proverbs 6:19 Разжизает лжы свидетель неправеден и насылает суды посреде братий. Proverbs 6:20 Сыне, храни законы отца твоего и не отрини наказания матере твоея: Proverbs 6:21 навяжи же я на твою душу присно и обяжи их о твоей выи. Proverbs 6:22 Егда ходиши, води ю, и с тобою да будет: егда же спиши, да хранит тя, да востающу ти глаголет с тобою. Proverbs 6:23 Зане светилник заповедь закона и свет, и путь жизни, и обличение, и наказание, Proverbs 6:24 еже сохранити тя от жены мужаты и от наваждения языка чуждаго. Proverbs 6:25 Сыне, да не победит тя доброты похоть, ниже уловлен буди твоима очима, ниже да совосхитишися веждами ея. Proverbs 6:26 Цена бо блудницы, елика единаго хлеба: жена же мужей честныя душы уловляет. Proverbs 6:27 Ввяжет ли кто огнь в недра, риз же (своих) не сожжет ли? Proverbs 6:28 Или ходити кто будет на углиех огненных, ног же не сожжет ли? Proverbs 6:29 Тако вшедый к жене мужатей не без вины будет, ниже всяк прикасайся ей. Proverbs 6:30 Не дивно, аще кто ят будет крадый: крадет бо, да насытит душу свою алчущую: Proverbs 6:31 аще же ят будет, воздаст седмерицею, и вся имения своя дав, избавит себе. Proverbs 6:32 Прелюбодей же за скудость ума погибель души своей содевает, Proverbs 6:33 болезни же и безчестие понесет: поношение же его не загладится во век: Proverbs 6:34 исполнена бо ревности ярость мужа ея: не пощадит в день суда, Proverbs 6:35 не изменит ни единою ценою вражды, ниже разрешится многими дарми. Proverbs 7:0 Proverbs 7:1 Сыне, храни моя словеса, моя же заповеди скрый у себе. Сыне, чти Господа, и укрепишися: кроме же Его не бойся иного. Proverbs 7:2 Храни моя заповеди, и поживеши, словеса же моя яко зеницы очию: Proverbs 7:3 обложи же ими твоя персты, напиши же я на скрижали сердца твоего. Proverbs 7:4 Нарцы премудрость сестру тебе быти, разум же знаемь сотвори тебе, Proverbs 7:5 да тя соблюдет от жены чуждия и лукавыя, аще тя словесы льстивыми облагати начнет: Proverbs 7:6 оконцем бо из дому своего на пути приничущи, Proverbs 7:7 егоже аще узрит от безумных чад юношу скудоумна, Proverbs 7:8 проходящаго мимо угла в распутиих дому ея Proverbs 7:9 и глаголющаго в темный вечер, егда упокоение будет нощное и мрачное: Proverbs 7:10 жена же срящет его, зрак имущи прелюбодейничь, яже творит юных парити сердцам: воскрилена же есть и блудна, Proverbs 7:11 в дому же не почивают нозе ея: Proverbs 7:12 время бо некое вне глумится, время же на распутиих при всяцем угле приседит: Proverbs 7:13 потом емши лобзает его, безстудным же лицем речет к нему: Proverbs 7:14 жертва мирна ми есть, днесь воздаю обеты моя: Proverbs 7:15 сего ради изыдох в сретение тебе, желающи лица твоего, обретох тя: Proverbs 7:16 простиралами покрых одр мой, коврами же сугубыми постлах, иже от Египта, Proverbs 7:17 шафраном посыпах ложе мое и дом мой корицею: Proverbs 7:18 прииди и насладимся любве даже до утра, гряди и поваляемся в похоти: Proverbs 7:19 несть бо мужа моего в дому, отиде в путь далече, Proverbs 7:20 доволно сребра взя с собою, по многих днех возвратится в дом свой. Proverbs 7:21 И прельсти его многою беседою, тенетами же устен (в блуд) привлече его. Proverbs 7:22 Он же абие последова ей объюродев, и якоже вол на заколение ведется, и яко пес на узы, Proverbs 7:23 или яко елень уязвлен стрелою в ятра: и спешит яко птица в сеть, не ведый, яко на душу свою течет. Proverbs 7:24 Ныне убо, сыне, послушай мене и внимай глаголом уст моих, Proverbs 7:25 да не уклонится в пути ея сердце твое, Proverbs 7:26 и да не прельстишися в стезях ея: многих бо уязвивши низверже, и безчисленни суть, ихже убила есть: Proverbs 7:27 путие адовы дом ея, низводящии в сокровища смертная. Proverbs 8:0 Proverbs 8:1 Темже ты премудрость проповеждь, да разум послушает тебе. Proverbs 8:2 На высоких бо краех есть, посреде же стезь стоит: Proverbs 8:3 при вратех бо сильных приседит, во входех же поется. Proverbs 8:4 Вас, о, человецы, молю, и вдаю мой глас сыном человеческим. Proverbs 8:5 Уразумейте, незлобивии, коварство, ненаказаннии же, приложите сердце. Proverbs 8:6 Послушайте мене: честная бо реку и изнесу от устен правая. Proverbs 8:7 Яко истине поучится гортань мой, мерзки же предо мною устны лживыя. Proverbs 8:8 С правдою вси глаголы уст моих, ничтоже в них стропотно, ниже развращенно. Proverbs 8:9 Вся права разумевающым, и права обретающым разум. Proverbs 8:10 Приимите наказание, а не сребро, и разум паче злата искушена: избирайте же ведение паче злата чиста. Proverbs 8:11 Лучши бо премудрость камений многоценных, всякое же честное недостойно ея есть. Proverbs 8:12 Аз премудрость вселих совет, и разум и смысл аз призвах. Proverbs 8:13 Страх Господень ненавидит неправды, досаждения же и гордыни, и пути лукавых: возненавидех же аз развращенныя пути злых. Proverbs 8:14 Мой совет и утверждение, мой разум, моя же крепость. Proverbs 8:15 Мною царие царствуют, и сильнии пишут правду: Proverbs 8:16 мною вельможи величаются, и властитилие мною держат землю. Proverbs 8:17 Аз любящыя мя люблю, ищущии же мене обрящут благодать. Proverbs 8:18 Богатство и слава моя есть, и стяжание многих и правда. Proverbs 8:19 Лучше есть плодити мене, паче злата и камения драга: мои же плоды лучше сребра избранна. Proverbs 8:20 В путех правды хожду и посреде стезь оправдания живу, Proverbs 8:21 да разделю любящым мя имение, и сокровища их исполню благих. Аще возвещу вам бывающая на всяк день, помяну, яже от века, изчести. Proverbs 8:22 Господь созда мя (евр.: стяжа мя) начало путий Своих в дела Своя, Proverbs 8:23 прежде век основа мя, в начале, прежде неже землю сотворити, Proverbs 8:24 и прежде неже бездны соделати, прежде неже произыти источником вод, Proverbs 8:25 прежде неже горам водрузитися, прежде же всех холмов раждает мя. Proverbs 8:26 Господь сотвори страны и ненаселенныя, и концы населенныя поднебесныя. Proverbs 8:27 Егда готовяше небо, с Ним бех, и егда отлучаше престол Свой на ветрех, Proverbs 8:28 и егда крепки творяше вышния облаки, и егда тверды полагаше источники поднебесныя, Proverbs 8:29 и егда полагаше морю предел его, да воды не мимо идут уст его, и крепка творяше основания земли, бех при нем устрояющи. Proverbs 8:30 Аз бех, о нейже радовашеся, на всяк же день веселяхся пред лицем Его на всяко время, Proverbs 8:31 егда веселяшеся вселенную совершив, и веселяшеся о сынех человеческих. Proverbs 8:32 Ныне убо, сыне, послушай мене: и блажени, иже пути моя сохранят. Proverbs 8:33 Услышите премудрость, и умудритеся, и не отмещите. Proverbs 8:34 Блажен муж, иже послушает мене, и человек, иже пути моя сохранит, бдяй при моих дверех присно, соблюдаяй праги моих входов: Proverbs 8:35 исходи бо мои исходи живота, и уготовляется хотение от Господа: Proverbs 8:36 согрешающии же в мя нечествуют на своя души, и ненавидящии мя любят смерть. Proverbs 9:0 Proverbs 9:1 Премудрость созда себе дом и утверди столпов седмь: Proverbs 9:2 закла своя жертвенная, и раствори в чаши своей вино, и уготова свою трапезу: Proverbs 9:3 посла своя рабы, созывающи с высоким проповеданием на чашу, глаголющи: Proverbs 9:4 иже есть безумен, да уклонится ко мне. Proverbs 9:5 И требующым ума рече: приидите, ядите мой хлеб и пийте вино, еже растворих вам: Proverbs 9:6 оставите безумие и живи будете, да во веки воцаритеся: и взыщите разума, да поживете и исправите разум в ведении. Proverbs 9:7 Наказуяй злыя приимет себе безчестие, обличаяй же нечестиваго порочна сотворит себе (обличения бо нечестивому раны ему). Proverbs 9:8 Не обличай злых, да не возненавидят тебе: обличай премудра, и возлюбит тя. Proverbs 9:9 Даждь премудрому вину, и премудрейший будет: сказуй праведному, и приложит приимати. Proverbs 9:10 Начало премудрости страх Господень, и совет святых разум: разумети бо закон, помысла есть благаго. Proverbs 9:11 Сим бо образом многое поживеши время, и приложатся тебе лета живота твоего. Proverbs 9:12 Сыне, аще премудр будеши, себе премудр будеши и искренним твоим: аще же зол будеши, един почерпнеши злая. Сын наказан премудр будет, безумный же слугою употребится. Иже утверждается на лжах, сей пасет ветры, той же поженет птицы парящыя: остави бо пути своего винограда, в стезях же своего земледелания заблуди, проходит же сквозе пустыню безводную и землю определенную в жаждех, собирает же рукама неплодие. Proverbs 9:13 Жена безумная и продерзая скудна хлебом бывает, яже не весть стыдения, Proverbs 9:14 седе при дверех дому своего, на столце яве на стогнах, Proverbs 9:15 призывающая мимоходящих и исправляющих пути своя: Proverbs 9:16 иже есть от вас безумнейший, да уклонится ко мне: и лишенным разума повелеваю, глаголющи: Proverbs 9:17 хлебом сокровенным в сладость прикоснитеся и воду татьбы сладкую пийте. Proverbs 9:18 Он же не весть, яко земнороднии у нея погибают и во дне ада обретаются. Но отскочи, не замедли на месте ея, ниже настави ока своего к ней: тако бо пройдеши воду чуждую и прейдеши реку чуждую: от воды же чуждия ошайся и от источника чуждаго не пий, да многое время поживеши, и приложатся тебе лета живота. Proverbs 10:0 Proverbs 10:1 Сын премудр веселит отца, сын же безумен печаль матери. Proverbs 10:2 Не пользуют сокровища беззаконных, правда же избавит от смерти. Proverbs 10:3 Не убиет гладом Господь душу праведную, живот же нечестивых низвратит. Proverbs 10:4 Нищета мужа смиряет: руце же мужественных обогащаются. Proverbs 10:5 Сын наказан премудр будет, безумный же слугою употребится: спасется от зноя сын разумный, ветротленен же бывает на жатве сын беззаконный. Proverbs 10:6 Благословение Господне на главе праведнаго: уста же нечестивых покрыет плачь безвременный. Proverbs 10:7 Память праведных с похвалами: имя же нечестивых угасает. Proverbs 10:8 Премудр сердцем приимет заповеди: непокровенный же устнама остроптевая запнется. Proverbs 10:9 Иже ходит просто, ходит надеяся: развращая же пути своя, познан будет. Proverbs 10:10 Намизаяй оком с лестию собирает мужем печали: обличаяй же со дерзновением миротворит. Proverbs 10:11 Источник жизни в руце праведнаго: уста же нечестиваго покрыет пагуба. Proverbs 10:12 Ненависть воздвизает распрю: всех же нелюбопрителных покрывает любовь. Proverbs 10:13 Иже от устен произносит премудрость, жезлом биет мужа безсердечна. Proverbs 10:14 Премудрии скрыют чувство, уста же продерзаго приближаются сокрушению. Proverbs 10:15 Стяжание богатых град тверд, сокрушение же нечестивых нищета. Proverbs 10:16 Дела праведных живот творят, плодове же нечестивых грехи. Proverbs 10:17 Пути жизни хранит наказание: наказанием же не обличеный заблуждает. Proverbs 10:18 Покрывают вражду устне правыя: износящии же укоризну безумнейшии суть. Proverbs 10:19 От многословия не избежиши греха: щадя же устне, разумен будеши. Proverbs 10:20 Сребро разжженое язык праведнаго: сердце же нечестиваго изчезнет. Proverbs 10:21 Устне праведных ведят высокая: безумнии же в скудости скончаваются. Proverbs 10:22 Благословение Господне на главе праведнаго, сие обогащает, и не имать приложитися ему печаль в сердцы. Proverbs 10:23 Смехом безумный творит злая: премудрость же мужеви раждает разум. Proverbs 10:24 В погибели нечестивый обносится: желание же праведнаго приятно. Proverbs 10:25 Преходящей бури, нечестивый изчезает, праведный же уклонився спасается во веки. Proverbs 10:26 Якоже гроздие зеленое вред зубом и дым очима, тако законопреступление творящым е. Proverbs 10:27 Страх Господень прилагает дни: лета же нечестивых умалятся. Proverbs 10:28 Пребывает с праведными веселие, упование же нечестивых погибает. Proverbs 10:29 Утверждение преподобному страх Господень, сокрушение же творящым злая. Proverbs 10:30 Праведник во веки не поколеблется: нечестивии же не населят земли. Proverbs 10:31 Уста праведнаго каплют премудрость, язык же неправеднаго погибнет: Proverbs 10:32 устне мужей праведных каплют благодати, уста же нечестивых развращаются. Proverbs 11:0 Proverbs 11:1 Мерила льстивая мерзость пред Господем, вес же праведный приятен Ему. Proverbs 11:2 Идеже аще внидет досаждение, тамо и безчестие: уста же смиренных поучаются премудрости. Proverbs 11:3 Умираяй праведник остави раскаяние, удобна же бывает и посмеятелна нечестивых погибель. Proverbs 11:4 Совершенство правых наставит их, и поползновение отрицающихся пленит их. Не упользуют имения в день ярости: правда же избавит от смерти. Proverbs 11:5 Правда непорочнаго исправляет пути, нечестие же впадает в неправду. Proverbs 11:6 Правда мужей правых избавит их, безсоветием же уловляются беззаконнии. Proverbs 11:7 Скончавшуся мужу праведну, не погибнет надежда: похвала же нечестивых погибнет. Proverbs 11:8 Праведный от лова убегнет, в негоже место предается нечестивый. Proverbs 11:9 Во устех нечестивых сеть гражданом, чувство же праведных благопоспешно. Proverbs 11:10 Во благих праведных исправится град, и в погибели нечестивых радование. Proverbs 11:11 В благословении правых возвысится град, усты же нечестивых раскопается. Proverbs 11:12 Ругается гражданом лишенный разума, муж же мудр безмолвие водит. Proverbs 11:13 Муж двоязычен открывает советы в сонмищи, верный же духом таит вещы. Proverbs 11:14 Умже и несть управления, падают аки листвие, спасение же есть во мнозе совете. Proverbs 11:15 Лукавый злодействует, егда сочетавается с праведным, ненавидит же гласа утверждения. Proverbs 11:16 Жена благодатна возносит мужу славу: престол же безчестия жена ненавидящая правды. Богатства ленивии скудни бывают, крепцыи же утверждаются богатством. Proverbs 11:17 Души своей благотворит муж милостивый, погубляет же тело свое немилостивый. Proverbs 11:18 Нечестивый творит дела неправедная: семя же праведных мзда истины. Proverbs 11:19 Сын праведный раждается в живот: гонение же нечестиваго в смерть. Proverbs 11:20 Мерзость Господеви путие развращенни, приятни же Ему вси непорочнии в путех своих. Proverbs 11:21 В руку руце вложив неправедно, не без муки будет злых: сеяй же правду приимет мзду верну. Proverbs 11:22 Якоже усерязь златый в ноздрех свинии, тако жене злоумней лепота. Proverbs 11:23 Желание праведных все благое, надежда же нечестивых погибнет. Proverbs 11:24 Суть, иже своя сеюще, множайшая творят: суть же и собирающе чуждая, умаляются. Proverbs 11:25 Душа благословенна всякая простая: муж ярый неблагообразен. Proverbs 11:26 Удержаваяй пшеницу оставит ю языком: продаяй пшеницу скупо, от народа проклят, благословение же Господне на главе подавающаго. Proverbs 11:27 Творяй благая ищет благодати добры: ищущаго же злая постигнут его. Proverbs 11:28 Надеяйся на богатство свое, сей падет: заступаяй же праведных, той возсияет. Proverbs 11:29 Не сматряяй своего дому наследит ветры: поработает же безумный разумному. Proverbs 11:30 От плода правды древо жизни прозябает: отемлются же безвременно души беззаконных. Proverbs 11:31 Аще праведный едва спасается, нечестивый же и грешный где явится? Proverbs 12:0 Proverbs 12:1 Любяй наказание любит чувство: ненавидяй же обличения безумен. Proverbs 12:2 Лучше обретый благодать от Господа Бога: муж же законопреступен премолчан будет. Proverbs 12:3 Не исправится человек от беззаконнаго: корения же праведных не отимутся. Proverbs 12:4 Жена мужественная венец мужу своему: якоже в древе червь, тако мужа погубляет жена злотворная. Proverbs 12:5 Мысли праведных судьбы: управляют же нечестивии лести. Proverbs 12:6 Словеса нечестивых льстива в кровь, уста же правых избавят их. Proverbs 12:7 Аможе обратится нечестивый, изчезает: храмины же праведных пребывают. Proverbs 12:8 Уста разумнаго хвалима бывают от мужа: слабосерд же поругаемь бывает. Proverbs 12:9 Лучше муж в безчестии работаяй себе, нежели честь себе обложив и лишаяйся хлеба. Proverbs 12:10 Праведник милует душы скотов своих: утробы же нечестивых немилостивны. Proverbs 12:11 Делаяй свою землю исполнится хлебов: гонящии же суетная лишени разума. Иже есть сладостен в виннем пребывании, во своих твердынех оставит безчестие. Proverbs 12:12 Желания нечестивых зла: корение же благочестивых в твердостех. Proverbs 12:13 За грех устен впадает в сети грешник: избегает же от них праведник. Сматряяй кротко помилован будет, а сретаяй во вратех оскорбит душы. Proverbs 12:14 От плодов уст душа мужа наполнится благих, воздаяние же устен его воздастся ему. Proverbs 12:15 Путие безумных прави пред ними: послушает советов мудрый. Proverbs 12:16 Безумный абие исповесть гнев свой: крыет же свое безчестие хитрый. Proverbs 12:17 Явленную веру возвещает праведный: свидетель же неправедных льстив. Proverbs 12:18 Суть, иже глаголюще уязвляют аки мечи: языцы же премудрых изцеляют. Proverbs 12:19 Устне истинны исправляют свидетелство: свидетель же скор язык имать неправеден. Proverbs 12:20 Лесть в сердцы кующаго злая: хотящии же мира возвеселятся. Proverbs 12:21 Ничтоже неправедное угодно есть праведному: нечестивии же исполнятся злых. Proverbs 12:22 Мерзость Господеви устне лживы: творяй же верно приятен Ему. Proverbs 12:23 Муж разумивый престол чувствия: сердце же безумных срящет клятвы. Proverbs 12:24 Рука избранных одержит удобь: льстивии же будут во пленении. Proverbs 12:25 Страшное слово сердце мужа праведна смущает, весть же благая веселит его. Proverbs 12:26 Разумив праведник себе друг будет: мысли же нечестивых некротки: согрешающих постигнут злая, путь же нечестивых прельстит я. Proverbs 12:27 Не улучит льстивый ловитвы: стяжание же честное муж чистый. Proverbs 12:28 В путех правды живот, путие же злопомнящих в смерть. Proverbs 13:0 Proverbs 13:1 Сын благоразумный послушлив отцу, сын же непокорливый в погибель. Proverbs 13:2 От плодов правды снесть благий: душы же беззаконных погибают безвременно. Proverbs 13:3 Иже хранит своя уста, соблюдает свою душу: продерзивый же устнама устрашит себе. Proverbs 13:4 В похотех есть всяк праздный: руки же мужественных в прилежании. Proverbs 13:5 Словесе неправедна ненавидит праведник: нечестивый же стыдится и не возимет дерзновения. Proverbs 13:6 Правда хранит незлобивыя: нечестивыя же злы творит грех. Proverbs 13:7 Суть богатяще себе, ничесоже имуще: и суть смиряющеся во мнозе богатстве. Proverbs 13:8 Избавление мужа души свое ему богатство: нищий же не терпит прещения. Proverbs 13:9 Свет праведным всегда, свет же нечестивых угасает: души льстивыя заблуждают во гресех, праведнии же щедрят и милуют. Proverbs 13:10 Злый с досаждением творит злая: себе же знающии премудри (суть). Proverbs 13:11 Имение поспешаемо со беззаконием умалено бывает, собираяй же себе со благочестием изобилствовати будет: праведный щедрит и дает. Proverbs 13:12 Лучше начинаяй помогати сердцем обещающаго и в надежду ведущаго: древо бо жизни желание доброе. Proverbs 13:13 Иже презирает вещь, презрен будет от нея: а бояйся заповеди, сей здравствует. Proverbs 13:14 Сыну лукавому ничтоже есть благо: рабу же мудру благопоспешна будут дела, и исправится путь его. Proverbs 13:15 Закон мудрому источник жизни: безумный же от сети умрет. Proverbs 13:16 Разум благ дает благть: разумети же закон, мысли есть благия: путие же презирающих в погибели. Proverbs 13:17 Всяк хитрый творит с разумом, безумный же прострет свою злобу. Proverbs 13:18 Царь дерзостен впадет во злая, вестник же мудр избавит его. Proverbs 13:19 Нищету и безчестие отемлет наказание: храняй же обличения прославится. Proverbs 13:20 Желания благочестивых наслаждают душу, дела же нечестивых далече от разума. Proverbs 13:21 Ходяй с премудрыми премудр будет, ходяй же с безумными познан будет. Proverbs 13:22 Согрешающих постигнут злая, праведных же постигнут благая. Proverbs 13:23 Благ муж наследит сыны сынов: сокровищствуется же праведным богатство нечестивых. Proverbs 13:24 Праведнии насладятся в богатстве лета многа: неправеднии же погибнут вскоре. Proverbs 13:25 Иже щадит жезл (свой), ненавидит сына своего: любяй же наказует прилежно. Proverbs 13:26 Праведный ядый насыщает душу свою: душы же нечестивых скудны. Proverbs 14:0 Proverbs 14:1 Мудрыя жены создаша домы: безумная же раскопа рукама своима. Proverbs 14:2 Ходяй право боится Господа: развращаяй же пути своя обезчестится. Proverbs 14:3 Из уст безумных жезл досаждения: устне же мудрых хранят я. Proverbs 14:4 Идеже несть волов, ясли чисты: а идеже жита многа, явна волу крепость. Proverbs 14:5 Свидетель верен не лжет: разжизает же ложная свидетель неправеден. Proverbs 14:6 Взыщеши премудрости у злых, и не обрящеши: чувство же у мудрых удобно. Proverbs 14:7 Вся противна (суть) мужеви безумну: оружие же чувствия устне премудры. Proverbs 14:8 Премудрость коварных уразумеет пути их: буйство же безумных в заблуждении. Proverbs 14:9 Домове беззаконных требуют очищения, домове же праведных приятни. Proverbs 14:10 Сердце мужа чувственно печаль души его: егда же веселится, не примешается досаждению. Proverbs 14:11 Домове нечестивых изчезнут, селения же право творящих пребудут. Proverbs 14:12 Есть путь, иже мнится человеком прав быти, последняя же его приходят во дно ада. Proverbs 14:13 Ко веселием не примешавается печаль: последняя же радости в плачь приходят. Proverbs 14:14 Путий своих насытится дерзосердый, от размышлений же своих муж благ. Proverbs 14:15 Незлобивый веру емлет всякому словеси, коварный же приходит в раскаяние. Proverbs 14:16 Премудр убоявся уклонится от зла, безумный же на себе надеявся смешавается со беззаконным. Proverbs 14:17 Острояростный без совета творит, муж же мудрый многая терпит. Proverbs 14:18 Разделяют безумнии злобу, коварнии же удержат чувство. Proverbs 14:19 Поползнутся злии пред благими, и нечестивии послужат пред дверьми праведных. Proverbs 14:20 Друзие возненавидят другов убогих: друзие же богатых мнози. Proverbs 14:21 Безчестяй убогия согрешает, милуяй же нищыя блажен. Proverbs 14:22 Заблуждающии (неправедницы) делают злая, милость же и истину делают благии. Не ведят милости и веры делателие злых: милостыни же и веры у делателей благих. Proverbs 14:23 Во всяцем пекущемся есть изюбилие: любосластный же и безпечальный в скудости будет. Proverbs 14:24 Венец премудрых богатство их, житие же безумных зло. Proverbs 14:25 Избавит от злых душу свидетель верен, разжизает же лживая лестный. Proverbs 14:26 Во страсе Господни упование крепости, чадом же Своим оставит утверждение (мира). Proverbs 14:27 Страх Господень источник жизни, творит же укланятися от сети смертныя. Proverbs 14:28 Во мнозе языце слава царю: во оскудении же людсте сокрушение сильному. Proverbs 14:29 Долготерпелив муж мног в разуме, малодушный же крепко безумен. Proverbs 14:30 Кроткий муж сердцу врачь: моль же костем сердце чувственно. Proverbs 14:31 Оклеветаяй убогаго раздражает Сотворшаго и, почитаяй же Его милует нищаго. Proverbs 14:32 Во злобе своей отринется нечестивый: надеяйжеся на Господа своим преподобием праведен. Proverbs 14:33 В сердцы блазе мужа почиет премудрость, в сердцы же безумных не познавается. Proverbs 14:34 Правда возвышает язык: умаляют же племена греси. Proverbs 14:35 Приятен цареви слуга разумный, своим же благообращением отемлет безчестие. Proverbs 15:0 Proverbs 15:1 Гнев губит и разумныя: ответ же смирен отвращает ярость, а слово жестоко возвизает гневы. Proverbs 15:2 Язык мудрых добрая свесть: уста же безумных возвещают злая. Proverbs 15:3 На всяцем месте очи Господни сматряют злыя же и благия. Proverbs 15:4 Изцеление языка древо жизни: храняй же его исполнится духа. Proverbs 15:5 Безумный ругается наказанию отчу: храняй же заповеди хитрейший. Во мнозе правде крепость многа: нечестивии же от земли искоренятся. Proverbs 15:6 В домех праведных крепость многа: плоды же нечестивых погибают. Proverbs 15:7 Устне мудрых связуются чувством, сердца же безумных не тверда. Proverbs 15:8 Жертвы нечестивых мерзость Господеви, обеты же правоходящих приятни Ему. Proverbs 15:9 Мерзость Господеви путие нечестивых: гонящыя же правду любит. Proverbs 15:10 Наказание незлобиваго познавается от мимоходящих: ненавидящии же обличения скончаваются срамно. Proverbs 15:11 Ад и Пагуба явна пред Господем, како не и сердца человеков? Proverbs 15:12 Не возлюбит ненаказанный обличающих его, с мудрыми же не побеседует. Proverbs 15:13 Сердцу веселящуся, лице цветет: в печалех же сущу, сетует. Proverbs 15:14 Сердце правое ищет чувства: уста же ненаказанных уразумеют злая. Proverbs 15:15 На всяко время очи злых приемлют злая: добрии же безмолвствуют присно. Proverbs 15:16 Лучше частица малая со страхом Господним, нежели сокровища велия без боязни. Proverbs 15:17 Лучше учреждение от зелий с любовию и благодатию, нежели представление телцев со враждою. Proverbs 15:18 Муж ярый устрояет брани, долготерпеливый же и будущую укрощает. Терпеливый муж угасит суды, нечестивый же воздвизает паче. Proverbs 15:19 Путие праздных постлани тернием, мужественных же углаждени. Proverbs 15:20 Сын премудр веселит отца, сын же безумен раздражает матерь свою. Proverbs 15:21 Несмысленнаго стези скудны ума: муж же разумен исправляя ходит. Proverbs 15:22 Отлагают помышления не чтущии сонмищ: в сердцах же советных пребывает совет. Proverbs 15:23 Не послушает злый его, ниже речет полезно что и добро общему. Proverbs 15:24 Путие живота помышления разумнаго, да уклонився от ада спасется. Proverbs 15:25 Домы досадителей разоряет Господь, утверди же предел вдовицы. Proverbs 15:26 Мерзость Господеви помысл неправедный, чистых же глаголы честны. Proverbs 15:27 Губит себе мздоимец, ненавидяй же даров приятия спасется: милостынями и верами очищаются греси, страхом же Господним уклоняется всяк от зла. Proverbs 15:28 Сердца праведных поучаются вере, уста же нечестивых отвещают злая: приятни пред Господем путие мужей праведных, имиже и врази друзие бывают. Proverbs 15:29 Далече отстоит Бог от нечестивых, молитвы же праведных послушает: лучше малое приятие со правдою, нежели многа жита с неправдою: сердце мужа да мыслит праведная, да от Бога исправятся стопы его. Proverbs 15:30 Видящее око добрая веселит сердце, слава же благая утучняет кости. Proverbs 15:31 Слушаяй обличений живота посреде премудрых водворится. Proverbs 15:32 Иже отметает наказание, ненавидт себе: соблюдаяй же обличения любит свою душу. Proverbs 15:33 Страх Господень наказание и премудрость, и начало славы отвещает ей (, предидет же смиренным слава). Proverbs 16:0 Proverbs 16:1 Человеку предложение сердца: и от Господа ответ языка. Proverbs 16:2 Вся дела смиреннаго явленна пред Богом, и укрепляяй духи Господь. Proverbs 16:3 Приближи ко Господу дела твоя, и утвердятся помышления твоя. Proverbs 16:4 Вся содела Господь Себе ради: нечестивии же в день зол погибнут. Proverbs 16:5 Нечист пред Богом всяк высокосердый: в руку же руце влагаяй неправедно не обезвинится. Proverbs 16:6 Начало пути блага, еже творити праведная, приятна же пред Богом паче, нежели жрети жертвы. Proverbs 16:7 Ищай Господа обрящет разум со правдою: Proverbs 16:8 праве же ищущии его обрящут мир. Proverbs 16:9 Вся дела Господня со правдою: хранится же нечестивый на день зол. Proverbs 16:10 Пророчество во устнех царевых, в судищи же не погрешат уста его. Proverbs 16:11 Превеса мерила правда у Господа: дела же Его мерила праведная. Proverbs 16:12 Мерзость цареви творяй злая: со правдою бо уготовляется престол началства. Proverbs 16:13 Приятны царю устне праведны, словеса же правая любит Господь. Proverbs 16:14 Ярость царева вестник смерти: муж же премудр утолит его. Proverbs 16:15 Во свете жизни сын царев: приятнии же ему яко облак позден. Proverbs 16:16 Угнеждения премудрости избраннее злата: вселения же разума дражайши сребра. Proverbs 16:17 Путие жизни укланяются от злых: долгота же жития путие праведни. Приемляй наказание во благих будет, храняй же обличения умудрится. Иже хранит своя пути, соблюдает свою душу: любяй же живот свой щадит своя уста. Proverbs 16:18 Прежде сокрушения предваряет досаждение, прежде же падения злопомышление. Proverbs 16:19 Лучше кроткодушен со смирением, нежели иже разделяет корысти с досадительми. Proverbs 16:20 Разумный в вещех обретатель благих, надеяйся же на Господа блажен. Proverbs 16:21 Премудрыя и разумныя злыми наричут, сладции же в словеси множае услышани будут. Proverbs 16:22 Источник животен разум стяжавшым, наказание же безумных зло. Proverbs 16:23 Сердце премудраго уразумеет яже от своих ему уст, во устнах же носит разум. Proverbs 16:24 Сотове медовнии словеса добрая, сладость же их изцеление души. Proverbs 16:25 Суть путие мнящиися прави быти мужу, обаче последняя их зрят во дно адово. Proverbs 16:26 Муж в трудех труждается себе и изнуждает погибель свою: строптивый во своих устах носит погибель. Proverbs 16:27 Муж безумен копает себе злая и во устнах своих сокровищствует огнь. Proverbs 16:28 Муж строптивый разсылает злая, и светилник льсти вжигает злым, и разлучает други. Proverbs 16:29 Муж законопреступен прельщает други и отводит их в пути не благи. Proverbs 16:30 Утверждаяй очи свои мыслит развращенная, грызый же устне свои определяет вся злая: сей пещь есть злобы. Proverbs 16:31 Венец хвалы старость, на путех же правды обретается. Proverbs 16:32 Лучше муж долотерпелив паче крепкаго, (и муж разум имеяй паче земледелца великаго:) удержаваяй же гнев паче вземлющаго град. Proverbs 16:33 В недра входят вся неправедным: от Господа же вся праведная. Proverbs 17:0 Proverbs 17:1 Лучше укрух хлеба со сластию в мире, нежели дом исполнен многих благих и неправедных жертв со бранию. Proverbs 17:2 Раб смыслен обладает владыки безумными, в братиих же разделит (имение) на части. Proverbs 17:3 Якоже искушается в пещи сребро и злато, тако избранная сердца у Господа. Proverbs 17:4 Злый послушает языка законопреступных, праведный же не внимает устнам лживым. Proverbs 17:5 Ругайся убогому раздражает Сотворшаго его, радуяйся же о погибающем не обезвинится: милуяй же помилован будет. Proverbs 17:6 Венец старых чада чад: похвала же чадом отцы их. Верному весь мир богатство, неверному же ниже пенязь. Proverbs 17:7 Неприличны суть безумному устне верны, ниже праведному устне лживы. Proverbs 17:8 Мзда благодатей наказание употребляющым: и аможе аще обратится, успеет. Proverbs 17:9 Иже таит обиды, ищет любве: а иже ненавидит скрывати, разлучает други и домашния. Proverbs 17:10 Сокрушает прещение сердце мудраго: безумный же биемь не чувствует (ран). Proverbs 17:11 Прекословия воздвижет всяк злый: Господь же ангела немилостива послет нань. Proverbs 17:12 Впадет попечение мужу смысленну: безумнии же размышляют злая. Proverbs 17:13 Иже воздает злая за благая, не подвигнутся злая из дому его. Proverbs 17:14 Власть дает словесем начало правды: предводителствует же скудости пря и брань. Proverbs 17:15 Иже судит праведнаго неправедным, неправеднаго же праведным, нечист и мерзок у Господа. Proverbs 17:16 Вскую бяше имение безумному? Стяжати бо премудрости безсердый не может. Иже высок творит свой дом, ищет сокрушения: остроптеваяй же учитися впадет во злая. Proverbs 17:17 На всяко время друг да будет тебе, братия же в нуждах полезни да будут: сего бо ради раждаются. Proverbs 17:18 Муж безумен плещет и радуется себе, якоже поручаяйся испоручит друга своего, на своих же устнах огнь сокровишствует. Proverbs 17:19 Грехолюбец радуется сваром, а жестокосердый не усрящет благих. Proverbs 17:20 Муж удобопреложный языком впадет во злая: сердце же безумнаго болезнь стяжавшему е. Proverbs 17:21 Не веселится отец о сыне ненаказаннем: сын же мудр веселит матерь свою. Proverbs 17:22 Сердце веселящеся благоиметися творит: мужу же печальну засышут кости. Proverbs 17:23 Приемлющему дары неправедно в недра не предуспевают путие: нечестивый же укланяет пути правды. Proverbs 17:24 Лице разумно мужа премудра, очи же безумнаго на концех земли. Proverbs 17:25 Гнев отцу сын безумен, и болезнь рождшей его. Proverbs 17:26 Тщеты творити мужу праведну не добро, ниже преподобно наветовати властем праведным. Proverbs 17:27 Иже щадит глагол произнести жесток, разумен: долготерпеливый же муж премудр, лучше ищущаго науки. Proverbs 17:28 Несмысленному вопросившу о мудрости, мудрость вменится: нема же кто себе творит, возмнится разумен быти. Proverbs 18:0 Proverbs 18:1 Вины ищет муж хотя отлучитися от другов, на всяко же время поносимь будет. Proverbs 18:2 Не требует премудрости муж скудоумен, зане паче водится безумием. Proverbs 18:3 Егда приидет нечестивый во глубину зол, нерадит: находит же ему безчестие и поношение. Proverbs 18:4 Вода глубока слово в сердцы мужа, река же изскачущи и источник жизни. Proverbs 18:5 Чудитися лицу нечестиваго не добро, ниже преподобно укланяти праведное на суде. Proverbs 18:6 Устне безумнаго приводят его на зло, уста же его дерзостная призывают смерть. Proverbs 18:7 Уста безумнаго сокрушение ему, устне же его сеть души его. Proverbs 18:8 Ленивыя низлагает страх: души же мужей женам подобных взалчут. Proverbs 18:9 Не изцеляяй себе во своих делех брат есть погубляющему себе самаго. Proverbs 18:10 Из величества крепости имя Господне, к немуже притекающе праведницы возносятся. Proverbs 18:11 Имение богату мужу град тверд, слава же его вельми присеняет. Proverbs 18:12 Прежде сокрушения возносится сердце мужу и прежде славы смиряется. Proverbs 18:13 Иже отвещает слово прежде слышания, безумие ему есть и поношение. Proverbs 18:14 Гнев мужа укрощает раб разумный: малодушна же человека кто стерпит? Proverbs 18:15 Сердце разумнаго стяжет чувствие, ушеса же мудрых ищут смысла. Proverbs 18:16 Даяние человека распространяет его и с сильными посаждает его. Proverbs 18:17 Праведный себе самаго оглаголник во первословии: егда же приложит супостат, обличается. Proverbs 18:18 Прекословия утоляет молчаливый и во властех определяет. Proverbs 18:19 Брат от брата помогаемь, яко град тверд и высок, укрепляется же якоже основаное царство. Proverbs 18:20 От плодов уст муж насыщает чрево свое, и от плодов устен своих насытится. Proverbs 18:21 Смерть и живот в руце языка: удержавающии же его снедят плоды его. Proverbs 18:22 Иже обрете жену добру, обрете благодать, приял же есть от Господа тишину. Proverbs 18:23 Иже изгоняет жену добрую, изгоняет благая: держай же прелюбодейцу безумен и нечестив. Proverbs 18:24 С молении глаголет убогий, богатый же отвещает жестоко. Proverbs 18:25 Муж любовен к дружбе, и есть друг прилепивыйся паче брата. Proverbs 19:0 Proverbs 19:1 Лучше есть убог ходяй в простоте своей, неже богатый строптив устны своими и несмыслен. Proverbs 19:2 Идеже несть учения души, несть добро, и иже скор есть ногама, поткнется. Proverbs 19:3 Неразумие мужа погубляет пути его, и Бога виновна творит в сердцы своем. Proverbs 19:4 Богатство прилагает други многи: нищий же и от сущаго друга оставляемь бывает. Proverbs 19:5 Свидетель лжив без муки не будет: оклеветаяй же неправедно не убежит ея. Proverbs 19:6 Мнози угождают лицам царским: всяк же зол бывает в поношение мужеви. Proverbs 19:7 Всяк, иже убогаго брата ненавидит, и от содружества далече будет. Мысль благая ведящым ю приближается, муж же мудр обрящет ю. Много творяй зла совершает злобу, а иже раздражает словесы, не спасется. Proverbs 19:8 Стяжавый мудрость любит себе, а иже сохраняет разум, обрящет благая. Proverbs 19:9 Свидетель лживый не без муки будет, а иже разжизает злобу, погибнет от нея. Proverbs 19:10 Не пользует безумному сладость, и аще раб начнет с досаждением обладати. Proverbs 19:11 Милостив муж долготерпит, похвала же его превосходит законопреступных. Proverbs 19:12 Царево прещение подобно рыканию львову, и якоже роса злаку, тако тихость его. Proverbs 19:13 Студ есть отцу сын безумен, и нечисты обеты от мзды блудницы. Proverbs 19:14 Дом и имение разделяют отцы чадом: от Господа же сочетавается жена мужеви. Proverbs 19:15 Страх содержит мужа женонравна: душа же празднаго взалчет. Proverbs 19:16 Иже хранит заповеди, соблюдает свою душу, а нерадяй о своих путех погибнет. Proverbs 19:17 Милуяй нища взаим дает Богови, по даянию же его воздастся ему. Proverbs 19:18 Наказуй сына твоего, тако бо будет благонадежен: в досаждение же не вземлися душею твоею. Proverbs 19:19 Злоумен муж много отщетится: аще же губитель есть, и душу свою приложит. Proverbs 19:20 Слушай, сыне, отца твоего наказания, да мудр будеши в последняя твоя. Proverbs 19:21 Многи мысли в сердцы мужа: совет же Господень во век пребывает. Proverbs 19:22 Плод мужеви милостыня: лучше же нищь праведный, нежели богат лжив. Proverbs 19:23 Страх Господень в живот мужеви: а безстрашный водворится на местех, идеже не наблюдается разум. Proverbs 19:24 Скрываяй в недрех руце свои неправедно ниже ко устом своим принесет я. Proverbs 19:25 Губителю раны приемлющу, безумный коварнее будет: аще же обличаеши мужа разумна, уразумеет чувство. Proverbs 19:26 Безчествуяй отца и отреваяй матерь свою срамоту приимет и поношение. Proverbs 19:27 Сын оставляяй хранити наказание отчее поучится словесем злым. Proverbs 19:28 Выручаяй отрока несмыслена досаждает оправданию: уста же нечестивых пожрут суд. Proverbs 19:29 Уготовляются невоздержным раны, и мучения подобне неразумным. Proverbs 20:0 Proverbs 20:1 Невинно вино, укоризненно же пиянство, и всяк пребываяй в нем не будет премудр. Proverbs 20:2 Не разнствует прещение царево от ярости львовы: раздражаяй же его и примешаяйся ему согрешает в свою душу. Proverbs 20:3 Слава мужу отвращатися от досаждения: всяк же безумен сими соплетается. Proverbs 20:4 Поносимь ленивый не усрамляется, такожде и заемляй пшеницу в жатву. Proverbs 20:5 Вода глубока совет в сердцы мужа: муж же премудр изчерплет ю. Proverbs 20:6 Велика вещь человек, и драгая муж творяй милость: мужа же верна (велико) дело обрести. Proverbs 20:7 Иже без порока живет в правде, блажены оставит дети своя. Proverbs 20:8 Егда царь праведен на престоле сядет, не противится пред очима его ничтоже лукаво. Proverbs 20:9 Кто похвалится чисто имети сердце? Или кто дерзнет рещи чиста себе быти от грехов? Proverbs 20:10 Вес велик и мал, и мера сугуба, нечиста пред Господем обоя: Proverbs 20:11 и творяй я в начинаниих своих запнется: юнота с преподобным, и правый путь его. Proverbs 20:12 Ухо слышит, и око видит: Господня дела обоя. Proverbs 20:13 Не люби клеветати, да не вознесешися: отверзи очи твои и насыщайся хлеба. Proverbs 20:14 Зло, зло, речет стяжаваяй, и отшед тогда похвалится. Proverbs 20:15 Есть злато и множество камений драгих, сосуд честен устне разумны. Proverbs 20:16 Возми ризу его, яко испоручник бысть чуждыя, и за чуждую возми залог от него. Proverbs 20:17 Сладок есть человеку хлеб лжи, но потом исполнятся уста его камения. Proverbs 20:18 Помышление в совете уготовится, в правлении же творит брань. Proverbs 20:19 Открываяй тайну ходит лестию: и прельщающему устнами своими не примешайся. Proverbs 20:20 Злословящему отца или матерь угаснет светилник, зеницы же очес его узрят тму. Proverbs 20:21 Часть поспешна в начале, в последних не благословится. Proverbs 20:22 Не рцы: отмщу врагу: но потерпи Господа, да ти поможет. Proverbs 20:23 Мерзость Господеви сугубый вес, и мерило лживо не добро пред ним. Proverbs 20:24 От Господа исправляются стопы мужу: смертный же како уразумеет пути своя? Proverbs 20:25 Сеть мужеви скоро нечто от своих освящати: по обете бо раскаяние бывает. Proverbs 20:26 Веятель нечестивых есть царь мудр и наложит на ня коло. Proverbs 20:27 Свет Господень дыхание человеком, иже испытает тайная утробы. Proverbs 20:28 Милостыня и истина сохранение царю, и обыдут престол его в правде. Proverbs 20:29 Лепота (есть) юным премудрость: слава же старым седины. Proverbs 20:30 Раны и сокрушения сретают злых, язвы же в сокровищих чрева. Proverbs 21:0 Proverbs 21:1 Якоже устремление воды, тако сердце царево в руце Божией: аможе аще восхощет обратити, тамо уклонит е. Proverbs 21:2 Всяк муж является себе праведен: управляет же сердца Господь. Proverbs 21:3 Творити праведная и истинствовати угодна Богу паче, нежели жертв кровь. Proverbs 21:4 Велемудрый во укоризне дерзосерд, светило же нечестивых греси. Proverbs 21:5 Помышления тщаливаго во изюбилии, и всяк нерадивый в лишении. Proverbs 21:6 Делаяй сокровища языком лживым суетная гонит в сети смертныя. Proverbs 21:7 Всегубителство на нечестивыя устремляется: не хотят бо творити праведная. Proverbs 21:8 К стропотным стропотныя пути посылает Бог: чиста бо и права дела Его. Proverbs 21:9 Лучше жити во угле непокровеннем, нежели в повапленных с неправдою и в храмине общей. Proverbs 21:10 Душа нечестиваго не помилуется ни от единаго от человеков. Proverbs 21:11 Тщету приемлющу невоздержному, коварнейший будет незлобивый, разумеваяй же мудрый приимет разум. Proverbs 21:12 Разумевает праведный сердца нечестивых и уничтожает нечестивыя в злых. Proverbs 21:13 Иже затыкает ушеса своя, еже не послушати немощнаго, и той призовет, и не будет послушаяй его. Proverbs 21:14 Даяние тайно отвращает гневы, щадяй же даров воздвизает ярость крепкую. Proverbs 21:15 Веселие праведных творити суд: преподобный же нечист у злодеев. Proverbs 21:16 Муж заблуждаяй от пути правды в сонмищи исполинов почиет. Proverbs 21:17 Муж скуден любит веселие, любяй же вино и елей не обогатится. Proverbs 21:18 Отребие же праведнику беззаконник. Proverbs 21:19 Лучше жити в земли пусте, неже жити с женою сварливою и язычною и гневливою. Proverbs 21:20 Сокровище вожделенно почиет во устех мудраго: безумнии же мужие пожирают е. Proverbs 21:21 Путь правды и милостыни обрящет живот и славу. Proverbs 21:22 Во грады крепки вниде премудрый и разруши утверждение, на неже надеяшася нечестивии. Proverbs 21:23 Иже хранит своя уста и язык, соблюдает от печали душу свою. Proverbs 21:24 Продерзый и величавый и горделивый губитель нарицается: а иже памятозлобствует, беззаконен. Proverbs 21:25 Похоти лениваго убивают: не произволяют бо руце его творити что. Proverbs 21:26 Нечестивый желает весь день похоти злыя, праведный же милует и щедрит нещадно. Proverbs 21:27 Жертвы нечестивых мерзость Господеви: ибо беззаконно приносят я. Proverbs 21:28 Свидетель ложный погибнет, муж же послушлив сохраняемь возглаголет. Proverbs 21:29 Нечестив муж безстудно стоит лицем: правый же сам разумевает пути своя. Proverbs 21:30 Несть премудрости, несть мужества, несть совета у нечестиваго. Proverbs 21:31 Конь уготовляется на день брани: от Господа же помощь. Proverbs 22:0 Proverbs 22:1 Лучше имя доброе, неже богатство много, паче же сребра и злата благодать благая. Proverbs 22:2 Богат и нищь сретоста друг друга, обоих же Господь сотвори. Proverbs 22:3 Худог, видев лукаваго мучима крепко, сам наказуется: безумнии же мимошедше отщетишася. Proverbs 22:4 Род премудрости страх Господень, и богатство и слава и живот. Proverbs 22:5 Волчцы и сети на путех стропотных, храняй же свою душу избежит их. Proverbs 22:6 Богатии убогими имут обладати, Proverbs 22:7 и раби своим господем взаим дадут. Proverbs 22:8 Сеявый злая пожнет злая, язву же дел своих совершит. Proverbs 22:9 Мужа тиха и даятеля любит Господь, суету же дел его скончает. Proverbs 22:10 Милуяй нищаго сам препитается: от своих бо хлебов даде убогому. Победу и честь устрояет даяй дары, обаче душу погубляет стяжавших. Proverbs 22:11 Изжени от сонмища губителя, и изыдет с ним прение: егда бо сядет в сонмищи, всех безчестит. Proverbs 22:12 Любит Господь преподобная сердца, приятни же Ему вси непорочнии в путех своих: устнама пасет царь (люди своя). Proverbs 22:13 Очи Господни соблюдают чувство: презирает словеса законопреступный. Proverbs 22:14 Вины ищет и глаголет ленивый: лев на стезях, на путех же разбойницы. Proverbs 22:15 Яма глубока уста законопреступных: возненавиденый же от Господа впадется в ню. Суть путие злии пред мужем, и не любит возвратитися от них: возвратитися же подобает от пути стропотна и злаго. Proverbs 22:16 Безумие висит на сердцы юнаго: жезл же и наказание далече (отгонит) от него. Proverbs 22:17 Обидяй убогаго многая себе зла творит, дает же богатому во оскудение (себе). Proverbs 22:18 Ко словесем мудрых прилагай твое ухо, и услыши моя словеса: свое же сердце утверди (к ним), да разумееши, яко добра суть. Proverbs 22:19 И аще вложиши я в сердце твое, возвеслят тебе купно во твоих устнех. Proverbs 22:20 Да будет ти на Господа надежда, и покажет ти путь Свой. Proverbs 22:21 Ты же напиши я себе трижды, на совет и смысл и разум, на широте сердца твоего: учу бо тя истинному словеси, и разума благаго слушати на ответы словесем истинным предлагаемым тебе. Proverbs 22:22 Не насильствуй нищаго, зане убог есть, и не досаждай немощному во вратех: Proverbs 22:23 Господь бо имать судити его суд, и избавиши твою безбедную душу. Proverbs 22:24 Не бывай друг мужу гневливу и со другом жестокосердым не соводворяйся: Proverbs 22:25 да не когда научишися путем его и приимеши тенета души твоей. Proverbs 22:26 Не вдавайся в поручение, стыдяся лица: Proverbs 22:27 егда бо не будеши имети чим искупитися, возмут постелю, яже под ребры твоими. Proverbs 22:28 Не прелагай предел вечных, яже положиша отцы твои. Proverbs 22:29 Прозрителну человеку и острому в делех своих пред царьми подобает стояти, и не стояти пред мужми простыми. Proverbs 23:0 Proverbs 23:1 Аще сядеши вечеряти на трапезе сильнаго, разумно разумевай предлагаемая тебе, Proverbs 23:2 и налагай руку твою, ведый, яко сицевая тебе подобает уготовити: Proverbs 23:3 аще же несытнейший еси, не желай брашен его: сия бо имут живот ложен. Proverbs 23:4 Не распростирайся убог сый с богатым, твоею же мыслию удаляйся. Proverbs 23:5 Аще устремиши на него око твое, никогдаже явится: соделаны бо суть ему крила яко орлу, и обращается в дом настоятеля своего. Proverbs 23:6 Не вечеряй с мужем завистливым, ниже похощеши пищей его: Proverbs 23:7 имже бо образом аще кто поглотит власы, сице яст и пиет: ниже к себе да введеши его и снеси хлеб твой с ним: Proverbs 23:8 изблюет бо его и осквернит словеса твоя добрая. Proverbs 23:9 Во ушию безумнаго ничтоже глаголи, да не когда поругает разумная словеса твоя. Proverbs 23:10 Не прелагай предел вечных и в стяжание сирот не вниди: Proverbs 23:11 избавляяй бо их Господь крепок есть и разсудит суд их с тобою. Proverbs 23:12 Даждь в наказание сердце твое, ушеса же твоя уготовай словесем чувственным. Proverbs 23:13 Не преставай младенца наказовати: аще бо жезлом биеши его, не умрет (от него): Proverbs 23:14 ты бо побиеши его жезлом, душу же его избавиши от смерти. Proverbs 23:15 Сыне, аще премудро будет сердце твое, возвеселиши и мое сердце, Proverbs 23:16 и пребудут в словесех твои устне к моим устнам, аще права будут. Proverbs 23:17 Да не ревнует сердце твое грешником, но в страсе Господни буди весь день: Proverbs 23:18 аще бо соблюдеши я, будут ти внуцы, и упование твое не отступит. Proverbs 23:19 Слушай, сыне, и премудр бывай и исправляй мысли твоего сердца: Proverbs 23:20 не буди винопийца, ниже прилагайся к сложением и купованием мяс: Proverbs 23:21 всяк бо пияница и блудник обнищает, и облечется в раздранная и в рубища всяк сонливый. Proverbs 23:22 Слушай, сыне, отца родившаго тя, и не презирай, егда состареется мати твоя. Proverbs 23:23 Истину стяжи и не отрини мудрости и учения и разума. Proverbs 23:24 Добре воспитовает отец праведен, о сыне же премудрем веселится душа его. Proverbs 23:25 Да веселится отец и мати о тебе, и да радуется рождшая тя. Proverbs 23:26 Даждь ми, сыне, твое сердце, очи же твои моя пути да соблюдают. Proverbs 23:27 Сосуд бо сокрушен чуждий дом, и студенец тесен чуждий: Proverbs 23:28 сей бо вскоре погибнет, и всякий законопреступник потребится. Proverbs 23:29 Кому горе? Кому молва? Кому судове? Кому горести и свары? Кому сокрушения вотще? Кому сини очи? Proverbs 23:30 Не пребывающым ли в вине? И не назирающым ли, где пирове бывают? Proverbs 23:31 Не упивайтеся вином, но беседуйте ко человеком праведным, и беседуйте во проходех: аще бо на чашы и сткляницы вдаси очи твои, последи имаши ходити нажайший белилнаго древа: Proverbs 23:32 последи же яко от змиа уязвен прострется, и якоже от кераста разливается ему яд. Proverbs 23:33 Очи твои егда узрят (жену) чуждую, уста твоя тогда возглаголют стропотная: Proverbs 23:34 и возляжеши яко в сердцы моря и якоже кормчий во мнозе волнении. Proverbs 23:35 Речеши же: биша мя, и не поболех, и поругашася ми, аз же не разумех: когда утро будет, да шед взыщу, с нимиже снидуся? Proverbs 24:0 Proverbs 24:1 Сыне, не ревнуй мужем злым, ниже возжелей быти с ними: Proverbs 24:2 лжам бо поучается сердце их, и болезни устне их глаголют. Proverbs 24:3 С премудростию зиждется дом и с разумом исправляется. Proverbs 24:4 С чувствием исполняются сокровища от всякаго богатства честнаго и добраго. Proverbs 24:5 Лучше мудрый крепкаго, и муж разум имеяй земледелца велика. Proverbs 24:6 Со управлением бывает брань, помощь же с сердцем советным. Proverbs 24:7 Премудрость и мысль блага во вратех премудрых: смысленнии не укланяются от закона Господня, Proverbs 24:8 но советуют в сонмищих. Ненаказанных сретает смерть, Proverbs 24:9 умирает же безумный во гресех. Нечистота мужу губителю: Proverbs 24:10 осквернится в день зол и в день печали, дондеже оскудеет. Proverbs 24:11 Избави ведомыя на смерть и искупи убиваемых, не щади. Proverbs 24:12 Аще же речеши: не вем сего: разумей, яко Господь всех сердца весть, и создавый дыхание всем, сей весть всяческая, Иже воздаст комуждо по делом его. Proverbs 24:13 Яждь мед, сыне, благ бо есть сот, да насладится гортань твой: Proverbs 24:14 сице уразумееши премудрость душею твоею: аще бо обрящеши, будет добра кончина твоя, и упование не оставит тебе. Proverbs 24:15 Не приводи нечестиваго на пажить праведных, ниже прельщайся насыщением чрева: Proverbs 24:16 седмерицею бо падет праведный и востанет, нечестивии же изнемогут в злых. Proverbs 24:17 Аще падет враг твой, не обрадуйся ему, в преткновении же его не возносися: Proverbs 24:18 яко узрит Господь, и не угодно Ему будет, и отвратит ярость Свою от него. Proverbs 24:19 Не радуйся о злодеющих и не ревнуй грешным, Proverbs 24:20 не пребудут бо внуцы лукавых, светило же нечестивых угаснет. Proverbs 24:21 Бойся Бога, сыне, и царя, и ни единому же их противися: Proverbs 24:22 внезапу бо истяжут нечестивых, мучения же обоих кто увесть? Слово сохраняяй сын кроме погибели будет: приемляй же прият оное. Ничтоже ложно от языка цареви да глаголется, и ни едина лжа от языка его да изыдет: меч (есть) язык царев, а не плотян: и иже аще предан будет, сокрушится: аще бо раздражится ярость его, со жилами человеки губит, и кости человеческия поядает и сожигает яко пламень, яко не ядомым быти птенцами орлими. Моих словес, сыне, бойся, и приим я покайся. Proverbs 24:23 Сия же вам смысленным глаголю разумети: срамлятися лица на суде не добро. Proverbs 24:24 Глаголяй нечестиваго, яко праведен есть, проклят от людий будет и возненавиден во языцех: Proverbs 24:25 обличающии же лучшии явятся, на няже приидет благословение благо: Proverbs 24:26 и устне облобызают отвещающыя словеса блага. Proverbs 24:27 Уготовляй на исход дела твоя, и уготовися на село, и ходи вслед мене, и созиждеши дом твой. Proverbs 24:28 Не буди свидетель лжив на твоего гражданина, ниже пространяйся твоима устнама. Proverbs 24:29 Не рцы: имже образом сотвори ми, сотворю ему и отмщу ему, имиже мя преобиде. Proverbs 24:30 Якоже нива муж безумный, и яко виноград человек скудоумный: Proverbs 24:31 аще оставиши его, опустеет и травою порастет весь, и будет оставлен, ограды же каменныя его раскопаются. Proverbs 24:32 Последи аз покаяхся, воззрех избрати наказание: Proverbs 24:33 мало дремлю, мало же сплю и мало объемлю рукама перси: Proverbs 24:34 аще же сие твориши, приидет предидущи нищета твоя и скудость твоя, яко благ течец. Proverbs 25:0 Proverbs 25:1 Сия притчи Соломони бывшыя нерасположенны, яже списаша друзие Езекии царя Иудейска. Proverbs 25:2 Слава Божия крыет слово, слава же царева почитает повеления Его. Proverbs 25:3 Небо высоко, земля же глубока: сердце же царево необличително. Proverbs 25:4 Куй неискушенное сребро, и очистится чисто все. Proverbs 25:5 Убивай нечестивыя от лица царева, и исправится в правде престол его. Proverbs 25:6 Не гордися пред лицем царевым и на месте сильных не стани: Proverbs 25:7 лучше бо ти есть, егда речет: взыди ко мне: нежели смиритися тебе пред лицем сильнаго. Proverbs 25:8 Иже видеста очи твои, глаголи. Не впадай в тяжбу скоро, да не раскаешися послежди, егда тебе досадит друг твой. Proverbs 25:9 Вступай вспять, не неради, да не поносит убо тебе друг: Proverbs 25:10 свара же твоя и вражда твоя не отступит, но будет ти равна со смертию. Благодать и любы свобождает, в нихже утверди себе, да не в поношении будеши, но сохрани пути твоя добре устроены. Proverbs 25:11 (Якоже) яблоко злато во усерязи сардийскаго камене, сице рещи слово при приличных ему. Proverbs 25:12 И (якоже) во усерязь златый сардийский камень многоценный вяжется, (сице) слово премудро во ухо благопослушно. Proverbs 25:13 Якоже исходище снега в жатву зноя пользует, тако вестник верен пославших его: душы бо употребляющих его пользует. Proverbs 25:14 Якоже ветри и облацы и дождеве являющиися, тако и хвалящийся о даянии ложнем. Proverbs 25:15 В долготерпении благополучие царем: язык же мякок сокрушает кости. Proverbs 25:16 Мед обрет яждь умеренно, да не како пресыщен изблюеши. Proverbs 25:17 Не учащай вносити ногу твою ко другу твоему, да не когда насыщься тебе, возненавидит тя. Proverbs 25:18 Дреколь и мечь и стрела остра, тако и муж свидетелствуяй на друга своего свидетелство ложное. Proverbs 25:19 Путь злаго и нога законопреступнаго погибнут в день зол. Proverbs 25:20 Якоже оцет неполезен вреду и дым очима, тако припадшая страсть в телеси сердце оскорбляет. Proverbs 25:21 Якоже молие в ризе и червие в древе, тако печаль мужу вредит сердце. Proverbs 25:22 Аще алчет враг твой, ухлеби его: аще ли жаждет, напой его: Proverbs 25:23 сие бо творя, углие огненное собираеши на главу его, Господь же воздаст тебе благая. Proverbs 25:24 Ветр северный воздвизает облаки, лице же безстудно язык раздражает. Proverbs 25:25 Лучше жити во угле непокрытем, неже во храмине общей со женою клеветливою. Proverbs 25:26 Якоже вода студеная души жаждущей благоприятна, тако весть благая от земли издалеча. Proverbs 25:27 Якоже аще кто источник заграждает и исходище воды губит, тако не лепо праведнику пасти пред нечестивым. Proverbs 25:28 Ясти мед много не добро: почитати же подобает словеса славна. Якоже град стенами разорен и не огражден, тако муж творяй что без совета. Proverbs 26:0 Proverbs 26:1 Якоже роса в жатву и якоже дождь в лете, тако несть безумному чести. Proverbs 26:2 Якоже птицы отлетают и врабиеве, тако клятва суетная не найдет ни на когоже. Proverbs 26:3 Якоже бичь коню и остен ослу, тако жезл языку законопреступну. Proverbs 26:4 Не отвещай безумному по безумию его, да не подобен ему будеши: Proverbs 26:5 но отвещай безумному по безумию его, да не явится мудр у себе. Proverbs 26:6 От путий своих поношение творит, иже посла вестником безумным слово. Proverbs 26:7 Отими шествие от глезн и законопреступление от уст безумных. Proverbs 26:8 Иже привязует камень в пращи, подобен есть дающему безумному славу. Proverbs 26:9 Терния прозябают в руце пияницы, и порабощение в руце безумных. Proverbs 26:10 Многими волнуется всяка плоть безумных, сокрушается бо изступление их. Proverbs 26:11 Якоже пес, егда возвратится на своя блевотины, и мерзок бывает, тако безумный своею злобою возвращься на свой грех. Есть стыд наводяй грех, и есть стыд слава и благодать. Proverbs 26:12 Видех мужа непщевавша себе мудра быти, упование же имать безумный паче его. Proverbs 26:13 Глаголет ленивый послан на путь: лев на путех, на стогнах же разбойницы. Proverbs 26:14 Якоже дверь обращается на пяте, тако ленивый на ложи своем. Proverbs 26:15 Скрыв ленивый руку в недро свое не возможет принести ко устом. Proverbs 26:16 Мудрейший себе ленивый является, паче во изюбилии износящаго весть. Proverbs 26:17 Якоже держай за ошиб пса, тако председателствуяй чуждему суду. Proverbs 26:18 Якоже врачуемии мещут словеса на человеки, сретаяй же словом первый запнется: Proverbs 26:19 тако вси коварствующии над своими други: егда же увидени будут, глаголют, яко играя содеях. Proverbs 26:20 Во мнозех древех растет огнь: а идеже несть разгневляюща, умолкает свар. Proverbs 26:21 Огнище углию, и дрова огневи: муж же клеветлив в мятеж свара. Proverbs 26:22 Словеса ласкателей мягка: сия же ударяют в сокровища утроб. Proverbs 26:23 Сребро даемо с лестию, якоже скудель вменяемо: устне гладки сердце покрывают прискорбно. Proverbs 26:24 Устнама вся обещавает плачай враг, в сердцы же содевает лесть. Proverbs 26:25 Аще тя молит враг велиим гласом, не веруй ему, седмь бо есть лукавствий в души его. Proverbs 26:26 Таяй вражду составляет лесть: открывает же своя грехи благоразумный на сонмищих. Proverbs 26:27 Изрываяй яму искреннему впадется в ню: валяяй же камень на себе валит. Proverbs 26:28 Язык лжив ненавидит истины, уста же непокровенна творят нестроение. Proverbs 27:0 Proverbs 27:1 Не хвалися о утрии, не веси бо, что родит (день) находяй. Proverbs 27:2 Да хвалит тя искренний, а не твоя уста, чуждий, а не твои устне. Proverbs 27:3 Тяжко камень и неудобоносно песок, гнев же безумнаго тяжший обоего. Proverbs 27:4 Безмилостивна ярость и остр гнев, но ничтоже постоит ревности. Proverbs 27:5 Лучше обличения откровенна тайныя любве. Proverbs 27:6 Достовернее суть язвы друга, нежели вольная лобзания врага. Proverbs 27:7 Душа в сытости сущи сотам ругается: души же нищетней и горькая сладка являются. Proverbs 27:8 Якоже егда птица отлетит от гнезда своего, тако человек порабощается, егда устранится от своих мест. Proverbs 27:9 Миры и вином и фимиамы красуется сердце, растерзаваетжеся от бед душа. Proverbs 27:10 Друга твоего или друга отча не оставляй: в дом же брата своего не вниди неблагополучно: лучше друг близ, неже брат далече живый. Proverbs 27:11 Мудр буди, сыне, да веселится сердце твое, и отврати от себе понослива словеса. Proverbs 27:12 Хитрый злым находящым укрывается: безумнии же нашедше тщету постраждут. Proverbs 27:13 Отими ризу его, прейде бо досадитель, иже чуждая погубляет. Proverbs 27:14 Иже аще благословит друга утро велиим гласом, от кленущаго ни чимже разнствовати возмнится. Proverbs 27:15 Капли изгоняют человека в день зимен из дому его, тако и жена клеветливая из своего дому. Proverbs 27:16 Север жесток ветр, именем же приятен нарицается. Proverbs 27:17 Железо железа острит: муж же поощряет лице дружне. Proverbs 27:18 Иже насаждает смоковницу, снесть плоды ея: а иже хранит господа своего, честен будет. Proverbs 27:19 Якоже суть неподобна лица лицам, сице ниже сердца человеков. Proverbs 27:20 Ад и Погибель не насыщаются: такожде и очи человечестии несыти. Мерзость Господеви утверждаяй очи, и ненаказаннии невоздержни языком. Proverbs 27:21 Искушение сребру и злату раздежение: муж же искушается усты хвалящих его. Сердце беззаконника взыскует злая, сердце же право взыскует разума. Proverbs 27:22 Аще биеши безумнаго посреде сонмища срамляя его, не отимеши безумия его. Proverbs 27:23 Разумне разумевай души стада твоего, и да приставиши сердце твое ко твоим стадам. Proverbs 27:24 Яко не во век мужеви держава и крепость, ниже предает от рода в род. Proverbs 27:25 Прилежи о злацех сущих на поли и пожнеши траву, и собирай сено нагорное, Proverbs 27:26 да имаши овцы на одеяние: почитай поле, да будут ти агнцы. Proverbs 27:27 Сыне, от мене имаши речения крепка в жизнь твою и в жизнь твоих служителей. Proverbs 28:0 Proverbs 28:1 Бегает нечестивый ни единому же гонящу, праведный же яко лев уповая. Proverbs 28:2 За грехи нечестивых судове востают: муж же хитрый угасит я. Proverbs 28:3 Продерзый в нечестиих оклеветает нищыя, якоже дождь сильный не полезен: Proverbs 28:4 тако оставившии закон хвалят нечестие, любящии же закон ограждают себе стену. Proverbs 28:5 Мужие злии не уразумеют суда, ищущии же Господа уразумеют о всем. Proverbs 28:6 Лучше нищь ходяй во истине, нежели богат ложь. Proverbs 28:7 Хранит закон сын разумный: а иже пасет несытость, безчестит отца своего. Proverbs 28:8 Умножаяй богатство свое с лихвами и прибытки милующему нищыя собирает е. Proverbs 28:9 Укланяяй ухо свое не послушати закона и сам молитву свою омерзил. Proverbs 28:10 Иже льстит правыя на пути злем, во истление сам впадет: беззаконнии же минуют благая и не внидут в ня. Proverbs 28:11 Премудр у себе муж богатый, убогий же разумив презрит его. Proverbs 28:12 Помощию праведных многа бывает слава, на местех же нечестивых погибают человецы. Proverbs 28:13 Покрываяй нечестие свое не успеет во благая, поведая же обличения возлюблен будет. Proverbs 28:14 Блажен муж, иже боится всех за благоговение, а жестосердый впадает во злая. Proverbs 28:15 Лев алчен и волк жажден, иже тиранствует, нищь сый, над языком убогим. Proverbs 28:16 Царь скуден уроком велик клеветник (бывает), а ненавидяй неправды долго лет поживет. Proverbs 28:17 Мужа, иже в вине смертне, выручаяй беглец будет, а не утвержден. Наказуй сына, и возлюбит тя и даст лепоту твоей души, не послушает языка законопреступна. Proverbs 28:18 Ходяй праведно помощь приимет, ходяй же в стропотны пути увязнет. Proverbs 28:19 Делаяй свою землю насытится хлебов, гоняй же праздность насытится нищеты. Proverbs 28:20 Муж веры достойный много благословится, злый же не без мучения будет. Proverbs 28:21 Иже не срамляется лица праведных, не благ: таковый за укрух хлеба продаст мужа. Proverbs 28:22 Тщится обогатитися муж завидлив, и не весть, яко милостивый возобладает им. Proverbs 28:23 Обличаяй человечы пути благодать имать паче языком ласкающаго. Proverbs 28:24 Иже отвергает отца или матерь и мнится не согрешати, сей сопричастник есть мужу нечестиву. Proverbs 28:25 Неверный муж судит туне, а иже надеется на Господа, в прилежании будет. Proverbs 28:26 Иже надеется на дерзо сердце, таковый безумен: а иже ходит в премудрости, спасется. Proverbs 28:27 Иже дает убогим, не оскудеет: а иже отвращает око свое, в скудости будет мнозе. Proverbs 28:28 На местех нечестивых стенят праведнии, в погибели же их умножатся праведнии. Proverbs 29:0 Proverbs 29:1 Лучше муж обличаяй, нежели муж жестоковыйный: внезапу бо палиму ему, несть изцеления. Proverbs 29:2 Похваляемым праведным, возвеселятся людие: началствующым же нечестивым, стенят мужие. Proverbs 29:3 Мужу любящу премудрость, веселится отец его: а иже пасет любодейцы, погубит богатство. Proverbs 29:4 Царь праведен возвышает землю, муж же законопреступник раскоповает. Proverbs 29:5 Иже уготовляет на лице своему другу мрежу, облагает ю на своя ноги. Proverbs 29:6 Согрешающему мужу велия сеть: праведный же в радости и в веселии будет. Proverbs 29:7 Умеет праведный суд творити убогим, а нечестивый не разумеет разума, и убогому несть ума разумевающаго. Proverbs 29:8 Мужие беззаконнии сожгоша град, мудрии же отвратиша гнев. Proverbs 29:9 Муж мудр судит языки, муж же злый гневаяйся посмеваемь бывает, а не устрашает. Proverbs 29:10 Мужие кровей причастни возненавидят преподобнаго, правии же взыщут душу его. Proverbs 29:11 Весь гнев свой произносит безумный: премудрый же скрывает по части. Proverbs 29:12 Царю послушающу словесе неправедна, вси, иже под ним, законопреступницы. Proverbs 29:13 Заимодавцу и должнику, друг со другом сошедшымся, посещение творит обема Господь. Proverbs 29:14 Царю во истине судящему нищым, престол его во свидетелство устроится. Proverbs 29:15 Язвы и обличения дают мудрость: отрок же заблуждаяй срамляет родители своя. Proverbs 29:16 Многим сущым нечестивым мнози греси бывают, праведнии же, оным падающым, устрашаеми бывают. Proverbs 29:17 Наказуй сына твоего, и упокоит тя и даст лепоту души твоей. Proverbs 29:18 Не будет сказатель языку законопреступну, храняй же закон блажен. Proverbs 29:19 Не накажется словесы раб жесток: аще бо и уразумеет, но не послушает. Proverbs 29:20 Аще увидиши мужа скора в словесех, разумей, яко упование имать паче его безумный. Proverbs 29:21 Иже ласкосерд будет от детства, поработится, на последок же болезновати будет о сем. Proverbs 29:22 Муж гневливый воздвизает свар, муж же ярый открывает грехи. Proverbs 29:23 Досаждение мужа смиряет, а смиренныя утверждает Господь в славе. Proverbs 29:24 Иже сообщается татю, ненавидит своея души: аще же клятву предложенную слышавшии не возвестят, Proverbs 29:25 убоявшеся и постыдевшеся человеков, преткнутся: надеявыйся же на Господа возвеселится. Нечестие мужу дает соблажнение: уповаяй же на Владыку спасется. Proverbs 29:26 Мнози угождают лицам началников: от Господа же сбывается правда мужу. Proverbs 29:27 Мерзость праведнику муж неправеден: мерзость же законопреступному путь правоведяй. Proverbs 30:0 Proverbs 30:1 Сия глаголет муж верующым Богови, и почиваю: Proverbs 30:2 безумнее бо есмь от всех человек, и разума человеческаго несть во мне: Proverbs 30:3 Бог же научи мя премудрости, и разум святых уразумех. Proverbs 30:4 Кто взыде на небо и сниде? Кто собра ветры в недра? Кто возврати воду в ризу? Кто обдержа вся концы земли? Кое имя его? Или кое имя сыну его, да разумееши? Proverbs 30:5 Вся бо словеса Божия раздежена: защищает же Сам благоговеющих Ему. Proverbs 30:6 Не приложи ко словесем Его, да не обличит тя, и ложь будеши. Proverbs 30:7 Двое прошу у Тебе: не отими от мене благодати прежде умертвия моего: Proverbs 30:8 суетно слово и ложно далече от мене сотвори, богатства же и нищеты не даждь ми: устрой же ми потребная и самодоволная, Proverbs 30:9 да не насыщься ложь буду и реку: кто мя видит? Или обнищав украду и кленуся именем Божиим. Proverbs 30:10 Не предаждь раба в руце господина, да не когда прокленет тя, и изчезнеши. Proverbs 30:11 Чадо зло кленет отца и матерь не благословит. Proverbs 30:12 Чадо зло праведна себе судит, исхода же своего не измы. Proverbs 30:13 Чадо зло высоки очи имать, веждома же своима возносится. Proverbs 30:14 Чадо зло мечь зубы (своя) имать, и членовныя яко сечиво, еже губити и поядати смиренныя от земли и убогия их от человек. Proverbs 30:15 Пиявица име три дщери, любовию возлюблены, и три сия не насытишася ея, и четвертая не удовлися рещи: доволно (ми есть). Proverbs 30:16 Ад и похоть жены, и земля ненапоеная водою и вода и огнь не рекут: довлеет. Proverbs 30:17 Око ругающееся отцу и досаждающее старости матерни, да исторгнут е вранове от дебрия и да снедят е птенцы орли. Proverbs 30:18 Трие ми суть невозможная уразумети, и четвертаго не вем: Proverbs 30:19 следа орла паряща (по воздуху) и пути змиа (ползуща) по камени, и стези корабля пловуща по морю и путий мужа в юности (его). Proverbs 30:20 Таков путь жены блудницы: яже егда сотворит, и измывшися, ничтоже, рече, содеях нелепо. Proverbs 30:21 Треми трясется земля, четвертаго же не может понести: Proverbs 30:22 аще раб воцарится, и безумный исполнится пищею, и раба аще изженет свою госпожу, Proverbs 30:23 и мерзкая жена аще ключится добру мужу. Proverbs 30:24 Четыри же суть малейшая на земли, сия же суть мудрейша мудрых: Proverbs 30:25 мравие, имже несть крепости и уготовляют в жатву пищу: Proverbs 30:26 и хирогрилли, язык не крепок, иже сотвориша в камениих домы своя: Proverbs 30:27 безцарни суть прузие, и воюют от единаго повеления благочинно: Proverbs 30:28 ящерица, руками опирающися и удобь уловляема сущи, живет во твердех царевых. Proverbs 30:29 Трие суть, яже благопоспешно ходят, четвертое же, еже добре проходит: Proverbs 30:30 скимен львов крепчае зверей, иже не отвращается, ни устрашается скота, Proverbs 30:31 и петель ходя в кокошех благодушен, и козел предводитель стаду, и царь глаголяй к народу во языце. Proverbs 30:32 Аще вдаси себе в веселие и простреши руку твою со сваром, поруган будеши. Proverbs 30:33 Мельзи млеко, и будет масло. Аще ли ноздри чешеши, изыдет кровь: аще же извлечеши словеса, изыдут судове и тяжбы. Proverbs 31:0 Proverbs 31:1 Моя словеса рекошася от Бога, царево пророчество, егоже наказа мати его: Proverbs 31:2 что, чадо, (соблюдеши,) что речение Божие? Первородне, тебе глаголю, сыне: что, чадо моего чрева? Что, чадо моих молитв? Proverbs 31:3 Не даждь женам твоего богатства и твоего ума и жития в последний совет. Proverbs 31:4 С советом все твори, с советом пий вино: сильнии гневливи суть, вина да не пиют, Proverbs 31:5 да напившеся не забудут мудрости и право судити немощным не возмогут. Proverbs 31:6 Дадите сикера сущым в печалех и вино пити сущым в болезнех, Proverbs 31:7 да забудут убожества и болезней не воспомянут ктому. Proverbs 31:8 Сыне, отверзай уста твоя слову Божию и суди вся здраво: Proverbs 31:9 отверзай уста твоя и суди праведно, разсуждай же убога и немощна. Proverbs 31:10 Жену доблю кто обрящет, дражайши есть камения многоценнаго таковая: Proverbs 31:11 дерзает на ню сердце мужа ея: таковая добрых корыстей не лишится: Proverbs 31:12 делает бо мужу своему благая во все житие: Proverbs 31:13 обретши волну и лен, сотвори благопотребное рукама своима. Proverbs 31:14 Бысть яко корабль куплю дея, издалеча собирает себе богатство: Proverbs 31:15 и востает из нощи, и даде брашна дому и дела рабыням. Proverbs 31:16 Узревши село купи, от плодов же рук своих насади стяжание. Proverbs 31:17 Препоясавши крепко чресла своя, утвердит мышцы своя на дело, Proverbs 31:18 и вкуси, яко добро есть делати, и не угасает светилник ея всю нощь. Proverbs 31:19 Лакти своя простирает на полезная, руце же свои утверждает на вретено, Proverbs 31:20 и руце свои отверзает убогому, длань же простре нищу. Proverbs 31:21 Не печется о сущих в дому муж ея, егда где замедлит: вси бо у нея одеяни суть. Proverbs 31:22 Сугуба одеяния сотвори мужу своему, от виссона же и порфиры себе одеяния. Proverbs 31:23 Славен бывает во вратех муж ея, внегда аще сядет в сонмищи со старейшины жительми земли. Proverbs 31:24 Плащаницы сотвори и продаде Финикианом, опоясания же Хананеом. Proverbs 31:25 Уста своя отверзе внимателно и законно и чин заповеда языку своему. Proverbs 31:26 Крепостию и лепотою облечеся, и возвеселися во дни последния. Proverbs 31:27 Тесны стези дому ея, брашна же леностнаго не яде. Proverbs 31:28 Уста своя отверзе мудро и законно. Proverbs 31:29 Милостыня же ея возстави чада ея, и обогатишася: и муж ея похвали ю: Proverbs 31:30 многи дщери стяжаша богатство, многи сотвориша силу: ты же предуспела и превознеслася еси над всеми: Proverbs 31:31 ложнаго угождения и суетныя доброты женския несть в тебе: жена бо разумная благословена есть: страх же Господень сия да хвалит. Дадите ей от плодов устен ея, и да хвалимь будет во вратех муж ея.
Ecclesiastes 0:0
Екклесиаст Ecclesiastes 1:0 Ecclesiastes 1:1 Глаголы Екклесиаста, сына Давидова, царя Израилева во Иерусалиме. Ecclesiastes 1:2 Суета суетствий, рече Екклесиаст, суета суетствий, всяческая суета. Ecclesiastes 1:3 Кое изюбилие человеку во всем труде его, имже трудится под солнцем? Ecclesiastes 1:4 Род преходит и род приходит, а земля во век стоит. Ecclesiastes 1:5 И восходит солнце и заходит солнце и в место свое влечется, сие возсиявая тамо. Ecclesiastes 1:6 Идет к югу и обходит к северу, обходит окрест, идет дух и на круги своя обращается дух. Ecclesiastes 1:7 Вси потоцы идут в море, и море несть насыщаемо: на место, аможе потоцы идут, тамо тии возвращаются ити. Ecclesiastes 1:8 Вся словеса трудна, не возможет муж глаголати: и не насытится око зрети, ни исполнится ухо слышания. Ecclesiastes 1:9 Что было, тожде есть, еже будет: и что было сотвореное, тожде имать сотворитися: Ecclesiastes 1:10 и ничтоже ново под солнцем. Иже возглаголет и речет: се, сие ново есть: уже бысть в вецех бывших прежде нас. Ecclesiastes 1:11 Несть память первых, и последним бывшым не будет их память с будущими на последок. Ecclesiastes 1:12 Аз Екклесиаст бых царь над Израилем во Иерусалиме Ecclesiastes 1:13 и вдах сердце мое, еже взыскати и разсмотрити в мудрости о всех бывающих под небесем: яко попечение лукаво даде Бог сыном человеческим, еже упражднятися в нем. Ecclesiastes 1:14 Видех всяческая сотворения сотворенная под солнцем: и се, вся суетство и произволение духа. Ecclesiastes 1:15 Развращенное не может исправитися, и лишение не может изчислитися. Ecclesiastes 1:16 Глаголах аз в сердцы моем, еже рещи: се, аз возвеличихся и умножих мудрость паче всех, иже быша прежде мене во Иерусалиме, Ecclesiastes 1:17 и сердце мое вдах, еже ведети премудрость и разум: и сердце мое виде многая, премудрость и разум, притчи и хитрость: уразумех аз, яко и сие есть произволение духа: Ecclesiastes 1:18 яко во множестве мудрости множество разума, и приложивый разум приложит болезнь. Ecclesiastes 2:0 Ecclesiastes 2:1 Рекох аз в сердцы моем: прииди убо, да тя искушу в веселии, и виждь во блазе: и се, такожде сие суетство. Ecclesiastes 2:2 Смеху рекох: погрешение, и веселию: что сие твориши? Ecclesiastes 2:3 И разсмотрих, аще сердце мое повлечет аки вино плоть мою: и сердце мое настави мя в мудрости, и еже удержати веселие, дондеже увижду, кое благо сыном человеческим, еже творят под солнцем в число дний живота своего. Ecclesiastes 2:4 Возвеличих творение мое: создах ми домы, насадих ми винограды, Ecclesiastes 2:5 сотворих ми вертограды и сады и насадих в них древес всякаго плода, Ecclesiastes 2:6 сотворих ми купели водныя, еже напаяти от них прозябение древес: Ecclesiastes 2:7 притяжах рабы и рабыни, и домочадцы быша ми: и стяжание скота, и стад много ми бысть, паче всех бывших прежде мене во Иерусалиме: Ecclesiastes 2:8 собрах ми злато и сребро и имения царей и стран, сотворих ми поющих и поющыя, и услаждения сынов человеческих, виночерпцы и виночерпицы. Ecclesiastes 2:9 И возвеличихся, и приложихся мудрости паче всех бывших прежде мене во Иерусалиме: и мудрость моя пребысть со мною. Ecclesiastes 2:10 И все, егоже просиста очи мои, не отях от них и не возбраних сердцу моему от всякаго веселия моего, яко сердце мое возвеселися во всяцем труде моем. И сие бысть часть моя от всего труда моего. Ecclesiastes 2:11 И призрех аз на вся творения моя, яже сотвористе руце мои, и на труд, имже трудихся творити. И се, вся суета и произволение духа, и несть изюбилие под солнцем. Ecclesiastes 2:12 И призрех аз видети мудрость, лесть и безумие: яко кто человек, иже пойдет вслед совета, елика сотвори в нем? Ecclesiastes 2:13 И видех аз, яко есть изюбилие мудрости паче безумия, якоже изюбилие света паче тмы: Ecclesiastes 2:14 мудраго очи его во главе его, а безумный во тме ходит: и уведех и аз, яко случай един случится всем им. Ecclesiastes 2:15 И рех аз в сердцы моем: якоже случай безумнаго, и мне случится: и вскую умудрихся? Аз тогда излишше глаголах в сердцы моем, яко и сие суета, понеже безумный от избытка глаголет: Ecclesiastes 2:16 яко несть памяти мудраго с безумным во век, зане уже во днех грядущих вся забвена быша: и како умрет мудрый с безумным? Ecclesiastes 2:17 И возненавидех живот, яко лукавно мне сотворение сотворенное под солнцем: понеже всяческая суета и произволение духа. Ecclesiastes 2:18 И возненавидех аз всяческая мира и труд мой, имже аз труждаюся под солнцем, яко оставляю его человеку будущему по мне. Ecclesiastes 2:19 И кто весть, мудр ли будет или безумен? И обладати ли имать всем трудом моим, имже трудихся и имже мудрствовах под солнцем? И сие же суета. Ecclesiastes 2:20 И обратихся аз отрещися сердцу моему о всем труде, имже трудихся под солнцем: Ecclesiastes 2:21 яко есть человек, егоже труд в мудрости и в разуме и в мужестве: и человек, иже не потрудися о нем, даст ему часть свою. И сие суета и лукавство велие. Ecclesiastes 2:22 Яко бывает человеку во всем труде его и в произволении сердца его, имже той труждается под солнцем, Ecclesiastes 2:23 яко вси дние его болезней и ярости попечение ему, ибо в нощи не спит сердце его. И сие же суета есть. Ecclesiastes 2:24 Несть благо человеку, но (разве) еже яст и пиет и еже покажет души своей благо в труде своем: и сие видех аз, яко от руки Божия есть: Ecclesiastes 2:25 яко кто яст и пиет кроме Его? Ecclesiastes 2:26 Яко человеку благу пред лицем Его даде мудрость и разум и веселие, согрешающему же даде попечение, еже прилагати и собирати, во еже дати благому пред лицем Божиим: яко и сие суета и произволение духа. Ecclesiastes 3:0 Ecclesiastes 3:1 Всем время и время всяцей вещи под небесем: Ecclesiastes 3:2 время раждати и время умирати, время садити и время исторгати сажденое, Ecclesiastes 3:3 время убивати и время целити, время разрушати и время созидати, Ecclesiastes 3:4 время плакати и время смеятися, время рыдати и время ликовати, Ecclesiastes 3:5 время разметати камение и время собирати камение, время обымати и время удалятися от обымания, Ecclesiastes 3:6 время искати и время погубляти, время хранити и время отреяти, Ecclesiastes 3:7 время раздрати и время сшити, время молчати и время глаголати, Ecclesiastes 3:8 время любити и время ненавидети, время брани и время мира. Ecclesiastes 3:9 Кое изюбилие творящаго, в нихже сам трудится? Ecclesiastes 3:10 Видех попечение всяческое, еже даде Бог сыном человеческим, еже пещися в нем. Ecclesiastes 3:11 Всяческая, яже сотвори, добра (суть) во время свое, ибо всякий век дал есть в сердце их, яко да не обрящет человек сотворения, еже сотвори Бог от начала и даже до конца. Ecclesiastes 3:12 Уразумех, яко несть благо в них, но токмо еже веселитися и еже творити благо в животе своем: Ecclesiastes 3:13 ибо всяк человек, иже яст и пиет и видит благое во всем труде своем, сие даяние Божие есть. Ecclesiastes 3:14 Разумех, яко вся, елика сотвори Бог, сия будут во век: к тем несть приложити и от тех несть отяти, и Бог сотвори, да убоятся от лица Его: Ecclesiastes 3:15 бывшее уже есть, и елика имут быти, уже быша, и Бог взыщет гонимаго. Ecclesiastes 3:16 И еще видех под солнцем место суда, тамо нечестивый, и место праведнаго, тамо благочестивый. Ecclesiastes 3:17 И рех аз в сердцы моем: праведнаго и нечестиваго судит Бог: яко время всяцей вещи и на всяцем сотворении тамо. Ecclesiastes 3:18 Рех аз в сердцы моем о глаголании сынов человеческих, яко разсудит их Бог: и еже показати, яко сии скоти суть: Ecclesiastes 3:19 ибо и тем якоже случай сынов человеческих и случай скотский, случай един им: якоже смерть того, тако и смерть сего, и дух един во всех: и что излишше имать человек паче скота? Ничтоже: яко всяческая суета. Ecclesiastes 3:20 Вся идут во едино место: вся быша от персти и вся в персть возвращаются. Ecclesiastes 3:21 И кто весть дух сынов человеческих, аще той восходит горе? И дух скотский, аще низходит той долу в землю? Ecclesiastes 3:22 И видех, яко несть благо, но токмо еже возвеселится человек в творениих своих, яко сия часть его: понеже кто приведет его видети то, еже будет по нем? Ecclesiastes 4:0 Ecclesiastes 4:1 И обратихся аз и видех вся оклеветания бывающая под солнцем: и се, слезы оклеветанных, и несть им утешающаго, и от руки клевещущих на ня крепость, и несть им утешающаго. Ecclesiastes 4:2 И похвалих аз всех умерших, иже умроша уже, паче живых, елицы живи суть доселе: Ecclesiastes 4:3 и благ паче обоих сих, иже еще не бысть, иже не виде всякаго сотворения лукаваго сотвореннаго под солнцем. Ecclesiastes 4:4 И видех аз весь труд и всяко мужество сотворения, яко сие ревность мужа от подруга своего. И сие суета и произволение духа. Ecclesiastes 4:5 Безумный объят руце свои и снеде плоти своя. Ecclesiastes 4:6 Благо есть исполнение горсти покоя, паче исполнения двою горстию труда и произволения духа. Ecclesiastes 4:7 И обратихся аз и видех суетство под солнцем: Ecclesiastes 4:8 есть един, и несть втораго, ни сына, ниже брата несть ему, и несть конца всему труду его, ниже око его насыщается богатства. И кому аз труждаюся и лишаю душу мою от благостыни? И сие суета и попечение лукавно есть. Ecclesiastes 4:9 Блази два паче единаго, имже есть мзда блага в труде их: Ecclesiastes 4:10 яко аще падется един от них, воздвигнет другий причастника своего: и горе тому единому, егда падет и не будет втораго воздвигнути его. Ecclesiastes 4:11 И аще уснета два, тепло има будет, а един како согреется? Ecclesiastes 4:12 И аще укрепится един, два станета противу ему: и вервь треплетена не скоро расторгнется. Ecclesiastes 4:13 Благ отрок нищь и мудр, паче стара царя и безумна, иже не разуме внимати еще: Ecclesiastes 4:14 яко из дому юзников изыдет царствовати, понеже и в царстве своем родися нищь. Ecclesiastes 4:15 Видех всех живущих, ходящих под солнцем, с юным вторым, иже востанет вместо его. Ecclesiastes 4:16 Несть конца всем людем, всем, иже пред ними быша, ибо последнии не возвеселятся о нем: яко и сие суета и произволение духа. Ecclesiastes 4:17 Сохрани ногу твою, егда аще идеши в дом Божий, и близ (буди) еже слушати: паче даяния безумных жертва твоя, понеже не ведят, яко творят зло. Ecclesiastes 5:0 Ecclesiastes 5:1 Не скор буди усты твоими, и сердце твое да не ускоряет износити слово пред лицем Божиим, яко Бог на небеси горе, ты же на земли долу: сего ради да будут словеса твоя мала: Ecclesiastes 5:2 яко приходит соние во множестве попечения, тако и глас безумнаго во множестве словес. Ecclesiastes 5:3 Аще обещаеши обет Богу, не умедли отдати его, яко несть хотения в безумных: ты убо, елика аще обещаеши, отдаждь. Ecclesiastes 5:4 Благо тебе еже не обещаватися, нежели обещавшуся тебе, не отдати. Ecclesiastes 5:5 Не даждь устнам твоим еже во грех ввести плоть твою, и да не речеши пред лицем Божиим, яко неведение есть: да не прогневается Бог о гласе твоем и растлит творения рук твоих: Ecclesiastes 5:6 яко во множестве соний и суетствия, (тако) и словеса многа, темже Бога бойся. Ecclesiastes 5:7 Аще обиду нищаго и расхищение суда и правды увидиши во стране, не дивися о вещи: яко высокий над высоким надзиратель, и высоцыи над ними, Ecclesiastes 5:8 и изюбилие земли над всем есть царь села возделанна. Ecclesiastes 5:9 Любяй сребро не насытится сребра: и кто насладится во множестве его плода? И сие суета. Ecclesiastes 5:10 Во множестве блага умножишася ядущии е: и кое мужество имущему е? Яко начало еже видети очима своима. Ecclesiastes 5:11 Сон сладок работающему, аще мало или много снесть: а насытившагося богатство не оставляет уснути. Ecclesiastes 5:12 Есть недуг, егоже видех под солнцем, богатство хранимо от стяжателя во зло ему: Ecclesiastes 5:13 и погибнет богатство оно в попечении лукавне: и роди сына, и несть в руце его ничтоже: Ecclesiastes 5:14 якоже изыде из чрева матере своея наг, возвратится ити, якоже и прииде, и ничтоже возмет от труда своего, да понесет в руце своей. Ecclesiastes 5:15 И сие зол недуг: якоже бо прииде, тако и отидет, и кая польза ему, яко трудится на ветр? Ecclesiastes 5:16 Ибо вси дние его во тме и плачи и в ярости мнозе, и в недузе и во гневе. Ecclesiastes 5:17 Се, видех аз благое, еже есть изрядно, еже ясти и пити и видети благостыню во всем труде своем, имже трудился бы под солнцем, в число дний живота своего, яже дал есть ему Бог, яко сие часть его: Ecclesiastes 5:18 ибо всякому человеку, емуже дал есть Бог богатство и имения, и власть даде ему ясти от того и прияти часть свою и возвеселитися о труде своем, сие дар Божий есть: Ecclesiastes 5:19 яко не много памятствовати имать дни живота своего, понеже Бог облагает его попеченьми в веселии сердца его. Ecclesiastes 6:0 Ecclesiastes 6:1 Есть лукавствие, еже видех под солнцем, и много есть над человеком: Ecclesiastes 6:2 муж, емуже даст Бог богатство и имение и славу, и несть лишаяй души своей от всех, ихже вожделеет, и не даст ему Бог власти от него ясти, яко чуждь муж ясти имать от него. И сие суета и недуг зол есть. Ecclesiastes 6:3 Аще родит муж сто (чад) и лета многа поживет, и мнози будут дние лет его, и душа его не насытится от благостыни, и погребения не бысть ему, рех: благ паче его изверг, Ecclesiastes 6:4 яко в суете прииде и во тму идет, и во тме имя его покрыется: Ecclesiastes 6:5 и солнца не виде, ниже разуме, покой сему паче того: Ecclesiastes 6:6 и поживе тысящу лет сугубо, и благостыни не виде: еда не во едино место вся идут? Ecclesiastes 6:7 Весь труд человечь во уста его, и душа его не исполнится. Ecclesiastes 6:8 Яко кое изюбилие (человеку) мудрому паче безумнаго? Понеже нищь позна ходити противу живота. Ecclesiastes 6:9 Благо видение очию паче ходящаго душею. И се суетствие и произволение духа. Ecclesiastes 6:10 Аще что бысть, уже именовася имя его, и познася, еже есть человек и не возможет судитися с крепчайшим паче себе: Ecclesiastes 6:11 яко суть словеса многа умножающая суету. Ecclesiastes 7:0 Ecclesiastes 7:1 Что излишше человеку, яко кто весть, что благо человеку в животе (его) число дний живота суетства его? И сотвори я в сени: яко кто возвестит человеку, что будет по нем под солнцем? Ecclesiastes 7:2 Благо имя паче елеа блага, и день смертный паче дня рождения его. Ecclesiastes 7:3 Благо ходити в дом плача, нежели ходити в дом пира, понеже сие конец всякому человеку, и живый даст благо в сердцы его. Ecclesiastes 7:4 Блага ярость паче смеха, яко во злобе лица ублажится сердце. Ecclesiastes 7:5 Сердце мудрых в дому плача, а сердце безумных в дому веселия. Ecclesiastes 7:6 Благо еже слышати прещение премудра, паче мужа слышащаго песнь безумных: Ecclesiastes 7:7 якоже глас терния под котлом, тако смех безумных. И сие суета. Ecclesiastes 7:8 Яко клевета льстит мудраго и погубляет сердце благородствия его. Ecclesiastes 7:9 Блага последняя словес паче начала его: благ терпеливый паче высокаго духом. Ecclesiastes 7:10 Не тщися в дусе своем яритися, яко ярость в недре безумных почиет. Ecclesiastes 7:11 Да не речеши: что бысть, яко дние прежднии беша блази паче сих? Яко не в мудрости вопросил еси о сем. Ecclesiastes 7:12 Блага мудрость с наследием, паче же видящым солнце: Ecclesiastes 7:13 яко в сени его мудрость, якоже сень сребра, и изюбилие разума премудрости оживляет, иже от нея. Ecclesiastes 7:14 Виждь творения Божия: яко кто может украсити, егоже аще Бог превратит? Ecclesiastes 7:15 В день благостыни (Его) живи во блазе и виждь в день зла: виждь, и с ним согласно сие сотвори Бог, о глаголании, да не обрящет человек за Ним ничтоже. Ecclesiastes 7:16 Всяческая видех во днех суетствия моего: есть праведный погибаяй во своей правде, и есть нечестивый пребываяй во своей злобе. Ecclesiastes 7:17 Не буди правдив вельми, ни мудрися излишше, да не когда изумишися. Ecclesiastes 7:18 Не нечествуй много и не буди жесток, да не умреши не во время свое. Ecclesiastes 7:19 Благо ти есть держатися сего, и от сего не оскверни руки твоея, яко боящымся Бога поспешатся вся. Ecclesiastes 7:20 Премудрость поможет мудрому паче десяти обладающих во граде: Ecclesiastes 7:21 яко несть человек праведен на земли, иже сотворит благое и не согрешит. Ecclesiastes 7:22 И во вся словеса, яже возглаголют нечестивии, не вложи сердца своего, да не услышиши раба своего кленуща тебе: Ecclesiastes 7:23 яко многажды возлукавнует на тя, и обхождении многими озлобит сердце твое, якоже и ты клял еси иныя (многия). Ecclesiastes 7:24 Вся сия искусих в мудрости: рех, умудрюся: и сия удалися от мене Ecclesiastes 7:25 далече паче неже бех, и бездны глубина, кто обрящет ю? Ecclesiastes 7:26 Обыдох аз, и сердце мое, еже разумети, еже разсмотрити, и еже взыскати мудрость и разум, и еже разумети нечестиваго безумие и ожесточение и лесть: Ecclesiastes 7:27 и обретох аз ю, и реку горчайшу паче смерти жену, яже есть ловитва, и сети сердце ея, узы в руку ея: благий пред лицем Божиим изимется от нея, а согрешаяй ят будет от нея. Ecclesiastes 7:28 Се, сие обретох, рече Екклесиаст: едину единою еже обрести помысл, еже взыска душа моя, и не обретох: Ecclesiastes 7:29 и человека единаго от тысящ обретох, а жены во всех сих не обретох: обаче се, сие обретох, еже сотвори Бог человека праваго, и сии взыскаша помыслов многих. Кто уведе мудрость? И кто весть разрешение глагола? Ecclesiastes 8:0 Ecclesiastes 8:1 Мудрость человека просветит лице его, а безстудный возненавиден будет лицем своим. Ecclesiastes 8:2 Уста царева сохрани, и о словеси клятвы Божия не скор буди. Ecclesiastes 8:3 От лица его пойдеши, не стани во словеси лукавне, яко все, еже (аще) восхощет, сотворит, Ecclesiastes 8:4 якоже царь обладаяй, и кто речет ему: что твориши? Ecclesiastes 8:5 Храняй заповедь не увесть глагола лукавна: и время суда весть сердце мудраго, Ecclesiastes 8:6 яко всяцей вещи есть время и суд: яко разум человека мног (есть) на нем, Ecclesiastes 8:7 яко несть ведящаго, что будущее: зане якоже будет, кто возвестит ему? Ecclesiastes 8:8 Несть человека владущаго духом, еже возбранити духу: и несть владущаго в день смерти, и несть посла в день брани: и не спасет нечестие сущаго в нем. Ecclesiastes 8:9 И все сие видех, и вдах сердце мое во все сотворение, еже сотворено есть под солнцем, вся, во еликих обладан есть человек над человеком, еже озлобити его. Ecclesiastes 8:10 И тогда видех нечестивыя во гробы внесены, и от святаго: и идоша и похвалени быша во граде, яко сице сотвориша. И сие суета. Ecclesiastes 8:11 Яко несть пререкания бывающаго творящым лукавое вскоре: сего ради уверися сердце сынов человеческих в них, еже сотворити лукавое. Ecclesiastes 8:12 Иже согреши, сотворил есть лукавое, оттоле, и от долготы их: ибо и вем аз, яко есть благо боящымся Бога, да боятся от лица Его, Ecclesiastes 8:13 и не будет благо нечестивому, и не продолжит дний в сени, иже несть бояйся от лица Божия. Ecclesiastes 8:14 Есть суета, яже сотворена есть на земли: яко суть праведнии, на нихже постизает яко творение нечестивых, и суть нечестивии, на нихже постизает яко творение праведных. Рех, яко и сие суета. Ecclesiastes 8:15 И похвалих аз веселие, яко несть благо человеку под солнцем, но токмо еже ясти и пити и еже веселитися: и то прибыток ему в труде его во днех живота его, ихже дал есть ему Бог под солнцем. Ecclesiastes 8:16 В нихже дах сердце мое, еже разумети мудрость и еже ведети попечение сотвореное на земли: яко и во дни и в нощи сна во очию своею несть видяй. Ecclesiastes 8:17 И видех вся творения Божия, яко не может человек изобрести творение сотвореное под солнцем: елика аще потрудится человек обрести, и не обрящет: и елика аще речет мудрый уразумети, не возможет обрести. Темже все сие вдах в сердце мое, и сердце мое все сие виде. Ecclesiastes 9:0 Ecclesiastes 9:1 Яко праведнии и мудрии и делания их в руце Божией, и любве же и ненависти несть ведяй человек: вся пред лицем их, суета во всех. Ecclesiastes 9:2 Случай един праведному и нечестивому, благому и злому, и чистому и нечистому, и жрущему и не жрущему: якоже благий, тако согрешаяй, якоже кленыйся, тако бояйся клятвы. Ecclesiastes 9:3 Сие лукаво во всяцем сотворенем под солнцем, яко случай един всем: и сердце сынов человеческих исполнися лукавствия, и прелесть в сердцах их и в животе их, и по сих к мертвым. Ecclesiastes 9:4 Понеже кто есть, иже приобщается ко всем живым? Есть надежда, яко пес живый, той благ паче льва мертва. Ecclesiastes 9:5 Понеже живии разумеют, яко умрут, мертвии же не суть ведущии ничтоже: и ктому несть им мзды, яко забвена есть память их, Ecclesiastes 9:6 и любовь их и ненависть их и рвение их уже погибе, и части несть им ктому во веки во всяцем творении под солнцем. Ecclesiastes 9:7 Прииди, яждь в веселии хлеб твой и пий во блазе сердцы вино твое, яко уже угодна Богу творения твоя. Ecclesiastes 9:8 Во всяко время да будут ризы твоя белы, и елей на главе твоей да не оскудеет. Ecclesiastes 9:9 И виждь житие с женою, юже возлюбил еси, во вся дни живота юности твоея, данныя ти под солнцем, вся дни суетствия твоего: яко сие часть твоя в животе твоем и в труде твоем, имже ты трудишися под солнцем. Ecclesiastes 9:10 Вся, елика аще обрящет рука твоя сотворити, якоже сила твоя, сотвори: зане несть сотворение и помышление и разум и мудрость во аде, аможе ты идеши тамо. Ecclesiastes 9:11 Обратихся и видех под солнцем, яко ни легким течение, ниже сильным брань, ниже самому мудрому хлеб, ниже разумным богатство, ниже ведущым благодать: яко время и случай случится всем сим. Ecclesiastes 9:12 Яко убо не разуме человек времене своего: якоже рыбы уловляемы во мрежи зле, и аки птицы уловляемы в сети: якоже сия, уловляются сынове человечестии во время лукаво, егда нападет на ня внезапу. Ecclesiastes 9:13 И сие видех, мудрость под солнцем, и велика есть во мне: Ecclesiastes 9:14 град мал, и мужей в нем мало, и приидет нань царь велик и окрест обляжет его, и соделает на него остроги велия, Ecclesiastes 9:15 и обрящет в нем мужа нищаго мудра, и сей спасет град мудростию своею, и человек не воспомяну мужа нищаго онаго. Ecclesiastes 9:16 И рех аз: блага мудрость паче силы, и мудрость нищаго уничижена, и словеса его не суть послушаема. Ecclesiastes 9:17 Словеса мудрых в покои слышатся, паче клича обладающих в безумии. Ecclesiastes 9:18 Блага мудрость паче орудий ратных: и согрешаяй един погубит благостыню многу. Ecclesiastes 10:0 Ecclesiastes 10:1 Мухи умершыя згнояют елеа сладость: честно малое мудрости паче славы велики безумия. Ecclesiastes 10:2 Сердце мудраго одесную его, сердце же безумнаго ошуюю его: Ecclesiastes 10:3 и в путь егда безумный идет, сердце его лишается, и яже помышляет, вся безумие суть. Ecclesiastes 10:4 Аще дух владеющаго взыдет на тя, места твоего не остави: яко изцеление утолит грехи велики. Ecclesiastes 10:5 Есть лукавство, еже видех под солнцем, аки невольно изыде от лица владеющаго: Ecclesiastes 10:6 вдан безумный в высоты велики, а богатии во смиренных сядут: Ecclesiastes 10:7 видех рабов на конех, и князей идущих яко рабов на земли. Ecclesiastes 10:8 Копаяй яму впадет в ню, и разоряющаго ограду угрызнет его змий. Ecclesiastes 10:9 Иземляй камение поболит от них, разсецаяй дрова беду приимет в них: Ecclesiastes 10:10 аще спадет сечиво, и сам лицем смятется: и силы укрепит, и изюбилие мужу мудрость. Ecclesiastes 10:11 Аще угрызнет змий не в шепте, и несть излишества обавающему. Ecclesiastes 10:12 Словеса уст премудраго благодать, устне же безумнаго потопят его: Ecclesiastes 10:13 начало словес уст его безумие, и последняя уст его прелесть лукава. Ecclesiastes 10:14 Безумный умножает словеса: не разуме человек, что бывшее и что будущее, что созади его, (и) кто возвестит ему? Ecclesiastes 10:15 Труд безумных озлобит их, иже не разуме ити во град. Ecclesiastes 10:16 Горе тебе, граде, в немже царь твой юн, и князи твои рано ядят. Ecclesiastes 10:17 Блаженна ты, земле, еяже царь твой сын свободных, и князи твои во время ядят в силе и не постыдятся. Ecclesiastes 10:18 В леностех смирится строп, и в празднестве рук прокаплет храмина. Ecclesiastes 10:19 Во смех творят хлеб и вино и елей, еже веселитися живущым: и сребра со смирением послушают всяческая. Ecclesiastes 10:20 И в совести убо твоей не клени царя, и в клети ложницы твоея не клени богатаго: яко птица небесная донесет глас твой, и имеяй криле возвестит слово твое. Ecclesiastes 11:0 Ecclesiastes 11:1 Посли хлеб твой на лице воды, яко во множестве дний обрящеши его. Ecclesiastes 11:2 Даждь часть седмим и осмим, яко не веси, что будет лукаво на земли. Ecclesiastes 11:3 Аще исполнятся облацы дождя, на землю изливают: и аще падет древо на юг, и аще на север, на месте, идеже падет древо, тамо будет. Ecclesiastes 11:4 Блюдый ветра не сеет, и сматряяй во облацех не пожнет. Ecclesiastes 11:5 В нихже несть ведый, кии путь духа, якоже кости во чреве раждающия: тако не уразумееши дел Божиих, елика сотворит всяческая. Ecclesiastes 11:6 В заутрии сей семя твое, и в вечер да не оставляет рука твоя: яко не веси, кое произыдет сие или оно, и аще обоя вкупе благая. Ecclesiastes 11:7 И сладко свет, и благо очима зрети солнце: Ecclesiastes 11:8 яко аще и многа лета поживет человек, и о всех сих возвеселится, и помянет дни тмы, яко мнози будут: все грядущее суета. Ecclesiastes 11:9 Веселися, юноше, во юности твоей, и да ублажит тя сердце твое во днех юности твоея, и ходи в путех сердца твоего непорочен и не в видении очию твоею: и разумей, яко о всех сих приведет тя Бог на суд: Ecclesiastes 11:10 и отстави ярость от сердца твоего, и отрини лукавство от плоти твоея: яко юность и безумие суета. Ecclesiastes 12:0 Ecclesiastes 12:1 И помяни Сотворшаго тя во днех юности твоея, дондеже не приидут дние злобы твоея, и приспеют лета, в нихже речеши: несть ми в них хотения: Ecclesiastes 12:2 дондеже не померкнет солнце и свет, и луна и звезды, и обратятся облацы созади дождя: Ecclesiastes 12:3 в день, в оньже подвигнутся стражие дому, и развратятся мужие силы, и упразднятся мелющии, яко умалишася, и помрачатся зрящии во скважнех: Ecclesiastes 12:4 и затворят двери на торжищи, в немощи гласа мелющия, и востанет на глас птицы, и смирятся вся дщери песни: Ecclesiastes 12:5 и на высоту узрят, и ужас на пути, и процветет амигдал, и отолстеют прузие, и разрушится каппарис: яко отиде человек в дом века своего, и обыдоша на торжищи плачущии: Ecclesiastes 12:6 дондеже не превратится уже сребряное, и не сокрушится повязка златая, и сокрушится водонос у источника, и сломится колесо в колии. Ecclesiastes 12:7 И возвратится персть в землю, якоже бе, и дух возвратится к Богу, иже даде его. Ecclesiastes 12:8 Суета суетствий, рече Екклесиаст, всяческая суета. Ecclesiastes 12:9 И лишшее, яко бысть Екклесиаст мудр, и яко научи разуму человека: и ухо изследит красоту притчей. Ecclesiastes 12:10 Много взыска Екклесиаст, еже обрести словеса хотения, и написаное правости, словеса истины. Ecclesiastes 12:11 Словеса мудрых якоже остны воловии и якоже гвоздие вонзено, иже от сложений дани быша от пастыря единаго. Ecclesiastes 12:12 И множае от них, сыне мой, хранися: творити книги многи несть конца, и учение многое труд плоти. Ecclesiastes 12:13 Конец слова, все слушай: Бога бойся и заповеди Его храни, яко сие всяк человек: Ecclesiastes 12:14 яко все творение приведет Бог на суд о всяцем погрешении, аще благо и аще лукаво.
Song of Solomon 0:0
Песнь песней Song of Solomon 1:0 Song of Solomon 1:1 Да лобжет мя от лобзаний уст своих: яко блага сосца твоя паче вина, Song of Solomon 1:2 и воня мира твоего паче всех аромат. Миро излияное имя твое: сего ради отроковицы возлюбиша тя. Song of Solomon 1:3 Привлекоша тя: вслед тебе в воню мира твоего течем. Введе мя царь в ложницу свою: возрадуемся и возвеселимся о тебе, возлюбим сосца твоя паче вина: правость возлюби тя. Song of Solomon 1:4 Черна есмь аз и добра, дщери Иерусалимския, якоже селения Кидарска, якоже завесы Соломони. Song of Solomon 1:5 Не зрите мене, яко аз есмь очернена, яко опали мя солнце: сынове матере моея сваряхуся о мне, положиша мя стража в виноградех: винограда моего не сохраних. Song of Solomon 1:6 Возвести ми, егоже возлюби душа моя, где пасеши? Где почиваеши в полудне? Да не когда буду яко облагающаяся над стады другов твоих. Song of Solomon 1:7 Аще не увеси самую тебе, добрая в женах, изыди ты в пятах паств и паси козлища твоя у кущей пастырских. Song of Solomon 1:8 Конем моим в колесницех фараоновых уподобих тя, ближняя моя. Song of Solomon 1:9 Что украшены ланиты твоя яко горлицы, выя твоя яко монисты? Song of Solomon 1:10 Подобия злата сотворим ти с пестротами сребра. Song of Solomon 1:11 Дондеже (будет) царь на восклонении своем, нард мой даде воню свою. Song of Solomon 1:12 Вязание стакти брат мой мне, посреде сосцу моею водворится: Song of Solomon 1:13 грезн кипров брат мой мне в виноградех Енгаддовых. Song of Solomon 1:14 Се, еси добра, искренняя моя, се, еси добра: очи твои голубине. Song of Solomon 1:15 Се, еси добр, брат мой, и еще красен: одр наш со осенением, Song of Solomon 1:16 преклади дому нашего кедровии, дски нашя кипарисныя. Song of Solomon 2:0 Song of Solomon 2:1 Аз цвет польный и крин удольный. Song of Solomon 2:2 Якоже крин в тернии, тако искренняя моя посреде дщерей. Song of Solomon 2:3 Яко яблонь посреде древес лесных, тако брат мой посреде сынов: под сень его восхотех и седох, и плод его сладок в гортани моем. Song of Solomon 2:4 Введите мя в дом вина, вчините ко мне любовь: Song of Solomon 2:5 утвердите мя в мирех, положите мя во яблоцех: яко уязвлена (есмь) любовию аз. Song of Solomon 2:6 Шуйца его под главою моею, и десница его оымет мя. Song of Solomon 2:7 Заклях вас, дщери Иерусалимли, в силах и крепостех села: аще возставите и возбудите любовь, дондеже восхощет. Song of Solomon 2:8 Глас брата моего: се, той идет, скача на горы и прескача на холмы. Song of Solomon 2:9 Подобен есть брат мой серне или младу еленю на горах вефильских. Се, сей стоит за стеною нашею, проглядаяй оконцами, приницаяй сквозе мрежи. Song of Solomon 2:10 Отвещает брат мой и глаголет мне: востани, прииди, ближняя моя, добрая моя, голубице моя. Song of Solomon 2:11 Яко се, зима прейде, дождь отиде, отиде себе: Song of Solomon 2:12 цвети явишася на земли, время обрезания приспе, глас горлицы слышан в земли нашей: Song of Solomon 2:13 смоквь изнесе цвет свой, виногради зреюще даша воню. Востани, прииди, ближняя моя, добрая моя, голубице моя, и прииди. Song of Solomon 2:14 Ты, голубице моя, в покрове каменне, близ предстения: яви ми зрак твой, и услышан сотвори ми глас твой: яко глас твой сладок, и образ твой красен. Song of Solomon 2:15 Имите нам лисы малыя, губящыя винограды: и виногради наши созревают. Song of Solomon 2:16 Брат мой мне, и аз ему, пасый в кринах, Song of Solomon 2:17 дондеже дхнет день, и двигнутся сени. Обратися, уподобися ты, брате мой, серне или младу еленю на горах юдолий. Song of Solomon 3:0 Song of Solomon 3:1 На ложи моем в нощех исках, егоже возлюби душа моя, исках его, и не обретох его: воззвах его, и не послуша мене. Song of Solomon 3:2 Востану убо и обыду во граде и на торжищих и на стогнах, и поищу, егоже возлюби душа моя. Поисках его, и не обретох его: звах его, и не послуша мене. Song of Solomon 3:3 Обретоша мя стрегущии, обходяще во граде: видесте ли, егоже возлюби душа моя? Song of Solomon 3:4 Яко мало егда преидох от них, дондеже обретох, егоже возлюби душа моя: удержах его, и не оставих его, дондеже введох его в дом матере моея и в чертог заченшия мя. Song of Solomon 3:5 Заклях вас, дщери Иерусалимския, в силах и в крепостех селных: аще подвижете и воздвижете любовь, дондеже аще восхощет. Song of Solomon 3:6 Кто сия восходящая от пустыни, яко стебло дыма кадящее смирну и ливан, от всех благовоний мироварца? Song of Solomon 3:7 Се, одр Соломонь, шестьдесят сильных окрест его от сильных Израилевых, Song of Solomon 3:8 вси имуще оружия, научени на брань: муж, оружие его на бедре его от ужаса в нощех. Song of Solomon 3:9 Одр сотвори себе царь Соломон от древес Ливанских. Song of Solomon 3:10 Столпы его сотвори сребряны и восклонение его злато: восход его багрян, внутрь его камение постлано, любовь от дщерей Иерусалимских. Song of Solomon 3:11 Дщери Сиони, изыдите и видите в цари Соломоне в венце, имже венча его мати его в день обручения его и в день веселия сердца его. Song of Solomon 4:0 Song of Solomon 4:1 Се, еси добра, ближняя моя, се, еси добра: очи твои голубине, кроме замолчания твоего: власи твои яко стада козиц, яже открышася от Галаада. Song of Solomon 4:2 Зубы твои яко стада остриженых, яже изыдоша из купели, вся двоеплодны, и неродящия несть в них. Song of Solomon 4:3 Яко вервь червлена устне твои, и беседа твоя красна: яко оброщение шипка ланиты твоя, кроме замолчания твоего. Song of Solomon 4:4 Яко столп Давидов выя твоя, создан в Фалпиофе: тысяща щитов висит на нем, вся стрелы сильных. Song of Solomon 4:5 Два сосца твоя яко два млада близнца серны, пасомая во кринах, Song of Solomon 4:6 дондеже дхнет день, и подвигнутся сени. Пойду себе к горе смирней и к холму ливанску. Song of Solomon 4:7 Вся добра еси, ближняя моя, и порока несть в тебе. Song of Solomon 4:8 Гряди от Ливана, невесто, гряди от Ливана: прииди и прейди из начала Веры, от главы Санира и Аермона, от оград львовых, от гор пардалеов. Song of Solomon 4:9 Сердце наше привлекла еси, сестро моя невесто, сердце наше привлекла еси единым от очию твоею, единым монистом выи твоея. Song of Solomon 4:10 Что удобреста сосца твоя, сестро моя невесто? Что удобреста сосца твоя паче вина, и воня риз твоих паче всех аромат? Song of Solomon 4:11 Сот искапают устне твои, невесто, мед и млеко под языком твоим, и благовоние риз твоих яко благоухание Ливана. Song of Solomon 4:12 Вертоград заключен сестра моя невеста, вертоград заключен, источник запечатлен. Song of Solomon 4:13 Леторасли твоя сад шипков с плодом яблочным, кипри с нардами, Song of Solomon 4:14 нард и шафран, трость и киннамон со всеми древами ливанскими, смирна, алой со всеми первыми мирами, Song of Solomon 4:15 источник вертограда, и кладязь воды живы и истекающия от Ливана. Song of Solomon 4:16 Востани, севере, и гряди, юже, и повей во вертограде моем, и да потекут ароматы мои. Song of Solomon 5:0 Song of Solomon 5:1 Да снидет брат мои в вертоград свой и да яст плод овощий своих. Внидох в вертоград мой, сестро моя невесто: оымах смирну мою со ароматами моими, ядох хлеб мой с медом моим, пих вино мое с млеком моим. Ядите, ближнии, и пийте и упийтеся, братия. Song of Solomon 5:2 Аз сплю, а сердце мое бдит: глас брата моего ударяет в двери: отверзи ми, сестро моя, ближняя моя, голубице моя, совершенная моя: яко глава моя наполнися росы, и власи мои капель нощных. Song of Solomon 5:3 Совлекохся ризы моея, како облекуся в ню? Умых нозе мои, како оскверню их? Song of Solomon 5:4 Брат мой посла руку свою сквозе скважню, и чрево мое вострепета от него. Song of Solomon 5:5 Востах аз отверсти брату моему: руце мои искапаша смирну, персты мои смирны полны на руках заключения. Song of Solomon 5:6 Отверзох аз брату моему: брат мой прейде. Душа моя изыде в слово его: взысках его, и не обретох его: звах его, и не послуша мене. Song of Solomon 5:7 Обретоша мя стражие обходящии во граде: биша мя, язвиша мя, взяша верхнюю ризу от мене стражие стеннии. Song of Solomon 5:8 Заклях вы, дщери Иерусалимския, в силах и в крепостех селных: аще обрящете брата моего, возвестите ему, яко уязвлена любовию аз есмь. Song of Solomon 5:9 Что брат твой паче брата, добрая в женах? Что брат твой от брата, яко тако закляла еси нас? Song of Solomon 5:10 Брат мой бел и чермен, избран от тем: Song of Solomon 5:11 глава его злато избранно, власы его кудрявы, черны яко вран: Song of Solomon 5:12 очи его яко голубицы на исполнениих вод, измовени во млеце, седящыя в наполнениих (вод): Song of Solomon 5:13 ланиты его аки фиалы аромат, прозябающыя благовоние: устне его крины, каплющии смирну полну: Song of Solomon 5:14 руце его обточены златы, наполнены фарсиса: чрево его сосуд слоновый на камени сапфирове: Song of Solomon 5:15 лыста его столпи марморовы, основани на степенех златых: вид его яко Ливан, избран яко кедрове: Song of Solomon 5:16 гортань его сладость, и весь желание: сей брат мой и сей ближний мой, дщери Иерусалимли. Камо отиде брат твой, добрая в женах? Камо уклонися брат твой? И взыщем его с тобою. Song of Solomon 6:0 Song of Solomon 6:1 Брат мой сниде в вертоград свой, в места аромат, паствити в вертоградех и собирати крины. Song of Solomon 6:2 Аз брату моему и брат мой мне, пасый в кринех. Song of Solomon 6:3 Добра еси, ближняя моя, яко благоволение, красна яко Иерусалим, ужас яко вчиненны. Song of Solomon 6:4 Отврати очи твои от мене, яко тии воскрилиша мя: власи твои, яко стада коз, яже взыдоша от Галаада: Song of Solomon 6:5 зубы твои, яко стада остриженых, яже взыдоша от купели, вся близнята родящыя, и безчадныя несть в них: яко вервь червлена устне твои, и беседа твоя красна: Song of Solomon 6:6 яко оброщение шипка ланиты твоя, кроме замолчания твоего. Song of Solomon 6:7 Шестьдесят суть цариц и осмьдесят наложниц, и юнот, имже несть числа: Song of Solomon 6:8 едина есть голубица моя, совершенная моя: едина есть матери своей, избранна есть родившей ю: видеша ю дщери и ублажиша ю, царицы и наложницы, и восхвалиша ю. Song of Solomon 6:9 Кто сия проницающая аки утро, добра яко луна, избранна яко солнце, ужас яко вчиненны? Song of Solomon 6:10 В вертоград орехов снидох видети в плодех потока, видети, аще процвете виноград и возрастоша шипки. Song of Solomon 6:11 Тамо дам сосца моя тебе: не разуме душа моя, положи мя на колеснице Аминадавли. Song of Solomon 6:12 Обратися, обратися, суламитино, обратися, обратися, и узрим в тебе. Song of Solomon 7:0 Song of Solomon 7:1 Что увидите у Суламитины? Приходящая яко лики полков, что украсишася стопы твоя во обутиих твоих, дщи Надавля? Чины бедру твоею подобни усеряземь, делу рук художника: Song of Solomon 7:2 пуп твой чаша источена, не лишаемая мста: чрево твое яко стог пшеницы, огражден в кринах: Song of Solomon 7:3 два сосца твоя, яко два млада близнецы серны: Song of Solomon 7:4 выя твоя яко столп слоновый: очи твои яко езера во Есевоне, во вратах дщерей многих: нос твой яко столп Ливанский, сматряяй лице Дамаска: Song of Solomon 7:5 глава твоя на тебе яко Кармил (гора), и заплетение главы твоея яко багряница, царь увязан в преристаниих. Song of Solomon 7:6 Что украсилася еси, и что усладилася еси, любы, во сладостех твоих? Song of Solomon 7:7 Сие величество твое: уподобилася еси финику, и сосца твоя грезном. Song of Solomon 7:8 Рекох: взыду на финик, удержу высоту его: и будут сосцы твои яко грезнове винограда, и воня ноздрей твоих яко яблока: Song of Solomon 7:9 и гортань твой яко вино благо, ходящее брату моему в правость, доволно устнам моим и зубом. Song of Solomon 7:10 Аз брату моему, и ко мне обращение его. Song of Solomon 7:11 Прииди, брате мой, и взыдем на село, водворимся в селех: Song of Solomon 7:12 ураним в винограды, увидим аще процвете виноград, процветоша ли овощие, процветоша ли яблока? Тамо дам тебе сосца моя. Song of Solomon 7:13 Мандрагоры даша воню, и при дверех наших вси плоды новии: до ветхих, брате мой, соблюдох ти. Song of Solomon 8:0 Song of Solomon 8:1 Кто даст тя, брате мой, ссуща сосцы матере моея? Обретши тя вне целую тя, и ктому не уничижат мене. Song of Solomon 8:2 Пойму тя, введу тя в дом матере моея и в ложницу заченшия мя: тамо мя научиши: напою тя от вина с вонями строенаго, от воды яблок моих. Song of Solomon 8:3 Шуйца его под главою моею, и десница его оымет мя. Song of Solomon 8:4 Заклях вас, дщери Иерусалимския, в силах и в крепостех селных: аще подвижете и воздвижете любовь, дондеже аще восхощет. Song of Solomon 8:5 Кто сия восходящая убелена и утвержаема о брате своем? Под яблонею возбудих тя: тамо роди тя мати твоя, тамо поболе тобою рождшая тя. Song of Solomon 8:6 Положи мя яко печать на сердцы твоем, яко печать на мышце твоей: зане крепка яко смерть любы, жестока яко ад ревность: крила ея крила огня, (углие огненно) пламы ея. Song of Solomon 8:7 Вода многа не может угасити любве, и реки не потопят ея. Аще даст муж все имение свое за любовь, уничижением уничижат его. Song of Solomon 8:8 Сестра наша мала и сосцу не имать: что сотворим сестре нашей в день, в оньже аще глаголатися будет ей? Song of Solomon 8:9 Аще стена есть, соградим на ней забрала сребряна: и аще дверь есть, напишем на ней дску кедрову. Song of Solomon 8:10 Аз стена, и сосцы мои яко столпи: аз бех во очию их аки обретающая мир. Song of Solomon 8:11 Виноград бысть Соломону во Вееламоне: даде виноград свой стрегущым: муж принесет в плоде его тысящу сребреник. Song of Solomon 8:12 Виноград мой предо мною: тысяща Соломону и двести стрегущым плод его. Song of Solomon 8:13 Седяй в вертоградех, и друзие внемлющии гласу твоему: глас твой внуши мне. Song of Solomon 8:14 Бежи, брате мой, и уподобися серне или юнцу еленей, на горы ароматов.
Wisdom 0:0
Премудрость Wisdom 1:0 Wisdom 1:1 Возлюбите правду, судящии землю: мудрствуйте о Господе в благостыни и в простоте сердца взыщите Его: Wisdom 1:2 яко обретается не искушающым Его, является же не неверующым Ему. Wisdom 1:3 Строптивая бо помышления отлучают от Бога: искушаемая сила обличает безумных. Wisdom 1:4 Яко в злохудожну душу не внидет премудрость, ниже обитает в телеси повиннем греху: Wisdom 1:5 святый бо Дух наказания отбежит льстива и отимется от помышлений неразумных и обличится от находящия неправды. Wisdom 1:6 Человеколюбив бо дух премудрости и не обезвинит хульника от устен его: яко внутренних его свидетель есть Бог и сердца его испытатель истинен и языка слышатель: Wisdom 1:7 яко Дух Господень исполни вселенную, и содержай вся разум имать гласа. Wisdom 1:8 Сего ради вещаяй неправедная никтоже утаится, и не мимо идет его обличающь суд. Wisdom 1:9 В советех бо нечестиваго истязание будет, словес же его слышание ко Господу приидет во обличение беззаконий его: Wisdom 1:10 яко ухо рвения слышит вся, и молва роптаний не крыется. Wisdom 1:11 Хранитеся убо от роптания неполезна и от оболгания щадите язык: яко вещание тайное тще не прейдет, уста же лжущая убивают душу. Wisdom 1:12 Не вожделейте смерти в заблуждении живота вашего, ниже привлекайте погибели делами рук ваших: Wisdom 1:13 яко Бог смерти не сотвори, ни веселится о погибели живых. Wisdom 1:14 Созда бо во еже быти всем, и спасителны бытия мира, ни бо есть в них врачевания губителнаго, ниже аду царствия на земли. Wisdom 1:15 Правда бо безсмертна есть: (неправда же смерти снабдение:) Wisdom 1:16 нечестивии же рукама и словесы призваша ю, другиню вмениша ю и истаяша, и завет положиша с нею, яко достойни суть оноя части быти. Wisdom 2:0 Wisdom 2:1 Рекоша бо в себе помышляющии неправо: мал есть и печален живот наш, и несть изцеления в кончине человечесте, и несть познан возвративыйся от ада. Wisdom 2:2 Яко самослучайно рождени есмы, и по сем будем якоже не бывше: понеже дым дыхание в ноздрех наших, и слово искра в движении сердца нашего: Wisdom 2:3 ейже угасшей пепел будет тело, и дух наш разлиется яко мягкий воздух, Wisdom 2:4 и имя наше забвено будет во время, и никтоже воспомянет дел наших: и прейдет живот наш яко следы облака, и яко мгла разрушится, разгнаная от лучь солнечных и теплотою его отягчившися. Wisdom 2:5 Стени бо преход житие наше, и несть возвращения кончины нашея: яко запечатана есть, и никто возвращается. Wisdom 2:6 Приидите убо и насладимся настоящих благих, и употребим создания, яко в юности скоро: Wisdom 2:7 вина дражайшаго и мира (благовонна) исполнимся, и да не прейдет нас цвет жития: Wisdom 2:8 увенчаим нас шипковыми цветы, прежде неже увянут: Wisdom 2:9 ни един от нас лишен да будет нашего наслаждения, везде оставим знамение веселия, яко сия часть наша и жребий сей. Wisdom 2:10 Насилие сотворим убогу праведному, не пощадим вдовицы, ниже старца устыдимся седин многолетных. Wisdom 2:11 Да будет же нам крепость закон правды: некрепкое бо неполезно обретается. Wisdom 2:12 Уловим же (лестию) праведнаго, яко непотребен нам есть и противится делом нашым, и поносит нам грехи закона и злославит нам грехи учения нашего: Wisdom 2:13 возвещает нам разум имети Божий, и отрока Господня себе именует: Wisdom 2:14 бысть нам на обличение помышлений наших: Wisdom 2:15 тяжек есть нам и к видению, яко неподобно (есть) иным житие его, и отменны (суть) стези его: Wisdom 2:16 в поругание вменихомся ему, и удаляетеся от путий наших яко от нечистот: блажит последняя праведных и славится отца имети (себе) Бога. Wisdom 2:17 Увидим, аще словеса его истинна, и искусим яже сбудутся ему. Wisdom 2:18 Аще бо есть истинный сын Божий, защитит его и избавит его от руки противящихся. Wisdom 2:19 Досаждением и мукою истяжим его, да увемы кротость его и искусим беззлобство его: Wisdom 2:20 смертию поносною осудим его, будет бо ему разсмотрение от словес его. Wisdom 2:21 Сия помыслиша и прельстишася: ослепи бо их злоба их, Wisdom 2:22 и не уведеша таин Божиих, ниже мзды уповаша преподобия, ниже присудиша чести душам непорочным. Wisdom 2:23 Яко Бог созда человека в неистление и во образ подобия Своего сотвори его: Wisdom 2:24 завистию же диаволею смерть вниде в мир: вкушают же ю, иже от ея части суть. Wisdom 3:0 Wisdom 3:1 Праведных не души в руце Божией, и не прикоснется их мука. Wisdom 3:2 Непщевани быша во очию безумных умрети, и вменися озлобление исход их, Wisdom 3:3 и еже от нас шествие сокрушение: они же суть в мире. Wisdom 3:4 Ибо пред лицем человеческим аще и муку приимут, упование их безсмертия исполнено: Wisdom 3:5 и вмале наказани бывше, великими благодетелствовани будут, яко Бог искуси их и обрете их достойны Себе: Wisdom 3:6 яко злато в горниле искуси их, и яко всеплодие жертвенное прият я. Wisdom 3:7 И во время посещения их возсияют, и яко искры по стеблию потекут: Wisdom 3:8 судят языком и обладают людьми, и воцарится в них Господь во веки. Wisdom 3:9 Надеющиися Нань уразумеют истину, и вернии в любви пребудут Ему, яко благодать и милость в преподобных Его и посещение во избранных Его. Wisdom 3:10 Нечестивии же, яко помыслиша, приимут запрещение, иже нерадившии о праведнем и от Господа отступивше. Wisdom 3:11 Премудрость бо и наказание уничижаяй окаянен, и праздно упование их, и труды безплодны, и неключима дела их: Wisdom 3:12 жены их безумны и лукава чада их, проклято рождение их. Wisdom 3:13 Яко блажена есть неплоды неоскверненая, яже не позна ложа во гресе, имети будет плод в посещении душ: Wisdom 3:14 и евнух, иже не содела в руку (своею) беззакония, ниже помысли на Господа лукавая, дастся бо ему веры благодать избранна и жребий во храме Господни угоднейший. Wisdom 3:15 Благих бо трудов плод благославен, и не отпадающь корень разума. Wisdom 3:16 Чада же прелюбодеев несовершена будут, и от законопреступнаго ложа семя изчезнет: Wisdom 3:17 аще бо долгоживотни будут, ни во чтоже вменятся, и безчестна на последок старость их: Wisdom 3:18 аще же скоро скончаются, не будут имети упования, ниже в день суда утешения: Wisdom 3:19 рода бо неправеднаго лютая окончания. Wisdom 4:0 Wisdom 4:1 Лучше безчадство со добродетелию: безсмертие бо есть в памяти ея, яко и пред Богом познается и пред человеки: Wisdom 4:2 присущую бо подражают ю и желают отшедшия, и в веце венценосно чтится нескверных подвигов брань одолевши. Wisdom 4:3 Многоплодно же нечестивых множество неключимо будет, и прелюбодейная насаждения не дадут корения в глубину, ниже крепко стояние сотворят: Wisdom 4:4 аще бо и ветви на время процветут, не крепко возшедше от ветра поколеблются и от зелных ветров искоренятся: Wisdom 4:5 сокрушатся ветви несовершенны, и плод их неключимь, оскомен в снедь, и ни во что потребен. Wisdom 4:6 От беззаконных бо снов чада раждаемая свидетелие суть лукавствия на родители во испытании их. Wisdom 4:7 Праведник же аще постигнет скончатися, в покои будет: Wisdom 4:8 старость бо честна не многолетна, ниже в числе лет изчитается: Wisdom 4:9 седина же есть мудрость человеком, и возраст старости житие нескверно. Wisdom 4:10 Благоугоден Богови быв, возлюблен бысть, и живый посреде грешных преставлен бысть: Wisdom 4:11 восхищен бысть, да не злоба изменит разум его, или лесть прельстит душу его. Wisdom 4:12 Рачение бо злобы помрачает добрая, и парение похоти пременяет ум незлобив. Wisdom 4:13 Скончався вмале исполни лета долга: Wisdom 4:14 угодна бо бе Господеви душа его, сего ради потщася от среды лукавствия: Wisdom 4:15 людие же видевше и не разумевше, ниже положше в помышлении таковое, яко благодать и милость в преподобных Его и посещение во избранных Его. Wisdom 4:16 Осудит же праведник умираяй живых нечестивых, и юность скончавшаяся скоро долголетную старость неправеднаго. Wisdom 4:17 Узрят бо кончину премудраго и не уразумеют, что усоветова о нем и во что утверди его Господь: Wisdom 4:18 узрят и уничижат его, Господь же посмеется им: Wisdom 4:19 и будут посем в падение безчестно и во укоризну в мертвых в век: яко расторгнет их безгласны ниц и поколеблет их от оснований, и даже до последних опустеют и будут в болезни, и память их погибнет: Wisdom 4:20 приидут в помышление грехов своих боязливии, и обличат их противу беззакония их. Wisdom 5:0 Wisdom 5:1 Тогда станет во дерзновении мнозе праведник пред лицем оскорбивших его и отметающих труды его: Wisdom 5:2 видящии смятутся страхом тяжким и ужаснутся о преславнем спасении его, Wisdom 5:3 и рекут в себе кающеся и в тесноте духа воздыхающе: сей бе, егоже имехом некогда в посмех и в притчу поношения. Wisdom 5:4 Безумнии, житие его вменихом неистово и кончину его безчестну: Wisdom 5:5 како вменися в сынех Божиих, и во святых жребий его есть? Wisdom 5:6 Убо заблудихом от пути истиннаго, и правды свет не облиста нам, и солнце не возсия нам: Wisdom 5:7 беззаконных исполнихомся стезь и погибели и ходихом в пустыни непроходимыя, пути же Господня не уведехом. Wisdom 5:8 Что пользова нам гордыня, и богатство с величанием что воздаде нам? Wisdom 5:9 Преидоша вся она яко сень и яко весть претекающая. Wisdom 5:10 Яко корабль преходяй волнующуюся воду, егоже проходу несть стопы обрести, ниже стези шествия его в волнах: Wisdom 5:11 или яко птицы, прелетающия по аеру, ни едино обретается знамение пути, язвою же смущаяй биемый дух легкий, и разсецаемый силою шумящею движением крил прелете, и посем ни едино знамение обретеся проходу в нем: Wisdom 5:12 или яко стрелою испущеною на намереное место разсеченный аер внезапу в себе самем заключен бысть, яко не познатися проходу ея: Wisdom 5:13 тако и мы рождени оскудехом и добродетели убо ни единаго знамения можем показати, во злобе же нашей скончахомся. Wisdom 5:14 Ибо упование нечестиваго, яко прах от ветра подемлемый и яко пена мягка от бури расторгнена, и яко дым от ветра разливается и яко память пришелца единаго дне прейде: Wisdom 5:15 праведницы же во веки живут, и во где мзда их, и попечение их у Вышняго: Wisdom 5:16 сего ради приимут царствие благолепия и венец доброты от руки Господни, яко десницею покрыет их и мышцею защитит их. Wisdom 5:17 Приимет всеюружие рвение Свое и вооружит тварь в месть врагом, Wisdom 5:18 облечется в броня правды и возложит шлем суд нелицемерен, Wisdom 5:19 приимет щит непобедимый преподобие, Wisdom 5:20 поострит же напрасный гнев во оружие: споборет же с Ним мир на безумныя. Wisdom 5:21 Пойдут праволучныя стрелы молниины, и яко от благокругла лука облаков на намерение полетят: Wisdom 5:22 и от каменометныя ярости исполнь падут грады: вознегодует на них вода морская, реки же потопят нагло: Wisdom 5:23 сопротив станет им дух силы, и яко вихор развеет их: Wisdom 5:24 и опустошит всю землю беззаконие, и злодейство превратит престолы сильных. Wisdom 6:0 Wisdom 6:1 Слышите убо, царие, и разумейте: научитеся, судии концев земли: Wisdom 6:2 внушите, содержащии множества и гордящиися о народех языков: Wisdom 6:3 яко дана есть от Господа держава вам и сила от Вышняго, иже истяжет дела ваша и помышления испытает: Wisdom 6:4 яко слузи суще царства Его не судисте право, ни сохранисте закона, ниже по воли Божией ходисте. Wisdom 6:5 Страшно и скоро явится вам: яко суд жесточайший преимущым бывает, Wisdom 6:6 ибо малый достоин есть милости, сильнии же сильне истязани будут. Wisdom 6:7 Не щадит бо лица всех Владыка, ниже усрамится вельможи, яко мала и велика Сей сотвори, подобне же проразумевает о всех: Wisdom 6:8 державным же крепко настоит испытание. Wisdom 6:9 К вам убо, о, царие, словеса моя, да научитеся премудрости и не падете: Wisdom 6:10 ибо сохраняющии преподобне преподобная преподобни будут, и иже научившиися сим, обрящут ответ. Wisdom 6:11 Возжелейте убо словес моих, возлюбите и накажитеся. Wisdom 6:12 Светла и не увядаема есть премудрость, и удобно видится от любящих ю, и обрящется от ищущих ю: Wisdom 6:13 предваряет желающым предуведетися. Wisdom 6:14 Утреневавый к ней не утрудится: приседящую бо обрящет при вратех своих. Wisdom 6:15 Еже бо мыслити о ней, разума (есть) совершенство, и бдяй ея ради вскоре без печали будет: Wisdom 6:16 яко достойных ея сама обходит ищущи, и на стезях показуется им благоприятно, и во всем провидении сретает их. Wisdom 6:17 Начало бо ея истиннейшее наказания возжеление, Wisdom 6:18 попечение же наказания любы, любы же хранение законов ея, Wisdom 6:19 хранение же законов утверждение нерастления (есть), нерастление же творит близ быти Бога: Wisdom 6:20 возжеление убо премудрости возводит к царству (вечному). Wisdom 6:21 Аще убо наслаждаетеся престолами и скиптры, о, царие людий, почтите премудрость, да во веки царствуете. Wisdom 6:22 Что же есть премудрость, и како бысть, возвещу, Wisdom 6:23 и не утаю от вас таин, но от начала рождения изслежду, Wisdom 6:24 и положу на свет разум ея и не преминую истины, Wisdom 6:25 ниже завистию тающему спутьствую, яко сей не будет причастник премудрости. Wisdom 6:26 Множество же премудрых спасение миру, и царь премудр утверждение людем. Wisdom 6:27 Сего ради приимите наказание по словесем моим, и полезно будет вам. Wisdom 7:0 Wisdom 7:1 Есмь бо и аз человек смертен, подобен всем и земнороднаго внук первозданнаго: Wisdom 7:2 и во чреве матерни изобразихся плоть, в десятомесячнем времени согустився в крови от семене мужеска и услаждения сном сошедшагося. Wisdom 7:3 И аз рожден восприях общаго аера и на подобострастную землю спадох, первый глас подобный всем испустих плача: Wisdom 7:4 в пеленах воскормлен есмь, и с (великим) прилежанием: Wisdom 7:5 ни един бо царь ино име рождения начало, Wisdom 7:6 един бо вход всем есть в житие, подобен же и исход. Wisdom 7:7 Сего ради помолихся, и дан бысть мне разум: призвах, и прииде на мя дух премудрости. Wisdom 7:8 Предсудих ю паче скиптров и престолов, и богатство ничтоже вмених ко сравнению тоя, Wisdom 7:9 ниже уподобих ея каменю драгоценному, яко все злато пред нею песок малый, и яко брение вменится пред нею сребро: Wisdom 7:10 паче здравия и красоты возлюбих ю и предизбрах ю вместо света имети, яко неугасаемо есть блистание ея. Wisdom 7:11 Приидоша же мне благая вся вкупе с нею и безчислено богатство рукама ея: Wisdom 7:12 и возвеселихся о всех, яко ими обладает премудрость: не ведех же ю родителницу быти сих. Wisdom 7:13 Нелестне научихся, без зависти преподаю и богатства ея не сокрываю: Wisdom 7:14 неоскудно бо есть сокровище человеком, еже употребившии к Богу послашася в содружение, дарами от наказания представлени. Wisdom 7:15 Мне же даде Бог глаголати по разумению и мнети достойне о подаваемых, яко Той и премудрости предводитель есть и премудрых исправитель: Wisdom 7:16 в руку бо Его и мы и словеса наша, и всякий разум и дел художество. Wisdom 7:17 Сей бо даде мне о сущих познание неложное, познати составление мира и действие стихий, Wisdom 7:18 начало и конец и средину времен, возвратов премены и изменения времен, Wisdom 7:19 лет круги и звезд расположения, Wisdom 7:20 естество животных и гнев зверей, ветров усилие и помышления человеков, разнство летораслем и силы корений. Wisdom 7:21 И елика суть скрыта и явна, познах: всех бо художница научи мя Премудрость. Wisdom 7:22 Есть бо в той дух разума свят, единородный, многочастный, тонкий, благодвижный, светлый, нескверный, ясный, невредителный, благолюбивый, остр, невозбранен, благоделателен, Wisdom 7:23 человеколюбив, известный, крепкий, безпечальный, всесильный, всевидяй, и сквозе вся проходяй духи разумичныя, чистыя, тончайшыя. Wisdom 7:24 Всякаго бо движения подвижнейша есть премудрость: достизает же и проницает сквозе всяческая ради (своея) чистоты. Wisdom 7:25 Пара бо есть силы Божия и излияние Вседержителя славы чистое: сего ради ничтоже осквернено на ню нападает. Wisdom 7:26 Сияние бо есть света присносущнаго и зерцало непорочно Божия действия и образ благостыни Его. Wisdom 7:27 Едина же сущи всяческая может, и пребывающи в себе вся обновляет, и по родом в душы преподобных преходящи, други Божия и пророки устрояет: Wisdom 7:28 ни когоже бо любит Бог, токмо сего, иже со премудростию пребывает. Wisdom 7:29 Есть бо сия благолепнее солнца и паче всякаго расположения звезд: свету соравняема обретается первая: Wisdom 7:30 сего бо преемлет нощь, премудрости же не одолеет злоба. Wisdom 8:0 Wisdom 8:1 Досязает же от конца даже до конца крепко и управляет вся благо. Wisdom 8:2 Сию возлюбих и поисках от юности моея, и взысках невесту привести себе, и любитель бых красоты ея. Wisdom 8:3 Благородство славит сожитие Божие имущи, и всех Владыка возлюби ю: Wisdom 8:4 таибница бо есть Божия хитрости и обретателница дел Его. Wisdom 8:5 И аще богатство есть вожделенное притяжание в животе, что премудрости богатейше, еюже делаются вся? Wisdom 8:6 Аще же разум делает, кто ея от сущих лучший художник есть? Wisdom 8:7 И аще правду любит кто, труды ея суть добродетели: целомудрию бо и разуму учит, правде и мужеству, ихже потребнее ничтоже есть в житии человеком. Wisdom 8:8 Аще же и многаго искусства желает кто, весть древняя и быти хотящая разсмотряет: свесть извития словес и разрешения гаданий, знамения и чудеса проразумевает и сбытия времен и лет. Wisdom 8:9 Судих убо сию привести мне к сожитию, ведый, яко будет ми советница благих и утешение попечений и печали. Wisdom 8:10 Имети буду ради ея славу в народех и честь пред старцы, юн сый: Wisdom 8:11 остр обрящуся в суде, и лица сильных удивятся мне: Wisdom 8:12 молчащу ми потерпят и вещающу ми имут внимати, и глаголющу ми о мнозе, руку положат на уста своя. Wisdom 8:13 Сея ради прииму безсмертие и память вечную сущым по мне оставлю: Wisdom 8:14 управлю люди, и языцы покорятся ми: Wisdom 8:15 убоятся мене слышавшии мучителие страшнии: во множестве явлюся благ и в брани крепок. Wisdom 8:16 Вшед в дом мой упокоюся с нею: не бо имать горести сообщение ея, ни болезни сожитие тоя, но веселие и радость. Wisdom 8:17 Сия помыслив во мне, печахся в сердцы моем, яко безсмертие есть в сродстве премудрости, Wisdom 8:18 и в содружении ея услаждение благо, и в трудех руку ея богатство без оскудения, и в сообучении беседы ея разум, и благославие в приобщении словес ея, обхождах ишущь, да восприиму ю в себе. Wisdom 8:19 Отрок же бех остроумен, душу же получих благу: Wisdom 8:20 паче же благ сый приидох в тело нескверно. Wisdom 8:21 Познав же, яко не инако одержу, аще не Бог даст, и сие же бе разума, еже ведети, чия есть благодать, приидох ко Господу и молихся Ему, и рекох от всего сердца моего: Wisdom 9:0 Wisdom 9:1 Боже отцев и Господи милости Твоея, сотворивый вся словом Твоим Wisdom 9:2 и премудростию Твоею устроивый человека, да владеет сотворенными от Тебе тварьми, Wisdom 9:3 и да управляет мир в преподобии и правде, и в правоте души суд да судит: Wisdom 9:4 даждь мне Твоим престолом приседящую премудрость и не отрини мене от отрок Твоих: Wisdom 9:5 яко аз раб Твой и сын рабыни Твоея, человек немощен и маловременен и умален в разуме суда и законов. Wisdom 9:6 Аще бо кто будет и совершен в сынех человеческих, отсутствующей Твоей премудрости, ни во чтоже вменится. Wisdom 9:7 Ты избрал мя еси царя людем Твоим и судию сыном Твоим и дщерем, Wisdom 9:8 и рекл ми еси создати храм в горе святей Твоей и во граде обитания Твоего олтарь, подобием скинии (Твоея) святыя, юже предуготовал еси от начала. Wisdom 9:9 И с Тобою премудрость ведущая дела Твоя и присутствующая тогда, егда мир творил еси, и ведущая, что есть угодно пред очима Твоима и что право в заповедех Твоих: Wisdom 9:10 посли ю с небес святых и от престола славы Твоея посли ю: да сущи со мною трудится, и увем, что благоугодно есть пред Тобою: Wisdom 9:11 весть бо она вся и разумеет, и наставит мя в делех моих целомудренне и сохранит мя во славе своей: Wisdom 9:12 и будут приятна дела моя, и разсужду люди Твоя праведне, и буду достоин престолов отца моего. Wisdom 9:13 Кто бо от человек познает совет Божий? Или кто помыслит, что хощет Бог? Wisdom 9:14 Помышления бо смертных боязлива, и погрешителна умышления наша: Wisdom 9:15 тело бо тленное отягощает душу, и земное жилище обременяет ум многопопечителен. Wisdom 9:16 И едва разумеваем, яже на земли, и яже в руках обретаем со трудом: а яже на небесех, кто изследи? Wisdom 9:17 Волю же Твою кто позна, аще бы не Ты дал еси премудрость и послал еси Духа святаго Твоего от высоты? Wisdom 9:18 И тако исправишася стези сущих на земли, и яже Тебе угодна, научишася человецы Wisdom 9:19 и премудростию спасошася. Wisdom 10:0 Wisdom 10:1 Сия первозданнаго отца миру единаго созданнаго сохрани и изведе его от греха его, Wisdom 10:2 даде же ему крепость содержати всяческая. Wisdom 10:3 Отступив же от нея неправедный во гневе своем со братоубийственными погибе яростьми: Wisdom 10:4 егоже ради потопляему землю паки спасе премудрость, малым древом праведника соблюдши. Wisdom 10:5 Сия и во единомыслии лукавства смешеных языков обрете праведника и сохрани его непорочна Богу, и в поболении о чаде крепка соблюде. Wisdom 10:6 Сия праведнаго, погибающым нечестивым, избави бежащаго от огня низходяща на пять градов: Wisdom 10:7 ихже еще свидетелство лукавствия дымящаяся стоит земля пуста, и несовершенными времены плодоносящая древеса, и неверныя души память стоящь столп слан. Wisdom 10:8 Премудрость бо мимоходящии не токмо повредишася, еже не ведети блага, но и безумия своего оставиша житию память, да в нихже согрешиша, ниже утаитися возмогут. Wisdom 10:9 Премудрость же служащих ей от болезней избави. Wisdom 10:10 Сия бежащаго от гнева братня праведника настави на стези правы и показа ему царствие Божие и даде ему разум святых, почте его в трудех и умножи труды его. Wisdom 10:11 Во обиде обдержащих его предста ему и обогати его, Wisdom 10:12 сохрани его от враг, и от наветующих защити его, и подвиг крепок на победу даде ему, да увесть, яко всех сильнее есть благочестие. Wisdom 10:13 Сия проданаго праведника не остави, но от греха избави его: сниде с ним в ров, Wisdom 10:14 и во узах не остави его, дондеже принесе ему скиптр царствия и власть на мучащих его: лживых же показа, порок сотворших нань, и даде ему славу вечную. Wisdom 10:15 Сия людей преподобных и семя непорочное избави от язык оскорбляющих: Wisdom 10:16 вниде в душу раба Господня и воста противу царей страшных в чудесех и знамениих. Wisdom 10:17 Воздаде преподобным мзду трудов их, настави их в путь дивен и бысть им в покров днем и в пламень звезд в нощи. Wisdom 10:18 Преведе их но морю Чермному и проведе их сквозе воду многу: Wisdom 10:19 враги же их потопи и из глубины бездны изрину их. Wisdom 10:20 Сего ради праведнии взяша корысти нечестивых и воспеша, Господи, имя святое Твое, и одолетелницу руку Твою похвалиша единодушне: Wisdom 10:21 яко премудрость отверзе уста немых и языки младенцем сотвори ясны. Wisdom 11:0 Wisdom 11:1 Управи дела их рукою пророка святаго: Wisdom 11:2 проидоша пустыню необитанную и в непроходимых водрузиша кущы, Wisdom 11:3 сопротивишася супостатом и отмстиша врагом: Wisdom 11:4 возжадаша и призваша Тебе, и дана бысть им вода от камене несекомаго и изцеление жажды от камене жестока. Wisdom 11:5 Имиже бо наказани быша врази их, Wisdom 11:6 сими сии во оскудении суще благодетелствовани быша: Wisdom 11:7 за источник убо приснотекущия реки, кровию излиянною смятенныя, Wisdom 11:8 во обличение младенцеубийственнаго повеления, дал еси им изюбилну воду безнадежно, Wisdom 11:9 показав тогда жаждею, како противных умучил еси. Wisdom 11:10 Егда бо искушени быша и в милости наказани, познаша, како во гневе судимии нечестивии мучишася: Wisdom 11:11 сих бо яко отец учащь искусил еси, онех же яко жесток царь осуждая истязал еси. Wisdom 11:12 Отстоящии же и присутствующии такожде мучишася: Wisdom 11:13 сугуба бо их прият печаль и стенание с памятию минувших. Wisdom 11:14 Егда бо слышаху своими мучении благодействуемых оных, познаваху Господа: Wisdom 11:15 егоже бо древле во отложении отвержена отрекошася смеющеся, при концы события удивишася, неподобною праведным томими жаждею. Wisdom 11:16 За помышления же безумная неправды их, в нихже заблудивше почитаху безсловесная пресмыкающаяся и зверей худых, послал еси им множество безсловесных животных во отмщение, Wisdom 11:17 да познают, яко имиже кто согрешает, сими и мучится. Wisdom 11:18 Не неможаше бо всесильная рука Твоя, яже сотвори мир от безобразнаго вещества, послати на них множество медведей, или лютых львов, Wisdom 11:19 или новосозданных ярости исполненых зверей незнаемых, или огненным дышущих духом, или злосмрадный произносящих дым, или страшныя из очей искры испускающих: Wisdom 11:20 ихже не токмо вред можаше истребити я, но и зрак устрашающь погубити. Wisdom 11:21 И без тех, единым духом пасти могоша, от суда гоними и развеяни от духа силы Твоея: но вся мерою и числом и весом расположил еси. Wisdom 11:22 Еже бо много мощи, присутствует Тебе всегда, и державе мышцы Твоея кто сопротивится? Wisdom 11:23 Понеже, якоже стражик в превесех, (тако) весь мир пред Тобою, и яко капля росы утренния, сходящия на землю. Wisdom 11:24 Милуеши же всех, яко вся можеши, и презираеши грехи человеком в покаяние. Wisdom 11:25 Любиши же сущая вся, и ни чесогоже гнушаешися, яже сотворил еси: ниже бо ненавидя что устроил еси. Wisdom 11:26 Како же пребыло бы что, аще бы Ты не изволил еси? Или, еже не наречено от Тебе, сохранилося бы? Wisdom 11:27 Щадиши же вся, яко Твоя суть, Владыко душелюбче! Wisdom 12:0 Wisdom 12:1 Нетленный бо дух Твой есть во всех. Wisdom 12:2 Темже заблуждающих помалу обличаеши, и в нихже согрешают, воспоминая учиши, да пременившеся от злобы веруют в Тя, Господи. Wisdom 12:3 И древних бо обитателей земли святыя Твоея возненавидев, Wisdom 12:4 ради деяний злых волшвений, яже творяху, и жертв непреподобных, Wisdom 12:5 и чадоубийц немилостивых, и утробоядцев человеческих плотей, и кровопийцев от среды святыни Твоея, Wisdom 12:6 и родителей убивших душы безпомощныя, восхотел еси погубити руками отец наших: Wisdom 12:7 да достойное приимет преселение отроков Божиих, яже у Тебе всех дражайшая земля. Wisdom 12:8 Но и сих яко человеков пощадил еси, послал же еси предтекущыя воинства Твоего осы, яко да тех помалу истребят. Wisdom 12:9 Не несилен еси во брани покорити нечестивых праведным, или зверем свирепым, или словом жестоким до единаго потребити: Wisdom 12:10 судящь же помалу давал еси место покаянию, не неведяй, яко лукав род их и естественная злоба их, и яко не пременится помышление их во век. Wisdom 12:11 Семя бо бе проклято от начала: ниже бояйся кого, отпущение даял еси грехом их. Wisdom 12:12 Кто бо речет (Тебе): что сотворил еси? Или кто станет противу суду Твоему? Кто же истяжет Тя о языцех погибших, ихже Ты сотворил еси? Или кто в предстателство Тебе приидет, отмститель на неправедныя человеки? Wisdom 12:13 Несть бо ин Бог разве Тебе, иже радиши о всех, да покажеши, яко не неправо судил еси. Wisdom 12:14 Ниже царь, или мучитель противу Тебе воззрети может, о ихже погубил еси. Wisdom 12:15 Праведен же сый, праведно вся управляеши, недолжнаго же мучитися осудити чуждо мниши Твоея силы. Wisdom 12:16 Крепость бо Твоя правды начало и еже над всеми Твое владычество, всех щадети творит. Wisdom 12:17 Крепость бо показуеши неверующым о совершенстве силы, а в ведущих дерзость обличаеши. Wisdom 12:18 Ты же владычествуяй силою в кротости судиши и с великим щадением разсмотряеши нас: с Тобою бо есть, егда хощеши, еже мощи. Wisdom 12:19 Научил же еси люди Твоя сицевыми делы, яко подобает праведному быти человеколюбцу, и благонадежны сотворил еси сыны Твоя, яко даеши о гресех покаяние. Wisdom 12:20 Аще бо враги отроков Твоих и должных смерти с толиким мучил еси внятием и щадением, даяй времена и место, имиже бы изменилися от злобы: Wisdom 12:21 с коликим прилежанием судил еси сыны Твоя, ихже отцем клятвы и заветы дал еси благих обещаний. Wisdom 12:22 Нас убо наказуя, враги нашя тмами биеши, да благостыню Твою помышляем судяще, судими же чаем милости. Wisdom 12:23 Отюнудуже и неправедных, во безумии поживших живот, свойственными их мерзостьми мучил еси, Wisdom 12:24 ибо в путех заблуждения должае заблудиша, боги мняще, яже и во животных вражиих безчестна, аки младенцы безумнии прельстившеся. Wisdom 12:25 Сего ради яко отроком несмысленным суд в поругание послал еси: Wisdom 12:26 иже поруганьми прещения не наказавшеся, достойна суда Божия искусят. Wisdom 12:27 В нихже бо тии страждуще негодоваху, в сих, ихже мняху быти боги, в тех мучими, видяще Егоже прежде отметахуся знати, Wisdom 12:28 Бога истиннаго познаша: темже и конец осуждения прииде на ня. Wisdom 13:0 Wisdom 13:1 Суетни убо вси человецы естественне, в нихже обретается неведение о Бозе, и от видимых благ не возмогоша уразумети Сущаго, ни делом внемлюще познаша Хитреца: Wisdom 13:2 но или огнь, или дух, или скор воздух, или круг звездный, или зелную воду, или светила небесная, строители миру боги (быти) возмнеша. Wisdom 13:3 Ихже аще убо красотою услаждающеся, сия боги возмнеша, да уведят, колико сих Владыка есть лучший: красоты бо Родоначалник созда я. Wisdom 13:4 Аще же силе и действию удивишася, да уразумеют от них, колико сотворивый сия сильнейший есть: Wisdom 13:5 от величества бо красоты созданий сравнително Рододелатель их познавается. Wisdom 13:6 Но обаче на сих есть уничижение мало, ибо сами сии негли прельщаются, Бога ищуще и хотяще обрести: Wisdom 13:7 в делех бо Его живуще изследуют и увещаваются зраком, яко блага видимая. Wisdom 13:8 Паки ниже сии прощения достойни: Wisdom 13:9 аще бо толико возмогоша ведети, да возмогут уразумети век, сих же Владыку како скорее не обретоша? Wisdom 13:10 Окаянни же суть, и в мертвых упования их, иже назваша боги дела рук человеческих, злато и сребро, хитрости умышление, и подобия животных, или камение неключимо, дело руки древния. Wisdom 13:11 Аще же кто дровосечец тектон, угодное древо отсек, отешет благохудожне всю кору его, и хитрствуя благолепне сотворит угоден сосуд во употребление жития, Wisdom 13:12 останки же дела на уготование брашна изнурив насытися: Wisdom 13:13 останок же иже от них ни во что благопотребен, древо криво и сучия полно, приим извая с прилежанием праздности своея и искусством разума изобрази его, и уподоби его образу человечу, Wisdom 13:14 или некоему животному ничтожному уподоби его, помазав шарами различными и очервленив вид его, и всяк порок, иже на нем есть, измазав, Wisdom 13:15 и сотворив ему достойное его обитание, на стене постави е, укрепив железом. Wisdom 13:16 Да не убо падет, предумысли о нем, ведый, яко не может помощи себе: ибо идол есть и требует помощи. Wisdom 13:17 О стяжаниих же и о брацех и чадех своих моляся, не стыдится к бездушному глаголя, Wisdom 13:18 и о здравии убо немощное призывает, и о животе мертвое молит, и в помощь неключимое призывает, Wisdom 13:19 и о путешествии (просит) ниже ходити могущаго, и о притяжании и деянии и о рук подтверждении некрепкаго руками, мужества просит от того, еже всех есть немощнейшее. Wisdom 14:0 Wisdom 14:1 Плыти паки кто помыслив и сверепыя волны преходити, носящаго его корабля тленнейшее древо призывает: Wisdom 14:2 оное бо желание пристяжаний умысли, хитрец же мудростию содела: Wisdom 14:3 Твой же, Отче, устрояет промысл: яко дал еси и в мори путь и в волнах стезю крепкую, Wisdom 14:4 показуя, яко силен еси от всякаго спасти, аще и без художества кто взыдет. Wisdom 14:5 Хощеши же, да не будут праздна дела премудрости Твоея: сего ради и малейшему древу вверяют человецы душы (своя), и преходяще волны кораблецем избавлени суть. Wisdom 14:6 И от начала бо, егда погибаху гордии исполини, упование мира в кораблеце избежавшее, остави веку семя рождения, рукою Твоею устроено. Wisdom 14:7 Благословено бо древо, имже бывает правда. Wisdom 14:8 Рукотворенное же проклято есть, и сотворивый е: яко ов убо содела, сие же тленное богом именовася. Wisdom 14:9 В равне бо ненавидима суть Богу и нечествуяй, и нечестие его: Wisdom 14:10 ибо сотвореное с сотворшим мучимо будет. Wisdom 14:11 Сего ради и во идолех языческих будет казнь, яко в создании Божии в мерзость сотворени суть и в соблазны душам человеческим и в сеть ногам буих. Wisdom 14:12 Начало бо блужения умышление идолов: изобретение же их тление живота. Wisdom 14:13 Ниже бо быша от начала, ниже будут во веки: Wisdom 14:14 тщеславием бо человеческим внидоша в мир, и сего ради краток их конец вменися. Wisdom 14:15 Горьким бо плачем сетуя отец скоро восхищенаго чада образ сотворив, егоже тогда человека мертва, ныне яко бога почте: и предаде подручным тайны и жертвы: Wisdom 14:16 потом временем возмогший нечестивый обычай, аки закон хранимь бысть, и мучителей повелением почитаема бяху изваянная: Wisdom 14:17 ихже в лице не могуще чествовати человецы дальнаго ради обитания, издалеча лице изобразивше, явный образ почитаемаго царя сотвориша, яко да отстоящаго аки близ сущаго ласкают со прилежанием. Wisdom 14:18 В продолжение же злочестия и не разумеющих принуди художниково любочестие. Wisdom 14:19 Сей бо хотя угодити державствующему, произведе хитростию (своею) подобие на лучшее: Wisdom 14:20 множество же человек, привлечено благообразием дела, прежде вмале чествованаго человека ныне в бога вмениша. Wisdom 14:21 И сие бысть житию в прельщение, яко или злоключению, или мучителству послуживше человецы, несообщно Имя камению и древам обложиша. Wisdom 14:22 Посем не доволно бе прельщатися о Божии разуме, но и в велицей живуще безумия брани, толикая злая мир именуют. Wisdom 14:23 Ибо или детоубийственныя жертвы, или сокровенныя тайны, или неистовныя от иных законов пиршества творяше, Wisdom 14:24 ниже жития, ниже браков чистых еще хранят: един же другаго или наветом убивает, или блудя оскорбляет. Wisdom 14:25 Вся же смешена суть, кровь и убийство, татьба и лесть, растление, неверство, смятение, заклинание, молва благих, Wisdom 14:26 благодати забвение, душам осквернение, рождению пременение, браков безчиние, прелюбодеяние и студодеяние. Wisdom 14:27 Недостойных бо имене идолов служение начало всякаго зла, и вина и конец есть: Wisdom 14:28 ибо или веселящеся неистовствуют, или пророчествуют ложная, или живут неправедне, или кленутся скоро. Wisdom 14:29 На бездушныя бо идолы надеющеся, зле кленущеся казними быти не чают. Wisdom 14:30 За обоя же на них приидет суд: понеже зле мудрствоваша о Бозе, внемлюще идолом, и неправедно кляшася лестию, презревше преподобие. Wisdom 14:31 Не бо сила кленущих, но согрешающым суд находит всегда на преступление неправедных. Wisdom 15:0 Wisdom 15:1 Ты же Бог наш благ и истинен, долготерпелив и в милости управляяй вся. Wisdom 15:2 Ибо аще согрешим, Твои есмы, ведуще державу Твою: и аще не согрешим, вемы, яко Тебе вменихомся. Wisdom 15:3 Еже бо знати Тебе, всесовершена (есть) правда, и ведети державу Твою, корень есть безсмертия. Wisdom 15:4 Ниже бо прельсти нас человеческое злохитрое умышление, ниже сеннописаных труд безплодный, вид изваян различными шары, Wisdom 15:5 ихже зрак безумным приходит в похотение, и любят мертваго образа вид бездушный. Wisdom 15:6 Злых любителие достойнии таковых надежд и творящии, и любящии, и чествующии. Wisdom 15:7 Ибо скудельник, мягкую землю мнущь со трудом, делает ко служению нашему коеждо: но от тогожде брения созда и яже чистых дел служебныя сосуды, и сопротивныя, вся подобне: сих же обоих коегождо есть употребление, судия есть бреноделатель. Wisdom 15:8 И злотрудник бога суетна от тогожде творит брения, иже мало прежде от земли сотворен быв, по мале идет, из неяже взят бысть, истязан о душевнем долзе. Wisdom 15:9 Но есть ему прилежание, не яко имать трудитися, ниже яко краткоконечно житие имать: но ревнует златоделателем и сребролиятелем, и меди делателем подражает, и славу мнит, яко скверная делает. Wisdom 15:10 Пепел бо есть сердце его, и земли хуждше упование его, и брения безчестнее живот его: Wisdom 15:11 яко не уведе Создавшаго его, и вдохнувшаго ему душу действительную, и вдунувшаго дух животный. Wisdom 15:12 Но вмениша игралище быти живот наш, и житие все упражнено на приобретение: ибо глаголют, яко подобает откуду либо, аще и от зла, приобретати. Wisdom 15:13 Сей бо паче всех весть, яко согрешает, от вещества земленаго удобныя к сокрушению сосуды и изваяния содеваяй. Wisdom 15:14 Вси же пребезумнейшии и окаяннейшии, паче души младенческия, врази людий Твоих обладавшии ими: Wisdom 15:15 яко вся идолы язычески вмениша в боги, имже ниже очес употребление ко зрению, ниже ноздри в привлечение аера, ниже уши слышати, ниже персты рук во осязание, и ноги их праздны ко хождению. Wisdom 15:16 Человек бо сотвори их, и духа взаим взяв созда их: ни един бо человек может себе подобна бога создати: Wisdom 15:17 смертен же сый мертва делает рукама беззаконныма: лучший бо есть идолов своих: (яко) сей убо поживе, онии же никогда. Wisdom 15:18 И животных мерзких чтут: безумная бо сравняемая иных суть хуждша. Wisdom 15:19 Ниже елико вожделети яко в лицы животных блага суть, отбегоша же и Божия хвалы и благословения Его. Wisdom 16:0 Wisdom 16:1 Сего ради от подобных пострадаша достойне, и множеством зверей казнени быша. Wisdom 16:2 Вместо мучения благо сотворил еси людем Твоим, в похотение желания странное вкушение, пищу уготовал еси крастели, Wisdom 16:3 да они убо вожделевшии пищи, показанием посланых, и от нужнаго хотения отвратятся, сии же вмале скудни бывше, и странна приобщатся вкушения. Wisdom 16:4 Подобаше бо на оных убо неизбежней нищете наити мучителствующих, сим же токмо показати, како врази их мучишася. Wisdom 16:5 Ибо егда тем найде жесток зверей гнев, и угрызеньми сверепых истребляхуся змиев, Wisdom 16:6 но не до конца пребысть гнев Твой: в наказание же вмале смущени быша, знамение имеюще спасения, на воспоминание заповеди закона Твоего: Wisdom 16:7 обративыйся бо не (вещию) зримою целяшеся, но Тобою всех Спасителем. Wisdom 16:8 И в сем же показал еси врагом нашым, яко Ты еси избавляяй от всякаго зла: Wisdom 16:9 тех бо акриды и мухи побиша угрызением, и не обретеся цельба душам их, яко достойни бяху от таковых мучитися. Wisdom 16:10 Сынов же Твоих ниже ядовитых змиев зубы одолеша: милость бо Твоя прихождаше и изцеляше их. Wisdom 16:11 В память бо словес Твоих бяху усечени и скоро изцеляхуся, да не во глубину впадше забвения отлучатся Твоего благодеяния: Wisdom 16:12 ниже бо зелие, ниже обязание изцели их, но слово Твое, Господи, изцеляющее вся. Wisdom 16:13 Ты бо живота и смерти власть имаши, и низводиши даже до врат ада, и возводиши. Wisdom 16:14 Человек же убивает убо злобою своею: изшедшаго же духа не возвратит, ниже паки призывает душу взятую. Wisdom 16:15 Твоея же руки избежати невозможно есть: Wisdom 16:16 отметающиися бо Тебе ведети нечестивии, в крепости мышцы Твоея биени быша странными дождьми и градами, и бурями гоними неизбежно, и огнем растаеваеми. Wisdom 16:17 Преславное бо, в воде вся угашающей множае действоваше огнь: споборник бо есть мир о праведных. Wisdom 16:18 Овогда бо убо укрощашеся пламень, да не сожжет посланных животных на нечестивыя: но сии зряще да ведят, яко от Божия суда страждут гонение. Wisdom 16:19 Овогда же и между водою выше силы огненныя паляше, да беззаконныя земли порождения растлит. Wisdom 16:20 Вместо же сих ангелскою пищею питал еси люди Твоя, и уготован хлеб с небесе послал еси им без труда, всякое услаждение в себе имеющь и ко всякому сличный вкушению. Wisdom 16:21 Существо бо Твое сладость Твою ко сыном показоваше, и угождая единаго коегождо воли, якоже кто хотяше, превращашеся. Wisdom 16:22 Снег же и лед терпяху огнь и не растаяваху: да уведят, яко плоды врагов истребляше огнь горящь во граде и в дождех блистающь: Wisdom 16:23 тойже паки, да питаются праведнии, (огнь) и свою забы силу. Wisdom 16:24 Творение бо, Тебе Творцу всех служащее, распростирается на муку противу неправедных и легчае творится во благодеяние ради на Тя надеющихя. Wisdom 16:25 Сего ради и тогда во вся преобразуемое всех кормителнице благодати Твоей служаше к воли требующих: Wisdom 16:26 да научатся сынове Твои, ихже возлюбил еси, Господи, яко не рождения плодов питают человека, но слово Твое Тебе верующих соблюдает. Wisdom 16:27 Еже бо огнем нерастлено скоро от малыя лучи солнечныя греемое растаявашеся: Wisdom 16:28 да знаемо будет (всем), яко подобает предварити солнце на благодарение Тебе и к востоку света Тебе поклонитися. Wisdom 16:29 Неблагодарнаго бо упование яко зимный иней растает, и излиется яко вода неключима. Wisdom 17:0 Wisdom 17:1 Велицы бо суть суди Твои, (Господи,) и неизглаголанни: сего ради ненаказанныя души заблудиша. Wisdom 17:2 Возмневше бо насильствовати язык святый беззаконнии, узницы тмы и долгою нощию связани, заключени под кровы, беглецы вечнаго Проведения лежаша. Wisdom 17:3 Утаитися бо мняще в сокровенных гресех, мрачным забвения покрывалом расточени быша, ужасающеся люте и страшилищами возмущени: Wisdom 17:4 ниже бо содержай их вертеп без страха сохрани, шумы же сходяще возмущаху их, и привидения дряхлая печальными лицами являхуся. Wisdom 17:5 И огненная убо ни едина сила можаше освещати, ниже звезд светлии пламение просветити можаху в ту нощь страшную. Wisdom 17:6 Являшеся же им токмо внезапный огнь страха исполнь: устрашаеми же невидимым оным призраком, мняху горшая быти видимая. Wisdom 17:7 Волшебнаго же художества предлежаху посмеяния, и о премудрости величания обличение укоризненно: Wisdom 17:8 обещающиися бо изгнати страхи и смущения от души болящия, сии посмеятелным страхом боляху. Wisdom 17:9 Ибо аще и ничтоже их мятежное устрашаше, зверей преходами и змиев звизданьми подвижени погибаху трепетни, и аера отнюд неизбежнаго отрицающеся видети. Wisdom 17:10 Боязливая бо злоба, своим свидетелством осуждаема, выну приемлет во ум лютая, содержима совестию. Wisdom 17:11 Ничтоже бо есть страх, токмо лишение помощей сущих от помышления. Wisdom 17:12 Внутрь же менше сущее чаяние, болшее мнит неведение вины подающия муку. Wisdom 17:13 А иже в немощную поистинне нощь, и от немощнаго ада вертепов нашедшую, сном темже спящии, Wisdom 17:14 ово убо страшилищами мечтаний гоними бяху, ово же души изчезаху преданием: внезапный бо им и нечаянный страх найде. Wisdom 17:15 Потом тако, кто либо когда бе онамо, низпадый храняшеся в темнице без железа заключен: Wisdom 17:16 аще бо земледелатель кто бысть, или пастырь, или трудов пустынных делатель, предят быв, неизбежную терпяше нужду: Wisdom 17:17 единым бо ужем тмы вси бяху связани. Аще дух звиздаяй, или между частых древесных ветвей птичий глас сладкопеснивый, или сила водная текущи зелне, Wisdom 17:18 или шум зелный низпадающих камений, или играющих животных течение невидимое, или рыкающих лютых зверей глас, или отзывающься от дебрей горских глас, разслабляху оных устрашающе. Wisdom 17:19 Вся бо вселенная светлым просвещашеся светом, и невозбранными делы содержашеся: Wisdom 17:20 на единых же оных простирашеся тяжкая нощь, образ будущаго их восприятия тмы: сами же себе быша тмы тяжчайшии. Wisdom 18:0 Wisdom 18:1 Преподобным же Твоим превелик бе свет: ихже убо глас слышаше, образа же не видяще, занеже убо и они (тогожде) не страдаху, ублажаху. Wisdom 18:2 А яко не пакоствуют предобидимии, благодаряху, и еже пронестися, благодати моляху. Wisdom 18:3 Сих ради столп огнегорящь, вожда убо неведомаго путьшествия, солнце же невредителное любочестнаго странствования подал еси. Wisdom 18:4 Достойни бо они лишитися света и блюстися во тме, иже заключеных стрежаху сынов Твоих, имиже имяше нетленный закона свет веку датися. Wisdom 18:5 Советовавших же их убивати младенцы преподобных, и единому отложену чаду и спасену, во обличение их отял еси множество чад, и купно погубил еси в воде зелней. Wisdom 18:6 Оная бо нощь предуведена бысть отцем нашым, да твердо ведуще, имже клятвам вероваша, возблагодушествуют. Wisdom 18:7 Восприято же бысть от людий Твоих спасение убо праведных, врагов же истребление: Wisdom 18:8 имже бо наказал еси супостаты нашя, сим нас призвав прославил еси. Wisdom 18:9 Сокровенно бо жряху преподобнии отроцы благих, и закон божественный единомыслием завещаша, таяжде подобно, благая же и бедственная восприимати святым, отцем уже предвоспевающым хвалу. Wisdom 18:10 Противогласяше же несогласный врагов вопль, и плачевный слышашеся глас плачущих младенцев. Wisdom 18:11 Подобною же местию раб купно с господином казнен бысть, и простый человек с царем таяжде пострада: Wisdom 18:12 единодушно же вси во единем имени смертнем мертвых имеяху безчисленных: ниже бо ко погребению живии бяху доволни, понеже во единем мгновении честнейший род их истреблен бысть. Wisdom 18:13 О всех бо не верующе ради чародеяний, а ради первенцев истребления, исповедаша людий сынов Божиих быти. Wisdom 18:14 Тихому бо молчанию содержащу вся, и нощи во своем течении преполовляющейся, Wisdom 18:15 всемогущее слово Твое, (Господи,) с небес от престолов царских жесток ратник в средину погибельныя земли сниде. Wisdom 18:16 Мечь остр нелицемерное повеление Твое носяй, и став исполни вся смерти: и небесе убо касашеся, стояше же на земли. Wisdom 18:17 Тогда внезапу привидения убо снов люте смутиша их, страси же наидоша нечаянни, Wisdom 18:18 и ин инамо вержен еле жив, еяже ради вины умираше, объявляше: Wisdom 18:19 сония бо, смутивше их, сие предвозвестиша: да не ведяще, егоже ради зле страждут, погибнут. Wisdom 18:20 Прикоснуся же некогда и праведных искушение смерти, поражение во пустыни бысть множества: но не долго пребысть гнев. Wisdom 18:21 Потщався бо муж непорочен предпоборствова, своея службы оружие, молитву и фимиама умилостивление принес, сопротив ста гневу и конец положи бедствованию, показав, яко Твой есть раб. Wisdom 18:22 Одоле же поражающаго не силою телесною, ниже оружия действием, но словом покори наказующаго, клятвы отцев и заветы воспомянув. Wisdom 18:23 Громадами бо уже падшым друг на друга мертвым, посреде став, пресече гнев и раздели к живым путь. Wisdom 18:24 На одежди бо подира бе весь мир, и отцев славы на изваянии четырерядоваго камения, и величество Твое на диадиме главы его. Wisdom 18:25 Сим уступил искореняяй и сих устрашися: бе бо токмо искушение гнева доволно. Wisdom 19:0 Wisdom 19:1 Нечестивым же до конца без милости ярость найде: предведе бо их и будущая, Wisdom 19:2 яко тии отпустившии, еже отити, и со тщанием предпославше их, поженут вслед раскаявшеся: Wisdom 19:3 еще бо в руках имеюще рыдания и сетующе над гробами мертвых, ин себе взяша помысл безумия, и ихже моляще изгнаша, сих аки беглецев гоняху. Wisdom 19:4 Влечаше бо их к сему концу достойная нужда, и приключшихся забытие вложи, да и прочую к мучением принаполнят казнь: Wisdom 19:5 и людие убо Твои преславное путьшествие прейдут, они же странну обрящут смерть. Wisdom 19:6 Все бо творение во своем ему роде паки свыше преобразовашеся, служащее свойственным Твоим повелением, да отроцы Твои сохранятся невреждени. Wisdom 19:7 Облак осеняяй полк их, и из преждебывшия воды открытие сухия земли явися, и из моря Чермнаго путь невозбранен, и поле злачное от волнения зелнаго: Wisdom 19:8 имже весь язык пройде, Твоею рукою покровени, видяще дивная чудеса. Wisdom 19:9 Якоже бо кони насытишася, и яко агнцы взыграшася, хваляще Тя, Господи, избавльшаго их: Wisdom 19:10 воспомянуша бо еще, яже во обитании их, како убо вместо рождения животных изведе земля скнипы, вместо же рыб изрыгну река множество жаб. Wisdom 19:11 Последи же видеша и новое рождение птиц, егда похотением подвигшеся, просиша сладостныя пищи. Wisdom 19:12 Во утешение бо взыдоша им от моря крастели: и мучения грешным наидоша, не без бывших знамений силою молний: праведне бо пострадаша за своя злобы, Wisdom 19:13 ибо лютейшее ненавидение странных совершиша: инии убо незнаемых не приемляху пришелцев, сии же благодетелей странных порабощаху. Wisdom 19:14 И не токмо, но аще кое разсмотрение будет их: зане враждебно приемляху чуждых. Wisdom 19:15 Сии же с празднествами приемше приобщившихся уже их обычаем, жесточайшими озлобиша трудами. Wisdom 19:16 Побиени же быша и ослеплением, якоже онии при дверех праведника, егда великою обложени тмою, кийждо своих дверий прохода искаше. Wisdom 19:17 Сами бо собою стихии пременяемы, якоже в гуслех гласы сличия имя пременяют, всегда храняще звук: еже есть видети от зрака бывших известно. Wisdom 19:18 Земная бо в водная прелагахуся, и плавающая прехождаху на землю. Wisdom 19:19 Огнь возмогаше в воде вышше своея силы, и вода угашающую силу забы. Wisdom 19:20 Пламень вопреки удоботленных животных не вреди плотей в нем ходящих, ниже таяше ледовидный удоботаяй род сладостныя пищи. Wisdom 19:21 По всему бо, Господи, возвеличил еси люди Твоя и прославил еси, и не презрел еси, во всяцем времени и месте предстояй.
Sirach 0:0
Книга Сираха Предисловие
Понеже многая и великая нам чрез закон и пророки и иных последовавших им дана быша, о нихже подобает хвалити Израиля наказания и премудрости ради, и яко не токмо сами чтуще должни разумными быти, но да и иностранных возмогут прилежно учащеся пользовати, и глаголюще и пишуще: дед мой Иисус множайше себе вдав в чтение закона же и пророков и иных отеческих книг, и в сих доволное искусство стяжав, понудися и сам написати нечто от надлежащих к наказанию и премудрости, да прилежно учащиися, и сих причастницы бывше, много паче успеют в законнем житии.
Будите убо умоленни, да со благоволением и вниманием чтете, и прощение подасте, аще в некиих возмнимся недоволни быти во истолковании люботрудно изобретенных речений: не равную бо силу имут та в себе, яже еврейски глаголема суть, егда преведутся на иный язык: не токмо же сия, но и самый закон и пророчества и прочыя книги не малое имеют разнство в себе чтомыя.
В тридесять бо осмем лете при Евергете цари пришед во Египет и премедлив, обретох немалаго наказания свиток, за нуждейшее вмених сам привнести некое тщание и трудолюбие к преведению тоя книги, многое бдение и искусство привнес в разстоянии времене, к концу приводя книгу издати, и в преселении хотящым учитися, предуготовляющым нравы законно жителствовати.
Sirach 1:0 Sirach 1:1 Всяка премудрость от Господа и с Ним есть во век. Sirach 1:2 Песка морскаго, и капли дождевныя, и дни века кто изочтет? Sirach 1:3 Высоту небесе и широту земли, и бездну и премудрость кто изследит? Sirach 1:4 Прежде всех создася Премудрость, и разум мудрости от века. Sirach 1:5 Источник премудрости слово Божие в вышних, и шествия ея заповеди вечныя. Sirach 1:6 Корень премудрости кому открыся? И коварства ея кто разуме? Sirach 1:7 Един есть премудр, страшен зело, седяй на престоле Своем, Господь. Sirach 1:8 Сам созда ю, и виде, и сочте ю, Sirach 1:9 и излия ю на вся дела Своя, Sirach 1:10 со всякою плотию по даянию Своему, и дарова ю любящым Его. Sirach 1:11 Страх Господень слава и похвала, и веселие и венец радости. Sirach 1:12 Страх Господень возвеселит сердце и даст веселие и радость и долгоденствие. Sirach 1:13 Боящемуся Господа благо будет на последок, и в день скончания своего обрящет благодать. Страх Господень дар от Господа и на стезях любления поставляет. Sirach 1:14 Любление Господа преславная премудрость, и имже является, разделяет Себе в ведение Его. Sirach 1:15 Начало премудрости боятися Господа, и с верными в ложеснех создася им: с человеки основание века угнезди и с семенем их уверится. Sirach 1:16 Исполнение премудрости еже боятися Господа, и упоит их от плодов ея: Sirach 1:17 весь дом их исполнит желаний своих и сосуды от жит ея. Sirach 1:18 Венец мудрости страх Господень, возцветаяй мир и здравие изцеления: обоя же суть дары Божии, и разширяет веселие любящым Его. Sirach 1:19 И виде и сочте ю: художество и ведение разума одожди, и славу держащих ю вознесе. Sirach 1:20 Корень премудрости еже боятися Господа, и ветви ея долгоденствие. Sirach 1:21 Страх Господень отреяет грехи: пребываяй же в нем отвращает гнев. Sirach 1:22 Не может ярость неправедная оправдитися: устремление бо ярости его падение ему. Sirach 1:23 До времене стерпит долготерпеливый, и последи воздаст ему веселие: Sirach 1:24 до времене скрыет словеса своя, и устне верных исповедят разум его. Sirach 1:25 В сокровищих премудрости притча ведения: мерзость же грешнику Богочестие. Sirach 1:26 Возжелев премудрости, соблюди заповеди, и Господь подаст ю тебе: Sirach 1:27 премудрость бо и наказание страх Господень, и благоволение Его вера и кротость. Sirach 1:28 Не сумневайся о страсе Господни и не приступи к Нему сердцем раздвоеным. Sirach 1:29 Не лицемерствуй пред усты человеческими и устнам твоим вонми. Sirach 1:30 Не возносися, да не падеши и наведеши души твоей безчестие, и открыет Господь тайная твоя и посреде сонма низложит тя: яко не приступил еси во истине ко страху Господню, и сердце твое исполнено лукавства. Sirach 2:0 Sirach 2:1 Чадо, аще приступаеши работати Господеви Богу, уготови душу твою во искушение: Sirach 2:2 управи сердце твое и потерпи, и не скор буди во время наведения: Sirach 2:3 прилепися Ему и не отступи, да возрастеши на последок твой. Sirach 2:4 Все елико аще нанесено ти будет, приими и во изменении смирения твоего долготерпи: Sirach 2:5 яко во огни искушается злато, и человецы приятни в пещи смирения. Sirach 2:6 Веруй Ему, и заступит тя, и управи пути твоя и уповай Нань. Sirach 2:7 Боящиися Господа, пождите милости Его и не уклонитеся, да не падете. Sirach 2:8 Боящиися Господа, веруйте Ему, и не имать отпасти мзда ваша. Sirach 2:9 Боящиися Господа, надейтеся на благая и на веселие века и милости. Sirach 2:10 Воззрите на древния роды и видите, кто верова Господеви и постыдеся? Или кто пребысть во страсе Его и оставися? Или кто призва Его, и презре и? Sirach 2:11 Зане щедр и милостив Господь, и оставляет грехи, и спасает во время скорби. Sirach 2:12 Горе сердцам страшливым и рукам ослабленым, и грешнику ходящу на две стези. Sirach 2:13 Горе сердцу ослаблену, яко не верует: сего ради покровено не будет. Sirach 2:14 Горе вам погубльшым терпение: и что сотворите, егда посетит Господь? Sirach 2:15 Боящиися Господа не сумневаются о глаголголех Его, и любящии Его сохранят пути Его. Sirach 2:16 Боящиися Господа поищут благоволения Его, и любящии Его исполнятся закона. Sirach 2:17 Боящиися Господа уготовят сердца своя и пред Ним смирят душы своя, (глаголюще:) Sirach 2:18 да впадем в руце Господни, а не в руце человечески, яко бо величество Его, тако и милость Его. Sirach 3:0 Sirach 3:1 Мене отца послушайте, чада, и сице творите, да спасетеся: Sirach 3:2 Господь бо прослави отца на чадех и суд матере утверди на сынех. Sirach 3:3 Чтый отца очистит грехи, Sirach 3:4 и яко сокровищствуяй прославляяй матерь свою. Sirach 3:5 Чтый отца возвеселится о чадех и в день мольбы своея услышан будет. Sirach 3:6 Прославляяй отца долгоденствовати будет, и послушаяй Господа упокоит матерь свою. Sirach 3:7 Бояйся Господа почтит отца и яко владыкам послужит родившым его. Sirach 3:8 Делом и словом чти отца твоего и матерь, да найдет ти благословение от них. Sirach 3:9 Благословение бо отчее утверждает домы чад, клятва же матерня искореняет до основания. Sirach 3:10 Не славися в безчестии отца твоего, несть бо ти слава отчее безчестие: Sirach 3:11 слава бо человеку от чести отца его, и поношение чадом мати в безславии. Sirach 3:12 Чадо, заступи в старости отца твоего и не оскорби его в животе его: Sirach 3:13 аще и разумом оскудевает, прощение имей и не обезчести его всею крепостию твоею. Sirach 3:14 Милость бо отча не забвена будет, и противу грехов присозиждется тебе: Sirach 3:15 в день скорби твоея воспомянет тя: якоже лед от зноя, тако растают греси твои. Sirach 3:16 Коль хулен оставляяй отца, и проклят Господем раздражаяй матерь свою. Sirach 3:17 Чадо, в кротости дела твоя препровождай, и человеком приятным возлюблен будеши. Sirach 3:18 Елико велик еси, толико смиряйся, и пред Господем обрящеши благодать. Sirach 3:19 Мнози суть высоцы и славни: но кротким открываются тайны, Sirach 3:20 яко велия сила Господня, и смиренными славится. Sirach 3:21 Вышших себе не ищи и крепльших себе не испытуй. Sirach 3:22 Иже ти повеленна, сия разумевай: несть бо ти потреба тайных. Sirach 3:23 Во избытцех дел твоих не любопытствуй: вящшая бо разума человеческаго показана ти суть: Sirach 3:24 многи бо прельсти мнение их, и мнение лукавно погуби мысль их. Sirach 3:25 И любяй бедство впадет в не: Sirach 3:26 сердце жестоко озлобится на последок: Sirach 3:27 сердце жестоко отяготится болезньми, и грешник приложит грехи на грехи. Sirach 3:28 В наведении величаваго несть изцеления: сад бо лукавствия вкоренися в нем. Sirach 3:29 Сердце разумиваго уразумеет притчу, и ухо слышателя вожделение премудраго. Sirach 3:30 Огнь горящь угасит вода, и милостыня очистит грехи. Sirach 3:31 Воздаяй благодати помнимь бывает по сих и во время падения своего обрящет утверждение. Sirach 4:0 Sirach 4:1 Чадо, живота нищаго не лиши и не отвращай очес от просящаго, Sirach 4:2 души алчущия не оскорби и не разгневай мужа в нищете его, Sirach 4:3 сердца раздраженаго не превозмути и не продолжай даяния требующему, Sirach 4:4 раба скорбяща не отрей и не отврати лица твоего от нищаго, Sirach 4:5 от требующаго не отврати очес и не даждь места человеку кляти тя: Sirach 4:6 кленущаго бо тя в горести души своея мольбу услышит Сотворивый его. Sirach 4:7 Приятна соборищу твори себе и князю смиряй главу твою, Sirach 4:8 приклони ухо твое к нищему и отвещай ему мирная в кротости, Sirach 4:9 изми обидимаго из руки обидящаго и не малодушествуй, егда судиши, Sirach 4:10 буди сирым яко отец и вместо мужа матери их: Sirach 4:11 и будеши яко сын Вышняго, и возлюбит тя паче неже мати твоя. Sirach 4:12 Премудрость сыны своя вознесе и заступает ищущих ея: Sirach 4:13 любяй ю любит жизнь, и утренюющии к ней исполнятся веселия: Sirach 4:14 держайся ея наследит славу, и идеже входит, благословит его Господь: Sirach 4:15 служащии ей послужат Святому, и любящих ю любит Господь: Sirach 4:16 слушаяй ея судити имать языки, и внимаяй ей вселится надеявся. Sirach 4:17 Аще уверуеши, наследиши ю, и во одержании будут роды его: Sirach 4:18 яко стропотно ходит с ним в первых, боязнь же и страх наведет нань Sirach 4:19 и помучит его в наказании своем, дондеже веру имет души его и искусит его во оправданиих своих, Sirach 4:20 и паки возвратится прямо к нему и возвеселит его Sirach 4:21 и открыет ему тайны своя: Sirach 4:22 аще заблудит, оставит его и предаст его в руце падения его. Sirach 4:23 Блюди время и хранися от лукаваго, Sirach 4:24 и о души твоей не постыдися: Sirach 4:25 есть бо стыд наводяй грех, и есть стыд слава и благодать. Sirach 4:26 Не приими лица на душу твою и не срамляйся о падении твоем. Sirach 4:27 Не возбрани словесе во время спасения: Sirach 4:28 в словеси бо познана будет премудрость, и наказание в глаголех языка. Sirach 4:29 Не пререкай противу истины и о ненаказании твоем срамляйся: Sirach 4:30 не стыдися исповедати грехи твоя и не воспящай быстрины речныя. Sirach 4:31 И не подстелися мужу бую и не обинися лица сильнаго. Sirach 4:32 Даже до смерти подвизайся о истине, и Господь Бог поборет по тебе. Sirach 4:33 Не буди скор языком твоим, ленив же и слаб в делех твоих. Sirach 4:34 Не буди яко лев в дому твоем и жестоконеистов в рабех твоих. Sirach 4:35 Не буди рука твоя простерта на взятие, а на отдаяние согбена. Sirach 5:0 Sirach 5:1 Не уповай на имения твоя и не и рцы: доволна ми суть. Sirach 5:2 Не последуй души твоей и крепости твоей, еже ходити в похотех сердца твоего, Sirach 5:3 и не рцы: кто мя преможет? Господь бо мстяй отмстит ти. Sirach 5:4 Не рцы: согреших, и что ми бысть? Господь бо есть долготерпелив. Sirach 5:5 О очищении безстрашен не буди, прилагати грехи на грехи, Sirach 5:6 не рцы: щедрота Его многа есть, множество грехов моих очистит: Sirach 5:7 милость бо и гнев у Него, и на грешницех почиет ярость Его. Sirach 5:8 Не медли обратитися ко Господу и не отлагай день от дне: Sirach 5:9 внезапу бо изыдет гнев Господень, и во время мести погибнеши. Sirach 5:10 Не уповай на имения неправедна: ни чимже бо упользуют в день наведения. Sirach 5:11 Не вей себе всяким ветром и не ходи всяким путем: сице грешник двоязычен. Sirach 5:12 Буди утвержден в разуме твоем, и едино буди слово твое. Sirach 5:13 Буди скор в слушании твоем, и с долготерпением отвещавай ответ. Sirach 5:14 Аще есть в тебе разум, отвещай искреннему: аще же ни, то буди рука твоя на устех твоих. Sirach 5:15 Слава и безчестие в беседе и язык человечь падение ему. Sirach 5:16 Не слови шепотник и языком твоим не уловляй: Sirach 5:17 на тати бо студ есть и зазор лукав над двоязычным. Sirach 5:18 О велице и о мале не неразумевай. Sirach 6:0 Sirach 6:1 И вместо друга не буди враг, имя бо лукаво студ и поношение наследит: сице грешник двоязычен. Sirach 6:2 Не возноси себе советом души твоея, да не расхищена будет аки юнец душа твоя: Sirach 6:3 листвие твое пояси и плоды твоя погубиши и оставиши себе яко древо сухо. Sirach 6:4 Душа лукава погубит стяжавшаго ю и порадование врагом сотворит его. Sirach 6:5 Гортань сладок умножит други своя, и язык доброглаголив умножит добры беседы. Sirach 6:6 Мирствующии с тобою да будут мнози, советницы же твои един от тысящ. Sirach 6:7 Аще стяжеши друга, во искушении стяжи его и не скоро уверися ему: Sirach 6:8 есть бо друг во время свое и не пребудет во время скорби твоея, Sirach 6:9 и есть друг пременяяйся во врага и свар поношения твоего открыет, Sirach 6:10 и есть друг общник трапезам и не пребудет во время скорби твоея: Sirach 6:11 и во благих твоих будет якоже ты и на рабы твоя дерзнет: Sirach 6:12 аще смирен будеши, будет на тя и от лица твоего скрыется. Sirach 6:13 От врагов твоих отлучися и от другов твоих внимай. Sirach 6:14 Друг верен кров крепок: обретый же его обрете сокровище. Sirach 6:15 Другу верну несть измены, и несть мерила доброте его. Sirach 6:16 Друг верен врачевание житию, и боящиися Господа обрящут его. Sirach 6:17 Бояйся Господа управляет дружбу свою, якоже бо сам, тако и искренний его. Sirach 6:18 Чадо, от юности твоея избери наказание, и даже до седин обрящеши премудрость. Sirach 6:19 Якоже оряй и сеяй приступи к ней и жди благих плодов ея: Sirach 6:20 в делании бо ея мало потрудишися и скоро ясти будеши плоды ея. Sirach 6:21 Коль стропотна есть зело ненаказанным, и не пребудет в ней безумный: Sirach 6:22 якоже камень искушения крепок будет на нем, и не замедлит отврещи ея. Sirach 6:23 Премудрость бо по имени ея есть и не многим есть явна. Sirach 6:24 Слыши, чадо, и приими волю мою, и не отвержи совета моего: Sirach 6:25 и введи нозе твои во оковы ея и в гривну ея выю твою: Sirach 6:26 подложи рамо твое и носи ю, и не гнушайся узами ея: Sirach 6:27 всею душею твоею приступи к ней и всею силою твоею соблюди пути ея. Sirach 6:28 Изследи и взыщи, и познана ти будет, и емься за ню не остави ея: Sirach 6:29 на последок бо обрящеши покой ея, и обратится тебе на веселие. Sirach 6:30 И будут ти пута ея на покой крепости и гривны ея на одеяние славы. Sirach 6:31 Красота бо злата есть на ней, и узы ея извитие иакинфово: Sirach 6:32 во одежду славы облечешися ею, и венец радости возложиши на ся. Sirach 6:33 Аще восхощеши, чадо, наказан будеши, и аще вдаси душу твою, хитр будеши: Sirach 6:34 аще возлюбиши слушати, приимеши, и аще приклониши ухо твое, премудр будеши. Sirach 6:35 Во множестве старейшин ставай, и аще кто премудр, тому прилепися. Всяку повесть божественную восхощи слышати, и притчи разума да не убежат тебе. Sirach 6:36 Аще узриши разумна, утренюй к нему, и степени дверий его да трет нога твоя. Sirach 6:37 Размышляй в повелениих Господних и в заповедех Его поучайся присно: Той утвердит сердце твое, и желание премудрости дано ти будет. Sirach 7:0 Sirach 7:1 Не твори зла, и не постигнет тя зло: Sirach 7:2 отступи от неправды, и уклонится от тебе. Sirach 7:3 Сыне, не сей на браздах неправды и не имаши пожати их седмерицею. Sirach 7:4 Не проси у Господа владычества, ниже от царя седалища славы. Sirach 7:5 Не оправдай себе пред Богом и пред царем не мудрися. Sirach 7:6 Не ищи, да будеши судия, егда не возможеши отяти неправды: да не когда убоишися лица сильнаго и положиши соблазн в правости твоей. Sirach 7:7 Не согрешай во множестве града и не низлагай себе в народе. Sirach 7:8 Не свяжи дважды греха, и во единем бо не неповинен будеши. Sirach 7:9 Не рцы: на множество даров моих воззрит, и приносящу ми Богу Вышнему, приимет. Sirach 7:10 Не малодушествуй в молитве твоей и милостыню творити не презри. Sirach 7:11 Не ругайся человеку сущу в горести души его: есть бо Смиряяй и Возносяй. Sirach 7:12 Не ори лжи на брата твоего, ниже другу тожде твори. Sirach 7:13 Не восхощи лгати всякия лжи: учащение бо ея не на благо. Sirach 7:14 Не буди велеречив во множестве старец и не повтори слова в молитве твоей. Sirach 7:15 Не возненавиди труднаго дела и земледелия от Вышняго создана. Sirach 7:16 Не привменяй себе ко множеству грешников. Sirach 7:17 Смири душу твою зело. Sirach 7:18 Помяни, яко гнев не замедлит, Sirach 7:19 понеже месть нечестиваго огнь и червь. Sirach 7:20 Не измени друга ни на что, ни брата присна на злате Софирстем. Sirach 7:21 Не отступай от жены премудры и благи, ибо благодать ея паче злата. Sirach 7:22 Не озлоби раба делающа во истине, ниже наемника вдающа душу свою. Sirach 7:23 Раба разумива да любит душа твоя, и не лиши его свободы. Sirach 7:24 Есть ли ти скот, призирай его, и аще ти будет потребен, да пребудет ти. Sirach 7:25 Суть ли ти чада, накажи я и преклони от юности выю их. Sirach 7:26 Суть ли ти дщери, внимай телу их и не являй веселаго к ним лица твоего. Sirach 7:27 Выдай дщерь, и будеши совершивый дело велико: и мужеви разумиву даждь ю. Sirach 7:28 Есть ли ти жена по души, не изжени ея. Sirach 7:29 Всем сердцем твоим прославляй отца твоего и матерних болезней не забуди: Sirach 7:30 помяни, яко тема рожден еси, и что има воздаси, якоже она тебе? Sirach 7:31 Всею душею твоею благоговей Господеви и иереи Его чти. Sirach 7:32 Всею силою (твоею) возлюби Сотворшаго тя и служителей Его не остави. Sirach 7:33 Бойся Господа и прослави иереа, и даждь часть ему, якоже заповедано ти: Sirach 7:34 начатки, и о согрешении, и даяние мышцей, и жертву святыни, и начаток святых. Sirach 7:35 И нищему простри руку твою, да совершится благословение твое. Sirach 7:36 Благодать даяния пред всяким живым (да будет), и над мертвецем не возбрани благодати. Sirach 7:37 Не устраняйся от плачущих и с сетующими сетуй. Sirach 7:38 Не ленися посещати боляща: сими бо возлюблен будеши. Sirach 7:39 Во всех словесех твоих поминай последняя твоя, и во веки не согрешиши. Sirach 8:0 Sirach 8:1 Не сварися с человеком сильным, и да не когда впадеши в руце его. Sirach 8:2 Не тяжися с человеком богатым, да не когда отяготит ти меру: Sirach 8:3 многих бо погуби злато, и сердца царская преклони. Sirach 8:4 Не сварися с человеком язычным и не накладай на огнь его дров. Sirach 8:5 Не играй с ненаказанным, да не приимут безчестия прародителие твои. Sirach 8:6 Не поноси человеку обращающуся от греха: помяни, яко вси есмы во епитимиах. Sirach 8:7 Не безчести человека в старости его: ибо и ты сам состареешися. Sirach 8:8 Не радуйся о мертвеце бывшем враждебнейшем тебе: помяни, яко вси умираем. Sirach 8:9 Не презри повести премудрых и в притчах их живи: Sirach 8:10 яко от них навыкнеши наказанию и служити вельможам удобно. Sirach 8:11 Не отступай от повести старцев: ибо тии навыкоша от отец своих: Sirach 8:12 яко от них навыкнеши разуму и во время потребно дати ответ. Sirach 8:13 Не возгнещай углия грешнику, да не сгориши огнем пламене его. Sirach 8:14 Не востани на лице досадителево, да не приседит яко наветник устом твоим. Sirach 8:15 Взаим не дай человеку крепльшу тебе, и аще даси, буди якоже погубивый. Sirach 8:16 Не поручайся выше силы твоея: и аще поручишися, яко воздаяй пецыся. Sirach 8:17 Не сварися со судиею: по разсуждению бо его будут судити ему. Sirach 8:18 С дерзым не ходи на путь, яко да не отяготится на тя: той бо сотворит по воли своей, и с буйством его погибнеши. Sirach 8:19 С яростивым не сварися и не иди с ним сквозе пустыню: пред очима бо его кровь яко ничтоже есть, и идеже несть помощи, тамо низложит тя. Sirach 8:20 С буим совета не твори: не возможет бо слова удержати. Sirach 8:21 Пред чужим не твори тайнаго: не веси бо, что родит ти. Sirach 8:22 Всякому человеку не являй сердца твоего, да не воздаст ти благодати ложныя. Sirach 9:0 Sirach 9:1 Не ревнуй жене недра твоего, ниже научи на тебе самаго учению лукаву. Sirach 9:2 Не даждь жене души твоея, еже превзыти ей над крепость твою. Sirach 9:3 Не сретай жены блудницы, да не како впадеши в сети ея. Sirach 9:4 К спевающей не примешайся, да не како увязнеши в начинаниих ея. Sirach 9:5 Девы не назирай, да не когда соблазнишися в красоте ея. Sirach 9:6 Не даждь блудницам души твоея, да не погубиши наследия твоего. Sirach 9:7 Не обзирай стогн града и в пустых его не заблуждай. Sirach 9:8 Отврати око твое от жены красныя и не назирай чуждыя доброты: Sirach 9:9 добротою женскою мнози прельстишася, и от сея похоть яко огнь разгарается. Sirach 9:10 С мужатицею отнюд не седи и не медли с нею в вине: Sirach 9:11 да не когда приклонится душа твоя на ню, и духом твоим поползнешися в пагубу. Sirach 9:12 Не оставляй друга стараго, новый бо несть точен ему: Sirach 9:13 вино новое друг нов: аще обетшает, с веселием испиеши его. Sirach 9:14 Не ревнуй славе грешника: не веси бо, кое будет превращение его. Sirach 9:15 Не соизволи изволением нечестивых: помяни, яко даже до ада не оправдятся. Sirach 9:16 Далече отступи от человека, иже имать власть убивати, и не убоишися страха смертна: Sirach 9:17 и аще приступиши, не согрешай, да не отимет живота твоего: Sirach 9:18 познавай, яко посреде сетей минуеши и по забралом града ходиши. Sirach 9:19 По крепости твоей разсмотряй искренняго и со премудрыми советуй. Sirach 9:20 С разумивыми буди размышление твое, и вся повесть твоя в законе Вышняго. Sirach 9:21 Мужие праведнии да вечеряют с тобою, и во страсе Господни буди хвала твоя. Sirach 9:22 От руки художников дело похвалено бывает, и вождь людий премудр в словеси своем. Sirach 9:23 Страшен во граде своем муж язычен, и дерзый в словеси своем возненавиден будет. Sirach 10:0 Sirach 10:1 Премудр судия наказует люди своя, и владычество разумиваго благочинно будет. Sirach 10:2 Якоже судия людий своих, тако и слузи его, и якоже владыка града, тако и вси живущии в нем. Sirach 10:3 Царь ненаказаный погубит люди своя: и град населится премудростию сильных. Sirach 10:4 В руце Господни власть земли, и потребнаго воздвигнет во время на ней. Sirach 10:5 В руце Господни благое шествие мужа, и на лицы книжника возложит славу Свою. Sirach 10:6 Во всяцей неправде не держи гнева на искренняго и не твори ни коего в делех досаждения. Sirach 10:7 Возненавидена пред Богом и человеки гордыня и от обоих сотворит неправедная. Sirach 10:8 Царство от языка в язык преводится, ради неправды и досаждения и имений льстивых. Sirach 10:9 Почто гордится земля и пепел? Sirach 10:10 Яко в животе извергох утробу его. Sirach 10:11 Долгую болезнь отсецает врачь: Sirach 10:12 и царь днесь, а утро умрет. Sirach 10:13 Ибо егда умрет человек, наследит гады и звери и червие. Sirach 10:14 Начало гордыни человеку отступление от Господа, и егда от Сотворшаго и отвращается сердце его: Sirach 10:15 яко начало греха гордыня, и держай ю изрыгнет скверну. Sirach 10:16 Сего ради обезслави Господь в наведениих зол и низврати их до конца: Sirach 10:17 престолы князей низложи Господь и посади кроткия вместо их, Sirach 10:18 корения языков гордых исторже Господь и насади смиренныя вместо их, Sirach 10:19 страны языков низврати Господь и погуби их до основания земли, Sirach 10:20 изсуши от них и погуби их и потреби от земли память их. Sirach 10:21 Не создана бысть человеком гордыня, ни гнев ярости рождением жен. Sirach 10:22 Семя честное кое? Семя человеческое. Семя честное кое? Боящиися Господа. Sirach 10:23 Семя безчестное кое? Семя человеческое. Семя безчестное кое? Преступающии заповеди. Sirach 10:24 Посреде братии старейшина их честен, и боящиися Господа пред очима Его. Sirach 10:25 Богат и славен и нищь, похвала их страх Господень. Sirach 10:26 Неправедно есть укоряти нища разумива, и не подобает славити мужа грешника. Sirach 10:27 Вельможа и судия и сильный славни будут, и несть от них ни един вящший боящагося Господа. Sirach 10:28 Рабу разумиву свободнии послужат, и муж хитр не поропщет наказуемь. Sirach 10:29 Не мудрися творити дела своего, и не слави себе во время туги твоея. Sirach 10:30 Лучше делаяй и изюбилуяй во всем, неже славяйся и лишаяйся хлеба. Sirach 10:31 Чадо, кротостию прослави душу твою и даждь ей честь по достоинству ея. Sirach 10:32 Согрешающаго на душу свою кто оправдит? И кто прославит безчествующа живот свой? Sirach 10:33 Нищий славимь есть вежества ради своего, и богатый славимь есть богатства ради своего. Sirach 10:34 Прославляемый же в нищете, а в богатстве кольми паче? Безславный же в богатстве, а в нищете кольми паче? Sirach 11:0 Sirach 11:1 Премудрость смиреннаго вознесет главу его и посреде вельмож посадит его. Sirach 11:2 Не похвали человека во красоте его, и не буди ти мерзок человек видением своим. Sirach 11:3 Мала есть в пернатых пчела, и начаток сладостей плод ея. Sirach 11:4 Во одеянии риз не похвалися и в день славы не превозносися: яко дивна дела Господня и тайна дела Его пред человеки. Sirach 11:5 Мнози мучителие седоша на земли, нечаемый же увязеся венцем. Sirach 11:6 Мнози сильнии укорени быша зело, и славнии предани быша в руки инех. Sirach 11:7 Первее неже испытаеши, не порицай, уразумей прежде и тогда запрещай. Sirach 11:8 Прежде неже услышиши, не отвещавай, и не влагайся в среду беседы. Sirach 11:9 О вещи, яже ти несть на потребу, не тяжися, и на суде грешников не седай. Sirach 11:10 Чадо, деяния твоя да не будут о мнозе: аще умножиши, не будеши неповинен, и аще се гониши, не постигнеши, и не утечеши бежащь. Sirach 11:11 Есть труждаяйся и потяся и тщася, и толико паче лишается. Sirach 11:12 Есть слаб и требуяй заступления, лишаяйся силы, и нищетою изюбилует: Sirach 11:13 и очи Господни призреста ему во благая, и воздвиже и от смирения его, и вознесе главу его, и дивишася о нем мнози. Sirach 11:14 Благая и злая, живот и смерть, нищета и богатство от Господа суть. Sirach 11:15 Даяние Господне пребывает благочестивым, и благоволение Его благопоспешится во век. Sirach 11:16 Есть богатяйся удержанием и скупостию своею, и сия часть мзды его, Sirach 11:17 внегда рещи ему: обретох покой и ныне ям от благ моих. Sirach 11:18 И не весть, кое время приидет, и оставит я инем, и умрет. Sirach 11:19 Стой в завете твоем и пребывай в нем, и в деле твоем обетшай. Sirach 11:20 Не дивися делом грешника, веруй же Господеви и пребывай в труде твоем: Sirach 11:21 яко удобно есть пред очима Господнима внезапу обогатити нищаго. Sirach 11:22 Благословение Господне на мзде благочестиваго, и в час скор процветет благословение Его. Sirach 11:23 Не рцы: кая ми потреба есть, и кая отныне будут ми благая? Sirach 11:24 Не рцы: доволна ми суть, и чим отселе озлоблен буду? Sirach 11:25 В день благих забвение злых, в день же злых не воспомянутся благая: Sirach 11:26 яко удобно есть пред Богом, в день смерти воздати человеку по делом его. Sirach 11:27 Озлобление времене забытие творит сладости, и в скончании человека открытие дел его. Sirach 11:28 Прежде смерти не блажи ни когоже, и в чадех своих познан будет муж. Sirach 11:29 Не всякаго человека вводи в дом твой: многи бо суть козни льстиваго. Sirach 11:30 Якоже рябка уловленая в клетце (обглядает), тако сердце гордаго, и якоже соглядник назирает падения: Sirach 11:31 доброе бо на зло обращая, подсаду творит и на добрыя детели возложит порок. Sirach 11:32 От искры огненныя умножается углие, и человек грешник на кровь приседит. Sirach 11:33 Блюдися от злодея, зло бо содевает, да не когда порок даст ти во век. Sirach 11:34 Всели чуждаго в дом твой, и развратит тя мятежем и чужда тя сотворит от твоих ти. Sirach 12:0 Sirach 12:1 Аще добро твориши, разумей, кому твориши, и будет благодать благим твоим. Sirach 12:2 Добро сотвори благочестивому, и обрящеши воздаяние, и аще не от него, то от Вышняго. Sirach 12:3 Не будет добро прилежащему во злых и не подающему милостыни. Sirach 12:4 Даждь благочестивому и не заступай грешника. Sirach 12:5 Добро сотвори смиренному и не даждь нечестивому: возбрани хлебы твоя и не даждь ему, да не теми тя преможет: Sirach 12:6 сугуба бо зла обрящеши во всех благих, яже аще сотвориши ему: яко и Вышний возненавиде грешники и нечестивым воздаст месть. Sirach 12:7 Даждь благому и не заступай грешника. Sirach 12:8 Не познан будет во благих друг и не скрыется во злых враг. Sirach 12:9 Егда во благих будет муж, врази его во печали суть, во злых же его и друг разлучится. Sirach 12:10 Не ими веры врагу твоему во веки: якоже бо медь ржавеет, тако и злоба его: Sirach 12:11 и аще смирится и пойдет поникнув, настави душу твою и хранися от него, и будеши ему яко очищено зерцало, и уразумееши, яко не до конца оторжаве: Sirach 12:12 не постави его при себе, да не когда изринув тя станет на месте твоем: не посади его одесную себе, да не поищет когда седалища твоего, и на последок уразумееши словеса моя и о глаголех моих умилишися. Sirach 12:13 Кто помилует обаянника змием усекнена и всех приступающих ко зверем? Такожде ходящаго с мужем грешником и примешающагося грехом его: Sirach 12:14 час с тобою пребудет, и аще уклонишися, не стерпит. Sirach 12:15 Устнама своима усладит враг, и много пошепчет и речет добро глаголя: очима своима прослезится, а сердцем своим усоветует вринути тя в ров, и егда обрящет время, не насытится крове. Sirach 12:16 Аще срящут тя злая, ту обрящеши его первее себе, Sirach 12:17 и яко помагаяй подсечет пяту твою: Sirach 12:18 покивает главою своею и восплещет рукама своима, и много пошепчет и изменит лице свое. Sirach 13:0 Sirach 13:1 Касаяйся смоле очернится, и приобщаяйся гордому точен ему будет. Sirach 13:2 Бремене паче себе не воздвижи, и крепльшу и богатейшу себе не приобщайся. Sirach 13:3 Кое причастие горнцу с котлом? Сей приразится, и той сокрушится. Sirach 13:4 Богатый обиду сотвори, и сам приразгневася: нищий же обидимь бысть, и сам приумолится. Sirach 13:5 Аще потребен будеши, употребляет тя: аще же лишен будеши, оставит тя. Sirach 13:6 Аще имаши, поживет с тобою и истощит тя, сам же не поболит. Sirach 13:7 Аще востребует тя, прельстит тя и возсмееттися и даст ти надежду, возглаголет ти добре Sirach 13:8 и речет ти: есть ли ти что потребно? И посрамит тя брашном своим, дондеже истощит тя дващи или трищи, и на последок поругаеттися. Sirach 13:9 Потом узрит тя и оставит тя и главою своею покивает на тя. Sirach 13:10 Внимай, да не заблудиши Sirach 13:11 и да не смиришися во веселии твоем. Sirach 13:12 Егда тя сильный призовет, отступай, и толико паче призовет тя. Sirach 13:13 Не приближайся, да не отриновен будеши, и не стой отдалече, да не забвен будеши. Sirach 13:14 Не належи беседовати с ним и не веруй множайшым словесем его: многою бо беседою искусит тя и яко смеяся испытает тайная твоя. Sirach 13:15 Немилостив есть не соблюдаяй словес и не пощадит (ослабити) озлобления твоего и уз. Sirach 13:16 Блюдися и внимай зело, яко с падением твоим ходиши: Sirach 13:17 слышай сия во сне твоем, бодрствуй. Sirach 13:18 Во всем житии люби Господа и призывай Его во спасение твое. Sirach 13:19 Всяко животно любит подобное себе, и всяк человек искренняго своего: Sirach 13:20 всяка плоть по роду собирается, и подобному себе прилепится муж. Sirach 13:21 Кое общение волку со агнцем? Тако грешнику со благочестивым. Sirach 13:22 Кий мир гиене со псом? И кий мир богатому со убогим? Sirach 13:23 Лов львов онагри в пустыни, такожде пажити богатым убозии. Sirach 13:24 Мерзость гордому смирение, сице мерзость богатому нищий. Sirach 13:25 Богат колебляйся подтверждается от другов: убогий же падый отреян будет от другов. Sirach 13:26 Богату поползнувшуся мнози заступницы, возглагола нелепая, и оправдаша его: Sirach 13:27 убогий поползнуся, и воспретиша ему, провеща разум, и не даша ему места. Sirach 13:28 Богатый возглагола, и вси умолчаша и слово его вознесоша даже до облак: Sirach 13:29 убогий возглагола, и реша: кто сей есть? И аще преткнется, низвратят его. Sirach 13:30 Добро есть богатство, в немже несть греха, и зла есть нищета во устех нечестиваго. Sirach 13:31 Сердце человеческо изменяет лице его, или на добро или на зло. Sirach 13:32 След сердца во благих лице веселое, и изобретение притчей размышление со трудом. Sirach 14:0 Sirach 14:1 Блажен муж, иже не поползнуся устнама своима и не уязвися печалию греха. Sirach 14:2 Блажен, емуже не зазре душа его, и иже не спаде от надежды своея. Sirach 14:3 Мужеви скупому не лепо есть богатство, и человеку завидливу на что имение? Sirach 14:4 Собираяй от души своея инем собирает, и во благих его инии насладятся. Sirach 14:5 Иже себе зол, кому добр будет? И не возвеселится во имении своем. Sirach 14:6 Завидящаго себе самому несть злейша: и сие воздаяние злобы его. Sirach 14:7 Аще и добро творит, в забытии творит и на последок изявит злобу свою. Sirach 14:8 Лукав (есть) завидяй оком, отвращаяй лице и презираяй душы. Sirach 14:9 Око лихоимца не насыщается части, и обида лукаваго изсушает душу. Sirach 14:10 Око лукаво завидливо и о хлебе, и на трапезе своей скудно. Sirach 14:11 Чадо, якоже имаши, добро твори себе, и приношения Господеви достойно приноси: Sirach 14:12 помяни, яко смерть не замедлит, и завет адов не показан ти бысть. Sirach 14:13 Прежде неже умреши ты, добро твори другу и по силе твоей простри и даждь ему. Sirach 14:14 Не лишися от дне добра, и часть желания блага да не прейдет тебе. Sirach 14:15 Не инем ли оставиши притяжания твоя и труды твоя, в разделение жребия? Sirach 14:16 Даждь и возми, и освяти душу твою: Sirach 14:17 яко несть во аде взыскати сладости. Sirach 14:18 Всяка плоть яко риза обетшает, завет бо от века: смертию умреши. Sirach 14:19 Яко лист расплощаяся на древе часте, ов убо спадает, другий же прозябает: такожде и род плоти и крови, ов убо умирает, ов же родится. Sirach 14:20 Всякое дело гниющее изчезает, и делаяй е с ним отидет. Sirach 14:21 Блажен муж, иже во премудрости умрет и иже в разуме своем поучается святыни: Sirach 14:22 размышляяй пути ея в сердцы своем, и в сокровенных ея уразумится. Sirach 14:23 Изыди вслед ея яко изследник и на путех ея приседи. Sirach 14:24 Приницаяй сквозе оконца ея и при дверех ея послушает. Sirach 14:25 Обитаяй близ дому ея и вбиет кол в стены ея, поставит скинию свою вскрай ея и обитати будет во обители благих, Sirach 14:26 положит чада своя в покрове ея и под ветвьми ея водворится, Sirach 14:27 покрыется ею от зноя и во славе ея обитати будет. Sirach 15:0 Sirach 15:1 Бояйся Господа сотворит сие, и держайся закона постигнет ю. Sirach 15:2 И срящет его яко мати, и яко жена девства приимет и: Sirach 15:3 ухлебит его хлебом разума и водою премудрости напоит и: Sirach 15:4 утвердится на ней и не преклонится, и до нея пристанет и не постыдится: Sirach 15:5 и вознесет его паче искренних его и посреде церкве отверзет уста его: Sirach 15:6 веселие и венец радости и имя вечно наследит. Sirach 15:7 Не постигнут ея человецы неразумивии, и мужие грешнии не узрят ея: Sirach 15:8 далече есть от гордыни, и мужие лживии не имут помянути ея. Sirach 15:9 Не красна похвала во устех грешника, яко не от Господа послана бысть: Sirach 15:10 премудростию бо речена будет хвала, и Господь благопоспешит ей. Sirach 15:11 Не рцы, яко Господа ради отступих: ихже бо возненавиде, да не сотвориши. Sirach 15:12 Не рцы, яко Сам мя прельсти: не требует бо мужа грешника. Sirach 15:13 Всяку мерзость возненавиде Господь, и несть любезна боящымся Его. Sirach 15:14 Сам из начала сотвори человека и остави Его в руце произволения его: Sirach 15:15 аще хощеши, соблюдеши заповеди и веру сотвориши благоволения. Sirach 15:16 Предложил ти огнь и воду, и на неже хощеши, простреши руку твою. Sirach 15:17 Пред человеком живот и смерть, и еже аще изволит, дастся ему. Sirach 15:18 Яко многа премудрость Господня: крепок силою и видяй вся: Sirach 15:19 и очи Его на боящихся Его, и Той познает всяко дело человеческо. Sirach 15:20 Не заповеда ни единому же нечествовати и не даде ослабы ни единому не согрешати. Sirach 16:0 Sirach 16:1 Не желай чад множества неключимых, ниже веселися о сынех нечестивых: егда умножатся, не веселися о них, аще несть страха Господня с ними. Sirach 16:2 Не веруй животу их и не належи на множество их: Sirach 16:3 лучше бо един праведник, нежели тысяща (грешник), Sirach 16:4 и умрети безчадному, нежели имети чада нечестива: Sirach 16:5 от единаго бо разумна населится град, колено же беззаконных запустеет. Sirach 16:6 Многа сицевая виде око мое, и крепльшая сих слыша ухо мое. Sirach 16:7 В соборищи грешных возгорится огнь, и во языце непокориве возгорится гнев. Sirach 16:8 Не умолен бысть (Бог) о древних исполинех, иже отступиша крепостию своею: Sirach 16:9 не пощаде о жилищи Лотове, имиже возгнушася за гордыню их: Sirach 16:10 не помилова языка погибельнаго, вознесшагося во гресех своих, Sirach 16:11 и тако шесть сот тысящ пешцев, сошедшихся в жестосердии своем. И аще будет един жестоковыйный в людех, дивно есть сие, аще неповинен будет. Sirach 16:12 Милость бо и гнев у Него, силен умолен быти и излияти гнев. Sirach 16:13 По мнозей милости Его, тако много и обличение Его: мужеви но делом его судит. Sirach 16:14 Не убежит хищением грешный, и терпение благовернаго не лишено будет. Sirach 16:15 Всяцей милостыни сотворит место: кийждо бо по делом своим обрящет. Sirach 16:16 Не рцы, яко от Господа скрыюся, еда свыше кто мя помянет? Sirach 16:17 В людех множайших не воспомянен буду, что бо есть душа моя в безчисленней твари? Sirach 16:18 Се, небо и небо небесе Божия, бездна и земля посещением Его подвигнутся: Sirach 16:19 вкупе горы и основания земли, егда воззрит на ня, трепетом стрясутся, Sirach 16:20 и о сих не размыслит сердце: Sirach 16:21 и пути Его кто постигнет? И бурю юже не узрит человек, множайшая же дел Его в сокровенных: Sirach 16:22 дела правды Его кто возвестит? Или кто стерпит? Далече бо завет. Sirach 16:23 Умаляяйся сердцем размышляет сия, а муж безумен и заблуждаяй размышляет буяя. Sirach 16:24 Послушай мене, чадо, и научися ведения, и на словеса моя внимай сердцем твоим: Sirach 16:25 изявляю в мериле наказание и со испытанием возвещу ведение. Sirach 16:26 Судом Господним дела Его из начала, и от сотворения Его раздели части их: Sirach 16:27 украси во век дела Своя, и начала их в роды их: ниже взалкаша, ниже утрудишася, и не престаша от дел своих. Sirach 16:28 Кийждо искренняго своего не оскорби, Sirach 16:29 и даже до века не воспротивятся глаголголу Его. Sirach 16:30 И по сих Господь на землю призре и исполни ю от благ Своих: Sirach 16:31 душа всякаго животна покры лице ея, и в ню возвращение их. Sirach 17:0 Sirach 17:1 Господь созда от земли человека, и паки возврати его в ню. Sirach 17:2 Дни числа и время даде им, и даде им власть над сущими на ней. Sirach 17:3 Якоже они сами, облече их крепостию, и по образу Своему сотвори я: Sirach 17:4 и положи страх его на всяцей плоти, еже властелствовати зверьми (и скоты) и птицами. Sirach 17:5 Помышление и язык и очи, уши и сердце даде им размышляти: Sirach 17:6 художеством разума исполни я и добрая и злая показа им. Sirach 17:7 Положил есть око Свое на сердцах их, показати им величество дел Своих, Sirach 17:8 да имя святыни Его восхвалят и да поведают величества дел Его. Sirach 17:9 Приложил им художество и закон живота даде в наследие им. Sirach 17:10 Завет вечный постави с ними и судбы Своя показа им. Sirach 17:11 Величество славы видеша очеса их, и славу гласа их слыша ухо их. Sirach 17:12 И рече им: внемлите от всякия неправды. И заповеда им комуждо о искреннем. Sirach 17:13 Путие их пред Ним выну, не укрыются от очию Его. Sirach 17:14 Комуждо языку устроил вожда, Sirach 17:15 и часть Господня Израиль есть. Sirach 17:16 Вся дела их яко солнце пред Ним, и очи Его выну на путех их: Sirach 17:17 не укрышася неправды их от Него, и вси греси их пред Господем. Sirach 17:18 Милостыня мужа яко печать с Ним, и благодать человечу яко зеницу соблюдет. Sirach 17:19 По сих востанет и воздаст им, и воздаяние их на главу их воздаст: Sirach 17:20 обаче кающымся дал есть возвращение и утеши изнемогающих терпением. Sirach 17:21 Обратися убо ко Господу и остави грехи: Sirach 17:22 помолися пред лицем и умали претыкания: Sirach 17:23 восходи к Вышнему и отвратися от неправды, и зело возненавиди мерзость. Sirach 17:24 Вышняго кто восхвалит во аде, вместо живых и дающих исповедание? Sirach 17:25 От мертвеца яко ничто сущаго погибает исповедание: Sirach 17:26 живый же и здравый восхвалит Господа. Sirach 17:27 Коль велика милость Господня и очищение обращающымся к Нему? Sirach 17:28 Не могут бо вся быти в человецех: Sirach 17:29 яко не безсмертен сын человеческий. Sirach 17:30 Что светлее солнца? И то изчезает: и зло помыслит плоть и кровь. Sirach 17:31 Силу высоты небесныя Той Сам назирает, человецы же вси земля и пепел. Sirach 18:0 Sirach 18:1 Живый во веки созда вся обще. Господь един оправдится: Sirach 18:2 никтоже доволен исповести дел Его, Sirach 18:3 и кто изследит величия Его? Sirach 18:4 Державу величества Его кто изочтет? И кто приложит исповедати милости Его? Sirach 18:5 Не леть умалити, ниже приложити, и не леть изследити чудес Господних. Sirach 18:6 Егда скончает человек, тогда начинает, и егда престанет, тогда усумнится. Sirach 18:7 Что есть человек? И что потреба его? Что благо его? И что зло его? Sirach 18:8 Число дний человеку много лет сто: яко капля морския воды и зерно песка, тако мало лет в день века. Sirach 18:9 Сего ради долготерпе Господь на них и излия на ня милость Свою. Sirach 18:10 Виде и позна низвращение их, яко зло, Sirach 18:11 сего ради умножи милосердие Свое. Sirach 18:12 Милость человеча на искренняго своего, милость же Господня на всяку плоть. Sirach 18:13 Обличаяй и наказуяй, и научаяй и обращаяй яко пастырь стадо свое: Sirach 18:14 приемлющих наказание милует и тщащихся о судбах Его. Sirach 18:15 Чадо, во благих не даждь порока, и во всяцем даянии печали словес. Sirach 18:16 Не устудит ли зноя роса? Тако лучше слово, нежели даяние. Sirach 18:17 Не се ли, слово паче даяния блага? Обоя же у мужа благодатна. Sirach 18:18 Буй неблагодарно поносит, и даяние завидливаго истаевает очи. Sirach 18:19 Прежде неже возглаголеши, увеждь, и прежде недуга врачуйся: Sirach 18:20 прежде суда испытай себе и в час посещения обрящеши очищение: Sirach 18:21 прежде даже в недуг не впадеши, смирися, и во время грехов покажи обращение. Sirach 18:22 Не воспятися воздати обет благовременно и не ожидай даже до смерти оправдатися: Sirach 18:23 прежде даже не помолишися, уготови себе, и не буди яко человек искушая Господа. Sirach 18:24 Помяни гнев в день скончания и время мести во отвращении лица: Sirach 18:25 помяни время глада во время сытости, нищету и убожество в день богатства. Sirach 18:26 От утра до вечера изменяется время, и вся скора суть пред Господем. Sirach 18:27 Человек премудр во всем опасен будет и во днех грехов вонмет о согрешении. Sirach 18:28 Всяк разумив позна премудрость, и обретшему ю даст исповедание. Sirach 18:29 Разумнии в словесех, и тии умудришася и умножиша притчи испытны. Воздержание души. Sirach 18:30 Вслед похотей твоих не ходи и от похотений своих возбраняйся: Sirach 18:31 аще даси души твоей благоволение желания, сотворит тя обрадование врагом твоим. Sirach 18:32 Не веселися о мнозей сладости и не связуйся союбщением ея. Sirach 18:33 Не буди нищь пиршествуяй от взаимства, и ничто ти будет в мешце. Sirach 19:0 Sirach 19:1 Делатель пиянивый не будет богат, и уничижаяй малая по мале упадет. Sirach 19:2 Вино и жены превратят разумивых, и прилагаяйся любодейцам дерзший будет: Sirach 19:3 молие и червие наследят его, и душа дерзостная измется. Sirach 19:4 Емляй скоро веру легок сердцем, и согрешаяй на душу свою согрешает. Sirach 19:5 Веселяйся сердцем о злонравии обличен будет, противляяйся же похотем венчает живот свой. Sirach 19:6 Обуздаваяй язык тихомирно поживет, и ненавидяй велеречия умалит порок. Sirach 19:7 Словесе никогдаже повтори, и ничтоже тебе умалится. Sirach 19:8 На друга и на врага не поведай, и аще не будет тебе греха, не открывай: Sirach 19:9 слыша бо у тебе, и соблюдет тя, и во время возненавидит тя. Sirach 19:10 Слышал ли еси слово, да умрет с тобою: не убойся, не расторгнет тебе. Sirach 19:11 От лица словесе поболит буй, якоже раждающая от лица младенца. Sirach 19:12 Стрела вонзена в стегно плоти, тако слово во чреве буяго. Sirach 19:13 Обличи друга, егда еще не сотворил, и аще сотворил, да не приложит ктому: Sirach 19:14 обличи друга, негли не рече, и аще рече единожды, да не повторит: Sirach 19:15 обличи друга, многажды бо бывает навет. Sirach 19:16 Не всякому словеси емли веры. Sirach 19:17 Есть поползаяйся словом, а не душею: и кто не согреши языком своим? Sirach 19:18 Обличи искренняго своего прежде прещения, и даждь место закону Вышняго. Всяка премудрость страх Господень, и во всяцей премудрости творение закона. Sirach 19:19 И несть премудрость ведение лукавства, и несть разума, идеже совет грешных. Sirach 19:20 Есть лукавство, и то мерзость, и есть безумен умаляяйся премудростию. Sirach 19:21 Лучше есть умаляяйся в разуме боязливый, нежели избыточествуяй мудростию и преступая закон. Sirach 19:22 Есть коварство испытно, и то неправедно, и есть развращаяй благодать извещати хотя суд. Sirach 19:23 Есть лукавствуяй поник чернотою, и внутренняя его исполнь льсти: Sirach 19:24 понича лицем и притворяяйся глух, идеже не познан бысть, предварит тя. Sirach 19:25 И аще немощию крепости возбранен будет согрешити, аще обрящет время, зло сотворит. Sirach 19:26 От зрака познан будет муж, и сретением лица познан будет умный. Sirach 19:27 Одеяние мужа и смех зубов и стопы человека возвестят, яже о нем. Sirach 19:28 Есть обличение, еже несть красно, и есть молчай, и той мудр. Sirach 20:0 Sirach 20:1 Коль добро есть обличити, нежели яритися тайно: и исповедаяйся от умаления возбранен будет. Sirach 20:2 Коль добро обличенному явити покаяние: Sirach 20:3 сей бо вольнаго избежит греха. Sirach 20:4 Желание скопчо растлит ли девицу? Такожде творяй нуждею суды. Sirach 20:5 Есть молчай обретаяйся премудр, и есть ненавидимь от многия беседы. Sirach 20:6 Есть молчай, не имать бо ответа: и есть молчай ведый время. Sirach 20:7 Человек премудр умолчит до времене: продерзый же и безумный превосходит время. Sirach 20:8 Умножаяй словеса мерзок будет, и восхищаяй власть возненавиден будет. Sirach 20:9 Есть благопоспешство во злых мужеви, и есть изобретение на умаление. Sirach 20:10 Есть даяние, еже ти не будет на пользу, и есть даяние, егоже отдание сугубо. Sirach 20:11 Есть умаление славы ради, и есть, иже от смирения вознесе главу. Sirach 20:12 Есть купуяй многая малым и возвращаяй я седмерицею. Sirach 20:13 Премудрый во словеси любезна сотворит себе: благодати же безумных излиются. Sirach 20:14 Даяние безумнаго не упользует ти, очи бо его вместо единаго мнози ко восприятию: Sirach 20:15 мало даст, а много поносити будет и отверзет уста своя яко проповедник: днесь взаим даст, а утро истяжет: ненавидимь человек таковый Господу и человеком. Sirach 20:16 Буй речет: несть ми друга и несть хвалы благим моим: ядущии хлеб мой льстиви языком. Sirach 20:17 Коликощи и колицы посмеются ему? Sirach 20:18 Поползновение на земли лучше неже от языка: тако падение злых со тщанием приидет. Sirach 20:19 Человек безблагодатен баснь безвременна: во устех ненаказанных присно будет. Sirach 20:20 От уст буяго отвержена будет притча: не имать бо ея рещи во время свое. Sirach 20:21 Есть возбраняемый согрешати от скудости, и в покои своем не умилится. Sirach 20:22 Есть погубляяй душу свою за стыд, и от лица безумна погубит ю. Sirach 20:23 Есть ради стыда обещаяйся другови, и приобрете его врага туне. Sirach 20:24 Порок зол человеку лжа, и во устех ненаказанных присно будет. Sirach 20:25 Уне есть тать, нежели присно лжай: оба же пагубу наследят. Sirach 20:26 Обычай человека лжива безчестие, и студ его присно с ним. Sirach 20:27 Премудрый словесы произведет себе, и человек мудрый угоден будет вельможам. Sirach 20:28 Делаяй землю вознесет стог свой, и угождаяй вельможам умилостивит о неправде (своей). Sirach 20:29 Мзда и дарове ослепляют очи премудрых, и якоже бразды на устех отвращают обличения. Sirach 20:30 Премудрость сокровена и сокровище не явлено, кая польза есть во обоих? Sirach 20:31 Лучше человек скрываяй буйство свое, нежели человек скрываяй премудрость свою. Sirach 21:0 Sirach 21:1 Чадо, согрешил ли еси, не приложи ктому, и о преждних твоих помолися. Sirach 21:2 Якоже от лица змиина, бежи от греха: аще бо приступиши к нему, угрызнет тя: Sirach 21:3 зубы львовы зубы его, убивающии душы человечи. Sirach 21:4 Яко мечь обоюду остр всяко беззаконие, ране его несть изцеления. Sirach 21:5 Прещение и досаждение опустошат богатство: тако и дом гордых запустеет. Sirach 21:6 Моление нищаго из уст до ушию его, и суд его со тщанием грядет. Sirach 21:7 Ненавидяй обличения последует грешнику, и бояйся Господа обратится сердцем. Sirach 21:8 Познан есть издалеча сильный языком, и разумивый весть, егда поползается. Sirach 21:9 Созидаяй дом свой имением чуждим, якоже собираяй камение на гроб себе. Sirach 21:10 Изгребия собрана соборище беззаконников, и кончина их пламень огнен. Sirach 21:11 Путь грешников углажден от камения, а на последок его ров адов. Sirach 21:12 Сохраняяй закон содержит помышление свое, Sirach 21:13 и совершение страха Господня премудрость. Sirach 21:14 Не накажется, иже не есть коварен: Sirach 21:15 есть бо коварство умножающее горесть. Sirach 21:16 Разум премудраго яко потоп умножится, и совет его яко источник живота. Sirach 21:17 Утроба буяго яко сосуд сокрушен и всякаго разума не удержит. Sirach 21:18 Слово премудро аще услышит разумный, восхвалит е и к нему приложит: услыша е буй, и не угодно ему бысть, и обрати е за плещы своя. Sirach 21:19 Повесть буяго яко бремя на пути: во устнах же разумнаго обрящется благодать. Sirach 21:20 Уста премудраго взыщутся в собрании, и словеса его размышлена будут в сердцы. Sirach 21:21 Якоже дом разорен, тако буяго премудрость, и разум неразумнаго неиспытны глаголы. Sirach 21:22 Пута на ногах неразумевающым наказания, и яко ручнии оковы на руце десней. Sirach 21:23 Буй во смехе возносит глас свой, муж же разумный едва тихо осклабится. Sirach 21:24 Якоже утварь златая мудрому наказание, и якоже обручь на десней мышце его. Sirach 21:25 Нога буяго скора в дом, человек же многоискусный усрамится от лица. Sirach 21:26 Безумный дверьми приничет во храмину, муж же наказан вне станет. Sirach 21:27 Ненаказание человеку слушати при дверех, мудрый же отяготится безчестием. Sirach 21:28 Устне многоречивых не своя си поведят, словеса же мудрых в мерилех станут. Sirach 21:29 Во устех буих сердце их, в сердцы же премудрых уста их. Sirach 21:30 Кленущу нечестивому сатану, сам кленет свою душу. Sirach 21:31 Сквернит свою душу шепотливый, и где либо жити имать, возненавиден будет. Sirach 22:0 Sirach 22:1 Камени нечистому уподобися ленивый, и всяк позвиждет о безчестии его: Sirach 22:2 калу воловию приложися ленивый, всяк вземляй его отрясет руку. Sirach 22:3 Студ отцу ненаказан сын, дщи же на умаление будет. Sirach 22:4 Дщерь мудрая наследит мужа своего, а несрамляющаяся печаль отцу. Sirach 22:5 Отца и мужа посрамляет продерзая, и от обою безчестие приимет. Sirach 22:6 Яко мусикиа во плачи безвременная повесть: раны же и наказание во всяко время премудрости. Sirach 22:7 Яко слепляяй чрепие, тако учай буяго и возбуждаяй спящаго от глубокаго сна: Sirach 22:8 поведает дремлющему поведаяй буему, и на концы речет: что есть? Sirach 22:9 Над мертвым плачися, изчезе бо свет: и над буим плачися, изчезе бо разум. Sirach 22:10 Сладчае плачися над мертвым, яко почил есть: буяго же лучше смерть, неже живот зол. Sirach 22:11 Сетование о мертвеце седмь дний, о буем же и нечестивем вся дни живота его. Sirach 22:12 Со безумным не множи словес и ко неразумиву не ходи: Sirach 22:13 хранися от него, да не приимеши труда и не осквернишися во отрясении его: Sirach 22:14 уклонися от него, и обрящеши покой, и не уныеши безумием его. Sirach 22:15 Паче олова что тяжчае бывает? И что ему имя, токмо буй? Sirach 22:16 Песок и соль и руду железа легчае понести, неже человека неразумива. Sirach 22:17 Сключение древяно связано на созидание храмины во трясении не расторгнется: такожде и сердце утверждено на размышлении совета во время страха не устрашится. Sirach 22:18 Сердце основано на размышлении разума, яко украшение песочное на тесаней стене. Sirach 22:19 Яко острози на высоте лежащии противу ветру не стерпят: Sirach 22:20 тако сердце страшливо во размышлении буяго противу всякому страху не стерпит. Sirach 22:21 Убодаяй око источит слезы, и убодаяй в сердце изявляет чувство. Sirach 22:22 Вергаяй камень на птицы отженет я: и иже поносит друга, разорит дружбу. Sirach 22:23 На друга аще извлечеши мечь, не отчаявайся, есть бо возврат (любве): Sirach 22:24 на друга аще отверзеши уста, не убойся, есть бо примирение: Sirach 22:25 кроме поношения и гордыни, и откровения тайны и язвы лестныя, сих бо ради отбежит всяк друг. Sirach 22:26 Веру стяжи в нищете со искренним, да во благих его вкупе возвеселишися: Sirach 22:27 во время скорби пребывай с ним, да в наследии его сонаследиши. Sirach 22:28 Прежде огня пещная пара и дым: тако прежде кровей укоризна. Sirach 22:29 Друга заступати не усрамлюся и от лица его не скрыюся: Sirach 22:30 аще ми приключатся и злая его ради, всяк слышай сохранится от него. Sirach 22:31 Кто даст ми во уста моя хранилище и на устне мои печать разумну, да не падуся от них, и язык мой да не погубит мя? Sirach 23:0 Sirach 23:1 Господи Отче и Владыко живота моего, не остави мене в совете их и не даждь ми впасти в ня. Sirach 23:2 Кто возложит на помышление мое раны и на сердце мое наказание премудрости, да о неразумиих моих не пощадят, и да не прейдут греси их? Sirach 23:3 Яко да не умножатся неведения моя и греси мои премнози да не будут, и падуся пред супостаты, и порадуетмися враг мой. Sirach 23:4 Господи Отче и Боже живота моего, не даждь возношения очима моима и вожделение отврати от мене. Sirach 23:5 Чрева похоть и блудодеяния да не оымут мя, и безстудней души не предаждь мене. Sirach 23:6 Послушайте, чада, наказания уст: храняй бо не ят будет устнама своима. Sirach 23:7 Устнама своима ят будет грешник, и клеветник и гордый поползнется в них. Sirach 23:8 Заклинанию не обучай уст своих Sirach 23:9 и клятися именем Святым не навыкай. Sirach 23:10 Якоже бо раб истязуемь часто от ран не умалится, такожде и кленыйся именем Святым всегда от греха не очистится. Sirach 23:11 Муж кленыйся много исполнится беззакония, и не отступит от дому его язва: Sirach 23:12 аще согрешит, грех его на нем, и аще презрит, сугубо согрешит: Sirach 23:13 и аще вотще кляся, не оправдится, исполнится бо дом его нападения. Sirach 23:14 Есть беседа облечена смертию: да не обрящется во наследии Иаковли: Sirach 23:15 от благочестивых бо вся сия отступят, и во грехи не впадутся. Sirach 23:16 В ненаказании неключимем не обучай уст своих: есть бо в нем слово греха. Sirach 23:17 Помяни отца твоего и матерь твою, посреде бо вельмож седиши: Sirach 23:18 да не како забвен будеши пред ними, и обычаем своим обуяеши и похощеши, дабы ты не родился, и день рождения твоего прокленеши. Sirach 23:19 Человек обучаяся словесем поношения во всех днех своих не научится. Sirach 23:20 Два вида умножают грехи и третий наводит гнев: Sirach 23:21 душа тепла, яко огнь горящь, не угаснет, дондеже поглощена будет: Sirach 23:22 человек блудник в теле плоти своея не престанет, дондеже возжжет огнь. Sirach 23:23 Человеку блудну всяк хлеб сладок, не престанет, дондеже умрет. Sirach 23:24 Человек преступаяй ложе свое, глаголя в души своей: кто мя видит? Sirach 23:25 Тма окрест мене, и стены закрывают мя, и никтоже мя видит, кого убоюся? Грехов моих не воспомянет Вышний. Sirach 23:26 И очи человечестии страх его: Sirach 23:27 и не разуме, яко очи Господни тмами тем крат светлейшии солнца суть, Sirach 23:28 прозирающии вся пути человеческия и разсматряющии в тайных местех: Sirach 23:29 прежде неже создана быша, вся уведена ему, такожде и по скончании. Sirach 23:30 Сей на путех града отмщен будет, и идеже не надеяшеся, ят будет. Sirach 23:31 Такожде и жена оставльшая мужа своего и приемлющая наследника от иного: Sirach 23:32 первое бо от закона Вышняго отступи, и второе мужу своему согреши, и третие блудом прелюбодействова, от чуждаго мужа чада сотвори: Sirach 23:33 сия пред собор изведена будет, и на чадех ея посещение будет: Sirach 23:34 не укоренятся чада ея в корень, и ветви ея не сотворят плода: Sirach 23:35 и оставит на клятву память свою, и поношение ея не потребится. Sirach 23:36 И уразумеют оставльшиися, яко ничтоже лучше страха Господня, и ничтоже сладчае, токмо внимати заповедем Господним. Sirach 23:37 Слава велия еже последовати Богу, долгота же дний еже прияту тебе быти от Него. Sirach 24:0 Sirach 24:1 Премудрость похвалит душу свою и посреде людий своих восхвалится. Sirach 24:2 В церкви Вышняго отверзет уста своя и прямо силе Его восхвалится: Sirach 24:3 аз из уст Вышняго изыдох и яко мгла покрых землю, Sirach 24:4 аз на высоких вселихся, и престол мой во столпе облачне, Sirach 24:5 круг небесный обыдох едина и во глубине бездны походих, Sirach 24:6 волну морскую и всю землю, и вся люди и язык стяжах, Sirach 24:7 со всеми сими покоя взысках, и во наследии чием водворюся? Sirach 24:8 Тогда заповеда ми Создатель всех, и Создавый мя препокои скинию мою и рече: Sirach 24:9 во Иакове вселися и во Израили наследствуй. Sirach 24:10 Прежде века из начала созда мя, и даже до века не оскудею. Sirach 24:11 Во скинии святей пред Ним послужих и тако в Сионе утвердихся: Sirach 24:12 во граде возлюбленнем такожде мя препокои, и во Иерусалиме власть моя: Sirach 24:13 и укоренихся в людех прославленных, в части Господни наследия Его. Sirach 24:14 Яко кедр вознесохся в Ливане и яко кипарис на горах Аермонских, Sirach 24:15 яко финикс возвысихся на брезех и яко сад шипковый во Иерихоне, Sirach 24:16 яко маслина благолепна на поли, и вознесохся яко явор: Sirach 24:17 якоже корица и яко аспалаф ароматов дах воню, и яко смирна избранна издах благоухание, Sirach 24:18 яко халвани и оникс и стакти, и яко ливаново курение во скинии. Sirach 24:19 Аз яко теревинф распрострох ветвия моя, и ветви моя ветви славы и благодати: Sirach 24:20 аз яко виноград прорастих благодать, и цвети мои плод славы и богатства. Sirach 24:21 Приступите ко мне, желающии мене, и от плодов моих насытитеся: Sirach 24:22 память бо моя сладка паче меда, и наследие мое паче сота медвена. Sirach 24:23 Ядущии мя еще взалчут, и пиющии мя еще вжаждутся: Sirach 24:24 слушаяй мене не посрамится и делающии у мене не согрешат. Sirach 24:25 Сия вся книга завета Бога Вышняго, Sirach 24:26 закон, егоже заповеда Моисей, наследие сонмом Иаковлим: Sirach 24:27 насыщая яко Фисон премудростию и яко Тигр во дни новоплодий, Sirach 24:28 исполняяй яко Евфрат разума и якоже Иордан во днех жатвы, Sirach 24:29 являяй яко свет наказание и якоже Гион во дни оымания вина. Sirach 24:30 Не сконча первый уразумети ея, такожде и последний не изследи ея: Sirach 24:31 ибо паче моря умножися размышление ея, и совет ея паче бездны велия. Sirach 24:32 И аз яко раскопание из реки и якоже водотечие изыдох в рай. Sirach 24:33 Рех: напою мой вертоград и упою себе луг: Sirach 24:34 и се, раскопание ми бысть рекою, и река моя бысть морем. Sirach 24:35 Понеже наказание яко утро просвещу и проявлю е даже до далече: Sirach 24:36 еще учение якоже пророчество излию и оставлю е в роды вечны. Sirach 24:37 Видите, яко не себе единому трудихся, но всем ищущым ея. Sirach 25:0 Sirach 25:1 Треми украсихся и стах красна пред Господем и человеки: Sirach 25:2 единомыслием братий и любовию искренних, и муж и жена между собою согласни. Sirach 25:3 Три же виды возненавиде душа моя, и зело ми омерзе живот их: Sirach 25:4 убога горда, и богата лжива, и стара прелюбодея умаляющагося умом. Sirach 25:5 Иже в юности не собрал еси, то како можеши обрести в старости твоей? Sirach 25:6 Коль есть красен сединам суд, и старейшым разумети совет? Sirach 25:7 Коль красна старым премудрость и славным разумение и совет? Sirach 25:8 Венец старцем многоразличное искусство, и похваление их страх Господень. Sirach 25:9 Девять помышлений ублажих в сердцы моем, а десятое изреку языком: Sirach 25:10 человек веселяйся о чадех, живяй и зряй падение врагов. Sirach 25:11 Блажен живяй со женою разумною, и иже языком (своим) не поползнуся, и иже не поработа недостойному себе. Sirach 25:12 Блажен, иже обрете мудрость и поведаяй во уши послушающих. Sirach 25:13 Коль велик, иже мудрость обрете, но несть паче боящагося Господа. Sirach 25:14 Страх Господень паче всего предуспе, держай его кому уподобится? Sirach 25:15 Всяка язва и не язва сердечная и всякое лукавство и не лукавство женское: Sirach 25:16 всякое нападение и не нападение ненавидящих, и всякое мщение и не отмщение врагов. Sirach 25:17 Несть главы паче главы змиины, и несть ярости паче ярости вражия. Sirach 25:18 Лучше жити со львом и змием, неже жити со женою лукавою. Sirach 25:19 Лукавство жены изменяет зрак ея и омрачает лице свое яко вретище: Sirach 25:20 посреде искренних своих возляжет муж ея, и слышав воздохнет горько. Sirach 25:21 Мала есть всяка злоба противу злобе женстей: жребий грешника спадет на ню. Sirach 25:22 Якоже восхождение по песку ногама стараго, тако жена язычна мужу молчаливу. Sirach 25:23 Не сматряй на красоту женскую и жены в похоть не пожелай. Sirach 25:24 Гнев и безстудие и срамота велика жена, аще обладает мужем своим. Sirach 25:25 Сердце смирено, и лице дряхло, и язва сердечна жена лукава: Sirach 25:26 руце немощныя и колена разслаблена, (жена) яже не блажит мужа своего. Sirach 25:27 От жены начало греха, и тою умираем вси. Sirach 25:28 Не даждь воде прохода, ни жене лукаве дерзновения: Sirach 25:29 аще не ходит под рукою твоею, отсецы ю от плоти твоея. Sirach 26:0 Sirach 26:1 Жены добрыя блажен есть муж, и число дний его сугубо. Sirach 26:2 Жена добляя веселит мужа своего и лета его исполнит миром. Sirach 26:3 Жена добра часть блага, в части боящихся Господа дана будет. Sirach 26:4 Богатаго же и убогаго сердце благо, во всяко время лице тихо. Sirach 26:5 От трех убояся сердце мое, и от лица четвертаго устрашихся: Sirach 26:6 предания града и собрания народа, и оболгания над смерть, вся тяжестна. Sirach 26:7 Болезнь сердца и сетование жена ревнива о жене, Sirach 26:8 и язва языка всем приобщающаяся. Sirach 26:9 Воловое иго движимо жена лукавна, держайся ея яко емляйся скорпии. Sirach 26:10 Гнев велик жена пиянчива, и студа своего не покрыет. Sirach 26:11 Блуд женский в возвышении очес и бровьми ея познан будет. Sirach 26:12 Над дщерию безстудною утверди стражу, да не попущение обретши употребит себе. Sirach 26:13 Вслед безстудна ока сохранися и не дивися, аще в тя согрешит: Sirach 26:14 яко жажден путник отверзет уста и от всякия воды ближния испиет, Sirach 26:15 прямо всякаго кола сядет и прямо стрелы отверзет тул. Sirach 26:16 Благодать женска возвеселит мужа ея, и кости его утучнит художество ея. Sirach 26:17 Даяние Господне жена молчалива, и несть искупа наказанныя души. Sirach 26:18 Благодать на благодати жена стыдлива, Sirach 26:19 и несть мерило всякое достойное воздержныя души. Sirach 26:20 Солнце восходящее на высоких Господних, Sirach 26:21 и доброта жены добрыя в красоте дому ея: Sirach 26:22 светилник сияя на свещнице святе, и доброта лица на возрасте постояннем. Sirach 26:23 Столпи злати на подстолпиих сребряных, и нозе красни на плеснах добре стоящих. Sirach 26:24 О двоих печально бысть сердце мое, и о третием ярость ми найде: Sirach 26:25 муж борец лишаяся за скудоту, и мужие разумиви аще отриновени будут: Sirach 26:26 возвращаяся от правды на грех, Господь уготовит его на мечь. Sirach 26:27 Едва измется купец от погрешения, и не оправдится корчемник от греха. Sirach 27:0 Sirach 27:1 За скудость мнози согрешиша, и ищай обогатети отвратит око. Sirach 27:2 Посреде собраных камений вонзется кол, и посреде продаяния и купли совершится грех. Sirach 27:3 Аще не держится страха Господня со тщанием, вскоре превратится дом его. Sirach 27:4 Трясением решета останет сметие: такожде отреби человечестии в помышлении его. Sirach 27:5 Сосуды скудельничи искушает пещь, и искушение человеческо в помышлении его. Sirach 27:6 Возделание древа являет плод его: тако слово помышления в сердцы человечестем. Sirach 27:7 Прежде беседы не похвали мужа: сия бо искушение (есть) человеков. Sirach 27:8 Аще гониши правду, постигнеши ю и облечешися в ню яко в подир славы. Sirach 27:9 Птицы с подобными себе обитают, и истина к творящым ю обратится. Sirach 27:10 Лев ловит лов, такожде и греси делающих неправду. Sirach 27:11 Повесть благочестиваго всегда премудрость: безумный же яко луна изменяется. Sirach 27:12 Посреде безумных блюди время, посреде же размышляющих учащай. Sirach 27:13 Повесть буих мерзость, и смех их во услаждении греха. Sirach 27:14 Беседа многокленущагося подимет власы, и свар его затчение ушес. Sirach 27:15 Пролитие крове свар гордых, и укоризна их слух тяжкий. Sirach 27:16 Открываяй тайная погубляет верность и не обрящет друга противу души своея. Sirach 27:17 Возлюби друга и уверися с ним: Sirach 27:18 аще же открыеши тайны его, не имаши гнати по нем. Sirach 27:19 Якоже бо погубит человек врага своего, тако погубиши дружбу искренняго: Sirach 27:20 и якоже птицу из руки твоея испустиши, тако испустил еси искренняго и не уловиши его: Sirach 27:21 не гонися за ним, яко далече отступи и избеже яко серна от сети. Sirach 27:22 Яко струп есть обязати, и клеветы есть измена: Sirach 27:23 открывый же тайная погуби верность. Sirach 27:24 Помизаяй оком кует зло, и никтоже его отставит от того: Sirach 27:25 пред очима твоима усладит уста своя и словесем твоим подивится, Sirach 27:26 последи же развратит уста своя и в словесех твоих даст соблазн. Sirach 27:27 Многая возненавидех и не обретох подобна ему, и Господь возненавидит его. Sirach 27:28 Вергаяй камень на высоту на главу свою вергает, и язва льстива раздерет струпы. Sirach 27:29 Ископоваяй ров впадется в онь, и распростираяй сеть увязнет в ней. Sirach 27:30 Творяй зло ввалится в не и не познает, откуду приидет ему. Sirach 27:31 Поругание и поношение гордых, и отмщение яко лев уловит их. Sirach 27:32 Сетию уловятся веселящиися о падении благоверных, и болезнь изнурит я прежде смерти их. Sirach 27:33 Гнев и ярость, и сия суть мерзость, и муж грешник одержан ими будет. Sirach 28:0 Sirach 28:1 Отмщаяй от Господа обрящет отмщение, и грехи своя соблюдаяй соблюдет. Sirach 28:2 Остави обиду искреннему твоему, и тогда помольшутися, греси твои разрешатся. Sirach 28:3 Человек на человека сохраняет гнев, а от Господа ищет изцеления: Sirach 28:4 над человеком подобным себе не имать милости, а о гресех своих молится: Sirach 28:5 сам сый плоть, хранит гнев: кто очистит грехи его? Sirach 28:6 Помяни последняя и престани враждовати, (помяни) истление и смерть и пребывай в заповедех. Sirach 28:7 Помяни заповеди и не гневайся на ближняго, Sirach 28:8 и завет Вышняго и презирай невежество. Sirach 28:9 Удаляйся от свара и умалиши грехи: Sirach 28:10 человек бо яр разжизает свар, и муж грешник возмятет други и посреде мирных вложит клевету. Sirach 28:11 Яково вещество огня, тако возгорится: якова крепость свара, такожде и огнь разгорится: Sirach 28:12 якова крепость человеча, такожде ярость его будет, и якоже богатство его, возвысит гнев свой. Sirach 28:13 Рвение скорое возжигает огнь, и свар наглый проливает кровь. Sirach 28:14 Аще подуеши на искру, возгорится: и аще плюнеши на ню, угаснет: обоя же изо уст твоих исходят. Sirach 28:15 Шепотника и двоязычника подобает клясти: многих бо мирных погубиша. Sirach 28:16 Язык трегубый многи потрясе и разлучи я от языка во язык, Sirach 28:17 и грады тверды разори и домы вельможей преврати: Sirach 28:18 язык трегубый жены доблия изгна и лиши я от трудов их: Sirach 28:19 внемляй ему не имать обрести покоя, ниже вселится со безмолвием. Sirach 28:20 Язва бичная струпы творит, язва же язычная сокрушает кости. Sirach 28:21 Мнози падоша острием меча, но не якоже падшии языком: Sirach 28:22 блажен, иже укрыется от него, иже не пройде в ярости его, иже не повлече ига его и узами его не связан бысть: Sirach 28:23 иго бо его иго железно, и узы его узы медяны: Sirach 28:24 смерть люта смерть его, и паче его лучше есть ад. Sirach 28:25 Не обладает благоверными, и в пламени его не сгорят. Sirach 28:26 Оставляющии Господа впадутся в онь, и в них возгорится и не угаснет: послан будет на ня яко лев, и яко пард погубит я. Sirach 28:27 Виждь, огради стяжание твое тернием, Sirach 28:28 сребро твое и злато твое свяжи, Sirach 28:29 и словесем твоим сотвори вес и меру, и устам твоим сотвори дверь и завору. Sirach 28:30 Внимай, да не како поползнешися им, ниже падеши прямо ловящему. Sirach 29:0 Sirach 29:1 Творяй милость взаим даст искреннему, и укрепляяй руку свою соблюдает заповеди. Sirach 29:2 Даждь взаим искреннему во время требования его и паки воздаждь искреннему во время: Sirach 29:3 утверди слово и уверися с ним, и во всяко время обрящеши потребу твою. Sirach 29:4 Мнози яко обретение возмнеша заимование и задаша труд помощником их: Sirach 29:5 дондеже возмет, облобызает руце его и на имение искренняго смирит глас: Sirach 29:6 и во время воздаяния провлечет время, и воздаст словеса уныния, и время обвинит. Sirach 29:7 Аще же возможет воздати, едва половину принесет и вменит е яко обретение: Sirach 29:8 аще же ни, лиши его имений своих и стяжа его врага туне: Sirach 29:9 клятвы и укоризны воздаст ему и вместо славы воздаст ему безчестие. Sirach 29:10 Мнози убо за лукавство отвергошася, и лишитися туне убояшася. Sirach 29:11 Обаче смиренному долготерпи и милостынею не продолжи его: Sirach 29:12 заповеди ради заступи нищаго, и по нищете его не отврати его тща. Sirach 29:13 Погуби сребро брата ради и друга, и да не оржавеет под каменем во пагубу. Sirach 29:14 Положи сокровище свое по заповедем Вышняго, и упользует тя паче нежели злато. Sirach 29:15 Затвори милостыню во клетех твоих, и та измет тя от всякаго озлобления: Sirach 29:16 паче щита тверда и паче копия тяжка, противу врагу поборет по тебе. Sirach 29:17 Муж благ споручник будет искреннему, и погубивый стыд оставит его. Sirach 29:18 Благодати споручника не забуди: даде бо душу свою за тя. Sirach 29:19 Доброе поручение отвращает грешник, неблагодарный же мыслию оставит избавльшаго и. Sirach 29:20 Поручение многих погуби благоуправляющих и поколеба их яко волна морская: Sirach 29:21 мужы сильны пресели, и заблудиша во языцех чуждих. Sirach 29:22 Грешник в поручение впадает, и гоняй дела чуждая впадет в суды. Sirach 29:23 Заступи искренняго по силе твоей, и внимай себе, да не впадеши. Sirach 29:24 Начало жития человеча вода и хлеб, и риза и дом покрываяй студ. Sirach 29:25 Лучше житие нищаго под кровом бервенным, нежели брашна добра в чуждих. Sirach 29:26 О мале и о велице доволен буди. Sirach 29:27 Живот зол из дому в дом, и аможе преселишися, не отверзеши уст своих: Sirach 29:28 угостиши и напоиши неблагодарных, и к сим зло услышиши: Sirach 29:29 приступи, пришелче, украси трапезу, и аще что в руце твоей, ухлеби мя: Sirach 29:30 изыди, пришелче, от лица славы, прииде бо мне в гости брат, и потреба дому. Sirach 29:31 Тяжка сия человеку имущу разум, запрещение храмины и поношение заимодавца. Sirach 30:0 Sirach 30:1 Любяй сына своего участит ему раны, да возвеселится в последняя своя. Sirach 30:2 Наказуяй сына своего насладится о нем и посреде знаемых о нем похвалится. Sirach 30:3 Учай сына своего раздражит врага и пред други о нем возрадуется. Sirach 30:4 Умре отец его, и аки не умре: подобна бо себе остави по себе. Sirach 30:5 Во житии своем виде и возвеселися о нем и при кончине своей не оскорбися: Sirach 30:6 противу врагом остави местника и другом воздающа благодать. Sirach 30:7 Угождаяй сыну обяжет струпы его, и о всяцем вопли возмятется утроба его. Sirach 30:8 Конь неукрощен свиреп бывает, и сын самовольный продерз будет. Sirach 30:9 Ласкай чадо, и устрашит тя, играй с ним, и опечалит тя. Sirach 30:10 Не смейся с ним, да не поболиши о нем и на последок стиснеши зубы твоя. Sirach 30:11 Не даждь ему власти в юности и не презри неведения его: Sirach 30:12 сляцы выю его в юности и сокруши ребра его, дондеже млад есть, да не когда ожестев не покориттися. Sirach 30:13 Накажи сына твоего и делай им, да не в безстудии его поткнешися. Sirach 30:14 Лучше нищь здрав и крепок в силе своей, нежели богат уранен телом своим. Sirach 30:15 Здравие и крепость лучше есть всякаго злата, и тело здравое, нежели богатство безчисленное. Sirach 30:16 Несть богатство лучше здравия телеснаго, и несть веселие паче радости сердечныя. Sirach 30:17 Лучше есть смерть паче живота горька или недуга долгаго. Sirach 30:18 Благая излиянная пред усты затворенными предложения брашен предлежащая у гроба. Sirach 30:19 Кая польза идолу от жертвы? Не имать бо ясти, ни обоняти: Sirach 30:20 тако гонимый от Господа, Sirach 30:21 зряй очима и стеняй, якоже евнух осязаяй девицу и воздыхаяй. Sirach 30:22 Не вдаждь в печаль душу твою и не оскорби себе советом твоим. Sirach 30:23 Веселие сердца живот человека, и радование мужа долгоденствие. Sirach 30:24 Люби душу твою и утешай сердце твое, и печаль от себе отрини далече: Sirach 30:25 многи бо печаль уби, и несть пользы в ней. Sirach 30:26 Рвение и ярость умаляют дни, и печаль прежде времене старость наводит. Sirach 30:27 Светло сердце и благо о брашне и о яди своей попечется. Sirach 31:0 Sirach 31:1 Бдение богатства растлевает плоти, и попечение его отгонит сон: Sirach 31:2 печаль бдения отторгает дремание, и недуг лют отимает сон. Sirach 31:3 Трудится богатый в собирании богатства и в покои насыщается сладостей своих: Sirach 31:4 трудится убогий во умалении жития, и в покои скудный бывает. Sirach 31:5 Любяй злато не оправдится, и гоняй растление сим насытится. Sirach 31:6 Мнози падоша злата ради, и бысть пагуба их прямо лицу их. Sirach 31:7 Древо претыкания есть всем жрущым ему, и всяк безумлив ят будет им. Sirach 31:8 Блажен богатый, иже обретеся без порока и иже вслед злата не иде. Sirach 31:9 Кто есть сей? И ублажим его, сотвори бо дивная в людех своих. Sirach 31:10 Кто искушен им и совершен бысть? И будет на похваление. Sirach 31:11 Кто могл преступити, и не преступи, и зло сотворити, и не сотвори? Sirach 31:12 Утвердятся благая его, и милостыни его исповесть собрание. Sirach 31:13 Сел ли еси при трапезе велицей, не разверзи на ней гортани твоего Sirach 31:14 и не рцы: много на ней есть. Помяни, яко зло есть око лукаво. Sirach 31:15 Лукавнее ока что есть создано? Сего ради о коей либо вещи слезит. Sirach 31:16 Идеже аще узриши, не простирай руки и не гнетися с ним в солило. Sirach 31:17 Разсуждай, яже суть искренняго, от тебе самаго, и о всяцей вещи размышляй. Sirach 31:18 Яждь яко человек предлежащее ти и не пресыщайся, да не возненавиден будеши. Sirach 31:19 Престани первый ради наказания и не пресыщайся, да не преткнешися: Sirach 31:20 и аще сядеши посреде многих, первее их не простри руки твоея. Sirach 31:21 Коль доволно человеку наказанному малое, и на одре своем не постраждет зла. Sirach 31:22 Сон здравый от чрева умеренна: воста заутра, и душа его с ним: Sirach 31:23 труд бдения и холера и чревоболение с мужем ненасытным. Sirach 31:24 И аще отяготился еси брашны, востани от трапезы и почиеши. Sirach 31:25 Послушай мене, чадо, и не уничижи мене, и на последок обрящеши словеса моя. Sirach 31:26 Во всех делех твоих буди тщателен, и всяк недуг не имать приступити к тебе. Sirach 31:27 Щедраго хлебами благословят устне, и послушество доброты его верно. Sirach 31:28 На скупаго в хлебех поропщет град, и послушество злобы его известно. Sirach 31:29 В вине не мужайся, многих бо погуби вино. Sirach 31:30 Пещь искушает железо в калении, тако вино сердца гордых во пиянстве. Sirach 31:31 Полезно вино животу человечу, аще пиеши е в меру его. Sirach 31:32 Кий живот побеждаемому вином? Сие бо на веселие человеком создано есть. Sirach 31:33 Радование сердца и веселие души вино пиемо во время прилично: Sirach 31:34 горесть души вино пиемо много в распри и клевете: Sirach 31:35 умножает пиянство ярость безумнаго на претыкание, умаляя крепость и сотворяя струпия. Sirach 31:36 В пире вина не обличай искренняго и не уничижи его в веселии его: Sirach 31:37 словесе поносна не рцы ему и не оскорби его во истязании. Sirach 32:0 Sirach 32:1 Старейшину ли тя поставиша, не возносися, но буди в них яко един от них: Sirach 32:2 попецыся ими, и тако сяди. И всю потребу твою сотворив возлязи, Sirach 32:3 да возвеселишися их ради и красоты ради приимеши венец. Sirach 32:4 Глаголи, старейшино, подобает бо ти, Sirach 32:5 испытною хитростию и не возбрани мусикии: Sirach 32:6 идеже слушание (будет), не изливай беседы и без времене не мудрися. Sirach 32:7 Печать анфракса на украшении злате, и сладкогласие мусикиев в пиршестве вина. Sirach 32:8 Во украшении златем печать смарагдова, сладкопение мусикиев по сладцем вине. Sirach 32:9 Глаголи, юноше, аще тебе есть потреба, едва дващи, аще вопрошен будеши: Sirach 32:10 сократи слово, малыми многая (изглаголи): буди яко ведый и вкупе молчя. Sirach 32:11 Посреде вельмож не равен творися и иному глаголющу не многослови. Sirach 32:12 Прежде грома предваряет молния, и прежде стыдливаго предваряет благодать. Sirach 32:13 Во время воставай, а не последи (иных), в дом отиди и не ленися: Sirach 32:14 тамо играй и твори помышления твоя, и не согрешай словом гордым. Sirach 32:15 И о сих благослови Сотворшаго тя и Упоевающаго тя от благ Своих. Sirach 32:16 Бояйся Господа приимет наказание, и утренюющии обрящут благоволение. Sirach 32:17 Ищай закона насытится его, и лицемерствуяй соблазнится о нем. Sirach 32:18 Боящиися Господа обрящут суд и оправдания яко свет возжгут. Sirach 32:19 Человек грешник укланяется от обличения и по воли своей обретает извинение. Sirach 32:20 Муж советный не презрит размышления, чуждый же и гордый не убоится страха и по сотворении своем без совета. Sirach 32:21 Без совета ничесоже твори, и егда сотвориши, не раскаявайся. Sirach 32:22 На пути падения не ходи и не претыкайся о камение: Sirach 32:23 не веруй пути, в немже не претыкаешися, и от чад своих хранися. Sirach 32:24 Во всяцем деле блазе веруй душею твоею, ибо сие есть соблюдение заповедий. Sirach 32:25 Веруяй закону внимает заповедем, и уповаяй на Господа не умалится. Sirach 33:0 Sirach 33:1 Боящагося Господа не срящет зло: аще и в напасть впадет, паки измет его. Sirach 33:2 Муж премудр не возненавидит закона, сумняйжеся в нем якоже в бури корабль. Sirach 33:3 Человек разумив веру имет закону, и закон ему верен, Sirach 33:4 яко вопрошение праведных. Приготови слово, и тако услышан будеши: сочетай наказание и тогда отвещай. Sirach 33:5 Коло колесничное утроба буяго, и якоже ось вертящаяся помышление его. Sirach 33:6 Конь на яждении яко друг лицемерен, под всяким яздящим ржет. Sirach 33:7 Почто день дне преспевает, и всяк свет дне лета от солнца? Sirach 33:8 Разумом Господним разлучистася, и измени время и праздники: Sirach 33:9 от них вознесе и освяти, и от них положи в число дний. Sirach 33:10 И человецы вси от персти, и от земли создан бысть Адам. Sirach 33:11 Множеством ведения Господь раздели я и измени пути их. Sirach 33:12 От них благослови и вознесе, и от них освяти и к Себе приближи, от них прокля и смири и соврати их от стояния их. Sirach 33:13 Яко брение скудельника в руце его, вси путие его по изволению его: тако человецы в руце Сотворшаго их, имже воздаст по суду Своему. Sirach 33:14 (Яко) противу злому благое и противу смерти живот, тако противу благочестиваго грешник. И сице воззри во вся дела Вышняго: двое двое, едино противу единому. Sirach 33:15 Аз же последний бдех и наследих якоже от начатка, якоже собираяй вслед оымателей виноградных. Sirach 33:16 Во благословение Господне достигох и яко обыматель наполних точило. Sirach 33:17 Разсмотрите, яко не себе единому трудихся, но всем ищущым наказания. Sirach 33:18 Послушайте мене, вельможи людий, и властелие собора, внушите. Sirach 33:19 Сыну и жене, брату и другу не даждь власти на себе в животе своем, Sirach 33:20 и не даждь иному имения своего, да не раскаешися требуяй их: Sirach 33:21 дондеже жив еси и дыхание в тебе, не измени себе всяцей плоти: Sirach 33:22 лучше бо есть, да тебе молятся чада твоя, нежели тебе зрети в руце чад твоих. Sirach 33:23 Во всех делех твоих буди преспевая и не даждь порока на славу твою. Sirach 33:24 В день скончания дний живота твоего и во время смерти твоея раздели наследие твое. Sirach 33:25 Пища и жезлие и бремя ослу: хлеб и наказание и дело рабу. Sirach 33:26 Накажи раба, и обрящеши покой: ослаби руку ему, и искати начнет свободы. Sirach 33:27 Иго и ремень выю прекланяют, и рабу лукаву узы и раны. Sirach 33:28 Вложи его в дело, да не празден будет, мнозей бо злобе научила праздность: Sirach 33:29 устрой его в делех, якоже подобает ему, и аще не послушает, всади его во оковы. Sirach 33:30 И не буди излишен над всякою плотию, и без суда не сотвори ничесоже. Sirach 33:31 Аще ти есть раб, да будет якоже ты, понеже кровию стяжал еси его: Sirach 33:32 аще ти есть раб, имей его якоже брата, понеже яко души твоея востребуеши его: Sirach 33:33 аще озлобиши его неправедно, и востав отбежит, киим путем поищеши его? (не веси.) Sirach 34:0 Sirach 34:1 Тщетны надежды и лживы (суть) неразумиву мужу, и сония вперяют безумных. Sirach 34:2 Якоже емляйся за стень и гоняй ветры, такожде емляй веру сном: Sirach 34:3 сие по сему видение снов, прямо лицу подобие лица. Sirach 34:4 От нечистаго что очистится, и от лживаго кая истина? Sirach 34:5 Волшебства и обаяния и сония суетна суть, и якоже раждающия сердцу мечтания бывают: Sirach 34:6 аще не от Вышняго послана будут на посещение, не вдаждь в ня сердца твоего: Sirach 34:7 многих бо прельстиша сония, и отпадоша надеющеся на ня. Sirach 34:8 Без лжи совершится закон, и премудрость во устех верных совершение. Sirach 34:9 Муж ученый уведа много, и многоискусный повесть разум. Sirach 34:10 Иже не искусися, мало весть: обходяй же страны умножит хитрость. Sirach 34:11 Много видех во обхождении моем, и вящшая словес моих разум мой: Sirach 34:12 многащи даже до смерти бедствовах, и спасен бых сих ради. Sirach 34:13 Дух боящихся Господа поживет, надежда бо их на Спасающаго я. Sirach 34:14 Бояйся Господа ни чего убоится и не устрашится, Той бо надежда ему. Sirach 34:15 Боящемуся Господа блаженна душа: чим одержится, и кто ему утверждение? Sirach 34:16 Очи Господни на любящыя Его: защищение силы и утверждение крепости, покров от вара и покров в полудне, хранение от претыкания и помощь от падения: Sirach 34:17 воздвизаяй душу и просвещаяй очи, изцеление даяй, живот и благословение. Sirach 34:18 Иже приносит жертву от неправды, приношение порочно, и не суть во благоволение дары беззаконных. Sirach 34:19 Не благоволит Вышний о приношении нечестивых, ни множеством жертв очистит грехи. Sirach 34:20 Яко жряй сына пред отцем его, тако приносяй жертвы от имения убогих. Sirach 34:21 Хлеб убогим живот убогих, лишаяй его человек кровей есть. Sirach 34:22 Убивает искренняго отемляй ему поживление, и проливает кровь лишаяй мзды наемника. Sirach 34:23 Един созидаяй, а другий разоряяй, что успеет более, токмо труд? Sirach 34:24 Единому молящуся, а другому проклинающу, коего глас услышит Владыка? Sirach 34:25 Омываяйся от мертвеца и паки прикасаяйся ему, кая польза ему от бани? Sirach 34:26 Тако человек постяйся о гресех своих и паки ходяй и таяжде творяй, мольбу его кто услышит, и что успе смирением своим? Sirach 35:0 Sirach 35:1 Соблюдаяй закон умножает приношения, приносит жертву спасения внимаяй заповедем. Sirach 35:2 Воздаяй благодать аки приносяй семидал, и творяй милостыню аки жряй жертву хваления. Sirach 35:3 Благоволение Господне еже отступити от лукавства, и очищение есть еже отступити от неправды. Sirach 35:4 Не явися пред Господем тощь: вся бо сия заповеди ради. Sirach 35:5 Приношение праведнаго утучняет олтарь, и благоухание его пред Вышним: Sirach 35:6 жертва мужа праведнаго приятна, и память ея не забвена будет. Sirach 35:7 Оком благим прослави Господа и не умали от начатка рук твоих: Sirach 35:8 во всяцем даянии весело имей лице твое и со веселием освяти десятину. Sirach 35:9 Даждь Вышнему по даянию Его, и оком благим приобретение руки: Sirach 35:10 яко Господь воздаяй есть и седмерицею воздаст ти. Sirach 35:11 Дара не умаляй, ибо не приимет, и не внимай жертве неправедней: Sirach 35:12 яко Господь судия есть, и несть у Него славы лица. Sirach 35:13 Не приимет лица на убога и молитву обидимаго услышит: Sirach 35:14 не презрит молитвы сираго, ни вдовицы, егда излиет прошение. Sirach 35:15 Не слезы ли вдовичи по ланитома текут, и вопль ея на наведшаго я? Sirach 35:16 Служай (Богу) во благоволении прият будет, и молитва его до облак дойдет: Sirach 35:17 молитва смиреннаго пройде облаки, и дондеже приближится, не утешится, Sirach 35:18 и не отступит, дондеже посетит Вышний, судит в правду и сотворит суд: Sirach 35:19 и Господь не замедлит, ниже имать долготерпети о них, дондеже сокрушит чресла немилостивых. Sirach 35:20 И языком воздаст месть, дондеже потребит множество досадителей и скиптры неправедных сокрушит: Sirach 35:21 дондеже воздаст человеку по деянием его, по делом человеческим и помышлением их: Sirach 35:22 дондеже разсудит судом люди Своя и возвеселит я милостию Своею. Sirach 35:23 Коль красна милость во время скорби его, якоже облацы дождевнии во время бездождия. Sirach 36:0 Sirach 36:1 Помилуй ны, Владыко, Боже всех, и воззри, Sirach 36:2 и наложи страх Твой на вся языки: Sirach 36:3 воздвигни руку Твою на языки чужды, и да узрят силу Твою. Sirach 36:4 Якоже пред ними освятился еси в нас, такожде пред нами возвеличися на них: Sirach 36:5 и да познают Тя, якоже и мы познахом Тя, яко несть Бога разве Тебе, Господи. Sirach 36:6 Обнови знамения и измени чудеса, Sirach 36:7 прослави руку и мышцу десную (Твою), воздвигни ярость и излий гнев, Sirach 36:8 изми сопостата и сотри врага, Sirach 36:9 поспеши время и помяни клятву, и да поведят величия Твоя. Sirach 36:10 Гневом огня пояден да будет спасаяйся, и озлобляющии людий Твоих да обрящут пагубу. Sirach 36:11 Сокруши главы князей вражиих, глаголющих: несть разве нас. Sirach 36:12 Собери вся колена Иаковля и наследствуй их якоже от начала. Sirach 36:13 Помилуй люди, Господи, нареченныя именем Твоим, и Израиля, егоже первенцем нарекл еси. Sirach 36:14 Ущедри град святыни Твоея, Иерусалим, место покоища Твоего. Sirach 36:15 Исполни Сиона взяти словеса Твоя, и от славы Твоея люди Твоя. Sirach 36:16 Даждь свидетелство сущым от начала тварем Твоим и воздвигни пророчествия сущая о имени Твоем: Sirach 36:17 даждь мзду терпящым Тебе, и пророцы Твои да уверятся. Sirach 36:18 Услыши, Господи, мольбы молитвенник Твоих, по благословению Аароню о людех Твоих, Sirach 36:19 и уразумеют вси сущии на земли, яко Ты Господь еси, Бог веков. Sirach 36:20 Всяко брашно яст чрево: есть же брашно брашна добрее. Sirach 36:21 Гортань вкушает брашна от лова, тако сердце разумиво словеса ложна. Sirach 36:22 Сердце строптиво даст печаль, и человек многоискусный воздаст ему. Sirach 36:23 Всякаго мужеска полу приимет жена: есть же дщерь дщере лучше. Sirach 36:24 Доброта женска веселит лице и над все желание человеческо предуспевает: Sirach 36:25 аще есть на языце ея милость и кротость, несть муж ея точен сыном человеческим. Sirach 36:26 Стяжавый жену начинает имети стяжание, помощника по себе и столпа покою. Sirach 36:27 Идеже несть ограды, расхищено будет имение, и идеже несть жены, воздохнет скитаяся: Sirach 36:28 кто бо поверит вооружену разбойнику преходящу от града во град? Sirach 36:29 Такожде и человеку не имущу гнезда и обитающу, идеже обвечеряет. Sirach 37:0 Sirach 37:1 Всяк друг речет: содружихся ему и аз. Но есть друг именем точию друг. Sirach 37:2 Печаль не пребывает ли до смерти, приятель и друг претворяяйся во врага? Sirach 37:3 О, лукаво помышление, откуду извалилося еси покрыти сушу лестию? Sirach 37:4 Приятель о веселии дружни срадуется, а во время скорби противен будет: Sirach 37:5 приятель со другом труждается чрева ради и противу брани возмет щит. Sirach 37:6 Не забуди друга в души твоей и не поминай его во имении твоем. Sirach 37:7 Всяк советник возносит совет, но есть совещаяй о себе самем. Sirach 37:8 От советника храни душу твою и разумей первее, что ему потреба: сам бо себе совещавает: Sirach 37:9 да не когда возложит на тя жребий и речет ти: добр путь твой: и станет прямо, видети, что сбудется тебе. Sirach 37:10 Не совещавай с подзирающим тя и от завидящих ти скрый совет: Sirach 37:11 со женою о ревнующей ей и со страшливым о брани, с купцем о мене и со купующим о продажи, со завидливым о благодарении Sirach 37:12 и с немилостивым о помиловании, с ленивым о всяцем деле Sirach 37:13 и с наемником годовым о совершении, с рабом ленивым о мнозе делании. Sirach 37:14 Не внемли сим о всяцем совещании, Sirach 37:15 но токмо с мужем благоговейным присно буди, егоже аще познаеши соблюдающа заповеди Господни, Sirach 37:16 иже душею своею по души твоей, и аще согрешиши, споболит с тобою. Sirach 37:17 И совет сердца устави, несть бо ти вернее его: Sirach 37:18 душа бо мужа возвещати некогда более обыче, нежели седмь блюстителие высоце седящии на стражи. Sirach 37:19 И о всех сих помолися Вышнему, да управит во истине путь твой. Sirach 37:20 Начаток всякаго дела слово, и прежде всякаго делания совет. Sirach 37:21 След изменения сердечна лице. Четыри части происходят: добро и зло, живот и смерть: и обладаяй ими всегда язык есть. Sirach 37:22 Есть муж хитр и наказатель многим, а своей души неключимь есть. Sirach 37:23 Есть умудряяйся в словесех ненавидимь: сей всякия пищи лишен будет: Sirach 37:24 не дана бо бысть ему от Господа благодать, яко всякия премудрости лишен бысть. Sirach 37:25 Есть премудр своей души, и плоды разума его во устех верны. Sirach 37:26 Муж премудр люди своя накажет, и плоды разума его верны. Sirach 37:27 Муж премудр исполнится благословения, и ублажат его вси зрящии. Sirach 37:28 Живот мужа в числе дний: а дние Израилевы безчисленни. Sirach 37:29 Премудрый во своих людех наследит веру, и имя его живо будет во век. Sirach 37:30 Чадо, в животе твоем искуси душу твою и виждь, что ей зло есть, и не даждь ей. Sirach 37:31 Ибо не вся всем на пользу, и не всяка душа во всем благоволит. Sirach 37:32 Не пресыщайся во всяцей сладости и не разливайся на (различие) брашна, Sirach 37:33 ибо во мнозех брашнах недуг будет, и пресыщение приближит даже до холеры: Sirach 37:34 пресыщением бо мнози умроша, внимаяй же приложит житие. Sirach 38:0 Sirach 38:1 Почитай врача противу потреб честию его, ибо Господь созда его: Sirach 38:2 от Вышняго бо есть изцеление, и от царя приимет дар. Sirach 38:3 Художество врача вознесет главу его, и пред вельможами удивимь будет. Sirach 38:4 Господь созда от земли врачевания, и муж мудрый не возгнушается ими. Sirach 38:5 Не от древа ли осладися вода, да познана будет сила Его? Sirach 38:6 И Той дал есть художество человеком, да славится в чудесех Своих: Sirach 38:7 теми уврачева и отят болезни их. Sirach 38:8 Мироварец сими состроит смешение, и не скончаются дела его, и мир от него есть на лицы земли. Sirach 38:9 Чадо, в болезни твоей не презирай, но молися Господеви, и Той тя изцелит: Sirach 38:10 отступи от прегрешения и направи руце, и от всякаго греха очисти сердце (твое): Sirach 38:11 даждь благоухание и память семидала и умасти приношение, акибы не первее приносяй: Sirach 38:12 и даждь место врачу, Господь бо его созда: и да не удалится от тебе, потребен бо ти есть. Sirach 38:13 Есть время, егда в руку его благоухание: Sirach 38:14 ибо и тии Господеви молятся, да управит им покой и изцеление ради оздравления. Sirach 38:15 Согрешаяй пред Сотворшим его впадет в руце врачу. Sirach 38:16 Чадо, над мертвецем источи слезы и якоже зле страждущь начни плачь: и якоже достоит ему, соскутай тело его и не презри погребения его. Sirach 38:17 Горек сотвори плачь и рыдание тепло, и сотвори сетование, якоже ему достоит, день един и два хуления ради, и утешися печали ради: Sirach 38:18 от печали бо смерть бывает, и печаль сердечная слячет крепость. Sirach 38:19 В нанесении пребывает и печаль, и житие нищаго в сердцы. Sirach 38:20 Не даждь в печаль сердца твоего, остави ю помянув последняя. Sirach 38:21 Не забуди, несть бо возвращения: и ему пользы не сотвориши, и себе озлобиши. Sirach 38:22 Помяни суд Его, яко сице и твой: мне вчера, а тебе днесь. Sirach 38:23 В покои мертвеца упокой память его, и утешися о нем во исходе духа его. Sirach 38:24 Премудрость книжника во благовремении празднества, и умаляяйся деянием своим упремудрится. Sirach 38:25 Чим умудрится держай орало и хваляйся остном, гоняй волы и обращаяйся в делех их, и повесть его в сынех юнчих? Sirach 38:26 Сердце свое даст возрыти бразды, и бдение его на насыщениих юниц. Sirach 38:27 Тако всяк древоделя и архитектон, иже нощи яко дни провождает, делая изваяния печатей, и прилежание его изменити различие: Sirach 38:28 сердце свое даст уподобити живописание, и бдение его еже совершити дело. Sirach 38:29 Такожде и ковачь седя близ наковални и соглядаяй дело железа: курение огня удручит тело его, и теплотою пещи утрудится: Sirach 38:30 глас млата обновит ухо его, и прямо подобию сосуда очи его: Sirach 38:31 сердце свое вдаст на скончание дел, и бдение его украсити до конца. Sirach 38:32 Такожде и скудельник седя на деле своем и вертя ногама своима коло, Sirach 38:33 иже в печали лежит выну на деле своем, изчисляемо все делание его: Sirach 38:34 мышцею своею вообразит брение и пред ногама преклонит крепость его: Sirach 38:35 сердце свое вдаст скончати сосуд, и бдение его очистити пещь. Sirach 38:36 Вси сии на руки своя надеются, и кийждо в деле своем умудряется. Sirach 38:37 Без тех не населится град, и не вселятся, ни походят и в соборище не возмутся: Sirach 38:38 на престоле же судий не сядут и завета суду не размыслят, ниже имут извещати наказания и суда, и в притчах не обрящутся: Sirach 38:39 но токмо зданием житейским прилежат, и моление их в делании художества. Sirach 39:0 Sirach 39:1 Точию вдаяй душу свою и размышляяй в законе Вышняго премудрости всех древних взыщет и во пророчествиих поучатися будет: Sirach 39:2 повести мужей именитых соблюдет и во извития притчей совнидет, Sirach 39:3 сокровенная притчей изыщет и в гадании притчей поживет, Sirach 39:4 посреде вельмож послужит и пред старейшину явится, Sirach 39:5 в земли чуждих язык пройдет, добро бо и зло в человецех искуси. Sirach 39:6 Сердце свое вдаст утреневати ко Господу сотворшему его и пред Вышним помолится, и отверзет уста своя на молитву и о гресех своих помолится. Sirach 39:7 Аще Господь велий восхощет, духом разума исполнится: Sirach 39:8 той одождит глаголы премудрости своея и в молитве исповестся Господеви, Sirach 39:9 той управит совет его и художество и в сокровенных его размышляти будет, Sirach 39:10 той известит наказание учения его и в законе завета Господня похвалится. Sirach 39:11 Восхвалят разум его мнози, и до века не погибнет: Sirach 39:12 не отидет память его, и имя его поживет в роды родов: Sirach 39:13 премудрость его поведят языцы, и хвалу его исповесть церковь. Sirach 39:14 Аще пребудет, приусвоит себе, и аще почиет, имя оставит паче тысящ. Sirach 39:15 Еще размыслив повем, и якоже луны полнота наполнихся. Sirach 39:16 Послушайте мене, преподобнии сынове, и прозябните яко шипки произрастающыя при потоце селнем, Sirach 39:17 и якоже Ливан дадите благовоние, Sirach 39:18 и процветите цвет яко крин, преподадите воню и воспойте песнь. Sirach 39:19 Благословите Господа во всех делех Его, дадите имени Его величие и исповедайтеся во хвалении Его, Sirach 39:20 в песнех устен и в гуслех, и сице рцыте во исповедании: Sirach 39:21 дела Господня вся яко добра зело, и всяко повеление во время свое будет. Sirach 39:22 И несть рещи: что сие? На что сие? Вся бо сия во время свое взыскана будут. Sirach 39:23 Словом Его ста вода яко стог, и глаголголом уст Его приятелища водная. Sirach 39:24 Повелением Его всякое благоволение, и несть, иже умалит спасение Его. Sirach 39:25 Дела всякия плоти пред Ним, и несть укрытися от очес Его: Sirach 39:26 от века на век призре, и ничтоже есть дивно пред Ним. Sirach 39:27 Несть рещи: что сие? На что сие? Вся бо на потребу их создана быша. Sirach 39:28 Благословение Его яко река покры и яко поток сушу напои: Sirach 39:29 сице гнев Его языцы наследят, яко преврати воду в сланость. Sirach 39:30 Путие Его преподобным прави, тако беззаконником претыкания. Sirach 39:31 Благая благим создана быша из начала, такожде грешным злая. Sirach 39:32 Начало всякия потребы в житие человеку, вода и огнь, и железо и соль, и семидал пшеницы и млеко и мед, кровь гроздова и масло и риза: Sirach 39:33 вся сия благочестивым во благая, сице и грешником превратятся во злая. Sirach 39:34 Суть дуси, иже создани быша на месть и яростию своею утвердиша раны им: Sirach 39:35 во время скончания излиют крепость и ярость Сотворшаго их совершат. Sirach 39:36 Огнь и град, и глад и смерть, вся сия создана быша на месть: Sirach 39:37 зубы зверей и скорпии, и ехидны и мечь отмщаяй в погибель нечестивых, Sirach 39:38 в заповедех Его возвеселятся, и на земли на потребу уготовятся, и во бременах своих не имут прейти слова. Sirach 39:39 Сего ради исперва утвердихся и размыслих и в писании оставих: Sirach 39:40 вся дела Господня блага, и всю потребу во время свое подаст: Sirach 39:41 и несть рещи: сие сего злее: вся бо во время на угождение будут. Sirach 39:42 И ныне всем сердцем и усты воспойте и благословите имя Господне. Sirach 40:0 Sirach 40:1 Непразднство велие создано бысть всякому человеку, и иго тяжко на сынех Адамлих, от дне исхода из чрева матере их до дне погребения в матерь всех. Sirach 40:2 Размышления их и страх сердечный, помышление чаяния, день скончания: Sirach 40:3 от седящаго на престоле славы и даже до смиреннаго на земли и пепеле, Sirach 40:4 от носящаго багряницу и венец и даже до одевающагося льняною, Sirach 40:5 ярость и зависть, и мятеж и молва, и страх смерти и вражда и рвение, и во время покоя на ложи сон нощный изменяет разум его: Sirach 40:6 мало яко ничтоже на покой, и от того во снех яко во днех блюдения: Sirach 40:7 возмущен видением сердца своего, яко избежав от лица брани, во время спасения своего воста, и дивяся ни при единем же страсе. Sirach 40:8 Со всякою плотию от человека даже до скота, и на грешных седмерицею к сим: Sirach 40:9 смерть и кровь, и рвение и оружие, наведения, глад и сокрушение и раны, Sirach 40:10 на беззаконных создана быша сия вся, и сих ради бысть потоп. Sirach 40:11 Вся, елика от земли, в землю возвращаются, и от воды, в море возвращаются. Sirach 40:12 Всяк дар и неправда истребится, а вера во век стояти будет. Sirach 40:13 Имение неправедных яко река изсхнет, и якоже гром велик в дождь возгремит. Sirach 40:14 Егда разгнет руце, возвеселится, тако преступающии до конца изчезнут. Sirach 40:15 Изчадия нечестивых не умножат ветвий, и корения нечистая на тверде камени: Sirach 40:16 злак над всякою водою и на брезе реки прежде всякия травы исторжен будет. Sirach 40:17 Благодать яко рай во благословениих, и милостыня во век пребывает. Sirach 40:18 Живот самодоволнаго делателя усладится, и паче обоих обретаяй сокровище. Sirach 40:19 Чада и созидание града утверждают имя, и паче обоих жена непорочна вменяется. Sirach 40:20 Вино и мусикиа веселят сердце, а паче обоих возлюбление премудрости. Sirach 40:21 Свирель и псалтирь услаждают песнь, а паче обоих язык сладкий. Sirach 40:22 Благодати и доброты возжелает око твое, а паче обоих злака семене. Sirach 40:23 Приятель и друг сретающася во время, а паче обоих жена с мужем. Sirach 40:24 Братия и помощь во время скорби, а паче обоих милостыня избавит. Sirach 40:25 Злато и сребро утвердят ногу, а паче обоих совет благоугоден будет. Sirach 40:26 Имение и крепость вознесут сердце, а паче обоих страх Господень: Sirach 40:27 несть во страсе Господни умаления и несть в нем лишения помощи: Sirach 40:28 страх Господень яко рай благословения, и паче всякия славы покры его. Sirach 40:29 Чадо, животом просливым не живи: лучше умрети, нежели просити. Sirach 40:30 Муж зря на чуждую трапезу, несть живот его в числе живота: опечалит душу свою чуждыми брашны: Sirach 40:31 муж же худог и наказан сохранится. Sirach 40:32 Во устех нестыдливаго прошение усладится, и во чреве его огнь возгорится. Sirach 41:0 Sirach 41:1 О смерте, коль горька твоя есть память человеку мирно во имениих своих живущу, Sirach 41:2 мужеви не пекущуся и благополучну во всех, и еще возмогающу прияти пищу. Sirach 41:3 О, смерте, добр суд твой есть человеку требующему и умаляющуся крепостию, Sirach 41:4 в последней старости сущему и пекущуся о всех, и неверствующу и погубившу терпение. Sirach 41:5 Не бойся суда смерти: помяни первая твоя и последняя, сей бо суд от Господа всяцей плоти. Sirach 41:6 И почто отмещешися благоволения Вышняго? Аще десять, аще сто, аще тысяща лет, Sirach 41:7 несть во аде обличения живота. Sirach 41:8 Чада бывают мерзка чада грешников, и живущая в селениих нечестивых: Sirach 41:9 чад грешных погибнет наследие, и с семенем их выну поношение. Sirach 41:10 Отца нечестива укорят чада, яко его ради поношение приимут. Sirach 41:11 Горе вам, мужие нечестивии, иже остависте закон Бога Вышняго: Sirach 41:12 и аще родитеся, на клятву родитеся: и аще умрете, в клятву разделени будете. Sirach 41:13 Вся, елика от земли, в землю пойдут: такожде нечестивии от клятвы в пагубу. Sirach 41:14 Сетование человеков в телесех их: имя же грешников неблагое потребится. Sirach 41:15 Пецыся о имени, то бо ти пребывает паче тысящ великих сокровищ злата. Sirach 41:16 Благаго жития число дний, и доброе имя во веки пребывает. Sirach 41:17 Наказание в мире соблюдите, чада: премудрость же сокровенна и сокровище неявленно, кая польза во обоих? Sirach 41:18 Лучше человек скрываяй буйство свое, нежели человек скрываяй премудрость свою. Sirach 41:19 Темже убо усрамитеся словес моих: Sirach 41:20 несть бо благо всяк срам сохраняти, и не вся всем в вере благоволятся. Sirach 41:21 Стыдитеся пред отцем и материю о блуде и пред сильным и властелином о лжи, Sirach 41:22 пред судиею и князем о согрешении, пред собором и людьми о беззаконии, Sirach 41:23 пред общником и другом о неправде, и на месте, идеже живеши, о татьбе, Sirach 41:24 и пред истиною Божиею и заветом, и от опертия лактей на трапезе, от прельщения взятия и даяния, Sirach 41:25 и от целующих о молчании, от видения жены блудницы и от отвращения сроднича лица, Sirach 41:26 от отятия части и даяния и от присмотрения жены мужаты и от обольщения рабыни своея, Sirach 41:27 и не приступи ко одру ея: Sirach 41:28 пред други о словесех поносных, и по даянии не поноси: Sirach 41:29 от повторения и слова слышания и от откровения словес тайных: и будеши стыдлив истинно и обретаяй благодать пред всяким человеком. Sirach 42:0 Sirach 42:1 Не стыдися о сих и не приими лица, еже согрешати: Sirach 42:2 о законе Вышняго и завете, и о суде, еже оправдати нечестиваго, Sirach 42:3 о словеси союбщника и о путницех, и о даянии наследия другов, Sirach 42:4 о истине мерила и весов, о стяжании многих и малых, Sirach 42:5 о различии продаяния купцев и о наказании мнозе чад, и еже рабу лукаву ребра окровавити. Sirach 42:6 На жене лукаве добро (есть) печать, и идеже многи руки, затвори. Sirach 42:7 Еже аще предаси, в число и меру, даждь и возми все писанием. Sirach 42:8 О наказании неразумива и буяго, и престарелаго судящагося с юными, и будеши наказан истинно и искушен пред всяким живущим. Sirach 42:9 Дщерь отцу сокровенно бдение, и попечение о ней отгоняет сон: во юности своей да не когда презреет и сожителствующи (с мужем), да не когда возненавидена будет: Sirach 42:10 в девстве да не когда осквернится и во отчих ея непраздна будет, и с мужем сущи да не когда преступит и сожителствующи да не когда неплоды будет. Sirach 42:11 Над дщерию безстудною утверди стражу, да не когда сотворит тя обрадование врагом, беседу во граде и отлученаго от людий, и посрамит тя в народе мнозе. Sirach 42:12 Не взирай на доброту всякаго человека и посреде жен не седи: Sirach 42:13 от риз бо исходит молие, и от жены лукавство женское. Sirach 42:14 Лучше злоба мужеска, нежели добродетелная жена, и жена посрамляющая в поношение. Sirach 42:15 Помяну убо дела Господня, и яже видех, повем: во словесех Господних дела Его: Sirach 42:16 солнце просвещая на вся призре, и славы Его исполнено дело его. Sirach 42:17 Не сотвори ли святым Господь поведати вся чудеса Его, яже утверди Господь Вседержитель, утвердитися всему во славе Его? Sirach 42:18 Бездну и сердце изследова и в коварствех их размысли: разуме бо Господь всяко ведение и призре на знамение века, Sirach 42:19 возвещая мимошедшая и будущая и открывая следы тайных: Sirach 42:20 не прейде Его всяко помышление, не утаися от Него ни едино слово. Sirach 42:21 Величия премудрости Своея украси: иже есть прежде века и во век, Sirach 42:22 ни приложися, ни умалися и не востребова ни единаго советника. Sirach 42:23 Коль вся дела Его вожделенна, и даже до искры есть видети. Sirach 42:24 Вся сия живут и пребывают во век во всех требованиих, и вся послушают. Sirach 42:25 Вся сугуба, едино противу единаго: и не сотвори ничтоже скудно. Sirach 42:26 Едино от единаго утверди благая: и кто насытится, зря славу Его? Sirach 43:0 Sirach 43:1 Слава высоты, твердь чистоты, зрак небесе в видении славы. Sirach 43:2 Солнце во явлении возвещающее во исходе сосуд дивен, дело Вышняго. Sirach 43:3 В полудни своем изсушает страну, и прямо вару его кто постоит? Sirach 43:4 (Аки) пещь дышущее в делех вара, трегубо солнце пожигающее горы: воскурения огненная издышущее и простирающее лучи омрачает очи. Sirach 43:5 Велий Господь сотворивый е, и словесы Своими ускори шествие. Sirach 43:6 И луна всем во свое время являет лета и знамение века. Sirach 43:7 От луны знамение праздника: светило умаляющееся до конца. Sirach 43:8 Месяц по имени своему есть, возрастающь дивно во изменении. Sirach 43:9 Сосуд ополчений на высоте, на тверди небесней сияющь. Sirach 43:10 Доброта небесе, слава звезд, красота светящися на высоких Господних: Sirach 43:11 словесы Святаго станут по чину и не имут ослабети в стражбах своих. Sirach 43:12 Виждь дугу и благослови Сотворшаго ю, зело прекрасна сиянием своим: Sirach 43:13 окружи небо окружением славы, руце Вышняго простросте ю. Sirach 43:14 Повелением Его потщася снег, и ускоряет молнию судбою Своею. Sirach 43:15 Сего ради отверзошася сокровища, и парят облацы яко птицы. Sirach 43:16 Величием Своим укрепи облаки, и сокрушишася камение градное: Sirach 43:17 и воззрением Его подвижутся горы, и волею Его возвеет юг. Sirach 43:18 Глас грома Его порази землю, и буря северова и вихорь ветра. Sirach 43:19 Яко птицы парящыя сыплет снег, и якоже прузи садящиися спадения его. Sirach 43:20 Доброте белости его подивится око, и о дожди его ужаснется сердце. Sirach 43:21 И слану яко соль на землю сыплет, и смерзшися бывает на концы остра. Sirach 43:22 Студен ветр северный возвеет, и смерзнется лед от воды: на всяцем собрании воднем обитати имать, и аки во броню облечется вода. Sirach 43:23 Пояст горы и пустыни пожжет, и угасит траву яко огнь. Sirach 43:24 Изцеление всех со тщанием мгла: роса сретающая от вара утишит. Sirach 43:25 Мыслию его преста бездна, и насади в ней (Господь) островы. Sirach 43:26 Плавающии по морю поведают бедство его, и слухом ушес наших чудимся, Sirach 43:27 и тамо (суть) преславна и чудна дела его, различие всякаго животнаго, создание китов. Sirach 43:28 Им благополучный конец свой получают и словом Его составляются всяческая. Sirach 43:29 Много имамы рещи, и не имамы постигнути, и скончание словес: все есть Той. Sirach 43:30 Славяще Его где укрепимся? Той бо велик паче всех дел Своих: Sirach 43:31 страшен Господь и велик зело, и чудно могутство Его. Sirach 43:32 Славяще Господа вознесите, елико аще можете, превзыдет бо и еще: Sirach 43:33 возносяще Его умножитеся крепостию: не трудитеся, не имате бо постигнути. Sirach 43:34 Кто виде Его и исповесть? И кто возвеличит Его, якоже есть? Sirach 43:35 Многа сокровена суть вящшая сих: малая бо видехом дел Его. Sirach 43:36 Вся бо сотвори Господь и благочестивым даде премудрость. Sirach 44:0 Sirach 44:1 Восхвалим убо мужы славны и отцы нашя в бытии. Sirach 44:2 Многу славу созда Господь в них величием Своим от века. Sirach 44:3 Господствующе во царствиих своих и мужие именити силою, советующе разумом своим, провещавшии во пророчествах, Sirach 44:4 старейшины людий в советех и в разуме писания людий: Sirach 44:5 премудрая словеса в наказании их, ищуще гласа мусикийска и поведающе повести во писаниих: Sirach 44:6 мужие богатии, обдаровани крепостию, мирно живуще в жилищих своих. Sirach 44:7 Вси сии в родех прославлени быша, и во днех их похвала. Sirach 44:8 Суть от них, иже оставиша имя, еже поведати хвалы: и суть, ихже несть памяти, и погибоша яко не сущии, и быша яко не бывше, и чада их по них. Sirach 44:9 Но сии мужие милостивии, ихже правды не забвены быша: Sirach 44:10 с семенем их пребудет доброе наследие, изчадия их в заветех: Sirach 44:11 остася семя их, и чада их по них: Sirach 44:12 до века пребудет семя их, и слава их не потребится: Sirach 44:13 телеса их в мире погребена быша, а имена их живут в роды. Sirach 44:14 Премудрость их поведят людие, и похвалу их исповесть церковь. Sirach 44:15 Енох угоди Господеви и преложися, образ покаяния родом. Sirach 44:16 Ное обретеся совершен, праведен, во время гнева бысть примирение: Sirach 44:17 сего ради бысть останок земли, егда бяше потоп. Sirach 44:18 Заветы вечнии положени быша с ним, да не потребится потопом всяка плоть. Sirach 44:19 Авраам великий отец множеству языков, и не обретеся подобный во славе его: Sirach 44:20 иже соблюде закон Вышняго и бысть в завете с Ним: Sirach 44:21 и на плоти его устави завет и во искушении обретеся верен: Sirach 44:22 сего ради клятвою постави с ним благословитися языком о семени его, Sirach 44:23 умножити его яко персть земли, и яко звезды возвысити семя его, и наследити им от моря до моря и от реки до края земли. Sirach 44:24 И о Исааце утверди сице Авраама ради Отца его благословение всех человеков и завет: Sirach 44:25 и почи на главе Иаковли. Sirach 44:26 Позна его благословении Своими и даде его в наследие, и раздели части его на колен дванадесять, Sirach 44:27 и изведе от него мужа милости, обретшаго благодать пред очесы всякия плоти. Sirach 45:0 Sirach 45:1 Возлюбленный Богом и человеки Моисей, егоже память во благословениих. Sirach 45:2 Уподобил есть его славе святых и возвеличи его во страсе врагов. Sirach 45:3 Во словесех его знамения устави и прослави его пред лицем царей: заповеда ему к людем своим и показа ему славу Свою: Sirach 45:4 в вере и кротости его освяти его, избра его от всякия плоти. Sirach 45:5 Слышан сотворил есть ему глас Свой и введе его во мглу, Sirach 45:6 и даде ему пред лицем заповеди, закон жизни и ведения, еже научити Иакова завету и судбам Его Израиля. Sirach 45:7 Аарона возвыси свята, подобна ему брата его от колена Левиина, Sirach 45:8 постави ему завет вечен и даде ему иерейство людий, ублажи его благоукрашением и препояса его одеждою славы, Sirach 45:9 облече его в совершение хваления и утверди его сосудами крепости, Sirach 45:10 остегнми и подиром и епомидою, Sirach 45:11 и окружи его шипки златыми и звонцы многими окрест, глашати глас во ступаниих его, слышан творити глас в церкви в память сыном людий Своих: Sirach 45:12 одеждою святою, со златом и иакинфом и порфирою, делом пестроделца, словом суда, явленьми истины, Sirach 45:13 истканною багряностию, делом художничим, камении многоценными, изваяньми печати, в связании злата, делом каменноделателя, на память в писании изваяннем по числу колен Израилевых: Sirach 45:14 венец злат верху кидара, изображение печати святыни, похвала чести, дело крепости, вожделения очес красима прекрасна. Sirach 45:15 Прежде его не быша таковая до века. Sirach 45:16 Не облечеся иноплеменник, точию сынове его и внучата его присно. Sirach 45:17 Жертвы их приносимы бяху по вся дни непрестанно дважды. Sirach 45:18 Исполни Моисей руце и помаза его елеем святым. Sirach 45:19 Бысть ему в завет вечен, и семени его во днех неба, служити Ему вкупе и священствовати, и благословляти люди Его именем Его. Sirach 45:20 Избра его от всех живых принести жертву Господеви, фимиам и благоухание на память, на очищение людем своим. Sirach 45:21 Даде ему заповеди Своя, власть в заветех судеб, научити Иакова свидением и в законе Его просветити Израиля. Sirach 45:22 Восташа нань чуждии, и возревноваша ему в пустыни мужие, иже при Дафане и Авироне, и сонм Кореов в ярости и гневе. Sirach 45:23 Виде Господь и не благоволи, и скончашася яростию гнева: Sirach 45:24 сотвори в них знамения, погубити я огнем пламене. Sirach 45:25 И приложи Ааронови славу и даде ему наследие: начатки первых жит раздели ему. Sirach 45:26 Хлеб в первых уготова на сытость: ибо жертвы Господни ясти будут, яже даде ему и семени его. Sirach 45:27 Обаче в земли людий не наследствит, и в людех не будет ему части: Сам бо часть его и наследие. Sirach 45:28 И Финеес сын Елеазаров третий во славе, егда ревноваше страху Господню, и ста в превращении людий благостию усердия души своея, и умоли о Израили. Sirach 45:29 Сего ради поставлен ему бысть завет мирен, предстателем быти святых и людем его, да будет ему и семени его священства величество во век. Sirach 45:30 И завет Давиду, сыну Иессеову от колена Иудова, наследство царя сына от сына единаго: достояние священства Аарону и семени его. Sirach 45:31 Да даст нам премудрость в сердцах наших судити людем Его в правду, да не потребятся благая их и слава их в роды их. Sirach 46:0 Sirach 46:1 Крепок на бранех Иисус Навин и преемник Моисеов бысть во пророчестве: Sirach 46:2 иже бысть по имени своему велик на спасение избранных его, мстити востающым (нань) врагом, яко да наследствит Израиля. Sirach 46:3 Коль прославлен бысть воздвижением рук своих, и внегда простираше мечь на грады. Sirach 46:4 Кто прежде его сице ста? Брани бо Господни той вождаше. Sirach 46:5 Не рукою ли его воспятися солнце, и един день бысть яко два? Sirach 46:6 Призва Вышняго Сильна, егда оскорбляху его врази окрест, и послуша его велий Господь: камением градным силы крепкия Sirach 46:7 устреми брань на языки, исхождением погуби противники, Sirach 46:8 да познают языцы всеюружие его, яко пред Господем брань его: ибо последова Могутному. Sirach 46:9 И во дни Моисеовы сотвори милость сей и Халев сын Иефонниин, стати противу врага, удержати люди от грех и утолити ропот лукавства: Sirach 46:10 и та два суща спасена быста от шести сот тысящ пешцев, ввести их в наследствие, в землю точащую млеко и мед. Sirach 46:11 И даде Господь Халеву крепость, и даже до старости пребысть у него, взыти ему на высоту земли, и семя его обдержа наследие: Sirach 46:12 яко да видят вси сынове Израилевы, яко добро ходити вслед Господа. Sirach 46:13 И судии кийждо именем своим, еликих не любодействова сердце, и елицы не отвратишася от Господа, и память их во благословениих: Sirach 46:14 кости их да процветут от места их, Sirach 46:15 и имя их пременяемо на сынех, прославленным бывшым им. Sirach 46:16 Возлюблен Господем своим Самуил пророк Господень устрои царство и помаза князи над людьми его: Sirach 46:17 законом Господним суди сонму, и посети Господь Иакова: Sirach 46:18 верою своею испытан бысть пророк, и познан бысть в вере своей верен видением. Sirach 46:19 И призва Господа Сильна, егда оскорбляху его врази его окрест, приношением агнца ссущаго млеко: Sirach 46:20 и возгреме с небесе Господь и гласом велиим услышан сотвори глас Свой: Sirach 46:21 и потреби Владыки Тирския, и вся князи Филистимския. Sirach 46:22 И прежде времене успения века свидетелствова пред Господем и христом Его: имения и до сапог от всякия плоти не взях: и не сотвори ему поношения (ни един) человек. Sirach 46:23 И по успении своем пророчествова и показа цареви кончину его: и вознесе от земли глас свой, пророчеством истребити беззаконие людий. Sirach 47:0 Sirach 47:1 И по сем воста Нафан пророчествовати во дни Давидовы. Sirach 47:2 Якоже тук отлучен от жертвы мирныя, тако Давид от сынов Израилевых. Sirach 47:3 Со львы играше яко с козлищи и с медведми яко со агнцы овчими. Sirach 47:4 Во юности своей не убил ли исполина, и отят поношение от людий, Sirach 47:5 егда простре руку с каменем из пращи низложити гордыню Голиафову? Sirach 47:6 Призва бо Господа Вышняго, и вдаде в десницу его крепость низложити человека сильна на брани, вознести рог людий своих. Sirach 47:7 Сице во тмах прослави его и восхвали его во благословениих Господних, внегда носити ему венец славы. Sirach 47:8 Потреби бо враги окрест и уничижи Филистимляны противники: даже доднесь сокруши им рог. Sirach 47:9 Во всяцем деле своем даде исповедание Святому Вышнему глаголом славы: Sirach 47:10 всем сердцем своим восхвали и возлюби Сотворшаго и. Sirach 47:11 И постави певцы прямо олтареви, и звуком их услаждати пение. Sirach 47:12 Даде во праздницех благолепие и украси времена даже до скончания, внегда воспевати им имя святое Его и от утра гласити во святилищи. Sirach 47:13 Господь отя грехи его и вознесе во век рог его, и даде ему завет царский и престол славы во Израили. Sirach 47:14 По сем воста сын разумичен и сего ради обита в пространстве: Sirach 47:15 Соломон воцарися во днех мира, яко Бог препокои окрест, да созиждет дом во имя Его и да уготовит святилище во век. Sirach 47:16 Коль преумудрился еси во юности своей и наполнился еси яко река разума. Sirach 47:17 Землю покры душа твоя, и исполнил еси притчами гаданий: Sirach 47:18 пройде имя твое во островы далече, и возлюблен был еси в мире твоем. Sirach 47:19 В песнех и паримиах и во притчах и во сказаниих удивишася тебе страны. Sirach 47:20 Именем Господа Бога, нареченнаго Бога Израилева, Sirach 47:21 собрал еси яко медь злато и яко олово умножил еси сребро. Sirach 47:22 Вдал еси бока твоя женам и поработился еси телом твоим: Sirach 47:23 дал еси порок славе твоей и осквернил еси семя твое, нанести гнев на чада твоя, и умилитися о безумии твоем: еже разделитися на двое царству, и от Ефрема начатися царству непокориву. Sirach 47:24 Господь же не оставит милости Своея и не растлит от дел Своих, ниже истребит избраннаго Своего изчадий и семя возлюбившаго Его не измет. Sirach 47:25 И Иакову даде останок, и Давиду от него корень. Sirach 47:26 И почи Соломон со отцы своими Sirach 47:27 и остави по себе от семене своего людем безумие, Sirach 47:28 и умаляющася разумом Ровоама, иже отстави люди от совета своего, Sirach 47:29 и Иеровоама сына Наватова, иже сотвори согрешити Израилю и даде Ефрему путь ко греху. Sirach 47:30 И умножишася греси их зело, отступити им от земли своея: Sirach 47:31 и всяко лукавство изыскаша, дондеже месть прииде на ня. Sirach 48:0 Sirach 48:1 И воста Илиа пророк яко огнь, и слово его яко свеща горяше: Sirach 48:2 иже нанесе на ня глад и ревностию своею умали я, Sirach 48:3 словом Господним удержа небо и сведе тако трижды огнь с небесе. Sirach 48:4 Коль прославился еси, Илие, чудесы твоими, и кто подобен тебе похвалитися? Sirach 48:5 Воздвигнув мертвеца от смерти и из ада словом Вышняго, Sirach 48:6 сведый цари в пагубу и прославленныя от одра их, Sirach 48:7 слышавый в Синаи обличение и в Хориве судбы отмщения, Sirach 48:8 помазуяй цари на воздаяние и пророки преемники по себе, Sirach 48:9 взявыйся вихром огненным на колеснице коней огненных, Sirach 48:10 вписан во обличения на времена, утолити гнев прежде ярости и обратити сердце отчее к сыну и устроити колена Иаковля. Sirach 48:11 Блажени видевшии тя и любовию украшеннии. Sirach 48:12 Ибо мы житием поживем. Sirach 48:13 Илиа, иже вихром покровен бысть, и Елиссей исполнися духа его и во дни своя не поколебася от князей, и не преможе его никтоже: Sirach 48:14 всяко слово не превзыде его, и во успении пророчествова тело его: Sirach 48:15 и в житии своем сотвори чудеса, и во умертвии дивна дела его. Sirach 48:16 Во всех сих не покаяшася людие и не отступиша от грех своих, дондеже пленени быша от земли своея и расточени быша по всей земли. Sirach 48:17 И остася людий мало, и князь в дому Давидове. Sirach 48:18 Нецыи убо от них сотвориша угодное, нецыи же умножиша грехи. Sirach 48:19 Езекиа утверди град свой и введе посреде его воду: ископа железом камень и созда источники водам. Sirach 48:20 Во днех его взыде Сеннахирим и посла Рапсака, и воздвиже руку свою на Сиона и возвеличися гордынею своею. Sirach 48:21 Тогда подвигошася сердца и руце их, и поболеша яко раждающыя. Sirach 48:22 И помолишася Господу милостивому, воздевше руки своя к Нему: Sirach 48:23 и Святый с небесе скоро услыша я и избави я рукою Исаииною: Sirach 48:24 порази полки Ассирийския, и сокруши я Ангел Его. Sirach 48:25 Сотвори бо Езекиа угодное Господеви и укрепися на путех Давида отца своего, яже заповеда Исаиа, пророк велий и верен в видении своем. Sirach 48:26 Во днех его воспятися солнце, и приложи жития цареви: Sirach 48:27 духом велиим виде последняя и утеши сетующыя в Сионе: Sirach 48:28 даже до века показа будущая и сокровеная, прежде неже приити им. Sirach 49:0 Sirach 49:1 Память Иосиева в сложение фимиама, и состроеное делом мироварника: Sirach 49:2 во всяцех устех яко мед усладится, и яко мусикиа в пире вина. Sirach 49:3 Той управлен бысть во обращение людий и отят мерзости беззакония, Sirach 49:4 исправи ко Господу сердце свое, во дни беззаконных укрепи благочестие. Sirach 49:5 Кроме Давида и Езекии и Иосии, вси прегрешиша прегрешением, Sirach 49:6 оставиша бо закон Вышняго: царие Иудины оскудеша, Sirach 49:7 даша бо рог свой инем и славу свою языку чуждему, Sirach 49:8 сожгоша избран град святыни и опустошиша пути его рукою Иеремииною: Sirach 49:9 озлобиша бо его, и той во чреве освящен бысть пророк искоренити и озлобити и погубити, такожде создати и насадити. Sirach 49:10 Иезекииль, иже виде видение славы, юже показа ему в колеснице херувимсте: Sirach 49:11 помяну бо враги в дожди, и благосотворити направляющым пути. Sirach 49:12 И обоюнадесяте пророков да процветут кости от мест своих: утеши бо Иакова и избавил я верою надежды. Sirach 49:13 Како возвеличим Зоровавеля? И сей яко печать на десней руце: Sirach 49:14 такожде Иисус сын Иоседеков: иже во дни своя создаста дом и воздвигоста церковь святу Господеви, уготовану во славу века. Sirach 49:15 И Неемии на мнозе (буди) память, воздвигшему нам стены падшыя и поставльшему двери и заворы и воздвигшему домы падшыя нашя. Sirach 49:16 Никтоже создан бысть таков, яко Енох на земли: той бо взят бысть от земли. Sirach 49:17 Ниже яко Иосиф бысть муж, вождь братии, утверждение людем, и кости его посещены быша. Sirach 49:18 Сим и Сиф прославлена быста в человецех, и паче всякаго животнаго в твари Адам. Sirach 50:0 Sirach 50:1 Симон сын Ониин иерей великий, иже в животе своем сострои дом и во дни своя утверди церковь. Sirach 50:2 И тем основана бысть высота сугуба, воздвижение высоко ограждения церковнаго. Sirach 50:3 Во дни его умалишася сосуди воднии, ров яко моря окружение. Sirach 50:4 Блюдый люди своя от падения и укрепивый град во обседении. Sirach 50:5 Коль прославлен бысть в сожителстве людий, во исходе дому катапетасмы? Sirach 50:6 Яко звезда утренняя посреде облаков, аки луна полна во днех своих, Sirach 50:7 яко солнце сияющее на церковь Вышняго, и аки дуга светящаяся на облацех славы: Sirach 50:8 яко цвет шипков во днех весенных, яко крин при исходищих воды, яко стебло ливаново во днех жатвы: Sirach 50:9 яко огнь и ливан на огнищи, Sirach 50:10 якоже сосуд злат искован, украшен всяким камением многоценным, Sirach 50:11 яко маслина износящая плоды и яко кипарис возрастаяй до облак. Sirach 50:12 Внегда взимати ему одежду славы и облачатися ему в совершение хваления, в восхождении олтаря Святаго прослави одежду святыни. Sirach 50:13 Внегда же приимати части от рук иерейских, и той стояше при огнищи олтаря: Sirach 50:14 окрест его венец братии, яко прозябение кедрско в Ливане, и окружиша его яко стеблие финиково: Sirach 50:15 и вси сынове Аарони во славе своей, и приношение Господне в руках их пред всем собором Израилевым. Sirach 50:16 И совершение служителей на олтарех, еже украсити приношение Вышняго Вседержителя, Sirach 50:17 простре на чашу возлияния руку свою, изгнете от крове гроздныя, возлия на основание олтаря в воню благоухания Вышнему всех Цареви. Sirach 50:18 Тогда возопиша сынове Аарони, трубами коваными вострубиша, услышан сотвориша глас велик на память пред Вышним. Sirach 50:19 Тогда вси людие обще приспеша и падоша ницы на земли поклонитися Господеви своему Вседержителю Богу Вышнему: Sirach 50:20 и восхвалиша певцы гласы своими, в велицем гласе усладися пение: Sirach 50:21 и помолишася людие Господу Вышнему молитвою пред Милостивым, дондеже совершися красота Господня, и службу свою скончаша. Sirach 50:22 Тогда сошед воздвиже руки своя на весь собор сынов Израилевых, дати благословение Господеви от устен своих и именем Его похвалитися. Sirach 50:23 И повтори поклонение прияти благословение от Вышняго. Sirach 50:24 И ныне благословение Бога всех, велия творящаго единаго всюду, возносящаго дни нашя от ложесн и творящаго с нами по милости Своей: Sirach 50:25 да даст нам веселие сердца, и да будет мир во дни нашя во Израили якоже дни века: Sirach 50:26 да уверит с нами милость Свою и во дни своя избавит ны. Sirach 50:27 Два языка омерзеста души моей, а третий несть язык: Sirach 50:28 седящии на горе Самарийстей и Филистимляне, и людие буи живущии в Сикимех. Sirach 50:29 Наказание разума и ведения начерта в книзе сей Иисус сын Сирахов, Иерусалимлянин, иже одожди премудрость от сердца своего. Sirach 50:30 Блажен, иже в сих поживет, и иже я положит в сердцы своем, упремудрится. Sirach 50:31 Аще бо сотворит сия, ко всем укрепится, яко свет Господень след его. Sirach 51:0 Sirach 51:1 Молитва Иисуса сына Сирахова. Исповемся Тебе, Господи Царю, и восхвалю Тебе, Бога Спаса моего, исповедаюся имени Твоему, Sirach 51:2 яко покровитель и помощник был еси ми Sirach 51:3 и избавил еси тело мое от пагубы и от сети клеветы язычныя, от устен делающих лжу, и на противящихся ми был еси помощник, Sirach 51:4 и избавил мя еси по множеству милости имене Твоего от скрежетания готовых снести мя, Sirach 51:5 из руки ищущих души моея, от многих скорбей, яже имех, Sirach 51:6 от стужания огненнаго окрест и от среды огня, идеже не сожегохся, Sirach 51:7 из глубины чрева адова и от языка нечиста и словесе ложна, ко царю от оболгания языка неправедна. Sirach 51:8 Приближися даже до смерти душа моя, Sirach 51:9 и живот мой бе близ ада преисподняго. Sirach 51:10 Обдержаша мя отвсюду, и не бе помогающаго: воззрех на помощь человечу, и не бе. Sirach 51:11 И помянух милость Твою, Господи, и деяние Твое, еже от века: Sirach 51:12 яко изимаеши терпящих Тя, (Господи,) и спасаеши их от рук вражиих. Sirach 51:13 И вознесох от земли моление мое и о избавлении от смерти помолихся: Sirach 51:14 и призвах Господа, Отца Господа моего, не оставити мене во дни скорби, во время гордых без помощи. Sirach 51:15 Восхвалю имя Твое непрестанно и воспою Тя во исповедании. И услышана бысть молитва моя. Sirach 51:16 Спасл бо мя еси от пагубы и изял еси мя от времене лукавна. Sirach 51:17 Сего ради исповемся Тебе, и восхвалю Тя, и благословлю имя Твое, Господи. Sirach 51:18 Еще юн сый, прежде неже странствовати ми, исках премудрости яве в молитве моей: Sirach 51:19 пред церковию молихся о ней, и даже до последних взыщу ея: от цвета, яко зреющаго грозда, Sirach 51:20 возвеселися сердце мое о ней: пойде нога моя в правости, от юности моея изследих ю. Sirach 51:21 Приклоних мало ухо мое и приях, и многое обретох себе наказание: Sirach 51:22 предуспеяние бысть ми в ней. Sirach 51:23 Дающему мне премудрость воздам славу. Sirach 51:24 Умыслих бо творити ю, и поревновах благому, и не постыжуся. Sirach 51:25 Боряшеся душа моя о ней, и в творении моем испытах: Sirach 51:26 руце мои воздех на высоту и неведения ея уразумех. Sirach 51:27 Душу мою направих к ней, Sirach 51:28 сердце стяжах с нею исперва, и во очищении обретох ю: сего ради не оставлен буду. Sirach 51:29 И утроба моя смятеся ищущи ея: темже стяжах благое стяжание. Sirach 51:30 Даде Господь язык ми мзду мою, и тем восхвалю Его. Sirach 51:31 Приближитеся ко мне, ненаказаннии, и водворитеся в дому наказания. Sirach 51:32 Почто лишаетеся, глаголете, в сих, и души вашя жаждут зело? Sirach 51:33 Отверзох уста моя и глаголах: стяжите себе без сребра (мудрость): Sirach 51:34 выю вашу подложите под иго, и да приимет душа ваша наказание: близ есть обрести ю. Sirach 51:35 Видите очима вашима, яко мало трудихся и обретох себе мног покой. Sirach 51:36 Приобщитеся наказанию многим числом сребра, и много злато пристяжете ею. Sirach 51:37 Да возвеселится душа ваша в милости Его, и да не постыдитеся в хвалении Его. Sirach 51:38 Делайте дело ваше прежде времене, и даст мзду вашу во время свое.
Isaiah 0:0
Книга пророка Исайи Isaiah 1:0 Isaiah 1:1 Видение, еже виде Исаиа сын Амосов, еже виде на Иудею и на Иерусалим, в царство Озии и Иоафама, и Ахаза и Езекии, иже царствоваша во Иудеи. Isaiah 1:2 Слыши, небо, и внуши, земле, яко Господь возглагола: сыны родих и возвысих, тии же отвергошася Мене. Isaiah 1:3 Позна вол стяжавшаго и, и осел ясли господина своего: Израиль же Мене не позна, и людие Мои не разумеша. Isaiah 1:4 Увы, язык грешный, людие исполнени грехов, семя лукавое, сынове беззаконнии, остависте Господа и разгневасте Святаго Израилева, отвратистеся вспять. Isaiah 1:5 Что еще уязвляетеся, прилагающе беззаконие? Всякая глава в болезнь, и всякое сердце в печаль. Isaiah 1:6 От ног даже до главы несть в нем целости: ни струп, ни язва, ни рана палящаяся: несть пластыря приложити, ниже елеа, ниже обязания. Isaiah 1:7 Земля ваша пуста, гради ваши огнем пожжени, страну вашу пред вами чуждии поядают, и опусте низвращена от людий чуждих. Isaiah 1:8 Оставится дщерь Сионя яко куща в винограде и яко овощное хранилище в вертограде, яко град воюемый. Isaiah 1:9 И аще не бы Господь Саваоф оставил нам семене, яко Содома убо были быхом, и яко Гоморру уподобилися быхом. Isaiah 1:10 Услышите слово Господне, князи Содомстии: внемлите закону Божию, людие Гоморрстии. Isaiah 1:11 Что Ми множество жертв ваших, глаголет Господь? Исполнен есмь всесожжений овних и тука агнцев, и и крове юнцев и козлов не хощу. Isaiah 1:12 Ниже приходите явитися Ми: кто бо изыска сия из рук ваших? Ходити по двору Моему не приложите. Isaiah 1:13 И аще принесете Ми семидал, всуе: кадило мерзость Ми есть. Isaiah 1:14 Новомесячий ваших и суббот и дне великаго не потерплю: поста и праздности, и новомесячий ваших и праздников ваших ненавидит душа Моя: бысте Ми в сытость, ктому не стерплю грехов ваших. Isaiah 1:15 Егда прострете руки (вашя) ко Мне, отвращу очи Мои от вас: и аще умножите моление, не услышу вас: руки бо вашя исполнены крове. Isaiah 1:16 Измыйтеся, (и) чисти будите, отимите лукавства от душ ваших пред очима Моима, престаните от лукавств ваших. Isaiah 1:17 Научитеся добро творити, взыщите суда, избавите обидимаго, судите сиру и оправдите вдовицу, Isaiah 1:18 и приидите, и истяжимся, глаголет Господь. И аще будут греси ваши яко багряное, яко снег убелю: аще же будут яко червленое, яко волну убелю. Isaiah 1:19 И аще хощете и послушаете Мене, благая земли снесте: Isaiah 1:20 аще же не хощете, ниже послушаете Мене, мечь вы пояст: уста бо Господня глаголаша сия. Isaiah 1:21 Како бысть блудница град верный Сион полн суда? В немже правда почиваше, ныне же (в нем) убийцы. Isaiah 1:22 Сребро ваше неискушено, корчемницы твои мешают вино с водою. Isaiah 1:23 Князи твои не покаряются, общницы татем, любяще дары, гоняще воздаяние, сирым не судящии и суду вдовиц не внимающии. Isaiah 1:24 Сего ради тако глаголет Владыка Господь Саваоф: горе крепким во Израили: не престанет бо ярость Моя на противныя, и суд врагом Моим сотворю: Isaiah 1:25 и наведу руку Мою на тя, и разжегу в чистоту, непокаряющихся же погублю, и отиму всех беззаконных от тебе, и всех гордых смирю. Isaiah 1:26 И приставлю судии твоя якоже прежде, и советники твоя яко от начала: и по сих наречешися град правды, мати градовом, верный Сион. Isaiah 1:27 С судом бо спасется пленение его и с милостынею. Isaiah 1:28 И сокрушатся беззаконнии и грешницы вкупе, и оставившии Господа скончаются: Isaiah 1:29 занеже постыдятся о идолех своих, ихже сами восхотеша, и посрамятся о садех своих, ихже возжелеша. Isaiah 1:30 Будут бо яко теревинф отметнувый листвия (своя), и яко вертоград не имый воды. Isaiah 1:31 И будет крепость их яко стебль изгребия, и делания их яко искры огненныя, и сожгутся беззаконницы и грешницы вкупе, и не будет угашаяй. Isaiah 2:0 Isaiah 2:1 Слово бывшее от Господа ко Исаии сыну Амосову о Иудеи и о Иерусалиме. Isaiah 2:2 Яко будет в последния дни явлена гора Господня, и дом Божий на версе гор, и возвысится превыше холмов: и приидут к ней вси языцы. Isaiah 2:3 И пойдут языцы мнози и рекут: приидите, и взыдем на гору Господню и в дом Бога Иаковля, и возвестит нам путь Свой, и пойдем по нему. От Сиона бо изыдет закон, и слово Господне из Иерусалима: Isaiah 2:4 и судити будет посреде язык и изобличит люди многи: и раскуют мечы своя на орала и копия своя на серпы, и не возмет язык на язык меча, и не навыкнут ктому ратоватися. Isaiah 2:5 И ныне, доме Иаковль, приидите, пойдем светом Господним. Isaiah 2:6 Остави бо люди Своя, дом Иаковль: зане якоже из начала наполнися страна их волхвований, якоже иноплеменников, и чада многа иноплеменнича родишася им. Isaiah 2:7 Наполнися бо страна их сребра и злата, и не бяше числа сокровищ их: и наполнися земля их коней, и не бяше числа колесниц их: Isaiah 2:8 и наполнися земля мерзостей дел рук их, и поклонишася тем, яже сотвориша персты их: Isaiah 2:9 и преклонися человек и смирися муж, и не претерплю им. Isaiah 2:10 И ныне внидите в камение и скрыйтеся в землю от лица страха Господня и от славы крепости Его, егда востанет сокрушити землю. Isaiah 2:11 Очи бо Господни высоцы, человек же смирен: и смирится высота человеческая, и возиесется Господь един в день оный. Isaiah 2:12 День бо Господа Саваофа на всякаго досадителя и горделиваго, и на всякаго высокаго и величаваго, и смирятся: Isaiah 2:13 и на всяк кедр Ливанский высоких и превознесенных и на всяко древо желудя Васанска, Isaiah 2:14 и на всякую гору высокую и на всякий холм высокий, Isaiah 2:15 и на всякий столп высок и на всякую стену высокую, Isaiah 2:16 и на всякий корабль морский и на всяко видение доброты кораблей. Isaiah 2:17 И смирится всякий человек, и падется высота человеча, и вознесется Господь един в день оный. Isaiah 2:18 И рукотвореная вся скрыют, Isaiah 2:19 внесше в пещеры и в разселины камений и в вертепы земныя, от лица страха Господня и от славы крепости Его, егда востанет сокрушити землю. Isaiah 2:20 В день бо оный изринет человек мерзости своя златыя и сребряныя, яже сотвориша, да покланяются суетным и нетопырем, Isaiah 2:21 еже внити в вертепы твердаго камене и в разселины камений, от лица страха Господня и от славы крепости Его, егда востанет сокрушити землю. Isaiah 2:22 Оставите (убо) вам человека, емуже есть дыхание в ноздрех его: яко в чем вменися сей? Isaiah 3:0 Isaiah 3:1 Се, Владыка Господь Саваоф отимет от Иерусалима и от Иудеи крепкаго и крепкую, крепость хлеба и крепость воды, Isaiah 3:2 исполина и крепкаго, и человека ратника и судию, и пророка и смотреливаго, и старца Isaiah 3:3 и пятьдесятоначалника, и дивнаго советника и премудраго архитектона и разумнаго послушателя. Isaiah 3:4 И поставлю юношы князи их, и ругателие господствовати будут ими. Isaiah 3:5 И нападати имут людие, и человек на человека, и человек на ближняго своего: приразится отроча к старцу, и безчестный к честному. Isaiah 3:6 Яко имется человек брата своего, или домашняго отца своего, глаголя: ризу имаши, началовождь нам буди, и брашно мое под тобою да будет. Isaiah 3:7 И отвещав в день оный речет: не буду твой началовождь, несть бо в дому моем ни хлеба, ни ризы: не буду началовождь людем сим. Isaiah 3:8 Яко оставлен бысть Иерусалим, и Иудеа паде, и язык их со беззаконием, не покаряющься Господеви. Isaiah 3:9 Сего ради ныне смирися слава их, и студ лица их противу ста им: грех же свой яко Содомский возвестиша и явиша. Горе души их, зане умыслиша совет лукавый на себе самих, Isaiah 3:10 рекше: свяжем праведнаго, яко непотребен нам есть. Убо плоды дел своих снедят. Isaiah 3:11 Горе беззаконному: лукавая бо приключатся ему по делом руку его. Isaiah 3:12 Людие Мои, приставницы ваши пожинают вас, и истязающии обладают вами: людие Мои, блажащии вас льстят вы и стези ног ваших возмущают. Isaiah 3:13 Но ныне устроится Господь на суд и поставит на суд люди Своя: Isaiah 3:14 Сам Господь на суд приидет со старейшины людий и со князи их. Вы же почто запалисте виноград Мой, и разграбление убогаго в домех ваших? Isaiah 3:15 Почто вы обидите людий Моих и лице убогих посрамляете? Глаголет Господь Саваоф. Isaiah 3:16 Сия глаголет Господь: понеже вознесошася дщери Сиони и ходиша высокою выею и помизанием очес и ступанием ног, купно ризы влекущыя (по долу) и ногама купно играющыя: Isaiah 3:17 и смирит Господь началныя дщери Сиони, и Господь открыет срамоту их. Isaiah 3:18 В день он, и отимет Господь славу риз их и красоты их, и вплетения златая (на главе) и тресны ризныя, и луницы гривенныя Isaiah 3:19 и срачицы тонкия, и красоту лица их и состроение красы славныя, и обручи и перстни, и мониста и запястия и художныя усерязи, Isaiah 3:20 и багряницы и пребагряная, и утварь храмную Isaiah 3:21 и светлая лаконская, и виссоны и синеты, и червленицы Isaiah 3:22 и виссон со златом и синетою претыканы, и тончицы преиманы златом: Isaiah 3:23 и будет вместо вони добрыя смрад, и вместо пояса ужем препояшешися, и вместо украшения златаго, еже на главе, плешь имети будеши дел твоих ради, и вместо ризы багряныя препояшешися вретищем: Isaiah 3:24 и сын твой добрейший, егоже любиши, мечем падет, и крепцыи ваши мечем падут и смирятся: Isaiah 3:25 и восплачутся хранилища утварей ваших, и останешися едина и о землю ударена будеши. Isaiah 4:0 Isaiah 4:1 И имутся седмь жен за мужа единаго, глаголющя: хлебы наш ясти будем и в ризы нашя одеватися, точию имя твое да наречется на нас, отими укоризну нашу. Isaiah 4:2 В день оный возсияет Бог в совете со славою на земли, еже вознести и прославити останок Израиля. Isaiah 4:3 И будет останок в Сионе и останок во Иерусалиме, святи нарекутся вси написаннии в жизнь во Иерусалиме: Isaiah 4:4 яко отмыет Господь скверну сынов и дщерей Сионских и кровь Иерусалимску очистит от среды их духом суда и духом зноя. Isaiah 4:5 И приидет Господь, и будет все место горы Сиони, и вся яже окрест ея осенит облак во дни, и яко дыма и света огненна горяща в нощи, всею славою покрыется: Isaiah 4:6 и будет в сень от зноя и в покров и в сокровение от жестости и дождя. Isaiah 5:0 Isaiah 5:1 Воспою ныне Возлюбленному песнь Возлюбленнаго моего винограду моему: виноград бысть Возлюбленному в розе, на месте тучне: Isaiah 5:2 и ограждением оградих и окопах, и насадих лозу избранну, и создах столп посреде его, и предточилие ископах в нем, и ждах, да сотворит гроздие, и сотвори терние. Isaiah 5:3 И ныне, живущии во Иерусалиме и человече Иудин, судите между Мною и виноградом Моим. Isaiah 5:4 Что сотворю еще винограду Моему, и не сотворих ему? Занеже ждах, да сотворит гроздие, сотвори же терние. Isaiah 5:5 Ныне убо возвещу вам, что Аз сотворю винограду Моему: отиму ограждение его, и будет в разграбление: и разорю стену его, и будет в попрание. Isaiah 5:6 И оставлю виноград Мой, и ктому не обрежется, ниже покопается, и взыдет на нем, якоже на лядине, терние: и облаком заповем, еже не одождити на него дождя. Isaiah 5:7 Виноград бо Господа Саваофа, дом Израилев есть, и человек Иудин новый сад возлюбленный: ждах, да сотворит суд, сотвори же беззаконие, и не правду, но вопль. Isaiah 5:8 Горе совокупляющым дом к дому и село к селу приближающым, да ближнему отимут что: еда вселитеся едини на земли? Isaiah 5:9 Услышашася бо во ушесех Господа Саваофа сия: аще бо будут домове мнози, в запустение будут велицыи и добрии, и не будут живущии в них: Isaiah 5:10 идеже бо возорют десять супруг волов, сотворит корчаг един, и сеяй артавас шесть сотворит меры три. Isaiah 5:11 Горе востающым заутра и сикер гонящым, ждущым вечера: вино бо сожжет я: Isaiah 5:12 со гусльми бо и певницами, и тимпаны и свирельми вино пиют, на дела же Господня не взирают и дел руку Его не помышляют. Isaiah 5:13 Убо пленени быша людие мои, за еже не ведети им Господа, и множество бысть мертвых глада ради и жажди водныя. Isaiah 5:14 И разшири ад душу свою и разверзе уста своя, еже не престати: и снидут славнии и велицыи и богатии и губителие их и веселяйся в нем: Isaiah 5:15 и смирится человек, и обезчестится муж, и очи высокоглядающии смирятся. Isaiah 5:16 И вознесется Господь Саваоф в суде, и Бог Святый прославится в правде: Isaiah 5:17 и упасутся расхищеннии яко юнцы, и пустыни плененных агнцы поядят. Isaiah 5:18 Горе привлачающым грехи яко ужем долгим, и яко ига юнична ременем беззакония своя, Isaiah 5:19 глаголющым: скоро да приближатся, яже сотворит, да видим, и да приидет совет Святаго Израилева, да разумеем. Isaiah 5:20 Горе глаголющым лукавое доброе, и доброе лукавое, полагающым тму свет, и свет тму, полагающым горькое сладкое, и сладкое горькое. Isaiah 5:21 Горе, иже мудри в себе самих и пред собою разумни. Isaiah 5:22 Горе крепким вашым, вино пиющым, и вельможам растворяющым сикер, Isaiah 5:23 оправдающым нечестива даров ради, и еже есть праведное праведнаго вземлющым от него. Isaiah 5:24 Сего ради якоже сгорит трость от углия огненнаго и сожжется от пламене разгоревшагося, корень их яко персть будет, и цвет их яко прах взыдет: не восхотеша бо закона Господа Саваофа, но слово Святаго Израилева раздражиша. Isaiah 5:25 И возярися гневом Господь Саваоф на люди Своя, и наложи руку Свою на них, и порази их: и раздражишася горы, и быша трупи их яко гной посреде пути. И во всех сих не отвратися ярость Его, но еще рука Его высока. Isaiah 5:26 Воздвигнет убо знамение во языцех сущих далече и позвиждет им от конец земли, и се, скоро легце грядут: Isaiah 5:27 не взалчут, ни утрудятся, ни воздремлют, ни поспят, ни распояшут поясов своих от чресл своих, ниже расторгнутся ремени сапогов их: Isaiah 5:28 ихже стрелы остры суть, и луцы их напряжени: копыта коней их яко тверд камень вменишася, колеса колесниц их яко буря. Isaiah 5:29 Ярятся яко львове, и предсташа яко львичища: и имет, и возопиет яко зверь, и извержет, и не будет отемлющаго их. Isaiah 5:30 И возопиет их ради в той день, яко шум моря волнующася: и воззрят на землю, и се, тма жестока в недоумении их. Isaiah 6:0 Isaiah 6:1 И бысть в лето, в неже умре Озиа царь, видех Господа седяща на престоле высоце и превознесенне, и исполнь дом славы Его. Isaiah 6:2 И Серафими стояху окрест Его, шесть крил единому и шесть крил другому: и двема убо покрываху лица своя, двема же покрываху ноги своя и двема летаху. Isaiah 6:3 И взываху друг ко другу и глаголаху: Свят, Свят, Свят Господь Саваоф: исполнь вся земля славы Его. Isaiah 6:4 И взяся наддверие от гласа, имже вопияху, и дом наполнися дыма. Isaiah 6:5 И рекох: о, окаянный аз, яко умилихся, яко человек сый и нечисты устне имый, посреде людий нечистыя устне имущих аз живу: и Царя Господа Саваофа видех очима моима. Isaiah 6:6 И послан бысть ко мне един от Серафимов, и в руце своей имяше угль горящь, егоже клещами взят от олтаря, Isaiah 6:7 и прикоснуся устнам моим и рече: се, прикоснуся сие устнам твоим, и отимет беззакония твоя и грехи твоя очистит. Isaiah 6:8 И слышах глас Господа глаголюща: кого послю, и кто пойдет к людем сим? И рекох: се, аз есмь, посли мя. Isaiah 6:9 И рече: иди и рцы людем сим: слухом услышите, и не уразумеете: и видяще узрите, и не увидите: Isaiah 6:10 одебеле бо сердце людий сих, и ушима своима тяжко слышаша, и очи свои смежиша, да не когда узрят очима и ушима услышат, и сердцем уразумеют и обратятся, и изцелю я. Isaiah 6:11 И рекох: доколе, Господи? И рече: дондеже опустеют гради, от еже ненаселеным быти, и домы, от еже ненаселеным быти, и домы от еже не быти человеком, и земля останется пуста. Isaiah 6:12 И посем продолжит Бог человеки, и умножатся оставльшиися на земли. Isaiah 6:13 И еще на ней есть десятина, и паки будет в расхищение якоже теревинф и яко желудь, егда испадет из плюски своея: семя свято стояние его. Isaiah 7:0 Isaiah 7:1 И бысть во дни Ахаза сына Иоафамля, сына Озии, царя Иудина, взыде Расин царь Арамль, и Факей сын Ромелиев, царь Израилев, на Иерусалим, воевати на него, и не возмогоша разорити его. Isaiah 7:2 И возвестися в дому Давидове, глаголя: совещася Арам со Ефремом, и ужасеся душа его и душа людий его, якоже в дубраве древо ветром возколеблется. Isaiah 7:3 И рече Господь ко Исаии: изыди во сретение Ахазу ты и оставыйся Иасув сын твой, к купели горняго пути села белилнича, Isaiah 7:4 и речеши ему: блюди, еже молчати, и не бойся, ниже душа твоя да изнеможет от двою древу главень дымящихся сих: егда бо гнев ярости Моея будет, паки изцелю. Isaiah 7:5 Сын же Арамль и сын Ромелиев яко совещаста совет лукавый на тя, глаголюще: Isaiah 7:6 взыдем во Иудею, и собеседовавше с ними отвратим я к нам и воцарим в ней сына Тавеилева: Isaiah 7:7 сия же глаголет Господь Саваоф: не пребудет совет сей, ниже сбудется, Isaiah 7:8 но глава Араму Дамаск, и глава Дамаску Расин: но еще шестьдесят и пять леть, оскудеет царство Ефремово от людий, Isaiah 7:9 глава же Ефремови Соморон, и глава Соморону сын Ромелиев: и аще не уверите, ниже имате разумети. Isaiah 7:10 И приложи Господь глаголати ко Ахазу, рекий: Isaiah 7:11 проси себе знамения от Господа Бога твоего во глубину, или в высоту. Isaiah 7:12 И рече Ахаз: не имам просити, ниже искушу Господа. Isaiah 7:13 И рече (Исаиа): слышите убо, доме Давидов: еда мало вам есть труд даяти человеком, и како даете Господеви труд? Isaiah 7:14 Сего ради даст Господь Сам вам знамение: се, Дева во чреве зачнет и родит Сына, и наречеши имя Ему Еммануил: Isaiah 7:15 масло и мед снесть, прежде неже разумети ему изволити злая, или избрати благое: Isaiah 7:16 зане прежде неже разумети отрочати благое или злое, отринет лукавое, еже избрати благое, и оставится земля, еяже ты боишися, от лица двух царей. Isaiah 7:17 Но наведет Господь на тя и на люди твоя и на дом отца твоего дни, иже еще не пришли, от дне в оньже отя Ефрема от Иуды, царя Ассирийска. Isaiah 7:18 И будет в той день, позвиждет Господь мухам, яже владеют частию реки Египетския, и пчеле, яже есть во стране Ассирийстей: Isaiah 7:19 и приидут вси и почиют в дебрех страны и в пещерах каменных, и во вертепех и во всяцей разселине и во всяцем древе. Isaiah 7:20 В день оный обриет Господь бритвою наятою об ону страну реки царя Ассирийска, главу и власы ног, и браду отимет. Isaiah 7:21 И будет в той день, кормити будет человек юницу от волов и две овце: Isaiah 7:22 и будет от множества творения млечнаго, масло и мед снесть всяк оставыйся на земли. Isaiah 7:23 И будет в той день, всяко место, идеже аще будет тысяща лоз винограда, по тысящи сикль, в лядину будет и в терние: Isaiah 7:24 со стрелою и луком внидут тамо, яко лядиною и тернием будет вся земля: Isaiah 7:25 и всяка гора оремая возорется, не найдет тамо страх: будет от лядины и от терния в паству овцам и в попрание волу. Isaiah 8:0 Isaiah 8:1 И рече Господь ко мне: приими себе свиток нов велик и напиши в нем писалом человечим, еже скоро пленение сотворити корыстей, приспе бо: Isaiah 8:2 и свидетели мне сотвори верны человеки, Урию иереа и Захарию сына Варахиина. Isaiah 8:3 И приступих ко пророчице, и во чреве зачат и роди сына. И рече Господь мне: нарцы имя ему: скоро плени, нагло расхити, Isaiah 8:4 зане прежде неже разумети отрочати назвати отца или матерь, приимет силу Дамаскову, и корысти Самарийския пред царем Ассирийским. Isaiah 8:5 И приложи Господь глаголати ко мне еще, глаголя: Isaiah 8:6 понеже не восхотеша людие сии воды Силоамли текущия тисе, но восхотеша имети Рассона и сына Ромелиева царя над вами, Isaiah 8:7 сего ради се, возводит Господь на вы воду реки сильну и многу, царя Ассирийска и славу его: и взыдет на всяку дебрь вашу, и обыдет всяку стену вашу, Isaiah 8:8 и отимет от Иудеи человека, иже возможет главу воздвигнути, или могущаго что совершити: и будет полк его, во еже наполнити ширину страны Твоея, с нами Бог! Isaiah 8:9 Разумейте, языцы, и покаряйтеся, услышите даже до последних земли: могущии, покаряйтеся: аще бо паки возможете, паки побеждени будете, Isaiah 8:10 и иже аще совет совещаете, разорит Господь, и слово, еже аще возглаголете, не пребудет в вас, яко с нами Бог. Isaiah 8:11 Тако глаголет Господь: крепкою рукою не покаряются хождению пути людий сих, глаголюще: Isaiah 8:12 да не когда рекут: жестоко: все бо, еже аще рекут людие сии, жестоко есть: страха же их не убойтеся, ниже возмятитеся. Isaiah 8:13 Господа Сил, Того освятите, и Той будет тебе в страх. Isaiah 8:14 И аще будеши уповая на Него, будет тебе во освящение, а не якоже о камень претыкания преткнешися, ниже яко о камень падения: домове же Иаковли в пругле, и в раздолии седящии во Иерусалиме. Isaiah 8:15 Сего ради изнемогут в них мнози, и падут, и сокрушатся, и приближатся, и яти будут человецы в твердыни суще. Isaiah 8:16 Тогда явлени будут печатлеющии закон, еже не учитися. Isaiah 8:17 И речет: пожду Бога отвращшаго лице Свое от дому Иаковля и уповая буду Нань. Isaiah 8:18 Се, аз и дети, яже ми даде Бог: и будут знамения и чудеса в дому Израилеве от Господа Саваофа, иже обитает на горе Сион. Isaiah 8:19 И аще рекут к вам: изыщите чревоволшебников и от земли возглашающих, тщесловующих, иже от чрева глашают, не язык ли к Богу своему взыщет? Что испытуют мертвыя о живых? Isaiah 8:20 Закон бо в помощь даде, да рекут не якоже слово сие, заньже не леть дары даяти. Isaiah 8:21 И приидет на вы жесток глад, и будет, егда взалчете, скорбни будете и зло речете князю и отечеству: Isaiah 8:22 и воззрят на небо горе, и на землю низу призрят, и се, скудость тесна и тма, скорбь и теснота и тма, якоже не видети: и не оскудеет в тесноте сый даже до времене. Isaiah 9:0 Isaiah 9:1 Сие прежде испий, скоро твори, страно Завулоня и земле Неффалимля, и прочии при мори живущии, и об ону страну Иордана, Галилеа языков. Isaiah 9:2 Людие ходящии во тме видеша свет велий: живущии во стране и сени смертней, свет возсияет на вы. Isaiah 9:3 Множайшии людие, яже извел еси, в веселии Твоем: и возвеселятся пред тобою, якоже веселящиися в жатву, и якоже веселятся делящии корысти. Isaiah 9:4 Зане отятся ярем лежай на них, и жезл, иже на выи их: жезл бо истязующих разсыпа Господь, якоже в день, иже на Мадиама. Isaiah 9:5 Яко всякую одежду собранну лестию и ризу с примирением отдадут, и восхотят, да быша огнем сожжены были. Isaiah 9:6 Яко отроча родися нам, Сын, и дадеся нам, егоже началство бысть на раме Его: и нарицается имя Его: велика совета Ангел, Чуден, Советник, Бог крепкий, Властелин, Князь мира, Отец будущаго века: приведу бо мир на князи, мир и здравие Ему. Isaiah 9:7 И велие началство Его, и мира Его несть предела на престоле Давидове и на царстве его, исправити е и заступити его в суде и правде, отныне и до века: ревность Господа Саваофа сотворит сия. Isaiah 9:8 Смерть посла Господь на Иакова, и прииде на Израиля: Isaiah 9:9 и уразумеют вси людие Ефремовы и живущии в Самарии, в досаждении и высоцем сердцы глаголюще: Isaiah 9:10 плинфы падоша, но приидите, изсечем камение и посечем черничие и кедры, и созиждем себе столп. Isaiah 9:11 И разрушит Бог востающыя на гору Сионю, и враги его разсыплет: Isaiah 9:12 Сирию от восток солнца и Еллины от запада солнца, поядающыя Израиля всеми усты. Во всех сих не отвратися ярость Его, но еще рука Его высока. Isaiah 9:13 И людие не обратишася, дондеже язвени быша, и Господа не взыскаша. Isaiah 9:14 И отят Господь от Израиля главу и ошиб, велика и мала, во един день: Isaiah 9:15 старца и чудящихся лицам, сие начало: и пророка учаща беззаконная, сей ошиб. Isaiah 9:16 И будут блажащии людий сих льстяще, и льстят, яко да поглотят я. Isaiah 9:17 Сего ради о юношах их не возвеселится Господь, и сирот их и вдовиц их не помилует: яко вси беззаконнии и лукавии, и всякая уста глаголют неправду. Во всех сих не отвратися ярость Его, но еще рука Его высока. Isaiah 9:18 И разгорится яко огнь беззаконие, и яко троскот сухий пояден будет огнем, и разгорится в чащах дубравных и пояст, яже окрест холмов вся. Isaiah 9:19 За ярость гнева Господня сгоре вся земля, и будут людие яко огнем пожжени: человек брата своего не помилует, Isaiah 9:20 но уклонится на десно, яко взалчет, и снесть от шуиих, и не насытится человек ядый плоти мышцы своея: снесть бо Манассий Ефремово, и Ефрем Манассиино, яко вкупе повоюют Иуду. Isaiah 9:21 Во всех сих не отвратися ярость (Его), но еще рука Его высока. Isaiah 10:0 Isaiah 10:1 Горе пишущым лукавство: пишущии бо лукавство пишут, Isaiah 10:2 укланяюще суд убогих, восхищающе суд нищих людий Моих, яко быти им вдовице в расхищение и сироте в разграбление. Isaiah 10:3 И что сотворят в день посещения? Скорбь бо вам отдалече приидет. И к кому прибегнете, да поможет вам? И где оставите славу вашу, Isaiah 10:4 еже не впасти в пленение? И под убиеными падут. И во всех сих не отвратися гнев Его, но еще рука Его высока. Isaiah 10:5 Горе Ассирием, жезл ярости Моея и гнев есть в руку их. Isaiah 10:6 Гнев Мой послю на язык беззаконен, и своих людий повелю сотворити корысти и пленение, и попрати грады и положити я в прах. Isaiah 10:7 Сей же не тако помысли и душею не тако возмне: но отступит ум его, и еже потребити языки не малы. Isaiah 10:8 И аще рекут ему: ты ли еси един князь? Isaiah 10:9 И речет: не взях ли страны, яже выше Вавилона и Халани, идеже столп создан, и взях Аравию и Дамаск и Самарию? Isaiah 10:10 Якоже сия взях, и вся княжения возму. Возрыдайте, изваянная во Иерусалиме и в Самарии: Isaiah 10:11 якоже бо сотворих Самарии и рукотворенным ея, тако сотворю и Иерусалиму и кумиром его. Isaiah 10:12 И будет, егда скончает Господь вся творя в горе Сиони и во Иерусалиме, наведет на ум великий на князя Ассирийска и на высоту славы очию его. Isaiah 10:13 Рече бо: крепостию руки моея сотворю, и премудростию разума (моего) отиму пределы языков, и силу их пленю, Isaiah 10:14 и сотрясу грады населеныя, и вселенную всю оыму рукою моею яко гнездо, и яко оставленая яица возму: и несть, иже убежит мене, или противу мне речет, и отверзет уста и глумит. Isaiah 10:15 Еда прославится секира без секущаго ею? Или вознесется пила без влекущаго ю? Такожде аще кто возмет жезл, или древо: и не тако. Isaiah 10:16 Но послет Господь Саваоф на твою честь безчестие, и на твою славу огнь горя возгорится. Isaiah 10:17 И будет свет Израилев во огнь, и освятит его огнем горящим, и пояст яко сено вещество. Isaiah 10:18 В той день угаснут горы и холми и дубравы, и пояст от души даже до плотей: и будет бежай, яко бежай от пламене горяща: Isaiah 10:19 и оставльшиися от них будут в число, и отроча малое напишет я. Isaiah 10:20 И будет в той день, не приложится ктому останок Израилев, и спасеннии Иаковли не будут ктому уповающе на обидевшыя их, но будут уповающе на Бога Святаго Израилева истиною. Isaiah 10:21 И обратится останок Иаковль к Богу крепкому. Isaiah 10:22 И аще будут людие Израилевы яко песок морский, останок их спасется: Isaiah 10:23 слово бо совершая и сокращая правдою, яко слово сокращено сотворит Господь во всей вселенней. Isaiah 10:24 Сего ради сия глаголет Господь Саваоф: не бойтеся, людие Мои, от Ассириан, живущии в Сионе, яко жезлом поразит тя: язву бо наводит на тя, еже видети путь Египта. Isaiah 10:25 Еще бо мало, и престанет гнев, ярость же Моя на совет их: Isaiah 10:26 и воздвигнет Бог Сил на ня язву, яко язву Мадиамлю на месте Скорби, и ярость Его на путь иже к морю, на путь иже во Египет: Isaiah 10:27 и будет в той день, отимется иго его от рамене твоего и страх его от тебе, и согниет иго от рамен ваших. Isaiah 10:28 Приидет бо во град Аггай, и прейдет в Магеддо, и в Махмасе положит сосуды своя. Isaiah 10:29 И минет дебрь, и приидет во Аггай: страх приимет Раму град Саулов, Isaiah 10:30 побегнет дщерь Галимля, услышится в Лаисе, услышится во Анафофе. Isaiah 10:31 И ужасеся Мадемина и живущии во Гивиме. Isaiah 10:32 Утешайте днесь еже на пути пребыти: утешайте рукою гору дщерь Сионю, и холми, иже во Иерусалиме: Isaiah 10:33 се Владыка Господь Саваоф смятет славныя со крепостию, и высоции укоризною сокрушатся, и высоцыи смирятся, Isaiah 10:34 и падут высоцыи мечем, Ливан же с высокими падется. Isaiah 11:0 Isaiah 11:1 И изыдет жезл из корене Иессеова, и цвет от корене его взыдет: Isaiah 11:2 и почиет на нем Дух Божий, дух премудрости и разума, дух совета и крепости, дух ведения и благочестия: Isaiah 11:3 исполнит его дух страха Божия: не по славе судити имать, ниже по глаголанию обличит, Isaiah 11:4 но судит правдою смиренному суд и обличит правостию смиренныя земли, и поразит землю словом уст Своих и духом устен убиет нечестиваго: Isaiah 11:5 и будет препоясан правдою о чреслех Своих и истиною обвит по ребрам Своим: Isaiah 11:6 и пастися будут вкупе волк с агнцем, и рысь почиет со козлищем, и телец и юнец и лев вкупе пастися будут, и отроча мало поведет я: Isaiah 11:7 и вол и медведь вкупе пастися будут, и вкупе дети их будут, и лев аки вол ясти будет плевы: Isaiah 11:8 и отроча младо на пещеры аспидов и на ложе изчадий аспидских руку возложит: Isaiah 11:9 и не сотворят зла, ни возмогут погубити ни когоже на горе святей Моей: яко наполнися вся земля ведения Господня, аки вода многа покры море. Isaiah 11:10 И будет в день оный корень Иессеов, и востаяй владети языки, на того языцы уповати будут: и будет покой его честь. Isaiah 11:11 И будет в день оный, приложит Господь показати руку Свою, еже возревновати по останку прочему людий, иже аще останет от Ассириов и от Египта, и Вавилона и от Ефиопии, и от Еламитов и от Востоков солнца, и от Аравии и от островов морских. Isaiah 11:12 И воздвигнет знамение в языки, и соберет погибшыя Израилевы, и расточенныя Иудины соберет от четырех крил земли. Isaiah 11:13 И отимется ревность Ефремова, и врази Иудины погибнут: Ефрем не возревнует Иуде, и Иуда не оскорбит Ефрема. Isaiah 11:14 И полетят в кораблех иноплеменничих, море купно пленят, и сущих от Восток солнца, и Идумею: и на Моава первее руки возложат, сынове же Аммони первии покорятся. Isaiah 11:15 И опустошит Господь море Египетское и возложит руку Свою на реку духом пресильным: и поразит на седмь дебрий, якоже преходити ю во обувении: Isaiah 11:16 и будет прошествие людем Моим оставшым во Египте, и будет Израилю, якоже в день, егда изыде от земли Египетския. Isaiah 12:0 Isaiah 12:1 И речеши в день оный: благословлю и Тя, Господи, яко разгневался еси на мя, и отвратил еси ярость Твою (от мене), и помиловал мя еси. Isaiah 12:2 Се, Бог мой спас мой, уповая буду на Него и не убоюся: зане слава моя и похвала моя Господь, и бысть ми во спасение. Isaiah 12:3 И почерпите воду со веселием от источник спасения. Isaiah 12:4 И речеши в день оный: хвалите Господа, воспойте имя Его, возвестите во языцех славная Его, поминайте, яко вознесеся имя Его. Isaiah 12:5 Хвалите имя Господне, яко высокая сотвори: возвестите сия по всей земли. Isaiah 12:6 Веселитеся и радуйтеся, живущии в Сионе, яко вознесеся Святый Израилев посреде тебе. Isaiah 13:0 Isaiah 13:1 Видение на Вавилона, еже виде Исаиа сын Амосов. Isaiah 13:2 На горе польней воздвигните знамение, вознесите глас им, не бойтеся, поущайте рукою, отверзите, князи. Isaiah 13:3 Аз повелеваю, освященни суть: и Аз веду их, исполини идут исполнити ярость Мою радующеся, вкупе и укаряюще. Isaiah 13:4 Глас языков многих на горах, подобен языков многих, глас царей и языков собравшихся: Господь Саваоф заповеда языку оружеборцу Isaiah 13:5 приити от земли издалеча, от края основания небесе, Господь и оружеборцы Его, растлити всю вселенную. Isaiah 13:6 Рыдайте: близ бо день Господень, и сокрушение от Бога приидет: Isaiah 13:7 сего ради всяка рука разслабеет, и всяка душа человеча убоится, Isaiah 13:8 и смятутся послы, и болезни приимут я яко жены раждающия: и поскорбят друг ко другу, и ужаснутся, и лице свое яко пламень изменят. Isaiah 13:9 Се бо, день Господень грядет неизцельный, ярости и гнева, положити вселенную (всю) пусту и грешники погубити от нея. Isaiah 13:10 Звезды бо небесныя и орион и все украшение небесное света своего не дадят, и помрачится солнце возсиявающее, и луна не даст света своего. Isaiah 13:11 И заповем всей вселенней злая и нечестивым грехи их, и погублю укоризну беззаконных и укоризну гордых смирю: Isaiah 13:12 и будут оставшии честнии паче, нежели злато нежженое, и человек честен будет паче, нежели камень, иже от Суфира. Isaiah 13:13 Разярится бо небо, и земля потрясется от оснований своих, за ярость гнева Господа Саваофа в день, в оньже приидет ярость Его. Isaiah 13:14 И будут оставшии яко серна бежащая и яко овца заблудившая, и не будет собираяй, яко человеку в люди своя возвратитися, и человек во страну свою побегнет. Isaiah 13:15 Иже бо аще пленится, поразится, и иже собрани суть, мечем падут. Isaiah 13:16 И чада их пред ними разбиют, и домы их пленят, и жены их поймут. Isaiah 13:17 Се, Аз возбуждаю на вы Мидов, иже сребра не вменяют, ниже злата требуют: Isaiah 13:18 стреляния юношеская сокрушат, и чад ваших не помилуют, ниже пощадят чад твоих очи их. Isaiah 13:19 И будет Вавилон, иже нарицается славный от царя Халдейска, якоже разсыпа Бог Содому и Гоморру, Isaiah 13:20 не населится в вечное время, и не внидут в онь чрез многия роды, ниже пройдут его Аравляне, ниже пастуси почиют в нем. Isaiah 13:21 И почиют тамо зверие, и наполнятся домове шума, и почиют ту сирини, и беси тамо воспляшут, Isaiah 13:22 и онокентавры тамо вселятся, и вогнездятся ежеве в домех их. Isaiah 14:0 Isaiah 14:1 Скоро идет и не умедлит: и помилует Господь Иакова и изберет паки Израиля, и почиют на земли своей, и пришлец приложится к ним и приложится к дому Иаковлю, Isaiah 14:2 и поймут их языцы и введут на место их, и наследят и умножатся на земли Божии в рабы и рабыни: и будут пленени пленившии я, и обладани будут обладавшии ими. Isaiah 14:3 И будет в той день, упокоит тя Господь от болезни и ярости твоея и от работы жестокия, еюже работал еси им. Isaiah 14:4 И приимеши плачь сей на царя Вавилонска и речеши в той день: како преста истязуяй и преста понуждаяй? Isaiah 14:5 Сокруши Бог ярем грешников, ярем князей, Isaiah 14:6 поразив язык яростию, язвою неизцельною, поражаяй язык язвою ярости, еюже не пощаде, почи уповающи. Isaiah 14:7 Вся земля вопиет со веселием, Isaiah 14:8 и древа ливанова возвеселишася о тебе и кедр ливанский: отнележе ты уснул еси, не взыде посекаяй нас. Isaiah 14:9 Ад доле огорчися, срет тя: восташа с тобою вси Исполини обладавшии землею, подвизавшии от престолов своих всех царей языческих. Isaiah 14:10 Вси отвещают и рекут тебе: и ты пленен еси, якоже и мы: и в нас вменен еси. Isaiah 14:11 Сниде слава твоя во ад, многое веселие твое: под тобою постелют гнилость, и покров твой червь. Isaiah 14:12 Како спаде с небесе денница восходящая заутра? Сокрушися на земли посылаяй ко всем языком. Isaiah 14:13 Ты же рекл еси во уме твоем: на небо взыду, выше звезд небесных поставлю престол мой, сяду на горе высоце, на горах высоких, яже к северу: Isaiah 14:14 взыду выше облак, буду подобен Вышнему. Isaiah 14:15 Ныне же во ад снидеши и во основания земли. Isaiah 14:16 Видевшии тя удивятся о тебе и рекут: сей человек раздражаяй землю, потрясаяй цари, Isaiah 14:17 положивый вселенную всю пусту и грады ея разсыпа, плененых не разреши. Isaiah 14:18 Вси царие языков успоша в чести, кийждо в дому своем. Isaiah 14:19 Ты же повержен будеши в горах, яко мертвец мерзкий со многими мертвецы изсечеными мечем, сходящими во ад. Isaiah 14:20 Якоже риза в крови намочена не будет чиста, такожде и ты не будеши чист, зане землю Мою погубил еси и люди Моя избил еси: не пребудеши в вечное время, семя злое. Isaiah 14:21 Уготови чада твоя на убиение грехами отца твоего, да не востанут и наследят землю и наполнят землю ратьми. Isaiah 14:22 И востану на ня, глаголет Господь Саваоф, и погублю имя их, и останок, и семя: сия глаголет Господь. Isaiah 14:23 И положу Вавилона пуста, яко вогнездитися ежем, и будет ни во чтоже: и положу и брения пропасть в пагубу. Isaiah 14:24 Сия глаголет Господь Саваоф: якоже глаголах, тако будет, и якоже совещах, тако пребудет, Isaiah 14:25 еже погубити Ассириан на земли Моей и на горах Моих: и будут в попрание, и отимется от них ярем их, и слава их от рамен их отимется. Isaiah 14:26 Сей совет, егоже совеща Господь на всю вселенную, и сия рука на вся языки вселенныя: Isaiah 14:27 яже бо Бог Святый совеща, кто разорит? И руку Его высокую кто отвратит? Isaiah 14:28 В лето, в неже умре Ахаз царь, бысть глагол сей: Isaiah 14:29 не радуйтеся, вси иноплеменницы, сокрушися бо ярем биющаго вы: от семене бо змиина изыдут изчадия аспидов, и изчадия их изыдут змии парящии: Isaiah 14:30 и упасутся убозии им, нищии же человецы в мире почиют: и потребит гладом семя твое, и останок твой избиет. Isaiah 14:31 Восплачитеся, врата градов, да возопиют грады смятеннии, иноплеменницы вси, зане дым от севера идет, и несть, иже пребудет. Isaiah 14:32 И что отвещают царие языков? Яко Господь основа Сиона, и тем спасутся смиреннии людий Его. Isaiah 15:0 Isaiah 15:1 Нощию погибнет Моавитска земля, нощию бо погибнет стена Моавитская. Isaiah 15:2 Плачитеся о себе, погибнет бо и Дивон, идеже требище ваше: тамо взыдете плакатися над Нававом Моавитским. Плачитеся, на всяцей главе плешь, вся мышцы обсечены, Isaiah 15:3 на стогнах его препояшитеся во вретища, и восплачитеся на храминах его и на улицах его и на стогнах его, вси возрыдайте с плачем. Isaiah 15:4 Яко возопи Есевон и Елеала, даже до Иассы услышася глас их: сего ради чресла Моавитиды вопиют, душа ея увесть. Isaiah 15:5 Сердце Моавитиды вопиет в ней даже до Сигора: юница бо есть трилетна. В возшествии же Луифа к тебе плачущеся взыдут путем Арониимлим: вопиет сотрение и трус. Isaiah 15:6 Вода Немримля пуста будет, и трава ея оскудеет: травы бо зелены не будет. Isaiah 15:7 Еда и сице спасется? Наведу бо на дебрь Аравлян, и возмут ю: Isaiah 15:8 прейде бо вопль предел земли Моавитския до Агаллима, и плачь ея даже до Кладязя Елимля. Isaiah 15:9 Вода бо Димоня наполнится крове: наведу бо на Димона Аравляны, и возму семя Моавле и Ариилево и останок Адаминь. Isaiah 16:0 Isaiah 16:1 Послю аки гады на землю: еда камень и пуст есть гора дщере Сиони? Isaiah 16:2 Будеши бо аки птицы парящия птенец отятый, дщи Моавля, потом же Арнон множайше совещавай. Isaiah 16:3 Сотворите покров плача ея присно: в полуденней тме бегут, ужаснушася: да не отведешися, Isaiah 16:4 обитати будут в тебе беглецы Моавли: будут в покровение вам от лица гонящаго, яко отяся помощь твоя, и князь погибе попираяй от земли. Isaiah 16:5 И исправится с милостию престол, и сядет на нем со истиною во скинии Давидове, судя и взыская суд и ускоряя правду. Isaiah 16:6 Слышахом укоризну Моавлю, укоритель (бысть) зело, гордыню отях: не тако волхвование твое, не тако. Isaiah 16:7 Восплачется Моав, в Моавитиде бо вси восплачутся: живущым же в Сефе помышления, и не усрамишися. Isaiah 16:8 Поля Есевоня возрыдают, виноград Севамань: пожирающии языков, поперите винограды его, даже до Иазира: не совокупитеся, обходите пустыню, посланнии осташася, проидоша бо море. Isaiah 16:9 Сего ради восплачуся яко плачем Иазировым о винограде Севамани: древа твоя посече Есевон и Елиала, яко на жатву твою и на оымание вина поперу, и вся падутся. Isaiah 16:10 И отимется радость и веселие от виноградов, и в виноградех твоих не возрадуются, и не изгнетут вина в точилех, престало бо есть: Isaiah 16:11 сего ради чрево мое на Моава аки гусли возгласит, и внутренняя моя аки стену обновил еси. Isaiah 16:12 И будет в посрамление тебе, и яко утрудися Моав о требищих, и внидет в рукотворенная своя, да помолится, и не возмогут избавити его. Isaiah 16:13 Сие слово еже глагола Господь на Моава, егда возглагола. Isaiah 16:14 И ныне глаголю: в триех летех лет наемника обезчестится слава Моавля во всем богатстве мнозе, и оставится умален и нечестен. Isaiah 17:0 Isaiah 17:1 Се, Дамаск возмется от градов и будет в падение. Isaiah 17:2 Оставлен в век, в ложе стадам и в покой, и не будет отгоняяй. Isaiah 17:3 И ксему не будет укреплен, еже вбегнути тамо Ефрему: и ксему не будет царство в Дамасце, и останок Сирян погибнет: неси бо ты лучший от сынов Израилевых и славы их: сия глаголет Господь Саваоф. Isaiah 17:4 Будет в той день помрачение славы Иаковли, и тучная славы его потрясутся. Isaiah 17:5 И будет, якоже аще кто собирает жатву стоящую, и семя класов пожинает: и будет, якоже аще кто собирает класы в дебри Тверде. Isaiah 17:6 И останется в ней стеблие, или аки зерна маслична две или три на версе высоце, или четыре или пять на ветвии ея останут: сия глаголет Господь Бог Израилев. Isaiah 17:7 В той день уповая будет человек на Сотворшаго и, и очи его ко Святому Израилеву воззрят, Isaiah 17:8 и не будут уповающе на требища, ниже на дела рук своих, яже сотвориша персты их, и не будут смотрити на Дубравы, ниже на мерзости их. Isaiah 17:9 В той день будут гради твои оставлени, якоже оставиша Аморрее и Евее от лица сынов Израилевых: и будут пусти, Isaiah 17:10 зане оставил еси Бога спаса твоего и Господа помощника твоего не помянул еси: сего ради насадиши сад неверен и семя неверно. Isaiah 17:11 В оньже бо день аще насадиши, прельстишися: а еже аще заутра посееши, то процветет на жатву, во оньже день наследиши, и аки отец человечь наследие даси сыном твоим. Isaiah 17:12 О, люте множеству языков многих! Аки море волнующееся, тако смятетеся, и хребет языков многих яко вода возшумит: Isaiah 17:13 аки вода многа языцы мнози, аки (шум) воды многия нуждею носимыя: и отвержет его и далече поженет его, аки прах плевный веющих противу ветра, и яко прах колесный буря возносящая. Isaiah 17:14 К вечеру, и будет плачь: прежде заутрия, и не будет: сия часть пленивших ны, и жребий наследивших нас. Isaiah 18:0 Isaiah 18:1 Горе корабелным крилам земли, яже об ону страну рек Ефиопских. Isaiah 18:2 Посылаяй по морю послы в залог и послания книжная верху воды: пойдут бо вестницы легцы ко языку высоку и к людем странным и строптивым. Кто далее их? Язык безнадежен и попран. Isaiah 18:3 Ныне реки земныя вся аки страна населена населится, страна их аки знамение от горы воздвигнется, аки глас трубы услышан будет. Isaiah 18:4 Яко тако ми рече Господь: утверждение будет в Моем граде, аки свет зноя полуденнаго и аки облак росный в день жатвы будет. Isaiah 18:5 Прежде жатвы, егда совершится цвет, и грезн произыдет по цвете недозрел: и отимет гроздие малое серпами и лозие отимет и посечет, Isaiah 18:6 и оставит вкупе птицам небесным и зверем земным: и соберутся на ня птицы небесныя, и вси зверие земли нань приидут. Isaiah 18:7 В то время принесутся дары Господу Саваофу от людий оскорбленых и отторженых и от людий великих, отныне и в вечное время: язык надеющься и попран, иже есть в части речней страны своея, на место, идеже имя Господа Саваофа, на гору Сионю. Isaiah 19:0 Isaiah 19:1 Се, Господь седит на облаце легце и приидет во Египет, и потрясутся рукотворенная Египетская от лица Его, и сердца их разслабнут в них. Isaiah 19:2 И востанут Египтяне на Египтяны, и воюружится человек на брата своего, и всяк на ближняго своего, востанет град на град и закон на закон. Isaiah 19:3 И возмятется дух Египтян в них, и совет их разсыплю, и вопросят богов своих и кумиров своих, и гласящих от земли и чревоволшебников. Isaiah 19:4 И предам Египет в руце человеков властелей жестоких, и царие жестоцы обладати будут ими: сия глаголет Господь Саваоф. Isaiah 19:5 И испиют Египтяне воду, яже при мори, а река оскудеет и изсхнет. Isaiah 19:6 И оскудеют реки и ровенницы речнии: и изсхнет весь сонм водный, и во всяцем лузе тростнем и ситнем, Isaiah 19:7 и злак зеленый весь иже окрест реки, и все сеемое при реце посхнет ветром растленно. Isaiah 19:8 И возстенят рыбарие, и возстенят вси мещущии удицу в реку, и мещущии неводы и мещущии сети возрыдают. Isaiah 19:9 И студ приимет делающих лен разчесаный и делающих виссон, и будут делающии я в болезни, Isaiah 19:10 и вси творящии сикеру опечалятся и поболят душами. Isaiah 19:11 И юродиви будут князи Танесовы: мудрии царевы советницы, совет их объюродеет. Како речете царю: сынове смысленых мы, сынове царей древних? Isaiah 19:12 Где суть ныне мудрии твои, и да возвестят тебе и рекут: что совеща Господь Саваоф на Египет? Isaiah 19:13 Оскудеша князи Танесовы, и вознесошася князи Мемфитстии, и прельстят Египта по племеном. Isaiah 19:14 Господь бо раствори им дух прельщения, и прельстиша Египта всеми делесы своими, якоже прельщается пияный и купно блюющь. Isaiah 19:15 И не будет Египтяном дела, еже бы сотворило главу и ошиб, и начало и конец. Isaiah 19:16 В той день будут Египтяне аки жены во страсе и трепете от лица руки Господа Саваофа, юже Той возложит на ня. Isaiah 19:17 И будет страна Иудейска во страх Египтяном: всяк, иже аще воспомянет ю им, убоятся совета ради, егоже совеща Господь Саваоф нань. Isaiah 19:18 В той день будет пять градов во Египте, глаголющих языком Ханаанитским и кленущихся именем Господа Саваофа: град Аседек прозовется един град. Isaiah 19:19 В той день будет жертвенник Господеви в земли Египетстей и столп в пределех его Господеви. Isaiah 19:20 И будет в знамение во век Господеви в земли Египетстей: яко возопиют ко Господу на оскорбляющыя их, и послет им Господь человека, иже спасет я, судяй спасет я. Isaiah 19:21 И познан будет Господь Египтяном: и уведят Египтяне Господа в той день и сотворят жертвы и дары, и обещают обеты Господеви и воздадят. Isaiah 19:22 И поразит Господь Египтян язвою великою и изцелит их цельбою, и обратятся ко Господеви, и услышит их и изцелит их цельбою. Isaiah 19:23 В той день будет путь от Египта ко Ассирианом, и внидут Ассириане во Египет, и Египтяне пойдут ко Ассирианом, и поработают Египтяне Ассирианом. Isaiah 19:24 В той день будет Израиль третий во Египтянех и во Ассирианех, благословен на земли, Isaiah 19:25 юже благослови Господь Саваоф, глаголя: благословени людие Мои, иже во Египте и иже во Ассириах, и наследие Мое Израиль. Isaiah 20:0 Isaiah 20:1 В лето, в неже вниде Танафан во Азот, егда послан бысть от Арны, царя Ассирийскаго, и воева на Азот и взя его, Isaiah 20:2 тогда рече Господь ко Исаии сыну Амосову, глаголя: иди и сверзи вретище со чресл своих, и сандалия твоя иззуй с ног твоих, и сотвори сице, ходя наг и бос. Isaiah 20:3 И рече Господь: якоже ходил раб Мой Исаиа наг и бос три лета, три лета будут знамения и чудеса Египтяном и Ефиопляном: Isaiah 20:4 яко такожде отведет царь Ассирийск плен Египетск и Ефиопск, юношы и старцы, наги и босы, откровены во стыдение Египту. Isaiah 20:5 И постыдятся побеждени Египтяне о Ефиоплянех, на нихже уповаху Египтяне, бяху бо им слава. Isaiah 20:6 И рекут живущии на острове сем в день оный: се, мы бехом уповающе бежати к ним на помощь, иже не могоша спастися от царя Ассирийска, и како мы спасемся? Isaiah 21:0 Isaiah 21:1 Якоже буря сквозе пустыню проходит, от пустыни исходящая из земли, Isaiah 21:2 страшно видение и жестоко поведася мне: преступаяй преступает, и беззаконнуяй беззаконствует: на мя Еламите, и послы Персстии на мя идут: ныне воздохну и утешу себе. Isaiah 21:3 Сего ради наполнишася чресла моя разслабления, и болезни прияша мя аки раждающую: неправдовах еже не слышати, потщахся еже не видети. Isaiah 21:4 Сердце мое заблуждает, и беззаконие погружает мя, душа моя стоит во страсе. Isaiah 21:5 Уготовите трапезу, ядите, пийте: воставше, князи, уготовите щиты, Isaiah 21:6 яко тако рече Господь ко мне: шед постави себе стража, и еже аще узриши, возвести. Isaiah 21:7 И узрех всадники конныя два, всадника на осляти и всадника на велблюде. Послушай слушанием многим Isaiah 21:8 и призови Урию на стражбу Господню. И рече: стоях выну день, и у полчища аз стоях всю нощь, Isaiah 21:9 и се, сам грядет (муж) всадник двоконный, и отвещав рече: паде, паде Вавилон, и вси кумиры его и вся рукотворенная его сокрушишася на земли. Isaiah 21:10 Послушайте, оставшиися, и болезнующии, услышите: еже слышах от Господа Саваофа, Бог Израилев возвести нам. Isaiah 21:11 Ко мне зови от Сиира: стрегите забрала. Isaiah 21:12 Стрегу заутра и нощию. Аще ищеши, ищи и у мене обитай. Isaiah 21:13 В дубраве в вечер преспиши, или на пути Деданове. Isaiah 21:14 Во сретение жаждущему воду принесите, живущии во стране Феманове, со хлебы сретайте бежащыя множества ради убиенных Isaiah 21:15 и множества ради заблуждающих, и множества ради мечей и множества ради луков напряженных, и множества ради падших на сечи. Isaiah 21:16 Яко сице рече Господь ко мне: еще лето (едино), якоже лето наемника, оскудеет слава сынов Кидарских, Isaiah 21:17 и останок луков сильных сынов Кидарских будет мал, яко Господь Бог Израилев глагола. Isaiah 22:0 Isaiah 22:1 Что бысть тебе, яко ныне возлезосте вси на храмины тщетныя? Isaiah 22:2 Наполнися град вопиющих, уязвленнии твои не мечьми уязвлени, ниже мертвецы твои умерщвлени ратию: Isaiah 22:3 вси князи твои побегоша, и плененнии жестоце суть связани, и крепцыи в тебе далече отбежаша. Isaiah 22:4 Сего ради рекох: оставите мене, да горце восплачуся: не належите утешати мя о сокрушении дщере рода моего: Isaiah 22:5 яко день мятежа и пагубы и попрания, и смятение от Господа Саваофа: в дебри Сиони скитаются, от мала даже до велика скитаются по горам. Isaiah 22:6 Еламите же взяша тулы, и всадницы человецы на конех, и собор ополчения. Isaiah 22:7 И будут избранны дебри твоя, наполнятся колесниц, конницы же заступят врата твоя Isaiah 22:8 и открыют врата Иудина, и воззрят в той день во избранныя домы града, Isaiah 22:9 и открыют сокровенная домов краеградия Давидова, и узрят, яко множайшии суть, и яко отвратиша воду древния купели во град, Isaiah 22:10 и яко разориша домы Иерусалимли на утверждение стене градней. Isaiah 22:11 И сотвористе себе воду между двема стенама, внутрьуду купели древния, и не воззресте на Сотворившаго ю исперва, и Сограждшаго ю не видесте. Isaiah 22:12 И призва Господь, Господь Саваоф в той день плачь и рыдание, и острижение и препоясание во вретища: Isaiah 22:13 тии же сотвориша радость и веселие, закалающе телцы и жруще овцы, яко ясти мяса и пити вино, глаголюще: да ямы и пием, утре бо умрем. Isaiah 22:14 И откровенна сия суть во ущию Господа Саваофа, яко не оставится вам той грех, дондеже умрете. Isaiah 22:15 Сице глаголет Господь Саваоф: иди в кущу ко Сомнану строителю дому и рцы ему: Isaiah 22:16 что ты зде, и что тебе зде, яко истесал еси себе зде гроб и сотворил еси себе на высоце гроб, и написал еси себе на камени кущу? Isaiah 22:17 Се, ныне Господь Саваоф извержет и сотрет мужа, и отимет утварь твою и венец твой славный, Isaiah 22:18 и повержет тя во страну велику и безмерну, и тамо умреши: и положит колесницу твою добрую в безчестие и дом князя твоего в попрание: Isaiah 22:19 и извержешися от строителства твоего и от степене твоего. Isaiah 22:20 И будет в той день, и призову раба Моего Елиакима сына Хелкиева Isaiah 22:21 и облеку его во утварь твою, и венец твой дам ему и державу твою, и строителство твое дам в руце его, и будет яко отец живущым во Иерусалиме и живущым во Иудеи. Isaiah 22:22 И дам ему славу Давидову, и обвладеет, и не будет противоглаголющаго: и дам ему ключь дому Давидова на рамо его, и отверзет, и не будет затворяющаго, и затворит, и не будет отверзающаго. Isaiah 22:23 И поставлю его князя на месте верне, и будет на престоле славы дому отца своего. Isaiah 22:24 И будет уповаяй на него всяк славный в дому отца его, от мала даже до велика: и будут зависяще на нем. Isaiah 22:25 В той день, сия глаголет Господь Саваоф, подвигнется человек утвержден на месте верне, и отимется, и падет, и потребится слава, яже на нем, яко Господь глагола. Isaiah 23:0 Isaiah 23:1 Плачитеся, корабли Кархидонстии, яко погибе, и ктому не идут от земли Китиейския, отведеся пленен. Isaiah 23:2 Кому подобни быша живущии во острове, купцы Финичестии, преходящии море? Isaiah 23:3 В воде мнозе семя купеческо, аки жатве вносимей купцы язычестии. Isaiah 23:4 Усрамися, Сидоне, рече море. Крепость же морская рече: не болех, ни породих, ни вскормих юнош, ниже вознесох девиц. Isaiah 23:5 Егда же слышано будет во Египте, приимет я болезнь о Тире. Isaiah 23:6 Идите в Кархидон, плачитеся, живущии во острове сем. Isaiah 23:7 Не сие ли бе величание вам исперва, прежде неже предану быти ему? Isaiah 23:8 Кто сия совеща на Тира? Еда хуждший есть, или не крепкий есть? Купцы его славнии князи земли. Isaiah 23:9 Господь Саваоф совеща разсыпати всякую гордыню славных и обезчестити всякое славное на земли. Isaiah 23:10 Делай землю твою, ибо корабли ктому не приидут от Кархидона. Isaiah 23:11 И рука Твоя ктому не укрепеет по морю, разгневляющая царей. Господь Саваоф заповеда о Ханаане, еже погубити крепость его. Isaiah 23:12 И рекут: ктому не приложите укаряти и обидети дщерь Сидоню: и аще отидеши ко Китииом, ниже тамо будет тебе покой: Isaiah 23:13 и в землю Халдейску, но и та опустела от Ассириан, яко стена ея падеся. Isaiah 23:14 Плачитеся, корабли Кархидонстии, яко погибе твердыня ваша. Isaiah 23:15 И будет в той день, оставлен будет Тир седмьдесят лет, якоже время (единаго) царя, яко время человеческо: и по седмидесятих летех будет Тир яко песнь блудницы. Isaiah 23:16 Возми гусли, обыди град, блудница забвеная, добре погуди, много воспой, да память твоя будет. Isaiah 23:17 И будет по седмидесятих летех, присещение сотворит Бог Тиру, и паки возставится на прежднее и будет торжище всем царствам вселенныя на лицы земли. Isaiah 23:18 И будет его купля и мзда свято Господеви, не им собрано будет, но живущым пред Господем, вся купля его, ясти и пити и наполнитися, и в сытость, на память пред Господем. Isaiah 24:0 Isaiah 24:1 Се, Господь разсыплет вселенную и опустошит ю, и открыет лице ея и расточит живущыя на ней. Isaiah 24:2 И будут людие аки жрец, и раб аки господин, и раба аки госпожа: будет купуяй яко продаяй, и взаим емляй аки заимодавец, и должный аки емуже есть должен. Isaiah 24:3 Тлением истлеет земля, и расхищением расхищена будет земля: уста бо Господня глаголаша сия. Isaiah 24:4 Восплакася земля, и растленна бысть вселенная, восплакашася высоцыи земли. Isaiah 24:5 Земля бо беззаконие сотвори живущих ради на ней, понеже преступиша закон и измениша заповеди, разрушиша завет вечный. Isaiah 24:6 Сего ради проклятие пояст землю, яко согрешиша живущии на ней: сего ради убози будут живущии на земли, и останется человеков мало. Isaiah 24:7 Восплачется вино, возрыдает виноград, возстенут вси радующиися душею. Isaiah 24:8 Престало есть веселие тимпанов, преста высокодерзость и богатство нечестивых, престал есть глас гуслей: Isaiah 24:9 усрамишася, не пиша вина, горька бысть сикера пиющым. Isaiah 24:10 Опусте всяк град, заключит храм, еже не внити. Isaiah 24:11 Плачитеся о вине всюду, престала есть радость вся земная, отиде вся радость земли. Isaiah 24:12 И останут гради пусти, и домове оставлени погибнут. Isaiah 24:13 Сия вся будут на земли среди языков: якоже аще кто отрясает масличину, тако отрясут их: и (якоже) аще останет от оымания винограда, Isaiah 24:14 сии гласом возопиют: оставшиися же на земли возрадуются со славою Господнею, возмятется вода морская. Isaiah 24:15 Сего ради слава Господня во островех будет морских, имя Господне прославлено будет. Isaiah 24:16 Господи Боже Израилев, от крил земных чудеса слышахом, надежда благочестивому: и рекут: (горе хулящым, иже хулят закон,) горе преступником, иже преступают закон. Isaiah 24:17 Страх и пропасть и сеть на вас живущих на земли. Isaiah 24:18 И будет, бежай страха впадет в пропасть, и излазяй из пропасти имется в сеть: яко окна с небесе отверзошася, и потрясутся основания земная. Isaiah 24:19 Мятежем возмятется земля, и скудостию оскудеет земля. Isaiah 24:20 Преклонися и потрясеся земля аки овощное хранилище, и аки пиян и шумен падет и не возможет востати, преодоле бо на ней беззаконие. Isaiah 24:21 И будет в той день, наведет Господь на утварь небесную руку и на цари земныя. Isaiah 24:22 И соберут собрание ея и затворят в тверди и в темницы: мноземи роды будет посещение их. Isaiah 24:23 И истает плинфа и падет стена, и устыдится луна и посрамится солнце: яко воцарится Господь в Сионе и во Иерусалиме и пред старейшины славен будет. Isaiah 25:0 Isaiah 25:1 Господи Боже мой, прославлю Тя, воспою имя Твое, яко сотворил еси чудная дела, совет древний истинный: да будет, Господи. Isaiah 25:2 Яко положил еси грады в персть, грады твердыя, еже пасти основанием их, нечестивых град да не созиждется во век. Isaiah 25:3 Сего ради благословят Тя людие нищии, и гради человеков обидимых возблагословят Тя. Isaiah 25:4 Был бо еси всякому граду смиренному помощник, и изнемогающым за оскудение покров, от человек злых избавиши их: покров жаждущих, и дух человеков обидимых. Isaiah 25:5 Аки человецы малодушнии жаждущии в Сионе, яко избавиши их от человек нечестивых, имже нас предал еси. Isaiah 25:6 И сотворит Господь Саваоф всем языком: на горе сей испиют радость, испиют вино, Isaiah 25:7 помажутся миром на горе сей: предаждь сия вся языком: той бо совет на вся языки. Isaiah 25:8 Пожре смерть возмогши, и паки отят Господь Бог всякую слезу от всякаго лица: поношение людий отят от всея земли, уста бо Господня глаголаша (сия). Isaiah 25:9 И рекут в день оный: се, Бог наш, Наньже уповахом, и спасет нас: Сей Господь, потерпехом Его, и возрадовахомся и возвеселихомся о спасении нашем. Isaiah 25:10 Покой даст Бог на горе сей, и поперется Моавитида, якоже топчут ток колесницами. Isaiah 25:11 И воздвигнет руце свои, якоже и той смири, еже погубити: и смирит гордыню его, на няже руце возложи. Isaiah 25:12 И высоту убежища ограды твоея смирит, и обнизится даже до земли. Isaiah 26:0 Isaiah 26:1 В той день воспоют песнь сию в земли Иудейстей, глаголюще: се, град крепок, и спасение нам положит стену и ограждение. Isaiah 26:2 Отверзите врата, да внидут людие хранящии правду и хранящии истину, Isaiah 26:3 приемлющии истину и хранящии мир. Isaiah 26:4 Яко на тя надеянием надеяшася, Господи, во век, Боже великий, вечный, Isaiah 26:5 иже смирив низвел еси живущыя в высоких: грады крепкия разориши и обнизиши я даже до земли. Isaiah 26:6 И поперут я ноги кротких и смиренных. Isaiah 26:7 Путь благочестивых прав бысть, и приуготован путь благочестивых. Isaiah 26:8 Путь бо Господень суд: уповахом на имя Твое и память, еяже желает душа наша. Isaiah 26:9 От нощи утренюет дух мой к Тебе, Боже, зане свет повеления Твоя на земли: правде научитеся, живущии на земли. Isaiah 26:10 Преста бо нечестивый: всяк, иже не научится правде на земли, истины не сотворит: да возмется нечестивый, да не видит славы Господни. Isaiah 26:11 Господи, высока Твоя мышца, и не ведеша, разумевше же постыдятся: ревность приимет люди ненаказанныя, и ныне огнь супостаты пояст. Isaiah 26:12 Господи Боже наш, мир даждь нам, вся бо воздал еси нам. Isaiah 26:13 Господи Боже наш, стяжи ны: Господи, разве Тебе иного не вемы: имя Твое именуем. Isaiah 26:14 Мертвии же живота не имут видети, ниже врачеве воскресят: сего ради навел еси и погубил еси, и взял еси всяк мужеск пол их. Isaiah 26:15 Приложи им зла, Господи, приложи зла славным земли. Isaiah 26:16 Господи, в скорби помянухом Тя, в скорби мале наказание Твое нам. Isaiah 26:17 И яко болящая приближается родити и в болезни своей воскрича, тако быхом возлюбленному Твоему. Isaiah 26:18 Страха ради Твоего, Господи, во чреве прияхом и поболехом, и родихом дух спасения Твоего, егоже сотворихом на земли: не падемся, но падутся вси живущии на земли. Isaiah 26:19 Воскреснут мертвии и востанут иже во гробех, и возрадуются иже на земли: роса бо, яже от Тебе, изцеление им есть, земля же нечестивых падет. Isaiah 26:20 Идите, людие мои, внидите во храмину вашу, затворите двери своя, укрыйтеся мало елико елико, дондеже мимоидет гнев Господень. Isaiah 26:21 Се бо, Господь от святаго (места) наводит гнев на живущыя на земли: и открыет земля кровь свою и не покрыет избиеных. Isaiah 27:0 Isaiah 27:1 В той день наведет Господь мечь святый и великий и крепкий на драконта змиа бежаща, на драконта змиа лукаваго, и убиет драконта сущаго в мори. Isaiah 27:2 В той день виноград добрый, желание пети над ним: Isaiah 27:3 аз град крепкий, град воюемый, всуе напою его: пленен бо будет нощию, в день же падется стена его: несть того, иже не возмет его. Isaiah 27:4 Кто мя приставит стрещи стеблие на ниве? Ради вражды сея отринух и. Убо сего ради сотвори Господь Бог вся, елика совеща. Isaiah 27:5 И сгорех, возопиют живущии в нем: сотворим мир Ему, сотворим мир, Isaiah 27:6 приходящая чада Иаковля: прозябнет и процветет Израиль, и наполнится вселенная плода его. Isaiah 27:7 Еда якоже Той порази, и сам сице уязвится? И якоже сам уби, такожде убиен будет? Isaiah 27:8 Сваряся и укоряя отпустит я: не Ты ли был еси помышляя духом жестоким, убити я духом ярости? Isaiah 27:9 Сего ради отимется беззаконие Иаковле, и сие есть благословение его, егда отиму грех его, егда положат все камение требищ сокрушено аки прах дробный: и не пребудут древеса их, и кумиры их будут посечени, аки дубрава далече. Isaiah 27:10 Обитающее стадо отпущенно будет, аки стадо оставленое: и будет много время в пажить, и тамо почиют стада. Isaiah 27:11 И по времени не будет в нем всякаго злака, занеже изсхнет: жены грядущыя с позорища, приидите: не суть бо людие имуще смысла, сего ради не ущедрит Сотворивый я, ниже Создавый их помилует. Isaiah 27:12 И будет в той день, заградит Господь от ровенника речнаго, даже до Ринокоруры (града): вы же соберите сыны Израилевы по единому. Isaiah 27:13 И будет в той день, вострубят трубою великою, и приидут погубляемии во стране Ассирийстей и погубляемии во Египте, и поклонятся Господеви на горе святей во Иерусалиме. Isaiah 28:0 Isaiah 28:1 Горе венцу гордыни, наимницы Ефремовы, цвет отпадый от славы, на версе горы тучныя пиянии без вина. Isaiah 28:2 Се, крепка и жестока ярость Господня, аки град низпущаемый не имый крова, насильно низпущаемый: якоже воды многое множество влекущее страну, земли сотворит покой рукама, Isaiah 28:3 и ногама поперется венец гордыни, наимницы Ефремовы. Isaiah 28:4 И будет цвет отпадый от надежды славы на версе горы высокия, аки ранний плод смоквин: видевый его, прежде взятия в руце свои, восхощет поглотити его. Isaiah 28:5 В той день будет Господь Саваоф венец надежди, сплетеный славою оставшымся людем. Isaiah 28:6 И оставятся духом судным на суд, и крепость возбраняющих погубляти. Isaiah 28:7 Сии бо вином суть прельщени: прельстишася сикеры ради, жрец и пророк изступиша ума от сикеры, пожерты быша вином, потрясошася от пиянства сикеры, прельстишася: сие есть привидение. Isaiah 28:8 Проклятие пояст сей совет, сей бо совет ради лихоимства. Isaiah 28:9 Кому возвестихом злая и кому поведахом весть? Иже отдоении (суть) от млека, отторженнии от сосца. Isaiah 28:10 Печали на печаль ожидай, надежды к надежди, еще мало, еще мало, Isaiah 28:11 яко худостию устен, языком иным возглаголют людем сим, рекуще им: Isaiah 28:12 сей покой алчному и сие сокрушение, и не восхотеша слышати. Isaiah 28:13 И будет им слово Господа Бога, печаль к печали, надежда к надежди, еще мало, еще мало, да идут и падутся вспять и в беду впадут, и сокрушатся и пленени будут. Isaiah 28:14 Сего ради услышите слово Господне, мужие озлобленнии и князи людий сущих во Иерусалиме. Isaiah 28:15 Яко рекосте: сотворихом завет со адом и со смертию сложение: буря носима аще мимоидет, не приидет на нас: положихом лжу надежду нашу и лжею покрыемся. Isaiah 28:16 Сего ради тако глаголет Господь: се, Аз полагаю во основание Сиону камень многоценен, избран, краеуголен, честен, во основание ему, и веруяй в онь не постыдится: Isaiah 28:17 и положу суд в надежду, милость же моя на мерилех, и уповавшии вотще на лжу, яко не минет вас буря: Isaiah 28:18 и не отимет от вас завета смертнаго, и надежда ваша, яже ко аду, не пребудет. Буря идущая аще найдет, будете ей в попрание: Isaiah 28:19 егда мимоидет, возмет вас: яко по всяко утро преходити будет в день, и в нощи будет надежда зла. Научитеся слышати, утесняемии: Isaiah 28:20 не можем ратовати, сами же изнемогаем, еже собратися нам. Isaiah 28:21 Якоже гора на нечестивых востанет Господь, и будет (якоже) в дебри Гаваонстей, с яростию сотворит дела Своя, горести дело: ярость же Его чуждо употребится, и погубление Его странно. Isaiah 28:22 И вы не радуйтеся, ниже да возмогут ваши узы: зане скончаны и сокращены вещи слышах от Господа Саваофа, яже сотворит над всею землею. Isaiah 28:23 Внушите и слышите глас мой, внемлите и слышите словеса моя. Isaiah 28:24 Еда весь день будет оряй орати? Или семя уготовит прежде возделания земли? Isaiah 28:25 Не егда ли умягчит лице ея, тогда всеет мало чернухи и кимина, потом же сеет пшеницу и ячмень и просо в пределех твоих? Isaiah 28:26 И научишися суду Бога твоего и возрадуешися. Isaiah 28:27 Ибо не с жестокостию очищается чернуха, ниже коло колесничное обыдет кимина, но жезлом истрясается чернуха, кимин же со хлебом снестся. Isaiah 28:28 Не во век бо Аз разгневаюся на вы, ниже глас гнева Моего поперет вас. Isaiah 28:29 И сия от Господа Саваофа изыдоша чудеса: советуйте, вознесите тщетное утешение. Isaiah 29:0 Isaiah 29:1 Горе граду Ариилу, наньже Давид воева. Соберите жита от года до года, снесте бо вкупе с Моавом: Isaiah 29:2 озлоблю бо Ариила, и будет крепость его и богатство Мне: Isaiah 29:3 и обсяду тя аки Давид, и поставлю окрест тебе острог, и согражду столпы. Isaiah 29:4 И смирятся словеса твоя до земли, и в землю внидут словеса твоя: и будет глас твой аки гласящих от земли, и ко земли изнеможет глас твой. Isaiah 29:5 И будет яко персть от колесе богатство нечестивых, и аки прах летяй множество утесняющих тя, и будет аки черта внезапу от Господа Саваофа. Isaiah 29:6 Присещение бо будет со громом и с трусом и гласом великим, буря несома и пламень огненный поядаяй. Isaiah 29:7 И будет аки соние видяй во сне нощию, богатство всех языков, елицы воеваша на Ариила, и вси, иже воеваша на Иерусалима, и вси собраннии нань и озлобляющии его. Isaiah 29:8 И будут аки во сне ядущии и пиющии, и воставшым, тощь их сон: и якоже во сне жаждай аки пияй, воспрянув же еще жаждет, душа же его вотще надеяся: тако будет богатство всех языков, елицы воеваша на гору Сионю. Isaiah 29:9 Разслабейте и ужаснитеся, и упийтеся не сикером, ни вином, Isaiah 29:10 яко напои вас Господь духом умиления, и смежит очи их и пророков их и князей их, видящих сокровенная. Isaiah 29:11 И будут вам вся сия словеса, аки словеса книги запечатленныя сея, юже аще дадут человеку ведущему писания, глаголюще: прочти сие. И речет: не могу прочести, запечатленна бо. Isaiah 29:12 И дастся книга сия в руце человеку не ведущему писания, и речется ему: прочти сие. И речет: не вем писания. Isaiah 29:13 И рече Господь: приближаются Мне людие сии усты своими и устнами своими почитают Мя, сердце же их далече отстоит от Мене: всуе же почитают Мя, учаще заповедем человеческим и учением. Isaiah 29:14 Сего ради се, Аз приложу, еже преселити люди сия, и преставлю я, и погублю премудрость премудрых и разум разумных сокрыю. Isaiah 29:15 Горе творящым глубоко совет, а не Господем: горе в тайне совет творящым, и будут во тме дела их, и рекут: кто ны виде, и кто ны уразумеет, яже мы творим? Isaiah 29:16 Не якоже ли брение скудельника вменитеся? Еда речет здание создавшему е: не ты мя создал еси? Или творение сотворшему: не разумно мя сотворил еси? Isaiah 29:17 Не еще ли мало, и приложится Ливан, аки гора Хермель, и Хермель в дубраву вменится? Isaiah 29:18 И услышат в день оный глусии словеса книги (сея), и иже во тме и иже во мгле очи слепых узрят. Isaiah 29:19 И возрадуются нищии ради Господа в веселии, и отчаявшиися человецы исполнятся веселия. Isaiah 29:20 Изчезе беззаконник, и погибе гордый, и потребишася вси беззаконнующии во злобе Isaiah 29:21 и творящии согрешати человеки во слове: всем же обличающым во вратех претыкание положат, понеже совратиша в неправдах праведнаго. Isaiah 29:22 Сего ради тако глаголет Господь на дом Иаковль, егоже определи от Авраама: не ныне постыдится Иаков, ниже ныне лице свое изменит Израиль: Isaiah 29:23 но егда увидят чада их дела Моя, Мене ради освятят имя Мое и освятят Святаго Иаковля, и Бога Израилева убоятся. Isaiah 29:24 И уразумеют заблуждающии духом смысл, и ропщущии научатся послушати, и языцы немотствующии научатся глаголати мир. Isaiah 30:0 Isaiah 30:1 Горе чада отступившая, сия глаголет и Господь: сотвористе совет не Мною и заветы не духом Моим, приложити грехи ко грехом: Isaiah 30:2 идущии снити во Египет, Мене же не вопросиша, еже помощь имети от фараона и заступление от Египтян. Isaiah 30:3 Будет бо вам покров фараонов в постыдение и уповающым на Египет укоризна: Isaiah 30:4 яко суть в Тане старейшины его, и вестницы его зли. Isaiah 30:5 Вотще потрудятся людий ради, иже не упользуют их, ниже на помощь, ниже на пользу, но на студ и на укоризну. Isaiah 30:6 В печали и в тесноте лев и львичищь: оттуду аспиды и племя аспидов парящих, иже везяху на ослех и на велблюдех богатство свое ко языку, иже не поможет им в помощь, но на студ и укоризну. Isaiah 30:7 Египтяне вотще и всуе успеют вам: возвести им, яко тщетно утешение ваше сие. Isaiah 30:8 Ныне убо сед напиши сия на дске и в книгу: яко будут сия во дни времен и даже до века. Isaiah 30:9 Яко людие непокориви суть, сынове лживии, иже не похотеша слышати закона Божия, Isaiah 30:10 глаголюще пророком: не поведайте нам: и видения видящым: не глаголите нам, но нам глаголите и возвещайте нам иное прельщение Isaiah 30:11 и совратите нас с пути сего: отимите от нас путь сей и отимите от нас суд Израилев. Isaiah 30:12 Того ради сице глаголет Господь Святый Израилев: понеже не покористеся словесем сим и надеястеся на лжу, и яко пороптасте и уповающе бысте на слово сие, Isaiah 30:13 сего ради будет вам грех сей, аки стена падающая внезапу града тверда пленена, егоже абие настоит падение: Isaiah 30:14 и падение его будет яко сокрушение сосуда глиняна, от глины дробны, яко не можно обрести в них чрепа, имже огнь возмеши и в оньже влиеши воды мало. Isaiah 30:15 Тако глаголет Господь, Господь Святый Израилев: егда возвратився воздохнеши, тогда спасешися и уразумееши, где еси был: егда уповал еси на суетная, тщетна крепость ваша бысть, и не хотесте послушати, Isaiah 30:16 но рекосте: на конех побегнем. Того ради побегнете. И рекосте: на легких всадницы будем. Того ради легцы будут гонящии вас. Isaiah 30:17 От гласа единаго побегнут тысяща, и от гласа пяти побегнут мнози, дондеже оставлени будете аки щогла на горе и яко знамя носяй на холме. Isaiah 30:18 И паки пождет Бог, еже ущедрити вас, и сего ради вознесется еже помиловати вас: зане судия Господь Бог ваш есть, и где оставите славу вашу? Блажени вси пребывающии в Нем. Isaiah 30:19 Зане людие святии в Сионе вселятся, Иерусалим же плачем восплакася: помилуй мя. Помилует тя, егда узре глас вопля твоего, послуша тебе. Isaiah 30:20 И даст Господь вам хлеб печали и воду тесную, и ктому не приближатся к тебе льстящии тя: яко очи твои узрят прельщающих тя, Isaiah 30:21 и ушеса твоя услышат словеса созади тебе прельщающих, иже глаголют: сей путь, поидим по нему или на десно, или на лево. Isaiah 30:22 И отвержеши кумиры посребренныя, и позлащенныя раздробиши, и развееши яко воду жены месячныя, и аки мотыла отвержеши я. Isaiah 30:23 Тогда будет дождь семени земли твоея, и хлеб жита земли твоея будет изюбилен и тучен, и напасутся скоти твои в той день на месте тучне и пространне. Isaiah 30:24 Юнцы ваши и волове делающии землю наядятся плев смешенных со ячменем извеяным. Isaiah 30:25 И будет на всяцей горе высоце и на всяцем холме вознесенне вода текущая в день оный, егда погибнут мнози, и егда падутся столпи: Isaiah 30:26 и будет свет луны аки свет солнца, и свет солнечный будет седмерицею в той день, егда изцелит Господь сокрушение людий Своих и болезнь язвы твоея изцелит. Isaiah 30:27 Се, имя Господне идет временем многим, горящая ярость Его: со славою слово устен Его, слово гнева полно, и гнев ярости яко огнь пояст: Isaiah 30:28 и дух Его аки вода в дебри влекущи приидет даже до выи и разделится, еже смутити языки о прельщении суетнем, и поженет я прелесть тща, и возмет я пред лицем их. Isaiah 30:29 Еда присно подобает вам радоватися и входити во святая Моя всегда, аки празднующым и яко веселящымся внити со сопелию в гору Господню к Богу Израилеву? Isaiah 30:30 И слышану сотворит Господь славу гласа Своего, и ярость мышцы Своея показати, с яростию и гневом, и со пламенем поядающим возгремит зелно, и яко вода и град низходящь нуждею. Isaiah 30:31 Гласом бо Господним побеждени будут Ассириане язвою, еюже аще поразит я. Isaiah 30:32 И будет ему окрест, отюнудуже бе их надежда помощи, на нюже той уповаше: тии со тимпаны и гусльми ратовати будут нань от пременения. Isaiah 30:33 Ты бо прежде дний истязан будеши: еда и тебе уготовася царствовати? Дебрь глубокую, древеса лежаща, огнь и древа многа, ярость Господня аки дебрь жупелом горящая. Isaiah 31:0 Isaiah 31:1 Горе сходящым во Египет помощи ради, уповающым на кони и на колесницы: суть бо многа, и конническое множество много зело: и не беша уповающе на Святаго Израилева, и Бога не взыскаша. Isaiah 31:2 Тойже премудре наведе на них злая, и слово Его не отринется, и востанет на домы человеков злых и на надежду их тщетную, Isaiah 31:3 Египтянина человека, а не Бога, конски плоти, и не будет помощи: Господь же наведет руку Свою на ня, и утрудятся помагающии, и вси вкупе погибнут. Isaiah 31:4 Занеже тако рече мне Господь: якоже возревет лев, или львичищь о ловитве, юже имет, и возопиет над нею, дондеже наполнятся горы гласа его, и победишася и множества ярости убояшася: тако Господь Саваоф снидет на гору Сионю и на горы его воевати. Isaiah 31:5 Якоже птицы парящыя, сице защитит Господь Саваоф о Иерусалиме, защитит и избавит, и снабдит и спасет. Isaiah 31:6 Обратитеся, совещавающии глубок совет и беззаконен, сынове Израилевы: Isaiah 31:7 яко в той день отвергут человецы рукотворенная своя сребряная и рукотворенная златая, яже сотвориша руки их. Isaiah 31:8 И падет Ассур не мечем человеческим, ни мечь мужеский пояст его, и побегнет не от лица меча: юноты же будут в побеждение. Isaiah 31:9 Камением бо оымутся яко острогом и побеждени будут, а бежай пленен будет. Сия глаголет Господь: (блажен,) иже имеет племя в Сионе и южики во Иерусалиме. Isaiah 32:0 Isaiah 32:1 Се бо, Царь праведный воцарится, и князи со судом владети начнут. Isaiah 32:2 И будет человек сокрываяй словеса своя, и скрыется, аки от воды носимыя: и явится в Сионе яко река текущая славная в земли жаждущей. Isaiah 32:3 И ксему не будут уповающе на человеки, но ушы вдадят на слышание, Isaiah 32:4 и сердце изнемогших вонмет послушати, и языцы немотствующии скоро научатся глаголати мир: Isaiah 32:5 и ксему не рекут юродивому владети, и ксему не рекут слуги твои: молчи. Isaiah 32:6 Юрод бо юродивая изречет, и сердце его тщетная уразумеет, еже совершати беззаконная и глаголати на Господа прелесть, еже растлити душы алчныя и душы жаждущыя тщы сотворити. Isaiah 32:7 Совет бо злых беззаконная совещавает, растлити смиренныя словесы неправедными и разсыпати словеса смиренных на суде. Isaiah 32:8 Благочестивии же смысленне совещаша, и той совет пребудет. Isaiah 32:9 Жены богатыя, востаните и услышите глас мой: дщери, с надеждею слышите словеса моя: Isaiah 32:10 дня летняго память сотворите в болезни с надеждею: потребися оымание винное, преста сеяние, и (собирание) ктому не приидет. Isaiah 32:11 Ужаснитеся, сжалитеся, уповавшыя, совлецытеся, наги будите, препояшите чресла своя во вретища Isaiah 32:12 и в перси бийтеся о селе желаемем и о винограднем рождении. Isaiah 32:13 На земли людий моих терние и былие возникнет, и от всего дому радость восхитится: град богат, Isaiah 32:14 домове оставленнии, богатство града и домы вожделения оставят: и будут веси пещеры до века, радость ослом дивиим, паствы пастухов: Isaiah 32:15 дондеже найдет на ны Дух от вышняго, и будет пустыня в Хермель, а Хермель в дубраву вменится. Isaiah 32:16 И почиет в пустыни суд, и правда в Кармиле вселится: Isaiah 32:17 и будут дела правды мир, и одержит правда покой, и уповающе будут до века: Isaiah 32:18 и вселятся людие его во граде мира и обитати будут уповающе, и почиют с богатством. Isaiah 32:19 Град же, аще снидет, то не на вы приидет: и будут живущии в дубравах уповающе, якоже сущии на полях. Isaiah 32:20 Блажени сеющии при всяцей воде, идеже вол и осел попирает. Isaiah 33:0 Isaiah 33:1 Горе обидящым вас! Вас никтоже и изобидит, и отвергаяй вас не отвержет: пленени будут отметающии (вас) и предадятся, и яко молие в ризе, тако побеждени будут. Isaiah 33:2 Господи, помилуй ны, на Тя бо уповахом: бысть племя непокаряющихся в пагубу, спасение же наше во время печали. Isaiah 33:3 Гласом страха Твоего ужасошася людие от страха Твоего, и разсеяшася языцы. Isaiah 33:4 Ныне же соберутся корысти вашя малаго и великаго: якоже аще кто соберет пруги, тако наругаются вам. Isaiah 33:5 Свят Бог живый в вышних, наполнися Сион суда и правды. Isaiah 33:6 В законе предадятся, в сокровищих спасение наше, тамо премудрость и хитрость и благочестие ко Господеви: сия суть сокровища правды. Isaiah 33:7 Се, ныне во страсе вашем тии убоятся: ихже боястеся, возопиют от вас: вестницы бо послани будут горце плачущеся, просяще мира. Isaiah 33:8 Опустеют бо сих путие: преста страх языков, и завет иже к ним вземлется, и не вмените их в человеки. Isaiah 33:9 Восплакася земля, посрамлен Ливан, блато бысть Саронь: явлена будет Галилеа и Хермель. Isaiah 33:10 Ныне воскресну, глаголет Господь, ныне прославлюся, ныне вознесуся. Isaiah 33:11 Ныне узрите, ныне ощутите, тщетна будет крепость духа вашего: огнь вы пояст. Isaiah 33:12 И будут языцы пожжени, аки терние на ниве разметано и пожжено. Isaiah 33:13 Услышат дальнии, яже сотворих, (глаголет Господь,) уведят приближающиися крепость Мою. Isaiah 33:14 Отступиша, иже в Сионе, беззаконницы, приимет трепет нечестивыя: кто возвестит вам, яко огнь горит? Кто возвестит вам место вечное? Isaiah 33:15 Ходяй в правде, глаголяй правый путь, ненавидяй беззакония и неправды и руце оттрясаяй от даров: отягчаваяй ушы, да не услышит суда крове: смежаяй очи, да не узрит неправды, Isaiah 33:16 сей вселится во высоце пещере камене крепкаго: хлеб ему дастся и вода его верна. Isaiah 33:17 Царя со славою узрите, и очи ваши узрят землю издалеча, Isaiah 33:18 душа ваша поучится страху Господню: где суть книгочии? Где суть совещавающии? Где есть изчитаяй питаемыя малы и велики люди? Isaiah 33:19 Имже не совещаше, ниже ведяше глубокий глас имущаго, яко не слышати людем уничтоженым, и несть слышащему смысла. Isaiah 33:20 Се, Сион град, спасение наше, очи твои узрят, Иерусалиме, граде богатый, кущы не поколеблются, ниже подвигнутся колие храмины его в вечное время, и ужя его не преторгнутся. Isaiah 33:21 Яко имя Господне велико вам есть, место вам будет, реки и ровенницы широцы и пространни: не пойдеши по сему пути, ниже пойдет корабль пловущь: Isaiah 33:22 Бог бо мой велик есть: не минет мене Господь судия наш, Господь князь наш, Господь царь наш, Господь Той нас спасет. Isaiah 33:23 Прервашася ужя твоя, яко не укрепишася: щогла твоя преклонися, не распустит ветрил, не воздвигнет знамения, дондеже предастся на пленение: темже мнози хромии плен сотворят, Isaiah 33:24 и не рекут: труждаемся, людие живущии в них, оставися бо им грех. Isaiah 34:0 Isaiah 34:1 Приступите, языцы, и услышите, князи: да слышит земля и живущии на ней, вселенная и людие, иже на ней. Isaiah 34:2 Зане ярость Господня на вся языки и гнев на число их, еже погубити их и предати я на заклание. Isaiah 34:3 И язвении их повергнутся и мертвецы, и взыдет их смрад, и намокнут горы кровию их: Isaiah 34:4 и истают вся силы небесныя, и свиется небо аки свиток, и вся звезды спадут яко листвие с лозы, и якоже спадает листвие смоковницы. Isaiah 34:5 Упися мечь Мой на небеси: се, на Идумею снидет и на люди пагубныя с судом. Isaiah 34:6 Мечь Господень наполнися крове, растолсте туком, от крове козлов и агнцев и от тука козлов и овнов: яко жертва Господеви в Восоре, и заклание велие во Идумеи. Isaiah 34:7 И падут с ними сильнии, и овны и юнцы, и упиется земля от крове и от тука их насытится: Isaiah 34:8 день бо суда Господня, и лето воздаяния суда Сионя. Isaiah 34:9 И обратятся дебри его в смолу, и земля его в жупел, Isaiah 34:10 и будет земля его горящи яко смола днем и нощию, и не угаснет в вечное время, и взыдет дым ея высоце, в роды своя опустеет. Isaiah 34:11 И во время много птицы и ежеве, совы и вранове возгнездятся в нем: и возложат нань уже землемерно пустыни, и онокентаври вселятся в нем. Isaiah 34:12 Князи его не будут: царие бо и вельможи его будут в пагубу. Isaiah 34:13 И возникнут во градех их терновая древеса и во твердынех его, и будут селения сирином и селища струфионом: Isaiah 34:14 и срящутся беси со онокентавры и возопиют друг ко другу, ту почиют онокентаври, обретше себе покоища: Isaiah 34:15 тамо возгнездится ежь, и сохранит земля дети его со утверждением: тамо елени сретошася и увидеша лица друг друга. Isaiah 34:16 Числом преидоша, и един и них не погибе, друг друга не взыска, яко Господь заповеда им, и дух Его собра я. Isaiah 34:17 И Той вержет им жребия, и рука Его раздели пастися: в вечное время наследите, в роды родов почиют в нем. Isaiah 35:0 Isaiah 35:1 Радуйся, пустыня жаждущая, да веселится пустыня и да цветет яко крин. Isaiah 35:2 И процветет и возвеселится пустыня Иорданова: и слава Ливанова дадеся ей, и честь Кармилова, и узрят людие мои славу Господню и высоту Божию. Isaiah 35:3 Укрепитеся, руце ослабленыя и колена разслабленая: Isaiah 35:4 утешитеся, малодушнии умом укрепитеся, не бойтеся: се, Бог наш суд воздает и воздаст, Той приидет и спасет нас. Isaiah 35:5 Тогда отверзутся очи слепых, и уши глухих услышат. Isaiah 35:6 Тогда скочит хромый яко елень, и ясен будет язык гугнивых: яко проторжеся вода в пустыни и дебрь в земли жаждущей. Isaiah 35:7 И безводная будет во езера, и на жаждущей земли источник водный будет: тамо будет веселие птицам, и селитва трости, и лузи. Isaiah 35:8 И тамо будет путь чист, и путь свят наречется: и не прейдет тамо нечистый, ниже будет тамо путь нечист: разсеяннии же пойдут по нему и не заблудят. Isaiah 35:9 И не будет тамо льва, ни от зверей злых не взыдет нань, ниже обрящется тамо, но пойдут по нему избавленнии: Isaiah 35:10 и собраннии Господем обратятся и приидут в Сион с радостию, и радость вечная над главою их: над главою бо их хвала и веселие, и радость приимет я, отбеже болезнь и печаль и воздыхание. Isaiah 36:0 Isaiah 36:1 И бысть во четвертоенадесять лето царствующу Езекии, взыде Сеннахирим царь Ассирийск на грады тверды Иудейски и взя оныя. Isaiah 36:2 И посла царь Ассирийск Рапсака от Лахиса во Иерусалим ко царю Езекии с силою великою, и ста у водоважды купели вышния на пути села Кнафеова. Isaiah 36:3 И изыде к нему Елиаким сын Хелкиев домостроитель, и Сомнас книгочий, и Иоах сын Асафов памятописец. Isaiah 36:4 И рече им Рапсак: рцыте Езекии: сия глаголет царь великий, царь Ассирийск: на что уповаеши? Isaiah 36:5 Еда советом и словесы устными битва бывает? И ныне на кого уповаеши, яко не покаряешися мне? Isaiah 36:6 Се, уповаеши на жезл тростян сокрушенный сей, на Египет, на негоже аще опрется муж, внидет в руку его и прободет ю: тако есть фараон царь Египетский, и вси уповающии на него: Isaiah 36:7 аще же глаголете, на Господа Бога нашего уповаем: не сей ли есть, егоже разори Езекиа высокая и требища его, и заповеда Иуде и Иерусалиму: пред олтарем сим поклонитеся? Isaiah 36:8 Ныне соединитеся господину моему царю Ассирийску, и дам вам две тысящы коней, аще можете дати вседающыя на них: Isaiah 36:9 и како можете отвратити лице воеводы единаго? Раби суть, иже уповают на Египтян, на коней и всадников: Isaiah 36:10 и ныне еда без Господа приидохом на страну сию, воевати на ню? Господь рече ко мне: взыди на землю сию и погуби ю. Isaiah 36:11 И рече к нему Елиаким и Сомнас книгочий и Иоах: глаголи к рабом твоим сирски, разумеем бо мы, а не глаголи к нам иудейски: и вскую глаголеши во ушы человеком седящым на стене? Isaiah 36:12 И рече к ним Рапсак: еда ко господину вашему, или к вам посла мя господин мой глаголати словеса сия? Не к человеком ли седящым на ограде, да ядят мотыла и пиют мочь с вами вкупе? Isaiah 36:13 И ста Рапсак, и возопи гласом велиим иудейски и рече: слышите словеса царя великаго, царя Ассирийска: Isaiah 36:14 сия глаголет царь: да не прельщает вас Езекиа словесы, не может избавити вас: Isaiah 36:15 и да не глаголет вам Езекиа, яко избавит вы Бог, и не предастся град сей в руце царя Ассирийска: Isaiah 36:16 не слушайте Езекии: сия глаголет царь Ассирийский: аще хощете благословени быти, изыдите ко мне и ядите кийждо виноград свой и смокви, и пийте от потока вашего, Isaiah 36:17 дондеже прииду и поиму вы в землю, яже аки ваша земля, земля пшеницы и вина и хлебов и виноградов: Isaiah 36:18 да не прельщает вас Езекиа, глаголя: Бог ваш избавит вы: еда избавиша бози язычестии, кийждо страну свою от руки царя Ассирийска? Isaiah 36:19 Где есть бог Емафов и Арфафов? И где бог града Сепфарима? Еда возмогоша избавити Самарию от руки моея? Isaiah 36:20 Кто от богов всех языков сих, иже избави землю свою от руки моея, яко избавит Бог Иерусалима от руки моея? Isaiah 36:21 И умолкоша, и никтоже отвеща ему словесе, повеления ради царева, да никтоже отвещает. Isaiah 36:22 И вниде Елиаким сын Хелкиев домостроитель, и Сомнас книгочий силы, и Иоах сын Асафов памятописец ко Езекии в растерзаных ризах и поведаша ему словеса Рапсакова. Isaiah 37:0 Isaiah 37:1 И бысть егда услыша царь Езекиа, растерза ризы и облечеся во вретище и вниде во храм Господень: Isaiah 37:2 и посла Елиакима домостроителя, и Сомну книгочия, и старейшины жречески оболчены во вретища ко Исаии пророку сыну Амосову. Isaiah 37:3 И рекоша ему: сия глаголет Езекиа: день печали и укоризны и обличения и гнева днешний день, понеже прииде болезнь раждающей, крепости же не имеет родити: Isaiah 37:4 да услышит Господь Бог твой словеса Рапсакова, яже посла царь Ассирийский, господин его, укаряти Бога живаго и поносити словесы, яже слыша Господь Бог твой, и да помолишися ко Господеви Богу твоему о оставшихся сих. Isaiah 37:5 И приидоша отроцы царя Езекии ко Исаии. Isaiah 37:6 И рече им Исаиа: сице рцыте ко господину вашему: сия глаголет Господь: не убойся от словес, яже еси слышал, имиже укориша Мя послы царя Ассирийска: Isaiah 37:7 се, Аз вложу в него дух, и услышав весть возвратится во страну свою и падет мечем на своей земли. Isaiah 37:8 И возвратися Рапсак и обрете царя Ассирийскаго облежаща Ловну: и услыша царь Ассирийск, яко отиде от Лахиса, Isaiah 37:9 и изыде Фарака царь Ефиопский воевати нань: и услышав возвратися и посла послы ко Езекии, глаголя: Isaiah 37:10 сице рцыте Езекии царю Иудейску: да не прельщает Бог твой тебе, на Негоже уповая еси, глаголя, яко не предастся Иерусалим в руце царя Ассирийска: Isaiah 37:11 или не слышал еси ты, что сотвориша царие Ассирийстии, како всю землю погубиша, и ты ли избавишися? Isaiah 37:12 Еда избавиша сих бози язычестии, ихже погубиша отцы мои Гозан и Харран и Расем, иже суть во стране Феемафи? Isaiah 37:13 Где суть царие Емафовы, и где Арфафовы, и где града Епфаруема, Анагугана? Isaiah 37:14 И взя Езекиа книгу от послов и прочте ю, и вниде во храм Господень и отверзе ю пред Господем. Isaiah 37:15 И помолися Езекиа ко Господеви, глаголя: Isaiah 37:16 Господи Саваоф, Боже Израилев, седяй на Херувимех, Ты еси Бог един Царь всякаго царства вселенныя, Ты сотворил еси небо и землю: Isaiah 37:17 приклони, Господи, ухо Твое, услыши, Господи, отверзи, Господи, очи Твои, призри, Господи, и виждь и слыши вся словеса Сеннахиримля, яже посла укаряти Бога живаго: Isaiah 37:18 поистинне бо, Господи, пусту сотвориша царие Ассирийстии всю землю и страны их, Isaiah 37:19 и ввергоша кумиры их во огнь, не беша бо бози, но дела рук человеческих, древа и камение, и погубиша я: Isaiah 37:20 ныне же, Господи Боже наш, спаси ны от руки их, да уведят вся царствия земная, яко Ты еси (Господь) Бог един. Isaiah 37:21 И послан бысть Исаиа сын Амосов ко Езекии и рече ему: сия глаголет Господь Бог Израилев: слышах, о нихже молился еси ко Мне о Сеннахириме цари Ассирийстем. Isaiah 37:22 Сие слово, еже глагола о нем Бог: похули тя и поругася тебе девица дщи Сионя, на тя главою покива дщи Иерусалимля: Isaiah 37:23 кого укорил и разгневал еси? Или к кому возвысил еси глас твой, и не воздвигл еси на высоту очес твоих? Ко Святому Израилеву! Isaiah 37:24 Яко послами укорил еси Господа, ты бо рекл еси: множеством колесниц аз взыдох на высоту гор и на последняя Ливана, и посекох высоту кедра его и доброту кипарисову, и внидох в высоту части дубравныя Isaiah 37:25 и положих мост, и опустоших воды и все собрание водное: Isaiah 37:26 не слышал ли еси издревле сих, яже Аз сотворих? От древних дний совещах, ныне же показах опустошити языки в твердынех и живущыя во твердых градех: Isaiah 37:27 опустих руце, и изсхоша и быша аки сухо сено на кровех и аки троскот: Isaiah 37:28 ныне же покой твой и исход твой и вход твой Аз вем, Isaiah 37:29 ярость же твоя, еюже разгневался еси, и огорчение твое взыде ко Мне, и вложу брозду в ноздри твоя, и узду во уста твоя, и возвращу тя путем, имже еси пришел. Isaiah 37:30 Сие же тебе знамение: яждь сего лета, еже еси всеял, а во второе лето, еже от себе растет: а в третие насеявше пожнете и насадите винограды и снесте плоды их: Isaiah 37:31 и будут оставшии во Иудеи, прорастят корение долу и сотворят в верх плод, Isaiah 37:32 яко от Иерусалима будут оставшиися и спасшиися от горы Сиони: ревность Господа Саваофа сотворит сия. Isaiah 37:33 Сего ради тако глаголет Господь на царя Ассирийска: не внидет в сей град, ниже пустит нань стрелу, ниже возложит нань щита, ниже оградит окрест его ограждения: Isaiah 37:34 но путем, имже прииде, темже возвратится, и во град сей не внидет. Сия глаголет Господь: Isaiah 37:35 защищу град сей, еже спасти его Мене ради и ради Давида раба Моего. Isaiah 37:36 И изыде Ангел Господень и изби от полка Ассирийска сто осмьдесят пять тысящ. И воставше заутра, обретоша вся телеса мертва. Isaiah 37:37 И отиде возвращься Сеннахирим царь Ассирийский и вселися во Ниневии. Isaiah 37:38 И внегда покланятися ему и в дому Насараху отечествоначалнику своему, Адрамелех и Сарасар сынове его убиста его мечьми, сами же убежаста во Армению. И воцарися Асордан сын его вместо его. Isaiah 38:0 Isaiah 38:1 Бысть же в то время, разболеся Езекиа до смерти. И прииде к нему Исаиа пророк сын Амосов и рече к нему: сия глаголет Господь: устрой о доме твоем, умираеши бо ты и не будеши жив. Isaiah 38:2 И обрати Езекиа лице свое ко стене и помолися ко Господеви глаголя: Isaiah 38:3 помяни, Господи, како ходих пред Тобою со истиною и сердцем истинным, и угодная пред Тобою сотворих. И плакася Езекиа плачем великим. Isaiah 38:4 И бысть слово Господне ко Исаии глаголя: Isaiah 38:5 иди и рцы Езекии: тако глаголет Господь Бог Давида отца твоего: услышах молитву твою и видех слезы твоя, се, прилагаю к летом твоим лет пятьнадесять, Isaiah 38:6 и от руки царя Ассирийска избавлю тя и град сей, и защищу о граде сем: Isaiah 38:7 сие же тебе знамение от Господа, яко Бог сотворит глаголгол сей, якоже глагола: Isaiah 38:8 се, аз возвращу сень степеней, имиже сниде солнце десять степеней дому отца твоего, возвращу солнце десять степеней, имиже сниде сень. И взыде солнце десять степеней, имиже сниде сень. Isaiah 38:9 Молитва Езекии царя Иудейска, егда боле и воста от недуга своего. Isaiah 38:10 Аз рекох в высоте дний моих: пойду во врата адова, оставлю лета прочая. Isaiah 38:11 Рекох: ктому не узрю спасения Божия на земли живых, ктому не узрю спасения Израилева на земли, ктому не узрю человека со живущими: Isaiah 38:12 остах от сродства моего, оставих прочее живота моего, изыде и отиде от мене аки разрушаяй кущу поткнувый: аки платно дух мой во мне бысть, ткателнице приближающейся отрезати. Isaiah 38:13 В той день предан бых до заутра аки льву, тако сокруши вся кости моя: от дне бо до нощи предан бых. Isaiah 38:14 Яко ластовица, тако возопию, и яко голубь, тако поучуся: изчезосте бо очи мои, еже взирати на высоту небесную ко Господу, Иже избави мя и отя болезнь души моея: Isaiah 38:15 и Той сотвори путеводство во вся лета моя. Isaiah 38:16 Господи, о той бо возвестися Тебе, и воздвигл еси дыхание мое, и утешився ожих. Isaiah 38:17 Избавил бо еси душу мою, да не погибнет, и завергл еси за мя вся грехи моя. Isaiah 38:18 Не похвалят бо Тебе, иже во аде, ни умершии возблагословят Тя, и не надеются, иже во аде, милости Твоея. Isaiah 38:19 Живии же возблагословят Тя, якоже и аз: отднесь бо дети сотворю, яже возвестят правду Твою, Isaiah 38:20 Господи спасения моего: и не престану благословя тя с песнию вся дни живота моего прямо дому Божию. Isaiah 38:21 И рече Исаиа ко Езекии: возми от смоквий и сотри, и приложи пластырь на язву и здрав будеши. Isaiah 38:22 И рече Езекиа: сие знамение, яко взыду в дом Божий. Isaiah 39:0 Isaiah 39:1 В то время посла Меродах Валадан сын Валаданов, царь Вавилонский, писания и послы и дары Езекии: слыша бо, яко болел есть до смерти и воста. Isaiah 39:2 И обрадовася о них Езекиа радостию великою, и показа им дом ароматов и мира, и стакти и фимиама, и сребра и злата, и вся домы сосудов сокровищных, и вся елика бяху во сокровищих его: и не оста ничтоже, егоже не показа им Езекиа в дому своем и во всей области своей. Isaiah 39:3 И прииде Исаиа пророк ко Езекии царю и рече к нему: что глаголют сии мужие, и откуду приидоша к тебе? И рече Езекиа: от земли далекия приидоша ко мне, от Вавилона. Isaiah 39:4 И рече Исаиа: что видеша в дому твоем? И рече Езекиа: вся, елика в дому моем, видеша, и несть в дому моем, егоже бы не видели, но и яже в сокровищих моих. Isaiah 39:5 И рече ему Исаиа: послушай словесе Господа Саваофа: Isaiah 39:6 се, дние грядут, глаголет Господь, и возмут вся, яже в дому твоем, и елика собраша отцы твои даже до дне сего, в Вавилон прейдут, и ничесоже оставят: Isaiah 39:7 рече Господь, яко и от чад твоих, ихже родил еси, поймут и сотворят каженики в дому царя Вавилонска. Isaiah 39:8 И рече Езекиа ко Исаии: благо слово Господне, еже глагола: да будет ныне мир и правда бо дни моя. Isaiah 40:0 Isaiah 40:1 Утешайте, утешайте люди Моя, глаголет Бог: Isaiah 40:2 священницы, глаголите в сердце Иерусалиму, утешайте и, яко наполнися смирение его, разрешися грех его, яко прият от руки Господни сугубы грехи своя. Isaiah 40:3 Глас вопиющаго в пустыни: уготовайте путь Господень, правы сотворите стези Бога нашего: Isaiah 40:4 всяка дебрь наполнится, и всяка гора и холм смирится, и будут вся стропотная в право, и острая в пути гладки. Isaiah 40:5 И явится слава Господня, и узрит всяка плоть спасение Божие, яко Господь глагола. Isaiah 40:6 Глас вопиющаго: возопий. И рекох: что возопию? Всяка плоть сено, и всяка слава человеча яко цвет травный: Isaiah 40:7 изсше трава, и цвет отпаде, Isaiah 40:8 глаголгол же Бога нашего пребывает во веки. Isaiah 40:9 На гору высоку взыди, благовествуяй Сиону, возвыси крепостию глас твой, благовествуяй Иерусалиму: возвысите, не бойтеся. Рцы градом Иудиным: Isaiah 40:10 се, Бог ваш, се, Господь, Господь со крепостию идет, и мышца Его со властию: се, мзда Его с Ним, и дело Его пред Ним: Isaiah 40:11 аки пастырь упасет паству Свою, и мышцею Своею соберет агнцы, и имущыя во утробе утешит. Isaiah 40:12 Кто измери горстию воду и небо пядию и всю землю горстию? Кто постави горы в мериле и холмы в весе? Isaiah 40:13 Кто уразуме ум Господень, и кто советник Ему бысть, иже научает Его? Isaiah 40:14 Или с ким советова, и настави И? Или кто показа Ему суд? Или путь разумения кто показа Ему? Или кто прежде даде Ему, и воздастся Ему? Isaiah 40:15 Аще вси языцы, аки капля от кади, и яко претяжение веса вменишася, и аки плюновение вменятся? Isaiah 40:16 Дубрава же Ливанова не доволна на сожжение, и вся четвероногая не доволна на всесожжение. Isaiah 40:17 И вси языцы яко ничтоже суть, и в ничтоже вменишася. Isaiah 40:18 Кому уподобисте Господа, и коему подобию уподобисте Его? Isaiah 40:19 Еда образ сотвори древоделатель, или златарь слияв злато позлати его, или подобием сотвори его? Isaiah 40:20 Древо бо негниющее избирает древоделатель и мудре ищет, како поставит образ его, и да не поколеблется. Isaiah 40:21 Не разуместе ли, не слышасте ли, не возвестися ли вам исперва? Не разуместе ли основания земли? Isaiah 40:22 Содержай круг земли, и живущии на ней аки прузи: поставивый небо яко камару и простер е, яко скинию обитати: Isaiah 40:23 даяй князи аки ничтоже владети, и землю аки ничтоже сотвори. Isaiah 40:24 Не насадят бо, ниже насеют, и не вкоренится в земли корение их: дхну на них ветр, и изсхоша, и буря аки стеблие возмет их. Isaiah 40:25 Ныне убо кому Мя уподобисте, и вознесуся? Рече Святый. Isaiah 40:26 Воззрите на высоту очима вашима и видите, кто сотвори сия вся: носяй по числу утварь Свою, и вся по имени прозовет от многия славы и в державе крепости Своея: ничтоже утаися и Тебе. Isaiah 40:27 Еда бо речеши, Иакове, и что глаголал еси, Израилю: утаися путь мой от Бога, и Бог мой суд отя, и отступи? Isaiah 40:28 И ныне не уразумел ли еси ни ли слышал еси? Бог вечный, Бог устроивый концы земли, не взалчет, ниже утрудится, ниже есть изобретение премудрости Его, Isaiah 40:29 даяй алчущым крепость и неболезненным печаль. Isaiah 40:30 Взалчут бо юнейшии, и утрудятся юноты, и избраннии не крепцы будут: Isaiah 40:31 терпящии же Господа изменят крепость, окрылатеют аки орли, потекут и не утрудятся, пойдут и не взалчут. Isaiah 41:0 Isaiah 41:1 Обновляйтеся ко Мне, острови князи бо изменят крепость: да приближатся и да глаголют вкупе, тогда суд да возвещают. Isaiah 41:2 Кто возстави от восток правду, призва ю к ногам своим, и пойдет? Даст пред языки, и цари ужасит: и повержет на землю мечы их, и аки стеблие отвержени луцы их, Isaiah 41:3 и проженет я, и пройдет с миром путь ног его. Isaiah 41:4 Кто содела и сотвори сия, призва ю призываяй ю от начала родов. Аз Бог первый, и в грядущая Аз есмь. Isaiah 41:5 Видеша языцы и убояшася, концы земнии приближишася и приидоша вкупе. Isaiah 41:6 Судяй кийждо ближнему, и брату помощи, и речет: Isaiah 41:7 превозможе муж древоделатель и ковачь бияй млатом, вкупе проковаяй: овогда убо речет: спаяние добро есть, утвердиша я гвоздьми, положат я, и не подвигнутся. Isaiah 41:8 Ты же, Израилю, рабе Мой, Иакове, егоже избрах, семя Авраамле, егоже возлюбих, Isaiah 41:9 егоже поях от конец земли, и от стражб ея призвах тя, и рекох ти: раб Мой еси, избрах тя, и не оставих тебе: Isaiah 41:10 не бойся, с тобою бо есмь, не прельщаю: Аз бо есмь Бог твой, укрепивый тя, и помогох ти, и утвердих тя десницею Моею праведною: Isaiah 41:11 се, постыдятся и посрамятся вси сопротивляющиися тебе, будут бо яко не сущии, и погибнут вси соперницы твои: Isaiah 41:12 взыщеши их, и не обрящеши человеков, иже поругаются тебе: будут бо аки не бывшии и не будут ратующии тебе. Isaiah 41:13 Яко Аз Бог твой держай десницу твою, глаголяй тебе: Isaiah 41:14 не бойся, Иакове, малый Израилю, Аз помогох ти, глаголет Бог твой, Избавляяй тя Святый Израилев: Isaiah 41:15 се, сотворих тя аки колеса колесничная новая, стирающая аки пила, и сотреши горы, и истончиши холмы, и аки прах положиши, Isaiah 41:16 и извееши, и ветр возмет я, и буря развеет я: ты же возвеселишися во Святых Израилевых. Isaiah 41:17 И возрадуются убозии и неимущии: поищут бо воды, и не будет, язык их от жажди изсше. Аз Господь Бог, Аз услышу их, Бог Израилев, и не оставлю их, Isaiah 41:18 но отверзу на горах реки и среди поля источники, сотворю пустыню в луги водныя и жаждущую землю в водотечы, Isaiah 41:19 положу в безводную землю кедр и смерчие, и мирсину и кипарис и тополю: Isaiah 41:20 да узрят и уразумеют, и помыслят и уведят вкупе, яко рука Господня сотвори сия вся, и Святый Израилев показа. Isaiah 41:21 Приближается суд ваш, глаголет Господь Бог: приближишася совети ваши, глаголет Царь Иаковль. Isaiah 41:22 Да приближатся и возвестят вам, яже сбудутся, или яже прежде быша, рцыте: и приставим ум и уразумеем, что последняя и будущая: рцыте нам, Isaiah 41:23 возвестите нам грядущая на последок, и увемы, яко бози есте: благо сотворите и зло сотворите, и почудимся и узрим вкупе. Isaiah 41:24 Яко откуду есте вы, и откуду дело ваше? От земли мерзость избраша вас. Isaiah 41:25 Аз же возставих, иже от севера и иже от восток солнечных прозовутся именем Моим: да приидут князи, и яко брение скудельника и яко скудельник топчущь брение, тако попрани будете. Isaiah 41:26 Кто бо возвестит, яже исперва, да увемы, яже напреди, и речем, яко истинна суть? Несть предглаголющаго, ни слышащаго словес ваших. Isaiah 41:27 Начало Сиону дам и Иерусалима утешу на пути. Isaiah 41:28 От язык бо, се, ни един и от кумир их несть возвещаяй. И аще вопрошу их, откуду есте? Не отвещают ми. Isaiah 41:29 Суть бо творящии вас и всуе прельщающии вас. Isaiah 42:0 Isaiah 42:1 Иаков Отрок Мой, восприиму и: Израиль избранный Мой, прият Его душа Моя, дах дух Мой Нань, суд языком возвестит: Isaiah 42:2 не возопиет ниже ослабит, ниже услышится вне глас Его: Isaiah 42:3 трости сокрушены не сотрет и льна курящася не угасит, но во истину изнесет суд: Isaiah 42:4 возсияет и не потухнет, дондеже положит на земли суд, и на имя Его языцы уповати имут. Isaiah 42:5 Тако глаголет Господь Бог, сотворивый небо и водрузивый е, утверждей землю и яже на ней, и даяй дыхание людем, иже на ней, и дух ходящым на ней: Isaiah 42:6 Аз Господь Бог призвах Тя в правде, и удержу за руку Твою и укреплю Тя: и дах Тя в завет рода Израилева, во свет языков, Isaiah 42:7 отверсти очи слепых, извести от уз связанныя и из дому темницы и седящыя во тме. Isaiah 42:8 Аз Господь Бог, сие Мое есть имя, славы Моея иному не дам, ниже добродетелей Моих истуканным. Isaiah 42:9 Иже из начала, се, приидоша, и новая, яже Аз возвещу, и прежде неже возвестити, явишася вам. Isaiah 42:10 Воспойте Господеви песнь нову: началство Его, прославите имя Его от конец земли, сходящии в море и плавающии по нему, острови и живущии на них. Isaiah 42:11 Возвеселися, пустыне, и веси ея, придвория, и живущии в Кидаре: возвеселятся живущии на камени, от края гор возопиют, Isaiah 42:12 дадят Богу славу, добродетели Его во островех возвестят. Isaiah 42:13 Господь Бог Сил изыдет и сокрушит рать, воздвигнет рвение и возопиет на враги Своя со крепостию. Isaiah 42:14 Молчах, еда и всегда умолчу и потерплю? Терпех яко раждающая, истреблю и изсушу вкупе, Isaiah 42:15 опустошу горы и холмы, и всяку траву их изсушу, и положу реки во островы, и луги изсушу: Isaiah 42:16 и наведу слепыя на путь, егоже не видеша, и по стезям, ихже не знаша, ходити сотворю им: сотворю им тму во свет и стропотная в правая: сия глаголголы сотворю, и не оставлю их. Isaiah 42:17 Тии же возвратишася вспять: посрамитеся стыдением, уповающии на изваянная, глаголющии слиянным: вы есте бози наши. Isaiah 42:18 Глусии, услышите, и слепии, прозрите видети. Isaiah 42:19 И кто слеп, разве раби Мои? И глуси, разве владеющии ими? И ослепоша раби Божии. Isaiah 42:20 Видесте многажды, и не сохранисте: отверсты ушы (имуще), и не слышасте. Isaiah 42:21 Господь Бог восхоте, да оправдится и возвеличит хвалу. Isaiah 42:22 И видех, и быша людие расхищени и разграблени: пругло бо в ложах везде, и в домех вкупе, идеже скрыша я, быша в плен: и не бысть изимаяй разграбления и не бе глаголющаго: отдаждь. Isaiah 42:23 Кто в вас, иже внушит сия? И услышит во грядущая. Isaiah 42:24 Кто даде на разграбление Иакова, и Израиля пленяющым его? Не Бог ли, Емуже согрешиша и не восхотеша в путех Его ходити, ни слушати закона Его? Isaiah 42:25 И наведе на ня гнев ярости Своея, и укрепися на ня рать, и палящии их окрест, и не уведеша кийждо их, ниже положиша на уме. Isaiah 43:0 Isaiah 43:1 И ныне сице глаголет Господь Бог сотворивый тя, Иакове, и создавый тя, Израилю: не бойся, яко избавих тя, прозвах тя именем твоим: Мой еси ты. Isaiah 43:2 И аще преходиши сквозе воду, с тобою есмь, и реки не покрыют тебе: и аще скозе огнь пройдеши, не сожжешися, и пламень не опалит тебе, Isaiah 43:3 яко Аз Господь Бог твой, Святый Израилев, Спасаяй тя: сотворих премену твою Египет и Ефиопию, и Соину за тя. Isaiah 43:4 Отнелиже честен был еси предо Мною, прославился еси, и Аз тя возлюбих, и дам человеки за тебе и князи за главу твою. Isaiah 43:5 Не бойся, яко с тобою есмь: от восток приведу семя твое и от запад соберу тя: Isaiah 43:6 реку северу: приведи: и ливу: не возбраняй, приведи сыны Моя от земли дальния и дщери Моя от краев земных, Isaiah 43:7 всех, елицы нарицаются именем Моим: во славе бо Моей устроих его и создах его и сотворих и. Isaiah 43:8 И изведох люди слепы, и очи суть такожде слепы, и глуси ушы имущии. Isaiah 43:9 Вси языцы собрашася вкупе, и соберутся князи от них. Кто возвестит сия? Или яже исперва кто возвестит вам? Да приведут свидетели своя и оправдятся, и да услышат и да рекут истину. Isaiah 43:10 Будите Ми свидетелие, и Аз свидетель, глаголет Господь Бог, и отрок Мой, егоже избрах, да увесте и веруете Ми и уразумеете, яко Аз есмь: прежде Мене не бысть ин Бог, и по Мне не будет. Isaiah 43:11 Аз Бог, и несть разве Мене Спасаяй. Isaiah 43:12 Аз возвестих и спасох, укорих, и не бе в вас чуждий: вы Мне свидетелие, и Аз свидетель, глаголет Господь Бог, Isaiah 43:13 еще от начала, и несть изимаяй от руку Моею: сотворю, и кто отвратит е? Isaiah 43:14 Тако глаголет Господь Бог, Избавляяй вас, Святый Израилев: вас ради послю в Вавилон и воздвигну вся бежащыя, и Халдее в кораблех свяжутся. Isaiah 43:15 Аз Господь Бог Святый ваш, показавый Израиля Царя вашего. Isaiah 43:16 Сице глаголет Господь, даяй путь по морю и по воде сильне стезю: Isaiah 43:17 изводяй колесницы и кони и народ силен: но успоша и не востанут, угасоша аки лен угашен. Isaiah 43:18 Не поминайте первых, и ветхих не помышляйте, Isaiah 43:19 се, Аз творю новая, яже ныне возсияют, и увесте я: и сотворю в пустыни путь и в безводней реки. Isaiah 43:20 Возблагословят Мя зверие селнии, сирини и дщери струфовы: яко дах в пустыни воду и реки в безводней, напоити род Мой избранный, Isaiah 43:21 люди Моя, яже снабдех, добродетели Моя поведати. Isaiah 43:22 Не ныне призвах тебе, Иакове, ниже трудитися сотворих тя, Израилю. Isaiah 43:23 Не принесл еси Мне овец твоих всесожжения твоего, ни в жертвах твоих прославил Мя еси, не поработих тя в жертвах, ниже утруждена сотворих тя в Ливане: Isaiah 43:24 не купил еси Мне на сребро фимиама, ниже тука треб твоих возжелах, но во гресех твоих стал еси предо Мною и в неправдах твоих. Isaiah 43:25 Аз есмь, Аз есмь заглаждаяй беззакония твоя Мене ради и грехи твоя, и не помяну. Isaiah 43:26 Ты же помяни, и да судимся: глаголи ты беззакония твоя прежде, да оправдишися. Isaiah 43:27 Отцы ваши первии согрешиша, и князи ваши беззаконноваша на Мя. Isaiah 43:28 И оскверниша князи святая Моя, и дах погубити Иакова и Израиля во укоризну. Isaiah 44:0 Isaiah 44:1 Ныне же слыши, рабе Мой Иакове, и Израилю, егоже избрах. Isaiah 44:2 Сице глаголет Господь Бог сотворивый тя и создавый тя из утробы: еще поможет ти: не бойся, рабе Мой Иакове, и возлюбленный Израилю, егоже избрах. Isaiah 44:3 Яко Аз дам воду в жажду ходящым в безводней, наложу дух Мой на семя твое и благословения Моя на чада твоя, Isaiah 44:4 и прозябнут аки трава посреде воды и яко верба при воде текущей. Isaiah 44:5 Сей речет: Божий есмь: и сей возопиет о имени Иаковли, и другий напишет рукою своею: Божий есмь: и о имени Израилеве возопиет. Isaiah 44:6 Сице глаголет Бог Царь Израилев, и Избавлей его Бог Саваоф: Аз первый и Аз по сих, кроме Мене несть Бога: Isaiah 44:7 кто якоже Аз? Да станет и да призовет, и да возвестит и да уготовит Ми, отнележе сотворих человека во век, и грядущая прежде неже приити им, да возвестят вам. Isaiah 44:8 Не укрывайтеся, ниже заблуждайте: не исперва ли внушисте, и возвестих вам? Свидетелие вы есте, аще есть Бог разве Мене. Isaiah 44:9 И не послушаша тогда созидающии, и ваяющии вси тщетни, творящии желания своя, яже не упользуют их: Isaiah 44:10 но посрамятся вси созидающии бога и ваяющии вси неполезная. Isaiah 44:11 И вси, отнюдуже быша, изсхоша: и глусии от человек да соберутся вси и да станут вкупе, и да посрамятся и устыдятся вкупе. Isaiah 44:12 Яко наостри древоделатель сечиво, теслою содела оное, и свердлом состави е, и длатом издолбе е, и содела е крепостию мышцы своея: и взалчет, и изнеможет, и не напиется воды. Isaiah 44:13 И избрав древоделя древо, постави в меру, и клеем сострои е, и сотвори е аки образ мужеск и аки красоту человечу, поставити е в дому. Isaiah 44:14 Посече древо в дубраве, еже насади Господь, сосну, и дождь возрасти, Isaiah 44:15 да будет человеком на жжение: и взяв от него, согреся, и изжегше я, испекоша ими хлебы, из оставшаго же сотвориша боги и покланяются им: сотвори е изваянное, и прекланяется им. Isaiah 44:16 Пол его сожже огнем, и пол его сожже на углие, и испече в них хлебы, и на них испече мясо, и яде, и насытися, и согревся рече: сладко мне, яко согрехся и видех огнь. Isaiah 44:17 Из оставшаго же сотвори бога изваянна, прекланяется ему и покланяется, и молится ему глаголя: избави мя, яко бог мой еси ты. Isaiah 44:18 Не уведаша смыслити, яко отемнеша очи их еже видети и разумети сердцем своим. Isaiah 44:19 И не помысли в души своей, ни уведе смышлением, яко пол его сожже огнем, и испече на углиех его хлебы, и испек мяса снеде, и оставшее его в мерзость сотвори, и покланяются ему. Isaiah 44:20 Увеждь, яко пепел есть сердце их, и прельщаются, и ни един может души своея избавити: видите, не рцыте, яко лжа в деснице моей. Isaiah 44:21 Помяни сия, Иакове и Израилю, яко раб Мой еси ты, сотворих тя раба Моего, и ты, Израилю, не забывай Мене. Isaiah 44:22 Се бо, отях яко облак беззакония твоя и яко примрак грехи твоя: обратися ко Мне, и избавлю тя. Isaiah 44:23 Возвеселитеся, небеса, яко помилова Бог Израиля: вострубите, основания земная, возопийте, горы, веселие, холми и вся древеса, яже на них: яко избави Бог Иакова, и Израиль прославится. Isaiah 44:24 Сице глаголет Господь избавляяй тя и создавый тя от чрева: Аз Господь совершаяй вся, распрострох небо един и утвердих землю. Isaiah 44:25 Кто ин разсыплет знамения чревоволшебников и волшбы от сердца, отвращаяй мудрыя вспять и советы их обуяяй, Isaiah 44:26 и уставляя глагол раба Своего, и совет вестников Своих истинен творяй? Глаголяй Иерусалиму: населишися: и градом Иудейским: возградитеся, и пустыни его просияют, Isaiah 44:27 глаголяй бездне: опустееши, и реки твоя изсушу, Isaiah 44:28 глаголяй Киру смыслити, и вся воли Моя сотворит: глаголяй Иерусалиму: возградишися, и храм святый мой осную. Isaiah 45:0 Isaiah 45:1 Сице глаголет Господь Бог помазанному Моему Киру, егоже удержах за десницу, повинути пред ним языки, и крепость царей разрушу, отверзу пред ним врата, и гради не злтворятся: Isaiah 45:2 Аз пред тобою пойду и горы уравню, врата медяная сокрушу и вереи железныя сломлю, Isaiah 45:3 и дам ти сокровища темная сокровенная: невидимая отверзу тебе, да увеси, яко Аз Господь Бог твой прозывая имя твое, Бог Израилев. Isaiah 45:4 Ради раба Моего Иакова и Израиля избраннаго Моего, Аз прозову тя именем твоим и прииму тя: Isaiah 45:5 ты же не познал еси Мене, яко Аз Господь Бог, и несть разве Мене еще Бога: укрепих тя, и не познал еси Мене, Isaiah 45:6 да быша уведели, иже от восток солнечных и иже от запад, яко несть Бог разве Мене: Аз Господь Бог, и несть еще. Isaiah 45:7 Аз устроивый свет и сотворивый тму, творяй мир и зиждяй злая, Аз Господь Бог, творяй сия вся. Isaiah 45:8 Да возрадуется небо свыше, и облацы да кропят правду: да прозябнет земля, и да прорастит милость, и правду да прозябнет вкупе: Аз есмь Господь создавый тя. Isaiah 45:9 Что лучшее устроих яко глину скудельничу? Еда оряй орати будет землю весь день? Еда речет брение скудельнику: что твориши, яко не делаеши, ниже имаши рук? Еда отвещает здание создавшему е? Isaiah 45:10 Еда глаголет отцу: что родиши? И матери: что чревоболиши? Isaiah 45:11 Яко тако глаголет Господь Бог, Святый Израилев, Сотворивый грядущая: вопросите Мене о сынех Моих и о дщерех Моих, и о делех руку моею заповедите Мне. Isaiah 45:12 Аз сотворих землю и человека на ней, Аз рукою Моею утвердих небо, Аз всем звездам заповедах. Isaiah 45:13 Аз возставих его со правдою царя, и вси путие его правы: сей созиждет град Мой и пленение людий Моих возвратит, не по мзде, ни по даром, рече Господь Саваоф. Isaiah 45:14 Тако глаголет Господь Саваоф: утрудися Египет и купли Ефиопския, и Саваимстии мужие высоцыи к тебе прейдут и тебе будут раби, и вслед тебе пойдут связани узами ручными, и прейдут к тебе и поклонятся тебе, и в тебе помолятся, яко в тебе Бог есть, и рекут: несть Бога разве тебе: Isaiah 45:15 Ты бо еси Бог, и не ведехом, Бог Израилев Спас. Isaiah 45:16 Постыдятся и посрамятся вси противящиися ему и пойдут в студе: обновляйтеся ко мне, острови. Isaiah 45:17 Израиль спасается от Господа спасением вечным: не постыдятся, ни посрамятся даже до века ктому. Isaiah 45:18 Зане тако глаголет Господь сотворивый небо, Сей Бог показавый землю и сотворивый ю, Той раздели ю, не вотще сотвори ю, но на вселение созда ю: Аз есмь Господь, и несть ктому. Isaiah 45:19 Не отай глаголах, ни в темне месте земли: не рекох племени Иаковлю: суетнаго взыщите. Аз есмь, Аз есмь Господь глаголяй правду и возвещаяй истину. Isaiah 45:20 Соберитеся и приидите, совещайтеся вкупе, спасаемии от язык. Не разумеша воздвижущии древо изваяние свое и молящеся богом, иже не спасают. Isaiah 45:21 Аще возвестят, да приближатся, да уведят вкупе, кто слышана сотвори сия исперва? Тогда возвестися вам: Аз Бог, и несть иного разве Мене, праведен и Спаситель, несть кроме Мене. Isaiah 45:22 Обратитеся ко Мне и спасетеся, иже от края земнаго: Аз есмь Бог, и несть иного. Isaiah 45:23 Кленуся Мною Самим, аще не изыдет изо уст Моих правда, словеса Моя не возвратятся: яко Мне поклонится всяко колено, и исповестся всяк язык Богови, глаголя: Isaiah 45:24 правда и слава к Нему приидет: и посрамятся вси отлучающиися. Isaiah 45:25 От Господа оправдятся, и о Бозе прославится все семя сынов Израилевых. Isaiah 46:0 Isaiah 46:1 Паде Вил, сокрушися Дагон, быша ваяния их во звери и скоты: носите я связана яко бремя труждающемуся и разслабевшу, Isaiah 46:2 и алчущу и не могущу вкупе, иже не возмогут спастися от рати, сами же пленени приведошася. Isaiah 46:3 Послушайте Мене, доме Иаковль и весь останок Израилев, носимии от чрева и наказуемии от детска даже до старости: Isaiah 46:4 Аз есмь, и дондеже состареетеся, Аз есмь, Аз терплю вам, Аз сотворих и Аз понесу, Аз подиму и спасу вы. Isaiah 46:5 Кому Мя уподобисте? Видите, ухитрите, заблуждающии, Isaiah 46:6 слагающии злато из меха, и сребро весом поставляют в мериле, и наемше златаря сотвориша рукотворенная, и преклоншеся покланяются им: Isaiah 46:7 воздвижут я на рамех и ходят: аще же положат я на месте своем, ту лежат, ниже подвижутся: и иже аще возопиет к ним, не услышат, от бед не спасут его. Isaiah 46:8 Помяните сия и возстените, покайтеся, прельстившиися, обратитеся сердцем Isaiah 46:9 и помяните первая от века, яко Аз есмь Бог, и несть еще разве Мене: Isaiah 46:10 возвещаяй первее последняя, прежде неже быти им, и абие сбышася: и рекох: весь совет Мой станет, и вся, елика совещах, сотворю. Isaiah 46:11 Призываяй от восток птицу, и от земли издалеча, о нихже совещах: рекох и приведох, создах и сотворих, приведох и и благопоспеших путь его. Isaiah 46:12 Послушайте Мене, погубльшии сердце, сущии далече от правды: Isaiah 46:13 приближих правду Мою, и не удалится, и спасение, еже от Мене, не умедлю: дах в Сионе спасение Израилю во прославление. Isaiah 47:0 Isaiah 47:1 Сниди, сяди на земли, дево, дщи Вавилоня, вниди во тму, дщи Халдейска, яко не приложиши ксему прозыватися мягка и юна. Isaiah 47:2 Возми жерновы, мели муку, открый покрывало твое, открый седины, возсучи голени, прейди реки: Isaiah 47:3 открыется студ твой, явятся укоризны твоя, праведное от тебе возму, ктому не предам человеком. Isaiah 47:4 Рече Избавивый тя Господь Саваоф, имя Ему Святый Израилев: Isaiah 47:5 сяди умилена, вниди во тму, дщи Халдейска, ксему не прозовешися крепость царства. Isaiah 47:6 Разгневахся на люди Моя, осквернила еси наследие Мое: Аз вдах я в руку твою, ты же не дала им милости, старчий ярем отягчила еси зело Isaiah 47:7 и рекла еси: в век буду владычица: не помыслила еси сих в сердцы твоем, ниже помянула еси последних: Isaiah 47:8 ныне же слыши сие, юная, седящая, уповающая, глаголющая в сердцы своем: аз есмь, и несть иныя, не сяду вдовою и не познаю сиротства. Isaiah 47:9 Ныне же приидут на тя два сия внезапу во един день, безчадие и вдовство внезапу приидет на тя, в волшебстве твоем и в крепости волхвов твоих зело, Isaiah 47:10 в надеянии злобы твоея: ты бо рекла еси: аз есмь, и несть иныя: увеждь, яко смышление сих и блужение твое будет тебе срам: и рекла еси сердцем своим: аз есмь, и несть иныя. Isaiah 47:11 И приидет на тя пагуба, и не увеси, пропасть, и впадеши в ню: и приидет на тя печаль, и не возможеши чиста быти: и приидет на тя внезапу пагуба, и не увеси. Isaiah 47:12 Стани ныне с волхвы твоими и со многими чары твоими, имже научилася еси из юности твоея, аще возмогут ти помощи. Isaiah 47:13 Утрудилася еси в советех твоих: да станут ныне и спасут тя звездочетцы небесе, смотряющии звезд, да возвестят ти, что имать на тя приити. Isaiah 47:14 Се, вси яко хврастие огнем погорят и не изимут души своея из пламене, понеже имаши углие огненное, сяди на них. Isaiah 47:15 Сии будут тебе помощь: трудилася еси в преложении от юности, человек сам в себе прельстися, тебе не не будет спасения. Isaiah 48:0 Isaiah 48:1 Услышите сия, доме Иаковль, прозваннии именем Израилевым и изшедшии из Иуды, кленущиися именем Господа Бога Израилева, поминающии не со истиною, ниже со правдою, Isaiah 48:2 и придержащиися имени града святаго, и о Бозе Израилеве подтверждающиися: Господь Саваоф имя Ему. Isaiah 48:3 Преждняя еще возвестих, и из уст Моих изыдоша, и слышано бысть: внезапу сотворих, и найде. Isaiah 48:4 Вем, яко жесток еси, и жила железна выя твоя, и чело твое медяно. Isaiah 48:5 И возвестих ти, яже древле, прежде неже приити на тя: слышана тебе сотворих, да не когда речеши, яко идоли мне сия сотвориша, и не рцы, яко изваянная и слиянная заповедаша мне. Isaiah 48:6 Слышасте вся, и вы не разуместе: но и слышана тебе сотворих новая отныне, яже имут быти: Isaiah 48:7 и не рекл еси: ныне бывают, а не прежде, и не в преждния дни слышал еси сия: не рцы: ей, вем сия. Isaiah 48:8 Не ведел еси, ниже разумел еси, ниже исперва отверзох ушеса твоя: ведех бо, яко отвергая отринеши и беззаконник еще от чрева прозовешися. Isaiah 48:9 Имене Моего ради покажу ти ярость Мою, и славная Моя наведу на тя, да не потреблю тебе. Isaiah 48:10 Се, продах тя не сребра ради: изях же тя из пещи убожества. Isaiah 48:11 Мене ради сотворю ти, яко Мое имя оскверняется, и славы Моея иному не дам. Isaiah 48:12 Послушай Мене, Иакове и Израилю, егоже Аз призываю: Аз есмь первый и Аз есмь во век. Isaiah 48:13 И рука Моя основа землю, и десница Моя утверди небо: призову я, и станут вкупе, Isaiah 48:14 и соберутся вси и услышат: кто им возвести сия? Любя тя сотворих волю твою над Вавилоном, еже отяти племя Халдейско. Isaiah 48:15 Аз глаголах, Аз призвах, приведох и, и благопоспешит путь его. Isaiah 48:16 Приступите ко Мне и слышите сия, исперва не отай глаголах: егда бываху, тамо бех, и ныне Господь Господь посла Мя и Дух Его. Isaiah 48:17 Тако глаголет Господь, Избавивый тя, Святый Израилев: Аз есмь Господь Бог твой, научих тя, еже обрести тебе путь, по немуже пойдеши. Isaiah 48:18 И аще бы еси послушал заповедий Моих, то был бы убо аки река мир твой, и правда твоя яко волна морская, Isaiah 48:19 и было бы яко песок семя твое, и изчадия чрева твоего яко персть земли: ниже ныне потребишися, ниже погибнет имя твое предо Мною. Isaiah 48:20 Изыди от Вавилона, бежай от Халдеев: глас радости возвестите, и да слышано будет сие, возвестите даже до последних земли, глаголите: избави Господь раба Своего Иакова. Isaiah 48:21 И аще вжаждут, пустынею проведет их и воду из камене изведет им: разсядется камень, и потечет вода, и испиют людие Мои. Isaiah 48:22 Несть радоватися нечестивым, глаголет Господь. Isaiah 49:0 Isaiah 49:1 Послушайте Мене, острови, и внемлите, языцы. Временем многим стояти будет, глаголет Господь: от чрева матере Моея нарече имя Мое, Isaiah 49:2 и положи уста Моя яко мечь остр, и под кровом руки Своея скры Мя: положи Мя яко стрелу избранну, и в туле своем скры Мя, Isaiah 49:3 и рече Ми: раб Мой еси Ты, Израилю, и в Тебе прославлюся. Isaiah 49:4 Аз же рекох: вотще трудихся, всуе и ни во что дах крепость Мою: сего ради суд Мой пред Господем и труд Мой пред Богом Моим. Isaiah 49:5 И ныне тако глаголет Господь, создавый Мя от чрева раба Себе, еже собрати Иакова к Нему и Израиля: соберуся и прославлюся пред Господем, и Бог Мой будет Мне крепость. Isaiah 49:6 И рече Ми: велие Ти есть, еже назватися Тебе рабом Моим, еже возставити племена Иаковля и разсеяние Израилево обратити: се, дах Тя в завет рода, во свет языком, еже быти Тебе во спасение даже до последних земли. Isaiah 49:7 Тако глаголет Господь, Избавивый Тя Бог Израилев: освятите уничижающаго душу Свою, гнушаемаго от язык рабов княжеских: царие узрят Его, и востанут князи и поклонятся Ему Господа ради, яко верен есть Святый Израилев, и избрах Тя. Isaiah 49:8 Тако глаголет Господь: во время приятно послушах Тебе и в день спасения помогох Ти, и сотворих Тя и дах Тя в завет вечный языков, еже устроити землю и наследити наследия пустыни, Isaiah 49:9 глаголюща сущым во узах: изыдите, и сущым во тме: открыйтеся. На всех путех пастися будут, и на всех стезях пажить их: Isaiah 49:10 не взалчут, ниже вжаждут, ниже поразит их зной, ниже солнце, но Милуяй их утешит их и сквозе источники водныя проведет их. Isaiah 49:11 И положу всяку гору в путь и всяку стезю в паству им. Isaiah 49:12 Се, сии издалеча приидут, сии от севера и от моря, инии же от земли Персския. Isaiah 49:13 Радуйтеся, небеса, и веселися, земле, да отрыгнут горы веселие и холми правду, яко помилова Бог люди Своя и смиренныя людий Своих утеши. Isaiah 49:14 Рече же Сион: остави мя Господь, и Бог забы мя. Isaiah 49:15 Еда забудет жена отроча свое, еже не помиловати изчадия чрева своего? Аще же и забудет сих жена, но Аз не забуду тебе, глаголет Господь. Isaiah 49:16 Се, на руках Моих написах стены твоя, и предо Мною еси присно, Isaiah 49:17 и вскоре возградишися, от нихже разорился еси, и опустошившии тя изыдут из тебе. Isaiah 49:18 Возведи окрест очи твои и виждь вся, се, собрашася приидоша к тебе, живу Аз, глаголет Господь: яко всеми ими аки в красоту облечешися и обложиши себе ими яко утварию невеста. Isaiah 49:19 Понеже пустая твоя и разсыпаная и падшая ныне утеснеют от обитающих, и удалятся от тебе поглощающии тя. Isaiah 49:20 Рекут бо во ушы твои сынове твои, ихже был погубил еси: тесно ми место, сотвори ми место, да вселюся. Isaiah 49:21 И речеши в сердцы своем: кто мне породи сих? Аз же безчадна и вдова, сих же кто воспита мне? Аз же остахся едина, сии же мне где быша? Isaiah 49:22 Тако глаголет Господь Господь: се, воздвизаю на языки руку Мою и на островы воздвигну знамение Мое, и приведут сыны твоя в лоне и дщери твоя на плещах возмут. Isaiah 49:23 И будут царие кормителие твои, и княгини их кормилицы твоя: до лица земли поклонятся тебе и прах ног твоих оближут, и увеси, яко Аз Господь Бог, и не посрамятся терпящии Мя. Isaiah 49:24 Еда возмет кто от исполина корысти? И аще кто пленит неправедне, спасетлися? Isaiah 49:25 Зане тако глаголет Господь: аще кто пленит исполина, возмет корысти: вземляй же от крепкаго спасется: Аз же прю твою разсужду и Аз сыны твоя избавлю: Isaiah 49:26 и оскорбившии тебе снедят плоть свою и испиют яко вино ново кровь свою, и упиются: и увесть всяка плоть, яко Аз Господь Избавивый тя и заступаяй крепость Иаковлю. Isaiah 50:0 Isaiah 50:1 Тако глаголет Господь: кая книга отпущения матере вашея, еюже отпустих ю? Или коему заимодавцу продах вы? Се, грехми вашими продастеся, и беззаконий ради ваших отпустих матерь вашу. Isaiah 50:2 Что яко приидох, и не бяше человека? Звах, и не бе послушающаго? Еда не может рука Моя избавити, или не могу изяти? Се, запрещением Моим опустошу море и положу реки пусты, и изсхнут рыбы их не сущей воде и умрут жаждею: Isaiah 50:3 облеку небо во тму и положу аки вретище одежду его. Isaiah 50:4 Господь Господь дает Мне язык научения, еже разумети, егда подобает рещи слово: положи Мя утро утро, приложи Ми ухо, еже слышати, Isaiah 50:5 и наказание Господне отверзает ушы Мои: Аз же не противлюся, ни противоглаголю. Isaiah 50:6 Плещы Мои вдах на раны и ланите Мои на заушения, лица же Моего не отвратих от студа заплеваний, Isaiah 50:7 и Господь Господь помощник Ми бысть: сего ради не усрамихся, но положих лице Свое аки твердый камень и разумех, яко не постыждуся: Isaiah 50:8 зане приближается оправдавый Мя. Кто пряйся со Мною? Да сопротивостанет Мне купно. И кто судяйся со Мною? Да приближится ко Мне. Isaiah 50:9 Се, Господь Господь поможет Ми: кто озлобит Мя? Се, вси вы яко риза обетшаете, и яко молие изяст вы. Isaiah 50:10 Кто в вас бояйся Господа? Да послушает гласа Отрока Его. Ходящии во тме, и несть им света, надейтеся на имя Господне и утвердитеся о Бозе. Isaiah 50:11 Се, вси вы огнь раждизаете и укрепляете пламень: ходите светом огня вашего и пламенем, егоже разжегосте. Мене ради быша сия вам, в печали успнете. Isaiah 51:0 Isaiah 51:1 Послушайте Мене, гонящии правду и взыскающии Господа, воззрите на твердый камень, егоже изсекосте, и в юдоль потока, юже ископасте. Isaiah 51:2 Воззрите на Авраама отца вашего и на Сарру породившую вы: яко един бе, и призвах его, и благослових его, и возлюбих его, и умножих его. Isaiah 51:3 И тебе ныне утешу, Сионе, и утеших вся пустыни его, и поставлю пустыню его яко рай, и яже ко западом его аки рай Господень: радость и веселие обрящут в нем, исповедание и глас хваления. Isaiah 51:4 Послушайте Мене, людие Мои, послушайте, и царие, ко Мне внушите: яко закон от Мене изыдет, и суд Мой во свет языком. Isaiah 51:5 Приближается скоро правда Моя, и изыдет яко свет спасение Мое, и на мышцу Мою языцы надеятися будут: Мене острови ожидати и на мышцу Мою уповати будут. Isaiah 51:6 Воздвигните на небо очи ваши и воззрите на землю долу, понеже небо яко дым утвердися, и земля яко риза обетшает, живущии же на земли якоже сия изомрут, спасение же Мое во век будет, и правда Моя не оскудеет. Isaiah 51:7 Послушайте Мене, ведящии суд, людие Мои, имже закон Мой в сердцы вашем, не бойтеся укорения человеча и похулению их не покаряйтеся. Isaiah 51:8 Якоже бо риза снедена будет временем, и яко сукно изястся мольми, правда же Моя во веки будет и спасение Мое в роды родов. Isaiah 51:9 Востани, востани, Иерусалиме, и облецыся во крепость мышцы твоея, востани яко в начале дне, яко род века: не ты ли еси победил гордаго и расторгнул змиа? Isaiah 51:10 Не ты ли еси опустошаяй море, воду бездны многу? Положивый глубины морския путь прохода изятым и избавленым? Isaiah 51:11 Господем бо возвратятся и приидут в Сион с радостию и со веселием вечным: на главе бо их веселие и хвала, и радость приимет я: отбеже болезнь и печаль и воздыхание. Isaiah 51:12 Аз есмь, Аз есмь Утешаяй тя: разумей, кто сый убоялся еси человека смертна и сына человеча, иже яко трава изсхоша, Isaiah 51:13 и забыл еси Бога Создавшаго тя, Сотворшаго небо и основавшаго землю: и боялся еси присно во вся дни лица ярости стужающаго тебе: како бо восхоте взяти тя, и ныне где ярость стужающаго тебе? Isaiah 51:14 Внегда бо спастися тебе, не станет, ниже умедлит: Isaiah 51:15 яко Аз Бог твой, возмущаяй море и творяй шум волнам его: Господь Саваоф имя Мне. Isaiah 51:16 Положу словеса Моя во уста твоя и под сению руки Моея покрыю тя, еюже поставих небо и основах землю: и речет Сиону: людие Мои есте вы. Isaiah 51:17 Востани, востани, воскресени, Иерусалиме, испивый чашу ярости от руки Господни: чашу бо падения, фиал ярости испил и истощил еси, Isaiah 51:18 и не бысть утешаяй тебе от всех чад твоих, яже родил еси, и не бысть подемлющаго руки твоея, ниже от всех сынов твоих, ихже вознесл еси. Isaiah 51:19 Два сия противна тебе, кто сожалеет тебе? Падение и сокрушение, глад и мечь, кто утешит тя? Isaiah 51:20 Сынове твои обнищавшии, седяще на краи всякаго исхода, яко свекла недовареная, исполнени ярости Господни, разслаблени Господем Богом. Isaiah 51:21 Сего ради слыши, смиренный и упивыйся не вином: Isaiah 51:22 тако глаголет Господь Бог судяй людем Своим: се, взях от руки твоея чашу падения, фиал ярости Моея, и не приложиши ксему пити ея: Isaiah 51:23 и вложу ю в руце преобидевших тя и смиривших тя, иже рекоша души твоей: преклонися, да минем: и положил еси равно земли плещы твоя отвне мимоходящым. Isaiah 52:0 Isaiah 52:1 Востани, востани, Сионе, облецыся во крепость твою, Сионе, и ты облецыся во славу твою, Иерусалиме, граде святый, ктому не приложит проити сквозе тя необрезанный и нечистый. Isaiah 52:2 Истряси прах и востани, сяди, Иерусалиме, совлецы узу выи твоея, плененая дщи Сионя. Isaiah 52:3 Яко сия глаголет Господь: туне продани бысте, и не сребром избавитеся. Isaiah 52:4 Тако глаголет Господь: во Египет снидоша людие Мои прежде, еже пришелцем быти тамо, и во Ассирию нуждею отведошася. Isaiah 52:5 И ныне что зде есте? Сия глаголет Господь: яко взяшася людие Мои туне, чудитеся и плачитеся. Тако глаголет Господь: вас ради присно имя Мое хулится во языцех. Isaiah 52:6 Сего ради познают людие Мои имя Мое в той день, яко Аз есмь Сам глаголяй, ту есмь. Isaiah 52:7 Коль красны на горах ноги благовествующих мир, благовествующих благая, яко слышано сотворю спасение твое, глаголя: Сионе, воцарится Бог твой. Isaiah 52:8 Яко глас хранящих тя вознесеся, и гласом вкупе возрадуются: яко очи ко очесем воззрят, егда помилует Господь Сиона. Isaiah 52:9 Да отрыгнут веселие вкупе пустыни Иерусалимския, яко помилова Господь людий Своих и избави Иерусалима: Isaiah 52:10 и открыет Господь мышцу Свою святую пред всеми языки, и узрят вси концы земли спасение, еже от Бога нашего. Isaiah 52:11 Отступите, отступите, изыдите отсюду и нечистоте не прикасайтеся, изыдите от среды его, отлучитеся, носящии сосуды Господни: Isaiah 52:12 яко не с мятежем изыдете, ниже убежанием пойдете: пойдет бо пред вами Господь, и собираяй вы Господь Бог Израилев. Isaiah 52:13 Се, уразумеет отрок Мой и вознесется и прославится зело. Isaiah 52:14 Якоже ужаснутся о Тебе мнози, тако обезславится от человек вид Твой, и слава Твоя от сынов человеческих. Isaiah 52:15 Тако удивятся языцы мнози о Нем, и заградят царие уста своя: яко, имже не возвестися о Нем, узрят, и иже не слышаша, уразумеют. Isaiah 53:0 Isaiah 53:1 Господи, кто верова слуху нашему, и мышца Господня кому открыся? Isaiah 53:2 Возвестихом, яко отроча пред Ним яко корень в земли жаждущей, несть вида Ему, ниже славы: и видехом Его, и не имяше вида, ни доброты: Isaiah 53:3 но вид Его безчестен, умален паче всех сынов человеческих: человек в язве сый и ведый терпети болезнь, яко отвратися лице Его, безчестно бысть, и не вменися. Isaiah 53:4 Сей грехи нашя носит и о нас болезнует, и мы вменихом Его быти в труде и в язве от Бога и во озлоблении. Isaiah 53:5 Той же язвен бысть за грехи нашя и мучен бысть за беззакония наша, наказание мира нашего на Нем, язвою Его мы изцелехом. Isaiah 53:6 Вси яко овцы заблудихом: человек от пути своего заблуди, и Господь предаде Его грех ради наших. Isaiah 53:7 И Той, зане озлоблен бысть, не отверзает уст Своих: яко овча на заколение ведеся, и яко агнец пред стригущим его безгласен, тако не отверзает уст Своих. Isaiah 53:8 Во смирении Его суд Его взятся: род же Его кто исповесть? Яко вземлется от земли живот Его, ради беззаконий людий Моих ведеся на смерть. Isaiah 53:9 И дам лукавыя вместо погребения Его и богатыя вместо смерти Его: яко беззакония не сотвори, ниже обретеся лесть во устех Его. Isaiah 53:10 И Господь хощет очистити Его от язвы: аще дастся о гресе, душа ваша узрит семя долгоживотное. Isaiah 53:11 И хощет Господь рукою Своею отяти болезнь от души Его, явити Ему свет и создати разумом, оправдати праведнаго благо служаща многим, и грехи их Той понесет. Isaiah 53:12 Сего ради Той наследит многих и крепких разделит корысти, зане предана бысть на смерть душа Его, и со беззаконными вменися, и Той грехи многих вознесе и за беззакония их предан бысть. Isaiah 54:0 Isaiah 54:1 Возвеселися, неплоды, нераждающая возгласи и возопий, нечревоболевшая, яко многа чада пустыя паче, нежели имущия мужа. Isaiah 54:2 Рече бо Господь: разшири место, кущи твоея и покровов твоих, водрузи, не пощади, продолжи ужя твоя и колие твое укрепи, Isaiah 54:3 еще на десно и на лево простри: и семя твое языки наследит, и грады опустевшыя населиши. Isaiah 54:4 Не бойся, яко посрамлена еси, ниже устыдися, яко укорена еси: понеже срамоту вечную забудеши и укоризны вдовства твоего не помянеши ктому. Isaiah 54:5 Яко Господь Творяй тя, Господь Саваоф имя Ему: и Избавивый тя Святый Бог Израилев, всей земли прозовется. Isaiah 54:6 Не яко жену оставлену и малодушну призва тя Господь, ниже яко жену из юности возненавидену, рече Бог твой. Isaiah 54:7 На время мало оставих тя, а с милостию великою помилую тя: Isaiah 54:8 во ярости мале отвратих лице Мое от тебе, но милостию вечною помилую тя, рече Избавивый тя Господь. Isaiah 54:9 От воды, яже при Нои, сие Ми есть, якоже кляхся Ему во время оно на землю, не разгневатися о тебе ктому, ниже во прещении твоем Isaiah 54:10 горы преставити, и холми твои не предвигнутся: тако ниже, яже от Мене к тебе, милость оскудеет, ниже завет мира твоего преставится: рече бо милостив к тебе Господь. Isaiah 54:11 Смиренная и колеблемая не имела еси утешения: се, Аз уготовляю тебе анфракс камень твой и на основание твое сапфир: Isaiah 54:12 и положу забрала твоя иаспис, и врата твоя камение кристалла, и ограждение твое камение избранное, Isaiah 54:13 и вся сыны твоя научены Богом, и во мнозе мире чада твоя. Isaiah 54:14 И правдою возградишися: удалися от неправеднаго, и не убоишися, и трепет не приближится тебе. Isaiah 54:15 Се, пришелцы приидут к тебе Мною и вселятся у тебе и к тебе прибегнут. Isaiah 54:16 Се, Аз создах тя, не якоже кузнец раздуваяй углие и износя сосуд на дело: Аз же создах тя не на пагубу, еже истлити. Isaiah 54:17 Всяк сосуд соделан на тя не благопоспешу, и всяк глас, иже на тя востанет на прю, одолееши им всем: повиннии же твои будут в нем есть наследие служащым Господеви, и вы будете Мне праведни, глаголет Господь. Isaiah 55:0 Isaiah 55:1 Жаждущии, идите на воду, и елицы не имате сребра, шедше купите, и ядите (и пийте) без сребра и цены вино и тук. Isaiah 55:2 Вскую цените сребро не в хлебы, и труд ваш не в сытость? Послушайте Мене, и снесте благая, и насладится во благих душа ваша. Isaiah 55:3 Внемлите ушима вашима и последуйте путем Моим: послушайте Мене, и жива будет во благих душа ваша, и завещаю вам завет вечен, преподобная Давидова верная. Isaiah 55:4 Се, свидетелство во языцех дах Его, князя и повелителя языком. Isaiah 55:5 Се, языцы, иже не ведяху тебе, призовут тя, и людие, иже не познаша тебе, ко тебе прибегнут ради Господа Бога твоего, Святаго Израилева, яко прослави тя. Isaiah 55:6 Взыщите Господа, и внегда обрести вам Того, призовите: егда же приближится к вам, Isaiah 55:7 да оставит нечестивый пути своя, и муж беззаконен советы своя, и да обратится ко Господу, и помилован будет, яко попремногу оставит грехи вашя. Isaiah 55:8 Не суть бо совети Мои якоже совети ваши, ниже якоже путие ваши путие Мои, глаголет Господь. Isaiah 55:9 Но якоже отстоит небо от земли, тако отстоит путь Мой от путий ваших, и помышления ваша от мысли Моея. Isaiah 55:10 Якоже бо аще снидет дождь или снег с небесе, и не возвратится, дондеже напоит землю, и родит, и прозябнет, и даст семя сеющему и хлеб в снедь: Isaiah 55:11 тако будет глаголгол Мой, иже аще изыдет из уст Моих, не возвратится ко Мне тощь, дондеже совершит (вся), елика восхотех, и поспешу пути твоя и заповеди Моя. Isaiah 55:12 Со веселием бо изыдете и с радостию научитеся: горы бо и холми возскачут ждуще вас с радостию, и вся древеса селная восплещут ветвьми: Isaiah 55:13 и вместо драчия взыдет кипарис, и вместо кропивы взыдет мирсина: и будет Господь во имя и во знамение вечное, и не оскудеет. Isaiah 56:0 Isaiah 56:1 Сия глаголет Господь: сохраните суд и сотворите правду, приближися бо спасение Мое приити и милость Моя открытися. Isaiah 56:2 Блажен муж творяй сия, и человек держайся их, и храняй субботы не оскверняти, и блюдый руце свои не творити неправды. Isaiah 56:3 Да не глаголет иноплеменник приложивыйся ко Господеви: еда отлучит мя Господь от людий Своих? И да не глаголет каженик, яко аз есмь древо сухо. Isaiah 56:4 Сия глаголет Господь кажеником: елицы сохранят субботы Моя и изберут яже Аз хощу и содержат завет Мой, Isaiah 56:5 дам им в дому Моем и во ограде Моей место именито, лучшее от сынов и дщерей, имя вечно дам им, и не оскудеет: Isaiah 56:6 и иноплеменником приложившымся Господеви работати Ему и любити имя Господне, еже быти Ему в рабы и рабыни, и вся снабдящыя субботы Моя не оскверняти и держащыя завет Мой, Isaiah 56:7 введу я в гору святую Мою и возвеселю я в дому молитвы Моея: всесожжения их и жертвы их будут приятны на требнице Моем: дом бо Мой дом молитвы наречется всем языком, Isaiah 56:8 глаголет Господь, собираяй разсеяныя Израилевы, яко соберу к нему собор. Isaiah 56:9 Вси зверие дивии, приидите, ядите, вси зверие дубравнии. Isaiah 56:10 Видите, яко вси ослепоша, не разумеша смыслити, вси пси немии не возмогут лаяти, видяще сны на ложи, любяще дремати, Isaiah 56:11 и пси безстуднии душею, не ведяще сытости: и суть лукави, не ведяще смысла, вси путем своим последоваша, кийждо уклонишася в лихоимство свое, от перваго и до последняго. Isaiah 56:12 Приидите, да возмем вино и наполнимся пиянства, и будет яко днесь, тако и заутра, и много множае. Isaiah 57:0 Isaiah 57:1 Видите, како праведный погибе, и никтоже не приемлет сердцем, и мужие праведнии вземлются, и никтоже разумеет: от лица бо неправды взяся праведный. Isaiah 57:2 Будет с миром погребение его, взяся от среды. Isaiah 57:3 Вы же приидите семо, сынове беззаконнии, семя прелюбодеев и блудницы: Isaiah 57:4 в чем услаждастеся и на кого отверзосте уста ваша? И на кого изсунусте язык ваш? Не вы ли есте чада пагубы, семя беззаконно, Isaiah 57:5 молящиися кумиром под древием частым, закалающе чада своя в дебрех посреде камения? Isaiah 57:6 То твоя часть, сей твой жребий, и тем пролиял еси возлияния, и тем принесл еси жертвы: о сих убо не разгневаюся ли? Isaiah 57:7 На горе высоце и превознесенне, тамо твое ложе, и тамо вознесл еси требы твоя: Isaiah 57:8 и за подвоями дверий твоих положил еси память твою: мыслил еси, яко аще от Мене отступиши, более нечто возимееши: возлюбил еси спящыя с тобою, Isaiah 57:9 и умножил еси блужение твое с ними, и многи сотворил, иже далече от тебе, и послал еси послы за пределы твоя, и смирился еси даже до ада. Isaiah 57:10 Многими путьми твоими трудился еси, и не рекл еси: престану крепящься, яко сотворил еси сия, сего ради не помолился ми еси ты. Isaiah 57:11 Кого благопочет убоялся еси, и солгал Ми, и не помянул еси Мене, ниже приял Мя еси во ум, ниже в сердце твое? И Аз тя видя, презираю, и не убоялся еси Мене. Isaiah 57:12 И аз возвещу правду твою и злобы твоя, яже не успеют тебе: Isaiah 57:13 егда возопиеши, да избавят тя во печалех твоих: сия бо вся ветр возмет, и отнесет буря: а держащиися Мене стяжут землю и наследят гору святую Мою. Isaiah 57:14 И рекут: очистите пред лицем его пути и отимите претыкания от пути людий Моих. Isaiah 57:15 Сия глаголет Господь Вышний, Иже живет во высоких во век, Святый во святых имя Ему, Вышний, во святых почиваяй, и малодушным даяй долготерпение и даяй живот сокрушеным сердцем: Isaiah 57:16 не во век отмщу вам, ни всегда гневатися буду на вы: дух бо от Мене изыдет, и всякое дыхание Аз сотворих. Isaiah 57:17 За грех мало что опечалих его и поразих его и отвратих лице Мое от него: и опечалися и пойде дряхл во путех своих. Isaiah 57:18 Пути его видех и изцелих его, и утеших его и дах ему утешение истинно, Isaiah 57:19 мир на мир далече и близ сущым: и рече Господь: изцелю я. Isaiah 57:20 Неправеднии же возволнуются и почити не возмогут. Isaiah 57:21 Несть радоватися нечестивым, рече Господь Бог. Isaiah 58:0 Isaiah 58:1 Возопий крепостию и не пощади: яко трубу возвыси глас твой и возвести людем Моим грехи их и дому Иаковлю беззакония их. Isaiah 58:2 Мене день от дне ищут и разумети пути Моя желают, яко людие правду сотворившии и суда Бога своего не оставившии: просят ныне у Мене суда праведна и приближитися ко Господу желают, глаголюще: Isaiah 58:3 что яко постихомся, и не увидел еси? Смирихом душы нашя, и не уведел еси? Во дни бо пощений ваших обретаете воли вашя, и вся подручныя вашя томите: Isaiah 58:4 аще в судех и сварех поститеся и биете пястьми смиреннаго, вскую Мне поститеся якоже днесь, еже услышану быти с воплем гласу вашему? Isaiah 58:5 Не сицеваго поста Аз избрах и дне, еже смирити человеку душу свою: ниже аще слячеши яко серп выю твою, и вретище и пепел постелеши, ниже тако наречете пост приятен. Isaiah 58:6 Не таковаго (бо) поста Аз избрах, глаголет Господь: но разрешай всяк соуз неправды, разрушай обдолжения насильных писаний, отпусти сокрушенныя во свободу и всякое писание неправедное раздери: Isaiah 58:7 раздробляй алчущым хлеб твой и нищыя безкровныя введи в дом твой: аще видиши нага, одей, и от свойственных племене твоего не презри. Isaiah 58:8 Тогда разверзется рано свет твой, и изцеления твоя скоро возсияют, и предидет пред тобою правда твоя, и слава Божия оымет тя. Isaiah 58:9 Тогда воззовеши, и Бог услышит тя, и еще глаголющу ти, речет: се, приидох. Аще отимеши от себе соуз и рукобиение и глагол роптания Isaiah 58:10 и даси алчущему хлеб от души твоея и душу смиренную насытиши, тогда возсияет во тме свет твой, и тма твоя будет яко полудне, Isaiah 58:11 и будет Бог твой с тобою присно: и насытишися, якоже желает душа твоя, и кости твоя утучнеют, и будут яко вертоград напоен, и яко источник, емуже не оскуде вода: и кости твоя прозябнут яко трава, и разботеют, и наследят роды родов. Isaiah 58:12 И созиждутся пустыни твоя вечныя, и будут основания твоя вечная родом родов: и прозовешися здатель оград, и стези твоя посреде упокоиши. Isaiah 58:13 Аще отвратиши ногу твою от суббот, еже не творити хотений твоих в день святый, и прозовеши субботы сладостны, святы Богови твоему: не воздвигнеши ноги своея на дело, ниже возглаголеши словесе во гневе из уст твоих, Isaiah 58:14 и будеши уповая на Господа, и возведет тя на благоты земныя, и ухлебит тя наследием Иакова отца твоего: уста бо Господня глаголаша сия. Isaiah 59:0 Isaiah 59:1 Еда не может рука Господня спасти? Или отягчил есть слух Свой, еже не услышати? Isaiah 59:2 Но греси ваши разлучают между вами и между Богом, и грех ради ваших отврати лице Свое от вас еже не помиловати. Isaiah 59:3 Руце бо ваши осквернене кровию, и персты ваши во гресех, устне же ваши возглаголаша беззаконие, и язык ваш неправде поучается. Isaiah 59:4 Никтоже глаголет правды, ниже есть суд истинен: уповают на суетная и глаголют тщетная, яко зачинают труд и раждают беззаконие. Isaiah 59:5 Яица аспидска разбиша и постав паучинный ткут, и хотяй от яиц их ясти, разбив запорток (его), обрете и в нем василиска. Isaiah 59:6 Постав их не будет на ризу, и не одеждутся от дел своих: дела бо их дела беззакония. Isaiah 59:7 Нозе же их на зло текут, скори пролияти кровь, и мысли их мысли о убийствах: сокрушение и бедность во путех их, Isaiah 59:8 и пути мирнаго не познаша, и несть суда во путех их: стези во их развращены, по нихже ходят и не ведят мира. Isaiah 59:9 Того ради отступи от них суд, и не постигнет их правда: ждущым им света, бысть им тма, ждуще зари во мраце ходиша. Isaiah 59:10 Осяжут яко слепии стену, яко суще без очес осязати будут, и падутся в полудни яко в полунощи, яко умирающе возстенут Isaiah 59:11 яко медведь, и яко голубь вкупе пойдут. Ждахом суда, и несть, спасение далече отступи от нас. Isaiah 59:12 Много бо беззаконие наше пред Тобою, и греси наши противу сташа нам: беззакония бо наша в нас, и неправды нашя уразумехом: Isaiah 59:13 нечествовахом и солгахом и отступихом от последования Бога нашего: глаголахом неправду и не покорихомся, во утробе зачахом и поучихомся от сердца нашего словесем неправедным: Isaiah 59:14 и оставихом созади суд, и правда далече отступи от нас: яко изнеможе во путех их истина, и правым (путем) не возмогоша прейти: Isaiah 59:15 и истина взяся, и преставиша ум свой еже смыслити. И виде Господь и негодова, яко не бяше суда: Isaiah 59:16 и виде, и не бяше мужа, и помысли, и не бяше избавляющаго: и мсти им мышцею Своею, и помилованием утверди. Isaiah 59:17 И одеяся правдою яко щитом, и возложи шлем спасения на главу, и облечеся в ризу отмщения, и одеждею Своею: Isaiah 59:18 яко воздаваяй воздаяние укоризну супостатом. Isaiah 59:19 И убоятся, иже от запад, имене Господня, и иже от восток солнца, имене Его славнаго: приидет бо яко река насильная гнев от Господа, приидет со яростию. Isaiah 59:20 И приидет Сиона ради Избавляяй, и отвратит нечестие от Иакова. Isaiah 59:21 И сей им иже от Мене завет, рече Господь: Дух Мой, иже есть в тебе, и глаголголы, яже Аз дах во уста твоя, не оскудеют от уст твоих и от уст семене твоего: рече бо Господь отныне и во век. Isaiah 60:0 Isaiah 60:1 Светися, светися Иерусалиме, прииде бо твой свет, и слава Господня на тебе возсия. Isaiah 60:2 Се, тма покрыет землю, и мрак на языки, на тебе же явится Господь, и слава Его на тебе узрится. Isaiah 60:3 И пойдут царие светом твоим, и языцы светлостию твоею. Isaiah 60:4 Возведи окрест очи твои и виждь собраная чада твоя: се, приидоша вси сынове твои издалеча, и дщери твоя на рамех возмутся. Isaiah 60:5 Тогда узриши и возрадуешися, и убоишися и ужаснешися сердцем, яко преложится к тебе богатство морское и языков и людий: Isaiah 60:6 и приидут к тебе стада велблюд, и покрыют тя велблюди Мадиамстии и Гефарстии: вси от Савы приидут, носяще злато, и Ливан принесут и камень честен, и спасение Господне благовозвестят: Isaiah 60:7 и вся овцы Кидарския соберутся тебе, и овни Навеофстии приидут к тебе, и вознесутся приятная на жертвенник Мой, и дом молитвы Моея прославится. Isaiah 60:8 Кии суть, иже яко облацы летят, и яко голубие со птенцы ко мне? Isaiah 60:9 Мене острови ждаша, и корабли Фарсийстии во первых, привести чада твоя издалеча, и сребро и злато их с ними, имене ради Господня Святаго, и за еже Святому Израилеву славну быти. Isaiah 60:10 И созиждут сынове инороднии стены твоя, и царие их предстояти будут тебе: за гнев бо Мой поразих тя и за милость Мою возлюбих тя. Isaiah 60:11 И отверзутся врата твоя присно, день и нощь не затворятся, ввести к тебе силу язык и цари их ведомыя. Isaiah 60:12 Языцы бо и царие, иже не поработают ти, погибнут, и языцы запустением запустеют. Isaiah 60:13 И слава Ливанова к тебе приидет, кипарисом и певгом и кедром вкупе, прославити место святое Мое, и место ногу Моею прославлю. Isaiah 60:14 И пойдут к тебе боящеся сынове смиривших тя и раздраживших тя, и поклонятся следам ногу твоею вси прогневавшии тя, и наречешися град Господень, Сион Святаго Израилева. Isaiah 60:15 За сие, яко был еси оставлен и возненавиден и не бе помагающаго ти, положу тя в радость вечную, веселие родом родов. Isaiah 60:16 И изссеши млеко языков и богатство царей снеси, и уразумееши, яко Аз Господь Спасаяй тя и Избавляяй тя Бог Израилев. Isaiah 60:17 И вместо меди принесу ти злато, и вместо железа принесу ти сребро, и вместо древес принесу ти медь, и вместо камения железо: и вдам князи твоя в мир и надзиратели твоя в правду. Isaiah 60:18 И не услышится посем неправда в земли твоей, ни сокрушение ни бедность во пределех твоих, но прозовется спасение забрала твоя и врата твоя хвала. Isaiah 60:19 И не будет тебе ктому солнце во свет дне, ниже восход луны просветит твою нощь, но будет тебе Господь свет вечный и Бог слава твоя. Isaiah 60:20 Не зайдет бо солнце тебе, и луна не оскудеет тебе: будет бо Господь тебе свет вечный, и исполнятся дние рыдания твоего. Isaiah 60:21 И людие твои вси праведнии в век наследят землю, храняще сад дела руку Его в славу. Isaiah 60:22 Малый будет в тысящы, а малейший во язык велик: Аз Господь по времени соберу их. Isaiah 61:0 Isaiah 61:1 Дух Господень на Мне, Егоже ради помаза Мя, благовестити нищым посла Мя, изцелити сокрушенныя сердцем, проповедати пленником отпущение и слепым прозрение, Isaiah 61:2 нарещи лето Господне приятно и день воздаяния, утешити вся плачущыя, Isaiah 61:3 дати плачущым Сиона славу вместо пепела, помазание веселия плачущым, украшение славы вместо, духа уныния: и нарекутся родове правды насаждение Господне во славу. Isaiah 61:4 И созиждут пустыни вечныя, запустевшыя прежде воздвигнут: и обновят грады пустыя, опустошенныя в роды. Isaiah 61:5 И приидут инороднии, пасущии овцы твоя, и иноплеменницы орателие и виноградарие ваши: Isaiah 61:6 вы же священницы Господни наречетеся, служителие Бога вашего, речется вам: крепость язык снесте и в богатстве их чудни будете. Isaiah 61:7 Сице землю свою вторицею наследят, и веселие вечное над главою их. Isaiah 61:8 Аз бо есмь Господь любяй правду и ненавидяй грабления от неправды: и дам труд их праведником и завет вечен завещаю им. Isaiah 61:9 И познается во языцех семя их, и внуцы их посреде людий: всяк видяй я познает я, яко сии суть семя благословено от Бога, и радостию возрадуются о Господе. Isaiah 61:10 Да возрадуется душа моя о Господе: облече бо мя в ризу спасения и одеждею веселия (одея мя): яко на жениха возложи на мя венец, и яко невесту украси мя красотою. Isaiah 61:11 И яко земля растящая цвет свой, и яко вертоград семена своя прозябает: тако возрастит Господь Господь правду и веселие пред всеми языки. Isaiah 62:0 Isaiah 62:1 Сиона ради не умолчу и Иерусалима ради не попущу, дондеже изыдет яко свет правда моя, и спасение мое яко светило разжжется. Isaiah 62:2 И узрят языцы правду твою, и царие славу твою, и прозовут тя именем новым, имже Господь наименует е. Isaiah 62:3 И будеши венец доброты в руце Господни и диадима царствия в руце Бога твоего: Isaiah 62:4 и не прозовешися ктому оставлен, и земля твоя ктому не наречется пуста: тебе бо прозовется воля Моя, и земля твоя вселенная, яко благоволи Господь в тебе, и земля твоя вкупе населится. Isaiah 62:5 И якоже живяй юноша с девою, тако поживут сынове твои с тобою: и будет якоже радуется жених о невесте, тако возрадуется Господь о тебе. Isaiah 62:6 И на стенах твоих, Иерусалиме, приставих стражы весь день и всю нощь, иже до конца не премолкнут поминающе Господа. Isaiah 62:7 Несть бо вам подобен: аще исправиши и сотвориши, Иерусалиме, радование на земли. Isaiah 62:8 Клятся Господь десницею Своею и крепостию мышцы Своея: аще ктому отдам пшеницу твою и пищу твою врагом твоим, и аще ктому испиют вино твое сынове чуждии, о немже трудился еси: Isaiah 62:9 но собирающии снедят я и похвалят Господа, и оымающии испиют я во дворех святых Моих. Isaiah 62:10 Идите враты Моими и путь сотворите людем Моим, и камение, еже на пути, размещите: воздвигните знамение на языки. Isaiah 62:11 Се бо, Господь слышано сотвори до последних земли: рцыте дщери Сионове: се, Спаситель твой грядет, имеяй с Собою мзду и дело Свое пред лицем Своим. Isaiah 62:12 И прозовет я люди святы, избавлены Господем: ты же прозовешися взыскан град и не оставлен. Isaiah 63:0 Isaiah 63:1 Кто Сей пришедый от Едома, червлены ризы Его от Восора, Сей красен во утвари, зело с крепостию? Аз глаголю правду и суд спасения. Isaiah 63:2 Почто червлены ризы Твоя и одежды Твоя яко от истоптания точила? Isaiah 63:3 Исполнен истоптания, и от язык несть мужа со Мною: и попрах я яростию Моею, и сотрох я яко персть, и сведох кровь их в землю и вся ризы Моя омочих: Isaiah 63:4 день бо воздаяния прииде на них, и лето избавления приспе: Isaiah 63:5 и воззрех, и не бе помощника: и помыслих, и никтоже заступи: и избави я мышца Моя, и ярость Моя наста: Isaiah 63:6 и попрах я гневом Моим и сведох кровь их в землю. Isaiah 63:7 Милость Господню помянух, добродетели Господни во всех, имиже нам воздает: Господь, судия благ дому Израилеву, наводит нам по милости Своей и по множеству правды Своея. Isaiah 63:8 И рече: не людие ли Мои? Чада, и не отвергнутся. И бысть им во спасение и всякия скорби их. Isaiah 63:9 Не ходатай, ниже Ангел, но Сам Господь спасе их, зане любит их и щадит их: Сам избави их и восприят их и вознесе их во вся дни века. Isaiah 63:10 Тии же не покоришася и разгневаша Духа Святаго Его, и обратися им на вражду, и Той воева на ня. Isaiah 63:11 И помяну дни вечныя: где возведый от земли пастыря овец Своих? Где есть вложивый в них Духа Святаго? Isaiah 63:12 Возведшая десницею Моисеа, мышца славы Его раздели воду пред лицем его сотворити Ему имя вечно, Isaiah 63:13 проведе их сквозе бездну, якоже коня сквозе пустыню, и не утрудишася, Isaiah 63:14 и яко скоты по полю, и сниде Дух от Господа и настави их: тако провел еси люди Твоя сотворити Тебе Самому имя славно. Isaiah 63:15 Обратися, Господи, от небесе и виждь от дому святаго Твоего и славы Твоея: где есть ревность Твоя и крепость Твоя? Где есть множество милости Твоея и щедрот Твоих, яко терпел еси нам? Isaiah 63:16 Ты бо еси Отец наш, понеже Авраам не уведе нас, и Израиль не позна нас, но Ты, Господи, Отец наш, избави ны, исперва имя Твое на нас есть. Isaiah 63:17 Что уклонил еси нас, Господи, от пути Твоего? И ожесточил еси сердца наша, еже не боятися Тебе? Обратися ради раб Твоих, ради племен достояния Твоего, Isaiah 63:18 да (поне) мало наследим горы святыя Твоея. Противницы наши попраша святыню Твою: Isaiah 63:19 быхом яко исперва, егда не владел еси нами, ниже бе наречено имя Твое на нас. Isaiah 64:0 Isaiah 64:1 Аще отверзеши небо, трепет приимут от Тебе горы и растают, Isaiah 64:2 яко тает воск от лица огня, и попалит огнь супостаты, и явлено будет имя Твое в сопротивных Твоих: от лица Твоего языцы возмятутся: Isaiah 64:3 егда сотвориши славная, трепет приимут от Тебе горы. Isaiah 64:4 От века не слышахом, ниже очи наши видеша бога, разве Тебе, и дела Твоя, яже сотвориши ждущым милости. Isaiah 64:5 Милость бо срящет творящих правду, и пути Твоя помянутся: се, Ты разгневался еси, и мы согрешихом. Isaiah 64:6 Сего ради заблудихом и быхом яко нечисти вси мы, якоже порт нечистыя вся правда наша, и отпадохом яко листвие беззаконий ради наших: тако ветр восхитит нас. Isaiah 64:7 И несть призываяй имя Твое и помянувый удержати Тя: яко отвратил еси лице Твое от нас и предал ны еси беззаконий ради наших. Isaiah 64:8 И ныне, Господи, Отец наш еси Ты, мы же брение, дела руку Твоею вси: Isaiah 64:9 не прогневайся на ны зело и не помяни во время беззаконий наших, и ныне призри, яко людие Твои вси мы. Isaiah 64:10 Град святилища Твоего бысть пуст, Сион якоже пустыня бысть, Иерусалим на проклятие: Isaiah 64:11 дом святый наш и слава, юже благословиша отцы наши, бысть огнем пожжен, и вся славная наша купно падоша. Isaiah 64:12 И о всех сих терпел еси, Господи, и молчал, и смирил еси ны зело. Isaiah 65:0 Isaiah 65:1 Явлен бых не ищущым Мене, обретохся не вопрошающым о Мне, рекох: се, есмь: языку, иже не призваша имене Моего. Isaiah 65:2 Прострох руце Мои весь день к людем не покаряющымся и противу глаголющым, иже не ходиша путем истинным, но вслед грехов своих. Isaiah 65:3 Людие сии разгневляющии Мя пред лицем Моим присно: тии жертвы приносят в вертоградех и кадят во чрепех бесом, иже не суть, Isaiah 65:4 и во гробех и во пещерах лежат соний ради, иже ядят мяса свиная и юху треб, осквернени сосуди их вси: Isaiah 65:5 иже глаголют: отиди от мене, не прикоснися мне, яко чист есмь. Сей дым ярости Моея, огнь горит в нем вся дни. Isaiah 65:6 Се, написася предо Мною: не умолчу, дондеже отдам в недра им грехи их и грехи отец их глаголет Господь: Isaiah 65:7 иже кадяху на горах и на хомех укориша Мя, отдам дела их в недра им. Isaiah 65:8 Тако глаголет Господь: имже образом обретается ягода на грезне, и рекут: не погуби его, яко благословение есть в нем: тако сотворю служащаго Ми ради, не имам всех погубити ради его: Isaiah 65:9 и изведу из Иакова семя и из Иуды, и наследит гору святую Мою, и наследят избраннии Мои и раби Мои и вселятся тамо. Isaiah 65:10 И будут во дубраве ограды стадом, и юдоль Ахорская в покоище говядов людем Моим, иже взыскаша Мене. Isaiah 65:11 Вы же, оставившии Мя и забывающии гору святую Мою, и уготовлящии демону трапезу и исполняющии щастию растворение, Isaiah 65:12 Аз предам вас под мечь, вси закланием падете: яко звах вас и не послушасте, глаголах, и преслушасте и сотвористе лукавое предо Мною и яже не хотех избрасте. Isaiah 65:13 Сего ради тако глаголет Господь: се, работающии Ми ясти будут, вы же взалчете: се, работающии Ми пити будут, вы же возжаждете: Isaiah 65:14 се, работающии Ми возрадуются, вы же посрамитеся: се, работающии Ми возвеселятся в веселии сердца, вы же возопиете в болезни сердца вашего и от сокрушения духа восплачетеся. Isaiah 65:15 Оставите бо имя ваше в насыщение избранным Моим, вас же избиет Господь: работающым же Мне наречется имя новое, Isaiah 65:16 еже благословится на земли, благословят бо Бога истиннаго: и кленущиися на земли клятися будут Богом истинным, забудут бо печаль свою первую, и не взыдет им на сердце. Isaiah 65:17 Будет бо небо ново и земля нова, и не помянут прежних, ниже взыдут на сердце их, Isaiah 65:18 но радость и веселие обрящут на ней, яко се, Аз творю веселие Иерусалиму и людем Моим радость. Isaiah 65:19 И возвеселюся о Иерусалиме и возрадуюся о людех Моих, и ксему не услышится в нем глас плача, ни глас вопля, Isaiah 65:20 ниже будет тамо младенец, ни старец, иже не исполнит лет своих: будет бо юный ста лет, умираяй же грешник ста лет и проклят будет. Isaiah 65:21 И созиждут домы и сами вселятся, и насадят винограды и сами снедят плоды их. Isaiah 65:22 Не созиждут, да инии вселятся, и не насадят, да инии снедят: якоже бо дние древа жизни, будут дние людий Моих: дела бо трудов их обетшают. Isaiah 65:23 Избраннии же мои не имут трудитися вотще, ниже породят чад на проклятие, яко семя благословено есть Богом, и внуцы их с ними будут. Isaiah 65:24 И будет, прежде неже воззвати им, Аз услышу их, еще глаголющым им, реку: что есть? Isaiah 65:25 Тогда волцы и агнцы имут пастися вкупе, и лев яко вол снесть плевы, и змия землю яко хлеб: не повредят, ниже погубят на горе святей Моей, глаголет Господь. Isaiah 66:0 Isaiah 66:1 Тако глаголет Господь: небо престол Мой, земля же подножие ногу Моею: кий дом созиждете Ми, и кое место покоища Моего? Isaiah 66:2 Вся бо сия сотвори рука Моя, и сия суть вся Моя, глаголет Господь. И на кого воззрю, токмо на кроткаго и молчаливаго и трепещущаго словес Моих? Isaiah 66:3 Беззаконник же жряй ми телца, яко убиваяй пса: и приносяй семидал, яко кровь свиную: даяй ливан в память, аки хулник. И тии избраша пути своя, и мерзости их, яже душа их изволи. Isaiah 66:4 И Аз изберу поругания их и грехи их воздам им: яко звах их, и не послушаша Мене, глаголах, и преслушаша и сотвориша злое предо Мною, и яже не хотех избраша. Isaiah 66:5 Услышите глаголгол Господень, трепещущии словесе Его: рцыте, братия, ненавидящым вас и гнушающымся, да имя Господне прославится и явится во веселии их, и они посрамятся. Isaiah 66:6 Глас вопля от града, глас от храма, глас Господа воздающаго воздаяние сопротивящымся. Isaiah 66:7 Прежде неже чревоболети ей, роди, прежде неже приити труду чревоболения, избеже и породи мужеск пол. Isaiah 66:8 Кто слыша сицевое, и кто виде сице? Аще родила земля с болезнию во един день? Или и родися язык весь купно, яко поболе и роди Сион дети своя? Isaiah 66:9 Аз же дах чаяние сие, и не помянул еси Мене, рече Господь. Не се ли, Аз родящую и неплодную сотворих? Рече Бог твой. Isaiah 66:10 Веселися, Иерусалиме, и торжествуйте в нем, вси любящии его и живущии в нем: радуйтеся вкупе с ним радостию, вси елицы плакасте о нем, Isaiah 66:11 да ссете и насытитеся от сосца утешения его, да ссавше насладитеся от входа славы его. Isaiah 66:12 Яко сия глаголет Господь: се, Аз укланяю на ня аки реку мира, и аки поток наводняемый славу языков: дети их на рамена взяты будут и на колену утешатся. Isaiah 66:13 Якоже аще кого мати утешает, тако и Аз утешу вы, и во Иерусалиме утешитеся Isaiah 66:14 и узрите, и возрадуется сердце ваше, и кости вашя яко трава прозябнут: и познается рука Господня боящымся Его, и запретит непокаряющымся. Isaiah 66:15 Се бо, Господь яко огнь приидет, и яко буря колесницы Его, воздати яростию отмщение Свое и прещение во пламени огненне: Isaiah 66:16 огнем бо Господним судитися будет вся земля, и мечем Его всяка плоть: мнози язвени будут от Господа. Isaiah 66:17 Очищающиися и освящающиися во вертоградех и в преддвериих ядущии мясо свиное и мерзости и мышы вкупе погибнут, рече Господь. Isaiah 66:18 И Аз дела их и помышление их вем, и гряду собрати вся народы и языки, и приидут и узрят славу Мою: Isaiah 66:19 и оставлю на них знамение, и послю от них спасеных во языки, во Фарсис и в Фуд, и в Луд и в Мосох, и в Фовель и во Елладу, и во островы дальния, иже не слышаша имене Моего, ниже видеша славу Мою: и возвестят славу Мою во языцех, Isaiah 66:20 и приведут братию вашу от всех язык дар Господеви, с коньми и колесницами и с носилами мсков, под сеньми во святый град Иерусалим, рече Господь, аки бы принесли сынове Израилевы жертвы своя Мне со псалмы в дом Господень: Isaiah 66:21 и от тех поиму себе жерцы и левиты, рече Господь. Isaiah 66:22 Якоже бо небо ново и земля нова, яже Аз творю, пребывают предо Мною, глаголет Господь, тако станет семя ваше и имя ваше: Isaiah 66:23 и будет месяц от месяца, и суббота от субботы, приидет всяка плоть поклонитися предо Мною во Иерусалим, рече Господь: Isaiah 66:24 и изыдут и узрят трупы человеков преступивших Мне: червь бо их не скончается, и огнь их не угаснет, и будут в позор всяцей плоти.
Jeremiah 0:0
Книга пророка Иеремии Jeremiah 1:0 Jeremiah 1:1 Слово Божие, еже бысть ко Иеремии сыну Хелкиеву от священник, иже обиташе во Анафофе, в земли Вениаминове, Jeremiah 1:2 якоже бысть слово Господне к нему, во дни Иосии сына Амоса царя Иудина, в третиенадесять лето царства его, Jeremiah 1:3 и бысть во дни Иоакима сына Иосии царя Иудина, даже до первагонадесять лета Седекии сына Иосии царя Иудина, даже до пленения Иерусалимскаго в месяц пятый. Jeremiah 1:4 И бысть слово Господне ко мне глаголя: Jeremiah 1:5 прежде неже мне создати тя во чреве, познах тя, и прежде неже изыти тебе из ложесн, освятих тя, пророка во языки поставих тя. Jeremiah 1:6 И рекох: о, Сый Владыко Господи, се, не вем глаголати, яко отрок аз есмь. Jeremiah 1:7 И рече Господь ко мне: не глаголи, яко отрок аз есмь, ибо ко всем, к нимже послю тя, пойдеши, и вся, елика повелю тебе, возглаголеши: Jeremiah 1:8 не убойся от лица их, яко с тобою Аз есмь, еже избавити тя, глаголет Господь. Jeremiah 1:9 И простре Господь руку Свою ко мне и прикоснуся устом моим, и рече Господь ко мне: се, дах словеса Моя во уста твоя: Jeremiah 1:10 се, поставих тя днесь над языки и над царствы, да искорениши и разориши, и расточиши и разрушиши, и паки созиждеши и насадиши. Jeremiah 1:11 И бысть слово Господне ко мне глаголя: что ты видиши Иеремие? И рекох: жезл ореховый (аз вижду). Jeremiah 1:12 И рече Господь ко мне: благо видел еси, понеже бдех Аз над словесы Моими, еже сотворити я. Jeremiah 1:13 И бысть слово Господне вторицею ко мне глаголя: что ты видиши? И рекох: коноб поджигаемый (аз вижду) и лице его от лица севера. Jeremiah 1:14 И рече Господь ко мне: от лица севера возгорятся злая на всех обитающих на земли, Jeremiah 1:15 зане се, Аз созову вся царства земная от севера, рече Господь и приидут и поставят кийждо престол свой в преддвериих врат Иерусалимских и на всех стенах окрест его и на всех градех Иудиных: Jeremiah 1:16 и возглаголю к ним с судом о всяцей злобе их, како оставиша Мя и пожроша богом чуждим и поклонишася делом рук своих. Jeremiah 1:17 Ты же препояши чресла твоя, и востани и глаголи к ним вся, елика заповедаю тебе: не убойся от лица их, ниже устрашися пред ними, яко с тобою есмь, еже избавити тя, глаголет Господь: Jeremiah 1:18 се, положих тя днесь аки град тверд и в столп железный, и аки стену медяну, крепку всем царем Иудиным и князем его, и священником его и людем земли: Jeremiah 1:19 и ратовати будут на тя и не премогут тя, понеже с тобою Аз есмь, да избавлю тя, рече Господь. Jeremiah 2:0 Jeremiah 2:1 И бысть слово Господне ко мне глаголющее: иди и вопий во ушы Иерусалиму, рекий: сия глаголет Господь: Jeremiah 2:2 помянух милость юности твоея и любовь совершенства твоего, егда последовал еси в пустыни ненасеянней Святому Израилеву, глаголет Господь. Jeremiah 2:3 Свят Израиль Господеви, начаток плодов Его: вси поядающии его согрешат, злая приидут на них, рече Господь. Jeremiah 2:4 Услышите слово Господне, доме Иаковль и вся племена дому Израилева. Jeremiah 2:5 Сия глаголет Господь: кое обретоша отцы ваши во Мне погрешение, яко удалишася от Мене и ходиша вслед суетных и осуетишася, Jeremiah 2:6 и не рекоша: где есть Господь, изведый нас от земли Египетския, преведый нас по пустыни, по земли необитанней и непроходней, по земли безводней и неплодней, по земли, по нейже не ходил муж никогдаже и не обитал человек тамо? Jeremiah 2:7 И введох вас в землю Кармил, да снесте плоды его и благая того: и внидосте, и осквернили есте землю Мою, и достояние Мое поставили есте в мерзость. Jeremiah 2:8 Священницы не рекоша: где есть Господь? И держащии закон не ведеша Мя, и пастырие нечествоваша на Мя, и пророцы пророчествоваша в Ваала и идолом последоваша. Jeremiah 2:9 Сего ради еще судом претися имам с вами, рече Господь, и с сыны вашими препрюся. Jeremiah 2:10 Того ради приидите во островы Хеттим и видите, и в Кидар послите и разсмотрите прилежно и видите, аще сотворена быша таковая? Jeremiah 2:11 Аще премениша языцы боги своя, и тии не суть бози? Людие же Мои премениша славу свою на то, от негоже не упользуются. Jeremiah 2:12 Ужасеся небо о сем и вострепета попремногу зело, глаголет Господь. Jeremiah 2:13 Два бо зла сотвориша людие Мои: Мене оставиша источника воды живы, и ископаша себе кладенцы сокрушеныя, иже не возмогут воды содержати. Jeremiah 2:14 Еда раб есть Израиль, или домочадец есть? Вскую бысть в пленение? Jeremiah 2:15 На него рыкаша львове и издаша глас свой, иже поставиша землю его в пустыню, и грады его сожжени суть, еже не обитати в них. Jeremiah 2:16 И сынове Мемфиса и Тафны познаша тя и поругашася тебе. Jeremiah 2:17 Не сия ли сотвори тебе то, яко оставил еси Мене? Глаголет Господь Бог твой. Jeremiah 2:18 И ныне что тебе и пути Египетскому, еже пити воду Геонскую? И что тебе и пути Ассирийскому, да пиеши воду речную? Jeremiah 2:19 Накажет тя отступление твое и злоба твоя обличит тя и увеждь и виждь, яко зло и горько ти есть, еже оставити мя, глаголет Господь Бог твой: и не благоволих от тебе, глаголет Господь Бог твой. Jeremiah 2:20 Понеже от века сокрушил еси иго твое и растерзал еси узы твоя и рекл еси: не имам тебе служити, но пойду на всякий холм высокий и под всяким древом лиственным тамо разлиюся в блуде моем. Jeremiah 2:21 Аз же насадих тя виноград плодоносен, весь истинен: како превратился еси в горесть, виноград чуждий? Jeremiah 2:22 Аще умыешися нитром и умножиши себе травы борифовы, порочен еси во беззакониих твоих предо Мною, рече Господь Бог. Jeremiah 2:23 Како речеши: не осквернихся и вслед Ваала не ходих? Виждь пути твоя на месте многогробищнем и увеждь, что сотворил еси. В вечер глас его рыдаше, Jeremiah 2:24 пути своя разшири на воды пустынныя, в похотех души своея ветром ношашеся, предан бысть, кто обратит его? Вси ищущии его не утрудятся, во смирении его обрящут его. Jeremiah 2:25 Отврати ногу твою от пути стропотна и гортань твой от жажди. И рече: возмужаюся, яко возлюби чуждих и вслед их хождаше. Jeremiah 2:26 Якоже стыд татю, егда ят будет, тако постыдятся сынове Израилевы, тии и царие их, и началницы их и священницы их и пророцы их. Jeremiah 2:27 Древу рекоша: яко отец мой еси ты: и камени: ты мя родил еси: и обратиша ко Мне хребты, а не лица своя: и во время озлобления своего рекут: востани и избави нас. Jeremiah 2:28 И где суть бози твои, яже сотворил еси тебе? Да востанут и избавят тя во время озлобления твоего: по числу бо градов твоих быша бози твои, Иудо, и по числу путий Иерусалимских жряху Ваалу. Jeremiah 2:29 Вскую глаголете ко Мне? Вси вы нечествовасте и вси вы беззаконновасте ко Мне, глаголет Господь. Jeremiah 2:30 Всуе поразих чада ваша, наказания не приясте, мечь пояде пророки вашя, аки лев погубляяй, и не убоястеся. Jeremiah 2:31 Слышите слово Господне, тако глаголет Господь: еда пустыня бых Израилю, или земля неплодна? Вскую реша людие Мои: обладаеми не будем и потом не приидем к Тебе? Jeremiah 2:32 Еда забудет невеста красоту свою, и дева мониста персий своих? Людие же Мои забыша Мене дни безчисленны. Jeremiah 2:33 Что еще добро ухитриши на путех твоих, еже взыскати любве? Не тако: но и ты лукавновала еси, еже осквернити пути твоя, Jeremiah 2:34 и в руках твоих обретеся кровь душ (убогих) неповинных: не в ровех обретох их, но во всяцей дубраве. Jeremiah 2:35 И рекла еси: неповинна есмь, но да отвратится ярость Твоя от мене. Се, Аз суждуся с тобою, внегда рещи тебе: не согреших: Jeremiah 2:36 понеже презрела еси зело, еже повторити пути твоя: и от Египта постыдишися, якоже постыдена еси от Ассура: Jeremiah 2:37 яко и оттуду изыдеши, и руце твои на главе твоей: яко отрину Господь надеяние твое, и не благопоспешится тебе в нем. Jeremiah 3:0 Jeremiah 3:1 Аще отпустит муж жену свою, и отидет от него и будет мужу иному, еда возвращающися возвратится к нему паки? Еда непорочна будет и неосквернена жена та? Ты же соблудила еси с пастырьми многими, и возвращалася еси и ко Мне, глаголет Господь. Jeremiah 3:2 Воздвигни очи твои на правоту и виждь, где не смесилася еси? На путех сидела еси аки врана особящаяся и осквернила еси землю в любодеяниих и в лукавствех твоих, Jeremiah 3:3 и имела еси пастырей многих в претыкание себе: лице жены блудницы бысть тебе, не хотела еси постыдетися ко всем. Jeremiah 3:4 Не аки ли домом Мене нарекла еси и Отцем и вождем девства твоего? Jeremiah 3:5 Еда пребудет во век, или сохранится в победу? Сия глаголала еси, и сотворила еси злая, и возмогла еси. Jeremiah 3:6 И рече Господь ко мне во дни Иосии царя: видел ли еси, яже сотвори ми дом Израилев? Поидоша на всяку гору высоку и под всяко древо листвяно и соблудиша тамо. Jeremiah 3:7 И рекох по внегда прелюбодействовати ему во всех сих: ко Мне обратися. И виде преступление его преступница Иудеа сестра его.. Jeremiah 3:8 И видех, яко о всех (изобличен есть), в нихже ят бысть, в нихже любодействова дом Израилев: сего ради отпустих и и дах ему книгу распустную в руце его. Обаче не убояся преступница Иудеа (сестра его), но иде и соблудила есть и та: Jeremiah 3:9 и бысть ни во что блуд ея, и оскверни землю, и соблудила есть с каменем и со древом. Jeremiah 3:10 И во всех сих не обратися ко Мне преступница сестра ея Иудеа от всего сердца своего, но во лжи, рече Господь. Jeremiah 3:11 И рече Господь ко мне: оправда душу свою отступница Израиль, паче преступницы Иудеи: Jeremiah 3:12 иди, и прочти словеса та к северу, и речеши: обратися ко мне, доме Израилев, рече Господь: и не утвержду лица Моего на вас, яко милостив Аз есмь, рече Господь, и не прогневаюся на вы во веки. Jeremiah 3:13 Обаче веждь беззаконие твое, яко в Господа Бога твоего преступила еси, и расточила еси пути твоя чуждим под всяким древом листвяным, гласа же Моего не послушала еси, рече Господь. Jeremiah 3:14 Обратитеся, сынове отступившии, глаголет Господь: яко Аз возобладаю вами и поиму вы единаго от града и двух от племене, и введу вас в Сион Jeremiah 3:15 и дам вам пастыри по сердцу Моему, и упасут вас разумом и учением. Jeremiah 3:16 И будет, егда умножитеся и возрастете на земли, глаголет Господь, во дни оны не рекут ктому: кивот завета Святаго Израилева: не взыдет на сердце, ни воспомянется, ниже посетится, ниже сотворится ктому. Jeremiah 3:17 Во дни оны нарекут Иерусалима престол Господень, и соберутся к нему вси языцы во имя Господне во Иерусалим, и не пойдут ктому вслед похотей сердца своего злейшаго. Jeremiah 3:18 Во днех тех приидет дом Иудин ко дому Израилеву, и пойдут вкупе от земли северныя и от всех стран к земли, юже дах в наследие отцем их. Jeremiah 3:19 Аз же рех: да будет, Господи, яко положу тя в чада и дам тебе землю избранную, достояние Бога Вседержителя языков: и рекох: отцем наречете Мя и от Мене не отвратитеся. Jeremiah 3:20 Обаче якоже отвергается жена сожителя своего, тако отвержеся от Мене дом Израилев, рече Господь. Jeremiah 3:21 Глас из устен слышан бысть плача и моления сынов Израилевых, яко беззаконноваша в путех своих, забыша Господа Бога святаго своего. Jeremiah 3:22 Возвратитеся, сынове возвращаюшиися, и изцелю сокрушения ваша. Се, рабы мы будем Тебе, Ты бо еси Господь Бог наш. Jeremiah 3:23 Истинно лживи быша холми и множество гор, токмо Господем Богом нашим спасение Израилево. Jeremiah 3:24 Студ же пояде труды отец наших, от юности нашея, овцы их и телцы их, и сыны их и дщери их. Jeremiah 3:25 Уснухом в постыдении нашем, и покры нас безчестие наше, яко Господу Богу нашему согрешихом, мы и отцы наши, от юности нашея даже до сего дне, и не послушахом гласа Господа Бога нашего. Jeremiah 4:0 Jeremiah 4:1 Аще обратишися, Израилю, глаголет Господь, ко Мне обратися: и аще отимеши мерзости твоя от уст твоих, и от лица Моего убоишися, Jeremiah 4:2 и кленешися, живет Господь, во истине и в суде и в правде, и благословят в Нем языцы и в Нем восхвалят Бога во Иерусалиме. Jeremiah 4:3 Сия бо глаголет Господь мужем Иудиным и обитателем Иерусалимлим: поновите себе поля и не сейте на тернии: Jeremiah 4:4 обрежитеся Богу вашему и обрежите жестосердие ваше, мужие Иудины и обитающии во Иерусалиме, да не изыдет яко огнь ярость Моя, и возгорится, и не будет угашаяй, ради лукавства начинаний ваших. Jeremiah 4:5 Возвестите во Иудеи, и да услышится во Иерусалиме: глаголите, воспойте трубою на земли, возопийте зело и рцыте: соберитеся, и внидем во грады тверды. Jeremiah 4:6 Воздвигше (знамение) бежите в Сион, потщитеся, не стойте, яко злая Аз навожду от севера и сотрение велико. Jeremiah 4:7 Взыде лев от ложа своего, и погубляяй языки воздвижеся и изыде от места своего, да положит землю твою в пустыню, и гради твои разорятся, оставшии без обитателей. Jeremiah 4:8 О сих препояшитеся во вретища и плачите и рыдайте, яко не отвратися гнев ярости Господни от вас. Jeremiah 4:9 И будет в день той, глаголет Господь, погибнет сердце царево и сердце началников, и священницы ужаснутся, и пророцы удивятся. Jeremiah 4:10 И рекох: о, Владыко Господи, еда обольстил еси люди сия и Иерусалима, рекий: мир будет вам? И се, пройде мечь даже до души их. Jeremiah 4:11 Во время оно речется людем сим и Иерусалиму: дух заблуждения в пустыни, путь дщере людий Моих, не ко очищению, ниже во святое: Jeremiah 4:12 дух исполнения от сих приидет Мне, и ныне Аз возглаголю суды Моя к ним. Jeremiah 4:13 Се, яко облак взыдет, и яко вихрь колесницы его, быстрее орлов кони его: горе нам, яко бедствуем. Jeremiah 4:14 Омый от лукавства сердце твое, Иерусалиме, да спасешися: доколе будут в тебе помышления бед твоих? Jeremiah 4:15 Глас бо возвещающаго от Дана приидет, и слышана будет болезнь от горы Ефремли. Jeremiah 4:16 Рцыте языком: се, приидоша: возвестите во Иерусалиме: полцы идут от земли дальния и даша на грады Иудины глас свой, Jeremiah 4:17 аки стражы селнии быша над ним окрест: яко пренебрегл Мя еси, глаголет Господь. Jeremiah 4:18 Пути твоя и начинания твоя сотвориша тебе сия: сие лукавство твое, понеже горько, яко прикоснуся сердцу твоему. Jeremiah 4:19 Чрево мое, чрево мое болит мне, и чувства сердца моего, смущается душа моя, терзается сердце мое: не умолчу, яко глас трубы услышала душа моя, вопль рати и беды: Jeremiah 4:20 сотрение (на сотрение) призывается, понеже опустела вся земля, внезапу опусте жилище мое, расторгошася кожы моя. Jeremiah 4:21 Доколе зрети имам бежащих, слышащь гласы трубныя? Jeremiah 4:22 Понеже вождеве людий Моих Мене не познаша: сынове буии суть и безумни, мудри суть, еже творити злая, благо же творити не познаша. Jeremiah 4:23 Воззрех на землю, и се, ничтоже, и на небо, и не бе света его. Jeremiah 4:24 Видех горы, и трепетаху, и вси холми возмутишася. Jeremiah 4:25 Воззрех, и се, не бе человека, и вся птицы небесныя ужасахуся. Jeremiah 4:26 Видех, и се, Кармил пуст, и вси гради сожжени огнем от лица Господня, и от лица гнева ярости Его погибоша. Jeremiah 4:27 Сия глаголет Господь: пуста будет вся земля, скончания же не сотворю. Jeremiah 4:28 О сих да плачет земля, и да помрачится небо свыше: понеже глаголах, и не раскаюся: устремихся и не отвращуся от него. Jeremiah 4:29 От гласа яздящих и напряженна лука побеже всяка страна: внидоша в разселины и в дубравы сокрышася и на камение взыдоша: вси гради оставлени суть, не обитает в них человек. Jeremiah 4:30 Ты же, запустелая, что сотвориши? Аще облечешися во багряницу и украсишися монисты златыми, аще намажеши стивием очи твои, всуе украшение твое: отринуша тя любовницы твои, души твоея ищут. Jeremiah 4:31 Глас бо яко родящия слышах стенания твоего: аки первородящия глас дщере Сиони истает, и опустит руце свои: горе мне, яко изчезает душа моя над убиенными. Jeremiah 5:0 Jeremiah 5:1 Обыдите пути Иерусалимския и воззрите, и познайте и поищите на стогнах его, аще обрящете мужа творящаго суд и ищуща веры: и милосерд буду ему, глаголет Господь. Jeremiah 5:2 Живет Господь, глаголют, сего ради не во лжах ли кленутся? Jeremiah 5:3 Господи, очи Твои (зрят) на веру: бил еси их, и не поболеша, сокрушил еси их, и не восхотеша прияти наказания: ожесточиша лица своя паче камене и не хотеша обратитися. Jeremiah 5:4 Аз же рех: негли убози суть (и буии), того ради не возмогоша, яко не уведаша пути Господня и суда Бога своего. Jeremiah 5:5 Пойду ко державным и возглаголю им, тии бо познаша путь Господень и суд Бога своего. И се, единодушно сии сокрушиша иго, расторгоша узы. Jeremiah 5:6 Сего ради порази их лев от дубравы, и волк даже до домов погуби их, и рысь бдяше над градами их: вси исходящии от них будут яти, яко умножиша нечестия своя, укрепишася во отвращениих своих. Jeremiah 5:7 О чем от сих милосерд буду тебе? Сынове твои оставиша Мя и кляшася теми, иже не суть бози: насытих их, и прелюбодействоваша и в домех блудниц обиташа, Jeremiah 5:8 кони женонеистовни сотворишася, кийждо ко жене искренняго своего ржаше. Jeremiah 5:9 Еда о сих не посещу? Рече Господь: или языку сицевому не мстит душа Моя? Jeremiah 5:10 Взыдите на стены его и разорите, окончания же не сотворите: оставите подпоры его, яко Господни суть. Jeremiah 5:11 Преступлением бо преступил есть на Мя дом Израилев и дом Иудин глаголет Господь. Jeremiah 5:12 Солгаша Господу своему и рекоша: не суть сия, ниже приидут на нас злая и меча и глада не узрим: Jeremiah 5:13 пророцы наши быша на ветр, и слово Господне не бе в них, тако будет им. Jeremiah 5:14 Сего ради тако глаголет Господь Сил: занеже глаголали есте слово сие, се, Аз даю словеса Моя во уста твоя огнь, и люди сия древа, и пояст их. Jeremiah 5:15 Се, Аз наведу на вас язык издалеча, доме Израилев, рече Господь, язык сильный, язык старый, егоже языка не увеси, (ни уразумееши, что глаголет): Jeremiah 5:16 тул его яко гроб отверст, вси крепцыи и поядят жатву вашу Jeremiah 5:17 и хлебы вашя, и поядят сынов ваших и дщерей ваших, и снедят овец ваших и телцев ваших, и поядят винограды вашя и смокви вашя и масличия ваша, и сокрушат грады вашя твердыя, на нихже вы уповасте, мечем. Jeremiah 5:18 Обаче во днех онех, глаголет Господь Бог твой, не сотворю вас во истребление. Jeremiah 5:19 И будет, егда речете: почто сотвори Господь Бог наш нам сия вся? И речеши к ним: яко остависте Мя и послужисте богом чуждим в земли вашей, тако послужите богом чуждим в земли не вашей. Jeremiah 5:20 Возвестите сия дому Иаковлю и слышано сотворите в дому Иудине (рекуще): Jeremiah 5:21 слышите сия, людие буии и не имущии сердца, иже, имеюще очи, не видите, и ушы, и не слышите: Jeremiah 5:22 Мене ли не убоитеся? Рече Господь: или от лица Моего не устыдитеся? Иже положих песок предел морю, заповедь вечну, и не превзыдет его, и возмутится и не возможет: и возшумят волны его, и не прейдут того. Jeremiah 5:23 Людем же сим бысть сердце непослушно и непокориво, и уклонишася и поидоша, Jeremiah 5:24 и не рекоша в сердцы своем: убоимся Господа Бога нашего, дающаго нам дождь ранний и поздный во время исполнения повеления жатвы и хранящаго нам. Jeremiah 5:25 Беззакония наша уклониша сия, и греси наши отринуша благая от нас. Jeremiah 5:26 Яко обретошася в людех Моих нечестивии, и сети поставиша, еже погубити мужы, и уловиша. Jeremiah 5:27 Аки клетка поставлена полна птиц, тако домы их полни лести: сего ради возвеличишася и обогатишася: Jeremiah 5:28 утыша и утолстеша и преступиша словеса Моя злейшии: прю вдовицы не судиша, суда сира не управиша и суда убогим не судиша. Jeremiah 5:29 Еда сих ради не посещу? Рече Господь: или языку сицевому не отмстит душа Моя? Jeremiah 5:30 Ужас и страшная содеяшася на земли: Jeremiah 5:31 пророцы пророчествоваша неправедная, и священницы восплескаша руками своими, и людие Мои возлюбиша таковая. И что сотворите в последняя сих? Jeremiah 6:0 Jeremiah 6:1 Укрепитеся, сынове Вениаминовы, посреде Иерусалима, и в Фекуи вострубите трубою, и над Вефахармом воздвигните хоругвь: яко злая произникоша от севера, и сотрение велико бывает: Jeremiah 6:2 и отимется высота твоя, дщи Сионя. Jeremiah 6:3 К ней приидут пастырие и стада их, и поставят на ней кущы окрест, и упасут кийждо рукою своею. Jeremiah 6:4 Уготовитеся на ню на крань, востаните и взыдем на ню о полудни: горе нам, яко уклонися день, яко изчезают сени дневныя. Jeremiah 6:5 Востаните и взыдем на ню нощию и расточим основания ея. Jeremiah 6:6 Яко сия глаголет Господь Сил: посецы древа его, излий на Иерусалим силу: о, граде лживый, всякое насильство в нем! Jeremiah 6:7 Якоже студену творит кладязь воду свою, тако студену творит ю злоба ея: нечестие и пакости услышатся в нем над лицем его всегда. Jeremiah 6:8 Немощию и язвою накажешися, Иерусалиме: да не отступит душа Моя от тебе, да не сотворю тя непроходну, землю необитанну. Jeremiah 6:9 Яко сия глаголет Господь Сил: обирайте, обирайте, аки виноград, останки Израилевы, обратитеся аки обиратель на кошницу свою. Jeremiah 6:10 Кому возглаголю и (кому) засвидетельствую, и услышит? Се, необрезана ушеса их, и слышати не возмогут: се, слово Господне бысть к ним в поношение, и не восприимут того. Jeremiah 6:11 И ярость Мою исполних, и терпех, и не скончах их: излию на младенцы отвне и на собрание юнош вкупе: муж бо и жена яти будут, старец со исполненным дний. Jeremiah 6:12 И прейдут домы их ко иным, поля и жены их такожде, яко простру руку Мою на обитающих на земли сей, глаголет Господь. Jeremiah 6:13 Понеже от меншаго и даже до болшаго вси совершиша беззаконная, от священника и даже до лжепророка вси сотвориша ложная Jeremiah 6:14 и целяху сотрение людий Моих, уничижающе и глаголюще: мир, мир: и где есть мир? Jeremiah 6:15 Постыдешася, яко оскудеша: и ниже аки посрамляеми постыдешася и безчестия своего не познаша: сего ради падут падением своим и во время посещения своего погибнут, рече Господь. Jeremiah 6:16 Сия глаголет Господь: станите на путех и видите, и вопросите о стезях Господних вечных и видите, кий есть путь благ, и ходите по нему и обрящете очищение душам вашым. И рекоша: не пойдем. Jeremiah 6:17 И поставих над вами стражы: слышите глас трубы. И рекоша: не послушаем. Jeremiah 6:18 Сего ради услышаша языцы и пасущии стада своя. Jeremiah 6:19 Слыши, земле: се, Аз навожду на люди сия злая, плод отвращения их, яко словес Моих не послушаша и закон Мой отвергоша. Jeremiah 6:20 Вскую Мне кадило от Савы приносите и кинамон от земли дальния, всесожжения ваша не суть приятна, и жертвы вашя не усладиша Мя. Jeremiah 6:21 Сего ради тако глаголет Господь: се, Аз дам на люди сия болезнь, и изнемогут отцы и сынове вкупе, сосед и искренний его погибнут. Jeremiah 6:22 Сия глаголет Господь: се, людие грядут от севера, и язык велик востанет от конец земли, Jeremiah 6:23 лук и щит возмут: мучителен есть и не умилосердится: глас его, яко море шумящее: на конех и колесницах ополчится аки огнь на брань на тя, дщи Сионя. Jeremiah 6:24 Слышахом слух его, ослабеша руце наши, скорбь объят нас, болезни яко родящия. Jeremiah 6:25 Не исходите на нивы и на пути не ходите, понеже мечь вражий обитает окрест. Jeremiah 6:26 Дщи людий моих, препояшися вретищем и посыплися пепелом, плачь возлюбленнаго сотвори тебе рыдание горько, понеже внезапу приидет запустение на вас. Jeremiah 6:27 Искусителя дах тя в людех искусных, и увеси Мя, внегда искусити Ми путь их: Jeremiah 6:28 вси непослушни ходящии строптиво: медь и железо, вси растлени суть. Jeremiah 6:29 Оскуде мех от огня, истле олово: всуе ковачь сребро кует, лукавства бо их не истаяша. Jeremiah 6:30 Сребро отриновено нарцыте их, яко Господь отверже их. Jeremiah 7:0 Jeremiah 7:1 Слово, еже бысть ко Иеремии от Господа, глаголющее: Jeremiah 7:2 стани во вратех дому Господня и проповеждь тамо слово то и глаголи: слышите слово Господне, вся Иудеа, ходящии сквозе врата сия, да поклонитеся Господу: Jeremiah 7:3 сия глаголет Господь Сил, Бог Израилев: исправити пути вашя и начинания ваша, и вселю вы на месте сем. Jeremiah 7:4 Не надейтеся на себе во словесех лживых, понеже весьма не упользуют вас, глаголюще: храм Господень, храм Господень, храм Господень есть. Jeremiah 7:5 Яко аще исправляюще исправите пути ваша и умышления ваша, и творяще сотворите суд посреде мужа и посреде искренняго его, Jeremiah 7:6 и пришелцу и сиру и вдовице не сотворите насилия, и крове неповинныя не излиете на месте сем, и вслед богов чуждих не пойдете на зло вам, Jeremiah 7:7 вселю вас на месте сем, в земли, юже дах отцем вашым от века даже и до века. Jeremiah 7:8 Аще же вы надеетеся на словеса лживая, отюнудуже не будет вам пользы, Jeremiah 7:9 и крадете и убиваете, и блудствуете и кленетеся лживо, и жрете Ваалу и ходите вслед богов чуждих, ихже не весте, яко во зло вам суть, Jeremiah 7:10 и приидосте и стасте предо Мною в дому сем, в немже призвано есть имя Мое, и рекли есте: удалихомся, еже не творити вся мерзости сия: Jeremiah 7:11 еда вертеп разбойником есть дом Мой, в немже призвася имя Мое тамо во очию вашею? И се, Аз видех, глаголет Господь. Jeremiah 7:12 Сего ради идите к месту Моему, еже в Силоме, идеже вселих имя Мое от начала, и видите, что сотворих ему лукавств ради людий Моих Израиля. Jeremiah 7:13 И ныне, понеже сотвористе вся дела сия, рече Господь, и глаголах к вам рано востающь и глаголющь, и не услышасте Мене, и звах вас, и не отвещасте: Jeremiah 7:14 убо и Аз сотворю дому сему, в немже призвано есть имя Мое, на негоже вы уповасте, и месту, еже дах вам и отцем вашым, якоже сотворих Силому. Jeremiah 7:15 И отвергу вас от лица Моего, якоже отвергох всю братию вашу, все семя Ефремово. Jeremiah 7:16 Ты же не молися о людех сих и не проси еже помилованым быти им, и не моли, ниже приступай ко Мне о них, яко не услышу тя. Jeremiah 7:17 Еда не видиши, что сии творят во градех Иудиных и на путех Иерусалимских? Jeremiah 7:18 Сынове их собирают дрова, и отцы их зажигают огнь, и жены их месят муку, да сотворят опресноки воинству небесному, и возлияша возлияния богом чуждим, да прогневают Мя. Jeremiah 7:19 Мене ли тии прогневляют? Глаголет Господь: еда не себе самих? Да постыдятся лица их. Jeremiah 7:20 Сего ради тако глаголет Господь: се, гнев и ярость Моя лиется на место сие и на люди, и на скоты и на всяко древо страны их и на плоды земныя, и возжжется и не угаснет. Jeremiah 7:21 Сия глаголет Господь Сил, Бог Израилев: всесожжения ваша соберите со жертвами вашими и изядите мяса: Jeremiah 7:22 яко не глаголах ко отцем вашым и не заповедах им в день, в оньже изведох их от земли Египетския, о всесожжениих и жертвах, Jeremiah 7:23 но (токмо) слово сие заповедах им, рекий: услышите глас Мой, и буду вам в Бога, и вы будете Мне в люди, и ходите во всех путех Моих, в нихже повелех вам, да благо будет вам. Jeremiah 7:24 И не услышаша Мене, и не внят ухо их: но поидоша в похотех и стропотстве сердца своего лукаваго, и сотворишася на задняя, а не на предняя, Jeremiah 7:25 от дне, в оньже изыдоша отцы их от земли Египетския, и даже до дне сего: и послах к вам вся рабы Моя пророки, в день и рано востая и посылая: Jeremiah 7:26 и не услышаша Мя, ни приклониша ухо свое, но ожесточиша выю свою паче отец своих. Jeremiah 7:27 И речеши к ним вся словеса сия, и не услышат тя, и воззовеши их, и не отвещают тебе. Jeremiah 7:28 И речеши к ним: сей язык, иже не послуша гласа Господа Бога своего, ни восприят наказания: погибе вера и отята есть от уст их. Jeremiah 7:29 Остризи главу твою и отметни, и восприими во устне рыдание, яко отверже Господь и отрину род творяй сия. Jeremiah 7:30 Понеже сотвориша сынове Иудины лукавое во очию Моею, рече Господь: поставиша мерзости своя в дому, в немже призвано есть имя Мое, да осквернят его, Jeremiah 7:31 и создаша требище Тафефу, еже есть во юдоли сына Енномля, да сожигают сыны своя и дщери своя огнем, егоже не повелех им, ниже помыслих в сердцы Моем: Jeremiah 7:32 сего ради се, дние грядут, глаголет Господь, и не рекут ктому: требище Тафефово и юдоль сына Енномля, но юдоль закланых: и погребутся во Тафефе, занеже несть места. Jeremiah 7:33 И будут трупие людий сих во снедь птицам небесным и зверем земным, и не будет отгоняющаго. Jeremiah 7:34 И упраздню от градов Иудиных и от путий Иерусалимлих глас радующихся и глас веселящихся, глас жениха и глас невесты, во опустении бо будет вся земля. Jeremiah 8:0 Jeremiah 8:1 Во время оно, глаголет Господь, извергут кости царей Иуды и кости князей его, и кости священников и кости пророков и кости обитающих во Иерусалиме из гробов их Jeremiah 8:2 и повергут их противу солнца и луны и противу всех звезд небесных и противу всего воинства небеснаго, ихже возлюбиша и имже служиша и вслед их ходиша, и ихже держахуся и имже поклонишася: неоплакани и непогребени будут и в пример на лицы земли будут: Jeremiah 8:3 яко избраша паче смерть, неже живот, и всем, иже осташа от племене сего строптиваго во всех местех, аможе изрину их рече Господь Сил. Jeremiah 8:4 И речеши к ним: понеже сия глаголет Господь: еда падаяй не востает, или отврашаяйся не обратится? Jeremiah 8:5 Вскую отвратишася людие Мои сии во Иерусалиме отвращением безстудным и укрепишася во произволении своем и не восхотеша обратитися? Jeremiah 8:6 Внимайте и слушайте: не тако ли возглаголют: несть человек творяй покаяние о гресе своем, глаголя: что сотворих? Изнеможе бежай от течения своего, аки конь утружден во ржании своем. Jeremiah 8:7 Еродиа на небеси позна время свое, горлица и ластовица селная, врабие сохраниша времена входов своих: людие же Мои сии не познаша судеб Господних. Jeremiah 8:8 Како речете, яко мы мудри есмы и закон Господень с нами есть? Истинно всуе бысть трость лживая книжником. Jeremiah 8:9 Постыдешася премудрии, и устрашени и поимани быша, слово бо Господне отвергоша: кая мудрость есть в них? Jeremiah 8:10 Сего ради дам жены их иным и села их наследником, понеже от мала даже до велика вси златолюбию последуют и от пророка даже до священника вси творят лжу, Jeremiah 8:11 и изцеляху сотрения дщере людий Моих, ко безчестию глаголюще: мир, мир. И не бе мира. Jeremiah 8:12 Постыждени суть, яко гнусство сотвориша и постыдением не постыдешася и посрамитися не ведеша: сего ради падут между падающими, во время посещения своего падут рече Господь. Jeremiah 8:13 И соберут плоды их, глаголет Господь: несть грозда на лозе, и не суть смокви на смоковницах, и листвие отпадоша: и дах им, и мимоидоша их. Jeremiah 8:14 Почто мы седим? Совокупитеся и внидем во грады тверды и повержемся тамо, яко Господь Бог наш отрину нас и напои нас водою желчи, согрешихом бо пред Ним. Jeremiah 8:15 Ждахом мира, и не бяху благая: времене уврачевания, и се, боязнь. Jeremiah 8:16 От Дана слышано бысть ржание коней его, от гласа ржания яждения коней потрясеся вся земля: и приидет и пожрет землю и исполнение ея, град и обитающих в нем: Jeremiah 8:17 яко се, Аз послю на вас змии умерщвляющыя, имже несть обаяния, и угрызут вас, рече Господь, Jeremiah 8:18 неизцельно со болезнию сердца вашего изчезающаго. Jeremiah 8:19 Се, глас вопля и дщере людий Моих от земли издалеча: еда Господь несть в Сионе? Или Царя несть в нем? Понеже прогневаша Мя во изваянных своих и в суетных чуждих. Jeremiah 8:20 Пройде жатва, мимоиде лето, и мы несмы спасени. Jeremiah 8:21 Над сокрушением дщере людий моих сокрушен есмь и скорбен: во ужасе объяша мя болезни аки раждающия. Jeremiah 8:22 Или ритины несть в Галааде? Или врача несть тамо? Чесо ради несть изцелена рана дщере людий моих? Jeremiah 9:0 Jeremiah 9:1 Кто даст главе моей воду и очесем моим источник слез? И плачуся день и нощь о побиенных дщере людий моих. Jeremiah 9:2 Кто даст мне в пустыни виталище последнее? И оставлю люди моя и отиду от них: понеже вси любодействуют, соборище преступников. Jeremiah 9:3 И налякоша язык свой яко лук: лжа и неверство укрепишася на земли, ибо от злых во злая произыдоша и Мене не познаша, рече Господь. Jeremiah 9:4 Кийждо от искренняго своего да стрежется, и на братию свою не уповайте, ибо всяк брат запинанием запнет, и всяк друг льстивно наскочит. Jeremiah 9:5 Кийждо другу своему посмеется, истины не возглаголют: научиша язык свой глаголати лжу, неправдоваша и не восхотеша обратитися. Jeremiah 9:6 Лихва на лихву и лесть на лесть: не восхотеша уведети Мене, рече Господь. Jeremiah 9:7 Сего ради тако глаголет Господь Сил: се, Аз разжегу их и искушу их: что бо ино сотворю от лица лукавства дщери людий Моих? Jeremiah 9:8 Стрела уязвляющая язык их, льстивии глаголы уст их: приятелю своему глаголет мирная, внутрь же себе имеет вражду. Jeremiah 9:9 Еда на сих не посещу? Рече Господь: или людем таковым не отмстит душа Моя? Jeremiah 9:10 На горах восприимите плачь и тужение и на стезях пустыни рыдание, яко оскудеша, за еже не быти человеком преходящым: не слышаша гласа обитания от птиц небесных и даже до скотов, ужасошася, отидоша. Jeremiah 9:11 И дам Иерусалим в преселение и в жилище змием и грады Иудины положу в разорение, яко не будет обитающаго. Jeremiah 9:12 Кто муж премудр, и уразумеет сие? И к немуже слово уст Господних, да возвестит вам, чесо ради погибе земля, сожжена есть яко пустыня, еяже никтоже проходит? Jeremiah 9:13 И рече Господь ко мне: понеже оставиша закон Мой, егоже дах пред лицем их, и не послушаша гласа Моего и не ходиша по нему, Jeremiah 9:14 но поидоша по изволению сердца своего лукаваго и вслед идолов, имже научиша их отцы их: Jeremiah 9:15 сего ради тако глаголет Господь Сил, Бог Израилев: се, Аз напитаю люди сия теснотами и в питие дам им воду желчную, Jeremiah 9:16 и расточу их во языки, ихже не знаша тии и отцы их, и послю на них мечь, дондеже истлятся. Jeremiah 9:17 Сия рече Господь Сил: призовите плачевниц, и да приидут, и ко женам премудрым послите, и да вещают Jeremiah 9:18 и да приимут над вами плачь, и да изведут очи ваши слезы, и вежди ваши да излиют воду: Jeremiah 9:19 зане глас плача слышан бысть во Сионе: како бедни быхом, постыждени зело, яко оставихом землю и отринухом жилища наша? Jeremiah 9:20 Темже слышите, жены, слово Господне, и приимите ушима вашима словеса уст Его, и научите дщери вашя рыданию, и каяждо искреннюю свою плачу: Jeremiah 9:21 понеже взыде смерть сквозе окна ваша и вниде в землю вашу погубити отрочата отвне и юношы от стогн. Jeremiah 9:22 (Глаголи:) сия рече Господь: и будут мертвии человецы в пример на лицы поля земли вашея, яко сено созади жнущаго, и не будет собирающаго. Jeremiah 9:23 Тако глаголет Господь: да не хвалится мудрый мудростию своею, и да не хвалится крепкий крепостию своею, и да не хвалится богатый богатством своим: Jeremiah 9:24 но о сем да хвалится хваляйся, еже разумети и знати, яко Аз есмь Господь творяй милость и суд и правду на земли, яко в сих воля Моя, глаголет Господь. Jeremiah 9:25 Се, дние грядут, глаголет Господь, и посещу на всех, иже обрезаную имут плоть свою: Jeremiah 9:26 на Египет и на Идумею, и на Едом и на сыны Аммони, и на сыны Моавли и на всякаго остризающаго власы по лицу своему, обитающыя в пустыни, яко вси языцы необрезани плотию, весь же дом Израилев необрезани суть сердцы своими. Jeremiah 10:0 Jeremiah 10:1 Слышите слово Господне, еже глагола Господь на вас, доме Израилев. Jeremiah 10:2 Сия глаголет Господь: по путем языков не учитеся и от знамений небесных не страшитеся, яко их боятся языцы. Jeremiah 10:3 Понеже законы языков суетни суть: древо есть от леса изсеченое, дело тектонское и слияние: Jeremiah 10:4 сребром и златом украшена суть, и млатами и гвоздьми утвердиша я, да не движутся: Jeremiah 10:5 сребро изваяно есть, не глаголют, носими носятся, понеже ходити не возмогут: не убойтеся их, яко не сотворят зла, и блага несть в них. Jeremiah 10:6 Несть подобен Тебе, Господи: велик еси Ты и велико имя Твое в крепости. Jeremiah 10:7 Кто не убоится Тебе, о, Царю языков! Твоя бо честь между всеми премудрыми языков, и во всех царствах их ни един есть подобен Тебе. Jeremiah 10:8 Купно буии и безумнии суть, учение суетных их древо есть: Jeremiah 10:9 сребро извито от Фарсиса приходит, злато от Офаза, и рука златарей, дела вся художников: в синету и багряницу одеют их, дела умоделников вся сия. Jeremiah 10:10 Господь же Бог истинен есть, Той Бог живый и Царь вечный, от гнева Его подвигнется земля, и не стерпят языцы прещения Его. Jeremiah 10:11 Тако рцыте им: бози, иже небесе и земли не сотвориша, да погибнут от земли и от сих, иже под небесем суть. Jeremiah 10:12 Господь сотворивый землю во крепости Своей, устроивый вселенную в премудрости Своей, и разумом Своим простре небо. Jeremiah 10:13 Ко гласу Своему дает множество вод на небеси: и возведе облаки от последних земли, блистания в дождь сотвори и изведе ветр от сокровищ Своих. Jeremiah 10:14 Буй сотворися всяк человек от ума (своего), постыдеся всяк златоделник во изваяниих своих, яко ложная слия, несть духа в них: Jeremiah 10:15 суетна суть дела, смеху достойна, во время посещения своего погибнут. Jeremiah 10:16 Несть сицевая часть Иакову, яко Создавый вся Той есть, и Израиль жезл достояния Его, Господь Сил имя Ему. Jeremiah 10:17 Собра отвне имение, обитающее во избранных, Jeremiah 10:18 понеже тако глаголет Господь: се, Аз отвергу обитатели земли сея в скорби и смущу их, яко да обрящется язва твоя. Jeremiah 10:19 Горе во сокрушении твоем, болезненна язва твоя: аз же рех: воистинну сия болезнь моя (есть) и объят мя, жилище мое опусте, погибе: Jeremiah 10:20 скиния моя опусте, погибе, и вся кожи моя растерзашася: сынов моих и овец моих несть, несть ктому места скинии моей, места кожам моим: Jeremiah 10:21 понеже обуяша пастырие и Господа не взыскаша, сего ради не уразуме все стадо и расточено бысть. Jeremiah 10:22 Глас слышания, се, грядет и трус велий от земли северныя, да положит грады Иудины в запустение и во обитание змием. Jeremiah 10:23 Вем, Господи, яко несть человеку путь его, ниже муж пойдет и исправит шествие свое. Jeremiah 10:24 Накажи нас, Господи, обаче в суде, а не в ярости, да не умаленых нас сотвориши. Jeremiah 10:25 Излий гнев Твой на языки не знающыя Тя и на племена, яже имене Твоего не призваша, яко поядоша Иакова и потребиша его и пажить его опустошиша. Jeremiah 11:0 Jeremiah 11:1 Слово еже бысть от Господа ко Иеремии, глаголющее: Jeremiah 11:2 слышите словеса завета сего и глаголите ко мужем Иудиным и ко обитателем Иерусалимским, Jeremiah 11:3 и речеши к ним: сия глаголет Господь Бог Израилев: проклят муж, иже не послушает словес завета сего, Jeremiah 11:4 егоже заповедах отцем вашым в день, в оньже изведох их от земли Египетския, от пещи железныя, глаголя: услышите глас Мой и сотворите вся, елика заповедаю вам, и будете Мне в люди, и Аз буду вам в Бога: Jeremiah 11:5 да утвержду клятву Мою, еюже кляхся отцем вашым, еже дати им землю точащую млеко и мед, якоже есть день сей. И отвещах и рекох: буди, Господи. Jeremiah 11:6 И рече Господь ко мне: прочти вся словеса сия во градех Иудиных и вне Иерусалима, рекий: слышите словеса завета сего и сотворите та: Jeremiah 11:7 яко свидетелствуя засвидетелствовах отцем вашым в день, в оньже изведох их от земли Египетския, даже до дне сего, заутра востая засвидетелствовах глаголя: слышите глас Мой. Jeremiah 11:8 И не слышаша, ни приклониша уха своего, но идоша кийждо в стропотстве сердца своего злаго: и наведох на них вся словеса завета сего, егоже заповедах да сотворят, и не сотвориша. Jeremiah 11:9 И рече Господь ко мне: обретено есть совещание (на зло) в мужех Иудиных и во обитающих во Иерусалиме: Jeremiah 11:10 возвратишася ко беззаконием первым отец своих, иже не хотеша слышати словес Моих, и се, тии поидоша по бозех чуждих, да служат им: и разори дом Израилев и дом Иудин завет Мой, егоже завещах со отцы их. Jeremiah 11:11 Сего ради сия глаголет Господь: се, Аз наведу на них злая, от нихже изыти не возмогут, и возопиют ко Мне, и не услышу их: Jeremiah 11:12 и пойдут грады Иудины и обитателе Иерусалима и возопиют ко богом, имже тии кадят, иже не спасут их во время скорбей их. Jeremiah 11:13 По числу бо градов твоих беху бози твои, Иудо, и по числу путий Иерусалимских постависте олтари студныя, олтари на каждение Ваалу. Jeremiah 11:14 Ты же не молися о людех сих и не проси о них в мольбе и молитве: не услышу бо во время вопля их ко Мне и во время озлобления их. Jeremiah 11:15 Почто возлюбленная в дому Моем сотвори мерзости (многи)? Еда обеты и мяса святая отимут от тебе лукавства твоя, или сими избежиши? Jeremiah 11:16 Маслину благосенну, красну зраком нарече Господь имя твое, ко гласу обрезания ея: разгореся огнь в ней, велика скорбь на тебе, непотребны быша ветви ея. Jeremiah 11:17 И Господь Сил, иже насади тебе, глаголал есть на тя зло за злая дому Израилева и дому Иудина, елика сотвориша себе ко прогневанию Мене кадяще Ваалу. Jeremiah 11:18 Господи, скажи ми, и уразумею: тогда видех начинания их. Jeremiah 11:19 Аз же, яко агня незлобиво ведомо на заколение, не разумех, яко на мя помыслиша помысл лукавый, глаголюще: приидите и вложим древо во хлеб его и истребим его от земли живущих, и имя его да не помянется ктому. Jeremiah 11:20 Господь Саваоф, судяй праведно, испытуяй сердца и утробы, да вижду мщение Твое на них, яко к Тебе открых оправдание мое. Jeremiah 11:21 Сего ради сия глаголет Господь на мужы Анафофски ищущыя души моея, глаголющыя: да не пророчествуеши о имени Господни, аще ли же ни, умреши в руках наших. Jeremiah 11:22 Сего ради сия глаголет Господь Сил: се, Аз посещу на них: юноши их мечем умрут, и сынове их и дщери их скончаются гладом, Jeremiah 11:23 и останка не будет от них, наведу бо злая на живущыя во Анафофе в лето посещения их. Jeremiah 12:0 Jeremiah 12:1 Праведен еси, Господи, яко отвещаю к Тебе: обаче судбы возглаголю к Тебе: что, яко путь нечестивых спеется, угобзишася вси творящии беззакония? Jeremiah 12:2 Насадил еси их, и укоренишася, чада сотвориша и сотвориша плод: близ еси Ты уст их, далече же от утроб их. Jeremiah 12:3 И Ты, Господи, разумееши мя, видел мя еси и искусил еси сердце мое пред Тобою: собери их яко овцы на заколение и очисти их в день заколения их. Jeremiah 12:4 Доколе плакати имать земля, и трава вся селная изсхнет от злобы живущих на ней? Погибоша скоти и птицы, яко рекоша: не узрит Бог путий наших. Jeremiah 12:5 Нозе твои текут и разслабляют тя: како уготовишися с коньми? И в земли мира твоего уповал еси, како сотвориши в шуме Иорданстем? Jeremiah 12:6 Понеже и братия твоя и дом отца твоего, и сии отвергошася тебе и тии возопиша, созади тебе собрашася: не веруй им, егда глаголати будут тебе благая. Jeremiah 12:7 Оставих дом Мой, оставих достояние Мое, дах возлюбленную душу Мою в руки врагов ея: Jeremiah 12:8 бысть Мне достояние Мое яко лев в дубраве, даде противу Мене глас свой: сего ради возненавидех е. Jeremiah 12:9 Не вертеп ли иенин достояние Мое Мне, или пещера окрест его? Идите, соберите вся звери селныя, и да приидут снести е. Jeremiah 12:10 Пастырие мнози растлиша виноград Мой, оскверниша часть Мою, даша часть желаемую Мою в пустыню непроходную, Jeremiah 12:11 положиша в потребление пагубы: Мене ради разорением разорена есть вся земля, яко ни един есть, иже размышляет сердцем. Jeremiah 12:12 Во всякий путь пустыни приидоша опустошающии, яко мечь Господень пояст от края земли даже до края ея: несть мира всяцей плоти. Jeremiah 12:13 Посеясте пшеницу, а терние пожасте: достояния их не полезна будут им: постыдитеся стыдением от похваления вашего, от поношения пред Господем. Jeremiah 12:14 Яко сия глаголет Господь о всех соседех лукавых, прикасающихся наследию Моему, еже разделих людем Моим Израилю: се, Аз исторгну их от земли их и дом Иудин извергну от среды их: Jeremiah 12:15 и будет, егда исторгну их, обращуся и помилую их, и вселю их когождо в достояние свое и когождо в землю свою: Jeremiah 12:16 и будет, аще учащеся научатся путем людий Моих, еже клятися именем Моим, жив Господь, якоже научиша людий Моих клятися Ваалом, и созиждутся посреде людий Моих: Jeremiah 12:17 аще же не послушают, исторгну язык оный исторганием и погублением, рече Господь. Jeremiah 13:0 Jeremiah 13:1 Сия глаголет Господь ко мне: иди и стяжи себе чресленик льняный и препояши того на чреслех твоих, и в воду да не внесеши того. Jeremiah 13:2 И стяжах чресленик по словеси Господню и обложих окрест чресл моих. Jeremiah 13:3 И бысть слово Господне ко мне вторицею, рекущее: Jeremiah 13:4 возми чресленик, егоже стяжал еси, иже есть окрест чресл твоих, и востани и иди ко Евфрату, и скрый того тамо во разселине каменне. Jeremiah 13:5 И идох и скрых того во Евфрате, якоже заповеда мне Господь. Jeremiah 13:6 И бысть по днех мнозех, и рече Господь ко мне: востани и иди ко Евфрату, и возми оттуду чресленик, егоже заповедах тебе скрыти тамо. Jeremiah 13:7 И идох ко Евфрату и раскопах, и взях чресленик от места, идеже скрых его, и се, изгнил бе (чресленик), яко ни на чтоже быти потребну ему. Jeremiah 13:8 И бысть слово Господне ко мне, рекущее: сия глаголет Господь: Jeremiah 13:9 тако согнити сотворю гордыню Иудину и гордыню Иерусалимлю, многую гордыню сию людий сих строптивых, Jeremiah 13:10 иже не хотят послушати словес Моих, ходящих во строптивстве сердца своего и шедших вслед богов чуждих, да служат им и да покланяются им: и будут якоже чресленик той, иже ни к чему потребен. Jeremiah 13:11 Зане, якоже придержится чресленик ко чреслом мужа, тако прилепих Мне (весь) дом Израилев и весь дом Иудин, рече Господь: да будут Мне в люди имениты, и в хвалу и в славу, и не послушаша Мене. Jeremiah 13:12 И речеши к людем сим словеса сия: тако рече Господь Бог Израилев: всяк мех исполнится вина. И будет, аще рекут к тебе: еда ведяще не увемы, яко всяк мех исполнится вина? Jeremiah 13:13 И речеши к ним: сия глаголет Господь: се, Аз исполню всех обитателей земли сея, и царей их седящих от колена Давидова на престоле их, и священники и пророки, и Иуду и всех обитающих во Иерусалиме пиянством, Jeremiah 13:14 и расточу их, мужа и брата его, и отцы их и сыны их вкупе: не пожелаю, рече Господь, не пощажу, и не умилосердюся, еже не погубити их. Jeremiah 13:15 Слышите и внемлите, и не возноситеся, яко Господь глаголал есть. Jeremiah 13:16 Дадите Господу Богу вашему славу прежде даже не смеркнется и прежде даже не преткнутся нозе ваши ко горам темным: и пождете света, и тамо сень смертная, и положени будут во мрак. Jeremiah 13:17 Аще же не послушаете, в тайне восплачется душа ваша от лица гордыни и плачя восплачет, и изведут очи ваши слезы, яко сотрено есть стадо Господне. Jeremiah 13:18 Рцыте царю и владыкам: смиритеся, сядите, яко взятся от главы вашея венец славы вашея. Jeremiah 13:19 Грады южнии затворени суть, и несть отверзаяй: преведен есть весь Иуда, совершиша преселение совершенное. Jeremiah 13:20 Воздвигни очи твои, Иерусалиме, и виждь приходящыя от севера: где стадо даное тебе, овцы славы твоея? Jeremiah 13:21 Что речеши, егда посетят тя? И ты научил еси их на тя учением в началство: еда не оымут тя болезни яко жену родящую? Jeremiah 13:22 Аще же речеши в сердцы твоем: почто приидоша ми сия? За множество беззакония твоего откровена суть задняя твоя, да обруганы будут стопы твоя. Jeremiah 13:23 Аще пременит Ефиоплянин кожу свою, и рысь пестроты своя, и вы можете благотворити научившеся злу. Jeremiah 13:24 И развею их, яко стеблие носимое ветром в пустыню. Jeremiah 13:25 Сей жребий твой и часть непокорства твоего на Мя, глаголет Господь, яко забыл еси Мя и надеялся на лжу: Jeremiah 13:26 темже и аз обнажу бедры твоя противу лица твоего, и явится срамота твоя Jeremiah 13:27 и прелюбодейство твое, и ржание твое и отчуждение блуда твоего: на горах и на селех видех мерзости твоя. Горе тебе, Иерусалиме, яко не очистился еси, последуя мне. Доколе еще? Jeremiah 14:0 Jeremiah 14:1 И бысть слово Господне ко Иеремии о бездождии. Jeremiah 14:2 Рыдала Иудеа, и врата ея разрушишася, и отемнишася на земли, и вопль Иерусалима взыде. Jeremiah 14:3 И вельможи его послаша менших своих к воде: приидоша на кладязи и не обретоша воды, и отнесоша сосуды своя тщы: постыждени суть и посрамлени, и покрыша главы своя. Jeremiah 14:4 И дела земли оскудеша, яко не бяше дождя на землю: постыждени суть земледелцы, покрыша главы своя. Jeremiah 14:5 И еленицы на ниве родиша и оставиша, яко не бе травы. Jeremiah 14:6 Онагри сташа на камениих, браша в себе ветр яко змиеве, оскудеша очи их, яко не бе травы. Jeremiah 14:7 Беззакония наша противусташа нам: Господи, сотвори нам ради имене Твоего, яко мнози греси наши пред Тобою, Тебе согрешихом. Jeremiah 14:8 Ожидание Израилево, Господи, Спасителю наш во время скорби! Вскую яко пришлец еси на земли и яко путник укланяющься во виталище? Jeremiah 14:9 Еда будеши якоже человек спяй, или аки муж не могий спасти? Ты же в нас еси, Господи, и имя Твое призвано бысть на нас, не забуди нас. Jeremiah 14:10 Сия глаголет Господь людем сим: возлюбиша подвизати нозе свои и не упокоишася, и Бог не благопоспеши в них, ныне воспомянет беззакония их и посетит грехи их. Jeremiah 14:11 И рече Господь ко мне: не молися о людех сих во благо: Jeremiah 14:12 егда поститися будут, не услышу прошения их, и аще принесут всесожжения и жертвы, не благоволю в них: яко мечем и гладом и мором Аз скончаю их. Jeremiah 14:13 И рекох: сый Господи Боже, се, пророцы их прорицают и глаголют: не узрите меча, и глад не будет вам, но истину и мир дам на земли и на месте сем. Jeremiah 14:14 И рече Господь ко мне: лживо пророцы прорицают во имя Мое, не послах их, ни заповедах им, ни глаголал есмь к ним: понеже видения лжива и гадания и волшебства и произволы сердца своего тии прорицают вам. Jeremiah 14:15 Сего ради сия глаголет Господь о пророцех, иже пророчествуют во имя Мое ложная, и Аз не послах их, иже глаголют: мечь и глад не будет на земли сей: смертию лютою умрут и гладом скончаются пророцы тии. Jeremiah 14:16 И людие, имже тии пророчествуют, будут извержени на путех Иерусалима от лица меча и глада, и не будет погребаяй их, и жены их и сынове их и дщери их, и излию на них злая их. Jeremiah 14:17 И речеши к ним слово сие: да изведут очи ваши слезы день и нощь, и да не престанут, яко сотрением великим сотрена (дева) дщерь людий моих и язвою злою зело. Jeremiah 14:18 Аще изыду на поле, и се, заклани мечем: и аще вниду во град, и се, истаявшии гладом: яко пророк и священник отидоша в землю, еяже не ведяху. Jeremiah 14:19 Еда отмещущь отвергл еси Иуду, и от Сиона отступи душа Твоя? Вскую поразил еси нас, и несть нам изцеления? Ждахом мира, и не бяху благая: времене уврачевания, и се, боязнь. Jeremiah 14:20 Познахом, Господи, грехи нашя, беззакония отец наших, яко согрешихом пред Тобою. Jeremiah 14:21 Престани ради имене Твоего, не погуби престола славы Твоея: воспомяни, не разори завета Твоего иже с нами. Jeremiah 14:22 Еда есть во изваянных языческих, иже дождит? Или небеса могут дати влагу свою? Не Ты ли еси, Господи Боже наш? И пождем Тебе, Господи, Ты бо сотворил еси вся сия. Jeremiah 15:0 Jeremiah 15:1 И рече Господь ко мне: аще станут Моисей и Самуил пред лицем Моим, несть душа Моя к людем сим: изрини тех (от лица Моего), и да изыдут. Jeremiah 15:2 И будет, аще рекут к тебе: камо изыдем? И речеши к ним: сия глаголет Господь: иже ко смерти, ко смерти: и иже к мечу, к мечу: и иже ко гладу, ко гладу: и иже ко пленению, ко пленению. Jeremiah 15:3 И отмщу имъчетырьми образы, рече Господь: мечь на заклание, и пси на растерзание, и птицы небесе и зверие земли на пожрения и расхищение. Jeremiah 15:4 И предам их во утеснение всем царствам земным, ради Манассии сына Езекиина царя Иудина за вся, яже сотвори во Иерусалиме. Jeremiah 15:5 Кто умилосердится к тебе, Иерусалиме? И кто поскорбит о тебе, или кто пойдет молити о мире тебе? Jeremiah 15:6 Ты оставил Мя еси, рече Господь, вспять пошел еси: и простру руку Мою на тя и убию тя, и ктому не пощажу их Jeremiah 15:7 и расточу их расточением во вратех людий Моих: обезчадеша, погубиша людий Моих злобами своими, и не обратишася. Jeremiah 15:8 Умножишася вдовицы их паче песка морскаго: наведох на матерь юношы, бедность о полудни, навергох на ню внезапу страх и трепет. Jeremiah 15:9 Праздна бысть родившая седмь, оскуде душа ея, зайде ей солнце еще среде полудне, постыждена бысть и укорена: прочыя их в мечь дам пред враги их, рече Господь. Jeremiah 15:10 Горе мне, мати (моя), вскую мя родила еси мужа прителнаго и судимаго по всей земли? Не заях, ниже заят у мене кто: сила моя оскуде от кленущих мя, (рече Господь). Jeremiah 15:11 Буди, Владыко, исправляющым им: аще не притекох ко Тебе во время озлобления их и во время скорби их, во благая на врага. Jeremiah 15:12 Еда познается железо? И одеяние медяно крепость твоя. Jeremiah 15:13 И сокровища твоя в расхищение дам, измену за вся грехи твоя, и во всех пределех твоих: Jeremiah 15:14 и порабощу тя окрест врагом твоим, в земли, еяже не веси: яко огнь возжжеся от ярости Моея, на вас горети будет. Jeremiah 15:15 Ты веси, Господи, воспомяни мя и посети мя и защити мя от гонящих мя, не в долготерпение Твое восприими мя: веждь, яко приях Тебе ради поношение от отвергающих словеса Твоя: Jeremiah 15:16 скончай их, и будет слово Твое мне в радость и во веселие сердца моего, яко призвано есть имя Твое на мне, Господи Боже Сил. Jeremiah 15:17 Не седох в сонме их играющих, но бояхся от лица руки Твоея: на едине седях, яко горести исполнихся. Jeremiah 15:18 Вскую оскорбляющии мя возмогают на мя? Язва моя тверда, откуду изцелюся? Бысть мне яко вода лживая, не имущая верности. Jeremiah 15:19 Сего ради сия глаголет Господь: аще обратишися, возставлю тя, и пред лицем Моим станеши: и аще изведеши честное от недостойнаго, яко уста Моя будеши: и обратятся тии к тебе, и ты не обратишися к ним. Jeremiah 15:20 И дам тя людем сим аки стену крепку, медяну: и поратуют на тя и не возмогут на тя, яко Аз с тобою есмь, да спасу тя и избавлю тя, рече Господь: Jeremiah 15:21 избавлю тя от рук злейших и искуплю тя от рук губителей. Jeremiah 16:0 Jeremiah 16:1 И бысть слово Господне ко мне, рекущее: и ты да не поймеши жены, Jeremiah 16:2 и не родится тебе сын, ниже дщерь на месте сем. Jeremiah 16:3 Яко сия глаголет Господь от сынех и дщерех, иже родятся на месте сем, и о матерех их, яже родиша их, и о отцех их родивших я в земли сей: Jeremiah 16:4 смертию лютою изомрут, не оплачутся и не погребутся: во образ на лицы земли будут и мечем падут и гладом скончаются, и будут трупие их во снедь птицам небесным и зверем земным. Jeremiah 16:5 Сия глаголет Господь: да не внидеши в дом их пирный, ни да ходиши плакати, ниже да рыдаеши их, понеже отях мир Мой от людий сих, рече Господь, милость и щедроты. Jeremiah 16:6 И умрут велицыи и малии в земли сей: не погребутся, ни оплачутся, ниже терзание о них будет, ниже обриются ради их, Jeremiah 16:7 и не преломят хлеба во стенании их ко утешению над мертвым, и не дадут им пития чаши ко утешению над отцем и материю их. Jeremiah 16:8 И в дом пирный да не внидеши седети с ними, еже ясти и пити. Jeremiah 16:9 Понеже сия глаголет Господь Сил, Бог Израилев: се, Аз отиму от места сего во очию вашею и во днех ваших глас радости и глас веселия, глас жениха и глас невесты. Jeremiah 16:10 И будет, егда возвестиши людем сим вся словеса сия, и рекут к тебе: вскую глаголал есть Господь на нас вся злая сия? Кая неправда наша? И кий грех наш, имже согрешихом Господу Богу нашему? Jeremiah 16:11 И речеши к ним: понеже оставиша Мя отцы ваши, глаголет Господь, и идоша вслед богов чуждих, и послужиша им и поклонишася им, Мене же оставиша и закона Моего не сохраниша: Jeremiah 16:12 и вы горше деласте, неже отцы ваши, и се, вы ходите кийждо вслед похотей сердца вашего лукаваго, еже не слушати Мене: Jeremiah 16:13 и изрину вас от земли сея в землю, еяже не весте вы и отцы ваши, и послужите тамо богом чуждим день и нощь, иже не дадут вам милости. Jeremiah 16:14 Сего ради, се, дние грядут, глаголет Господь, и не рекут ктому: жив Господь, иже изведе сынов Израилевых от земли Египетския: Jeremiah 16:15 но: живет Господь, иже изведе сынов Израилевых от земли северныя и от всех стран, аможе извержени быша: и возвращу их в землю их, юже дах отцем их. Jeremiah 16:16 Се, Аз послю рыбари многи, рече Господь, и уловят их: и посем послю многи ловцы, и уловят их на всяцей горе и на всяцем холме и от пещер каменных. Jeremiah 16:17 Яко очи Мои на всех путех их, не сокровени суть от лица Моего, и не утаена суть беззакония их от очию Моею. Jeremiah 16:18 И воздам первее сугубая беззакония и грехи их, имиже оскверниша землю Мою в мертвечинах мерзостей своих и в беззакониих своих, имиже наполниша достояние Мое. Jeremiah 16:19 Господи, Ты крепость моя и помощь моя и прибежище мое во днех злых: к Тебе языцы приидут от последних земли и рекут: воистинну лживых стяжаша отцы наши идолов, и несть в них пользы. Jeremiah 16:20 Еда сотворит себе человек боги, и тии не суть бози? Jeremiah 16:21 Сего ради, се, Аз покажу им во время сие руку Мою и знаему сотворю им силу Мою, и познают, яко имя Мне Господь. Jeremiah 17:0 Jeremiah 17:1 Грех Иудин написан есть писалом железным на ногти адамантове, начертан на скрижали сердца их и на розех олтарей их. Jeremiah 17:2 Егда воспомянут сынове их олтари своя и дубравы своя при древе лиственне и на холмех высоких, Jeremiah 17:3 о, нагорный (жителю)! Крепость твою и сокровища твоя в расхищение дам, и высокая твоя, грех ради твоих, яже во всех пределех твоих, Jeremiah 17:4 и останешися един от наследия твоего, еже дах тебе: и служити тя сотворю врагом твоим в земли, еяже не веси: яко огнь разжегл еси в ярости Моей, даже во век горети будет. Сия глаголет Господь: Jeremiah 17:5 проклят человек, иже надеется на человека и утвердит плоть мышцы своея на нем, и от Господа отступит сердце его: Jeremiah 17:6 и будет яко дивия мирика в пустыни и не узрит, егда приидут благая, и обитати будет в сухоте и в пустыни, в земли сланей и необитаемей. Jeremiah 17:7 И благословен человек, иже надеется на Господа, и будет Господь упование его: Jeremiah 17:8 и будет яко древо насажденное при водах, и во влаге пустит корение свое: не убоится, егда приидет зной, и будет на нем стеблие зелено, и во время бездождия не устрашится и не престанет творити плода. Jeremiah 17:9 Глубоко сердце (человеку) паче всех, и человек есть, и кто познает его? Jeremiah 17:10 Аз Господь испытуяй сердца и искушаяй утробы, еже воздати комуждо по пути его и по плодом изобретений его. Jeremiah 17:11 Возгласи ряб, собра, ихже не роди, творяй богатство свое не с судом: в преполовении дний своих оставит е и на последок свой будет безумен. Jeremiah 17:12 Престол славы возвышен от начала, место святыни нашея. Jeremiah 17:13 Чаяние Израилево, Господи! Вси оставляющии Тя да постыдятся, отступающии (от Тебе) на земли да напишутся, яко оставиша источник живых вод, Господа. Jeremiah 17:14 Изцели мя, Господи, и изцелею: спаси мя, и спасен буду, яко хвала моя Ты еси. Jeremiah 17:15 Се, тии глаголют ко мне: где есть слово Господне? Да приидет. Jeremiah 17:16 Аз же не утрудихся, Тебе (пастырю) последуяй, и дне человеча не пожелах: Ты веси исходящая от устен моих, пред лицем Твоим суть: Jeremiah 17:17 не буди ми во отчуждение, упование мое Ты в день лют. Jeremiah 17:18 Да постыдятся гонящии мя, аз же да не постыждуся: да устрашатся тии, аз же да не устрашуся: наведи на них день озлобления, сугубым сокрушением сотри их. Jeremiah 17:19 Сия глаголет Господь ко мне: иди и стани во вратех сынов людий твоих, имиже входят царие Иудины и исходят, и во всех вратех Иерусалимских и речеши к ним: Jeremiah 17:20 слышите слово Господне, царие Иудины и вся Иудеа и весь Иерусалим, входящии во врата сия. Jeremiah 17:21 Сия глаголет Господь: сохраните душы вашя и не носите бремен в день суббот, и не исходите враты Иерусалима, Jeremiah 17:22 и не износите бремен из домов ваших в день субботный, и всякаго дела не творите: освятите день субботный, якоже заповедах отцем вашым: Jeremiah 17:23 и не услышаша, ни приклониша уха своего, но ожесточиша выи своя паче отец своих, да не услышат мя и да не приимут наказания. Jeremiah 17:24 И будет, аще послушаете Мене, глаголет Господь, еже не вносити бремен во врата града сего в день субботный, и святити день субботный, не творити в онь всякаго дела, Jeremiah 17:25 и внидут во врата града сего царие и началницы, седящии на престоле Давидове и восходящии на колесницах и конех своих, тии и началницы их, мужие Иудины и обитателие Иерусалима: и обитати будут во граде сем во веки: Jeremiah 17:26 и приидут от градов Иудиных и от окрестных Иерусалима, и от земли Вениамини и от польных, и от горних и от юга, носяще всесожжения и жертву, и фимиам и манау и ливан, носяще хвалу в дом Господень. Jeremiah 17:27 И будет, аще не послушаете Мене еже святити день субботный и не носити бремен, ниже входити вратами Иерусалима в день субботный, то зажгу огнь во вратех его, и пожрет домы Иерусалимли и не угаснет. Jeremiah 18:0 Jeremiah 18:1 Слово, еже бысть ко Иеремии от Господа, рекущее: Jeremiah 18:2 востани и сниди в дом скудельничь, и тамо услышиши словеса Моя. Jeremiah 18:3 И снидох в дом скудельничь, и се, той творяше дело на каменех. Jeremiah 18:4 И разбися сосуд, егоже той творяше от глины рукама своима: и паки той сотвори из него иный сосуд, якоже угодно во очию его творити. Jeremiah 18:5 И бысть слово Господне ко мне, рекущее: Jeremiah 18:6 еда, якоже скудельник сей, не возмогу сотворити вас, доме Израилев? Рече Господь: се, якоже брение в руку скудельника, тако вы есте, доме Израилев, в руку Моею: Jeremiah 18:7 наконец возглаголю на язык и на царство, да искореню их и разорю и расточу я: Jeremiah 18:8 и аще обратится язык той от всех лукавств своих, то раскаюся о озлоблениих, яже помыслих сотворити им: Jeremiah 18:9 и наконец реку на язык и царство, да возсозижду и насажду я, Jeremiah 18:10 и аще сотворят лукавая пред очима Моима, еже не послушати гласа Моего, то раскаюся о благих, яже глаголах сотворити им. Jeremiah 18:11 И ныне рцы ко мужем Иудиным и обитателем Иерусалима, рекий: сия рече Господь: се, Аз творю на вас злая и мышлю на вас умышление: да обратится убо кийждо от пути своего лукаваго, и исправите пути вашя и умышления ваша. Jeremiah 18:12 И рекоша: укрепимся, ибо по развращением нашым пойдем, и кийждо угодное сердца своего лукаваго сотворим. Jeremiah 18:13 Сего ради сия глаголет Господь: вопросите ныне языков, кто слыша сицевая страшная, яже сотвори зело дева Израилева? Jeremiah 18:14 Еда оскудеют от камене сосцы, или снег от Ливана? Еда уклонится вода зелно ветром носимая? Jeremiah 18:15 Понеже забыша Мене людие Мои всуе жруще, и изнемогут на путех своих и на стезях вечных, еже взыти на стези не имущыя пути на хождение, Jeremiah 18:16 еже положити землю свою в запустение и во звиздание вечное: всяк, иже прейдет по ней, почудится и покивает главою своею: Jeremiah 18:17 якоже ветр палящь разсею их пред враги их, хребет, а не лице покажу им в день погибели их. Jeremiah 18:18 И рекоша: приидите и умыслим на Иеремию совет, ибо не погибнет закон от священника, ни совет от премудраго, ни слово от пророка: приидите и поразим его языком, и не вонмем всем словесем его. Jeremiah 18:19 Вонми, Господи, мне и услыши глас оправдания моего. Jeremiah 18:20 Еда воздаются злая за благая? Яко глаголаша словеса на душу мою и мучителство свое сокрыша ми. Помяни стоявшаго мя пред Тобою, еже глаголати за них благая, да отвращу гнев Твой от них. Jeremiah 18:21 Сего ради даждь сыны их в глад и собери их в руце меча: да будут жены их безчадны и вдовы, и мужие их да будут убиени смертию, и юноши их да падут мечем на рати: Jeremiah 18:22 да будет вопль в домех их: наведи на них разбойники внезапу, понеже совещаша слово, да имут мя, и сети скрыша на мя. Jeremiah 18:23 Ты же, Господи, веси весь совет их на мя в смерть: да не очистиши беззакония их и грехов их от лица Твоего да не изгладиши: да будет болезнь их пред Тобою, и во время ярости Твоея сотвори им. Jeremiah 19:0 Jeremiah 19:1 Сия рече Господь ко мне: иди и стяжи сосуд скудельничь жжен, и приведи от старец людских и от старец священнических: Jeremiah 19:2 и изыди в место многогробищное сынов Енноних, еже есть близ придверия врат Харсифских, и прочти тамо вся словеса, яже Аз возглаголю тебе, Jeremiah 19:3 и речеши им: слышите слово Господне, царие Иудины и мужие Иудины, и обитателие Иерусалима и входящии вратами сими: сия глаголет Господь Сил, Бог Израилев: се, Аз наведу злая на место сие, яко всякому слышащему сия зазвучит во ушию его: Jeremiah 19:4 понеже оставиша Мя, и чужде сотвориша место сие, и пожроша на нем богом чуждим, ихже не ведеша тии и отцы их: и царие Иудины наполниша место сие крове неповинных Jeremiah 19:5 и создаша высокая Ваалу на сожжение сынов своих огнем, во всесожжение Ваалу, яже не заповедах ни глаголах, ниже взыдоша на сердце Мое. Jeremiah 19:6 Сего ради, се, дние грядут, глаголет Господь, и не прозовется ктому место сие Падение и место многогробищное сынов Енноних, но место многогробищное заклания: Jeremiah 19:7 и расточу совет Иудин и совет Иерусалима в месте сем, и превращу их мечем пред враги их и в руку ищущих душ их: и дам трупие их в ядь птицам небесным и зверем земным: Jeremiah 19:8 и поставлю град сей в разорение и во звиздание: всяк, иже мимоидет, о нем почудится и позвиждет о всей язве его: Jeremiah 19:9 и снедят плоти сынов своих и плоти дщерей своих, и кийждо плоти подруга своего снесть во обстоянии и в тесноте, в нейже запрут их врази их, ищущии души их. Jeremiah 19:10 И да сокрушиши сосуд пред очима мужей исходящих с тобою Jeremiah 19:11 и речеши к ним: сия глаголет Господь Сил: тако сокрушу люди сия и град сей, якоже сокрушается сосуд скудельный, иже не может ктому изцелитися: и в Тофефе погребутся того ради, яко не будет иного места на погребение. Jeremiah 19:12 Тако сотворю месту сему, глаголет Господь, и обитателем его, да поставлю град той яко Падающь. Jeremiah 19:13 И будут домы Иерусалима и домы царей Иудиных, якоже место Падающее, от нечистот своих во всех домех, в нихже жряху на кровех своих всему воинству небесному и приношаху возлияния богом чуждим. Jeremiah 19:14 И прииде Иеремиа от (места) Падения, аможе посла его Господь пророчествовати, и ста во дворе дому Господня и рече ко всем людем: Jeremiah 19:15 сия глаголет Господь Сил, Бог Израилев: се, Аз наведу на град сей и на вся грады его и на вся села его вся злая, яже глаголал есмь нань: яко ожесточиша выи своя, еже не слышати заповедий Моих. Jeremiah 20:0 Jeremiah 20:1 И услыша Пасхор сын Еммеров священник, иже поставлен бе началник в дому Господни, Иеремию пророчествующа словеса сия: Jeremiah 20:2 и удари Пасхор Иеремию пророка и вверже его в кладу, яже бе во вратех Вениаминих вышних в дому Господни. Jeremiah 20:3 Бывшу же утру, изведе Пасхор Иеремию от клады. И рече к нему Иеремиа: не Пасхор нарече (Господь) имя твое, но Преселника Отвсюду. Jeremiah 20:4 Понеже сия глаголет Господь: се, Аз дам тя в преселение и всех другов твоих: и падут мечем враг своих, и очи твои узрят, и тебе и всего Иуду дам в руки царя Вавилонска, и преведут их в Вавилон и побиют их мечьми. Jeremiah 20:5 И дам всю силу града сего и вся труды его и вся сокровища царя Иудина дам в руки врагов его, и расхитят их и возмут и отведут в Вавилон. Jeremiah 20:6 Ты же, Пасхор, и вси обитателие дому твоего, отидете во пленение, и в Вавилон приидеши и тамо умреши, тамо же и погребешися ты и вси друзие твои, имже пророчествовал еси лжу. Jeremiah 20:7 Прельстил мя еси, Господи, и прельщен есмь, креплейший мене еси и превозмогл еси: бых в посмех весь день, вси ругаются мне. Jeremiah 20:8 Понеже горьким словом моим посмеюся, отвержение и бедность наведу, яко бысть в поношение мне слово Господне и в посмех весь день. Jeremiah 20:9 И рекох: не воспомяну имене Господня, ниже возглаголю ктому во имя Его. И бысть в сердцы моем яко огнь горящь, палящь в костех моих, и разслабех отвсюду, и не могу носити: Jeremiah 20:10 слышах бо досадителства многих собравшихся окрест: нападите, нападим нань, вси мужие друзие его: наблюдайте помышление его, аще (како) прельстится, и преможем нань и сотворим отмщение наше ему. Jeremiah 20:11 Господь же со мною есть яко борец крепкий: сего ради погнаша и уразумети не могоша: постыдешася зело, яко не разумеша безчестия своего, еже во век не забвено будет. Jeremiah 20:12 И Ты, Господи сил, искушаяй праведная, ведаяй утробы и сердца, (молютися,) да вижду мщение Твое на них, Тебе бо открых прю мою. Jeremiah 20:13 Пойте Господу, хвалите Господа, яко избави душу убогаго от руки лукавых. Jeremiah 20:14 Проклят день, в оньже родихся: день, в оньже породи мя мати моя, да не будет благословен. Jeremiah 20:15 Проклят муж, иже возвести отцу моему, рекий: родися тебе отрок мужеск, и яко радостию возвесели его. Jeremiah 20:16 Да будет человек той якоже гради, яже преврати Господь яростию и не раскаяся: да слышит вопль заутра и рыдание во время полуденное: Jeremiah 20:17 яко не убил мене в ложеснах матере, и была бы мне мати моя гроб мой и ложесна зачатия вечнаго. Jeremiah 20:18 Вскую изыдох из ложесн, да вижду труды и болезни, и скончашася в постыдении дние мои? Jeremiah 21:0 Jeremiah 21:1 Слово, еже бысть от Господа ко Иеремии, егда посла к нему царь Седекиа Пасхора сына Мелхиина и Софонию сына Васаиева, священника, глаголя: Jeremiah 21:2 вопроси о нас Господа, яко Навуходоносор царь Вавилонский воста на нас: сотворит ли Господь с нами по всем чудесем Своим, и отидет от нас? Jeremiah 21:3 И рече Иеремиа к ним: тако рцыте Седекии: сия глаголет Господь Бог Израилев: Jeremiah 21:4 се, Аз обращаю оружия бранная, яже суть в руках ваших, имиже вы ополчаетеся на царя Вавилонска и Халдейска, иже обстоят вас окрест вне стен: и соберу та посреде града сего, Jeremiah 21:5 и поборю Аз по вас рукою простертою и мышцею крепкою с яростию и гневом великим, Jeremiah 21:6 и побию всех обитающих во граде сем, человеки и скоты, губителством великим, и измрут. Jeremiah 21:7 И по сих, тако глаголет Господь, дам Седекию царя Иудина и рабы его, и люди его и оставльшыяся во граде сем от губителства и глада и меча, в руку Навуходоносора царя Вавилонска и в руку врагов их и в руку ищущих душ их, и побиет их острием меча: и не пощажу их, ниже милостив буду им. Jeremiah 21:8 И к людем сим речеши: сия глаголет Господь: се, Аз даю пред вами путь живота и путь смерти: Jeremiah 21:9 иже обитает во граде сем, умрет мечем и гладом и губителством, а исходяй, иже прибежит ко Халдеом обстоящым вас, жив будет, и будет душа его в плен, и жив будет. Jeremiah 21:10 Утвердих бо лице Мое на град сей во злая, а не во благая, рече Господь: в руки царя Вавилонска предастся, и сожжет его огнем. Jeremiah 21:11 Доме царя Иудина, слышите слово Господне: Jeremiah 21:12 доме Давидов, сия глаголет Господь: судите заутра суд и исправите, и избавите силою угнетенаго от руки обидящаго и, да не зажжется яко огнь ярость Моя и возгорится, и не будет угашающаго, ради лукавых умышлений ваших. Jeremiah 21:13 Се, Аз к тебе обитающему во крепце и польне удолии, рече Господь, иже глаголете: кто побиет нас? Или кто внидет в домы нашя? Jeremiah 21:14 И посещу на вас по лукавым начинанием вашым, рече Господь, и возжгу огнь в лесе его, и пояст вся, яже окрест его. Jeremiah 22:0 Jeremiah 22:1 Сия рече Господь: иди и вниди в дом царя Иудина и рцы тамо слово сие, Jeremiah 22:2 и речеши: слыши слово Господне, царю Иудин, иже седиши на престоле Давидове, ты и дом твой, и раби твои и людие твои и входящии дверьми сими: Jeremiah 22:3 сия глаголет Господь: творите суд и правду, и избавите силою угнетена от руку обидящаго и, и пришелца и сира и вдовицы не оскорбляйте, не угнетайте беззаконно, и крове неповинныя не изливайте на месте сем. Jeremiah 22:4 Аще бо творяще сотворите слово сие, то внидут вратами дому сего царие седящии на престоле Давидове и вседающии на колесницы и на кони, тии и раби их и людие их. Jeremiah 22:5 Аще же не послушаете словес сих, Сам Собою закляхся, рече Господь, яко в пустыню будет дом сей. Jeremiah 22:6 Понеже тако глаголет Господь на дом царя Иудина: Галаад ты Мне, глава Ливанская, аще не поставлю тебе в пустыню, во грады необитанны, Jeremiah 22:7 и наведу на тя убивающа мужа и секиру его, и посекут избранныя кедры твоя и вергут на огнь. Jeremiah 22:8 И пройдут языцы мнози сквозе град сей, и речет кийждо искреннему своему: вскую сотвори Господь тако граду сему великому? Jeremiah 22:9 И отвещают: сего ради, яко оставиша завет Господа Бога своего и поклонишася богом чуждим и послужиша им. Jeremiah 22:10 Не плачите мертваго, ниже рыдайте о нем: плачите плачем о исходящем, яко не возвратится ктому, ниже увидит земли рождения своего. Jeremiah 22:11 Понеже сия рече Господь к Селлиму сыну Иосиину царю Иудину царствующему вместо Иосии отца своего, иже изшел есть от места сего: не возвратится ктому семо, Jeremiah 22:12 но на месте том, аможе преведох его, тамо умрет и земли сея не узрит ктому. Jeremiah 22:13 Горе созидающему дом свой с неправдою и горницы своя не в суде, у негоже ближний его делает туне, и мзды его не воздаст ему: Jeremiah 22:14 иже рече: созижду себе дом пространен, и горницы широки со отверстыми окнами и своды кедровыми, и расписаны червленцем. Jeremiah 22:15 Еда царствовати будеши, яко ты поощряешися о ахазе отце твоем? Не ядят, ниже пиют: лучше тебе было творити суд и правду благу. Jeremiah 22:16 Не познаша, не судиша суда смиренных, ниже суда нища: не сие ли тебе есть, еже не знати тебе Мене, рече Господь? Jeremiah 22:17 Се, не суть очи твои, ниже сердце твое благо, но к сребролюбию твоему и крове неповинныя пролиянию, и ко обидам и ко убийству, еже творити я. Jeremiah 22:18 Сего ради сия рече Господь ко Иоакиму сыну Иосиину царю Иудину: горе мужу сему, не оплачут его: горе, брате! Ниже возрыдают о нем: увы мне, господине! Jeremiah 22:19 Погребением ослим погребется, влачимь извержен будет вне врат Иерусалима. Jeremiah 22:20 Взыди на Ливан и возопий, и в Васан даждь глас твой, и возопий на он пол моря, яко сотрени суть вси любовнии твои. Jeremiah 22:21 Глаголах к тебе в падении твоем, и рекл еси: не услышу. Сей путь твой от юности твоея, яко не послушал еси гласа Моего. Jeremiah 22:22 Всех пастырей твоих упасет ветр, и любовнии твои во пленение пойдут, и тогда постыдишися и посрамишися от всех любящих тя: Jeremiah 22:23 иже седиши в Ливане и гнездишися в кедрех, возстенеши, егда приидут к тебе болезни, яко раждающия. Jeremiah 22:24 Живу Аз, рече Господь, аще будет Иехониа сын Иоакима царь Иудин, перстень на руце десней Моей, оттуду исторгну тя Jeremiah 22:25 и предам тя в руки ищущих души твоея и в руки, ихже ты боишися лица, и в руки Навуходоносора царя Вавилонска и в руки Халдеом, Jeremiah 22:26 и отвергу тя и матерь твою, яже роди тя, в землю чужду, в нейже несте рождени, и тамо умрете: Jeremiah 22:27 а в землю, в нюже тии желают душами своими возвратитися, не возвратятся. Jeremiah 22:28 Обезчестися Иехониа, аки сосуд непотребен, яко отриновен бысть той и семя его, и извержен в землю, еяже не ведяше. Jeremiah 22:29 Земле, земле, земле, слыши слово Господне! Jeremiah 22:30 Сия рече Господь: напиши мужа сего отвержена, мужа, иже во днех своих не предуспеет: ниже бо будет от семене его муж, иже сядет на престоле Давидове, и власть имеяй ктому во Иуде. Jeremiah 23:0 Jeremiah 23:1 Горе пастырем, иже погубляют и расточают овцы паствы Моея, рече Господь. Jeremiah 23:2 Сего ради сия рече Господь Бог Израилев к пасущым людий Моих: вы расточили есте овцы Моя, и отвергосте я, и не посетисте их, се, Аз посещу на вас по лукавству умышлений ваших, рече Господь: Jeremiah 23:3 и Аз соберу останки стада Моего от всех земель, в няже извергох их тамо, и возвращу их к селением их, и возрастут и умножатся. Jeremiah 23:4 И возставлю над ними пастыри, и упасут их, и не убоятся ктому, ниже ужаснутся, и ни един погибнет от числа, рече Господь. Jeremiah 23:5 Се, дние грядут, глаголет Господь, и возставлю Давиду Восток праведный, и царствовати будет Царь и премудр будет и сотворит суд и правду на земли: Jeremiah 23:6 во днех Его спасется Иуда, и Израиль пребудет в надежди, и сие имя Ему, имже нарекут Его: Господь праведен наш. Jeremiah 23:7 Сего ради, се, дние грядут, рече Господь, и не рекут ктому: живет Господь, иже изведе сыны Израилевы от земли Египетския: Jeremiah 23:8 но: живет Господь, иже изведе и преведе семя дому Израилева от земли северски и от всех земель, в няже изверже их тамо, и обитати имут в земли своей. Jeremiah 23:9 О пророцех сотрено есть сердце мое во мне, вострепеташа вся кости моя, бых яко муж пиян и яко человек, егоже одоле вино, от лица Господня и от лица благолепия славы Его. Jeremiah 23:10 Яко прелюбодеяньми исполнена есть земля, яко от лица их плакася земля, изсхоша пажити пустынныя: и бысть течение их лукаво, и крепость их такожде. Jeremiah 23:11 Понеже пророк и священник осквернишася, и в дому Моем обретох лукавство их, рече Господь: Jeremiah 23:12 того ради путь их будет им ползок во тме, и поткнутся и падут в нем: наведу бо на них злая в лето посещения их, рече Господь. Jeremiah 23:13 И во пророцех Самарийских видех беззакония: пророчествоваху чрез Ваала и прельщаху люди Моя Израиля. Jeremiah 23:14 И во пророцех Иерусалимских видех ужасная, прелюбодействующих и ходящих во лжи и скрепляющих руки строптивым, да не отвратится кийждо от пути своего лукаваго: быша Мне вси аки Содом, и обитающии в нем яко Гоморр. Jeremiah 23:15 Сего ради тако рече Господь Сил ко пророком: се, Аз напитаю их пелынем и напою их желчию, от пророков бо Иерусалимских изыде осквернение на всю землю. Jeremiah 23:16 Сия глаголет Господь Сил: не слушайте словес пророков, иже пророчествуют вам и прельщают вас: видение от сердца своего глаголют, а не от уст Господних. Jeremiah 23:17 Глаголют отвергающым Мя: глагола Господь, мир будет вам: и всем, иже ходят в похотех своих, и всякому, ходящему в строптивстве сердца своего, рекоша: не приидут на вас злая. Jeremiah 23:18 Кто бо бысть в совете Господни, и виде и слыша словеса Его? Кто внят слово Его и слыша? Jeremiah 23:19 Се, буря от Господа и ярость исходит в сотрясение, устремившися приидет на нечестивыя. Jeremiah 23:20 И ктому не возвратится ярость Господня, дондеже сотворит сие и дондеже совершит помышление сердца Своего. В последния дни уразумеете совет Его. Jeremiah 23:21 Не посылах пророки, а они течаху: не глаголах к ним, и тии пророчествоваху. Jeremiah 23:22 И аще бы стали в совете Моем, слышана сотворили бы словеса Моя и отвратили бы людий Моих от пути их лукаваго и от начинаний их лукавых. Jeremiah 23:23 Бог приближаяйся Аз есмь, глаголет Господь, а не Бог издалеча. Jeremiah 23:24 Аще утаится кто в сокровенных, и Аз не узрю ли его? Рече Господь. Еда небо и землю не Аз наполняю? Рече Господь. Jeremiah 23:25 Слышах, яже глаголют пророцы, пророчествующе во имя Мое лжу и глаголюще: видех сон, (видех сон). Jeremiah 23:26 Доколе будет в сердцы пророков прорицающих лжу и пророчествующих льщения сердца своего, Jeremiah 23:27 мыслящих, да забвен будет закон Мой в сониих их, яже вещают кийждо искреннему своему, якоже забыша отцы их имя Мое ради Ваала? Jeremiah 23:28 Пророк, иже имать сновидение, да вещает сновидение свое, а иже имать слово Мое, да глаголет слово Мое во истине. Что плевы ко пшенице? Тако слово Мое, рече Господь. Jeremiah 23:29 Еда словеса Моя не суть якоже огнь горящь, рече Господь, и яко млат сотрыющь камень? Jeremiah 23:30 Сего ради, се, Аз ко пророком, рече Господь, иже крадут словеса Моя кийждо от искренняго своего. Jeremiah 23:31 Се, Аз на пророки, глаголет Господь, износящыя пророчествия языком и дремлющыя дремание свое. Jeremiah 23:32 Се, Аз на пророки, прорицающыя соние лживо, рече Господь, и провещаша та, и прельстиша люди Моя во лжах своих и во прелестех своих, Аз же не послах их, ни заповедах им, и пользою не упользуют людий сих, (рече Господь). Jeremiah 23:33 И аще вопросят людие сии, или пророк, или священник, рекуще: кое (есть) бремя Господне? И речеши к ним: вы есте бремя, и повергу вас, рече Господь. Jeremiah 23:34 И пророк, и священник, и людие, иже рекут: бремя Господне, посещу местию на мужа того и на дом его. Jeremiah 23:35 Сице рцыте кийждо ко искреннему и ко брату своему: что отвеща Господь? И что глагола Господь? Jeremiah 23:36 И бремя Господне не помянется ктому, ибо бремя будет комуждо слово его: и превратисте словеса Бога живаго, Господа Сил, Бога нашего. Jeremiah 23:37 Сия рцы ко пророку: что отвеща тебе Господь? И что глагола Господь? Jeremiah 23:38 Аще же речете: бремя Господне: сего ради тако рече Господь: понеже рекли есте глагол сей бремя Господне, и послах к вам, рекий: не глаголите бремя Господне: Jeremiah 23:39 сего ради, се, Аз возму и повергу вас и град, егоже дах вам и отцем вашым, от лица Моего, Jeremiah 23:40 и дам вас в поношение вечное и в срамоту вечную, яже никогда забвением загладится. Jeremiah 24:0 Jeremiah 24:1 Показа мне Господь, и се, две кошницы полны смоквий поставлены пред храмом Господним, повнегда преведе Навуходоносор царь Вавилонский Иехонию сына Иоакимова, царя Иудина, и началников его и художников, и узников и богатых от Иерусалима, и преведе их в Вавилон. Jeremiah 24:2 Кошница едина смоквий добрых зело, яко обычай смоквам быти первых времен, и кошница другая смоквий злых зело, ихже ясти не возможно за худость их. Jeremiah 24:3 И рече Господь ко мне: что ты видиши, Иеремие? И рекох: смокви, смокви добрыя, добры зело: и злыя, злы зело, ихже ясти не возможно за худость их. Jeremiah 24:4 И бысть слово Господне ко мне, рекущее: Jeremiah 24:5 сия глаголет Господь Бог Израилев: якоже смокви сия благи, тако познаю преселеных Иудеев, ихже послах от места сего в землю Халдейску во благая: Jeremiah 24:6 и утвержу очи Мои на них во благая и преведу их паки в землю сию во благая: и возсозижду их и не разорю, и насажду их и не исторгну: Jeremiah 24:7 и дам им сердце, да уведят Мя, яко Аз есмь Господь, и будут Мне в люди, и Аз буду им в Бога: понеже обратятся ко Мне всем сердцем своим. Jeremiah 24:8 И якоже смокви злыя, ихже ясти не возможно за худость их, сия рече Господь, тако предам Седекию царя Иудина и началники его и останок от Иерусалима, иже осташа во граде сем и иже обитают во земли Египетстей, Jeremiah 24:9 и дам их в расточение и озлобление всем царствам земным, и будут в поношение и в притчу, и в ненависть и в проклятие во всех местех, в няже извергох их: Jeremiah 24:10 и послю на них мечь и глад и пагубу, дондеже изчезнут от земли, юже дах им и отцем их. Jeremiah 25:0 Jeremiah 25:1 Слово, еже бысть ко Иеремии на вся люди Иудины, в лето четвертое Иоакима сына Иосиина, царя Иудина: то лето первое Навуходоносора царя Вавилонскаго: Jeremiah 25:2 еже глагола Иеремиа пророк ко всем людем Иудиным и ко всем обитателем Иерусалима, рекий: Jeremiah 25:3 в третиенадесять лето Иосии сына Амосова, царя Иудина, и даже до дне сего, сие двадесять третие лето, бысть слово Господне ко мне, и глаголах к вам, заутра востая и глаголя: и не слышасте. Jeremiah 25:4 И посылаше Господь к вам всех раб Своих пророк, востая заутра и посылая: и не слышасте, ни приклонисте ушес ваших, да слышите, егда глаголаше: Jeremiah 25:5 отвратитеся кийждо от пути своего злаго и от злейших умышлений ваших, и обитати будете в земли, юже Господь даде вам и отцем вашым, от века даже и до века: Jeremiah 25:6 и не ходите вслед богов чуждих, еже служити им и покланятися им, да не прогневаете Мя в делех рук ваших, еже озлобити вас. Jeremiah 25:7 И не послушасте Мя, рече Господь, еже не подвизати Мя ко гневу в делех руку вашею на зло вам. Jeremiah 25:8 Сего ради сия глаголет Господь Сил: понеже не послушасте словес Моих, Jeremiah 25:9 се, Аз послю и возму вся племена северска, (рече Господь,) и Навуходоносора царя Вавилонска раба Моего: и приведу их на землю сию и на обитатели ея и на вся языки, иже окрест ея, и убию их и поставлю их во ужас и во звиздание и в поношение вечное: Jeremiah 25:10 и погублю от них глас радости и глас веселия, глас жениха и глас невесты, благоухание мира и свет светилника: Jeremiah 25:11 и будет вся земля сия в запустение и во ужас, и поработают сии во языцех царю Вавилонску седмьдесят лет. Jeremiah 25:12 Егда же исполнени будут седмьдесят лет, посещу на царя Вавилонска и на язык оный, рече Господь, беззакония их, и на землю Халдейску, и положу тую в запустение вечное, Jeremiah 25:13 и наведу на землю ону вся словеса Моя, яже глаголах на ню, вся писанная в книзе сей, и елика пророчествова Иеремиа на вся языки: Jeremiah 25:14 яко работаша им, егда беша языцы мнози и царие велицы, и воздам им по делом их и по творению рук их, Jeremiah 25:15 елико прорече Иеремиа до всех стран: тако бо глаголет Господь Бог Израилев: возми чашу вина нераствореннаго от руки Моея, да напоиши вся языки, к нимже Аз послю тя. Jeremiah 25:16 И испиют и изблюют, и обуяют от лица меча, егоже Аз послю среде их. Jeremiah 25:17 И взях чашу от руки Господни и напоих вся языки, к нимже посла мя Господь: Jeremiah 25:18 Иерусалима и грады Иудины, и цари его и князи его, яко положити я во опустение и в непрохождение, и во звиздание и в проклятие, яко день сей, Jeremiah 25:19 и фараона царя Египетскаго и отроков его, и вельможы его и вся люди его Jeremiah 25:20 и вся примесники его, и вся цари земли Ус и вся цари иноплеменников, Аскалона и Газу, и Аккарона и останок Азота, Jeremiah 25:21 и Идумею и Моавитиду и сыны Аммони, Jeremiah 25:22 и вся цари Тирски и цари Сидонски и цари, иже об ону страну моря, Jeremiah 25:23 и Дедана и Фемана, и Роса и всякаго остриженаго по лицу его, Jeremiah 25:24 и вся цари Аравии и вся смесники обитающыя в пустыни, Jeremiah 25:25 и вся цари Замврийския и вся цари Еламския, и вся цари Персския Jeremiah 25:26 и вся цари от восточия, дальния и ближния, коегождо ко брату его, и вся царства, яже на лицы земли, и царь Сесах испиет последи их. Jeremiah 25:27 И речеши им: тако рече Господь Сил, Бог Израилев: пийте и упийтеся, и изблюйте и падите, и не востаните от лица меча, егоже Аз послю среде вас. Jeremiah 25:28 И будет, егда не восхотят прияти чаши от руки твоея, еже пити, речеши к ним: тако рече Господь: пиюще пийте. Jeremiah 25:29 Яко во граде, в немже именовася имя Мое, Аз начну озлобляти, и вы очищением не очиститеся: понеже мечь Аз призываю на вся седящыя на земли, рече Господь Сил. Jeremiah 25:30 Ты же проречеши на них вся словеса сия и речеши: Господь с высоты суд воздаст, от святаго Своего даст глас Свой, слово проречет на место Свое, сии же яко объемлюще виноград отвещают: и на вся седящыя на земли прииде пагуба, Jeremiah 25:31 на часть земли, яко суд во языцех Господу: судитися имать Той со всякою плотию, нечестивии же предани быша мечу, глаголет Господь. Jeremiah 25:32 Тако глаголет Господь: се, злая грядут от языка на язык, и вихорь велик исходит от конца земли. Jeremiah 25:33 И будут язвении от Господа в день Господень, от края земли и до края земли: не оплачутся, ниже соберутся и не погребутся, в гной на лицы земли будут. Jeremiah 25:34 Воскликните, пастуси и возопийте, и восплачите, овни овчии, яко исполнишася дние ваши на заколение, и падете якоже овни избраннии, Jeremiah 25:35 и изгибнет бегство от пастухов и спасение от овнов овчих. Jeremiah 25:36 Глас вопля пастырска и кличь овец и овнов, яко потреби Господь пажити их: Jeremiah 25:37 и умолкнут останцы мира от лица ярости гнева Господня. Jeremiah 25:38 Остави якоже лев виталище Свое, яко бысть земля их в непрохождение от лица меча великаго. Jeremiah 26:0 Jeremiah 26:1 В начале царства Иоакима сына Иосиина бысть слово сие от Господа: Jeremiah 26:2 тако рече Господь: стани во дворе дому Господня и проповеждь всем Иудеом, входящым кланятися в дом Господень, вся словеса, яже завещах тебе проповедати им, не уйми словесе: Jeremiah 26:3 негли послушают и отвратятся кийждо от пути своего злаго, и почию от зол, яже помышляю сотворити им злых ради начинаний их. Jeremiah 26:4 И речеши: тако рече Господь: аще не послушаете Мене, еже ходити в законех Моих, яже дах пред лицем вашим, Jeremiah 26:5 в послушание словес отрок Моих пророков, ихже Аз посылаю к вам из утра, и послах, и не послушасте Мене, Jeremiah 26:6 и дам дом сей якоже Силом, и град сей дам в клятву всем языком всея земли. Jeremiah 26:7 И слышаша жерцы и лжепророцы и вси людие Иеремию глаголюща словеса сия в дому Господни. Jeremiah 26:8 И бысть, егда Иеремиа преста глаголати вся, елика завеща ему Господь глаголати всем людем, и яша Иеремию жерцы и лжепророцы и вси людие, глаголюще: смертию да умрет, Jeremiah 26:9 яко прорече имеием Господним, глаголя: якоже Силом будет сей дом, и град сей опустеет от живущих. И собрашася вси людие на Иеремию в дому Господни. Jeremiah 26:10 И слышаша князи Иудины словеса сия, и взыдоша от дому царева в дом Господень и седоша во преддверии врат дому Господня новых. Jeremiah 26:11 И реша жерцы и лжепророцы князем и всем людем, глаголюще: суд смертный человеку сему, яко прорече на сей град, якоже слышасте во ушы ваши. Jeremiah 26:12 И рече Иеремиа ко всем князем и ко всем людем, глаголя: Господь посла мя прорещи на дом сей и на град сей вся словеса, яже слышасте: Jeremiah 26:13 и ныне лучшыя сотворите пути вашя и дела ваша и послушайте гласа Господа Бога вашего, и престанет Господь от зол, яже глагола на вы: Jeremiah 26:14 и се, аз в руках ваших, сотворите ми якоже угодно и якоже лучше вам является: Jeremiah 26:15 но разумеюще да уразумеете, яко аще убиете мя, кровь неповинну дадите сами на ся и на град сей и на живущыя в нем: яко поистинне посла мя Господь к вам глаголати во ушы ваши вся словеса сия. Jeremiah 26:16 И реша князи и вси людие ко жерцем и ко лжепророком: несть человеку сему суд смертный, яко во имя Господа нашего глагола к нам. Jeremiah 26:17 И восташа мужие от старейшин земских и реша всему собору людскому, глаголюще: Jeremiah 26:18 Михеа Морафитский бе пророчествуя во дни Езекии царя Иудина и рече всем людем Иудиным, глаголя: тако рече Господь: Сион яко нива изорется, и Иерусалим яко в путь непроходный будет, и гора храма будет в луг дубравный. Jeremiah 26:19 Еда убивая уби его Езекиа царь Иудин и вси людие Иудины? Не убояшалися убо Господа? И понеже помолишася лицу Господню, и почи Господь от зол, яже глаголаше на ня: и мы сотворихом злобы велики на душы нашя. Jeremiah 26:20 И бе человек прорицая именем Господним, Уриа сын Самеов от Кариафиарима, и прорече на град сей и о земли сей по всем словесем Иеремииным. Jeremiah 26:21 И слыша царь Иоаким и вси князи вся словеса его и искаху убити его: и слыша Уриа и убояся, и бежа и прииде во Египет. Jeremiah 26:22 И посла царь Иоаким мужы во Египет, Елдафана сына Ахорова и мужы с ним во Египет, Jeremiah 26:23 и изведоша его оттуду и приведоша его ко царю, и порази его мечем и вверже его во гроб сынов людий своих. Jeremiah 26:24 Обаче рука Ахикама сына Сафаниина бе со Иеремиею, еже не предати его в руце людий, да не убиют его. Jeremiah 27:0 Jeremiah 27:1 В начале царства Иоакима сына Иосиина, царя Иудина, бысть слово сие ко Иеремии от Господа глаголя: Jeremiah 27:2 тако рече Господь: сотвори себе узы и клады и возложи на выю свою, Jeremiah 27:3 и да послеши я ко царю Идумейску и ко царю Моавску и ко царю сынов Аммоних, и ко царю Тирску и ко царю Сидонску, в руку послов их идущих сретением своим во Иерусалим ко Седекии царю Иудину, Jeremiah 27:4 и завещай им ко господем их рещи: тако рече Господь Бог Израилев: тако рцыте ко господем своим: Jeremiah 27:5 Аз сотворих землю и человека и скоты, яже на лицы земли, крепостию Моею великою и мышцею Моею высокою, и дам ю, емуже будет угодно пред очима Моима. Jeremiah 27:6 И ныне Аз дах всю землю сию в руце Навуходоносору царю Вавилонску, да ему работают, и звери селныя дах делати ему: Jeremiah 27:7 и послужат ему вси языцы и сыну его и сыну сына его, дондеже приидет время земли его и его самого, и послужат ему мнози народи и царие велицы: Jeremiah 27:8 страна же и царство, елицы аще не поработают царю Вавилонску и елицы не вдежут выи своея в ярем царя Вавилонска, мечем и гладом посещу их, рече Господь, дондеже скончаются в руце его. Jeremiah 27:9 Вы же не слушайте лжепророк ваших и волхвующих вам и видящих сония вам, ни чарований ваших, ни обаятелей ваших глаголющих: не послужите царю Вавилонскому: Jeremiah 27:10 яко лжу прорицают тии вам, еже бы удалитися вам от земли вашея, извергнути вас и еже погибнути вам. Jeremiah 27:11 Страна же, яже склонит выю свою под ярем царя Вавилонска и послужит ему, оставлю ю на земли своей, глаголет Господь: и орати будет ю и вселится на ней. Jeremiah 27:12 И ко Седекии царю Иудину глаголах по всем словесем сим, глаголя: склоните выи вашя под иго царя Вавилонска и служите ему и людем его, и живи будете: Jeremiah 27:13 почто умираете, ты и людие твои, мечем и гладом и мором, якоже рече Господь ко странам, не хотевшым служити царю Вавилонску? Jeremiah 27:14 Не послушайте слов пророков глаголющих вам: не послужите царю Вавилонску: Jeremiah 27:15 яко неправедно тии прорицают вам: яко не послах их, рече Господь, тии же прорицают именем Моим о неправде, еже бы погубити вас, и погибнете вы и пророцы ваши, прорицающии вам о неправде ложная. Jeremiah 27:16 Вам и всем людем сим и жерцем глаголах, рекий: тако рече Господь: не слушайте словес пророческих, прорицающих вам лжу и глаголющих: се, сосуди дому Господня возвратятся от Вавилона ныне вскоре: яко лжу прорицают вам, Jeremiah 27:17 не послушайте их, но служите царю Вавилонскому, да живи будете. Вскую даете град сей в запустение? Jeremiah 27:18 Аще суть пророцы и есть слово Господне в них, да предстанут Господу Вседержителю, да не отидут сосуди, оставшиися в дому Господни и в дому царя Иудина и во Иерусалиме, в Вавилон. Jeremiah 27:19 Тако бо глаголет Господь Вседержитель о столпех и о умывалнице, и о подставах и о прочих сосудех оставшихся во граде сем, Jeremiah 27:20 ихже не взя Навуходоносор царь Вавилонский, егда пресели Иехонию сына Иоакимова, царя Иудина, из Иерусалима в Вавилон, и вся старейшины Иудины и Иерусалимли. Jeremiah 27:21 Тако бо глаголет Господь Вседержитель Бог Израилев о сосудех оставшихся в дому Господни и в дому царя Иудина и в Иерусалиме: Jeremiah 27:22 в Вавилон принесутся и тамо будут даже до дне посещения своего, глаголет Господь: и повелю принести я и возвратити на место сие. Jeremiah 28:0 Jeremiah 28:1 И бысть в четвертое лето, царствующу Седекии царю Иудину, в пятый месяц, рече ми Ананиа сын Азоров лживый пророк Гаваонитский в дому Господни, пред очима жерцев и всех людий, глаголя: Jeremiah 28:2 тако рече Господь Вседержитель Бог Израилев: сокруших ярем царя Вавилонска: Jeremiah 28:3 еще два лета дний, возвращу Аз на место сие вся сосуды дому Господня, яже взя Навуходоносор царь Вавилонский от места сего и пренесе я до Вавилона, Jeremiah 28:4 и Иехонию сына Иоакимова царя Иудина, и все преселение Иудино вшедшее в Вавилон возвращу в место сие, глаголет Господь, яко сокрушу ярем царя Вавилонска. Jeremiah 28:5 И рече Иеремиа пророк ко Анании лжепророку пред очима жерцев и пред очима всех людий стоящих в дому Господни, Jeremiah 28:6 и рече Иеремиа: поистинне тако да сотворит Господь, да утвердит Господь слово твое, еже ты прорицаеши, еже возвратити сосуды дому Господня и вся преселенныя из Вавилона на место сие: Jeremiah 28:7 обаче слышите слово сие, еже аз глаголю во ушы ваши и во ушы всех людий: Jeremiah 28:8 пророцы, бывшии прежде мене и прежде вас от века, прорекоша на многи земли и на царства велика о рати и о погублении и о гладе: Jeremiah 28:9 пророк прорекий мир, пришедшу слову познают пророка, егоже посла им Господь в вере. Jeremiah 28:10 И взя Ананиа пред очима всех людий клады от выи Иеремиины и сокруши я. Jeremiah 28:11 И рече Ананиа пред очима всех людий глаголя: сице рече Господь: тако сокрушу ярем Навуходоносора царя Вавилонска еще два лета дний со выи всех языков. И отиде Иеремиа на путь свой. Jeremiah 28:12 И бысть слово Господне ко Иеремии, по сокрушении Ананиине клад со выи его, глаголя: Jeremiah 28:13 иди и рцы ко Анании глаголя: тако рече Господь: клады древяныя сокрушил еси и сотвориши вместо тех клады железны, Jeremiah 28:14 яко тако рече Господь: ярем железен возложих на выи всех языков, служити Навуходоносору царю Вавилонску, и послужат ему: ктому и звери земныя дах ему. Jeremiah 28:15 И рече Иеремиа пророк ко Анании: слыши, Анание: не посла тебе Господь, ты же сотворил еси людий сих уповати на неправду. Jeremiah 28:16 Того ради сице рече Господь: се, Аз отпущу тя от лица земли, в сем лете умреши, яко на Господа (Бога) глаголал еси. Jeremiah 28:17 И умре Ананиа лжепророк в сем лете месяца седмаго. Jeremiah 29:0 Jeremiah 29:1 И сия словеса книги, юже посла Иеремиа из Иерусалима ко старейшинам преселеным и ко жерцем и лживым пророком и всем людем, ихже пресели Навуходоносор из Иерусалима до Вавилона, Jeremiah 29:2 последи изшедшу Иехонии царю и царице, и кажеником и всякому свободну, и художнику и юзнику из Иерусалима, Jeremiah 29:3 рукою Елеаса сына Сафаня и Гамариа сына Хелкиина, егоже посла Седекиа царь Иудин ко царю Вавилонску в Вавилон, глаголя: Jeremiah 29:4 тако рече Господь Бог Израилев о преселеных, ихже пресели из Иерусалима в Вавилон: Jeremiah 29:5 соградите храмины и вселитеся, и насадите вертограды и ядите плоды их, Jeremiah 29:6 и поимите жены и чадотворите сыны и дщери, и приведите сыном вашым жены и дщери вашя дадите за мужы, и да раждают сыны и дщери, и умножайтеся, а не умаляйтеся: Jeremiah 29:7 и взыщите мира земли, на нюже преселих вас тамо, и молите Господа за ня, яко в мире их будет мир вам. Jeremiah 29:8 Яко тако рече Господь Сил, Бог Израилев: да не препирают вас лживии пророцы, иже в вас, и да не препирают вас волсви ваши, и не послушайте соний своих, яже вы видите во сне, Jeremiah 29:9 яко неправедне тии прорицают вам во имя Мое, а не послах их, рече Господь. Jeremiah 29:10 Яко тако рече Господь: егда исполнятся в Вавилоне седмьдесят лет, посещу вас и уставлю словеса Моя на вас, еже возвратити люди Моя на место сие: Jeremiah 29:11 и помышлю на вы помышление мира, а не злая, еже дати вам сия: Jeremiah 29:12 и помолитеся ко Мне, и послушаю вас, Jeremiah 29:13 и взыщете Мене, и обрящете Мя: и егда взыщете Мене всем сердцем вашим, Jeremiah 29:14 и явлюся вам, глаголет Господь, и возвращу узники вашя и соберу вас от всех стран и от всех градов, в няже изгнах вас, глаголет Господь: и возвратитися повелю вам на место откуду превести вас повелех. Jeremiah 29:15 Понеже рекосте: возстави нам Господь пророки в Вавилоне. Jeremiah 29:16 Тако бо рече Господь ко царю седящу на престоле Давидове и ко всем людем живущым во граде том, и братиям вашым, не изшедшым с вами в плен, Jeremiah 29:17 тако глаголет Господь Вседержитель: се, Аз послю на ня мечь и глад и мор, и положу я яко смоквы худыя, ихже немощно ясти, понеже зело худы быша: Jeremiah 29:18 и сотру я мечем и гладом и мором, и дам я в погубление всем царствам земным и в проклятие, и во удивление и в посмех и в поругание всем языком, к нимже извергох я: Jeremiah 29:19 занеже не послушаша словес Моих, глаголет Господь, яже послах к ним рабы Моими пророки, рано востая и посылая, и не послушасте, глаголет Господь. Jeremiah 29:20 Вы убо слышите слово Господне, все преселение, еже выслах из Иерусалима в Вавилон. Jeremiah 29:21 Тако глаголет Господь Вседержитель Бог Израилев на Ахиава сына Колиева и на Седекию сына Маасиева, иже прорицают вам во имя Мое лживо: се, Аз предаю я в руце Навуходоносора царя Вавилонска, и побиет я пред очима вашима: Jeremiah 29:22 и возмется от них проклятие всему преселению Иудину, еже в Вавилоне, глаголюще: да сотворит ти Господь якоже Седекии сотвори и якоже Ахиаву, ихже сожже царь Вавилонский во огни, Jeremiah 29:23 беззакония ради, еже сотвориша во Иерусалиме, и любодеяху с женами граждан своих и слово глаголаша во имя Мое лживо, егоже не повелех им, Аз же есмь судия и послух, глаголет Господь. Jeremiah 29:24 И к Самеи Еламитину речеши: Jeremiah 29:25 тако глаголет Господь Вседержитель, Бог Израилев: понеже послал еси во имя твое послания ко всем людем, иже во Иерусалиме, и ко Софонии сыну Маасеову жерцу и ко всем жерцем, глаголя: Jeremiah 29:26 Господь даде тя жерца вместо Иодаа жерца, быти приставнику в дому Господни, всякому человеку прорицающу и всякому человеку неистовующу, и вдаси его в затвор и в кладу. Jeremiah 29:27 И ныне почто не запретисте Иеремии, иже от Анафофа, прорицающему вам? Jeremiah 29:28 Яко того ради посла к нам в Вавилон, глаголя: долгое есть время, соградите храмины и вселитеся, и насадите вертограды и ядите плоды их. Jeremiah 29:29 И прочте книгу сию Софониа во ушы Иеремии пророка. Jeremiah 29:30 И бысть слово Господне ко Иеремии глаголя: Jeremiah 29:31 посли ко преселником глаголя: тако рече Господь на Самею Еламитина: понеже прорече вам Самеа, Аз же не послах его, и сотвори вас уповати на неправду: Jeremiah 29:32 того ради сице рече Господь: се, Аз посещу на Самею и на род его, и не будет ему человека посреде вас, еже видети благая, яже Аз сотворю вам, глаголет Господь, зане отступление глагола на Господа. Jeremiah 30:0 Jeremiah 30:1 Слово бывшее ко Иеремии от Господа глаголя: Jeremiah 30:2 тако рече Господь Бог Израилев глаголя: впиши вся словеса в книги, яже глаголах к тебе. Jeremiah 30:3 Яко се, дние грядут, рече Господь, и возвращу преселение людий Моих Израиля и Иуды, рече Господь Вседержитель, и возвращу я на землю, юже дах отцем их, и овладеют ею. Jeremiah 30:4 И сия словеса, яже глагола Господь о Израили и о Иуде. Jeremiah 30:5 Тако рече Господь: глас страха услышите: страх, и несть мира. Jeremiah 30:6 Вопросите и видите, аще раждает мужеск пол? И о страсе, в немже имети будут чресла и спасение? Понеже видех всякаго человека, и руце его на чреслех его аки раждающия: обратишася лица в желтую болезнь. Jeremiah 30:7 О, люте! Яко бысть велик день той и несть подобна ему: и время тесно есть Иакову, и от того спасется. Jeremiah 30:8 В той день, рече Господь, сокрушу ярем со выи их и узы их расторгну: и не послужат тии ктому чуждим, Jeremiah 30:9 но послужат тии Господу Богу своему: и Давида царя их возставлю им. Jeremiah 30:10 Сего ради ты не бойся, рабе Мой Иакове, глаголет Господь, ни устрашайся, Израилю: яко се, Аз спасу тя из земли дальния и семя твое из земли пленения их: и возвратится паки Иаков и почиет и всякаго добра исполнен будет, и не будет устрашаяй тя. Jeremiah 30:11 Яко Аз с тобою есмь, глаголет Господь, спасаяй тя: яко сотворю скончание во всех языцех, в няже разсеях тя: тебе же не сотворю во скончание, но накажу тя в суде и очищая не очищу тя. Jeremiah 30:12 Тако бо глаголет Господь: возставих сокрушение твое, болезненна есть язва твоя, Jeremiah 30:13 несть судяй суда твоего, на болезнь врачевался еси, пользы несть тебе: Jeremiah 30:14 вси друзие твои забыша тя, ниже вопросят тя, яже о мире твоем: яко язвою вражиею поразих тя, наказанием твердым: множества ради неправды твоея превозмогоша греси твои. Jeremiah 30:15 Что вопиеши о сокрушении твоем? Неизцельна есть болезнь твоя множества ради неправды твоея, и твердых ради грехов твоих сотворих ти сия (вся). Jeremiah 30:16 Того ради вси ядущии тя изядени будут, и вси врази твои плоть их всю изядят: во множестве неправды твоея умножишася греси твои, сотвориша сия тебе: и будут разграбляющии тя в разграбление, и всех пленяющих тя дам во пленение. Jeremiah 30:17 Яко обяжу язву твою и от ран твоих уврачую тя, рече Господь: яко расточенным называху тя, Сионе ловитва наша есть, яко несть взыскающаго его. Jeremiah 30:18 Тако глаголет Господь: се, Аз возвращу преселение Иаковле и пленники его помилую, и возградится град в высоту свою, и храм по чину своему утвердится: Jeremiah 30:19 и изыдут из него поющии и глас играющих, и умножу я, и не умалятся. Jeremiah 30:20 И внидут сынове их якоже и прежде, и свидения их пред лицем Моим исправятся: и посещу на вся стужающыя им, Jeremiah 30:21 и будут крепльшии его на ня, и князь его из него изыдет: и соберу я, и обратятся ко Мне: кто бо есть той, иже приложит сердце свое обратитися ко Мне? Рече Господь. Jeremiah 30:22 И будете Ми в люди, и Аз вам буду в Бога. Jeremiah 30:23 Яко гнев Господень изыде яр, изыде гнев обращаемь, на нечестивыя приидет. Jeremiah 30:24 Не отвратится гнев ярости Господни, дондеже сотворит и дондеже исполнит умышление сердца Своего: в последния дни познаете я. Jeremiah 31:0 Jeremiah 31:1 Во время оно рече Господь, буду в Бога роду Израилеву, и тии будут Ми в люди. Jeremiah 31:2 Тако рече Господь: обретох теплоту в пустыни со изгибшими от меча: идите и не потребите Израиля, Jeremiah 31:3 Господь издалеча явится ему: любовию вечною возлюбих тя, того ради вовлекох тя в щедроты. Jeremiah 31:4 Яко возгражду тя, и возградишися, дево Израилева: возмеши тимпаны своя и изыдеши с собором играющих. Jeremiah 31:5 Еще насадите винограды в горе Самарийстей, насаждающе насадите и похвалите. Jeremiah 31:6 Яко есть день воззвания отвещавающих в горах Ефремовых: востаните и взыдите в Сион ко Господеви Богу нашему: Jeremiah 31:7 яко тако рече Господь Иакову: возвеселитеся веселием и воскликните на главу языков: слышано сотворите и похвалите, рцыте: спасе Господь люди Своя, останок Израилев. Jeremiah 31:8 Се, Аз веду их от севера и соберу их от конец земли в праздник Пасхи: и чадородит народ мног, и возвратятся семо. Jeremiah 31:9 С плачем изыдоша, а со утешением возведу я, проводя чрез ровенники вод по пути праву, и не заблудят по нему: яко Аз бех Израилеви во отца, и Ефрем первенец Ми есть. Jeremiah 31:10 Слышите, языцы, слово Господне, и возвестите во островех дальних и рцыте: Развеявый Израиля соберет его и снабдит его, яко пастырь стадо свое. Jeremiah 31:11 Яко избави Господь Иакова и изят его от руки сильнейших его. Jeremiah 31:12 И приидут и возвеселятся в горе Сион, и приидут ко благотам Господним, на землю пшеницы и вина и плодов, и скотов и овнов: и будет душа их якоже древо плодовито, и не взалчут ктому. Jeremiah 31:13 Тогда возрадуются девицы в собрании юношей, и старцы возрадуются: и обращу плачь их на радость, и утешу их, и сотворю их веселы. Jeremiah 31:14 Возвеличу и упою душу жерцев сынов Левииных, и людие Мои благот Моих насытятся. Jeremiah 31:15 Тако рече Господь: глас в Раме слышан бысть плача и рыдания и вопля: Рахиль плачущися чад своих, и не хотяше утешитися, яко не суть. Jeremiah 31:16 Тако рече Господь: да почиет глас твой от плача и очи твои от слез, яко есть мзда делом твоим, глаголет Господь, и возвратятся от земли вражия: Jeremiah 31:17 и есть надежда последним твоим, (глаголет Господь,) и возвратятся сынове твои в пределы своя. Jeremiah 31:18 Слышя слышах Ефрема плачуща: наказал мя еси, (Господи,) и наказахся: аз якоже телец не научихся: обрати мя, и обращуся, яко Ты еси Господь Бог мой: Jeremiah 31:19 понеже последи пленения моего покаяхся и последи разумения моего возстенах в день посрамления и показах тебе, яко приях укоризну от юности моея. Jeremiah 31:20 Сын любезен Мне, Ефрем, отроча питеющееся, понеже словеса Моя в нем, памятию воспомяну и: того ради потщахся о нем, милуяй помилую его, рече Господь. Jeremiah 31:21 Постави себе самого, Сионе, стражу, сотвори мучение, направи сердце твое на путь прав, имже ходил еси: возвратися, девице Израилева, обратися во грады твоя рыдающи. Jeremiah 31:22 Доколе отвращаешися, дщи обезчествованая? Яко созда Господь спасение в насаждение ново, в немже спасении обыдут человецы. Jeremiah 31:23 Яко тако рече Господь: еще рекут слово сие в земли Иудейстей и во градех ея, егда возвращу преселение его: благословен Господь на праведней горе святей своей: Jeremiah 31:24 и живущии во градех Иудиных и во всей земли его, купно со земледельцем, и вознесется во стаде. Jeremiah 31:25 Яко упоих всяку душу жаждущу и всяку душу алчущу насытих. Jeremiah 31:26 Того ради востах от сна и видех, и сон ми сладок бысть. Jeremiah 31:27 Се, дние грядут, глаголет Господь, и всею Израиля и Иуду семя человечо и семя скотское. Jeremiah 31:28 И будет, якоже бдех на ня потребити и озлобити, тако бдети буду о них, еже созидати и насаждати, рече Господь. Jeremiah 31:29 В тыя дни не рекут ктому: отцы ядоша кислая, а зубы детем оскомнишася: Jeremiah 31:30 но кийждо своим грехом умрет, и ядшему кислая оскоменятся зубы его. Jeremiah 31:31 Се, дние грядут, глаголет Господь, и завещаю дому Израилеву и дому Иудину завет нов, Jeremiah 31:32 не по завету, егоже завещах отцем их в день, в оньже емшу ми за руку их, извести я от земли Египетския, яко тии не пребыша в завете Моем, и Аз небрегох их, глаголет Господь. Jeremiah 31:33 Яко сей завет, егоже завещаю дому Израилеву по днех онех, глаголет Господь: дая законы Моя в мысли их, и на сердцах их напишу я, и буду им в Бога, и тии будут Ми в люди: Jeremiah 31:34 и не научит кийждо ближняго своего и кийждо брата своего, глаголя: познай Господа: яко вси познают Мя от мала даже и до великаго их: яко милостив буду неправдам их и грехов их не помяну ктому. Jeremiah 31:35 Аще возиесется небо на высоту, рече Господь, и аще смирится испод земли низу, и Аз не отвергу рода Израилева о всех, яже сотвориша, глаголет Господь. Jeremiah 31:36 Тако рече Господь, давый солнце во свет дне, луну и звезды на свет нощи, и вопль на мори, и возшумеша волны его, Господь Вседержитель имя Ему. Jeremiah 31:37 Аще премолкнут законы сии от лица Моего, рече Господь, то и род Израилев престанет быти язык пред лицем Моим во вся дни. Jeremiah 31:38 Се, дние грядут, рече Господь, и созиждется град Господеви от столпа Анамеиля до врат уголных: Jeremiah 31:39 и изыдет размерение его противу ему до могил Гарив, и оымется окрест избранным камением, Jeremiah 31:40 и всю юдоль мертвых и пепела, и весь Ассаримоф даже до водотечи Кедрския, даже до угла коний врат восточных, освящение Господеви, и ктому не исторгнется и не потребится даже до века. Jeremiah 32:0 Jeremiah 32:1 Слово бывшее от Господа ко Иеремии в десятое лето Седекии, царя Иудина, то лето осмоенадесять Навуходоносору царю Вавилонску. Jeremiah 32:2 И тогда сила царя Вавилонска острог обложи окрест Иерусалима, Иеремиа же стегомь бяше во дворе темничнем, иже есть во дворе царя Иудина, Jeremiah 32:3 в нейже заключи его Седекиа царь, глаголя: почто ты прорицаеши, глаголя: тако рече Господь: се, Аз даю сей град в руце царя Вавилонска, и возмет его, Jeremiah 32:4 и Седекиа царь Иудин не спасется от руки Халдейски, яко преданием предастся в руце царя Вавилонска, и соглаголет усты своими ко устом его, и очи его очи его узрят, Jeremiah 32:5 и в Вавилон внидет Седекиа и ту будет, дондеже посещу его, глаголет Господь: аще же воевати будете на Халдеи, ничесоже успеете? Jeremiah 32:6 И рече Иеремиа: бысть слово Господне ко мне глаголя: Jeremiah 32:7 се, Аиамеил, сын Саломль, брата отца твоего, идет к тебе, глаголя: прикупи себе село мое, еже во Анафофе, яко тебе суд ужичества прияти во притяжание. Jeremiah 32:8 И прииде ко мне Анамеил, сын Саломль, брата отца моего, по словеси Господню во двор темничный и рече ми: прикупи себе село мое, еже во Анафофе в земли Вениамини: яко тебе суд прикупити е, ты бо старей. И разумех, яко слово Господне есть, Jeremiah 32:9 и прикупих село Анамеиле, сына брата отца моего, от Анафофа, и поставих ему седмьнадесять сикль сребра, Jeremiah 32:10 и вписах в книгу и запечатах, и засвидетелствовах послухи и поставих сребро на весах. Jeremiah 32:11 И взях книгу купления прочтену и запечатану. Jeremiah 32:12 И дах книгу купления Варухови сыну Нириину, сына Маассеова, пред очима Анамеила сына брата отца моего, и пред очима стоящих послух и вписавших в книги купления, и пред очима всех Иудеов, седящих во дворе темничнем. Jeremiah 32:13 И завещах Варуху пред очима их, глаголя: Jeremiah 32:14 тако рече Господь Вседержитель Бог Израилев: возми книгу сию купления запечатленну и книгу прочтеную и вложи ю в сосуд глинян, да пребудет дни множайшыя. Jeremiah 32:15 Яко тако рече Господь Вседержитель Бог Израилев: еще притяжутся храмины и села и винограды на сей земли. Jeremiah 32:16 И молихся ко Господеви по отдании книги прикупления Варуху сыну Нириину, глаголя: Jeremiah 32:17 о, сый Господи Боже! Ты сотворил еси небо и землю крепостию Твоею великою и мышцею Твоею высокою, не утаится от Тебе ничтоже, Jeremiah 32:18 творяй милость в тысящы и отдаяй грехи отчи в недра чад их по них: Бог великий и крепкий, Jeremiah 32:19 Бог велика совета и силен делесы, Бог великий Вседержитель и великоименит Господь: очи Твои отверсты на вся пути сынов человеческих, дати комуждо по пути его и по плоду начинаний его: Jeremiah 32:20 иже сотворил еси знамения и чудеса во земли Египетстей, даже до сего дне и во Израили и в людех, и сотворил еси имя Себе, якоже день сей, Jeremiah 32:21 и извел еси люди Твоя Израиля из земли Египетския знамении и чудесы, рукою крепкою и мышцею высокою и видении великими, Jeremiah 32:22 и дал еси им сию землю, еюже клялся еси отцем их, землю кипящую медом и млеком. Jeremiah 32:23 И внидоша и прияша ю, и не послушаша гласа Твоего и в заповедех Твоих не ходиша: вся, яже заповедал еси им (творити), не сотвориша, и сотвориша, да сбудутся им вся злая сия. Jeremiah 32:24 Се, народ идет на сей град взяти его, и град предан есть в руце Халдеев воюющих нань от лица меча и глада и мора. Якоже глаголал еси, тако и бысть: и се, Ты зриши. Jeremiah 32:25 А Ты ко мне глаголеши: притяжи себе село сребром: и вписах в книгу, и запечатах, и засвидетелствовах послухи, град же предастся в руце Халдейсте. Jeremiah 32:26 И бысть слово Господне ко мне глаголя: Jeremiah 32:27 Аз Господь Бог всея плоти, еда от Мене утаится что? Jeremiah 32:28 Сего ради тако рече Господь Бог Израилев: отдан предастся сей град в руце царя Вавилонска, и возмет его, Jeremiah 32:29 и приидут Халдее воюющии на сей град, и пожгут его огнем, и храмины сожгут, в нихже кадиша на кровех своих Ваалу и возливаша возлияния богом инем, ко еже разгневати Мя. Jeremiah 32:30 Понеже беша сынове Израилевы и сынове Иудины едини творяще зло пред очима Моима от юности своея, сынове Израилевы подвизают Мя на гнев в делех рук своих, рече Господь. Jeremiah 32:31 Яко на гнев Мой и на ярость Мою бе град сей, от негоже дне соградиша его и даже до сего дне, яко отставити его от лица Моего, Jeremiah 32:32 злобы ради всякия сынов Израилевых и Иудиных, яко сотвориша разгневати Мя тии и царие их, и князи их и вельможи их, и жерцы их и пророцы их, мужие Иудины и живущии во Иерусалиме, Jeremiah 32:33 и обратиша хребет ко мне, а не лице: и наказах я из утра, и не послушаша прияти наказания, Jeremiah 32:34 и положиша осквернения своя в дому, идеже наречеся имя Мое, в нечистотах своих: Jeremiah 32:35 и соградиша требища Ваалу, яже в дебри сына Енномля, еже возносити сыны своя и дщери своя Молоху, ихже не заповедах им, и не взыде на сердце Мое, еже сотворити мерзость сию на согрешение Иуде. Jeremiah 32:36 И ныне тако рече Господь Бог Израилев ко граду, о немже ты глаголеши: предан будет в руце царя Вавилонска мечем и гладом и мором. Jeremiah 32:37 Се, Аз соберу я от всея земли, идеже разсеях я во гневе Моем и ярости Моей и в преогорчении велием, и обращу я на сие место, и посажду я во уповании, Jeremiah 32:38 и будут Ми в люди, и Аз буду им в Бога: Jeremiah 32:39 и дам им путь ин и сердце ино, боятися Мене вся дни, на благоту им и чадом их по них: Jeremiah 32:40 и завещаю им завет вечный, егоже не отвращу последи их, и страх Мой дам в сердце их, ко еже не отступити им от Мене: Jeremiah 32:41 и посещу еже ублажити я и насажду я в сей земли с верою и со всем сердцем Моим и со всею душею Моею. Jeremiah 32:42 Яко тако рече Господь: якоже наведох на люди сия вся злая сия великая, тако Аз наведу на них вся благоты, яже Аз глаголах к ним. Jeremiah 32:43 И возобладают паки селы на земли, о нейже ты глаголеши: непроходна будет от человек и скота, и предашася в руце Халдейсте. Jeremiah 32:44 И притяжут села сребром: и впишеши в книги, и запечатаеши, и опослушиши послухи в земли Вениамини и окрест Иерусалима, и во градех Иудиных и во градех горних, и во градех польных и во градех нагев и: яко возвращу преселения их, глаголет Господь. Jeremiah 33:0 Jeremiah 33:1 И бысть слово Господне ко Иеремии вторицею, тойже бяше еще связан во дворе темничнем, глаголя: Jeremiah 33:2 тако рече Господь, творяй землю и устрояяй ю, еже исправити ю, Господь имя Ему: Jeremiah 33:3 возопий ко Мне, и отвещаю ти и возвещу тебе великая и крепкая, ихже не разумел еси. Jeremiah 33:4 Яко тако рече Господь Бог Израилев о домех града сего и о храмех царя Иудина, растерзанных на остроги и на забрала, Jeremiah 33:5 еже противитися ко Халдеем, и наполню его мертвыми человеки, ихже поразих во гневе Моем и в ярости Моей, и отвратих лице Мое от них всех ради злоб их. Jeremiah 33:6 Се, Аз наведу на ня срастение язвы и изцеление, и изврачую я и явлю им, еже слушати, и изцелю я и сотворю им мир и веру: Jeremiah 33:7 и обращу преселение Иудино и преселение Израилево, и согражду я, якоже и прежде, Jeremiah 33:8 и очищу я от всех неправд их, имиже согрешиша Ми, и милостив буду всем неправдам их, имиже отступиша от Мене. Jeremiah 33:9 И будет в веселие и во хвалу и в величие всем людем земли, иже услышат вся благоты, яже Аз сотворю им, и убоятся, и огорчатся о всех благотах и о всем мире, егоже Аз сотворю им. Jeremiah 33:10 Тако рече Господь: еще услышится в сем месте, о немже вы глаголете: пусто есть от человек и от скот, во градех Иудиных и вне Иерусалима, опустевших, понеже несть человека, ни скота, Jeremiah 33:11 глас веселия и глас радости, глас жениха и глас невесты, глас глаголющих: исповедайтеся Господеви Вседержителю, яко благ Господь, яко в век милость Его: и принесут дары похваления в дом Господень, яко возвращу все преселение земли тоя по прежнему, рече Господь. Jeremiah 33:12 Тако глаголет Господь Сил: еще будут на сем месте пустем, за еже не быти человеку, ни скоту, во всех градех его обиталища пастухов пасущих овцы, Jeremiah 33:13 во градех горних и во градех польных, и во градех нагев и в земли Вениамини, и во окрестных Иерусалима и во градех Иудиных, еще пойдут овцы к руце изчисляющаго, глаголет Господь. Jeremiah 33:14 Се, дние грядут, рече Господь, и возставлю слово благо, еже глаголах к дому Израилеву и к дому Иудину. Jeremiah 33:15 Во днех онех и в то время произрастити сотворю Давиду Отрасль правды, и сотворит суд и правду на земли. Jeremiah 33:16 Во днех онех спасен будет Иуда, и Иерусалим пребудет в надежди: и сие есть имя, имже нарекут Его: Господь праведен наш. Jeremiah 33:17 Тако бо рече Господь: не оскудеет от Давида муж седяй на престоле дому Израилева: Jeremiah 33:18 и от жерцев и от левитов не погибнет муж от лица Моего, приносяй всесожжения и дар и творяй жертвы по вся дни. Jeremiah 33:19 И бысть слово Господне ко Иеремии глаголя: Jeremiah 33:20 тако глаголет Господь: может ли разоритися завет Мой со днем и завет Мой с нощию, еже не быти дню и нощи во время свое? Jeremiah 33:21 То и завет Мой разорится с Давидом рабом Моим, еже не быти от него сыну царствующу на престоле его, и с левиты и священники рабы Моими. Jeremiah 33:22 Якоже сочтены быти не могут звезды небесныя, ни измерен быти песок морский, тако умножу семя раба Моего Давида и левиты служители Моя. Jeremiah 33:23 И бысть слово Господне ко Иеремии глаголя: Jeremiah 33:24 еда не видел еси, что рекоша людие сии, глаголюще: два народа, ихже избра Господь, и се, отверже я: и преогорчиша людий Моих, (сего ради) яко да не будет ктому народ пред ними? Jeremiah 33:25 Тако рече Господь: не положих ли убо завета Моего между днем и нощию и законов небеси и земли? Jeremiah 33:26 Тогда и семя Иаковле и Давида раба Моего отвергу, еже не прияти от семене его князей семене Авраама и Исаака и Иакова: яко паки возвращу плен их и помилую их. Jeremiah 34:0 Jeremiah 34:1 Слово, еже бысть ко Иеремии от Господа, егда Навуходоносор царь Вавилонский и вси вои его, и вся земля власти его и вси людие воеваху на Иерусалим и на вся грады Иудины, глаголя: Jeremiah 34:2 тако рече Господь Бог Израилев: иди ко Седекии царю Иудину и речеши ему: тако рече Господь: преданием предастся сей град в руце царя Вавилонска, и возмет его и пожжет его огнем: Jeremiah 34:3 и ты не уцелееши от руку его, и ят будеши, и в руце его предасися: и очи твои очи его узрят, и уста его со усты твоими соглаголют, и в Вавилон внидеши. Jeremiah 34:4 Но обаче слыши слово Господне, Седекие, царю Иудин! Тако глаголет Господь к тебе: не умреши от меча, но в мире умреши: Jeremiah 34:5 и якоже плакаша отцев твоих царствовавших прежде тебе, восплачутся и тебе: увы, господи, и: увы, господи! Восплачутся и тебе, яко слово Аз соглаголах, рече Господь. Jeremiah 34:6 И глагола Иеремиа пророк ко Седекии царю Иудину вся словеса сия во Иерусалиме. Jeremiah 34:7 И сила царя Вавилонска воева на Иерусалим и на грады Иудины оставшыяся: на Лахис и на Азику, яко тии осташася во градех Иудиных грады тверды. Jeremiah 34:8 Слово бывшее ко Иеремии от Господа, повнегда скончати царю Седекии завет к людем, иже во Иерусалиме, еже нарещи им отпущение, Jeremiah 34:9 еже отпустити комуждо раба своего и комуждо рабыню свою, Евреанина и Евреаныню, свободны, да не работает муж от Израиля. Jeremiah 34:10 И обратишася вси вельможи и вси людие вступившии в завет еже отпустити комуждо раба своего и комуждо рабу свою свободны и ктому не владети ими. Слышаша убо и отпустиша. Jeremiah 34:11 И обратишася по сих вспять и удержаша паки рабы и рабыни своя, ихже отпустиша свободных, и взяша в рабы и рабыни. Jeremiah 34:12 И бысть слово Господне ко Иеремии от Господа глаголя: Jeremiah 34:13 тако рече Господь Бог Израилев: Аз завещах завет ко отцем вашым в день, в оньже избавих я от земли Египетския, из дому работы, глаголя: Jeremiah 34:14 егда скончаются шесть лет, да отпустиши брата своего Евреанина, иже продан есть тебе: и да делает ти шесть лет, и да отпустиши его свободна от себе. И не послушаша Мене отцы ваши, ни приклониша уха своего. Jeremiah 34:15 И обратистеся вы днесь сотворити правая пред очима Моима, еже нарещи комуждо отпущение ближняго своего: и совершисте завет пред лицем Моим в дому, идеже наречеся имя Мое в нем: Jeremiah 34:16 и отвратистеся, и осквернисте завет Мой, еже возвратити комуждо раба своего и комуждо рабу свою, ихже отпустисте свободны душею их: и покористе их, якоже быти у вас в рабы и в рабыни. Jeremiah 34:17 Того ради сице рече Господь: вы не послушасте Мене, нарещи отпущения кийждо брату своему и кийждо ближнему своему: се, Аз нарицаю отпущение вам на мечь и на смерть и на глад, и дам вы на разсыпание всем царствам земным: Jeremiah 34:18 и дам мужы преступившыя завет Мой и не хранящыя словес завета Моего, емуже соизволиша пред лицем Моим: телца егоже разсекоша на две части и ходиша между разделенными частьми его: Jeremiah 34:19 князи Иудины и князи Иерусалимли, и вельможы и жерцы и вся люди земли ходящыя между разделеным телцем, Jeremiah 34:20 и дам я в руки врагом их и в руки ищущих души их, и будут трупи их в ядь птицам небесным и зверем земным: Jeremiah 34:21 и Седекию царя Иудейска и князи его дам в руце врагов их и в руку ищущих души их и в руку воинства царя Вавилонска, отбегающих от них. Jeremiah 34:22 Се, Аз завещаю, рече Господь, и возвращу я в землю сию, и повоюют на ню, и возмут ю, и пожгут ю огнем и грады Иудины: и дам я в непроходны от живущих. Jeremiah 35:0 Jeremiah 35:1 Слово бывшее ко Иеремии от Господа, во дни Иоакима сына Иосиина, царя Иудина, глаголя: Jeremiah 35:2 иди в дом Рихавль и призови я и веди я в дом Господень, во един от дворов, и напоиши я вином. Jeremiah 35:3 И изведох Иезонию сына Иеремиина, сына Хавасиина, и братию его, и сыны его, и весь дом Рихавль, Jeremiah 35:4 и введох я в дом Господень, во хранилище имения сынов Анании, сына Годолиина, человека Божия, иже есть близ дому князей, выше дому Маасеова, сына Селомля, стрегущаго двор. Jeremiah 35:5 И поставих пред ними корчаг вина и чашы, и рекох: пийте вино. Jeremiah 35:6 И рекоша: не пием вина, яко Ионадав сын Рихавль, отец наш, заповеда нам, глаголя: не пийте вина вы и сынове ваши до века: Jeremiah 35:7 и храмин да не соградите, и семене не сейте, и виноград да не будет вам, но в кушах да живете вся дни живота вашего, да поживете дни многи на земли, на нейже обитаете вы. Jeremiah 35:8 И послушахом словесе Ионадава отца нашего, еже не пити вина вся дни живота нашего, мы и жены нашя, и сынове наши и дщери нашя, Jeremiah 35:9 и еже не сограждати храмин жити тамо: и винограда и нивы и семене не бысть нам. Jeremiah 35:10 И жихом в кущах, и послушахом и сотворихом по всем, елика заповеда нам Ионадав отец наш. Jeremiah 35:11 И бысть, егда прииде Навуходоносор царь Вавилонский на землю нашу, и рекохом: вшедше да внидем во Иерусалим от лица Халдейска и от лица силы Ассирийския: и вселихомся ту. Jeremiah 35:12 И бысть слово Господне ко Иеремии глаголя: Jeremiah 35:13 тако глаголет Господь Сил, Бог Израилев: иди и рцы человеку Иудину и живущым во Иерусалиме: еда не восприимете наказания послушати словес Моих? Jeremiah 35:14 Утвердиша слово сынове Ионадава, сына Рихавля, еже заповеда сыном своим, еже не пити вина, и не пиша даже до дне сего, яко послушаша заповеди отца своего: Аз же глаголах к вам заутра, и не послушасте Мене: Jeremiah 35:15 и посылах к вам рабы Моя пророки, утренюя и глаголя: обратитеся кийждо от пути своего злаго, и лучше сотворите дела своя, и не ходите вслед богов инех, еже служити им, и вселитеся на земли, юже дах вам и отцем вашым: и не приклонисте ушес ваших и не послушасте. Jeremiah 35:16 И уставиша сынове Ионадавли, сына Рихавля, заповедь отца своего, юже заповеда им: а людие Мои не послушаша Мене. Jeremiah 35:17 Сего ради сице рече Господь Сил, Бог Израилев: се, Аз наведу на Иуду и на вся живущыя во Иерусалиме вся злая, яже соглаголах на ня: понеже глаголах к ним, и не послушаша, призывах я, и не отвещаша Ми. Jeremiah 35:18 Дому же Рихавлю рече Иеремиа: тако рече Господь Бог Вседержитель: понеже послушаша сынове Ионадава, сына Рихавля, заповеди отца своего, творити, елика заповеда им отец их: Jeremiah 35:19 сего ради сия глаголет Господь Сил, Бог Израилев: не оскудеет муж от сынов Ионадавлих, сына Рихавля, стояй пред лицем Моим, вся дни земли. Jeremiah 36:0 Jeremiah 36:1 И бысть в лето четвертое Иоакима, сына Иосиина, царя Иудина, бысть слово Господне ко Иеремии глаголя: Jeremiah 36:2 возми себе свиток книжный и напиши в нем вся словеса, яже соглаголах к тебе на Израиля и на Иуду и на вся языки, от негоже дне глаголах к тебе, от дне Иосии царя Иудина и до сего дне: Jeremiah 36:3 негли услышит дом Иудин вся злая, яже Аз помышляю сотворити им, да отвратятся от пути своего злаго, и милостив буду неправдам их и грехом их. Jeremiah 36:4 И призва Иеремиа Варуха, сына Нириина: и вписа Варух от уст Иеремииных вся словеса Господня, яже соглагола к нему, во свиток книжный. Jeremiah 36:5 И заповеда Иеремиа Варуху глаголя: мене стрегут, и не могу внити в дом Господень, Jeremiah 36:6 ты убо вниди и прочти во свитце сем, в немже написал еси от уст моих словеса Господня, во ушы людий в дому Господни в день поста и во ушы всему дому Иудину, приходящым от градов своих, да прочтеши им: Jeremiah 36:7 негли падет молитва их пред лицем Господним, и отвратятся от пути своего злаго: яко велика ярость и гнев Господень, егоже соглагола на люди сия. Jeremiah 36:8 И сотвори Варух сын Нириин но всему, елика заповеда ему Иеремиа пророк прочести во книзе словеса Господня в дому Господни. Jeremiah 36:9 И бысть в пятое лето Иоакима царя Иудина, в девятый месяц, заповедаша пост пред лицем Господним всем людем во Иерусалиме и всему множеству, еже снидеся от градов Иудиных во Иерусалим. Jeremiah 36:10 И прочте Варух во книзе словеса Иеремиина в дому Господни, в дому Гамариеве, сына Сафаня книгочия, во дворе вышнем, во преддверии врат дому Господня новых, во ушы всех людий. Jeremiah 36:11 И слыша Михей сын Гамариев, сына Сафаня, вся словеса Господня от книги. Jeremiah 36:12 И сниде в дом царев, в дом книжника, и се, тамо вси князи седяху, Елисам книгочий и Далеа сын Селемиев, и Нафан сын Аховоров и Гамариа сын Сафань, и Седекиа сын Ананиин и вси князи, Jeremiah 36:13 и возвести им Михей вся словеса, яже слыша чтуща Варуха во ушы людем. Jeremiah 36:14 И послаша вси князи ко Варуху сыну Нириину, Иудину сыну Нафаниину, сына Селемиина, сына Хусиина, глаголюще: книгу, юже ты чтеши во ушы людем, возми ю в руку свою и прииди. И взя Варух сын Нириин книгу в руку свою и сниде к ним. Jeremiah 36:15 И рекоша ему: паки прочти во ушы наши. И прочте Варух во ушы их. Jeremiah 36:16 И бысть яко услышаша вся словеса, совещашася кийждо со ближним своим и реша Варуху: возвещающе возвестим царю вся словеса сия. Jeremiah 36:17 И вопросиша Варуха, глаголюще: откуду еси вписал вся словеса сия? Jeremiah 36:18 И рече Варух: от уст своих поведа ми Иеремиа вся словеса сия, аз же писах в книгу. Jeremiah 36:19 И рекоша князи Варуху: иди и скрыйся ты и Иеремиа, и человек да не увесть, где вы. Jeremiah 36:20 И внидоша ко царю во двор, книгу же вдаша хранити в дому Елисама книгочия, и возвестиша царю вся словеса сия. Jeremiah 36:21 И посла царь Иудина взяти книгу. И взя ю от дому Елисамы книгочия, и прочте Иудин во ушы царевы и во ушы всех князей стоящих окрест царя. Jeremiah 36:22 Царь же седяше во храмине зимней, в девятый месяц, и поставлено бе пред ним огнище со огнем. Jeremiah 36:23 И бысть чтущу Иудину третий лист и четвертый, раздроби я бритвою книгочия и возметаше на огненное огнище, дондеже скончася весь свиток на огненнем огнищи. Jeremiah 36:24 И не ужасошася и не растерзаша риз своих царь и вси отроцы его, слышавшии вся словеса сия. Jeremiah 36:25 Елнафан же и Далеа, и Гамариа и Годолиа глаголаша царю, еже бы не сожещи свитка. И не послуша их. Jeremiah 36:26 И повеле царь Иеремеилу сыну цареву и Сараеви сыну Езриилеву и Селемию сыну Авдеилеву, да изымают Варуха книгочия и Иеремию пророка. Но сокры я Господь. Jeremiah 36:27 И бысть слово Господне ко Иеремии, егда сожже царь свиток, вся словеса, яже вписа Варух от уст Иеремииных, глаголя: Jeremiah 36:28 паки возми ты свиток другий и впиши вся словеса бывшая во свитце, яже сожже царь Иоаким: Jeremiah 36:29 и ко Иоакиму царю Иудину речеши: тако рече Господь: ты сожегл еси сию книгу, глаголя: почто вписал еси в ней, глаголя: входя внидет царь Вавилонский и потребит землю сию, и потребятся от нея человецы и скоти? Jeremiah 36:30 Того ради сице рече Господь на Иоакима царя Иудина: не будет ему седящаго на престоле Давидове, и будет тело его мертвое повержено на знои дневнем и на мразе нощнем: Jeremiah 36:31 и посещу нань и на его род и на отроки его, и наведу нань и на живущыя во Иерусалиме и на землю Иудину вся злая, яже соглаголах на ня, и не послушаша. Jeremiah 36:32 И взя Варух свиток другий и вписа в нем от уст Иеремииных вся словеса книги, яже сожже Иоаким царь Иудин: и еще приложишася ему словеса множайша неже первая. Jeremiah 37:0 Jeremiah 37:1 И царствова Седекиа сын Иосиин вместо Иехонии сына Иоакимова, егоже постави Навуходоносор царь Вавилонский царствовати во Иудеи. Jeremiah 37:2 И не послуша той и отроцы его и людие земли словес Господних, яже глагола рукою Иеремииною. Jeremiah 37:3 И посла царь Седекиа Иоахала сына Селемиина и Софонию сына Массеа жерца ко Иеремии пророку, глаголя: молися за ны ко Господу Богу нашему. Jeremiah 37:4 Иеремиа же свободен прихождаше и прохождаше среде града, не введоша бо его во храмину темничную. Jeremiah 37:5 И сила фараоня изыде из Египта, и слышавше Халдее облегшии Иерусалим слух их, отступиша от Иерусалима. Jeremiah 37:6 И бысть слово Господне ко Иеремии глаголя: Jeremiah 37:7 тако рече Господь Бог Израилев: тако речеши царю Иудину, пославшему к тебе вопросити Мя: се, сила фараоня, изшедшая вам на помощь, возвратится паки до земли Египетския, Jeremiah 37:8 и возвратятся Халдее и повоюют град сей, и возмут его и пожгут его огнем. Jeremiah 37:9 Яко тако рече Господь: не прельщайте душ своих, глаголюще: отходяше отидут от нас Халдее: яко не отидут. Jeremiah 37:10 И аще побиете всю силу Халдеев воюющих на вы, и останут нецыи язвени, кийждо на месте своем, сии востанут и пожгут град сей огнем. Jeremiah 37:11 И бысть егда взыде сила Халдейска от Иерусалима, от лица силы фараони, Jeremiah 37:12 изыде Иеремиа из Иерусалима ити в землю Вениаминю, еже купити оттуду посреде людий. Jeremiah 37:13 Внегда же быти ему во вратех Вениаминих, и (бысть) тамо человек, у негоже обита Саруиа сын Селемиин, сына Ананиина, и взя Иеремию, глаголя: ко Халдеем ты бежиши. Jeremiah 37:14 И рече Иеремиа: лжа, не ко Халдеем аз бегу. И не послуша его. И взя Саруиа Иеремию и приведе его ко князем. Jeremiah 37:15 И разгневашася князи на Иеремию и биша его, и послаша его в дом Ионафана книгочия, яко той сотвориша храминою темничною. Jeremiah 37:16 И прииде Иеремиа в дом рва и в херет, и седе ту дни многи. Jeremiah 37:17 И посла Седекиа царь и призва его, и вопрошаше его царь отай, аще есть слово от Господа? И рече ему Иеремиа: есть. И рече: в руце царя и Вавилонска предан будеши. Jeremiah 37:18 И рече Иеремиа царю: чим преобидех тя и отроки твоя и люди сия, яко ты вдаеши мя в дом темничный? Jeremiah 37:19 И где суть пророцы ваши прорицавшии вам, глаголюще, яко не приидет царь Вавилонский на вас и на землю сию? Jeremiah 37:20 Ныне же послушай, молютися, господи мой, царю, да падет моление мое пред лицем твоим: и не посылай мя паки в дом Ионафана книгочия, да не умру тамо. Jeremiah 37:21 И повеле царь, и ввергоша его во храмину темничную, и даяху ему хлеб един на день извне, идеже пекут, дондеже скончашася хлебы из града. И седяше Иеремиа во дворе темничнем. Jeremiah 38:0 Jeremiah 38:1 И слыша Сафаниа сын Нафань и Годолиа сын Пасхоров, и Иоахал сын Селемиин и Фасхор сын Мелхиев словеса, яже Иеремиа глагола ко всем людем, глаголя: Jeremiah 38:2 тако рече Господь: седяй во граде сем умрет мечем и гладом и мором, исходяй же ко Халдеем жив будет, и будет душа его на обретение, и жив будет. Jeremiah 38:3 Яко тако рече Господь: преданием предастся град сей в руце силы царя Вавилонска, и возмет его. Jeremiah 38:4 И рекоша царю: да умрет человек той, яко сей разслабляет руце мужей воюющих оставшихся во граде и руки всех людий, глаголя к ним по словесем сим: яко человек сей не проповедает людем сим мира, но токмо злая. Jeremiah 38:5 И рече царь Седекиа: се, той в руках ваших. Понеже не можаше царь противу им. Jeremiah 38:6 И взяша Иеремию и ввергоша его в ров Мелхиин, сына царева, иже бяше во дворе темничнем: и свесиша его ужами в ров, в рове же не бяше воды, но тина, и бяше в тине Иеремиа. Jeremiah 38:7 И слыша Авдемелех Мурин, и той бяше во дворе цареве, яко ввергоша Иеремию в ров: царь же (в той час) седяше во вратех Вениаминих. Jeremiah 38:8 И изыде Авдемелех от дому царева и рече ко царю глаголя: Jeremiah 38:9 злосотворил еси, яже сотворил еси, убивая человека сего от лица глада, яко несть хлеба во граде ктому. Jeremiah 38:10 И повеле царь Авдемелеху, глаголя: поими с собою отсюду тридесять мужей и извлецы Иеремию из рова, да не умрет. Jeremiah 38:11 И поят Авдемелех мужы, и прииде в дом царев подземный, и взя оттуду ветхи порты и ветхия ужы, и вверже я ко Иеремии в ров, и рече к нему: Jeremiah 38:12 положи сия под ужы. И сотвори Иеремиа сице. Jeremiah 38:13 И извлекоша его ужами и изяша его из рова. И седе Иеремиа во дворе темничнем. Jeremiah 38:14 И посла царь, и призва к себе Иеремию в дом Аселисиль, иже в дому Господни. И рече ему царь: вопрошаю тя словесе (единаго), и не утай от мене словесе. Jeremiah 38:15 И рече Иеремиа царю: аще повем ти, то не смертию ли умориши мя? И аще совещаю ти, то не послушаеши мене. Jeremiah 38:16 И клятся ему царь, глаголя: жив Господь, иже сотвори нам душу сию, аще убию тя и аще предам тя в руце человек сих ищущих души твоея (на смерть). Jeremiah 38:17 И рече ему Иеремиа: тако рече Господь Сил, Бог Израилев: аще изыдый изыдеши к воеводам царя Вавилонска, жива будет душа твоя, и град сей не пожжется огнем, и жив будеши ты и дом твой: Jeremiah 38:18 аще же не изыдеши ко князем царя Вавилонска, предастся град сей в руце Халдейсте, и пожгут его огнем, и ты не спасешися от руки их. Jeremiah 38:19 И рече царь Иеремии: аз опасение имам от Иудеев избежавших ко Халдеем, да не предадут мя (Халдее) в руце их, и поругаются ми. Jeremiah 38:20 И рече Иеремиа: не предадят тебе: послушай убо словесе Господня, еже аз глаголю тебе, и лучше ти будет, и жива будет душа твоя: Jeremiah 38:21 и аще не восхощеши ты изыти, сие слово, еже сказа мне Господь: Jeremiah 38:22 и се, вся жены, оставшыяся в дому царя Иудина, изведутся ко князем царя Вавилонска: и тыя глаголаху: прельстиша тя и премогоша тя мужие мирницы твои, и ослабиша во поползновениих ногу твою и отвратишася от тебе: Jeremiah 38:23 и жены твоя и чада твоя изведут ко Халдеем, и ты не уцелееши, яко рукою царя Вавилонска ят будеши, и град сей пожжется. Jeremiah 38:24 И рече ему царь: человек да не увесть словес сих, и да не умреши ты. Jeremiah 38:25 И аще услышат князи, яко глаголах с тобою, и приидут к тебе и рекут ти: повеждь нам, что глагола к тебе царь? Не утай от нас, и не убием тебе: и что глагола к тебе царь? Jeremiah 38:26 И речеши им: повергох аз моление мое пред лицем царевым, яко да не возвратит мене в дом Ионафань, умрети ми тамо. Jeremiah 38:27 И приидоша вси князи ко Иеремии и вопросиша его. И поведа им по всем словесем сим, яже заповеда ему царь. И умолкнуша, яко несть слышано слово господне. Jeremiah 38:28 И седяше Иеремиа во дворе темничнем, дондеже взяша Иерусалим. Jeremiah 39:0 Jeremiah 39:1 И бысть в девятое лето Седекии царя Иудина, в месяц десятый, прииде Навуходоносор царь Вавилонский и вся сила его на Иерусалим, и воеваху нань. Jeremiah 39:2 И в первоенадесять лето Седекии, в месяц четвертый, в девятый день месяца, разседеся град. Jeremiah 39:3 И внидоша вси князи царя Вавилонска и седоша во вратех средних, Ниргелсарасар, Самагад, Навусахар, Навусарис, Нагаргас, Насерравамаг, и прочии воеводы царя Вавилонскаго. Jeremiah 39:4 И бысть егда узре я Седекиа царь Иудин и вси мужие ратнии, и избегоша, и изыдоша в нощи от града по пути вертограда царева и сквозе врата, яже беша между стеною и предстением: и изыдоша в путь пустыни. Jeremiah 39:5 И гнаша вслед их воинство Халдейско, и постигоша Седекию и поли пустыни Иерихонския, и емше приведоша к Навуходоносору царю Вавилонску во Ревлаф, иже в земли Емаф, и глагола к нему с судом. Jeremiah 39:6 И изби царь Вавилонский сыны Седекиины во Ревлафе пред очима его, и вся вельможы Иудины поби царь Вавилонский. Jeremiah 39:7 И очи Седекии изят, и окова его путы, и отведе его в Вавилон. Jeremiah 39:8 Дом же царев и домы всех людий пожгоша Халдее огнем и стену Иерусалимску превратиша: Jeremiah 39:9 и останок людий, и оставших во граде, и убегшыя, иже утекоша ко царю Вавилонску, и останок людий, и оставших пресели Навузардан воевода в Вавилон: Jeremiah 39:10 а от людий убогих, ничтоже имущих, остави Навузардан воевода воинств в земли Иудине, и даде им винограды и нивы в той день. Jeremiah 39:11 И заповеда Навуходоносор царь Вавилонский о Иеремии пророце Навузарданови воеводе воинств и рече: Jeremiah 39:12 возми его и положи нань очи твои и ничтоже ему сотвори зла: но якоже восхощет, тако сотвори ему. Jeremiah 39:13 Посла убо Навузардан воевода воинства и Навузезван, и Рапсарис и Ниргел, и Сарасар и Фавман, и вси воеводы царя Вавилонска: Jeremiah 39:14 и послаша, и пояша Иеремию от двора темничнаго, и даша его Годолии сыну Ахикамову, сына Сафаня, и изведоша его, и седе среде людий. Jeremiah 39:15 И ко Иеремии бысть слово Господне ко дворе темничнем глаголя: Jeremiah 39:16 иди и рцы ко Авдемелеху Мурину, глаголя: тако рече Господь Бог Израилев: се, Аз приношу словеса Моя на град сей во злая? А не во благая: и будут пред лицем твоим в той день: Jeremiah 39:17 и избавлю тя в той день, и не дам тебе в руце человек, ихже ты боишися от лица их: Jeremiah 39:18 яко избавляя спасу тя, и мечем не падеши: и будет душа твоя на обретение, яко уповал еси на Мя, рече Господь. Jeremiah 40:0 Jeremiah 40:1 Слово бывшее ко Иеремии от Господа, повнегда отпусти его Навузардан архимагир из Рамы, егда взя его связанаго путы от среды, от Иерусалима и от Иуды преселения, ведомых в Вавилон. Jeremiah 40:2 И взя его архимагир и рече ему: Господь Бог твой соглаголал есть злая сия на место сие: Jeremiah 40:3 и приведе, и сотвори Господь, якоже рече, зане согрешисте Ему и не послушасте гласа Его, и бысть вам глагол сей. Jeremiah 40:4 И се, ныне разреших тя от уз, яже на руку твоею: аще ти есть добро ити со мною в Вавилон, поиди, и положу очи мои на тя: аще же ни, остани зде: се, вся земля пред лицем твоим есть: что изволиши, и аможе восхощеши ити, тамо иди: Jeremiah 40:5 и возвратися ко Годолии, сыну Ахикамову, сыну Сафаню, егоже постави царь Вавилонский в земли Иудине, и живи с ним среде людий, во всех благих пред очима твоима, еже ходити, и ходи. И даде ему архимагир пищу и дары и отпусти его. Jeremiah 40:6 И прииде Иеремиа ко Годолии сыну Ахмикамову в Массифаф и седе среде людий своих оставшихся на земли. Jeremiah 40:7 И егда услышаша вси воеводы силы яже на селе, тии и силы их, яко поставил есть царь Вавилонский Годолию сына Ахикамова (властелина) над землею, и яко предаде ему мужы и жены и дети, и от убогих земли, иже не преведени быша в Вавилон: Jeremiah 40:8 приидоша ко Годолии в Массифаф Исмаил сын Нафаниин и Иоанан, и Ионафан сын Кариев и Сареа сын Фанаемефов, и сынове Офи, иже беша из Нетофафы, и Иезониа сын Махафы, тии и мужие их. Jeremiah 40:9 И клятся им Годолиа и мужем их, глаголя: не убойтеся от лица отрок Халдейских: вселитеся на земли и служите царю Вавилонску, и лучше вам будет: Jeremiah 40:10 и се, аз сежу в Массифафе, стати противу лицу Халдейску, иже аще приидут на вас: вы же соберите вино и овощь, и соберите масло, и влийте в сосуды своя, и вселитеся во грады, яже удержасте. Jeremiah 40:11 И вси Иудее, иже в земли Моавли и в сынех Аммоних, и иже во Идумеи и иже во всей земли, услышаша, яко дал есть царь Вавилонский останок во Иуде и яко поставил есть над ними Годолию сына Ахикамова, сына Сафанова. Jeremiah 40:12 И приидоша вси Иудее от всех мест, в няже бяху убегли, и приидоша ко Годолии в землю Иудину в Массифаф, и собраша вино и овощь и масло много зело. Jeremiah 40:13 Иоанан же сын Кариев и вси воеводы силы, иже на селех, приидоша ко Годолии в Массифаф Jeremiah 40:14 и рекоша ему: веси ли, яко Велиса царь сынов Аммоних посла к тебе Исмаила сына Нафаниева поразити душу твою? И не верова им Годолиа сын Ахикамль. Jeremiah 40:15 Иоанан же сын Кариев рече ко Годолии отай в Массифафе, глаголя: да иду убо и побию Исмаила, сына Нафаниина: и никтоже да увесть, да не како поразит душу твою, и разсыплется весь Иуда собраный к тебе, и погибнет останок Иудин. Jeremiah 40:16 И рече Годолиа ко Иоанану сыну Кариеву: не сотвори дела сего, яко лжу ты глаголеши на Исмаила. Jeremiah 41:0 Jeremiah 41:1 И бысть в седмый месяц, прииде Исмаил сын Нафаниин сына Елисамова, от рода царева, и вельможи царевы десять мужей с ним ко Годолии в Массифаф, и ядоша ту вкупе хлеб. Jeremiah 41:2 И воста Исмаил и десять мужей иже с ним, и поразиша Годолию мечем, и убиша, егоже постави царь Вавилонский над землею, Jeremiah 41:3 и всех Иудеев, иже беша с ним в Массифафе, и всех Халдеев, иже обретошася тамо, и мужей военных изби Исмаил. Jeremiah 41:4 И бысть во вторый день по убиении Годолиеве, и человек не уведе. Jeremiah 41:5 И приидоша мужие от Сихема и от Салима и от Самарии осмьдесят мужей, обритыми брадами и растерзаными ризами, плачущеся, и дары и фимиам в руку их, еже внести в дом Господень. Jeremiah 41:6 И изыде противу им Исмаил сын Нафаниев от Массифы: тии же идяху и плакахуся: и егда сретеся с ними, рече к ним: внидите ко Годолии. Jeremiah 41:7 И бысть, вшедшым им среде града, изсече я Исмаил у кладязя, той и мужие, иже беша с ним. Jeremiah 41:8 И обретошася десять мужей ту и реша Исмаилу: не убий нас, яко суть нам имения на нивах, пшеница и ячмень, и мед и масло. И мину их и не уби их посреде братий их. Jeremiah 41:9 И кладязь, в оньже вверже Исмаил вся, яже изби, сей кладязь велик есть, егоже сотвори царь Аса, от лица Ваасы царя Израилева, сей наполни Исмаил убиенными. Jeremiah 41:10 И обрати Исмаил вся люди оставшыя в Массифафе и дщери царевы, яже вручил архимагир Годолии сыну Ахикамову, и взя их Исмаил сын Нафань: и отиде на ону страну сынов Аммоних. Jeremiah 41:11 И слыша Иоанан сын Кариев и вси воеводы силы, иже с ним, вся злая, яже сотвори Исмаил сын Нафаниев, Jeremiah 41:12 и приведоша вся воя своя и идяху воевати нань, и обретоша его при воде мнозе во Гаваоне. Jeremiah 41:13 И бысть, егда увидеша вси людие, иже со Исмаилом, Иоанана сына Кариева и вся воеводы силы, иже быша с ним, возрадовашася: Jeremiah 41:14 и возвратишася вси людие, ихже плени Исмаил от Массифы, и возвратившеся отидоша ко Иоанану сыну Кариеву. Jeremiah 41:15 Исмаил же уцеле со осмию мужи от лица Иоананя и иде ко сыном Аммоним. Jeremiah 41:16 И взя Иоанан и вси воеводы силы, иже с ним, вся оставшыяся люди, ихже возврати от Исмаила сына Нафаня из Массифафа, повнегда уби Годолию, сына Ахикамля, мужы сильны на рати, и жены, и останки, и каженики, ихже обрати от Гаваона, Jeremiah 41:17 и идоша, и седоша на земли Вирофоамли, яже ко Вифлеему, еже ити и внити во Египет от лица Халдейска: понеже убояшася от лица их: Jeremiah 41:18 яко уби Исмаил Годолию, егоже постави царь Вавилонский на земли Иудине. Jeremiah 42:0 Jeremiah 42:1 И приидоша вси воеводы силы, и Иоанан сын Кариев и Азариа сын Маасеев, и вси людие от мала и до велика Jeremiah 42:2 ко Иеремии пророку и рекоша ему: да падет молитва наша пред лицем твоим, и помолися о нас ко Господеви Богу твоему о оставшихся сих: яко остася мало нас от многих, якоже очи твои видят: Jeremiah 42:3 и да возвестит нам Господь Бог твой путь, по немуже пойдем, и слово, еже сотворим. Jeremiah 42:4 И рече им Иеремиа пророк: слышах: се, аз помолюся о вас Господеви Богу нашему по словесем вашым: и будет, слово, еже отвещает Господь, повем вам и не потаю от вас словесе. Jeremiah 42:5 Тии же рекоша Иеремии: буди Господь в нас послух правдив и верен, яко по всему слову, еже аще послет Господь к нам, тако сотворим: Jeremiah 42:6 аще добро и аще зло, гласа Господа нашего, к Немуже мы посылаем тя, послушаем, да лучше нам будет, яко послушаем гласа Господа Бога нашего. Jeremiah 42:7 И егда скончашася десять дний, бысть слово Господне ко Иеремии. Jeremiah 42:8 И призва Иоанана сына Кариева и воеводы силы, иже с ним быша, и вся люди от мала и до велика, Jeremiah 42:9 и рече им: тако рече Господь Бог Израилев, к Немуже посыласте мя, да простру молитвы вашя пред Ним: Jeremiah 42:10 аще седяще сядете на земли сей, то созижду вас, а не разорю, и насажду вас, а не исторгну, яко престах от зол, яже сотворих вам. Jeremiah 42:11 Не убойтеся от лица царя Вавилонска, егоже вы боитеся: от лица его не убойтеся, рече Господь: яко Аз с вами есмь, еже избавляти вас и спасати вас от руки его: Jeremiah 42:12 и дам вам милость и помилую вас и возвращу вас на землю вашу. Jeremiah 42:13 Аще же речете вы: не сядем на земли сей, еже не слышати гласа Господа Бога нашего, Jeremiah 42:14 глаголюще: никако, но в землю Египетску внидем, и не узрим рати, и гласа трубнаго не услышим, и о хлебех не взалчем, и тамо вселимся: Jeremiah 42:15 того ради слышите слово Господне, оставшии Иудины, тако рече Господь Вседержитель, Бог Израилев: аще вы дадите лице ваше во Египет и внидете тамо жити, Jeremiah 42:16 и будет, мечь, егоже вы боитеся от лица его, обрящет вы во Египте, и глад, от негоже вы опасение имате от лица его, постигнет вы вслед вас во Египте, и тамо измрете вы. Jeremiah 42:17 И будут вси мужие и вси иноплеменницы положившии лице свое на землю Египетску жити тамо, оскудеют гладом и мечем, и будет от них ни един спасаемь от зол, яже Аз наведу на ня. Jeremiah 42:18 Яко тако рече Господь Сил, Бог Израилев: якоже вскапа ярость Моя на живущыя во Иерусалиме, тако вскаплет ярость Моя на вас, вшедшым вам во Египет: и будете в непроходимая и подручни, и в клятву и во укоризну, и не узрите ктому места сего. Jeremiah 42:19 Сия глагола Господь на вас оставшихся от Иуды: не входите во Египет. И ныне ведяще уведаете, яко засвидетелствовах вам днесь: Jeremiah 42:20 яко слукавновасте в душах ваших, пославше мя ко Господу Богу вашему, глаголюще: помолися о нас Господеви: и по всему, елико возглаголет тебе Господь Бог наш, тако возвести нам, и сотворим. Jeremiah 42:21 И возвестих вам днесь, и не послушасте гласа Господа Бога вашего во всем, егоже посла к вам: Jeremiah 42:22 и ныне ведуще ведайте, яко мечем и гладом и мором изчезнете на месте, на неже хощете ити жити тамо. Jeremiah 43:0 Jeremiah 43:1 И бысть, егда преста Иеремиа глаголя к людем вся словеса Господня, яже посла Господь к ним, Jeremiah 43:2 и рече Азариа сын Маасеев и Иоанан сын Кариев и вси мужие презорливии ко Иеремии, глаголюще: лжеши, не посла тя к нам Господь Бог наш глаголати: не входите во Египет жити тамо: Jeremiah 43:3 но Варух сын Нириин подущает тя на нас, да нас вдаси в руце Халдейсте уморити нас и превести нас в Вавилон. Jeremiah 43:4 И не послуша Иоанан и вси воеводы силы и вси людие (не послушаша) гласа Господня, еже жити на земли Иудине. Jeremiah 43:5 И взя Иоанан и вси воеводы силы вся оставшыя Иудины, возвращеныя от всех языков, аможе разсеяни быша, еже жити на земли Иудине, Jeremiah 43:6 мужы сильныя и жены, и младенцы и дщери царевы, и душы, яже остави Навузардан воевода силы со Годолием сыном Ахикамовым сына Сафанова, и Иеремию пророка, и Варуха сына Нириина, Jeremiah 43:7 и внидоша во Египет, яко не послушаша гласа Господня, и внидоша во Тафнас. Jeremiah 43:8 И бысть слово Господне ко Иеремии во Тафнасе глаголя: Jeremiah 43:9 возми себе камени велики и скрый я пред враты дому фараоня во Тафнасе пред очима мужей Иудиных, и речеши к ним: Jeremiah 43:10 тако глаголет Господь Сил, Бог Израилев: се, Аз послю и приведу Навуходоносора царя Вавилонска раба Моего, и поставит престол свой на камениих сих, ихже скрыл еси, и воздвигнет оружие свое на ня, Jeremiah 43:11 и внидет и поразит землю Египетску: ихже на смерть, на смерть, и ихже на преселение, на преселение, а ихже под мечь, под мечь: Jeremiah 43:12 и пожжет огнем домы богов их, и пожжет я, и преселит я, и покрыет землю Египетскую, якоже покрывается пастух ризою своею: и изыдет оттуду с миром Jeremiah 43:13 и сокрушит столпы Илиуполя, иже во Египте, и домы богов Египетских пожжет огнем. Jeremiah 44:0 Jeremiah 44:1 Слово бывшее ко Иеремии (от Господа) и ко всем Иудеем сущым в земли Египетстей и седящым во Магдале и во Тафнасе, и во Мемфисе и в земли Пафурсте, глаголя: Jeremiah 44:2 тако глаголет Господь Бог Израилев: вы видесте вся злая, яже наведох на Иерусалим и на грады Иудины: и се, пусти суть ныне от живущих, Jeremiah 44:3 от лица злобы их, юже сотвориша разгневати Мя, ходяще кадити богом чуждим, ихже не ведесте вы сами и отцы ваши. Jeremiah 44:4 И послах к вам отроки Моя пророки заутра, и посылах я, глаголя: не творите дела осквернения сего, егоже возненавидех. Jeremiah 44:5 И не послушаша Мене, ни приклониша уха своего обратитися от злоб своих, еже не кадити богом инем. Jeremiah 44:6 И вскапа ярость Моя и гнев Мои и разгореся во вратех Иудиных и вне Иерусалима: и быша во опустение и в непроходимую до сего дне. Jeremiah 44:7 И ныне сице рече Господь Вседержитель, Бог Израилев: вскую вы творите злобы велики на душы своя, еже изсещи вам мужы и жены, младенца и ссущаго от среды Иуды, да не останется ни един от вас, Jeremiah 44:8 разгневати Мя в делех рук ваших, кадити богом инем в земли Египетстей, в нюже приидосте жити тамо, да изсечени будете и в проклятие да будете и на укоризну во всех языцех земли? Jeremiah 44:9 Еда забысте злобы отец ваших и злобы царей Иудиных, и злобы князей ваших и злобы вашя, и злобы жен ваших, яже сотвориша в земли Иудине и вне Иерусалима? Jeremiah 44:10 И не престаша даже до сего дне и не убояшася и не держахуся законов Моих и повелений Моих, яже дах пред лицем вашим и пред очима отец ваших. Jeremiah 44:11 Того ради тако глаголет Господь Сил, Бог Израилев: се, Аз приставлю лице Мое на вы во зло, еже погубити вся люди Иудины: Jeremiah 44:12 и возму останки Иудины, иже поставиша лица своя, еже внити в землю Египетску и жити тамо, и изчезнут вси в земли Египетстей, и падут мечем и гладом, и изчезнут от мала даже до велика: и будут на укоризну и в пагубу и в проклятие: Jeremiah 44:13 и посещу на седящих в земли Египетстей, якоже посетих на Иерусалим, мечем и гладом и смертию, Jeremiah 44:14 и не будет уцелевша ни единаго же от оставших Иудиных, обитающих в земли Египетстей, еже возвратитися на землю Иудину, к нейже тии надеются душами своими возвратитися тамо: не возвратятся, разве избегшии. Jeremiah 44:15 И отвещаша Иеремии вси мужие разумеющии, яко кадят жены их богом иным, и вся жены собор велик, и вси людие седящии в земли Египетстей, в земли Пафурсте, глаголюще: Jeremiah 44:16 слово, еже глаголал еси к нам во имя Господне, не послушаем тебе, Jeremiah 44:17 яко творяще сотворим всякое слово, еже изыдет из уст наших, кадити царице небесней и возливати ей возлияния, якоже сотворихом мы и отцы наши, и царие наши и князи наши во градех Иудиных и вне Иерусалима: и насытихомся хлебов, и благо нам бысть, и зла не видехом. Jeremiah 44:18 И егда престахом кадити царице небесней и возливати возлияния, оскудехом хлебы вси мы, и мечем и гладом скончахомся. Jeremiah 44:19 И егда кадихом мы царице небесней и возливахом ей возлияния, еда без мужей наших творихом ей опресноки и возливахом ей возлияния? Jeremiah 44:20 И рече Иеремиа всем людем сильным и всем женам и всем людем отвещавшым ему словеса, глаголя: Jeremiah 44:21 не каждение ли, еже кадисте во градех Иудиных и внеуду Иерусалима вы и отцы ваши, и царие ваши и князи ваши и людие земли, помяну Господь, и взыде на сердце Его? Jeremiah 44:22 И не можаше Господь терпети ктому от лица злобы деяний ваших и от гнусностей, яже сотвористе: и бысть земля ваша во опустение и в непрохождение и в клятву, еже не быти живущым, якоже есть день сей, Jeremiah 44:23 от лица сих, имже кадисте (идолом) и имиже согрешисте Господеви: и не послушасте гласа Господня, и в повелениих Его и в законе и во свидениих Его не ходисте, и постигнуша вы злая сия, якоже день сей. Jeremiah 44:24 И рече Иеремиа людем и женам: слышите слово Господне, весь Иуда, иже есте в земли Египетстей: Jeremiah 44:25 тако рече Господь Вседержитель, Бог Израилев, глаголя: вы и жены вашя усты вашими соглаголасте и руками вашими исполнисте, глаголюще: творяще сотворим исповедания наша, яже обещахом кадити царице небесней и возливати возлияния ей: пребывающе пребысте во обетех ваших и творяще сотвористе я. Jeremiah 44:26 Того ради слышите слово Господне, весь Иуда, седящии в земли Египетстей: се, кляхся именем Моим великим, рече Господь, аще будет ктому имя Мое во устех всего Иуды, еже рещи, жив Господь Бог, во всей земли Египетстей. Jeremiah 44:27 Яко се, Аз возбудихся на ня озлобити их, а не благосотворити, и изчезнут весь Иуда живущии в земли Египетстей мечем и гладом, дондеже скончаются. Jeremiah 44:28 И уцелевшии от меча возвратятся на землю Иудину малым числом: и уведят оставшии Иудины, преселившиися в землю Египетску обитати тамо, слово чие пребудет, Мое, или их? Jeremiah 44:29 И сие вам знамение, глаголет Господь, яко посещу Аз на вы на месте сем, да уведите, яко воистинну исполнятся словеса Моя на вас во злая. Jeremiah 44:30 Тако рече Господь: се, Аз предаю фараона Вафриа царя Египетска в руце врага его и в руце ищущих души его, якоже дах Седекию царя Иудина в руце Навуходоносора царя Вавилонска врага его и ищущаго души его. Jeremiah 45:0 Jeremiah 45:1 Слово, еже глагола Иеремиа пророк к Варуху сыну Нириеву, егда вписа словеса сия в книгу от уст Иеремииных, в четвертое лето Иоакима, сына Иосиина, царя Иудина, глаголя: Jeremiah 45:2 тако глаголет Господь Вседержитель о тебе, Варуше: Jeremiah 45:3 яко рекл еси: о, люте мне! О, люте мне! Яко приложи Господь труд к болезни моей, успох с стенанием, покоя не обретох. Jeremiah 45:4 Рцы ему, сице глаголет Господь: се, яже Аз соградих, Аз разорю: и яже насадих Аз, исторгну, и всю землю Мою. Jeremiah 45:5 И Ты ли взыщеши себе великих? Не ищи: яко се, Аз наведу злая на всяку плоть, глаголет Господь, и дам душу твою в корысть во всяцем месте, аможе аще пойдеши. Jeremiah 46:0 Jeremiah 46:1 Слово, еже бысть ко Иеремии пророку от Господа на языки, Jeremiah 46:2 ко Египту противу силы фараона Нехао царя Египетскаго, иже бысть над рекою Евфратом во Кархамисе, егоже порази Навуходоносор царь Вавилонский, в лете четвертем Иоакима сына Иосиина, царя Иудина. Jeremiah 46:3 Возмите оружие и щиты и идите на брань, Jeremiah 46:4 оседлайте кони и вседайте, всадницы, и станите во шлемех ваших, уставите копия и облецытеся в броня вашя. Jeremiah 46:5 Что убо видех их страшливых и хребты обращающих? Крепцыи их избити, побегоша скоро и не озрешася вспять, отвсюду страх, глаголет Господь. Jeremiah 46:6 Не утечет легкий, ниже возможет избавитися крепкий на полунощь: близ реки Евфрата побеждени суть и падоша. Jeremiah 46:7 Кто есть той, иже яко река восходит, и яко реки воздвижутся волны его? Jeremiah 46:8 Воды Египта аки река взыдут, и аки река восколеблются воды его. И рече: взыду и покрыю землю, и погублю град и живущыя в нем. Jeremiah 46:9 Возсядите на кони и устройте колесницы, изыдите, сильнии Муринстии, и Ливиане вооруженнии щитами, и Лидяне, взыдите наляцающе лук. Jeremiah 46:10 День сей Господа Бога Вседержителя, день отмщения, да отмстит врагом Своим, и пожрет я мечь Господень и насытится и упиется кровию их, яко жертва Господу Вседержителю в земли полунощней, близ реки Евфрата. Jeremiah 46:11 Взыди в Галаад и возми ритину, дево, дщи Египетска! Всуе умножила еси врачевания твоя, и цельбы несть тебе. Jeremiah 46:12 Услышаша языцы глас, и плачь твой наполни землю: яко сильный сретеся с сильным, и оба вкупе изнемогоста и падоста. Jeremiah 46:13 Слово, еже глагола Господь ко Иеремии пророку о сем: яко име приити Навуходоносор царь Вавилонский и поразити землю Египетску. Jeremiah 46:14 Возвестите Египту и разгласите во Магдалу, и возопийте во Мемфисе и во Тафнасе поведите: стой и уготовися, яко пожрет мечь сия, яже окрест тебе суть. Jeremiah 46:15 Почто убежа от тебе апис? Телец избранный твой не пребысть, яко Господь разруши его. Jeremiah 46:16 И множество твое изнеможе и паде, и кийждо ко ближнему своему глаголаху: востаним и возвратимся к людем нашым и в землю рождения нашего от лица меча Еллинскаго. Jeremiah 46:17 Назовите имя фараона Нехао царя Египетска, смятение преведе время. Jeremiah 46:18 Живу Аз, глаголет Царь, Господь Вседержитель имя Его: ибо, якоже Фавор на горах и якоже Кармель в мори, приидет. Jeremiah 46:19 Сосуды пленения сотвори себе, живущая дщи Египетска, яко Мемфис в запустение будет, и наречется, увы! И не будут в нем жити. Jeremiah 46:20 Юница (избранна и) украшена Египет, разорение от полунощи прииде на ню, Jeremiah 46:21 и наемницы его, живущии посреде его, якоже телцы тучнии питаеми в нем: зане и тии обратишася и побегоша вкупе, и не могоша стати, яко день погибели их прииде на ня и время отмщения их. Jeremiah 46:22 Глас их, якоже змиа звиздающаго, понеже с силою пойдут, со секирами приидут на него. Jeremiah 46:23 Яко древие секуще посекут лес его, глаголет Господь Бог: ибо не может сочтен быти, яко умножишася паче пругов, и несть им числа. Jeremiah 46:24 Посрамленна есть дщи Египетска и дана в руце людем полунощным. Jeremiah 46:25 Рече Господь Вседержитель, Бог Израилев: се, Аз посещу на Аммона сына ея, и на фараона и на Египет, и на боги его и на цари его, и на фараона и на уповающыя нань, Jeremiah 46:26 и дам их в руце ищущих души их, и в руку Навуходоносора царя Вавилонска, и в руце слуг его: и посем поживут якоже и первее, глаголет Господь. Jeremiah 46:27 Ты же не убойся, рабе мой Иакове, ни устрашайся, Израилю: се бо, Аз тебе спасена сотворю издалеча и семя твое от земли пленения их: и возвратится Иаков и почиет и благоуспеет, и не будет устрашаяй его. Jeremiah 46:28 Не бойся, рабе Мой Иакове, глаголет Господь, яко с тобою есмь Аз: яко сотворю скончание во всех языцех, в няже извергох тя, тебе же не сотворю оскудети, но накажу тя судом и обезвиняя не обезвиню тя. Jeremiah 47:0 Jeremiah 47:1 Слово Господне, еже бысть ко Иеремии пророку на иноплеменники, прежде нежели порази фараон Газу. Jeremiah 47:2 Тако глаголет Господь: се, воды восходят от севера и будут яко поток наводняяй, и потопят землю и исполнение ея, град и живущыя в нем: и возопиют людие и восплачутся вси живущии на земли, Jeremiah 47:3 от шума устремления его, от оружия ног его и от гремения колесниц его и от звука колес его: не обратишася отцы ко сыном своим, опустивше руце свои, Jeremiah 47:4 в день находящь, еже погубити вся иноплеменники: и разорю Тир и Сидон со всеми прочими помощники их, яко истребит Господь Филистины, останки островов Каппадокийских. Jeremiah 47:5 Прииде плешь на Газу, отвержен бысть Аскалон и останцы енакимли. Jeremiah 47:6 Доколе сещи будеши, о, мечу Божий! Доколе не упокоишися? Вниди в ножны твоя, почий и вознесися. Jeremiah 47:7 Како упокоится? Понеже Господь заповеда ему на Аскалона и на сущыя при мори, на прочыя востати. Jeremiah 48:0 Jeremiah 48:1 О Моаве тако рече Господь Вседержитель, Бог Израилев: о, люте Нававу, яко погибе, взяся Кариафаим, посрамися Масигаф и побежден есть. Jeremiah 48:2 Несть ктому целение в Моаве, веселие во Есевоне, помыслиша нань злая: приидите и потребим я от язык: (сего ради) молчя умолкнеши, пойдет за тобою мечь. Jeremiah 48:3 Глас вопля от Оронаима, погубление и сотрение велико. Jeremiah 48:4 Сотреся Моав, возвестите вопль малых его. Jeremiah 48:5 Яко исполнися Алаоф плача: взыдет рыдая путем Оронаима, врази, вопль сотрения слышасте. Jeremiah 48:6 Бежите и спасите душы вашя, и будете яко осел дивий в пустыни. Jeremiah 48:7 Понеже имел еси надежду во оградах твоих и в сокровищих твоих, и ты ят будеши: и пойдет Хамос во преселение, и священницы его и князи его вкупе. Jeremiah 48:8 И приидет губитель на всяк град, и не избавится ни един град, и погибнут удолия, и погубятся поля, якоже рече Господь. Jeremiah 48:9 Дайте знамение Моаву, яко прикосновением прикосновен будет, и вси гради его будут пусти и без живущих. Jeremiah 48:10 Проклят (человек) творяй дело Господне с небрежением, и проклят возбраняяй мечу своему от крове. Jeremiah 48:11 Почиваше Моав от младости своея и бе уповая на славу свою: не прелияся от сосуда в сосуд и во преселение не отиде: сего ради пребысть вкус его в нем, и воня его несть пременена. Jeremiah 48:12 Сего ради, се, дние грядут, глаголет Господь, и послю ему преселители, и преселят его, и сосуды его истощат и роги его сокрушат: Jeremiah 48:13 и посрамится Моав от Хамоса, якоже посрамлен есть дом Израилев от Вефиля, в немже имяху надежду. Jeremiah 48:14 Како глаголете: сильни есмы и мужие крепцы во бранех? Jeremiah 48:15 Погибе Моав, град его, и избраннии юноши его снидоша под мечь, глаголет Царь, Господь Вседержитель имя Его. Jeremiah 48:16 Близ день Моавль, еже приити, и зло его скоро зело. Jeremiah 48:17 Утешайте его вси, иже окрест его, и вси ведящии имя его: рцыте, како сокрушися жезл крепости, палица славна? Jeremiah 48:18 Сниди от славы и сяди, во влаге живущая, дщи Дивоня, яко губитель Моавский взыдет на тя разрушаяй ограды твоя. Jeremiah 48:19 На пути стани и воззри, живущая во Ароире, и вопроси бежащаго и избегшаго, и рцы: что се бысть? Jeremiah 48:20 Посрамися Моав, зане побежден есть: рыдайте и вопийте, возвестите во Арноне, яко погибе Моав, Jeremiah 48:21 и суд прииде на землю напольную, на Хелон и на Рефас и на Мофаф, Jeremiah 48:22 и на Девон и на Наво и на дом Девлафаим, Jeremiah 48:23 и на Кариафаим и на Вефгамул и на дом Маонов, Jeremiah 48:24 и на Кариоф и на Восора и на вся грады Моавли, иже далече и иже близ суть. Jeremiah 48:25 Отсечен есть рог Моавль, и мышца его сокрушися, глаголет Господь: Jeremiah 48:26 упойте его, яко на Господа возвеличися, и приразит Моав руку свою (о блевотину), и будет в посмех и сам. Jeremiah 48:27 И аще не в посмех бысть тебе Израиль, аще в татстве твоем обретеся, яко воевал еси его: преселишися инамо. Jeremiah 48:28 Оставите грады и пребывайте на камени, живущии в Моаве, и будите якоже голуби гнездящиися в каменех, во устех скважни. Jeremiah 48:29 Слышахом гордость Моавлю, горд бе зело: презорство его и кичение его, возношение и воздвижение сердца его. Jeremiah 48:30 Аз же вем дела его, глаголет Господь: не доволство ли его тако сотвори? Jeremiah 48:31 Сего ради над Моавом возрыдайте всюду, возопийте над мужи Кирады смущения. Jeremiah 48:32 Яко плачем Иазировым восплачуся о тебе, винограде Асеримль! Леторасли твоя проидоша море, градов Иазировых коснушася, на жатву твою и на винное собирание твое хищник нападе. Jeremiah 48:33 Отята есть радость и веселие от Кармила и от земли Моавли, и вино от точил отях: никакоже изгнетаяй винну ягоду по обычаю песни воспоет. Jeremiah 48:34 От вопля Есевонска даже до Елеала и Иаса грады их даша глас свой, от Сигора даже до Оронаима, и юница трилетная, понеже и воды Немрим во сожжение будут. Jeremiah 48:35 И отиму Моава, глаголет Господь, жрущаго на горах и кадящаго богом своим. Jeremiah 48:36 Того ради сердце Моава, яко цевницы звяцати будут, и сердце мое к мужем Кирады яко цевница звяцати будет: сего ради, яже пристяжа, погибоша от человек. Jeremiah 48:37 Всяка бо глава на всяцем месте острижена будет, и всяка брада оброснется, и всяка рука посечена будет, и на всяцем чресле вретище, Jeremiah 48:38 и на всех храминах Моавских и на стогнах его всяк плачь, понеже сокруших Моава, якоже сосуд непотребен, глаголет Господь. Jeremiah 48:39 Како изменися? Возрыдаша, како обрати хребет Моав и посрамися? И бысть Моав в посмех и в ненависть всем окрест себе. Jeremiah 48:40 Яко тако глаголет Господь: се, якоже орел полетит и распрострет криле свои на Моава, Jeremiah 48:41 взят есть Кариоф, и ограды его обстоимы суть: и будет сердце сильных Моавских в той день, яко сердце жены родящия. Jeremiah 48:42 И погибнет Моав от людий, яко на Господа возвеличися. Jeremiah 48:43 Страх и пропасть и сеть на тя, о, живущий в Моаве, глаголет Господь. Jeremiah 48:44 Иже убежит от лица страха, впадет в пропасть: и излазяй из пропасти имется сетию: понеже наведу сия на Моава в лето посещения их, глаголет Господь. Jeremiah 48:45 Во стени Есевонстей сташа от силы избегше, огнь бо изыде от Есевона и пламень от среды Сеона, и пожже часть Моава и верх сынов смятения. Jeremiah 48:46 Горе тебе, Моаве! Погибоша людие Хамоса, яко отведошася сынове твои и дщери твоя в плен. Jeremiah 48:47 И возвращу плен Моавль в последния дни, глаголет Господь. До зде суд Моавль. Jeremiah 49:0 Jeremiah 49:1 К сыном Аммоним тако глаголет Господь: еда не суть сынове Израилевы, или наследника несть им? Почто убо прия наследие Мелхом Гада, и людие его во градех его живяху? Jeremiah 49:2 Сего ради, се, дние грядут, глаголет Господь, и оглашу на Равваф сынов Аммоних ратный звук, и будет в непроходная и в пагубу, и требища его огнем сожжена будут, и восприимет Израиль власть свою, глаголет Господь. Jeremiah 49:3 Возопий, Есевоне, яко погибе Гай: возопийте, дщери Раввафски, препояшитеся вретищами, рыдайте и бегайте по забралом, яко Мелхом во плен отведется, священницы и князи его вкупе. Jeremiah 49:4 Что хвалишися во удолиих? Стече удолие твое, дщи безстудная, уповающая на богатства своя, глаголющи: кто приидет на мя? Jeremiah 49:5 Се, Аз наведу на тя страх, глаголет Господь Вседержитель, от всех сущих окрест тебе: и разсеетеся вси от лица его, и не будет собирающаго бежащих. Jeremiah 49:6 И посем возвращу пленники сынов Аммоних, глаголет Господь. Jeremiah 49:7 Ко Идумеи сия глаголет Господь Вседержитель: еда есть ктому мудрость во Фемане? Погибе совет от разумных, непотребна бысть мудрость их, Jeremiah 49:8 попрано бысть место их: снидите в пропасть к седению, живущии во Дедане: яко жестокая сотвори: (погибель Исавлю) наведох нань во время, в неже посетих его. Jeremiah 49:9 Яко оымателие вина приидоша на тя, не оставят тебе останков: аки татие в нощи возложат руки своя. Jeremiah 49:10 Яко (Аз) обнажих Исава, открых тайная его, не возможет утаитися, погибе рукою брата своего и соседа своего, Jeremiah 49:11 и несть остатися сироте твоей, да живет: Аз же сотворю жити, и вдовицы на Мя уповаша. Jeremiah 49:12 Тако бо глаголет Господь: се, имже не бе закона пити чашу, пиюще испиют: и ты ли аки неповинный останешися? Не будеши неповинен, но пия испиеши. Jeremiah 49:13 Собою бо кляхся, глаголет Господь, яко в пустыню и в поругание и в посмех и в проклятие будеши посреде его, и вси гради его будут в пустыню вечную. Jeremiah 49:14 Слух слышах от Господа, и послов во языки посла: соберитеся и идите противу ему и востаните на ополчение. Jeremiah 49:15 Се, мала дах тя во языцех и поругаема в людех. Jeremiah 49:16 Играние твое прельсти тя, безстудие сердца твоего обиташе в разселинах каменных, похити крепость холма высокаго: егда вознесеши яко орел гнездо свое, оттоле свергу тя, глаголет Господь. Jeremiah 49:17 И будет Идумеа в запустение, всяк ходяй чрез ню подивится и позвиждет над всякою язвою ея. Jeremiah 49:18 Якоже превращена есть Содома и Гоморра и соседи ея, глаголет Господь, не поживет тамо муж, ниже пребудет тамо сын человечь. Jeremiah 49:19 Се, якоже лев изыдет от среды Иордана на место сильнаго, яко скоро сотворю им бежати от него, и кто будет избран, егоже поставлю над ним? Кто бо подобен Мне? И кто противостанет Ми? И кто есть сей пастырь, иже сопротивится лицу Моему? Jeremiah 49:20 Сего ради слышите совет Господень, егоже совеща на Едома, и умышление Его, еже умысли на живущих во Фемане, не свергут ли их малая от стад, и не разметано ли будет на них жилище их? Jeremiah 49:21 От гласа бо падения их потрясеся земля, и вопль на мори Чермнем слышася гласа их. Jeremiah 49:22 Се, яко орел взыдет и возлетит и прострет криле свои над твердыньми его: и будет сердце сильных Идумейских в той день, яко сердце жены родящия. Jeremiah 49:23 К Дамаску: посрамися Емаф и Арфаф, яко слух зол слышаша, ужасошася, возмутишася на мори, (за попечение) упокоитися не могут. Jeremiah 49:24 Расторжеся Дамаск, обратися на бежание, трепет объят и, скорбь и болезнь одержаша его яко раждающую. Jeremiah 49:25 Како не оставиша града славнаго, крепости любезныя? Jeremiah 49:26 Сего ради падут юноши на стогнах твоих, и вси мужие воинстии падут в той день, глаголет Господь Вседержитель. Jeremiah 49:27 И возжгу огнь на стене Дамаска, и пожжет стены сына Адерова. Jeremiah 49:28 К Кидару, царице двора, егоже порази Навуходоносор царь Вавилонский, тако глаголет Господь: востаните и взыдите на Кидар и погубите сыны восточныя. Jeremiah 49:29 Селения их и стада их возмут: одежды их и вся сосуды их и велблюды их возмут себе, и призовут на ня страх окрест. Jeremiah 49:30 Бежите и отидите вскоре, в пропастех сядите, живущии во дворе, глаголет Господь: яко совеща на вы Навуходоносор царь Вавилонский совет и помысли на вас умышление. Jeremiah 49:31 Востаните и внидите к людем упокоеным, живущым в прохладе, глаголет Господь: иже ни дверий, ниже заворов имут, едини обитают. Jeremiah 49:32 И будут велблюды их в расхищение и множество скота их в разграбление, и развею я всяким ветром остриженых окрест, и от всех окрестных их приведу на ня погибель, глаголет Господь. Jeremiah 49:33 И будет двор в жилище змием и пуст даже до века, не поживет тамо муж, ниже будет живяй в нем сын человечь. Jeremiah 49:34 Слово Господне, еже бысть ко Иеремии пророку на Елам, в начале царства Седекии царя Иудина, глаголя: Jeremiah 49:35 тако глаголет Господь Вседержитель: се, Аз сокрушу лук Еламль, начало силы их, Jeremiah 49:36 и наведу на Елам четыри ветры от четырех стран небесных и развею я во вся ветры тыя, и не будет языка, в оньже бы не пришли бежащии Еламитяне. Jeremiah 49:37 И устрашу их пред враги их и пред лицем ищущих души их, и наведу на ня злая, по гневу ярости Моея, глаголет Господь: и послю вслед их мечь Мой, дондеже сотру их: Jeremiah 49:38 и поставлю престол Мой во Еламе, и иждену оттуду царя и князи, глаголет Господь: Jeremiah 49:39 и будет в последния дни, возвращу плен Еламль, глаголет Господь. Jeremiah 50:0 Jeremiah 50:1 Слово, еже рече Господь на Вавилон и на землю Халдейскую Иеремиею пророком. Jeremiah 50:2 Возвестите во языцех и слышано сотворите, воздвигните знамение, возопийте и не скрывайте, рцыте: пленен бысть Вавилон, посрамися Вил, победися Меродах, посрамишася изваяния его, сокрушишася кумиры их. Jeremiah 50:3 Яко прииде нань язык от севера, той положит землю его в запустение, и не будет живяй в ней от человека даже и до скота: подвигнушася, отидоша. Jeremiah 50:4 В тыя дни и в то время, глаголет Господь, приидут сынове Израилевы, тии и сынове Иудины вкупе ходяще и плачуще пойдут и Господа Бога своего взыщут. Jeremiah 50:5 Во Сион испытают стези, тамо бо обративше лица своя приидут и приложатся ко Господу заветом вечным, иже забвению не предастся. Jeremiah 50:6 Овцы погибшыя быша людие Мои, пастырие их совратиша их и сотвориша я крытися по горам: с горы на холм ходиша. Jeremiah 50:7 Забыша ложа своего, вси обретающии их снедаху их, и врази их рекоша: не пощадим их, зане согрешиша Господу, пажить правды, собирающему отцев их Господу. Jeremiah 50:8 Отидите от среды Вавилона и от земли Халдейски изыдите, и будите яко козлища пред овцами. Jeremiah 50:9 Яко се, Аз воздвигну и приведу на Вавилон собрания языков великих от земли полунощныя, и ополчатся нань: оттуду пленен будет, якоже стрела мужа сильна искусна и возвратится праздна. Jeremiah 50:10 И будет земля Халдейска в разграбление, вси грабителе ея наполнятся глаголет Господь: Jeremiah 50:11 зане веселистеся и велеречивасте, расхищающе наследие Мое, скакасте бо яко телцы на траве и бодосте якоже волы. Jeremiah 50:12 Поругана бысть мати ваша зело, и посрамися родившая вас: се, последняя во языцех пуста и непроходна и суха. Jeremiah 50:13 От гнева Господня не поживут во век: но будет весь в запустение, и всяк ходяй сквозе Вавилон подивится и позвиждет над всякою язвою Его. Jeremiah 50:14 Ополчитеся на Вавилон, вси окрестнии наляцающии лук, стреляйте нань, не щадите стрел ваших, понеже пред Господем согреши, Jeremiah 50:15 возмите его: ослабеша руце его, падоша основания его, сокрушишася забрала его, яко месть Господня есть: отмстите ему, якоже сотвори, сотворите ему: Jeremiah 50:16 потребите семя от Вавилона, и держащаго серп во время жатвы от лица меча Еллинска, кийждо к людем своим обратится, и кийждо в землю свою убежит. Jeremiah 50:17 Овча заблуждающее Израиль, львове изнуриша е: первее яде его царь Ассур, сей же последний и кости оглода ему Навуходоносор царь Вавилонский. Jeremiah 50:18 Сего ради тако глаголет Господь Вседержитель, Бог Израилев: се, Аз посещу на царя Вавилонска и на землю его, якоже посетих на царя Ассурска, Jeremiah 50:19 и возведу паки Израиля на пажить его, и упасется в Кармиле и Васане, и в горе Ефремли и в Галааде, и насытится душа его. Jeremiah 50:20 В тыя дни и в той час, глаголет Господь, поищут неправды Израилевы, и не будет, и грехов Иудиных, и не обрящутся: яко милостив буду им оставшымся. Jeremiah 50:21 На землю владеющих взыди и на живущих в ней посети, разори и убий сущыя по них, глаголет Господь, и сотвори вся, елика заповедаю тебе. Jeremiah 50:22 Глас брани и сотрение велико в земли Халдейстей. Jeremiah 50:23 Како сокрушися и сотреся млат всея земли? Како обратися в пустыню Вавилон во языцех? Jeremiah 50:24 Взыдут на тя, и пленен будеши, и не познаеши, яко Вавилон еси: обретен и ят еси, понеже разгневал еси Господа. Jeremiah 50:25 Отверзе Господь сокровища Своя и изнесе сосуды гнева Своего, яко дело есть Господу Вседержителю в земли Халдейстей: Jeremiah 50:26 яко приидоша времена его: отверзите хранилища его и испытайте и, аки вертеп, и погубите его, да не будет останка его. Jeremiah 50:27 Изсушите вся плоды его, и да снидут в заклание: горе им, яко прииде день их и час отмщения их. Jeremiah 50:28 Глас бежащих и избегших от земли Вавилонския, да возвестят в Сионе отмщение Господа Бога нашего, отмщение храма Его. Jeremiah 50:29 Возвестите на Вавилон многим, всем наляцающым лук, ополчитеся нань окрест: да не убежит ни един из него: воздайте ему по делом его, по всему, елика сотвори, сотворите ему, яко воста на Господа Бога Святаго Израилева. Jeremiah 50:30 Сего ради падут юноши его на стогнах его, и вси мужие воинстии его низвержени будут в той день, глаголет Господь. Jeremiah 50:31 Се, Аз на тя, горде, глаголет Господь Бог Вседержитель, яко прииде день твой и час посещения твоего: Jeremiah 50:32 и падет гордыня твоя и разрушится, и не будет возставляяй ю: и возжгу огнь в дубраве его, и пояст вся окрестная его. Jeremiah 50:33 Тако глаголет Господь Вседержитель: порабощение терпят сынове Израилевы и сынове Иудины, вкупе вси пленившии их поработиша их, не хощут бо отпустити их. Jeremiah 50:34 Избавитель же их сильный, Господь Вседержитель имя Ему, судом судити имать супостаты своя, яко да избавит землю, и потрясет жительми Вавилонскими. Jeremiah 50:35 Мечь на Халдеев, глаголет Господь, и на жители Вавилонския, и на князи и на мудрыя его, Jeremiah 50:36 мечь на обаятели его, и буии будут, и мечь на сильныя его, и ослабеют: Jeremiah 50:37 мечь на кони его и на колесницы его, и на вся прочыя люди, иже суть посреде его, и будут яко жены: мечь на сокровища его, и расхитятся: Jeremiah 50:38 мечь на воды его, и постыдятся, яко земля изваянных есть, и во островех хваляхуся. Jeremiah 50:39 Сего ради поживут мечты во островех, и поживут в нем дщери сиринов, и не будет живуща в нем ктому во веки, ниже соградится от рода в род. Jeremiah 50:40 Якоже преврати Господь Содома и Гоморра и окрестныя грады их, глаголет Господь, не пребудет тамо муж, ниже поживет в нем сын человечь. Jeremiah 50:41 Се, людие идут от севера, и язык велик, и царие мнози востанут от конец земли, Jeremiah 50:42 луки и щиты имуще, грозни суть и немилостиви: глас их яко море возшумит, на кони возсядут, уготовани якоже огнь на брань противу тебе, дщи Вавилоня. Jeremiah 50:43 Услыша царь Вавилонский слух их, и ослабеша руце его, скорбь объят его и болезни, яко раждающую. Jeremiah 50:44 Се, яко лев изыдет от рыкания Иорданова на место Ефана, яко скоро отмщу их от него, и всякаго юношу над ним поставлю. Кто бо подобен Мне? И кто может стояти противу Мене? И кто есть пастырь сей, иже воспротивится лицу Моему? Jeremiah 50:45 Темже слышите совет Господень, егоже совеща на Вавилон, и умышления Его, яже умысли на землю Халдейску: аще не исторгнутся агнцы овец их, аще не будет разметана (вкупе с ними) пажить их. Jeremiah 50:46 От гласа бо пленения Вавилонскаго потрясется земля, и вопль во языцех слышан будет. Jeremiah 51:0 Jeremiah 51:1 Тако глаголет Господь: се, Аз воздвигну на Вавилон и на живущыя Халдеи ветр зноен губителный: Jeremiah 51:2 и послю на Вавилон ругатели, и студно поругаются ему и истлят землю его: понеже горе на Вавилон окрест в день озлобления его. Jeremiah 51:3 Да наляцает наляцаяй лук свой, и да облечется в броня своя, и не пощадите юнош его, и побийте все воинство его. Jeremiah 51:4 И падут избиеннии в земли Халдейстей и язвеннии во странах ея. Jeremiah 51:5 Понеже не овдове Израиль и Иуда от Бога Своего, от Господа Вседержителя, яко земля их наполнися неправды от Святых Израилевых. Jeremiah 51:6 Бежите от среды Вавилона и спасите кийждо душу свою и не погибнете в неправде его, зане время отмщения его есть от Господа, воздаяние Той воздаст ему. Jeremiah 51:7 Чаша златая Вавилон в руце Господни, напаяющи всю землю, от вина его пиша (вси) языцы, сего ради потрясошася. Jeremiah 51:8 Внезапу паде Вавилон и сокрушися: плачите по нем, возмите масти к болезни его, да изцелится. Jeremiah 51:9 Врачевахом Вавилона, и не изцеле: оставим его и отидем кийждо в землю свою, взыде бо к небеси суд его и воздвижеся даже до звезд. Jeremiah 51:10 Изнесе Господь суд Свой: приидите и возвестим в Сионе дела Господа Бога нашего. Jeremiah 51:11 Наострите стрелы, наполните тулы: воздвиже Господь дух царей Мидских, яко противу Вавилона гнев Его, да погубит и, понеже отмщение Господне есть, отмщение людий Его. Jeremiah 51:12 На стенах Вавилонских воздвигните знамя, поставите стражи, уготовите стражей, уготовите оружие: яко умысли Господь, и сотворит, яже рече на живущыя в Вавилоне, Jeremiah 51:13 живый над водами многими и богат в сокровищих своих: прииде конец твой истинно во утробы твоя. Jeremiah 51:14 Клятся бо Господь Сил мышцею Своею, яко наполню тебе людьми, якоже акридами, и возгласят над тобою низходящии. Jeremiah 51:15 Господь сотворивый землю в силе Своей и устроивый вселенную в мудрости Своей, и разумением Своим распростре небеса, Jeremiah 51:16 егда Он даст глас, умножатся воды на небеси, воздвизаяй облаки от конец земли, молнию в дождь сотвори, изводяй свет от сокровищ Своих. Jeremiah 51:17 Обуя всяк человек от разума, посрамися всяк слиятель от изваяний своих, яко ложная слияния его, и несть духа в них: Jeremiah 51:18 суетна суть дела и смеху достойна, в час посещения своего погибнут. Jeremiah 51:19 Не такова часть Иаковля, яко Сотворивый всяческая Той есть, (а Израиль) жезл достояния Его, Господь Вседержитель имя Его. Jeremiah 51:20 Сокрушаеши ты Мне сосуды бранныя, и Аз сокрушу в тебе языки и погублю в тебе царствия: Jeremiah 51:21 и избию в тебе кони и всадники их, и избию в тебе колесницы и вседающих на них: Jeremiah 51:22 и избию в тебе мужа и жену, и избию в тебе стара и отрока, и избию в тебе юношу и деву: Jeremiah 51:23 и избию в тебе пастыря и стада его, и избию в тебе орюща и работна скота его, и избию в тебе воеводы и правители. Jeremiah 51:24 И воздам Вавилону и всем жителем Халдейским вся злобы их, яже сотвориша над Сионом пред очима вашима, глаголет Господь. Jeremiah 51:25 Се, Аз на тя, горо смертоносная, глаголет Господь, растлевающая всю землю, и простру руку Мою на тя и извергу тя из каменей, и дам тя в гору сожженую: Jeremiah 51:26 и не возмут от тебе камене во угл и камене во основание, яко потребишися во веки, глаголет Господь. Jeremiah 51:27 Воздвигните знамя на земли, вострубите трубою во языцех, освятите нань языки, возвестите нань царствам Араратским от Мене и Асханазеом: утвердите над ним стрельницы, возведите нань кони, яко акридов множество. Jeremiah 51:28 Возведите нань языки, царя Мидска и всея земли, воевод его и всех воев его и всея земли области его. Jeremiah 51:29 И потрясеся земля и смутися, зане воста на Вавилон умышление Господне, еже положити землю Вавилонску пусту и ненаселену. Jeremiah 51:30 Оскудеша крепцыи Вавилонстии еже ратовати: сядут тамо во ограде, погибе храбрость их, и быша яко жены: пожжена суть селения, сотрены заворы его. Jeremiah 51:31 Гоняй во сретение текуща постигнет, и вестник сретит посла, да возвестит царю Вавилонску, яко взят бысть град его. Jeremiah 51:32 От края прехождений его яти быша, и твердыни его зажжены огнем, и мужие его воинстии исходят. Jeremiah 51:33 Тако бо глаголет Господь Вседержитель, Бог Израилев: домове царя Вавилонскаго яко гумно зрело измлачени будут: еще мало, и приидет жатва его. Jeremiah 51:34 Снеде мя, раздроби мя, прият мя тма тонка, Навуходоносор царь Вавилонский пожре мя, яко змий наполни чрево свое сладостию моею: и извергоша мя. Jeremiah 51:35 Труды мои и беды моя на Вавилон, речет живущая в Сионе, и кровь моя на живущыя в Халдеех, речет Иерусалим. Jeremiah 51:36 Сего ради тако глаголет Господь: се, Аз судити буду соперника твоего и отмщу отмщение твое, и пусто сотворю море его и изсушу потоки его. Jeremiah 51:37 И будет Вавилон в запустение, жилище змием, в чудо и позвиздание, понеже не будет живущаго. Jeremiah 51:38 Вкупе аки львы востанут и аки скимни львов. Jeremiah 51:39 В горячести их дам питие им и упою я, да спят и уснут сном вечным и не востанут, глаголет Господь. Jeremiah 51:40 И низведу я яко агнцы на заклание и яко овны с козлы. Jeremiah 51:41 Како взяся Сесах, и ята слава всея земли? Како бысть во удивление Вавилон во языцех? Jeremiah 51:42 Взыде на Вавилон море в шуме волн своих, и покрыся. Jeremiah 51:43 Быша гради его в запустение, земля безводна и пуста, земля, в нейже никтоже поживет, и ниже будет витати в нем сын человечь. Jeremiah 51:44 И посещу на Вила в Вавилоне, и извергу то, еже поглоти, от уст его, и не соберутся вящше к нему языцы, зане и стены Вавилонския падут. Jeremiah 51:45 Изыдите от среды его, людие Мои, да спасет кийждо душу свою от гнева ярости Господни. Jeremiah 51:46 Да не когда умягчится сердце ваше, и убоитеся ради слуха, иже услышится на земли, и приидет в лето слышание, и по лете слышание, бедность и неправда на землю, и властелин на властелина. Jeremiah 51:47 Сего ради, се, дние грядут, и посещу на изваяныя Вавилона: и вся земля его посрамится, и вси язвении его падут посреде его. Jeremiah 51:48 И возвеселятся над Вавилоном небеса и земля и вся сущая в них: от полунощи бо приидут нань всегубителие, глаголет Господь: Jeremiah 51:49 и якоже сотвори Вавилон падати язвеным во Израили, тако в Вавилоне падут язвении всея земли. Jeremiah 51:50 Избегшии меча, идите, не стойте: иже издалече, помяните Господа, и Иерусалим да взыдет на сердце ваше. Jeremiah 51:51 Посрамихомся, зане слышахом ругание наше, покры срамота лице наше, яко приидоша чуждии во святая наша в дом Господень. Jeremiah 51:52 Сего ради, се, дние грядут глаголет Господь, и посещу на изваяния его, и по всей земли его падут язвении. Jeremiah 51:53 Яко аще взыдет Вавилон на небо и аще утвердит на высоте крепость свою, от Мене приидут губителие его, глаголет Господь. Jeremiah 51:54 Глас вопля Вавилонска, и сотрение велико в земли Халдейстей: Jeremiah 51:55 яко погуби Господь Вавилона и сотре от него глас велий шумящь яко воды многи, даде в пагубу глас его: Jeremiah 51:56 яко прииде на Вавилон хищник, яти быша сильнии его, увяде лук их, яко Бог воздает им, Jeremiah 51:57 Господь воздает ему воздаяние: и упоит князи его и мудрыя его, и воеводы его и вои его и сильныя его, и уснут сном вечным и не возбудятся, глаголет Царь, Господь Вседержитель имя Его. Jeremiah 51:58 Тако глаголет Господь Вседержитель: стена Вавилонска сия преширока, подкопанием подкопана будет, и врата его высока огнем сожжена будут, и будут трудитися людие вотще, и языцы в начале погибнут. Jeremiah 51:59 Слово, еже заповеда Господь Иеремии пророку, рещи Сарею сыну Нириину, сына Маассеова, егда иде от Седекии царя Иудина в Вавилон, в четвертое лето царства его: Сарей же бе началник даров. Jeremiah 51:60 И написа Иеремиа вся злая, яже имяху приити на Вавилон, во едину книгу вся словеса сия, яже писана суть на Вавилон. И рече Иеремиа к Сарею: Jeremiah 51:61 егда внидеши в Вавилон, и узриши и прочтеши вся словеса сия, и речеши: Jeremiah 51:62 Господи, Ты рекл еси противу места сего погубити е, и да не будет живяй в нем от человека и до скота, и да будет в вечную пустыню: Jeremiah 51:63 и будет, егда прочтеши книгу сию, привяжи к ней камень и вверзи ю посреде Евфрата и рцы: Jeremiah 51:64 тако потопится Вавилон и не востанет от лица зол, яже Аз наведу нань, и разорится. Даже до зде словеса Иеремиина. Jeremiah 52:0 Jeremiah 52:1 Сущу двадесяти и единому лету Седекии, внегда нача царствовати, и царствова во Иерусалиме единонадесять лет: и имя матери его Амиталь, дщи Иеремиина, от Ловны. Jeremiah 52:2 И сотвори лукавое пред очима Господнима по всему, елико творяше Иоаким: Jeremiah 52:3 яко ярость Господня бысть на Иерусалим и на Иуду, дондеже отверже их от лица Своего: и отступи Седекиа от царя Вавилонска. Jeremiah 52:4 И бысть в девятое лето царства его, в десятый месяц, в десятый день месяца, прииде Навуходоносор царь Вавилонский и вся сила его на Иерусалим, и облегоша его и сотвориша окрест его острог от четвероуголных камений. Jeremiah 52:5 И бысть во облежении град даже до первагонадесяте лета царства Седекиина. Jeremiah 52:6 Месяца же четвертаго в девятый день, утвердися глад во граде, и не бяше хлеба людем земли. Jeremiah 52:7 И просекоша град, и вси мужие воинстии изыдоша нощию путем врат, иже есть между двема стенама, иже бяше прямо вертограду цареву, Халдее же добываху град окрест лежаще, и отидоша путем в пустыню. Jeremiah 52:8 И погна сила Халдейска вслед царя и постиже его об ону страну Иерихона, и вси отроцы его разсыпашася от него. Jeremiah 52:9 И яша царя и приведоша и ко царю Вавилонскому в Девлаф, иже есть в земли Емаф, и глагола ему с судом. Jeremiah 52:10 И изсече царь Вавилонский сыны Седекиины пред очима его, и вся князи Иудины изсече в Девлафе. Jeremiah 52:11 Очи же Седекии изят, и связа его оковами, и приведе его царь Вавилонский в Вавилон и вдаде его в дом жерновный до дне, в оньже умре. Jeremiah 52:12 В десятый же день пятаго месяца (лето сие девятоенадесять Навуходоносору царю Вавилонску) прииде Навузардан архимагир, стоящь пред лицем царя Вавилонска, во Иерусалим, Jeremiah 52:13 и сожже храм Господень и дом царев, и вся домы градския и всяк дом велик сожже огнем, Jeremiah 52:14 и всяку стену Иерусалимлю окрест разори сила Халдейска, яже бяше со архимагиром. Jeremiah 52:15 И от убогих людий, и останок людий, и оставшихся во граде и избегших, иже убежаша ко царю Вавилонску, и прочий народ пресели Навузардан воевода: Jeremiah 52:16 прочиих же остави людий убогих в делатели винограда и земледелцев. Jeremiah 52:17 Столпы же медяныя, иже во храме Господни, и подставы, и море медяное, еже во храме Господни, сокрушиша Халдее, и взяша медь их, и отнесоша в Вавилон: Jeremiah 52:18 и венец и чашы, и вилицы и вся сосуды медяныя, в нихже служаху, Jeremiah 52:19 и фимиамники и чашы, и умывалницы и свещники, и кадилницы и чашицы, яже бяху златая и яже бяху сребряная, взя архимагир. Jeremiah 52:20 И столпа два и море едино, и телцев дванадесять медяных под морем, яже сотвори царь Соломон во храме Господни, не бе веса меди сосуд тех. Jeremiah 52:21 Столп же кийждо осминадесяти лактей бе в высоту, вервь же дванадесяти лактей окрест его обдержаше, и толстота его четырех перст окрест, Jeremiah 52:22 и глава на них медяна, пять лакот высота главы единыя, и мрежа, и шипки на венце окрест, все бяше медяно: такожде бысть и вторый столп. Jeremiah 52:23 И бяше шипков девятьдесят и шесть едина страна, и бяше всех шипков над мрежею окрест сто. Jeremiah 52:24 И взя архимагир Сареа жерца старейшаго и жерца Софонию втораго и триех стрегущих путь. Jeremiah 52:25 И от града взя каженика единаго, иже бе приставник людий воинских, и седмь мужей нарочитых, иже пред лицем царевым обретошася во граде, и книгочия сил учащаго людий земли, и шестьдесят мужей от людий земли, иже обретошася среде града: Jeremiah 52:26 и взя их Навузардан архимагир и приведе я ко царю Вавилонску в Девлаф. Jeremiah 52:27 И изби я царь Вавилонский в Девлафе в земли Емаф: и преселен бысть Иуда от земли своея. Jeremiah 52:28 Сии суть людие, ихже пресели Навуходоносор в седмое лето, Иудеев три тысящы и двадесять и три: Jeremiah 52:29 во осмоенадесять лето Навуходоносор из Иерусалима душ осмь сот тридесять и две пресели. Jeremiah 52:30 В двадесять третие лето Навуходоносора пресели Навузардан архимагир Иудеев душ седмь сот и четыредесять пять, всех же душ четыре тысящы и шесть сот. Jeremiah 52:31 И бысть в тридесять седмое лето преселения Иоакима царя Иудина, в двадесять пятый день месяца вторагонадесять, вознесе Евилмеродах царь Вавилонский в первое лето царства своего главу Иоакима царя Иудина, и изведе его из храма, в немже стрежашеся, и глагола ему благая: Jeremiah 52:32 и даде престол его выше царей, иже с ним, в Вавилоне, Jeremiah 52:33 и измени ризы его темничныя, и ядяше хлеб всегда пред лицем его во вся дни живота своего: Jeremiah 52:34 и урок ему даяшеся всегда от царя Вавилонска, даже до дне, в оньже умре, во вся дни живота его.
Lamentations 0:0
Книга плач Иеремии
И бысть, повнегда в плен отведен бе Израиль, и Иерусалим опустошен бяше, сяде Иеремиа пророк плачущь, и рыдаше рыданием сим над Иерусалимом и глаголаше:
Lamentations 1:0 Lamentations 1:1 Алеф. Како седе един град умноженный людьми: бысть яко вдовица, умноженный во языцех, владяй странами бысть под данию. Lamentations 1:2 Беф. Плачя плакася в нощи, и слезы его на ланитех его, и несть утешаяй его от всех любящих его: вси дружащиися с ним отвергошася его, быша ему врази. Lamentations 1:3 Гимель. Преселися Иуда ради смирения своего и ради множества работы своея: седе во языцех, не обрете покоя. Вси гонящии его постигнуша и среде стужающих ему. Lamentations 1:4 Далеф. Путие Сиони рыдают, яко несть ходящих по них в праздник, вся врата его разорена, жерцы его воздыхают, девицы его ведомы, и сам огорчеваемь в себе. Lamentations 1:5 Ге. Быша стужающии ему во главу, и врази его угобзишася, яко Господь смири его за множество нечестия его: младенцы его отидоша пленени пред лицем стужающаго. Lamentations 1:6 Вав. И отяся от дщере Сиони вся лепота ея: быша князи ея яко овни не имущии пажити, и хождаху не с крепостию пред лицем гонящаго. Lamentations 1:7 Заин. Помяну Иерусалим дни смирения своего и отриновений своих, вся вожделения своя, яже имеяше от дний первых, егда падоша людие его в руце стужающаго, и не бе помагающаго ему: видевше врази его посмеяшася о преселении его. Lamentations 1:8 Иф. Грехом согреши Иерусалим, того ради в мятеж бысть: вси славящии его смириша и, видеша бо срам его: сей же стенящь обратися вспять. Lamentations 1:9 Теф. Нечистота его пред ногама его, не помяну последних своих и низведеся пречудно: несть утешаяй его. Виждь, Господи, смирение мое, яко возвеличися враг. Lamentations 1:10 Иод. Руку свою простре стужаяй на вся вожделенная его, виде бо языки вшедшыя во святыню свою, имже повелел еси не входити во церковь Твою. Lamentations 1:11 Каф. Вси людие его воздыхающе ищут хлеба: даша вожделенная своя за пищу, еже бы обратити душу. Виждь, Господи, и призри, яко бых безчестен. Lamentations 1:12 Ламед. Вси, иже к вам проходящии путем, обратитеся и видите, аще есть болезнь, яко болезнь моя, яже бысть: глаголавый о мне смири мя Господь в день гнева ярости Своея. Lamentations 1:13 Мем. С высоты Своея посла огнь, в кости моя сведе его: простре сеть ногама моима, обрати мя вспять, даде мя Господь в погубление, весь день болезнующа. Lamentations 1:14 Нун. Бдяше на нечестия моя, в руку моею сплетошася: взыдоша на выю мою, изнеможе крепость моя, яко даде Господь в руце мои болезни, не возмогу стати. Lamentations 1:15 Самех. Отя вся крепкия моя Господь от среды мене, призва на мя время, еже сокрушити избранныя моя: точило истопта Господь девице, дщери Иудине: о сих аз плачу. Lamentations 1:16 Аин. Очи мои излиясте воду, яко удалися от мене утешаяй мя, возвращаяй душу мою: погибоша сынове мои, яко возможе враг. Lamentations 1:17 Фи. Возде руце свои Сион, несть утешаяй его. Заповеда Господь на Иакова, окрест его врази его: бысть Иерусалим яко осквернена кровоточением в них. Lamentations 1:18 Цади. Праведен есть Господь, яко уста Его огорчих. Слышите убо, вси людие, и видите болезнь мою: девицы моя и юноты отидоша в плен. Lamentations 1:19 Коф. Позвах любители моя, и тии прельстиша мя: жерцы мои и старцы мои во граде оскудеша, яко взыскаша пищи себе, да укрепят душы своя, и не обретоша. Lamentations 1:20 Реш. Виждь, Господи, яко скорблю, утроба моя смятеся во мне, и превратися сердце мое, яко горести исполнихся: отвне обезчади мене мечь, аки смерть в дому. Lamentations 1:21 Шин. Слышаша убо, яко воздыхаю аз, несть утешающаго мя. Вси врази мои слышаша злая моя и порадовашася, яко Ты сотворил еси: привел еси день, призвал еси время, и будут подобни мне. Lamentations 1:22 Фав. Да приидет вся злоба их пред лице Твое, и отреби их, якоже сотвориша отребление о всех гресех моих, яко многа суть стенания моя, и сердце мое скорбит. Lamentations 2:0 Lamentations 2:1 Алеф. Како омрачи во гневе Своем Господь дщерь Сионю: сверже с небесе на землю славу Израилеву, и не помяну подножия ногу Своею в день гнева и ярости Своея. Lamentations 2:2 Беф. Погрузи Господь и не пощаде: вся красная Иаковля разори яростию Своею, твердыни дщере Иудины изверже на землю, оскверни царя ея и князи ея, Lamentations 2:3 гимель. Сокруши во гневе ярости Своея весь рог Израилев, обрати вспять десницу его от лица врага, разжже во Иакове яко огнь пламы, и потреби вся окрест, Lamentations 2:4 далеф. Напряже лук Свой яко ратник противный, утверди десницу Свою яко супостат и изби вся красная очию моею во селениих дщере Сиони, излия яко огнь ярость Свою. Lamentations 2:5 Ге. Бысть Господь аки враг, погрузи Израиля, погрузи вся домы его, разсыпа вся стены его и умножи дщери Иудине смирена и смирену, Lamentations 2:6 вав. И разверзе аки виноград селение Свое, разсыпа праздники Его: забы Господь, яже сотвори в Сионе праздники и субботы, и озлоби прещением гнева Своего царя и князя и жерца. Lamentations 2:7 Заин. Отрину Господь жертвенник Свой, оттрясе святыню Свою, сокруши рукою вражиею стену забралов его: глас даша в дому Господни яко в день праздника. Lamentations 2:8 Иф. Обратися Господь разсыпати стену дщере Сиони: протяже меру, не отврати руки Своея от попрания: и сетова предградие, и ограда вкупе изнеможе. Lamentations 2:9 Теф. Врастоша в землю врата ея, погуби и сокруши вереи ея, царя ея и князи ея во языцех, несть закона, и пророцы ея не видеша видения от Господа. Lamentations 2:10 Иод. Седоша на земли, умолкоша старейшины дщере Сиони, посыпаша персть на главы своя, препоясашася во вретища, низведоша в землю старейшин дев Иерусалимских. Lamentations 2:11 Каф. Оскудеша очи мои в слезах, смутися сердце мое, излияся на землю слава моя о сокрушении дщере людий моих, внегда оскуде младенец и ссущий на стогнах градских. Lamentations 2:12 Ламед. Матерем своим рекоша: где пшеница и вино? Внегда разслабленым быти им, яко язвеным на стогнах градских, егда изливахуся души их в лоно матерей их. Lamentations 2:13 Мем. Что ти засвидетелствую? Или что уподоблю тебе, дщи Иерусалимля? Кто тя спасет и кто тя утешит, девице, дщи Сионя? Яко возвеличися чаша сокрушения твоего, кто тя изцелит? Lamentations 2:14 Нун. Пророцы твои видеша тебе суетная и безумие и не открыша о неправде твоей, еже возвратити пленение твое, и видеша тебе словеса суетная и изриновения. Lamentations 2:15 Самех. Восплескаша рукама о тебе вси минующии путем, позвиздаша и покиваша главою своею о дщери Иерусалимли, рекуще: сей ли град, венец славы, веселие всея земли? Lamentations 2:16 Аин. Отверзоша на тя уста своя вси врази твои, позвиздаша и поскрежеташа зубы своими и реша: поглотим ю: обаче сей день, егоже чаяхом, обретохом его, видехом. Lamentations 2:17 Фи. Сотвори Господь, яже помысли, сконча словеса Своя, яже заповеда от дний первых: разори и не пощаде, и возвесели о тебе врага, вознесе рог стужающаго ти. Lamentations 2:18 Цади. Возопи сердце их ко Господу, стены дщере Сиони да излиют якоже водотеча слезы день и нощь: не даждь покоя себе, и да не умолкнет зеница очию твоею. Lamentations 2:19 Коф. Востани, поучися в нощи в начале стражбы твоея, пролий яко воду сердце твое пред лицем Господним, воздвигни к Нему руце твои о душах младенец твоих, разслабленых гладом в начале всех исходов. Lamentations 2:20 Реш. Виждь, Господи, и призри, кого еси отребил сице? Еда снедят жены плод утробы своея? Отребление сотвори повар, избиют ли младенцев ссущих сосцы? Убиеши ли во святыни Господни жерца и пророка? Lamentations 2:21 Шин. Успоша на исходищих отрок и старец: девицы моя и юноты мои отидоша в плен, мечем и гладом избил еси, в день гнева Твоего сварил еси, не пощадел. Lamentations 2:22 Фав. Призвал еси яко день праздника пришелствия моя окрест, и не бысть в день гнева Господня уцелевый и оставыйся, яко сотворих возмощи и умножих враги моя вся. Lamentations 3:0 Lamentations 3:1 Алеф. Аз муж видя нищету (мою) в жезле ярости Его на мя: Lamentations 3:2 поят мя и отведе мя во тму, а не во свет. Lamentations 3:3 Обаче на мя обрати руку Свою весь день, Lamentations 3:4 беф. Обетши плоть мою и кожу мою, кости моя сокруши: Lamentations 3:5 согради на мя и объя главу мою и утруди, Lamentations 3:6 в темных посади мя, якоже мертвыя века: Lamentations 3:7 гимель. Согради на мя, и не изыду, отяготи оковы моя, Lamentations 3:8 и егда воскричу и возопию, загради молитву мою: Lamentations 3:9 возгради пути моя, загради стези моя, возмяте. Lamentations 3:10 Далеф. Бысть яко медведь ловяй, (приседяй ми) яко лев в сокровенных, Lamentations 3:11 гна отступившаго, и упокои мя, положи мя погибша: Lamentations 3:12 напряже лук Свои, и постави мя яко знамение на стреляние, Lamentations 3:13 ге. Пусти в лядвия моя стрелы тула Своего. Lamentations 3:14 Бых в смех всем людем моим, песнь их весь день. Lamentations 3:15 Насыти мя горести, напои мя желчи Lamentations 3:16 вав. И изя каменем зубы моя, напита мя пепелом Lamentations 3:17 и отрину от мира душу мою. Забых благоты Lamentations 3:18 и рех: погибе победа моя и надежда моя от Господа. Lamentations 3:19 Заин. Помяни нищету мою и гонение мое. Lamentations 3:20 Горесть и желчь мою помяну, и стужит во мне душа моя. Lamentations 3:21 Сия положу в сердцы моем, сего ради потерплю. Lamentations 3:22 Иф. Милость Господня, яко не остави мене, не скончашася бо щедроты Его: пребываяй во утриих, помилуй, Господи, яко не погибохом, не скончашася бо щедроты Твоя. Lamentations 3:23 Новая во утриих, многа есть вера Твоя. Lamentations 3:24 Часть моя Господь, рече душа моя: сего ради пожду Его. Lamentations 3:25 Теф. Благ Господь надеющымся Нань: Lamentations 3:26 души ищущей Его благо (есть), и надеющейся с молчанием спасения Божия. Lamentations 3:27 Благо есть мужу, егда возмет ярем в юности своей: Lamentations 3:28 иод. Сядет на едине и умолкнет, яко воздвигну на ся: Lamentations 3:29 положит во прахе уста своя, негли како будет надежда: Lamentations 3:30 подаст ланиту свою биющему, насытится укоризн. Lamentations 3:31 Каф. Яко не во век отринет Господь, Lamentations 3:32 яко смиривый помилует по множеству милости Своея, Lamentations 3:33 не отрину от сердца Своего и смири сыны мужеския. Lamentations 3:34 Ламед. Еже смирити под нозе его вся узники земныя, Lamentations 3:35 еже уклонити суд мужа пред лицем Вышняго, Lamentations 3:36 осудити человека, внегда судитися ему, Господь не рече. Lamentations 3:37 Мем. Кто есть той, иже рече, и быти, Господу не повелевшу? Lamentations 3:38 Из уст Вышняго не изыдет зло и добро. Lamentations 3:39 Что возропщет человек живущь, муж о гресе своем? Lamentations 3:40 Нун. Изыскася путь наш и испытася, и обратимся ко Господу. Lamentations 3:41 Воздвигнем сердца наша с руками к Богу высокому на небеси. Lamentations 3:42 Мы согрешихом и нечествовахом, сего ради не помиловал еси: Lamentations 3:43 самех. Покрыл еси яростию и отгнал еси нас, убил и не пощадел еси: Lamentations 3:44 покрылся еси облаком, да не дойдет к Тебе молитва, Lamentations 3:45 сомжити очи мои и отринути, положил еси нас посреде людий. Lamentations 3:46 Аин. Отверзоша на ны уста своя вси врази наши. Lamentations 3:47 Страх и ужас бысть нам, надмение и сокрушение: Lamentations 3:48 исходища водная излиет око мое о сокрушении дщере людий моих. Lamentations 3:49 Фи. Око мое погрязну: и не умолкну, еже не быти ослаблению, Lamentations 3:50 дондеже приклонится и увидит Господь с небесе. Lamentations 3:51 Око мое закрывается о души моей, паче всех дщерей града. Lamentations 3:52 Цади. Ловяще уловиша мя яко врабия врази мои туне: Lamentations 3:53 умориша в рове жизнь мою и возложиша на мя камень. Lamentations 3:54 Возлияся вода выше главы моея: рех: отриновен есмь. Lamentations 3:55 Коф. Призвах имя Твое, Господи, из рова преисподняго: Lamentations 3:56 глас мой услышал еси: не покрый ушес Твоих на мольбу мою: Lamentations 3:57 на помощь мою приближился еси, в день, в оньже призвах Тя, рекл ми еси: не бойся. Lamentations 3:58 Реш. Судил еси, Господи, прю души моея, избавил еси жизнь мою: Lamentations 3:59 видел еси, Господи, смятения моя, разсудил еси суд мой: Lamentations 3:60 веси все отмщение их и вся помышления их на мя. Lamentations 3:61 Шин. Слышал еси укоризны их, вся советы их на мя, Lamentations 3:62 устне востающих на мя и поучение их на мя весь день, Lamentations 3:63 седение их и востание их: призри на очи их. Lamentations 3:64 Фав. Воздаси им, Господи, воздаяние по делом руку их: Lamentations 3:65 воздаси им заступление, сердца моего труд. Lamentations 3:66 Ты их проженеши во гневе и потребиши их под небесем, Господи. Lamentations 4:0 Lamentations 4:1 Алеф. Како потемне злато, изменися сребро доброе: разсыпашася камыцы святыни в начале всех исходов. Lamentations 4:2 Беф. Сынове Сиони честнии, одеянии златом чистым, како вменишася в сосуды глиняны, дела рук скудельничих. Lamentations 4:3 Гимель. Еще же змиеве обнажиша сосцы, воздоиша скимни их дщерей людий моих в неизцеление, якоже птица во пустыни. Lamentations 4:4 Далеф. Прильпе язык ссущаго к гортани его в жажди, младенцы просиша хлеба, и несть им разломляющаго. Lamentations 4:5 Ге. Ядуще сладостная погибоша во исходех, питаемии на багряницах одеяшася в гной. Lamentations 4:6 Вав. И возвеличися беззаконие дщере людий моих паче беззакония Содомска, превращенныя во окомгновении, и не поболеша о ней руками. Lamentations 4:7 Заин. Очистишася назорее ея паче снега и просветишася паче млека, чермни быша, паче камене сапфира усечение их. Lamentations 4:8 Иф. Потемне паче сажи вид их, не познани быша во исходех: прильпе кожа их костем их, изсхоша, быша яко древо. Lamentations 4:9 Теф. Лучше быша язвении мечем, нежели погублени гладом: сии бо истлеша от неплодности земли. Lamentations 4:10 Иод. Руце жен милосердых свариша дети своя, быша в ядь им, в сокрушении дщере людий моих. Lamentations 4:11 Каф. Сконча Господь ярость Свою, излия ярость гнева Своего и возжже огнь в Сионе, и пояде основания его. Lamentations 4:12 Ламед. Не вероваша царие земстии и вси живущии во вселенней, яко внидет враг и стужаяй сквозе врата Иерусалимская, Lamentations 4:13 мем. Ради грех пророков его и неправд жерцев его, проливающих кровь праведну посреде его. Lamentations 4:14 Нун. Поколебашася бодрии его на стогнах, осквернишася в крови, внегда немощи им, прикоснушася одежд своих. Lamentations 4:15 Самех. Отступите от нечистых, призовите их: отступите, отступите, не прикасайтеся, яко возжгошася и восколебашася: рцыте во языцех: не приложат, еже обитати (с ними). Lamentations 4:16 Аин. Лице Господне часть их, не приложит призрети на них: лица жреческа не устыдешася, старых не помиловаша. Lamentations 4:17 Фи. Еще сущым нам оскудеша очи наши, на помощь нашу всуе смотрящым нам, внегда надеяхомся на язык не спасающь. Lamentations 4:18 Цади. Уловиша малых наших еже не ходити на стогнах наших, приближися время наше, исполнишася дние наши, настоит конец наш. Lamentations 4:19 Коф. Скорейшии быша гонящии ны паче орлов небесных, на горах гоняху нас, в пустыни приседоша нам. Lamentations 4:20 Реш. Дух лица нашего, помазанный Господь ят бысть в растлениих их, о немже рехом: в сени его поживем во языцех. Lamentations 4:21 Шин. Радуйся и веселися, дщи Идумейска, живущая на земли, и на тебе приидет чаша Господня, и упиешися и излиеши. Lamentations 4:22 Фав. Скончася беззаконие твое, дщи Сионя, не приложит ктому преселити тя: посетил есть беззакония твоя, дщи Едомля, откры нечестия твоя. Lamentations 5:0 Lamentations 5:1 Молитва Иеремии пророка. Помяни, Господи, что бысть нам: призри и виждь укоризну нашу: Lamentations 5:2 достояние наше обратися к чуждим и домы нашя ко иноплеменником: Lamentations 5:3 сири быхом, несть отца, матери нашя яко вдовы. Lamentations 5:4 Воду нашу за сребро пихом, дрова наша за цену куповахом: Lamentations 5:5 на выя нашя гоними быхом, трудихомся, не почихом. Lamentations 5:6 Египет даде руку, Ассур в насыщение их. Lamentations 5:7 Отцы наши согрешиша, и несть их, мы же беззакония их подяхом. Lamentations 5:8 Раби обладаша нами, избавляющаго несть от руку их. Lamentations 5:9 В душах наших носихом хлеб наш, от лица меча в пустыни. Lamentations 5:10 Кожа наша аки пещь обгоре, разседошася от лица бурей глада. Lamentations 5:11 Жен в Сионе смириша, девиц во градех Иудиных. Lamentations 5:12 Князи в руках их повешени быша, старейшины не прославишася. Lamentations 5:13 Избраннии плачь подяша, и юноши в кладе изнемогоша. Lamentations 5:14 И старцы от врат оскудеша, избраннии от песней своих умолкоша. Lamentations 5:15 Разсыпася радость сердец наших, обратися в плачь лик наш, Lamentations 5:16 спаде венец со главы нашея: горе нам, яко согрешихом. Lamentations 5:17 О сем смутися сердце наше, о сем померкнуша очи наши. Lamentations 5:18 На горе Сионе, яко погибе, лисицы ходиша. Lamentations 5:19 Ты же, Господи, во веки вселишися, престол Твой в род и род. Lamentations 5:20 Вскую во веки забываеши нас, оставиши ли нас в продолжение дний? Lamentations 5:21 Обрати ны, Господи, к Тебе, и обратимся, и вознови дни нашя якоже прежде. Lamentations 5:22 Яко отревая отринул еси нас, разгневался еси на ны зело.
Epistle of Jeremiah 0:0
Послание Иеремии Epistle of Jeremiah 1:0 Epistle of Jeremiah 1:1 Списание послания ко отводимым пленником в Вавилон от царя Вавилонскаго, еже посла Иеремиа, возвестити им, якоже повелено бысть ему от Бога. Epistle of Jeremiah 1:2 Грех ради, имиже согрешисте пред Богом, отведетеся в Вавилон пленени Навуходоносором царем Вавилонским. Epistle of Jeremiah 1:3 Вшедше убо в Вавилон, будете тамо лета многа и время долго, до седми родов: потом же изведу вас оттуду с миром. Epistle of Jeremiah 1:4 Ныне же узрите в Вавилоне боги сребряны и златы, и каменны и древяны на раменах носимы, показующыя страх языком. Epistle of Jeremiah 1:5 Блюдитеся убо, да не и вы иноплеменником уподобитеся, и страх приимет вас от них: видевше народ напреди и созади их кланяющься им, рцыте убо во уме: Тебе лепо есть кланятися, Владыко! Epistle of Jeremiah 1:6 Ангел бо Мой с вами есть, сей взыскует душ ваших. Epistle of Jeremiah 1:7 Язык бо их изстроган есть древоделею, тии же позлащени и посребрени, лживи же суть и не могут глаголати, Epistle of Jeremiah 1:8 и якоже девице красотолюбивей вземлюще злато, устрояют венцы на главы богов своих. Epistle of Jeremiah 1:9 Темже украдают от них жерцы злато и сребро и себе употребляют. Epistle of Jeremiah 1:10 Дадят же от них и блудницам сущым в дому, а боги украшают аки человеков ризами, боги златыя и сребряныя и древяныя. Epistle of Jeremiah 1:11 Тии же не уцелеют от ржи и молия, одеют же я в багряницу. Epistle of Jeremiah 1:12 Отирают лица им праха ради, иже от храма, иже есть множайший на них. Epistle of Jeremiah 1:13 И скипетр имут, яко человек и яко судия страны, иже согрешающаго к себе не убиет. Epistle of Jeremiah 1:14 Имать же и мечь в деснице и секиру, сам же себе от рати и от разбойник не отимет: отсюду знаеми суть, яко не суть бози: не убойтеся убо их. Epistle of Jeremiah 1:15 Якоже бо сосуд человеческ сокрушен непотребен бывает, Epistle of Jeremiah 1:16 тацы суть бози их: егда же поставлени будут в домех, очи их полны суть праха от ногу входящих. Epistle of Jeremiah 1:17 И якоже кому преобидевшу царя, заключени бывают дворы, или яко на смерть отводиму, храмы их утверждают жерцы дверьми и замками и заворами, да от разбойник окрадени не будут. Epistle of Jeremiah 1:18 Светила жгут им, и множае неже себе, от нихже ни едино могут видети. Epistle of Jeremiah 1:19 Суть убо яко бервна в дому, сердца же их точат черви, иже от земли, и одежду их, они же не чувствуют сего. Epistle of Jeremiah 1:20 Очернело есть лице их от дыма храмины: Epistle of Jeremiah 1:21 по телесем их и по главе парят нетопыри нощнии, и ластовицы и птицы, такожде и котки (скачут). Epistle of Jeremiah 1:22 От того увесте, яко не суть бози не убойтеся убо их. Epistle of Jeremiah 1:23 Злато бо лежащее на них на красу, аще не очистит кто от ржи, не возблистают: егда бо сливаху их, не чувствоваша. Epistle of Jeremiah 1:24 За всяку цену куплени суть, в нихже несть духа. Epistle of Jeremiah 1:25 Без ног на рамех носятся, являюще свое безчестие человеком, осрамляются же и служащии им: Epistle of Jeremiah 1:26 занеже, егда когда падутся на землю, и не могут сами востати: и аще кто поставит я прямо, не могут поступити, и аще преклонятся, не могут исправити себе, но яко мертвецем дары им полагают. Epistle of Jeremiah 1:27 Требы же их продающе жерцы на зло употребляют: такожде и жены их варят от них, ни единому же убогу, ни немощну подают: Epistle of Jeremiah 1:28 треб их нечистыя и кровоточныя жены прикасаются. Уразумевше убо от сих, яко не суть бози, не бойтеся их. Epistle of Jeremiah 1:29 Откуду бо прозовутся бози, яко жены служат богом сребряным и златым и древяным? Epistle of Jeremiah 1:30 И во храмех их жерцы седают, имуще ризы растерзаны и главы и брады обриты, ихже главы не покровены суть: Epistle of Jeremiah 1:31 ревут же вопиюще пред боги своими, якоже нецыи на вечери мертвеца. Epistle of Jeremiah 1:32 От риз их вземлюще жерцы, одевают жены своя и дети. Epistle of Jeremiah 1:33 И аще от кого зло постраждут или добро, не могут отдати: ни царя могут поставити, ни отяти: Epistle of Jeremiah 1:34 такожде ни богатства ни меди могут дати. Аще кто им что обещав не отдаст, не воспросят. Epistle of Jeremiah 1:35 От смерти человека не избавят, ни менша от крепка не отимут: Epistle of Jeremiah 1:36 человека слепа к видению не навратят, в нужди человеку не помогут, Epistle of Jeremiah 1:37 вдовы не помилуют и сироте добра не сотворят. Epistle of Jeremiah 1:38 Подобни суть камению нагорному бози их древяни и каменни, и позлащени и посребрени, служащии же им посрамятся. Epistle of Jeremiah 1:39 Како убо мощно мнети или прозвати я богами? Epistle of Jeremiah 1:40 Ктому же и сами тии Халдее не чтут их: иже егда узрят нема не могуща глаголати, приносят его к Вилу, емуже молятся, да глаголет, аки сильну сущу почути. Epistle of Jeremiah 1:41 И не могут тии разумевше сие оставити я, чувства бо не имут. Epistle of Jeremiah 1:42 Жены же обложены ужами на распутиих седят, кадящя отребы. Epistle of Jeremiah 1:43 Егда же которая от них привлечена от некоего мимоходяща будет с ним, ближнюю укаряет, яко не сподобилася якоже и она, ни уже ея преторгнулося. Epistle of Jeremiah 1:44 Вся бываемая в них лжива суть: како убо мощно мнети или прозывати я богами быти? Epistle of Jeremiah 1:45 Древоделями и златари сотворени суть: ничтоже ино бывают, но еже хотят художницы, то бывают. Epistle of Jeremiah 1:46 И сами, иже их творят, не бывают долговечни. Epistle of Jeremiah 1:47 Како убо сотворенная ими могут быти бози? Оставиша бо по себе лжу и укоризну потом будущым: Epistle of Jeremiah 1:48 егда бо приидет на них рать и злая, совещавают между собою жерцы, где скрыются с ними. Epistle of Jeremiah 1:49 Како убо несть чувствовати, яко не суть бози, иже не избавляют себе от рати, ни от зла? Epistle of Jeremiah 1:50 Древяни суще и каменни, и позлащени и посребрени, познаются потом языком всем, яко лжа суть: и царем явни будут, яко не суть бози, но дела рук человеческих, и ни едино дело Божие в них есть: Epistle of Jeremiah 1:51 кому убо несть разумно, яко не суть бози? Epistle of Jeremiah 1:52 Царя бо стране не поставляют, ни дождя человеком подают, Epistle of Jeremiah 1:53 ни суда разсудят и не избавят от обиды, немощни суще: Epistle of Jeremiah 1:54 якоже бо враны между небом и землею суть: и егда падет огнь на храме богов древяных или каменных, или позлащеных или посребреных, жерцы их избегнут и уцелеют, они же яко бервна посреде сгорят. Epistle of Jeremiah 1:55 Царю же и ратным не станут противу: убо како мощно мнети или прияти, яко бози суть? Epistle of Jeremiah 1:56 Ни от разбойник, ни от татей избавят себе бози древяни и каменни, и посребрени и позлащени. Epistle of Jeremiah 1:57 Ухже преодолевше и вземше злато и сребро и ризы их, отидут, ниже сами себе помогут. Epistle of Jeremiah 1:58 Темже лучше есть царь показуяй свое мужество, или сосуд в дому потребен, егоже употребляет владяй им, нежели лживии бози: или дверь в дому стрегущи яже в нем, нежели лживии бози: и древяный столп в дому царстем, нежели лживии бози. Epistle of Jeremiah 1:59 Солнце бо и луна и звезды, светлы суще и посылаемы на потребу, благопослушливы суть. Epistle of Jeremiah 1:60 Такожде и молния, егда блистает, благовидна есть: такожде и ветр во всей стране веет. Epistle of Jeremiah 1:61 И облаком егда повелится от Бога ити на всю вселенную, совершают повеленное. Epistle of Jeremiah 1:62 Огнь же пущен свыше истребити горы и дубравы творит повеленное: сии же ни образом, ниже силам их уподоблени суть. Epistle of Jeremiah 1:63 Темже ни мнети мощно, ни прозывати их быти боги, не сильным им сущым ни прю разсудити, ни добра сотворити человеком. Epistle of Jeremiah 1:64 Разумевше убо, яко не суть бози, не бойтеся их. Epistle of Jeremiah 1:65 Ни царей бо прокленут, ниже благословят. Epistle of Jeremiah 1:66 Знамения же на небеси и во языцех не покажут: ни просветят яко солнце, ни осветят яко луна. Epistle of Jeremiah 1:67 Зверие лучше их суть, иже могут, избеге под кров, себе пользовати. Epistle of Jeremiah 1:68 Ни единым убо образом есть нам яве, яко суть бози: темже не бойтеся их. Epistle of Jeremiah 1:69 Якоже бо во овощнице пужало ничесоже хранит, такожде и бози их суть древяни и каменни, и посребрени и позлащени. Epistle of Jeremiah 1:70 Тем же образом и хвраст, иже во ограде, на немже вся птицы седают: такожде и мертвецу повержену во тме подобни суть бози их, древяни, позлащени и посребрени. Epistle of Jeremiah 1:71 От багряницы, (в нюже одеяни,) и от мрамора, иже на них плеснивеет, познайте, яко не суть бози: тии бо последи изядени будут от червия и будут во укоризну во стране. Epistle of Jeremiah 1:72 Лучше убо есть человек праведен не имеяй кумиров, будет бо далече от укоризны.
Baruch 0:0
Книга пророка Варуха Baruch 1:0 Baruch 1:1 Сия словеса книги, юже написа Варух сын Нириин, сына Маасеева, сына Седекиина, сына Асадеева, сына Хелкиина в Вавилоне, Baruch 1:2 в пятое лето, в седмый день месяца, во время, в неже взяша Халдее Иерусалим и пожгоша его огнем. Baruch 1:3 И прочте Варух словеса книги сея во ушы Иехонии сына Иоакима царя Иудина и во ушы всех людий приходящих ко книзе, Baruch 1:4 и во ушы сильных и сынов царских и во ушы старейшин, и во ушы всех людий от мала и до велика их, всех живущих в Вавилоне при реце Суд. Baruch 1:5 И плакахуся, и постяхуся, и моляхуся молитвами пред Господем, Baruch 1:6 и собраша сребро, якоже когождо можаше рука, Baruch 1:7 и послаша во Иерусалим ко Иоакиму жерцу великому, сыну Хелкиину сына Саломля и ко жерцем и ко всем людем, иже обретошася с ним во Иерусалиме, Baruch 1:8 внегда взя сосуды храма Господня изнесеныя от храма возвратити на землю Иудину, в десятый день месяца Сиван, сосуды сребряны, яже сотвори Седекиа сын Иосиин царь Иудин, Baruch 1:9 повнегда пресели Навуходоносор царь Вавилонский Иехонию и князи, и узники и сильныя и люди земли от Иерусалима, и введе я (связаны) в Вавилон. Baruch 1:10 И рекоша: се, послахом к вам сребро, да купите на сребре всесожжения за грех и фимиам, и сотворите жертву и вознесите на жертвенник Господа Бога нашего, Baruch 1:11 и молитеся за житие Навуходоносора царя Вавилонскаго и за житие Валтасара сына его, да будут дние их, якоже дние небеснии, на земли. Baruch 1:12 И да даст Господь крепость нам и да просветит очи наши, и да живем под сению Навуходоносора царя Вавилонска и под сению Валтасара сына его, да работаем им дни многи и обрящем благодать пред ними. Baruch 1:13 И молитеся за нас ко Господеви Богу нашему, яко согрешихом Господеви Богу нашему, и не отвратися ярость Господня и гнев Его от нас до сего дне. Baruch 1:14 И прочтите книгу сию, юже послахом к вам, исповедати в дому Господни в день праздника, во дни годовыя, Baruch 1:15 и да речете: Господу Богу нашему правда, а нам стыдение лиц, якоже день сей, человеку Иудину и живущым во Иерусалиме, Baruch 1:16 и царем нашым и князем нашым, и жерцем нашым и пророком нашым и отцем нашым: Baruch 1:17 понеже согрешихом пред Господем Baruch 1:18 и не покорихомся Ему и не послушахом гласа Господа Бога нашего ходити в повелениих Его, яже даде пред лицем нашим. Baruch 1:19 От дне, в оньже изведе Господь отцы нашя от земли Египетски, и до сего дне бехом не покаряющеся Господеви Богу нашему и отметахомся, еже не послушати гласа Его. Baruch 1:20 И прильпе к нам зло и клятва, юже сочини Господь Моисею отроку Своему в день, в оньже изведе Господь отцы нашя от земли Египетския, дати нам землю кипящую млеком и медом, якоже день сей. Baruch 1:21 И не послушахом гласа Господа Бога нашего по всем словесем пророческим, яже посла к нам, Baruch 1:22 и хождахом кийждо нас по разуму сердца своего злаго работати богом инем, творити злая пред очима Господа Бога нашего. Baruch 2:0 Baruch 2:1 И устави Господь слово Свое, еже глагола на нас и на судий наших, судивших во Израили, и на цари нашя и на князи нашя, и на всякаго человека Израилева и Иудина, Baruch 2:2 навести на ны зло велие, еже не сотворися под всем небесем, якоже сотворися во Иерусалиме, по писанным в законе Моисеове, Baruch 2:3 еже ясти нам плоть человеческу сына своего и плоть человеческу дщере своея. Baruch 2:4 И даде я подручны всем царствам, яже окрест нас, на укоризну и в непрохождение во всех людех, иже окрест нас, аможе их разсея Господь. Baruch 2:5 И быхом во исподи, а не в верху, яко согрешихом Господеви Богу нашему, не слушающе гласа Его. Baruch 2:6 Господеви Богу нашему правда, нам же и отцем нашым стыдение лиц, якоже день сей. Baruch 2:7 Иже глагола Господь на нас вся злая, сия приидоша на ны, Baruch 2:8 зане не молихомся лицу Господню, еже отвратитися комуждо от мыслей сердца своего злаго. Baruch 2:9 И убудися Господь о злобах и наведе на нас сия, (яже постигоша ны,) яко праведен Господь во всех делех Своих, яже заповеда нам. Baruch 2:10 И не послушахом гласа Его ходити в повелениих Его, яже даде пред лицем нашим. Baruch 2:11 И ныне, Господи Боже Израилев, иже извел еси люди Твоя из земли Египетския рукою крепкою и мышцею высокою, знамении и чудесы и силою великою, и сотворил еси Себе имя, якоже день сей, Baruch 2:12 согрешихом, нечествовахом, неправдовахом, Господи Боже наш, во всех оправданиих Твоих. Baruch 2:13 Да отвратится убо от нас ярость Твоя, яко остася нас мало во языцех, аможе разсеял ны еси. Baruch 2:14 Услыши, Господи, молитву нашу и прошение наше, и избави нас Тебе ради, и даждь нам благодать пред лицем преселивших нас: Baruch 2:15 да увесть вся земля, яко Ты Господь Бог наш, и яко имя Твое призвася на Израили и на племени его. Baruch 2:16 Господи, призри из дому святаго Твоего на нас и вонми нам, и приклони ухо Твое и услыши нас. Baruch 2:17 Отверзи, Господи, очи Твои и виждь, яко не умершии, иже во аде, ихже взяся дух их от утроб их, воздадят Тебе славу и оправдание Господеви: Baruch 2:18 но душа сетующая о величестве зла, иже ходит слячен и боляй, и очи оскудевающии, и душа алчущая воздадят Тебе славу и правду, Господи! Baruch 2:19 Яко не по оправданием отец наших, ни царей наших (изливаем молитвы) мы, и предлагаем молитвы нашя пред лицем Твоим, Господи Боже наш! Baruch 2:20 Яко послал еси ярость Твою и гнев Твой на нас, якоже глаголал еси рукою отрок Твоих пророк, глаголя: Baruch 2:21 тако рече Господь: приклоните рамена ваша и послужите царю Вавилонскому, и седите на земли, юже дах отцем вашым: Baruch 2:22 и аще не послушаете гласа Господня, еже работати царю Вавилонску, оскудение сотворю из градов Иудиных и внеуду Иерусалима, Baruch 2:23 и отиму (от вас) глас веселия и глас радования, глас жениха и глас невесты, и будет вся земля в непрохождение от живущих. Baruch 2:24 И не послушахом гласа Твоего служити царю Вавилонску: и уставил еси словеса Твоя, яже глаголал еси рукою отрок Твоих пророков, еже изнести кости царей наших и кости отец наших от места их. Baruch 2:25 И се, суть извержены зною дневному и студени нощней, и изомроша болезньми злыми, гладом и мечем и затчением. Baruch 2:26 И положил еси дом Твой, в немже наречеся имя Твое, якоже день сей, злобы ради дому Израилева и дому Иудина. Baruch 2:27 И сотворил еси в нас, Господи Боже наш, по всей тихости Твоей и по всем щедротам Твоим великим, Baruch 2:28 якоже глаголал еси рукою раба Твоего Моисеа в день, в оньже заповедал еси ему вписати закон Твой пред сыны Израилевыми, глаголя: Baruch 2:29 аще не послушаете гласа Моего, множество сие великое и многое обратится в мал язык во языцех, аможе Аз разсею я: Baruch 2:30 разумех бо, яко не имут послушати Мене, яко людие жестоковыйни суть, и обратятся к сердцу своему на земли преселения своего, Baruch 2:31 и уведят, яко Аз Господь Бог их: и дам им сердце, (и уразумеют,) и ушы, и услышат, Baruch 2:32 и похвалят Мя на земли преселения своего, и помянут имя Мое, Baruch 2:33 и обратятся от хребта своего жестокаго и от злоб своих, яко помянут путь отец своих согрешивших пред Господем: Baruch 2:34 и возвращу я на землю, еюже кляхся отцем их, Аврааму и Исааку и Иакову, и возобладают ею: и умножу я, и не умалятся: Baruch 2:35 и уставлю им завет вечен, еже быти Мне им в Бога, и тии будут Мне людие: и не подвигну ктому людий Моих Израиля и земли, юже дах им. Baruch 3:0 Baruch 3:1 Господи Вседержителю, Боже Израилев, душа в тесноте и дух в стужении возопи к Тебе: Baruch 3:2 услыши, Господи, и помилуй, яко еси Бог милосерд, и помилуй нас, яко согрешихом пред Тобою: Baruch 3:3 яко Ты пребываяй во век, мы же погибающии во век. Baruch 3:4 Господи Вседержителю, Боже Израилев, услыши молитву умерших Израилевых и сынов согрешивших пред Тобою, иже не послушаша гласа Господа Бога своего, и прильпоша нам злая. Baruch 3:5 Не помяни неправд отец наших, но помяни руку Твою и имя Твое в сие время, Baruch 3:6 яко Ты Господь Бог наш, и похвалим Тя, Господи: Baruch 3:7 яко того ради дал еси страх Твой в сердце наше, еже призывати имя Твое, и похвалим Тя во преселении нашем, яко отвратихом от сердца нашего всю неправду отец наших согрешивших пред Тобою. Baruch 3:8 Се, мы днесь во преселении нашем, аможе ны разсыпал еси на укоризну и на клятву и на удержание, по всем неправдам отец наших, иже отступиша от Тебе, Господи Боже наш. Baruch 3:9 Слыши, Израилю, заповеди живота, внуши разумети смышление. Baruch 3:10 Что есть, Израилю? Что яко еси на земли вражии? Обетшал еси на земли чуждей, осквернился еси с мертвыми, Baruch 3:11 вменился еси с сущими во аде, Baruch 3:12 оставил еси источника премудрости. Baruch 3:13 Аще бы путем Божиим ходил еси, жил бы в мире во время вечное. Baruch 3:14 Научися, где есть смышление, где есть крепость, где есть мудрость? Еже разумети купно, где есть долгожитие и жизнь, где есть свет очес и мир? Baruch 3:15 Кто обрете место ея, и кто вниде в сокровища ея? Baruch 3:16 Где суть князи язычестии и владеющии зверьми сущими на земли, играющии птицами небесными Baruch 3:17 и хранящии злато и сребро, на неже уповаша человецы, и несть конца стяжанию их? Baruch 3:18 Яко делающии сребро и пекущиися, и несть изобретения дел их. Baruch 3:19 Погибоша и во ад снидоша, и инии вместо их восташа. Baruch 3:20 Юнейшии видеша свет и вселишася на земли, пути же хитрости не уведеша, Baruch 3:21 ни разумеша стезь ея, ниже прияша ея сынове их, от пути своего далече быша. Baruch 3:22 И не слышася в Ханаане, ниже явися во Фемане: Baruch 3:23 сынове Агарини взыскующии разума, иже на земли, купцы Мерани и Фемани, и баснословцы и взыскателие разума, пути премудрости не уведеша, ниже помянуша стезь ея. Baruch 3:24 О, Израилю, коль велик дом Божий и пространно место селения его! Baruch 3:25 Велико и не имать конца, высоко и безмерно. Baruch 3:26 Тамо быша исполини именитии, бывшии исперва зело велицы, умеюще воевати. Baruch 3:27 Не сих избра Бог, ни пути хитростнаго даде им, Baruch 3:28 и погибоша, занеже не имеша мудрости, погибоша за безсоветие свое. Baruch 3:29 Кто взыде на небо, и взя ю, и снесе ю от облак? Baruch 3:30 Кто прейде на ону страну моря, и обрете ю, и возмет ю за злато избранно? Baruch 3:31 Несть ведущаго путь ея, ни помышляющаго стезь ея: Baruch 3:32 но Ведый вся весть ю, изобрете ю смыслом Своим: Сотворивый землю в вечное время наполни ю скотом двоножным и четвероножным. Baruch 3:33 Посылаяй свет, и идет: призва его, и послуша Его со трепетом. Baruch 3:34 Звезды же возсияша во хранилищих своих и возвеселишася. Baruch 3:35 Призва я, и рекоша: приидохом: возсияша с веселием Сотворшему я. Baruch 3:36 Сей Бог наш, не вменится ин к Нему. Baruch 3:37 Изобрете всяк путь хитрости и даде ю Иакову отроку Своему и Израилю возлюбленному от Него. Baruch 3:38 Посем на земли явися и с человеки поживе. Baruch 4:0 Baruch 4:1 Сия книга повелений Божиих и закон сый во век: вси держащиися ея в живот (внидут), оставившии же ю умрут. Baruch 4:2 Обратися, Иакове, и имися ея, ходи ко сиянию прямо света ея. Baruch 4:3 Не даждь иному славы твоея, и полезных тебе языку чуждему. Baruch 4:4 Блажени есмы, Израилю, яко угодная Богу нам разумна суть. Baruch 4:5 Дерзайте, людие мои, память Израилева. Baruch 4:6 Продани бысте языком не на пагубу: понеже разгневасте Бога, предани бысте супостатом, Baruch 4:7 преогорчисте бо Сотворшаго вас, (Бога вечнаго,) пожерше бесом, а не Богу: Baruch 4:8 забысте бо Господа питающаго вас, опечалисте же и воспитавшаго вас Иерусалима. Baruch 4:9 Виде бо нашедший вам гнев от Бога и рече: слышите, приселницы Сиони, наведе бо ми Господь сетование велико, Baruch 4:10 видех бо пленение людий сынов моих и дщерей, еже наведе им Вечный. Baruch 4:11 Питах бо я с веселием, испустих же я с плачем и рыданием. Baruch 4:12 Никтоже да радуется о мне вдовице и оставленней от многих, опустех за грехи чад моих, понеже уклонишася от закона Божия, Baruch 4:13 и оправданий Его не познаша, и не ходиша в путех заповедий Божиих, ниже стезьми наказания в правде Его ступаша. Baruch 4:14 Да приидут окрестнии Сиони, и помяните пленение сынов моих и дщерей, еже наведе им Вечный: Baruch 4:15 наведе бо на ня язык издалеча, язык безстудный и иноязычный: Baruch 4:16 понеже не усрамишася старца, ни помиловаша отрочате, и отведоша любезных вдовичих, и от дщерей едину опустошиша. Baruch 4:17 Аз же како мощен помощи вам? Baruch 4:18 Наведый бо вам злая избавит вас от руки враг ваших. Baruch 4:19 Идите, чада, идите: аз бо остахся пуста, Baruch 4:20 совлекохся ризы мирныя, облекохся же во вретище моления моего: возопию к Вечному во дни моя. Baruch 4:21 Дерзайте, чада, возопийте к Богу, и избавит вас от насилия руки вражия. Baruch 4:22 Аз бо (исперва) надеяхся на Вечнаго о спасении вашем: и прииде ми радость от Святаго в помиловании, еже приидет вам вскоре от Вечнаго Спаса нашего. Baruch 4:23 Испустих бо вас с рыданием и плачем, отдаст же ми Бог вас с радостию и веселием в век. Baruch 4:24 Якоже бо ныне видеша приселницы Сиони ваше пленение (от Бога), такожде узрят вскоре спасение ваше от Бога, еже приидет вам со славою великою и со освещением Вечнаго. Baruch 4:25 Чада, долготерпите иже от Бога нашедший вам гнев, гонил бо тя враг твой, и узриши пагубу его вскоре и на выю его наступиши. Baruch 4:26 Младии мои ходиша в пути жестоки, восхищени суть, якоже стадо похищено врагами. Baruch 4:27 Дерзайте, чада, и возопийте к Богу, будет бо вам от Наведшаго память. Baruch 4:28 Якоже бо бысть ум ваш заблудити вам от Бога, тако ныне десятижды усугубите обратившеся взыскати Его: Baruch 4:29 Наведый бо вам злая наведет вам вечное веселие со спасением вашим. Baruch 4:30 Дерзай, Иерусалиме, утешит тя нарекий тебе. Baruch 4:31 Окаянни озлобившии тя и радовавшиися о падении твоем, (мщение будет над ними). Baruch 4:32 Окаянни гради, имже поработаша чада твоя, окаянна приимшая сыны твоя. Baruch 4:33 Якоже бо порадовася о твоем падении и возвеселися о разорении твоем, такожде опечалится о своем запустении. Baruch 4:34 И отсеку от нея веселие многонародства, и величание ея будет в рыдание. Baruch 4:35 Огнь и найдет на ню от Вечнаго во дни многи, и населится бесами на множайшее время. Baruch 4:36 Воззри на восток, Иерусалиме, и виждь веселие грядущее тебе от Бога. Baruch 4:37 Се, грядут сынове твои, ихже испустил еси, грядут собрани от восток даже до запад словом Святаго, радующеся о славе Божией. Baruch 5:0 Baruch 5:1 Совлецы, Иерусалиме, ризы плачевныя и озлобления твоего и облецыся в лепоту славы, яже тебе бысть от Бога во век. Baruch 5:2 Облецыся во одежду правды, яже от Бога, возложи венец на главу твою славы Вечнаго. Baruch 5:3 Бог бо явит всей поднебесней твою светлость. Baruch 5:4 Наречется бо от Бога имя твое во веки: мир правды и слава богочестия. Baruch 5:5 Востани, Иерусалиме, и стани на высоце, и поглядай на востоки, и виждь собраная чада твоя от восток солнца до запада словом Святаго, радующаяся Божиею памятию. Baruch 5:6 Изыдоша бо от тебе пеши ведоми от врагов, введет же я Бог к тебе несомых со славою, яко сыны царства. Baruch 5:7 Совеща бо Бог смиритися всяцей горе высоцей и холмом вечным, и юдолиям наполнитися в равень земную, да идет Израиль утвержен славою Божиею. Baruch 5:8 Осениша же и дубравы и всяко древо благовонством Израилю, повелением Божиим. Baruch 5:9 Предидет бо Бог Израилеви со веселием, светом славы Своея, с помилованием и правдою, яже от Него.
Ezekiel 0:0
Книга пророка Иезекииля Ezekiel 1:0 Ezekiel 1:1 И бысть в тридесятое лето, в четвертый месяц, в пятый день месяца, и аз бых посреде пленения при реце Ховар: и отверзошася небеса, и видех видения Божия. Ezekiel 1:2 В пятый день месяца, сие лето пятое пленения царя Иоакима, Ezekiel 1:3 и бысть слово Господне ко Иезекиилю сыну Вузиеву, священнику, в земли Халдейстей при реце Ховар. И бысть на мне рука Господня, Ezekiel 1:4 и видех, и се, дух воздвизаяйся грядяше от севера, и облак великий в нем, и свет окрест его, и огнь блистаяйся: Ezekiel 1:5 и посреде его яко видение илектра посреде огня, и свет в нем: и посреде яко подобие четырех животных. И сие видение их, яко подобие человека в них: Ezekiel 1:6 и четыри лица единому, и четыри крила единому, Ezekiel 1:7 и голени их правы, и пернаты ноги их, и искры яко блистающаяся медь, и легка крила их, Ezekiel 1:8 и рука человеча под крилами их на четырех странах их: Ezekiel 1:9 и лица их, и крила их четырех держащаяся друг друга, лица же их четырех не обращахуся внегда ходити им: коеждо прямо лица своего хождаху. Ezekiel 1:10 И подобие лиц их, лице человечее и лице львово одесную четырем, и лице телчее ошуюю четырем, и лице орлее четырем: Ezekiel 1:11 (и лица их) и крила их простерта свыше четырем, коемуждо два сопряжена друг ко другу, и два покрываху верху телесе их, и коеждо прямо лицу своему идяше: Ezekiel 1:12 идеже аще бяше дух шествуяй, идяху и не обращахуся. Ezekiel 1:13 И посреде животных видение, яко углия огня горящаго, яко видение свещ сообращающихся посреде животных, и свет огня, и от огня исхождаше яко молния: Ezekiel 1:14 и животная течаху и обращахуся, яко видение везеково. Ezekiel 1:15 И видех, и се, коло едино на земли держащееся животных четырех: Ezekiel 1:16 и видение колес и сотворение их, яко видение Фарсиса, и подобие едино четырем: и дело их бяше, якоже аще бы было коло в колеси: Ezekiel 1:17 на четыри страны их шествоваху: не обращахуся, внегда шествовати им, Ezekiel 1:18 ниже хребты их, и высота бяше им. И видех та, и плеща их исполнена очес окрест четырем: Ezekiel 1:19 и внегда шествовати животным, шествоваху и колеса держащеся их: и внегда воздвизатися животным от земли, воздвизахуся и колеса. Ezekiel 1:20 Идеже аще бяше облак, тамо бяше и дух, еже шествовати: шествоваху и животная, и колеса воздвизахуся с ними, зане дух жизни бяше в колесех. Ezekiel 1:21 Внегда идяху сия, идяху (и колеса), и внегда стояти им, стояху (и колеса с ними), и егда воздвизахуся от земли, воздвизахуся с ними (и колеса), яко дух жизни бяше в колесех. Ezekiel 1:22 И подобие над главою животных яко твердь, яко видение кристалла, простертое над крилами их свыше: Ezekiel 1:23 и под твердию крила их простерта, паряще друг ко другу, комуждо два спряжена, прикрывающе телеса их. Ezekiel 1:24 И слышах глас крил их, внегда паряху, яко глас вод многих, яко глас Бога Саддаи: и внегда ходити им, глас слова яко глас полка: и внегда стояти им, почиваху крила их. Ezekiel 1:25 И се, глас превыше тверди сущия над главою их: внегда стояти им, низпускахуся крила их. Ezekiel 1:26 И над твердию, яже над главою их, яко видение камене сапфира, подобие престола на нем, и на подобии престола подобие якоже вид человечь сверху. Ezekiel 1:27 И видех яко видение илектра, яко видение огня внутрь его окрест: от видения чресл и выше и от видения чресл даже до долу видех видение огня, и свет его окрест: Ezekiel 1:28 яко видение дуги, егда есть на облацех в день дождя, тако стояние света окрест. Ezekiel 2:0 Ezekiel 2:1 Сие видение подобие славы Господни. И видех, и падох ниц, и слышах глас Глаголющаго, и рече ко мне: сыне человечь, стани на ноги твоя, и возглаголю тебе. Ezekiel 2:2 И прииде на мя дух, и взя мя, и воздвиже мя, и постави мя на ногах моих, и слышах Его глаголюща ко мне. Ezekiel 2:3 И рече (Господь) ко мне: сыне человечь, послю тя Аз к дому Израилеву, огорчевающым Мя, иже огорчиша Мя: сами и отцы их отвергошася Мене до днешняго дне: Ezekiel 2:4 и сынове жестоколичнии и твердосердечнии. Аз послю тя к тем, и речеши к ним: тако глаголет Адонаи Господь: Ezekiel 2:5 аще убо услышат, или убоятся, зане дом огорчеваяй есть, и познают, яко пророк еси ты посреде их. Ezekiel 2:6 И ты, сыне человечь, да не убоишися их, ни ужасайся от лица их: зане разсверепеют и обыдут тя окрест, посреде бо скорпиев ты живеши: словес их не убойся и от лица их не ужасайся, зане дом огорчеваяй есть: Ezekiel 2:7 и возглаголеши словеса Моя к ним, аще убо услышат, или убоятся, зане дом прогневаяй есть. Ezekiel 2:8 И ты, сыне человечь, послушай Глаголющаго к тебе, не буди огорчеваяй, якоже дом преогорчеваяй: отверзи уста твоя и снеждь, яже Аз даю тебе. Ezekiel 2:9 И видех, и се, рука простерта ко мне, и в ней свиток книжный: Ezekiel 2:10 и разви его предо мною, и в том писана быша предняя и задняя: и вписано бяше в нем рыдание и жалость и горе. Ezekiel 3:0 Ezekiel 3:1 И рече ко мне: сыне человечь, снеждь свиток сей, и иди и рцы сыном Израилевым. Ezekiel 3:2 И отверзох уста моя, и напита мя свитком сим Ezekiel 3:3 и рече ко мне: сыне человечь, уста твоя снедят, и чрево твое насытится свитка сего даннаго тебе. И снедох его, и бысть во устех моих яко мед сладок. Ezekiel 3:4 И рече ко мне: сыне человечь иди и вниди в дом Израилев, и глаголи словеса Моя к ним: Ezekiel 3:5 яко не к людем глубокоречивым и косноязычным посылаемь еси, к дому Израилеву, Ezekiel 3:6 ниже к людем многим иноязычным, иноречивым, ни тяжким языком сущым, ихже не разумел бы еси словес: аще же и к тацем послал бых тя, то и тии послушали быша тебе: Ezekiel 3:7 а дом Израилев не восхощет послушати тебе, понеже не хотят слушати Мене, яко весь дом Израилев непокориви суть и жестокосерди: Ezekiel 3:8 и се, дах лице твое сильно противу лица их, и прю твою укреплю противу при их: Ezekiel 3:9 и будет, всегда крепчае камене дах прю твою: не убойся их, ни ужасайся лица их, зане дом разгневаяй есть. Ezekiel 3:10 И рече ко мне: сыне человечь, вся словеса, яже глаголах с тобою, возми в сердце твое и ушима твоима послушай: Ezekiel 3:11 и шед вниди в плен к сыном людий твоих, и речеши к ним и возглаголеши к ним: тако глаголет Адонаи Господь: аще убо послушают и аще убо повинутся. Ezekiel 3:12 И взя мя дух, и слышах глас за собою труса велика, глаголющих: благословена слава Господня от места Его. Ezekiel 3:13 И видех глас крил животных скриляющихся друг ко другу, и глас колес держащься их, и глас труса велика. Ezekiel 3:14 И дух воздвиже мя и взя мя, и поидох вознесен во устремлении духа моего, и рука Господня бысть на мне крепкая. Ezekiel 3:15 И внидох в пленники вознесен, и обыдох живущыя на реце Ховар, и седох ту седмь дний, ходя посреде их. Ezekiel 3:16 И бысть по седмих днех слово Господне ко мне глаголя: Ezekiel 3:17 сыне человечь стража дах тя дому Израилеву, да слышиши слово от уст Моих и воспретиши им от Мене. Ezekiel 3:18 Внегда глаголати Ми беззаконнику: смертию умреши: и не возвестиши ему, ни соглаголеши, еже остатися беззаконнику и обратитися от пути своего, еже живу быти ему: беззаконник той в беззаконии своем умрет, крове же его от руки твоея взыщу. Ezekiel 3:19 И ты аще возвестиши беззаконнику, и не обратится от беззакония своего и от пути своего (беззаконна): той беззаконник во беззаконии своем умрет, а ты душу твою избавиши. Ezekiel 3:20 И егда совратится праведник от правд своих и сотворит согрешение: и дам муку пред ним, той умрет, яко ты не воспретил еси ему, и во гресех своих умрет, зане не помянутся правды его, яже сотвори: крове же его от руки твоея взыщу. Ezekiel 3:21 Ты же аще возвестиши праведному, еже не согрешити, и той не согрешит: праведный жизнию поживет, яко воспретил еси ему, и ты твою душу избавиши. Ezekiel 3:22 И бысть на мне рука Господня, и рече ко мне: востани и изыди на поле, и тамо возглаголется к тебе. Ezekiel 3:23 И востах и изыдох на поле: и се, тамо слава Господня стояше, якоже видение и якоже слава Господня, юже видех на реце Ховар, и падох на лицы моем. Ezekiel 3:24 И прииде на мя дух и постави мя на ногу моею: и глагола ко мне и рече ми: вниди и затворися среде дому твоего. Ezekiel 3:25 И ты, сыне человечь, се, дашася на тя узы, и свяжут тя ими, и не изыдеши от среды их: Ezekiel 3:26 и язык твой привяжу к гортани твоему, и онемееши и не будеши им в мужа обличения, понеже дом разгневаяй есть: Ezekiel 3:27 и внегда глаголати Ми к тебе, отверзу уста твоя, и речеши к ним: сия глаголет Адонаи Господь: слышай да слышит, и не покаряяйся да не покаряется, зане дом преогорчеваяй есть. Ezekiel 4:0 Ezekiel 4:1 И ты, сыне человечь, возми себе плинфу и положи ю пред лицем твоим, и да напишеши на ней град Иерусалим, Ezekiel 4:2 и да даси окрест его ограждение, и да соградиши над ним забрала и обложиши его острогом, и да поставиши окрест его полки и да учиниши поставления стрельниц окрест: Ezekiel 4:3 ты же возми себе сковраду железну, и да положиши ю в стену железну между тобою и между градом, и да уготовиши лице твое нань, и будет в затворе, и затвориши и: знамение сие есть сыном Израилевым. Ezekiel 4:4 Ты же да спиши на левем боку твоем, и да положиши неправды дому Израилева на нем, по числу дний пятьдесят и сто, в няже поспиши на нем, и возмеши неправды их. Ezekiel 4:5 И Аз дах тебе две неправды их в число дний, в девятьдесят и сто дний, и возмеши неправды дому Израилева. Ezekiel 4:6 И совершиши сия, и поспиши на десных ребрех твоих второе, и возмеши неправды дому Иудина четыредесять дний, день за едино лето положих тебе. Ezekiel 4:7 И на заключение Иерусалима да уготоваеши лице твое, и мышцу твою утвердиши, и пророчествовати будеши на него. Ezekiel 4:8 И се, Аз дах на тя узы, и не превратишися от ребр твоих на ребра твоя, дондеже скончаются дние заключения твоего. Ezekiel 4:9 Ты же (сыне человечь) возми себе пшеницу и ячмень, и боб и лящу, и просо и пыро, и вложиши я в сосуд един глинян: и сотвориши я себе в хлебы, и по числу дний, в няже спиши на ребрех твоих, девятьдесят и сто дний ясти будеши оныя. Ezekiel 4:10 Ядь же твоя, юже ясти будеши, весом двадесять сикль на день, от времене до времене снеси сия. Ezekiel 4:11 И воду мерою пити будеши, и шестую часть ина от времене до времене испиеши. Ezekiel 4:12 И опреснок ячменный снеси я, в лайне мотыл человечих сокрыеши я пред очима их Ezekiel 4:13 и речеши: сия глаголет Господь Бог Израилев: тако снедят сынове Израилевы хлеб свой нечист во языцех, аможе разсыплю я. Ezekiel 4:14 И рех: никакоже, Господи Боже Израилев! Се, душа моя не осквернилася в нечистоте, и мертвечины и звероядины не ядох от рождения моего даже доныне, ниже вниде во уста моя всякое мясо мерзко и сквернаво. Ezekiel 4:15 И рече ко мне: се, дах тебе мотыла говяжая вместо мотыл человечих, и сотвориши хлебы себе в них. Ezekiel 4:16 И рече ко мне: сыне человечь, се, Аз сотру утверждение хлебное во Иерусалиме, и снедят хлеб весом и во оскудении, и воду мерою и в пагубе испиют, Ezekiel 4:17 яко да скудни будут хлебом и водою: и погибнет человек и брат его, и истают в неправдах своих. Ezekiel 5:0 Ezekiel 5:1 Ты же, сыне человечь, возми себе мечь остр паче бритвы стригущаго, притяжи его себе и возложи его на главу твою и на браду твою: и возми превес весов, и размериши я. Ezekiel 5:2 Четвертую часть да сожжеши на огни среде града по исполнению дний затворения: Ezekiel 5:3 и да возмеши четвертую часть и сожжеши ю среде града, четвертую же часть содробиши мечем окрест его, и четвертую часть разсыплеши ветром: и мечь извлеку вслед их. Ezekiel 5:4 И возмеши оттуду мало их числом и ввяжеши я во одежду твою: и от техже возмеши еще и ввержеши я среде огня и сожжеши я на огни: и от того изыдет огнь на весь дом Израилев. И речеши всему дому Израилеву: Ezekiel 5:5 сия глаголет Адонаи Господь: сей Иерусалим, посреде языков положих его, и страны, яже окрест его. Ezekiel 5:6 И речеши: измени оправдания Моя паче языков, и законы Моя паче стран, яже окрест его: понеже оправдания Моя отринуша и по законом Моим не ходиша в них. Ezekiel 5:7 Сего ради тако глаголет Адонаи Господь: понеже вина ваша паче язык, иже окрест вас, и не ходисте и законех Моих и оправданий Моих не сотвористе, но и по судом языческим, яже окрест вас, не сотвористе: Ezekiel 5:8 сего ради сия глаголет Адонаи Господь: се, Аз на тя, и сотворю среде тебе суд пред языки, Ezekiel 5:9 и сотворю среде тебе, ихже не сотворих и ихже не сотворю подобных им ктому, по всем мерзостем твоим. Ezekiel 5:10 Сего ради отцы снедят чад среде тебе, и чада снедят отцев: и сотворю в тебе суды, и разсею вся оставшая от тебе по всему ветру. Ezekiel 5:11 Сего ради живу Аз, глаголет Адонаи Господь, воистинну понеже святая Моя осквернил еси всеми мерзостьми твоими, и Аз отрину тя, и не пощадит око Мое, и Аз не помилую тя. Ezekiel 5:12 Четверть тебе смертию потребится, и четверть тебе гладом скончается среде тебе, четверть же тебе падет мечем окрест тебе, четверть же тебе разсыплю по всему ветру, и мечь извлеку вслед их. Ezekiel 5:13 И скончается ярость Моя и гнев Мой на них, и утешуся, и уведят, яко Аз Господь глаголах во рвении Моем, внегда скончати ми гнев Мой на них. Ezekiel 5:14 И положу тя в пустыню и во укоризну языком сущым окрест тебе и пред всяким проходящим. Ezekiel 5:15 И будеши во стенание и ужас, наказанием и пагубою во языцех, иже окрест тебе, егда сотворю в тебе суды во гнев и в ярость и во отмщение ярости Моея: Аз Господь глаголах: Ezekiel 5:16 и егда послю стрелы глада на ня, и будут во скончание, и послю растлити вы, и глад соберу на вы, и сотру утверждение хлеба твоего, Ezekiel 5:17 и испущу на тя глад и звери люты, и умучу тя, смерть же и кровь пройдут сквозе тя, и мечь наведу на тя окрест: Аз Господь глаголах. Ezekiel 6:0 Ezekiel 6:1 И бысть слово Господне ко мне глаголя: Ezekiel 6:2 сыне человечь, утверди лице твое к горам Израилевым и прорцы к ним, Ezekiel 6:3 и речеши: горы Израилевы, слышите слово Господне, сия глаголет Адонаи Господь горам и холмом, и каменем и дебрем: се, Аз наведу на вы мечь, и потребятся высоты вашя: Ezekiel 6:4 и сокрушатся требища ваша и кумирницы вашя, и повергу язвеных ваших пред кумиры вашими: Ezekiel 6:5 и дам трупы сынов Израилевых пред кумиры их и расточу кости вашя окрест требищ ваших. Ezekiel 6:6 И во всем селении вашем опустеют грады, и высокая ваша погибнут, яко да потребятся требницы ваши и сокрушатся, и престанут кумиры ваши, и отвергутся кумирницы вашя, и потребятся дела ваша: Ezekiel 6:7 и падут язвении посреде вас, и познаете, яко Аз Господь. Ezekiel 6:8 И оставлю еже быти от вас избегшым от меча во языцех, и в разсыпании вашем во странах, Ezekiel 6:9 и помянут Мя уцелевшии от вас во языцех, аможе быша пленени: кляхся бо сердцу их блудившему и отставшему от Мене и очесем их блудившым вслед начинаний их: и бити имут лица своя о злобах, яже твориша во всех мерзостех своих, Ezekiel 6:10 и познают, яко Аз Господь не туне глаголах сотворити им вся злая сия. Ezekiel 6:11 Тако глаголет Адонаи Господь: восплещи рукою и вострепли ногою и рцы: благоже, благоже о всех мерзостех злобы дому Израилева: яко мечем и гладом и смертию падут. Ezekiel 6:12 Дальнии смертию скончаются, а ближнии мечем падут: оставшии же и обдержимии гладом скончаются: и скончаю гнев Мой на них, Ezekiel 6:13 и увесте, яко Аз Господь, егда будут язвении ваши среде кумир ваших окрест требищ ваших, на всяцем холме высоцем и на всех версех горних, и под дубом сенным и под всяким древом чащным, идеже даяху воню благоухания всем кумиром своим. Ezekiel 6:14 И простру руку Мою на ня, и положу землю в пагубу и в потребление от пустыни Девлафа, от всего селения их: и познаете, яко Аз Господь. Ezekiel 7:0 Ezekiel 7:1 И бысть слово Господне ко мне глаголя: Ezekiel 7:2 и ты, сыне человечь, рцы: сия глаголет Господь: земли Израилеве конец прииде, конец прииде на четыри краи земли. Ezekiel 7:3 Пришел есть конец, ныне конец тебе, и испущу ярость Мою на тя, и отмщу тебе по путем твоим, и дам на тя вся мерзости твоя. Ezekiel 7:4 Не пощадит око Мое на тя, и не помилую, зане путь твой на тя дам, и мерзости твоя среде тебе будут, и увеси, яко Аз Господь. Ezekiel 7:5 Темже сия глаголет Адонаи Господь: зло едино зло, се, идет. Ezekiel 7:6 Конец пришел есть, прииде конец, воста на тя, се, прииде. Ezekiel 7:7 Прииде плетение на тя живущаго на земли: прииде время, приближися день, не с молвою, ниже с болезньми. Ezekiel 7:8 Ныне изблизу излию гнев Мой на тя и скончаю ярость Мою на тебе, и осужду тя по путем твоим и дам на тя вся мерзости твоя. Ezekiel 7:9 Не пощадит око Мое, и не помилую, зане пути твоя на тя дам, и мерзости твоя посреде тебе будут, и познаеши, яко Аз Господь бияй. Ezekiel 7:10 Се, день Господень приходит, се, конец пришел есть, изыде плетение, и процвете жезл, Ezekiel 7:11 прозябе укоризна, и сокрушит утверждение беззаконника: и не с плищем, ни с потщанием: и не от них суть, и несть красы в них. Ezekiel 7:12 Прииде время, приближися день: купуяй да не радуется, и продаяй да не плачется, яко гнев на все множество их. Ezekiel 7:13 Занеже притяжаваяй ко продающему ктому не возвратится, и еще в жизни живущему, яко видение на все множество их не возвратится, и человек во очесех жизни своея не укрепится. Ezekiel 7:14 Вострубите трубою и разсудите вся, и не будет грядущаго на рать, яко гнев Мой на все множество их. Ezekiel 7:15 Рать отвне с мечем, глад же и смерть извнутрь: иже на поли мечем скончается, сущих же во граде глад и смерть скончает. Ezekiel 7:16 И уцелеют спасеннии от них и будут на горах яко голубицы скорбяще: и всех избию, коегождо в неправдах его. Ezekiel 7:17 Вся руки разслабеют, и вся стегна окаляются мокростию. Ezekiel 7:18 И препояшутся во вретища, и покрыет я ужас: и на всяцем лицы срам на них, и на всяцей главе плешь. Ezekiel 7:19 Сребро их на стогнах повержется, и злато их презрено будет: сребро их и злато не возможет избавити их в день гнева Господня, души их не насытятся, и чрева их не наполнятся, зане казнь неправостей их бысть. Ezekiel 7:20 Избранныя утвари в гордыню положиша я, и образы мерзостей своих и гнусности сотвориша от них: сего ради дах оная им в нечистоту. Ezekiel 7:21 И предам я в чуждия руце, еже разграбити я, и губителем земли в корысти, и осквернят я. Ezekiel 7:22 И отвращу лице Мое от них, и осквернят стражбу Мою, и внидут в ня неопасно, и осквернят я: Ezekiel 7:23 и сотворят мятеж, понеже земля полна суда крове, и град полн беззакония. Ezekiel 7:24 И приведу злыя языки, и наследят домы их: и отвращу величание крепости их, и осквернятся святая их. Ezekiel 7:25 И моление приидет, и взыщет мира, и не будет. Ezekiel 7:26 Горе на горе будет, и весть на весть будет, и не будет видение от пророка, и закон погибнет от жерца и совет от старец. Ezekiel 7:27 Царь восплачется, и князь облечется в пагубу, и руки людий земли разслабеют: по путем их сотворю им и по судом их отмщу им, и уразумеют, яко Аз Господь. Ezekiel 8:0 Ezekiel 8:1 И бысть в лето шестое в шестый месяц, в пятый день месяца, аз седех в дому моем, и старейшины Иудины седяху предо мною, и бысть на мне рука Адоная Господа. Ezekiel 8:2 И видех, и се, подобие мужа, от чресл его и даже до низу огнь, от чресл же его в верх его якоже видение зари и яко взор илектра. Ezekiel 8:3 И простре подобие руки и взя мя за верх главы моея, и взя мя дух среде земли и среде небесе и веде мя во Иерусалим в видении Божии на преддверие врат внутреннейших зрящих на север, идеже бе столп и образ ревности притяжавающаго. Ezekiel 8:4 И се, ту бяше слава Господа Бога Израилева по видению, еже видех на поли. Ezekiel 8:5 И рече ко мне: сыне человечь, воззри очима твоима на север. И воззрех очима моима на север, и се, от севера ко вратом зрящым на восток требника, идеже образ рвения сего во входе. Ezekiel 8:6 И рече ко мне: сыне человечь, видел ли еси, что сии творят? Беззакония велика дом Израилев творит зде, еже удалятися от святынь Моих: и еще обратився узриши болшая беззакония. Ezekiel 8:7 И введе мя ко предвратию двора, и видех, и се, скважня едина в стене. Ezekiel 8:8 И рече ко мне: сыне человечь, раскопай стену. И раскопах, и се, дверь едина. Ezekiel 8:9 И рече ко мне: вниди и виждь беззакония злая, яже творят сии зде. Ezekiel 8:10 И внидох и видех, и се, всякое подобие гада и скота, суетная гнушения и всяцыи кумиры дому Израилева написани быша на стене всюду около. Ezekiel 8:11 И седмьдесят мужей от старейшин дому Израилева, и Иезониа сын Сафанов посреде их стояше пред лицем их, и кийждо кадилницу свою имеяше в руце своей, и дым кадила восхождаше. Ezekiel 8:12 И рече ко мне: видел ли еси, сыне человечь, яже старцы дому Израилева творят зде, кийждо их на ложи тайнем своем, зане реша: не видит Господь, оставил Господь землю. Ezekiel 8:13 И рече ко мне: еще обратися, и узриши беззакония болшая, яже сии творят. Ezekiel 8:14 И введе мя в преддверие врат дому Господня зрящих на север: и се, тамо жены седящыя плачущяся о Фаммузе. Ezekiel 8:15 И рече ко мне: сыне человечь, видел еси, и еще узриши мерзости их болшыя сих. Ezekiel 8:16 И введе мя во двор дому Господня внутренний, и в преддверие храма Господня, между Еламом и между жертвенником, яко двадесять и пять мужей, задняя своя давших ко храму Господню, и лица их прямо к востоку: и сии покланяются на восток солнцу. Ezekiel 8:17 И рече ко мне: видел еси, сыне человечь, еда мало дому Иудину, еже творити беззакония, яже сотвориша зде? Понеже наполниша землю беззакония, и обратишася разгневати Мя: и се, сии простирают лозу аки ругающеся Мне: Ezekiel 8:18 и Аз сотворю им с яростию: не пощадит око Мое, и не помилую: и воззовут во ушы Мои гласом великим, и не услышу их. Ezekiel 9:0 Ezekiel 9:1 И возопи во ушы мои гласом великим, глаголя: приближися отмщение града: и кийждо имеяше сосуды истребления в руце своей. Ezekiel 9:2 И се, шесть мужей идоша от пути врат высоких зрящих на север, и коемуждо секира (погубления) в руце его: и муж един посреде их облечен в подир, и пояс от сапфира о чреслех его: и внидоша и сташа близ жертвенника медянаго. Ezekiel 9:3 И слава Бога Израилева взыде от Херувимов сущая на них в непокровенное дому: и призва мужа оболчена в подир, иже имеяше на чреслех своих пояс. Ezekiel 9:4 И рече Господь к нему: пройди среде града Иерусалима и даждь знамения на лица мужей стенящих и болезнующих о всех беззакониих бывающих среде их. Ezekiel 9:5 И сим рече, слышащу мне: идите во град вслед его, изсецыте и не пощадите очима вашима и не помилуйте: Ezekiel 9:6 старца и юношу и деву, и младенцы и жены избийте в потребление: а ко всем, на нихже есть знамение, не прикасайтеся: от освященных Моих начните. И начаша от мужей старых, иже беша внутрь в дому. Ezekiel 9:7 И рече к ним: оскверните дом, и наполните пути мертвецев исходяще, и изсецыте (сущих во граде). Ezekiel 9:8 И бысть внегда сечаху их, остах аз и падох ниц, и возопих и рех: горе, (горе,) о, люте мне, Адонаю Господи! Еда потребляеши Ты останки Израилевы, егда разливаеши ярость Твою на Иерусалим? Ezekiel 9:9 И рече ко мне: неправда дому Израилева и Иудина возвеличися зело зело, яко наполнися земля людий многих, и град наполнися неправд и нечистот, яко реша: оставил есть Господь землю и не видит Господь. Ezekiel 9:10 И Аз есмь, и не пощадит око Мое, ни помилую, пути их на главы их дах. Ezekiel 9:11 И се, муж, оболченый в подир и препоясан поясом о чреслех своих, отвещаваше, глаголя: сотворих, якоже заповедал ми еси. Ezekiel 10:0 Ezekiel 10:1 И видех, и се, верху тверди сущия над главою Херувимов, яко камень сапфировый, подобие престола на них. Ezekiel 10:2 И рече к мужу облеченому во утварь: вниди среде колес, яже под Херувимами, и наполни горсти твоя углия огненнаго от среды Херувимов и разсыпли на град. И вниде предо мною: Ezekiel 10:3 Херувими же стояху одесную дому, внегда вхождаше муж, и облак наполни двор внутренний. Ezekiel 10:4 И воздвижеся слава Господня от Херувимов в непокровение дому, и наполни дом облак, и двор наполнися сияния славы Господни: Ezekiel 10:5 и глас крил Херувимских слышашеся даже до внешняго двора, якоже глас Бога Саддаи глаголющаго. Ezekiel 10:6 И бысть внегда заповедаше мужу облеченому во утварь святую, глаголя: возми огнь от среды колес, иже среде Херувимов. И вниде и ста близ колес. Ezekiel 10:7 И простре Херувим руку свою в средину огня сущаго среде Херувимов, и взя и вдаде в руце оболченому во утварь святую, и взя и изыде. Ezekiel 10:8 И видех Херувимы, и се, подобие рук человечих под крилы их. Ezekiel 10:9 И видех, и се, четыри колеса стояху держащеся Херувимов: коло едино держашеся единаго Херувима, и коло едино держашеся другаго Херувима: взор же колес якоже взор камения анфракса: Ezekiel 10:10 и взор их подобие едино четырем, акибы было коло в колеси: Ezekiel 10:11 внегда идяху, на четыри части их идяху, и не обращахуся внегда идяху: яко, на неже место аще зряше начало едино, идяху (вслед его), и не обращахуся, внегда ити им. Ezekiel 10:12 Вся же телеса их и хребты их, и руце их и крила их и колеса полна очес окрест четырех колес. Ezekiel 10:13 Колесам же сим воззвася гелгель, слышащу мне. Ezekiel 10:14 Четыри же лица коемуждо их: единому лице херувимле, лице же другому лице человечо, третие же лице львово и четвертое лице орлее. Ezekiel 10:15 И взяшася Херувими: сие есть животное, еже видех на реце Ховар. Ezekiel 10:16 И егда идяху Херувими, идяху и колеса их, и сии держахуся их: и внегда воздвизаху Херувими крила своя, еже возвыситися от земли, не обращахуся колеса их, и та держахуся их: Ezekiel 10:17 егда стояху тии, стояху и они, и внегда возвышахуся тии, возвышахуся и они с ними: зане дух жизни бе в них. Ezekiel 10:18 И изыде слава Господня от непокровения дому и взыде на Херувимы. Ezekiel 10:19 И воздвигоша Херувими крила своя и возвысишася от земли предо мною: егда изыдоша тии, и колеса держахуся их: и сташа над преддверием врат Дому Господня, яже противу востоку, и слава Господа Бога Израилева бе над ними свыше. Ezekiel 10:20 Сие животное есть, еже видех под Богом Израилевым на реце Ховар, и познах, яко Херувими суть. Ezekiel 10:21 Четыри лица единому, и четыри крила единому, и подобие рук человечих под крилы их. Ezekiel 10:22 И подобие лиц их: сия лица суть, яже видех под славою Бога Израилева при реце Ховар воззрение их: и сия кождо прямо лицу своему идяху. Ezekiel 11:0 Ezekiel 11:1 И воздвиже мя дух и возведе мя ко вратом дому Господня, яже прямо зрят на восток: и се, пред преддверием врат яко двадесять и пять мужей: и видех среде их Иехонию сына Иазерова и Фалтию Ванеова, старейшины людския. Ezekiel 11:2 И рече Господь ко мне: сыне человечь, сии мужие помышляющии суетная и совет творящии лукав во граде сем, Ezekiel 11:3 глаголющии: не в нове ли соградишася домове? Сей есть коноб, мы же мяса. Ezekiel 11:4 Сего ради прорцы на ня, прорцы, сыне человечь. Ezekiel 11:5 И нападе на мя Дух Господень и рече ко мне: глаголи, сия глаголет Господь: тако рекосте, доме Израилев, и умышления духа вашего Аз вем: Ezekiel 11:6 умножисте мертвецы вашя во граде сем и наполнисте пути его язвенных. Ezekiel 11:7 Того ради тако глаголет Адонаи Господь: мертвецы ваши, яже избисте среде его, тии суть мяса, а сей коноб есть, и вас изведу от среды его. Ezekiel 11:8 Меча боитеся, и мечь наведу на вас, глаголет Адонаи Господь: Ezekiel 11:9 и изведу вас от среды его и предам вас в руце чуждих и сотворю в вас суд: Ezekiel 11:10 мечем падете, на горах Израилевых сужду вам, и увесте, яко Аз Господь: Ezekiel 11:11 той не будет вам в коноб, и вы не будете посреде его в мяса: на горах Израилевых сужду вам, Ezekiel 11:12 и увесте, яко Аз Господь, яко по заповедем Моим не ходисте и судов Моих не сотвористе, но по обычаем языков сущих окрест вас сотвористе. Ezekiel 11:13 И бысть внегда прорицати ми, и Фалтиа сын Ванеов умре: и падох ниц и возопих гласом великим, глаголя: горе мне, люте мне, Адонаю Господи! На скончание ли твориши Ты останки Израилевы? Ezekiel 11:14 И бысть слово Господне ко мне глаголя: Ezekiel 11:15 сыне человечь, братия твоя и мужие плена твоего и весь дом Израилев скончася, имже рекоша живущии во Иерусалиме: далече удалитеся от Господа, нам дана есть земля в наследие. Ezekiel 11:16 Сего ради рекох: сия глаголет Адонаи Господь: яко отрину я во языки и разсею я по всей земли, и буду им во освящение мало во странах, аможе внидут тамо. Ezekiel 11:17 Сего ради рцы: сия глаголет Адонаи Господь: и прииму я от язык и соберу я от стран, идеже разсеях я в них, и дам им землю Израилеву: Ezekiel 11:18 и внидут тамо и отвергут вся мерзости ея и вся беззакония ея от нея: Ezekiel 11:19 и дам им сердце ино и дух нов дам им, и исторгну каменное сердце от плоти их и дам им сердце плотяно, Ezekiel 11:20 яко да в заповедех Моих ходят и оправдания Моя сохранят и сотворят я: и будут Ми в люди, и Аз им буду в Бога. Ezekiel 11:21 А ихже сердце по гнусностем их и по беззаконием их ходит, пути тех на главы их положу, глаголет Адонаи Господь. Ezekiel 11:22 И воздвигоша Херувими крила своя, и колеса держащаяся их: слава же Бога Израилева бе на них свыше их. Ezekiel 11:23 И взыде слава Господня от среды града и ста на горе, яже бяше прямо града на восток. Ezekiel 11:24 И дух взя мя и принесе мя на землю Халдейску в пленники, в видении, Духом Божиим. Ezekiel 11:25 И взыдох от видения, еже видех, и глаголах ко пленником вся словеса Господня, яже показа мне. Ezekiel 12:0 Ezekiel 12:1 И бысть слово Господне ко мне глаголя: Ezekiel 12:2 сыне человечь, посреде неправд их ты живеши, иже очи имут видети, и не видят, и ушы имут, еже слышати, и не слышат, зане дом преогорчеваяй есть. Ezekiel 12:3 И ты, сыне человечь, сотвори себе сосуды пленнически, и пленен буди днем пред ними, и преселен буди от места твоего на место другое пред ними, яко да видят, зане дом прогневляяй есть. Ezekiel 12:4 И да изнесеши сосуды твоя, яко сосуд пленнический, днем пред очима их: ты же изыдеши в вечер пред ними, якоже исходит пленник. Ezekiel 12:5 Прокопай себе стену, и да изыдеши сквозе ю пред ними. Ezekiel 12:6 На раменех взят будеши и покровен изыдеши, лице твое покрыеши, и да не видиши земли, понеже чудо тя дах дому Израилеву. Ezekiel 12:7 И сотворих тако все, елико ми заповеда Господь: и сосуды изнесох яко сосуды пленничы днем, и в вечер прокопах себе стену рукою, и отай изыдох, и на рамена взят бых пред ними. Ezekiel 12:8 И бысть слово Господне заутра ко мне глаголя: Ezekiel 12:9 сыне человечь, не реша ли к тебе дом Израилев, дом прогневляяй: что ты твориши? Ezekiel 12:10 Рцы к ним: тако глаголет Господь Бог: ко князю и старейшинам Иерусалимлим, и всему дому Израилеву, иже суть среде их, Ezekiel 12:11 рцы, яко аз чудеса творю, якоже сотворих, сице им будет: во преселении и во пленении изыдут. Ezekiel 12:12 И князь среде их на рамена взят будет, и отай изыдет сквозе стену, и прокопает, еже ему изыти сквозе ю, лице свое покрыет, да не видимь будет очесы, и сам земли не узрит. Ezekiel 12:13 И простру мрежу Мою нань, и ят будет во одержании Моем, и введу его в Вавилон в землю Халдейску, и не узрит ея, и тамо скончается. Ezekiel 12:14 И вся, иже окрест его, помощники его, и вся заступающыя его разсею по всем ветром, и мечь излию вслед их: Ezekiel 12:15 и уведят, яко Аз Господь, егда разсыплю я во языки и разсею я по странам: Ezekiel 12:16 и оставлю от них мужы в число от меча и от глада и от смерти, яко да поведят вся беззакония их во языцех, аможе внидут: и уведят, яко Аз Господь. Ezekiel 12:17 И бысть слово Господне ко мне глаголя: Ezekiel 12:18 сыне человечь, хлеб твой с болезнию снеси и воду твою со страданием и скорбию испиеши. Ezekiel 12:19 И речеши к людем земли: сия глаголет Адонаи Господь живущым в Иерусалиме на земли Израилеве: хлебы своя с недостатком снедят и воду свою с пагубою испиют: яко да погибнет земля со исполнением своим, в нечестии бо вси живущии в ней. Ezekiel 12:20 И гради их населеннии опустеют, и земля их в погибель будет, и увесте, яко Аз Господь. Ezekiel 12:21 И бысть слово Господне ко мне глаголя: Ezekiel 12:22 сыне человечь, кая притча сия вам на земли Израилеве, глаголющым: долги дни, погибе всякое видение? Ezekiel 12:23 Сего ради рцы к ним: тако глаголет Адонаи Господь: отвращу притчу сию, и потом не рекут притчи тоя дом Израилев, яко речеши к ним: приближишася дние и слово всякаго видения. Ezekiel 12:24 Зане не будет ктому всякое видение ложное, и волхвуяй угодная среде сынов Израилевых. Ezekiel 12:25 Яко Аз Господь возглаголю словеса Моя, возглаголю и сотворю и не продолжу ктому: во дни вашя, доме прогневаяй, реку слово и сотворю, глаголет Адонаи Господь. Ezekiel 12:26 И бысть слово Господне ко мне глаголя: Ezekiel 12:27 сыне человечь, се, дом Израилев преогорчеваяй глаголюще глаголют: видение, еже сей видит, на дни многи, и на времена долга сей прорицает. Ezekiel 12:28 Сего ради рцы к ним: сия глаголет Господь Бог: не продолжатся ктому вся словеса Моя, яже возглаголю: яко возглаголю слово и сотворю, глаголет Адонаи Господь. Ezekiel 13:0 Ezekiel 13:1 И бысть слово Господне ко мне глаголя: Ezekiel 13:2 сыне человечь, прорцы на пророки Израилевы прорицающыя и речеши пророком прорицающым от сердца своего, и прорцы и речеши к ним: слышите слово Господне, Ezekiel 13:3 сия глаголет Адонаи Господь: люте прорицающым от сердца своего, ходящым вслед духа своего, а отнюд не видящым. Ezekiel 13:4 Якоже лисицы в пустыни, (тако) пророцы твои (быша), Израилю! Ezekiel 13:5 Не сташа на тверди и собраша стада к дому Израилеву: не восташа глаголющии в день Господень, Ezekiel 13:6 видящии ложная и волхвующии суетная, глаголюще: тако глаголет Господь, Господь же не посла их, и начаша возставляти слово. Ezekiel 13:7 Не ложное ли убо видение видесте и волхвования суетная рекосте? И глаголете, рече Господь: Аз же не глаголах. Ezekiel 13:8 Сего ради рцы: сия глаголет Адонаи Господь: понеже словеса ваша лжива и волхвования ваша суетна, того ради, се, Аз на вы, глаголет Адонаи Господь, Ezekiel 13:9 и простру руку Мою на пророки видящыя лжу и провещавающыя суетная: в наказании людий Моих не будут, и в писании дому Израилева не впишутся, и в землю Израилеву не внидут, и уведят, яко Аз Адонаи Господь. Ezekiel 13:10 Понеже прельстиша людий Моих, глаголюще: мир, мир: и не бяше мира: и сей сограждает стену, а они помазуют ю, падется. Ezekiel 13:11 Глаголи к помазующым ю: падется, и будет туча потопляющая, и дам камение стрельное в свузы их, и падутся, и ветр воздвижущь размещет, и разсядется. Ezekiel 13:12 И се, падеся стена, и не рекут ли к вам: где есть помазание ваше, имже помазасте? Ezekiel 13:13 Того ради сия глаголет Адонаи Господь: и навергу бурю разоряющую со яростию, и туча потопляющи гневом Моим будет, и камение стрельное наведу яростию во скончание: Ezekiel 13:14 и раскопаю стену, юже помазасте, и падется, и положу ю на земли, и открыются основания ея, и падется, и скончаетеся со обличением и познаете, яко Аз Господь: Ezekiel 13:15 и скончаю ярость Мою на стене и на помазующих ю, и падет. И рекох к вам: несть стены, ни помазующих ея, Ezekiel 13:16 пророцы Израилевы, прорицающии на Иерусалим и видящии ему мир, и несть мира, глаголет Адонаи Господь. Ezekiel 13:17 И ты, сыне человечь, утверди лице твое на дщери людий твоих, на прорицающыя от сердца своего, и прорцы на них, Ezekiel 13:18 и речеши: сия глаголет Адонаи Господь: горе сшивающым возглавийцы под всякий лакоть руки и сотворяющым покрывала над всякую главу всякаго возраста, еже развратити душы: души развратишася людий Моих, и душ снабдеваху: Ezekiel 13:19 и осквернавляху Мя у людий Моих, горсти ради ячмене и ради укруха хлеба, еже избити душы, имже не подобаше умрети, и оживити душы, имже не подобаше жити, провещающе людем Моим, послушающым лживых провещаний. Ezekiel 13:20 Сего ради сия глаголет Господь: се, Аз на возглавия ваша, имиже вы развращаете душы тамо: и отторгну я от мышцей ваших, и послю душы, яже вы развращасте душы их на разсыпание, Ezekiel 13:21 и растерзаю покрывала ваша, и отиму люди Моя от руки вашея, и ктому не будут в руках ваших на развращение, и познаете, яко Аз Господь: Ezekiel 13:22 понеже развращасте сердце праведнаго неправедно, Аз же не развращах его, и укреплясте руце беззаконнику, еже отнюд не обратитися ему от пути его злаго и живу быти ему, Ezekiel 13:23 сего ради не узрите лжи, и волхвования ктому не имате волхвовати: и избавлю люди Моя от рук ваших, и увесте, яко Аз Господь. Ezekiel 14:0 Ezekiel 14:1 И приидоша ко мне мужие от старец Израилевых и седоша предо мною. Ezekiel 14:2 И бысть слово Господне ко мне глаголя: Ezekiel 14:3 сыне человечь, мужие сии положиша помышления своя на сердцах своих и мучение неправд своих поставиша пред лицем своим: аще отвещаяй отвещаю им? Ezekiel 14:4 Сего ради глаголи к ним и речеши им: сия глаголет Адонаи Господь: человек человек от дому Израилева, иже аще положит мысли своя в сердцы своем и мучение неправды своея учинит пред лицем своим и приидет ко пророку, Аз Господь отвещаю ему о сих, имиже держится мысль его: Ezekiel 14:5 яко да уклонят дом Израилев по сердцам их удаленым от Мене помышленьми их. Ezekiel 14:6 Сего ради рцы дому Израилеву: сия глаголет Господь Бог: обратитеся и отвратитеся от начинаний ваших и от всех нечестий ваших, и обратите лица ваша ко мне: Ezekiel 14:7 зане человек человек от дому Израилева и от пришелцев пришедших ко Израилеви, иже аще удалится от Мене и положит мысли своя на сердцы своем и мучение неправды своея учинит пред лицем своим и приидет ко пророку еже вопросити ему Мене, Аз Господь отвещаю ему, в немже держится он, Ezekiel 14:8 и утвержу лице Мое на человека того и положу его в погибель и в потребление и извергу его от среды людий Моих, и увесте, яко Аз Господь. Ezekiel 14:9 И пророк аще прельстится и речет слово, Аз Господь прельстих пророка того, и простру руку Мою нань и потреблю его от среды людий Израилевых. Ezekiel 14:10 И приимут неправду свою по неправде вопрошающаго, и по неправде такожде пророку будет, Ezekiel 14:11 яко да не прельщается ктому дом Израилев от Мене, и да не оскверняются ктому во всех гресех своих, и будут Ми в люди, Аз же буду им в Бога, глаголет Адонаи Господь. Ezekiel 14:12 И бысть слово Господне ко мне глаголя: Ezekiel 14:13 сыне человечь, земля аще согрешит Ми, еже пастися грехом, и простру руку Мою на ню и сотру утверждение хлебное и пущу на ню глад и возму с нея человеки и скоты, Ezekiel 14:14 и аще будут сии трие мужие среде ея, Ное и Даниил и Иов, тии во правде своей спасутся, глаголет Адонаи Господь: Ezekiel 14:15 аще и звери злыя напущу на землю и умучу ю, и будет в пагубу, и не будет проходящаго сквозе ю от лица зверей, Ezekiel 14:16 и аще будут трие сии мужие среде ея, живу Аз, глаголет Адонаи Господь, ни сынове, ни дщери их спасутся, но токмо сии едини спасутся, а земля в потребление будет: Ezekiel 14:17 аще же наведу на ту землю мечь и реку: мечь да пройдет землю, и возму от нея человека и скота, Ezekiel 14:18 и трие мужие сии будут среде ея, живу Аз, глаголет Адонаи Господь, не избавят ни сынов, ни дщерей своих, но тии едини спасутся: Ezekiel 14:19 аще же и смерть пущу на землю ону и излию ярость Мою на ню в крови, еже потребити от нея человеки и скоты, Ezekiel 14:20 Ное же и Даниил и Иов будут посреде ея, живу Аз, глаголет Адонаи Господь, ни сынове, ни дщери не останут им, тии же во правде своей спасутся и избавят душы своя. Ezekiel 14:21 Сия глаголет Адонаи Господь: аще же и четыри мести Моя лютыя пущу на Иерусалима, мечь и глад, и звери люты и смерть, еже потребити от него человеки и скоты, Ezekiel 14:22 и се, оставлени в нем спасеннии от него, сии изведут сыны и дщери: се, тии изыдут к вам, и узрите пути их и помышления их, и раскаетеся о злых, яже наведох на Иерусалим, вся злая, яже наведох нань, Ezekiel 14:23 и утешат вас: понеже узрите пути их и помышления их, и уразумеете, яко не всуе сотворил есмь вся, елика сотворих в нем, глаголет Адонаи Господь. Ezekiel 15:0 Ezekiel 15:1 И бысть слово Господне ко мне глаголя: Ezekiel 15:2 сыне человечь, что было бы древо лозное от всех древес гроздных, сущих во древесех дубравных? Ezekiel 15:3 Аще возмут от него древо, еже сотворити дело? И аще возмут кол от него, еже обесити на нем кий либо сосуд? Ezekiel 15:4 Разве еже огневи предастся на потребление, летнее очищение его потребляет огнь, и изчезает до конца: еда потребно будет на дело? Ezekiel 15:5 И еще целу ему сущу не будет на дело, кольми паче аще огнь е попалит до конца, будет ли на дело потом? Ezekiel 15:6 Сего ради рцы: сице глаголет Господь Бог: якоже лоза виноградная во древех дубравных, юже дах на потребление огневи, тако дам живущыя во Иерусалиме: Ezekiel 15:7 и дам лице Мое на ня, от огня изыдут, и огнь пояст я: и уведят, яко Аз Господь, егда утвержду лице Мое на них: Ezekiel 15:8 и дам землю в пагубу, зане впадоша в грех, глаголет Адонаи Господь. Ezekiel 16:0 Ezekiel 16:1 И бысть слово Господне ко мне глаголя: Ezekiel 16:2 сыне человечь, засвидетелствуй Иерусалиму беззакония его Ezekiel 16:3 и речеши: сия глаголет Адонаи Господь дщери Иерусалимстей: корень твой и бытие твое от земли Хананейски: отец твой Аморреанин и мати твоя Хеттеаныня: Ezekiel 16:4 и рождение твое, в оньже день родилася еси, не обязаша сосец твоих, и водою не омыша тя на спасение, ни солию осолиша, ниже пеленами повиша: Ezekiel 16:5 и не пощаде тебе око Мое, еже сотворити тебе едино от всех сих, пострадати что о тебе, и отвержена была еси на лице поля стропотством души твоея, в день в оньже родилася еси. Ezekiel 16:6 И проидох сквозе тя и видех тя смешену во крови твоей и рекох ти: от крове твоея жива буди: и рекох тебе: во крови твоей живот твой: Ezekiel 16:7 умножайся, якоже прозябение селное дах тя, и умножилася еси и возвеличилася и вошла еси во грады градов: сосцы твои возрастоша, и власи твои просветлеша, ты же была еси нага и без красы. Ezekiel 16:8 И проидох сквозе тя и видех тя: и се, время твое, яко время витающих: и прострох криле Мои на тя и прикрых студ твой, и кляхся тебе и внидох в завет с тобою, глаголет Адонаи Господь, и была еси Мне: Ezekiel 16:9 и омых тя водою и ополосках кровь твою от тебе и помазах тя елеем, Ezekiel 16:10 и облекох тя в пестроты и обух тя в червлены, и препоясах тя виссоном и возложих на тя трихаптон, Ezekiel 16:11 и украсих тя утварию и возложих запястие на руце твои и гривну на выю твою, Ezekiel 16:12 и дах усерязи на ноздри твоя и колца во ушы твои и венец хвалы на главу твою: Ezekiel 16:13 и украшенна была еси златом и сребром, и одежды твоя виссонны и трихапты и испещрения, семидал и мед и масло яла еси, и была еси добра зело зело, и управилася еси на царство: Ezekiel 16:14 и изыде имя твое во языки в доброте твоей, зане совершенно бе лепотою в красоте, юже учиних на тебе, глаголет Адонаи Господь. Ezekiel 16:15 Ты же уповала еси на доброту твою и соблудила еси во имени твоем и излияла еси блужение твое на всякаго мимоходящаго, тому была еси, емуже не подобаше: Ezekiel 16:16 и взяла еси от риз твоих и сотворила себе кумиры сошвеныя и соблудила еси с ними, и не внидеши, и не будет. Ezekiel 16:17 И взяла еси сосуды хвалы твоея от сребра Моего и злата Моего, от нихже дах тебе, и сотворила себе образы мужески, и соблудила еси в них. Ezekiel 16:18 И взяла еси ризы своя испещренныя и одеялася еси в ня, и масло Мое и фимиам Мой положила еси пред лицем их, Ezekiel 16:19 и хлебы Моя, яже дах тебе, семидалом и маслом и медом напитах тя, и положила еси та пред лицем их в воню благоухания. И бысть по сих, глаголет Адонаи Господь, Ezekiel 16:20 и взяла еси сыны твоя и дщери твоя, яже родила еси, и заклала еси им в потребление. Еда мало соблудила еси? Ezekiel 16:21 И заклала еси чада твоя и дала еси я, внегда принесла еси их на жертву им. Ezekiel 16:22 Сие паче всякаго блуда твоего и гнусностей твоих: и не помянула еси дний младенства твоего, егда была еси нага и безобразна, и смешена во крови твоей жила еси. Ezekiel 16:23 И бысть по всех злобах твоих, горе горе тебе, глаголет Адонаи Господь, Ezekiel 16:24 и создала еси себе храм блуднический и сотворила себе полагания на всех стогнах: Ezekiel 16:25 и в начале всякаго пути создала еси блудилища своя и растлила доброту твою, и разложила голени твоя всякому мимоходящему и умножила еси блуд твой: Ezekiel 16:26 и соблудила с сынми Египетскими соседы твоими дебелоплотными, и многажды блудила еси, еже разгневати Мя. Ezekiel 16:27 И се, простру руку Мою на тя и отвергу законы твоя и предам тя душам ненавидящым тебе, дщерем иноплеменников, совращающым тя с пути твоего, имже нечествовала еси. Ezekiel 16:28 И соблудила еси с сынми Ассировыми и ниже тако насытилася еси: и соблудила и не насытилася, Ezekiel 16:29 и умножила заветы твоя ко земли Хананейстей, Халдейстей, и ниже в сих насытилася еси. Ezekiel 16:30 Что сотворю сердцу твоему, глаголет Адонаи Господь, внегда твориши вся сия дела жены блудницы продерзыя? И соблудила еси трегубо во дщерех твоих. Ezekiel 16:31 Егда соградила еси блудилище твое в начале всякаго пути и высокая твоя сотворила еси на всех стогнах, и не была яко блудница собирающая наем. Ezekiel 16:32 Жена любодейница подобна тебе, от мужа своего вземлющи наем, Ezekiel 16:33 всем блудившым с нею даяше наем: и ты дала еси наем всем рачителем твоим и обременяла их, еже приходити им к тебе отвсюду в блужения твоя. Ezekiel 16:34 И бысть в тебе сопротивно обычаю женску во блужении твоем, и с тобою соблудившым, вместо еже бы дати тебе наем, и наем не дадеся тебе, и бысть в тебе сопротивно. Ezekiel 16:35 Сего ради слыши, блуднице, слово Господне. Ezekiel 16:36 Сия глаголет Адонаи Господь: зане излияла еси медь твою, и открыется срам твой во блужении твоем ко рачителем твоим, и во вся помышления беззаконий твоих, и во крови чад твоих, яже дала еси им: Ezekiel 16:37 сего ради, се, Аз на тя соберу вся похотники твоя, с нимиже смесилася еси, и всех, ихже любила еси, со всеми, ихже ненавидела еси: и соберу я на тя отвсюду и открыю злобы твоя к ним, и узрят весь срам твой. Ezekiel 16:38 И отмщу ти отмщением любодейцы и проливающия кровь, и положу тя во крови ярости и рвения, Ezekiel 16:39 и предам тя в руце их, и раскопают блудилище твое и разорят высокая твоя, и совлекут с тебе ризы твоя и возмут сосуды хвалы твоея, и оставят тя нагу и безстудну: Ezekiel 16:40 и приведут на тя народы, и побиют тебе камением и изсекут тя мечьми своими, Ezekiel 16:41 и запалят домы твоя огнем и сотворят в тебе отмщение пред женами многими: и обращу тя от блужения, и найма ктому не даси. Ezekiel 16:42 И послю ярость Мою на тя, и отимется рвение Мое от тебе: и почию и ктому не попекуся. Ezekiel 16:43 Понеже не помянула еси дний младенства твоего и опечалила Мя во всех сих: и се, Аз пути твоя на главу твою дах, глаголет Адонаи Господь: и тако сотворила еси нечестие по всем беззаконием твоим. Ezekiel 16:44 Сия суть вся, елика рекоша на тя в притчи, глаголюще: якоже мати, тако и дщерь. Ezekiel 16:45 Дщерь матере твоея ты еси, отринувшая мужа своего и чада своя: и сестры сестр твоих, отринувшыя мужей своих и чад своих: мати ваша Хеттеаныня, а отец ваш Аморрей: Ezekiel 16:46 сестра ваша старейшая Самариа, та и дщери ея живущыя ошуюю тебе: и сестра твоя меншая, живущая одесную тебе, Содома и дщери ея. Ezekiel 16:47 Но ниже по путем их ходила еси, ниже сотворила по беззаконием их поне мало, и превозшла еси их во всех путех твоих. Ezekiel 16:48 Живу Аз, глаголет Адонаи Господь, не сотворила Содома сия сестра твоя и дщери ея, якоже ты сотворила и дщери твоя. Ezekiel 16:49 Обаче сие беззаконие Содомы сестры твоея, гордость в сытости хлеба и во изюбилии вина, и сластолюбствоваша та и дщери ея: сие бяше ей и дщерем ея: и руки убогому и нищему не подаяху, Ezekiel 16:50 и величахуся, и сотвориша беззакония предо Мною: и отвергох я якоже видех. Ezekiel 16:51 Самариа же пол грехов твоих не согреши: и умножила еси беззакония твоя паче онех, и оправдала еси сестры твоя во всех беззакониих твоих, яже сотворила еси. Ezekiel 16:52 И ты приими мучение твое, в немже растлила еси сестры твоя во гресех твоих, имиже беззаконновала паче тех, и оправдала их паче тебе: и ты посрамися и приими безчестие твое, внегда оправдати тебе сестры твоя. Ezekiel 16:53 И обращу обращения их, обращение Содомы и дщерей ея, и обращение Самарии и дщерей ея, и обращу обращение твое среде их, Ezekiel 16:54 яко да приимеши мучение твое и безчестна будеши от всех, яже сотворила еси во разгневании моем. Ezekiel 16:55 И сестра твоя Содома и дщери ея возставятся, якоже беша исперва: и Самариа и дщери ея возставятся, якоже беша исперва: и ты и дщери твоя возставитеся, якоже бесте прежде. Ezekiel 16:56 И не была Содома сестра твоя во слышание во устех твоих во днех гордыни твоея, Ezekiel 16:57 прежде откровения злоб твоих, якоже ныне укоризна еси дщерей Сирских и всех сущих окрест ея дщерей иноплеменничих одержащих тя окрест: Ezekiel 16:58 нечестия твоя и беззакония твоя ты понесла еси я, глаголет Господь. Ezekiel 16:59 Сия глаголет Адонаи Господь: и сотворю в тебе, якоже сотворила еси, якоже презрела еси еже преступити завет Мой: Ezekiel 16:60 и воспомяну Аз завет Мой, иже с тобою во днех младенства твоего, и возставлю тебе завет вечный: Ezekiel 16:61 и помянеши пути твоя и безчестна будеши, внегда поймеши сестры твоя старейшыя со юнейшими твоими, и дам я тебе на созидание, но не от завета твоего: Ezekiel 16:62 и возставлю Аз завет Мой с тобою, и увеси, яко Аз Господь: Ezekiel 16:63 яко да помянеши и усрамишися, и не будет тебе ктому отверсти уст твоих от лица безчестия твоего, егда милостив буду тебе по всем, елика сотворила еси, глаголет Адонаи Господь. Ezekiel 17:0 Ezekiel 17:1 И бысть слово Господне ко мне глаголя: Ezekiel 17:2 сыне человечь, повеждь повесть и рцы притчу на дом Израилев, Ezekiel 17:3 и речеши: сия глаголет Адонаи Господь: орел великий, великокрилый, долгий протяжением, исполнь ногтей, иже имать повеление внити в Ливан, и взя избранныя кедра, Ezekiel 17:4 и верхи мягкости острога, и принесе я в землю Хананейску, во граде огражденнем положи я: Ezekiel 17:5 и взя от семене земнаго и даде е на поли плодне, (да утвердит корение) над водами многими, видено учини е: Ezekiel 17:6 и прозябе и бысть в виноград немощен и мал величеством, еже являтися лозию его на нем, и корение его под ним бяше: и бысть в виноград, и сотвори розги, и простре отрасли своя. Ezekiel 17:7 И бысть орел другий велик, великокрилный, мног ногтьми, и се, виноград сей оплетаяся об нем: и корение его к нему, и лозие свое испусти ему, еже напаяти себе со грудием сада своего. Ezekiel 17:8 На поли добре, на воде мнозе питается той, еже сотворити прозябения и приносити плод, еже быти в виноград велик. Ezekiel 17:9 Сего ради рцы: сия глаголет Адонаи Господь: еда исправится? Не корение ли мягкоты его и плод изгниет? И изсхнут вся леторасли его, и не мышцею ли великою, ни людьми многими еже исторгнути его из корения его? Ezekiel 17:10 И се, тыет: еда успеет? Не абие ли, егда коснется ему ветр знойный, посхнет сухотою? Со грудием прозябения своего изсхнет. Ezekiel 17:11 И бысть слово Господне ко мне глаголя: Ezekiel 17:12 сыне человечь, рцы ко дому прогневляющему мя: не весте ли, что суть сия? Рцы им: се, грядет царь Вавилонск на Иерусалим, и возмет царя его и князя его, и отведет я к себе в Вавилон: Ezekiel 17:13 и поймет от племене царска, и завещает с ним завет, и введет его в клятве, и старейшины земли возмет, Ezekiel 17:14 еже быти в царство немощно, еже весьма не возноситися, (но) хранити завет его и стояти в нем: Ezekiel 17:15 и отвержется от него посылая послы своя во Египет дати ему кони и люди многи: еда исправит? Спасется ли творяй сопротивная? И преступаяй завет спасется ли? Ezekiel 17:16 Живу Аз, глаголет Адонаи Господь, аще не на месте, идеже царь воцаривый его, иже похули клятву Мою и иже преступи завет Мой, с ним среде Вавилона скончается. Ezekiel 17:17 И не в силе велицей, ниже в народе мнозе сотворит с ним фараон брань во острозе и в сограждении стрельниц, еже изяти душы многи. Ezekiel 17:18 И похули клятву, еже преступити завет, и се, даде руку свою и вся сия сотвори ему: не спасется. Ezekiel 17:19 Сего ради рцы: сия глаголет Адонаи Господь: живу Аз, аще не клятву Мою, юже похули, и завет Мой, егоже преступи, дам на главу его: Ezekiel 17:20 и простру мрежу Мою нань, и ят будет во одержании ея: и приведу его в Вавилон и разсуждуся с ним тамо о неправде его, еюже неправдова ко Мне: Ezekiel 17:21 и вси избегшии его и вси избраннии со всеми ополчении его мечем падут, и вся оставшая их разсею по всему ветру, и увесте, яко Аз Господь глаголах. Ezekiel 17:22 Сего ради сия глаголет Адонаи Господь: и возму Аз от избранных кедра высокаго от верха и дам от главы отраслей его, сердца их остружу и насажду аз на горе высоце: Ezekiel 17:23 и повешу и в горе высоце Израилеве и насажду и, и прорастит отрасль и сотворит плод и будет в кедр велик: и почиет под ним всяк зверь, и под сению его почиет всяка птица, и лозие его паки устроятся: Ezekiel 17:24 и увесть всяко древо полевое, яко Аз Господь смиряяй древо высокое и возносяй древо смиренное, и изсушаяй древо зеленое и проращаяй древо сухое: Аз Господь глаголах и сотворю. Ezekiel 18:0 Ezekiel 18:1 И бысть слово Господне ко мне глаголя: Ezekiel 18:2 сыне человечь, что вам притча сия на земли Израилеве, глаголющым: отцы ядоша терпкое, а зубом чад их оскомины быша? Ezekiel 18:3 Живу Аз, глаголет Адонаи Господь, аще будет еще глаголема притча сия во Израили. Ezekiel 18:4 Яко вся душы Моя суть, якоже душа отча, тако и душа сыновня, Моя суть: душа, яже согрешит, та умрет, и зобавшаго пародки зубы оскоминны будут. Ezekiel 18:5 Человек же, иже есть праведен творяй суд и правду, Ezekiel 18:6 на горах не снесть и очес своих не воздвигнет на кумиры дому Израилева, и жены ближняго своего не осквернавит и к жене в месячных сущей не приближится, Ezekiel 18:7 и человеку не насильствует, залог должнику отдаст и хищением не восхитит, хлеб свой алчному даст и нагаго облечет в ризу, Ezekiel 18:8 и сребра своего в лихву не даст и прибытка не возмет, и от неправды отвратит руку свою и суд сотворит между мужем и ближним своим, Ezekiel 18:9 и в заповедех Моих ходил и оправдания Моя снабдел, еже творити та: праведен сей есть, жизнию жити имать, глаголет Адонаи Господь. Ezekiel 18:10 И аще родит сына губителя, проливающаго кровь и творяща грехи, Ezekiel 18:11 в путь отца своего праведнаго не ходил, но и на горах пожре, и жену ближняго своего осквернавил, Ezekiel 18:12 и убогаго и нищаго преобиде, и хищением восхитил и залога не отдал, и к кумиром положи очи свои, беззакония сотвори, Ezekiel 18:13 с лихвою даде и с примножением приял, сей жизнию не поживет: вся сия беззакония сотвори, смертию умрет, кровь его на нем будет. Ezekiel 18:14 Аще же родит сына, он же увидит вся грехи отца своего, яже сотворил есть, и убоится и не сотворит по ним, Ezekiel 18:15 на горах не снесть и очес своих не положит к кумиром дому Израилева, и жены подруга своего не осквернавит Ezekiel 18:16 и человека не насильствует, и залога не удержит и хищением не восхитит, хлеб свои алчному даст и нага одеет ризою, Ezekiel 18:17 и от неправды отвратит руку свою, лихвы и примножения не возмет, правду сотворит и в заповедех Моих ходити будет: не скончается в неправдах отца своего, (но) жизнию поживет. Ezekiel 18:18 Отец же его аще скорбию оскорбит и хищением восхитит, сопротивная сотворит посреде людий Моих, и умрет в неправдах своих. Ezekiel 18:19 И речете: что яко не взя сын неправды отца своего? Понеже сын правду и милость сотвори, вся законы Моя соблюде и сотвори я, жизнию поживет. Ezekiel 18:20 Душа же согрешающая, та умрет: сын не возмет неправды отца своего, и отец не возмет неправды сына своего: правда праведнаго на нем будет, и беззаконие беззаконника на нем будет. Ezekiel 18:21 И беззаконник аще обратится от всех беззаконий своих, яже сотворил, и сохранит вся заповеди Моя и сотворит суд и правду и милость, жизнию поживет и не умрет: Ezekiel 18:22 вся согрешения его, елика сотворил, не помянутся ему: но в правде своей, юже сотворил, жив будет. Ezekiel 18:23 Еда хотением восхощу смерти грешника, глаголет Адонаи Господь, а не еже обратитися ему от пути зла и живу быти ему? Ezekiel 18:24 И аще совратится праведник от правды своея и сотворит неправду по всем беззаконием, яже сотворил беззаконник, вся правды его, яже сотворил есть, не помянутся: в преступлении своем, имже преступи, и во гресех своих, имиже согреши, в них умрет. Ezekiel 18:25 И рекосте: не управится путь Господень. Слышите убо, весь дом Израилев, еда путь мой не управится? Ваш ли путь убо управится? Ezekiel 18:26 Егда совратится праведник от правды своея и сотворит грех, и умрет в преступлении, еже сотворил, в том умрет. Ezekiel 18:27 И егда обратится беззаконник от беззакония своего, еже сотворил, и сотворит суд и правду, той душу свою снабдел есть: Ezekiel 18:28 и виде и обратися от всех беззаконии своих, яже сотвори, жизнию поживет и не умрет. Ezekiel 18:29 И глаголет дом Израилев: не управится путь Господень. Еда путь Мой не управляется? О, доме Израилев, убо ваш ли путь управляется? Ezekiel 18:30 (Сего ради) комуждо по пути его сужду вам, доме Израилев, глаголет Адонаи Господь: обратитеся и отвержитеся от всех нечестий ваших, и не будут вам неправды в мучение: Ezekiel 18:31 отвержите от себе вся нечестия ваша, имиже нечествовасте ко Мне, и сотворите себе сердце ново и дух нов, и сотворите вся заповеди Моя: и вскую умираете, доме Израилев? Глаголет Господь. Ezekiel 18:32 Понеже не хощу смерти грешника умирающаго, глаголет Адонаи Господь, но еже обратитися ему от пути своего и жити души его, глаголет Адонаи Господь: обратитеся убо, и живи будете. Ezekiel 19:0 Ezekiel 19:1 Ты же, сыне человечь, возми плачь на князи Израилевы, Ezekiel 19:2 и речеши: почто мати твоя львица среде львов почи, посреде львов умножи львичища своя? Ezekiel 19:3 И отскочи един от львичищ ея и бысть лев, и научися восхищати восхищения и человеки снеде. Ezekiel 19:4 И слышаша о нем языцы, и ят бысть в растлении их, и приведоша его во узде во Египет. Ezekiel 19:5 И виде, яко отведен бысть от нея, и погибе чаяние ея: и взя инаго от львичищ своих и львом учини его, Ezekiel 19:6 и живяше посреде львов, бысть лев и научися восхищати восхищения: человеки изяде, Ezekiel 19:7 и пасяшеся в лютости своей, и грады их пусты постави, и погуби землю и исполнение ея гласом рыкания своего. Ezekiel 19:8 И даша нань языцы окрест от стран и простроша нань мрежи своя, и в погублении их ят бысть. Ezekiel 19:9 И положиша его во узде и в клети, приведоша его ко царю Вавилонску и ввергоша его в темницу, яко да не слышится глас его ктому на горах Израилевых. Ezekiel 19:10 Мати твоя яко виноград и яко цвет шипчан на воде насажден, плод его и отрасль его бысть от воды многи. Ezekiel 19:11 И бысть ему жезл крепости над племенем старейшин, и вознесеся в величии своем среде лозия: и виде величество свое во множестве лозия своего, Ezekiel 19:12 и обломися в ярости, и на землю повержен бысть, и ветр знойный изсуши плоды его: увядоша, и изсше жезл крепости его: огнь потреби его. Ezekiel 19:13 И ныне насадиша его в пустыни, на земли безводне. Ezekiel 19:14 И изыде огнь от жезла избранных его и пояде и, и не бе в нем жезла крепости его: племя в притчу плача есть, и будет плачь. Ezekiel 20:0 Ezekiel 20:1 И бысть в лето седмое, в пятый месяц, в десятый день месяца, приидоша мужие от старейшин дому Израилева вопросити Господа и седоша пред лицем моим. Ezekiel 20:2 И бысть слово Господне ко мне глаголя: Ezekiel 20:3 сыне человечь, глаголи ко старейшинам дому Израилева и речеши к ним: тако глаголет Адонаи Господь: еда вопросити Мене вы приходите? Живу Аз, аще отвещаю вам, глаголет Адонаи Господь. Ezekiel 20:4 Аще отмщением отмщу им: сыне человечь, беззакония отец их засвидетелствуй им, Ezekiel 20:5 и речеши к ним: сия глаголет Адонаи Господь: от негоже дне избрах дом Израилев, и уведен бых племени дому Иаковля и познан бых им во земли Египетстей, и приях я рукою Моею глаголя: Аз Господь Бог ваш: Ezekiel 20:6 в той день подях я рукою Моею, еже извести я из земли Египетския в землю, юже уготовах им, землю кипящую млеком и медом, сот есть паче всех земель, Ezekiel 20:7 и рекох к ним: кийждо мерзости от очес своих отвержите и во творениих Египетских не оскверняйтеся, Аз Господь Бог ваш. Ezekiel 20:8 И отвергошася Мене и не хотеша послушати Мя: кийждо мерзостей от очес своих не отвергоша и творений Египетских не оставиша. И рекох, еже излияти ярость Мою на ня и скончати гнев Мой на них среде земли Египетския. Ezekiel 20:9 И сотворих, яко да имя Мое весьма не осквернится пред языки, в нихже суть тии среде их, в нихже познан бых им пред лицем их, еже извести я из земли Египетския. Ezekiel 20:10 И изведох я из земли Египетския и введох я в пустыню, Ezekiel 20:11 и дах им заповеди Моя, и оправдания Моя явих им, яже аще сотворит человек, жив будет в них: Ezekiel 20:12 и субботы Моя дах им, еже быти в знамение между Мною и между ими, еже разумети им, яко Аз Господь освящаяй их. Ezekiel 20:13 И глаголах ко дому Израилеву в пустыни: в заповедех Моих ходите и оправдания Моя сохраните, еже творити я, яже сотворит человек и жив будет в них. И разгнева Мя дом Израилев в пустыни: в заповедех бо Моих не ходиша и оправдания Моя отвергоша, яже сотворит человек и жив будет в них: и субботы Моя оскверниша зело. И рекох, еже излияти ярость Мою на ня в пустыни, еже потребити их. Ezekiel 20:14 И сотворих, яко да весьма имя Мое не осквернится пред языки, из нихже изведох я пред очима их. Ezekiel 20:15 И Аз воздвигох руку Мою на ня в пустыни весьма, еже не ввести их в землю, юже дах им, в землю текущую млеком и медом, сот есть паче всея земли: Ezekiel 20:16 понеже судбы Моя отвергоша и в заповедех Моих не ходиша, и субботы Моя оскверниша и вслед помышлений сердца своего хождаху. Ezekiel 20:17 И пощаде я око Мое, еже потребити их, и не сотворих им скончания в пустыни. Ezekiel 20:18 И рекох ко чадом их в пустыни: в законех отец ваших не ходите и оправданий их не храните, и ко творением Египетским не примешайтеся и не оскверняйтеся: Ezekiel 20:19 Аз Господь Бог ваш: в заповедех Моих ходите, и оправдания Моя снабдите и творите я, Ezekiel 20:20 и субботы Моя освящайте и будет в знамение между Мною и между вами, еже ведети вам, яко Аз Господь Бог ваш. Ezekiel 20:21 И разгневаша Мя, и чада их в заповедех Моих не ходиша и оправданий Моих не снабдеша, еже творити я: сия бо сотворив человек жив будет в них: и субботы Моя оскверниша зело. И рекох: излию ярость Мою на ня, еже скончати гнев Мой на них в пустыни. Ezekiel 20:22 И сотворих, яко да имя Мое весьма не осквернавится пред языки, от нихже изведох я пред очима их. Ezekiel 20:23 И Аз воздвигох руку Мою на ня в пустыни, еже расточити я во языцех и разсеяти я во странах, Ezekiel 20:24 понеже оправданий Моих не сотвориша и заповеди Моя отринуша и субботы Моя оскверниша, и вслед кумиров отец их быша очеса их. Ezekiel 20:25 И дах им заповеди не добры и оправдания, в нихже не будут живи: Ezekiel 20:26 и оскверню я в даяниих их, внегда проводити (им) всякое разверзающее ложесна, да погублю их, да уразумеют, яко Аз Господь. Ezekiel 20:27 Сего ради глаголи к дому Израилеву, сыне человечь, и речеши к ним: сия глаголет Адонаи Господь: даже до сего разгневаша Мя отцы ваши во гресех своих, имиже согрешиша ко Мне: Ezekiel 20:28 и введох я в землю, в нюже воздвигох руку Мою, еже дати ю им: и видеша всяк холм высок и всяко древо присенное, и пожроша тамо богом своим и учиниша тамо ярость даров своих, и положиша тамо воню благовония своего и возлияша тамо возлияния своя. Ezekiel 20:29 И рекох к ним: что суть Аввама, яко вы входите тамо? И прозваша имя ему Аввама даже до днешняго дне. Ezekiel 20:30 Сего ради рцы к дому Израилеву: сия глаголет Адонаи Господь: аще во беззакониих отец ваших вы оскверняетеся и вслед мерзостей их вы соблуждаете, Ezekiel 20:31 и в приношении даров ваших и в нароцех ваших, егда проходят чада ваша сквозе огнь: вы оскверняетеся во всех кумирех ваших даже до днешняго дне, и Аз отвещаю ли вам, доме Израилев? Живу Аз, глаголет Адонаи Господь, аще отвещаю вам и аще взыдет на дух ваш сие. Ezekiel 20:32 И не будет, якоже вы глаголете: будем, якоже языцы и якоже племена земная, служити древу и камению. Ezekiel 20:33 Сего ради живу Аз, глаголет Адонаи Господь, аще не рукою крепкою и мышцею высокою и в ярости излиянней царствовати буду над вами: Ezekiel 20:34 и изведу вы от людий и прииму вы от стран, в нихже бесте разсеяни, рукою крепкою и мышцею высокою и яростию излиянною, Ezekiel 20:35 и приведу вас в пустыню людскую и разсуждуся с вами тамо лицем к лицу: Ezekiel 20:36 якоже судихся со отцы вашими в пустыни земли Египетския, тако сужду и вам, глаголет Адонаи Господь: Ezekiel 20:37 и проведу вы под жезлом моим и введу вы в числе завета, Ezekiel 20:38 и изберу от вас нечестивыя и отвергшыяся: из земли бо обитания их изведу я, и в землю Израилеву не внидут, и познаете, яко Аз Господь Бог. Ezekiel 20:39 Вы же, доме Израилев, сице глаголет Адонаи Господь: кийждо кумиры своя отимите, и потом аще послушаете Мене, и имене Моего святаго не осквернавите ксему в дарех ваших и рукотворениих ваших: Ezekiel 20:40 понеже на горе Моей святей, на горе высоце Израилеве, глаголет Адонаи Господь, тамо послужат Ми весь дом Израилев до конца на земли, и тамо прииму я и тамо присещу на приношения ваша и начатки обетов ваших во всех освященных ваших. Ezekiel 20:41 В воню благовония прииму вы, егда изведу вы из людий и прииму вы от стран, в няже расточени бысте, и освящуся в вас пред очима людскима: Ezekiel 20:42 и увесте, яко Аз Господь, егда введу вы в землю Израилеву, в землю, на нюже воздвигох руку Мою дати ю отцем вашым: Ezekiel 20:43 и помянете тамо пути вашя и вся мерзкия грехи вашя, в нихже осквернистеся, и посрамите лица ваша во всех злобах ваших, яже сотвористе: Ezekiel 20:44 и познаете, яко Аз Господь, егда сотворю вам тако, яко да имя Мое не осквернится по путем вашым злым и по рукотворением вашым растленным, доме Израилев, глаголет Адонаи Господь. Ezekiel 20:45 И бысть слово Господне ко мне глаголя: Ezekiel 20:46 сыне человечь, утверди лице твое на юг и воззри на дарома, и прорцы на дубраву старейшину нагева Ezekiel 20:47 и речеши дубраве нагевове: слыши слово Господне, сия глаголет Адонаи Господь: се, Аз возгнещу в тебе огнь, и пожжет в тебе всяко древо зеленое и всяко древо сухое, не угаснет пламень разжженый, и изгорит в нем всяко лице от полудне до севера, Ezekiel 20:48 и увесть всяка плоть, яко Аз Господь разжегох его, и не угаснет. Ezekiel 20:49 И рекох: никакоже, Господи, Господи! Сии глаголют ко мне: не притча ли есть сия глаголема? Ezekiel 21:0 Ezekiel 21:1 И бысть слово Господне ко мне глаголя: Ezekiel 21:2 сего ради прорцы, сыне человечь, и утверди лице твое на Иерусалим и воззри на святыни их, и прорцы на землю Израилеву, Ezekiel 21:3 и речеши ко земли Израилеве: сия глаголет Адонаи Господь: се, Аз на тя, и извлеку мечь Мой из ножен его, и потреблю от тебе неправеднаго и беззаконнаго. Ezekiel 21:4 Понеже потреблю от тебе неправеднаго и беззаконника, тако изыдет мечь Мой из ножен своих на всяку плоть от юга даже до севера, Ezekiel 21:5 и увесть всяка плоть, яко Аз Господь извлекох мечь Мой из ножен его, и ктому не возвратится. Ezekiel 21:6 И ты, сыне человечь, воздохни в сокрушении чресл твоих и в болезнех возстени пред очима их. Ezekiel 21:7 И будет, аще рекут к тебе: чесо ради ты стенеши? И речеши: о возвещении, яко грядет: и сокрушится всяко сердце, и ослабеют вся руки, и издшет всяка плоть и всяк дух, и вся стегна осквернавятся мокротою: се, грядет и будет, глаголет Адонаи Господь. Ezekiel 21:8 И быти слово Господне ко мне глаголя: Ezekiel 21:9 сыне человечь, прорцы и речеши: сия глаголет Адонаи Господь: рцы: мечу, мечу! Изострися и разярися, Ezekiel 21:10 яко да изсечеши сечения: изострися, яко да будеши в блещание и готов на разсыпание: сецы, изничтожай, отрини всякое древо. Ezekiel 21:11 И даде его уготованна, еже держати в руках его: наострился мечь, готов есть, еже дан быти в руце секущаго. Ezekiel 21:12 Возопий и восплачися, сыне человечь, яко сей бысть в людех Моих, сей во всех старейшинах Израилевых: обитающии близ под мечь быша с людьми Моими: сего ради восплещи рукама твоима, Ezekiel 21:13 яко оправдася. И что, аще и племя отринется? Не будет, глаголет Адонаи Господь. Ezekiel 21:14 И ты, сыне человечь, прорцы и восплещи рукама и усугуби мечь: третий мечь язвеным есть, мечь язвеным велик, и ужасиши я, Ezekiel 21:15 яко да сокрушится сердце их, и умножатся немощнии во всех вратех их, предаются на усечение мечное: благо остр бысть на сечение, благо бысть на блистание. Ezekiel 21:16 Проходи яко молния, острися одесную и ошуюю, аможе аще лице твое востанет: Ezekiel 21:17 и Аз восплещу рукою Моею к руце Моей и напущу ярость Мою, Аз Господь глаголах. Ezekiel 21:18 И бысть слово Господне ко мне глаголя: Ezekiel 21:19 и ты, сыне человечь, учини себе пути два, еже внити мечу царя Вавилонска, от страны единыя изыдут начала два, и руку уготовают в начале пути града, от начала пути учиниши, Ezekiel 21:20 яко внити мечу на Равваф сынов Аммоних и на Иудею и на Иерусалим среде его. Ezekiel 21:21 Понеже станет царь Вавилонск на старем пути, на начале обоих путий, еже волхвовати волхвованием, якоже вскипети жезлу, и вопрошати ваяных и вражити во утробах. Ezekiel 21:22 И бысть одесную его волшебство на Иерусалим, еже обставити острог и еже отверсти уста с воплем и возвысити глас со глашением трубным, и яко поставити острог пред враты его и насыпати персти и поставити стрелницы. Ezekiel 21:23 И той аки волхвуя им волхвование пред ними, уседмеряя седмерицы, и той воспоминаяй неправды его помянути. Ezekiel 21:24 Того ради сия глаголет Адонаи Господь: понеже воспомянусте неправды вашя, внегда открышася нечестия ваша, яко явитися грехом вашым во всех беззакониих ваших и во всех начинаниих ваших, понеже воспомянусте, в тех яти будете. Ezekiel 21:25 И ты, сквернаве, беззаконниче, старейшино Израилев, егоже грядет день во время неправды, конец: Ezekiel 21:26 сия глаголет Господь: сними кидар и отложи венец, сей не таков будет, смирил еси высокое и вознесл смиренное: Ezekiel 21:27 неправду, неправду, неправду положу его, и той не таков будет, дондеже приидет, Емуже достоит, и предам Ему. Ezekiel 21:28 И ты, сыне человечь, прорцы и речеши: се глаголет Адонаи Господь к сыном Аммоним и ко укоризне их, и речеши: мечу, мечу извлеченый на сечение, извлеченый на скончание, двигнися, яко да блистаеши: Ezekiel 21:29 в видении твоем суетнем, и внегда вражбити тебе ложная, егда предаешися ты на выи язвеных беззаконников, ихже день приспе во время неправды, конец: Ezekiel 21:30 возвратися в ножны твоя и не стани на месте сем, в немже родился еси, на земли твоей имам тя судити: Ezekiel 21:31 и излию на тя гнев Мой, во огни гнева Моего дуну на тя и предам тя в руце мужей варвар, творящих пагубу: Ezekiel 21:32 огню будеши ядь, кровь твоя будет посреде земли твоея: не будет твоея памяти, занеже Аз Господь глаголах. Ezekiel 22:0 Ezekiel 22:1 И бысть слово Господне ко мне глаголя: Ezekiel 22:2 и ты, сыне человечь, аще судити будеши граду кровей, и яви ему вся беззакония его, Ezekiel 22:3 и речеши: сия глаголет Адонаи Господь: о, граде проливаяй кровь среде себе, еже приити времени его, и творяй кумиры на себе, еже осквернитися самому: Ezekiel 22:4 в крови их, юже излиял еси, согрешил еси, и в кумирех твоих, яже творил, осквернился еси, и сократил еси дни твоя, и привед время лет твоих: сего ради дах тя на укоризну языком и на поругание всем странам, Ezekiel 22:5 близ тебе и далече от тебе сущым, и поругаются тебе и возопиют на тя: о, нечистый, пресловутый и мног во беззакониих! Ezekiel 22:6 Се, старейшины дому Израилева, кийждо ко своим ужикам смесишася в тебе, яко да пролиют кровь: Ezekiel 22:7 отцу и матери злословяху в тебе и ко пришелцу обращахуся неправдами в тебе: сироту и вдовицу преобидяху в тебе: Ezekiel 22:8 и святая Моя уничижаху и субботы Моя оскверняху в тебе: Ezekiel 22:9 мужие разбойницы беша в тебе, яко да пролиют в тебе кровь, и на горах ядяху в тебе и скверны творяху в тебе: Ezekiel 22:10 стыд отчий открыша в тебе, и в нечистоте седящую обругаша в тебе: Ezekiel 22:11 кийждо на жену подруга своего беззаконноваша, и кийждо невестку свою оскверняше в нечестии, и кийждо сестру свою, дщерь отца своего, обругаваше в тебе: Ezekiel 22:12 мзды взимаху в тебе, яко да пролиют кровь, лихву и избыток взимаху в тебе: и скончал еси скончание злобы твоея яже в насилии, Мене же забыл еси, глаголет Адонаи Господь. Ezekiel 22:13 Се убо, ударю рукою Моею о руку Мою на та, яже совершил еси и яже сотворил еси, и на крови твоя бывшыя посреде тебе: Ezekiel 22:14 аще устоит сердце твое, и аще преодолеют руце твои во днех, в няже Аз творю в тебе? Аз Господь глаголах, и сотворю. Ezekiel 22:15 И разсыплю тя во языцех и разсею тя в странах, и оскудеет нечистота твоя из тебе, Ezekiel 22:16 и владети буду тобою пред очима языков, и познаеши, яко Аз Господь. Ezekiel 22:17 И бысть слово Господне ко мне глаголя: Ezekiel 22:18 сыне человечь, се, быша Мне дом Израилев смешани вси с медию и железом, и со оловом чистым и со свинцем, среде пещи сребро смешено суть. Ezekiel 22:19 Сего ради рцы: сия глаголет Адонаи Господь: понеже бысте вси во смешение едино, сего ради, се, Аз прииму вас во средину Иерусалима: Ezekiel 22:20 якоже приемлется сребро и медь, и железо и свинец и олово чистое во средину пещи, еже дунути на ня огню, да слиются, тако прииму вас во гневе Моем и в ярости Моей, и соберу и слию вас, Ezekiel 22:21 и дуну на вы во огни гнева Моего, и слияни будете среде его: Ezekiel 22:22 якоже сливается сребро среде пещи, тако слиетеся посреде его и познаете, яко Аз Господь излиях ярость Мою на вас. Ezekiel 22:23 И бысть слово Господне ко мне глаголя: Ezekiel 22:24 сыне человечь, рцы ему: ты еси земля неодождимая, ниже дождь бысть на тя в день ярости. Ezekiel 22:25 Егоже старейшины среде его, яко львы рыкающе, восхищающе восхищения, душы изядающе насилием, богатство и честь приемлюще, и вдовицы твоя умножишася посреде тебе: Ezekiel 22:26 и жерцы его отвергошася закона Моего и оскверниша святая Моя: между святым и сквернавым не разлучаху, и между нечистым и чистым не разделяху, и от суббот Моих покрываху очи свои, и оскверняху Мя посреде себе: Ezekiel 22:27 князи его среде его яко волцы восхищающе похищения, еже пролияти кровь и погубити душы, яко да лихоимством лихоимствуют: Ezekiel 22:28 и пророцы его помазующии их падут, видящии суетная, волхвующии ложная, глаголюще: сия глаголет Адонаи Господь: а Господь не глагола. Ezekiel 22:29 Людий земли утесняюще неправдою и восхищающе восхищения, нища и убога насильствующе и со пришелцем не живуще судом. Ezekiel 22:30 И исках от них мужа живуща право и стояща цело пред лицем Моим во время гнева Моего, еже бы не до конца погубити его, и не обретох. Ezekiel 22:31 И излиях нань ярость Мою во огни гнева Моего, еже скончати я: пути их на главы их дах, глаголет Адонаи Господь. Ezekiel 23:0 Ezekiel 23:1 И бысть слово Господне ко мне глаголя: Ezekiel 23:2 сыне человечь, две жене бесте дщери матере единыя Ezekiel 23:3 и соблудисте во Египте, в юности своей соблудисте: тамо спадоша сосцы их, и тамо растлисте девство. Ezekiel 23:4 Имена же има: Оола старейшая, Оолива же меншая сестра ея: и бысте Мне и родисте сыны и дщери: имена же има: Самариа Оола, и Иерусалим Оолива. Ezekiel 23:5 И соблуди Оола от Мене и возложися на похотники своя, на Ассирианы приближающыяся ей, Ezekiel 23:6 облеченныя в червленицы, старейшины и воеводы: юноши избраннии, вси конницы яздящии на конех: Ezekiel 23:7 и даде блужение свое к ним: избранным сыном Ассирийским всем, и ко всем, на няже возлагашеся, во всех нечистотах их оскверняшеся: Ezekiel 23:8 и блужения своего, еже из Египта, не остави, яко с нею спаху в юности ея, и тии растлиша девство ея и излияша блужение свое на ню. Ezekiel 23:9 Того ради предах ю в руце похотником ея, в руце сыном Ассирийским, на нихже возлагашеся. Ezekiel 23:10 Тии открыша стыд ея, сыны и дщери ея пояша и самую мечем усекнуша: и бысть поношение в женах, и отмщение сотвориша в ней во дщерех ея. Ezekiel 23:11 И виде сестра ея Оолива, и растли возложение свое паче ея, и блуд свой паче блуда сестры своея умножи: Ezekiel 23:12 на сынов Ассирийских возложися, на старейшины и воеводы, иже близ ея, облеченны во благоистканны, на конники яздящыя на конех, юноши избранни вси. Ezekiel 23:13 И видех, яко осквернися путь един обою. Ezekiel 23:14 И приложи ко блужению своему, и виде мужы написаны на стене, образы Халдейски написаны шарами, Ezekiel 23:15 препоясаны пестротами о чреслех своих, и превои крашеннии на главах их, вид троякий всех, подобие сынов Вавилонских, Халдейских, земли отечества их: Ezekiel 23:16 и возложися на ня зрением очей своих, и посла послы к ним в землю Халдейску. Ezekiel 23:17 И приидоша к ней сынове Вавилонстии на ложе витающих и оскверниша ю в блужении ея, и осквернися в них, и отступи душа ея от них: Ezekiel 23:18 и откры блужение свое и откры срамоту свою. И отступи душа Моя от нея, якоже отступи душа Моя от сестры ея. Ezekiel 23:19 И умножила еси блужение твое, еже помянути дни юности твоея, в няже блудила еси во Египте, Ezekiel 23:20 и возлегла еси на Халдеи, ихже плоти быша аки плоти осли, и яко лона конская лона их, Ezekiel 23:21 и посетила еси беззаконие юности твоея, яже творила еси во Египте во виталищи твоем, идеже сосцы юности твоея спадоста. Ezekiel 23:22 Того ради, Ооливо, сия глаголет Адонаи Господь: се, Аз воздвигну похотники твоя на тя, от нихже отступи душа твоя, и наведу их на тя окрест, Ezekiel 23:23 сынов Вавилонских и всех Халдеев, Факуда и Суда и Куда, и вся сыны Ассирийски с ними, юношы избранны, старейшины и воеводы, вся тристаты и нарочитыя, конники на конех вси. Ezekiel 23:24 И приидут на тя вси от севера, колесницы и колеса со многим народом, щиты и сулицы и шлемы, и поставят стражбу окрест тебе, и дам пред лицем их суд, и отмстят ти в судех своих: Ezekiel 23:25 и дам рвение Мое в тебе, и сотворят с тобою гнев ярости Моея, ноздри твоя и ушы твои обрежут, и оставших твоих мечем изсекут: тии сынов твоих и дщерей твоих возмут, и оставших твоих потребит огнь: Ezekiel 23:26 и совлекут с тебе ризы твоя и возмут сосуды хвалы твоея. Ezekiel 23:27 И отвращу нечестия твоя от тебе и блуд твой от земли Египетския: и не воздвигнеши очес твоих на них и Египта не помянеши ктому. Ezekiel 23:28 Понеже сия глаголет Адонаи Господь: се, Аз предаю тя в руце, ихже ненавидиши, от нихже отступи душа твоя: Ezekiel 23:29 и сотворят в тебе в ненависти, и возмут вся труды твоя и дела твоя, и будеши нага и посрамлена, и открыется студ блуда твоего и нечестие твое. Ezekiel 23:30 И блужение твое сотвори сия тебе, егда блудила еси вслед языков и осквернялася в кумирех их: Ezekiel 23:31 в пути сестры твоея ходила еси, и дам чашу ея в руце твои. Ezekiel 23:32 Сия глаголет Адонаи Господь: чашу сестры твоея испиеши глубокую и широкую, и будет на смех и подражнение, изюбилную ко совершению пиянства, Ezekiel 23:33 и разслабления наполнишися: чаша же потребления и погубления чаша сестры твоея Самарии: Ezekiel 23:34 и испиеши ю и истощиши, и чреп ея ядущи потребиши, и сосца твоя отторгнеши: и праздники и новомесячия твоя отвращу: понеже Аз глаголах, рече Адонаи Господь. Ezekiel 23:35 Сего ради сия глаголет Адонаи Господь: понеже забыла Мя еси и отвергла Мене назад тела твоего, и ты возми нечестие твое и блуд твой. Ezekiel 23:36 И рече Господь ко мне: сыне человечь, не будеши ли судити Ооле и Ооливе, и возвестиши ли има беззакония ею? Ezekiel 23:37 Яко любодействовасте, и кровь в руках ею, и в кумирех ею прелюбодействовасте, и чада своя, яже родисте Мне, провождасте им сквозе огнь. Ezekiel 23:38 Даже и сия сотвористе Ми, осквернясте святая Моя в той день, и субботы Моя осквернясте: Ezekiel 23:39 и внегда закаласте чада своя кумиром своим, и вхождасте во святая Моя в той день, еже сквернити я: и се, тако творясте среде дому Моего: Ezekiel 23:40 и посыласте ко мужем грядущым издалеча, к нимже послов посыласте. И егда приходити им, абие умывалася еси и утваряла еси очи твои и украшалася утварию, Ezekiel 23:41 и седела еси на одре постлане, и трапеза украшенна пред лицем ея, и фимиам Мой и елей Мой предлагала пред ними, и веселяхуся в них: Ezekiel 23:42 и гласом сличным возглашаху, и ко мужем от множества человеча приходящым от пустыни, и даяху перстни на руки их и венец хвалы на главы их. Ezekiel 23:43 И рекох: не в сих ли прелюбодействуют? И дела блудницы, и сама соблуди. Ezekiel 23:44 И вхождаху к ней: якоже влазят к жене блуднице, тако влазяху ко Ооле и ко Ооливе, женам беззаконницам, еже сотворити беззаконие. Ezekiel 23:45 Мужие же праведнии, тии и отмстят има отмщением любодейниц и отмщением проливающих кровь, яко любодейцы суть, и кровь в руках их. Ezekiel 23:46 Сия глаголет Адонаи Господь: приведи на них народы и даждь на них мятеж и разграбление, Ezekiel 23:47 и вержи камение на них, камение народов, и да избодут их мечьми своими: сыны их и дщери их избиют и домы их огнем сожгут: Ezekiel 23:48 и отвращу нечестие от земли, и накажутся вся жены и не сотворят по нечестием их: Ezekiel 23:49 и дастся нечестие ваше на вы: и (вся) грехи кумир ваших приимете и уразумеете, яко Аз Адонаи Господь. Ezekiel 24:0 Ezekiel 24:1 И бысть слово Господне ко мне, в девятое лето, в месяц десятый, в десятый день месяца, глаголя: Ezekiel 24:2 сыне человечь, напиши себе имя дне сего, от негоже укрепися царь Вавилонский на Иерусалим, от сего дне, иже днесь, Ezekiel 24:3 и рцы притчу к дому прогневляющему, и речеши к ним: сия глаголет Адонаи Господь: настави коноб, настави и влий в онь воду, Ezekiel 24:4 и верзи в онь на двое разсеченая, всякое разсечение доброе, голень и рамо, обрезана от костей, Ezekiel 24:5 от избранных скотов взятая, и подгнещай костьми под ними: возвре и воскипе, и сваришася кости его посреде его. Ezekiel 24:6 Того ради сия глаголет Адонаи Господь: о, граде кровей! Конобе, в немже есть яд, и яд не изыде из него: по удом его изнесе, не паде на нем жребий. Ezekiel 24:7 Яко кровь его среде его есть, на гладцем камени вчиних ю: не пролиях ея на землю, еже покрыти ю землею, Ezekiel 24:8 еже навести ярость Мою (на ню), во отмщение еже отмстити: дах кровь его на гладцем камени, еже не покрыти ея. Ezekiel 24:9 Того ради сия глаголет Адонаи Господь: о, люте, граде кровей! Аз же возвеличу главню Ezekiel 24:10 и умножу дрова и возгнещу огнь, яко да истают мяса, и оскудеет юха, и кости истают, Ezekiel 24:11 и станет на главнях его, (тощь) разгореся, яко да изгорит, и распалится и сгорит медь его, и истает среде его нечистота его, и оскудеет яд его: Ezekiel 24:12 да смирится яд его, и не изыдет из него многий яд его, и посрамится яд его: Ezekiel 24:13 в нечистоте твоей укроп, понеже осквернялся еси ты и не очистился от нечистоты твоея: и что будет аще не очистишися по сем, дондеже исполню ярость Мою в тебе? Ezekiel 24:14 Аз Господь глаголах, и приидет, и сотворю, и не укосню, и не пощажу, и не буду умолен: по путем твоим и по помыслом твоим сужду тебе, глаголет Адонаи Господь: сего ради, се, Аз сужду тебе по кровем твоим и по помыслом твоим сужду тебе, нечисте, пресловуте и великий на разгневание. Ezekiel 24:15 И бысть слово Господне ко мне глаголя: Ezekiel 24:16 сыне человечь, се, Аз вземлю от тебе желания очес твоих в поражении, не восплачи, ниже возрыдай, ниже да приидут тебе слезы, Ezekiel 24:17 возстени молчя: стенание крове, чресл плачь есть: да будут власи твои сплетени на тебе, и сапози твои на ногах твоих, и да не утешишися устнами их, и хлеба мужей да не снеси. Ezekiel 24:18 И глаголах к людем заутра, якоже заповеда ми, и умре жена моя в вечер, и сотворих заутра, якоже повелеся ми. Ezekiel 24:19 И рекоша ко мне людие: не возвестиши ли нам, что суть сия, яже ты твориши? Ezekiel 24:20 И рекох к ним: слово Господне бысть ко мне глаголя: Ezekiel 24:21 рцы к дому Израилеву, сия глаголет Адонаи Господь: се, Аз оскверню святая Моя, величания крепости вашея, желания очес ваших, и ихже щадят души вашя: и сынове ваши и дщери вашя, яже остависте, мечем падут: Ezekiel 24:22 и сотворите, якоже аз сотворих: от уст их не утешитеся и хлеба мужей не снесте, Ezekiel 24:23 и власи ваши на главах ваших, и сапози ваши на ногах ваших: не будете терзатися, ниже плакати, и истаете в неправдах ваших, и не утешите кийждо брата своего. Ezekiel 24:24 И будет вам Иезекииль в чудо: по всему елика сотворих, сотворите: егда приидут сия, и уразумеете, яко Аз Адонаи Господь. Ezekiel 24:25 И ты, сыне человечь, не в день ли той, егда возму от них крепость их, вознесение хвальбы их, желания очию их и возношение души их, сыны их и дщери их: Ezekiel 24:26 в той день приидет уцелевый к тебе возвестити тебе во ушы, Ezekiel 24:27 в той день отверзутся уста твоя ко уцелевшему, и возглаголеши и не премолчиши ктому, и будеши им в чудо: и уведят, яко Аз Адонаи Господь. Ezekiel 25:0 Ezekiel 25:1 И бысть слово Господне ко мне глаголя: Ezekiel 25:2 сыне человечь, утверди лице твое на сыны Аммони и прорцы на ня, Ezekiel 25:3 и речеши сыном Аммоним (глаголя): слышите слово Господа Адоная, сия глаголет Адонаи Господь: понеже порадовастеся о святых Моих, яко осквернена быша, и о земли Израилеве, яко погибе, и о дому Иудине, яко отиде в пленение: Ezekiel 25:4 того ради, се, Аз предаю вас сыном Кедемлим в наследие, и вселятся со имением своим в тебе и поставят в тебе селения своя: тии поядят плоды твоя, и тии испиют тук твой: Ezekiel 25:5 и дам град Аммонь паствы велблюдов и сыны Аммони на паству овец, и уразумеете, яко Аз Адонаи Господь. Ezekiel 25:6 Сего ради тако глаголет Господь Бог: понеже восплескал еси рукою твоею и потоптал ногою твоею и порадовался еси душею твоею о земли Израилеве, Ezekiel 25:7 того ради, се, Аз простру руку Мою на тя и дам тя в разграбление языком, и потреблю тя от людий и погублю тя от стран пагубою, и увеси, яко Аз Адонаи Господь. Ezekiel 25:8 Сия глаголет Адонаи Господь: понеже рече Моав и Сиир: се, якоже вси языцы, дом Израилев и Иуда, Ezekiel 25:9 сего ради, се, Аз разслаблю мышцу Моавлю от градов крайних его, избранную землю, Дом Иасимуфов над источником града приморскаго (Ваелмона и Кариафаима): Ezekiel 25:10 сыны Кедемли на сыны Аммони дах я в наследие, яко да не будет памяти сынов Аммоних во языцех: Ezekiel 25:11 и в Моаве сотворю отмщение, и уведят, яко Аз Господь. Ezekiel 25:12 Сия глаголет Адонаи Господь: понеже сотвори Идумеа, егда отмстиша тии отмщением (во гневе) дому Иудову, и памятозлобствоваша и отмстиша прю от них: Ezekiel 25:13 того ради сия глаголет Адонаи Господь: простру руку Мою на Идумею и потреблю от нея человеки и скот и поставлю ю пусту, и от Феман гоними мечем падут: Ezekiel 25:14 и дам отмщение Мое на Идумею рукою людий Моих Израиля, и сотворят во Идумеи по гневу Моему и по ярости Моей, и уведят отмщение Мое, глаголет Адонаи Господь. Ezekiel 25:15 Сего ради сия глаголет Адонаи Господь: понеже сотвориша иноплеменницы во отмщении и возставиша месть радующеся всею душею еже потребити даже до века, Ezekiel 25:16 того ради сия глаголет Адонаи Господь: се, Аз простру руку Мою на иноплеменники, и потреблю Критян, и погублю оставшыя живущыя на примории, Ezekiel 25:17 и сотворю в них отмщение велико, во обличениих ярости Моея, и уразумеют, яко Аз Адонаи Господь, егда дам отмщение Мое на ня. Ezekiel 26:0 Ezekiel 26:1 И бысть во единонадесятое лето, в первый день месяца, бысть слово Господне ко мне глаголя: Ezekiel 26:2 сыне человечь, понеже рече Сор на Иерусалима: благоже, сокрушися, погибоша языцы, обратися ко мне, иже бе исполненый, опусте: Ezekiel 26:3 того ради сия глаголет Адонаи Господь: се, Аз на тя, Сор, и приведу на тя языки многи, якоже восходит море волнами своими. Ezekiel 26:4 И обвалят стены Сора и разорят столпы твоя, и развею прах его из него и дам его во гладок камень. Ezekiel 26:5 Сушение мрежей будет среде моря, яко Аз глаголах, глаголет Адонаи Господь: и будет на пленение языком, Ezekiel 26:6 и дщери его, яже на поли, мечем убиены будут, и уведят, яко Аз Господь. Ezekiel 26:7 Яко сия глаголет Адонаи Господь: се, Аз наведу на тя, Сор, Навуходоносора царя Вавилонска от севера, царь царем есть, с коньми и колесницами и с конниками и собранием многих языков зело: Ezekiel 26:8 сей дщери твоя на поли мечем избиет, и приставит на тя стражбу и оградит тя, и окопает тя ровом и сотворит окрест тебе острог, и обставит оружием и копия своя прямо тебе поставит, Ezekiel 26:9 стены твоя и пирги твоя разорит оружием своим: Ezekiel 26:10 от множества коней его покрыет тя прах их, и от ржания коней его и от колес колесниц его потрясутся стены твоя, входящу ему во врата твоя, аки входящу во град с поля: Ezekiel 26:11 копытами коней своих поперут вся стогны твоя: люди твоя мечем изсечет, и состав крепости твоея на земли повержет, Ezekiel 26:12 и пленит силу твою, и возмет имения твоя, и разсыплет стены твоя, и домы твоя вожделенныя разорит, и древа твоя и камение твое и персть твою среде моря ввержет, Ezekiel 26:13 и упразднит множество мусикий твоих, и глас певниц твоих не услышится в тебе ктому. Ezekiel 26:14 И дам тя во камень гладок, сушение мрежное будеши, не соградишися ктому, яко Аз глаголах, глаголет Адонаи Господь. Ezekiel 26:15 Яко сия глаголет Адонаи Господь Сору: не от гласа ли падения твоего, егда возстенут язвении твои, егда извлечется мечь посреде тебе, потрясутся острови? Ezekiel 26:16 И снидут со престол своих вси князи язык морских, и свергут венцы со глав своих, и ризы своя испещренныя совлекут с себе, ужасом ужаснутся: на земли сядут, и убоятся погибели своея, и возстенут о тебе, Ezekiel 26:17 и приимут о тебе плачь, глаголюще: како погибл и разсыпался еси от моря, граде хвалимый, иже был еси крепок на мори, ты и живущии в тебе, иже даял еси страх твой всем живущым в тебе? Ezekiel 26:18 И убоятся (вси) острови от дне падения твоего, и смятутся острови в мори от исхода твоего. Ezekiel 26:19 Яко сия глаголет Адонаи Господь: егда дам тя град опустевшь, якоже грады ненаселены никогдаже, внегда возведу на тя бездну, и покрыет тя вода многа: Ezekiel 26:20 и сведу тя к низходящым в пропасть к людем века, и вселю тя во глубинах земных, яко пустыню вечную с низходящими в пропасть, яко да не населишися, ниже востанеши на земли живота: Ezekiel 26:21 на пагубу тя отдам, и не будеши ктому, и взыщешися и не обрящешися во век, глаголет Адонаи Господь. Ezekiel 27:0 Ezekiel 27:1 И бысть слово Господне ко мне глаголя: Ezekiel 27:2 и ты, сыне человечь, возми на Сор плачь, Ezekiel 27:3 и речеши Сору населенному на морстем входе, торжищу людий от островов многих, сия глаголет Адонаи Господь Сору: ты рекл еси: аз сам возложих на мя мою доброту, Ezekiel 27:4 в сердцы морстем веелиму, и сынове твои возложиша на тя доброту. Ezekiel 27:5 Кедр от Санира истесася тебе, тонкия доски кипарисныя от Ливана взяты быша, еже сотворити тебе ядрила елова: Ezekiel 27:6 от Васанитиды сотвориша весла твоя: святилища твоя состроиша от слоновых (костей), домы древяны от островов Хеттиимских: Ezekiel 27:7 виссон со испещрением от Египта бысть тебе постеля, еже обложити тебе славу и облещи тя в синету и во багряницу от островов Елиссе, и бысть одежда твоя. Ezekiel 27:8 И князи твои живущии во Сидоне и Арадиане быша весленицы твои: премудрии твои, Сор, иже быша в тебе, сии кормчии твои. Ezekiel 27:9 Старейшины Вивлийстии и премудрии их, иже быша в тебе, тии укрепляху совет твой: и вси корабли морстии и весленицы их быша в тебе ко западом западов. Ezekiel 27:10 Персяне и Лидяне и Ливиане беша в силе твоей, мужие доблии твои щиты и шлемы повесиша в тебе, сии даша славу твою. Ezekiel 27:11 Сынове Арадийстии и сила твоя на забралех твоих окрест: но и Мидяне во пиргах твоих быша стражие, тулы своя обесиша на забралех твоих окрест: сии совершиша твою доброту. Ezekiel 27:12 Кархидоняне купцы твои, от множества силы твоея, сребро и злато, и медь и железо, и чистое олово и свинец даша куплю твою. Ezekiel 27:13 Еллада вся и ближнии твои продаяху в тебе душы человечы, и сосуды медяны даша куплю твою. Ezekiel 27:14 От дому Форгамова кони и конники и мщята даша куплю твою. Ezekiel 27:15 Сынове Родийстии купцы твои от островов умножиша куплю твою, зубы слоновы, и вводимым воздавал еси мзды твоя. Ezekiel 27:16 Человеки куплю твою от множества примешенца твоего, стакти и пестроты и синету от Фарсиса, и рамоф и хорхор даша куплю твою. Ezekiel 27:17 Иуда и сынове Израилевы, сии купцы твои: продаянием пшеницы и миров и касии, и первый мед и елей и ритину даша примешенцу твоему. Ezekiel 27:18 Дамаск купцы твои от множества всея силы твоея, вино от Хелвона, и волну блещащуся от Милита, и вино Деданово и Ионаново и Меозелево в куплю твою даша. Ezekiel 27:19 От ассиила железо деланое и колеса в примесницех твоих суть. Ezekiel 27:20 Дедан купцы твои со скоты избранными в колесницы. Ezekiel 27:21 Аравиа и вси князи Кидарстии, сии купцы рукою твоею, велблюды и овны и агнцы в тебе продадят, имиже куплю творят. Ezekiel 27:22 Купцы Савы и Раммы, тии купцы твои с первыми сладостьми и со камением драгим, и злато даша куплю тебе. Ezekiel 27:23 Харран, Ханаа и Дедан, сии купцы твои: Сава, Ассур и Харман купцы твои, Ezekiel 27:24 приносяще куплю синету и червленицу, и испещренная и сокровища избранная связана ужами, и кипарисная. Ezekiel 27:25 Корабли, в тех купля твоя, (корабли) Кархидонстии купцы твои, во множестве смесник твоих, и насытился еси, и отягчал зело в сердцах морских. Ezekiel 27:26 В воде мнозе привождаху тя весленицы твои: ветр южный сокруши тя в сердцы морстем. Ezekiel 27:27 Быша силы твоя и мзда твоя от смесник твоих, и весленицы твои и кормчии твои, и советницы твои и смесницы от смесников твоих, и вси мужие твои доблии в тебе и весь сонм твой падут среде тебе в сердцы морстем, в день падения твоего. Ezekiel 27:28 От гласа вопля твоего кормчии твои страхом убоятся. Ezekiel 27:29 И снидут с кораблей своих вси весленицы твои, и всадницы и ловцы морстии на земли станут: Ezekiel 27:30 и воскликнут на тя гласом своим, и воскричат горце, и возложат землю на главы своя, и прах постелют: Ezekiel 27:31 и оплешивеют над тобою плешьми, и облекутся во вретище, и восплачутся о тебе в горести души, и плачем горьким ужаснутся: Ezekiel 27:32 и возмут о тебе сынове их плачь, возрыдают плаканием о тебе: кто якоже Тир умолкнувый среде моря? Колику обрел еси мзду от моря? Ezekiel 27:33 Наполнил еси страны от множества твоего и от смесник твоих обогатил еси вся цари земныя. Ezekiel 27:34 Ныне же сокрушился еси в мори, во глубинах водных смесницы твои, и весь сонм твой среде тебе падоша, и вси весленицы твои. Ezekiel 27:35 Вси же живущии во островех уныли по тебе, и царие их ужасом ужасошася, и прослезися лице их. Ezekiel 27:36 Купцы от язык позвиждут о тебе, в погибель был еси, и ктому не будеши в век, глаголет Господь Бог. Ezekiel 28:0 Ezekiel 28:1 И бысть слово Господне ко мне глаголя: Ezekiel 28:2 и ты, сыне человечь, рцы князю Тирску: сия глаголет Адонаи Господь: понеже вознесеся сердце твое, и рекл еси: аз есмь бог, в селение божие вселихся в сердцы морстем: ты же человек еси, а не Бог, и положил еси сердце твое яко сердце Божие. Ezekiel 28:3 Еда премудрее ты еси Даниила? Премудрии не наказаша тебе хитростию своею. Ezekiel 28:4 Еда хитростию твоею или смыслом твоим сотворил еси себе силу и притяжал еси сребро и злато в сокровищих твоих? Ezekiel 28:5 Или во мнозей хитрости твоей и в купли твоей умножил еси силу твою? Вознесеся сердце твое в силе твоей. Ezekiel 28:6 Того ради сия глаголет Адонаи Господь: понеже дал еси сердце свое яко сердце Божие, Ezekiel 28:7 вместо сего, се, Аз наведу на тя чуждыя губители от язык, и извлекут мечы своя на тя и на доброту хитрости твоея, и постелют доброту твою в погубление, Ezekiel 28:8 и сведут тя, и умреши смертию язвеных в сердцы морстем. Ezekiel 28:9 Еда речеши глаголя пред убивающими тя: бог есмь аз? Ты же человек еси, а не бог, в руце убивающих тя. Ezekiel 28:10 Смертьми необрезаных умреши в руках чуждих: яко Аз рекох, глаголет Адонаи Господь. Ezekiel 28:11 И бысть слово Господне ко мне глаголя: Ezekiel 28:12 сыне человечь, возми плачь на князя Тирска и рцы ему: сия глаголет Адонаи Господь: ты еси печать уподобления, исполнен премудрости и венец доброты, Ezekiel 28:13 в сладости рая Божия был еси, всяким камением драгим украсился еси, сардием и топазием, и смарагдом и иакинфом, и анфраксом и сапфиром, и иасписом и сребром и златом, и лигирием и ахатом, и амефистом и хрисолифом, и вириллием и онихом и златом наполнил еси сокровища твоя и житницы твоя, от негоже дне создан еси. Ezekiel 28:14 Ты, с херувимом вчиних тя в горе святей Божии, был еси среде каменей огненных. Ezekiel 28:15 Был еси ты непорочен во днех твоих, от негоже дне создан еси, дондеже обретошася неправды в тебе. Ezekiel 28:16 От множества купли твоея наполнил еси сокровища твоя беззакония, и согрешил еси, и уязвлен еси от горы Божия: и сведе тя херувим осеняяй от среды камыков огненных. Ezekiel 28:17 Вознесеся сердце твое в доброте твоей, истле хитрость твоя с добротою твоею: множества ради грехов твоих на землю повергох тя, пред цари дах тя во обличение. Ezekiel 28:18 Множества ради грехов твоих и неправд купли твоея, осквернил еси святая твоя, и изведу огнь от среды твоея, сей снесть тя: и дам тя во прах на земли пред всеми видящими тя. Ezekiel 28:19 И вси ведящии тебе во языцех возстенут по тебе: пагуба учинен еси, и не будеши ктому во век. Ezekiel 28:20 И бысть слово Господне ко мне глаголя: Ezekiel 28:21 сыне человечь, утверди лице твое на Сидона и прорцы о нем и рцы: Ezekiel 28:22 сия глаголет Адонаи Господь: се, Аз на тя, Сидоне, и прославлюся в тебе, и уразумееши, яко Аз есмь Господь, егда сотворю в тебе суд и освящуся в тебе: Ezekiel 28:23 и послю на тя смерть, и кровь в стогнах твоих будет, и падут язвении среде тебе мечем, в тебе и окрест тебе, и уведят, яко Аз Господь: Ezekiel 28:24 и не будет ктому дому Израилеву остен горести и терн болезни от всех окрестных его обезчестивших их, и уразумеют, яко Аз есмь Адонаи Господь. Ezekiel 28:25 Тако глаголет Адонаи Господь: и соберу дом Израилев от язык, идеже разсыпашася тамо, и освящуся в них пред людьми и языки: и вселятся на земли своей, юже дах рабу Моему Иакову, Ezekiel 28:26 и населятся на ней с надеждею, и созиждут домы, и насадят винограды, и вселятся на ней с надеждею, егда сотворю суд во всех, иже укориша я во окрестных их: и уразумеют, яко Аз Господь Бог их и Бог отцев их. Ezekiel 29:0 Ezekiel 29:1 В десятое лето, в десятый месяц, (в первый день) месяца, бысть слово Господне ко мне глаголя: Ezekiel 29:2 сыне человечь, утверди лице твое на фараона царя Египетска и прорцы нань и на Египет весь: Ezekiel 29:3 глаголи и рцы: сице глаголет Адонаи Господь: се, Аз наведу на тя, фараоне, царю Египетский, змиа великаго, седящаго среде рек своих, глаголющаго: моя суть реки, и аз сотворих я. Ezekiel 29:4 Аз же дам узду в челюсти твоя, и прилеплю рыбы реки твоея ко крилома твоима, и возведу тя от среды реки твоея, и к чешуям твоим прильпнут: Ezekiel 29:5 и низвергу тя вскоре и вся рыбы реки твоея: на лицы поля падеши, и не соберешися, и не оградишися, зверем земным и птицам небесным дах тя во снедь. Ezekiel 29:6 И уведят вси живущии во Египте, яко Аз есмь Господь: зане был еси жезл тростян дому Израилеву: Ezekiel 29:7 егда яся тебе рукою своею, сокрушился еси, и егда восплеска на них всяка рука, и егда почиша на тебе, стерлся еси и сломил еси их вся чресла. Ezekiel 29:8 Сего ради тако глаголет Адонаи Господь: се, Аз наведу на тя мечь и погублю от тебе человеки и скоты, Ezekiel 29:9 и будет земля Египетска в погибель и во опустение, и уразумеют, яко Аз есмь Господь. Понеже глаголал еси, яко реки моя суть, и аз сотворих я: Ezekiel 29:10 того ради, се, Аз на тя и на и вся реки твоя, и дам землю Египетску во опустение и в мечь и в погибель, от Магдола и Сиины и даже до предел Ефиопских: Ezekiel 29:11 не пройдет сквозе ея нога человеча, ни нога скотия не поступит по ней, и не населится четыредесять лет: Ezekiel 29:12 и дам землю его в пагубу среде земли опустелыя, и гради его среде градов опустевших будут, в разорении будут четыредесять лет: и разсею Египта во языцех, и развею я по странам. Ezekiel 29:13 Сия глаголет Адонаи Господь: по четыредесятих летех соберу Египтяны от язык, аможе разсыпашася, Ezekiel 29:14 и возвращу пленники Египетския и вселю я в землю Фафорскую, в землю, отюнудуже взяти быша, и будет власть смиренна: Ezekiel 29:15 паче всех властей будет смиренна, и не вознесется ктому над языки, и умалены сотворю я, еже не быти им многим во языцех. Ezekiel 29:16 И не будут ктому дому Израилеву в надежду воспоминающую беззаконие, внегда последовати им по них: и уразумеют, яко Аз есмь Господь. Ezekiel 29:17 И бысть в двадесять седмое лето, во един день месяца перваго, бысть слово Господне ко мне глаголя: Ezekiel 29:18 сыне человечь, Навуходоносор царь Вавилонск поработи силу свою работою великою на Тира, всяка глава плешива и всяко рамо наго: и мзда не бысть ему ни силе его на Тира, за работу, еюже работаша нань. Ezekiel 29:19 Того ради сице глаголет Адонаи Господь: се, Аз даю Навуходоносору царю Вавилонску землю Египетску, и возмет множество ея, и пленит плен ея, и расхитит корысти ея, и будет мзда силе его: Ezekiel 29:20 за службу его, еюже послужи на Тира, дах ему землю Египетску, зане послужи Мне, сия глаголет Адонаи Господь. Ezekiel 29:21 В той день взыдет рог всему дому Израилеву, и тебе дам уста отверста среде их, и уведят, яко Аз есмь Господь. Ezekiel 30:0 Ezekiel 30:1 И бысть слово Господне ко мне глаголя: Ezekiel 30:2 сыне человечь, прорцы и рцы: сия глаголет Адонаи Господь: Ezekiel 30:3 возрыдайте: оле, оле день! Яко близ день Господень, и приближается день облака, и конец языков будет: Ezekiel 30:4 и приидет мечь на Египтяны, и будет мятеж во Ефиопии, и падут язвении во Египте, и взято будет множество их, и падутся основания его: Ezekiel 30:5 Персяне и Критяне, и Лидяне и Ливиане, и Мурини (и вся Аравиа) и вси примесницы, и сынове, иже от завета Моего, в нем мечем падут с ним. Ezekiel 30:6 Сия глаголет Господь: и падут подпоры Египта, и снидет укоризна крепости его от Магдола даже до Сиины, мечем падут в нем, глаголет Адонаи Господь. Ezekiel 30:7 И опустеют среде стран погибших, и гради их среде градов опустевших будут: Ezekiel 30:8 и уразумеют, яко Аз есмь Господь, егда дам огнь на Египет, и сокрушатся вси помагающии ему. Ezekiel 30:9 В той день приидут вестницы от лица Моего в сиеим тщащеся погубити надежду Муринския земли, и будет им мятеж в день Египетск, яко се, приспе. Ezekiel 30:10 Сия глаголет Адонаи Господь: и погублю множество Египтян рукою Навуходоносора царя Вавилонска, Ezekiel 30:11 самаго и людий его с ним, губителие от язык послани погубити землю: и извлекут вси мечы своя на Египта, и наполнится земля язвеными. Ezekiel 30:12 И дам реки их во опустение и отдам землю в руце злых, и погублю землю и исполнение ея руками чуждих, Аз Господь глаголах. Ezekiel 30:13 Яко сия глаголет Адонаи Господь: погублю кумиры и испражню вельможы от Мемфиса и старейшины от земли Египетския, и не будут ктому: и дам страх во земли Египетстей. Ezekiel 30:14 И погублю землю Фафорскую, и дам огнь на Таниса, и сотворю отмщение в Диосполи, Ezekiel 30:15 и излию ярость Мою на Саин крепость Египетску, и погублю множество Мемфы. Ezekiel 30:16 И дам огнь на Египта, и мятежем возмятется Саис, и в Диосполи будет разселина, и разлиются воды. Ezekiel 30:17 Юноши Илиуполя и Вуваста мечем падут, и жены в плен пойдут: Ezekiel 30:18 и в Тафнесе помрачится день, егда сокрушу тамо скипетры Египетски, и погибнет тамо укоризна крепости его, и того покрыет облак, и дщери его во пленение отведутся. Ezekiel 30:19 И сотворю суд во Египте, и уразумеют, яко Аз есмь Господь. Ezekiel 30:20 И бысть во единонадесятое лето, в первый месяц, в седмый день месяца, бысть слово Господне ко мне глаголя: Ezekiel 30:21 сыне человечь, мышцы фараона царя Египетска сотрох, и се, не помолися, еже дати ему цельбу, приложити ему пластырь, (обязати,) дати силу, да возмет мечь. Ezekiel 30:22 Того ради сия глаголет Адонаи Господь: се, Аз на фараона царя Египетска, и сокрушу мышцы его крепкия и протяженыя и сотреныя, и изрину мечь его из руки его: Ezekiel 30:23 и разсею Египта во языки и развею их во страны: Ezekiel 30:24 и укреплю мышцы царя Вавилонска и дам мечь Мой в руку его, и наведет его на Египта, и пленит пленение его, и возмет корысти его: Ezekiel 30:25 и укреплю мышцы царя Вавилонска, мышцы же фараони падут: и уведят, яко Аз есмь Господь, егда дам мечь Мой в руце царя Вавилонска, и прострет его на землю Египетску, Ezekiel 30:26 и разсею Египта во языки и развею их во страны: и уведят вси, яко Аз есмь Господь. Ezekiel 31:0 Ezekiel 31:1 И бысть во единонадесятое лето, в третий месяц, во един день месяца, бысть слово Господне ко мне глаголя: Ezekiel 31:2 сыне человечь, рцы фараону царю Египетску и множеству его: кому уподобил еси себе в высоте твоей? Ezekiel 31:3 Се, Ассур кипарис в Ливане, добр отрасльми и высок величеством и част покровом, и среде облак бысть власть его: Ezekiel 31:4 вода воспита его, бездна вознесе его, реки своя приведе окрест садов своих, и составы своя испусти во вся древеса полевая. Ezekiel 31:5 Сего ради вознесеся величество его паче всех древес польных, разширишася ветвие его, и вознесошася отрасли его от воды многи, егда протяжеся. Ezekiel 31:6 Во отраслех его возгнездишася вся птицы небесныя, и под ветвьми его раждахуся вси зверие польнии, под сению его вселися все множество языков. Ezekiel 31:7 И бысть добр в высоте своей множества ради ветвий своих, яко беша корение его в воде мнозе. Ezekiel 31:8 И кипариси не таковы в раи Божии, и сосны неподобны отраслем его, и елие не бысть подобно ветвиям его: всякое древо, еже в раи Божии, не бысть подобно ему в доброте его, множества ради ветвий его. Ezekiel 31:9 Добра сотворих его во множестве ветвий его, и возревноваша ему древеса райская Сладости Божия. Ezekiel 31:10 Того ради сия глаголет Адонаи Господь: понеже был еси велик величеством и дал еси власть свою во средину облак, и вознесеся сердце его в высоте его, и видех, егда вознесеся: Ezekiel 31:11 и предах его в руце князя языческа, и сотвори пагубу его, по нечестию его. Ezekiel 31:12 И изгнах его Аз, и потребиша его чуждии губителие от язык, и повергоша его на горах: и во всех дебрех падоша ветви его, и сотрошася отрасли его на всяцем поли земнем, и снидоша от покрова его вси людие языков и разориша его. Ezekiel 31:13 Во падении его почиша вся птицы небесныя, и на стеблиех его быша вси зверие селнии, Ezekiel 31:14 яко да не возносятся величеством своим вся древеса, яже в воде, и не дадят власти своея среде облак, и не станут в высоте их к нему вси пиющии воду, вси отдани быша во смерть во глубину земли, среде сынов человеческих к низходящым в пропасть. Ezekiel 31:15 Сия глаголет Адонаи Господь: в оньже день сведеся во ад, плакася о нем бездна: и удержах реки ея и возбраних множеству вод, и померче о нем Ливан, и вся древеса полевая о нем разслабишася: Ezekiel 31:16 от гласа падения его потрясошася языцы, егда свождах его во ад со снизходящими в ров, и утешаху его в земли долнейшей вся древеса Сладости, и избранная и добрая Ливанова, вся пиющая воду: Ezekiel 31:17 и та бо сведошася с ним во ад со язвеными от меча, и семя его, и живущии под покровом его среде жизни своея погибоша. Ezekiel 31:18 Кому уподобился еси силою и славою и величеством во древесех Сладости? Слези и сниди со древесами Сладости во глубину земную: среде необрезаных успнеши со язвеными мечем: тако фараон и все множество крепости его, глаголет Адонаи Господь. Ezekiel 32:0 Ezekiel 32:1 И бысть во второенадесять лето, во вторыйнадесять месяц, во един день месяца, Ezekiel 32:2 бысть слово Господне ко мне глаголя: сыне человечь, возми плачь на фараона царя Египетска и речеши ему: льву языков уподобился еси ты, и яко змий великий, иже в мори, и бил еси рогами в реках твоих, и возмущал еси воду ногама твоима, и попирал еси реки твоя. Ezekiel 32:3 Сия глаголет Адонаи Господь: и возложу на тя сети Моя в собрании людий многих, Ezekiel 32:4 и изведу тя удою моею, и простру тя на земли: поля наполнятся тебе, и посажду на тебе вся птицы небесныя, и насыщу тобою вся звери всея земли: Ezekiel 32:5 и повергу плоти твоя на горах, и наполню кровию твоею всю землю, Ezekiel 32:6 и напиется земля от гноя твоего, от множества твоего на горах: и дебри наполню от тебе, Ezekiel 32:7 и покрыю небо, егда угаснеши, и помрачу звезды его, солнце во облаце сокрыю, и луна не явит света своего: Ezekiel 32:8 вся светила небесная помрачу на тя и дам тму на землю твою, глаголет Адонаи Господь. Ezekiel 32:9 И разгневаю сердца людий многих, егда изведу пленники твоя во языки, в землю, еяже не знал еси. Ezekiel 32:10 И уныют о тебе языцы мнози, и царие их ужасом ужаснутся о тебе, егда налетит мечь Мой на лица их, чающе падения своего от дне падения твоего. Ezekiel 32:11 Яко сия глаголет Адонаи Господь: мечь царя Вавилонска приидет тебе, мечьми исполинов, и поражу крепость твою: Ezekiel 32:12 губителие от язык вси, и погубят укоризну Египетску, и сокрушится вся крепость его. Ezekiel 32:13 И погублю вся скоты его от воды многи, и не возмутит ея нога человеческа ктому, и стопа скотия не ступит на ню. Ezekiel 32:14 Тако тогда умолкнут воды их, и реки их яко елей потекут, глаголет Адонаи Господь, Ezekiel 32:15 егда дам Египта в пагубу, и опустеет земля с полнотою своею, егда разсею вся живущыя на ней, и уведят, яко Аз есмь Господь. Ezekiel 32:16 Плачь есть, и восплачешися о нем, и дщери языческия восплачутся о нем, над Египтом и над всею силою Его восплачутся, глаголет Адонаи Господь. Ezekiel 32:17 И бысть во второенадесять лето, перваго месяца в пятыйнадесять день, бысть слово Господне ко мне глаголя: Ezekiel 32:18 сыне человечь, восплачися о крепости Египетстей (прекланяя преведи его): и сведут дщерей его мертвых языцы во глубину земную ко низходящым в пропасть. Ezekiel 32:19 От вод благолепно сниди и поспи с необрезаными. Ezekiel 32:20 Среде язвеных мечем падут с ним, и успнет вся крепость его. Ezekiel 32:21 И рекут ти исполини: во глубине пропасти буди, кого лучши еси ты? Сниди и лязи с необрезаными среде язвеных мечем. Ezekiel 32:22 Тамо Ассур и весь сонм его, и вси язвении тамо дашася, и гроб их во глубине пропасти, и быти сонм его окрест гроба его, вси язвении падшии мечем, Ezekiel 32:23 иже даша гробы его во стегнех рва, и бысть сонм его окрест гроба его, вси тии язвении падающии мечем, иже даша страх свой на земли живых. Ezekiel 32:24 Тамо Елам и вся сила его окрест гроба его, вси язвении падшии мечем и низходящии необрезани во глубину земную, давшии страх свой на земли живых: Ezekiel 32:25 и прияша мучение свое с низходящими в пропасть, среде язвеных. Ezekiel 32:26 Тамо дашася Мосох, и Фовель, и вся сила его, окрест гроба его, вси необрезаннии язвении от меча, давшии страх свой на земли жизни. Ezekiel 32:27 И успоша со исполины падшими от века, иже снидоша во ад во оружии воинстем и положиша мечы своя под главы своя, и быша беззакония их на костех их, яко устрашиша всех во житии своем, и страх сильным быша на земли живущым. Ezekiel 32:28 И ты посреде необрезанных сокрушишися и поспиши со язвеными мечем. Ezekiel 32:29 Тамо Едом и царие его и вси князи Ассуровы, давшии крепость свою на язву мечную: сии со язвеными успоша, с низходящими в ров. Ezekiel 32:30 Тамо князи северстии вси, тамо вси воеводы Ассуровы, иже сведени быша со язвеными со страхом своим и со крепостию своею стыдящеся, успоша необрезаннии со язвеными мечем, и прияша мучение свое с низходящими в пропасть. Ezekiel 32:31 Тех узрит царь фараон и утешится от всей крепости их: фараон и язвении мечем и вся сила его, глаголет Адонаи Господь. Ezekiel 32:32 Яко дах страх Мой на земли жизни, и успнет среде необрезанных со язвеными мечем фараон, и все множество его с ним, глаголет Адонаи Господь. Ezekiel 33:0 Ezekiel 33:1 И быти слово Господне ко мне глаголя: Ezekiel 33:2 сыне человечь, глаголи ко сыном людий твоих и речеши к ним: земля, на нюже Аз аще наведу мечь, и поймут людие земли человека единаго от себе и поставят его себе во стража, Ezekiel 33:3 и узрит мечь грядущь на землю, и вострубит трубою, и проповесть людем, Ezekiel 33:4 и услышит услышавый глас трубы, а не сохранится, и найдет мечь и постигнет его, кровь его на главе его будет: Ezekiel 33:5 яко слыша глас трубы и не сохранися, кровь его на нем будет: а сей, понеже сохранися, душу свою избавил. Ezekiel 33:6 И страж, аще увидит мечь грядущь, и не вострубит трубою, (и не проповесть людем,) и людие не охранят себе, и нашед мечь возмет от них душу, та убо беззакония ради своего взяся, а крове ея от руки стража взыщу. Ezekiel 33:7 И ты, сыне человечь, во стража дах тя дому Израилеву, и услышиши от уст Моих слово, и проповеси им от Мене. Ezekiel 33:8 Егда реку грешнику: грешниче, смертию умреши: и не будеши глаголати (грешнику), еже сохранитися нечестивому, (еже обратитися ему) от пути своего (и живу быти ему), той беззаконник во беззаконии своем умрет, а крове его от руки твоея взыщу. Ezekiel 33:9 Аще же ты проповеси нечестивому путь его, еже обратитися от него, и не обратится с пути своего, той в нечестии своем умрет, а ты душу твою избавил еси. Ezekiel 33:10 И ты, сыне человечь, рцы дому Израилеву: сице ресте глаголюще: прелести нашя и беззакония наша в нас суть, и мы в них таем, и како нам живым быти? Ezekiel 33:11 Рцы им: живу Аз, глаголет Адонаи Господь, не хощу смерти грешника, но еже обратитися нечестивому от пути своего и живу быти ему: обращением обратитеся от пути вашего злаго: и вскую умираете, доме Израилев? Ezekiel 33:12 И ты, сыне человечь, рцы ко сыном людий твоих: правда праведника не избавит его, в оньже день прельстится: и беззаконие беззаконника не убиет, в оньже день обратится от беззакония своего: и праведник не может спастися в день греха своего. Ezekiel 33:13 Егда реку праведнику: жизнию жив будеши: сей же уповая на правду свою и сотворит беззаконие, вся правды его не воспомянутся, в неправде своей, юже сотвори, в той умрет. Ezekiel 33:14 И егда реку нечестивому: смертию умреши: и обратится от греха своего и сотворит суд и правду, Ezekiel 33:15 и залог отдаст и восхищеное возвратит, беззаконник в заповедех жизни ходити будет, еже не сотворити неправды, жизнию жив будет и не умрет: Ezekiel 33:16 вси греси его, яже согреши, не помянутся: понеже суд и правду сотвори, жив будет в них. Ezekiel 33:17 И рекут сынове людий твоих: неправ путь Господень. И се, путь их неправ. Ezekiel 33:18 Егда совратится праведник от правды своея и сотворит беззаконие, и умрет в нем. Ezekiel 33:19 И егда грешник возвратится от беззакония своего и сотворит суд и правду, той жив будет в них. Ezekiel 33:20 И се есть, еже рекосте: неправ путь Господень. Комуждо по путем его сужду вам, доме Израилев. Ezekiel 33:21 И бысть во второенадесять лето, месяца вторагонадесять, в пятый день месяца пленения нашего, прииде ко мне от Иерусалима уцелевый глаголя: пленен бысть град. Ezekiel 33:22 И рука Господня бысть на мне в вечер, прежде пришествия его, и отверзе уста моя, дондеже прииде ко мне заутра: и отверзшаяся уста моя не затворишася ктому. Ezekiel 33:23 И бысть слово Господне ко мне глаголя: Ezekiel 33:24 сыне человечь, живущии на опустевших местех во земли Израилеве глаголют: един бяше Авраам и одержаше землю, а мы множайшии есмы, нам дана есть земля во одержание. Ezekiel 33:25 Того ради рцы им: сице глаголет Адонаи Господь: понеже с кровию ясте и очи ваши воздвигосте ко кумиром и кровь проливаете, и землю ли наследите? Ezekiel 33:26 Стасте с мечем вашим, сотвористе мерзости, и кийждо жену ближняго своего осквернисте, и тако ли землю имате наследити? Ezekiel 33:27 Того ради рцы им: сия глаголет Адонаи Господь: живу Аз, яко падут мечем сущии во опустевших, и иже на лицы поля, зверем польным предадутся на изядение, и сущыя во градех и иже в пещерах смертию поражу, Ezekiel 33:28 и дам землю на опустение, и погибнет гордость крепости ея, и опустеют горы Израилевы, занеже не будет проходящаго: Ezekiel 33:29 и уведят, яко Аз Господь: и сотворю землю их пусту, и опустеет всех ради мерзостей их, яже сотвориша. Ezekiel 33:30 И ты, сыне человечь, сынове людий твоих глаголющии о тебе у забрал и во вратех дворов, и глаголют кийждо ко ближнему своему и кийждо ко брату своему, глаголюще: соберимся и услышим исходящая от уст Господних. Ezekiel 33:31 И приходят к тебе, якоже сходятся людие, и седят людие Мои пред тобою, и послушают глаголов твоих, и не сотворят их: понеже лжа во устех их, и вслед скверн их сердце их ходит. Ezekiel 33:32 И будеши им яко глас песнивца сладкогласнаго благосличнаго, и услышат глаголы твоя, и не сотворят их. Ezekiel 33:33 И егда приидеши, рекут: се, прииде. И уведят, яко пророк бе среде их. Ezekiel 34:0 Ezekiel 34:1 И бысть слово Господне ко мне глаголя: Ezekiel 34:2 сыне человечь, прорцы на пастыри Израилевы, прорцы и рцы пастырем: сия глаголет Адонаи Господь: Ezekiel 34:3 оле, пастырие Израилевы! Еда пасут пастырие самих себе? Не овец ли пасут пастырие? Се, млеко ядите и волною одеваетеся и тучное закалаете, а овец Моих не пасете: Ezekiel 34:4 изнемогшаго не подясте и болящаго не уврачевасте, и сокрушеннаго не обязасте и заблуждающаго не обратисте, и погибшаго не взыскасте и крепкое оскорбисте трудом и властию наказасте я и наруганием. Ezekiel 34:5 И разсыпашася овцы Моя, понеже не имеяху пастырей, и быша на изядение всем зверем селным. Ezekiel 34:6 И расточишася овцы Моя по всем горам и (заблудиша) по всем холмом высоким, и на лицы всея земли разсыпашася овцы Моя, и не бе взыскающаго, ни обращающаго. Ezekiel 34:7 Того ради, о, пастырие, слышите слово Господне: Ezekiel 34:8 живу Аз, глаголет Адонаи Господь, понеже учинена суть стада Моя в расхищение, и овцы Моя быша во снедение всем зверем селным, занеже несть пастырей, и не поискаша пастырие овец Моих, но пасоша пастырие самих себе, а овец Моих не пасоша: Ezekiel 34:9 сего ради, пастырие, слышите слово Господне, Ezekiel 34:10 сия глаголет Адонаи Господь: се, Аз на пастыри, и взыщу овец Моих от рук их, и отставлю я от паствы овец Моих, и не будут пасти их пастырие: ниже самих себе имут пасти, и отиму овцы Моя из уст их, и ктому не будут им на изядение. Ezekiel 34:11 Сего ради сия глаголет Адонаи Господь: се, Аз взыщу овец Моих и присещу их: Ezekiel 34:12 якоже присещает пастух паству свою в день, егда есть облачен и мглян, среде овец своих разлученых, тако взыщу овец Моих и избавлю я от всякаго места, аможе суть разсыпаны в день облачен и примрачен. Ezekiel 34:13 И изведу я от язык и соберу и от стран, и введу я в землю их и упасу я на горах Израилевых и в дебрех и во всем селении земли, Ezekiel 34:14 на пажити блазе упасу я, на горе высоце Израилеве: и будут ограды их тамо, и успнут и почиют тамо в пищи блазе, и на пажити тучне упасутся на горах Израилевых. Ezekiel 34:15 Аз упасу овцы Моя и Аз упокою я, и уразумеют, яко Аз есмь Господь. Ezekiel 34:16 Сия глаголет Адонаи Господь: погибшее взыщу и заблудившее обращу, и сокрушенное обяжу и немощное укреплю, и крепкое снабдю и упасу я с судом. Ezekiel 34:17 И вы, овцы Моя, сия глаголет Адонаи Господь: се, Аз разсужду между овцею и овцею, и овном и козлом. Ezekiel 34:18 Не доволно ли вам, яко на блазей пажити пасостеся, и останок пажити вашея ногами вашими попирасте, и устоявшуюся воду пивасте, и останок ногами вашими возмущасте, Ezekiel 34:19 и овцы Моя попранием ног ваших живяху, и возмущенную воду ногами вашими пияху? Ezekiel 34:20 Того ради сия глаголет Адонаи Господь: се, Аз разсужду между овчатем сильным и между овчатем немощным. Ezekiel 34:21 Ребрами и плещами вашими реясте и рогами вашими бодосте, и всякое немощное пхасте, дондеже изгнасте я вон: Ezekiel 34:22 и спасу овцы Моя, и ктому не будут на разграбление, и разсужду между овчатем и овчатем, и между овном и овном: Ezekiel 34:23 и возставлю им пастыря единаго, и упасет я, раба Моего Давида, той упасет я, (и той упокоит я,) и будет им пастырь, Ezekiel 34:24 Аз же Господь буду им в Бога, и раб Мой Давид князь среде их: Аз Господь глаголах. Ezekiel 34:25 И завещаю Давидови завет мирный, и потреблю звери злы от земли, и вселятся в пустыни, уповающе успнут в дубравах. Ezekiel 34:26 И дам им окрест горы Моея благословение, и испущу дождь вам во время свое, дождь благословения. Ezekiel 34:27 И древеса на поли дадят плод свой, и земля даст силу свою, и вселятся на земли своей с надеждею мира, и уведят, яко Аз есмь Господь, егда сокрушу узы ига их: и избавлю я из руки поработивших я, Ezekiel 34:28 и не будут ктому во пленение языком, и зверие земнии не поядят их ктому: и вселятся с надеждею, и не будет устрашаяй их. Ezekiel 34:29 И возставлю им сад мирен, и не будут ктому малы числом на земли, и не будут погублени гладом на земли, и не приимут ктому укорения от язык: Ezekiel 34:30 и уведят, яко Аз есмь Господь Бог их с ними, а тии людие Мои дом Израилев, глаголет Адонаи Господь: Ezekiel 34:31 вы же овцы Моя и овцы паствы Моея есте, и Аз Господь Бог ваш, глаголет Адонаи Господь. Ezekiel 35:0 Ezekiel 35:1 И бысть слово Господне ко мне глаголя: Ezekiel 35:2 сыне человечь, обрати лице твое к горе Сеир и прорцы на ню и рцы ей: Ezekiel 35:3 сия глаголет Адонаи Господь: се, Аз на тя, горо Сеир, и простру руку Мою на тя и поставлю тя пусту, и опустееши, Ezekiel 35:4 и во градех твоих пустыню сотворю, и ты в пустыню будеши, и уразумееши, яко Аз есмь Господь. Ezekiel 35:5 Понеже бысть в тебе вражда вечная, и приседела еси дому Израилеву лукавством, рукою врагов с мечем во время печали их и во время неправды, на последок: Ezekiel 35:6 сего ради живу Аз, глаголет Адонаи Господь, понеже в крови согрешила еси, и кровь поженет тя, кровь возненавидела еси, и кровь ижденет тя. Ezekiel 35:7 И поставлю гору Сеир пусту и опустевшу, и погублю от нея человеки и скоты, (и приходяща и отходяща:) Ezekiel 35:8 и наполню язвеными твоими холмы твоя и дебри твоя, и на всех полех твоих язвении мечем падут в тебе: Ezekiel 35:9 и пусту во век поставлю тя, и гради твои не населятся ктому, и уразумееши, яко Аз есмь Господь. Ezekiel 35:10 Понеже рекла еси: оба языка и обе стране мои будут, и возму их в наследие, а Господь тамо есть: Ezekiel 35:11 сего ради живу Аз, глаголет Адонаи Господь, и сотворю тебе по вражде твоей и по ревности твоей, юже сотворила еси от ненавидения к ним, и познан буду тобою, егда имам тебе судити, и уразумееши, яко Аз есмь Господь. Ezekiel 35:12 Слышах глас всех хулений твоих, яже глаголала еси: горы Израилевы пусты даны нам во снедь: Ezekiel 35:13 и велеречила еси на Мя усты твоими и умножила на Мя словеса, Аз же услышах. Ezekiel 35:14 Сего ради тако глаголет Адонаи Господь: во веселии всея земли пусту тя сотворю: Ezekiel 35:15 якоже порадовалася еси о наследии дому Израилева, яко погибе, тако сотворю тебе: пуста будеши, горо Сеир, и вся Идумеа потребится, и уведят, яко Аз есмь Господь Бог их. Ezekiel 36:0 Ezekiel 36:1 И ты, сыне человечь, прорцы на горы Израилевы и рцы: Ezekiel 36:2 горы Израилевы, слышите слово Господне, сия глаголет Адонаи Господь: понеже рече враг на вы: благоже, пустыня вечная во одержание нам бысть: Ezekiel 36:3 того ради прорцы и рцы: тако глаголет Адонаи Господь: зане быти вам погубленым и безчестным и возненавиденым от язык окрестных вам, еже быти вам во одержание прочым языком, и взыдосте и бысте в поношение устен и во укоризну странам: Ezekiel 36:4 сего ради, горы Израилевы, слышите слово Господне, сия глаголет Адонаи Господь горам и холмом, и потоком и дебрем, и полянам и опустошеным, и разореным и градом оставленым, иже быша в пленение и в попрание оставшым языком окрестным. Ezekiel 36:5 Того ради сия глаголет Адонаи Господь: аще не во огни рвения Моего глаголах на прочыя языки и на Идумею всю, яко даша землю Мою себе во одержание со веселием (от всего сердца), обезчестивше душы, еже потребити повоеванием: Ezekiel 36:6 того ради прорцы на землю Израилеву и рцы горам и холмом, и полянам и дебрем: сия глаголет Адонаи Господь: се, Аз во рвении Моем и в ярости Моей глаголах, за укоризну, юже приясте от язык. Ezekiel 36:7 Того ради сия глаголет Адонаи Господь: се, Аз воздвигну руку Мою на языки, иже окрест вас, тии безчестие свое приимут. Ezekiel 36:8 Ваше же гроздие и плод ваш, горы Израилевы, поядят людие Мои, яко надеются приити. Ezekiel 36:9 Яко се, Аз к вам, и призрю на вы, и возделаете и насеете: Ezekiel 36:10 и умножу в вас человеки, весь дом Израилев до конца, и населятся гради, и пустыни оградятся: Ezekiel 36:11 и умножу вас людьми и скотом, и умножатся и возрастут, и вселю вас якоже прежде, и благо сотворю вам якоже бывшым прежде вас, и уразумеете, яко Аз есмь Господь: Ezekiel 36:12 и нарожду в вас человеки люди Моя Израиля, и наследят вас, и будете им во одержание, и не приложите ктому безчадни быти от них. Ezekiel 36:13 Сия глаголет Адонаи Господь: понеже глаголаша тебе: земля поядающая человеки ты еси, и безчадная от языка твоего была еси: Ezekiel 36:14 того ради человеков ктому не пояси и языка твоего не обезчадиши ктому, глаголет Адонаи Господь. Ezekiel 36:15 И не услышится в вас ктому безчестие языков, и укоризны людий не приимете ктому, и язык твой не будет без чад ктому, глаголет Адонаи Господь. Ezekiel 36:16 И бысть слово Господне ко мне глаголя: Ezekiel 36:17 сыне человечь, дом Израилев вселися на земли своей, и оскверниша ю путем своим и кумирми своими и нечистотами своими, и по нечистоте месячная имущия бысть путь их пред лицем Моим: Ezekiel 36:18 и излиях ярость Мою на ня, крови ради, юже пролияша на землю, и кумирми своими оскверниша ю, Ezekiel 36:19 и разсыпах я во языки и развеях я во страны: по пути их и по начинанию их судих им. Ezekiel 36:20 И внидоша во языки, в няже внидоша тамо, и оскверниша имя Мое святое, внегда глаголатися им: людие Господни сии и от земли своея изыдоша. Ezekiel 36:21 И пощадих я имене ради Моего святаго еже оскверниша дом Израилев во языцех, аможе внидоша. Ezekiel 36:22 Того ради рцы дому Израилеву: сия глаголет Адонаи Господь: не вам Аз творю, доме Израилев, но имене Моего ради святаго, еже осквернисте во языцех, тамо аможе внидосте. Ezekiel 36:23 И освящу имя Мое великое, оскверненное во языцех, еже осквернисте среде их, и уразумеют языцы, яко Аз есмь Господь, глаголет Адонаи Господь, внегда освящуся в вас пред очима их. Ezekiel 36:24 И возму вы от язык и соберу вы от всех земель, и введу вы в землю вашу, Ezekiel 36:25 и воскроплю на вы воду чисту, и очиститеся от всех нечистот ваших и от всех кумиров ваших, и очищу вас. Ezekiel 36:26 И дам вам сердце ново и дух нов дам вам, и отиму сердце каменное от плоти вашея и дам вам сердце плотяно, и дух Мой дам в вас: Ezekiel 36:27 и сотворю, да в заповедех Моих ходите, и суды Моя сохраните и сотворите я. Ezekiel 36:28 И вселитеся на земли, юже дах отцем вашым, и будете Ми в люди, Аз же буду вам в Бога. Ezekiel 36:29 И спасу вы от всех нечистот ваших (и очищу вы от грех ваших всех), и призову пшеницу и умножу ю, и не дам на вы глада: Ezekiel 36:30 и распложу плод древесный и плоды селныя, яко да не приимете ктому гладныя укоризны во языцех. Ezekiel 36:31 И помянете пути своя злыя и начинания ваша не благая, и вознегодуете пред лицем их о беззакониих ваших и о мерзостех ваших. Ezekiel 36:32 Не вас ради Аз творю, доме Израилев, глаголет Адонаи Господь, вестно да будет вам, (доме Израилев:) постыдитеся и усрамитеся от путий ваших, доме Израилев. Ezekiel 36:33 Сия глаголет Адонаи Господь: во оньже день очищу вы от всех беззаконий ваших и населю грады, и соградятся пустыни, Ezekiel 36:34 и земля погибшая возделается вместо того, яко погублена бысть пред очима всякаго мимоходящаго: Ezekiel 36:35 и рекут: земля оная погибшая бысть яко вертоград Сладости, и гради опустевшии и разореннии и раскопаннии, забралы утвержденни сташа: Ezekiel 36:36 и уразумеют языцы, елицы останутся окрест вас, яко Аз Господь возградих разоренныя и насадих погубленныя: Аз Господь глаголах и сотворю. Ezekiel 36:37 Сия глаголет Адонаи Господь: се, еще обрящуся дому Израилеву, еже сотворити им: умножу их яко овцы, человеки яко овцы святыя, Ezekiel 36:38 яко овцы Иерусалимли во праздниках его, тако будут гради опустевшии полни стад человеческих: и уразумеют, яко Аз Господь. Ezekiel 37:0 Ezekiel 37:1 И бысть на мне рука Господня, и изведе мя в дусе Господни и постави мя среде поля: се же бяше полно костей человеческих: Ezekiel 37:2 и обведе мя окрест их около, и се, многи зело на лицы поля, и се, сухи зело. Ezekiel 37:3 И рече ко мне: сыне человечь, оживут ли кости сия? И рекох: Господи Боже, Ты веси сия. Ezekiel 37:4 И рече ко мне: сыне человечь, прорцы на кости сия и речеши им: кости сухия, слышите слово Господне: Ezekiel 37:5 се глаголет Адонаи Господь костем сим: се, Аз введу в вас дух животен Ezekiel 37:6 и дам на вас жилы, и возведу на вас плоть и простру по вам кожу, и дам дух Мой в вас, и оживете и увесте, яко Аз есмь Господь. Ezekiel 37:7 И прорекох, якоже заповеда ми Господь. И бысть глас внегда ми пророчествовати, и се, трус, и совокупляхуся кости, кость к кости, каяждо ко составу своему. Ezekiel 37:8 И видех, и се, быша им жилы, и плоть растяше, и восхождаше (и протяжеся) им кожа верху, духа же не бяше в них. Ezekiel 37:9 И рече ко мне: прорцы о дусе, прорцы, сыне человечь, и рцы духови: сия глаголет Адонаи Господь: от четырех ветров прииди, душе, и вдуни на мертвыя сия, и да оживут. Ezekiel 37:10 И прорекох, якоже повеле ми, и вниде в ня дух жизни, и ожиша и сташа на ногах своих, собор мног зело. Ezekiel 37:11 И рече Господь ко мне глаголя: сыне человечь, сия кости весь дом Израилев есть, тии бо глаголют: сухи быша кости нашя, погибе надежда наша, убиени быхом. Ezekiel 37:12 Того ради прорцы (сыне человечь) и рцы к ним: сия глаголет Адонаи Господь: се, Аз отверзу гробы вашя и изведу вас от гроб ваших, людие Мои, и введу вы в землю Израилеву: Ezekiel 37:13 и увесте, яко Аз есмь Господь, внегда отверсти Ми гробы вашя, еже возвести Ми вас от гробов ваших, людие Мои: и дам дух Мой в вас, и живи будете, Ezekiel 37:14 и поставлю вы на земли вашей, и увесте, яко Аз Господь: глаголах и сотворю, глаголет Адонаи Господь. Ezekiel 37:15 И бысть слово Господне ко мне глаголя: Ezekiel 37:16 сыне человечь, возми себе жезл един и напиши на нем Иуду и сыны Израилевы прилежащыя к нему: и жезл вторый возми себе и напиши на нем Иосифа, жезл Ефремов, и вся сыны Израилевы приложившыяся к нему: Ezekiel 37:17 и совокупи я друг ко другу себе в жезл един, еже связати я, и будут (вкупе) в руце твоей: Ezekiel 37:18 и будет, егда рекут к тебе сынове людий твоих, вопрошающе: не возвестиши ли нам ты, что суть сия тебе? Ezekiel 37:19 И речеши к ним: сия глаголет Адонаи Господь: се, Аз поиму племя Иосифово, еже есть в руце Ефремове, и племена Израилева прилежащая к нему, и дам я в племя Иудино, и будут в жезл един в руце Иудине. Ezekiel 37:20 И будут жезли, на нихже писати будеши, в руце твоей пред очима их, Ezekiel 37:21 и речеши к ним: сия глаголет Адонаи Господь: се, Аз поемлю весь дом Израилев от среды языков, аможе внидоша, и соберу я от всех сущих окрест их и введу их в землю Израилеву, Ezekiel 37:22 и дам я во язык на земли Моей и в горах Израилевых: и Князь един будет во всех сих царем, и не будут ктому в два языка, ни разделятся ктому на два царства, Ezekiel 37:23 да не оскверняются ктому в кумирех своих и в мерзостех своих и во всех нечестиих своих: и избавлю я от всех беззаконий их, имиже согрешиша, и очищу я, и будут Ми в люди, и Аз буду им в Бога. Ezekiel 37:24 И раб Мой Давид Князь среде их и Пастырь един будет всех, яко в заповедех Моих ходити будут и суды Моя сохранят и сотворят я, Ezekiel 37:25 и вселятся на земли своей, юже дах рабу Моему Иакову, на нейже жиша тамо отцы их, и вселятся на ней тии и сынове их и сынове сынов их даже до века: и Давид раб Мой князь их будет во век. Ezekiel 37:26 И утвержу им завет мирен, и завет вечен будет с ними, и укореню я и умножу, Ezekiel 37:27 и дам освящение Мое посреде их во век, и будет вселение Мое в них, и буду им Бог, а они будут Ми людие: Ezekiel 37:28 и уведят языцы, яко Аз есмь Господь освящаяй я, внегда будут святая Моя среде их во век. Ezekiel 38:0 Ezekiel 38:1 И бысть слово Господне ко мне глаголя: Ezekiel 38:2 сыне человечь, утверди лице твое на Гога и на землю Магога князя Рос, Мосоха и Фовеля, и прорцы нань, Ezekiel 38:3 и рцы ему: сия глаголет Адонаи Господь: се, Аз на тя, Гог, и на князя Рос, Мосоха и Фовеля, Ezekiel 38:4 и обращу тя окрест, и вложу узду в челюсти твоя, и соберу тя и всю силу твою, кони и конники оболчены во броня вся, собор мног, шлемы и мечы и щиты вси тии имуще: Ezekiel 38:5 Персяне и Муряне, и Лидяне и Ливиане, вси сии щиты и шлемы имуще: Ezekiel 38:6 Гомер и вси иже окрест его, дом Форгамань от конец севера и вси иже окрест его, и языцы мнози с тобою. Ezekiel 38:7 Уготовися, уготовися сам ты и весь сонм твой собраный с тобою, и будеши ми в преднюю стражбу. Ezekiel 38:8 От дний множайших уготовишися, и в последняя лета приидеши, и приидеши на землю низвращенную от меча, собраных от язык многих на землю Израилеву, яже бысть пуста весьма: и тии от язык изыдоша, и вселятся с миром вси. Ezekiel 38:9 И взыдеши аки дождь и приидеши аки облак, покрыти землю, и падеши ты и вси иже окрест тебе, и языцы мнози с тобою. Ezekiel 38:10 Сия глаголет Адонаи Господь: и будет в той день, взыдут глаголы на сердце твое, Ezekiel 38:11 и помыслиши помышления злая и речеши: взыду на землю отверженую, прииду на молчащыя в тишине и живущыя мирно, на вся живущыя на земли, на нейже несть ограды, ни дверий, ни верей, Ezekiel 38:12 еже пленити плен и взяти корысти их, еже обратити руку мою на землю опустошеную, яже населися, и на язык собраный от языков многих, сотворивших притяжания имений и живущих на пупе земли. Ezekiel 38:13 Сава и Дедан и купцы Кархидонстии и вся веси их рекут тебе: еда на пленение, еже пленити, ты грядеши, и взяти корысти? И собрал еси люди твоя взяти сребро и злато, отвести притяжания и имения, еже пленити плен велик. Ezekiel 38:14 Того ради прорцы, сыне человечь, и рцы Гогу: сия глаголет Адонаи Господь: не в той ли день, егда жити будут людие Мои Израиль с миром, востанеши? Ezekiel 38:15 И приидеши от места своего от конца севера, и языцы мнози с тобою: конницы на конех вси, собор велик и сила многа, Ezekiel 38:16 и взыдеши на люди Моя Израиля, яко облак покрыти землю: в последния дни будет, и возведу тя на землю Мою, да Мя уведят вси языцы, егда освящуся в тебе пред ними, (о, Гог!) Ezekiel 38:17 сия глаголет Адонаи Господь Гогу: ты еси, о немже глаголах во дни первыя рукою раб Моих пророк Израилевых, прорекших в оныя дни и лета, еже привести тя на ня. Ezekiel 38:18 И будет в той день, в оньже приидет Гог на землю Израилеву, глаголет Адонаи Господь, взыдет ярость Моя во гневе Моем Ezekiel 38:19 и рвения Моя во огни гнева Моего: глаголах, аще не будет в той день трус велик на земли Израилеве: Ezekiel 38:20 и потрясутся от лица Господня рыбы морския и птицы небесныя, и зверие польнии и вси гади ползающии по земли, и вси человецы иже на лицы земли, и расторгнутся горы и падут дебри, и всяка стена на землю падет. Ezekiel 38:21 И призову нань весь страх мечный, глаголет Адонаи Господь: мечь человека на брата его будет. Ezekiel 38:22 И отсужду ему смертию и кровию, и дождем потопляющим и камением градным, огнь и камень горящь одождю нань и на вся сущыя с ним и на языки многия с ним: Ezekiel 38:23 и возвеличуся и освящуся, и прославлюся и уведан буду пред языки многими, и уведят, яко Аз есмь Господь. Ezekiel 39:0 Ezekiel 39:1 И ты, сыне человечь, прорцы на Гога и рцы: сия глаголет Адонаи Господь: се, Аз на тя, Гог, князя Рос, Мосоха и Фовеля, Ezekiel 39:2 и соберу тя и наставлю тя, и возведу тя от конца севера и возведу тя на горы Израилевы: Ezekiel 39:3 и исторгну лук твой от руки твоея левыя и стрелы твоя от руки твоея десныя, Ezekiel 39:4 и поражу тя на горах Израилевых, и падеши ты и вси иже окрест тебе, и языцы иже с тобою отдадятся во множество птиц всякому парящему, и всем зверем польным дах тя на изядение: Ezekiel 39:5 на лицы поля падеши, яко Аз глаголах, глаголет Адонаи Господь. Ezekiel 39:6 И пущу огнь на Магога, и населятся острови с миром, Ezekiel 39:7 и уведят, яко Аз есмь Господь, и имя Мое святое вестно будет среде людий Моих Израиля, и не осквернится имя Мое святое ктому, и уведят вси языцы, яко Аз есмь Господь Святый среде Израиля. Ezekiel 39:8 Се, приспе, и увеси, яко будет, глаголет Адонаи Господь: се есть день, о немже глаголах, Ezekiel 39:9 и изыдут живущии во градех Израилевых, и пожгут оружие, и щиты и копия, и луки и стрелы, и жезлы ручныя и сулицы, и раждегут ими огнь седмь лет: Ezekiel 39:10 и не возмут древес с поля, ни изсекут от дубравы, но оружием раждегут огнь, и пленят пленившыя их и расхитят расхитивших я, глаголет Адонаи Господь. Ezekiel 39:11 И будет, в той день дам Гогу место нарочито, гроб во Израили, многопогребателно, пришедших на восток моря, и заградят устие дебри и погребут тамо Гога и все множество его, и прозовется та дебрь: многопогребателное Гога. Ezekiel 39:12 И закопают я дом Израилев, да очистится земля в седмь месяц, Ezekiel 39:13 и погребут я вси людие земли, и будет им именито, в оньже день прославлюся, глаголет Адонаи Господь. Ezekiel 39:14 И мужей всегда поставят обходити всю землю, еже погребсти оставшихся на лицы земли и очистити ю по седми месяцех, и взыщут опасно. Ezekiel 39:15 Всяк проходяй землю и узревый кость человечу сотворит у нея знамение, дондеже погребут ю погребающии в дебри, многопогребателнем Гогове. Ezekiel 39:16 Ибо имя месту (прозовется) Падение многопогребателное: и очистится земля. Ezekiel 39:17 И ты, сыне человечь, рцы: сия глаголет Адонаи Господь: рцы всяцей птице парящей и ко всякому зверю селному: соберитеся и приидите от всех окрестных его на заколение Мое, еже заклах вам, заклание велие на горах Израилевых, ядите мяса и пийте кровь: Ezekiel 39:18 мяса исполинов изясте и кровь князей земных испиете, овны и телцы, и козлы и волы тучнии вси: Ezekiel 39:19 и да ясте тук до сытости и испиете кровь до пиянства от заклания Моего, еже заклах вам: Ezekiel 39:20 и насытитеся от трапезы Моея, от коня и всадника, исполина и всякаго мужа воинскаго, глаголет Адонаи Господь. Ezekiel 39:21 И дам славу Мою в вас, и узрят вси языцы суд Мой, егоже сотворих, и руку Мою, юже наведох на ня, Ezekiel 39:22 и увесть дом Израилев, яко Аз есмь Господь Бог их от сего дне и в прочыя. Ezekiel 39:23 И уведят вси языцы, яко грехов ради своих пленени быша дом Израилев, понеже отвергошася Мене, и отвратих лице Мое от них и предах я в руце врагов их, и падоша мечем вси: Ezekiel 39:24 по нечистотам их и по беззаконием их сотворих им и отвратих лице Мое от них. Ezekiel 39:25 Того ради сия глаголет Адонаи Господь: ныне возвращу пленение Иаковле и помилую дом Израилев, и возревную имене ради Моего святаго: Ezekiel 39:26 и возмут безчестие свое и всякую неправду свою, еюже неправдоваша, егда вселятся на земли своей с миром и не будет устрашающаго, Ezekiel 39:27 внегда возвращу я от язык и соберу я от стран языческих и освящуся в них пред языки: Ezekiel 39:28 и уведят, яко Аз есмь Господь Бог их, внегда явлюся им во языцех и соберу я на землю их и не оставлю от них тамо ктому: Ezekiel 39:29 и не отвращу лица Моего ктому от них, зане излиях ярость Мою на дом Израилев, глаголет Адонаи Господь. Ezekiel 40:0 Ezekiel 40:1 И бысть во двадесять пятое лето пленения нашего, перваго месяца, в десятый день месяца, в четвертоенадесять лето но пленении града, в той день бысть на мне рука Господня: и веде мя тамо, Ezekiel 40:2 в видении Божии веде мя на землю Израилеву и постави мя на горе высоце зело, на нейже яко сограждение града прямо (полудне), Ezekiel 40:3 и введе мя тамо: и се, муж, и зрак его бяше, яко видение меди блещащияся, и в руце его бяше вервь зиждущих и трость мерителная. Той же стояше у врат Ezekiel 40:4 и рече ко мне: видел ли еси, сыне человечь? Виждь очима твоима и ушима твоима слыши, и учини в сердцы твоем вся, елика аз показую тебе, зане того ради вшел еси семо, да покажу тебе, и покажеши ты вся, елика видиши, дому Израилеву. Ezekiel 40:5 И се, ограда внеуду окрест храма, и в руце мужа мера тростяна шести лакот в лакоть шестодланный, и измери предстение ширину равно трости, и высоту его равно трости. Ezekiel 40:6 И вниде во врата зрящая на восток седмию степеньми, и измери фее, шесть о сию страну, шесть же об ону, и елам дверный равно трости. Ezekiel 40:7 И фее равно трости в долготу и равно трости в широту, и аилам среде феилаф шести лакот. И фее второе равно трости в широту и равно трости в долготу, елам же пяти лакот. Ezekiel 40:8 И фее третие равно трости в долготу и равно трости в широту, Ezekiel 40:9 елам же вратный, иже близ елама двернаго осми лакот, аилев же двою лактей: и елам дверный внутрьуду. Ezekiel 40:10 И фее дверныя прямо фее, три о сию страну и три об ону, мера же едина трием: и мера едина аилам сюду и сюду. Ezekiel 40:11 И размери широту входа вратнаго десяти лактей, широту же вратную тринадесяти лактей, Ezekiel 40:12 и лакоть един сводимь прямо фееим лактя единаго и лактя единаго, предел сюду и сюду, и фее шести лактей о сию страну и шести лактей об ону страну. Ezekiel 40:13 И размери врата от стены фее до стены фее, широта двадесяти и пяти лактей: сия врата ко вратом, Ezekiel 40:14 и непокровенное елама врат шестидесяти лактей, (двадесяти пяти) и фее двора окрест, Ezekiel 40:15 и непокровенное врат отвне в непокровенное (врат) елама врат внутрьуду пятьдесят лактей. Ezekiel 40:16 И оконца сокровена фееим и в аилам внутрь врат двора окрест: такожде и елам оконца внутрьуду окрест, и на аилам финики сюду и сюду (изваяны). Ezekiel 40:17 И введе мя во двор внутренний, и се, преграждения и междустолпия окрест двора, преграждений же тридесять в междустолпиих, Ezekiel 40:18 и притворы противу задней стране врат, по долготе врат междустолпие нижнее. Ezekiel 40:19 И размери широту двора от непокровенаго врат внешних внутрь ко непокровеному врат зрящих вне, лактей сто зрящих на восток: и введе мя на север, Ezekiel 40:20 и се, врата зрящая на север двору внешнему, и размери я, долготу их и широту. Ezekiel 40:21 И фее три о сию страну, три же об ону, и аилев, и еламы, и финики их: и бысть по мере врат зрящих на восток, пятидесяти лактей долгота их, а широта их двудесяти и пяти лактей: Ezekiel 40:22 и оконца их, и еламы, и финики их, якоже врата зрящая на восток: и седмию восходами восхождаху на ня, и еламы внутрьуду. Ezekiel 40:23 И врата двору внутреннему зрящая ко вратом северным, якоже врата зрящая на восток: и размери двор от врат до врат лактей сто. Ezekiel 40:24 И веде мя к югу, и се, врата зрящая на юг, и размери я, и фее, и аилева, и еламы, по темжде мерам. Ezekiel 40:25 И оконца их и еламы окрест якоже и оконца елаг, пятидесяти лактей долгота их, а широта двудесяти и пяти лактей, Ezekiel 40:26 и седмь восходов им, и еламы внутрьуду, и финики их, един о сию страну, а другий об ону над аилев. Ezekiel 40:27 И врата прямо вратом двора внутренняго на юг: и размери двор от врат до врат на юг, сто лактей в широту. Ezekiel 40:28 И введе мя во двор внутренний врат, яже на юг, и размери врата, яже на юг, по темжде мерам: Ezekiel 40:29 и фее, и аилев, и еламы по темжде мерам. Ezekiel 40:30 И оконца их и еламы окрест, пятидесяти лактей долгота их, а широта двудесяти и пяти лактей. Ezekiel 40:31 Еламы же во двор внешний, и финики аилев, и осмь восходов. Ezekiel 40:32 И введе мя во врата зрящая на восток, и размери я по темжде мерам, и фее и аилев и еламы по темжде мерам. Ezekiel 40:33 И оконца им, и еламы и окрест, пятидесяти лактей долгота их, а широта их двудесяти и пяти лактей. Ezekiel 40:34 И еламы во двор внутренний, и финики на аилев сюду и сюду, и осмь восходов им. Ezekiel 40:35 И введе мя во врата яже на север, и размери по темжде мерам, Ezekiel 40:36 и фее и аилев и еламы, и оконца им окрест, пятидесяти лактей долгота их, а широта двудесяти и пяти лактей, Ezekiel 40:37 и еламы во внешний двор, и финики аилеву сюду и сюду, и осмь восходов им. Ezekiel 40:38 И преграды их, и двери их, и еламы их пред враты их вторыми сток, тамо измывают всесожжения. Ezekiel 40:39 Во еламе же врат, две трапезы о сию страну, две же об ону, еже закалати на них всесожжения, яже за грехи и яже за неведение. Ezekiel 40:40 И созади стока всесожжений дверий зрящих на север две трапезы на восток противу задней стране (дверий) вторых, и противу елама врат две трапезы на восток. Ezekiel 40:41 Четыри о сию страну, четыри же об ону противу задней стране врат, на тех закалают заколения: прямо осми трапез заколений: Ezekiel 40:42 четыри же трапезы всесожжений каменны истесаны, в широту лактя единаго и пол, в долготу двух лактей и пол, а в высоту лакоть един: на тыя возлагают орудия, имиже закалают тамо всесожжения и заколения. Ezekiel 40:43 И имеют ограждение мало истесано на длань внутрьуду окрест, верху же трапезы покров, еже покрыватися им от дождя и зноя. Ezekiel 40:44 И введе мя во двор внутреннейший, и се, две преграды во внутреннейшем дворе, едина противу задней стране врат зрящих на север, вводящая на юг, а другая противу задней стране врат сущих на юг, зрящих же к северу. Ezekiel 40:45 И рече ко мне: преграда сия, яже зрит на юг, жерцем есть, иже стрегут стражбу храма: Ezekiel 40:46 а преграда, яже зрит к северу, жерцем есть стрегущым стражу требника: тии суть сынове Садуковы, приступающии от Левиа ко Господеви, еже служити Ему. Ezekiel 40:47 И размери двор ста лактей в долготу и в широту ста лактей, на четыри страны его, и требник прямо храму. Ezekiel 40:48 И введе мя во елам храма: и размери аил елама пяти лактей широту о сию страну, пяти же лактей об ону, широта же дверная четырехнадесяти лактей, и бока дверная елама три лакти о сию страну, три же об ону. Ezekiel 40:49 Долгота же елама двадесять лактей, а широта дванадесять лактей: и десятию степеньми восхождаху к нему, и столпи бяху у аилама, един о сию страну, а другий об ону. Ezekiel 41:0 Ezekiel 41:1 И введе мя во храм, и размери аилам, шести лактей широта о сию страну и шести лактей широта аилам об ону, Ezekiel 41:2 и широта врат десять лактей, и бока врат пяти лактей о сию страну и пяти об ону: и измери долготу их четыредесять лактей, а широту двадесять лактей. Ezekiel 41:3 И вниде во двор внутренний, и размери аилам дверий двух лактей, и двери шести лактей, бока же дверная седми лактей о сию страну и седми об ону. Ezekiel 41:4 И размери долготу дверий четыредесять лактей, а широту двадесять лактей пред лицем храма, и рече ко мне: сие Святое Святых. Ezekiel 41:5 И размери стену храма шести лактей и широту страны четырех лактей окрест, Ezekiel 41:6 страны же страна до страны тридесять и три дващи: и разстояние в стене храма во странах окрест, еже на прозрак быти входящым, да отнюд не прикасаются ко стенам храма. Ezekiel 41:7 Широта же вышния страны по приложению от стены к вышней окрест храма, яко да разширяется свыше, и да от долних восходят на горняя, а от средних на трекровная. Ezekiel 41:8 И видех храма высоту окрест разстояние стран равно трости шести лактей разстояния, Ezekiel 41:9 широта же стены страны внеуду пяти лактей, и прочая между странами храма, Ezekiel 41:10 и между преградами широта двадесяти лактей, окружность окрест храма. Ezekiel 41:11 Двери же преград ко прочему дверий единых яже к северу: и дверь едина к югу, широта же света прочаго пяти лактей широта окрест. Ezekiel 41:12 Раздел же противу прочему аки к морю седмьдесят лактей, широта стены разделяющия, широта окрест пять лактей, и долгота ея девятьдесят лактей. Ezekiel 41:13 И размери противу храма долготу сто лактей, и прочая и разделяющая, и стены их в долготу сто лактей. Ezekiel 41:14 И широта противу храма, и прочая противу ста лактей. Ezekiel 41:15 И размери долготу разделу противу лицу прочему созади храму тому, и прочая о сию страну и об ону ста лактей долготу: храм же и углы, и елам внешний, доски постланы. Ezekiel 41:16 И окна решетчатая свещения окрест трием (странам) еже приницати: храм же и яже близ его устлана древом окрест, и помост, и от помоста до окон: окна же отворяема трояко на приницание, Ezekiel 41:17 и даже до дому внутренняго и до внешняго, и на всей стене окрест внутренней и внешней меры, Ezekiel 41:18 и изваяннии херувими и финики: финик посреде херувима и херувима: два лица херувиму: Ezekiel 41:19 лице человеческо к финику сюду и сюду, и лице львово к финику сюду и сюду, изваян весь храм окрест. Ezekiel 41:20 От помоста даже до свода херувими и финики изваяни. Ezekiel 41:21 Святое же и храм отверзаемь на четыри страны, пред лицем святых видение яко зрак требника древяна, Ezekiel 41:22 три лакти высота его, а долгота дву лактей, и широта такожде: имеяше же роги, и основание его и стены его древяны. И рече ко мне: сия трапеза, яже пред лицем Господним: Ezekiel 41:23 двои же двери храму и двои двери святому, Ezekiel 41:24 двоим дверем вращающымся: две вереи единым, и две вереи вторым дверем. Ezekiel 41:25 И ваяния над ними и над дверьми храма херувим и финики, по ваянию святых, и древеса потребна пред лицем елама от внеуду, Ezekiel 41:26 и окна сокровена. И размери сюду и сюду в покровех елама, и страны храма древами сопряжены. Ezekiel 42:0 Ezekiel 42:1 И введе мя во двор внешний на востоки, прямо врат яже к северу, и введе мя (внутрь), и се, преград пять держащыяся прочаго и держащыяся предела к северу, Ezekiel 42:2 противу лица ста лактей долгота к северу, а широта пятьдесят лактей, Ezekiel 42:3 расписаны якоже врата двора внутренняго, и якоже междустолпия внешняго двора чинорасположены, прямоличны притворы три. Ezekiel 42:4 И прямо преградам проход десяти лактей в широту, во внутренняя пути единаго лактя на сто лактей долгота, и двери их к северу. Ezekiel 42:5 И проходи горничнии такожде, яко изницаше междустолпие из него, от долнаго междустолпия, и разстояние: сице междустолпие и разстояние, Ezekiel 42:6 и сице притворы: понеже трегубы бяху и столпов не имеша, якоже столпи преград: того ради изницаху из нижних и средних от земли. Ezekiel 42:7 И свет внеуду, якоже преграды двора внешняго, зрящыя противу преградам, яже к северу, долгота пятидесяти лактей. Ezekiel 42:8 Зане долгота преград зрящих во двор внешний бяше пятидесяти лактей, и тыя суть прямоличны тем: все же (бе) ста лактей. Ezekiel 42:9 Двери же преград тех входа, иже на востоки, еже входити ими от двора внешняго, Ezekiel 42:10 по свету сущаго в начале прохода: и к югу на лице юга, и прямо прочему, и прямо разделения, и преграды, Ezekiel 42:11 и проход противу лицу их, по мерам преград яже к северу и по долготе их и по широте их, и по всем исходом их и по всем вращением их, и по светом их и по дверем их, Ezekiel 42:12 преград яже к югу, и по дверем от начала прохода аки к свету разстояния трости, и на восток еже входити ими. Ezekiel 42:13 И рече ко мне: преграды, яже к северу, и преграды, яже к югу, сущыя противу лицу разстояний, сия суть преграды святаго, в нихже ядят жерцы сынове Садуковы, иже приступают ко Господеви, Святая святых, и тамо положат Святая святых и жертву, и яже за грехи и яже за неведение, понеже место свято есть. Ezekiel 42:14 Да не входят тамо, кроме жерцев, и да не изходят от святаго во двор внешний, яко да присно святи будут приносящии, и да не прикасаются ризам их, в нихже служат, понеже свята суть, но да облекутся в ризы ины, егда прикасаются людем. Ezekiel 42:15 И совершися размерение храма внутрьуду. И изведе мя по пути врат зрящих на восток, и размери подобие храма окрест чинорасположением. Ezekiel 42:16 И ста созади врат зрящих на восток, и размери пять сот тростию мерною. Ezekiel 42:17 И обратися на север, и размери на лице севера лактей пять сот тростию мерною. Ezekiel 42:18 И обратися к морю, и размери на лице моря пять сот лактей тростию мерною. Ezekiel 42:19 И обратися на юг, и размери противу югу пять сот тростию мерною. Ezekiel 42:20 Четыри страны тоюжде тростию: и расположи его, и ограду окрест ему, пять сот лактей (долготу) на восток, и пять сот лактей широту, еже разлучати между святыми и между предстением сущим в чинорасположении храма. Ezekiel 43:0 Ezekiel 43:1 И веде мя ко вратом зрящым на востоки и изведе мя: Ezekiel 43:2 и се, слава Бога Израилева грядяше по пути врат зрящих на востоки, и глас полка аки глас усугубляющих многих, и земля светяшеся аки свет от славы Его окрест. Ezekiel 43:3 И видение, еже видех, по видению, еже видех, егда вхождах помазати град: и видение колесницы, юже видех, подобяшеся видению, еже видех на реце Ховар. И падох на лице мое. Ezekiel 43:4 Слава же Господня вниде во храм по пути врат зрящих на восток. Ezekiel 43:5 И взя мя дух и введе мя во двор внутренний: и се, полн славы дом Господень. Ezekiel 43:6 И стах, и се, глас от храма глаголющаго ко мне, и муж стояше близ мене Ezekiel 43:7 и рече ко мне: сыне человечь, видел ли еси место престола Моего и место стопы ног Моих, идеже вселится имя Мое среде дому Израилева во век? И не осквернят ктому имене Моего святаго дом Израилев, тии и старейшины их во блужении своем и во убийствах старейшин своих среде себе, Ezekiel 43:8 внегда полагаху преддверие Мое во преддвериих своих и праги Моя близ прагов своих: и даша стену Мою яко держащуюся Мене и онех, и оскверниша имя Мое святое в беззакониих своих, яже творяху: и скончах я в ярости Моей и во избиении: Ezekiel 43:9 и ныне да отринут блужение свое и убийства старейшин своих от Мене, и вселюся среде их во век. Ezekiel 43:10 Ты же, сыне человечь, покажи дому Израилеву храм, и да престанут от грехов своих: и видение его, и чиноположение его, Ezekiel 43:11 и тии приимут казнь свою о всех, яже сотвориша: и распишеши храм и уготование его, и исходы его и входы его, и бытие его и вся повеления его и вся законы его возвестиши им и да впишеши пред ними, и снабдят вся оправдания Моя и вся повеления Моя и сотворят я. Ezekiel 43:12 И расписание храма на верху горы: вси пределы его окрест Святая Святых суть. Ezekiel 43:13 Сей закон храма, и сия мера требника, в лакоть лактя и длани, недро глубины лакоть на лакоть и лакоть в широту, и ограждение устия ему окрест, пяди. Ezekiel 43:14 И сия высота требника, и от глубины начала вдоления его ко очистилищу великому, еже внизу, двух лактей, широта же лакоть: а от очистилища малаго ко очистилищу великому лакти четыри, и широта лакоть. Ezekiel 43:15 И ариил четырех лактей, а от ариила и выше рогов лакоть: Ezekiel 43:16 ариил же дванадесять лактей в долготу и дванадесять лактей в широту, четвероуголен на четыри части своя. Ezekiel 43:17 И очистилище четыренадесять лактей в долготу и четыренадесять лактей в широту, четвероуголно на четыри части своя: и ограждение ему окрест окружающее его пол лактя, и обдержание его лакоть окрест, и степени его зрящыя на восток. Ezekiel 43:18 И рече ко мне: сыне человечь, сия глаголет Господь Бог Израилев: сия заповеди требника в день сотворения его, еже возносити на нем всесожжения и возливати нань кровь. Ezekiel 43:19 И даси жерцем и левитом, иже суть от семене Садукова, приступающым ко Мне, глаголет Господь Бог, еже служити Мне, телца от говяд за грех: Ezekiel 43:20 и да возмут от крове его и да возложат на четыри роги требника и на четыри части очистилища и на основание окрест, и окропиши е, и очистят е: Ezekiel 43:21 и да возмут телца, иже за грех, и да сожжется во отлученнем храме вне святых. Ezekiel 43:22 А во вторый день да возмут два козлища от коз непорочных за грех и да очистят требник, якоже очистиша телцем. Ezekiel 43:23 И егда скончают очищение, да принесут телца от говяд непорочна и овна от овец непорочна, Ezekiel 43:24 и да принесете пред Господа: и да возвергут на ня жерцы соль и да вознесут я Господеви всесожжения. Ezekiel 43:25 Седмь дний да сотвориши козлище за грех по вся дни, и телца от говяд и овна от овец непорочна, да сотворят седмь дний: Ezekiel 43:26 и да очистят требник и освятят его, и наполнят руки своя. Ezekiel 43:27 И скончают седмь дний, и будет от осмаго дне и потом, сотворят жерцы на жертвеннице всесожжения ваша и яже спасения вашего: и прииму вы, глаголет Господь. Ezekiel 44:0 Ezekiel 44:1 И обрати мя на путь врат святых внешних, зрящих на востоки: и сия бяху затворенна. Ezekiel 44:2 И рече Господь ко мне: сия врата заключенна будут и не отверзутся, и никтоже пройдет ими: яко Господь Бог Израилев внидет ими, и будут заключенна. Ezekiel 44:3 Зане старейшина сей сядет в них ясти хлеб пред Господем: по пути елама врат внидет и по пути его изыдет. Ezekiel 44:4 И введе мя по пути врат яже к северу, прямо храму: и видех, и се, полн славы дом Господень. И падох ниц на лицы моем. Ezekiel 44:5 И рече Господь ко мне: сыне человечь, сложи в сердцы твоем, и виждь очима твоима и ушима твоима слыши вся, елика Аз глаголю с тобою, по всем повелением храма Господня и по всем узаконением его: и устроиши сердце твое на вход храма по всем исходам его во всех святых. Ezekiel 44:6 И речеши к дому прогневляющему мя, к дому Израилеву: сия глаголет Господь Бог: да довлеет вам от всех беззаконий ваших, доме Израилев, Ezekiel 44:7 еже вводити вам сыны иноплеменничы необрезаны сердцем и необрезаны плотию, еже бывати им во святых Моих, и оскверняху я, егда приносите вы хлебы, тук и мяса и кровь: и преступасте завет Мой во всех беззакониих ваших, Ezekiel 44:8 и не снабдесте хранити стражбы во святых Моих, и постависте стражей стрещи стражбы святых Моих себе. Ezekiel 44:9 Того ради сице глаголет Адонаи Господь: всяк сын иноплеменничь необрезан сердцем и необрезан плотию да не внидет во святая Моя во всех сынех иноплеменничих, иже суть среде дому Израилева: Ezekiel 44:10 но и левити, иже отвергошася Мене, егда заблуждаше Израиль, иже заблудиша от Мене вслед помыслов своих, и возмут неправду свою Ezekiel 44:11 и будут служаще во святых Моих, вратари у дверий храма и служащии храму: тии да закалают жертвы и всесожжения людем и тии да станут пред людьми, еже служити им. Ezekiel 44:12 Понеже служиша им пред лицем кумиров своих, и бысть дому Израилеву в мучение неправды: того ради воздвигох на ня руку Мою, глаголет Господь Бог (Израилев), и возмут беззаконие свое, Ezekiel 44:13 и не приступят ко Мне служити Мне, ни приносити ко святым сынов Израилевых, ниже ко Святым Святынь Моих, и возмут безчестие свое в заблуждении, в немже прельстишася: Ezekiel 44:14 и учинят я стрещи стражбы храма на вся дела его Ezekiel 44:15 и на вся, елика сотворят жерцы и левити, сынове Садуковы, иже сохраниша стражбы святынь Моих (и пути Моя), егда заблуждаше дом Израилев от Мене: сии приступят ко Мне, еже служити Мне, и станут пред лицем Моим, еже приносити Мне жертву, тук и кровь, глаголет Адонаи Господь. Ezekiel 44:16 Сии внидут во святая Моя и сии приступят ко трапезе Моей, еже служити Мне, и сохранят стражбы Моя. Ezekiel 44:17 И будет внегда входити им во врата двора внутренняго, в ризы льняны да облекутся, а да не облекутся в волняны, внегда служити им от врат двора внутренняго. Ezekiel 44:18 И клобуки льняны да имут на главах своих, и опоясания льняна да имут о чреслех своих, и да не препоясуются крепко: Ezekiel 44:19 и егда исходят к людем во внешний двор, да совлекутся риз своих, в нихже тии служат, и да положат я в преградах святых, и облекутся в ризы ины, и да не освятят людий в ризах своих: Ezekiel 44:20 и глав своих да не обриют, и влас своих да не растят, покрывающе покрыют главы своя. Ezekiel 44:21 И вина да не пиет всяк жрец, егда входит во внутренний двор. Ezekiel 44:22 И вдовицы и пущеницы да не поемлют себе в жену, но токмо девицу от племене дому Израилева: и аще будет вдова жерча, да оную поймут. Ezekiel 44:23 И люди Моя да научат разлучати между святым и сквернавым, и между чистым и нечистым возвестят им. Ezekiel 44:24 И на суде крове тии да стоят, еже разсуждати: оправдания Моя да оправдят и суды Моя да судят, и законы Моя и повеления Моя во всех праздницех Моих сохранят, и субботы Моя освятят. Ezekiel 44:25 И над душу человека не приидут осквернитися, но точию над отцем и материю, и сыном и дщерию, и братом и сестрою своею, яже не посягла за мужа, осквернится. Ezekiel 44:26 И по очищении своем седмь дний да сочтет себе. Ezekiel 44:27 И во оньже день входят во двор внутренний, еже служити во святилищи, да принесут очищение, глаголет Господь Бог. Ezekiel 44:28 И будет им в наследие: Аз им наследие, и одержание им не дастся в сынех Израилевых, яко Аз одержание их. Ezekiel 44:29 Жертвы же и яже за грехи и за неведение сии да ядят: и всякое отлученное во Израили тем да будет: Ezekiel 44:30 начатки всех и первенцы всех и участия вся, от всех начатков ваших жерцем да будут: и начатки жит ваших да дасте жерцу, еже положити благословения в домех ваших. Ezekiel 44:31 И всякия мертвечины и звероядины, от птиц и от скот да не ядят жерцы. Ezekiel 45:0 Ezekiel 45:1 И егда разделяти вам землю в наследие, отлучите начаток Господеви, свято от земли, в долготу двудесяти и пяти тысящ, а в широту десяти тысящ, свято да будет во всех пределех их окрест. Ezekiel 45:2 И да будут от того на святое пять сот, по пяти сот четвероуголно окрест, разстояние же их пятьдесят лактей окрест. Ezekiel 45:3 И от сего размерения да размериши в долготу двадесять пять тысящ, а в широту десять тысящ: и в том да будет освящение, Святая Святых. Ezekiel 45:4 Свято от земли да будет жерцем служащым во святем и да будет приступающым служити Господеви, и будет им место на домы отлученны освящению их, Ezekiel 45:5 двадесять пять тысящ в долготу и двадесять тысящ в широту да будет, левитом служащым храму, тем во одержание грады ко обитанию. Ezekiel 45:6 И одержание града да даси в широту пять тысящ, а в долготу двадесять пять тысящ, якоже начаток святых всему дому Израилеву да будет Ezekiel 45:7 и старейшине от того: и от сего в начатки святых, во одержание града по лицу начатков святынь и по лицу одержания града, яже к морю, и от сущих к морю, яже на восток: долгота же яко едина часть от предел иже к морю, и долгота ко пределом иже на восток земли. Ezekiel 45:8 И будет ему во одержание во Израили, и да не насилуют ктому старейшины Израилевы людем Моим, и землю да наследят дом Израилев по племеном своим. Ezekiel 45:9 Сия глаголет Господь Бог: да довлеют вам, старейшины Израилевы, неправду и озлобление отвержите, суд же и правду сотворите: изымите насилие от людий Моих, глаголет Господь Бог. Ezekiel 45:10 Вес праведный и мера праведна и хиникс праведен да будут вам в меры: Ezekiel 45:11 и хиникс такожде един да будет вам, еже приимати, десятая часть гомора хиникс, и десятая часть гомора ефи, мера к гомору да будет равна. Ezekiel 45:12 И вес, двадесять оволи сикль, и двадесять пять сиклей, и двадесять сиклей, и пятьнадесять сиклей мнас будет вам. Ezekiel 45:13 И сей начаток, егоже отлучите, шестую часть меры от гомора пшеницы и шестую часть ефи от кора ячменя. Ezekiel 45:14 Заповедь же о елеи, меру елеа от десяти мер, понеже десять мер суть гомор. Ezekiel 45:15 И овча едино от десяти овец участие от всех отечеств Израилевых, на жертвы и на всесожжения и на спасение, еже умолити о вас, глаголет Господь Бог. Ezekiel 45:16 Вси же людие земли да дадят сей начаток старейшине Израилеву, Ezekiel 45:17 и старейшиною да бывают всесожжения: и жертвы и возлияния будут в праздники и в новомесячия, и в субботы и во вся праздники дому Израилева: той сотворит яже за грехи и жертву, и всесожжения и яже спасения, еже умоляти о доме Израилеве. Ezekiel 45:18 Тако глаголет Господь Бог: в первый месяц, во един день месяца, да возмете телца от говяд непорочна, еже очистити святое: Ezekiel 45:19 и да возмет жрец от крове очищения и да возлиет на праги храма и на четыри углы святилища, и на жертвенник и на праги врат двора внутренняго. Ezekiel 45:20 И сице да сотвориши в седмый месяц: во един (день) месяца возмеши от коегождо неведущаго и от младенца, и очистите храм. Ezekiel 45:21 В первый месяц, четвертагонадесять дне месяца, да будет вам Пасха праздник: седмь дний да ясте опресноки. Ezekiel 45:22 И сотворит старейшина в той день за ся и за дом и за вся люди земли, телца за грех: Ezekiel 45:23 в седмь же дний праздника да сотворит всесожжения Господеви седмь телцев и седмь овнов непорочных по всяк день седми дний: и за грех козлище от коз на всяк день, и жертву, Ezekiel 45:24 и опресноки телцу и опресноки овну да сотвориши, и елеа ин опресноку. Ezekiel 45:25 В седмый же месяц, в пятыйнадесять день месяца, в празднице сотвориши по томужде, седмь дний, якоже и за грех, и якоже всесожжения, и якоже дар, и якоже масло древяное. Ezekiel 46:0 Ezekiel 46:1 Сия глаголет Господь Бог: врата, яже во дворе внутреннем зрящая на восток, да будут затворена на шесть дний делных: в день же субботный да отверзаются, и в день новомесячия да отверзутся. Ezekiel 46:2 И внидет старейшина по пути елама врат внешних и да станет у преддверия врат, и да сотворят жерцы всесожжения его и яже спасения его: Ezekiel 46:3 и да поклонится у преддверия врат и изыдет, врата же да не заключатся до вечера, и да покланяются людие земли у преддверия врат тех в субботы и в новомесячия пред Господем. Ezekiel 46:4 И всесожжения да принесет старейшина в день субботный Господеви, шесть агнцев непорочных и овна непорочна, Ezekiel 46:5 и манау, опреснок овну, и агнцем жертву, дар руки своея, и елеа ин опресноку. Ezekiel 46:6 И в день новомесячия телец от стада непорочен и шесть агнцев и овен непорочен да будет, Ezekiel 46:7 и опреснок телцу и опреснок овну да будет манаа, и агнцем, якоже постигнет рука его, и масла ин опресноку. Ezekiel 46:8 И егда входит старейшина, по пути елама врат да внидет и по пути врат да изыдет. Ezekiel 46:9 И егда входят людие земли пред Господа в праздники, входящии по пути врат зрящих на север поклонитися, да исходят по пути врат яже на юг: и иже входят по пути врат яже на юг, да исходят по пути врат яже на север, да не возвращаются во врата, имиже внидоша, но прямо им да изыдут. Ezekiel 46:10 И старейшина посреде их, егда тии входят, да внидет с ними, и егда исходят, да изыдет. Ezekiel 46:11 И в праздники и в торжества да будет манаа опреснок телцу и опреснок овну, и агнцем, якоже постигнет рука его, и елеа ин опресноку. Ezekiel 46:12 Аще же сотворит старейшина исповедание, всесожжение спасения Господеви, и отворит себе врата зрящая на восток и сотворит всесожжение свое и яже спасения своего, якоже есть обычай творити в день субботный: и да изыдет и затворит двери по исхождении своем: Ezekiel 46:13 агнца же единолетнаго непорочна да сотворит во всесожжение на всяк день Господеви, заутра да сотворит его. Ezekiel 46:14 И манаа да сотворит над ним заутра заутра, шестую часть меры, и елеа третию часть ина, еже смесити семидал манаа Господеви, заповедь вечная присно. Ezekiel 46:15 Да сотворите агнца, и манаа, и масло древяно да сотворите заутра всесожжение присно. Ezekiel 46:16 Сия глаголет Господь Бог: аще даст старейшина даяние единому от сынов своих от наследия своего, сие сыном его да будет: одержание их сие в наследие. Ezekiel 46:17 Аще же даст даяние единому от раб своих, да будет ему до лета отпущения, и да воздаст старейшине: обаче наследие сынов его им да будет. Ezekiel 46:18 И да не вземлет старейшина от наследия людий еже насилити им, от одержания своего даст наследие сыном своим: яко да не расточатся людие Мои кийждо от одержания своего. Ezekiel 46:19 И введе мя во вход врат, яже к югу, в преграду святых жерцев, зрящую на север: и се, тамо место отлучено. Ezekiel 46:20 И рече ко мне: сие место есть, идеже варят жерцы, яже за неведение и яже за грехи, и тамо да пекут манау весьма, еже не износити во двор внешний освящати люди. Ezekiel 46:21 И изведе мя во двор внешний и обведе мя на четыри части двора: и се, двор по углам двора. Ezekiel 46:22 По углу двор, на четырех углех двора, двор малый в долготу лактей четыредесять, а в широту лактей тридесять, мера едина четырем. Ezekiel 46:23 И преграды окрест в них, окрест четырем: и поварни устроеныя под преградами окрест. Ezekiel 46:24 И рече ко мне: сии домове поваров, идеже варят служащии храму заколения людская. Ezekiel 47:0 Ezekiel 47:1 И введе мя ко преддверию храма, и се, вода исхождаше из под непокровеннаго храма на восток, яко лице храма зряше на восток, и исхождаше вода от страны десныя, от юга к жертвеннику. Ezekiel 47:2 И изведе мя по пути врат яже на север и обведе мя путем вратным внеуду ко вратом двора, зрящаго на восток, и се, вода исхождаше от страны десныя, Ezekiel 47:3 якоже исход мужа противу: и мера в руце его: и измери тысящу мерою, и прейде водою воду оставления. Ezekiel 47:4 И (паки) измери тысящу, и преведе мя чрез воду, и взыде вода до колен: и размери тысящу, и взыде вода даже до чресл. Ezekiel 47:5 И размери тысящу, поток, и не возможе прейти, яко кипяше вода, аки шум поточный, егоже не прейдут. Ezekiel 47:6 И рече ко мне: видел ли еси, сыне человечь? И веде мя и обрати мя на брег речный, во обращении моем: Ezekiel 47:7 и се, на брезе речнем древеса многа зело сюду и сюду. Ezekiel 47:8 И рече ко мне: вода сия текущая в Галилею, яже на восток, и низхождаше ко Аравии, и грядяше до моря к воде исхода, и изцелит воды: Ezekiel 47:9 и будет всяка душа животных вреющих, на вся, на няже найдет тамо река, жива будут: и будут тамо рыбы многи зело, яко приидет тамо вода сия и изцелит, и живо будет всякое, на неже аще приидет река, тамо живо будет. Ezekiel 47:10 И станут тамо рыбарие от Ингадда до Ингалима: сушило мрежам будет, о себе будет: и рыбы ея яко рыбы моря великаго, множество много зело. Ezekiel 47:11 И во исходе ея и во обращении ея и в возвышении ея мелины ея не изцелятся, в соль вдадутся: Ezekiel 47:12 и над реку взыдет, и на брезе ея оба полы, всякое древо ядомое не обетшает у нея, ни оскудеет плод его, новости своея первый плод принесет, ибо воды их сия от святых исходят, и будет плод их в снедь и прозябение их во здравие. Ezekiel 47:13 Сице глаголет Господь Бог: сия пределы наследите земли, двунадесяти племеном сынов Израилевых приложение ужа. Ezekiel 47:14 И наследите ю кийждо, якоже брат его, на нюже воздвигох руку Мою, еже дати ю отцем их, и падет земля сия вам в наследие. Ezekiel 47:15 И сии пределы земли на север, от моря великаго сходящаго и отделяющаго вход Имаселдам, Ezekiel 47:16 Маавфирас, Еврамилиам среде предел Дамасковых и среде предел Имафовых, дворы Савнани, иже суть выше предел Авранитидских. Ezekiel 47:17 Сии пределы от моря: от двора Енанова, пределы Дамасковы, и яже к северу, и предел Емафов, и предел северск. Ezekiel 47:18 И яже на востоки: между Авранитидою и между Дамаском, и между Галаадитидою и между землею Израилевою, Иордан делит к морю, еже на востоки фиников: сия на востоки. Ezekiel 47:19 И яже к югу и ливу: от Фемана и фиников даже до воды Маримоф-Кадим, продолжающееся к морю великому. Ezekiel 47:20 Сия страна юга и лива, сия страна моря великаго разделяет даже прямо входу Имаф, даже до входа его: сия суть яже к морю Имаф. Ezekiel 47:21 И разделите землю вам, племеном Израилевым. Ezekiel 47:22 Расположите ю жребием вам и пришелцем обитающым среде вас, иже родиша сыны посреде вас, и будут вам яко туземцы в сынех Израилевых: с вами да ядят во участии среде племен Израилевых, Ezekiel 47:23 и будут в племени пришелцев, в пришелцех иже с ними: тамо дадите участие им,, глаголет Господь. Ezekiel 48:0 Ezekiel 48:1 Сия же имена племен от начала еже к северу, по стране схождения разделяющаго ко входу Имафову двора Енаня, предел Дамасков к северу по стране Имафова двора: и будут им яже на востоки, даже до моря, Даново едино. Ezekiel 48:2 И от предел Дановых к востоком даже до моря, Асирово едино. Ezekiel 48:3 И от предел Асировых, от сущих к востоком, даже до моря, Неффалимле едино. Ezekiel 48:4 От предел же Неффалимлих от страны восточныя даже до страны моря, Манассиино едино. Ezekiel 48:5 От предел же Манассииных, сущих на востоки, даже до сущих к морю, Ефремле едино. Ezekiel 48:6 От предел же Ефремлих, иже на восток, даже до моря, Рувимле едино. Ezekiel 48:7 От предел же Рувимлих, иже на востоки, даже до моря, Иудино едино. Ezekiel 48:8 А от предел Иудиных, иже к востоком, даже до моря, будет начаток уделения двадесяти и пяти тысящ широта, и долгота якоже едина от частей сущих к востоком, и даже до тех яже к морю: и будет святое посреде их. Ezekiel 48:9 Начаток, егоже отделят Господеви, в долготу двадесять и пять тысящ и в широту двадесять и пять тысящ. Ezekiel 48:10 От сих будет начаток святых жерцем, к северу (в долготу) двадесять и пять тысящ, и к морю в широту десять тысящ, и к востоку десять тысящ, и на юг в долготу двадесять и пять тысящ: и гора святых будет посреде его Ezekiel 48:11 жерцем, освященным сыном Садуковым, стрегущым стражбы храма, иже не прельстишася во прельщение сынов Израилевых, якоже прельстишася левити. Ezekiel 48:12 И будет им начаток даемый от начатков земли, святое святых от предел левитских. Ezekiel 48:13 Левитом же ближняя пределов жреческих, двадесяти и пяти тысящ в долготу, а в широту десяти тысящ: вся долгота двадесяти и пяти тысящ, а широта десяти тысящ. Ezekiel 48:14 Да не продастся от него, ни заменится, ниже отимутся первая жита земли, яко свято есть Господеви. Ezekiel 48:15 Пять же тысящ избыточных в широте двадесяти и пяти тысящей, предградие да будет граду на вселение и в разстояние его: и да будет град среде его. Ezekiel 48:16 И сия меры его: от севера четыре тысящы и пять сот, и от юга четыре тысящы и пять сот, и от восток четыре тысящы и пять сот, и от моря четыре тысящы и пять сот. Ezekiel 48:17 И да будет разстояние граду к северу двусту и пятидесяти, и к югу двусту и пятидесяти, и на восток двусту и пятидесяти, и к морю двусту и пятидесяти. Ezekiel 48:18 Избыток же долготы держащься начатков святых десять тысящ к востоком и десять тысящ к морю: и будут начатки святаго, и будут жита ея во хлебы делающым град. Ezekiel 48:19 Делающии же град да делают его от всех племен Израилевых. Ezekiel 48:20 Весь начаток двадесяти и пяти тысящ на двадесять и пять тысящ: четвероуголно отделите от него начаток святаго, от одержания градскаго, Ezekiel 48:21 а избыток старейшине от сего: и от онаго, от начатков святаго и во участие града, спреди на двадесять и пять тысящ долгота, до предел, иже к морю и к востоком, спреди на двадесять и пять тысящ, до предел, иже к морю, близ частей старейшины: и да будет начаток святых и освящение храма среде его. Ezekiel 48:22 От участия же левитска и от участия града, среде старейшин, будет среде предел Иудиных и среде предел Вениаминих, и старейшин да будет. Ezekiel 48:23 А избыточное племен от сущих к востоком даже до сущих к морю, Вениаминово едино. Ezekiel 48:24 От предел же Вениаминих к востоком даже до страны яже к морю, Симеоне едино. Ezekiel 48:25 От предел же Симеоних, от страны яже на восток даже до страны яже к морю, Иссахарово едино. Ezekiel 48:26 А от предел Иссахаровых, от востоков даже до моря, Завулоне едино. Ezekiel 48:27 От предел же Завулоних, от востока даже до страны моря, Гадово едино. Ezekiel 48:28 От предел же Гадовых, от востока даже до ливы: и будут пределы его от юга, и воды Варимоф-Кадиса, наследия даже до моря великаго. Ezekiel 48:29 Сия земля, юже расположите жребием племеном Израилевым: и сии разделы их, глаголет Господь Бог. Ezekiel 48:30 И сии исходы града, иже к северу, четыре тысящы и пять сот мерою: Ezekiel 48:31 врата же града по именом племен Израилевых: врата троя на север: врата Рувимля едина, врата же Иудина едина и врата Левиина едина: Ezekiel 48:32 и на восток четыре тысящы и пять сот, и врата троя: врата едина Иосифова, врата же едина Вениаминя и врата Данова едина: Ezekiel 48:33 и яже к югу четыре тысящы и пять сот мерою, и врата троя: врата едина Симеону, врата же едина Иссахару и врата едина Завулону: Ezekiel 48:34 и яже к морю четыре тысящы и пять сот мерою: врата троя: врата едина Гадова, и врата Асирова едина и врата Неффалимова едина. Ezekiel 48:35 Округлость же осминадесяти тысящ: имя же граду, от негоже дне будет, Господь тамо будет имя ему.
Daniel 0:0
Книга пророка Даниила Daniel 1:0 Daniel 1:1 В лето третие царства Иоакима царя Иудина, прииде Навуходоносор царь Вавилонск на Иерусалим и воеваше нань. Daniel 1:2 И даде Господь в руце его Иоакима царя Иудина и от части сосудов храма Божия. И принесе я в землю Сеннаар в дом бога своего и сосуды внесе в дом сокровищный бога своего. Daniel 1:3 И рече царь ко Асфанезу, старейшине евнухов своих, ввести от сынов плена Израилева и от племене царска и от князей Daniel 1:4 юношы, на нихже несть порока, и добры зраком и смыслены во всяцей премудрости, и ведущыя умение и размышляющыя разум, и имже есть крепость в них, еже предстояти в дому пред царем и научити я книгам и языку Халдейску. Daniel 1:5 И повеле им (даяти) царь по вся дни от трапезы царевы и от вина пития своего и кормити их лета три, и потом стати пред царем. Daniel 1:6 И бысть в них от сынов Иудиных Даниил и Ананиа, и Азариа и Мисаил. Daniel 1:7 И возложи им имена старейшина евнухов: Даниилу Валтасар, и Анании Седрах, и Мисаилу Мисах, Азарии же Авденаго. Daniel 1:8 И положи Даниил на сердцы своем, еже не осквернитися от трапезы царевы и от вина пития его, и моли старейшину евнухов, яко да не осквернится. Daniel 1:9 И вдаде Бог Даниила в милость и в щедроты пред старейшиною евнухов. Daniel 1:10 И рече старейшина евнухов Даниилу: боюся аз господина моего царя, заповедавшаго о пищи вашей и питии вашем, да не когда увидит лица ваша уныла паче отроков сверстников ваших, и осудите главу мою царю. Daniel 1:11 И рече Даниил ко Амелсару, егоже пристави старейшина евнухов к Даниилу и Анании, и Азарии и Мисаилу: Daniel 1:12 искуси отроки твоя до десяти дний, и да дадят нам от семен земных, да ядим, и воду да пием: Daniel 1:13 и да явятся пред тобою лица наша и лица отроков ядущих от трапезы царевы, и якоже узриши, сотвори со отроки твоими. Daniel 1:14 И послуша их и искуси я до десяти дний. Daniel 1:15 По скончании же десятих дний, явишася лица их блага и крепка плотию паче отроков ядущих от трапезы царевы. Daniel 1:16 И бысть Амелсар отемля яди их и вино пития их и даяше им семена. Daniel 1:17 И четырем отроком сим им даде им Бог смысл и мудрость во всяцей книжней премудрости: Даниил же разумен бысть во всяцем видении и сониих. Daniel 1:18 И по скончании тех дний, в няже рече царь привести я, введе я старейшина евнухов пред Навуходоносора. Daniel 1:19 И беседова с ними царь, и не обретошася от всех их подобни Даниилу и Анании, и Азарии и Мисаилу: и сташа пред царем. Daniel 1:20 И во всяцем глаголе премудрости и умения, о нихже вопрошаше от них царь, обрете я десятерицею паче всех обаятелей и волхвов сущих во всем царстве его. Daniel 1:21 И бысть Даниил даже до перваго лета Кира царя. Daniel 2:0 Daniel 2:1 В лето второе царства Навуходоносорова, соние виде Навуходоносор, и ужасеся дух его, и сон его отступи от него: Daniel 2:2 и рече царь призвати обаятелей и волхвов, и чародеев и Халдеев, еже возвестити царю сон его. И приидоша и сташа пред царем. Daniel 2:3 И рече им царь: видех сон, и ужасеся дух мой, еже уразумети сон. Daniel 2:4 И глаголаше Халдее сирски цареви: царю, во веки живи: ты повеждь сон рабом твоим, и сказание его возвестим ти. Daniel 2:5 Отвеща же царь Халдеом и рече: слово отступило есть от мене: аще убо не возвестите ми сна и сказания его, в пагубу будете, и домове ваши разграбятся: Daniel 2:6 аще же сон и сказание его возвестите мне, даяния и дары и честь многу приимете от мене: точию сон и сказание его возвестите мне. Daniel 2:7 И отвещаша второе и реша: царь да повесть сон рабом своим, и сказание его возвестим ему. Daniel 2:8 И отвеща царь и рече: поистинне вем аз, яко время вы (точию) искупуете, понеже видите, яко отступило есть слово от мене: Daniel 2:9 аще убо сна не возвестите мне, вем, яко слово ложно и растленно совещастеся рещи предо мною, дондеже время минет: сон мой поведите мне, и увем, яко и сказание его возвестите мне. Daniel 2:10 Отвещаша же паки Халдее пред царем и реша: несть человека на земли, иже слово царево возможет возвестити, яко всяк царь великий и князь не вопрошает ссиеваго словесе обаятеля, волхва и Халдеа: Daniel 2:11 понеже слово, егоже вопрошает царь, тяжко, и несть другаго, иже возвестит е пред царем, но точию бози, ихже несть житие со всякою плотию. Daniel 2:12 Тогда царь в ярости и во гневе мнозе рече погубити вся мудрыя Ваввилонския. Daniel 2:13 И изыде повеление, и мудрии убивахуся: и взыскаша Даниила и другов его убити я. Daniel 2:14 Тогда Даниил отвеща совет и разум Ариоху архимагиру царску, иже изыде убити мудрых Вавилонских, Daniel 2:15 и вопрошаше и глаголя: княже царев, о чесом изыде изречение безстудное от лица царева? Возвести же Ариох слово Даниилу. Daniel 2:16 Даниил же вниде и моли царя, яко да время даст ему, и сказание его возвестит царю. Daniel 2:17 И вниде Даниил в дом свой и возвести слово Анании и Азарии и Мисаилу, другом своим: Daniel 2:18 и щедрот прошаху у Бога небеснаго отайне сей, яко да не погибнут Даниил и друзие его со прочиими мудрыми Вавилонскими. Daniel 2:19 Тогда Даниилу во сне нощию тайна открыся: и благослови Даниил Бога небеснаго Daniel 2:20 и рече: буди имя Господа Бога благословено от века и до века, яко премудрость и смысл и крепость Его есть, Daniel 2:21 и Той пременяет времена и лета, поставляет цари и преставляет, даяй премудрость мудрым и разум ведущым смышление: Daniel 2:22 Той открывает глубокая и сокровенная, сведый сущая во тме и свет с Ним есть: Daniel 2:23 Тебе, Боже отцев моих, исповедаюся и хвалю, яко премудрость и силу дал ми еси и возвестил ми еси, яже просихом у Тебе, и видение царево возвестил ми еси. Daniel 2:24 И прииде Даниил ко Ариоху егоже пристави царь погубити мудрыя Вавилонския, и рече ему: мудрых Вавилонских не погубляй, но введи мя пред царя, и сказание сна возвешу ему. Daniel 2:25 Тогда Ариох с потщанием введе Даниила пред царя и рече ему: обретох мужа от пленник жидовских, иже сказание царю возвестит. Daniel 2:26 И отвеща царь и рече Даниилу, емуже имя Валтасар: можеши ли ми возвестити сон, егоже видех, и сказание его? Daniel 2:27 И отвеща Даниил пред царем и рече: тайны, еяже царь вопрошает, несть мудрых, волхвов, ниже обаятелей газаринов (сила) возвестити царю: Daniel 2:28 но есть Бог на небеси открываяй тайны и возвести царю Навуходоносору, имже подобает быти в последния дни. Сон твой и видение главы твоея на ложи твоем сие есть, царю: Daniel 2:29 помышления твоя на ложи твоем взыдоша, чесому подобает быти по сих, и Открываяй тайны яви тебе, имже подобает быти: Daniel 2:30 и мне не премудростию сущею во мне паче всех живущих тайна сия открыся, но ради того, яко да возвещу сказание царю, да уразумееши размышления сердца твоего. Daniel 2:31 Ты, царю видел еси: и се, тело едино, велие тело оно, и обличие его высоко, стоящо пред лицем твоим, и образ его страшен: Daniel 2:32 тело, егоже глава от злата чиста, руце и перси и мышцы его сребряны, чрево и стегна медяна, Daniel 2:33 голени железны, нозе, часть убо некая железна и часть некая скудельна: Daniel 2:34 видел еси, дондеже отторжеся камень от горы без рук, и удари тело в нозе железны и скудельны, и истни их до конца: Daniel 2:35 тогда сотрошася вкупе скудель, железо, медь, сребро и злато, и бысть яко прах от гумна летня: и взят я премногий ветр, и место не обретеся им: камень же поразивый тело бысть гора велика и наполни всю землю. Daniel 2:36 Сей есть сон, а сказание его речем пред царем. Daniel 2:37 Ты, царю, царь царей, емуже Бог небесный царство даде крепко и державно и честно: Daniel 2:38 во всяцем месте, идеже живут сынове человечи и зверие польстии, и птицы небесныя и рыбы морския дал есть в руку твою и поставил тя властелина всем: ты еси глава златая. Daniel 2:39 И последи тебе востанет царство другое меншее тебе, еже есть сребро, царство же третие, еже есть медь, еже соодолеет всей земли, Daniel 2:40 и царство четвертое, еже будет крепко аки железо: якоже железо стончевает и умягчает вся, такожде и то истончит и истнит вся. Daniel 2:41 А яко видел еси нозе и персты, часть убо некую железну, часть же некую глиняну, царство разделено будет, и от корене железна будет в нем, якоже видел еси железо смешено с глиною: Daniel 2:42 и персты ножнии, часть убо некая железна, часть же некая глиняна, часть некая царства будет крепка и от него будет сокрушена. Daniel 2:43 Яко видел еси железо смешено со глиною, смешены будут во племени человечи, и не будут прилепляющеся сей к сему, якоже железо не смешается со глиною. Daniel 2:44 И во днех царей тех возставит Бог небесный царство, еже во веки не разсыплется, и царство Его людем инем не останется, истнит и развеет вся царства, тое же станет во веки, Daniel 2:45 якоже видел еси, яко отсечеся от горы камень без рук и истни глину, железо, медь, сребро, злато. Бог великий возвести царю, имже подобает быти по сих: и истинен сон, и верно сказание его. Daniel 2:46 Тогда царь Навуходоносор паде на лице и поклонися Даниилу, и рече дары и благовония возлияти ему. Daniel 2:47 И отвещав царь рече Даниилу: поистинне Бог ваш Той есть Бог богов и Господь господей и Царь царей, открываяй тайны, понеже возмогл еси открыти тайну сию. Daniel 2:48 И возвеличи царь Даниила, и дары велики и многи даде ему, и постави его над всею страною Вавилонскою и князя воеводам, над всеми мудрыми Вавилонскими. Daniel 2:49 И Даниил проси у царя и пристави над делы страны Вавилонския Седраха, Мисаха и Авденаго. Даниил же бяше во дворе цареве. Daniel 3:0 Daniel 3:1 В лето осмонадесятое Навуходоносор царь сотвори тело злато, высота его лактий шестидесяти и широта его лактий шести, и постави е на поли Деире во стране Вавилонстей. Daniel 3:2 И посла (Навуходоносор царь) собрати ипаты и воеводы и местоначалники, вожди же и мучители, и сущыя на властех и вся князи стран, приити на обновление кумира, егоже постави Навуходоносор царь. Daniel 3:3 И собрашася местоначалницы, ипатове, воеводы, вождеве, мучителие велицыи, иже над властьми, и вси началницы стран на обновление тела, еже постави Навуходоносор царь: и сташа пред телом, еже постави Навуходоносор царь. Daniel 3:4 И проповедник вопияше со крепостию: вам глаголется, народи, людие, племена, языцы: Daniel 3:5 в оньже час аще услышите глас трубы, свирели же и гусли, самвики же и псалтири и согласия, и всякаго рода мусикийска, падающе покланяйтеся телу златому, еже постави Навуходонсор царь: Daniel 3:6 и иже аще не пад поклонится, в той час ввержен будет в пещь огнем горящую. Daniel 3:7 И бысть егда услышаша людие глас трубы, свирели же и гусли, самвики же и псалтири и согласия, и всякаго рода мусикийска, падающе вси людие, племена, языцы, покланяхуся телу златому, еже постави Навуходоносор царь. Daniel 3:8 Тогда приступиша мужие Халдейстии и оболгаша Иудеев, Daniel 3:9 отвещавше реша Навуходоносору цареви: царю, во веки живи: Daniel 3:10 ты, царю, положил еси повеление, да всяк человек, иже аще услышит глас трубы, свирели же и гусли, самвики же и псалтири и согласия, и всякаго рода мусикийска, Daniel 3:11 и не пад поклонится телу златому, ввержен будет в пещь огнем горящую. Daniel 3:12 Суть убо мужие Иудее, ихже поставил еси над делы страны Вавилионския, Седрах, Мисах и Авденаго, иже не послушаша заповеди твоея, царю, и богом твоим не служат и телу златому, еже поставил еси, не покланяются. Daniel 3:13 Тогда Навуходоносор в ярости и гневе рече привести Седраха, Мисаха и Авденаго. И приведени быша пред царя. Daniel 3:14 И отвеща Навуходоносор и рече им: аще воистинну, Седрах, Мисах и Авденаго, богом моим не служите и телу златому, еже поставих, не покланяетеся? Daniel 3:15 Ныне убо аще есте готови, да егда услышите глас трубы, свирели же и гусли, самвики же и псалтири и согласия, и всякаго рода мусикийска, падше поклонитеся телу златому, еже сотворих: аще же не поклонитеся, в той час ввержени будете в пещь огнем горящую: и кто есть Бог, иже измет вы из руки моея? Daniel 3:16 И отвещаша Седрах, Мисах и Авденаго, глаголюще царю Навуходоносору: не требе нам о глаголе сем отвещати тебе: Daniel 3:17 есть бо Бог наш на небесех, Емуже мы служим, силен изяти нас от пещи огнем горящия и от руку твоею избавити нас, царю: Daniel 3:18 аще ли ни, ведомо да будет тебе, царю, яко богом твоим не служим и телу златому, еже поставил еси, не кланяемся. Daniel 3:19 Тогда Навуходоносор исполнися ярости, и зрак лица его изменися на Седраха, Мисаха и Авденаго, и рече: разжжите пещь седмерицею, дондеже до конца разгорится. Daniel 3:20 И мужем сильным крепостию рече: оковавше Седраха, Мисаха и Авденаго, вверзите в пещь огнем горящую. Daniel 3:21 Тогда мужие онии оковани быша с гащами своими и покрывалы, и сапогми и со одеждами своими, и ввержени быша посреде пещи огнем горящия. Daniel 3:22 Понеже глагол царев превозможе, и пещь разжжена бысть преизлишше: и мужей оных, иже ввергоша Седраха, Мисаха и Авденаго, уби пламень огненный. Daniel 3:23 И мужие тии трие, Седрах, Мисах и Авденаго, падоша посреде пещи огнем горящия оковани, Daniel 3:24 и хождаху посреде пламене поюще Бога и благословяще Господа. Daniel 3:25 И став с ними Азариа помолися сице и отверз уста своя посреде огня рече: Daniel 3:26 Благословен еси, Господи, Боже отец наших, хвально и прославлено имя Твое во веки, Daniel 3:27 яко праведен еси о всех, яже сотворил еси нам, и вся дела Твоя истинна, и прави путие Твои, и вси суди Твои истинни: Daniel 3:28 и судбы истинны сотворил еси по всем, яже навел еси на ны и на град святый отец наших Иерусалим: яко истиною и судом навел еси сия вся на ны грех ради наших. Daniel 3:29 Яко согрешихом и беззаконновахом отступивше от Тебе, и прегрешихом во всех, Daniel 3:30 и заповедий Твоих не послушахом, ниже соблюдохом, ниже сотворихом, якоже заповедал еси нам, да благо нам будет. Daniel 3:31 И вся, елика сотворил еси нам, и вся, елика навел еси на ны, истинным судом сотворил еси, Daniel 3:32 и предал еси нас в руки врагов беззаконных, мерзких отступников, и царю неправедну и лукавнейшу паче всея земли. Daniel 3:33 И ныне несть нам отверзти уст: студ и поношение быхом рабом Твоим и чтущым Тя. Daniel 3:34 Не предаждь убо нас до конца имене Твоего ради, и не разори завета Твоего, Daniel 3:35 и не отстави милости Твоея от, нас, Авраама ради возлюбленнаго от Тебе, и за Исаака раба Твоего и Израиля святаго Твоего, Daniel 3:36 имже глаголал еси умножити семя их, яко звезды небесныя и яко песок вскрай моря. Daniel 3:37 Яко, Владыко, умалихомся паче всех язык, и есмы смирени по всей земли днесь грех ради наших, Daniel 3:38 и несть во время сие князя и пророка и вожда, ниже всесожжения, ниже жертвы, ниже приношения, ниже кадила ни места, еже пожрети пред Тобою Daniel 3:39 и обрести милость: но душею сокрушенною и духом смиренным да прияти будем. Daniel 3:40 Яко во всесожжениих овних и юнчих и яко во тмах агнец тучных, тако да будет жертва наша пред Тобою днесь, и да совершится по Тебе, яко несть студа уповающым на Тя. Daniel 3:41 И ныне возследуем всем сердцем и боимся Тебе и ищем лица Твоего: Daniel 3:42 не посрами нас, но сотвори с нами по кротости Твоей и по множеству милости Твоея, Daniel 3:43 и изми нас по чудесем Твоим, и даждь славу имени Твоему, Господи. Daniel 3:44 И да посрамятся вси являющии рабом Твоим злая, и да постыдятся от всякия силы, и крепость их да сокрушится, Daniel 3:45 и да разумеют, яко Ты еси Господь Бог един и славен по всей вселенней. Daniel 3:46 И не престаша ввергшии их слуги царевы, жгуще пещь наффою и смолою, и изгребьими и хврастием: Daniel 3:47 и разливащеся пламень над пещию на лактий четыредесять девять, Daniel 3:48 и обыде и пожже, ихже обрете окрест пещи Халдейския. Daniel 3:49 Ангел же Господень сниде купно с сущими со Азариею в пещь Daniel 3:50 и оттрясе пламень огненный от пещи и сотвори среднее пещи яко дух росы шумящь: и не прикоснуся их отнюд огнь и не оскорби, ниже стужи им. Daniel 3:51 Тогда тии трие яко едиными усты пояху и благословляху и славляху Бога в пещи, глаголюще: Daniel 3:52 Благословен еси, Господи, Боже отец наших, и препетый и превозносимый во веки, и благословено имя славы Твоея святое, и препетое и превозносимое во веки. Daniel 3:53 Благословен еси во храме святыя славы Твоея, и препетый и превозносимый во веки. Daniel 3:54 Благословен еси, видяй бездны, седяй на Херувимех, и препетый и првозносимый во веки. Daniel 3:55 Благословен еси на престоле славы царствия Твоего, и препетый и превозносимый во веки. Daniel 3:56 Благословен еси на тверди небесней, и препетый и превозносимый во веки. Daniel 3:57 Благословите, вся дела Господня, Господа, пойте и превозносите Его во веки. Daniel 3:58 Благословите, Ангели Господни, Господа, пойте и превозносите Его во веки. Daniel 3:59 Благословите, небеса, Господа, пойте и превозносите Его во веки. Daniel 3:60 Благословите, воды вся, яже превыше небес, Господа, пойте и превозносите Его во веки. Daniel 3:61 Благословите, вся силы Господни, Господа, пойте и превозносите Его во веки. Daniel 3:62 Благословите, солнце и луна, Господа, пойте и превозносите Его во веки. Daniel 3:63 Благословите, звезды небесныя, Господа, пойте и превозносите Его во веки. Daniel 3:64 Благословите, всяк дождь и роса, Господа, пойте и превозносите Его во веки. Daniel 3:65 Благословите, вси дуси, Господа, пойте и превозносите Его во веки. Daniel 3:66 Благословите, огнь и вар, Господа, пойте и превозносите Его во веки. Daniel 3:67 Благословите, студь и зной, Господа, пойте и превозносите Его во веки. Daniel 3:68 Благословите, росы и иней, Господа, пойте и превозносите Его во веки. Daniel 3:69 Благословите, нощи и дние, Господа, пойте и превозносите Его во веки. Daniel 3:70 Благословите, свет и тма, Господа, пойте и превозносите Его во веки. Daniel 3:71 Благословите, лед и мраз, Господа, пойте и превозносите Его во веки. Daniel 3:72 Благословите, сланы и снези, Господа, пойте и превозносите Его во веки. Daniel 3:73 Благословите, молния и облацы, Господа, пойте и превозносите Его во веки. Daniel 3:74 Да благословит земля Господа, да поет и превозносит Его во веки. Daniel 3:75 Благословите, горы и холми, Господа, пойте и превозносите Его во веки. Daniel 3:76 Благословите, вся прозябающая на земли, Господа, пойте и превозносите Его во веки. Daniel 3:77 Благословите, источницы, Господа, пойте и превозносите Его во веки. Daniel 3:78 Благословите, моря и реки, Господа, пойте и превозносите Его во веки. Daniel 3:79 Благословите, кити и вся движущаяся в водах, Господа, пойте и превозносите Его во веки. Daniel 3:80 Благословите, вся птицы небесныя, Господа, пойте и превозносите Его во веки. Daniel 3:81 Благословите, зверие и вси скоти, Господа, пойте и превозносите Его во веки. Daniel 3:82 Благословите, сынове человечестии, Господа, пойте и превозиосите Его во веки. Daniel 3:83 Да благословит Израиль Господа, пойте и превозносите Его во веки. Daniel 3:84 Благословите, иерее Господни, Господа, пойте и превозносите Его во веки. Daniel 3:85 Благословите, раби Господни, Господа, пойте и превозносите Его во веки. Daniel 3:86 Благословите, дуси и души праведных, Господа, пойте и превозносите Его во веки. Daniel 3:87 Благословите, преподобнии и смиреннии сердцем, Господа, пойте и превозносите Его во веки. Daniel 3:88 Благословите, Ананиа, Азариа и Мисаил, Господа, пойте и превозносите Его во веки: яко изят ны от ада и спасе ны от руки смерти, и избави ны от среды пещи и горяща пламене, и от среды огня избави ны. Daniel 3:89 Исповедайтеся Господеви, яко благ, яко в век милость Его. Daniel 3:90 Благословите, вси чтущии Господа, Бога богов, пойте и исповедайтеся, яко во век милость Его. Daniel 3:91 Навуходоносор же слыша поющих их, и почудися, и воста со тщанием, и рече вельможам своим: не триех ли мужей ввергохом среде огня связаных? И реша цареви: воистинну, царю. Daniel 3:92 И рече царь: се, аз вижду мужы четыри разрешены и ходящя среде огня, и истления несть в них, и зрак четвертаго подобен сыну Божию. Daniel 3:93 Тогда прииде Навуходоносор ко устию пещи огнем разжженныя и рече: Седрах, Мисах, Авденаго, раби Бога Вышняго, изыдите и приидите. И изыдоша Седрах, Мисах, Авденаго от среды огня. Daniel 3:94 И собрашася князи и воеводы, и местоначалницы и вельможи царевы, и видяху мужей, яко не одоле огнь телесем их и власа главы их не опали, и ризы их не изменишася, и вони огненны не бяше в них. Daniel 3:95 И поклонися пред ними царь Богу, и отвеща Навуходоносор царь и рече: благословен Бог Седрахов, Мисахов и Авденаго, Иже посла Ангела Своего и изя отроки Своя, яко уповаша на Него: и слово царево премениша, и предаша телеса своя во огнь, яко да не послужат, ни поклонятся всякому богу иному, но точию Богу своему: Daniel 3:96 и аз заповедаю заповедь: вси людие, племя, язык, аще речет хулу на Бога Седрахова и Мисахова и Авденаго, в пагубу будут, и домове их в разграбление: понеже несть бога другаго, иже возможет избавити сице. Daniel 3:97 Тогда царь постави Седраха, Мисаха и Авденаго во стране Вавилонстей, и возвеличи их, и сподоби их старейшинства Иудеев всех сущих во царстве его. Daniel 3:98 Навуходоносор царь всем людем, племеном и языком сущым во всей земли, мир вам да умножится. Daniel 3:99 Знамения и чудеса, яже сотвори со мною Бог Вышний, угодно бысть предо мною возвестити вам, Daniel 3:100 коль великая и крепкая: царство Его царство вечное, и власть Его в роды и роды. Daniel 4:0 Daniel 4:1 Аз Навуходоносор обилуяй бех в дому моем и благоцветый на престоле моем: Daniel 4:2 сон видех, и устраши мя, и смятохся на ложи моем, и видения главы моея смятоша мя: Daniel 4:3 и мною положися повеление, привести пред мя вся мужы мудрыя Вавилонския, да сказание сна возвестят мне. Daniel 4:4 И вхождаху обаятелие, волсви, газарини, Халдее, и сон аз рех пред ними, и сказания его не возвестиша ми, Daniel 4:5 дондеже вниде (пред мя) Даниил, емуже имя Валтасар, по имения бога моего, иже духа Божия свята имать в себе, и сон пред ним рех: Daniel 4:6 Валтасаре, княже обаятелей, егоже аз разумех, яко дух Божий святый имаши, и всякая тайна не изнемогает пред тобою, слыши видение сна моего, еже видех, и сказание его повеждь мне. Daniel 4:7 И видение главы моея на ложи моем зрех, и се, древо среде земли, и высота его велика: Daniel 4:8 и возвеличися древо то и укрепися, и высота его досязаше до небесе, и величина его до конец земли всея, Daniel 4:9 листвие его прекрасное, и плод его мног, и пища всех в нем, и под ним вселяхуся вси зверие дивии, и в ветвех его живяху (вся) птицы небесныя, и от него питашеся всяка плоть. Daniel 4:10 Видех во сне нощию на ложи моем, и се, Бодрый и Святый от небесе сниде Daniel 4:11 и возгласи крепце и тако рече: посецыте древо и обийте ветви его, и оттрясите листвие его и разсыплите плод его, да позыблются зверие под ним и птицы с ветвий его: Daniel 4:12 точию отрасль корения его в земли оставите, и во узе железне и медне, и во злаце внешнем и в росе небесней вселится, и со зверьми (дивиими) часть его во траве земней: Daniel 4:13 сердце его от человек изменится, и сердце зверино дастся ему, и седмь времен изменятся над ним: Daniel 4:14 изречением Бодраго слово, и глагол Святых прошение: да уведят живущии, яко владеет Вышний царством человеческим, и емуже восхощет, даст е, и уничтоженное человеков возставит над ним. Daniel 4:15 Сей сон, егоже видех аз Навуходоносор царь: ты же, Валтасаре, сказание его повеждь, яко вси мудрии царства моего не могут сказания его поведати мне, ты же, Данииле, можеши, яко дух Божий свят в тебе. Daniel 4:16 Тогда Даниил, емуже имя Валтасар, ужасеся аки на един час, и размышления его смущаху его. И отвеща царь и рече: Валтасаре, сон мой и сказание его да не смущает тебе. И отвеща Валтасар и рече: господине, да будет сон сей ненавидящым тя, и сказание его врагом твоим. Daniel 4:17 Древо, еже видел еси возвеличившееся и укрепившееся, егоже высота досязаше до небесе и величина его на всю землю, Daniel 4:18 и листвие его благоцветное и плод его мног, и пища всем в нем, под ним живяху зверие дивии, и в ветвех его угнездяхуся птицы небесныя: Daniel 4:19 ты еси, царю, яко возвеличился еси и укрепел, и величество твое возвеличися и досяже небесе, и власть твоя до конец земли. Daniel 4:20 И яко виде царь Бодраго и Святаго сходяща с небесе, и рече: посецыте древо и разсыплите е, точию проничение корения его в земли оставите, и во узе железне и медяне и во злаце внешнем и в росе небесней водворится, и со зверьми дивиими часть его, дондеже седмь времен пременятся над ним: Daniel 4:21 сие сказание его, царю, и изречение Вышняго есть, еже приспе на господина моего царя: Daniel 4:22 изженут тя от человек, и с дивиими зверьми будет житие твое, и травою аки вола напитают тя, и от росы небесныя тело твое оросится, и седмь времен изменятся над тобою, дондеже увеси, яко владеет Вышний царством человеческим, и емуже восхощет, даст е. Daniel 4:23 А еже рече: оставите проничение корения древа (в земли): царство твое тебе будет, отнележе увеси власть небесную. Daniel 4:24 Сего ради, царю совет мой да будет тебе угоден, и грехи твоя милостынями искупи и неправды твоя щедротами убогих: негли будет долготерпелив грехом твоим Бог. Daniel 4:25 Сия вся постигоша Навуходоносора царя. Daniel 4:26 По двоюнадесяти месяцех в дому царства своего, в Вавилоне бе ходя, Daniel 4:27 отвеща царь и рече: несть ли сей Вавилон великий, егоже аз соградих в дом царства, в державе крепости моея, в честь славы моея? Daniel 4:28 Еще слову сущу во устех каря, глас с небесе бысть: тебе глаголется, Навуходоносоре царю: цартво твое прейде от тебе, Daniel 4:29 и от человек отженут тя, и со зверьми дивиими житие твое, и травою аки вола напитают тя и седмь времен изменятся на тебе, дондеже увеси, яко владеет Вышний царством человеческим, и емуже восхощет, даст е. Daniel 4:30 В той час слово скончася на цари Навуходоносоре, и от человек отгнася, и траву аки вол ядяше, и от росы небесныя тело его оросися, дондеже власи ему яко льву возрастоша и ногти ему аки птицам. Daniel 4:31 И по скончании тех дний, аз Навуходоносор очи свои на небо воздвиг, и ум мой ко мне возвратися, и Вышняго благослових, и Живущаго во веки похвалих и прославих, яко власть Его власть вечна, и царство Его в роды и роды, Daniel 4:32 и вси живущии на земли ни во чтоже вменишася, и по воли Своей творит в силе небесней и в селении земнем: и несть, иже воспротивится руце Его и речет Ему: что сотворил еси? Daniel 4:33 В то время ум мой возвратися ко мне, и в честь царства моего приидох, и зрак мой возвратися ко мне, и началницы мои и вельможи мои искаху мене: и в царстве моем утвердихся, и величество изюбилнее приложися мне. Daniel 4:34 Ныне убо аз Навуходоносор хвалю и превозношу и славлю Царя Небеснаго, яко вся дела Его истинна, и путие Его судбы, и вся ходящыя в гордости может смирити. Daniel 5:0 Daniel 5:1 Валтасар царь сотвори вечерю велию вельможам своим тысящи мужем, Daniel 5:2 пред тысящею же вино, и пия Валтасар рече при вкушении вина, еже принести сосуды златы и сребряны, яже изнесе Навуходоносор отец его из храма (Господа Бога), иже во Иерусалиме, и да пиют в них царь и вельможи его, и наложницы его и возлежащыя (окрест) его. Daniel 5:3 И принесоша сосуды златыя и сребряныя, яже изнесе (Навуходоносор царь) из храма Господа Бога, иже во Иерусалиме: и пияху ими царь и вельможи его, и наложницы его и возлежащыя (окрест) его: Daniel 5:4 пияху вино и похвалиша боги златыя и сребряныя, и медяныя и железныя, и древяныя и каменныя, а Бога вечнаго не благословиша, имущаго власть духа их. Daniel 5:5 В той час изыдоша персты руки человечи и писаху противу лампады на поваплении стены дому царева, и царь видяше персты руки пишущия. Daniel 5:6 Тогда царю зрак изменися, и размышления его смущаху его, и соузы чресл его разслабляхуся, и колена его сражастася: Daniel 5:7 и возопи царь силою, еже ввести волхвов, Халдеев, газаринов: и рече царь мудрым Вавилонским: иже прочтет писание сие и разум его возвестит мне, той в багряницу облечется, и гривна златая на выю его, и третий во царстве моем обладати начнет. Daniel 5:8 И вхождаху вси мудрии ко царю и не можаху писания прочести, ни разума царю возвестити. Daniel 5:9 Царь же Валтасар возмятеся, и зрак его изменися на нем, и вельможи его смущахуся. Daniel 5:10 И вниде царица в дом пирный, и рече царица: царю во веки живи: да не смущают тебе размышления твоя, и зрак твой да не изменяется: Daniel 5:11 есть муж во царстве твоем, в немже дух Божий: и во дни отца твоего бодрость и смысл обретеся в нем, и царь Навуходоносор отец твой князя постави его волхвом, обаятелем, Халдеем, газарином, Daniel 5:12 яко дух преизюбилный (бяше) в нем, и премудрость и смысл (обретеся) в нем, сказуя сны и возвещая сокровенная и разрешая соузы, Даниил, и царь нарече имя ему Валтасар: ныне убо да призовется, и сказание его возвестит тебе. Daniel 5:13 Тогда Даниил введен бысть пред царя. И рече царь Даниилу: ты лиеси Даниил, от сынов пленник Иудейских, ихже приведе Навуходоносор царь отец мой? Daniel 5:14 Слышах о тебе, яко дух Божий в тебе, и бодрость и смысл и премудрость изюбилна обретеся в тебе: Daniel 5:15 и ныне внидоша пред мя мудрии, волсви, газарини, да писание сие прочтут и сказания его возвестят ми, и не могоша возвестити мне: Daniel 5:16 аз же слышах о тебе, яко можеши суды сказати: ныне убо аще возможеши ппсание сие прочести и сказание его возвестити мне, в багряницу облечешися, и гривна златая на выи твоей будет, и третий во царстве моем обладати будеши. Daniel 5:17 Тогда отвеща Даниил и рече пред царем: даяния: твоя с тобою да будут, и дар дому твоего иному даждь, аз же писание прочту царю и сказание его возвещу тебе. Daniel 5:18 Царю! Бог Вышний царство и величество, и честь и славу даде Навуходоносору отцу твоему, Daniel 5:19 и от величества, еже ему даде, вси людие, племена, языцы бяху трепещуще и боящеся от лица его: ихже хотяше убиваше, и ихже хотяше бияше, и ихже хотяше возвышаше, и ихже хотяше, той смиряше: Daniel 5:20 и егда вознесеся сердце его и утвердися дух его еже презорствовати, сведеся от престола царства, и слава и честь отяся от него, Daniel 5:21 и от человек отгнася, и сердце его со зверьми отдася, и житие его со дивиими ослы, и травою аки вола питаху его, и от росы небесныя оросися тело его, дондеже уразуме, яко владеет Бог Вышний царством человеческим, и емуже хощет, даст е. Daniel 5:22 И ты убо, сыне его Валтасаре, не смирил еси сердца твоего пред Господем: не вся ли сия ведал еси? Daniel 5:23 Но на Господа Бога небеснаго вознеслся еси, и сосуды храма Его принесоша пред тебе, ты же и вельможи твои, и наложницы твоя и возлежащыя (окрест) тебе, вино пиясте ими: и боги златыя и сребряныя, и медяныя и железныя, и каменныя и древяныя, иже ни видят, ни слышат, ни разумеют, похвалил еси, а Бога, у Негоже дыхание твое в руце Его, и вси путие твои, Того не прославил еси. Daniel 5:24 Сего ради от лица Его послани быша персты ручнии и писание сие вчиниша. Daniel 5:25 Се же есть писание вчиненое: мани, фекел, фарес. Daniel 5:26 Се сказание глагола: мани, измери Бог царство твое и сконча е: Daniel 5:27 фекел, поставися в мерилех и обретеся лишаемо: Daniel 5:28 фарес, разделися царство твое и дадеся Мидом и Персом. Daniel 5:29 И рече Валтасар: (облецыте и). И облекоша Даниила в багряницу, и гривну златую возложиша на выю его, и проповеда о нем, еже быти ему князю третиему во царстве его. Daniel 5:30 Валтасара царя Халдейска убиша в ту нощь, Daniel 5:31 Дарий же Мидянин прия царство, сый шестидесяти и двою лет. Daniel 6:0 Daniel 6:1 И бысть угодно пред царем, и постави во царстве князей сто и двадесять, еже быти им во всем царстве его, Daniel 6:2 над ними же три чиновники, от нихже бе Даниил един, дабы отдавали им князи слово, яко да царю не стужают. Daniel 6:3 И бе Даниил над ними, яко дух бяше преизюбилен в нем, и царь постави его над всем царством своим. Daniel 6:4 Чиновницы же и князи искаху вины обрести на Даниила: и всякия вины и соблазна и греха не обретоша на него, яко верен бяше. Daniel 6:5 И реща чиновницы не обрящем на Даниила вины, аще не в законех Бога его. Daniel 6:6 Тогда чиновницы и князи предсташа царю и реша ему: Дарие царю, во веки живи: Daniel 6:7 совещаша вси иже во царстве твоем воеводы и князи, ипати и обладающии странами, еже уставити устав царский и укрепити предел, яко аще кто попросит прошения от всякаго бога и человека до дний тридесяти, разве точию от тебе, царю, да ввержен будет в ров левский: Daniel 6:8 ныне убо, царю, устави предел и положи писание, яко да не изменится заповедь Мидска и Персска, (да никтоже преступит ея). Daniel 6:9 Тогда царь Дарий повеле вписати заповедь. Daniel 6:10 Даниил же егда уведе, яко заповедь вчинися, вниде в дом свой: дверцы же отверсты ему в горнице его противу Иерусалима, в три же времена дне бяше прекланяя колена своя, моляся и исповедаяся пред Богом своим, якоже бе творя прежде. Daniel 6:11 Тогда мужие онии наблюдоша и обретоша Даниила просяща и молящася Богу своему, Daniel 6:12 и пришедше реша пред царем: царю, не вчинил ли еси ты предела, яко да всяк человек, иже аще попросит у всякаго бога и человека прошения до тридесяти дний, но точию у тебе, царю, да ввержется в ров левск? И рече царь: истинно слово, и заповедь Мидска и Персска не мимоидет. Daniel 6:13 Тогда отвещаша пред царем и глаголаша: Даниил, иже от сынов плена Иудейска, не покорися заповеди твоей (и не раде) о пределе, егоже вчинил еси: в три бо времена дне просит у Бога своего прошений своих. Daniel 6:14 Тогда царь, яко слышав слово сие, зело опечалися о нем, и о Данииле пряшеся еже избавити его, и бе даже до вечера пряся еже избавити его. Daniel 6:15 Тогда мужие онии глаголаша царю: веждь, царю яко Мидом и Персом не леть есть пременити всякаго предела и устава, егоже царь уставит. Daniel 6:16 Тогда царь рече, и приведоша Даниила и ввергоша его в ров левск. И рече царь Даниилу: Бог твой, Емуже ты служиши присно, Той избавит тя. Daniel 6:17 И принесоша камень един и возложиша на устие рва, и запечата царь перстнем своим и перстнем вельмож своих, да не изменится деяние о Данииле. Daniel 6:18 И отиде царь в дом свой и ляже без вечери, и яди не внесоша к нему: и сон отступи от него. И заключи Бог уста львом, и не стужиша Даниилу. Daniel 6:19 Тогда царь воста заутра на свете и со тщанием прииде ко рву левску. Daniel 6:20 И егда приближися ко рву, возопи гласом крепким: Данииле, рабе Бога живаго! Бог твой, Емуже ты служиши присно, возможе ли избавити тя из уст львовых? Daniel 6:21 И рече Даниил цареви: царю, во веки живи: Daniel 6:22 Бог мой посла Ангела Своего и затвори уста львов, и не вредиша мене, яко обретеся пред Ним правда моя, и пред тобою, царю, согрешения не сотворих. Daniel 6:23 Тогда царь вельми возвеселися о нем и рече Даниила извести из рва. И изведен бысть Даниил из рва, и всякаго тления не обретеся на нем яко верова в Бога своего. Daniel 6:24 И рече царь, и приведоша мужы оклеветавшыя Даниила и в ров левск ввергоша я и сыны их и жены их: и не доидоша дна рва, даже соодолеша им львы и вся кости их истончиша. Daniel 6:25 Тогда Дарий царь написа всем людем, племеном, языком, живущым во всей земли: мир вам да умножится: Daniel 6:26 от лица моего заповедася заповедь сия во всей земли царства моего, да будут трепещуще и боящеся от лица Бога Даниилова, яко Той есть Бог живый и пребываяй во веки, и царство Его не разсыплется, и власть Его до конца: Daniel 6:27 подемлет и избавляет, и творит знамения и чудеса на небеси и на земли, иже избави Даниила от уст львовых. Daniel 6:28 Даниил же управляше во царстве Дариеве и во царстве Кира Персянина. Daniel 7:0 Daniel 7:1 В первое лето Валтасара царя Халдейска, Даниил сон виде и видения главы его на ложи его, и сон свой вписа: Daniel 7:2 аз Даниил видех в видении моем нощию: и се, четыри ветри небеснии налегоша на море великое, Daniel 7:3 и четыри зверие велицыи исхождаху из моря, различни между собою: Daniel 7:4 первый аки львица имый криле, криле же его аки орли, зрях, дондеже исторжена быша крила его, и воздвижеся от земли, и на ногу человечу ста, и сердце человечо дадеся ему: Daniel 7:5 и се, зверь вторый подобен медведице, и на стране единей ста, и три ребра во устех его, среде зубов его, и сице глаголаху ему: востани, яждь плоти многи: Daniel 7:6 созади сего видех: и се, зверь ин аки рысь, томуже крила четыри птичия над ним и четыри главы зверю, и власть дадеся ему: Daniel 7:7 созади сего видех: и се, зверь четвертый страшен и ужасен и крепок излиха, зубы же его железни велии, ядый и истончевая, останки же ногама своима попираше, тойже различаяся излиха паче всех зверей прежних, и рогов десять ему: Daniel 7:8 разсмотрях в розех его, и се, рог другий мал взыде среде их, и трие рози преднии его исторгнушася от лица его, и се, очи аки очи человечи в розе том, и уста глаголюща великая. Daniel 7:9 Зрях дондеже престоли поставшася, и Ветхий денми седе, и одежда Его бела аки снег, и власи главы Его аки волна чиста, престол Его пламень огнен, колеса Его огнь палящь: Daniel 7:10 река огненна течаше исходящи пред Ним: тысящя тысящ служаху Ему, и тмы тем предстояху Ему: судище седе, и книги отверзошася. Daniel 7:11 Видех тогда от гласа словес великих, яже рог оный глаголаше, дондеже убися зверь и погибе, и тело его дадеся во сожжение огненно: Daniel 7:12 и прочих зверей преставися власть, и продолжение жития дадеся им до времене и времене. Daniel 7:13 Видех во сне нощию, и се, на облацех небесных яко Сын человечь идый бяше и даже до Ветхаго денми дойде и пред Него приведеся: Daniel 7:14 и Тому дадеся власть и честь и царство, и вси людие, племена и языцы Тому поработают: власть Его власть вечная, яже не прейдет, и царство Его не разсыплется. Daniel 7:15 Вострепета дух мой в состоянии моем, аз Даниил, и видения главы моея смущаху мя. Daniel 7:16 И приидох ко единому от стоящих и известия просих от него научитися о всех сих. И поведа ми известие и сказание словес возвести ми: Daniel 7:17 сии зверие велицыи четыри, четыри царства востанут на земли, Daniel 7:18 яже возмутся: и преймут царство святии Вышняго и содержати будут оное даже до века веков. Daniel 7:19 И вопрошах испытно о звери четвертем, яко бяше различен паче всякаго зверя, страшен вельми, зубы его железни и ногти его медяни, ядый и истончевая, останки же ногама своима попираше: Daniel 7:20 и о десяти розех его иже на главе его, и о друзем возшедшем и истрясшем первыя три, рог же той емуже очи и уста глаголюща великая, и видение его более прочиих: Daniel 7:21 зрях, и рог той творяше рать со святыми и укрепися на них, Daniel 7:22 дондеже прииде Ветхий денми и суд даде святым Вышняго: и время приспе, и царство прияша святии. Daniel 7:23 И рече: зверь четвертый царство четвертое будет на земли, еже превзыдет вся царства и пояст всю зеемлю, и поперет ю и посечет: Daniel 7:24 и десять рогов его десять царей востанут, и по них востанет другий, иже превзыдет злобами всех прежних и три цари смирит, Daniel 7:25 и словеса на Вышняго возглаголет и святых Вышняго смирит, и помыслит пременити времена и закон, и дастся в руку его даже до времене и времен и полувремене: Daniel 7:26 и судище сядет, и власть его преставят еже потребити и погубити до конца: Daniel 7:27 царство же и власть и величество царей, иже под всем небесем, дастся святым Вышняго: и царство Его царство вечное, и вся власти Тому работати будут и слушати. Daniel 7:28 До зде скончание словесе. Аз Даниил, надолзе размышления моя смущаху мя, и зрак мой пременися на мне, и глагол в сердцы моем соблюдох. Daniel 8:0 Daniel 8:1 В лето третие царства Валтасара царя видение явися мне, аз Даниил, по явльшемся мне прежде. Daniel 8:2 И бех в Сусех граде, иже есть во стране Еламстей, и видех в видении, и бех на Увале, Daniel 8:3 и воздвигох очи мои и видех: и се, овен един стоя пред увалом емуже рози, рози же высоцы, един же вышше другаго, и вышший восхождаше последи. Daniel 8:4 И видех овна бодуща на запад и на север, и на юг и на восток: и вси зверие не станут пред ним, и не бе избавляюща из руки его, и сотвори по воли своей, и возвеличися. Daniel 8:5 Аз же бех размышляя, и се козел от коз идяше от лива на лице всея земли и не бе прикасаяся земли, и козлу тому рог видимь между очима его: Daniel 8:6 и прииде до овна имущаго рога егоже видех стояща пред увалом, и тече к нему в силе крепости своея. Daniel 8:7 И видех его доходяща до овна, и разсвирепе на него, и порази овна, и сокруши оба рога его: и не бе силы овну, еже стати противу ему: и поверже его на землю и попра его, и не бе избавляяй овна от руки его. Daniel 8:8 И козел козий возвеличися до зела: и внегда укрепися, сокрушися рог его великий, и взыдоша друзии четыри рози под ним, по четырем ветром небесным: Daniel 8:9 и от единаго их взыде рог един крепок, и возвеличися вельми к югу и к востоку и к силе, Daniel 8:10 и возвеличися даже до силы небесныя: и сотвори пасти на землю от силы небесныя и от звезд, и попра я: Daniel 8:11 и дондеже Архистратиг избавит пленники, и Его ради жертва смятеся, и благопоспешися Ему, и святое опустеет: Daniel 8:12 и дадеся на жертву грех, и повержеся правда на землю: и сотвори, и благопоспешися. Daniel 8:13 И слышах единаго святаго глаголюща. И рече един святый другому некоему глаголющему: доколе видение станет, жертва отятая, и грех опустения данный, и святое и сила поперется? Daniel 8:14 И рече ему: даже до вечера и утра дний две тысящы и триста, и очистится святое. Daniel 8:15 И бысть, егда видех аз Даниил видение и взысках ведения, и се, ста предо мною аки образ мужеск, Daniel 8:16 и слышах глас мужеск среде Увала, и призва и рече: Гаврииле, скажи видение оному. Daniel 8:17 И прииде и ста близ стояния моего: и егда прииде ужасохся и падох на лице мое. И рече ко мне: разумей, сыне человечь, еще бо до скончания времене видение. Daniel 8:18 И егда глаголаше со мною, падох ниц на земли, и прикоснуся мне, и постави мя на ноги моя, и рече: Daniel 8:19 се, аз возвещаю тебе будущая на последок гнева (сыном людий твоих): еще бо до конца времене видение. Daniel 8:20 Овен, егоже видел еси имуща рога, царь Мидский и Персский: Daniel 8:21 а козел козий царь Еллинский есть: рог же великий, иже между очима его, той есть царь первый: Daniel 8:22 сему же сокрушившуся восташа четыри рози под ним: четыри царие востанут от языка его, но не в крепости его, Daniel 8:23 и на последок царства их, исполняющымся грехом их, востанет царь безсрамен лицем и разумея гадания, Daniel 8:24 и державна крепость его, не в крепости же своей, и чудесно растлит и управит и сотворит, и разсыплет крепкия и люди святы, Daniel 8:25 и ярем вериг своих исправит: лесть в руце его, и в сердцы своем возвеличится, и лестию разсыплет многих, и на пагубу многим возстанет, и яко яица рукою сокрушит. Daniel 8:26 И видение вечера и утра реченнаго истинно есть: ты же назнаменай видение, яко на дни многи. Daniel 8:27 Аз же Даниил успох и изнемогах на дни (многи), и востах и творях дела царева, и почудихся видению, и не бяше разумевающаго. Daniel 9:0 Daniel 9:1 В первое лето Дариа сына Ассуирова, от племене Мидска, иже царствова во царстве Халдейстем, Daniel 9:2 в лето первое царства его, аз Даниил разумех в книгах число лет, о немже бысть слово Господне ко Иеремии пророку, на скончание опустения Иерусалимля седмьдесят лет. Daniel 9:3 И дах лице мое к Господу Богу, еже взыскати молитвы и прошения в посте и во вретищи и пепеле, Daniel 9:4 и молихся ко Господу Богу моему и исповедахся и рех: Господи, Боже великий и чудный, храняй завет Твой и милость Твою любящым Тя и хранящым заповеди Твоя: Daniel 9:5 согрешихом, беззаконновахом, нечествовахом и отступихом и уклонихомся от заповедий Твоих и от судов Твоих Daniel 9:6 и не послушахом раб Твоих пророков, иже глаголаша во имя Твое ко царем нашым и князем нашым, и отцем нашым и всем людем земли. Daniel 9:7 Тебе, Господи, правда, нам же стыдение лица, якоже день сей, мужу Иудину, и живущым во Иерусалиме, и всему Израилю, и ближним и дальним во всей земли, идеже разсеял еси я тамо, во отвержении их, имже отвергошася Тебе, Господи. Daniel 9:8 Тебе, Господи, есть правда, нам же стыдение лица, и царем нашым и князем нашым и отцем нашым, иже согрешихом Тебе. Daniel 9:9 Господу же Богу нашему щедроты и очищения, яко отступихом от Господа Daniel 9:10 и не послушахом гласа Господа Бога нашего, ходити в законех Его, ихже даде пред лицем нашим рукою раб Своих пророков. Daniel 9:11 И весь Израиль преступи закон Твой, и уклонишася еже не послушати гласа Твоего: и прииде на ны клятва и заклятие вписаное в законе Моисеа раба Божия, яко согрешихом Ему. Daniel 9:12 И устави словеса Своя, яже глагола на ны и на судии нашя, иже судиша нам, навести на ны злая великая, яковых не бысть под всем небесем, по (всем) бывшым во Иерусалиме, Daniel 9:13 якоже есть писано в законе Моисеове, вся злая сия приидоша на ны: и не помолихомся лицу Господа Бога нашего, отвратитися от неправд наших, и еже смыслити во всей истине Твоей (Господи). Daniel 9:14 И убудися Господь Бог на злобу нашу и наведе сия на ны, яко праведен Господь Бог наш во всем деянии Своем, еже сотвори, и не послушахом гласа Его. Daniel 9:15 И ныне, Господи, Боже наш, иже извел еси люди Твоя от земли Египетския рукою крепкою и сотворил еси Себе Самому имя, якоже день сей, согрешихом, беззаконновахом. Daniel 9:16 Господи, всем помилованием Твоим да отвратится ярость Твоя и гнев Твой от града Твоего Иерусалима, от горы святыя Твоея: яко согрешихом неправдами нашими и беззаконием отец наших, Иерусалим и людие Твои во укоризну быша во всех окрестных нас. Daniel 9:17 И ныне, Господи, Боже наш, услыши молитву раба Твоего и прошение его, и яви лице Твое на святилище Твое опустевшее, Тебе ради, Господи. Daniel 9:18 Приклони, Господи, Боже мой, ухо Твое и услыши, отверзи очи Твои и виждь потребление наше и града Твоего, в немже призвася имя Твое, яко не на нашя правды (уповающе) повергаем моление наше пред Тобою, но на щедроты Твоя многия, Господи. Daniel 9:19 Услыши, Господи, очести, Господи, вонми, Господи, и сотвори, и не закосни Тебе ради, Боже мой, яко имя Твое призвася во граде Твоем и в людех Твоих. Daniel 9:20 Еще же ми глаголющу и молящуся и исповедающу грехи моя и грехи людий моих Израиля, и припадающу с молением моим пред Господем Богом моим о горе святей Его: Daniel 9:21 и еще глаголющу ми в молитве, и се, муж Гавриил, егоже видех в видении моем в начале, парящь, и прикоснуся мне, аки в час жертвы вечерния, Daniel 9:22 и вразуми мя, и глагола ко мне, и рече: Данииле, ныне изыдох устроити тебе разум: Daniel 9:23 в начале молитвы твоея изыде слово, и аз приидох возвестити тебе, яко муж желаний еси ты, размысли о словеси и разумей во явлении. Daniel 9:24 Седмьдесят седмин сократишася о людех твоих и о граде твоем святем, яко да обетшает согрешение, и скончается грех, и запечатаются греси, и загладятся неправды, и очистятся беззакония, и приведется правда вечная: и запечатается видение и пророк, и помажется Святый святых. Daniel 9:25 И увеси и уразумееши от исхода словесе, еже отвещати и еже соградити Иерусалим, даже до Христа Старейшины седмин седмь и седмин шестьдесят две: и возвратится, и соградится стогна и забрала, и истощатся лета. Daniel 9:26 И по седминах шестидесяти двух потребится помазание, и суд не будет в нем: град же и святое разсыплется со старейшиною грядущим, и потребятся аки в потопе, и до конца рати сокращенныя чином, погибельми. Daniel 9:27 И утвердит завет мнозем седмина едина: в пол же седмины отимется жертва и возлияние, и во святилищи мерзость запустения будет, и даже до скончания времене скончание дастся на опустение. Daniel 10:0 Daniel 10:1 В лето третие Кира царя Персскаго, слово открыся Даниилу, емуже прозвася имя Валтасар: истинно же слово и сила велика и разум дадеся ему в видении. Daniel 10:2 В тыя дни аз Даниил бех рыдая три седмицы дний: Daniel 10:3 хлеба вожделеннаго не ядох, и мясо и вино не вниде во уста моя, и мастию не помазахся до исполнения триех седмиц дний. Daniel 10:4 В день двадесять четвертый перваго месяца аз бех близ реки великия, яже есть Тигр Еддекель, Daniel 10:5 и воздвигох очи мои и видех, и се, муж един облечен в ризу льняну, и чресла его препоясана златом светлым: Daniel 10:6 тело же его аки фарсис, лице же его аки зрение молнии, очи же его аки свещы огнены, и мышцы его и голени аки зрак меди блещащияся, глас же словес его аки глас народа. Daniel 10:7 И видех аз Даниил един явление, а мужие, иже со мною, не видеша явления, но ужас великий нападе на них, и отбегнуша во страсе. Daniel 10:8 Аз же остах един и видех явление великое сие, и не оста во мне крепость, и слава моя обратися в разсыпание, и не удержах крепости. Daniel 10:9 И слышах глас словес его. И внегда слышах, бех сокрушен, лице же мое на земли: Daniel 10:10 и се, рука прикасающися мне, и возстави мя на колена моя и на длани рук моих. Daniel 10:11 И рече ко мне: Данииле, мужу желаний, разумей во словесех сих, яже аз глаголю к тебе, и стани на стоянии своем, яко ныне послан есмь к тебе. И егда возглагола слово сие ко мне, востах трепетен. Daniel 10:12 И рече ко мне: не бойся, Данииле, яко от перваго дне, в оньже подал еси сердце твое, еже разумети и трудитися пред Господем Богом твоим, услышана быша словеса твоя, аз же приидох во словесех твоих: Daniel 10:13 князь же царства Персскаго стояше противу мне двадесять и един день: и се Михаил един от старейшин первых прииде помощи мне, и того оставих тамо со князем царства Персскаго, Daniel 10:14 и приидох сказати тебе, елика срящут людий твоих в последния дни, яко еще видение на дни. Daniel 10:15 И егда глагола со мною по словесем сим, дах лице мое на землю и умилихся. Daniel 10:16 И се, аки подобие сына человеча прикоснуся устнам моим, и отверзох уста моя и глаголах, и рех ко стоящему предо мною: господи, в видении твоем обратися утроба моя во мне, и не имех силы: Daniel 10:17 и како возможет раб твой господи, глаголати с господем сим моим? Аз бо изнемогох, и отныне не станет во мне крепость, (сила бо) и дыхание не оста во мне. Daniel 10:18 И приложи, и прикоснуся мне яко зрак человечь, и укрепи мя, Daniel 10:19 и рече ми: не бойся, мужу желаний, мир тебе: мужайся и крепися и егда глагола со мною, укрепихся и рех: да глаголет господь мой яко укрепил мя еси. Daniel 10:20 И рече: веси ли, почто приидох к тебе? И ныне возвращуся, еже ратися со князем Персским: аз же исхождах, князь же Еллинский грядяше: Daniel 10:21 но да возвешу ти вчиненое в писании истины, инесть ни единаго помогающаго со мною о сих, но точию Михаил князь ваш. Daniel 11:0 Daniel 11:1 Аз же в первое лето Кирово стах в державу и крепость. Daniel 11:2 И ныне истину возвещу тебе се, еще трие царие востанут в Персиде четвертый же разбогатеет богатством великим паче всех и по одержании богатства своего востанет на вся царства Еллинская: Daniel 11:3 и востанет царь силен, и обладает властию многою, и сотворит по воли своей. Daniel 11:4 И егда станет царство его сокрушится и разделится на четыри ветры небесныя, и не в последняя своя, ниже по власти своей, еюже совладе, понеже исторгнется царство его и другим кроме сих отдастся. Daniel 11:5 И укрепится царь южский, и от князей их един укепеет нань и обладает властию многою над властию его. Daniel 11:6 И по летех его смесятся, и дщи царя южска внидет к северску царю, еже сотворити завет с ним, и не удержит крепости мышцы, и не станет племя ея, и предастся та и приведшии ю, и дева и укрепляяй ю во временех. Daniel 11:7 И востанет от цвета корене ея на уготование его и приидет в силу, и внидет во утверждения царя северскаго и сотворит в них и одержит: Daniel 11:8 и боги их со слиянными их, вся сосуды их вожделенны сребра и злата с пленники принесет во Египет, и той востанет паче царя северска: Daniel 11:9 и внидет в царство царя южскаго, и возвратится на свою землю. Daniel 11:10 И сынове его соберут народ силен мног, и внидет грядый и потопляяй: и мимо прейдет и сядет, и даже до крепости его снидется. Daniel 11:11 И разсвирепеет царь южский, и изыдет и брань сотворит с царем северским, и поставит народ мног, и предастся народ в руце его. Daniel 11:12 И возмет народы, и возвысится сердце его, и соодолеет тмам, и не укрепеет. Daniel 11:13 И возвратится царь северский и приведет народ мног паче прежняго: и на конец времен лет приидет входом в силе велицей и со имением многим. Daniel 11:14 И в лета она мнози востанут на царя южска, и сынове губителей людий твоих воздвигнутся, еже поставити видение, и изнемогут. Daniel 11:15 И внидет царь северский и сотворит окоп и возмет грады тверды, мышцы же царя южскаго не станут и востанут избраннии его, и не будет крепости еже стати. Daniel 11:16 И сотворит входяй к нему по воли своей, и несть стоящаго противу лица его: и станет на земли савеи, и скончается в руце его. Daniel 11:17 И вчинит лице свое внити в силе всего царства своего, и праве вся сотворит с ним: и дщерь жен даст ему еже растлити ю, и не пребудет, и не будет ему. Daniel 11:18 И обратит лице свое на островы, и возмет многи, и погубит князи укоризны своея, обаче укоризна его возвратится ему. Daniel 11:19 И обратит лице свое в крепость земли своея, и изнеможет, и падется, и не обрящется. Daniel 11:20 И востанет от корене его сад царства на уготование его производяй творяй славу царства: и в тыя дни еще сокрушится, и не в лицах, ни в рати: Daniel 11:21 станет во уготовании его ункчижися, и не даша нань славы царства: и приидет со обилием и соодолеет царству лестьми, Daniel 11:22 и мышцы потопляющаго потопятся от лица его и сокрушатся и старейшина завета. Daniel 11:23 И от совокуплений к нему сотворит лесть, и взыдет, и преодолеет их в мале языце: Daniel 11:24 и во обилие и в тучныя страны приидет, и сотворит, яже не сотвориша отцы его и отцы отцев его: пленение и корысти и имение им расточит, и на Египта помыслит мыслию даже до времене. Daniel 11:25 И востанет крепость его, и сердце его на царя южскаго в силе велице, царь же южский сотворит с ним сечь силою великою и крепкою зело, и не станут: яко помышляют нань помышления Daniel 11:26 и изядят потребная его и сокрушат его, и силы разсыплет, и падут язвении мнози. Daniel 11:27 И оба царя, сердца их на лукавство, и на трапезе единей возглаголют лжу, и не предуспеет, яко еще конец на время. Daniel 11:28 И возвратится на свою землю со имением многим, и сердце его на завет святый, и сотворит, и возвратится на свою землю. Daniel 11:29 На время возвратится и приидет на юг, и не будет якоже первая и последняя. Daniel 11:30 И внидут с ним исходящии Китяне, и смирится, и возвратится, и возярится на завет святый: и сотворит, и возвратится, и умыслит на оставльшыя завет святый. Daniel 11:31 И мышцы и племена от него востанут и осквернят святыню могутства и преставят жертву всегдашнюю и дадят мерзость запустения, Daniel 11:32 и беззаконнующии завет наведут со прелестию: людие же ведуще Бога своего премогут и сотворят, Daniel 11:33 и смысленнии людие уразумеют много, и изнемогут в мечи и в пламени, и в пленении и в разграблении дний. Daniel 11:34 И егда изнемогут, поможется им помощию малою, и приложатся к ним мнози со прелестию. Daniel 11:35 И от смысливших изнемогут, еже разжещи я и избрати, и еже открыти даже до конца времене, яко еще на время. Daniel 11:36 И сотворит по воли своей, и царь возвысится и возвеличится над всяким богом, и на Бога богов возглаголет тяжкая, и управит, дондеже скончает гнев, в скончание бо бывает. Daniel 11:37 И о всех бозех отцев своих не смыслит, и рачении жен, и о всяцем бозе не уразумеет, понеже паче всех возвеличится. Daniel 11:38 И бога маозима на месте своем прославит, и бога, егоже не ведеша отцы его, почтит сребром и златом и камыком честным и похотьми, Daniel 11:39 и сотворит тверделем убежищ с богом чуждим, егоже познает, и умножит славу, и покорит им многи, и землю разделит в дары. Daniel 11:40 И на конец времене сразится ратию с царем южским: и соберется на него царь северский с колесницами и с конники и с корабли многими, и внидет в землю, и сокрушит, и мимоидет, Daniel 11:41 и внидет на землю саваимску, и мнози изнемогут: сии же спасутся от руки его, Едом и Моав и начало сынов Аммоних. Daniel 11:42 И прострет руку свою на землю, и земля Египетска не будет во спасение. Daniel 11:43 И владети начнет в сокровенных злата и сребра и во всех вожделенных Египта и Ливиев и Ефиопов, в тверделех их. Daniel 11:44 И слышания и поткщания возмутят его от восток и от севера: и приидет во ярости мнозе, еже погубити многи. Daniel 11:45 И поткнет кущу свою ефадано между морями, на горе святей савеи, приидет даже до части ея, и несть избавляяй его. Daniel 12:0 Daniel 12:1 И во время оно востанет Михаил князь великий стояй о сынех людий твоих: и будет время скорби, скорбь, якова не бысть, отнележе создася язык на земли, даже до времене онаго: и в то время спасутся людие твои вси, обретшиися вписани в книзе, Daniel 12:2 и мнози от спящих в земней персти востанут, сии в жизнь вечную, а онии во укоризну и в стыдение вечное. Daniel 12:3 И смыслящии просветятся аки светлость тверди, и от праведных многих аки звезды во веки и еще. Daniel 12:4 Ты же, Данииле, загради словеса и запечатай книги до времене скончания, дондеже научатся мнози, и умножится ведение. Daniel 12:5 И видех аз Даниил, и се, два инии стояху, един о сию страну устия реки, а другий об ону страну устия реки. Daniel 12:6 И рече к мужу оболченному в ризу льняну, иже бяше верху воды речныя: доколе окончание чудес, яже рекл еси? Daniel 12:7 И слышах от мужа оболченнаго в ризу льняну, иже бяще верху воды речныя, и воздвиже десницу свою и шуйцу свою на небо и клятся Живущим во веки, яко во время и во времена и в пол времене, егда скончается разсыпание руки людий освященных, и уведят сия вся. Daniel 12:8 Аз же слышах, и не разумех, и рех: господи, что последняя сих? Daniel 12:9 И рече: гряди, Данииле, яко заграждена словеса и запечатана даже до конца времене: Daniel 12:10 избранни будут и убелятся, и аки огнем искусятся и освятятся мнози: и собеззаконнуют беззаконницы, и не уразумеют вси нечестивии, но умнии уразумеют: Daniel 12:11 от времене же пременения жертвы всегдашния, и дастся мерзость запустения на дни тысяща двести девятьдесят: Daniel 12:12 блажен терпяй и достигнувый до дний тысящи трех сот тридесяти пяти: Daniel 12:13 ты же иди и почивай: еще бодние суть и часы во исполнение скончания, и почиеши, и востанеши в жребий твой, в скончание дний. Daniel 13:0 Daniel 13:1 И бе муж живый в Вавилоне, имя же ему Иоаким. Daniel 13:2 И поя жену, ейже имя Сосанна, дщерь Хелкиева, добра зело и боящися Бога. Daniel 13:3 Родителя же ея праведна, и научиста дщерь свою по закону Моисеову. Daniel 13:4 Бе же Иоаким богат зело, и бе ему вертоград близ двора его: и схождахуся к нему Иудее, понеже той бяше славнее всех. Daniel 13:5 И избрана быста два старца от людии в судии в то лето, о нихже глагола Владыка, яко изыде беззаконие из Вавилона от старец судий, иже мняхуся управляти людий. Daniel 13:6 Сия прихождаста часто в дом Иоакимль, и прихождаху к нима вси прящиися. Daniel 13:7 И бысть, внегда отхождаху людие о полудни, вхождаше Сосанна и хождаше во вертограде мужа своего. Daniel 13:8 И смотряста ея оба старца по вся дни входящую и исходящую, и быста в похотении ея, Daniel 13:9 и развратиста ум свой, и уклоноста очи свои, еже не взирати на небо, ниже поминати судеб праведных. Daniel 13:10 И беста оба уязвлена похотию на ню, и не возвестиста дру другу болезни своея, Daniel 13:11 понеже стыдястася исповедати вожделение свое, яко хотяста быти с нею. Daniel 13:12 И наблюдаста жадающа по вся дни зрети ю, и реста друг ко другу: Daniel 13:13 пойдем убо в дом, яко обеда час есть. И изшедша разыдостася друг от друга, Daniel 13:14 и возвращшася приидоста во едино (место), и истязавша друг от друга вины, исповедаста друг другу похотение свое, и тогда обще устависта время, когда возмогут оную обрести едину. Daniel 13:15 И бысть егда наблюдаста дне угоднаго, вниде Сосаниа, якоже вчера и третияго дне, со двема точию отроковицами, и восхоте мытися во вертограде, яко зной бяше. Daniel 13:16 И не бяше никогоже тамо, кроме двою старцев сокровенных и стрегущих ея. Daniel 13:17 И рече отроковицам: принесите ми масло и мыло и двери вертоградныя затворите, да измыюся. Daniel 13:18 И сотвористе якоже рече, и затвористе двери вертоградныя, и изыдосте задними дверьми принести повеленное има, и не видесте старцев, понеже бяста сокровенна. Daniel 13:19 И бысть, егда изыдосте отроковицы, востаста оба старца, и текоста к ней, и реста: Daniel 13:20 се, двери оградныя затворишася, и никтоже видит нас, а в похотении твоем есмы: сего ради соизволи нам, и буди с нами: Daniel 13:21 аще же ни, то послушествуем на тя, яко бе с тобою юноша, и того ради отпустила еси отроковиц от тебе. Daniel 13:22 И возстена Сосанна и рече: тесно ми отвсюду: аще бо сие сотворю, смерть ми есть: аще же не сотворю, не избегну от рук ваших: Daniel 13:23 изволение ми есть не сотворившей впасти в руце ваши, нежели согрешити пред Богом. Daniel 13:24 И возопи гласом великим Сосанна: возописта же и оба старца противу ей, Daniel 13:25 и тек един, отверзе двери вертоградныя. Daniel 13:26 Егда же услышаша кличь во вертограде домашнии, вскочиша задними дверьми видети случившееся ей. Daniel 13:27 Егда же поведаста старцы словеса своя, устыдешася раби ея зело, яко николиже речеся таково слово о Сосанне. Daniel 13:28 И бысть наутрие, егда собрашася людие к мужу ея Иоакиму, приидоста и оба старца полна беззаконнаго помышления на Сосанну, еже уморити ю, Daniel 13:29 и реста пред людьми: послите по Сосанну дщерь Хелкиеву, яже есть жена Иоакимля. Они же послаша. Daniel 13:30 И прииде та и родителя ея, и чада ея и вси ужики ея. Daniel 13:31 Сосанна же бяше млада зело и добра образом. Daniel 13:32 Беззаконнии же повелеста открыти ю, бяше бо покровена, яко да насытятся доброты ея. Daniel 13:33 Плакаху же сущии при ней и вси знающии ю. Daniel 13:34 Воставша же оба старца посреде людий, возложиста руце на главу ея. Daniel 13:35 Сия же плачущи воззре на небо, яко бяше сердце ея уповая на Господа. Daniel 13:36 Реста же оба старца: ходящым нам обоим во вертограде, вниде сия со двема отроковицами, и затвори двери вертоградныя, и отпусти отроковицы, Daniel 13:37 и прииде к ней юноша, иже бяше сокровен, и возлеже с нею: Daniel 13:38 мы же суще во угле вертограда, видевше беззаконие, текохом на ня: Daniel 13:39 и видевше их смешающихся, онаго убо не могохом яти понеже паче нас можаше, и отверз двери вертоградныя изскочи: Daniel 13:40 сию же емше, вопрошахом, кто бе юноша? И не восхоте поведати нам: о сем послушествуем. Daniel 13:41 И верова има сонм аки старцем людским и судиям, и осудиша ю на умертвие. Daniel 13:42 И возопи Сосанна гласом великим и рече: Боже вечный и сокровенных ведателю, сведый вся прежде бытия их! Daniel 13:43 Ты веси, яко лжу послушествоваста на мя, и се, умираю, не сотворши ничесоже, о нихже сии слукавноваста на мя. Daniel 13:44 И послуша Господь гласа ея, Daniel 13:45 и ведомей ей на погубление, воздвиже Бог духом святым отрока юна, емуже имя Даниил: Daniel 13:46 и возопи гласом великим: чист аз от крове сея. Daniel 13:47 Обратишажеся вси людие к нему и реша: что слово сие, еже ты глаголеши? Daniel 13:48 Сей же став среде их рече: сице ли юродиви, сынове Израилевы, не испытавше, ни истины разумевше, осудисте дщерь Израилеву? Daniel 13:49 Возвратитеся на судище: лжу бо сии послушествоваста на ню. Daniel 13:50 И возвратишася вси людие с потщанием. И реша ему старцы: гряди, сяди посреде нас и возвести нам, яко тебе даде Бог старейшинство. Daniel 13:51 И рече к ним Даниил: разведите я друг от друга далече, и вопрошу их. Daniel 13:52 Егда же разведоша единаго от другаго, призва единаго от них и рече к нему: обетшалый злыми денми, ныне приспеша греси твои, яже творил еси прежде, Daniel 13:53 судя суды неправедны и неповинныя убо осуждаж, прощая же повинныя, глаголющу Богу: неповинна и праведна не убивай: Daniel 13:54 ныне убо сию аще еси видел, рцы, под киим древом видел еси их беседующих к себе? Он же рече: под терном. Daniel 13:55 Рече же Даниил: право солгал еси на твою главу: се бо, Ангел Божий приим ответ от Бога, расторгнет тя полма. Daniel 13:56 И отпустив его повеле привести другаго и рече ему: племя Ханаане, а не Иудино, доброта прельсти тя, и похотение разврати сердце твое: Daniel 13:57 сице творили есте дщерем Израилевым, оныя же бояшяся живяху с вами, но (ныне) дщерь Иудина не претерпе беззакония вашего: Daniel 13:58 ныне убо глаголи ми: под киим древом видел еси сих беседующих к себе? Он же рече: под чресминою. Daniel 13:59 Рече же ему Даниил: право солгал еси и ты на свою главу: ждет бо Ангел Божий мечем разсещи тя полма, яко да потребит вы. Daniel 13:60 И возопи весь сонм гласом великим и благослови Бога спасающаго надеющыяся на Него. Daniel 13:61 И восташа на оба старца, яко обличи их Даниил от уст их, лжу послушествовавших. Daniel 13:62 И сотвориша има якоже слукавноваста ближнему, сотворити по закону Моисеову: и убиша их, и спасеся кровь неповинна в той день. Daniel 13:63 Хелкиа же и жена его похвалиша Бога о дщери своей Сосанне со Иоакимом мужем ея и со ужиками всеми, яко не обретеся в ней студная вещь. Daniel 13:64 Даниил же бысть велик пред людьми от дне того и потом. Daniel 14:0 Daniel 14:1 И царь Астиаг приложися к отцем своим: и прия Кир Персянин царство его. Daniel 14:2 И бяше Даниил сожителствующь со царем и славен паче всех другов его. Daniel 14:3 И бяше кумир Вавилоняном, емуже имя Вил, и иждиваху ему на кийждо день муки семидалны артавас дванадесять и овец четыредесять и вина мер шесть. Daniel 14:4 И царь почиташе его и хождаше по вся дни кланятися ему: Даниил же кланяшеся Богу своему. И рече ему царь: почто не покланяешися Вилу? Daniel 14:5 Он же рече: понеже не покланяюся кумиром руками сотворенным, но живому Богу сотворщему небо и землю и владущему всеми. Daniel 14:6 И рече ему царь: не мнится ли ти Вил быти жив бог? Или не видиши, колико яст и пиет по вся дни? Daniel 14:7 И рече Даниил посмеявся: не прельщайся, царю! Той бо внутрьуду прах есть, а внеуду медь, и не яде, ни пи никогдаже. Daniel 14:8 И разгневався царь приза жерцы своя и рече им: аще не повесте ми, кто яст брашно сие, то умрете: Daniel 14:9 аще же покажете, яко Вил снедает е, умрет Даниил, яко похулил есть Вила. И рече Даниил царю: буди по глаголу твоему. Daniel 14:10 Бяше же жерцев Виловых седмьдесят, кроме жен и детей. Daniel 14:11 И прииде царь со Даниилом во храм Вилов. И реша жерцы Виловы: се, мы изыдем вон, ты же, царю, постави яди, и вино начерпав постави, заключи же двери и запечатай перстнем своим: Daniel 14:12 и пришед заутра, аще не обрящеши всего изядена Вилом, тогда измрем, или Даниил солгавый на ны. Daniel 14:13 Тии же пренебрегаху, понеже сотвориша под трапезою сокровен вход и вхождаху тем всегда и изядаху тая. Daniel 14:14 И бысть, егда изыдоша они, и царь постави брашно Вилу: и повеле Даниил отроком своим, и принесоша пепел и посыпаша весь храм пред царем единым: и изшедше заключиша двери, и запечаташа перстнем царевым, и отидоша. Daniel 14:15 Жерцы же внидоша нощию по обычаю своему, и жены их и чада их, и поядоща вся и испиша. Daniel 14:16 И урани царь заутра, и Даниил с ним. Daniel 14:17 И рече царь: целы ли суть печати, Данииле? Он же рече: целы, царю. Daniel 14:18 И бысть абие, егда отверзоша двери, воззрев царь на трапезу, возопи гласом великим: велик еси, Виле, и несть льсти в тебе ни единыя. Daniel 14:19 И посмеяся Даниил, и удержа царя, еже бы не внити ему внутрь, и рече: виждь убо помост и уразумей, чия суть стопы сия? Daniel 14:20 И рече царь: вижду стопы мужески и женски и детски. Daniel 14:21 И разгневався царь, ят тогда жерцы и жены их и дети их, и показаша ему сокровенныя двери имиже вхождаху и поядаху яже на трапезе. Daniel 14:22 И изби я царь и даде Вила в руце Даниилу, и разби его и храм его разори. Daniel 14:23 И бяше змий великий на месте том, и почитаху его Вавилоняне. Daniel 14:24 И рече царь Даниилу: еда и сему речеши, яко медь есть? Сей жив есть, и яст и пиет: не можеши рещи, яко несть сей бог жив: убо поклонися ему. Daniel 14:25 И рече Даниил: Господу Богу моему поклонюся, яко Той есть Бог жив: Daniel 14:26 ты же, царю, даждь ми власть, и убию змиа без меча и без жезла. И рече царь: даю ти. Daniel 14:27 И взя Даниил смолу и тук и волну, и возвари вкупе, и сотвори гомолу, и ввеже во уста змию, и изяд разседеся змий. И рече Даниил: зрите чтилища ваша. Daniel 14:28 И бысть, егда услышаша Вавилоняне, возропташа зело и обратишася на царя и реша: Иудеанин бысть царь, Вила расторже, и змиа уби, и жерцы изсече. Daniel 14:29 И реша пришедше ко царю: предаждь нам Даниила: аще ли ни, то убием тя и дом твой. Daniel 14:30 И виде царь, яко налегают на него зело, и принужден предаде им Даниила. Daniel 14:31 Тии же ввергоша его в ров левск, и бе тамо дний шесть. Daniel 14:32 Бяху же в рове седмь львов, и даяху им на день два тела и две овцы: тогда же не даша им, да снедят Даниила. Daniel 14:33 Аввакум же пророк бяше во Иудеи, и той свари варение и вдроби хлебы в нощвы, и идяше на поле донести жателем. Daniel 14:34 И рече Ангел Господень Аввакуму: отнеси обед, егоже имаши, в Вавилон Даниилу, в ров левск. Daniel 14:35 И рече Аввакум: господи, Вавилона не видех, и рва не вем, где есть. Daniel 14:36 И ят его Ангел Господень за верх его, и держа за власы главы его, и постави его в Вавилоне верху рва шумом духа своего. Daniel 14:37 И возопи Аввакум глаголя: Данииле, Данииле! Возми обед, егоже посла тебе Бог. Daniel 14:38 И рече Даниил: помянул бо мя еси, Боже, и неси оставил любящих Тя. Daniel 14:39 И востав Даниил яде: Ангел же Божий паки постави Аввакума внезапу на месте его. Daniel 14:40 Царь же прииде в седмый день жалети Даниила, и прииде над ров, и воззре и се, Даниил седя. Daniel 14:41 И возопи царь гласом великим и рече: велик еси, Господи, Боже Даниилов, и несть иного разве Тебе. Daniel 14:42 И исхити его, повинныя же пагубе его вверже в ров, и изядени быша абие пред ним.
Hosea 0:0
Книга пророка Осии Hosea 1:0 Hosea 1:1 Слово Господне, еже бысть ко Осии сыну Веириину, во днех Озии и Иоафама, и Ахаза и Иезекии царей Иудиных, и во дни Иеровоама сына Иоасова царя Израилева. Hosea 1:2 Начало словесе Господня ко Осии. И рече Господь ко Осии: иди, поими себе жену блужения, (и роди) чада блужения: понеже блудящи соблудит земля от Господа. Hosea 1:3 И иде и поя Гомерь дщерь Девилаимлю: и зачат и роди ему сына. Hosea 1:4 И рече Господь к нему: прозови имя ему Иезраель: зане еще мало, и отмщу кровь Иезраелеву на дому Иудове и упокою царство дому Израилева: Hosea 1:5 и будет в той день, сокрушу лук Израилев во удоле Иезраелеве. Hosea 1:6 И зачат еще и роди дщерь. И рече ему (Господь): прозови имя ей Непомилована: зане не приложу ксему помиловати дому Израилева, но противляяся возсопротивлюся им: Hosea 1:7 сыны же Иудины помилую и спасу я о Где Бозе их: и не спасу их луком, ни мечем, ни бранию, ни коньми, ниже конниками. Hosea 1:8 И отдои Непомилованную: и зачат паки и роди сына. Hosea 1:9 И рече (Господь): прозови имя ему Не Людие Мои: зане вы не людие Мои, и Аз несмь Бог ваш: Hosea 1:10 и будет число сынов Израилевых аки песок морский, иже не измерится, ни изочтется: и будет, на месте, на немже речеся им: не людие Мои вы: сии тамо прозовутся сынове Бога живаго. Hosea 1:11 И соберутся сынове Иудины и сынове Израилевы вкупе, и поставят себе власть едину, и изыдут от земли, яко велик день Иезраелев. Hosea 2:0 Hosea 2:1 Рцыте брату своему: людие Мои: и сестре своей: Помилованная. Hosea 2:2 Судитеся с материю своею, судитеся, яко та не жена Моя, и Аз не муж ея: и отвергу блужения ея от лица Моего и любодейство ея от среды сосцу ея: Hosea 2:3 яко да совлеку ю нагу и поставлю ю якоже в день рождения ея, и положу ю яко пустыню, и учиню ю яко землю безводну, и убию оную жаждею: Hosea 2:4 и чад ея не помилую, яко чада блужения суть, Hosea 2:5 яко соблуди мати их, посрамися родившая их, рече бо: пойду вслед похотников моих, дающих мне хлебы моя и воду мою, и ризы моя и плащаницы моя, и масло мое и вся, елика мне достоят. Hosea 2:6 Сего ради, се, Аз загражду путь ея тернием и возгражду распутия ея, и стези своея не обрящет: Hosea 2:7 и поженет похотники своя и не постигнет их, и взыщет их и не обрящет, и речет: пойду и возвращуся к мужу моему первому, яко добрее ми бе тогда, нежели ныне. Hosea 2:8 Но та не уразуме, яко Аз дах ей пшеницу и вино и масло, и сребро умножих ей: сия же сребряны и златы сотвори Ваалу. Hosea 2:9 Сего ради обращуся и возму пшеницу Мою во время ея и вино Мое во время его, и отиму ризы Моя и плащаницы Моя, да не покрывает студа своего: Hosea 2:10 и ныне открыю нечистоту ея пред похотниками ея, и никтоже отимет ея от руки Моея: Hosea 2:11 и отвращу вся веселия ея и праздники ея, и новомесячия ея и субботы ея и вся празднества ея, Hosea 2:12 и погублю виноград ея и смоквы ея, о нихже рече: мзды ми суть сия, яже даша мне похотницы мои: и положу я в свидение, и поядят я зверие селнии и птицы небесныя и гади земнии: Hosea 2:13 и отмщу на ней дни Ваалимовы, в няже требы кладяше им, и вдеваше усерязи своя и мониста своя, и хождаше вслед похотников своих, а Мене забы, глаголет Господь. Hosea 2:14 Сего ради, се, Аз соблажню ю, и учиню ю яко пустыню, и возглаголю в сердце ея, Hosea 2:15 и дам ей притяжание ея оттуду и поляну Ахорову, отверсти смысл ея: и смирится тамо по днем детства своего и по днем изведения своего от земли Египетски. Hosea 2:16 И будет в той день, наречет Мя муж мой, глаголет Господь, а не прозовет Мене ктому Ваалим. Hosea 2:17 И отвергу имена Ваалимля от уст ея, и не воспомянутся ксему имена их. Hosea 2:18 И завещаю им завет в той день со зверьми селными и со птицами небесными и с гады земными, и лук и мечь и брань сокрушу от земли, и вселю я со упованием: Hosea 2:19 и обручу тя Себе во век и обручу тя Себе в правде и в суде и в милости и в щедротах: Hosea 2:20 и обручу тя Себе в вере, и увеси Господа. Hosea 2:21 И будет в той день, глаголет Господь, послушаю небесе, а оное послушает земли, Hosea 2:22 и земля послушает пшеницы и вина и масла, и сии послушают Иезраеля: Hosea 2:23 и всею оную Себе на земли и помилую Непомилованную: и реку не людем Моим: людие Мои есте вы: и тии рекут: Господь Бог наш Ты еси. Hosea 3:0 Hosea 3:1 И рече Господь ко мне: еще иди и возлюби жену любящую зло и любодейцу, якоже любит Бог сыны Израилевы: сии же взирают к богом чуждим и любят варения с коринками. Hosea 3:2 И наях себе оную пятиюнадесять сребрениками и гомором ячменя и невелем вина, Hosea 3:3 и рекох ей: дни многи да седиши у мене и аз у тебе, и не соблудиши, ни будеши мужу иному: Hosea 3:4 зане дни многи сядут сынове Израилевы, не сущу царю, ни сущу князю, ни сущей жертве, ни сущу жертвеннику, ни жречеству, ниже явлением: Hosea 3:5 и посем обратятся сынове Израилевы и взыщут Господа Бога своего и Давида царя своего, и почудятся о Господе и о благостех Его в последния дни. Hosea 4:0 Hosea 4:1 Слышите слово Господне, сынове Израилевы, яко суд Господеви к живущым на земли: зане несть истины, ни милости, ни ведения Божия на земли: Hosea 4:2 клятва и лжа, и убийство и татьба и любодеяние разлияся по земли, и кровь с кровьми мешают. Hosea 4:3 Сего ради восплачется земля и умалится со всеми вселившимися на ней, со зверьми польскими и с гады земными и со птицами небесными, и рыбы морския оскудеют: Hosea 4:4 яко да никтоже не прится, ни обличается никтоже: людие же мои аки пререкаемый жрец, Hosea 4:5 и изнеможет во днех, и изнеможет пророк с тобою: нощи уподобих матерь твою. Hosea 4:6 Уподобишася людие Мои аки не имуще умения: яко ты умение отвергл еси, отвергу и Аз тебе, еже не жречествовати Мне, и забыл еси закон Бога своего, забуду и Аз чада твоя. Hosea 4:7 По множеству их тако согрешиша Мне: славу их в безчестие положу. Hosea 4:8 Грехи людий Моих снедят и в неправдах их возмут душы их. Hosea 4:9 И будет якоже людие, тако и жрец: и отмщу на них пути их, и умышления их воздам им. Hosea 4:10 И будут ясти и не насытятся: соблудиша и не исправятся: понеже Господа оставиша еже снабдети. Hosea 4:11 Блуд и вино и пиянство прият сердце людий Моих. Hosea 4:12 В знамениих вопрошаху и в жезлех своих поведаху тем: духом блужения прельстишася и соблудиша от Бога своего: Hosea 4:13 на версех гор кадяху и на холмех жряху под дубом и под елию и под древом ветвенным, яко добр кров: сего ради соблудят дщери вашя, и невесты вашя возлюбодеют. Hosea 4:14 И не присещу на дщери вашя, егда соблудят, и на невесты вашя, егда возлюбодеют: яко и тии со блудницами смесишася и со блудниками требы жряху, и людие смыслящии со блудницею сплетахуся. Hosea 4:15 Ты же, Израилю, не не разумевай, и Иудо: не входите в Галгалу и не восходите в Дом Онов, и не кленитеся Господем живым. Hosea 4:16 Зане якоже юница стрекалом стречема разсвирепе Израиль: ныне упасет я Господь, яко агнца на пространстве. Hosea 4:17 Причастник кумиром Ефрем положи себе соблазны, Hosea 4:18 избра Хананеов: блудяще возблудиша, возлюбиша безчестие от хрепетания своего. Hosea 4:19 Вихр духа возсвищет в крилех своих, и посрамятся от требищ своих. Hosea 5:0 Hosea 5:1 Слышите сия, жерцы, и вонмите, доме Израилев, и доме царев, внушите, понеже к вам есть суд: яко пругло бысте стражбе, и якоже мрежа распростерта на Итавирии, Hosea 5:2 юже ловящии лов поткнуша, Аз же наказатель вам: Hosea 5:3 Аз познах Ефрема, и Израиль не отступи от Мене, зане ныне соблуди Ефрем, и осквернися Израиль: Hosea 5:4 не положиша помышлений своих, еже возвратитися к Богу своему, яко дух блужения есть в них, и Господа не уведеша. Hosea 5:5 И смирится укоризна Израилева в лице ему, и Израиль и Ефрем изнемогут в неправдах своих, изнеможет же и Иуда с ними. Hosea 5:6 Со овцами и телцы пойдут взыскати Господа и не обрящут Его, уклонися бо от них. Hosea 5:7 Яко Господа оставиша, яко чада чужда породиша себе: ныне пояст я ржа, и причастия их. Hosea 5:8 Вострубите трубою на холмех, возгласите на высоких, проповедите в Дому Онове, ужасеся Вениамин, Hosea 5:9 Ефрем в пагубу бысть во дни наказания: в племенех Израилевых показах верная. Hosea 5:10 Быша князи Иудины яко прелагающе пределы: на ня излию яко воду гнев Мой. Hosea 5:11 Соодоле Ефрем соперника своего, попра суд, яко нача ходити вслед суетных. Hosea 5:12 Аз же яко мятеж Ефремови и яко остен дому Иудину. Hosea 5:13 И виде Ефрем немощь свою и Иуда болезнь свою: и иде Ефрем ко Ассирием и посла послы ко царю Иариму: и той не возможе изцелити вас, и не престанет от вас болезнь. Hosea 5:14 Зане Аз есмь яко панфирь Ефремови и яко лев дому Иудину: и Аз восхищу, и пойду, и возму, и не будет изимаяй: Hosea 5:15 пойду и возвращуся на место Свое, дондеже погибнут, и взыщут лица Моего. Hosea 6:0 Hosea 6:1 В скорби своей утреневати будут ко Мне, глаголюще: идем и обратимся ко Господу Богу нашему, Hosea 6:2 яко Той поби ны, и изцелит ны: уязвит, и уврачует ны: Hosea 6:3 изцелит ны по двою дню, в день третий воскреснем и живи будем пред ним, и увемы: поженем, еже уведети Господа: яко утро готово обрящем Его, и приидет нам яко дождь ранний и поздный земли. Hosea 6:4 Что ти сотворю, Ефреме? Что ти сотворю, Иудо? Милость бо ваша яко облак утренний и яко роса рано падающая. Hosea 6:5 Сего ради пожах пророки вашя, убих я словесем уст Моих, и суд Мой яко свет изыдет. Hosea 6:6 Зане милости хощу а не жертвы, и уведения Божия, нежели всесожжения. Hosea 6:7 Сии же суть яко человек преступаяй завет: тамо презреша Мя. Hosea 6:8 Галаад град делаяй суетная, мутяй воду, Hosea 6:9 а крепость твоя яко мужа морскаго разбойника: скрыша жерцы путь Господень, убиша Сикиму, яко беззаконие сотвориша. Hosea 6:10 В дому Израилеве видех грозная: тамо блужение Ефремово: осквернися Израиль и Иуда. Hosea 6:11 Начни оымати виноград себе, егда возвращу пленение людий Моих. Hosea 7:0 Hosea 7:1 Егда изцелю Израиля, и открыется неправда Ефремова и злоба Самарийска, яко соделаша лжу: и тать к нему внидет, совлачаяй разбойник на пути его: Hosea 7:2 яко да воспоют вкупе, аки поющии сердцем своим. Вся злобы их помянух: ныне обыдоша их совети их, противу лицу Ми быша. Hosea 7:3 Злобами своими возвеселиша царя и лжами своими князей. Hosea 7:4 Вси любодеющии, яко пещь жегома на печение сожжения от пламене, от примешения тука, дондеже вскиснет то все. Hosea 7:5 Во дни царей ваших начаша князи яритися от вина, простроша руки своя с губительми: Hosea 7:6 зане разгорешася яко пещь сердца их, внегда устремлятися им: всю нощь сна Ефрем насытися, заутра бысть, и разгореся яко пламень огненный. Hosea 7:7 Вси согреяшася, яко пещь жегома, и огнь пояде судий их: вси царие их падоша, не бе в них моляйся ко Мне. Hosea 7:8 Ефрем в людех своих сам смесяшеся, Ефрем бысть опреснок необращаемь. Hosea 7:9 И снедоша чуждии крепость его, сей же не разуме: и седины явишася на нем, он же не позна. Hosea 7:10 И смирится укоризна Израилева в лице ему: и не возвратишася ко Господу Богу своему и не взыскаша Его во всех сих. Hosea 7:11 И бяше Ефрем яко голубь безумный, не имый сердца: Египта моляше, и во Ассирианы отидоша. Hosea 7:12 Якоже идут, возложу на ня мрежу Мою, якоже птицы небесныя свергу я, накажу я в слух скорбения их. Hosea 7:13 Горе им, яко отскочиша от Мене: боязливи суть, яко нечествоваша ко Мне: Аз же избавих я, сии же возглаголаша на Мя лжу. Hosea 7:14 И не возопиша ко Мне сердца их, но плакахуся на ложах своих: о пшенице и вине сечахуся. Hosea 7:15 Накажутся Мною, Аз же укрепих мышцу их, и на Мя помыслиша злая. Hosea 7:16 Совратишася ни во чтоже, быша яко лук напряжен: падутся князи их мечем ради ненаказания языка своего. Сие ругание их в земли Египетстей. Hosea 8:0 Hosea 8:1 В недре их, яко земля непроходима, яко орел в дому Господни: понеже преступиша завет Мой и на закон Мой нечествоваша. Hosea 8:2 Ко Мне воззовут: Боже, познахом Тя, Hosea 8:3 яко Израиль отвратися благих, врага прогнаша. Hosea 8:4 Сами себе царя поставиша, а не Мною, началствоваша, и не явиша Ми: от сребра своего и от злата своего сотвориша себе кумиры, яко да потребятся. Hosea 8:5 Сокруши телца твоего, Самарие, разгневася ярость Моя на ня: доколе не могут очиститися, иже во Израили? Hosea 8:6 И то древодель сотвори, и несть бог: зане льстяй бяше телец твой, Самарие. Hosea 8:7 Яко ветром истлено всеяша, и разрушение их приимет я: рукоять не имущая силы еже сотворити муку, аще же и сотворит, то чуждии поядят ю. Hosea 8:8 Поглощен бысть Израиль, ныне бысть во языцех яко сосуд непотребен, Hosea 8:9 понеже тии взыдоша ко Ассирианом: процвете о себе Ефрем, дары возлюби. Hosea 8:10 Сего ради предадутся во языки: ныне восприиму их, и почиют мало еже помазати царя и князи. Hosea 8:11 Яко умножи Ефрем требища, во грехи быша ему требища возлюбленная. Hosea 8:12 Впишу ему множество, и законная его в чуждая вменишася требища возлюбленная. Hosea 8:13 Темже аще и пожрут жертву и снедят мяса, Господь не приимет их: ныне помянет неправды их и отмстит грехи их: тии во Египет возвратишася и во Ассирии нечистая снедят. Hosea 8:14 И забы Израиль Сотворшаго и и возгради требища, и Иуда умножи грады утверждены: но послю огнь на грады его, и потребит основания его. Hosea 9:0 Hosea 9:1 Не радуйся, Израилю, ни веселися якоже людие, понеже соблудил еси от Господа Бога твоего: возлюбил еси даяния на всяцем гумне пшеницы. Hosea 9:2 Гумно и точило не позна их, и вино солга им. Hosea 9:3 Не вселишася на земли Господни: вселися Ефрем во Египте, и во Ассириах снедят нечистая. Hosea 9:4 Не возлияша Господеви вина, и не усладишася Ему требы их, яко хлеб жалости им: вси ядущии тыя осквернятся: понеже хлебы их душ их, не внидут в дом Господень. Hosea 9:5 Что сотворите во днех торжества и в день праздника Господня? Hosea 9:6 Сего ради, се, пойдут от труда Египетска, и приимет их Мемфис, и погребет я махмас: сребро их пагуба наследит, терние во дворех их. Hosea 9:7 Приспеша дние отмщения твоего, приидоша дние воздаяния твоего, и озлобится Израиль, якоже пророк изумленный, человек духом носимый: от множества неправд твоих умножися изумление твое. Hosea 9:8 Страж Ефрем с Богом, пророк пругло строптиво на всех путех его: изумление в дому Божии утвердиша. Hosea 9:9 Растлешася по днем холма: воспомянет неправды их, отмстит грехи их. Hosea 9:10 Якоже грезн в пустыни обретох Израиля и яко стража на смоковнице ранняго увидех отцы их: тии внидоша ко Веельфегору и отчуждишася на стыдение, и быша мерзостнии якоже возлюбленнии. Hosea 9:11 Ефрем яко птица отлете, славы их от порождений и болезней и от зачатий. Hosea 9:12 Темже аще и воскормят чада своя, безчадны будут от человек: понеже и люте им есть, (зане оставих я,) плоть моя от них. Hosea 9:13 Ефрем, якоже видех, в ловитву предпоставиша чада своя, и Ефрем еже извести на заколение чада своя. Hosea 9:14 Даждь им, Господи: что даси им? Даждь им утробу неплодящую и сосцы сухи. Hosea 9:15 Вся злобы их во Галгалех, яко тамо их возненавидех за злобы начинаний их: из дому Моего изжену я, (ксему) не приложу любити их: Hosea 9:16 вси князи их непокориви. Поболе Ефрем: корение его изсхоша, плода ксему да не принесет: понеже аще и породят, побию вожделенная утроб их. Hosea 9:17 Отринет я Бог, яко не послушаша Его, и будут заблуждающии в языцех. Hosea 10:0 Hosea 10:1 Виноград благолозен Израиль, плод обилен его: по множеству плодов его умножи требища, по благотам земли его возгради капища. Hosea 10:2 Разделиша сердца своя, ныне погибнут: Сам раскопает требища их, сокрушатся кумиры их. Hosea 10:3 Темже ныне рекут: несть царя в нас, яко не бояхомся Господа: царь же что сотворит нам? Hosea 10:4 Глаголяй словеса извинения ложная завещает завет: прозябнет суд аки троскот на лядине селней. Hosea 10:5 У телца Дому Онова возобитают живущии в Самарии, яко плакашася людие его о нем: и якоже разгневаша его, порадуются о славе его, яко преселися от них. Hosea 10:6 И связавше его, во Ассирию отведоша в дар царю Иариму: в дар Ефрем приимется, и усрамится Израиль о совете своем. Hosea 10:7 Отверже Самариа царя своего, аки хврастие на лицы воды. Hosea 10:8 Извергутся требища Онова согрешения Израилева, терние и волчец возникнут на требищих их: и рекут к горам: покрыйте ны: и холмом: падите на ны. Hosea 10:9 Отнележе холми, согреши Израиль: тамо сташа: не постигнет их на холме рать, на чада неправды. Hosea 10:10 Прииде наказати их по желанию Моему: и соберутся людие на ня, внегда наказатися им во двою неправдах своих. Hosea 10:11 Ефрем юница наученая, еже любити прение: Аз же найду на доброту выи ея, наступлю на Ефрема, умолчу о Иуде, укрепится себе Иаков. Hosea 10:12 Сейте себе в правду, соберите плод живота, просветите себе свет ведения, дондеже время, взыщите Господа, дондеже приидут вам жита правды. Hosea 10:13 Вскую премолчасте нечестие, и неправды его оымасте, изядосте плод лжив? Яко уповал еси на оружие твое, во множестве силы твоея. Hosea 10:14 И востанет пагуба в людех твоих, и вся ограды твоя погибнут, якоже (погибе) князь Саламан от дому Иеровоамля, во дни ратны матерь о чада разбиша: Hosea 10:15 тако сотворю вам, Доме Израилев, от лица неправды злоб ваших. Hosea 11:0 Hosea 11:1 Заутра отвергошася, отвержеся царь Израилев, понеже младенец Израиль, и Аз возлюбих его и из Египта воззвах сына Моего. Hosea 11:2 Якоже призвах я, такожде отхождаху от лица Моего: тии Ваалиму требу жряху и изваяным кадяху. Hosea 11:3 Аз же связах Ефрема, взях его на мышцу Мою, и не разумеша, яко изцелих я. Hosea 11:4 Во истлении человечесте привлекох я узами любления моего, и буду им яко ударяяй человек по челюстем его: и воззрю к нему и премогу ему. Hosea 11:5 Вселися Ефрем во Египте, Ассур же сам царь его, яко не восхоте возвратитися. Hosea 11:6 И изнеможе оружие во градех его, и умолче в руку его: и снедят от умышлений своих. Hosea 11:7 И людие его висяще от обитания своего: и Бог на честная его разгневается, и не вознесет его. Hosea 11:8 Что тя устрою, Ефреме? Защищу ли тя, Израилю? Что тя положу? Якоже Адаму устрою тя, и якоже Севоим, превратися сердце Мое в Нем, смятеся раскаяние Мое. Hosea 11:9 Не сотворю по гневу ярости Моея, не оставлю еже потребитися Ефремови, зане Бог Аз есмь, а не человек: в тебе Свят, и не вниду во град. Hosea 11:10 Вслед Господа имам ходити: яко лев возревет, понеже Той возревет, и ужаснутся чада вод, Hosea 11:11 и приидут яко птица из Египта и яко голубь от земли Ассирски: и возставлю я в домех их, глаголет Господь. Hosea 11:12 Обыде Мя лжею Ефрем, и нечестиями дом Израилев и Иуда: ныне позна я Бог, и людие святи прозвашася Богови. Hosea 12:0 Hosea 12:1 Ефрем же зол дух, гоняше зной весь день: тщетная и суетная умножи, и завет со Ассирианы завеща, и елей во Египет посылаше. Hosea 12:2 И суд Господеви ко Иуде, еже отмстити Иакова: по путем его и по начинанием его воздаст ему. Hosea 12:3 Во утробе запя брата своего и труды своими укрепе к Богу: Hosea 12:4 и укрепе со Ангелом и превозможе. Плакашася и молишася ми: в дому Онове обретоша мя, и ту глаголася к ним. Hosea 12:5 Господь же Бог Вседержитель будет память Его. Hosea 12:6 И ты о Бозе своем обратишися, милость и суд снабди, и приближайся к Богу своему присно. Hosea 12:7 Ханаан, в руце его мерило неправды, насильствовати возлюби. Hosea 12:8 И рече Ефрем: обаче обогатех, обретох прохлаждение себе: вси труды его не обрящутся ему ради неправд, имиже согреши. Hosea 12:9 Аз же Господь Бог твой, изведох тя из земли Египетски: еще вселю тя в кущах, якоже во дни праздника. Hosea 12:10 И глаголах ко пророком, и аз видения умножих, и в руках пророческих уподобихся. Hosea 12:11 Аще не Галаад есть, убо ложни быша во Галгалех князи требы кладуще, и требища их якоже желви на целизне польстей. Hosea 12:12 И отиде Иаков на поле Сирийско, и работа Израиль о жене и о жене снабде. Hosea 12:13 И пророком изведе Господь Израиля из земли Египетския, и пророком снабдеся. Hosea 12:14 Разгнева Мя Ефрем и возяри Мя: и кровь его на нем пролиется, и укоризну его воздаст ему Господь. Hosea 13:0 Hosea 13:1 По словеси Ефремову оправдания прия сей во Израили, и положи я Ваалови, и умре. Hosea 13:2 И ныне приложиша согрешати и сотвориша себе слияние от злата и сребра своего по образу идолов, дела художников совершена: им сии глаголют: пожрите человеков, оскудеша бо телцы. Hosea 13:3 Сего ради будут яко облак утренний, якоже роса утренняя идущи, якоже плевы с тока (и прах с ветвия) развеваемый вихром, якоже дым из трубы. Hosea 13:4 Аз же Господь Бог твой утверждаяй небо и созидаяй землю, Егоже руце создасте все воинство небесное, и не показах ти их, еже ходити вслед их: и Аз изведох тя из земли Египетския, и бога разве Мене да не познаеши, и спасающаго несть разве Мене. Hosea 13:5 Аз пасох тя в пустыни на земли ненаселенней, Hosea 13:6 на пажитех их, и насытишася до исполнения, и вознесошася сердца их, сего ради забыша Мя. Hosea 13:7 И буду им яко панфирь, и яко рысь на пути Ассириев: Hosea 13:8 и срящу их аки медведица лишаема, и разрушу соключение сердец их: и поядят я скимни дубравнии, и зверие польстии расторгнут я. Hosea 13:9 В погибели твоей, Израилю, кто поможет тебе? Hosea 13:10 Где царь твой сей? Той да спасет тя во всех градех твоих: и да судит ти, о немже глаголал еси: даждь ми царя и князя. Hosea 13:11 И дах тебе царя во гневе Моем, и утвержахся в ярости Моей. Hosea 13:12 Согромаждение неправды Ефрем, сокровен грех его: Hosea 13:13 болезни аки раждающия приидут ему: сей сын немудрый, зане ныне не устоит в сокрушении чад. Hosea 13:14 От руки адовы избавлю я и от смерти искуплю я: где пря твоя, смерте? Где остен твой, аде? Утешение скрыся от очию Моею: Hosea 13:15 зане сей между братиями разлучит: наведет Господь ветр зноен из пустыни нань, и изсушит жилы его и опустошит источники его: сей изсушит землю его и вся сосуды его любимыя. Hosea 14:0 Hosea 14:1 Погибнет Самариа, яко сопротивися и Богу своему: оружием падут сами, и младенцы их разбиются, и во утробе имущыя их разсядутся. Hosea 14:2 Обратися, Израилю, ко Господу Богу твоему, зане изнемогл еси в неправдах твоих. Hosea 14:3 Возмите с собою словеса и обратитеся ко Господу Богу вашему, рцыте Ему: (можеши всяк отврещи грех:) яко да не приимете неправды, но да приимете благая, и воздадим плод устен наших. Hosea 14:4 Ассур не спасет нас, на кони не взыдем, ксему не речем: Hosea 14:5 бози наши, делам рук наших: яко в Тебе помилуется сирота. Изцелю селения их, возлюблю я явленно, яко отвратися гнев Мой от них. Hosea 14:6 Буду якоже роса Израилю, процветет яко крин и прострет корение свое якоже Ливан. Hosea 14:7 Пойдут ветви его, и будет якоже маслина плодовита, и обоняние его аки Ливана: Hosea 14:8 обратятся и сядут под кровом его, поживут и утвердятся пшеницею, и процветет яко виноград память его, якоже вино Ливаново. Hosea 14:9 Ефремови что ему еще и кумиром? Аз смирих его, Аз и укреплю его: аки смерчие учащеное, от Мене обретеся плод твой. Hosea 14:10 Кто премудр и уразумеет сия? И смыслен, и увесть сия? Яко правы путие Господни, и праведнии пойдут в них, а нечестивии изнемогут в них.
Joel 0:0
Книга пророка Иоиля Joel 1:0 Joel 1:1 Слово Господне, иже бысть ко Иоилю сыну Вафуилеву. Joel 1:2 Слышите сия, старцы, и внушите, вси живущии на земли: аще быша сицевая во днех ваших или во днех отец ваших? Joel 1:3 О сих чадом своим поведите, а чада ваша чадом своим, а чада их роду другому: Joel 1:4 останок гусениц поядоша прузи, и останок пругов поядоша мшицы, и останок мшиц поядоша сиплеве. Joel 1:5 Утрезвитеся, пиянии, от вина своего и плачитеся: рыдайте, вси пиющии вино до пиянства, яко отяся от уст ваших веселие и радость. Joel 1:6 Понеже язык взыде на землю Мою крепок и безчислен: зубы его (якоже) зубы львовы, и членовныя его якоже львичища: Joel 1:7 положи виноград Мой в погубление и смоквы Моя в сломление: взыскуя обыска и и сверже, обели лозие его. Joel 1:8 Восплачися ко мне паче невесты препоясаныя во вретище по мужи своем девственнем. Joel 1:9 Извержеся жертва и возлияние из дому Господня: плачитеся, жерцы, служащии жертвеннику Господню, Joel 1:10 яко опустеша поля. Плачися, земле, яко пострада пшеница, и изсше вино, умалися елей, Joel 1:11 посрамишася земледелателе. Плачитеся, села, по пшенице и по ячмени, яко погибе обымание от нивы, Joel 1:12 виноград изсше, и смоквы умалишася: шипки, и финикс, и яблонь, и вся древа польская изсхоша, яко посрамиша радость сынове человечи. Joel 1:13 Препояшитеся и бийтеся, жерцы, плачитеся, служащии жертвеннику: внидите, поспите во вретищих, служащии Богу, яко отяся от дому Бога вашего жертва и возлияние: Joel 1:14 освятите пост, проповедите цельбу, соберите старейшины вся живущия на земли в дом Бога вашего и воззовите ко Господу усердно: Joel 1:15 увы мне, увы мне, увы мне в день! Яко близ есть день Господень, и яко беда от беды приидет: Joel 1:16 яко пред очима вашима пищи взяшася и от дому Бога вашего веселие и радость. Joel 1:17 Вскочиша юницы у яслей своих, погибоша сокровища, раскопашася точила, яко посше пшеница. Joel 1:18 Что положим себе? Восплакашася стада волов, яко не бе пажити им, и паствы овчия погибоша. Joel 1:19 К Тебе, Господи, возопию, яко огнь потреби красная пустыни, и пламень пожже вся древа польская, Joel 1:20 и скоти польстии воззреша к Тебе, яко посхоша источницы воднии, и огнь пояде красная пустыни. Joel 2:0 Joel 2:1 Вострубите трубою в Сионе, проповедите в горе Моей святей, и да смятутся вси живущии на земли, яко предстоит день Господень, яко близ, Joel 2:2 день тмы и бури, день облака и мглы: якоже утро разлиются по горам людие мнози и крепцы, подобни им не быша от века, и по них не приложится до лет в род и род: Joel 2:3 яже пред ним огнь потребляяй, и яже за ним возгараяся пламень: якоже рай Сладости земля пред лицем его, и яже созади его поле пагубы, и спасающагося не будет им: Joel 2:4 якоже вид конский вид их, и якоже конницы, тако проженут: Joel 2:5 якоже глас колесниц на верхи гор востекут, и яко глас пламене огненна попаляюща тростие, и яко людие мнози и крепцы воополчающиися на брань. Joel 2:6 От лица их сокрушатся людие: всякое лице аки опаление горнца. Joel 2:7 Якоже борцы потекут, и якоже мужие храбри взыдут на ограды: и кийждо в путь свой пойдет, и не совратят путий своих, Joel 2:8 и кийждо от брата своего не отступит: отягощени оружии своими пойдут и в стрелах своих падут, но не скончаются. Joel 2:9 Града имутся, и на забрала востекут, и на храмины взлезут, и оконцами внидут, якоже татие. Joel 2:10 Пред лицем его смятется земля и потрясется небо: солнце и луна померкнут, и звезды угасят свет свой. Joel 2:11 И Господь даст глас Свой пред лицем силы Своея, яко мног есть зело полк Его, яко крепка дела словес Его: зане велик день Господень, велик и светел зело, и кто будет доволен ему? Joel 2:12 И ныне глаголет Господь Бог ваш: обратитеся ко Мне всем сердцем вашим в посте и в плачи и в рыдании, Joel 2:13 и расторгните сердца ваша, а не ризы ваша, и обратитеся ко Господу Богу вашему, яко милостив и щедр есть, долготерпелив и многомилостив и раскаявайся о злобах. Joel 2:14 Кто весть, обратится ли, и раскается, и оставит за собою благословение и жертву и возлияние Господу Богу вашему? Joel 2:15 Вострубите трубою в Сионе, освятите пост, проповедите цельбу, Joel 2:16 соберите люди, освятите церковь, изберите старейшины, совокупите младенцы ссущия сосцы: да изыдет жених от ложа своего, и невеста от чертога своего. Joel 2:17 Между степеньми жертвенника восплачутся жерцы служащии Господу и рекут: пощади, Господи, люди Твоя и не даждь достояния Твоего на укоризну, да не обладают ими языцы, да не рекут во языцех: где есть Бог их? Joel 2:18 И возревнова Господь о земли Своей и пощаде люди Своя. Joel 2:19 И отвеща Господь людем Своим и рече: се, Аз вам послю пшеницу и вино и масло древяное, и насытитеся их, и не дам вас ксему на поругание во языцех: Joel 2:20 и сущаго от севера отжену от вас и отрину его на землю безводную, и погублю лице его в мори первем и задняя его в мори последнем, и взыдет гнилость его, и взыдет смрад его, яко возвеличи дела своя. Joel 2:21 Дерзай, земле, радуйся и веселися, яко возвеличи Господь, еже сотворити. Joel 2:22 Дерзайте, скоти польстии, яко прозябнуша поля пустыни, яко древо принесе плод свой, виноград и смокви даша силу свою. Joel 2:23 И чада Сионя, радуйтеся и веселитеся о Господе Бозе вашем, яко даде вам пищу в правду и одождит вам дождь ранний и поздный, якоже и прежде: Joel 2:24 и наполнятся гумна ваша пшеницы, и преизлиются точила вином и елеем. Joel 2:25 И воздам вам вместо лет, в няже поядоша прузи и мшица, и сиплеве и гусеницы, сила Моя великая, юже послах на вы: Joel 2:26 и снесте ядуще и насытитеся, и похвалите имя Господа Бога вашего, Яже сотвори с вами чудеса: и не посрамятся людие Мои во век. Joel 2:27 И уведите, яко посреде Израиля Аз есмь, и Аз Господь Бог ваш, и несть иного разве Мене: и не посрамятся ктому людие Мои во век. Joel 2:28 И будет по сих, и излию от Духа Моего на всяку плоть, и прорекут сынове ваши и дщери ваша, и старцы ваши сония узрят, и юноты ваши видения увидят: Joel 2:29 ибо на рабы Моя и на рабыни Моя во дни оны излию от Духа Моего: Joel 2:30 и дам чудеса на небеси и на земли, кровь и огнь и курение дыма: Joel 2:31 солнце обратится во тму, и луна в кровь, прежде неже приити дню Господню великому и просвещенному: Joel 2:32 и будет, всяк иже призовет имя Господне, спасется: яко в горе Сионе и во Иерусалиме будет спасаемый, якоже рече Господь, и благовествуемии, ихже Господь призва. Joel 3:0 Joel 3:1 Яко се, Аз во дни тыя и во время оно, егда возвращу пленники Иудины и Иерусалимли, Joel 3:2 и соберу вся языки, и сведу я на юдоль Иосафатову, и разсуждуся с ними ту о людех Моих и о наследии Моем Израили, иже разсеяшася во языцех, и землю Мою разделиша. Joel 3:3 И на люди Моя вергоша жребия, и даша отрочища блудницам, и отроковицы продаяху на вине и пияху. Joel 3:4 И что вы Мне, Тире и Сидоне и вся Галилеа иноплеменников? Еда воздаяние вы воздаете Мне? Или памятозлобствуете вы на Мя? Остро и быстро воздам воздаяние ваше на главы ваша, Joel 3:5 понеже сребро Мое и злато Мое взясте, и избранная Моя и добрая внесосте в требища ваша, Joel 3:6 и сыны Иудины и сыны Иерусалимли продасте сыном Еллинским, яко да ижденете я от предел их. Joel 3:7 И се, Аз возставлю я от места, в неже продасте я тамо, и воздам воздаяние ваше на главы ваша: Joel 3:8 и отдам сыны ваша и дщери ваша в руце сынов Иудиных, и продадят я в плен во страну далече сущу, яко Господь глагола. Joel 3:9 Проповедите сия во языцех, освятите рать, возставите сечцы, приведите и восходите, вси мужие воинстии, Joel 3:10 разсецыте рала ваша на мечи и серпы ваша на копия: немощный да глаголет, яко могу аз: Joel 3:11 совокупляйтеся и входите, вси языцы окрест, и соберитеся ту: кроткий да будет храбр. Joel 3:12 Да востанут и взыдут вси языцы на юдоль Иосафатову, яко тамо сяду разсудити вся языки яже окрест. Joel 3:13 Испустите серпы, яко предстоит обымание винограда: внидите, топчите, яко исполнь точило, изливаются подточилия, яко умножишася злобы их. Joel 3:14 Гласи прогласишася на поли судебнем, яко близ день Господень на юдоли судебней. Joel 3:15 Солнце и луна померкнут, и звезды скрыют свет свой. Joel 3:16 Господь же от Сиона воззовет и от Иерусалима даст глас Свой, и потрясется небо и земля: Господь же пощадит люди Своя и укрепит (Господь) сыны Израилевы. Joel 3:17 И увесте, яко Аз Господь Бог ваш, вселяяся в Сионе в горе Моей святей: и будет Иерусалим свят, и иноплеменницы не пройдут сквозе его ктому. Joel 3:18 И будет в той день, искаплют горы сладость, и холми источат млеко, и вси источницы Иудины источат воды, и источник от дому Господня изыдет и напоит водотечь Сития. Joel 3:19 Египет в погибель будет, и Идумеа в поле погибели будет за озлобление сынов Иудиных, понеже пролияша кровь праведную на земли своей: Joel 3:20 Иудеа же во веки населится, и Иерусалим в роды родов. Joel 3:21 И взыщу крови их и не обезвиню: и Господь вселится в Сионе.
Amos 0:0
Книга пророка Амоса Amos 1:0 Amos 1:1 Словеса Амосова, яже быша в Кариафиариме от Фекуи, яже виде о Иерусалиме во дни Озии царя Иудина и во дни Иеровоама сына Иоасова царя Израилева, прежде двою лет труса. Amos 1:2 И рече: Господь от Сиона возглагола и от Иерусалима даде глас Свой: и сетоваша пажити пастырей, и изсше верх Кармиль. Amos 1:3 И рече Господь: за три нечестия Дамаска и за четыри не отвращуся его, понеже растроша пилами железными имущыя во утробе сущих в Галааде: Amos 1:4 и послю огнь в дом Азаиль, и пояст основание сына Адерова: Amos 1:5 и сокрушу вереи Дамасковы, и потреблю живущыя с поля Онова, и посеку племя от мужей Харраних, и пленятся людие Сирстии нарочитии, глаголет Господь. Amos 1:6 Сия глаголет Господь: за три нечестия Газы и за четыри не отвращуся их, за еже пленити им пленение Соломоне, еже заключити во Идумею: Amos 1:7 и послю огнь на забрала Газы, и пояст основание ея: Amos 1:8 и потреблю живущыя из Азота, и извержется племя из Аскалона, и наведу руку Мою на Аккарона, и погибнут остаточнии иноплеменников, глаголет Господь. Amos 1:9 Сия глаголет Господь: за три нечестия Тирова и за четыри не отвращуся его, понеже заключиша пленники Соломони во Идумею и не помянуша завета братня: Amos 1:10 и послю огнь на забрала Тирова, и пояст основания его. Amos 1:11 Сия глаголет Господь: за три нечестия Идумейска и за четыри не отвращуся их, понеже прогнаша брата своего мечем и растлиша матерь на земли, и восхити во свидение грозу свою, и устремление свое снабде на победу: Amos 1:12 и послю огнь в Феман, и пояст основания оград его. Amos 1:13 Сия глаголет Господь: за три нечестия сынов Аммоних и за четыри не отвращуся их, понеже распоряху имущыя во утробе Галаадитов, яко да разширят пределы своя: Amos 1:14 и разжегу огнь на забрала Раввафы, и пояст основания ея с воплем в день рати, и потрясется в день скончания своего: Amos 1:15 и пойдут царие ея в плен, жерцы их и князи их вкупе, глаголет Господь. Amos 2:0 Amos 2:1 Сия глаголет Господь: за три нечестия Моавля и за четыри не отвращуся его, понеже сожгоша кости царя Идумейска в пепел: Amos 2:2 и послю огнь на Моава, и пояст основания градов его, и умрет со безсилием Моав, с воплем и гласом трубным: Amos 2:3 и потреблю судию из него и вся князи его избию с ним, глаголет Господь. Amos 2:4 Сия глаголет Господь: за три нечестия сынов Иудиных и за четыри не отвращуся их, понеже отринуша закон Господень и повелений Его не сохраниша, и прельстиша их суетная их, яже сотвориша, имже последоваша отцы их вслед их: Amos 2:5 и послю огнь на Иуду, и пояст основания Иерусалимля. Amos 2:6 Сия глаголет Господь: за три нечестия Израиля и за четыри не отвращуся его, понеже продаша праведнаго на сребре и убогаго на сапозех, Amos 2:7 ходящих на прасе земнем, и бияху пястию во главы убогих, и путь смиренных совращаху: и сын и отец его влазяста ко единей рабыни, яко да осквернавят имя Бога своего: Amos 2:8 и ризы своя связующе ужами, и завесы творяху держащыяся требища, и вино от оболганий пияху в дому бога своего. Amos 2:9 Аз же отвергох Аморреа от лица их, егоже бе высота якоже высота кедрова, и крепок бяше якоже дуб, и изсуших плод его с верха и корение его из низу. Amos 2:10 Аз же изведох вы из земли Египетския и обводих вы в пустыни четыредесять лет, еже прияти в наследие землю Аморрейску. Amos 2:11 И поях от сынов ваших во пророки и от юнот ваших во освящение: еда несть сих, сынове Израилевы? Глаголет Господь. Amos 2:12 И напаясте освященныя вином и пророком заповедасте глаголюще: не прорицайте. Amos 2:13 Сего ради, се, Аз повращу под вами, якоже вратится колесница полна тростия: Amos 2:14 и погибнет бегство от скоротекущаго, и крепкий не удержит крепости своея, и храбрый не спасет души своея, Amos 2:15 и стреляяй из лука не постоит, и быстрый ногама своима не уцелеет, и конник не спасет души своея, Amos 2:16 и крепкий не обрящет сердца своего в силах, наг побегнет в той день, глаголет Господь. Amos 3:0 Amos 3:1 Слышите слово сие, еже глагола Господь на вы, доме Израилев, и на все племя, еже изведох из земли Египетския, рекий: Amos 3:2 вас точию познах от всех племен на земли, сего ради отмщу на вас вся грехи вашя. Amos 3:3 Еда пойдут два вкупе всяко, аще не познают себе? Amos 3:4 Или возревет лев из дубравы своея, ловитвы не имый? Или испустит глас свой львичищь из ложа своего всяко, аще не похитит чесого? Amos 3:5 Или падет птица на землю без ловца? Или спадет пругло на землю, аще не имет ничесоже? Amos 3:6 Или возгласит труба во граде, и не убоятся людие? Или будет зло во граде, еже Господь не сотвори? Amos 3:7 Понеже не сотворит Господь Бог дела, аще не открыет наказания Своего к рабом Своим пророком. Amos 3:8 Лев возревет, и кто не убоится? Господь Бог глагола, и кто не проречет? Amos 3:9 Поведите странам во Ассирианех и во странах Египетских и рцыте: соберитеся на гору Самарийскую и видите чудесная многа среде ея и насильство еже в ней. Amos 3:10 И не уразуме, яже будут противу ей, глаголет Господь, сокровищствующии неправду и страсть в селех своих. Amos 3:11 Сего ради сия глаголет Господь Бог: Тире, окрест земля твоя опустеет, и отимет от тебе крепость твою, и разграбятся страны твоя. Amos 3:12 Сия глаголет Господь: якоже пастух, егда исторгнет от уст львовых две голени, или обушие уха, тако исторгнутся сынове Израилевы живущии в Самарии прямо племене и в Дамасце. Amos 3:13 Жерцы, послушайте и засвидетелствуйте дому Иаковлю, глаголет Господь Бог Вседержитель: Amos 3:14 понеже в день, егда отмщу нечестия Израилева на нем, и отмщу на требищих Вефилих, и раскопаю роги требища, и падутся на землю: Amos 3:15 сокрушу и поражу дом с преклеты с домом летним, и погибнут домове кости слоновыя, и потребятся и друзии домове мнози, глаголет Господь. Amos 4:0 Amos 4:1 Слышите слово сие, юницы Васанитидския, яже в горе Самарийстей, преобидящыя убогих и попирающыя нищих, глаголющыя господем своим: подадите нам, да пием. Amos 4:2 Клятся Господь святыми Своими, яко се, дние грядут на вы, и возмут вы во оружии, и сущих с вами ввергут в конобы подгнещаемыя огненнии губителие: Amos 4:3 и извержены будете наги прямо друг друга и отвержетеся в гору Ремман, глаголет Господь. Amos 4:4 Внидосте в Вефиль и беззаконновасте, и в Галгалех умножисте еже нечествовати, и принесосте заутра требы вашя, в треденство десятины вашя: Amos 4:5 и прочтоша извне закон и призваша исповедание: возвестите, яко сия возлюбиша сынове Израилевы, глаголет Господь Бог. Amos 4:6 Аз же дам вам оскомину зубом во всех градех ваших и недостаток хлеба во всех местех ваших: и не обратистеся ко Мне, глаголет Господь. Amos 4:7 И аз удержах дождь от вас прежде триех месяцев жатвы, и надождю на един град, а на другий (един) не надождю: часть едина надождится, и часть, на нюже не надождю, изсохнет: Amos 4:8 и соберутся два и три града во град един пити воду и не насытятся: и не обратистеся ко Мне, глаголет Господь. Amos 4:9 Побих вы раждежением и златеницею: умножисте вертограды вашя, винограды вашя и смоквы вашя и масличия ваша: сия поядоша гусеницы: и ниже тако обратистеся ко Мне, глаголет Господь. Amos 4:10 Послах на вы смерть на пути Египетстем, и избих оружием юношы вашя, с пленом коней твоих, и изведох во огни Полки вашя во гневе Моем: и ниже тако обратистеся ко Мне, глаголет Господь. Amos 4:11 Разорих вы, якоже разори Бог Содому и Гоморру, и бысте яко главня исторжена из огня: и ниже тако обратистеся ко Мне, глаголет Господь. Amos 4:12 Сего ради сице сотворю ти, Израилю: обаче, яко сице сотворю ти, уготовися призывати Бога твоего, Израилю. Amos 4:13 Се, Аз утвержаяй гром и созидаяй ветр и возвещаяй в человецех Христа Своего, творяй утро и мглу и восходяй на высокая земли: Господь Бог Вседержитель имя Ему. Amos 5:0 Amos 5:1 Слышите слово Господне, имже аз приемлю на вы плачь: дом Израилев падеся и ктому не приложит востати: Amos 5:2 девица Израилева повержена на земли своей, несть возставляющаго ю. Amos 5:3 Понеже сия глаголет Господь Бог: из града, из негоже исхождаше тысяща, останется в нем сто: и из негоже исхождаше сто, останет в нем десять дому Израилеву. Amos 5:4 Понеже сия глаголет Господь к дому Израилеву: взыщите Мене и поживете: Amos 5:5 а не взыскуйте Вефиля и в Галгалу не входите и ко кладязю клятвы не ходите, яко Галгала пленяема пленится, и Вефиль будет аки не быв. Amos 5:6 Взыщите Господа и поживете, яко да не возжжется яко огнь дом Иосифов, и пояст его, и не будет угашающаго дому Израилева. Amos 5:7 Господь творяй в высоту суд и правду на земли положи: Amos 5:8 творяй вся и претворяяй, и обращаяй во утро сень смертную и день в нощь помрачаяй, призываяй воду морскую и разливаяй ю на лице земли: Amos 5:9 Господь Бог Вседержитель имя Ему: разделяяй сокрушение на крепость и бедство на твердыню наводяй. Amos 5:10 Возненавидеша у врат наказующаго, и словом праведным возгнушашася. Amos 5:11 Сего ради понеже пястьми биете убогих и дары избранны приясте от них: домы украшены соградисте, и не вселитеся в них, винограды вожделенны насадисте, и не имате пити вина от них. Amos 5:12 Яко уведех многа нечестия ваша, и крепцы греси ваши, попирающе праведнаго, приемлюще премены и убогия от врат отреяюще. Amos 5:13 Сего ради смысляй в то время премолчит, яко время лукаво есть. Amos 5:14 Взыщите добра, а не зла, яко да поживете, и будет тако с вами Господь Бог Вседержитель, якоже ресте: Amos 5:15 возненавидехом злая и возлюбихом добрая: и возставите у врат суд, яко да помилует Господь Бог Вседержитель оставшая Иосифова. Amos 5:16 Сего ради сия глаголет Господь Бог Вседержитель: на всех стогнах (будет) плачь, и на всех путех речется: увы люте, увы люте! Призовется земледелец на плачь и на рыдание, и на ведящих плачь, Amos 5:17 и на всех путех плачь, понеже пройду среде тебе, рече Господь. Amos 5:18 Увы люте желающым дне Господня! Вскую вам сей день Господень? Сей бо есть тма, а не свет: Amos 5:19 якоже аще убежит человек от лица льва, и нападет нань медведица: и вскочит в дом и опрется рукама своима о стену, и усекнет его змия. Amos 5:20 Несть ли день Господень тма, а не свет, и мгла не имущи света своего? Amos 5:21 Возненавидех и отвергох праздники вашя и не обоняю жертв в сонмех ваших: Amos 5:22 зане аще принесете Ми всесожжения и жертвы вашя, не прииму, и на спасителная явления вашего не призрю. Amos 5:23 Отстави от Мене глас песней твоих, и песни органов твоих не послушаю. Amos 5:24 И повалится якоже вода суд, и правда якоже водотеча непроходна. Amos 5:25 Еда заколения и требы принесосте Ми в пустыни лет четыредесять, доме Израилев? Amos 5:26 И восприясте скинию Молохову и звезду бога вашего Ремфана, образы, яже сотвористе себе. Amos 5:27 И преселю вы далее Дамаска, глаголет Господь: Бог Вседержитель имя Ему. Amos 6:0 Amos 6:1 Люте уничижающым Сиона и уповающым на гору Самарийскую: оымаша начатки языков, и внидоша к ним дом Израилев. Amos 6:2 Мимоидите Халану вси и видите, и прейдите оттуду во Емаф великий и снидите оттуду в Геф иноплеменников, крепчайшыя от всех царств сих, аще болши суть пределы их предел ваших? Amos 6:3 Приходящии в день зол, приближающиися и прикасающиися субботам лживым, Amos 6:4 спящии на одрех от костей слоновых и ласкосердствующии на постелех своих, ядущии козлища от паств и телцы млеком питаемы от среды стад: Amos 6:5 плещущии ко гласу пищалей, аки стояща мнеша, а не яко бежаща: Amos 6:6 пиющии процеженое вино и первыми вонями мажущиися, и не страдаху ничесоже в сокрушении Иосифове. Amos 6:7 Сего ради ныне пленницы будут от начала сильных, и отимется ржание конско от Ефрема. Amos 6:8 Яко клятся Господь Собою, глаголет Господь Бог Сил: понеже гнушаюся аз всею укоризною Иакова и села его возненавидех, и отвергу град со всеми живущими в нем. Amos 6:9 И будет, аще останутся десять мужей во единем дому, умрут, и останутся остаточнии: Amos 6:10 и возмут свои их, и понудятся изнести кости их из дому. И речет настоятелем дому: еще ли есть у тебе? И речет: несть еще. И речет: молчи, не именования ради имене Господня. Amos 6:11 Понеже, се, Господь заповедает и побиет дом великий толчением и дом малый разседением. Amos 6:12 Аще поженут в камениях кони? И аще умолкнут в женстем полу? Яко обратисте на гнев суд, и плод правды на горесть, Amos 6:13 веселящиися ни о единем слове блазе, глаголющии: не крепостию ли нашею имамы роги? Amos 6:14 Темже, се, Аз воздвигну на вы, доме Израилев, язык, глаголет Господь Бог Сил, и сокрушат вас еже не внити во Емаф и до водотечи западов. Amos 7:0 Amos 7:1 Сице показа ми Господь Бог, и се, приплод пружий идый утренний, и се, гусеница, един Гог царь. Amos 7:2 И будет, аще скончает ядый траву земную, и рех: Господи, Господи, милостив буди, кто возставит Иакова? Яко мал есть. Amos 7:3 Раскайся о сем, Господи: и сие не будет, глаголет Господь. Amos 7:4 Сице показа ми Господь, и се, призва прю во огни Господь Бог, и пояде бездну многу, и пояде часть. Amos 7:5 И рех: Господи, Господи, престани ныне, кто возставит Иакова? Яко мал есть. Amos 7:6 Раскайся о сем, Господи: и сие не будет, глаголет Господь. Amos 7:7 Сице показа ми Господь: и се, Муж стояй на ограде адамантове, и в руце Его адамант. Amos 7:8 И рече Господь ко мне: что ты видиши, Амосе? И рех: адамант. И рече Господь ко мне: се, Аз учиню адаманта среде людий Моих Израиля, ктому не приложу, еже мимоити его: Amos 7:9 и потребятся требища смеха, и требы Израилевы опустеют, и востану на дом Иеровоамль со оружием. Amos 7:10 И посла Амасиа жрец Вефильский ко Иеровоаму царю Израилеву глаголя: развраты творит на тя Амос среде дому Израилева, не возможет земля подяти всех словес его, Amos 7:11 понеже сия глаголет Амос: оружием скончается Иеровоам, Израиль же пленен отведется от земли своея. Amos 7:12 И рече Амасиа ко Амосови: видяй гряди и отиди ты на землю Иудину, и тамо живи, и тамо да прорицаеши: Amos 7:13 а в Вефили посем не приложи прорицати, яко освящение царя есть и дом есть царства. Amos 7:14 И отвеща Амос и рече ко Амасии: не бех пророк аз, ниже сын пророчь, но пастырь бех и ягодичия обирая: Amos 7:15 и поя мя Господь от овец и рече ко мне: иди и прорцы на люди Моя Израиля. Amos 7:16 И ныне слыши слово Господне: ты глаголеши: не прорицай на Израиля и не возмущай народа на дом Иаковль: Amos 7:17 сего ради сия глаголет Господь: жена твоя во граде соблудит, сынове же твои и дщери оружием падут, и земля твоя ужем измерится, и ты на земли нечистей скончаешися, и Израиль пленен отведется от земли своея. Amos 8:0 Amos 8:1 Сице показа ми Господь Бог: и се, сосуд птицеловца. Amos 8:2 И рече (Господь): что ты видиши, Амосе? И рех: сосуд птицеловца. И рече Господь ко мне: приспе конец на люди Моя Израиля, не приложу ксему еже мимоити его. Amos 8:3 И восплачутся стропове храма в той день, глаголет Господь Бог: мнози падшии во всем месте, навергу молчание. Amos 8:4 Слышите убо сия, сокрушающии из утра убогаго и насильствующии нищих от земли, Amos 8:5 глаголющии: когда прейдет месяц, и продамы, и (когда прейдут) субботы, и отверзем сокровища наша, еже сотворити меру малу, и увеличити мерило, и сотворити вес неправеден, Amos 8:6 яко да притяжем убогия сребром и нищаго за сапоги, и от всякаго жита куплю сотворим? Amos 8:7 Кленется Господь на презорство Иаковле, аще забудет в конец вся дела ваша: Amos 8:8 и о сих не возмятется ли земля, и восплачется всяк живяй на ней? И взыдет яко река скончание (ея), и снидет якоже река Египетская. Amos 8:9 И будет в той день, глаголет Господь Бог, зайдет солнце в полудне, и померкнет на земли в день свет: Amos 8:10 и превращу праздники вашя в жалость и вся песни вашя в плачь, и возложу на всяк хребет вретище и на всяку главу плешь, и положу его яко жалость любимаго и сущыя с ним яко день болезни. Amos 8:11 Се, дние грядут, глаголет Господь, и послю глад на землю, не глад хлеба, ни жажду воды, но глад слышания слова Господня: Amos 8:12 и поколеблются воды от моря до моря и от севера до восток, и обтекут ищуще словесе Господня, и не обрящут. Amos 8:13 В той день оскудеют девы добрыя и юноши в жажди, Amos 8:14 кленущиися очищением Самарийским и глаголющии: жив бог твой, Дане, и жив бог твой, Вирсавее. И падут и не востанут ктому. Amos 9:0 Amos 9:1 Видех Господа стояща на жертвеннице, и рече: порази очистилище, и поколеблются преддверия, и пресецы в главы всех: и оставшыя их оружием избию, не убежит от них бежай, и не уцелеет от них уцелеваяй: Amos 9:2 аще сокрыются во аде, то и оттуду рука Моя исторгнет я, и аще взыдут на небо, то и оттуду свергу я: Amos 9:3 и аще скрыются на версе Кармила, то и оттуду взыщу и возму я, и аще погрузятся от очию Моею во глубинах морских, то и тамо повелю змиеви, и угрызет я: Amos 9:4 и аще пойдут в плен пред лицем враг своих, и тамо повелю оружию, и избиет их: и утвержу очи Мои на них во злая, а не во благая. Amos 9:5 И Господь Бог Вседержитель прикасаяйся земли и колебля ею, и возрыдают вси живущии на ней, и взыдет яко река скончание ея, и снидет яко река Египетская: Amos 9:6 сотворяяй на небо восход Свой и обещание Свое на земли основаяй, призываяй воду морскую и проливаяй ю на лице земли: Господь Бог Вседержитель имя Ему. Amos 9:7 Не якоже ли сынове Ефиопстии вы есте Мне, сынове Израилевы? Глаголет Господь. Не Израиля ли изведох из земли Египетския и иноплеменники из Каппадокии и Сиряны из Рова? Amos 9:8 Се, очи Господа Бога на царство грешных, и отвергу е от лица земли: обаче не в конец отвергу дом Израилев, глаголет Господь. Amos 9:9 Понеже, се, Аз заповедаю и развею дом Израилев во вся языки, якоже веется на веяле, и не падет сотрение на землю. Amos 9:10 Оружием скончаются вси грешнии людий Моих, глаголющии: не приближатся, ни приидут на нас злая. Amos 9:11 В той день возставлю скинию Давидову падшую, и возгражду падшая ея, и раскопаная ея возставлю, и возгражду ю якоже дние века: Amos 9:12 яко да взыщут мене оставшиися человецы и вси языцы, в нихже призвася имя Мое в них, глаголет Господь творяй сия вся. Amos 9:13 Се, дние грядут, глаголет Господь, и постигнет жатва оымание винограда, и созреет гроздие в сеятву, и искапают горы сладость, и вси холми насаждени будут: Amos 9:14 и возвращу плен людий Моих Израиля, и возградят грады разореныя, и населятся, и насадят винограды и испиют вино их, и сотворят вертограды и снедят плод их: Amos 9:15 и насажду я на земли их, и не исторгнутся ктому от земли своея, юже дах им, глаголет Господь Бог Вседержитель.
Obadiah 0:0
Книга пророка Авдия Obadiah 1:0 Obadiah 1:1 Видение Авдиино: сия глаголет Господь Бог Идумеи: слух слышах от Господа, известие во языки посла: востаните, и востанем на ню ратию. Obadiah 1:2 Се, мала дах тя во языцех, безчестен ты еси зело. Obadiah 1:3 Презорство сердца твоего воздвиже тя живущаго в пещерах каменных: возвышаяй храмину свою, глаголяй в сердцы своем: кто мя свержет на землю? Obadiah 1:4 Аще вознесешися якоже орел и аще положиши гнездо твое среде звезд, и оттуду свергу тя, глаголет Господь. Obadiah 1:5 Аще бы татие влезли к тебе, или разбойницы нощию, камо бы повержен был еси? Еда не украли бы доволных себе? Или аще бы объемлющии виноград влезли к тебе, еда бы не оставили гроздия? Obadiah 1:6 Како обыскася Исав, и взята быша сокровенная его? Obadiah 1:7 Даже до предел испустиша тя: вси мужие завета твоего сопротивишася ти, премогоша тя мужие мирницы твои: (ядущии с тобою) положиша лесть под тобою, несть смысла в них. Obadiah 1:8 В той день, глаголет Господь, погублю премудрыя от Идумеи и смысл от горы Исавовы: Obadiah 1:9 и убоятся воини твои, иже от Феман, да отимется человек от горы Исавовы. Obadiah 1:10 Посечения ради и нечестия, еже на брата твоего Иакова, покрыет тя студ, и отвержен будеши во век. Obadiah 1:11 От негоже дне сопротивился еси во дни пленяющих иноплеменников силу его, и чуждии внидоша во врата его и о Иерусалиме вергоша жребия, и ты был еси яко един от них. Obadiah 1:12 И да не презриши дне брата твоего в день чуждих, и да не порадуешися о сынех Иудиных в день погибели их, и да не велеречиши в день скорби: Obadiah 1:13 и не входи во врата людий Моих в день болезни их, и не презри и ты сонма их в день потребления их, и не совещайся на силу их в день погибели их: Obadiah 1:14 ниже настой на исходы их потребити избегающыя их, ниже заключай бежащыя их в день скорби. Obadiah 1:15 Понеже близ день Господень на вся языки: якоже сотворил еси, сице будет ти, воздаяние твое воздастся на главу твою. Obadiah 1:16 Понеже якоже еси пил на горе Моей святей, испиют вси языцы вино, испиют и снидут, и будут яко не бывшии. Obadiah 1:17 В горе же Сиони будет спасение, и будет свята: и наследят дом Иаковль наследивших я. Obadiah 1:18 И будет дом Иаковль огнь, дом же Иосифов пламень, а дом Исавов в тростие, и возгорятся на них и поядят я, и не будет избегаяй дому Исавову, яко Господь глагола. Obadiah 1:19 И наследят иже во нагеве гору Исавову, и иже в раздолии иноплеменники: и возмут гору Ефремову и поле Самарийско, и Вениамина и Галаадитиду. Obadiah 1:20 И преселения начало сие сыном Израилевым, земля Хананейска до Сарепты: преселение же Иерусалимле до Ефрафа: и наследят грады Нагевовы. Obadiah 1:21 И взыдут спасаемии от горы Сиони, еже отмстити гору Исавлю, и будет царство Господеви.
Jonah 0:0
Книга пророка Ионы Jonah 1:0 Jonah 1:1 И бысть слово Господне ко Ионе сыну Амафиину, глаголя: Jonah 1:2 востани и иди в Ниневию град великий и проповеждь в нем, яко взыде вопль злобы его ко Мне. Jonah 1:3 И воста Иона, еже бежати в Фарсис от лица Господня и сниде во Июппию и обрете корабль идущь в Фарсис, и даде наем свой и вниде в онь плыти с ними в Фарсис от лица Господня. Jonah 1:4 И Господь воздвиже ветр велий на мори, и бысть буря великая в мори, и корабль бедствоваше еже сокрушитися. Jonah 1:5 И убояшася корабельницы, и возопиша кийждо к богу своему, и изметание сотвориша сосудов иже в корабли в море, еже облегчитися от них: Иона же сниде во дно корабля и спаше ту и храпляше. Jonah 1:6 И прииде к нему кормчий и рече ему что ты храплеши? Востани и моли Бога твоего, яко да спасет ны Бог, да не погибнем. Jonah 1:7 И рече кийждо ко искреннему своему приидите, вержим жребия и уразумеем, кого ради есть зло сие на нас? И метнуша жребия, и паде жребий на Иону. Jonah 1:8 И реша к нему возвести нам, кого ради сие зло на нас, что твое делание есть, и откуду грядеши и камо идеши, и от коея страны и от киих людий еси ты? Jonah 1:9 И рече к ним раб Господень есмь аз и Господа Бога небеснаго аз чту, иже сотвори море и сушу. Jonah 1:10 И убояшася мужие страхом великим и реша к нему что сие сотворил еси? Зане разумеша мужие, яко от лица Господня бежаше, яко возвести им. Jonah 1:11 И реша к нему: что тебе сотворим, и утолится море от нас? Зане море восхождаше и воздвизаше паче волнение. Jonah 1:12 И рече к ним Иона: возмите мя и вверзите в море, и утолится море от вас понеже познах аз, яко мене ради волнение сие великое на вы есть. Jonah 1:13 И нуждахуся мужие, возвратитися к земли, и не можаху, яко море восхождаше и воздвизашеся паче на них. Jonah 1:14 И возопиша ко Господеви и реша: никакоже, Господи, да не погибнем души ради человека сего, и не даждь на нас крове праведныя: зане Ты, Господи, якоже восхотел, сотворил еси. Jonah 1:15 И взяша Иону и ввергоша его в море, и преста море от волнения своего. Jonah 1:16 И убояшася мужие страхом великим Господа и пожроша жертву Господеви и помолишася молитвами. Jonah 2:0 Jonah 2:1 И повеле Господь киту великому пожрети Иону. И бе Иона во чреве китове три дни и три нощи. Jonah 2:2 И помолися Иона ко Господу Богу своему от чрева китова Jonah 2:3 и рече: возопих в скорби моей ко Господу Богу моему, и услыша мя из чрева адова вопль мой, услышал еси глас мой: Jonah 2:4 отвергл мя еси во глубины сердца морскаго, и реки обыдоша мя вся высоты Твоя и волны Твоя мне преидоша. Jonah 2:5 И аз рех: отринуся от очию Твоею: еда приложу призрети ми ко храму святому Твоему? Jonah 2:6 Возлияся на мя вода до души моея, бездна обыде мя последняя, понре глава моя в разселины гор, Jonah 2:7 снидох в землю, еяже вереи ея заклепи вечнии: и да взыдет из истления живот мой к Тебе, Господи Боже мой. Jonah 2:8 Внегда скончаватися от мене души моей, Господа помянух, и да приидет к Тебе молитва моя ко храму святому Твоему. Jonah 2:9 Хранящии суетная и ложная милость свою оставиша: Jonah 2:10 аз же со гласом хваления и исповедания пожру Тебе, елика обещах, воздам Тебе во спасение мое Господеви. Jonah 2:11 И повеле Господь китови, и изверже Иону на сушу. Jonah 3:0 Jonah 3:1 И бысть слово Господне ко Ионе вторицею глаголя: Jonah 3:2 востани и иди в Ниневию град великий, и проповеждь в нем по проповеди преждней, юже Аз глаголах тебе. Jonah 3:3 И воста Иона и иде в Ниневию, якоже глагола Господь. Ниневиа же бяше град велик Богу, яко шествия пути триех дний. Jonah 3:4 И начат Иона входити во град, яко шествие пути дне единаго, и проповеда и рече: еще три дни, и Ниневиа превратится. Jonah 3:5 И вероваша мужие Ниневийстии Богови, и заповедаша пост, и облекошася во вретища от велика их даже до мала их. Jonah 3:6 И дойде слово ко царю Ниневийскому, и воста с престола своего и сверже ризы своя с себе, и облечеся во вретище и седе на пепеле. Jonah 3:7 И проповедася и речено бысть в Ниневию от царя и вельмож его глаголющих: человецы и скоти, и волове и овцы да не вкусят ничесоже, ни да пасутся, ниже воды да пиют. Jonah 3:8 И облекошася во вретища человецы и скоти и возопиша прилежно к Богу, и возвратися кийждо от пути своего лукаваго и от неправды сущия в руках их, глаголюще: Jonah 3:9 кто весть, аще раскается и умолен будет Бог, и обратится от гнева ярости Своея, и не погибнем? Jonah 3:10 И виде Бог дела их, яко обратишася от путий своих лукавых, и раскаяся Бог о зле, еже глаголаше сотворити им, и не сотвори. Jonah 4:0 Jonah 4:1 И опечалися Иона печалию великою и смутися, Jonah 4:2 и помолися ко Господу и рече: о Господи, не сия ли убо словеса моя, яже глаголах, еще сущу ми на земли моей? Сего ради предварих бежати в Фарсис, зане разумех, яко милостив Ты еси и щедр, долготерпелив и многомилостив, и каяйся о злобах (человеческих): Jonah 4:3 и ныне, Владыко Господи, приими душу мою от мене, яко уне ми умрети, нежели жити. Jonah 4:4 И рече Господь ко Ионе: аще зело опечалился еси ты? Jonah 4:5 И изыде Иона из града и седе прямо града, и сотвори себе кущу и седяще под нею в сени, дондеже увидит, что будет граду. Jonah 4:6 И повеле Господь Бог тыкве, и возрасте над главою его, еже осенити его от злых его. И возрадовася Иона о тыкве радостию великою. Jonah 4:7 И повеле Господь Бог червию раннему во утрие, и подяде тыкву, и изсше. Jonah 4:8 И бысть вкупе внегда возсияти солнцу, и повеле Бог ветру знойну жегущу, и порази солнце на главу Ионину, и малодушствоваше и отрицашеся души своея и рече: Jonah 4:9 уне ми умрети, нежели жити. И рече Господь Бог ко Ионе: зело ли опечалился еси ты о тыкве? И рече (Иона): зело опечалихся аз даже до смерти. Jonah 4:10 И рече Господь: ты оскорбился еси о тыкве, о нейже не трудился еси, ни воскормил еси ея, яже родися об нощь и об нощь погибе: Jonah 4:11 Аз же не пощажду ли Ниневии града великаго, в немже живут множайшии неже дванадесять тем человек, иже не познаша десницы своея, ниже шуйцы своея, и скоти их мнози?
Micah 0:0
Книга пророка Михея Micah 1:0 Micah 1:1 Слово Господне, еже бысть ко Михею Морасфитину, во дни Иоафама и Ахаза и Езекии царей Иудиных, о нихже виде о Самарии и о Иерусалиме. Micah 1:2 Слышите, людие вси, словеса, и внемли, земле и вси иже на ней, и будет Господь Бог в вас в послушествование, Господь от дому святаго Своего. Micah 1:3 Понеже, се, Господь исходит от места Своего, и снидет и наступит на высоты земныя, Micah 1:4 и поколеблются горы под Ним, и юдоли растают яко воск от лица огня и яко вода сходящи со устремлением. Micah 1:5 Нечестия ради Иаковля вся сия и греха ради дому Израилева. Кое нечестие дому Иаковлю? Не Самариа ли? И кий грех дому Иудина? Не Иерусалим ли? Micah 1:6 И положу Самарию во овощное хранилище селное и в сад винограда, и развергу в пропасть камение ея, и основания ея открыю: Micah 1:7 и вся изваянная ея сокрушат, и вся мзды ея запалят огнем, и вся кумиры ея положу в пагубу: понеже от найма блуда собра и от найма блужения соврати. Micah 1:8 Сего ради возрыдает и восплачется, пойдет боса и нага, сотворит плачь аки змиев и рыдание аки дщерей сиринских: Micah 1:9 яко одержа язва ея, понеже прииде даже до Иуды и коснуся до врат людий моих даже до Иерусалима. Micah 1:10 Уже в Гефе, не величайтеся, и Иенакимляне, не сограждайте из дому на посмеяние, перстию посыплите посмеяние ваше. Micah 1:11 Обитающая добре во градех своих, не изыде живущая в Сеннааре, плачитеся дому (сущаго) близ ея, приимет от вас язву болезней. Micah 1:12 Кто нача во благая вселившейся в болезнех, яко снидоша злая от Господа на врата Иерусалимля, Micah 1:13 шум колесниц и конников: живущая в Лахисе началница греха та есть дщери Сиони, яко в тебе обретошася нечестия Израилева. Micah 1:14 Сего ради даст посылаемыя даже до наследия Гефова, домы суетны, вотще быша царем Израилевым, Micah 1:15 дондеже наследники приведу тебе, живущая в Лахисе, наследие даже до Одоллама приидет, слава дщере Сиони. Micah 1:16 Оброснися и остризися по чадех своих младых: разшири оброснение твое яко орел, понеже пленени быша от тебе. Micah 2:0 Micah 2:1 Быша помышляюще труды и делающе злая на ложах своих, и купно со днем совершаху тая, понеже не воздвигоша к Богу рук своих: Micah 2:2 и желаху сел, и грабляху сирот, и домы отимаху, и расхищаху мужа и дом его, и мужа и наследие его. Micah 2:3 Сего ради сия глаголет Господь: се, Аз помышляю на племя сие злая, от нихже не подвигнете вый ваших и не пойдете прости внезапу, яко время зло есть. Micah 2:4 В той день приимется на вы притча, и восплачется плачь с песнию, глаголющь: бедство пострадахом: часть людий моих измерися ужем, и не бе возбраняяй его, еже отвратитися: села ваша разделена быша. Micah 2:5 Сего ради не будет тебе вмещущь ужа в жребии в сонме Господни. Micah 2:6 Не плачитеся слезами, ниже да слезят о сих: не отвержет бо укоризны Micah 2:7 глаголяй: дом Иаковль разгнева Дух Господень: не сия ли суть начинания Его? Не словеса ли Его суть добра с ним, и правии ходиша? Micah 2:8 И прежде людие Мои во вражду сопротивишася, противу миру своему: кожу его одраша, еже отяти упование, сокрушение ратное: Micah 2:9 сего ради старейшины людий Моих извергутся из домов сладости своея, злых ради начинаний своих отриновени быша. Приближитеся горам вечным: Micah 2:10 востани и пойди, яко несть тебе сей покой: нечистоты ради, истлесте тлением, Micah 2:11 прогнастеся ни кимже гоними: дух постави лжу, искапа тебе в вино и пиянство: и будет, от капли людий сих, Micah 2:12 собираемь соберется Иаков со всеми: приемяй прииму оставших Израилевых, вкупе положу возвращение его, аки овцы в скорби, яко паству посреде ложа их: изскочат от человек. Micah 2:13 Взыди просечением пред лицем их: просекоша, и проидоша врата, и изыдоша ими. И изыде царь их пред лицем их, Господь же Вождь их будет. Micah 3:0 Micah 3:1 И речет: слышите убо сия, власти дому Иаковля и оставшии дому Израилева: не вам ли есть еже разумети суд? Micah 3:2 Ненавидящии добра, а ищущии зла, похищающии кожы их с них и плоти их от костей их: Micah 3:3 якоже объядоша плоти людий Моих, и кожы их от костей их одраша, и кости их столкоша и содробиша яко плоти в коноб и яко мяса в горнец: Micah 3:4 тако возопиют ко Господу, и не послушает их и отвратит лице Свое от них в то время, понеже слукавноваша в начинаниих своих на Ня. Micah 3:5 Сия глаголет Господь на пророки льстящыя людий Моих, угрызающыя зубы своими и проповедающыя мир на них, и не вдася во уста их, возставиша на них рать: Micah 3:6 сего ради нощь будет вам от видения, и тма будет вам от волхвования, и зайдет солнце на пророки, и померкнет на ня день: Micah 3:7 и усрамятся видящии сония, и посмеяни будут волсви, и возглаголют на них вси сии, зане не будет послушаяй их. Micah 3:8 Аще аз не наполню силы Духом Господним и судом и силою, еже возвестити Иакову нечестия его и Израилеви грехи его. Micah 3:9 Слышите сия, старейшины дому Иаковля и оставшии дому Израилева, гнушающиися судом и вся правая развращающии, Micah 3:10 созидающии Сиона кровьми и Иерусалима неправдами: Micah 3:11 старейшины его на дарех суждаху, и жерцы его на мзде отвещаваху, и пророцы его на сребре волхвоваху, и на Господе почиваху, глаголюще: не Господь ли в нас есть? Не приидут на ны злая. Micah 3:12 Сего ради вас дела Сион якоже нива изорется, и Иерусалим яко овощное хранилище будет, и гора дому якоже луг дубравный. Micah 4:0 Micah 4:1 И будет в последния дни явлена гора Господня, уготована над верхи гор, и вознесется выше холмов, и потщатся к ней людие, Micah 4:2 и приидут языцы мнози и рекут: приидите, взыдем на гору Господню и в дом Бога Иаковля: и покажут нам путь Его, и пойдем по стезям Его: яко от Сиона изыдет закон, и слово Господне из Иерусалима, Micah 4:3 и разсудит среде людий многих и изобличит языки крепки даже до земли дальния: и раскуют мечы своя на рала и сулицы своя на серпы, и не ктому возмет язык на язык меча, и не научатся ксему воевати. Micah 4:4 И почиет кийждо под лозою своею и кийждо под смоковницею своею, и не будет устрашающаго, зане уста Господа Вседержителя глаголаша сия. Micah 4:5 Яко вси людие пойдут кийждо в путь свой, а мы пойдем во имя Господа Бога нашего в век и далечае. Micah 4:6 В той день, глаголет Господь, соберу сокрушенную, и отриновенную прииму, и ихже отринух: Micah 4:7 и положу сокрушенную во останок и отриновенную в язык крепок, и воцарится Господь над ними в горе Сионе отныне и до века. Micah 4:8 И ты, столпе паствы мгляный, дщи Сионя, к тебе приидет и внидет власть первая, царство из Вавилона дщери Иерусалимли. Micah 4:9 И ныне вскую познала еси зло? Не бе ли тебе царя? Или совет твой погибе, яко обыдоша тя болезни, аки раждающия? Micah 4:10 Болезнуй и мужайся и приближайся, дщи Сионя, яко раждающая: зане ныне изыдеши из града и вселишися на поли и дойдеши Вавилона: оттуду изимет тя и оттуду избавит тя Господь Бог твой от руки враг твоих. Micah 4:11 И ныне собрашася на тя языцы мнози глаголющии: порадуемся: и воззрят на Сион очи наши. Micah 4:12 Сии же не разумеша помышления Господня и не домыслишася совета Его, яко собра их аки снопы гуменныя. Micah 4:13 Востани и измлати их, дщи Сионя, яко роги твоя положу железны и пазнокти твоя положу медяны, и истончиши люди многи, и возложиши Господеви множество их и крепость их Господеви всея земли. Micah 5:0 Micah 5:1 Ныне оградится дщи Ефремова ограждением, рать учини на вы, жезлом поразят о челюсть племен Израилевых. Micah 5:2 И ты, Вифлееме, доме Ефрафов, еда мал еси, еже быти в тысящах Иудиных? Из тебе бо Мне изыдет Старейшина, Еже быти в Князя во Израили, исходи же Его из начала от дний века. Micah 5:3 Сего ради даст я, до времене раждающия породит, и прочии от братии их обратятся к сыном Израилевым. Micah 5:4 И станет, и узрит, и упасет паству Свою крепостию Господь, и в славе имене Господа Бога Своего пребудут: зане ныне возвеличится даже до конец земли. Micah 5:5 И будет Сей мир, егда Ассур приидет на землю вашу, и егда взыдет на страну вашу, и востанут нань седмь пастырей и осмь язв человеческих, Micah 5:6 и упасут Ассура оружием и землю Невродову копиями ея, и избавит от Ассура, егда приидет на землю вашу и егда вступит на пределы вашя. Micah 5:7 И будет останок Иаковль в языцех среде людий многих, аки роса от Господа падающи и яко агнцы на злаце, яко да не соберется ни един, ниже постоит в сынех человеческих. Micah 5:8 И будет останок Иаковль в языцех среде людий многих, аки лев в скотех в дубраве и яко львичищь в стадех овчих, якоже егда пройдет, и отлучив восхитит, и не будет изимающаго. Micah 5:9 Вознесется рука твоя на оскорбляющыя тя, и вси врази твои потребятся. Micah 5:10 И будет в той день, глаголет Господь, потреблю кони твоя из среды твоея и погублю колесницы твоя, Micah 5:11 и потреблю грады земли твоея и развергу вся твердыни твоя, Micah 5:12 и отвергу волхвования твоя от руку твоею, и волхвующии не будут в тебе: Micah 5:13 и потреблю изваянная твоя и кумиры твоя из среды тебе, и посем да не поклонишися делом рук твоих: Micah 5:14 и посеку дубравы от среды тебе и погублю грады твоя: Micah 5:15 и сотворю со гневом и с яростию месть языком, понеже не послушаша Мене. Micah 6:0 Micah 6:1 Слышите, яже глагола Господь: востани, судися с горами, и да слышат холми глас твой. Micah 6:2 Слышите, горы, суд Господень, и дебри основания земли, яко суд Господень к людем Его, и со Израилем претися имать. Micah 6:3 Людие Мои, что сотворих вам, или чим оскорбих вас, или чим стужих вам? Отвещайте Ми. Micah 6:4 Зане изведох вас из земли Египетския и из дому работы избавих вас, и послах пред вами Моисеа и Аарона и Мариам. Micah 6:5 Людие Мои, помяните убо, что совеща на вы Валак царь Моавитский, и что ему отвеща Валаам сын Веоров, от Сития до Галгал? Яко да познается правда Господня. Micah 6:6 В чем постигну Господа, срящу Бога моего Вышняго? Срящу ли Его со всесожжением, телцы единолетными? Micah 6:7 Еда приимет Господь в тысящах овнов, или во тмах козлищ тучных? Дам ли первенцы моя о нечестии моем, плод утробы моея, за грехи души моея? Micah 6:8 Возвестися бо тебе, человече, что добро, или чесого Господь ищет от тебе, разве еже творити суд и любити милость и готову быти еже ходити с Господем Богом твоим? Micah 6:9 Глас Господень граду призовется, и спасет боящыяся имене Его: послушай, племя, и кто украсит град? Micah 6:10 Еда огнь и дом беззаконнаго собирая имения беззаконная и со укоризною неправды? Micah 6:11 Еда оправдится в мериле беззаконник и во вретищи меры неправыя, Micah 6:12 от нихже богатство свое нечестия наполниша? И живущии в ней глаголаху лжу, и язык их вознесеся во устех их. Micah 6:13 И Аз начну поражати тя и погублю тя во гресех твоих. Micah 6:14 Ты ясти будеши и не насытишися, и померкнет в тебе, и совратишися, и не спасешися: и елицы аще избудут, оружию предадятся. Micah 6:15 Ты посееши, но не пожнеши: ты изгнетеши масличие, но не помажешися маслом: и насадите вино, и не испиете: и погибнут законы людий Моих. Micah 6:16 И хранил еси оправдания Замвриина и вся дела дому Ахаавля, и ходисте в советех их, яко да предам тя в пагубу, и живущыя в ней во звиздание, и укоризны людий приимете. Micah 7:0 Micah 7:1 У, люте мне! Понеже бых аки собираяй сламу на жатве, и яко пародок во оымании винограда не сущу гроздию, еже ясти первоплодная, яже вожделе душа моя. Micah 7:2 У, люте мне, душе! Яко погибе благочестивый от земли, и исправляющаго в человецех несть: вси во кровех прятся, кийждо ближняго своего озлобляет озлоблением, Micah 7:3 на зло руки своя уготовляют: князь просит, и судия мирная словеса глаголет, желание души его есть: и отиму благая их, Micah 7:4 яко моль поядаяй, и ходяй по правилам в день стражбы. У, люте! У, люте! Отмщения Твоя приспеша, ныне будут плачы их. Micah 7:5 Не верите другом, ни надейтеся на старейшины, и от сожителницы твоея хранися, еже сказати ей что: Micah 7:6 понеже сын безчестит отца, дщерь востанет на матерь свою и невеста на свекровь свою, врази вси мужу домашнии его. Micah 7:7 Аз же ко Господеви воззрю, потерплю Бога спаса моего, услышит мя Бог мой. Micah 7:8 Не радуйся о мне, враждебница моя, яко падох, и востану: зане аще сяду во тме, Господь осветит мя. Micah 7:9 Гнев Господень стерплю, яко согреших Ему, дондеже оправдит прю мою и сотворит суд мой: и изведет мя на свет, и узрю правду Его. Micah 7:10 И узрит враждебница моя, и облечется в студ глаголющая ко мне: где есть Господь Бог твой? Очи мои воззрят на ню, ныне будет в попрание аки кал на путех. Micah 7:11 День глаждения плинфа: изглаждение твое день оный, и сотрет законы твоя день оный. Micah 7:12 И гради твои приидут на поравнение и в разделение Ассирийско, и гради твои твердии в разделение от Тира даже до реки Сирския, и от моря даже до моря, и от горы даже до горы, дние воды и молвы. Micah 7:13 И будет земля в пагубу со живущими на ней, от плодов начинаний их. Micah 7:14 Паси люди Твоя жезлом Твоим, овцы наследия Твоего, вселяющыяся едины в дубраве среде Кармила, попасут Васанитиду и Галаадитиду, якоже дние века. Micah 7:15 И по днем исхода твоего из Египта узрите чудесная. Micah 7:16 Узрят языцы и усрамятся от всея крепости своея, руце возложат на уста своя, и уши их оглохнут, Micah 7:17 полижут персть яко змиеве плежуще по земли, смятутся во облежении своем: о Господе Бозе нашем ужаснутся и убоятся от Тебе. Micah 7:18 Кто Бог якоже Ты, отемляй беззакония и оставляяй нечестия останком наследия Своего? И не удержа гнева Своего во свидение, яко Волитель милости есть. Micah 7:19 Той обратит и ущедрит ны, и погрузит неправды нашя и ввержет в глубины морския вся грехи нашя, Micah 7:20 даст истину Иакову, (и) милость Аврааму, якоже клялся еси отцем нашым во дни первыя.
Nahum 0:0
Книга пророка Наума Nahum 1:0 Nahum 1:1 Пророчество о Ниневии: книга видения Наума сына Елкесеева. Nahum 1:2 Бог ревнив и мстяй Господь, мстяй Господь с яростию, Господь мстяй сопостатом Своим и потребляяй сам враги Своя. Nahum 1:3 Господь долготерпелив, и велика крепость Его, и очищаяй не очистит Господь: в скончании и трусе путь Его, и облацы прах ног Его: Nahum 1:4 запрещаяй морю и изсушаяй е и вся реки опустошаяй. Умалися Васанитида и Кармил, и процветающая Ливана оскудеша: Nahum 1:5 горы потрясошася от Него, и холми поколебашася, и ужасеся земля от лица Его, вселенная и вси живущии на ней. Nahum 1:6 От лица гнева Его кто постоит? И кто сопротивится во гневе ярости Его? Ярость Его растаевает власти, и камение сотрошася от Него. Nahum 1:7 Благ Господь терпящым Его в день скорбения, и знаяй боящыяся Его: Nahum 1:8 и в потопе пути скончание сотворит: востающыя и враги Его поженет тма. Nahum 1:9 Что помышляете на Господа? Скончание Сам сотворит, не отмстит дважды купно в скорби: Nahum 1:10 понеже до основания своего оляденеет, и аки блющь и оплетающься снеден будет, и аки трость сухоты полна. Nahum 1:11 Из тебе изыдет помысл на Господа злый, совещаваяй сопротивная. Nahum 1:12 Сия глаголет Господь: обладаяй водами многими, и сице разступятся, и слух твой не услышится ктому: Nahum 1:13 и ныне сокрушу жезл его от тебе и узы твоя расторгну. Nahum 1:14 И заповесть о тебе Господь, не разсеется от имене твоего ктому: от дому бога твоего потреблю изваянная и слиянная положу гроб твой, яко скори (есте). Nahum 1:15 Се, на горах ноги благовествующаго и возвещающаго мир: празднуй, Иудо, праздники твоя, воздаждь обеты твоя, зане не приложат ктому еже проити сквозе тебе во обетшание: скончася и извержеся. Nahum 2:0 Nahum 2:1 Взыде вдыхаяй в лице твое, отемляй от оскорбления: усмотри путь, укрепи чресла, возмужай крепостию зело: Nahum 2:2 понеже отврати Господь укоризну Иаковлю, якоже укоризну Израилеву: зане отрясающии отрясоша я и лозы их растлиша. Nahum 2:3 Оружия силы их от человек, мужы сильныя играющыя во огни: брозды колесниц их в день уготования его, и конницы возмятутся на путех, Nahum 2:4 и смятутся колесницы и сплетутся на стогнах: вид их яко свещы огненны, и яко молния протекающая. Nahum 2:5 И помянутся старейшины их, и побегнут в день, и изнемогут в пути своем, и потщатся на забрала его, и уготовят предния стражбы своя. Nahum 2:6 Врата градная отверзошася, и царства падоша, и имение открыся. Nahum 2:7 Сия же восхождаше, и рабыни ея ведяхуся, яко голубицы воркующя в сердцах своих: Nahum 2:8 и Ниневиа, аки купель водная воды ея, и тии бежаще не сташа, и не бе взирающаго. Nahum 2:9 Расхищаху сребро, расхищаху злато, и не бяше конца имения ея: отяготишася паче всех сосудов вожделенная ея. Nahum 2:10 Истрясение и вострясение, и воскипение и сердца сокрушение, и разслабление колен и болезни по всем чреслом, и лице всех, аки опаление котла. Nahum 2:11 Где есть виталище львов и пажить сущая львичищем? Камо иде лев, еже влезти тамо львичищу, и не бяше устрашающаго. Nahum 2:12 Лев восхити доволная львичищем своим и удави львицам своим, и наполни ловитвы гнездо свое и виталище свое похищения. Nahum 2:13 Се, Аз на тя, глаголет Господь Вседержитель, и пожгу дымом множество твое, и львы твоя пояст оружие: и потреблю от земли ловитву твою, и не услышатся ктому дела твоя. Nahum 3:0 Nahum 3:1 О, граде кровей, весь лживый, полн неправды! Не осяжется ловитва. Nahum 3:2 Глас бичей и глас труса колес, и коня текуща и колесницы шумящия, Nahum 3:3 и конника едуща, и блистающа меча и блистающих оружий, и множества язвеных и тяжкаго падения, и не бяше конца языком ея: и изнемогут в телесех своих от множества блужения. Nahum 3:4 Блудница добра и приятна, началница волхвований, продающая языки во блужении своем и племена в чародеяниих своих. Nahum 3:5 Се, Аз на тя, глаголет Господь Бог Вседержитель, и открыю задняя твоя к лицу твоему, и покажу языком срамоту твою и царствам безчестие твое, Nahum 3:6 и возвергу на тя огнушение по нечистотам твоим, и положу тя в притчу. Nahum 3:7 И будет, всяк видяй тя снидет с тебе и речет: окаянная Ниневиа, кто постенет по ней? Откуду взыщу утешение ей? Nahum 3:8 Уготовити часть, устроити струну, уготовити часть Аммону, живущая в реках, вода окрест ея, ейже начало море, и вода забрала ея: Nahum 3:9 и Ефиопиа крепость ея и Египет, и несть конца бегству твоему: и Фуд и Ливиане быша помощницы ея. Nahum 3:10 И сия в преселение пойдет пленница, и младенцы ея разбиют в началех всех путий ея, и о всех славных ея вергут жребия, и вси воеводы ея свяжутся путы. Nahum 3:11 И ты упиешися и будеши презрена, и ты сама себе взыщеши помощи от враг. Nahum 3:12 Вся твердели твоя яко смоквичие стражу имущее: аще поколеблются, впадут во уста ядущаго. Nahum 3:13 Се, людие твои, яко жены в тебе: врагом твоим отворяема отворятся врата земли твоея, и пояст огнь вереи твоя. Nahum 3:14 Воду одержания восхити себе сама и утверди твердели твоя: влези в брение и поперися в плевах, утверди паче плинфа. Nahum 3:15 Тамо пояст тя огнь, потребит тя мечь, поядят тя аки прузи, и отягчаеши аки мшица. Nahum 3:16 Умножила еси купли твоя паче звезд небесных: мшицы устремишася и возлетеша. Nahum 3:17 Возскочи аки пруг смесник твой, аки акрида восходящая на ограду в день студеный: солнце взыде, и отлете, и не познася место ея: люте им! Nahum 3:18 Воздремашася пастуси твои, царь Ассирийск успи сильныя твоя, воздвигошася людие твои на горы, и не бяше приемлющаго. Nahum 3:19 Несть цельбы сокрушению твоему, разгореся язва твоя: вси слышащии весть твою восплещут руками о тебе: понеже на кого не найде злоба твоя всегда?
Habakkuk 0:0
Книга пророка Аввакума Habakkuk 1:0 Habakkuk 1:1 Видение, еже виде Аввакум пророк. Habakkuk 1:2 Доколе, Господи, воззову, и не услышиши? Возопию к Тебе обидимь, и не избавиши? Habakkuk 1:3 Вскую мне показал еси труды и болезни, смотрити страсть и нечестие? Противу мне бысть суд, и судия вземлет. Habakkuk 1:4 Сего ради разорися закон, и не производится в совершение суд: яко нечестивый преобидит праведнаго, сего ради изыдет суд развращен. Habakkuk 1:5 Видите, презорливии, и смотрите, и чудитеся чудесем и изчезните: понеже дело Аз делаю во днех ваших, емуже не имате веровати, аще кто исповесть вам. Habakkuk 1:6 Зане, се, Аз возставляю Халдеи, язык горький и борзый, ходящий по широтам земли, еже наследити селения не своя: Habakkuk 1:7 страшен и явлен есть, от него суд его будет, и взятие его от него изыдет: Habakkuk 1:8 и изскочат паче рысей кони его и быстрее волков аравийских, и поедут конницы его и устремятся издалеча и полетят аки орел готов на ядь. Habakkuk 1:9 Скончание на нечестивыя приидет, сопротивляющыяся лицам их противу, и соберет яко песок пленники. Habakkuk 1:10 И той над царьми посмеется, и мучителие играние его, и той над всякою тверделию поругается, и обложит вал, и возобладает ею. Habakkuk 1:11 Тогда пременит дух и прейдет и помолится: сия крепость богу моему. Habakkuk 1:12 Неси ли Ты искони, Господи Боже, Святый мой? И не умрем. Господи, на суд учинил еси его, и созда мя обличати наказание его. Habakkuk 1:13 Чисто око еже не видети зла и взирати на труды болезненныя: вскую призираеши на презорливыя? Премолчаваеши, егда пожирает нечестивый праведнаго? Habakkuk 1:14 И сотвориши человеки яко рыбы морския и яко гады не имущыя старейшины. Habakkuk 1:15 Скончание удою восхити и привлече его мрежею и собра его сетьми своими: сего ради возвеселится и возрадуется сердце его: Habakkuk 1:16 сего ради пожрет мрежи своей и покадит сеть свою, яко теми разблажи часть свою и пищи своя избранныя: Habakkuk 1:17 сего ради прострет мрежу свою и присно избивати языков не пощадит. Habakkuk 2:0 Habakkuk 2:1 На стражи моей стану, и взыду на камень, и посмотрю еже видети, что возглаголет во мне и что отвещаю на обличение мое. Habakkuk 2:2 И отвеща Господь ко мне и рече: впиши видение, и яве на дске, яко да постигнет читаяй я. Habakkuk 2:3 Зане еще видение на время, и просияет в конец, а не вотще: аще умедлит, потерпи ему, яко идый приидет и не умедлит. Habakkuk 2:4 Аще усумнится, не благоволит душа моя в нем: праведник же (мой) от веры жив будет. Habakkuk 2:5 Презорливый же и обидливый муж и величавый ничесоже скончает: иже разшири аки ад душу свою, и сей яко смерть ненасыщен: и соберет к себе вся языки и приимет к себе вся люди. Habakkuk 2:6 Не сия ли вся на него притчу приимут и гадание в повесть его? И рекут: горе умножающему себе не сущая его, доколе? И отягчающему узу свою тяжце. Habakkuk 2:7 Яко внезапу востанут угрызающии его, и ободрятся наветницы твои, и будеши в разграбление им. Habakkuk 2:8 Понеже ты пленил еси страны многи, пленят тя вси оставшии людие крове ради человечи и нечестия земли и града и всех живущих на ней. Habakkuk 2:9 Горе лихоимствующым лихоимство злое дому своему, еже учинити на высоте гнездо свое, еже исторгнути от руки злых. Habakkuk 2:10 Умыслил еси стыдение дому своему, скончал еси люди многи, и согреши душа твоя. Habakkuk 2:11 Зане камень из стены возопиет, и хрущь от древа возглаголет сия: Habakkuk 2:12 у, люте созидающему град кровьми и уготовляющему град неправдами. Habakkuk 2:13 Не сия ли суть от Господа Вседержителя? И оскудеша людие мнози огнем, и языцы мнози изнемогоша: Habakkuk 2:14 яко наполнится вся земля ведения славы Господни, якоже вода многа в мори покрыет я. Habakkuk 2:15 Горе напаяющему подруга своего развращением мутным, и упоявающему, яко да взирает к пещерам их. Habakkuk 2:16 Сытость безчестия от славы испий и ты: сердце, поколеблися и сотряснися: обыде о тебе чаша десницы Господни, и собрася безчестие на главу твою. Habakkuk 2:17 Занеже нечестие Ливаново покрыет тя, и страсть зверей престрашит тя, крове ради человечи и нечестия земли и града и всех живущих на ней. Habakkuk 2:18 Что пользует изваяное, яко изваяша е? Создаша слияние, мечтание ложное, яко упова создавый на создание свое, сотворити кумиры немыя. Habakkuk 2:19 У, люте глаголющему ко древу: ободрися, востани: и камению: возвысися: и то есть мечтание, и сие есть скование злата и сребра, и всякаго духа несть в нем. Habakkuk 2:20 Господь же во храме святем Своем: да убоится от лица Его вся земля. Habakkuk 3:0 Habakkuk 3:1 Молитва Аввакума пророка с песнию. Господи, услышах слух Твой и убояхся: Habakkuk 3:2 Господи, разумех дела Твоя и ужасохся: посреде двою животну познан будеши: внегда приближитися летом, познаешися: внегда приити времени, явишися: внегда смутитися души моей во гневе, милость (Твою) помянеши. Habakkuk 3:3 Бог от юга приидет, и Святый из горы Приосененныя чащи: покры небеса добродетель Его, и хваления Его исполнь земля. Habakkuk 3:4 И сияние Его яко свет будет: рози в руках Его, и положи любовь державну крепости Своея. Habakkuk 3:5 Пред лицем Его предидет слово, и изыдет на поле при ногу Его. Habakkuk 3:6 Ста, и подвижеся земля: призре, и растаяша языцы: стрышася горы нуждею, и растаяша холми вечнии, шествия вечная Его, Habakkuk 3:7 за труд видеша селения Ефиопская, убоятся и кровы земли Мадиамския. Habakkuk 3:8 Еда в реках прогневаешися, Господи? Еда в реках ярость Твоя? Или в мори устремление Твое? Яко всядеши на кони Твоя, и яждение Твое спасение. Habakkuk 3:9 Наляцая налячеши лук Твой на скиптры, глаголет Господь: реками разсядется земля. Habakkuk 3:10 Узрят тя и поболят людие, расточая воды шествия Его: даде бездна глас свой, высота привидения своя: Habakkuk 3:11 воздвижеся солнце, и луна ста в чине своем: во свете стрелы Твоя пойдут, в блистании молний оружий Твоих. Habakkuk 3:12 Прещением умалиши землю и яростию низложиши языки. Habakkuk 3:13 Изшел еси во спасение людий Твоих, спасти помазанныя Твоя, вложил еси во главы беззаконных смерть, воздвигл еси узы даже до выи в конец: Habakkuk 3:14 разсекл еси во изступлении главы сильных, сотрясутся в ней: разверзут узды своя яко снедаяй нищий тай. Habakkuk 3:15 И навел еси на море кони Твоя, смущающыя воды многи. Habakkuk 3:16 Сохранихся, и убояся сердце мое от гласа молитвы устен моих, и вниде трепет в кости моя, и во мне смятеся крепость моя: почию в день скорби моея, да взыду в люди пришелствия моего. Habakkuk 3:17 Зане смоковь не плодопринесет, и не будет рода в лозах: солжет дело маслинное, и поля не сотворят яди: оскудеша овцы от пищи, и не будет волов при яслех. Habakkuk 3:18 Аз же о Господе возрадуюся, возвеселюся о Бозе спасе моем. Habakkuk 3:19 Господь Бог мой сила моя, и учинит нозе мои на совершение, и на высокая возводит мя, еже победити ми в песни Его.
Zephaniah 0:0
Книга пророка Софонии Zephaniah 1:0 Zephaniah 1:1 Слово Господне, иже бысть к Софонии сыну Хусиину, сыну Годолиину, Амориину, Езекиину, во дни Иосии сына Амоня, царя Иудина. Zephaniah 1:2 Оскудением да оскудеют вся от лица земли, глаголет Господь: Zephaniah 1:3 да оскудеет человек и скоти, да оскудеют птицы небесныя и рыбы морския, и да изнемогут нечестивии, и изиму беззаконныя от лица земли, глаголет Господь. Zephaniah 1:4 И простру руку Мою на Иуду и на вся живущыя во Иерусалиме: и изиму от места сего имена Ваалова и имена жреческа со жерцами, Zephaniah 1:5 и покланяющихся на покровех воинству небесному и кленущихся Господем и кленущихся царем своим, Zephaniah 1:6 и укланяющихся от Господа и не ищущих Господа и не придержащихся Господа. Zephaniah 1:7 Убойтеся от лица Господа Бога, зане близ день Господень, яко уготова Господь жертву Свою и освяти званныя Своя. Zephaniah 1:8 И будет в день жертвы Господни: и отмщу на князи и на дом царский и на вся оболченныя во одеяния чуждая, Zephaniah 1:9 и отмщу яве на вся предвратныя в день той, исполняющыя храм Господа Бога своего нечестием и лестию. Zephaniah 1:10 И будет в день он, глаголет Господь, глас вопля от врат избодающих и плачь от вторых и сотрение велие от холмов. Zephaniah 1:11 Плачите, живущии в посеченней, яко уподобишася вси людие ханаану, и потребишася вси величающиися сребром. Zephaniah 1:12 И будет в той день, изыщу Иерусалима со светилником и отмщу на мужы нерадящыя о стражбах своих, глаголющыя в сердцах своих: не имать блага сотворити Господь, ниже имать озлобити. Zephaniah 1:13 И будет сила их в расхищение и домы их в разорение: и созиждут жилища и не имут пожити в них, и насадят винограды и не имут пити вина их: Zephaniah 1:14 яко близ день Господень великий, близ и скор зело, глас дне Господня горек и жесток учинися. Zephaniah 1:15 Силен день гнева день той, день скорби и нужды, день безгодия и изчезновения, день тмы и мрака, день облака и мглы, Zephaniah 1:16 день трубы и вопля на грады твердыя и на углы высокия. Zephaniah 1:17 И оскорблю человеки, и пойдут яко слепи, зане Господеви прегрешиша, и излиется кровь их яко персть, и плоти их яко лайна: Zephaniah 1:18 и сребро их и злато их не возможет изяти их в день гнева Господня, и огнем рвения Его поядена будет вся земля: зане скончание и тщание сотворит на вся живущыя на земли. Zephaniah 2:0 Zephaniah 2:1 Соберитеся и свяжитеся, язык ненаказанный, Zephaniah 2:2 прежде неже быти вам якоже цвету мимоходящу в день, прежде неже приити на вы гневу Господню, прежде неже приити на вы дню ярости Господни. Zephaniah 2:3 Взыщите Господа, вси смиреннии земли, суд содевайте и правды взыщите, (взыщите кротости) и отвещайте я, яко да покрыетеся в день гнева Господня. Zephaniah 2:4 Зане Газа расхищена будет, и Аскалон во изчезновение будет: и Азот в полудни отвержется, и Аккарон искоренится. Zephaniah 2:5 Горе живущым на ужи морстем, пришелцы Критстии: слово Господне на вас, Ханаане, земле иноплеменников, и погублю вы от жилища: Zephaniah 2:6 и будет Крит пажить стадам и ограда овцам, Zephaniah 2:7 и будет уже морское оставшым дому Иудина: на них пожируют в домех Аскалоних, к вечеру витати имут от лица сынов Иудиных, яко присети их Господь Бог их и возврати плен их. Zephaniah 2:8 Слышах поношения Моавля и укоризны сынов Аммоних, о нихже поношаху людем Моим и величахуся на пределы Моя. Zephaniah 2:9 Сего ради живу Аз, глаголет Господь Сил, Бог Израилев: зане Моав яко Содома будет, и сынове Аммони яко Гоморра, и Дамаск оставлен яко стог гуменный и разорен во век: и прочии людий Моих расхитят я, и оставшии языка Моего наследят их. Zephaniah 2:10 Сие им за досаждение их, зане поносиша и возвеличишася на люди Господа Вседержителя. Zephaniah 2:11 Явится Господь на них и потребит вся боги языков земных: и поклонятся Ему кийждо от места своего, вси острови язычестии. Zephaniah 2:12 И вы, Мурини, язвени оружием Моим будете. Zephaniah 2:13 И прострет руку Свою на север и погубит Ассирианина, и положит Ниневию во изчезновение безводно, яко пустыню: Zephaniah 2:14 и пожируют посреде ея стада и вси зверие земнии, и хамелеоны и ежеве во гнездах ея вогнездятся: и зверие возвыют в разселинах ея, и вранове во вратех ея, зане кедр возношение ея. Zephaniah 2:15 Сей град презорливый, живяй на уповании, глаголяй в сердцы своем: аз есмь, и несть по мне еще: како бысть во изчезновение, пажить зверем? Всяк мимоходяй сквозе его позвиждет и воздвигнет руце свои. Zephaniah 3:0 Zephaniah 3:1 О, светлый и избавленный граде, голубице! Zephaniah 3:2 Не услыша гласа, не прият наказания, на Господа не упова и к Богу своему не приближися. Zephaniah 3:3 Князи его в нем, яко львы рыкающе, судии его яко волцы аравийстии, не оставляху на утро. Zephaniah 3:4 Пророцы его ветроносцы, мужие презорливи: священницы его сквернят святая и нечествуют в закон. Zephaniah 3:5 Господь же праведен посреде его и не имать сотворити неправды: утро утро даст суд Свой в свет: и не укрыся, и не весть неправды во истязании, ниже в распри обиды. Zephaniah 3:6 В растление низложих величавыя, изчезоша углы их: опустошу пути их весьма, еже не проходити: изчезоша гради их, занеже ни единому быти, ни жити. Zephaniah 3:7 Рех: обаче убойтеся Мене и приимите наказание, и не имате потребитися от очию его, за вся елика отмстих на нем: готовися, утренюй, истле все листвие их. Zephaniah 3:8 Сего ради потерпи Мене, глаголет Господь, в день воскресения моего во свидетелство: зане суд Мои в сонмища языков еже прияти царей, еже излияти на ня гнев Мой весь, гнев ярости Моея: зане огнем рвения Моего поядена будет вся земля. Zephaniah 3:9 Яко тогда обращу к людем язык в род его, еже призывати: всем имя Господне, работати Ему под игом единем. Zephaniah 3:10 От конец рек Ефиопских прииму молящыя Мя, в разсеянных Моих принесут жертвы Мне. Zephaniah 3:11 В день он не имаши постыдитися от всех начинаний твоих, имиже нечествовал еси в Мя: яко тогда отиму от тебе укоризны досаждения твоего, и ктому не имаши приложити величатися на горе святей Моей. Zephaniah 3:12 И оставлю в тебе люди кротки и смиренны, и будут благоговети о имени Господни Zephaniah 3:13 останцы Израилевы, и не сотворят неправды, и не возглаголют суетных, и не обрящется в устех их язык льстив: зане тии пожируют и угнездятся, и не будет устрашаяй их. Zephaniah 3:14 Радуйся, дщи Сионова, зело, проповедуй, дщи Иерусалимова, веселися и преукрашайся от всего сердца твоего, дщи Иерусалимля: Zephaniah 3:15 отят Господь неправды твоя, избавил тя есть из руки враг твоих: воцарится Господь посреде тебе, и не узриши зла ктому. Zephaniah 3:16 Во время оно речет Господь Иерусалиму: дерзай, Сионе, да не ослабеют руце твои. Zephaniah 3:17 Господь Бог твой в тебе, Сильный спасет тя, наведет на тя веселие и обновит тя в любви Своей, и возвеселится о тебе во украшении, яко в день праздника. Zephaniah 3:18 И соберу сотреныя твоя: горе, кто приимет нань поношение? Zephaniah 3:19 Се, Аз сотворю в тебе тебе ради, глаголет Господь, во время оно: и спасу утисненную и отриновенную прииму, и положу я в похваление и имениты по всей земли. Zephaniah 3:20 И постыдятся во время оно, егда добро вам сотворю, и во время, егда прииму вы: зане дам вы имениты и в похваление во всех людех земли, внегда возвращати ми пленение ваше пред вами, глаголет Господь.
Haggai 0:0
Книга пророка Аггея Haggai 1:0 Haggai 1:1 Во второе лето, при Дарии цари, в шестый месяц, в первый (день) месяца, бысть слово Господне рукою Аггеа пророка глаголя: рцы к Зоровавелю Салафиилеву от колена Иудова и ко Иисусу сыну Иоседекову, иерею великому, глаголя: Haggai 1:2 сице глаголет Господь Вседержитель глаголя: людие сии глаголют: не прииде время создати храм Господень. Haggai 1:3 И бысть слово Господне рукою Аггеа пророка глаголя: Haggai 1:4 аще время убо вам есть жити в домех ваших истесаных, храм же мой сей запусте? Haggai 1:5 И ныне сице глаголет Господь Вседержитель: устройте сердца ваша в пути вашя. Haggai 1:6 Сеясте много, и взясте мало: ядосте, и не в сытость: писте, и не в пиянство: облекостеся, и не согрестеся в них: и собираяй мзды собра во влагалище дираво. Haggai 1:7 Сице глаголет Господь Вседержитель: положите сердца ваша в пути вашя, Haggai 1:8 взыдите на гору и усецыте древа, и принесите и созиждите храм, и благоволю в нем и прославлюся, рече Господь. Haggai 1:9 Призресте на многа, и быша мала, и внесосте я в храм, и отдунух я: сего ради сице глаголет Господь Вседержитель: зане храм Мой есть пуст, вы же течете кийждо в дом свой, Haggai 1:10 сего ради удержится небо от росы, и земля оскудит изношения своя, Haggai 1:11 и наведу мечь на землю и на горы, и на пшеницу и на вино и на елей, и на вся, елика износит земля, и на человеки и на скоты и на вся труды рук их. Haggai 1:12 И слыша Зоровавель Салафиилев от колена Иудова, и Иисус Иоседеков, иерей великий, и вси прочии людие глас Господа Бога своего и словеса Аггеа пророка, якоже посла его Господь Бог их к ним, и убояшася людие от лица Господня. Haggai 1:13 И рече Аггей вестник Господень в вестницех Господних людем, глаголя: Аз есмь с вами, глаголет Господь. Haggai 1:14 И воздвиже Господь дух Зоровавеля Салафиилева от колена Иудова и дух Иисуса Иоседекова, иереа великаго, и дух прочиих всех людий: и внидоша и творяху дела во храме Господа Вседержителя Бога своего. Haggai 2:0 Haggai 2:1 В двадесять четвертый день месяца шестаго, во второе лето, при Дарии цари, Haggai 2:2 в седмый месяц, в двадесять первый месяца, глагола Господь рукою Аггеа пророка глаголя: Haggai 2:3 рцы ныне к Зоровавелю Салафиилеву от колена Иудова и ко Иисусу сыну Иоседекову, иерею великому, и ко всем прочиим людем, глаголя: Haggai 2:4 кто от вас, иже виде храм сей в славе его прежней? И како вы видите его ныне якоже не суща пред вами? Haggai 2:5 И ныне укрепляйся, Зоровавелю, глаголет Господь, и укрепляйся, Иисусе, сыне Иоседеков, иерею великий, и да укрепляются вси людие земли, глаголет Господь (Вседержитель), и творите: зане Аз с вами есмь, глаголет Господь Вседержитель: Haggai 2:6 слово, еже завещах с вами, егда исходисте из земли Египетския, и дух Мой настоит посреде вас: дерзайте, зане сице глаголет Господь Вседержитель: Haggai 2:7 еще единою Аз потрясу небом и землею, и морем и сушею, Haggai 2:8 и сотрясу вся языки, и приидут избранная всех языков: и исполню храм сей славы, глаголет Господь Вседержитель. Haggai 2:9 Мое сребро и Мое злато, глаголет Господь Вседержитель: Haggai 2:10 зане велия будет слава храма сего последняя паче первыя, глаголет Господь Вседержитель: и на месте сем дам мир, глаголет Господь Вседержитель, и мир души в снабдение всякому зиждущему, еже возставити церковь сию. Haggai 2:11 В двадесять четвертый девятаго месяца, во второе лето при Дарии цари, бысть слово Господне ко Аггею пророку глаголя: Haggai 2:12 сице глаголет Господь Вседержитель: вопроси иереев закона глаголя: Haggai 2:13 аще приимет человек мясо свято вскрай ризы своея, и коснется край ризы его хлеба, или варива, или вина, или масла, или всякаго брашна, еда освятится? И отвещаша священницы и реша: ни. Haggai 2:14 И рече Аггей: аще прикоснется оскверненый или нечистый душею всякому сих, еда осквернится? И отвещаша иерее и реша: осквернится. Haggai 2:15 И отвеща Аггей и рече: сице людие сии, и сице язык сей предо Мною, глаголет Господь, и сице вся дела рук их: и иже аще приближится тамо, осквернится за приятия их утренняя, поболят от лица лукавств своих, и ненавидесте во вратех обличающаго. Haggai 2:16 И ныне положите на сердцах ваших от дне сего и выше, прежде неже положити камень на камени в храме Господни. Haggai 2:17 Кто бысте, егда влагасте в мех ячмене двадесять сат, и быша ячмене десять сат? И входисте в подточилие черпати пятьдесят мер, и быша двадесять. Haggai 2:18 Поразих вы неплодием и ветротлением и градом вся дела рук ваших, и не обратистеся ко Мне, глаголет Господь. Haggai 2:19 Устройте же сердца ваша от сего дне и далее, от двадесять четвертаго дне девятаго месяца и от дне, в оньже основася церковь Господня: положите в сердцах ваших, Haggai 2:20 аще еще познается на гумне, и аще еще виноград, и смокви, и яблонь, и древа масличная не творящая плода? От дне сего благословлю. Haggai 2:21 И бысть слово Господне вторицею ко Аггею пророку в двадесять четвертый месяца глаголя: Haggai 2:22 рцы к Зоровавелю сыну Салафиилеву от колена Иудова глаголя: Аз потрясу небом и землею, и морем и сушею, Haggai 2:23 и превращу престолы царей, и потреблю силу царей языческих, и превращу колесницы и всадники, и снидут кони и всадницы их, кийждо во оружии на брата своего. В той день, глаголет Господь Вседержитель, прииму тя, Зоровавелю Салафиилев, рабе Мой, глаголет Господь, и положу тя яко печать, понеже тя избрах, глаголет Господь Вседержитель.
Zechariah 0:0
Книга пророка Захарии Zechariah 1:0 Zechariah 1:1 Во осмый месяц, втораго лета, при Дарии, бысть слово Господне ко Захарии Варахиину, сыну Аддову, пророку, глаголя: Zechariah 1:2 прогневася Господь на отцы вашя гневом велиим, Zechariah 1:3 и речеши к ним: сице глаголет Господь Вседержитель: обратитеся ко Мне, глаголет Господь Сил, и обращуся к вам, глаголет Господь Сил. Zechariah 1:4 И не будите, якоже отцы ваши, ихже обличаху пророцы прежнии, глаголюще: сице глаголет Господь Вседержитель: отвратитеся от путий ваших лукавых и от начинаний ваших злых: и не послушаша и не вняша послушати Мене, глаголет Господь (Вседержитель). Zechariah 1:5 Отцы ваши где суть и пророцы? Еда во век поживут? Zechariah 1:6 Обаче словеса Моя и законы Моя приемлете, елика Аз заповедаю в Дусе Моем рабом Моим пророком, иже постигнуша отцев ваших. И отвещаша и реша: якоже устави Господь Вседержитель сотворити нам по путем нашым и по начинанием нашым, тако сотвори нам. Zechariah 1:7 В двадесять четвертый первагонадесять месяца, сей есть месяц Сават, во второе лето, при Дарии, бысть слово Господне ко Захарии Варахиину, сыну Аддову, пророку, глаголя: Zechariah 1:8 видех нощию, и се, муж всед на коня рыжа, и сей стояше между горами осеняющими, и за ним кони рыжы и сери, и пестри и бели, Zechariah 1:9 и рех: что сии, господи? И рече ко мне Ангел глаголяй во мне: аз покажу ти, что суть сия. Zechariah 1:10 И отвеща муж стояй между горами и рече ко мне: сии суть, ихже посла Господь оыти землю. Zechariah 1:11 И отвещаша Ангелу Господню стоящему между горами и реша: обыдохом всю землю, и се, вся земля населена есть и молчит. Zechariah 1:12 И отвеща Ангел Господень и рече: Господи Вседержителю, доколе не имаши помиловати Иерусалима и грады Иудовы, яже презрел еси, сие седмьдесятое лето? Zechariah 1:13 И отвеща Господь Вседержитель Ангелу глаголющему во мне глаголголы добры и словеса утешна. Zechariah 1:14 И рече ко мне Ангел глаголяй во мне: возопий глаголя: сице глаголет Господь Вседержитель: ревновах по Иерусалиму и Сиону рвением великим, Zechariah 1:15 и гневом велиим Аз гневаюся на языки нападающыя: зане Аз убо прогневахся мало, они же налегоша во злая. Zechariah 1:16 Сего ради сице глаголет Господь: обращуся ко Иерусалиму щедротами, и храм Мой созиждется в нем, глаголет Господь Вседержитель, и мера протягнется во Иерусалиме еще. Zechariah 1:17 И рече ко мне Ангел глаголяй во мне: еще возопий глаголя: сице глаголет Господь Вседержитель: еще прелиятися имут гради благими, и помилует Господь еще Сиона и изберет еще Иерусалима. Zechariah 1:18 И возведох очи мои и видех, и се, четыри рози, Zechariah 1:19 и рех ко Ангелу глаголющему во мне: что суть сия, господи? И рече ко мне: сии рози расточившии Иуду и Израиля и Иерусалима. Zechariah 1:20 И показа ми Господь четыри древоделя. Zechariah 1:21 И рех: что сии грядут сотворити, (господи)? И рече: сии рози расточившии Иуду, и Израиля сокрушиша, и никтоже от них воздвиже главы: и изыдоша сии поострити я в руках своих четыри рози, языцы возносящии рог на землю Господню, еже расточити ю. Zechariah 2:0 Zechariah 2:1 И возведох очи мои и видех, и се, муж, и в руце его уже землемерно. Zechariah 2:2 И рех к нему: камо грядеши ты? И рече ко мне: размерити Иерусалима, еже видети, колика широта его есть и колика долгота. Zechariah 2:3 И се, Ангел глаголяй во мне стояше, и ин Ангел исхождаше во сретение ему Zechariah 2:4 и рече к нему глаголя: тецы и рцы к юноши оному глаголя: плодовито населится Иерусалим от множества человеков и скотов, иже посреде его: Zechariah 2:5 и Аз буду ему, глаголет Господь, стена огнена окрест и в славу буду посреде его. Zechariah 2:6 О, о, бежите от земли северныя, глаголет Господь, зане от четырех ветров небесных соберу вы, глаголет Господь: Zechariah 2:7 в Сион спасайтеся, живущии во дщери Вавилонстей. Zechariah 2:8 Зане сице глаголет Господь Вседержитель: вслед славы посла Мя на языки пленившыя вас, зане касаяйся вас яко касаяйся в зеницу ока Его: Zechariah 2:9 зане, се, Аз наношу руку Мою на ня, и будут корысть работающым им, и уразумеете, яко Господь Вседержитель посла Мя. Zechariah 2:10 Красуйся и веселися, дщи Сионя, зане, се, Аз гряду и вселюся посреде тебе, глаголет Господь. Zechariah 2:11 И прибегнут языцы мнози ко Господу в той день и будут Ему в люди и вселятся посреде тебе, и уразумееши, яко Господь Вседержитель посла Мя к тебе. Zechariah 2:12 И наследит Господь Иуду, участие Свое на земли святей, и изберет еще Иерусалима. Zechariah 2:13 Да благоговеет всяка плоть от лица Господня, яко воста из облак святых Своих. Zechariah 3:0 Zechariah 3:1 И показа ми Господь Иисуса, иереа великаго, стояща пред лицем Ангела Господня, и диавол стояше одесную его, еже противитися ему. Zechariah 3:2 И рече Господь ко диаволу: да запретит Господь тебе, диаволе, и да запретит Господь тебе, избравый Иерусалима: не се ли, сие яко главня исторжена из огня? Zechariah 3:3 Иисус же бе оболчен в ризы гнусны и стояше пред лицем Ангела. Zechariah 3:4 И отвеща и рече к стоящым пред лицем его глаголя: отимите ризы гнусныя от него. И рече к нему: се, отях от тебе беззакония твоя и грехи твоя очищу, и облецыте его в подир Zechariah 3:5 и возложите кидар чист на главу его. И возложиша кидар чист на главу его и облекоша его в ризы. И Ангел Господень стояше, Zechariah 3:6 и засвидетелствоваше Ангел Господень ко Иисусу глаголя: Zechariah 3:7 сице глаголет Господь Вседержитель: аще в путех Моих пойдеши и повеления Моя сохраниши, и ты разсудиши храм Мой: и аще сохраниши двор Мой, и дам ти сообращающыяся посреде стоящих сих. Zechariah 3:8 Послушай убо, Иисусе, иерею великий, ты и искреннии твои седящии пред лицем твоим, зане мужие дивозрителие суть: зане, се, Аз ввожду раба Моего Востока: Zechariah 3:9 зане камень, егоже дах пред лицем Иисусовым, на камени единем седмь очес суть: се, Аз изрыю ров, глаголет Господь Вседержитель, и осяжу всю обиду земли оныя в день един. Zechariah 3:10 В день оный, глаголет Господь Вседержитель, созовете кийждо искренняго своего под виноград и под смоковницу. Zechariah 4:0 Zechariah 4:1 И обратися Ангел глаголяй во мне и возведе мя, якоже егда востанет человек от сна своего, Zechariah 4:2 и рече ко мне: что ты видиши? И рех: видех, и се, свещник злат весь, и светилце верху его, и седмь светилник верху его, и седмь чашиц светилником верхним его, Zechariah 4:3 и две маслины верху его, едина одесную светилца его и едина ошуюю. Zechariah 4:4 И вопросих и рех ко Ангелу глаголющему во мне глаголя: что суть сия, господи? Zechariah 4:5 И отвеща Ангел глаголяй во мне и рече ко мне глаголя: не разумееши ли, что суть сия? И рех: ни, господи. Zechariah 4:6 И отвеща и рече ко мне глаголя: сие слово Господне к Зоровавелю глаголя: не в силе велицей, ни в крепости, но в Дусе Моем, глаголет Господь Вседержитель. Zechariah 4:7 Что ты еси, горо великая, пред лицем Зоровавеля, еже исправити? И изнесу камень наследия, равенство благодати, благодать его. Zechariah 4:8 И бысть слово Господне ко мне глаголя: Zechariah 4:9 руце Зоровавелевы основаша храм сей и руце его совершат его: и уразумееши, яко Господь Вседержитель посла Мя к вам: Zechariah 4:10 зане кто укорил тя есть во дни малы? И возрадуются, и увидят камень, иже от чистаго олова, в руку Зоровавеля: седмь сия очеса Господня суть, призирающая на всю землю. Zechariah 4:11 И отвещах и рех к нему: что суть две маслины сия, яже одесную свещника и ошуюю? Zechariah 4:12 И вопросих вторицею и рех к нему: что суть две ветви масличны, яже в руку двух усекалниц златых возливающих и возношающих чашицы златыя? Zechariah 4:13 И рече ко мне глаголя: не веси ли, что суть сия? И рех: ни, господи. Zechariah 4:14 И рече: сии два сынове тучности, яже предстоят Господеви всея земли. Zechariah 5:0 Zechariah 5:1 И обратихся и возведох очи мои и видех, и се, серп летящь. Zechariah 5:2 И рече ко мне: что ты видиши? И рех: аз вижду серп летящь, в долготу лактей двадесять и в широту десяти лактей. Zechariah 5:3 И рече ко мне: сия клятва исходящая на лице всея земли: зане всяк тать от сего даже до смерти отмщен будет, и всяк кленыйся во лжу от сего до смерти отмстится. Zechariah 5:4 И изнесу его, глаголет Господь Вседержитель, и внидет в дом татя и в дом кленущагося именем Моим во лжу, и вселится посреде дому его, и скончает его и древа его и камение его. Zechariah 5:5 И изыде Ангел глаголяй во мне и рече ко мне: воззри очима твоима и виждь исходящее сие. И рех: Zechariah 5:6 что есть? И рече: сия мера исходящая. И рече: сия неправда их по всей земли. Zechariah 5:7 И се, талант оловян вземляйся, и се, жена едина седяше посреде меры. Zechariah 5:8 И рече: сия есть беззаконие. И верже ю в средину меры и вверже камень оловяный во уста ея. Zechariah 5:9 И возведох очи мои и видех, и се, две жены исходящыя, и дух в крилех их, и те имяху крила, яко криле вдодовы: и взяша меру между землею и между небом. Zechariah 5:10 И рех ко Ангелу глаголющему во мне: камо сия относят меру? Zechariah 5:11 И рече ко мне: создати ей храмину в земли Вавилонстей и уготовати, и положат ю тамо на уготование свое. Zechariah 6:0 Zechariah 6:1 И обратихся и возведох очи мои и видех, и се, четыри колесницы исходящыя из средины двоих гор, горы же те беша горы медяны: Zechariah 6:2 в колеснице первей кони рыжы, и в колеснице вторей кони врани, Zechariah 6:3 и в колеснице третией кони бели, и в колеснице четвертей кони пестри скори. Zechariah 6:4 И отвещах и рех ко Ангелу глаголющему во мне: что суть сия, господи? Zechariah 6:5 И отвеща Ангел глаголяй во мне и рече: сия суть четыри ветри небеснии, иже исходят предстати Господу всея земли. Zechariah 6:6 В нейже беху кони врани, исхождаху на землю северскую, и белии исхождаху вслед их, и пестрии исхождаху на землю южную, Zechariah 6:7 и скории исхождаху и озираху еже оыти землю. И рече: идите, обыдите землю. И обыдоша землю. Zechariah 6:8 И возопи и рече ко мне глаголя: се, исходящии на землю северскую упокоиша ярость Мою на земли северстей. Zechariah 6:9 И бысть слово Господне ко мне глаголя: Zechariah 6:10 приими, яже от плена от князей и от ключимых его и от разумевших его, и внидеши ты в день он в дом Иосии Софониина, грядущаго от Вавилона, Zechariah 6:11 и приимеши сребро и злато, и сотвориши венцы, и возложиши на главу Иисусу Иоседекову, иерею великому, Zechariah 6:12 и речеши к нему: сице глаголет Господь Вседержитель: се, Муж, Восток имя Ему, и под Ним возсияет, и созиждет храм Господень: Zechariah 6:13 и той приимет добродетель, и сядет и возобладает на престоле Своем, и будет иерей одесную Его, и совет мирен будет между обема, Zechariah 6:14 а венец будет терпящым и ключимым Ему и разумевшым Его, и в благодать сыну Софониину, и в псалом во храме Господни: Zechariah 6:15 и издалеча от сих приидут и созиждут во храме Господни, и уразумеете, яко Господь Вседержитель посла мя к вам: и будет, аще слушающе послушаете гласа Господа Бога вашего. Zechariah 7:0 Zechariah 7:1 И бысть в четвертое лето, при Дарии цари, бысть слово Господне ко Захарии в четвертый месяца девятаго, иже есть Хаселев. Zechariah 7:2 И посла в Вефиль Сарасар и Арвесеер царь и мужие его молити Господа, Zechariah 7:3 глаголя ко священником, иже во храме Господа (Бога) Вседержителя, и пророком, глаголя: аще вниде зде в пятый месяц святыня, (плачя или постяся,) якоже сотворих уже многа лета. Zechariah 7:4 И бысть слово Господа Вседержителя ко мне глаголя: Zechariah 7:5 рцы ко всем людем земли и ко священником глаголя: аще постистеся или плачевопльствисте в пятинах или седминах (месяца), и се, седмьдесят лет, постом ли постистеся Ми? Zechariah 7:6 И аще ясте или пиете, не вы ли ясте и пиете? Zechariah 7:7 Не сия ли суть словеса, яже глагола Господь руками пророков прежних, егда бе Иерусалим населен и гобзующь, и гради его окрест, и нагорная и подольная населена бяху? Zechariah 7:8 И бысть слово Господне ко Захарии глаголя: Zechariah 7:9 сице глаголет Господь Вседержитель: суд праведен судите и милость и щедроты творите кийждо ко брату своему, Zechariah 7:10 а вдовицы и сира, и пришелца и убога не насильствуйте, и злобы кийждо брата своего да не помнит в сердцах своих. Zechariah 7:11 И не покоришася, еже внимати, и даша плещы презирающыя, и ушеса своя отяготиша, еже не слышати, Zechariah 7:12 и сердце свое учиниша непокориво, не послушати закона Моего и словес, яже посла Господь Вседержитель Духом Своим рукою пророков прежних: и бысть гнев великий от Господа Вседержителя. Zechariah 7:13 И будет, якоже рече, и не услышаша Его: сице возопиют, и не имам услышати, глаголет Господь Вседержитель: Zechariah 7:14 и отвергу я во вся языки, иже не разумеша, и земля запустеет последи их от проходящаго и от возвращающагося: и учиниша избранную землю в запустение. Zechariah 8:0 Zechariah 8:1 И бысть слово Господа Вседержителя (ко мне) глаголя: Zechariah 8:2 сице глаголет Господь Вседержитель: ревновах по Иерусалиме и Сионе рвением великим и яростию велиею ревновах по нем. Zechariah 8:3 Тако глаголет Господь: обращуся к Сиону и вселюся посреде Иерусалима, и наречется Иерусалим град истинный, и гора Господа Вседержителя гора святая. Zechariah 8:4 Сице глаголет Господь Вседержитель: еще сядут старцы и старицы на путех Иерусалимских, кийждо жезл свой имый в руце своей от множества дний: Zechariah 8:5 и путие града исполнятся отрочищ и отроковиц играющих на путех его. Zechariah 8:6 Сице глаголет Господь Вседержитель: аще изнеможет пред останком людий сих во онех днех, еда и предо Мною изнеможет? Глаголет Господь Вседержитель. Zechariah 8:7 Сице глаголет Господь Вседержитель: се, Аз спасу люди Моя от земли восточныя и от земли западныя Zechariah 8:8 и введу их (в землю их), и вселюся посреде Иерусалима, и будут Ми в люди, и Аз буду им в Бога во истине и в правде. Zechariah 8:9 Сице глаголет Господь Вседержитель: да укрепятся руце вас слышащих во днех сих словеса сия от уст пророческих, от негоже дне основася храм Господа Вседержителя, и церковь отнележе создася. Zechariah 8:10 Зане прежде дний онех мзда человеком не бе во успех, и мзда скотом не бяше, и исходящему и входящему не бе мира от печали, и послю вся человеки коегождо на искренняго своего. Zechariah 8:11 И ныне не по днем онем прежним Аз сотворю останку людий сих, глаголет Господь Вседержитель, Zechariah 8:12 но покажу мир: виноград даст плод свой, и земля даст жита своя, и небо даст росу свою, и наследити сотворю останком людий Моих сих вся сия. Zechariah 8:13 И будет, яко бесте в клятве во языцех, доме Иудов и доме Израилев, тако спасу вы, и будете в благословении: дерзайте и укрепляйтеся руками вашими. Zechariah 8:14 Зане сице глаголет Господь Вседержитель: якоже помыслих озлобити вы, внегда прогневаша Мя отцы ваши, глаголет Господь Вседержитель, и не раскаяхся: Zechariah 8:15 тако уставих и умыслих во дни сия добро сотворити Иерусалиму и дому Иудову: дерзайте. Zechariah 8:16 Сия словеса, яже сотворите: глаголите истину кийждо искреннему своему, истину и суд мирен судите во вратех ваших, Zechariah 8:17 и кийждо злобы искренняго своего не помышляйте в сердцах ваших, и клятвы лживыя не любите, зане вся сия возненавидех, глаголет Господь Вседержитель. Zechariah 8:18 И бысть слово Господа Вседержителя ко мне глаголя: Zechariah 8:19 сице глаголет Господь Вседержитель: пост четвертый и пост пятый, и пост седмый и пост десятый будут дому Иудову в радость и в веселие и в праздники благи: и возвеселитеся и истину и мир возлюбите. Zechariah 8:20 Сице глаголет Господь Вседержитель: еще людие мнози приидут и живущии во градех многих: Zechariah 8:21 и снидутся живущии во пяти градех во един град, глаголюще: грядим помолитися лицу Господню и взыскати лице Господа Вседержителя: иду и аз. Zechariah 8:22 И приидут людие мнози и языцы мнози взыскати лица Господа Вседержителя во Иерусалиме и умолити лице Господне. Zechariah 8:23 Сице глаголет Господь Вседержитель: во оны дни имется десять мужей от всех племен языческих, и имутся за ризу мужа Иудеанина, глаголюще: пойдем с тобою, зане слышахом, яко Бог с вами есть. Zechariah 9:0 Zechariah 9:1 Пророчество словесе Господня в земли Седраха и Дамаска жертвы его: зане Господь призирает на человеки и на вся колена Израилева, Zechariah 9:2 и во Имафе в пределех его Тир и Сидон, яко умудреша зело. Zechariah 9:3 И созда Тир твердыни себе и собра сребро яко персть и злато яко брение путий. Zechariah 9:4 Сего ради Господь наследит я и поразит в море силу его, и той огнем поястся. Zechariah 9:5 Увидит Аскалон и убоится, и Газа и поболит зело, и Аккарон, яко постыдеся о уповании своем: и погибнет царь от Газы, и Аскалон не имать населитися. Zechariah 9:6 И вселятся иноплеменницы во Азоте, и разрушу досаждение иноплеменников, Zechariah 9:7 и изму кровь их из уст их и мерзости их из средины зубов их, и оставятся и сии Богу нашему и будут яко тысящник во Иуде, и Аккарон якоже Иевусей. Zechariah 9:8 И подставлю храму Моему воздвижение, еже не сквозе ходити, ниже возвращатися, и ктому не имать приити на ня изгоняяй: яко ныне видех очима Моима. Zechariah 9:9 Радуйся зело, дщи Сионя, проповедуй, дщи Иерусалимля: се, Царь твой грядет тебе праведен и спасаяй, той кроток и всед на подяремника и жребца юна. Zechariah 9:10 И потребит колесницы от Ефрема и кони от Иерусалима, и потребит лук бранный, и множество, и мир от языков: и обладает водами от моря до моря и от рек до исходищ земли. Zechariah 9:11 И ты в крови завета твоего испустил еси узники твоя от рова не имуща воды. Zechariah 9:12 Сядите в тверделех, связани сонмища, и за един день пришелствия твоего сугубо воздам ти. Zechariah 9:13 Занеже напрягох тя Себе, Иудо, яко лук, исполних Ефрема, и воздвигну чада твоя, Сионе, на чада Еллинска, и осяжу тя яко мечь ратника. Zechariah 9:14 И Господь на них явится, и изыдет яко молния стрела Его: и Господь Бог Вседержитель в трубу вострубит и пойдет в шуме прещения своего. Zechariah 9:15 Господь Вседержитель защитит их, и поядят я, и посыплют их камением пращным, и испиют кровь их яко вино, и исполнят окрины яко жертвенник. Zechariah 9:16 И спасет я Господь Бог их в день он, яко овцы люди Своя: зане камение свято валяется на земли Его. Zechariah 9:17 Аще что благо его, и аще что добро его, пшеница юношам и вино благоуханно девам. Zechariah 10:0 Zechariah 10:1 Просите от Господа дождя во время ранняго и поздняго: Господь сотвори привидения, и дождь зимен даст им, комуждо злак на селе. Zechariah 10:2 Зане провещающии глаголаша труды, и вражбителие видения ложна и сония лжива глаголаху, суетными утешаху: сего ради изсхоша яко овцы, и озлоблени быша, понеже не бе изцеления. Zechariah 10:3 На пастырей прогневася ярость Моя, и на агнцы посещу: и посетит Господь Бог Вседержитель стадо Свое, дом Иудин, и учинит я аки коня благолепна Своего во брани. Zechariah 10:4 И от него призре, и от него учини, и от него лук в дусе ярости, и от него изыдет всяк изгоняяй в том. Zechariah 10:5 И будут яко ратницы попирающе брение на путех во брани, и ополчатся, яко Господь с ними, и постыдятся всадницы коннии. Zechariah 10:6 И укреплю дом Иудов и дом Иосифов спасу, и вселю я, понеже возлюбих я, и будут аки бы не отвратих их: зане Аз Господь Бог их и услышу я. Zechariah 10:7 И будут яко ратницы Ефремовы, и возрадуется сердце их аки от вина: и чада их увидят и возвеселятся, и возрадуется сердце их о Господе. Zechariah 10:8 Возвещу им и прииму я, зане искуплю их, и умножатся, якоже бяху мнози: Zechariah 10:9 и всею я в людех, и дальнии помянут Мя, и воспитают чада своя, и обратятся: Zechariah 10:10 и возвращу я от земли Египетския и от Ассириан прииму я, и в Галаадит и в Ливан введу я, и не имать остати от них ни един. Zechariah 10:11 И пройдут морем узким и поразят в мори волны, и изсякнут вся глубины речныя, и отимется всяко досаждение Ассирийско, и скиптр Египетск отимется. Zechariah 10:12 И укреплю я о Где Бозе их, и о имени Его восхвалятся, глаголет Господь. Zechariah 11:0 Zechariah 11:1 Разверзи, Ливане, двери твоя, и да пояст огнь кедры твоя: Zechariah 11:2 да плачевопльствит питис, зане паде кедр, яко вельможи вельми обеднеша. Восплачевопльствите, дуби Васанитидстии, яко посечеся дубрава насажденная. Zechariah 11:3 Глас плачущих пастырей, яко возбедствова величие их: глас рыкающих львов, яко озлоблено бысть шатание Иорданово. Zechariah 11:4 Сице глаголет Господь Вседержитель: пасите овцы заколения, Zechariah 11:5 яже стяжавшии закалаху и не раскаявахуся, и продающии я глаголаху: благословен Господь, и обогатихомся: и пастырие их не печахуся ни чимже о них. Zechariah 11:6 Сего ради не пощажду ктому на живущих на земли, глаголет Господь: и се, Аз предам человеки, коегождо в руце искреннему его и в руце царю своему: и изсекут землю, и не имам изяти от руки их. Zechariah 11:7 И упасу овцы заколения в земли Ханаани: и прииму Себе два жезла, единаго нарекох доброту, а другаго нарекох уже, и упасу овцы. Zechariah 11:8 И погублю три пастыри в месяц един, и отягчает душа Моя на ня: ибо души их рыкаху на Мя. Zechariah 11:9 И рех: не имам пасти вас: умирающее да умрет, и изчезающее да изчезнет, и прочая да пояст кийждо плоть ближняго своего. Zechariah 11:10 И прииму жезл Мой добрый и отвергу его еже разорити завет Мой, егоже завещах ко всем людем: Zechariah 11:11 и разорится в день оный, и уразумеют Хананее овцы хранимыя Мне, зане слово Господне есть. Zechariah 11:12 И реку к ним: аще добро пред вами есть, дадите мзду Мою, или отрецытеся. И поставиша мзду Мою тридесять сребреник. Zechariah 11:13 И рече Господь ко мне: вложи я в горнило и смотри, аще искушено есть, имже образом искушен бых о них. И приях тридесять сребреник и вложих их в храм Господень в горнило. Zechariah 11:14 И отвергох жезл вторый уже, еже разорити завет иже посреде Иуды и посреде Израиля. Zechariah 11:15 И рече Господь ко мне: еще приими себе сосуды пастырски, пастыря неискусна: Zechariah 11:16 зане, се, Аз воздвигну пастыря на землю: погибающаго не посетит и расточеннаго не имать взыскати, и сокрушеннаго не имать изцелити и здраваго не имать направити, и мяса избранных пояст и глезны их извиет. Zechariah 11:17 О, пасущии суетная и оставльшии овец! Мечь на мышцу его и на око ему десное: мышца его изсыхающи изсхнет, и око ему десное ослепая ослепнет. Zechariah 12:0 Zechariah 12:1 Пророчество словесе Господня на Израиля, глаголет Господь, прострый небо и основаяй землю и созидаяй дух человека в нем: Zechariah 12:2 се, Аз полагаю Иерусалима яко преддверия движимая всем людем окрест, и во Иудеи будет обседение на Иерусалима: Zechariah 12:3 и будет в день оный, положу Иерусалима камень попираемый всеми языки: всяк попираяй его ругаяся поругается, и соберутся нань вси языцы земли. Zechariah 12:4 В день он, глаголет Господь Вседержитель, поражу всякаго коня во ужас и всадника его в безумие: и на дом Иудов отверзу очи Мои и вся кони людий поражу во ослепление. Zechariah 12:5 И рекут тысящницы Иудины вси в сердцах своих: обрящем себе живущыя во Иерусалиме о Господе Вседержители Бозе их. Zechariah 12:6 В день он положу тысящники Иудины яко главню огненну в дровах и яко свещу огненну в стеблии, и поядят одесную и ошуюю вся люди окрест: и населится Иерусалим еще по себе во Иерусалиме: Zechariah 12:7 и спасет Господь селения Иудова якоже исперва, яко да не величается похвала дому Давидова и величания живущих во Иерусалиме на Иуду. Zechariah 12:8 И будет в день он, защитит Господь живущих во Иерусалиме: и будет немощный в них в той день яко Давид, а дом Давидов яко дом Божий, якоже Ангел Господень пред ними. Zechariah 12:9 И будет в день он, взыщу изяти вся языки грядущыя на Иерусалим, Zechariah 12:10 и излию на дом Давидов и на живущыя во Иерусалиме дух благодати и щедрот, и воззрят Нань, Егоже прободоша, и восплачутся о Нем плаканием яко о возлюбленнем, и поболят о Нем болезнию яко о первенце. Zechariah 12:11 В день он возвеличится плачевопльствие во Иерусалиме, яко плачевопльствие Ададримона на поли Магедоне. Zechariah 12:12 И восплачется земля по племеном племеном: колено о себе, и жены их о себе: колено дому Давидова о себе и жены их о себе: Zechariah 12:13 колено дому Нафанова о себе, и жены их о себе: колено дому Левиина о себе, и жены их и себе: колено Симеоне о себе, и жены их о себе: Zechariah 12:14 вся прочая колена, колено и колено о себе, и жены их о себе. Zechariah 13:0 Zechariah 13:1 В день он будет всяко место отверзаемо дому Давидову и живущым во Иерусалиме в предвижение и разделение. Zechariah 13:2 И будет в день он, глаголет Господь Саваоф, потреблю имена идолов от земли, и ктому не будет их памяти: и лживыя пророки и духа нечистаго изму от земли. Zechariah 13:3 И будет, аще проречет человек еще, и речет к нему отец его и мати его, рождшии его, внегда пророчествовати ему: не жив будеши, яко лжу глаголал еси во имя Господне: и запнут ему отец его и мати его, родившии его, егда пророчествовати начнет. Zechariah 13:4 И будет в день он, постыдятся пророцы, кийждо от видения своего, внегда пророчествовати ему, и облекутся в кожу власяную, зане солгаша. Zechariah 13:5 И речет: несмь пророк аз, яко человек делаяй землю аз есмь, зане человек роди мя от юности моея. Zechariah 13:6 И реку к нему: что язвы сия посреде руку твоею? И речет: имиже уязвлен бых в дому возлюбленнаго моего. Zechariah 13:7 Мечу, востани на пастыря Моего и на мужа гражданина Моего, глаголет Господь Вседержитель: порази пастыря, и расточатся овцы стада: и наведу руку Мою на (малыя) пастыри. Zechariah 13:8 И будет в день он на всей земли, глаголет Господь, две части ея потребятся и изчезнут, а третия останется на ней: Zechariah 13:9 и проведу третию часть сквозе огнь, и разжгу я, якоже разжизается сребро, и искушу я, якоже искушается злато: той призовет имя Мое, и Аз услышу его и реку: людие Мои сии суть. И тии рекут: Господь Бог мой. Zechariah 14:0 Zechariah 14:1 Се, дние Господни грядут, и разделятся корысти твоя в тебе: Zechariah 14:2 и соберу вся языки на Иерусалим в брань, и пленится град, и расхитятся домове, и жены осквернятся: и изыдет пол града в пленение, а останок людий Моих не потребятся от града. Zechariah 14:3 И изыдет Господь и ополчится на языки оны, якоже день ополчения его в день брани. Zechariah 14:4 И станут нозе Его в день он на горе Елеонстей, яже есть прямо Иерусалиму на восток: и разделится гора Елеонская, пол ея к востоком и пол ея к морю, пропасть велия зело: и уклонится пол горы на север и пол ея на юг: Zechariah 14:5 и засыплется дебрь гор Моих, и прильпнет дебрь горняя даже до Асаила и наполнится, якоже наполнися от лица труса во днех Озии царя Иудова: и приидет Господь Бог мой, и вси святии с Ним. Zechariah 14:6 И будет в день он, не будет свет, но зима и мраз: Zechariah 14:7 и будет день един, и день той знаемь будет Господеви, и не день и не нощь, и при вечере будет свет. Zechariah 14:8 И в день он изыдет вода жива из Иерусалима, пол ея в море первое и пол ея в море последнее: и в жатву и в весну будет тако. Zechariah 14:9 И будет Господь в Царя по всей земли: в день он будет Господь един, и имя Его едино, Zechariah 14:10 обходя всю землю и пустыню, от Гаваи и до Реммона, на юг Иерусалиму: и вознесется на месте и пребудет от врат Вениаминих до места врат первых, даже до врат уголных и до столпа Анамеиля и до подточилия царева. Zechariah 14:11 И вселятся в нем, и анафема не будет ктому, и вселится Иерусалим надеяйся. Zechariah 14:12 И сие будет падение, имже изсечет Господь вся люди, елицы воеваша на Иерусалим: истают плоти их стоящих на ногах своих, и очеса им истекут из обочий их, и язык их истает во устех их. Zechariah 14:13 И будет в день он ужас Господень велий на них: и имутся кийждо за руку ближняго своего, и соплетется рука его к руце ближняго своего. Zechariah 14:14 И Иуда ополчится во Иерусалиме и соберет крепость всех людий окрест, злато и сребро и ризы во множество зело. Zechariah 14:15 И сие будет падение конем и мском, и велблюдом и ослом, и всем скотом сущым в полцех онех, по падению сему. Zechariah 14:16 И будет, елицы аще останутся от всех язык пришедших на Иерусалим, и взыдут на всякое лето покланятися Царю Господу Вседержителю и праздновати праздник скинопигии. Zechariah 14:17 И будет, елицы аще не взыдут от всех племен земли во Иерусалим поклонитися Царю Господу Вседержителю, и сии онем приложатся, не будет на них дождя. Zechariah 14:18 Аще же колено Египетское не взыдет, ни приидет, и на сих будет язва, еюже поразит Господь вся языки, елицы аще не взыдут, еже праздновати праздник скинопигии. Zechariah 14:19 Сей будет грех Египту и грех всем языком, елицы аще не взыдут, еже праздновати праздник скинопигии. Zechariah 14:20 В день он будет еже во узде коня, свято Господу Вседержителю: и будут коноби в дому Господни яко чашы пред лицем олтаря, Zechariah 14:21 и будет всяк коноб во Иерусалиме и во Иуде свят Господеви Вседержителю: и приидут вси жрущии и приимут от них и сварят в них, и не будет Хананей ктому во храме Господа Вседержителя в день он.
Malachi 0:0
Книга пророка Малахии Malachi 1:0 Malachi 1:1 Пророчество словесе Господня на Израиля рукою ангела Его: положите убо на сердцах ваших. Malachi 1:2 Возлюбих вы, глаголет Господь. И ресте: о чем возлюбил еси ны? Не брат ли бе Исав Иакову? Глаголет Господь: и возлюбих Иакова, Исава же возненавидех, Malachi 1:3 и учиних пределы его во изчезновение и достояние его в нырища пустынна. Malachi 1:4 Зане аще речет: Идумеа разорися, и обратимся и возсозиждем опустевшая ея: сице глаголет Господь Вседержитель: тии созиждут, и Аз разорю, и нарекутся им пределе беззакония, и людие, на няже ополчися Господь до века. Malachi 1:5 И очеса ваша увидят, и вы речете: возвеличися Господь превыше предел Израилевых. Malachi 1:6 Сын славит отца, и раб господина своего убоится: и аще Отец есмь Аз, то где слава Моя? И аще Господь есмь Аз, то где есть страх Мой? Глаголет Господь Вседержитель. Вы священницы презирающии имя Мое. И ресте: о чесом презрехом имя Твое? Malachi 1:7 Приносяще ко олтареви Моему хлебы скверны. И ресте: о чесом осквернихом я? Внегда глаголати вам: трапеза Господня осквернена есть: и возложенная брашна уничижили есте. Malachi 1:8 Зане аще приведете слепо на жертву, не зло ли? И аще приведете хромо или недужно, то не зло ли? Приведи е князю твоему, еда приимет е? Еда приимет лице твое? Глаголет Господь Вседержитель. Malachi 1:9 И ныне умилостивите лице Бога вашего и помолитеся Ему, (да помилует вы). В руках ваших быша сия, аще прииму от вас лица ваша? Глаголет Господь Вседержитель. Malachi 1:10 Зане и в вас затворятся двери, и не возгнетите огня олтареви Моему туне: несть воля Моя в вас, глаголет Господь Вседержитель, и жертвы не прииму от рук ваших. Malachi 1:11 Зане от восток солнца и до запад имя Мое прославися во языцех, и на всяцем месте фимиам приносится имени Моему и жертва чиста: зане велие имя Мое во языцех, глаголет Господь Вседержитель. Malachi 1:12 Вы же скверните е глаголюще: трапеза Господня осквернена есть, и возлагаемая брашна его уничтожена быша. Malachi 1:13 И ресте: сия от злострадания суть. И отдунух я, глаголет Господь Вседержитель. И внесосте хищения и хромая и недужная, и приведете я на жертву, еда прииму их от рук ваших? Глаголет Господь Вседержитель. Malachi 1:14 И проклят, иже бе силен, и бе ему в стаде его мужеск пол, и обет его на нем, и жрет растленное Господеви: зане Царь велий Аз есмь, глаголет Господь Вседержитель, и имя Мое светло во языцех. Malachi 2:0 Malachi 2:1 И ныне заповедь сия к вам, священницы: Malachi 2:2 аще не услышите и аще не положите на сердцах ваших, еже дати славу имени Моему, глаголет Господь Вседержитель, то послю на вы клятву и проклену благословение ваше и оклену е: и разорю благословение ваше, и не будет в вас, зане вы не влагаете в сердца ваша. Malachi 2:3 Се, Аз отлучу вам рамо, и раскидаю требухи на лица ваша, требухи праздников ваших, и прииму вы вкупе: Malachi 2:4 и уразумеете, яко Аз Господь послах к вам заповедь сию, еже быти завету Моему к Левитом, глаголет Господь Вседержитель. Malachi 2:5 Завет Мой бе с ним жизни и мира, и дах ему боязнию боятися Мене и от лица имене Моего устрашатися ему. Malachi 2:6 Закон истины бе во устех его, и неправда не обретеся во устнах его: в мире исправляяй иде со Мною и многи обрати от неправды. Malachi 2:7 Понеже устне иереовы сохранят разум, и закона взыщут от уст его: яко ангел Господа Вседержителя есть. Malachi 2:8 Вы же уклонистеся от пути и изнемоществисте многих в законе, растлисте завет Левиин, глаголет Господь Вседержитель. Malachi 2:9 И Аз дах вы уничижены и отвержены во вся языки, зане вы не сохранисте путий Моих, но лиц обинустеся в законе. Malachi 2:10 Не Отец ли един всем вам? Не Бог ли един созда вас? Что яко остависте кийждо брата своего, осквернити завет отец ваших? Malachi 2:11 Оставлен бысть Иуда, и мерзость бысть во Израили и во Иерусалиме: зане оскверни Иуда святая Господня, яже возлюби, и прейде к богом чуждим. Malachi 2:12 Потребит Господь человека творящаго сия, дондеже смирится от селений Иаковлих и от приносящих жертву Господу Вседержителю. Malachi 2:13 И сия, яже ненавидех, твористе: покрывасте слезами олтарь Господень, и плачем и воздыханием от трудов: еще ли достойно призрети на жертву (вашу), или прияти приятно из рук ваших? Malachi 2:14 И ресте: чесо ради? Яко Господь засвидетелствова между тобою и между женою юности твоея, юже оставил еси, и та общница твоя и жена завета твоего: Malachi 2:15 и не добро ли сотвори, и останок духа его? И ресте: что ино кроме семене ищет Бог? И сохраните духом вашим и жены юности твоея да не оставиши: Malachi 2:16 но аще возненавидев отпустиши ю, глаголет Господь Бог Израилев, и покрыет нечестие помышления твоя, глаголет Господь Вседержитель: и сохраните духом вашим и не оставите. Malachi 2:17 Прогневляющии Бога словесы вашими, и ресте: о чесом прогневахом Его? Зане ресте: всяк творяй зло добр пред Господем, и в них Сам благоволи: и где есть Бог правды? Malachi 3:0 Malachi 3:1 Се, Аз посылаю Ангела Моего, и призрит на путь пред лицем Моим: и внезапу приидет в церковь Свою Господь, Егоже вы ищете, и Ангел завета, Егоже вы хощете: се, грядет, глаголет Господь Вседержитель. Malachi 3:2 И кто стерпит день пришествия Его? И кто постоит в видении Его? Зане Той входит яко огнь горнила и яко мыло перущих. Malachi 3:3 И сядет разваряя и очищая яко сребро и яко злато, и очистит сыны Левиины, и прелиет я яко злато и яко сребро: и будут Господеви приносяще жертву в правде. Malachi 3:4 И угодна будет Господеви жертва Иудова и Иерусалимля, якоже дние века и якоже лета преждняя. Malachi 3:5 И прииду к вам с судом, и буду свидетель скор на чародеи и на прелюбодейцы, и на кленущыяся именем Моим во лжу и на лишающыя мзды наемника, и на насильствующыя вдовиц и пхающыя сирыя, и на укланяющыя суд пришелца и на небоящыяся Мене, глаголет Господь Вседержитель: Malachi 3:6 зане Аз Господь Бог ваш, и не изменяюся, и вы сынове Иаковли не удаляетеся от грех отец ваших. Malachi 3:7 Уклонистеся от законов Моих и не сохранисте: обратитеся ко Мне, и обращуся к вам, глаголет Господь Вседержитель. И ресте: в чесом обратимся? Malachi 3:8 Еда обольстит человек Бога? Зане вы обольщаете Мя. И ресте: в чесом обольстихом Тя? Яко десятины и начатцы с вами суть. Malachi 3:9 И взирающе вы взираете, и Мене вы обольщаете. Malachi 3:10 Лето скончася, и внесосте вся плоды в сокровища, и будет расхищение Его в дому Его: обратитеся убо о сем, глаголет Господь Вседержитель: аще не отверзу вам хлябий небесных и излию вам благословение Мое, дондеже удовлитеся: Malachi 3:11 и разделю вам в брашно, и не имам истлити вам плодов земных, и не изнеможет ваш виноград на селе, глаголет Господь Вседержитель: Malachi 3:12 и ублажат вы вси языцы, зане будете вы земля пожеланная, глаголет Господь Вседержитель. Malachi 3:13 Отяготисте на Мя словеса ваша, глаголет Господь (Вседержитель). И ресте: о чем клеветахом на Тя? Malachi 3:14 Ресте: суетен работаяй Богу, и что более, яко сохранихом хранения Его и яко идохом молитвенницы пред лицем Господа Вседержителя? Malachi 3:15 И ныне мы блажим чуждих, и созидаются вси творящии беззаконная, сопротивишася Богови и спасошася. Malachi 3:16 Сия рекоша боящиися Господа, кийждо ко искреннему своему: и внят Господь, и услыша, и написа книгу памяти пред Собою боящымся Господа и благоговеющым имя Его. Malachi 3:17 И будут Ми, глаголет Господь Вседержитель, в день, егоже Аз творю в снабдение, и изберу я, имже образом избирает человек сына своего (добре) работающа ему. Malachi 3:18 И обратитеся и увидите между праведным и между беззаконным, и между служащим Богови и не служащим Ему. Malachi 4:0 Malachi 4:1 Яко се, день грядет горящь яко пещь и попалит я, и будут вси иноплеменницы и вси творящии беззаконная яко стеблие: и возжжет я день Господень грядый, глаголет Господь Вседержитель, и не останется от них корень ниже ветвь. Malachi 4:2 И возсияет вам боящымся имене Моего Солнце правды и изцеление в крилех Его: и изыдете и взыграете, якоже телцы от уз разрешени: Malachi 4:3 и поперете беззаконники, и будут пепел под ногами вашими в день, в оньже Аз сотворю, глаголет Господь Вседержитель. Malachi 4:4 Помяните закон Моисеа раба Моего, якоже повелех ему в Хориве ко всему Израилю повеления и оправдания. Malachi 4:5 И се, Аз послю вам Илию Фесвитянина, прежде пришествия дне Господня великаго и просвещеннаго, Malachi 4:6 иже устроит сердце отца к сыну и сердце человека ко искреннему его, да не пришед поражу землю в конец.
I Maccabees 0:0
Первая книга Маккавейская I Maccabees 1:0 I Maccabees 1:1 И бысть, егда поражаше Александр Македонский сын Филиппа, иже изыде от земли Хеттиим, порази и Дариа царя Персскаго и Мидскаго, и воцарися вместо его первый во Елладе, I Maccabees 1:2 и состави брани многи, и одержа твердыни многи, и уби цари земския, I Maccabees 1:3 и пройде даже до краев земли, и взя корысти многих языков. И умолче земля пред ним. И возвысися, и вознесеся сердце его. I Maccabees 1:4 И собра силу крепку зело, и началствова над странами и языки и мучительми, и быша ему в данники. I Maccabees 1:5 И по сих паде на ложе и позна, яко умирает: I Maccabees 1:6 и созва отроки своя благородныя, иже с ним бяху совоспитани от юности его, и раздели им царство свое еще жив сый. I Maccabees 1:7 И царствова Александр лет дванадесять и умре. I Maccabees 1:8 И обладаша отроцы его кийждо в месте своем. I Maccabees 1:9 И возложиша вси диадимы по смерти его, и сынове их по них лета многа, и умножиша злая на земли. I Maccabees 1:10 И изыде от них корень греха Антиох Епифан, сын Антиоха царя, иже бе залогом в Риме: и царствова в лете сто тридесять седмем царства Еллинскаго. I Maccabees 1:11 Во днех тех изыдоша от Израиля сынове беззаконнии и наустиша многих глаголюще: пойдем и завещаем завет с языки, иже окрест нас, яко отнележе отлучихомся от них, обретоша нас многа злая. I Maccabees 1:12 И благоувидеся слово во очию их: I Maccabees 1:13 и предизбрашася нецыи от людий и идоша ко царю: и даде им власть творити оправдания языческая. I Maccabees 1:14 И создаша (себе) училище во Иерусалиме по законом языческим. I Maccabees 1:15 И сотвориша себе необрезание, и отступиша от завета святаго, и сопрягошася языком, и продашася еже творити лукавое. I Maccabees 1:16 И уготовася царство пред Антиохом: и умысли царствовати во Египте, яко да царствует над двема царствома. I Maccabees 1:17 И вниде во Египет в народе тяжце, на колесницах и на слонех, и на всадниках и на кораблех многих. I Maccabees 1:18 И состави брань на Птоломеа царя Египетскаго: и убояся Птоломей от лица его и побеже, и падоша язвени мнози. I Maccabees 1:19 И взяша грады тверды в земли Египетстей: и взя корысти земли Египетския. I Maccabees 1:20 И обратися Антиох, повнегда порази Египта во сто четыредесять третие лето: и взыде на Израиля и на Иерусалим в народе тяжце, I Maccabees 1:21 и вниде во святилище с гордынею, и взя олтарь златый и светилник свещный и вся сосуды его, I Maccabees 1:22 и трапезу предложения и возлиялники, и фиалы и кадилницы златыя, и катапетасму и венцы и украшение златое, еже на лицы церкви (бяше), и сокруши вся: I Maccabees 1:23 и взя сребро и злато и сосуды вожделенныя: и взя сокровища тайная, ихже обрете. I Maccabees 1:24 И взем вся отиде в землю свою, и сотвори убийство, и глагола в гордости велицей. I Maccabees 1:25 И бысть плачь велик во Израили на всяцем месте их. I Maccabees 1:26 И возстенаша началницы и старейшины, девы и юноши изнемогоша, и красота женская изменися. I Maccabees 1:27 Всяк жених прия плачь, и седящая на одре брачне бысть в печали. I Maccabees 1:28 И потрясеся земля на обитающих на ней, и весь дом Иаковль облечеся студом. I Maccabees 1:29 И по двою лету дний посла царь началника данем во грады Иудины. И прииде во Иерусалим с народом великим I Maccabees 1:30 и глагола к ним словеса мирная во льсти. И вероваша ему. И нападе на град внезапу и порази его язвою великою и погуби люди многи от Израиля: I Maccabees 1:31 и взя корысти града и сожже его огнем, и разори домы его и стены его окрест: I Maccabees 1:32 и плениша жен и чад, и скоты разделиша, I Maccabees 1:33 и оградиша град Давидов стеною великою и крепкою и башнями крепкими, и бысть им в крепость: I Maccabees 1:34 и посадиша тамо людий грешников, мужей беззаконных, и возмогоша в ней: I Maccabees 1:35 и положиша оружия и брашна, и собираху корысти Иерусалимския, и полагаху тамо: и быша в сеть велику, I Maccabees 1:36 и бысть в ловителство святыни и в диавола лукаваго Израилю выну. I Maccabees 1:37 И пролияша кровь неповинную окрест святилища и оскверниша святыню. I Maccabees 1:38 И бежаша обитающии во Иерусалиме их ради, и бысть обитание чуждим: и бысть чуждо семени рождения своего, и чада его оставиша его. I Maccabees 1:39 Святыня его разорена яко пустыня, праздницы его обращени суть во плачь, субботы его в поношение, честь его во уничижение: I Maccabees 1:40 по славе его умножися безчестие его, и высота его обращена бысть во плачь. I Maccabees 1:41 И писа царь Антиох всему царству своему, да будут вси людие едино, I Maccabees 1:42 и оставит кийждо закон свой. И соизволиша вси языцы по слову царя (Антиоха). I Maccabees 1:43 И мнози от Израиля изволиша служению его и пожроша идолом и оскверниша субботу. I Maccabees 1:44 И посла царь книги рукою вестников во Иерусалим и во грады Иудины, да пойдут вслед законов чуждих земли I Maccabees 1:45 и возбранят всесожжения и жертву и возлияние от святыни, и омерзят субботы и праздники, I Maccabees 1:46 и осквернят святыню и святых, I Maccabees 1:47 и созиждут требища и капища и кумирницы, и да жрут мяса свиная и скоты общыя: I Maccabees 1:48 и да оставят сыны своя необрезаны, еже осквернити душы их во всяцей нечистоте и осквернении, I Maccabees 1:49 яко да забудут закон и изменят вся оправдания (Божия). I Maccabees 1:50 И иже аще не сотворит по глаголу цареву, да умрет. I Maccabees 1:51 По всем словесем сим написа всему царству своему и пристави надзиратели над всеми людьми: и повеле градом Иудиным жрети во всяцем граде. I Maccabees 1:52 И собрашася мнози от людий к ним, всяк оставивый закон Господень: и сотвориша лукавая на земли I Maccabees 1:53 и положиша Израиля в тайных во всяцем убежищи их. I Maccabees 1:54 И в пятыйнадесять день месяца Хаслева, в лето сто четыредесять пятое создаша мерзость запустения на олтари (Божии), и во градех Иудиных окрест создаша требища. I Maccabees 1:55 И пред дверьми домов и на стогнах кадяху, I Maccabees 1:56 и книги закона (Божия), ихже обретоша, сожгоша огнем, раздирающе (их). I Maccabees 1:57 И идеже обреташеся у кого книга завета Господня, и аще кто соизволяше закону Господню, по повелению цареву закалаху его. I Maccabees 1:58 В силе своей творяху сице людем Израилевым, обретающымся во всяцем месяце и месяце во градех. I Maccabees 1:59 И в двадесять пятый день месяца жряху в капищи, еже бе на олтари. I Maccabees 1:60 И жен обрезавших чада своя закалаша по повелению (цареву), I Maccabees 1:61 и обешаху детища за шии их, домы их расхищаху, и обрезавших я умерщвляху. I Maccabees 1:62 И мнози от людий Израилевых удержашася и утвердишася в себе, еже не ясти скверных, I Maccabees 1:63 и избраша паче умрети, неже осквернитися брашны, и не хотеша преступити закона Божия святаго: и заклани быша. I Maccabees 1:64 И бысть гнев велий на Израиля зело. I Maccabees 2:0 I Maccabees 2:1 Во днех тех воста Маттафиа сын Иоаннов, сына Симеоня, священник от сынов Иоаривлих от Иерусалима, и седе во Модине. I Maccabees 2:2 И имяше сынов пять: Иоанна, иже проименовашеся Гаддис, I Maccabees 2:3 и Симона, иже проименовашеся Фассис, I Maccabees 2:4 Иуду, иже звашеся Маккавей, I Maccabees 2:5 Елеазара, иже проименовашеся Аваран, и Ионафана, иже проименовашеся Апфус. I Maccabees 2:6 И виде хуления бывающая во Иудеи и во Иерусалиме, I Maccabees 2:7 и рече: увы мне! Почто рожден есмь видети сотрение людий моих и сотрение града святаго, и седети зде, внегда предаватися ему в руце врагов и святыни в руки чуждих? I Maccabees 2:8 Бысть храм его яко человек безчестен, I Maccabees 2:9 сосуды славы его пленени отнесени суть, побиени суть младенцы его на стогнах, и юношы его падоша мечем вражиим: I Maccabees 2:10 кий язык не наследова царства его и не одержа корыстей его? I Maccabees 2:11 Вся утварь его взята есть, вместо свободнаго бысть в раба: I Maccabees 2:12 и се, святая наша и красота наша и слава наша опусте, и оскверниша я языцы: I Maccabees 2:13 почто убо нам еще жити? I Maccabees 2:14 И растерза ризы своя Маттафиа и сынове его, и облекошася во вретища, и плакаша зело. I Maccabees 2:15 И приидоша от царя принуждающии ко отступлению во град Модин, да пожрут. I Maccabees 2:16 И мнози от Израиля приложишася к ним: Маттафиа же и сынове его собрашася. I Maccabees 2:17 И отвещаша посланнии от царя и реша Маттафии глаголюще: князь и преславный и велий еси во граде сем, и утвержден в сынех и братиих: I Maccabees 2:18 ныне убо приступи первый и сотвори повеление царево, якоже сотвориша вси языцы и мужие Иудины и оставшии во Иерусалиме, и будеши ты и дом твой посреде другов царевых: и ты и сынове твои прославитеся в сребре и злате и в дарех мнозех. I Maccabees 2:19 И отвеща Маттафиа и рече гласом велиим: аще и вси языцы в дому царствия царя слушают его, еже отступити комуждо от служения отец своих, и соизволиша в заповедех его: I Maccabees 2:20 но аз и сынове мои и братия моя повинуемся закону отец наших: I Maccabees 2:21 милостив нам (буди, Боже), еже оставити закон и оправдания: I Maccabees 2:22 словес царевых не послушаем, еже преступити служение наше на десно или на шуее. I Maccabees 2:23 И яко преста глаголати словеса сия, приступи муж Иудеанин пред очима всех жрети в капищи, еже в Модине, по повелению цареву. I Maccabees 2:24 И виде Маттафиа и возревнова, и вострепеташа внутренняя его, и возжжеся ярость его по суду (закона), и наскочив разсече его в капищи. I Maccabees 2:25 И мужа, егоже царь посла, иже принуждаше жрети, уби во время оно и капище разори. I Maccabees 2:26 И возревнова о законе, якоже же сотвори Финеес Замврию сыну Саломлю. I Maccabees 2:27 И возопи Маттафиа во граде гласом велиим глаголя: всяк ревнуяй о законе и стояй в завете да изыдет вслед мене. I Maccabees 2:28 И отбежа сам и сынове его в горы, и оставиша, елика имеяху во граде. I Maccabees 2:29 Тогда снидоша мнози ищуще суда и правды в пустыню, I Maccabees 2:30 и седоша ту сами, и сынове их и жены их, и скоти их, яко умножишася на них злая. I Maccabees 2:31 И возвещено бысть мужем царевым и силам, иже бяху во Иерусалиме граде Давидове, яко отидоша мужие нецыи, иже разориша заповедь царску, в места тайная в пустыню. I Maccabees 2:32 И текоша вслед их мнози, и постигше их ополчишася на них, и составиша противу их брань в день субботный, I Maccabees 2:33 и рекоша к ним: доныне доволно, изыдите и сотворите по слову цареву, и живи будете. I Maccabees 2:34 И реша: не изыдем, ни сотворим по слову цареву, еже осквернити день субботный. I Maccabees 2:35 И ускориша на них брань. I Maccabees 2:36 И не отвещаша им, ниже камене вергоша на них, ниже заградиша мест тайных, рекуще: I Maccabees 2:37 умрем вси в простоте нашей, свидетеле будут на нас небо и земля, яко неправо погубляете нас. I Maccabees 2:38 И восташа на них в брани в субботы, и умроша сии и жены их, и сынове их и скоти их, даже до тысящи душ человек. I Maccabees 2:39 И позна Маттафиа и друзи его, и плакашася о них зело. I Maccabees 2:40 И рече муж искреннему своему: аще вси сотворим, якоже братия наша сотвориша, и не воополчимся на языки о душах наших и оправданиих наших, ныне нас скоро искоренят от земли. I Maccabees 2:41 И умыслиша в день он глаголюще: всяк человек, иже аще приидет к нам на брань в день субботный, ополчимся противу его, и не умрем вси, якоже умроша братия наша в тайных. I Maccabees 2:42 Тогда собрася к ним сонмище Иудейское крепцыи в силе от Израиля, всяк соизволяяй закону: I Maccabees 2:43 и вси иже бежаша от злых, приложишася им и быша им во утверждение. I Maccabees 2:44 И собраша воев и побиша грешных во гневе своем и мужей беззаконных в ярости своей: прочии же бежаша во языки спастися. I Maccabees 2:45 И обыде Маттафиа и друзи его, и разориша капища, I Maccabees 2:46 и обрезаша отроки необрезаныя, еликих обретоша в пределех Израилевых в силе, I Maccabees 2:47 и погнаша сынов гордыни, и успе дело в руку их: I Maccabees 2:48 и удержаша закон от руки языков и от руки царей, и не даша рога грешнику. I Maccabees 2:49 И приближишася дние Маттафии умрети, и рече сыном своим: ныне укрепися гордыня и обличение, и время низвращения и гнев ярости: I Maccabees 2:50 и ныне, чада, возревнуйте закону и дадите душы вашя за завет отцев наших. I Maccabees 2:51 Помяните дела отец наших яже сотвориша в родех своих, и приимете славу велию и имя вечное. I Maccabees 2:52 Авраам не во искушении ли обретен есть верен, и вменися ему в правду? I Maccabees 2:53 Иосиф во время тесноты своея сохрани заповедь и бысть господин Египту. I Maccabees 2:54 Финеес отец наш внегда возревнова ревностию, прият завет священства вечнаго. I Maccabees 2:55 Иисус, егда исполни слово, бысть судия во Израили. I Maccabees 2:56 Халев, егда засвидетелствова в церкви, восприя земли наследие. I Maccabees 2:57 Давид во своей милости наследова престол царствия во век века. I Maccabees 2:58 Илиа, егда возревнова ревностию закона, взяся даже на небо. I Maccabees 2:59 Ананиа, Азариа, Мисаил верующе спасошася от пламене. I Maccabees 2:60 Даниил в простоте своей изятся от уст львовых. I Maccabees 2:61 И тако помышляйте по роду и роду, яко вси уповающии Нань не изнемогут. I Maccabees 2:62 И от словес мужа грешна не убойтеся, понеже слава его в мотыла и в червие: I Maccabees 2:63 днесь вознесется, а утре не обрящется, яко обратися в персть свою, и помышление его погибе. I Maccabees 2:64 И вы, сынове, укрепитеся и мужайтеся в законе, яко в нем прославитеся. I Maccabees 2:65 И се, Симеон брат ваш, вем, яко муж совета есть, того послушайте вся дни, той будет вам во отца. I Maccabees 2:66 И Иуда Маккавей, сей крепок в силе от юности своея, сей будет вам началник воинства и сотворит брань людем. I Maccabees 2:67 И вы приведите к себе вся творцы закона и отмстите мщение людий ваших: I Maccabees 2:68 воздайте воздаяние языком и внемлите в заповеди закона. I Maccabees 2:69 И благослови их: и приложися ко отцем своим. I Maccabees 2:70 И умре в лето сто четыредесять шестое: и погребоша его сынове его во гробех отец его в Модине, и плакаша его весь Израиль плачем велиим. I Maccabees 3:0 I Maccabees 3:1 И воста Иуда нарицаемый Маккавей сын его вместо его. I Maccabees 3:2 И помогаху ему вси братия его и вси елицы прилепишася ко отцу его, и ополчахуся ополчением Израиль с веселием. I Maccabees 3:3 И распространи славу людем своим: и облечеся в броня яко исполин и препоясася оружием своим бранным, и состави рати, защищая ополчения мечем своим, I Maccabees 3:4 и уподобися льву в делех своих, и яко скимен рыкающь в ловитве: I Maccabees 3:5 и погна беззаконныя изследуяй, и смущающих люди его пожже пламенем. I Maccabees 3:6 И слякошася беззаконнии от страха его, и вси делателе беззакония смятошася, и благопоспешно быти спасение рукою его. I Maccabees 3:7 И огорчи цари многи и возвесели Иакова в делех своих, и даже до века память его во благословение: I Maccabees 3:8 и пройде грады Иудины, и погуби нечестивых от них, и отврати гнев от Израиля, I Maccabees 3:9 и именит бысть даже до последних земли, и собра погибающих. I Maccabees 3:10 Аполлоний же собра языки и от Самарии силу велию, еже ратовати на Израиля. I Maccabees 3:11 И уведа Иуда и изыде во сретение ему, и порази его и уби того: и падоша язвении мнози, а прочии убегоша. I Maccabees 3:12 И взя корысти их, и мечь Аполлониев отя Иуда, и бысть воюя им вся дни. I Maccabees 3:13 И услыша Сирон началник воев Сирских, яко собра Иуда совокупление и церковь верных с ним исходящих на брань, I Maccabees 3:14 и рече: сотворю себе имя, и прославлюся в царствии, и поборю Иуду и сущих с ним и уничижающих слово царево. I Maccabees 3:15 (И уготовася) и приложи еже взыти: и взыде с ним полк нечестивых крепок помощи ему и сотворити отмщение на сынех Израилевых. I Maccabees 3:16 И приближися даже до восхода Вефоронска: и изыде Иуда во сретение ему в мале. I Maccabees 3:17 Егда же увидеша полк грядущий во сретение им, реша Иуде: како можем в мале суще ополчатися противу множества толикаго крепкаго? И мы утруждени есмы постом днесь. I Maccabees 3:18 И рече Иуда: удобь есть объяти многих рукою малых: и несть разнствия пред Богом небесным спасти во многих или в малых: I Maccabees 3:19 яко не во множестве воев одоление брани есть, токмо от небесе крепость: I Maccabees 3:20 сии грядут к нам во множестве укоризны и беззакония, еже исторгнути нас и жены нашя и чада наша, еже взяти корысти нашя, I Maccabees 3:21 мы же ополчаемся за душы нашя и законы нашя: I Maccabees 3:22 и Сам Господь сокрушит их пред лицем нашим, вы же не устрашитеся их. I Maccabees 3:23 Якоже преста глаголати, и наскочи на них внезапу, и сотреся Сирон и вои его пред ним: I Maccabees 3:24 и погна его в низхождение Вефорона даже до поля: и падоша от них яко осмь сот мужей, прочии же побегоша в землю Филистимлю. I Maccabees 3:25 И нападе страх Иудин и братии его и боязнь на вся языки, яже окрест их. I Maccabees 3:26 И дойде до царя имя его, и о ополчениих Иудиных поведаху вси языцы. I Maccabees 3:27 Егда же услыша царь Антиох словеса сия, разгневася яростию, и послав собра силы вся царства своего, полк крепок зело: I Maccabees 3:28 и отверзе сокровище свое, и даде оброки воином своим на лето, и заповеда им в лето быти готовым на всяку потребу. I Maccabees 3:29 И виде, яко оскуде сребро от сокровищ, и дани от стран малы, ради несогласия и язвы, яже сотвори на земли, да возмет законная, яже бяху от первых дний. I Maccabees 3:30 И устрашися, да не вознеимеет единою и дважды в росходы и даяния, яже даяше прежде пространною рукою, и избыточествова паче царей бывших прежде. I Maccabees 3:31 И смятеся душею своею зело, и умысли ити в Персиду и прияти дани от стран и собрати сребра много. I Maccabees 3:32 И остави Лисию человека славна и от рода царска над вещьми царскими, от реки Евфрата даже до предел Египетских: I Maccabees 3:33 и питати Антиоха сына своего, дондеже возвратится сам. I Maccabees 3:34 И предаде ему пол силы и слонов и заповеда ему о всех, ихже совеща, и о обитающих во Иудеи и Иерусалиме, I Maccabees 3:35 послати на них силу, еже сокрушити и исторгнути крепость Израилеву и останок Иерусалима, и отяти память их от места, I Maccabees 3:36 и вселити сынов инородных во всех пределех их, и по жребию разделити землю их. I Maccabees 3:37 И царь взя пол силы оставших и изыде от Антиохии от града царства своего, лета сто четыредесять седмаго: и прейде Евфрат реку и прохождаше в вышния страны. I Maccabees 3:38 И избра Лисиа Птоломеа сына Дорименова, и Никанора, и Горгию мужы сильныя от другов царевых. I Maccabees 3:39 И посла с ними четыредесять тысящ мужей и седмь тысящ конников, еже ити в землю Иудину и растлити ю по словеси царску. I Maccabees 3:40 И отидоша со всею силою своею, и приидоша, и ополчишася близ Аммаума на земли полевой. I Maccabees 3:41 И слышаша купцы страны тоя имя их, и взяша сребро и злато много зело и отроки: и приидоша в станы, да возмут сынов Израилевых в рабы, и приложишася к ним вои Сирския и земли иноплеменников. I Maccabees 3:42 И виде Иуда и братия его, яко умножишася злая, и вои ополчахуся в пределех их: и познаша словеса царева, яже повеле людем сотворити в погубление и скончание. I Maccabees 3:43 И рече кийждо ко искреннему своему: востанем за истребление людий наших и ополчимся за люди нашя и святыя. I Maccabees 3:44 И собрася сонм еже быти готовым на брань и еже молитися и просити милости и щедрот. I Maccabees 3:45 И Иерусалим бе необитаемь аки пустыня: не бе входяй и исходяй от порождений его, и святыня попрана, и сынове инородных в краеградии, бысть обиталище языком: и взяся веселие от Иакова, и оскуде (ту) сопель и гусли. I Maccabees 3:46 И собрашася и приидоша в Массифу прямо Иерусалиму, понеже место молитвы в Массифе первее Израилю. I Maccabees 3:47 И постишася того дне, и облекошася во вретища, и пепел посыпаша на главы своя, и растерзаша одеяния своя, I Maccabees 3:48 и распростроша книгу закона, о нихже испытаху языцы написати на них подобия идол своих, I Maccabees 3:49 и принесоша ризы святителския и первородная и десятины: и воздвигнуша назиреев, иже наполниша дни, I Maccabees 3:50 и возопиша гласом (велиим) на небо, рекуще: что сотворим сим и камо их отведем? I Maccabees 3:51 И Святая Твоя попрашася и осквернишася, и священницы Твои в скорби и в смирении: I Maccabees 3:52 и се, языцы собрашася на ны, да расторгнут нас: Ты веси, яже помышляют на нас: I Maccabees 3:53 како возможем стати пред лицем их, аще не Ты поможеши нам? I Maccabees 3:54 И вострубиша трубами и возопиша гласом велиим. I Maccabees 3:55 И посем постави Иуда воеводы людий, тысящники и сотники, и пятьдесятники и десятоначалники. I Maccabees 3:56 И рекоша созидающым домы и обручающым жены, и насаждающым винограды и боязливым возвратитися комуждо в дом свой по закону. I Maccabees 3:57 И воздвижеся полк и ополчися на юг Аммаума. I Maccabees 3:58 И рече Иуда: препояшитеся, и будите в сыны сильны, и будите готови в заутрие ополчитися на языки сия, иже собрашася на ны растерзати нас и святая наша: I Maccabees 3:59 яко лучше есть нам умрети в брани, неже видети злая людий наших и святых: I Maccabees 3:60 и якоже воля будет на небеси, тако сотворит. I Maccabees 4:0 I Maccabees 4:1 И взя Горгиа пять тысящ мужей и тысящу конник избранных, и подвигоша полк нощию, I Maccabees 4:2 еже напасти на полк Иудейский и побити их внезапу, и сынове краеградия быша ему вождеве. I Maccabees 4:3 И услыша Иуда, и воста сам и сильнии, побити силу цареву, яже в Еммауме: I Maccabees 4:4 еще бо силы расточены быша от полка. I Maccabees 4:5 И прииде Горгиа в полк Иудин нощию и ни единаго обрете: и искаше их в горах, понеже рече: бежат сии от нас. I Maccabees 4:6 И вкупе со днем явися Иуда на поли со тремя тысящами мужей: обаче щитов и мечей не имяху, якоже хотяху. I Maccabees 4:7 И видеша полк языческий крепок вооружен и конники окрест его, и сии научени брани. I Maccabees 4:8 И рече Иуда мужем, иже с ним бяху: не убойтеся множества их и устремления их не ужасайтеся: I Maccabees 4:9 помяните, како спасени быша отцы наши в мори Чермнем, егда гоняше их фараон с вои многими: I Maccabees 4:10 и ныне возопиим на небо, негли како умилосердится на ны и помянет завет отцев наших и сокрушит полк сей пред лицем нашим днесь: I Maccabees 4:11 и уведят вси языцы, яко есть Избавляяй и Спасаяй Израиля. I Maccabees 4:12 И возведоша иноплеменницы очи свои и видеша их грядущих сопротиву, I Maccabees 4:13 и изыдоша из полка на брань и вострубиша иже со Иудою. I Maccabees 4:14 И сразишася: и сотрени быша языцы и побегоша в поле, I Maccabees 4:15 последнии же вси падоша мечем: и прогнаша их даже до Ассаримофа и даже до поль Идумейских и Азотских и Иамнийских, и падоша от них до триех тысящ мужей. I Maccabees 4:16 И возвратися Иуда и вои его от гонения вслед их, I Maccabees 4:17 и рече к людем: не вожделейте корыстей, понеже брань противу нас: I Maccabees 4:18 и Горгиа и вои его близ нас на горе: но стойте ныне противу врагов наших и поборите их, и по сих возмете корысти без боязни. I Maccabees 4:19 И еще глаголющу Иуде сия, се, явися часть некая приницающая с горы. I Maccabees 4:20 И виде, яко в бег обратишася, и зажгоша полк, иже суть со Иудою, дым бо зримый являше бывшее. I Maccabees 4:21 Смотрящии же сия убояшася зело: видяще же ополчение Иудино в поли готово на брань, бежаша вси в землю иноплеменников. I Maccabees 4:22 И обратися Иуда на корысти ополчения: I Maccabees 4:23 и взя злата много и сребра, и иакинфа и порфиры морския, и богатства велика. I Maccabees 4:24 И возвращающеся песнь пояху и благословляху Бога небеснаго, яко благ есть, яко в век милость Его. I Maccabees 4:25 И бысть спасение велико Израилю в день он. I Maccabees 4:26 Елицы же от иноплеменников уцелеша, пришедше возвестиша Лисии вся случившаяся. I Maccabees 4:27 Он же слышав уны душею и опечалися, яко не яже хотяше, такова быша Израилю, и не какова заповеда ему царь, сицевая сбышася. I Maccabees 4:28 И во грядущее лето собра Лисиа мужей избранных шестьдесят тысящ и конников пять тысящ, да побиет Иерусалим. I Maccabees 4:29 И приидоша во Идумею и ополчишася во Вефсурех, и срете их Иуда с десятию тысящьми мужей. I Maccabees 4:30 И виде полк крепок, и помолися, и рече: благословен еси, Спасе Израилев, сокрушивый стремление сильнаго рукою раба Твоего Давида, и предал еси полк иноплеменных в руки Ионафана сына Сауля и носящаго оружие его: I Maccabees 4:31 заключи полк сей рукою людий Твоих Израиля, и да постыдятся о силе и коннице своей: I Maccabees 4:32 даждь им боязнь и растай дерзость силы их, и да поколеблются сотрением своим: I Maccabees 4:33 низложи их мечем любящих Тя, и да восхвалят Тебе вси ведущии имя Твое в песнех. I Maccabees 4:34 И составиша брань, и падоша от полка Лисии до пяти тысящ мужей, и падоша пред ними. I Maccabees 4:35 Видя же Лисиа своего ополчения бывшее бежание, а Иудину бывшую дерзость, и яко готови суть или жити, или умрети храбро, отиде во Антиохию и собираше чуждих воев: и умножив бывшее воинство, умысли паки приити на Иудею. I Maccabees 4:36 Рече же Иуда и братия его: се, сотрени суть врази наши, взыдем ныне очистити святая и обновити. I Maccabees 4:37 И собрася весь полк и взыдоша на гору Сион: I Maccabees 4:38 и видеша святыню опустошену, и жертвенник осквернен, и врата сожжена, и в притворех возрастоша древие аки в дубраве, или аки во единей от гор, и пастофориа разбиена. I Maccabees 4:39 И растерзаша ризы своя и плакаша плачем велиим, и возложиша пепел на главы своя, I Maccabees 4:40 и падоша лицем на землю, и вострубиша трубным знамением, и возопиша на небо. I Maccabees 4:41 Тогда повеле Иуда мужем ратовати сущих в краеградии, дондеже очистит святая. I Maccabees 4:42 И избра священники непорочны волители закона Божия: I Maccabees 4:43 и очистиша святая и отвергоша камение осквернения в место нечисто: I Maccabees 4:44 и советоваша о жертвеннице всесожжения оскверненем, что ему сотворят: I Maccabees 4:45 и нападе им совет благ разорити его, да не когда будет им в поношение, яко оскверниша его языцы. И разориша жертвенник, I Maccabees 4:46 и положиша камение на горе храма на месте приличнем, дондеже приидет пророк отвещати о них: I Maccabees 4:47 и взяша камение цело по закону и создаша жертвенник нов по прежнему. I Maccabees 4:48 И создаша святая и вся яже внутрь храма, и притворы освятиша, I Maccabees 4:49 и сотвориша сосуды святыя новы, и внесоша светилник и жертвенник всесожжений и фимиамов и трапезу во храм, I Maccabees 4:50 и кадиша на жертвеннице, и возжгоша светилники, яже на подсвещнице, и светяху во храме, I Maccabees 4:51 и положиша на трапезе хлебы и простроша катапетасмы, и скончаша вся дела, яже творяху. I Maccabees 4:52 И зело рано восташа в пятый и двадесятый день месяца девятаго: сей месяц Хаслев, сто четыредесять осмаго лета. I Maccabees 4:53 И принесоша жертву по закону на олтарь всесожжений новый, егоже сотвориша: I Maccabees 4:54 по времени и по дни, в оньже оскверниша его языцы, во он обновися в песнех и гуслех и кинирех и в кимвалех. I Maccabees 4:55 И падоша вси людие на лице свое и поклонишася, и благословиша на небо Благопоспешившаго им: I Maccabees 4:56 и сотвориша обновление олтаря дний осмь, и принесоша всесожжения с веселием, и пожроша жертву спасения и хваления, I Maccabees 4:57 и украсиша сущее пред лицем храма венцы златыми и щитами, и обновиша врата и пастофориа, и поставиша двери. I Maccabees 4:58 И бысть веселие в людех велико зело, и отвращено бысть поношение языков. I Maccabees 4:59 И устави Иуда и братия его и весь собор Израилев, да празднуются дние обновления олтаря во времена своя на всяко лето дний осмь, от двадесять пятаго дне месяца Хаслев с веселием и радостию. I Maccabees 4:60 И создаша во время оно гору Сион, окрест стены высокия и пирги крепки, да не когда пришедше языцы поперут я, якоже прежде сотвориша. I Maccabees 4:61 И посади ту воев хранити ю, и утвердиша ю хранити Вефсуру, еже имети людем в твердыню противу лица Идумеи. I Maccabees 5:0 I Maccabees 5:1 И бысть егда услышаша языцы окрест, яко создася олтарь и обновися святыня якоже прежде, и разгневашася зело: I Maccabees 5:2 и совещашася погубити род Иаковль, иже беху посреде их, и начаша убивати в людех и истребляти. I Maccabees 5:3 И ратоваше Иуда на сыны Исавовы во Идумеи, яже во Акраватине, понеже обседяху Израиля: и порази их язвою великою, и утесни их, и взя корысти их. I Maccabees 5:4 И помяну злобу сынов Веаних, иже беху людем в сеть и в соблазн, во еже ловити им на путех. I Maccabees 5:5 И затворишася от него в пиргех, и наступи на них, и прокля их, и зажже пирги их огнем, со всеми яже в них бяху. I Maccabees 5:6 И пройде на сыны Аммони, и обрете руку крепку и люди многи, и Тимофеа вожда их. I Maccabees 5:7 И состави на них брани многи, и сотрени суть пред лицем его, и поби их, I Maccabees 5:8 и взя Иазира и дщери его, и возвратися во Иудею. I Maccabees 5:9 И собрашася языцы иже в Галаадитиде противу Израилтяном сущым в пределех их, да избиют их. И побегоша в Дафему твердыню. I Maccabees 5:10 И послаша писание ко Иуде и братии его, рекуще: собрашася на ны языцы, иже окрест нас, избити нас, I Maccabees 5:11 и готовятся приити и взяти твердыню, в нюже вбегохом, и Тимофей есть воевода сил их: I Maccabees 5:12 ныне убо пришед избави нас от руки их, яко паде множество от нас: I Maccabees 5:13 и вси братия наша сущии в местех Тувииних убиени суть, и плениша жен их и чад их и имения их, и погубиша тамо яко тысящу мужей. I Maccabees 5:14 И еще писания чтяхуся, и се, инии вестницы приидоша от Галилеи в раздраных ризах, возвещающе по словесем сим, рекуще: I Maccabees 5:15 собрашася на нас от Птолемаиды и Тира, и Сидона и всея Галилеи иноплеменник, еже искоренити нас. I Maccabees 5:16 Егда же услыша Иуда и людие словеса сия, собрася собор велик усоветовати, что сотворят братиям своим сущым в скорби и воюемым от них. I Maccabees 5:17 И рече Иуда Симону и брату своему: избери себе мужы и иди, и избави братию твою сущую в Галилеи: аз же и брат мой Ионафан пойдем в Галаадит. I Maccabees 5:18 И остави Иосифа сына Захариина и Азарию воеводы людем с прочими воины во Иудеи на хранение, I Maccabees 5:19 и заповеда им, глаголя: прилежите людем сим и не сотворите брани на языки, дондеже мы возвратимся. I Maccabees 5:20 И отделиша Симону мужей три тысящы, да идет в Галилею, Иуде же осмь тысящ мужей в Галаадит. I Maccabees 5:21 И иде Симон в Галилею и состави брани многи на языки, и сотрошася языцы от лица его, I Maccabees 5:22 и погна вслед их даже до врат Птолемаиды: и падоша от язык яко три тысящы мужей, и взя корысти их, I Maccabees 5:23 и поят сущих в Галилеи и во Арваттисех с женами и чады, и вся елика бяху им, и приведе во Иудею с веселием велиим. I Maccabees 5:24 И Иуда Маккавей и Ионафан брат его преидоша Иордан, и идоша путь триех дний в пустыни, I Maccabees 5:25 и сретоша Наватеев, и прияша их мирно, и поведаша им вся, яже случишася братии их в Галаадитиде, I Maccabees 5:26 и яко мнози от них заключени суть в Восоре и Восор, во Алемисех, Хасфоре, Македе и Карнаине: сии вси гради тверди и велицы: I Maccabees 5:27 и в прочиих градех Галаадитиды суть затворени, и во утрие строятся ополчитися на твердыни и яти и избити всех сих во един день. I Maccabees 5:28 И возвратися Иуда и вои его в путь в пустыню в Восор внезапу: и взя град, и уби всяк мужеск пол усты меча, и взя вся корысти их, и сожже его огнем: I Maccabees 5:29 и воста оттуду нощию и иде даже до твердыни. I Maccabees 5:30 И бысть пред зарею, и воздвигоша очи свои, и се, людие мнози, имже не бе числа, несуще лествицы и миханы взяти твердыню, и ратоваху их. I Maccabees 5:31 И виде Иуда, яко начася брань, и вопль града взыде даже до небесе трубами и гласом велиим, I Maccabees 5:32 и рече мужем силы: бийтеся днесь за братию вашу. I Maccabees 5:33 И изыде тремя началы созади их: и вострубиша трубами и возопиша в молитве. I Maccabees 5:34 И позна полк Тимофеов, яко Маккавей есть, и отбежа от лица его, и поби их язвою велиею, и падоша от них в день он яко осмь тысящ мужей. I Maccabees 5:35 И обратися (Иуда) в Масфу и повоева ю и взя ю, и уби весь мужеск пол ея и взя корысти ея, и сожже ю огнем: I Maccabees 5:36 оттуду пойде и взя Хасфор, Макед и Восор и прочыя грады Галаадитиды. I Maccabees 5:37 И по сих словесех собра Тимофей полк ин и ополчися к лицу Рафона об ону страну потока. I Maccabees 5:38 И посла Иуда соглядати полк. И возвестиша ему глаголюще: собрани суть к нему вси языцы, иже окрест нас, сила велия зело: I Maccabees 5:39 и Аравлян наяша в помощь себе, и ополчаются об ону страну потока, готови приити на тя на брань. И иде Иуда во сретение их. I Maccabees 5:40 И рече Тимофей началником воев своих: егда приближится Иуда и полк его к потоку водному, аще приидет к нам прежде, не можем постояти противу его, яко могий возможет противу нас: I Maccabees 5:41 аще же устрашится и ополчится об ону страну реки, прейдем к нему и возможем противу его. I Maccabees 5:42 Егда же приближися Иуда к потоку водному, постави книжники людий при потоце и повеле им глаголя: не оставляйте всякаго человека остатися в полце, но да грядут вси на брань. I Maccabees 5:43 И прейде на них прежде, и вси людие вслед его. И сотрени суть вси языцы пред лицем его, и повергоша оружия своя, и бежаша в капище, еже к Карнаине. I Maccabees 5:44 И взяша град, и капище сожгоша огнем со всеми, яже в нем: и побежден бысть Карнаин и не возможе ктому стати противу лица Иудина. I Maccabees 5:45 И собра Иуда всех Израилтян, иже беху в Галаадитиде, от мала даже до велика, и жены их и чада их и имения, полк велик зело, приити в землю Иудину. I Maccabees 5:46 И приидоша даже до Ефрона, и сей град велий на входе тверд зело: и не бе уклонитися от него на десно или шуее, но токмо сквозе его проити. I Maccabees 5:47 И заключишася, иже бяху в граде, и заградиша врата камением. И посла к ним Иуда со словесы мирными, глаголя: I Maccabees 5:48 пройдем по земли вашей, еже отити в землю нашу, и никтоже вас изобидит, токмо ногами пройдем. И не восхотеша отверсти ему. I Maccabees 5:49 И повеле Иуда проповедати в полце ополчитися коемуждо, в немже кто есть месте. I Maccabees 5:50 И ополчишася мужие силы и ратоваша град той весь день и всю нощь. И предадеся град в руки его. I Maccabees 5:51 И поби всяк мужеск пол усты меча и искорени его, и взя корысти его и пройде сквозе град по убиеным. I Maccabees 5:52 И преидоша Иордан в поле великое противу лицу Вефсана. I Maccabees 5:53 И бе Иуда собирая дальнейших и увещаваше людий по всему пути, дондеже приидут в землю Иудину. I Maccabees 5:54 И взыдоша на гору Сион с веселием и радостию и принесоша всесожжения, яко не паде от них ни един, дондеже возвратишася в мире. I Maccabees 5:55 И во дни, в няже бысть Иуда и Ионафан в Галааде, и Симон брат его в Галилеи противу лицу Птолемаиды, I Maccabees 5:56 слыша Иосиф Захариин сын и Азариа, началницы силы, о вещех благосодеянных и о бранех, яже сотвориша, I Maccabees 5:57 и реша: сотворим и мы себе имя и пойдем ратовати на языки, иже окрест нас. I Maccabees 5:58 И возвестиша сущым от силы яже с ними и идоша на Иамнию. I Maccabees 5:59 И изыде Горгиа из града и мужие его во сретение им на брань. I Maccabees 5:60 И побежден бысть Иосиф и Азариа, и гнани быша даже до предел Иудиных: и падоша в день он от людий Израилевых яко две тысящы мужей. И бысть язва велика в людех Израилевых, I Maccabees 5:61 понеже не послушаша Иуды и братий его, мнящеся храбри быти: I Maccabees 5:62 тии же не бяху от семене мужей онех, имиже дадеся спасение Израилю рукою их. I Maccabees 5:63 И муж Иуда и братия его прославишася зело пред всем Израилем и языки всеми, идеже слышашеся имя их. I Maccabees 5:64 И совокупишася к ним благо глаголющии. I Maccabees 5:65 И изыде Иуда и братия его, и ратоваху сынов Исавлих в земли яже к югу, и порази Хеврона и дщери его, и разори твердыни его, и столпы его пожже окрест. I Maccabees 5:66 И воздвижеся ити в землю иноплеменников и прохождаше Самарию. I Maccabees 5:67 В день он падоша священницы на брани, хотящии храбрее быти, внегда изыти им на брань без совета (его). I Maccabees 5:68 И уклонися Иуда во Азот в землю иноплеменников, и разори капища их, и изваяния богов их сожже огнем, и взя корысти от градов, и возвратися в землю Иудину. I Maccabees 6:0 I Maccabees 6:1 И царь Антиох прохождаше вышния страны и слыша, яко есть Елимаис в Персиде град славен богатством, сребром и златом, I Maccabees 6:2 и храм в нем богат зело, и ту запоны златы, и броня и оружия, яже остави ту Александр сын Филиппов, царь Македонский, иже царствова первый во Еллинех. I Maccabees 6:3 И прииде и искаше взяти град и пленити его, и не возможе, яко познася слово сущым во граде. I Maccabees 6:4 И восташа противу ему на брань, и побеже оттуду, и иде со скорбию велиею, и возвратися в Вавилон. I Maccabees 6:5 И прииде возвещаяй ему некто в Персиду, яко отбегоша полцы ходившии во Иудею. I Maccabees 6:6 И ходи Лисиа с силою крепкою в первых, и прогнан бысть от лица их, и возмогоша оружиями и силами и корыстьми многими, яже взяша от полков, ихже избиша. I Maccabees 6:7 И разориша мерзость, юже созда на олтари во Иерусалиме, и святыню, якоже прежде окружиша стенами высокими, и Вефсуру град его. I Maccabees 6:8 И бысть яко услыша царь словеса сия, устрашися и смутися зело: и паде на ложе и впаде в недуг от печали, понеже не сбыстся ему, якоже помышляше. I Maccabees 6:9 И бе ту дни многи, понеже обновися на нем печаль велика, и мняше, яко умрет. I Maccabees 6:10 И созва вся други своя и рече им: отиде сон от очию моею, и испадох сердцем от печали, I Maccabees 6:11 и рех в сердцы моем: до коликия скорби доидох и волны велия, в нейже ныне есмь? Яко благ и любимь бых во власти моей: I Maccabees 6:12 ныне же поминаю злая, яже сотворих во Иерусалиме, и взях вся сосуды златы и сребряны в нем, и послах изяти обитающих во Иудеи вотще: I Maccabees 6:13 познах убо, яко сих ради обретоша мя злая сия: и се, гибну скорбию велиею в земли чуждей. I Maccabees 6:14 И призва Филиппа единаго от другов своих, и постави его над всем царством своим, I Maccabees 6:15 и даде ему диадиму и ризу свою и перстень, еже водити Антиоха сына его и воспитати его еже царствовати. I Maccabees 6:16 И умре тамо Антиох царь в лето сто четыредесять девятое. I Maccabees 6:17 И позна Лисиа, яко умре царь. И постави царствовати Антиоха сына его вместо его, егоже воспита юношу, и нарече имя ему Евпатор. I Maccabees 6:18 И сущии во краеградии заключиша Израиля окрест святых и искаху им злая всегда и утверждение языком. I Maccabees 6:19 И умысли Иуда изгнати их: и созва вся люди, да обстоят их. I Maccabees 6:20 И собрашася вкупе и обседоша их в лето сто пятьдесятое, и сотвори на них стрелостоятелницы и миханы. I Maccabees 6:21 И изыдоша от них из заключения, и прилепишася тем нецыи нечестивии от Израиля, I Maccabees 6:22 и идоша ко царю и реша: доколе не сотвориши суда и отмстиши братию нашу? I Maccabees 6:23 Мы благоволим служити отцу твоему и ходити в заповедех его и последовати повелением его: I Maccabees 6:24 и облежени суть во краеградии сынове людий наших, сего ради и отчуждаются от нас: и елицы обретахуся от нас, погубляхуся, и наследия наша расхищаема бяху: I Maccabees 6:25 и не на нас токмо простроша руку, но и на вся пределы нашя: I Maccabees 6:26 и се, ополчишася днесь на краеградие во Иерусалиме, еже взяти его и святыню, и Вефсуру утвердиша: I Maccabees 6:27 и аще не предвариши их скорее, болшая сих сотворят, и не возможеши удержати их. I Maccabees 6:28 И прогневася царь, егда услыша, и собра вся други своя и началники силы своея и иже над конники: I Maccabees 6:29 и от царств иных и от островов морских приидоша к нему силы наемницы: I Maccabees 6:30 и бысть число сил его сто тысящ пешцев и двадесять тысящ конников, и слонов тридесять два ведящих брань. I Maccabees 6:31 И приидоша сквозе Идумею и ополчишася в Вефсуре, и ратоваху дни многи и сотвориша миханы: и изыдоша и пожгоша их огнем и бишася мужественне. I Maccabees 6:32 И отиде Иуда от краеградия и ополчися в Вефсахарии противу полка царева. I Maccabees 6:33 И воста царь зело рано и воздвиже ополчение во устремлении его по пути Вефсахарии: и устроишася силы на брань, и вострубиша трубами, I Maccabees 6:34 и слоном показаша кровь гроздову и ягоды, еже поострити их на брань: I Maccabees 6:35 и разлучиша зверей на полки и приставиша коемуждо слону тысящу мужей облеченных в броня железом соплетены, и шлемы медяни на главах их, и пять сот конников вчиненых коемуждо зверю избранных. I Maccabees 6:36 Сия беша прежде времене, идеже аще бе зверь: и идеже аще идяше, идяху вкупе и не отступаху от него. I Maccabees 6:37 И пирги древяни на них крепцы защищающии на коемждо звери, препоясани на нем миханами, и на коемждо мужей силы тридесять два воюющих на них, и Индианин управитель его. I Maccabees 6:38 И прочыя конники сюду и сюду поставиша на две части полка, побуждающе и заграждающе в дебрех. I Maccabees 6:39 Егда же возсия солнце на щиты златыя и медяныя, обсияша горы от них и облисташа яко лампады огненныя. I Maccabees 6:40 И отлучися часть некая от полка царева на горы высоки, и нецыи на нижшая, и идяху крепце и чинно. I Maccabees 6:41 И поколебашася вси слышащии глас множества их, и путьшествия многих, и сражения оружий: бе бо ополчение велико зело и крепко. I Maccabees 6:42 И приближися Иуда и полк его на брань, и падоша от полка царева шесть сот мужей. I Maccabees 6:43 И увиде Елеазар сын Саварань единаго от зверей облечена в броню царску, и бяше выше прочиих зверей, и возмнеся ему, яко на нем есть царь: I Maccabees 6:44 и вдадеся сам еже избавити люди своя и сотворити себе имя вечное, I Maccabees 6:45 и тече к нему с дерзостию в средину полка, и побиваше одесную и ошуюю, и разделяхуся от него сюду и сюду: I Maccabees 6:46 и вниде под слона, и подложися ему, и уби его, и паде на землю верху его, и умре ту. I Maccabees 6:47 И видеша силу царства и устремление воев, и уклонишася от них. I Maccabees 6:48 Сущии же от полка царева взыдоша противу их на Иерусалим: и ополчися царь на Иудею и на гору Сион. I Maccabees 6:49 И сотвори мир с сущими в Вефсурех: и изыдоша из града, яко не бе им тамо пищи, еже затворитися в нем, понеже суббота бяше земли. I Maccabees 6:50 И взя царь Вефсуру и постави ту стражу хранити ю. I Maccabees 6:51 И ополчися на место святыни дни многи, и постави ту стрелостоятелницы и миханы, и огнеметницы и каменометницы и скорпионы, еже бы метати стрелы и пращы. I Maccabees 6:52 Сотвориша же и тии миханы противу михан их, и брашася дни многи. I Maccabees 6:53 Пища же не бяше во граде, занеже седмое лето бе, и избежавшии во Иудею от язык поядоша останок сокровения. I Maccabees 6:54 И осташася во святилищи мужей мало, яко объят их глад, и расточени быша кийждо в место свое. I Maccabees 6:55 И слыша Лисиа, яко Филипп, егоже постави царь Антиох, еще жив сый, да воспитает Антиоха сына его, во еже царствовати ему, I Maccabees 6:56 возвратися от Персиды и Мидии, и вои царстии ходившии с ним, и яко ищет прияти вещы: I Maccabees 6:57 и потщася поити от краеградия и глаголати ко царю и воеводам силы и к мужем: оскудеваем на всяк день, и пища нам мала (есть), и место, еже обстоим, утверждено, и надлежит нам (строити) яже о царстве: I Maccabees 6:58 ныне убо дадим десницу человеком тем и сотворим с ними мир и со всеми людьми их, I Maccabees 6:59 и уставим им, да ходят в законех своих, якоже прежде: ради бо законов своих, яже разрушихом, прогневашася и сотвориша вся сия. I Maccabees 6:60 И угодно бысть слово пред царем и началники, и посла к ним мир сотворити. И прияша. I Maccabees 6:61 И клятся им царь и началницы: о сих изыдоша из твердыни. I Maccabees 6:62 И вниде царь в гору Сион и виде твердыню места: и отвержеся клятвы, еюже клятся, и повеле разорити стену окрест. I Maccabees 6:63 И отиде тщателно и возвратися во Антиохию, и обрете Филиппа господствующа над градом, и воева нань, и взя град нуждею. I Maccabees 7:0 I Maccabees 7:1 Лета сто пятьдесят перваго, изыде Димитрий Селевкиев сын от Рима, и взыде с малыми людьми во град приморский, и воцарися тамо. I Maccabees 7:2 И бысть, егда вхождаше в дом царства отец своих, яша силы Антиоха и Лисию привести их к нему. I Maccabees 7:3 И уведана бысть ему вещь, и рече: не покажите ми лиц их. I Maccabees 7:4 И убиша их воини, и седе Димитрий на престоле царства своего. I Maccabees 7:5 И приидоша к нему вси мужие беззаконнии и нечестивии от Израиля, и Алким предвождаше их, хотяй жречествовати: I Maccabees 7:6 и оклеветаша людий пред царем, глаголюще: погуби Иуда и братия его всех другов твоих и нас расточи от земли нашея: I Maccabees 7:7 ныне убо посли мужа, емуже вериши, да идет и видит истребления вся, яже сотвори нам и стране царстей, и да мучит их и всех помогающих им. I Maccabees 7:8 И избра царь Вакхида друга царска, иже господствоваше об ону страну реки, и великаго в царстве и верна цареви, I Maccabees 7:9 и посла его и Алкима нечестиваго, и устави ему жречество, и повеле ему сотворити отмщение в сынех Израилевых. I Maccabees 7:10 И отидоша и приидоша с силою велиею в землю Иудину: и посла вестники ко Иуде и братии его словесы мирными с лестию. I Maccabees 7:11 И не вняша словесем их: видеша бо, яко приидоша с силою велиею. I Maccabees 7:12 И собрашася ко Алкиму и Вакхиду собрания книжник изыскати праведная. I Maccabees 7:13 И первии Асидее беху в сынех Израилевых, и искаху от них мира. I Maccabees 7:14 Рекоша бо: человек жрец от семене Аароня прииде в силах и не изобидит нас. I Maccabees 7:15 И глагола с ними словеса мирна и клятся им, глаголя: не воздам вам злая, ниже другом вашым. И вероваша ему. I Maccabees 7:16 И поима от них шестьдесят мужей и уби их во един день по словесех, якоже писано есть: I Maccabees 7:17 плоти преподобных Твоих и крови их пролияша окрест Иерусалима, и не бе погребаяй их. I Maccabees 7:18 И нападе страх их и трепет на вся люди, яко рекоша: несть в них истины и суда: преступиша бо уставление и клятву, еюже кляшася. I Maccabees 7:19 И воздвижеся Вакхид от Иерусалима и ополчися в Визефе, и посла и ят многих отступивших от него мужей и некиих от людий, и закла их, (и) в кладязь велик (вверже): I Maccabees 7:20 и вручи страну Алкиму и остави силу в помощь ему: и отиде Вакхид ко царю. I Maccabees 7:21 И подвизашеся Алким о архиерействе. I Maccabees 7:22 И собрашася к нему вси возмущающии люди своя, и одержаша землю Иудину, и сотвориша язву велику во Израили. I Maccabees 7:23 И виде Иуда вся злая, яже сотвори Алким, и иже с ним бяху, сыном Израилевым паче языков. I Maccabees 7:24 И изыде во вся пределы Иудейския по окрест и сотвори отмщение на мужех отторгшихся, и престаша ходити во страну. I Maccabees 7:25 Егда же увиде Алким, яко укрепися Иуда и иже с ним, и позна, яко не может противостояти им, и возвратися ко царю и оклевета их лукавне. I Maccabees 7:26 И посла царь Никанора, единаго от началник своих славных, и ненавидящаго и враждующаго на Израиля, и повеле ему избити люди. I Maccabees 7:27 И прииде Никанор во Иерусалим с силою великою и посла ко Иуде и братии его с лестию словесы мирными, глаголя: I Maccabees 7:28 да не будет брань между мною и вами: прииду с мужы малыми, да вижду лица ваша с миром. I Maccabees 7:29 И прииде ко Иуде, и поздравляху друг друга мирно: и воини уготовани бяху восхитити Иуду. I Maccabees 7:30 И познася слово Иуде, яко с лестию прииде к нему: и устрашися от него и не восхоте ктому видети лица его. I Maccabees 7:31 И позна Никанор, яко открыся совет его, и изыде во сретение Иуде бранию близ Харфарсарама. I Maccabees 7:32 И падоша от сущих при Никаноре яко пять тысящ мужей, и бежаша во град Давидов. I Maccabees 7:33 И по словесех сих взыде Никанор на гору Сион: и изыдоша от иереев от святых и от старейшин людских поздравити его мирно и показати ему всесожжение приносимое за царя. I Maccabees 7:34 И поругася им и посмеяся им, и оскверни их и глагола гордо. I Maccabees 7:35 И клятся с яростию, рекий: аще не предастся Иуда и воини его в руки моя ныне, и будет, егда возвращуся в мире, сожгу храм сей. И изыде с яростию велиею. I Maccabees 7:36 И внидоша жерцы и сташа пред лицем олтаря и храма и плачуще рекоша: I Maccabees 7:37 Ты, Господи, избрал еси храм сей, нарещися имени Твоему в нем, да будет храм молитвы и прошения людем Твоим: I Maccabees 7:38 сотвори отмщение на человеце сем и на воех его, и да падут мечем: помяни хуления их и не даждь им обиталища. I Maccabees 7:39 И изыде Никанор от Иерусалима и ополчися в Вефороне и срете его сила Сирска. I Maccabees 7:40 Иуда же приближися во Адасу с тремя тысящьми мужей. И помолися Иуда и рече: I Maccabees 7:41 иже послани бяху от царя Ассирийскаго (Сеннахирима), Господи, егда похулиша Тя, изыде Ангел Твой и порази от них сто осмьдесят пять тысящ: I Maccabees 7:42 тако сокруши ополчение сие пред нами днесь, и да познают прочии, яко зло глагола на святая Твоя, и суди ему по злобе его. I Maccabees 7:43 И сотвориша воини брань в третийнадесять день месяца Адара, и сотреся ополчение Никанорово, и паде сам первый во брани. I Maccabees 7:44 Егда же увидеша вои его, яко паде Никанор, повергше оружия своя бежаша. I Maccabees 7:45 И гнаша их путь дне единаго от Адаса, дондеже приити в Газир, и трубами трубиша вслед их со знаменами. I Maccabees 7:46 И изыдоша от всех сел Иудейских окрест и заключиша их рогами, и возвращахуся тии к ним и падоша вси мечем, и не оста от них ни един. I Maccabees 7:47 И взяша корысти их и плен, и главу Никанорову отсекоша, и десницу его, юже простре гордо, и принесоша и повесиша противу Иерусалима. I Maccabees 7:48 И возвеселишася людие зело, и сотвориша день той день веселия великаго, I Maccabees 7:49 и уставиша праздновати на всяко лето день той третийнадесять месяца Адара. I Maccabees 7:50 И умолче земля Иудина на дни малы. I Maccabees 8:0 I Maccabees 8:1 И слыша Иуда имя Римлян, яко суть сильни крепостию, и тии благоволят о всех приложившихся к ним, и елицы приидут к ним, составляют с ними дружбу, и яко суть сильни крепостию. I Maccabees 8:2 И поведаша ему брани их и мужества блага, яже творят в Галатех, и яко одержаша их и приведоша их под дань: I Maccabees 8:3 и колика сотвориша во стране Испанийстей, еже удержати руды сребра и злата, еже тамо: и одержаша всяко место советом своим и долготерпением, I Maccabees 8:4 и место бе далече отстоящо от них зело: и царей нашедших на них от края земли сотроша, и поразиша их язвою великою, прочии же дают им дань по вся лета: I Maccabees 8:5 и Филиппа и Персеа Китиейскаго царя, и воставших на них сокрушиша их в брани и одержаша их: I Maccabees 8:6 и Антиоха великаго царя Асийскаго, шедшаго противу их на брань, имущаго сто двадесять слонов, конники и колесницы и силу велию зело, и сотрен бысть от них: I Maccabees 8:7 и яша его жива, и уставиша, да дает им той и царствующии по нем дань велику, и даяти залог и уставление, I Maccabees 8:8 и страну Индийску и Мидию, и Лидию и от предобрых стран их, и взявше их от него даша я Евмению царю: I Maccabees 8:9 и яко совещаша сущии от Еллады приити и взяти их: и уведано бысть слово тем, I Maccabees 8:10 и послаша на них воеводу единаго и воеваша на них, и падоша от них язвении мнози, и плениша жен их и чад их, и разграбиша их и землю их одержаша, и разориша твердыни их и поработиша их даже до сего дне: I Maccabees 8:11 и прочая царства и островы, иже некогда противишася им, истребиша и поработиша их: I Maccabees 8:12 с други же своими и примиряющимися к ним сохраняху дружбу, и одержаху царства ближняя и дальняя, и елицы слышаху имя их, бояхуся от них: I Maccabees 8:13 елицем же аще хотят помогати и воцаряти, царствуют: и ихже аще хотят, пременяют: и вознесошася зело: I Maccabees 8:14 и во всех сих не возлагаше ни един от них диадимы, ни облачашеся в порфиру, еже возвеличитися о ней: I Maccabees 8:15 и советную палату сотвориша себе, и на всяк день советоваху в ней о множестве (народов) еже благоустрояти их: I Maccabees 8:16 и вверяют единому человеку началство свое по лету, и господствовати всею землею их, и вси повинуются единому, и несть зависти ниже рвения в них. I Maccabees 8:17 И избра Иуда Евполемона сына Иоаннова, сына Аккосова, и Иасона сына Елеазарова, и посла их в Рим, составити с ними дружбу и споборение, I Maccabees 8:18 и еже отяти от них иго их, понеже видеша царство Еллинское порабощающее Израиля в работу. I Maccabees 8:19 И идоша в Рим, путь же велий зело, и внидоша в палату советную, и отвещаша и реша: I Maccabees 8:20 Иуда Маккавей и братия его и множество Иудейское послаша нас к вам составити с вами дружбу и мир и вписати нас споборниками и другами вашими. I Maccabees 8:21 И угодно бысть слово пред ними. I Maccabees 8:22 И сие списание послания, еже восписаша на дщицах медяных и послаша во Иерусалим быти у них тамо в память мира и споборства: I Maccabees 8:23 благо да будет Римляном и языку Иудейску на мори и на земли в век, оружие же и врази далече да будут от них: I Maccabees 8:24 аще же наступит брань Римляном первее или всем споборником их во всем господстве их, I Maccabees 8:25 споборет язык Иудейский, якоже время определит им, сердцем полным: I Maccabees 8:26 и ратующым не дадут, ниже ссудят пшеницею, оружием, сребром, кораблями, якоже угодно Римляном, и сохранят заповеди их ничтоже вземлюще: I Maccabees 8:27 такожде аще и языку Иудейску прежде случится брань, помогут Римляне от души, якоже им время определит: I Maccabees 8:28 и споборающым не дастся пшеница, оружие, сребро, корабли, якоже угодно Римляном: и сохраняти заповеди их, и без лести. I Maccabees 8:29 По сим словесем уставиша Римляне людем Иудейским. I Maccabees 8:30 Аще же по словесех сих совещаются сии и онии приложити или отяти нечто, сотворят от произволения своего, и еже аще приложат или отимут, будут тверда. I Maccabees 8:31 А о злобах, яже царь Димитрий творит в них, писахом ему, глаголюще: вскую отяготил еси иго твое на други нашя споборники Иудеи? I Maccabees 8:32 Аще убо паки прибегнут к нам на тя, сотворим им суд и ополчимся на тя морем и землею. I Maccabees 9:0 I Maccabees 9:1 И слыша Димитрий, яко паде Никанор и силы его во брани, и приложи Вакхида и Алкима паки послати во Иудею, и десный рог с ними. I Maccabees 9:2 И идоша путем, иже (ведет) в Галгалы, и ополчишася на Месалоф, иже есть во Арвилех, и взяша его, и побиша душ человеческих много. I Maccabees 9:3 И в месяц первый лета сто пятьдесят втораго, приступиша воини ко Иерусалиму, I Maccabees 9:4 и восташа и идоша в Верею в двадесяти тысящах мужей и две тысящы конников. I Maccabees 9:5 Иуда же бе ополчен во Елаасе, и три тысящы мужей избранных с ним. I Maccabees 9:6 И видеша множество сил, яко многи суть, и устрашишася зело: и избегоша мнози от полка, и не остася от них токмо осмь сот мужей. I Maccabees 9:7 И виде Иуда, яко расточися полк его, и брань оскорбляше его: и сокрушися сердцем, яко не имеяше времене собрати их, I Maccabees 9:8 и ослабе и рече оставшым: востанем и взыдем на супостаты нашя, аще можем ратовати противу их. I Maccabees 9:9 И отвращаху его рекуще: не можем, но спасем токмо душы своя ныне, и возвратимся со братиею нашею, и ополчимся на них: мы же мали. I Maccabees 9:10 И рече Иуда: не буди ми сотворити вещь сию, еже бежати от них: и аще приближися время наше, умрем мужественно ради братии нашея и не оставим вины славе нашей. I Maccabees 9:11 И воздвижеся сила от полка и ста во сретение им, и разлучишася конницы на две части, и пращницы и стрелцы предидяху силе, и предподвижницы вси сильнии. I Maccabees 9:12 Вакхид же бе на деснем розе, и приближися полк от двою страну, и возглашаху трубами. I Maccabees 9:13 И вострубиша, иже бяху от страны Иудины, и тии трубами: и поколебася земля от гласа ополчений. И бысть брань сражена от утра даже до вечера. I Maccabees 9:14 И виде Иуда, яко Вакхид и крепость полка в десных: и собрашася к нему вси крепцыи сердцем: I Maccabees 9:15 и сотреся десный рог от них, и гнаше вслед их даже до горы Азота. I Maccabees 9:16 И сущии в левем розе видеша, яко сотреся десный рог, и обратишася по стопам Иудиным и сущих с ним созади. I Maccabees 9:17 И отягчися брань, и падоша язвени мнози от сих и от тех: I Maccabees 9:18 и Иуда паде, прочии же бежаша. I Maccabees 9:19 И взяста Ионафан и Симон Иуду брата своего и погребоста его во гробе отец его в Модине. I Maccabees 9:20 И плакашася о нем и рыдаше его весь Израиль плачем велиим, и сетоваху дни многи и рекоша: I Maccabees 9:21 како паде сильный спасаяй Израиля? I Maccabees 9:22 Прочая же словес и браней Иудиных и благих мужеств, ихже сотвори, и величества его, не суть писана: многа бо бяху зело. I Maccabees 9:23 И бысть по преставлении Иудине, проникоша беззаконнии во всех пределех Израилевых, и прозябоша вси делающии беззаконие. I Maccabees 9:24 Во дни оны бысть глад велик зело, и отступи страна с ними. I Maccabees 9:25 И избра Вакхид нечестивых мужей и постави их господиями страны. I Maccabees 9:26 И искаху и испытаху другов Иудиных и привождаху тех к Вакхиду: и мстяше им и посмевашеся им. I Maccabees 9:27 И бысть скорбь велика во Израили, яже не бысть от дний, в нихже не явися пророк во Израили. I Maccabees 9:28 И собрашася вси друзи Иудины и рекоша Ионафану: I Maccabees 9:29 отнележе брат твой Иуда скончася, и муж подобен ему несть изыти противу врагов и Вакхида и враждующих языку нашему: I Maccabees 9:30 ныне убо тебе днесь избрахом, еже быти вместо его нам в началника и вожда, еже ратовати во брани нашей. I Maccabees 9:31 И прия Ионафан во время оно началство и воста вместо Иуды брата своего. I Maccabees 9:32 И позна Вакхид и искаше его убити. I Maccabees 9:33 И позна Ионафан и Симон брат его и вси иже с ним (бяху), и побегоша в пустыню Фекуе, и ополчишася при воде рва Асфара. I Maccabees 9:34 И позна Вакхид в день суббот, и прейде сам и вси вои его об ону страну Иордана. I Maccabees 9:35 И посла Ионафан брата своего вожда народу и моли Наватеов другов своих представити им приготовление их многое. I Maccabees 9:36 И изыдоша сынове Иамвриины от Мидавы, и яша Иоанна и вся елика име, и отидоша имуще та. I Maccabees 9:37 По словесех же сих возвестиша Ионафану и Симону брату его, яко сынове Иамвриины творят брак великий и ведут невесту от Надавафа, дщерь единаго от великих вельмож Ханаанских, с гордостию велиею. I Maccabees 9:38 И помянуша Иоанна брата своего, и взыдоша, и скрышася под сению горы: I Maccabees 9:39 и воздвигнуша очи свои и видеша, и се, плищь и уготование многое, и жених изыде и друзи его и братия его бо сретение им с тимпаны и мусикиами и оружии многими: I Maccabees 9:40 и восташа на них от засады иже при Ионафане и убиша их, и падоша язвени мнози, прочии же бегоша в гору: и взяша вся корысти их. I Maccabees 9:41 И обратися брак в сетование, и глас мусикии их в плачь. I Maccabees 9:42 И отмстиша отмщение крове брата своего и возвратишася на брег Иорданский. I Maccabees 9:43 И слыша Вакхид и прииде в день субботный даже до брегов Иорданских с силою многою. I Maccabees 9:44 И рече ко своим Ионафан: востанем ныне и ополчимся за душы нашя, несть бо днесь якоже вчера и третияго дне: I Maccabees 9:45 се бо, брань противу нас и созади нас: вода же Иорданская сюду и сюду, и блато и лес, и несть места, еже уклонитися: I Maccabees 9:46 ныне убо возопийте на небо, да избавитеся от рук врагов ваших. И сразися брань. I Maccabees 9:47 И простре Ионафан руку свою убити Вакхида, и уклонися и него вспять. I Maccabees 9:48 И вскочи Ионафан и иже с ним во Иордан, и преплываху на об ону страну, и не преидоша по них Иордана. I Maccabees 9:49 И падоша от страны Вакхидины дне онаго яко тысяща мужей. I Maccabees 9:50 И возвратися во Иерусалим и созда грады тверды во Иудеи, твердыню во Иерихоне и яже во Еммауме и Вефороне, и Вефили и Фемнафе, и Фарафоне и Тефоне, со стенами высокими и вратами и заворами, I Maccabees 9:51 и постави стражу в них, еже враждовати Израилю: I Maccabees 9:52 и утверди град иже в Вефсуре, и Газару, и краеградие, и постави в них силы и предложение брашен: I Maccabees 9:53 и взя сыны вождов страны в залог и посади их в краеградии во Иерусалиме под стражею. I Maccabees 9:54 И в лето сто пятьдесят третие месяца втораго, заповеда Алким разорити стену двора святых внутренняго, и разори дела пророков, и нача разоряти. I Maccabees 9:55 Во время оно поражен бысть Алким, и воспятишася дела его, и заградишася уста его, и разслабе и не можаше ктому глаголати слова и заповедати о доме своем. I Maccabees 9:56 И умре Алким во время оно с мукою велиею. I Maccabees 9:57 И виде Вакхид, яко умре Алким, и возвратися ко царю. И умолча земля Иудина лета два. I Maccabees 9:58 И совещаша вси беззаконницы рекуще: се, Ионафан и иже с ним в покои обитают уповающе: ныне убо наведем Вакхида, и поимает их всех во едину нощь. I Maccabees 9:59 И шедше совещашася с ним. I Maccabees 9:60 И воста ити с силою многою и посла епистолии тай всем споборителем его, иже во Иудеи, да имут Ионафана и сущих с ним. И не возмогоша, яко познася им совет их. I Maccabees 9:61 И яша от мужей страны началников злобы пятьдесят мужей и убиша их. I Maccabees 9:62 И отиде Ионафан и Симон и иже с ними в Вефвасию, яже в пустыни, и созда разореная ея и укрепи ю. I Maccabees 9:63 И позна Вакхид, и собра все множество свое, и сущым от Иудеи возвести. I Maccabees 9:64 И шед ополчися на Вефвасию, и воеваше ю дни многи, и сотвори миханы. I Maccabees 9:65 И остави Ионафан Симона брата своего во граде, и изыде во страну, и изыде в числе. I Maccabees 9:66 И порази Одомира и братию его и сынов Фасироних в жилищих их, и нача избивати и восходити в силах. I Maccabees 9:67 Симон же и иже с ним изыдоша из града и пожгоша миханы, I Maccabees 9:68 и ратоваху противу Вакхида, и сотреся от них, и озлобляху его зело, яко бе совет его и поход его вотще. I Maccabees 9:69 И прогневася яростию на мужей беззаконных, советовавших ему приити во страну, и уби от них многих, и совещася отити в землю свою. I Maccabees 9:70 И позна Ионафан и посла к нему старейшин составити мир с ним и отдати им плен. I Maccabees 9:71 И прия, и сотвори по словесем его, и клятся ему не искати ему зла во вся дни живота его. I Maccabees 9:72 И отдаде ему плен, егоже прежде плени от земли Иудины: и возвращься отиде в землю свою и не приложи ктому приити в пределы их. I Maccabees 9:73 И преста мечь от Израиля. И обита Ионафан в Махмасе: и нача Ионафан судити люди и истреби нечестивых от Израиля. I Maccabees 10:0 I Maccabees 10:1 И в лето сто шестьдесятое взыде Александр сын Антиохов Епифан и одержа Птолемаиду: и прияша его, и царствова тамо. I Maccabees 10:2 И слыша Димитрий царь, и собра воев много зело, и изыде противу ему на брань. I Maccabees 10:3 И посла Димитрий ко Ионафану епистолии словесы мирными, величая его. I Maccabees 10:4 Рече бо: предварим сотворити мир с ним, прежде неже сотворит со Александром противу нас: I Maccabees 10:5 воспомянет бо вся злая, яже сотворихом на него и на братию его и на язык его. I Maccabees 10:6 И даде ему власть собирати воины и уготовляти оружия, и быти ему другом его, и залог, иже бе в краеградии, повеле отдати ему. I Maccabees 10:7 И прииде Ионафан во Иерусалим и прочте епистолии во услышание всем людем и иже от краеградия. I Maccabees 10:8 И устрашишася страхом велиим, егда услышаша, яко даде ему царь власть собирати воины. I Maccabees 10:9 И предаша иже от краеградия Ионафану залог, и отдаде их родителем их. I Maccabees 10:10 И обита Ионафан во Иерусалиме, и нача созидати и обновляти град, I Maccabees 10:11 и рече ко творящым дела созидати стены и гору Сион окрест от камений четвероуголных ко утверждению, и сотвориша сице. I Maccabees 10:12 И побегоша иноплеменницы, иже бяху в твердынех, яже созда Вакхид: I Maccabees 10:13 и остави кийждо место свое и отиде в землю свою. I Maccabees 10:14 Обаче в Вефсуре осташася нецыи от оставльших закон и заповеди (Божия): бе бо им убежище. I Maccabees 10:15 И слыша Александр царь обещания, елика посла Димитрий Ионафану, и поведаша ему брани и мужества, яже сотвори той и братия его, и труды, яже имеху. I Maccabees 10:16 И рече: еда обрящем коего мужа такова? И ныне сотворим его в друга и споборника нашего. I Maccabees 10:17 И написа епистолии и посла ему по словесем сим, глаголя: I Maccabees 10:18 царь Александр брату Ионафану радоватися: I Maccabees 10:19 слышахом о тебе, яко муж силен еси крепостию и угоден еси быти нам друг: I Maccabees 10:20 и ныне поставихом тя днесь архиереа языка твоего, и еже другом царевым нарицатися (и посла ему порфиру и венец злат), и мудрствовати таяжде с нами и снабдевати дружбу к нам. I Maccabees 10:21 И облечеся Ионафан во святую ризу седмаго месяца лета сто шестьдесятаго, в день праздника сенопотчения, и собра силы и уготова оружия многа. I Maccabees 10:22 И слыша Димитрий словеса сия, и опечалися зело, и рече: I Maccabees 10:23 что сие сотворихом, яко предвари нас Александр составити дружбу со Иудеи во утверждение? I Maccabees 10:24 Напишу и аз им словеса просителная и возвышения и дары, яко да будут со мною в помощь. I Maccabees 10:25 И написа им по словесем сим: Царь Димитрий языку Иудейскому радоватися: I Maccabees 10:26 понеже сохранисте заветы к нам и пребывасте в дружбе нашей и не приступисте ко врагом нашым, слышахом и радовахомся: I Maccabees 10:27 и ныне пребывайте еще сохранити к нам веру, и воздадим вам благая, ихже ради творите с нами, I Maccabees 10:28 и оставим вам дани многи, и дадим вам дары: I Maccabees 10:29 и ныне свободных творю вас и оставляю всем Иудеом дани и цену от соли и от венцев: I Maccabees 10:30 и еже вместо третины семене и вместо половины плода древеснаго надлежащаго ми взяти, оставляю от днесь и потом, еже не взимати от земли Иудины и от триех стран прилежащих ей, от Самарии и Галилеи, и от днешняго дне и в вечное время: I Maccabees 10:31 и Иерусалим да будет свят и свободен со пределы своими, и десятины и дани: I Maccabees 10:32 оставляю и власть краеградия еже во Иерусалиме, и даю архиерею, да поставит в нем мужы, ихже аще изберет сам, хранити его: I Maccabees 10:33 и всяку душу Иудейскую, яже пленена есть от земли Иудины, во всем царстве моем оставляю свободну туне, и вси да оставятся от даней и скотов своих: I Maccabees 10:34 и вси праздницы и субботы и новомесячия и дние вчиненнии, и три дни прежде праздника и три дни по празднице, да будут вси дние свободы и оставления всем Иудеом сущым во царствии моем: I Maccabees 10:35 и никто имети будет власти делати и стужати кому от них о всяцей вещи: I Maccabees 10:36 и да напишутся от Иудей в воины царския до тридесяти тысящ мужей, и да дадутся им оброцы, якоже подобает всем воем царским: I Maccabees 10:37 и да поставятся от них в твердынех царских велиих, и от сих поставятся на потребы царства сущыя в верность: и сущии над ними и началницы да будут от них, и да ходят в законех своих, якоже повеле царь в земли Иудине: I Maccabees 10:38 и три пределы, прилежащии Иудеи от страны Самарийския, да приложатся ко Иудеи, да вменятся быти под единым, еже не послушати иныя власти, но токмо архиереа: I Maccabees 10:39 Птолемаиду и пределы ея дах в дар святым, сущым во Иерусалиме, на приличное иждивение святым, I Maccabees 10:40 и аз дам на коеждо лето пятьнадесять тысящ сикль сребра от сокровищ царских от мест прилежащих: I Maccabees 10:41 и всякое излишнее, еже не воздаша от потреб, якоже в первых летех, отныне дадут в дела храму: I Maccabees 10:42 и свыше сих пять тысящ сиклей сребра, ихже взимаху от потреб святилища, якоже в прежних летех от собрания на всякое лето, и сия оставляются, понеже надлежат сия жерцем служащым: I Maccabees 10:43 и елицы аще прибегнут к церкви сущей во Иерусалимех и во всех пределех его, одолжени суще царскими и всякою вещию, да отрешаются, и вся елика суть им во царствии моем: I Maccabees 10:44 и созидати и обновляти дела святых, и иждивение дастся от сокровища царскаго: I Maccabees 10:45 и еже созидати стены Иерусалима и утвердити окрест, и иждивение дастся от собрания царска, и еже создати стены во Иудеи. I Maccabees 10:46 Егда же услыша Ионафан и людие словеса сия, не вероваша им, ниже прияша, яко помянуша злобу велию, юже сотвори во Израили, и оскорби их зело. I Maccabees 10:47 И благоволиша о Александре, яко сей бысть им началник словес мирных, и споборяху ему во вся дни. I Maccabees 10:48 И собра царь Александр силу велию и ополчися противу Димитриа. I Maccabees 10:49 И сотвориша брань два царя, и побеже полк Димитриев, и гна его Александр и укрепися на них. I Maccabees 10:50 И превозможе брань зело, дондеже зайде солнце, и паде Димитрий в день он. I Maccabees 10:51 И посла Александр ко Птоломею царю Египетскому послы по словесем сим, рекий: I Maccabees 10:52 понеже возвратихся в землю царства моего, и седох на престоле отец моих, и одержах началство, и сокруших Димитриа, и возобладах страною нашею, I Maccabees 10:53 и составих противу его рать, и сокрушися той и ополчение его от нас, и седохом на престоле царства его: I Maccabees 10:54 и ныне составим между нами дружбу, и ныне даждь мне дщерь твою в жену, и буду зять твой, и дам тебе дары, и ей достойная тебе. I Maccabees 10:55 И отвеща царь Птоломей глаголя: благ день, в оньже возвратился еси в землю отец твоих и сел еси на престоле царства их: I Maccabees 10:56 и ныне сотворю ти, яже писал еси: но срящися во Птолемаиде, яко да видим друг друга, и будеши ми зять, якоже рекл еси. I Maccabees 10:57 И изыде Птоломей от Египта сам и Клеопатра дщи его, и внидоша во Птолемаиду лета сто шестьдесят втораго. I Maccabees 10:58 И срете его Александр царь: и даде ему Клеопатру дщерь свою и сотвори брак ея во Птолемаиде, якоже царие во славе велицей. I Maccabees 10:59 И написа Александр царь Ионафану приити во сретение ему. I Maccabees 10:60 И иде со славою во Птолемаиду и срете оба царя: и даде има сребро и злато и другом их, и дары многи, и обрете благодать пред нима. I Maccabees 10:61 И собрашася нань мужие губителе от Израиля, мужие беззаконнии клеветати нань. И не внят им царь. I Maccabees 10:62 И повеле царь совлещи Ионафана с риз его и облещи его в порфиру. И сотвориша тако. I Maccabees 10:63 И посади его царь с собою и рече началником своим: изыдите с ним на среду града и проповедите ни единому клеветати нань ни о единей вещи, и ни един ему да стужит о всяцем глаголе. I Maccabees 10:64 И бысть егда увидеша клеветницы славу его, якоже проповедаша, и облечена его порфирою, и бежаша вси. I Maccabees 10:65 И прослави его царь, и написа его в первых друзех, и постави его воеводу и участника началства. I Maccabees 10:66 И возвратися Ионафан во Иерусалим с миром и веселием. I Maccabees 10:67 И в лето сто шестьдесят пятое прииде Димитрий сын Димитриев от Крита в землю отец своих. I Maccabees 10:68 И слыша Александр царь, и опечалися зело, и возвратися во Антиохию. I Maccabees 10:69 И постави Димитрий Аполлониа сущаго от Килисирии: и собра силу велию, и ополчися во Иамнии, и посла ко Ионафану архиерею, глаголя: I Maccabees 10:70 ты ли един возносишися на ны, аз же бых в посмех и в поношение тебе ради: и чесо ради ты властелствуеши над нами в горах? I Maccabees 10:71 Ныне убо, аще надеешися в силах твоих, изыди к нам на поле и искусимся ту между собою, яко со мною есть сила градов: I Maccabees 10:72 вопроси и научися, кто есмь? И прочии помогающии нам, и глаголют: несть вам стояния ноги пред лицем нашим, яко дващи в бег обратишася отцы твои в земли их: I Maccabees 10:73 и ныне не возможеши стерпети конника и силы таковыя в поли, идеже несть камене, ни стены, ни места к бежанию. I Maccabees 10:74 Егда же услыша Ионафан словеса Аполлониева, подвижеся мыслию, и избра десять тысящ мужей, и изыде из Иерусалима, и снидеся с ним Симон брат его в помощь ему. I Maccabees 10:75 И ополчися на Июппию, и заступиша ему от града, яко стража Аполлониева в Июппии бысть, и ратоваша ю. I Maccabees 10:76 И убоявшеся отверзоша иже из града, и облада Ионафан Июппиею. I Maccabees 10:77 И слыша Аполлоний, и собра три тысящы конник и силу велию, и иде во Азот аки путьшествуя, и абие изыде на поле, зане имеяше множество конник и надеяшеся на них. I Maccabees 10:78 И гна Ионафан вслед его во Азот, и сразишася полцы на рать. I Maccabees 10:79 И остави Аполлоний тысящу конник созади их в тайне. I Maccabees 10:80 И позна Ионафан, яко есть засада созади его. И окружиша полк его и стреляху на люди от утра даже до вечера, I Maccabees 10:81 людие же стояша, якоже заповеда Ионафан: и утрудишася кони их. I Maccabees 10:82 И приведе Симон силу свою и нападе на полк: конницы бо утруждени бяху, и сокрушишася от него и побегоша, I Maccabees 10:83 и конницы расточишася по полю и бегоша во Азот, и внидоша в Вифдагон капище его, еже уцелети. I Maccabees 10:84 И пожже Ионафан Азот и грады иже беху окрест его, и взя корысти их и капище Дагоново, и вбегших в не пожже огнем. I Maccabees 10:85 И бысть падших мечем с сожжеными яко осмь тысящ мужей. I Maccabees 10:86 И отиде оттуду Ионафан и прииде во Аскалон, и изыдоша от града во сретение ему в славе велицей. I Maccabees 10:87 И возвратися Ионафан во Иерусалим с сущими с ним, имуще корысти многи. I Maccabees 10:88 И бысть егда услыша Александр царь словеса сия, и приложи прославити Ионафана: I Maccabees 10:89 и посла ему гривну златую якоже обычай есть даяти сродником царевым, и даде ему Аккарон и вся пределы его во одержание. I Maccabees 11:0 I Maccabees 11:1 И царь Египетский собра силу многу аки песок, иже вскрай моря, и корабли многи: и искаше обладати царство Александрово лестию и приложити е к царству своему. I Maccabees 11:2 И изыде в Сирию словесы мирными, и отверзаху ему иже от градов и сретаху его, яко заповедь бе Александра царя сретати его, зане бяше тесть его. I Maccabees 11:3 Егда же вхождаше во грады, Птоломей поставляше силы на стражу в коемждо граде. I Maccabees 11:4 Егда же приближися ко Азоту, показаша ему капище Дагоново сожжено, и Азот и окрестныя грады его разорены, и телеса повержена, и побиеных, ихже поби во брани: сметаша бо я в купы их при пути его. I Maccabees 11:5 И поведаша царю, яже сотвори Ионафан, еже бы возненавидети его. И умолча царь. I Maccabees 11:6 И срете Ионафан царя во Июппии со славою, и целоваста друг друга и почиста ту. I Maccabees 11:7 И иде Ионафан со царем даже до реки нарицаемыя Елевфера, и возвратися во Иерусалим. I Maccabees 11:8 Царь же Птоломей огосподствова грады приморскими даже до Селевкии приморския и размышляше на Александра советы лукавы. I Maccabees 11:9 И посла старейшин к Димитрию царю, глаголя: прииди, составим между нама завет, и дам тебе дщерь мою, юже имать Александр, и царствовати имаши во царствии отца твоего: I Maccabees 11:10 раскаяхся бо дав ему дщерь мою, искаше бо мя убити. I Maccabees 11:11 И похули его ради похотения царства его. I Maccabees 11:12 И отяв дщерь свою, даде ю Димитрию и отчуждися от Александра, и явися вражда их. I Maccabees 11:13 И вниде Птоломей во Антиохию и возложи две диадимы на главу свою, Асийскую и Египетскую. I Maccabees 11:14 Александр же царь бе в Киликии во времена она, понеже отметахуся иже от мест оных. I Maccabees 11:15 И слыша Александр и прииде нань бранию: и изведе Птоломей силу, и срете его рукою крепкою, и прогна его. I Maccabees 11:16 И побеже Александр во Аравию защититися тамо: царь же Птоломей вознесеся. I Maccabees 11:17 И усекну Завдииль Аравитин главу Александрову и посла Птоломею. I Maccabees 11:18 И царь Птоломей умре в третий день, и сущии в твердынех погибоша от сущих в твердынех. I Maccabees 11:19 И воцарися Димитрий в лето сто шестьдесят седмое. I Maccabees 11:20 Во дни оны собра Ионафан сущих от Иудеи, да воюют краеградие, еже во Иерусалиме, и сотвори на оное миханы многи. I Maccabees 11:21 И идоша нецыи ненавидящии языка их, мужие беззаконницы, ко царю Димитрию и возвестиша ему, яко Ионафан обстоит краеградие. I Maccabees 11:22 И слышав разгневася: егда же слыша, скоро прииде во Птолемаиду и написа ко Ионафану, да не обстоит краеградия, но да идет во сретение ему тщателно во Птолемаиду, еже беседовати с ним. I Maccabees 11:23 Егда же услыша Ионафан, повеле обстояти, и избра от старейшин Израилевых и иереев, и вдадеся в бедство: I Maccabees 11:24 и взяв злато и сребро и ризы и ины дары многи, иде ко царю во Птолемаиду и обрете благодать пред ним. I Maccabees 11:25 И клеветаху на него нецыи беззаконнии от языка (его). I Maccabees 11:26 И сотвори ему царь, якоже сотвориша ему, иже прежде его быша, и возвыси его пред всеми други своими, I Maccabees 11:27 и постави его началника священству, и елика ина имеяше прежде честная, и сотвори его в первых друзех быти. I Maccabees 11:28 И моли Ионафан царя сотворити Иудею безданну, и три топархии, и Самарию, и обеща ему триста талант. I Maccabees 11:29 И угодно бысть царю, и написа Ионафану епистолии о всех сих, имеющыя образ сицевый: I Maccabees 11:30 царь Димитрий брату Ионафану радоватися и языку Иудейскому: I Maccabees 11:31 списание епистолии, юже писахом Ласфену сроднику нашему о вас, писахом и к вам, да весте: I Maccabees 11:32 царь Димитрий Ласфену отцу радоватися: I Maccabees 11:33 языку Иудейску другом нашым и сохраняющым яже к нам праведная судихом благосотворити, ради благоприятства их к нам: I Maccabees 11:34 уставихом убо им пределы Иудейския и три страны, Аферему, Лидду и Рамафем, иже приложишася Иудеи от Самарии, и вся надлежащая к ним, всем жрущым во Иерусалиме, вместо царских, ихже взимаше царь от них первее на всяко лето от жит земли и от овощей древесных, I Maccabees 11:35 и ина надлежащая нам отныне десятин и даней надлежащих нам, и соли точила, и принадлежащих нам венцев, I Maccabees 11:36 вся щедро оставляем им, и ничтоже от сих отимется отныне и в вечное время: I Maccabees 11:37 ныне убо прилежите сотворити сих списание, и да дастся Ионафану и да положится в горе святей в месте честне. I Maccabees 11:38 И виде Димитрий царь, яко утишися земля пред ним, и ничто ему противится, и отпусти вся вои своя коегождо в место свое, кроме чуждих сил, ихже собра от островов языческих, и враждоваху ему вся силы отцев его. I Maccabees 11:39 Трифон же бе от Александровых первее, и виде, яко вся силы ропщут на Димитриа, и иде ко Емалкую Аравитину, иже воспита Антиоха детище Александрово: I Maccabees 11:40 и прилежаше ему, яко да даст ему е, да воцарит вместо отца его: и возвести ему, елика сотвори Димитрий, и вражду, еюже враждуют нань силы его, и пребысть ту дни многи. I Maccabees 11:41 И посла Ионафан ко Димитрию царю, да ижденет сущих во краеградии из Иерусалима и иже в твердынех: бяху бо воююще Израиля. I Maccabees 11:42 И посла Димитрий ко Ионафану глаголя: не токмо сия сотворю тебе и языку твоему, но и славою прославлю тя и язык твой, аще благовременство получу: I Maccabees 11:43 ныне убо право сотвориши, аще послеши ми мужей споборающих, яко отступиша вси вои мои. I Maccabees 11:44 И посла ему Ионафан три тысящы мужей сильных крепостию во Антиохию, и приидоша ко царю, и возвеселися царь о пришествии их. I Maccabees 11:45 И собрашася иже от града в средину града сто двадесять тысящ мужей и совещахуся убити царя. I Maccabees 11:46 И бежа царь во двор, и объяша иже беху от града пути градския, и начаша битися. I Maccabees 11:47 И призва царь Иудеов на помощь, и собрашася вси вкупе к нему: и расточишася вси по граду, I Maccabees 11:48 и убиша во граде в той день сто тысящ мужей, и сожгоша град, и взяша корысти многи во он день и избавиша царя. I Maccabees 11:49 И видеша иже бяху от града, яко одержаша Иудее град, якоже хотеша, и изнемогоша мысльми своими, и возопиша ко царю с молением, глаголюще: I Maccabees 11:50 даждь нам десницу, и да престанут Иудее ратовати нас и град. I Maccabees 11:51 И повергоша оружия своя и сотвориша мир. И прославишася Иудее пред царем и пред всеми иже во царствии его, и возвратишася во Иерусалим имеюще корысти многи. I Maccabees 11:52 И седе Димитрий царь на престоле царства своего, и упокоися земля пред ним. I Maccabees 11:53 И солга вся елика рече, и отчуждися Ионафана, и не воздаде ему по благотворением, яже воздаде ему, и оскорби его зело. I Maccabees 11:54 По сих же возвратися Трифон и Антиох с ним отрочищь юный: и воцарися и возложи диадиму. I Maccabees 11:55 И собрашася к нему вси вои, ихже расточи Димитрий, и ратоваша противу его, и побеже и побежден бысть. I Maccabees 11:56 И взя Трифон звери и одержа Антиохию. I Maccabees 11:57 И писа Антиох юный Ионафану, глаголя: уставляю тебе архиерейство и поставляю тебе над четырми странами, и будеши в друзех царских. I Maccabees 11:58 И посла ему сосуды златыя и служение, и даде ему власть пити из злата и быти в порфире и имети гривну злату. I Maccabees 11:59 И Симона брата его постави воеводою от страны Тира даже до предел Египта. I Maccabees 11:60 И изыде Ионафан и прохождаше об ону страну реки и во градех, и собрашася к нему вся силы Сирския в помощь, и прииде во Аскалон, и сретоша его честно от града. I Maccabees 11:61 И иде оттуду в Газу, и заключишася иже в Газе, и обстояше ю, и пожже окрестныя грады ея огнем, и плени я. I Maccabees 11:62 И молиша Ионафана иже от Газы, и даде им десницу, и взя сыны началников их в залог, и посла их во Иерусалим, и пройде страну даже до Дамаска. I Maccabees 11:63 И слыша Ионафан, яко суть началницы Димитриевы в Кадисе, иже в Галилеи, с силою многою, хотяще изринути его от страны. I Maccabees 11:64 И сретеся с ними, брата же своего Симона остави во стране. I Maccabees 11:65 И ополчися Симон на Вефсуру, и ратоваша ю дни многи, и заключи ю. I Maccabees 11:66 И просиша у него десницу прияти, и даде им, и изгна их оттуду, и взя град, и постави в нем стражу. I Maccabees 11:67 Ионафан же и полк его приидоша к воде Геннисар: I Maccabees 11:68 и идоша утро рано на поле насор, и се, полк иноплеменников срете его на поли, и поставиша нань ловителство в горах, сами же сретоша отсупротиву. I Maccabees 11:69 Ловителе же восташа от мест своих и составиша рать, I Maccabees 11:70 и побегоша иже со Ионафаном вси, и ни един остася от них, токмо Маттафиа сын Авессаломов, и Иуда сын Халфиев, началницы воинских сил. I Maccabees 11:71 И растерза Ионафан ризы своя, и возложи землю на главу свою, и помолися: I Maccabees 11:72 и обратися на них бранию и победи их, и бегоша. I Maccabees 11:73 И видеша свои бежавшии от него, и обратишася к нему, и гнаша с ним даже до Кадиса, даже до полка их, и ополчишася тамо. I Maccabees 11:74 И падоша от иноплеменник в день той три тысящы мужей. И возвратися Ионафан во Иерусалим. I Maccabees 12:0 I Maccabees 12:1 И виде Ионафан яко время ему споспешествует, и избра мужы и посла их в Рим составити и обновити с ними дружбу, I Maccabees 12:2 и ко Спартиатом и ко иным местом посла епистолии, по томужде образу. I Maccabees 12:3 И идоша в Рим и внидоша в советный дом и рекоша: Ионафан архиерей и язык Иудейский послаша нас обновити дружбу с вами и споборение по прежнему. I Maccabees 12:4 И даша епистолии им к ним по месту, да проводят их в землю Иудину с миром. I Maccabees 12:5 И сие списание епистолий, ихже писа Ионафан ко Спартиатом: I Maccabees 12:6 Ионафан архиерей и старейшины людий, и жерцы и прочии людие Иудейстии, Спартиатом братии радоватися: I Maccabees 12:7 еще прежде посланы бяху епистолии ко Онии архиерею от Дариа царствовавшаго в вас, яко есте братия наша, якоже списание содержит: I Maccabees 12:8 и прия Ониа мужа посланаго славно и прият епистолии, в нихже завещано о споборении и дружбе: I Maccabees 12:9 и мы убо не требующе сих, утешение имуще святыя книги, яже в руках наших, I Maccabees 12:10 покусихомся послати к вам обновити братство и дружбу, еже бы не отчуждитися вас: многа бо времена проидоша, отнележе посласте к нам: I Maccabees 12:11 мы убо во всяко время непрестанно и в праздники и в прочих подобающих днех воспоминаем вас в жертвах, яже приносим, и в молитвах, якоже подобает и лепо есть воспоминати братию: I Maccabees 12:12 веселимся убо о славе вашей: I Maccabees 12:13 нас же обыдоша многи скорби и многи брани, и ратоваша нас царие, иже окрест нас: I Maccabees 12:14 не хотехом убо стужати вам и прочиим споборником и другом нашым во бранех сих, I Maccabees 12:15 имеем бо с небесе помощь помогающую нам, и избавихомся от враг наших, и смиришася врази наши: I Maccabees 12:16 избрахом убо Нуминиа Антиохова сына и Антипатра Иасонова, и послахом к Римляном обновити с ними дружбу и споборение прежнее: I Maccabees 12:17 заповедахом убо им и к вам поити и поздравити вас, и дати вам от нас послания о обновлении и о братстве нашем: I Maccabees 12:18 и ныне добре сотворите отвещавающе нам на сия. I Maccabees 12:19 И сие списание посланий, ихже посла онии: I Maccabees 12:20 Дарий царь Спартиатов Онии священнику великому радоватися: I Maccabees 12:21 обретеся в писаниих о Спартиатех и Иудеех, яко суть братия и яко суть от рода Авраамля: I Maccabees 12:22 и ныне, отнележе сия познахом, добре сотворите пишуще нам о мире вашем: I Maccabees 12:23 и мы же восписахом вам: скоти ваши и имение ваше наша суть, и яже наша ваша суть: повелехом убо, да возвестят вам сия. I Maccabees 12:24 И слыша Ионафан, яко возвратишася началницы Димитриевы с силою многою, паче неже прежде, ратовати нань, I Maccabees 12:25 и изыде из Иерусалима, и срете их во Амафитстей стране: не бо даде им времене, да внидут во страну его: I Maccabees 12:26 и посла созиратели в полк их: и возвратишася и возвестиша ему, яко сице устрояются напасти на ня нощию. I Maccabees 12:27 Егда же зайде солнце, заповеда Ионафан своим бдети и быти во оружии и готовитися на брань всю нощь, и постави стражы окрест полка. I Maccabees 12:28 И слышаша супостати, яко готов есть Ионафан со своими на брань, и убояшася и ужасошася сердцем своим, и возжгоша огни в полце своем и отидоша. I Maccabees 12:29 Ионафан же и иже с ним беша, не познаша даже до утра: видяху бо огни горящыя. I Maccabees 12:30 И погна Ионафан вслед их и не достиже их, преидоша бо Елевферу реку. I Maccabees 12:31 И обратися Ионафан на Аравы, иже нарицахуся Заведее, и порази их, и взя корысти их. I Maccabees 12:32 И востав иде в Дамаск и прохождаше всю страну ту. I Maccabees 12:33 Симон же изыде и прииде даже до Аскалона и ближних твердынь, и уклонися во Июппию и взя ю. I Maccabees 12:34 Слыша бо, яко совещашася твердыню предати стране Димитриеве, и постави тамо стражу, да стрегут ю. I Maccabees 12:35 И возвратися Ионафан, и собра старейшины людския, и совещася с ними созидати твердыни во Иудеи I Maccabees 12:36 и возвысити стены Иерусалимския и воздвигнути высоту велию между краеградием и градом, еже бы отлучити оное от града, да будет сие на уединении, яко да ни купуют, ниже продают. I Maccabees 12:37 И собрашася созидати град, паде бо стена потока, яже от востока, и уготоваша нарицаемое Хафенафа. I Maccabees 12:38 И Симон созда Адиду в Сефиле и утверди врата и заворы. I Maccabees 12:39 И взыска Трифон царствовати во Асии и возложити диадиму и прострети руку на Антиоха царя, I Maccabees 12:40 и убояся, да не когда не попустит ему Ионафан и ратовати будет на него, и взыска пути, еже яти Ионафана и убити его: и востав прииде в Вефсан. I Maccabees 12:41 И изыде Ионафан во сретение ему с четыредесятию тысящию мужей избранных на ополчение и прииде в Вефсан. I Maccabees 12:42 И виде Трифон, яко прииде Ионафан с вои многими, и прострети нань руку убояся: I Maccabees 12:43 и восприят его честно, и постави его пред всеми други своими, и даде ему дары, и заповеда всем силам своим послушати его яко себе. I Maccabees 12:44 И рече Ионафану: вскую утрудил еси вся люди сия, брани не настоящей нам? I Maccabees 12:45 И ныне отпусти их в домы своя, избери же себе мужей мало, иже будут с тобою, и прииди со мною во Птолемаиду, и предам тебе ю и прочыя твердыни и силы прочыя, и всех иже над потребами, и возвращься отиду: сего бо ради приидох. I Maccabees 12:46 И веровав ему, сотвори, якоже рече, и отпусти силы, и отидоша в землю Иудину. I Maccabees 12:47 Остави же с собою три тысящы мужей, ихже две тысящы остави в Галилеи, тысяща же идоша с ним. I Maccabees 12:48 Егда же вниде Ионафан во Птолемаиду, заключиша врата градская во Птолемаиде, и яша его, и всех вшедших с ним убиша мечем. I Maccabees 12:49 И посла Трифон вои и конники в Галилею и на поле великое, еже погубити всех другов Ионафановых. I Maccabees 12:50 И познаша, яко ят бысть Ионафан и убиен и вси иже с ним, и увещаша сами себе и идоша уготовани на брань. I Maccabees 12:51 И видеша гонящии, яко о души им есть, и возвратишася. I Maccabees 12:52 И приидоша вси с миром в землю Иудину, и плакашася Ионафана и сущих с ним, и убояшася зело, и плакаше весь Израиль плачем велиим. I Maccabees 12:53 И взыскаша вси языцы, иже окрест их, сокрушити их, реша бо: не имеют началника и помогающаго: ныне убо поратуем их и отимем от человек память их. I Maccabees 13:0 I Maccabees 13:1 И слыша Симон, яко собра Трифон силу многу приити в землю Иудину и сокрушити ю, I Maccabees 13:2 и виде люди, яко суть в страсе и трепете, и взыде во Иерусалим и собра люди, I Maccabees 13:3 и увеща их и рече им: вы весте, елика аз и братия моя и дом отца моего сотворихом и о законех и о святых, и брани и тесноты, ихже видехом: I Maccabees 13:4 сего ради погибоша братия моя вси ради Израиля, и остах аз един: I Maccabees 13:5 и ныне не буди ми пощадити души моея во всяко время скорбей, не бо лучший есмь братии моея: I Maccabees 13:6 обаче отмщу о языце моем и о святых и о женах и чадех наших: яко собрашася вси языцы сотрети нас вражды ради. I Maccabees 13:7 И возгорешася духом людие вкупе послушати словес сих I Maccabees 13:8 и отвещаша гласом велиим, глаголюще: ты еси вождь наш вместо Иуды и Ионафана брата твоего: I Maccabees 13:9 побори брань нашу, и вся, елика аще речеши нам, сотворим. I Maccabees 13:10 И собра вся мужы бранники и ускори совершити вся стены Иерусалимския и утверди его окрест: I Maccabees 13:11 и посла Ионафана сына Авессаломова и с ним силу доволную во Июппию, и изгна сущих в ней и пребысть тамо в ней. I Maccabees 13:12 И воздвижеся Трифон от Птолемаиды с силою велиею внити в землю Иудину, и Ионафан с ним в стражи. I Maccabees 13:13 Симон же ополчися во Адиде на лицы поля. I Maccabees 13:14 И позна Трифон, яко воста Симон вместо брата своего Ионафана и яко сразитися с ним хощет бранию, I Maccabees 13:15 посла к нему послы глаголя: сребра ради, еже должен брат твой Ионафан царю, потреб ради, ихже имеяше, содержим его: I Maccabees 13:16 и ныне посли сребра талантов сто и два сына его в залог, яко да не отпущен отступит от нас, и отпустим его. I Maccabees 13:17 И позна Симон, яко лестию глаголют к нему, и посла сребро и отроки, да не когда вражду приимет велию от людий, глаголющих: I Maccabees 13:18 яко не посла ему сребра и отроков, и погибе. I Maccabees 13:19 И посла отроки и сто талант. И солга и не отпусти Ионафана. I Maccabees 13:20 И по сих прииде Трифон, да внидет во страну и сотрет ю, и обыде путь, иже ведет во Адору: а Симон и полк его противоидяше ему на всяко место, аможе идяше. I Maccabees 13:21 Сущии же от краеградия послаша к Трифону послов понуждающих его, да потщится приити к ним пустынею и послати им пищы. I Maccabees 13:22 И уготова Трифон вся конники своя, еже приити в нощь оную. И бе снег велий зело, и не прииде снега ради: и воста и отиде в Галаадитиду. I Maccabees 13:23 Егда же приближися к Васкаме, уби Ионафана, и погребен быти тамо. I Maccabees 13:24 И возвратися Трифон и иде в землю свою. I Maccabees 13:25 И посла Симон и взя кости Ионафана брата своего и погребе я в Модине граде отец своих. I Maccabees 13:26 И плакаша его весь Израиль плачем велиим и рыдаху его дни многи. I Maccabees 13:27 И созда Симон над гробом отца своего и братий своих, и вознесе его видением, камением тесаным созади и сопреди, I Maccabees 13:28 и постави на них седмь пирамид, едину противу единоя, отцу и матери и четырем братиям: I Maccabees 13:29 и сим сотвори ограды, и обложи столпы великия, и сотвори на столпех всеюружия в память вечную, и при всеюружиих корабли изваянныя, во еже видимым быти от всех плавающих на мори. I Maccabees 13:30 Сей гроб, егоже сотвори в Модине, даже до сего дне. I Maccabees 13:31 Трифон же хождаше лестию со Антиохом царем юным, и уби его, I Maccabees 13:32 и воцарися вместо его, и возложи на ся диадиму Асийскую, и сотвори язву великую на земли. I Maccabees 13:33 И созда Симон твердыни Иудейския, и огради столпами высокими и стенами велиими, и вратами и заворами, и положи пищы в твердынех. I Maccabees 13:34 И избра Симон мужы и посла ко Димитрию царю, да сотворит ослабление стране, яко вся дела Трифонова беша хищения. I Maccabees 13:35 И посла ему Димитрий царь по словесем сим, и отвеща ему, и написа ему епистолию сицеву: I Maccabees 13:36 царь Димитрий Симону архиерею и другу царей и старейшинам и языку Иудейску радоватися: I Maccabees 13:37 венец златый и перстень, яже послал еси, восприяхом, и готови есмы сотворити с вами мир велик и писати к сущым над даньми, еже оставити вам дани: I Maccabees 13:38 и елика уставихом вам, крепка суть, и твердыни, яже создасте, да будут вам: I Maccabees 13:39 отпущаем же неведения и согрешения даже до днешняго дне, и венец, егоже должни бысте, и аще кая иная дань бе во Иерусалиме, ктому да не будут даваемая: I Maccabees 13:40 и аще нецыи угодни от вас вписатися к нашым, да впишутся, и да будет между нами мир. I Maccabees 13:41 Лета сто седмьдесятаго отято бысть иго языческое от Израиля, I Maccabees 13:42 и начаша людие Израилевы писати в писаниих и в совещаниих: лета перваго при Симоне архиереи велицем и воине и вожди Иудейстем. I Maccabees 13:43 Во днех онех прииде Симон в Газу и окружи ю полками, и сотвори миханы и приближися ко граду, и изби столп един и взя. I Maccabees 13:44 И вскачаху во град иже бяху в михане, и бысть смятение велие в граде. I Maccabees 13:45 И взыдоша иже беху во граде с женами и чады на стену, растерзаны имуще ризы своя, и возопиша гласом велиим, моляще Симона десницу им дати, I Maccabees 13:46 и рекоша: не сотвори нам по лукавством нашым, но по милости твоей. I Maccabees 13:47 И умилостивися им Симон, не воева их, и изгна их от града: и очисти домы, в нихже бяху идоли, и тако вниде в онь с песньми благословя Господа: I Maccabees 13:48 и изверже из него всякую нечистоту, и всели в нем мужы, иже закон творят, и утверди его, и сотвори себе в нем обитание. I Maccabees 13:49 Сущым же от краеградия во Иерусалиме возбраняшеся исходити и входити во страну, и куповати и продавати: и взалкаша зело, и мнози от них гладом погибоша. I Maccabees 13:50 И возопиша к Симону десницу прияти, и даде им, и изгна их оттуду и очисти краеградие от осквернений. I Maccabees 13:51 И вниде в не в двадесять третий день втораго месяца, лета сто седмьдесят перваго с хвалением и ваиями, и в гуслех и кимвалех и сопелех, и в песнех и пениих, яко сокрушися враг велий от Израиля. I Maccabees 13:52 И устави на всякое лето провождати день той с веселием, и утверди гору святилища, яже близ краеградия, и вселися ту сам и иже с ним. I Maccabees 13:53 И виде Симон Иоанна сына своего, яко муж есть, и постави его вожда сил всех, и вселися в Газарех. I Maccabees 14:0 I Maccabees 14:1 И в лето сто седмьдесят второе, собра царь Димитрий силы своя и иде в Мидию собрати помощь себе, яко да ратует противу Трифона. I Maccabees 14:2 И слыша Арсак царь Персский и Мидский, яко прииде Димитрий в пределы его, и посла единаго от началник своих яти его жива. I Maccabees 14:3 И иде и порази ополчение Димитриево, и ят его и приведе его ко Арсаку: и всади его в темницу. I Maccabees 14:4 И умолча земля Иудина во вся дни Симоновы, и взыска благая языку своему, и угодна бысть им власть его и слава его во вся дни. I Maccabees 14:5 И со всею славою своею взя Июппию в пристанище и сотвори вход островом морским, I Maccabees 14:6 и распростре пределы языку своему, и одержа страну, I Maccabees 14:7 и собра пленение много, и господствова над Газары и Вефсуры и краеградием, и отят нечистоты от него, и не бысть противляющагося ему. I Maccabees 14:8 И кийждо делаше землю свою с миром, и земля даяше жита своя, и древеса польская плод свой. I Maccabees 14:9 Старейшины на стогнах седяху и вси о благих беседоваху, и юноши облачахуся славою и ризами ратными. I Maccabees 14:10 Градом даяше пищы и вчиняше их в сосуды утверждения, донележе именовася имя славы его даже до края земли. I Maccabees 14:11 Сотвори мир на земли, и возвеселися Израиль веселием велиим. I Maccabees 14:12 И седе кийждо под виноградом своим и смоковницею своею, и не бысть устрашающаго их. I Maccabees 14:13 И оскуде ратуяй их на земли, и царие сотрошася во дни оны. I Maccabees 14:14 И укрепи всех смиренных людий своих: закона взыска и отят всяко беззаконие и лукавство, I Maccabees 14:15 святая прослави и умножи сосуды святых. I Maccabees 14:16 И слышано бе в Риме, яко умре Ионафан, и даже до Спартии слышася, и оскорбишася зело. I Maccabees 14:17 Егда же услышаша, яко Симон брат его бысть вместо его архиерей и одержа всю страну и грады в ней, I Maccabees 14:18 писаша к нему на дщицах медяных, еже обновити с ним дружбу и споборение, яже сотвориша со Иудою и Ионафаном братиею его. I Maccabees 14:19 И прочтошася пред церковию во Иерусалиме. I Maccabees 14:20 И сей образ посланий, ихже послаша Спартиаты: Спартиатов началницы и град Симону иерею великому и старейшинам, и жерцем и прочым людем Иудейским братии радоватися: I Maccabees 14:21 послы, иже послани суть к людем нашым, возвестиша нам о вашей славе и чести, и возвеселихомся о приходе их, I Maccabees 14:22 и списахом яже от них речена в советех людий сице: Нуминий сын Антиохов и Антипатр Иасонов, послы Иудейстии, приидоста к нам возновляюща с нами дружбу: I Maccabees 14:23 и угодно бысть людем прияти мужы славно и положити восписание словес их во особыя людския книги, да будет память людем Спартиатов: образ же тех писахом Симону архиерею. I Maccabees 14:24 По сих посла Симон Нуминиа в Рим, имущаго щит злат велик весом мнас тысяща на уставление с ними дружбы. I Maccabees 14:25 Егда же услышаша людие словеса сия, реша: кую благодать воздадим Симону и сыном его? I Maccabees 14:26 Утверди бо сам и братия его и дом отца его, и поби враги Израилевы от них, и уставиша ему свободу. I Maccabees 14:27 И написаша на дсках медяных и поставиша на столпе в горе Сионе. И сей есть образ писания: во осмыйнадесять день месяца Елул, лета сто седмьдесят втораго, и сие третие лето при Симоне архиереи, в Сарамели, I Maccabees 14:28 в собрании велицем жерцев и людий, и князей языка и старейшин страны возвестися нам: понеже многащи быша брани в стране, I Maccabees 14:29 Симон же сын Маттафиев, сын сынов Иаривовых, и братия его вдаша себе в бедство, и противосташа сопостатом языка своего, яко да стоят святая их и закон, и славою великою прославиша люди своя: I Maccabees 14:30 и собра Ионафан люди своя, и бысть им архиерей, и приложися к людем своим: I Maccabees 14:31 и хотеша врази их внити в страну их, еже сокрушити страну их и простерти руку на святая их, I Maccabees 14:32 тогда воста Симон и брася за люди своя, и разда сребреников много своим, и вооружи мужы сильныя языка своего, и даде им оброки, I Maccabees 14:33 и утверди грады Иудейския и Вефсуру, яже в пределех Иудейских, идеже бяху оружия бранников прежде, и постави тамо на стражу мужы Иудейския: I Maccabees 14:34 и Июппию утверди, яже на примории, и Газару, яже в пределех Азота, в нейже врази прежде обитаху, и насели тамо Иудеи, и елика потребна бяху на управление сих, положи в них: I Maccabees 14:35 и видеша людие действо Симоново и славу, юже умысли сотворити языку своему, и поставиша его в вожда своего и архиереа, занеже сотвори сия вся, и правду и веру, юже соблюде языку своему, и взыска всяким образом вознести люди своя: I Maccabees 14:36 и во дни его благоуспеваше в руку его, еже изяти языки от страны их, и иже во граде Давидове беху во Иерусалиме, иже сотвориша себе краеградие, из негоже исхождаху и скверняху окрест святых и творяху язву велию в чистоте, I Maccabees 14:37 и насели в нем мужы Иудейски и утверди ко укреплению страны и града и возвыси стены во Иерусалиме: I Maccabees 14:38 и царь Димитрий устави ему началство жречества, I Maccabees 14:39 по сим сотвори его друга своего и прослави его славою великою: I Maccabees 14:40 слыша бо, яко наречени суть Иудее от Римлян друзи и споборницы и братия, и яко прияша послов Симоновых преславно: I Maccabees 14:41 и яко благоволиша Иудее и жерцы быти Симону вождом и архиереем в век, дондеже востанет Пророк верен: I Maccabees 14:42 и да будет над ними воевода, и яко да радеет о святых поставляти их над делами их и над страною, и над оружием и над твердынями, I Maccabees 14:43 и яко да радеет о святых, и да слушают его вси, и да пишутся на имя его вся писания во стране, и да облачится в порфиру и златую ризу, I Maccabees 14:44 и не леть будет ни комуже от людий и от жрец отврещи что от сих и вопреки глаголати от него реченым, или совокупити сонм во стране без него и облещися в порфиру и носити гривну злату: I Maccabees 14:45 а иже аще сотворит кроме сих, или отвержет что сих, повинен будет. I Maccabees 14:46 И угодно бысть всем людем уставити Симону и сотворити по словесем сим. I Maccabees 14:47 И прия Симон, и благоволи архиерействовати, и быти воеводою и началником языка Иудейска и жерцем, и началствовати над всеми. I Maccabees 14:48 И писание сие реша водрузити во дщицах медяных и поставити их в притворе святых, в месте славне, I Maccabees 14:49 списание же сих положити в газофилакии, яко да имать Симон и сынове его. I Maccabees 15:0 I Maccabees 15:1 И посла царь Антиох сын Димитриа царя послания от островов морских Симону архиерею и началнику языка Иудейска и всему языку. I Maccabees 15:2 И бяху содержаще образ сей: царь Антиох Симону жерцу великому и языка началнику и языку Иудейскому радоватися: I Maccabees 15:3 понеже мужие губителе одержаша царствия отец наших, хощу же снабдети царство, да устрою е якоже бе прежде, и от стран собрах множество сил и сотворих корабли воинския, I Maccabees 15:4 хощу же изыти во страну, да отмщу растлившым страну нашу и опустошившым грады многи в царствии (моем), I Maccabees 15:5 ныне убо утверждаю тебе вся оставления даней, яже оставиша тебе бывшии прежде мене царие, и елики ины дары оставиша тебе, I Maccabees 15:6 и попустих тебе творити кование особых пенязей во стране твоей, I Maccabees 15:7 Иерусалиму же и святынем быти свободным: и вся оружия, елика уготовал еси, и твердыни, ихже создал еси, ихже держиши, да будут тебе: I Maccabees 15:8 и весь долг царев, и яже подобают цареви, отныне и во все время да оставятся тебе: I Maccabees 15:9 егда же одержим царство наше, прославим тебе и люди твоя и святилище славою великою, яко да явленна будет слава ваша по всей земли. I Maccabees 15:10 Лета сто седмьдесят четвертаго изыде Антиох в землю отец своих, и собрашася к нему вси вои, яко малым быти оставшым со Трифоном. I Maccabees 15:11 И гнаше его Антиох царь, и прииде бежащь в Дору, яже при мори: I Maccabees 15:12 ведяше бо, яко собрашася злая нань и оставиша его воини. I Maccabees 15:13 И ополчися Антиох на Дору, и с ним дванадесять тем мужей бранных и осмь тысящ конников: I Maccabees 15:14 и обступи град, и корабли от моря приидоша, и оскорбляше град от земли и моря, и не остави ни единаго изыти и внити. I Maccabees 15:15 Прииде же Нуминий и иже с ним от Рима, имуще послание царем и странам, в нихже написана сия: I Maccabees 15:16 Левкий ипат Римский Птоломею царю радоватися: I Maccabees 15:17 послы Иудейстии приидоша к нам друзи наши и споборницы, обновляюще прежнюю дружбу и споборение, послани от Симона архиереа и людий Иудейских, I Maccabees 15:18 принесоша же и щит златый мнас тысящи: I Maccabees 15:19 угодно убо бысть нам писати ко царем и странам, да не наносят им зол и да не ратуют их, ни градов их, ни страны их, и да не споборают ратующым противу их: I Maccabees 15:20 и изволися нам прияти от них щит: I Maccabees 15:21 аще убо нецыи губителе пребежаша от страны их к вам, предайте их Симону архиерею, да отмстит им по закону своему. I Maccabees 15:22 Таяжде написа Димитрию царю и Атталу, и Ариарафу и Арсаку, I Maccabees 15:23 и во вся страны, и Сампсаку и Спартиатом, и в Дилон и в Миндон, и в Сикион и в Карию, и в Самон и в Памфилию, и в Ликию и в Аликарнас, и в Род и в Фасилиду, и в Кою и в Сидину, и в Арад и в Гортину, и в Книд и в Кипр и в Киринию. I Maccabees 15:24 Списание же их написаша Симону архиерею. I Maccabees 15:25 Антиох же царь ополчися на Дору вторицею, наводя выну на ню руки и миханы творя, и заключи Трифона еже не входити ниже исходити. I Maccabees 15:26 И посла ему Симон две тысящы мужей избранных в помощь ему и сребро и злато и сосуды многи. I Maccabees 15:27 И не восхоте их прияти, но отверже вся, елика завеща ему прежде, и отчуждися от него. I Maccabees 15:28 И посла к нему Афиновиа единаго от другов своих, да побеседует с ним, глаголя: вы держите Июппию и Газару и краеградие еже во Иерусалиме, грады царства моего, I Maccabees 15:29 пределы их опустошисте, и сотвористе язву велику на земли, и господствовасте местами многими в царствии моем: I Maccabees 15:30 ныне убо отдадите грады, ихже взясте, и дани мест, имиже огосподствовасте вне пределов Иудейских: I Maccabees 15:31 аще же ни, дадите место сих пять сот талантов сребра, и за опустошение, имже опустошисте, и за дани градов другия пять сот талантов: аще же ни, пришедше поратуем вас. I Maccabees 15:32 И прииде Афиновий друг царский во Иерусалим, и виде славу Симонову, и сокровище злата и сребра, и устроение доволно, и ужасеся, и возвести ему словеса царска. I Maccabees 15:33 И отвещав Симон, рече ему: ниже чуждую землю прияхом, ниже чуждая одержахом, но наследие отец наших, от враг же наших в некое время неправедно удержася: I Maccabees 15:34 мы же время имуще восприяхом наследие отец наших: I Maccabees 15:35 о Июппии же и Газарех, ихже просиши, сии творяху в людех язву велию в стране нашей, от сих дадим талант сто. И не отвеща ему Афиновий словесе. I Maccabees 15:36 Возвратися же с яростию ко царю и возвести ему словеса сия и славу Симонову и вся елика виде. И прогневася царь гневом велиим. I Maccabees 15:37 Трифон же всед к корабль, отбеже во Орфосиаду. I Maccabees 15:38 И постави царь Кендевеа воеводою приморским и силы пехотныя и конныя даде ему. I Maccabees 15:39 И повеле ему ополчитися противу лица Иудейска, и заповеда ему создати Кедрон и утвердити врата, и да ратует люди. Царь же гоняше Трифона. I Maccabees 15:40 И прииде Кендевей во Иамнию и нача раздражати люди и входити во Иудею и пленити люди и убивати: и созда Кедрон I Maccabees 15:41 и постави тамо конники и силы, яко да исходяще проходят пути Иудейския, якоже повеле ему царь. I Maccabees 16:0 I Maccabees 16:1 И взыде Иоанн от Газаров и возвести Симону отцу своему, яже сотвори Кендевей. I Maccabees 16:2 И призва Симон два сыны своя старейшыя Иуду и Иоанна и рече има: аз и братия моя и дом отца моего поборахом враги Израилевы от юности даже и до сего дне, и благопоспешествовася в руках наших избавити Израиля многащи: I Maccabees 16:3 ныне же состарехся и вы милостию (Бога) доволни есте в летех: будите вместо мене и брата моего, и изшедше поборствуйте за язык наш, помощь же с небесе с вама да будет. I Maccabees 16:4 И избра от страны двадесять тысящ мужей военных и конников, и идоша на Кендевеа и обнощеваша в Модине. I Maccabees 16:5 И воставше заутра идоша на поле, и се, сила велия во сретение им, пешая и конная, и бе поток среде их. I Maccabees 16:6 И ополчися противу лица их сам и людие его: и виде люди боящыяся прейти поток и прейде первый, и видеша его мужие и преидоша вслед его. I Maccabees 16:7 И раздели людий и конников посреде пеших: конницы же врагов мнози зело. I Maccabees 16:8 И вострубиша трубами, и побежден бысть Кендевей и полк его, и падоша от них язвени мнози: прочии же бегоша в твердыню. I Maccabees 16:9 Тогда уязвен бысть Иуда брат Иоаннов: Иоанн же гна их, дондеже прииде в Кедрон, егоже созда. I Maccabees 16:10 И побегоша даже до столпов сущих на селех Азотских, и зажже его огнем, и падоша от них две тысящы мужей: и возвратися в землю Иудину в мире. I Maccabees 16:11 И Птоломей сын Авувов поставлен бысть воеводою в поли Иерихона и имяше сребра и злата много: I Maccabees 16:12 бе бо зять архиереов. I Maccabees 16:13 И вознесеся сердце его, и восхоте одержати страну, и помышляше лестно на Симона и сынов его, погубити их. I Maccabees 16:14 Симон же прохождаше грады, яже во стране Иудейстей, попечение имея о прилежании их, и сниде во Иерихон сам и Маттафиа, и Иуда и сынове его, лета сто седмьдесят седмаго месяца первагонадесять, сей есть месяц Сават. I Maccabees 16:15 И прия их сын Авувов в твердыню, нарицаемую Док, с лестию, юже созда, и сотвори им пир велик, и сокры тамо мужы. I Maccabees 16:16 И егда упися Симон и сынове его, воста Птоломей и иже с ним, и взяша оружия своя, и внидоша к Симону на пир, и убиша его и два сына его и некиих от отрок его. I Maccabees 16:17 И сотвори прелесть велику во Израили и воздаде злая за благая. I Maccabees 16:18 И писа сия Птоломей и посла ко царю, да послет ему воев в помощь, и предаст ему страну их и грады. I Maccabees 16:19 И посла иныя в Газару погубити Иоанна, и тысящником посла послания, да приидут к нему, да даст им сребро и злато и дары. I Maccabees 16:20 И иныя посла объяти Иерусалима и гору святилища. I Maccabees 16:21 И предтек некий возвести Иоанну в Газаре, яко погибе отец его и братия его, и яко посла и тебе убити. И слышав ужасеся зело. I Maccabees 16:22 И ят мужы, иже приидоша погубити его, и уби их: позна бо яко ищут его убити. I Maccabees 16:23 И прочая словес Иоанновых и браней его и благих мужеств его, имиже благомужествова, и созидания стен, ихже созда, и деяний его, I Maccabees 16:24 се, сия писана суть в книзе дний архиерейства его, отнележе бысть архиерей по отце своем.
II Maccabees 0:0
Вторая книга Маккавейская II Maccabees 1:0 II Maccabees 1:1 Братии сущей во Египте Иудеом радоватися: братия иже во Иерусалиме Иудее и иже во стране Иудейстей, мира благаго: II Maccabees 1:2 и да благосотворит вам Бог и да помянет завет Свой иже ко Аврааму и Исааку и Иакову рабом Своим верным, II Maccabees 1:3 и да даст вам сердце всем во еже чествовати Его и творити хотения Его сердцем великим и душевным изволением, II Maccabees 1:4 и да отверзет сердца ваша в законе Своем и в повелениих, и мир да сотворит, II Maccabees 1:5 и да услышит молитвы вашя и умилится вам и не оставит вас во время лукаво. II Maccabees 1:6 И ныне зде есмы молящеся о вас. II Maccabees 1:7 Царствующу Димитрию лета сто шестьдесят девятаго, мы Иудее писахом вам в скорби и в горести нашедшей нам в летех сих, отнележе отступи Иасон и иже с ним от святыя земли и царства, II Maccabees 1:8 и пожгоша врата, и пролияша кровь неповинну: и молихомся Господеви, и услышани есмы, и принесохом жертву и семидал, и возжгохом светилники, и предложихом хлебы. II Maccabees 1:9 И ныне празднуйте дни скинопигии Хаслева месяца. II Maccabees 1:10 Лета сто осмьдесят осмаго, иже во Иерусалиме и иже во Иудеи, и старейшины и Иуда Аристовулу учителю Птоломеа царея сущему же от помазанных иереев рода, и сущым во Египте Иудеом, радоватися и здравствовати. II Maccabees 1:11 От великих бедств Богом спасени, вельми благодарим Ему, аки на царя ополчающиися. II Maccabees 1:12 Сей бо изведе ополчающихся на святый град: II Maccabees 1:13 в Персиду бо быв вождом, и при нем нестерпимая мнящаяся быти сила, посечени быша в капищи Нанеи, прельщения употребившым жерцем сущым при Нанеи. II Maccabees 1:14 Аки бо спребывати хотя ей, прииде на место Антиох и иже с ним друзи, взятия ради сребреников под именем вена: II Maccabees 1:15 и предложившым сия жерцем Нанеи, и оному вшедшу с малыми в притвор капища, заключивше капище, II Maccabees 1:16 егда вниде Антиох, отверзше свода сокровенную дверь, метающе камение побиша игемона и сущих с ним, и разделивше на уды и главы отсекше изметаша к сущым вне. II Maccabees 1:17 О всех благословен наш Бог, Иже предаде нечествовавших. II Maccabees 1:18 Хотяще убо праздновати двадесять пятаго дне месяца Хаслева очищение церкве, потребно непщевахом известити вам, да и вы празднуете день скинопигии и огня, егда Неемиа создав церковь и олтарь, принесе жертву. II Maccabees 1:19 Ибо егда в Персиду ведяхуся отцы наши, тогда жерцы боящиися Бога вземше от огня олтарнаго отай, скрыша во юдоль кладязя дно имеюща безводное, и в нем соблюдоша, яко всем неведому быти месту. II Maccabees 1:20 Преминувшым же летом многим, егда изволися Богу, посланный Неемиа от царя Персидскаго, внуки жерцев сокрывших посла на взыскание огня: и якоже поведаша нам, не обретоша огня, но воду густу, II Maccabees 1:21 повеле им черпати и принести: егда же принесена быша жертвенная, повеле жерцем Неемиа покропити водою дрова и лежащая на них. II Maccabees 1:22 Егда же бысть сие, и время прииде, егда солнце возсия прежде облачно сущо, возжжеся огнь велик, яко дивитися всем. II Maccabees 1:23 Молитву же творяху жерцы, егда горяще жертва, и жерцы и вси Ионафану начинающу, прочым же отвещающым, якоже Неемии. II Maccabees 1:24 Бе же молитва имеющи образ сей: Господи, Господи Боже, всех Творче, страшный и крепкий, и праведный и милостивый, единый Царю и благий, II Maccabees 1:25 единый дателю, едине праведне и Вседержителю и вечный, спасаяй Израиля от всякаго зла, сотворивый отцы избранны и освятивый их, II Maccabees 1:26 приими жертву за вся люди Твоя Израиля и сохрани часть Твою и освяти: II Maccabees 1:27 собери расточение наше, избави работающих языком, на уничижениых и мерзких призри, и да уведят языцы, яко Ты еси Бог наш: II Maccabees 1:28 показни насилующих и досаждающих в гордыни: II Maccabees 1:29 насади люди Твоя на месте святем Твоем, якоже рече Моисей. II Maccabees 1:30 Жерцы же пояху пения. II Maccabees 1:31 Егда же сгореша жертвенная, оставшею водою Неемиа повеле камение большее полити. II Maccabees 1:32 Егда же сие бысть, пламень возгореся, и от олтаря облиставшу свету, сгоре. II Maccabees 1:33 Егда же явлена бысть вещь, и возвещено бысть царю Персску, яко на месте, в немже огнь скрыша преселеннии жерцы, вода явися, отнележе Неемиа и сущии с ним очистиша жертвы, II Maccabees 1:34 оградив же царь свято сотвори (место то), искушаяй вещь. II Maccabees 1:35 И имже дароваше царь, многи дары взимаше и преподаяше. II Maccabees 1:36 Прозва же Неемиа и иже с ним место то Неффарь, еже сказуется очищение, нарицается же у многих Неффай. II Maccabees 2:0 II Maccabees 2:1 Обретается же во описаниих Иеремии пророка, яко повеле огня взяти преселяющымся, якоже знаменовася, II Maccabees 2:2 и якоже заповеда преселяющымся пророк, дав им закон, да не забывают повелений Господних и да не прельстятся умы, видяще идолы златы и сребряны и сущую окрест их утварь. II Maccabees 2:3 И ина такова глаголя, моляше, да не отступит закон от сердца их. II Maccabees 2:4 Бе же в писании, яко скинии и кивоту повеле пророк по Божественному ответу бывшему ему последствовати, дондеже взыде в гору на нюже Моисей возшед, виде Божие наследие. II Maccabees 2:5 И пришед Иеремиа обрете пещеру и жилище, и скинию и кивот, и олтарь фимиама внесе тамо, и двери загради. II Maccabees 2:6 И приступиша нецыи от последствующих, да назнаменают себе путь, и не могоша обрести. II Maccabees 2:7 Егда же позна Иеремиа, укорив их, рече: яко неведомо будет место, дондеже соберет Бог собрание людий и милостив будет: II Maccabees 2:8 и тогда Господь покажет сия, и явится слава Господня и облак, якоже и при Моисеи являшеся, якоже и Соломон моли, да место освятится вельми. II Maccabees 2:9 Являшеся же, и яко премудрость имея вознесе жертву обновления и совершения церкве. II Maccabees 2:10 Якоже и Моисей моляшеся ко Господу, и сниде огнь с небесе и пояде жертвы: такожде и Соломон молися, и сниде огнь с небесе и пожже всесожжения. II Maccabees 2:11 И рече Моисей: понеже не снедено бысть сущее за грех, попалися. II Maccabees 2:12 Такожде и Соломон осмь дний празднова. II Maccabees 2:13 Поведашася же и в написаниих и в памятописаниих бывших при Неемии таяжде: и како строящь книгоположницу собра книги, яже о царех и о пророцех и о Давиде, и епистолии царей о приношениих. II Maccabees 2:14 Такожде и Иуда, падшая бранию бывшею нам, собра вся, и суть при нас. II Maccabees 2:15 Сих убо аще требуете, приносящих вам послите. II Maccabees 2:16 Хотяще убо праздновати очищение, писахом вам: благо убо сотворите празднующе дни. II Maccabees 2:17 Бог же спасый вся люди Своя и воздавый наследие всем и царствие, и священство и освящение, II Maccabees 2:18 якоже обеща в законе: уповаем бо на Бога, яко скоро нас помилует и соберет от поднебесныя в место святое: II Maccabees 2:19 изят бо нас от великих бед и место очисти. II Maccabees 2:20 Дела же Иуды Маккавеа и братий его, и церкве великия очищение, и обновление жертвенника: II Maccabees 2:21 еще же и о бранех на Антиоха Епифана и сына его Евпатора: II Maccabees 2:22 и о явлениих с небесе бывших благомужествовавшым Иудейства ради любочестно, яко всю страну мали суще опустошаху, и варваров множество прогоняху, II Maccabees 2:23 и преславную во всей вселенней церковь возсоздаша, и град избавиша, и хотящыя разоритися законы исправляху, Господу со всякою кротостию милостиву бывающу им: II Maccabees 2:24 яже от Иасона Киринеа извещена пятию книгами, покусимся единым сочинением сократити. II Maccabees 2:25 Созерцающе бо многое число (вещей) и сущее неудобство хотящым приступити к повести истории множества ради вещества, II Maccabees 2:26 попекохомся, дабы хотящии читати имели души утешение, любомудрствующии же удобее приимали на память, вси же чтущии пользу. II Maccabees 2:27 И нам убо приявшым труд сокращения неудобно, пота же и бдения дело (творим): II Maccabees 2:28 якоже уготовляющему пир и ищущему иных пользы не легко убо, обаче за благодарение многих сладце труд потерпим. II Maccabees 2:29 Испытность убо о киихждо списателю попустивше, последовати примеру сокращения потщимся. II Maccabees 2:30 Якоже бо новыя храмины архитектону о всем здании пещися подобает, и живописати начинающему приличных ко украшению искати, тако мню и о нас. II Maccabees 2:31 Еже убо глубочае испытовати и о всех творити слово и любопытствовати о коемждо подробну, повести сочинителю достоит. II Maccabees 2:32 Сокращению же речений последовати и тонкаго испытания вещей бегати, сокращение творящему попущати должно. II Maccabees 2:33 Отсюду убо начним повесть предреченным толико присовокупивше: неразумно бо предисловие истории умножати, самую историю сокращати. II Maccabees 3:0 II Maccabees 3:1 Егда убо святый град обитаемь бе во всяцем мире, и законы еще изрядно храняхуся, Онии архиереа благочестия ради и ненавидения лукавства, II Maccabees 3:2 случашеся и самим царем почитати место и церковь великими дары прославляти, II Maccabees 3:3 яко и Селевк Асийский царь подаяше от своих доходов вся, яже ко служением жертв надлежащая иждивения. II Maccabees 3:4 Симон же некий от колена Вениаминя настоятель церкви поставленный, пряшеся со архиереем о началстве еже во граде. II Maccabees 3:5 Но егда премощи Онии не можаше, прииде ко Аполлонию Фрасееву, иже во оно время бяше воевода Килисирии и Финикии, II Maccabees 3:6 и возвести ему, яко богатствы неизчетными наполнено есть во Иерусалиме сокровищное хранилище, яко множеству сокровищ безчислену быти, и яко не надлежат сия к вине жертв, быти же мощно, да под власть цареву подпадут вся сия. II Maccabees 3:7 Егда же прииде ко царю Аполлоний, о возвещеиных ему богатствах изяви: он же избрав Илиодора, иже бе над делами его, посла заповедав, да предреченная богатства принесет. II Maccabees 3:8 Скоро же Илиодор творяше шествие, под видом убо акибы грады Килисирийския и Финикийския проходя, самою же вещию царево повеление исполнити хотящь. II Maccabees 3:9 Пришед же во Иерусалим и любомудренно от архиереа градскаго прият, поведа о бывшем изявлении, и чесо ради прииде, сказа: вопрошаше же, аще истинно сия тако суть. II Maccabees 3:10 Тогда архиерей показа положена быти сия вдов и сирот, II Maccabees 3:11 некая же быти и Ириана сына Товиина мужа зело честна, а не якоже бе оболгаяй нечестивый Симон, всего же сребра талант четыреста, а злата двесте: II Maccabees 3:12 обидети же вверивших места святыни, и честности и безопасству честныя по всему миру церкве, весьма не возможно есть. II Maccabees 3:13 Илиодор же, царских ради повелений, ихже имяше, глаголаше, яко всячески подобает взяти сия в царское сокровище. II Maccabees 3:14 Определив же день, вхождаше, присмотрение о сих хотя сотворити: бе же не мало по всему граду смятение. II Maccabees 3:15 Священницы же пред олтарем в священнических ризах повергше себе, призываху с небесе Давшаго закон о положенных, дабы положившым сия цело сохранил. II Maccabees 3:16 Бе же зрящему лице архиереево узвлятися мыслию: зрак бо и вид изменен являше душевную тугу. II Maccabees 3:17 Облия бо мужа боязнь некая и страх телесный, имиже явленна бысть зрящым сердца настоящая болезнь. II Maccabees 3:18 Инии же купно из домов истекаху на всенародную молитву, зане хотяше прщти место в поругание. II Maccabees 3:19 Жены же препоясавшяся по персем власяницами на путех умножахуся: заключеныя же девицы едины убо прибегаху ко вратом, иныя же на стены, некия же оконцами приницаху. II Maccabees 3:20 Вси же воздевающе руце на небо моляхуся. II Maccabees 3:21 Умилително же бе множества смешеное падение и зело бедствующаго архиереа чаяние. II Maccabees 3:22 И сии убо призываху Вседержителя Бога, да вверенная вверившым цела сохранит со всяким безопасством. II Maccabees 3:23 Илиодор же еже умысли, совершаше: таможе ему со копиеносцы в газофилакию уже пришедшу, II Maccabees 3:24 (Вседержитель) отцев Господь и всякия власти Обладатель явление велие сотвори, яко всем дерзнувшым совнити ужаснувшымся Божия силы, во ослабление и во ужас пременитися. II Maccabees 3:25 Явися бо им некий конь страшна имея всадника и предобрым покровом украшен, напад же со устремлением вонзе во Илиодора предняя копыта: седяй же на нем являшеся злато оружие имея. II Maccabees 3:26 Инии же два явистася ему юноши силою благолепни, предобри славою, украшени же одеянием: иже и обступльща его от обоих стран, бияста его непрестанно, многи налагающа ему раны. II Maccabees 3:27 Внезапу же (Илиодора) падша на землю и многою тмою объята восхитивше и на носило положивше, II Maccabees 3:28 того, иже недавно со многим ристанием и со всяким дориношением в предреченную вниде газофилакию, изношаху безпомощна себе суща, явно Божию силу познавше. II Maccabees 3:29 И той убо божественным действом безгласен и всякаго упования и спасения лишен повержен бяше. II Maccabees 3:30 Сии же Господа благословляху прославльшаго Свое место: и малым прежде страха и смятения полная церковь, Вседержителю явльшуся Господу, радости и веселия исполнися. II Maccabees 3:31 Скоро же нецыи от другов Илиодоровых моляху Онию призвати Вышняго, да живот дарует ему весьма в последнем издыхании лежащему. II Maccabees 3:32 Помыслив же архиерей, да не когда царь мнение возимеет, яко злодейство некое на Илиодора Иудее сотвориша, принесе жертву о спасении мужа. II Maccabees 3:33 Егда же архиерей моляшеся, тиижде юноши паки явистася Илиодору темижде одеяньми облечена и ставша реста: многая Онии архиерею благодарения воздаждь, его бо ради Господь тебе живот дарова: II Maccabees 3:34 ты же от Него биен возвести всем величие Божие и державу. И сия рекша невидими быста. II Maccabees 3:35 Илиодор же жертву принес Господеви, и обеты превеликия обещав живот Даровавшему, и Онии возблагодарив, возвратися ко царю с воины, II Maccabees 3:36 свидетелствоваше же всем, яже виде очима дела превеликаго Бога. II Maccabees 3:37 Егда же царь вопрошаше Илиодора, кто был бы ключимь еще единою во Иерусалимли послан быти, отвеща: II Maccabees 3:38 аще коего имаши врага, или царству твоему наветника, посли его онамо, и язвена его приимеши, аще и спасется: зане в месте том истинно есть Божия некая сила: II Maccabees 3:39 Той бо обитание на небеси имеяй надзиратель есть и помощник месту тому, и грядущих на озлобление поражает и погубляет. II Maccabees 3:40 И сия убо яже о Илиодоре и о хранении газофилакии сице имеются. II Maccabees 4:0 II Maccabees 4:1 Предреченный же Симон, иже о сребреницех и отечестве доноситель сотворися, злословяше Онию, акибы той Илиодора и поощрял к сим и злоб содетелю был. II Maccabees 4:2 И благодетеля граду и защитника своих людий и ревнителя законов (Божиих) дерзаше нарицати наветником вещей. II Maccabees 4:3 Вражде же в толико происходящей, яко чрез некоего от другов Симоновых и убийства совершахуся, II Maccabees 4:4 созерцая Ониа лютость прения, и Аполлониа неистовствовати, яко Килисирии и Финикии воеводу, умножающа злобу Симонову, ко царю отиде, II Maccabees 4:5 не бываяй граждан клеветник, но пользу во обществе и на едине всему множеству промышляя: II Maccabees 4:6 видяше бо, яко без царева промысла не мощно получити мира ктому вещем, и яко Симон не отставит буйства. II Maccabees 4:7 Оставльшу же житие Селевку и приемшу царство Антиоху, иже нарицашеся Епифан, желаше Иасон брат Ониин архиерейства, II Maccabees 4:8 вниде ко царю, обещавая ему сребра талант триста шестьдесят и от приходов некиих иных талант осмьдесят. II Maccabees 4:9 К сим же обещаваше и иных написати сто пятьдесят, аще подастся властию его училище юных ему поставити и сущих во Иерусалиме Антиохианами писати. II Maccabees 4:10 Соизволившу же царю, и началство одержав, абие на языческий обычай единоплеменныя своя преводити нача. II Maccabees 4:11 И уставленная Иудеом человеколюбия царская чрез Иоанна отца Евполема, иже бяше послом о дружбе и споборении к Римляном, отрину: и законныя убо гражданския разоряя уставы, беззаконныя обычаи нововвождаше. II Maccabees 4:12 Тщателне бо под самым краеградием училище постави, и изряднейших юнош покорив, под петас ввождаше. II Maccabees 4:13 И сице бе усердие некое ко Еллинству и успех языческаго жителства, ради безмернаго, нечестиваго, а не архиереа Иасона, беззакония. II Maccabees 4:14 Яко не ктому о службах олтарных усердни бяху жерцы, но храм убо презирающе и о жертвах нерадяще, тщахуся причастницы быти палестре беззаконнаго предания, по произзывании игралищнаго круга. II Maccabees 4:15 И отеческия убо чести ни во чтоже вменяху, Еллинския же славы предобры быти мняху: II Maccabees 4:16 ихже ради объят я лютое обстояние, и о ихже ревноваху наставлениих, и весьма им хотяху уподобитися сих врагов и мучителей имеяху. II Maccabees 4:17 Нечествовати бо в Божественных заонех неудобь: но сия последующее время известит. II Maccabees 4:18 Бывшу же пятолетному тризнищу в Тире и царю сущу тамо, II Maccabees 4:19 посла Иасон студных смотрителей из Иерусалима Антиохианы сущыя, несущыя сребра дидрахм триста в жертву Ираклиеву, о ихже и моляху принесшии, да не употребляют в жертву, яко не достоит, но во иныя росходы их отложити. II Maccabees 4:20 Посла убо сия ради пославшаго в жертву Ираклиеву, ради же принесших на строение кораблецей тривеселных. II Maccabees 4:21 Послану же бывшу во Египет Аполлонию сыну Менестеову ко Птоломею Филометеру царю, торжества ради восприятия престола, возмнев Антиох чужда его быти своих вещей, о своем безопасстве печашеся: того ради во Июппию пришед, достиже во Иерусалим. II Maccabees 4:22 Великолепно же от Иасона и града прият, со свещьми светлыми и хвалами вниде: таже сице в Финикию с воинством пойде. II Maccabees 4:23 По трелетнем же времени посла Иасон Менелаа брата предреченнаго Симона несуща царю сребреники и о вещех нужных представление совершити имущаго. II Maccabees 4:24 Он же представ царю и возвеличив его в лице власти ради, на себе восторже архиерейство, положив свыше Иасона талант сребра триста. II Maccabees 4:25 Приемь же от царя повеления прииде, ничтоже убо нося достойно архиерейства, ярость же жестокаго мучителя и зверя лютаго гнев имея. II Maccabees 4:26 И Иасон убо, иже своего брата кознию улови, сам кознию уловлен от инаго, беглец во Аманитскую страну изгнан бысть. II Maccabees 4:27 Менелай же началство убо одержа, о сребрениех же цареви обещанных ничтоже радяше: II Maccabees 4:28 творящу же истязание сострату краеградия епарху, к сему бо надлежаще даней дело, тоя ради вины оба ко царю призвани. II Maccabees 4:29 И Менелай убо остави архиерейства преемника Лисимаха брата своего, Сострат же Кратита, иже бе над Кипряны. II Maccabees 4:30 И егда сия деяхуся, случися Тарсяном и Малотом крамолу воздвигнути, сего ради, яко Антиохиде наложнице цареве в дар отдани быша. II Maccabees 4:31 Скоро убо царь прииде укротити вещы, оставя наместника Андроника единаго от князей своих. II Maccabees 4:32 Возмнев же Менелай восприяти себе время благополучно, златыя иекия сосуды от церкве украд дарова Андронику и ина продаде в Тир и во окрестныя грады. II Maccabees 4:33 Иже явно познав Ониа, обличаше его, отшед в место безопасное, в Дафнию близ Антиохии лежащую. II Maccabees 4:34 Оттуду Менелай взем на едине Андроника, моляше да убиет Онию. Он же пришед ко Онии, и увещав лестию, и десницу с клятвою дав, аще и в подозрении бе, усоветова из безопаснаго места изыти, егоже и абие заключив уби, не устыдевся правды. II Maccabees 4:35 Сея же ради вины не токмо Иудее, но мнози и от иных языков негодоваху и скорбяху о неправедньм мужа убийстве. II Maccabees 4:36 Возвратившуся же царю от Киликийских мест, сущии во граде Иудее приступиша просяще (суда) купно с ненавидящими беззакония Еллинами о безвиннем убийстве Ониине. II Maccabees 4:37 Оскорбився убо душею Антиох (Онии ради) и преклонив на милость, и слезы излияв о целомудрии скончавшагося и о мнозем благонравии II Maccabees 4:38 и разярився душею, абие со Андроника порфиру совлек и одежды ободрав, по всему граду повелев обводити, на томже месте, идеже Онию нечестиво уби, тамо убийцу погуби, Господу достойную ему казнь воздающу. II Maccabees 4:39 Егда же многа священнограбителства во граде соделана быша от Лисимаха со Менелаевым советом, и изыде весть вне, собрася множество на Лисимаха, многим уже златым сосудом изнесеным бывшым. II Maccabees 4:40 Народом же востающым и гнева исполненным, вооружив Лисимах три тысящы, нача беззаконными руками обидети, предводителствующу некоему мучителю престаревшуся возрастом, паче же безумием. II Maccabees 4:41 Уразумевше же и усилие Лисимахово, инии камение, инии дреколия толстая восхитиша, нецыи же близ лежащий прах вземше, на сущих окрест Лисимаха меташа. II Maccabees 4:42 Сея ради вины многих убо от них уязвиша, некиих же и низложиша, всех же в бег обратиша: самаго же священнограбителя при сокровищнем хранилищи убиша. II Maccabees 4:43 О сих же суд на Менелаа настояше. II Maccabees 4:44 Егда же прииде царь в Тир, к нему судебное дело принесоша посланнии три мужа от старейшин. II Maccabees 4:45 И уже премогаемь Менелай обеща Птоломею сыну Дорименову многи сребреники дати на утоление царя. II Maccabees 4:46 Поят убо особь Птоломей в некий притвор аки прохлаждаюшася царя, преврати, II Maccabees 4:47 и всея убо злобы виновнаго Менелаа свободи от вины, а бедных, иже аще бы и пред Скифы глаголали, отпущени были быша неосуждени, сих на смерть осуди. II Maccabees 4:48 Скоро убо неправедну казнь претерпеша иже о граде и людех и о священных сосудех доносившии. II Maccabees 4:49 Сея ради вины и Тиряне, вознегодовавще о беззаконии, на погребение их щедро преподаша. II Maccabees 4:50 Менелай же ради лихоимства обладающих пребываше во власти, возрастающь злобою, великий гражданом наветник сотворився. II Maccabees 5:0 II Maccabees 5:1 В сие же время вторый поход уготова Антиох во Египет. II Maccabees 5:2 Случися же по всему граду, едва не чрез четыредесять дний являтися на воздусе ристающих конников златыя одежды имущих и копиями по полком вооруженных, II Maccabees 5:3 и собрания коней чинно устроенных, исхождения творимая и сражения от обоих стран, и щитов движения и сулиц множество, и мечей исторжения и стрел метания, и златых одежд блистания и всякия брони. II Maccabees 5:4 Темже вси моляхуся, да явление во благо будет. II Maccabees 5:5 Бывши же вести лживей, акибы Антиох от жития отшел, взем Иасон не менши тыящи мужей, внезапу на град сотвори нападение гражданом же на стену востекшым, и наконец уже вземлему сущу граду, Менелай во краеградие убеже. II Maccabees 5:6 Иасон же творяше заклания граждан своих нещадно, не помышляя, яко благовременство, еже на ужики, злополучие есть превелие: мня над врагами, а не над единоязычными победителная прияти, II Maccabees 5:7 началства убо не одержа, кончину же навета студ приемь, беглец паки во Аманитиду отиде. II Maccabees 5:8 Конец убо злаго жития получи, заключен у Ареты Аравскаго мучителя, бегая от града во град, гонимь от всех и ненавидимь аки законов отступник, и огнушаемь, яко отечеству и гражданом враг, во Египет изгнан бысть. II Maccabees 5:9 И иже многих от отечества изгнавый, странствуя погибе к Лакедемоняном отшед, аки сродства ради прибежище хотящь имети. II Maccabees 5:10 И иже множество непогребенных изверже, (сам) не оплакан бысть, и погребения ни какова сподобися, ниже отеческому гробу приобщися. II Maccabees 5:11 Возвестившым же царю о бывших, усумнеся (царь), да не отступит Иудеа: и того ради пришед из Египта разярен душею, взя град оружием II Maccabees 5:12 и повеле воином сещи нещадно сретающихся и в домы входящих закалати. II Maccabees 5:13 Быша же убиения юнош и старцев, мужей и жен и чад истребления, дев же и отроков заклания. II Maccabees 5:14 Осмьдесят же тысящ во всех триех днех избиени: и четыредесять убо тысящ пленени, не менши же убиеных продани быша. II Maccabees 5:15 Не доволен же быв и сими, дерзну внити в церковь всея земли святейшую, имеяй Менелаа предводителя, бывша законов и отечества предателя. II Maccabees 5:16 И скверныма рукама вземля священныя сосуды и яже от иных царей положенная на умножение и славу места и честь, скверныма рукама прикасаяся подаяше. II Maccabees 5:17 И вознесеся мыслию Антиох, не помышляя, яко грех ради обитающих во граде мало прогневася Владыка, того ради бысть о месте презрение: II Maccabees 5:18 аще же бы не случилося им многими грехи быти объятым, якоже бе Илиодор посланный от Селевка царя ко осмотрению сокровищнаго хранилища, сей пришед внезапу биен быв отвратился бы от дерзости. II Maccabees 5:19 Но не ради места язык, но языка ради место Господь избра. II Maccabees 5:20 Темже убо и сие место сопричастно бысть людских зол случивишихся, последи же благодеянием от Господа приобщися, и оставленое во гневе Вседержителя, паки в примирении великаго Владыки со всякою славою исправися. II Maccabees 5:21 Убо Антиох из церкве взем тысящу осмь сот талантов, скоро во Антиохию возвратися, чая от гордыни землю убо плавателну, а море пешеходно положити от возвышения сердца. II Maccabees 5:22 Остави же и приставники ко озлоблению людий, во Иерусалиме убо Филиппа родом Фригеанина, нрав жесточайший имущаго неже поставльший (его), II Maccabees 5:23 в Гаризине же Андроника: и к сим Менелаа, иже злее иных озлобляше граждан, II Maccabees 5:24 ненавистное же ко гражданом Иудейским имеяй сердце, посла ненавистнаго началника Аполлониа со двадесятию двема тысящьми воинства, повелев ему всех в возрасте сущих погубити, жены же и юношы продаяти. II Maccabees 5:25 Сей же пришед во Иерусалим и аки мир себе притворив, удержася даже до дне святыя субботы: и улучив празднующих Иудеов, вооружитися своим повеле, II Maccabees 5:26 и изшедших всех на позор закла, и во град со оружии вскочив, людий многое множество погуби. II Maccabees 5:27 Иуда же Маккавей, иже десятый быв, и отшед в пусто место, звериным образом в горах живяше с сущими с ним, и травную пищу ядуще пребываху, еже бы не причастися осквернению. II Maccabees 6:0 II Maccabees 6:1 Не по мнозе же времени посла царь старца (некоего) Афинеанина понуждати Иудей, дабы отступили от отеческих преданий и по Божетвенным законом не жителствовали, II Maccabees 6:2 осквернити же и во Иерусалиме храм и нарещи Диа Олимпийскаго, и сущий в Гаризине, якоже обитающии бяху на месте онем, Диа Странноприимца. II Maccabees 6:3 Люто же и всему народу бе и тяжко нападение злобы, II Maccabees 6:4 ибо церковь любодеяния и козлогласования бе полна от язык живущих со блудницами и во священных притворех к женам приближающихся и неподобающая внутрь вносящих. II Maccabees 6:5 Олтарь такожде полн бе возбраненными от законов. II Maccabees 6:6 Бяше же не возможно суббот хранити, ни праздников отеческих содержати, ниже весьма кому себе Иудеанином именовати. II Maccabees 6:7 Ведяхужеся с горькою нуждею на всяк месяц в день рождения царева в жертве: бывшу же Дионосову празднику, понуждахуся Иудее киссы имуще хвалити Диониса. II Maccabees 6:8 Повеление же изыде в ближния грады Еллинския, Птоломею подустившу, да тогожде уставления противу Иудеев употребляют, и жертву приносят, II Maccabees 6:9 не изволяющих же прейти на Еллинския уставы да убивают: бе убо видети настоящую бедность. II Maccabees 6:10 Две бо жены оклеветаны бысте обрезавшыя чада своя: сих привесивше има к сосцам младенцы и пред народом обводивше их по граду, со стены свергоша. II Maccabees 6:11 Инии же в ближния стекшеся пещеры, тайно день субботный праздновати, егда возвещено бысть Филиппу, сожжени быша, зане ради чести праздничнаго дне бояхуся помогати себе. II Maccabees 6:12 Молю убо чтущих книгу сию не устрашатися напастей, мнети же мучеия сия не к погублению, но к наказанию рода нашего быти. II Maccabees 6:13 Ибо на много время не попускати злочествующым, но абие впадати им в мучения, великаго благодеяния есть знамение. II Maccabees 6:14 Не бо якоже на иных языцех ждет долготерпеливый Владыка, дондеже достигших ко исполнению грехов мучит, тако и на нас суди быти: II Maccabees 6:15 да не до конца достигшым грехом нашым, последи нам отмстит. II Maccabees 6:16 Сего ради никогдаже от нас милосердие Свое отемлет: наказуяй же бедствами не оставляет людий Своих. II Maccabees 6:17 Но сия ко увещанию нам речена суть: малыми же подобает внити в повесть. II Maccabees 6:18 Елеазар некий от первенствующих книжников, муж уже состаревся летами и зраком лица благолепен сый, отверстыми усты принуждаемь бяше ясти свиная мяса. II Maccabees 6:19 Он же со славою смерть паче, нежели ненавистный живот предизбрав, волею идяше на муку: II Maccabees 6:20 плюнув же (на тая), имже образом подобаше приходити хотящым терпети мучение, яже не леть бе ясти ради любления живота. II Maccabees 6:21 Ко беззаконней же приставленнии жертве, древняго ради к мужу знания, вземше его на едине моляху, да принесеная мяса, яже ясти ему леть бяше, его ради уготована, притворит себе аки ядуща повеленная от царя жертвенная мяса: II Maccabees 6:22 да сие соделав избавится от смерти и древния ради к ним дружбы получит человеколюбие. II Maccabees 6:23 Он же мысль благу восприемь и достойну возраста и старости преимущества, и пристяжаныя лепотныя седины и издетска предобраго воспитания, паче же святаго и Богоданнаго закона, последовно отвеща, скоро глаголя: изволяю послан быти во ад, II Maccabees 6:24 не бо возрасту нашему достойно есть лицемерити, да мнози от юных непщующе Елеазара девятидесятилетна прейти к жителству иноплеменных, II Maccabees 6:25 и они моего ради лицемерия и маловременнаго живота прельстятся мене ради, и ненависть и порок старости моей сотворю: II Maccabees 6:26 аще бо нынешния муки человеческия и избавлюся, но руки Всемогущаго ни жив, ни умерый избегу: II Maccabees 6:27 темже мужественне ныне разлучився живота, старости убо достоин явлюся, II Maccabees 6:28 юным же образ доблий оставлю, еже усердно и добльственно за честныя и святыя законы умирати. И сия рек, со тщанием на муку пойде. II Maccabees 6:29 Ведущии же его, бывшую мало прежде благоприятность к нему в свирепость премениша предреченных ради словес, яже сии мняху безумство быти. II Maccabees 6:30 Хотя же ранами скончатися, возстенав рече: Господеви святый разум имущему явно есть, яко от смерти могущь избавитися, жестокия терплю на теле болезни уязвляемь, на души же сладце страха ради Его сия стражду. II Maccabees 6:31 И сей убо сим образом живот сконча, не токмо юношам, но и премногим языка свою смерть во образ доблести и в память добродетели оставив. II Maccabees 7:0 II Maccabees 7:1 Случися же и седмим братиям вкупе с материю ятым, понуждаемым быти от царя ясти противу правил мяса свиная, бичми и жилами волуями мучимым. II Maccabees 7:2 Един же от них, иже бе первый, тако рече: что хощеши вопрошати и научитися от нас? Готови бо есмы умрети, нежели преступити отеческия законы. II Maccabees 7:3 Разгневався же царь повеле сковрады и конобы разжещи. II Maccabees 7:4 Умже скоро разжженным бывшым, повеле сущему от них предводителю слова отрезати язык, и со всего кожу содравше, краи удов телесных отсещи, прочиим братиям и матери смотрящым. II Maccabees 7:5 И егда уже неключимь сотворен бысть всеми (удесы), повеле огню предати еще дышуща и пещи на сковраде: пару же умножающуся от сковрады, (прочии купно) с материю друг друга поощряху умрети мужественно, глаголюще сице: II Maccabees 7:6 Господь Бог зрит и о истине нашей утешается, якоже пред лицем свидетелствующею песнию изяви Моисей глаголя: и о рабех Своих утешится. II Maccabees 7:7 Умершу же первому сим образом, втораго изводяху на поругание: и кожу со главы его со власы содравше, и вопрошаху: будеши ли ясти прежде неже умучено будет все тело по удам. II Maccabees 7:8 Он же отвещав отеческим гласом, рече: ни. Темже и сей по ряду прият мучение, якоже и первый. II Maccabees 7:9 В последнем же издыхании быв, рече: ты убо, окаяннейший, от настоящаго живота нас погубляеши, Царь же мира умерших нас Своих ради законов воскресит нас в воскресение живота вечнаго. II Maccabees 7:10 По сем же третий поругаемь бе, и языка испрошен, абие издаде и руце дерзостне простре и мужественне рече: II Maccabees 7:11 от небесе сия притяжах, и Его ради законов презираю сия, и от Него сия паки уповаю восприяти. II Maccabees 7:12 Яко и сам царь и сущии с ним удивляхуся юнаго великодушию, яко ни во чтоже полагаше муки. II Maccabees 7:13 И сему скончавшуся, и четвертаго такожде мучаху мучителе. II Maccabees 7:14 И егда уже бысть к смерти тако рече: лучше убиваемым от человек упования чаяти от Бога, паки имущым воскрешеным быти от Него, тебе же воскресение в живот не будет. II Maccabees 7:15 По сем же пятаго приведше мучиша. И он воззрев нань, рече: II Maccabees 7:16 власть в человецех имея тленен сый, еже хощеши, твориши: не мни же роду нашему от Бога оставлену быти: II Maccabees 7:17 ты же потерпи и зри велию державу Его, како тебе и семя твое умучит. II Maccabees 7:18 По сем приведоша шестаго. И той умрети начинающь рече: не прельщайся суетно, мы бо себе ради сия страждем согрешающе к Богу нашему, сего ради достойная удивления быша: II Maccabees 7:19 ты же да не возмниши неповинен быти, богоборствовати начен. II Maccabees 7:20 Безмерно же мати дивная и благия памяти достойная, яже погибающих седми сынов единаго дне и времене видящи, благодушно терпяше ради упования на Господа, II Maccabees 7:21 и коегождо их увещаваше отеческим гласом, доблия исполнена мудрости и женское помышление мужескою душею воздвизающи, глаголаше к ним: II Maccabees 7:22 не вем, яко во чреве моем явистеся, ниже бо аз дух и живот дах вам, и коегождо уды не аз составих, II Maccabees 7:23 но мира Творец, Создавый род человечь и всех изобретый рождение, и дух и жизнь вам паки воздаст с милостию, яко ныне сами себе презираете ради законов Его. II Maccabees 7:24 Антиох же непщуяй уничижен быти и поношающь глас презрев, еще юнейшему живу сущу, не токмо словесы творяше увещание, но и клятвою подкрепляше, богата купно и блажена сотворити, преведеннаго от отеческих законов, и друга возимети, и дела вверити ему. II Maccabees 7:25 Сим же юноше ни какоже внемлющу, призвав царь матерь увещаваше, да будет юноше советница на спасение. II Maccabees 7:26 Много же ему увещавающу, обещала советовати сыну своему. II Maccabees 7:27 Приклонившися же к нему, посмеяся жестокому мучителю и сице рече отеческим гласом: сыне, помилуй мя носившую тя во чреве девять месяцей и млеком питавшую тя лета три, и воскормившую тя и приведшую в возраст сей, и болезни воспитания понесшую: II Maccabees 7:28 молю тя, чадо, да воззриши на небо и землю, и вся, яже в них, видящь уразумееши, яко от не сущих сотвори сия Бог, и человечь род тако бысть: II Maccabees 7:29 не убойся плоторастерзателя сего, но достоин быв братии твоея, восприими смерть, да в милости с братиею твоею восприиму тя. II Maccabees 7:30 Еще же сия ей глаголющей, юноша рече: кого ожидаете? Не слушаю повеления царева, но повеления закона слушаю даннаго отцем нашым чрез Моисеа: II Maccabees 7:31 ты же всякия злобы изобретатель быв на Иудеи, не избежиши рук Божиих: II Maccabees 7:32 мы бо за грехи нашя сия страждем: II Maccabees 7:33 аще же ради устрашения и наказания живый Господь наш мало прогневася, но паки примирится рабом Своим: II Maccabees 7:34 ты же, о, беззаконниче и всех человек сквернавейше, не возносися суетно кичася тщетным упованием, на небесныя рабы Его возносящь руку: II Maccabees 7:35 не у бо Вседержителя и Всевидца Бога суда избегл еси: II Maccabees 7:36 братия бо наша мало ныне болезни потерпевше по завету Божию вечный живот получиша: ты же судом Божиим праведную казнь гордыни (твоея) восприимеши: II Maccabees 7:37 аз же, якоже братия моя, душу и тело мое предаю за отеческия законы, призывая Бога милостива вскоре быти Израилю: ты же с мучением и биением исповеси, яко един токмо Бог есть: II Maccabees 7:38 на мне и на братии моей престанет Вседержителя гнев нанесенный праведно всему роду нашему. II Maccabees 7:39 Тогда царь разярися яростию нань паче иных лютее, горце терпящь посмеяние. II Maccabees 7:40 И сей убо чист от жития пременися, по всему на Господа уповая. II Maccabees 7:41 Последи же сынов и мати скончася. II Maccabees 7:42 Сия убо о жертвах и о превосходящих мучителствах толико известишася. II Maccabees 8:0 II Maccabees 8:1 Иуда же Маккавей и иже с ним, входяще тайно в села, созываху сродники и пребываюших во Иудействе приемлюще собраша до шести тысящ мужей. II Maccabees 8:2 И призываху Господа призрети на люди от всех попираемых, ущедрити же и храм от нечестивых человек осквернен II Maccabees 8:3 помиловати же и разореный град и имеющь равно со землею быти, и глас кровей вопиющих к Нему услышати, II Maccabees 8:4 помянути же и безгрешных младенцев беззаконное погубление и бывшая хуления на имя Его, и возненавидети лукавства. II Maccabees 8:5 Собрав же множество, Маккавей нестерпимь яже языком бысть, гневу Господню в милость обратившуся. II Maccabees 8:6 И нападая на веси и грады нечаянно сожигаше, и благовременна места взимающь, не мало супостат побеждаше убивая, II Maccabees 8:7 наипаче же нощы на таковая нападения в помощь приемляше: и слава некая мужества его прохождаше всюду. II Maccabees 8:8 Виде же Филипп по малу в предуспеяние грядуща мужа, частее же во благоденствиих успевающа, ко Птоломею воеводе Килисирии и Финикии писа, дабы помогал в царских делех. II Maccabees 8:9 Он же скоро избрав Никанора, сына Патроклова от первейших другов посла, подчинив ему от всяких языков вооруженных виев не менше двадесяти тысящ, да весь Иудейский род избиет: придаде же ему и Горгию мужа стратига и в ратных делех искусство имуща. II Maccabees 8:10 Устави же Никанор дань царю, яже Римляном даяшеся, две тысящы талантов от пленения Иудейскаго наполнити. II Maccabees 8:11 Абие же в поморских грады посла, созывая на куплю Иудейских пленников, обещаяся девятьдесят пленников за талант дати, не чая мщения хотящаго последовати ему от Вседержителя. II Maccabees 8:12 Иуде же возвещено бе о приществии Никанорове: и егда он возвести сущым с собою о пришествии воинства, II Maccabees 8:13 ужасшеся и не веровавше Божию отмщению разбегахуся и от места своего отступаху: II Maccabees 8:14 инии же оставшая вся продаяху, купно же Господа моляху, да избавит от нечестиваго Никанора проданых, прежде даже снитися, II Maccabees 8:15 и аще не их ради, то ради завета, иже бысть ко отцем их, и призывания ради честнаго и великолепаго имене Своего на них. II Maccabees 8:16 Собрав же Маккавей сущих окрест его числом шесть тысящ, моляше, да не ужаснутся от супротивников, ниже да устрашатся неправедно грядущих на ня языков множества, но мужественно да подвизаются, II Maccabees 8:17 пред очима имеюще беззаконно на место святое соделанную от них укоризну и посмеяннаго града обиду, еще же и прародителнаго жителства разрушение. II Maccabees 8:18 Они бо на оружие надеются купно и на дерзость, рече: мы же на Вседержителя Бога могущаго и грядущих мгновением низложити надеемся. II Maccabees 8:19 Воспомянув же им и бывшая заступления при прародителех, и яко под Сеннахиримом сто осмьдесят пять тысящь погибоща, II Maccabees 8:20 и в Вавилоне на Галатов бывшее ополчение, како вси, егда на брань приидоша, осмь тысящ с четырию тысящами Македонян, Македоняном отчаявшымся, едини осмь тысящ побиша сто двадесять тысящ помощию данною им от небесе, и пользу многу взяша. II Maccabees 8:21 Сими (воспомяновении) дерзостны оныя поставив и готовы умрети за законы и отечество, четверочастно воинство постави: II Maccabees 8:22 учинив и братию свою воеводами обоего ополчения, Симона и Иосифа и Ионафана, поддав коемуждо тысящу и пять сот, II Maccabees 8:23 еще же и Елеазару (повелев) чести святую книгу и дав знамение помощи Божию, первому полку сам предводителствуя сразися с Никанором. II Maccabees 8:24 Бывшу же им Вседержителю споборнику, убиша супостатов более девяти тысящ, язвеных же и безчленных болшую часть сотворища воев Никаноровых, всех же в бегство понудиша. II Maccabees 8:25 Сребреники же от пришедших на куплю их взяша. II Maccabees 8:26 Гонивше же их зелне, возвратишася от времене заключени: бе бо (день) пред субботою, сея ради вины не продолжиша гоняще их. II Maccabees 8:27 Оружия же их собирающе и корысти от супостат отемлюще, субботу праздноваху попремногу благословяще и исповедаюшеся Господеви спасшему их в день сей, начало милости учинившему им. II Maccabees 8:28 По субботе же немощным и сиротам, и вдовам (и обидимым) разделивше от корыстей, прочая сами и отроцы разделиша. II Maccabees 8:29 Сия же содеявше и общую молитву сотворше, милосердаго Господа моляху, в конец примиритися рабом Своим. II Maccabees 8:30 И от сущих с Тимофеем и Вакхидом противных множае двадесяти тысящ убиша и твердыни зело высокия одержаша, и многия корысти разделиша, равночастне себе и немощным, и сиротам и вдовам, еще же и старейшинам сотворше. II Maccabees 8:31 Собравше же оружия их, прилежне вся положиша в местех благовременных, прочыя же корысти во Иерусалим принесоша. II Maccabees 8:32 И филарха Тимофеева убиша мужа беззаконнейшаго и вельми Иудеов озлобившаго, II Maccabees 8:33 иобедителная же празднующе во отечестве, зажегших свяшенная врата, Калисфена и некиих иных сожгоша убегших во едину храмину, иже достойную мзду нечестия восприяша. II Maccabees 8:34 Треклятейший же Никанор, иже тысящу купцев на куплю Иудеов приведый, II Maccabees 8:35 смирен помощию Господнею от тех, ихже противу себе за ничтоже вменяше, славную отложив ризу, чрез средиземное (море) беглеца образом уединена себе сотворь, прииде во Антиохию презелне неблагополучен о погублении воинства. II Maccabees 8:36 И иже обеща Римляном дань воздати от пленения Иерусалимскаго, проповедаше, яко защитителя Бога имеют Иудеи, и сего ради не уязвляеми суть Иудее, зане последуют законом от Того уставленым. II Maccabees 9:0 II Maccabees 9:1 Того же времене Антиох с безчестием возвратися от Персиды. II Maccabees 9:2 Вниде бо во град глаголемый Персеполь и покусися расхитити храм и град обдержати: того ради множеству устремившуся, к помощи оружий обратишася: и тако случися прогнаному Антиоху от градожителей со срамом возвратитися. II Maccabees 9:3 Сущу же ему при Екватане, возвестишася ему содеянная при Никаноре и Тимофеи. II Maccabees 9:4 Вознесся же яростию, мняше и прогнавших его злобу нанести на Иудеи: сего ради повеле вознице непрестанно гонящему совершати шествие, небесному суду понуждающу его, сице бо горделиве рече: гробищное место Иудеем Иерусалим, пришед тамо, сотворю. II Maccabees 9:5 Всевидец же Господь Бог Израилев порази его неизцельною и невидимою язвою: изрекшуся бо его слову, абие объят его утробная неизельная болебзнь и горькия внутренния муки, II Maccabees 9:6 зело праведне, яко многими и странными напастьми иных утробы мучи. Он же никакоже от кичения (своего) преста: II Maccabees 9:7 еще же и гордыни исполняшеся, огнем дышущь ярости на Иудеи и заповедав ускорити шествие: случися же и пасти ему от колесницы со устремлением идущия, и лютым падением падшему вся уды плоти сокрушити. II Maccabees 9:8 Он же, иже мало прежде мняй волнам морским повелевати, от гордости паче человечи, и мерилом высоту гор мняся измерити, до земли смирен на носиле носяшеся, явную Божию силу всем показуя: II Maccabees 9:9 яко и от телесе нечестиваго червию кипети, и живущу в болезнех и в мучениих, плоти его излиятися от смрада же его и гноя вси воини гнушахуся. II Maccabees 9:10 И мало прежде небесных звезд касатися мнящаго никтоже можаше носити, смрада ради лютаго. II Maccabees 9:11 Отсюду убо нача от многия гордыни своея преставати уязвлен и в познание приходити (научен) Божиею язвою повсечастно умножее болезни своея приемля. II Maccabees 9:12 И егда ниже сам смрада своего терпети можаше, тако рече: праведно есть повинутися Богови, и смертну сущу равная Богови не мудрствовати горде. II Maccabees 9:13 Моляшеся же скверный ко никогда хотящему помиловати его Владыце, тако глаголя: II Maccabees 9:14 святый убо град, егоже тщахся пришед во прах обратити и место гробищное создати, свободен оставлю, II Maccabees 9:15 Иудеев же, ихже хотех ниже погребение сподобите, но птицем зверем на растерзание предати со младенцы, всех их равных Афинеом сотворю: II Maccabees 9:16 храм же святый, егоже прежде ограбих, предобрыми дары украшу, и священныя сосуды много болше вся воздам, и подобающая к жертвам иждивению от своих доходов подам: II Maccabees 9:17 к сим же и Иудеанином быти, и всякое место обитаемо проходити, и проповедати Божию державу имам. II Maccabees 9:18 Но никакоже престающым болезнем, найде бо нань праведный Божий суд, о себе отчаявся, писа ко Иудеом ниженаписанное послание, моления чин имущее, содержащее же сия: II Maccabees 9:19 предобрым гражданом Иудеом зело радоватися и здравствовати и благоденствовати, царь Антиох и стратиг: II Maccabees 9:20 аще здравствуете и чада, и (имения) вашя но мысли вам суть, благодарю убо Богу великим благодарением, на небо упование имея: II Maccabees 9:21 аз же в немощи лежащь, вашу честь и благоприятство воспоминах любезно: возвращаяся от Персидских мест и впад в болызнь тяжку, нужно возмнех попечение возимети о общем всех утверждении: II Maccabees 9:22 не отчаяваяся о себе, но упование много имея избежати недуга, II Maccabees 9:23 зря же, яко и отец мой, в няже времена в вышних местех воева, показа имущаго прияти по нем началство, II Maccabees 9:24 да аще что противно случится или возвестится что бедственно, ведуще сущии по странам, кому власть вверена, не смутятся: II Maccabees 9:25 к сим же помышляю прилежащих могутников и соседей царствию времене усмотряющих и случая ожидающих, оеявих сына моего Антиоха царем, егоже многаши обходящь вышний сатрапии многим от вас препоручах и представлях, писах же к нему, яже нижае писана суть: II Maccabees 9:26 молю убо вас и прошу, да помняще благодеяния во обще и особно, кийждо содержите сущее благоприятство ко мне и сыну моему: II Maccabees 9:27 уповаю бо, яко он кротце и человеколюбне, последующь моему произволению, сообщатися вам будет. II Maccabees 9:28 Мужеубийца убо и хульник злейшаяе пострадав, якоже иным сотвори, в странстве, на горах бедною смертию изчезе. II Maccabees 9:29 Пренесе же тело его Филипп сверстник его: иже и убоявся сына Антиохова ко Птоломею Филомитору во Египет отиде. II Maccabees 10:0 II Maccabees 10:1 Маккавей же и иже с ним бяху, Господу их защищающу, храм убо и град восприяша: II Maccabees 10:2 капища же от иноплеменников на торжищи устроенная, еще же и требища раскопаша, II Maccabees 10:3 и очистивше храм, ин олтарь сотвориша, и разжегше камение и вземше огнь от них, принесоша жертву по двою лету и шести месяцех, и фимиам и свещники, и хлебов предложение сотвориша. II Maccabees 10:4 Сия же сотворше, моляху Господа падше ниц, да не ктому в сицевая злая впадут, но аще когда и согрешат, от Него с кротостию да наказуются, а не варваром и хульным языком предадятся. II Maccabees 10:5 И в оньже день храм от иноплеменник осквернися, случися в той же день очищению быти храма, двадесять пятаго дне месяца, иже есть Хаслев. II Maccabees 10:6 И с веселием праздноваху дний осмь по образу сеней, поминающе, яко прежде малаго времене праздник сенниц в горах и в пещерах звюриным образом бяху провождающе. II Maccabees 10:7 Сего ради фирси и ветви зеленыя, еще же и финики имеюще, песни приношаху Благопоспешившему очестити место Свое. II Maccabees 10:8 И узакониша общим повелением и уставлением всему языку Иудейску по вся лета праздновати дни сия. II Maccabees 10:9 И Антиох убо, иже проименовашеся Епифан, кончину тако име. II Maccabees 10:10 Ныне же яже о Евпаторе Антиохе, сыне нечестиваго бывшем, речем, сокращающе злаая, яже во бранех сотворена суть. II Maccabees 10:11 Сей бо восприяв царствие, постави над делами царскими Лисию некоего, Килисирии же и Финикии воеводу первоначалнаго. II Maccabees 10:12 Птоломей бо нарицаемый Макрон правду соблюдати произволив ко Иудеом бывшая ради к ним обиды, покушашеся яже к ним мирно препроводити. II Maccabees 10:13 Темже оклеветан от другов ко Евпатору и часто нарицаемь акибы предатель, понеже Кипр вверенный от Филомитора остави и ко Антиоху Епифану отиде, ниже честныя власти имущь, от печали отравив себе живот сконча. II Maccabees 10:14 Горгиа же быв воевода над местами, собираше чуждих воев и непрестанно на Иудеи ратоваше. II Maccabees 10:15 С ним же купно и Идумеане обдержаще крепкия твердыни обучаху Иудеов, и изгоняемых из Иерусалима приемлюще, ратовати начинаху. II Maccabees 10:16 Сущии же со Маккавеом сотворше молитву и моливше Бога споборника им быти, на Идумейския твердыни устремишася. II Maccabees 10:17 К ним же и приступивше мужественно одержаша места, всем же на стене ратующым отмстиша и сретающихся закалаху, убиша же не менше двадесяти тысящ. II Maccabees 10:18 Избегшым же иекиим не менши девяти тысящ в две пирги крепки зело и вся, яже противу облежения, имущыя, II Maccabees 10:19 Маккавей оставив Симона и Иосифа, еще же и Закхеа и иже с ним доволных ко облежению их, на нуждная места сам отиде. II Maccabees 10:20 Сущии же с Симоном сребролюбивии от некиих, иже в пиргах, сребром прельщени, и седмьдесят тысящ драхм вземше, оставиша некиих избежати. II Maccabees 10:21 Егда же возвестися Маккавею о бывшем, собрав началники людий, порицаше, яко за сребро продаша братию, супостатов на них отпустивше. II Maccabees 10:22 Сих убо предателей бывших уби и внезапу две пирги разруши. II Maccabees 10:23 Оружием же во всех и руками благоуспевая, погуби в дву твердынех более двадесяти тысящ. II Maccabees 10:24 Тимофей же, иже прежде от Иудей бысть поражен, собрав воев странных множество, и во Асии бывщих конников собрав не мало, прииде аки оружием Иудею хотящь взяти. II Maccabees 10:25 Маккавей же и сущии с ним, приближающуся тому, ко молитве Божий обратишася, главы землею посыпавше и чресла вретищами препоясавше, II Maccabees 10:26 пред олтарным прагом ниц падше, моляху милостива им быти, враждовати же враждующым на них и супостатом противится яко закон глаголет. II Maccabees 10:27 Бывше же по молитве, восприемше оружия далече из града изыдоша: приближшежеся к супостатом, о себе сташа. II Maccabees 10:28 Солнцу же возсиявающу, обои сразишася: сии убо споручника имуще благополучия и победы с добродетелию ко Господу прибежище, они же воеводу браней учинища ярость. II Maccabees 10:29 Пребывающей же крепцейй брани, явишася супостатом от небесе мужие пять на конех златы узды имущих, благолепни, и правяще Иудеов два: II Maccabees 10:30 и Маккавеа среде себе вземше и защищающе своим всеоружием невредима сохраняху, на супостаты же стрелы и молнии метаху: темже смесившеся невидением сечахуся мятежа исполнени. II Maccabees 10:31 Убиенных же бысть двадесять тысящ и пятсоть сот, конных же шесть сот. II Maccabees 10:32 Сам же Тимофей побебже в Газару глаголемую твердыню, зело крепкую, воеводствующу тамо Херею. II Maccabees 10:33 Маккавей же и сущии с ним весело обседоша крепость дни четыри. II Maccabees 10:34 Сущии же внутрь на твердость места уповающе, паче меры хуляху и словеса беззаконная изношаху. II Maccabees 10:35 Явльшужеся пятому дню двадесять юношей, иже с Маккавеем беху, разжегшеся яростию хуления ради, приближившеся ко стене, мужественно и зверообразною яростию прилучившихся разсецаху. II Maccabees 10:36 Инии же подобне возшедше с нуждею к сущым внутрь, зажигаху пирги, и возжегше огнища, живых хульников сожгоша. II Maccabees 10:37 Инии же врата разсекоша, и впустивше прочий полк, взяша град, и Тимофеа скрывшагося в некоем рве заклаша, и брата его Хереа и Аполлофана. II Maccabees 10:38 Сия же сотворше с песньми и исиоведаньми благословляху Господа благодетеля великаго Израилю и победу им давшаго. II Maccabees 11:0 II Maccabees 11:1 По мале же весьма времени Лисиа, наместник царев и сродник и к делом приставник, зело тяжце снося бывшая, II Maccabees 11:2 собрав аки осмьдесят тысящ и конники вся, прииде на Иудеев, помышляя убо град Еллином обиталище, II Maccabees 11:3 храм же среброданен сотворити, якоже и прочиих язык капища, и по вся лета продавати архиерейство, II Maccabees 11:4 никакоже помышляю Божию державу безумно уповая на тмы пебшцев и на тысящы конников и на осмьдесят слонов. II Maccabees 11:5 Вшед же во Иудею и приближився ко Вефсуре, к месту убо крепкому сущу, от Иерусалима же отстоящему яко стидий пять, сие утесняше. II Maccabees 11:6 Егда же позна Маккавей и иже с ним ратующа его твердыни, с плачем и слезами моляху Господа со всем народом, благаго Ангела послати ко спасению Израиля. II Maccabees 11:7 Сам же Маккавей первый взяв оружие увещаваше прочих вкпе с ним бедство подяти, еже помогати братии своей: вкупе же и со усердм устремишася. II Maccabees 11:8 Тамо же, и близ Иерусалима сущым, явися предводяй их конник во одежди беле всеюружие златое потрясающь. II Maccabees 11:9 Вкупе же вси благословиша милосердаго Бога и укрепишася душами, не точию человеков, но и зверей лютейших и стены железны сокрушати суще готови, II Maccabees 11:10 идяху во устроении с небесе споборника имеюще, милующу их Господу: II Maccabees 11:11 львообразно же устремившеся на супостаты, положиша от них единонадесять тысящ пешцев, конников же тысщу и шесть сот, II Maccabees 11:12 всехе же понудиша бежати: мнози же от них язвени нази уцелеша, и сам Лисиа студно бежав спасеся. II Maccabees 11:13 Не без ума же сый, размышляя в себе бывшее на себе поражение и уразумев непобедимых быти Евреов, всемогущему Богу споборствующему им, послав II Maccabees 11:14 увещаваше, яко имать примиритися во всех праведных и яко советуя прекли царя, да будет им друг. II Maccabees 11:15 Соизволи же Маккавей о всех, о нихже Лисиа моляше, о полезных радящь: елика бо Маккавей даде Лисиа на писме о Иудеех, соизволи царь. II Maccabees 11:16 Беша бо писания Иудеем посланая от Лисии, имущая образ сицев, Лисиа множеству Иудейску радоватися: II Maccabees 11:17 Иоанн и Авессалом, иже послани суть от вас, дающа написанный ответ, прошаста о назнаменанных в нем: II Maccabees 11:18 елика убо подобаше царю предложити, известих, и яже бяху приятна, соизволи: II Maccabees 11:19 аще убо в делех верность соблюдете, то и в прочее покушуся виновен вам быти благих: II Maccabees 11:20 о сих же подробну заповедах сима и посланным от мене побеседовати с вами: II Maccabees 11:21 здравствуйте. Лета сто четыредесять осмаго, (месяца) Диоскоринфиа, дне двадесять четвертаго. II Maccabees 11:22 Царское же послание содержаше сия: царь Антиох Лисии брату радоватися: II Maccabees 11:23 отцу нашему в боги пременшуся, мы хотяще во царствии сущих безмятежных быти и о своих прилежати, II Maccabees 11:24 слышахом Иудей не соблаговоляющих отца моего повелению, еже пременитися им на Еллинския законы, но изволяющих держати своя заповеди и того ради молящих, да даруются им законная их: II Maccabees 11:25 хотяще убо и сему языку без мятежа быти, судихомъом и храм им возвратити и жити по прародителским их обычаем: II Maccabees 11:26 благо убо сотвориши, аще послеши к ним и десницу даси, яко да познавше наше произволение, благодушни будут и безпечально пребудут ко своему охранению. II Maccabees 11:27 Ко Иудеом же царское послание сицево бе: Царь Антиох старейшинам Иудейским и прочым Иудеом радоватися: II Maccabees 11:28 аще здравствуете, да будет якоже хощем, и сами здравствуем: II Maccabees 11:29 изяви нам Менелай, яко хощете отшедше быти с вашими: II Maccabees 11:30 приходящым убо даже до дне тридесятаго месяца Ксанфика, дадим десницу без опасения: II Maccabees 11:31 еже употребляти Иудеом своих брашен и законов, якоже и прежде, и ни един им ни по единому образу стужити имать о содеянных в неведении: II Maccabees 11:32 послахом же и Менелаа имущаго утешити вас: II Maccabees 11:33 здравствуйте. Лета сто четыредесять осмаго, Ксанфика (месяца), пятагонадесять дне. II Maccabees 11:34 Послаша же и Римляне к ним послание имеющее сия: Квинт Меммий и Тит Манлий, старейшины Римстии, людем Иудейским радоватися: II Maccabees 11:35 о нихже Лисиа сродник царев соизволи вам, и мы соблаговоляем: II Maccabees 11:36 а яже суди предложити царю, скорее послите кого созирающе о сих, да уставит, якоже подобает вам, мы бо идем ко Антиохии: II Maccabees 11:37 сего ради ускорите и послите некиих, да и мы увемы, коея есте мысли: II Maccabees 11:38 здравствуйте. Лета сто четыредесять осмаго, пятагонадесять дне (месяца) Ксанфика. II Maccabees 12:0 II Maccabees 12:1 Содеянным же бывшым заветом сим, Лисиа убо отиде ко царю, Иудее же в земледелии упражняхуся. II Maccabees 12:2 От сущих же по местом воевод, Тимофей и Аполлоний сын Генеов, еще же Иероиим и Димофон, к сим же и Никанор Киприарх, не оставляху их благостояти и в покои быти. II Maccabees 12:3 Июппиане же толико сотвориша нечестие, умоливше Иудей с ними живущих внити во представленыя от них ладии с женами и чады, акибы ни единей вражде между ими настоящей: II Maccabees 12:4 на общее же уставление градское и сим соизволившым, яко мир имети хотящым и ничтоже подозрения имущым, отвезше их погрузиша, сущих не мнее дву сот. II Maccabees 12:5 Познав же Иуда бывшую на сродники своя жестокость, возвестив мужем иже с ним и призвав праведнаго судию Бога, II Maccabees 12:6 прииде на скверноубийц братий его, и пристанища нощию сожже, и ладии попали, избегших же от огня закла. II Maccabees 12:7 Стране же заключене бывшей отиде, яко паки приити имущь и все Июппиан искоренити гражданство. II Maccabees 12:8 Уразумев же, яко и во Амнии живущий хотят обитающым Иудеом темже образом сотворити, II Maccabees 12:9 и на Иамнитян нощию напад, зажже пристанище с кораблями яко явитися зарям огня во Иерусалиме, стадиям сущым двум стам четыредесяти. II Maccabees 12:10 Оттуду же отшедшым девять стадий, творящым путь на Тимофеа, сразишася с ним Аравлян множае пяти тысящ мужей и конник пять сот. II Maccabees 12:11 Бывшей же крепцей брани, и сущым при Иуде помощию Божиею преуспевающым, напольнии Аравляне одолени, прошаху от Иуды десницы себе, обещающе и пажить дати и во прочиих пользовати их. II Maccabees 12:12 Иуда же уразумев, яко истинно во многих они потребни, обеща мир содержати с ними: взявше же десницу, отидоша в кущы своя. II Maccabees 12:13 Нападе же и на некий град мостами тверд и стенами огражден, иже от всяких смешеных языков обитаемый, емуже имя Каспин. II Maccabees 12:14 Сущии же внутри надеющеся на крепость стен и на уготовление брашен, нерадиво пребываху, проклинающе сущих при Иуде, и ктому хуляще, и глаголюще, яже не подобает. II Maccabees 12:15 Сущии же со Иудою призвавше великаго Обладателя мира, Иже без овнов и механических орудий во времена Иисуса разруши Иерихон, нападоша зверообразно на стену. II Maccabees 12:16 И вземше град Божиею волею, безчисленна заклания сотвориша, яко прилежащему езеру, в широту имущему стадии две, текущею (убиенных) кровию исполнену явитися. II Maccabees 12:17 Оттуду же отшедше стадий седмь сот пятьдесят, приидоша в Харак, ко глаголемым Тувиином Иудеом. II Maccabees 12:18 И Тимофеа убо на местех не достигоша, ни едино дело совершивша от мест отшедша, оставльша же стражу в некоем месте зело тверду: II Maccabees 12:19 Досифей же и Сосипатр сущии от воевод, иже со Маккавеом, изшедше погубиша от Тимофеа оставших в твердыни более десяти тысящ мужей. II Maccabees 12:20 Маккавей же устроив воя своя по полком, постави их над полками, и на Тимофеа пойде имущаго с собою сто двадесять тысящ пешец, конник же две тысящы и пять сот. II Maccabees 12:21 Познав же Тимофей пришествие Иудино, посла жены и дети и прочая уготования в твердыню нарицаемую Карнию: бе бо непреборима и ко всходу неудобна ради тесноты всех мест. II Maccabees 12:22 Егда же полк Иудин первый явися, и бысть ужас на супостаты и страх от явления Всевидящаго бывшаго на них, в бегство устремишася един от другаго бежащь, яко множицею от своих повредишася и оружии своими прободахуся. II Maccabees 12:23 Творяше же Иуда гонение прилежно, убивая иноплеменников, и изби от них тридесять тысящ мужей. II Maccabees 12:24 Сам же Тимофей впад между сущих со Досифеем и Сосипатром, со многим ухищрением моляше, да жив отпустится: зане многих убо (от Иудей) родителей и некиих братию имеяше (у себе), и сим зло случится, аще умрет. II Maccabees 12:25 Егда же многими словесы вероятен сотвори обет, еже возвратити оных невредных, пустиша его ради спасения братии. II Maccabees 12:26 Изшед же (Маккавей) на Карнию и на Атаргатию, уби двадесять пять тысящ. II Maccabees 12:27 По победе же сих и погублении обрати Иуда воинство и на Ефрон, град твердый, в немже живяше Лисиа и множество разных язык: юноши же сильнии стояще пред стенами крепко противуратоваху, в немже беху орудия и стрел многое уготовление. II Maccabees 12:28 Призвавше же Всесильнаго с державою сокрушающаго ратных силы, взяша град под руку и убиша сущих внутрь двадесять пять тысящ: II Maccabees 12:29 и отшедше оттуду устремишася на Скифский град, отстоящь от Иерусалима стадий шесть сот. II Maccabees 12:30 Освидетелствовавшым же живущым тамо Иудеом о Скифских гражданех, яко имеют к ним благоприятство и во времена злополучная кротцы пребываху, II Maccabees 12:31 благодаривше им и умоливше, дабы и в прочее к роду их благоприятни были, приидоша во Иерусалим, дню великаго праздника седмиц настоящу. II Maccabees 12:32 По глаголемей же Пентикостии, идоша противу Горгиа стратига Идумейска. II Maccabees 12:33 Изыде же с пешцы треми тысящьми, и конник четыре ста, II Maccabees 12:34 и сотворшым брань, случися пасти малым от Иудей. II Maccabees 12:35 Досифей же некто от Вакинора, конный муж и крепок, ят Горгию, и взем его за хламиду, ведяше его крепко, и хотящь проклятаго взяти жива, некто от Фракийских конник нападе нань и рамо отсече, Горгиа же избеже во Марису. II Maccabees 12:36 Воином же Горгиевым на мнозе борющымся и утружденным бывшым, призвав Иуда Господа спомощника, да будет и воевода брани, II Maccabees 12:37 начат гласом отеческим с песньми вопль, возопив и нечаянне на воя Горгиевы напад, в бегство их обрати. II Maccabees 12:38 Иуда же собрав воя прииде во град Одоллам: и егда седмый день прмииде, по обычаю очистившеся в том месте субботу праздноваша. II Maccabees 12:39 На утрие же прииде со своими Иуда, да, якоже подобаше, телеса падших возмет и со сродниками положит во гробех отеческих. II Maccabees 12:40 Обретоша же у коегождо от умерших под ризами убиенных от даров идолских, яже во Иамнии, о нихже закон запрещаше Иудеом, всем же яве бысть, яко сея ради вины тии падоша. II Maccabees 12:41 Вси убо благословивше правый суд Господень, яко тайная сотвори явлена, II Maccabees 12:42 к молению обратишася моливше, да сотвореный грех весьма изгладится: добльственный же Иуда моляше людий, да сохранят себе от греха, очима видяще бывшая падших за грех. II Maccabees 12:43 И сотворив от мужей собрание утварей, яко две тысящы драхм сребра, посла во Иерусалим принести за грех (мертвых) жертву, предобре и благочестно творя, о воскресении помышляя. II Maccabees 12:44 Аще бо падшым востати не чаял бы, излишно было бы и всуе о мертвых молитися. II Maccabees 12:45 Ктому взирающь, яко во благочестии усопшым изряднейшая уготовася благодать: преподобное и благочестивое помышление: отонуду же за умерших моление сотвори, яко да от греха очистятся. II Maccabees 13:0 II Maccabees 13:1 Лета сто четыредесять девятаго, позна Иуда, яко Антиох Евпатор грядет со множеством на Иудею, II Maccabees 13:2 и с ним Лисиа наместник ему и над делами старейший, кийждо имуща (с собою) силу Еллинску пешцев сто десять тысящ и конник пять тысящ и триста, и слонов двадесять два и колесниц с косами триста. II Maccabees 13:3 Примесися же к ним и Менелай, и с великою лестию моляше Антиоха, не ради отечеству спасения но надеяся в началство поставлен быти. II Maccabees 13:4 Царь же царей воздвиже ярость Антиохову на нечестиваго, и Лисии показавшу сего быти виновна всех злых, повеле, якоже обычай есть, на месте убити, приведшым его в Вирсавию. II Maccabees 13:5 Бе же на том месте столп пятидесяти лакот полн пепела, сей же имеяше орудие окрест вращающееся устремителное в пепел. II Maccabees 13:6 Тамо священнотатству повинна суща, или и иных некиих злоб превосходство сотворшаго, вси вреяют в погибель. II Maccabees 13:7 Сицевою смертию законопреступнику случися умрети, ниже погребения получившему Менелаю II Maccabees 13:8 зело праведне: понеже бо многа согрешения на олтарь Божий соверши, егоже огнь и пепел бе свят, (и он) в пепеле смерть восприя. II Maccabees 13:9 Но царь умом необуздан грядяше, горшая при отце его бывших показати хотящь Иудеом. II Maccabees 13:10 Уведав же Иуда о сих, повеле людем день и нощь молити Господа, негли, якоже иногда, и ныне поможет II Maccabees 13:11 имущым закона и отечества и святаго храма лишитися, и мало прежде почивших людий не оставит злохульным языком подручных быти. II Maccabees 13:12 Всем же тожде вкупе сотворшым и просившым от Господа милосердия с плачем и постами и простертием (на землю) по три дни непрестанно, укрепив их Иуда повеле ити. II Maccabees 13:13 Особь же быв Иуда со старейшины, советова, прежде нежели внидут вои царстии во Иудею и одержат град, изшедше сразитися (за вещы святыя) Господнею помощию. II Maccabees 13:14 Вдав же попечение Создателю мира и умолив своих мужественне подвизатися даже до смерти за законы, за святилище, за град, за отечество, за гражданство, окрест Модина воинство постави. II Maccabees 13:15 Дав же сущым с ним знамение Божия победы, с юношами крепчайшими избранными напад нощию на царский двор, во стану уби четыре тысящы мужей и болшаго слона с сущими на нем порази: II Maccabees 13:16 и на конец весь полк страха и смятения исполниша и изыдоша благополучно. II Maccabees 13:17 Являющуся же уже дню, сие содеяся, помогающу ему Господню покровению. II Maccabees 13:18 Царь же приемь вкус храбрости Иудейския, испытова хитростию места. II Maccabees 13:19 И ко Вефсуре крепцейи твердыни Иудейстей прииде, и отгонимь бе, ударяшеся, умаляшеся. II Maccabees 13:20 Сущым же внутрь, Иуда потребная посла. II Maccabees 13:21 Возвести же тайная супостатом Родок от Иудейских воинов: взыскан же бысть и ят и заключен. II Maccabees 13:22 Повтори же царь слово со Вефсуряны, десницу даде, прия, отиде, II Maccabees 13:23 состави брань со Иудою и преможен бысть: егда же позна отмещущася Филиппа во Антиохии поставленнаго над делами, смятеся и моли Иудеов, повинуся и кляся о всех праведных, примирися и жертву принесе, почте храм и ущедри место. II Maccabees 13:24 И Маккавеа прият, постави стратига от Птолемаиды даже до Герринов князем, II Maccabees 13:25 прииде во Птолемаиду: скорбяху Птолемаидяне о заветех, негодоваху бо о примирениих, яже хотеша отринути. II Maccabees 13:26 Взыде на судище Лисиа, отвеща по возможности, увеща, (люди) утиши, благоприятны сотвори, возвратися во Антиохию. Сице бысть царско исхождение и возвращение. II Maccabees 14:0 II Maccabees 14:1 По триех же летех увебда Иуда, яко Димитрий Селевков сын вплыве сквозе пристанище, еже при Триполи, со множеством крепким и кораблями, II Maccabees 14:2 и одержа страну и уби Антиоха и его наместника Лисию. II Maccabees 14:3 Алким же некто бывый прежде архиерей, волею же осквернивыйся во времена смешения, помыслив, яко ни киим образом небсть ему спасения, ниже прихождения ко святому олтарю, II Maccabees 14:4 прииде ко царю Димитрию сто пятьдесят перваго лета, принося ему венец злат и финик, к сим же и цветы, иже мняхуся церковнии быти: и в день оный молчаше. II Maccabees 14:5 Получив же время безумию своему содействующее, призван бысть Димитрием на собор и вопрошен, в коем состоянии и совете стоят Иудее? II Maccabees 14:6 К сим рече: глаголемии от Иудей Асидее, ихже вождь Иуда Маккавей, брани строят и распри воздвизают, не допускающе царству благостояния получити: II Maccabees 14:7 сего ради отлучен прародителския славы, сиречь священноначалства, семо ныне приидох, II Maccabees 14:8 первое убо о надлежащих царю верность содержащь, второе же и о своих гражданех промышляя: предреченных бо безсловесием весьма род наш не мало страждет: II Maccabees 14:9 каяждо же сих познав, ты, царю, о стране и о обстоянии рода нашего проуразумей по человеколюбию, еже имаши ко всем благопреклонное: II Maccabees 14:10 донележе бо Иуда жив есть, невозможно мира получити вещем. II Maccabees 14:11 Сицевым же реченным бывшым от него, абие прочии друзи, вражду имущии на Иуду, разжегоша Димитриа. II Maccabees 14:12 Призвав же скоро Никанора старейшину над слонами и воеводою поставив Иудеею, посла, II Maccabees 14:13 дав заповедь, самаго убо Иуду убити, сущих же с ним расточити, поставити же Алкима архиереем превеликаго храма. II Maccabees 14:14 Тогда языцы убегшии из Иудеи от Иуды, стадами прихождаху к Никанору, Иудейская злополучия и бедства себе благополучия мняще быти. II Maccabees 14:15 Слышавще же (Иудее) Никанорово пришествие и нападение языков, посыпавшеся землею, моляху Поставившаго даже до века люди Своя и присно с явлением Защищающаго Свою часть. II Maccabees 14:16 Повелевшу же воеводу, скоро оттуду двигнушася и смесишася с ними при градце Десавли. II Maccabees 14:17 Симон же брат Иудин сразився с Никанором, мало же устрашився внезапнаго ради нахождения супостатов. II Maccabees 14:18 Обаче же слышав Никанор мужесто при Иуде сущих и благодушие, имже подвизаются за отечество, убояся суд кровию сотворити: II Maccabees 14:19 сего ради посла Посидониа и Феодота и Маттафию дати и взяти десницу. II Maccabees 14:20 Многу же о сем бывшу совету и воеводе людем возвестившу и бывшу единогласному всех изволению, соизволиша на мирная II Maccabees 14:21 и нарекоша день, в оньже особно снидутся купно. И прииде. И поставиша различная седалища. II Maccabees 14:22 Повеле же Иуда вооруженным быти готовым в местех приличных, да не когда от супостат внезапу злодеяние будет, и подобающую беседу обще сотвориша. II Maccabees 14:23 Пребываше же Никанор во Иерусалиме и ни коегоже зла сотвори, стада же народов собранных отпусти. II Maccabees 14:24 Имеяше же Иуду всегда в лицы, душевно к мужу преклонися: II Maccabees 14:25 моли же его оженитися и чада сотворити. Оженися, благо поживе, общежителствоваше. II Maccabees 14:26 Алким же видя между ими благоприятство и бывшая совещания познав, иде к Димитрию и глаголаше, яко Никанор о вещех чуждая мудрствует: Иуду бо, наветника царству, преемника восприя себе. II Maccabees 14:27 Царь же возярився и прелукавыми оклеветании его разсверепев, писа Никанору глаголя: о совещаниих сих тяжко (ми есть) носити: повелеваю ти Маккавеа связана послати скоро во Антиохию. II Maccabees 14:28 Уведав же о сих Никанор, смятеся и тяжко терпяше завещанная отринути, ни чимже его мужу обидевшу. II Maccabees 14:29 Но понеже царю сопротивитися не бе возможно, благовременства наблюдаше хитростию военною сие совершити. II Maccabees 14:30 Маккавей же видя над собою грознее деюща Никанора и обыкновенное сретение свирепее имуща, уразумев не от блага быти суровству сему, собрав не мало сущих окрест себе, скрыся от Никанора. II Maccabees 14:31 Познав же другий, яко добльственно от мужа хитростию предварен, пришед к великому и святому храму, священником подобающыя жертвы приносящым повеле предати мужа. II Maccabees 14:32 Сим же с клятвою рекшым, яко не ведят, где есть искомый, простер десницу на церковь, сими клятся: II Maccabees 14:33 аще не предадите ми связана Иуду, то Божий храм равен со землею сотворю, и олтарь раскопаю, и капище Дионису славное возставлю зде. II Maccabees 14:34 И сия рек отиде. Жерцы же воздеюще руце на небо, призываху Сущаго всегда Споборника языку Своему, сия рекуще: II Maccabees 14:35 Ты, Господи всех, не требуяй ничтоже, благоволил еси храму обитания Твоего быти в нас: II Maccabees 14:36 и ныне, о, Святе, всякаго освящения Господи, сохрани во век несквернен сей храм недавно очищенный, загради же всяка уста неправедна. II Maccabees 14:37 Разий же некто от старейшин Иерусалимских оклеветан бысть Никанору, муж любитель граждан и зело добре словущь и по благопамятству отец Иудеом именуемый: II Maccabees 14:38 бяше бо внесый в прежних временех несмешения суд во Иудействе, и тело и душу за Иудейство предаяше со всяким усердием. II Maccabees 14:39 Хотящь же Никанор явну сотворити ненависть, юже име на Иудеи, посла воинов более пяти сот яти его. II Maccabees 14:40 Мняше бо, яко онаго поимав, сим соделает беду. II Maccabees 14:41 Множеству же народа хотящу столп обдержати и дворовыя двери разрушающу, и повелевшу огнь принести и двери зажещи, объят отвсюду быв, мечем поразися, II Maccabees 14:42 лучше добльственно хотящь умрети, нежели беззаконником подручник быти и свое благородство недостойне обезчестити. II Maccabees 14:43 Скорости же ради подвига несмертна язва бысть, и народом внутрь дверий вреявшымся, востек дерзостно на стену, сверже сам себе мужественно на народы. II Maccabees 14:44 Оным же скоро разбегшымся и бывшу разстоянию, паде срединою чрева посреде их: II Maccabees 14:45 еще же дышущь и разжжен душею, востав, крови его потоком текущей и тяжчайшым ранам сущым, бежащь сквозе народы пройде, II Maccabees 14:46 и став на некоем камени стремниннем, весьма уже без крови быв, исторгнув внутренняя (своя) и взем обема рукама верже на народы: и призвав Владеющаго животом и духом, да сия ему паки воздаст, и сим образом живот сконча. II Maccabees 15:0 II Maccabees 15:1 Никанор же уведав, яко Иуда в местех Самарийских, умысли со всем устремлением в день субботный на них напасти. II Maccabees 15:2 По нужди же последующии ему Иудее глаголаху: никакоже сице зверски и варварски да погубляеши, но славу воздаждь предпочтенному от Всевидящаго со святынею дневи. II Maccabees 15:3 Нечестивыи же вопроси: еда есть Сильный на небеси, иже повеле праздновати день субботный? II Maccabees 15:4 Онем же отвещавшым: есть Господь живый Сей на небеси силен, иже повеле праздновати седмый день. II Maccabees 15:5 Он же рече: и аз силен есмь на земли, повелеваяй взимати оружия и царския потребы исполняти. Обаче не одержа и совершити окаяннаго своего совета. II Maccabees 15:6 И Никанор убо великою гордынею воздвижен умысли общую победу составити на Иуду. II Maccabees 15:7 Маккавей же всегда надеяшеся со всем упованием заступление от Господа получити II Maccabees 15:8 и утешаше своих, да не убоятся пришествия языков, да имеют же во уме преждебывшую им от небесе помошь, и ныне да чают от Вседержителя быти себе победе и помощи: II Maccabees 15:9 и наказав их от закона и пророков, воспомянув же им преждебывшыя подвиги, усерднейших их сотвори: II Maccabees 15:10 и душами воздвигнув их, увещаваше, вкупе показав им языческая льщения и клятвопреступление: II Maccabees 15:11 и коегождо их вооружив не тако щитов и копий утверждением, яко словес благих утешением, и сказав сон достоверен, утробы всех возвесели. II Maccabees 15:12 Бысть же его сицево видение: Онию бывшаго архиереа, мужа добраго и благаго, благоговейна видением, кротка же нравом и беседою благолепна, и от детства обучившагося всем добродетелем, сего руце воздеюща и молящася за вся люди Иудейския (виде). II Maccabees 15:13 И яко посем явися ин муж сединами и славою дивен, чудно же некое и великолепнейшее окрест его преизящество. II Maccabees 15:14 Отвещав же Ониа рече: сей есть братолюбец, иже много молится о людех и о святем граде, Иеремиа Божий пророк. II Maccabees 15:15 Простер же Иеремиа десницу, даяше Иуде мечь злат, дающь же возгласи сия: II Maccabees 15:16 приими святый мечь дар от Бога, имже сокрушиши супостаты. II Maccabees 15:17 Укрепившежеся Иудиными словесы преблагими и могущими к мужеству устремити и душы юнош исправити, умыслиша не ополчатися, но храбро напасти и со всякою доблестию сшедшымся сразитися за вещы святыя, понеже и град и святая и святилище бедствуют. II Maccabees 15:18 Бе бо о женах и чадех еще же и о братии и ужиках менший им подвиг, величайший же и первый страх о освященнем храме. II Maccabees 15:19 Такожде и во граде оставленным не малая печаль, мятущымся о сражении на поли хотящем быти. II Maccabees 15:20 И всем уже чающым имущаго быти сражения и супостатом уже смесившымся, и воинству чинно расположенну сущу и зверем в приличней стране поставленым и коннице по углам учиненней, II Maccabees 15:21 разсуждая Маккавей множества пришествие и оружия различное уготовление и свирепство зверей, простер руце на небо, призываше чудотворящаго и призирающаго Господа, ведая, яко не оружием победа, но якоже угодно Ему, достойным дает одоление. II Maccabees 15:22 Рече же призывая сим образом: Ты, Владыко, послал еси Ангела твоего при Езекии цари Иудине и убил еси от воев Сеннахиримовых сто осмьдесят пять тысящ: II Maccabees 15:23 и ныне, Владыко сильный на небесех, посли Ангела твоего благаго пред нами в страх и трепет им: II Maccabees 15:24 величеством мышцы Твоея да убоятся иже с хулением пришедшии на святыя люди Твоя. И сей убо сице помолися. II Maccabees 15:25 Никанор же и иже с ним с трубами и песньми приближахуся. II Maccabees 15:26 Иуда же и сущии с ним в призывании и молитвах смесишася с супостаты: II Maccabees 15:27 и руками убо борющеся, сердцами же к Богу молящеся, постлаша не менши тридесяти пяти тысящ, явлением Божиим зело возрадовавшеся. II Maccabees 15:28 Преставше же от битвы и с радостию возвращающеся, познаша Никанора падша со всеюружии (своими). II Maccabees 15:29 Бывшу же воплю и смятению, благословляху Сильнаго отеческим гласом. II Maccabees 15:30 И повеле, иже весьма телом и душею первоподвижник за граждан, иже возраста благоприятство к своему народу сохранивый Иуда, Никанорову главу и руку со рамом отсещи и принести во Иерусалим. II Maccabees 15:31 Пришед же тамо и созвав единоязычных своих и священников, пред олтарем став, призва сущих от краеградия II Maccabees 15:32 и показа им сквернаго Никанора главу и руку хульникову, юже простре на храм святый Вседержителев возносяся: II Maccabees 15:33 и язык нечестиваго Никанора отрезав, рече, яко на раздробление птицам имать дати, и сия в возмездие безумия противу храма повеси. II Maccabees 15:34 Вси же на небо благословиша Господа явленаго, рекуще: благословен Сохранивый место Свое не осквернено. II Maccabees 15:35 Повеси же Никанорову главу на краеградии во известное всем и явное Господни помощи знамение. II Maccabees 15:36 И узакониша вси общим советом никакоже оставити без празднования день сей: II Maccabees 15:37 имети же праздник сей в третийнадесять день вторагонадесять месяца, иже глаголется Сирийским гласом Адар, пред единым днем Мардохеева дне. II Maccabees 15:38 И сия убо, яже о Никаноре, имеются сице: и от тех времен одержан бысть град от еврей, и аз зде оставляю слово. II Maccabees 15:39 И аще убо благо и прилично сочинению, сего и сам хотех: аще же малоценно и мерно, сие по возможности моей бе. Якоже бо вино особно пити, такожде и воду паки, сопротивно есть: но имже образом вино с водою смешенное сладко и веселую благодать совершает, такожде и сочинение (и украшение) слова веселит слухи чтущих историю. Зде же да будет и конец.
[ Testament 2 Heading ] Matthew 0:0
Евангелие от Матфея Matthew 1:0 Matthew 1:1 Книга родства Иисуса Христа, Сына Давидова, Сына Авраамля. Matthew 1:2 Авраам роди Исаака. Исаак же роди Иакова. Иаков же роди Иуду и братию его. Matthew 1:3 Иуда же роди Фареса и Зару от Фамары. Фарес же роди Есрома. Есром же роди Арама. Matthew 1:4 Арам же роди Аминадава. Аминадав же роди Наассона. Наассон же роди Салмона. Matthew 1:5 Салмон же роди Вооза от Рахавы. Вооз же роди Овида от Руфы. Овид же роди Иессеа. Matthew 1:6 Иессей же роди Давида царя. Давид же царь роди Соломона от Уриины. Matthew 1:7 Соломон же роди Ровоама. Ровоам же роди Авию. Авиа же роди Асу. Matthew 1:8 Аса же роди Иосафата. Иосафат же роди Иорама. Иорам же роди Озию. Matthew 1:9 Озиа же роди Иоафама. Иоафам же роди Ахаза. Ахаз же роди Езекию. Matthew 1:10 Езекиа же роди Манассию. Манассиа же роди Амона. Амон же роди Иосию. Matthew 1:11 Иосиа же роди Иехонию и братию его, в преселение Вавилонское (в некиих греч.: Иосиа же роди Иоакима и братию его. Иоаким же роди Иехонию в преселение Вавилонское.) . Matthew 1:12 По преселении же Вавилонстем, Иехониа роди Салафииля. Салафииль же роди Зоровавеля. Matthew 1:13 Зоровавель же роди Авиуда. Авиуд же роди Елиакима. Елиаким же роди Азора. Matthew 1:14 Азор же роди Садока. Садок же роди Ахима. Ахим же роди Елиуда. Matthew 1:15 Елиуд же роди Елеазара. Елеазар же роди Матфана. Матфан же роди Иакова. Matthew 1:16 Иаков же роди Иосифа, мужа Мариина, из Неяже родися Иисус, глаголемый Христос. Matthew 1:17 Всех же родов от Авраама до Давида родове четыренадесяте: и от Давида до преселения Вавилонскаго родове четыренадесяте: и от преселения Вавилонскаго до Христа родове четыренадесяте. Matthew 1:18 Иисус Христово Рождество сице бе: обрученней бо бывши Матери Его Марии Иосифови, прежде даже не снитися има, обретеся имущи во чреве от Духа Свята. Matthew 1:19 Иосиф же муж Ея, праведен сый и не хотя Ея обличити, восхоте тай пустити Ю. Matthew 1:20 Сия же ему помыслившу, се, Ангел Господень во сне явися ему, глаголя: Иосифе, сыне Давидов, не убойся прияти Мариам жены твоея: рождшеебося в Ней, от Духа есть Свята: Matthew 1:21 родит же Сына, и наречеши имя Ему Иисус: Той бо спасет люди Своя от грех их. Matthew 1:22 Сие же все бысть, да сбудется реченное от Господа пророком, глаголющим: Matthew 1:23 се, Дева во чреве приимет и родит Сына, и нарекут имя Ему Еммануил, еже есть сказаемо: с нами Бог. Matthew 1:24 Востав же Иосиф от сна, сотвори якоже повеле ему Ангел Господень, и прият жену свою, Matthew 1:25 и не знаяше Ея, дондеже роди Сына Своего первенца, и нарече имя Ему Иисус. Matthew 2:0 Matthew 2:1 Иисусу же рождшуся в Вифлееме Иудейстем во дни Ирода царя, се, волсви от восток приидоша во Иерусалим, глаголюще: Matthew 2:2 где есть рождейся Царь Иудейский? Видехом бо звезду Его на востоце и приидохом поклонитися Ему. Matthew 2:3 Слышав же Ирод царь смутися, и весь Иерусалим с ним. Matthew 2:4 И собрав вся первосвященники и книжники людския, вопрошаше от них: где Христос раждается? Matthew 2:5 Они же рекоша ему: в Вифлееме Иудейстем, тако бо писано есть пророком: Matthew 2:6 и ты, Вифлееме, земле Иудова, ни чимже менши еси во владыках Иудовых: из тебе бо изыдет Вождь, Иже упасет люди Моя Израиля. Matthew 2:7 Тогда Ирод тай призва волхвы, и испытоваше от них время явльшияся звезды, Matthew 2:8 и послав их в Вифлеем, рече: шедше испытайте известно о Отрочати: егда же обрящете, возвестите ми, яко да и аз шед поклонюся Ему. Matthew 2:9 Они же послушавше царя, идоша. И се, звезда, юже видеша на востоце, идяше пред ними, дондеже пришедши ста верху, идеже бе Отроча. Matthew 2:10 Видевше же звезду, возрадовашася радостию велиею зело, Matthew 2:11 и пришедше в храмину, видеша Отроча с Мариею Материю Его, и падше поклонишася Ему: и отверзше сокровища своя, принесоша Ему дары, злато и ливан и смирну. Matthew 2:12 И весть приемше во сне не возвратитися ко Ироду, иным путем отидоша во страну свою. Matthew 2:13 Отшедшым же им, се, Ангел Господень во сне явися Иосифу, глаголя: востав поими Отроча и Матерь Его, и бежи во Египет, и буди тамо, дондеже реку ти: хощет бо Ирод искати Отрочате, да погубит Е. Matthew 2:14 Он же востав, поят Отроча и Матерь Его нощию, и отиде во Египет, Matthew 2:15 и бе тамо до умертвия Иродова: да сбудется реченное от Господа пророком, глаголющим: от Египта воззвах Сына Моего. Matthew 2:16 Тогда Ирод видев, яко поруган бысть от волхвов, разгневася зело и послав изби вся дети сущыя в Вифлееме и во всех пределех его, от двою лету и нижайше, по времени, еже известно испыта от волхвов. Matthew 2:17 Тогда сбыстся реченное Иеремием пророком, глаголющим: Matthew 2:18 глас в Раме слышан бысть, плачь и рыдание и вопль мног: Рахиль плачущися чад своих, и не хотяше утешитися, яко не суть. Matthew 2:19 Умершу же Ироду, се, Ангел Господень во сне явися Иосифу во Египте, Matthew 2:20 глаголя: востав поими Отроча и Матерь Его И иди в землю Израилеву, изомроша бо ищущии души Отрочате. Matthew 2:21 Он же востав, поят Отроча и Матерь Его и прииде в землю Израилеву. Matthew 2:22 Слышав же, яко Архелай царствует во Иудеи вместо Ирода отца своего, убояся тамо ити: весть же приемь во сне, отиде в пределы Галилейския Matthew 2:23 и пришед вселися во граде нарицаемем Назарет: яко да сбудется реченное пророки, яко Назорей наречется. Matthew 3:0 Matthew 3:1 Во дни же оны прииде Иоанн Креститель, проповедая в пустыни Иудейстей Matthew 3:2 и глаголя: покайтеся, приближибося Царствие Небесное. Matthew 3:3 Сей бо есть реченный Исаием пророком, глаголющим: глас вопиющаго в пустыни: уготовайте путь Господень, правы творите стези Его. Matthew 3:4 Сам же Иоанн имяше ризу свою от влас велблуждь и пояс усмен о чреслех своих: снедь же его бе пружие и мед дивий. Matthew 3:5 Тогда исхождаше к нему Иерусалима, и вся Иудеа, и вся страна Иорданская, Matthew 3:6 и крещахуся во Иордане от него, исповедающе грехи своя. Matthew 3:7 Видев же (Иоанн) многи фарисеи и саддукеи грядущыя на крещение его, рече им: рождения ехиднова, кто сказа вам бежати от будущаго гнева? Matthew 3:8 Сотворите убо плод достоин покаяния, Matthew 3:9 и не начинайте глаголати в себе: отца имамы Авраама: глаголю бо вам, яко может Бог от камения сего воздвигнути чада Аврааму: Matthew 3:10 уже бо и секира при корени древа лежит: всяко убо древо, еже не творит плода добра, посекаемо бывает и во огнь вметаемо: Matthew 3:11 аз убо крещаю вы водою в покаяние: Грядый же по мне креплий мене есть, Емуже несмь достоин сапоги понести: Той вы крестит Духом Святым и огнем: Matthew 3:12 емуже лопата в руце Его, и отребит гумно Свое, и соберет пшеницу Свою в житницу, плевы же сожжет огнем негасающим. Matthew 3:13 Тогда приходит Иисус от Галилеи на Иордан ко Иоанну креститися от него. Matthew 3:14 Иоанн же возбраняше Ему, глаголя: аз требую Тобою креститися, и Ты ли грядеши ко мне? Matthew 3:15 Отвещав же Иисус рече к нему: остави ныне: тако бо подобает нам исполнити всяку правду. Тогда остави Его. Matthew 3:16 И крестився Иисус взыде абие от воды: и се, отверзошася Ему небеса, и виде Духа Божия сходяща яко голубя и грядуща на Него. Matthew 3:17 И се, глас с небесе глаголя: Сей есть Сын Мой возлюбленный, о Немже благоволих. Matthew 4:0 Matthew 4:1 Тогда Иисус возведен бысть Духом в пустыню искуситися от диавола, Matthew 4:2 и постився дний четыредесять и нощий четыредесять, последи взалка. Matthew 4:3 И приступль к Нему искуситель рече: аще Сын еси Божий, рцы, да камение сие хлебы будут. Matthew 4:4 Он же отвещав рече: писано есть: не о хлебе единем жив будет человек, но о всяцем глаголголе исходящем изо уст Божиих. Matthew 4:5 Тогда поят Его диавол во святый град, и постави Его на криле церковнем, Matthew 4:6 и глагола Ему: аще Сын еси Божий, верзися низу: писано бо есть, яко Ангелом Своим заповесть о Тебе (сохранити Тя), и на руках возмут Тя, да не когда преткнеши о камень ногу Твою. Matthew 4:7 Рече (же) ему Иисус: паки писано есть: не искусиши Господа Бога твоего. Matthew 4:8 Паки поят Его диавол на гору высоку зело, и показа Ему вся царствия мира и славу их, Matthew 4:9 и глагола Ему: сия вся Тебе дам, аще пад поклонишимися. Matthew 4:10 Тогда глагола ему Иисус: иди за Мною, сатано: писано бо есть: Господу Богу твоему поклонишися и Тому единому послужиши. Matthew 4:11 Тогда остави Его диавол, и се, Ангели приступиша и служаху Ему. Matthew 4:12 Слышав же Иисус, яко Иоанн предан бысть, отиде в Галилею, Matthew 4:13 и оставль Назарет, пришед вселися в Капернаум в поморие, в пределех Завулоних и Неффалимлих: Matthew 4:14 да сбудется реченное Исаием пророком, глаголющим: Matthew 4:15 земля Завулоня и земля Неффалимля, путь моря об он пол Иордана, Галилеа язык, Matthew 4:16 людие седящии во тме видеша свет велий, и седящым в стране и сени смертней, свет возсия им. Matthew 4:17 Оттоле начат Иисус проповедати и глаголати: покайтеся, приближися бо Царство Небесное. Matthew 4:18 Ходя же при мори Галилейстем, виде два брата, Симона глаголемаго Петра, и Андреа брата его, вметающа мрежи в море, беста бо рыбаря: Matthew 4:19 и глагола има: грядита по Мне, и сотворю вы ловца человеком. Matthew 4:20 Она же абие оставльша мрежи, по Нем идоста. Matthew 4:21 И прешед оттуду, виде ина два брата, Иакова Зеведеева, и Иоанна брата его, в корабли с Зеведеом отцем ею, завязующа мрежи своя, и воззва я. Matthew 4:22 Она же абие оставльша корабль и отца своего, по Нем идоста. Matthew 4:23 И прохождаше всю Галилею Иисус, учя на сонмищих их и проповедая Евангелие Царствия, изцеляя всяк недуг и всяку язю в людех. Matthew 4:24 И изыде слух Его по всей Сирии: и приведоша к Нему вся болящыя, различными недуги и страстьми одержимы, и бесны, и месячныя, и разслабленныя (жилами): и изцели их. Matthew 4:25 И по Нем идоша народи мнози от Галилеи и десяти град, и от Иерусалима и Иудеи, и со онаго полу Иордана. Matthew 5:0 Matthew 5:1 Узрев же народы, взыде на гору: и седшу Ему, приступиша к Нему ученицы Его. Matthew 5:2 И отверз уста Своя, учаше их, глаголя: Matthew 5:3 блажени нищии духом: яко тех есть Царствие Небесное. Matthew 5:4 Блажени плачущии: яко тии утешатся. Matthew 5:5 Блажени кротцыи: яко тии наследят землю. Matthew 5:6 Блажени алчущии и жаждущии правды: яко тии насытятся. Matthew 5:7 Блажени милостивии: яко тии помиловани будут. Matthew 5:8 Блажени честии сердцем: яко тии Бога узрят. Matthew 5:9 Блажени миротворцы: яко тии сынове Божии нарекутся. Matthew 5:10 Блажени изгнани правды ради: яко тех есть Царствие Небесное. Matthew 5:11 Блажени есте, егда поносят вам, и ижденут, и рекут всяк зол глагол на вы лжуще, Мене ради: Matthew 5:12 радуйтеся и веселитеся, яко мзда ваша многа на небесех: тако бо изгнаша пророки, иже (беша) прежде вас. Matthew 5:13 Вы есте соль земли: аще же соль обуяет, чим осолится? Ни во чтоже будет ктому, точию да изсыпана будет вон и попираема человеки. Matthew 5:14 Вы есте свет мира: не может град укрытися верху горы стоя: Matthew 5:15 ниже вжигают светилника и поставляют его под спудом, но на свещнице, и светит всем, иже в храмине (суть). Matthew 5:16 Тако да просветится свет ваш пред человеки, яко да видят ваша добрая дела и прославят Отца вашего, Иже на небесех. Matthew 5:17 (Да) не мните, яко приидох разорити закон, или пророки: не приидох разорити, но исполнити. Matthew 5:18 Аминь бо глаголю вам: дондеже прейдет небо и земля, иота едина, или едина черта не прейдет от закона, дондеже вся будут. Matthew 5:19 Иже аще разорит едину заповедий сих малых и научит тако человеки, мний наречется в Царствии Небеснем: а иже сотворит и научит, сей велий наречется в Царствии Небеснем. Matthew 5:20 Глаголю бо вам, яко аще не избудет правда ваша паче книжник и фарисей, не внидете в Царствие Небесное. Matthew 5:21 Слышасте, яко речено бысть древним: не убиеши: иже (бо) аще убиет, повинен есть суду. Matthew 5:22 Аз же глаголю вам, яко всяк гневаяйся на брата своего всуе повинен есть суду: иже бо аще речет брату своему: рака, повинен есть сонмищу: а иже речет: уроде, повинен есть геенне огненней. Matthew 5:23 Аще убо принесеши дар твой ко олтарю и ту помянеши, яко брат твой имать нечто на тя: Matthew 5:24 остави ту дар твой пред олтарем и шед прежде смирися с братом твоим, и тогда пришед принеси дар твой. Matthew 5:25 Буди увещаваяся с соперником твоим скоро, дондеже еси на пути с ним, да не предаст тебе соперник судии, и судия тя предаст слузе, и в темницу ввержен будеши: Matthew 5:26 аминь глаголю тебе: не изыдеши оттуду, дондеже воздаси последний кодрант. Matthew 5:27 Слышасте, яко речено бысть древним: не прелюбы сотвориши. Matthew 5:28 Аз же глаголю вам, яко всяк, иже воззрит на жену ко еже вожделети ея, уже любодействова с нею в сердцы своем: Matthew 5:29 аще же око твое десное соблажняет тя, изми е и верзи от себе: уне бо ти есть, да погибнет един от уд твоих, а не все тело твое ввержено будет в геенну (огненную): Matthew 5:30 и аще десная твоя рука соблажняет тя, усецы ю и верзи от себе: уне бо ти есть, да погибнет един от уд твоих, а не все тело твое ввержено будет в геенну. Matthew 5:31 Речено же бысть, яко иже аще пустит жену свою, да даст ей книгу распустную. Matthew 5:32 Аз же глаголю вам, яко всяк отпущаяй жену свою, разве словесе любодейнаго, творит ю прелюбодействовати: и иже пущеницу поймет, прелюбодействует. Matthew 5:33 Паки слышасте, яко речено бысть древним: не во лжу кленешися, воздаси же Господеви клятвы твоя. Matthew 5:34 Аз же глаголю вам не клятися всяко: ни небом, яко престол есть Божий: Matthew 5:35 ни землею, яко подножие есть ногама Его: ни Иерусалимом, яко град есть великаго Царя: Matthew 5:36 ниже главою твоею кленися, яко не можеши власа единаго бела или черна сотворити: Matthew 5:37 буди же слово ваше: ей, ей: ни, ни: лишше же сею от неприязни есть. Matthew 5:38 Слышасте, яко речено бысть: око за око, и зуб за зуб. Matthew 5:39 Аз же глаголю вам не противитися злу: но аще тя кто ударит в десную твою ланиту, обрати ему и другую: Matthew 5:40 и хотящему судитися с тобою и ризу твою взяти, отпусти ему и срачицу: Matthew 5:41 и аще кто тя поймет по силе поприще едино, иди с ним два. Matthew 5:42 Просящему у тебе дай, и хотящаго от тебе заяти не отврати. Matthew 5:43 Слышасте, яко речено есть: возлюбиши искренняго твоего и возненавидиши врага твоего. Matthew 5:44 Аз же глаголю вам: любите враги вашя, благословите кленущыя вы, добро творите ненавидящым вас, и молитеся за творящих вам напасть и изгонящыя вы, Matthew 5:45 яко да будете сынове Отца вашего, Иже есть на небесех: яко солнце Свое сияет на злыя и благия и дождит на праведныя и на неправедныя. Matthew 5:46 Аще бо любите любящих вас, кую мзду имате? Не и мытари ли тожде творят? Matthew 5:47 И аще целуете други вашя токмо, что лишше творите? Не и язычницы ли такожде творят? Matthew 5:48 Будите убо вы совершени, якоже Отец ваш Небесный совершен есть. Matthew 6:0 Matthew 6:1 Внемлите милостыни вашея не творити пред человеки, да видими будете ими: аще ли же ни, мзды не имате от Отца вашего, Иже есть на небесех. Matthew 6:2 Егда убо твориши милостыню, не воструби пред собою, якоже лицемери творят в сонмищих и в стогнах, яко да прославятся от человек. Аминь глаголю вам, восприемлют мзду свою. Matthew 6:3 Тебе же творящу милостыню, да не увесть шуйца твоя, что творит десница твоя, Matthew 6:4 яко да будет милостыня твоя в тайне: и Отец твой, видяй в тайне, той воздаст тебе яве. Matthew 6:5 И егда молишися, не буди якоже лицемери, яко любят в сонмищих и в стогнах путий стояще молитися, яко да явятся человеком. Аминь глаголю вам, яко восприемлют мзду свою. Matthew 6:6 Ты же, егда молишися, вниди в клеть твою, и затворив двери твоя, помолися Отцу твоему, Иже в тайне: и Отец твой, видяй в тайне, воздаст тебе яве. Matthew 6:7 Молящеся же не лишше глаголите, якоже язычницы: мнят бо, яко во многоглаголании своем услышани будут: Matthew 6:8 не подобитеся убо им: весть бо Отец ваш, ихже требуете, прежде прошения вашего. Matthew 6:9 Сице убо молитеся вы: Отче наш, иже еси на небесех, да святится имя Твое: Matthew 6:10 да приидет Царствие Твое: да будет воля Твоя, яко на небеси, и на земли: Matthew 6:11 хлеб наш насущный даждь нам днесь: Matthew 6:12 и остави нам долги нашя, яко и мы оставляем должником нашым: Matthew 6:13 и не введи нас в напасть, но избави нас от лукаваго: яко Твое есть Царствие и сила и слава во веки. Аминь. Matthew 6:14 Аще бо отпущаете человеком согрешения их, отпустит и вам Отец ваш Небесный: Matthew 6:15 аще ли не отпущаете человеком согрешения их, ни Отец ваш отпустит вам согрешений ваших. Matthew 6:16 Егда же поститеся, не будите якоже лицемери сетующе: помрачают бо лица своя, яко да явятся человеком постящеся. Аминь глаголю вам, яко восприемлют мзду свою. Matthew 6:17 Ты же постяся помажи главу твою, и лице твое умый, Matthew 6:18 яко да не явишися человеком постяся, но Отцу твоему, Иже в тайне: и Отец твой, видяй в тайне, воздаст тебе яве. Matthew 6:19 Не скрывайте себе сокровищ на земли, идеже червь и тля тлит, и идеже татие подкопывают и крадут: Matthew 6:20 скрывайте же себе сокровище на небеси, идеже ни червь, ни тля тлит, и идеже татие не подкопывают, ни крадут: Matthew 6:21 идеже бо есть сокровище ваше, ту будет и сердце ваше. Matthew 6:22 Светилник телу есть око. Аще убо будет око твое просто, все тело твое светло будет: Matthew 6:23 аще ли око твое лукаво будет, все тело твое темно будет. Аще убо свет, иже в тебе, тма есть, то тма кольми? Matthew 6:24 Никтоже может двема господинома работати: любо единаго возлюбит, а другаго возненавидит: или единаго держится, о друзем же нерадити начнет. Не можете Богу работати и мамоне. Matthew 6:25 Сего ради глаголю вам: не пецытеся душею вашею, что ясте, или что пиете: ни телом вашим, во что облечетеся. Не душа ли болши есть пищи, и тело одежди? Matthew 6:26 Воззрите на птицы небесныя, яко не сеют, ни жнут, ни собирают в житницы, и Отец ваш Небесный питает их. Не вы ли паче лучши их есте? Matthew 6:27 Кто же от вас пекийся может приложити возрасту своему лакоть един? Matthew 6:28 И о одежди что печетеся? Смотрите крин селных, како растут: не труждаются, ни прядут: Matthew 6:29 глаголю же вам, яко ни Соломон во всей славе своей облечеся, яко един от сих: Matthew 6:30 аще же сено селное, днесь суще и утре в пещь вметаемо, Бог тако одевает, не много ли паче вас, маловери? Matthew 6:31 Не пецытеся убо, глаголюще: что ямы, или что пием, или чим одеждемся? Matthew 6:32 Всех бо сих языцы ищут: весть бо Отец ваш Небесный, яко требуете сих всех. Matthew 6:33 Ищите же прежде Царствия Божия и правды Его, и сия вся приложатся вам. Matthew 6:34 Не пецытеся убо на утрей, утрений бо собою печется: довлеет дневи злоба его. Matthew 7:0 Matthew 7:1 Не судите, да не судими будете: Matthew 7:2 имже бо судом судите, судят вам: и в нюже меру мерите, возмерится вам. Matthew 7:3 Что же видиши сучец, иже во оце брата твоего, бервна же, еже есть во оце твоем, не чуеши? Matthew 7:4 Или како речеши брату твоему: остави, да изму сучец из очесе твоего: и се, бервно во оце твоем? Matthew 7:5 Лицемере, изми первее бервно из очесе твоего, и тогда узриши изяти сучец из очесе брата твоего. Matthew 7:6 Не дадите святая псом, ни пометайте бисер ваших пред свиниями, да не поперут их ногами своими и вращшеся расторгнут вы. Matthew 7:7 Просите, и дастся вам: ищите, и обрящете: толцыте, и отверзется вам: Matthew 7:8 всяк бо просяй приемлет, и ищяй обретает, и толкущему отверзется. Matthew 7:9 Или кто есть от вас человек, егоже аще воспросит сын его хлеба, еда камень подаст ему? Matthew 7:10 Или аще рыбы просит, еда змию подаст ему? Matthew 7:11 Аще убо вы, лукави суще, умеете даяния блага даяти чадом вашым, кольми паче Отец ваш Небесный даст блага просящым у Него. Matthew 7:12 Вся убо, елика аще хощете, да творят вам человецы, тако и вы творите им: се бо есть закон и пророцы. Matthew 7:13 Внидите узкими враты: яко пространная врата и широкий путь вводяй в пагубу, и мнози суть входящии им: Matthew 7:14 что узкая врата, и тесный путь вводяй в живот, и мало их есть, иже обретают его. Matthew 7:15 Внемлите же от лживых пророк, иже приходят к вам во одеждах овчих, внутрь же суть волцы хищницы: Matthew 7:16 от плод их познаете их. Еда объемлют от терния грозды, или от репия смоквы? Matthew 7:17 Тако всяко древо доброе плоды добры творит, а злое древо плоды злы творит: Matthew 7:18 не может древо добро плоды злы творити, ни древо зло плоды добры творити. Matthew 7:19 Всяко убо древо, еже не творит плода добра, посекают е и во огнь вметают. Matthew 7:20 Темже убо от плод их познаете их. Matthew 7:21 Не всяк глаголяй Ми: Господи, Господи, внидет в Царствие Небесное: но творяй волю Отца Моего, Иже есть на небесех. Matthew 7:22 Мнози рекут Мне во он день: Господи, Господи, не в Твое ли имя пророчествовахом, и Твоим именем бесы изгонихом, и Твоим именем силы многи сотворихом? Matthew 7:23 И тогда исповем им, яко николиже знах вас: отидите от Мене, делающии беззаконие. Matthew 7:24 Всяк убо, иже слышит словеса Моя сия и творит я, уподоблю его мужу мудру, иже созда храмину свою на камени: Matthew 7:25 и сниде дождь, и приидоша реки, и возвеяша ветри, и нападоша на храмину ту: и не падеся, основана бо бе на камени. Matthew 7:26 И всяк слышай словеса Моя сия, и не творя их, уподобится мужу уродиву, иже созда храмину свою на песце: Matthew 7:27 и сниде дождь, и приидоша реки, и возвеяша ветри, и опрошася храмине той, и падеся: и бе разрушение ея велие. Matthew 7:28 И бысть егда сконча Иисус словеса сия, дивляхуся народи о учении Его: Matthew 7:29 бе бо учя их яко власть имея, и не яко книжницы (и фарисее). Matthew 8:0 Matthew 8:1 Сшедшу же Ему с горы, вслед Его идяху народи мнози. Matthew 8:2 И се, прокажен пришед кланяшеся Ему, глаголя: Господи, аще хощеши, можеши мя очистити. Matthew 8:3 И простер руку Иисус, коснуся ему, глаголя: хощу, очистися. И абие очистися ему проказа. Matthew 8:4 И глагола ему Иисус: виждь, ни комуже повеждь: но шед покажися иереови и принеси дар, егоже повеле (в законе) Моисей, во свидетелство им. Matthew 8:5 Вшедшу же Ему в Капернаум, приступи к Нему сотник, моля Его Matthew 8:6 и глаголя: Господи, отрок мой лежит в дому разслаблен, люте стражда. Matthew 8:7 И глагола ему Иисус: Аз пришед изцелю его. Matthew 8:8 И отвещав сотник, рече (Ему): Господи, несмь достоин, да под кров мой внидеши: но токмо рцы слово, и изцелеет отрок мой: Matthew 8:9 ибо аз человек есмь под властию, имый под собою воины: и глаголю сему: иди, и идет: и другому: прииди, и приходит: и рабу моему: сотвори сие, и сотворит. Matthew 8:10 Слышав же Иисус, удивися, и рече грядущым по Нем: аминь глаголю вам: ни во Израили толики веры обретох. Matthew 8:11 Глаголю же вам, яко мнози от восток и запад приидут и возлягут со Авраамом и Исааком и Иаковом во Царствии Небеснем: Matthew 8:12 сынове же царствия изгнани будут во тму кромешнюю: ту будет плачь и скрежет зубом. Matthew 8:13 И рече Иисус сотнику: иди, и якоже веровал еси, буди тебе. И изцеле отрок его в той час. Matthew 8:14 И пришед Иисус в дом Петров, виде тещу его лежащу и огнем жегому, Matthew 8:15 и прикоснуся руце ея, и остави ю огнь: и воста и служаше ему. Matthew 8:16 Позде же бывшу, приведоша к Нему бесны многи: и изгна духи словом и вся болящыя изцели: Matthew 8:17 да сбудется реченное Исаием пророком, глаголющим: Той недуги нашя прият и болезни понесе. Matthew 8:18 Видев же Иисус многи народы окрест Себе, повеле (учеником) ити на он пол. Matthew 8:19 И приступль един книжник, рече Ему: Учителю, иду по Тебе, аможе аще идеши. Matthew 8:20 Глагола ему Иисус: лиси язвины имут, и птицы небесныя гнезда: Сын же Человеческий не имать где главы подклонити. Matthew 8:21 Другий же от ученик Его рече Ему: Господи, повели ми прежде ити и погребсти отца моего. Matthew 8:22 Иисус же рече ему: гряди по Мне и остави мертвых погребсти своя мертвецы. Matthew 8:23 И влезшу Ему в корабль, по Нем идоша ученицы Его. Matthew 8:24 И се, трус велик бысть в мори, якоже кораблю покрыватися волнами: Той же спаше. Matthew 8:25 И пришедше ученицы Его возбудиша Его, глаголюще: Господи, спаси ны, погибаем. Matthew 8:26 И глагола им: что страшливи есте, маловери? Тогда востав запрети ветром и морю, и бысть тишина велия. Matthew 8:27 Человецы же чудишася, глаголюще: кто есть Сей, яко и ветри и море послушают Его? Matthew 8:28 И пришедшу Ему на он пол, в страну Гергесинскую, сретоста Его два бесна от гроб исходяща, люта зело, яко не мощи ни кому минути путем тем. Matthew 8:29 И се, возописта глаголюща: что нама и Тебе, Иисусе Сыне Божий? Пришел еси семо прежде времене мучити нас. Matthew 8:30 Бяше же далече от нею стадо свиний много пасомо. Matthew 8:31 Беси же моляху Его, глаголюще: аще изгониши ны, повели нам ити в стадо свиное. Matthew 8:32 И рече им: идите. Они же изшедше идоша в стадо свиное: и се, (абие) устремися стадо все по брегу в море, и утопоша в водах. Matthew 8:33 Пасущии же бежаша, и шедше во град, возвестиша вся, и о бесною. Matthew 8:34 И се, весь град изыде в сретение Иисусови: и видевше Его, молиша, яко дабы прешел от предел их. Matthew 9:0 Matthew 9:1 И влез в корабль, прейде и прииде во Свой град. Matthew 9:2 И се, принесоша Ему разслаблена (жилами), на одре лежаща: и видев Иисус веру их, рече разслабленному: дерзай, чадо, отпущаются ти греси твои. Matthew 9:3 И се, нецыи от книжник реша в себе: Сей хулит. Matthew 9:4 И видев Иисус помышления их, рече: вскую вы мыслите лукавая в сердцах своих? Matthew 9:5 Что бо есть удобее рещи: отпущаются ти греси: или рещи: востани и ходи? Matthew 9:6 Но да увесте, яко власть имать Сын Человеческий на земли отпущати грехи: тогда глагола разслабленному: востани, возми твой одр и иди в дом твой. Matthew 9:7 И востав, (взем одр свой,) иде в дом свой. Matthew 9:8 Видевше же народи чудишася и прославиша Бога, давшаго власть таковую человеком. Matthew 9:9 И преходя Иисус оттуду, виде человека седяща на мытнице, Матфеа глаголема: и глагола ему: по Мне гряди. И востав по Нем иде. Matthew 9:10 И бысть Ему возлежащу в дому, и се, мнози мытари и грешницы пришедше возлежаху со Иисусом и со ученики Его. Matthew 9:11 И видевше фарисее, глаголаху учеником Его: почто с мытари и грешники Учитель ваш яст и пиет? Matthew 9:12 Иисус же слышав рече им: не требуют здравии врача, но болящии: Matthew 9:13 шедше же научитеся, что есть: милости хощу, а не жертвы? Не приидох бо призвати праведники, но грешники на покаяние. Matthew 9:14 Тогда приступиша к Нему ученицы Иоанновы, глаголюще: почто мы и фарисее постимся много, ученицы же Твои не постятся? Matthew 9:15 И рече им Иисус: еда могут сынове брачнии плакати, елико время с ними есть жених? Приидут же дние, егда отимется от них жених, и тогда постятся. Matthew 9:16 Никтоже бо приставляет приставления плата небелена ризе ветсе: возмет бо кончину свою от ризы, и горша дира будет. Matthew 9:17 Ниже вливают вина нова в мехи ветхи: аще ли же ни, то просадятся меси, и вино пролиется, и меси погибнут: но вливают вино ново в мехи новы, и обое соблюдется. Matthew 9:18 Сия Ему глаголющу к ним, се, князь некий пришед кланяшеся Ему, глаголя, яко дщи моя ныне умре: но пришед возложи на ню руку Твою, и оживет. Matthew 9:19 И востав Иисус по нем иде, и ученицы Его. Matthew 9:20 И се, жена кровоточива дванадесяте лет, приступльши созади, прикоснуся воскрилию ризы Его, Matthew 9:21 глаголаше бо в себе: аще токмо прикоснуся ризе Его, спасена буду. Matthew 9:22 Иисус же обращься и видев ю, рече: дерзай, дщи, вера твоя спасе тя. И спасена бысть жена от часа того. Matthew 9:23 И пришед Иисус в дом княжь, и видев сопцы и народ молвящь, Matthew 9:24 глагола им: отидите, не умре бо девица, но спит. И ругахуся Ему. Matthew 9:25 Егда же изгнан бысть народ, вшед ят ю за руку: и воста девица. Matthew 9:26 И изыде весть сия по всей земли той. Matthew 9:27 И преходящу оттуду Иисусови, по Нем идоста два слепца, зовуща и глаголюща: помилуй ны, (Иисусе) сыне Давидов. Matthew 9:28 Пришедшу же Ему в дом, приступиста к Нему слепца, и глагола има Иисус: веруета ли, яко могу сие сотворити? Глаголаста Ему: ей, Господи. Matthew 9:29 Тогда прикоснуся очию их, глаголя: по вере ваю буди вама. Matthew 9:30 И отверзостася очи има: и запрети има Иисус, глаголя: блюдита, да никтоже увесть. Matthew 9:31 Она же изшедша прослависта Его по всей земли той. Matthew 9:32 Тема же исходящема, се, приведоша к Нему человека нема беснуема. Matthew 9:33 И изгнану бесу, проглагола немый. И дивишася народи, глаголюще, яко николиже явися тако во Израили. Matthew 9:34 Фарисее же глаголаху: о князи бесовстем изгонит бесы. Matthew 9:35 И прохождаше Иисус грады вся и веси, учя на сонмищих их, и проповедая Евангелие Царствия, и целя всяк недуг и всяку язю в людех. Matthew 9:36 Видев же народы, милосердова о них, яко бяху смятени и отвержени, яко овцы не имущыя пастыря. Matthew 9:37 Тогда глагола учеником Своим: жатва убо многа, делателей же мало: Matthew 9:38 молитеся убо Господину жатвы, яко да изведет делатели на жатву Свою. Matthew 10:0 Matthew 10:1 И призва обанадесять ученики Своя, даде им власть на дусех нечистых, яко да изгонят их, и целити всяк недуг и всяку болезнь. Matthew 10:2 Дванадесятих же Апостолов имена суть сия: первый Симон, иже нарицается Петр, и Андрей брат его: Иаков Зеведеев и Иоанн брат его: Matthew 10:3 Филипп и Варфоломей: Фома и Матфей мытарь: Иаков Алфеев и Леввей, нареченный Фаддей: Matthew 10:4 Симон Кананит и Иуда Искариотский, иже и предаде Его. Matthew 10:5 Сия обанадесять посла Иисус, заповеда им, глаголя: на путь язык не идите и во град Самарянский не внидите: Matthew 10:6 идите же паче ко овцам погибшым дому Израилева: Matthew 10:7 ходяще же проповедуйте, глаголюще, яко приближися Царствие Небесное: Matthew 10:8 болящыя изцеляйте, прокаженныя очищайте, мертвыя воскрешайте, бесы изгоняйте: туне приясте, туне дадите. Matthew 10:9 Не стяжите злата, ни сребра, ни меди при поясех ваших, Matthew 10:10 ни пиры в путь, ни двою ризу, ни сапог, ни жезла: достоин бо есть делатель мзды своея. Matthew 10:11 В оньже аще (колиждо) град или весь внидете, испытайте, кто в нем достоин есть, и ту пребудите, дондеже изыдете: Matthew 10:12 входяще же в дом целуйте его, глаголюще: мир дому сему: Matthew 10:13 и аще убо будет дом достоин, приидет мир ваш нань: аще ли же не будет достоин, мир ваш к вам возвратится. Matthew 10:14 И иже аще не приимет вас, ниже послушает словес ваших, исходяще из дому или из града того, оттрясите прах ног ваших: Matthew 10:15 аминь глаголю вам: отраднее будет земли Содомстей и Гоморрстей в день судный, неже граду тому. Matthew 10:16 Се, Аз посылаю вас яко овцы посреде волков: будите убо мудри яко змия, и цели яко голубие. Matthew 10:17 Внемлите же от человек: предадят бо вы на сонмы, и на соборищих их биют вас, Matthew 10:18 и пред владыки же и цари ведени будете Мене ради, во свидетелство им и языком. Matthew 10:19 Егда же предают вы, не пецытеся, како или что возглаголете: дастбося вам в той час, что возглаголете: Matthew 10:20 не вы бо будете глаголющии, но Дух Отца вашего глаголяй в вас. Matthew 10:21 Предаст же брат брата на смерть, и отец чадо: и востанут чада на родители и убиют их: Matthew 10:22 и будете ненавидими всеми имене Моего ради: претерпевый же до конца, той спасен будет. Matthew 10:23 Егда же гонят вы во граде сем, бегайте в другий. Аминь бо глаголю вам: не имате скончати грады Израилевы, дондеже приидет Сын Человеческий. Matthew 10:24 Несть ученик над учителя (своего), ниже раб над господина своего: Matthew 10:25 довлеет ученику, да будет яко учитель его, и раб яко господь его. Аще господина дому веельзевула нарекоша, кольми паче домашния его? Matthew 10:26 Не убойтеся убо их: ничтоже бо есть покровено, еже не открыется, и тайно, еже не уведено будет. Matthew 10:27 Еже глаголю вам во тме, рцыте во свете: и еже во ушы слышите, проповедите на кровех. Matthew 10:28 И не убойтеся от убивающих тело, души же не могущих убити: убойтеся же паче могущаго и душу и тело погубити в геенне. Matthew 10:29 Не две ли птице ценитеся единому ассарию? И ни едина от них падет на земли без Отца вашего: Matthew 10:30 вам же и власи главнии вси изочтени суть: Matthew 10:31 не убойтеся убо: мнозех птиц лучши есте вы. Matthew 10:32 Всяк убо иже исповесть Мя пред человеки, исповем его и Аз пред Отцем Моим, иже на небесех: Matthew 10:33 а иже отвержется Мене пред человеки, отвергуся его и Аз пред Отцем Моим, иже на небесех. Matthew 10:34 Не мните, яко приидох воврещи мир на землю: не приидох воврещи мир, но мечь: Matthew 10:35 приидох бо разлучити человека на отца своего, и дщерь на матерь свою, и невесту на свекровь свою. Matthew 10:36 И врази человеку домашнии его. Matthew 10:37 Иже любит отца или матерь паче Мене, несть Мене достоин: и иже любит сына или дщерь паче Мене, несть Мене достоин: Matthew 10:38 и иже не приимет креста своего и вслед Мене грядет, несть Мене достоин. Matthew 10:39 Обретый душу свою погубит ю: а иже погубит душу свою Мене ради, обрящет ю. Matthew 10:40 Иже вас приемлет, Мене приемлет: и иже приемлет Мене, приемлет Пославшаго Мя: Matthew 10:41 приемляй пророка во имя пророчо, мзду пророчу приимет: и приемляй праведника во имя праведничо, мзду праведничу приимет: Matthew 10:42 и иже аще напоит единаго от малых сих чашею студены воды токмо, во имя ученика, аминь глаголю вам, не погубит мзды своея. Matthew 11:0 Matthew 11:1 И бысть, егда соверши Иисус заповедая обеманадесяте ученикома Своима, прейде оттуду учити и проповедати во градех их. Matthew 11:2 Иоанн же слышав во узилищи дела Христова, посла два от ученик своих, Matthew 11:3 рече Ему: Ты ли еси Грядый, или иного чаем? Matthew 11:4 И отвещав Иисус рече има: шедша возвестита Иоаннови, яже слышита и видита: Matthew 11:5 слепии прозирают и хромии ходят, прокаженнии очищаются и глусии слышат, мертвии востают и нищии благовествуют: Matthew 11:6 и блажен есть, иже аще не соблазнится о Мне. Matthew 11:7 Тема же исходящема, начат Иисус народом глаголати о Иоанне: чесо изыдосте в пустыню видети? Трость ли ветром колеблему? Matthew 11:8 Но чесо изыдосте видети? Человека ли в мягки ризы облеченна? Се, иже мягкая носящии, в домех царских суть. Matthew 11:9 Но чесо изыдосте видети? Пророка ли? Ей, глаголю вам, и лишше пророка. Matthew 11:10 Сей бо есть, о немже есть писано: се, Аз посылаю Ангела Моего пред лицем Твоим, иже уготовит путь Твой пред Тобою. Matthew 11:11 Аминь глаголю вам, не воста в рожденных женами болий Иоанна Крестителя: мний же во Царствии Небеснем болий его есть. Matthew 11:12 От дний же Иоанна Крестителя доселе Царствие Небесное нудится, и нуждницы восхищают е: Matthew 11:13 вси бо пророцы и закон до Иоанна прорекоша. Matthew 11:14 И аще хощете прияти, той есть Илиа хотяй приити: Matthew 11:15 имеяй ушы слышати да слышит. Matthew 11:16 Кому же уподоблю род сей? Подобен есть детем седящым на торжищих, и возглашающым другом своим Matthew 11:17 и глаголющым: пискахом вам, и не плясасте: плакахом вам, и не рыдасте. Matthew 11:18 Прииде бо Иоанн ни ядый, ни пияй: и глаголют: беса имать. Matthew 11:19 Прииде Сын Человеческий ядый и пияй: и глаголют: се, человек ядца и винопийца, мытарем друг и грешником. И оправдися премудрость от чад своих. Matthew 11:20 Тогда начат Иисус поношати градовом, в нихже быша множайшыя силы Его, зане не покаяшася: Matthew 11:21 горе тебе, Хоразине, горе тебе, Вифсаидо: яко аще в Тире и Сидоне быша силы были бывшыя в вас, древле убо во вретищи и пепеле покаялися быша: Matthew 11:22 обаче глаголю вам Тиру и Сидону отраднее будет в день судный, неже вам. Matthew 11:23 И ты, Капернауме, иже до небес вознесыйся, до ада снидеши: зане аще в Содомех быша силы были бывшыя в тебе, пребыли убо быша до днешняго дне: Matthew 11:24 обаче глаголю вам, яко земли Содомстей отраднее будет в день судный, неже тебе. Matthew 11:25 В то время отвещав Иисус рече: исповедаютися, Отче, Господи небесе и земли, яко утаил еси сия от премудрых и разумных и открыл еси та младенцем: Matthew 11:26 ей, Отче, яко тако бысть благоволение пред Тобою. Matthew 11:27 Вся Мне предана суть Отцем Моим: и никтоже знает Сына, токмо Отец: ни Отца кто знает, токмо Сын, и емуже аще волит Сын открыти. Matthew 11:28 Приидите ко Мне вси труждающиися и обремененнии, и Аз упокою вы: Matthew 11:29 возмите иго Мое на себе и научитеся от Мене, яко кроток есмь и смирен сердцем: и обрящете покой душам вашым: Matthew 11:30 иго бо Мое благо, и бремя Мое легко есть. Matthew 12:0 Matthew 12:1 В то время иде Иисус в субботы сквозе сеяния: ученицы же Его взалкаша и начаша востерзати класы и ясти. Matthew 12:2 Фарисее же видевше реша Ему: се, ученицы Твои творят, егоже не достоит творити в субботу. Matthew 12:3 Он же рече им: несте ли чли, что сотвори Давид, егда взалка сам и сущии с ним? Matthew 12:4 Како вниде в храм Божий и хлебы предложения снеде, ихже не достойно бе ему ясти, ни сущым с ним, токмо иереем единым? Matthew 12:5 Или несте чли в законе, яко в субботы священницы в церкви субботы сквернят и неповинни суть? Matthew 12:6 Глаголю же вам, яко церкве боле есть зде: Matthew 12:7 аще ли бысте ведали, что есть: милости хощу, а не жертвы, николиже убо бысте осуждали неповинных: Matthew 12:8 господь бо есть и субботы Сын Человеческий. Matthew 12:9 И прешед оттуду, прииде на сонмище их. Matthew 12:10 И се, человек бе ту, руку имый суху. И вопросиша Его, глаголюще: аще достоит в субботы целити? Да на Него возглаголют. Matthew 12:11 Он же рече им: кто есть от вас человек, иже имать овча едино, и аще впадет сие в субботы в яму, не имет ли е и измет? Matthew 12:12 Кольми убо лучши есть человек овчате? Темже достоит в субботы добро творити. Matthew 12:13 Тогда глагола человеку: простри руку твою. И простре: и утвердися цела яко другая. Matthew 12:14 Фарисее же шедше совет сотвориша на Него, како Его погубят. Иисус же разумев отиде оттуду. Matthew 12:15 И по Нем идоша народи мнози, и изцели их всех: Matthew 12:16 и запрети им, да не яве Его творят: Matthew 12:17 яко да сбудется реченное Исаием пророком, глаголющим: Matthew 12:18 се, Отрок Мой, Егоже изволих, Возлюбленный Мой, Наньже благоволи душа Моя: положу дух Мой на Нем, и суд языком возвестит: Matthew 12:19 не преречет, ни возопиет, ниже услышит кто на распутиих гласа Его: Matthew 12:20 трости сокрушенны не преломит и лена внемшася не угасит, дондеже изведет в победу суд: Matthew 12:21 и на имя Его языцы уповати имут. Matthew 12:22 Тогда приведоша к Нему беснующася слепа и нема: и изцели его, яко слепому и немому глаголати и глядати. Matthew 12:23 И дивляхуся вси народи глаголюще: еда Сей есть (Христос) сын Давидов? Matthew 12:24 Фарисее же слышавше реша: Сей не изгонит бесы, токмо о веельзевуле князи бесовстем. Matthew 12:25 Ведый же Иисус мысли их, рече им: всякое царство раздельшееся на ся запустеет, и всяк град или дом разделивыйся на ся не станет. Matthew 12:26 И аще сатана сатану изгонит, на ся разделился есть: како убо станет царство его? Matthew 12:27 И аще Аз о веельзевуле изгоню бесы, сынове ваши о ком изгонят? Сего ради тии вам будут судии. Matthew 12:28 Аще ли же Аз о Дусе Божии изгоню бесы, убо постиже на вас Царствие Божие. Matthew 12:29 Или како может кто внити в дом крепкаго и сосуды его расхитити, аще не первее свяжет крепкаго, и тогда дом его расхитит? Matthew 12:30 Иже несть со Мною, на Мя есть: и иже не собирает со Мною, расточает. Matthew 12:31 Сего ради глаголю вам: всяк грех и хула отпустится человеком: а яже на Духа хула не отпустится человеком: Matthew 12:32 и иже аще речет слово на Сына Человеческаго, отпустится ему: а иже речет на Духа Святаго, не отпустится ему ни в сей век, ни в будущий. Matthew 12:33 Или сотворите древо добро и плод его добр: или сотворите древо зло и плод его зол: от плода бо древо познано будет. Matthew 12:34 Порождения ехиднова, како можете добро глаголати, зли суще? От избытка бо сердца уста глаголют. Matthew 12:35 Благий человек от благаго сокровища износит благая: и лукавый человек от лукаваго сокровища износит лукавая. Matthew 12:36 Глаголю же вам, яко всяко слово праздное, еже аще рекут человецы, воздадят о нем слово в день судный: Matthew 12:37 от словес бо своих оправдишися и от словес своих осудишися. Matthew 12:38 Тогда отвещаша нецыи от книжник и фарисей, глаголюще: Учителю, хощем от Тебе знамение видети. Matthew 12:39 Он же отвещав рече им: род лукав и прелюбодей знамения ищет, и знамение не дастся ему, токмо знамение Ионы пророка: Matthew 12:40 якоже бо бе Иона во чреве китове три дни и три нощы, тако будет и Сын Человеческий в сердцы земли три дни и три нощы. Matthew 12:41 Мужие Ниневитстии востанут на суд с родом сим и осудят его, яко покаяшася проповедию Иониною: и се, боле Ионы зде. Matthew 12:42 Царица южская востанет на суд с родом сим и осудит и, яко прииде от конец земли слышати премудрость Соломонову: и се, боле Соломона зде. Matthew 12:43 Егда же нечистый дух изыдет от человека, преходит сквозе безводная места, ищя покоя, и не обретает: Matthew 12:44 тогда речет: возвращуся в дом мой, отнюдуже изыдох. И пришед обрящет празден, пометен и украшен: Matthew 12:45 тогда идет и поймет с собою седмь иных духов лютейших себе, и вшедше живут ту: и будут последняя человеку тому горша первых. Тако будет и роду сему лукавому. Matthew 12:46 Еще же Ему глаголющу к народом, се, Мати (Его) и братия Его стояху вне, ищуще глаголати Ему. Matthew 12:47 Рече же некий Ему: се, Мати Твоя и братия Твоя вне стоят, хотяще глаголати Тебе. Matthew 12:48 Он же отвещав рече ко глаголющему Ему: кто есть Мати Моя, и кто суть братия Моя? Matthew 12:49 И простер руку Свою на ученики Своя, рече: се, мати Моя и братия Моя: Matthew 12:50 иже бо аще сотворит волю Отца Моего, Иже есть на небесех, той брат Мой, и сестра, и мати (Ми) есть. Matthew 13:0 Matthew 13:1 В день же той изшед Иисус из дому, седяше при мори. Matthew 13:2 И собрашася к Нему народи мнози, якоже Ему в корабль влезти и сести: и весь народ на брезе стояше. Matthew 13:3 И глагола им притчами много, глаголя: се, изыде сеяй, да сеет: Matthew 13:4 и сеющу ему, ова падоша при пути, и приидоша птицы и позобаша я: Matthew 13:5 другая же падоша на каменных, идеже не имеяху земли многи, и абие прозябоша, зане не имеяху глубины земли: Matthew 13:6 солнцу же возсиявшу присвянуша, и зане не имеяху корения, изсхоша: Matthew 13:7 другая же падоша в тернии, и взыде терние и подави их: Matthew 13:8 другая же падоша на земли добрей и даяху плод, ово убо сто, ово же шестьдесят, ово же тридесять: Matthew 13:9 имеяй ушы слышати да слышит. Matthew 13:10 И приступивше ученицы (Его) рекоша Ему: почто притчами глаголеши им? Matthew 13:11 Он же отвещав рече им: яко вам дано есть разумети тайны Царствия Небеснаго, онем же не дано есть: Matthew 13:12 иже бо имать, дастся ему и преизбудет (ему): а иже не имать, и еже имать, возмется от него: Matthew 13:13 сего ради в притчах глаголю им, яко видяще не видят, и слышаще не слышат, ни разумеют: Matthew 13:14 и сбывается в них пророчество Исаиино, глаголющее: слухом услышите, и не имате разумети: и зряще узрите, и не имате видети: Matthew 13:15 отолсте бо сердце людий сих, и ушима тяжко слышаша, и очи свои смежиша, да не когда узрят очима, и ушима услышат, и сердцем уразумеют, и обратятся, и изцелю их. Matthew 13:16 Ваша же блаженна очеса, яко видят, и уши ваши, яко слышат: Matthew 13:17 аминь бо глаголю вам, яко мнози пророцы и праведницы вожделеша видети, яже видите, и не видеша, и слышати, яже слышите, и не слышаша. Matthew 13:18 Вы же услышите притчу сеющаго: Matthew 13:19 всякому слышащему слово Царствия и не разумевающу, приходит лукавый и восхищает всеянное в сердцы его: сие есть, еже при пути сеянное. Matthew 13:20 А на камени сеянное, сие есть слышай слово и абие с радостию приемлет е: Matthew 13:21 не имать же корене в себе, но привременен есть: бывши же печали или гонению словесе ради, абие соблажняется. Matthew 13:22 А сеянное в тернии, се есть слышай слово, и печаль века сего и лесть богатства подавляет слово, и без плода бывает. Matthew 13:23 А сеянное на добрей земли, се есть слышай слово и разумевая: иже убо плод приносит и творит ово сто, ово же шестьдесят, ово тридесять. Matthew 13:24 Ину притчу предложи им, глаголя: уподобися Царствие Небесное человеку, сеявшу доброе семя на селе своем: Matthew 13:25 спящым же человеком, прииде враг его и всея плевелы посреде пшеницы и отиде: Matthew 13:26 егда же прозябе трава и плод сотвори, тогда явишася и плевелие. Matthew 13:27 Пришедше же раби господина, реша ему: господи, не доброе ли семя сеял еси на селе твоем? Откуду убо имать плевелы? Matthew 13:28 Он же рече им: враг человек сие сотвори. Раби же реша ему: хощеши ли убо, да шедше исплевем я? Matthew 13:29 Он же рече (им): ни: да не когда восторгающе плевелы, восторгнете купно с ними (и) пшеницу: Matthew 13:30 оставите расти обое купно до жатвы: и во время жатвы реку жателем: соберите первее плевелы и свяжите их в снопы, яко сожещи я: а пшеницу соберите в житницу мою. Matthew 13:31 Ину притчу предложи им, глаголя: подобно есть Царствие Небесное зерну горушичну, еже взем человек всея на селе своем, Matthew 13:32 еже малейше убо есть от всех семен: егда же возрастет, более (всех) зелий есть и бывает древо, яко приити птицам небесным и витати на ветвех его. Matthew 13:33 Ину притчу глагола им: подобно есть Царствие Небесное квасу, егоже вземши жена скры в сатех триех муки, дондеже вскисоша вся. Matthew 13:34 Сия вся глагола Иисус в притчах народом, и без притчи ничесоже глаголаше к ним: Matthew 13:35 яко да сбудется реченное пророком, глаголющим: отверзу в притчах уста Моя: отрыгну сокровенная от сложения мира. Matthew 13:36 Тогда оставль народы, прииде в дом Иисус. И приступиша к Нему ученицы Его, глаголюще: скажи нам притчу плевел селных. Matthew 13:37 Он же отвещав рече им: сеявый доброе семя есть Сын Человеческий: Matthew 13:38 а село есть мир: доброе же семя, сии суть сынове Царствия, а плевелие суть сынове неприязненнии: Matthew 13:39 а враг всеявый их есть диавол: а жатва кончина века есть: а жатели Ангели суть. Matthew 13:40 Якоже убо собирают плевелы и огнем сожигают, тако будет в скончание века сего: Matthew 13:41 послет Сын Человеческий Ангелы Своя, и соберут от Царствия Его вся соблазны и творящих беззаконие Matthew 13:42 и ввергут их в пещь огненну: ту будет плачь и скрежет зубом: Matthew 13:43 тогда праведницы просветятся яко солнце в Царствии Отца их. Имеяй ушы слышати да слышит. Matthew 13:44 Паки подобно есть Царствие Небесное сокровищу сокровену на селе, еже обрет человек скры, и от радости его идет, и вся, елика имать, продает, и купует село то. Matthew 13:45 Паки подобно есть Царствие Небесное человеку купцу, ищущу добрых бисерей, Matthew 13:46 иже обрет един многоценен бисер, шед продаде вся, елика имяше, и купи его. Matthew 13:47 Паки подобно есть Царствие Небесное неводу ввержену в море и от всякаго рода собравшу, Matthew 13:48 иже егда исполнися, извлекоша и на край, и седше избраша добрыя в сосуды, а злыя извергоша вон. Matthew 13:49 Тако будет в скончание века: изыдут Ангели, и отлучат злыя от среды праведных, Matthew 13:50 и ввергут их в пещь огненную: ту будет плачь и скрежет зубом. Matthew 13:51 Глагола им Иисус: разуместе ли сия вся? Глаголаша Ему: ей, Господи. Matthew 13:52 Он же рече им: сего ради всяк книжник, научився Царствию Небесному, подобен есть человеку домовиту, иже износит от сокровища своего новая и ветхая. Matthew 13:53 И бысть, егда сконча Иисус притчи сия, прейде оттуду. Matthew 13:54 И пришед во отечествие Свое, учаше их на сонмищи их, яко дивитися им и глаголати: откуду Сему премудрость сия и силы? Matthew 13:55 Не Сей ли есть тектонов сын? Не Мати ли Его нарицается Мариам, и братия Его Иаков и Иосий, и Симон и Иуда? Matthew 13:56 И сестры Его не вся ли в нас суть? Откуду убо Сему сия вся? Matthew 13:57 И блажняхуся о Нем. Иисус же рече им: несть пророк без чести, токмо во отечествии своем и в дому своем. Matthew 13:58 И не сотвори ту сил многих за неверство их. Matthew 14:0 Matthew 14:1 В то время услыша Ирод четвертовластник слух Иисусов Matthew 14:2 и рече отроком своим: сей есть Иоанн Креститель: той воскресе от мертвых, и сего ради силы деются о нем. Matthew 14:3 Ирод бо емь Иоанна, связа его и всади в темницу, Иродиады ради жены Филиппа брата своего: Matthew 14:4 глаголаше бо ему Иоанн: не достоит ти имети ея. Matthew 14:5 И хотящь его убити, убояся народа, зане яко пророка его имеяху. Matthew 14:6 Дню же бывшу рождества Иродова, пляса дщи Иродиадина посреде и угоди Иродови: Matthew 14:7 темже и с клятвою изрече ей дати, егоже аще воспросит. Matthew 14:8 Она же наваждена материю своею, даждь ми, рече, зде на блюде главу Иоанна Крестителя. Matthew 14:9 И печален бысть царь: клятвы же ради и за возлежащих с ним, повеле дати (ей) Matthew 14:10 и послав усекну Иоанна в темнице. Matthew 14:11 И принесоша главу его на блюде и даша девице: и отнесе матери своей. Matthew 14:12 И приступльше ученицы его взяша тело (его) и погребоша е: и пришедше возвестиша Иисусови. Matthew 14:13 И слышав Иисус отиде оттуду в корабли в пусто место един: и слышавше народи по Нем идоша пеши от градов. Matthew 14:14 И изшед Иисус виде мног народ, и милосердова о них, и изцели недужныя их. Matthew 14:15 Позде же бывшу, приступиша к Нему ученицы Его, глаголюще: пусто есть место, и час уже мину: отпусти народы, да шедше в веси купят брашна себе. Matthew 14:16 Иисус же рече им: не требуют отити: дадите им вы ясти. Matthew 14:17 Они же глаголаша Ему: не имамы зде токмо пять хлеб и две рыбе. Matthew 14:18 Он же рече: принесите Ми их семо. Matthew 14:19 И повелев народом возлещи на траве, и приемь пять хлеб и обе рыбе, воззрев на небо, благослови и преломив даде учеником хлебы, ученицы же народом. Matthew 14:20 И ядоша вси и насытишася: и взяша избытки укрух, дванадесять кошя исполнь: Matthew 14:21 ядущих же бе мужей яко пять тысящ, разве жен и детей. Matthew 14:22 И абие понуди Иисус ученики Своя влезти в корабль и варити Его на оном полу, дондеже отпустит народы. Matthew 14:23 И отпустив народы, взыде на гору един помолитися: позде же бывшу, един бе ту. Matthew 14:24 Корабль же бе посреде моря влаяся волнами: бе бо противен ветр. Matthew 14:25 В четвертую же стражу нощи иде к ним Иисус, ходя по морю. Matthew 14:26 И видевше Его ученицы по морю ходяща, смутишася, глаголюще, яко призрак есть: и от страха возопиша. Matthew 14:27 Абие же рече им Иисус, глаголя: дерзайте: Аз есмь, не бойтеся. Matthew 14:28 Отвещав же Петр рече: Господи, аще Ты еси, повели ми приити к Тебе по водам. Он же рече: прииди. Matthew 14:29 И излез из корабля Петр, хождаше по водам, приити ко Иисусови: Matthew 14:30 видя же ветр крепок, убояся, и начен утопати, возопи, глаголя: Господи, спаси мя. Matthew 14:31 И абие Иисус простер руку, ят его и глагола ему: маловере, почто усумнелся еси? Matthew 14:32 И влезшема има в корабль, преста ветр. Matthew 14:33 Сущии же в корабли пришедше поклонишася Ему, глаголюще: воистинну Божий Сын еси. Matthew 14:34 И прешедше приидоша в землю Геннисарефскую. Matthew 14:35 И познавше Его мужие места того, послаша во всю страну ту, и принесоша к Нему вся болящыя: Matthew 14:36 и моляху Его, да токмо прикоснутся вскрилию ризы Его: и елицы прикоснушася, спасени быша. Matthew 15:0 Matthew 15:1 Тогда приступиша ко Иисусови иже от Иерусалима книжницы и фарисее, глаголюще: Matthew 15:2 почто ученицы Твои преступают предание старец? Не умывают бо рук своих, егда хлеб ядят. Matthew 15:3 Он же отвещав рече им: почто и вы преступаете заповедь Божию за предание ваше? Matthew 15:4 Бог бо заповеда, глаголя: чти отца и матерь: и: иже злословит отца или матерь, смертию да умрет. Matthew 15:5 Вы же глаголете: иже аще речет отцу или матери: дар, имже бы от мене пользовался еси: Matthew 15:6 и да не почтит отца своего или матере: и разористе заповедь Божию за предание ваше. Matthew 15:7 Лицемери, добре пророчествова о вас Исаиа, глаголя: Matthew 15:8 приближаются Мне людие сии усты своими и устнами чтут Мя: сердце же их далече отстоит от Мене: Matthew 15:9 всуе же чтут Мя, учаще учением, заповедем человеческим. Matthew 15:10 И призвав народы, рече им: слышите и разумейте: Matthew 15:11 не входящее во уста сквернит человека: но исходящее изо уст, то сквернит человека. Matthew 15:12 Тогда приступльше ученицы Его реша Ему: веси ли, яко фарисее слышавше слово соблазнишася? Matthew 15:13 Он же отвещав рече: всяк сад, егоже не насади Отец Мой Небесный, искоренится: Matthew 15:14 оставите их: вожди суть слепи слепцем: слепец же слепца аще водит, оба в яму впадетася. Matthew 15:15 Отвещав же Петр рече Ему: скажи нам притчу сию. Matthew 15:16 Иисус же рече (им): единаче ли и вы без разума есте? Matthew 15:17 Не у ли разумеваете, яко всяко, еже входит во уста, во чрево вмещается и афедроном исходит? Matthew 15:18 Исходящая же изо уст, от сердца исходят, и та сквернят человека: Matthew 15:19 от сердца бо исходят помышления злая, убийства, прелюбодеяния, любодеяния, татьбы, лжесвидетелства, хулы: Matthew 15:20 сия суть сквернящая человека: а еже неумовенныма рукама ясти, не сквернит человека. Matthew 15:21 И изшед оттуду Иисус, отиде во страны Тирския и Сидонския. Matthew 15:22 И се, жена Хананейска, от предел тех изшедши, возопи к Нему глаголющи: помилуй мя, Господи, сыне Давидов, дщи моя зле беснуется. Matthew 15:23 Он же не отвеща ей словесе. И приступльше ученицы Его, моляху Его, глаголюще: отпусти ю, яко вопиет вслед нас. Matthew 15:24 Он же отвещав рече: несмь послан, токмо ко овцам погибшым дому Израилева. Matthew 15:25 Она же пришедши поклонися Ему, глаголющи: Господи, помози ми. Matthew 15:26 Он же отвещав рече: несть добро отяти хлеба чадом и поврещи псом. Matthew 15:27 Она же рече: ей, Господи: ибо и пси ядят от крупиц падающих от трапезы господей своих. Matthew 15:28 Тогда отвещав Иисус рече ей: о, жено, велия вера твоя: буди тебе якоже хощеши. И изцеле дщи ея от того часа. Matthew 15:29 И прешед оттуду Иисус, прииде на море Галилейское, и возшед на гору, седе ту. Matthew 15:30 И приступиша к Нему народи мнози, имуще с собою хромыя, слепыя, немыя, бедныя и ины многи, и привергоша их к ногама Иисусовыма: и изцели их: Matthew 15:31 якоже народом дивитися, видящым немыя глаголюща, бедныя здравы, хромыя ходящя и слепыя видящя: и славляху Бога Израилева. Matthew 15:32 Иисус же призвав ученики Своя, рече (им): милосердую о народе (сем), яко уже дни три приседят Мне и не имут чесо ясти: и отпустити их не ядших не хощу, да не како ослабеют на пути. Matthew 15:33 И глаголаша Ему ученицы Его: откуду нам в пустыни хлеби толицы, яко да насытится толик народ? Matthew 15:34 И глагола им Иисус: колико хлебы имате? Они же реша: седмь, и мало рыбиц. Matthew 15:35 И повеле народом возлещи на земли, Matthew 15:36 и приемь седмь хлебы и рыбы, хвалу воздав преломи и даде учеником Своим, ученицы же народом. Matthew 15:37 И ядоша вси и насытишася: и взяша избытки укрух, седмь кошниц исполнь: Matthew 15:38 ядших же бяше четыре тысящы мужей, разве жен и детей. Matthew 15:39 И отпустив народы, влезе в корабль и прииде в пределы Магдалински. Matthew 16:0 Matthew 16:1 И приступиша (к нему) фарисее и саддукее, искушающе просиша Его знамение с небесе показати им. Matthew 16:2 Он же отвещав рече им: вечеру бывшу, глаголете: ведро, чермнуетбося небо: Matthew 16:3 и утру: днесь зима, чермнуетбося дряселуя небо. Лицемери, лице убо небесе умеете разсуждати, знамений же временом не можете (искусити). Matthew 16:4 Род лукав и прелюбодейный знамения ищет: и знамение не дастся ему, токмо знамение Ионы пророка. И оставль их, отиде. Matthew 16:5 И прешедше ученицы Его на он пол, забыша хлебы взяти. Matthew 16:6 Иисус же рече им: внемлите и блюдитеся от кваса фарисейска и саддукейска. Matthew 16:7 Они же помышляху в себе, глаголюще: яко хлебы не взяхом. Matthew 16:8 Разумев же Иисус рече им: что мыслите в себе, маловери, яко хлебы не взясте? Matthew 16:9 Не у ли разумеете, ниже помните пять хлебы пятим тысящам, и колико кош взясте? Matthew 16:10 Ни ли седмь хлебы четырем тысящам, и колико кошниц взясте? Matthew 16:11 Како не разумеете, яко не о хлебех рех вам внимати, (но) от кваса фарисейска и саддукейска? Matthew 16:12 Тогда разумеша, яко не рече хранитися от кваса хлебнаго, но от учения фарисейска и саддукейска. Matthew 16:13 Пришед же Иисус во страны Кесарии Филипповы, вопрошаше ученики Своя, глаголя: кого Мя глаголют человецы быти, Сына Человеческаго? Matthew 16:14 Они же реша: ови убо Иоанна Крестителя, инии же Илию, друзии же Иеремию или единаго от пророк. Matthew 16:15 Глагола им (Иисус): вы же кого Мя глаголете быти? Matthew 16:16 Отвещав же Симон Петр рече: Ты еси Христос, Сын Бога Живаго. Matthew 16:17 И отвещав Иисус рече ему: блажен еси, Симоне, вар Иона, яко плоть и кровь не яви тебе, но Отец Мой, иже на небесех: Matthew 16:18 и Аз же тебе глаголю, яко ты еси Петр, и на сем камени созижду Церковь Мою, и врата адова не одолеют ей: Matthew 16:19 и дам ти ключи Царства Небеснаго: и еже аще свяжеши на земли, будет связано на небесех: и еже аще разрешиши на земли, будет разрешено на небесех. Matthew 16:20 Тогда запрети Иисус учеником Своим, да ни комуже рекут, яко Сей есть Иисус Христос. Matthew 16:21 Оттоле начат Иисус сказовати учеником Своим, яко подобает Ему ити во Иерусалим и много пострадати от старец и архиерей и книжник, и убиену быти, и в третий день востати. Matthew 16:22 И поемь Его Петр, начат пререцати Ему глаголя: милосерд Ты, Господи: не имать быти Тебе сие. Matthew 16:23 Он же обращься рече Петрови: иди за Мною, сатано, соблазн Ми еси: яко не мыслиши яже (суть) Божия, но человеческая. Matthew 16:24 Тогда Иисус рече учеником Своим: аще кто хощет по Мне ити, да отвержется себе и возмет крест свой и по Мне грядет: Matthew 16:25 иже бо аще хощет душу свою спасти, погубит ю: и иже аще погубит душу свою Мене ради, обрящет ю: Matthew 16:26 кая бо польза человеку, аще мир весь приобрящет, душу же свою отщетит? Или что даст человек измену за душу свою? Matthew 16:27 Приити бо имать Сын Человеческий во славе Отца Своего со Ангелы Своими, и тогда воздаст комуждо по деянием его: Matthew 16:28 аминь глаголю вам, (яко) суть нецыи от зде стоящих, иже не имут вкусити смерти, дондеже видят Сына Человеческаго грядуща во Царствии Своем. Matthew 17:0 Matthew 17:1 И по днех шестих поят Иисус Петра и Иакова и Иоанна брата его, и возведе их на гору высоку едины, Matthew 17:2 и преобразися пред ними: и просветися лице Его яко солнце, ризы же Его быша белы яко свет. Matthew 17:3 И се, явистася им Моисей и Илиа, с Ним глаголюща. Matthew 17:4 Отвещав же Петр рече (ко) Иисусови: Господи, добро есть нам зде быти: аще хощеши, сотворим зде три сени, Тебе едину, и Моисеови едину, и едину Илии. Matthew 17:5 Еще (же) ему глаголющу, се, облак светел осени их: и се, глас из облака глаголя: Сей есть Сын Мой Возлюбленный, о Немже благоволих: Того послушайте. Matthew 17:6 И слышавше ученицы падоша ницы и убояшася зело. Matthew 17:7 И приступль Иисус прикоснуся их и рече: востаните и не бойтеся. Matthew 17:8 Возведше же очи свои, ни когоже видеша, токмо Иисуса единаго. Matthew 17:9 И сходящым им с горы, заповеда им Иисус, глаголя: ни комуже поведите видения, дондеже Сын Человеческий из мертвых воскреснет. Matthew 17:10 И вопросиша Его ученицы Его, глаголюще: что убо книжницы глаголют, яко Илии подобает приити прежде? Matthew 17:11 Иисус же отвещав рече им: Илиа убо приидет прежде и устроит вся: Matthew 17:12 глаголю же вам, яко Илиа уже прииде, и не познаша его, но сотвориша о нем, елика восхотеша: тако и Сын Человеческий имать пострадати от них. Matthew 17:13 Тогда разумеша ученицы, яко о Иоанне Крестители рече им. Matthew 17:14 И пришедшым им к народу, приступи к Нему человек, кланяяся Ему Matthew 17:15 и глаголя: Господи, помилуй сына моего, яко на новы месяцы беснуется и зле страждет: множицею бо падает во огнь и множицею в воду: Matthew 17:16 и приведох его ко учеником Твоим, и не возмогоша его изцелити. Matthew 17:17 Отвещав же Иисус рече: о, роде неверный и развращенный, доколе буду с вами? Доколе терплю вам? Приведите Ми его семо. Matthew 17:18 И запрети ему Иисус, и изыде из него бес: и изцеле отрок от часа того. Matthew 17:19 Тогда приступльше ученицы ко Иисусу на едине, реша: почто мы не возмогохом изгнати его? Matthew 17:20 Иисус же рече им: за неверствие ваше: аминь бо глаголю вам: аще имате веру яко зерно горушно, речете горе сей: прейди отсюду тамо, и прейдет: и ничтоже невозможно будет вам: Matthew 17:21 сей же род не исходит, токмо молитвою и постом. Matthew 17:22 Живущым же им в Галилеи, рече им Иисус: предан имать быти Сын Человеческий в руце человеком, Matthew 17:23 и убиют Его, и в третий день востанет. И скорбни быша зело. Matthew 17:24 Пришедшым же им в Капернаум, приступиша приемлющии дидрахмы к Петрови и реша: Учитель ваш не даст ли дидрахмы? Matthew 17:25 Глаголя: ей. И егда вниде в дом, предвари его Иисус, глаголя: что ти мнится, Симоне? Царие земстии от киих приемлют дани или кинсон? От своих ли сынов, или от чужих? Matthew 17:26 Глагола Ему Петр: от чужих. Рече ему Иисус: убо свободни суть сынове: Matthew 17:27 но да не соблазним их, шед на море, верзи удицу, и, юже прежде имеши рыбу, возми: и отверз уста ей, обрящеши статир: той взем даждь им за Мя и за ся. Matthew 18:0 Matthew 18:1 В той час приступиша ученицы ко Иисусу, глаголюще: кто убо болий есть в Царствии Небеснем? Matthew 18:2 И призвав Иисус отроча, постави е посреде их Matthew 18:3 и рече: аминь глаголю вам, аще не обратитеся и будете яко дети, не внидете в Царство Небесное: Matthew 18:4 иже убо смирится яко отроча сие, той есть болий во Царствии Небеснем: Matthew 18:5 и иже аще приимет отроча таково во имя Мое, Мене приемлет: Matthew 18:6 а иже аще соблазнит единаго малых сих верующих в Мя, уне есть ему, да обесится жернов оселский на выи его, и потонет в пучине морстей. Matthew 18:7 Горе миру от соблазн: нужда бо есть приити соблазном: обаче горе человеку тому, имже соблазн приходит. Matthew 18:8 Аще ли рука твоя или нога твоя соблажняет тя, отсецы ю и верзи от себе: добрейше ти есть внити в живот хрому или бедну, неже две руце и две нозе имущу ввержену быти во огнь вечный: Matthew 18:9 и аще око твое соблажняет тя, изми е и верзи от себе: добрейше ти есть со единем оком в живот внити, неже две оце имущу ввержену быти в геенну огненную. Matthew 18:10 Блюдите, да не презрите единаго (от) малых сих: глаголю бо вам, яко Ангели их на небесех выну видят лице Отца Моего Небеснаго. Matthew 18:11 Прииде бо Сын Человеческий (взыскати и) спасти погибшаго. Matthew 18:12 Что вам мнится? Аще будет некоему человеку сто овец, и заблудит едина от них: не оставит ли девятьдесят и девять в горах и шед ищет заблуждшия? Matthew 18:13 И аще будет обрести ю, аминь глаголю вам, яко радуется о ней паче, неже о девятидесятих и девяти не заблуждших. Matthew 18:14 Тако несть воля пред Отцем вашим Небесным, да погибнет един от малых сих. Matthew 18:15 Аще же согрешит к тебе брат твой, иди и обличи его между тобою и тем единем: аще тебе послушает, приобрел еси брата твоего: Matthew 18:16 аще ли тебе не послушает, поими с собою еще единаго или два, да при устех двою или триех свидетелей станет всяк глагол: Matthew 18:17 аще же не послушает их, повеждь церкви: аще же и церковь преслушает, буди тебе якоже язычник и мытарь. Matthew 18:18 Аминь (бо) глаголю вам: елика аще свяжете на земли, будут связана на небеси: и елика аще разрешите на земли, будут разрешена на небесех. Matthew 18:19 Паки аминь глаголю вам, яко аще два от вас совещаета на земли о всяцей вещи, еяже аще просита, будет има от Отца Моего, Иже на небесех: Matthew 18:20 идеже бо еста два или трие собрани во имя Мое, ту есмь посреде их. Matthew 18:21 Тогда приступль к Нему Петр рече: Господи, колькраты аще согрешит в мя брат мой, и отпущу ли ему до седмь крат? Matthew 18:22 Глагола ему Иисус: не глаголю тебе: до седмь крат, но до седмьдесят крат седмерицею. Matthew 18:23 Сего ради уподобися Царствие Небесное человеку царю, иже восхоте стязатися о словеси с рабы своими. Matthew 18:24 Наченшу же ему стязатися, приведоша ему единаго должника тмою талант: Matthew 18:25 не имущу же ему воздати, повеле и господь его продати, и жену его, и чада, и вся, елика имеяше, и отдати. Matthew 18:26 Пад убо раб той, кланяшеся ему, глаголя: господи, потерпи на мне, и вся ти воздам. Matthew 18:27 Милосердовав же господь раба того, прости его и долг отпусти ему. Matthew 18:28 Изшед же раб той, обрете единаго (от) клеврет своих, иже бе должен ему стом пенязь: и емь его давляше, глаголя: отдаждь ми, имже (ми) еси должен. Matthew 18:29 Пад убо клеврет его на нозе его, моляше его, глаголя: потерпи на мне, и вся воздам ти. Matthew 18:30 Он же не хотяше, но вед всади его в темницу, дондеже воздаст должное. Matthew 18:31 Видевше же клеврети его бывшая, сжалиша си зело и пришедше сказаша господину своему вся бывшая. Matthew 18:32 Тогда призвав его господин его, глагола ему: рабе лукавый, весь долг он отпустих тебе, понеже умолил мя еси: Matthew 18:33 не подобаше ли и тебе помиловати клеврета твоего, якоже и аз тя помиловах? Matthew 18:34 И прогневався господь его, предаде его мучителем, дондеже воздаст весь долг свой. Matthew 18:35 Тако и Отец Мой Небесный сотворит вам, аще не отпустите кийждо брату своему от сердец ваших прегрешения их. Matthew 19:0 Matthew 19:1 И бысть егда сконча Иисус словеса сия, прейде от Галилеи и прииде в пределы Иудейския об он пол Иордана. Matthew 19:2 И по Нем идоша народи мнози, и изцели их ту. Matthew 19:3 И приступиша к Нему фарисее искушающе Его и глаголаша Ему: аще достоит человеку пустити жену свою по всяцей вине? Matthew 19:4 Он же отвещав рече им: несте ли чли, яко Сотворивый искони, мужеский пол и женский сотворил я есть? Matthew 19:5 И рече: сего ради оставит человек отца (своего) и матерь и прилепится к жене своей, и будета оба в плоть едину, Matthew 19:6 якоже ктому неста два, но плоть едина: еже убо Бог сочета, человек да не разлучает. Matthew 19:7 Глаголаша Ему: что убо Моисей заповеда дати книгу распустную и отпустити ю? Matthew 19:8 Глагола им: яко Моисей по жестосердию вашему повеле вам пустити жены вашя: изначала же не бысть тако: Matthew 19:9 глаголю же вам, яко иже аще пустит жену свою, разве словесе прелюбодейна, и оженится иною, прелюбы творит: и женяйся пущеницею прелюбы деет. Matthew 19:10 Глаголаша Ему ученицы Его: аще тако есть вина человеку с женою, лучше есть не женитися. Matthew 19:11 Он же рече им: не вси вмещают словесе сего, но имже дано есть: Matthew 19:12 суть бо скопцы, иже из чрева матерня родишася тако: и суть скопцы, иже скопишася от человек: и суть скопцы, иже исказиша сами себе Царствия ради Небеснаго: могий вместити да вместит. Matthew 19:13 Тогда приведоша к Нему дети, да руце возложит на них и помолится: ученицы же запретиша им. Matthew 19:14 Иисус же рече (им): оставите детей и не возбраняйте им приити ко Мне: таковых бо есть Царство Небесное. Matthew 19:15 И возложь на них руце, отиде оттуду. Matthew 19:16 И се, един (некий) приступль рече Ему: Учителю благий, что благо сотворю, да имам живот вечный? Matthew 19:17 Он же рече ему: что Мя глаголеши блага? Никтоже благ, токмо един Бог: аще ли хощеши внити в живот, соблюди заповеди. Matthew 19:18 Глагола Ему: кия? Иисус же рече: еже, не убиеши: не прелюбы сотвориши: не украдеши: не лжесвидетелствуеши: Matthew 19:19 чти отца и матерь: и: возлюбиши искренняго твоего яко сам себе. Matthew 19:20 Глагола Ему юноша: вся сия сохраних от юности моея: что есмь еще не докончал? Matthew 19:21 Рече ему Иисус: аще хощеши совершен быти, иди, продаждь имение твое и даждь нищым: и имети имаши сокровище на небеси: и гряди вслед Мене. Matthew 19:22 Слышав же юноша слово, отиде скорбя: бе бо имея стяжания многа. Matthew 19:23 Иисус же рече учеником Своим: аминь глаголю вам, яко неудобь богатый внидет в Царствие Небесное: Matthew 19:24 паки же глаголю вам: удобее есть велбуду сквозе иглине ушы проити, неже богату в Царствие Божие внити. Matthew 19:25 Слышавше же ученицы Его, дивляхуся зело, глаголюще: кто убо может спасен быти? Matthew 19:26 Воззрев же Иисус рече им: у человек сие невозможно есть, у Бога же вся возможна. Matthew 19:27 Тогда отвещав Петр рече Ему: се, мы оставихом вся и вслед Тебе идохом: что убо будет нам? Matthew 19:28 Иисус же рече им: аминь глаголю вам, яко вы шедшии по Мне, в пакибытие, егда сядет Сын Человеческий на престоле славы Своея, сядете и вы на двоюнадесяте престолу, судяще обеманадесяте коленома Израилевома: Matthew 19:29 и всяк, иже оставит дом, или братию, или сестры, или отца, или матерь, или жену, или чада, или села, имене Моего ради, сторицею приимет и живот вечный наследит: Matthew 19:30 мнози же будут перви последнии, и последни первии. Matthew 20:0 Matthew 20:1 Подобно бо есть Царствие Небесное человеку домовиту, иже изыде купно утро наяти делатели в виноград свой, Matthew 20:2 и совещав с делатели по пенязю на день, посла их в виноград свой. Matthew 20:3 И изшед в третий час, виде ины стоящя на торжищи праздны, Matthew 20:4 и тем рече: идите и вы в виноград мой, и еже будет правда, дам вам. Они же идоша. Matthew 20:5 Паки же изшед в шестый и девятый час, сотвори такоже. Matthew 20:6 Во единыйженадесять час изшед, обрете другия стоящя праздны и глагола им: что зде стоите весь день праздни? Matthew 20:7 Глаголаша ему: яко никтоже нас наят. Глагола им: идите и вы в виноград (мой), и еже будет праведно, приимете. Matthew 20:8 Вечеру же бывшу, глагола господин винограда к приставнику своему: призови делатели и даждь им мзду, начен от последних до первых. Matthew 20:9 И пришедше иже во единыйнадесять час, прияша по пенязю. Matthew 20:10 Пришедше же первии мняху, яко вящше приимут: и прияша и тии по пенязю: Matthew 20:11 приемше же роптаху на господина, Matthew 20:12 глаголюще, яко сии последнии един час сотвориша, и равных нам сотворил их еси, понесшым тяготу дне и вар. Matthew 20:13 Он же отвещав рече единому их: друже, не обижу тебе: не по пенязю ли совещал еси со мною? Matthew 20:14 Возми твое и иди: хощу же и сему последнему дати, якоже и тебе: Matthew 20:15 или несть ми леть сотворити, еже хощу, во своих ми? Аще око твое лукаво есть, яко аз благ есмь? Matthew 20:16 Тако будут последнии перви, и первии последни: мнози бо суть звани, мало же избранных. Matthew 20:17 И восходя Иисус во Иерусалим, поят обанадесяте ученика едины на пути и рече им: Matthew 20:18 се, восходим во Иерусалим, и Сын Человеческий предан будет архиереем и книжником: и осудят Его на смерть, Matthew 20:19 и предадят Его языком на поругание и биение и пропятие: и в третий день воскреснет. Matthew 20:20 Тогда приступи к Нему мати сыну Зеведеову с сынома своима, кланяющися и просящи нечто от Него. Matthew 20:21 Он же рече ей: чесо хощеши? Глагола Ему: рцы, да сядета сия оба сына моя, един одесную Тебе, и един ошуюю (Тебе), во Царствии Твоем. Matthew 20:22 Отвещав же Иисус рече: не веста, чесо просита: можета ли пити чашу, юже Аз имам пити, или крещением, имже Аз крещаюся, креститися? Глаголаста Ему: можева. Matthew 20:23 И глагола има: чашу убо Мою испиета, и крещением, имже Аз крещаюся, имате креститися: а еже сести одесную Мене и ошуюю Мене, несть Мое дати, но имже уготовася от Отца Моего. Matthew 20:24 И слышавше десять, негодоваша о обою брату. Matthew 20:25 Иисус же призвав их, рече: весте, яко князи язык господствуют ими, и велицыи обладают ими: Matthew 20:26 не тако же будет в вас: но иже аще хощет в вас вящший быти, да будет вам слуга: Matthew 20:27 и иже аще хощет в вас быти первый, буди вам раб: Matthew 20:28 якоже Сын Человеческий не прииде, да послужат Ему, но послужити и дати душу Свою избавление за многих. Matthew 20:29 И исходящу Ему от Иерихона, по Нем иде народ мног. Matthew 20:30 И се, два слепца седяща при пути, слышавша, яко Иисус мимоходит, возописта, глаголюща: помилуй ны, Господи, Сыне Давидов. Matthew 20:31 Народ же прещаше има, да умолчита: она же паче вопияста, глаголюща: помилуй ны, Господи, Сыне Давидов. Matthew 20:32 И востав Иисус возгласи я и рече: что хощета, да сотворю вама? Matthew 20:33 Глаголаста Ему: Господи, да отверзетеся очи наю. Matthew 20:34 Милосердовав же Иисус прикоснуся очию има: и абие прозреста има очи, и по Нем идоста. Matthew 21:0 Matthew 21:1 И егда приближишася во Иерусалим и приидоша в Вифсфагию к горе Елеонстей, тогда Иисус посла два ученика, Matthew 21:2 глаголя има: идита в весь, яже прямо вама: и абие обрящета осля привязано, и жребя с ним: отрешивша приведита Ми: Matthew 21:3 и аще вама кто речет что, речета, яко Господь ею требует: абие же послет я. Matthew 21:4 Сие же все бысть, да сбудется реченное пророком, глаголющим: Matthew 21:5 рцыте дщери Сионове: се, Царь твой грядет тебе кроток, и всед на осля и жребя, сына подяремнича. Matthew 21:6 Шедша же ученика и сотворша, якоже повеле има Иисус, Matthew 21:7 приведоста осля и жребя: и возложиша верху ею ризы своя, и вседе верху их. Matthew 21:8 Множайшии же народи постилаху ризы своя по пути: друзии же резаху ветви от древ и постилаху по пути. Matthew 21:9 Народи же предходящии (ему) и вследствующии зваху, глаголюще: осанна Сыну Давидову: благословен Грядый во имя Господне: осанна в вышних. Matthew 21:10 И вшедшу Ему во Иерусалим, потрясеся весь град, глаголя: кто есть Сей? Matthew 21:11 Народи же глаголаху: Сей есть Иисус Пророк, иже от Назарета Галилейска. Matthew 21:12 И вниде Иисус в церковь Божию и изгна вся продающыя и купующыя в церкви, и трапезы торжником испроверже и седалища продающих голуби, Matthew 21:13 и глагола им: писано есть: храм Мой храм молитвы наречется: вы же сотвористе и вертеп разбойником. Matthew 21:14 И приступиша к Нему хромии и слепии в церкви: и изцели их. Matthew 21:15 Видевше же архиерее и книжницы чудеса, яже сотвори, и отроки зовущя в церкви и глаголющя: осанна Сыну Давидову, негодоваша Matthew 21:16 и реша Ему: слышиши ли, что сии глаголют? Иисус же рече им: ей: несте ли чли николиже, яко из уст младенец и ссущих совершил еси хвалу? Matthew 21:17 И оставль их, изыде вон из града в Вифанию и водворися ту. Matthew 21:18 Утру же возвращься во град, взалка: Matthew 21:19 и узрев смоковницу едину при пути, прииде к ней, и ничтоже обрете на ней, токмо листвие едино, и глагола ей: да николиже от тебе плода будет во веки. И абие изсше смоковница. Matthew 21:20 И видевше ученицы дивишася, глаголюще: како абие изсше смоковница? Matthew 21:21 Отвещав же Иисус рече им: аминь глаголю вам: аще имате веру и не усумнитеся, не токмо смоковничное сотворите, но аще и горе сей речете: двигнися и верзися в море, будет: Matthew 21:22 и вся, елика аще воспросите в молитве верующе, приимете. Matthew 21:23 И пришедшу Ему в церковь, приступиша к Нему учащу архиерее и старцы людстии, глаголюще: коею властию сия твориши? И кто Ти даде власть сию? Matthew 21:24 Отвещав же Иисус рече им: вопрошу вы и Аз слово едино: еже аще речете Мне, и Аз вам реку, коею властию сия творю: Matthew 21:25 крещение Иоанново откуду бе? С небесе ли, или от человек? Они же помышляху в себе, глаголюще: аще речем, с небесе: речет нам: почто убо не веровасте ему? Matthew 21:26 Аще ли речем, от человек: боимся народа: вси бо имут Иоанна яко пророка. Matthew 21:27 И отвещавше Иисусови реша: не вемы. Рече им и Той: ни Аз вам глаголю, коею властию сия творю. Matthew 21:28 Что же ся вам мнит? Человек некий имяше два сына, и пришед к первому, рече: чадо, иди днесь, делай в винограде моем. Matthew 21:29 Он же отвещав рече: не хощу: последи же раскаявся, иде. Matthew 21:30 И приступль к другому, рече такоже. Он же отвещав рече: аз, господи (иду): и не иде. Matthew 21:31 Кий от обою сотвори волю отчу? Глаголаша Ему: первый. Глагола им Иисус: аминь глаголю вам, яко мытари и любодейцы варяют вы в Царствии Божии: Matthew 21:32 прииде бо к вам Иоанн (Креститель) путем праведным, и не веровасте ему, мытари же и любодейцы вероваша ему: вы же видевше, не раскаястеся последи веровати ему. Matthew 21:33 Ину притчу слышите. Человек некий бе домовит, иже насади виноград, и оплотом огради его, и ископа в нем точило, и созда столп, и вдаде и делателем, и отиде. Matthew 21:34 Егда же приближися время плодов, посла рабы своя к делателем прияти плоды его: Matthew 21:35 и емше делателе рабов его, оваго убо биша, оваго же убиша, оваго же камением побиша. Matthew 21:36 Паки посла ины рабы множайшя первых: и сотвориша им такоже. Matthew 21:37 Последи же посла к ним сына своего, глаголя: усрамятся сына моего. Matthew 21:38 Делателе же видевше сына, реша в себе: сей есть наследник: приидите, убием его и удержим достояние его. Matthew 21:39 И емше его изведоша вон из винограда и убиша. Matthew 21:40 Егда убо приидет господин винограда, что сотворит делателем тем? Matthew 21:41 Глаголаша Ему: злых зле погубит их, и виноград предаст иным делателем, иже воздадят ему плоды во времена своя. Matthew 21:42 Глагола им Иисус: несте ли чли николиже в Писаниих: камень, егоже не в ряду сотвориша зиждущии, сей бысть во главу угла? От Господа бысть сие, и есть дивно во очию вашею. Matthew 21:43 Сего ради глаголю вам, яко отимется от вас Царствие Божие и дастся языку творящему плоды его: Matthew 21:44 и падый на камени сем сокрушится: а на немже падет, сотрыет и. Matthew 21:45 И слышавше архиерее и фарисее притчи Его, разумеша, яко о них глаголет: Matthew 21:46 и ищуще Его яти, убояшася народа, понеже яко Пророка Его имеяху. Matthew 22:0 Matthew 22:1 И отвещав Иисус, паки рече им в притчах, глаголя: Matthew 22:2 уподобися Царствие Небесное человеку царю, иже сотвори браки сыну своему Matthew 22:3 и посла рабы своя призвати званныя на браки: и не хотяху приити. Matthew 22:4 Паки посла ины рабы, глаголя: рцыте званным: се, обед мой уготовах, юнцы мои и упитанная исколена, и вся готова: приидите на браки. Matthew 22:5 Они же небрегше отидоша, ов убо на село свое, ов же на купли своя: Matthew 22:6 прочии же емше рабов его, досадиша им и убиша их. Matthew 22:7 И слышав царь той разгневася, и послав воя своя, погуби убийцы оны и град их зажже. Matthew 22:8 Тогда глагола рабом своим: брак убо готов есть, званнии же не быша достойни: Matthew 22:9 идите убо на исходища путий, и елицех аще обрящете, призовите на браки. Matthew 22:10 И изшедше раби они на распутия, собраша всех, елицех обретоша, злых же и добрых: и исполнися брак возлежащих. Matthew 22:11 Вшед же царь видети возлежащих, виде ту человека не оболчена во одеяние брачное, Matthew 22:12 и глагола ему: друже, како вшел еси семо не имый одеяния брачна? Он же умолча. Matthew 22:13 Тогда рече царь слугам: связавше ему руце и нозе, возмите его и вверзите во тму кромешнюю: ту будет плачь и скрежет зубом: Matthew 22:14 мнози бо суть звани, мало же избранных. Matthew 22:15 Тогда шедше фарисее, совет восприяша, яко да обольстят Его словом. Matthew 22:16 И посылают к Нему ученики своя со иродианы, глаголюще: Учителю, вемы, яко истинен еси, и пути Божию воистинну учиши, и нерадиши ни о комже: не зриши бо на лице человеком: Matthew 22:17 рцы убо нам, что Ти ся мнит? Достойно ли есть дати кинсон кесареви, или ни? Matthew 22:18 Разумев же Иисус лукавство их, рече: что Мя искушаете, лицемери? Matthew 22:19 Покажите Ми златицу кинсонную. Они же принесоша Ему пенязь. Matthew 22:20 И глагола им: чий образ сей и написание? Matthew 22:21 (И) глаголаша Ему: кесарев. Тогда глагола им: воздадите убо кесарева кесареви, и Божия Богови. Matthew 22:22 И слышавше дивишася: и оставльше Его отидоша. Matthew 22:23 В той день приступиша к Нему саддукее, иже глаголют не быти воскресению, и вопросиша Его, Matthew 22:24 глаголюще: Учителю, Моисей рече: аще кто умрет не имый чад, (да) поймет брат его жену его и воскресит семя брата своего: Matthew 22:25 беша же в нас седмь братия: и первый оженься умре, и не имый семене, остави жену свою брату своему: Matthew 22:26 такожде же и вторый, и третий, даже до седмаго: Matthew 22:27 последи же всех умре и жена: Matthew 22:28 в воскресение убо, котораго от седмих будет жена? Вси бо имеша ю. Matthew 22:29 Отвещав же Иисус рече им: прельщаетеся, не ведуще Писания, ни силы Божия: Matthew 22:30 в воскресение бо ни женятся, ни посягают, но яко Ангели Божии на небеси суть: Matthew 22:31 о воскресении же мертвых несте ли чли реченнаго вам Богом, глаголющим: Matthew 22:32 Аз есмь Бог Авраамов, и Бог Исааков, и Бог Иаковль? Несть Бог Бог мертвых, но (Бог) живых. Matthew 22:33 И слышавше народи дивляхуся о учении Его. Matthew 22:34 Фарисее же слышавше, яко посрами саддукеи, собрашася вкупе. Matthew 22:35 И вопроси един от них законоучитель, искушая Его и глаголя: Matthew 22:36 Учителю, кая заповедь болши (есть) в законе? Matthew 22:37 Иисус же рече ему: возлюбиши Господа Бога твоего всем сердцем твоим, и всею душею твоею, и всею мыслию твоею: Matthew 22:38 сия есть первая и болшая заповедь: Matthew 22:39 вторая же подобна ей: возлюбиши искренняго твоего яко сам себе: Matthew 22:40 в сию обою заповедию весь закон и пророцы висят. Matthew 22:41 Собравшымся же фарисеом, вопроси их Иисус, Matthew 22:42 глаголя: что вам мнится о Христе? Чий есть Сын? Глаголаша Ему: Давидов. Matthew 22:43 Глагола им: како убо Давид Духом Господа Его нарицает, глаголя: Matthew 22:44 рече Господь Господеви моему: седи одесную Мене, дондеже положу враги Твоя подножие ногама Твоима? Matthew 22:45 Аще убо Давид нарицает Его Господа, како сын ему есть? Matthew 22:46 И никтоже можаше отвещати Ему словесе: ниже смеяше кто от того дне вопросити Его ктому. Matthew 23:0 Matthew 23:1 Тогда Иисус глагола к народом и учеником Своим, Matthew 23:2 глаголя: на Моисеове седалищи седоша книжницы и фарисее: Matthew 23:3 вся убо, елика аще рекут вам блюсти, соблюдайте и творите: по делом же их не творите: глаголют бо, и не творят: Matthew 23:4 связуют бо бремена тяжка и бедне носима, и возлагают на плеща человеческа, перстом же своим не хотят двигнути их. Matthew 23:5 Вся же дела своя творят, да видими будут человеки: разширяют же хранилища своя и величают воскрилия риз своих: Matthew 23:6 любят же преждевозлегания на вечерях, и преждеседания на сонмищих, Matthew 23:7 и целования на торжищих, и зватися от человек: учителю, учителю. Matthew 23:8 Вы же не нарицайтеся учителие: един бо есть ваш Учитель, Христос: вси же вы братия есте: Matthew 23:9 и отца не зовите себе на земли: един бо есть Отец ваш, Иже на небесех: Matthew 23:10 ниже нарицайтеся наставницы: един бо есть Наставник ваш, Христос. Matthew 23:11 Болий же в вас да будет вам слуга: Matthew 23:12 иже бо вознесется, смирится: и смиряяйся вознесется. Matthew 23:13 Горе вам, книжницы и фарисее, лицемери, яко затворяете Царствие Небесное пред человеки: вы бо не входите, ни входящих оставляете внити. Matthew 23:14 Горе вам, книжницы и фарисее, лицемери, яко снедаете домы вдовиц, и виною далече молитвы творяще: сего ради лишшее приимете осуждение. Matthew 23:15 Горе вам, книжницы и фарисее, лицемери, яко преходите море и сушу, сотворити единаго пришелца: и егда будет, творите его сына геенны сугубейша вас. Matthew 23:16 Горе вам, вожди слепии, глаголющии: иже аще кленется церковию, ничесоже есть: а иже кленется златом церковным, должен есть. Matthew 23:17 Буи и слепии, что бо более есть, злато ли, или церковь, святящая злато? Matthew 23:18 И: иже аще кленется олтарем, ничесоже есть: а иже кленется даром, иже верху его, должен есть. Matthew 23:19 Буи и слепии, что бо более, дар ли, или олтарь, святяй дар? Matthew 23:20 Иже убо кленется олтарем, кленется им и сущим верху его: Matthew 23:21 и иже кленется церковию, кленется ею и Живущим в ней: Matthew 23:22 и кленыйся небесем кленется Престолом Божиим и Седящим на нем. Matthew 23:23 Горе вам, книжницы и фарисее, лицемери, яко одесятствуете мятву и копр и кимин, и остависте вящшая закона, суд и милость и веру: сия (же) подобаше творити, и онех не оставляти. Matthew 23:24 Вожди слепии, оцеждающии комары, велблуды же пожирающе. Matthew 23:25 Горе вам, книжницы и фарисее лицемери, яко очищаете внешнее сткляницы и блюда, внутрьуду же суть полни хищения и неправды: Matthew 23:26 фарисее слепый, очисти прежде внутреннее сткляницы и блюда, да будет и внешнее има чисто. Matthew 23:27 Горе вам, книжницы и фарисее, лицемери, яко подобитеся гробом повапленым, иже внеуду убо являются красны, внутрьуду же полни суть костей мертвых и всякия нечистоты: Matthew 23:28 тако и вы, внеуду убо являетеся человеком праведни, внутрьуду же есте полни лицемерия и беззакония. Matthew 23:29 Горе вам, книжницы и фарисее, лицемери, яко зиждете гробы пророческия, и красите раки праведных, Matthew 23:30 и глаголете: аще быхом были во дни отец наших, не быхом убо общницы им были в крови пророк: Matthew 23:31 темже сами свидетелствуете себе, яко сынове есте избивших пророки: Matthew 23:32 и вы исполните меру отец ваших. Matthew 23:33 Змия, порождения ехиднова, како убежите от суда (огня) геенскаго? Matthew 23:34 Сего ради, се, Аз послю к вам пророки и премудры и книжники: и от них убиете и распнете, и от них биете на сонмищих ваших, и изженете от града во град: Matthew 23:35 яко да приидет на вы всяка кровь праведна, проливаемая на земли, от крове Авеля праведнаго до крове Захарии сына Варахиина, егоже убисте между церковию и олтарем. Matthew 23:36 Аминь глаголю вам: (яко) приидут вся сия на род сей. Matthew 23:37 Иерусалиме, Иерусалиме, избивый пророки и камением побиваяй посланныя к тебе, колькраты восхотех собрати чада твоя, якоже собирает кокош птенцы своя под криле, и не восхотесте? Matthew 23:38 Се, оставляется вам дом ваш пуст. Matthew 23:39 Глаголю бо вам: (яко) не имате Мене видети отселе, дондеже речете: благословен Грядый во имя Господне. Matthew 24:0 Matthew 24:1 И изшед Иисус идяше от церкве. И приступиша (к Нему) ученицы Его показати Ему здания церковная. Matthew 24:2 Иисус же рече им: не видите ли вся сия? Аминь глаголю вам, не имать остати зде камень на камени, иже не разорится. Matthew 24:3 Седящу же Ему на горе Елеонстей, приступиша к Нему ученицы на едине, глаголюще: рцы нам, когда сия будут? И что есть знамение Твоего пришествия и кончина века? Matthew 24:4 И отвещав Иисус рече им: блюдите, да никтоже вас прельстит: Matthew 24:5 мнози бо приидут во имя Мое, глаголюще: Аз есмь Христос: и многи прельстят. Matthew 24:6 Услышати же имате брани и слышания бранем. Зрите, не ужасайтеся, подобает бо всем (сим) быти: но не тогда есть кончина. Matthew 24:7 Востанет бо язык на язык, и царство на царство: и будут глади и пагубы и труси по местом: Matthew 24:8 вся же сия начало болезнем. Matthew 24:9 Тогда предадят вы в скорби и убиют вы: и будете ненавидими всеми языки имене Моего ради. Matthew 24:10 И тогда соблазнятся мнози, и друг друга предадят, и возненавидят друг друга: Matthew 24:11 и мнози лжепророцы востанут и прельстят многия: Matthew 24:12 и за умножение беззакония, изсякнет любы многих. Matthew 24:13 Претерпевый же до конца, той спасется. Matthew 24:14 И проповестся сие Евангелие Царствия по всей вселенней, во свидетелство всем языком: и тогда приидет кончина. Matthew 24:15 Егда убо узрите мерзость запустения, реченную Даниилом пророком, стоящу на месте святе: иже чтет, да разумеет: Matthew 24:16 тогда сущии во Иудеи да бежат на горы: Matthew 24:17 (и) иже на крове, да не сходит взяти яже в дому его: Matthew 24:18 и иже на селе, да не возвратится вспять взяти риз своих. Matthew 24:19 Горе же непраздным и доящым в тыя дни. Matthew 24:20 Молитеся же, да не будет бегство ваше в зиме, ни в субботу. Matthew 24:21 Будет бо тогда скорбь велия, яковаже не была от начала мира доселе, ниже имать быти. Matthew 24:22 И аще не быша прекратилися дние оны, не бы убо спаслася всяка плоть: избранных же ради прекратятся дние оны. Matthew 24:23 Тогда аще кто речет вам: се, зде Христос, или онде: не имите веры: Matthew 24:24 востанут бо лжехристи и лжепророцы и дадят знамения велия и чудеса, якоже прельстити, аще возможно, и избранныя. Matthew 24:25 Се, прежде рех вам. Matthew 24:26 Аще убо рекут вам: се, в пустыни есть, не изыдите: се, в сокровищих, не имите веры: Matthew 24:27 якоже бо молния исходит от восток и является до запад, тако будет пришествие Сына Человеческаго: Matthew 24:28 идеже бо аще будет труп, тамо соберутся орли. Matthew 24:29 Абие же, по скорби дний тех, солнце померкнет, и луна не даст света своего, и звезды спадут с небесе, и силы небесныя подвигнутся: Matthew 24:30 и тогда явится знамение Сына Человеческаго на небеси: и тогда восплачутся вся колена земная и узрят Сына Человеческаго грядуща на облацех небесных с силою и славою многою: Matthew 24:31 и послет Ангелы Своя с трубным гласом велиим, и соберут избранныя Его от четырех ветр, от конец небес до конец их. Matthew 24:32 От смоковницы же научитеся притчи: егда уже ваия ея будут млада, и листвие прозябнет, ведите, яко близ есть жатва: Matthew 24:33 тако и вы, егда видите сия вся, ведите, яко близ есть, при дверех. Matthew 24:34 Аминь глаголю вам, не мимоидет род сей, дондеже вся сия будут: Matthew 24:35 небо и земля мимоидет, словеса же Моя не мимоидут. Matthew 24:36 О дни же том и часе никтоже весть, ни Ангели небеснии, токмо Отец Мой един: Matthew 24:37 якоже (бо бысть во) дни Ноевы, тако будет и пришествие Сына Человеческаго: Matthew 24:38 якоже бо беху во дни прежде потопа ядуще и пиюще, женящеся и посягающе, до негоже дне вниде Ное в ковчег, Matthew 24:39 и не уведеша, дондеже прииде вода и взят вся: тако будет и пришествие Сына Человеческаго: Matthew 24:40 тогда два будета на селе: един поемлется, а другий оставляется: Matthew 24:41 две мелюще в жерновех: едина поемлется, и едина оставляется. Matthew 24:42 Бдите убо, яко не весте, в кий час Господь ваш приидет. Matthew 24:43 Сие же ведите, яко аще бы ведал дому владыка, в кую стражу тать приидет, бдел убо бы и не бы дал подкопати храма своего. Matthew 24:44 Сего ради и вы будите готови: яко, в оньже час не мните, Сын Человеческий приидет. Matthew 24:45 Кто убо есть верный раб и мудрый, егоже поставит господин его над домом своим, еже даяти им пищу во время (их)? Matthew 24:46 Блажен раб той, егоже, пришед господин его, обрящет тако творяща: Matthew 24:47 аминь глаголю вам, яко над всем имением своим поставит его. Matthew 24:48 Аще ли же речет злый раб той в сердцы своем: коснит господин мой приити, Matthew 24:49 и начнет бити клевреты своя, ясти же и пити с пияницами: Matthew 24:50 приидет господин раба того в день, в оньже не чает, и в час, в оньже не весть, Matthew 24:51 и растешет его полма, и часть его с неверными положит: ту будет плачь и скрежет зубом. Matthew 25:0 Matthew 25:1 Тогда уподобися Царствие Небесное десятим девам, яже прияша светилники своя и изыдоша в сретение жениху: Matthew 25:2 пять же бе от них мудры и пять юродивы. Matthew 25:3 Юродивыя же, приемшя светилники своя, не взяша с собою елеа: Matthew 25:4 мудрыя же прияша елей в сосудех со светилники своими: Matthew 25:5 коснящу же жениху, воздремашася вся и спаху. Matthew 25:6 Полунощи же вопль бысть: се, жених грядет, исходите в сретение его. Matthew 25:7 Тогда восташа вся девы тыя и украсиша светилники своя. Matthew 25:8 Юродивыя же мудрым реша: дадите нам от елеа вашего, яко светилницы наши угасают. Matthew 25:9 Отвещаша же мудрыя, глаголющя: еда како не достанет нам и вам: идите же паче к продающым и купите себе. Matthew 25:10 Идущым же им купити, прииде жених: и готовыя внидоша с ним на браки, и затворены быша двери. Matthew 25:11 Последи же приидоша и прочыя девы, глаголющя: Господи, Господи, отверзи нам. Matthew 25:12 Он же отвещав рече им: аминь глаголю вам, не вем вас. Matthew 25:13 Бдите убо, яко не весте дне ни часа, в оньже Сын Человеческий приидет. Matthew 25:14 Якоже бо человек некий отходя призва своя рабы и предаде им имение свое: Matthew 25:15 и овому убо даде пять талант, овому же два, овому же един, комуждо противу силы его: и отиде абие. Matthew 25:16 Шед же приемый пять талант, дела в них и сотвори другия пять талант: Matthew 25:17 такожде и иже два, приобрете и той другая два: Matthew 25:18 приемый же един, шед вкопа (его) в землю и скры сребро господина своего. Matthew 25:19 По мнозе же времени прииде господин раб тех и стязася с ними о словеси. Matthew 25:20 И приступль пять талант приемый, принесе другия пять талант, глаголя: господи, пять талант ми еси предал: се, другия пять талант приобретох ими. Matthew 25:21 Рече же ему господь его: добре, рабе благий и верный: о мале был еси верен, над многими тя поставлю: вниди в радость господа твоего. Matthew 25:22 Приступль же и иже два таланта приемый, рече: господи, два таланта ми еси предал: се, другая два таланта приобретох има. Matthew 25:23 Рече (же) ему господь его: добре, рабе благий и верный: о мале (ми) был еси верен, над многими тя поставлю: вниди в радость господа твоего. Matthew 25:24 Приступль же и приемый един талант, рече: господи, ведях тя, яко жесток еси человек, жнеши, идеже не сеял еси, и собираеши идеже не расточил еси: Matthew 25:25 и убоявся, шед скрых талант твой в земли: (и) се, имаши твое. Matthew 25:26 Отвещав же господь его рече ему: лукавый рабе и ленивый, ведел еси, яко жну идеже не сеях, и собираю идеже не расточих: Matthew 25:27 подобаше убо тебе вдати сребро мое торжником, и пришед аз взял бых свое с лихвою: Matthew 25:28 возмите убо от него талант и дадите имущему десять талант: Matthew 25:29 имущему бо везде дано будет и преизбудет: от неимущаго же, и еже мнится имея, взято будет от него: Matthew 25:30 и неключимаго раба вверзите во тму кромешнюю: ту будет плачь и скрежет зубом. Сия глаголя возгласи: имеяй ушы слышати да слышит. Matthew 25:31 Егда же приидет Сын Человеческий в славе Своей и вси святии Ангели с Ним, тогда сядет на престоле славы Своея, Matthew 25:32 и соберутся пред Ним вси языцы: и разлучит их друг от друга, якоже пастырь разлучает овцы от козлищ: Matthew 25:33 и поставит овцы одесную Себе, а козлища ошуюю. Matthew 25:34 Тогда речет Царь сущым одесную Его: приидите, благословеннии Отца Моего, наследуйте уготованное вам Царствие от сложения мира: Matthew 25:35 взалкахся бо, и дасте Ми ясти: возжадахся, и напоисте Мя: странен бех, и введосте Мене: Matthew 25:36 наг, и одеясте Мя: болен, и посетисте Мене: в темнице бех, и приидосте ко Мне. Matthew 25:37 Тогда отвещают Ему праведницы, глаголюще: Господи, когда Тя видехом алчуща, и напитахом? Или жаждуща, и напоихом? Matthew 25:38 Когда же Тя видехом странна, и введохом? Или нага, и одеяхом? Matthew 25:39 Когда же Тя видехом боляща, или в темнице, и приидохом к Тебе? Matthew 25:40 И отвещав Царь речет им: аминь глаголю вам, понеже сотвористе единому сих братий Моих менших, Мне сотвористе. Matthew 25:41 Тогда речет и сущым ошуюю (Его): идите от Мене, проклятии, во огнь вечный, уготованный диаволу и аггелом его: Matthew 25:42 взалкахся бо, и не дасте Ми ясти: возжадахся, и не напоисте Мене: Matthew 25:43 странен бех, и не введосте Мене: наг, и не одеясте Мене: болен и в темнице, и не посетисте Мене. Matthew 25:44 Тогда отвещают Ему и тии, глаголюще: Господи, когда Тя видехом алчуща, или жаждуща, или странна, или нага, или больна, или в темнице, и не послужихом Тебе? Matthew 25:45 Тогда отвещает им, глаголя: аминь глаголю вам, понеже не сотвористе единому сих менших, ни Мне сотвористе. Matthew 25:46 И идут сии в муку вечную, праведницы же в живот вечный. Matthew 26:0 Matthew 26:1 И бысть, егда сконча Иисус вся словеса сия, рече учеником Своим: Matthew 26:2 весте, яко по двою дню Пасха будет, и Сын Человеческий предан будет на пропятие. Matthew 26:3 Тогда собрашася архиерее и книжницы и старцы людстии во двор архиереов, глаголемаго Каиафы, Matthew 26:4 и совещаша, да Иисуса лестию имут и убиют: Matthew 26:5 глаголаху же: но не в праздник, да не молва будет в людех. Matthew 26:6 Иисусу же бывшу в Вифании, в дому Симона прокаженнаго, Matthew 26:7 приступи к Нему жена, сткляницу мира имущи многоценнаго, и возливаше на главу Его возлежаща. Matthew 26:8 Видевше же ученицы Его негодоваша, глаголюще: чесо ради гибель сия (бысть)? Matthew 26:9 Можаше бо сие миро продано быти на мнозе и датися нищым. Matthew 26:10 Разумев же Иисус рече им: что труждаете жену? Дело бо добро содела о Мне: Matthew 26:11 всегда бо нищыя имате с собою, Мене же не всегда имате: Matthew 26:12 возлиявши бо сия миро сие на тело Мое, на погребение Мя сотвори: Matthew 26:13 аминь глаголю вам: идеже аще проповедано будет Евангелие сие во всем мире, речется и еже сотвори сия, в память ея. Matthew 26:14 Тогда шед един от обоюнадесяте, глаголемый Иуда Искариотский, ко архиереом, Matthew 26:15 рече: что ми хощете дати, и аз вам предам Его? Они же поставиша ему тридесять сребреник: Matthew 26:16 и оттоле искаше удобна времене, да Его предаст. Matthew 26:17 В первый же день опресночный приступиша ученицы ко Иисусу, глаголюще Ему: где хощеши уготоваем Ти ясти пасху? Matthew 26:18 Он же рече: идите во град ко онсице, и рцыте ему: Учитель глаголет: время Мое близ есть: у тебе сотворю пасху со ученики Моими. Matthew 26:19 И сотвориша ученицы, якоже повеле им Иисус, и уготоваша пасху. Matthew 26:20 Вечеру же бывшу, возлежаше со обеманадесяте ученикома: Matthew 26:21 и ядущым им, рече: аминь глаголю вам, яко един от вас предаст Мя. Matthew 26:22 И скорбяще зело, начаша глаголати Ему един кийждо их: еда аз есмь, Господи? Matthew 26:23 Он же отвещав рече: омочивый со Мною в солило руку, той Мя предаст: Matthew 26:24 Сын убо Человеческий идет, якоже есть писано о Нем: горе же человеку тому, имже Сын Человеческий предастся: добро бы было ему, аще не бы родился человек той. Matthew 26:25 Отвещав же Иуда предаяй Его, рече: еда аз есмь, Равви? Глагола ему: ты рекл еси. Matthew 26:26 Ядущым же им, приемь Иисус хлеб и благословив преломи, и даяше учеником, и рече: приимите, ядите: сие есть Тело Мое. Matthew 26:27 И приемь чашу и хвалу воздав, даде им, глаголя: пийте от нея вси: Matthew 26:28 сия бо есть Кровь Моя, Новаго Завета, яже за многия изливаема во оставление грехов. Matthew 26:29 Глаголю же вам, яко не имам пити отныне от сего плода лознаго, до дне того, егда е пию с вами ново во Царствии Отца Моего. Matthew 26:30 И воспевше изыдоша в гору Елеонску. Matthew 26:31 Тогда глагола им Иисус: вси вы соблазнитеся о Мне в нощь сию: писано бо есть: поражу пастыря, и разыдутся овцы стада: Matthew 26:32 по воскресении же Моем варяю вы в Галилеи. Matthew 26:33 Отвещав же Петр рече Ему: аще и вси соблазнятся о Тебе, аз никогдаже соблажнюся. Matthew 26:34 Рече ему Иисус: аминь глаголю тебе, яко в сию нощь, прежде даже алектор не возгласит, трикраты отвержешися Мене. Matthew 26:35 Глагола Ему Петр: аще ми есть и умрети с Тобою, не отвергуся Тебе. Такожде и вси ученицы реша. Matthew 26:36 Тогда прииде с ними Иисус в весь, нарицаемую Гефсиманиа, и глагола учеником: седите ту, дондеже шед помолюся тамо. Matthew 26:37 И поемь Петра и оба сына Зеведеова, начат скорбети и тужити. Matthew 26:38 Тогда глагола им Иисус: прискорбна есть душа Моя до смерти: пождите зде и бдите со Мною. Matthew 26:39 И прешед мало, паде на лицы Своем, моляся и глаголя: Отче Мой, аще возможно есть, да мимоидет от Мене чаша сия: обаче не якоже Аз хощу, но якоже Ты. Matthew 26:40 И пришед ко учеником, и обрете их спящих, и глагола Петрови: тако ли не возмогосте единаго часа побдети со Мною? Matthew 26:41 Бдите и молитеся, да не внидете в напасть: дух убо бодр, плоть же немощна. Matthew 26:42 Паки вторицею шед помолися, глаголя: Отче Мой, аще не может сия чаша мимоити от Мене, аще не пию ея, буди воля Твоя. Matthew 26:43 И пришед обрете их паки спящих: беста бо им очи отяготене. Matthew 26:44 И оставль их, шед паки, помолися третицею, тожде слово рек. Matthew 26:45 Тогда прииде ко учеником Своим и глагола им: спите прочее и почивайте: се, приближися час, и Сын Человеческий предается в руки грешников: Matthew 26:46 востаните, идем: се, приближися предаяй Мя. Matthew 26:47 И еще Ему глаголющу, се, Иуда, един от обоюнадесяте, прииде, и с ним народ мног со оружием и дрекольми, от архиерей и старец людских. Matthew 26:48 Предаяй же Его даде им знамение, глаголя: Егоже аще лобжу, Той есть: имите Его. Matthew 26:49 И абие приступль ко Иисусови, рече: радуйся, Равви. И облобыза Его. Matthew 26:50 Иисус же рече ему: друже, (твори,) на неже еси пришел. Тогда приступльше возложиша руце на Иисуса и яша Его. Matthew 26:51 И се, един от сущих со Иисусом, простер руку, извлече нож свой, и удари раба архиереова, и уреза ему ухо. Matthew 26:52 Тогда глагола ему Иисус: возврати нож твой в место его: вси бо приемшии нож ножем погибнут: Matthew 26:53 или мнится ти, яко не могу ныне умолити Отца Моего, и представит Ми вящше неже дванадесяте легеона Ангел? Matthew 26:54 Како убо сбудутся Писания, яко тако подобает быти? Matthew 26:55 В той час рече Иисус народом: яко на разбойника ли изыдосте со оружием и дрекольми яти Мя? По вся дни при вас седех учя в церкви, и не ясте Мене. Matthew 26:56 Се же все бысть, да сбудутся писания пророческая. Тогда ученицы вси оставльше Его бежаша. Matthew 26:57 (Воини) же емше Иисуса ведоша к Каиафе архиереови, идеже книжницы и старцы собрашася. Matthew 26:58 Петр же идяше по Нем издалеча до двора архиереова: и вшед внутрь, седяше со слугами, видети кончину. Matthew 26:59 Архиерее же и старцы и сонм весь искаху лжесвидетелства на Иисуса, яко да убиют Его, Matthew 26:60 и не обретаху: и многим лжесвидетелем приступльшым, не обретоша. Послежде же приступивша два лжесвидетеля, Matthew 26:61 реста: Сей рече: могу разорити церковь Божию и треми денми создати ю. Matthew 26:62 И востав архиерей рече Ему: ничесоже ли отвещаваеши, что сии на Тя свидетелствуют? Matthew 26:63 Иисус же молчаше. И отвещав архиерей рече Ему: заклинаю Тя Богом живым, да речеши нам, аще Ты еси Христос, Сын Божий? Matthew 26:64 Глагола ему Иисус: ты рекл еси: обаче глаголю вам: отселе узрите Сына Человеческаго седяща одесную силы и грядуща на облацех небесных. Matthew 26:65 Тогда архиерей растерза ризы своя, глаголя, яко хулу глагола: что еще требуем свидетелей? Се, ныне слышасте хулу Его: Matthew 26:66 что вам мнится? Они же отвещавше реша: повинен есть смерти. Matthew 26:67 Тогда заплеваша лице Его и пакости Ему деяху: овии же за ланиту удариша, Matthew 26:68 глаголюще: прорцы нам, Христе, кто есть ударей Тя? Matthew 26:69 Петр же вне седяше во дворе. И приступи к нему едина рабыня, глаголющи: и ты был еси со Иисусом Галилейским. Matthew 26:70 Он же отвержеся пред всеми, глаголя: не вем, что глаголеши. Matthew 26:71 Изшедшу же ему ко вратом, узре его другая, и глагола сущым тамо: и сей бе со Иисусом Назореом. Matthew 26:72 И паки отвержеся с клятвою, яко не знаю Человека. Matthew 26:73 Помале же приступивше стоящии, реша Петрови: воистинну и ты от них еси, ибо беседа твоя яве тя творит. Matthew 26:74 Тогда начат ротитися и клятися, яко не знаю Человека. И абие петель возгласи. Matthew 26:75 И помяну Петр глаголгол Иисусов, реченный ему, яко прежде даже петель не возгласит, трикраты отвержешися Мене. И изшед вон плакася горько. Matthew 27:0 Matthew 27:1 Утру же бывшу, совет сотвориша вси архиерее и старцы людстии на Иисуса, яко убити Его: Matthew 27:2 и связавше Его ведоша и предаша Его Понтийскому Пилату игемону. Matthew 27:3 Тогда видев Иуда предавый Его, яко осудиша Его, раскаявся возврати тридесять сребреники архиереем и старцем, Matthew 27:4 глаголя: согреших предав кровь неповинную. Они же реша: что есть нам? Ты узриши. Matthew 27:5 И поверг сребреники в церкви, отиде: и шед удавися. Matthew 27:6 Архиерее же приемше сребреники, реша: недостойно есть вложити их в корвану, понеже цена крове есть. Matthew 27:7 Совет же сотворше, купиша ими село скудельничо, в погребание странным: Matthew 27:8 темже наречеся село то село крове, до сего дне: Matthew 27:9 тогда сбыстся реченное Иеремием пророком, глаголющим: и прияша тридесять сребреник, цену Цененнаго, Егоже цениша от сынов Израилев, Matthew 27:10 и даша я на село скудельничо, якоже сказа мне Господь. Matthew 27:11 Иисус же ста пред игемоном. И вопроси Его игемон, глаголя: Ты ли еси Царь Иудейский? Иисус же рече ему: ты глаголеши. Matthew 27:12 И егда Нань глаголаху архиерее и старцы, ничесоже отвещаваше. Matthew 27:13 Тогда глагола Ему Пилат: не слышиши ли, колика на Тя свидетелствуют? Matthew 27:14 И не отвеща ему ни к единому глаголу, яко дивитися игемону зело. Matthew 27:15 На (всяк) же праздник обычай бе игемону отпущати единаго народу связня, егоже хотяху: Matthew 27:16 имяху же тогда связана нарочита, глаголемаго Варавву: Matthew 27:17 собравшымся же им, рече им Пилат: кого хощете (от обою) отпущу вам: Варавву ли, или Иисуса глаголемаго Христа? Matthew 27:18 Ведяше бо, яко зависти ради предаша Его. Matthew 27:19 Седящу же ему на судищи, посла к нему жена его, глаголющи: ничтоже тебе и Праведнику Тому: много бо пострадах днесь во сне Его ради. Matthew 27:20 Архиерее же и старцы наустиша народы, да испросят Варавву, Иисуса же погубят. Matthew 27:21 Отвещав же игемон рече им: кого хощете от обою отпущу вам? Они же реша: Варавву. Matthew 27:22 Глагола им Пилат: что убо сотворю Иисусу глаголемому Христу? Глаголаша ему вси: да распят будет. Matthew 27:23 Игемон же рече: кое убо зло сотвори? Они же излиха вопияху, глаголюще: да пропят будет. Matthew 27:24 Видев же Пилат, яко ничтоже успевает, но паче молва бывает, приемь воду, умы руце пред народом, глаголя: неповинен есмь от крове Праведнаго Сего: вы узрите. Matthew 27:25 И отвещавше вси людие реша: кровь Его на нас и на чадех наших. Matthew 27:26 Тогда отпусти им Варавву: Иисуса же бив предаде (им), да Его пропнут. Matthew 27:27 Тогда воини игемоновы, приемше Иисуса на судище, собраша Нань все множество воин: Matthew 27:28 и совлекше Его, одеяша Его хламидою червленою: Matthew 27:29 и сплетше венец от терния, возложиша на главу Его, и трость в десницу Его: и поклоньшеся на колену пред Ним ругахуся Ему, глаголюще: радуйся, Царю Иудейский. Matthew 27:30 И плюнувше Нань, прияша трость и бияху по главе Его. Matthew 27:31 И егда поругашася Ему, совлекоша с Него багряницу и облекоша Его в ризы Его: и ведоша Его на пропятие. Matthew 27:32 Исходяще же обретоша человека Киринейска, именем Симона: и сему задеша понести крест Его. Matthew 27:33 И пришедше на место нарицаемое Голгофа, еже есть глаголемо Краниево место, Matthew 27:34 даша Ему пити оцет с желчию смешен: и вкушь, не хотяше пити. Matthew 27:35 Распеншии же Его разделиша ризы Его, вергше жребия: Matthew 27:36 и седяще стрежаху Его ту: Matthew 27:37 и возложиша верху главы Его вину Его написану: Сей есть Иисус, Царь Иудейский. Matthew 27:38 Тогда распяша с Ним два разбойника: единаго о десную, и единаго о шуюю. Matthew 27:39 Мимоходящии же хуляху Его, покивающе главами своими Matthew 27:40 и глаголюще: Разоряяй церковь и треми денми Созидаяй, спасися Сам: аще Сын еси Божий, сниди со креста. Matthew 27:41 Такожде же и архиерее ругающеся с книжники и старцы (и фарисеи), глаголаху: Matthew 27:42 иныя спасе, Себе ли не может спасти? Аще Царь Израилев есть, да снидет ныне со креста, и веруем в Него: Matthew 27:43 упова на Бога: да избавит ныне Его, аще хощет Ему. Рече бо, яко Божий есмь Сын. Matthew 27:44 Тожде же и разбойника распятая с Ним поношаста Ему. Matthew 27:45 От шестаго же часа тма бысть по всей земли до часа девятаго: Matthew 27:46 о девятем же часе возопи Иисус гласом велиим, глаголя: Или, Или, лима савахфани? Еже есть, Боже Мой, Боже Мой, вскую Мя еси оставил? Matthew 27:47 Нецыи же от ту стоящих слышавше глаголаху, яко Илию глашает Сей. Matthew 27:48 И абие тек един от них, и приемь губу, исполнив же оцта, и вонзе на трость, напаяше Его. Matthew 27:49 Прочии же глаголаху: остави, да видим, аще приидет Илиа спасти Его. Matthew 27:50 Иисус же, паки возопив гласом велиим, испусти дух. Matthew 27:51 И се, завеса церковная раздрася на двое с вышняго края до нижняго: и земля потрясеся: и камение распадеся: Matthew 27:52 и гроби отверзошася: и многа телеса усопших святых восташа: Matthew 27:53 и изшедше из гроб, по воскресении Его, внидоша во святый град и явишася мнозем. Matthew 27:54 Сотник же и иже с ним стрегущии Иисуса, видевше трус и бывшая, убояшася зело, глаголюще: воистинну Божий Сын бе Сей. Matthew 27:55 Бяху же ту и жены многи издалеча зрящя, яже идоша по Иисусе от Галилеи, служащя Ему: Matthew 27:56 в нихже бе Мариа Магдалина, и Мариа Иакова и Иосии мати, и мати сыну Зеведеову. Matthew 27:57 Позде же бывшу, прииде человек богат от Аримафеа, именем Иосиф, иже и сам учися у Иисуса: Matthew 27:58 сей приступль к Пилату, проси телесе Иисусова. Тогда Пилат повеле дати тело. Matthew 27:59 И приемь тело Иосиф, обвит е плащаницею чистою Matthew 27:60 и положи е в новем своем гробе, егоже изсече в камени: и возвалив камень велий над двери гроба, отиде. Matthew 27:61 Бе же ту Мариа Магдалина и другая Мариа, седяще прямо гроба. Matthew 27:62 Во утрий же день, иже есть по пятце, собрашася архиерее и фарисее к Пилату, Matthew 27:63 глаголюще: господи, помянухом, яко льстец он рече, еще сый жив: по триех днех востану: Matthew 27:64 повели убо утвердити гроб до третияго дне, да не како пришедше ученицы Его нощию украдут Его и рекут людем: воста от мертвых: и будет последняя лесть горша первыя. Matthew 27:65 Рече же им Пилат: имате кустодию: идите, утвердите, якоже весте. Matthew 27:66 Они же шедше утвердиша гроб, знаменавше камень с кустодиею. Matthew 28:0 Matthew 28:1 В вечер же субботный, свитающи во едину от суббот, прииде Мариа Магдалина и другая Мариа, видети гроб. Matthew 28:2 И се, трус бысть велий: Ангел бо Господень сшед с небесе, приступль отвали камень от дверий гроба и седяше на нем: Matthew 28:3 бе же зрак его яко молния, и одеяние его бело яко снег. Matthew 28:4 От страха же его сотрясошася стрегущии и быша яко мертви. Matthew 28:5 Отвещав же Ангел рече женам: не бойтеся вы: вем бо, яко Иисуса распятаго ищете: Matthew 28:6 несть зде: воста бо, якоже рече: приидите, видите место, идеже лежа Господь, Matthew 28:7 и скоро шедше рцыте учеником Его, яко воста от мертвых и се, варяет вы в Галилеи: тамо Его узрите: се, рех вам. Matthew 28:8 И изшедше скоро от гроба со страхом и радостию велиею, текосте возвестити учеником Его. Matthew 28:9 Егда же идясте возвестити учеником Его, и се, Иисус срете я, глаголя: радуйтеся. Оне же приступльше ястеся за нозе Его и поклонистеся Ему. Matthew 28:10 Тогда глагола има Иисус: не бойтеся: идите, возвестите братии Моей, да идут в Галилею, и ту Мя видят. Matthew 28:11 Идущема же има, се, нецыи от кустодии пришедше во град, возвестиша архиереом вся бывшая. Matthew 28:12 И собравшеся со старцы, совет сотвориша, сребреники доволны даша воином, Matthew 28:13 глаголюще: рцыте, яко ученицы Его нощию пришедше украдоша Его, нам спящым: Matthew 28:14 и аще сие услышано будет у игемона, мы утолим его и вас безпечальны сотворим. Matthew 28:15 Они же приемше сребреники, сотвориша, якоже научени быша. И промчеся слово сие во Иудеех даже до сего дне. Matthew 28:16 Единии же надесяте ученицы идоша в Галилею, в гору, аможе повеле им Иисус: Matthew 28:17 и видевше Его, поклонишася Ему: ови же усумнешася. Matthew 28:18 И приступль Иисус, рече им, глаголя: дадеся Ми всяка власть на небеси и на земли: Matthew 28:19 шедше убо научите вся языки, крестяще их во имя Отца и Сына и Святаго Духа, Matthew 28:20 учаще их блюсти вся, елика заповедах вам: и се, Аз с вами есмь во вся дни до скончания века. Аминь.
Mark 0:0
Евангелие от Марка Mark 1:0 Mark 1:1 Зачало Евангелиа Иисуса Христа, Сына Божия, Mark 1:2 якоже есть писано во пророцех: се, Аз посылаю Ангела Моего пред лицем Твоим, иже уготовит путь Твой пред Тобою. Mark 1:3 Глас вопиющаго в пустыни: уготовайте путь Господень, правы творите стези Его. Mark 1:4 Бысть Иоанн крестяй в пустыни и проповедая крещение покаяния во отпущение грехов. Mark 1:5 И исхождаше к нему вся Иудейская страна и Иерусалимляне: и крещахуся вси во Иордане реце от него, исповедающе грехи своя. Mark 1:6 Бе же Иоанн оболчен власы велблужди, и пояс усмен о чреслех его, и ядый акриды и мед дивий. Mark 1:7 И проповедаше, глаголя: грядет Креплий мене вслед мене, Емуже несмь достоин преклонься разрешити ремень сапог Его: Mark 1:8 аз убо крестих вы водою: Той же крестит вы Духом Святым. Mark 1:9 И бысть во онех днех, прииде Иисус от Назарета Галилейскаго и крестися от Иоанна во Иордане. Mark 1:10 И абие восходя от воды, виде разводящася небеса и Духа яко голубя, сходяща Нань. Mark 1:11 И глас бысть с небесе: Ты еси Сын Мой возлюбленный, о Немже благоволих. Mark 1:12 И абие Дух изведе Его в пустыню. Mark 1:13 И бе ту в пустыни дний четыредесять, искушаемь сатаною, и бе со зверьми: и Ангели служаху Ему. Mark 1:14 По предании же Иоаннове, прииде Иисус в Галилею, проповедая Евангелие Царствия Божия Mark 1:15 и глаголя, яко исполнися время и приближися Царствие Божие: покайтеся и веруйте во Евангелие. Mark 1:16 Ходя же при мори Галилейстем, виде Симона и Андреа брата (того) Симона, вметающа мрежи в море: беста бо рыбаря. Mark 1:17 И рече има Иисус: приидита вслед Мене, и сотворю вас быти ловца человеком. Mark 1:18 И абие оставльша мрежи своя, по Нем идоста. Mark 1:19 И прешед мало оттуду, узре Иакова Зеведеова и Иоанна брата его, и та в корабли строяща мрежа: Mark 1:20 и абие воззва я. И оставльша отца своего Зеведеа в корабли с наемники, по Нем идоста. Mark 1:21 И внидоша в Капернаум: и абие в субботы вшед в сонмище, учаше. Mark 1:22 И дивляхуся о учении Его: бе бо учя их яко власть имый, и не яко книжницы. Mark 1:23 И бе в сонмищи их человек в дусе нечисте, и воззва, Mark 1:24 глаголя: остави, что нам и Тебе, Иисусе Назарянине? Пришел еси погубити нас: вем Тя, кто еси, Святый Божий. Mark 1:25 И запрети ему Иисус, глаголя: умолчи и изыди из него. Mark 1:26 И стрясе его дух нечистый, и возопи гласом великим, и изыде из него. Mark 1:27 И ужасошася вси, якоже стязатися им к себе, глаголющым: что есть сие? (и) что учение новое сие, яко по области и духовом нечистым велит, и послушают Его? Mark 1:28 Изыде же слух Его абие во всю страну Галилейску. Mark 1:29 И абие из сонмища изшедше, приидоша в дом Симонов и Андреов со Иаковом и Иоанном. Mark 1:30 Теща же Симонова лежаше огнем жегома: и абие глаголаша Ему о ней. Mark 1:31 И приступль воздвиже ю, емь за руку ея: и остави ю огнь абие, и служаше им. Mark 1:32 Позде же бывшу, егда захождаше солнце, приношаху к Нему вся недужныя и бесныя. Mark 1:33 И бе весь град собрался к дверем. Mark 1:34 И изцели многи зле страждущыя различными недуги: и бесы многи изгна, и не оставляше глаголати бесы, яко ведяху Его Христа суща. Mark 1:35 И утро, нощи сущей зело, востав изыде, и иде в пусто место, и ту молитву деяше. Mark 1:36 И гнаша Его Симон и иже с ним: Mark 1:37 и обретше Его, глаголаша Ему, яко вси Тебе ищут. Mark 1:38 И глагола им: идем в ближния веси и грады, да и тамо проповем: на сие бо изыдох. Mark 1:39 И бе проповедая на сонмищих их, во всей Галилеи, и бесы изгоня. Mark 1:40 И прииде к Нему прокажен, моля Его и на колену припадая пред Ним, и глаголя Ему, яко, аще хощеши, можеши мя очистити. Mark 1:41 Иисус же милосердовав, простер руку, коснуся его, и глагола ему: хощу, очистися. Mark 1:42 И рекшу ему, абие отиде от него прокажение, и чист бысть. Mark 1:43 И запрещь ему, абие изгна его: Mark 1:44 и глагола ему: блюди, ни комуже ничесоже рцы: но шед покажися иерееви и принеси за очищение твое, яже повеле Моисей, во свидетелство им. Mark 1:45 Он же изшед начат проповедати много и проносити слово, якоже ктому не мощи Ему яве во град внити: но вне в пустых местех бе. И прихождаху к Нему отвсюду. Mark 2:0 Mark 2:1 И вниде паки в Капернаум по днех: и слышано бысть, яко в дому есть. Mark 2:2 И абие собрашася мнози, якоже ктому не вмещатися ни при дверех: и глаголаше им слово. Mark 2:3 И приидоша к Нему носяще разслабленна (жилами), носима четырми: Mark 2:4 и не могущым приближитися к Нему народа ради, открыша покров, идеже бе, и прокопавше свесиша одр, на немже разслабленный лежаше. Mark 2:5 Видев же Иисус веру их, глагола разслабленному: чадо, отпущаются тебе греси твои. Mark 2:6 Бяху же нецыи от книжник ту седяще и помышляюще в сердцах своих: Mark 2:7 что Сей тако глаголет хулы? Кто может оставляти грехи, токмо един Бог? Mark 2:8 И абие разумев Иисус духом Своим, яко тако тии помышляют в себе, рече им: что сия помышляете в сердцах ваших? Mark 2:9 Что есть удобее? Рещи разслабленному: отпущаются тебе греси? Или рещи: востани, и возми одр твой, и ходи? Mark 2:10 Но да увесте, яко власть имать Сын Человеческий на земли отпущати грехи: глагола разслабленному: Mark 2:11 тебе глаголю: востани, и возми одр твой, и иди в дом твой. Mark 2:12 И воста абие, и взем одр, изыде пред всеми: яко дивитися всем и славити Бога, глаголющым, яко николиже тако видехом. Mark 2:13 И изыде паки к морю: и весь народ идяше к Нему, и учаше их. Mark 2:14 И мимогрядый виде Левию Алфеова, седяща на мытнице, и глагола ему: по Мне гряди. И востав вслед Его иде. Mark 2:15 И бысть возлежащу Ему в дому его, и мнози мытари и грешницы возлежаху со Иисусом и со ученики Его: бяху бо мнози, и по Нем идоша. Mark 2:16 И книжницы и фарисее, видевше Его ядуща с мытари и грешники, глаголаху учеником Его: что яко с мытари и грешники яст и пиет? Mark 2:17 И слышав Иисус глагола им: не требуют здравии врача, но болящии: не приидох призвати праведники, но грешники на покаяние. Mark 2:18 И бяху ученицы Иоанновы и фарисейстии постящеся. И приидоша и глаголаша Ему: почто ученицы Иоанновы и фарисейстии постятся, а Твои ученицы не постятся? Mark 2:19 И рече им Иисус: еда могут сынове брачнии, дондеже жених с ними есть, поститися? Елико время с собою имут жениха, не могут поститися: Mark 2:20 приидут же дние, егда отимется от них жених, и тогда постятся в тыя дни: Mark 2:21 и никтоже приложения плата небелена пришивает к ризе ветсе: аще ли же ни, возмет конец его новое от ветхаго, и горша дира будет: Mark 2:22 и никтоже вливает вина нова в мехи ветхи: аще ли же ни, просадит вино новое мехи, и вино пролиется, и меси погибнут: но вино новое в мехи новы влияти. Mark 2:23 И бысть мимоходити Ему в субботы сквозе сеяния, и начаша ученицы Его путь творити, востерзающе класы. Mark 2:24 И фарисее глаголаху Ему: виждь, что творят в субботы, егоже не достоит? Mark 2:25 И Той глаголаше им: несте ли николиже чли, что сотвори Давид, егда требование име и взалка сам и иже с ним? Mark 2:26 Како вниде в дом Божий при Авиафаре архиереи, и хлебы предложения снеде, ихже не достояше ясти токмо иереем, и даде и сущым с ним? Mark 2:27 И глаголаше им: суббота человека ради бысть, а не человек субботы ради: Mark 2:28 темже господь есть Сын Человеческий и субботе. Mark 3:0 Mark 3:1 И вниде паки в сонмище: и бе тамо человек, суху имый руку. Mark 3:2 И назираху Его, аще в субботы изцелит его, да Нань возглаголют. Mark 3:3 И глагола человеку суху имущему руку: стани посреде. Mark 3:4 И глагола им: достоит ли в субботы добро творити, или зло творити? Душу спасти, или погубити? Они же молчаху. Mark 3:5 И воззрев на них со гневом, скорбя о окаменении сердец их, глагола человеку: простри руку твою. И простре: и утвердися рука его цела яко другая. Mark 3:6 И изшедше фарисее, абие со иродианы совет творяху Нань, како Его погубят. Mark 3:7 Иисус же отиде со ученики Своими к морю: и мног народ от Галилеи по Нем иде, и от Иудеи, Mark 3:8 и от Иерусалима, и от Идумеи, и со онаго полу Иордана. И от Тира и Сидона множество многое, слышавше, елика творяше, (и) приидоша к Нему. Mark 3:9 И рече учеником Своим, да корабль будет у Него народа ради, да не стужают Ему. Mark 3:10 Многи бо изцели, якоже нападати на Него, да Ему прикоснутся, елицы имеяху раны. Mark 3:11 И дуси нечистии, егда видяху Его, припадаху к Нему и зваху, глаголюще, яко Ты еси Сын Божий. Mark 3:12 И много прещаше им, да не явлена Его сотворят. Mark 3:13 И взыде на гору и призва, ихже хотяше Сам: и приидоша к Нему. Mark 3:14 И сотвори дванадесяте, да будут с Ним, и да посылает их проповедати, Mark 3:15 и имети власть целити недуги и изгонити бесы: Mark 3:16 и нарече Симону имя Петр: Mark 3:17 и Иакова Зеведеова и Иоанна брата Иаковля: и нарече има имена Воанергес, еже есть сына громова: Mark 3:18 и Андреа, и Филиппа, и Варфоломеа, и Матфеа, и Фому, и Иакова Алфеова, и Фаддеа, и Симона Кананита, Mark 3:19 и Иуду Искариотскаго, иже и предаде Его. Mark 3:20 И приидоша в дом: и собрася паки народ, яко не мощи им ни хлеба ясти. Mark 3:21 И слышавше иже бяху у Него, изыдоша, да имут Его: глаголаху бо, яко неистов есть. Mark 3:22 И книжницы, иже от Иерусалима низшедшии, глаголаху, яко веельзевула имать и яко о князи бесовстем изгонит бесы. Mark 3:23 И призвав их, в притчах глаголаше им: како может сатана сатану изгонити? Mark 3:24 И аще царство на ся разделится, не может стати царство то: Mark 3:25 и аще дом на ся разделится, не может стати дом той: Mark 3:26 и аще сатана воста на ся сам и разделися, не может стати, но конец имать. Mark 3:27 Никтоже может сосуды крепкаго, вшед в дом его, расхитити, аще не первее крепкаго свяжет: и тогда дом его расхитит. Mark 3:28 Аминь глаголю вам, яко вся отпустятся согрешения сыном человеческим, и хуления, елика аще восхулят: Mark 3:29 а иже восхулит на Духа Святаго, не имать отпущения во веки, но повинен есть вечному суду. Mark 3:30 Зане глаголаху: духа нечистаго имать. Mark 3:31 Приидоша убо Мати и братия Его, и вне стояще послаша к Нему, зовуще Его. Mark 3:32 И седяше народ окрест Его. Реша же Ему: се, Мати Твоя и братия Твоя (и сестры Твоя) вне ищут Тебе. Mark 3:33 И отвеща им, глаголя: кто есть мати Моя, или братия Моя? Mark 3:34 И соглядав окрест Себе седящыя, глагола: се, мати Моя и братия Моя: Mark 3:35 иже бо аще сотворит волю Божию, сей брат Мой и сестра Моя и мати (Ми) есть. Mark 4:0 Mark 4:1 И паки начат учити при мори: и собрася к Нему народ мног, якоже Самому влезшу в корабль, седети в мори: и весь народ при мори на земли бяше. Mark 4:2 И учаше их притчами много и глаголаше им во учении Своем: Mark 4:3 слышите: се, изыде сеяй сеяти: Mark 4:4 и бысть егда сеяше, ово паде при пути, и приидоша птицы, и позобаша е: Mark 4:5 другое же паде при камени, идеже не имяше земли многи, и абие прозябе, зане не имяше глубины земныя: Mark 4:6 солнцу же возсиявшу присвяде, и зане не имяше корене, изсше: Mark 4:7 и другое паде в тернии, и взыде терние, и подави е: и плода не даде: Mark 4:8 и другое паде на земли добрей, и даяше плод восходящь и растущь, и приплодоваше на тридесять, и на шестьдесят, и на сто. Mark 4:9 И глаголаше: имеяй ушы слышати да слышит. Mark 4:10 Егда же бысть един, вопросиша Его, иже бяху с Ним, со обеманадесяте о притчи. Mark 4:11 И глаголаше им: вам есть дано ведати тайны Царствия Божия: онем же внешним в притчах вся бывают, Mark 4:12 да видяще видят, и не узрят: и слышаще слышат, и не разумеют: да не когда обратятся, и оставятся им греси. Mark 4:13 И глагола им: не весте ли притчи сея? И како вся притчи уразумеете? Mark 4:14 Сеяй, слово сеет. Mark 4:15 Сии же суть, иже при пути, идеже сеется слово, и егда услышат, абие приходит сатана и отемлет слово сеянное в сердцах их. Mark 4:16 И сии суть такожде иже на каменных сеемии, иже егда услышат слово, абие с радостию приемлют е: Mark 4:17 и не имут корения в себе, но привременни суть: таже бывшей печали или гонению словесе ради, абие соблажняются. Mark 4:18 А сии суть, иже в тернии сеемии, слышащии слово: Mark 4:19 и печали века сего, и лесть богатства, и о прочих похоти входящыя подавляют слово, и безплодно бывает. Mark 4:20 И сии суть, иже на земли добрей сеяннии, иже слышат слово и приемлют, и плодствуют на тридесять, и на шестьдесят, и на сто. Mark 4:21 И глаголаше им: еда светилник приходит, да под спудом положат его или под одром? Не да ли на свещнице положен будет? Mark 4:22 Несть бо тайно, еже не явится, ниже бысть потаено, но да приидет в явление: Mark 4:23 аще кто имать ушы слышати, да слышит. Mark 4:24 И глаголаше им: блюдите что слышите: в нюже меру мерите, возмерится вам, и приложится вам слышащым: Mark 4:25 иже бо аще имать, дастся ему: а иже не имать, и еже имать, отимется от него. Mark 4:26 И глаголаше: тако есть (и) Царствие Божие, якоже человек вметает семя в землю, Mark 4:27 и спит, и востает нощию и днию: и семя прозябает и растет, якоже не весть он: Mark 4:28 от себе бо земля плодит прежде траву, потом клас, таже исполняет пшеницу в класе: Mark 4:29 егда же созреет плод, абие послет серп, яко наста жатва. Mark 4:30 И глаголаше: чесому уподобим Царствие Божие? Или коей притчи приложим е? Mark 4:31 Яко зерно горушично, еже егда всеяно будет в земли, мнее всех семен есть земных: Mark 4:32 и егда всеяно будет, возрастает, и бывает более всех зелий, и творит ветви велия, яко мощи под сению его птицам небесным витати. Mark 4:33 И таковыми притчами многими глаголаше им слово, якоже можаху слышати. Mark 4:34 Без притчи же не глаголаше им словесе: особь же учеником Своим сказаше вся. Mark 4:35 И глагола им в той день, вечеру бывшу: прейдем на он пол. Mark 4:36 И отпущше народы, пояша Его якоже бе в корабли: и инии же корабли бяху с Ним. Mark 4:37 И бысть буря ветрена велика: волны же вливахуся в корабль, яко уже погружатися ему. Mark 4:38 И бе Сам на корме на возглавнице спя. И возбудиша Его и глаголаша Ему: Учителю, не радиши ли, яко погибаем? Mark 4:39 И востав запрети ветру и рече морю: молчи, престани. И улеже ветр, и бысть тишина велия. Mark 4:40 И рече им: что тако страшливи есте? Како не имате веры? Mark 4:41 И убояшася страхом велиим и глаголаху друг ко другу: кто убо Сей есть, яко и ветр и море послушают Его? Mark 5:0 Mark 5:1 И приидоша на он пол моря, во страну Гадаринскую. Mark 5:2 И излезшу Ему из корабля, абие срете Его от гробов человек в дусе нечисте, Mark 5:3 иже жилище имяше во гробех, и ни веригами никтоже можаше его связати: Mark 5:4 зане ему многажды путы и ужы (железны) связану сущу, и растерзатися от него ужем (железным) и путом сокрушатися: и никтоже можаше его умучити: Mark 5:5 и выну нощь и день во гробех и в горах бе, вопия и толкийся камением. Mark 5:6 Узрев же Иисуса издалеча, тече и поклонися Ему, Mark 5:7 и возопив гласом велиим, рече: что мне и Тебе, Иисусе, Сыне Бога Вышняго? Заклинаю Тя Богом, не мучи мене. Mark 5:8 Глаголаше бо ему: изыди, душе нечистый, от человека. Mark 5:9 И вопрошаше его: что ти есть имя? И отвеща глаголя: легеон имя мне, яко мнози есмы. Mark 5:10 И молиша Его много, да не послет их вне страны. Mark 5:11 Бе же ту при горе стадо свиное велие пасомо. Mark 5:12 И молиша Его вси беси, глаголюще: посли ны во свиния, да в ня внидем. Mark 5:13 И повеле им абие Иисус. И изшедше дуси нечистии, внидоша во свиния: и устремися стадо по брегу в море, бяху же яко две тысящы, и утопаху в мори. Mark 5:14 Пасущии же свиния бежаша и возвестиша во граде и в селех. И изыдоша видети, что есть бывшее. Mark 5:15 И приидоша ко Иисусови, и видеша бесновавшагося седяща и оболчена и смысляща, имевшаго легеон: и убояшася. Mark 5:16 Поведаша же им видевшии, како бысть бесному, и о свиниях. Mark 5:17 И начаша молити Его отити от предел их. Mark 5:18 И влезшу Ему в корабль, моляше Его бесновавыйся, дабы был с Ним. Mark 5:19 Иисус же не даде ему, но рече ему: иди в дом твой ко твоим и возвести им, елика ти Господь сотвори и помилова тя. Mark 5:20 И иде и нача проповедати в десяти градех, елика сотвори ему Иисус. И вси дивляхуся. Mark 5:21 И прешедшу Иисусу в корабли паки на он пол, собрася народ мног о Нем. И бе при мори. Mark 5:22 И се, прииде един от архисинагог, именем Иаир, и видев Его, паде при ногу Его Mark 5:23 и моляше Его много, глаголя, яко дщи моя на кончине есть: да пришед возложиши на ню руце, яко да спасется и жива будет. Mark 5:24 И иде с ним: и по Нем идяху народи мнози и угнетаху Его. Mark 5:25 И жена некая сущи в точении крове лет дванадесяте, Mark 5:26 и много пострадавши от мног врачев, и издавши своя вся, и ни единыя пользы обретши, но паче в горшее пришедши: Mark 5:27 слышавши о Иисусе, пришедши в народе созади, прикоснуся ризе Его: Mark 5:28 глаголаше бо, яко, аще прикоснуся ризам Его, спасена буду. Mark 5:29 И абие изсякну источник крове ея: и разуме телом, яко изцеле от раны. Mark 5:30 И абие Иисус разуме в Себе силу изшедшую от Него, (и) обращься в народе, глаголаше: кто прикоснуся ризам Моим? Mark 5:31 И глаголаху Ему ученицы Его: видиши народ угнетающь Тя, и глаголеши: кто прикоснуся Мне? Mark 5:32 И обглядаше видети сотворшую сие. Mark 5:33 Жена же убоявшися и трепещущи, ведящи, еже бысть ей, прииде и припаде к Нему и рече Ему всю истину. Mark 5:34 Он же рече ей: дщи, вера твоя спасе тя: иди в мире и буди цела от раны твоея. Mark 5:35 Еще Ему глаголющу, (и) приидоша от архисинагога, глаголюще, яко дщи твоя умре: что еще движеши Учителя? Mark 5:36 Иисус же абие слышав слово глаголемое, глагола архисинагогови: не бойся, токмо веруй. Mark 5:37 И не остави по Себе ни единаго ити, токмо Петра и Иакова и Иоанна брата Иаковля. Mark 5:38 И прииде в дом архисинагогов и виде молву, плачущыяся и кричащыя много. Mark 5:39 И вшед глагола им: что молвите и плачетеся? Отроковица несть умерла, но спит. Mark 5:40 И ругахуся Ему. Он же изгнав вся, поят отца отроковицы и матерь, и иже (беху) с Ним, и вниде, идеже бе отроковица лежащи. Mark 5:41 И емь за руку отроковицу, глагола ей: талифа куми: еже есть сказаемо: девице, тебе глаголю, востани. Mark 5:42 И абие воста девица и хождаше: бе бо лет двоюнадесяте. И ужасошася ужасом велиим. Mark 5:43 И запрети им много, да никтоже увесть сего, и рече: дадите ей ясти. Mark 6:0 Mark 6:1 И изыде оттуду и прииде во отечествие Свое: и по Нем идоша ученицы Его. Mark 6:2 И бывшей субботе, начат на сонмищи учити. И мнози слышащии дивляхуся, глаголюще: откуду Сему сия? И что премудрость данная Ему, и силы таковы рукама Его бывают? Mark 6:3 Не Сей ли есть тектон, сын Мариин, брат же Иакову и Иосии и Иуде и Симону? И не сестры ли Его зде (суть) в нас? И блажняхуся о Нем. Mark 6:4 Глаголаше же им Иисус, яко несть пророк без чести, токмо во отечествии своем, и в сродстве и в дому своем. Mark 6:5 И не можаше ту ни единыя силы сотворити, токмо мало недужных, возложь руце, изцели. Mark 6:6 И дивляшеся за неверствие их: и обхождаше веси окрест учя. Mark 6:7 И призва обанадесяте, и начат их посылати два два, и даяше им власть над духи нечистыми. Mark 6:8 И заповеда им, да ничесоже возмут на путь, токмо жезл един: ни пиры, ни хлеба, ни при поясе меди: Mark 6:9 но обувени в сандалия: и не облачитися в две ризе. Mark 6:10 И глаголаше им: идеже аще внидете в дом, ту пребывайте, дондеже изыдете оттуду: Mark 6:11 и елицы аще не приимут вы, ниже послушают вас, исходяще оттуду, оттрясите прах, иже под ногами вашими, во свидетелство им: аминь глаголю вам, отраднее будет Содомом и Гоморром в день судный, неже граду тому. Mark 6:12 И изшедше проповедаху, да покаются: Mark 6:13 и бесы многи изгоняху: и мазаху маслом многи недужныя, и изцелеваху. Mark 6:14 И услыша царь Ирод: яве бо бысть имя Его: и глаголаше, яко Иоанн Креститель от мертвых воста, и сего ради силы деются о нем. Mark 6:15 Инии глаголаху, яко Илиа есть: инии же глаголаху, яко пророк есть, или яко един от пророк. Mark 6:16 Слышав же Ирод рече, яко, егоже аз усекнух Иоанна, той есть: той воста от мертвых. Mark 6:17 Той бо Ирод послав, ят Иоанна и связа его в темнице, Иродиады ради жены Филиппа брата своего, яко оженися ею. Mark 6:18 Глаголаше бо Иоанн Иродови: не достоит тебе имети жену (Филиппа) брата твоего. Mark 6:19 Иродиа же гневашеся на него и хотяше его убити: и не можаше. Mark 6:20 Ирод бо бояшеся Иоанна, ведый его мужа праведна и свята, и соблюдаше его: и послушав его, многа творяше, и в сладость его послушаше. Mark 6:21 И приключшуся дню потребну, егда Ирод рождеству своему вечерю творяше князем своим и тысящником и старейшинам Галилейским: Mark 6:22 и вшедши дщерь тоя Иродиады, и плясавши, и угождши Иродови и возлежащым с ним, рече царь девице: проси у мене егоже аще хощеши, и дам ти. Mark 6:23 И клятся ей: яко егоже аще попросиши у мене, дам ти, и до пол царствия моего. Mark 6:24 Она же изшедши рече матери своей: чесо прошу? Она же рече: главы Иоанна Крестителя. Mark 6:25 И вшедши абие со тщанием к царю, просяше, глаголющи: хощу, да ми даси от него на блюде главу Иоанна Крестителя. Mark 6:26 И прискорбен быв царь, клятвы (же) ради и за возлежащих с ним не восхоте отрещи ей. Mark 6:27 И абие послав царь спекулатора, повеле принести главу его. Mark 6:28 Он же шед усекну его в темнице, и принесе главу его на блюде, и даде ю девице: и девица даде ю матери своей. Mark 6:29 И слышавше ученицы его, приидоша и взяша труп его, и положиша его во гробе. Mark 6:30 И собрашася Апостоли ко Иисусу и возвестиша Ему вся, и елика сотвориша, и елика научиша. Mark 6:31 И рече им: приидите вы сами в пусто место едини и почийте мало. Бяху бо приходящии и отходящии мнози, и ни ясти им бе когда. Mark 6:32 И идоша в пусто место кораблем едини. Mark 6:33 И видеша их идущих народи, и познаша их мнози: и пеши от всех градов стицахуся тамо, и предвариша их, и снидошася к Нему. Mark 6:34 И изшед виде Иисус народ мног и милосердова о них, зане бяху яко овцы не имущыя пастыря: и начат их учити много. Mark 6:35 И уже часу многу бывшу, приступльше к Нему ученицы Его, глаголаша, яко пусто есть место, и уже час мног: Mark 6:36 отпусти их, да шедше во окрестных селех и весех купят себе хлебы: не имут бо чесо ясти. Mark 6:37 Он же отвещав рече им: дадите им вы ясти. И глаголаша Ему: да шедше купим двема стома пенязь хлебы и дамы им ясти? Mark 6:38 Он же рече им: колико хлебы имате? Идите и видите. И уведевше глаголаша: пять (хлеб), и две рыбе. Mark 6:39 И повеле им посадити вся на споды на споды на траве зелене. Mark 6:40 И возлегоша на лехи на лехи по сту и по пятидесят. Mark 6:41 И приемь пять хлеб и две рыбе, воззрев на небо, благослови и преломи хлебы, и даяше учеником Своим, да предлагают пред ними: и обе рыбе раздели всем. Mark 6:42 И ядоша вси и насытишася: Mark 6:43 и взяша укрухи, дванадесяте кошя исполнь, и от рыбу. Mark 6:44 Бяше же ядших хлебы яко пять тысящ мужей. Mark 6:45 И абие понуди ученики Своя внити в корабль и варити Его на он пол к Вифсаиде, дондеже Сам отпустит народы. Mark 6:46 И отрекся им, иде в гору помолитися. Mark 6:47 И вечеру бывшу, бе корабль посреде моря, и Сам един на земли. Mark 6:48 И виде их страждущих в плавании: бе бо ветр противен им: и о четвертей стражи нощней прииде к ним, по морю ходяй, и хотяше минути их. Mark 6:49 Они же видевше Его ходяща по морю, мняху призрак быти и возопиша. Mark 6:50 Вси бо Его видеша и смутишася. И абие глагола с ними и рече им: дерзайте: Аз есмь, не бойтеся. Mark 6:51 И вниде к ним в корабль: и улеже ветр. И зело излиха в себе ужасахуся и дивляхуся. Mark 6:52 Не разумеша бо о хлебех: бе бо сердце их окаменено. Mark 6:53 И прешедше приидоша в землю Геннисаретску и присташа. Mark 6:54 И изшедшым им из корабля, абие познаша Его, Mark 6:55 обтекше всю страну ту, начаша на одрех приносити болящыя, идеже слышаху, яко ту есть. Mark 6:56 И аможе аще вхождаше в веси, или во грады, или села, на распутиих полагаху недужныя и моляху Его, да поне воскрилию ризы Его прикоснутся: и елицы аще прикасахуся Ему, спасахуся. Mark 7:0 Mark 7:1 И собрашася к Нему фарисее и нецыи от книжник, пришедшии от Иерусалима: Mark 7:2 и видевше некиих от ученик Его нечистыми руками, сиречь неумовеными, ядущих хлебы, ругахуся. Mark 7:3 Фарисее бо и вси Иудее, аще не трыюще умыют рук, не ядят, держаще предания старец: Mark 7:4 и от торжища, аще не покуплются, не ядят. И ина многа суть, яже прияша держати: погружения сткляницам и чваном и котлом и одром. Mark 7:5 Потом же вопрошаху Его фарисее и книжницы: почто ученицы Твои не ходят по преданию старец, но неумовеными руками ядят хлеб? Mark 7:6 Он же отвещав рече им, яко добре пророчествова Исаиа о вас лицемерех, якоже есть писано: сии людие устнами Мя чтут, сердце же их далече отстоит от Мене, Mark 7:7 всуе же чтут Мя, учаще учением, заповедем человеческим: Mark 7:8 оставльше бо заповедь Божию, держите предания человеческая, крещения чваном и сткляницам, и ина подобна такова многа творите. Mark 7:9 И глаголаше им: добре отметаете заповедь Божию, да предание ваше соблюдете: Mark 7:10 Моисей бо рече: чти отца твоего и матерь твою: и иже злословит отца или матерь, смертию да умрет: Mark 7:11 вы же глаголете: аще речет человек отцу или матери: корван, еже есть дар, иже аще пользовался еси от мене: Mark 7:12 и не ктому оставляете его что сотворити отцу своему или матери своей, Mark 7:13 преступающе слово Божие преданием вашим, еже предасте: и подобна такова многа творите. Mark 7:14 И призвав весь народ, глаголаше им: послушайте Мене вси и разумейте: Mark 7:15 ничтоже есть внеуду человека входимо в онь, еже может осквернити его: но исходящая от него, та суть сквернящая человека: Mark 7:16 аще кто имать ушы слышати, да слышит. Mark 7:17 И егда вниде в дом от народа, вопрошаху Его ученицы Его о притчи. Mark 7:18 И глагола им: тако ли и вы неразумливи есте? Не разумеете ли, яко все, еже извне входимое в человека, не может осквернити его? Mark 7:19 Яко не входит ему в сердце, но во чрево: и афедроном исходит, истребляя вся брашна. Mark 7:20 Глаголаше же, яко исходящее от человека, то сквернит человека: Mark 7:21 извнутрь бо от сердца человеческа помышления злая исходят, прелюбодеяния, любодеяния, убийства, Mark 7:22 татьбы, лихоимства, (обиды,) лукавствия, лесть, студодеяния, око лукаво, хула, гордыня, безумство: Mark 7:23 вся сия злая извнутрь исходят и сквернят человека. Mark 7:24 И оттуду востав, иде в пределы Тирски и Сидонски: и вшед в дом, ни когоже хотяше, дабы его чул: и не може утаитися. Mark 7:25 Слышавши бо жена о Нем, еяже дщи имяше духа нечиста, пришедши припаде к ногама Его: Mark 7:26 жена же бе еллинска, сирофиникисса родом: и моляше Его, да беса изженет из дщере ея. Mark 7:27 Иисус же рече ей: остави, да первее насытятся чада: несть бо добро отяти хлеб чадом и поврещи псом. Mark 7:28 Она же отвещавши глагола Ему: ей, Господи: ибо и пси под трапезою ядят от крупиц детей. Mark 7:29 И рече ей: за сие слово, иди: изыде бес из дщере твоея. Mark 7:30 И шедши в дом свой, обрете беса изшедша и дщерь лежащу на одре. Mark 7:31 И паки изшед Иисус от предел Тирских и Сидонских, прииде на море Галилейско, между пределы Декапольски. Mark 7:32 И приведоша к Нему глуха и гугнива, и моляху Его, да возложит нань руку. Mark 7:33 И поемь его от народа единаго, вложи персты Своя во ушы его и плюнув коснуся языка его: Mark 7:34 и воззрев на небо, воздохну и глагола ему: еффафа, еже есть разверзися. Mark 7:35 И абие разверзостася слуха его, и разрешися уза языка его, и глаголаше право. Mark 7:36 И запрети им, да ни комуже поведят: елико же им Той запрещаше, паче излиха проповедаху. Mark 7:37 И преизлиха дивляхуся, глаголюще: добре все творит: и глухия творит слышати, и немыя глаголати. Mark 8:0 Mark 8:1 В тыя дни, зело многу народу сущу, и не имущым чесо ясти, призвав Иисус ученики Своя, глагола им: Mark 8:2 милосердую о народе, яко уже три дни приседят Мне и не имут чесо ясти: Mark 8:3 и аще отпущу их не ядших в домы своя, ослабеют на пути: мнози бо от них издалеча пришли суть. Mark 8:4 И отвещаша Ему ученицы Его: откуду сих возможет кто зде насытити хлебы в пустыни? Mark 8:5 И вопроси их: колико имате хлебов? Они же реша: седмь. Mark 8:6 И повеле народу возлещи на земли: и приемь седмь хлебов, хвалу воздав, преломи и даяше учеником Своим, да предлагают: и предложиша пред народом. Mark 8:7 И имяху рыбиц мало: и (сия) благословив, рече предложити и тыя. Mark 8:8 Ядоша же и насытишася: и взяша избытки укрух, седмь кошниц. Mark 8:9 Бяху же ядших яко четыре тысящы. И отпусти их. Mark 8:10 И абие влез в корабль со ученики Своими, прииде во страны Далмануфански. Mark 8:11 И изыдоша фарисее и начаша стязатися с Ним, ищуще от Него знамения с небесе, искушающе Его. Mark 8:12 И воздохнув духом Своим, глагола: что род сей знамения ищет? Аминь глаголю вам, аще дастся роду сему знамение. Mark 8:13 И оставль их, влез паки в корабль, (и) иде на он пол. Mark 8:14 И забыша ученицы Его взяти хлебы и разве единаго хлеба не имяху с собою в корабли. Mark 8:15 И прещаше им, глаголя: зрите, блюдитеся от кваса фарисейска и от кваса Иродова. Mark 8:16 И помышляху, друг ко другу глаголюще, яко хлебы не имамы. Mark 8:17 И разумев Иисус, глагола им: что помышляете, яко хлебы не имате? Не у ли чувствуете, ниже разумеете? Еще ли окаменено сердце ваше имате? Mark 8:18 Очи имуще не видите? И ушы имуще не слышите? И не помните ли, Mark 8:19 егда пять хлебы преломих в пять тысящ, колико кош исполнь укрух приясте? Глаголаша Ему: дванадесять. Mark 8:20 Егда же седмь в четыре тысящы, колико кошниц исполнения укрух взясте? Они же реша: седмь. Mark 8:21 И глагола им: како не разумеете? Mark 8:22 И прииде в Вифсаиду: и приведоша к Нему слепа, и моляху Его, да его коснется. Mark 8:23 И емь за руку слепаго, изведе его вон из веси: и плюнув на очи его, (и) возложь руце нань, вопрошаше его, аще что видит? Mark 8:24 И воззрев глаголаше: вижу человеки яко древие ходящя. Mark 8:25 Потом (же) паки возложи руце на очи его и сотвори его прозрети: и утворися и узре светло все. Mark 8:26 И посла его в дом его, глаголя: ни в весь вниди, ни повеждь кому в веси. Mark 8:27 И изыде Иисус и ученицы Его в веси Кесарии Филипповы: и на пути вопрошаше ученики Своя, глаголя им: кого Мя глаголют человецы быти? Mark 8:28 Они же отвещаша: Иоанна Крестителя: и инии Илию: друзии же единаго от пророк. Mark 8:29 И Той глагола им: вы же кого Мя глаголете быти? Отвещав же Петр глагола Ему: Ты еси Христос. Mark 8:30 И запрети им, да ни комуже глаголют о Нем. Mark 8:31 И начат учити их, яко подобает Сыну Человеческому много пострадати, и искушену быти от старец и архиерей и книжник, и убиену быти, и в третий день воскреснути. Mark 8:32 И не обинуяся слово глаголаше. И приемь Его Петр, начат претити Ему. Mark 8:33 Он же обращься и воззрев на ученики Своя, запрети Петрови, глаголя: иди за Мною, сатано: яко не мыслиши, яже (суть) Божия, но яже человеческа. Mark 8:34 И призвав народы со ученики Своими, рече им: иже хощет по Мне ити, да отвержется себе, и возмет крест свой, и по Мне грядет: Mark 8:35 иже бо аще хощет душу свою спасти, погубит ю: а иже погубит душу свою Мене ради и Евангелиа, той спасет ю: Mark 8:36 кая бо польза человеку, аще приобрящет мир весь, и отщетит душу свою? Mark 8:37 Или что даст человек измену на души своей? Mark 8:38 Иже бо аще постыдится Мене и Моих словес в роде сем прелюбодейнем и грешнем, и Сын Человеческий постыдится его, егда приидет во славе Отца Своего со Ангелы святыми. Mark 9:0 Mark 9:1 И глаголаше им: аминь глаголю вам, яко суть нецыи от зде стоящих, иже не имут вкусити смерти, дондеже видят Царствие Божие пришедшее в силе. Mark 9:2 И по шести днех поят Иисус Петра и Иакова и Иоанна, и возведе их на гору высоку особь едины: и преобразися пред ними. Mark 9:3 И ризы Его быша блещащяся, белы зело яко снег, яцехже не может белилник убелити на земли. Mark 9:4 И явися им Илиа с Моисеем: и беста со Иисусом глаголюща. Mark 9:5 И отвещав Петр глагола Иисусови: Равви, добро есть нам зде быти: и сотворим кровы три, Тебе един, и Моисееви един, и Илии един. Mark 9:6 Не ведяше бо, что рещи: бяху бо пристрашни. Mark 9:7 И бысть облак осеняя их: и прииде глас из облака, глаголя: Сей есть Сын Мой возлюбленный, Того послушайте. Mark 9:8 И внезапу воззревше, ктому ни когоже видеша, токмо Иисуса единаго с собою. Mark 9:9 Сходящым же им с горы, запрети им, да ни комуже поведят, яже видеша, токмо егда Сын Человеческий из мертвых воскреснет. Mark 9:10 И слово удержаша в себе, стязающеся, что есть, еже из мертвых воскреснути. Mark 9:11 И вопрошаху Его глаголюще: како глаголют книжницы, яко Илии подобает приити прежде? Mark 9:12 Он же отвещав рече им: Илиа убо пришед прежде, устроит вся: и како есть писано о Сыне Человечестем, да много постраждет и уничижен будет: Mark 9:13 но глаголю вам, яко и Илиа прииде, и сотвориша ему, елика хотеша, якоже есть писано о нем. Mark 9:14 И пришед ко учеником, виде народ мног о них и книжники стязающяся с ними. Mark 9:15 И абие весь народ видев Его ужасеся, и пририщуще целоваху Его. Mark 9:16 И вопроси книжники: что стязаетеся к себе? Mark 9:17 И отвещав един от народа рече: Учителю, приведох сына моего к Тебе, имуща духа нема: Mark 9:18 и идеже колиждо имет его, разбивает его, и пены тещит, и скрежещет зубы своими, и оцепеневает: и рех учеником Твоим, да изженут его, и не возмогоша. Mark 9:19 Он же отвещав ему глагола: о, роде неверен, доколе в вас буду? Доколе терплю вы? Приведите его ко Мне. Mark 9:20 И приведоша его к Нему. И видев Его, абие дух стрясе его: и пад на земли, валяшеся, пены тещя. Mark 9:21 И вопроси отца его: колико лет есть, отнележе сие бысть ему? Он же рече: издетска: Mark 9:22 и многажды во огнь вверже его и в воды, да погубит его: но аще что можеши, помози нам, милосердовав о нас. Mark 9:23 Иисус же рече ему: еже аще что можеши веровати, вся возможна верующему. Mark 9:24 И абие возопив отец отрочате, со слезами глаголаше: верую, Господи: помози моему неверию. Mark 9:25 Видев же Иисус, яко срищется народ, запрети духу нечистому, глаголя ему: душе немый и глухий, Аз ти повелеваю: изыди из него и ктому не вниди в него. Mark 9:26 И возопив и много пружався, изыде: и бысть яко мертв, якоже мнозем глаголати, яко умре. Mark 9:27 Иисус же емь его за руку, воздвиже его: и воста. Mark 9:28 И вшедшу Ему в дом, ученицы Его вопрошаху Его единаго: яко мы не возмогохом изгнати его? Mark 9:29 И рече им: сей род ничимже может изыти, токмо молитвою и постом. Mark 9:30 И оттуду изшедше, идяху сквозе Галилею: и не хотяше, да кто увесть. Mark 9:31 Учаше бо ученики Своя и глаголаше им, яко Сын Человеческий предан будет в руце человечесте, и убиют Его: и убиен быв, в третий день воскреснет. Mark 9:32 Они же не разумеваху глаголгола и бояхуся Его вопросити. Mark 9:33 И прииде в Капернаум: и в дому быв, вопрошаше их: что на пути в себе помышлясте? Mark 9:34 Они же молчаху: друг ко другу бо стязашася на пути, кто (есть) болий. Mark 9:35 И сед пригласи обанадесяте и глагола им: аще кто хощет старей быти, да будет всех менший и всем слуга. Mark 9:36 И приимь отроча, постави е посреде их: и объемь е, рече им: Mark 9:37 иже аще едино таковых отрочат приимет во имя Мое, Мене приемлет: и иже Мене приемлет, не Мене приемлет, но Пославшаго Мя. Mark 9:38 Отвеща Ему Иоанн, глаголя: Учителю, видехом некоего именем Твоим изгоняща бесы, иже не ходит по нас: и возбранихом ему, яко не последует нам. Mark 9:39 Иисус же рече: не браните ему: никтоже бо есть, иже сотворит силу о имени Моем, и возможет вскоре злословити Мя. Mark 9:40 Иже бо несть на вы, по вас есть. Mark 9:41 Иже бо аще напоит вы чашею воды во имя Мое, яко Христовы есте, аминь глаголю вам, не погубит мзды своея. Mark 9:42 И иже аще соблазнит единаго от малых сих верующих в Мя, добрее есть ему паче, аще облежит камень жерновный о выи его, и ввержен будет в море. Mark 9:43 И аще соблажняет тя рука твоя, отсецы ю: добрее ти есть беднику в живот внити, неже обе руце имущу внити в геенну, во огнь неугасающий, Mark 9:44 идеже червь их не умирает, и огнь не угасает. Mark 9:45 И аще нога твоя соблажняет тя, отсецы ю: добрее ти есть внити в живот хрому, неже две нозе имущу ввержену быти в геенну, во огнь неугасающий, Mark 9:46 идеже червь их не умирает, и огнь не угасает. Mark 9:47 И аще око твое соблажняет тя, исткни е: добрее ти есть со единем оком внити в Царствие Божие, неже две оце имущу ввержену быти в геенну огненную, Mark 9:48 идеже червь их не умирает, и огнь не угасает. Mark 9:49 Всяк бо огнем осолится, и всяка жертва солию осолится. Mark 9:50 Добро соль: аще же соль не слана будет, чим осолится? Имейте соль в себе, и мир имейте между собою. Mark 10:0 Mark 10:1 И оттуду востав прейде в пределы Иудейския, об он пол Иордана. И снидошася паки народи к Нему: и яко обычай име, паки учаше их. Mark 10:2 И приступльше фарисее вопросиша Его: аще достоит мужу жену пустити? Искушающе Его. Mark 10:3 Он же отвещав рече им: что вам заповеда Моисей? Mark 10:4 Они же реша: Моисей повеле книгу распустную написати, и пустити. Mark 10:5 И отвещав Иисус рече им: по жестосердию вашему написа вам заповедь сию: Mark 10:6 от начала же создания, мужа и жену сотворил я есть Бог: Mark 10:7 сего ради оставит человек отца своего и матерь Mark 10:8 и прилепится к жене своей, и будета оба в плоть едину: темже уже неста два, но плоть едина: Mark 10:9 еже убо Бог сочета, человек да не разлучает. Mark 10:10 И в дому паки ученицы Его о сем вопросиша Его. Mark 10:11 И глагола им: иже аще пустит жену свою и оженится иною, прелюбы творит на ню: Mark 10:12 и аще жена пустит мужа и посягнет за иного, прелюбы творит. Mark 10:13 И приношаху к Нему дети, да коснется их: ученицы же прещаху приносящым. Mark 10:14 Видев же Иисус негодова и рече им: оставите детей приходити ко Мне и не браните им, тацех бо есть Царствие Божие: Mark 10:15 аминь глаголю вам: иже аще не приимет Царствия Божия яко отроча, не имать внити в не. Mark 10:16 И объемь их, возложь руце на них, благословляше их. Mark 10:17 И исходящу Ему на путь, притек некий и поклонься на колену Ему, вопрошаше Его: Учителю благий, что сотворю, да живот вечный наследствую? Mark 10:18 Иисус же рече ему: что Мя глаголеши блага? Никтоже благ, токмо един Бог. Mark 10:19 Заповеди веси: не прелюбы сотвориши: не убий: не укради: не лжесвидетелствуй: не обиди: чти отца твоего и матерь. Mark 10:20 Он же отвещав рече Ему: Учителю, сия вся сохраних от юности моея. Mark 10:21 Иисус же воззрев нань, возлюби его и рече ему: единаго еси не докончал: иди, елика имаши, продаждь и даждь нищым, и имети имаши сокровище на небеси: и прииди (и) ходи вслед Мене, взем крест. Mark 10:22 Он же дряхл быв о словеси, отиде скорбя: бе бо имея стяжания многа. Mark 10:23 И воззрев Иисус глагола учеником Своим: како неудобь имущии богатство в Царствие Божие внидут. Mark 10:24 Ученицы же ужасахуся о словесех Его. Иисус же паки отвещав глагола им: чада, како неудобь уповающым на богатство в Царствие Божие внити: Mark 10:25 удобее бо есть вельбуду сквозе иглине ушы проити, неже богату в Царствие Божие внити. Mark 10:26 Они же излиха дивляхуся, глаголюще к себе: то кто может спасен быти? Mark 10:27 Воззрев же на них Иисус глагола: у человек невозможно, но не у Бога: вся бо возможна суть у Бога. Mark 10:28 Начат же Петр глаголати Ему: се, мы оставихом вся и вслед Тебе идохом. Mark 10:29 Отвещав же Иисус рече: аминь глаголю вам: никтоже есть, иже оставил есть дом, или братию, или сестры, или отца, или матерь, или жену, или чада, или села, Мене ради и Евангелиа ради: Mark 10:30 аще не приимет сторицею ныне во время сие, домов, и братий, и сестр, и отца, и матере, и чад, и сел, во изгнании, и в век грядущий живот вечный: Mark 10:31 мнози же будут первии последни, и последнии перви. Mark 10:32 Бяху же на пути, восходяще во Иерусалим: и бе варяя их Иисус, и ужасахуся, и вслед идуще, бояхуся. И поемь паки обанадесять, начат им глаголати, яже хотяху Ему быти: Mark 10:33 яко, се, восходим во Иерусалим, и Сын Человеческий предан будет архиереом и книжником, и осудят Его на смерть, и предадят Его языком: Mark 10:34 и поругаются Ему, и уязвят Его, и оплюют Его, и убиют Его: и в третий день воскреснет. Mark 10:35 И пред Него приидоста Иаков и Иоанн, сына Зеведеева, глаголюща: Учителю, хощева, да, еже аще просива, сотвориши нама. Mark 10:36 Он же рече има: что хощета, да сотворю вама? Mark 10:37 Она же реста Ему: даждь нам, да един о десную Тебе и един о шуюю Тебе сядева во славе Твоей. Mark 10:38 Иисус же рече има: не веста, чесо просита: можета ли пити чашу, юже Аз пию, и крещением, имже Аз крещаюся, креститися? Mark 10:39 Она же реста Ему: можева. Иисус же рече има: чашу убо, юже Аз пию, испиета, и крещением, имже Аз крещаюся, креститася: Mark 10:40 а еже сести о десную Мене и о шуюю, несть Мне дати, но имже уготовано есть. Mark 10:41 И слышавше десять, начаша негодовати о Иакове и Иоанне. Mark 10:42 Иисус же призвав их, глагола им: весте, яко мнящиися владети языки, соодолевают им, и велицыи их обладают ими: Mark 10:43 не тако же будет в вас: но иже аще хощет в вас вящший быти, да будет вам слуга: Mark 10:44 и иже аще хощет в вас быти старей, да будет всем раб: Mark 10:45 ибо Сын Человечь не прииде, да послужат Ему, но да послужит и даст душу Свою избавление за многи. Mark 10:46 И приидоша во Иерихон. И исходящу Ему от Иерихона, и учеником Его, и народу многу, сын Тимеов Вартимей слепый седяше при пути, прося. Mark 10:47 И слышав, яко Иисус Назорянин есть, начат звати и глаголати: Сыне Давидов Иисусе, помилуй мя. Mark 10:48 И прещаху ему мнози, да умолчит: он же множае паче зваше: Сыне Давидов, помилуй мя. Mark 10:49 И став Иисус, рече его возгласити. И возгласиша слепца, глаголюще ему: дерзай, востани, зовет тя. Mark 10:50 Он же отверг ризы своя, востав прииде ко Иисусови. Mark 10:51 И отвещав глагола ему Иисус: что хощеши, да сотворю Тебе? Слепый же глагола Ему: Учителю, да прозрю. Mark 10:52 Иисус же рече ему: иди: вера твоя спасе тя. И абие прозре и по Иисусе иде в путь. Mark 11:0 Mark 11:1 И егда приближися во Иерусалим, в Вифсфагию и Вифанию, к горе Елеонстей, посла два от ученик Своих Mark 11:2 и глагола има: идита в весь, яже есть прямо вама: и абие входяща в ню, обрящета жребя привязано, на неже никтоже от человек вседе: отрешша е, приведита: Mark 11:3 и аще кто вама речет: что творита сие? Рцыта, яко Господь требует е: и абие послет е семо. Mark 11:4 Идоста же, и обретоста жребя привязано при дверех вне на распутии, и отрешиста е. Mark 11:5 И нецыи от стоящих ту глаголаху има: что деета отрешающа жребя? Mark 11:6 Она же реста им, якоже заповеда има Иисус: и оставиша я. Mark 11:7 И приведоста жребя ко Иисусови: и возложиша на не ризы своя, и вседе на не. Mark 11:8 Мнози же ризы своя постлаша по пути: друзии же ваиа резаху от древия и постилаху по пути. Mark 11:9 И предходящии и вслед грядущии вопияху, глаголюще: осанна, благословен Грядый во имя Господне, Mark 11:10 благословено грядущее царство во имя Господа отца нашего Давида: осанна в вышних. Mark 11:11 И вниде во Иерусалим Иисус и в церковь: и соглядав вся, позде уже сущу часу, изыде в Вифанию со обеманадесяте. Mark 11:12 И наутрие изшедшым им от Вифании, взалка: Mark 11:13 и видев смоковницу издалеча, имущу листвие, прииде, аще убо что обрящет на ней: и пришед к ней, ничесоже обрете, токмо листвие: не у бо бе время смоквам. Mark 11:14 И отвещав Иисус рече ей: да не ктому от тебе во веки никтоже плода снесть. И слышаху ученицы Его. Mark 11:15 И приидоша (паки) во Иерусалим. И вшед Иисус в церковь, начат изгонити продающыя и купующыя в церкви: и трапезы торжником и седалища продающих голуби испроверже: Mark 11:16 и не даяше, да кто мимонесет сосуд сквозе церковь. Mark 11:17 И учаше, глаголя им: несть ли писано, яко храм Мой храм молитвы наречется всем языком? Вы же сотвористе его вертеп разбойником. Mark 11:18 И слышаша книжницы и архиерее, и искаху, како Его погубят: бояхубося Его, яко весь народ дивляшеся о учении Его. Mark 11:19 И яко позде бысть, исхождаше вон из града. Mark 11:20 И утро мимоходяще, видеша смоковницу изсохшу из корения. Mark 11:21 И воспомянув Петр глагола Ему: Равви, виждь, смоковница, юже проклял еси, усше. Mark 11:22 И отвещав Иисус глагола им: Mark 11:23 имейте веру Божию: аминь бо глаголю вам, яко, иже аще речет горе сей: двигнися и верзися в море: и не размыслит в сердцы своем, но веру имет, яко еже глаголет, бывает: будет ему, еже аще речет: Mark 11:24 сего ради глаголю вам: вся елика аще молящеся просите, веруйте, яко приемлете: и будет вам: Mark 11:25 и егда стоите молящеся, отпущайте, аще что имате на кого, да и Отец ваш, Иже есть на небесех, отпустит вам согрешения ваша: Mark 11:26 аще ли же вы не отпущаете, ни Отец ваш, Иже есть на небесех, отпустит вам согрешений ваших. Mark 11:27 И приидоша паки во Иерусалим. И в церкви ходящу Ему, приидоша к Нему архиерее и книжницы и старцы Mark 11:28 и глаголаша Ему: коею областию сия твориши? И кто Ти область сию даде, да сия твориши? Mark 11:29 Иисус же отвещав рече им: вопрошу вы и Аз словесе единаго, и отвещайте Ми: и реку вам, коею областию сия творю: Mark 11:30 крещение Иоанново с небесе ли бе, или от человек? Отвещайте Ми. Mark 11:31 И мысляху в себе, глаголюще: аще речем, с небесе, речет: почто убо не веровасте ему? Mark 11:32 Но аще речем, от человек: бояхуся людий: вси бо имеяху Иоанна, яко воистинну пророк бе. Mark 11:33 И отвещавше глаголаша Иисусови: не вемы. И отвещав Иисус глагола им: ни Аз глаголю вам, коею областию сия творю. Mark 12:0 Mark 12:1 И начат им в притчах глаголати: виноград насади человек, и огради оплотом, и ископа точило, и созда столп, и предаде его тяжателем, и отиде. Mark 12:2 И посла к тяжателем во время раба, да от тяжатель приимет от плода винограда: Mark 12:3 они же емше его биша и отослаша тща. Mark 12:4 И паки посла к ним другаго раба: и того камением бивше, пробиша главу ему и послаша безчестна. Mark 12:5 И паки иного посла: и того убиша: и многи ины, овы убо биюще, овы же убивающе. Mark 12:6 Еще убо единаго сына име возлюбленнаго своего, посла и того к ним последи, глаголя, яко усрамятся сына моего. Mark 12:7 Они же тяжателе реша к себе, яко сей есть наследник: приидите, убием его, и наше будет наследствие. Mark 12:8 И емше его убиша и извергоша его вон из винограда. Mark 12:9 Что убо сотворит господь винограда? Приидет и погубит тяжатели и даст виноград инем. Mark 12:10 Ни Писания ли сего чли есте: камень, егоже не в ряду сотвориша зиждущии, сей бысть во главу угла: Mark 12:11 от Господа бысть сие, и есть дивно во очию нашею? Mark 12:12 И искаху Его яти, и убояшася народа: разумеша бо, яко к ним притчу рече: и оставльше Его отидоша. Mark 12:13 И послаша к Нему некия от фарисей и иродиан, да Его обольстят словом. Mark 12:14 Они же пришедше глаголаша Ему: Учителю, вемы, яко истинен еси и не радиши ни о комже: не зриши бо на лице человеков, но воистинну пути Божию учиши: достоит ли кинсон кесареви дати, или ни? Дамы ли, или не дамы? Mark 12:15 Он же ведый их лицемерие, рече им: что Мя искушаете? Принесите Ми пенязь, да вижу. Mark 12:16 Они же принесоша. И глагола им: чий образ сий и написание? Они же реша Ему: кесарев. Mark 12:17 И отвещав Иисус рече им: воздадите кесарева кесареви и Божия Богови. И чудишася о Нем. Mark 12:18 И приидоша саддукее к Нему, иже глаголют воскресению не быти: и вопросиша Его, глаголюще: Mark 12:19 Учителю, Моисей написа нам, яко аще кому брат умрет и оставит жену, а чад не оставит: да поймет брат его жену его и воскресит семя брату своему. Mark 12:20 Седмь братий бе: и первый поят жену и умирая не остави семене: Mark 12:21 и вторый поят ю и умре, и ни той остави семене: и третий такожде: Mark 12:22 и пояша ю седмь и не оставиша семене: последи же всех умре и жена. Mark 12:23 В воскресение убо, егда воскреснут, которому их будет жена: седмь бо имеша ю жену. Mark 12:24 И отвещав Иисус рече им: не сего ли ради прельщаетеся, не ведуще Писания, ни силы Божия? Mark 12:25 Егда бо из мертвых воскреснут, ни женятся, ни посягают, но суть яко Ангели на небесех: Mark 12:26 о мертвых же, яко востают, несте ли чли в книгах Моисеовых, при купине яко рече ему Бог, глаголя: Аз Бог Авраамов и Бог Исааков и Бог Иаковль? Mark 12:27 Несть Бог мертвых, но Бог живых: вы убо много прельщаетеся. Mark 12:28 И приступль един от книжник, слышав их стязающихся и видев, яко добре отвеща им, вопроси Его: кая есть первая всех заповедий? Mark 12:29 Иисус же отвеща ему: яко первейши всех заповедий: слыши, Израилю, Господь Бог ваш Господь един есть: Mark 12:30 и возлюбиши Господа Бога твоего всем сердцем твоим, и всею душею твоею, и всем умом твоим, и всею крепостию твоею: сия есть первая заповедь. Mark 12:31 И вторая подобна ей: возлюбиши ближняго своего яко сам себе. Болшая сею ина заповедь несть. Mark 12:32 И рече Ему книжник: добре, Учителю, воистинну рекл еси, яко един есть Бог, и несть ин разве Его: Mark 12:33 и еже любити Его всем сердцем, и всем разумом, и всею душею, и всею крепостию: и еже любити ближняго яко себе, боле есть всех всесожжений и жертв. Mark 12:34 Иисус же видев, яко смысленно отвеща, рече ему: не далече еси от Царствия Божия. И никтоже смеяше ктому Его вопросити. Mark 12:35 И отвещав Иисус глаголаше, учя в церкви: како глаголют книжницы, яко Христос Сын есть Давидов? Mark 12:36 Той бо Давид рече Духом Святым: глагола Господь Господеви моему: седи о десную Мене, дондеже положу враги Твоя подножие ногама Твоима. Mark 12:37 Сам убо Давид глаголет Его Господа: и откуду Сын ему есть? И мног народ послушаше Его в сладость. Mark 12:38 И глаголаше им во учении Своем: блюдитеся от книжник, хотящих во одеяниих ходити, и целования на торжищих, Mark 12:39 и преждеседания на сонмищих, и первовозлежания на вечерях: Mark 12:40 поядающе домы вдовиц и непщеванием надолзе молящеся, сии приимут лишшее осуждение. Mark 12:41 И сед Иисус прямо сокровищному хранилищу, зряше, како народ мещет медь в сокровищное хранилище. И мнози богатии вметаху многа. Mark 12:42 И пришедши едина вдовица убога, вверже лепте две, еже есть кодрант. Mark 12:43 И призвав ученики Своя, рече им: аминь глаголю вам, яко вдовица сия убогая множае всех вверже вметающих в сокровищное хранилище: Mark 12:44 вси бо от избытка своего ввергоша: сия же от лишения своего вся, елика имеяше, вверже, все житие свое. Mark 13:0 Mark 13:1 И исходящу Ему от церкве, глагола Ему един от ученик Его: Учителю, виждь, каково камение и какова здания. Mark 13:2 И отвещав Иисус рече ему: видиши ли сия великая здания? Не имать остати зде камень на камени, иже не разорится. Mark 13:3 И седящу Ему на горе Елеонстей прямо церкве, вопрошаху Его единаго Петр и Иаков, и Иоанн и Андрей: Mark 13:4 рцы нам, когда сия будут? И кое (будет) знамение, егда имут вся сия скончатися? Mark 13:5 Иисус же отвещав им, начат глаголати: блюдитеся, да не кто вас прельстит. Mark 13:6 Мнози бо приидут во имя Мое, глаголюще, яко Аз есмь: и многи прельстят. Mark 13:7 Егда же услышите брани и слышания бранем, не ужасайтеся: подобает бо быти: но не у кончина. Mark 13:8 Востанет бо язык на язык, и царство на царство: и будут труси по местом, и будут глади и мятежи. Начало болезнем сия. Mark 13:9 Блюдитеся же вы сами: предадят бо вы в сонмища, и на соборищих биени будете: и пред воеводы и цари ведени будете Мене ради, во свидетелство им. Mark 13:10 И во всех языцех подобает прежде проповедатися Евангелию. Mark 13:11 Егда же поведут вы предающе, не прежде пецытеся, что возглаголете, ни поучайтеся: но еже аще дастся вам в той час, се глаголите: не вы бо будете глаголющии, но Дух Святый. Mark 13:12 Предаст же брат брата на смерть, и отец чадо: и востанут чада на родители и убиют их. Mark 13:13 И будете ненавидими всеми имене Моего ради: претерпевый же до конца, той спасен будет. Mark 13:14 Егда же узрите мерзость запустения, реченную Даниилом пророком, стоящу, идеже не подобает: чтый да разумеет: тогда сущии во Иудеи да бежат на горы: Mark 13:15 и иже на крове, да не слазит в дом, ни да внидет взяти чесо от дому своего: Mark 13:16 и иже на селе сый, да не возвратится вспять взяти ризу свою. Mark 13:17 Горе же непраздным и доящым в тыя дни. Mark 13:18 Молитеся же, да не будет бегство ваше в зиме. Mark 13:19 Будут бо дние тии скорбь, якова не бысть такова от начала создания, еже созда Бог, доныне, и не будет. Mark 13:20 И аще не бы Господь прекратил дний, не бы убо спаслася всяка плоть: но избранных ради, ихже избра, прекратит дни. Mark 13:21 Тогда аще кто речет вам: се, зде Христос, или: се, онде: не имите веры. Mark 13:22 Востанут бо лжехристи и лжепророцы и дадят знамения и чудеса, еже прельстити, аще возможно, и избранныя. Mark 13:23 Вы же блюдитеся: се, прежде рех вам вся. Mark 13:24 Но в тыя дни, по скорби той, солнце померкнет, и луна не даст света своего, Mark 13:25 и звезды будут с небесе спадающя, и силы, яже на небесех, подвижутся. Mark 13:26 И тогда узрят Сына Человеческаго грядуща на облацех с силою и славою многою. Mark 13:27 И тогда послет Ангелы Своя и соберет избранныя Своя от четырех ветр, от конца земли до конца неба. Mark 13:28 От смоковницы же научитеся притчи: егда уже ветвие ея будет младо и изращает листвие, ведите, яко близ есть жатва: Mark 13:29 тако и вы, егда сия видите бывающа, ведите, яко близ есть, при дверех. Mark 13:30 Аминь глаголю вам, яко не имать прейти род сей, дондеже вся сия будут. Mark 13:31 Небо и земля прейдут, словеса же Моя не прейдут. Mark 13:32 О дни же том или о часе никтоже весть, ни Ангели, иже суть на небесех, ни Сын, токмо Отец. Mark 13:33 Блюдите, бдите и молитеся: не весте бо, когда время будет. Mark 13:34 Якоже человек отходя оставль дом свой, и дав рабом своим власть, и комуждо дело свое, и вратарю повеле, да бдит. Mark 13:35 Бдите убо: не весте бо, когда господь дому приидет, вечер, или полунощи, или в петлоглашение, или утро: Mark 13:36 да не пришед внезапу, обрящет вы спящя. Mark 13:37 А яже вам глаголю, всем глаголю: бдите. Mark 14:0 Mark 14:1 Бе же Пасха и опресноцы по двою днию: и искаху архиерее и книжницы, како Его лестию емше убиют: Mark 14:2 глаголаху же: (но) не в праздник, еда како молва будет людска. Mark 14:3 И сущу Ему в Вифании, в дому Симона прокаженнаго, возлежащу Ему, прииде жена, имущи алавастр мира нарднаго пистикиа многоценна: и сокрушши алавастр, возливаше Ему на главу. Mark 14:4 Бяху же нецыи негодующе в себе и глаголюще: почто гибель сия мирная бысть? Mark 14:5 Можаше бо сие продано быти вящше триех сот пенязь и датися нищым. И прещаху ей. Mark 14:6 Иисус же рече: оставите ю: что ей труды даете? Добро дело содела о Мне. Mark 14:7 Всегда бо нищыя имате с собою, и егда хощете, можете им добро творити: Мене же не всегда имате. Mark 14:8 Еже име сия, сотвори: предвари помазати Мое тело на погребение. Mark 14:9 Аминь глаголю вам: идеже аще проповестся Евангелие сие во всем мире, и еже сотвори сия, глаголано будет в память ея. Mark 14:10 И Иуда Искариотский, един от обоюнадесяте, иде ко архиереем, да предаст Его им. Mark 14:11 Они же слышавше возрадовашася и обещаша ему сребреники дати. И искаше, како Его в удобно время предаст. Mark 14:12 И в первый день опреснок, егда пасху жряху, глаголаша Ему ученицы Его: где хощеши, шедше уготоваем, да яси пасху? Mark 14:13 И посла два от ученик Своих и глагола има: идита во град: и срящет вас человек в скудельнице воду нося: по нем идита, Mark 14:14 и идеже аще внидет, рцыта господину дому, яко Учитель глаголет: где есть виталница, идеже пасху со ученики Моими снем? Mark 14:15 И той вама покажет горницу велию, постлану, готову: ту уготовайта нам. Mark 14:16 И изыдоста ученика Его, и приидоста во град, и обретоста, якоже рече има: и уготоваста пасху. Mark 14:17 И вечеру бывшу прииде со обеманадесяте. Mark 14:18 И возлежащым им и ядущым, рече Иисус: аминь глаголю вам, яко един от вас предаст Мя, ядый со Мною. Mark 14:19 Они же начаша скорбети и глаголати Ему един по единому: еда аз? И другий: еда аз? Mark 14:20 Он же отвещав рече им: един от обоюнадесяте, омочивый со Мною в солило. Mark 14:21 Сын убо Человеческий идет, якоже есть писано о Нем: горе же человеку тому, имже Сын Человеческий предастся: добрее было бы ему, аще не бы родился человек той. Mark 14:22 И ядущым им, приемь Иисус хлеб, (и) благословив, преломи и даде им, и рече: приимите, ядите: сие есть Тело Мое. Mark 14:23 И приим чашу, хвалу воздав, даде им: и пиша от нея вси. Mark 14:24 И рече им: сия есть Кровь Моя Новаго Завета, за многи изливаема: Mark 14:25 аминь глаголю вам, яко ктому не имам пити от плода лознаго до дне того, егда е пию ново во Царствии Божии. Mark 14:26 И воспевше изыдоша в гору Елеонскую. Mark 14:27 И глагола им Иисус, яко вси соблазнитеся о Мне в нощь сию: писано бо есть: поражу пастыря, и разыдутся овцы. Mark 14:28 Но потом, егда воскресну, варяю вы в Галилеи. Mark 14:29 Петр же рече Ему: аще и вси соблазнятся, но не аз. Mark 14:30 И глагола ему Иисус: аминь глаголю тебе, яко ты днесь в нощь сию, прежде даже вторицею петель не возгласит, трикраты отвержешися Мене. Mark 14:31 Он же множае глаголаше паче: аще (же) ми есть с Тобою и умрети, не отвергуся Тебе. Такожде и вси глаголаху. Mark 14:32 И приидоша в весь, ейже имя Гефсиманиа: и глагола учеником Своим: седите зде, дондеже шед помолюся. Mark 14:33 И поят Петра и Иакова и Иоанна с Собою: и начат ужасатися и тужити. Mark 14:34 И глагола им: прискорбна есть душа Моя до смерти: будите зде и бдите. Mark 14:35 И прешед мало, паде на земли и моляшеся, да, аще возможно есть, мимо идет от Него час: Mark 14:36 и глаголаше: Авва Отче, вся возможна Тебе: мимо неси от Мене чашу сию: но не еже Аз хощу, но еже Ты. Mark 14:37 И прииде, и обрете их спящих, и глагола Петрови: Симоне, спиши ли? Не возмогл еси единаго часа побдети? Mark 14:38 Бдите и молитеся, да не внидете в напасть: дух убо бодр, плоть же немощна. Mark 14:39 И паки шед помолися, тожде слово рек. Mark 14:40 И возвращься обрете я паки спящя: бяху бо очеса им тяготна: и не ведяху, что быша Ему отвещали. Mark 14:41 И прииде третицею и глагола им: спите прочее и почивайте: приспе конец, прииде час: се, предается Сын Человеческий в руки грешником: Mark 14:42 востаните, идем: се, предаяй Мя приближися. Mark 14:43 И абие, еще Ему глаголющу, прииде Иуда, един сый от обоюнадесяте, и с ним народ мног со оружием и дрекольми, от архиерей и книжник и старец. Mark 14:44 Даде же предаяй Его знамение им, глаголя: Егоже аще лобжу, Той есть: имите Его и ведите (Его) сохранно. Mark 14:45 И пришед, абие приступль к Нему, глагола (Ему): Равви, Равви. И облобыза Его. Mark 14:46 Они же возложиша руце Свои на него и яша Его. Mark 14:47 Един же некто от стоящих извлек нож, удари раба архиереова и уреза ему ухо. Mark 14:48 И отвещав Иисус рече им: яко на разбойника ли изыдосте со оружием и дрекольми яти Мя? Mark 14:49 По вся дни бех при вас в церкви учя, и не ясте Мене: но да сбудется Писание. Mark 14:50 И оставльше Его, вси бежаша. Mark 14:51 И един некто юноша иде по Нем, одеян в плащаницу по нагу: и яша того юношу. Mark 14:52 Он же оставль плащаницу, наг бежа от них. Mark 14:53 И ведоша Иисуса ко архиерею: и снидошася к нему вси архиерее и книжницы и старцы. Mark 14:54 И Петр издалеча вслед Его иде до внутрь во двор архиереов: и бе седя со слугами и греяся при свещи. Mark 14:55 Архиерее же и весь сонм искаху на Иисуса свидетелства, да умертвят Его: и не обретаху. Mark 14:56 Мнози бо лжесвидетелствоваху на Него, и равна свидетелства не бяху. Mark 14:57 И нецыи воставше лжесвидетелствоваху на Него, глаголюще: Mark 14:58 яко мы слышахом Его глаголюща, яко Аз разорю церковь сию рукотвореную и треми денми ину нерукотворену созижду. Mark 14:59 И ни тако равно бе свидетелство их. Mark 14:60 И востав архиерей посреде, вопроси Иисуса, глаголя: не отвещаваеши ли ничесоже? Что сии на Тя свидетелствуют? Mark 14:61 Он же молчаше и ничтоже отвещаваше. Паки архиерей вопроси Его и глагола Ему: Ты ли еси Христос, Сын Благословеннаго? Mark 14:62 Иисус же рече: Аз есмь: и узрите Сына Человеческаго о десную седяща силы и грядуща со облаки небесными. Mark 14:63 Архиерей же растерзав ризы своя, глагола: что еще требуем свидетелей? Mark 14:64 Слышасте хулу: что вам мнится? Они же вси осудиша Его быти повинна смерти. Mark 14:65 И начаша нецыи плювати Нань, и прикрывати лице Его, и мучити Его, и глаголати Ему: прорцы. И слуги по ланитома Его бияху. Mark 14:66 И сущу Петрови во дворе низу, прииде едина от рабынь архиереовых, Mark 14:67 и видевши Петра греющася, воззревши на него, глагола: и ты с Назарянином Иисусом был еси. Mark 14:68 Он же отвержеся, глаголя: не вем, ниже знаю, что ты глаголеши. И изыде вон на преддворие: и алектор возгласи. Mark 14:69 И рабыня видевши его паки, начат глаголати предстоящым, яко сей от них есть. Mark 14:70 Он же паки отметашеся. И помале паки предстоящии глаголаху Петрови: воистинну от них еси: ибо Галилеанин еси, и беседа твоя подобится. Mark 14:71 Он же нача ротитися и клятися, яко не вем Человека Сего, Егоже вы глаголете. Mark 14:72 И второе алектор возгласи. И помяну Петр глаголгол, егоже рече ему Иисус, яко прежде даже петель не возгласит двакраты, отвержешися Мене трикраты. И начен плакашеся. Mark 15:0 Mark 15:1 И абие наутрие совет сотвориша архиерее со старцы и книжники, и весь сонм, связавше Иисуса ведоша и предаша (Его) Пилату. Mark 15:2 И вопроси Его Пилат: Ты ли еси Царь Иудейский? Он же отвещав рече ему: ты глаголеши. Mark 15:3 И глаголаху на Него архиерее много. Mark 15:4 Пилат же паки вопроси Его, глаголя: не отвещаваеши ли ничтоже? Виждь, колика на Тя свидетелствуют. Mark 15:5 Иисус же ктому ничтоже отвеща, яко дивитися Пилату. Mark 15:6 На (всяк) же праздник отпущаше им единаго связня, егоже прошаху. Mark 15:7 Бе же нарицаемый Варавва со сковники своими связан, иже в кове убийство сотвориша. Mark 15:8 И возопив народ нача просити, якоже всегда творяше им. Mark 15:9 Пилат же отвеща им, глаголя: хощете ли, пущу вам Царя Иудейска? Mark 15:10 Ведяше бо, яко зависти ради предаша Его архиерее. Mark 15:11 Архиерее же помануша народу, да паче Варавву пустит им. Mark 15:12 Пилат же отвещав паки рече им: что убо хощете сотворю, Егоже глаголете Царя Иудейска? Mark 15:13 Они же паки возопиша (глаголюще): пропни Его. Mark 15:14 Пилат же глаголаше им: что бо зло сотвори? Они же излиха вопияху: пропни Его. Mark 15:15 Пилат же хотя народу хотение сотворити, пусти им Варавву: и предаде Иисуса, бив, да пропнут Его. Mark 15:16 Воини же ведоша Его внутрь двора, еже есть претор: и созваша всю спиру, Mark 15:17 и облекоша Его в препряду, и возложиша на Него сплетше тернов венец, Mark 15:18 и начаша целовати Его (и глаголати): радуйся, Царю Иудейский. Mark 15:19 И бияху Его по главе тростию, и плюваху на Него, и прегибающе колена покланяхуся Ему. Mark 15:20 И егда поругашася Ему, совлекоша с Него препряду и облекоша Его в ризы Своя: и изведоша Его, да пропнут Его. Mark 15:21 И задеша мимоходящу некоему Симону Киринею, грядущу с села, отцу Александрову и Руфову, да возмет крест Его. Mark 15:22 И приведоша Его на Голгофу место, еже есть сказаемо Лобное место. Mark 15:23 И даяху Ему пити есмирнисмено вино: Он же не прият. Mark 15:24 И распеншии Его разделиша ризы Его, метающе жребий о них, кто что возмет. Mark 15:25 Бе же час третий, и распяша Его. Mark 15:26 И бе написание вины Его написано: Царь Иудейск. Mark 15:27 И с Ним распяша два разбойника, единаго о десную и единаго о шуюю Его. Mark 15:28 И сбыстся Писание, еже глаголет: и со беззаконными вменися. Mark 15:29 И мимоходящии хуляху Его, покивающе главами своими и глаголюще: уа, разоряяй церковь и треми денми созидаяй, Mark 15:30 спасися Сам и сниди со креста. Mark 15:31 Такожде и архиерее ругающеся, друг ко другу с книжники глаголаху: ины спасе, Себе ли не может спасти? Mark 15:32 Христос, Царь Израилев, да снидет ныне со креста, да видим и веру имем Ему. И распятая с Ним поношаста Ему. Mark 15:33 Бывшу же часу шестому, тма бысть по всей земли до часа девятаго. Mark 15:34 И в час девятый возопи Иисус гласом велиим, глаголя: Елои, Елои, лама савахфани? Еже есть сказаемо: Боже Мой, Боже Мой, почто Мя оставил еси? Mark 15:35 И нецыи от предстоящих слышавше, глаголаху: се, Илию гласит. Mark 15:36 Тек же един, и наполнив губу оцта, и возложь на трость, напаяше Его, глаголя: оставите, да видим, аще приидет Илиа сняти Его. Mark 15:37 Иисус же пущь глас велий, издше. Mark 15:38 И завеса церковная раздрася на двое, свыше до низу. Mark 15:39 Видев же сотник стояй прямо Ему, яко тако возопив издше, рече: воистинну Человек Сей Сын бе Божий. Mark 15:40 Бяху же и жены издалеча зрящя, в нихже бе Мариа Магдалина, и Мариа Иакова малаго и Иосии мати, и Саломиа, Mark 15:41 яже, и егда бе в Галилеи, хождаху по Нем и служаху Ему: и ины многия, яже взыдоша с Ним во Иерусалим. Mark 15:42 И уже позде бывшу, понеже бе пяток, еже есть к субботе, Mark 15:43 прииде Иосиф, иже от Аримафеа, благообразен советник, иже и той бе чая Царствия Божия, дерзнув вниде к Пилату, и проси телесе Иисусова. Mark 15:44 Пилат же дивися, аще уже умре: и призвав сотника, вопроси его: аще уже умре? Mark 15:45 И уведев от сотника, даде тело Иосифови. Mark 15:46 И купив плащаницу и снемь Его, обвит плащаницею: и положи Его во гроб, иже бе изсечен от камене: и привали камень над двери гроба. Mark 15:47 Мариа же Магдалина и Мариа Иосиева зрясте, где Его полагаху. Mark 16:0 Mark 16:1 И минувшей субботе, Мариа Магдалина и Мариа Иаковля и Саломиа купиша ароматы, да пришедшя помажут Иисуса. Mark 16:2 И зело заутра во едину от суббот приидоша на гроб, возсиявшу солнцу, Mark 16:3 и глаголаху к себе: кто отвалит нам камень от дверий гроба? Mark 16:4 И воззревшя видеша, яко отвален бе камень: бе бо велий зело. Mark 16:5 И вшедшя во гроб, видеша юношу седяща в десных, одеяна во одежду белу: и ужасошася. Mark 16:6 Он же глагола им: не ужасайтеся: Иисуса ищете Назарянина распятаго: воста, несть зде: се, место, идеже положиша Его: Mark 16:7 но идите, рцыте учеником Его и Петрови, яко варяет вы в Галилеи: тамо Его видите, якоже рече вам. Mark 16:8 И изшедшя бежаша от гроба: имяше же их трепет и ужас: и ни комуже ничтоже реша: бояхубося. Mark 16:9 Воскрес же (Иисус) заутра в первую субботу, явися прежде Марии Магдалини, из неяже изгна седмь бесов. Mark 16:10 Она (же) шедши возвести с Ним бывшым, плачущымся и рыдающым: Mark 16:11 и они слышавше, яко жив есть и виден бысть от нея, не яша веры. Mark 16:12 По сих же двема от них грядущема явися инем образом, идущема на село. Mark 16:13 И та шедша возвестиста прочым: и ни тема веры яша. Mark 16:14 Последи (же) возлежащым им единомунадесяте явися, и поноси неверствию их и жестосердию, яко видевшым Его воставша не яша веры. Mark 16:15 И рече им: шедше в мир весь, проповедите Евангелие всей твари. Mark 16:16 Иже веру имет и крестится, спасен будет: а иже не имет веры, осужден будет. Mark 16:17 Знамения же веровавшым сия последуют: именем Моим бесы ижденут: языки возглаголют новы: Mark 16:18 змия возмут: аще и что смертно испиют, не вредит их: на недужныя руки возложат, и здрави будут. Mark 16:19 Господь же убо, по глаголголании (Его) к ним, вознесеся на небо и седе о десную Бога. Mark 16:20 Они же изшедше проповедаша всюду, Господу поспешствующу и слово утверждающу последствующими знаменьми. Аминь.
Luke 0:0
Евангелие от Луки Luke 1:0 Luke 1:1 Понеже убо мнози начаша чинити повесть о извествованных в нас вещех, Luke 1:2 якоже предаша нам, иже исперва самовидцы и слуги бывшии Словесе: Luke 1:3 изволися и мне последовавшу выше вся испытно, поряду писати тебе, державный Феофиле, Luke 1:4 да разумееши, о нихже научился еси словесех утверждение. Luke 1:5 Бысть во дни Ирода царя Иудейска, иерей некий, именем Захариа, от дневныя чреды Авиани: и жена его от дщерей Аароновех, и имя ей Елисаветь. Luke 1:6 Беста же праведна оба пред Богом, ходяща во всех заповедех и оправданиих Господних безпорочна. Luke 1:7 И не бе има чада, понеже Елисаветь бе неплоды, и оба заматоревша во днех своих беста. Luke 1:8 Бысть же служащу ему в чину чреды своея пред Богом, Luke 1:9 по обычаю священничества ключися ему покадити вшедшу в церковь Господню: Luke 1:10 и все множество людий бе молитву дея вне, в год фимиама: Luke 1:11 явися же ему Ангел Господень, стоя о десную олтаря кадилнаго: Luke 1:12 и смутися Захариа видев, и страх нападе нань. Luke 1:13 Рече же к нему Ангел: не бойся, Захарие: зане услышана бысть молитва твоя, и жена твоя Елисаветь родит сына тебе, и наречеши имя ему Иоанн: Luke 1:14 и будет тебе радость и веселие, и мнози о рождестве его возрадуются: Luke 1:15 будет бо велий пред Господем: и вина и сикера не имать пити, и Духа Святаго исполнится еще из чрева матере своея: Luke 1:16 и многих от сынов Израилевых обратит ко Господу Богу их: Luke 1:17 и той предидет пред Ним духом и силою Илииною, обратити сердца отцем на чада, и противныя в мудрости праведных, уготовати Господеви люди совершены. Luke 1:18 И рече Захариа ко Ангелу: по чесому разумею сие? Аз бо есмь стар, и жена моя заматоревши во днех своих. Luke 1:19 И отвещав Ангел рече ему: аз есмь Гавриил предстояй пред Богом, и послан есмь глаголати к тебе и благовестити тебе сия: Luke 1:20 и се, будеши молчя и не могий проглаголати, до негоже дне будут сия: зане не веровал еси словесем моим, яже сбудутся во время свое. Luke 1:21 И беша людие ждуще Захарию: и чудяхуся коснящу ему в церкви. Luke 1:22 Изшед же не можаше глаголати к ним: и разумеша, яко видение виде в церкви: и той бе помавая им, и пребываше нем. Luke 1:23 И бысть яко исполнишася дние службы его, иде в дом свой. Luke 1:24 По сих же днех зачат Елисаветь жена его, и таяшеся месяц пять, глаголющи: Luke 1:25 яко тако мне сотвори Господь во дни, в няже призре отяти поношение мое в человецех. Luke 1:26 В месяц же шестый послан бысть Ангел Гавриил от Бога во град Галилейский, емуже имя Назарет, Luke 1:27 к Деве обрученней мужеви, емуже имя Иосиф, от дому Давидова: и имя Деве Мариамь. Luke 1:28 И вшед к Ней Ангел рече: радуйся, Благодатная: Господь с Тобою: благословена Ты в женах. Luke 1:29 Она же видевши смутися о словеси его и помышляше, каково будет целование сие. Luke 1:30 И рече Ангел Ей: не бойся, Мариамь: обрела бо еси благодать у Бога. Luke 1:31 И се зачнеши во чреве, и родиши Сына, и наречеши имя Ему Иисус: Luke 1:32 Сей будет велий, и Сын Вышняго наречется: и даст Ему Господь Бог престол Давида отца Его: Luke 1:33 и воцарится в дому Иаковли во веки, и Царствию Его не будет конца. Luke 1:34 Рече же Мариамь ко Ангелу: како будет сие, идеже мужа не знаю? Luke 1:35 И отвещав Ангел рече Ей: Дух Святый найдет на Тя, и сила Вышняго осенит Тя: темже и раждаемое Свято наречется Сын Божий: Luke 1:36 и се, Елисаветь южика Твоя, и та зачат сына в старости своей: и сей месяц шестый есть ей нарицаемей неплоды: Luke 1:37 яко не изнеможет у Бога всяк глаголгол. Luke 1:38 Рече же Мариамь: се, Раба Господня: буди Мне по глаголу твоему. И отиде от Нея Ангел. Luke 1:39 Воставши же Мариамь во дни тыя, иде в горняя со тщанием, во град Иудов: Luke 1:40 и вниде в дом Захариин и целова Елисаветь. Luke 1:41 И бысть яко услыша Елисаветь целование Мариино, взыграся младенец во чреве ея: и исполнися Духа Свята Елисаветь, Luke 1:42 и возопи гласом велиим, и рече: благословена Ты в женах, и благословен плод чрева Твоего: Luke 1:43 и откуду мне сие, да приидет Мати Господа моего ко мне? Luke 1:44 Се бо, яко бысть глас целования Твоего во ушию моею, взыграся младенец радощами во чреве моем: Luke 1:45 и блаженна Веровавшая, яко будет совершение глаголголанным Ей от Господа. Luke 1:46 И рече Мариамь: величит душа Моя Господа, Luke 1:47 и возрадовася дух Мой о Бозе Спасе Моем: Luke 1:48 яко призре на смирение Рабы Своея: се бо, отныне ублажат Мя вси роди: Luke 1:49 яко сотвори Мне величие Сильный, и свято имя Его: Luke 1:50 и милость Его в роды родов боящымся Его: Luke 1:51 сотвори державу мышцею Своею: расточи гордыя мыслию сердца их? Luke 1:52 Низложи сильныя со престол, и вознесе смиренныя: Luke 1:53 алчущыя исполни благ и богатящыяся отпусти тщы: Luke 1:54 восприят Израиля отрока Своего, помянути милости, Luke 1:55 якоже глагола ко отцем нашым, Аврааму и семени его до века. Luke 1:56 Пребысть же Мариамь с нею яко три месяцы и возвратися в дом свой. Luke 1:57 Елисавети же исполнися время родити ей, и роди сына. Luke 1:58 И слышаша окрест живущии и ужики ея, яко возвеличил есть Господь милость Свою с нею: и радовахуся с нею. Luke 1:59 И бысть во осмый день, приидоша обрезати отроча, и нарицаху е именем отца его, Захарию. Luke 1:60 И отвещавши мати его рече: ни, но да наречется Иоанн. Luke 1:61 И реша к ней, яко никтоже есть в родстве твоем, иже нарицается именем тем. Luke 1:62 И помаваху отцу его, еже како бы хотел нарещи е. Luke 1:63 И испрошь дщицу, написа, глаголя: Иоанн будет имя ему. И чудяхуся вси. Luke 1:64 Отверзошася же уста его абие и язык его, и глаголаше благословя Бога. Luke 1:65 И бысть на всех страх живущих окрест их: и во всей стране Иудейстей поведаеми бяху вси глаголи сии. Luke 1:66 И положиша вси слышавшии в сердцы своем, глаголюще: что убо отроча сие будет? И рука Господня бе с ним. Luke 1:67 И Захариа отец его исполнися Духа Свята, и пророчествова, глаголя: Luke 1:68 благословен Господь Бог Израилев, яко посети и сотвори избавление людем Своим: Luke 1:69 и воздвиже рог спасения нам, в дому Давида отрока Своего: Luke 1:70 якоже глагола усты святых сущих от века пророк Его, Luke 1:71 спасение от враг наших и из руки всех ненавидящих нас: Luke 1:72 сотворити милость со отцы нашими и помянути завет святый Свой, Luke 1:73 клятву, еюже клятся ко Аврааму отцу нашему, дати нам, Luke 1:74 без страха, из руки враг наших избавльшымся, Luke 1:75 служити Ему преподобием и правдою пред Ним вся дни живота нашего. Luke 1:76 И ты, отроча, пророк Вышняго наречешися: предидеши бо пред лицем Господним, уготовати пути Его, Luke 1:77 дати разум спасения людем Его, во оставление грех их, Luke 1:78 милосердия ради милости Бога нашего, в нихже посетил есть нас Восток свыше, Luke 1:79 просветити во тме и сени смертней седящыя, направити ноги нашя на путь мирен. Luke 1:80 Отроча же растяше и крепляшеся духом: и бе в пустынех до дне явления своего ко Израилю. Luke 2:0 Luke 2:1 Бысть же во дни тыя, изыде повеление от кесаря Августа написати всю вселенную. Luke 2:2 Сие написание первое бысть владящу Сириею Киринию. Luke 2:3 И идяху вси написатися, кождо во свой град. Luke 2:4 Взыде же и Иосиф от Галилеи, из града Назарета, во Иудею, во град Давидов, иже нарицается Вифлеем, зане быти ему от дому и отечества Давидова, Luke 2:5 написатися с Мариею обрученою ему женою, сущею непраздною. Luke 2:6 Бысть же, егда быста тамо, исполнишася дние родити Ей: Luke 2:7 и роди Сына своего Первенца, и повит Его, и положи Его в яслех: зане не бе им места во обители. Luke 2:8 И пастырие беху в тойже стране, бдяще и стрегуще стражу нощную о стаде своем. Luke 2:9 И се, Ангел Господень ста в них, и слава Господня осия их: и убояшася страхом велиим. Luke 2:10 И рече им Ангел: не бойтеся: се бо, благовествую вам радость велию, яже будет всем людем: Luke 2:11 яко родися вам днесь Спас, Иже есть Христос Господь, во граде Давидове: Luke 2:12 и се вам знамение: обрящете Младенца повита, лежаща в яслех. Luke 2:13 И внезапу бысть со Ангелом множество вой небесных, хвалящих Бога и глаголющих: Luke 2:14 слава в вышних Богу, и на земли мир, во человецех благоволение. Luke 2:15 И бысть, яко отидоша от них на небо Ангели, и человецы пастырие реша друг ко другу: прейдем до Вифлеема и видим глаголгол сей бывший, егоже Господь сказа нам. Luke 2:16 И приидоша поспешшеся, и обретоша Мариамь же и Иосифа, и Младенца лежаща во яслех. Luke 2:17 Видевше же сказаша о глаголголе глаголголаннем им о Отрочати Сем. Luke 2:18 И вси слышавшии дивишася о глаголанных от пастырей к ним. Luke 2:19 Мариамь же соблюдаше вся глаголы сия, слагающи в сердцы Своем. Luke 2:20 И возвратишася пастырие, славяще и хваляще Бога о всех, яже слышаша и видеша, якоже глаголано бысть к ним. Luke 2:21 И егда исполнишася осмь дний, да обрежут Его, и нарекоша имя Ему Иисус, нареченное Ангелом прежде даже не зачатся во чреве. Luke 2:22 И егда исполнишася дние очищения ею, по закону Моисеову, вознесоста Его во Иерусалим, поставити Его пред Господем, Luke 2:23 якоже есть писано в законе Господни: яко всяк младенец мужеска полу, разверзая ложесна, свято Господеви наречется: Luke 2:24 и еже дати жертву, по реченному в законе Господни, два горличища или два птенца голубина. Luke 2:25 И се, бе человек во Иерусалиме, емуже имя Симеон. И человек сей праведен и благочестив, чая утехи Израилевы: и Дух бе Свят в нем. Luke 2:26 И бе ему обещанно Духом Святым, не видети смерти, прежде даже не видит Христа Господня. Luke 2:27 И прииде Духом в церковь. И егда введоста родителя Отроча Иисуса, сотворити има по обычаю законному о Нем, Luke 2:28 и той приемь Его на руку своею, и благослови Бога, и рече: Luke 2:29 ныне отпущаеши раба Твоего, Владыко, по глаголголу Твоему, с миром: Luke 2:30 яко видесте очи мои спасение Твое, Luke 2:31 еже еси уготовал пред лицем всех людий: Luke 2:32 свет во откровение языком, и славу людий Твоих Израиля. Luke 2:33 И бе Иосиф и Мати Его чудящася о глаголемых о Нем. Luke 2:34 И благослови я Симеон, и рече к Марии Матери Его: се, лежит Сей на падение и на востание многим во Израили, и в знамение пререкаемо: Luke 2:35 и Тебе же Самой душу пройдет оружие: яко да открыются от многих сердец помышления. Luke 2:36 И бе Анна пророчица, дщи Фануилева, от колена Асирова: сия заматоревши во днех мнозех, живши с мужем седмь лет от девства своего: Luke 2:37 и та вдова яко лет осмьдесят и четыре, яже не отхождаше от церкве, постом и молитвами служащи день и нощь. Luke 2:38 И та в той час приставши исповедашеся Господеви и глаголаше о Нем всем чающым избавления во Иерусалиме. Luke 2:39 И яко скончашася вся по закону Господню, возвратишася в Галилею, во град свой Назарет. Luke 2:40 Отроча же растяше и крепляшеся духом, исполняяся премудрости: и благодать Божия бе на Нем. Luke 2:41 И хождаста родителя Его на всяко лето во Иерусалим в праздник Пасхи. Luke 2:42 И егда бысть двоюнадесяти лету, восходящым им во Иерусалим по обычаю праздника, Luke 2:43 и скончавшым дни, и возвращающимася има, оста Отрок Иисус во Иерусалиме: и не разуме Иосиф и Мати Его: Luke 2:44 мневша же Его в дружине суща, преидоста дне путь, и искаста Его во сродницех и в знаемых: Luke 2:45 и не обретша Его, возвратистася во Иерусалим, взыскающа Его. Luke 2:46 И бысть по триех днех, обретоста Его в церкви, седящаго посреде учителей, и послушающаго их, и вопрошающаго их: Luke 2:47 ужасахуся же вси послушающии Его о разуме и о ответех Его. Luke 2:48 И видевша Его, дивистася: и к Нему Мати Его рече: Чадо, что сотвори нама тако? Се, отец Твой и Аз боляща искахома Тебе. Luke 2:49 И рече к нима: что яко искаста Мене? Не веста ли, яко в тех, яже Отца Моего, достоит быти Ми? Luke 2:50 И та не разуместа глаголгола, егоже глагола Има. Luke 2:51 И сниде с нима и прииде в Назарет: и бе повинуяся има. И Мати Его соблюдаше вся глаголголы сия в сердцы Своем. Luke 2:52 И Иисус преспеваше премудростию и возрастом и благодатию у Бога и человек. Luke 3:0 Luke 3:1 В пятое же надесяте лето владычества Тивериа кесаря, обладающу Понтийскому Пилату Иудеею, и четвертовластвующу Галилеею Ироду, Филиппу же брату его четвертовластвующу Итуреею и Трахонитскою страною, и Лисанию Авилиниею четвертовластвующу, Luke 3:2 при архиереи Анне и Каиафе, бысть глаголгол Божий ко Иоанну Захариину сыну в пустыни. Luke 3:3 И прииде во всю страну Иорданскую, проповедая крещение покаяния во оставление грехов: Luke 3:4 якоже есть писано в книзе словес Исаии пророка, глаголюща: глас вопиющаго в пустыни: уготовайте путь Господень: правы творите стези Его: Luke 3:5 всяка дебрь исполнится, и всяка гора и холм смирится: и будут стропотная в правая, и острии в пути гладки: Luke 3:6 и узрит всяка плоть спасение Божие. Luke 3:7 Глаголаше же исходящым народом креститися от него: порождения ехиднова, кто сказа вам бежати от грядущаго гнева? Luke 3:8 Сотворите убо плоды достойны покаяния: и не начинайте глаголати в себе: отца имамы Авраама: глаголю бо вам, яко может Бог от камения сего воздвигнути чада Аврааму. Luke 3:9 Уже бо и секира при корени древа лежит: всяко убо древо не творящее плода добра посекается и во огнь вметается. Luke 3:10 И вопрошаху его народи, глаголюще: что убо сотворим? Luke 3:11 Отвещав же глагола им: имеяй две ризе, да подаст неимущему: и имеяй брашна, такожде да творит. Luke 3:12 Приидоша же и мытари креститися от него и реша к нему: учителю, что сотворим? Luke 3:13 Он же рече к ним: ничтоже более от повеленнаго вам творите. Luke 3:14 Вопрошаху же его и воини, глаголюще: и мы что сотворим? И рече к ним: ни когоже обидите, ни оклеветавайте: и доволни будите оброки вашими. Luke 3:15 Чающым же людем, и помышляющым всем в сердцах своих о Иоанне, еда той есть Христос, Luke 3:16 отвещаваше Иоанн всем, глаголя: аз убо водою крещаю вы: грядет же Креплий мене, Емуже несмь достоин отрешити ремень сапогу Его: Той вы крестит Духом Святым и огнем: Luke 3:17 Емуже лопата в руку Его, и отребит гумно Свое, и соберет пшеницу в житницу Свою, плевы же сожжет огнем негасающим. Luke 3:18 Многа же убо и ина утешая благовествоваша людем. Luke 3:19 Ирод же четвертовластник, обличаемь от него о Иродиаде жене брата своего, и о всех, яже сотвори злая Ирод, Luke 3:20 приложи и сие над всеми, и затвори Иоанна в темнице. Luke 3:21 Бысть же егда крестишася вси людие, и Иисусу крещашуся и молящуся, отверзеся небо, Luke 3:22 и сниде Дух Святый телесным образом, яко голубь, Нань: и глас с небесе бысть, глаголя: Ты еси Сын Мой Возлюбленный, о Тебе благоволих. Luke 3:23 И той бе Иисус яко лет тридесять начиная, сый, яко мнимь, Сын Иосифов, Илиев, Luke 3:24 Матфатов, Левиин, Мелхиин, Ианнаев, Иосифов, Luke 3:25 Маттафиев, Амосов, Наумов, Еслимов, Наггеов, Luke 3:26 Маафов, Маттафиев, Семеиев, Иосифов, Иудин, Luke 3:27 Иоаннанов, Рисаев, Зоровавелев, Салафиилев, Нириев, Luke 3:28 Мелхиев, Аддиев, Косамов, Елмодамов, Иров, Luke 3:29 Иосиев, Елиезеров, Иоримов, Матфатов, Левиин, Luke 3:30 Симеонов, Иудин, Иосифов, Ионанов, Елиакимов, Luke 3:31 Мелеаев, Маинанов, Маттафаев, Нафанов, Давидов, Luke 3:32 Иессеов, Овидов, Воозов, Салмонов, Наассонов, Luke 3:33 Аминадавов, Арамов, Есромов, Фаресов, Иудин, Luke 3:34 Иаковль, Исааков, Авраамов, Фарин, Нахоров, Luke 3:35 Серухов, Рагавов, Фалеков, Еверов, Саланов, Luke 3:36 Каинанов, Арфаксадов, Симов, Ноев, Ламехов, Luke 3:37 Мафусалев, Енохов, Иаредов, Малелеилов, Каинанов, Luke 3:38 Еносов, Сифов, Адамов, Божий. Luke 4:0 Luke 4:1 Иисус же исполнь Духа Свята возвратися от Иордана: и ведяшеся Духом в пустыню, Luke 4:2 дний четыридесять искушаемь от диавола: и не яст ничесоже во дни тыя: и скончавшымся им, последи взалка. Luke 4:3 И рече Ему диавол: аще Сын еси Божий, рцы каменеви сему, да будет хлеб. Luke 4:4 И отвеща Иисус к нему, глаголя: писано есть, яко не о хлебе единем жив будет человек, но о всяцем глаголголе Божии. Luke 4:5 И возвед Его диавол на гору высоку, показа Ему вся царствия вселенныя в часе временне, Luke 4:6 и рече Ему диавол: Тебе дам власть сию всю и славу их: яко мне предана есть, и, емуже аще хощу, дам ю: Luke 4:7 Ты убо аще поклонишися предо мною, будут Тебе вся. Luke 4:8 И отвещав рече ему Иисус: иди за Мною, сатано: писано есть: поклонишися Господу Богу твоему, и Тому единому послужиши. Luke 4:9 И веде Его во Иерусалим, и постави Его на криле церковнем, и рече Ему: аще Сын еси Божий, верзися отсюду долу: Luke 4:10 писано бо есть, яко Ангелом Своим заповесть о Тебе сохранити Тя: Luke 4:11 и на руках возмут Тя, да не когда преткнеши о камень ногу Твою. Luke 4:12 И отвещав рече ему Иисус, яко речено есть: не искусиши Господа Бога твоего. Luke 4:13 И скончав все искушение диавол, отиде от Него до времене. Luke 4:14 И возвратися Иисус в силе духовней в Галилею: и весть изыде по всей стране о Нем. Luke 4:15 И той учаше на сонмищих их, славимь всеми. Luke 4:16 И прииде в Назарет, идеже бе воспитан. И вниде, по обычаю Своему, в день субботный в сонмище, и воста чести. Luke 4:17 И даша Ему книгу Исаии пророка: и разгнув книгу, обрете место, идеже бе написано: Luke 4:18 Дух Господень на Мне: Егоже ради помаза Мя благовестити нищым, посла Мя изцелити сокрушенныя сердцем, проповедати плененным отпущение и слепым прозрение, отпустити сокрушенныя во отраду, Luke 4:19 проповедати лето Господне приятно. Luke 4:20 И согнув книгу, отдав слузе, седе: и всем в сонмищи очи беху зряще Нань. Luke 4:21 И начат глаголати к ним, яко днесь сбыстся писание сие во ушию вашею. Luke 4:22 И вси свидетелствоваху Ему, и дивляхуся о словесех благодати, исходящих из уст Его, и глаголаху: не Сей ли есть сын Иосифов? Luke 4:23 И рече к ним: всяко речете Ми притчу сию: врачу, изцелися Сам: елика слышахом бывшая в Капернауме, сотвори и зде во отечествии Своем. Luke 4:24 Рече же: аминь глаголю вам, яко ни который пророк приятен есть во отечествии своем: Luke 4:25 поистинне же глаголю вам: многи вдовицы беша во дни Илиины во Израили, егда заключися небо три лета и месяц шесть, яко бысть глад велик по всей земли: Luke 4:26 и ни ко единей их послан бысть Илиа, токмо в Сарепту Сидонскую к жене вдовице: Luke 4:27 и мнози прокажени беху при Елиссеи пророце во Израили: и ни един же от них очистися, токмо Нееман Сирианин. Luke 4:28 И исполнишася вси ярости в сонмищи, слышавшии сия: Luke 4:29 и воставше изгнаша Его вон из града, и ведоша Его до верху горы, на нейже град их создан бяше, да быша Его низринули: Luke 4:30 Он же прошед посреде их, идяше. Luke 4:31 И сниде в Капернаум град Галилейский: и бе учя их в субботы. Luke 4:32 И ужасахуся о учении Его: яко со властию бе слово Его. Luke 4:33 И в сонмищи бе человек имый духа беса нечиста, и возопи гласом велиим, Luke 4:34 глаголя: остави, что нам и Тебе, Иисусе Назарянине? Пришел еси погубити нас: вем Тя, кто еси, Святый Божий. Luke 4:35 И запрети ему Иисус, глаголя: премолчи и изыди из него. И поверг его бес посреде, изыде из него, никакоже вредив его. Luke 4:36 И бысть ужас на всех, и стязахуся друг ко другу, глаголюще: что слово сие, яко властию и силою велит нечистым духовом, и исходят? Luke 4:37 И исхождаше глас о Нем во всяко место страны. Luke 4:38 Востав же из сонмища, вниде в дом Симонов: теща же Симонова бе одержима огнем велиим: и молиша Его о ней. Luke 4:39 И став над нею, запрети огню, и остави ю. Абие же воставши служаше им. Luke 4:40 Заходящу же солнцу, вси, елицы имеяху болящыя недуги различными, привождаху их к Нему: Он же на единаго коегождо их руце возложь, изцеляше их. Luke 4:41 Исхождаху же и беси от многих, вопиюще и глаголюще, яко Ты еси Христос Сын Божий. И запрещая не даяше им глаголати, яко ведяху Христа Самаго суща. Luke 4:42 Бывшу же дню, изшед иде в пусто место: и народи искаху Его, и приидоша к Нему, и удержаваху Его, дабы не отшел от них. Luke 4:43 Он же рече к ним, яко и другим градовом благовестити Ми подобает Царствие Божие: яко на се послан есмь. Luke 4:44 И бе проповедая на сонмищих галилейских. Luke 5:0 Luke 5:1 Бысть же належащу Ему народу, да быша слышали слово Божие, и Той бе стоя при езере Геннисаретсте: Luke 5:2 и виде два корабля стояща при езере: рыбарие же отшедше от нею, измываху мрежи. Luke 5:3 Влез же в един от кораблю, иже бе Симонов, моли его от земли отступити мало: и сед учаше из корабля народы. Luke 5:4 Якоже преста глаголя, рече к Симону: поступи во глубину, и вверзите мрежи вашя в ловитву. Luke 5:5 И отвещав Симон рече Ему: Наставниче, об нощь всю труждшеся, ничесоже яхом: по глаголголу же Твоему ввергу мрежу. Luke 5:6 И се сотворше, яша множество рыб много: протерзашеся же мрежа их. Luke 5:7 И помануша причастником, иже беху во друзем корабли, да пришедше помогут им: и приидоша, и исполниша оба корабля, яко погружатися има. Luke 5:8 Видев же Симон Петр, припаде к коленома Иисусовома, глаголя: изыди от мене, яко муж грешен есмь, Господи. Luke 5:9 Ужас бо одержаше его и вся сущыя с ним, о ловитве рыб, яже яша: Luke 5:10 такожде же Иакова и Иоанна сына Зеведеова, яже беста обещника Симонови. И рече к Симону Иисус: не бойся: отселе будеши человеки ловя. Luke 5:11 И извлекше (оба) корабля на землю, оставльше вся, вслед Его идоша. Luke 5:12 И бысть егда бе Иисус во единем от градов, и се, муж исполнь прокажения: и видев Иисуса, пад ниц, моляся Ему, глаголя: Господи, аще хощеши, можеши мя очистити. Luke 5:13 И простер руку, коснуся его, рек: хощу, очистися. И абие проказа отиде от него. Luke 5:14 И Той заповеда ему ни комуже поведати: но шед покажися иереови, и принеси о очищении твоем, якоже повеле Моисей, во свидетелство им. Luke 5:15 Прохождаше же паче слово о Нем: и схождахуся народи мнози слышати и целитися от Него от недуг своих. Luke 5:16 Той же бе отходя в пустыню и моляся. Luke 5:17 И бысть во един от дний, и Той бе учя: и беху седяще фарисее и законоучителие, иже беху пришли от всякия веси Галилейския и Иудейския и Иерусалимския: и сила Господня бе изцеляющи их: Luke 5:18 и се, мужие носяще на одре человека, иже бе разслаблен, и искаху внести его и положити пред Ним: Luke 5:19 и не обретше куде внести его народа ради, взлезше на храм, сквозе скуделы низвесиша его со одром на среду пред Иисуса. Luke 5:20 И видев веру их, рече ему: человече, оставляюттися греси твои. Luke 5:21 И начаша помышляти книжницы и фарисее, глаголюще: кто есть сей, иже глаголет хулы? Кто может оставляти грехи, токмо един Бог? Luke 5:22 Разумев же Иисус помышления их, отвещав рече к ним: что помышляете в сердцах ваших? Luke 5:23 Что есть удобее рещи: оставляюттися греси твои? Или рещи: востани и ходи? Luke 5:24 Но да увесте, яко власть имать Сын Человеческий на земли отпущати грехи, рече разслабленному: тебе глаголю: востани, и возми одр твой, и иди в дом твой. Luke 5:25 И абие востав пред ними, взем, на немже лежаше, иде в дом свой, славя Бога. Luke 5:26 И ужас прият всех, и славляху Бога: и исполнишася страха, глаголюще, яко видехом преславная днесь. Luke 5:27 И посем изыде, и узре мытаря именем Левию, седяща на мытнице, и рече ему: иди по Мне. Luke 5:28 И оставль вся, востав вслед Его иде. Luke 5:29 И сотвори учреждение велие Левий Ему в дому своем: и бе народ мытарей мног, и инех, иже бяху с ним возлежаще. Luke 5:30 И роптаху книжницы на Него и фарисее, ко учеником Его глаголюще: почто с мытари и грешники ясте и пиете? Luke 5:31 И отвещав Иисус рече к ним: не требуют здравии врача, но болящии: Luke 5:32 не приидох призвати праведных, но грешныя в покаяние. Luke 5:33 Они же реша к Нему: почто ученицы Иоанновы постятся часто и молитвы творят, такожде и фарисейстии, а Твои ядят и пиют? Luke 5:34 Он же рече к ним: еда можете сыны брачныя, дондеже жених с ними есть, сотворити поститися? Luke 5:35 Приидут же дние, егда отят будет от них жених, и тогда постятся в тыя дни. Luke 5:36 Глаголаше же и притчу к ним, яко никтоже приставления ризы новы приставляет на ризу ветху: аще ли же ни, и новую раздерет, и ветсей не согласует еже от новаго. Luke 5:37 И никтоже вливает вина нова в мехи ветхи: аще ли же ни, расторгнет новое вино мехи, и само излиется, и меси погибнут: Luke 5:38 но вино новое в мехи новы вливати: и обоя соблюдутся. Luke 5:39 И никтоже пив ветхое, абие хощет новаго: глаголет бо: ветхое лучше есть. Luke 6:0 Luke 6:1 Бысть же в субботу второпервую ити Ему сквозе сеяния: и восторгаху ученицы Его класы, и ядяху, стирающе руками. Luke 6:2 Нецыи же от фарисей реша им: что творите, егоже не достоит творити в субботы? Luke 6:3 И отвещав Иисус рече к ним: ни ли сего чли есте, еже сотвори Давид, егда взалкася сам и иже с ним бяху? Luke 6:4 Како вниде в дом Божий, и хлебы предложения взем, и яде, и даде и сущым с ним, ихже не достояше ясти, токмо единем иереем? Luke 6:5 И глаголаше им, яко господь есть Сын Человеческий и субботе. Luke 6:6 Бысть же и в другую субботу внити Ему в сонмище и учити: и бе тамо человек, и рука ему десная бе суха. Luke 6:7 Назираху же книжницы и фарисее, аще в субботу изцелит, да обрящут речь Нань. Luke 6:8 Он же ведяше помышления их и рече человеку имущему суху руку: востани и стани посреде. Он же востав ста. Luke 6:9 Рече же Иисус к ним: вопрошу вы: что достоит в субботы, добро творити, или зло творити? Душу спасти, или погубити? Они же умолчаша. Luke 6:10 И воззрев на всех их, рече ему: простри руку твою. Он же сотвори тако: и утвердися рука его здрава яко другая. Luke 6:11 Они же исполнишася безумия и глаголаху друг ко другу, что быша сотворили Иисусови. Luke 6:12 Бысть же во дни тыя, изыде в гору помолитися: и бе об нощь в молитве Божии. Luke 6:13 И егда бысть день, призва ученики Своя: и избра от них дванадесяте, ихже и Апостолы нарече: Luke 6:14 Симона, егоже именова Петра, и Андреа брата его, Иакова и Иоанна, Филиппа и Варфоломеа, Luke 6:15 Матфеа и Фому, Иакова Алфеева и Симона нарицаемаго Зилота, Luke 6:16 Иуду Иаковля, и Иуду Искариотскаго, иже и бысть предатель. Luke 6:17 Изшед с ними, ста на месте равне: и народ ученик Его, и множество много людий от всея Иудеи и Иерусалима, и помория Тирска и Сидонска, Luke 6:18 иже приидоша послушати Его и изцелитися от недуг своих, и страждущии от дух нечистых: и изцеляхуся. Luke 6:19 И весь народ искаше прикасатися Ему: яко сила от Него исхождаше и изцеляше вся. Luke 6:20 И Той возвед очи Свои на ученики Своя, глаголаше: блажени нищии духом: яко ваше есть Царствие Божие. Luke 6:21 Блажени, алчущии ныне: яко насытитеся. Блажени, плачущии ныне: яко возсмеетеся. Luke 6:22 Блажени будете, егда возненавидят вас человецы, и егда разлучат вы и поносят, и пронесут имя ваше яко зло, Сына Человеческаго ради. Luke 6:23 Возрадуйтеся в той день и взыграйте: се бо, мзда ваша многа на небеси. По сим бо творяху пророком отцы их. Luke 6:24 Обаче горе вам богатым: яко отстоите утешения вашего. Luke 6:25 Горе вам, насыщеннии ныне: яко взалчете. Горе вам смеющымся ныне: яко возрыдаете и восплачете. Luke 6:26 Горе, егда добре рекут вам вси человецы. По сим бо творяху лжепророком отцы их. Luke 6:27 Но вам глаголю слышащым: любите враги вашя, добро творите ненавидящым вас, Luke 6:28 благословите кленущыя вы, и молитеся за творящих вам обиду. Luke 6:29 Биющему тя в ланиту, подаждь и другую: и от взимающаго ти ризу, и срачицу не возбрани. Luke 6:30 Всякому же просящему у тебе дай: и от взимающаго твоя не истязуй. Luke 6:31 И якоже хощете да творят вам человецы, и вы творите им такожде. Luke 6:32 И аще любите любящыя вы, кая вам благодать есть? Ибо и грешницы любящыя их любят. Luke 6:33 И аще благотворите благотворящым вам, кая вам благодать есть? Ибо и грешницы тожде творят. Luke 6:34 И аще взаим даете, от нихже чаете восприяти, кая вам благодать есть, ибо и грешницы грешником взаим давают, да восприимут равная. Luke 6:35 Обаче любите враги вашя, и благотворите, и взаим дайте, ничесоже чающе: и будет мзда ваша многа, и будете сынове Вышняго: яко Той благ есть на безблагодатныя и злыя. Luke 6:36 Будите убо милосерди, якоже и Отец ваш милосерд есть. Luke 6:37 И не судите, и не судят вам: (и) не осуждайте, да не осуждени будете: отпущайте, и отпустят вам: Luke 6:38 дайте, и дастся вам: меру добру, наткану и потрясну и преливающуся дадят на лоно ваше: тою бо мерою, еюже мерите, возмерится вам. Luke 6:39 Рече же притчу им: еда может слепец слепца водити? Не оба ли в яму впадетася? Luke 6:40 Несть ученик над учителя своего: совершен же всяк будет, якоже и учитель его. Luke 6:41 Что же видиши сучец, иже есть во очеси брата твоего, бервна же, еже есть во очеси твоем, не чуеши? Luke 6:42 Или како можеши рещи брату твоему: брате, остави, да изму сучец, иже есть во очеси твоем, сам сущаго во очеси твоем бервна не видя? Лицемере, изми первее бервно из очесе твоего, и тогда прозриши изяти сучец из очесе брата твоего. Luke 6:43 Несть бо древо добро, творя плода зла: ниже древо зло, творя плода добра. Luke 6:44 Всяко бо древо от плода своего познается: не от терния бо чешут смоквы, ни от купины емлют гроздия. Luke 6:45 Благий человек от благаго сокровища сердца своего износит благое: и злый человек от злаго сокровища сердца своего износит злое: от избытка бо сердца глаголют уста его. Luke 6:46 Что же Мя зовете: Господи, Господи, и не творите, яже глаголю? Luke 6:47 Всяк грядый ко Мне и слышай словеса Моя и творя я, скажу вам, кому есть подобен: Luke 6:48 подобен есть человеку зиждущу храмину, иже ископа и углуби, и положи основание на камени: наводнению же бывшу, припаде река ко храмине той, и не може поколебати ея: основана бо бе на камени. Luke 6:49 Слышавый же и не сотворивый подобен есть человеку создавшему храмину на земли без основания: к нейже припаде река, и абие падеся, и бысть разрушение храмины тоя велие. Luke 7:0 Luke 7:1 Егда же сконча вся глаголголы Своя в слухи людем, вниде в Капернаум. Luke 7:2 Сотнику же некоему раб боля зле, хотяше умрети, иже бе ему честен. Luke 7:3 Слышав же о Иисусе, посла к Нему старцы Иудейския, моля Его, яко да пришед спасет раба его. Luke 7:4 Они же пришедше ко Иисусови, моляху Его тощно, глаголюще, яко достоин есть, емуже даси сие: Luke 7:5 любит бо язык наш, и сонмище той созда нам. Luke 7:6 Иисус же идяше с ними. И уже Ему не далече сущу от храмины, посла к Нему сотник други, глаголя Ему: Господи, не движися: несмь бо достоин, да под кров мой внидеши: Luke 7:7 темже ни себе достойна сотворих приити к Тебе: но рцы слово, и изцелеет отрок мой: Luke 7:8 ибо и аз человек есмь под владыкою учинен, имея под собою воины: и глаголю сему: иди, и идет: и другому: прииди, и приидет: и рабу моему: сотвори сие, и сотворит. Luke 7:9 Слышав же сия Иисус, чудися ему, и обращься идущему по Нем народу рече: глаголю вам, ни во Израили толики веры обретох. Luke 7:10 И возвращшеся посланнии обретоша болящаго раба изцелевша. Luke 7:11 И бысть посем, идяше во град, нарицаемый Наин: и с Ним идяху ученицы Его мнози и народ мног. Luke 7:12 Якоже приближися ко вратом града, и се изношаху умерша, сына единородна матери своей, и та бе вдова: и народ от града мног с нею. Luke 7:13 И видев ю Господь, милосердова о ней, и рече ей: не плачи. Luke 7:14 И приступль коснуся во одр: носящии же сташа: и рече: юноше, тебе глаголю, востани. Luke 7:15 И седе мертвый, и начат глаголати: и даде его матери его. Luke 7:16 Прият же страх всех, и славляху Бога, глаголюще: яко пророк велий воста в нас, и яко посети Бог людий Своих. Luke 7:17 И изыде слово сие по всей Иудеи о Нем, и по всей стране. Luke 7:18 И возвестиша Иоанну ученицы его о всех сих. Luke 7:19 И призвав два некая от ученик своих Иоанн, посла ко Иисусу, глаголя: Ты ли еси Грядый, или иного чаем? Luke 7:20 Пришедша же к Нему мужа, реста: Иоанн Креститель посла нас к Тебе, глаголя: Ты ли еси Грядый, или иного чаем, Luke 7:21 в Той же час изцели многи от недуг и ран и дух злых и многим слепым дарова прозрение. Luke 7:22 И отвещав Иисус рече има: шедша возвестита Иоанну, яже видеста и слышаста: яко слепии прозирают, хромии ходят, прокаженнии очищаются, глусии слышат, мертвии востают, нищии благовествуют: Luke 7:23 и блажен есть, иже аще не соблазнится о Мне. Luke 7:24 Отшедшема же ученикома Иоанновома, начат глаголати к народом о Иоанне: чесо изыдосте в пустыню видети, трость ли ветром колеблему? Luke 7:25 Но чесо изыдосте видети? Человека ли в мягки ризы одеяна? Се, иже во одежди славней и пищи сущии, во царствии суть. Luke 7:26 Но чесо изыдосте видети? Пророка ли? Ей, глаголю вам, и лишше пророка. Luke 7:27 Сей (бо) есть, о немже писано есть: се, Аз послю Ангела Моего пред лицем Твоим, иже устроит путь Твой пред Тобою. Luke 7:28 Глаголю бо вам: болий в рожденных женами пророка Иоанна Крестителя никтоже есть: мний же во Царствии Божии болий его есть. Luke 7:29 И вси людие слышавше и мытарие оправдиша Бога, крещшеся крещением Иоанновым: Luke 7:30 фарисее же и законницы совет Божий отвергоша о себе, не крещшеся от него. Luke 7:31 Рече же Господь: кому убо уподоблю человеки рода сего, и кому суть подобни? Luke 7:32 Подобни суть отрочищем седящым на торжищих, и приглашающым друг друга, и глаголющым: пискахом вам, и не плясасте: рыдахом вам, и не плакасте. Luke 7:33 Прииде бо Иоанн Креститель ни хлеба ядый, ни вина пия, и глаголете: беса имать. Luke 7:34 Прииде Сын Человеческий ядый и пия, и глаголете: сей человек ядца и винопийца, друг мытарем и грешником. Luke 7:35 И оправдися премудрость от чад своих всех. Luke 7:36 Моляше же Его некий от фарисей, дабы ял с ним: и вшед в дом фарисеов, возлеже. Luke 7:37 И се, жена во граде, яже бе грешница, и уведевши, яко возлежит во храмине фарисеове, принесши алавастр мира, Luke 7:38 и ставши при ногу Его созади, плачущися, начат умывати нозе Его слезами, и власы главы своея отираше, и облобызаше нозе Его, и мазаше миром. Luke 7:39 Видев же фарисей воззвавый Его, рече в себе, глаголя: Сей аще бы был пророк, ведел бы, кто и какова жена прикасается Ему: яко грешница есть. Luke 7:40 И отвещав Иисус рече к нему: Симоне, имам ти нечто рещи. Он же рече: Учителю, рцы. Luke 7:41 Иисус же рече: два должника беста заимодавцу некоему: един бе должен пятиюсот динарий, другий же пятиюдесят: Luke 7:42 не имущема же има воздати, обема отда. Который убо ею, рцы, паче возлюбит его? Luke 7:43 Отвещав же Симон рече: мню, яко емуже вящше отда. Он же рече ему: право судил еси. Luke 7:44 И обращься к жене, Симонови рече: видиши ли сию жену? Внидох в дом твой, воды на нозе Мои не дал еси: сия же слезами облия Ми нозе и власы главы своея отре. Luke 7:45 Лобзания Ми не дал еси: сия же, отнелиже внидох, не преста облобызающи Ми нозе. Luke 7:46 Маслом главы Моея не помазал еси: сия же миром помаза Ми нозе. Luke 7:47 Егоже ради, глаголю ти, отпущаются греси ея мнози, яко возлюби много: а емуже мало оставляется, менше любит. Luke 7:48 Рече же ей: отпущаются тебе греси. Luke 7:49 И начаша возлежащии с Ним глаголати в себе: кто Сей есть, иже и грехи отпущает? Luke 7:50 Рече же к жене: вера твоя спасе тя: иди в мире. Luke 8:0 Luke 8:1 И бысть посем, и Той прохождаше сквозе грады и веси, проповедуя и благовествуя Царствие Божие: и обанадесяте с Ним, Luke 8:2 и жены некия, яже бяху изцелены от духов злых и недуг: Мариа нарицаемая Магдалина, из неяже бесов седмь изыде, Luke 8:3 и Иоанна жена Хузаня, приставника Иродова, и Сусанна, и ины многи, яже служаху Ему от имений своих. Luke 8:4 Разумевающу же народу многу, и от всех градов грядущым к Нему, рече притчу: Luke 8:5 изыде сеяй сеяти семене своего: и егда сеяше, ово паде при пути, и попрано бысть, и птицы небесныя позобаша е: Luke 8:6 а другое паде на камени, и прозяб усше, зане не имеяше влаги: Luke 8:7 и другое паде посреде терния, и возрасте терние, и подави е: Luke 8:8 другое же паде на земли блазе, и прозяб сотвори плод сторицею. Сия глаголя, возгласи: имеяй ушы слышати, да слышит. Luke 8:9 Вопрошаху же Его ученицы Его, глаголюще: что есть притча сия? Luke 8:10 Он же рече: вам есть дано ведати тайны Царствия Божия, прочым же в притчах, да видяще не видят и слышаще не разумеют. Luke 8:11 Есть же сия притча: семя есть слово Божие: Luke 8:12 а иже при пути, суть слышащии, потом (же) приходит диавол и вземлет слово от сердца их, да не веровавше спасутся: Luke 8:13 а иже на камени, иже егда услышат, с радостию приемлют слово: и сии корене не имут, иже во время веруют, и во время напасти отпадают: Luke 8:14 а еже в тернии падшее, сии суть слышавшии, и от печали и богатства и сластьми житейскими ходяще подавляются, и не совершают плода: Luke 8:15 а иже на добрей земли, сии суть, иже добрым сердцем и благим слышавше слово, держат и плод творят в терпении. Сия глаголя, возгласи: имеяй ушы слышати, да слышит. Luke 8:16 Никтоже (убо) светилника вжег, покрывает его сосудом, или под одр подлагает: но на свещник возлагает, да входящии видят свет. Luke 8:17 Несть бо тайно, еже не явлено будет: ниже утаено, еже не познается и в явление приидет. Luke 8:18 Блюдитеся убо, како слышите: иже бо имать, дастся ему: и иже аще не имать, и еже мнится имея, возмется от него. Luke 8:19 Приидоша же к Нему Мати и братия Его, и не можаху беседовати к Нему народа ради. Luke 8:20 И возвестиша Ему, глаголюще: Мати Твоя и братия Твоя вне стоят, видети Тя хотяще. Luke 8:21 Он же отвещав рече к ним: мати Моя и братия Моя сии суть, слышащии слово Божие, и творящии е. Luke 8:22 И бысть во един от дний, Той влезе в корабль и ученицы Его: и рече к ним: прейдем на он пол езера. И поидоша. Luke 8:23 Идущым же им, успе. И сниде буря ветреная в езеро, и скончавахуся и в беде беху. Luke 8:24 И приступльше воздвигоша Его, глаголюще: Наставниче, Наставниче, погибаем. Он же востав запрети ветру и волнению водному: и улегоста, и бысть тишина. Luke 8:25 Рече же им: где есть вера ваша? Убоявшеся же чудишася, глаголюще друг ко другу: кто убо Сей есть, яко и ветром повелевает и воде, и послушают Его? Luke 8:26 И преидоша во страну Гадаринску, яже есть об он пол Галилеи. Luke 8:27 Изшедшу же Ему на землю, срете Его муж некий от града, иже имяше бесы от лет многих, и в ризу не облачашеся, и во храме не живяше, но во гробех. Luke 8:28 Узрев же Иисуса и возопив, припаде к Нему, и гласом велиим рече: что мне и Тебе, Иисусе Сыне Бога Вышняго? Молюся Ти, не мучи мене. Luke 8:29 Повеле бо духови нечистому изыти от человека: от многих бо лет восхищаше его: и вязаху его узы (железны) и путы, стрегуще его: и растерзая узы, гонимь бываше бесом сквозе пустыни. Luke 8:30 Вопроси же его Иисус, глаголя: что ти есть имя? Он же рече: легеон: яко беси мнози внидоша в онь. Luke 8:31 И моляху Его, да не повелит им в бездну ити. Luke 8:32 Бе же ту стадо свиний много пасомо в горе: и моляху Его, да повелит им в ты внити. И повеле им. Luke 8:33 Изшедше же беси от человека, внидоша во свиния: и устремися стадо по брегу в езеро, и истопе. Luke 8:34 Видевше же пасущии бывшее, бежаша, и возвестиша во граде и в селех. Luke 8:35 Изыдоша же видети бывшее: и приидоша ко Иисусови и обретоша человека седяща, из негоже беси изыдоша, оболчена и смысляща, при ногу Иисусову: и убояшася. Luke 8:36 Возвестиша же им видевшии, како спасеся бесновавыйся. Luke 8:37 И моли Его весь народ страны Гадаринския отити от них, яко страхом велиим одержими беху. Он же влез в корабль, возвратися. Luke 8:38 Моляшеся же Ему муж, из негоже изыдоша беси, дабы с Ним был. Отпусти же его Иисус, глаголя: Luke 8:39 возвратися в дом твой и поведай, елика ти сотвори Бог. И иде, по всему граду проповедая, елика сотвори ему Иисус. Luke 8:40 Бысть же егда возвратися Иисус, прият Его народ: беху бо вси чающе Его. Luke 8:41 И се, прииде муж, емуже имя Иаир, и той князь сонмищу бе: и пад при ногу Иисусову, моляше Его внити в дом свой: Luke 8:42 яко дщи единородна бе ему, яко лет двоюнадесяте, и та умираше. Егда же идяше, народи угнетаху Его. Luke 8:43 И жена сущи в точении крове от двоюнадесяте лету, яже врачем издавши все имение, (и) не возможе ни от единаго изцелети: Luke 8:44 (и) приступльши созади, коснуся края риз Его: и абие ста ток крове ея. Luke 8:45 И рече Иисус: кто есть коснувыйся Мне? Отметающымся же всем, рече Петр и иже с Ним: Наставниче, народи одержат Тя и гнетут, и глаголеши: кто есть коснувыйся Мне? Luke 8:46 Иисус же рече: прикоснуся Мне некто: Аз бо чух силу изшедшую из Мене. Luke 8:47 Видевши же жена, яко не утаися, трепещущи прииде, и падши пред Ним, еяже ради вины прикоснуся Ему, поведа Ему пред всеми людьми, и яко изцеле абие. Luke 8:48 Он же рече ей: дерзай дщи, вера твоя спасе тя: иди в мире. Luke 8:49 Еще Ему глаголющу, прииде некий от архисинагога, глаголя ему, яко умре дщи твоя: не движи Учителя. Luke 8:50 Иисус же слышав отвеща ему, глаголя: не бойся, токмо веруй, и спасена будет. Luke 8:51 Пришед же в дом, не остави ни единаго внити, токмо Петра и Иоанна и Иакова, и отца отроковицы, и матере. Luke 8:52 Плакахуся же вси и рыдаху ея. Он же рече: не плачитеся: не умре (бо), но спит. Luke 8:53 И ругахуся Ему, ведяще, яко умре. Luke 8:54 Он же изгнав вон всех, и емь за руку ея, возгласи, глаголя: отроковице, востани. Luke 8:55 И возвратися дух ея, и воскресе абие: и повеле дати ей ясти. Luke 8:56 И дивистася родителя ея. Он же повеле има ни комуже поведати бывшаго. Luke 9:0 Luke 9:1 Созвав же обанадесяте, даде им силу и власть на вся бесы, и недуги целити: Luke 9:2 и посла их проповедати Царствие Божие и изцелити болящыя. Luke 9:3 И рече к ним: ничесоже возмите на путь: ни жезла, ни пиры, ни хлеба, ни сребра, ни по двема ризама имети: Luke 9:4 и в оньже дом внидете, ту пребывайте, и оттуду исходите: Luke 9:5 и елицы аще не приемлют вас, исходяще от града того, и прах от ног ваших оттрясите, во свидетелство на ня. Luke 9:6 Исходяще же прохождаху сквозе веси, благовествующе и изцеляюще всюду. Luke 9:7 Слыша же Ирод четвертовластник бывающая от Него вся и недоумевашеся: зане глаголемо бе от неких, яко Иоанн воста от мертвых: Luke 9:8 от инех же, яко Илиа явися: от других же, яко пророк един от древних воскресе. Luke 9:9 И рече Ирод: Иоанна аз усекнух: кто же есть Сей, о Немже аз слышу таковая? И искаше видети Его. Luke 9:10 И возвращшеся Апостоли поведаша Ему, елика сотвориша: и поимь их, отиде един на место пусто града, нарицаемаго Вифсаида. Luke 9:11 Народи же разумевше, по Нем идоша: и приемь их, глаголаше им о Царствии Божии и требующыя изцеления целяше. Luke 9:12 День же начат прекланятися. Приступльше же обанадесяте рекоша Ему: отпусти народ, да шедше во окрестныя веси и села витают и обрящут брашно: яко зде в пусте месте есмы. Luke 9:13 Рече же к ним: дадите им вы ясти. Они же реша: несть у нас вящше, токмо пять хлеб и рыбе две, аще убо не шедше мы купим во вся люди сия брашна. Luke 9:14 Беху бо мужей яко пять тысящ. Рече же ко учеником Своим: посадите их на купы по пятидесят. Luke 9:15 И сотвориша тако, и посадиша их вся. Luke 9:16 Приим же пять хлеб и обе рыбе, воззрев на небо, благослови их, и преломи, и даяше учеником, предложити народу. Luke 9:17 И ядоша, и насытишася вси: и взяша избывшыя им укрухи кошя дванадесяте. Luke 9:18 И бысть егда моляшеся един, с Ним беху ученицы: и вопроси их, глаголя: кого Мя глаголют народи быти? Luke 9:19 Они же отвещавше реша: Иоанна Крестителя: инии же Илию: друзии же, яко пророк некий от древних воскресе. Luke 9:20 Рече же им: вы же кого Мя глаголете быти? Отвещав же Петр рече: Христа Божия. Luke 9:21 Он же запрещь им, повеле ни комуже глаголати сего, Luke 9:22 рек, яко подобает Сыну Человеческому много пострадати, и искушену быти от старец и архиерей и книжник, и убиену быти, и в третий день востати. Luke 9:23 Глаголаше же ко всем: аще кто хощет по Мне ити, да отвержется себе, и возмет крест свой, и последует Ми. Luke 9:24 Иже бо аще хощет душу свою спасти, погубит ю: а иже погубит душу свою Мене ради, сей спасет ю. Luke 9:25 Что бо пользы имать человек, приобрет мир весь, себе же погубив или отщетив? Luke 9:26 Иже бо аще постыдится Мене и Моих словес, сего Сын Человеческий постыдится, егда приидет во славе Своей и Отчей и святых Ангел. Luke 9:27 Глаголю же вам воистинну: суть нецыи от зде стоящих, иже не имут вкусити смерти, дондеже видят Царствие Божие. Luke 9:28 Бысть же по словесех сих яко дний осмь, и поемь Петра и Иоанна и Иакова, взыде на гору помолитися. Luke 9:29 И бысть егда моляшеся, видение лица Его ино, и одеяние Его бело блистаяся. Luke 9:30 И се, мужа два с Ним глаголюща, яже беста Моисей и Илиа, Luke 9:31 явльшася во славе, глаголаста же исход Его, егоже хотяше скончати во Иерусалиме. Luke 9:32 Петр же и сущии с ним бяху отягчени сном: убуждшеся же видеша славу Его, и оба мужа стояща с Ним. Luke 9:33 И бысть егда разлучистася от Него, рече Петр ко Иисусу: Наставниче, добро есть нам зде быти: и сотворим сени три, едину Тебе, и едину Моисеови, и едину Илии: не ведый, еже глаголаше. Luke 9:34 Се же ему глаголющу, бысть облак, и осени их: убояшася же, вшедше во облак. Luke 9:35 И глас бысть из облака, глаголя: Сей есть Сын Мой Возлюбленный, Того послушайте. Luke 9:36 И егда бысть глас, обретеся Иисус един. И тии умолчаша, и ни комуже возвестиша в тыя дни ничесоже от тех, яже видеша. Luke 9:37 Бысть же в прочий день, сшедшым им с горы, срете Его народ мног. Luke 9:38 И се, муж из народа возопи, глаголя: Учителю, молютися, призри на сына моего, яко единороден ми есть: Luke 9:39 и се дух емлет его, и внезапу вопиет, и пружается с пенами, и едва отходит от него, сокрушая его: Luke 9:40 и молихся учеником Твоим, да ижденут его: и не возмогоша. Luke 9:41 Отвещав же Иисус рече: о, роде неверный и развращенный, доколе буду в вас и терплю вы? Приведи (Ми) сына твоего семо. Luke 9:42 Еще же грядущу ему, поверже его бес и стрясе. Запрети же Иисус духови нечистому, и изцели отрока, и вдаде его отцу его. Luke 9:43 Дивляхуся же вси о величии Божии. Всем же чудящымся о всех, яже творяше Иисус, рече ко учеником Своим: Luke 9:44 вложите вы во ушы ваши словеса сия: Сын бо Человеческий имать предатися в руце человечесте. Luke 9:45 Они же не разумеша глаголгола сего, бе бо прикровен от них, да не ощутят его: и бояхуся вопросити Его о глаголголе сем. Luke 9:46 Вниде же помышление в них, кто их вящший бы был. Luke 9:47 Иисус же ведый помышление сердец их, приемь отроча, постави е у Себе Luke 9:48 и рече им: иже аще приимет сие отроча во имя Мое, Мене приемлет: и иже аще Мене приемлет, приемлет Пославшаго Мя: иже бо менший есть в вас, сей есть велик. Luke 9:49 Отвещав же Иоанн рече: Наставниче, видехом некоего о имени Твоем изгоняща бесы: и возбранихом ему, яко вслед не ходит с нами. Luke 9:50 И рече к нему Иисус: не браните: иже бо несть на вы, по вас есть. Luke 9:51 Бысть же егда скончавахуся дние восхождению Его, и Той утверди лице Свое ити во Иерусалим: Luke 9:52 и посла вестники пред лицем Своим: и изшедше внидоша в весь Самарянску, яко да уготовят Ему: Luke 9:53 и не прияша Его, яко лице Его бе грядущее во Иерусалим. Luke 9:54 Видевша же ученика Его Иаков и Иоанн, реста: Господи, хощеши ли, речема, да огнь снидет с небесе и потребит их, якоже и Илиа сотвори? Luke 9:55 Обращься же запрети има, и рече: не веста, коего духа еста вы: Luke 9:56 Сын бо Человеческий не прииде душ человеческих погубити, но спасти. И идоша во ину весь. Luke 9:57 Бысть же идущым им по пути, рече некий к Нему: иду по Тебе, аможе аще идеши, Господи. Luke 9:58 И рече ему Иисус: лиси язвины имут, и птицы небесныя гнезда: Сын же Человеческий не имать где главу подклонити. Luke 9:59 Рече же ко другому: ходи вслед Мене. Он же рече: Господи, повели ми, да шед прежде погребу отца моего. Luke 9:60 Рече же ему Иисус: остави мертвыя погребсти своя мертвецы: ты же шед возвещай Царствие Божие. Luke 9:61 Рече же и другий: иду по Тебе, Господи: прежде же повели ми отвещатися, иже суть в дому моем. Luke 9:62 Рече же к нему Иисус: никтоже возложь руку свою на рало и зря вспять, управлен есть в Царствии Божии. Luke 10:0 Luke 10:1 По сих же яви Господь и инех седмьдесят, и посла их по двема пред лицем Своим во всяк град и место, аможе хотяше Сам ити: Luke 10:2 глаголаше же к ним: жатва убо многа, делателей же мало: молитеся убо Господину жатве, да изведет делатели на жатву Свою. Luke 10:3 Идите: се Аз посылаю вы яко агнцы посреде волков. Luke 10:4 Не носите влагалища, ни пиры, ни сапог: и ни когоже на пути целуйте. Luke 10:5 В оньже аще дом внидете, первее глаголите: мир дому сему: Luke 10:6 и аще убо будет ту сын мира, почиет на нем мир ваш: аще ли же ни, к вам возвратится: Luke 10:7 в том же дому пребывайте, ядуще и пиюще, яже суть у них: достоин бо есть делатель мзды своея. Не преходите из дому в дом. Luke 10:8 И в оньже аще град входите, и приемлют вы, ядите предлагаемая вам: Luke 10:9 и изцелите недужныя, иже суть в нем, и глаголите им: приближися на вы Царствие Божие. Luke 10:10 И в оньже аще град входите, и не приемлют вас, изшедше на распутия его, рцыте: Luke 10:11 и прах, прилепший нам от града вашего, оттрясаем вам. Обаче сие ведите, яко приближися на вы Царствие Божие: Luke 10:12 глаголю вам, яко Содомляном в день той отраднее будет, неже граду тому. Luke 10:13 Горе тебе, Хоразине, горе тебе, Вифсаидо: яко аще в Тире и Сидоне быша силы были бывшыя в ваю, древле убо во вретищи и пепеле седяще покаялися быша: Luke 10:14 обаче Тиру и Сидону отраднее будет на суде, неже вама. Luke 10:15 И ты, Капернауме, иже до небес вознесыйся, до ада низведешися. Luke 10:16 Слушаяй вас, Мене слушает: и отметаяйся вас, Мене отметается: отметаяйся же Мене, отметается Пославшаго Мя. Luke 10:17 Возвратишася же седмьдесят с радостию, глаголюще: Господи, и беси повинуются нам о имени Твоем. Luke 10:18 Рече же им: видех сатану яко молнию с небесе спадша. Luke 10:19 Се, даю вам власть наступати на змию и на скорпию и на всю силу вражию: и ничесоже вас вредит: Luke 10:20 обаче о сем не радуйтеся, яко дуси вам повинуются: радуйтеся же, яко имена ваша написана суть на небесех. Luke 10:21 В той час возрадовася духом Иисус и рече: исповедаютися, Отче, Господи небесе и земли, яко утаил еси сия от премудрых и разумных, и открыл еси та младенцем: ей, Отче, яко тако бысть благоволение пред Тобою. Luke 10:22 И обращься ко учеником, рече: вся Мне предана быша от Отца Моего: и никтоже весть, кто есть Сын, токмо Отец: и кто есть Отец, токмо Сын, и емуже аще хощет Сын открыти. Luke 10:23 И обращься ко учеником, един рече: блажени очи видящии, яже видите: Luke 10:24 глаголю бо вам, яко мнози пророцы и царие восхотеша видети, яже вы видите, и не видеша: и слышати, яже слышите, и не слышаша. Luke 10:25 И се, законник некий воста, искушая Его и глаголя: Учителю, что сотворив, живот вечный наследую? Luke 10:26 Он же рече к нему: в законе что писано есть? Како чтеши? Luke 10:27 Он же отвещав рече: возлюбиши Господа Бога твоего от всего сердца твоего, и от всея души твоея, и всею крепостию твоею, и всем помышлением твоим: и ближняго своего яко сам себе. Luke 10:28 Рече же ему: право отвещал еси: сие сотвори, и жив будеши. Luke 10:29 Он же хотя оправдитися сам, рече ко Иисусу: и кто есть ближний мой? Luke 10:30 Отвещав же Иисус рече: человек некий схождаше от Иерусалима во Иерихон, и в разбойники впаде, иже совлекше его, и язвы возложше отидоша, оставльше едва жива суща. Luke 10:31 По случаю же священник некий схождаше путем тем, и видев его, мимоиде. Luke 10:32 Такожде же и левит, быв на том месте, пришед и видев, мимоиде. Luke 10:33 Самарянин же некто грядый, прииде над него, и видев его, милосердова: Luke 10:34 и приступль обвяза струпы его, возливая масло и вино: всадив же его на свой скот, приведе его в гостинницу и прилежа ему: Luke 10:35 и наутрия изшед, иземь два сребреника, даде гостиннику и рече ему: прилежи ему: и еже аще прииждивеши, аз егда возвращуся, воздам ти. Luke 10:36 Кто убо от тех триех ближний мниттися быти впадшему в разбойники? Luke 10:37 Он же рече: сотворивый милость с ним. Рече же ему Иисус: иди, и ты твори такожде. Luke 10:38 Бысть же ходящым им, и Сам вниде в весь некую: жена же некая именем Марфа прият Его в дом свой: Luke 10:39 и сестра ей бе нарицаемая Мариа, яже и седши при ногу Иисусову, слышаше слово Его. Luke 10:40 Марфа же молвяше о мнозе службе, ставши же рече: Господи, не брежеши ли, яко сестра моя едину мя остави служити? Рцы убо ей, да ми поможет. Luke 10:41 Отвещав же Иисус рече ей: Марфо, Марфо, печешися и молвиши о мнозе, Luke 10:42 едино же есть на потребу. Мариа же благую часть избра, яже не отимется от нея. Luke 11:0 Luke 11:1 И бысть внегда быти Ему на месте некоем молящуся, (и) яко преста, рече некий от ученик Его к Нему: Господи, научи ны молитися, якоже и Иоанн научи ученики своя. Luke 11:2 Рече же им: егда молитеся, глаголите: Отче наш, иже на небесех, да святится имя Твое: да приидет Царствие Твое: да будет воля Твоя, яко на небеси, и на земли: Luke 11:3 хлеб наш насущный подавай нам на всяк день: Luke 11:4 и остави нам грехи нашя, ибо и сами оставляем всякому должнику нашему: и не введи нас во искушение, но избави нас от лукаваго. Luke 11:5 И рече к ним: кто от вас имать друга, и идет к нему в полунощи, и речет ему: друже, даждь ми взаим три хлебы: Luke 11:6 понеже друг прииде с пути ко мне, и не имам чесо предложити ему. Luke 11:7 И той извнутрь отвещав речет: не твори ми труды: уже двери затворены суть, и дети моя со мною на ложи суть: (и) не могу востав дати тебе. Luke 11:8 Глаголю же вам: аще и не даст ему востав, зане друг ему есть: но за безочьство его, востав даст ему, елика требует. Luke 11:9 И Аз вам глаголю: просите, и дастся вам: ищите, и обрящете: толцыте, и отверзется вам: Luke 11:10 всяк бо просяй приемлет, и ищяй обретает, и толкущему отверзется. Luke 11:11 Котораго же вас отца воспросит сын хлеба, еда камень подаст ему? Или рыбы, еда в рыбы место змию подаст ему? Luke 11:12 Или аще попросит яица, еда подаст ему скорпию? Luke 11:13 Аще убо вы зли суще, умеете даяния блага даяти чадом вашым, кольми паче Отец, иже с небесе, даст Духа Святаго просящым у Него? Luke 11:14 И бе изгоня беса, и той бе нем: бысть же бесу изшедшу, проглагола немый: и дивишася народи. Luke 11:15 Нецыи же от них реша: о веельзевуле князи бесовстем изгонит бесы. Luke 11:16 Друзии же искушающе, знамения от Него искаху с небесе. Luke 11:17 Он же ведый помышления их, рече им: всяко царство само в себе разделяяся, запустеет: и дом на дом, падает. Luke 11:18 Аще же и сатана сам в себе разделися, како станет царство его, якоже глаголете, о веельзевуле изгонящя Мя бесы. Luke 11:19 Аще же Аз о веельзевуле изгоню бесы, сынове ваши о ком изгонят? Сего ради тии будут вам судии. Luke 11:20 Аще ли же о персте Божии изгоню бесы, убо постиже на вас Царствие Божие. Luke 11:21 Егда крепкий вооружився хранит свой двор, во смирении суть имения его: Luke 11:22 егда же креплей его нашед победит его, все оружие его возмет, на неже уповаше, и корысть его раздает. Luke 11:23 Иже несть со Мною, на Мя есть: и иже не собирает со Мною, расточает. Luke 11:24 Егда (же) нечистый дух изыдет от человека, преходит сквозе безводная места, ищя покоя: и не обретая, глаголет: возвращуся в дом мой, отнюдуже изыдох. Luke 11:25 И пришед обрящет и пометен и украшен: Luke 11:26 тогда идет и поймет седмь других духов горших себе, и вшедше живут ту: и бывают последняя человеку тому горша первых. Luke 11:27 Бысть же егда глаголаше сия, воздвигши некая жена глас от народа, рече Ему: блажено чрево носившее Тя, и сосца, яже еси ссал. Luke 11:28 Он же рече: темже убо блажени слышащии слово Божие и хранящии е. Luke 11:29 Народом же собирающымся начат глаголати: род сей лукав есть: знамения ищет, и знамение не дастся ему, токмо знамение Ионы пророка: Luke 11:30 якоже бо бысть Иона знамение Ниневитом, тако будет и Сын Человеческий роду сему. Luke 11:31 Царица южская востанет на суд с мужи рода сего, и осудит их: яко прииде от конец земли слышати премудрость Соломонову: и се множае Соломона зде. Luke 11:32 Мужие Ниневитстии востанут на суд с родом сим и осудят и: яко покаяшася проповедию Иониною: и се, множае Ионы зде. Luke 11:33 Никтоже (убо) светилника вжег, в скрове полагает, ни под спудом, но на свещнице, да входящии свет видят. Luke 11:34 Светилник телу есть око: егда убо око твое просто будет, все тело твое светло будет: егда же лукаво будет, и тело твое темно: Luke 11:35 блюди убо, еда свет, иже в тебе, тма есть. Luke 11:36 Аще бо тело твое все светло, не имый некия части темны, будет светло все, якоже егда светилник блистанием прсвещает тя. Luke 11:37 Егда же глаголаше, моляше Его фарисей некий, да обедует у него: вшед же возлеже. Luke 11:38 Фарисей же видев дивися, яко не прежде крестися прежде обеда. Luke 11:39 Рече же Господь к нему: ныне вы, фарисее, внешняя сткляницы и блюда очищаете, внутреннее же ваше полно грабления есть и лукавства. Luke 11:40 Безумнии, не Иже ли сотвори внешнее, и внутреннее сотворил есть? Luke 11:41 Обаче от сущих дадите милостыню: и се, вся чиста вам будут. Luke 11:42 Но горе вам фарисеом, яко одесятствуете от мятвы и пигана и всякаго зелия, и мимоходите суд и любовь Божию: сия подобаше сотворити, и онех не оставляти. Luke 11:43 Горе вам фарисеом, яко любите председания на сонмищих и целования на торжищих. Luke 11:44 Горе вам, книжницы и фарисее, лицемери, яко есте яко гроби неведоми, и человецы ходящии верху не ведят. Luke 11:45 Отвещав же некий от законник рече Ему: Учителю, сия глаголя и нам досаждаеши. Luke 11:46 Он же рече: и вам законником горе, яко накладаете на человеки бремена не удобь носима, и сами единем перстом вашим не прикасаетеся бременем. Luke 11:47 Горе вам, яко зиждете гробы пророк, отцы же ваши избиша их: Luke 11:48 убо свидетелствуете и соблаговолите делом отец ваших: яко тии убо избиша их, вы же зиждете их гробы. Luke 11:49 Сего ради и премудрость Божия рече: послю в них пророки и Апостолы, и от них убиют и изженут: Luke 11:50 да взыщется кровь всех пророк, проливаемая от сложения мира, от рода сего, Luke 11:51 от крове Авеля даже до крове Захарии, погибшаго между олтарем и храмом: ей, глаголю вам, взыщется от рода сего. Luke 11:52 Горе вам законником, яко взясте ключь разумения: сами не внидосте, и входящым возбранисте. Luke 11:53 Глаголющу же Ему сия к ним, начаша книжницы и фарисее бедне гневатися Нань и престати Его о мнозе, Luke 11:54 лающе Его, ищуще уловити нечто от уст Его, да Нань возглаголют. Luke 12:0 Luke 12:1 О нихже собравшымся тмам народа, яко попирати друг друга, начат глаголати учеником Своим первее: внемлите себе от кваса фарисейска, еже есть лицемерие. Luke 12:2 Ничтоже бо покровено есть, еже не открыется, и тайно, еже не уразумеется: Luke 12:3 зане, елика во тме ресте, во свете услышатся: и еже ко уху глаголасте во храмех, проповестся на кровех. Luke 12:4 Глаголю же вам другом Своим: не убойтеся от убивающих тело и потом не могущих лишше что сотворити: Luke 12:5 сказую же вам, кого убойтеся: убойтеся имущаго власть по убиении воврещи в дебрь огненную: ей, глаголю вам, того убойтеся. Luke 12:6 Не пять ли птиц ценится пенязема двема? И ни едина от них несть забвена пред Богом. Luke 12:7 Но и власи главы вашея вси изочтени суть. Не убойтеся убо: мнозех птиц унши есте вы. Luke 12:8 Глаголю же вам: всяк, иже аще исповесть Мя пред человеки, и Сын Человеческий исповесть его пред Ангелы Божиими: Luke 12:9 а отвергийся Мене пред человеки отвержен будет пред Ангелы Божиими. Luke 12:10 И всяк иже речет слово на Сына Человеческаго, оставится ему: а на Святаго Духа хулившему не оставится. Luke 12:11 Егда же приведут вы на соборища и власти и владычества, не пецытеся, како или что отвещаете, или что речете: Luke 12:12 Святый бо Дух научит вы в той час, яже подобает рещи. Luke 12:13 Рече же Ему некий от народа: Учителю, рцы брату моему разделити со мною достояние. Luke 12:14 Он же рече ему: человече, кто Мя постави судию или делителя над вами? Luke 12:15 Рече же к ним: блюдите и хранитеся от лихоимства: яко не от избытка кому живот его есть от имения его. Luke 12:16 Рече же притчу к ним, глаголя: человеку некоему богату угобзися нива: Luke 12:17 и мысляше в себе, глаголя: что сотворю, яко не имам где собрати плодов моих? Luke 12:18 И рече: се сотворю: разорю житницы моя, и болшыя созижду, и соберу ту вся жита моя и благая моя: Luke 12:19 и реку души моей: душе, имаши многа блага, лежаща на лета многа: почивай, яждь, пий, веселися. Luke 12:20 Рече же ему Бог: безумне, в сию нощь душу твою истяжут от тебе: а яже уготовал еси, кому будут? Luke 12:21 Тако собираяй себе, а не в Бога богатея. Luke 12:22 Рече же ко учеником Своим: сего ради глаголю вам: не пецытеся душею вашею, что ясте: ни телом, во что облечетеся: Luke 12:23 душа болши есть пищи, и тело одежды. Luke 12:24 Смотрите вран, яко не сеют, ни жнут: имже несть сокровища, ни житницы, и Бог питает их: кольми паче вы есте лучши птиц? Luke 12:25 Кто же от вас пекийся может приложити возрасту своему лакоть един? Luke 12:26 Аще убо ни мала чесо можете, что о прочих печетеся? Luke 12:27 Смотрите крины, како растут: не труждаются, ни прядут: глаголю же вам, яко ни Соломон во всей славе своей облечеся, яко един от сих. Luke 12:28 Аще же траву, на селе днесь сущу и утре в пещь вмещему, Бог тако одевает: кольми паче вас, маловери? Luke 12:29 И вы не ищите, что ясте, или что пиете: и не возноситеся: Luke 12:30 всех бо сих языцы мира сего ищут: ваш же Отец весть, яко требуете сих: Luke 12:31 обаче ищите Царствия Божия, и сия вся приложатся вам. Luke 12:32 Не бойся, малое стадо: яко благоизволи Отец ваш дати вам Царство. Luke 12:33 Продадите имения ваша и дадите милостыню. Сотворите себе влагалища неветшающа, сокровище неоскудеемо на небесех, идеже тать не приближается, ни моль растлевает. Luke 12:34 Идеже бо сокровище ваше, ту и сердце ваше будет. Luke 12:35 Да будут чресла ваша препоясана, и светилницы горящии: Luke 12:36 и вы подобни человеком чающым господа своего, когда возвратится от брака, да пришедшу и толкнувшу, абие отверзут ему. Luke 12:37 Блажени раби тии, ихже пришед господь обрящет бдящих: аминь глаголю вам, яко препояшется и посадит их, и минув послужит им. Luke 12:38 И аще приидет во вторую стражу, и в третию стражу приидет, и обрящет (их) тако, блажени суть раби тии. Luke 12:39 Се же ведите, яко аще бы ведал господин храмины, в кий час тать приидет, бдел убо бы, и не бы дал подкопати дому своего: Luke 12:40 и вы убо будите готови: яко, в оньже час не мните, Сын Человеческий приидет. Luke 12:41 Рече же Ему Петр: Господи, к нам ли притчу сию глаголеши, или ко всем? Luke 12:42 Рече же Господь: кто убо есть верный строитель и мудрый, егоже поставит господь над челядию своею, даяти во время житомерие? Luke 12:43 Блажен раб той, егоже пришед господь его обрящет творяща тако: Luke 12:44 воистинну глаголю вам, яко над всем имением своим поставит его. Luke 12:45 Аще же речет раб той в сердцы своем: коснит господин мой приити: и начнет бити рабы и рабыни, ясти же и пити и упиватися: Luke 12:46 приидет господин раба того в день, в оньже не чает, и в час, в оньже не весть: и растешет его, и часть его с неверными положит. Luke 12:47 Той же раб ведевый волю господина своего, и не уготовав, ни сотворив по воли его, биен будет много: Luke 12:48 неведевый же, сотворив же достойная ранам, биен будет мало. Всякому же, емуже дано будет много, много взыщется от него: и емуже предаша множайше, множайше просят от него. Luke 12:49 Огня приидох воврещи на землю, и что хощу, аще уже возгореся? Luke 12:50 Крещением же имам креститися, и како удержуся, дондеже скончаются? Luke 12:51 Мните ли, яко мир приидох дати на землю? Ни, глаголю вам, но разделение: Luke 12:52 будут бо отселе пять во единем дому разделени, трие на два, и два на три: Luke 12:53 разделится отец на сына, и сын на отца: мати на дщерь, и дщи на матерь: свекры на невесту свою, и невеста на свекровь свою. Luke 12:54 Глаголаше же и народом: егда узрите облак восходящь от запада, абие глаголете: туча грядет: и бывает тако: Luke 12:55 и егда юг веющь, глаголете: зной будет: и бывает. Luke 12:56 Лицемери, лице небу и земли весте искушати: времене же сего како не искушаете? Luke 12:57 Что же и о себе не судите праведное? Luke 12:58 Егда бо грядеши с соперником твоим ко князю, на пути даждь делание избыти от него: да не како привлечет тебе к судии, и судия тя предаст слузе, и слуга всадит тя в темницу: Luke 12:59 глаголю тебе: не изыдеши оттуду, дондеже и последнюю медницу воздаси. Luke 13:0 Luke 13:1 Приидоша же нецыи в то время, поведающе Ему о Галилеех, ихже кровь Пилат смеси с жертвами их. Luke 13:2 И отвещав Иисус рече им: мните ли, яко Галилеане сии грешнейши паче всех Галилеан бяху, яко тако пострадаша? Luke 13:3 Ни, глаголю вам: но аще не покаетеся, вси такожде погибнете. Luke 13:4 Или они осмьнадесяте, на нихже паде столп Силоамский и поби их, мните ли, яко тии должнейши бяху паче всех живущих во Иерусалиме? Luke 13:5 Ни, глаголю вам: но аще не покаетеся, вси такожде погибнете. Luke 13:6 Глаголаше же сию притчу: смоковницу имяше некий в винограде своем всаждену: и прииде ищя плода на ней, и не обрете: Luke 13:7 рече же к винареви: се, третие лето, отнелиже прихожду ищя плода на смоковнице сей, и не обретаю: посецы ю (убо), вскую и землю упражняет? Luke 13:8 Он же отвещав рече ему: господи, остави ю и се лето, дондеже окопаю окрест ея и осыплю гноем: Luke 13:9 и аще убо сотворит плод: аще ли же ни, во грядущее посечеши ю. Luke 13:10 Бяше же учя на единем от сонмищ в субботу: Luke 13:11 и се, жена бе имущи дух недужен лет осмьнадесять, и бе сляка и не могущи восклонитися отнюд. Luke 13:12 Видев же ю Иисус, пригласи и рече ей: жено, отпущена еси от недуга твоего. Luke 13:13 И возложи на ню руце: и абие простреся и славляше Бога. Luke 13:14 Отвещав же старейшина собору, негодуя, зане в субботу изцели (ю) Иисус, глаголаше народу: шесть дний есть, в няже достоит делати: в тыя убо приходяще целитеся, а не в день субботный. Luke 13:15 Отвеща (же) убо ему Господь и рече: лицемере, кождо вас в субботу не отрешает ли своего вола или осла от яслий, и вед напаяет? Luke 13:16 Сию же дщерь Авраамлю сущу, юже связа сатана, се, осмоенадесяте лето, не достояше ли разрешитися ей от юзы сея в день субботный? Luke 13:17 И сия Ему глаголющу, стыдяхуся вси противляющиися Ему: и вси людие радовахуся о всех славных бывающих от Него. Luke 13:18 Глаголаше же: кому подобно есть Царствие Божие? И кому уподоблю е? Luke 13:19 Подобно есть зерну горушну, еже приемь человек вверже в вертоград свой: и возрасте, и бысть древо велие, и птицы небесныя вселишася в ветвие его. Luke 13:20 Паки рече: кому уподоблю Царствие Божие? Luke 13:21 Подобно есть квасу, егоже приемши жена, скры в сатех триех муки, дондеже вскисе все. Luke 13:22 И прохождаше сквозе грады и веси, учя и шествие творя во Иерусалим. Luke 13:23 Рече же некий Ему: Господи, аще мало есть спасающихся? Он же рече к ним: Luke 13:24 подвизайтеся внити сквозе тесная врата: яко мнози, глаголю вам, взыщут внити, и не возмогут. Luke 13:25 Отнележе востанет дому владыка и затворит двери, и начнете вне стояти и ударяти в двери, глаголюще: Господи, Господи, отверзи нам. И отвещав речет вам: не вем вас, откуду есте. Luke 13:26 Тогда начнете глаголати: ядохом пред Тобою и пихом, и на распутиих наших учил еси. Luke 13:27 И речет: глаголю вам, не вем вас, откуду есте: отступите от Мене, вси делателие неправды. Luke 13:28 Ту будет плачь и скрежет зубом, егда узрите Авраама и Исаака и Иакова и вся пророки во Царствии Божии, вас же изгонимых вон. Luke 13:29 И приидут от восток и запад и севера и юга, и возлягут в Царствии Божии. Luke 13:30 И се, суть последнии, иже будут перви, и суть первии, иже будут последни. Luke 13:31 В той день приступиша нецыи от фарисей, глаголюще Ему: изыди и иди отсюду, яко Ирод хощет Тя убити. Luke 13:32 И рече им: шедше рцыте лису тому: се, изгоню бесы и изцеления творю днесь и утре, и в третий скончаюся: Luke 13:33 обаче подобает Ми днесь и утре и в ближний ити: яко невозможно есть пророку погибнути кроме Иерусалима. Luke 13:34 Иерусалиме, Иерусалиме, избивый пророки и камением побивая посланныя к тебе, колькраты восхотех собрати чада твоя, якоже кокош гнездо свое под криле, и не восхотесте? Luke 13:35 Се оставляется вам дом ваш пуст. Глаголю же вам, яко не имате Мене видети, дондеже приидет, егда речете: благословен Грядый во имя Господне. Luke 14:0 Luke 14:1 И бысть егда внити Ему в дом некоего князя фарисейска в субботу хлеб ясти, и тии бяху назирающе Его: Luke 14:2 и се, человек некий, имый водный труд, бе пред Ним. Luke 14:3 И отвещав Иисус рече к законником и фарисеом, глаголя: аще достоит в субботу целити? Luke 14:4 Они же умолчаша. И приемь изцели его, и отпусти. Luke 14:5 И отвещав к ним рече: котораго от вас осел или вол в студенец впадет, и не абие ли исторгнет его в день субботный? Luke 14:6 И не возмогоша отвещати Ему к сим. Luke 14:7 Глаголаше же к званным притчу, обдержя, како председания избираху, глаголя к ним: Luke 14:8 егда зван будеши ким на брак, не сяди на преднем месте: еда кто честнее тебе будет званных, Luke 14:9 и пришед иже тебе звавый и онаго, речет ти: даждь сему место: и тогда начнеши со студом последнее место держати. Luke 14:10 Но егда зван будеши, шед сяди на последнем месте, да егда приидет звавый тя, речет ти: друже, посяди выше: тогда будет ти слава пред званными с тобою: Luke 14:11 яко всяк возносяйся смирится, и смиряяйся вознесется. Luke 14:12 Глаголаше же и ко звавшему Его: егда сотвориши обед или вечерю, не зови другов твоих, ни братии твоея, ни сродник твоих, ни сосед богатых: еда когда и тии тя такожде воззовут, и будет ти воздаяние. Luke 14:13 Но егда твориши пир, зови нищыя, маломощныя, хромыя, слепыя: Luke 14:14 и блажен будеши, яко не имут ти что воздати: воздаст же ти ся в воскрешение праведных. Luke 14:15 Слышав же некий от возлежащих с Ним сия, рече Ему: блажен, иже снесть обед в Царствии Божии. Luke 14:16 Он же рече ему: человек некий сотвори вечерю велию и зва многи: Luke 14:17 и посла раба своего в год вечери рещи званным: грядите, яко уже готова суть вся. Luke 14:18 И начаша вкупе отрицатися вси. Первый рече ему: село купих и имам нужду изыти и видети е: молютися, имей мя отречена. Luke 14:19 И другий рече: супруг волов купих пять и гряду искусити их: молю тя, имей мя отречена. Luke 14:20 И другий рече: жену поях и сего ради не могу приити. Luke 14:21 И пришед раб той поведа господину своему сия. Тогда разгневався дому владыка, рече рабу своему: изыди скоро на распутия и стогны града, и нищыя и бедныя и слепыя и хромыя введи семо. Luke 14:22 И рече раб: господи, бысть якоже повелел еси, и еще место есть. Luke 14:23 И рече господин к рабу: изыди на пути и халуги, и убеди внити, да наполнится дом мой: Luke 14:24 глаголю бо вам, яко ни един мужей тех званных вкусит моея вечери: мнози бо суть звани, мало же избранных. Luke 14:25 Идяху же с Ним народи мнози: и обращься рече к ним: Luke 14:26 аще кто грядет ко Мне, и не возненавидит отца своего и матерь, и жену и чад, и братию и сестр, еще же и душу свою, не может Мой быти ученик: Luke 14:27 и иже не носит креста своего и вслед Мене грядет, не может Мой быти ученик. Luke 14:28 Кто бо от вас, хотяй столп создати, не прежде ли сед разчтет имение, аще имать, еже есть на совершение? Luke 14:29 Да не, когда положит основание и не возможет совершити, вси видящии начнут ругатися ему, Luke 14:30 глаголюще, яко сей человек начат здати и не може совершити? Luke 14:31 Или кий царь идый ко иному царю снитися с ним на брань, не сед ли прежде совещавает, аще силен есть срести с десятию тысящ грядущаго со двемадесятма тысящама нань? Luke 14:32 Аще ли же ни, еще далече ему сущу, моление послав молится о смирении. Luke 14:33 Тако убо всяк от вас, иже не отречется всего своего имения, не может быти Мой ученик. Luke 14:34 Добро есть соль: аще же соль обуяет, чим осолится? Luke 14:35 Ни в землю, ни в гной потребна есть: вон изсыплют ю. Имеяй ушы слышати, да слышит. Luke 15:0 Luke 15:1 Бяху же приближающеся к Нему вси мытарие и грешницы, послушати Его. Luke 15:2 И роптаху фарисее и книжницы, глаголюще, яко Сей грешники приемлет и с ними яст. Luke 15:3 Рече же к ним притчу сию, глаголя: Luke 15:4 кий человек от вас имый сто овец, и погубль едину от них, не оставит ли девятидесяти и девяти в пустыни и идет вслед погибшия, дондеже обрящет ю? Luke 15:5 И обрет возлагает на раме свои радуяся: Luke 15:6 и пришед в дом, созывает други и соседы, глаголя им: радуйтеся со мною, яко обретох овцу мою погибшую. Luke 15:7 Глаголю вам, яко тако радость будет на небеси о единем грешнице кающемся, нежели о девятидесятих и девяти праведник, иже не требуют покаяния. Luke 15:8 Или кая жена имущи десять драхм, аще погубит драхму едину, не вжигает ли светилника, и пометет храмину, и ищет прилежно, дондеже обрящет? Luke 15:9 И обретши созывает другини и соседы, глаголющи: радуйтеся со мною, яко обретох драхму погибшую. Luke 15:10 Тако, глаголю вам, радость бывает пред Ангелы Божиими о единем грешнице кающемся. Luke 15:11 Рече же: человек некий име два сына: Luke 15:12 и рече юнейший ею отцу: отче, даждь ми достойную часть имения. И раздели има имение. Luke 15:13 И не по мнозех днех собрав все мний сын, отиде на страну далече, и ту расточи имение свое, живый блудно. Luke 15:14 Изжившу же ему все, бысть глад крепок на стране той, и той начат лишатися: Luke 15:15 и шед прилепися единому от житель тоя страны: и посла его на села своя пасти свиния: Luke 15:16 и желаше насытити чрево свое от рожец, яже ядяху свиния: и никтоже даяше ему. Luke 15:17 В себе же пришед, рече: колико наемником отца моего избывают хлебы, аз же гладом гиблю? Luke 15:18 Востав иду ко отцу моему, и реку ему: отче, согреших на небо и пред тобою, Luke 15:19 и уже несмь достоин нарещися сын твой: сотвори мя яко единаго от наемник твоих. Luke 15:20 И востав иде ко отцу своему. Еще же ему далече сущу, узре его отец его, и мил ему бысть, и тек нападе на выю его, и облобыза его. Luke 15:21 Рече же ему сын: отче, согреших на небо и пред тобою, и уже несмь достоин нарещися сын твой. Luke 15:22 Рече же отец к рабом своим: изнесите одежду первую и облецыте его, и дадите перстень на руку его и сапоги на нозе: Luke 15:23 и приведше телец упитанный заколите, и ядше веселимся: Luke 15:24 яко сын мой сей мертв бе, и оживе: и изгибл бе, и обретеся. И начаша веселитися. Luke 15:25 Бе же сын его старей на селе: и яко грядый приближися к дому, слыша пение и лики: Luke 15:26 и призвав единаго от отрок, вопрошаше: что (убо) сия суть? Luke 15:27 Он же рече ему, яко брат твой прииде: и закла отец твой телца упитанна, яко здрава его прият. Luke 15:28 Разгневася же, и не хотяше внити. Отец же его изшед моляше его. Luke 15:29 Он же отвещав рече отцу: се, толико лет работаю тебе и николиже заповеди твоя преступих, и мне николиже дал еси козляте, да со други своими возвеселился бых: Luke 15:30 егда же сын твой сей, изядый твое имение с любодейцами, прииде, заклал еси ему телца питомаго. Luke 15:31 Он же рече ему: чадо, ты всегда со мною еси, и вся моя твоя суть: Luke 15:32 возвеселитижеся и возрадовати подобаше, яко брат твой сей мертв бе, и оживе: и изгибл бе, и обретеся. Luke 16:0 Luke 16:1 Глаголаше же ко учеником Своим: человек некий бе богат, иже имяше приставника: и той оклеветан бысть к нему, яко расточает имения его: Luke 16:2 и пригласив его рече ему: что се слышу о тебе? Воздаждь ответ о приставлении домовнем: не возможеши бо ктому дому строити. Luke 16:3 Рече же в себе приставник дому: что сотворю, яко господь мой отемлет строение дому от мене? Копати не могу, просити стыжуся: Luke 16:4 разумех, что сотворю, да егда отставлен буду от строения дому, приимут мя в домы своя. Luke 16:5 И призвав единаго когождо от должник господина своего, глаголаше первому: колицем должен еси господину моему? Luke 16:6 Он же рече: сто мер масла. И рече ему: приими писание твое, и сед скоро напиши пятьдесят. Luke 16:7 Потом же рече другому: ты же колицем должен еси? Он же рече: сто мер пшеницы. И глагола ему: приими писание твое, и напиши осмьдесят. Luke 16:8 И похвали господь дому строителя неправеднаго, яко мудре сотвори: яко сынове века сего мудрейши паче сынов света в роде своем суть. Luke 16:9 И Аз вам глаголю: сотворите себе други от мамоны неправды, да, егда оскудеете, приимут вы в вечныя кровы. Luke 16:10 Верный в мале, и во мнозе верен есть: и неправедный в мале, и во мнозе неправеден есть. Luke 16:11 Аще убо в неправеднем имении верни не бысте, во истиннем кто вам веру имет? Luke 16:12 И аще в чужем верни не бысте, ваше кто вам даст? Luke 16:13 Ни кий же раб может двема господинома работати: ибо или единаго возненавидит, а другаго возлюбит: или единаго держится, о друзем же нерадети начнет: не можете Богу работати и мамоне. Luke 16:14 Слышаху же сия вся и фарисее, сребролюбцы суще, ругахуся Ему. Luke 16:15 И рече им: вы есте оправдающе себе пред человеки, Бог же весть сердца ваша: яко, еже есть в человецех высоко, мерзость есть пред Богом. Luke 16:16 Закон и пророцы до Иоанна: оттоле Царствие Божие благовествуется, и всяк в не нудится. Luke 16:17 Удобее же есть небу и земли прейти, неже от закона единей черте погибнути. Luke 16:18 Всяк пущаяй жену свою и приводя ину прелюбы деет: и женяйся пущеною от мужа прелюбы творит. Luke 16:19 Человек же некий бе богат, и облачашеся в порфиру и виссон, веселяся на вся дни светло. Luke 16:20 Нищь же бе некто, именем Лазарь, иже лежаше пред враты его гноен Luke 16:21 и желаше насытитися от крупиц падающих от трапезы богатаго: но и пси приходяще облизаху гной его. Luke 16:22 Бысть же умрети нищему и несену быти Ангелы на лоно Авраамле: умре же и богатый, и погребоша его: Luke 16:23 и во аде возвед очи свои, сый в муках, узре Авраама издалеча, и Лазаря на лоне его: Luke 16:24 и той возглашь рече: отче Аврааме, помилуй мя и посли Лазаря, да омочит конец перста своего в воде и устудит язык мой, яко стражду во пламени сем. Luke 16:25 Рече же Авраам: чадо, помяни, яко восприял еси благая твоя в животе твоем, и Лазарь такожде злая: ныне же зде утешается, ты же страждеши: Luke 16:26 и над всеми сими между нами и вами пропасть велика утвердися, яко да хотящии прейти отсюду к вам не возмогут, ни иже оттуду, к нам преходят. Luke 16:27 Рече же: молю тя убо, отче, да послеши его в дом отца моего: Luke 16:28 имам бо пять братий: яко да засвидетелствует им, да не и тии приидут на место сие мучения. Luke 16:29 Глагола ему Авраам: имут Моисеа и пророки: да послушают их. Luke 16:30 Он же рече: ни, отче Аврааме: но аще кто от мертвых идет к ним, покаются. Luke 16:31 Рече же ему: аще Моисеа и пророков не послушают, и аще кто от мертвых воскреснет, не имут веры. Luke 17:0 Luke 17:1 Рече же ко учеником Своим: не возможно есть не приити соблазном, горе же, егоже ради приходят: Luke 17:2 унее ему было бы, аще жернов оселский облежал бы о выи его, и ввержен в море, неже да соблазнит от малых сих единаго. Luke 17:3 Внемлите себе. Аще согрешит к тебе брат твой, запрети ему: и аще покается, остави ему: Luke 17:4 и аще седмищи на день согрешит к тебе и седмищи на день обратится, глаголя: каюся: остави ему. Luke 17:5 И рекоша Апостоли Господеви: приложи нам веру. Luke 17:6 Рече же Господь: аще бысте имели веру яко зерно горушно, глаголали бысте убо ягодичине сей: восторгнися и всадися в море: и послушала бы вас. Luke 17:7 Который же от вас раба имея орюща или пасуща, иже пришедшу ему с села речет: абие минув возлязи? Luke 17:8 Но не речет ли ему: уготовай, что вечеряю, и препоясався служи ми, дондеже ям и пию: и потом яси и пиеши ты? Luke 17:9 Еда имать хвалу рабу тому, яко сотвори повеленная? Не мню. Luke 17:10 Тако и вы, егда сотворите вся повеленная вам, глаголите, яко раби неключими есмы: яко, еже должни бехом сотворити, сотворихом. Luke 17:11 И бысть идущу Ему во Иерусалим, и той прохождаше между Самариею и Галилеею. Luke 17:12 Входящу же Ему в некую весь, сретоша Его десять прокаженных мужей, иже сташа издалеча: Luke 17:13 и тии вознесоша глас, глаголюще: Иисусе Наставниче, помилуй ны. Luke 17:14 И видев рече им: шедше покажитеся священником. И бысть идущым им, очистишася. Luke 17:15 Един же от них, видев, яко изцеле, возвратися, со гласом велиим славя Бога, Luke 17:16 и паде ниц при ногу Его, хвалу Ему воздая: и той бе Самарянин. Luke 17:17 Отвещав же Иисус рече: не десять ли очистишася? Да девять где? Luke 17:18 Како не обретошася возвращшеся дати славу Богу, токмо иноплеменник сей? Luke 17:19 И рече ему: востав иди: вера твоя спасе тя. Luke 17:20 Вопрошен же быв от фарисей, когда приидет Царствие Божие, отвещав им рече: не приидет Царствие Божие с соблюдением: Luke 17:21 ниже рекут: се зде, или: онде. Се бо, Царствие Божие внутрь вас есть. Luke 17:22 Рече же ко учеником (Своим): приидут дние, егда вожделеете единаго дне Сына Человеческаго видети, и не узрите: Luke 17:23 и рекут вам: се зде, или: се, онде: не изыдите, ни пожените: Luke 17:24 яко бо молния блистающися от поднебесныя на поднебесней светится: тако будет Сын Человеческий в день Свой. Luke 17:25 Прежде же подобает Ему много пострадати и искушену быти от рода сего. Luke 17:26 И якоже бысть во дни Ноевы, тако будет и во дни Сына Человеческа: Luke 17:27 ядяху, пияху, женяхуся, посягаху, до негоже дне вниде Ное в ковчег: и прииде потоп и погуби вся. Luke 17:28 Такожде и якоже бысть во дни Лотовы: ядяху, пияху, куповаху, продаяху, саждаху, здаху: Luke 17:29 в оньже день изыде Лот от Содомлян, одожди камык горящь и огнь с небесе и погуби вся: Luke 17:30 по тому же будет и в день, в оньже Сын Человеческий явится. Luke 17:31 В той день, иже будет на крове, и сосуди его в дому, да не слазит взяти их: и иже на селе, такожде да не возвратится вспять: Luke 17:32 поминайте жену Лотову. Luke 17:33 Иже аще взыщет душу свою спасти, погубит ю: и иже аще погубит ю, живит ю. Luke 17:34 Глаголю вам: в ту нощь будета два на одре единем: един поемлется, а другий оставляется: Luke 17:35 будете две вкупе мелюще: едина поемлется, а другая оставляется. Luke 17:36 Два будета на селе: един поемлется, а другий оставляется. Luke 17:37 И отвещавше глаголаша Ему: где, Господи? Он же рече им: идеже тело, тамо соберутся и орли. Luke 18:0 Luke 18:1 Глаголаше же и притчу к ним, како подобает всегда молитися и не стужати (си), Luke 18:2 глаголя: судия бе некий в некоем граде, Бога не бояся и человек не срамляяся. Luke 18:3 Вдова же некая бе во граде том: и прихождаше к нему, глаголющи: отмсти мене от соперника моего. Luke 18:4 И не хотяше на долзе времени. Последи же рече в себе: аще и Бога не боюся, и человек не срамляюся: Luke 18:5 но зане творит ми труды вдовица сия, отмщу ея: да не до конца приходящи застоит мене. Luke 18:6 Рече же Господь: слышите, что судия неправды глаголет? Luke 18:7 Бог же не имать ли сотворити отмщение избранных Своих, вопиющих к Нему день и нощь, и долготерпя о них? Luke 18:8 Глаголю вам, яко сотворит отмщение их вскоре: обаче Сын Человеческий пришед убо обрящет ли (си) веру на земли? Luke 18:9 Рече же и ко другим уповающым собою, яко суть праведницы, и уничижающым прочих, притчу сию: Luke 18:10 человека два внидоста в церковь помолитися: един фарисей, а другий мытарь. Luke 18:11 Фарисей же став, сице в себе моляшеся: Боже, хвалу Тебе воздаю, яко несмь якоже прочии человецы, хищницы, неправедницы, прелюбодее, или якоже сей мытарь: Luke 18:12 пощуся двакраты в субботу, десятину даю всего елико притяжу. Luke 18:13 Мытарь же издалеча стоя, не хотяше ни очию возвести на небо: но бияше перси своя, глаголя: Боже, милостив буди мне грешнику. Luke 18:14 Глаголю вам, яко сниде сей оправдан в дом свой паче онаго: яко всяк возносяйся смирится, смиряяй же себе вознесется. Luke 18:15 Приношаху же к Нему и младенцы, да их коснется: видевше же ученицы запретиша им. Luke 18:16 Иисус же призвав их, глагола: оставите детей приходити ко Мне и не браните им: таковых бо есть Царствие Божие: Luke 18:17 аминь бо глаголю вам: иже аще не приимет Царствия Божия яко отроча, не имать внити в не. Luke 18:18 И вопроси Его некий князь, глаголя: Учителю благий, что сотворив, живот вечный наследствую? Luke 18:19 Рече же ему Иисус: что Мя глаголеши блага? Никтоже благ, токмо един Бог: Luke 18:20 заповеди веси: не прелюбы твори, не убий, не укради, не лжесвидетелствуй, чти отца твоего и матерь твою. Luke 18:21 Он же рече: вся сия сохраних от юности моея. Luke 18:22 Слышав же сия Иисус рече ему: еще единаго не докончал еси: вся, елика имаши, продаждь и раздай нищым: и имети имаши сокровище на небеси: и гряди вслед Мене. Luke 18:23 Он же слышав сие, прискорбен бысть: бе бо богат зело. Luke 18:24 Видев же его Иисус прискорбна бывша, рече: како не удобь имущии богатство в Царствие Божие внидут: Luke 18:25 удобее бо есть вельбуду сквозе иглине ушы проити, неже богату в Царствие Божие внити. Luke 18:26 Реша же слышавшии: то кто может спасен быти? Luke 18:27 Он же рече: невозможная у человек возможна суть у Бога. Luke 18:28 Рече же Петр: се, мы оставихом вся и по Тебе идохом. Luke 18:29 Он же рече им: аминь глаголю вам, яко никтоже есть, иже оставит дом, или родители, или братию, или сестры, или жену, или чада, Царствия ради Божия, Luke 18:30 иже не приимет множицею во время сие, и в век грядущий живот вечный. Luke 18:31 Поемь же обанадесяте ученики Своя, рече к ним: се, восходим во Иерусалим, и скончаются вся писанная пророки о Сыне Человечесте: Luke 18:32 предадят бо Его языком и поругаются Ему, и укорят Его и оплюют Его, Luke 18:33 и бивше убиют Его: и в третий день воскреснет. Luke 18:34 И тии ничесоже от сих разумеша: и бе глаголгол сей сокровен от них, и не разумеваху глаголголемых. Luke 18:35 Бысть же егда приближишася во Иерихон, слепец некий седяше при пути прося: Luke 18:36 слышав же народ мимоходящь, вопрошаше: что убо есть се? Luke 18:37 Поведаша же ему, яко Иисус Назарянин мимоходит. Luke 18:38 И возопи, глаголя: Иисусе Сыне Давидов, помилуй мя. Luke 18:39 И предидущии прещаху ему, да умолчит: он же паче множае вопияше: Сыне Давидов, помилуй мя. Luke 18:40 Став же Иисус повеле привести его к Себе. Приближшуся же ему к Нему, вопроси его, Luke 18:41 глаголя: что хощеши, да ти сотворю? Он же рече: Господи, да прозрю. Luke 18:42 Иисус же рече ему: прозри: вера твоя спасе тя. Luke 18:43 И абие прозре, и вслед Его идяше, славя Бога. И вси людие видевше воздаша хвалу Богови. Luke 19:0 Luke 19:1 И вшед прохождаше Иерихон. Luke 19:2 И се, муж нарицаемый Закхей, и сей бе старей мытарем, и той бе богат: Luke 19:3 и искаше видети Иисуса, кто есть, и не можаше от народа, яко возрастом мал бе: Luke 19:4 и предитек, возлезе на ягодичину, да видит, яко хотяше мимо ея проити. Luke 19:5 И яко прииде на место, воззрев Иисус виде его и рече к нему: Закхее, потщався слези: днесь бо в дому твоем подобает Ми быти. Luke 19:6 И потщався слезе и прият Его радуяся. Luke 19:7 И видевше вси роптаху, глаголюще, яко ко грешну мужу вниде витати. Luke 19:8 Став же Закхей рече ко Господу: се, пол имения моего, Господи, дам нищым: и аще кого чим обидех, возвращу четверицею. Luke 19:9 Рече же к нему Иисус, яко днесь спасение дому сему бысть, зане и сей сын Авраамль есть: Luke 19:10 прииде бо Сын Человечь взыскати и спасти погибшаго. Luke 19:11 Слышащым же им сия, приложь рече притчу, зане близ Ему быти Иерусалима, и мняху, яко абие Царство Божие хощет явитися. Luke 19:12 Рече убо: человек некий добра рода иде на страну далече прияти себе царство и возвратитися: Luke 19:13 призвав же десять раб своих, даде им десять мнас и рече к ним: куплю дейте, дондеже прииду. Luke 19:14 И граждане его ненавидяху его и послаша послы вслед его, глаголюще: не хощем сему, да царствует над нами. Luke 19:15 И бысть егда возвратися приим царство, рече пригласити рабы тыя, имже даде сребро, да увесть, какову куплю суть сотворили. Luke 19:16 Прииде же первый, глаголя: господи, мнас твоя придела десять мнас. Luke 19:17 И рече ему: благо, рабе добрый: яко о мале верен был еси, буди область имея над десятию градов. Luke 19:18 И прииде вторый, глаголя: господи, мнас твоя сотвори пять мнас. Luke 19:19 Рече же и тому: и ты буди над пятию градов. Luke 19:20 И другий прииде, глаголя: господи, се, мнас твоя, юже имех положену во убрусе: Luke 19:21 бояхся бо тебе, яко человек яр еси, вземлеши, егоже не положил еси, и жнеши, егоже не сеял еси. Luke 19:22 Глагола же ему: от уст твоих сужду ти, лукавый рабе: ведел еси, яко аз человек яр есмь, вземлю, егоже не положих, и жну, егоже не сеях: Luke 19:23 и почто не вдал еси моего сребра купцем, и аз пришед с лихвою истязал бых е? Luke 19:24 И предстоящым рече: возмите от него мнас и дадите имущему десять мнас. Luke 19:25 И реша ему: господи, имать десять мнас. Luke 19:26 Глаголю бо вам, яко всякому имущему дастся: а от неимущаго, и еже имать, отимется от него: Luke 19:27 обаче враги моя оны, иже не восхотеша мене, да царь бых был над ними, приведите семо и изсецыте предо мною. Luke 19:28 И сия рек, идяше преди, восходя во Иерусалим. Luke 19:29 И бысть яко приближися в Вифсфагию и Вифанию, к горе нарицаемей Елеон, посла два ученик Своих, Luke 19:30 глаголя: идита в прямную весь: (и) в нюже входяща обрящета жребя привязано, на неже никтоже николиже от человек вседе: отрешша е приведита: Luke 19:31 и аще кто вы вопрошает: почто отрешаета? Сице рцыта ему, яко Господь его требует. Luke 19:32 Шедша же посланная обретоста, якоже рече има. Luke 19:33 Отрешающема же има жребя, рекоша господие его к нима: что отрешаета жребя? Luke 19:34 Она же рекоста, яко Господь его требует. Luke 19:35 И приведоста е ко Иисусови: и возвергше ризы своя на жребя, всадиша Иисуса. Luke 19:36 Идущу же Ему, постилаху ризы своя по пути. Luke 19:37 Приближающужеся Ему уже (абие) к низхождению горе Елеонстей, начаша все множество ученик радующеся хвалити Бога гласом велиим о всех силах, яже видеша, Luke 19:38 глаголюще: благословен грядый Царь во имя Господне: мир на небеси и слава в вышних. Luke 19:39 И нецыи фарисее от народа реша к Нему: Учителю, запрети учеником Твоим. Luke 19:40 И отвещав рече им: глаголю вам, яко, аще сии умолчат, камение возопиет. Luke 19:41 И яко приближися, видев град, плакася о нем, Luke 19:42 глаголя: яко аще бы разумел и ты, в день сей твой, еже к смирению твоему: ныне же скрыся от очию твоею: Luke 19:43 яко приидут дние на тя, и обложат врази твои острог о тебе, и обыдут тя, и оымут тя отвсюду, Luke 19:44 и разбиют тя и чада твоя в тебе, и не оставят камень на камени в тебе: понеже не разумел еси времене посещения твоего. Luke 19:45 И вшед в церковь, начат изгонити продающыя в ней и купующыя, Luke 19:46 глаголя им: писано есть: дом Мой дом молитвы есть: вы же сотвористе его пещеру разбойником. Luke 19:47 И бе учя по вся дни в церкви. Архиерее же и книжницы искаху Его погубити, и старейшины людем: Luke 19:48 и не обретаху, что бы сотворили Ему: людие бо вси держахуся Его, послушающе Его. Luke 20:0 Luke 20:1 И бысть во един от дний онех, учащу Ему люди в церкви и благовествующу, приидоша священницы и книжницы со старцы Luke 20:2 и реша к Нему, глаголюще: рцы нам, коею областию сия твориши, или кто есть давый Тебе власть сию? Luke 20:3 Отвещав же рече к ним: вопрошу вы и Аз единаго словесе, и рцыте Ми: Luke 20:4 крещение Иоанново с небесе ли бе, или от человек? Luke 20:5 Они же помышляху в себе, глаголюще, яко аще речем: с небесе, речет: почто убо не веровасте ему? Luke 20:6 Аще ли же речем: от человек, вси людие камением побиют ны: известно бо бе о Иоанне, яко пророк бе. Luke 20:7 И отвещаша: не вемы откуду. Luke 20:8 Иисус же рече им: ни Аз глаголю вам, коею областию сия творю. Luke 20:9 Начат же к людем глаголати притчу сию: человек некий насади виноград, и вдаде его делателем, и отиде на лета многа: Luke 20:10 и во время посла к делателем раба, да от плода винограда дадут ему: делатели же бивше его, послаша тща. Luke 20:11 И приложи послати другаго раба: они же и того бивше и досадивше (ему), послаша тща. Luke 20:12 И приложи послати третияго: они же и того уязвльше изгнаша. Luke 20:13 Рече же господин винограда: что сотворю? Послю сына моего возлюбленнаго, еда како, его видевше, усрамятся. Luke 20:14 Видевше же его делателе, мышляху в себе, глаголюще: сей есть наследник: приидите, убием его, да наше будет достояние. Luke 20:15 И изведше его вон из винограда, убиша. Что убо сотворит им господин винограда? Luke 20:16 Приидет и погубит делатели сия и вдаст виноград инем. Слышавше же рекоша: да не будет. Luke 20:17 Он же воззрев на них, рече: что убо писаное сие: камень, егоже небрегоша зиждущии, сей бысть во главу угла? Luke 20:18 Всяк падый на камени том, сокрушится: а на немже падет, стрыет его. Luke 20:19 И взыскаша архиерее и книжницы возложити Нань руце в той час и убояшася народа: разумеша бо, яко к ним притчу сию рече. Luke 20:20 И наблюдше послаша лаятели, притворяющих себе праведники быти: да имут Его в словеси, во еже предати Его началству и области игемонове. Luke 20:21 И вопросиша Его, глаголюще: Учителю, вемы, яко право глаголеши и учиши, и не на лица зриши, но воистинну пути Божию учиши: Luke 20:22 достоит ли нам кесареви дань даяти, или ни? Luke 20:23 Разумев же их лукавство, рече к ним: что Мя искушаете? Luke 20:24 Покажите Ми цату: чий имать образ и надписание? Отвещавше же рекоша: кесарев. Luke 20:25 Он же рече им: воздадите убо, яже кесарева, кесареви, и яже Божия, Богови. Luke 20:26 И не могоша зазрети глаголгола Его пред людьми: и дивишася о ответе Его и умолчаша. Luke 20:27 Приступиша же нецыи от саддукей, глаголющии воскресению не быти, вопрошаху Его, Luke 20:28 глаголюще: Учителю, Моисей написа нам: аще кому брат умрет имый жену, и той безчаден умрет, да брат его поймет жену и возставит семя брату своему: Luke 20:29 седмь убо братий бе: и первый поят жену, умре безчаден: Luke 20:30 и поят вторый жену, и той умре безчаден: Luke 20:31 и третий поят ю: такожде же и вси седмь: и не оставиша чад и умроша: Luke 20:32 послежде же всех умре и жена: Luke 20:33 в воскресение убо, котораго их будет жена? Седмь бо имеша ю жену. Luke 20:34 И отвещав рече им Иисус: сынове века сего женятся и посягают: Luke 20:35 а сподобльшиися век он улучити и воскресение, еже от мертвых, ни женятся, ни посягают: Luke 20:36 ни умрети бо ктому могут: равни бо суть Ангелом и сынове суть Божии, воскресения сынове суще: Luke 20:37 а яко востают мертвии, и Моисей сказа при купине, якоже глаголет Господа Бога Авраамля и Бога Исаакова и Бога Иаковля: Luke 20:38 Бог же несть мертвых, но живых: вси бо Тому живи суть. Luke 20:39 Отвещавше же нецыи от книжник рекоша: Учителю, добре рекл еси. Luke 20:40 Ктому же не смеяху Его вопросити ничесоже. Рече же к ним: Luke 20:41 како глаголют Христа Сына Давидова быти? Luke 20:42 Сам бо Давид глаголет в книзе псаломстей: рече Господь Господеви моему: седи о десную Мене, Luke 20:43 дондеже положу враги Твоя подножие ногама Твоима. Luke 20:44 Давид убо Господа Его нарицает, и како Сын ему есть? Luke 20:45 Слышащым же всем людем, рече учеником Своим: Luke 20:46 внемлите себе от книжник хотящих ходити во одеждах и любящих целования на торжищих и председания на сонмищих и преждевозлежания на вечерях: Luke 20:47 иже снедают домы вдовиц и виною далече молятся: сии приимут лишше осуждение. Luke 21:0 Luke 21:1 Воззрев же виде вметающыя в храм набдящий имения дары своя богатыя: Luke 21:2 виде же и некую вдовицу убогу вметающу ту две лепте, Luke 21:3 и рече: воистинну глаголю вам, яко вдовица сия убогая множае всех вверже: Luke 21:4 вси бо сии от избытка своего ввергоша в дары Богови: сия же от лишения своего все житие, еже име, вверже. Luke 21:5 И неким глаголющым о церкви, яко камением добрым и сосуды украшена, рече: Luke 21:6 сия яже видите, приидут дние, в няже не останет камень на камени, иже не разорится. Luke 21:7 Вопросиша же Его, глаголюще: Учителю, когда убо сия будут? И что есть знамение, егда хотят сия быти? Luke 21:8 Он же рече: блюдите, да не прельщени будете: мнози бо приидут во имя Мое, глаголюще, яко Аз есмь: и время приближися. Не изыдите убо вслед их. Luke 21:9 Егда же услышите брани и нестроения, не убойтеся: подобает бо сим быти прежде: но не у абие кончина. Luke 21:10 Тогда глаголаше им: востанет (бо) язык на язык, и царство на царство: Luke 21:11 труси же велицы по местом и глади и пагубы будут, страхования же и знамения велия с небесе будут. Luke 21:12 Прежде же сих всех возложат на вы руки своя и ижденут, предающе на сонмища и темницы, ведомы к царем и владыкам, имене Моего ради: Luke 21:13 прилучится же вам во свидетелство. Luke 21:14 Положите убо на сердцах ваших, не прежде поучатися отвещавати: Luke 21:15 Аз бо дам вам уста и премудрость, ейже не возмогут противитися или отвещати вси противляющиися вам. Luke 21:16 Предани же будете и родители и братиею и родом и други, и умертвят от вас: Luke 21:17 и будете ненавидими от всех имене Моего ради: Luke 21:18 и влас главы вашея не погибнет: Luke 21:19 в терпении вашем стяжите душы вашя. Luke 21:20 Егда же узрите обстоимь Иерусалим вои, тогда разумейте, яко приближися запустение ему: Luke 21:21 тогда сущии во Иудеи да бегают в горы: и иже посреде его, да исходят: и иже во странах, да не входят в онь: Luke 21:22 яко дние отмщению сии суть, яко исполнитися всему писанному. Luke 21:23 Горе же имущым во утробе и доящым в тыя дни: будет бо беда велия на земли и гнев на людех сих, Luke 21:24 и падут во острии меча, и пленени будут во вся языки: и Иерусалим будет попираемь языки, дондеже скончаются времена язык. Luke 21:25 И будут знамения в солнце и луне и звездах: и на земли туга языком от нечаяния шума морскаго и возмущения, Luke 21:26 издыхающым человеком от страха и чаяния грядущих на вселенную: силы бо небесныя подвигнутся, Luke 21:27 и тогда узрят Сына Человеческа грядуща на облацех с силою и славою многою. Luke 21:28 Начинающым же сим бывати, восклонитеся и воздвигните главы вашя: зане приближается избавление ваше. Luke 21:29 И рече притчу им: видите смоковницу и вся древа: Luke 21:30 егда прошибаются уже, видяще сами весте, яко близ жатва есть. Luke 21:31 Тако и вы, егда узрите сия бывающа, ведите, яко близ есть Царствие Божие. Luke 21:32 Аминь глаголю вам, яко не имать прейти род сей, дондеже вся сия будут: Luke 21:33 небо и земля мимо идет, а словеса Моя не имут прейти. Luke 21:34 Внемлите же себе, да не когда отягчают сердца ваша объядением и пиянством и печальми житейскими, и найдет на вы внезапу день той: Luke 21:35 яко сеть бо приидет на вся живущыя на лицы всея земли: Luke 21:36 бдите убо на всяко время молящеся, да сподобитеся убежати всех сих хотящих быти, и стати пред Сыном Человеческим. Luke 21:37 Бе же во дни во церкви учя: нощию же исходя водворяшеся в горе нарицаемей Елеон. Luke 21:38 И вси людие из утра прихождаху к Нему во церковь послушати Его. Luke 22:0 Luke 22:1 Приближашеся же праздник опреснок, глаголемый Пасха: Luke 22:2 и искаху архиерее и книжницы, како бы убили Его: бояхуся бо людий. Luke 22:3 Вниде же сатана во Иуду нарицаемаго Искариот, суща от числа обоюнадесяте, Luke 22:4 и шед глагола архиереом и воеводам, како Его предаст им. Luke 22:5 И возрадовашася и совещаша ему сребреники дати: Luke 22:6 и исповеда и искаше удобна времене, да предаст Его им без народа. Luke 22:7 Прииде же день опресноков, в оньже подобаше жрети пасху: Luke 22:8 и посла Петра и Иоанна, рек: шедша уготовайта нам пасху, да ямы. Luke 22:9 Она же рекоста Ему: где хощеши уготоваем? Luke 22:10 Он же рече има: се, восходящема вама во град, срящет вы человек в скудельнице воду нося: по нем идета в дом, в оньже входит, Luke 22:11 и рцета дому владыце: глаголет тебе Учитель: где есть обитель, идеже пасху со ученики Моими снем? Luke 22:12 И той вама покажет горницу велию постлану: ту уготовайта. Luke 22:13 Шедша же обретоста, якоже рече има: и уготоваста пасху. Luke 22:14 И егда бысть час, возлеже, и обанадесяте Апостола с Ним, Luke 22:15 и рече к ним: желанием возжелех сию пасху ясти с вами, прежде даже не прииму мук: Luke 22:16 глаголю бо вам, яко отселе не имам ясти от нея, дондеже скончаются во Царствии Божии. Luke 22:17 И приим чашу, хвалу воздав, рече: приимите сию, и разделите себе: Luke 22:18 глаголю бо вам, яко не имам пити от плода лознаго, дондеже Царствие Божие приидет. Luke 22:19 И приим хлеб, хвалу воздав, преломи и даде им, глаголя: сие есть тело Мое, еже за вы даемо: сие творите в Мое воспоминание. Luke 22:20 Такожде же и чашу по вечери, глаголя: сия чаша Новый Завет Моею кровию, яже за вы проливается: Luke 22:21 обаче се, рука предающаго Мя со Мною (есть) на трапезе, Luke 22:22 и Сын убо Человеческий идет по реченному: обаче горе человеку тому, имже предается. Luke 22:23 И тии начаша искати в себе, который убо от них хощет сие сотворити. Luke 22:24 Бысть же и пря в них, кий мнится их быти болий. Luke 22:25 Он же рече им: царие язык господствуют ими, и обладающии ими благодателе нарицаются: Luke 22:26 вы же не тако: но болий в вас, да будет яко мний: и старей, яко служай. Luke 22:27 Кто бо болий, возлежай ли, или служай? Не возлежай ли? Аз же посреде вас есмь яко служай. Luke 22:28 Вы же есте пребывше со Мною в напастех Моих, Luke 22:29 и Аз завещаваю вам, якоже завеща Мне Отец Мой, Царство, Luke 22:30 да ясте и пиете на трапезе Моей во Царствии Моем: и сядете на престолех, судяще обеманадесяте коленома Израилевома. Luke 22:31 Рече же Господь: Симоне, Симоне, се, сатана просит вас, дабы сеял, яко пшеницу: Luke 22:32 Аз же молихся о тебе, да не оскудеет вера твоя: и ты некогда обращься утверди братию твою. Luke 22:33 Он же рече Ему: Господи, с Тобою готов есмь и в темницу и на смерть ити. Luke 22:34 Он же рече: глаголю ти, Петре, не возгласит петель днесь, дондеже трикраты отвержешися Мене не ведети. Luke 22:35 И рече им: егда послах вы без влагалища и без меха и без сапог, еда чесого лишени бысте? Они же реша: ничесоже. Luke 22:36 Рече же им: но ныне иже имать влагалище, да возмет, такожде и мех: а иже не имать, да продаст ризу свою, и купит нож: Luke 22:37 глаголю бо вам, яко еще писаное се, подобает, да скончается о Мне, еже: и со беззаконными вменися. Ибо еже о Мне, кончину имать. Luke 22:38 Они же реша: Господи, се, ножа зде два. Он же рече им: доволно есть. Luke 22:39 И изшед иде по обычаю в гору Елеонскую: по Нем же идоша ученицы Его. Luke 22:40 Быв же на месте, рече им: молитеся, да не внидете в напасть. Luke 22:41 И Сам отступи от них яко вержением камене, и поклонь колена моляшеся, Luke 22:42 глаголя: Отче, аще волиши мимонести чашу сию от Мене: обаче не Моя воля, но Твоя да будет. Luke 22:43 Явися же Ему Ангел с небесе, укрепляя Его. Luke 22:44 И быв в подвизе, прилежнее моляшеся: бысть же пот Его яко капли крове каплющыя на землю. Luke 22:45 И востав от молитвы (и) пришед ко учеником, обрете их спящих от печали Luke 22:46 и рече им: что спите? Воставше молитеся, да не внидете в напасть. Luke 22:47 Еще же Ему глаголющу, се, народ, и нарицаемый Иуда, един от обоюнадесяте, идяше пред ними, и приступи ко Иисусови целовати Его. Сие бо бе знамение дал им: Егоже аще лобжу, Той есть. Luke 22:48 Иисус же рече ему: Иудо, лобзанием ли Сына Человеческаго предаеши? Luke 22:49 Видевше же, иже беху с Ним, бываемое, реша Ему: Господи, аще ударим ножем? Luke 22:50 И удари един некий от них архиереова раба и уреза ему ухо десное. Luke 22:51 Отвещав же Иисус рече: оставите до сего. И коснувся уха его, изцели его. Luke 22:52 Рече же Иисус ко пришедшым Нань архиереом и воеводам церковным и старцем: яко на разбойника ли изыдосте со оружием и дрекольми яти Мя? Luke 22:53 По вся дни сущу Ми с вами в церкви, не простросте руки на Мя: но се есть ваша година и область темная. Luke 22:54 Емше же Его ведоша и введоша Его во двор архиереов. Петр же вслед идяше издалеча. Luke 22:55 Возгнещшым же огнь посреде двора и вкупе седящым им, седяше Петр посреде их. Luke 22:56 Узревши же его рабыня некая седяща при свете и воззревши нань, рече: и сей с Ним бе. Luke 22:57 Он же отвержеся Его, глаголя: жено, не знаю Его. Luke 22:58 И помале другий видев его, рече: и ты от них еси. Петр же рече: человече, несмь. Luke 22:59 И мимошедшу яко часу единому, ин некий крепляшеся глаголя: воистинну и сей с Ним бе: ибо Галилеанин есть. Luke 22:60 Рече же Петр: человече, не вем, еже глаголеши. И абие, еще глаголющу ему, возгласи петель. Luke 22:61 И обращься Господь воззре на Петра: и помяну Петр слово Господне, якоже рече ему, яко прежде даже петель не возгласит, отвержешися Мене трикраты. Luke 22:62 И изшед вон плакася горько. Luke 22:63 И мужие держащии Иисуса ругахуся Ему, биюще: Luke 22:64 и закрывше Его, бияху Его по лицу и вопрошаху Его, глаголюще: прорцы, кто есть ударей Тя? Luke 22:65 И ина многа хуляще глаголаху Нань. Luke 22:66 И яко бысть день, собрашася старцы людстии и архиерее и книжницы, и ведоша Его на сонм свой, Luke 22:67 глаголюще: аще Ты еси Христос? Рцы нам. Рече же им: аще вам реку, не имете веры: Luke 22:68 аще же и вопрошу (вы), не отвещаете Ми, ни отпустите: Luke 22:69 отселе будет Сын Человеческий седяй о десную силы Божия. Luke 22:70 Реша же вси: Ты ли убо еси Сын Божий? Он же к ним рече: вы глаголете, яко Аз есмь. Luke 22:71 Они же реша: что еще требуем свидетелства? Сами бо слышахом от уст Его. Luke 23:0 Luke 23:1 И воставше все множество их, ведоша Его к Пилату, Luke 23:2 начаша же Нань вадити, глаголюще: Сего обретохом развращающа язык наш и возбраняюща кесареви дань даяти, глаголюща Себе Христа Царя быти. Luke 23:3 Пилат же вопроси Его, глаголя: Ты ли еси Царь Иудеом? Он же отвещав рече ему: ты глаголеши. Luke 23:4 Пилат же рече ко архиереом и народу: ни коеяже обретаю вины в человеце сем. Luke 23:5 Они же крепляхуся глаголюще, яко развращает люди, учя по всей Иудеи, начен от Галилеи до зде. Luke 23:6 Пилат же слышав Галилею, вопроси, аще человек Галилеанин есть? Luke 23:7 И разумев, яко от области Иродовы есть, посла Его ко Ироду, сущу и тому во Иерусалиме в тыя дни. Luke 23:8 Ирод же видев Иисуса рад бысть зело: бе бо желая от многа времене видети Его, зане слышаше многа о Нем: и надеяшеся знамение некое видети от Него бываемо: Luke 23:9 вопрошаше же Его словесы многими: Он же ничесоже отвещаваше ему. Luke 23:10 Стояху же архиерее и книжницы, прилежно вадяще Нань. Luke 23:11 Укорив же Его Ирод с вои своими и поругався, оболк его в ризу светлу, возврати Его к Пилату. Luke 23:12 Быста же друга Ирод же и Пилат в той день с собою: прежде бо беста вражду имуща между собою. Luke 23:13 Пилат же созвав архиереи и князи и люди, Luke 23:14 рече к ним: приведосте ми человека сего, яко развращающа люди: и се, аз пред вами истязав, ни единыя же обретаю в человеце сем вины, яже Нань вадите: Luke 23:15 но ни Ирод: послах бо Его к нему, и се, ничтоже достойно смерти сотворено есть о Нем: Luke 23:16 наказав убо Его отпущу. Luke 23:17 Нужду же имяше на вся праздники отпущати им единаго. Luke 23:18 Возопиша же вси народи, глаголюще: возми Сего, отпусти же нам Варавву. Luke 23:19 Иже бе за некую крамолу бывшую во граде и убийство ввержен в темницу. Luke 23:20 Паки же Пилат возгласи, хотя отпустити Иисуса. Luke 23:21 Они же возглашаху, глаголюще: распни, распни Его. Luke 23:22 Он же третицею рече к ним: что бо зло сотвори Сей? Ничесоже достойна смерти обретох в Нем: наказав убо Его отпущу. Luke 23:23 Они же прилежаху гласы великими, просяще Его на распятие: и устояху гласи их и архиерейстии. Luke 23:24 Пилат же посуди быти прошению их: Luke 23:25 отпусти же бывшаго за крамолу и убийство всаждена в темницу, егоже прошаху: Иисуса же предаде воли их. Luke 23:26 И яко поведоша Его, емше Симона некоего Киринеа, грядуща с села, возложиша нань крест нести по Иисусе. Luke 23:27 Идяше же вслед Его народ мног людий, и жены, яже и плакахуся и рыдаху Его. Luke 23:28 Обращься же к ним Иисус рече: дщери Иерусалимски, не плачитеся о Мне, обаче себе плачите и чад ваших: Luke 23:29 яко се, дние грядут, в няже рекут: блажены неплоды, и утробы, яже не родиша, и сосцы, иже не доиша: Luke 23:30 тогда начнут глаголати горам: падите на ны: и холмом: покрыйте ны: Luke 23:31 зане, аще в сурове древе сия творят, в сусе что будет? Luke 23:32 Ведяху же и ина два злодея с Ним убити. Luke 23:33 И егда приидоша на место, нарицаемое Лобное, ту распяша Его и злодея, оваго убо о десную, а другаго о шуюю. Luke 23:34 Иисус же глаголаше: Отче, отпусти им: не ведят бо что творят. Разделяюще же ризы Его, метаху жребия. Luke 23:35 И стояху людие зряще. Ругахуся же и князи с ними, глаголюще: иныя спасе, да спасет и Себе, аще Той есть Христос Божий избранный. Luke 23:36 Ругахуся же Ему и воини, приступающе и оцет придеюще Ему, Luke 23:37 и глаголаху: аще Ты еси Царь Иудейск, спасися Сам. Luke 23:38 Бе же и написание написано над Ним писмены еллинскими и римскими и еврейскими: Сей есть Царь Иудейск. Luke 23:39 Един же от обешеною злодею хуляше Его, глаголя: аще Ты еси Христос, спаси Себе и наю. Luke 23:40 Отвещав же другий прещаше ему, глаголя: ни ли ты боишися Бога, яко в томже осужден еси? Luke 23:41 И мы убо в правду: достойная бо по делом наю восприемлева: Сей же ни единаго зла сотвори. Luke 23:42 И глаголаше Иисусови: помяни мя, Господи, егда приидеши во Царствии си. Luke 23:43 И рече ему Иисус: аминь глаголю тебе, днесь со Мною будеши в раи. Luke 23:44 Бе же час яко шестый, и тма бысть по всей земли до часа девятаго: Luke 23:45 и померче солнце, и завеса церковная раздрася посреде. Luke 23:46 И возглашь гласом велиим Иисус, рече: Отче, в руце Твои предаю дух Мой. И сия рек издше. Luke 23:47 Видев же сотник бывшее, прослави Бога, глаголя: воистинну человек сей праведен бе. Luke 23:48 И вси пришедшии народи на позор сей, видяще бывающая, биюще перси своя возвращахуся. Luke 23:49 Стояху же вси знаемии Его издалеча, и жены споследствовавшыя Ему от Галилеи, зрящя сия. Luke 23:50 И се, муж именем Иосиф, советник сый, муж благ и праведен Luke 23:51 сей не бе пристал совету и делу их, от Аримафеа града Иудейска, иже чаяше и сам Царствия Божия: Luke 23:52 сей приступль к Пилату, проси телесе Иисусова: Luke 23:53 и снем е обвит плащаницею, и положи е во гробе изсечене, в немже не бе никтоже никогдаже положен. Luke 23:54 И день бе пяток, и суббота светаше. Luke 23:55 Вслед же шедшыя жены, яже бяху пришли с Ним от Галилеи, видеша гроб, и яко положено бысть тело Его: Luke 23:56 возвращшяся же уготоваша ароматы и миро: и в субботу убо умолчаша по заповеди. Luke 24:0 Luke 24:1 Во едину же от суббот зело рано приидоша на гроб, носящя яже уготоваша ароматы: и другия с ними: Luke 24:2 обретоша же камень отвален от гроба, Luke 24:3 и вшедшя не обретоша телесе Господа Иисуса. Luke 24:4 И бысть не домышляющымся им о сем, и се, мужа два стаста пред ними в ризах блещащихся. Luke 24:5 Пристрашным же бывшым им и поклоньшым лица на землю, рекоста к ним: что ищете живаго с мертвыми? Luke 24:6 Несть зде, но воста: помяните, якоже глагола вам, еще сый в Галилеи, Luke 24:7 глаголя, яко подобает Сыну Человеческому предану быти в руце человек грешник, и пропяту быти, и в третий день воскреснути. Luke 24:8 И помянуша глаголголы Его, Luke 24:9 и возвращшяся от гроба, возвестиша вся сия единомунадесяте и всем прочым. Luke 24:10 Бяше же Магдалина Мариа и Иоанна и Мариа Иаковля, и прочыя с ними, яже глаголаху ко Апостолом сия. Luke 24:11 И явишася пред ними яко лжа глаголы их, и не вероваху им. Luke 24:12 Петр же востав тече ко гробу и приник виде ризы едины лежащя: и отиде, в себе дивяся бывшему. Luke 24:13 И се, два от них беста идуща в тойже день в весь отстоящу стадий шестьдесят от Иерусалима, ейже имя Еммаус: Luke 24:14 и та беседоваста к себе о всех сих приключшихся. Luke 24:15 И бысть беседующема има и совопрошающемася, и Сам Иисус приближився идяше с нима: Luke 24:16 очи же ею держастеся, да Его не познаета. Luke 24:17 Рече же к нима: что суть словеса сия, о нихже стязаетася к себе идуща, и еста дряхла? Luke 24:18 Отвещав же един, емуже имя Клеопа, рече к Нему: Ты ли един пришлец еси во Иерусалим, и не уведел еси бывших в нем во дни сия? Luke 24:19 И рече има: киих? Она же реста Ему: яже о Иисусе Назарянине, Иже бысть муж пророк, силен делом и словом пред Богом и всеми людьми: Luke 24:20 како предаша Его архиерее и князи наши на осуждение смерти и распяша Его: Luke 24:21 мы же надеяхомся, яко Сей есть хотя избавити Израиля: но и над всеми сими, третий сей день есть днесь, отнелиже сия быша: Luke 24:22 но и жены некия от нас ужасиша ны, бывшыя рано у гроба: Luke 24:23 и не обретшя телесе Его, приидоша, глаголющя, яко и явление Ангел видеша, иже глаголют Его жива: Luke 24:24 и идоша нецыи от нас ко гробу и обретоша тако, якоже и жены реша: Самаго же не видеша. Luke 24:25 И Той рече к нима: о несмысленная и косная сердцем, еже веровати о всех, яже глаголаша пророцы: Luke 24:26 не сия ли подобаше пострадати Христу и внити в славу Свою? Luke 24:27 И начен от Моисеа и от всех пророк, сказаше има от всех Писаний яже о Нем. Luke 24:28 И приближишася в весь, в нюже идяста: и Той творяшеся далечайше ити: Luke 24:29 и нуждаста Его, глаголюща: облязи с нама, яко к вечеру есть, и приклонился есть день. И вниде с нима облещи. Luke 24:30 И бысть яко возлеже с нима, (и) приим хлеб благослови, и преломив даяше има: Luke 24:31 онема же отверзостеся очи, и познаста Его: и Той невидимь бысть има. Luke 24:32 И рекоста к себе: не сердце ли наю горя бе в наю, егда глаголаше нама на пути и егда сказоваше нама Писания? Luke 24:33 И воставша в той час, возвратистася во Иерусалим и обретоста совокупленых единонадесяте и иже бяху с ними, Luke 24:34 глаголющих, яко воистинну воста Господь и явися Симону. Luke 24:35 И та поведаста, яже быша на пути, и яко познася има в преломлении хлеба. Luke 24:36 Сия же им глаголющым, (и) Сам Иисус ста посреде их и глагола им: мир вам. Luke 24:37 Убоявшеся же и пристрашни бывше, мняху дух видети: Luke 24:38 и рече им: что смущени есте? И почто помышления входят в сердца ваша? Luke 24:39 Видите руце Мои и нозе Мои, яко сам Аз есмь: осяжите Мя и видите: яко дух плоти и кости не имать, якоже Мене видите имуща. Luke 24:40 И сие рек, показа им руце и нозе. Luke 24:41 Еще же неверующым им от радости и чудящымся, рече им: имате ли что снедно зде? Luke 24:42 Они же даша Ему рыбы печены часть и от пчел сот. Luke 24:43 И взем пред ними яде, Luke 24:44 рече же им: сия суть словеса, яже глаголах к вам еще сый с вами, яко подобает скончатися всем написанным в законе Моисеове и пророцех и псалмех о Мне. Luke 24:45 Тогда отверзе им ум разумети Писания Luke 24:46 и рече им, яко тако писано есть, и тако подобаше пострадати Христу и воскреснути от мертвых в третий день, Luke 24:47 и проповедатися во имя Его покаянию и отпущению грехов во всех языцех, наченше от Иерусалима: Luke 24:48 вы же есте свидетелие сим: Luke 24:49 и се, Аз послю обетование Отца Моего на вы: вы же седите во граде Иерусалимсте, дондеже облечетеся силою свыше. Luke 24:50 Извед же их вон до Вифании и воздвиг руце Свои, (и) благослови их. Luke 24:51 И бысть егда благословляше их, отступи от них и возношашеся на небо. Luke 24:52 И тии поклонишася Ему, и возвратишася во Иерусалим с радостию великою: Luke 24:53 и бяху выну в церкви, хваляще и благословяще Бога. Аминь.
John 0:0
Евангелие от Иоанна John 1:0 John 1:1 В начале бе Слово, и Слово бе к Богу, и Бог бе Слово. John 1:2 Сей бе искони к Богу: John 1:3 вся Тем быша, и без Него ничтоже бысть, еже бысть. John 1:4 В Том живот бе, и живот бе свет человеком: John 1:5 и свет во тме светится, и тма его не объят. John 1:6 Бысть человек послан от Бога, имя ему Иоанн: John 1:7 Сей прииде во свидетелство, да свидетелствует о Свете, да вси веру имут ему. John 1:8 Не бе той свет, но да свидетелствует о Свете: John 1:9 бе Свет истинный, Иже просвещает всякаго человека грядущаго в мир: John 1:10 в мире бе, и мир Тем бысть, и мир Его не позна: John 1:11 во своя прииде, и свои Его не прияша. John 1:12 Елицы же прияша Его, даде им область чадом Божиим быти, верующым во имя Его, John 1:13 иже не от крове, ни от похоти плотския, ни от похоти мужеския, но от Бога родишася. John 1:14 И Слово плоть бысть и вселися в ны, и видехом славу Его, славу яко Единороднаго от Отца, исполнь благодати и истины. John 1:15 Иоанн свидетелствует о Нем и воззва глаголя: Сей бе, Егоже рех, Иже по мне Грядый, предо мною бысть, яко первее мене бе. John 1:16 И от исполнения Его мы вси прияхом и благодать воз благодать: John 1:17 яко закон Моисеом дан бысть, благодать (же) и истина Иисус Христом бысть. John 1:18 Бога никтоже виде нигдеже: Единородный Сын, сый в лоне Отчи, Той исповеда. John 1:19 И сие есть свидетелство Иоанново, егда послаша Жидове от Иерусалима иереев и левитов, да вопросят его: ты кто еси? John 1:20 И исповеда и не отвержеся: и исповеда, яко несмь аз Христос. John 1:21 И вопросиша его: что убо? Илиа ли еси ты? И глагола: несмь. Пророк ли еси? И отвеща: ни. John 1:22 Реша же ему: кто еси? Да ответ дамы пославшым ны: что глаголеши о тебе самем? John 1:23 Рече: аз глас вопиющаго в пустыни: исправите путь Господень, якоже рече Исаиа пророк. John 1:24 И посланнии беху от фарисей: John 1:25 и вопросиша его и реша ему: что убо крещаеши, аще ты неси Христос, ни Илиа, ни пророк? John 1:26 Отвеща им Иоанн, глагола: аз крещаю водою: посреде же вас стоит, Егоже вы не весте: John 1:27 Той есть Грядый по мне, Иже предо мною бысть, Емуже несмь аз достоин, да отрешу ремень сапогу Его. John 1:28 Сия в Вифаваре быша об он пол Иордана, идеже бе Иоанн крестя. John 1:29 Во утрий (же) виде Иоанн Иисуса грядуща к себе и глагола: се, Агнец Божий, вземляй грехи мира: John 1:30 Сей есть, о Немже аз рех: по мне грядет Муж, Иже предо мною бысть, яко первее мене бе: John 1:31 и аз не ведех Его: но да явится Израилеви, сего ради приидох аз водою крестя. John 1:32 И свидетелствова Иоанн, глаголя, яко видех Духа сходяща яко голубя с небесе, и пребысть на Нем: John 1:33 и аз не ведех Его: но Пославый мя крестити водою, Той мне рече: над Негоже узриши Духа сходяща и пребывающа на Нем, Той есть крестяй Духом Святым: John 1:34 и аз видех и свидетелствовах, яко Сей есть Сын Божий. John 1:35 Во утрий (же) паки стояше Иоанн, и от ученик его два. John 1:36 И узрев Иисуса грядуща, глагола: се, Агнец Божий. John 1:37 И слышаста его оба ученика глаголющаго, и по Иисусе идоста. John 1:38 Обращься же Иисус и видев я по Себе идуща, глагола има: чесо ищета? Она же реста Ему: Равви, еже глаголется сказаемо учителю, где живеши? John 1:39 (И) глагола има: приидита и видита. Приидоста и видеста, где живяше, и у Него пребыста день той. Бе же час яко десятый. John 1:40 Бе (же) Андрей, брат Симона Петра, един от обою слышавшею от Иоанна и по Нем шедшею. John 1:41 Обрете сей прежде брата своего Симона и глагола ему: обретохом Мессию, еже есть сказаемо Христос. John 1:42 И приведе его ко Иисусови. Воззрев же нань Иисус рече: ты еси Симон сын Ионин: ты наречешися Кифа, еже сказается Петр. John 1:43 Во утрий (же) восхоте изыти в Галилею: и обрете Филиппа и глагола ему: гряди по Мне. John 1:44 Бе (же) Филипп от Вифсаиды, от града Андреова и Петрова. John 1:45 Обрете Филипп Нафанаила и глагола ему: Егоже писа Моисей в законе и пророцы, обретохом Иисуса сына Иосифова, иже от Назарета. John 1:46 И глагола ему Нафанаил: от Назарета может ли что добро быти? Глагола ему Филипп: прииди и виждь. John 1:47 Виде (же) Иисус Нафанаила грядуща к Себе и глагола о нем: се, воистинну Израилтянин, в немже льсти несть. John 1:48 Глагола Ему Нафанаил: како мя знаеши? Отвеща Иисус и рече ему: прежде даже не возгласи тебе Филипп, суща под смоковницею видех тя. John 1:49 Отвеща Нафанаил и глагола Ему: Равви, Ты еси Сын Божий, Ты еси Царь Израилев. John 1:50 Отвеща Иисус и рече ему: зане рех ти, яко видех тя под смоковницею, веруеши: болша сих узриши. John 1:51 И глагола ему: аминь, аминь глаголю вам, отселе узрите небо отверсто и Ангелы Божия восходящыя и нисходящыя над Сына Человеческаго. John 2:0 John 2:1 И в третий день брак бысть в Кане Галилейстей: и бе Мати Иисусова ту. John 2:2 Зван же бысть Иисус и ученицы Его на брак. John 2:3 И недоставшу вину, глаголгола Мати Иисусова к Нему: вина не имут. John 2:4 Глагола Ей Иисус: что (есть) Мне и Тебе, Жено? Не у прииде час Мой. John 2:5 Глаголгола Мати Его слугам: еже аще глаголет вам, сотворите. John 2:6 Беху же ту водоноси каменни шесть, лежаще по очищению Иудейску, вместящии по двема или трием мерам. John 2:7 Глагола им Иисус: наполните водоносы воды. И наполниша их до верха. John 2:8 И глагола им: почерпите ныне и принесите архитриклинови. И принесоша. John 2:9 Якоже вкуси архитриклин вина бывшаго от воды, и не ведяше, откуду есть: слуги же ведяху почерпшии воду: пригласи жениха архитриклин John 2:10 и глагола ему: всяк человек прежде доброе вино полагает, и егда упиются, тогда хуждшее: ты (же) соблюл еси доброе вино доселе. John 2:11 Се сотвори начаток знамением Иисус в Кане Галилейстей и яви славу Свою: и вероваша в Него ученицы Его. John 2:12 По сем сниде в Капернаум Сам и Мати Его, и братия Его и ученицы Его: и ту не многи дни пребыша. John 2:13 И близ бе Пасха Иудейска, и взыде во Иерусалим Иисус John 2:14 и обрете в церкви продающая овцы и волы и голуби, и пеняжники седящыя. John 2:15 И сотворив бичь от вервий, вся изгна из церкве, овцы и волы: и торжником разсыпа пенязи и дски опроверже: John 2:16 и продающым голуби рече: возмите сия отсюду и не творите дому Отца Моего дому купленаго. John 2:17 Помянуша же ученицы Его, яко писано есть: жалость дому Твоего снесть Мя. John 2:18 Отвещаша же Иудее и реша Ему: кое знамение являеши нам, яко сия твориши? John 2:19 Отвеща Иисус и рече им: разорите церковь сию, и треми денми воздвигну ю. John 2:20 Реша же Иудее: четыредесять и шестию лет создана бысть церков сия, и Ты ли треми денми воздвигнеши ю? John 2:21 Он же глаголаше о церкви тела Своего. John 2:22 Егда убо воста от мертвых, помянуша ученицы Его, яко се глаголаше, и вероваша Писанию и словеси, еже рече Иисус. John 2:23 Егда же бе в Иерусалимех в праздник Пасхи, мнози вероваша во имя Его, видяще знамения Его, яже творяше. John 2:24 Сам же Иисус не вдаяше Себе в веру их, зане сам ведяше вся, John 2:25 и яко не требоваше, да кто свидетелствует о человецех: Сам бо ведяше, что бе в человеце. John 3:0 John 3:1 Бе же человек от фарисей, Никодим имя ему, князь Жидовский: John 3:2 сей прииде ко Иисусу нощию и рече Ему: Равви, вем, яко от Бога пришел еси учитель: никтоже бо может знамений сих творити, яже Ты твориши, аще не будет Бог с ним. John 3:3 Отвеща Иисус и рече ему: аминь, аминь глаголю тебе: аще кто не родится свыше, не может видети Царствия Божия. John 3:4 Глагола к Нему Никодим: како может человек родитися стар сый? Еда может второе внити во утробу матере своея и родитися? John 3:5 Отвеща Иисус: аминь, аминь глаголю тебе: аще кто не родится водою и Духом, не может внити во Царствие Божие: John 3:6 рожденное от плоти плоть есть, и рожденное от Духа дух есть. John 3:7 Не дивися, яко рех ти: подобает вам родитися свыше. John 3:8 Дух, идеже хощет, дышет, и глас его слышиши, но не веси, откуду приходит и камо идет: тако есть всяк (человек) рожденный от Духа. John 3:9 Отвеща Никодим и рече Ему: како могут сия быти? John 3:10 Отвеща Иисус и рече ему: ты еси учитель Израилев, и сих ли не веси? John 3:11 Аминь, аминь глаголю тебе, яко, еже вемы, глаголем, и еже видехом, свидетелствуем, и свидетелства Нашего не приемлете: John 3:12 аще земная рекох вам, и не веруете: како, аще реку вам небесная, уверуете? John 3:13 И никтоже взыде на небо, токмо сшедый с небесе Сын Человеческий, сый на небеси: John 3:14 и якоже Моисей вознесе змию в пустыни, тако подобает вознестися Сыну Человеческому, John 3:15 да всяк веруяй в Онь не погибнет, но имать живот вечный. John 3:16 Тако бо возлюби Бог мир, яко и Сына Своего Единороднаго дал есть, да всяк веруяй в Онь не погибнет, но имать живот вечный. John 3:17 Не посла бо Бог Сына Своего в мир, да судит мирови, но да спасется Им мир. John 3:18 Веруяй в Онь не будет осужден: а не веруяй уже осужден есть, яко не верова во имя Единороднаго Сына Божия. John 3:19 Сей же есть суд, яко свет прииде в мир, и возлюбиша человецы паче тму, неже свет: беша бо их дела зла. John 3:20 Всяк бо делаяй злая ненавидит света и не приходит к свету, да не обличатся дела его, яко лукава суть: John 3:21 творяй же истину грядет к свету, да явятся дела его, яко о Бозе суть соделана. John 3:22 По сих (же) прииде Иисус и ученицы Его в Жидовскую землю: и ту живяше с ними и крещаше. John 3:23 Бе же Иоанн крестя во Еноне близ Салима, яко воды многи бяху ту: и прихождаху и крещахуся: John 3:24 не у бо бе всажден в темницу Иоанн. John 3:25 Бысть же стязание от ученик Иоанновых со Иудеи о очищении: John 3:26 и приидоша ко Иоанну и рекоша ему: равви, Иже бе с тобою об он пол Иордана, Емуже ты свидетелствовал еси, се, Сей крещает, и вси грядут к Нему. John 3:27 Отвеща Иоанн и рече: не может человек приимати ничесоже, аще не будет дано ему с небесе. John 3:28 Вы сами мне свидетелствуете, яко рех: несмь аз Христос, но яко послан есмь пред Ним. John 3:29 Имеяй невесту жених есть: а друг женихов, стоя и послушая его, радостию радуется за глас женихов: сия убо радость моя исполнися: John 3:30 оному подобает расти, мне же малитися. John 3:31 Грядый свыше над всеми есть: сый от земли от земли есть и от земли глаголет: Грядый с небесе над всеми есть, John 3:32 и еже виде и слыша, сие свидетелствует: и свидетелства Его никтоже приемлет. John 3:33 Приемый Его свидетелство верова, яко Бог истинен есть. John 3:34 Егоже бо посла Бог, глаголголы Божия глаголет: не в меру бо Бог дает Духа. John 3:35 Отец (бо) любит Сына и вся даде в руце Его. John 3:36 Веруяй в Сына имать живот вечный: а иже не верует в Сына, не узрит живота, но гнев Божий пребывает на нем. John 4:0 John 4:1 Егда убо разуме Иисус, яко услышаша фарисее, яко Иисус множайшыя ученики творит и крещает, неже Иоанн: John 4:2 Иисус же Сам не крещаше, но ученицы Его: John 4:3 остави Иудею и иде паки в Галилею. John 4:4 Подобаше же Ему проити сквозе Самарию. John 4:5 Прииде убо во град Самарийский, глаголемый Сихарь, близ веси, юже даде Иаков Иосифу сыну своему: John 4:6 бе же ту источник Иаковль. Иисус же утруждся от пути, седяше тако на источнице: бе (же) яко час шестый. John 4:7 Прииде жена от Самарии почерпати воду. Глагола ей Иисус: даждь Ми пити. John 4:8 Ученицы бо Его отшли бяху во град, да брашно купят. John 4:9 Глагола Ему жена Самаряныня: како ты Жидовин сый от мене пити просиши, жены Самаряныни сущей? Не прикасаютбося Жидове Самаряном. John 4:10 Отвеща Иисус и рече ей: аще бы ведала еси дар Божий, и Кто есть глаголяй ти: даждь Ми пити: ты бы просила у Него, и дал бы ти воду живу. John 4:11 Глагола Ему жена: господи, ни почерпала имаши, и студенец есть глубок: откуду убо имаши воду живу? John 4:12 Еда ты болий еси отца нашего Иакова, иже даде нам студенец сей, и той из него пит и сынове его и скоти его? John 4:13 Отвеща Иисус и рече ей: всяк пияй от воды сея, вжаждется паки: John 4:14 а иже пиет от воды, юже Аз дам ему, не вжаждется во веки: но вода, юже (Аз) дам ему, будет в нем источник воды текущия в живот вечный. John 4:15 Глагола к Нему жена: господи, даждь ми сию воду, да ни жажду, ни прихожду семо почерпати. John 4:16 Глагола ей Иисус: иди, пригласи мужа твоего и прииди семо. John 4:17 Отвеща жена и рече (Ему): не имам мужа. Глагола ей Иисус: добре рекла еси, яко мужа не имам: John 4:18 пять бо мужей имела еси, и ныне, егоже имаши, несть ти муж: се воистинну рекла еси. John 4:19 Глагола Ему жена: Господи, вижу, яко пророк еси Ты: John 4:20 отцы наши в горе сей поклонишася: и вы глаголете, яко во Иерусалимех есть место, идеже кланятися подобает. John 4:21 Глагола ей Иисус: жено, веру Ми ими, яко грядет час, егда ни в горе сей, ни во Иерусалимех поклонитеся Отцу: John 4:22 вы кланяетеся, егоже не весте: мы кланяемся, егоже вемы, яко спасение от Иудей есть: John 4:23 но грядет час, и ныне есть, егда истиннии поклонницы поклонятся Отцу духом и истиною: ибо Отец таковых ищет покланяющихся Ему: John 4:24 дух (есть) Бог: и иже кланяется Ему, духом и истиною достоит кланятися. John 4:25 Глагола Ему жена: вем, яко Мессиа приидет, глаголемыи Христос: егда Той приидет, возвестит нам вся. John 4:26 Глагола ей Иисус: Аз есмь, глаголяй с тобою. John 4:27 И тогда приидоша ученицы Его и чудяхуся, яко с женою глаголаше: обаче никтоже рече: чесо ищеши? Или: что глаголеши с нею? John 4:28 Остави же водонос свой жена, и иде во град, и глагола человеком: John 4:29 приидите (и) видите Человека, Иже рече ми вся, елика сотворих: еда Той есть Христос? John 4:30 Изыдоша же из града и грядяху к Нему. John 4:31 Между же сим моляху Его ученицы (Его), глаголюще: Равви, яждь. John 4:32 Он же рече им: Аз брашно имам ясти, егоже вы не весте. John 4:33 Глаголаху убо ученицы к себе: еда кто принесе Ему ясти? John 4:34 Глагола им Иисус: Мое брашно есть, да сотворю волю Пославшаго Мя и совершу дело Его. John 4:35 Не вы ли глаголете, яко еще четыри месяцы суть, и жатва приидет? Се, глаголю вам: возведите очи ваши и видите нивы, яко плавы суть к жатве уже: John 4:36 и жняй мзду приемлет и собирает плод в живот вечный, да и сеяй вкупе радуется и жняй: John 4:37 о сем бо слово есть истинное, яко ин есть сеяй, и ин (есть) жняй: John 4:38 аз послах вы жати, идеже вы не трудистеся: инии трудишася, и вы в труд их внидосте. John 4:39 От града же того мнози вероваша в Онь от Самарян, за слово жены свидетелствующия, яко рече ми вся, елика сотворих. John 4:40 Егда убо приидоша к Нему Самаряне, моляху Его, дабы пребыл у них: и пребысть ту два дни. John 4:41 И много паче вероваша за слово Его: John 4:42 жене же глаголаху, яко не ктому за твою беседу веруем: сами бо слышахом и вемы, яко Сей есть воистинну Спас миру, Христос. John 4:43 По двою же дню изыде оттуду и иде в Галилею: John 4:44 Сам бо Иисус свидетелствова, яко пророк во своем отечествии чести не имать. John 4:45 Егда же прииде в Галилею, прияша Его Галилеане, вся видевше, яже сотвори во Иерусалимех в праздник: и тии бо приидоша в праздник. John 4:46 Прииде же паки Иисус в Кану Галилейскую, идеже претвори воду в вино. И бе некий царев муж, егоже сын боляше в Капернауме. John 4:47 Сей слышав, яко Иисус прииде от Иудеи в Галилею, иде к Нему и моляше Его, да снидет и исцелит сына Его: имеяше бо умрети. John 4:48 Рече убо Иисус к нему: аще знамении и чудес не видите, не имате веровати. John 4:49 Глагола к Нему царев муж: Господи, сниди, прежде даже не умрет отроча мое. John 4:50 Глагола ему Иисус: иди, сын твой жив есть. И верова человек словеси, еже рече ему Иисус, и идяше. John 4:51 Абие же входящу ему, (се,) раби его сретоша его и возвестиша (ему), глаголюще, яко сын твой жив есть. John 4:52 Вопрошаше убо от них о часе, в который легчае ему бысть, и реша ему, яко вчера в час седмый остави его огнь. John 4:53 Разуме же отец, яко той бе час, в оньже рече ему Иисус, яко сын твой жив есть: и верова сам и весь дом его. John 4:54 Сие паки второе знамение сотвори Иисус, пришед от Иудеи в Галилею. John 5:0 John 5:1 По сих (же) бе праздник Иудейский, и взыде Иисус во Иерусалим. John 5:2 Есть же во Иерусалимех Овчая купель, яже глаголется еврейски Вифесда, пять притвор имущи: John 5:3 в тех слежаше множество болящих, слепых, хромых, сухих, чающих движения воды: John 5:4 Ангел бо Господень на (всяко) лето схождаше в купель и возмущаше воду: (и) иже первее влазяше по возмущении воды, здрав бываше, яцем же недугом одержимь бываше. John 5:5 Бе же ту некий человек, тридесять и осмь лет имый в недузе (своем). John 5:6 Сего видев Иисус лежаща и разумев, яко многа лета уже имяше (в недузе), глагола ему: хощеши ли цел быти? John 5:7 Отвеща Ему недужный: ей, Господи, человека не имам, да, егда возмутится вода, ввержет мя в купель: егда же прихожду аз, ин прежде мене слазит. John 5:8 Глагола ему Иисус: востани, возми одр твой и ходи. John 5:9 И абие здрав бысть человек: и взем одр свой и хождаше. Бе же суббота в той день. John 5:10 Глаголаху же Жидове исцелевшему: суббота есть, и не достоит ти взяти одра (твоего). John 5:11 Он (же) отвеща им: Иже мя сотвори цела, Той мне рече: возми одр твой и ходи. John 5:12 Вопросиша же его: кто есть Человек рекий ти: возми одр твой и ходи? John 5:13 Изцелевый же не ведяше, Кто есть: Иисус бо уклонися, народу сущу на месте. John 5:14 Потом (же) обрете его Иисус в церкви и рече ему: се, здрав еси: ктому не согрешай, да не горше ти что будет. John 5:15 Иде (же) человек и поведа Иудеом, яко Иисус есть, иже мя сотвори цела. John 5:16 И сего ради гоняху Иисуса Иудее и искаху Его убити, зане сия творяше в субботу. John 5:17 Иисус же отвещаваше им: Отец Мой доселе делает, и Аз делаю. John 5:18 И сего ради паче искаху Его Иудее убити, яко не токмо разоряше субботу, но и Отца Своего глаголаше Бога, равен Ся творя Богу. John 5:19 Отвеща же Иисус и рече им: аминь, аминь глаголю вам, не может Сын творити о Себе ничесоже, аще не еже видит Отца творяща: яже бо Он творит, сия и Сын такожде творит. John 5:20 Отец бо любит Сына и вся показует Ему, яже Сам творит: и болша сих покажет Ему дела, да вы чудитеся. John 5:21 Якоже бо Отец воскрешает мертвыя и живит, тако и Сын, ихже хощет, живит. John 5:22 Отец бо не судит ни комуже, но суд весь даде Сынови, John 5:23 да вси чтут Сына, якоже чтут Отца. (а) иже не чтит Сына, не чтит Отца пославшаго Его. John 5:24 Аминь, аминь глаголю вам, яко слушаяй словесе Моего и веруяй Пославшему Мя имать живот вечный, и на суд не приидет, но прейдет от смерти в живот. John 5:25 Аминь, аминь глаголю вам, яко грядет час, и ныне есть, егда мертвии услышат глас Сына Божия и услышавше оживут. John 5:26 Якоже бо Отец имать живот в Себе, тако даде и Сынови живот имети в Себе John 5:27 и область даде Ему и суд творити, яко Сын Человечь есть. John 5:28 Не дивитеся сему: яко грядет час, в оньже вси сущии во гробех услышат глас Сына Божия, John 5:29 и изыдут сотворшии благая в воскрешение живота, а сотворшии злая в воскрешение суда. John 5:30 Не могу Аз о Себе творити ничесоже. Якоже слышу, сужду, и суд Мой праведен есть, яко не ищу воли Моея, но воли пославшаго Мя Отца. John 5:31 Аще Аз свидетелствую о Мне, свидетельство Мое несть истинно: John 5:32 ин есть свидетелствуяй о Мне, и вем, яко истинно есть свидетелство, еже свидетелствует о Мне: John 5:33 вы посласте ко Иоанну, и свидетелствова о истине. John 5:34 Аз же не от человека свидетелства приемлю, но сия глаголю, да вы спасени будете. John 5:35 Он бе светилник горя и светя: вы же восхотесте возрадоватися в час светения его. John 5:36 Аз же имам свидетелство более Иоаннова: дела бо, яже даде Мне Отец, да совершу я, та дела, яже Аз творю, свидетелствуют о Мне, яко Отец Мя посла. John 5:37 И пославый Мя Отец Сам свидетелствова о Мне. Ни гласа Его нигдеже слышасте, ни видения Его видесте, John 5:38 и словесе Его не имате пребывающа в вас, зане, Егоже Той посла, Сему вы веры не емлете. John 5:39 Испытайте Писаний, яко вы мните в них имети живот вечный: и та суть свидетелствующая о Мне. John 5:40 И не хощете приити ко Мне, да живот имате. John 5:41 Славы от человек не приемлю, John 5:42 но разумех вы, яко любве Божия не имате в себе. John 5:43 Аз приидох во имя Отца Моего, и не приемлете Мене: аще ин приидет во имя свое, того приемлете. John 5:44 Како вы можете веровати, славу друг от друга приемлюще, и славы, яже от Единаго Бога, не ищете? John 5:45 Не мните, яко Аз на вы реку ко Отцу: есть, иже на вы глаголет, Моисей, наньже вы уповаете. John 5:46 Аще бо бысте веровали Моисеови, веровали бысте (убо и) Мне: о Мне бо той писа. John 5:47 Аще ли того писанием не веруете, како Моим глаголголом веру имете? John 6:0 John 6:1 По сих иде Иисус на он пол моря Галилеи Тивериадска: John 6:2 и по Нем идяше народ мног, яко видяху знамения Его, яже творяше над недужными. John 6:3 Взыде же на гору Иисус и ту седяше со ученики Своими. John 6:4 Бе же близ Пасха, праздник Жидовский. John 6:5 Возвед убо Иисус очи и видев, яко мног народ грядет к Нему, глагола к Филиппу: чим купим хлебы, да ядят сии? John 6:6 Сие же глаголаше искушая его: Сам бо ведяше, что хощет сотворити. John 6:7 Отвеща Ему Филипп: двема стома пенязей хлебы не довлеют им, да кийждо их мало что приимет. John 6:8 Глагола Ему един от ученик Его, Андрей, брат Симона Петра: John 6:9 есть отрочищь зде един, иже имать пять хлеб ячменных и две рыбе: но сии что суть на толико? John 6:10 Рече же Иисус: сотворите человеки возлещи. Бе же трава многа на месте. Возлеже убо мужей числом яко пять тысящ. John 6:11 Прият же хлебы Иисус и, хвалу воздав, подаде учеником, ученицы же возлежащым: такожде и от рыбу, елико хотяху. John 6:12 И яко насытишася, глагола учеником Своим: соберите избытки укрух, да не погибнет ничтоже. John 6:13 Собраша же и исполниша дванадесяте кошя укрух от пятих хлеб ячменных, иже избыша ядшым. John 6:14 Человецы же видевше знамение, еже сотвори Иисус, глаголаху, яко Сей есть воистинну Пророк Грядый в мир. John 6:15 Иисус убо разумев, яко хотят приити, да восхитят Его и сотворят Его царя, отиде паки в гору един. John 6:16 Яко позде бысть, снидоша ученицы Его на море, John 6:17 и влезоша в корабль, и идяху на он пол моря в Капернаум. И тма абие бысть, и не (у) бе пришел к ним Иисус. John 6:18 Море же, ветру велию дыхающу, воздвизашеся. John 6:19 Гребше же яко стадий двадесять пять или тридесять, узреша Иисуса ходяща по морю и близ корабля бывша, и убояшася. John 6:20 Он же глагола им: Аз есмь, не бойтеся. John 6:21 Хотяху убо прияти Его в корабль: и абие корабль бысть на земли, в нюже идяху. John 6:22 Во утрий (же) народ, иже стояше об он пол моря, видев, яко корабля иного не бе ту, токмо един той, в оньже внидоша ученицы Его, и яко не вниде со ученики Своими Иисус в корабль, но едини ученицы Его идоша: John 6:23 и ини приидоша корабли от Тивериады близ места, идеже ядоша хлебы, хвалу воздавше Господеви: John 6:24 егда же видеша народи, яко Иисуса не бысть ту, ни ученик Его, влезоша сами в корабли и приидоша в Капернаум, ищуще Иисуса, John 6:25 и обретше Его об он пол моря, реша Ему: Равви, когда зде бысть? John 6:26 Отвеща им Иисус и рече: аминь, аминь глаголю вам, ищете Мене, не яко видесте знамение, но яко яли есте хлебы и насытистеся: John 6:27 делайте не брашно гиблющее, но брашно пребывающее в живот вечный, еже Сын Человеческий вам даст: Сего бо Отец знамена Бог. John 6:28 Реша же к Нему: что сотворим, да делаем дела Божия? John 6:29 Отвеща Иисус и рече им: се есть дело Божие, да веруете в Того, Егоже посла Он. John 6:30 Реша же Ему: кое убо Ты твориши знамение, да видим и веру имем Тебе? Что делаеши? John 6:31 Отцы наши ядоша манну в пустыни, якоже есть писано: хлеб с небесе даде им ясти. John 6:32 Рече убо им Иисус: аминь, аминь глаголю вам, не Моисей даде вам хлеб с небесе, но Отец Мой дает вам хлеб истинный с небесе: John 6:33 хлеб бо Божии есть сходяй с небесе и даяй живот миру. John 6:34 Реша убо к Нему: Господи, всегда даждь нам хлеб сей. John 6:35 Рече же им Иисус: Аз есмь хлеб животный: грядый ко Мне не имать взалкатися, и веруяй в Мя не имать вжаждатися никогдаже. John 6:36 Но рех вам, яко и видесте Мя, и не веруете. John 6:37 Все, еже дает Мне Отец, ко Мне приидет, и грядущаго ко Мне не изжену вон: John 6:38 яко снидох с небесе, не да творю волю Мою, но волю пославшаго Мя Отца. John 6:39 Се же есть воля пославшаго Мя Отца, да все, еже даде Ми, не погублю от Него, но воскрешу е в последний день. John 6:40 Се же есть воля Пославшаго Мя, да всяк видяй Сына и веруяй в Него имать живот вечный, и воскрешу его Аз в последний день. John 6:41 Роптаху убо Иудее о Нем, яко рече: Аз есмь хлеб сшедый с небесе. John 6:42 И глаголаху: не Сей ли есть Иисус сын Иосифов, Егоже мы знаем отца и Матерь? Како убо глаголет Сей, яко с небесе снидох? John 6:43 Отвеща убо Иисус и рече им: не ропщите между собою: John 6:44 никтоже может приити ко Мне, аще не Отец пославый Мя привлечет его, и Аз воскрешу его в последний день. John 6:45 Есть писано во пророцех: и будут вси научени Богом. Всяк слышавый от Отца и навык, приидет ко Мне. John 6:46 Не яко Отца видел есть Кто, токмо сый от Бога, Сей виде Отца. John 6:47 Аминь, аминь глаголю вам: веруяй в Мя имать живот вечный. John 6:48 Аз есмь хлеб животный: John 6:49 отцы ваши ядоша манну в пустыни и умроша: John 6:50 сей есть хлеб сходяй с небесе, да, аще кто от него яст, не умрет: John 6:51 Аз есмь хлеб животный, иже сшедый с небесе: аще кто снесть от хлеба сего, жив будет во веки: и хлеб, егоже Аз дам, Плоть Моя есть, юже Аз дам за живот мира. John 6:52 Пряхуся же между собою Жидове, глаголюще: како может Сей нам дати Плоть (Свою) ясти? John 6:53 Рече же им Иисус: аминь, аминь глаголю вам: аще не снесте Плоти Сына Человеческаго, ни пиете Крове Его, живота не имате в себе. John 6:54 Ядый Мою Плоть и пияй Мою Кровь имать живот вечный, и Аз воскрешу его в последний день. John 6:55 Плоть бо Моя истинно есть брашно, и Кровь Моя истинно есть пиво. John 6:56 Ядый Мою Плоть и пияй Мою Кровь во Мне пребывает, и Аз в нем. John 6:57 Якоже посла Мя живый Отец, и Аз живу Отца ради: и ядый Мя, и той жив будет Мене ради. John 6:58 Сей есть хлеб сшедый с небесе: не якоже ядоша отцы ваши манну и умроша: ядый хлеб сей жив будет во веки. John 6:59 Сия рече на сонмищи, учя в Капернауме. John 6:60 Мнози убо слышавше от ученик Его, реша: жестоко есть слово сие: (и) кто может Его послушати? John 6:61 Ведый же Иисус в Себе, яко ропщут о сем ученицы Его, рече им: сие ли вы блазнит? John 6:62 Аще убо узрите Сына Человеческаго восходяща, идеже бе прежде? John 6:63 Дух есть, иже оживляет, плоть не пользует ничтоже: глаголголы, яже Аз глаголах вам, дух суть и живот суть: John 6:64 но суть от вас нецыи, иже не веруют. Ведяше бо искони Иисус, кии суть неверующии, и кто есть предаяй Его. John 6:65 И глаголаше: сего ради рех вам, яко никтоже может приити ко Мне, аще не будет ему дано от Отца Моего. John 6:66 От сего мнози от ученик Его идоша вспять и ктому не хождаху с Ним. John 6:67 Рече же Иисус обеманадесяте: еда и вы хощете ити? John 6:68 Отвеща убо Ему Симон Петр: Господи, к кому идем? Глаголголы живота вечнаго имаши, John 6:69 и мы веровахом и познахом, яко Ты еси Христос, Сын Бога живаго. John 6:70 Отвеща им Иисус: не Аз ли вас дванадесяте избрах? И един от вас диавол есть. John 6:71 Глаголаше же Иуду Симонова Искариота: сей бо хотяше предати Его, един сый от обоюнадесяте. John 7:0 John 7:1 И хождаше Иисус по сих в Галилеи: не хотяше бо во Иудеи ходити, яко искаху Его Иудее убити. John 7:2 Бе же близ праздник Иудейский, потчение сени. John 7:3 Реша убо к Нему братия Его: прейди отсюду, и иди во Иудею, да и ученицы Твои видят дела Твоя, яже твориши: John 7:4 никтоже бо в тайне творит что, и ищет сам яве быти: аще сия твориши, яви Себе мирови. John 7:5 Ни братия бо Его вероваху в Него. John 7:6 Глагола убо им Иисус: время Мое не у прииде: время же ваше всегда готово есть: John 7:7 не может мир ненавидети вас, Мене же ненавидит, яко Аз свидетелствую о нем, яко дела Его зла суть: John 7:8 вы взыдите в праздник сей, Аз не взыду в праздник сей, яко время Мое не у исполнися. John 7:9 Сия рек им, оста в Галилеи. John 7:10 Егда же взыдоша братия Его в праздник, тогда и Сам взыде, не яве, но яко тай. John 7:11 Жидове же искаху Его в праздник и глаголаху: где есть Он? John 7:12 И ропот мног бе о Нем в народех: овии глаголаху, яко благ есть: инии же глаголаху: ни, но льстит народы. John 7:13 Никтоже убо яве глаголаше о Нем, страха ради Иудейскаго. John 7:14 Абие же в преполовение праздника взыде Иисус во церковь и учаше. John 7:15 И дивляхуся Иудее, глаголюще: како Сей книги весть не учився? John 7:16 Отвеща (убо) им Иисус и рече: Мое учение несть Мое, но Пославшаго Мя: John 7:17 аще кто хощет волю Его творити, разумеет о учении, кое от Бога есть, или Аз от Себе глаголю: John 7:18 глаголяй от себе славы своея ищет: а Ищяй славы Пославшаго Его, Сей истинен есть, и несть неправды в Нем. John 7:19 Не Моисей ли даде вам закон? И никтоже от вас творит закона. Что Мене ищете убити? John 7:20 Отвеща народ и рече: беса ли имаши? Кто Тебе ищет убити? John 7:21 Отвеща Иисус и рече им: едино дело сотворих, и вси дивитеся: John 7:22 сего ради Моисей даде вам обрезание, не яко от Моисеа есть, но от отец: и в субботу обрезаете человека: John 7:23 аще обрезание приемлет человек в субботу, да не разорится закон Моисеов, на Мя ли гневаетеся, яко всего человека здрава сотворих в субботу? John 7:24 Не судите на лица, но праведный суд судите. John 7:25 Глаголаху убо нецыи от Иерусалимлян: не Сей ли есть, Егоже ищут убити? John 7:26 И се, не обинуяся глаголет, и ничесоже Ему не глаголют: еда како разумеша князи, яко Сей есть Христос? John 7:27 Но Сего вемы, откуду есть: Христос же егда приидет, никтоже весть, откуду будет. John 7:28 Воззва убо в церкви учя Иисус и глаголя: и Мене весте, и весте, откуду есмь: и о Себе не приидох, но есть истинен Пославый Мя, Егоже вы не весте: John 7:29 Аз вем Его, яко от Него есмь, и Той Мя посла. John 7:30 Искаху убо, да имут Его: и никтоже возложи Нань руки, яко не у бе пришел час Его. John 7:31 Мнози же от народа вероваша в Него и глаголаху, яко Христос, егда приидет, еда болша знамения сотворит, яже Сей творит? John 7:32 Слышаша фарисее народ ропщущь о Нем сия, и послаша фарисее и архиерее слуги, да имут Его. John 7:33 Рече убо Иисус: еще мало время с вами есмь, и иду к Пославшему Мя: John 7:34 взыщете Мене и не обрящете: и идеже есмь Аз, вы не можете приити. John 7:35 Реша же Иудее к себе: камо Сей хощет ити, яко мы не обрящем Его? Еда в разсеяние Еллинское хощет ити и учити Еллины? John 7:36 Что есть сие слово, еже рече: взыщете Мене и не обрящете: и идеже есмь Аз, вы не можете приити? John 7:37 В последний же день великий праздника стояше Иисус и зваше, глаголя: аще кто жаждет, да приидет ко Мне и пиет: John 7:38 веруяй в Мя, якоже рече Писание, реки от чрева его истекут воды живы. John 7:39 Сие же рече о Дусе, Егоже хотяху приимати верующии во имя Его: не у бо бе Дух Святый, яко Иисус не у бе прославлен. John 7:40 Мнози же от народа слышавше слово, глаголаху: Сей есть воистинну пророк. John 7:41 Друзии глаголаху: Сей есть Христос. Овии же глаголаху: еда от Галилеи Христос приходит? John 7:42 Не Писание ли рече, яко от семене Давидова и от Вифлеемския веси, идеже бе Давид, Христос приидет? John 7:43 Распря убо бысть в народе Его ради. John 7:44 Нецыи же от них хотяху яти Его: но никтоже возложи Нань руце. John 7:45 Приидоша же слуги ко архиереом и фарисеом: и реша им тии: почто не приведосте Его? John 7:46 Отвещаша слуги: николиже тако есть глаголал человек, яко Сей Человек. John 7:47 Отвещаша убо им фарисее: еда и вы прельщени бысте? John 7:48 Еда кто от князь верова в Онь, или от фарисей? John 7:49 Но народ сей, иже не весть закона, прокляти суть. John 7:50 Глагола Никодим к ним, иже пришедый к Нему нощию, един сый от них: John 7:51 еда закон наш судит человеку, аще не слышит от него прежде и разумеет, что творит? John 7:52 Отвещаша и рекоша ему: еда и ты от Галилеи еси? Испытай и виждь, яко пророк от Галилеи не приходит. John 7:53 И иде кийждо в дом свой. John 8:0 John 8:1 Иисус же иде в гору Елеонску: John 8:2 заутра же паки прииде в церковь, и вси людие идяху к Нему: и сед учаше их. John 8:3 Приведоша же книжницы и фарисее к Нему жену в прелюбодеянии яту, и поставивше ю посреде, John 8:4 глаголаша Ему: Учителю, сия жена ята есть ныне в прелюбодеянии: John 8:5 в законе же нам Моисей повеле таковыя камением побивати: Ты же что глаголеши? John 8:6 Сие же реша искушающе Его, да быша имели что глаголати Нань. Иисус же долу преклонься, перстом писаше на земли, не слагая (им). John 8:7 Якоже прилежаху вопрошающе Его, восклонься рече к ним: иже есть без греха в вас, прежде верзи камень на ню. John 8:8 И паки долу преклонься, писаше на земли. John 8:9 Они же слышавше и совестию обличаеми, исхождаху един по единому, наченше от старец до последних: и оста един Иисус, и жена посреде сущи. John 8:10 Восклонься же Иисус и ни единаго видев, точию жену, рече ей: жено, где суть, иже важдаху на тя? Ни кийже ли тебе осуди? John 8:11 Она же рече: никтоже, Господи. Рече же ей Иисус: ни Аз тебе осуждаю: иди и (отселе) ктому не согрешай. John 8:12 Паки же им Иисус рече глаголя: Аз есмь свет миру: ходяй по Мне не имать ходити во тме, но имать свет животный. John 8:13 Реша убо Ему фарисее: Ты о Себе Сам свидетелствуеши: свидетелство Твое несть истинно. John 8:14 Отвеща Иисус и рече им: аще Аз свидетелствую о Себе, истинно есть свидетелство Мое, яко вем, откуду приидох и камо иду: вы же не весте, откуду прихожду и камо гряду: John 8:15 вы по плоти судите, Аз не сужду ни комуже: John 8:16 и аще сужду Аз, суд Мой истинен есть, яко един несмь, но Аз и пославый Мя Отец: John 8:17 и в законе же вашем писано есть, яко двою человеку свидетелство истинно есть: John 8:18 Аз есмь свидетелствуяй о Мне Самем, и свидетелствует о Мне пославый Мя Отец. John 8:19 Глаголаху же Ему: где есть Отец Твой? Отвеща Иисус: ни Мене весте, ни Отца Моего: аще Мя бысте ведали, и Отца Моего ведали бысте. John 8:20 Сия глаголголы глагола Иисус в газофилакии, учя в церкви: и никтоже ят Его, яко не у бе пришел час Его. John 8:21 Рече же им паки Иисус: Аз иду, и взыщете Мене, и во гресе вашем умрете: аможе Аз иду, вы не можете приити. John 8:22 Глаголаху убо Иудее: еда Ся Сам убиет, яко глаголет: аможе Аз иду, вы не можете приити? John 8:23 И рече им: вы от нижних есте, Аз от вышних есмь: вы от мира сего есте, Аз несмь от мира сего: John 8:24 рех убо вам, яко умрете во гресех ваших: аще бо не имете веры, яко Аз есмь, умрете во гресех ваших. John 8:25 Глаголаху убо Ему: Ты кто еси? И рече им Иисус: Начаток, яко и глаголю вам: John 8:26 многа имам о вас глаголати и судити: но Пославый Мя истинен есть, и Аз, яже слышах от Него, сия глаголю в мире. John 8:27 Не разумеша (убо), яко Отца им глаголаше. John 8:28 Рече же им Иисус: егда вознесете Сына Человеческаго, тогда уразумеете, яко Аз есмь, и о Себе ничесоже творю, но, якоже научи Мя Отец Мой, сия глаголю: John 8:29 и пославый Мя со Мною есть: не остави Мене единаго Отец, яко Аз угодная Ему всегда творю. John 8:30 Сия Ему глаголющу, мнози вероваша в Него. John 8:31 Глаголаше убо Иисус к веровавшым Ему Иудеом: аще вы пребудете во словеси Моем, воистинну ученицы Мои будете John 8:32 и уразумеете истину, и истина свободит вы. John 8:33 Отвещаша (и реша) Ему: семя Авраамле есмы и ни комуже работахом николиже: како Ты глаголеши, яко свободни будете? John 8:34 Отвеща им Иисус: аминь, аминь глаголю вам, яко всяк творяй грех раб есть греха: John 8:35 раб же не пребывает в дому во век: сын пребывает во век: John 8:36 аще убо Сын вы свободит, воистинну свободни будете: John 8:37 вем, яко семя Авраамле есте: но ищете Мене убити, яко слово Мое не вмещается в вы: John 8:38 Аз, еже видех у Отца Моего, глаголю: и вы убо, еже видесте у отца вашего, творите. John 8:39 Отвещаша и реша Ему: отец наш Авраам есть. Глагола им Иисус: аще чада Авраамля бысте были, дела Авраамля бысте творили: John 8:40 ныне же ищете Мене убити, Человека, иже истину вам глаголах, юже слышах от Бога: сего Авраам несть сотворил: John 8:41 вы творите дела отца вашего. Реша же Ему: мы от любодеяния несмы рождени: единаго Отца имамы, Бога. John 8:42 Рече же им Иисус: аще Бог Отец ваш (бы) был, любили бысте (убо) Мене: Аз бо от Бога изыдох и приидох: не о Себе бо приидох, но Той Мя посла: John 8:43 почто беседы Моея не разумеете? Яко не можете слышати словесе Моего: John 8:44 вы отца (вашего) диавола есте, и похоти отца вашего хощете творити: он человекоубийца бе искони и во истине не стоит, яко несть истины в нем: егда глаголет лжу, от своих глаголет, яко ложь есть и отец лжи: John 8:45 Аз же зане истину глаголю, не веруете Мне: John 8:46 кто от вас обличает Мя о гресе? Аще ли истину глаголю, почто вы не веруете Мне? John 8:47 Иже есть от Бога, глаголголов Божиих послушает: сего ради вы не послушаете, яко от Бога несте. John 8:48 Отвещаша убо Иудее и реша Ему: не добре ли мы глаголем, яко Самарянин еси Ты и беса имаши? John 8:49 Отвеща Иисус: Аз беса не имам, но чту Отца Моего, и вы не чтете Мене: John 8:50 Аз же не ищу славы Моея: есть Ищя и Судя: John 8:51 аминь, аминь глаголю вам: аще кто слово Мое соблюдет, смерти не имать видети во веки. John 8:52 Реша убо Ему Жидове: ныне разумехом, яко беса имаши: Авраам умре и пророцы, и Ты глаголеши: аще кто слово Мое соблюдет, смерти не имать вкусити во веки: John 8:53 еда Ты болий еси отца нашего Авраама, иже умре? И пророцы умроша: кого Себе Сам Ты твориши? John 8:54 Отвеща Иисус: аще Аз славлюся Сам, слава Моя ничесоже есть: есть Отец Мой славяй Мя, Егоже вы глаголете, яко Бог ваш есть: John 8:55 и не познасте Его, Аз же вем Его: и аще реку, яко не вем Его, буду подобен вам ложь: но вем Его и слово Его соблюдаю: John 8:56 Авраам отец ваш рад бы был, дабы видел день Мой: и виде и возрадовася. John 8:57 Реша убо Иудее к Нему: пятидесят лет не у имаши, и Авраама ли еси видел? John 8:58 Рече (же) им Иисус: аминь, аминь глаголю вам: прежде даже Авраам не бысть, Аз есмь. John 8:59 Взяша убо камение, да вергут Нань: Иисус же скрыся и изыде из церкве, прошед посреде их: и мимохождаше тако. John 9:0 John 9:1 И мимоидый виде человека слепа от рождества. John 9:2 И вопросиша Его ученицы Его, глаголюще: Равви, кто согреши, сей ли, или родителя его, яко слеп родися? John 9:3 Отвеща Иисус: ни сей согреши, ни родителя его, но да явятся дела Божия на нем: John 9:4 мне подобает делати дела Пославшаго Мя, дондеже день есть: приидет нощь, егда никтоже может делати: John 9:5 егда в мире есмь, свет есмь миру. John 9:6 Сия рек, плюну на землю, и сотвори брение от плюновения, и помаза очи брением слепому, John 9:7 и рече ему: иди, умыйся в купели Силоамсте, еже сказается послан. Иде убо и умыся, и прииде видя. John 9:8 Соседи же и иже бяху видели его прежде, яко слеп бе, глаголаху: не сей ли есть седяй и просяй? John 9:9 Овии глаголаху, яко сей есть: инии же (глаголаху), яко подобен ему есть. Он (же) глаголаше, яко аз есмь. John 9:10 Глаголаху же ему: како ти отверзостеся очи? John 9:11 Отвеща он и рече: Человек нарицаемый Иисус брение сотвори и помаза очи мои и рече ми: иди в купель Силоамлю и умыйся. Шед же и умывся, прозрех. John 9:12 Реша убо ему: кто Той есть? Глагола: не вем. John 9:13 Ведоша (же) его к фарисеом, иже бе иногда слеп. John 9:14 Бе же суббота, егда сотвори брение Иисус и отверзе ему очи. John 9:15 Паки же вопрошаху его и фарисее, како прозре. Он же рече им: брение положи мне на очи, и умыхся, и вижу. John 9:16 Глаголаху убо от фарисей нецыи: несть Сей от Бога Человек, яко субботу не хранит. Овии глаголаху: како может человек грешен сицева знамения творити? И распря бе в них. John 9:17 Глаголаху (убо) слепцу паки: ты что глаголеши о Нем, яко отверзе очи твои? Он же рече, яко пророк есть. John 9:18 Не яша убо веры Иудее о нем, яко слеп бе и прозре, дондеже возгласиша родителя того прозревшаго John 9:19 и вопросиша я, глаголюще: сей ли есть сын ваю, егоже вы глаголете, яко слеп родися? Како убо ныне видит? John 9:20 Отвещаста (же) им родителя его и реста: вемы, яко сей есть сын наю и яко слеп родися: John 9:21 како же ныне видит, не вемы, или кто отверзе ему очи, мы не вемы: сам возраст имать, самого вопросите, сам о себе да глаголет. John 9:22 Сия рекоста родителя его, яко боястася Жидов: уже бо бяху сложилися Жидове, да, аще кто Его исповесть Христа, отлучен от сонмища будет: John 9:23 сего ради родителя его рекоста, яко возраст имать, самого вопросите. John 9:24 Возгласиша же вторицею человека, иже бе слеп, и реша ему: даждь славу Богу: мы вемы, яко Человек Сей грешен есть. John 9:25 Отвеща убо он и рече: аще грешен есть, не вем: едино вем, яко слеп бех, ныне же вижу. John 9:26 Реша же ему паки: что сотвори тебе? Како отверзе очи твои? John 9:27 Отвеща им: рекох вам уже, и не слышасте: что паки хощете слышати? Еда и вы ученицы Его хощете быти? John 9:28 Они же укориша его и реша (ему): ты ученик еси Того: мы же Моисеовы есмы ученицы: John 9:29 мы вемы, яко Моисеови глагола Бог, Сего же не вемы, откуду есть. John 9:30 Отвеща человек и рече им: о сем бо дивно есть, яко вы не весте, откуду есть, и отверзе очи мои: John 9:31 вемы же, яко грешники Бог не послушает, но аще кто Богочтец есть и волю Его творит, того послушает: John 9:32 от века несть слышано, яко кто отверзе очи слепу рождену: John 9:33 аще не бы был Сей от Бога, не могл бы творити ничесоже. John 9:34 Отвещаша и реша ему: во гресех ты родился еси весь, и ты ли ны учиши? И изгнаша его вон. John 9:35 Услыша Иисус, яко изгнаша его вон, и обрет его, рече ему: ты веруеши ли в Сына Божия? John 9:36 Отвеща он и рече: и кто есть, Господи, да верую в Него? John 9:37 Рече же ему Иисус: и видел еси Его, и Глаголяй с тобою Той есть. John 9:38 Он же рече: верую, Господи. И поклонися Ему. John 9:39 И рече Иисус: на суд Аз в мир сей приидох, да невидящии видят, и видящии слепи будут. John 9:40 И слышаша от фарисей сия сущии с Ним и реша Ему: еда и мы слепи есмы? John 9:41 Рече им Иисус: аще бысте слепи были, не бысте имели греха: ныне же глаголете, яко видим, грех убо ваш пребывает. John 10:0 John 10:1 Аминь, аминь глаголю вам: не входяй дверьми во двор овчий, но прелазя инуде, той тать есть и разбойник: John 10:2 а входяй дверьми пастырь есть овцам: John 10:3 сему дверник отверзает, и овцы глас его слышат, и своя овцы глашает по имени, и изгонит их: John 10:4 и егда своя овцы ижденет, пред ними ходит: и овцы по нем идут, яко ведят глас его: John 10:5 по чуждем же не идут, но бежат от него, яко не знают чуждаго гласа. John 10:6 Сию притчу рече им Иисус: они же не разумеша, что бяше, яже глаголаше им. John 10:7 Рече же паки им Иисус: аминь, аминь глаголю вам, яко Аз есмь дверь овцам. John 10:8 Вси, елико (их) прииде прежде Мене, татие суть и разбойницы: но не послушаша их овцы. John 10:9 Аз есмь дверь: Мною аще кто внидет, спасется, и внидет и изыдет, и пажить обрящет. John 10:10 Тать не приходит, разве да украдет и убиет и погубит: аз приидох, да живот имут и лишше имут. John 10:11 Аз есмь пастырь добрый: пастырь добрый душу свою полагает за овцы: John 10:12 а наемник, иже несть пастырь, емуже не суть овцы своя, видит волка грядуща и оставляет овцы и бегает, и волк расхитит их и распудит овцы: John 10:13 а наемник бежит, яко наемник есть и нерадит о овцах. John 10:14 Аз есмь пастырь добрый: и знаю Моя, и знают Мя Моя: John 10:15 якоже знает Мя Отец, и Аз знаю Отца: и душу Мою полагаю за овцы. John 10:16 И ины овцы имам, яже не суть от двора сего, и тыя Ми подобает привести: и глас Мой услышат, и будет едино стадо (и) един Пастырь. John 10:17 Сего ради Мя Отец любит, яко Аз душу Мою полагаю, да паки прииму ю: John 10:18 никтоже возмет ю от Мене, но Аз полагаю ю о Себе: область имам положити ю и область имам паки прияти ю: сию заповедь приях от Отца Моего. John 10:19 Распря же паки бысть во Иудеех за словеса сия. John 10:20 Глаголаху же мнози от них: беса имать и неистов есть: что Его послушаете? John 10:21 Инии глаголаху: сии глаголголи не суть беснующагося: еда может бес слепым очи отверсти? John 10:22 Быша же (тогда) обновления во Иерусалимех, и зима бе. John 10:23 И хождаше Иисус в церкви, в притворе Соломони. John 10:24 Обыдоша же Его Иудее и глаголаху Ему: доколе душы нашя вземлеши? Аще Ты еси Христос, рцы нам не обинуяся. John 10:25 Отвеща им Иисус: рех вам, и не веруете: дела, яже Аз творю о имени Отца Моего, та свидетелствуют о Мне: John 10:26 но вы не веруете, несте бо от овец Моих, якоже рех вам: John 10:27 овцы Моя гласа Моего слушают, и Аз знаю их, и по Мне грядут: John 10:28 и Аз живот вечный дам им, и не погибнут во веки, и не восхитит их никтоже от руки Моея: John 10:29 Отец Мой, Иже даде Мне, болий всех есть, и никтоже может восхитити их от руки Отца Моего: John 10:30 Аз и Отец едино есма. John 10:31 Взяша же камение паки Иудее, да побиют Его. John 10:32 Отвеща им Иисус: многа добра дела явих вам от Отца Моего: за кое их дело камение мещете на Мя? John 10:33 Отвещаша Ему Иудее, глаголюще: о добре деле камение не мещем на Тя, но о хуле, яко Ты, человек сый, твориши Себе Бога. John 10:34 Отвеща им Иисус: несть ли писано в законе вашем: Аз рех: бози есте? John 10:35 Аще оных рече богов, к нимже слово Божие бысть, и не может разоритися Писание: John 10:36 Егоже Отец святи и посла в мир, вы глаголете, яко хулу глаголеши, зане рех: Сын Божий есмь. John 10:37 Аще не творю дела Отца Моего, не имите Ми веры: John 10:38 аще ли творю, аще и Мне не веруете, делом (Моим) веруйте: да разумеете и веруете, яко во Мне Отец, и Аз в Нем. John 10:39 Искаху убо паки яти Его: и изыде от рук их, John 10:40 и иде паки на он пол Иордана, на место, идеже бе Иоанн прежде крестя, и пребысть ту. John 10:41 И мнози приидоша к Нему и глаголаху, яко Иоанн убо знамения не сотвори ни единаго: вся же, елика рече Иоанн о Сем, истинна бяху. John 10:42 И мнози вероваша в Него ту. John 11:0 John 11:1 Бе же некто боля Лазарь от Вифании, от веси Мариины и Марфы сестры ея. John 11:2 Бе же Мариа помазавшая Господа миром и отершая нозе Его власы своими, еяже брат Лазарь боляше. John 11:3 Посласте убо сестре к Нему, глаголюще: Господи, се, егоже любиши, болит. John 11:4 Слышав же Иисус рече: сия болезнь несть к смерти, но о славе Божии, да прославится Сын Божий ея ради. John 11:5 Любляше же Иисус Марфу и сестру ея и Лазаря. John 11:6 Егда же услыша, яко болит, тогда пребысть на немже бе месте два дни. John 11:7 Потом же глагола учеником: идем во Иудею паки. John 11:8 Глаголаша Ему ученицы: Равви, ныне искаху Тебе камением побити Иудее, и паки ли идеши тамо? John 11:9 Отвеща Иисус: не два ли надесяте часа еста во дни? Аще кто ходит во дни, не поткнется, яко свет мира сего видит: John 11:10 аще же кто ходит в нощи, поткнется, яко несть света в нем. John 11:11 Сия рече и посем глагола им: Лазарь друг наш успе: но иду, да возбужу его. John 11:12 Реша убо ученицы Его: Господи, аще успе, спасен будет. John 11:13 Рече же Иисус о смерти его: они же мнеша, яко о успении сна глаголет. John 11:14 Тогда рече им Иисус не обинуяся: Лазарь умре: John 11:15 и радуюся вас ради, да веруете, яко не бех тамо: но идем к нему. John 11:16 Рече же Фома, глаголемый Близнец, учеником: идем и мы, да умрем с ним. John 11:17 Пришед же Иисус, обрете его четыри дни уже имуща во гробе. John 11:18 Бе же Вифаниа близ Иерусалима, яко стадий пятьнадесять, John 11:19 и мнози от Иудей бяху пришли к Марфе и Марии, да утешат их о брате ею. John 11:20 Марфа убо егда услыша, яко Иисус грядет, срете Его: Мариа же дома седяше. John 11:21 Рече же Марфа ко Иисусу: Господи, аще бы еси зде был, не бы брат мой умерл: John 11:22 но и ныне вем, яко елика аще просиши от Бога, даст Тебе Бог. John 11:23 Глагола ей Иисус: воскреснет брат твой. John 11:24 Глагола Ему Марфа: вем, яко воскреснет в воскрешение, в последний день. John 11:25 Рече (же) ей Иисус: Аз есмь воскрешение и живот: веруяй в Мя, аще и умрет, оживет: John 11:26 и всяк живый и веруяй в Мя не умрет во веки. Емлеши ли веру сему? John 11:27 Глагола Ему: ей, Господи: аз веровах, яко Ты еси Христос Сын Божий, иже в мир грядый. John 11:28 И сия рекши, иде и пригласи Марию сестру свою тай, рекши: Учитель пришел есть и глашает тя. John 11:29 Она (же) яко услыша, воста скоро и иде к Нему. John 11:30 Не уже бо бе пришел Иисус в весь, но бе на месте, идеже срете Его Марфа. John 11:31 Иудее (же) убо сущии с нею в дому и утешающе ю, видевше Марию, яко скоро воста и изыде, по ней идоша, глаголюще, яко идет на гроб, да плачет тамо. John 11:32 Мариа же яко прииде, идеже бе Иисус, видевши Его, паде Ему на ногу, глаголющи Ему: Господи, аще бы еси был зде, не бы умерл мой брат. John 11:33 Иисус убо, яко виде ю плачущуся и пришедшыя с нею Иудеи плачущя, запрети духу и возмутися Сам John 11:34 и рече: где положисте его? Глаголаша Ему: Господи, прииди и виждь. John 11:35 Прослезися Иисус. John 11:36 Глаголаху убо Жидове: виждь, како любляше его. John 11:37 Нецыи же от них реша: не можаше ли Сей, отверзый очи слепому, сотворити, да и сей не умрет? John 11:38 Иисус же паки претя в себе, прииде ко гробу. Бе же пещера, и камень лежаше на ней. John 11:39 Глагола Иисус: возмите камень. Глагола Ему сестра умершаго Марфа: Господи, уже смердит: четверодневен бо есть. John 11:40 Глагола ей Иисус: не рех ли ти, яко аще веруеши, узриши славу Божию? John 11:41 Взяша убо камень, идеже бе умерый лежя. Иисус же возведе очи горе и рече: Отче, хвалу Тебе воздаю, яко услышал еси Мя: John 11:42 Аз же ведех, яко всегда Мя послушаеши: но народа ради стоящаго окрест рех, да веру имут, яко Ты Мя послал еси. John 11:43 И сия рек, гласом великим воззва: Лазаре, гряди вон. John 11:44 И изыде умерый, обязан рукама и ногама укроем, и лице его убрусом обязано. Глагола им Иисус: разрешите его и оставите ити. John 11:45 Мнози убо от Иудей пришедшии к Марии и видевше, яже сотвори Иисус, вероваша в Него: John 11:46 нецыи же от них идоша к фарисеом и рекоша им, яже сотвори Иисус. John 11:47 Собраша убо архиерее и фарисее сонм и глаголаху: что сотворим? Яко Человек Сей многа знамения творит: John 11:48 аще оставим Его тако, вси уверуют в Него: и приидут Римляне и возмут место и язык наш. John 11:49 Един же некто от них Каиафа, архиерей сый лету тому, рече им: вы не весте ничесоже, John 11:50 ни помышляете, яко уне есть нам, да един человек умрет за люди, а не весь язык погибнет. John 11:51 Сего же о себе не рече, но архиерей сый лету тому, прорече, яко хотяше Иисус умрети за люди, John 11:52 и не токмо за люди, но да и чада Божия расточеная соберет во едино. John 11:53 От того убо дне совещаша, да убиют Его. John 11:54 Иисус же ктому не яве хождаше во Иудеех, но иде оттуду во страну близ пустыни, во Ефрем нарицаемый град, и ту хождаше со ученики Своими. John 11:55 Бе же близ Пасха Иудейска, и взыдоша мнози во Иерусалим от стран прежде Пасхи, да очистятся. John 11:56 Искаху убо Иисуса и глаголаху к себе, в церкви стояще: что мнится вам, яко не имать ли приити в праздник? John 11:57 Даша же архиерее и фарисее заповедь, да аще кто ощутит (Его), где будет, повесть, яко да имут Его. John 12:0 John 12:1 Иисус же прежде шести дний Пасхи прииде в Вифанию, идеже бе Лазарь умерый, егоже воскреси от мертвых. John 12:2 Сотвориша же Ему вечерю ту, и Марфа служаше: Лазарь же един бе от возлежащих с Ним. John 12:3 Мариа же приемши литру мира нарда пистика многоценна, помаза нозе Иисусове, и отре власы своими нозе Его: храмина же исполнися от вони масти (благовонныя). John 12:4 Глагола же един от ученик Его, Иуда Симонов Искариотский, иже хотяше Его предати: John 12:5 чесо ради миро сие не продано бысть на триех стех пенязь и дано нищым? John 12:6 Сие же рече, не яко о нищих печашеся, но яко тать бе, и ковчежец имеяше, и вметаемая ношаше. John 12:7 Рече же Иисус: не дейте ея, да в день погребения Моего соблюдет е: John 12:8 нищыя бо всегда имате с собою, Мене же не всегда имате. John 12:9 Разуме же народ мног от Иудей, яко ту есть: и приидоша не Иисуса ради токмо, но да и Лазаря видят, егоже воскреси от мертвых. John 12:10 Совещаша же архиерее, да и Лазаря убиют, John 12:11 яко мнози его ради идяху от Иудей и вероваху во Иисуса. John 12:12 Во утрий (же) день народ мног пришедый в праздник, слышавше, яко Иисус грядет во Иерусалим, John 12:13 прияша ваиа от финик и изыдоша в сретение Ему, и зваху (глаголюще): осанна, благословен грядый во имя Господне, Царь Израилев. John 12:14 Обрет же Иисус осля, вседе на не, якоже есть писано: John 12:15 не бойся, дщи Сионя: се, Царь твой грядет, седя на жребяти осли. John 12:16 Сих же не разумеша ученицы Его прежде: но егда прославися Иисус, тогда помянуша, яко сия быша о Нем писана, и сия сотвориша Ему. John 12:17 Свидетелствоваше убо народ, иже бе (прежде) с Ним, егда Лазаря возгласи от гроба и воскреси его от мертвых: John 12:18 сего ради и срете Его народ, яко слышаша Его сие сотворша знамение. John 12:19 Фарисее убо реша к себе: видите, яко ни каяже польза есть? Се, мир по Нем идет. John 12:20 Бяху же нецыи Еллини от пришедших, да поклонятся в праздник: John 12:21 сии убо приступиша к Филиппу, иже бе от Вифсаиды Галилейския, и моляху его, глаголюще: господи, хощем Иисуса видети. John 12:22 Прииде Филипп и глагола Андреови: и паки Андрей и Филипп глаголаста Иисусови. John 12:23 Иисус же отвеща има, глаголя: прииде час, да прославится Сын Человеческий: John 12:24 аминь, аминь глаголю вам: аще зерно пшенично пад на земли не умрет, то едино пребывает: аще же умрет, мног плод сотворит: John 12:25 любяй душу свою погубит ю, и ненавидяй души своея в мире сем в живот вечный сохранит ю: John 12:26 аще кто Мне служит, Мне да последствует, и идеже есмь Аз, ту и слуга Мой будет: и аще кто Мне служит, почтит его Отец (Мой): John 12:27 ныне душа Моя возмутися: и что реку? Отче, спаси Мя от часа сего: но сего ради приидох на час сей: John 12:28 Отче, прослави имя Твое. Прииде же глас с небесе: и прославих, и паки прославлю. John 12:29 Народ же стояй и слышав, глаголаху: гром бысть. Инии глаголаху: Ангел глагола Ему. John 12:30 Отвеща Иисус и рече: не Мене ради глас сей бысть, но народа ради: John 12:31 ныне суд есть миру сему: ныне князь мира сего изгнан будет вон: John 12:32 и аще Аз вознесен буду от земли, вся привлеку к Себе. John 12:33 Сие же глаголаше, назнаменуя, коею смертию хотяше умрети. John 12:34 Отвеща Ему народ: мы слышахом от закона, яко Христос пребывает во веки: како Ты глаголеши: вознестися подобает Сыну Человеческому? Кто есть Сей Сын Человеческий? John 12:35 Рече же им Иисус: еще мало время свет в вас есть: ходите, дондеже свет имате, да тма вас не имет: и ходяй во тме не весть, камо идет: John 12:36 дондеже свет имате, веруйте во свет, да сынове света будете. Сия глагола Иисус, и отшед скрыся от них. John 12:37 Толика знамения сотворшу Ему пред ними, не вероваху в Него, John 12:38 да сбудется слово Исаии пророка, еже рече: Господи, кто верова слуху нашему, и мышца Господня кому открыся? John 12:39 Сего ради не можаху веровати, яко паки рече Исаиа: John 12:40 ослепи очи их и окаменил есть сердца их, да не видят очима, ни разумеют сердцем, и обратятся, и исцелю их. John 12:41 Сия рече Исаиа, егда виде славу Его и глагола о Нем. John 12:42 Обаче убо и от князь мнози вероваша в Него, но фарисей ради не исповедоваху, да не из сонмищ изгнани будут: John 12:43 возлюбиша бо паче славу человеческую, неже славу Божию. John 12:44 Иисус же воззва и рече: веруяй в Мя не верует в Мя, но в Пославшаго Мя: John 12:45 и видяй Мя видит Пославшаго Мя: John 12:46 Аз свет в мир приидох, да всяк веруяй в Мя во тме не пребудет: John 12:47 и аще кто услышит глаголголы Моя и не верует, Аз не сужду ему: не приидох бо, да сужду мирови, но да спасу мир: John 12:48 отметаяйся Мене и не приемляй глаголгол Моих имать судящаго ему: слово, еже глаголах, то судит ему в последний день: John 12:49 яко Аз от Себе не глаголах, но пославый Мя Отец, Той Мне заповедь даде, что реку и что возглаголю: John 12:50 и вем, яко заповедь Его живот вечный есть: яже убо Аз глаголю, якоже рече Мне Отец, тако глаголю. John 13:0 John 13:1 Прежде же праздника Пасхи, ведый Иисус, яко прииде Ему час, да прейдет от мира сего ко Отцу, возлюбль Своя сущыя в мире, до конца возлюби их. John 13:2 И вечери бывшей, диаволу уже вложившу в сердце Иуде Симонову Искариотскому, да Его предаст, John 13:3 ведый Иисус, яко вся даде Ему Отец в руце, и яко от Бога изыде и к Богу грядет: John 13:4 воста от вечери и положи ризы, и приемь лентион, препоясася: John 13:5 потом влия воду во умывалницу и начат умывати ноги учеником и отирати лентием, имже бе препоясан. John 13:6 Прииде же к Симону Петру, и глагола Ему той: Господи, Ты ли мои умыеши нозе? John 13:7 Отвеща Иисус и рече ему: еже Аз творю, ты не веси ныне, уразумееши же по сих. John 13:8 Глагола Ему Петр: не умыеши ногу моею во веки. Отвеща ему Иисус: аще не умыю тебе, не имаши части со Мною. John 13:9 Глагола Ему Симон Петр: Господи, не нозе мои токмо, но и руце и главу. John 13:10 Глагола ему Иисус: измовенный не требует, токмо нозе умыти, есть бо весь чист: и вы чисти есте, но не вси. John 13:11 Ведяше бо предающаго Его: сего ради рече, яко не вси чисти есте. John 13:12 Егда же умы ноги их, прият ризы Своя, возлег паки, рече им: весте ли, что сотворих вам? John 13:13 Вы глашаете Мя Учителя и Господа, и добре глаголете: есмь бо. John 13:14 Аще убо Аз умых ваши нозе, Господь и Учитель, и вы должни есте друг другу умывати нозе: John 13:15 образ бо дах вам, да, якоже Аз сотворих вам, и вы творите. John 13:16 Аминь, аминь глаголю вам: несть раб болий господа своего, ни посланник болий пославшаго его. John 13:17 Аще сия весте, блажени есте, аще творите я. John 13:18 Не о всех вас глаголю: Аз (бо) вем, ихже избрах: но да Писание сбудется: ядый со Мною хлеб воздвиже на Мя пяту свою. John 13:19 Отселе глаголю вам, прежде даже не будет, да, егда будет, веру имете, яко Аз есмь. John 13:20 Аминь, аминь глаголю вам: приемляй, аще кого послю, Мене приемлет: а приемляй Мене приемлет Пославшаго Мя. John 13:21 Сия рек Иисус возмутися духом и свидетелствова и рече: аминь, аминь глаголю вам, яко един от вас предаст Мя. John 13:22 Сзирахуся убо между собою ученицы, недоумеющеся, о ком глаголет. John 13:23 Бе же един от ученик Его возлежя на лоне Иисусове, егоже любляше Иисус: John 13:24 поману же сему Симон Петр вопросити, кто бы был, о немже глаголет. John 13:25 Напад же той на перси Иисусовы, глагола Ему: Господи, кто есть? John 13:26 Отвеща Иисус: той есть, емуже Аз омочив хлеб подам. И омочь хлеб, даде Иуде Симонову Искариотскому. John 13:27 И по хлебе тогда вниде в онь сатана. Глагола убо ему Иисус: еже твориши, сотвори скоро. John 13:28 Сего же никтоже разуме от возлежащих, к чесому рече ему. John 13:29 Нецыи же мняху, понеже ковчежец имяше Иуда, яко глаголет ему Иисус: купи, еже требуем на праздник: или нищым да нечто даст. John 13:30 Приим же он хлеб, абие изыде: бе же нощь. Егда изыде, John 13:31 глагола Иисус: ныне прославися Сын Человеческий, и Бог прославися о Нем: John 13:32 аще Бог прославися о Нем, и Бог прославит Его в Себе, и абие прославит Его. John 13:33 Чадца, еще с вами мало есмь: взыщете Мене, и якоже рех Иудеом, яко аможе Аз иду, вы не можете приити: и вам глаголю ныне. John 13:34 Заповедь новую даю вам, да любите друг друга: якоже возлюбих вы, да и вы любите себе: John 13:35 о сем разумеют вси, яко Мои ученицы есте, аще любовь имате между собою. John 13:36 Глагола Ему Симон Петр: Господи, камо идеши? Отвеща ему Иисус: аможе (Аз) иду, не можеши ныне по Мне ити: последи же по Мне идеши. John 13:37 Глагола Ему Петр: Господи, почто не могу ныне по Тебе ити? (ныне) душу мою за Тя положу. John 13:38 Отвеща ему Иисус: душу ли твою за Мя положиши? Аминь, аминь глаголю тебе: не возгласит алектор, дондеже отвержешися Мене трищи. John 14:0 John 14:1 Да не смущается сердце ваше: веруйте в Бога, и в Мя веруйте: John 14:2 в дому Отца Моего обители многи суть: аще ли же ни, рекл бых вам: иду уготовати место вам: John 14:3 и аще уготовлю место вам, паки прииду и поиму вы к Себе, да идеже есмь Аз, и вы будете: John 14:4 и аможе Аз иду, весте, и путь весте. John 14:5 Глагола Ему Фома: Господи, не вемы, камо идеши: и како можем путь ведети? John 14:6 Глагола ему Иисус: Аз есмь путь и истина и живот: никтоже приидет ко Отцу, токмо Мною: John 14:7 аще Мя бысте знали, и Отца Моего знали бысте (убо): и отселе познасте Его, и видесте Его. John 14:8 Глагола Ему Филипп: Господи, покажи нам Отца, и довлеет нам. John 14:9 Глагола ему Иисус: толико время с вами есмь, и не познал еси Мене, Филиппе? Видевый Мене виде Отца: и како ты глаголеши: покажи нам Отца? John 14:10 Не веруеши ли, яко Аз во Отце, и Отец во Мне есть? Глаголголы, яже Аз глаголю вам, о Себе не глаголю: Отец же во Мне пребываяй, Той творит дела: John 14:11 веруйте Мне, яко Аз во Отце, и Отец во Мне: аще ли же ни, за та дела веру имите Ми. John 14:12 Аминь, аминь глаголю вам: веруяй в Мя, дела, яже Аз творю, и той сотворит, и болша сих сотворит: яко Аз ко Отцу Моему гряду: John 14:13 и еже аще что просите (от Отца) во имя Мое, то сотворю, да прославится Отец в Сыне: John 14:14 (и) аще чесо просите во имя Мое, Аз сотворю. John 14:15 Аще любите Мя, заповеди Моя соблюдите, John 14:16 и Аз умолю Отца, и иного Утешителя даст вам, да будет с вами в век, John 14:17 Дух истины, Егоже мир не может прияти, яко не видит Его, ниже знает Его: вы же знаете Его, яко в вас пребывает и в вас будет. John 14:18 Не оставлю вас сиры: прииду к вам: John 14:19 еще мало, и мир ктому не увидит Мене: вы же увидите Мя, яко Аз живу, и вы живи будете: John 14:20 в той день уразумеете вы, яко Аз во Отце Моем, и вы во Мне, и Аз в вас. John 14:21 Имеяй заповеди Моя и соблюдаяй их, той есть любяй Мя: а любяй Мя возлюблен будет Отцем Моим, и Аз возлюблю его и явлюся ему Сам. John 14:22 Глагола Ему Иуда не Искариотский: Господи, и что бысть, яко нам хощеши явитися, а не мирови? John 14:23 Отвеща Иисус и рече ему: аще кто любит Мя, слово Мое соблюдет: и Отец Мой возлюбит его, и к нему приидема и обитель у него сотворима: John 14:24 не любяй Мя словес Моих не соблюдает: и слово, еже слышасте, несть Мое, но пославшаго Мя Отца. John 14:25 Сия глаголах вам в вас сый: John 14:26 Утешитель же, Дух Святый, Егоже послет Отец во имя Мое, той вы научит всему и воспомянет вам вся, яже рех вам. John 14:27 Мир оставляю вам, мир Мой даю вам: не якоже мир дает, Аз даю вам. Да не смущается сердце ваше, ни устрашает. John 14:28 Слышасте, яко Аз рех вам: иду и прииду к вам. Аще бысте любили Мя, возрадовалися бысте (убо), яко рех: иду ко Отцу: яко Отец Мой болий Мене есть. John 14:29 И ныне рех вам, прежде даже не будет, да, егда будет, веру имете. John 14:30 Ктому не много глаголю с вами: грядет бо сего мира князь и во Мне не имать ничесоже. John 14:31 Но да разумеет мир, яко люблю Отца, и якоже заповеда Мне Отец, тако творю: востаните, идем отсюду. John 15:0 John 15:1 Аз есмь лоза истинная, и Отец Мой делатель есть: John 15:2 всяку розгу о Мне не творящую плода, измет ю: и всяку творящую плод, отребит ю, да множайший плод принесет. John 15:3 Уже вы чисти есте за слово, еже глаголах вам. John 15:4 Будите во Мне, и Аз в вас. Якоже розга не может плода сотворити о себе, аще не будет на лозе, тако и вы, аще во Мне не пребудете. John 15:5 Аз есмь лоза, вы (же) рождие: (и) иже будет во Мне, и Аз в нем, той сотворит плод мног, яко без Мене не можете творити ничесоже: John 15:6 аще кто во Мне не пребудет, извержется вон, якоже розга, и изсышет: и собирают ю и во огнь влагают, и сгарает: John 15:7 аще пребудете во Мне и глаголголы Мои в вас пребудут, егоже аще хощете, просите, и будет вам: John 15:8 о сем прославися Отец Мой, да плод мног сотворите и будете Мои учениицы. John 15:9 Якоже возлюби Мя Отец, и Аз возлюбих вас: будите в любви Моей: John 15:10 аще заповеди Моя соблюдете, пребудете в любви Моей, якоже Аз заповеди Отца Моего соблюдох и пребываю в Его любви. John 15:11 Сия глаголах вам, да радость Моя в вас будет и радость ваша исполнится. John 15:12 Сия есть заповедь Моя, да любите друг друга, якоже возлюбих вы: John 15:13 болши сея любве никтоже имать, да кто душу свою положит за други своя. John 15:14 Вы друзи Мои есте, аще творите, елика Аз заповедаю вам: John 15:15 не ктому вас глаголю рабы, яко раб не весть, что творит господь его: вас же рекох други, яко вся, яже слышах от Отца Моего, сказах вам. John 15:16 Не вы Мене избрасте, но Аз избрах вас и положих вас, да вы идете и плод принесете, и плод ваш пребудет, да, егоже аще просите от Отца во имя Мое, даст вам. John 15:17 Сия заповедаю вам, да любите друг друга. John 15:18 Аще мир вас ненавидит, ведите, яко Мене прежде вас возненавиде: John 15:19 аще от мира бысте были, мир убо свое любил бы: якоже от мира несте, но Аз избрах вы от мира, сего ради ненавидит вас мир. John 15:20 Поминайте слово, еже Аз рех вам: несть раб болий господа своего: аще Мене изгнаша, и вас изженут: аще слово Мое соблюдоша, и ваше соблюдут: John 15:21 но сия вся творят вам за имя Мое, яко не ведят Пославшаго Мя. John 15:22 Аще не бых пришел и глаголал им, греха не быша имели: ныне же вины не имут о гресе своем: John 15:23 ненавидяй Мене, и Отца Моего ненавидит: John 15:24 аще дел не бых сотворил в них, ихже ин никтоже сотвори, греха не быша имели: ныне же и видеша, и возненавидеша Мене и Отца Моего: John 15:25 но да сбудется слово, писанное в законе их, яко возненавидеша Мя туне. John 15:26 Егда же приидет Утешитель, Егоже Аз послю вам от Отца, Дух истины, Иже от Отца исходит, Той свидетелствует о Мне: John 15:27 и вы же свидетелствуете, яко искони со Мною есте. John 16:0 John 16:1 Сия глаголах вам, да не соблазнитеся. John 16:2 От сонмищ ижденут вы: но приидет час, да всяк, иже убиет вы, возмнится службу приносити Богу: John 16:3 и сия сотворят, яко не познаша Отца, ни Мене. John 16:4 Но сия глаголах вам, да, егда приидет час, воспомянете сия, яко Аз рех вам: сих же вам исперва не рех, яко с вами бех. John 16:5 Ныне же иду к Пославшему Мя, и никтоже от вас вопрошает Мене: камо идеши? John 16:6 Но яко сия глаголах вам, скорби исполних сердца ваша. John 16:7 Но Аз истину вам глаголю: уне есть вам, да Аз иду: аще бо не иду Аз, Утешитель не приидет к вам: аще (ли) же иду, послю Его к вам, John 16:8 и пришед Он обличит мир о гресе и о правде и о суде: John 16:9 о гресе убо, яко не веруют в Мя: John 16:10 о правде же, яко ко Отцу Моему иду, и ктому не видите Мене: John 16:11 о суде же, яко князь мира сего осужден бысть. John 16:12 Еще много имам глаголати вам, но не можете носити ныне: John 16:13 егда же приидет Он, Дух истины, наставит вы на всяку истину: не от Себе бо глаголати имать, но елика аще услышит, глаголати имать, и грядущая возвестит вам: John 16:14 Он Мя прославит, яко от Моего приимет и возвестит вам. John 16:15 Вся, елика имать Отец, Моя суть: сего ради рех, яко от Моего приимет и возвестит вам. John 16:16 Вмале, и (ктому) не видите Мене: и паки вмале, и узрите Мя, яко иду ко Отцу. John 16:17 Реша же от ученик Его к себе: что есть сие, еже глаголет нам: вмале, и не видите Мене: и паки вмале, и узрите Мя: и: яко Аз иду ко Отцу? John 16:18 Глаголаху убо: что сие есть, еже глаголет: вмале? Не вемы, что глаголет. John 16:19 Разуме же Иисус, яко хотяху Его вопрошати, и рече им: о сем ли стязаетеся между собою, яко рех: вмале, и не видите Мене: и паки вмале, и узрите Мя? John 16:20 Аминь, аминь глаголю вам, яко восплачетеся и возрыдаете вы, а мир возрадуется: вы же печальни будете, но печаль ваша в радость будет: John 16:21 жена егда раждает, скорбь имать, яко прииде год ея: егда же родит отроча, ктому не помнит скорби за радость, яко родися человек в мир: John 16:22 и вы же печаль имате убо ныне: паки же узрю вы, и возрадуется сердце ваше, и радости вашея никтоже возмет от вас: John 16:23 и в той день Мене не воспросите ничесоже. Аминь, аминь глаголю вам, яко елика аще (чесо) просите от Отца во имя Мое, даст вам: John 16:24 доселе не просисте ничесоже во имя Мое: просите, и приимете, да радость ваша исполнена будет. John 16:25 Сия в притчах глаголах вам: но приидет час, егда ктому в притчах не глаголю вам, но яве о Отце возвещу вам. John 16:26 В той день во имя Мое воспросите, и не глаголю вам, яко Аз умолю Отца о вас: John 16:27 Сам бо Отец любит вы, яко вы Мене возлюбисте и веровасте, яко Аз от Бога изыдох. John 16:28 Изыдох от Отца и приидох в мир: (и) паки оставляю мир и иду ко Отцу. John 16:29 Глаголаша Ему ученицы Его: се, ныне не обинуяся глаголеши, а притчи ни коеяже не глаголеши: John 16:30 ныне вемы, яко веси вся и не требуеши, да кто Тя вопрошает: о сем веруем, яко от Бога изшел еси. John 16:31 Отвеща им Иисус: ныне ли веруете? John 16:32 Се, грядет час, и ныне прииде, да разыдетеся кийждо во своя и Мене единаго оставите: и несмь един, яко Отец со Мною есть: John 16:33 сия глаголах вам, да во Мне мир имате: в мире скорбни будете: но дерзайте, (яко) Аз победих мир. John 17:0 John 17:1 Сия глагола Иисус и возведе очи Свои на небо и рече: Отче, прииде час: прослави Сына Твоего, да и Сын Твой прославит Тя: John 17:2 якоже дал еси Ему власть всякия плоти, да всяко, еже дал еси Ему, даст им живот вечный: John 17:3 се же есть живот вечный, да знают Тебе единаго истиннаго Бога, и Егоже послал еси Иисус Христа. John 17:4 Аз прославих Тя на земли, дело соверших, еже дал еси Мне да сотворю: John 17:5 и ныне прослави Мя Ты, Отче, у Тебе Самого славою, юже имех у Тебе прежде мир не бысть. John 17:6 Явих имя Твое человеком, ихже дал еси Мне от мира: Твои беша, и Мне их дал еси, и слово Твое сохраниша: John 17:7 ныне разумеша, яко вся, елика дал еси Мне, от Тебе суть: John 17:8 яко глаголголы, ихже дал еси Мне, дах им, и тии прияша и разумеша воистинну, яко от Тебе изыдох, и вероваша, яко Ты Мя послал еси. John 17:9 Аз о сих молю: не о (всем) мире молю, но о тех, ихже дал еси Мне, яко Твои суть: John 17:10 и Моя вся Твоя суть, и Твоя Моя: и прославихся в них: John 17:11 и ктому несмь в мире, и сии в мире суть, и Аз к Тебе гряду. Отче Святый, соблюди их во имя Твое, ихже дал еси Мне, да будут едино, якоже (и) Мы. John 17:12 Егда бех с ними в мире, Аз соблюдах их во имя Твое: ихже дал еси Мне, сохраних, и никтоже от них погибе, токмо сын погибельный, да сбудется Писание: John 17:13 ныне же к Тебе гряду, и сия глаголю в мире, да имут радость Мою исполнену в себе. John 17:14 Аз дах им слово Твое, и мир возненавиде их, яко не суть от мира, якоже (и) Аз от мира несмь: John 17:15 не молю, да возмеши их от мира, но да соблюдеши их от неприязни: John 17:16 от мира не суть, якоже (и) Аз от мира несмь: John 17:17 святи их во истину Твою: слово Твое истина есть. John 17:18 Якоже Мене послал еси в мир, и Аз послах их в мир, John 17:19 и за них Аз свящу Себе, да и тии будут священи во истину. John 17:20 Не о сих же молю токмо, но и о верующих словесе их ради в Мя, John 17:21 да вси едино будут: якоже Ты, Отче, во Мне, и Аз в Тебе, да и тии в Нас едино будут: да (и) мир веру имет, яко Ты Мя послал еси: John 17:22 и Аз славу, юже дал еси Мне, дах им: да будут едино, якоже Мы едино есма: John 17:23 Аз в них, и Ты во Мне: да будут совершени во едино, и да разумеет мир, яко Ты Мя послал еси и возлюбил еси их, якоже Мене возлюбил еси. John 17:24 Отче, ихже дал еси Мне, хощу, да идеже есмь Аз, и тии будут со Мною, да видят славу Мою, юже дал еси Мне, яко возлюбил Мя еси прежде сложения мира. John 17:25 Отче праведный, и мир Тебе не позна, Аз же Тя познах, и сии познаша, яко Ты Мя послал еси: John 17:26 и сказах им имя Твое, и скажу, да любы, еюже Мя еси возлюбил, в них будет, и Аз в них. John 18:0 John 18:1 (И) сия рек Иисус, изыде со ученики Своими на он пол потока Кедрска, идеже бе вертоград, в оньже вниде Сам и ученицы Его: John 18:2 ведяше же Иуда предаяй Его место, яко множицею собирашеся Иисус ту со ученики Своими. John 18:3 Иуда убо приемь спиру и от архиерей и фарисей слуги, прииде тамо со светилы и свещами и оружии. John 18:4 Иисус же ведый вся грядущая Нань, изшед рече им: кого ищете? John 18:5 Отвещаша Ему: Иисуса Назореа. Глагола им Иисус: Аз есмь. Стояше же и Иуда, иже предаяше Его, с ними. John 18:6 Егда же рече им: Аз есмь, идоша вспять и падоша на земли. John 18:7 Паки убо вопроси их (Иисус): кого ищете? Они же реша: Иисуса Назореа. John 18:8 Отвеща Иисус: рех вам, яко Аз есмь: аще убо Мене ищете, оставите сих ити: John 18:9 да сбудется слово, еже рече, яко ихже дал еси Мне, не погубих от них ни когоже. John 18:10 Симон же Петр, имый нож, извлече его и удари архиереова раба и уреза ему ухо десное: бе же имя рабу Малх. John 18:11 Рече убо Иисус Петрови: вонзи нож в ножницу: чашу, юже даде Мне Отец, не имам ли пити ея? John 18:12 Спира же и тысящник и слуги Иудейстии яша Иисуса и связаша Его, John 18:13 и ведоша Его ко Анне первее: бе бо тесть Каиафе, иже бе архиерей лету тому: John 18:14 бе же Каиафа давый совет Иудеом, яко уне есть единому человеку умрети за люди. John 18:15 По Иисусе же идяше Симон Петр и другий ученик: ученик же той бе знаемь архиереови и вниде со Иисусом во двор архиереов: John 18:16 Петр же стояше при дверех вне. Изыде убо ученик той, иже бе знаемь архиереови, и рече двернице и введе Петра. John 18:17 Глагола же раба дверница Петрови: еда и ты ученик еси Человека Сего? Глагола он: несмь. John 18:18 Стояху же раби и слуги огнь сотворше, яко зима бе, и греяхуся: бе же с ними Петр стоя и греяся. John 18:19 Архиерей же вопроси Иисуса о ученицех Его и о учении Его. John 18:20 Отвеща ему Иисус: Аз не обинуяся глаголах миру: Аз всегда учах на сонмищих и в церкви, идеже всегда Иудее снемлются, и тай не глаголах ничесоже: John 18:21 что Мя вопрошаеши? Вопроси слышавших, что глаголах им: се, сии ведят, яже рех Аз. John 18:22 Сия же рекшу Ему, един от предстоящих слуг удари в ланиту Иисуса, рек: тако ли отвещаваеши архиереови? John 18:23 Отвеща ему Иисус: аще зле глаголах, свидетелствуй о зле: аще ли добре, что Мя биеши? John 18:24 Посла же Его Анна связана к Каиафе архиереови. John 18:25 Бе же Симон Петр стоя и греяся. Реша же ему: еда и ты от ученик Его еси? Он (же) отвержеся и рече: несмь. John 18:26 Глагола един от раб архиереовых, южика сый, емуже Петр уреза ухо: не аз ли тя видех в вертограде с Ним? John 18:27 Паки убо Петр отвержеся, и абие петель возгласи. John 18:28 Ведоша же Иисуса от Каиафы в претор. Бе же утро: и тии не внидоша в претор, да не осквернятся, но да ядят пасху. John 18:29 Изыде же Пилат к ним вон и рече: кую речь приносите на Человека Сего? John 18:30 Отвещаша и реша ему: аще не бы (был) Сей злодей, не быхом предали Его тебе. John 18:31 Рече же им Пилат: поимите Его вы и по закону вашему судите Ему. Реша же ему Иудее: нам не достоит убити ни когоже: John 18:32 да слово Иисусово сбудется, еже рече, назнаменуя, коею смертию хотяше умрети. John 18:33 Вниде убо паки Пилат в претор и пригласи Иисуса и рече Ему: Ты ли еси Царь Иудейск? John 18:34 Отвеща ему Иисус: о себе ли ты сие глаголеши, или инии тебе рекоша о Мне? John 18:35 Отвеща Пилат: еда аз Жидовин есмь? Род Твой и архиерее предаша Тя мне: что еси сотворил? John 18:36 Отвеща Иисус: Царство Мое несть от мира сего: аще от мира сего было бы Царство Мое, слуги Мои (убо) подвизалися быша, да не предан бых был Иудеом: ныне же Царство Мое несть отсюду. John 18:37 Рече же Ему Пилат: убо Царь ли еси Ты? Отвеща Иисус: ты глаголеши, яко Царь есмь Аз: Аз на сие родихся и на сие приидох в мир, да свидетелствую истину: (и) всяк, иже есть от истины, послушает гласа Моего. John 18:38 Глагола Ему Пилат: что есть истина? И сие рек, паки изыде ко Иудеом и глагола им: аз ни единыя вины обретаю в Нем: John 18:39 есть же обычай вам, да единаго вам отпущу на Пасху: хощете ли убо, (да) отпущу вам Царя Иудейска? John 18:40 Возопиша же паки вси, глаголюще: не Сего, но Варавву. Бе же Варавва разбойник. John 19:0 John 19:1 Тогда убо Пилат поят Иисуса и би (Его): John 19:2 и воини сплетше венец от терния, возложиша Ему на главу, и в ризу багряну облекоша Его, John 19:3 и глаголаху: радуйся, Царю Иудейский. И бияху Его по ланитома. John 19:4 Изыде убо паки вон Пилат и глагола им: се, извожду Его вам вон, да разумеете, яко в Нем ни единыя вины обретаю. John 19:5 Изыде же вон Иисус, нося терновен венец и багряну ризу. И глагола им: се, Человек. John 19:6 Егда же видеша Его архиерее и слуги, возопиша глаголюще: распни, распни Его. Глагола им Пилат: поимите Его вы и распните, аз бо не обретаю в Нем вины. John 19:7 Отвещаша ему Иудее: мы закон имамы, и по закону нашему должен есть умрети, яко Себе Сына Божия сотвори. John 19:8 Егда убо слыша Пилат сие слово, паче убояся, John 19:9 и вниде в претор паки и глагола Иисусови: откуду еси Ты? Иисус же ответа не даде ему. John 19:10 Глагола же Ему Пилат: мне ли не глаголеши? Не веси ли, яко власть имам распяти Тя и власть имам пустити Тя? John 19:11 Отвеща Иисус: не имаши власти ни единыя на Мне, аще не бы ти дано свыше: сего ради предавый Мя тебе болий грех имать. John 19:12 От сего искаше Пилат пустити Его. Иудее же вопияху, глаголюще: аще Сего пустиши, неси друг кесарев: всяк, яже царя себе творит, противится кесарю. John 19:13 Пилат убо слышав сие слово, изведе вон Иисуса и седе на судищи, на месте глаголемем Лифостротон, еврейски же Гаввафа. John 19:14 Бе же пяток Пасце, час же яко шестый. И глагола Иудеом: се, Царь ваш. John 19:15 Они же вопияху: возми, возми, распни Его. Глагола им Пилат: Царя ли вашего распну? Отвещаша архиерее: не имамы царя токмо кесаря. John 19:16 Тогда убо предаде Его им, да распнется. Поемше же Иисуса и ведоша: John 19:17 и нося крест Свой, изыде на глаголемое Лобное место, еже глаголется еврейски Голгофа, John 19:18 идеже пропяша Его и с Ним ина два сюду и сюду, посреде же Иисуса. John 19:19 Написа же и титла Пилат и положи на кресте. Бе же написано: Иисус Назорянин, Царь Иудейский. John 19:20 Сего же титла мнози чтоша от Иудей, яко близ бе место града, идеже пропяша Иисуса: и бе написано еврейски, гречески, римски. John 19:21 Глаголаху убо Пилату архиерее Иудейстии: не пиши: Царь Иудейский: но яко Сам рече: Царь есмь Иудейский. John 19:22 Отвеща Пилат: еже писах, писах. John 19:23 Воини же, егда пропяша Иисуса, прияша ризы Его и сотвориша четыри части, коемуждо воину часть, и хитон: бе же хитон нешвен, свыше исткан весь. John 19:24 Реша же к себе: не предерем его, но метнем жребия о нем, кому будет: да сбудется Писание, глаголющее: разделиша ризы Моя себе и о иматисме Моей меташа жребия. Воини убо сия сотвориша. John 19:25 Стояху же при кресте Иисусове Мати Его и сестра Матере Его Мариа Клеопова и Мариа Магдалина. John 19:26 Иисус же видев Матерь и ученика стояща, егоже любляше, глагола Матери Своей: Жено, се, сын Твой. John 19:27 Потом глагола ученику: се, Мати твоя. И от того часа поят Ю ученик во своя си. John 19:28 Посем ведый Иисус, яко вся уже совершишася, да сбудется Писание, глагола: жажду. John 19:29 Сосуд же стояше полн оцта. Они же исполнивше губу оцта и на трость вонзше, придеша ко устом Его. John 19:30 Егда же прият оцет Иисус, рече: совершишася. И преклонь главу, предаде дух. John 19:31 Иудее же, понеже пяток бе, да не останут на кресте телеса в субботу, бе бо велик день тоя субботы, молиша Пилата, да пребиют голени их и возмут. John 19:32 Приидоша же воини, и первому убо пребиша голени, и другому распятому с Ним: John 19:33 на Иисуса же пришедше, яко видеша Его уже умерша, не пребиша Ему голений, John 19:34 но един от воин копием ребра Ему прободе, и абие изыде кровь и вода. John 19:35 И видевый свидетелствова, и истинно есть свидетелство его, и той весть, яко истину глаголет, да вы веру имете: John 19:36 быша бо сия, да сбудется Писание: кость не сокрушится от Него. John 19:37 И паки другое Писание глаголет: воззрят Нань, Егоже прободоша. John 19:38 По сих же моли Пилата Иосиф, иже от Аримафеа, сый ученик Иисусов, потаен же страха ради Иудейска, да возмет тело Иисусово: и повеле Пилат. Прииде же и взят тело Иисусово. John 19:39 Прииде же и Никодим, пришедый ко Иисусови нощию прежде, нося смешение смирнено и алойно, яко литр сто. John 19:40 Прияста же тело Иисусово и обвиста е ризами со ароматы, якоже обычай есть Иудеом погребати. John 19:41 Бе же на месте, идеже распятся, верт, и в верте гроб нов, в немже николиже никтоже положен бе: John 19:42 ту убо пятка ради Иудейска, яко близ бяше гроб, положиста Иисуса. John 20:0 John 20:1 Во едину же от суббот Мариа Магдалина прииде заутра, еще сущей тме, на гроб, и виде камень взят от гроба: John 20:2 тече убо и прииде к Симону Петру и к другому ученику, егоже любляше Иисус, и глагола има: взяша Господа от гроба, и не вем, где положиша Его. John 20:3 Изыде же Петр и другий ученик и идяста ко гробу: John 20:4 течаста же оба вкупе: и другий ученик тече скорее Петра и прииде прежде ко гробу, John 20:5 и приник виде ризы лежащя: обаче не вниде. John 20:6 Прииде же Симон Петр вслед его, и вниде во гроб, и виде ризы (едины) лежащя John 20:7 и сударь, иже бе на главе Его, не с ризами лежащь, но особь свит на единем месте. John 20:8 Тогда убо вниде и другий ученик, пришедый прежде ко гробу, и виде и верова: John 20:9 не у бо ведяху Писания, яко подобает Ему из мертвых воскреснути. John 20:10 Идоста же паки к себе ученика. John 20:11 Мариа же стояше у гроба вне плачущи: якоже плакашеся, приниче во гроб, John 20:12 и виде два Ангела в белых (ризах) седяща, единаго у главы и единаго у ногу, идеже бе лежало тело Иисусово. John 20:13 И глаголаста ей она: жено, что плачешися? Глагола има: яко взяша Господа моего, и не вем, где положиша Его. John 20:14 И сия рекши обратися вспять и виде Иисуса стояща, и не ведяше, яко Иисус есть. John 20:15 Глагола ей Иисус: жено, что плачеши? Кого ищеши? Она (же) мнящи, яко вертоградарь есть, глагола Ему: господи, аще ты еси взял Его, повеждь ми, где еси положил Его, и аз возму Его. John 20:16 Глагола ей Иисус: Марие. Она (же) обращшися глагола Ему: Раввуни, еже глаголется, Учителю. John 20:17 Глагола ей Иисус: не прикасайся Мне, не у бо взыдох ко Отцу Моему: иди же ко братии Моей и рцы им: восхожду ко Отцу Моему и Отцу вашему, и Богу Моему и Богу вашему. John 20:18 Прииде (же) Мариа Магдалина поведающи учеником, яко виде Господа, и сия рече ей. John 20:19 Сущу же позде в день той во едину от суббот, и дверем затворенным, идеже бяху ученицы (Его) собрани, страха ради Иудейска, прииде Иисус и ста посреде и глагола им: мир вам. John 20:20 И сие рек, показа им руце (и нозе) и ребра Своя. Возрадовашася убо ученицы, видевше Господа. John 20:21 Рече же им Иисус паки: мир вам: якоже посла Мя Отец, и Аз посылаю вы. John 20:22 И сие рек, дуну и глагола им: приимите Дух Свят: John 20:23 имже отпустите грехи, отпустятся им: и имже держите, держатся. John 20:24 Фома же, един от обоюнадесяте, глаголемыи Близнец, не бе (ту) с ними, егда прииде Иисус. John 20:25 Глаголаху же ему друзии ученицы: видехом Господа. Он же рече им: аще не вижу на руку Его язвы гвоздинныя, и вложу перста моего в язвы гвоздинныя, и вложу руку мою в ребра Его, не иму веры. John 20:26 И по днех осмих паки бяху внутрь ученицы Его, и Фома с ними. Прииде Иисус дверем затворенным, и ста посреде (их) и рече: мир вам. John 20:27 Потом глагола Фоме: принеси перст твой семо и виждь руце Мои: и принеси руку твою и вложи в ребра Моя: и не буди неверен, но верен. John 20:28 И отвеща Фома и рече Ему: Господь мой и Бог мой. John 20:29 Глагола ему Иисус: яко видев Мя, веровал еси: блажени не видевшии и веровавше. John 20:30 Многа же и ина знамения сотвори Иисус пред ученики Своими, яже не суть писана в книгах сих: John 20:31 сия же писана быша, да веруете, яко Иисус есть Христос Сын Божий, и да верующе живот имате во имя Его. John 21:0 John 21:1 Посем явися паки Иисус учеником (Своим, востав от мертвых,) на мори Тивериадстем. Явися же сице: John 21:2 бяху вкупе Симон Петр, и Фома нарицаемыи Близнец, и Нафанаил, иже (бе) от Каны Галилейския, и сына Зеведеова, и ина от ученик Его два. John 21:3 Глагола им Симон Петр: иду рыбы ловити. Глаголаша ему: идем и мы с тобою. Изыдоша (же) и вседоша абие в корабль, и в ту нощь не яша ничесоже. John 21:4 Утру же бывшу, ста Иисус при брезе: не познаша же ученицы, яко Иисус есть. John 21:5 Глагола же им Иисус: дети, еда что снедно имате? Отвещаша Ему: ни. John 21:6 Он же рече им: вверзите мрежу о десную страну корабля и обрящете. Ввергоша же и ктому не можаху привлещи ея от множества рыб. John 21:7 Глагола же ученик той, егоже любляше Иисус, Петрови: Господь есть. Симон же Петр слышав, яко Господь есть, епендитом препоясася, бе бо наг, и ввержеся в море: John 21:8 а друзии ученицы кораблецем приидоша, не беша бо далече от земли, но яко две сте лактей, влекуще мрежу рыб. John 21:9 Егда убо излезоша на землю, видеша огнь лежащь и рыбу на нем лежащу и хлеб. John 21:10 (И) глагола им Иисус: принесите от рыб, яже ясте ныне. John 21:11 Влез (же) Симон Петр, извлече мрежу на землю, полну великих рыб сто (и) пятьдесят (и) три: и толико сущым, не проторжеся мрежа. John 21:12 Глагола им Иисус: приидите, обедуйте. Ни един же смеяше от ученик истязати Его: Ты кто еси? Ведяще, яко Господь есть. John 21:13 Прииде же Иисус, и прият хлеб и даде им, и рыбу такожде. John 21:14 Се уже третие явися Иисус учеником Своим, востав от мертвых. John 21:15 Егда же обедоваше, глагола Симону Петру Иисус: Симоне Ионин, любиши ли Мя паче сих? Глагола Ему: ей, Господи, Ты веси, яко люблю Тя. Глагола ему: паси агнцы Моя. John 21:16 Глагола ему паки второе: Симоне Ионин, любиши ли Мя? Глагола Ему: ей, Господи, Ты веси, яко люблю Тя. Глагола ему: паси овцы Моя. John 21:17 Глагола ему третие: Симоне Ионин, любиши ли Мя? Оскорбе (же) Петр, яко рече ему третие: любиши ли Мя? И глагола Ему: Господи, Ты вся веси: Ты веси, яко люблю Тя. Глагола ему Иисус: паси овцы Моя: John 21:18 аминь, аминь глаголю тебе: егда был еси юн, поясался еси сам и ходил еси, аможе хотел еси: егда же состареешися, воздежеши руце твои, и ин тя пояшет и ведет, аможе не хощеши. John 21:19 Сие же рече, назнаменуя, коею смертию прославит Бога. И сия рек, глагола ему: иди по Мне. John 21:20 Обращься же Петр виде ученика, егоже любляше Иисус, вслед идуща, иже и возлеже на вечери на перси Его и рече: Господи, кто есть предаяй Тя? John 21:21 Сего видев Петр, глагола Иисусови: Господи, сей же что? John 21:22 Глагола ему Иисус: аще хощу, да той пребывает, дондеже прииду, что к тебе? Ты по Мне гряди. John 21:23 Изыде же слово се в братию, яко ученик той не умрет. И не рече ему Иисус, яко не умрет, но: аще хощу тому пребывати, дондеже прииду, что к тебе? John 21:24 Сей есть ученик свидетелствуяй о сих, иже и написа сия: и вем, яко истинно есть свидетелство его. John 21:25 Суть же и ина многа, яже сотвори Иисус, яже аще бы по единому писана быша, ни самому мню (всему) миру вместити пишемых книг. Аминь.
Acts 0:0
Деяния апостолов Acts 1:0 Acts 1:1 Первое убо слово сотворих о всех, о, Феофиле, яже начат Иисус творити же и учити Acts 1:2 даже до дне, в оньже, заповедав Апостолом Духом Святым, ихже избра, вознесеся: Acts 1:3 пред нимиже и постави Себе жива по страдании Своем во мнозех истинных знамениих, деньми четыредесятьми являяся им и глаголя яже о Царствии Божии: Acts 1:4 с нимиже и ядый повеле им от Иерусалима не отлучатися, но ждати обетования Отча, еже слышасте от Мене: Acts 1:5 яко Иоанн убо крестил есть водою, вы же имате креститися Духом Святым не по мнозех сих днех. Acts 1:6 Они же убо сошедшеся вопрошаху Его, глаголюще: Господи, аще в лето сие устрояеши царствие Израилево? Acts 1:7 Рече же к ним: несть ваше разумети времена и лета, яже Отец положи во Своей власти: Acts 1:8 но приимете силу, нашедшу Святому Духу на вы, и будете Ми свидетелие во Иерусалиме же и во всей Иудеи и Самарии и даже до последних земли. Acts 1:9 И сия рек, зрящым им взятся, и облак подят Его от очию их. Acts 1:10 И егда взирающе бяху на небо, идущу Ему, и се, мужа два стаста пред ними во одежди беле, Acts 1:11 яже и рекоста: мужие Галилейстии, что стоите зряще на небо? Сей Иисус, вознесыйся от вас на небо, такожде приидет, имже образом видесте Его идуща на небо. Acts 1:12 Тогда возвратишася во Иерусалим от горы нарицаемыя Елеон, яже есть близ Иерусалима, субботы имущия путь. Acts 1:13 И егда внидоша, взыдоша на горницу, идеже бяху пребывающе, Петр же и Иаков, и Иоанн и Андрей, Филипп и Фома, Варфоломей и Матфей, Иаков Алфеов и Симон Зилот и Иуда Иаковль: Acts 1:14 сии вси бяху терпяще единодушно в молитве и молении, с женами и Мариею Материю Иисусовою и с братиею Его. Acts 1:15 И во дни тыя востав Петр посреде ученик, рече, Acts 1:16 бе же имен народа вкупе яко сто и двадесять: мужие братие, подобаше скончатися Писанию сему, еже предрече Дух Святый усты Давидовыми о Иуде, бывшем вожди емшым Иисуса: Acts 1:17 яко причтен бе с нами и приял бяше жребий службы сея: Acts 1:18 сей убо стяжа село от мзды неправедныя, и ниц быв проседеся посреде, и излияся вся утроба его: Acts 1:19 и разумно бысть всем живущым во Иерусалиме, яко нарещися селу тому своим их языком Акелдама, еже есть село крове: Acts 1:20 пишется бо в книзе Псаломстей: да будет двор его пуст, и да не будет живущаго в нем, и епископство его да приимет ин: Acts 1:21 подобает убо от сходившихся с нами мужей во всяко лето, в неже вниде и изыде в нас Господь Иисус, Acts 1:22 начен от крещения Иоаннова даже до дне, в оньже вознесеся (на небо) от нас, свидетелю воскресения Его быти с нами единому от сих. Acts 1:23 И поставиша два, Иосифа нарицаемаго Варсаву, иже наречен бысть Иуст, и Матфиа, Acts 1:24 и помолившеся реша: Ты, Господи, Сердцеведче всех, покажи, егоже избрал еси от сею двою единаго, Acts 1:25 прияти жребий служения сего и Апостолства, из негоже испаде Иуда, ити в место свое. Acts 1:26 И даша жребия има, и паде жребий на Матфиа, и причтен бысть ко единонадесяти Апостолом. Acts 2:0 Acts 2:1 И егда скончавашася дние Пятьдесятницы, беша вси Апостоли единодушно вкупе. Acts 2:2 И бысть внезапу с небесе шум, яко носиму дыханию бурну, и исполни весь дом, идеже бяху седяще: Acts 2:3 и явишася им разделени языцы яко огненни, седе же на единем коемждо их. Acts 2:4 И исполнишася вси Духа Свята и начаша глаголати иными языки, якоже Дух даяше им провещавати. Acts 2:5 Бяху же во Иерусалиме живущии Иудее, мужие благоговейнии, от всего языка, иже под небесем. Acts 2:6 Бывшу же гласу сему, снидеся народ и смятеся, яко слышаху един кийждо их своим языком глаголющих их. Acts 2:7 Дивляхуся же вси и чудяхуся, глаголюще друг ко другу: не се ли, вси сии суть глаголющии Галилеане? Acts 2:8 И како мы слышим кийждо свой язык наш, в немже родихомся, Acts 2:9 Парфяне и Мидяне и Еламите, и живущии в Месопотамии, во Иудеи же и Каппадокии, в Понте и во Асии, Acts 2:10 во Фригии же и Памфилии, во Египте и странах Ливии, яже при Киринии, и приходящии Римляне, Иудее же и пришелцы, Acts 2:11 критяне и аравляне, слышим глаголющих их нашими языки величия Божия? Acts 2:12 Ужасахуся же вси и недоумевахуся, друг ко другу глаголюще: что убо хощет сие быти? Acts 2:13 Инии же ругающеся глаголаху, яко вином исполнени суть. Acts 2:14 Став же Петр со единонадесятьми, воздвиже глас свой и рече им: мужие Иудейстии и живущии во Иерусалиме вси, сие вам разумно да будет, и внушите глаголы моя: Acts 2:15 не бо, якоже вы непщуете, сии пияни суть, есть бо час третий дне: Acts 2:16 но сие есть реченное пророком Иоилем: Acts 2:17 и будет в последния дни, глаголет Господь, излию от Духа Моего на всяку плоть, и прорекут сынове ваши и дщери вашя, и юноши ваши видения узрят, и старцы ваши сония видят: Acts 2:18 ибо на рабы Моя и на рабыни Моя во дни оны излию от Духа Моего, и прорекут: Acts 2:19 и дам чудеса на небеси горе и знамения на земли низу, кровь и огнь и курение дыма: Acts 2:20 солнце преложится во тму, и луна в кровь, прежде даже не приити дню Господню великому и просвещенному: Acts 2:21 и будет, всяк, иже аще призовет имя Господне, спасется. Acts 2:22 Мужие Израилстии, послушайте словес сих: Иисуса Назореа, Мужа от Бога извествованна в вас силами и чудесы и знамении, яже сотвори Тем Бог посреде вас, якоже и сами весте, Acts 2:23 Сего нарекованным советом и проразумением Божиим предана приемше, руками беззаконных пригвождше убисте: Acts 2:24 Егоже Бог воскреси, разрешив болезни смертныя, якоже не бяше мощно держиму быти Ему от нея. Acts 2:25 Давид бо глаголет о Нем: предзрех Господа предо мною выну, яко о десную мене есть, да не подвижуся: Acts 2:26 сего ради возвеселися сердце мое, и возрадовася язык мой: еще же и плоть моя вселится на уповании, Acts 2:27 яко не оставиши души моея во аде, ниже даси преподобному Твоему видети истления: Acts 2:28 сказал ми еси пути живота: исполниши мя веселия с лицем Твоим. Acts 2:29 Мужие братие, достоит рещи с дерзновением к вам о патриарсе Давиде, яко и умре и погребен бысть, и гроб его есть в нас даже до дне сего: Acts 2:30 пророк убо сый и ведый, яко клятвою клятся ему Бог от плода чресл его по плоти воздвигнути Христа и посадити Его на престоле его, Acts 2:31 предвидев глагола о воскресении Христове, яко не оставися душа Его во аде, ни плоть Его виде истления. Acts 2:32 Сего Иисуса воскреси Бог, емуже вси мы есмы свидетелие. Acts 2:33 Десницею убо Божиею вознесеся, и обетование Святаго Духа приемь от Отца, излия сие, еже вы ныне видите и слышите. Acts 2:34 Не бо Давид взыде на небеса, глаголет бо сам: рече Господь Господеви моему: седи о десную Мене, Acts 2:35 дондеже положу враги Твоя подножие ног Твоих. Acts 2:36 Твердо убо да разумеет весь дом Израилев, яко и Господа и Христа его Бог сотворил есть, Сего Иисуса, Егоже вы распясте. Acts 2:37 Слышавше же умилишася сердцем и реша к Петру и прочым Апостолом: что сотворим, мужие братие? Acts 2:38 Петр же рече к ним: покайтеся, и да крестится кийждо вас во имя Иисуса Христа во оставление грехов: и приимете дар Святаго Духа: Acts 2:39 вам бо есть обетование и чадом вашым и всем дальним, елики аще призовет Господь Бог наш. Acts 2:40 И иными словесы множайшими засвидетелствоваше и моляше я, глаголя: спаситеся от рода строптиваго сего. Acts 2:41 Уже убо любезно прияша слово его, крестишася: и приложишася в день той душ яко три тысящы: Acts 2:42 бяху же терпяще во учении Апостол и во общении и в преломлении хлеба и в молитвах. Acts 2:43 Бысть же на всякой души страх: многа бо чудеса и знамения Апостолы быша во Иерусалиме. Acts 2:44 Страх же велий бяше на всех их. Вси же веровавшии бяху вкупе и имяху вся обща: Acts 2:45 и стяжания и имения продаяху, и раздаяху всем, егоже аще кто требоваше: Acts 2:46 по вся же дни терпяще единодушно в церкви и ломяще по домом хлеб, приимаху пищу в радости и в простоте сердца, Acts 2:47 хваляще Бога и имуще благодать у всех людий. Господь же прилагаше по вся дни Церкви спасающыяся. Acts 3:0 Acts 3:1 Вкупе же Петр и Иоанн восхождаста во святилище на молитву в час девятый. Acts 3:2 И некий муж, хром от чрева матере своея сый, носимь бываше, егоже полагаху по вся дни пред дверьми церковными, рекомыми Красными, просити милостыни от входящих в церковь: Acts 3:3 иже видев Петра и Иоанна хотящыя внити в церковь, прошаше милостыни. Acts 3:4 Воззрев же Петр нань со Иоанном, рече: воззри на ны. Acts 3:5 Он же прилежаше има, мня нечто от нею прияти. Acts 3:6 Рече же Петр: сребра и злата несть у мене, но еже имам, сие ти даю: во имя Иисуса Христа Назореа востани и ходи. Acts 3:7 И емь его за десную руку воздвиже: абие же утвердистеся его плесне и глезне, Acts 3:8 и вскочив ста и хождаше, и вниде с нима в церковь, ходя и скачя и хваля Бога. Acts 3:9 И видеша его вси людие ходяща и хваляща Бога, Acts 3:10 знаху же его, яко сей бяше, иже милостыни ради седяше при Красных дверех церковных: и исполнишася чуда и ужаса о приключившемся ему. Acts 3:11 Держащужеся исцелевшему хромому Петра и Иоанна, притекоша к нима вси людие в притвор, нарицаемый Соломонов, ужасни. Acts 3:12 Видев же Петр отвещаваше к людем: мужие Израилтяне, что чудитеся о сем, или на ны что взираете, яко своею ли силою или благочестием сотворихом его ходити? Acts 3:13 Бог Авраамов и Исааков и Иаковль, Бог отец наших, прослави Отрока Своего Иисуса, Егоже вы предасте, и отвергостеся Его пред лицем Пилатовым, суждьшу Оному пустити: Acts 3:14 вы же Святаго и Праведнаго отвергостеся, и испросисте мужа убийцу дати вам, Acts 3:15 Началника же жизни убисте: Егоже Бог воскреси от мертвых, емуже мы свидетелие есмы. Acts 3:16 И о вере имене Его, сего, егоже видите и знаете, утверди имя Его: и вера, яже Его ради, даде ему всю целость сию пред всеми вами. Acts 3:17 И ныне, братие, вем, яко по неведению сие сотвористе, якоже и князи ваши: Acts 3:18 Бог же, яже предвозвести усты всех пророк Своих пострадати Христу, исполни тако. Acts 3:19 Покайтеся убо и обратитеся, да очиститеся от грех ваших, Acts 3:20 яко да приидут времена прохладна от лица Господня, и послет пронареченнаго вам Христа Иисуса, Acts 3:21 Егоже подобает небеси убо прияти даже до лет устроения всех, яже глагола Бог усты всех святых Своих пророк от века. Acts 3:22 Моисей убо ко отцем рече: яко Пророка вам воздвигнет Господь Бог ваш от братии вашея, яко мене: Того послушайте по всему, елика аще речет к вам: Acts 3:23 будет же, всяка душа, яже аще не послушает Пророка онаго, потребится от людий. Acts 3:24 И вси же пророцы от Самуила и иже по сих, елицы глаголаша, такожде предвозвестиша дни сия. Acts 3:25 Вы есте сынове пророк и завета, егоже завеща Бог ко отцем вашым, глаголя ко Аврааму: и о семени твоем возблагословятся вся отечествия земная. Acts 3:26 Вам первее Бог, воздвигий Отрока Своего Иисуса, посла Его благословяща вас, во еже отвратитися вам комуждо от злоб ваших. Acts 4:0 Acts 4:1 Глаголющым же им к людем, наидоша на них священницы и воевода церковный и саддукее, Acts 4:2 жаляще си, за еже учити им люди и возвещати о Иисусе воскресение мертвых: Acts 4:3 и возложиша на них руки и положиша их в соблюдение до утрия: бе бо вечер уже. Acts 4:4 Мнози же от слышавших слово вероваша: и бысть число мужей яко тысящ пять. Acts 4:5 Бысть же наутрие собратися князем их и старцем и книжником во Иерусалим, Acts 4:6 и Анне архиерею и Каиафе и Иоанну и Александру, и елицы беша от рода архиерейска: Acts 4:7 и поставльше их посреде, вопрошаху: коею силою или коим именем сотвористе сие вы? Acts 4:8 Тогда Петр, исполнився Духа Свята, рече к ним: князи людстии и старцы Израилевы, Acts 4:9 аще мы днесь истязуеми есмы о благодеянии человека немощна, о чесом сей спасеся, Acts 4:10 разумно буди всем вам и всем людем Израилевым, яко во имя Иисуса Христа Назореа, Егоже вы распясте, Егоже Бог воскреси от мертвых, о Сем сей стоит пред вами здрав: Acts 4:11 Сей есть камень укореный от вас зиждущих, бывый во главу угла, и несть ни о единем же инем спасения: Acts 4:12 несть бо иного имене под небесем, даннаго в человецех, о немже подобает спастися нам. Acts 4:13 Видяще же Петрово дерзновение и Иоанново и разумевше, яко человека некнижна еста и проста, дивляхуся, знаху же их, яко со Иисусом беста: Acts 4:14 видяще же исцелевшаго человека с нима стояща, ничтоже имяху противу рещи. Acts 4:15 Повелевше же има вон из сонмища изыти, стязахуся друг со другом, Acts 4:16 глаголюще: что сотворим человекома сима? Яко убо нарочитое знамение бысть има, всем живущым во Иерусалиме яве, и не можем отврещися: Acts 4:17 но да не более прострется в людех, прещением да запретим има ктому не глаголати о имени сем ни единому от человек. Acts 4:18 И призвавше их, заповедаша има отнюд не провещавати ниже учити о имени Иисусове. Acts 4:19 Петр же и Иоанн отвещавша к ним реста: аще праведно есть пред Богом вас послушати паче, нежели Бога, судите: Acts 4:20 не можем бо мы, яже видехом и слышахом, не глаголати. Acts 4:21 Они же призапрещше има, пустиша я, ничтоже обретше како мучити их, людий ради, яко вси прославляху Бога о бывшем: Acts 4:22 лет бо бяше множае четыредесяти человек той, на немже бысть чудо сие исцеления. Acts 4:23 Отпущена же бывша приидоста ко своим и возвестиста, елика к нима архиерее и старцы реша. Acts 4:24 Они же слышавше единодушно воздвигоша глас к Богу и рекоша: Владыко, ты, Боже, сотворивый небо и землю и море и вся, яже в них, Acts 4:25 иже Духом Святым усты отца нашего Давида отрока Твоего рекл еси: вскую шаташася языцы, и людие поучишася тщетным? Acts 4:26 Предсташа царие земстии, и князи собрашася вкупе на Господа и на Христа Его. Acts 4:27 Собрашася бо воистинну во граде сем на Святаго Отрока Твоего Иисуса, Егоже помазал еси, Ирод же и Понтийский Пилат с языки и людьми Израилевыми, Acts 4:28 сотворити, елика рука Твоя и совет Твой преднарече быти: Acts 4:29 и ныне, Господи, призри на прещения их и даждь рабом Твоим со всяким дерзновением глаголати слово Твое, Acts 4:30 внегда руку Твою прострети Ти во исцеления, и знамением и чудесем бывати именем Святым Отрока Твоего Иисуса. Acts 4:31 И помолившымся им, подвижеся место, идеже бяху собрани, и исполнишася вси Духа Свята и глаголаху слово Божие со дерзновением. Acts 4:32 Народу же веровавшему бе сердце и душа едина, и ни един же что от имений своих глаголаше свое быти, но бяху им вся обща. Acts 4:33 И велиею силою воздаяху свидетелство Апостоли воскресению Господа Иисуса Христа, благодать же бе велия на всех их. Acts 4:34 Не бяше бо нищь ни един в них: елицы бо господие селом или домовом бяху, продающе приношаху цены продаемых Acts 4:35 и полагаху при ногах Апостол: даяшеся же коемуждо, егоже аще кто требоваше. Acts 4:36 Иосиа же, нареченный Варнава от Апостол, еже есть сказаемо сын утешения, левит, Кипрянин родом, Acts 4:37 имея село, продав принесе цену и положи пред ногами Апостол. Acts 5:0 Acts 5:1 Муж же некий, Ананиа именем, с Сапфирою женою своею, продаде село Acts 5:2 и утаи от цены, сведущей и жене его: и принес часть некую, пред ногами Апостол положи. Acts 5:3 Рече же Петр: Анание, почто исполни сатана сердце твое солгати Духу Святому и утаити от цены села? Acts 5:4 Сущее тебе не твое ли бе, и проданое не в твоей ли власти бяше? Что яко положил еси в сердцы твоем вещь сию? Не человеком солгал еси, но Богу. Acts 5:5 Слышав же Ананиа словеса сия, пад издше: и бысть страх велик на всех слышащих сия. Acts 5:6 Вставше же юноши взяша его и изнесше погребоша. Acts 5:7 Бысть же яко трием часом минувшым, и жена его не ведущи бывшаго вниде. Acts 5:8 Отвеща же ей Петр: рцы ми, аще на толице село отдаста? Она же рече: ей, на толице. Acts 5:9 Петр же рече к ней: что яко согласистася искусити Духа Господня? Се, ноги погребших мужа твоего при дверех, и изнесут тя. Acts 5:10 Паде же абие пред ногама его и издше: вшедше же юноши обретоша ю мертву и изнесше погребоша близ мужа ея. Acts 5:11 И бысть страх велик на всей церкви и на всех слышаших сия. Acts 5:12 Руками же Апостолскими быша знамения и чудеса в людех многа: и бяху единодушно вси в притворе Соломони: Acts 5:13 от прочих же никтоже смеяше прилеплятися им, но величаху их людие. Acts 5:14 Паче же прилагахуся верующии Господви, множество мужей же и жен, Acts 5:15 яко и на стогны износити недужныя и полагати на постелех и на одрех, да грядущу Петру поне сень его осенит некоего от них. Acts 5:16 Схождашеся же и множество от окрестных градов во Иерусалим, приносяще недужныя и страждущыя от дух нечистых, иже исцелевахуся вси. Acts 5:17 Востав же архиерей и вси иже с ним, сущая ересь саддукейская, исполнишася зависти, Acts 5:18 и возложиша руки своя на Апостолы и послаша их в соблюдение общее. Acts 5:19 Ангел же Господень нощию отверзе двери темницы, извед же их, рече: Acts 5:20 идите и ставше глаголите в церкви людем вся глаголы жизни сея. Acts 5:21 Слышавше же внидоша по утренице в церковь и учаху. Пришед же архиерей и иже с ним, созваша собор и вся старцы от сынов Израилевых и послаша во узилище, привести их. Acts 5:22 Слуги же шедше не обретоша их в темнице, возвращшежеся возвестиша, Acts 5:23 глаголюще, яко темницу убо обретохом заключену со всяким утверждением и блюстители стоящыя пред дверьми: отверзше же, внутрь ни единаго обретохом. Acts 5:24 Якоже слышаша словеса сия архиерей же и воевода церковный и первосвященницы, недоумевахуся о них, что убо будет сие. Acts 5:25 Пришед же некто возвести им, глаголя, яко се, мужие, ихже всадисте в темницу, суть в церкви стояще и учаще люди. Acts 5:26 Тогда шед воевода со слугами, приведе их не с нуждею, бояхуся бо людий, да не камением побиют их: Acts 5:27 приведше же их, поставиша на сонмищи, и вопроси их архиерей, глаголя: Acts 5:28 не запрещением ли запретихом вам не учити о имени сем? И се, исполнисте Иерусалим учением вашим и хощете навести на ны кровь Человека Сего. Acts 5:29 Отвещав же Петр и Апостоли реша: повиноватися подобает Богови паче, нежели человеком: Acts 5:30 Бог отец наших воздвиже Иисуса, Егоже вы убисте, повесивше на древе: Acts 5:31 Сего Бог Началника и Спаса возвыси десницею Своею, дати покаяние Израилеви и оставление грехов: Acts 5:32 и мы есмы Того свидетелие глагол сих, и Дух Святый, Егоже даде Бог повинующымся Ему. Acts 5:33 Они же слышавше распыхахуся и совещаша убити их. Acts 5:34 Востав же некий на сонмищи фарисей, именем Гамалиил, законоучитель честен всем людем, повеле вне мало что Апостолом уступити, Acts 5:35 рече же к ним: мужие Израильтяне, внимайте себе о человецех сих, что хощете сотворити: Acts 5:36 пред сими бо деньми воста Февда, глаголя быти велика некоего себе, емуже прилепишася числом мужей яко четыреста: иже убиен бысть, и вси, елицы повинушася ему, разыдошася и быша ни во чтоже: Acts 5:37 по сем воста Иуда Галилеанин во дни написания и отвлече люди доволны вслед себе: и той погибе, и вси, елицы послушаша его, разсыпашася: Acts 5:38 и ныне, глаголю вам, отступите от человек сих и оставите их: яко аще будет от человек совет сей или дело сие, разорится, Acts 5:39 аще ли же от Бога есть, не можете разорити то, да не како и богоборцы обрящетеся. Acts 5:40 Послушаша же его, и призвавше Апостолы, бивше запретиша им не глаголати о имени Иисусове и отпустиша их. Acts 5:41 Они же убо идяху радующеся от лица собора, яко за имя Господа Иисуса сподобишася безчестие прияти: Acts 5:42 по вся же дни в церкви и в домех не престаяху учаще и благовествующе Иисуса Христа. Acts 6:0 Acts 6:1 Во днех же сих, умножившымся учеником, бысть роптание Еллинов ко Евреом, яко презираемы бываху во вседневнем служении вдовицы их. Acts 6:2 Призвавше же дванадесять множество ученик, реша: не угодно есть нам, оставльшым слово Божие, служити трапезам: Acts 6:3 усмотрите убо, братие, мужы от вас свидетелствованы седмь, исполнены Духа Свята и премудрости, ихже поставим над службою сею: Acts 6:4 мы же в молитве и служении слова пребудем. Acts 6:5 И угодно бысть слово сие пред всем народом: и избраша Стефана, мужа исполнена веры и Духа Свята, и Филиппа, и Прохора и Никанора, и Тимона и Пармена, и Николаа пришелца Антиохийскаго, Acts 6:6 ихже поставиша пред Апостолы: и помолившеся возложиша на ня руце. Acts 6:7 И слово Божие растяше, и множашеся число ученик во Иерусалиме зело: мног же народ священников послушаху веры. Acts 6:8 Стефан же исполнь веры и силы творяше знамения и чудеса велия в людех. Acts 6:9 Восташа же нецыи от сонма глаголемаго Ливертинска и Киринейска и Александрска, и иже от Киликии и Асии, стязающеся со Стефаном: Acts 6:10 и не можаху противустати премудрости и Духу, Имже глаголаше. Acts 6:11 Тогда подустиша мужы глаголющыя, яко слышахом его глаголюща глаголы хульныя на Моисеа и на Бога. Acts 6:12 Сподвигоша же люди и старцы и книжники, и нападше восхитиша его и приведоша на сонмище, Acts 6:13 поставиша же свидетели ложны глаголющыя, яко человек сей не престает глаголы хульныя глаголя на место святое сие и закон: Acts 6:14 слышахом бо его глаголюща, яко Иисус Назорей сей разорит место сие и изменит обычаи, яже предаде нам Моисей. Acts 6:15 И воззревше нань вси седящии в сонмищи, видеша лице его яко лице Ангела. Acts 7:0 Acts 7:1 Рече же архиерей: аще убо сия тако суть? Acts 7:2 Он же рече: мужие братие и отцы, послушайте. Бог славы явися отцу нашему Аврааму сущу в Месопотамии, прежде даже не вселитися ему в Харрань, Acts 7:3 и рече к нему: изыди от земли твоея и от рода твоего и от дому отца твоего, и прииди в землю, юже аще ти покажу. Acts 7:4 Тогда изшед от земли Халдейския, вселися в Харрань: и оттуду, по умертвии отца его, пресели его в землю сию, на нейже вы ныне живете, Acts 7:5 и не даде ему наследия в ней, ниже стопы ногу: и обеща дати ему ю во одержание и семени его по нем, не сущу ему чаду. Acts 7:6 Глагола же сице Бог, яко будет семя его пришелцы в земли чуждей, и поработят е и озлобят лет четыреста. Acts 7:7 И языку, емуже поработают, сужду Аз, рече Бог: и по сих изыдут и послужат Ми на месте сем. Acts 7:8 И даде ему завет обрезания. И тако роди Исаака и обреза его в день осмый: и Исаак Иакова, и Иаков дванадесять патриарх. Acts 7:9 И патриарси позавидевше Иосифу продаша его во Египет: и бе Бог с ним, Acts 7:10 и изят его от всех скорбей его, и даде ему благодать и премудрость пред фараоном царем Египетским: и постави его началника над Египтом и над всем домом своим. Acts 7:11 Прииде же глад на всю землю Египетскую и Ханааню и скорбь велия, и не обретаху сытости отцы наши. Acts 7:12 Слышав же Иаков сущую пшеницу во Египте, посла отцы нашя первее, Acts 7:13 и внегда второе (приидоша), познан бысть Иосиф братии своей, и яве бысть фараону род Иосифов. Acts 7:14 Послав же Иосиф призва отца своего Иакова и все сродство свое, седмьдесят и пять душ. Acts 7:15 Сниде же Иаков во Египет, и скончася сам и отцы наши: Acts 7:16 и принесени быша в Сихем и положени быша во гробе, егоже купи Авраам ценою сребра от сынов Еммора Сихемова. Acts 7:17 И якоже приближашеся время обетования, имже клятся Бог Аврааму, возрастоша людие и умножишася во Египте, Acts 7:18 дондеже наста царь ин (во Египте), иже не знаше Иосифа: Acts 7:19 сей зле умыслив о роде нашем, озлоби отцы нашя, уморити младенцы их и не оживити. Acts 7:20 В неже время родися Моисей и бе угоден Богови, иже питан бысть месяцы три в дому отца своего: Acts 7:21 извержена же его взят его дщи фараонова и воспита и себе в сына: Acts 7:22 и наказан бысть Моисей всей премудрости Египетстей, бе же силен в словесех и делех. Acts 7:23 Егда же исполняшеся ему лет четыредесятих время, взыде на сердце ему посетити братию свою сыны Израилевы: Acts 7:24 и видев некоего обидима, пособствова и сотвори отмщение обидимому, убив Египтянина. Acts 7:25 Мняше же разумети братиям своим, яко Бог рукою его даст им спасение: они же не разумеша. Acts 7:26 Во утрий же день явися им тяжущымся и привлачаше их в примирение, рек: мужие, братия есте вы, вскую обидите друг друга? Acts 7:27 Обидяй же ближняго отрину его, рек: кто тя постави князя и судию над нами? Acts 7:28 Еда убити мя ты хощеши, имже образом убил еси вчера Египтянина? Acts 7:29 Бежа же Моисей о словеси сем и бысть пришлец в земли Мадиамстей, идеже роди сына два. Acts 7:30 И исполньшымся летом четыредесятим, явися ему в пустыни горы Синайския Ангел Господень в пламени огнене в купине: Acts 7:31 Моисей же видев дивляшеся видению: приступающу же ему разумети, бысть глас Господень к нему: Acts 7:32 Аз Бог отец твоих, Бог Авраамов и Бог Исааков и Бог Иаковль. Трепетен же быв Моисей не смеяше смотрити. Acts 7:33 Рече же ему Господь: изуй сапоги ногу твоею, место бо, на немже стоиши, земля свята есть: Acts 7:34 видя видех озлобление людий Моих, иже во Египте, и стенание их услышах, и снидох изяти их: и ныне гряди, послю тя во Египет. Acts 7:35 Сего Моисеа, егоже отринуша, рекше: кто тя постави началника и судию? Сего Бог князя и избавителя посла рукою Ангела явльшагося ему в купине: Acts 7:36 сей изведе их, сотворь чудеса и знамения в земли Египетстей и в Чермнем мори, и в пустыни лет четыредесять. Acts 7:37 Сей есть Моисей рекий сыном Израилевым: Пророка вам воздвигнет Господь Бог ваш от братии вашея яко мене: Того послушайте. Acts 7:38 Сей есть бывый в церкви в пустыни со Ангелом, глаголавшим ему на горе Синайстей, и со отцы нашими, иже прият словеса жива дати нам, Acts 7:39 егоже не восхотеша послушати отцы наши, но отринуша и и обратишася сердцем своим во Египет, Acts 7:40 рекше Аарону: сотвори нам боги, иже предидут пред нами, Моисею бо сему, иже изведе нас от земли Египетския, не вемы, что бысть ему. Acts 7:41 И сотвориша телца во дни оны, и принесоша жертву идолу, и веселяхуся в делех руку своею. Acts 7:42 Отвратися же Бог и предаде их служити воем небесным, якоже писано есть в книзе пророк: еда заколения и жертвы принесосте Ми лет четыредесять в пустыни, доме Израилев? Acts 7:43 И восприясте скинию Молохову и звезду бога вашего Ремфана, образы, яже сотвористе покланятися им: и преселю вы далее Вавилона. Acts 7:44 Сень свидения бяше отцем нашым в пустыни, якоже повеле Глаголяй Моисеови сотворити ю по образу, егоже виде: Acts 7:45 юже и внесоша приемше отцы наши со Иисусом во одержание языков, ихже изрину Бог от лица отец наших, даже до дний Давида: Acts 7:46 иже обрете благодать пред Богом и испроси обрести селение Богу Иаковлю. Acts 7:47 Соломон же созда Ему храм. Acts 7:48 Но Вышний не в рукотворенных церквах живет, якоже пророк глаголет: Acts 7:49 Небо Мне престол есть, земля же подножие ногама Моима: кий храм созиждете Ми, глаголет Господь, или кое место покоищу Моему? Acts 7:50 Не рука ли Моя сотвори сия вся? Acts 7:51 Жестоковыйнии и необрезаннии сердцы и ушесы, вы присно Духу Святому противитеся, якоже отцы ваши, тако и вы: Acts 7:52 кого от пророк не изгнаша отцы ваши? И убиша предвозвестившыя о пришествии Праведнаго, Егоже вы ныне предателе и убийцы бысте, Acts 7:53 иже приясте закон устроением Ангелским и не сохранисте. Acts 7:54 Слышаще же сия, распыхахуся сердцы своими и скрежетаху зубы нань. Acts 7:55 Стефан же сый исполнь Духа Свята, воззрев на небо, виде славу Божию и Иисуса стояща о десную Бога, Acts 7:56 и рече: се, вижу небеса отверста и Сына Человеча о десную стояща Бога. Acts 7:57 Возопивше же гласом велиим, затыкаху ушы свои и устремишася единодушно нань, Acts 7:58 и изведше вне града, камением побиваху его: и свидетелие (снемше) ризы своя положиша при ногу юноши нарицаемаго Савла, Acts 7:59 и камением побиваху Стефана, молящася и глаголюща: Господи Иисусе, приими дух мой. Acts 7:60 Преклонь же колена, возопи гласом велиим: Господи, не постави им греха сего. И сия рек успе. Acts 8:0 Acts 8:1 Савл же бе соизволяя убийству его. Бысть же в той день гонение велие на церковь Иерусалимскую: вси же разсеяшася по странам Иудейским и Самарийским, кроме Апостол: Acts 8:2 погребоша же Стефана мужие благоговейнии и сотвориша плачь велий над ним. Acts 8:3 Савл же озлобляше церковь, в домы входя, и влачя мужы и жены, предаяше в темницу. Acts 8:4 Разсеявшиися же прохождаху, благовествующе слово. Acts 8:5 Филипп же сошед во град Самарийский, проповедаше им Христа: Acts 8:6 внимаху же народи глаголемым от Филиппа единодушно, слышаще и видяще знамения, яже творяше: Acts 8:7 дуси бо нечистии от многих имущих я, вопиюще гласом велиим, исхождаху, мнози же разслабленнии и хромии исцелишася: Acts 8:8 и бысть радость велия во граде том. Acts 8:9 Муж же некий, именем Симон, прежде бе во граде волхвуя и удивляя язык Самарийский, глаголя некоего быти себе велика, Acts 8:10 емуже внимаху вси от мала даже до велика, глаголюще: сей есть сила Божия великая. Acts 8:11 Внимаху же ему, зане доволно время волхвовании удивляше их. Acts 8:12 Егда же вероваша Филиппу благовествующу яже о Царствии Божии и о имени Иисус Христове, крещахуся мужие же и жены. Acts 8:13 Симон же и сам верова и крещься бе пребывая у Филиппа: видя же силы и знамения велия бываема, ужасен дивляшеся. Acts 8:14 Слышавше же иже во Иерусалиме Апостоли, яко прият Самариа слово Божие, послаша к ним Петра и Иоанна, Acts 8:15 иже сошедше помолишася о них, яко да приимут Духа Святаго: Acts 8:16 еще бо ни на единаго их бе пришел, точию крещени бяху во имя Господа Иисуса: Acts 8:17 тогда возложиша руце на ня, и прияша Духа Святаго. Acts 8:18 Видев же Симон, яко возложением рук Апостолских дается Дух Святый, принесе им сребро, Acts 8:19 глаголя: дадите и мне власть сию, да, на негоже аще положу руце, приимет Духа Святаго. Acts 8:20 Петр же рече к нему: сребро твое с тобою да будет в погибель, яко дар Божий непщевал еси сребром стяжати: Acts 8:21 несть ти части ни жребия в словеси сем, ибо сердце твое несть право пред Богом: Acts 8:22 покайся убо о злобе твоей сей и молися Богу, аще убо отпустится ти помышление сердца твоего: Acts 8:23 в желчи бо горести и союзе неправды зрю тя суща. Acts 8:24 Отвещав же Симон рече: помолитеся вы о мне ко Господу, яко да ничтоже сих найдет на мя, яже рекосте. Acts 8:25 Они же убо, засвидетелствовавше и глаголавше слово Господне, возвратишася во Иерусалим и многим весем Самарийским благовестиша. Acts 8:26 Ангел же Господень рече к Филиппу, глаголя: востани и иди на полудне, на путь сходящий от Иерусалима в Газу: и той есть пуст. Acts 8:27 И востав пойде: и се, муж Мурин, евнух силен Кандакии царицы Муринския, иже бе над всеми сокровищи ея, иже прииде поклонитися во Иерусалим: Acts 8:28 бе же возвращаяся, и седя на колеснице своей, чтяше пророка Исаию. Acts 8:29 Рече же Дух к Филиппу: приступи и прилепися колеснице сей. Acts 8:30 Притек же Филипп услыша его чтуща пророка Исаию и рече: убо разумееши ли, яже чтеши? Acts 8:31 Он же рече: како убо могу (разумети), аще не кто наставит мя? Умоли же Филиппа, да возшед сядет с ним. Acts 8:32 Слово же Писания, еже чтяше, бе сие: яко овча на заколение ведеся, и яко агнец прямо стригущему его безгласен, тако не отверзает уст Своих: Acts 8:33 во смирении Его суд Его взятся, род же Его кто исповесть? Яко вземлется от земли живот Его. Acts 8:34 Отвещав же каженик к Филиппу, рече: молю тя, о ком пророк глаголет сие? О себе ли, или о инем некоем? Acts 8:35 Отверз же Филипп уста своя и начен от Писания сего, благовести ему Иисуса. Acts 8:36 Якоже идяху путем, приидоша на некую воду, и рече каженик: се, вода: что возбраняет ми креститися? Acts 8:37 Рече же ему Филипп: аще веруеши от всего сердца твоего, мощно ти есть. Отвещав же рече: верую Сына Божия быти Иисуса Христа. Acts 8:38 И повеле стати колеснице: и снидоста оба на воду, Филипп же и каженик: и крести его. Acts 8:39 Егда же изыдоста от воды, Дух Святый нападе на каженика: Ангел же Господень восхити Филиппа, и не виде его ктому каженик, идяше бо в путь свой радуяся. Acts 8:40 Филипп же обретеся во Азоте и проходя благовествоваше градом всем, дондеже приити ему в Кесарию. Acts 9:0 Acts 9:1 Савл же, еще дыхая прещением и убийством на ученики Господни, приступль ко архиерею, Acts 9:2 испроси от него послания в Дамаск к соборищем, яко да аще некия обрящет того пути сущыя, мужы же и жены, связаны приведет во Иерусалим. Acts 9:3 Внегда же ити, бысть ему приближитися к Дамаску, и внезапу облиста его свет от небесе: Acts 9:4 и пад на землю, слыша глас глаголющь ему: Савле, Савле, что Мя гониши? Acts 9:5 Рече же: кто еси, Господи? Господь же рече: Аз есмь Иисус, Егоже ты гониши: жестоко ти есть противу рожну прати. Acts 9:6 Трепещя же и ужасаяся глагола: Господи, что мя хощеши творити? И Господь рече к нему: востани и вниди во град, и речется ти, что ти подобает творити. Acts 9:7 Мужие же идущии с ним стояху чудящеся, глас убо слышаще, но ни когоже видяще. Acts 9:8 Воста же Савл от земли и отверстыма очима своима ни единаго видяше: ведуще же его за руку, введоша в Дамаск: Acts 9:9 и бе дни три не видя, и ни яде, ниже пияше. Acts 9:10 Бе же некто ученик в Дамасце, именем Ананиа, и рече к нему Господь в видении: Анание. Он же рече: се, аз, Господи. Acts 9:11 Господь же к нему: востав поиди на стогну нарицаемую Правую и взыщи в дому Иудове Савла именем, Тарсянина: се бо, молитву деет Acts 9:12 и виде в видении мужа, именем Ананию, вшедша и возложша нань руку, яко да прозрит. Acts 9:13 Отвеща же Ананиа: Господи, слышах от многих о мужи сем, колика зла сотвори святым Твоим во Иерусалиме: Acts 9:14 и зде имать власть от архиерей связати вся нарицающыя имя Твое. Acts 9:15 Рече же к нему Господь: иди, яко сосуд избран Ми есть сей, пронести имя Мое пред языки и царьми и сынми Израилевыми: Acts 9:16 Аз бо скажу ему, елика подобает ему о имени Моем пострадати. Acts 9:17 Пойде же Ананиа и вниде в храмину, и возложь нань руце, рече: Савле брате, Господь Иисус явлейтися на пути, имже шел еси, посла мя, яко да прозриши и исполнишися Духа Свята. Acts 9:18 И абие отпадоша от очию его яко чешуя: прозре же абие, и востав крестися, Acts 9:19 и приемь пищу, укрепися. Бысть же Савл с сущими в Дамасце учениками дни некия: Acts 9:20 и абие на сонмищих проповедаше Иисуса, яко Сей есть Сын Божий. Acts 9:21 Дивляхуся же вси слышащии и глаголаху: не сей ли есть гонивый во Иерусалиме нарицающыя имя сие, и зде на сие прииде, да связаны тыя приведет ко архиереем? Acts 9:22 Савл же паче крепляшеся и смущаше Иудеи живущыя в Дамасце, препирая, яко Сей есть Христос. Acts 9:23 Якоже исполнишася дние доволни, совещаша Иудее убити его, Acts 9:24 уведан же бысть Савлу совет их: стрежаху же врат день и нощь, яко да убиют его: Acts 9:25 поемше же его ученицы нощию, свесиша по стене в кошнице. Acts 9:26 Пришед же Савл во Иерусалим, покушашеся прилеплятися учеником: и вси бояхуся его, не верующе, яко есть ученик. Acts 9:27 Варнава же приемь его, приведе ко Апостолом и поведа им, како на пути виде Господа, и яко глагола ему, и како в Дамасце дерзаше о имени Иисусове. Acts 9:28 И бяше с ними входя и исходя во Иерусалиме и дерзая о имени Господа Иисуса. Acts 9:29 Глаголаше же и стязашеся с Еллины: они же искаху убити его. Acts 9:30 Разумевше же братия, сведоша его в Кесарию и отпустиша его в Тарс. Acts 9:31 Церкви же по всей Иудеи и Галилеи и Самарии имеяху мир, созидающяся и ходящя в страсе Господни, и утешением Святаго Духа умножахуся. Acts 9:32 И бысть Петру, посещающу всех, снити и ко святым живущым в Лидде: Acts 9:33 обрете же тамо человека некоего, именем Енеа, от осми лет лежаща на одре, иже бе разслаблен. Acts 9:34 И рече ему Петр: Енее, исцеляет тя Иисус Христос: востани с постели твоея. И абие воста: Acts 9:35 и видеша его вси живущии в Лидде и во Ассароне, иже обратишася ко Господу. Acts 9:36 Во Июппии же бе некая ученица, именем Тавифа, яже сказаема глаголется серна: сия бяше исполнена благих дел и милостынь, яже творяше. Acts 9:37 Бысть же во дни тыя, болевшей ей умрети: омывше же ю, положиша в горнице. Acts 9:38 Близ же сущей Лидде Июппии, ученицы слышавше, яко Петр есть в ней, послаша два мужа к нему, моляще его не обленитися приити до них. Acts 9:39 Востав же Петр иде с нима: егоже пришедша возведоша в горницу, и предсташа ему вся вдовицы плачущя и показующя ризы и одежды, елика творяше, с ними сущи, Серна. Acts 9:40 Изгнав же вон вся Петр, преклонь колена помолися, и обращься к телу, рече: Тавифо, востани. Она же отверзе очи свои, и видевши Петра, седе. Acts 9:41 Подав же ей руку, воздвиже ю, и призвав святыя и вдовицы, постави ю живу. Acts 9:42 Уведано же бысть се по всей Июппии, и мнози вероваша в Господа. Acts 9:43 Бысть же дни доволны пребыти ему во Июппии у некоего Симона усмаря. Acts 10:0 Acts 10:1 Муж же некий бе в Кесарии, именем Корнилий, сотник от спиры нарицающияся Италийския, Acts 10:2 благоговеин и бояйся Бога со всем домом своим, творяй милостыни многи людем и моляйся Богу всегда: Acts 10:3 виде в видении яве, яко в час девятый дне, Ангела Божия сшедша к нему и рекша ему: Корнилие. Acts 10:4 Он же воззрев нань и пристрашен быв рече: что есть, Господи? Рече же ему: молитвы твоя и милостыни твоя взыдоша на память пред Бога: Acts 10:5 и ныне посли во Июппию мужей и призови Симона, нарицаемаго Петра: Acts 10:6 сей странствует у некоего Симона усмаря, емуже есть дом при мори: той речет тебе глаголы, в нихже спасешися ты и весь дом твой. Acts 10:7 И якоже отиде Ангел глаголяй Корнилию, пригласив два от рабов своих и воина благочестива от служащих ему Acts 10:8 и сказав им вся, посла их во Июппию. Acts 10:9 Воутрие же, путьшествующым им и ко граду приближающымся, взыде Петр на горницу помолитися, о часе шестем. Acts 10:10 Бысть же приалчен и хотяше вкусити: готовящым же онем, нападе нань ужас, Acts 10:11 и виде небо отверсто и сходящ нань сосуд некий, яко плащаницу велию, по четырем краем привязан и низу спущаемь на землю, Acts 10:12 в немже бяху вся четвероногая земли и зверие и гади и птицы небесныя. Acts 10:13 И бысть глас к нему: востав, Петре, заколи и яждь. Acts 10:14 Петр же рече: никакоже, Господи, яко николиже ядох всяко скверно или нечисто. Acts 10:15 И (се) глас паки к нему вторицею: яже Бог очистил есть, ты не скверни. Acts 10:16 Сие же бысть трищи: и паки взяся сосуд на небо. Acts 10:17 Якоже в себе недоумевашеся Петр, что бы было видение, еже виде, и се, мужие посланнии от Корнилиа, вопрошше и уведевше дом Симонов, сташа пред враты Acts 10:18 и возглашше вопрошаху, аще Симон, нарицаемый Петр, зде странствует. Acts 10:19 Петру же размышляющу о видении, рече ему Дух: се, мужие трие ищут тебе: Acts 10:20 но востав сниди и иди с ними, ничтоже разсуждая: зане Аз послах их. Acts 10:21 Сошед же Петр к мужем посланным к нему от Корнилиа, рече: се, аз есмь, егоже ищете: кая есть вина, еяже ради приидосте? Acts 10:22 Они же рекоша: Корнилий сотник, муж праведен и бояйся Бога, свидетелствован от всего языка Иудейска, увещен есть от Ангела свята призвати тя в дом свой и слышати глаголы от тебе. Acts 10:23 Призвав же их учреди: наутрие же Петр востав иде с ними, и нецыи от братий, иже от Июппии, идоша с ним: Acts 10:24 и наутрие внидоша в Кесарию. Корнилий же бе чая их, созвав сродники своя и любезныя други. Acts 10:25 Якоже бысть внити Петру, срете его Корнилий, и пад на ногу его поклонися. Acts 10:26 Петр же воздвиже его, глаголя: востани: и аз сам человек есмь. Acts 10:27 И с ним беседуя, вниде и обрете собравшыяся многи: Acts 10:28 рече же к ним: вы весте, яко не лепо есть мужу Иудеанину прилеплятися или приходити ко иноплеменнику: и мне Бог показа ни единаго скверна или нечиста глаголати человека: Acts 10:29 темже и без сумнения приидох призван: вопрошаю вы убо, коея ради вины посласте по мене? Acts 10:30 И Корнилий рече: от четвертаго дне даже до сего часа бех постяся и в девятый час моляся в дому моем: и се, муж ста предо мною во одежди светле Acts 10:31 и рече: Корнилие, услышана бысть молитва твоя, и милостыни твоя помянушася пред Богом: Acts 10:32 посли убо во Июппию и призови Симона, иже нарицается Петр: сей странствует в дому Симона усмаря близ моря: иже пришед возглаголет тебе. Acts 10:33 Абие убо послах к тебе, ты же добре сотворил еси пришед: ныне убо вси мы пред Богом предстоим слышати вся повеленная тебе от Бога. Acts 10:34 Отверз же Петр уста, рече: поистинне разумеваю, яко не на лица зрит Бог, Acts 10:35 но во всяцем языце бояйся Его и делаяй правду приятен Ему есть: Acts 10:36 слово, еже посла сыном Израилевым, благовествуя мир Иисус Христом: Сей есть всем Господь: Acts 10:37 вы весте глагол бывший по всей Иудеи, наченшийся от Галилеи, по крещении, еже проповеда Иоанн: Acts 10:38 Иисуса, Иже от Назарета, яко помаза Его Бог Духом Святым и силою, Иже пройде благодателствуя и исцеляя вся насилованныя от диавола, яко Бог бяше с Ним: Acts 10:39 и мы есмы свидетеле всех, яже сотвори во стране Иудейстей и во Иерусалиме: Егоже и убиша, повешше на древе. Acts 10:40 Сего Бог воскреси в третий день и даде Ему явлену быти, Acts 10:41 не всем людем, но нам свидетелем преднареченным от Бога, иже с Ним ядохом и пихом, по воскресении Его от мертвых: Acts 10:42 и повеле нам проповедати людем и засвидетелствовати, яко Той есть нареченный от Бога Судия живым и мертвым: Acts 10:43 о Сем вси пророцы свидетелствуют, оставление грехов прияти именем Его всякому верующему в Онь. Acts 10:44 Еще же глаголющу Петру глаголы сия, нападе Дух Святый на вся слышащыя слово. Acts 10:45 И ужасошася иже от обрезания вернии, елицы приидоша с Петром, яко и на языки дар Святаго Духа излияся: Acts 10:46 слышаху бо их глаголющих языки и величающих Бога. Тогда отвеща Петр: Acts 10:47 еда воду возбранити может кто, еже не креститися сим, иже Дух Святый прияша, якоже и мы? Acts 10:48 Повеле же им креститися во имя Иисус Христово. Тогда молиша его пребыти у них дни некия. Acts 11:0 Acts 11:1 Слышаша же Апостоли и братия сущии во Иудеи, яко и языцы прияша слово Божие. Acts 11:2 И егда взыде Петр во Иерусалим, препирахуся с ним иже от обрезания, Acts 11:3 глаголюще, яко к мужем обрезания не имущым вшел еси и ял еси с ними. Acts 11:4 Начен же Петр, сказоваше им поряду, глаголя: Acts 11:5 аз бех во граде Июппийстем моляся и видех во ужасе видение, сходящь сосуд некий, яко плащаницу велию, от четырех краев низпущаему с небесе, и прииде даже до мене: Acts 11:6 в нюже воззрев смотрях, и видех четвероногая земная и звери и гады и птицы небесныя. Acts 11:7 Слышах же глас глаголющь мне: востав, Петре, заколи и яждь. Acts 11:8 Рех же: никакоже, Господи, яко всяко скверно или нечисто николиже вниде во уста моя. Acts 11:9 Отвеща же ми глас вторицею с небесе глаголющь: яже Бог очистил есть, ты не скверни. Acts 11:10 Сие же бысть трижды: и паки взяшася вся на небо. Acts 11:11 И се, абие трие мужие сташа пред храминою, в нейже бех, послани от Кесарии ко мне. Acts 11:12 Рече же ми Дух ити с ними, ничтоже разсуждая: приидоша же со мною и шесть братия сии, и внидохом в дом мужа. Acts 11:13 И возвести нам, како виде Ангела (свята) в дому своем, ставша и рекша ему: посли во Июппию мужы и призови Симона, нарицаемаго Петра, Acts 11:14 иже речет глаголы к тебе, в нихже спасешися ты и весь дом твой. Acts 11:15 Внегда же начах глаголати, нападе Дух Святый на них, якоже и на ны в начале. Acts 11:16 Помянух же глаголгол Господень, якоже глаголаше: Иоанн убо крестил есть водою, вы же имате креститися Духом Святым. Acts 11:17 Аще убо равен дар даде им Бог, якоже и нам веровавшым в Господа нашего Иисуса Христа, аз же кто бех могий возбранити Бога? Acts 11:18 Слышавше же сия умолкоша и славляху Бога, глаголюще: убо и языком Бог покаяние даде в живот. Acts 11:19 Разсеявшиися убо от скорби, бывшия при Стефане, проидоша даже до Финикии и Кипра и Антиохии, ни единому же глаголюще слово, токмо Иудеем. Acts 11:20 Бяху же нецыи от них мужие Кипрстии и Киринейстии, иже, вшедше во Антиохию, глаголаху к Еллином, благовествующе Господа Иисуса. Acts 11:21 И бе рука Господня с ними: многое же число веровавше обратишася ко Господу. Acts 11:22 Слышано же бысть слово о них во ушию церкве сущия во Иерусалиме, и послаша Варнаву преити даже до Антиохии: Acts 11:23 иже пришед и видев благодать Божию, возрадовася и моляше всех изволением сердца терпети о Господе: Acts 11:24 яко бе муж благ и исполнь Духа Свята и веры. И приложися народ мног Господеви. Acts 11:25 Изыде же Варнава в Тарс взыскати Савла, и обрет его, приведе его во Антиохию: Acts 11:26 бысть же им лето цело собиратися в церкви и учити народ мног, нарещи же прежде во Антиохии ученики Христианы. Acts 11:27 В тыя же дни снидоша от Иерусалима пророцы во Антиохию: Acts 11:28 востав же един от них, именем Агав, назнаменаше Духом глад велик хотящь быти по всей вселенней, иже и бысть при Клавдии кесари: Acts 11:29 от ученик же, по елику кто имеяше что, изволиша кийждо их на службу послати живущым во Иудеи братиям, Acts 11:30 еже и сотвориша, пославше к старцем рукою Варнавлею и Савлею. Acts 12:0 Acts 12:1 Во оно же время возложи Ирод царь руце озлобити некия иже от церкве, Acts 12:2 уби же Иакова, брата Иоаннова, мечем: Acts 12:3 и видев, яко годе есть Иудеем, приложи яти и Петра: бяху же дние опресночнии: Acts 12:4 егоже и емь всади в темницу, предав четырем четверицам воинов стрещи его, хотя по Пасце извести его к людем. Acts 12:5 И убо Петра стрежаху в темнице: молитва же бе прилежна бываемая от церкве к Богу о нем. Acts 12:6 Егда же хотяше его извести Ирод, в нощи той бе Петр спя между двема воинома, связан (железнома) ужема двема, стражие же пред дверьми стрежаху темницы. Acts 12:7 И се, Ангел Господень предста, и свет возсия в храмине: толкнув же в ребра Петра, воздвиже его, глаголя: востани вскоре. И спадоша ему ужя (железная) с руку. Acts 12:8 Рече же Ангел к нему: препояшися и вступи в плесницы твоя. Сотвори же тако. И глагола ему: облецыся в ризу твою и последствуй ми. Acts 12:9 И изшед вслед его идяше и не ведаше, яко истина есть бывшее от Ангела, мняше же видение зрети. Acts 12:10 Прошедша же первую стражу и вторую, приидоста ко вратом железным, вводящым во град, яже о себе отверзошася има: и изшедша преидоста стогну едину, и абие отступи Ангел от него. Acts 12:11 И Петр быв в себе, рече: ныне вем воистинну, яко посла Бог Ангела Своего и изят мя из руки Иродовы и от всего чаяния людий Иудейских. Acts 12:12 Смотрив же прииде в дом Марии матере Иоанна, нарицаемаго Марка, идеже бяху мнози собрани и молящеся. Acts 12:13 Толкнувшу же Петру во врата двора, приступи слышати отроковица, именем Роди, Acts 12:14 и познавши глас Петров, от радости не отверзе врат, притекши же сказа Петра стояща пред враты. Acts 12:15 Они же к ней реша: беснуешися ли? Она же крепляшеся тако быти. Они же глаголаху: Ангел его есть. Acts 12:16 Петр же пребываше толкий: отверзше же видеша его и ужасошася. Acts 12:17 Помаав же им рукою молчати, сказа им, како Господь его изведе из темницы: рече же: возвестите Иакову и братиям сия. И изшед иде во ино место. Acts 12:18 Бывшу же дню, бе молва не мала в воинех, что убо Петру бысть: Acts 12:19 Ирод же, поискав его и не обрет и истязав стражы, повеле отвести их: и изшед от Иудеи в Кесарию, живяше. Acts 12:20 Бе же Ирод гневаяся на Тиряны и Сидоняны: иже единодушно приидоша к нему, и умоливше Власта постельника царева, прошаху мира, понеже страны их от царства его питахуся. Acts 12:21 В нареченный же день Ирод, оболкся во одежду царску и сед на судище пред народом, глаголаше к ним, Acts 12:22 народ же возглашаше: глас Божий, а не человечь. Acts 12:23 Внезапу же порази его Ангел Господень, зане не даде славы Богу: и быв червьми изяден, издше. Acts 12:24 Слово же Божие растяше и множашеся. Acts 12:25 Варнава же и Савл возвратистася из Иерусалима во Антиохию, исполнивша службу, поемша с собою и Иоанна, нарицаемаго Марка. Acts 13:0 Acts 13:1 Бяху же нецыи во церкви сущей во Антиохии пророцы и учителие: Варнава же и Симеон нарицаемый Нигер, и Лукий Киринеанин, и Манаил со Иродом четвертовластником воспитанный, и Савл. Acts 13:2 Служащым же им Господеви и постящымся, рече Дух Святый: отделите Ми Варнаву и Савла на дело, на неже призвах их. Acts 13:3 Тогда постившеся и помолившеся и возложше руки на ня, отпустиша их. Acts 13:4 Сия убо, послана бывша от Духа Свята, снидоста в Селевкию, оттуду же отплыста в Кипр, Acts 13:5 и бывша в Саламине, возвещаста слово Божие в сонмищих Иудейских: имеяста же и Иоанна слугу. Acts 13:6 Прошедша же остров даже до Пафа, обретоста некоего мужа волхва лжепророка Иудеанина, емуже имя Вариисус, Acts 13:7 иже бе со анфипатом Сергием Павлом, мужем разумным. Сей призвав Варнаву и Савла, взыска услышати слово Божие: Acts 13:8 сопротивляшеся же има Елима волхв, тако бо сказуется имя его, иский развратити анфипата от веры. Acts 13:9 Савл же, иже и Павел, исполнися Духа Свята, и воззрев нань, Acts 13:10 рече: о, исполненне всякия льсти и всякия злобы, сыне диаволь, враже всякия правды, не престанеши ли развращая пути Господни правыя? Acts 13:11 И ныне, се, рука Господня на тя, и будеши слеп, не видя солнца до времене. Внезапу же нападе нань мрак и тма, и осязая искаше вожда. Acts 13:12 Тогда видев анфипат бывшее, верова, дивяся о учении Господни. Acts 13:13 Отвезшеся же от Пафа Павел и сущии с ним, приидоша в Пергию Памфилийскую: Иоанн же, отлучився от них, возвратися во Иерусалим. Acts 13:14 Они же, прошедше от Пергии, приидоша во Антиохию Писидийскую, и вшедше в сонмище в день субботный, седоша. Acts 13:15 По чтении же закона и пророк, послаша началницы сонмища к ним, глаголюще: мужие братие, аще есть слово в вас утешения к людем, глаголите. Acts 13:16 Востав же Павел и помаав рукою, рече: мужие Израильтяне и боящиися Бога, услышите: Acts 13:17 Бог людий сих избра отцы нашя и люди вознесе в пришелствии в земли Египетстей, и мышцею высокою изведе их из нея Acts 13:18 и до четыредесяти лет препита их в пустыни: Acts 13:19 и низложив язык седмь в земли Ханаанстей, даде им в наследие землю их, Acts 13:20 и по сих, яко лет четыреста и пятьдесят, даде им судии до Самуила пророка: Acts 13:21 и оттуду просиша царя, и даде им Бог Саула сына Кисова, мужа от колена Вениаминова, лет четыредесять: Acts 13:22 и преставль его, воздвиже им Давида в царя, емуже и рече свидетелствовав: обретох Давида сына Иессеова, мужа по сердцу Моему, иже сотворит вся хотения Моя. Acts 13:23 От сего семене Бог по обетованию воздвиже Израилю Спасение Иисуса, Acts 13:24 проповедавшу Иоанну пред лицем внития Его крещение покаяния всем людем Израилевым. Acts 13:25 И якоже скончаваше Иоанн течение, глаголаше: кого мя непщуете быти? Несмь аз, но се, грядет по мне, Емуже несмь достоин разрешити ремень сапогу Его. Acts 13:26 Мужие братие, сынове рода Авраамля, и иже в вас боящиися Бога, вам слово спасения сего послася. Acts 13:27 Живущии бо во Иерусалиме и князи их, сего не разумевше, и гласы пророческия по вся субботы чтомыя, осудивше (Его), исполниша, Acts 13:28 и ни единыя вины смертныя обретше, просиша у Пилата убити Его: Acts 13:29 якоже скончаша вся, яже о Нем писана, снемше с древа, положиша во гробе. Acts 13:30 Бог же воскреси Его от мертвых: Acts 13:31 иже являшеся во дни многи совозшедшым с Ним от Галилеи во Иерусалим, иже ныне суть свидетелие Его к людем. Acts 13:32 И мы вам благовествуем обетование бывшее ко отцем, яко сие Бог исполнил есть нам чадом их, воздвиг Иисуса, Acts 13:33 якоже и во псалме вторем писано есть: Сын Мой еси Ты, Аз днесь родих Тя. Acts 13:34 А якоже воскреси Его от мертвых, не ктому хотяща возвратитися во истление, сице рече: яко дам вам преподобная Давидова верная. Acts 13:35 Темже и в другом глаголет: не даси Преподобному Твоему видети истления. Acts 13:36 Давид бо, своему роду послужив Божиим советом, успе, и приложися ко отцем своим, и виде истление: Acts 13:37 а Егоже Бог воздвиже, не виде истления. Acts 13:38 Ведомо убо да будет вам, мужие братие, яко Его ради вам оставление грехов проповедается: Acts 13:39 и от всех, от нихже не возмогосте в законе Моисеове оправдитися, о Сем всяк веруяй оправдается. Acts 13:40 Блюдите убо, да не приидет на вас реченное во пророцех: Acts 13:41 видите, нерадивии, и чудитеся, и узрите и исчезнете: яко дело Аз соделаю во дни вашя, емуже не имате веровати, аще кто повесть вам. Acts 13:42 Исходящым же им от сонмища Иудейска, моляху языцы в другую субботу глаголатися им глаголом сим: Acts 13:43 разшедшуся же собору, последоваша мнози от Иудей и честивых пришлец Павлу и Варнаве, иже, глаголюща им, увещаста их пребывати в благодати Божией. Acts 13:44 Во грядущую же субботу мало не весь град собрася послушати слова Божия: Acts 13:45 видевше же Иудее народы, исполнишася зависти и вопреки глаголаху глаголемым от Павла, сопротив глаголюще и хуляще. Acts 13:46 Дерзнувша же Павел и Варнава рекоста: вам бе лепо первее глаголати слово Божие: а понеже отвергосте е и недостойны творите сами себе вечному животу, се, обращаемся во языки: Acts 13:47 тако бо заповеда нам Господь: положих Тя во свет языком, еже быти Тебе во спасение даже до последних земли. Acts 13:48 Слышаще же языцы радовахуся и славляху слово Господне, и вероваша, елицы учинени бяху в жизнь вечную: Acts 13:49 проношашеся же слово Господне по всей стране. Acts 13:50 Иудее же наустиша честивыя жены и благообразныя и старейшины града, и воздвигоша гонение на Павла и Варнаву, и изгнаша я от предел своих. Acts 13:51 Она же, отрясша прах от ног своих на них, приидоста во Иконию. Acts 13:52 Ученицы же исполняхуся радости и Духа Свята. Acts 14:0 Acts 14:1 Бысть же во Иконии, вкупе внити има в сонмище Иудейское и глаголати тако, яко веровати Иудеев и Еллинов множеству многу. Acts 14:2 Неверующии же Иудее воздвигоша и озлобиша душы языков на братию. Acts 14:3 Доволно же убо время пребыста дерзающа о Господе, Свидетелствующем слову благодати Своея и дающем знамения и чудеса быти рукама их. Acts 14:4 Разделишажеся множество града, и ови убо бяху со Иудеи, ови же со Апостолы. Acts 14:5 И егда бысть стремление языком же и Иудеем с началники их досадити и камением побити их, Acts 14:6 уведевша же прибегоста во грады Ликаонския, в Листру и Дервию, и во окрестныя их, Acts 14:7 и тамо беста благовествующа. Acts 14:8 И некто муж в Листрех немощен ногама седяше, хром от чрева матере своея сый, иже николиже бе ходил. Acts 14:9 Сей слышаше Павла глаголюща: иже воззрев нань и видев, яко веру имать здрав быти, Acts 14:10 рече велиим гласом: тебе глаголю во имя Господа Иисуса Христа, встани на ногу твоею прав. И абие возскочи и хождаше. Acts 14:11 Народи же видевше, еже сотвори Павел, воздвигоша глас свой, ликаонски глаголюще: бози уподобльшеся человеком снидоша к нам. Acts 14:12 Нарицаху же убо Варнаву Диа, Павла же Ермиа, понеже той бяше началник слова. Acts 14:13 Жрец же Диев, сущаго пред градом их, приведе юнцы и (принесе) венцы пред врата, с народы хотяше жрети. Acts 14:14 Слышавша же Апостола Варнава и Павел, растерзавша ризы своя, вскочиста в народ, зовуща и глаголюща: Acts 14:15 мужие, что сия творите? И мы подобострастна есма вам человека, благовествующа вам от сих суетных обращатися к Богу Живу, Иже сотвори небо и землю и море и вся, яже в них: Acts 14:16 Иже в мимошедшыя роды оставил бе вся языки ходити в путех их: Acts 14:17 и убо не несвидетелствована Себе остави, благотворя, с небесе нам дожди дая и времена плодоносна, исполняя пищею и веселием сердца наша. Acts 14:18 И сия глаголюща, едва устависта народы не жрети има, но отити коемуждо во своя си. Пребывающема же има и учащема, Acts 14:19 приидоша от Антиохии и Иконии нецыи Иудее, и стязающемася има с дерзновением, наустиша народы отступити от нею, глаголюще, яко ничтоже истинно глаголета, но все лжета. И наустивше народы и камением побивше Павла, извлекоша вне града, мняще его умерша. Acts 14:20 Окрест же ставшым его учеником, востав вниде во град и наутрие изыде с Варнавою в Дервию. Acts 14:21 Благовествовавша же граду тому и научивша многи, возвратистася в Листру и Иконию и Антиохию, Acts 14:22 утверждающа душы учеников, моляща пребыти в вере, и яко многими скорбьми подобает нам внити в Царствие Божие. Acts 14:23 Рукоположша же им пресвитеры на вся церкви и помолившася с постом, предаста их Господеви, в Негоже увероваша. Acts 14:24 И прошедша Писидию, приидоста в Памфилию: Acts 14:25 и глаголавша в Пергии слово Господне, снидоста во Атталию Acts 14:26 и оттуду отплыста во Антиохию, отнюдуже беста предана благодати Божией в дело, еже скончаста. Acts 14:27 Пришедша же и собравша церковь, сказаста, елика сотвори Бог с нима и яко отверзе языком дверь веры: Acts 14:28 пребыста же тамо время не мало со ученики. Acts 15:0 Acts 15:1 И нецыи сшедше от Иудеи, учаху братию, яко аще не обрежетеся по обычаю Моисеову, не можете спастися. Acts 15:2 Бывшей же распри и стязанию не малу Павлу и Варнаве к ним, учиниша взыти Павлу и Варнаве и неким другим от них ко Апостолом и старцем во Иерусалим о вопрошении сем. Acts 15:3 Они же убо, предпослани бывше от церкве, прохождаху Финикию и Самарию, поведающе обращение языков, и творяху радость велию всей братии. Acts 15:4 Пришедше же во Иерусалим, прияти быша от церкве и Апостол и старец, сказаша же, елика сотвори Бог с ними и яко отверзе языком дверь веры. Acts 15:5 Восташа же нецыи от ереси фарисейския веровавшии, глаголюще, яко подобает обрезати их, завещавати же блюсти закон Моисеов. Acts 15:6 Собрашася же Апостоли и старцы ведети о словеси сем. Acts 15:7 Многу же взысканию бывшу, востав Петр рече к ним: мужие братие, вы весте, яко от дний первых Бог в нас избра усты моими услышати языком слово Благовестия и веровати: Acts 15:8 и Сердцеведец Бог свидетелствова им, дав им Духа Святаго, якоже и нам, Acts 15:9 и ничтоже разсуди между нами же и онеми, верою очищь сердца их: Acts 15:10 ныне убо что искушаете Бога, (хотяще) возложити иго на выи учеником, егоже ни отцы наши, ни мы возмогохом понести? Acts 15:11 Но благодатию Господа Иисуса Христа веруем спастися, якоже и они. Acts 15:12 Умолча же все множество и послушаху Варнавы и Павла поведающею, елика сотвори Бог знамения и чудеса во языцех има. Acts 15:13 По умолчании же ею, отвеща Иаков глаголя: мужие братие, послушайте мене: Acts 15:14 Симеон поведа, яко прежде Бог посети прияти от язык люди о имени Своем: Acts 15:15 и сему согласуют словеса пророк, якоже пишет: Acts 15:16 по сих обращуся и созижду кров Давидов падший, и раскопаная его созижду и исправлю его, Acts 15:17 яко да взыщут прочии человецы Господа, и вси языцы, в нихже наречеся имя Мое, глаголет Господь, творяй сия вся. Acts 15:18 Разумна от века суть Богови вся дела Его. Acts 15:19 Сего ради аз сужду не стужати от язык обращающымся к Богу, Acts 15:20 но заповедати им огребатися от треб идолских и от блуда и удавленины и от крове, и елика неугодна себе суть, иным не творити. Acts 15:21 Моисей бо от родов древних по всем градом проповедающыя его имать, в сонмищих по вся субботы чтомый. Acts 15:22 Тогда изволися Апостолом и старцем со всею церковию, избравше мужа от них, послати во Антиохию с Павлом и Варнавою, Иуду нарицаемаго Варсаву, и Силу, мужа нарочита в братии, Acts 15:23 написавше рукама их сия: Апостоли и старцы и братия, сущым во Антиохии и Сирии и Киликии братиям, иже от язык, (о Господе) радоватися. Acts 15:24 Понеже слышахом, яко нецыи от нас изшедше возмутиша вас словесы, развращающе душы вашя, глаголюще обрезатися и блюсти закон, имже мы не завещахом: Acts 15:25 изволися нам собравшымся единодушно, избранныя мужы послати к вам, с возлюбленныма нашима Варнавою и Павлом, Acts 15:26 человекома предавшема душы своя о имени Господа нашего Иисуса Христа: Acts 15:27 послахом убо Иуду и Силу, и тех словом сказующих таяжде: Acts 15:28 изволися бо Святому Духу и нам, ничтоже множае возложити вам тяготы, разве нуждных сих: Acts 15:29 огребатися от идоложертвенных и крове, и удавленины и блуда: и елика не хощете вам быти, другим не творите: от нихже соблюдающе себе, добре сотворите. Здравствуйте. Acts 15:30 Они же убо послани бывше приидоша во Антиохию, и собравше народ, вдаша послание. Acts 15:31 Прочетше же, возрадовашася о утешении. Acts 15:32 Иуда же и Сила, и та пророка суща, словом мнозем утешиста братию и утвердиста. Acts 15:33 Пребывша же тамо время, отпущена быста с миром от братий ко Апостолом. Acts 15:34 Изволися же Силе пребыти тамо, Иуда же возвратися во Иерусалим. Acts 15:35 Павел же и Варнава живяста во Антиохии, учаща и благовествующа слово Господне, и со инеми многими. Acts 15:36 По неких же днех рече Павел к Варнаве: возвращшеся подобает посетити братию нашу во всех градех, в нихже проповедахом слово Господне, како пребывают. Acts 15:37 Варнава же восхоте пояти с собою Иоанна нарицаемаго Марка: Acts 15:38 Павел же глаголаше отступльшаго от наю от Памфилии и не шедшаго с нама на дело, на неже послани быхом, не пояти сего с собою. Acts 15:39 Бысть убо распря, яко отлучитися има от себе: Варнава убо поемь Марка отплы в Кипр: Acts 15:40 Павел же избрав Силу изыде предан благодати Божией от братий, Acts 15:41 прохождаше же Сирию и Киликию, утверждая церкви. Acts 16:0 Acts 16:1 Прииде же в Дервию и Листру. И се, ученик некий бе ту, именем Тимофей, сын жены некия Иудеаныни верны, отца же Еллина: Acts 16:2 иже свидетелствован бе от сущих в Листрех и Иконии братии. Acts 16:3 Сего восхоте Павел с собою изыти: и приемь обреза его, Иудей ради сущих на местех онех: ведяху бо вси отца его, яко Еллин бяше. Acts 16:4 И якоже прохождаху грады, предаяше им хранити уставы сужденныя от Апостол и старец, иже во Иерусалиме. Acts 16:5 Церкви же утверждахуся верою и прибываху в число по вся дни. Acts 16:6 Прошедше же Фригию и Галатийскую страну, возбранени (быша) от Святаго Духа глаголати слово во Асии. Acts 16:7 Пришедше же в Мисию, покушахуся в Вифинию поити: и не остави их Дух. Acts 16:8 Прешедше же Мисию, снидоша в Троаду. Acts 16:9 И видение в нощи явися Павлу: муж некий бе Македонянин стоя, моля его и глаголя: пришед в Македонию, помози нам. Acts 16:10 И якоже видение виде, абие взыскахом изыти в Македонию, разумевше, яко призва ны Господь благовестити им. Acts 16:11 Отвезшеся же от Троады, приидохом в Самофрак, воутрие же в Неаполь, Acts 16:12 оттуду же в Филиппы, иже есть первый град части Македонии, колониа. Бехом же в том граде пребывающе дни некия. Acts 16:13 В день же субботный изыдохом вон из града при реце, идеже мняшеся молитвенница быти, и седше глаголахом к собравшымся женам. Acts 16:14 И некая жена, именем Лидиа, порфиропродалница от града Фиатирскаго, чтущи Бога, послушаше: ейже Господь отверзе сердце внимати глаголемым от Павла. Acts 16:15 Якоже крестися та и дом ея, моляше ны глаголющи: аще усмотристе мя верну Господеви быти, вшедше в дом мой, пребудите. И принуди нас. Acts 16:16 Бысть же идущым нам на молитву, отроковица некая имущая дух пытлив срете нас, яже стяжание много даяше господем своим волхвующи. Acts 16:17 Та последовавши Павлу и нам, взываше глаголющи: сии человецы раби Бога Вышняго суть, иже возвещают нам путь спасения. Acts 16:18 Се же творяше на многи дни. Стужив же си Павел и обращься, духови рече: запрещаю ти именем Иисуса Христа, изыди из нея. И изыде в том часе. Acts 16:19 Видевше же господие ея, яко изыде надежда стяжания их, поемше Павла и Силу, влекоша на торг ко князем, Acts 16:20 и приведше их к воеводам, реша: сии человецы возмущают град наш, Иудее суще, Acts 16:21 и завещавают обычаи, яже не достоит нам приимати ни творити, Римляном сущым. Acts 16:22 И снидеся народ на них, и воеводы растерзавше има ризы, веляху палицами бити их: Acts 16:23 многи же давше има раны, всадиша в темницу, завещавше темничному стражу твердо стрещи их: Acts 16:24 иже таково завещание приемь, всади их во внутреннюю темницу и ноги их заби в кладе. Acts 16:25 В полунощи же Павел и Сила молящася пояста Бога: послушаху же их юзницы. Acts 16:26 Внезапу же трус бысть велий, яко поколебатися основанию темничному: отверзошася же абие двери вся, и всем юзы ослабеша. Acts 16:27 Возбуждься же темничный страж и видев отверсты двери темницы, извлек нож, хотяше себе убити, мня избегшя юзники. Acts 16:28 Возгласи же гласом велиим Павел глаголя: ничтоже сотвори себе зла, вси бо есмы зде. Acts 16:29 Просив же свещи вскочи, и трепетен быв, припаде к Павлу и Силе, Acts 16:30 и извед их вон, рече: господие, что ми подобает творити, да спасуся? Acts 16:31 Она же рекоста: веруй в Господа Иисуса Христа, и спасешися ты и весь дом твой. Acts 16:32 И глаголаста ему слово Господне, и всем, иже в дому его. Acts 16:33 И поемь я в тойже час нощи, измы от ран и крестися сам и свои ему вси абие: Acts 16:34 введ же я в дом свой, постави трапезу и возрадовася со всем домом своим, веровав Богу. Acts 16:35 Дню же бывшу, послаша воеводы паличники, глаголюще: отпусти человека она. Acts 16:36 Сказа же темничный страж словеса сия Павлу, яко послаша воеводы, да отпущена будета: ныне убо изшедша, идита с миром. Acts 16:37 Павел же рече к ним: бивше наю пред людьми, неосужденна человека Римлянина суща, всадиша в темницу, и ныне отай изводят наю? Ни бо: но да пришедше сами изведут наю. Acts 16:38 Сказаша же паличницы воеводам глаголы сия: и убояшася слышавше, яко Римлянина еста. Acts 16:39 И пришедше умолиша их и изведше моляху изыти из града. Acts 16:40 Изшедша же из темницы приидоста к Лидии, и видевша братию, утешиста их и изыдоста. Acts 17:0 Acts 17:1 Прешедша же Амфиполь и Аполлонию, внидоста в Солунь, идеже бе сонмище Иудейское. Acts 17:2 По обычаю же своему Павел вниде к ним и по субботы три стязашеся с ними от Писаний, Acts 17:3 сказуя и предлагая им, яко Христу подобаше пострадати и воскреснути от мертвых, и яко Сей Иисус, Егоже аз проповедую вам, есть Христос. Acts 17:4 И нецыи от них вероваша и приложишася к Павлу и Силе, от честивых Еллин множество много и от жен благородных не мало. Acts 17:5 Возревновавше же непокоршиися Иудее и приемше крамолники некия мужы злыя, и собравше народ, молвяху по граду: нашедше же на дом Иассонов, искаху их извести к народу. Acts 17:6 Не обретше же их, влечаху Иассона и некия от братий ко градоначалником, вопиюще, яко, иже развратиша вселенную, сии и зде приидоша, Acts 17:7 ихже прият Иассон: и сии вси противно велением кесаревым творят, царя глаголюще иного быти, Иисуса. Acts 17:8 Смятоша же народ и градоначалники слышащыя сия: Acts 17:9 вземше же доволное от Иассона и от прочих, отпустиша их. Acts 17:10 Братия же абие в нощи отслаша Павла и Силу в Берию: иже пришедша, идоста в собор Иудейский. Acts 17:11 Сии же бяху благороднейши живущих в Солуни, иже прияша слово со всем усердием, по вся дни разсуждающе Писания, аще суть сия тако. Acts 17:12 Мнози убо от них вероваша, и от Еллинских жен благообразных и мужей не мало. Acts 17:13 И яко уведаша иже от Солуня Иудее, яко и в Берии проповедася от Павла слово Божие, приидоша и тамо движуще и смущающе народы. Acts 17:14 Абие же тогда братия отпустиша Павла ити на поморие: остаста же Сила и Тимофей тамо. Acts 17:15 Провождающии же Павла ведоша его даже до Афин, и приемше заповедь к Силе и Тимофею, да яко скорее приидут к нему, изыдоша. Acts 17:16 Во Афинех же ждущу их Павлу, раздражашеся дух его в нем зрящем идол полн сущь град. Acts 17:17 Стязашеся же убо на сонмищи со Иудеи и с честивыми, и на торжищи по вся дни с приключающимися. Acts 17:18 Нецыи же от епикур и от стоик философ стязахуся с ним: и нецыи глаголаху: что убо хощет суесловивый сей глаголати? Инии же: чуждих богов мнится проповедник быти: яко Иисуса и воскресение благовествоваше им. Acts 17:19 Поемше же его, ведоша на ареопаг, глаголюще: можем ли разумети, что новое сие глаголемое тобою учение? Acts 17:20 Странна бо некая влагаеши во ушеса наша: хощем убо разумети, что хотят сия быти? Acts 17:21 Афинее же вси и приходящии страннии ни во чтоже ино упражняхуся, разве глаголати что или слышати новое. Acts 17:22 Став же Павел посреде ареопага, рече: мужие Афинейстии, по всему зрю вы аки благочестивыя: Acts 17:23 проходя бо и соглядая чествования ваша, обретох и капище, на немже бе написано: неведомому Богу. Егоже убо не ведуще (благолепне) чтете, Сего аз проповедую вам. Acts 17:24 Бог сотворивый мир и вся, яже в нем, Сей небесе и земли Господь сый, не в рукотворенных храмех живет, Acts 17:25 ни от рук человеческих угождения приемлет, требуя что, Сам дая всем живот и дыхание и вся: Acts 17:26 сотворил же есть от единыя крове весь язык человечь, жити по всему лицу земному, уставив предучиненая времена и пределы селения их, Acts 17:27 взыскати Господа, да поне осяжут Его и обрящут, яко не далече от единаго коегождо нас суща: Acts 17:28 о Нем бо живем и движемся и есмы, якоже и нецыи от ваших книжник рекоша: Сего бо и род есмы. Acts 17:29 Род убо суще Божий, не должни есмы непщевати подобно быти Божество злату, или сребру, или каменю художне начертану, и смышлению человечу: Acts 17:30 лета убо неведения презирая Бог, ныне повелевает человеком всем всюду покаятися: Acts 17:31 зане уставил есть день, в оньже хощет судити вселенней в правде, о Мужи, Егоже предустави, веру подая всем, воскресив Его от мертвых. Acts 17:32 Слышавше же воскресение мертвых, овии убо ругахуся, овии же реша: да слышим тя паки о семе. Acts 17:33 И тако Павел изыде от среды их. Acts 17:34 Нецыи же мужие прилепившеся ему, вероваша: в нихже бе и Дионисий Ареопагитский, и жена именем Дамарь, и друзии с ними. Acts 18:0 Acts 18:1 По сих же отлучився Павел от Афин, прииде в Коринф: Acts 18:2 и обрет некоего Иудеанина именем Акилу, Понтянина родом, ново пришедша от Италии, и Прискиллу жену его: зане повелел бяше Клавдий отлучитися всем Иудеем от Рима: прииде к ним, Acts 18:3 и зане единохудожником быти им, пребысть у них и делаше: бяху бо скинотворцы хитростию. Acts 18:4 Стязашеся же на сонмищах по вся субботы и препираше Иудеи и Еллины. Acts 18:5 И егда снидоста от Македонии Сила же и Тимофей, тужаше духом Павел, свидетелствуя Иудеом Иисуса быти Христа. Acts 18:6 Противящымся же им и хулящым, отряс ризы своя, рече к ним: кровь ваша на главах ваших: чист аз, отныне во языки иду. Acts 18:7 И прешед оттуду, прииде в дом некоего именем Иуста, чтуща Бога, емуже храмина бе вскрай сонмища. Acts 18:8 Крисп же началник собора верова Господеви со всем домом своим, и мнози от Коринфян слышавше вероваху и крещахуся. Acts 18:9 Рече же Господь в видении нощнем Павлу: не бойся, но глаголи и да не умолкнеши, Acts 18:10 зане Аз есмь с тобою, и никтоже приложит озлобити тя: зане людие суть Ми мнози во граде сем. Acts 18:11 Пребысть же тамо лето и месяц шесть, учя в них слову Божию. Acts 18:12 Галлиону же анфипату сущу во Ахаии, нападоша единодушно Иудее на Павла и приведоша его на судилище, Acts 18:13 глаголюще, яко противу закону сей увещавает человеки чтити Бога. Acts 18:14 Хотящу же Павлу отверсти уста, рече Галлион ко Иудеем: аще убо неправда была бы кая или дело злое, о, Иудее, по слову послушал бых вас: Acts 18:15 аще ли же стязания суть о словеси и о именех и о законе вашем, ведите сами: судия бо аз сим не хощу быти. Acts 18:16 И изгна их от судилища. Acts 18:17 Емше же вси Еллини Сосфена началника собора, бияху пред судилищем: и ни едино о сих Галлиону радение бысть. Acts 18:18 Павел же, еще пребыв дни доволны и целовав братию, отплы в Сирию, и с ним Акила и Прискилла, остриг главу в Кегхреих: обрекся бо бе. Acts 18:19 Приста же во Ефесе и тех остави тамо, сам же вшед в сонмище, стязашеся со Иудеи. Acts 18:20 Молящым же им его на много время пребыти у них, не изволи, Acts 18:21 но отречеся им, глаголя, яко подобает ми всяко праздник грядущий сотворити во Иерусалиме: паки же возвращуся к вам, Богу хотящу. И отвезеся от Ефеса: Акила же и Прискилла остаста во Ефесе. Acts 18:22 И сошед в Кесарию, возшед и целовав церковь, сниде во Антиохию, Acts 18:23 и сотворь время некое, изыде, проходя поряду Галатийскую страну и Фригию, утверждая вся ученики. Acts 18:24 Иудеанин же некто, Аполлос именем, Александрянин родом, муж словесен, прииде во Ефес, силен сый в книгах. Acts 18:25 Сей бе оглашен пути Господню, и горя духом, глаголаше и учаше известно яже о Господе, ведый токмо крещение Иоанново. Acts 18:26 Сей же начат дерзати на сонмищих. Слышавша же его Акила и Прискилла, прияста его и известнее тому сказаста путь Господень. Acts 18:27 Хотящу же ему преити во Ахаию, предпославше братия написаша учеником прияти его: иже пришед тамо пособствова много веровавшым благодатию: Acts 18:28 твердо бо Иудеи не престая обличаше пред людьми, сказуя Писаньми, Иисуса быти Христа. Acts 19:0 Acts 19:1 Бысть же внегда быти Аполлосу в Коринфе, Павел, прошед вышния страны, прииде во Ефес, и обрет некия ученики, Acts 19:2 рече к ним: аще убо Дух Свят прияли есте веровавше? Они же реша к нему: но ниже аще Дух Святый есть, слышахом. Acts 19:3 Рече же к ним: во что убо крестистеся? Они же рекоша: во Иоанново крещение. Acts 19:4 Рече же Павел: Иоанн убо крести крещением покаяния, людем глаголя, да во Грядущаго по нем веруют, сиречь во Христа Иисуса. Acts 19:5 Слышавше же крестишася во имя Господа Иисуса, Acts 19:6 и возложшу Павлу на ня руце, прииде Дух Святый на ня, глаголаху же языки и пророчествоваху. Acts 19:7 Бяше же всех мужей яко дванадесять. Acts 19:8 Вшед же в сонмище, дерзаше, не обинуяся три месяцы беседуя и уверяя, яже о Царствии Божии. Acts 19:9 И егда нецыи ожесточахуся и пряхуся, злословяще путь Господень пред народом, отступль от них отлучи ученики, по вся дни стязаяся во училищи мучителя некоего. Acts 19:10 Сие же бысть два лета, яко всем живущым во Асии слышати слово Господа Иисуса, Жидом же и Еллином. Acts 19:11 Силы же не просты творяше Бог рукама Павловыма, Acts 19:12 яко и на недужныя наносити от (пота) тела его главотяжы и убрусцы, и исцелитися им от недуг, и духом лукавым исходити от них. Acts 19:13 Начаша же нецыи от скитающихся Иудей заклинателей именовати над имущими духи лукавыя имя Господа Иисуса, глаголюще: заклинаем вы Иисусом, Егоже Павел проповедует. Acts 19:14 Бяху же нецыи сынове Скевы Иудеанина архиереа седмь, иже сие творяху. Acts 19:15 Отвещав же дух лукавый рече: Иисуса знаю и Павла свем, вы же кто есте? Acts 19:16 И скачя на них человек, в немже бе дух лукавый, и одолев им, укрепися на них, якоже нагим и ураненым избежати от храма онаго. Acts 19:17 Сие же бысть разумно всем живущым во Ефесе Иудеем же и Еллином, и нападе страх на всех их, и величашеся имя Господа Иисуса: Acts 19:18 мнози же от веровавших прихождаху, исповедающе и сказующе дела своя: Acts 19:19 доволни же от сотворших чародеяния, собравше книги своя, сожигаху пред всеми: и сложиша цены их и обретоша сребра пять тем. Acts 19:20 Сице крепко слово Господне растяше и крепляшеся. Acts 19:21 И якоже скончашася сия, положи Павел в дусе, прошед Македонию и Ахаию, ити во Иерусалим, рек, яко бывшу ми тамо, подобает ми и Рим видети. Acts 19:22 Послав же в Македонию два от служащих ему, Тимофеа и Ераста, сам же пребысть время во Асии. Acts 19:23 Бысть же во время оно молва не мала о пути Господни: Acts 19:24 Димитрий бо некто именем, среброковачь, творяй храмы сребряны Артемиде, подаяше хитрецем делание не мало, Acts 19:25 ихже собрав и ины сицевых вещей делатели, рече: мужие, весте, яко от сего делания доволство житию нашему есть: Acts 19:26 и видите и слышите, яко не токмо Ефес, но мало не всю Асию Павел сей препрев, обрати мног народ, глаголя, яко не суть бози, иже руками человеческими бывают: Acts 19:27 не токмо же сия беду приемлет наша часть, еже бы во обличение не приити, но дабы и великия богини Артемиды храм ни во чтоже не вменился, имать же разоритися и величество ея, юже вся Асиа и вселенная почитает. Acts 19:28 Слышавше же и бывше исполнени ярости, вопияху глаголюще: велика Артемида Ефесская. Acts 19:29 И исполнися град весь мятежа: устремишася же единодушно на позорище, восхищше Гаиа и Аристарха Македоняны, други Павловы. Acts 19:30 Павлу же хотящу внити в народ, не оставляху его ученицы: Acts 19:31 нецыи же от Асийских началник, суще ему друзи, пославше к нему, моляху не вдати себе в позор. Acts 19:32 Друзии же убо ино нечто вопияху: бе бо собрание смущено, и множайшии от них не ведяху, чесо ради собрашася. Acts 19:33 От народа же избраша Александра, изведшым его Иудеем. Александр же, помаав рукою, хотяше отвещати народу. Acts 19:34 Разумевше же, яко Иудеанин есть, глас бысть един от всех, яко на два часа вопиющих: велика Артемида Ефесская. Acts 19:35 Утишив же книжник народ, рече: мужие Ефесстии, кто бо есть человек, иже не весть, яко Ефесский град служитель есть великия богини Артемиды и Диопета? Acts 19:36 Без всякаго убо прекословия сим сице сущым, потребно есть вам безмолвным быти и ничтоже безчинно творити: Acts 19:37 приведосте бо мужей сих, ни храм (Артемидин) окрадших, ниже богиню вашу хулящих: Acts 19:38 аще убо Димитрий и иже с ним художницы имут к кому слово, суды суть и анфипати суть: да поемлют друг на друга: Acts 19:39 аще ли же что о иных ищете, в законнем собрании разрешится: Acts 19:40 ибо бедствуем порицаеми быти о крамоле днешней, ни единей вине сущей, о нейже возможем воздати слово стремления сего. И сия рек распусти собравшийся народ. Acts 20:0 Acts 20:1 По утишении же молвы, призвав Павел ученики, утешив и целовав их, изыде ити в Македонию. Acts 20:2 Прошед же страны оны и утешив их словом многим, прииде во Елладу: Acts 20:3 пожив же месяцы три, бывшу нань навету от Иудей, хотящу отвезтися в Сирию, бысть хотение возвратитися сквозе Македонию. Acts 20:4 Последова же ему даже до Асии Сосипатр Пирров Берянин, Солуняне же Аристарх и Секунд, и Гаий Дервянин и Тимофей, Асиане же Тихик и Трофим. Acts 20:5 Сии предшедше ждаху нас в Троаде. Acts 20:6 Мы же отвезохомся по днех опресночных от Филипп и приидохом к ним в Троаду во днех пяти, идеже пребыхом дний седмь. Acts 20:7 Во едину же от суббот, собравшымся учеником преломити хлеб, Павел беседоваше к ним, хотя изыти на утрии, простре же слово до полунощи. Acts 20:8 Бяху же свещы многи в горнице, идеже бехом собрани. Acts 20:9 Седя же некто юноша, именем Евтих, во окне, отягчен сном глубоким, глаголющу Павлу о мнозе, преклонься от сна, паде от трекровника долу, и взяша его мертва. Acts 20:10 Сошед же Павел нападе нань, и объемь его рече: не молвите, ибо душа его в нем есть. Acts 20:11 Возшед же и преломль хлеб и вкушь, доволно же беседовав даже до зари, и тако изыде. Acts 20:12 Приведоша же отрока жива и утешишася не мало. Acts 20:13 Мы же, пришедше в корабль, отвезохомся во Ассон, оттуду хотяще пояти Павла: тако бо нам бе повелел, хотя сам пешь ити. Acts 20:14 И якоже снидеся с нами во Ассоне, вземше его приидохом в Митилин. Acts 20:15 И оттуду отвезшеся, во утрие пристахом противу Хию, в другий же отвезохомся в Самон, и пребывше в Трогиллии, в грядущий же день приидохом в Милит: Acts 20:16 суди бо Павел мимо ити Ефес, яко да не будет ему закоснети во Асии, тщашебося, аще возможно будет, в день Пятьдесятный быти во Иерусалиме. Acts 20:17 От Милита же послав во Ефес, призва пресвитеры церковныя, Acts 20:18 и якоже приидоша к нему, рече к ним: вы весте, яко от перваго дне, отнелиже приидох во Асию, како с вами все время бых, Acts 20:19 работая Господеви со всяким смиреномудрием и многими слезами и напастьми, прилучившимися мне от Иудейских навет: Acts 20:20 яко ни в чесом от полезных обинухся, еже сказати вам и научити вас пред людьми и по домом, Acts 20:21 засвидетелствуя Иудеем же и Еллином еже к Богу покаяние и веру яже в Господа нашего Иисуса Христа. Acts 20:22 И ныне, се, аз связан Духом гряду во Иерусалим, яже в нем хотящая приключитися мне не ведый: Acts 20:23 точию яко Дух Святый по вся грады свидетелствует, глаголя, яко узы мене и скорби ждут. Acts 20:24 Но ни едино же попечение творю, ниже имам душу мою честну себе, разве еже скончати течение мое с радостию и службу, юже приях от Господа Иисуса, засвидетелствовати Евангелие благодати Божия. Acts 20:25 И ныне, се, аз вем, яко ктому не узрите лица моего вы вси, в нихже проидох проповедуя Царствие Божие. Acts 20:26 Темже свидетелствую вам во днешний день, яко чист аз от крове всех, Acts 20:27 не обинухся бо сказати вам всю волю Божию. Acts 20:28 Внимайте убо себе и всему стаду, в немже вас Дух Святый постави епископы, пасти Церковь Господа и Бога, юже стяжа Кровию Своею. Acts 20:29 Аз бо вем сие, яко по отшествии моем внидут волцы тяжцы в вас, не щадящии стада: Acts 20:30 и от вас самех востанут мужие глаголющии развращеная, еже отторгати ученики вслед себе. Acts 20:31 Сего ради бдите, поминающе, яко три лета нощь и день не престаях учя со слезами единаго когождо вас. Acts 20:32 И ныне предаю вас, братие, Богови и слову благодати Его, могущему наздати и дати вам наследие во осенных всех. Acts 20:33 Сребра или злата или риз ни единаго возжелах: Acts 20:34 сами весте, яко требованию моему и сущым со мною послужисте руце мои сии. Acts 20:35 Вся сказах вам, яко тако труждающымся подобает заступати немощныя, поминати же слово Господа Иисуса, яко Сам рече: блаженнее есть паче даяти, нежели приимати. Acts 20:36 И сия рек, преклонь колена своя, со всеми ими помолися. Acts 20:37 Мног же бысть плачь всем: и нападше на выю Павлову, облобызаху его, Acts 20:38 скорбяще наипаче о словеси, еже рече, яко ктому не имут лица его узрети. Провождаху же его в корабль. Acts 21:0 Acts 21:1 И якоже бысть отвезтися нам, отторгшымся от них, прямо шедше приидохом в Кон, в другий же день в Родос и оттуду в Патару: Acts 21:2 и обретше корабль преходящь в Финикию, возшедше отвезохомся. Acts 21:3 Возникший же нам Кипр оставльше ошуюю, плыхом в Сирию и пристахом в Тире, тамо бо бяше кораблю изложити бремя: Acts 21:4 и обретше ученики, пребыхом ту дний седмь: иже Павлови глаголаху Духом не восходити во Иерусалим. Acts 21:5 Егда же бысть нам скончати дни, изшедше идохом, провождающым нас всем с женами и детьми даже до вне града: и преклоньше колена при брезе помолихомся. Acts 21:6 И целовавше друг друга внидохом в корабль, они же возвратишася во своя си. Acts 21:7 Мы же, плавание наченше от Тира, пристахом во Птолемаиде, и целовавше братию, пребыхом день един у них. Acts 21:8 Во утрие же изшедше Павел и иже с ним, приидохом в Кесарию, и вшедше в дом Филиппа благовестника, суща от седми (диакон), пребыхом у него. Acts 21:9 Сего же бяху дщери девицы четыри прорицающыя. Acts 21:10 Пребывающым же нам тамо дни многи, сниде некто от Иудеи пророк, именем Агав, Acts 21:11 и пришед к нам и взем пояс Павлов, связав же свои руце и нозе, рече: тако глаголет Дух Святый: мужа, егоже есть пояс сей, тако свяжут (его) во Иерусалиме Иудее и предадят в руце языков. Acts 21:12 И якоже слышахом сия, моляхом мы же и наместнии, не восходити ему во Иерусалим. Acts 21:13 Отвеща же Павел и рече: что творите, плачуще и сокрушающе ми сердце? Аз бо не точию связан быти (хощу), но и умрети во Иерусалиме готов есмь за имя Господа Иисуса. Acts 21:14 Не повинующуся же ему, умолчахом, рекше: воля Господня да будет. Acts 21:15 По днех же сих уготовльшеся взыдохом во Иерусалим: Acts 21:16 приидоша же с нами и нецыи ученицы от Кесарии, ведуще с собою, у негоже бы обитати нам, Мнасона некоего Кипрянина, древняго ученика. Acts 21:17 Бывшым же нам во Иерусалиме, любезно прияша нас братия. Acts 21:18 На утрие же вниде Павел с нами ко Иакову, вси же приидоша старцы. Acts 21:19 И целовав их, сказаше по единому коеждо, еже сотвори Бог во языцех служением его. Acts 21:20 Они же слышавше славляху Бога и рекоша ему: видиши ли, брате, колико тем есть Иудей веровавших? И вси ревнителие закону суть: Acts 21:21 увестишася же о тебе, яко отступлению учиши от закона Моисеова живущыя во языцех вся Иудеи, глаголя не обрезовати им чад своих, ниже во обычаех отеческих ходити. Acts 21:22 Что убо есть? Всяко подобает народу снитися: услышат бо, яко пришел еси. Acts 21:23 Сие убо сотвори, еже ти глаголем: суть у нас мужие четыри обещавше себе Богу: Acts 21:24 сия поим очистися с ними и иждиви на них, да острижут си главы: и разумеют вси, яко возвещенная им о тебе ничтоже суть, но пребываеши и сам закон храня. Acts 21:25 А о веровавших языцех мы послахом, судивше ничтоже таковое соблюдати им, токмо хранити себе от идоложертвенных и крове, и удавленины и блуда. Acts 21:26 Тогда Павел поемь мужы оны, на утрие с ними очищься вниде во святилище, возвещая исполнение дний очищения, дондеже принесено бысть за единаго коегождо их приношение. Acts 21:27 И якоже хотяху седмь дний скончатися, иже от Асии Иудее, видевше его во святилищи, навадиша весь народ и возложиша нань руце, Acts 21:28 вопиюще: мужие Израилстии, помозите: сей есть человек, иже на люди и закон и на место сие всех всюду учит: еще же и Еллины введе в церковь и оскверни святое место сие. Acts 21:29 Бяху бо видели Трофима Ефесянина во граде с ним, егоже мняху, яко в церковь ввел есть Павел. Acts 21:30 Подвижеся же град весь, и бысть стечение людем: и емше Павла, влечаху его вон из церкве, и абие затворишася двери. Acts 21:31 Ищущым же им убити его, взыде весть к тысящнику спиры, яко весь возмутися Иерусалим: Acts 21:32 он же абие поим воины и сотники, притече на ня: они же видевше тысящника и воины, престаша бити Павла. Acts 21:33 Приступль же тысящник ят его и повеле связати его веригома железнома двема, и вопрошаше: кто убо есть и что есть сотворил. Acts 21:34 Друзии же ино нечто вопияху в народе: не могий же разумети известное молвы ради, повеле отвести его в полк. Acts 21:35 Егда же бысть на степенех, прилучися воздвижену быти ему от воин нужды ради народа, Acts 21:36 последоваше бо множество людий зовущих: возьми его. Acts 21:37 Хотя же внити в полк Павел глагола тысящнику: аще леть ми есть глаголати что тебе? Он же рече: гречески умееши ли? Acts 21:38 Не ты ли еси Египтянин, прежде сих дний превещавый и изведый в пустыню четыри тысящы мужей сикарей? Acts 21:39 Рече же Павел: аз человек убо есмь Иудеанин, Тарсянин, славнаго града в Киликии житель: молю же тя, повели ми глаголати к людем. Acts 21:40 Повелевшу же ему, Павел стоя на степенех помаав рукою к людем: многу же безмолвию бывшу, возгласи еврейским языком, глаголя: Acts 22:0 Acts 22:1 Мужие братие и отцы, услышите мой к вам ныне ответ. Acts 22:2 Слышавше же, яко еврейским языком возгласи к ним, паче приложиша безмолвие. И рече: Acts 22:3 аз убо есмь муж Иудеанин, родився в Тарсе Киликийстем, воспитан же во граде сем при ногу Гамалиилову, наказан известно отеческому закону, ревнитель сый Божий, якоже вси вы есте днесь: Acts 22:4 иже сей путь гоних даже до смерти, вяжя и предая в темницу мужы же и жены, Acts 22:5 якоже и архиерей свидетелствует ми и вси старцы: от нихже и послания приемь к живущым в Дамасце братиям, идях привести сущыя тамо связаны во Иерусалим, да мучатся. Acts 22:6 Бысть же ми идущу и приближающуся к Дамаску в полудне, внезапу с небесе облиста свет мног окрест мене. Acts 22:7 Падох же на землю и слышах глас глаголющь ми: Савле, Савле, что Мя гониши? Acts 22:8 Аз же отвещах: кто еси, Господи? Рече же ко мне: Аз есмь Иисус Назорей, Егоже ты гониши. Acts 22:9 Со мною же сущии свет убо видеша и пристрашни быша, гласа же не слышаша Глаголющаго ко мне. Acts 22:10 Рекох же: что сотворю, Господи? Господь же рече ко мне: востав иди в Дамаск, и тамо речется ти о всех, яже вчинено ти есть творити. Acts 22:11 И якоже не видех от славы света онаго, за руку ведомь от сущих со мною, внидох в Дамаск. Acts 22:12 Ананиа же некий, муж благоговеин по закону, свидетелствован от всех живущих в Дамасце Иудей, Acts 22:13 пришед ко мне и став рече ми: Савле брате, прозри. И аз в той час воззрех нань. Acts 22:14 Он же рече ми: Бог отец наших изволи тя разумети хотение Его, и видети Праведника, и слышати глас от уст Его: Acts 22:15 яко будеши Ему свидетель у всех человеков о сих, яже видел еси и слышал: Acts 22:16 и ныне что медлиши? Востав крестися и омый грехи твоя, призвав имя Господа Иисуса. Acts 22:17 Бысть же возвратившумися во Иерусалим и молящумися в церкви, быти во изступлении Acts 22:18 и видети Его глаголюща ми: потщися и изыди скоро из Иерусалима, зане не приимут свидетелства твоего, еже о Мне. Acts 22:19 И аз рех: Господи, сами ведят, яко аз бех всаждая в темницу и бия по сонмищих верующыя в Тя, Acts 22:20 и егда изливашеся кровь Стефана свидетеля Твоего, и сам бех стоя и соизволяя убиению его и стрегий риз убивающих его. Acts 22:21 И рече ко мне: иди, яко Аз во языки далече послю тя. Acts 22:22 Послушаху же его даже до сего словесе и воздвигоша глас свой, глаголюще: возьми от земли таковаго, не подобает бо ему жити. Acts 22:23 Вопиющым же им и мещущым ризы и прах возметающым на воздух, Acts 22:24 повеле тысящник отвести его в полк, рек ранами истязати его, да разумеет, за кую вину тако вопияху нань. Acts 22:25 И якоже протягоша его вервьми, рече к стоящему сотнику Павел: человека Римлянина и неосуждена леть ли есть вам бити? Acts 22:26 Слышав же сотник, приступи к тысящнику, сказа, глаголя: виждь, что хощеши сотворити? Человек бо сей Римлянин есть. Acts 22:27 Приступль же тысящник рече ему: глаголи ми, Римлянин ли еси ты? Он же рече: ей. Acts 22:28 Отвеща же тысящник: аз многою ценою наречение жителства сего стяжах. Павел же рече: аз же и родихся в нем. Acts 22:29 Абие убо отступиша от него хотящии его истязати, и тысящник же убояся, разумев, яко Римлянин есть, и яко бе его связал. Acts 22:30 На утрие же, хотя разумети истину, чесо ради оклеветается от Иудей, разреши его от уз и повеле приити архиереем и всему собору их: и свед Павла, постави (его) пред ними. Acts 23:0 Acts 23:1 Воззрев же Павел на сонм, рече: мужие братие, аз всею совестию благою жителствовах пред Богом даже до сего дне. Acts 23:2 Архиерей же Ананиа повеле предстоящым ему бити его уста. Acts 23:3 Тогда Павел рече к нему: бити тя имать Бог, стено повапленая: и ты седиши судя ми по закону, преступая же закон велиши, да биют мя. Acts 23:4 Предстоящии же реша: архиерею ли Божию досаждаеши? Acts 23:5 Рече же Павел: не ведах, братие, яко архиерей есть: писано бо есть: князю людий твоих да не речеши зла. Acts 23:6 Разумев же Павел, яко едина часть есть саддукей, другая же фарисей, воззва в сонмищи: мужие братие, аз фарисей есмь, сын фарисеов: о уповании и о воскресении мертвых аз суд приемлю. Acts 23:7 Се же ему рекшу, бысть распря между саддукеи и фарисеи, и разделися народ: Acts 23:8 саддукее бо глаголют не быти воскресения, ни Ангела, ни духа: фарисее же исповедуют обоя. Acts 23:9 Бысть же кличь велик, и воставше книжницы части фарисейския пряхуся между собою, глаголюще: ни едино зло обретаем в человеце сем: аще же дух глагола ему или Ангел, не противимся Богу. Acts 23:10 Мнозе же бывшей распри, бояся тысящник, да не растерзан будет Павел от них, повеле воином снити и восхитити его от среды их и вести (его) в полк. Acts 23:11 В наставшую же нощь представ ему Господь, рече: дерзай, Павле: якоже бо свидетелствовал еси яже о Мне во Иерусалиме, сице ти подобает и в Риме свидетелствовати. Acts 23:12 Бывшу же дню, сотворше нецыи от Иудей совет, закляша себе, глаголюще не ясти ни пити, дондеже убиют Павла: Acts 23:13 бяху же множае четыредесятих сию клятву сотворшии, Acts 23:14 иже приступльше ко архиереем и старцем, реша: клятвою прокляхом себе ничтоже вкусити, дондеже убием Павла: Acts 23:15 ныне убо вы скажите тысящнику с собором, яко да утре сведет его к вам, аки бы хотяще разумети известнее яже о нем: мы же, прежде даже не приближитися ему, готови есмы убити его. Acts 23:16 Слышав же сын сестры Павловы ков, пришед и вшед в полк, сказа Павлу. Acts 23:17 Призвав же Павел единаго от сотник, рече: юношу сего отведи к тысящнику: имать бо нечто сказати ему. Acts 23:18 Он же убо поим его приведе к тысящнику и рече: узник Павел призвав мя, умоли сего юношу привести к тебе, имуща нечто глаголати тебе. Acts 23:19 Поим же его за руку тысящник и отшед на едине, вопрошаше его: что есть, еже имаши возвестити ми? Acts 23:20 Рече же, яко Иудее совещаша умолити тя, яко да утре сведеши Павла к ним в собор, аки бы хотящым известнее истязати яже о нем: Acts 23:21 ты убо не послушай их: ловят бо его от них мужие множае четыредесяти, иже закляша себе ни ясти ни пити, дондеже убиют его: и ныне готови суть, чающе обещания, еже от тебе. Acts 23:22 Тысящник убо отпусти юношу, завещав ни единому же поведати, яко сия явил еси мне. Acts 23:23 И призвав два некия от сотник, рече: уготовита (ми) воинов вооруженных двесте, яко да идут до Кесарии, и конник седмьдесят, и стрелец двесте, от третияго часа нощи: Acts 23:24 и скоты привести, да всадивше Павла проводят до Филикса игемона. Acts 23:25 Написа же (и) послание имущее образ сей: Acts 23:26 Клавдий Лисиа державному игемону Филиксу радоватися: Acts 23:27 мужа сего ята от Иудей и имуща убиена быти от них, приступль с воины отях его, уведев, яко Римлянин есть: Acts 23:28 хотя же разумети вину, еяже ради поимаху нань, сведох его в сонмище их: Acts 23:29 егоже обретох оглаголуема о взыскании закона их, ни едино же достойно смерти или узам согрешение имуща: Acts 23:30 сказану же бывшу ми кову хотящу быти от Иудей на мужа сего, абие послах (его) к тебе, завещав и клеветником (его) глаголати пред тобою, яже нань: здрав буди. Acts 23:31 Воини же убо по повеленному им, вземше Павла, ведоша об нощь во Антипатриду: Acts 23:32 во утрие же, оставльше конники ити с ним, возвратишася в полк. Acts 23:33 Они же пришедше в Кесарию и вдавше послание игемону, представиша ему и Павла. Acts 23:34 Прочет же игемон послание и вопрошь, от коея области есть, и уведев, яко от Киликии, рече: Acts 23:35 услышу о тебе, егда и клеветницы твои приидут. И повеле в преторе Иродове стрещи его. Acts 24:0 Acts 24:1 По пятих же днех сниде архиерей Ананиа со старцы и с ритором некиим Тертиллом, иже сказаша игемону о Павле. Acts 24:2 Призвану же бывшу ему, начат клеветати Тертилл, глаголя: Acts 24:3 мног мир улучающе тобою, и исправления бываемая языку сему твоим промышлением, всяким же образом и везде приемлем, державный Филиксе, со всяким благодарением: Acts 24:4 но да не множае стужаю тебе, молю тя послушати нас вкратце твоею кротостию: Acts 24:5 обретохом бо мужа сего губителя и движуща противление всем иудеем живущым по вселенней и предстателя (суща) Назорейстей ереси, Acts 24:6 иже и церковь покусися осквернити, егоже и яхом и по закону нашему хотехом судити ему: Acts 24:7 пришед же Лисиа тысящник, многою силою от рук наших исхити его и к тебе посла, Acts 24:8 повелев (и нам) поемлющым нань ити к тебе: от негоже возможеши сам разсудив о всех сих познати, о нихже мы поемлем нань. Acts 24:9 Сложишася же и Иудее, глаголюще сим тако быти. Acts 24:10 Отвеща же Павел, поманувшу ему игемону глаголати: от многих лет суща тя судию праведна языку сему сведый, благодушнее яже о мне отвещаю, Acts 24:11 могущу ти разумети, яко не множае ми есть дний дванадесятих, отнележе взыдох поклонитися во Иерусалим: Acts 24:12 и ни в церкви обретоша мя к кому глаголюща или разврат творяща народу, ни в сонмищих, ни во граде, Acts 24:13 ниже довести могут, елика тебе ныне на мя глаголют: Acts 24:14 исповедую же тебе сие, яко в пути, егоже сии глаголют ересь, тако служу отеческому Богу, веруя всем сущым в законе и пророцех писаным, Acts 24:15 упование имый на Бога, яко воскресение хощет быти мертвым, праведником же и грешником, егоже и сами сии чают: Acts 24:16 о сем же и аз подвизаюся, непорочну совесть имети всегда пред Богом же и человеки: Acts 24:17 по летех же многих приидох сотворити милостыни во язык мой и приношения: Acts 24:18 в нихже обретоша мя очищенна в церкви, ни с народом, ниже с молвою, Acts 24:19 нецыи от Асии Иудее, имже подобаше пред тя приити и глаголати, аще имут что на мя: Acts 24:20 или сами тии да глаголют, аще кую обретоша во мне неправду, ставшу ми в сонмищи, Acts 24:21 разве единаго сего гласа, имже возопих стоя в них, яко о воскресении мертвых аз суд приемлю днесь от вас. Acts 24:22 Слышав же сия Филикс отвеща им, известнее уведев яже о пути сем, глаголя: егда Лисиа тысящник приидет, разсужду яже о вас. Acts 24:23 Повеле же сотнику стрещи Павла, и имети ослабу, и ни единому же возбраняти от своих ему служити или приходити к нему. Acts 24:24 По днех же некиих пришед Филикс со Друсиллиею женою своею сущею Иудеанынею, призва Павла, да слышит от него веру, яже во Христа Иисуса. Acts 24:25 Глаголющу же ему о правде и о воздержании и о суде хотящем быти, пристрашен быв Филикс отвеща: ныне убо иди, время же получив призову тя. Acts 24:26 Вкупе же и надеяся, яко мзда дастся ему от Павла, яко да отпустит его: темже и часто призывая его, беседоваше с ним. Acts 24:27 Двема же летома скончавшемася прият изменение Филикс Поркиа Фиста: хотя же угодное сотворити Иудеем Филикс, остави Павла связана. Acts 25:0 Acts 25:1 Фист же убо приимь власть, по триех днех взыде во Иерусалим от Кесарии. Acts 25:2 Сказаша же ему архиерее и первии от Иудей на Павла и моляху его, Acts 25:3 просяще благодати нань, яко да послет его во Иерусалим, ков творяще, яко да убиют его на пути. Acts 25:4 Фист же повеле Павла стрещи в Кесарии, сам тамо хотя вскоре изыти: Acts 25:5 иже убо сильнии в вас, рече, со мною шедше, аще есть кая неправда в мужи сем, да глаголют нань. Acts 25:6 Пребыв же у них не множае десяти дний, сниде в Кесарию: на утрие сед на судищи, повеле Павла привести. Acts 25:7 Приведену же бывшу ему, окрест сташа иже от Иерусалима сшедшии Иудее, многи и тяжки вины приносяще на Павла, ихже не можаху изявити: Acts 25:8 отвещавающу ему, яко ни на закон Иудейский, ни на церковь, ни на кесаря что согреших. Acts 25:9 Фист же хотя угодное Иудеем сотворити, отвещав Павлови рече: хощеши ли, во Иерусалим возшед, тамо о сих суд прияти от мене? Acts 25:10 Рече же Павел: на судищи кесареве стоя есмь, идеже ми достоит суд прияти: Иудей ни чимже обидех, якоже и ты добре веси: Acts 25:11 аще бо неправдую или достойно смерти сотворих что, не отмещуся умрети: аще ли же ничтоже есть во мне, еже сии на мя клевещут, никтоже мя может тем выдати: кесаря нарицаю. Acts 25:12 Тогда Фист состязався с советники, отвеща: кесаря ли нарекл еси? К кесарю пойдеши. Acts 25:13 Днем же минувшым неким, Агриппа царь и Верникиа снидоста в Кесарию целовати Фиста. Acts 25:14 И якоже многи дни пребыста ту, Фист сказа царю яже о Павле, глаголя: муж некий есть оставлен от Филикса узник, Acts 25:15 о немже, бывшу ми во Иерусалиме, явиша архиерее и старцы Иудейстии, просяще нань суда. Acts 25:16 К нимже отвещах, яко несть обычай Римляном выдати человека коего на погибель, прежде даже оклеветаемый не имать пред лицем клевещущих его и место ответа приимет о своем согрешении. Acts 25:17 Сшедшымся же им зде, закоснение ни едино сотворь, на утрие сед на судищи, повелех привести мужа. Acts 25:18 Окрест же его ставше клеветницы, ни едину вину, яже аз непщевах, нанесоша: Acts 25:19 стязания же некая о своей различней вере имяху к нему и о некоем Иисусе умершем, Егоже глаголаше Павел жива быти. Acts 25:20 Недоумеяся же аз о взыскании сих, глаголах, аще хощет ити во Иерусалим и тамо суд прияти о сих. Acts 25:21 Павлу же нарекшу блюдену быти ему до разсуждения Августа, повелех блюсти его, дондеже послю его к кесарю. Acts 25:22 Агриппа же к Фисту рече: хотел бых и сам человека сего слышати. Он же рече: утре услышиши его. Acts 25:23 На утрие же пришедшу Агриппе и Верникии со многою гордостию и вшедшым в судебную палату с тысящники и с нарочитыми мужи града, и повелевшу Фисту, приведен бысть Павел. Acts 25:24 И рече Фист: Агриппо царю и вси сущии с нами мужие, видите сего, о немже все множество Иудей стужаху ми во Иерусалиме же и зде, вопиюще, яко не подобает жити ему ктому: Acts 25:25 аз же разумев ничтоже достойно смерти сотворша его, и самому же сему нарекшу Севаста, судих послати его: Acts 25:26 о немже известное что писати господину не имам: темже и приведох его пред вас, наипаче же пред тя, Агриппо царю, яко да разсуждению бывшу имам что писати: Acts 25:27 безсловесно бо мнится ми, посылающу юзника, а вины, яже нань, не сказати. Acts 26:0 Acts 26:1 Агриппа же к Павлу рече: повелевается ти о себе самому глаголати. Тогда Павел простер руку отвещаваше: Acts 26:2 о всех, о нихже оклеветаемь есмь от Иудей, царю Агриппо, непщую себе блаженна быти, яко пред тобою отвещати днесь имам, Acts 26:3 паче же ведца тя суща сведый всех Иудейских обычаев и взысканий. Темже молюся ти долготерпеливно послушати мене. Acts 26:4 Житие убо мое еже от юности, исперва бывшее во языце моем во Иерусалиме, ведят вси Иудее, Acts 26:5 ведяще мя исперва, аще хотят свидетелствовати, яко по известней ереси нашея веры жих фарисей. Acts 26:6 И ныне о уповании обетования, бывшаго от Бога ко отцем нашым, стою судимь, Acts 26:7 в неже обанадесяте колена наша безпрестани день и нощь служаще надеются доити: о немже уповании оклеветаемь есмь, царю Агриппо, от Иудей. Acts 26:8 Что? Неверно ли судится вами, яко Бог мертвыя возставляет? Acts 26:9 Аз убо мнех, яко подобает ми многа сопротивна противу имене Иисуса Назореа сотворити: Acts 26:10 еже и сотворих во Иерусалиме, и многи от святых аз в темницах затворях, власть от архиерей приемь: убиваемым же им прилагах совет: Acts 26:11 и на всех сонмищих множицею мучя их, принуждах хулити: преизлиха же враждуя на них, гонях даже и до внешних градов. Acts 26:12 В нихже идый в Дамаск со властию и повелением, еже от архиерей, Acts 26:13 в полудни на пути видех, царю, с небесе паче сияния солнечнаго осиявший мя свет и со мною идущих. Acts 26:14 Всем же падшым нам на землю, слышах глас глаголющь ко мне и вещающь еврейским языком: Савле, Савле, что Мя гониши? Жестоко ти есть противу рожна прати. Acts 26:15 Аз же рех: кто еси, Господи? Он же рече: Аз есмь Иисус, Егоже ты гониши: Acts 26:16 но востани и стани на ногу твоею: на се бо явихся ти, сотворити тя слугу и свидетеля, яже видел еси и яже явлю тебе, Acts 26:17 изимая тя от людий Иудейских и от язык, к нимже Аз тя послю, Acts 26:18 отверсти очи их, да обратятся от тмы в свет и от области сатанины к Богу, еже прияти им оставление грехов и достояние во святых верою, яже в Мя. Acts 26:19 Темже, царю Агриппо, не бых противен небесному видению, Acts 26:20 но сущым в Дамасце прежде и во Иерусалиме, и во всяцей стране Иудейстей и языком проповедую покаятися и обратитися к Богу, достойна покаянию дела творяще. Acts 26:21 Сих ради мя Иудее емше во святилищи хотяху растерзати. Acts 26:22 Помощь убо улучив яже от Бога, даже до дне сего стою, свидетелствуя малу же и велику, ничтоже вещая, разве яже пророцы рекоша хотящая быти и Моисей, Acts 26:23 яко Христос имеяше пострадати, яко первый от воскресения мертвых свет хотяше проповедати людем (Иудейским) и языком. Acts 26:24 Сия же ему отвещавающу, Фист велиим гласом рече: беснуешися ли, Павле? Многия тя книги в неистовство прелагают. Acts 26:25 Он же: не беснуюся, рече, державный Фисте, но истины и целомудрия глаголы вещаю: Acts 26:26 весть бо о сих царь, к немуже и с дерзновением глаголю: утаитися бо ему от сих не верую ничесомуже, несть бо во угле сотворено сие: Acts 26:27 веруеши ли, царю Агриппо, пророком? Вем, яко веруеши. Acts 26:28 Агриппа же к Павлу рече: вмале мя препираеши Христианина быти. Acts 26:29 Павел же рече: молил убо бых Бога, и вмале и во мнозе, не токмо тебе, но и всех слышащих мя днесь, быти им тацем, яков и аз есмь, кроме уз сих. Acts 26:30 И сия рекшу ему, воста царь и игемон, и Верникиа и седящии с ними, Acts 26:31 и отшедше беседоваху друг ко другу, глаголюще, яко ничтоже смерти достойно или уз творит человек сей. Acts 26:32 Агриппа же Фисту рече: отпущен быти можаше человек сей, аще не бы кесаря нарицал. И тако суди игемон послати его к кесарю. Acts 27:0 Acts 27:1 И якоже суждено бысть отплыти нам во Италию, предаху Павла же и иныя некия юзники сотнику, именем Иулию, спиры Севастийския. Acts 27:2 Вшедше же в корабль Адрамитский, восхотевше плыти во Асийская места, отвезохомся, сущу с нами Аристарху Македонянину от Солуня. Acts 27:3 В другий же пристахом в Сидоне: человеколюбие же Иулий Павлови дея, повеле к другом шедшу прилежание улучити. Acts 27:4 И оттуду отвезшеся приплыхом в Кипр, зане ветри бяху противни: Acts 27:5 пучину же, яже противу Киликии и Памфилии, преплывше, приидохом в Миры Ликийския. Acts 27:6 И тамо обрет сотник корабль Александрийский пловущь во Италию, всади ны в онь. Acts 27:7 Во многи же дни косно плавающе и едва бывше противу Книда, не оставляющу нас ветру, приплыхом под Крит при Салмоне: Acts 27:8 едва же избирающе край, приидохом на место некое, нарицаемое Доброе Пристанище, емуже близ бе град Ласей. Acts 27:9 Многу же времени минувшу и сущу уже небезбедну плаванию, занеже и пост уже бе прешел, советоваше Павел, Acts 27:10 глаголя им: мужие, вижду, яко с досаждением и многою тщетою не токмо бремене и корабля, но и душ наших хощет быти плавание. Acts 27:11 Сотник же кормчия и навклира послушаше паче, нежели Павлом глаголемых. Acts 27:12 Не добру же пристанищу сущу ко озимению, мнози совет даяху отвезтися оттуду, аще како возмогут, достигше Финикии, озимети в пристанищи Критстем, зрящем к ливу и к хору. Acts 27:13 Дхнувшу же югу, мневше волю свою улучити, воздвигше ветрила, плыху вскрай Крита. Acts 27:14 Не по мнозе же возвея противен ему ветр бурен, нарицаемый евроклидон. Acts 27:15 Восхищену же бывшу кораблю и не могущу сопротивитися ветру, вдавшеся волнам носими бехом. Acts 27:16 Остров же некий мимотекше, нарицающься Клавдий, едва возмогохом удержати ладию: Acts 27:17 юже востягше, всяким образом помогаху, подтверждающе корабль: боящеся же, да не в сирть впадут, низпустивше парус, сице носими беху. Acts 27:18 Вельми же обуреваемым нам, на утрие изметание творяху, Acts 27:19 и в третий день своими руками ядрило корабленое извергохом. Acts 27:20 Ни солнцу же, ни звездам явльшымся на многи дни, и зиме не мале належащей, прочее отимашеся надежда вся, еже спастися нам. Acts 27:21 Многу же неядению сущу, тогда став Павел посреде их, рече: подобаше убо, о, мужие, послушавше мене, не отвезтися от Крита и избыти досаждения сего и тщеты: Acts 27:22 и се, ныне молю вы благодушствовати, погибель бо ни единей души от вас будет, разве корабля: Acts 27:23 предста бо ми в сию нощь Ангел Бога, Егоже аз есмь, Емуже и служу, Acts 27:24 глаголя: не бойся, Павле, кесарю ти подобает предстати, и се, дарова тебе Бог вся плавающыя с тобою. Acts 27:25 Темже дерзайте, мужие, верую бо Богови, яко тако будет, имже образом речено ми бысть: Acts 27:26 во остров же некий подобает нам пристати. Acts 27:27 И егда четвертаянадесять нощь бысть, носимым нам во Адриатстей (пучине), в полунощи непщеваху корабленицы, яко приближаются к некоей стране, Acts 27:28 и измеривше глубину обретоша саженей двадесять: мало же прешедше и паки измеривше, обретоша саженей пятьнадесять. Acts 27:29 Боящеся же, да не како в прудная места впадут, от носа корабля вергше котвы четыри, моляхомся, да день будет. Acts 27:30 Кораблеником же ищущым бежати из корабля и низвесившым ладию в море, изветом аки от носа хотящым котвы простерти, Acts 27:31 рече Павел сотнику и воином: аще не сии пребудут в корабли, вы спастися не можете. Acts 27:32 Тогда воини отрезаша ужя ладии и оставиша ю отпасти. Acts 27:33 Егда же хотяше день быти, моляше Павел всех, да приимут пищу, глаголя: четыренадесятый днесь день ждуще, не ядше пребываете, ничтоже вкусивше: Acts 27:34 темже молю вас прияти пищу, се бо к вашему спасению есть: ни единому бо от вас влас главы отпадет. Acts 27:35 Рек же сия и приемь хлеб, благодари Бога пред всеми и преломль начат ясти. Acts 27:36 Благонадежни же бывше вси, и тии прияша пищу: Acts 27:37 бе же в корабли всех душ двесте седмьдесят и шесть. Acts 27:38 Насыщшеся же брашна, облегчиша корабль, изметающе пшеницу в море. Acts 27:39 Егда же день бысть, земли не познаваху: недро же некое усмотреша имущее песок, в неже, аще мощно есть, совещаша извлещи корабль. Acts 27:40 И котвы собравше, везяхуся по морю: купно ослабивше ужя кормилом и воздвигше малое ветрило к дышущему ветрецу, везохомся на край. Acts 27:41 Впадше же в место исопное, увязиша корабль: и нос убо увязший пребысть недвижимь, кормило же разбивашеся от нужды волн. Acts 27:42 Воином же совет бысть, да узники убиют, да не кто поплыв избегнет. Acts 27:43 Сотник же, хотя соблюсти Павла, возбрани совету их, повеле же могущым плавати, да изскочивше первее изыдут на край, Acts 27:44 а прочии, ови убо на дщицах, ови же на нечем от корабля. И тако бысть всем спастися на землю. Acts 28:0 Acts 28:1 Спасени же бывше иже с Павлом от корабля, тогда разумеша, яко остров Мелит нарицается. Acts 28:2 Варвари же творяху не малое милосердие нам: возгнещше бо огнь, прияша всех нас, за настоящий дождь и зиму. Acts 28:3 Сгромаждшу же Павлу рождия множество и возложившу на огнь, ехидна от теплоты изшедши, секну в руку его. Acts 28:4 И егда видеша варвари висящу змию от руки его, глаголаху друг ко другу: всяко убийца есть человек сей, егоже спасена от моря суд Божий жити не остави. Acts 28:5 Той же убо, оттряс змию во огнь, ничтоже зло пострада. Acts 28:6 Они же чаяху его имуща возгоретися, или пасти внезапу мертва: на мнозе же того чающым и ничтоже зло в нем бывшее видящым, претворшеся, глаголаху Бога того быти. Acts 28:7 Окрест же места онаго бяху села перваго во острове, именем Поплиа, иже приимь нас, три дни любезне учреди. Acts 28:8 Бысть же отцу Поплиеву огнем и водным трудом одержиму лежати: к немуже Павел вшед, и помолився, и возложь руце свои нань, исцели его. Acts 28:9 Сему же бывшу, и прочии имущии недуги во острове том прихождаху и исцелевахуся: Acts 28:10 иже и многими честьми почтоша нас, и отвозящымся нам яже на потребу вложиша. Acts 28:11 По триех же месяцех отвезохомся в корабли Александрийстем, подписаном Диоскуры, презимевшем во острове, Acts 28:12 и доплывше в Сиракусы, пребыхом дни три: Acts 28:13 оттуду же отплывше, приидохом в Ригию, и по единем дни возвеявшу югу, во вторый день приидохом в Потиолы, Acts 28:14 идеже обретше братию, умолени быхом от них пребыти дний седмь: и тако в Рим идохом. Acts 28:15 И от тамо братия, слышавше яже о нас, изыдоша во сретение наше даже до Аппиева торга и триех корчемниц: ихже видев Павел и благодарив Бога, прият дерзновение. Acts 28:16 Егда же приидохом в Рим, сотник предаде узники воеводе, Павлу же повеле пребывати о себе, с соблюдающим его воином. Acts 28:17 Бысть же по днех триех, созва Павел сущыя от Иудеев первыя: сшедшымся же им, глаголаше к ним: мужие братие, аз ничтоже противно сотворив людем или обычаем отеческим, узник от Иерусалимлян предан бых в руце Римляном, Acts 28:18 иже разсудивше яже о мне, хотяху пустити, зане ни едина вина смертная бысть во мне: Acts 28:19 сопротив же глаголющым Иудеем, нужда ми бысть нарещи кесаря, не яко язык мой имея в чесом оклеветати: Acts 28:20 сея ради убо вины умолих вас, да вижду и беседую: надежды бо ради Израилевы веригами сими обложен есмь. Acts 28:21 Они же к нему реша: мы ниже писания о тебе прияхом от Иудей, ниже пришед кто от братий возвести или глагола что о тебе зло: Acts 28:22 молимся же, да слышим от тебе, яже мудрствуеши: о ереси бо сей ведомо есть нам, яко всюду сопротив глаголемо есть. Acts 28:23 Уставивше же ему день, приидоша к нему в странноприемницу множайшии, имже сказаше свидетелствуя Царствие Божие и уверяя их, яже о Иисусе, от закона Моисеова и пророк, от утра даже до вечера. Acts 28:24 И ови убо вероваху глаголемым, ови же не вероваху. Acts 28:25 Несогласни же суще друг ко другу, отхождаху, рекшу Павлу глагол един, яко добре Дух Святый глагола Исаием пророком ко отцем нашым, Acts 28:26 глаголя: иди к людем сим и рцы: слухом услышите и не имате разумети: и видяще узрите и не имате видети: Acts 28:27 одебеле бо сердце людий сих, и ушима тяжко слышаша, и очи свои смежиша, да не како увидят очима, и ушима услышат, и сердцем уразумеют, и обратятся, и исцелю их. Acts 28:28 Ведомо убо да будет вам, яко языком послася спасение Божие, сии и услышат. Acts 28:29 И сия тому рекшу, отидоша Иудее, многое имуще между собою состязание. Acts 28:30 Пребысть же Павел два лета исполнь своею мздою (цела два лета на своем иждивении) и приимаше вся приходящыя к нему, Acts 28:31 проповедуя Царствие Божие и учя яже о Господе нашем Иисусе Христе со всяким дерзновением невозбранно.
James 0:0
Послание Иакова James 1:0 James 1:1 Иаков, Богу и Господу Иисусу Христу раб, обеманадесяте коленома, иже в разсеянии, радоватися. James 1:2 Всяку радость имейте, братие моя, егда во искушения впадаете различна, James 1:3 ведяще, яко искушение вашея веры соделовает терпение: James 1:4 терпение же дело совершенно да имать, яко да будете совершенни и всецели, ни в чемже лишени. James 1:5 Аще же кто от вас лишен есть премудрости, да просит от дающаго Бога всем нелицеприемне и не поношающаго, и дастся ему. James 1:6 Да просит же верою, ничтоже сумняся: сумняйся бо уподобися волнению морскому, ветры возметаему и развеваему. James 1:7 Да не мнит бо человек он, яко приимет что от Бога. James 1:8 Муж двоедушен неустроен во всех путех своих. James 1:9 Да хвалится же брат смиренный в высоте своей, James 1:10 богатый же во смирении своем, зане якоже цвет травный мимоидет: James 1:11 возсия бо солнце со зноем, и изсуши траву, и цвет ея отпаде, и благолепие лица ея погибе: сице и богатый в хождении своем увядает. James 1:12 Блажен муж, иже претерпит искушение: зане искусен быв, приимет венец жизни, егоже обеща Бог любящым Его. James 1:13 Никтоже искушаемь да глаголет, яко от Бога искушаемь есмь: Бог бо несть искуситель злым, не искушает же Той ни когоже, James 1:14 кийждо же искушается, от своея похоти влекомь и прельщаемь: James 1:15 таже похоть заченши раждает грех, грех же содеян раждает смерть. James 1:16 Не льститеся, братие моя возлюбленная: James 1:17 всяко даяние благо и всяк дар совершен свыше есть, сходяй от Отца светов, у Негоже несть пременение, или преложения стень. James 1:18 Восхотев бо породи нас словом истины, во еже быти нам начаток некий созданием Его. James 1:19 Темже, братие моя возлюбленная, да будет всяк человек скор услышати и косен глаголати, косен во гнев, James 1:20 гнев бо мужа, правды Божия не соделовает. James 1:21 Сего ради отложше всяку скверну и избыток злобы, в кротости приимите всажденное слово, могущее спасти душы вашя. James 1:22 Бывайте же творцы слова, а не точию слышатели, прельщающе себе самех. James 1:23 Зане аще кто есть слышатель слова, а не творец, таковый уподобися мужу смотряющу лице бытия своего в зерцале: James 1:24 усмотри бо себе и отиде, и абие забы, каков бе. James 1:25 Приникий же в закон совершен свободы, и пребыв, сей не слышатель забытлив быв, но творец дела, сей блажен в делании своем будет. James 1:26 Аще кто мнится верен быти в вас, и не обуздовает языка своего, но льстит сердце свое, сего суетна есть вера. James 1:27 Вера бо чиста и нескверна пред Богом и Отцем сия есть, еже посещати сирых и вдовиц в скорбех их, (и) нескверна себе блюсти от мира. James 2:0 James 2:1 Братие моя, не на лица зряще имейте веру Господа нашего Иисуса Христа славы. James 2:2 Аще бо внидет в сонмище ваше муж, злат перстень нося, в ризе светле, внидет же и нищь в худе одежди, James 2:3 и воззрите на носящаго ризу светлу, и речете ему: ты сяди зде добре: и нищему речете: ты стани тамо, или сяди зде на подножии моем: James 2:4 и не разсмотристе в себе, и бысте судии помышлений злых. James 2:5 Слышите, братие моя возлюбленная, не Бог ли избра нищыя мира сего богаты в вере и наследники Царствия, еже обеща любящым Его? James 2:6 Вы же укористе нищаго. Не богатии ли насилуют вам, и тии влекут вы на судища? James 2:7 Не тии ли хулят доброе имя нареченное на вас? James 2:8 Аще убо закон совершаете царский, по Писанию: возлюбиши искренняго своего якоже себе самаго, добре творите: James 2:9 аще же на лица зрите, то грех содеваете, обличаеми от закона якоже преступницы. James 2:10 Иже бо весь закон соблюдет, согрешит же во единем, бысть всем повинен. James 2:11 Рекий бо: не прелюбы сотвориши, рекл есть и: не убиеши. Аще же не прелюбы сотвориши, убиеши же, был еси преступник закона. James 2:12 Тако глаголите и тако творите, яко законом свободным имущии суд прияти. James 2:13 Суд бо без милости не сотворшему милости: и хвалится милость на суде. James 2:14 Кая польза, братие моя, аще веру глаголет кто имети, дел же не имать? Еда может вера спасти его? James 2:15 Аще же брат или сестра нага будета и лишена будета дневныя пищи, James 2:16 речет же има кто от вас: идита с миром, грейтася и насыщайтася? Не даст же има требования телеснаго: кая польза? James 2:17 Такожде и вера, аще дел не имать, мертва есть о себе. James 2:18 Но речет кто: ты веру имаши, аз же дела имам: покажи ми веру твою от дел твоих, и аз тебе покажу от дел моих веру мою. James 2:19 Ты веруеши, яко Бог един есть: добре твориши: и беси веруют, и трепещут. James 2:20 Хощеши же ли разумети, о, человече суетне, яко вера без дел мертва есть? James 2:21 Авраам отец наш не от дел ли оправдася, вознес Исаака сына своего на жертвенник? James 2:22 Видиши ли, яко вера поспешествоваше делом его, и от дел совершися вера? James 2:23 И совершися Писание глаголющее: верова же Авраам Богови, и вменися ему в правду, и друг Божий наречеся. James 2:24 Зрите ли убо, яко от дел оправдается человек, а не от веры единыя? James 2:25 Такожде же и Раав блудница не от дел ли оправдася, приемши сходники и иным путем изведши их? James 2:26 Якоже бо тело без духа мертво есть, тако и вера без дел мертва есть. James 3:0 James 3:1 Не мнози учителие бывайте, братие моя, ведяще, яко болшее осуждение приимем, James 3:2 много бо согрешаем вси. Аще кто в слове не согрешает, сей совершен муж, силен обуздати и все тело. James 3:3 Се бо и конем узды во уста влагаем, да повинуются нам, и все тело их обращаем: James 3:4 се, и корабли велицы суще и от жестоких ветров заточаеми, обращаются малым кормилцем, аможе стремление правящаго хощет: James 3:5 такожде же и язык мал уд есть, и вельми хвалится. Се мал огнь, и коль велики вещи сожигает. James 3:6 И язык огнь, лепота неправды: сице и язык водворяется во удех наших, скверня все тело, и паля коло рождения нашего, и опаляяся от геенны: James 3:7 всяко бо естество зверей же и птиц, гад же и рыб, укрощается и укротится естеством человеческим, James 3:8 языка же никтоже может от человек укротити: не удержимо бо зло, исполнь яда смертоносна. James 3:9 Тем благословляем Бога и Отца, и тем кленем человеки бывшыя по подобию Божию: James 3:10 от техже уст исходит благословение и клятва. Не подобает, братие моя возлюбленная, сим тако бывати. James 3:11 Еда ли источник от единаго устия источает сладкое и горькое? James 3:12 Еда может, братие моя, смоковница маслины творити, или виноградная лоза смоквы? Такожде ни един источник слану и сладку творит воду. James 3:13 Кто премудр и худог в вас, да покажет от добраго жития дела своя в кротости и премудрости. James 3:14 Аще же зависть горьку имате и рвение в сердцах ваших, не хвалитеся, ни лжите на истину: James 3:15 несть сия премудрость свыше низходящи, но земна, душевна, бесовска: James 3:16 идеже бо зависть и рвение, ту нестроение и всяка зла вещь. James 3:17 А яже свыше премудрость, первее убо чиста есть, потом же мирна, кротка, благопокорлива, исполнь милости и плодов благих, несуменна и нелицемерна. James 3:18 Плод же правды в мире сеется творящым мир. James 4:0 James 4:1 Откуду брани и свары в вас? Не отсюду ли, от сластей ваших, воюющих во удех ваших? James 4:2 Желаете, и не имате: убиваете и завидите, и не можете улучити: сваряетеся и борете, и не имате, зане не просите: James 4:3 просите, и не приемлете, зане зле просите, да в сластех ваших иждивете. James 4:4 Прелюбодее и прелюбодейцы, не весте ли, яко любы мира сего вражда Богу есть, иже бо восхощет друг быти миру, враг Божии бывает. James 4:5 Или мните, яко всуе Писание глаголет: к зависти желает дух, иже вселися в ны? James 4:6 Болшую же дает благодать: темже глаголет: Господь гордым противится, смиренным же дает благодать. James 4:7 Повинитеся убо Богу, противитеся же диаволу, и бежит от вас. James 4:8 Приближитеся Богу, и приближится вам: очистите руце, грешницы, исправите сердца ваша, двоедушнии: James 4:9 постраждите и слезите и плачитеся: смех ваш в плачь да обратится, и радость в сетование: James 4:10 смиритеся пред Господем, и вознесет вы. James 4:11 Не оклеветайте друг друга, братие: оклеветаяй бо брата, или осуждаяй брата своего, оклеветает закон и осуждает закон: аще же закон осуждаеши, неси творец закона, но судия. James 4:12 Един есть Законоположник и Судия, могий спасти и погубити: ты же кто еси осуждаяй друга? James 4:13 Слышите ныне, глаголющии: днесь или утре пойдем во он град, и сотворим ту лето едино, и куплю деем и приобретение: James 4:14 иже не весте, что утре случится: кая бо жизнь ваша, пара бо есть, яже вмале является, потом же исчезает. James 4:15 Вместо еже бы глаголати вам: аще Господь восхощет, и живи будем, и сотворим сие или оно: James 4:16 ныне же хвалитеся в гордынех ваших: всяка хвала такова зла есть. James 4:17 Ведущему убо добро творити, и не творящему, грех ему есть. James 5:0 James 5:1 Приидите ныне, богатии, плачитеся и рыдайте о лютых скорбех ваших грядущих на вы. James 5:2 Богатство ваше изгни, и ризы вашя молие поядоша. James 5:3 Злато ваше и сребро изоржаве, и ржа их в послушество на вас будет, и снесть плоти вашя аки огнь: егоже снискасте в последния дни. James 5:4 Се, мзда делателей делавших нивы вашя, удержаная от вас, вопиет, и вопиения жавших во ушы Господа Саваофа внидоша. James 5:5 Возвеселистеся на земли, и насладистеся: упитасте сердца ваша аки в день заколения. James 5:6 Осудисте, убисте Праведнаго: не противится вам. James 5:7 Долготерпите убо, братие моя, до пришествия Господня. Се земледелец ждет честнаго плода от земли, долготерпя о нем, дондеже приимет дождь ран и позден: James 5:8 долготерпите убо и вы, утвердите сердца ваша, яко пришествие Господне приближися. James 5:9 Не воздыхайте друг на друга, братие, да не осуждени будете: се, Судия пред дверьми стоит. James 5:10 Образ приимите, братие моя, злострадания и долготерпения пророки, иже глаголаша именем Господним. James 5:11 Се, блажим терпящыя. Терпение Иовле слышасте, и кончину Господню видесте, яко многомилостив есть Господь и щедр. James 5:12 Прежде же всех, братие моя, не кленитеся ни небом, ни землею, ни иною коею клятвою: буди же вам еже ей, ей, и еже ни, ни: да не в лицемерие впадете. James 5:13 Злостраждет ли кто в вас? Да молитву деет: благодушствует ли кто? Да поет. James 5:14 Болит ли кто в вас, да призовет пресвитеры Церковныя, и да молитву сотворят над ним, помазавше его елеем во имя Господне: James 5:15 и молитва веры спасет болящаго, и воздвигнет его Господь: и аще грехи сотворил есть, отпустятся ему. James 5:16 Исповедайте убо друг другу согрешения и молитеся друг за друга, яко да исцелеете: много бо может молитва праведнаго поспешествуема. James 5:17 Илиа человек бе подобострастен нам, и молитвою помолися, да не будет дождь, и не одожди по земли лета три и месяц шесть: James 5:18 и паки помолися, и небо дождь даде, и земля прозябе плод свой. James 5:19 Братие, аще кто в вас заблудит от пути истины, и обратит кто его, James 5:20 да весть, яко обративый грешника от заблуждения пути его спасет душу от смерти и покрыет множество грехов.
I Peter 0:0
Первое послание Петра I Peter 1:0 I Peter 1:1 Петр, Апостол Иисус Христов, избранным пришельцем разсеяния Понта, Галатии, Каппадокии, Асии и Вифинии, I Peter 1:2 по прозрению Бога Отца, во святыни Духа, в послушание и кропление Крове Иисус Христовы: благодать вам и мир да умножится. I Peter 1:3 Благословен Бог и Отец Господа нашего Иисуса Христа, Иже по мнозей Своей милости порождей нас во упование живо воскресением Иисус Христовым от мертвых, I Peter 1:4 в наследие нетленно и нескверно и неувядаемо, соблюдено на небесех вас ради, I Peter 1:5 иже силою Божиею соблюдаеми есте чрез веру, во спасение готовое явитися во время последнее. I Peter 1:6 О немже радуйтеся, мало ныне, аще лепо есть, прискорбни бывше в различных напастех: I Peter 1:7 да искушение вашея веры многочестнейше злата гибнуща, огнем же искушена, обрящется в похвалу и честь и славу, во откровении Иисус Христове, I Peter 1:8 Егоже не видевше любите, и на Негоже ныне не зряще, верующе же, радуетеся радостию неизглаголанною и прославленною, I Peter 1:9 приемлюще кончину вере вашей, спасение душам: I Peter 1:10 о немже спасении взыскаша и испыташа пророцы, иже о вашей благодати прорекоша, I Peter 1:11 испытающе, в каково или в кое время являше в них Дух Христов, прежде свидетельствуя о Христовых страстех, и о славах, яже по сих: I Peter 1:12 имже открыся, яко не им самем, но нам служаху сия, яже ныне возвестишася вам благовествовавшими вам Духом Святым посланным с небесе, в няже желают Ангели приникнути. I Peter 1:13 Темже, возлюбленнии, препоясавше чресла помышления вашего, трезвящеся, совершенне уповайте на приносимую вам благодать откровением Иисус Христовым. I Peter 1:14 Яко чада послушания, не преобразующеся первыми неведения вашего похотении, I Peter 1:15 но по звавшему вы Святому, и сами святи во всем житии будите. I Peter 1:16 Зане писано есть: святи будите, яко Аз свят есмь. I Peter 1:17 И аще Отца называете нелицемерно судяща комуждо по делу, со страхом жития вашего время жительствуйте, I Peter 1:18 ведяще, яко не истленным сребром или златом избавистеся от суетнаго вашего жития отцы преданнаго, I Peter 1:19 но честною Кровию яко Агнца непорочна и пречиста Христа, I Peter 1:20 предуведена убо прежде сложения мира, явльшася же в последняя лета вас ради, I Peter 1:21 иже Его ради веруете в Бога Воздвигшаго Его из мертвых и славу Ему давша, яко да вера ваша и упование будет на Бога. I Peter 1:22 Душы вашя очистивше в послушании истины Духом, в братолюбие нелицемерно, от чиста сердца друг друга любите прилежно, I Peter 1:23 порождени не от семене истленна, но неистленна, словом живаго Бога и пребывающа во веки. I Peter 1:24 Зане всяка плоть яко трава, и всяка слава человеча яко цвет травный: изсше трава, и цвет ея отпаде: I Peter 1:25 глаголгол же Господнь пребывает во веки. Се же есть глаголгол благовествованный в вас. I Peter 2:0 I Peter 2:1 Отложше убо всяку злобу и всяку лесть и лицемерие и зависть и вся клеветы, I Peter 2:2 яко новорождени младенцы, словесное и нелестное млеко возлюбите, яко да о нем возрастете во спасение: I Peter 2:3 понеже вкусисте, яко благ Господь. I Peter 2:4 К Немуже приходяще, камени живу, от человек убо уничижену, от Бога же избрану, честну, I Peter 2:5 и сами яко камение живо зиждитеся во храм духовен, святителство свято, возносити жертвы духовны, благоприятны Богови Иисус Христом. I Peter 2:6 Зане писано есть в Писании: се полагаю в Сионе камень краеуголен, избран, честен: и веруяй вонь не постыдится. I Peter 2:7 Вам убо честь верующым, а противящымся камень, егоже небрегоша зиждущии, сей бысть во главу угла, и камень претыкания и камень соблазна: I Peter 2:8 о немже и претыкаются слову противляющиися, на неже и положени быша. I Peter 2:9 Вы же род избран, царское священие, язык свят, людие обновления, яко да добродетели возвестите из тмы вас Призвавшаго в чудный Свой свет: I Peter 2:10 иже иногда не людие, ныне же людие Божии: иже не помиловани, ныне же помиловани бысте. I Peter 2:11 Возлюбленнии, молю яко пришелцев и странников, огребатися от плотских похотей, яже воюют на душу, I Peter 2:12 житие ваше имуще добро во языцех, да о немже клевещут вас аки злодеев, от добрых дел видевше, прославят Бога в день посещения. I Peter 2:13 Повинитеся убо всякому человечу созданию Господа ради: аще царю, яко преобладающу: I Peter 2:14 аще ли же князем, яко от него посланным, во отмщение убо злодеем, в похвалу же благотворцем. I Peter 2:15 Яко тако есть воля Божия, благотворящым обуздовати безумных человек невежство: I Peter 2:16 яко свободни, а не яко прикровение имуще злобы свободу, но яко раби Божии. I Peter 2:17 Всех почитайте, братство возлюбите, Бога бойтеся, царя чтите. I Peter 2:18 Раби, повинуйтеся во всяцем страсе владыкам, не токмо благим и кротким, но и строптивым. I Peter 2:19 Се бо есть угодно пред Богом, аще совести ради Божия терпит кто скорби, стражда без правды. I Peter 2:20 Кая бо похвала, аще согрешающе мучими терпите? Но аще добро творяще и страждуще терпите, сие угодно пред Богом, I Peter 2:21 на сие бо и звани бысте: зане и Христос пострада по нас, нам оставль образ, да последуем стопам Его: I Peter 2:22 иже греха не сотвори, ни обретеся лесть во устех Его: I Peter 2:23 иже укаряемь противу не укаряше, стражда не прещаше, предаяше же Судящему праведно: I Peter 2:24 иже грехи нашя Сам вознесе на теле Своем на древо, да от грех избывше, правдою поживем: Егоже язвою изцелесте. I Peter 2:25 Бесте бо яко овцы заблуждшыя не имущя пастыря: но возвратистеся ныне к Пастырю и Посетителю душ ваших. I Peter 3:0 I Peter 3:1 Такожде же и жены, повинующяся своим мужем, да и аще нецыи не повинуются слову, женским житием без слова пленени будут, I Peter 3:2 видевше еже со страхом чисто житие ваше. I Peter 3:3 Умже да будет не внешняя, плетения влас и обложения злата, или одеяния риз, лепота, I Peter 3:4 но потаеный сердца человек, в неистлении кроткаго и молчаливаго духа, еже есть пред Богом многоценно. I Peter 3:5 Тако бо иногда и святыя жены, уповающыя на Бога, украшаху себе, повинующяся своим мужем: I Peter 3:6 якоже Сарра послушаше Авраама, господина того зовущи: еяже бысте чада, благотворящя и не боящяся ни единаго страха. I Peter 3:7 Мужие такожде, вкупе живуще со своими женами по разуму, яко немощнейшу сосуду женскому воздающе честь, яко и снаследницы благодатныя жизни, во еже не прекращатися молитвам вашым. I Peter 3:8 Конец же, вси единомудрени будите, милостиви, братолюбцы, милосердни, благоутробни, мудролюбцы, смиреномудри: I Peter 3:9 не воздающе зла за зло, или досаждения за досаждение: супротивное же, благословяще, ведяще, яко на се звани бысте, да благословение наследите. I Peter 3:10 Хотяй бо живот любити и видети дни благи, да удержит язык свой от зла, и устне свои еже не глаголати льсти. I Peter 3:11 Да уклонится от зла, и да сотворит благо, да взыщет мира и да держится его: I Peter 3:12 зане очи Господни на праведныя, и ушы Его в молитву их, лице же Господне на творящыя злая, еже потребити их от земли. I Peter 3:13 И кто озлобит вас, аще благому подобницы будете? I Peter 3:14 Но аще и страждете правды ради, блажени есте: страха же их не убойтеся, ниже смущайтеся. I Peter 3:15 Господа же Бога освятите в сердцах ваших: готови же присно ко ответу всякому вопрошающему вы словесе о вашем уповании, с кротостию и страхом: I Peter 3:16 совесть имуще благу, да о немже клевещут вас аки злодеев, постыдятся злословящии ваше благое о Христе житие. I Peter 3:17 Лучше бо есть благое творящым, аще хощет воля Божия, пострадати, нежели зло творящым: I Peter 3:18 зане и Христос единою о гресех наших пострада, праведник за неправедники, да приведет ны Богови, умерщвлен убо быв плотию, ожив же духом: I Peter 3:19 о немже и сущым в темнице духовом сошед проповеда, I Peter 3:20 противльшымся иногда, егда ожидаше Божие долготерпение, во дни Ноевы, делаему ковчегу, в немже мало, сиречь осмь душ, спасошася от воды. I Peter 3:21 Егоже воображение ныне и нас спасает крещение, не плотския отложение скверны, но совести благи вопрошение у Бога, воскресением Иисус Христовым, I Peter 3:22 Иже есть о десную Бога, возшед на небо, покоршымся Ему Ангелом и Властем и Силам. I Peter 4:0 I Peter 4:1 Христу убо пострадавшу за ны плотию, и вы в ту же мысль вооружитеся: зане пострадавый плотию, преста от греха, I Peter 4:2 во еже не ктому человеческим похотем, но воли Божией прочее во плоти жити время. I Peter 4:3 Довлеет бо вам мимошедшее время жития, волю языческую творившым, хождшым в нечистотах, в похотех, в мужеложстве, в скотоложстве, в помыслех, в пиянстве, в козлогласованиих, в лихоимании и богомерзких идолослужениих: I Peter 4:4 о немже дивятся, не сходящымся вам в тоже блуда разлияние, хуляще: I Peter 4:5 иже воздадят слово готову Сущему судити живым и мертвым. I Peter 4:6 На се бо и мертвым благовестися, да суд убо приимут по человеку плотию, поживут же по Бозе духом. I Peter 4:7 Всем же кончина приближися. Уцеломудритеся убо и трезвитеся в молитвах. I Peter 4:8 Прежде же всех друг ко другу любовь прилежну имейте, зане любовь покрывает множество грехов. I Peter 4:9 Страннолюбцы друг ко другу, без роптании. I Peter 4:10 Кийждо якоже прият дарование, между себе сим служаще, яко добрии строителие различныя благодати Божия. I Peter 4:11 Аще кто глаголет, яко словеса Божия: аще кто служит, яко от крепости, юже подает Бог: да о всем славится Бог Иисус Христом, Емуже есть слава и держава во веки веков. Аминь. I Peter 4:12 Возлюбленнии, не дивитеся еже в вас раждежению ко искушению вам бываему, яко чужду вам случающуся: I Peter 4:13 но понеже приобщаетеся Христовым страстем, радуйтеся, яко да и в явление славы Его возрадуетеся веселящеся. I Peter 4:14 Аще укоряеми бываете о имени Христове, блажени есте яко Славы и Божий Дух на вас почивает: онеми убо хулится, а вами прославляется. I Peter 4:15 Да не кто убо от вас постраждет яко убийца, или яко тать, или яко злодей, или яко чуждопосетитель: I Peter 4:16 аще ли же яко Христианин, да не стыдится, да прославляет же Бога в части сей. I Peter 4:17 Яко время начати суд от дому Божия: аще же прежде от вас, кая кончина противящымся Божию Евангелию? I Peter 4:18 И аще праведник едва спасется, нечестивый и грешный где явится? I Peter 4:19 Темже и страждущии по воли Божией, яко верну Зиждителю да предадят душы своя во благотворении. I Peter 5:0 I Peter 5:1 Старцы иже в вас молю, яко старец сый и свидетель Христовым страстем, иже и хотящей славе явитися общник: I Peter 5:2 пасите еже в вас стадо Божие, посещающе не нуждею, но волею и по Бозе, ниже неправедными прибытки, но усердно, I Peter 5:3 ни яко обладающе причту, но образи бывайте стаду: I Peter 5:4 и явльшуся Пастыреначальнику, приимете неувядаемый славы венец. I Peter 5:5 Такоже юнии, повинитеся старцем: вси же друг другу повинующеся, смиреномудрие стяжите, зане Бог гордым противится, смиренным же дает благодать. I Peter 5:6 Смиритеся убо под крепкую руку Божию, да вы вознесет во время: I Peter 5:7 всю печаль вашу возвергше Нань, яко Той печется о вас. I Peter 5:8 Трезвитеся, бодрствуйте, зане супостат ваш диавол, яко лев рыкая, ходит, иский кого поглотити: I Peter 5:9 емуже противитеся тверди верою, ведуще, яко теже страсти случаются вашему братству, еже в мире. I Peter 5:10 Бог же всякия благодати, призвавый вас в вечную Свою славу о Христе Иисусе, мало пострадавшыя, Той да совершит вы, да утвердит, да укрепит, да оснует. I Peter 5:11 Тому слава и держава во веки веков. Аминь. I Peter 5:12 Силуаном вам верным братом, яко непщую, вмале написах, моля и засвидетельствуя сей быти истинней благодати Божией, в нейже стоите. I Peter 5:13 Целует вы яже в Вавилоне соизбранная, и Марко сын мой. I Peter 5:14 Целуйте друг друга лобзанием любве. Мир вам всем о Христе Иисусе. Аминь.
II Peter 0:0
Второе послание Петра II Peter 1:0 II Peter 1:1 Симон Петр, раб и посланник Иисус Христов, равночистную с нами получившими веру в правде Бога нашего и Спаса Иисуса Христа: II Peter 1:2 благодать вам и мир да умножится в познании Бога, и Христа Иисуса Господа нашего. II Peter 1:3 Яко вся нам Божественныя силы Его, яже к животу и благочестию, подана разумом Призвавшаго нас славою и добродетелию. II Peter 1:4 Имиже честная нам и великая обетования даровашася, да сих ради будете Божественнаго причастницы естества, отбегше, яже в мире, похотныя тли: II Peter 1:5 и в самое же сие, тщание все привнесше, подадите в вере вашей добродетель, в добродетели же разум, II Peter 1:6 в разуме же воздержание, в воздержании же терпение, в терпении же благочестие, II Peter 1:7 во благочестии же братолюбие, в братолюбии же любовь. II Peter 1:8 Сия бо сущая в вас и множащаяся, не праздных ниже безплодных сотворят вы в Господа нашего Иисуса Христа познание: II Peter 1:9 емуже бо несть сих, слеп есть, мжай, забвение приемь очищения древних своих грехов. II Peter 1:10 Темже паче, братие, потщитеся известно ваше звание и избрание творити: сия бо творяще, не имате согрешити никогдаже, II Peter 1:11 сице бо обилно приподастся вам вход в вечное Царство Господа нашего и Спаса Иисуса Христа. II Peter 1:12 Сего ради не обленюся воспоминати присно вам о сих, аще и ведите, и утверждени есте в настоящей истине. II Peter 1:13 Праведно бо мню, донележе есмь в сем телеси, возставляти вас воспоминанием, II Peter 1:14 ведый, яко скоро есть отложение телесе моего, якоже и Господь наш Иисус Христос сказа мне. II Peter 1:15 Потщуся же и всегда имети вас по моем исходе память о сих творити. II Peter 1:16 Не ухищренным бо баснем последовавше сказахом вам силу и пришествие Господа нашего Иисуса Христа, но самовидцы бывше величествия Онаго. II Peter 1:17 Прием бо от Бога Отца честь и славу, гласу пришедшу к Нему от велелепныя славы. Сей есть Сын Мой возлюбленный, о Немже Аз благоизволих. II Peter 1:18 И сей глас мы слышахом с небесе сшедшь, с Ним суще на горе святей. II Peter 1:19 И имамы известнейшее пророческое слово: емуже внимающе якоже светилу сияющу в темнем месте, добре творите, дондеже день озарит, и денница возсияет в сердцах ваших, II Peter 1:20 сие прежде ведуще, яко всяко пророчество книжное по своему сказанию не бывает. II Peter 1:21 Ни бо волею бысть когда человеком пророчество, но от Святаго Духа просвещаеми глаголаша святии Божии человецы. II Peter 2:0 II Peter 2:1 Быша же и лживии пророцы в людех, якоже и в вас будут лживии учителие, иже внесут ереси погибели, и искупльшаго их Владыки отметающеся, приводяще себе скору погибель. II Peter 2:2 И мнози последствуют их нечистотам, ихже ради путь истинный похулится. II Peter 2:3 И в преумножении льстивых словес вас уловят: ихже суд искони не коснит, и погибель их не дремлет. II Peter 2:4 Аще бо Бог аггелов согрешивших не пощаде, но пленицами мрака связав, предаде на суд мучимых блюсти: II Peter 2:5 и перваго мира не пощаде, но осмаго Ноа правды проповедника сохрани, потоп миру нечествовавших наведе: II Peter 2:6 и грады Содомския и Гоморрския сжег, разорением осуди, образ хотящым нечествовати положив: II Peter 2:7 и праведнаго Лота, обидима от беззаконных в нечистоте сожития, избави. II Peter 2:8 Видением бо и слухом праведный, живый в них, день от дне душу праведну беззаконными делы мучаше: II Peter 2:9 весть Господь благочестивыя от напасти избавляти, неправедники же на день судныи мучимы блюсти, II Peter 2:10 наипаче же вслед плотския похоти сквернения ходящыя и о господстве нерадящыя: продерзателе, себе угодницы, славы не трепещут хуляще: II Peter 2:11 идеже Ангели крепостию и силою больши суще, не терпят на ся от Господа укоризнен суд. II Peter 2:12 Сии же, яко скоти животни естеством бывше в погибель и тлю, в нихже не разумеют хуляще, во истлении своем истлеют, II Peter 2:13 приемлюще мзду неправедну, сласть мняще вседневное насыщение, сквернители и порочницы, питающеся лестьми своими, ядуще с вами, II Peter 2:14 очи имуще исполнь блудодеяния и непрестаемаго греха, прельщающе душы неутверждены, сердце научено лихоимству имуще, клятвы чада: II Peter 2:15 оставльше правый путь заблудиша, последовавше пути Валаама Восорова, иже мзду неправедну возлюби, II Peter 2:16 обличение же име своего беззакония: подяремник безгласен, человеческим гласом провещавшь, возбрани пророка безумие. II Peter 2:17 Сии суть источницы безводни, облацы и мглы от ветр преносими, имже мрак темный во веки блюдется. II Peter 2:18 Прегордая бо суеты вещающе, прельщают в скверны плотския похоти, отбегающих всячески от них живущих во льсти, II Peter 2:19 свободу им обещавающе, сами раби суще тления: имже бо кто побежден бывает, сему и работен есть. II Peter 2:20 Аще бо отбегше скверн мира в разум Господа и Спаса нашего Иисуса Христа, сими же паки сплетшеся побеждаеми бывают, быша им последняя горша первых. II Peter 2:21 Лучше бо бе им не познати пути правды, нежели познавшым возвратитися вспять от преданныя им святыя заповеди. II Peter 2:22 Случися бо им истинная притча: пес возвращься на свою блевотину, и: свиния, омывшися, в кал тинный. II Peter 3:0 II Peter 3:1 Сие уже, возлюбленнии, второе вам пишу послание, в нихже возбуждаю воспоминанием ваш чистый смысл, II Peter 3:2 помянути прежде реченныя глаголы от святых пророк, и Апостол ваших заповедь Господа и Спаса: II Peter 3:3 сие прежде ведяще, яко приидут в последния дни ругателе, по своих похотех ходяще II Peter 3:4 и глаголюще: где есть обетование пришествия Его, отнележе бо отцы успоша, вся тако пребывают от начала создания. II Peter 3:5 Таится бо им сие хотящым, яко небеса беша исперва, и земля от воды и водою составлена, Божиим словом: II Peter 3:6 темже тогдашнии мир, водою потоплен быв, погибе. II Peter 3:7 А нынешняя небеса и земля темже Словом сокровена суть, огню блюдома на день суда и погибели нечестивых человек. II Peter 3:8 Едино же сие да не утаится вас, возлюбленнии, яко един день пред Господем яко тысяща лет, и тысяща лет яко день един. II Peter 3:9 Не коснит Господь обетования, якоже нецыи коснение мнят: но долготерпит на нас, не хотя да кто погибнет, но да вси в покаяние приидут. II Peter 3:10 Приидет же день Господень яко тать в нощи, в оньже небеса убо с шумом мимо идут, стихии же сжигаемы разорятся, земля же и яже на ней дела сгорят. II Peter 3:11 Сим убо всем разоряемым, кацем подобает быти вам во святых пребываниих и благочестиих, II Peter 3:12 чающым и скорее быти желающым пришествия Божияго дне, егоже ради небеса жегома разорятся, и стихии опаляемы растаются? II Peter 3:13 Нова же небесе и новы земли по обетованию Его чаем, в нихже правда живет. II Peter 3:14 Темже, возлюбленнии, сих чающе, потщитеся нескверни и непорочни Тому обрестися в мире, II Peter 3:15 и Господа нашего долготерпение спасение непщуите, якоже и возлюбленный наш брат Павел по данней ему премудрости написа вам, II Peter 3:16 якоже и во всех своих посланиих, глаголя в них о сих: в нихже суть неудобь разумна некая, яже ненаучени и неутверждени развращают, якоже и прочая Писания, к своей погибели им. II Peter 3:17 Вы же убо, возлюбленнии, предведяще хранитеся, да не лестию беззаконных сведени бывше, отпадете своего утверждения. II Peter 3:18 Но да растете во благодати и разуме Господа нашего и Спаса Иисуса Христа. Тому слава и ныне и в день века. Аминь.
I John 0:0
Первое послание Иоанна I John 1:0 I John 1:1 Еже бе исперва, еже слышахом, еже видехом очима нашима, еже узрехом, и руки нашя осязаша, о Словеси животнем: I John 1:2 и живот явися, и видехом, и свидетелствуем, и возвещаем вам живот вечный, иже бе у Отца и явися нам: I John 1:3 еже видехом и слышахом, поведаем вам, да и вы общение имате с нами: общение же наше со Отцем и с Сыном Его Иисусом Христом. I John 1:4 И сия пишем вам, да радость ваша будет исполнена. I John 1:5 И сие есть обетование, еже слышахом от Него и поведаем вам, яко Бог свет есть, и тмы в Нем несть ни единыя. I John 1:6 Аще речем, яко общение имамы с Ним, и во тме ходим, лжем и не творим истины: I John 1:7 аще же во свете ходим, якоже Сам Той есть во свете, общение имамы друг ко другу, и Кровь Иисуса Христа Сына Его очищает нас от всякаго греха. I John 1:8 Аще речем, яко греха не имамы, себе прельщаем, и истины несть в нас. I John 1:9 Аще исповедаем грехи нашя, верен есть и праведен да оставит нам грехи нашя и очестит нас от всякия неправды. I John 1:10 Аще речем, яко не согрешихом, лжа творим Его, и слово Его несть в нас. I John 2:0 I John 2:1 Чадца моя, сия пишу вам, да не согрешаете: и аще кто согрешит, ходатая имамы ко Отцу, Иисуса Христа праведника: I John 2:2 и Той очищение есть о гресех наших, не о наших же точию, но и о всего мира. I John 2:3 И о сем разумеем, яко познахом Его, аще заповеди Его соблюдаем. I John 2:4 Глаголяй, яко познах Его, и заповеди Его не соблюдает, ложь есть, и в сем истины несть: I John 2:5 а иже аще соблюдает слово Его, поистинне в сем любы Божия совершенна есть: о сем разумеем, яко в Нем есмы. I John 2:6 Глаголяй, в Нем пребывати, должен есть, якоже Он ходил есть, и сей такожде да ходит. I John 2:7 Возлюбленнии, не заповедь нову пишу вам, но заповедь ветху, юже иместе исперва. Заповедь ветха есть слово, еже слышасте исперва. I John 2:8 Паки заповедь нову пишу вам, еже есть поистинне в Нем и в вас: яко тма мимоходит и свет истинный сей уже сияет. I John 2:9 Глаголяй себе во свете быти, а брата своего ненавидяй, во тме есть доселе. I John 2:10 Любяй брата своего во свете пребывает, и соблазна в нем несть. I John 2:11 А ненавидяй брата своего во тме есть, и во тме ходит, и не весть, камо идет, яко тма ослепи очи ему. I John 2:12 Пишу вам, чадца, яко оставляются вам греси имене Его ради. I John 2:13 Пишу вам, отцы, яко познасте Безначалнаго. Пишу вам, юноши, яко победисте лукаваго. Пишу вам, дети, яко познасте Отца. I John 2:14 Писах вам, отцы, яко познасте Исконнаго: писах вам, юноши, яко крепцы есте, и слово Божие в вас пребывает, и победисте лукаваго. I John 2:15 Не любите мира, ни яже в мире: аще кто любит мир, несть любве Отчи в нем: I John 2:16 яко все, еже в мире, похоть плотская и похоть очима и гордость житейская, несть от Отца, но от мира сего есть. I John 2:17 И мир преходит, и похоть его, а творяй волю Божию пребывает во веки. I John 2:18 Дети, последняя година есть. И якоже слышасте, яко антихрист грядет, и ныне антихристи мнози быша, от сего разумеваем, яко последний час есть. I John 2:19 От нас изыдоша, но не беша от нас: аще бы от нас были, пребыли убо быша с нами: но да явятся, яко не суть вси от нас. I John 2:20 И вы помазание имате от Святаго, и весте вся. I John 2:21 Не писах вам, яко не весте истины, но яко весте ю и яко всяка лжа от истины несть. I John 2:22 Кто есть лживый, точию отметаяйся, яко Иисус несть Христос? Сей есть антихрист, отметаяйся Отца и Сына. I John 2:23 Всяк отметаяйся Сына, ни Отца имать: а исповедаяй Сына, и Отца имать. I John 2:24 Вы убо еже слышасте исперва, в вас да пребывает: (и) аще в вас пребудет, еже исперва слышасте, и вы в Сыне и Отце пребудете. I John 2:25 И сие есть обетование, еже Сам обеща нам, живот вечный. I John 2:26 Сия писах вам о льстящих вас. I John 2:27 И вы еже помазание приясте от Него, в вас пребывает, и не требуете, да кто учит вы: но яко то само помазание учит вы о всем, и истинно есть, и несть ложно: и якоже научи вас, пребывайте в нем. I John 2:28 И ныне, чадца, пребывайте в Нем, да егда явится, имамы дерзновение и не посрамимся от Него в пришествии Его. I John 2:29 Аще весте, яко праведник есть, разумейте, яко всяк творяй правду от Него родися. I John 3:0 I John 3:1 Видите, какову любовь дал есть Отец нам, да чада Божия наречемся, и будем. Сего ради мир не знает нас, зане не позна Его. I John 3:2 Возлюбленнии, ныне чада Божия есмы, и не у явися, что будем: вемы же, яко, егда явится, подобни Ему будем, ибо узрим Его, якоже есть. I John 3:3 И всяк имеяй надежду сию Нань, очищает себе, якоже Он чист есть. I John 3:4 Всяк творяй грех, и беззаконие творит: и грех есть беззаконие. I John 3:5 И весте, яко Он явися, да грехи нашя возмет, и греха в Нем несть. I John 3:6 Всяк, иже в Нем пребывает, не согрешает: всяк согрешаяй не виде Его, ни позна Его. I John 3:7 Чадца, никтоже да льстит вас. Творяй правду праведник есть, якоже Он праведен есть. I John 3:8 Творяй грех от диавола есть, яко исперва диавол согрешает. Сего ради явися Сын Божий да разрушит дела диаволя. I John 3:9 Всяк рожденный от Бога греха не творит, яко семя Его в нем пребывает: и не может согрешати, яко от Бога рожден есть. I John 3:10 Сего ради явлена суть чада Божия и чада диаволя: всяк не творяй правды несть от Бога, и не любяй брата своего. I John 3:11 Яко се есть завещание, еже слышасте исперва, да любим друг друга, I John 3:12 не якоже Каин от лукаваго бе и закла брата своего. И за кую вину закла его? Яко дела его лукава беша, а брата его праведна. I John 3:13 Не чудитеся, братие моя, аще ненавидит вас мир. I John 3:14 Мы вемы, яко преидохом от смерти в живот, яко любим братию: не любяй бо брата пребывает в смерти. I John 3:15 Всяк ненавидяй брата своего человекоубийца есть: и весте, яко всяк человекоубийца не имать живота вечнаго в себе пребывающа. I John 3:16 О сем познахом любовь, яко Он по нас душу Свою положи: и мы должни есмы по братии душы полагати. I John 3:17 Иже убо имать богатство мира сего, и видит брата своего требующа, и затворит утробу свою от него, како любы Божия пребывает в нем? I John 3:18 Чадца моя, не любим словом ниже языком, но делом и истиною. I John 3:19 И о сем разумеем, яко от истины есмы, и пред Ним смиряем сердца наша: I John 3:20 зане аще зазирает нам сердце наше, яко болий есть Бог сердца нашего и весть вся. I John 3:21 Возлюбленнии, аще сердце наше не зазрит нам, дерзновение имамы к Богу, I John 3:22 и егоже аще просим, приемлем от Него, яко заповеди Его соблюдаем и угодная пред Ним творим. I John 3:23 И сия есть заповедь Его, да веруем во имя Сына Его Иисуса Христа и любим друг друга, якоже дал есть заповедь нам. I John 3:24 И соблюдаяй заповеди Его в Нем пребывает, и Той в нем. И о сем разумеем, яко пребывает в нас, от духа, егоже дал есть нам. I John 4:0 I John 4:1 Возлюбленнии, не всякому духу веруйте, но искушайте духи, аще от Бога суть: яко мнози лжепророцы изыдоша в мир. I John 4:2 О сем познавайте Духа Божия и духа лестча: всяк дух, иже исповедует Иисуса Христа во плоти пришедша, от Бога есть: I John 4:3 и всяк дух, иже не исповедует Иисуса Христа во плоти пришедша, от Бога несть: и сей есть антихристов, егоже слышасте, яко грядет, и ныне в мире есть уже. I John 4:4 Вы от Бога есте, чадца, и победисте тех: яко болий есть Иже в вас, нежели иже в мире. I John 4:5 Они от мира суть: сего ради от мира глаголют, и мир тех послушает. I John 4:6 Мы от Бога есмы: иже знает Бога, послушает нас, и иже несть от Бога, не послушает нас. О сем познаваем духа истины и духа лестча. I John 4:7 Возлюбленнии, возлюбим друг друга, яко любы от Бога есть, и всяк любяй от Бога рожден есть, и знает Бога: I John 4:8 а не любяй не позна Бога, яко Бог любы есть. I John 4:9 О сем явися любы Божия в нас, яко Сына Своего Единороднаго посла Бог в мир, да живи будем Им. I John 4:10 О сем есть любы, не яко мы возлюбихом Бога, но яко Той возлюби нас, и посла Сына Своего очищение о гресех наших. I John 4:11 Возлюбленнии, аще сице возлюбил есть нас Бог, и мы должни есмы друг друга любити. I John 4:12 Бога никтоже нигдеже виде. Аще друг друга любим, Бог в нас пребывает, и любы Его совершенна есть в нас. I John 4:13 О сем разумеем, яко в Нем пребываем, и Той в нас, яко от Духа Своего дал есть нам. I John 4:14 И мы видехом и свидетелствуем, яко Отец посла Сына Спасителя миру. I John 4:15 Иже аще исповесть, яко Иисус есть Сын Божий, Бог в нем пребывает, и той в Бозе. I John 4:16 И мы познахом и веровахом любовь, юже имать Бог к нам. Бог любы есть, и пребываяй в любви в Бозе пребывает, и Бог в нем пребывает. I John 4:17 О сем совершается любы с нами, да дерзновение имамы в день судный, зане, якоже Он есть, и мы есмы в мире сем. I John 4:18 Страха несть в любви, но совершенна любы вон изгоняет страх, яко страх муку имать: бояйся же не совершися в любви. I John 4:19 Мы любим Его, яко Той первее возлюбил есть нас. I John 4:20 Аще кто речет, яко люблю Бога, а брата своего ненавидит, ложь есть: ибо не любяй брата своего, егоже виде, Бога, Егоже не виде, како может любити? I John 4:21 И сию заповедь имамы от Него, да любяй Бога любит и брата своего. I John 5:0 I John 5:1 Всяк веруяй, яко Иисус есть Христос, от Бога рожден есть: и всяк любяй Рождшаго любит и Рожденнаго от Него. I John 5:2 О сем вемы, яко любим чада Божия, егда Бога любим и заповеди Его соблюдаем. I John 5:3 Сия бо есть любы Божия, да заповеди Его соблюдаем: и заповеди Его тяжки не суть. I John 5:4 Яко всяк рожденный от Бога побеждает мир: и сия есть победа, победившая мир, вера наша. I John 5:5 Кто есть побеждаяй мир, токмо веруяй, яко Иисус есть Сын Божий? I John 5:6 Сей есть пришедый водою и кровию и Духом, Иисус Христос, не водою точию, но водою и кровию: и Дух есть свидетелствуяй, яко Дух есть истина. I John 5:7 Яко трие суть свидетелствующии на небеси, Отец, Слово и Святый Дух: и Сии три едино суть. I John 5:8 И трие суть свидетелствующии на земли, дух и вода и кровь: и трие во едино суть. I John 5:9 Аще свидетелство человеческое приемлем, свидетелство Божие более есть: яко сие есть свидетелство Божие, еже свидетелствова о Сыне Своем. I John 5:10 Веруяй в Сына Божия имать свидетелство в себе: не веруяй Богови лжа сотворил есть Его, яко не верова во свидетелство, еже свидетелствова Бог о Сыне Своем. I John 5:11 И сие есть свидетелство, яко живот вечный дал есть нам Бог, и сей живот в Сыне Его есть. I John 5:12 Имеяй Сына Божия имать живот: а не имеяй Сына Божия живота не имать. I John 5:13 Сия писах вам верующым во имя Сына Божия, да весте, яко живот вечный имате, и да веруете во имя Сына Божия. I John 5:14 И сие есть дерзновение, еже имамы к Нему, яко аще чесо просим по воли Его, послушает нас: I John 5:15 и аще вемы, яко послушает нас, еже аще просим, вемы, яко имамы прошения, ихже просихом от Него. I John 5:16 Аще кто узрит брата своего согрешающа грех не к смерти, да просит, и даст ему живот, согрешающым не к смерти. Есть грех к смерти: не о том, глаголю, да молится. I John 5:17 Всяка неправда грех есть, и есть грех не к смерти. I John 5:18 Вемы, яко всяк рожденный от Бога не согрешает: но рожденный от Бога блюдет себе, и лукавый не прикасается ему. I John 5:19 Вемы, яко от Бога есмы, и мир весь во зле лежит. I John 5:20 Вемы же, яко Сын Божий прииде и дал есть нам (свет и) разум, да познаем Бога истиннаго и да будем во истиннем Сыне Его Иисусе Христе: Сей есть истинный Бог и живот вечный. I John 5:21 Чадца, храните себе от треб идолских. Аминь.
II John 0:0
Второе послание Иоанна II John 1:0 II John 1:1 Старец избранней госпоже и чадом ея, ихже аз люблю воистинну, и не аз точию, но и вси разумевшии истину. II John 1:2 За истину пребывающую в нас, и с нами будет во веки. II John 1:3 Да будет с вами благть, милость, мир от Бога Отца, и от Господа Иисуса Христа, Сына Отча, во истине и любви. II John 1:4 Возрадовахся зело, яко обретох от чад твоих ходящих во истине, якоже заповедь прияхом от Отца. II John 1:5 И ныне молю тя, госпоже, не яко заповедь пишу тебе нову, но юже имамы исперва, да любим друг друга. II John 1:6 И сия есть любы, да ходим по заповедем Его. Сия есть заповедь, якоже слышасте исперва, да в ней ходите: II John 1:7 зане мнози лестцы внидоша в мир, не исповедающе Иисуса Христа пришедша во плоти, сей есть льстец и антихрист. II John 1:8 Блюдите себе, да не погубите яже деласте добрая, но да мзду совершенну восприимете. II John 1:9 Всяк преступаяй и не пребываяй во учении Христове, Бога не имать: пребываяй же во учении Христове, сей и Отца и Сына имать. II John 1:10 Аще кто приходит к вам, и сего учения не приносит, не приемлите его в дом, и радоватися ему не глаголите. II John 1:11 Глаголяи бо ему радоватися, сообщается делом его злым. II John 1:12 Многа имех писати вам, и не восхотех хартиею и чернилом, но надеюся приити к вам и усты ко устом глаголати, да радость ваша будет исполнена. II John 1:13 Целуют тя чада сестры твоея избранныя. Аминь.
III John 0:0
Третье послание Иоанна III John 1:0 III John 1:1 Старец Гаиеви возлюбленному, егоже аз люблю воистинну. III John 1:2 Возлюбленне, во всех молюся (о тебе) благоспеятися тебе и здравствовати, якоже благоспеется тебе душа. III John 1:3 Возрадовахся зело, пришедшым братиям и свидетельствующым твою истину, якоже ты во истине ходиши. III John 1:4 Болши сея не имам радости, да слышу моя чада во истине ходяща. III John 1:5 Возлюбленне, верно твориши, еже аще делаеши в братию и в странныя, III John 1:6 иже свидетельствоваша о твоей любви пред церковию. Ихже предпослав достойно Богу, добре твориши. III John 1:7 О имени бо Его изыдоша, ничтоже приемлюще от язык. III John 1:8 Мы убо должни есмы приимати таковых, да поспешницы будем истине. III John 1:9 Писах церкви: но первенстволюбец их Диотреф не приемлет нас. III John 1:10 Сего ради, аще прииду, воспомяну его дела, яже творит, словесы лукавыми укоряя нас: и недоволен бывая о сих, ни сам приемлет братию, и хотящым возбраняет, и от церкве изгонит. III John 1:11 Возлюбленне, не уподобляися злому, но благому. Благотворяй от Бога есть: а злотворяй не виде Бога. III John 1:12 Димитриеви свидетельствовася от всех и от самыя истины: и мы же свидетельствуем, и весте, яко свидетельство наше истинно есть. III John 1:13 Многа имех писати, но не хощу чернилом и тростию писати тебе, III John 1:14 уповаю же абие видети тя и усты ко устом глаголати. III John 1:15 Мир тебе. Целуют тя друзи: целуй други по имени. Аминь.
Jude 0:0
Послание Иуды Jude 1:0 Jude 1:1 Иуда, Иисуса Христа раб, брат же Иакова, сущым о Бозе Отце освященным, Иисус Христом соблюденным званным: Jude 1:2 милость вам и мир и любы да умножится. Jude 1:3 Возлюбленнии, всяко тщание творя писати вам о общем спасении вашем, нужду возимех писати вам, моля подвизатися о преданнеи вере святым единою. Jude 1:4 Привнидоша бо нецыи человецы, древле предуставленнии на сие осуждение, нечестивии, Бога нашего благодать прелагающии в скверну, и единаго Владыки Бога и Господа нашего Иисуса Христа отметающиися. Jude 1:5 Воспомянути же вам хощу, ведущым и вам единою сие, яко Господь люди от земли Египетския спасе, последи неверовавшыя погуби: Jude 1:6 аггелы же не соблюдшыя своего начальства, но оставльшыя свое жилище, на суд великаго дне узами вечными под мраком соблюде. Jude 1:7 Якоже Содома и Гоморра и окрестнии их грады, подобным им образом преблудивше и ходивше вслед плоти иныя, предлежат в показание, огня вечнаго суд подемше, Jude 1:8 такожде убо и сии, сония видяще, плоть убо сквернят, господства же отметаются, славы же хуляще (не трепещут). Jude 1:9 Михаил же Архангел, егда со диаволом разсуждая глаголаше о Моисеове телеси, не смеяше суда навести хульна, но рече: да запретит тебе Господь. Jude 1:10 Сии же, елика убо не ведят, хулят: елика же по естеству яко безсловесная животная ведят, в сих сквернятся. Jude 1:11 Горе им. Яко в путь Каинов поидоша, и в лесть Валаамовы мзды устремишася, и в пререкании Корреове погибоша. Jude 1:12 Сии суть в любвах ваших сквернители, с вами ядуще, без боязни себе пасуще: облацы безводни, от ветр преносими: древеса есенна, безплодна, дважды умерша, искоренена. Jude 1:13 Волны свирепыя моря, воспеняющя своя стыдения: звезды прелестныя, имже мрак тьмы во веки блюдется. Jude 1:14 Пророчествова же и о сих седмый от Адама Енох, глаголя: се приидет Господь во тьмах святых Ангел Своих, Jude 1:15 сотворити суд о всех и изобличити всех нечестивых о всех делех нечестия их, имиже нечествоваша, и о всех жестоких словесех их, яже глаголаша Нань грешницы нечестивии. Jude 1:16 Сии суть ропотницы, укорители, (часть порочна,) в похотех своих ходяще нечестием и законопреступлением: и уста их глаголют прегордая: чудящеся лицам пользы ради. Jude 1:17 Вы же, возлюбленнии, поминайте глаголы преждереченныя от Апостол Господа нашего Иисуса Христа. Jude 1:18 Зане глаголаху вам, яко в последнее время будут ругатели, по своих похотех ходяще и нечестиих. Jude 1:19 Сии суть отделяюще себе (от единости веры, и суть) телесни, духа не имуще. Jude 1:20 Вы же, возлюбленнии, стою вашею верою назидающе себе, Духом Святым молящеся, Jude 1:21 сами себе в любви Божиеи соблюдайте, ждуще милости Господа нашего Иисуса Христа, в жизнь вечную. Jude 1:22 И овех убо милуйте разсуждающе. Jude 1:23 Овех же страхом спасайте, от огня восхищающе. Обличайте же с боязнию, ненавидяще и яже от плоти оскверненую ризу. Jude 1:24 Могущему же сохранити вы без греха и без скверны и поставити пред славою Своею непорочных в радости, Jude 1:25 Единому Премудрому Богу и Спасу нашему, Иисусом Христом Господем нашим, слава и величие, держава и власть, прежде всего века, и ныне, и во вся веки. Аминь.
Romans 0:0
Послание апостола Павла Римлянам Romans 1:0 Romans 1:1 Павел, раб Иисус Христов, зван Апостол, избран в благовестие Божие, Romans 1:2 еже прежде обеща пророки Своими в писаниих святых, Romans 1:3 о Сыне Своем, бывшем от семене Давидова по плоти, Romans 1:4 нареченнем Сыне Божии в силе, по духу святыни, из воскресения от мертвых, Иисуса Христа Господа нашего, Romans 1:5 Имже прияхом благодать и апостольство в послушание веры во всех языцех, о имени Его. Romans 1:6 В нихже есте и вы, звани Иисусу Христу. Romans 1:7 Всем сущым в Риме возлюбленным Богу, званным святым. Благодать вам и мир от Бога Отца нашего, и Господа Иисуса Христа. Romans 1:8 Первое убо благодарю Бога моего Иисусом Христом о всех вас, яко вера ваша возвещается во всем мире. Romans 1:9 Свидетель бо ми есть Бог, Емуже служу духом моим во благовествовании Сына Его, яко безпрестани память о вас творю, Romans 1:10 всегда в молитвах моих моляся, аще убо когда поспешен буду волею Божиею приити к вам. Romans 1:11 Желаю бо видети вас, да некое подам вам дарование духовное, ко утверждению вашему. Romans 1:12 Сие же есть, соутешитися в вас верою общею, вашею же и моею. Romans 1:13 Не хощу же не ведети вам, братие, яко множицею восхотех приити к вам, и возбранен бых доселе, да некии плод имею и в вас, якоже и в прочих языцех. Romans 1:14 Еллином же и варваром, мудрым же и неразумным должен есмь. Romans 1:15 Тако есть, еже по моему усердию и вам сущым в Риме благовестити. Romans 1:16 Не стыжуся бо благовествованием Христовым: сила бо Божия есть во спасение всякому верующему, Иудеови же прежде и Еллину. Romans 1:17 Правда бо Божия в нем является от веры в веру, якоже есть писано. Праведныи же от веры жив будет. Romans 1:18 Открывается бо гнев Божии с небесе на всякое нечестие и неправду человеков, содержащих истину в неправде. Romans 1:19 Зане разумное Божие яве есть в них, Бог бо явил есть им: Romans 1:20 невидимая бо Его, от создания мира твореньми помышляема, видима суть, и присносущная сила Его и Божество, во еже быти им безответным. Romans 1:21 Занеже разумевше Бога, не яко Бога прославиша или благодариша, но осуетишася помышлении своими, и омрачися неразумное их сердце. Romans 1:22 Глаголющеся быти мудри, объюродеша, Romans 1:23 и измениша славу нетленнаго Бога в подобие образа тленна человека и птиц и четвероног и гад. Romans 1:24 Темже и предаде их Бог в похотех сердец их в нечистоту, во еже сквернитися телесем их в себе самех. Romans 1:25 Иже премениша истину Божию во лжу, и почтоша и послужиша твари паче Творца, Иже есть благословен во веки, аминь. Romans 1:26 Сего ради предаде их Бог в страсти безчестия. И жены бо их измениша естественную подобу в презестественную. Romans 1:27 Такожде и мужи, оставльше естественную подобу женска пола, разжегошася похотию своею друг на друга, мужи на мужех студ содевающе, и возмездие, еже подобаше прелести их, в себе восприемлюще. Romans 1:28 И якоже не искусиша имети Бога в разуме, (сего ради) предаде их Бог в неискусен ум, творити неподобная, Romans 1:29 исполненых всякия неправды, блужения, лукавства, лихоимания, злобы. Исполненых зависти, убииства, рвения, льсти, злонравия. Romans 1:30 Шепотники, клеветники, богомерзки, досадители, величавы, горды, обретатели злых, родителем непокоривы, Romans 1:31 неразумны, непримирителны, нелюбовны, неклятвохранительны, немилостивны. Romans 1:32 Нецыи же и оправдание Божие разумевше, яко таковая творящии достойни смерти суть, не точию сами творят, но и соизволяют творящым. Romans 2:0 Romans 2:1 Сего ради безответен еси, о, человече всяк судяй: имже бо судом судиши друга, себе осуждаеши. Таяжде бо твориши судяй. Romans 2:2 Вемы же, яко суд Божии есть поистинне на творящих таковая. Romans 2:3 Помышляеши ли же сие, о, человече, судяй таковая творящым и творя сам таяжде, яко ты избежиши ли суда Божия, Romans 2:4 или о богатстве благости Его и кротости и долготерпении нерадиши, не ведый, яко благость Божия на покаяние тя ведет? Romans 2:5 По жестокости же твоей и непокаянному сердцу, собираеши себе гнев в день гнева и откровения праведнаго суда Божия, Romans 2:6 Иже воздаст коемуждо по делом его. Romans 2:7 Овым убо, по терпению дела благаго, славы и чести и нетления ищущым, живот вечный. Romans 2:8 А иже по рвению противляются убо истине, повинуются же неправде, ярость и гнев. Romans 2:9 Скорбь и теснота на всяку душу человека творящаго злое, Иудеа же прежде и Еллина. Romans 2:10 Слава же и честь и мир всякому делающему благое, Иудееви же прежде и Еллину. Romans 2:11 Несть бо на лица зрения у Бога. Romans 2:12 Елицы бо беззаконно согрешиша, беззаконно и погибнут: и елицы в законе согрешиша, законом суд приимут. Romans 2:13 Не слышателие бо закона праведни пред Богом, но творцы закона, (сии) оправдятся: Romans 2:14 егда бо языцы, не имуще закона, естеством законная творят, сии, закона не имуще, сами себе суть закон. Romans 2:15 Иже являют дело законное написано в сердцах своих, спослушествующеи им совести, и между собою помыслом осуждающым или отвещающым, Romans 2:16 в день, егда судит Бог тайная человеком, по благовестию моему, Иисусом Христом. Romans 2:17 Се ты Иудей именуешися, и почиваеши на законе, и хвалишися о Бозе, Romans 2:18 и разумееши волю, и разсуждаеши лучшая, научаемь от закона, Romans 2:19 уповая же себе вожда быти слепым, света сущым во тме, Romans 2:20 наказателя безумным, учителя младенцем, имуща образ разума и истины в законе. Romans 2:21 Научая убо инаго, себе ли не учиши, Romans 2:22 проповедая не красти, крадеши: глаголяй не прелюбы творити, прелюбы твориши: гнушаяся идол, святая крадеши: Romans 2:23 иже в законе хвалишися, преступлением закона Бога безчествуеши. Romans 2:24 Имя бо Божие вами хулится во языцех, якоже есть писано. Romans 2:25 Обрезание бо пользует, аще закон твориши. Аще же закона преступник еси, обрезание твое необрезание бысть. Romans 2:26 Аще убо необрезание оправдание закона сохранит, не необрезание ли его во обрезание вменится, Romans 2:27 и осудит еже от естества необрезание, закон совершающее, тебе, иже Писанием и обрезанием еси преступник закона. Romans 2:28 Не бо иже яве, Иудей есть, ни еже яве во плоти, обрезание. Romans 2:29 Но иже в тайне Иудей, и обрезание сердца духом, (а) не писанием: емуже похвала не от человек, но от Бога. Romans 3:0 Romans 3:1 Что убо лишшее Иудею? Или кая польза обрезания? Romans 3:2 Много, по всякому образу: первее бо, яко вверена быша им словеса Божия. Romans 3:3 Что бо, аще не вероваша нецыи? Еда (убо) неверствие их веру Божию упразднит? Romans 3:4 Да не будет: да будет же Бог истинен, всяк же человек ложь, якоже есть писано: яко да оправдишися во словесех Твоих, и победиши, внегда судити Ти. Romans 3:5 Аще ли неправда наша Божию правду составляет, что речем? Еда ли неправеден Бог наносяй гнев? По человеку глаголю. Romans 3:6 Да не будет: понеже како судити имать Бог миру? Romans 3:7 Аще бо истина Божия в моей лжи избыточествова в славу Его, что еще и аз яко грешник осуждаюся, Romans 3:8 и не якоже хулимся, и якоже глаголют нецыи нас глаголати, яко сотворим злая, да приидут благая: ихже суд праведен есть. Romans 3:9 Что убо, преимеем ли? Никакоже: предукорихом бо Иудеи же и Еллины вся под грехом быти, Romans 3:10 якоже есть писано. Яко несть праведен никтоже: Romans 3:11 несть разумеваяи, и несть взыскаяй Бога: Romans 3:12 вси уклонишася, вкупе непотребни быша. Несть творяй благостыню, несть даже до единаго. Romans 3:13 Гроб отверст гортань их, языки своими льщаху. Яд аспидов под устнами их. Romans 3:14 Ихже уста клятвы и горести полна суть. Romans 3:15 Скоры ноги их пролияти кровь: Romans 3:16 сокрушение и озлобление на путех их, Romans 3:17 и пути мирнаго не познаша. Romans 3:18 Несть страха Божия пред очима их. Romans 3:19 Вемы же, яко елика закон глаголет, сущым в законе глаголет: да всяка уста заградятся, и повинен будет весь мир Богови: Romans 3:20 зане от дел закона не оправдится всяка плоть пред Ним: законом бо познание греха. Romans 3:21 Ныне же кроме закона правда Божия явися, свидетельствуема от закона и пророк. Romans 3:22 Правда же Божия верою Иисус Христовою во всех и на всех верующих: несть бо разнствия, Romans 3:23 вси бо согрешиша, и лишени суть славы Божия, Romans 3:24 оправдаеми туне благодатию Его, избавлением, еже о Христе Иисусе, Romans 3:25 Егоже предположи Бог очищение верою в Крови Его, в явление правды Своея, за отпущение прежде бывших грехов, Romans 3:26 в долготерпении Божии, и в показание правды Его в нынешнее время, во еже быти Ему праведну и оправдающу сущаго от веры Иисусовы. Romans 3:27 Где убо похвала, отгнася. Которым законом? Делы ли? Ни, но законом веры. Romans 3:28 Мыслим убо верою оправдатися человеку, без дел закона. Romans 3:29 Или Иудеев Бог токмо, а не и языков? Ей, и языков: Romans 3:30 понеже един Бог, Иже оправдит обрезание от веры и необрезание верою. Romans 3:31 Закон ли убо разоряем верою? Да не будет: но закон утверждаем. Romans 4:0 Romans 4:1 Что убо речем Авраама отца нашего обрести по плоти? Romans 4:2 Аще бо Авраам от дел оправдася, имать похвалу, но не у Бога. Romans 4:3 Что бо Писание глаголет? Верова же Авраам Богови, и вменися ему в правду. Romans 4:4 Делающему же мзда не вменяется по благодати, но по долгу: Romans 4:5 а не делающему, верующему же во Оправдающаго нечестива, вменяется вера его в правду. Romans 4:6 Якоже и Давид глаголет блаженство человека, емуже вменяет Бог правду, без дел закона: Romans 4:7 блажени, ихже отпустишася беззакония и ихже прикрышася греси: Romans 4:8 блажен муж, емуже не вменит Господь греха. Romans 4:9 Блаженство убо сие на обрезание ли, или на необрезание? Глаголем бо, яко вменися Аврааму вера в правду. Romans 4:10 Како убо вменися ему, во обрезании ли сущу, или в необрезании, не во обрезании, но в необрезании. Romans 4:11 И знамение прият обрезания, печать правды веры, яже в необрезании. Яко быти ему отцу всех верующих в необрезании, во еже вменитися и тем в правду. Romans 4:12 И отцу обрезания, не сущым точию от обрезания, но и ходящым в стопах веры, яже (бе) в необрезании отца нашего Авраама. Romans 4:13 Не законом бо обетование Аврааму, или семени его, еже быти ему наследнику мирови, но правдою веры. Romans 4:14 Аще бо сущии от закона наследницы, испразднися вера, и разорися обетование: Romans 4:15 закон бо гнев соделовает: идеже бо несть закона, (ту) ни преступления. Romans 4:16 Сего ради от веры, да по благодати, во еже быти известну обетованию всему семени, не точию сущему от закона, но и сущему от веры Авраамовы, иже есть отец всем нам, Romans 4:17 якоже есть писано: яко отца многим языком положих тя, прямо Богу, Емуже верова, животворящему мертвыя и нарицающу не сущая яко сущая. Romans 4:18 Иже паче упования во упование верова, во еже быти ему отцу многим языком, по реченному: тако будет семя твое. Romans 4:19 И не изнемог верою, ни усмотри своея плоти уже умерщвленныя, столетен негде сый, и мертвости ложесн Сарриных: Romans 4:20 во обетовании же Божии не усумнеся неверованием, но возможе верою, дав славу Богови Romans 4:21 и известен быв, яко, еже обеща, силен есть и сотворити. Romans 4:22 Темже и вменися ему в правду. Romans 4:23 Не писано же бысть за того единаго точию, яко вменися ему, Romans 4:24 но и за ны, имже хощет вменитися, верующым в Воскресившаго Иисуса Христа Господа нашего из мертвых, Romans 4:25 Иже предан бысть за прегрешения наша и воста за оправдание наше. Romans 5:0 Romans 5:1 Оравдившеся убо верою, мир имамы к Богу Господем нашим Иисус Христом, Romans 5:2 Имже и приведение обретохом верою во благодать сию, в нейже стоим, и хвалимся упованием славы Божия. Romans 5:3 Не точию же, но и хвалимся в скорбех, ведяще, яко скорбь терпение соделовает, Romans 5:4 терпение же искусство, искусство же упование: Romans 5:5 упование же не посрамит. Яко любы Божия излияся в сердца наша Духом Святым данным нам. Romans 5:6 Еще бо Христос сущым нам немощным, по времени за нечестивых умре. Romans 5:7 Едва бо за праведника кто умрет: за благаго бо негли кто и дерзнет умрети. Romans 5:8 Составляет же Свою любовь к нам Бог, яко, еще грешником сущым нам, Христос за ны умре. Romans 5:9 Много убо паче, оправдани бывше ныне Кровию Его, спасемся Им от гнева. Romans 5:10 Аще бо врази бывше примирихомся Богу смертию Сына Его, множае паче примирившеся спасемся в животе Его: Romans 5:11 не точию же, но и хвалимся о Бозе Господем нашим Иисус Христом, Имже ныне примирение прияхом. Romans 5:12 Сего ради якоже единем человеком грех в мир вниде, и грехом смерть, и тако смерть во вся человеки вниде, в немже вси согрешиша. Romans 5:13 До закона бо грех бе в мире: грех же не вменяшеся, не сущу закону. Romans 5:14 Но царствова смерть от Адама даже до Моисеа и над несогрешившими по подобию преступления Адамова, иже есть образ будущаго. Romans 5:15 Но не якоже прегрешение, тако и дар. Аще бо прегрешением единаго мнози умроша, множае паче благодать Божия и дар благодатию единаго Человека Иисуса Христа во многих преизлишествова. Romans 5:16 И не якоже единем согрешшим, дарование. Грех бо из единаго во осуждение: дар же от многих прегрешении во оправдание. Romans 5:17 Аще бо единаго прегрешением смерть царствова единем, множае паче избыток благодати и дар правды приемлюще, в жизни воцарятся единем Иисус Христом. Romans 5:18 Темже убо, якоже единаго прегрешением во вся человеки вниде осуждение, такожде и единаго оправданием во вся человеки вниде оправдание жизни. Romans 5:19 Якоже бо ослушанием единаго человека грешни быша мнози, сице и послушанием единаго праведни будут мнози. Romans 5:20 Закон же привниде, да умножится прегрешение. Идеже бо умножися грех, преизбыточествова благодать: Romans 5:21 да якоже царствова грех во смерть, такожде и благодать воцарится правдою в жизнь вечную, Иисус Христом Господем нашим. Romans 6:0 Romans 6:1 Что убо речем, пребудем ли во гресе, да благодать преумножится? Да не будет. Romans 6:2 Иже бо умрохом греху, како паки оживем о нем? Romans 6:3 Или не разумеете, яко елицы во Христа Иисуса крестихомся, в смерть Его крестихомся? Romans 6:4 Спогребохомся убо Ему крещением в смерть, да якоже воста Христос от мертвых славою Отчею, тако и мы во обновлении жизни ходити начнем. Romans 6:5 Аще бо сообразни быхом подобию смерти Его, то и воскресения будем, Romans 6:6 сие ведяще, яко ветхии наш человек с Ним распятся, да упразднится тело греховное, яко ктому не работати нам греху. Romans 6:7 Умерый бо свободися от греха. Romans 6:8 Аще же умрохом со Христом, веруем, яко и живи будем с Ним, Romans 6:9 ведяще, яко Христос воста от мертвых, ктому уже не умирает: смерть Им ктому не обладает. Romans 6:10 Еже бо умре, греху умре единою: а еже живет, Богови живет. Romans 6:11 Такожде и вы помышляйте себе мертвых убо быти греху, живых же Богови, о Христе Иисусе Господе нашем. Romans 6:12 Да не царствует убо грех в мертвеннем вашем теле, во еже послушати его в похотех его: Romans 6:13 ниже представляйте уды вашя оружия неправды греху: но представляйте себе Богови яко от мертвых живых, и уды вашя оружия правды Богови. Romans 6:14 Грех бо вами да не обладает. Несте бо под законом, но под благодатию. Romans 6:15 Что убо, согрешим ли, зане несмы под законом, но под благодатию, да не будет. Romans 6:16 Не весте ли, яко емуже представляете себе рабы в послушание, раби есте, егоже послушаете, или греха в смерть, или послушания в правду? Romans 6:17 Благодарим убо Бога, яко бесте раби греху, послушасте же от сердца, в оньже и предастеся образ учения. Romans 6:18 Свобождшеся же от греха, поработистеся правде. Romans 6:19 Человеческо глаголю, за немощь плоти вашея. Якоже бо представисте уды вашя рабы нечистоте и беззаконию в беззаконие, тако ныне представите уды вашя рабы правде во святыню. Romans 6:20 Егда бо раби бесте греха, свободни бесте от правды. Romans 6:21 Кий убо тогда иместе плод? О нихже ныне стыдитеся, кончина бо онех, смерть. Romans 6:22 Ныне же свобождшеся от греха, порабощшеся же Богови, имате плод ваш во святыню, кончину же жизнь вечную. Romans 6:23 Оброцы бо греха смерть: дарование же Божие живот вечный о Христе Иисусе Господе нашем. Romans 7:0 Romans 7:1 Или не разумеете, братие: ведущым бо закон глаголю: яко закон обладает над человеком, во елико время живет? Romans 7:2 Ибо мужатая жена живу мужу привязана есть законом: аще ли же умрет муж ея, разрешится от закона мужескаго. Romans 7:3 Темже убо, живу сущу мужу, прелюбодейца бывает, аще будет мужеви иному: аще ли умрет муж ея, свободна есть от закона, не быти ей прелюбодейце, бывшей мужу иному. Romans 7:4 Темже, братие моя, и вы умросте закону телом Христовым, во еже быти вам иному, Воставшему из мертвых, да плод принесем Богови. Romans 7:5 Егда бо бехом во плоти, страсти греховныя, яже законом, действоваху во удех наших, во еже плод творити смерти: Romans 7:6 ныне же упразднихомся от закона, умерше, имже держими бехом, яко работати нам (Богови) во обновлении духа, а не в ветхости писмене. Romans 7:7 Что убо речем? Закон ли грех? Да не будет: но греха не знах, точию законом: похоти же не ведах, аще не бы закон глаголал: не похощеши. Romans 7:8 Вину же прием грех заповедию, содела во мне всяку похоть: без закона бо грех мертв есть. Romans 7:9 Аз же живях кроме закона иногда: пришедшей же заповеди, грех убо оживе, Romans 7:10 аз же умрох: и обретеся ми заповедь, яже в живот, сия в смерть, Romans 7:11 грех бо вину прием заповедию, прельсти мя, и тою умертви мя. Romans 7:12 Темже убо закон свят, и заповедь свята и праведна и блага. Romans 7:13 Благое ли убо бысть мне смерть? Да не будет: но грех, да явится грех, благим ми содевая смерть, да будет по премногу грешен грех заповедию. Romans 7:14 Вемы бо, яко закон духовен есть: аз же плотян есмь, продан под грех. Romans 7:15 Еже бо содеваю, не разумею: не еже бо хощу, сие творю, но еже ненавижду, то соделоваю. Romans 7:16 Аще ли, еже не хощу, сие творю, хвалю закон яко добр, Romans 7:17 ныне же не ктому аз сие содеваю, но живый во мне грех. Romans 7:18 Вем бо, яко не живет во мне, сиречь во плоти моей, доброе: еже бо хотети прилежит ми, а еже содеяти доброе, не обретаю. Romans 7:19 Не еже бо хощу доброе, творю, но еже не хощу злое, сие содеваю. Romans 7:20 Аще ли, еже не хощу аз, сие творю, уже не аз сие творю, но живый во мне грех. Romans 7:21 Обретаю убо закон, хотящу ми творити доброе, яко мне злое прилежит. Romans 7:22 Соуслаждаюся бо закону Божию по внутреннему человеку: Romans 7:23 вижду же ин закон во удех моих, противу воюющь закону ума моего и пленяющь мя законом греховным, сущим во удех моих. Romans 7:24 Окаянен аз человек: кто мя избавит от тела смерти сея? Romans 7:25 Благодарю Бога моего Иисус Христом Господем нашим. Темже убо сам аз умом моим работаю закону Божию, плотию же закону греховному. Romans 8:0 Romans 8:1 Ни едино убо ныне осуждение сущым о Христе Иисусе, не по плоти ходящым, но по духу: Romans 8:2 закон бо духа жизни о Христе Иисусе свободил мя есть от закона греховнаго и смерти. Romans 8:3 Немощное бо закона, в немже немоществоваше плотию, Бог Сына Своего посла в подобии плоти греха, и о гресе осуди грех во плоти, Romans 8:4 да оправдание закона исполнится в нас, не по плоти ходящих, но по духу. Romans 8:5 Сущии бо по плоти, плотская мудрствуют. А иже по духу, духовная. Romans 8:6 Мудрование бо плотское смерть есть, а мудрование духовное живот и мир, Romans 8:7 зане мудрование плотское вражда на Бога: закону бо Божию не покаряется, ниже бо может. Romans 8:8 Сущии же во плоти, Богу угодити не могут. Romans 8:9 Вы же несте во плоти, но в дусе, понеже Дух Божии живет в вас. Аще же кто Духа Христова не имать, сей несть Его. Romans 8:10 Аще же Христос в вас, плоть убо мертва греха ради, дух же живет правды ради. Romans 8:11 Аще ли же Дух Воскресившаго Иисуса от мертвых живет в вас, Воздвигий Христа из мертвых оживотворит и мертвенная телеса ваша, живущим Духом Его в вас. Romans 8:12 Темже убо, братие, должни есмы не плоти, еже по плоти жити. Romans 8:13 Аще бо по плоти живете, имате умрети, аще ли духом деяния плотская умерщвляете, живи будете: Romans 8:14 елицы бо Духом Божиим водятся, сии суть сынове Божии: Romans 8:15 не приясте бо духа работы паки в боязнь, но приясте Духа сыноположения, о Немже вопием: Авва Отче. Romans 8:16 Самый Дух спослушествует духови нашему, яко есмы чада Божия. Romans 8:17 Аще же чада, и наследницы: наследницы убо Богу, снаследницы же Христу, понеже с Ним страждем, да и с Ним прославимся. Romans 8:18 Непщую бо, яко недостойны страсти нынешняго времене к хотящей славе явитися в нас. Romans 8:19 Чаяние бо твари, откровения сынов Божиих чает: Romans 8:20 суете бо тварь повинуся не волею, но за повинувшаго ю, на уповании, Romans 8:21 яко и сама тварь свободится от работы истления в свободу славы чад Божиих. Romans 8:22 Вемы бо, яко вся тварь с нами совоздыхает и сболезнует даже доныне: Romans 8:23 не точию же, но и сами начаток Духа имуще, и мы сами в себе воздыхаем, всыновления чающе, избавления телу нашему. Romans 8:24 Упованием бо спасохомся. Упование же видимое, несть упование: еже бо видит кто, что и уповает? Romans 8:25 Аще ли, егоже не видим, надеемся, терпением ждем. Romans 8:26 Сице же и Дух способствует нам в немощех наших: о чесом бо помолимся, якоже подобает, не вемы, но Сам Дух ходатайствует о нас воздыхании неизглаголанными. Romans 8:27 Испытаяй же сердца весть, что есть мудрование Духа, яко по Богу приповедует о святых. Romans 8:28 Вемы же, яко любящым Бога вся поспешествуют во благое, сущым по предуведению званным: Romans 8:29 ихже бо предуведе, (тех) и предустави сообразных быти образу Сына Своего, яко быти Ему первородну во многих братиях: Romans 8:30 а ихже предустави, тех и призва: а ихже призва, сих и оправда: а ихже оправда, сих и прослави. Romans 8:31 Что убо речем к сим, аще Бог по нас, кто на ны, Romans 8:32 Иже убо Своего Сына не пощаде, но за нас всех предал есть Его, како убо не и с Ним вся нам дарствует? Romans 8:33 Кто поемлет на избранныя Божия, Бог оправдаяй. Romans 8:34 Кто осуждаяй? Христос Иисус умерый, паче же и воскресый, Иже и есть о десную Бога, Иже и ходатайствует о нас. Romans 8:35 Кто ны разлучит от любве Божия, скорбь ли, или теснота, или гонение, или глад, или нагота, или беда, или мечь? Якоже есть писано: Romans 8:36 яко Тебе ради умерщвляеми есмы весь день: вменихомся якоже овцы заколения. Romans 8:37 Но во всех сих препобеждаем за Возлюбльшаго ны. Romans 8:38 Известихся бо, яко ни смерть, ни живот, ни Ангели, ни Начала, ниже Силы, ни настоящая, ни грядущая, Romans 8:39 ни высота, ни глубина, ни ина тварь кая возможет нас разлучити от любве Божия, яже о Христе Иисусе Господе нашем. Romans 9:0 Romans 9:1 Истину глаголю о Христе, не лгу, послушествующей ми совести моей Духом Святым, Romans 9:2 яко скорбь ми есть велия и непрестающая болезнь сердцу моему: Romans 9:3 молил бых ся бо сам аз отлучен быти от Христа по братии моей, сродницех моих по плоти, Romans 9:4 иже суть Израилите, ихже всыновление и слава, и завети и законоположение, и служение и обетования: Romans 9:5 ихже отцы, и от нихже Христос по плоти, сый над всеми Бог благословен во веки, аминь. Romans 9:6 Не такоже, яко отпаде слово Божие: не вси бо сущии от Израиля, сии Израиль, Romans 9:7 ни зане суть семя Авраамле, вси чада: но во Исааце, рече, наречется ти семя. Romans 9:8 Сиречь, не чада плотская, сия чада Божия: но чада обетования причитаются в семя. Romans 9:9 Обетования бо слово сие: на сие время прииду, и будет Сарре сын. Romans 9:10 Не точию же, но и Ревекка от единаго ложа Исаака отца нашего имущи: Romans 9:11 еще бо не рождшымся, ни сотворившым что благо или зло, да по избранию предложение Божие пребудет Romans 9:12 не от дел, но от Призывающаго, речеся ей, яко болий поработает меншему, Romans 9:13 якоже есть писано: Иакова возлюбих, Исава же возненавидех. Romans 9:14 Что убо речем? Еда неправда у Бога? Да не будет. Romans 9:15 Моисеови бо глаголет: помилую, егоже аще помилую, и ущедрю, егоже аще ущедрю. Romans 9:16 Темже убо ни хотящаго, ни текущаго, но милующаго Бога. Romans 9:17 Глаголет бо Писание фараонови: яко на истое сие воздвигох тя, яко да покажу тобою силу Мою и да возвестится имя Мое по всей земли. Romans 9:18 Темже убо, егоже хощет, милует: а егоже хощет, ожесточает. Romans 9:19 Речеши убо ми: чесо ради еще укоряет, воли бо Его кто противитися может? Romans 9:20 Темже убо, о, человече, ты кто еси, против отвещаяй Богови? Еда речет здание создавшему е: почто мя сотворил еси тако? Romans 9:21 Или не имать власти скудельник на брении, от тогожде смешения сотворити ов убо сосуд в честь, ов же не в честь? Romans 9:22 Аще же хотя Бог показати гнев Свой и явити силу Свою, пренесе во мнозе долготерпении сосуды гнева совершены в погибель: Romans 9:23 и да скажет богатство славы Своея на сосудех милости, яже предуготова в славу, Romans 9:24 ихже и призва нас не точию от Иудей, но и от язык: Romans 9:25 якоже и во Осии глаголет: нареку не люди Моя люди Моя, и невозлюбленую возлюблену: Romans 9:26 и будет, на месте, идеже речеся им: не людие Мои есте вы, тамо нарекутся сынове Бога живаго. Romans 9:27 Исаиа же вопиет о Израили: аще будет число сынов Израилевых яко песок морский, останок спасется: Romans 9:28 слово бо скончавая и сокращая в правде, яко слово сокращено сотворит Господь на земли, Romans 9:29 и якоже прорече Исаиа: аще не бы Господь Саваоф оставил нам семене, якоже Содом убо были быхом, и якоже Гоморру уподобилися быхом. Romans 9:30 Что убо речем, яко языцы, не гонящии правду, постигоша правду, правду же, яже от веры: Romans 9:31 Израиль же, гоня закон правды, в закон правды не постиже. Romans 9:32 Чесо ради? Зане не от веры, но от дел закона: преткнушася бо о камень претыкания, Romans 9:33 якоже есть писано: се, полагаю в Сионе камень претыкания и камень соблазна: и всяк веруяй в Онь не постыдится. Romans 10:0 Romans 10:1 Братие, благоволение убо моего сердца и молитва, яже к Богу по Израили, есть во спасение. Romans 10:2 Свидетельствую бо им, яко ревность Божию имут, но не по разуму. Romans 10:3 Не разумеюще бо Божия правды и свою правду ищуще поставити, правде Божией не повинушася: Romans 10:4 кончина бо закона Христос, в правду всякому верующему. Romans 10:5 Моисей бо пишет правду юже от закона: яко сотворивый та человек жив будет в них. Romans 10:6 А яже от веры правда сице глаголет: да не речеши в сердцы твоем: кто взыдет на небо, сиречь Христа свести: Romans 10:7 или кто снидет в бездну, сиречь Христа от мертвых возвести. Romans 10:8 Но что глаголет Писание? Близ ти глагол есть, во устех твоих и в сердцы твоем, сиречь глагол веры, егоже проповедаем: Romans 10:9 яко аще исповеси усты твоими Господа Иисуса, и веруеши в сердцы твоем, яко Бог Того воздвиже из мертвых, спасешися: Romans 10:10 сердцем бо веруется в правду, усты же исповедуется во спасение. Romans 10:11 Глаголет бо Писание: всяк веруяй в Онь не постыдится. Romans 10:12 Несть бо разнствия Иудееви же и Еллину: Той бо Бог всех, богатяй во всех призывающих Его. Romans 10:13 Всяк бо, иже аще призовет имя Господне, спасется. Romans 10:14 Како убо призовут, в Негоже не вероваша? Како же уверуют, Егоже не услышаша? Како же услышат без проповедающаго? Romans 10:15 Како же проповедят, аще не послани будут? Якоже есть писано: коль красны ноги благовествующих мир, благовествующих благая. Romans 10:16 Но не вси послушаша благовествования. Исаиа бо глаголет: Господи, кто верова слуху нашему? Romans 10:17 Темже убо вера от слуха, слух же глаголголом Божиим. Romans 10:18 Но глаголю: еда не слышаша, темже убо, во всю землю изыде вещание их, и в концы вселенныя глаголы их. Romans 10:19 Но глаголю: еда не разуме Израиль? Первый Моисей глаголет: Аз раздражу вы не о языце, но о языце неразумне прогневаю вас. Romans 10:20 Исаиа же дерзает и глаголет: обретохся не ищущым Мене, явлен бых не вопрошающым о Мне. Romans 10:21 Ко Израилю же глаголет: весь день воздех руце Мои к людем непокоривым и пререкающым. Romans 11:0 Romans 11:1 Глаголю убо: еда отрину Бог люди Своя? Да не будет. Ибо и аз Израильтянин есмь, от семене Авраамля, колена Вениаминова. Romans 11:2 Не отрину Бог людей Своих, ихже прежде разуме. Или не весте, о Илии что глаголет Писание, яко приповедует Богови на Израиля, глаголя: Romans 11:3 Господи, пророки Твоя избиша и олтари Твоя раскопаша: и аз остах един, и ищут души моея, изяти ю. Romans 11:4 Но что глаголет ему Божественный ответ? Оставих Себе седмь тысящ мужей, иже не преклониша колена пред Ваалом. Romans 11:5 Тако убо и в нынешнее время останок по избранию благодати бысть. Romans 11:6 Аще ли по благодати, то не от дел: зане благодать уже не бывает благодать. Аще ли от дел, ктому несть благодать: зане дело уже несть дело. Romans 11:7 Что убо? Егоже искаше Израиль, сего не получи, а избрание получи. Прочии же ослепишася, Romans 11:8 якоже есть писано: даде им Бог дух умиления, очи не видети и ушы не слышати, даже до днешняго дне. Romans 11:9 И Давид глаголет: да будет трапеза их в сеть и в лов, и в соблазн и в воздаяние им: Romans 11:10 да помрачатся очи их еже не видети, и хребет их выну сляцай. Romans 11:11 Глаголю убо: еда согрешиша, да отпадут? Да не будет. Но тех падением спасение языком, во еже раздражити их. Romans 11:12 Аще ли же прегрешение их богатство мира, и отпадение их богатство языков: кольми паче исполнение их? Romans 11:13 Вам бо глаголю языком: понеже убо есмь аз языком Апостол, службу мою прославляю. Romans 11:14 Аще како раздражу мою плоть, и спасу некия от них? Romans 11:15 Аще бо отложение их, примирение миру, что приятие, разве жизнь из мертвых? Romans 11:16 Аще ли начаток свят, то и примешение: и аще корень свят, то и ветви. Romans 11:17 Аще ли некия от ветвей отломишася, ты же, дивия маслина сый, прицепился еси в них, и причастник корене и масти маслинныя сотворился еси, Romans 11:18 не хвалися на ветви: аще ли же хвалишися, не ты корень носиши, но корень тебе. Romans 11:19 Речеши убо. Отломишася ветви, да аз прицеплюся. Romans 11:20 Добре: неверием отломишася, ты же верою стоиши: не высокомудрствуй, но бойся. Romans 11:21 Аще бо Бог естественных ветвей не пощаде, да не како и тебе не пощадит. Romans 11:22 Виждь убо благость и непощадение Божие: на отпадших убо непощадение, а на тебе благость Божия, аще пребудеши в благости: аще ли же ни, то и ты отсечен будеши. Romans 11:23 И они же, аще не пребудут в неверствии, прицепятся: силен бо есть Бог паки прицепити их. Romans 11:24 Аще бо ты от естественныя отсечен дивия маслины, и чрез естество прицепился еси к добрей маслине: кольми паче сии, иже по естеству, прицепятся своей маслине? Romans 11:25 Не бо хощу вас не ведети тайны сея, братие, да не будете о себе мудри, яко ослепление от части Израилеви бысть, дондеже исполнение языков внидет, Romans 11:26 и тако весь Израиль спасется, якоже есть писано: приидет от Сиона Избавляяй, и отвратит нечестие от Иакова: Romans 11:27 и сей им от Мене завет, егда отиму грехи их. Romans 11:28 По благовествованию убо, врази вас ради: по избранию же, возлюблени отец ради. Romans 11:29 Нераскаянна бо дарования и звание Божие. Romans 11:30 Якоже бо и вы иногда противистеся Богови, ныне же помиловани бысте сих противлением: Romans 11:31 такожде и сии ныне противишася вашей милости, да и тии помиловани будут. Romans 11:32 Затвори бо Бог всех в противление, да всех помилует. Romans 11:33 О, глубина богатства и премудрости и разума Божия! Яко неиспытани судове Его, и неизследовани путие Его. Romans 11:34 Кто бо разуме ум Господень, или кто советник Ему бысть? Romans 11:35 Или кто прежде даде Ему, и воздастся Ему, Romans 11:36 яко из Того и Тем и в Нем всяческая. Тому слава во веки. Аминь. Romans 12:0 Romans 12:1 Молю убо вас, братие, щедротами Божиими, представите телеса ваша жертву живу, святу, благоугодну Богови, словесное служение ваше, Romans 12:2 и не сообразуйтеся веку сему, но преобразуйтеся обновлением ума вашего, во еже искушати вам, что есть воля Божия благая и угодная и совершенная. Romans 12:3 Глаголю бо благодатию давшеюся мне, всякому сущему в вас не мудрствовати паче, еже подобает мудрствовати: но мудрствовати в целомудрии, коемуждо якоже Бог разделил есть меру веры. Romans 12:4 Якоже бо во едином телеси многи уды имамы, уды же вси не тожде имут делание, Romans 12:5 такожде мнози едино тело есмы о Христе, а по единому друг другу уди. Romans 12:6 Имуще же дарования по благодати данней нам различна: аще пророчество, по мере веры: Romans 12:7 аще ли служение, в служении: аще учяй, во учении: Romans 12:8 аще утешаяй, во утешении: подаваяй, в простоте: предстояй, со тщанием: милуяй, с добрым изволением. Romans 12:9 Любы нелицемерна: ненавидяще злаго, прилепляйтеся благому: Romans 12:10 братолюбием друг ко другу любезни: честию друг друга болша творяще: Romans 12:11 тщанием не лениви, духом горяще, Господви работающе. Romans 12:12 Упованием радующеся, скобри терпяще, в молитве пребывающе: Romans 12:13 требованием святых приюбщающеся, страннолюбия держащеся: Romans 12:14 благословляйте гонящыя вы: благословите, а не клените. Romans 12:15 Радоватися с радующимися, и плакати с плачущими. Romans 12:16 Тожде друг ко другу мудрствующе. Не высокая мудрствующе, но смиренными ведущеся: не бывайте мудри о себе: Romans 12:17 ни единому же зла за зло воздающе, промышляюще добрая пред всеми человеки. Romans 12:18 Аще возможно, еже от вас, со всеми человеки мир имейте. Romans 12:19 Не себе отмщающе, возлюблении, но дадите место гневу. Писано бо есть: Мне отмщение, Аз воздам, глаголет Господь. Romans 12:20 Аще убо алчет враг твой, ухлеби его: аще ли жаждет, напой его: сие бо творя, углие огнено собираеши на главу его. Romans 12:21 Не побежден бывай от зла, но побеждай благим злое. Romans 13:0 Romans 13:1 Всяка душа властем предержащым да повинуется: несть бо власть аще не от Бога, сущыя же власти от Бога учинены суть. Romans 13:2 Темже противляяйся власти, Божию повелению противляется: противляющиися же себе грех приемлют. Romans 13:3 Князи бо не суть боязнь добрым делом, но злым. Хощеши же ли не боятися власти? Благое твори, и имети будеши похвалу от него: Romans 13:4 Божий бо слуга есть, тебе во благое. Аще ли злое твориши, бойся, не бо без ума мечь носит: Божий бо слуга есть, отмститель в гнев злое творящему. Romans 13:5 Темже потреба повиноватися не токмо за гнев, но и за совесть. Romans 13:6 Сего бо ради и дани даете: служители бо Божии суть, во истое сие пребывающе. Romans 13:7 Воздадите убо всем должная: емуже (убо) урок, урок: (а) емуже дань, дань: (а) емуже страх, страх: (и) емуже честь, честь. Romans 13:8 Ни единому же ничимже должни бывайте, точию еже любити друг друга: любяй бо друга, закон исполни. Romans 13:9 Еже бо: не прелюбы сотвориши, не убиеши, не украдеши, не лжесвидетелствуеши, не похощеши, и аще кая ина заповедь, в сем словеси совершается, во еже: возлюбиши искренняго твоего, якоже сам себе. Romans 13:10 Любы искреннему зла не творит. Исполнение убо закона любы есть. Romans 13:11 И сие, ведяще время, яко час уже нам от сна востати. Ныне бо ближайшее нам спасение, нежели егда веровахом. Romans 13:12 Нощь убо прейде, а день приближися: отложим убо дела темная, и облечемся во оружие света. Romans 13:13 Яко во дни, благообразно да ходим, не козлогласовании и пиянствы, не любодеянии и студодеянии, не рвением и завистию: Romans 13:14 но облецытеся Господем нашим Иисус Христом, и плоти угодия не творите в похоти. Romans 14:0 Romans 14:1 Изнемогающаго же в вере приемлите, не в сомнение помышлении. Romans 14:2 Ов бо верует ясти вся, а изнемогаяй зелия да яст. Romans 14:3 Ядый не ядущаго да не укаряет: и не ядый ядущаго да не осуждает: Бог бо его прият. Romans 14:4 Ты кто еси судяй чуждему рабу? Своему Господви стоит, или падает. Станет же, силен бо есть Бог поставити его. Romans 14:5 Ов убо разсуждает день чрез день, ов же судит на всяк день. Кииждо своею мыслию да извествуется. Romans 14:6 Мудрствуяй день, Господеви мудрствует: и не мудрствуяй день, Господеви не мудрствует. Ядый, Господеви яст. Благодарит бо Бога: и не ядый, Господеви не яст, и благодарит Бога. Romans 14:7 Никтоже бо нас себе живет, и никтоже себе умирает: Romans 14:8 аще бо живем, Господеви живем, аще же умираем, Господеви умираем: аще убо живем, аще умираем, Господни есмы. Romans 14:9 На сие бо Христос и умре и воскресе и оживе, да и мертвыми и живыми обладает. Romans 14:10 Ты же почто осуждаеши брата твоего, или ты что уничижаеши брата твоего? Вси бо предстанем судищу Христову. Romans 14:11 Писано бо есть: живу Аз, глаголет Господь, яко Мне поклонится всяко колено, и всяк язык исповестся Богови. Romans 14:12 Темже убо кийждо нас о себе слово даст Богу. Romans 14:13 Не ктому убо друг друга осуждаем, но сие паче судите, еже не полагати претыкания брату или соблазна. Romans 14:14 Вем и извещен есмь о Христе Иисусе, яко ничтоже скверно само собою: точию помышляющему что скверно быти, оному скверно есть. Romans 14:15 Аще же брашна ради брат твой скорбит, уже не по любви ходиши: не брашном твоим того погубляй, за негоже Христос умре. Romans 14:16 Да не хулится убо ваше благое. Romans 14:17 Несть бо Царство Божие брашно и питие, но правда и мир и радость о Дусе Святе. Romans 14:18 Иже бо сими служит Христови, благоугоден есть Богови и искусен человеком. Romans 14:19 Темже убо мир возлюбим и яже к созиданию друг ко другу. Romans 14:20 Не брашна ради разоряй дело Божие. Вся бо чиста, но зло человеку претыканием ядущему. Romans 14:21 Добро не ясти мяс, ниже пити вина, ни о немже брат твой претыкается или соблазняется или изнемогает. Romans 14:22 Ты веру имаши? О себе сам имей пред Богом. Блажен не осуждаяй себе, о немже искушается. Romans 14:23 А сомняяйся, аще яст, осуждается, зане не от веры: всяко же, еже не от веры, грех есть. Romans 14:24 Могущему же вас утвердити по благовествованию моему и проповеданию Иисус Христову, по откровению тайны, леты вечными умолчанныя, Romans 14:25 явльшияся же ныне, писании пророческими, по повелению вечнаго Бога, в послушание веры во всех языцех познавшияся, Romans 14:26 Единому Премудрому Богу, Иисусом Христом, Емуже слава во веки. Аминь. Romans 15:0 Romans 15:1 Должни есмы мы сильнии немощи немощных носити, и не себе угождати: Romans 15:2 кииждо же вас ближнему да угождает во благое к созиданию. Romans 15:3 Ибо и Христос не Себе угоди, но якоже есть писано: поношения поносящих Тебе нападоша на Мя. Romans 15:4 Елика бо преднаписана быша, в наше наказание преднаписашася, да терпением и утешением Писаний упование имамы. Romans 15:5 Бог же терпения и утешения да даст вам тожде мудрствовати друг ко другу о Христе Иисусе, Romans 15:6 да единодушно едиными усты славите Бога и Отца Господа нашего Иисуса Христа. Romans 15:7 Темже приемлите друг друга, якоже и Христос прият вас во славу Божию. Romans 15:8 Глаголю же Христа Иисуса служителя бывша обрезания по истине Божией, во еже утвердити обетования отцев. Romans 15:9 А языком по милости, прославити Бога, якоже есть писано: сего ради исповемся Тебе во языцех, Господи, и имени Твоему пою. Romans 15:10 И паки глаголет: возвеселитеся, языцы, с людьми Его. Romans 15:11 И паки: хвалите Господа, вси языцы, и похвалите Его, вси людие. Romans 15:12 И паки Исаиа глаголет: будет корень Иессеов, и востаяй владети над языки: на Того языцы уповают. Romans 15:13 Бог же упования да исполнит вас всякия радости и мира в вере, избыточествовати вам во уповании, силою Духа Святаго. Romans 15:14 Извещен же есмь, братие моя, и сам аз о вас, яко и сами вы полни есте благости, исполнени всякаго разума, могуще и иныя научити: Romans 15:15 дерзее же писах вам, братие моя, от части, яко воспоминая вам, за благодать данную ми от Бога, Romans 15:16 во еже быти ми служителю Иисус Христову во языцех, священнодействующу благовествование Божие, да будет приношение еже от язык благоприятно и освященно Духом Святым. Romans 15:17 Имам убо похвалу о Христе Иисусе в тех, яже к Богу: Romans 15:18 не смею бо глаголати что, ихже не содея Христос мною, в послушание языков, словом и делом, Romans 15:19 в силе знамений и чудес, силою Духа Божия, якоже ми от Иерусалима и окрест даже до Иллирика исполнити благовествование Христово. Romans 15:20 Сице же потщахся благовестити, не идеже именовася Христос, да не на чужем основании созижду, Romans 15:21 но якоже есть писано: имже не возвестися о Нем, узрят, и иже не слышаша, уразумеют. Romans 15:22 Темже и возбранен бых многажды приити к вам. Romans 15:23 Ныне же ктому места не имыи в странах сих, желание же имый приити к вам от многих лет, Romans 15:24 яко аще поиду во Испанию, прииду к вам. Уповаю бо мимогрядый видети вас и вами проводитися тамо, аще вас прежде от части насыщуся. Romans 15:25 Ныне же гряду во Иерусалим, служяй святым, Romans 15:26 благоволиша бо Македониа и Ахаиа общение некое сотворити к нищым святым живущым во Иерусалиме. Romans 15:27 Благоволиша бо, и должни им суть. Аще бо в духовных их причастницы быша языцы, должни суть и в плотских послужити им. Romans 15:28 Сие убо скончав, и запечатлев им плод сей, поиду вами во Испанию: Romans 15:29 вем же, яко грядый к вам, во исполнении благословения благовестия Христова прииду. Romans 15:30 Молю же вы, братие, Господем нашим Иисус Христом и любовию Духа, споспешствуите ми в молитвах о мне к Богу, Romans 15:31 да избавлюся от противляющихся во Иудеи, и да служба моя, яже во Иерусалиме, благоприятна будет святым. Romans 15:32 Да с радостию прииду к вам волею Божиею и упокоюся с вами. Romans 15:33 Бог же мира со всеми вами. Аминь. Romans 16:0 Romans 16:1 Вручаю же вам Фиву сестру нашу, сущу служительницу церкве яже в Кегхреех: Romans 16:2 да приимете ю о Господе достойне святым, и споспешствуите ей, о нейже аще от вас потребует вещи: ибо сия заступница многим бысть, и самому мне. Romans 16:3 Целуйте Прискиллу и Акилу, споспешника моя о Христе Иисусе, Romans 16:4 иже по души моей своя выя положиста, ихже не аз един благодарю, но и вся церкви языческия: и домашнюю их церковь. Romans 16:5 Целуйте Епенета возлюбленнаго ми, иже есть начаток Ахаии во Христа. Romans 16:6 Целуйте Мариамь, яже много трудися о нас. Romans 16:7 Целуйте Андроника и Иунию, сродники моя и спленники моя, иже суть нарочиты во Апостолех, иже и прежде мене вероваста во Христа. Romans 16:8 Целуйте Амплиа возлюбленнаго ми о Господе. Romans 16:9 Целуйте Урвана споспешника нашего о Христе, и Стахиа возлюбленнаго ми. Romans 16:10 Целуйте Апеллиа искусна о Христе. Целуйте сущыя от Аристовула. Romans 16:11 Целуйте Иродиона сродника моего. Целуйте иже от Наркисса сущыя о Господе. Romans 16:12 Целуйте Трифену и Трифосу труждающыяся о Господе. Целуйте Персиду возлюбленную, яже много трудися о Господе. Romans 16:13 Целуйте Руфа избраннаго о Господе, и матерь его и мою. Romans 16:14 Целуйте Асигкрита, Флегонта, Ерма, Патрова, Ермиа, и сущую с ними братию. Romans 16:15 Целуйте Филолога и Иулию, Ниреа и сестру его, и Олимпана, и сущыя с ними вся святыя. Romans 16:16 Целуйте друг друга лобзанием святым. Целуют вы вся церкви Христовы. Romans 16:17 Молю же вы, братие, блюдитеся от творящих распри и раздоры, кроме учения, емуже вы научистеся, и уклонитеся от них: Romans 16:18 таковии бо Господеви нашему Иисусу Христу не работают, но своему чреву: иже благими словесы и благословением прельщают сердца незлобивых. Romans 16:19 Ваше бо послушание ко всем достиже. Радуюся же еже о вас. Хощу же вас мудрых убо быти во благое, простых же в злое. Romans 16:20 Бог же мира да сокрушит сатану под ноги вашя вскоре. Благодать Господа нашего Иисуса Христа с вами. Аминь. Romans 16:21 Целует вас Тимофей споспешник мой, и Лукий и Иасон и Сосипатр, сродницы мои. Romans 16:22 Целую вы и аз Тертий, написавый послание сие, о Господе. Romans 16:23 Целует вы Гаие странноприимец мой и церкве всея. Целует вы Ераст строитель градский, и Куарт брат. Romans 16:24 Благодать Господа нашего Иисуса Христа со всеми вами. Аминь.
I Corinthians 0:0
Первое послание апостола Павла Коринфянам I Corinthians 1:0 I Corinthians 1:1 Павел, зван Апостол Иисус Христов волею Божиею, и Сосфен брат, I Corinthians 1:2 церкви Божией сущей в Коринфе, освященным о Христе Иисусе, званным святым, со всеми призывающими имя Господа нашего Иисуса Христа, во всяцем месте, тех же и нашем: I Corinthians 1:3 благодать вам и мир от Бога Отца нашего и Господа Иисуса Христа. I Corinthians 1:4 Благодарю Бога моего всегда о вас, о благодати Божией данней вам о Христе Иисусе, I Corinthians 1:5 яко во всем обогатистеся о Нем, во всяцем слове и всяцем разуме, I Corinthians 1:6 якоже свидетелство Христово известися в вас: I Corinthians 1:7 яко вам не лишитися ни во единем даровании, чающым откровения Господа нашего Иисуса Христа, I Corinthians 1:8 Иже и утвердит вас даже до конца неповинных в день Господа нашего Иисуса Христа. I Corinthians 1:9 Верен Бог, Имже звани бысте во общение Сына Его Иисуса Христа, Господа нашего. I Corinthians 1:10 Молю же вы, братие, именем Господа нашего Иисуса Христа, да тожде глаголете вси, и да не будут в вас распри, да будете же утверждени в томже разумении и в тойже мысли. I Corinthians 1:11 Возвестися бо ми о вас, братие моя, (посланным) от Хлоиса, яко рвения в вас суть. I Corinthians 1:12 Глаголю же се, яко кийждо вас глаголет: аз убо есмь Павлов, аз же Аполлосов, аз же Кифин, аз же Христов. I Corinthians 1:13 Еда разделися Христос, еда Павел распятся по вас? Или во имя Павлово крестистеся? I Corinthians 1:14 Благодарю Бога, яко ни единаго от вас крестих, точию Криспа и Гаиа, I Corinthians 1:15 да не кто речет, яко в мое имя крестих. I Corinthians 1:16 Крестих же и Стефанинов дом: прочее не вем, аще кого иного крестих. I Corinthians 1:17 Не посла бо мене Христос крестити, но благовестити, не в премудрости слова, да не испразднится крест Христов. I Corinthians 1:18 Слово бо крестное погибающым убо юродство есть, а спасаемым нам сила Божия есть. I Corinthians 1:19 Писано бо есть: погублю премудрость премудрых, и разум разумных отвергу. I Corinthians 1:20 Где премудр? Где книжник? Где совопросник века сего? Не обуи ли Бог премудрость мира сего? I Corinthians 1:21 Понеже бо в премудрости Божией не разуме мир премудростию Бога, благоизволил Бог буйстовм проповеди спасти верующих. I Corinthians 1:22 Понеже и Иудее знамения просят, и Еллини премудрости ищут: I Corinthians 1:23 мы же проповедуем Христа распята, Иудеем убо соблазн, Еллином же безумие, I Corinthians 1:24 самем же званным Иудеем же и Еллином Христа, Божию силу и Божию премудрость: I Corinthians 1:25 зане буее Божие премудрее человек есть, и немощное Божие крепчае человек есть. I Corinthians 1:26 Видите бо звание ваше, братие, яко не мнози премудри по плоти, не мнози сильни, не мнози благородни: I Corinthians 1:27 но буяя мира избра Бог, да премудрыя посрамит, и немощная мира избра Бог, да посрамит крепкая: I Corinthians 1:28 и худородная мира и уничиженная избра Бог, и не сущая, да сущая упразднит, I Corinthians 1:29 яко да не похвалится всяка плоть пред Богом. I Corinthians 1:30 Из Негоже вы есте о Христе Иисусе, Иже бысть нам премудрость от Бога, правда же и освящение и избавление, I Corinthians 1:31 да, якоже пишется: хваляйся, о Господе да хвалится. I Corinthians 2:0 I Corinthians 2:1 И аз пришед к вам, братие, приидох не по превосходному словеси или премудрости возвещая вам свидетелство Божие: I Corinthians 2:2 не судих бо ведети что в вас, точию Иисуса Христа, и Сего распята: I Corinthians 2:3 и аз в немощи и страсе и трепете мнозе бых в вас. I Corinthians 2:4 И слово мое и проповедь моя не в препретелных человеческия премудрости словесех, но в явлении духа и силы, I Corinthians 2:5 да вера ваша не в мудрости человечестей, но в силе Божией будет. I Corinthians 2:6 Премудрость же глаголем в совершенных, премудрость же не века сего, ни князей века сего престающих, I Corinthians 2:7 но глаголем премудрость Божию, в тайне сокровенную, юже предустави Бог прежде век в славу нашу, I Corinthians 2:8 юже никтоже от князей века сего разуме: аще бо быша разумели, не быша Господа славы распяли. I Corinthians 2:9 Но якоже есть писано: ихже око не виде, и ухо не слыша, и на сердце человеку не взыдоша, яже уготова Бог любящым Его. I Corinthians 2:10 Нам же Бог открыл есть Духом Своим: Дух бо вся испытует, и глубины Божия. I Corinthians 2:11 Кто бо весть от человек, яже в человеце, точию дух человека, живущий в нем? Такожде и Божия никтоже весть, точию Дух Божий. I Corinthians 2:12 Мы же не духа мира сего прияхом, но Духа иже от Бога, да вемы яже от Бога дарованная нам, I Corinthians 2:13 яже и глаголем не в наученых человеческия премудрости словесех, но в наученых Духа Святаго, духовная духовными сразсуждающе. I Corinthians 2:14 Душевен же человек не приемлет яже Духа Божия: юродство бо ему есть, и не может разумети, зане духовне востязуется. I Corinthians 2:15 Духовный же востязует убо вся, а сам той ни от единаго востязуется. I Corinthians 2:16 Кто бо разуме ум Господень, иже изяснит и? Мы же ум Христов имамы. I Corinthians 3:0 I Corinthians 3:1 И аз, братие, не могох вам глаголати яко духовным, но яко плотяным, яко младенцем о Христе. I Corinthians 3:2 Млеком вы напоих, а не брашном: ибо не у можасте, но ниже еще можете ныне, I Corinthians 3:3 еще бо плотстии есте. Идеже бо в вас зависти и рвения и распри, не плотстии ли есте и по человеку ходите? I Corinthians 3:4 Егда бо глаголет кто: аз убо есмь Павлов, другий же: аз Аполлосов: не плотстии ли есте? I Corinthians 3:5 Кто убо есть Павел? Кто же ли Аполлос? Но точию служителие, имиже веровасте, и комуждо якоже Господь даде. I Corinthians 3:6 Аз насадих, Аполлос напои, Бог же возрасти: I Corinthians 3:7 темже ни насаждаяй есть что, ни напаяяй, но возращаяй Бог. I Corinthians 3:8 Насаждаяй же и напаяяй едино еста: кийждо же свою мзду приимет по своему труду. I Corinthians 3:9 Богу бо есмы споспешницы: Божие тяжание, Божие здание есте. I Corinthians 3:10 По благодати Божией данней мне, яко премудр архитектон основание положих, ин же назидает: кийждо же да блюдет, како назидает. I Corinthians 3:11 Основания бо инаго никтоже может положити паче лежащаго, еже есть Иисус Христос. I Corinthians 3:12 Аще ли кто назидает на основании сем злато, сребро, камение честное, дрова, сено, тростие, I Corinthians 3:13 когождо дело явлено будет: день бо явит, зане огнем открывается: и когождо дело, яковоже есть, огнь искусит. I Corinthians 3:14 (И) егоже аще дело пребудет, еже назда, мзду приимет: I Corinthians 3:15 (а) егоже дело сгорит, отщетится: сам же спасется, такожде якоже огнем. I Corinthians 3:16 Не весте ли, яко храм Божий есте, и Дух Божий живет в вас? I Corinthians 3:17 Аще кто Божий храм растлит, растлит сего Бог: храм бо Божий свят есть, иже есте вы. I Corinthians 3:18 Никтоже себе да прельщает: аще кто мнится мудр быти в вас в веце сем, буй да бывает, яко да премудр будет. I Corinthians 3:19 Премудрость бо мира сего буйство у Бога есть, писано бо есть: запинаяй премудрым в коварстве их. I Corinthians 3:20 И паки: Господь весть помышления человеческа, яко суть суетна. I Corinthians 3:21 Темже никтоже да хвалится в человецех, вся бо ваша суть: I Corinthians 3:22 аще Павел, или Аполлос, или Кифа, или мир, или живот, или смерть, или настоящая, или будущая, вся ваша суть: I Corinthians 3:23 вы же Христовы, Христос же Божий. I Corinthians 4:0 I Corinthians 4:1 Тако нас да непщует человек, яко слуг Христовых и строителей таин Божиих: I Corinthians 4:2 а еже прочее ищется в строителех, да верен кто обрящется. I Corinthians 4:3 Мне же не велико есть, да от вас истяжуся, или от человеческаго дне: но ни сам себе востязую. I Corinthians 4:4 Ничесоже бо в себе свем, но ни о сем оправдаюся: востязуяй же мя Господь есть. I Corinthians 4:5 Темже прежде времене ничтоже судите, дондеже приидет Господь, Иже во свете приведет тайная тмы и объявит советы сердечныя, и тогда похвала будет комуждо от Бога. I Corinthians 4:6 Сия же, братие (моя), преобразих на себе и Аполлоса вас ради, да от наю научитеся не паче написанных мудрствовати, да не един по единому гордитеся на другаго. I Corinthians 4:7 Кто бо тя разсуждает? Что же имаши, егоже неси приял? Аще же и приял еси, что хвалишися яко не прием? I Corinthians 4:8 Се, сыти есте, се, обогатистеся, без нас воцаристеся: и о, дабы воцарилися есте, да и мы быхом с вами цартсвовали. I Corinthians 4:9 Мню бо, яко Бог ны посланники последния яви, яко насмертники: зане позор быхом миру и Ангелом и человеком. I Corinthians 4:10 Мы (убо) буи Христа ради, вы же мудри о Христе: мы немощни, вы же крепцы: вы славни, мы же безчестни. I Corinthians 4:11 До нынешняго часа и алчем, и жаждем, и наготуем, и страждем, и скитаемся, I Corinthians 4:12 и труждаемся, делающе своими руками. Укоряеми, благословляем: гоними, терпим: I Corinthians 4:13 хулими, утешаемся: якоже отреби миру быхом, всем попрание доселе. I Corinthians 4:14 Не срамляя вас сия пишу, но якоже чада моя возлюбленная наказую. I Corinthians 4:15 Аще бо (и) многи пестуны имате о Христе, но не многи отцы: о Христе бо Иисусе благовествованием аз вы родих. I Corinthians 4:16 Молю же вас: подобни мне бывайте, якоже аз Христу. I Corinthians 4:17 Сего ради послах к вам Тимофеа, иже ми есть чадо возлюблено и верно о Господе, иже вам воспомянет пути моя, яже о Христе Иисусе, якоже везде и во всяцей церкви учу. I Corinthians 4:18 Яко не грядущу ми к вам, разгордешася нецыи: I Corinthians 4:19 прииду же скоро к вам, аще Господь восхощет, и уразумею не слово разгордевшихся, но силу: I Corinthians 4:20 не в словеси бо Царство Божие, но в силе. I Corinthians 4:21 Что хощете? С палицею ли прииду к вам, или с любовию и духом кротости? I Corinthians 5:0 I Corinthians 5:1 Отнюд слышится в вас блужение, и таково блужение, яковоже ни во языцех именуется, яко некоему имети жену отчую. I Corinthians 5:2 И вы разгордесте, и не паче плакасте, да измется от среды вас содеявый дело сие. I Corinthians 5:3 Зане аз убо аще не у вас сый телом, ту же живый духом, уже судих, яко тамо сый: содеявшаго сице сие, I Corinthians 5:4 о имени Господа нашего Иисуса Христа собравшымся вам и моему духу, с силою Господа нашего Иисуса Христа, I Corinthians 5:5 предати таковаго сатане во измождение плоти, да дух спасется в день Господа нашего Иисуса Христа. I Corinthians 5:6 Не добра похвала ваша. Не весте ли, яко мал квас все смешение квасит? I Corinthians 5:7 Очистите убо ветхий квас, да будете ново смешение, якоже есте безквасни: ибо Пасха наша за ны пожрен бысть Христос. I Corinthians 5:8 Темже да празднуем не в квасе ветсе, ни в квасе злобы и лукавства, но в безквасиих чистоты и истины. I Corinthians 5:9 Писах вам в послании не примешатися блудником: I Corinthians 5:10 и не всяко блудником мира сего, или лихоимцем, или хищником, или идолослужителем, понеже убо должни бы есте были от мира (сего) изыти: I Corinthians 5:11 ныне же писах вам не примешатися, аще некий, брат именуемь, будет блудник, или лихоимец, или идолослужитель, или досадитель, или пияница, или хищник: с таковым ниже ясти. I Corinthians 5:12 Что бо ми и внешних судити? Не внутренних ли вы судите? I Corinthians 5:13 Внешних же Бог судит. И измите злаго от вас самех. I Corinthians 6:0 I Corinthians 6:1 Смеет ли кто от вас, вещь имея ко иному, судитися от неправедных, а не от святых? I Corinthians 6:2 Не весте ли, яко святии мирови имут судити? И аще вами суд приимет мир, недостойни есте судищем худым? I Corinthians 6:3 Не весте ли, яко аггелов судити имамы, а не точию житейских? I Corinthians 6:4 Житейская бо судища аще имате, уничиженных в церкви, сих посаждаете. I Corinthians 6:5 К сраму вам глаголю: тако ли несть в вас мудр ни един, иже может разсудити между братий своих? I Corinthians 6:6 Но брат с братом судится, и то пред неверными. I Corinthians 6:7 Уже убо отнюд вам срам есть, яко тяжбы имате между собою. Почто не паче обидими есте? Почто не паче лишени бываете? I Corinthians 6:8 Но вы (сами) обидите и лишаете, да еще братию. I Corinthians 6:9 Или не весте, яко неправедницы Царствия Божия не наследят? Не льстите себе: ни блудницы, ни идолослужителе, ни прелюбодее, (ни сквернителе,) ни малакии, ни мужеложницы, I Corinthians 6:10 ни лихоимцы, ни татие, ни пияницы, ни досадителе, ни хищницы Царствия Божия не наследят. I Corinthians 6:11 И сими (убо) нецыи бесте, но омыстеся, но освятистеся, но оправдистеся именем Господа нашего Иисуса Христа и Духом Бога нашего. I Corinthians 6:12 Вся ми леть суть, но не вся на пользу: вся ми леть суть, но не аз обладан буду от чего. I Corinthians 6:13 Брашна чреву, и чрево брашном: Бог же и сие и сия упразднит. Тело же не блужению, но Господеви, и Господь телу. I Corinthians 6:14 Бог же и Господа воздвиже, и нас воздвигнет силою Своею. I Corinthians 6:15 Не весте ли, яко телеса ваша удове Христовы суть? Вземь ли убо уды Христовы, сотворю уды блудничи? Да не будет. I Corinthians 6:16 Или не весте, яко прилепляяйся сквернодейце едино тело есть (с блудодейцею)? Будета бо, рече, оба в плоть едину. I Corinthians 6:17 Прилепляяйся же Господеви един дух есть (с Господем). I Corinthians 6:18 Бегайте блудодеяния: всяк (бо) грех, егоже аще сотворит человек, кроме тела есть: а блудяй во свое тело согрешает. I Corinthians 6:19 Или не весте, яко телеса ваша храм живущаго в вас Святаго Духа суть, Егоже имате от Бога, и несте свои? I Corinthians 6:20 Куплени бо есте ценою. Прославите убо Бога в телесех ваших и в душах ваших, яже суть Божия. I Corinthians 7:0 I Corinthians 7:1 А о нихже писасте ми, добро человеку жене не прикасатися. I Corinthians 7:2 Но блудодеяния ради кийждо свою жену да имать, и каяждо (жена) своего мужа да имать. I Corinthians 7:3 Жене муж должную любовь да воздает: такожде и жена мужу. I Corinthians 7:4 Жена своим телом не владеет, но муж: такожде и муж своим телом не владеет, но жена. I Corinthians 7:5 Не лишайте себе друг друга, точию по согласию до времене, да пребываете в посте и молитве, и паки вкупе собирайтеся, да не искушает вас сатана невоздержанием вашим. I Corinthians 7:6 Сие же глаголю по совету, (а) не по повелению. I Corinthians 7:7 Хощу бо, да вси человецы будут, якоже и аз: но кийждо свое дарование имать от Бога, ов убо сице, ов же сице. I Corinthians 7:8 Глаголю же безбрачным и вдовицам: добро им есть, аще пребудут якоже и аз: I Corinthians 7:9 аще ли не удержатся, да посягают: лучше бо есть женитися, нежели разжизатися. I Corinthians 7:10 А оженившымся завещаваю не аз, но Господь: жене от мужа не разлучатися: I Corinthians 7:11 аще ли же и разлучится, да пребывает безбрачна, или да смирится с мужем (своим): и мужу жены не отпущати. I Corinthians 7:12 Прочым же аз глаголю, (а) не Господь: аще который брат жену имать неверну, и та благоволит жити с ним, да не оставляет ея: I Corinthians 7:13 и жена аще имать мужа неверна, и той благоволит жити с нею, да не оставляет его: I Corinthians 7:14 святится бо муж неверен о жене верне, и святится жена неверна о мужи верне: иначе бо чада ваша нечиста были бы, ныне же свята суть. I Corinthians 7:15 Аще ли неверный отлучается, да разлучится: не поработися (бо) брат или сестра в таковых: в мир бо призва нас (Господь) Бог. I Corinthians 7:16 Что бо веси, жено, аще мужа спасеши? Или что веси, мужу, аще жену спасеши? I Corinthians 7:17 Точию коемуждо якоже разделил есть Бог, кийждо якоже призван бысть Господем, тако да ходит: и тако во всех церквах повелеваю. I Corinthians 7:18 Во обрезании ли кто призван бысть? Да не отторгнется: в необрезании ли кто призван бысть? Да не обрезуется. I Corinthians 7:19 Обрезание ничтоже есть, и необрезание ничтоже есть, но соблюдение заповедий Божиих. I Corinthians 7:20 Кийждо в звании, в немже призван бысть, в том да пребывает. I Corinthians 7:21 Раб ли призван был еси? Да не нерадиши: но аще и можеши свободен быти, болше поработи себе. I Corinthians 7:22 Призванный бо о Господе раб, свободник Господень есть: такожде и призванный свободник, раб есть Христов. I Corinthians 7:23 Ценою куплени есте: не будите раби человеком. I Corinthians 7:24 Кийждо, в немже призван бысть, братие, в том да пребывает пред Богом. I Corinthians 7:25 О девах же повеления Господня не имам, совет же даю, яко помилован от Господа верен быти. I Corinthians 7:26 Мню убо сие добро быти за настоящую нужду, яко добро человеку тако быти. I Corinthians 7:27 Привязался ли еси жене? Не ищи разрешения. Отрешился ли еси жены? Не ищи жены. I Corinthians 7:28 Аще ли же и оженишися, не согрешил еси: и аще посягнет дева, не согрешила есть. Скорбь же плоти имети будут таковии: аз же вы щажду. I Corinthians 7:29 Сие же глаголю, братие, яко время прекращено есть прочее, да и имущии жены, якоже не имущии будут: I Corinthians 7:30 и плачущиися, якоже не плачущии: и радующиися, якоже не радующеся: и купующии, яко не содержаще: I Corinthians 7:31 и требующии мира сего, яко не требующе: преходит бо образ мира сего. I Corinthians 7:32 Хощу же вас безпечальных быти. Не оженивыйся печется о Господних, како угодити Господеви: I Corinthians 7:33 а оженивыйся печется о мирских, како угодити жене. Разделися жена и дева: I Corinthians 7:34 непосягшая печется о Господних, како угодити Господеви, да будет свята и телом и духом: а посягшая печется о мирских, како угодити мужу. I Corinthians 7:35 Сие же на пользу вам самем глаголю: не да сило вам наложу, но к благообразию и благоприступанию Господеви безмолвну. I Corinthians 7:36 Аще ли же кто безобразити о деве своей непщует, аще есть превозрастна, и тако должна есть быти: еже хощет, да творит: не согрешает, аще посягнет. I Corinthians 7:37 А иже стоит твердо сердцем, не имый нужды, власть же имать о своей воли, и се разсудил есть в сердцы своем блюсти деву свою, добре творит. I Corinthians 7:38 Темже и вдаяй браку свою деву добре творит: и не вдаяй лучше творит. I Corinthians 7:39 Жена привязана есть законом, в елико время живет муж ея: аще же умрет муж ея, свободна есть, за негоже хощет, посягнути, точию о Господе. I Corinthians 7:40 Блаженнейша же есть, аще тако пребудет, по моему совету: мнюся бо и аз Духа Божия имети. I Corinthians 8:0 I Corinthians 8:1 О идоложертвенных же вемы: яко вси разум имамы. Разум (убо) кичит, а любы созидает. I Corinthians 8:2 Аще ли кто мнится ведети что, не у что разуме, якоже подобает разумети: I Corinthians 8:3 аще же кто любит Бога, сей познан бысть от Него. I Corinthians 8:4 О ядении же идоложертвенных вемы, яко идол ничтоже есть в мире, и яко никтоже Бог ин, токмо Един. I Corinthians 8:5 Аще бо и суть глаголемии бози, или на небеси, или на земли: якоже суть бози мнози и господие мнози: I Corinthians 8:6 но нам един Бог Отец, из Негоже вся, и мы у Него, и един Господь Иисус Христос, Имже вся, и мы Тем. I Corinthians 8:7 Но не во всех разум: нецыи же совестию идолскою даже доселе якоже идоложертвенное ядят, и совесть их, немощна сущи, сквернится. I Corinthians 8:8 Брашно же нас не поставляет пред Богом: ниже бо аще ямы, избыточествуем: ниже аще не ямы, лишаемся. I Corinthians 8:9 Блюдите же, да не како власть ваша сия преткновение будет немощным. I Corinthians 8:10 Аще бо кто видит тя, имуща разум, в требищи возлежаща, не совесть ли его немощна сущи созиждется идоложертвенная ясти? I Corinthians 8:11 И погибнет немощный брат в твоем разуме, егоже ради Христос умре. I Corinthians 8:12 Такожде согрешающе в братию и биюще их совесть немощну сущу, во Христа согрешаете. I Corinthians 8:13 Темже аще брашно соблазняет брата моего, не имам ясти мяса во веки, да не соблазню брата моего. I Corinthians 9:0 I Corinthians 9:1 Несмь ли Апостол? Несмь ли свободь? Не Иисуса Христа ли Господа нашего видех? Не дело ли мое вы есте о Господе? I Corinthians 9:2 Аще иным (и) несмь Апостол, но обаче вам есмь: печать бо моего апостолства вы есте о Господе. I Corinthians 9:3 Мой ответ востязующым мене сей есть. I Corinthians 9:4 Еда не имамы власти ясти и пити? I Corinthians 9:5 Еда не имамы власти сестру жену водити, яко и прочии Апостоли, и братия Господня, и Кифа? I Corinthians 9:6 Или един аз и Варнава не имамы власти еже не делати? I Corinthians 9:7 Кто воинствует своими оброки когда? Или кто насаждает виноград, и от плода его не яст? Или кто пасет стадо, и от млека стада не яст? I Corinthians 9:8 Еда по человеку сия глаголю? Не и закон ли сия глаголет? I Corinthians 9:9 В Моисеове бо законе писано: да не заградиши устну вола молотяща. Еда о волех радит Бог? I Corinthians 9:10 Или нас ради всяко глаголет? Нас бо ради написася, яко о надежди должен есть оряй орати, и молотяй с надеждею своего упования причащатися. I Corinthians 9:11 Аще мы духовная сеяхом вам, велико ли, аще мы ваша телесная пожнем? I Corinthians 9:12 Аще инии власти вашея причащаются, не паче ли мы? Но не сотворихом по области сей: но вся терпим, да не прекращение кое дамы благовествованию Христову. I Corinthians 9:13 Не весте ли, яко делающии священная от святилища ядят? (и) служащии олтарю со олтарем делятся? I Corinthians 9:14 Тако и Господь повеле проповедающым Благовестие от благовестия жити. I Corinthians 9:15 Аз же ни едино сотворих от сих. Не писах же сия, да тако будет о мне: добрее бо мне паче умрети, нежели похвалу мою кто да испразднит. I Corinthians 9:16 Аще бо благовествую, несть ми похвалы, нужда бо ми належит: горе же мне есть, аще не благовествую. I Corinthians 9:17 Аще убо волею сие творю, мзду имам: аще же неволею, строение ми есть предано. I Corinthians 9:18 Кая убо ми есть мзда? Да благовествуяй без мзды положу Благовестие Христово, во еже не творити ми по области моей в благовествовании. I Corinthians 9:19 Свободен бо сый от всех, всем себе поработих, да множайшыя приобрящу: I Corinthians 9:20 бых Иудеем яко Иудей, да Иудеи приобрящу: подзаконным яко подзаконен, да подзаконныя приобрящу: I Corinthians 9:21 беззаконным яко беззаконен, не сый беззаконник Богу, но законник Христу, да приобрящу беззаконныя. I Corinthians 9:22 Бых немощным яко немощен, да немощныя приобрящу. Всем бых вся, да всяко некия спасу. I Corinthians 9:23 Сие же творю за Благовестие, да сообщник ему буду. I Corinthians 9:24 Не весте ли, яко текущии в позорищи вси убо текут, един же приемлет почесть? Тако тецыте, да постигнете. I Corinthians 9:25 Всяк же подвизаяйся от всех воздержится: и они убо да истленен венец приимут, мы же неистленен. I Corinthians 9:26 Аз убо тако теку, не яко безвестно, тако подвизаюся, не яко воздух бияй: I Corinthians 9:27 но умерщвляю тело мое и порабощаю, да не како, иным проповедуя, сам неключимь буду. I Corinthians 10:0 I Corinthians 10:1 Не хощу же вас не ведети, братие, яко отцы наши вси под облаком быша, и вси сквозе море проидоша: I Corinthians 10:2 и вси в Моисеа крестишася во облаце и в мори: I Corinthians 10:3 и вси тожде брашно духовное ядоша: I Corinthians 10:4 и вси тожде пиво духовное пиша, пияху бо от духовнаго последующаго камене: камень же бе Христос. I Corinthians 10:5 Но не во множайших их благоволи Бог, поражени бо быша в пустыни. I Corinthians 10:6 Сия же образи нам быша, яко не быти нам похотником злых, якоже и они похотеша. I Corinthians 10:7 Ни идолослужителе бывайте, якоже нецыи от них, якоже есть писано: седоша людие ясти и пити, и восташа играти. I Corinthians 10:8 Ниже соблудим, якоже нецыи от них соблудиша, и падоша во един день двадесять три тысящы. I Corinthians 10:9 Ни да искушаим Христа, якоже нецыи от них искусиша и от змий погибоша. I Corinthians 10:10 Ни ропщите, якоже нецыи от них ропташа и погибоша от всегубителя. I Corinthians 10:11 Сия же вся образи прилучахуся онем: писана же быша в научение наше, в нихже концы век достигоша. I Corinthians 10:12 Темже мняйся стояти да блюдется, да не падет. I Corinthians 10:13 Искушение вас не достиже, точию человеческое: верен же Бог, Иже не оставит вас искуситися паче, еже можете, но сотворит со искушением и избытие, яко возмощи вам понести. I Corinthians 10:14 Темже, братие моя возлюбленная, бегайте от идолослужения. I Corinthians 10:15 Яко мудрым глаголю: судите вы, еже глаголю: I Corinthians 10:16 чаша благословения, юже благословляем, не общение ли Крове Христовы есть? Хлеб, егоже ломим, не общение ли Тела Христова есть? I Corinthians 10:17 Яко един хлеб, едино тело есмы мнози: вси бо от единаго хлеба причащаемся. I Corinthians 10:18 Видите Израиля по плоти: не ядущии ли жертвы общницы олтареви суть? I Corinthians 10:19 Что убо глаголю? Яко идол что есть? Или идоложертвенное что есть? I Corinthians 10:20 Но зане, яже жрут языцы, бесом жрут, а не Богови: не хощу же вас общников быти бесом. I Corinthians 10:21 Не можете чашу Господню пити и чашу бесовскую: не можете трапезе Господней причащатися и трапезе бесовстей. I Corinthians 10:22 Или раздражаем Господа? Еда крепчайши Его есмы? I Corinthians 10:23 Вся ми леть суть, но не вся на пользу: вся ми леть суть, но не вся назидают. I Corinthians 10:24 Никтоже своего си да ищет, но еже ближняго кийждо. I Corinthians 10:25 Все, еже на торжищи продаемое, ядите, ничтоже сумнящеся, за совесть: I Corinthians 10:26 Господня бо земля и исполнение ея. I Corinthians 10:27 Аще ли кто от неверных призывает вы, и хощете ити, все предлагаемое вам ядите, ничтоже сумнящеся, за совесть. I Corinthians 10:28 Аще ли же кто вам речет: сие идоложертвенно есть: не ядите за оного поведавшаго, и совесть: Господня бо земля и исполнение ея. I Corinthians 10:29 Совесть же глаголю не свою, но другаго: вскую бо свобода моя судится от иныя совести? I Corinthians 10:30 Аще аз благодатию причащаюся, почто хулу приемлю, о немже аз благодарю? I Corinthians 10:31 Аще убо ясте, аще ли пиете, аще ли ино что творите, вся во славу Божию творите. I Corinthians 10:32 Безпреткновени бывайте Иудеем и Еллином и церкви Божией, I Corinthians 10:33 якоже и аз во всем всем угождаю, не иский своея пользы, но многих, да спасутся. I Corinthians 11:0 I Corinthians 11:1 Подражателе мне бывайте, якоже и аз Христу. I Corinthians 11:2 Хвалю же вы, братие, яко вся моя помните, и якоже предах вам, предания держите. I Corinthians 11:3 Хощу же вас ведети, яко всякому мужу глава Христос есть, глава же жене муж, глава же Христу Бог. I Corinthians 11:4 Всяк муж, молитву дея или пророчествуяй покрытою главою, срамляет главу свою: I Corinthians 11:5 и всяка жена, молитву деющая или пророчествующая откровенною главою, срамляет главу свою: едино бо есть и тожде остриженней: I Corinthians 11:6 аще бо не покрывается жена, да стрижется: аще ли же срам жене стрищися или бритися, да покрывается. I Corinthians 11:7 Муж убо не должен есть покрывати главу, образ и слава Божия сый: жена же слава мужу есть. I Corinthians 11:8 Несть бо муж от жены, но жена от мужа: I Corinthians 11:9 ибо не создан бысть муж жены ради, но жена мужа ради. I Corinthians 11:10 Сего ради должна есть жена власть имети на главе Ангел ради. I Corinthians 11:11 Обаче ни муж без жены, ни жена без мужа, о Господе. I Corinthians 11:12 Якоже бо жена от мужа, сице и муж женою: вся же от Бога. I Corinthians 11:13 В вас самех судите, лепо ли есть жене откровенней Богу молитися? I Corinthians 11:14 Или и не самое естество учит вы, яко муж убо аще власы растит, безчестие ему есть, I Corinthians 11:15 жена же аще власы растит, слава ей есть? Зане растение власов вместо одеяния дано бысть ей. I Corinthians 11:16 Аще ли кто мнится спорлив быти, мы таковаго обычая не имамы, ниже церкви Божия. I Corinthians 11:17 Сие же завещавая не хвалю, яко не на лучшее, но на хуждшее сбираетеся. I Corinthians 11:18 Первое убо, сходящымся вам в церковь, слышу в вас распри сущыя, и часть некую (сих) верую. I Corinthians 11:19 Подобает бо и ересем в вас быти, да искуснии явлени бывают в вас. I Corinthians 11:20 Сходящымся убо вам вкупе, несть Господскую вечерю ясти: I Corinthians 11:21 кийждо бо свою вечерю предваряет в снедение, и ов убо алчет, ов же упивается. I Corinthians 11:22 Еда бо домов не имате, во еже ясти и пити? Или о церкви Божией нерадите и срамляете не имущыя? Что вам реку? Похвалю ли вы о сем? Не похвалю. I Corinthians 11:23 Аз бо приях от Господа, еже и предах вам, яко Господь Иисус в нощь, в нюже предан бываше, приемь хлеб, I Corinthians 11:24 и благодарив преломи, и рече: приимите, ядите, сие есть Тело Мое, еже за вы ломимое: сие творите в Мое воспоминание. I Corinthians 11:25 Такожде и чашу по вечери, глаголя: сия чаша новый завет есть в Моей Крови: сие творите, елижды аще пиете, в Мое воспоминание. I Corinthians 11:26 Елижды бо аще ясте хлеб сей и чашу сию пиете, смерть Господню возвещаете, дондеже приидет. I Corinthians 11:27 Темже иже аще яст хлеб сей или пиет чашу Господню недостойне, повинен будет Телу и Крови Господни. I Corinthians 11:28 Да искушает же человек себе, и тако от хлеба да яст и от чаши да пиет. I Corinthians 11:29 Ядый бо и пияй недостойне, суд себе яст и пиет, не разсуждая Тела Господня. I Corinthians 11:30 Сего ради в вас мнози немощни и недужливи, и спят доволни. I Corinthians 11:31 Аще бо быхом себе разсуждали, не быхом осуждени были. I Corinthians 11:32 Судими же, от Господа наказуемся, да не с миром осудимся. I Corinthians 11:33 Темже, братие моя, сходящеся ясти, друг друга ждите. I Corinthians 11:34 Аще ли кто алчет, в дому да яст, да не в грех сходитеся. О прочих же, егда прииду, устрою. I Corinthians 12:0 I Corinthians 12:1 О духовных же, братие, не хощу вас не ведети. I Corinthians 12:2 Весте, яко егда неверни бесте, ко идолом безгласным яко ведоми ведостеся. I Corinthians 12:3 Темже сказую вам, яко никтоже, Духом Божиим глаголяй, речет анафема Иисуса, и никтоже может рещи Господа Иисуса, точию Духом Святым. I Corinthians 12:4 Разделения же дарований суть, а тойжде Дух: I Corinthians 12:5 и разделения служений суть, а тойжде Господь: I Corinthians 12:6 и разделения действ суть, а тойжде есть Бог, действуяй вся во всех. I Corinthians 12:7 Комуждо же дается явление Духа на пользу: I Corinthians 12:8 овому бо Духом дается слово премудрости, иному же слово разума, о томже Дусе: I Corinthians 12:9 другому же вера, темже Духом: иному же дарования исцелений, о томже Дусе: I Corinthians 12:10 другому же действия сил, иному же пророчество, другому же разсуждения духовом, иному же роди языков, другому же сказания языков. I Corinthians 12:11 Вся же сия действует един и тойжде Дух, разделяя властию коемуждо якоже хощет. I Corinthians 12:12 Акоже бо тело едино есть и уды имать многи, вси же уди единаго тела, мнози суще, едино суть тело: тако и Христос. I Corinthians 12:13 Ибо единем Духом мы вси во едино тело крестихомся, аще Иудее, аще Еллини, или раби, или свободни: и вси единем Духом напоихомся. I Corinthians 12:14 Ибо тело несть един уд, но мнози. I Corinthians 12:15 Аще речет нога, яко несмь рука, несмь от тела: еда сего ради несть от тела? I Corinthians 12:16 И аще речет ухо, яко несмь око, несмь от тела: еда сего ради несть от тела? I Corinthians 12:17 Аще все тело око, где слух? Аще (же) все слух, где ухание? I Corinthians 12:18 Ныне же положи Бог уды, единаго коегождо их в телеси, якоже изволи. I Corinthians 12:19 Аще ли быша вси един уд, где тело? I Corinthians 12:20 Ныне же мнози убо удове, едино же тело. I Corinthians 12:21 Не может же око рещи руце: не требе ми еси: или паки глава ногама: не требе ми есте. I Corinthians 12:22 Но много паче, мнящиися уди тела немощнейши быти, нужнейши суть, I Corinthians 12:23 и ихже мним безчестнейших быти тела, сим честь множайшую прилагаем: I Corinthians 12:24 и неблагообразнии наши благообразие множайше имут, а благообразнии наши не требе имут. Но Бог раствори тело, худейшему болшу дав честь, I Corinthians 12:25 да не будет распри в телеси, но да тожде в себе пекутся уди. I Corinthians 12:26 И аще страждет един уд, с ним страждут вси уди: аще ли же славится един уд, с ним радуются вси уди. I Corinthians 12:27 Вы же есте тело Христово, и уди от части. I Corinthians 12:28 И овых убо положи Бог в Церкви первее Апостолов, второе пророков, третие учителей: потом же силы, таже дарования исцелений, заступления, правления, роди языков. I Corinthians 12:29 Еда вси Апостоли? Еда вси пророцы? Еда вси учителе? Еда вси силы? I Corinthians 12:30 Еда вси дарования имут изцелений? Еда вси языки глаголют? Еда вси сказуют? I Corinthians 12:31 Ревнуйте же дарований болших, и еще по превосхождению путь вам показую. I Corinthians 13:0 I Corinthians 13:1 Аще языки человеческими глаголю и ангелскими, любве же не имам, бых (яко) медь звенящи, или кимвал звяцаяй. I Corinthians 13:2 И аще имам пророчество, и вем тайны вся и весь разум, и аще имам всю веру, яко и горы преставляти, любве же не имам, ничтоже есмь. I Corinthians 13:3 И аще раздам вся имения моя, и аще предам тело мое, во еже сжещи е, любве же не имам, ни кая польза ми есть. I Corinthians 13:4 Любы долготерпит, милосердствует, любы не завидит, любы не превозносится, не гордится, I Corinthians 13:5 не безчинствует, не ищет своих си, не раздражается, не мыслит зла, I Corinthians 13:6 не радуется о неправде, радуется же о истине: I Corinthians 13:7 вся любит, всему веру емлет, вся уповает, вся терпит. I Corinthians 13:8 Любы николиже отпадает, аще же пророчествия упразднятся, аще ли языцы умолкнут, аще разум испразднится. I Corinthians 13:9 От части бо разумеваем и от части пророчествуем: I Corinthians 13:10 егда же приидет совершенное, тогда, еже от части, упразднится. I Corinthians 13:11 Егда бех младенец, яко младенец глаголах, яко младенец мудрствовах, яко младенец смышлях: егда же бых муж, отвергох младенческая. I Corinthians 13:12 Видим убо ныне якоже зерцалом в гадании, тогда же лицем к лицу: ныне разумею от части, тогда же познаю, якоже и познан бых. I Corinthians 13:13 Ныне же пребывают вера, надежда, любы, три сия: болши же сих любы. I Corinthians 14:0 I Corinthians 14:1 Держитеся любве: ревнуйте же духовным, паче же да пророчествуете. I Corinthians 14:2 Глаголяй бо языки, не человеком глаголет, но Богу: никтоже бо слышит, духом же глаголет тайны: I Corinthians 14:3 пророчествуяй же, человеком глаголет созидание и утешение и утверждение. I Corinthians 14:4 Глаголяй (бо) языки себе зиждет, а пророчествуяй церковь зиждет. I Corinthians 14:5 Хощу же всех вас глаголати языки, паче же да прорицаете: болий бо пророчествуяй, нежели глаголяй языки, разве аще (кто) сказует, да церковь созидание приемлет. I Corinthians 14:6 Ныне же, братие, аще прииду к вам языки глаголя, кую вам пользу сотворю, аще вам не глаголю или во откровении, или в разуме, или в пророчествии, или в научении? I Corinthians 14:7 Обаче бездушная глас дающая, аще сопель, аще гусли, аще разнствия писканием не дадят, како разумно будет пискание или гудение? I Corinthians 14:8 Ибо аще безвестен глас труба даст, кто уготовится на брань? I Corinthians 14:9 Тако и вы аще не благоразумно слово дадите языком, како уразумеется глаголемое? Будете бо на воздух глаголюще. I Corinthians 14:10 Толицы убо, аще ключится, роди гласов суть в мире, и ни един их безгласен. I Corinthians 14:11 Аще убо не увем силы гласа, буду глаголющему иноязычник, и глаголющий мне иноязычник. I Corinthians 14:12 Тако и вы, понеже ревнителе есте духовом, (яже) к созиданию церкве просите, да избыточествуете. I Corinthians 14:13 Темже глаголяй языком да молится, да сказует. I Corinthians 14:14 Аще бо молюся языком, дух мой молится, а ум мой без плода есть. I Corinthians 14:15 Что убо есть? Помолюся духом, помолюся же и умом: воспою духом, воспою же и умом. I Corinthians 14:16 Понеже аще благословиши духом, исполняяй место невежды како речет аминь, по твоему благодарению? Понеже не весть, что глаголеши. I Corinthians 14:17 Ты убо добре благодариши, но другий не созидается. I Corinthians 14:18 Благодарю Бога моего, паче всех вас языки глаголя: I Corinthians 14:19 но в церкви хощу пять словес умом моим глаголати, да и ины пользую, нежели тмы словес языком. I Corinthians 14:20 Братие, не дети бывайте умы: но злобою младенствуйте, умы же совершени бывайте. I Corinthians 14:21 В законе пишет: яко иными языки и устны иными возглаголю людем сим, и ни тако послушают Мене, глаголет Господь. I Corinthians 14:22 Темже языцы в знамение суть не верующым, но неверным: а пророчество не неверным, но верующым. I Corinthians 14:23 Аще убо снидется церковь вся вкупе, и вси языки глаголют, внидут же (и) неразумивии или невернии, не рекут ли, яко беснуетеся? I Corinthians 14:24 Аще же вси пророчествуют, внидет же некий неверен или невежда, обличается всеми, (и) истязуется от всех, I Corinthians 14:25 и сице тайная сердца его явлена бывают: и тако пад ниц поклонится Богови, возвещая, яко воистинну Бог с вами есть. I Corinthians 14:26 Что убо есть, братие? Егда сходитеся, кийждо вас псалом имать, учение имать, язык имать откровение имать, сказание имать: вся (же) к созиданию да бывают. I Corinthians 14:27 Аще языком кто глаголет, по двема, или множае по трием, и по части: и един да сказует. I Corinthians 14:28 Аще ли не будет сказатель, да молчит в церкви, себе же да глаголет и Богови. I Corinthians 14:29 Пророцы же два или трие да глаголют, и друзии да разсуждают: I Corinthians 14:30 аще ли иному открыется седящу, первый да молчит. I Corinthians 14:31 Можете бо вси по единому пророчествовати, да вси учатся и вси утешаются. I Corinthians 14:32 И дуси пророчестии пророком повинуются: I Corinthians 14:33 несть бо нестроения Бог, но мира, яко во всех церквах святых. I Corinthians 14:34 Жены вашя в церквах да молчат: не повелеся бо им глаголати, но повиноватися, якоже и закон глаголет. I Corinthians 14:35 Аще ли чесому научитися хотят, в дому своих мужей да вопрошают: срамно бо есть жене в церкви глаголати. I Corinthians 14:36 Или от вас слово Божие изыде? Или вас единых достиже? I Corinthians 14:37 Аще кто мнится пророк быти или духовен, да разумеет, яже пишу вам, зане Господни суть заповеди? I Corinthians 14:38 Аще ли кто не разумеет, да не разумевает. I Corinthians 14:39 Темже, братие моя, ревнуйте еже пророчествовати, и еже глаголати языки не возбраняйте: I Corinthians 14:40 вся же благообразно и по чину да бывают. I Corinthians 15:0 I Corinthians 15:1 Сказую же вам, братие, Благовествование, еже благовестих вам, еже и приясте, в немже и стоите, I Corinthians 15:2 имже и спасаетеся, кацем словом благовестих вам, аще содержите: разве аще не всуе веровасте. I Corinthians 15:3 Предах бо вам исперва, еже и приях, яко Христос умре грех наших ради, по Писанием, I Corinthians 15:4 и яко погребен бысть, и яко воста в третий день, по Писанием, I Corinthians 15:5 и яко явися Кифе, таже единонадесятим: I Corinthians 15:6 потом же явися боле пяти сот братиям единою, от нихже множайшии пребывают доселе, нецыи же и почиша: I Corinthians 15:7 потом же явися Иакову, таже Апостолом всем: I Corinthians 15:8 последи же всех, яко некоему извергу, явися и мне. I Corinthians 15:9 Аз бо есмь мний Апостолов, иже несмь достоин нарещися Апостол, зане гоних церковь Божию. I Corinthians 15:10 Благодатию же Божиею есмь, еже есмь, и благодать Его, яже во мне, не тща бысть, но паче всех их потрудихся: не аз же, но благодать Божия, яже со мною. I Corinthians 15:11 Аще убо аз, аще ли они, тако проповедуем, и тако веровасте. I Corinthians 15:12 Аще же Христос проповедуется, яко из мертвых воста, како глаголют нецыи в вас, яко воскресения мертвых несть? I Corinthians 15:13 И аще воскресения мертвых несть, то ни Христос воста: I Corinthians 15:14 аще же Христос не воста, тще убо проповедание наше, тща же и вера ваша. I Corinthians 15:15 Обретаемся же и лжесвидетеле Божии, яко послушествовахом на Бога, яко воскреси Христа, Егоже не воскреси, аще убо мертвии не востают: I Corinthians 15:16 аще бо мертвии не востают, то ни Христос воста: I Corinthians 15:17 аще же Христос не воста, суетна вера ваша, еще есте во гресех ваших: I Corinthians 15:18 убо и умершии о Христе, погибоша. I Corinthians 15:19 (И) аще в животе сем точию уповающе есмы во Христа, окаяннейши всех человек есмы. I Corinthians 15:20 Ныне же Христос воста от мертвых, начаток умершым бысть. I Corinthians 15:21 Понеже бо человеком смерть (бысть), и человеком воскресение мертвых. I Corinthians 15:22 Якоже бо о Адаме вси умирают, такожде и о Христе вси оживут, I Corinthians 15:23 кийждо же во своем чину: начаток Христос, потом же Христу веровавшии в пришествии Его. I Corinthians 15:24 Таже кончина, егда предаст Царство Богу и Отцу, егда испразднит всяко началство и всяку власть и силу: I Corinthians 15:25 подобает бо Ему царствовати, дондеже положит вся враги под ногама Своима. I Corinthians 15:26 Последний же враг испразднится смерть, I Corinthians 15:27 вся бо покори под нозе Его: внегда же рещи, яко вся покорена суть Ему, яве, яко разве Покоршаго Ему вся. I Corinthians 15:28 Егда же покорит Ему всяческая, тогда и Сам Сын покорится Покоршему Ему всяческая, да будет Бог всяческая во всех. I Corinthians 15:29 Понеже что сотворят крестящиися мертвых ради? Аще отнюд мертвии не востают, что и крещаются мертвых ради? I Corinthians 15:30 Почто (же) и мы беды приемлем на всяк час? I Corinthians 15:31 По вся дни умираю: тако ми ваша похвала, братие, юже имам о Христе Иисусе Господе нашем. I Corinthians 15:32 Аще (бо) по человеку со зверем боряхся в Ефесе, кая ми польза, аще мертвии не востают? Да ямы и пием, утре бо умрем. I Corinthians 15:33 Не льститеся: тлят обычаи благи беседы злы. I Corinthians 15:34 Истрезвитеся праведно и не согрешайте: неведение бо Божие нецыи имут, к сраму вам глаголю. I Corinthians 15:35 Но речет некто: како востанут мертвии? Коим же телом приидут? I Corinthians 15:36 Безумне, ты еже сееши, не оживет, аще не умрет: I Corinthians 15:37 и еже сееши, не тело будущее сееши, но голо зерно, аще случится, пшеницы или иного от прочих: I Corinthians 15:38 Бог же дает ему тело, якоже восхощет, и коемуждо семени свое тело. I Corinthians 15:39 Не всяка плоть таже плоть: но ина убо плоть человеком, ина же плоть скотом, ина же рыбам, ина же птицам. I Corinthians 15:40 И телеса небесная, и телеса земная: но ина убо небесным слава, и ина земным: I Corinthians 15:41 ина слава солнцу, и ина слава луне, и ина слава звездам: звезда бо от звезды разнствует во славе. I Corinthians 15:42 Такожде и воскресение мертвых: сеется в тление, востает в нетлении: I Corinthians 15:43 сеется не в честь, востает в славе: сеется в немощи, востает в силе: I Corinthians 15:44 сеется тело душевное, востает тело духовное. Есть тело душевное, и есть тело духовное. I Corinthians 15:45 Тако и писано есть: бысть первый человек Адам в душу живу, последний Адам в дух животворящь. I Corinthians 15:46 Но не прежде духовное, но душевное, потом же духовное. I Corinthians 15:47 Первый человек от земли, перстен: вторый человек Господь с небесе. I Corinthians 15:48 Яков перстный, такови и перстнии: и яков небесный, тацы же и небеснии: I Corinthians 15:49 и якоже облекохомся во образ перстнаго, да облечемся и во образ небеснаго. I Corinthians 15:50 Сие же глаголю, братие, яко плоть и кровь Царствия Божия наследити не могут, ниже тление нетления наследствует. I Corinthians 15:51 Се, тайну вам глаголю: вси бо не успнем, вси же изменимся I Corinthians 15:52 вскоре, во мгновении ока, в последней трубе: вострубит бо, и мертвии востанут нетленни, и мы изменимся: I Corinthians 15:53 подобает бо тленному сему облещися в нетление и мертвенному сему облещися в безсмертие. I Corinthians 15:54 Егда же тленное сие облечется в нетление и смертное сие облечется в безсмертие, тогда будет слово написанное: пожерта бысть смерть победою. I Corinthians 15:55 Где ти, смерте, жало? Где ти, аде, победа? I Corinthians 15:56 Жало же смерти грех: сила же греха закон. I Corinthians 15:57 Богу же благодарение, давшему нам победу Господем нашим Иисус Христом. I Corinthians 15:58 Темже, братие моя возлюбленная, тверди бывайте, непоступни, избыточествующе в деле Господни всегда, ведяще, яко труд ваш несть тощь пред Господем. I Corinthians 16:0 I Corinthians 16:1 О милостыни же, яже ко святым, якоже устроих церквам Галатийским, тако и вы сотворяйте: I Corinthians 16:2 по единей от суббот кийждо вас да полагает у себе сохраняя, еже аще что благопоспешится, да не егда прииду, тогда собрания бывают. I Corinthians 16:3 Егда же прииду, ихже аще искусите, с посланьми сих послю отнести благодать вашу во Иерусалим. I Corinthians 16:4 Аще же достойно будет и мне ити, со мною пойдут. I Corinthians 16:5 Прииду же к вам, егда Македонию преиду: Македонию бо прохожду. I Corinthians 16:6 У вас же, аще случится мне, пребуду, или и озимею, да вы мя проводите, аможе аще поиду. I Corinthians 16:7 Не хощу бо вас ныне в мимохождении видети: уповаю же время некое пребыти у вас, аще Господь повелит. I Corinthians 16:8 Пребуду же во Ефесе до Пентикостии: I Corinthians 16:9 дверь бо ми отверзеся велика и поспешна, и сопротивнии мнози. I Corinthians 16:10 Аще же приидет Тимофей, блюдите, да без страха будет у вас: дело бо Господне делает, якоже и аз: I Corinthians 16:11 да никтоже убо его уничижит: проводите же его с миром, да приидет ко мне, жду бо его с братиею. I Corinthians 16:12 О Аполлосе же брате: много молих его, да приидет к вам с братиею: и всяко не бе воля, да ныне приидет, приидет же, егда упразднится. I Corinthians 16:13 Бодрствуйте, стойте в вере, мужайтеся, утверждайтеся: I Corinthians 16:14 вся вам любовию да бывают. I Corinthians 16:15 Молю же вы, братие: весте дом Стефанинов, яко есть начаток Ахаии, и в служение святым учиниша себе: I Corinthians 16:16 да и вы повинуйтеся таковым и всякому споспешствующу и труждающуся. I Corinthians 16:17 Возрадовахся же о пришествии Стефанинове и Фуртунатове и Ахаикове, яко ваше лишение сии исполниша: I Corinthians 16:18 упокоиша бо мой дух и ваш. Познавайте убо таковыя. I Corinthians 16:19 Целуют вы церкви Асийския: целуют вы о Господе много Акила и Прискилла с домашнею их церковию. I Corinthians 16:20 Целуют вы братия вся. Целуйте друг друга лобзанием святым. I Corinthians 16:21 Целование моею рукою Павлею. I Corinthians 16:22 Аще кто не любит Господа Иисуса Христа, да будет проклят, маран афа. I Corinthians 16:23 Благодать Господа нашего Иисуса Христа с вами, I Corinthians 16:24 (и) любы моя со всеми вами о Христе Иисусе. Аминь.
II Corinthians 0:0
Второе послание апостола Павла Коринфянам II Corinthians 1:0 II Corinthians 1:1 Павел, посланник Иисус Христов волею Божиею, и Тимофей брат, церкви Божией сущей в Коринфе, со святыми всеми сущими во всей Ахаии: II Corinthians 1:2 благодать вам и мир от Бога Отца нашего, и Господа Иисуса Христа. II Corinthians 1:3 Благословен Бог и Отец Господа нашего Иисуса Христа, Отец щедрот и Бог всякия утехи, II Corinthians 1:4 утешаяй нас о всяцей скорби нашей, яко возмощи нам утешити сущыя во всяцей скорби, утешением, имже утешаемся сами от Бога. II Corinthians 1:5 Зане якоже избыточествуют страдания Христова в нас, тако Христом избыточествует и утешение наше. II Corinthians 1:6 Аще ли же скорбим, о вашем утешении и спасении, действующемся в терпении техже страданий, яже и мы страждем: II Corinthians 1:7 и упование наше известно о вас. Аще ли утешаемся, о вашем утешении и спасении, ведяще, зане якоже общницы есте страстем нашым, такожде и утешению. II Corinthians 1:8 Не бо хощем вас, братие, не ведети о скорби нашей бывшей нам во Асии, яко по премногу и паче силы отяготихомся, яко не надеятися нам и жити. II Corinthians 1:9 Но сами в себе осуждение смерти имехом, да не надеющеся будем на ся, но на Бога возставляющаго мертвыя, II Corinthians 1:10 Иже от толикия смерти избавил ны есть и избавляет, Наньже и уповахом, яко и еще избавит, II Corinthians 1:11 споспешествующым и вам по нас молитвою, да от многих лиц, еже в нас дарование, многими благодарится о вас. II Corinthians 1:12 Похваление бо наше сие есть, свидетельство совести нашея, яко в простоте и чистоте Божией, а не в мудрости плоти, но благодатию Божиею жихом в мире, множае же у вас. II Corinthians 1:13 Не иная бо пишем вам, но яже чтете и разумеваете: уповаю же, яко и до конца уразумеете, II Corinthians 1:14 якоже и разуместе нас от части, яко похваление вам есмы, якоже и вы нам, в день Господа нашего Иисуса Христа. II Corinthians 1:15 И сим упованием хотех к вам приити прежде, да вторую благодать имате, II Corinthians 1:16 и вами проити в Македонию, и паки от Македонии приити к вам, и вами проводитися во Иудею. II Corinthians 1:17 Сие же хотя, еда что убо легкотою деях? Или яже совещаваю, по плоти совещаваю, да будет у мене еже ей, ей, и еже ни, ни. II Corinthians 1:18 Верен же Бог, яко слово наше, еже к вам, не бысть ей и ни. II Corinthians 1:19 Ибо Божий Сын Иисус Христос, иже у вас нами проповеданный, мною и Силуаном и Тимофеем, не бысть ей и ни, но в Нем Самем ей бысть: II Corinthians 1:20 елика бо обетования Божия, в Том ей и в Том аминь: Богу к славе нами. II Corinthians 1:21 Извествуяй же нас с вами во Христа и помазавый нас, Бог, II Corinthians 1:22 Иже и запечатле нас, и даде обручение Духа в сердца наша. II Corinthians 1:23 Аз же свидетеля Бога призываю на мою душу, яко щадя вас, ктому не приидох в Коринф, II Corinthians 1:24 не яко обладаем верою вашею, но (яко) споспешницы есмы вашей радости: верою бо стоите. II Corinthians 2:0 II Corinthians 2:1 Судих же в себе сие, не паки скорбию к вам приити. II Corinthians 2:2 Аще бо аз скорбь творю вам, то кто есть веселяяй мя, точию приемляй скорбь от мене? II Corinthians 2:3 И писах вам сие истое, да не пришед скорбь на скорбь прииму, о нихже подобаше ми радоватися, надеяся на вся вы, яко моя радость всех вас есть. II Corinthians 2:4 От печали бо многия и туги сердца написах вам многими слезами, не яко да оскорбитеся, но любовь да познаете, юже имам изобильно к вам. II Corinthians 2:5 Аще ли кто оскорбил мене, не мене оскорби, но от части, да не отягчу, всех вас. II Corinthians 2:6 Довольно бо таковому запрещение сие, еже от многих: II Corinthians 2:7 темже сопротивное паче вы да даруете и утешите, да не како многою скорбию пожерт будет таковый: II Corinthians 2:8 темже молю вы, утвердите к нему любовь. II Corinthians 2:9 На сие бо и писах, да разумею искусство ваше, аще во всем послушливи есте. II Corinthians 2:10 Емуже аще что даруете, и аз: ибо аз аще что даровах, емуже даровах, вас ради, о лицы Иисус Христове, II Corinthians 2:11 да не обидими будем от сатаны: не не разумеваем бо умышлений его. II Corinthians 2:12 Пришед же в Троаду во благовестие Христово, и двери отверзене ми бывшей о Господе, II Corinthians 2:13 не имех покоя духу моему, не обретшу ми Тита брата моего: но отрекся им, изыдох в Македонию. II Corinthians 2:14 Богу же благодарение, всегда победители нас творящему о Христе Иисусе и воню разума Его являющу нами во всяцем месте. II Corinthians 2:15 Яко Христово благоухание есмы Богови в спасаемых и в погибающих. II Corinthians 2:16 Овем убо воня смертная в смерть, овем же воня животная в живот. И к сим кто доволен? II Corinthians 2:17 Несмы бо, якоже мнози, нечисто проповедающии слово Божие, но яко от чистоты, но яко от Бога, пред Богом, во Христе глаголем. II Corinthians 3:0 II Corinthians 3:1 Зачинаем ли паки нас самех извещавати вам? Или требуем, якоже нецыи, извещавательных посланий к вам, или от вас известительных? II Corinthians 3:2 Послание бо наше вы есте, написаное в сердцах наших, знаемое и прочитаемое от всех человек: II Corinthians 3:3 являеми, яко есте послание Христово служеное нами, написано не чернилом, но Духом Бога жива, не на скрижалех каменных, но на скрижалех сердца плотяных. II Corinthians 3:4 Надеяние же таково имамы Христом к Богу, II Corinthians 3:5 не яко довольни есмы от себе помыслити что, яко от себе, но доволство наше от Бога: II Corinthians 3:6 иже и удоволи нас служители быти Нову Завету, не писмени, но духу: писмя бо убивает, а дух животворит. II Corinthians 3:7 Аще ли служение смерти писмены, образовано в каменех, бысть в славу, яко не мощи взирати сыном Израилевым на лице Моисеово, славы ради лица его престающия. II Corinthians 3:8 Како не множае паче служение духа будет в славе? II Corinthians 3:9 Аще бо служение осуждения, слава, много паче избыточествует служение правды в славе. II Corinthians 3:10 Ибо не прославися прославленное в части сей, за превосходящую славу. II Corinthians 3:11 Аще бо престающее, славою: много паче пребывающее, в славе. II Corinthians 3:12 Имуще убо таково упование, многим дерзновением действуем, II Corinthians 3:13 и не якоже Моисей полагаше покрывало на лицы своем, за еже не мощи взирати сыном Израилевым на конец престающаго. II Corinthians 3:14 Но ослепишася помышления их: даже бо до сего дне тожде покрывало во чтении Ветхаго Завета пребывает не откровено, зане о Христе престает. II Corinthians 3:15 Но даже до днесь, внегда чтется Моисей, покрывало на сердце их лежит: II Corinthians 3:16 внегда же обратятся ко Господу, взимается покрывало. II Corinthians 3:17 Господь же Дух есть: а идеже Дух Господень, ту свобода. II Corinthians 3:18 Мы же вси откровенным лицем славу Господню взирающе, в тойже образ преобразуемся от славы в славу, якоже от Господня Духа. II Corinthians 4:0 II Corinthians 4:1 Сего ради имуще служение сие, якоже помиловани быхом, не стужаем си: II Corinthians 4:2 но отрекохомся тайных срама, не в лукавствии ходяще, ни льстяще словесе Божия, но явлением истины представляюще себе ко всяцей совести человечестей, пред Богом. II Corinthians 4:3 Аще ли же есть покровено благовествование наше, в гибнущих есть покровено, II Corinthians 4:4 в нихже бог века сего ослепи разумы неверных, во еже не возсияти им свету благовествования славы Христовы, Иже есть образ Бога невидимаго. II Corinthians 4:5 Не себе бо проповедаем, но Христа Иисуса Господа: себе же самех рабов вам Иисуса Господа ради: II Corinthians 4:6 яко Бог рекий из тмы свету возсияти, иже возсия в сердцах наших, к просвещению разума славы Божия о лицы Иисус Христове. II Corinthians 4:7 Имамы же сокровище сие в скудельных сосудех, да премножество силы будет Божия, а не от нас: II Corinthians 4:8 во всем скорбяще, но не стужающе си: нечаеми, но не отчаяваеми: II Corinthians 4:9 гоними, но не оставляеми: низлагаеми, но не погибающе: II Corinthians 4:10 всегда мертвость Господа Иисуса в теле носяще, да и живот Иисусов в теле нашем явится. II Corinthians 4:11 Присно бо мы живии в смерть предаемся Иисуса ради, да и живот Иисусов явится в мертвенней плоти нашей: II Corinthians 4:12 темже смерть убо в нас действует, а живот в вас. II Corinthians 4:13 Имуще же тойже дух веры, по писанному: веровах, темже возглаголах: и мы веруем, темже и глаголем, II Corinthians 4:14 ведяще, яко Воздвигий Господа Иисуса, и нас со Иисусом воздвигнет, и предпоставит с вами. II Corinthians 4:15 Вся бо вас ради, да благодать умножившаяся, множайшими благодарении избыточествит в славу Божию. II Corinthians 4:16 Темже не стужаем си: но аще и внешний наш человек тлеет, обаче внутренний обновляется по вся дни. II Corinthians 4:17 Еже бо ныне легкое печали нашея, по преумножению в преспеяние тяготу вечныя славы соделовает нам, II Corinthians 4:18 не смотряющым нам видимых, но невидимых: видимая бо временна, невидимая же вечна. II Corinthians 5:0 II Corinthians 5:1 Вемы бо, яко аще земная наша храмина тела разорится, создание от Бога имамы, храмину нерукотворену, вечну на небесех. II Corinthians 5:2 Ибо о сем воздыхаем, в жилище наше небесное облещися желающе: II Corinthians 5:3 аще точию и облекшеся, не нази обрящемся. II Corinthians 5:4 Ибо сущии в теле сем воздыхаем отягчаеми, понеже не хощем совлещися, но пооблещися, да пожерто будет мертвенное животом. II Corinthians 5:5 Сотворивый же нас в сие истое Бог, Иже и даде нам обручение Духа. II Corinthians 5:6 Дерзающе убо всегда и ведяще, яко живуще в теле отходим от Господа: II Corinthians 5:7 верою бо ходим, а не видением: II Corinthians 5:8 дерзаем же и благоволим паче отити от тела и внити ко Господу: II Corinthians 5:9 темже и тщимся, аще входяще, аще отходяще, благоугодни Ему быти: II Corinthians 5:10 всем бо явитися нам подобает пред судищем Христовым, да приимет кийждо, яже с телом содела, или блага, или зла. II Corinthians 5:11 Ведуще убо страх Господень, человеки увещаваем, Богови же явлени есмы: уповаем же, яко и в совестех ваших явлени есмы. II Corinthians 5:12 Не паки бо себе хвалим пред вами, но вину даем вам похвалению о нас, да имате к хвалящымся в лицы, а не в сердцы. II Corinthians 5:13 Аще бо изумихомся, Богови: аще ли целомудрствуем, вам. II Corinthians 5:14 Ибо любы Божия обдержит нас суждших сие: яко аще един за всех умре, то убо вси умроша. II Corinthians 5:15 Христос же за всех умре, да живущии не ктому себе живут, но умершему за них и воскресшему. II Corinthians 5:16 Темже и мы отныне ни единаго вемы по плоти: аще же и разумехом по плоти Христа, но ныне ктому не разумеем. II Corinthians 5:17 Темже аще кто во Христе, нова тварь: древняя мимоидоша, се быша вся нова: II Corinthians 5:18 всяческая же от Бога, примирившаго нас Себе Иисус Христом и давшаго нам служение примирения: II Corinthians 5:19 зане Бог бе во Христе мир примиряя Себе, не вменяя им согрешений их и положив в нас слово примирения. II Corinthians 5:20 По Христе убо молим, яко Богу молящу нами, молим по Христе: примиритеся с Богом. II Corinthians 5:21 Не ведевшаго бо греха по нас грех сотвори, да мы будем правда Божия о Нем. II Corinthians 6:0 II Corinthians 6:1 Споспешствующе же и молим, не вотще благодать Божию прияти вам. II Corinthians 6:2 Глаголет бо: во время приятно послушах тебе, и в день спасения помогох ти. Се ныне время благоприятно, се ныне день спасения. II Corinthians 6:3 Ни едино ни в чемже дающе претыкание, да служение безпорочно будет, II Corinthians 6:4 но во всем представляюще себе якоже Божия слуги, в терпении мнозе, в скорбех, в бедах, в теснотах, II Corinthians 6:5 в ранах, в темницах, в нестроениих, в трудех, во бдениих, в пощениих, II Corinthians 6:6 во очищении, в разуме, в долготерпении, в благости, в Дусе Святе, в любви нелицемерне, II Corinthians 6:7 в словеси истины, в силе Божией, оружии правды десными и шуими, II Corinthians 6:8 славою и безчестием, гаждением и благохвалением: яко лестцы, и истинни: II Corinthians 6:9 яко незнаеми, и познаваеми: яко умирающе, и се живи есмы: яко наказуеми, а не умерщвляеми: II Corinthians 6:10 яко скорбяще, присно же радующеся: яко нищи, а многи богатяще: яко ничтоже имуще, а вся содержаще. II Corinthians 6:11 Уста наша отверзошася к вам, Коринфяне, сердце наше распространися. II Corinthians 6:12 Не тесно вмещаетеся в нас, утесняетеся же во утробах ваших. II Corinthians 6:13 Тожде же возмездие, якоже чадом глаголю, распространитеся и вы. II Corinthians 6:14 Не бывайте удобь преложни ко иному ярму, якоже невернии. Кое бо причастие правде к беззаконию? Или кое общение свету ко тьме? II Corinthians 6:15 Кое же согласие Христови с Велиаром? Или кая часть верну с неверным? II Corinthians 6:16 Или кое сложение церкви Божией со идолы? Вы бо есте церкви Бога жива, якоже рече Бог: яко вселюся в них и похожду, и буду им Бог, и тии будут Мне людие. II Corinthians 6:17 Темже изыдите от среды их и отлучитеся, глаголет Господь, и нечистоте не прикасайтеся, и Аз прииму вы: II Corinthians 6:18 и буду вам во Отца, и вы будете Мне в сыны и дщери, глаголет Господь Вседержитель. II Corinthians 7:0 II Corinthians 7:1 Сицева убо имуще обетования, о возлюбленнии, очистим себе от всякия скверны плоти и духа, творяще святыню в страсе Божии. II Corinthians 7:2 Вместите ны: ни единаго обидехом, ни единаго истлихом, ни единаго лихоимствовахом. II Corinthians 7:3 Не на осуждение глаголю: прежде бо рех, яко в сердцах наших есте, во еже умрети с вами и сожити. II Corinthians 7:4 Много ми дерзновение к вам, многа ми похвала о вас: исполнихся утехи, преизбыточествую радостию о всяцей печали нашей. II Corinthians 7:5 Ибо пришедшым нам в Македонию, ни единаго име покоя плоть наша, но во всем скорбяще: внеуду брани, внутрьуду боязни. II Corinthians 7:6 Но утешаяй смиренныя, утеши нас Бог пришествием Титовым, II Corinthians 7:7 не токмо же пришествием его, но и утешением, имже утешися о вас, поведая нам ваше желание, ваше рыдание, вашу ревность по мне, яко ми паче возрадоватися. II Corinthians 7:8 Яко аще и оскорбих вас посланием, не раскаюся, аще и раскаял бых ся: вижду бо, яко послание оно, аще и к часу, оскорби вас. II Corinthians 7:9 Ныне радуюся, не яко скорбни бысте, но яко оскорбистеся в покаяние: оскорбесте бо по Бозе, да ни в чемже отщетитеся от нас. II Corinthians 7:10 Печаль бо, яже по Бозе, покаяние нераскаянно во спасение соделовает, а сего мира печаль смерть соделовает. II Corinthians 7:11 Се бо сие самое, еже по Бозе оскорбитися вам, колико содела в вас тщание? Но ответ? Но негодование, но страх, но вожделение, но ревность, но отмщение? Во всем представисте себе чисты быти в вещи. II Corinthians 7:12 Аще бо и писах вам, не обидевшаго ради, ниже обидимаго ради, но за еже явитися в вас тщанию нашему, еже о вас пред Богом. II Corinthians 7:13 Сего ради утешихомся о утешении вашем: лишше же паче возрадовахомся о радости Титове, яко покоися дух его от всех вас: II Corinthians 7:14 яко аще что ему о вас похвалихся, не посрамихся: но яко вся воистинну глаголахом вам, тако и похваление наше, еже к Титу, истинно бысть: II Corinthians 7:15 и утроба его излиха к вам есть, воспоминающаго всех вас послушание, яко со страхом и трепетом приясте его. II Corinthians 7:16 Радуюся убо, яко во всем дерзаю в вас. II Corinthians 8:0 II Corinthians 8:1 Сказуем же вам, братие, благодать Божию, данную в церквах Македонских: II Corinthians 8:2 яко во мнозем искушении скорбей избыток радости их, и яже во глубине нищета их избыточествова в богатство простоты их: II Corinthians 8:3 яко по силе их, свидетельствую, и паче силы доброхотни, II Corinthians 8:4 со многим молением моляще нас, благодать и общение служения, еже ко святым, прияти нам: II Corinthians 8:5 и не якоже надеяхомся, но себе вдаша первее Господеви, и нам волею Божиею: II Corinthians 8:6 во еже умолити нам Тита, да якоже прежде начат, такожде и скончает в вас и благодать сию. II Corinthians 8:7 Но якоже во всем избыточествуете, верою и словом, и разумом, и всяцем тщанием, и любовию, яже от вас к нам, да и в сей благодати избыточествуете. II Corinthians 8:8 Не по повелению глаголю, но за иных тщание и вашея любве истинное искушая. II Corinthians 8:9 Весте бо благодать Господа нашего Иисуса Христа, яко вас ради обнища богат сый, да вы нищетою Его обогатитеся. II Corinthians 8:10 И совет даю о сем: се бо вам есть на пользу, иже не точию, еже творити, но и еже хотети, прежде начасте от прешедшаго лета. II Corinthians 8:11 Ныне же и сие творити скончайте, да якоже бысть усердие хотети, тако будет и исполнити от сего, еже имате. II Corinthians 8:12 Аще бо усердие предлежит, по елику аще кто имать, благоприятен есть, а не по елику не имать. II Corinthians 8:13 Не бо да иным убо отрада, вам же скорбь: но по изравнению. II Corinthians 8:14 В нынешнее время ваше избыточествие во онех лишение, да и онех избыток будет в ваше лишение, яко да будет равенство, II Corinthians 8:15 якоже есть писано: иже многое, не преумножил есть: и иже малое, не умалил. II Corinthians 8:16 Благодарение же Богови, давшему тожде тщание о вас в сердце Титово: II Corinthians 8:17 яко моление убо прият, тщаливейший же сый, своею волею изыде к вам. II Corinthians 8:18 Послахом же с ним и брата, егоже похвала во евангелии по всем церквам: II Corinthians 8:19 не точию же, но и освящен от церквей с нами ходити, со благодатию сею, служимою нами к Самого Господа славе и усердию вашему: II Corinthians 8:20 блюдущеся того, да не кто нас поречет во обилии сем служимем нами: II Corinthians 8:21 промышляюще добрая не токмо пред Богом, но и пред человеки. II Corinthians 8:22 Послахом же с ними и брата нашего, егоже искусихом во многих многащи встанлива суща, ныне же зело встанливейша, надеянием многим на вас. II Corinthians 8:23 Аще ли же о Тите, общник мне и к вам споспешник: аще ли братия наша, посланницы церквей, слава Христова. II Corinthians 8:24 Показание убо любве вашея и нашего хваления о вас, к ним покажите, и в лице церквей. II Corinthians 9:0 II Corinthians 9:1 О службе бо, яже ко святым, лишше ми есть писати вам, II Corinthians 9:2 вем бо усердие ваше, имже о вас хвалюся Македоняном, яко Ахаиа приготовися от мимошедшаго лета: и яже от вас ревность раздражи множайших. II Corinthians 9:3 Послах же братию, да не похваление наше, еже о вас, испразднится в части сей, но да, якоже глаголах, приготовани будете: II Corinthians 9:4 да не како, аще приидут со мною Македоняне и обрящут вас неприготованных, постыдимся мы, да не глаголем вы, в части сей похваления. II Corinthians 9:5 Потребно убо умыслих умолити братию, да прежде приидут к вам и предуготовят прежде возвещенное благословение ваше, сие готово быти тако, якоже благословение, а не яко лихоимство. II Corinthians 9:6 Се же глаголю: сеяй скудостию, скудостию и пожнет: а сеяй о благословении, о благословении и пожнет. II Corinthians 9:7 Кийждо якоже изволение имать сердцем, не от скорби, ни от нужды: доброхотна бо дателя любит Бог. II Corinthians 9:8 Силен же Бог всяку благодать изюбиловати в вас, да о всем всегда всяко довольство имуще, избыточествуете во всяко дело благо, II Corinthians 9:9 якоже есть писано: расточи, даде убогим: правда его пребывает во век века. II Corinthians 9:10 Даяй же семя сеющему и хлеб в снедь, да подаст и умножит семя ваше, и да возрастит жита правды вашея, II Corinthians 9:11 да о всем богатящеся во всяку простоту, яже содевает нами благодарение Богу. II Corinthians 9:12 Яко работа сего служения не токмо есть исполняющая лишения святых, но и избыточествующая многими благодареньми Богови: II Corinthians 9:13 искушением служения сего славяще Бога о покорении исповедания вашего в Благовествовании Христове, и о простоте союбщения к ним и ко всем, II Corinthians 9:14 и о тех молитве о вас, возжелеющих вас за премногую благодать Божию на вас. II Corinthians 9:15 Благодарение же Богови о неисповедимем Его даре. II Corinthians 10:0 II Corinthians 10:1 Сам же аз Павел молю вы кротостию и тихостию Христовою, иже в лице убо смирен в вас, не сый же у вас дерзаю в вас. II Corinthians 10:2 Молю же, да не присущ дерзаю надеянием, имже помышляю смети на некия непщующыя нас яко по плоти ходящих. II Corinthians 10:3 Во плоти бо ходяще, не по плоти воинствуем: II Corinthians 10:4 оружия бо воинства нашего не плотская, но сильна Богом на разорение твердем: помышления низлагающе, II Corinthians 10:5 и всяко возношение взимающееся на разум Божий, и пленяюще всяк разум в послушание Христово, II Corinthians 10:6 и в готовости имуще отмстити всяко преслушание, егда исполнится ваше послушание. II Corinthians 10:7 Иже ли пред лицем, зрите? Аще кто надеется себе Христова быти, да помышляет паки от себе, зане, якоже он Христов, такожде и мы Христовы. II Corinthians 10:8 Аще бо и лишше что похвалюся о власти нашей, юже даде нам Господь в создание, а не на разорение ваше, не постыжуся. II Corinthians 10:9 Но да не явлюся, яко страшя вас посланьми. II Corinthians 10:10 Яко послания убо, рече, тяжка и крепка, а пришествие тела немощно, и слово уничиженно: II Corinthians 10:11 сие да помышляет таковый, яко яцы же есмы словом посланий, отстояще, таковии и ту суще есмы делом. II Corinthians 10:12 Не смеем бо судити, или прикладовати себе иным хвалящым себе самех: но сами в себе себе измеряюще, и прилагающе себе самим себе, не разумевают. II Corinthians 10:13 Мы же не в безмерная похвалимся, но по мере правила, егоже раздели нам Бог меру, достизати даже и до вас. II Corinthians 10:14 Не яко бо не досяжуще до вас, паче простираем себе, даже бо и до вас достигохом благовестием Христовым: II Corinthians 10:15 не в безмерная хвалящеся в чуждих трудех, упование же имуще, растущей вере вашей, в вас величатися по правилу нашему изобильно, II Corinthians 10:16 во еже и в дальших вас странах благовестити, не чужим правилом в готовых похвалитися. II Corinthians 10:17 Хваляйся же, о Господе да хвалится: II Corinthians 10:18 не хваляй бо себе сей искусен, но егоже Бог восхваляет. II Corinthians 11:0 II Corinthians 11:1 О, да бысте мало потерпели безумию моему! Но и потерпите мя. II Corinthians 11:2 Ревную бо по вас Божиею ревностию: обручих бо вас единому мужу деву чисту представити Христови. II Corinthians 11:3 Боюся же, да не како, якоже змий Еву прельсти лукавством своим, тако истлеют и разумы ваши от простоты, яже о Христе. II Corinthians 11:4 Аще бо грядый инаго Иисуса проповедает, егоже не проповедахом, или Духа инаго приемлете, егоже не приясте, или благовествование ино, еже не приясте, добре бысте потерпели. II Corinthians 11:5 Непщую бо ничимже лишитися предних Апостол: II Corinthians 11:6 аще бо и невежда словом, но не разумом: но везде явльшеся о всем в вас. II Corinthians 11:7 Или грех сотворих себе смиряя, да вы вознесетеся, яко туне Божие Благовествование благовестих вам? II Corinthians 11:8 От иных церквей уях, приим оброк к вашему служению: и пришед к вам, и в скудости быв, не стужих ни единому: II Corinthians 11:9 скудость бо мою исполниша братия, пришедше от Македонии: и во всем без стужения вам себе соблюдох и соблюду. II Corinthians 11:10 Есть истина Христова во мне, яко похваление сие не заградится о мне в странах Ахайских. II Corinthians 11:11 Почто? Зане не люблю ли вас? Бог весть. А еже творю, и сотворю, II Corinthians 11:12 да отсеку вину хотящым вины, да, о немже хвалятся, обрящутся якоже и мы. II Corinthians 11:13 Таковии бо лживи апостоли, делателе льстивии, преобразующеся во Апостолы Христовы. II Corinthians 11:14 И не дивно: сам бо сатана преобразуется во Ангела светла: II Corinthians 11:15 не велие убо, аще и служителие его преобразуются яко служители правды: имже кончина будет по делом их. II Corinthians 11:16 Паки глаголю: да никтоже мнит мя безумна быти: аще ли ни, поне яко безумна приимите мя, да и аз мало что похвалюся. II Corinthians 11:17 А еже глаголю, не глаголю по Господе, но яко в безумии в сей части похвалы: II Corinthians 11:18 понеже мнози хвалятся по плоти, и аз похвалюся. II Corinthians 11:19 Любезно бо приемлете безумныя, мудри суще: II Corinthians 11:20 приемлете бо, аще кто вас порабощает, аще кто поядает, аще кто не влепоту проторит, аще кто по лицу биет вы, аще кто величается. II Corinthians 11:21 По досаждению глаголю, зане аки мы изнемогохом. О немже аще дерзает кто, несмысленно глаголю, дерзаю и аз. II Corinthians 11:22 Еврее ли суть? И аз. Израилите ли суть? И аз. Семя Авраамле ли суть? И аз. II Corinthians 11:23 Служителие ли Христовы суть? Не в мудрости глаголю, паче аз. В трудех множае, в ранах преболе, в темницах излиха, в смертех многащи. II Corinthians 11:24 От Иудей пять краты четыредесять разве единыя приях: II Corinthians 11:25 трищи палицами биен бых, единою каменьми наметан бых, трикраты корабль опровержеся со мною: нощь и день во глубине сотворих: II Corinthians 11:26 в путных шествиих множицею: беды в реках, беды от разбойник, беды от сродник, беды от язык, беды во градех, беды в пустыни, беды в мори, беды во лжебратии: II Corinthians 11:27 в труде и подвизе, во бдениих множицею, во алчбе и жажди, в пощениих многащи, в зиме и наготе. II Corinthians 11:28 Кроме внешних, нападение еже по вся дни, и попечение всех церквей. II Corinthians 11:29 Кто изнемогает, и не изнемогаю? Кто соблазняется, и аз не разжизаюся? II Corinthians 11:30 Аще хвалитися ми подобает, о немощи моей похвалюся. II Corinthians 11:31 Бог и Отец Господа нашего Иисуса Христа весть, сый благословен во веки, яко не лгу. II Corinthians 11:32 В Дамасце языческий князь Арефы царя стрежаше Дамаск град, яти мя хотя: и оконцем в кошнице свешен бых по стене, и избегох из руку его. II Corinthians 12:0 II Corinthians 12:1 Похвалитися же не пользует ми: прииду бо в видения и откровения Господня. II Corinthians 12:2 Вем человека о Христе, прежде лет четыренадесяти: аще в теле, не вем, аще ли кроме тела, не вем, Бог весть: восхищена бывша таковаго до третияго небесе. II Corinthians 12:3 И вем такова человека: аще в теле, или кроме тела, не вем: Бог весть: II Corinthians 12:4 яко восхищен бысть в рай, и слыша неизреченны глаголголы, ихже не леть есть человеку глаголати. II Corinthians 12:5 О таковем похвалюся: о себе же не похвалюся, токмо о немощех моих. II Corinthians 12:6 Аще бо восхощу похвалитися, не буду безумен, истину бо реку: жажду же, да не како кто вознепщует о мне паче, еже видит мя, или слышит что от мене. II Corinthians 12:7 И за премногая откровения да не превозношуся, дадеся ми пакостник плоти, аггел сатанин, да ми пакости деет, да не превозношуся. II Corinthians 12:8 О сем трикраты Господа молих, да отступит от мене, II Corinthians 12:9 и рече ми: довлеет ти благодать Моя: сила бо Моя в немощи совершается. Сладце убо похвалюся паче в немощех моих, да вселится в мя сила Христова. II Corinthians 12:10 Темже благоволю в немощех, в досаждениих, в бедах, во изгнаниих, в теснотах по Христе: егда бо немощствую, тогда силен есмь. II Corinthians 12:11 Бых несмыслен хваляся: вы мя понудисте. Аз бо должен бех от вас хвалимь бывати: ничимже бо лишихся первейших Апостол, аще и ничтоже есмь: II Corinthians 12:12 знамения бо Апостолова содеяшася в вас во всяцем терпении, в знамениих и чудесех и силах. II Corinthians 12:13 Что бо есть, егоже лишистеся паче прочих церквей, разве точию яко аз сам не стужих вам? Дадите ми неправду сию. II Corinthians 12:14 Се третие готов есмь приити к вам, и не стужу вам: не ищу бо ваших, но вас. Не должна бо суть чада родителем снискати имения, но родителе чадом. II Corinthians 12:15 Аз же в сладость иждиву и иждивен буду по душах ваших, аще и излишше вас любя, менше любимь есмь. II Corinthians 12:16 Буди же, аз не отягчих вас, но коварен сый, лестию вас приях. II Corinthians 12:17 Еда коим от посланных к вам лихоимствовах вас? II Corinthians 12:18 Умолих Тита, и с ним послах брата: еда лихоимствова чим вас Тит? Не темже ли духом ходихома? Не темиже ли стопами? II Corinthians 12:19 Паки ли мните, яко ответ вам творим? Пред Богом, о Христе глаголем: вся же, возлюбленнии, о вашем созидании и утверждении. II Corinthians 12:20 Боюся же, еда како пришед, не яцех же хощу, обрящу вас, и аз обрящуся вам, якова же не хощете: да не како будут рвения, зависти, ярости, рети, клеветы, шептания, кичения, нестроения: II Corinthians 12:21 да не паки пришедша мя смирит Бог мой у вас, и восплачуся многих прежде согрешших и не покаявшихся о нечистоте и блужении и студоложствии, яже содеяша. II Corinthians 13:0 II Corinthians 13:1 Третицею се гряду к вам: при устех двою или триех свидетелей станет всяк глагол. II Corinthians 13:2 Прежде рех и предглаголю, яко у вас быв второе, и отсутствуя ныне пишу прежде согрешившым и прочым всем, яко аще прииду паки, не пощажду: II Corinthians 13:3 понеже искушения ищете глаголющаго во мне Христа, Иже в вас не изнемогает, но может в вас: II Corinthians 13:4 ибо аще и распят бысть от немощи, но жив есть от силы Божия: ибо и мы немощствуем в Нем, но живи будем с Ним от силы Божия в вас: II Corinthians 13:5 себе искушайте, аще есте в вере: себе искушайте. Или не знаете себе, яко Иисус Христос в вас есть? Разве точию чим неискусни есте. II Corinthians 13:6 Уповаю же, яко разумети имате, яко мы несмы неискусни. II Corinthians 13:7 Молимся же к Богу, не сотворити вам ни единаго зла, не яко да мы искусни явимся, но да вы доброе сотворите, мы же яко неискусни будем. II Corinthians 13:8 Ничтоже бо можем на истину, но по истине. II Corinthians 13:9 Радуемся бо, егда мы немощствуем, вы же сильни бываете: о сем же и молимся, о вашем совершении. II Corinthians 13:10 Сего ради не сый у вас сия пишу, да не пришед безщадно сотворю по власти, юже Господь дал ми есть в создание, а не на разорение. II Corinthians 13:11 Прочее же, братие, радуйтеся, совершайтеся, утешайтеся, тожде мудрствуйте, мир имейте. И Бог любве и мира будет с вами. II Corinthians 13:12 Целуйте друг друга лобзанием святым. II Corinthians 13:13 Целуют вы святии вси. Благодать Господа нашего Иисуса Христа, и любы Бога и Отца, и общение Святаго Духа со всеми вами. Аминь.
Galatians 0:0
Послание апостола Павла Галатам Galatians 1:0 Galatians 1:1 Павел, Апостол ни от человек, ни человеком, но Иисус Христом и Богом Отцем воскресившим Его из мертвых, Galatians 1:2 и иже со мною вся братия, церквам Галатийским: Galatians 1:3 благодать вам и мир от Бога Отца и Господа нашего Иисуса Христа, Galatians 1:4 давшаго Себе по гресех наших, яко да избавит нас от настоящаго века лукаваго, по воли Бога и Отца нашего, Galatians 1:5 Емуже слава во веки веков. Аминь. Galatians 1:6 Чуждуся, яко тако скоро прелагаетеся от звавшаго вы благодатию Христовою, во ино благовествование: Galatians 1:7 еже несть ино, точию нецыи суть смущающии вы и хотящии превратити благовествование Христово. Galatians 1:8 Но и аще мы, или Ангел с небесе благовестит вам паче, еже благовестихом вам, анафема да будет. Galatians 1:9 Якоже предрекохом, и ныне паки глаголю: аще кто вам благовестит паче, еже приясте, анафема да будет. Galatians 1:10 Ныне бо человеки препираю, или Бога, или ищу человеком угождати? Аще бо бых еще человеком угождал, Христов раб не бых убо был. Galatians 1:11 Сказую же вам, братие, Благовествование благовещенное от мене, яко несть по человеку: Galatians 1:12 ни бо аз от человека приях е, ниже научихся, но явлением Иисус Христовым. Galatians 1:13 Слышасте бо мое житие иногда в Жидовстве, яко по премногу гоних Церковь Божию и разрушах ю, Galatians 1:14 и преспевах в Жидовстве паче многих сверстник моих в роде моем, излиха ревнитель сый отеческих моих преданий. Galatians 1:15 Егда же благоволи Бог, избравый мя от чрева матере моея и призвавый благодатию Своею, Galatians 1:16 явити Сына Своего во мне, да благовествую Его во языцех, абие не приложихся плоти и крови, Galatians 1:17 ни взыдох во Иерусалим к первейшым мене Апостолом, но идох во Аравию, и паки возвратихся в Дамаск. Galatians 1:18 Потом же по триех летех взыдох во Иерусалим соглядати Петра, и пребых у него дний пятьнадесять. Galatians 1:19 Иного же от Апостол не видех, токмо Иакова брата Господня. Galatians 1:20 А яже пишу вам, се пред Богом, яко не лгу. Galatians 1:21 Потом же приидох в страны Сирския и Киликийския. Galatians 1:22 Бех же не знаемь лицем церквам Иудейским, яже о Христе, Galatians 1:23 точию же слышаще бяху, яко гоняй нас иногда, ныне благовествует веру, юже иногда разрушаше: Galatians 1:24 и славляху о мне Бога. Galatians 2:0 Galatians 2:1 Потом же по четыренадесяти летех паки взыдох во Иерусалим с Варнавою, поем с собою и Тита. Galatians 2:2 Взыдох же по откровению, и предложих им благовествование, еже проповедую во языцех, наедине же мнимым, да не како вотще теку, или текох. Galatians 2:3 Но ни Тит, иже со мною, Еллин сый, нужден бысть обрезатися. Galatians 2:4 И за пришедшую лжебратию, иже привнидоша соглядати свободы нашея, юже имамы о Христе Иисусе, да нас поработят: Galatians 2:5 имже ни к часу повинухомся в покорение, да истина благовестия пребудет в вас. Galatians 2:6 От мнящихся же быти что, якови некогда беша, ничтоже ми разнствует: лица Бог человеча не приемлет. Мне бо мнимии ничтоже привозложиша: Galatians 2:7 но сопротивное, уразумевше, яко уверено ми бысть благовестие необрезания, якоже Петру обрезания: Galatians 2:8 ибо Споспешествовавый Петру в послание обрезания, споспешествова и мне во языки: Galatians 2:9 и познавше благодать данную ми, Иаков и Кифа и Иоанн, мнимии столпи быти, десницы даша мне и Варнаве общения, да мы во языки, они же во обрезание, Galatians 2:10 точию нищих да помнима: еже и потщахся сие истое сотворити. Galatians 2:11 Егда же прииде Петр во Антиохию, в лице ему противустах, яко зазорен бе. Galatians 2:12 Прежде бо даже не приити неким от Иакова, с языки ядяше: егда же приидоша, опряташеся и отлучашеся, бояся сущих от обрезания. Galatians 2:13 И лицемеришася с ним и прочии Иудеи, яко и Варнаве пристати лицемерству их. Galatians 2:14 Но егда видех, яко не право ходят ко истине Благовествования, рекох Петру пред всеми: аще ты, Иудей сый, язычески, а не иудейски живеши, почто языки нудиши иудейски жительствовати? Galatians 2:15 Мы естеством Иудее, а не от язык грешницы: Galatians 2:16 уведевше же, яко не оправдится человек от дел закона, но токмо верою Иисус Христовою, и мы во Христа Иисуса веровахом, да оправдимся от веры Христовы, а не от дел закона: зане не оправдится от дел закона всяка плоть. Galatians 2:17 Аще ли, ищуще оправдитися о Христе, обретохомся и сами грешницы, Христос убо греху ли служитель? Да не будет. Galatians 2:18 Аще бо, яже разорих, сия паки созидаю, преступника себе представляю. Galatians 2:19 Аз бо законом закону умрох, да Богови жив буду. Христови сраспяхся: Galatians 2:20 живу же не ктому аз, но живет во мне Христос. А еже ныне живу во плоти, верою живу Сына Божия, возлюбившаго мене и предавшаго Себе по мне. Galatians 2:21 Не отметаю благодати Божия. Аще бо законом правда, убо Христос туне умре. Galatians 3:0 Galatians 3:1 О, несмысленнии Галате, кто вы прельстил есть не покоритися истине, имже пред очима Иисус Христос преднаписан бысть, в вас распят? Galatians 3:2 Сие едино хощу уведети от вас: от дел ли закона Духа приясте, или от слуха веры? Galatians 3:3 Тако ли несмысленни есте? Наченше духом, ныне плотию скончаваете? Galatians 3:4 Толика пострадасте туне? Аще точию и туне. Galatians 3:5 Подаяй убо вам Духа и действуяй силы в вас, от дел ли закона, или от слуха веры? Galatians 3:6 Якоже Авраам верова Богу, и вменися ему в правду. Galatians 3:7 Разумейте убо, яко сущии от веры, сии суть сынове Авраамли. Galatians 3:8 Предувидевшее же Писание, яко от веры оправдает языки Бог, прежде благовествова Аврааму, яко благословятся о тебе вси языцы. Galatians 3:9 Темже сущии от веры, благословятся с верным Авраамом: Galatians 3:10 елицы бо от дел закона суть, под клятвою суть. Писано бо есть: проклят всяк, иже не пребудет во всех писанных в книзе законней, яко творити я. Galatians 3:11 А яко в законе никтоже оправдается от Бога, яве, яко праведный от веры жив будет. Galatians 3:12 Закон же несть от веры: но сотворивый та человек жив будет в них. Galatians 3:13 Христос ны искупил есть от клятвы законныя, быв по нас клятва: писано бо есть: проклят всяк висяй на древе: Galatians 3:14 да в языцех благословение Авраамле будет о Христе Иисусе, да обетование Духа приимем верою. Galatians 3:15 Братие, по человеку глаголю: обаче человеческаго предутвержденна завета никтоже отметает или приповелевает. Galatians 3:16 Аврааму же речени быша обеты, и семени его. Не глаголет же: и семенем, яко о мнозех, но яко о едином: и семени твоему, иже есть Христос. Galatians 3:17 Сие же глаголю, завета предутвержденнаго от Бога во Христа, бывый по летех четыриста и тридесятих закон не отметает, во еже разорити обетование. Galatians 3:18 Аще бо от закона наследие, не ктому уже от обетования: Аврааму же обетованием дарова Бог. Galatians 3:19 Что убо закон? Преступлений ради приложися, дондеже приидет семя, емуже обетовася, вчинен Ангелы, рукою ходатая. Galatians 3:20 Ходатай же единаго несть, Бог же един есть. Galatians 3:21 Закон ли убо противу обетованием Божиим? Да не будет. Аще бо дан бысть закон могий оживити, воистинну от закона бы была правда: Galatians 3:22 но затвори Писание всех под грехом, да обетование от веры Иисус Христовы дастся верующым. Galatians 3:23 Прежде же пришествия веры, под законом стрегоми бехом, затворени в хотящую веру открытися. Galatians 3:24 Темже закон пестун нам бысть во Христа, да от веры оправдимся: Galatians 3:25 пришедшей же вере, уже не под пестуном есмы. Galatians 3:26 Вси бо вы сынове Божии есте верою о Христе Иисусе: Galatians 3:27 елицы бо во Христа крестистеся, во Христа облекостеся. Galatians 3:28 Несть Иудей, ни Еллин: несть раб, ни свободь: несть мужеский пол, ни женский: вси бо вы едино есте о Христе Иисусе. Galatians 3:29 Аще ли вы Христовы, убо Авраамле семя есте, и по обетованию наследницы. Galatians 4:0 Galatians 4:1 Глаголю же: в елико время наследник млад есть, ничимже лучший есть раба, господь сый всех: Galatians 4:2 но под повелители и приставники есть даже до нарока отча. Galatians 4:3 Такожде и мы, егда бехом млади, под стихиами бехом мира порабощени: Galatians 4:4 егда же прииде кончина лета, посла Бог Сына Своего Единороднаго, Раждаемаго от жены, бываема под законом, Galatians 4:5 да подзаконныя искупит, да всыновление восприимем. Galatians 4:6 И понеже есте сынове, посла Бог Духа Сына Своего в сердца ваша, вопиюща: Авва Отче. Galatians 4:7 Темже уже неси раб, но сын: аще ли же сын, и наследник Божий Иисус Христом. Galatians 4:8 Но тогда убо, не ведуще Бога, служисте не по естеству сущым богом: Galatians 4:9 ныне же, познавше Бога, паче же познани бывше от Бога, како возвращаетеся паки на немощныя и худыя стихии, имже паки свыше служити хощете? Galatians 4:10 Дни смотряете, и месяцы, и времена, и лета. Galatians 4:11 Боюся о вас, еда како всуе трудихся в вас. Galatians 4:12 Будите якоже аз, зане и аз, якоже вы: братие, молю вы. Ничимже мене обидесте: Galatians 4:13 весте же, яко за немощь плоти благовестих вам первее. Galatians 4:14 И искушения моего, еже во плоти моей, не уничижисте, ни оплевасте, но якоже Ангела Божия приясте мя, яко Христа Иисуса. Galatians 4:15 Кое убо бяше блаженство ваше, свидетельствую бо вам, яко, аще бы было мощно, очеса ваша извертевше дали бысте ми. Galatians 4:16 Темже враг вам бых, истину вам глаголя? Galatians 4:17 Ревнуют по вас не добре, но отлучити вас хотят, да им ревнуете. Galatians 4:18 Добро же, еже ревновати всегда в добрем, и не точию внегда приходити ми к вам. Galatians 4:19 Чадца моя, имиже паки болезную, дондеже вообразится Христос в вас: Galatians 4:20 хотел же бых приити к вам ныне и изменити глас мой, яко не домышляюся о вас. Galatians 4:21 Глаголите ми, иже под законом хощете быти: закона ли не слушаете? Galatians 4:22 Писано бо есть, яко Авраам два сына име: единаго от рабы, а другаго от свободныя. Galatians 4:23 Но иже от рабы, по плоти родися: а иже от свободныя, по обетованию. Galatians 4:24 Иже суть иносказаема: сия бо еста два завета: един убо от горы Синайския, в работу раждаяй, иже есть Агарь: Galatians 4:25 Агарь бо, Сина гора есть во Аравии, прилагается же нынешнему Иерусалиму, работает же с чады своими: Galatians 4:26 а вышний Иерусалим свободь есть, иже есть мати всем нам. Galatians 4:27 Писано бо есть: возвеселися, неплоды, не раждающая: расторгни и возопи, неболящая: яко многа чада пустыя паче, нежели имущия мужа. Galatians 4:28 Мы же, братие, по Исааку обетования чада есмы. Galatians 4:29 Но якоже тогда по плоти родивыйся гоняше духовнаго, тако и ныне. Galatians 4:30 Но что глаголет Писание? Изжени рабу и сына ея, не имать бо наследовати сын рабынин с сыном свободныя. Galatians 4:31 Темже, братие, несмы рабынина чада, но свободныя. Galatians 5:0 Galatians 5:1 Свободою убо, еюже Христос нас свободи, стойте, и не паки под игом работы держитеся. Galatians 5:2 Се аз Павел глаголю вам, яко аще обрезаетеся, Христос вас ничтоже пользует. Galatians 5:3 Свидетельствую же паки всякому человеку обрезающемуся, яко должен есть весь закон творити. Galatians 5:4 Упразднистеся от Христа, иже законом оправдаетеся, от благодати отпадосте: Galatians 5:5 мы бо духом от веры упования правды ждем. Galatians 5:6 О Христе бо Иисусе ни обрезание что может, ни необрезание, но вера любовию поспешествуема. Galatians 5:7 Течасте добре: кто вам возбрани не покарятися истине? Galatians 5:8 Препрение не от Призвавшаго вы. Galatians 5:9 Мал квас все смешение квасит. Galatians 5:10 Аз надеюся о вас в Господе, яко ничтоже ино разумети будете: смущаяй же вас понесет грех, кто бы ни был. Galatians 5:11 Аз же, братие, аще обрезание еще проповедую, почто еще гонимь есмь? Убо упразднися соблазн креста. Galatians 5:12 О, дабы отсечени были развращающии вас. Galatians 5:13 Вы бо на свободу звани бысте, братие: точию да не свобода ваша в вину плоти, но любовию работайте друг другу. Galatians 5:14 Ибо весь закон в единем словеси исполняется, во еже: возлюбиши ближняго твоего якоже себе. Galatians 5:15 Аще же друг друга угрызаете и снедаете, блюдитеся, да не друг от друга истреблени будете. Galatians 5:16 Глаголю же: духом ходите, и похоти плотския не совершайте: Galatians 5:17 плоть бо похотствует на духа, дух же на плоть: сия же друг другу противятся, да не яже хощете, сия творите. Galatians 5:18 Аще ли духом водими есте, несте под законом. Galatians 5:19 Явлена же суть дела плотская, яже суть прелюбодеяние, блуд, нечистота, студодеяние, Galatians 5:20 идолослужение, чародеяния, вражды, рвения, завиды, ярости, разжжения, распри, соблазны, ереси, Galatians 5:21 зависти, убийства, пиянства, безчинни кличи и подобная сим: яже предглаголю вам, якоже и предрекох, яко таковая творящии Царствия Божия не наследят. Galatians 5:22 Плод же духовный есть любы, радость, мир, долготерпение, благость, милосердие, вера, Galatians 5:23 кротость, воздержание: на таковых несть закона. Galatians 5:24 А иже Христовы суть, плоть распяша со страстьми и похотьми. Galatians 5:25 Аще живем духом, духом и да ходим. Galatians 5:26 Не бываим тщеславни, друг друга раздражающе, друг другу завидяще. Galatians 6:0 Galatians 6:1 Братие, аще и впадет человек в некое прегрешение, вы духовнии исправляйте таковаго духом кротости: блюдый себе, да не и ты искушен будеши. Galatians 6:2 Друг друга тяготы носите, и тако исполните закон Христов. Galatians 6:3 Аще бо кто мнит себе быти что, ничтоже сый, умом льстит себе. Galatians 6:4 Дело же свое да искушает кийждо, и тогда в себе точию хваление да имать, а не во инем: Galatians 6:5 кийждо бо свое бремя понесет. Galatians 6:6 Да общается же учяйся словеси учащему во всех благих. Galatians 6:7 Не льститеся: Бог поругаемь не бывает. Еже бо аще сеет человек, тожде и пожнет: Galatians 6:8 яко сеяи в плоть свою, от плоти пожнет истление: а сеяи в дух, от духа пожнет живот вечный. Galatians 6:9 Доброе же творяще, да не стужаем си: во время бо свое пожнем, не ослабеюще. Galatians 6:10 Темже убо, дондеже время имамы, да делаим благое ко всем, паче же к присным в вере. Galatians 6:11 Видите, колицеми книгами писах вам моею рукою. Galatians 6:12 Елицы хотят хвалитися по плоти, сии нудят вы обрезатися, точию да не креста ради Христова гоними будут: Galatians 6:13 ни бо обрезающиися сами закон хранят, но хотят вам обрезоватися, да в вашей плоти похвалятся: Galatians 6:14 мне же да не будет хвалитися, токмо о кресте Господа нашего Иисуса Христа, имже мне мир распятся, и аз миру. Galatians 6:15 О Христе бо Иисусе ни обрезание что может, ни необрезание, но нова тварь. Galatians 6:16 И елицы правилом сим жительствуют, мир на них и милость, и на Израили Божии. Galatians 6:17 Прочее, труды да никтоже ми дает: аз бо язвы Господа Иисуса на теле моем ношу. Galatians 6:18 Благодать Господа нашего Иисуса Христа со духом вашим, братие. Аминь.
Ephesians 0:0
Послание апостола Павла Ефесянам Ephesians 1:0 Ephesians 1:1 Павел, посланник Иисус Христов волею Божиею, святым сущым во Ефесе и верным о Христе Иисусе: Ephesians 1:2 благодать вам и мир от Бога Отца нашего и Господа Иисуса Христа. Ephesians 1:3 Благословен Бог и Отец Господа нашего Иисуса Христа, благословивый нас всяцем благословением духовным в небесных о Христе. Ephesians 1:4 Якоже избра нас в Нем прежде сложения мира, быти нам святым и непорочным пред Ним в любви, Ephesians 1:5 прежде нарек нас во усыновление Иисус Христом в Него, по благоволению хотения Своего, Ephesians 1:6 в похвалу славы благодати Своея, еюже облагодати нас о Возлюбленнем: Ephesians 1:7 о Немже имамы избавление Кровию Его, и оставление прегрешении, по богатству благодати Его, Ephesians 1:8 юже преумножил есть в нас во всяцей премудрости и разуме, Ephesians 1:9 сказав нам тайну воли Своея по благоволению Своему, еже прежде положи в Нем, Ephesians 1:10 в смотрение исполнения времен, возглавити всяческая о Христе, яже на небесех и яже на земли в нем: Ephesians 1:11 в Немже и наследницы сотворихомся, прежде наречени бывше по прозрению Божию вся Действующаго по совету воли Своея, Ephesians 1:12 яко быти нам в похваление славы Его, прежде уповавшым во Христа: Ephesians 1:13 в Немже и вы, слышавше слово истины, благовествование спасения нашего, в Немже и веровавше знаменастеся Духом обетования Святым, Ephesians 1:14 Иже есть обручение наследия нашего, во избавление снабдения, в похвалу славы Его. Ephesians 1:15 Сего ради и аз слышав вашу веру о Христе Иисусе и любовь, яже ко всем святым, Ephesians 1:16 не престаю благодаря о вас, поминание о вас творя в молитвах моих, Ephesians 1:17 да Бог Господа нашего Иисуса Христа, Отец славы, даст вам Духа премудрости и откровения, в познание Его, Ephesians 1:18 просвещенна очеса сердца вашего, яко уведети вам, кое есть упование звания Его, и кое богатство славы достояния Его во святых, Ephesians 1:19 и кое преспеющее величество силы Его в нас верующих по действу державы крепости Его, Ephesians 1:20 юже содея о Христе, воскресив Его от мертвых и посадив одесную Себе на небесных, Ephesians 1:21 превыше всякаго Началства и Власти и Силы и Господства, и всякаго имене именуемаго не точию в веце сем, но и во грядущем: Ephesians 1:22 и вся покори под нозе Его, и Того даде главу выше всех Церкви, Ephesians 1:23 яже есть Тело Его, исполнение Исполняющаго всяческая во всех. Ephesians 2:0 Ephesians 2:1 И вас сущих прегрешеньми мертвых и грехи вашими, Ephesians 2:2 в нихже иногда ходисте по веку мира сего, по князю власти воздушныя, духа, иже ныне действует в сынех противления, Ephesians 2:3 в нихже и мы вси жихом иногда в похотех плоти нашея, творяще волю плоти и помышлений, и бехом естеством чада гнева, якоже и прочии: Ephesians 2:4 Бог же, богат сый в милости, за премногую любовь Свою, еюже возлюби нас, Ephesians 2:5 и сущих нас мертвых прегрешеньми, сооживи Христом: благодатию есте спасени: Ephesians 2:6 и с Ним воскреси, и спосади на небесных во Христе Иисусе, Ephesians 2:7 да явит в вецех грядущих презелное богатство благодати Своея благостынею на нас о Христе Иисусе. Ephesians 2:8 Благодатию бо есте спасени чрез веру: и сие не от вас, Божии дар: Ephesians 2:9 не от дел, да никтоже похвалится. Ephesians 2:10 Того бо есмы творение, создани во Христе Иисусе на дела благая, яже прежде уготова Бог, да в них ходим. Ephesians 2:11 Темже поминайте, яко вы, иже иногда языцы во плоти, глаголемии необрезание от рекомаго обрезания во плоти, рукотвореннаго, Ephesians 2:12 яко бесте во время оно без Христа, отчуждени жития Израилева и чужди от завет обетования, упования не имуще и безбожни в мире: Ephesians 2:13 ныне же о Христе Иисусе вы, бывшии иногда далече, близ бысте Кровию Христовою. Ephesians 2:14 Той бо есть мир наш, сотворивый обоя едино, и средостение ограды разоривый, Ephesians 2:15 вражду Плотию Своею, закон заповедий ученьми упразднив, да оба созиждет Собою во единаго новаго человека, творя мир, Ephesians 2:16 и примирит обоих во единем теле Богови крестом, убив вражду на нем: Ephesians 2:17 и пришед благовести мир вам, дальним и ближним, Ephesians 2:18 зане Тем имамы приведение обои во единем Дусе ко Отцу. Ephesians 2:19 Темже убо ктому несте странни и пришелцы, но сожителе святым и приснии Богу, Ephesians 2:20 наздани бывше на основании Апостол и пророк, сущу краеугольну Самому Иисусу Христу, Ephesians 2:21 о немже всяко создание составляемо растет в церковь святую о Господе: Ephesians 2:22 о немже и вы созидаетеся в жилище Божие Духом. Ephesians 3:0 Ephesians 3:1 Сего ради аз Павел юзник Иисус Христов о вас языцех. Ephesians 3:2 Аще убо слышасте смотрение благодати Божия данныя мне в вас, Ephesians 3:3 яко по откровению сказася мне тайна, якоже преднаписах вмале: Ephesians 3:4 о немже можете чтуще разумети разум мой в тайне Христове, Ephesians 3:5 яже во инех родех не сказася сыном человеческим, якоже ныне открыся святым Его Апостолом и пророком Духом Святым: Ephesians 3:6 яко быти языком снаследником и стелесником и спричастником обетования Его о Христе Иисусе, благовествованием, Ephesians 3:7 емуже бых служитель по дару благодати Божия, данныя мне по действу силы Его. Ephesians 3:8 Мне меншему всех святых дана бысть благодать сия, во языцех благовестити неизследованное богатство Христово Ephesians 3:9 и просветити всех, что есть смотрение тайны сокровенныя от веков в Бозе, создавшем всяческая Иисус Христом, Ephesians 3:10 да скажется ныне началом и властем на небесных Церковию многоразличная премудрость Божия, Ephesians 3:11 по предложению век, еже сотвори о Христе Иисусе Господе нашем, Ephesians 3:12 о Немже имамы дерзновение и приведение в надеянии верою Его. Ephesians 3:13 Темже молю (вы) не стужати си в скорбех моих о вас, яже есть слава ваша. Ephesians 3:14 Сего ради преклоняю колена моя ко Отцу Господа нашего Иисуса Христа, Ephesians 3:15 из Негоже всяко отечество на небесех и на земли именуется: Ephesians 3:16 да даст вам по богатству славы Своея, силою утвердитися Духом Его во внутреннем человеце, Ephesians 3:17 вселитися Христу верою в сердца ваша: в любви вкоренени и основани, Ephesians 3:18 да возможете разумети со всеми святыми, что широта и долгота и глубина и высота, Ephesians 3:19 разумети же преспеющую разум любовь Христову, да исполнитеся во всяко исполнение Божие. Ephesians 3:20 Могущему же паче вся творити по преизбыточествию, ихже просим или разумеем, по силе действуемей в нас, Ephesians 3:21 Тому слава в Церкви о Христе Иисусе во вся роды века веков. Аминь. Ephesians 4:0 Ephesians 4:1 Молю убо вас аз юзник о Господе, достойно ходити звания, в неже звани бысте, Ephesians 4:2 со всяким смиреномудрием и кротостию, с долготерпением, терпяще друг другу любовию, Ephesians 4:3 тщащеся блюсти единение духа в союзе мира. Ephesians 4:4 Едино тело, един дух, якоже и звани бысте во единем уповании звания вашего: Ephesians 4:5 един Господь, едина вера, едино крещение, Ephesians 4:6 един Бог и Отец всех, Иже над всеми и чрез всех и во всех нас. Ephesians 4:7 Единому же комуждо нас дадеся благодать по мере дарования Христова. Ephesians 4:8 Темже глаголет: возшед на высоту, пленил еси плен, и даде даяния человеком. Ephesians 4:9 А еже, взыде, что есть, точию яко и сниде прежде в долнейшыя страны земли? Ephesians 4:10 Сшедый, Той есть и возшедый превыше всех небес, да исполнит всяческая. Ephesians 4:11 И Той дал есть овы убо Апостолы, овы же пророки, овы же Благовестники, овы же пастыри и учители, Ephesians 4:12 к совершению святых, в дело служения, в созидание Тела Христова, Ephesians 4:13 дондеже достигнем вси в соединение веры и познания Сына Божия, в мужа совершенна, в меру возраста исполнения Христова: Ephesians 4:14 да не бываем ктому младенцы, влающеся и скитающеся всяким ветром учения, во лжи человечестей, в коварстве козней льщения: Ephesians 4:15 истинствующе же в любви, да возрастим в Него всяческая, Иже есть глава Христос, Ephesians 4:16 из Негоже все тело, составляемо и счиневаемо приличне всяцем осязанием подаяния, по действу в мере единыя коеяждо части, возращение тела творит в создание самаго себе любовию. Ephesians 4:17 Сие убо глаголю и послушествую о Господе, ктому не ходити вам, якоже и прочии языцы ходят в суете ума их, Ephesians 4:18 помрачени смыслом, суще отчуждени от жизни Божия, за невежество сущее в них, за окаменение сердец их: Ephesians 4:19 иже в нечаяние вложшеся, предаша себе студодеянию, в делание всякия нечистоты в лихоимании. Ephesians 4:20 Вы же не тако познасте Христа: Ephesians 4:21 аще убо слышасте Его и о Нем научистеся, якоже есть истина о Иисусе: Ephesians 4:22 отложити вам, по первому житию, ветхаго человека, тлеющаго в похотех прелестных, Ephesians 4:23 обновлятися же духом ума вашего, Ephesians 4:24 и облещися в новаго человека, созданнаго по Богу в правде и в преподобии истины. Ephesians 4:25 Темже отложше лжу, глаголите истину кийждо ко искреннему своему. Зане есмы друг другу удове. Ephesians 4:26 Гневайтеся и не согрешайте: солнце да не зайдет в гневе вашем: Ephesians 4:27 ниже дадите места диаволу. Ephesians 4:28 Крадый ктому да не крадет, но паче да труждается, делая своима рукама благое, да имать подаяти требующему. Ephesians 4:29 Всяко слово гнило да не исходит из уст ваших, но точию еже есть благо к созданию веры, да даст благодать слышащым. Ephesians 4:30 И не оскорбляйте Духа Святаго Божия, Имже знаменастеся в день избавления. Ephesians 4:31 Всяка горесть, и гнев, и ярость, и кличь, и хула да возмется от вас, со всякою злобою: Ephesians 4:32 бывайте же друг ко другу блази, милосерди, прощающе друг другу, якоже и Бог во Христе простил есть вам. Ephesians 5:0 Ephesians 5:1 Бывайте убо подражателе Богу, якоже чада возлюбленная, Ephesians 5:2 и ходите в любви, якоже и Христос возлюбил есть нас, и предаде Себе за ны приношение и жертву Богу в воню благоухания. Ephesians 5:3 Блуд же и всяка нечистота и лихоимство ниже да именуется в вас, якоже подобает святым: Ephesians 5:4 и сквернословие, и буесловие, или кощуны, яже неподобная, но паче благодарение: Ephesians 5:5 сие бо да весте, яко всяк блудник, или нечист, или лихоимец, иже есть идолослужитель, не имать достояния в Царствии Христа и Бога. Ephesians 5:6 Никтоже вас да льстит суетными словесы, сих бо ради грядет гнев Божий на сыны непокоривыя. Ephesians 5:7 Не бывайте убо сопричастницы сим. Ephesians 5:8 Бесте бо иногда тма, ныне же свет о Господе: якоже чада света ходите: Ephesians 5:9 плод бо духовный есть во всяцей благостыни и правде и истине: Ephesians 5:10 искушающе, что есть благоугодно Богови: Ephesians 5:11 и не приюбщайтеся к делом неплодным тмы, паче же и обличайте. Ephesians 5:12 Бываемая бо отай от них, срамно есть и глаголати. Ephesians 5:13 Вся же обличаемая от света являются, все бо являемое свет есть: Ephesians 5:14 сего ради глаголет: востани, спяй, и воскресни от мертвых, и осветит тя Христос. Ephesians 5:15 Блюдите убо, како опасно ходите, не якоже немудри, но якоже премудри, Ephesians 5:16 искупующе время, яко дние лукави суть. Ephesians 5:17 Сего ради не бывайте несмысленни, но разумевайте, что есть воля Божия. Ephesians 5:18 И не упивайтеся вином, в немже есть блуд: но паче исполняйтеся Духом, Ephesians 5:19 глаголюще себе во псалмех и пениих и песнех духовных, воспевающе и поюще в сердцах ваших Господеви, Ephesians 5:20 благодаряще всегда о всех о имени Господа нашего Иисуса Христа Богу и Отцу, Ephesians 5:21 повинующеся друг другу в страсе Божии. Ephesians 5:22 Жены, своим мужем повинуйтеся, якоже Господу, Ephesians 5:23 зане муж глава есть жены, якоже и Христос глава Церкве, и Той есть Спаситель тела: Ephesians 5:24 но якоже Церковь повинуется Христу, такожде и жены своим мужем во всем. Ephesians 5:25 Мужие, любите своя жены, якоже и Христос возлюби Церковь, и Себе предаде за ню, Ephesians 5:26 да освятит ю, очестив банею водною в глаголголе: Ephesians 5:27 да представит ю Себе славну Церковь, не имущу скверны, или порока, или нечто от таковых, но да будет свята и непорочна. Ephesians 5:28 Тако должни суть мужие любити своя жены, яко своя телеса: любяй бо свою жену, себе самаго любит. Ephesians 5:29 Никтоже бо когда свою плоть возненавиде, но питает и греет ю, якоже и Господь Церковь: Ephesians 5:30 зане уди есмы Тела Его, от плоти Его и от костей Его. Ephesians 5:31 Сего ради оставит человек отца своего и матерь, и прилепится к жене своей, и будета два в плоть едину. Ephesians 5:32 Тайна сия велика есть: аз же глаголю во Христа и во Церковь. Ephesians 5:33 Обаче и вы, по единому кийждо свою жену сице да любит, якоже (и) себе: а жена да боится (своего) мужа. Ephesians 6:0 Ephesians 6:1 Чада, послушайте своих родителей о Господе: сие бо есть праведно. Ephesians 6:2 Чти отца твоего и матерь: яже есть заповедь первая во обетовании: Ephesians 6:3 да благо ти будет, и будеши долголетен на земли. Ephesians 6:4 И отцы, не раздражайте чад своих, но воспитовайте их в наказании и учении Господни. Ephesians 6:5 Раби, послушайте господий своих по плоти со страхом и трепетом, в простоте сердца вашего, якоже и Христа, Ephesians 6:6 не пред очима точию работающе яко человекоугодницы, но якоже раби Христовы, творяще волю Божию от души, Ephesians 6:7 со благоразумием служаще якоже Господу, а не яко человеком, Ephesians 6:8 ведяще, яко кийждо, еже аще сотворит благое, сие приимет от Господа, аще раб, аще свободь. Ephesians 6:9 И господие, таяжде творите к ним, послабляюще им прещения, ведуще, яко и вам самем и тем Господь есть на небесех, и обиновения лица несть у Него. Ephesians 6:10 Прочее же, братие моя, возмогайте во Господе и в державе крепости Его: Ephesians 6:11 облецытеся во вся оружия Божия, яко возмощи вам стати противу кознем диаволским, Ephesians 6:12 яко несть наша брань к крови и плоти, но к началом и ко властем (и) к миродержителем тмы века сего, к духовом злобы поднебесным. Ephesians 6:13 Сего ради приимите вся оружия Божия, да возможете противитися в день лют и вся содеявше стати. Ephesians 6:14 Станите убо препоясани чресла ваша истиною, и оболкшеся в броня правды, Ephesians 6:15 и обувше нозе во уготование благовествования мира: Ephesians 6:16 над всеми же восприимше щит веры, в немже возможете вся стрелы лукаваго разжженныя угасити: Ephesians 6:17 и шлем спасения восприимите, и мечь духовныи, иже есть Глаголгол Божий: Ephesians 6:18 всякою молитвою и молением молящеся на всяко время духом, и в сие истое бдяще во всяком терпении и молитве о всех святых Ephesians 6:19 и о мне, да дастся ми слово во отверзение уст моих, с дерзновением сказати тайну благовествования, Ephesians 6:20 о немже посолствую во узах, да в нем дерзаю, якоже подобает ми глаголати. Ephesians 6:21 Да увесте же и вы, яже о мне, что делаю, вся скажет вам Тихик, возлюбленный брат и верен служитель о Господе, Ephesians 6:22 егоже послах к вам на сие истое, да увесте, яже о нас, и да утешит сердца ваша. Ephesians 6:23 Мир братии и любовь с верою от Бога Отца и Господа Иисуса Христа. Ephesians 6:24 Благодать со всеми любящими Господа нашего Иисуса Христа в неистлении. Аминь.
Philippians 0:0
Послание апостола Павла Филиппийцам Philippians 1:0 Philippians 1:1 Павел и Тимофей, раби Иисус Христовы, всем святым о Христе Иисусе сущым в Филиппех, с епископы и диаконы: Philippians 1:2 благодать вам и мир от Бога Отца нашего и Господа Иисуса Христа. Philippians 1:3 Благодарю Бога моего о всей памяти вашей, Philippians 1:4 всегда во всяцей молитве моей за всех вас с радостию молитву мою творя, Philippians 1:5 о общении вашем в благовествование от перваго дне даже и доныне, Philippians 1:6 надеявся на сие истое, яко начный дело благо в вас совершит е даже до дне Иисус Христова: Philippians 1:7 якоже есть праведно мне сие мудрствовати о всех вас, за еже имети ми в сердцы вас, во узах моих и во ответе и извещении благовестия, сообщников мне благодати всех вас сущих. Philippians 1:8 Свидетель бо ми есть Бог, яко люблю всех вас по милости Иисус Христове: Philippians 1:9 и о сем молюся, да любовь ваша еще паче и паче избыточествует в разуме и во всяцем чувствии, Philippians 1:10 во еже искушати вам лучшая, да будете чисти и непреткновенни в день Христов, Philippians 1:11 исполнени плодов правды Иисус Христом, в славу и похвалу Божию. Philippians 1:12 Разумети же хощу вам, братие, яко яже о мне паче во успех благовествования приидоша, Philippians 1:13 яко узы моя явленны о Христе быша во всем судищи и в прочих всех, Philippians 1:14 и множайшии братия о Господе, надеявшиися о узах моих, паче дерзают без страха слово Божие глаголати. Philippians 1:15 Нецыи убо по зависти и ревности, друзии же и за благоволение Христа проповедают: Philippians 1:16 ови убо от рвения Христа возвещают нечисте, мняще печаль нанести узам моим: Philippians 1:17 ови же от любве, ведяще, яко во ответе благовествования лежу. Philippians 1:18 Что убо? Обаче всяцем образом, аще виною, аще истиною Христос проповедаемь есть, и о сем радуюся, но и возрадуюся: Philippians 1:19 вем бо, яко сие сбудется ми во спасение вашею молитвою и подаянием Духа Иисус Христова, Philippians 1:20 по чаянию и упованию моему, яко ни о единем же постыжуся, но во всяцем дерзновении, якоже всегда, и ныне возвеличится Христос в теле моем, аще животом, аще ли смертию. Philippians 1:21 Мне бо еже жити, Христос, и еже умрети, приобретение (есть). Philippians 1:22 Аще же, еже жити (ми) телом, сие мне плод дела: и что изволю, не вем. Philippians 1:23 Обдержимь же есмь от обою, желание имый разрешитися и со Христом быти, много паче лучше: Philippians 1:24 а еже пребывати во плоти, нужнейше (есть) вас ради. Philippians 1:25 И сие известне вем, яко буду и спребуду вам всем в ваш успех и радость веры, Philippians 1:26 яко да похвала ваша избыточествует о Христе Иисусе во мне, моим пришествием паки к вам. Philippians 1:27 Точию достойне благовествованию Христову жителствуйте, да аще пришед и видев вас, аще и не сый у вас, услышу яже о вас, яко (истиною) стоите во единем дусе, и единодушне сподвизающеся по вере Благовествования (волею), Philippians 1:28 и не колеблющеся ни о единем же от сопротивных: еже тем убо есть явление погибели, вам же спасения. И сие от Бога: Philippians 1:29 яко вам даровася, еже о Христе, не токмо еже в Него веровати, но и еже по Нем страдати, Philippians 1:30 тойже подвиг имуще, яков же во мне видесте и ныне слышите о мне. Philippians 2:0 Philippians 2:1 Аще убо кое утешение о Христе, (или) аще кая утеха любве, аще кое общение духа, аще кое милосердие и щедроты, Philippians 2:2 исполните мою радость, да тожде мудрствуете, ту же любовь имуще, единодушни, единомудренни: Philippians 2:3 ничтоже по рвению или тщеславию, но смиреномудрием друг друга честию болша себе творяще. Philippians 2:4 Не своих си кийждо, но и дружних кийждо смотряйте. Philippians 2:5 Сие бо да мудрствуется в вас, еже и во Христе Иисусе: Philippians 2:6 Иже, во образе Божии сый, не восхищением непщева быти равен Богу: Philippians 2:7 но Себе умалил, зрак раба приим, в подобии человечестем быв, и образом обретеся якоже человек: Philippians 2:8 смирил Себе, послушлив быв даже до смерти, смерти же крестныя. Philippians 2:9 Темже и Бог Его превознесе и дарова Ему имя, еже паче всякаго имене, Philippians 2:10 да о имени Иисусове всяко колено поклонится небесных и земных и преисподних, Philippians 2:11 и всяк язык исповесть, яко Господь Иисус Христос в славу Бога Отца. Philippians 2:12 Темже, возлюбленнии мои, якоже всегда послушасте мене, не якоже в пришествии моем точию, но ныне много паче во отшествии моем, со страхом и трепетом свое спасение содевайте: Philippians 2:13 Бог бо есть действуяй в вас и еже хотети и еже деяти о благоволении. Philippians 2:14 Вся творите без роптания и размышления, Philippians 2:15 да будете неповинни и цели, чада Божия непорочна посреде рода строптива и развращена, в нихже являетеся якоже светила в мире, Philippians 2:16 слово животно придержаще, в похвалу мне в день Христов, яко не вотще текох, ни вотще трудихся. Philippians 2:17 Но аще и жрен бываю о жертве и службе веры вашея, радуюся и сорадуюся всем вам: Philippians 2:18 такожде и вы радуйтеся и сорадуйтеся мне. Philippians 2:19 Уповаю же о Господе Иисусе Тимофеа вскоре послати к вам, да и аз благодушствую, уведев яже о вас. Philippians 2:20 Ни единаго бо имам равнодушна, иже приснее о вас попечется: Philippians 2:21 вси бо своих си ищут, (а) не яже Христа Иисуса. Philippians 2:22 Искусство же его знаете, зане якоже отцу чадо, со мною поработал в благовестии. Philippians 2:23 Сего же убо уповаю послати абие, повнегда увем яже о мне. Philippians 2:24 Надеюся же о Господе, яко и сам скоро прииду к вам. Philippians 2:25 Потребнее же возмнех Епафродита брата и споспешника и своинника моего, вашего же посланника и служителя потребе моей, послати к вам, Philippians 2:26 понеже желанием желаше видети всех вас, и тужаше, зане слышасте, яко боле. Philippians 2:27 Ибо боле близ смерти: но Бог помилова его, не его же токмо, но и мене, да не скорбь на скорбь прииму. Philippians 2:28 Скорее убо послах его, да видевше его паки, возрадуетеся, и аз безпечален пребуду. Philippians 2:29 Приимите убо его о Господе со всякою радостию, и таковыя честны имейте, Philippians 2:30 зане за дело Христово даже до смерти приближися, понудив себе вседушно, да исполнит ваше лишение службы яже ко мне. Philippians 3:0 Philippians 3:1 Прочее же, братие моя, радуйтеся о Господе. Таяжде (бо) писати вам, мне убо неленостно, вам же твердо. Philippians 3:2 Блюдитеся от псов, блюдитеся от злых делателей, блюдитеся от сечения: Philippians 3:3 мы бо есмы обрезание, иже духом Богу служим и хвалимся о Христе Иисусе, а не в плоти надеемся: Philippians 3:4 ибо и аз имею надеяние такожде во плоти. Аще кто ин мнит надеятися во плоти, аз паче, Philippians 3:5 обрезан осмодневно, от рода Израилева, колена Вениаминова, Евреин от Еврей, по закону фарисей, Philippians 3:6 по ревности гоних Церковь Божию, по правде законней быв непорочен. Philippians 3:7 Но яже ми бяху приобретения, сия вмених Христа ради тщету. Philippians 3:8 Но убо вменяю вся тщету быти за превосходящее разумение Христа Иисуса Господа моего, Егоже ради всех отщетихся, и вменяю вся уметы быти, да Христа приобрящу Philippians 3:9 и обрящуся в Нем, не имый моея правды, яже от закона, но яже верою (Иисус) Христовою, сущую от Бога правду в вере: Philippians 3:10 яко разумети Его, и силу воскресения Его, и союбщение страстей Его, сообразуяся смерти Его, Philippians 3:11 аще како достигну в воскресение мертвых. Philippians 3:12 Не зане уже достигох, или уже совершихся: гоню же, аще и постигну, о немже и постижен бых от Христа Иисуса. Philippians 3:13 Братие, аз себе не у помышляю достигша: едино же, задняя убо забывая, в предняя же простираяся, Philippians 3:14 со усердием гоню, к почести вышняго звания Божия о Христе Иисусе. Philippians 3:15 Елицы убо совершенни, сие да мудрствуим: и еже аще ино что мыслите, и сие Бог вам открыет. Philippians 3:16 Обаче в неже достигохом, тоже да мудрствуем и темже правилом жителтвуем. Philippians 3:17 Подобни ми бывайте, братие, и смотряйте тако ходящыя, якоже имате образ нас. Philippians 3:18 Мнози бо ходят, ихже многажды глаголах вам, ныне же и плачя глаголю, враги креста Христова: Philippians 3:19 имже кончина погибель, имже бог чрево, и слава в студе их, иже земная мудрствуют. Philippians 3:20 Наше бо житие на небесех есть, отюнудуже и Спасителя ждем, Господа (нашего) Иисуса Христа, Philippians 3:21 Иже преобразит тело смирения нашего, яко быти сему сообразну телу славы Его, по действу еже возмогати Ему и покорити Себе всяческая. Philippians 4:0 Philippians 4:1 Темже, братие моя возлюбленная и вожделенная, радосте и венче мой, тако стойте о Господе, возлюбленнии. Philippians 4:2 Еводию молю и Синтихию молю тожде мудрствовати о Господе: Philippians 4:3 ей, молю и тебе, супружниче присный, споспешествуй им, яже во благовествовании сподвизашася со мною и с Климентом и с прочими споспешники моими, ихже имена в книгах животных. Philippians 4:4 Радуйтеся всегда о Господе: и паки реку: радуйтеся. Philippians 4:5 Кротость ваша разумна да будет всем человеком. Господь близ. Philippians 4:6 Ни о чемже пецытеся, но во всем молитвою и молением со благодарением прошения ваша да сказуются к Богу: Philippians 4:7 и мир Божий, превосходяй всяк ум, да соблюдет сердца ваша и разумения ваша о Христе Иисусе. Philippians 4:8 Прочее же, братие (моя), елика суть истинна, елика честна, елика праведна, елика пречиста, елика прелюбезна, елика доброхвальна, аще кая добродетель и аще кая похвала, сия помышляйте. Philippians 4:9 Умже и научистеся, и приясте, и слышасте, и видесте во мне, сия творите: и Бог мира будет с вами. Philippians 4:10 Возрадовахся же о Господе вельми, яко уже когда воспомянусте пещися о мне: понеже и печастеся, но непогодным временем обдержастеся. Philippians 4:11 Не яко по скудости глаголю: аз бо навыкох, в нихже есмь, доволен быти: Philippians 4:12 вем и смиритися, вем и избыточествовати: во всем и во всех навыкох, и насыщатися и алкати, и избыточествовати и лишатися. Philippians 4:13 Вся могу о укрепляющем мя (Иисусе) Христе. Philippians 4:14 Обаче добре сотвористе, сприобщившеся печали моей. Philippians 4:15 Весте же и вы, Филипписиане, яко в начале благовествования, егда изыдох от Македонии, ни едина ми церковь общевася в слово даяния и приятия, точию вы едини: Philippians 4:16 яко и в Солунь и единою и дващи в требование (мое) посласте ми. Philippians 4:17 Не яко ищу даяния, но ищу плода множащагося в слово ваше. Philippians 4:18 Приях же вся и избыточествую: исполнихся, приемь от Епафродита посланная от вас, воню благоухания, жертву приятну, благоугодну Богу. Philippians 4:19 Бог же мой да исполнит всякое требование ваше по богатству Своему в славе, о Христе Иисусе. Philippians 4:20 Богу же и Отцу нашему слава во веки веков. Аминь. Philippians 4:21 Целуйте всякаго свята о Христе Иисусе. Целуют вы сущая со мною братия. Philippians 4:22 Целуют вы святии вси, паче же иже от кесарева дому. Philippians 4:23 Благодать Господа нашего Иисуса Христа со всеми вами. Аминь.
Colossians 0:0
Послание апостола Павла Колоссянам Colossians 1:0 Colossians 1:1 Павел, Апостол Иисус Христов волею Божиею, и Тимофей брат, Colossians 1:2 сущым в Колоссаех святым и верным братиям о Христе Иисусе: Colossians 1:3 благодать вам и мир от Бога Отца нашего, и Господа Иисуса Христа. Благодарим Бога и Отца Господа нашего Иисуса Христа, всегда о вас молящеся, Colossians 1:4 слышавше веру вашу, яже о Христе Иисусе, и любовь, юже имате ко всем святым, Colossians 1:5 за упование отложенное вам на небесех, еже прежде слышасте в словеси истины благовествования, Colossians 1:6 сущаго в вас, якоже и во всем мире: и есть плодоносно и растимо, якоже и в вас, от негоже дне слышасте и разуместе благодать Божию во истине: Colossians 1:7 якоже и уведесте от Епафраса, возлюбленнаго соработника нашего, иже есть верен о вас служитель Христов, Colossians 1:8 иже и яви нам вашу любовь в дусе. Colossians 1:9 Сего ради и мы, от негоже дне слышахом, не престаем о вас молящеся и просяще, да исполнитеся в разуме воли Его, во всяцей премудрости и разуме духовнем, Colossians 1:10 яко ходити вам достоине Богу во всяцем угождении и всяком деле блазе, плодоносяще и возрастающе в разуме Божии, Colossians 1:11 всякою силою возмогающе по державе славы Его, во всяцем терпении и долготерпении с радостию. Colossians 1:12 Благодаряще Бога и Отца, призвавшаго вас в причастие наследия святых во свете. Colossians 1:13 Иже избави нас от власти темныя и престави в Царство Сына любве Своея, Colossians 1:14 о Немже имамы избавление Кровию Его и оставление грехов. Colossians 1:15 Иже есть образ Бога невидимаго, перворожден всея твари. Colossians 1:16 Яко Тем создана быша всяческая, яже на небеси и яже на земли, видимая и невидимая, аще престоли, аще господствия, аще начала, аще власти: всяческая Тем и о Нем создашася. Colossians 1:17 И Той есть прежде всех, и всяческая в Нем состоятся. Colossians 1:18 И Той есть глава телу Церкве, Иже есть начаток, перворожден из мертвых, яко да будет во всех Той первенствуя. Colossians 1:19 Яко в Нем благоизволи всему исполнению вселитися, Colossians 1:20 и Тем примирити всяческая к Себе, умиротворив Кровию креста Его, чрез Него, аще земная, аще ли небесная. Colossians 1:21 И вас, иногда сущих отчужденных и врагов помышленьми в делех лукавых, Colossians 1:22 ныне же примири в теле Плоти Его смертию Его, представити вас святых и непорочных и неповинных пред Собою, Colossians 1:23 аще убо пребываете в вере основани и тверди, и неподвижими от упования благовествования, еже слышасте, проповеданное всей твари поднебесней, емуже бых аз Павел служитель. Colossians 1:24 Ныне радуюся во страданиих моих о вас, яко исполняю лишение скорбей Христовых во плоти моей за Тело Его, еже есть Церковь. Colossians 1:25 Ейже бых аз служитель по смотрению Божию, данному мне в вас, исполнити слово Божие, Colossians 1:26 тайну сокровенную от век и от родов: ныне же явися святым Его, Colossians 1:27 Имже восхоте Бог сказати, кое богатство славы тайны сея во языцех, иже есть Христос в вас, упование славы, Colossians 1:28 Егоже мы проповедуем, наказующе всякаго человека и учаще всяцей премудрости, да представим всякаго человека совершенна о Христе Иисусе: Colossians 1:29 в немже и труждаюся и подвизаюся по действу Его действуемому во мне силою. Colossians 2:0 Colossians 2:1 Хощу убо вас ведети, колик подвиг имам о вас и о сущих в Лаодикии и во Иераполи, и елицы не видеша лица моего во плоти, Colossians 2:2 да утешатся сердца их, снемшихся в любви и во всяцем богатстве извещения разума, в познание тайны Бога и Отца и Христа, Colossians 2:3 в Немже суть вся сокровища премудрости и разума сокровенна. Colossians 2:4 Сие же глаголю, да никтоже вас прельстит в словопрении. Colossians 2:5 Аще бо и плотию отстою, но духом с вами есмь, радуяся и видя ваш чин и утверждение вашея веры, яже во Христа. Colossians 2:6 Якоже убо приясте Христа Иисуса Господа, такожде в Нем ходите, Colossians 2:7 укоренени и наздани в Нем и извествовани верою, якоже научистеся, избыточествующе в ней благодарением. Colossians 2:8 (Братие,) блюдитеся, да никтоже вас будет прельщая философиею и тщетною лестию, по преданию человеческому, по стихиам мира, а не по Христе. Colossians 2:9 Яко в Том живет всяко исполнение Божества телесне: Colossians 2:10 и да будете в Нем исполнени, Иже есть глава всякому началу и власти: Colossians 2:11 о Немже и обрезани бысте обрезанием нерукотворенным, в совлечении тела греховнаго плоти, во обрезании Христове, Colossians 2:12 спогребшеся Ему крещением: о Немже и совостасте верою действия Бога, Воскресившаго Его из мертвых. Colossians 2:13 И вас, мертвых сущих в прегрешениих и в необрезании плоти вашея, сооживил есть с Ним, даровав нам вся прегрешения, Colossians 2:14 истребив еже на нас рукописание ученьми, еже бе сопротивно нам, и то взят от среды, пригвоздив е на кресте: Colossians 2:15 совлек начала и власти, изведе в позор дерзновением, изобличив их в Себе. Colossians 2:16 Да никтоже убо вас осуждает о ядении, или о питии, или о части праздника, или о новомесячиих, или о субботах: Colossians 2:17 яже суть стень грядущих, тело же Христово. Colossians 2:18 Никтоже вас да прельщает изволенным ему смиреномудрием и службою Ангелов, яже не уведе учя, без ума дмяся от ума плоти своея, Colossians 2:19 а не держя главы, из неяже все тело, составы и соузы подаемо и снемлемо, растит возращение Божие. Colossians 2:20 Аще убо умросте со Христом от стихий мира, почто аки живуще в мире стязаетеся? Colossians 2:21 Не коснися, ниже вкуси, ниже осяжи: Colossians 2:22 яже суть вся во истление употреблением, по заповедем и учением человеческим: Colossians 2:23 яже суть слово убо имуща премудрости в самовольней службе и смиреномудрии и непощадении тела, не в чести коей к сытости плоти. Colossians 3:0 Colossians 3:1 Аще убо воскреснусте со Христом, вышних ищите, идеже есть Христос о десную Бога седя: Colossians 3:2 горняя мудрствуйте, (а) не земная. Colossians 3:3 Умросте бо, и живот ваш сокровен есть со Христом в Бозе: Colossians 3:4 егда же Христос явится, живот ваш, тогда и вы с Ним явитеся в славе. Colossians 3:5 Умертвите убо уды вашя, яже на земли: блуд, нечистоту, страсть, похоть злую и лихоимание, еже есть идолослужение, Colossians 3:6 ихже ради грядет гнев Божии на сыны противления. Colossians 3:7 В нихже и вы иногда ходисте, егда живясте в них. Colossians 3:8 Ныне же отложите и вы та вся: гнев, ярость, злобу, хуление, срамословие от уст ваших: Colossians 3:9 не лжите друг на друга, совлекшеся ветхаго человека с деяньми его Colossians 3:10 и облекшеся в новаго, обновляемаго в разум по образу Создавшаго его, Colossians 3:11 идеже несть Еллин, ни Иудей, обрезание и необрезание, варвар и Скиф, раб и свободь, но всяческая и во всех Христос. Colossians 3:12 Облецытеся убо якоже избраннии Божии, святи и возлюбленни, во утробы щедрот, благость, смиреномудрие, кротость и долготерпение, Colossians 3:13 приемлюще друг друга и прощающе себе, аще кто на кого имать поречение: якоже и Христос простил есть вам, тако и вы. Colossians 3:14 Над всеми же сими (стяжите) любовь, яже есть соуз совершенства: Colossians 3:15 и мир Божии да водворяется в сердцах ваших, в оньже и звани бысте во едином теле: и благодарни бывайте. Colossians 3:16 Слово Христово да вселяется в вас богатно, во всякой премудрости: учаще и вразумляюще себе самех во псалмех и пениих и песнех духовных, во благодати поюще в сердцах ваших Господеви. Colossians 3:17 И все, еже аще что творите словом или делом, вся во имя Господа Иисуса Христа, благодаряще Бога и Отца Тем. Colossians 3:18 Жены, повинуйтеся своим мужем, якоже подобает о Господе. Colossians 3:19 Мужие, любите жены вашя, и не огорчайтеся к ним. Colossians 3:20 Чада, послушайте родителей (своих) во всем: сие бо угодно есть Господеви. Colossians 3:21 Отцы, не раздражайте чад ваших, да не унывают. Colossians 3:22 Раби, послушайте по всему плотских господии (ваших), не пред очима точию работающе аки человекоугодницы, но в простоте сердца, боящеся Бога. Colossians 3:23 И всяко, еже аще что творите, от души делайте, якоже Господу, а не человеком, Colossians 3:24 ведяще, яко от Господа приимете воздаяние достояния: Господу бо Христу работаете. Colossians 3:25 А обидяй восприимет, еже обиде: и несть лица обиновения. Colossians 4:0 Colossians 4:1 Господие, правду и уравнение рабом подавайте, ведяще, яко и вы имате Господа на небесех. Colossians 4:2 В молитве терпите, бодрствующе в ней со благодарением: Colossians 4:3 молящеся и о нас вкупе, да Бог отверзет нам двери слова, проглаголати тайну Христову, еяже ради и связан есмь: Colossians 4:4 да явлю ю, якоже подобает ми глаголати. Colossians 4:5 В премудрости ходите ко внешним, время искупующе. Colossians 4:6 Слово ваше (да бывает) всегда во благодати, солию растворено, ведети, како подобает вам единому комуждо отвещавати. Colossians 4:7 Иже о мне, вся скажет вам Тихик, возлюбленный брат и верен служитель и соработник о Господе, Colossians 4:8 егоже послах к вам на се истое, да разумеет яже о вас и утешит сердца ваша, Colossians 4:9 со Онисимом, верным и возлюбленным братом нашим, иже есть от вас: вся вам скажут, яже зде. Colossians 4:10 Целует вы Аристарх спленник мой, и Марко анепсий Варнавин, о немже приясте заповеди: аще приидет к вам, приимите его: Colossians 4:11 и Иисус нареченный Иуст, сущий от обрезания: сии едини споспешницы во Царство Божие, иже быша ми утешение. Colossians 4:12 Целует вы Епафрас, иже от вас, раб Иисуса Христа, всегда подвизаяйся о вас в молитвах, да будете совершени и исполнени во всяцей воли Божией. Colossians 4:13 Свидетелствую бо о нем, яко имать ревность многу (и болезнь) о вас и о сущих в Лаодикии и во Иераполи. Colossians 4:14 Целует вы Лука врачь возлюбленный, и Димас. Colossians 4:15 Целуйте братию сущую в Лаодикии, и Нимфана, и домашнюю его церковь. Colossians 4:16 И егда прочтется послание сие у вас, сотворите, да и в Лаодикиистей церкви прочтено будет, и написаное от Лаодикии да и вы прочтете. Colossians 4:17 И рцыте Архиппу: блюди служение, еже приял еси о Господе, да довершиши е. Colossians 4:18 Целование моею рукою Павлею. Поминайте моя узы. Благодать со (всеми) вами. Аминь.
I Thessalonians 0:0
Первое послание апостола Павла Солунянам I Thessalonians 1:0 I Thessalonians 1:1 Павел и Силуан и Тимофей церкви Солунстей о Бозе Отце и Господе Иисусе Христе: благодать вам и мир от Бога Отца нашего и Господа Иисуса Христа. I Thessalonians 1:2 Благодарим Бога всегда о всех вас, поминание о вас творяще в молитвах наших, I Thessalonians 1:3 непрестанно поминающе ваше дело веры, и труд любве, и терпение упования Господа нашего Иисуса Христа, пред Богом и Отцем нашим, I Thessalonians 1:4 ведяще, братие возлюбленная, от Бога избрание ваше: I Thessalonians 1:5 яко благовествование наше не бысть к вам в слове точию, но и в силе, и в Дусе Святе, и во извещении мнозе, якоже и весте, какови быхом в вас ради вас. I Thessalonians 1:6 И вы подобницы бысте нам и Господу, приемше слово в скорби мнозе с радостию Духа Святаго, I Thessalonians 1:7 яко быти вам образ всем верующым в Македонии и Ахаии. I Thessalonians 1:8 От вас бо промчеся слово Господне не токмо в Македонии и Ахаии, но и во всяко место вера ваша, яже к Богу, изыде, яко не требовати нам глаголати что. I Thessalonians 1:9 Тии бо о нас возвещают, каков вход имехом к вам, и како обратистеся к Богу от идол, работати Богу живу и истинну I Thessalonians 1:10 и ждати Сына Его с небес, Егоже воскреси из мертвых, Иисуса, избавляющаго нас от гнева грядущаго. I Thessalonians 2:0 I Thessalonians 2:1 Сами бо весте, братие, вход наш иже к вам, яко не вотще бысть: I Thessalonians 2:2 но предпострадавше и досаждени бывше, якоже весте, в Филиппех, дерзнухом о Бозе нашем глаголати к вам благовествование Божие со многим подвигом. I Thessalonians 2:3 Утешение бо наше не от прелести, ни от нечистоты, ни лестию: I Thessalonians 2:4 но якоже искусихомся от Бога верни быти прияти благовествование, тако глаголем, не аки человеком угождающе, но Богу искушающему сердца наша. I Thessalonians 2:5 Никогдаже бо в словеси ласкания быхом к вам, якоже весте, ниже в вине лихоимания: Бог свидетель! I Thessalonians 2:6 Ни ищуще от человек славы, ни от вас, ни от инех: I Thessalonians 2:7 могуще в тяготе быти, якоже Христовы Апостоли, но быхом тиси посреде вас, якоже доилица греет своя чада. I Thessalonians 2:8 Тако желающе вас, благоволихом подати вам не точию благовествование Божие, но и душы своя, занеже возлюблени бысте нам. I Thessalonians 2:9 Помните бо, братие, труд наш и подвиг: нощь бо и день делающе, да не отяготим ни единаго от вас, проповедахом вам благовествование Божие. I Thessalonians 2:10 Вы свидетеле и Бог, яко преподобно и праведно и непорочно вам верующым быхом, I Thessalonians 2:11 якоже весте, зане единаго когождо вас, якоже отец чада своя, I Thessalonians 2:12 моляще и утешающе вас, и свидетельствующе вам ходити достойно Богу, призвавшему вы во Свое Царство и славу. I Thessalonians 2:13 Сего ради и мы благодарим Бога непрестанно, яко приемше слово слышания Божия от нас, приясте не аки слово человеческо, но, якоже есть воистинну, слово Божие, еже и действуется в вас верующих. I Thessalonians 2:14 Вы бо подобницы бысте, братие, церквам Божиим сущым во Иудеи о Христе Иисусе, зане таяжде и вы пострадасте от своих сплеменник, якоже и тии от Иудей, I Thessalonians 2:15 убивших и Господа Иисуса и Его пророки, и нас изгнавших, и Богу не угодивших, и всем человеком противящихся, I Thessalonians 2:16 и возбраняющих нам глаголати языком, да спасутся, во еже исполнити им грехи своя всегда: постиже же на них гнев до конца. I Thessalonians 2:17 Мы же, братие, осиротевше от вас ко времени часа лицем, а не сердцем, лишше тщахомся лице ваше видети многим желанием. I Thessalonians 2:18 Темже хотехом приити к вам, аз убо Павел, единою и дважды: и возбрани нам сатана. I Thessalonians 2:19 Кто бо нам упование или радость или венец похваления? Не и вы ли пред Господем нашим Иисус Христом во пришествии Его? I Thessalonians 2:20 Вы бо есте слава наша и радость. I Thessalonians 3:0 I Thessalonians 3:1 Темже уже не терпяще, благоволихом остатися во Афинех едини, I Thessalonians 3:2 и послахом Тимофеа, брата нашего и служителя Божия и споспешника нашего во благовестии Христове, утвердити вас и утешити о вере вашей, I Thessalonians 3:3 яко ни единому смущатися в скорбех сих: сами бо весте, яко на сие истое лежим. I Thessalonians 3:4 Ибо егда у вас бехом, предрекохом вам, яко имамы скорбети, еже и бысть, и весте. I Thessalonians 3:5 Сего ради и аз ктому не терпя, послах разумети веру вашу, да не како искусил вы искушаяй, и вотще будет труд наш. I Thessalonians 3:6 Ныне же пришедшу Тимофею к нам от вас и благовестившу нам веру вашу и любовь, и яко имате память о нас благу, всегда желающе нас видети, якоже и мы вас: I Thessalonians 3:7 сего ради утешихомся, братие, о вас, во всякой скорби и нужде нашей, вашею верою: I Thessalonians 3:8 яко мы ныне живи есмы, аще вы стоите о Господе. I Thessalonians 3:9 Кое бо благодарение Богу можем воздати о вас, о всякой радости, еюже радуемся вас ради пред Богом нашим, I Thessalonians 3:10 нощь и день преизлиха молящеся видети лице ваше и совершити лишение веры вашея? I Thessalonians 3:11 Сам же Бог и Отец наш и Господь наш Иисус Христос да исправит путь наш к вам. I Thessalonians 3:12 Вас же Господь да умножит и да избыточествит любовию друг ко другу и ко всем, якоже и мы к вам, I Thessalonians 3:13 во еже утвердити сердца ваша непорочна в святыни пред Богом и Отцем нашим, в пришествие Господа нашего Иисуса Христа со всеми святыми Его. Аминь. I Thessalonians 4:0 I Thessalonians 4:1 Темже убо, братие, просим вы и молим о Христе Иисусе, якоже приясте от нас, како подобает вам ходити и угождати Богови, якоже и ходите, да избыточествуете паче: I Thessalonians 4:2 весте бо, какова повеления дахом вам Господем Иисусом. I Thessalonians 4:3 Сия бо есть воля Божия, святость ваша, хранити себе самех от блуда, I Thessalonians 4:4 и ведети комуждо от вас свой сосуд стяжавати во святыни и чести, I Thessalonians 4:5 а не в страсти похотней, якоже и языцы не ведящии Бога, I Thessalonians 4:6 и еже не преступати и лихоимствовати в вещи брата своего: зане мститель есть Господь о всех сих, якоже и прежде рекохом к вам и засвидетельствовахом. I Thessalonians 4:7 Не призва бо нас Бог на нечистоту, но во святость. I Thessalonians 4:8 Темже убо отметаяй не человека отметает, но Бога, Давшаго Духа Своего Святаго в нас. I Thessalonians 4:9 О братолюбии же, не требуете, да пишется к вам, сами бо вы Богом учени есте, еже любити друг друга: I Thessalonians 4:10 ибо творите то ко всей братии, сущей во всей Македонии. Молим же вы, братие, избыточествовати паче, I Thessalonians 4:11 и любезно прилежати, еже безмолвствовати и деяти своя и делати своима рукама, якоже повелехом вам: I Thessalonians 4:12 да ходите благообразно ко внешним и ни чесогоже требуете. I Thessalonians 4:13 Не хощу же вас, братие, не ведети о умерших, да не скорбите, якоже и прочии не имущии упования. I Thessalonians 4:14 Аще бо веруем, яко Иисус умре и воскресе, тако и Бог умершыя во Иисусе приведет с Ним. I Thessalonians 4:15 Сие бо вам глаголем словом Господним, яко мы живущии, оставшии в пришествие Господне, не имамы предварити умерших: I Thessalonians 4:16 яко Сам Господь в повелении, во гласе Архангелове и в трубе Божии снидет с небесе, и мертвии о Христе воскреснут первее: I Thessalonians 4:17 потом же мы, живущии оставшии, купно с ними восхищени будем на облацех в сретение Господне на воздусе, и тако всегда с Господем будем. I Thessalonians 4:18 Темже утешайте друг друга в словесех сих. I Thessalonians 5:0 I Thessalonians 5:1 А о летех и о временех, братие, не требе есть вам писати, I Thessalonians 5:2 сами бо вы известно весте, яко день Господень, якоже тать в нощи, тако приидет. I Thessalonians 5:3 Егда бо рекут: мир и утверждение, тогда внезапу нападет на них всегубительство, якоже болезнь во чреве имущей, и не имут избежати. I Thessalonians 5:4 Вы же, братие, несте во тме, да день вас якоже тать постигнет: I Thessalonians 5:5 вси бо вы сынове света есте: и сынове дне: несмы нощи, ниже тьмы. I Thessalonians 5:6 Темже убо да не спим, якоже и прочии, но да бодрствуим и трезвимся. I Thessalonians 5:7 Спящии бо, в нощи спят, и упивающиися в нощи упиваются. I Thessalonians 5:8 Мы же, сынове суще дне, да трезвимся, оболкшеся в броню веры и любве и шлем упования спасения, I Thessalonians 5:9 яко не положи нас Бог в гнев, но в получение спасения Господем нашим Иисус Христом, I Thessalonians 5:10 умершим за нас, да, аще бдим, аще ли спим, купно с Ним живем. I Thessalonians 5:11 Сего ради утешайте друг друга, и созидайте кийждо ближняго, якоже и творите. I Thessalonians 5:12 Молим же вы, братие, знайте труждающихся у вас, и настоятелей ваших о Господе, и наказующих вы, I Thessalonians 5:13 и имейте их по преизлиха в любви за дело их: мирствуйте в себе. I Thessalonians 5:14 Молим же вы, братие, вразумляйте безчинныя, утешайте малодушныя, заступайте немощныя, долготерпите ко всем. I Thessalonians 5:15 Блюдите, да никтоже зла за зло кому воздаст: но всегда доброе гоните и друг ко другу и ко всем. I Thessalonians 5:16 Всегда радуйтеся. I Thessalonians 5:17 Непрестанно молитеся. I Thessalonians 5:18 О всем благодарите: сия бо есть воля Божия о Христе Иисусе в вас. I Thessalonians 5:19 Духа не угашайте. I Thessalonians 5:20 Пророчествия не уничижайте. I Thessalonians 5:21 Вся же искушающе, добрая держите. I Thessalonians 5:22 От всякия вещи злыя огребайтеся. I Thessalonians 5:23 Сам же Бог мира да освятит вас всесовершенных во всем: и всесовершен ваш дух и душа и тело непорочно в пришествие Господа нашего Иисуса Христа да сохранится. I Thessalonians 5:24 Верен Призвавый вас, Иже и сотворит. I Thessalonians 5:25 Братие, молитеся о нас. I Thessalonians 5:26 Целуйте братию всю лобзанием святым. I Thessalonians 5:27 Заклинаю вы Господем, прочести послание сие пред всею святою братиею. I Thessalonians 5:28 Благодать Господа нашего Иисуса Христа с вами. Аминь.
II Thessalonians 0:0
Второе послание апостола Павла Солунянам II Thessalonians 1:0 II Thessalonians 1:1 Павел и Силуан и Тимофей, церкви Солунстей, о Бозе Отце нашем и Господе Иисусе Христе: II Thessalonians 1:2 благодать вам и мир от Бога Отца нашего, и Господа Иисуса Христа. II Thessalonians 1:3 Благодарити должни есмы Бога всегда о вас, братие, якоже достойно есть, яко превозрастает вера ваша, и множится любовь единаго коегождо всех вас друг ко другу: II Thessalonians 1:4 яко самем нам хвалитися о вас в церквах Божиих, о терпении вашем и вере во всех гонениих ваших и скорбех, яже приемлете, II Thessalonians 1:5 показание праведнаго суда Божия, во еже сподобитися вам Царствия Божия, егоже ради и страждете. II Thessalonians 1:6 Аще убо праведно у Бога, воздати скорбь оскорбляющым вас, II Thessalonians 1:7 а вам оскорбляемым отраду с нами, во откровении Господа Иисуса с небесе, со Ангелы силы Своея, II Thessalonians 1:8 во огни пламенне дающаго отмщение не ведущым Бога и не послушающым благовествования Господа нашего Иисуса Христа: II Thessalonians 1:9 иже муку приимут, погибель вечную, от лица Господня и от славы крепости Его, II Thessalonians 1:10 егда приидет прославитися во святых Своих и дивен быти во всех веровавших, яко уверися свидетельство наше в вас, в день он. II Thessalonians 1:11 За сие и молимся всегда о вас, да вы сподобит званию Бог наш и исполнит всяко благоволение благости и дело веры в силе, II Thessalonians 1:12 яко да прославится имя Господа нашего Иисуса Христа в вас, и вы в Нем, по благодати Бога нашего и Господа Иисуса Христа. II Thessalonians 2:0 II Thessalonians 2:1 Молим же вы, братие, о пришествии Господа нашего Иисуса Христа и нашем собрании о Нем, II Thessalonians 2:2 не скоро подвизатися вам от ума, ни ужасатися ниже духом, ниже словом, ни посланием аки от нас посланным, яко уже настоит день Христов. II Thessalonians 2:3 Да никтоже вас прельстит ни по единому же образу: яко аще не приидет отступление прежде, и открыется человек беззакония, сын погибели, II Thessalonians 2:4 противник и превозносяйся паче всякаго глаголемаго Бога или чтилища, якоже ему сести в церкви Божией аки Богу, показующу себе, яко Бог есть. II Thessalonians 2:5 Не помните ли, яко еще живый у вас, сия глаголах вам? II Thessalonians 2:6 И ныне удержавающее весте, во еже явитися ему в свое ему время. II Thessalonians 2:7 Тайна бо уже деется беззакония, точию держяй ныне дондеже от среды будет: II Thessalonians 2:8 и тогда явится беззаконник, егоже Господь Иисус убиет духом уст Своих, и упразднит явлением пришествия Своего, II Thessalonians 2:9 егоже есть пришествие по действу сатанину во всяцей силе и знамениих и чудесех ложных, II Thessalonians 2:10 и во всякой льсти неправды в погибающих, зане любве истины не прияша, во еже спастися им. II Thessalonians 2:11 И сего ради послет им Бог действо льсти, во еже веровати им лжи, II Thessalonians 2:12 да суд приимут вси не веровавшии истине, но благоволившии в неправде. II Thessalonians 2:13 Мы же должни есмы благодарити Бога всегда о вас, братие возлюбленная от Господа, яко избрал есть вас Бог от начала во спасение во святыни Духа и веры истины, II Thessalonians 2:14 в неже призва вас благовествованием нашим, в получение славы Господа нашего Иисуса Христа. II Thessalonians 2:15 Темже убо, братие, стойте и держите предания, имже научистеся или словом, или посланием нашим. II Thessalonians 2:16 Сам же Господь наш Иисус Христос, и Бог и Отец наш, возлюбивый нас и давый утешение вечно и упование благо в благодати, II Thessalonians 2:17 да утешит сердца ваша и да утвердит во всяцем слове и деле блазе. II Thessalonians 3:0 II Thessalonians 3:1 Прочее, молитеся о нас, братие, да слово Господне течет и славится, якоже и в вас, II Thessalonians 3:2 и да избавимся от злых и лукавых человек: не всех бо есть вера. II Thessalonians 3:3 Верен же есть Господь, Иже утвердит вас и сохранит от лукаваго. II Thessalonians 3:4 Уповаем же на Господа о вас, яко, яже повелеваем вам, и творите и сотворите. II Thessalonians 3:5 Господь же да исправит сердца ваша в любовь Божию и в терпение Христово. II Thessalonians 3:6 Повелеваем же вам, братие, о имени Господа нашего Иисуса Христа, отлучатися вам от всякаго брата безчинно ходяща, а не по преданию, еже прияша от нас: II Thessalonians 3:7 сами бо весте, како лепо есть вам подобитися нам: яко не безчинновахом у вас, II Thessalonians 3:8 ниже туне хлеб ядохом у кого, но в труде и подвизе, нощь и день делающе, да не отягчим никогоже от вас: II Thessalonians 3:9 не яко не имамы власти, но да себе образ дамы вам, во еже уподобитися нам. II Thessalonians 3:10 Ибо егда бехом у вас, сие завещавахом вам: яко аще кто не хощет делати ниже да яст. II Thessalonians 3:11 Слышим бо некия безчинно ходящыя у вас, ничтоже делающыя, но лукавно обходящыя: II Thessalonians 3:12 таковым запрещаем и молим о Господе нашем Иисусе Христе, да с безмолвием делающе, свой хлеб ядят. II Thessalonians 3:13 Вы же, братие, не стужайте, доброе творяще. II Thessalonians 3:14 Аще же кто не послушает словесе нашего посланием, сего назнаменуйте и не примешайтеся ему, да посрамится: II Thessalonians 3:15 и не аки врага имейте его, но наказуйте якоже брата. II Thessalonians 3:16 Сам же Господь мира да даст вам мир всегда во всяцем образе: Господь со всеми вами. II Thessalonians 3:17 Целование моею рукою Павлею, еже есть знамение во всяцем послании: сице пишу: II Thessalonians 3:18 благодать Господа нашего Иисуса Христа со всеми вами. Аминь.
I Timothy 0:0
Первое послание апостола Павла Тимофею I Timothy 1:0 I Timothy 1:1 Павел, посланник Иисус Христов по повелению Бога Спаса нашего и Господа Иисуса Христа упования нашего, I Timothy 1:2 Тимофею присному чаду в вере: благодать, милость, мир от Бога Отца нашего и Христа Иисуса Господа нашего. I Timothy 1:3 Якоже умолих тя пребыти во Ефесе, идый в Македонию, да завещаеши неким не инако учити, I Timothy 1:4 ниже внимати баснем и родословием безконечным, яже стязания творят паче, нежели Божие строение, еже в вере. I Timothy 1:5 Конец же завещания есть любы от чиста сердца и совести благия и веры нелицемерныя, I Timothy 1:6 в нихже нецыи погрешивше, уклонишася в суесловия, I Timothy 1:7 хотяще быти законоучителе, не разумеюще ни яже глаголют, ни о нихже утверждают. I Timothy 1:8 Вемы же, яко добр закон (есть), аще кто его законне творит, I Timothy 1:9 ведый сие, яко праведнику закон не лежит, но беззаконным и непокоривым, нечестивым (же) и грешником, неправедным и скверным, отца и матере досадителем, мужеубийцам, I Timothy 1:10 блудником, мужеложником, разбойником, (клеветником, скотоложником,) лживым, клятвопреступником, и аще что ино здравому учению противится, I Timothy 1:11 по благовестию славы блаженнаго Бога, еже мне уверено бысть. I Timothy 1:12 И благодарю укрепляющаго мя Христа Иисуса Господа нашего, яко верна мя непщева, положив (мя) в службу, I Timothy 1:13 бывша мя иногда хульника и гонителя и досадителя: но помилован бых, яко неведый сотворих в неверствии: I Timothy 1:14 упреумножися же благодать Господа нашего (Иисуса Христа) с верою и любовию яже о Христе Иисусе. I Timothy 1:15 Верно слово и всякаго приятия достойно, яко Христос Иисус прииде в мир грешники спасти, от нихже первый есмь аз. I Timothy 1:16 Но сего ради помилован бых, да во мне первем покажет Иисус Христос все долготерпение, за образ хотящих веровати Ему в жизнь вечную. I Timothy 1:17 Царю же веков нетленному, невидимому, единому премудрому Богу, честь и слава во веки веков. Аминь. I Timothy 1:18 Сие же завещание предаю ти, чадо Тимофее, по бывших на тя прежде пророчествиих, да воинствуеши в них доброе воинство, I Timothy 1:19 имея веру и благую совесть, юже нецыи отринувше, от веры отпадоша: I Timothy 1:20 от нихже есть Именей и Александр, ихже предах сатане, да накажутся не хулити. I Timothy 2:0 I Timothy 2:1 Молю убо прежде всех творити молитвы, моления, прошения, благодарения за вся человеки, I Timothy 2:2 за царя и за всех, иже во власти суть, да тихое и безмолвное житие поживем во всяцем благочестии и чистоте: I Timothy 2:3 сие бо добро и приятно пред Спасителем нашим Богом, I Timothy 2:4 Иже всем человеком хощет спастися и в разум истины приити. I Timothy 2:5 Един бо есть Бог, и един ходатай Бога и человеков, человек Христос Иисус, I Timothy 2:6 давый Себе избавление за всех: свидетелство времены своими, I Timothy 2:7 в неже поставлен бых аз проповедник и Апостол, истину глаголю о Христе, не лгу, учитель языков в вере и истине. I Timothy 2:8 Хощу убо, да молитвы творят мужие на всяцем месте, воздеюще преподобныя руки без гнева и размышления: I Timothy 2:9 такожде и жены во украшении лепотнем, со стыдением и целомудрием да украшают себе не в плетениих, ни златом, или бисерми, или ризами многоценными, I Timothy 2:10 но, еже подобает женам обещавающымся благочестию, делы благими. I Timothy 2:11 Жена в безмолвии да учится со всяким покорением: I Timothy 2:12 жене же учити не повелеваю, ниже владети мужем, но быти в безмолвии. I Timothy 2:13 Адам бо прежде создан бысть, потом же Ева: I Timothy 2:14 и Адам не прельстися, жена же прельстившися, в преступлении бысть: I Timothy 2:15 спасется же чадородия ради, аще пребудет в вере и любви и во святыни с целомудрием. I Timothy 3:0 I Timothy 3:1 Верно слово: аще кто епископства хощет, добра дела желает. I Timothy 3:2 Подобает убо епископу быти непорочну, единыя жены мужу, трезвену, целомудру, (благоговейну,) честну, страннолюбиву, учителну, I Timothy 3:3 не пиянице, не бийце, не сварливу, не мшелоимцу, но кротку, (не завистливу,) не сребролюбцу, I Timothy 3:4 свой дом добре правящу, чада имущу в послушании со всякою чистотою: I Timothy 3:5 аще же кто своего дому не умеет правити, како о Церкви Божией прилежати возможет? I Timothy 3:6 Не новокрещенну, да не разгордевся в суд впадет диаволь. I Timothy 3:7 Подобает же ему и свидетелство добро имети от внешних, да не в поношение впадет и в сеть неприязнену. I Timothy 3:8 Диаконом такожде чистым, не двоязычным, не вину многу внимающым, не скверностяжателным, I Timothy 3:9 имущым таинство веры в чистей совести. I Timothy 3:10 И сии убо да искушаются прежде, потом же да служат, непорочни суще. I Timothy 3:11 Женам такожде чистым, не клеветивым, (не навадницам,) трезвенным, верным во всем. I Timothy 3:12 Диакони да бывают единыя жены мужие, чада добре правяще и своя домы: I Timothy 3:13 ибо служившии добре степень себе добр снискают и многое дерзновение в вере, яже о Христе Иисусе. I Timothy 3:14 Сия пишу тебе, уповая приити к тебе скоро: I Timothy 3:15 аще же замедлю, да увеси, како подобает в дому Божии жити, яже есть Церковь Бога жива, столп и утверждение истины. I Timothy 3:16 И исповедуемо велия есть благочестия тайна: Бог явися во плоти, оправдася в Дусе, показася Ангелом, проповедан бысть во языцех, веровася в мире, вознесеся во славе. I Timothy 4:0 I Timothy 4:1 Дух же явственне глаголет, яко в последняя времена отступят нецыи от веры, внемлюще духовом лестчым и учением бесовским, I Timothy 4:2 в лицемерии лжесловесник, сожженных своею совестию, I Timothy 4:3 возбраняющих женитися, удалятися от брашен, яже Бог сотвори в снедение со благодарением верным и познавшым истину. I Timothy 4:4 Зане всякое создание Божие добро, и ничтоже отметно, со благодарением приемлемо, I Timothy 4:5 освящается бо словом Божиим и молитвою. I Timothy 4:6 Сия вся сказуя братии, добр будеши служитель Иисуса Христа, питаемь словесы веры и добрым учением, емуже последовал еси. I Timothy 4:7 Скверных же и бабиих басней отрицайся, обучай же себе ко благочестию: I Timothy 4:8 телесное бо обучение вмале есть полезно, а благочестие на все полезно есть, обетование имеющее живота нынешняго и грядущаго. I Timothy 4:9 Верно слово и всякаго приятия достойно. I Timothy 4:10 На сие бо и труждаемся и поношаеми есмы, яко уповахом на Бога жива, Иже есть Спаситель всем человеком, паче же верным. I Timothy 4:11 Завещавай сия и учи. I Timothy 4:12 Никтоже о юности твоей да нерадит: но образ буди верным словом, житием, любовию, духом, верою, чистотою. I Timothy 4:13 Дондеже прииду, внемли чтению, утешению, учению. I Timothy 4:14 Не неради о своем даровании живущем в тебе, еже дано тебе бысть пророчеством с возложением рук священничества. I Timothy 4:15 В сих поучайся, в сих пребывай, (в сих разумевай,) да преспеяние твое явлено будет во всех. I Timothy 4:16 Внимай себе и учению и пребывай в них: сия бо творя, и сам спасешися и послушающии тебе. I Timothy 5:0 I Timothy 5:1 Старцу не твори пакости, но утешай якоже отца: юношы, якоже братию: I Timothy 5:2 старицы, якоже матери: юныя, якоже сестры, со всякою чистотою. I Timothy 5:3 Вдовицы чти сущыя истинныя вдовицы. I Timothy 5:4 Аще же кая вдовица чада или внучата имать, да учатся прежде свой дом благочестиво устроити и взаем воздаяти родителем: сие бо есть благоугодно пред Богом. I Timothy 5:5 А сущая истинная вдовица и уединена, уповает на Бога и пребывает в молитвах и молениих день и нощь: I Timothy 5:6 питающаяся же пространно, жива умерла. I Timothy 5:7 И сия завещавай, да непорочни будут. I Timothy 5:8 Аще же кто о своих, паче же о присных не промышляет, веры отверглся есть и невернаго горший есть. I Timothy 5:9 Вдовица же да причитается не менши лет шестидесятих, бывши единому мужу жена, I Timothy 5:10 в делех добрых свидетелствуема, аще чада воспитала есть, аще святых нозе умы, аще странныя прият, аще скорбным утешение бысть, аще всякому делу благу последовала есть. I Timothy 5:11 Юных же вдовиц отрицайся: егда бо разсвирепеют о Христе, посягати хотят, I Timothy 5:12 имущыя грех, яко первыя веры отвергошася: I Timothy 5:13 купно же и праздны учатся обходити домы, не точию же праздны, но и блядивы и оплазивы, глаголющыя, яже не подобает. I Timothy 5:14 Хощу убо юным вдовицам посягати, чада раждати, дом строити, ни едины же вины даяти противному хулы ради: I Timothy 5:15 се бо некия развратишася вслед сатаны. I Timothy 5:16 Аще кто верен или верна имать вдовицы, да довлит их, и да не тяготится Церковь, да сущих истинных вдовиц удоволит. I Timothy 5:17 Прилежащии же добре пресвитери сугубыя чести да сподобляются: паче же труждающиися в слове и учении. I Timothy 5:18 Глаголет бо Писание: вола молотяща не обротиши: и: достоин делатель мзды своея. I Timothy 5:19 На пресвитера хулы не приемли, разве при двою или триех свидетелех. I Timothy 5:20 Согрешающих же пред всеми обличай, да и прочии страх имут. I Timothy 5:21 Засвидетелствую пред Богом, и Господем Иисус Христом, и избранными (его) Ангелы, да сия сохраниши без лицемерия, ничесоже творя по уклонению. I Timothy 5:22 Руки скоро не возлагай ни на когоже, ниже приобщайся чужым грехом: себе чиста соблюдай. I Timothy 5:23 Ктому не пий воды, но мало вина приемли, стомаха ради твоего и частых твоих недугов. I Timothy 5:24 Неких (же) человек греси предявлени суть, предваряюще на суд: неким же и последствуют. I Timothy 5:25 Такожде и добрая дела предявлена суть: и сущая инако, утаитися не могут. I Timothy 6:0 I Timothy 6:1 Елицы суть под игом раби, своих господий всякия чести да сподобляют, да имя Божие не хулится и учение. I Timothy 6:2 Имущии же верных господий да не нерадят о них, понеже братия суть: но паче да работают, зане верни суть и возлюблени, иже благодать восприемлющии. Сия учи и моли. I Timothy 6:3 Аще ли кто инако учит и не приступает к здравым словесем Господа нашего Иисуса Христа и учению, еже по благоверию, I Timothy 6:4 разгордеся, ничтоже ведый, но недугуяй о стязаниих и словопрениих, от нихже бывает зависть, рвение, хулы, непщевания лукава, I Timothy 6:5 беседы злыя растленных человеков умом и лишенных истины, непщующих приобретение быти благочестие. Отступай от таковых. I Timothy 6:6 Есть же снискание велие благочестие с доволством. I Timothy 6:7 Ничтоже бо внесохом в мир сей: яве, яко ниже изнести что можем. I Timothy 6:8 Имеюще же пищу и одеяние, сими доволни будем. I Timothy 6:9 А хотящии богатитися впадают в напасти и сеть, и в похоти многи несмысленны и вреждающыя, яже погружают человеки во всегубителство и погибель: I Timothy 6:10 корень бо всем злым сребролюбие есть, егоже нецыи желающе заблудиша от веры, и себе пригвоздиша болезнем многим. I Timothy 6:11 Ты же, о, человече Божий, сих бегай: гони же правду, благочестие, веру, любовь, терпение, кротость: I Timothy 6:12 подвизайся добрым подвигом веры, емлися за вечную жизнь, в нюже и зван был еси, и исповедал еси доброе исповедание пред многими свидетели. I Timothy 6:13 Завещаваю ти пред Богом оживляющим всяческая, и Христом Иисусом свидетелствовавшим при Понтийстем Пилате доброе исповедание: I Timothy 6:14 соблюсти тебе заповедь нескверну и незазорну, даже до явления Господа нашего Иисуса Христа, I Timothy 6:15 еже во своя времена явит блаженный и един сильный, Царь царствующих и Господь господствующих, I Timothy 6:16 един имеяй безсмертие и во свете живый неприступнем, Егоже никтоже видел есть от человек, ниже видети может: емуже честь и держава вечная. Аминь. I Timothy 6:17 Богатым в нынешнем веце запрещай не высокомудрствовати, ниже уповати на богатство погибающее, но на Бога жива, дающаго нам вся обилно в наслаждение: I Timothy 6:18 благое делати, богатитися в делех добрых, благоподатливым быти, общителным, I Timothy 6:19 сокровищующе себе основание добро в будущее, да приимут вечную жизнь. I Timothy 6:20 О, Тимофее, предание сохрани, уклоняяся скверных суесловий и прекословий лжеименнаго разума: I Timothy 6:21 о немже нецыи хвалящеся, о вере погрешиша. Благодать с тобою. Аминь.
II Timothy 0:0
Второе послание апостола Павла Тимофею II Timothy 1:0 II Timothy 1:1 Павел, Апостол Иисус Христов волею Божиею, по обетованию жизни, яже о Христе Иисусе, II Timothy 1:2 Тимофею возлюбленному чаду: благодать, милость, мир от Бога Отца и Христа Иисуса Господа нашего. II Timothy 1:3 Благодарю Бога, Емуже служу от прародителей чистою совестию, яко непрестанную имам о тебе память в молитвах моих день и нощь, II Timothy 1:4 желая видети тя, поминая слезы твоя, да радости исполнюся, II Timothy 1:5 воспоминание приемля о сущей в тебе нелицемерней вере, яже вселися прежде в бабу твою Лоиду и в матерь твою Евникию: известен же есмь, яко и в тебе. II Timothy 1:6 Еяже ради вины воспоминаю тебе возгревати дар Божий живущий в тебе возложением руку моею: II Timothy 1:7 не бо даде нам Бог духа страха, но силы и любве и целомудрия. II Timothy 1:8 Не постыдися убо страстию Господа нашего Иисуса Христа, ни мною юзником Его: но спостражди благовествованию (Христову) по силе Бога, II Timothy 1:9 спасшаго нас и призвавшаго званием святым, не по делом нашым, но по Своему благоволению и благодати данней нам о Христе Иисусе прежде лет вечных, II Timothy 1:10 явльшейся же ныне просвещением Спасителя нашего Иисуса Христа, разрушившаго убо смерть и возсиявшаго жизнь и нетление благовествованием, II Timothy 1:11 в неже поставлен бых аз проповедник и Апостол и учитель языков. II Timothy 1:12 Еяже ради вины и сия стражду: но не стыждуся. Вем бо, Емуже веровах, и известихся, яко силен есть предание мое сохранити в день он. II Timothy 1:13 Образ имей здравых словес, ихже от мене слышал еси, в вере и любви, яже о Христе Иисусе. II Timothy 1:14 Доброе завещание соблюди Духом Святым живущим в нас. II Timothy 1:15 Веси ли сие, яко отвратишася от мене вси, иже от Асии, от нихже есть Фигелл и Ермоген. II Timothy 1:16 Да даст (же) милость Господь Онисифорову дому, яко многажды мя упокои и вериг моих не постыдеся, II Timothy 1:17 но пришед в Рим, тощнее взыска мя и обрете: II Timothy 1:18 да даст ему Господь обрести милость от Господа в день он: и елико во Ефесе послужи ми, добрее ты веси. II Timothy 2:0 II Timothy 2:1 Ты убо, чадо мое, возмогай во благодати, яже о Христе Иисусе, II Timothy 2:2 и яже слышал еси от мене многими свидетели, сия предаждь верным человеком, иже доволни будут и иных научити. II Timothy 2:3 Ты убо злопостражди яко добр воин Иисус Христов. II Timothy 2:4 Никтоже (бо) воин бывая обязуется куплями житейскими, да воеводе угоден будет. II Timothy 2:5 Аще же и постраждет кто, не венчается, аще не законно мучен будет. II Timothy 2:6 Труждающемуся делателю прежде подобает от плода вкусити. II Timothy 2:7 Разумей, яже глаголю: да даст убо тебе Господь разум о всем. II Timothy 2:8 Поминай (Господа) Иисуса Христа воставшаго от мертвых, от семене Давидова, по благовествованию моему, II Timothy 2:9 в немже злостражду даже до уз, яко злодей: но слово Божие не вяжется. II Timothy 2:10 Сего ради вся терплю избранных ради, да и тии спасение улучат еже о Христе Иисусе, со славою вечною. II Timothy 2:11 Верно слово: аще бо с Ним умрохом, то с Ним и оживем: II Timothy 2:12 аще терпим, с Ним и воцаримся: аще отвержемся, и Той отвержется нас: II Timothy 2:13 аще не веруем, Он верен пребывает: отрещися бо Себе не может. II Timothy 2:14 Сия воспоминай, засвидетелствуя пред Господем, не словопретися, ни на куюже потребу, на разорение слышащих. II Timothy 2:15 Потщися себе искусна поставити пред Богом, делателя непостыдна, право правяща слово истины. II Timothy 2:16 Скверных же тщегласий отметайся: наипаче бо преспеют в нечестие, II Timothy 2:17 и слово их яко гаггрена жир обрящет: от нихже есть Именей и Филит, II Timothy 2:18 иже о истине погрешиста, глаголюща, яко воскресение уже бысть: и возмущают некоторых веру. II Timothy 2:19 Твердое убо основание Божие стоит, имущее печать сию: позна Господь сущыя Своя, и: да отступит от неправды всяк именуяй имя Господне. II Timothy 2:20 В велицем же дому не точию сосуди злати и сребряни суть, но и древяни и глиняни: и ови убо в честь, ови же не в честь. II Timothy 2:21 Аще убо кто очистит себе от сих, будет сосуд в честь, освящен и благопотребен Владыце, на всякое дело благое уготован. II Timothy 2:22 Похотей юных бегай, держися же правды, веры, любве, мира со всеми призывающими Господа от чистаго сердца. II Timothy 2:23 Буих же и ненаказанных стязаний отрицайся, ведый, яко раждают свары: II Timothy 2:24 рабу же Господню не подобает сваритися, но тиху быти ко всем, учителну, незлобиву, II Timothy 2:25 с кротостию наказующу противныя, еда како даст им Бог покаяние в разум истины, II Timothy 2:26 и возникнут от диаволския сети, живи уловлени от него в свою его волю. II Timothy 3:0 II Timothy 3:1 Сие же веждь, яко в последния дни настанут времена люта. II Timothy 3:2 Будут бо человецы самолюбцы, сребролюбцы, величави, горди, хулницы, родителем противящиися, неблагодарни, неправедни, нелюбовни, II Timothy 3:3 непримирителни, (продерзиви, возносливи, прелагатае,) клеветницы, невоздержницы, некротцы, неблаголюбцы, II Timothy 3:4 предателе, нагли, напыщени, сластолюбцы паче нежели боголюбцы, II Timothy 3:5 имущии образ благочестия, силы же его отвергшиися. И сих отвращайся. II Timothy 3:6 От сих бо суть поныряющии в домы и пленяющии женишца отягощенныя грехами, водимыя похотьми различными, II Timothy 3:7 всегда учащяся и николиже в разум истины приити могущыя. II Timothy 3:8 Якоже Ианний и Иамврий противистася Моисею, такожде и сии противляются истине, человецы растленни умом (и) неискусни о вере. II Timothy 3:9 Но не преуспеют более: безумие бо их явлено будет всем, якоже и онех бысть. II Timothy 3:10 Ты же последовал еси моему учению, житию, привету, вере, долготерпению, любви, терпению, II Timothy 3:11 изгнанием, страданием, якова ми быша во Антиохии, (и) во Иконии, (и) в Листрех: якова изгнания приях, и от всех мя избавил есть Господь. II Timothy 3:12 И вси же хотящии благочестно жити о Христе Иисусе, гоними будут: II Timothy 3:13 лукавии же человецы и чародее преупеют на горшее, прельщающе и прельщаеми. II Timothy 3:14 Ты же пребывай в нихже научен еси и яже вверена суть тебе, ведый, от кого научился еси: II Timothy 3:15 и яко измлада священная писания умееши, могущая тя умудрити во спасение верою, яже о Христе Иисусе. II Timothy 3:16 Всяко Писание богодухновенно и полезно (есть) ко учению, ко обличению, ко исправлению, к наказанию еже в правде, II Timothy 3:17 да совершен будет Божий человек, на всякое дело благое уготован. II Timothy 4:0 II Timothy 4:1 Засвидетелствую убо аз пред Богом и Господем нашим Иисус Христом, хотящим судити живым и мертвым в явлении Его и Царствии Его: II Timothy 4:2 проповедуй слово, настой благовременне и безвременне, обличи, запрети, умоли со всяким долготерпением и учением. II Timothy 4:3 Будет бо время, егда здраваго учения не послушают, но по своих похотех изберут себе учители, чешеми слухом: II Timothy 4:4 и от истины слух отвратят, и к баснем уклонятся. II Timothy 4:5 Ты же трезвися о всем, злопостражди, дело сотвори благовестника, служение твое известно сотвори. II Timothy 4:6 Аз бо уже жрен бываю, и время моего отшествия наста: II Timothy 4:7 подвигом добрым подвизахся, течение скончах, веру соблюдох: II Timothy 4:8 прочее убо соблюдается мне венец правды, егоже воздаст ми Господь в день он, праведный Судия: не токмо же мне, но и всем возлюбльшым явление Его. II Timothy 4:9 Потщися скоро приити ко мне. II Timothy 4:10 Димас бо мене остави, возлюбив нынешний век, и иде в Солунь: Крискент в Галатию, Тит в Далматию: Лука един есть со мною. II Timothy 4:11 Марка поемь приведи с собою, есть бо ми благопотребен в службу. II Timothy 4:12 Тихика же послах во Ефес. II Timothy 4:13 Фелон, егоже оставих в Троаде у Карпа, грядый принеси, и книги, паче же кожаныя. II Timothy 4:14 Александр ковачь многа ми зла сотвори: да воздаст ему Господь по делом его: II Timothy 4:15 от негоже и ты себе блюди, зело бо противится словесем нашым. II Timothy 4:16 В первый мой ответ никтоже бысть со мною, но вси мя оставиша: да не вменится им. II Timothy 4:17 Господь же мне предста и укрепи мя, да мною проповедание известно будет, и услышат вси языцы: и избавлен бых от уст львов. II Timothy 4:18 И избавит мя Господь от всякаго дела лукава и спасет во Царствие Свое Небесное: Емуже слава во веки веков. Аминь. II Timothy 4:19 Целуй Прискиллу и Акилу и Онисифоров дом. II Timothy 4:20 Ераст оста в Коринфе: Трофима же оставих в Милите боляща. II Timothy 4:21 Потщися прежде зимы приити. Целует тя Еввул и Пуд, и Лин и Клавдиа и братия вся. II Timothy 4:22 Господь Иисус Христос со духом твоим. Благодать с вами. Аминь.
Titus 0:0
Послание апостола Павла Титу Titus 1:0 Titus 1:1 Павел, раб Божий, Апостол же Иисус Христов, по вере избранных Божиих и разуму истины, яже по благочестию, Titus 1:2 о уповании жизни вечныя, юже обетова неложный Бог прежде лет вечных, Titus 1:3 яви же во времена своя слово Свое проповеданием, еже мне поручено бысть по повелению Спасителя нашего Бога: Titus 1:4 Титу, присному чаду по общей вере: благодать, милость, мир от Бога Отца и Господа Иисуса Христа Спаса нашего. Titus 1:5 Сего ради оставих тя в Крите, да недокончанная исправиши и устроиши по всем градом пресвитеры, якоже тебе аз повелех: Titus 1:6 аще кто есть непорочен, единыя жены муж, чада имый верна, не во укорении блуда, или непокорива. Titus 1:7 Подобает бо епископу без порока быти, якоже Божию строителю: не себе угождающу, (не дерзу, не напрасливу,) не гневливу, не пиянице, не биице, не скверностяжательну, Titus 1:8 но страннолюбиву, благолюбцу, целомудренну, праведну, преподобну, воздержателну, Titus 1:9 держащемуся вернаго словесе по учению, да силен будет и утешати во здравем учении, и противящыяся обличати. Titus 1:10 Суть бо мнози непокориви, суесловцы и умом прельщени, наипаче же сущии от обрезания, Titus 1:11 ихже подобает уста заграждати: иже вся домы развращают, учаще яже не подобает, сквернаго ради прибытка. Titus 1:12 Рече же некто от них, свой им пророк: Критяне присно лживи, злии зверие, утробы праздныя. Titus 1:13 Свидетельство сие истинно есть. Еяже ради вины обличай их нещадно, да здрави будут в вере, Titus 1:14 не внимающе Иудейским баснем, ни заповедем человек отвращающихся от истины. Titus 1:15 Вся убо чиста чистым: оскверненым же и неверным ничтоже чисто, но осквернися их и ум и совесть. Titus 1:16 Бога исповедуют ведети, а делы отмещутся Его, мерзцы суще и непокориви и на всякое дело благое неискусни. Titus 2:0 Titus 2:1 Ты же глаголи, яже подобает здравому учению: Titus 2:2 старцем трезвенным быти, честным, целомудренным, здравствующым верою, любовию, терпением: Titus 2:3 старицам такожде во украшении святолепным, не клеветивым, не вину многу порабощенным, доброучителным, Titus 2:4 да уцеломудрят юныя, мужелюбицам быти, чадолюбицам, Titus 2:5 целомудренным, чистым, домы добре правящым, благим, покаряющымся своим мужем, да не слово Божие хулится: Titus 2:6 юношы такожде моли целомудрствовати. Titus 2:7 О всем (же) сам себе подавая образ добрых дел, во учении независтное, честность, нетление, Titus 2:8 слово здравое, незазорное. Да противный посрамится, ничтоже имея глаголати о нас укорно. Titus 2:9 Рабы, своим господем повиноватися, во всем благоугодным быти, не прекословным, Titus 2:10 не крадущым, но веру всяку являющым благу. Да учение Спасителя нашего Бога украшают во всем. Titus 2:11 Явися бо благодать Божия спасителная всем человеком, Titus 2:12 наказующи нас, да отвергшеся нечестия и мирских похотей, целомудренно и праведно и благочестно поживем в нынешнем веце, Titus 2:13 ждуще блаженнаго упования и явления славы великаго Бога и Спаса нашего Иисуса Христа, Titus 2:14 Иже дал есть Себе за ны, да избавит ны от всякаго беззакония и очестит Себе люди избранны, ревнители добрым делом. Titus 2:15 Сия глаголи, и моли, и обличай со всяким повелением. Да никтоже тя преобидит. Titus 3:0 Titus 3:1 Воспоминай тем началствующым и владеющым повиноватися и покарятися, и ко всякому делу благу готовым быти: Titus 3:2 ни единаго хулити, не сварливым быти, но тихим, всяку являющым кротость ко всем человеком. Titus 3:3 Бехом бо иногда и мы несмысленни, и непокориви, и прельщени, работающе похотем и сластем различным, в злобе и зависти живуще, мерзцы (суще и) ненавидяще друг друга. Titus 3:4 Егда же благодать и человеколюбие явися Спаса нашего Бога, Titus 3:5 не от дел праведных, ихже сотворихом мы, но по Своей Его милости, спасе нас банею пакибытия и обновления Духа Святаго, Titus 3:6 Егоже излия на нас обилно Иисус Христом, Спасителем нашим, Titus 3:7 да оправдившеся благодатию Его, наследницы будем по упованию жизни вечныя. Titus 3:8 (Чадо Тите,) верно слово, и о сих хощу тя извещати, да пекутся добрым делом прилежати веровавшии Богу: сия суть полезна человеком и добра. Titus 3:9 Буих же стязаний и родословий и рвений и сваров законных отступай: суть бо неполезны и суетны. Titus 3:10 Еретика человека по первом и вторем наказании отрицайся, Titus 3:11 ведый, яко развратися таковый, и согрешает, и есть самоосужден. Titus 3:12 Егда послю Артему к тебе или Тихика, потщися приити ко мне в Никополь: тамо бо судих озимети. Titus 3:13 Зину законника и Аполлоса скоро предпосли, и да ничтоже им скудно будет. Titus 3:14 Да учатся же и наши добрым делом прилежати в нужная требования, да не будут безплодни. Titus 3:15 Целуют тя со мною сущии вси. Целуй любящыя ны в вере. Благодать со всеми вами. Аминь.
Philemon 0:0
Послание апостола Павла Филимону Philemon 1:0 Philemon 1:1 Павел юзник Иисус Христов, и Тимофей брат, Филимону возлюбленному и споспешнику нашему, Philemon 1:2 и Апфии сестре возлюбленнеи, и Архиппу совоинственнику нашему, и домашней твоей церкви: Philemon 1:3 благодать вам и мир от Бога Отца нашего, и Господа Иисуса Христа. Philemon 1:4 Благодарю Бога моего, всегда память о тебе творя в молитвах моих, Philemon 1:5 слышав любовь твою и веру, юже имаши ко Господу Иисусу и ко всем святым. Philemon 1:6 Яко да общение твоея веры действенно будет в разуме всякаго блага, еже в вас, о Христе Иисусе. Philemon 1:7 Радость бо имам многу и утешение о любви твоей, яко утробы святых почиша тобою, брате. Philemon 1:8 Сего ради многое дерзновение имея во Христе повелевати тебе, еже потребно есть, Philemon 1:9 любве же ради паче молю, таков сый якоже Павел старец, ныне же и узник Иисуса Христа: Philemon 1:10 молю тя о моем чаде, егоже родих во узах моих Онисима, Philemon 1:11 иногда тебе непотребнаго, ныне же тебе и мне благопотребна, егоже возпослах тебе, Philemon 1:12 ты же его, сиречь мою утробу, приими. Philemon 1:13 Егоже аз хотех у себе держати, да вместо тебе послужит ми во узах благовествования: Philemon 1:14 без твоея же воли ничтоже восхотех сотворити, да не аки по нужди благое твое будет, но по воли. Philemon 1:15 Негли бо ради сего разлучися на час, да вечна того приимеши, Philemon 1:16 не ктому аки раба, но выше раба, брата возлюбленна, паче же мне, кольми же паче тебе, и по плоти и о Господе. Philemon 1:17 Аще убо имаши мене общника, приими сего якоже мене. Philemon 1:18 Аще же в чесом обиде тебе, или должен есть, мне сие вмени. Philemon 1:19 Аз Павел написах рукою моею: аз воздам: да не реку тебе, яко и сам себе ми еси должен. Philemon 1:20 Ей, брате, аз да получу еже прошу у тебе о Господе: упокой мою утробу о Господе. Philemon 1:21 Надеявся на послушание твое написах тебе, ведый, яко и паче, еже глаголю, сотвориши. Philemon 1:22 Купно же и уготови ми обитель: уповаю бо, яко молитвами вашими дарован буду вам. Philemon 1:23 Целует тя Епафрас, спленник мой о Христе Иисусе, Philemon 1:24 Марко, Аристарх, Димас, Лука, споспешницы мои. Philemon 1:25 Благодать Господа нашего Иисуса Христа со духом вашим. Аминь.
Hebrews 0:0
Послание апостола Павла Евреям Hebrews 1:0 Hebrews 1:1 Многочастне и многообразне древле Бог глаголавый отцем во пророцех, Hebrews 1:2 в последок дний сих глагола нам в Сыне, Егоже положи наследника всем, Имже и веки сотвори. Hebrews 1:3 Иже сый сияние славы и образ ипостаси Его, нося же всяческая глаголголом силы Своея, Собою очищение сотворив грехов наших, седе о десную престола величествия на высоких, Hebrews 1:4 толико лучший быв Ангелов, елико преславнее паче их наследствова имя. Hebrews 1:5 Кому бо рече когда от Ангел: Сын Мой еси Ты, Аз днесь родих Тя? И паки: Аз буду Ему во Отца, и Той будет Мне в Сына? Hebrews 1:6 Егда же паки вводит Первороднаго во вселенную, глаголет: и да поклонятся Ему вси Ангели Божии. Hebrews 1:7 И ко Ангелом убо глаголет: творяй Ангелы Своя духи и слуги Своя огнь палящь. Hebrews 1:8 К Сыну же: престол Твой, Боже, в век века: жезл правости жезл Царствия Твоего: Hebrews 1:9 возлюбил еси правду и возненавидел еси беззаконие: сего ради помаза Тя, Боже, Бог Твой елеем радости паче причастник Твоих. Hebrews 1:10 И (паки): в начале Ты, Господи, землю основал еси, и дела руку Твоею суть небеса: Hebrews 1:11 та погибнут, Ты же пребываеши: и вся, якоже риза, обетшают, Hebrews 1:12 и яко одежду свиеши их, и изменятся: Ты же тойжде еси, и лета Твоя не оскудеют. Hebrews 1:13 Кому же от Ангел рече когда: седи о десную Мене, дондеже положу враги Твоя подножие ног Твоих? Hebrews 1:14 Не вси ли суть служебнии дуси, в служение посылаеми за хотящих наследовати спасение? Hebrews 2:0 Hebrews 2:1 Сего ради подобает нам лишше внимати слышанным, да не когда отпадем. Hebrews 2:2 Аще бо глаголанное Ангелы слово бысть известно, и всяко преступление и ослушание праведное прият мздовоздаяние: Hebrews 2:3 како мы убежим, о толицем нерадивше спасении, еже зачало приемь глаголатися от Господа, слышавшими в нас известися, Hebrews 2:4 сосвидетелствующу Богу знаменьми же и чудесы, и различными силами, и Духа Святаго разделеньми, по Своей Ему воли? Hebrews 2:5 Не Ангелом бо покори Бог вселенную грядущую, о нейже глаголем: Hebrews 2:6 засвидетелствова же негде некто, глаголя: что есть человек, яко помниши его? Или сын человеческий, яко посещаеши и? Hebrews 2:7 Умалил еси его малым нечим от Ангел: славою и честию венчал еси его и поставил еси его над делы руку Твоею, Hebrews 2:8 вся покорил еси под нозе его. Внегда же покорити ему всяческая, ничтоже остави ему непокорено. Ныне же не у видим ему всяческая покорена: Hebrews 2:9 а умаленаго малым чим от Ангел видим Иисуса, за приятие смерти славою и честию венчанна, яко да благодатию Божиею за всех вкусит смерти. Hebrews 2:10 Подобаше бо ему, Егоже ради всяческая и Имже всяческая, приведшу многи сыны в славу, началника спасения их страданьми совершити. Hebrews 2:11 И святяй бо и освящаемии, от Единаго вси: еяже ради вины не стыдится братию нарицати их, глаголя: Hebrews 2:12 возвещу имя Твое братии Моей, посреде церкве воспою Тя. Hebrews 2:13 И паки: Аз буду надеяся Нань. И паки: се, Аз и дети, яже Ми дал есть Бог. Hebrews 2:14 Понеже убо дети приобщишася плоти и крови, и Той приискренне приобщися техже, да смертию упразднит имущаго державу смерти, сиречь диавола, Hebrews 2:15 и избавит сих, елицы страхом смерти чрез все житие повинни беша работе. Hebrews 2:16 Не от Ангел бо когда приемлет, но от семене Авраамова приемлет: Hebrews 2:17 отнюдуже должен бе по всему подобитися братии, да милостив будет и верен первосвященник в тех, яже к Богу, во еже очестити грехи людския. Hebrews 2:18 В немже бо пострада, Сам искушен быв, может и искушаемым помощи. Hebrews 3:0 Hebrews 3:1 Темже, братие святая, звания небеснаго причастницы, разумейте Посланника и Святителя исповедания нашего Иисуса Христа, Hebrews 3:2 верна суща Сотворшему Его, якоже и Моисей во всем дому Его. Hebrews 3:3 Множайшей бо славе Сей паче Моисеа сподобися, елико множайшую честь имать паче дому сотворивый его: Hebrews 3:4 всяк бо дом созидается от некоего: а сотворивый всяческая Бог. Hebrews 3:5 И Моисей убо верен бе во всем дому Его, якоже слуга, во свидетелство глаголатися имевшым: Hebrews 3:6 Христос же якоже Сын в дому Своем: Егоже дом мы есмы, аще дерзновение и похвалу упования даже до конца известно удержим. Hebrews 3:7 Темже, якоже глаголет Дух Святый, днесь, аще глас Его услышите, Hebrews 3:8 не ожесточите сердец ваших, якоже в прогневании, во дни искушения в пустыни, Hebrews 3:9 идеже искусиша Мя отцы ваши, искусиша Мя и видеша дела Моя четыредесять лет. Hebrews 3:10 Сего ради негодовах рода того и рех: присно заблуждают сердцем, тии же не познаша путий Моих: Hebrews 3:11 яко кляхся во гневе Моем, аще внидут в покой Мой. Hebrews 3:12 Блюдите, братие, да не когда будет в некоем от вас сердце лукаво, (исполнено) неверия, во еже отступити от Бога жива. Hebrews 3:13 Но утешайте себе на всяк день дондеже днесь нарицается, да не ожесточится некто от вас лестию греховною: Hebrews 3:14 причастницы бо быхом Христу, аще точию начаток состава даже до конца известен удержим: Hebrews 3:15 внегда глаголет: днесь, аще глас Его услышите, не ожесточите сердец ваших, якоже в прогневании. Hebrews 3:16 Нецыи бо слышавше прогневаша, но не вси изшедшии из Египта с Моисеом. Hebrews 3:17 Коих же негодова четыредесять лет? Не согрешивших ли, ихже кости падоша в пустыни? Hebrews 3:18 Которым же клялся не внити в покоище Его? Яве, яко противльшымся. Hebrews 3:19 И видим, яко не возмогоша внити за неверствие. Hebrews 4:0 Hebrews 4:1 Да убоимся убо, да не когда оставлену обетованию внити в покой Его, явится кто от вас лишився. Hebrews 4:2 Ибо нам благовествовано есть, якоже и онем: но не пользова онех слово слуха, не растворенное верою слышавших. Hebrews 4:3 Входим бо в покой веровавшии, якоже рече: яко кляхся во гневе Моем, аще внидут в покой Мой: аще и делом от сложения мира бывшым. Hebrews 4:4 Рече бо негде о седмем сице: и почи Бог в день седмый от всех дел Своих. Hebrews 4:5 И в сем паки: аще внидут в покой Мой. Hebrews 4:6 Понеже убо лишени нецыи внити в него, и имже прежде благовествовано бе, не внидоша за непослушание: Hebrews 4:7 паки некий уставляет день, днесь, в Давиде глаголя, по толицех летех, якоже прежде глаголася: днесь, аще глас Его услышите, не ожесточите сердец ваших. Hebrews 4:8 Аще бо бы онех Иисус упокоил, не бы о инем дни глаголал по сих. Hebrews 4:9 Убо оставлено есть (и еще) субботство людем Божиим: Hebrews 4:10 вшедый бо в покой Его, и той почи от дел своих, якоже от Своих Бог. Hebrews 4:11 Потщимся убо внити во оный покой, да не кто в ту же притчу противления впадет. Hebrews 4:12 Живо бо слово Божие и действенно, и острейше паче всякаго меча обоюду остра, и проходящее даже до разделения души же и духа, членов же и мозгов, и судително помышлением и мыслем сердечным. Hebrews 4:13 И несть тварь неявлена пред Ним, вся же нага и объявлена пред очима Его, к Немуже нам слово. Hebrews 4:14 Имуще убо Архиереа велика, прошедшаго небеса, Иисуса Сына Божия, да держимся исповедания. Hebrews 4:15 Не имамы бо архиереа не могуща спострадати немощем нашым, но искушена по всяческим по подобию, разве греха. Hebrews 4:16 Да приступаем убо с дерзновением к престолу благодати, да приимем милость и благодать обрящем во благовременну помощь. Hebrews 5:0 Hebrews 5:1 Всяк бо первосвященник, от человек приемлемь, за человеки поставляется на службы яже к Богу, да приносит дары же и жертвы о гресех, Hebrews 5:2 спострадати могий невежствующым и заблуждающым, понеже и той немощию обложен есть: Hebrews 5:3 и сего ради должен есть якоже о людех, такожде и о себе приносити за грехи. Hebrews 5:4 И никтоже сам себе приемлет честь, но званный от Бога, якоже и Аарон. Hebrews 5:5 Тако и Христос не Себе прослави быти первосвященника, но Глаголавый к Нему: Сын Мой еси Ты, Аз днесь родих Тя: Hebrews 5:6 якоже и инде глаголет: Ты еси священник во век по чину Мелхиседекову. Hebrews 5:7 Иже во днех плоти Своея моления же и молитвы к Могущему спасти Его от смерти с воплем крепким и со слезами принес, и услышан быв от благоговеинства, Hebrews 5:8 аще и Сын бяше, обаче навыче от сих, яже пострада, послушанию, Hebrews 5:9 и совершився бысть всем послушающым Его виновен спасения вечнаго, Hebrews 5:10 наречен от Бога Первосвященник по чину Мелхиседекову. Hebrews 5:11 О немже многое нам слово и неудобь сказаемое глаголати, понеже немощни бысте слухи. Hebrews 5:12 Ибо, должни суще быти учителие лет ради, паки требуете учитися, кая писмена начала словес Божиих: и бысте требующе млека, а не крепкия пищи. Hebrews 5:13 Всяк бо причащаяйся млека неискусен слова правды, младенец бо есть: Hebrews 5:14 совершенных же есть твердая пища, имущих чувствия обучена долгим учением в разсуждение добра же и зла. Hebrews 6:0 Hebrews 6:1 Темже оставльше начала Христова слово, на совершение да ведемся, не паки основание покаяния полагающе от мертвых дел, и веры в Бога, Hebrews 6:2 крещений учения, возложения же рук, воскресения же мертвых и суда вечнаго. Hebrews 6:3 И сие сотворим, аще Бог повелит. Hebrews 6:4 Невозможно бо просвещенных единою и вкусивших дара небеснаго, и причастников бывших Духа Святаго, Hebrews 6:5 и добраго вкусивших Божия глаголгола и силы грядущаго века, Hebrews 6:6 и отпадших, паки обновляти в покаяние, второе распинающих Сына Божия себе и обличающих. Hebrews 6:7 Земля бо пившая сходящий на ню множицею дождь и раждающая былия добрая оным, имиже и делаема бывает, приемлет благословение от Бога: Hebrews 6:8 а износящая терния и волчец непотребна есть и клятвы близ, еяже кончина в пожжение. Hebrews 6:9 Надеемся же о вас, возлюбленнии, лучших и придержащихся спасения, аще и тако глаголем. Hebrews 6:10 Не обидлив бо Бог, забыти дела вашего и труда любве, юже показасте во имя Его, послуживше святым и служаще. Hebrews 6:11 Желаем же, да кийждо вас являет тожде тщание ко извещению упования даже до конца, Hebrews 6:12 да не лениви будете, но подражателе наследствующих обетования верою и долготерпением. Hebrews 6:13 Аврааму бо обетовая Бог, понеже ни единем имяше болшим клятися, клятся Собою, Hebrews 6:14 глаголя: воистинну благословя благословлю тя и умножая умножу тя. Hebrews 6:15 И тако долготерпев, получи обетование. Hebrews 6:16 Человецы бо болшим кленутся, и всякому их прекословию кончина во извещение клятва (есть). Hebrews 6:17 В немже лишше хотя Бог показати наследником обетования непреложное совета Своего, ходатайствова клятвою: Hebrews 6:18 да двема вещьми непреложными, в нихже невозможно солгати Богу, крепкое утешение имамы прибегшии ятися за предлежащее упование, Hebrews 6:19 еже аки котву имамы души, тверду же и известну, и входящую во внутреннейшее завесы, Hebrews 6:20 идеже предтеча о нас вниде Иисус, по чину Мелхиседекову Первосвященник быв во веки. Hebrews 7:0 Hebrews 7:1 Сей бо Мелхиседек, царь Салимский, священник Бога Вышняго, иже срете Авраама возвращшася от сеча царей и благослови его, Hebrews 7:2 емуже и десятину от всех отдели Авраам, первее убо сказуется царь правды, потом же царь Салимский, еже есть, царь мира, Hebrews 7:3 без отца, без матере, без причта рода, ни начала днем, ни животу конца имея, уподоблен же Сыну Божию, пребывает священник выну. Hebrews 7:4 Видите же, елик сей, емуже и десятину дал есть Авраам патриарх от избранных. Hebrews 7:5 И приемлющии убо священство от сынов Левиин заповедь имут одесятствовати люди по закону, сиречь, братию свою, аще и от чресл Авраамовых изшедшую: Hebrews 7:6 не причитаемый же родом к ним, одесятствова Авраама и имущаго обетования благослови: Hebrews 7:7 без всякаго же прекословия меншее от болшаго благословляется. Hebrews 7:8 И зде убо десятины человецы умирающии приемлют: тамо же свидетелствуемый, яко жив есть. Hebrews 7:9 И да сице реку, Авраамом и Левий, приемляй десятины, десятины дал есть: Hebrews 7:10 еще бо в чреслех отчиих бяше, егда срете его Мелхиседек. Hebrews 7:11 Аще убо совершенство левитским священством было, людие бо на нем взаконени быша: кая еще потреба по чину Мелхиседекову иному востати священнику, а не по чину Ааронову глаголатися? Hebrews 7:12 Прелагаему бо священству, по нужди и закону пременение бывает. Hebrews 7:13 О Немже бо глаголются сия, колену иному причастися, от негоже никтоже приступи ко олтарю: Hebrews 7:14 яве бо, яко от колена Иудова возсия Господь наш, о немже колене Моисей о священстве ничесоже глагола. Hebrews 7:15 И лишше еще яве есть, яко по подобию Мелхиседекову востает Священник ин, Hebrews 7:16 Иже не по закону заповеди плотския бысть, но по силе живота неразрушаемаго. Hebrews 7:17 Свидетелствует бо, яко Ты еси священник во век по чину Мелхиседекову. Hebrews 7:18 Отлагание убо бывает прежде бывшия заповеди за немощное ея и неполезное: Hebrews 7:19 ничтоже бо совершил закон: привведение же есть лучшему упованию, имже приближаемся к Богу. Hebrews 7:20 И по елику не без клятвы: Hebrews 7:21 они бо без клятвы священницы быша, Сей же с клятвою чрез глаголющаго к Нему: клятся Господь и не раскается: Ты еси священник во век по чину Мелхиседекову: Hebrews 7:22 по толику лучшаго завета бысть испоручник Иисус. Hebrews 7:23 И они множайши священницы быша, зане смертию возбранени суть пребывати: Hebrews 7:24 Сей же, занеже пребывает во веки, непреступное имать священство, Hebrews 7:25 темже и спасти до конца может приходящих чрез Него к Богу, всегда жив сый, во еже ходатайствовати о них. Hebrews 7:26 Таков бо нам подобаше Архиерей: преподобен, незлобив, безсквернен, отлучен от грешник и вышше небес бывый, Hebrews 7:27 Иже не имать по вся дни нужды, якоже первосвященницы, прежде о своих гресех жертвы приносити, потом же о людских: сие бо сотвори единою, Себе принес. Hebrews 7:28 Закон бо человеки поставляет первосвященники, имущыя немощь: слово же клятвенное, еже по законе, Сына во веки совершенна. Hebrews 8:0 Hebrews 8:1 Глава же о глаголемых: такова имамы Первосвященника, Иже седе о десную престола величествия на небесех, Hebrews 8:2 святым служитель и скинии истинней, юже водрузи Господь, а не человек. Hebrews 8:3 Всяк бо первосвященник, во еже приносити дары же и жертвы, поставляемь бывает: темже потреба имети что и Сему, еже принесет. Hebrews 8:4 Аще бы бо был на земли, не бы был священник, сущым священником приносящым по закону дары, Hebrews 8:5 иже образу и стени служат небесных, якоже глаголано бысть Моисею, хотящу сотворити скинию: виждь бо, рече, сотвориши вся по образу показанному ти на горе. Hebrews 8:6 Ныне же лучшее улучи служение, по елику и лучшаго завета есть ходатай, иже на лучших обетованиих узаконися. Hebrews 8:7 Аще бо бы первый он непорочен был, не бы второму искалося место. Hebrews 8:8 Укоряя бо их глаголет: се, дние грядут, глаголет Господь, и совершу на дом Израилев и на дом Иудов завет нов, Hebrews 8:9 не по завету, егоже сотворих отцем их в день, в оньже емшу ми их за руку, извести их от земли Египетския: зане тии не пребыша в завете Моем, и Аз нерадих о них, глаголет Господь. Hebrews 8:10 Яко сей завет, егоже завещаю дому Израилеву по онех днех, глаголет Господь, дая законы Моя в мысли их, и на сердцах их напишу их, и буду им Бог, и тии будут Мне людие. Hebrews 8:11 И не имать научити кийждо искренняго своего и кийждо брата своего, глаголя: познай Господа: яко вси уведят Мя от мала даже и до велика их, Hebrews 8:12 зане милостив буду неправдам их и грехов их и беззаконий их не имам помянути ктому. Hebrews 8:13 Внегда же глаголет нов, обветши перваго: а обветшавающее и состаревающееся близ есть истления. Hebrews 9:0 Hebrews 9:1 Имеяше убо первая скиния оправдания службы, святое же людское: Hebrews 9:2 скиния бо сооружена бысть первая, в нейже светилник и трапеза и предложение хлебов, яже глаголется святая. Hebrews 9:3 По вторей же завесе скиния глаголемая Святая святых, Hebrews 9:4 злату имущи кадилницу и ковчег завета окован всюду златом, в немже стамна злата имущая манну, и жезл Ааронов прозябший, и скрижали завета: Hebrews 9:5 превышше же его херувими славы, осеняющии олтарь: о нихже не леть ныне глаголати подробну. Hebrews 9:6 Сим же тако устроеным, в первую убо скинию выну вхождаху священницы, службы совершающе: Hebrews 9:7 во вторую же единою в лето един архиерей, не без крове, юже приносит за себе и о людских невежествиих. Hebrews 9:8 Сие являющу Духу Святому, яко не у явися святых путь, еще первей скинии имущей стояние. Hebrews 9:9 Яже притча во время настоящее утвердися, в неже дарове и жертвы приносятся, не могущыя по совести совершити служащаго, Hebrews 9:10 точию в брашнах и питиях, и различных омовениих, и оправданиих плоти, даже до времене исправления належащая. Hebrews 9:11 Христос же пришед Архиерей грядущих благ, болшею и совершеннейшею скиниею, нерукотворенною, сиречь, не сея твари, Hebrews 9:12 ни кровию козлею ниже телчею, но Своею Кровию, вниде единою во святая, вечное искупление обретый. Hebrews 9:13 Аще бо кровь козляя и телчая и пепел юнчий кропящий оскверненыя освящает к плотстей чистоте: Hebrews 9:14 кольми паче Кровь Христова, Иже Духом Святым Себе принесе непорочна Богу, очистит совесть нашу от мертвых дел, во еже служити нам Богу живу и истинну? Hebrews 9:15 И сего ради новому завету ходатай есть, да смерти бывшей, во искупление преступлений бывших в первем завете, обетование вечнаго наследия приимут званнии. Hebrews 9:16 Идеже бо завет, смерти нужно есть вноситися завещающаго, Hebrews 9:17 завет бо в мертвых известен есть: понеже ничесоже может, егда жив есть завещаваяй. Hebrews 9:18 Темже ни первый без крове обновлен бысть. Hebrews 9:19 Реченней бо бывшей всяцей заповеди по закону от Моисеа всем людем, приемь кровь козлюю и телчую, с водою и волною червленою и иссопом, самыя же тыя книги и вся люди покропи, Hebrews 9:20 глаголя: сия кровь завета, егоже завеща к вам Бог. Hebrews 9:21 И скинию же и вся сосуды служебныя кровию такожде покропи. Hebrews 9:22 И отнюд кровию вся очищаются по закону, и без кровопролития не бывает оставление. Hebrews 9:23 Нужда убо бяше образом небесных сими очищатися: самем же небесным лучшими жертвами, паче сих. Hebrews 9:24 Не в рукотворенная бо святая вниде Христос, противообразная истинных, но в самое небо, ныне да явится лицу Божию о нас, Hebrews 9:25 ниже да многажды приносит Себе, якоже первосвященник входит во святая (святых) по вся лета с кровию чуждею: Hebrews 9:26 понеже подобаше бы Ему множицею страдати от сложения мира: ныне же единою в кончину веков, во отметание греха, жертвою Своею явися. Hebrews 9:27 И якоже лежит человеком единою умрети, потом же суд, Hebrews 9:28 тако и Христос единою принесеся, во еже вознести многих грехи, второе без греха явится, ждущым Его во спасение. Hebrews 10:0 Hebrews 10:1 Сень бо имый закон грядущих благ, (а) не самый образ вещей, на всякое лето темиже жертвами, ихже приносят выну, никогдаже может приступающих совершити. Hebrews 10:2 Понеже престали бы быти приносимы, ни едину ктому имущым совесть о гресех служащым, единою очищенным. Hebrews 10:3 Но в них воспоминание грехов на коеждо лето бывает, Hebrews 10:4 невозможно бо крови юнчей и козлей отпущати грехи. Hebrews 10:5 Темже входя в мир, глаголет: жертвы и приношения не восхотел еси, тело же совершил Ми еси: Hebrews 10:6 всесожжений и о гресе не благоволил еси. Hebrews 10:7 Тогда рех: се, иду: в главизне книжней написася о Мне, еже сотворити волю Твою, Боже. Hebrews 10:8 Выше глаголя: яко жертвы и приношения и всесожжений и о гресех не восхотел еси, ниже благоволил еси: яже по закону приносятся: Hebrews 10:9 тогда рече: се, иду сотворити волю Твою, Боже. Отемлет первое, да второе поставит. Hebrews 10:10 О нейже воли освящени есмы принесением тела Иисус Христова единою. Hebrews 10:11 И всяк убо священник стоит на всяк день служя и тыяжде множицею принося жертвы, яже никогдаже могут отяти грехов. Hebrews 10:12 Он же едину о гресех принес жертву, всегда седит о десную Бога, Hebrews 10:13 прочее ожидая, дондеже положатся врази Его подножие ног Его: Hebrews 10:14 единем бо приношением совершил есть во веки освящаемых. Hebrews 10:15 Свидетелствует же нам и Дух Святый, по реченному бо прежде: Hebrews 10:16 сей завет, егоже завещаю к ним по днех онех, глаголет Господь, дая законы Моя на сердца их, и в помышлениих их напишу их: Hebrews 10:17 (таже глаголет Господь:) и грехов их и беззаконий их не имам помянути ктому. Hebrews 10:18 А идеже отпущение сих, ктому несть приношения о гресех. Hebrews 10:19 Имуще убо дерзновение, братие, входити во святая Кровию Иисус Христовою, путем новым и живым, Hebrews 10:20 егоже обновил есть нам завесою, сиречь плотию Своею, Hebrews 10:21 и Иереа велика над домом Божиим, Hebrews 10:22 да приступаем со истинным сердцем во извещении веры, окроплени сердцы от совести лукавыя и измовени телесы водою чистою: Hebrews 10:23 да держим исповедание упования неуклонное, верен бо есть Обещавый: Hebrews 10:24 и да разумееваем друг друга в поощрении любве и добрых дел, Hebrews 10:25 не оставляюще собрания своего, якоже есть неким обычай, но (друг друга) подвизающе, и толико паче, елико видите приближающийся день (судный). Hebrews 10:26 Волею бо согрешающым нам по приятии разума истины, ктому о гресех не обретается жертва, Hebrews 10:27 страшно же некое чаяние суда и огня ревность, поясти хотящаго сопротивныя. Hebrews 10:28 Отверглся кто закона Моисеова, без милосердия при двоих или триех свидетелех умирает: Hebrews 10:29 колико мните горшия сподобится муки, иже Сына Божия поправый, и Кровь заветную скверну возмнив, еюже освятися, и Духа благодати укоривый? Hebrews 10:30 Вемы бо Рекшаго: Мне отмщение, Аз воздам, глаголет Господь. И паки: яко судит Господь людем Своим. Hebrews 10:31 Страшно (есть) еже впасти в руце Бога живаго. Hebrews 10:32 Воспоминайте же первыя дни вашя, в нихже просветившеся, многия страсти претерпесте страданий, Hebrews 10:33 ово убо, поношеньми и скорбьми позор бывше, ово же, общницы бывше живущым тако: Hebrews 10:34 ибо узам моим спострадасте и разграбление имений ваших с радостию приясте, ведяще имети себе имение на небесех пребывающее и лучшее. Hebrews 10:35 Не отлагайте убо дерзновения вашего, еже имать мздовоздаяние велико. Hebrews 10:36 Терпения бо имате потребу, да волю Божию сотворше, приимете обетование: Hebrews 10:37 еще бо мало елико елико, Грядый приидет и не укоснит. Hebrews 10:38 А праведный от веры жив будет: и аще обинется, не благоволит душа Моя о нем. Hebrews 10:39 Мы же (братие) несмы обиновения в погибель, но веры в снабдение души. Hebrews 11:0 Hebrews 11:1 Есть же вера уповаемых извещение, вещей обличение невидимых. Hebrews 11:2 В сей бо свидетелствовани быша древнии. Hebrews 11:3 Верою разумеваем совершитися веком глаголголом Божиим, во еже от неявляемых видимым быти. Hebrews 11:4 Верою множайшую жертву Авель паче Каина принесе Богу, еюже свидетелствован бысть быти праведник, свидетелствующу о дарех его Богу: и тою умерый еще глаголет. Hebrews 11:5 Верою Енох преложен бысть не видети смерти: и не обреташеся, зане преложи его Бог: прежде бо преложения его свидетелствован бысть, яко угоди Богу. Hebrews 11:6 Без веры же невозможно угодити (Богу): веровати же подобает приходящему к Богу, яко есть, и взыскающым Его мздовоздатель бывает. Hebrews 11:7 Верою ответ приим Ное о сих, яже не у виде, убоявся сотвори ковчег во спасение дому своего: еюже осуди (весь) мир, и правды, яже по вере, бысть наследник. Hebrews 11:8 Верою зовом Авраам послуша изыти на место, еже хотяше прияти в наследие, и изыде не ведый, камо грядет. Hebrews 11:9 Верою прииде Авраам на землю обетования, якоже на чужду, в кровы вселися со Исааком и Иаковом снаследникома обетования тогожде: Hebrews 11:10 ждаше бо основания имущаго града, емуже художник и содетель Бог. Hebrews 11:11 Верою и сама Сарра неплоды силу во удержание семене прият и паче времене возраста роди, понеже верна непщева Обетовавшаго. Hebrews 11:12 Темже и от единаго родишася, да еще умерщвленнаго, якоже звезды небесныя множеством и яко песок вскрай моря безчисленный. Hebrews 11:13 По вере умроша сии вси, не приемше обетований, но издалеча видевше я, и целовавше, и исповедавше, яко страннии и пришелцы суть на земли: Hebrews 11:14 ибо таковая глаголющии являются, яко отечествия взыскуют. Hebrews 11:15 И аще бы убо оно помнили, из негоже изыдоша, имели бы время возвратитися: Hebrews 11:16 ныне же лучшаго желают, сиречь небеснаго: темже не стыдится сими Бог, Бог нарицатися их: уготова бо им град. Hebrews 11:17 Верою приведе Авраам Исаака искушаемь, и единороднаго приношаше, обетования приемый, Hebrews 11:18 к немуже глаголано бысть: яко о Исааце наречется тебе семя: Hebrews 11:19 помыслив, яко и из мертвых воскресити силен (есть) Бог, темже того и в притче прият. Hebrews 11:20 Верою о грядущих благослови Исаак Иакова и Исава. Hebrews 11:21 Верою Иаков умирая коегождо сына Иосифова благослови и поклонися на верх жезла его. Hebrews 11:22 Верою Иосиф умирая о исхождении сынов Израилевых памятствова и о костех своих заповеда. Hebrews 11:23 Верою Моисей родився сокровен бысть три месяцы от отец своих, зане видеша красно отроча и не убояшася повеления царева. Hebrews 11:24 Верою Моисей, велик быв, отвержеся нарицатися сын дщере фараоновы: Hebrews 11:25 паче (же) изволи страдати с людьми Божиими, нежели имети временную греха сладость, Hebrews 11:26 болшее богатство вменив Египетских сокровищ поношение Христово: взираше бо на мздовоздаяние. Hebrews 11:27 Верою остави Египет, не убоявся ярости царевы: Невидимаго бо яко видя, терпяше. Hebrews 11:28 Верою сотвори Пасху и пролитие крове, да не погубляяй перворожденная коснется их. Hebrews 11:29 Верою преидоша Чермное море аки по сусе земли: егоже искушение приемше Египтяне истопишася. Hebrews 11:30 Верою стены Иерихонския падоша обхождением седмих дний. Hebrews 11:31 Верою Раав блудница не погибе с сопротивльшимися, приимши сходники с миром (и иным путем изведши). Hebrews 11:32 И что еще глаголю? Не достанет бо ми повествующу времене о Гедеоне, Вараце же и Сампсоне и Иеффаи, о Давиде же и Самуиле, и о (других) пророцех, Hebrews 11:33 иже верою победиша царствия, содеяша правду, получиша обетования, заградиша уста львов, Hebrews 11:34 угасиша силу огненную, избегоша острея меча, возмогоша от немощи, быша крепцы во бранех, обратиша в бегство полки чуждих: Hebrews 11:35 прияша жены от воскресения мертвых своих: инии же избиени быша, не приемше избавления, да лучшее воскресение улучат: Hebrews 11:36 друзии же руганием и ранами искушение прияша, еще же и узами и темницею, Hebrews 11:37 камением побиени быша, претрени быша, искушени быша, убийством меча умроша, проидоша в милотех (и) в козиях кожах, лишени, скорбяще, озлоблени: Hebrews 11:38 ихже не бе достоин (весь) мир, в пустынех скитающеся и в горах и в вертепах и в пропастех земных. Hebrews 11:39 И сии вси послушествани бывше верою, не прияша обетования, Hebrews 11:40 Богу лучшее что о нас предзревшу, да не без нас совершенство приимут. Hebrews 12:0 Hebrews 12:1 Темже убо и мы, толик имуще облежащь нас облак свидетелей, гордость всяку отложше и удобь обстоятелный грех, терпением да течем на предлежащий нам подвиг, Hebrews 12:2 взирающе на началника веры и совершителя Иисуса, Иже вместо предлежащия Ему радости претерпе крест, о срамоте нерадив, о десную же престола Божия седе. Hebrews 12:3 Помыслите убо таковое Пострадавшаго от грешник на Себе прекословие, да не стужаете, душами своими ослабляеми. Hebrews 12:4 Не у до крове стасте, противу греха подвизающеся, Hebrews 12:5 и забысте утешение, еже вам яко сыном глаголет: сыне мой, не пренемогай наказанием Господним, ниже ослабей, от Него обличаемь. Hebrews 12:6 Егоже бо любит Господь, наказует: биет же всякаго сына, егоже приемлет. Hebrews 12:7 Аще наказание терпите, якоже сыновом обретается вам Бог. Который бо есть сын, егоже не наказует отец? Hebrews 12:8 Аще же без наказания есте, емуже причастницы быша вси, убо прелюбодейчищи есте, а не сынове. Hebrews 12:9 К сим, плоти нашей отцы имехом наказатели, и срамляхомся: не много ли паче повинемся Отцу духовом, и живи будем? Hebrews 12:10 Они бо в мало дний, якоже годе им бе, наказоваху нас: а Сей на пользу, да причастимся святыни Его. Hebrews 12:11 Всякое бо наказание в настоящее время не мнится радость быти, но печаль: последи же плод мирен наученым тем воздает правды. Hebrews 12:12 Темже ослабленныя руки и ослабленная колена исправите Hebrews 12:13 и стези правы сотворите ногами вашими, да не хромое совратится, но паче да изцелеет. Hebrews 12:14 Мир имейте и святыню со всеми, ихже кроме никтоже узрит Господа: Hebrews 12:15 смотряюще, да не кто лишится благодати Божия: да не кий корень горести, выспрь прозябаяй, пакость сотворит, и тем осквернятся мнози: Hebrews 12:16 да не кто блудодей, или сквернитель, якоже Исав, иже за ядь едину отдал есть первородство свое. Hebrews 12:17 Весте бо, яко и потом похотев наследовати благословение, отвержен бысть: покаяния бо места не обрете, аще и со слезами поискал его. Hebrews 12:18 Не приступисте бо к горе осязаемей и разгоревшемуся огню, и облаку и сумраку, и буре Hebrews 12:19 и трубному звуку, и гласу глаголгол, егоже слышавшии отрекошася, да не приложится им слово, Hebrews 12:20 не терпяху бо повелевающаго: аще и зверь прикоснется горе, камением побиен будет: Hebrews 12:21 и тако страшно бе видимое, Моисей рече: пристрашен есмь и трепетен. Hebrews 12:22 Но приступисте к Сионстей горе и ко граду Бога живаго, Иерусалиму небесному и тмам Ангелов, Hebrews 12:23 торжеству и церкви первородных на небесех написанных, и Судии всех Богу и духом праведник совершенных, Hebrews 12:24 и к Ходатаю завета новаго Иисусу и Крови кропления, лучше глаголющей, нежели Авелева. Hebrews 12:25 Блюдите (же), да не отречетеся Глаголющаго. Аще бо не избежаша они отрекшиися пророчествующаго на земли, множае паче мы отрицающиися небеснаго, Hebrews 12:26 Егоже глас землю тогда поколеба, ныне же обетова, глаголя: еще единою Аз потрясу не токмо землею, но и небом. Hebrews 12:27 А еже еще единою, сказует колеблемых преложение, аки сотворенных, да пребудут, яже суть неподвижимая. Hebrews 12:28 Темже царство непоколебимо приемлюще, да имамы благодать, еюже служим благоугодно Богу с благоговением и страхом, Hebrews 12:29 ибо Бог наш огнь поядаяй (есть). Hebrews 13:0 Hebrews 13:1 Братолюбие да пребывает: Hebrews 13:2 страннолюбия не забывайте, тем бо не ведяще нецыи странноприяша Ангелы. Hebrews 13:3 Поминайте юзники, аки с ними связани: озлобляемыя, аки и сами суще в теле. Hebrews 13:4 Честна женитва во всех и ложе нескверно: блудником же и прелюбодеем судит Бог. Hebrews 13:5 Не сребролюбцы нравом, доволни сущими. Той бо рече: не имам тебе оставити, ниже имам от тебе отступити: Hebrews 13:6 яко дерзающым нам глаголати: Господь мне помощник, и не убоюся: что сотворит мне человек? Hebrews 13:7 Поминайте наставники вашя, иже глаголаша вам слово Божие: ихже взирающе на скончание жителства, подражайте вере (их). Hebrews 13:8 Иисус Христос вчера и днесь Тойже, и во веки. Hebrews 13:9 В научения странна и различна не прилагайтеся: добро бо благодатию утверждати сердца, (а) не брашны, от нихже не прияша пользы ходившии в них. Hebrews 13:10 Имамы (же) олтарь, от негоже не имут власти ясти служащии сени. Hebrews 13:11 Ихже бо кровь животных вносится во святая за грехи первосвященником, сих телеса сжигаются вне стана: Hebrews 13:12 темже Иисус, да освятит люди Своею Кровию, вне врат пострадати изволил. Hebrews 13:13 Темже убо да исходим к Нему вне стана, поношение Его носяще: Hebrews 13:14 не имамы бо зде пребывающаго града, но грядущаго взыскуем. Hebrews 13:15 Тем убо приносим жертву хваления выну Богу, сиречь плод устен исповедающихся имени Его. Hebrews 13:16 Благотворения же и общения не забывайте: таковыми бо жертвами благоугождается Бог. Hebrews 13:17 Повинуйтеся наставником вашым и покаряйтеся: тии бо бдят о душах ваших, яко слово воздати хотяще: да с радостию сие творят, а не воздыхающе, несть бо полезно вам сие. Hebrews 13:18 Молитеся о нас: уповаем бо, яко добру совесть имамы, во всех добре хотяще жити. Hebrews 13:19 Лишше же молю, сие творите, да вскоре устроюся вам. Hebrews 13:20 Бог же мира, возведый из мертвых Пастыря овцам великаго Кровию завета вечнаго, Господа нашего Иисуса Христа, Hebrews 13:21 да совершит вы во всяцем деле блазе, сотворити волю Его, творя в вас благоугодное пред Ним Иисус Христом: Емуже слава во веки веков. Аминь. Hebrews 13:22 Молю же вы, братие, приимите слово утешения: ибо вмале написав послах вам. Hebrews 13:23 Знайте брата нашего отпущена Тимофеа, с нимже, аще скорее приидет, узрю вас. Hebrews 13:24 Целуйте вся наставники вашя и вся святыя. Целуют вы иже от Италии сущии. Hebrews 13:25 Благодать со всеми вами. Аминь.
Revelation of John 0:0
Апокалипсис Revelation of John 1:0 Revelation of John 1:1 Апокалипсис Иисуса Христа, егоже даде Ему Бог, показати рабом Своим, имже подобает быти вскоре. И сказа, послав чрез Ангела Своего рабу Своему Иоанну, Revelation of John 1:2 иже свидетелствова слово Божие и свидетелство Иисус Христово, и елика виде. Revelation of John 1:3 Блажен чтый, и слышащии словеса пророчествия, и соблюдающии писаная в нем: время бо близ. Revelation of John 1:4 Иоанн седмим церквам, яже суть во Асии: благодать вам и мир от Сущаго, и Иже бе, и Грядущаго, и от седми духов, иже пред престолом Его суть, Revelation of John 1:5 и от Иисуса Христа, Иже есть свидетель верный, первенец из мертвых и князь царей земных: любящу ны и омывшу нас от грех наших Кровию Своею, Revelation of John 1:6 и сотворил есть нас цари и иереи Богу и Отцу Своему, Тому слава и держава во веки веков. Аминь. Revelation of John 1:7 Се, грядет со облаки, и узрит Его всяко око и иже Его прободоша, и плачь сотворят о Нем вся колена земная. Ей, аминь. Revelation of John 1:8 Аз есмь Алфа и Омега, начаток и конец, глаголет Господь, сый, и Иже бе, и грядый, Вседержитель. Revelation of John 1:9 Аз Иоанн, иже и брат ваш и общник в печали и во царствии и в терпении Иисус Христове, бых во острове нарицаемем Патмос за слово Божие и за свидетелство Иисус Христово. Revelation of John 1:10 Бых в дусе в день неделный, и слышах за собою глас велий яко трубы глаголющия: Аз есмь Алфа и Омега, Первый и Последний: Revelation of John 1:11 и: яже видиши, напиши в книгу, и посли церквам, яже суть во Асии: во Ефес и в Смирну, в Пергам и в Фиатир, и в Сардис и в Филаделфию и в Лаодикию. Revelation of John 1:12 И обратихся видети глас, иже глаголаше со мною: и обратився видех седмь светилник златых, Revelation of John 1:13 и посреде седми светилников подобна Сыну Человечу, облечена в подир и препоясана при сосцу поясом златым: Revelation of John 1:14 глава же Его и власи белы аки ярина белая, якоже снег: и очи Его яко пламень огнен: Revelation of John 1:15 и нозе Его подобне халколивану, якоже в пещи разжженне: и глас Его яко глас вод мног: Revelation of John 1:16 и держя в руце Своей десней седмь звезд: и из уст Его мечь обоюду остр изострен исходяй: и лице Его якоже солнце сияет в силе своей. Revelation of John 1:17 И егда видех Его, падох к ногама Его яко мертв. И положи десницу Свою на мне, глаголя ми: не бойся: Аз есмь Первый и Последний Revelation of John 1:18 и живый: и бых мертв, и се, жив есмь во веки веков, аминь: и имам ключи ада и смерти. Revelation of John 1:19 Напиши убо, яже видел еси, и яже суть, и имже подобает быти по сем. Revelation of John 1:20 Таинство седми звезд, яже видел еси на деснице Моей, и седмь светилник златых: седмь звезд Ангели седми церквей суть: и седмь светилников, яже видел еси, седмь церквей суть. Revelation of John 2:0 Revelation of John 2:1 Ангелу Ефесския церкве напиши: тако глаголет Держяй седмь звезд в деснице Своей, Ходяй посреде седми светилников златых: Revelation of John 2:2 вем твоя дела, и труд твой, и терпение твое, и яко не можеши носити злых, и искусил еси глаголющыяся быти апостолы, и не суть, и обрел еси их ложных: Revelation of John 2:3 и понесл еси, и терпение имаши, и за имя Мое трудился еси и не изнемогл еси. Revelation of John 2:4 Но имам на тя, яко любовь твою первую оставил еси. Revelation of John 2:5 Помяни убо, откуду спал еси, и покайся, и первая дела сотвори: аще же ни, гряду тебе скоро и двигну светилник твой от места своего, аще не покаешися. Revelation of John 2:6 Но се имаши, яко ненавидиши дел Николаитских, ихже и Аз ненавижду. Revelation of John 2:7 Имеяй ухо да слышит, что Дух глаголет церквам: побеждающему дам ясти от древа животнаго, еже есть посреде рая Божия. Revelation of John 2:8 И Ангелу церкве Смирнския напиши: тако глаголет Первый и Последний, Иже бысть мертв, и (се,) жив есть: Revelation of John 2:9 вем твоя дела и скорбь и нищету, но богат еси, и хулы глаголющихся быти Иудей, и не суть, но сонмище сатанино. Revelation of John 2:10 Не бойся ничесоже, яже имаши пострадати. Се, имать диавол всаждати от вас в темницы, да искуситеся: и имети будете скорбь до десяти дний. Буди верен даже до смерти, и дам ти венец живота. Revelation of John 2:11 Имеяй ухо слышати да слышит, что Дух глаголет церквам: побеждаяй не имать вредитися от смерти вторыя. Revelation of John 2:12 И Ангелу Пергамския церкве напиши: тако глаголет Имеяй мечь обоюду изощрен: Revelation of John 2:13 вем дела твоя, и где живеши, идеже престол сатанин: и держиши имя Мое, и не отверглся еси веры Моея и в (Моя) дни, в няже Антипас свидетель Мой верный, иже убиен бысть в вас, идеже живет сатана. Revelation of John 2:14 Но имам на тя мало, яко имаши ту держащих учение Валаамово, иже учаше Валака положити соблазн пред сынми Израилевыми, ясти жертвы идолския и любы творити. Revelation of John 2:15 Тако имаши и ты держащыя учение Николаитско, егоже ненавижду. Revelation of John 2:16 Покайся: аще ли ни, прииду тебе скоро и брань сотворю с ними мечем уст Моих. Revelation of John 2:17 Имеяй ухо слышати да слышит, что Дух глаголет церквам: побеждающему дам ясти от манны сокровенныя, и дам ему камень бел и на камени имя ново написано, егоже никтоже весть, токмо приемляй. Revelation of John 2:18 И Ангелу Фиатирския церкве напиши: тако глаголет Сын Божий, Имеяй очи свои яко пламень огнен, и нозе Его подобне халколивану: Revelation of John 2:19 вем твоя дела и любовь, и службу и веру, и терпение твое и дела твоя, и последняя болша первых. Revelation of John 2:20 Но имам на тя мало, яко оставляеши жене Иезавели, глаголющей себе быти пророчицу, учити и льстити Моя рабы, любодействовати и снести жертву идолскую. Revelation of John 2:21 И дах ей время, да покается от любодейства своего, и не покаяся. Revelation of John 2:22 Се, Аз полагаю ю на одре и любодеющыя с нею в скорбь велию, аще не покаются от дел своих: Revelation of John 2:23 и чада их умрут смертию: и уразумеют вся церкви, яко Аз есмь испытаяй сердца и утробы: и дам вам комуждо по делом вашым. Revelation of John 2:24 Вам же глаголю и прочым сущым в Фиатире, иже не имут учения сего и иже не разумеют глубин сатаниных, якоже глаголют: не возложу на вы тяготы иныя: Revelation of John 2:25 токмо, еже имате, держите, дондеже прииду. Revelation of John 2:26 И побеждающему и соблюдающему дела Моя до конца, дам ему власть на языцех, Revelation of John 2:27 и упасет я жезлом железным, яко сосуды скудельничи сокрушатся, якоже и Аз приях от Отца Моего: Revelation of John 2:28 и дам ему звезду утреннюю. Revelation of John 2:29 Имеяй ухо слышати да слышит, что Дух глаголет церквам. Revelation of John 3:0 Revelation of John 3:1 И Ангелу Сардийския церкве напиши: тако глаголет Имеяй седмь духов Божиих и седмь звезд: вем твоя дела, яко имя имаши яко жив, а мертв еси. Revelation of John 3:2 Буди бдя и утверждая прочая, имже умрети: не обретох бо дел твоих скончаных пред Богом (твоим). Revelation of John 3:3 Поминай убо, како приял еси и слышал еси, и соблюдай и покайся. Аще убо не бдиши, прииду на тя яко тать, и не имаши почути, в кий час прииду на тя. Revelation of John 3:4 Но имаши мало имен и в Сардии, иже не оскверниша риз своих, и ходити имут со Мною в белых, яко достойни суть. Revelation of John 3:5 Побеждаяй, той облечется в ризы белыя, и не имам отмыти имене его от книг животных, и исповем имя его пред Отцем Моим и пред Ангелы Его. Revelation of John 3:6 Имеяй ухо да слышит, что Дух глаголет церквам. Revelation of John 3:7 И Ангелу Филаделфийския церкве напиши: тако глаголет Святый Истинный, имеяй ключь Давидов, отверзаяй, и никтоже затворит, затворяяй, и никтоже отверзет: Revelation of John 3:8 вем твоя дела: се, дах пред тобою двери отверсты, и никтоже может затворити их: яко малу имаши силу, и соблюл еси Мое слово, и не отверглся еси имене Моего. Revelation of John 3:9 Се, даю от сонмища сатанина глаголющыяся быти Иудеи, и не суть, но лгут: се, сотворю их, да приидут и поклонятся пред ногама твоима, и уразумеют, яко Аз возлюбих тя. Revelation of John 3:10 Яко соблюл еси слово терпения Моего, и Аз тя соблюду от годины искушения, хотящия приити на всю вселенную искусити живущыя на земли. Revelation of John 3:11 Се, гряду скоро: держи, еже имаши, да никтоже приимет венца твоего. Revelation of John 3:12 Побеждающаго сотворю столпа в церкви Бога Моего, и боле не имать изыти ктому: и напишу на нем имя Бога Моего и имя града Бога Моего, новаго Иерусалима, сходящаго с небес от Бога Моего, и имя Мое новое. Revelation of John 3:13 Имеяй ухо да слышит, что Дух глаголет церквам. Revelation of John 3:14 И Ангелу Лаодикийския церкве напиши: тако глаголет Аминь, свидетель верный и истинный, начаток создания Божия: Revelation of John 3:15 вем твоя дела, яко ни студен еси ни тепл: не да студен бы был ни тепл. Revelation of John 3:16 Тако, яко обуморен еси, и ни тепл ни студен, изблевати тя от уст Моих имам. Revelation of John 3:17 Зане глаголеши, яко богат есмь и обогатихся и ничтоже требую: и не веси, яко ты еси окаянен и беден, и нищь и слеп и наг. Revelation of John 3:18 Совещаю тебе купити от Мене злато разжжено огнем, да обогатишися, и одеяние бело, да облечешися, и да не явится срамота наготы твоея: и коллурием помажи очи твои, да видиши. Revelation of John 3:19 Аз, ихже аще люблю, обличаю и наказую. Ревнуй убо и покайся. Revelation of John 3:20 Се, стою при дверех и толку: аще кто услышит глас Мой и отверзет двери, вниду к нему и вечеряю с ним, и той со Мною. Revelation of John 3:21 Побеждающему дам сести со Мною на престоле Моем, якоже и Аз победих и седох со Отцем Моим на престоле Его. Revelation of John 3:22 Имеяй ухо да слышит, что Дух глаголет церквам. Revelation of John 4:0 Revelation of John 4:1 По сих видех: и се, двери отверсты на небеси, и глас первый, егоже слышах яко трубу глаголющь со мною, глаголя: взыди семо, и покажу ти, емуже подобает быти по сих. Revelation of John 4:2 И абие бых в дусе: и се, престол стояше на небеси, и на престоле Седящь: Revelation of John 4:3 и Седяй бе подобен видением камени иаспису и сардинови: и (бе) дуга окрест престола подобна видением смарагдови. Revelation of John 4:4 И окрест престола престоли двадесять и четыри: и на престолех видех двадесять и четыри старцы седящыя, облечены в белыя ризы, и имяху венцы златы на главах своих. Revelation of John 4:5 И от престола исхождаху молния и громи и гласи: и седмь свещников огненных горящих пред престолом, иже суть седмь духов Божиих: Revelation of John 4:6 и пред престолом море сткляно, подобно кристаллу: и посреде престола и окрест престола четыри животна исполнена очес спреди и созади. Revelation of John 4:7 И животно первое подобно льву, и второе животно подобно телцу, и третие животно имущее лице яко человек, и четвертое животно подобно орлу летящу. Revelation of John 4:8 И животна четыри, едино коеждо их имеяху по шесть крил окрест, и внутрьуду исполнена очес: и покоя не имут день и нощь, глаголюще: свят, свят, свят Господь Бог Вседержитель, Иже бе и сый и грядый. Revelation of John 4:9 И егда даша животная славу и честь и благодарение Седящему на престоле, Живущему во веки веков, Revelation of John 4:10 падоша двадесять и четыри старцы пред Седящим на престоле, и поклонишася Живущему во веки веков, и положиша венцы своя пред престолом, глаголюще: Revelation of John 4:11 достоин еси, Господи, прияти славу и честь и силу, яко Ты еси создал всяческая, и волею Твоею суть, и сотворена. Revelation of John 5:0 Revelation of John 5:1 И видех в деснице Седящаго на престоле книгу написану внутрьуду и внеуду, запечатану седмию печатию. Revelation of John 5:2 И видех Ангела крепка проповедающа гласом великим: кто есть достоин разгнути книгу и разрешити печати ея? Revelation of John 5:3 И никтоже можаше ни на небеси, ни на земли, ниже под землею, разгнути книгу, ниже зрети ю. Revelation of John 5:4 И аз плакахся много, яко ни един обретеся достоин разгнути и прочести книгу, ниже зрети ю. Revelation of John 5:5 И един от старец глагола ми: не плачися: се, победил есть лев, иже сый от колена Иудова, корень Давидов, разгнути книгу и разрешити седмь печатей ея. Revelation of John 5:6 И видех, и се, посреде престола и четырех животных и посреде старец Агнец стоящь яко заколен, имущь рогов седмь и очес седмь, еже есть седмь духов Божиих, посланных во всю землю. Revelation of John 5:7 И прииде и прият книгу от десницы Седящаго на престоле. Revelation of John 5:8 И егда прият книгу, четыри животна и двадесять и четыри старцы падоша пред Агнцем, имуще кийждо гусли и фиалы златы полны фимиама, иже суть молитвы святых: Revelation of John 5:9 и поют песнь нову, глаголюще: достоин еси прияти книгу и отверзти печати ея, яко заклался и искупил еси Богови нас Кровию Своею от всякаго колена и языка и людий и племен, Revelation of John 5:10 и сотворил еси нас Богови нашему цари и иереи: и воцаримся на земли. Revelation of John 5:11 И видех, и слышах глас Ангелов многих окрест престола и животных и старец, и бе число их тысяща тысящами, Revelation of John 5:12 глаголюще гласом великим: достоин есть Агнец заколенный прияти силу и богатство, и премудрость и крепость, и честь и славу и благословение. Revelation of John 5:13 И всяко создание, еже есть на небеси и на земли, и под землею и на мори яже суть, и сущая в них, вся слышах глаголющыя: Седящему на престоле и Агнцу благословение и честь, и слава и держава во веки веков. Revelation of John 5:14 И четыри животна глаголаху: аминь. И двадесять и четыри старцы падоша и поклонишася Живущему во веки веков. Revelation of John 6:0 Revelation of John 6:1 И видех, егда отверзе Агнец едину от седми печатей, и слышах единаго от четырех животных глаголюща якоже глас громный: гряди и виждь. Revelation of John 6:2 И видех, и се, конь бел, и седяй на нем имеяше лук, и дан бысть ему венец: и изыде побеждаяй, и да победит. Revelation of John 6:3 И егда отверзе печать вторую, слышах второе животно глаголющее: гряди и виждь. Revelation of John 6:4 И изыде другий конь рыжь: и седящему на нем дано бысть взяти мир от земли, и да убиют друг друга: и дан бысть ему мечь великий. Revelation of John 6:5 И егда отверзе третию печать, слышах третие животно глаголющее: гряди и виждь. И видех, и се, конь ворон, и седяй на нем имеяше мерило в руце своей. Revelation of John 6:6 И слышах глас посреде четырех животных глаголющий: мера пшеницы за динарь и три меры ячменя за динарь: и елеа и вина не вреди. Revelation of John 6:7 И егда отверзе четвертую печать, слышах глас четвертаго животна глаголющий: гряди и виждь. Revelation of John 6:8 И видех, и се, конь блед, и седяй на нем, имя ему смерть: и ад идяше вслед его: и дана бысть ему область на четвертей части земли убити оружием и гладом, и смертию и зверьми земными. Revelation of John 6:9 И егда отверзе пятую печать, видех под олтарем душы избиенных за слово Божие и за свидетелство, еже имеяху. Revelation of John 6:10 И возопиша гласом великим, глаголюще: доколе, Владыко Святый и Истинный, не судиши и не мстиши крове нашея от живущих на земли? Revelation of John 6:11 И даны быша коемуждо их ризы белы, и речено бысть им, да почиют еще время мало, дондеже скончаются и клеврети их и братия их, имущии избиени быти, якоже и тии. Revelation of John 6:12 И видех, егда отверзе шестую печать, и се, бысть трус велий, и солнце мрачно бысть яко вретище власяно, и луна бысть яко кровь: Revelation of John 6:13 и звезды небесныя падоша на землю, якоже смоковница отметает пупы своя, от ветра велика движима: Revelation of John 6:14 и небо отлучися яко свиток свиваемо, и всяка гора и остров от мест своих двигнушася: Revelation of John 6:15 и царие земстии и вельможи, и богатии и тысящницы и сильнии, и всяк раб и всяк свободь скрышася в пещерах и камении горстем, Revelation of John 6:16 и глаголаша горам и камению: падите на ны и покрыйте ны от лица Седящаго на престоле и от гнева Агнча: Revelation of John 6:17 яко прииде день великий гнева Его, и кто может стати? Revelation of John 7:0 Revelation of John 7:1 И по сем видех четыри Ангелы стоящыя на четырех углех земли, держащыя четыри ветры земския, да не дышет ветр на землю, ни на море, ни на всяко древо. Revelation of John 7:2 И видех инаго Ангела восходяща от восхода солнца, имуща печать Бога живаго. И возопи гласом велиим к четырем Ангелом, имже дано бысть вредити землю и море, глаголя: Revelation of John 7:3 не вредите ни земли, ни моря, ни древес, дондеже запечатлеем рабы Бога нашего на челех их. Revelation of John 7:4 И слышах число запечатленных: сто четыредесять четыри тысящи запечатленных от всякаго колена сынов Израилевых. Revelation of John 7:5 От колена Иудова дванадесять тысящ запечатленных: от колена Рувимова дванадесять тысящ запечатленных: от колена Гадова дванадесять тысящ запечатленных: Revelation of John 7:6 от колена Асирова дванадесять тысящ запечатленных: от колена Неффалимля дванадесять тысящ запечатленных: от колена Манассиина дванадесять тысящ запечатленных: Revelation of John 7:7 от колена Симеонова дванадесять тысящ запечатленных: от колена Левиина дванадесять тысящ запечатленных: от колена Иссахарова дванадесять тысящ запечатленных: Revelation of John 7:8 от колена Завулоня дванадесять тысящ запечатленных: от колена Иосифова дванадесять тысящ запечатленных: от колена Вениаминова дванадесять тысящ запечатленных. Revelation of John 7:9 По сих видех, и се, народ мног, егоже изчести никтоже может, от всякаго языка и колена, и людий и племен, стояще пред престолом и пред Агнцем, облечены в ризы белы, и финицы в руках их. Revelation of John 7:10 И возопиша гласом велиим, глаголюще: спасение седящему на престоле Богу нашему и Агнцу. Revelation of John 7:11 И вси Ангели стояху окрест престола и старец и четырех животных: и падоша на лицы пред престолом и поклонишася Богу, Revelation of John 7:12 глаголюще: аминь: благословение и слава, и премудрость и хвала, и честь и сила и крепость Богу нашему во веки веков. Аминь. Revelation of John 7:13 И отвеща един от старец, глаголя ми: сии облеченнии в ризы белыя кто суть и откуду приидоша? Revelation of John 7:14 И рех ему: господи, ты веси. И рече ми: сии суть, иже приидоша от скорби великия, и испраша ризы своя, и убелиша ризы своя в Крови Агнчи: Revelation of John 7:15 сего ради суть пред престолом Божиим и служат Ему день и нощь в церкви Его, и Седяй на престоле вселится в них: Revelation of John 7:16 не взалчут ктому, ниже вжаждут, не имать же пасти на них солнце, ниже всяк зной: Revelation of John 7:17 яко Агнец, Иже посреде престола, упасет я и наставит их на животныя источники вод, и отимет Бог всяку слезу от очию их. Revelation of John 8:0 Revelation of John 8:1 И егда отверзе седмую печать, бысть безмолвие на небеси яко пол часа. Revelation of John 8:2 И видех седмь Ангелов, иже пред Богом стояху: и дано бысть им седмь труб. Revelation of John 8:3 И другий Ангел прииде и ста пред олтарем, имеяй кадилницу злату: и даны быша ему фимиами мнози, да даст молитвам святых всех на олтарь златый сущий пред престолом. Revelation of John 8:4 И изыде дым кадилный молитвами святых от руки Ангела пред Бога. Revelation of John 8:5 И взят Ангел кадилницу, и наполни ю от огня сущаго на олтари, и положи на земли: и быша гласи и громи и блистания и трус. Revelation of John 8:6 И седмь Ангел, иже имеяху седмь труб, уготовашася, да вострубят. Revelation of John 8:7 И первому Ангелу вострубившу, бысть град и огнь, смешены с кровию, и падоша на землю: и третия часть древа погоре, и всяка трава злачная погоре. Revelation of John 8:8 И вторый Ангел воструби, и яко гора велика огнем жегома ввержена бысть в море: и бысть третия часть моря кровь, Revelation of John 8:9 и умре третия часть созданий сущих в мори, имущих душы, и третия часть кораблей погибе. Revelation of John 8:10 И третий ангел воструби, и паде с небесе звезда велика, горящи яко свеща, и паде на третию часть рек и на источники водныя: Revelation of John 8:11 и имя звезде глаголется апсинфос: и бысть третия часть вод яко пелынь, и мнози от человек умроша от вод, яко горьки беша. Revelation of John 8:12 И четвертый Ангел воструби, и уязвена бысть третия часть солнца и третия часть луны и третия часть звезд, да затмится третия часть их, и дне третия часть да не светит, и нощь такожде. Revelation of John 8:13 И видех и слышах единаго Ангела паряща посреде небесе, глаголюща гласом великим: горе, горе, горе живущым на земли от прочих гласов трубных триех Ангел хотящих трубити. Revelation of John 9:0 Revelation of John 9:1 И пятый Ангел воструби, и видех звезду с небесе спадшу на землю: и дан бысть ей ключь студенца бездны: Revelation of John 9:2 и отверзе студенца бездны, и взыде дым от студенца яко дым пещи велики, и омерче солнце и воздух от дыма студеничнаго. Revelation of John 9:3 И от дыма изыдоша прузи на землю, и дана бысть им область, якоже имут область скорпии земныя. Revelation of John 9:4 И речено бысть им, да не вредят травы земныя, ни всякаго злака, ни всякаго древа, но человеки точию, иже не имут печати Божия на челех своих. Revelation of John 9:5 И дано бысть им, да не убиют их, но да муку приимут пять месяцей: и мучение их яко мучение скорпиево, егда усекнет человека. Revelation of John 9:6 И в тыя дни взыщут человецы смерти, и не обрящут ея: и вожделеют умрети, и убежит от них смерть. Revelation of John 9:7 И уподобления пругов подобна конем уготовленым на брань: и на главах их яко венцы уподоблени злату, и лица их яко лица человеческа: Revelation of John 9:8 и имеяху власы, яко власы женския, и зубы их, яко львов беша: Revelation of John 9:9 и имеяху броня, яко броня железны, и глас крил их, яко глас колесниц, егда кони мнози текут на брань: Revelation of John 9:10 и имеяху ошибы подобны скорпииным, и жала бяху во ошибех их: и дана бе область им вредити человеки пять месяц. Revelation of John 9:11 И имели над собою царя аггела бездны, емуже имя еврейски Аваддон, а еллински Аполлион. Revelation of John 9:12 Горе едино отиде: се, грядут еще два горя по сих. Revelation of John 9:13 И шестый Ангел воструби, и слышах глас един от четырех рогов олтаря златаго сущаго пред Богом, Revelation of John 9:14 глаголющий шестому Ангелу имеющу трубу: разреши четыри Ангелы связаны при реце велицей Евфрат. Revelation of John 9:15 И разрешени быша четыри Ангели уготовани на час и день, и месяц и лето, да избиют третию часть человек. Revelation of John 9:16 И число воинов конных две тме тем: и слышах число их. Revelation of John 9:17 И тако видех в видении кони, и седящыя на них имущыя броня огненны и иакинфовы и жупелны: и главы конем (их) яко главы львом, и из уст их исхождаше огнь и дым и жупел. Revelation of John 9:18 И от триех язв сих погибе третия часть человеков, от огня и от дыма и от жупела, исходящих из уст их: Revelation of John 9:19 область бо коней во устех их бе, и ошиби их подобни змием, имуще главы и теми пакости деюще. Revelation of John 9:20 И прочии от человек, иже не вреждени быша язвами сими, ниже покаяшася от дел рук своих, да не поклонятся демоном, ни идолом златым и сребряным, и медяным и каменным и древяным, иже ни видети могут, ни слышати, ни ходити: Revelation of John 9:21 и не покаяшася от убийств своих, ни от волхвований своих, ниже от блуда своего, ниже от татьб своих. Revelation of John 10:0 Revelation of John 10:1 И видех инаго Ангела крепка сходяща с небесе, оболчена во облак, и дуга над главою (его), и лице его яко солнце, и нозе его яко столпи огнени, Revelation of John 10:2 и имеяше в руце своей книгу разгибену: и постави ногу свою десную на мори, а шуюю на земли, Revelation of John 10:3 и возопи гласом великим, яко лев рыкая: и егда возгласи, глаголаша седмь громов гласы своя. Revelation of John 10:4 И егда возгласиша седмь громов гласы своя, хотех писати: и слышах глас с небесе глаголющь ми: запечатлей, яже глаголаша седмь громов, и сего не пиши. Revelation of John 10:5 И Ангел, егоже видех стояща на мори и на земли, воздвиже руку свою на небо Revelation of John 10:6 и клятся Живущим во веки веков, Иже созда небо и яже на нем, и землю и яже на ней, и море и яже в нем, яко лета уже не будет: Revelation of John 10:7 но во дни гласа седмаго Ангела, егда имать вострубити, тогда скончается тайна Божия, якоже благовести Своими рабы пророки. Revelation of John 10:8 И глас его слышах с небесе паки глаголющь со мною, и глагола: иди и приими книжицу разгнутую в руце Ангела стоящаго на мори и на земли. Revelation of John 10:9 И идох ко Ангелу, глаголя ему: даждь ми книжицу. И рече ми: приими и снеждь ю: и горька будет во чреве твоем, но во устех ти сладка будет яко мед. Revelation of John 10:10 И приях книгу от руки Ангела и снедох ю: и бе во устех моих яко мед сладка: и егда снедох ю, горька бяше во чреве моем. Revelation of John 10:11 И рече ми: подобает ти паки пророчествовати в людех и во племенех, и во языцех и в царех мнозех. Revelation of John 11:0 Revelation of John 11:1 И дана ми бысть трость подобна жезлу, глаголя: востани и измери церковь Божию и олтарь, и кланяющыяся в ней: Revelation of John 11:2 а двор сущий внутрь церкве изнеси внеуду, ниже измери его, зане дан бысть языком: и град святый поперут четыредесять и два месяцы. Revelation of John 11:3 И дам обема свидетелема Моима, и прорицати будут дний тысящу двесте и шестьдесят, оболчена во вретище. Revelation of John 11:4 Сии суть две маслицы и два свещника пред Богом земли стояща. Revelation of John 11:5 И иже им неправду сотворит, огнь исходит из уст их и пояст враги их: и иже восхощет обидети их, сему подобает убиену быти. Revelation of John 11:6 И сии имут область затворити небо, да не снидет дождь (на землю) во дни прорицания их, и область имут на водах, обращати я в кровь и поразити землю всякою язвою, елижды аще восхощут. Revelation of John 11:7 И егда скончают свидетелство свое, зверь, иже исходит от бездны, сотворит с ними брань и победит их и убиет я, Revelation of John 11:8 и трупы их оставит на стогнах града великаго, иже нарицается духовне Содом и Египет, идеже и Господь наш распят бысть. Revelation of John 11:9 И зрети имут от людий и племен, и от язык и колен, телеса их дни три и пол, и трупы их не оставят положити во гробех. Revelation of John 11:10 И живущии на земли возрадуются и возвеселятся о них, и дары послют друг ко другу, яко оба сия пророка мучиста живущыя на земли. Revelation of John 11:11 И по триех днех и пол, дух животен внидет в ня от Бога, и станут (оба) на ногах своих: и страх велий нападет на зрящих их. Revelation of John 11:12 И услышат глас велий с небесе, глаголющь им: взыдита семо. И взыдоста на небо на облацех, и видеша я врази их. Revelation of John 11:13 И в час той трус бысть велий, и десятая часть града паде, и погибе трусом имен человеческих седмь тысящ: и прочии пристрашни быша и даша славу Богу небесному. Revelation of John 11:14 Горе второе отиде: се, горе третие грядет скоро. Revelation of John 11:15 И седмый Ангел воструби, и быша гласи велицы на небесех, глаголюще: бысть царство мира Господа нашего и Христа Его, и воцарится во веки веков. Revelation of John 11:16 И двадесять и четыри старцы, пред Богом седящии на престолех своих, падоша на лица своя и поклонишася Богу, Revelation of John 11:17 глаголюще: хвалим Тя, Господи Боже Вседержителю, Иже сый и бе и грядый, яко приял еси силу Твою великую и воцарился еси: Revelation of John 11:18 и языцы прогневашася: и прииде гнев Твой, и время мертвым суд прияти, и дати мзду рабом Твоим пророком и святым и боящымся имене Твоего, малым и великим, и растлити посмраждшыя землю. Revelation of John 11:19 И отверзеся храм Божий на небеси, и явися кивот завета Его в храме Его: и быша блистания и гласи, и громи и трус, и град велик. Revelation of John 12:0 Revelation of John 12:1 И знамение велие явися на небеси: жена облечена в солнце, и луна под ногама ея, и на главе ея венец от звезд двоюнадесяте: Revelation of John 12:2 и во чреве имущи, вопиет болящи и страждущи родити. Revelation of John 12:3 И явися ино знамение на небеси: и се, змий велик чермен, имея глав седмь и рогов десять, и на главах его седмь венец: Revelation of John 12:4 и хобот его отторже третию часть звезд небесных и положи я в землю. И змий стояше пред женою хотящею родити, да, егда родит, снесть чадо ея. Revelation of John 12:5 И роди сына мужеска, иже имать упасти вся языки жезлом железным: и восхищено бысть чадо ея к Богу и престолу Его. Revelation of John 12:6 А жена бежа в пустыню, идеже име место уготовано от Бога, да тамо питается дний тысящу двесте шестьдесят. Revelation of John 12:7 И бысть брань на небеси: Михаил и Ангели его брань сотвориша со змием, и змий брася и аггели его, Revelation of John 12:8 и не возмогоша, и места не обретеся им ктому на небеси. Revelation of John 12:9 И вложен бысть змий великий, змий древний, нарицаемый диавол и сатана, льстяй вселенную всю, и вложен бысть на землю, и аггели его с ним низвержени быша. Revelation of John 12:10 И слышах глас велий на небеси, глаголющь: ныне бысть спасение и сила и царство Бога нашего и область Христа Его, яко низложен бысть клеветник братии нашея, оклевещая их пред Богом нашим день и нощь. Revelation of John 12:11 И тии победиша его кровию Агнчею и словом свидетелства своего, и не возлюбиша душ своих даже до смерти. Revelation of John 12:12 Сего ради веселитеся, небеса и живущии на них. Горе живущым на земли и мори, яко сниде диавол к вам, имея ярость великую, ведый, яко время мало имать. Revelation of John 12:13 И егда виде змий, яко низложен бысть на землю, гоняше жену, яже роди мужеска. Revelation of John 12:14 И дана быша жене два крила орла великаго, да парит в пустыню в место свое, идеже препитана бяше ту время и времен и пол времене, от лица змиина. Revelation of John 12:15 И испусти змий за женою из уст своих воду яко реку, да ю в реце потопит. Revelation of John 12:16 И поможе земля жене, и отверзе земля уста своя, и пожре реку, юже изведе змий от уст своих. Revelation of John 12:17 И разгневася змий на жену и иде сотворити брань со оставшим семенем ея, иже соблюдают заповеди Божия и имеют свидетелство Иисус Христово. Revelation of John 13:0 Revelation of John 13:1 И стах на песце морстем: и видех из моря зверя исходяща, имуща глав седмь и рогов десять, и на розех его венец десять, а на главах его имена хулна. Revelation of John 13:2 Зверь, егоже видех, бе подобен рыси, и нозе ему яко медведи, и уста его яко уста львова: и даде ему змий силу свою и престол свой и область великую. Revelation of John 13:3 И видех едину от глав его яко заколену в смерть, и язва смерти его изцеле. И чудися вся земля вслед зверя, и поклонишася змию, иже даде область зверю, Revelation of John 13:4 и поклонишася зверю, глаголюще: кто подобен зверю и кто может ратоватися с ним? Revelation of John 13:5 И дана быша ему уста глаголюща велика и хулна, и дана бысть ему область творити месяц четыредесять два. Revelation of John 13:6 И отверзе уста своя в хуление к Богу, хулити имя Его и селение Его и живущыя на небеси. Revelation of John 13:7 И дано бысть ему брань творити со святыми и победити я: и дана бысть ему область на всяцем колене (людий) и на языцех и племенех. Revelation of John 13:8 И поклонятся ему вси живущии на земли, имже не написана суть имена в книгах животных Агнца заколенаго от сложения мира. Revelation of John 13:9 Аще кто имать ухо, да слышит. Revelation of John 13:10 Иже аще в пленение ведет, в пленение пойдет: аще кто оружием убиет, подобает ему оружием убиену быти. Зде есть терпение и вера святых. Revelation of John 13:11 И видех инаго зверя восходящаго от земли, и имеяше рога два, подобна агнчым, и глаголаше яко змий. Revelation of John 13:12 И власть перваго зверя всю творяше пред ним: и творяше землю и вся живущыя на ней поклонитися первому зверю, емуже изцелена бысть язва смертная: Revelation of John 13:13 и сотвори чудеса велика, да и огнь сотворит сходити с небесе на землю пред человеки. Revelation of John 13:14 И льстит живущыя на земли, ради знамений, яже дана быша ему пред зверем творити, глаголя живущым на земли, сотворити образ зверю, иже имать язву оружную и жив бысть. Revelation of John 13:15 И дано бысть ему дати дух образу зверину, да проглаголет икона зверина и сотворит, да иже аще не поклонятся образу звериному, убиени будут. Revelation of John 13:16 И сотворит вся малыя и великия, богатыя и убогия, свободныя и работныя, да даст им начертание на десней руце их или на челех их, Revelation of John 13:17 да никтоже возможет ни купити, ни продати, токмо кто имать начертание, или имя зверя, или число имене его. Revelation of John 13:18 Зде мудрость есть. Иже имать ум, да почтет число зверино: число бо человеческо есть, и число его шесть сот шестьдесят шесть. Revelation of John 14:0 Revelation of John 14:1 И видех, и се, Агнец стояше на горе Сионстей, и с Ним сто и четыредесять и четыри тысящы, имуще имя Отца Его написано на челех своих. Revelation of John 14:2 И слышах глас с небесе, яко глас вод многих и яко глас грома велика: и глас слышах гудец гудущих в гусли своя Revelation of John 14:3 и поющих яко песнь нову пред престолом и пред четыри животными и старцы: и никтоже можаше навыкнути песни, токмо сии сто и четыредесять и четыри тысящы искуплени от земли. Revelation of John 14:4 Сии суть, иже с женами не осквернишася, зане девственницы суть: сии последуют Агнцу, аможе аще пойдет. Сии суть куплени от людий первенцы Богу и Агнцу, Revelation of John 14:5 и во устех их не обретеся лесть: без порока бо суть пред престолом Божиим. Revelation of John 14:6 И видех инаго Ангела паряща посреде небесе, имущаго Евангелие вечно благовестити живущым на земли и всякому племени и языку, и колену и людем, Revelation of John 14:7 глаголюща гласом великим: убойтеся Бога и дадите Ему славу, яко прииде час суда Его, и поклонитеся Сотворшему небо и землю, и море и источники водныя. Revelation of John 14:8 И ин Ангел вслед иде, глаголя: паде, паде Вавилон град великий, зане от вина ярости любодеяния своего напои вся языки. Revelation of John 14:9 И третий Ангел вслед его иде, глаголя гласом великим: иже аще кто покланяется зверю и иконе его и приемлет начертание на челе своем или на руце своей, Revelation of John 14:10 и той имать пити от вина ярости Божия, вина нерастворена в чаши гнева Его, и будет мучен огнем и жупелом пред Ангелы святыми и пред Агнцем: Revelation of John 14:11 и дым мучения их во веки веков восходит, и не имут покоя день и нощь покланяющиися зверю и образу его и приемлющии начертание имене его. Revelation of John 14:12 Зде есть терпение святых, иже соблюдают заповеди Божия и веру Иисусову. Revelation of John 14:13 И слышах глас с небесе, глаголющь ми: напиши: блажени мертвии, умирающии о Господе отныне. Ей, глаголет Дух, да почиют от трудов своих: дела бо их ходят вслед с ними. Revelation of John 14:14 И видех, и се, облак светел, и на облаце седяй подобен Сыну Человеческому, имея на главе своей венец злат, и в руце его серп остр. Revelation of John 14:15 И ин Ангел изыде из храма, вопия велиим гласом седящему на облаце: посли серп твой и жни, яко прииде час пожати, зане изсше трава земная. Revelation of John 14:16 И положи седяй на облаце серп свой на землю, и пожата бысть земля. Revelation of John 14:17 И ин Ангел изыде из церкве сущия на небеси, имый и той серп остр. Revelation of John 14:18 И ин Ангел изыде от олтаря, имый область на огни, и возопи кличем великим ко имущему серп острый, глаголя: посли серп твой острый и объемли грозды винограда земнаго, яко созреша уже гроздие ея. Revelation of John 14:19 И положи Ангел серп свой на земли, и обере виноград земский и вложи в точило великия ярости Божия. Revelation of John 14:20 И испрано бысть точило вне града, и изыде кровь от точила даже до узд конских, от стадий тысяща и шесть сот. Revelation of John 15:0 Revelation of John 15:1 И видех ино знамение на небеси велие и чудно, седмь Ангел имущих седмь язв последних, зане в тех скончается ярость Божия. Revelation of John 15:2 И видех яко море сткляно смешено со огнем, и победившыя зверя и образ его, и начертание его и число имене его, стоящыя на мори стклянем, имущыя гусли Божия: Revelation of John 15:3 и пояху песнь Моисеа раба Божия и песнь Агнчу, глаголюще: велия и дивна дела Твоя, Господи Боже Вседержителю: праведни и истинни путие Твои, Царю святых: Revelation of John 15:4 кто не убоится Тебе, Господи, и прославит имя Твое? Яко един преподобен еси, яко вси языцы приидут и поклонятся пред Тобою: яко оправдания Твоя явишася. Revelation of John 15:5 И по сих видех, и се, отверзеся храм скинии свидения на небеси: Revelation of John 15:6 и изыдоша седмь Ангел из храма, иже имеяху седмь язв, облечени в ризы льняны чисты и светлы, и препоясани на персех поясы златыми. Revelation of John 15:7 И едино от четырех животных даде седмим Ангелом седмь фиал златых, исполненых ярости Бога живущаго во веки веков. Revelation of John 15:8 И наполнися храм дыма от славы Божия и от силы Его, и никтоже можаше внити во храм, дондеже скончаются седмь язв седмих Ангел. Revelation of John 16:0 Revelation of John 16:1 И слышах глас велий от храма глаголющь седмим Ангелом: идите и излийте седмь фиал ярости Божия на землю. Revelation of John 16:2 И иде первый Ангел и излия фиал свой на землю: и бысть гной зол и лют на человецех имущих начертание зверино и кланяющихся иконе его. Revelation of John 16:3 И вторый Ангел излия фиал свой в море: и бысть кровь яко мертвеца, и всяка душа жива умре в мори. Revelation of John 16:4 И третий Ангел излия фиал свой на реки и на источники водныя: и бысть кровь. Revelation of John 16:5 И слышах Ангела воднаго глаголюща: праведен еси, Господи, сый и Иже бе, и преподобн, яко сия судил еси: Revelation of John 16:6 зане кровь святых и пророк излияша, и кровь им дал еси пити: достойни бо суть. Revelation of John 16:7 И слышах другаго от олтаря глаголюща: ей, Господи Боже Вседержителю, истинни и прави суди Твои. Revelation of John 16:8 И четвертый Ангел излия фиал свой на солнце: и дано бысть ему опаляти человеки огнем. Revelation of John 16:9 И опалишася человецы зноем великим, и хулиша имя Божие, иже имать область на язвах сих, и не покаяшася дати Ему славы. Revelation of John 16:10 И пятый Ангел излия фиал свой на престол зверин: и бысть царство его омрачено, и жваху языки своя от болезни, Revelation of John 16:11 и хулиша Бога небеснаго от болезни и от язв своих, и не покаяшася от дел своих. Revelation of John 16:12 И шестый Ангел излия фиал свой на реку велику Евфрат: и изсяче вода ея, да уготовится путь царем сущым от восток солнечных. Revelation of John 16:13 И видех из уст змия и из уст зверя и из уст лжаго пророка духи три нечистыя, яко жабы исходящыя: Revelation of John 16:14 суть бо дуси демонстии творяще знамения, иже исходят к царем всея вселенныя, собрати я на брань в день той великий Бога Вседержителя. Revelation of John 16:15 Се, гряду яко тать: блажен бдяй и блюдый ризы своя, да не наг ходит и узрят срамоту его. Revelation of John 16:16 И собра их на место нарицаемое еврейски Армагеддон. Revelation of John 16:17 И седмый Ангел излия фиал свой на воздух: и изыде глас велий от храма небесе от престола, глаголя: бысть. Revelation of John 16:18 И быша блистания и громи и гласи, и бысть трус велик, яков николиже бысть, отнележе быша человецы на земли, толик трус, тако велий. Revelation of John 16:19 И бысть град велик в три части, и гради язычестии падоша, и Вавилон великий помяновен бысть пред Богом, дати ему чашу вина ярости гнева Своего. Revelation of John 16:20 И всяк остров бежа, и горы не обретошася: Revelation of John 16:21 и град велик, яко талантес, сниде с небесе на человеки: и хулиша человецы Бога от язвы градныя, яко велия есть язва его зело. Revelation of John 17:0 Revelation of John 17:1 И прииде един от седми Ангел имущих седмь фиал, и глагола со мною, глаголя ми: прииди, да покажу ти суд любодейцы великия, седящия на водах многих: Revelation of John 17:2 с неюже любодеяша царие земстии, и упишася живущии на земли от вина любодеяния ея. Revelation of John 17:3 И веде мя в пусто место духом: и видех жену седящу на звери червлене, исполненем имен хулных, иже имеяше глав седмь и рогов десять. Revelation of John 17:4 И жена бе облечена в порфиру и червленицу, и позлащена златом и камением драгим и бисером, имущи чашу злату в руце своей полну мерзости и скверн любодеяния ея: Revelation of John 17:5 и на челе ея написано имя: тайна, Вавилон великий, мати любодейцам и мерзостем земским. Revelation of John 17:6 И видех жену пияну кровьми святых и кровьми свидетелей Иисусовых, и дивихся, видев ю, дивом великим. Revelation of John 17:7 И рече ми Ангел: что дивишися? Аз ти реку тайну жены (сея) и зверя носящаго ю, седмь глав имуща и рогов десять. Revelation of John 17:8 Зверь, егоже видел еси, бе, и несть, и имать взыти от бездны, и в пагубу пойдет: и удивятся живущии на земли, имже имена не написана суть в книгу животную от сложения мира, видяще, яко зверь бе, и несть, и преста. Revelation of John 17:9 Зде ум, иже имать мудрость. Седмь глав горы суть седмь, идеже жена седит на них, Revelation of John 17:10 и царие седмь суть: пять их пало, и един есть, (а) другий еще не прииде: и егда приидет, мало ему есть пребыти. Revelation of John 17:11 И зверь, иже бе и несть, и той осмый есть, и от седмих есть, и в пагубу идет. Revelation of John 17:12 И десять рогов, яже видел еси, десять царей суть, иже царства еще не прияша, но область яко царие на един час приимут со зверем. Revelation of John 17:13 Сии едину волю имут, и силу и область свою зверю дадут: Revelation of John 17:14 сии со Агнцем брань сотворят, и Агнец победит я, яко Господь господем есть и Царь царем: и сущии с Ним званнии и избраннии и верни. Revelation of John 17:15 И глагола ми: воды, яже еси видел, идеже любодейца седит, людие и народи суть, и племена и языцы. Revelation of John 17:16 И десять рогов, яже видел еси на звери, сии любодейцу возненавидят, и запустевшу сотворят ю и нагу, и плоть ея снедят, и сожгут ю огнем: Revelation of John 17:17 Бог бо дал есть в сердца их, сотворити волю Его, и сотворити едину волю, и дати царство свое зверю, дондеже скончаются глаголголы Божии. Revelation of John 17:18 И жена, юже видел еси, град есть великий, иже имать царство над цари земными. Revelation of John 18:0 Revelation of John 18:1 И по сих видех ина Ангела сходяща с небесе, имуща область велию: и земля просветися от славы его. Revelation of John 18:2 И возопи в крепости, гласом велиим глаголя: паде, паде Вавилон великий, и бысть жилище бесом и хранитель всякому духу нечисту, и хранилище всех птиц нечистых и ненавидимых: яко от вина ярости любодеяния своего напои вся языки, Revelation of John 18:3 и царие земстии с нею любы деяша, и купцы земстии от силы пищи ея разбогатеша. Revelation of John 18:4 И слышах глас ин с небесе, глаголющь: изыдите из нея, людие Мои, да не причаститеся грехом ея и от язв ея да не вредитеся: Revelation of John 18:5 яко прилепишася греси ея даже до небесе, и помяну Бог неправды ея. Revelation of John 18:6 Воздадите ей, яко и та воздаде вам, и усугубите ей сугубо по делом ея: чашею, еюже черпа (вам), черплите ей сугубо. Revelation of John 18:7 Елико прославися и разсвирепе, толико дадите ей мук и рыданий: яко в сердцы своем глаголет, (яко) сежу царицею, и вдова несмь, и рыдания не имам видети. Revelation of John 18:8 Сего ради во един день приидут язвы ей, смерть и плачь и глад, и огнем сожжена будет, яко крепок Господь Бог судяй ей. Revelation of John 18:9 И возрыдают и восплачутся ея царие земстии, любы деявшии с нею и разсвирепевшии, егда узрят дым запаления ея, Revelation of John 18:10 издалеча стояще за страх мук ея, глаголюще: горе, горе, град великий Вавилон, град крепкий, яко во един час прииде суд твой. Revelation of John 18:11 И купцы земстии возрыдают и восплачутся о нем, яко бремен их никтоже купует ктому, Revelation of John 18:12 бремен злата и сребра, и камения драгаго и бисера, и висса и порфиры, и шелка и червени, и всякаго древа фиинна, и всякаго сосуда из кости слоновыя, и всякаго сосуда от древа честнаго, и медяна и железна и мраморна, Revelation of John 18:13 и корицы и фимиама, и мира и ливана, и вина и елеа, и семидала и пшеницы, и скота и овец, и коней и колесниц, и телес и душ человеческих. Revelation of John 18:14 И овощи похотей души твоея отидоша от тебе, и вся тучная и светлая отидоша от тебе, и ктому не имаши обрести их. Revelation of John 18:15 Купцы сими обогащшеся от нея, издалеча станут за страх мучения ея, рыдающе и плачущеся, Revelation of John 18:16 и глаголюще: горе, горе, град великий, облеченный виссом и порфирою и червленицею, и позлащеный златом и камением драгим и бисером Revelation of John 18:17 яко во един час погибе толико богатство. И всяк кормчий, и всяк плаваяй в кораблех, и всяк елик в мори делаяй, издалеча сташа, Revelation of John 18:18 и вопияху, видяще дым раждежения его, глаголюще: кий подобен граду великому? Revelation of John 18:19 И положиша персть на главах своих, и возопиша плачущеся и рыдающе, глаголюще: горе, горе, град великий, в немже обогатишася вси имущии корабли в мори, от чести его: яко единем часом запусте. Revelation of John 18:20 Веселися о сем, небо, и святии Апостоли и пророцы, яко суди Бог суд ваш от него. Revelation of John 18:21 И взят един Ангел крепок камень велик яко жернов и верже в море, глаголя: тако стремлением ввержен будет Вавилон град великий, и не имать обрестися ктому: Revelation of John 18:22 и глас гудец и мусикий, и пискателей и труб не имать слышатися ктому в тебе: и всяк хитрец всякия хитрости не обрящется ктому в тебе, и шум жерновный не будет слышан в тебе: Revelation of John 18:23 и свет светилника не имать светити в тебе ктому, и глас жениха и невесты не имать слышан быти в тебе ктому: яко купцы твои беша вельможи земстии, яко волхвовании твоими прельщени быша вси языцы. Revelation of John 18:24 И в нем кровь пророческа и святых обретеся и всех избиенных на земли. Revelation of John 19:0 Revelation of John 19:1 И по сих слышах глас велий народа многа на небеси, глаголющаго: аллилуиа: спасение и слава, и честь и сила Господу нашему, Revelation of John 19:2 яко истинни и прави суди Его: яко судил есть любодейцу велику, яже посмради землю любодеянием своим, и отмстил кровь рабов Своих от руки ея. Revelation of John 19:3 И второе реша: аллилуиа. И дым ея восхождаше во веки веков. Revelation of John 19:4 И падоша двадесять и четыри старцы и четыри животна и поклонишася Богови седящему на престоле, глаголюще: аминь, аллилуиа. Revelation of John 19:5 И глас изыде от престола глаголющь: пойте Богу нашему, вси раби Его и боящиися Его, и малии и велицыи. Revelation of John 19:6 И слышах яко глас народа многа, и яко глас вод многих, и яко глас громов крепких, глаголющих: аллилуиа, яко воцарися Господь Бог Вседержитель: Revelation of John 19:7 радуимся и веселимся, и дадим славу Ему: яко прииде брак Агнчий, и жена Его уготовила есть себе. Revelation of John 19:8 И дано бысть ей облещися в виссон чист и светел: виссон бо оправдания святых есть. Revelation of John 19:9 И глагола ми: напиши: блажени званнии на вечерю брака Агнча. И глагола ми: сия словеса истинна Божия суть. Revelation of John 19:10 И пад пред ногама его, поклонихся ему: и глагола ми: виждь, ни: клеврет ти есмь и братий твоих имущих свидетелство Иисусово: Богу поклонися: свидетелство бо Иисусово есть дух пророчествия. Revelation of John 19:11 И видех небо отверсто, и се, конь бел, и седяй на нем Верен и Истинен, и Правосудный и Воинственный: Revelation of John 19:12 очи же Ему (еста) яко пламень огнен, и на главе Его венцы мнози: имый имя написано, еже никтоже весть, токмо Он Сам: Revelation of John 19:13 и облечен в ризу червлену кровию. И нарицается имя Его Слово Божие. Revelation of John 19:14 И воинства небесная идяху вслед Его на конех белых, облечени в виссон бел и чист. Revelation of John 19:15 И из уст Его изыде оружие остро, да тем избиет языки: и Той упасет я жезлом железным, и Той перет точило вина ярости и гнева Божия Вседержителева. Revelation of John 19:16 И имать на ризе и на стегне Своем имя написано: Царь царем и Господь господем. Revelation of John 19:17 И видех единаго Ангела стояща на солнце: и возопи гласом велиим, глаголя всем птицам парящым посреде небесе: приидите и соберитеся на вечерю великую Божию, Revelation of John 19:18 да снесте плоти царей и плоти крепких и плоти тысящников, и плоти коней и седящих на них, и плоти всех свободных и рабов, и малых и великих. Revelation of John 19:19 И видех зверя и цари земныя и вои их собраны сотворити брань с Седящим на кони и с воинствы Его. Revelation of John 19:20 И ят бысть зверь и с ним лживый пророк, сотворивый знамения пред ним, имиже прельсти приемшыя начертание зверино и покланяющыяся иконе его: жива ввержена быста оба в езеро огненное горящее жупелом: Revelation of John 19:21 а прочии убиени быша оружием Седящаго на кони, изшедшим из уст Его: и вся птицы насытишася от плотей их. Revelation of John 20:0 Revelation of John 20:1 И видех Ангела сходяща с небесе, имеюща ключь бездны и уже велико в руце своей: Revelation of John 20:2 и ят змия, змия древняго, иже есть диавол и сатана, и связа и на тысящу лет, Revelation of John 20:3 и в бездну затвори его, и заключи его, и запечатле над ним, да не прельстит ктому языки, дондеже скончается тысяща лет: и по сих подобает ему отрешену быти на мало время. Revelation of John 20:4 И видех престолы и седящыя на них, и суд дан бысть им: и душы растесаных за свидетелство Иисусово и за слово Божие, иже не поклонишася зверю, ни иконе его, и не прияша начертания на челех своих и на руце своей. И ожиша и воцаришася со Христом тысящу лет: Revelation of John 20:5 прочии же мертвецы не ожиша, дондеже скончается тысяща лет. Се воскресение первое. Revelation of John 20:6 Блажен и свят, иже имать часть в воскресении первем: на нихже смерть вторая не имать области, но будут иерее Богу и Христу и воцарятся с Ним тысящу лет. Revelation of John 20:7 И егда скончается тысяща лет, разрешен будет сатана от темницы своея и изыдет прельстити языки сущыя на четырех углех земли, Гога и Магога, собрати их на брань, ихже число яко песок морский. Revelation of John 20:8 И взыдоша на широту земли и обыдоша святых стан и град возлюбленный. Revelation of John 20:9 И сниде огнь от Бога с небесе и пояде я: Revelation of John 20:10 и диавол льстяй их ввержен будет в езеро огненно и жупелно, идеже зверь и лживый пророк: и мучени будут день и нощь во веки веков. Revelation of John 20:11 И видех престол велик бел и Седящаго на нем, Егоже от лица бежа небо и земля, и место не обретеся им. Revelation of John 20:12 И видех мертвецы малыя и великия стоящя пред Богом, и книги разгнушася: и ина книга отверзеся, яже есть животная: и суд прияша мертвецы от написаных в книгах, по делом их. Revelation of John 20:13 И даде море мертвецы своя, и смерть и ад даста своя мертвецы: и суд прияша по делом своим, Revelation of John 20:14 и смерть и ад ввержена быста в езеро огненное. И се есть вторая смерть. Revelation of John 20:15 И иже не обретеся в книзе животней написан, ввержен будет в езеро огненное. Revelation of John 21:0 Revelation of John 21:1 И видех небо ново и землю нову: первое бо небо и земля первая преидоста, и моря несть ктому. Revelation of John 21:2 И аз Иоанн видех град святый, Иерусалим нов сходящь от Бога с небесе, приготован яко невесту украшену мужу своему. Revelation of John 21:3 И слышах глас велий с небесе, глаголющь: се, скиния Божия с человеки, и вселится с ними: и тии людие Его будут, и Сам Бог будет с ними Бог их: Revelation of John 21:4 и отимет Бог всяку слезу от очию их, и смерти не будет ктому: ни плача, ни вопля, ни болезни не будет ктому, яко первая мимоидоша. Revelation of John 21:5 И рече Седяй на престоле: се, нова вся творю. И глагола ми: напиши, яко сия словеса истинна и верна суть. Revelation of John 21:6 И рече ми: совершишася. Аз есмь Алфа и Омега, начаток и конец: аз жаждущему дам от источника воды животныя туне. Revelation of John 21:7 Побеждаяй наследит вся, и буду ему Бог, и той будет Мне в сына. Revelation of John 21:8 Страшливым же и неверным, и скверным и убийцам, и блуд творящым и чары творящым, идоложерцем и всем лживым, часть им в езере горящем огнем и жупелом, еже есть смерть вторая. Revelation of John 21:9 И прииде ко мне един от седми Ангел, имущих седмь фиал исполненых седмих язв последних, и рече ко мне, глаголя: гряди, покажу ти невесту Агнчу жену. Revelation of John 21:10 И веде мя духом на гору велику и высоку и показа ми град великий, святый Иерусалим низходящь с небесе от Бога, Revelation of John 21:11 имущь славу Божию: и светило его подобно камени драгому, яко камени иаспису кристаловидну: Revelation of John 21:12 имущь стену велику и высоку, имущь врат дванадесять, и на вратех Ангелов дванадесять и имена написана, яже суть имена дванадесятим коленом сынов Израилевых: Revelation of John 21:13 от востока врата троя и от севера врата троя, от юга врата троя и от запада врата троя. Revelation of John 21:14 И стена града имеяше оснований дванадесять, и на них имен дванадесять Апостолов Агнчих. Revelation of John 21:15 И глаголяй со мною имеяше трость злату, да измерит град и врата его и стены его. Revelation of John 21:16 И град на четыри углы стоит, и долгота его толика есть, елика же и широта. И измери град тростию на стадий дванадесять тысящ: долгота и широта и высота его равна суть. Revelation of John 21:17 И размери стену его во сто и четыридесять и четыри лакти, в меру человеческу, яже есть Ангела. Revelation of John 21:18 И бе создание стены его иаспис: и град злато чисто, подобен стклу чисту. Revelation of John 21:19 И основания стены града всяким драгим камением украшена бяху: основание первое иаспис, второе сапфир, третие халкидон, четвертое смарагд, Revelation of John 21:20 пятое сардоникс, шестое сардий, седмое хрисолиф, осмое вирилл, девятое топазий, десятое хрисопрас, первоенадесять иакинф, второенадесять амефист. Revelation of John 21:21 И дванадесять врат дванадесять бисеров: едина каяждо врата беша от единаго бисера. И стогны града злато чисто, яко сткло пресветло. Revelation of John 21:22 И храма не видех в нем: Господь бо Бог Вседержитель храм ему есть, и Агнец. Revelation of John 21:23 И град не требуя солнца и луны, да светят в нем, слава бо Божия просвети его, и светилник его Агнец. Revelation of John 21:24 И языцы спасени во свете его пойдут, и царие земстии принесут славу и честь свою в него. Revelation of John 21:25 И врата его не имут затворитися во дни: нощи бо не будет ту. Revelation of John 21:26 И принесут славу и честь языков в него: Revelation of John 21:27 и не имать в него внити всяко скверно, и творяй мерзость и лжу, но токмо написаныя в книгах животных Агнца. Revelation of John 22:0 Revelation of John 22:1 И показа ми чисту реку воды животныя, светлу яко кристалл, исходящу от престола Божия и Агнча. Revelation of John 22:2 Посреде стогны его и по обаполы реки древо животное, еже творит плодов дванадесяте, на кийждо месяц воздая плод свой: и листвие древа во изцеление языком. Revelation of John 22:3 И всяка анафема не будет ктому: и престол Божий и Агнечь будет в нем, и раби Его послужат Ему, Revelation of John 22:4 и узрят лице Его, и имя Его на челех их. Revelation of John 22:5 И нощи не будет тамо, и не потребуют света от светилника, ни света солнечнаго, яко Господь Бог просвещает я: и воцарятся во веки веков. Revelation of John 22:6 И рече ми: сия словеса верна и истинна: и Господь Бог святых пророк посла Ангела Своего показати рабом Своим, имже подобает быти вскоре. Revelation of John 22:7 Се, гряду скоро: блажен соблюдаяй словеса пророчества книги сея. Revelation of John 22:8 И аз Иоанн видех сия и слышах. И егда слышах и видех, падох поклонитися на ногу Ангела показующаго ми сие: Revelation of John 22:9 и глагола ми: виждь, ни: клеврет бо твой есмь и братии твоея пророков и соблюдающих словеса книги сея: Богу поклонися. Revelation of John 22:10 И глагола ми: не запечатлей словес пророчествия книги сея: яко время близ есть. Revelation of John 22:11 Обидяй да обидит еще, и скверный да осквернится еще: и праведный правду да творит еще: и святый да святится еще. Revelation of John 22:12 И се, гряду скоро, и мзда Моя со Мною, воздати коемуждо по делом его. Revelation of John 22:13 Аз есмь Алфа и Омега, начаток и конец, Первый и Последний. Revelation of John 22:14 Блажени творящии заповеди Его, да будет область им на древо животное, и враты внидут во град. Revelation of John 22:15 Вне же пси и чародее, и любодее и убийцы, и идолослужителе и всяк любяй и творяй лжу. Revelation of John 22:16 Аз Иисус послах Ангела Моего засвидетелствовати вам сия в церквах. Аз есмь корень и род Давидов, и звезда утренняя и денница. Revelation of John 22:17 И Дух и невеста глаголют: прииди, и слышяй да глаголет: прииди. И жаждяй да приидет, и хотяй да приимет воду животную туне. Revelation of John 22:18 Сосвидетелствую бо всякому слышащему словеса пророчества книги сея: аще кто приложит к сим, наложит Бог на него язв написанных в книзе сей: Revelation of John 22:19 и аще кто отимет от словес книги пророчествия сего, отимет Бог часть его от книги животныя, и от града святаго, и написанных в книзе сей. Revelation of John 22:20 Глаголет свидетелствуяй сия: ей, гряду скоро: аминь. Ей, гряди Господи Иисусе. Revelation of John 22:21 Благодать Господа нашего Иисуса Христа со всеми вами. Аминь.